Две лица го загубија животот доцна синоќа, а пет се водат за исчезнати во судар на мал моторен чамец и крузер на реката Дунав северно од Будимпешта, соопшти денеска унгарската полиција. Телата на возрасен маж и жена се пронајдени северно од главниот град, а властите се уште трагаат по пет исчезнати лица. Сома Чечи, портпарол на полицијата во Будимпешта, на прес-конференција рече дека, според досегашните сознанија, во чамецот имало вкупно осум возрасни лица и потврди дека две лица загинале, а пет се водат како исчезнати. Тројца мажи и две жени моментално се бараат со глисери и дронови, јавуваат унгарските медиуми. Полицијата соопшти и дека во градот Комаром бил запрен поголем брод, а од увидот било откриено дека му е оштетен страничниот дел. Се врши увид и во тек е истрага за опасноста по водениот пат и смртта на неколку лица. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Долгоочекуваниот научно-фантастичен филм „Мегалополис“ на Френсис Форд Копола ја имаше својата светска премиера на 77. издание на Канскиот филмски фестивал и беше поздравен со десетминутни овации во театарот „Гранд Лумиер“, додека режисерот ги прегрнуваше актерите од неговата филмска екипа – меѓу нив Натали Емануел, Адам Драјвер, Обри Плаза и Џанкарло Еспосито и ја фрли својата шапка во публиката, пишува „Холивуд репортер“. Копола, кој ја загуби сопругата Елеонор минатиот месец, на крајот го прекина аплаузот за да земе микрофон и да ги претстави членовите на неговото семејство кои беа со него, вклучително и неговиот син Роман Копола и сестрата Талија Шајре, кои работеа на филмот. Сите тие беа моето семејство. И всушност, како што [ликот на Драјвер] Цезар вели [во филмот], „Сите сме едно семејство, изјавил Копола за другите соработници во филмот. Најважното нешто што го имаме, најубавиот збор што го мислам на кој било јазик, е‘speranza’ — ‘надеж’! И тоа е она на што го посветувам овој филм. Надеж и децата. Направете го светот за децата“, додал режисерот. Атмосферата во четвртокот пред откривањето на филмот беше епска. Прво, „Ајмакс“ рече дека ќе му даде на „Мегалополис“ глобално кино издание. Потоа, легендарната песна „My Way“ на Френк Синатра свиреше додека Копола се приближуваше до Палатата на пат кон премиерата – соодветна песна со оглед на тоа што режисерот го сними својот најнов филм надвор од холивудскиот систем, задржувајќи целосна контрола. Сето тоа беше проследено со аплауз во театарот додека пристигнувањето на Копола беше прикажано на големото платно. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Ансамблот за народни игри и песни „Танец“ одржа концерт во Домот на културата „Иван Мазов-Климе“ во Кавадарци. – Извонредна и ретка можност да се види на сцена во Кавадарци. Основан во март 1949 година, во Скопје, ансамблот веќе 75 години е еден од најстамените столбови на македонската традиција и култура и, недвосмислено, еден од главните темели на македонската државност. Формиран со цел да ги собира и да ги негува македонските традиционални песни и игри, народните инструменти и носии и, преку соодветен уметнички израз, сценски да ги претстави највредните форми од богатата ризница на македонскиот народ, тој е денес една од најблескавите страници на македонската културна историја – соопштија од културниот дом „Ивам Мазов-Климе“. Оттаму нагласија дека, благодарение на сите генерации што ја граделе и ја реализирале јасно поставената програмска активност на основачите, ансамблот низ годините се развивал и прераснал во институција за почит, издигнувајќи се на нивото на уметничка извонредност и симбол на културен раскош пред публиката ширум светот. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Претседателката Гордана Сиљановска Давкова првата официјална посета во странство ќе ја реализира во Ватикан и во Рим, каде што ќе ја предводи државно црковната делегација за чествувањето на Св. Кирил и Методиј. На 23 мај претседателката ќе има аудиенција кај Папата Франциско, а потоа и со генералниот секретар за односи со државите на Ватикан. Чествувањето на сесловенските просветители е ден потоа, на 24 мај, при што е предвидена посета на базиликата Свети Климент каде што е гробот на Св. Кирил, а потоа и во базиликата Санта Мариа Маџоре каде венец ќе постават на плочата испишана на македонски јазик. Во рамки на посетата на Рим, претседателката ќе се сретне и со италијанскиот претседател Серџо Матарела. Засега нема потврда, но се прави обид за средба со бугарскиот претседател Румен Раде кој со своја делегација ќе биде на чествувањето во Рим. Ваква пракса се воспостави откако двете држави го потпишаа договорот за добрососедство. Во делегацијата на Сиљановска Давкова ќе бидат и четворица претставници од Министерството за култура, предводени од заменик министерот Онур Али. Делегацијата ќе ја сочинуваат и членови на Кабинетот на претседателката, директорот на Комисијата за односи со верските заедници и религиозни групи Даријан Сотировски, а делегацијата на МПЦ-ОА ќе ја предводи митрополит Тимотеј. Носителка на културната програма ќе биде националната установа Камерен оркестар, но во намален состав. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Со претставата „На дното на океанот постојат некои светови“, Народен Театар Битола го започнува чествувањето на 80-тиот роденден на најстариот театар во Македонија, кое ќе кулминира со централната прослава на роденденот на театарот на 14 ноември годинава. Претставата „На дното на океанот постојат некакви светови“ во изведба на независниот театар „Артерариј“ од Загреб, Хрватска ќе биде изведена на 12 јуни. Автор е Романо Николиќ, драматург Оља Лозица а актери се Анита Макиќ Делиќ и Фрањо Мешковиќ. Овој авторскиот проект на познатиот хрватски актер и режисер Романо Николиќ, е добитник на неколку награди во Хрватска на престижниот фестивал 33-ти Марулиќеви денови: награда за драматургија за заедничката работа на целата екипа во градењето на ликовите, награда за најдобро уметничко остварување за актерите Анита Матиќ Делиќ и Франо Машковиќ за врвна актерска заедничка игра, награда за најдобра женска улога, номинација на ХДДУ за најдобар режисер, номинација за најдобра машка улога. Настаната по мотиви на Еврипидовата драма „Медеја“, но во современ контекст, претставата за главни протагонисти ги има истите ликови од оригиналната предлошка, Јасон и Медеја. Само денес, во современиот свет, тие се еден вообичаен современ брачен пар, без никакви јавни и општествено одговорни должности. Се работи за семеен пар со две деца, кој живее во обична куќа во центарот на градот. Но, како и кај Еврипидовите јунаци, поради низа животни околности, нивната поранешна љубов се претвора во омраза, која ги доведува обајцата до разијдување во визијата за идниот заеднички живот и до слом во нивните односи. Во тој динамичен свет на брачни игри, обајцата се огорчени на свој начин и обајцата доведени до работ на самоиспитување што води во криза на идентитетот. „Што воопшто значи да се установиш себеси и да се изградиш врз основа на односот со некој друг? Или како што ќе каже современата Медеја: ’Која сум јас – кога сум само јас? Кога не сум ничија жена, ничија мајка, ничија ќерка? Која сум јас – кога сум само јас? И дали некогаш сум била само јас? Која сум ја во суштина? Која сум јас – без ти и јас? Која сум јас – без ние?’ʻ“, ќе каже драматургот на претставата, Оља Лозица. Театарскиот колектив на „Артерариј“ носи емотивна камерна претстава и исклучително доживување за публиката. Изворно одиграна во едно полуразрушено поткровје во центарот на Загреб, оваа претстава отвора еден многу интимен простор, кој ги урива сите ѕидови на театарот, зашто публиката (околу дваесет и пет луѓе) дословно им дише на актерите во лицето, станувајќи гостин во нивната дневна соба, војаер на нивната трагедија. Оваа извонредна актерска екипа ќе се обиде да одговори како и зошто една обична приказна завршува со трагедија, една можна топла семејна атмосфера во разобличување и распад и на сцената на нашиот тетар. „Тоа се луѓе што се сакаат, не се случајно заедно. А, сепак, сѐ води во трагедија. Како и зошто. Која е таа точка на која луѓето се кршат. Овде сите ситуации, до самиот крај, се ситуации низ кои поминувал секој од нас. Сите сме биле оставани или сме оставале некого. Сме се преиспитувале дали сме доволно вредни…“ – вели режисерот Романо Николиќ. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Министерството за политички системи ќе биде само за односи меѓу заедниците, најавува ВМРО ДПМНЕ. Стефан Андоновски, секретар за меѓународна соработка во партијата вели дека ВМРО-ДПМНЕ преговара и за формирање влада, но и за постигнување двотретинско мнозинство во Собранието, за Радио Слободна Европа. Планираме една мала реконструкција во Министерството за политички систем и односи меѓу заедниците и мислам дека во оваа насока граѓаните ќе бидат навистина задоволни. Спорт во рамки на канцелариите нема да се практикува, постојат спортски сали за тоа. Вториот дел мене како правник ми пречи тоа што ова министерство се нарекуваше „за политички систем“ кога знаеме дека се ова што ние го работиме е политички систем. И Собранието е политички систем, Владата, дури и судовите се политички систем. Тоа е таа поделба на власта кај нас која постои и е на три дела. Беше чудно што еден министер е задолжен за цел политички систем во државата односно за еден ресор. Така што мислам дека ова ќе се трансформира само во Министерство за односи меѓу заедниците додека политичкиот систем има една малку поширока димензија. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Илјадници луѓе ширум Велика Британија се собраа на плажите, реките и езерата за да побараат промени на нивоата на загаденост на водата во земјата. Демонстрантите се собраа во областите за капење од Западниот Пјер во Брајтон до плажата Гилингвасе во Фалмут по извештаите дека милиони литри вода од канализација биле испумпани во Виндермер во областа Лејк за повеќе од 10 часа во февруари. Ситуацијата од опозициските политичари беше окарактеризирана како „скандалозна“, додека Лондон рече дека ситуацијата е „целосно неприфатлива“ и дека Агенцијата за животна средина има овластување да покрене кривично гонење. Испумпувањето се случило во пумпната станица на компанијата во Бонс-он-Виндермер, Камбрија, ноќта на 28 февруари, пишува „Индипендент“. Пумпите за итни случаи испуштија повеќе од 10 милиони литри вода од канализација во местото на светското наследство на УНЕСКО, откако главните пумпи беа нагло прекинати поради дефект на телекомуникациите. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Францускиот институт е најстарата странска институција која што е присутна тука во Скопје и во Македонија. Тоа е знак на долготрајното пријателство кое ги поврзува Франција и Македонија. Нам ни припаѓа како улога таа соработка да еволуира и затоа во нашата програма насочена кон младите содржани се иновативни дигитални активности, поле каде Франција е своевиден пионер и има најдобри образовни програми. Ова го истакнува во разговор за МИА Иго Бештел, директор на Францускиот институт по повод одбележувањето на големиот јубилеј 50 години од неговото основање. Јубилејот ќе го одбележат вели со најдоброто од Франција – мошне атрактивна и разновидна програма која ќе се реализира под мотото „извонредност и иновација“, која започна со настапот на француската театарска група „Кафиг“ и изведбата на претставата „Мозаик“ на светски познатиот кореограф Мурад Мерзуки во МНТ, а завршува на 28 јуни со уличен театар низ улицата „Македонија“. Првично формиран како Француски културен центар во далечната 1974 година чија првична мисија е презентација и промоција на француската култура, мисла, и јазик, Бештел смета дека Институтот кој е француска јавна институција која делува под капата на француското МНР, има оставено силен печат врз културната размена меѓу двете земји, во поттикнување на соработката меѓу актерите од различни сфери, во доближувањето на Франција, и на вредностите на Франкофонијата. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Чести самопрегледи и заштита од сонце, се клучните совети на кумановските дерматолози за превенција и заштита од малигни меланоми. Од Болницата во Куманово наредната недела организираат бесплатни прегледи за сите пациенти како еден од начините да се зајакне свеста за превенција од меланом. – Пациентите можат самите да се прегледаат, особено да посветат внимание на експонираните делови – лице, глава, ушни школки, раце, нозе, грб. Тоа е првиот чекор што го советуваме, кога ќе забележат промена која им е различна, нова да се јават кај првиот дерматовенеролог. Следува макроскопски преглед да се види промената. Со дермаскоп се гледа структурата на промената и врз основа на тоа се прави разлика дали е бенигно, малигно, што понатаму, вели примариус доктор Виолета Кузмановска, раководител на Одделението за дерматовенерологија во Општата болница во Куманово за МИА. При проверка, пациентите треба да се запознати со системот за евалуација на промени на кожата, односно меѓународното правило (АБЦДЕ): A – асиметрија, Б – border/рабовите на самата промена ако се неправилни, Ц – color, промена на бојата, Д – дијаметар, односно неправилности на формата и Е – evolution/ развој кој се однесува на одредени израстоци. – Тоа се првите знаци што се гледаат со дермаскоп, со зумирање ни даваат насока како понатаму да постапуваме, појаснува доктор Кузмановска. Посочува дека е важно да се користи заштита од сонце особено ако се оди покрај вода или природа со креми со заштитен фактор 50 кој треба правилно да се нанесува, особено на експонираните делови, неколку часа пред да се излезе на сонце и постапката да се повторува. Многу е важно да се заштити кожата со капи, очила за сонце затоа што, како што појаснува докторката, се јавува меланом и на окото. – Секоја година во мај е акција што се спроведува на ниво на Европа во кое се зачленети 11 земји меѓу нив и Македонија и Здружението на дерматовенеролози на Македонија. Врз основа на тие испитувања од сите земји збирно се прави програма за превенција за следната година за да се намали бројот не само на меланоми, туку генерално на сите кожни промени што се симптоматични за да не поминат во карцином на кожа. Драго ми е што со години и кумановската Болница е вклучена во таа организација. Идната недела, во понеделеник и вторник од 7 до 10 часот во амбулантата за дерматовенерологија при Општата болница може да се направат бесплатни превентивни прегледи за бемки, нагласува д-р Кузмановска. Според неа, загрижувачки е што расте бројот на заболени лица од меланом на ниво на градот, а се намалува и возрасната граница. – Факт е дека има пораст на карциноми не само на меланоми и дека се намалува возрасната граница, што загрижува, вели доктор Кузмановска. Промените што можат да предизвикаат меланом, како што појаснува Кузмановска, најмногу се јавуваат поради генетика, потоа поради поголема изложеност на сонце особено кај некои професии и занимања како што се земјоделци, градежни работници, рибари….. Најчесто заболените се на возраст од 50 до 60 години, но од кумановската Болница велат дека проблем за младата популација е користењето на солариум. – Младите не се штитат со заштитен фактор, дел од нив користат солариуми за кои ние, дерматолозите, велиме исклучиво не. Најголем проблем е што пациентите доаѓаат доцна, никогаш на време. Мислат дека промената сама од себе ќе помине и постојано укажувам дека ако една раничка за месец дена не заздрави, значи дека не е раничка, мора да се оди понатаму, да се извршат испитувања. Ако навреме се препознаат, нема простор за грижа, нагласува доктор Кузмановска. По првичното мислење на дерматолозите, се чека на второ мислење од Клиника. Тогаш се решава дали меланомот ќе се отстранува хируршки или ќе се применат други средства како маст, спреј, криотерапија…. Кузмановска вели дека од меланом поеднакво страдаат и мажите и жените, а во однос на исхраната, препорачува сезонска храна богата со овошје и зеленчук. – Мит е дека тенот има влијание за појава на меланом. Луѓето со посветол тен побурно реагираат на сонце, но нема разлика во однос на меланомот. Важно е сите да користат заштитен фактор, порачува доктор Кузмановска. Во претстојниот период, пролетните и летните месеци добро е да се заштити телото со лесна и светла облека особено при експонирање на сончевата светлина покрај вода. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Поројниот дожд во текот на изминатото деноноќие предизвикал поплавување на подруми и гаража на две куќи на ул. „Стив Наумов“ во Охрид, соопшти Центарот за управување со кризи (ЦУК). -Регионалниот ЦУК Охрид известил дека добиле пријави од граѓани за поплавување на подруми и гаража на две куќи на ул. „Стив Наумов“, во Охрид. Од страна на Општина Охрид е контактирано со ЈП „Нискоградба“ и ЈП „Колекторски систем“ бидејќи колекторскиот систем не можел да ја прими во целост количината на вода поради обилните врнежи од дожд. За кратко време состојбата е санирана, соопшти ЦУК. Во изминатото деноноќие, како што информираат од ЦУК, биле евидентирани три пожари на отворено. Регионалниот ЦУК Скопје соопштил дека БППЗ на Град Скопје во изминатото деноноќие имала две помали интервенции поради запалено ѓубре и тоа на ул. „Ферид Заири“ во Општина Чаир и кај Езерото Треска во Општина Сарај. Регионалниот ЦУК Тетово известил дека ТППЕ Тетово имала една помала интервенција поради запалена ниска вегетација кај село Чифлик во Општина Желино. Центарот за управување со кризи соопшти дека изминатите 24 часа имало вкупно 1 491 повици на Единствениот повикувачки број за итни случаи 112. Од нив „реални“ повици биле 62,84 отсто, а 37,16 отсто биле за други потреби на граѓаните што не биле итни. Кон полиција биле упатени 63,18 отсто, кон итната медицинска помош 29,09 проценти, кон пожарникарите 2,73 отсто, a кон АМСМ 1,36 отсто од повиците кон бројот 112. Од ЦУК апелираат до граѓаните за голема внимателност при појава на локалните нагли метео промени и особена внимателност при грмежите и молњите, односно при силните електрични празнења. Граѓаните да не се престојуваат на отворен простор и под осамени дрвја Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Македонскиот спорт е сведок на уште еден немил настан и инцидент. Имено, вечерва регистрирано е каменување на автобусот на „Чкембарите“ на излезот од Скопје, а КК Пелистер во соопштението вечерва јавува и за повредени лица. Инцидентот се случил по 22:00 часот, веднаш по завршувањето на кошаркарскиот натпревар меѓу МЗТ Скопје Аеродром и Пелистер, и тоа на излезот од Скопје, на пат на навивачите за Битола. „Згрозени сме и го осудуваме инцидентот кој го доживеаја навивачите од Битола, од навивачката група „Чкембари“ кога по завршувањето на првиот натпревар од финалната серија од плеј-офот на кошаркарската лига во Скопје, на излезот од Скопје кон Битола, во возење е каменуван и демолиран автобусот со кој патуваше навивачката група „Чкембари“ од Скопје. Повредени се и неколку лица. Се прашауваме зошто веќе по кој знае кој пат се случуваат вакви и слични инциденти, кога гостуваат битолските навивачи на натпревари во кошарка, ракомет и фудбал. За разлика од тоа, кога навивачки групи гостуваат во Битола, посебно на кошаркарски натпревари, без разлика дали се во Куп или на првенствените натревари, истите максимално се испочитувани и не се случуваат никакви инциденти, а камоли и некој физички напади или оштетувања на возила. КК Пелистер и спортската јавност во Битола се прашуваат зошто се случуваат инцидентите и со која цел, во време кога Битола е центар на спортот во државата. Оваа сезона во Битола се одиграа натпревари од ракометната Лига на шампиони во реновирана сала, се одржа кошаркатскиот Куп, се одиграа четири натревари од плеј-офот на кошаркарската сезона, фудбалерите се веќе прволигаши, ќе играат на комплетно реновиран стадион, одбојкарките се постојано дел од најдобрите екипи, боксерите од сите меѓународни турнири се враќаат со медали, најавена е изградба на нов спортски комплекс, се поставија рефлекторите на стадионот… Тука мора се споменат успесите и на младинските категории од клубовите од Битола. Дали некому пречи оваа спортската доминација на Битола и некој се плаши Битола да е центар на спортот, со прваци во ракомет и кошарка. Дали некој се плаши и од верноста на навивачите, не само на „Чкембарите“ кон брендот Пелистер туку и од многубројната битолска публика? Ова се дел од прашањата на кои очекуваме одговор. КК Пелистер и овојпат им се заблагодарува на навивачката група „Чкембари“ што секојпат се на висина на својата задача, кога достинствено го бодрат својот тим и кога ги пречекуваат гостинските навивачки групи. „Чкембарите“ се носители на голем дел од успехот на КК „Пелистер„ како најважен „шести играч“. Инцидентот е пријавен во Министерстевото за внатрешни работи од каде треба да се објават и напаѓачите“, се вели во соопштението на КК Пелистер. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Полициски службеници од СВР Битола, ноќеска во 00:20 часот, на ул.„Охридска“ во Битола го лишиле од слобода триесет и шестгодишниот битолчанец И.М. Како што соопшти МВР, тој бил баран по централна потерница врз основа на наредба од Основен суд Битола за издржување казна затвор од една година за сторено кривично дело „неовластено производство и пуштање во промет на наркотични дроги, психотропни супстанци и прекурзори“. Лицето било спроведено во Казнено – поправната установа Затвор Битола за издржување на казната. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

На големото платно во кино салата на Кинотека во чест на добитникот на Златен објектив, режисерот Столе Попов, утре ќе може да се види СРЕЌНА НОВА 1949. 20 МАЈ (ПОНЕДЕЛНИК) 20:00 ч. СРЕЌНА НОВА`49 (Happy New `49) Игран филм, Македонија 1986 г., 125 мин., колор, 35 мм Режија: Столе Попов (Stole Popov) Сценарио: Гордан Михиќ (Gordan Mihić) Улоги: Александар Ѓорчев, Мето Јовановски, Светозар Цветковиќ, Владица Милосављевиќ, Петар Арсовски, Мите Грозданов, Душко Костовски (Svetozar Cvetković, Meto Jovanovski, Vladica Milosavljević, Petar Arsovski, Aleksandar Gjorchev, Mite Grozdanov, Dushko Kostovski) Дејството на филмот започнува во јуни 1948 година. Група југословенски студенти, на школување во СССР, по несогласувањата меѓу двете земји се враќаат дома. Меѓу нив се и Драгослав, неговата девојка Вера и блискиот пријател Градимир, кого раздвојувањето со СССР го доведува до низа внатрешни конфликтни ситуации, кои конечно кулминираат со чинот на неговото самоубиство на железничката станица во Суботица. Истрагата во врска со самоубиството започнува веднаш. Семејството на Драгослав го очекува неговото враќање, дотолку повеќе што мајка му, тешко болна, е пред умирање. Таткото Стојан, по професија каменорезец, се грижи за егзистенцијата на семејството. Тука се уште и неговата сестра Нела во годините кога престанува да биде дете, и браќата, помалиот Коле и Коста, гимназијалец, кој пред матурата заминува од училиштето. Тој се занимава со црноберзијански работи. За него нема повеќе авторитети, како што нема ни непознаници во живеењето „на работ“. Драгослав дома ја доведува и Вера со која сака да се ожени. Првата средба на Драгослав и Коста завршува со тепачка поради желбата на постариот брат Коста да живее и да се однесува во согласност со нормите на граѓанскиот живот. Непосредно потоа Драгослав е одведен од ОЗНА. Тој е обвинет дека е советски агент и е задржан во истражниот затвор. Возрасна категорија: 16 години Влезница: 150 денари Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Манекенката Ирина Шајк често снима провокативни моделинг кампањи, па не е изненадување да се види познатата бринета како позира во секси црна долна облека од тантела. Ирина, која многумина ја нарекуваат „најубавата Русинка на светот“, неодамна на Инстаграм сподели многу експлицитна фотографија која набрзо стана вирална на многу светски портали. Шајк на ова селфи во огледало ја истакна својата одлична фигура и заоблениот задник, позирајќи во црни проѕирни гаќички, градник и заводливи подвезици. Иако славната убавица се ближи до 40-та година, на неа не се гледаат знаци на стареење и лесно може да им парира на колешките кои сега ја започнуваат својата манекенска кариера. За потсетување, Шајк несомнено е една од најбараните манекенки на денешницата, а практично не постои луксузен бренд со кој таа не соработувала. Токму неа најчесто ја гледаме на модните писти на бројни дизајнери на модните недели ширум светот. Се проценува дека во текот на кариерата заработи над 25 милиони долари. View this post on Instagram A post shared by irina shayk (@irinashayk) Инаку, прославената 38-годишна манекенка неодамна ја прекина врската со американскиот фудбалер Том Брејди, поранешен сопруг на нејзината пријателка Жизел Бундшен. Но, таа наводно веќе бара нова љубов, а според упатени извори ѝ се допаѓа Том Круз бидејќи е „познат, богат и добро изгледа“. Ирина бара партнер и во Европа и во Америка. Таа бира, но достапен ѝ е мал број на мажи за состаноци. Таа има потреба од некој познат, убав и богат. Колку ги има такви? 5, 10?“, изјави неодамна извор за „Page Six“. View this post on Instagram A post shared by irina shayk (@irinashayk) View this post on Instagram A post shared by irina shayk (@irinashayk) View this post on Instagram A post shared by irina shayk (@irinashayk) Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

