Претреси во Чашка, приведени две лица поради основи на сомнение за поткуп при избори
А1он - пред 1 час
МВР извести дека денеска во 15.20 часот полициски службеници од Одделението за криминалистичка полиција при СВР Велес го уапсиле И.И.(52) од село Мелница, општина Чашка. Добивај вести на вибер „При претрес во неговиот дом, извршен со наредба од Основен суд Велес поради основи на сомнение за кривично дело ” поткуп при избори и гласање” по член 162 од КЗ биле пронајдени и одземени еден пиштол „Застава” со две рамки, 58 куршуми и 4 зрна-испукани проектили кои ги поседувал без дозвола, како и копија од преглед на гласачи за изборно место во Чашка. И.И. бил приведен во полициска станица, известен бил јавен обвинител и по документирање на случајот против него ќе биде поднесена соодветна пријава. Исто така денеска, во 17.00 часот, полициски службеници од Одделението за криминалистичка полиција при СВР Велес го лишиле од слобода А.Ч.(50) од село Мелница, општина Чашка. При претрес во неговиот дом извршен со наредба од Основен суд Велес поради основи на сомнение за кривично дело “поткуп при избори и гласање” по член 162 од КЗ биле пронајдени и одземени еден пиштол ,,Валтер” со една рамка, еден пиштол „Црвена застава”, еден пиштол „Бул” со една рамка, 139 куршуми, мобилен телефон, 986 670 денари во разни апоени и 2 325 евра во разни апоени. А.Ч. бил задржан во полициска станица, известен бил јавен обвинител и по документирање на случајот против него ќе биде поднесена соодветна пријава“, извести полицијата.
(ВИДЕО) Ковачевски: Oва е последниот повик за Европа, ние не се откажуваме!
А1он - пред 1 час
Со испраќање на порака за здружување на силите на патот кон Европската Унија, Социјалдемократскиот Сојуз на Македонија вечерва го одржа завршниот митинг во Скопје, непосредно пред изборите закажани за среда. Добивај вести на вибер Претседателот на СДСМ, Димитар Ковачевски, на присутните граѓани им порача дека двојните избори на 8-ми се последниот повик за Европа и од тоа, нема да се откажат. „Исто како што не се откажавме изминативе седум години кога се соочивме со многу предизвици. Кога се боревме со сите кризи, со пандемијата, со инфлацијата, со енергетските проблеми! Знаете и самите дека имавме многу подеми и многу падови. Но, во ниту еден момент, ниту се откажавме, ниту се предадовме, ниту се повлековме. Бевме рамо до рамо со граѓаните“, изјави на митингот претседателот Ковачевски. Ковачевски додава дека во време на СДСМ платите се золемиле за 120% а пензиите за 55%, со антикризни мерки во висина од над 2,6 милијарди евра и 2,5 повеќе странски директни инвестиции со подобри платени работни места. „ И ова, не е мала работа. Многу поголеми и поразвиени земји од Македонија едвај излегуваа на крај со кризите, а ние единствени од цела Источна европа успеавме да го зголемиме животниот стандард на граѓаните. Тоа го потврди и реномиран виенски економски институт. И горди да бидете сите на тоа, затоа што сите вие дававте поддршка на тие политики кои ги водеше СДСМ, и коалиционите партнери од коалицијата з аевропска иднина. И бидете горди што покажавме на дело дека социјалдемократијата и СДСМ, беа оние кои ги заштитија граѓаните, кои буквално ја спасија земјата од колапс.“, посочи Ковачевски на вечерашниот митинг. Солидарноста, заедништвото, социјалната држава и правдата, потенцира претседателот Ковачевски, се оние кои помогнаа да се извлечеме од хаосот кои го носеа кризите, но и ни овозможија да одиме напред и да постигнеме одлични резултати. „ Бидете горди што покажавме јасно дека социјалдемократијата не е само идеологија на хартија, туку е единствен начин како општеството и државата да се подобрат и да обезбедат прогрес и просперитет. И денес имам уште една можност да порачам дека вистинските социјалдемократи се овде, тука на овој плоштад. ВО моментов се и на плоштадот во Битола, не се вистински социјалдемократи оние лажните кои се ујдисаа со наследниците на Ванчо Михајлов и кои заедно со него планираат да им зададат удар на вистинските социјалдемократи. Ама овие социјалдемократи се направени и настанале 1943 година, а оние социјалдемократи оние кои лажно се претставуваат дека знаат што е социјалдемократија па затоа се крстиле веројтно и ЗНАМ тоа се лажни измислени 2021 година, во Белата палата на 200 метри од тука. Бидете горди затоа и што СДСМ е единствената социјалдемократска опција, граѓанска партија, партија со традиција, партија која е длабоко вкоренета во историјата на Македонија. Бидете горди и затоа што ние никогаш не сме се откажале кога требало да се донесат тешки одлуки за државата да оди напред. “, им порача Ковачевски на скопјани. Тој ги наведе зачленувањето во Обединетите Нации, добивањето на кандидатски статус на Македонија за влез во Европската Унија и зачленувањето во НАТО како тешки, но исправни одлуки што се донесени во време кога СДСМ била на власт и порача дека исто така СДСМ заедно со граѓаните, ќе ја внесе земјата и во ЕУ. Во обраќање пред присутните на вечерашниот завршен митинг во Скопје, претседателот на Социјалдемократскиот Сојуз на Македонија, Димитар Ковачевски, истакна дека не бегаат од одговорност и свесни се за кадровските, политичките и коалициските грешки и за разлика од Мицкоски и Груевски, СДСМ не бега од одговорност и не се крие. „За направените грешки, ние ја добивме казната. Потполно сме свесни за тоа и ја примивме пораката со достоинство и со почит. И вие видовте и самите, грешките ги прифативме, лекцијата ја научивме. И затоа, сакам да ви порачам од тука, јасно и гласно: ако ја добиеме довербата од граѓаните, тоа повеќе нема да се случува. Тоа е моето ветување до вас“, изјави претседателот Ковачевски. Ковачевски додава дека стигнавме многу далеку, од заробена држава со угнетени медиуми, истепани студенти, заробено судство и криминал, денес да бидеме земја-членка на НАТО и со започнати преговори за влез во Европската Унија. „ И за тоа да продолжи мора да се бориме, да продолжиме да ја менуваме Македонија, и да ја направиме европска држава! Да обезбедиме систем за сите, да можат законите да важат за сите, да има исти права за сите, да има ред и поредок, повисок стандард, безбедна и стабилна земја! И за тоа да се случи, има само еден пат, има само еден начин! Со членството во ЕУ, со поддршката на Европската Унија, со нашите стратешки партнери САД и сите наши сојузници кои треба да ни помогнат да направиме подобро место за живеење во Макеоднија а не нивните места да бидат подобри места за живеење за Македонците. Членството во ЕУ е единствениот начин за суштински промени во државата. “, им порача претседателот Ковачевски на скопјани. Поради ова, додава Ковачевски, ја креирале Програмата за европска иднина, со зголемени плати и пензии, поголема поддршка на младите, подобри услови во образованието, јавното здравство, бизнисот и други општествени сфери.
Николоски: Ветувавме дека нема да има уставни измени под бугарски диктат и немаше, сега ќе нема влада со ДУИ
А1он - пред 1 час
Изборот никогаш не бил полесен. Изборот е дали Македонија ќе ја градиме како што ја сонуваа нашите предци или Македонија ќе ја уништуваат СДСМ и ДУИ. Изборот е дали ќе имаме нормална држава или држава која тоне во криминал и корупција. Овие шест и пол години како раководство на ВМРО-ДПМНЕ предводени од претседателот Христијан Мицкоски секојдневно се боревме со криминалната власт, не имаше секогаш кога е потребно на македонските улици, плоштади да се спротивставиме на предавствата, криминалот и корупцијата и 8 мај е денот кој го чекавме со години. Затоа 8 мај е круна на нашата борба, 8 мај е денот на победата, денот на кој нашата генерација добива шанса Македонија да ја направи пристојно место за живеење, истакна носителот на Изборна единица 4 од ВМРО-ДПМНЕ Александар Николоски на завршниот митинг на ВМРО-ДПМНЕ во Прилеп. Добивај вести на вибер Тој продолжи и додаде: „На 8 мај одлучуваме дали во паника, Али Ахмети, Талат Џафери, Артан Груби и Бујар Османи ќе ги враќаат духовите од минатото и ќе ги бакнуваат знамињата на УЧК или ние гордо ќе ги вееме нашите македонски знамиња. На 8 мај одлучуваме дали Македонија ќе се доиспразни или ќе има одговорност за криминалците. На 8 мај одлучуваме дали во Македонија ќе се градат патишта или Венко Филипче и Благој Бочварски ќе монтираат неизградени патишта на компјутер како луѓето да не гледаат што се случува“, вели Николоски. Тој истакна дека потребна е масовна референдумска излезност. „На 8 мај одлучуваме каде оди Македонија и затоа ни е потребна масовна референдумска излезност, а после тоа она што го ветуваме ќе го оствариме затоа што ние сме многу сериозни во нашите ветувања. Кога рековме не за промена на Уставот под бугарски диктат ние бевме сериозни во тоа и го направивме тоа, кога рековме битка со организираниот криминал и корупција ние бевме сериозни и не потклекнавме под ниедна уцена и закана, кога рековме ќе ја чуваме македонската национална гордост ние го направивме тоа, кога рековме градоначалниците на ВМРО-ДПМНЕ ќе работат без скандали го рековме и го направивме тоа и затоа кога велиме влада без ДУИ ние го мислиме тоа и ќе го направиме тоа, ќе одат во опозиција и ќе одговараат“, посочи Николоски. Тој кажа дека овие избори се и за слобода на уставобранителите и правда за онеправдените. „Овие избори се и за слобода на уставобранителите и за правда на онеправданите. Овие избори се за над 3,000 семејства пред се членови на ВМРО-ДПМНЕ кои беа жртва на политички прогон во изминативе шест и пол години. Овие избори се за правда, економски напредок за едно ново утре за сите вас, за сите нас“, дециден е Николоски.
