Еве како настанало кафето „Арабика“
media.mk - пред 48 минути
Истражувачите од Универзитетот на Бафало во Њујорк, САД, тврдат оти го откриле геномот на кафето „Арабика“ следејќи го неговото потекло до прастарото природно вкрстување меѓу два други видови кафе, објави списанието „Нејчр џенетикс“ (Nature Genetics). Тоа, според научните проценки, се случило пред 610.000 до милион години во шумите во Етиопија. Научното име на предметниот вид е „Coffea arabica“. Истражувачите секвенцирале геноми на 39 сорти „Арабика“, вклучително и примерок од 18 век, во обид да го создадат најквалитетниот примерок од овој вид досега. Откриена е и специфична област од геномот којашто може да се докаже клучна за размножувањето на растенијата или корисна во отпорноста на болести. – „Арабиката“ е една од водечките суровини во светското стопанство и трговија. Таа зазема голем дел од земјоделските стопански политики на земјите каде што се одгледува. Кафето е богат извор на антиоксиданси, и секако, тука е кофеинот – што ми помага мене и на остатокот од светот да останеме будни, вели биологот Виктор Алберт, еден од водечките автори на научниот труд. Истражувањето покажа дека „Арабиката“ прво ја одгледувале луѓето во денешна Етиопија и Јемен, а потоа таа се ширела на сѐ поголемо подрачје ширум светот. Утврдено е дека овој вид има ниска генетска разновидност, а видовите подложни на штетници и болести можат да се одгледуваат во ограничен број области, каде што, меѓу другото, и климатските услови се поволни за тоа. – Истражувањето го отвора патот кон нови пристапи за одгледување кафе, што на крајот ќе доведе до развој на нови сорти со подобрена отпорност на болести, климатски промени и со нови квалитети на вкус, додаде д-р Патрик Дескомб. „Арабиката“, велат научниците, настанала како спој меѓу „Coffea canephora“ и „Coffea eugenioides“. Видот „Кофеа канефора“ се нарекува и „Робуста“ и неговиот геном е секвенциран во 2014 година. Видот „Кофеа еугениоидес“ расте на поголеми надморски височини во Кенија. Примерокот од 18 век, секвенциран во студијата, бил од примерок складиран во Лондон, Велика Британија, користен од шведскиот научник Карл Лајн....
Карлеуша откри дека откако му го кажала ова на Канје Вест веќе не се пријатели на Инстаграм!
media.mk - пред 48 минути
Јелена Карлеуша во интервју за Информер.рс отворено зборуваше за односот со американскиот рапер Канје Вест со кој планираше да соработува, а меѓудругото откри и дали ќе присуствува на отворањето на бутикот на неговата поранешна сопруга Ким Кардашијан во Белград? – Не знам дали навистина доаѓа во Белград, но јас сум обожавател на нејзиниот бренд, па ќе одам. Ќе и пишам… Како ќе реагира Канје кога ќе ги види тебе и Ким заедно? – Ќе ви кажам една ексклузивна. Кога се појавив на ревијата на „Vetements“ во Париз, Канје многу ми се налути, не знам зошто и ме блокираше на Инстаграм! Го поканив да дојде, но имаше некаков проблем. Оттогаш тој повеќе не ми е пријател, открива Карлеуша за пријателството со Канје Вест....
Преку 37.000 лица се исчезнати од почетокот на руската инвазија во Украина
media.mk - пред 52 минути
„Речиси 37.000 лица исчезнаа, вклучувајќи деца, цивили и војници. Оваа бројка може да биде уште поголема“, напиша украинскиот комесар за човекови права Дмитро Лубинец на својот профил на Фејсбук. Од почетокот на руската инвазија, на 24 февруари 2022 година, загинаа неколку десетици илјади лица, цивили и војници, но не постои општа проценка утврдена од сигурни извори. Процедурите за идентификација на загинатите и исчезнатите може да траат неколку месеци. Украинската и руската армија само во ретки прилики објавуваат биланс на загинати војници. Не е познат и бројот на цивилни жртви бидејќи нема сигурни информации на териториите окупирани од Русија од почетокот на инвазијата....
Израел сака да постави 10.000 шатори во близина на градот Рафа
media.mk - пред 52 минути
Израелските медиуми јавија дека Израел има намера да постави 10.000 шатори во близина на градот Рафа, во јужниот дел на Појасот Газа, во рок од две недели, како подготовка за копнената инвазија на неговата армија врз градот. Израелскиот канал Кан наведува дека официјалниот документ што го добил укажува дека Израел ќе постави 10.000 шатори надвор од Рафа во следните две недели и дека во моментов се набавуваат дополнителни 30.000 шатори, кои подоцна ќе бидат поставени во тоа подрачје. Според каналот, врз основа на распоредот (за подигање на овие шатори), може да се каже дека патот до евакуација на жителите од Рафа е сè уште многу долг. Израел, според изјави на официјални претставници, инсистира на инвазија во Рафа, тврдејќи дека тоа е последното упориште на бригадите Ал-Касам поврзани со движењето Хамас, и покрај зголемените меѓународни предупредувања за катастрофалните последици од нападот и поради присуството на околу 1,4 милиони раселени луѓе во тој град. За време на војната, Израел ги принуди повеќето Палестинци од северниот и централниот дел на Појасот Газа да побегнат во градот Рафа, кој се наоѓа на границата со Египет. Каналот Кан објави дека во текот на оваа недела, израелската армија имала намера да фрли летоци од воздухот во Рафа во кои го повикувала своето население да се евакуира, но израелскиот премиер Бенјамин Нетанјаху во последен момент одлучил да го одложи тој потег и да го информира министерот за воениот кабинет за одлуката, според истиот извор. Каналот го поврзува одложувањето на Нетанјаху во копнената инвазија на Рафа со неговата желба да добие целосна поддршка од САД за иранскиот напад, кој лансираше стотици проектили и беспилотни летала кон Израел во саботата навечер. Каналот потсети дека САД, како што е познато, силно се противат на планираната израелска операција во Рафа....
Макрон ја повика Русија на примирје за време на Олимпијадата, Кремљ „ладно реагираше“
media.mk - пред 52 минути
Кремљ денеска „ладно реагираше“ на повикот на францускиот претседател Емануел Макрон за примирје во меѓународните конфликти за време на Олимпијадата во Париз, велејќи дека Украина може да го искористи тоа како можност за прегрупирање и повторно вооружување, пренесуваат странските агенции. Прекинот на непријателствата под олимписко примирје е долгогодишна традиција, а Макрон во интервјуто во понеделникот рече дека ќе работи на тоа да го постигне кога Париз ќе биде домаќин на Летните игри од 26 јули до 11 август. Запрашан за тоа, портпаролот на Кремљ, Дмитриј Песков, рече дека и рускиот претседател Владимир Путин и руската војска забележале дека „режимот во Киев, по правило, користи такви идеи и иницијативи за да се обиде да се прегрупира, да се обиде да се превооружи“. Песков во однос на можноста за олимписко примирје рече дека сè уште никој не презел никакви официјални чекори во тој поглед. Во интервју за француските медиуми, Макрон рече дека Франција ќе направи се за да се постигне примирје во конфликтите во Украина, Газа и Судан и дека за ова прашање ќе го ангажира кинескиот претседател Си Џинпинг. „Тоа е можност во која ќе се обидам да вклучам многу наши партнери. Кинескиот претседател доаѓа во Париз за неколку недели, ќе го замолам да ми помогне“, рече Макрон....
