Лавров: Косово е „територија на целосно беззаконие“
А1он - пред 13 часа
Рускиот министер за надворешни работи Сергеј Лавров оцени дека е срамно што Парламентарното Собрание на Советот на Европа даде „зелено светло“ таканареченото Косово да биде примено во полноправно членство во Советот на Европа. Добивај вести на вибер Во интервју за АТВ на Бања Лука, Лавров рече дека сите го знаат фактот дека Косово е „територија на целосно беззаконие“ и посочи дека Западот го нарекува „светилник на демократијата“. – Таму никогаш немало демократија, тоа е територија на организиран криминал, територија на етничко чистење на Србите“, рече Лавров. Тој смета дека признавањето на таканареченото Косово и воведувањето санкции против Русија се услови на Брисел за Србија доколку сака да стане членка на Европската Унија. „Брисел целосно го игнорира пријателството на двата народа и заедничките битки за слобода, независност, православие и Словени, тоа не го интересира Западот. Всушност, би рекол, тие се заинтересирани, но со негативен предзнак и затоа сметаат дека се треба да се уништи“, рече Лавров.
Таткото на Данка: Нашето најмило малечко, денес требаше да ја дуваме свеќата за твојот втор роденден
А1он - пред 7 часа
Данка Илиќ (2) e убиена на 26 март во Бањско Поле, а за нејзиното убиство осомничени се Срѓан Јанковиќ (50) и Дејан Драгијевиќ (50). Девојчето денеска на 6 мај ќе наполнеше две години, но наместо тоа, 40 дена по нејзиното исчезнување, полицијата се уште трага по телото на девојчето. Добивај вести на вибер По повод нејзиниот роденден се огласи нејзиниот татко Милош Илиќ. -Нашето најмило малечко, денес требаше да ја дуваме свеќата за твојот втор роденден, љубов наша. Некои зли чудовишта не ни го дадоа тоа, простете им, а Господ е голем и ќе им суди! Најмногу те сакаат тато, мама и тато – напиша тато на Данка и сподели нејзина фотографија. Драгијевиќ и Јанковиќ беа уапсени на 4 април, откако признаа дека го удриле девојчето со автомобил, ја задушиле и го отстраниле нејзиното тело.
Уапсени во Косово маж и жена, руски државјани, влегле од Србија без визи
Време - пред 9 часа
Маж и жена со руски пасоши се приведени синоќа на граничниот премин Јариње меѓу Србија и Косово од страна на косовската полиција, поради сомневање дека претходно влегле во земјата преку нелегални патишта, јави дописникот на МИА од Приштина. Двете лица на преминот на косовска страна, при обидат да ја напуштат земјата, пристигнале синоќа околу 20 часот, а на полицијата ѝ дале на увид два пасоши на Руската Федерација, додека, според КП, немале визи за патување во Косово. „На излез на граничниот премин Јариње се затекнати две лица со руски пасоши (едно машко и едно женско) кои немаа визи на Република Косово, а по проверката е утврдено дека лицата немале влез/излез во Република Косово. Според нив, истите дошле од Ниш, Србија, и завршиле на граничниот премин Јариње. Се претпоставува дека дошле по илегални патишта. По налог на обвинителот, двајцата осомничени се испратени во притвор“, се вели во соопштението. Во врска со случајот против нив Основното обвинителство во Митровица поднело обвинителен акт со барање за депортација надвор од територијата на Косово. „Основното обвинителство во Митровица за двете приведени лица поднесе обвинителен акт со барање за депортација надвор од територијата на Косово, поради сторено кривично дело ‘Неовластено преминување на гранични премини или гранична линија’“, изјави за медиумите портпаролот на Обвинителството во Митровица, Ваљон Претени. На 30 септември 2022 година, Владата на Косово донесе одлука дека за сите руски државјани, вклучително и оние со дипломатски пасоши, кои сакаат да влезат, транзитираат или престојуваат во Косово, е потребна виза.Обид за убиство на политичар во северно КосовоКФОР, ЕУЛЕКС и косовската полиција утре на заедничка вежба
Нови наоди на истрагата за смртта на Алма и нејзините три деца
А1он - пред 19 часа