(ВИДЕО) Пендаровски: Нема предавање и откажување пред 8 мај по ниедна цена
А1он - пред 2 часа
Кандидатот за претседател Стево Пендаровски вечерва во Скопје го одржа завршниот митинг во рамки на претседателската кампања и притоа истакна дека е сигурен дека на 8 мај, ќе се извојува двојна победа, како што рече: „не за нас, за сите вас“. Добивај вести на вибер Тој ги повика скопјани, но и сите граѓани на Македонија да размислат кому ќе ја дадат довербата в среда бидејќи ако се дограба ВМРО-ДПМНЕ до власт, последиците можат да бидат непоправливи и на среден и на долг рок, бидејќи според него тоа се луѓе без искуство, без политичко искуство да водат држава, да водат град или општина. „Кога ќе ги прашате што ќе правиме со нашето членство во НАТО, кое самите во својата програма го ставија како најголема вредност и најголема контрибуција за безбедноста на Македонија, тие велат ќе го почитуваме Преспанскиот одговор, но никогаш нема да изговориме Северна. Да го кажува ова дете од претшколска возраст па и ќе се насмеете. Кога го кажува возрасен човек, професор на факултет, кандидат за највисоката политичка функција, а тоа го повтори и денеска на последниот дуел кој го имавме, единствено ви останува да ја жалите госпоѓата“, додаде Пендаровски. Тие, продолжи Пендаровски, немаат ниту еден конкретен одговор за нашите најголеми стратешки проблеми и дилеми. „Велат немало да ја менуваат Европската преговарачка рамка, таа ќе останела како што е. Меѓутоа ќе барале за возврат од Бугарија да исполнува одлуки на судот во Стразбур. Кога ќе и предочите на госпоѓата дека не е можно од 1957 кога е направена ЕУ, до ден денешен земја која е кандидат, која не е членка, да условува земја која е членка на ЕУ, што е азбука во сите меѓународни организации и кога ќе и кажете дека солидарноста меѓу земјите членки е примарна, не кон оние кои не се членки, таа само превртува со очи и буквално ништо не ви одговара“, рече Пендаровски. Осврнувајќи се на изјавите на неговата противкандидатка дека Рамковниот договор го надминал времето, Пендаровски истакна дека Македонија ќе опстои исклучиво како заедница на потполно рамноправни граѓани. „Кога имате работа со луѓе кои за, а сите знаеме колку мртви колку повредени, колку инвалиди, колку деструкција имавме во таа 2001 и дека тие рани ден денеска не можеме да ги залечиме, тоа значи дек тие луѓе немаат осет во каква држава живеат, каква е популационата структура. Ако можело да функционира 23 години, не гледам причини да одиме по овие забегани теории, заговори и личности кои тврдат дека имале подобри решенија“, подвлече тој. Истакнувајќи дека граѓаните на Центар имаат голем креативен, демократски потенцијал, тој ги повика на 8 мај масовно да се мобилизираат и да покажат дека знаат да се грижат за себе и за иднината на своите деца. „За да ја зацементираме иднината на Македонија на магистралата која води кон Европа и развиениот свет, со заокружување на бројот 1, во масовна бројка да им покажеме на ова кои ја замислуваат Македонија само како нивна, приватна држава дека нема да успеат. Нема да успеат! За број 1, на 8 мај, на двата избора“, заклучи Пендаровски.
Таравари: Ветувам дека кога ќе ја формираме Владата ќе трчаме уште посилно отколку во кампањата
Макфакс - пред 34 минути
„Со верба ветувам дека јас и сите челници на ВЛЕН кога ќе ја формираме Владата ќе трчаме уште посилно отколку во кампањата“, ова беше првото јавно ветување што Арбен Таравари го даде на големиот митинг во Тетово, додавајќи дека по 8ми мај нема да им биде удобно во кожните фотелји, туку ќе работат уште повеќе за сите. Таравари нагласи дека иако имал многу понуди од Али Ахмети, тој избрал да биде со народот. „Не сакам да се задржам многу. Оваа кампања беше незаборавно искуство за мене! Најдов пријатели и тим како ВЛЕН, видов и предавство од некои, кај кои како и кај секој предавник останува само сенка, но во повеќето најдов многу верба и храброст! Имав многу понуди од Али Ахмети, понуди на кои некои мои сопартијци не можеа да одолеат… но јас избрав да бидам ти. Горд сум што го направив овој избор и нека ни е Среќна Победата!“ – истакна Таравари. Убеден во победата, Таравари рече дека Историската промена ќе остане запаметена како Револуција на светлата. „Сега сè започна со некои светла од мобилни телефони, кои се палеа дури и кога режимот викаше дека ги гаси светилките на народот… овие светилки се спротивставија… се зголемија и денес тие се светлината на слободата што ја дигнаа земјата на нозе! Сега ги поканувам моите колеги од ВЛЕН на сцената и сакам сите да се фотографираат со вашите светла и да знаат сите дека оваа Историска промена ќе биде запаметена како Револуција на светлата. Господ да ве благослови!” рече Таравари во своите завршни зборови пред илјадници граѓани во Тетово. Tweet ©Makfax.com.mk Доколку преземете содржина од оваа страница, во целост сте се согласиле со нејзините Услови за користење. Поврзани Артикли: Претходно Ковачевски: Демократијата е како кислород – кога е тука, не ја забележуваме, кога ќе ја снема, се чувствуваме задушено Би можело да ве интересира и...
Силјановска Давкова: Македонија сме ја наследиле, ќе ја оставиме на идните поколенија – Македонија горда!
Курир - пред 34 минути
избори 2024 Фото галерија од денешниот голем народен митинг на ВМРО-ДПМНЕ одржан во општина Прилеп
Митева: Да не беа уставните измени СДСМ ќе немаа за што да зборат во кампањата
Република - пред 1 час
Доколку не постеше ова прашање СДСМ ќе немаше за што да зборуваат. Па така тие се поигруваа со граѓаните, сетете се на сликата во авион кога рекоа дека почнале преговорите. А за уставните измени за ВМРО-ДПМНЕ е многу јасно, ниту имало ниту ќе има измени под бугарски диктат, рече членот на ИК и кандидат за пратеник од ВМРО-ДПМНЕ, Марија Митева во нејзиното гостување во емисијата „Отворено“ на ТВ24. Говорејќи за тоа дали формирањето на влада со албанската опозиција би предизвикало нестабилност во меѓуетничките односи, Митева со став: „Македонија е демократска држава и принципот победник со победник е напуштен во не така едно далечно минато, така што не сметам дека некој сега треба да зборува дека тоа ќе биде погрешно доколку се направи коалиција со албанската опозиција, вака членот на ИК и кандидат за пратеник од ВМРО-ДПМНЕ“. Митева исто таа додаде дека ДУИ се користи со таква остра реторика само затоа што смета дека тоа би им донело гласови во нивниот кампус. „Тоа се реторики кои користат за, би кажала, за нивниот електорат. Сметаат дека така ќе ги добијат гласовите. Сметаат дека тоа е единствената теза на којашто можат да играат во рамки на политичката кампања. Јас напротив, сметам дека секоја сериозна политичка партија треба на изборите и во делот на кампањата да ја презентира сопствената програма или платформа, да ги каже оние ставови и принципи по коишто се води и така да ја побара поддршката од граѓаните. Се останато е една, би кажала, состојба којашто нив им користи, односно сметаат дека им користи, а резултатите покажаа дека не е така“, потенцираше Митева Таа додаде: „Реториката на меѓуетнички тензии, ниту постоела во ВМРО-ДПМНЕ и ниту ќе постои. Решени сме дека Демократската унија за интеграција е време да замине во опозиција и тоа ќе го докажеме по завршување на изборите на 8 мај кога ќе се формира новата влада којашто ќе ја предводи ВМРО-ДПМНЕ со Социјалдемократскиот сојуз и ДУИ во опозиција“. Митева исто така истакна дека првата работа што ќе ја направи ВМРО-ДПМНЕ после формирање на владата е воспоставување на функционален систем, бидејќи сите граѓани без разлика на етникум се соочуваат со исти проблеми и маки. „Со она што ние како политичка партија се соочуваме беа граѓани коишто навистина велеа дека немаме повеќе систем во државата и апсолутно се согласувам со тоа. Првата работа којашто треба да бидат свесни граѓаните е дека ќе се обидеме и дека се обврзуваме дека ќе ја направиме е да ја вратиме Македонија како држава во којашто има функционален систем. Јас често велам дека маката на граѓаните е иста дали се Албанци, Македонци, Турци, Власи, Срби или останати. Ние сите имаме иста мака по однос на тоа како да обезбедиме подобар живот, како да го прехраниме своето семејство, како да оставиме нешто на своите деца и некако треба да размислуваме како секоја алка на системот да ја подобриме. Прво да ја направиме функционална, да ја ослободиме државата од криминал и корупција, да почне да владее правото и мислам дека така ќе ја вратиме надежта“, заклучи Митева. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Маричиќ: ВМРО-ДПМНЕ ја палеше Преговарачката рамка во Собрание, за сега да каже дека им е прифатлива
Либертас - пред 55 минути
„СДСМ постојано има отворен и искрен став, а тоа е дека сме за Македонија во ЕУ до 2030 година и сакаме конкретно да ги завршиме преговорите во наредните четири години. На прашањето кога во ЕУ, нашиот одговор е што побрзо“ рече кандидатот за пратеник на СДСМ и Коалицијата за европска иднина, Бојан Маричиќ во емисијата „24 отворено“. Тој додаде дека доколку се прашаат ВМРО-ДПМНЕ и Сиљановска-Давкова кога во ЕУ, нивниот одговор е по можност никогаш или што подалеку со одложено дејство. „Мило ми е што се менуваат ставовите во ВМРО-ДПМНЕ. Јас присуствував во собраниската сала кога пратениците на ВМРО-ДПМНЕ ја палеа Преговарачката рамка. Денес слушаме дека Преговарачката рамка била прифатлива од нивната кандидатка“ рече Маричиќ. Тој додаде дека на овој начин ВМРО-ДПМНЕ води неискрена политика и манипулира со граѓаните.