Психопатите се успешни на работа – Еве зошто е тоа така
media.mk - пред 52 минути
Терминот психопат честопати се поврзува со студени луѓе, луѓе кои не прифаќаат социјални правила и затоа манипулираат со другите на свој начин. Ако е толку очигледно дека лице со психопатски склоности може да биде опасно – и за себе и за другите – како е можно да се најдат такви луѓе толку високо во хиерархијата на една компанија? Како е можно да ги достигнат највисоките скалила на социјалното скалило? Нова студија, објавена во списанието „Personality and Individual Differences“, се чини дека најде одговор на контрадикторната ситуација, пренесува „Бизнис инсајдер“. „Од една страна, тие се познати по тоа што рутински се впуштаат во деструктивно однесување кон себе и другите“, објаснува еден од авторите на студијата Кристофер. Ј. Бразил. „Изрази како „дискфункционални“ или „неприлагодливи “ често се користат кога се зборува за некој со психопатски одлики, за да се сугерира дека нешто не е во ред со нив“, објаснува тој. Како што додава тој, од друга страна, тие исто така се опишани како луѓе кои често спроведуваат софистицирани измамнички шеми, што значи дека ги искористуваат другите во своја полза. „Иако е на морално и социјално ниво проблематично дека тие манипулираат со другите, од еволутивна перспектива тие се во предност – оние кои се добри експлоататори можат да добијат прилагодливи придобивки“, објаснува тој. Затоа, лице со психопатски склоности се смета за неприлагодено на хартија, но истовремено знае да ги искористи другите за да се прилагоди. Како е можно? За понатамошно истражување, студијата регрутирала 46 волонтери – сите машки студенти. Тестот што требало да го полагаат е следен – тие морале да запомнат нешто штетно што направиле или ситуација во која повредиле друго лице без да жалат за тоа. Потоа, од нив се барал да ја раскаже приказната пред камера, но да се преправа дека чувствува каење. Пред снимањето, на волонтерите им било кажано дека нивните приказни ќе бидат оценувани и оној со најдобра оценка ќе биде награден. Исто така, волонтерите претходно извршиле стандарден тест за психопатија, кој мери четири психопатски одлики на личноста: меѓучовечка манипулација, чувствителност на влијанија, дезинхибиција и асоцијално однесување. По снимањето, истражувачите регрутирале 1.060 студенти – кои не биле свесни за истражувањето – да ги гледаат видеата и да ги оценуваат според „искреноста“ што ја покажале нивните наратори. Им било кажано да испитаат како сентименталните приказни можат да влијаат на довербата на другите. Резултатите? Нараторите кои имаат повеќе склоности кон психопатија ги победуваат другите. “Оние со повеќе карактеристики на психопатија можат да ја раскажат својата лажна приказна на начин за кој другите веруваат дека чувствуваат вистинско каење. Тие имаат подобра способност да ги измамат другите. Тоа значи дека ќе бидат успешни во манипулацијата со другите“ Но, има уште: одликите на личноста на самите снимачи ја одредувале нивната подложност да бидат измамени од мажи со повеќе психопатски одлики. „Особено, жените кои покажуваат високо ниво на емоционалност (зависност, сентименталност, вознемиреност, страв) имаат поголема веројатност да им веруваат на мажите со високо ниво на психолошки склоности. Ова сугерира дека психопатите мажи би можеле свесно да изберат жени со повеќе емотивни црти“, заклучи студијата Целосното отсуство на каење што им помага да лажат, скоро природната уметност на манипулација и можноста да ги изберат своите жртви се страшните тајни што ги открива студијата за психопатите и објаснува зошто тие стигнуваат толку далеку во животот и на работа. Поточно, отсуството на каење или генијалната употреба на оваа емоција, која тие контрадикторно ја разбираат, е она што им помага на психопатите да профитираат. Но, тоа е само една емоција. Постојат и други што треба да се истражат. Исто така, треба да се има предвид дека овие резултати не треба да се земаат здраво за готово. Бразил, раководителот на истражувањето, смета дека пред да се донесат нови заклучоци, потребно е да се бараат повеќе волонтери надвор од универзитетскиот свет, со цел да се открие состојбата во другите социјални и културни средини....
Постојат 6 типа на неверство
media.mk - пред 52 минути
Случаjнa – комбинација за една вечер Сè беше како што треба во врската, немаше кавгi, нема активирање за неверство, а сепак, тоа се случи. Kомбинацијата за една ноќ генерално се смета за импулсивна и непланирана. На некој начин, тоа е начин да се подигне нивната самодоверба, а може да биде и последица на љубопитност, па дури и досада. Тие се случуваат на службени патувања или излегувања во градот, особено по „која чаша повеќе“. Прељубниците по оваа постапка обично се измачуваат од вина и скоро секогаш остануваат во врските или браковите. За жал, овој вид измама може да биде „сериски“, а што е најлошо, понекогаш може да вклучува незаштитен секс, што доведува до сексуално преносливи болести. Оние кои избегнуваат конфликти Ова е оној славен тип „Не ја сакам, но сум со неа поради децата!“ „Ќе ја оставам сопругата и ќе бидам со тебе“. Звучи познато? Тие, всушност, избегнуваат конфликти. Од една страна, тие играат добар сопруг, татко, партнер, од друга страна, имаат љубовница и често имаат планови со неа. Планови кои ретко се исполнуваат. Всушност, шансите се, ако сте таа друга страна, ќе останете со празни раце. На секој обид да го присилиме да одлучи, тој ќе избегне колку што може. Љубовницата често премолчено се согласува со тоа сценарио. Обично стравот е тој што ги парализира за одредена акција, затоа што тие не знаат што да прават со бувот ако ги остави. Тоа е, тие се ценат само преку партнерот. Женкар Тој е типичен заводник. Ниту една од нив не го „скроти“, го забави или задоволи. Тие сакаат да бидат во центарот на вниманието, а женското внимание го купуваат со шарм, убавина, па дури и со пари. Жените се нивните рецки на ѕидот и предмет на пофалба во друштвото. Тие не се врзуваат со своите партнерки и често имаат многу сексистички ставови како што се „жените се тука за да го задоволат мажот“. Тајна врска Претежно е познат, успешен, почитуван во високите кругови. Врската со неговото малечко трае долго и тој е тука за да ве „обезбеди“. Сè додека молчите. Од една страна, бројни студии покажаа дека таквите луѓе често стапуваат во брак поради „имиња“, очекувања и слични причини, па разбирливо е зошто во љубовницата пронашле сè што навистина им треба. Меѓутоа, за разводот веројатно да ги чини далеку повеќе, губењето на титулата, угледот… тие остануваат во лоши бракови, со тајни работи, каде што всушност секој прави што сака. Романтична афера За разлика од комбинацијата за една ноќ, низ која поминуваат многу парови, дури и ако дознаат, овој е особено опасен. Овој тип е токму оној што растура бракови и предизвикува долгорочни последици. Причини за „излегување од патот“ може да бидат брачни проблеми, монотонија или нешто слично. Третата страна обезбедува повеќе од само секс, но подлабока емотивна врска – правејќи го лицето да се чувствува „живо“, посебно или потребно. Многумина ќе одлучат да го напуштат бракот за да најдат подлабока емотивна врска со другиот партнер. Опстанокот на бракот зависи од способноста на поединците автентично да ги изразат своите најдлабоки желби и повторно да се поврзат на емоционално ниво. Зависници од секс Можеби ве сакаат најмногу на светот, но нивната желба за секс е поголема од нивната лојалност. Од чести посети на стриптиз клубови, порнографски продавници, гледање порно филмови, присилна мастурбација, проституција и други однесувања што се деструктивни и за индивидуата и за брачната врска. Овие луѓе, иако биле во брак, никогаш не можеле да најдат целосно исполнување. Наместо тоа, тие се поробени од инстинктите да ги задоволат своите копнежи, тврдат психолозите....