Неколку дена откако Ергис Арази пријавил во полиција дека неговата сопруга и нивните три малолетни деца се исчезнати, во водите на реката Бојана било пронајдено мртво тело на деветгодишно девојче. Добивај вести на вибер Според полицијата, постои сомнеж дека таа се удавила, додека се известува дека се удавиле и нејзината мајка и помалата сестра и брат, но нивните тела се уште не се пронајдени. Се сомнева дека причина за оваа трагедија е систематското психичко и физичко насилство кое Ергис Арази го извршил врз сопругата и децата, поради што е уапсен, додека истрагата е во тек. Тој самиот го негираше ова обвинение, а се наведува и дека бил прилично „ладен“ во моментот на идентификување на безживотното тело на својата ќерка. Нуркачите со часови трагаат по телата на мајката и уште две деца, а од друга страна полицијата ја истражува позадината на овој настан кој ја шокираше јавноста. Токму сестрата на Алма Арази го пријавила својот девер во полиција, тврдејќи дека ја малтретирал нејзината сестра. Алма и нејзините три деца – две ќерки на 6 и 9 години и син (4) – неколку часа пред трагичниот чин отишле во кафуле со братучедот на Алма, каде што пиеле кафе, а потоа мирно се разделиле. Нуркачите со часови трагаат по телата на мајката и уште две деца, а од друга страна полицијата ја истражува позадината на овој настан кој ја шокираше јавноста. Токму сестрата на Алма Арази го пријавила својот девер во полиција, тврдејќи дека ја малтретирал. Како што напиша „Блиц“, Алма и нејзините три деца – две ќерки на 6 и 9 години и син (4) – неколку часа пред трагичниот чин отишле во кафуле со братучедот на Алма, каде што пиеле кафе, а потоа мирно се разделиле. не сфаќајќи каква трагедија се подготвува. Алма потоа со трите деца скокнала во реката Бојана, додека рибарот го пронашол само телото на нејзината постара ќерка (9), на кое немало траги на насилство, информираат од полицијата. Полицијата продолжува да трага по Алма и нејзините две помали деца, кои исчезнаа пред три дена, а чие исчезнување го пријавил нејзиниот сопруг Ергис, кој е уапсен под обвинение за „семејно насилство“ и „предизвикување самоубиство“, што тој негираше. – Мојот однос со сопругата беше нормален и јас не бев причина за таков чин – изјавил Арази во полиција. Конфликтите меѓу Алма и Ергис започнале пред неколку месеци и парот практично бил разделен, пренесуваат локалните медиуми кои шпекулираат дека Арази започнал врска со друга жена. Според зборовите на членовите на семејството на жената, тој секојдневно се расправал со неа и и рекол да ја напушти куќата во која живеела во една соба. На полициското рочиште, на денот кога го пријавил нејзиното исчезнување, но и подоцна откако било пронајдено телото на неговата ќерка, тој ја опишал сопругата како „ментално болна“ и, според него, со месеци земала лекови за депресија. Тие наводи не се потврдени од полицијата.
Обид за убиство на политичар во северно Косово
Време - пред 11 часа
Полицијата на Косово потврди дека непознато и маскирано лице вчера во Лепосавиќ, во северно Косово, се обидело да го убие членот на партијата на косовските Срби, Прогресивна демократска партија (ПДС), Марко Јаблановиќ, но атентатот не успеал, јави дописникот на МИА од Приштина. Во денешното соопштение на косовското МВР се наведува дека Јаблановиќ пријавил оти, при влез во локал во Лепосавиќ, забележал маскирано лице со вперен пиштол кон него, но обидот за убиство пропаднал затоа што атентаторот не пукал, веројатно затоа што оружјето откажало. „Пријавителот изјави дека додека влегувал во кафеана, во негова близина забележал маскирано лице со пиштол в рака, кој го вперил во оштетениот, но тој не успеал да пука. Полициските единици излегоа на местото на инцидентот, додека по налог на обвинител случајот оди во редовна постапка“, се наведува во соопштението на Полицијата. На чело на ПДС е Ненад Рашиќ, министер за заедници и враќање во владата на Албин Курти. Оваа партија се смета за опонент на нејголемата партија на косовските Срби, Српска листа, која е во отворена координација со претседателот на Србија, Александар Вучиќ и со властите во Белград. Откако пред година и пол се повлече од Владата на Курти и ги повика Србите да ги бојкотираат косовските институции, СЛ оние што не се повинија на повикот ги прогласи за предавници на српскиот народ. Тие се постојано мета на вербални напади преку социјалните мрежи, а на некои од нив им се палени автомобилите и, во еден случај, недвижниот имот. Заменик министерот за заедници и враќање од редовите на ПДС, Радоица Радомировиќ за вчерашниот обид за