ПЕКОЛЕН БРАН ВО ИНДИЈА: Температурата во Њу Делхи 47,1 степен Целзиусов, состојба на готовност поради опасно топлото време
Денешен - ново
Топлотен бран зафати делови од северозападна Индија, а главниот град Њу Делхи е ставен во состојба на готовност поради опасно топло време. Температурата во Њу Делхи достигна 47,1 степен Целзиусов, а блиските држави Пенџаб, Харајана и Раџастан исто така забележаа пораст на температурата што се очекува да се задржи во следните неколку дена. Индискиот метеоролошки оддел ги предупреди луѓето да не излегуваат на Сонце во попладневните часови, да пијат многу вода и да носат соодветна облека. На ранливите лица, особено на постарите, им е препорачано да не излегуваат надвор. Во април, мај и јуни секогаш има високи температури во поголемиот дел од Индија, но жештините станаа поинтензивни во текот на изминатата деценија. Фото: МИА архива...
УТРЕ СУДСКА ОДЛУКА ЗА АСАНЖ: Дали ќе ја изгуби 13-годишна правна битка против екстрадицијата од В. Британија во САД?
Денешен - ново
Основачот на Викиликс, Џулијан Асанж утре ќе дознае дали е изгубена неговата 13-годишна правна битка против екстрадицијата од Велика Британија во САД, каде што е обвинет за шпионажа. Двајца судии на Високиот суд во Лондон утре ќе одлучат дали британскиот суд ги прифаќа гаранциите од Вашингтон дека Асанж (52) нема да се соочи со смртна казна за време на судењето за шпионажа во САД и ќе може да се повика на правото на слобода на говорот од првиот амандман. Адвокатскиот тим на Асанж вели дека опциите се отворени – тој би можел да се најде во авион за Америка во рок од 24 часа, би можел да биде ослободен или неговиот случај да оди во нова, повеќемесечна правна процедура. „Имам чувство дека се може да се случи во оваа фаза. Може да биде екстрадиран или да биде ослободен“, изјави сопругата на Асанж, Стела минатата недела. Викиликс објави стотици илјади доверливи американски воени документи за американските војни во Авганистан и Ирак, како и голем број дипломатски телеграми, поради што американското обвинителство го товари Асанж за кршење на Законот за шпионажа. Фото: МИА архива...
АНДОНОВСКИ: Министерството за политички систем ќе се реконструира и во иднина ќе биде за односи меѓу заедниците
Денешен - ново
Министерството за политички систем ќе се реконструира и ќе биде само за односи меѓу заедниците, најавува секретарот за меѓународна соработка во ВМРО-ДПМНЕ, Стефан Андоновски. -Мене како правник ми пречи тоа што ова Министерство се нарекуваше „за политички систем“ кога знаеме дека се ова што ние го работиме е политички систем. И Собранието е политички систем, Владата, дури и судовите се политички систем. Тоа е таа поделба на власта кај нас која постои и е на три дела. Беше чудно што еден министер е задолжен за цел политички систем во државата односно за еден ресор. Така што, мислам дека ова ќе се трансформира само во Министерство за односи меѓу заедниците додека политичкиот систем има една малку поширока димензија, вели Андоновски во интервју за Радио слободна европа. Според него, треба да има човек во Влада кој ќе се грижи за политички систем, но тоа да има една поширока димензија, а не, како што вели, ресорски со сектори. Мислам, нагласува Андоновски, дека оперативно ќе почне да работи ова Министерство во смисла за правата на сите заедници. На прашањето дали ова место ќе биде резервирано за коалицискиот партнер со оглед на досегашната пракса, тој нагласува дека се уште нема договор по тоа прашање. -Се уште не сме се договориле во која насока ќе се движи, но би било соодветно заедниците да имаат претставник во Министерството. Нешто слично на поранешниот вицепремиер за спроведување на Рамковниот договор што прерасна во односи со заедниците. Сметаме дека треба да се дефинираат надлежностите на ова Министерство за вистински да се однесува на одбрана на правата на заедниците, нагласува Андоновски. Тој во интервјуто говори и за разговорите за формирање влада, но и за постигнување двотретинско мнозинство во Собранието. -Веќе е навлезено во дискусија за програмските и кадровските решенија, не споделуваме детали за да останеме чесни кон нашите партнери од коалицијата а и тие се чесни кон процесот. Не можам да кажам кои ресори, кадри, министерства иако секој би можел да има свој сопствен став на оваа тема. Да оставиме простор навистина да се направи договор кој ќе е квалитетен, нагласува Андоновски. Прашан дали партијата „Знам“ ќе биде дел од идната влада тој додава дека се директно меѓу ВМРО-ДПМНЕ и движењето „Влен“ и оттаму ќе се види какви ќе бидат констелациите. -Она што ние се обидуваме да го правиме е да постигнеме поширок консензус за некои национални прашања и да стигнеме до тие потребни 80 пратеници за битни промени на законите кои се системски и бараат двотретинско мнозинство што значи дека дискусии ќе има и со други политички партии или пак поедини пратеници во Собранието кои би биле заинтересирани за поединечни законски проекти, нагласува Андоновски. Во овој случај, додава тој во интервјуто, се работи за дискусија за законски проекти кои се национално ниво и од национално значење. -Не се од значење на една или друга политичка партија, туку може да е ре структурирање на државата кое ќе им одговара на сите граѓани. Не се централни кон една партија особено не кон ВМРО ДПМНЕ туку се поголеми национални проекти. Во нив многу често ќе видите и реформи кои ги бара и ЕУ, а се двотретински закони. Тука зборувам и за правосудство и за организација на управата и за реформа на јавната администрација и бројни други закони. Мислам дека е чесен пристапот да не барате пратеници кои се ќе ви поддржуваат, туку да барате пратеници кои ќе сакаат да се вградат во процесот и да дадат свои критики и забелешки и ако тие критики се легитимни и се прифатат тогаш ние би гласале и би го поддржале тој проект, вели секретарот за меѓународна соработка на ВМРО-ДПМНЕ. Тој додава дека владата што ќе биде формирана ќе се бори искрено против кримиалот и корупцијата без разлика од кои редови тие доаѓаат. -Немаме дилема дека ако некој направил криминал дали е ДУИ или „Влен“ или било кој внатре од партнерите или пак во ВМРО-ДПМНЕ, треба да одговара за истото. Но, мислам дека кај ДУИ корупцијата и криминалот беа системски. Не се однесуваа на еден човек конкретно, туку на цели системи внатре во политичката партија. Јас користев еден груб термин како паразит го разјадува здравото ткиво на институциите и од внатре ги уништуваа. Имате институции каде ДУИ била подолго време и не можете да ги оправите, тоа се институции пред крах. Во една ваква ситуација, ние мораме да се справиме со предолгото владеење на ДУИ и тоа извитоперување на владеењето за тоа што тоа повеќе не е нормална власт, вели Андоновски и додава дека мисли оти во „Влен“ луѓето се чесни, имаат чесни намери за борба против корупција и криминал и оти тоа ќе се покаже уште при првите денови од преземањето на власта....
БИЛД: Германското Министерство за одбрана бара од Владата уште 3,8 милијарди евра воена помош за Украина
Денешен - пред 18 минути
Германското Министерство за одбрана побара од сојузната влада дополнителни 3,8 милијарди евра помош за Украина за оваа фискална година, пишува „Билд“. Весникот наведува дека оваа година Германија обезбедила воена помош од 7,1 милијарди евра за Украина и дека овие пари се користат за плаќање на воена опрема што Украина ја купува директно од наменската индустрија и укажува дека на Украина и треба итно поголема поддршка за да не изгуби војната со Русија, поради што Министерството за одбрана побара дополнителни средства. Министерот за одбрана Борис Писториус разговараше за тоа со канцеларот Олаф Шолц, а потоа се сретна со Кристијан Линднер, шеф на одделот за буџет во германското Министерство за финансии. Дополнителните расходи треба во јуни да бидат поднесени до Бундестагот на усвојување, според „Билд“. Фото: МИА архива...
ВУЧИЌ УТРЕ ВО ЊУЈОРК: Ќе ја предводи делегацијата која ќе се спротивстави на усвојувањето на резолуцијата за Сребреница
Денешен - пред 22 минути
Претседателот на Србија, Александар Вучиќ рече дека утре ќе отпатува за Њујорк, каде со делегацијата ќе се спротивстави на усвојувањето на резолуцијата за Сребреница, која наредната недела е на дневен ред на Генералното собрание на ОН, а амандманите кои Црна Гора ги поднесе на резолуцијата ги нарече „валкана игра“. „Утре одиме во Њујорк, четири до пет дена ќе поминеме во Њујорк, ќе имам голем број средби, а во четврток сите заедно ќе се бориме“, истакна денеска Вучиќ во телевизиско интервју. Тој рече дека со него во делегацијата треба да одат само оние кои се „подготвени за борба на секој можен начин“. Предлагачите на нацрт-резолуцијата за Сребреница ја утврдија конечната верзија на тој документ, за кој ќе расправа Генералното собрание на Обединетите нации (ОН) на 23 мај, а во преамбулата на текстот стои дека „кривична одговорност според меѓународното право за злосторството геноцид е индивидуализирана“. Иницијатори на предложениот текст беа Германија и Руанда, а амандманите на нацртот беа поднесени од Владата на Црна Гора. Осврнувајќи се на амандманите што Црна Гора ги достави на резолуцијата за Сребреница, а кои главно беа прифатени, Вучиќ тоа го нарече „валкана игра“. „Тоа е валкана игра и перфиден трик. Тие намерно оставаат простор за јасен заклучок за морална и политичка одговорност“, рече Вучиќ и додаде дека по враќањето од Њујорк ќе каже со кого за тоа преговарата Црна Гора....
ДОГОВОР ВО ПРИШТИНА: Косово и САД се договорија за борба против манипулирањето со информации од други држави
Денешен - пред 26 минути
Американската државна потсекретарка, Елизабет Ален, која престојува во Приштина, и косовската претседателка Вјоса Османи, потпишаа денеска договор за разбирање меѓу владите на Соединетите Американски Држави и Република Косово, против манипулациите со информации од други држави, јави дописникот на МИА од Приштина. На заедничката прес конференција по потпишувањето на договорот Османи рече дека „кампањите за дезинформации претставуваат голема закана за стабилноста и националната безбедност на Косово, но и на Западен Балкан“. „Соочени со невидени глобални предизвици, кампањите за дезинформации претставуваат голема закана за стабилноста и националната безбедност на Косово, но и на Западен Балкан во целина. Овие кампањи имаат за цел да сеат страв, да манипулираат со јавното мислење и да ја поткопаат довербата во демократските институции. Но, пред се целат да ја нарушат демократијата и демократските вредности кои се темелите на нашите држави“, рече Османи. Косовската претседателка рече дека Косово не е поштедено од дезинформации и сајбер напади и дека тие се интензивираат како резултат на влијанието на Русија во регионот преку Србија. „Договорот потпишан денеска има за цел да се бори против ова. Тоа не е само уште еден договор, туку е пресвртница, зајакнување на нашата соработка во борбата против манипулациите со информации. САД се наш главен сојузник и нашето партнерство со САД е егзистенцијално за секој успех на Косово“, рече Османи. Американската државна потсекретарка, Ален рече дека со Османи разговарала за многу прашања, меѓу кои и за Заедницата на општини со српско мнозинство, нагласувајќи дек „Заедницата е суштински чекор кон евроатлантскиот пат на Косово“. „Со претседателката имавме продуктивна дискусија за дезинформациите, политиканството, поддршката на граѓанското општество и мултилатерален ангажман. Разговаравме и за критичното прашање за европскиот и евроатлантскиот пат на Косово. Повторив дека најдобро можеме да го поддржиме патот на Косово кон европските и евроатлантските институции кога имаме блиска соработка и координација. Разговаравме за суштинскиот чекор кон евроатлантскиот пат на Косово – напредокот на Косово во врска со Заедницата на општини со српско мнозинство“, рече Ален. Ален рече дека меморандумот потпишан меѓу САД и Косово за борба против манипулацијата со информации од странски земји е показател за посветеноста на САД и Косово да развијат заеднички пристап за подобро разбирање на дезинформациите кои потекнуваат од странство и за изградба на консултативни механизми за спротивставување на оваа закана. „Го препознаваме фактот дека авторитарните влади манипулираат со информации и шират дезинформации за да влијаат на луѓето ширум светот, предизвикувајќи хаос и поделеност, за да ја намалат довербата во институциите, особено во демократските институции. Како што го имаме НАТО за да обезбедиме безбедност и одбрана, ќе се потпреме на овој договор за да се спротивставиме на странските дезинформации и малигните влијанија“, рече Ален....
ГЕНЕРАЛ БРАУН: Украина замоли за помош од администрацијата на Џо Бајден да се лоцираат цели и да се нанесат удари во Русија
Денешен - пред 30 минути
Украина се обратила до администрацијата на претседателот Џо Бајден со барање за помош да се лоцираат цели во Русија врз кои Киев би можел да нанесе удари со сопствено оружје, соопшти синоќа „Волстрит журнал“ повикувајќи се на извори во Белата куќа. -Ти ги замолија (САД) за помош да се нанесат удари во Русија. Стануваше збор не само за вооружени системи но и дополнителна помош за нанесување удари по руски воени лица, изјави началникот на Генералштабот на вооружените сили на САД генерал Чарлс Браун. Исто така, Киев го побарал од Вашингтон да дозволи користење американско оружје за удари по територијата на Русија. Барањето се случува откако Русија го искористи доцнењето на испораките на американско оружје со што нејзините сили извршија пробив во Харковска област, што стана најуспешната операција на Москва во изминатите година и пол. Барањето на Киев поставено минатата недела сеуште се разгледува. Ако САД го задоволат барањето на Украина тоа ќе укажува на сериозни промени во политиката на американската администрација која се стреми да го намали ризикот од ескалација меѓу Вашингтон и Москва истовремено подржувајќи го Киев, истакнува изданието. Според извор во Белата куќа, САД не ја подржуваат иницијативата на украинската страна -Ние не охрабрувае и не дозволуваме удари по територијата на Русија, изјава Џон Кирби, директор за стратешки комуникации во Советот за национална безбедност во Белата куќа....
КАСЕЛАКИС ОД СОЛУН ДО МИЦОТАКИС: Ако сметате дека Договорот од Преспа е предавнички, еве ви шанса да го поништите
Денешен - пред 38 минути
Ако сметате дека Договорот од Преспа е предавнички, еве Ви шанса да го поништите, но нема да го сторите тоа, бидејќи Договорот е она што го посакувавте како партија, му порача лидерот на СИРИЗА Стефанос Каселакис на грчкиот премиер Кирјакос Мицотакис и воедно му посочи дека им должи извинување на народот, на Ципрас и на Коѕијас, јави дописничката на МИА од Атина. За време на предизборниот митинг во Солун во пресрет на европските избори на 9 јуни, Каселакис говореше за сите актуелни теми во Грција, но и за прашањата во грчката надворешна политика, осврнувајќи се и на Договорот од Преспа. -Испраќам јасна и едноставна порака до премиерот. Договорот од Преспа е билатерален. Ако продолжувате да сметате дека е предавнички, постои само еден начин. Да го сторите она што го кажуваа вашите претставници, а многумина од нив сè уште го кажуваат: „Ако ВМРО ни даде шанса, ќе го поништиме договорот“. Ова го кажуваа. Истото го посакуваат и т.н. „борци за Македонија“ што ги вадевте на улица и се ваши гласачи: Да го поништите. Па, еве го Скопје, отидете. Да видиме. Но, нема да го сторите тоа. И знаете зошто нема да го сторите тоа? Бидејќи Договорот од Преспа е тоа што го сакавте како партија, но тогаш Груевски во никој случај не прифаќаше да направи толку отстапки, како што направија пред Владата на СИРИЗА, пред Алексис Ципрас и Никос Коѕијас, истакна Каселакис. Додаде дека ако актуелниот грчки премиер има намера да го почитува Договорот од Преспа „како национално корисен“, постојат два морални предуслови, да му се извини на грчкиот народ, но и на поранешниот премиер Ципрас и поранешниот шеф на дипломатијата Коѕијас. -Прво, ќе му се извините на грчкиот народ за омразата, поделбата, нетолерантноста што ја негувавте за да ја добиете премиерската фотелја, викајќи против Договорот, со кој се согласувавте. Второ, ќе им се извините на двајцата луѓе на кои им залепивте етикета на „национален предавник“ во време кога ја вршеа нивната патриотска должност, Алексис Ципрас и Никос Коѕијас. Тоа се морални предуслови господине премиере. Јас немам илузии дека ќе го сторите тоа, посочи лидерот на СИРИЗА. Каселакис им се обрати на жителите на северна Грција, на грчката област Македонија кои се против Договорот, велејќи им дека Нова демократија ги искористи, бидејќи „сега моли да се почитува Договорот од Преспа“. -Сакам од сè срце да им се обратам на сите граѓани на Македонија, кои не се согласуваат со Договорот од Преспа. Ве почитувам, не се согласуваме, но никогаш не ве излажавме. Искрени сме со вас. Ова е нашата позиција. Знаете кои сме. Но, оние кои ги гласавте ве излажаа, ве искористија, ви го зедоа гласот, ве изведоа на улица и сега молат за почитување на Договорот. Ова се нарекува апсолутно исмејување, додаде Каселакис. Фото: СИРИЗА...