Канал 5 ТВ домаќин на третата и финална Претседателска дебата во пресрет на двојните избори
Канал 5 - пред 2 часа
Пендаровски: За прв пат имаме 7 претседателски кандидати , од кои двајца Албански, но јас сум единствениот кој претендира на гласовите од сите етнички заедници, како што беше и во 2019 година. Очекувам да биде надминат цензусот од 40%. Во етничката Албанска средина не доминира опозиционо расположение. Ниту една од анкетите не го предвиде резултатот од првиот круг и никој не го погоди. Овие избори се едни од најдемократските, и тоа треба да се повтори и во вториот круг. Политичката партија што ја поддржува Сиљановска настапува со силна националистичка реторика. Не е фер да се издвојува една општина во Скопје и да се кажува дека има одредени сознанија кога ВМРО-ДПМНЕ го има техничкиот министер кој треба да уапси луѓе кои уште сега се закануваат дека ќе направат одредени дејствија на изборниот ден. За формирање на владата не е потребно двојно мнозинство. Фрлаат дрва и камења кон Балансерот, тој ја има својата улога ако не се изигрува, тој не смее да ги смета луѓето кои не се овде и не се резиденти. Што ќе правевме ако не бевме членка во ОН, ќе не' имаше ли денеска? Се друго им одбивме на Бугарите, поради нашиот концепт на Уставот побараа од нас мислејќи дека нема да ни биде проблем -да го вметнеме малото Бугарско малцинство во уставот. Пред да биде потпишан Преспанскиот договор, тогашниот премиер ги викна претставниците на опозицијата кои поседуваат сертификати на собраниската комисија и тие одбија воопшто да дебатираат за тој нацрт договор. Како мислат го подобрат договорот и колку време ќе одземе тоа? На секоја дебата ги цитирате БГНЕС агенција формирана од Бугарската разузнавачка служба, зошто ги цитирате нив? Сиљановска: Не е прв пат да има 7 кандидати во претседателската трка, на избори не гласаат етнички заедници, гласаат граѓани и особено кандидат кој се декларира како предлог на граѓаните треба тој граѓански концепт да го брани. На овие избори поважна од етничката е опозициската определба и кај Македонските и кај Албанските партии. Изборниот праг од 40% e антиевропски. Личноста на патронот на партијата според науката е повлијателна дури и од економската состојба во државата. досегашните резултати го предвидоа резултатот 2:1. Не само што изгубивте туку резултатот ќе се повтори. 2001 година е зад нас, не постои ниту една причина за конфликт. 20 години да бидете дел од сите влади, покажува дека сигурно сте се интегрирале во системот. Нема документ на ЕУ кој што не вели дека сите проблеми се решаваат мирно, а изборите се тие каде се одлучува кој ќе биде победник, не постојат двајца победници, а во секоја влада и парламент треба да има претставници од сите етнички групи. Етничките права треба да се почитуваат но граница за нив да бидат индивидуалните правила, во спротивно нема правна држава. Не се плашам од „Пандорини кутии“. Преговарачката рамка беше прифатена без широк консензус. Парламентот може да направи промени, се надевам дека по изборите кај нас новиот претседател во ЕУ ќе ги пренесе што е она што е надвор од Копенхагенските критериуми. Еден претседател треба да каже дека политички мазохизам е ние да се обврземе на немешање во внатрешните и политичките работи на соседите, а да го дозволуваме тоа.
Спикерот на Курти со поддршка за Пендаровски, контра Таравари: Секој глас за кандидатката на ВМРО е антиалбански глас
Република - пред 1 час
Претседателот на Собранието на Косово, Глаук Коњуфца, рече дека кандидатката за претседател на Македонија, Гордана Силјановска Давкова има антиалбански концепти и дека затоа не треба да биде поддржана од Албанците. Овие коментари Коњуфца ги даде неколку часа по средбата на Мицкоски во централниот штаб на коалицијата „ВРЕДИ“ – поддржана од премиерот Албин Курти и неговата партија – со Арбен Таравари. Според него, на средбата беше алудирано дека лидерот на Македонската опозиција отиде да бара поддршка за вториот круг од претседателските избори или да обезбеди прелиминарен договор за новата влада на Македонија. „Колку што лично јас сум ги видел политичките концепти што ги разви Гордана Силјановска-Давкова се многу антиалбански концепти, постои сомнеж за албанското население таму“, рече Коњуфца. „Јас сум многу против овие концепти. Јас би бил против каква било поддршка од кој било Албанец за вакви концепти, бидејќи јас внимателно ги слушав. Тоа е антиалбански концепт што оваа кандидатка сама го објасни“, додаде тој. Првиот човек на Собранието истакна дека тој лично не би преферирал ниту една таква опција, бидејќи, според него, „тоа е на штета на Албанците“. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Ковачки до активистите на ДУИ: За поткуп се лежи во затвор, на 9-ти мај нема да ве спаси ниту Али Ахмети, ќе одговарате до еден
А1он - пред 2 часа
Лудилото со поткуп од страна на ДУИ и СДС не застанува. Штотуку ме информираа дека кај активисти на ДУИ било пронајдено оружје, биле пронајдени пари и биле пронајдени списоци за гласање. Истите биле лишени од слобода, вели Драган Ковачки, член на ИК на ВМРО-ДПМНЕ и носител на ИЕ 3. Добивај вести на вибер – Немојте да се плашите, ДУИ не смее да извади пратеник во тројка. Ве повикувам сите масовно да излеземе на гласање. А, за активистите на ДУИ им упатувам порака – на 9-ти мај ќе одговарате, за ова се лежи затвор. Ќе лежите сите од прв до последен. Нема да ве спаси Али Ахмети. Нема да ве спаси ниеден што ве пратил таму да правите поткуп. Бидете сериозни. Го кршите демократскиот процес. Македонија мора да ја вратиме во рацете на граѓаните – вели Ковачки.
ете од Скопје ја натепало мајка си, а искршило и дел од покуќнината
Република - пред 1 ден
Вчера во 14 часот во СВР Скопје, 42-годишна жена пријавила дека во домот на подрачјето на скопско таа и нејзиниот малолетен син биле физички нападнати од нејзиниот друг малолетен син. Насилното дете оштетило и дел од покуќнината. Се преземаат мерки за расчистување на случајот, информира МВР. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Семка Ибраимовски: Над 100.000 луѓе умираат годишно од стрес од извршителите
Независен - пред 1 час
Семка Ибраимовски: Над 100.000 луѓе умираат годишно од стрес од извршителите 06/05/2024 22:07 Како пратеник ќе барам посебни седници на Собранието за извршителите кои не го почитуваат Законот за извршување и ја злоупотребиле својата службена положба, истакна во гостување во „Тешки муабети“ лидерот на ПЦЕР и носител на пратеничката листа на коалицијата „Храбро за Македонија“ во ИЕ 5, Самка Ибраимоски. – Ова што го прават извrшителите не е нормално, над 100.000 луѓе годишно умираат заради нив, од стресови, самоубиства и слично. Има страшни случаи, на човек за 150.000 денари му ја земаат куќата, ја злоупотребуваат службената положба и овластување. Јас имам поднесено кривична пријава со докази, за извршител, со месеци никој не покренува ништо, вели Ибраимоски кој додаде: – Нека нѐгласаат граѓаните, да видат како се бори во Собранието. Ќе барам посебни седници за извршителите, јас и Ана Глигорова имаме докази, ќе бараме таму да присуствуваат и МВР и економски и стопански криминал, истакна Ибраимоски. Тој претстави и дел од програмата во делот на социјалната политика, меѓу кои и повисока социјална помош и можност за откупување на одреден временски период од стаж кој им недостига на граѓаните за да остварат право на пензија. Поврзани содржини Николоски: Овие избори се за слобода на уставобранителите 06/05/2024 22:05 „Нема да кажувам Северна, ќе ги чекам последиците“: Силјановска во третата дебата со Пендаровски 06/05/2024 22:05 Ковачевски: Демократијата е како кислород, не ја враќајте државата во дивите времиња на ВМРО-ДПМНЕ 06/05/2024 21:05 Студена порака од Курти за Таравари: Поддршката за Силјановска е на штета на Албанците 06/05/2024 21:05 Адеми ги повика граѓаните да гласат на 8 мај според сопствената волја 06/05/2024 19:05 Се сретнале Мицкоски и Таравари, разговарале за идната влада 06/05/2024 17:05 Ванхојте се врати во Македонија, ќе ги турка уставните промени 06/05/2024 15:05 СДСМ ги повикува граѓаните масовно да излезат на изборите 06/05/2024 09:05 Најчитани ВМРО-ДПМНЕ ќе им даде на пензионерите 5.000 денари само првата година. За понатаму не знаат 01/05/2024 08:41 Што се случува во телото кога пиеме чаша вода на празен стомак? 30/04/2024 13:53 Град Скопје: Продолжува реализацијата на првата фаза на изградбата на подземната инфраструктура на новиот булевар Хрватска 30/04/2024 09:06 „Голема енигма“: археолози аматери откопаа мистериозен римски објект 04/05/2024 19:56 Триесет лица загинале обидувајќи се да избегаат од воениот рок во Украина 30/04/2024 15:38 Еврото може да биде во неволја, еве зошто 03/05/2024 08:03
Пендаровски:Не постои таков хибрид „почитувам Преспански договор,Северна нема да употребувам“
Канал 5 - пред 37 минути
Невозможно е да кажете дека како легалист ќе го почитувате Преспанскиот договор, а Северна нема да употребувате. Може да го направите тоа по дома, со друштво, но како претседател не смеете да не го употребувате уставното име на државата. Овде, на МАНУ, на факултет како претседател мора го употребувате уставното име. Не постои таков хибрид „почитувам Преспански договор, Северна никогаш нема да употребам“. Постоеше безбедносен апсект за влез во НАТО, а по руската агресија се виде дека сме биле во право. Вие имате пратеници што заговараа промена на име, со две додавки, со две загради, го знаеме тоа од снимнките, па зошто не го решиле? Мислам не би требало да ви вадам слики на лидери кои стојат позади вас на бина кои се сликани со тој нарко-барон и се сликани со неговите пријатели и не стојат, не се на поминување туку тераат гозби во кафеана. Вашето опкружување и човекот што ве предложи седи, тера ќеифови, со тој. Сликите не се измислени, туку се доказ. Фета Алими му го спаси животот на Зијадин Села, практично ја одби наредбата на својот претпоставен кој му наредил да остави што ќе сакаат насилниците тоа да прават. Не само што му помогнал и го однел во болница, но во текот на тој чин и се вмешал велејќи „немојте понатаму“, а никој друг од таа група не го стоил тоа. Најважно е да се каже дека судот го докажа случајот за 27 април дека е организиран чин од владејачката партија да не ја препушти власта на партијата која доби доверба од граѓаните, рече Стево Пендаровски во Само Вистина.