атентат ги обвини официјален Белград и поранешниот потпретседател на СЛ, Милан Радоичиќ, по кого е распишана потерница од Интерпол, откако и самиот ја презеде одговорноста како водач на нападот во Бањска, на 24 септември минатата година, кога загинаа косовски полицаец и тројца од српските напаѓачи. „Трагичниот настан (атентатот врз Јаблановиќ) не се случи бидејќи на напаѓачот му откажало оружјето од типот ‘Шкорпион’. Несомнено е дека зад атентатот стојат белградскиот режим и Радојичиќ и локалните каубојци (поранешните водачи на СЛ), Славко Симиќ и Зоран Тодиќ... Нашироко е познато дека Марко и јас го поддржавме Александар Јаблановиќ да ги донесе потребните промени во Лепосавиќ. Откако Јаблановиќ во Белград се договори со Александар Вулин, со Вучиќ и членот на БИА (Безбедносната информативна агенција на Србија, Бојан) Димиќ дека за малку пари и привилегии ќе се повлече како кандидат за градоначалник на општина Лепосавиќ, Марко... се обиде да си го врати достоинство и да си го земе животот во свои раце“, напиша Радимировиќ на Фејсбук.Некогаш МОРА МАЛКУ ДА СЕ ЛАЖЕ! Хит одговор кој го насмеа регионот (Видео)КФОР, ЕУЛЕКС и косовската полиција утре на заедничка вежба
КФОР, ЕУЛЕКС и косовската полиција утре на заедничка вежба
Весник - пред 13 часа
Мировната мисија на НАТО во Косово, КФОР, заедно со Мисијата на Европската унија за владеење на правото, ЕУЛЕКС и полицијата на Косово утре ќе одржат заедничка вежба, насловена „Златна сабја 2024“, јави дописникот на МИА од Приштина. Во денешното соопштение на КФОР се вели дека вежбата што ќе се одржи во кампот Врело ќе ги тестира вештините за спроведување заеднички процедури во справувањето со кризи и безбедносни сценарија. „Во вежбата ќе бидат вклучени значителен број на персонал, возила и опрема кои ќе дејствуваат низ областа во која ќе се изведе, како и неговата околина и долж главните патишта. ’Златна сабја 2024‘ е одраз на нашата долгорочна соработка и посветеност за поддршка на стабилна безбедност на цело Косово, за доброто на заедниците“, се вели во соопштението на КФОР. Командантот на КФОР, Озкан Улуташ вели дека оваа вежба ја симболизира посветеноста на мисијата на мирот и стабилноста на Косово и ќе ја покаже подготвеноста за зачувување на регионалната стабилност. „Со здружување на силите и способностите, ја покажуваме нашата подготвеност да се справиме со предизвиците и нашата посветеност за зачувување на регионалната стабилност. Очекуваме успешно завршување на оваа вежба и постојана соработка меѓу сите вклучени“, рече командантот на КФОР. КФОР како и обично нагласува дека продолжува да го спроведува својот мандат на ОН – врз основа на Резолуцијата 1244 на Советот за безбедност од 1999 година – да обезбеди безбедна средина за сите луѓе кои живеат во Косово, како и слобода на движење, во секое време и непристрасно. „КФОР е третиот безбедносен одговор, по косовската полиција и Мисијата на ЕУ за владеење на правото (ЕУЛЕКС), кои дејствуваат соодветно како прв и втор безбедносен одговор“, велат од мировната мисија на НАТО.ДАНКА ДЕНЕС ЌЕ ПОЛНЕШЕ 2 ГОДИНИ: И по 40 дена се уште не е пронајденаПахор: Се подготвувам многу за функцијата специјален пратеник за дијалог Белград - Приштина
Кинескиот претседател Си Џинпинг утре ќе престојува во Белград, ќе го пречекаат српски ловци МиГ-29
А1он - пред 10 часа
Кинескиот претседател Си Џинпинг утре доаѓа во официјална посета на Белград, за неговото доаѓање се преземени големи безбедносни мерки, па неговата делегација ќе ја обезбедуваат 3.400 полицајци. Добивај вести на вибер Си ќе го пречекаат српските ловци МиГ-29 кои ќе го следат неговиот авион од границата, а на аеродромот во Белград во негова чест ќе биде построена стража на Војската на Србија. Покрај автопатот во Белград ќе бидат поставени кинески и српски знамиња, а пред Палатата Србија ќе биде организиран и свечен пречек на кинеската делегација, броена од 400 луѓе, а предвидено е да се потпишат повеќе од 30 договори. Ќе биде организиран и свечен ручек, а кинескиот претседател ќе има можност да дегустира српски јадења и вина, а ќе има и музичка програма на српски и кинески, која ќе заврши со песната „Ова е Србија“. Домаќин на кинескиот претседател ќе биде српскиот претседател Александар Вучиќ.