МОТОРЏИИ СО ВРАТОВРСКИ: Дефиле со мотори за подигање на свеста за машкото здравје и превенција од рак на простата
Денешен - пред 50 минути
Елегантни моторџии облечени во палто, елек и вратоврска денеска по деветти пат како дел од глобалното движење „The Distinguished Gentlmens Ride“ ќе дефилираат низ скопските улици со цел да ја подигнат свеста за машкото здравје и превенцијата од рак на простатата. Годинава, се очекува да има околу 170 учесници кои ќе поминат по улиците и булеварите во централното подрачје во Скопје. Организаторите најавуваат учесници и од останатите градови од државата и гости од Косово. Меѓу нив има доктори, професори, личности од јавниот живот кои, како и секоја година, ќе донираат средства за фондацијата „Мовембер“ во Лондон за борба против рак на простатата. „The Distinguished Gentlmens Ride“ годинава се одржува во 959 градови низ светот. Учествуваат 90.000 мотоцикли од 105 држави. Скопје е дел од ова движење од 2016 година. Досега учествувале 1.172 учесници, а собрани се 18.836 евра. Глобалното движење почна на иницијатива на Марк Хава во 2012 година во Сиднеј кога тој заедно со своите пријатели продефилира низ улиците на градот во чест на неговиот пријател кој починал од рак на простатата. Оттогаш движењето станува помасовно секоја година. Од основањето на „The Distinguished Gentlmens Ride“ досега собрани се 50,2 милиони долари на светско ниво кои се донираат во институции и болници кои се фокусирани на борбата за заштита на машкото здравје и борбата против рак на простатата....
СООБРАЌАЈКА ВО СКОПЈЕ: Седум лица се повредени во судирот на четири автомобили на улица Водњанска пред Клиничкиот центар
Денешен - пред 54 минути
Седум лица се повредени во тешката сообраќајна несреќа која синоќа се случи на улица „Водњанска“, пред влезот на Клиничкиот центар. Од МВР денеска излегоа со подетални информации за сообраќајката во која учествувале четири автомобили, од кои два биле паркирани. -Сообраќајната несреќа се случила помеѓу автомобил „БМВ“ со скопски регистарски ознаки управуван од М.М.(45) од Скопје, автомобил „Ауди“ со скопски регистарски ознаки управуван од Н.Р.(40) од Скопје, и две паркирани патнички возила „голф“ и „мерцедес“, двете со скопски регистарски ознаки, велат за Курир од МВР. Во незгодата со телесни повреди се здобиле седум лица констатирани во ГОБ „Св. Наум Охридски“ и Комплекс клиники Мајка Тереза во Скопје. Извршен бил увид од увидна екипа на СВР Скопје....
ВРЕМЕ: Нестабилно со пороен дожд и грмежи, и во следните денови ќе биде топло, попладне со интензивни и поројни врнежи
Денешен - пред 1 час
Времето во Македонија денеска ќе биде променливо облачно и нестабилно со пороен дожд и грмежи. Локално ќе има услови за појава на невреме со интензивен пороен дожд, силен ветер и изолирана појава на град. Минималната температура ќе биде во интервал од 9 до 15, а максималната ќе достигне од 21 до 27 степени. Во Скопје ќе биде променливо облачно и нестабилно со пороен дожд и грмежи. Во делови од котлината ќе има услови за појава на краткотрајно невреме со интензивен пороен дожд, силен ветер и изолирана појава на град. Минималната температура ќе се спушти до 14, а максималната ќе достигне до 25 степени. Во следните денови ќе се задржи топло време, а во попладневните часови наместа ќе биде нестабилно со пороен дожд и грмежи. Локално ќе има услови процесите да бидат поинтензивни во форма на краткотрајно невреме со интензивен пороен дожд, силен ветер и изолирана појава на град. Најмногу дожд во изминатите 24 часа наврнал во Охрид, 38 литри на метар квадратен, соопшти Управата за хидрометеоролшки работи. Според мерењата утрово во 8:30 часот, 27 литри на метар квадратен наврнало во Маврови Анови, 23 во Крушево, 17 во Лазарополе, 16 во Штип и Пожаране, 15 во Виница, 14 во Попова Шапка, 13 во Битола и Прилеп, 12 во Дебар, 10 во Куманово, Тетово и Крива Паланка, девет во Скопје-Петровец и Претор, осум во Скопје-Зајчев Рид и Демир Капија, седум во Велес, шест во Кавадарци, пет во Пожар, четири во Струмица и Берово и три литра во Дојран и Гевгелија. Поројниот дожд во текот на изминатото деноноќие предизвикал поплавување на подруми и гаража на две куќи на ул. „Стив Наумов“ во Охрид, соопшти Центарот за управување со кризи (ЦУК). -Регионалниот ЦУК Охрид известил дека добиле пријави од граѓани за поплавување на подруми и гаража на две куќи на ул. „Стив Наумов“, во Охрид. Од страна на Општина Охрид е контактирано со ЈП „Нискоградба“ и ЈП „Колекторски систем“ бидејќи колекторскиот систем не можел да ја прими во целост количината на вода поради обилните врнежи од дожд. За кратко време состојбата е санирана, соопшти ЦУК. Во изминатото деноноќие, како што информираат од ЦУК, биле евидентирани три пожари на отворено. Регионалниот ЦУК Скопје соопштил дека БППЗ на Град Скопје во изминатото деноноќие имала две помали интервенции поради запалено ѓубре и тоа на ул. „Ферид Заири“ во Општина Чаир и кај Езерото Треска во Општина Сарај. Регионалниот ЦУК Тетово известил дека ТППЕ Тетово имала една помала интервенција поради запалена ниска вегетација кај село Чифлик во Општина Желино. Центарот за управување со кризи соопшти дека изминатите 24 часа имало вкупно 1 491 повици на Единствениот повикувачки број за итни случаи 112. Од нив „реални“ повици биле 62,84 отсто, а 37,16 отсто биле за други потреби на граѓаните што не биле итни. Кон полиција биле упатени 63,18 отсто, кон итната медицинска помош 29,09 проценти, кон пожарникарите 2,73 отсто, a кон АМСМ 1,36 отсто од повиците кон бројот 112. Од ЦУК апелираат до граѓаните за голема внимателност при појава на локалните нагли метео промени и особена внимателност при грмежите и молњите, односно при силните електрични празнења. Граѓаните да не се престојуваат на отворен простор и под осамени дрвја....
ПАРЛАМЕНТАРНИ ИЗБОРИ: В среда на 22 мај прегласување на 7 избирачки места, на ДУИ и Ахмети тешко им паѓа губењето на власта
Денешен - пред 1 час
Прегласувањето на седумте избирачки места во петтата и шестата изборна единица ќе се одржи на 22 мај соопшти вчера на седница Државната изборна комисија по одлуките на Управниот суд кој ги одби како неосновани сите седум тужби од коалицијата „Европски фронт“ против решенијата на ДИК. Поради ваквата одлука на Управниот суд и на ДИК, вчера на итна седница заседаваше претседателството на ДУИ, по чие завршување само кусо беше соопштено дека ставот по ова прашање партијата ќе го гради со коалициските партнери. Пред одржување на седницата претседателот на ДУИ Али Ахмети истакна дека се прави изборен инженеринг со цел на партијата да и се одземат две освоени пратенички места. ДИК вчера на 105. седница, едногласно го усвои предлогот да се повтори гласањето во Изборната единица (ИЕ) 5 на избирачките места 1470/1 и 1470 во Општина Долнени, 1194 и 1202 во Општина Крушево, 1844 во Општина Струга и 1272 во Општина Охрид, како и во ИЕ 6 на избирачкото место 2101 во Општина Желино. Гласањето ќе се одржи идната среда, на 22 мај 2024 година. ДИК на седницата ги разреши и претседателите на избирачките одбори, членовите и нивните заменици во избирачките места 1470/1 и 1470 во Општина Долнени, 1194 и 1202 во Општина Крушево, 1844 во Општина Струга, 1272 во Општина Охрид и 2101 во Општина Желино. Со оглед дека се кратки роковите за избор на нови избирачки одбори, за да биде регуларно прегласувањето, општинските изборни комисии (ОИК) ќе треба да ангажираат некои од веќе постојните избирачки одбори, или од најблиските избирачки места или некои други, и за тоа ќе треба да достават известување до ДИК. Кампањата за повторното гласање ќе трае до понеделник, 20 мај, 00.00 часот. Притоа, ќе важат истите листи за болни и немоќни лица, ќе нема можност да се пријавуваат нови. Според ДИК, има можност за измени и предлози за овластени претставници на кандидати. Тоа важи и за членовите на избирачките одбори кои се предложени од политичките партии. Членот на Комисијата, Борис Кондарко го искажа ставот на ДИК во врска со синоќешните одлуки на Управниот суд. ДИК, рече Кондарко, го потврдила своето професинално однесување и работење, докажала дека независно од изборните резулти, целосно ги почитува и правилно ги применува сите законските процедури. Преходно, Управниот суд во законски предвидениот рок ги одби како неосновани сите седум тужби од коалицијата „Европски фронт“ против решенијата на Државната изборна комисија (ДИК) за прегласување на парламентарните избори 2024. Со одлуките на Управниот суд се потврдија решенијата на ДИК за прегласување во шест избирачки места во петтата изборна единица и едно во шестата изборна единица. Државната изборна комисија (ДИК) вчера ги соопшти освоените мандати за пратеници во новиот парламентарен состав по изборите одржани на 8 мај годинава. Како што информира претседателот на ДИК, Александар Даштевски, за изборните единици 5 и 6 каде на одредени избирачки места ќе треба да се прегласува, резултатите се добиени со симулација и посебна техника врз основа на Донтов модел и со нив се опфатени пратениците кои сигурно ќе влезат во Собранието. По прегласувањето, ДИК со посебен заклучок ќе ги објави дополнителниот број освоени мандати. По одлуките на Управниот суд, пред почетокот на состанокот на партијата претседателот на ДУИ, Али Ахмети најави дека средбата на претседателството е со цел носење одлука, а по повод резултатите од седум изборни места од 8 мај, за кои треба да има прегласување. – Оваа ситуација не доведе до состојба да повикаме ургентен состанок на претседателството, по кој ќе следат и средби со експерти, за оваа неправда која е направена на Фронтот. Овој момент доаѓа по анализа на одлуките на ВМРО и СДСМ за повторување на изборите на овие изборни места, со цел да се спојат за Европскиот фронт да не биде втора сила во земјата. Ова е направено од двете најголеми партии од македонска националност, кои за жал политики се плашиме дека ќе имаат влијание и на меѓуетничките односи кои ние не ги посакуваме, изјави Ахмети. Според претседателот на ДУИ прегласувањето има ризична позадина. -Ние ќе правиме анализа. Исто така ова повторување што ќе се прави, се прави со една ризична позадина ние Албанците да се убиеме, како што се случи на едно изборно место во Општина Желино, тоа не го посакуваме, ниту пак ќе се случи. Ако некој има стратегија да пукаме ние Албанците меѓу себе, нема да се реализира, рече Ахмети. По завршувањето на состанокот на претседателството на Демократска унија за интеграција (ДУИ) во нивното седиште во тетовска Мала Речица, пак, беше најавено дека ставот во врска со прегласувањето на седум избирачки места за параламентарните избори ќе биде изграден заедно со сите партии од Европскиот фронт. Портпаролот Арбр Адеми најави дека ќе имаат други состаноци со сите партнери во рамки на Европскиот фронт. -Денеска ги разгледувавме сите политички случувања, особено внимание предизвика изборниот инженеринг. И пред да се поднесуваат приговорите ние ја известивме јавноста бидејќи имавме информации од прва рака во што се состои политичкиот „дил“. Ги известивме сите граѓани, нашите партнери, тоа се потврди со конкретни дела и во Државната изборна комисија, но и во Управниот суд. За натамошните чекори претседателот Ахмети ќе има координативни средби со сите политички партии кои го сочинуваат Европскиот фронт, изјави Адеми додавајќи дека нема што повеќе да додаде освен тоа што Ахмети веќе го споделил со јавноста пред почетокот на состанокот. Фото: МИА архива...
ПРВА ОФИЦИЈАЛНА ПОСЕТА: Претседателката Сиљановска Давкова на 23 мај во Ватикан и Рим на чествувањето на Св. Кирил и Методиј
Денешен - пред 1 час
Македонската претседателка Гордана Сиљановска Давкова првата официјална посета ќе ја оствари во Ватикан и Рим каде ќе ја предводи државно црковната делегација за чествувањето на Св. Кирил и Методиј. На 23 мај, според протоколот, претседателката ќе има аудиенција кај Папата Франциск, а потоа средба и со генералниот секретар за односи со државите на Ватикан. Чествувањето на сесловенските просветители ќе се одржи на 24 мај со посета на базиликата Свети Климент каде се наоѓа гробот на Св. Кирил, а потоа и во базиликата Санта Мариа Маџоре каде венец ќе постават на плочата испишана на македонски јазик. Во рамки на посетата на Рим, претседателката ќе се сретне и со колегата Серџо Матарела. Се уште не е познато дали Сиљановска Давкова ќе има средба или ракување со претседателот на Бугарија, Румен Радев, чие доаѓање во Рим е исто така најавено по истиот повод....
НА ДЕНЕШЕН ДЕН: Роден е народниот херој Љупчо Арсов, со партизанско име Гоце (Делчев), потпретседател на првата Влада на Македонија
Денешен - пред 4 часа
На 19 мај 1910 година година во Штип е роден народниот херој Љупчо Арсов, кој како партизан во НОБ го носел псевдонимот Гоце, според македонскиот великан Гоце Делчев, како и повеќемина други борци против фашистичкиот окупатор кои за партизански имиња избирале личности од Илинденскиот период на Македонија. Арсов на Првото заседание на АСНОМ во манастирот Прохор Пчински бил избран за секретар на Президиумот на АСНОМ, а потоа станал и првиот потпретседател на Владата на Македонија. Во подоцнежниот социјалистички период бил министер за труд во сојузната влада на СФРЈ, претседател на Извршниот совет на Собранието на Македонија, а од 1979 до 1982 година претседател на Претседателството на СР Македонија. Тој по завршувањето на основното образование во Штип, школувањето го продолжил во Загреб, каде во 1932 година ја завршил комерцијалната и економска школа. Потоа извесен период во Кралска Југославија бил на служба во Белград во Државната хипотекарна банка, подоцна и во Ваљево, каде ја вршел истата служба. Арсов станал член на Комунистичката партија во 1940 г. По капитулацијата на Кралска Југославија, и фашистичката окупација во 1941 година, се вратил во Македонија. Најпрво работел во Штип, а подоцна добил задача да замине во Битола, каде работел на формирање на воен штаб, собирање борци и оружје за партизански одреди, за започнување оружена борба против окупаторот. Летото во 1942 година бил уапсен од бугарската окупаторска власт и бил интерниран во Бугарија, каде во затвор останал до март 1943 година. По излегување од затвор продолжил со партиско – политичка работа. Во тој период во Македонија дошол партискиот инструктор на КПЈ, Светозар Вукмановиќ – Темпо, а токму тогаш во Штип се случиле неколку провали, од кои најтешка била разбивањето на партизанскиот одред Гоце Делчев. На предлог на Темпо, Арсов станал секретар на ОК на КПЈ за Македонија во Штип, а брзо потоа успеал да го консолидира разбиениот одред Гоце Делчев. Во јули 1943 година, кога Окружниот комитет на партијата одржувал состанок во една куќа, окупациската полиција успеала да дознае за тајната и ја окупирала куќата. По битката со стотина полицајци, неколку членови на комитетот загинале, меѓу кои и народниот херој Славчо Стојменски. Арсов успеал да се пробие низ полицискиот обрач, но веќе било невозможно да дејствува во Штип. Поради тоа добил задача да замине во Скопје, каде како член на Обласниот комитет на КПМ бил назначен за комесар на Првата оперативна зона. Арсов дејствувал на Скопска Црна Гора и на Козјак. Подоцна од Скопска Црна Гора се префрлил во Врањскиот партизански одред, па со една чета од тој одред се вратил назад со цел да ја присоедини со кумановскиот одред. Во декември 1943 година повторно дошол во Скопје, каде бил избран за член на ОК на КПМ и секретар на месниот комитет, а од август 1944 година станал член на ЦК КПМ. По завршувањето на војната, се до неговата смрт на 18 ноември 1986 година во Скопје, извршувал повеќе функции во Македонија и во тогашна СФРЈ. (Подготвил: Д. Г.)...