Шолц: Руската инвазија врз Украина ја загрозува глобалната безбедност
media.mk - пред 52 минути
Германскиот канцелар Олаф Шолц денеска во Пекинг му кажа на кинескиот лидер Си Џинпинг дека руската инвазија врз Украина ја загрозува глобалната безбедност. Шолц, исто така, на кинескиот претседател му кажал дека во оваа војна не треба да се закануваат со нуклеарно оружје, пренесоа германските медиуми. Рускиот претседател Владимир Путин минатиот месец предупреди дека Русија е подготвена да употреби нуклеарно оружје доколку се загрозени нејзиниот суверенитет или независност....
Еве кои 4 хороскопски знаци ќе доживеат големи промени во љубовта
media.mk - пред 52 минути
Овен Венера, владетел на вашиот партнерски сектор, се поврзува со Јазолот на иднината во вашиот знак на 18 и 19 април. Ова дефинитивно може да доведе до средба со личност која ви ја донела самата судбина или да се сретнете со поранешен партнер. Работата е што на овие датуми, ретроградниот Меркур ќе биде во конјункција со Венера, што може да донесе повик од бивши, вести или случајна средба. Но, бидете сигурни: ако нешто романтично ви се случи на 18 и 19 април, тогаш дефинитивно тоа е влијанието на универзумот! За оние Овни кои се веќе во врска или брак, ова може да значи појава на нови договори во врската. Бик Венера е вашиот владетел, така што секој нејзин транзит има апсолутно судбоносно влијание врз вашиот живот. Во овој случај, од 18 до 19 април, можете да започнете да комуницирате со личност од вашето минато, без разлика дали живее во странство или имате тајна врска со нив на интернет. Ќе ви биде важно да разјасните некои финансиски обврски и на крајот ќе ја постигнете целта. Во спротивно, вашиот партнер може да одлучи да го направи следниот чекор во вашата врска на 25 мај, кога Марс ќе дојде до точката на помрачување. Затоа, не грижете се ако на 18 и 19 април има недоразбирања. Ситуацијата треба да созрее! Девица Вашиот владетел Меркур ќе биде во конјункција со Венера од 18 до 19 април, што значи дека би можеле да имате важен состанок со партнерот. Најверојатно станува збор за личност која предизвикува сериозна физичка привлечност или вие и вашиот сопружник ќе одите кај семеен психолог. Ова е одлично решение кое ќе разјасни многу во вашата врска. За невенчаните Девици, 18 и 19 април може да донесат активен додворувач кој ќе флертува со вас доста агресивно. Вага Изгледа дека ви претстојат одлични денови, а на 18 или 19 април ве очекуваа навистина важен настан во вашата врска. Вашиот владетел се поврзува со Јазолот на иднината во брачниот сектор, што значи дека може да сретнете личност која одговара на вашата судбина или која ќе ве запроси. Вашиот живот ќе се промени многу, бидејќи Венера во вашата карта владее и со секторот на кризи и… сексуални односи. Веројатно ќе имате нова, жива интимна врска. За оние Ваги кои доживуваат криза во бракот, 18/19 април може да донесе сериозна одлука во заедницата, вклучително и развод....
Шпанија: Ирска и Норвешка се за признавање на независноста на палестинската држава, Португалија е воздржана
media.mk - пред 52 минути
Шпанскиот социјалистички премиер Педро Санчез, кој собира поддршка ширум Европа за признавањето на независноста на палестинската држава, ги придоби Ирска и Норвешка, но не и Португалија откако конзервативците дојдоа на власт таму, објави шпанската јавна телевизија ТВЕ....
Ветрот во Романија уриваше билборди и дрвја, издадено предупредување за поплави
Макпрес - пред 2 часа
Бурата Рената стигна и до Романија, каде што се издадени предупредувања за поплави поради силните дождови, додека лапавицата се претвори во снег на планините. Издадени се предупредувања за поплави за реките во шест окрузи, додека половина земја е под метеоролошки предупредувања за невреме и дожд. На планините врнежите се претворија во лапавица и снег. Утрово снежниот слој изнесуваше 52 сантиметри во туристичката област Балеа Лак, на над 2.000 метри во планините Фагараш, каде температурата е само два степена Целзиусови, изјави за Агерпрес метеорологот Нарциса Милијан од Службата за метеоролошки прогнози. „Можно е да продолжи да паѓа снег во Балеа Лац“, изјави метеорологот. Засега Трансфагарашан е затворен за сообраќај на делот помеѓу Балеа Каскада и Балеа Лака. Најголеми проблеми на западот од земјата предизвика ветерот кој урна дрвја и билборди. Вработени во Службата за вонредни состојби интервенирале во повеќе градови низ Романија. Засега нема информации за жртви. Температурите низ земјата се драстично опаднати, со вредности за 15-20 степени пониски од претходниот период....
Шефовите на дипломатиите на Г7 се собраа на островот Капри во Италија
Макпрес - пред 2 часа
Министрите за надворешни работи на земјите од Г7 денеска се собраа на италијанскиот остров Капри на тридневни разговори. Континуираната ескалација на тензиите меѓу Израел и Иран и војните во Газа и Украина ќе доминираат на агендата на состанокот на министрите од САД, Велика Британија, Франција, Италија, Германија, Канада и Јапонија. Италија, која моментално заседава со групата Г7, се залага за прекин на огнот во Газа и за деескалација на тензиите на Блискиот Исток, но Израел се чини многу веројатно ќе возврати на нападите на Иран, и покрај повиците на Западот за воздржаност. - Наспроти големите меѓународни тензии, задачата на Г7 под италијанско раководство е да работи на постигнување мир, рече италијанскиот министер за надворешни работи, Антонио Тајани. Земјите од Г7 ветија поддршка на Израел по нападот од Иран, за кој се смета дека е одговор на израелскиот воздушен напад врз комплексот на иранската амбасада во Дамаск на 1 април, во кој загинаа двајца генерали и неколку други ирански офицери. Воведната седница вечерва ќе се фокусира на Газа и Иран, а ситуацијата во Црвеното Море ќе биде разгледана утре. Пред да се фокусираат на Украина, министрите ќе ги разгледаат начините за зајакнување на врските со Африка. Министрите на Г7 ќе разговараат за стабилноста во индо-пацифичкиот регион, за инфраструктурното поврзување, кибер безбедноста, вештачката интелигенција и борбата против лажните вести....