Пахор: Се подготвувам многу за функцијата специјален пратеник за дијалог Белград - Приштина
Вечер - пред 15 часа
-Поранешниот претседател на Словенија, Борут Пахор, најави дека неговиот кабинет и Министерството за надворешни работи во Брисел најверојатно следната недела ќе ја достават неговата кандидатура за специјален пратеник за дијалог меѓу Белград и Приштина, јави дописникот на МИА од Белград. Во интервју за РТВ Словенија, Пахор изјави дека има голем број идеи како да се освежи или заживее дијалогот меѓу Белград и Приштина, кој моментално е во застој. Смета дека Словенија, како и тој, имаат статус на „еден чесен посредник“. Пахор рече дека за можната функција се подготвува „многу внимателно и одговорно“ и додаде дека многу му значи поддршката што ја ужива во Словенија. За време на меѓународната конференција за Западен Балкан минатиот месец, поранешниот претседател на Словенија повторно изрази желба да ја преземе оваа позиција, а беше поддржан и од премиерот Роберт Голоб. Пахор неодамна објави дека работи на нацртот за продолжување на дијалогот и координацијата со високиот претставник на ЕУ за надворешна политика и безбедност Жозеп Борел, земјите-членки на ЕУ и земјите од Квинта, вклучувајќи ги САД, Велика Британија, Франција, Италија и Германија. Специјалниот пратеник за дијалог меѓу Белград и Приштина го именува високиот претставник на ЕУ за надворешна политика и безбедност, но конечната одлука ја носат лидерите на ЕУ. Специјалниот претставник на Европската унија (ЕУ) за дијалог меѓу Србија и Косово, Мирослав Лајчак, по завршувањето на неговиот мандат на крајот на август ќе биде именуван за амбасадор на ЕУ во Швајцарија.ЕСКОБАР НЕ Е СМЕНЕТ, но наскоро ќе добие НОВА ФУНКЦИЈАШто значи сега ова? НАТО КАРТАТА НА БАЛКАНОТ ГРАНИЦИТЕ НА КОСОВО ГИ ОБЕЛЕЖУВА КАКО ЗА ПОКРАИНА
Коњуфца: ЕУ со нетрпение очекува да работи со српската влада, а не е подготвена да ги укине мерките кон Косово
Бизнис вести - пред 1 ден
Коњуфца: ЕУ со нетрпение очекува да работи со српската влада, а не е подготвена да ги укине мерките кон Косово 05/05/2024 СВЕТ – Претседателот на Собранието на Косово, Глаук Коњуфца изрази разочарување поради изјавите на високиот претставник на Европската унија, Жозеп Борел, кој и честиташе на новата влада на Србија, јави дописникот на МИА од Приштина. Во објава на платформата „Х“, Коњуфца наведува дека, иако е подготвена да соработува со новиот српски вицепремиер Александар Вулин, кој е санкциониран од САД, ЕУ не изразува готовност за укинување на санкциите кон Косово. „За жалење е да се слушне дека ЕУ со нетрпение очекува да работи со српската влада, вклучувајќи го и вицепремиерот Александар Вулин, кој е под санкции на САД поради неговите блиски врски со Русија, додека сè уште не е подготвена да ги укине неправедните мерки против Косово“, напиша спикерот на косовското Собрание. Високиот претставник на ЕУ за надворешна политика и безбедност, Жозеп Борел, во петокот му честита на Милош Вучевиќ за неговиот избор на чело на Владата на Србија. „Честитки до новиот премиер на Србија, Милош Вучевиќ. Со нетрпение очекувам да работам со вас, со министерот за надворешни работи Марко Ѓуриќ и српската влада за да ја придвижиме Србија напред на нејзиниот пат кон ЕУ“, напиша Борел. Пратениците на Собранието на Србија на 2 мај ја избраа новата Влада на чело со Милош Вучевиќ, кој пред неколку дена предупреди дека Србија нема да ги менува претходните позиции во однос на