КАЛЕНДАР НА МПЦ: Денеска е Св. праведен Јов
Денешен - пред 4 часа
Според календарот на МПЦ (Јулијанскиот календар) денеска е 6 мај. Денеска е Св. праведен Јов. Свети Јов живееше околу 2000 години пред Христа, во Арабија. Во Би-блијата постои една цела книга, Книга на Јов, која зборува за животот на овој чудесен пример на трпение и тврда вера во Бога меѓу луѓето. Неговите страдања се сметаат за праслика на Христовите страдања. Јов бил чесен и побожен човек, освен тоа и многу богат. Но, се случило така што во својата старост тој во еден ден го загубил целото свое семејство и сиот свој имот. И не само тоа, туку го нападнала и тешка болест. Наоѓајќи се среде сите тие страдања Јов сепак ни во еден миг не похули на Бога. Затоа Бог му го врати здравјето и му даде поголемо богатство од претходното, а му се родија и други синови и ќерки. Свети Јов проживеа долг живот, постојано славејќи го и благодарејќи му на Бога за се и се упокои во длабока старост. ОД КАТОЛИЧКИОТ КАЛЕНДАР: Денеска е Св. Целестин Петти. Бил роден во Исерна, во 1215 година. Одлучил да живее редовнички живот. Папата Урбан, во 1263 година ја потврдил редовничката установа која ја основал Целестин. Во 1294 година, бил избран за папа како наследник на папата Никола Четврти. Папата Целестин управувал со црквата Христова до 1296 година, кога умрел....
ДЕНЕСКА Е СВ. ПРАВЕДЕН ЈОВ: Пример на трпеливо поднесување на секое страдање што Бог ни го испраќа
Денешен - пред 4 часа
Денеска е 6 мај (според стар стил) и се слави Светиот праведен и многустрадален Јов. Јов беше потомок на Исав, внукот Авраамов и живееше во Арабија околу 2.000 години пред Христа. Татко му е Зарет, а мајка – Восора, а неговото цело име беше Јовав. Беше човек чесен, богобојазлив и многу богат. Но, во седумдесет и деветтата година од неговиот живот Бог допушти тешки искушенија врз него преку сатаната, сè како што е подробно опишано во Книгата Јов. И во еден ден Јов го изгуби сиот свој имот, сите синови и ќерки свои. Потоа врз него падна тешка болест од којашто целото тело му се покри со рани од темето до стопалата и лежеше Јов на ѓубриштето надвор од градот и со парче ќерамида си го вадеше гнојот од раните. Но, не заропта на Господа, туку стрпливо докрај ги поднесе сите оние маки. Затоа Бог му го врати здравјето и му даде многу поголемо богатство од претходното и пак му се родија седум синови и три ќерки, колку што ги имаше порано. Поживеа уште двесте четириесет и осум години, постојано славејќи и фалејќи Го Бога. Јов се смета за пример на трпеливо поднесување на секое страдање коешто Бог ни го испраќа и за предобраз на страдалниот Господ Исус....
Во Будва уловена сина ајкула тешка 200 килограми
Денешен - пред 13 часа
Сина ајкула долга повеќе од три метри и тешка 200 килограми е уловена во Будва. Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет. Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември....
ЗА ТРГОВИЈА СО ДРОГА И УБИСТВО: Во Иран обесени седум луѓе осудени на смрт, меѓу кои и две жени
Денешен - пред 14 часа
Седум лица, меѓу кои две жени, беа обесени денеска во Иран, бидејќи Исламската Република ја зголемува употребата на смртната казна за политички цели, соопшти организацијата со седиште во Норвешка, објави „Фигаро“. Парвин Мусави (53), мајка на две деца, беше обесена во затворот Урмија во северозападен Иран со пет мажи, од кои сите беа осудени за трговија со дрога, се вели во соопштението на организацијата. Фатемех Абдулахи (27) е обесена во Нишапур на истокот на земјата поради убиство на нејзиниот сопруг, кој воедно и бил братучед. Огранизацијата соопшти дека забележала 223 егзекуции годинава, вклучително и најмалку 50 само во мај, по крајот на персиската Нова година и Рамазан во април. Иран е една од земјите каде што се извршуваат најмногу егзекуции заедно со Кина и Саудиска Арабија. Егзекуциите се вршат со бесење....
Во голема полициска акција во Албанија запленет имот вреден над 4,5 милиони евра
Денешен - пред 14 часа
Во голема полициска акција, во содејство со Специјалното обвинителство против организиран криминал и корупција (СПАК), спроведена во повеќе градови во Албанија, запленет е имот вреден над 4,5 милиони евра. – Пронајдени и одземени како материјални докази се 2.996.760 евра готовина; значителни количини злато и скап накит; часовници од скапи марки со приближна вредност од 500.000 евра; огнено оружје; прилагодени регистарски таблички; луксузни возила (од кои пет блиндирани возила во вредност од над 500.000 евра); системи за надзор со камера, покер маса и слично, објави Министерството за внатрешни работи. Се додава дека во рамки на оваа мега-операција, биле погодени седум структурирани криминални групи со значителна моќ и географски опфат на нивните криминални активности во некои од поголемите градови во земјата, како што се Тирана, Драч, Валона, Лежа, Фуш Круја и Решен, а биле издадени 43 налози за апсење. Уапсени се 20 лица, а по останатите, меѓу кои и поранешен пратеник и четворица високи полициски раководители се трага....
ВРЕДИ: Ахмети, не губи контрола, биди смирен, терај сo мултиетничката коалиција и биди конструктивна опозиција
Денешен - пред 14 часа
Ахмети, не губи контрола, биди смирен, терај сo мултиетничката коалиција и биди конструктивна опозиција, му порача коалицијата Вреди на лидерот на ДУИ, Али Ахмети, кој ја предводи, како што се нагласува, мултиетничката коалиција Европски фронт. Реакцијата е кон изјавата на Ахмети дека одлуката на ДИК за прегласување на седум избирачки места, се должи на изборен инженеринг со цел да му се наштети на Европскиот фронт. „Со жалење можеме да кажеме дека со секое ново појавување на Али Ахмети неговата состојба станува посериозна. Тоа се должи или на манипулации на Артан и Бујар, или Ахмети изгубил контрола, бидејќи ги разоткрива своите незаконски дела“, велат од Вреди. Во реакцијата се нагласува дека во првостепеното одлучување во ДИК немало етничко надгласување, туку дека врз основа на докази едногласно е одлучено дека „мултиетничкиот фронт“ предводен од ДУИ на 8 мај го прекршил изборен процес со манипулации со гласот на Албанците. Вреди наведува дека одлуката беше донесена и со гласот на членот на ДУИ во ДИК. Во реакцијата се додава дека за разлика од 2021 година, сега Управниот суд и докажа дека од ДУИ се правени манипулации за време на изборниот процес. „Не држат изјавите на Ахмети со кои се обидува Мултиетничкиот фронт да го претстави како претставник на Албанците, бидејќи самиот овој фронт се изјасни дека е мултиетничка коалиција со граѓански концепт, додека Вреди е единствената албанска опција кај нас. На сите им е јасно дека Али Ахмети ја загубил контролата откако сфатил дека ја загубил власта. Но го повикуваме, доколку сака европска перспектива за земјата, да остане смирен, да ги води партнерите од фронтот во конструктивна мултиетничка опозиција. Да ги поддржиме прашањата што се во интерес на Албанците, како што тоа досега го правеа партиите од Вреди како опозиција. Да дозволиме правдата да дејствува. Кога правдата ги следи законите, тогаш евроинтегративниот пат на државата е загарантиран“, се вели во реакцијата на Вреди....
Десетици загинати и ранети во нападот на израелските сили врз Џабалија и Рафа
Денешен - пред 14 часа
Израелски војници и тенкови денеска влегоа во северните делови на Појасот Газа кои ги заобиколуваа повеќе од седум месеци, убивајќи и ранувајќи десетици Палестинци, соопштија медицински претставници и жители. Израелските сили, исто така, зазедоа дел од теренот во Рафа, јужен град во близина на египетската граница, кој е преполн со раселени луѓе. Израелската војска соопшти дека нејзините сили продолжиле да дејствуваат во областите низ Појасот Газа, вклучително и Џабалија и Рафа, спроведувајќи, како што ИДФ ги нарече, „прецизни операции против терористите и инфраструктурата“. „ИАФ (Воздухопловните сили) продолжуваат да дејствуваат во Појасот Газа и нападнаа над 70 терористички цели во текот на изминатиот ден, вклучително складишта за оружје, локации во воената инфраструктура, терористи кои претставуваа закана за војниците на ИДФ и воените комплекси“, се наведува во соопштението на израелската армија....
Откриен петти случај на штетна материја во зеленчук од Македонија
Денешен - пред 16 часа
Штетни хемикалии се откриени во зеленчукот од Македонија по петти пат во изминатата година во Хрватска. Како што е соопштено од европскиот систем за безбедност на храната, во мешаната салата биле откриени недозволиви нивоа на пестицидот хлорпирифос, забранет во ЕУ. Процентот на хлорпирифос во салатата беше 0,028 милиграми по килограм производ. За среќа, тоа беше утврдено со анализа на примерок од пратката на хрватската граница, па салатата не стигна до хрватскиот пазар. Целата пратка потоа била уништена. Според бројот на пратки со контаминирано овошје и зеленчук наменети за хрватскиот пазар, Турција е очигледно во водство. Лани и годинава во 11 наврати се откриени штетни пестициди: три пати кај круши, двапати кај лимони и суви смокви и по еднаш кај мандарини, пиперки, домати и грејпфрут. На второ место е Македонија со пет пратки: мешана салата три пати и свежи моркови и пиперки по еднаш. Од забранетите пестициди, во повеќето случаи се споменуваше хлорпирифос. Овој забранет пестицид е откриен со анализа во дури 13 пратки со овошје и зеленчук: лимес, зелена салата, моркови, грејпфрут, ориз, грав, мандарини, сливи, лимони… Хлорпирифос е забранет за употреба во ЕУ од 2020 година поради на неговиот генотоксичен потенцијал и развојната невротоксичност кај цицачите. Бројни научни студии покажаа дека изложеноста на хлорпирифос може да влијае на невролошкиот развој на децата и да го оштети нероденото дете. Тие го поврзуваат со нарушувања во развојот на мозокот, хиперактивност, ретардација на растот, намален коефициент на интелигенција. Проблеми со хлорпирифос во домашните производи имавме и во Хрватска, бидејќи лани беше пронајден во неколку пратки мандарини....
„ТИ ЌЕ ОДГОВАРАШ, СТРАШНО ЌЕ ОДГОВАРАШ“: Богданчанец ѝ се заканувал на Кацарска во кафе-бар во центарот на Скопје
Денешен - пред 16 часа
Претседателката на Уставниот суд Добрила Кацарска добила вербални закани од маж на педесетина години додека седела во кафе-бар во Скопје. Инцидентот се случил денеска околу пладне, а за безбедноста на судијката се погрижилообезбедувањето. Кацарска го пријавила во полициската станица „Беко“. Во 15 часот во ПС Центар, Добрила Кацарска од Скопје, пријавила дека во 12.35 часот, со нејзина колешка седеле во кафе бар Кулу во ТЦ Рамстор, при што во локалот влегло НН машко лице на возраст од 50 години, кое се потпрело со коленото на делот од сепарето, и ѝ се обратило со зборовите „Ти ќе одговараш, страшно ќе одговараш ти“. Се работи за В.П.Г. од Богданци, кој е задржан во ПС Центар. Ова е вторпат за неколку дена Кацарска да добива закани. Во подземна гаража на зграда во Центар на 14 мај беа пронајдени импровизиран кревет и кујнски нож на гражаното место на претседателката на Уставниот суд....
Едно лице почина, друго се бори за живот по повреди добиени во лифт во угостителски објект во Штип
Денешен - пред 16 часа
Едно лице почина, а друго се бори за живот во Клиничката болница- Штип од повреди добиени во несреќа, што според првичните информации се случила во лифт во угостителски објект во Штип. Надлежните од СВР Штип потврдуваат за трагедијата, која се случила попладнево во угостителски објект во Штип. Повеќе детали околу несреќата засега нема, но од СВР Штип велат дека во тек е увид од страна на полицијата, јавен обвинител од ОЈО Штип, а на терен се и државни инспектори. Според првичните информации починатото лице и неговиот колега извршувале работна задача во моментот на несреќата....
Илир Мета открива зошто ја претпочита ВМРО-ДПМНЕ, пред некоја партија на Албанците во Македонија
Денешен - пред 16 часа
Илир Мета, претседател на Албанија од 2017 до 2022 година, нејзин премиер од 1999 до 2002 година, а сега политичар и лидер на тамошната Партија на слободата, во интервју за „Специјално на денот“ на телевизијата TV Shenja откри зошто пред парламентарните избори дал поддршка на ВМРО ДПМНЕ, а не на некоја албанска партија. „Немав намера да искажам симпатија, или претпочитање во изборниот натпревар за македонска партија, или за други партии во С. Македонија. Но, природно е што ние не можеме да бидеме рамнодушни: немаме работа само со едно внатрешно прашање на надворешната политика, туку со избор, кој ѝ припаѓа на регионалната политика. Ја ценев кај ВМРО-ДПМНЕ нивната јасна поддршка на Берлинскиот процес. Но, од друга страна, мора да се каже дека ВМРО-ДПМНЕ имаше став, со кој многу му се покоруваше на ‘Отворениот Балкан’. Исклучок беше сега веќе претходниот претседател (Стево) Пендаровски, кој задржа многу коректен, принципиелен став и јас го ценам поради неговата позиција во врска со многу прашања, кои се деликатни“, ја цитира телевизијата изјавата на Илир Мета. Додава дека порано имал добри односи и со лидерите на СДСМ, како што се Бранко Црвенковски, Радмила Шеќеринска, Владо Бучковски, Зоран Заев и Димитар Ковачевски. Претседателот на Партијата на слободата од Албанија, Илир Мета, се осврна и на неговиот однос со поранешниот премиер Никола Груевски. „Не сум имал некој посебен однос со него. Моите односи беа одлични кога бев премиер (во ист период) со Љубчо Георгиевски, сѐ додека не се случи кризната ситуација во Македонија (во 2001-та) и кога таа ја загуби рамнотежата, бидејќи кризата беше многу тешка за нив“, вели Мета. Мета го спомена фактот дека во средбите со поранешниот премиер Груевски во 60 минути разговор со него 55 минути зборувал за економија и за странски вложувања....