„Со мироцвеќе и песна по љубовниот пат на јагулата“, вака е насловен денешниот настан кој ќе се одржи во Струга и Охрид, во организација на уметникот Живко Поповски – Цветин, Македонското здружение за култура обичаи и традиции „Гороцвет“ и Хорот на Ансамблот „Вања Лазарова“ од Скопје. Настанот ќе се содржи мироцветни цртежи, песна и поезија, и ќе се одвива во Паркот на поезијата во Струга и на Дрвениот мост, каде ќе се читаат познати стихови од славни учесници на Струшките вечери на поезијата- Ален Гинсберг, Томас Шапкот, Влада Урошевиќ, Матеја Матевски, Хјусто Хорхе Падрон, Десанка Максимовиќ, Булат Окуџава, Блаже Конески, Гилвик, Андреј Вознесенски, Генадиј Ајги и други… Во пресрет на празникот на сесловенските просветители, на 24 Мај, кој се слави во Охрид како патронат на градот, поезија и песна ќе се изведат и на брегот на Охридското езеро покрај спомениците на Браќата Кирил и Методиј, Свети Климент Охридски и Григор Прличев. Педесеттина златни грла од Хорот на ансамблот „Вања Лазарова“ ќе одекнат, пеејќи познати македонски традиционални песни „Ја излези Ѓурѓо“ на Стража, „На Струга дуќан да имам“ во Струга, „По пат одам“, „Железар“, „Брала мома капини“ и други во Охрид. Хорот е под диригентство на маестро Лазо Трпковски – Ласко. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Во понеделник, на 20 мај, во Драмскиот театар во Скопје, со почеток во 19.30 часот ќе се одржи Свечено врачување на наградата „Роман на годината“ за 2023 година што ја доделува Фондацијата за унапредување и промоција на културните вредности „Славко Јаневски“. Годинашен лауреат е романот „Единствен матичен број“ од Лидија Димковска („Три“). Одлуката за наградата, која се состои од плакета, оригинална статуетка (изработка на академскиот скулптор Сашо Саздовски) и паричен износ од 150.000 денари, ја донесе жири-комисијата во состав: Влада Урошевиќ, Бранко Цветкоски, Марија Ѓорѓиева, Сашо Огненовски и Катерина Богоева. Свеченото врачување на оваа значајна награда, која ја започна „Утрински весник“ и ја доделуваше до неговото згаснување, а потоа ја презеде Фондацијата „Славко Јаневски“ ќе протекне и во знакот на големиот јубилеј, 25-годишнина од нејзиното постоење. Во рамките на свеченоста ќе биде отворена изложба „25 години Роман на годината“ на која ќе бидат претставени сите дела – досегашни носители на ова признание. Станува збор за лична донација на Манчо Митевски на Фондацијата, која се состои од сите нагредени дела со потписи и посвети на авторите. Манчо Митевски е еден од оснивачите на „Утрински весник“ и на наградата „Роман на годината“. Тој беше иницијатор за формирање на Фондацијата „Славко Јаневски“ со цел наградата да може да опстои и натаму. На свеченоста ќе бидат врачени благодарници на поединци и организации што придонеле за развојот на наградата, ќе бидат емитувани видео материјали за нејзиниот развој, а сето тоа ќе биде проследено со музички настап на џез бендот на Гоце Стевковски. Во рамките на обележувањето на јубилејот, Фондацијата „Славко Јаневски“, заедно со Филолошкиот факултет „Блаже Конески“ организираше мошне содржајна дебата за македонскиот роман и современите тенденции во светската книжевност. Од Фондацијата најавуваат низа други активности и содржини со кои ќе го обележуваат јубилејот во текот на целата година. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Вчерашниот, последниот ден на Литера помина во знакот на две работилници за деца и тоа со двете реномирани илустраторки, Наташа Андонова и Наталија Лукомска, како и со работилница со Ена Абјаниќ Чаусидис која за најмалите подготви соодветни активности. Со перформансот на учениците од средното интернационално училиште Мариф, „Јас сум човек“ завршија настаните кои беа предвидени за годинешното издание на Литера и на крајот од фестивалот традиционално беа доделени наградите за најдобри книжевни и визуелни остварувања од областа на литературата за деца. Награда за најдобра илустрација „Си беше еднаш… Најубавите бајки на сите времиња“ илустрација Наталија Лукомска, адаптација на текст Оливера Ќорвезироска, издание на „Арс ламина“ Во ова дело Наталија Лукомска ни ги отвора портите на најубавите бајки во светот преку еден поинаков, нејзин свет. Добро познатите ликови од приказните ни ги претсатвува преку чисти форми и јасен ликовен израз. Преку нив таа ги изразува емоциите на ликовите и карактерите на поедноставен начин нè воведува во комплексен свет. Користи фигурација со убава стилизација и геометризација. Текстурите се убави, потсетуваат на старите приказни на источноевропските уметници, но со еден исклучително свеж и модерен приказ. Илустрацијата се движи со убава динамика низ приказните, особено преку впечатливиот контраст, иако е ограничена палетата на секоја илустрација. Стилот е задржан низ целата книга во една исклучителна хармонија. Награда за најдобар текст текст Живко Грозданоски, илустрации Воскресија Андреевска, издание на „Чудна шума“ „Белите глувчиња / Страшната наезда на зелените вошки / Црните овци“ се три поединечни, но поврзани приказни. На многу автентичен, интересен начин ù се приближува на детската публика, нудејќи неверојатен хумор што може да го разберат и најмалите. Ова издание е подеднакво интересно и забавно и за возрасната публика. Грозданоски се навраќа на старите добри поговорки и им дава своја интерпретација. Тој ги прави разбирливи и адаптирани за децата, а ќе ве засмеат и вам читајќи им ги на децата. Го издвоивме текстот на оваа сликовница затоа што е посебен, различен, оригинален и се навраќа на слатката детска рима. Награда за сликовница во целина „Ѕуница“, текст Бранислав Николов, илустрации Иванка Ниба, едиција „Светулка 2“, издание на „Арт & Арт студио Батев“ Ова е приказната за снежната земја во која сè е црно и бело, каде четирите другари, Бојана, Птицата, Зајчето и Мендо трагаат по Сонцето за да им ја врати пролетта и боите. Бранислав Николовски низ поетската сказна, во одличен ритам и рима, со внимателно избрани зборови ја втурнал дружината во смела авантура – да ја вратат бојата во својот свет. Иванка Ниба во чекор го следи, на почеток со црно-белиот цртеж каде ни ги открива полека карактерите во сликовницата. Таа умешно ги користи контрастите на позадината со илустративните елементи. На почеток користи чисти и едноставни геометризирани форми, кои полека прераснуваат во површини исполнети со форми, наместа неуредни елементи кои добро функционираат во комбинација со геометризацијата, за повторно да добие смирен ритам во кој полека се внесува боја. Круна на двата елемента, текстот и илустрацијата кои одлично се надополнуваат, е пораката за другарство во книгата која на децата им пренесува моќна порака на преубав начин. Признание за СОС Детско село за вложување во креативни изданија што промовираат инклузивност. Признание за Халкбанк А.Д Скопје, како општествено-одговорна компанија за поттикнување на развојот на визуелната култура кај децата преку ликот на Халки. Софија Семенпеева Трајановска, директорка на фестивалот, иа крајот истакна дека со секоја следна Литера целиот тим што работи на него е збогатен со нови искуства и знаења кои ги применува во следните изданија. Се заблагодари на сите кои беа дел од Литера, особено на детската публика заради која Литера е формирана. Таа потенцира дека во 2025 Наталија Лукомска како добитничка за најдобра илустрација ќе има изложба на нејзини илустрации во рамки на седмото издание на Литера. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Украинското воздухопловство соопшти дека ги соборило сите 37 беспилотни летала лансирани синоќа од Русија против цели на многу места во земјата. Во соопштението се наведува дека уништените беспилотни летала „Шахед“ биле насочени кон главниот град Киев, кон градовите Одеса, Николаев, Суми и Виница, како и цели во регионите Житомир, Черкаси и Херсон. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

„Со мироцвеќе и песна по љубовниот пат на јагулата“, вака е насловен денешниот настан кој ќе се одржи во Струга и Охрид, во организација на уметникот Живко Поповски – Цветин, Македонското здружение за култура обичаи и традиции „Гороцвет“ и Хорот на Ансамблот „Вања Лазарова“ од Скопје. Настанот ќе се содржи мироцветни цртежи, песна и поезија, и ќе се одвива во Паркот на поезијата во Струга и на Дрвениот мост, каде ќе се читаат познати стихови од славни учесници на Струшките вечери на поезијата- Ален Гинсберг, Томас Шапкот, Влада Урошевиќ, Матеја Матевски, Хјусто Хорхе Падрон, Десанка Максимовиќ, Булат Окуџава, Блаже Конески, Гилвик, Андреј Вознесенски, Генадиј Ајги и други… Во пресрет на празникот на сесловенските просветители, на 24 Мај, кој се слави во Охрид како патронат на градот, поезија и песна ќе се изведат и на брегот на Охридското езеро покрај спомениците на Браќата Кирил и Методиј, Свети Климент Охридски и Григор Прличев. Педесеттина златни грла од Хорот на ансамблот „Вања Лазарова“ ќе одекнат, пеејќи познати македонски традиционални песни „Ја излези Ѓурѓо“ на Стража, „На Струга дуќан да имам“ во Струга, „По пат одам“, „Железар“, „Брала мома капини“ и други во Охрид. Хорот е под диригентство на маестро Лазо Трпковски – Ласко. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Новата верзија „Чет-ГПТ 4о“ е достапна за јавноста од пред неколку дена, па можеби брзината на преводот „во реално време“ е една од највпечатливите нови одлики, велат познавачите. За споредба, претходната верзија на „Чет-ГПТ“ се заснова само на можност за текст, а новата надградба вклучува интеграција на слики и глас. Имено, сега е можно да се фотографира текстот и „4о“ ќе може да го преведе она што „го гледа“, т.е. го чита од посочената слика, или пак, она што „го слуша“ во реално време меѓу двајца соговорници. Така, ако на пример, говорите македонски, а разговарате со некој кој говори кинески, снимате гласовна порака на македонски што „Чет-ГПТ“ ќе може да ја преведува на кинески, и обратно. А, сѐ ова се одвива за само неколку секунди, и плус целиот разговор добива и пишан облик. Во опциите, може да се избере и „внесување емоции“ во разговорот. Новата верзија на „Чет-ГПТ“ е достапна како десктоп-апликација која се покренува со притискање на едно копче на тастатурата. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Кражбата на мобилни телефони e голем проблем, пa затоа „Гугл“ најави нови функции против насилно одземање уреди и за заштита на корисниците на „Андроид“ оперативните мобилни системи. Некои од новите функции доаѓаат уште оваа година преку ажурирањата на „Андроид 10“ и подоцнежните системи, а дел ќе се добијат во склоп со „Андроид 15“. Со новостите, како заштитата од фабрички ресетирања, на крадците ќе им биде потешко да го ресетираат украдениот уред за да го продадат. Ако крадецот насилно ресетира украден уред, нема да може да го ресетира без да ги знае неговите спецификации. Тоа практично ги сведува можностите за препродажба – скоро на нула. Кога станува збор за извлекување вредни податоци, „Гугл“ подготвува нова опција, исто така – за „Андроид 15“, која овозможува создавање личен простор во мобилниот телефон каде што може да се сокрие ПИН-кодот – за заклучување апликации со чувствителни податоци. Некои подобрувања за заштитата на идентитетот ќе пристигнат на некои уреди уште годинава. „Тефт детекшн лок“ користи ВИ за да го препознае наглото одземање на паметниот телефон од раката на корисникот и бегањето потоа… При такви движења, екранот на украдениот телефон сам се заклучува. Ако крадецот подолго време се обидува да го исклучи паметниот телефон – со премногу неуспешни обиди за идентификација, функцијата „Офлајн девајс лок“ автоматски ќе го заклучи екранот за да ги заштити податоците. Ако мобилниот телефон е украден, сопственикот ќе може да го заклучи и само користејќи го својот број преку друг телефон. Сите овие новости ќе пристигнат подоцна оваа година на сите досегашни уреди со „Андроид 10“ и подоцнежни оперативни системи. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Најмногу дожд во изминатите 24 часа наврнал во Охрид – 38 литри на метар квадратен, соопшти Управата за хидрометеоролшки работи. Според мерењата утрово во 8:30 часот, 27 литри на метар квадратен наврнало во Маврови Анови, 23 во Крушево, 17 во Лазарополе, 16 во Штип и Пожаране, 15 во Виница, 14 во Попова Шапка, 13 во Битола и Прилеп, 12 во Дебар, 10 во Куманово, Тетово и Крива Паланка, девет во Скопје-Петровец и Претор, осум во Скопје-Зајчев Рид и Демир Капија, седум во Велес, шест во Кавадарци, пет во Пожар, четири во Струмица и Берово и три литра во Дојран и Гевгелија. УХМР за денеска прогнозира променливо облачно време со повремени врнежи од дожд. Попладне ќе има локална нестабилност со пороен дожд, грмежи и услови за појава на краткотрајно невреме со интензивен пороен дожд, силен ветер и изолирана појава на град. Максималната температура ќе биде во интервал од 21 до 27 степени. Во Скопје променливо облачно со повремени врнежи од дожд. Попладне во делови од котлината ќе има услови за развој на нестабилна облачност со пороен дожд и грмежи. Максималната температура ќе достигне 25 степени. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Без електрична енергија утре ќе бидат делови од општините Аеродром, Карпош и Ѓорче Петров. Како што соопшти РЦУК – Скопје, без струја во периодот од 09:00 до 15:00 часот ќе останат корисниците на дел од село Долно Лисиче, реонот околу чаталот, ул.10 во општина Аеродром, од 10:30 до 14:30 часот дел од улица 16, на патот кон Визбеговово општина Карпош, а од 13:00 до 14:30 часот објектите на градинката Росица, на ул.„Мечкин Камен“, бр.45А. во општина Ѓорче Петров. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Американското разузнавање има информации кои укажуваат дека Русија и Кина тесно соработуваат за голем број воени прашања, вклучително и потенцијална инвазија на Тајван. Такво нешто ја поттикна американската администрација да планира како да спречи такво сценарио, пренесува „Блумберг“. Ова е првпат Кина и Русија да соработуваат за прашањето на Тајван. Кина дефинитивно сака да соработува со Русија во оваа насока“, изјавила шефицата на Националната разузнавачка служба, Аврил Хејнс, за време на нејзиното сведочење пред Конгресот. Републиканскиот сенатор, Мајк Раунд, од Јужна Дакота ја праша Хејнс за такво сценарио за време на сослушувањето на Комитетот за вооружени служби во Сенатот. Тој праша и дали Пентагон планира одговор на таквата можност, бидејќи големи се шансите во случај на конфликт со една земја да биде отворен потенцијален конфликт со една или повеќе од нив. Тоа би влијаело на многу работи. Секако дека постои можност да се случи такво нешто. Одговорот на тоа прашање зависи од сценариото што би се развило“, изјави Хејнс, додавајќи дека разузнавачките проценки укажуваат дека постои зголемена соработка во партнерството „без забрани“ меѓу Русија и Кина во секој општествен сектор – политички, економски, воени, технолошки“, пренесува медиумот. Според пишувањето на медиумот, нејзините изјави ги потврдил и генерал-полковник Џефри Круз кој нагласил дека ситуацијата внимателно се следи и дека „тие се подготвени доколку се случи несакано сценарио“. „Блумберг“ анализира дека треба да се знае оти Русија, Кина и Иран во средината на март одржаа заеднички воени вежби наречени „Поморски безбедносен појас – 2024“ во Оманскиот Залив и Арапското Море. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Украина се обратила до администрацијата на претседателот Џо Бајден со барање за помош да се лоцираат цели во Русија врз кои Киев би можел да нанесе удари со сопствено оружје, објави „Волстрит журнал“ повикувајќи се на извори во Белата куќа. Тие ги замолија (САД) за помош да се нанесат удари во Русија. Стануваше збор не само за вооружени системи но и дополнителна помош за нанесување удари по руски воени лица, изјавил началникот на Генералштабот на вооружените сили на САД генерал Чарлс Браун. Исто така, официјален Киев побарал од Вашингтон да дозволи користење американско оружје за удари по територијата на Русија. Според весникот, барањето на Украина поставено минатата недела се уште се разгледува. Ако САД го задоволат барањето на Украина тоа ќе укажува на сериозни промени во политиката на американската администрација која се стреми да го намали ризикот од ескалација меѓу Вашингтон и Москва истовремено подржувајќи го Киев, истакнува изданието. Според извор во Белата куќа, САД не ја подржуваат иницијативата на украинската страна Ние не охрабрувае и не дозволуваме удари по територијата на Русија, изјава Џон Кирби, директор за стратешки комуникации во Советот за национална безбедност во Белата куќа. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Црногорскиот фудбал долго време се наоѓа при дното во Европа, но ова што се случува во изминатите два месеци нема никаква врска со фудбалот. Во црногорскиот фудбал во последно време имаше многу скандали, дивеењето на навивачите на Сутјеска во Тиват, тепачката меѓу играчите по завршувањето на натпреварот меѓу Бокељ и Ком, потоа тепачката меѓу челниците на клубовите Арсенал и Морнар во Тиват, инцидентот што го предизвика голманот на Будуќност, Ѓорѓија Пваличиќ кога нокаутираше соиграч… Тренерот на Будуќност, Иван Брновиќ поднел кривична пријава против непознато лице, бидејќи добил информација дека неговата ќерка е киднапирана и дека ќе биде фрлена во река доколку не плати 20.000 евра. Се испоставило дека неговото 13-годишно дете е безбедно, но заканата била сфатена сериозно, а Брновиќ и целото семејство се во страв. Заканите биле испратени по тренингот, кога тренерот требало да има средба со навивачката група на клубот – „Варвари“, но таа била откажана поради грозоморните закани. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Манекенката Ирина Шајк често снима провокативни моделинг кампањи, па не е изненадување да се види познатата бринета како позира во секси црна долна облека од тантела. Ирина, која многумина ја нарекуваат „најубавата Русинка на светот“, неодамна на Инстаграм сподели многу експлицитна фотографија која набрзо стана вирална на многу светски портали. Шајк на ова селфи во огледало ја истакна својата одлична фигура и заоблениот задник, позирајќи во црни проѕирни гаќички, градник и заводливи подвезици. Иако славната убавица се ближи до 40-та година, на неа не се гледаат знаци на стареење и лесно може да им парира на колешките кои сега ја започнуваат својата манекенска кариера. За потсетување, Шајк несомнено е една од најбараните манекенки на денешницата, а практично не постои луксузен бренд со кој таа не соработувала. Токму неа најчесто ја гледаме на модните писти на бројни дизајнери на модните недели ширум светот. Се проценува дека во текот на кариерата заработи над 25 милиони долари. View this post on Instagram A post shared by irina shayk (@irinashayk) Инаку, прославената 38-годишна манекенка неодамна ја прекина врската со американскиот фудбалер Том Брејди, поранешен сопруг на нејзината пријателка Жизел Бундшен. Но, таа наводно веќе бара нова љубов, а според упатени извори ѝ се допаѓа Том Круз бидејќи е „познат, богат и добро изгледа“. Ирина бара партнер и во Европа и во Америка. Таа бира, но достапен ѝ е мал број на мажи за состаноци. Таа има потреба од некој познат, убав и богат. Колку ги има такви? 5, 10?“, изјави неодамна извор за „Page Six“. View this post on Instagram A post shared by irina shayk (@irinashayk) View this post on Instagram A post shared by irina shayk (@irinashayk) View this post on Instagram A post shared by irina shayk (@irinashayk) Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Шефот на Агенцијата на ОН за помош за палестинските бегалци (УНРВА), Филипe Лазарини, соопшти дека од почетокот на израелската копнена операција во Рафа на 6 мај, од овој град се раселени 800.000 луѓе. Лазарини посочи дека луѓето се кријат во урнати згради, во области каде што е прекинато водоснабдувањето, а санитарни јазли не постојат. Кога луѓето бегаат, тие се без безбеден премин или заштита. Секој пат се принудени да ги остават зад себе неколкуте работи што ги имаат: душеци, шатори, прибор за готвење и основни потреби што не можат да ги понесат со себе или да платат транспорт“, истакна Лазарини на платформата Икс. Тој нагласи дека Ал-Маваси, наводната безбедна зона во близина на Рафа, всушност е песочна област со големина од само 14 квадратни километри, во која се наоѓале 400.000 луѓе пред последната израелска ескалација. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Американскиот федерален суд му нареди на Илон Маск повторно да сведочи пред Комисијата за хартии од вредност на САД (СЕЦ) за неговото преземање на Твитер за 44 милијарди долари. СЕЦ го тужеше Маск во октомври за да го принуди извршниот директор на производителот на електрични автомобили „Тесла“ и ракетната компанија „Спејс Икс“ да сведочи откако тој одби да биде интервјуиран во септември за целите на истрагата. Милијардерот тогаш изјави дека СЕЦ се обидува да го „малтретира“ со бројни судски покани. Истрагата се обидува да утврди дали Маск ги прекршил федералните закони за хартии од вредност кога купил акции на „Твитер“, социјалната мрежа која подоцна ја преименува во „Икс“, во 2022 година. Исто така, се разгледуваат изјавите и поднесоците што тој ги дал во СЕЦ поврзани со договорот, објави агенцијата претходно. Сојузниот судија Лорел Билер пресуди во корист на СЕЦ во февруари, пишувајќи дека додека Маск и неговиот правен тим тврдеа дека поканата на СЕЦ во врска со ова прашање претставува вознемирување на милијардерот, федералниот финансиски регулатор кажа дека е „во рамките на своите овластувања“ и нивната покана беше „утврдена и бара релевантни информации“ за нивната истрага. Маск побара ревизија на таа одлука. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Илјадници луѓе ширум Велика Британија се собраа на плажите, реките и езерата за да побараат промени на нивоата на загаденост на водата во земјата. Демонстрантите се собраа во областите за капење од Западниот Пјер во Брајтон до плажата Гилингвасе во Фалмут по извештаите дека милиони литри вода од канализација биле испумпани во Виндермер во областа Лејк за повеќе од 10 часа во февруари. Ситуацијата од опозициските политичари беше окарактеризирана како „скандалозна“, додека Лондон рече дека ситуацијата е „целосно неприфатлива“ и дека Агенцијата за животна средина има овластување да покрене кривично гонење. Испумпувањето се случило во пумпната станица на компанијата во Бонс-он-Виндермер, Камбрија, ноќта на 28 февруари, пишува „Индипендент“. Пумпите за итни случаи испуштија повеќе од 10 милиони литри вода од канализација во местото на светското наследство на УНЕСКО, откако главните пумпи беа нагло прекинати поради дефект на телекомуникациите. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Илјадници активисти се собраа во центарот на Тел Авив барајќи предвремени избори и итен договор за ослободување на израелските заложници во Појасот Газа, а поранешната американска секретарка Хилари Клинтон им се обрати на демонстрантите преку видео врска. Тие се наши сонародници, жени и деца и треба веднаш да бидат ослободени. Треба итно да се преземат активности за да се вратат дома“, рече Клинтон. Американскиот амбасадор во Израел, Џек Лу, на собраните луѓе им порача дека САД ги продолжуваат преговорите за враќање на заложниците, пишува „Тајмс оф Израел. Демонстрантите го блокираа автопатот Ајалон и запалија оган, барајќи итен договор за враќање на заложниците од Газа. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Руските сили во близина на Харков ја елиминирале Анастасија Федорец, платеничка од Хрватска, која им се придружила на меѓународните единици, кои се борат на украинска страна. Според објавата за смртта на Федорец на социјалните мрежи, таа била дел од меѓународната бригада, а загинала при борбите во областа на Харков. Во Украина пристигнала во мај 2023 година. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Цел свет знае дека Ана Бекер е резултат на петминутна афера на скалите на еден клуб на поранешнот тенисер Борис Бекер. Борис ја добии Ана со манекенката Ангела Ермакова, а самиот факт што девојчето го носи презимето на нејзината мајка укажува на одредени проблеми. Не е родена во брак, па дури ни во врска. Анџела забременила случајно за време на петминутнот страсен секс во ресторан во Лондон. Во времето на оваа врска тој беше во брак со Барбара Фелтус, која тогаш беше бремена и очекуваше второ дете со него. За целиот скандал отворено зборуваше и самиот Бекер, кој на почетокот не сакаше ниту да ја признае својата ќерка. Сепак тенисерот ја призна Ана, и се обиде да биде добар татко и истакна дека успеал да ја нормализира врската, па денес често се во контакт. Оваа необична 22-годишна девојка со црвена коса, кадрава коса и полни усни има голем успех во светот на манекенството. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Холивудската ѕвезда, Мерил Стрип, ја доби почесната Златна палма на 77. Меѓународен фестивал во Кан, овековечувајќи го нејзиното „неизбришливо место во историјата на кинематографијата“. Го променивте начинот на кој ги гледаме жените во светот на кинематографијата. Ни дадовте нова слика за нас самите, истакна француската актерка Жилиет Бинош, доделувајќи и ја наградата на американската актерка. Многу сум среќна што не сте уморни од моето лице, одговори Мерил Стрип. Покрај Мерил Стрип, оваа година почесна Златна палма добија и креаторот на серијалот „Војна на ѕвездите“, Џорџ Лукас, како и колективно Студио Гибли на јапонскиот режисер за анимација Хајао Мијазаки. Претседателка на жирито беше Грета Гервиг, американска независна режисерка чиј филм „Барби“ заработи повеќе од една милијарда долари. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Кошаркарите на Далас маверикс ја совладаа Оклахома со 117:116 во шестиот натпревар од плејоф полуфиналето на Западната конференција на НБА лигата и со 4:2 во победи се пласираа во конференциското финале. Најдобар играч во победничкиот тим беше Лука Дончиќ кој оствари трипл-дабл: 29 поени, 10 скока и 10 асистенции. Гостите од Оклахома во повеќе наврати имаа двоцифрена предност, два пати во третата четвртина имаа и +17, но и тоа не беше доволно да се изборат за мајсторка. Во финалето на Западната конференција Далас ќе игра со победникот од двојката Денвер – Минесота (3:3). Вечер од 21:30 часот по македонско време, Њујорк ја пречекува Индијана во одлучувачкиот седми натпревар од четвртфиналната пресметка во Источната конференција. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Кралот Чарлс Трети одбележа уште еден јубилеј во своето владеење и оваа недела го откри својот прв официјален портрет по неговото крунисување минатата година, што предизвика лавина реакции на социјалните мрежи. View this post on Instagram A post shared by The Royal Family (@theroyalfamily) Сликата и нејзиниот изразен црвен тон бргу предизвикаа разни реакции на интернет, а самото видео од откривањето ги насмеа корисниците на мрежите. Се чини дека и самиот крал беше изненаден кога го виде портретот, а луѓето на мрежите се пошегуваа дека е преплашен од сопствениот изглед на сликата. King Charles just unveiled the first official portrait of himself since the coronation. What the bloody hell is this? pic.twitter.com/nD2qKhDq22 — End Wokeness (@EndWokeness) May 14, 2024 Жал ми е, но неговиот портрет изгледа како да е во пеколот“, гласи еден од низата слични коментари. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Кралот Чарлс Трети одбележа уште еден јубилеј во своето владеење и оваа недела го откри својот прв официјален портрет по неговото крунисување минатата година, што предизвика лавина реакции на социјалните мрежи. View this post on Instagram A post shared by The Royal Family (@theroyalfamily) Сликата и нејзиниот изразен црвен тон бргу предизвикаа разни реакции на интернет, а самото видео од откривањето ги насмеа корисниците на мрежите. Се чини дека и самиот крал беше изненаден кога го виде портретот, а луѓето на мрежите се пошегуваа дека е преплашен од сопствениот изглед на сликата. King Charles just unveiled the first official portrait of himself since the coronation. What the bloody hell is this? pic.twitter.com/nD2qKhDq22 — End Wokeness (@EndWokeness) May 14, 2024 Жал ми е, но неговиот портрет изгледа како да е во пеколот“, гласи еден од низата слични коментари. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Според календарот на МПЦ (Јулијанскиот календар) денеска е 6 мај. Денеска е Свети праведен Јов. Свети Јов живееше околу 2000 години пред Христа, во Арабија. Во Библијата постои една цела книга Книга на Јов, која зборува за животот на овој чудесен пример на трпение и тврда вера во Бога меѓу луѓето. Неговите страдања се сметаат за праслика на Христовите страдања. Јов бил чесен и побожен човек, освен тоа и многу богат. Но, се случило така што во својата старост тој во еден ден го загубил целото свое семејство и сиот свој имот. И не само тоа, туку го нападнала и тешка болест. Наоѓајќи се среде сите тие страдања Јов сепак ни во еден миг не похули на Бога. Затоа Бог му го врати здравјето и му даде поголемо богатство од претходното, а му се родија и други синови и ќерки. Свети Јов проживеа долг живот, постојано славејќи го и благодарејќи му на Бога за се и се упокои во длабока старост. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Во текот на вечерните часови се случи тешка сообраќајна несреќа во која биле вклучени повеќе возила. Порталот Курир јавува за смачкани автомобили активирани воздушни перничиња. Оштетени се и паркирани возила. Медицински екипи, како и екипи на полицијата се на терен. Видео на следниот ЛИНК. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Себастијан Марокин или Хуан Пабло Ескобар. На луѓето не им е грижа како ќе го викаат, а тој вели дека неговиот пасош има само едно име – Хуан Себастијан Марокин. Тој е син на озлогласениот криминалец Пабло Ескобар, но никогаш не сакал да биде како него. Затоа мораl да го промени идентитетот за да се заштити себе си и своето семејство откако неговиот татко беше убиен на 2 декември 1993 година. Години потоа, непријателите на Пабло Ескобар го бркале сакајќи да го убијат, но тој, како што вели, „за чудо“ преживеал. Сега живее во мир во Аргентина, далеку од неговиот роден град, Меделин во Колумбија, каде што го поминал своето детство. Всушност, тој живеел во Меделин до својата шеснаесетта година, кога морал да побегне од таму со својата сестра и мајка и повеќе да не се врати. Од парите на татко му останала една „голема нула“, но тој не се кае затоа што му ја спасила „главата“. Тој го преживеал својот татко кој бил убиен кога имал 44 години. Хуан Себастијан Марокин денес има 47 години и е архитект, писател, дизајнер и говорник, но најмногу од се е „борец против криминалот“. Борец против се што правел и бил неговиот татко, Пабло Ескобар. Во интервју за „Мондо“, тој открива се за својот живот и животот на неговиот татко. Дојдовте во Србија како Себастијан Марокин или Хуан Пабло Ескобар? Всушност го дадов мојот пасош на аеродромот кога доаѓав овде, а во пасошот пишува Хуан Себастијан Марокин. Денеска беше неопходно да се смени моето име. Имавме неколку ситуации, тропавме на вратата на Црвениот крст. Имавме договор со колумбиската влада да го чуваме во тајност бидејќи нема да има смисла да го смениме името и да се знае следниот ден да сменам имиња Сакав да го задржам Хуан, затоа што ако некој згреши за време на процедурата за имиграција, Хуан е секогаш лесно за паметење А името Себастијан го слушав доста често, дури и мајка ми ме вика Себастијан денес, иако сум крстен. како Хуан Пабло. Имавме именик тогаш, тоа беше 1994 година, немаше интернет – ништо. Го гледавме тој именик и баравме презиме кое ќе го земеме дека не е поврзано со трговијата со дрога. Стигнавме до буквата „М“, сите луѓе претходно имаа некаква поврзаност со бизнисот со дрога“, вели Себастијан Марокин. Каков би бил твојот живот ако татко ти не беше Пабло Ескобар, дали некогаш си размислувал за тоа? Знаете, ова е животот што го имам поради одлуките на татко ми, но во моментов го живеам животот што го сакам поради одлуките што ги донесов. Не жалам што сум син на Пабло Ескобар. јас имам многу знаење, искуство, информации, како и сила да се издигнам од секоја ситуација, затоа не се каам, единственото нешто што можам да прашам е: каков би бил животот на татко ми ако имал шанса да се школува. самиот, да оди на универзитет… Се прашувам како земја како Колумбија не посветува доволно внимание на децата кои навистина сакаат да учат, кои сакаат да станат подобри луѓе, може да ја промени нашата сегашност, како и нашето минато“. Како го објаснувате интересот за приказната за вашиот татко? Што мислите, што ги привлекува луѓето, што сакаат да слушнат? Всушност, не знам, мислам дека името на татко ми денес е природна насловна страница „продавач“. Сè додека името Пабло Ескобар е во вестите, во насловот, многу луѓе ќе бидат привлечени да го читаат. има доволно љубопитство вестите и таа привлечност кон криминалците – одлична комбинација за тоа како да го привлечете вниманието на луѓето тоа не е поради Пабло Ескобар, туку поради медиумите и како тие го користат неговото име за да го задржат вниманието на луѓето“. Што е нешто што не е познато за животот на Пабло Ескобар што мислите дека луѓето треба да го слушнат? Луѓето треба да дојдат на настанот и таму можат да слушнат многу работи што всушност треба да ги знаат. Не зборувам за тие работи јавно бидејќи мислам дека е подобра атмосфера кога се прави посебен настан за тоа, да се презентира Приказна за луѓето на тој начин. И тоа не е истата приказна како во моите книги затоа што јас сè уште откривам нови работи за татко ми Секој ден, секој пат кога ќе сретнам некој од минатото, тој ми кажува подобри, полоши или поопасни работи за мојот сопствен татко и многу е тешко да се каже – да, знам сè за него“, вели Себастијан. Кога првпат решивте да откриете дека Пабло Ескобар е вашиот татко? Зошто решивте да излезете од сенката? Па, не бев јас – тоа беа медиумите. Тие решија да го објават нашиот нов идентитет, таа вест се рашири низ целиот свет. После тоа, немаше повеќе шанси да се криеме. Се обидовме да го живееме животот под радарот. без да бидеме повикани на ничие внимание, но одеднаш нашите лица и нови имиња се појавија на Си-Ен-Ен и ширум светот. Дали на таа возраст можевте да разберете што правел татко ти? Да, кога имав седум години ми рече дека е бандит, дека тоа е негова работа, но кога имаш седум години не можеш да го разбереш тоа. Кога си дете, го замислуваш како татко ти како јава. коњ и крадење пари од банки, но беше многу полошо од тоа Татко ми раководеше со една од најголемите криминални организации во минатиот век. Што ти кажа тогаш? Дека тој беше бандит, а јас почнав да му го гледам лицето во сите медиуми, сите вести беа за него. Немаше ограничувања да не смеам да го видам. Беше на телевизија, а тој ми рече дека кажува „Да, јас сум одговорен за тоа“. Дали некогаш сте виделе дрога или оружје во вашата куќа? Секој ден од мојот живот… Дали гревовите на татко ти и денес те прогонуваат? Можам да кажам многу помалку гревови, но тие сè уште се таму. Ништо не расте под голема сенка, а јас се обидувам да побегнам што подалеку од таа сенка за да бидам тоа што сум. Не сакам да ме прикажуваат како Синот на Пабло Ескобар, јас сум многу повеќе од тоа“, вели Себастијан. Дали некогаш сте се плашеле за својот живот? Зошто мислиш дека картелот Кали те пушти да живееш? Тоа беше долг пат бегајќи од картелот. Никој не беше сигурен што ќе направам или што ќе одлучам, јас бев целосно посветен на мирот и буквално го мислам тоа. Но, никој, дури ни јас, не можеше никого да убеди или можеше Знам дека ќе се однесувам како што сум Прво, кога некој ќе ти се заканува со смрт – не знаеш што да правиш се обиде да ме убие, мојата глава вредеше четири милиони долари – беше тешко да се зборува за мир, кога сите сакаат да те умре, но јас успеав, не знам како, тоа е вистинско чудо. Колку различно живеевте вие ​​и вашата сестра од другите деца? Имаше зоолошка градина во дворот? Беше како пет минути во споредба со цел живот. Не уживавме толку многу… Секогаш бевме загрижени дали полицијата ќе ни упадне во куќата или дали непријателите на татко ми ќе се обидат да не киднапираат или убијат. не уживајте во она што го имавме и тоа е важна порака од оваа приказна“. Дали некогаш си го видел татко ти како плаче? Да, само еднаш во мојот живот. Кога ми рече збогум и последен пат го видов. Тој требаше да биде најсилната фигура во семејството, а потоа морав да го смирам и да се чувствува подобро. Потоа се прегрнавме и последен пат го видов“, вели Себастијан. А како беше последниот повик со татко ти, што ти кажа тогаш? Разговаравме за едно интервју кое се појави во многу популарен магазин во Колумбија, ги интересираше неговото мислење, бидејќи медиумите играа игра со властите и не сакаа да слушнат што мисли татко ми за ситуацијата, насилството, терористички напади, за тоа зошто побегна од затвор, и тоа беше прв пат да се изрази. Но, тој остана на телефон подолго отколку што знаеше дека е безбеден за него дека тоа му била последна борба со нив и затоа решил да се самоубие“. Кои беа неговите последни зборови? Тие беа: „Ќе ти се јавам подоцна“… Како живееш денес? Спијам мирно, цврсто, го почитувам законот каде и да одам… Уживам да ја споделувам мојата приказна со другите. Уживам да ги гледам насмевките на тинејџерите кога сфаќаат дека не можат да најдат ништо добро во криминалниот начин на живот. Мислам дека ја најдоа мојата цел на нивниот живот во смисла да ги инспирирам другите во Латинска Америка и ширум светот. Тие не треба да го следат животот на татко ми, туку да ги следат нивните инстинкти и таленти и да создадат подобар живот за себе. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Цел свет знае дека Ана Бекер е резултат на петминутна афера на скалите на еден клуб на поранешнот тенисер Борис Бекер. Борис ја добии Ана со манекенката Ангела Ермакова, а самиот факт што девојчето го носи презимето на нејзината мајка укажува на одредени проблеми. Не е родена во брак, па дури ни во врска. Анџела забременила случајно за време на петминутнот страсен секс во ресторан во Лондон. Во времето на оваа врска тој беше во брак со Барбара Фелтус, која тогаш беше бремена и очекуваше второ дете со него. За целиот скандал отворено зборуваше и самиот Бекер, кој на почетокот не сакаше ниту да ја признае својата ќерка. Сепак тенисерот ја призна Ана, и се обиде да биде добар татко и истакна дека успеал да ја нормализира врската, па денес често се во контакт. Оваа необична 22-годишна девојка со црвена коса, кадрава коса и полни усни има голем успех во светот на манекенството. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