Боки 13: ПРЕД СТАНОТ МЕ ЧЕКАА ДА МИ ПРЕНЕСАТ ПОРАКА ОД КИЧЕЕЦ, ќе ме замолчите ако ме убиете
Време - пред 11 часа
Бојан Јовановски<span lang="MK" style="mso-ansi-language:MK"> познат како </span>Боки 13<span lang="MK" style="mso-ansi-language:MK"> на Фејсбук објави дека </span>добива разни форми на закани и притисоци за да го откаже гостувањето кај јутуберот Стефан Лазаров, за каде најави „второ полувреме“ со докази. <span lang="MK" style="mso-ansi-language:MK"></span><span lang="MK" style="mso-ansi-language:MK">Боки<span style="mso-spacerun:yes"> </span>посочува</span> дека пред влезот на неговиот стан го пречекале лица за да му пренесат порака, како што тврди од, Зоран Милески-Кичеец.<span lang="MK" style="mso-ansi-language:MK"></span>„Ја известувам јавноста дека лица блиски и под команда на Зоран Милевски-Кичеец веќе неколку дена кон мене делуваат преку разни форми на закани и притисоци со цел да го откажам утрешното второ гостување кај Лазаров! Воедно, заканите и уцените кулминираа вечерва ( сега пред 15 мин ) кога пред влезот на мојот стан ме пречекаа две лица да ми пренесат порака од Кичеец…<span lang="MK" style="mso-ansi-language:MK"></span>Па еве вака, јас нему му кажувам јавно, дека утре дополнително ќе го разобличам и него и целата останата политичка криминална банда и утре во 20 часот на интервјуто кај Лазаров ќе му одговорам на пораката која ми ја пренесоа неговите каубојци!!!<span lang="MK" style="mso-ansi-language: MK"></span>П.с за утре имам голем, обемен и многу содржаен материјал кој ќе го понесам со себе кај Лазаров!!! Нема да ме заплашите со ништо и нема да ме спречите, единствено може да го откажам утрешниот настап и да молчам ако ме убиете, друго решение немате!!!<span lang="MK" style="mso-ansi-language:MK"></span>П.с-2 Кичеец веќе има искуства со ликвидации и мафијашки пресметки со убиства, ваљда истражните органи тоа го знаат и подобро од мене, а ако не знаат ќе дознаат!!!Ќосето: Излезете масовно на 8 мај, ВМРО-ДПМНЕ ОД ХАОСОТ ЌЕ СОЗДАДЕ РЕД, ПРАВДА МОРА ДА ИМА, но без монтирани случаи да не бидеме како нив„ОНКОЛОГИЈА СО ЗАГУБА ОД 38.000 ЕВРА на секои 110 ампули од лек од 350 евра поради немање КАТО“
Митрески: Да се обединиме против режимската ВМРО-ДПМНЕ, да гласаме за број 1 за концептот за европска иднина на државата
А1он - пред 47 минути
“Граѓаните имаа можност да видат два концепта, едниот, на СДСМ и Коалицијата за европска иднина кој води кон подобра иднина, кон прогрес, кон унапредување на животниот стандард, со конкретни и реални проекти, со визија Македонија да стане држава со европски вредности и конечно членка на ЕУ до 2030 година и оној на ВМРО-ДПМНЕ кој сака да не врати назад, во изолација, во безнадежност, во страв и агонија, во нови поделби и кавги по меѓуетничка основа“, порача носителот на ИЕ 5 Јован Митрески, на вечерашниот митинг во Битола. Добивај вести на вибер Тој нагласи дека во кампањата можеше да се види и понуда на два сосема различни тима, на СДСМ и Коалицијата за европска иднина кои имаат визија, кои имаат одлучност и храброст да носат вистински одлуки во интерес на граѓаните, тимот на ВМРО-ДПМНЕ, истите оние луѓе кои беа послушници и главни извршители на Никола Груевски, кои Македонија ја доведоа до бездна. „Тоа се истите оние кои со Груевски правеа криминали или ги штитеа неговите криминали и кои и ден денеска не се оградија од криминалите и од злосторството што на Македонија и го направија. И затоа ова се важни избори! Важно е на 8 мај да се направи вистинскиот избор бидејќи одлучуваме по кој правец ќе тргне државата. Немаме веќе време за губење. Нема да дозволиме повторно да ја заробат државата, да ја уназадат државата, ниту па некој да ја уништува иднината на нашите деца“, додаде Митрески. Тој ги повика граѓаните масовно да излезат на гласање и да гласаат за број 1, за конкретна, реална и осварлива Програма. „Гласот за ВМРО-ДПМНЕ е глас за неизвесност, за враќање кон минатото, за нови кавги и поделби, за нови проблеми. СДСМ е силна партија, не се откажува и не потклекнува. Мора да се обединиме против режимската ВМРО-ДПМНЕ, која никогаш не работела во интерес на граѓаните“, порача Митрески од Битола.
Јане Ченто: Победата е на дофат, во среда да ја ослободиме Македонија!
Република - пред 51 минути
Јане Ченто, еден од осудените за случајот 27 април, пред изборниот молк се обрати до јавноста. Тој смета дека Македонија е мета на разојници, а треба да се ослободи. Неговото обраќање го пренесуваме во целост: „Победата е на дофат, мириса на слобода во воздухот, дури и тука во затвор се чувствува енергијата која ја донесе ВМРО за промени. Ова се историски денови за Република Македонија кога после 20 години на власт ДУИ и Али Ахмети конечно ќе бидат испратени во опозиција а со тоа се отвора патот на напредокот на Македонија, бидејќи ДУИ е тој што ја кочи Македонија во се…..тоа е “ракот” на македонската држава од 2001 до ден денес. Правдата мора да ја вратиме, да ја ослободиме од синџирите и канџите на неколкумина кои решаваа за судбините на многу нанесени неправди изминатите години и индивидуално но и колективни неправди кои ги направија кон својот народ. Македонија е клекната на колена веќе 7 години и нѐ моли да ја спасиме….а грабната мајка од разбојници не треба да ја жалиме, ТУКУ ДА ЈА ОСЛОБОДИМЕ! Сме ја спасувале како народ многу пати низ историјата а такви се и овие денови во кои Ве повикувам сите да се приклучите во борбата и да ја ослободиме Македонија од џелатите и нивните измеќари. За сдс нема да трошам зборови….тие се небитни, предавници на својот народ и тоа го знаат сите. Македонија е емоција и никакви затвори таа емоција не може да ја затвораат, бидејќи на затворениот ради патриотизам и затворот му е мил наспроти оние кои направија гнасни предавства кон сопствениот народ и се на слобода можеби физички но психички нема поголем затвор од нивниот. Браќа и сестри, Ве повикувам на 8ми Мај сите заедно да излезете и дадете поддршка за ВМРО-ДПМНЕ и Проф.д-р Гордана Силјановска Давкова. Јас оваа енергија што ја чувствавам во затвор, знам дека Вие ја чувствувате повеќе на слобода, а таа енергија е дека промените доаѓаат и дека Македонија ќе си ја вратиме, а со тоа ќе ги вратиме и институциите во кои сите ќе бидеме еднакви без разлика на етничката припадност. Македонија ќе победи благодарение на истрајноста, трпението и мудроста на македонскиот народ и лидерството на ВМРО. Јас силно верувам дека идниот премиер Христијан Мицкоски заедно со неговиот тим ВЕДНАШ ќе започнат со реформите кои ги ветија. НЕПОКОРОТ кој го покажавме во овој најцрн период во независна Македонија нека биде мотив повеќе да излезете и да гласате за број 2. Македонија е жива онолку колку што е жив нејзиниот македонски народ….. Овие денови МАКЕДОНСКИОТ НАРОД е најжив во последните 7 години а со тоа се враќа и надежта дека ќе успееме како држава. Да живее Република Македонија 🇲🇰 Ќе изгрее сонцето на слободата“, вели Јане Ченто. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Пендаровски: Бугарија не дозволи одложено важење на уставните измени и тоа е прифатено од сите земји-членки на ЕУ, ВМРО-ДПМНЕ само ќе губи време
Бриф - пред 2 часа
Пендаровски: Бугарија не дозволи одложено важење на уставните измени и тоа е прифатено од сите земји-членки на ЕУ, ВМРО-ДПМНЕ само ќе губи време
Заев во сино елече
Република - пред 2 часа
Поранешниот лидер на СДСМ Зоран Заев вечерва се обрати на митингот на СДСМ и коалицијата што се одржа во Турското маало во Струмица. Ова е негово прво појавување на политички собир откако се повлече од политиката пред повеќе од две години. Заев рече дека се обраќа со молба до граѓаните од овој дел на Струмица да го дадат својот глас за пратеничката листа на СДСМ и за кандидатот за претседател Стево Пендаровски, бидејќи соработката меѓу СДСМ и Турското маало трае 20 години и, како што рече, е од Бога благословена. – Секогаш сме имале почит кон противниците. Никогаш не сме ги делеле луѓето, дури и тие малку гласови што ги има ВМРО-ДПМНЕ, зашто кога имало потреба секогаш сме помагале-дали е за деца за училиште, за болни за било што не сме ги делеле луѓето затоа што солидарноста е темелна вредност на мултиетничкиот Социјалдемократски сојуз на Македонија. Ако има еден од Турското маало, еден од најмладиот до највозрасниот да каже една работа што ВМРО ДПМНЕ има направено тука во Турското маало и јас ќе гласам за ВМРО ДПМНЕ, рече Заев. Тој ги повика граѓаните на 8 мај да го дадат својот глас за пратеничката листа на СДСМ и за кандидатот за претседател, Стево Пендаровски, бидејќи, како што рече, ниту една друга партија како СДСМ не ги обединува сите етнички заедници, култури и религии. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Двајцата претседателски кандидати ги повикаа гласачите на 8 мај да излезат и да гласаат