Ахмети ги обвини СДМ и ВМРО-ДПМНЕ за прегласувањето во седумте избирачки места
Денешен - пред 17 часа
Ќе одржат состаноци со другите партнери од Европскиот фронт па ќе ги соопштат следните чекори. Ова беше заклучокот кој за медиумите го споделија од ДУИ, по три часовната дискусија на итниот состанок на Претседателството, кој го свикаа за да разговараат за одлуката на Уставниот суд кој ги отфрли нивните жалби за прегласување на 7 избирачки места. Остануваат на ставот дека е направена неправда кон нивната коалиција.Денеска ги разгледувавме сите политички случувања, особено внимание зеде изборниот инжинеринг, каде што од авион, и пред да се поднесуваат приговорите ние сме ја известиле јавноста бидејќи сме имале информации од прва рака на што се состои политичкиот „дил“. Сме ги известиле сите граѓани, сме ги известиле нашите партнери, тоа се потврди со конкретни дела, изјави партискиот портпарол Арбр адеми. Партискиот лидер Али Ахмети вели дека тие се победници на изборите од 8 мај, но се прават договори кои се на штета на Албанците и кои ќе ги нарушат меѓуетничките односи. Повторното гласање во неколкуте изборни единици, според Ахмети има ризична позадина, но тој вели дека нема дозволат да се реализира стратегија за содавање тензии. ВМРО-ДПМНЕ и СДСМ прават сѐ за да добијат двајца пратеници од Европскиот фронт. Овде прашањето не е дали Европскиот фронт загуби или освои два мандата. Европскиот фронт победи на изборите на 8 мај 2024 година. Победата на Фронтот беше запечатена на 8 мај. Сите политички акробации, тајни договори во подруми се неприфатливи и казниви. Затоа што се шминкаат чекор по чекор. И не треба да се толерира ниту еден чекор поназад, туку сите страни да размислуваат. Ги знаеме сите детали за договорите во црвените подруми, политичките договори, а во иднина детално ќе излеземе за сите договори каде што ќе ги приложиме на јавноста, порача ахмети. Од ДУИ најавија дека ќе консултираат и експерти за одлуката на ДИК за прегласувањето на парламентарните избори....
(ВИДЕО И ФОТО) Како изгледал Исус според 10-те најстари зачувани христијански слики
Денешен - пред 17 часа
Денес ќе разгледаме некои од најраните прикажувања на Исус. Во последните 2000 години, Исус бил прикажан на многу различни начини, но како што веројатно знаете, денес тој обично е прикажан како благороден Европејанин со долга коса и брада, како на оваа позната слика од 1940 година од Ворнер Салман. Секако, Исус не бил Европејанин – тој бил од Блискиот Исток – па во последните години, неколку уметници се обиделе да покажат како „всушност изгледал“ Исус, како оваа антрополошка реконструкција од Ричард Нив или оваа фотореалистична слика од Бас Утервик. Друг начин да утврдиме како можел да изгледа Исус е да се вратиме колку што можеме назад за да видиме како бил прикажуван во уметноста во првите неколку векови по неговата смрт. Затоа, тоа ќе го направиме во овој видео запис. Ќе ви покажам 10 од најраните слики што ги имаме на Исус. Ајде сега да разгледаме некои од најраните прикажувања на Исус во уметноста. Ќе почнам со слика што може да се најде во манастирот Света Катерина, лоциран во Египет, близу до планината која традиционално се смета за планината Синај. Овој манастир го содржи и Кодекс Синајтикус, кој го спомнав во моето видео за најстарите библиски ракописи. Но, го споменувам сега затоа што тука се наоѓа и оваа слика, која се смета за една од најстарите византиски икони што постојат, датирана околу 550 година од нашата ера. Ако знаете нешто за историјата на Византиската империја (исто така позната како Источното Римско Царство), ќе знаете дека иконите биле извор на големи контроверзии. Основно, „икона“ е религиозна слика која се користи за обожување. Во раниот средновековен период, имало византиски христијани кои сметале дека иконите треба да се користат, и други кои сметале дека НЕ треба да се користат. Во поголемиот дел од 700-тите години и почетокот на 800-тите, оние што сметале дека НЕ треба да се користат имале влијание, и затоа, во тие години, многу од најстарите слики на Исус биле уништени. Сепак, оваа конкретна преживеала затоа што била лоцирана во Египет, кој во тоа време бил контролиран од Муслимани. Сега, дозволете ми да истакнам две работи за ова специфично прикажување на Исус. Прво, тоа е во стил познат како Христос Пантократор, кој и денес често се користи во Источните православни цркви. Некои од неговите главни карактеристики вклучуваат ореол со крст во него, Новиот Завет во левата рака на Исус, и неговата десна рака правејќи специфичен гест кој ги претставува буквите ICXC, што стои за Исус Христос. Второ, овој конкретен Христос Пантократор е уникатен затоа што има нешто посебно во врска со лицето на Исус. На прв поглед, очите изгледаат малку чудно и можеби ќе претпоставите дека уметникот едноставно не бил многу добар. Но причината зошто лицето изгледа малку чудно е затоа што уметникот всушност насликал две различни лица. Ова станува јасно ако ја огледате секоја страна. Причината за ова веројатно е обидот на уметникот да го симболизира наводниот двоен карактер на Исус. Следната слика што ќе ја разгледаме се наоѓа во израелскиот град Шивта, кој не е многу далеку од манастирот Света Катерина. Исто така доаѓа од византиско место и датира од околу 550 година. Сепак, тоа е доста различно. Прво, сликата повеќе не е во многу добра состојба. Црквата каде што се наоѓа сега е во урнатини, и иако местото било истражувано во 1930-тите години, оваа слика била забележана само во 2018 година. Еве како изгледа. Ако не можете многу да видите, не ве обвинувам. Дозволете ми да зумирам малку и да додадам неколку линии. Две работи веднаш се истакнуваат: Исус нема брада, и тој има кратка, кадрава коса наместо долга права коса. Значи, иако оваа слика е создадена во исто време како и претходната, таа претставува многу различен начин на прикажување на Исус – начин што ќе го видиме повеќе, колку повеќе се враќаме назад во времето. Добар пример е следната слика, која е над 100 години постара и доаѓа од мавзолејот на Гала Плацидија во Равена, Италија. Гала Плацидија била ќерка на императорот Теодосиј I, кој ја направил христијанството официјална религија на Римската империја. Ова всушност не е нејзиниот мавзолеј, или место на погреб, туку капела која таа ја изградиле за време на нејзиниот живот. За среќа, таа е многу добро сочувана. Над северниот влез е оваа шарена мозаична слика на Исус како добар пастир, тема која доаѓа од Евангелието по Јован, 10-то поглавје. Повторно, забележете ја кадравата коса и отсуството на брада. Следно, сакам да ви покажам уште една слика од истиот период, отприлика 425 година. Ова е резба од вратите на базиликата Санта Сабина во Рим, седиштето на доминиканскиот ред на католички монаси. Она што ја прави оваа слика особено важна е тоа што е најстарата позната слика на Исус на крстот, а другите две лица се двата разбојници кои традиционално се кажува дека биле распнати покрај Исус. Овде, Исус повторно има брада, што покажува дека, за време на петтиот и шестиот век, сѐ уште имало варијации во тоа како бил прикажуван Исус. Да се преместиме сега од петтиот век во четвртиот век, т.е. 300-те години од нашата ера. Повеќето од сликите од овој век (како и сите постари) се наоѓаат во катакомби. Катакомбите се подземни гробишта, и во древниот Рим, имало многу од нив. Често се вели дека раните христијани ги користеле овие катакомби за да се поклонуваат во тајност, поради страв од прогон, но генерално ова не е вистина. Најчесто катакомбите биле користени од раните христијани како, па, катакомби – место за погребување на мртвите. Но, што е корисно за нашите цели е дека катакомбите често биле декорирани и бидејќи биле лоцирани под земја и на крајот заборавени, многу од декорациите преживеале подолго од оние што биле над земја. На пример, оваа следна слика, од катакомбите на Комодила. Тука имаме најверојатно најстарата преживеана слика на Исус со брада, датирана околу 375 година. Она што е интересно е дека оваа 1.650 години стара слика не е многу различна од просечната слика на Исус што ја гледаме денес. Двата симболи на секоја страна од неговиот ореол се Алфа и Омега – првата и последната буква од грчката азбука – често користени од раните христијани за да го претстават верувањето дека Исус постоел за целата вечност. Но, ако го отстраните ореолот и двете букви, ќе остане слика која повеќето луѓе денес лесно би ја идентификувале како Исус. Сепак, ова нема да биде случај за сликите кои се уште постари од оваа. Ова е затоа што, првично, Исус секогаш бил прикажуван без брада и како што ќе видиме, тој обично изгледа како типичен Римјанин од времето на Римската империја. На пример, оваа слика од катакомбите на Марчелино и Петар. Тука гледаме жена прикажана како го допира крајот на облеката на Исус – приказна која доаѓа од Марко, петто поглавје. Според приказната, жената автоматски се излекувала штом ја допрела облеката на Исус. Но, важно е да се забележи дека тој е прикажан како многу римски. Кратка коса. Без брада. И погледнете што носи – туника со пруги преку рамената – нешто што во римското општество било многу често и укажувало на лице со авторитет. Исто така носи наметка врз туниката, што – забележете – е различно од тога. Наметката всушност била почеста облека во тоа време. Тоа всушност била само чаршаф што се обвиткувал околу лицето и служел како едноставен капут. Она што е забележливо за наметката на Исус е што има видлива реса, што жената ја допира. Ова веројатно е прикажување на цицит – ритуална реса што Евреите ја носат и до ден денес. Значи, забележете дека еврејството на Исус е прикажано, не по бојата на неговата кожа или по неговите црти на лицето, туку по нешто што носи. Останатите слики што ќе ги разгледаме доаѓаат од третиот век, т.е. 200-те години од нашата ера. Оваа покажува Исус како го воскреснува Лазар од мртвите. Повторно, го гледаме краткото подстрижување без брада, комбинирано со едноставна туника и наметка. Но, овој пат има стапче. Да, точно. Стапче. Како Хари Потер. Во Римската империја за време на третиот век, стапчињата биле симбол на магија, исто како што се и денес. И на Римјаните во тоа време, приказните за Исус како лекува луѓе и воскреснува луѓе од мртвите биле, разбирливо, видени како приказни за магија. Дојдовме до последните три слики. Третата најстара слика што ја имаме на Исус е од овој саркофаг, кој е означен со зборовите „Severa In Deo Vivas“. Но, забележете дека лицето прикажано лево од зборовите не е Исус. Тоа веројатно е слика на Севера – жената која била погребана во овој саркофаг. „In Deo Vivas“ значи „Да живееш со Бога“. Исус е овде. Тој е, се разбира, бебето што го држи неговата мајка, Марија. Зад нив стои веројатно Јосиф, а пред нив се тројцата мудреци и ѕвездата од Витлеем. Значи, да, сликата број 3 е основно божиќна слика. Да преминеме на број два – оваа слика што доаѓа од катакомбите на Каликст и датира од околу 250 година. Тука Исус повторно е прикажан како добар пастир, и овој пат носи кратка туника – каква што пастирите тогаш би носеле. Забележете дека исто така изгледа прилично млад, како што веројатно и бил – земајќи предвид дека починал во неговите рани 30-ти години. Треба исто така да забележите дека гледањето на религиозна фигура со јагне или коза околу вратот не би било нешто што древните Грци и Римјани би го нашле чудно. Всушност, тие биле прилично навикнати на таа иконографија, бидејќи била често користена во прикажувањата на богот Хермес, или Меркур. Океј, стигнавме до она што најверојатно е најраното познато прикажување што го имаме на Исус. За разлика од последните неколку што ги разгледавме, кои сите беа најдени во Рим, оваа е најдена во Сирија, во урнатините на древниот град Дура-Европос. Локалитетот Дура-Европос се наоѓа на реката Еуфрат, близу до денешната граница помеѓу Сирија и Ирак. Но, за време на раниот трет век, тоа бил процветан град и најисточниот тврдина на Рим. За среќа на археолозите, градот бил напуштен наскоро по тоа и никогаш не бил обновен, па затоа е како временска капсула. Во Дура-Европос се наоѓа најстарата пронајдена црква, како и една од најстарите синагоги. Двете содржат уметнички дела, така што не само што Дура-Европос ни дава најраните познати прикажувања на Исус, туку ни ги дава и најраните познати прикажувања на многу други библиски ликови, како што се Авраам, Мојсеј и Давид. Но, во овој видео запис, се фокусираме на Исус, па без понатамошно одлагање, дозволете ми да ви го откријам најстарото познато прикажување што го имаме на Исус. Сликата е базирана на приказна која е раскажана во сите три синоптички евангелија во која парализиран човек е спуштен низ покрив за да може Исус да го излечи, што тој и го прави. Значи, на лево можете да го видите сега излечениот човек како го носи својот кревет; и на десно, можете да го видите Исус во неговата типична римска форма: кратка коса, без брада, едноставна туника и наметка. Нашата најдобра претпоставка е дека оваа слика датира од околу 235 година. Значи, основно, немаме ништо од првите 200 години по смртта на Исус. Па, не сосема. Всушност, има уште една бонус слика што сакам да ви ја покажам. Не ја вклучив на главната листа затоа што не ја прикажува всушност лицето на Исус. Ова е графит направен од не-христијанин за да се исмева некој по име Алексаменос, кој бил христијанин. Зборовите, напишани на грчки и изгребани под сликата, гласи: „Алексаменос го обожува својот Бог“. Прикажани, на лево, веројатно се Алексаменос, а на десно, Исус распнат на крст со глава на магаре, што очигледно било наменето како навреда. За не-христијаните во тоа време, изгледало апсурдно некој да обожува некого кој бил распнат, и овој графит го изразува тој став....
НЕМА ДА ВИ СЕ ВЕРУВА, ВЕЛИ ТАКЕР КАРЛСОН: Како Бајден ќе ја направи средната класа посиромашна, лажејќи дека го удира Путин!?