„Со жалење можеме да кажеме дека со секое ново појавување на Али Ахмети неговата состојба станува посериозна. Тоа се должи или на манипулации на Артан и Бујар, или Ахмети изгубил контрола, бидејќи се разоткриваат неговите незаконски дела“ соопштија од Вреди. Како што наведуваат од коалицијата, во првостепеното одлучување во ДИК немало етничко надгласување, туку врз основа на докази едногласно е одлучено дека „мултиетничкиот фронт“ предводен од ДУИ на 8 мај го прекршил изборниот процес со манипулации со гласот на Албанците. Велат дека одлуката била донесена и со гласот на членот на ДУИ во ДИК. Оттаму додаваат дека за разлика од 2021 година, сега Управниот суд докажал дека ДУИ манипулирала за време на изборниот процес. „Не држат изјавите на Ахмети со кои се обидува Мултиетничкиот фронт да го претстави како претставник на Албанците, бидејќи самиот овој фронт се изјасни дека е мултиетничка коалиција со граѓански концепт, додека Вреди е единствената албанска опција кај нас. На сите им е јасно дека Али Ахмети ја загубил контролата откако сфатил дека ја загубил власта. Но го повикуваме, доколку сака европска перспектива за земјата, да остане смирен, да ги води партнерите од фронтот во конструктивна мултиетничка опозиција. Да ги поддржиме прашањата што се во интерес на Албанците, како што тоа досега го правеа партиите од Вреди како опозиција. Да дозволиме правдата да дејствува. Кога правдата ги следи законите, тогаш евроинтегративниот пат на државата е загарантиран“, се вели во реакцијата на Вреди. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Секое куче може да биде агресивно, без разлика на расата. Порталот „Дог академи“ посочува некои од најагресивните раси кучиња и додава дека одредени раси на кучиња се посклони кон агресија за разлика од други. Во продолжение се расите на кучиња кои не се препорачуваат за неискусни љубители и сопственици кои немаат доволно време за обука, тренинг и за дружење со миленикот. Чивава Иако ова е мало, верно куче, одгледувачите многу добро знаат за неговата агресивност и проблеми со однесувањето. Чивавите може да бидат многу непријателски настроени кон туѓинци и кон други животни. Поради својата големина, не се сметаат за „најопасната“ раса, но доколку не се правилно одгледани и социјализирани, може да предизвикаат штета со каснувања. Ротвајлер Ова куче има вродена агресија поради што некои луѓе ги користат, пред сѐ, за борба со кучиња. Ова куче е заштитнички настроено и верно на својот сопственик, но има голем нагон за барање плен и затоа му треба добар тренинг. Сепак, ротвајлерот е интелигентно милениче и брзо учи, поради што не е проблем за сопствениците кои имаат искуство со агресивни раси. Питбул-териер Како силни, мускулести и кучиња со силна вилица, и питбул-териерите често се користат во уличните борби. Во погрешни раце, овие кучиња стануваат и сериозна опасност за околината, со доволно чести смртни исходи. Се препорачуваат само за искусни сопственици. Неаполски мастиф Овие кучиња станаа светски познати веројатно и поради кучето Фанг кое се појавува во серијалот „Хари Потер“. Иако големо и силно, ова куче е исклучително верно. Агресивно е кон туѓинци и кон секое лице или животно што го смета за закана. Тренингот и социјализацијата на мастифот треба да почнат кога сѐ уште е мало куче – за да се спречи агресивното однесување подоцна. Чау-чау Иако изгледаат како „плишани мечиња“, и овие кучиња се познати по својата недружељубива и агресивна природа. Тие обично може да се одгледуваат за лов и чување имот. За ова куче да ја потисне својата агресија, му треба постојана обука и строга контрола. Аргентинска дога или мастиф Бара строго воспитување, доследен тренинг и искусен сопственик за да се спречи секакво агресивно однесување. Не треба да се чува во домаќинства со други животни. Германски овчар Во погрешни раце, и овој домашен миленик може да биде опасен и агресивен, бидејќи е природен заштитник на својата територија, па така и на своето семејство. Поради неговата висока интелигенција и брзо учење, денес често се користи и како полициско-воено куче. Германската армија почна со обука на службени кучиња за откривање на инфекција со коронавирусот. Мексиканската армија оваа недела стана побогата за еден член – тримесечен германски овчар. Тој ќе биде дел од специјалната единица за наоѓање и помош на преживеани лица по земјотрес и други п Јазовчар Како и чивавата, и јазовчарот е мало куче склоно кон агресија. Поради нивната големина, тие често се чувствуваат загрозени и тоа обично резултира со ‘ржење, лаење и гризење заради заштита. Ним им треба тренинг и социјализација што почнува што е можно порано, поради потиснување на агресијата. Далматинец Познатите точкести кучиња се заштитен знак на противпожарните единици, но и тие важат за агресивни кучиња, што произлегува од нивната тврдоглавост и нагонот за бранење на својата територија. Покрај тоа, далматинецот има и висок нагон за плен, поради што може да нападне и дете. Со соодветни вежби и социјализација, и ова куче може да биде одлично семејно милениче. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Претседателот на Франција Емануел Макрон покани претставник на Русија на прославата на 80-годишнината од Денот Д, односно слетувањето во Нормандија, потег кој наиде на осуда од страна на Белата куќа. Од Белата куќа соопштија дека воопшто не се задоволни од оваа одлука на владата во Париз, но дека можеби сепак Макрон донел добра одлука. Се надеваме дека ова ќе ги потсети Русите дека некогаш се бореле против вистински нацисти, а не со имагинарни, изјавија од Белата куќа за Политико. На одлуката на оваа церемонија да се вклучи и претставник на Русија негодуваа и европски дипломатии. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Тешка сообраќајна несреќа вечерва се случи на булеварот „Мајка Тереза“, пред влезот на Клиничкиот центар. Според информациите на Курир.мк од терен, во несреќата учествувале неколку возила. Неофицијално, судирот се случил меѓу два автомобили, по што оштетени биле и паркирани возила. Неофицијално, неколку лица се пожалиле на полесни повреди, но засега нема официјална потврда. Извор: Курир.мк Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Претседателката Гордана Силјановска Давкова одлучи првото појавување во јавноста откако положи заклетва на 12 мај да го резервира за 52. издание на Мајските музички вечери и за гостувањето на Софиската опера и балет во Скопје. Не мислам дека минатото ни е романтично, ни вашето ни нашето, но мораме да живееме денес и да работиме за иднината, изјави Силјановска-Давкова пред почетокот на изведбата на операта „Валкира“ од оперскиот реформатор Рихард Вагнер. Ексклузивен настан вечерва на МОБ: „Валкира“ од Вагнер со која гостува Софиската опера првпат ќе се изведе на наша сцена Силјановска се сретна со директорот на софиската опера и балет Пламен Карталов и посочи дека е многу запознаена со неговата работа и дека дошла да се восхитува на премиерата. На прашањето дали нејзиното присуство е знак на пријателство, Силјановска потврди. Да, ова е еден чекор. Верувам во културната дипломатија и верувам дека е посилна од традиционалната дипломатија. Затоа дојдов да уживам во операта вечерва. Го познавам и академик Карталов, мислам дека е исклучителен. Мислам дека Пламен ќе го запали културниот пламен овде. Софискиот ансамбл кој гостува во Скопје доаѓа со повеќе од 130 бугарски солисти, оркестар и балет. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Францускиот институт во Скопје и Ист Гејт Мол (East Gate Mall) , во рамките на одбележувањето на 50-годишнината на постоењето на Францускиот институт во Скопје, поставуваат ексклузивна дигитална поставка, насловена како « Livelyyy », на францускиот уметник Гијомит. Муралот ќе биде поставен покрај главниот влез на Ист Гејт Мол и претставува прва дигитална интерактивна изложба – од вкупно три – кои ќе бидат отворени за посетителите. Изложбата ќе биде отворена од сабота 18 мај до сабота 1 јуни 2024 година. Огромниот мурал „заживува“ во уште поголем 3Д универзум преку апликација за зголемена реалност наменета за мобилни уреди. А во тој волшебен свет се пристапува до интерактивна видео игра во која посетителот станува „градинар“, којшто треба да се погрижи за живиот свет и животната средина. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

По три часа заврши состанокот на претседателството на Демократска унија за интеграција (ДУИ) во нивното седиште во тетовска Мала Речица, по што беше најавено дека ставот во врска со прегласувањето на седум избирачки места за параламентарните избори ќе биде изграден заедно со сите партии од Европскиот фронт. Портпаролот Арбр Адеми најави дека ќе имаат други состаноци со сите партнери во рамки на Европскиот фронт. – Денеска ги разгледувавме сите политички случувања, особено внимание предизвика изборниот инженеринг. И пред да се поднесуваат приговорите ние ја известивме јавноста бидејќи имавме информации од прва рака во што се состои политичкиот „дил“. Ги известивме сите граѓани, нашите партнери, тоа се потврди со конкретни дела и во Државната изборна комисија, но и во Управниот суд. За натамошните чекори претседателот Ахмети ќе има координативни средби со сите политички партии кои го сочинуваат Европскиот фронт. Така што, нема што повеќе да додадеме освен тоа што претседателот Ахмети веќе го сподели со сите вас и пред почетокот на денешниот состанок, изјави Адеми. Пред да почне состанокот претседателот на ДУИ, Али Ахмети истакна дека ќе прават анализа на одлуките на ВМРО ДПМНЕ и СДСМ за да се повторат изборите на неколку изборни места. – Ова е направено од двете најголеми партии од македонска националност кои за жал политики се плашиме дека ќе имаат влијание и на меѓуетничките односи кои ние не ги посакуваме. Така што, ние ќе правиме анализа, која исто така ова повторување што ќе се прави, се прави со една ризична позадина ние Албанците да се убиеме, како што се случи на едно изборно место во Општина Желино, тоа не го посакуваме, ниту пак ќе се случи. Ако сака некој има стратегија да пукаме ние Албанците меѓу себе, нема да се реализира, рече Ахмети. Лидерот на ДУИ најави дека ќе се консултираат и експерти околу одлуките на ДИК за прегласување во неколкуте општини на 22 мај. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Кога размислуваме за најбогатите луѓе во светот, често се фокусираме на нивниот деловен успех, иновативност и способност да ги препознаваме можностите. Сепак, постои и интересна врска помеѓу богатството и хороскопските знаци. Некои астролози веруваат дека одредени знаци од Зодијакот имаат поголема предиспозиција за успех и богатство. Во продолжение прочитајте во кои хороскопски знаци често се раѓаат милијардери и милионери. Јарец Јарците се познати по својата амбиција, трудољубивост и дисциплина. Нивната способност да планираат и организираат често ги води до врвот на корпоративната скала. Еден од најпознатите милијардери Јарец е Џеф Безос. Јарците имаат неверојатна издржливост и трпение, што им овозможува доследно да работат кон своите цели, без оглед на пречките. Бик Биковите се познати по својата упорност, сигурност и практичност. Тие имаат природен талент за финансии и инвестиции, што ги прави одлични деловни лидери. Примери за богати Бикови се Марк Цукерберг, основачот на Фејсбук и Џорџ Клуни, кој покрај актерството, постигна значителен финансиски успех во претприемништвото. Биковите често се претпазливи и внимателни, што им помага да донесат мудри финансиски одлуки. Лав Лавовите се родени лидери со природна харизма и храброст. Нивната желба за признание и успех често ги води до истакнати позиции. Примери за богати Лавови се Лери Елисон, основачот на Oracle и Кајли Џенер, која успеа да изгради козметичка империја. Лавовите се самоуверени и не се плашат да ризикуваат, што често резултира со големи финансиски награди. Вага Вагите се познати по својата дипломатска природа, шарм и сталоженост. Нивните социјални вештини и способност да создаваат врски често им помагаат во деловниот свет. Примери за богати Ваги се Ралф Лорен, модниот дизајнер и Ким Кардашијан, која изгради империја во индустријата за забава и убавина. Вагите се вешти во преговорите и често ги привлекуваат луѓето со својот шарм, што им го олеснува патот до богатството. Близнаци Близнаците се познати по нивната приспособливост, разноврсност и комуникациски вештини. Нивната способност да размислуваат брзо и да се движат во различни ситуации често им помага во деловниот свет. Примери за богати Близнаци се Доналд Трамп, поранешен американски претседател и бизнис магнат и новинарот Андерсон Купер. Близнаците се одлични во вмрежувањето и создавањето нови деловни врски, што им овозможува да создадат бројни можности за финансиски успех. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Антисексуалните кревети пристигнаа во Олимпиското село во Париз, на кои спортистите ќе спијат за време на Олимписките игри закажани од 26 јули до 11 август. Овие 18.000 кревети се долги 2,1 метар и можат да носат до 200 килограми. Тие се направени од рециклиран картон, душеците се од полиетилен, а по Олимписките игри ќе се користат за производство на пластика. Одлуката е во согласност со еколошките стандарди кои претходно ги поставија организаторите на Олимписките игри. Секој кревет ќе има по три перници, а секој спортист ќе може да ги избере перниците според своите потреби во посебна апликација. Овие кревети се нарекуваат кревети против секс бидејќи се премногу слаби за секаков вид на интимни односи. Ова е утврдено врз основа на искуството од Олимписките игри во Токио во 2021 година, кога тие беа користени за прв пат. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