Република - пред 55 минути
Кандидатите за претседател на државата Гордана Силјановска Давкова и Стево Пендаровски на вечерашната завршна дебата пред претседателските избори што ќе се одржат в среда на 8 мај, паралелно со парламентарните избори, ги повикаа граѓаните да излезат и да го искористат своето гласачко право согласно сопственото убедување. – Последната порака е молба до граѓаните да си го искористат избирачкото право, да не подлегнат на барањата за бојкот. Легитимитетот извира од нив, тие го даваат, тие го земаат. Мислам дека 8 мај е денот кога не само своето активно избирачко право, туку и посветеноста кон Македонија треба да ја докажат. По сопствено уверување нека гласаат за тој што мислат дека е најдобар, рече Силјановска. Пендаровски посочи дека во изминатите денови во рамки на кампањата, граѓаните ги слушнале програмите и знаат кој за што се залага. Ги повика избирачите да гласаат и на претседателските и на парламентарните избори. – Ги повикувам да гласаат, да гласаат за двата избора. Не сум приврзаник на ставот дека треба да гласаме на едни, а да бојкотираме други избори. Треба секој кој веќе решил да излезе на гласачко место да ги земе двете ливчиња и да ги стави во гласачките кутии, онака како што мисли. Затоа што потоа многу малку прилики ќе имате да се каете ако не сте излегле на избори, а сте сакале можеби некоја друга политичка опција да добие шанса да ја води државата. Треба да се гласа во што поголем број за двата избора, рече Пендаровски кој се бори за втор мандат за претседател на државата. Во однос на доделувањето на мандатот на мандатарот на идната влада, и Пендаровски и Силјановска-Давкова истакнаа дека треба да го добие оној кој ќе освои најмногу гласови и кој ќе докаже дека има мнозинство. – Логично е тој што има најмногу пратеници да има поголема шанса да направи влада, меѓутоа потребен е доказ и јас тука ќе си се држам до Уставот, иако Уставот е тука непотполни и непрецизен, рече Силјановска. Пендаровски посочи дека постои можност, не затоа што, вели, Уставот е непрецизен во тој дел, но можно е и по автоматизам да го дадете ако било која партија или коалиција има 61, 62, 63 пратеника. Но, негов прв принцип, вели, ќе биде да се води до оној кој има најголем број пратенички мандати и кој со таа бројка е најблизок до 61. Мандатот на Пендаровски како актуелен претседател истекува в недела на 12 мај. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
(ВИДЕО) Ристовски: Нема уставни измени под ниеден услов, треба да се забетонира македонскиот национален интерес
А1он - пред 43 минути
Ние пративме пораки и опомени и на претседателските кандидати кои останаа во вториот круг дека не смеат да чепкаат во националниот интерес, а тоа е промена на уставот и понатамошно обезличување на македонскиот национален идентитет, не смеат да чепкаат во македонскиот јазик, порача вечерва од Ѓорче Петров, претседателот на ИНТЕГРА македонска конзервативна партија и носител на листата во ИЕ2 на Коалицијата Храбро за Македонија“. Добивај вести на вибер „Годишниот преглед за 2023 година којшто Османи и бугарските екстремизми во Софија го имаат подготвено и за шест месеци ќе го објават, го брише предилинденскиот период, го брише Гоце Делчев како македонски револуционер, го брише вековниот континуитет на македонската борба за национална слобода и држава и не дефинира како држава од 1945 година, како јазик од 1945 којшто е вештачки создаден од Тито или од Сталин. Да знаете дека ова ќе излезе за шест месеци“, рече Ристовски. „На 8 мај секој да стави прст на чело и да внимава кој број ќе го заокружи, ние викаме дека нема уставни измени под ниту еден услов додека не се забетонира македонскиот национален интерес. Туку сме јасни, и најгласно и нај храбро зборуваме за тоа, знаеме дека ќе има притисок од Брисел од Вашингтон, од Софија, од Атина, од дома. Затоа подготвивме изборна инвестициска иницијатива со која предлагаме економски препород на Македонија, да ги исцрпиме сите внатрешни ресурси, Македонија може да биде модерна држава на богати и просперитетни индивидуи“, порача Ристовски.
Костадиновска-Стојчевска од Битола: На сите Македонци припаѓаат и песните, и ората, и јазикот, и државата, немаат право да ја присвојуваат за лични интереси
Бриф - пред 59 минути
Костадиновска-Стојчевска од Битола: На сите Македонци припаѓаат и песните, и ората, и јазикот, и државата, немаат право да ја присвојуваат за лични интереси
Мицкоски и Таравари разговарале за принципите за идно коалицирање и заедничка соработка
А1он - пред 5 часа
Лидерот на ВМРО-ДПМНЕ, Христијан Мицкоски попладнево имал средба со претседателот на Алијанса на Албанците Арбен Таравари, дел од изборната коалиција „Вреди“. Добивај вести на вибер Од ВМРО-ДПМНЕ ја потврдуваат средбата, наведувајќи дека на неа се разговарало за принципите за можно идно коалицирање и заедничка соработка. Средбата на Мицкоски и Таравари се случува само на два дена пред вториот круг од претседателските и парламентарните избори на 8 мај. Таравари беше еден од седуммината кандидати за претседател, но не влезе во вториот круг на изборите. Тој во првиот круг освои 83.337 гласови.
Ванхојте се врати во Македонија за да ги „турка“ уставните измени
Либертас - пред 1 час
Белгиецот Питер Ванхојте повторно се враќа во земјава, но овојпат ќе биде олеснувач за уставните измени кои треба да ѝ го отворат патот на земјава во Европската унија. Ванхојте е веќе втор ден во Скопје и има средби со преставници на политички партии, а ќе се сретне и со преставници на невладини организации и други експерти, по што ќе замине на слични средби во Софија, јавува „Независен“. Според она што изјавил тој за порталот, по иницијатива на белгиското претседателство со ЕУ Ванхојте добил мандат да биде медијатор олеснувач на бугарско-македонскиот спор, т.е да спроведе проект со кој ќе се отвори патот за уставните измени и ќе се обезбедат гаранции дека на патот на Македонија до членство нема веќе да има сопки од Бугарија или нови проблеми. Според Ванхојте, проектот е под капата на ЕУ, но го финансира белгиската влада која верува во користа од разговори и од правење компромиси. Проектот што ќе го води Ванхојте ќе го менаџира и организира Европскиот институт за безбедносни студии и нема рок до кога ќе трае, односно ќе остане отворен додека не се постигнат целите. Проектот ќе има две компоненти, од кои првата е медијаторство за односите меѓу Бугарија и Македонија кое треба да ги тргне отворените прашања и да отвори пат за преговорите на Македонија со ЕУ. Втората копмпонента е изградба на институционален капацитет во земјата, со фокус на обука на млади политичари кои треба да го сменат начинот на кој функционира политиката во државава, односно да ја приближат повеќе до западните европски демократии. За почеток Ванхојте најавува дека ќе разговара со преставниците на сите релевантни политички партии во земјата за да ги сослуша нивните барања и евентуално предлози со порака дека е отворен за каков било предлог што ќе помогне да се постигне прогрес околу деблокадата на преговорите со ЕУ и други прашања. „Мојата главна цел ќе биде да се осигура дека процесот на пристапување на Македонија кон ЕУ нема веќе да се блокира“, најави Ванхојте за „Независен“, со порака дека „е отворен за сите опции, ќе ги сослуша сите барања и ќе се обиде да најде решенија“. На забелешката дека ваквиот пристап може да ги оддолжи уставните промени и да се