Денешен - пред 19 часа
Такер Карлсон: Вечерва можеби забележавте дека Џо Бајден денеска најави нов фронт во неговата тековна војна против средната класа во Америка. Бајден, се разбира, не го кажа тоа со тие зборови. Демократите ретко кажуваат што мислат. Ти кажуваат дека се работи за нешто друго. Во овој случај, Бајден ни кажа дека станува збор за Владимир Путин. Бајден објасни дека ќе му наштетиме на Путин со тоа што ќе им забраниме на Американците да купуваат руска енергија. Ова, рече тој, ќе значи огромна морална победа за нас. Ќе се чувствуваме одлично за себе, а во исто време, тоа ќе биде пораз за Русите, кои секако го заслужуваат тоа. Така, тоа беше една од оние ретки прилики кога можевме да видиме како добрите победуваат, а лошите губат. Низ Вашингтон, речиси можеше да се слушне гласниот аплауз додека Бајден го завршуваше говорот. Секоја изборна единица го сакаше тоа. Медиумите се согласија дека Џо Бајден никогаш не изгледал попретседателски. Демократските функционери изгледаа длабоко олеснети. Еднаш, тие би можеле да зборуваат за нешто друго освен за КОВИД и за јужната граница. Тие повеќе би сакале да бидат во напад отколку во одбрана. Во меѓувреме, републиканските лидери изгледаа најсреќни од сите. Тие лаеја како фоки, конечно добија шанса да звучат цврсто и решително без да го налутат Си-Ен-Ен. Ви благодариме, Џо Бајден. Сега сите можеме да бидеме Џон Мекејн. Ретко гледате вакво единство во поделен град како Вашингтон. Единството беше толку тешко, всушност, толку пријатно што никој не се сети да го постави најосновното прашање: зошто точно го правиме ова? “Не знам што кажав. Ах, не се сеќавам.” Што е поентата? Дали е поентата во банкрот на Владимир Путин? Можеби вреди да се направи тоа, но ова нема да го стори тоа. Путин веќе има подготвени пазари ширум светот за неговата нафта, почнувајќи од Кина, Индија и Турција. Значи, тоа нема да успее. Можеби поентата е да се принудат руските трупи да се повлечат од Украина. Тоа дефинитивно би вредело да се направи, но не, ни тоа не е поентата. Џо Бајден обично ќе каже апсолутно сè, но дури и Џо Бајден не тврдеше денес дека санкциите за руската нафта ќе ја завршат војната во Украина. Затоа што нема. Значи, кон кого точно се насочени овие санкции? Размислете за тоа. Ако сакате да ја идентификувате целта на казната, размислете кој најмногу ќе настрада од тоа, а? И во овој случај, одговорот не може да биде појасен. Тоа се Американци со среден приход. Тие се оние кои беа скршени две години под ограничувањата на Ковид. Тие се оние кои ќе бидат удирани со исклучување на повеќе извори на енергија. Одговорните пред се ја мразат средната класа. Значи, не се казнува Владимир Путин, туку американските граѓани. Тоа си ти. Тоа не е шпекулација. Цените на бензинот се веќе највисоки во историјата, и тие ќе станат уште повисоки, потенцијално многу, многу повисоки. Значи цената на природниот гас и цената на струјата и храната и се друго што ќе купите што треба да се транспортира на повеќе од 100 метри од местото каде што е направено, односно, секоја работа во вашиот живот. Ова не е добра вест за вас, без разлика што Вашингтон во моментов тврди. Ќе станете многу посиромашни. Тоа е загарантирано. Да, ќе забележите додека го гледате овој видео дека тоа е единственото нешто што Џо Бајден некако заборави да го спомене денес. Еве што рече Бајден: Бајден: Денеска објавувам дека САД се насочени кон главната артерија на руската економија. Забрануваме секаков увоз на руска нафта и гас и енергија. Тоа значи дека руската нафта повеќе нема да биде прифатлива на американските пристаништа, а американскиот народ ќе зададе уште еден силен удар на воената машина на Путин. Едноставно не е точно дека мојата администрација или политики го кочат домашното производство на енергија. Тоа едноставно не е точно. Такер Карлсон: Значи, лажењето прилично едноставно. Се што треба д анаправиш е да не ја спомнуваш вистината. Слушнавте како Бајден го прави тоа токму таму. Но, потребно е нешто друго многу различно, без разлика дали тоа е заблуда или сенилност или што и да е друго што го објаснува однесувањето на Бајден. Потребно е такво нешто за да се каже лага како онаа што штотуку ја слушнавте на крајот од изјавата на Бајден. „Едноставно не е точно дека мојата администрација или политики го кочат домашното производство на енергија“. Но едноставно е вистина. Демонстративно е точно, и сите го знаат тоа. На неговиот прв ден на функцијата, Бајден сам го уби нафтоводот Keystone XL. Потоа, само неколку дена пред Русија да ја нападне Украина, чудно, администрацијата на Бајден ги затвори сите нови енергетски закупи и дозволи на федерално земјиште. Тоа се случи. Владимир Путин не го направи тоа. Џо Бајден го направи тоа. Погледнете како публицистите на Бајден се обидуваат да објаснат дека всушност спречувањето на домашното производство на енергија, што тие го направија, е многу различно од задржувањето на домашното производство на енергија. Да ја шуеме портпаролката Џен Псаки: Џен Псаки: „Дозволете ми да ви ги дадам фактите овде, и знам дека тоа може да биде незгодно, но мислам дека тие се важни во овој момент. Напротив, бевме јасни дека краткорочното снабдување мора да биде во чекор со побарувачката. Ние се придржуваме низ целиот свет со тоа што ја правиме промената за сигурна, чиста енергетска иднина. Ние сме еден од најголемите производители со силна домашна индустрија за нафта и гас. Ние всушност произведовме повеќе нафта. Постигнуваме рекордни бројки и ќе продолжиме да произведуваме повеќе нафта. Има 9.000 одобрени дозволи за дупчење кои не се користат. Така што сугестијата дека не им дозволуваме на компаниите да дупчат е неточна. Сугестијата дека тоа е она што го попречува или спречува намалувањето на цената на бензинот е неточна“. Такер Карлсон: “Дозволете ми да ви ги дадам фактите овде.” Сега, кога ќе го кажат тоа, знаете дека доаѓаат лагите. И навистина, во овој случај, тие пристигнаа веднаш. Бидејќи нафтените компании не ги искористија сите дозволи што ги добија, ни рече Џен Псаки, тоа значи дека ова е нивна вина. Тие не се трудат доволно за да произведат енергија. Можат, но не сакаат. Но, што ако нема нафта или гас под дозволеното земјиште? Во тој случај, производителите на енергија би сакале дозволи за земјиштето каде што е енергијата. Излезе дека не сакаат суви бунари. Тие сакаат бунари што течат, но не ги добиваат. Благодарение на лобито Green New Deal кое целосно ја контролира оваа администрација, тие не можат да ги добијат тие дозволи и тоа е она што се случува овде. И ако се сомневате, прашајте го секој кој работи во енергетскиот бизнис. Џен Псаки само ве излажа. Сите ве лажат. Веројатно веќе го погодивте тоа, но не можете да го кажете. Затоа што ако се прашувате што може да и прават овие политики на вашата земја или на вашето семејство, вие сте себични и нелојални. Всушност, вие не сте патриоти бидејќи вистинскиот патриотизам е грижата за Украина пред се. Патем, грижата за Украина значи продолжување на крвавата војна во Украина додека не биде уништена целата земја на Украина и милиони Украинци ќе станат бегалци. Знаеме дека можеме да го направиме тоа затоа што го направивме во Ирак. Можеме да го направиме тоа во Украина. Тоа е патриотизам. Штом ќе го напишете, сето тоа звучи некако комплицирано, па ќе му го предадеме на нашиот морален водач во доцните часови, Стивен Колберт, да објасни. Стивен Колберт: „Денес, просечната цена на бензинот во Америка достигна рекордно високо ниво на сите времиња од над 4 долари за галон. Океј, тоа боде, но чистата совест вреди. Јас сум подготвен да платам. Важно е. Подготвен сум да платам 4 долари за галон. По ѓаволите, ќе платам 15 долари за галон затоа што возам Тесла.“ Такер Карлсон: Па, нормално дека еден човек кој заработува 16 милиони долари годишно е подготвен да плати малку повеќе за бензин. Тој е подготвен да се жртвува бидејќи таков е грижлив, пристоен човек Стивен Колберт. Сега, она што е вистина е дека всушност тој не ни користи бензин бидејќи тој вози електричен автомобил од 150.000 долари....
РАДЕВ: Патот на Македонија до Брисел минува низ Софија
Денешен - пред 19 часа
Отсекогаш сум ги поканувал претседателите на РСМ да дојдат во Бугарија, бидејќи нивниот пат до Брисел минува преку Софија. Се надевам дека тамошните политичари сфатија дека изборната кампања е завршена и ако нивните деструктивни разговори и однесување се претворат во вистински дејствија, тоа ќе значи туркање на нивната земја во изолација“. Вака денеска изјавил бугарскиот претседател Румен Радев коментирајќи ги последните пораки од Македонија, одговарајќи на прашањето дали би ја поканил неговата нова македонска колешка Гордана Силјановска-Давкова на средба во Бугарија. Шефот на бугарската држава изразил очекување дека секој политичар кој ќе ја претставува Бугарија во Европскиот совет ќе го брани бугарскиот национален интерес. „Очекувам да разберат дека Бугарија, Грција и ЕУ им порачуваат дека меѓународните договори мора да се почитуваат. Преговорачката рамка мора да се спроведе“, ни порачал Радев. Тој потсетил дека прашањето меѓу Бугарија и Македонија веќе не е билатерално, туку европско. „Северна Македонија не смее да заборави дека е земја-кандидат и не може да им наметнува услови на земјите-членки. Не може да ги ревидира меѓународните договори, бидејќи тоа ја означува како земја која не го почитува меѓународното право“, истакнал Радев во изјава за бугарските медиуми....
Полска ја зајакнува границата кон Русија и Белорусија
Денешен - пред 19 часа
Премиерот на Полска, Доналд Туск денеска изјави дека почна осовременувањето и утврдувањето на источна граница со Белорусија и Русија, за што се наменети 2,3 милијарди евра. Тој план за одбрана и одвраќање го нарековме „Штит на Истокот“ … кој ќе нè брани од потенцијалните напади од исток, но пред сè ќе има за цел да го одврати непријателот. Системот на утврдувања, зајакнување, модернизирањето на 400 километри од границата со Русија и Белорусија ќе биде фактор на одвраќање, стратегија да се избрка војната од нашата граница, истакна Туск. Тој најави дека следната недела ќе објави нови мерки за спречување провокации, саботажи и диверзии во рамките на хибридните напади од Русија и од Белорусија. Зборуваме за потребата да се изгради силна држава, отпорна на саботажи и саботажи. Полска ќе биде отпорна држава и безмилосна до болка кон секој што ќе се обиде да ја дестабилизира ситуацијата во нашата земја, наведе Туск. Претходната влада на конзервативната партија Право и правда на границата подигна ограда висока повеќе од пет метри за да ги з апре мигрантите. Полска без оглед кој е на власт тоа го третира како руски и белоруски хибриден напад и обид за префрлање на десетици илјади бегалци во Полска со цел да се дестабилизира земјата но и другите членки на Европска Унија....
ДИК ги соопшти освоените мандати за пратеници во новиот парламентарен состав
Денешен - пред 20 часа
Државната изборна комисија (ДИК) денеска ги соопшти освоените мандати за пратеници во новиот парламентарен состав по изборите одржани на 8 мај годинава. Како што информира претседателот на ДИК, Александар Даштевски, за изборните единици 5 и 6 каде на одредени избирачки места ќе треба да се прегласува, резултатите се добиени со симулација и посебна техника врз основа на Донтов модел и со нив се опфатени пратениците кои сигурно ќе влезат во Собранието. По прегласувањето, ДИК со посебен заклучок ќе ги објави дополнителниот број освоени мандати. Во ИЕ 1, коалицијата „Твоја Македонија“ предводена од ВМРО-ДПМНЕ има 80 963 гласови и 10 мандати, коалицијата „За европска иднина“ – СДСМ има 27 164 гласови и три мандати, Левица освоила 20 989 гласови и два мандата, коалицијата „Вреди“ 21 627 гласови и два мандата, коалицијата „Европски фронт“ 20 586 и два мандата, додека Движењето ЗНАМ 11 944 гласови и еден мандат. Во ИЕ 2, коалицијата „Твоја Македонија“ предводена од ВМРО-ДПМНЕ има 66 422 освоени гласови и осум мандати, коалицијата „Европски фронт“ – ДУИ 60 625 гласа и четири мандати, коалицијата „Вреди“ 25 864 гласови и три мандати, ЗНАМ 16 264 гласови и два мандата, коалицијата „За европска иднина“ – СДСМ 18 631 глас и два мандата и Левица 10 654 гласови и еден мандат. Во ИЕ 3, коалицијата „Твоја Македонија“ предводена од ВМРО-ДПМНЕ добила 96 545 гласови и 14 мандати, коалиција „За европска иднина“ 33 601 глас и 4 мандати, Левица 13 404 гласови и еден мандат, додека ЗНАМ 9 426 гласови и еден мандат. Во ИЕ 4, коалицијата „Твоја Македонија“ предводена од ВМРО-ДПМНЕ има 96 551 глас и 13 мандати, коалиција „За европска иднина“ – СДСМ 41 965 гласа и пет мандати, Левица 12 428 и еден мандат и ЗНАМ 8 416 гласови и еден мандат....
Деветмесечно бебе почина во Охридската болница
Денешен - пред 20 часа
Деветмесечно бебе вчера во утринските часови почина во Општата охридска болница, но засега нема повеќе детали за овој случај. Полицијата соопшти дека Итната медицинска помош го донела бебето во болницата без свест, по што починало. Обвинителството побара обдукција за да се утврдат причините за сртта. На 17 мај во СВР Охрид пријавено е дека во 08 часот во Општа болница во Охрид починало деветмесечно бебе, кое претходно со Итна медицинска помош било донесено во неконтактибилна состојба. Извршен е увид, а по наредба на јавен обвиниел телото е дадено на обдукција, соопштија од СВР Охрид Ова е втор случај во последн ите 4 дена на смрт на бебе во болниците во Охрид. На 14 мај, еден час по полноќ, во специјалната охридска болница „Св. Еразмо“, почина 7 месечно девојче од Вевчани, откако поради повреда на главата и мозочно крварење, врз него итно беше изврешен хирурушки зафат. И во овој случај по наредба на Обвинителството извршена е обдукција, а се истражуваат причините за смртта. Се проверува третманот во здравствените установи каде го однела мајката, а извршени се разговори и со семејството. Се очекува и за 9 месечното бебе, кое почина вчера наутро во Општата болница во Охрид, обдукцијата да ги утврди причините за смртта. 0...
ЦИНТУЛА ПРИЗНА ВИНА ЗА АТЕНТАТОТ ВРЗ ФИЦО: Тој учествувал во антивладини протести и бил против прекинот на помошта за Украина
Денешен - пред 22 часа
Осомничениот за нападот врз словачкиот премиер Јурај Цинтула денеска пред Специјализираниот кривичен суд во градот Пежинок призна вина. Цинтула беше спроведен под силно полициско обезбедување, а ниту на новинарите им беше дозволен влез во Судот. Обвинителството вчера побара притвор за 71-годишниот Цинтула поради евентуално бегство или повторување на кривичното дело. Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен. Тој се соочува со обвинение за обид за убиство од одмазда, за што е предвидена казна од 25 години до доживотен затвор. Словачките политичари изјавија дека нападот врз Фицо не е политички мотивиран. Цинтула наводно учествувал во неколку антивладини протести, а бил против прекинот на помошта за Украина и на ликвидацијата на словачките медиуми. Состојбата на премиерот Фицо и понатаму е сериозна....
МВР И ОЈО: Притвор од 30 дена за Љ.К. (66) од скопско Стајковци кој е осомничен за убиството на неговиот брат В.К.(66) и снаата С.К.(57)
Денешен - пред 22 часа
Расчистено е двојното убиство во Стајковци, кога маж ги усмрти братот и снаата. Осомничениот Љ.К.(66) од скопско Стајковци беше изведен пред судија на претходна постапка кој му определил мерка притвор во траење од 30 дена. Полицијата против осомничениот поднесе кривична пријава поради постоење основи на сомнение за сторено кривично дело „убиство“ по член 123 од Кривичниот законик. -Тој се сомничи дека на 14.05.2024 во домот во с.Стајковци со метален предмет ги нападнал неговиот брат В.К.(64) и неговата снаа С.К.(57), кои од здобиените повреди починале на местото, информира МВР. Од Обвинителството соопштија дека тој со умисла ги лишил од живот својот брат и снаата. -Осомничениот прво ја нападнал снаата, удирајќи ја повеќе пати со метална шипка по главата, а потоа го пресретнал и братот на кого исто така со шипката му нанел смртоносни повреди, соопштија од Обвинителството. По настанот осомничениот беше хоспитализиран. Бидејќи со подобрување на неговата здравствена состојба постои опасност тој да се даде во бегство, јавниот обвинител оцени дека мерката притвор е неопходна за непречено водење на истрагата, па до судијата на претходна постапка достави предлог за определување таква мерка....
ОЈО: Аналитичарката И.М. (41) од МВР се претставувала како началничка и им ветувала социјални станови на измaмените лица
Денешен - пред 22 часа
Основното јавно обвинителство Скопје донесе Наредба за спроведување истражна постапка против 41-годишна вработена како аналитичар во СВР Скопје која е осомничена за продолжено кривично дело – Измама според член 247 став 4 во врска со став 1 од Кривичниот законик. -Од април 2023, искористувајќи ист траен однос и исти прилики, осомничената довела во заблуда три лица, на кои лажно им се претставила како началник во полициска станица Гази Баба и член на Комисија за доделување социјални станови. На трите оштетени невработени лица им ветувала дека ќе им посредува да добијат социјални станови во Лисиче по цена пониска од реалната, наведувајќи ги да и исплатат по 12.000 евра за стан и 3.000 евра за посредување и изготвување документација, соопштуваат од Обвинителството. Парите и ги давале во повеќе наврати, а при последната исплата на 12.500 евра, во близина на полициската станица, била затекната веднаш по предавањето на парите. Јавниот обвинител до судијата на претходна постапка достави предлог за определување мерки на претпазливост – забрана за напуштање живеалиште, обврска повремено да се јавува кај службено лице во судот и одземање на патната исправа....
РОНАЛДО УРИВА РЕКОРДИ ВО С. АРАБИЈА: 39-годишниот Португалец во една сезона со 33 гола и 11 асистенции
Денешен - пред 23 часа
Напаѓачот на Ал-Наср, Кристијано Роналдо постигна асистенција на натпреварот од 32. коло на шампионатот на Саудиска Арабија со Ал-Хилал (1:1). Триесет и деветгодишниот Португалец го собори рекордот во една сезона на овој турнир. Тој има 33 гола и 11 асистенции. Претходниот рекордер беше Абдеразак Хамдалу, кој постигна вкупно 43 поени (гол+асистенции) во сезоната 2018/19. Ал-Наср со 78 поени и се наоѓа на второто место во поредокот. Фото: ЕПА...