Нетанјаху до Бербок и Камерон: Израел сам ќе ги носи своите одлуки
Макпрес - пред 2 часа
Израелскиот премиер Бенјамин Нетанјаху денеска изјави дека Израел сам ќе донесе свои одлуки. -Сите имаат различни предлози и совети. Јас го ценам тоа. Но, сакам да биде јасно - ние самите ќе ги донесеме нашите одлуки и израелската држава ќе направи се што е потребно за да се одбрани, рече Нетанјаху по средбата со шефовите на дипломатиите на Велика Британија и Германија, Дејвид Камерон и Аналена Бербок, пренесе Гардијан. Претходно денеска британскиот министер за надворешни работи Камерон изјави дека средбата е дојден за да ја изрази солидарноста со Израел, но се надева дека неговиот одговор на нападот врз Иран ќе биде „паметен и ограничен колку што е можно повеќе“, пренесе Би-Би-Си. Шефицата на германската дипломатија, пак, по средбата, како и Камерон, предупреди дека на Блискиот Исток не треба да се случи ескалација на конфликтот. -Тоа не би помогнало никому, ниту на безбедноста на Израел, ниту на десетиците заложници кои сè уште се во рацете на Хамас, ниту на многу луѓе во Иран кои страдаат под овој режим, ниту на други земји во регионот кои едноставно сакаат да живеат во мир, рече Бербок....
Швајцарскиот парламент одби да се приклучи на групата за санкции против Русија
Макпрес - пред 2 часа
Долниот дом на швајцарскиот Парламент денеска го отфрли предлогот на партијата на Зелените, со кој Швајцарија требаше да се приклучи на меѓународната РЕПО група за воведување економски санкции против Русија. Со 101 глас „против“ и 80 гласа „за“, Долниот дом одби да се приклучи на групата основана во 2022 година од САД, Австралија, Канада, Франција, Германија, Италија, Јапонија, Велика Британија и Европската комисија, пренесуваат британските медиуми. Владата претходно излезе со препорака земјата да не се приклучува кон групата РЕПО, а министерката за економија Бет Јанс кажа дека предноста од таквата одлука се рефлектира во способноста на Швајцарија да организира мировен самит за војната во Украина. Русија веќе ја отфрли можноста за учество на самитот, соопштувајќи дека Швајцарија ја отфрлила својата декларирана неутралност со учеството во санкциите на ЕУ против Москва. На 15 и 16 јуни, Швајцарија ќе биде домаќин на дводневна мировна конференција на високо ниво, чија цел е постигнување мир во Украина, врз основа на планот на украинскиот претседател Володимир Зеленски и швајцарскиот министер за надворешни работи Игнатиус Касис. Русија инсистира на тоа дека за мир е неопходно западните земји да ја прифатат „новата реалност на теренот“, додека Украина инсистира на целосно враќање на нејзината територија и повлекување на руската армија....
Хезболах тврди дека нападнале израелска воена база како одговор за смртта на неколку нејзини борци
Макпрес - пред 2 часа
Либанската група Хезболах соопшти дека извршила напад со балистички ракети и беспилотни летала врз израелска воена база во Арапскиот Ал Арамше. Според групата, нападот бил одговор на вчерашното убиство на најмалку тројца членови и команданти на Хезболах во јужен Либан од страна на Израел. Израел објави дека има неколку ранети во нападите што ги изврши Хезболах трет ден по ред. За време на денешниот напад кај селото Араб Ал Арамше во северниот дел на Израел, повредени се 14 лица, од кои двајца потешко, соопшти болницата Нахарија. Израелската војска истакна дека е регистриран „отстрел што доаѓа од Либан во арапската област Ал Арамше“, додавајќи дека е бомбардирано местото од каде доаѓа огнот, како и воен комплекс на Хезболах во Аита ал Шааб во јужен Либан. Од почетокот на војната во Газа меѓу Израел и Хамас на 7 октомври, Хезболах извршува секојдневни напади против Израел како поддршка на своите сојузници од палестинското исламистичко движење....
Столтенберг: НАТО очекува американскиот Конгрес во следните денови да ја одобри новата помош за Украина
Макпрес - пред 2 часа
Охрабрен сум од очекувањето дека Конгресот на САД ќе одобри нова помош за Украина во наредните денови, изјави денеска генералниот секретар на НАТО Јенс Столтенберг на заедничката прес-конференција во седиштето на Алијансата со премиерите на Холандија, Марк Руте, на Данска, Мете Фредериксен, и на Чешка, Петар Фиала. -Разговаравме за зголемување на помошта за Украина, особено за средствата за противвоздушна одбрана, рече Столтенберг. „Ситуацијата на бојното поле во Украина е многу тешка, јасно ги слушаме повиците на Украинците за поголема помош“, додаде тој. Генералниот секретар, одговарајќи на новинарско прашање, објасни дека во Европа има помалку од 100 системи за противвоздушна одбрана, но Алијансата има повеќе од таа бројка, главно во САД. Премиерот Фиала кажа дека очекува новата помош на Вашингтон за Украина да биде одобрена од Конгресот до крајот на оваа или следната недела. Тој појасни дека ова очекување се заснова на неговите разговори во САД, од каде штотуку се вратил. Фиала предложи од јуни да почне испораката на половина милион гранати, обезбедени со иницијатива на Прага, во која се вклучени и други сојузници. -Европејците досега направија многу за Украина, но потребно е повеќе, изјави премиерката Фредериксен. Според неа, дел од европските системи за противвоздушна одбрана треба да бидат испратени на украинската страна. Премиерот Руте, пак, ја истакна потребата сојузниците да произведат повеќе средства за воздушна одбрана. Според него, Украина треба да продолжи да добива муниција и опрема од залихите на земјите од НАТО и да купува дополнително вооружување од светскиот пазар за одбранбени производи....
Кривична пријава за градоначалникот на Шуто Оризари, Курто Дудуш
Телма - пред 2 часа
МВР соопшти дека е поднесена кривична пријава против скопски градоначалник кој во два мандати поставувал директори на детски градинки спротивно на законот. Станува збор за градоначалникот на Шуто Оризари, 49-годишниот Курто Дудуш кому му е поднесена пријава за дело “несовесно работење во службата” за што во Кривичниот законик се предвидени казни од 6 месеци до 3 години затвор. Дудуш е градоначалник на Шуто Оризари од 2017-та година. Во продолжение соопштението на МВР: СВР Скопје – Единица за економски и компјутерски криминал поднесе кривична пријава против К.Д.(49), градоначалник на скопска општина, поради постоење основи на сомнение за сторено кривично дело „несовесно работење во службата” по член 353 од Кривичниот законик. Во текот на 2020 и 2024 година пријавениот несовесно постапил во извршување на своите овластувања при спроведување на управна постапка и ги повредил законските прописи на начин што постапил спротивно на Законот за заштита на деца – член 126. Во 2020 и во 2024 година тој именувал директори на детска градинка лица кои не биле вработени во градинката и покрај тоа што во законот се вели дека именувањето на вршител на должноста директор на детска градинка треба да се врши од редот на вработените во детската градинка. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....