отворат многу прашања за кои ќе се бара да се сменат во Уставот, па и да се договори нова Преговарачка рамка со ЕУ, Ванхојте одговори дека нема да се случи тоа, односно нема да се преговара одново за Преговарачката рамка и дека ќе се држи до девизата – што поедноставно можно, тоа подобро, во смисла да не се комплицира процесот на уставни промени дополнително. -Јас сум оптимист дека ќе најдеме решение. Имам чувство дека во двете најголеми политички партии има разбирање дека треба да се оди напред, вели Ванхојте по првите средби, забележувајќи дека за жал има и други проблеми во земјата што се нерешени, посочувајќи на лошите состојби во образованието, здравството и во економијата, бидејќи целта на проектот и на неговото медијаторство ќе биде – да ја стави Македонија на што е можно постабилна основа. -Прво ќе се осигураме дека нема да има нови проблеми од Бугарија за пристапувањето на Македонија во ЕУ, а потоа ќе одиме на следните чекори, порача Ванхојте нагласувајќи дека уставните измени се приоритет број еден и дека неговата улога како медијатор ќе биде да има солидни гаранции дека работите нема повторно да отидат во погрешен правец за Македонија, откако еднаш направи отстапки и не доби ништо, односно повторно беше блокирана од Бугарија. Генерално, Ванхојте, кој веќе беше ангажиран во Македонија во минатото како медијатор за Пржинскиот договор и продолжи со проект во македонскиот парламент, е задоволен што конечно е усвоен нов Деловник но , како што рече, „има уште долг пат што треба да се изоди
Касами: Казнувањето на власта што лошо управуваше е наша должност
Република - пред 55 минути
Албанската опозициска Коалицијата „Вреди“ со митинг во Тетово ја заврши предизборната кампања во пресрет на изборите за пратеници на 8 мај. Лидерите на политички партии од Коалицијата, од Тетово порачаа дека очекуваат поддршка за промена на досегашната власт. Претседателот на Движењето Беса, Биљал Касами порача дека на 8 мај ќе се казни власта поради лошото раководење. -Казнувањето на власта што лошо управуваше е наша должност. Затоа сакам да испратам порака до сите службеници во администрацијата и оние што до сега им служеа на Албанците со чесност, на 8 мај, излезете и гласајте за промената што „Вреди“. Не се плашете од заканите на полицијата на ДУИ, од нивните министри и функционери, бидејќи на 9-ти мај за сите тие закани ќе одговараат, ќе одговараат и за нивните антиграѓански и антиправни дејства. Ние заедно со одлучност ја направивме промената во општините, а на 8 мај ќе ја направиме и на централно ниво. Иднината и припаѓа на Коалицијата „Вреди“. Коалицијата „Вреди“ ќе биде неизбежно во владата, како гарант за правата и напредокот на Албанците, истакна Касами. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Пендаровски: За формирање на владата јасно е дека НЕ ТРЕБА двојно мнозинство
Вечер - пред 3 часа
Претседателот Стево Пендаровски во ТВ-дуелот со Гордана Силјановска-Давкова призна дека не треба никаков Бадинтер за формирање на Влада.- За формирање на владата јасно е дека не треба двојно мнозинство. Потребно е двојно мнозинство, односно т.н. Бадинтеров принцип за некои закони кои ги допираат правата на етничките заедници кои не се во мнозинство. Тука немаме никаква дилема, јасен е претедателот.Адеми за средбата Мицкоски-Таравари: Секој глас за „Вреди“ е глас за ВМРО-ДПМНЕЏафери бакнува знаме на УЧК: Го славеше човекот кој се бореше против македонската армија во 2001
(ВИДЕО) Костадиновска-Стојчевска: Со СДСМ културата е слободна, во идниот мандат нов закон за култура и нови капитални инвестиции
А1он - пред 2 часа
Коносителката на листата на СДСМ во петтата изборна единица, Бисера Костадиновска – Стојчевска во пораката до граѓаните да гласаат за европска и просперитетна држава ја нагласи заложбата на Социјалдемократскиот сојуз за заштита и афирмација на културата и македонскиот културен идентитет. Добивај вести на вибер „Вложуваме во зачувувањето на културниот идентитет и националните интереси. СДСМ го потврди тоа изминативе години и со истиот дух и заложба ќе продолжи во следните 4 години. Инвестирањето во културата е инвестиција во нашиот идентитет и историја. Создадовме слободна и европска култура. Изработивме нов Закон за употреба на македонскиот јазик. Направивме вистински потфат во унапредувањето на јазикот и зајакнување на македонскиот идентитет. Го заштитивме и го афирмираме македонскиот јазик, денес е признат и во Обединетите нации и во Европската Унија. Тој е потврден во сите стратешки документи и никој нема право да преговара за македонскиот јазик и идентитет“- ја потврди Костадиновска – Стојчевска, заложбата на СДСМ за постојана промоција на културата, идентитетот и историјата. Таа ги истакна политиките на СДСМ за почитување и вреднување на трудот на културните работници и најави дека платите ќе се зголемуваат и во новиот мандат. „Го почитуваме и го вреднуваме трудот на културните работници, после рекордните 52 отсто зголемени плати во овој мандат, во следниот платите секоја година ќе растат за 10 проценти“- уверува Костадиновска – Стојчевска и ги наброја приоритетите за следниот мандат: Продолжуваме со рамномерен културен развој и достапност до културното наследство, нови 50 милиони капитални инвестиции за локалните заедници. Зголемување на средствата од националниот буџет наменети за културата Унапредување на услугите од областа на културата, нов Закон за култура, Закон за финансирање во културата, Закон за манифестации и фестивали, Закон за дигитализација во културата. Таа додаде дека грижата за заштитата на културното наследство ќе продолжи, како и спроведувањето на препораките и целосно почитување на стандардите на УНЕСКО. Министерката за култура Костадиновска-Стојчевска најави дека за прв пат СДСМ воведува културна дипломатија преку која ќе ја претставиме македонската култура пред светот, како и дека ќе продолжи поддршката за локалните самоуправи за инвестирање во културата. Во таа насока изјави дека предвидени се капитални инвестиции за реконструкција и реновирање на поголем број објекти од културата, а веќе овој месец дека се започнува со реконструкција на кино Партизан. „На дело покажавме како се грижиме за македонската култура и македонското културно наследство. Така ќе продолжиме и во следните 4 години. Со СДСМ нема откажување од македонската култура. Со СДСМ македонската култура, јазик и историја се признати и европски“ – ги повика граѓаните, коносителката на СДСМ во петтата изборна единица, да се одлучат за европска иднина и европска култура.
Филипче: На 8 мај гласајте за напредок, стабилност и за европска иднина на државата
А1он - пред 1 час
Доктор Венко Филипче, носител на листата на кандидати за пратеници на СДСМ и Коалицијата за европска иднина, кампањата ја заврши со посета на југоисточна Македонија. За време на посетата оствари средби со многу граѓани на кои им се заблагодари за поддршката во Изборна единица 4. Добивај вести на вибер Филипче им порача на граѓаните на 8 мај да го дадат својот глас за напредок, стабилност и европска иднина на Македонија. Тој рече дека како иден пратеник заедно со пратеничката група на СДСМ на граѓаните ќе им го олеснат пристапот до законодавниот дом, со отворање на канцеларии каде ќе ги слушаат нивните барања кои ќе се преточат во конкретни политики. Филипче порача дека граѓаните ќе бидат директно вклучени во тие процеси. Носителот на листата на СДСМ и коалицијата во ИЕ 4, д-р Венко Филипче на граѓаните им вети дека ќе остане достапен за нив како во кампањата и после изборите, а тоа ќе го исполнат и другите пратеници од оваа листа. Филипче истакна дека СДСМ е партија на граѓаните, а не салонско здружение и затоа секогаш ќе работи и ќе биде меѓу граѓаните.
Телма - пред 41 минути
Политички пораки, поттик за гласање, коалициски комбинаторки од устите на лидерите. Вечерва на полноќ аспирантите за парламентот и двајцата претседателски кандидати ставаат крај во трката по гласови. Државната изборна комисија на полноќ прогласува изборен молк, а утре се отвораат првите гласачки кутии. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.