ГОЛЕМИ ПОПЛАВИ ВО АВГАНИСТАН: Водата однесе најмалку 50 животи и 2.000 куќи, а двојно повеќе живеалишта се оштетени
Денешен - пред 1 ден
Најмалку 50 луѓе загинаа во поплавите што го погодија централниот дел на Авганистан, соопштија локалните власти. Претставникот на авганистанската провинција Гор, Мавлави Абдул Хаи Заем изјави дека сè уште нема податоци колку луѓе се повредени во надојдената вода. Тој информираше дека во поплавите целосно се уништени 2.000 куќи, а двојно повеќе се делумно оштетени. Под вода се над 2.000 продавници во главниот град на провинцијата Гор, Фероз Кох. фото: ЕПА...
МНР НА АЗЕРБЕЈЏАН: Франција да престане да не обвинува и да се фокусира на нејзината неуспешна политика во Нова Каледонија
Денешен - пред 1 ден
Министерството за надворешни работи на Азербејџан вчера ги отфрли „навредливите обвиненија“ и повтори дека Баку не е поврзан со протестите во Нова Каледонија. – Наместо да го обвинува Азербејџан дека наводно ги поддржува протестите за независност во Нова Каледонија, Франција треба да се фокусира на неуспешната политика на прекуокеанските територии што доведе до такви протести. Уште еднаш ја повикуваме Франција да престане со неоснованите тврдења против нашата земја, истакна портпаролот на азербејџанското МНР, Ајхан Хаџиев. Францускиот министер за внатрешни работи Жералд Дарманин на 15 мај го обвини Азербејџан за мешање во политиката на пацифичката територија Нова Каледонија. – Ова не е фантазија … Жалам што некои од сепаратистите се договорија со Азербејџан … дури и ако има обиди за мешање … Франција е суверена на својот сопствена територија, истакна Дарман. Но, Дарманин не презентираше докази за вмешаноста на Азербејџан во немирите на Нова Каледонија. Француската единица за откривање дезинформации преку интернет, „Вигинум“, формирана како одговор на руските активности во Африка, објави извештај во кој се идентификувани најмалку 86 азербејџански профили кои на платформата Икс шират антифранцуска пропаганда. Немирите на Нова Каледонија почнаа на 13 мај поради уставната реформа, која предвидува промени на изборниот закон на француската територија. Националното собрание во Париз усвои реформа со која на илјадници француски граѓани, кои пред најмалку 10 години се преселиле на јужниот пацифички архипелаг, им се дава право на глас на локалните избори, а со тоа и поголемо политичко влијание. фото: МИА архива...
ПРОТЕСТ ВО ПЕРУ: 500 демонстранти побараа укинување на новиот закон во кој трансродовите лица се опишуваат како ментално болни
Денешен - пред 1 ден
Околу 500 демонстранти вчера во главниот град на Перу, Лима побараа укинување на новиот закон кој ги опишува трансродовите лица, меѓу другото, како ментално болни кои можат да добијат здравствени бенефиции. Демонстрантите носеа транспаренти на кои пишуваше „Нема повеќе стигма“ и „Мојот идентитет не е болест“. Законот, кој беше административно одобрен од Владата на претседателката Дина Болуарте минатата недела, прецизира дека оние кои се идентификуваат како трансродови и оние со „други нарушувања на родов идентитет“ се сметаат за „ментално болни“ кои можат да добиваат јавни здравствени услуги преку јавни и приватни институции. фото: ЕПА...
НОВ ТЕСТ ВО СЕВЕРНА КОРЕЈА: Ким изрази задоволство од успешното тестирање на балистичката ракета, објави КЦНА
Денешен - пред 1 ден
Северна Кореја денеска потврди дека вчера тестирала балистичка ракета со нов систем за наведување, а на тестот присуствувал и севернокорејскиот лидер Ким Џонг-ун. – Ким изрази задоволство по повод успешното тестирање на ракетата, објави севернокорејската новинска агенција КЦНА. Јужнокорејската армија вчера соопшти дека Северна Кореја лансирала повеќе балистички проектили со краток дострел кон Источно Море. Тестирањето се случи само еден ден откако САД и Јужна Кореја имаа заедничка вежба со стелт борбени авиони при што се симулираше борба во воздух. фото: ЕПА...
ГЕРМАНИЈА: Полицијата уапси 8 климатски активисти на аеродромот во Минхен поради што беше затворен и беа откажани 60 летови
Денешен - пред 1 ден
Германската полиција приведе осум климатски активисти кои упаднаа на аеродромот во Минхен. Аеродромот по два часа повторно почна со работа, но можни се доцнења на некои летови. Шест климатски активисти се залепија на две места на пистата на аеродромот во Минхен. На еден од транспарентите пишуваше „Проблемот е владата, а не нашиот празник“. Протестот беше организиран од климатската група „Лас џенерејшн“ (Last Generation), која и претходно имаше вакви акции. Поради протестот на климатските активисти од аеродромот во Минхен беа откажани 60 летови. фото: Икс...
СТЕЈТ ДЕПАРТМЕНТ: Државјаните на САД да бидат внимателни поради можни терористички напади врз ЛГБТ ширум светот
Денешен - пред 1 ден
Владата на САД ги предупреди американските државјани да бидат внимателни поради евентуални терористички напади врз претставниците на ЛГБТ заедницата ширум светот. – Поради потенцијалниот ризик од терористички напади, демонстрации или акти на насилство против американските граѓани и интереси, Стејт департментот ги предупредува своите граѓани во странство да покажат зголемена будност, се наведува во соопштението. Исто така се наведува дека постои потенцијален ризик од насилство врз ЛГБТ заедницата инспирирано од странски терористички организации. – Американските граѓани треба да бидат внимателни за време на маршевите на ЛГБТ заедницата, наведува Стејт департманот. фото: МИА архива...
ПОПЛАВИ ВО ГЕРМАНИЈА: Нема жртви во силното невреме, повредено е едно лице, а многу патишта во провинција Сар се затворени
Денешен - пред 1 ден
Обилните дождови предизвикаа поплави и лизгање на земјиштето во западната германска покраина Сар. Поради надојдената вода евакуирани се жителите од неколку згради. Според Германската метеоролошка служба во Сар вчера наврнале повеќе од 100 литри дожд на квадратен метар за помалку од 24 часа. Според досегашните информации, во силното невреме нема жртви, а при евакуацијата едно лице е повредено. Голем број патишта во Сар сè уште се затворени, а ограничен е и железничкиот сообраќај. Германскиот сојузен канцелар Олаф Шолц најави дека ќе ја посети поплавената област. Поради обилните дождови зголемена е готовност и на надлежните служби и во Саксонија, Тирингија и Баварија. фото: ЕПА...
ИНТЕРВЈУ НА ЗЕЛЕНСКИ ЗА АФП: Ја одбив идејата на Макрон зашто од примирјето за време на ЛОИ корист ќе има само Русија
Денешен - пред 1 ден
Претседателот на Украина, Володимир Зеленски интервју за Агенцијата Франс прес (АФП) изјави дека ја отфрлил идејата на шефот на француската држава Емануиел Макрон за „примирје“ со Русија за време на Летните олимписки игри (ЛОИ) во Париз. Според Зеленски примирјето „ќе му користи на непријателот“. – Да замислиме за момент дека има прекин на огнот. Прво, ние не му веруваме на (рускиот претседател Владимир) Путин. Второ, тој нема да ги повлече своите војници. Трето, кој гарантира дека Русија нема да ја искористи можноста да донесе трупи на нашата територија, посочи Зеленски. Макрон се залага за примирје ширум светот за време на Летните олимписки игри, што ќе се одржат од 26 јули до 11 август во Париз. Зеленски во интервјуто за АФП наведе и дека не верува оти Русија има сила повторно да го нападне Киев. – Тие немаат сила за голема офанзива против главниот град, како што имаа на почетокот на инвазијата, посочи Зеленски додавајќи оти главни цели на Кремљ се Харков и Донбас. Тој ги обвини западните земји што му забраниле да ја нападне Русија со нивното оружје. Според него, Западот се плаши и од руски и од украински пораз и оваа ситуација ја нарече апсурдна. – Ние сме во апсурдна ситуација кога Западот се плаши дека Русија ќе ја изгуби војната. А во исто време тие не сакаат Украина да ја изгуби. Затоа што конечната победа на Украина ќе доведе до пораз на Русија и конечна победата на Русија ќе доведе до пораз на Украина, истакна Зеленски. Украинскиот претседател во интервјуто се осврна и на тоа со колкава воена опрема располага Украина. Тој истакна дека Украина бара од 120 до 130 авиони ловци Ф-16 за да може да го одбрани небото од 300 руски авиони. – Ни треба толкав број на Ф-16 за да имаме рамнотежа на силите. Украина има само една четвртина од системите за противвоздушна одбрана што и се потребни и има потреба од 120 до 130 ловци Ф-16 за да се стави крај на доминацијата на Русија во воздухот, потенцира Зеленски. фото: МИА архива...
ЗЕЛЕНСКИ: Русија нема сила пак да го нападне Киев, а Западот се плаши и од руски и од украински пораз и оваа ситуација е апсурдна
Денешен - пред 1 ден
Претседателот на Украина, Володимир Зеленски во интервју за Агенцијата Франс прес (АФП) изјави дека не верува оти Русија има сила повторно да го нападне Киев. Тие немаат сила за голема офанзива против главниот град, како што имаа на почетокот на инвазијата, посочи Зеленски додавајќи оти главни цели на Кремљ се Харков и Донбас. Тој ги обвини западните земји што му забраниле да ја нападне Русија со нивното оружје. Тие (Русите) можат да не нападнат на наша територија, тоа е најголемата предност што ја има Русија, но ние не можеме да направиме ништо со западното оружје на нивните вооружени системи лоцирани на руска територија. Немаме право, наведе Зеленски. Според него, Западот се плаши и од руски и од украински пораз и оваа ситуација ја нарече апсурдна. Ние сме во апсурдна ситуација кога Западот се плаши дека Русија ќе ја изгуби војната. А во исто време тие не сакаат Украина да ја изгуби. Затоа што конечната победа на Украина ќе доведе до пораз на Русија и конечна победата на Русија ќе доведе до пораз на Украина, истакна Зеленски. Украинскиот претседател во интервјуто се осврна и на тоа со колкава воена опрема располага Украина. Тој истакна дека Украина бара од 120 до 130 авиони ловци Ф-16 за да може да го одбрани небото од 300 руски авиони. Ни треба толкав број на Ф-16 за да имаме рамнотежа на силите. Украина има само една четвртина од системите за противвоздушна одбрана што и се потребни и има потреба од 120 до 130 ловци Ф-16 за да се стави крај на доминацијата на Русија во воздухот, потенцира Зеленски. фото: ЕПА...
ГЕРИЛА АКЦИЈА ВО СКОПЈЕ: Кај фонтаната Лотус во Градскиот парк утрово е поставена макета – конструкција на јавен тоалет
Денешен - пред 1 ден
Кај фонтаната „Лотус” во Градски парк утрово е поставена макета – конструкција на јавен тоалет. Се работи за герила акција на уметникот Озбек Ајваз која треба да укаже на проблемот со јавните тоалети во градот. Делото на Ајваз е направено во соработка со архитектката Натали Велеска. Со ова последна акција, Ајваз и Велеска скааат да прикажат предлог решение за тоалет кој би бил изведен од метална конструкција, обложен со дрвени панели. Неговите димензии би биле минимални, 150 X 250 X 250 сантиметри, за што поекономично производство и натамошно одржување. Според макетата, би имало можност на кровот од тоалетот да се постават соларни панели, но и да има извор на природна вентилација и светло. Екстериерот би имал зелени ѕидови (вертикално поставени растенија), кои би служеле како разубавување на градот, а би се наводнувале преку поставениот дождовник од кровот на тоалетот. Од страната на макетата е прикажана мапа на Скопје, со означени локации каде би биле неопходни највеќе тоалети за главниот град и општините. фото: Озбек Ајваз...
ГРАД СКОПЈЕ: Казнета е фирмата Дизниленд реквизити од Чаир која, без дозвола, монтира панорамско тркало во Карпош
Денешен - пред 1 ден
Ја известуваме јавноста дека правното лице Дизниленд Реквизити, фирма од Чаир регистрирана пред само еден месец, без соодветни документи и дозволи, без потребна документација која гарантира безбедност, монтира панорамско тркало и останати реквизити во Карпош пред Борис Трајковски, се вели во соопштението од Град Скопје. – Град Скопје, во рамки на своите надлежности изврши надзор, превзема мерки и го казни правното лице, но тој сепак НАСИЛНО продожува да работи. Ги повикуваме надлежните институции и апелирам да постапат во најкус можен рок, бидејќи се доведува во прашање безбедноста на децата и на сите останати посетители поради практицирањето на ваквото самоволие, се вели во соопштението. Град Скопје...
КОАЛИЦИЈА ВРЕДИ: Ја поздравуваме одлуката на Управниот суд, граѓаните да не потклекнуваат под притисоците на ДУИ и манипулаторите
Денешен - пред 1 ден
Ја поздравуваме одлуката на Управниот суд, која е во согласност со волјата што ја изразија граѓаните на 8 мај. Оваа одлука уште еднаш докажува дека надежта за граѓаните во државата доаѓа, а манипулациите и криминалот на оваа хибридна моќ паѓаат. Промената започната на 8 мај почна да се реализира, но за да биде уште побрза и поефикасна, ги повикуваме граѓаните на Ларце (им 2101) во среда (22 мај) да излезат и да ја изразат својата волја, слободно, без да потклекнат на притисоците на ДУИ и нејзините манипулатори. Промена е неповратна. ВРЕДИ за Желино и за секој граѓанин во нашата земја. Коалиција „Вреди“...
УПРАВЕН СУД: Одбиени како неосновани се сите 7 тужби од коалицијата Европски фронт на ДУИ против решенијата на ДИК за прегласување
Денешен - пред 1 ден
Управниот суд синоќа ги одби како неосновани сите седум тужби од коалицијата „Европски фронт“ против решенијата на Државната изборна комисија (ДИК) за прегласување на парламентарните избори 2024. Со одлуките на Управниот суд се потврдуваат решенијата на ДИК за прегласување во шест избирачки места во петтата изборна единица и едно во шестата изборна единица. Според Изборниот законик, доколку одлуката за прегласување на едно избирачко место може да влијае на конечните резулатите од изборите, ДИК ќе организира повторно гласање 14 дена од одржувањето на изборите, односно на 22 мај. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите беа оформени предмети и закажани во текот на вчерашниот ден.u...
МИЦОТАКИС СО ЗАКАНА: Новата влада да го користи само името С. Македонија, во и надвор од земјата, за да нема проблем со Грција
Денешен - пред 1 ден
Сакам уште еднаш да испратам порака со предупредување до новата Влада, да ја смени позицијата и да го користи само името С. Македонија во и вон земјата, бидејќи во спротивно, сигурно ќе создадат проблеми и во односите со Грција и во односите со Европа, рече грчкиот премиер Кирјакос Мицотакис во интервјуто за државната телевизија ЕРТ, притоа повторувајќи дека без целосно усогласување со Договорот во однос на името, Грција нема да ги ратификува меморандумите и нема да има напредок во ЕУ перспективата на земјава, јави дописничката на МИА од Атина. Коментирајќи ги изјавите на лидерот на ВМРО-ДПМНЕ Христијан Мицкоски, Мицотакис посочи дека станува збор за „изјави на мандатарот за премиер“ и дека ќе ги чекаат официјалните ставови на новата Влада, но потенцираше дека „првите примери на однесувањето се исклучително негативни“. – Во јадрото на Договорот на Преспа се наоѓа смислата на едно име, она што го нарекуваме ерга омнес, името С. Македонија да важи за сите, односно да се користи и во надворешноста и во внатрешноста на земјата, рече Мицотакис. Потсети дека тие ние не гласаа за Договорот од Преспа, бидејќи имаа приговори „за фактот што овој Договор обезбедува македонска нација и македонски јазик“, што воедно, според Мицотакис било и главната причина зошто не го поддржаа Договорот. -Во прашањето за името има едно јасно уназадување и сакам уште еднаш да испратам порака со предупредување до новата Влада, уште од сега, да ја смени нејзината линија, да ја почитува централната одредба на Договорот од Преспа, да го користи само името С. Македонија во и вон земјата кога станува збор за нашиот северен сосед, а во спротивно, сигурно е дека ќе создадат проблеми, не само во односите со Грција на Северна Македонија, туку и во односите на Европа со С. Македонија, истакна Мицотакис. Се осврна и на реакциите од ЕУ за употребата на името Македонија од претседателката Сиљановска Давкова на инаугурацијата, откривајќи дека „беа резултат на интервенциите на грчката Влада“, дека „тоа не дојде само по себе“, туку тој лично интервенирал за да го информира раководството на Европската Унија, а ги посочи и реакциите од САД. -Па така верувам дека ќе има колективен притисок врз раководството на С. Македонија за да не постои значајно уназадување, рече грчкиот премиер. Во утринското интервју за ЕРТ, Мицотакис ги повтори и следните чекори на Владата, односно реакцијата на официјална Атина, она што и вчера го порача од митингот во градот Верија, дека нема да се ратификуваат меморандумите и дека ќе има проблеми на патот на земјата кон ЕУ. – Она што сигурно ќе го сториме е дека нема да ги донесеме за ратификација трите меморандуми што произлегуваат од Договорот и сега целосно се оправдува нашата позиција да го задоцниме ратификување. Ние веќе извесно време гледавме што се случуваше во С. Македонија, го слушавме овој националистички пароксизам на ВМРО, знаевме дека ВМРО ќе победи на изборите и сакавме и ние да задржиме некои суштински преговарачки оружја во случај работите да не одат како што се очекува, рече Мицотакис, пренесе МИА. Ја коментираше и одлуката на СИРИЗА да ги донесе во Парламентот трите меморандуми, велејќи дека е „несфатливо на границите на политичкиот и дипломатскиот апсурдност“, сега да се достават, во моменти кога „Скопје следи целосно различна линија“. -Второто што ќе го направиме, веќе го сторивме, апсолутно јасно да ставиме на знаење дека никаков напредок во овој, би рекол, долг пат на Скопје кон Европа, не може да се постигне. ако не постои апсолутно усогласување со Договорот од Преспа во прашањето со името, истакна грчкиот премиер. Интервјуто за ЕРТ рано утрово во кое Мицотакис говореше за сите актуелни прашања во Грција, започна токму со односите со Македонија и Договорот од Преспа....