Втор повик за грантови за модернизација во земјоделие
Макпрес - пред 3 часа
Македонската развојна фондација за претпријатија (МРФП) во име на проектот „АгроСмарт – Развој на модерно и одржливо земјоделство“, финансиран од Европската унија, објави Втор повик за финансиска поддршка за: А) Промовирање на иновативни инвестициски проекти во земјоделството, шумарството и земјоделско-прехранбената индустрија, Б) Подобрување на конкурентноста преку унапредување на соработката меѓу земјоделците во Североисточниот, Полошкиот, Југозападниот плански регион и Преспанскиот регион. Крајниот рок за достава на пријавите за грант е 22 април 2024, 16:00 часот по локално време. Вкупниот индикативен износ на инвестициските акции поддржани во рамките на овој повик за поднесување финансиска поддршка е 11.747.423 денари. Секоја инвестициска акција во рамките на овој повик за финансиска поддршка мора да се движи помеѓу следниот минимален и максимален износ: минимален износ: 1.230.000 денари максимален износ: 2.460.000 денари. Деталните упатства и потребните обрасци за аплицирање можете да ги преземете подолу: Повик за финансиска поддршка / Водич за подносители на пријави за грант Обрасци за поднесување пријава: Прилог А – Образец: Пријава Прилог Б – Образец: Буџет Повик за финансиска поддршка/Водич за подносители на пријави за грант (албански). Проектот „АгроСмарт - Развој на модерно и одржливо земјоделство“ е финансиран од Европската унија, а е спроведуван од МРФП во партнерство со Хемера и ЦЕП Можности....
Бербок со порака до Нетанајху: Блискиот Исток не смее да западне во непредвидлива ситуација
Макпрес - пред 3 часа
Шефот на германската дипломатија Аналена Бербок денеска изјави дека на средбата со израелскиот премиер Бенјамин Нетанјаху нагласила дека Блискиот Исток „не смее да западне во ситуација чиј исход е целосно непредвидлив“. „Тоа не би помогнало никому, ниту на безбедноста на Израел, ниту на десетиците заложници кои се уште се во рацете на Хамас, ниту на многуте луѓе во Иран кои страдаат под тој режим, ниту на другите земји во регионот кои едноставно сакаат да живеат во мир. Сега сите мора да дејствуваат претпазливо и одговорно“, додаде Бербок пред заминувањето од Израел. Таа беше во седма посета на Израел во рамки на напорите да помогне во деескалација на тензиите откако Хамас ја нападна таа земја на 7 октомври минатата година....
Додик: Обвинителството го импровизира судењето без никакви докази
Макпрес - пред 3 часа
Претседателот на Република Српска, Милорад Додик на денешното рочиште во Судот на Босна и Херцеговина во Сараево изјави дека Обвинителството на Босна и Херцеговина се обидува од ништо да извлече релевантни докази. „Нема докази и судењето се импровизира. Ова е импровизација на целиот случај“, рече Додик и рече дека „ова е доказ за злите намери на Обвинителството на Босна и Херцеговина“. Претходно беа сослушани сведоците Владимир Јанковиќ и Милка Девушиќ, поранешни директори на Службен весник. Нивните рочишта не траеја повеќе од пет минути. Следното рочиште е закажано за 29 април во 14 часот. Обвинителството презентираше два од предложените 59 материјални докази....
Ховениер за денот на жалост во Косово: Да изградиме општество во кое секој ќе живее без страв
Макпрес - пред 3 часа
Американскиот амбасадор во Косово, Џеф Ховениер, по повод денешниот ден на жалост во Косово по двете убиства на жени последните неколку дена, изрази почит на жртвите на фемицид и родово насилство во земјата, јави дописникот на МИА од Приштина. Преку неговата официјална страница на платформата „Х“, Ховениер нагласи дека неодамнешните случаи на убиства, како и случаите на семејно насилство, ја нагласуваат итната потреба од повеќе работа за да се спречи насилството врз жените и девојчињата. „Денеска стоиме со народот на Косово на Националниот ден на жалост, во чест и сеќавање на жртвите на фемицид и на сите Косовки кои се жртви на семејно насилство. Неодамнешните убиства и чиновите на семејно насилство ја нагласуваат итната потреба да се направи повеќе за справување и спречување на сите форми на насилство врз жените и девојчињата. Мора да се стремиме да изградиме општества каде што секој поединец ќе може да живее без страв и без да биде повреден, напиша Ховениер. И други амбасадори во Косово реагираа по последните убиства на жени во земјата и ги спуштија знамињата на половина копје на денот на жалоста во чест на жртвите. Една жена е убиена вчера во градот Пеќ, а осомничен за убиството е нејзиниот сопруг, кој, како што е соопштено, ја застрелал со пиштол. Во петокот (12 април) 21-годишна жена беше убиена во Урошевац во Центарот за социјална работа од страна на поранешниот сопруг. Притоа беше ранет и 15-годишниот брат на жртвата....
Камерон и Бербок го повикаа Израел на воздржаност
Макпрес - пред 3 часа
Британскиот министер за надворешни работи Дејвид Камерон и германската министерка за надворешни работи Аналена Бербок денеска во Ерусалим се сретнаа со израелските лидери за да изразат солидарност по иранскиот напад и да повикаат на одмерен одговор за да се избегне ескалација на тензиите. Дванаесет дена по израелскиот напад на иранскиот конзулат во сириската престолнина Дамаск, во кој загинаа седум ирански војници, меѓу кои тројца генерали, Иран во саботата вечерта возврати со напад на израелска територија со беспилотни летала и проектили. Ова е прв напад врз Израел од иранска територија. Иран претходно предупреди дека ќе има напад како одмазда за нападот во Дамаск. Камерон и Бербок се првите странски дипломати кои пристигнаа во Израел по нападот без преседан на Иран. Прво, тие разговараа со претседателот на земјата, Исак Херцог, кој го повика „целиот свет“ преку платформата „Икс“ „одлучно да се ангажира против заканата што ја претставува иранскиот режим, кој сака да ја поткопа стабилноста во целиот регион“. Тие разговараа и со нивниот израелски колега Израел Кац. Камерон изјави за британската телевизија дека сака земјите-членки на Г7 да воведат „координирани санкции“ против Иран и ја обвини таа земја дека стои зад „толку многу злонамерни активности“ во регионот. Тој посочи дека шефовите на дипломатиите на седумте економски најразвиени земји-членки на Г7, кои оваа недела се состануваат во Италија, „мора да испратат јасна и недвосмислена порака“ до Иран. „Се надеваме“ дека Израел ќе реагира „на начин што минимално ќе придонесе за ескалација на тензиите, на начин што е и интелигентен и одлучувачки“, додаде британскиот министер. Бербок неделава се заложи ЕУ да воведе нови санкции за иранските беспилотни летала....
Француската полиција растури импровизиран камп на стотици мигранти во Париз
Макпрес - пред 3 часа
Полицијата во Франција денеска растури голем импровизиран камп во напуштена зграда во јужниот дел на Париз, во која биле сместени мигранти. Операцијата е спроведена имајќи го предвид приближувањето на одржувањето на Олимписките игри во главниот град на земјата. Во кампот биле сместени околу 450 мигранти. Хуманитарните работници изразија загриженост дека напорите на париските власти пред Олимпијадата да ги иселат мигрантите и другите луѓе кои спијат на улица се проблем, бидејќи иселените не добиле помош да најдат долгорочно засолниште. „Тоа беше најголемиот таков камп во Франција. Во последната година, поради Олимпијадата, тој двојно се прошири. Минатата година, властите ги растераа мигрантите во близина на олимпиското село и многу од раселените луѓе дојдоа овде “, изјави Пол Алози од хуманитарната организација „Лекари на светот“....