На децата во Англија ќе им биде забрането да играат фудбал со глава во обид да се подобри нивната безбедност. Фудбалската асоцијација (ФА) објави дека ќе започне постепено да забранува удари со глава на сите тимски натпревари за деца на возраст од 11 години и помали. Идејата беше тестирана околу две години. Намерниот удар со глава ќе биде казнет со индиректен слободен удар. Децата од 7 до 9 години ќе престанат да играат со глава од следната сезона, до 10 години – од сезоната 2025/26, а до 11 години – од сезоната 2026/27. Почнувајќи од 12-годишна возраст, ќе биде дозволено играње со глава. – Продолжуваме да играме водечка улога во оценувањето и подобрувањето на безбедноста на фудбалот. Нашата цел е, меѓу другото, да создадеме поголема техничка способност за играчите да играат со топката во нивните нозе, да обезбедиме поефикасно користење на времето за играње и да го намалиме времето кога топката е во воздух за време на натпреварот, објави ФА во соопштението. Мерката доаѓа во време на истражување кое сугерира дека поранешните фудбалери имаат поголема веројатност да умрат од проблеми со мозокот отколку пошироката јавност. На пример, професионалните фудбалери имаат три и пол пати поголеми шанси да умрат од деменција отколку просечниот човек на иста возраст, објавија студиите. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Едно лице загина а друго се бори за живот во Клиничката болница- Штип од повреди добиени во несреќа, што според првичните информации се случила попладнево о лифт во угостителски објект во Штип, потврди штипската полиција. Повеќе детали околу несреќата засега нема, но од СВР Штип велат дека во тек е увид од страна на полицијата, јавен обвинител од ОЈО Штип, а на терен се и државни инспектори. Според првичните информации починатото лице и неговиот колега извршувале работна задача во моментот на несреќата. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Девојче (14) по потекло од Црна Гора е осомничено дека сакало да изврши напад во австрискиот град Грац, а при претресот на куќата во којашто живеело истражителите пронашле оружје и ужасни фотографии и видеа од обезглавувања. Тоа, како што се наведува, имало само една цел: да ги убие сите неверници. Според полицијата, девојчето веќе купило секира, нож и облека за по случаен избор да нападне луѓе во Грац. Освен тоа, тоа испратило и фотографии од планот за напад на истомисленици преку апликацијата Телеграм. Нападот требало да биде „насочен кон неверниците“, а вклучувал случајно убиство на „луѓе облечени во црно“ и убивање „што е можно повеќе“. Австриската полиција не знае точно кога било планирано да се изврши нападот, но е сигурна дека нападот ќе се случел. „Претпоставуваме дека тоа беше неизбежно“, изјавил портпаролот на полицијата Фриц Грундинг. Девојчето е родено во Црна Гора и живее во Грац, но се уште нема австриско државјанство. При распитот девојчето не признало, а на сослушувањето присуствувале и нејзините родители кои наводно не знаеле за страшните планови на нивната ќерка. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Во голема полициска акција спроведена во повеќе градови во Албанија запленет е имот вреден над 4,5 милиони евра. – Пронајдени и одземени како материјални докази се 2.996.760 евра готовина; значителни количини злато и скап накит; часовници од скапи марки со приближна вредност од 500.000 евра; огнено оружје; прилагодени регистарски таблички; луксузни возила (од кои пет блиндирани возила во вредност од над 500.000 евра); системи за надзор со камера, покер маса и слично, објави Министерството за внатрешни работи на Албанија. Со оваа опсежна операција биле опфатени седум структурирани криминални групи со значителна моќ, особено во поголемите градови како што се Тирана, Драч, Валона, Лежа, Фуш Круја и Решен, а биле издадени 43 налози за апсење. Уапсени се 20 лица, а по останатите, меѓу кои и поранешен пратеник и четворица високи полициски раководители се трага. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Претседателката на Уставниот суд Добрила Кацарска добила вербални закани од маж на педесетина години додека седела во кафе-бар во Скопје. Инцидентот се случил денеска околу пладне, а за безбедноста на судијката се погрижилообезбедувањето. Кацарска го пријавила во полициската станица „Беко“. -Полициски службеници од Полициската станица Центар денеска во 14:00 часот го лишиле од слобода В.П.Г. (57) од Богданци, постапувајќи по претходна пријава дека во угостителски објект во трговски центар на подрачјето на Центар во Скопје упатил закани кон Д.К.(67) од Скопје со зборовите „ќе одговараш, страшно ќе одговараш”. Лицето било задржано во полициска станица и по целосно документирање на случајот во координација со јавен обвинител против него ќе биде поднесена кривична пријава по член 144 од Кривичниот законик, соопшти МВР. Од Уставниот суд за МИА потврдија дека претседателката на Судот Кацарска денеска во полициска станица пријавила вербален напад и загрозување на сигурноста. Изјава за настанот во полиција дале неколку сведоци. Ова е вторпат за неколку дена Кацарска да добива закани. Во подземна гаража на зграда во Центар на 14 мај беа пронајдени импровизиран кревет и кујнски нож на гражаното место на претседателката на Уставниот суд. Кацарска во гаража ја пречекал импровизиран кревет и кујнски нож забоден во прекинувачот за светло Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

По три часа заврши состанокот на претседателството на Демократска унија за интеграција (ДУИ) во нивното седиште во тетовска Мала Речица, по што беше најавено дека ставот во врска со прегласувањето на седум избирачки места за параламентарните избори ќе биде изграден заедно со сите партии од Европскиот фронт. Портпаролот Арбр Адеми најави дека ќе имаат други состаноци со сите партнери во рамки на Европскиот фронт. – Денеска ги разгледувавме сите политички случувања, особено внимание предизвика изборниот инженеринг. И пред да се поднесуваат приговорите ние ја известивме јавноста бидејќи имавме информации од прва рака во што се состои политичкиот „дил“. Ги известивме сите граѓани, нашите партнери, тоа се потврди со конкретни дела и во Државната изборна комисија, но и во Управниот суд. За натамошните чекори претседателот Ахмети ќе има координативни средби со сите политички партии кои го сочинуваат Европскиот фронт. Така што, нема што повеќе да додадеме освен тоа што претседателот Ахмети веќе го сподели со сите вас и пред почетокот на денешниот состанок, изјави Адеми. Пред да почне состанокот претседателот на ДУИ, Али Ахмети истакна дека ќе прават анализа на одлуките на ВМРО ДПМНЕ и СДСМ за да се повторат изборите на неколку изборни места. – Ова е направено од двете најголеми партии од македонска националност кои за жал политики се плашиме дека ќе имаат влијание и на меѓуетничките односи кои ние не ги посакуваме. Така што, ние ќе правиме анализа, која исто така ова повторување што ќе се прави, се прави со една ризична позадина ние Албанците да се убиеме, како што се случи на едно изборно место во Општина Желино, тоа не го посакуваме, ниту пак ќе се случи. Ако сака некој има стратегија да пукаме ние Албанците меѓу себе, нема да се реализира, рече Ахмети. Лидерот на ДУИ најави дека ќе се консултираат и експерти околу одлуките на ДИК за прегласување во неколкуте општини на 22 мај. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Подрачјето на белгискиот град Лиеж е погодено од поплави предизвикани од обилните дождови кои веќе предизвикаа штети во Франција. На подрачјето на тој град досега се евидентирани околу 550 интервенции, а гувернерот Ерве Џамар мобилизирал 150 пожарникари во борбата против последиците од елементарната непогода. Ова се главно интервенции за испумпување вода кои продолжија денеска изутрината, соопшти канцеларијата на гувернерот на погодената провинција. Службите за итни случаи соопштија дека нивото на водата почнало да се намалува. Од другата страна на границата, во холандската провинција Лимбург, два кампа се евакуирани поради опасност од поплави. Во францускиот департман Мозел, на североистокот, денеска во раните утрински часови беше објавена тревога поради опасност од поплави. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Комунистичката партија на Виетнам го именува министерот за јавна безбедност То Лам за нов шеф на државата. – Централниот комитет одобри другарот То Лам, член на Политбирото и министер за јавна безбедност, да биде именуван за претседател, објави Виетнамската новинска агенција (ВНА). Лам (66), кој ја извршуваше функцијата министер за јавна безбедност од 2016 година, имаше тврд став против движењата за човекови права. Неговото именување уследи по оставката на Во Ван Туонг во март. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Во голема полициска акција, во содејство со Специјалното обвинителство против организиран криминал и корупција (СПАК), спроведена во повеќе градови во Албанија, запленет е имот вреден над 4,5 милиони евра. Пронајдени и одземени како материјални докази се 2.996.760 евра готовина; значителни количини злато и скап накит; часовници од скапи марки со приближна вредност од 500.000 евра; огнено оружје; прилагодени регистарски таблички; луксузни возила (од кои пет блиндирани возила во вредност од над 500.000 евра); системи за надзор со камера, покер маса и слично, објави Министерството за внатрешни работи. Се додава дека во рамки на оваа мега-операција, биле погодени седум структурирани криминални групи со значителна моќ и географски опфат на нивните криминални активности во некои од поголемите градови во земјата, како што се Тирана, Драч, Валона, Лежа, Фуш Круја и Решен, а биле издадени 43 налози за апсење. Уапсени се 20 лица, а по останатите, меѓу кои и поранешен пратеник и четворица високи полициски раководители се трага. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Доколку имате проблем со варењето на храната и постојано се чувствувате подуени, добро би било да почнете да консумирате некои од овие природни пијалаци, што го забрзуваат варењето на храната и на тој начин ќе ви помогнат побрзо да добиете рамен стомак. Кога варењето на храната ви е проблем, и имате опстипација (запек), па заради тоа се соочувате со подуеност, би можеле да пробате некој од овие 3 пијалаци за рамен стомак. Секој од нив ќе му помогне на вашиот организам полесно да ја свари храната, а особено ќе ви се најдат ако често имате проблем со затвор. Имајте предвид дека не е добро сами на своја рака да земате одредени природни лекови. Затоа, пред да почнете со консумирање на некои од овие пијалаци добро би било да се консултирате и со лекар или нутриционист. Млака вода и лимон Мешавината од млака вода ќе ви помогне за детоксикација на организмот и ќе ви помогне полесно да се ослободите од штетните материи во телото. Дополнително се препорачува и за лицата што имаат проблеми со кожата и кои сакаат да го зајакнат имунитетот. За да го подготвите, потребно е да земете чаша млака вода и во неа да исцедите сок од цел лимон и тоа да го испиете. Овој пијалак можете да го пиете наутро, наместо кафе, а може да се консумира и превентивно доколку често имате проблеми со варењето на храната и подуеност. Маслиново масло и лимон Освен што помага во варењето на храната, се верува дека комбинацијата од маслиново масло и лимон може да ви помогне и во разбивањето на камења во бубрезите, при болка во зглобовите или да го спречи стареењето. За да го подготвите, во една чаша треба да ставите природен сок од лимон и во него да ставите една лажица маслиново масло. За најдобар ефект, овој пијалак треба да се пие наутро или неколку часа по оброкот. Сода бикарбона и млака вода Сода бикарбоната и млаката вода уште во минатото често се користеле како лек за киселини во желудникот и за подобрување на варењето на храната. Во овој случај, треба да се користи само фармацевтска сода бикарбона (без алуминиум), која ја има во аптеки или во продавници за здрава храна, а овој пијалак не се препорачува за оние што страдаат од чир на желудникот. Исто така, според некои истражувања, прекумерното консумирање сода бикарбона може да доведе до пореметувања на работата на срцето, затоа пред да почнете да го консумирате овој пијалак, неопходно е да се консултирате со лекар. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