Џафери бакнува знаме на УЧК: Го славеше човекот кој се бореше против македонската армија во 2001
Вечер - пред 3 часа
Првиот Албанец премиер на Македонија, Талат Џафери бакнувајќи знаме на УЧК, која се бореше против македонската армија го славеше Тахир Синани, борец за Обединета Албанија, односно обединување на сите албански територии, во кои ја сметаат и Македонија, пренесе ТВ Алфа.Синани бил и командант на 116-тата бригада „Џемо Хаса- Гостивари“ во УЧК во воениот конфликт во 2001-ва годинаИако, премиер на Македонија, Џафери не отиде да се поклони пред гробот на најголемиот македонски револуцинер Гоце Делчев на четври мај, но само ден подоцна отиде во Тропоја, Албанија, каде беше организирана манифестација во чест на Тахир Синани. За овој настан поранешниот командант Форина се пофали на социјалните мрежи.-Со гордост учествував во поставувањето на статуата во чест на херојот на нацијата командант Тахир Синани во Тропоја, градот на големиот Бајрам Цури. Хероите на нацијата никогаш не треба да се заборават, нивната жртва треба да биде патоказ за новите поколенија да го сакаат и да штитат наследството со најголема посветеност, напиша Џафери.Пендаровски: За формирање на владата јасно е дека НЕ ТРЕБА двојно мнозинствоАдеми за средбата Мицкоски-Таравари: Секој глас за „Вреди“ е глас за ВМРО-ДПМНЕ
Меџити: „Вреди“ НЕ БОЈКОТИРА, ги повикуваме нашите гласачи да гласаат на претседателските избори
Вечер - пред 3 часа
Изет Меџити, претседател на Демократското движење и носител на листа во Првата изборна единица од албанската опозициска коалиција „Вреди“ на денешната прес-конференција нагласи дека тие не бојкотираат, туку, како што рече, повикуваат нивните гласачи да излезат и да гласат на претседателските избори за еден од двајцата кандидати.-Не, не одиме на бојкот. Ги повикуваме нашите гласачи да гласаат за кандидатите за претседател, а за кого ќе гласаат тие, ние ги немаме во џеб тие гласови, ќе гласаат според нивното убедување за подобриот кандидат, рече Меџити.Тој се заблагодари на околу 10 илјади сограѓани од дијаспората кои се дојдени за да го остварат своето гласачо право на вториот ктуг на претседателските и на парламентарните избори на 8 мај.-Дува ветерот на промени и тоа го чувствуваме. Се заблагодарувам на околу 10 илјади наши сограѓани од дијаспората кои веќе се дојдени, ги оставиле своите работи и обврски таму за да го искористат правото да гласаат и да придонесат за промената која треба да дојде на овие избори. Повеќето се самоорганизирани, некои и со нивна помош преку нивните организации по различни држави во Европа, рече Меџити.Меџити ја обвини ДУИ дека продолжуваат со поткуп на гласачи, со притисоци кон администрацијата, кон лицата кои се вработени со договор на дело и кон бизнис секторот.Адеми за средбата Мицкоски-Таравари: Секој глас за „Вреди“ е глас за ВМРО-ДПМНЕЏафери бакнува знаме на УЧК: Го славеше човекот кој се бореше против македонската армија во 2001
Левица: Повик за масовна излезност за да ја довршиме пасокизацијата на СДС
А1он - пред 38 минути
На ден пред двојните Избори – 2024 година во Република Македонија, затвораме ера на едно предавничко, криминално и коруптивно владеење на СДС и ДУИ – чии резултати се бројат во изгубени години, животи и обезличување на Македонија. Го сменија името, капитулираа пред сите соседи, а во меѓувреме ненаситно си ги наполнија џебовите, велат од Левица. Добивај вести на вибер „Левица ги повикува сите граѓани масовно да излезат и да го зададат последниот удар на истрошената досегашна владејачка клика! Левицата, конечно, ќе се ослободи од транзициските клептомани на СДС на „Нашата Земја“ и ќе се стабилизира во силна и современа Левица, која почива на АСНОМските идеали и на поривот за слобода од канџите на профитот и националните предавства, на поривот за борба против олигархијата и на поривот да си ја вратиме Републиката во рацете на обичните луѓе. Повторно, низ цела Македонија, се вееше знамето на АСНОМ! Во Собранието ќе се бориме неуморно, а ќе црвенее секој сокак и секоја улица, преполни со вас, работни луѓе на чии плеќи притиска тежината на историската задача. Еднаш победивме квислинзи, ќе победиме пак! Левица е тука, со вас и за вас – Македонија ќе биде слободна и Нов свет ќе изградиме – братски! Благодарност до сите наши активисти, волонтери и симпатизери кои несебично се вложија во нашата изборна кампања. Без вас сме ништо, со вас сме сè! Се гледаме од собраниските клупи, со првата пратеничка група на Левица“, се вели во партиското соопштение.
(ВИДЕО) Јакимовски: Политиката да ги тргне рацете од судството, културата, здравството и образованието
А1он - пред 34 минути
Ние како Коалиција Храбро за Македонија зборуваме за теми кои се битни за граѓаните на Република Македонија. Има ли граѓанин на кој што не му е битно образованието, дали неговото дете ќе научи или само ќе има диплома? Има ли граѓанин во Македонија кој што се согласува со вакво ниско ниво на образование, посочи претседателот на ГРОМ, Стевчо Јакимовски од митингот на Коалицијата Храбро за Македонија во Ѓорче Петров. Добивај вести на вибер „Ние предлагаме политиката да ги тргне рацете од судството, од културата од здравството и од образованието. До кога ќе му се заканувате на правосудниот систем дека ќе правите ветинг, дека кој како ќе одговарал, наместо да кажете дека на правосудниот систем ќе му обезбедите средства такви какви што бара. Што да прави еден судија ако има 900 предмети годишно? Зошто плукаме по здравството ако не сме создале услопви како што треба“, рече тој. „Главна тема деновиве се отровните стрели кои ги фрлаат ВМРО-ДПМНЕ и ДУИ. Не се за машала ни едните, ни другите. Во изминативе 24 години цело време се менувате вие на власт и сега ќе ни ѕвецкате со оружје? Само ни покажувате дека за вас е битна власта за да ги реализирате вашите партиски интереси, а никако интересите на граѓаните на Република Македонија. На ДУИ треба да им кажеме: Вие сте 22 години на власт, ефијасноста на администрацијата се намалува, корупцијата се зголемува, незадоволството се зголемува и најголем број од граѓаните вас ве посочуваат како директни виновници за лошото функционирање на институциите на системот. И наместо да кажете дека сте ја примиле пораката на граѓаните, и дека ќе се реформирате, вие ѕвецкате со оружје, рече Јакимовски.
Мицкоски: Командантите на Али кои во 2001. немаа 5 пари во џеб, сега се милионери, не верувам дека ќе им се ризикува да прават дестабилизација
Вечер - пред 6 часа
За евентуалната постизборна коалиција за формирање на Влада со албанската опозиција Влен, во која Демократска унија за интеграција (ДУИ) би останала надвор и во опозиција и дали се очекува да прават проблеми, Мицкоски истакна дека многу тешко командантите на Ахмети кои што во 2001 година немаа пет пари во џеб сега се милионери со хациенди како на шеици, при што не верува дека ќе им се ризикува и дека ќе прават проблеми кога ќе одат во опозиција, но дека ќе се обидат тоа стекнато богатство да го заштитат.„Тие команданти коишто немаа пет пари во 2001 сега се милионери со хациенди како блискоисточни шеици и многу тешко би им се жртвувало сето тоа. Но, дека ќе се обидат да прават било какви немири и дека ќе се обидат да го заштитат она кое што го имаат, како рече Али Ахмети во една прилика на локалните избори 21-та, воен плен. Така тој рече за Кичево и за Дебар, значи тоа е воен плен. Е сега, воениот плен е Соравија, Ролс ројсот на сватовите, становите, дуќаните во центарот на градот и така натаму. Тупаниците што ги делат нивни разбојници по институции како контрола на летање, ќе се обидат да го заштитат“, рече Мицкоски.Мицкоски додаде дека, како идна влада ќе се обидат да го заштитат системот, државата и институциите и дека се подготвени на тоа и имаат план како да одговорат.Избоден малолетник во Куманово, пренесен е во болницаНиколоски од Прилеп: Очекувам во 4. изборна единица ВМРО-ДПМНЕ да освои помеѓу 13-14 пратеници
„Нема да кажувам Северна, ќе ги чекам последиците“: Силјановска во третата дебата со Пендаровски
Независен - пред 54 минути
„Нема да кажувам Северна, ќе ги чекам последиците“: Силјановска во третата дебата со Пендаровски Силјановска-Давкова побара да се распушти Судот за човекови права во Стразбур затоа што не се почитувале неговите одлуки за здруженијата на Македонците во Бугарија 06/05/2024 22:17 Од дебатата на Стево пендаровски и Гордана Силјановска-Давкова на Канал 5 (Фото: Канал 5) Две пораки може да се претстават како најзагадочни од третата дебата на кандидатите за претседетел во вториот круг – Стево Пендаровски и Гордана Силјановска-Давкова. И двете се од Силјановска и на одреден начин ја покажуваат политичката мисла што ќе ја води доколку стане претседателка на изборите на 8 мај. Објаснувајќи ја својата политичка филозофија на дебатата вна Канал 5 таа рече дека е либерал во поглед на слободите и правата, но „сум далеку од дарвинизмот, од неолиберализмот“. Дали Силјановска не верува во дарвинизмот како општо прифатена теорија за биолошката еволуција од која настана и човекот, развиена од англискиот натуралист Чарлс Дарвин, таа не објасни дополнително. Втората изјава беше поврзана со почутувањето на Преспанскиот договор и официјалното име на државата. Таа рече дека нема да ги симнува таблите на институциите, „но нема да го употребувам зборот Северна и да ги видиме последниците“. Директно кажано, таа ќе зборува за почитување на Копенхашките критериуми со европските партнери, нема да ги почитува одредбите од Преспанскиот договор и ќе види какви ќе бидат последиците за македонската држава, затоа што не може однапред нешто да се каже. Имаше уште еден бисер во на моменти жешката дебата околу барањето од преговарачката рамка за внесување на Бугарите во уставот. Како и многу други и таа се осврна на непочитување на пресудите на Судот за човекови права за регистрација на здруженијата на Македонците во Бугарија. Таа побара поради тоа да се распушти судот во Стразбур. „Судот треба да се распушти ако не се почитува негова пресуда“, рече на малку повисок глас Силјановска-Давкова. Во другиот дел од дебатата Пендаровски зборуваше разложно за својата политичка платформа, тврдејќи дека ВМРО-ДПМНЕ настапува со силна националистичка реторика, по што дошло и до националистички провокации од другата страна. „Не очекувам меѓуетничка криза без разлика кој ќе биде на власт, меѓутоа неспорно е дека главниот