Иранска армија: Подготвени сме за пресретнување на секој израелски напад
Макпрес - пред 3 часа
Иран денеска соопшти дека неговата војска е подготвена да се спротивстави на секој напад на Израел, а високи претставници на воздухопловните сили изјавија дека се подготвени за акција, пренесуваат британските меидуми. Иран изминатиот викенд го изврши својот прв директен напад врз Израел како одговор на наводниот израелски напад врз зградата на иранскиот конзулат во Дамаск на 1 април. Од своја страна, Израел соопшти дека ќе возврати, а неговиот воен кабинет разговараше за сите опции за контрамерки. -Секој напад на ционистичкиот режим (Израел) на наша територија ќе биде проследен со остар одговор, изјави денеска иранскиот претседател Ебрахим Раиси на парадата организирана по повод Денот на армијата, пренесоа иранските државни медиуми. Командантот на воздухопловните сили на Исламската Република Иран, бригадниот генерал Амир Вахеди, на истиот настан предупреди дека воените авиони, вклучително и „Су-24“ од руско производство, се во „најдобра готовност“ да се спротивстават на секој израелски напад. -Имаме целосна подготвеност во сите области, вклучително и покриеноста на нашиот воздушен простор и бомбардерите, и подготвени сме за секаква операција, изјави генералот Вахеди. Директен напад врз базите на Иранската револуционерна гарда или објектите за нуклеарни истражувања во Иран се меѓу израелските одмазднички опции. Можно е Израел да нападне и цели надвор од Иран, забележуваат британските медиуми. Командантот на иранските поморски сили, адмирал Шахрим Ирани, изјави дека иранските трговски бродови веќе се придружувани од воени бродови додека не влезат во Црвеното Море, пренесе агенцијата Тасним. -Воената морнарица е во мисија да ги придружува иранските трговски бродови до Црвеното Море и затоа нашата фрегата „Јамаран“ е присутна во Аденскиот Залив, рече тој. Техеран е подготвен да придружува и бродови на други земји, додаде Ирани, пренесуваат британските медиуми....
Шефот на албанската дипломатија, Игли Хасани, во посета на Хашим Тачи во Хаг
Макпрес - пред 3 часа
Албанскиот министер за Европа и надворешни работи, Игли Хасани во Хаг го посетил поранешниот косовски претседател Хашим Тачи, кому му се суди за воен злосторства, при што му ветил дека ќе сторат се за отворен и транспарентен судски процес. „Албанската дипломатија, како и досега, ќе инсистира на спроведување на стандардите за отворен и транспарентен судски процес, со целосно почитување на човековите права согласно меѓународните конвенции. Албанскиот народ не ги заборава напорите или жртвите на своите синови, како вчера во војна и денес во мир“, напиша Хасани на социјалните мрежи. Тој додава дека го информирал за најновите случувања во Албанија, но и оние во регионот, како и за напорите на Албанија за мир, стабилност и развој. „Свесни дека судските постапки се маратон со подеми и падови. Во трката победува оној кој е психолошки подготвен. На господинот Тачи му ги пренесов најубавите желби на највисоките владини и државни лидери, премиерот Еди Рама и другите колеги, како и уверувањето дека, како и досега, нашата поддршка нема да изостане во никој случај и за ништо“, напиша Хасани. Посетата доаѓа ден по одлуката на Парламентарното собрание на Советот на Европа да го отвори патот за членство на Косово....
Талибанците затворија две ТВ станици бидејќи не се придржувале до исламските вредности
Макпрес - пред 3 часа
Талибанците забранија две телевизиски станици во Авганистан затоа што не се придржувале до националните и исламските вредности. Официјален претставник на Комисијата за прекршоци во медиумите при Министерството за информации, Хафизулах Баракзаи, кажа дека судот ќе ја испита работата на двете станици со седиште во Кабул - ТВ Нур и ТВ Бариа, и дека тие не можат да ја емитуваат програмата додека судот не ја донесе својата пресуда. -И покрај постојаните предупредувања и препораки, ТВ Нур и ТВ Бариа не ги следеа новинарските принципи, не ги земаа предвид националните и исламските вредности, рече Баракзаи. Меѓутоа, тој не наведе повеќе детали за наводните прекршувања. Авганистанскиот центар за новинарство ги нарече овие суспензии „незаконски чин“ на владата под контрола на талибанците. Суспензиите, сметаат оттаму, се уште еден чекор кон дополнителните ограничувања на медиумите во земјата. Многу новинари ги загубија своите работни места откако талибанците ја презедоа власта во 2021 година, а новинарките се соочуваат со дополнителни тешкотии поради забраните за работа и ограничувањата за патување....
Штипскиот Музеј утре ги отвара вратите за посетителите, одбележувајќи го Светскиот ден на кулутурното наследство
Макпрес - пред 3 часа
По повод утрешниот ден 18 април Светскиот ден на кулутурното наследство, Заводот за заштита на споменици (ЗЗС) и Музеј на град Штип утре ќе има бесплатен влез за посетителите во музејот и локалитет Баргала. Директорот на ЗЗС и Музеј на град Штип, Митко Штерјов денеска изјави дека утре може да се посетат повеќе археолошки поставки кои се во рамки на штипскиот Музеј, а отворен ќе биде и Музејот во штипско Ново Село. -Ги повикувам сите заинтересирани, сите заеднички да го прославиме овој ден, и на светско ниво исто така овој ден се прославува на сите локалитети. Повеќето знаат дека Завод и Музеј Штип располага со неколку поставки, значи тука се наоѓа етнолошата, историската, и археолошката поставка. Во Ново Село се наоѓа музејот на револуционерната борба, тврдината „Исар“ може да се посети и галеријата „Безистен“ каде што во моментот имаме една изложба. И се разбира археолошкиот локалитет којшто повеќето веќе сме кажале дека се наоѓа во нова кондиција, осветлено, ограден, така да веќе можеме да кажеме дека како институција навистина се грижиме за културното наследство. Така да сите овие работи можат да се посетат утре бесплатно, вели Штерјов Во наредниот период следуваат повеќе најавени посети. Исто така за денес има закажно група од 20 дечиња која доаѓа на посета од Битола -Денеска имаме една група некаде околу 20 деца од Битола, потоа во наредните денови има најава, знаеме дека мај месец е месец кога се посетуваат завршни години, крај на школската година, и во ек се сите тие екскурзии, така да има најава за повеќе посети на Музејот во Штип, рече Штерјов. Националниот комитет ИКОМОС Македонија е еден од 110-те национални комитети од исто толку земји во светот, членки на Меѓународниот совет за споменици и локалитети....
Поранешната лидерка на Мјанмар, Аунг Сан Су Чи од затвор е префрлена на друга локација
Макпрес - пред 3 часа
Поранешната лидерка на Мјанмара, 78-годишната Аунг Сан Су Чи од затвор е префрлена на друга локација. Локалните медиуми, цитирајќи го портпаролот на воената хунта Зав Мин Тун, објавија дека причината за овој потег е загриженоста за нејзиното здравје со оглед на високите температури во главниот град Непјидо, каде што се наоѓала Су Чи. Не е сигурно дали е одведена во друг затвор или е префрлена во домашен притвор. Хунтата не ги информирала адвокатите на Су Чи за планот или за нејзината нова локација, изјави за ДПА извор близок до затворските власти. Покрај Су Чи, поранешниот претседател Вин Минт, кој беше одведен во затвор на околу 100 километри јужно од главниот град, исто така беше преместен. Денеска беа ослободени и повеќе од 3.000 затвореници по повод новогодишниот фестивал на водата локално познат како Тингјан, објави воената хунта....