Русија и Косово. Борел нагласи дека „усогласувањето и дејствувањето во согласност со вредностите на ЕУ и надворешната и безбедносната политика се суштински знаци за стратешка ориентација“. ЕУ неколку дена порано официјално ја услови интеграцијата на Србија со нормализација на односите со Косово. Вучевиќ еден ден пред да се изгласа неговата Влада, рече дека очекувањата на ЕУ се поврзани со тоа Србија да се „понижи“ себеси со признавањето на независноста на Косово и да се приклучи на санкциите против Русија поради окупацијата на Украина. Сепак, тој нагласи дека Србија нема да се приклучи кон санкциите против Русија. „Нема сомнеж дека притисоците ќе продолжат, можеби ќе се засилат, но ние сме решени да останеме на истите позиции. Србија не може и нема да се откаже од пријателството со Русија, чиј народ го сметаме за братски, како што е случајот со Украинците. Јасно го осудивме рускиот напад врз Украина, но изјавивме дека нема да се приклучиме на политиката на санкции“, рече Вучевиќ. Новиот српски премиер, ќе има кабинет кој ќе го сочинуваат 25 министри и пет министри без ресор. иа/ . Извор: МИА СВЕТ 2024-05-05 Zoran Popov
Пленковиќ: Имаме мнозинство за формирање нова Влада
А1он - пред 9 часа
Претседателот на ХДЗ, Андреј Пленковиќ по седницата на претседателството на партијата соопшти дека има мнозинство пратеници за формирање нова Влада. Добивај вести на вибер – Поразените полека почнуваат да сфаќаат дека се поразени, но сепак се безобразни. Мислам на СДП и на внукот на Пеѓа Грбин. Тие што ќе загубат нека ги сносат последиците“, рече Пленковиќ и додаде: „Веќе сега имаме повеќе од 76 претставници кои ќе не поддржат“. Тој додаде дека утре ќе разговара со партнерите и за тоа ќе ја информира јавноста. На прашањето дали се согласуваат со барањата на Татковинското движење за националните малцинства, па рече: „Ние наоѓаме решение во контекст на околностите. Мораме да погледнеме се што се случуваше на политичката сцена. Имавме грубо кршење на Уставот од страна на Милановиќ. Имаме јавен политички простор тоа го доживува како спорт, наместо целиот политички естаблишмент да го преиспитува она што се случило. Коруптираните членови на СДП се тешко поразени. Ова ќе биде трет претседател на СДП што ќе го испратам да се повлече од таа функција“, рече Пленковиќ. Тој не сакаше да потврди дали една од 76-те пратеници што ги споменува ќе биде и на Весна Вучемиловиќ. Тој додаде дека ХДЗ ја формира третата влада по ред: „Победивме“, рече тој.
300 милиони луѓе го гледаа интервјуто на Вучиќ за кинеската телевизија
А1он - пред 13 часа
300 милиони луѓе го гледаа интервјуто на Александар Вучиќ за кинеската CCTV. Добивај вести на вибер Вучиќ во интервјуто истакна дека Србија може и треба да научи „илјада работи од своите кинески пријатели“. – Правиме големи подготовки за ЕКСПО. Кога управувате со земја имате високи цели. Секогаш мора да ги ставате новите цели на прво место. Ако сакаме да го постигнеме тоа, најдобар можен партнер за тоа отсекогаш била, и секогаш ќе биде, Народна Република Кина. Претседателот Кси секогаш го држи зборот. Го гледам како обичен, скромен човек, кога ќе вети нешто, тоа го исполнува. Не можам да ви кажам дали имаме големи работи во железничкиот сектор, целокупната инфраструктура или индустрискиот сектор, економијата, туризмот, културата, но секако има илјадници работи што можеме и мораме да ги научиме од нашите кинески пријатели – рече Вучиќ за „High-End Interviews“.