опозиционен политички субјект ВМРО-ДПМНЕ кој ја поддржува госпоѓата настапува со силна националистичка реторика и точно е дека од другата страна има националистички провокации кои не би сакале да ги гледаме после триесет години независна држава“ рече Пендаровски. Според него, непринципиелно да се издвојува една општина во Скопје (Силјановска го посочи Чаир) и да се кажува дека за таму има вакви и вакви сознанија, во ситуација кога ВМРО-ДПМНЕ е дел од техничката влада и го има министерот за внатрешни работи. „Зашто Тошковски не ги уапси луѓето за да не прават проблем во изборниот процес. Да реагира МВР промптно и да ги казни тие кои наводно уште сега се закануваат дека ќе биде не знам што на изборниот ден“, нагласи Пендаровски. Силјановска на ова реагираше тврдејќи дека ниту таа ниту лидерот на ВМРО-ДПМНЕ, Христијан Мицкоски се националисти, ниту пак кажувале националистички изјави. Иако во сите светски медиуми кои ја следат македонската политика во извештаите за првиот круг пишуваа дека Силјановска е националистка, како и партијата што ја поддржува. Силјановска-Давкова рече дека е многу задоволна што Максим Димитриевски јавно изјавил оти ќе гласа за неа, но и дека тоа не може да се транспонира на сите луѓе кои се негови поддржувачи и на ЗНАМ. Пендаровски на ова рече дека е крајно недемократски е Димитриевски да очекува дека може да влијае врз неговите гласачи поради негов личен став. „Изјавата на господинот Максим беше јасна. Вели дека поради некој јавен спор кој го имавме пред две години јас ќе имам ваков став кон едниот од кандидатите и ако некој навистина очекува дека тој ќе влијае на своите членови и гласачи, мислам дека тоа е крајно недемократски, бидејќи такви работи не се случуваат“, рече Пендаровски. Тој нема намера да преговара некој да му ги префрла гласовите ниту некого да моли да гласаат за него, а и понатаму верува оти може да победи. Силјановска, пак, ја повтори тезата од пред неколку дена дека очекува оти нејзината победа во вториот круг ќе биде три спрема еден. Околу една од темите што е присутна во јавноста последниве месеци – употребата на балансерот, Силјановска-Давкова рече дека веќе нема потреба од него, дека треба да се употребува системот на позитивна дискриминација како во западните демократии, каде малцинствата или маргинилизираните групи имаат предност при слични квалификации. За Пендаровски не е добро што балансерот се злоупотребува со користење на податоците од пописот од 29 отсто за Албанците кои се попишале и во дијаспората, бидејќи процентот на резидентното население Албанци во државата е 24 отсто. Силјановска наведе еден текст од бугарскиот медиум БГНЕС за да докаже дека во Софија и натаму се тврди оти Гоце Делчев се борел за „слободата на македонските Бугари“ и дека таму ништо не се променило (иако во кампањата неколку пати изјавуваше дека ќе оди во Бугарија да им укаже дека грешат). Во репликата Пендаровски реше дека е чудно зошто таа редовно го цитирала БГНЕС. „БГНЕС е новинска агенција формирана и контролирана од бугарската тајна полиција. Морате ли нив да ги цитирате? Нема ли бугарски медиуми кои се далеку порелевантни. Зошто ја цитирате бугарската УДБА? Тоа е исто да ми кажете што рекол Џамбаски“, реагираше Пендаровски. Во расправата за Преспанскиот договор и членството во НАТО, за кое сега сите во Македонија се согласни дека ѝ донесол сигурност на државата, Пендаровски рече оти последниот услов за влез во алијансата – договор за името Грција бил неопходен. Бидејќи без него немаше да влеземе во НАТО, како што гласеше заклучокот од самитот во Букурешт. На ова Силјановска одговори: „Цената за НАТО беше преголема за Македонија“. (Н.В.) Поврзани содржини Николоски: Овие избори се за слобода на уставобранителите 06/05/2024 22:05 Семка Ибраимовски: Над 100.000 луѓе умираат годишно од стрес од извршителите 06/05/2024 22:05 Ковачевски: Демократијата е како кислород, не ја враќајте државата во дивите времиња на ВМРО-ДПМНЕ 06/05/2024 21:05 Студена порака од Курти за Таравари: Поддршката за Силјановска е на штета на Албанците 06/05/2024 21:05 Адеми ги повика граѓаните да гласат на 8 мај според сопствената волја 06/05/2024 19:05 Се сретнале Мицкоски и Таравари, разговарале за идната влада 06/05/2024 17:05 Ванхојте се врати во Македонија, ќе ги турка уставните промени 06/05/2024 15:05 СДСМ ги повикува граѓаните масовно да излезат на изборите 06/05/2024 09:05 Најчитани ВМРО-ДПМНЕ ќе им даде на пензионерите 5.000 денари само првата година. За понатаму не знаат 01/05/2024 08:41 Што се случува во телото кога пиеме чаша вода на празен стомак? 30/04/2024 13:53 Град Скопје: Продолжува реализацијата на првата фаза на изградбата на подземната инфраструктура на новиот булевар Хрватска 30/04/2024 09:06 „Голема енигма“: археолози аматери откопаа мистериозен римски објект 04/05/2024 19:56 Триесет лица загинале обидувајќи се да избегаат од воениот рок во Украина 30/04/2024 15:38 Еврото може да биде во неволја, еве зошто 03/05/2024 08:03
Сиљановска -Давкова: Така ви помина мандатот без ништо да правите
Канал 5 - пред 45 минути
Да го отворат граѓаните Преспанскиот договор, си пишува дека да може да се организира референдум, а ако резултатот на референдумот е компатибилен со решението од Преспанскиот договор тогаш е во ред. Самиот рековте дека референфумот беше неуспешен, oд каде тогаш на Парламентот надлежност наспроти народната волја да менува Устав со дво-третинско мнозинство. Амнестијата се прави со закон а се однесува за сите што учествувале во одредено дело. Нема да помилувам лидери водачи на групи како Барон и останати, а во комисијата за помилување ќе водам сметка да нема опасност за трговија за интереси. Дали е точно дека вашиот роднина е воено аташе во Лондон? Така ви помина мандатот без ништо да правите. Сакам сите камчиња од мозаикот да ги видам, По авотматизам нема да го дадам мандатот, ќе се држам до десетте дена. Логично е тој што има најмногу пратеници да има поголема шанса да направи влада, но ќе си се држам до уставот, иако тука уставот не е прецизен, рече Гордана Сиљановска -Давкова во Само Вистина.
Сончево со јужен ветер
А1он - пред 15 часа
Времето денеска ќе биде сончево со мала до умерена локална облачност и со слаб до умерен ветер од јужен правец. Попладне во планинските региони ќе има услови за изолирана појава на краткотраен пороен дожд. Минималните температури ќе бидат во интервал од 3 до 10, а максималните ќе достигнат од 20 до 26 степени. Добивај вести на вибер Во Скопје ќе преовладува сончево време со мала облачност и со слаб ветер од јужен правец. Минималните температури ќе се спуштат до 8, а максималните ќе достигнат до 26 степени. Во вторник попладне ќе има локална појава на нестабилност, а во среда и четврток под влијание на нов влажен бран во поголем дел од земјава ќе има пороен дожд и грмежи, а локално процесите ќе бидат поинтензивни и во форма на невреме со пообилни врнежи и засилен ветер. Потоа условите за нестабилно време ќе се намалуваат.
И ДУИ ги повика граѓаните да гласаат на изборите
Република - пред 3 часа
Арбр Адеми, потпретседател на ДУИ која e дел од коалицијата „Европски фронт“ на денешната прес-конференција ги повика граѓаните на 8 мај да гласаат според нивната индивидуална волја. – Што се однесува до претседателските избори, граѓаните треба да одлучат како ќе се однесуваат во вториот круг од претседателските избори. Тие се слободни да гласаат врз основа на нивната слободна волја. Тие ќе треба да одлучат како да се однесуваат. Во среда ве покануваме да бидете дел од народниот референдум, повеќе од кога било да ја поддржите платформата на „Европскиот фронт“. Никој не може да го прекине европскиот пат на нашата држава. Во среда масовно да излеземе и да гласаме, рече Адеми. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Мицкоски: Бранот за промени кај народот е голем затоа и очекувам да стигнеме до или близу до 61 пратеник
Весник - пред 7 часа
Претседателот на ВМРО-ДПМНЕ, Христијан Мицкоски во интервју за подкастот на Плусинфо истакна дека во Македонија владее чувството и третманот на власта кон луѓе од прв и втор ред и додаде дека бранот за промени кај народот е голем затоа и очекува ВМРО-ДПМНЕ и коалицијата да освојат 61 пратеник или да бидат блиску до таа бројка.Мицкоски потенцираше дека СДСМ треба својот пораз да го бара многу поназад не само во кампањава и овие неколку месеци, туку уште кога во услови на корона криза направија епска злоупотреба на државните ресурси, институции пари.- Уште од тогаш постепено започна нивниот пораз и посериозно се случи на локалните избори кога имаа два убедливи порази и повторно се случи коалиција од позиција на опозиција да освои мнозинство на градоначалници и тоа требаше да биде индикатор. Затоа ние во тој период имајќи ги предвид интересите на државата, баравме предвремени парламентарни избори и на демократски начин да се испочитува волјата на мнозинството граѓани, рече Мицкоски.Мицкоски посочи дека тогаш СДСМ одлучи преку насилни начини и чуден начин на водење политика кога исчезнуваа и пратеници, да опстојат на власт и да ги задржат фотелјите по било која цена.– Природно беше Зоран Заев кога поднесе оставка во СДСМ да поднесе оставка во владата и да одиме на избори, но тогаш на чуден незапаметен начин се постави Димитар Ковачевски и ќе дојдеме до заклучок дека тоа е првата посериозна грешка по локалните избори, а потоа потчинетата улога и неискуството на Ковачевски дојде до израз, нагласи Мицкоски.Мицкоски додаде дека тогаш во таква ситуација ДУИ се наметна, а СДСМ за да ја задржи власта влегуваше од грешка во грешка потчинувајќи се на политиките на ДУИ и тоа доведе чувство на апатија во Македонија.– Луѓето се чувствуваат дека имаме малкумина кои се привилегирани и граѓани од прв ред и мнозинство граѓани од втор ред и конечно затоа не чуди оваа бројка на овие избори и ако таа после втор круг се зголеми да надмине 550.000 или 600.000 гласа и не би се изненадил ако ВМРО-ДПМНЕ освои 61 пратеник или биде блиску. Тоа е така затоа што тие повторно водат чудна реторика и имаат погрешна порака, ништо не се промени кај нив, изјави Мицкоски.ИЗБОРИТЕ ВО БРОЈКИ: 11 по ред, а кандидирани 1002 мажи и 753 жениНЕВИДЕНА ЗАВИСТ И ЉУБОМОРА НА ВАНКОВСКА: Вреска и повикува - не гласајте за Сиљановска!
Независен - ново
Порта - ново
Либертас - ново
Република - ново
Спортплус - ново
Спортмедиа - ново
Екипа - ново