НОВА ВЛАДА: За десетина дена би можело да се знае министерскиот состав, обвинувања за притисоци за решенијата за поништеното гласање
Денешен - пред 1 ден
До крајот на идната недела се очекува да се постигне договор околу идната влада, во која би партиципирале ВМРО-ДПМНЕ и партиите од нивната коалиција и коалицијата Вреди. Според првиот човек на Алијансата за Албанците и гостиварски градоначалник Арбен Таравари меѓу нивните работни групи владее позитивна атмосфера. Во понеделник тој очекува тие да излезат во јавноста со заедничка програма, а до петок да имаат завршен договор за нова влада. Првата средба на работните групи на ВМРО-ДПМНЕ и коалицијата Вреди се одржа во четвртокот во седиштето на ВМРО-ДПМНЕ, но нема информации дали тие вчера повторно се сретнале. Во јавноста веќе се лиферуваат неофицијални информации за поделба на министерските ресори, за имињата на новите министри, како и за тоа дека конститутивната седница на Парламентот би можела да се одржи на 27 мај. Во меѓувреме Управниот суд вчера одлучуваше по седумте тужби од Европскиот фронт за решенијата на Државната изборна комисија за прегласување во седум избирачки места. До синоќа до 22 часот Судот одби три од седумте тужби. Доколку има прегласување, тоа би се одржало во среда на 22 мај. Претседателот на ДИК Александар Даштевски и членовите на ДИК Радица Ристеска, Оливер Ристовски, Борис Кондарко, Бобан Стојаноски и Абдуш Демири вчера преку соопштение изразија загриженост за, како што велат, настаните кои во јавноста се продуцирани од изјави на политички партии и носители на високи владини функции, кои се однесуваат на работата на ДИК за постапувањето по приговорите за парламентарните избори. – Ве известуваме дека покрај тоа што сме лично понижувани и навредувани, исто така како членови во највисоката институција за организирање и спроведување на изборите, сме изложени и на неосновани и непримерени јавни политички притисоци и на закани за кривична одговорност поради донесените одлуки на ДИК, се вели во реакцијата. Следејќи го контекстот и интензитетот на нападите, прозивките и навредите, како што наведуваат, исто така сме загрижени и дека е можно да преминат и во лични напади на нашата сигурност. – Ве известуваме дека ДИК во целост професионално, транспаретно и само врз основа на закон ги спроведе изборите што е потврдено од сите домашни и меѓународни фактори. Исто така и покрај сите непријатности кои ги имаме, сепак со највисок степен на интегритет врз основа на јавна проверка на изборниот материјал ДИК ги утврди фактите и одлучуваше по приговори поднесени од различни учесници за 110 избирачки места, од кои врз основа на образложени докази усвои приговори за само 7 избирачки места за кои имаше правен основ, додека сите останати 103 избирачки места, беа одбиени како неосновани и за нив немаше поднесено тужби ниту еден учесник на изборите, стои во реакцијата. Според тоа за ДИК, како што се наведува, се неприфатливи и недопуштени нападите, притисоците и мешањето на одредени политички партии и на поединци од техничката Влада во изборните процедури, како и во работата и одлучувањето на ДИК и на Управниот суд. Посочуваат дека за сето ова на средбата во ДИК била известена и амбасадорката на набљудувачката мисија на ОБСЕ-ОДИХР Џилијан Стирк. Во соопштението до медиумите од ДИК не беше потпишана потпретседателката Дитмире Шеху, која доаѓа од ДУИ. Премиерот на техничката Влада Талат Џафери завчера на прес-конференција соопшти дека имало договор за надгласување во ДИК за прифаќање на одредени приговори за изборните резултати и прегласување и оти на ваков начин се прави обид за изборен инженеринг за менување на бројките во Собранието и изигрување на волјата на граѓаните. Изборниот процес кој беше оценет како кредибилен и демократски, сега е во рацете на Управниот суд, рече Џафери и повика сите институции да постапуваат согласно закон без партиски директиви од која било страна. Претходно работата на ДИК ја критикуваше и Бујар Османи, портпарол на ДУИ и министер за надворешни работи. Лидерот на Алијансата за Албанците Зијадин Села синоќа изјави дека со приговорите до ДИК се прави изборен инженеринг од ВМРО-ДПМНЕ, СДСМ и Вреди за да се намали бројот на пратеници на коалицијата Европски фронт предводена од ДУИ, во која учествува и крилото на партијата АА што тој ја предводи. Според него, треба да се почитува „демографската реалност во Македонија“ и право да состави Влада има мандатарот и победникот на изборите. Народот на 8 мај, како што рече, гласаше за „Европскиот фронт“ да преземе одговорности и да биде на власт, а „за друг гласаше кој да биде во опозиција“. Арбен Таравари од другото крило на Алијансата на Албанците, пак, во вчерашната изјава од Гостивар упати и порака до претседателот на Управниот суд посочувајќи дека вршел притисок врз судиите при одлучувањето во предметите поврзани со изборните нерегуларности. -Јас би му испратил порака на претседателот на судот да размисли дека не е убаво да се врши притисок врз судиите. Времето кога можеа да вршат притисоци веќе помина и ќе има нова влада којашто нема да дозволува вакви притисоци врз одлуките, рече Таравари и појасни дека судот треба да донесе правична одлука. На ова одговори најнапред коалицијата Европски фронт предводена од ДУИ нарекувајќи ја изјавата на Тараваи скандалозна и заканувачка, а потоа и претседателот на Управниот суд Бурим Сејдини. -Европскиот фронт ги регистрираше овие закани и ја извести целата меѓународна заедница и сите локални и меѓународни институции за јавни изјавите со закани како и обидот за изборен инженеринг со надворешно-институционални меѓупартиски договори за гласање и надгласување во Државната изборна комисија како и со партиски притисоци до Управниот суд, посочија тие во соопштението. Претседателот на Управниот суд Сејдини демантираше дека вршел притисок врз судиите во судечките совет кои одлучуваат за тужбите на Коалицијата „Европски фронт“ против решенијата на Државната изборна комисија за парламентарните избори. Тој оцени дека тврдењата на Арбен Таравари од коалицијата „Вреди“ се невистинити, инсинуации и клевети. -Денешното мое појавување во јавноста е во врска со јавните изјави на господинот (Арбен) Таравари дека има сознанија односно информации дека јас како претседател на Судот вршам притисок над судиите кои што ги ценам како комплетни невистини, како инсинуации и клевети врз мојата работа како претседател на Управниот суд, рече Сејдини на прес-конференцијата во Судот. Се огласи и Здружението на судии на РСМ кое изрази загриженост за изјавите на поединци со кои, како што се наведува во соопштението, директно или индиректно се врши притисок врз судиите и судиското постапување и одлучување. Во соопштението се оценува дека обвинувањата кон претседателот на Управниот суд се неосновани и даваат целосна поддршка на колегите од овој суд. ев/са/ ФОТО: МИА Архива...
МИЛОШОСКИ: Потона мантрата на СДСМ и ДУИ, која 6-7 години ја повторуваа со паушал-клиентелата провладини „аналитичари“
Денешен - пред 1 ден
Две-три години првите луѓе на СДСМ ги залажуваа своите симпатизери дека ВМРО-ДПМНЕ, дури и да победи, нема коалициски капацитет за да формира влада, вели пратеникот на ВМРО-ДПМНЕ, Антонио Милошоски. Смета дека истата мантра, како верна паушал-клиентела, ја повторуваа и 6-7 провладини “аналитичари”. -Но, изборите ја демантираа власта во заминување и денес токму владините партии ДУИ и СДСМ се оние кои немаат коалициски капацитет. И СДСМ и ДУИ имаа силно изразена ароганција како власт, и гледаа со големо потценување на секој неистомисленик. Периодот во опозиција е шанса и за двете партии да се реформираат, да покажат дека го почитуваат мислењето на народот, а ароганцијата да си ја остават само за домашна употреба, пишува Милошоски на Фејсбук....
ТОШКОВСКИ: Уапсена е И.М. аналитичарка во МВР фатена на лице место во моментот на примопредавање на 12.500 евра
Денешен - пред 1 ден
Техничкиот министер за внатрешни работи Панче Тошковски утрово, преку својот фејсбук профил, информира дека овластено службено лице вработено во МВР е фатено на лице место со над 10 илјади евра од извршено кривично дело „измама“. Според Тошковски, на 17.05.2024 година, И.М., виш аналитичар во СВР Скопје, е лишен е од слобода под сомневање за сторени кривични дела измама, предвидени по чл. 247 од КЗ. -Од страна на Одделот за внатрешна контрола, криминалистички истраги и професионални стандарди во координација со Одделот за криминалистичка полиција се постапуваше по пријава од три оштетени лица и на ден 17.05.2024 година наведеното лице е фатено на лице место во моментот на примопредавање на 12 500 евра, претходно криминалистички обработени кои ги прибавила за наводно посредување за добивање на социјални станови од Б категорија, наведува министерот. Во врска со кривичното дело е извршен претрес во службените простории кои ги користела пријавената при што е пронајдена пообемна сомнителна документација која е поврзана со кривичното дело во вид на разни документи за кои постои сомневање дека се фалсификувани, разни договори за позајмици, договори за посредување за доделување на социјални станови, имотни листови, како и тефтер со ракопис во кој е водена евиденција за лица за кои биле вршени определени работи. Исто така, при извршен претрес во дом и други простории кои ги користи лицето И.М. лоцирани во Општина Сарај, беше пронајдено и огнено оружје со шест парчиња муниција кое оружје и муниција најверојатно ги поседува без дозвола, за што известено е и Одделението за недозволена трговија со оружје при СВР Скопје заради преземање на дополнителни мерки. -МВР и понатаму продолжува со преземање на мерки и активности насочени кон испитување на евентуална поврзаност на наведеното лице со други високи полициски службеници, информира Тошковски....
НА ДЕНЕШЕН ДЕН: Во скопското кино Култура премиерно е прикажан „Мирно лето“, прв македонски филм од македонски режисер
Денешен - пред 1 ден
Премиерата на првиот македонски филм, режиран од македонски режисер, се случила на денешен ден пред 60 години. На 18 мај 1961 година во скопското кино Култура била премиерната проекција на филмот Мирно лето од македонскиот режисер Димитрие Османли. Автор на сценариото за филмот е Фрида Филиповиќ, а улогите ги толкуваат: Љупка Џундева, Слободан Перовиќ, Дарко Дамески, Илија Милчин, Мери Бошкова, Петре Прличко и Стојка Цекова. Филмот кој трае 99 минути е сниман со 35- милиметарска камера, во црно-бела техника и истиот е првата македонска филмска комедија. Во тогашна социјалистичка Македонија, младиот научен работник Заре Мисевски и неговата сопруга Мира, костимограф во театар, живеат во изнајмена соба како потстанари, постојано изложени на вознемирувања и љубопитност на соседите. Но, на Заре му е доверен Етнографскиот музеј во Охрид, за да го среди. Тоа за семејството Мисевски е одлична прилика за бегство во оаза на мир и тишина, и тоа токму во летни месеци, што е одлична прилика да се биде во Охрид. Несебичното семејство приликата сака да ја сподели со пријателите… Лето е, Заре и Мира се сместени во Охрид, во музејската зграда. Заре работи на својот проект, а Мира слика. Но, проблемите почнуваат кога еден ден, на гости им доаѓа колешката на Мира, Дара Љубина, разочарана од неславниот крај на последната љубовна врска. Револтот на Заре се уште не е стивнат, а во нивниот привремен дом доаѓа и Нестор Гиевски, некогашен факултетски професор на Заре, кој патувајќи кон Грција, наминал кај нив на одмор. На новонастанатата ситуација, Заре и Мира бргу се привикнуваат, но не за долго. Братот на Мира, со своето друштво, дошол на гости кај сестрата и зетот. Зградата на музејот се полни со неканети гости. Во двориштето стигнуваат стрикото и стрината на Заре и семејството Поп-Коцеви, кои имаат проблеми со сместувањето во Охрид, па на покана на стрико Тале, и тие доаѓаат во музејот. Ситуацијата во куќата веќе не може да се контролира, зашто владее општ метеж… Тоа е накратко сижето од првата македонска филмска комедија. Мирно лето е прв македонски филм режиран од македонски автор, а првиот македонски игран филм е Фросина, снимен во 1952 година, споре сценарио на Владо Малески, а во режија на Воислав Нановиќ. Снимател бил Киро Билбиловски, а музиката ја компонирал Трајко Прокопиев, сценографијата е на Милан Васиќ, а асистент на режија бил Трајче Попов. Премиерата на Фросина, била на 28 јуни 1952 година, исто така, во скопското кино Култура. Главната улога, ликот на мајката, го толкува Мери Бошкова, а во другите улоги играат Ацо Јовановски, Петар Вељановски, Предраг Наѓа и други. И Фросина, кој трае 79 минути, е снимен во црно-бела техника, со 35 милиметарска камера. Жанрот е социјална драма, која ја обработува темата на печалбарскиот живот, војната и трагичниот живот на една мајка. (Подготвил: Д.Г.)...