Песков: Руската мировна мисија се повлекува од Азербејџан
Макпрес - пред 3 часа
Портпаролот на Кремљ, Димитри Песков, денеска го потврди повлекувањето на руската мировна мисија од азербејџанскиот регион Нагорно Карабах, пренесоа руските медиуми. Азербејџанскиот регион Нагорно-Карабах, каде што живеат повеќето Ерменци, со години е спорна територија, а Азербејџан минатата година ненадејно ја освои оваа енклава. На 1 јануари оваа година беше укината меѓународно непризнатата Република Нагорно-Карабах, по што илјадници Ерменци го напуштија овој регион. Во Женева се одржаа повеќе дипломатски разговори меѓу Баку и Ереван за конфликтот, а портпаролката на руското Министерство за надворешни работи, Марија Захарова, пред два дена изјави дека Русија била принудена да предложи преместување на мировните преговори меѓу Ерменија и Азербејџан од Швајцарија во друга земја. Захарова ја критикуваше Швајцарија бидејќи, како што оцени, оваа држава го прекрши принципот на неутралност „со неодговорното однесување на отворено антирускиот пат“....
Градежни активности во штипската населба Каваклиски рид
Макпрес - пред 3 часа
Неколку краци од улици во штипската населба Каваклиски рид ќе бидат бетонирани наредните денови. Градоначалникот на Општина Штип, Иван Јорданов на денешната прес-конференција истакна дека активностите на терен започнаа, а се очекува во наредниот период да се постави и осветлување. Посочи дека реконструкција на улиците се прави првпат после долги години. Во меѓувреме е променета водоводната и канализациска мрежа. -Станува збор за населба, којашто долги години не беше урбанизирана, уредена, затоа што жителите од ова населба немаа основен степен на уреденост. Немаа водовод, канализација, пристапни улици, осветлување, етапно решивме одреден број на проблеми со кои секојдневно се соочуваат граѓаните. Водоводната линија и притисокот на вода, којшто беше главен проблем во оваа населба во изминатата година го решивме, пред извесно време беа бетонирани одредени краци од самата населба, одредени пристапи. Денес продолжуваме во останатиот дел од населбата Каваклиски рид, изјави Јорданов. Инвестицијата е вредна околу 800.000 денари пари кои се издвоени од Буџетот на Општина Штип, и инвестирани за подобрување на условите за живот на граѓаните. Од наредната недела се очекува да започнат градежните активности на терен доизградба на булеварот „Партизанска“, инвестиција вредна околу 2 милиони евра, како и активности за реконструкција на спортскиот центар „Џексон“ инвестиција вредна над еден милион евра....
Младата женска фудбалска репрезентација учествува на турнир во БиХ ќе одиграат мечеви со Словенија, Украина и домаќинот БиХ
Порта - пред 3 часа
Младата женска репрезентација на Македонија до 16 години во периодот од 16 до 24 април учествува на меѓународниот Уефа развоен турнир што се одржува во Босна и Херцеговина, така што нашите млади фудбалерки ќе одиграат три натпревари, а за противници ќе ги имаат селекциите на Словенија, Украина и домаќинот БиХ. Првиот натпревар го играме против домаќинот на турнирот, селекцијата на БиХ. Во втората пресметка ќе се соочиме со Украина. Во последното коло играме против селекцијата на Словенија. Селекторот на репрезентацијата на Македонија до 16 години Катерина Милеска, за развојниот турнир, се одлучи да ги повика следните фудбалерки: ГОЛМАНИ: Теа Сапунџиев Истатов Евгенија Вењановска Скопје ОДБРАНА: Арба Мерко Ас Јунајтед Јована Јованоска Цевитана Андреа Коловска Љуботен Искра Смилевска Скопје Михаела Марковска Топ Гол Теодора Јоновска Топ Гол Ема Нановска Истатов Лина Луканова Ас Јунајтед СРЕДЕН РЕД: Леонтина Пржолева Тиверија Теона Галабовска Тиверија Ева Величковска Љуботен Блехана Алиевска Топ Гол Теодора Настова Скопје НАПАД: Настасја Накова Скопје Розита Пецева Тиверија Уна Јосевска Скопје Меланија Грозданова Скопје Ана Марија Цветкова Лангус, Холандија...
Пенал рулетот за Реал Мадрид, Баерн ја спасува сезоната со ново полуфинале
off.net - пред 3 часа
Лига на шампиони, 1/4 финале, резултати: МАНЧЕСТЕР СИТИ - РЕАЛ МАДРИД 1:1 (0:1) вкупен резултат 4-4, на пенали 3:4 /Де Брујне 76' - Родриго 12'/ Пеналите: Real Madrid and Bayern Munich have met 26 times in the UCL, the most in the competition history. 12 Real wins 11 Bayern wins 3 draws pic.twitter.com/ors1vMkp3q — StatMuse FC (@statmusefc) April 17, 2024 Бурното славје на Реал Мадрид по последниот пенал БАЕРН МИНХЕН - АРСЕНАЛ 1:0 (0:0) вкупен резултат 3:2 /Џошуа Кимих 63'/ Полуфинални парови: БАЕРН МИНХЕН - РЕАЛ МАДРИД (1. мај, реванш 7. мај) БОРУСИЈА ДОРТМУНД - ПСЖ (30. април и реванш на 8. мај)...
Бурното славје на Реал Мадрид по последниот пенал
off.net - пред 3 часа
Пенал рулетот за Реал Мадрид, Баерн ја спасува сезоната со ново полуфинале...
МЗТ загуби од Широки, но обезбеди полуфинале во АБА2 лигата (ВИДЕО)
Дерби - пред 3 часа
Кошаркарите на МЗТ Скопје се изборија за место во полуфиналето на АБА2 лигата. Клубот од Аеродром доживеа пораз од Широки од 70:68 на соочувањето во Босна и Херцеговина, но благодарение на победата во првата средба од 85:69 обезбеди пласман во наредната фаза во која ќе ги одмери силите со Спартак Суботица. Најефикасен кај „металците“ беше Делалиќ со 18 поени, по 13 уфрлија браќата Дамјан и Војдан Стојановски, а двоцифрен беше и Баковиќ со 10 кошеви. Кај домаќините се истакна Чолак со 18 кошеви. И полуфиналето ќе се игра според истиот принцип дома-гости, а МЗТ ќе биде домаќин на Суботица во првата средба. Инаку во регуларниот дел овие екипи се соочија во рамките на 7. коло, славеше српскиот тим со 86:81....