Обилен снег и силен студ ќе зафати делови од Европа во наредните денови
Сител - пред 14 часа
Во наредните денови многу силно заладување ќе донесе драстичен пад на температурата во источните и североисточните предели на Европа, а циклонот ќе донесе пообилни врнежи. Ваквото влошување и заладување на времето директно ќе влијае на Русија. Северниот дел на Русија веќе е зафатен од студено време со снег, а снег ќе паѓа многу често во овие области во следните пет до седум дена. Патем, станува збор за европскиот дел на Русија, кој се карактеризира со многу поблага клима во споредба со азискиот дел, благодарение на влијанието на Атлантикот, чии топли струи допираат дури и до Баренцовото Море на северозапад од Русија и направете така морето никогаш да не стигне до овој дел од Русија. Најобилни врнежи се очекуваат во областа Архангелск, а се очекува да наврнат од 20 до 30 сантиметри снег. Покрај врнежите, ќе има и циклонска активност од Балтичкото море, но и продор на многу студена воздушна маса, со температури под 0°С Снегот не е редок феномен на северот на Русија во текот на мај, каде во просек има и до 10 дена со врнежи од снег. Просечната максимална температура во овој дел од годината е околу 12°C. И додека ќе дува на север, дожд ќе врне појужно, а во московската област се очекуваат температури од 5 до 10°С. Сепак, кон средината на следната недела силен студ од север ќе се спушти на запад од Русија и ќе донесе снег прво во Санкт Петербург, па во Москва. Температурите во Москва исто така ќе паднат на речиси 0°C, додека просечната за овој период од годината е околу 18-19°C. Затоплување се очекува по 10 мај. Заладувањето од североисточниот и источниот дел на Европа, односно од Русија во нејзиниот периферен дел, ќе донесе пад на температурата на воздухот во втората половина на следната недела во Србија, но во многу поблага форма. Снег во Русија е можен и во јули, но само на крајниот североисток, додека во европскиот дел на Русија никогаш не паѓа снег во текот на летните месеци. Иако зимите во Русија се ледени и траат од 5 до 9 месеци, со температури во Јакутија под -60°C, летата често се многу топли, со максимални температури околу 25°C, а во делови од Сибир и степите честопати може да ги надминат 35 °C, на југ и 42 °C.
Син ја убил мајка си
Република - пред 1 ден
Загрепската полиција соопшти за убиство на 68-годишна жена, што се случи во саботата наутро во семеен дом во областа Врапч, посочувајќи дека се работи за кривично дело „тешко убиство на жена“. „Вчера, 4 мај, во утринските часови во месноста Чрномерац во куќата, според досега прибраните информации, 28-годишен член на семејството нанел повеќе убодни рани со остар предмет на 68-годишна жена со намера да ја лиши од животот, по што починала на лице место. Од местото на злосторството, Одделот за истраги и криминалистика во Загреб, телото е пренесено во Институтот за судска медицина и криминалистика, се наведува во соопштението. Според неофицијални информации, осомничениот маж е синот на жртвата А.К.(28). По извршеното кривично дело, тој мирно се оддалечил од куќата, а ниту соседите, ниту сестрата на мајка му, која живее со своите деца над нив, не слушнале бучава или галама. Наводно, мртва ја нашла нејзината сестра, која отишла нешто по 10 часот да провери зошто утрото не дошла кај неа на кафе. Затекнала страшна глетка, па веднаш повикала полиција. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Пресуда за масакрот во „Рибникар“ е можна до крајот на годината?! Се огласи адвокатот на семејствата на убиените ученици
Република - пред 1 ден
На одбележувањето на првата годишнина од масовното убиство во ОУ „Владислав Рибникар“, во рамки на специјалната програма „Будење“, Божовиќ истакна дека пресудите, какви и да се, нема да претставуваат правда. Адвокатот Огњен Божовиќ, претставник на семејствата на убиените ученици во ОУ „Владислав Рибникар“ вечерва изјави дека судската постапка во врска со масовното убиство во тоа училиште се одвива многу ефикасно и дека се надева дека можеби дури и до до крајот на годината ќе имаме пресуди, особено во парничната постапка. Тој, сепак, нагласи дека пресудите, какви и да се, нема да претставуваат задоволување на правдата. На одбележувањето на првата годишнина од масовното убиство во основното училиште „Владислав Рибникар“, Божовиќ рече дека не е сигурен дека ќе добиеме одговори на прашањата што не мачат за трагедијата. „Се надевам дека ќе го направиме тоа, ќе се потрудиме да разбереме зошто, но на крајот на денот мислам дека нема да заврши со фер задоволство, за жал. Сепак, одлучено е, сепак на крајот на денот тие учесници сите ги чуваат таму, едноставно загубата е толку голема, а неправдата е толку голема што не сум сигурен дека нешто може да ја исправи“, рече Божовиќ. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Ужас во регионот: Син си ја убил својата мајка, па мирно седнал во кафеана
Курир - пред 1 ден
вистинска драма ДЕТАЛИ КАКО ОД ХОРОР ФИЛМ: Мајката на девојката која вчера беше пронајдена мртва, лани го масакрирала и запалила партнерот со кого живеела!