По три часа заврши состанокот на претседателството на Демократска унија за интеграција (ДУИ) во нивното седиште во тетовска Мала Речица, по што беше најавено дека ставот во врска со прегласувањето на седум избирачки места за параламентарните избори ќе биде изграден заедно со сите партии од Европскиот фронт. Портпаролот Арбр Адеми најави дека ќе имаат други состаноци со сите партнери во рамки на Европскиот фронт. Денеска ги разгледувавме сите политички случувања, особено внимание предизвика изборниот инженеринг. И пред да се поднесуваат приговорите ние ја известивме јавноста бидејќи имавме информации од прва рака во што се состои политичкиот „дил“. Ги известивме сите граѓани, нашите партнери, тоа се потврди со конкретни дела и во Државната изборна комисија, но и во Управниот суд. За натамошните чекори претседателот Ахмети ќе има координативни средби со сите политички партии кои го сочинуваат Европскиот фронт. Така што, нема што повеќе да додадеме освен тоа што претседателот Ахмети веќе го сподели со сите вас и пред почетокот на денешниот состанок, изјави Адеми. Пред да почне состанокот претседателот на ДУИ, Али Ахмети истакна дека ќе прават анализа на одлуките на ВМРО ДПМНЕ и СДСМ за да се повторат изборите на неколку изборни места. Ова е направено од двете најголеми партии од македонска националност кои за жал политики се плашиме дека ќе имаат влијание и на меѓуетничките односи кои ние не ги посакуваме. Така што, ние ќе правиме анализа, која исто така ова повторување што ќе се прави, се прави со една ризична позадина ние Албанците да се убиеме, како што се случи на едно изборно место во Општина Желино, тоа не го посакуваме, ниту пак ќе се случи. Ако сака некој има стратегија да пукаме ние Албанците меѓу себе, нема да се реализира, рече Ахмети. Лидерот на ДУИ најави дека ќе се консултираат и експерти околу одлуките на ДИК за прегласување во неколкуте општини на 22 мај. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

На 18.05.2024 во 00.35 часот во Полициската станица Велес, Д.Д.(38) од Велес пријавила дека на улица „Љубљанска“ во Велес била касната од куче скитник. На 17.05.2024 во 23.10 часот во ОВР Гостивар, Х.Ш.А.(38) од Гостивар пријавила дека на улица ,,Живко Брајковски” во Гостивар, нејзиниот малолетен син бил каснат од куче скитник. На 17.05.2024 во 17.20 часот во Полициска станица Гази Баба во Скопје, М.А.(44) од Скопје пријавил дека на ул.„Фуштанска“ во Скопје бил каснат од куче скитник. На 17.05.2024 во 12.45 часот во СВР Струмица, И.И.(35) од Струмица пријавил дека на бул.„Ленинова“ во Струмица бил каснат од куче скитник. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Викенд диетата за експресно прочистување на телото содржи грст овошје, зеленчук и течности, како и чај и кафе направени од јачмен (цикорија). Дневното мени содржи помеѓу 1.000 и 1.200 калории, што е значително помалку од препорачаните потреби, поради што оваа диета не треба да трае подолго од два дена. По завршувањето на диетата за детоксикација, продолжете да јадете лесна и здрава храна за да ја одржите вашата тежина. Во исхраната особено се важни ананасот, зелениот чај и споменатото јачменово кафе. Ананасот има многу минерали, вода, влакна и ензими и е класифициран како диуретик. Јачменовото кафе не содржи кофеин, има прочистувачко и детоксикативно дејство. Јачменовото кафе можете да го замените со чај. Намалете го внесот на сол и бибер и пијте најмалку литар и половина вода дневно. Лебот можете да го замените со компири. За време на диетата можете да пиете и чај од стебло од вишни или чај од свила од пченка, кои се добри против целулитот. Сабота: Појадок: шолја јачменово кафе, два бисквита Ужина: шолја зелен чај без шеќер, шолја исечен ананас Ручек: мешана салата, тестенини со зеленчук, пармезан, парче ананас Вечера: супа од зеленчук, печен батак без кора, салата од рендан морков, парче интегрален леб Недела: Појадок: обичен јогурт, чаша различни житарки Ужина: шолја зелен чај без шеќер, два бисквита Ручек: зелена салата, омлет со јајца, домати и спанаќ, парче интегрален леб, јаболко Вечера: ориз со магдонос, сладок анасон, салата со млад кромид, парче интегрален леб, круша Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Сина ајкула долга повеќе од три метри и тешка 200 килограми е уловена во Будва. Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет. Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Редовното консумирање овошје и зеленчук е научно поврзано со намалување на ризикот од кардиоваскуларни болести. Доколку не го јадете премногу често, време е да започнете, особено она што го препорачуваат кардиолозите. Зеленчукот е важен дел од исхраната здрава за срцето. Тоа е затоа што тие се богати со различни витамини, вклучувајќи Б1, Б2, ниацин и фолати, есенцијални елементи како калциум и калиум и фитохемикалии, кои се биоактивни соединенија на растенијатао“, вели кардиологот Џој Гелбман. Витамините Б помагаат да се одржи крвниот притисок на здраво ниво, додека ниацинот помага во намалување на ЛДЛ холестеролот. Фолната киселина е поврзана со намален ризик од кардиоваскуларни болести и мозочен удар. Калциумот игра улога во одржувањето на отчукувањата на срцето, а калиумот има корисен ефект врз срцето со намалување на напнатоста на ѕидовите на крвните садови, што помага во намалување на крвниот притисок. Фитохемикалиите во зеленчукот се особено важни за здравјето на срцето. Научните истражувања покажуваат дека помагаат во заштитата од оксидативен стрес, кој предизвикува воспаление во телото и може негативно да влијае на срцето. Покрај сите овие придобивки, зеленчукот е богат и со растителни влакна. Исхраната богата со растителни влакна го поддржува здравјето на срцето со тоа што го спречува зголемувањето на холестеролот и крвниот притисок. Зеленчук кој најмногу го сакаат кардиолозите Иако сите зеленчуци се добри, д-р Гелбман особено сака лиснат, зелен зеленчук. Ги сакам кељот, спанаќот и кинескиот зеленчук. Лиснатите зелени се особено добри за здравјето на срцето бидејќи се богати со нитрати, кои се претвораат во азотен оксид, соединение кое може да ги релаксира крвните садови“, вели таа. Кардиологот д-р Дипак Вивек претпочита спанаќ. Го поддржува кардиоваскуларното здравје на многу начини, вклучително и подобрување на чувствителноста на инсулин и намалување на оксидативниот стрес. „Може да помогне и во намалување на крвниот притисок бидејќи е богат извор на влакна, витамин А, витамин Ц, витамин К, железо, калиум и фолати“, објасни докторот. Спанаќот е избор број еден и за многу други кардиолози. д-р. Сушант Каир објаснува дека железото во спанаќот е важно за производство на црвени крвни зрнца. Спанаќот има и витамин Е, антиоксиданс кој го штити телото од слободните радикали кои можат да играат улога во предизвикување срцеви заболувања, рак и други болести“, изјави тој за Парад. Додека фактот дека лиснатите зеленчуци се здрави за срцето поради нивниот нутритивен профил, друга придобивка е нивната разновидност. Можете да го интегрирате во речиси секој оброк. Некои го додаваат во омлетите, го јадат како салата или со тестенини. Што и да одберете, запомнете дека јадењето повеќе зелен зеленчук ќе му користи на целото тело, особено на срцето. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Претседателката Гордана Силјановска Давкова го прими Крис Павловски, директорот на водечката светска компанија за дигитални платформи Рамбл, кој е во посета на земјата во рамките на конференцијата Македонија 2025. На средбата, Павловски ја претстави работата на Рамбл, компанија која котира на индексот Наздак на берзата во Њујорк, со нејзината етаблирана видео платформа и е во подем во дејноста на развојот на дигиталната инфраструктура и клауд услугите. Како водечки претприемач со македонско потекло, господинот Павловски изнесе мислења за состојбата во дигиталниот сектор, за трендовите и перспективите кои може да се искористат. Претседателката Силјановска Давкова го информираше Павловски за нејзината иницијатива за развивање на соработката со македонската дијаспора, со цел максимално да се искористат сите можности за економски развој на земјава. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Недостасуваат педијатри, гинеколози, има дефицит на патолози, се поголем број млади лекари заминуваат во странство, а државата останува без кадар. Доктор Џенгис Јашар како патолог, кој учествува на дводневната студентска конференција на Универзитетот „Гоце Делчев” Штип посочува дека е дефицитарен и кадарот, кога се во прашање и микробиологијата, биохемијата и слично. Смета дека ова се должи на тоа што за студентите не се атрактивни одредени медицинки гранки од една страна, а од друга страна нема начин и мотивација, како да бидат интересни со што младите ќе ги изберат и ќе останат да работат во државата. Дел од гранките во медицината, ќе ја вклучам тука и миктобиологијата, биохемијата во оваа средина не се доволно ценети и не се атрактивни. Во последно време има голем дефицит на педијатри, гинеколози, поедини интернистички гранки и слично. Во суштина со тек на време дефициентните гранки ќе бидат се позастапени, вели Јашар. Универзитетскиот професор на Факултетот за медицински науки, Билјана Ефтимова вели дека во болниците недостигаат и анестезиолози, бидејќи се помалку ова како гранка е атрактивно за младите. Сепак, има и такви кои ја бираат и добиваат мотив за да продолжат понатаму, бидејќи станува збор за тешка и одговорна медицинска гранка. Јас мислам дека тие вака им е интересно и сами се мотивираат во операциската сала. Голем дел од студентите сакаат да бираат теми од нашата област и ги менторираме нив и стимулираме да ја одберат како гранка иако е многу тешка, вели Ефтимова. Факултетот за медицински науки при УГД Штип има три студиски програми и околку 3000 активни студенти. Лекари, професори и студенти веќе два дена се дел од третиот студентски конгрес. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Расчистено е двојното убиство во Стајковци, кога маж ги усмрти братот и снаата. Осомничениот Љ.К.(66) од скопско Стајковци беше изведен пред судија на претходна постапка кој му определил мерка притвор во траење од 30 дена. Полицијата против осомничениот поднесе кривична пријава поради постоење основи на сомнение за сторено кривично дело „убиство“ по член 123 од Кривичниот законик. -Тој се сомничи дека на 14.05.2024 во домот во с.Стајковци со метален предмет ги нападнал неговиот брат В.К.(64) и неговата снаа С.К.(57), кои од здобиените повреди починале на местото, информира МВР. Од Обвинителството соопштија дека тој со умисла ги лишил од живот својот брат и снаата. -Осомничениот прво ја нападнал снаата, удирајќи ја повеќе пати со метална шипка по главата, а потоа го пресретнал и братот на кого исто така со шипката му нанел смртоносни повреди, соопштија од Обвинителството. По настанот осомничениот беше хоспитализиран. Бидејќи со подобрување на неговата здравствена состојба постои опасност тој да се даде во бегство, јавниот обвинител оцени дека мерката притвор е неопходна за непречено водење на истрагата, па до судијата на претходна постапка достави предлог за определување таква мерка. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

14-годишно девојче по потекло од Црна Гора е осомничено дека сакало да изврши напад во Грац, Австрија, а при претресот на нејзината куќа истражителите пронашле оружје и ужасни фотографии и видеа од обезглавувања. Таа, како што се наведува, имала една цел: да ги убие сите неверници. Според полицијата, девојката веќе купила оружје како секира, нож и облека за по случаен избор да нападне луѓе во Грац. Таа испрати слики од нејзините планови за напад на истомисленици преку апликацијата Телеграм. Нападот требало да биде „насочен кон неверниците“, а планот вклучувал случајно убиство на „луѓе облечени во црно“ и убивање „што е можно повеќе“. Австриската полиција не знае точно кога било планирано да се изврши нападот, но се сигурни дека нападот ќе се случел. Девојчето е родено во Црна Гора и живее во Грац, но сè уште нема австриско државјанство. Претресот на куќата е извршен по наредба на јавниот обвинител во Грац, а на лице место е пронајдено оружје и облека, по што девојката е уапсена. При распитот девојката не признала што планира, а на сослушувањето присуствувале и нејзините родители кои наводно не знаеле за страшните планови на нивната ќерка. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена. Напаѓачот, според првичните инфрормации се самоубил. Хрватската полиција засега не ги потврдува неофицијалните информации дека се работи за убиство и самоубиство. Полицијата дојавата ја добила околу 10 часот, а на местото се врши увид. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....