Герасимовски: Стартува „паметното осветлување“ за центарци
Макпрес - пред 3 часа
Општина Центар ја започна првата фаза од проектот „Смарт сити“ со инсталација на паметни светилки низ цела територија на општината. Системот го имплементира А1 Македонија преку целосна реконструкција на постоечкото улично осветлување и паралелна имплементација на светилките и паметните ормари. Станува збор за замена на 3982 улични светилки со нова технологија на ЛЕД светилки за паметно мерење и управување со електричната енергија. Инсталацијата на новите светилки започнува од улицата „Димче Мирчев“ близу министерството за внатрешни работи каде денес беа присутни градоначалникот на Општина Центар Горан Герасимовски и Стевчо Ристески, директор на бизнис продажба и ИКТ на А1 Македонија, како и раководители на информатички сектор на А1 Македонија, надзорни органи, проектни спонзори и лидери и членови на главни работни групи, информираат од Општина Центар . Преку реализација на овој проект, општината ќе ја унапреди енергетската ефикасност со тоа што ќе оствари заштеда до 70% на потрошувачката на електрична енергија за јавно осветлување и повеќе од 75% на трошоците за одржување на постојниот систем. -Денеска Општина Центар не го најавува туку го започнува поставувањето на новото „смарт“ јавно осветлување за што сум особено горд. Сакам да објаснам зошто е „смарт“ односно паметно јавно осветлување, затоа што станува збор за ЛЕД светилки со технологија за автоматско димирање односно прилагодување на светлината следствено временските услови или зачестениот сообраќај на улицата. Не е потребно време на палење, ладење или зголемување на осветлувањето. Светилките сами се палат и нивното светло се засилува како настапува ноќта. Доколку на улицата нема движење од автомобили или пешаци осветлувањето се намалува но и автоматски се зголемува при забележано движење. Ова значи дополнителни заштеди за општината без зголемување на ризикот за безбедноста на сообраќајот и сигурноста на граѓаните доколку димирањето е во услови на намалена оптичка видливост или вонредно зголемен интензитет на сообраќајот, вели Герасимовски. Тој додава дека новите ЛЕД светилки немаат еколошки штетни материјали, немаат UV зрачење, имаат висок и предвидлив животен век, емитуваат светлина само во видливиот опсег, имаат компактна големина, намалена потрошувачка на електрична енергија, висока светлосна ефикасност, одличен индекс за рендерирање на бои, лесни се за рециклирање, помалку привлекуваат ноќни инсекти и се отпорни на вибрации и удари. Воедно информира дека инсталацијата на светилките ќе биде извршена во две фази и тоа по урбани заедници. Инсталација на светилките опфаќа демонтажа на старите и монтажа на новите светилки. Предвидени се различни типови на светилки за различни типови на сообраќајници односно дали истите ќе бидат оставени на главни, споредни и резиденцијални улици, пешачки патеки или споредни улици. Покрај замената на старите со новите ЛД светилки ќе бидат поставени и 150 паметни ормари преку кои ќе бидат вклучени група на светилки што ќе се постигне значително подобрување на работењето на уличното осветлување. Во овие улични кабинети ќе има вграден паметен контролер кој ќе биде поврзан со дигитално броило на електрична енергија и ќе може да се вклучи и исклучи мануелно или автоматски со користење на вграден астрономски часовник кој пресметува кога сонцето заоѓа и изгрева“, рече Герасимовски. Инаку пред почетокот на проектот „А1 Македонија“, компанија лидер во дигитализацијата во земјата, извршила детална анализа, техничко решение за имплементација на проектот и да испорача ЛЕД светилки, мрежа и комуникациска опрема, апликација и останати материјали потребни за инсталирање и непречено функционирање на системот....
Осум лица загинаа во рускиот напад на Чернигов, украински дрон соборен во близина на Москва
Макпрес - пред 3 часа
Во експлозијата на три руски ракети што денеска го погодија осмиот кат од станбена зграда во центарот на градот Чернигов на северот на Украина, загинаа најмалку осум лица, а 18 се повредени, соопшти градоначалникот Олександар Ломако. Чернигов се наоѓа во близина на тромеѓето на Украина со Русија и Белорусија, на околу 150 километри од главниот град Киев. Од друга страна, руското Министерство за одбрана соопшти дека украинско беспилотно летало е соборено над регионот Мордовија, приближно 350 километри источно од Москва. Тоа е 700 километри од украинската граница....
Претрес во Прилеп, пронајдена дрога
Макпрес - пред 3 часа
Уапсен 22-годишен прилепчанец, во чиј дом вчера полициски службеници пронашле дрога. - На 16.04 2024 во Прилеп, полициски службеници од го лишиле од слобода прилепчанецот Б.С.(22). При претрес во неговиот дом, извршен со судска наредба, биле пронајдени и одземени марихуана, бела прашкаста материја, грутчеста материја, дигитална вага, предмет со остатоци од бела прашкаста материја и други предмети за кои постои сомнение дека потекнуваат од кривични дела, соопштуваат од МВР. Лицето било приведено во полициска станица и по целосно документирање на случајот, против него ќе следува соодветна пријава....
Азербејџан упати критики до Франција поради притисокот и заканите го отповикувањето на амбасадорката
Макпрес - пред 3 часа
Азербејџан денеска ја обвини Франција за притисок и закани врз земјата откако Париз ја отповика својата амбасадорка и ја обвини кавкаската земја за нарушување на билатералните односи. Азербејџан во повеќе наврати ја критикуваше Франција поради поддршката на земјата за ривалската Ерменија во територијалниот спор меѓу двете соседни земји. „Азербејџанската страна постојано и наведува на Франција дека зборувањето на јазик на закана и притисок нема да донесе никакви резултати и уште еднаш посочува дека ќе ги преземе сите неопходни мерки за да ги заштити своите национални интереси“, се вели во соопштението на портпаролот на Министерството за надворешни работи на Азербејџан, Ајхан Хаџизада. Францускиот претседател Емануел Макрон ја отповика амбасадорката Ан Бојон во Париз за да разговара за односите со Азербејџан, соопшти вчера Министерството за надворешни работи во Париз....
Македонското културно наследство на крстопат (ВИДЕО)
Express - пред 3 часа
Вчера и денеска во Охрид, во организација на Институтот за културно наследство и археологија Скопје, Факултетот за туризам и угостителство Охрид, Општина Охрид и Стопанската комора на Македонија започна дводневна национална конференција на тема: КУЛТУРНОТО НАСЛЕДСТВО И ТУРИЗМОТ: меѓународни стандарди и локален развој. Поздравни обраќања на конференцијата имаа: Неговата Екселенција, амбасадорот на Р. Словачка г- дин Хенрик Маркус, градоначалникот на Охрид г-дин Кирил Пецаков, деканката на Факултетот проф. д-р Снежана Дическа и претседателот на научниот одбор на Институтот проф. д-р Љубен Тевдовски. Пленарно предавање на конференцијата имаше Н.Е. Јордан Плевнеш поранешен амбасадор во УНЕСКО. Во текот на овие два дена на конференцијата се разгледуваат важни аспекти на поврзаноста на културното наследство и туризмот, два сектори кои се навидум различни, но всушност поврзани еден со друг. Во тој контекст, најважните меѓународни организации и институции како УНЕСКО, ИКОМОС, ИУЦН, Центарот за светско наследство, Советот на Европа, Светската туристичка организација, ОЕЦД, имаат посебни оддели и издаваат официјални документи кои се фокусираат на развивање на врските и потенцијалите на културниот туризам. На оваа дводневна национална конференција, на кој учество земаа триесетина професори и експерти од повеќе универзитети од земјата и странство, како и претставници од локалната самоуправа и бизнис секторот, да се донесат заклучоци кои ќе трасираат насоки за идниот развој и поврзување на културното наследство и туризмот преку нови и иновативни решенија, што ќе најдат примена кај сите чинители на локалниот развој, а тоа се бизнисот, јавните институции и невладиниот сектор....