Што значи сега ова? НАТО КАРТАТА НА БАЛКАНОТ ГРАНИЦИТЕ НА КОСОВО ГИ ОБЕЛЕЖУВА КАКО ЗА ПОКРАИНА
Вечер - пред 1 ден
Официјалниот сајт на НАТО пактот објави интерактивна мапа на сите негови членки, на која видно ја исклучи државата Косово како територија со обележани државни граници, а единствено што може да се забележи е тенка пробиена административна линија.Официјалната веб-страница на НАТО пактот содржи многу информации, како што се новите одбранбени проекти, насочени најмногу против Русија и акциите на КФОР и другите ограноци на НАТО.Сепак, веб-страницата нуди уште една информација, имено интерактивна светска мапа каде што корисниците можат слободно да ги истражуваат активностите на алијансата на глобално ниво.Она што е интересно е што мапата дава интересни информации за тоа како Западот всушност го доживува еден од своите проекти, имено Косово и Метохија, за кој со децении се обидуваат да наметнат државен статус за Косово иако не се членки на ООН што е “цертификат“ за статус на државноста.Имено, мапата има опција да ги вклучи сите земји членки кои се прикажани со светло сина боја, а ги остава оние кои не се во природно зелена боја.Забележливо е дека Република Србија останува во зелено, но со граници од пред 2008 година кои поголем дел од западните држави не ги признаваат.Дополнително, Косово не само што не е дел од оваа карта, туку единственото нешто што може да се види на неа е слабо исцртана административна линија со точки. Ѓто значи тоа е јасно за секој кој ќе ги спореди прецизно обележаните граници на другите држави со точките обележани за Косово.Комеморации во Србија за жртвите на ланското масовно убиство на девет млади луѓеЛиквидација среде Солун- тројца од возило во движење изрешетале Грузиец (ВИДЕО)
[ВИДЕО] Сурова ликвидација во Солун: Од возило во движење три лица изрешетале Грузиец
Точка - пред 1 ден
Според грчките медиуми, ликвидиран е Грузиец, кој претходно бил поврзан со криминални кланови. Во него било пукано од возило во движење на улица во Солун, во близина на детско игралиште. Медиумите јавуваат дека за нападот се осомничени жена и двајца мажи, кои од црвено рено без регистарски таблички испукале најмалку три куршуми кон жртвата. Во моментот на пукањето, Грузиецот седел на мотор и ја симнувал кацигата. Еден куршум го погодил во грбот, друг во рамото. Очевидци наведуваат дека тој се симнал од моторот, поодел неколку чекори и паднал мртов. Сè се случило пред бројни сведоци.
media.mk - пред 55 минути
media.mk - пред 55 минути
media.mk - пред 55 минути
media.mk - пред 55 минути
media.mk - пред 55 минути
media.mk - пред 59 минути
media.mk - пред 59 минути
media.mk - пред 1 час
media.mk - пред 1 час
Сител - пред 2 часа
Сител - пред 2 часа
Сител - пред 2 часа
Сител - пред 2 часа
Сител - пред 2 часа
Сител - пред 2 часа
Глас на Америка - пред 2 часа
Глас на Америка - пред 2 часа
24 Инфо - пред 3 часа
24 Инфо - пред 3 часа
Република - пред 3 часа
Глас на Америка - пред 3 часа
Турлитава - пред 3 часа
Женски магазин - пред 3 часа