ДЕНЕСКА Е СВ. ВMЧ ИРИНА: Живееше во апостолските времиња на Балканот во градот Магедон, каде татко ѝ беше владетел
Денешен - пред 1 ден
Денеска е 5 мај (по стар стил) и се слави Светата великомаченичка Ирина. Живееше во апостолските времиња на Балканот во некој град Магедон, каде што татко ѝ Ликиниј беше владетел. Некои мислат дека таа е Словенка. Родена како незнабошка од родители-незнабошци, Пенелопа (така ѝ беше името пред да се крсти) на христијанската вера се поучи од нејзиниот учител Апелијан. Светиот Тимотеј, ученикот на апостолот Павле, ја крсти заедно со уште неколку дворјанки и ѝ ги донесе да ги прочита Посланијата на светиот апостол Павле. Кога се одрече од мажачка и го разгневи татко ѝ, па тој сакаше да ја мачи, таа на чудесен начин го обрати во христијанство. Освен татко ѝ, на маки ја подложуваа уште четворица други цареви, но Бог секогаш ја спасуваше преку Ангели. Царот Седекија ја закопа до глава во ендек исполнет со отровни змии и скорпии. Но, Божји Ангел ги умртви отровните гадинки и ја сочува светата девица неповредена. Тогаш, овој цар се обиде да ја иструже со пила, но пилата се одбиваше од нејзиното тело како од камен. По ова, ја врза за тркало под воденица и пушти вода за да ја убие. Водата не сакаше да тече, туку стоеше – и девицата остана жива и здрава. Царот Савах, синот на Седекија, ја поткова со клинци, натовари врз неа вреќа со песок и ја впрегна, па нареди да ја водат како добиче далеку надвор од градот. „Навистина, како добиче сум пред Тебе, Господи!“, говореше светата маченичка впрегната трчајќи по своите мачители. Но, Божји Ангел ја затресе земјата и земјата се отвори, па ги проголта нејзините мачители. Откако ги преживеа сите маки, со што обрати во христијанство огромно мноштво незнабошци, Ирина премина во градот Калипол и во него ја проповедаше верата во Христа. Тамошниот цар Нумеријан сакаше да ја убие и ја фрлаше во три усвитени метални вола едно по друго. Но, девицата беше спасена и остана жива. Мнозина видоа и поверуваа во Бога. Епархот Ваводин ја одведе во градот Константин, каде што намисли да ја убие ставајќи ја врз усвитени решетки. Ниту тоа не ѝ наштети на Света Ирина, туку повторно мнозина ги приведе кон верата на Вистината. Најпосле, Ирина дојде во градот Месемвриј, каде што царот Савориј ја уби, но Бог ја оживеа. А кога го видоа тоа, царот и многубројниот народ поверуваа. И така со своите страдања света Ирина приведе во Христовата вера околу сто илјади незнабошци. Најпосле, самата легна во гроб и му нареди на Апелијан да го затвори гробот. Кога по четири дена го отворија, неа ја немаше внатре. Бог ја прослави за навек девицата и маченичката Ирина, која се жртвуваше и претрпе сè за да Го прослави Него меѓу луѓето со сите сили што ѝ ги подари....
КАЛЕНДАР НА МПЦ: Денеска е Св. великомаченичка Ирина
Денешен - пред 1 ден
Според календарот на МПЦ (Јулијанскиот календар) денеска е 5 мај. Денеска е Св. великомаченичка Ирина. Пенелопа, така се викаше пред да се крсти, беше ќерка на некој мал цар, чија престолнина беше некојси балкански град Магедон. Родителите и беа незнабошци. Во христијанската вера ја воведе некој учител Апелијан, а потоа неа и нејзините дворски дами ги крсти свети Тимотеј, ученикот на апостол Павле. Света Ирина во срцето се одлучи да живее девствен живот. Кога татко и слушна за тоа, се разлути и сакаше да ја стави на маки, но таа на чудесен начин го обрати во Христовата вера. Подоцна претрпе многу тешки измачувања од неколку цареви. Царот Савориј дури и ја умртви, но Бог повторно ја оживеа. Нејзината проповед и чудата што Бог ги правеше преку неа приведоа многу незнабошци во Христовата вера. Најпосле, таа самата легна во гроб и му кажа на Апелијан да го затвори гробот. Кога по четири дена го отворија гробот, таа не беше внатре. Така Бог ја прослави оваа голема маченичка и светителка. ОД КАТОЛИЧКИОТ КАЛЕНДАР: Денеска е Св. Феликс. Свети Феликс го слави црквата во Сплит и Солин. Поради верувањето во Христос, за време на владеењето на царот Диоклецијан бил измачуван. По примерот на солинските, истарските и сремските маченици, многумина во текот на 2000 историја на црквата, учеле за верноста кон верата се до смртта....
ДИМОВСКИ: Ахмети требаше да размислува кога од процесите го исклучија македонскиот народ, преговараа сами за македонски прашања
Денешен - пред 1 ден
Илија Димовски во гостување на тв емисија, јасно ги кажа границите кои според него ги премнале ДУИ и Али Ахмети. „ДУИ требаше да размислува, кога беше стимуланс на одредени процеси во Македонија кои ги подбутнуваше, а некои и ги водеше така што го исклучи македонскиот народ, тие одлучуваа за мене. Некои од нас и ги знаат релациите на ДУИ со грчката држава, со бугарската држава, при креирање на одредени политики. Јас се чувствувам разочаран од тоа што дел од албанските политичари си поиграа на две нивоа со македонскиот народ. Првото на ниво дека преговараа лично сами, без легитимитет за македонски прашања, второ, манипулираа пред Македонците со тоа! Мене не ми треба Али Ахмети да ми каже дека он ми го гарантирал и немал проблем со македонскиот идентитет, јазик и тоа. Но имам проблем ако Али Ахмети оди без знаење на македонската држава во некој друг град и преговара за македонското име, јазик, идентитет итн.“ рече тој....
НАВРЕДА: Дендијас не нарече „глушец што рика“, тој не се плаши од нас, туку од Турција
Денешен - пред 1 ден
Министерот за одбрана на Грција, Никос Дендијас денеска ја навредил Македонија, нарекувајќи ја „глушец што рика“, изразувајќи ја, како што вели, својата вознемиреност дека „лошото време“, ако некогаш дојде, „нема да дојде од соседната земја на северната граница туку од Турција“. Дендијас ова го кажал во тамошната Комисија за национална одбрана и надворешни работи на Собранието. „Секогаш велам, не дозволувајте да дојде лошото време, но лошото време може да дојде. И секако лошото време нема да дојде од Северна Македонија, глушецот што рика во последниве неколку дена, туку ќе дојде од земја со десеткратно население, со четири пати поголем БДП, што значи дека ако не сфатиме дека треба да бидеме на неверојатно високо ниво, нема да успееме, а сите имаме супер одговорност кон ова“, нагласил грчкиот министер, подвлекувајќи ја потребата од континуирано засилување на вооружените сили бидејќи, како што порачал, во Грција „го немаме луксузот на безбедност што го имаат западните земји“. Тој ја повторил, како што навел, својата вознемиреност за опасноста што демне од турската страна. „Ме обзема голема вознемиреност. Не сум го криел тоа од вас. На крајот на краиштата, повеќето од вас ме познаваат многу години и знаете дека го кажувам она што го чувствувам во оваа просторија“, кажал грчкиот министер за одбрана, пренесува грчката телевизија „Skai“...
Претседателот на Управниот суд Сејдини ги отфрла тврдењата дека врши притисок врз судиите кои одлучуваат за тужбите на Европскиот фронт
Денешен - пред 1 ден
Претседателот на Управниот суд Бурим Сејдини вечерва на прес-конференција демантира дека вршел притисок врз судиите во судечките совет кои одлучуваат за тужбите на Коалицијата „Европски фронт“ против решенијата на Државната изборна комисија за парламентарните избори. Тој оцени дека тврдењата на Арбен Таравари од коалицијата „Вреди“ се невистинити, инсинуации и клевети. -Денешното мое појавување во јавноста е во врска со јавните изјави на господинот (Арбен) Таравари дека има сознанија односно информации дека јас како претседател на Судот вршам притисок над судиите кои што ги ценам како комплетни невистини, како инсинуации и клевети врз мојата работа како претседател на Управниот суд, рече Сејдини на прес-конференцијата во Судот. Досега, како што кажа, Управниот суд има одржано четири јавни расправи, а во тек е петатата. Објавени се две одлуки на веб – странicата, а претходно тие беа објавени од самите судечки совети. Сејдини смета дека ваквите изјави на јавните личности сериозно му штетат на имиџот на нашата земја во евроинтеграциските процеси. Особено смета дека, како што вели, делот од изјавата на господинот Таравари за негова одговорност и на судиите после 15 јуни, односно после формирање на новата Влада каде што тој ќе биде дел „се сериозен притисок и директен врз судиите, Управниот суд и генерално судството“. -Морам да напоменам дека совесно, согласно закон и со многу голема одговорност сум ја вршел мојата работа како претседател на судот и истото ви го тврдам и за колегите мои и за стручната служба. Лично јас како претседател на Управниот суд немам потреба односно не знам да стравувам за мојата работа да ја вршам одговорно, согласно закон така што датумите што се спомнуваат 15 јуни или други датуми само ги гледам како денови во кои што со личниот интегритет и капацитет ќе можам да придонесам за доборото на нашата земја. Истото можам да го тврдам и за судиите од овој суд дека деновите, датумите ги гледаме како можности за да придонесеме за поквалитетна правда во нашата земја, рече Сејдини....
ОРБАН: Претпоставките за врската на атентатот врз Фицо и војната во Украина се оправдани
Денешен - пред 1 ден
Унгарскиот премиер Виктор Орбан смета дека е оправдано да се претпоставува дека има поврзаност меѓу атентатот на словачкиот премиер Роберт Фицо и војната во Украина. Орбан рече дека „малку земји зборувале со гласот на мирот, освен неодамна Унгарија, Ватикан и Словачка“ и додаде дека „силните центри на моќ имаат интерес да ја продолжат војната“ во Украина, пренесува МТИ....
ВУЧИЌ: Никогаш нема да прифатиме независно Косово
Денешен - пред 1 ден
Претседателот Александар Вучиќ денеска пред средбата со српскиот патријарх Порфири и претседателот на Република Српска Милорад Додик изјави дека српскиот народ на Косово и Метохија е изложен на брутален прогон. Претседателот Александар Вучиќ денеска пред средбата со српскиот патријарх Порфири и претседателот на Република Српска Милорад Додик изјави дека нашиот народ на Косово и Метохија е изложен на брутален прогон и дека тоа нема лесно да се запре и рече дека ќе никогаш нема да прифати независно Косово, пренесе Телеграф. „Во секој случај, ние ќе се спротивставиме на нивните незаконски и на сите други акти на насилство, со политички средства и ќе направиме сѐ што можеме за нашиот народ на Косово и Метохија. И секако не морам да ви повторувам дека никогаш нема да прифатиме независно Косово како остварен факт“, истакна Вучиќ. Тој нагласи дека секојдневно на различни начини не само од срце и душа, туку и физички се обидуваат целосно да ни го одземат КиМ....
СЛОВАЧКИОТ МИНИСТЕР ЗА ОДБРАНА: Премиерот опериран по втор пат, пациентот е стабилен, земјата е стабилна
Денешен - пред 1 ден
Словачкиот премиер Роберт Фицо беше опериран по втор пат по атентатот во средата, кога се здоби со прострелни рани во стомакот и „е во стабилна состојба со навестувања за напредок, исто како што Словачка е стабилна“, изјави вицепремиерот и министер за одбрана, Роберт Калињак. „Земјата е стабилна, пациентот е стабилен денеска. Можеме да ги направиме сите работи што треба да ги направиме како влада. А ние имаме свој премиер и тоа на сите ни е јасно“, изјави Калињак за новинарите во болницата каде што е Фицо. Мирјам Лапуњикова, директорка на болницата Рузвелт во тој град во централна Словачка, најблиската добро опремена болница до Хандлова, каде што 71-годишен Словак во средата испука пет истрели кон премиерот, рече дека денешната операција траела два часа за отстранување некротично ткиво, што е вообичаена постапка при за такви повреди. „Премиерот останува на интензивна нега, а неговата состојба се уште е многу сериозна. Лекарите се среќаваат и се консултираат секое утро и затоа денеска не можат да кажат дали ќе бидат потребни дополнителни операции“, рече Лапуњикова. Лекарскиот совет в понеделник ќе одлучи дали и кога ќе можат да го превезат премиерот во Братислава. Вицепремиерот Калињак се заблагодари за сите понуди за лекување на Фицо во странство и истакна дека Владата има целосна доверба во лекарите во Банска Бистрица. „Ќе бидат потребни уште неколку дена додека не биде јасно како ќе се развива здравјето на премиерот. Порасположен сум бидејќи гледам напредок. При денешната интервенција се покажа дека главната операција била успешна“, рече Калињак. Министерот за внатрешни работи Матуш Шутај Ешток денеска изјави дека во 40 случаи полицијата ги открила и гонела оние кои им се заканувале на политичарите со атентат и со говор на омраза на социјалните мрежи. Лидерот на десноцентристичката опозициска партија Прогресивна Словачка, Михал Шимечка денеска поднесе кривична пријава поради драстични закани кон него и неговото семејство. „Ги има повеќе. За жал, ова не е ништо ново. Слични закани доби и претседателот на Словачка, а слични закани денеска добиваат и мнозинството политичари, новинари и јавни личности кои го искажуваат својот став. Омразата раѓа омраза“, рече Шимечка. Лидерот на опозицијата го повтори повикот до сите на словачката политичка сцена да се договорат, барем 100 дена да не се напаѓаат и за тоа време да се договорат за нови правила на политичка комуникација. Надлежниот обвинител денеска побара притвор за осомничениот за атентатот, обвинет за обид за убиство на заштитено лице мотивирано од одмазда, за што му се заканува казна од 25 години или доживотен затвор. Судот во сабота ќе го сослуша Јурај Цинтула и ќе одлучи за притворот....
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
Денешен - пред 1 ден
Управниот суд денеска ја одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија” за избирачкото место 1202 во Крушево на парламентарните избори 2024 година. Ова е трета одбиена тужба, по претходните две денешни одлуки на Управен со кои ги одби како неосновани тужбите за избирачкото место 1194 во Општина Крушево и избирачкото место 1470 во Долнени. Во тек се јавните расправи за избирачкото место 2101 во Желино и 1844 во Струга. Во 20:30 часот треба да започне јавната расправа по тужбата за избирачкото место 1272 во Охрид, а во 22:30 за избирачкото место 1470/1 во Долнени. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите беа оформени предмети и закажани јавни расправи во текот на денешниот ден. ДИК на 104 седница ги разгледа приговорите поднесени од политичките партии по одржувањето на парламентарните избори на 8 мај. Од вкупно 27 поднесени приговори – девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Според првичните официјални резултати за парламентарите избори што ги објави ДИК, Коалицијата „Твоја Македонија“ предводена од ВМРО-ДПМНЕ има освоено 58 пратенички мандати, по што следуваат Коалицијата „Европски фронт“ предводена од ДУИ со 19 пратенички мандати, Коалицијата за европска иднина предводена од СДСМ со 18, Коалицијата „Вреди“ со 13, а Движење ЗНАМ за наша Македонија и Левица по шест пратенички мандати....
Кандидат за градоначалник во Мексико е убиен во пукање на предизборен митинг
Денешен - пред 1 ден
Кандидатот за градоначалник Лусеро Лопез Маза и уште пет лица, од кои едно младо девојче, беа убиени во пукање на предизборен митинг во градот Ла Конкордија во јужната мексиканска држава Чиапас, пренесе АП. Покрај тоа, две лица се ранети. „Конфликтот избувна меѓу вооружени цивили за време на политички митинг“, соопшти обвинителството....
Ердоган помилува седуммина поранешни високи воени офицери за соборување на владата во 1997 година
Денешен - пред 1 ден
Претседателот на Турција, Реџеп Таип Ердоган, денеска помилува седуммина поранешни високи воени офицери, кои беа осудени на доживотен затвор за соборување на владата во 1997 година. Поранешните генерали, кои се во доцните 70-ти и 80-ти години, беа помилувани поради здравствени проблеми и старост, според одлуката објавена во „Службениот весник“ на земјата во текот на ноќта, пренесе АП. Судот ги осуди генералите на доживотен затвор во 2018 година за нивната улога во кампањата предводена од просекуларната армија на Турција, која принуди на оставка на тогашниот премиер Нејметин Ербакан....
САНЧЕЗ: Шпанија ќе ја признае Палестина само во заедничка акција со другите земји
Денешен - пред 1 ден
Премиерот на Шпанија, Педро Санчез, денеска изјави дека Мадрид ќе ја признае палестинската држава само во рамките на заедничката акција со другите земји. Во интервју за ТВ-станицата „Ла Секста“, Санчез ги негира и информациите дека Мадрид ќе ја признае Палестина на 21 мај, пренесува „Ројтерс“. Тој претходно изјави дека очекува Мадрид да ја признае Палестина до јули и оти верува дека набргу ќе има критична маса во ЕУ, која ќе принуди неколку членки да заземат ист став....
Зеленски потпиша закон кој им дозволува на затворениците да одат на фронтот
Денешен - пред 1 ден
Украинскиот претседател Володимир Зеленски го потпиша законот за мобилизација, кој, меѓу другото, предвидува некои категории осуденици да може да служат војска. Според документот, затворениците ќе може да се мобилизираат во армијата за договорна служба и ќе бидат пуштени на условна слобода. Според министерот за правда, во Украина има околу 10-20.000 осуденици, кои можеби во иднина ќе бидат мобилизирани и ќе служат во специјалните единици, пренесува „РБК Украина“. Заменик-министерката за правда Елена Височка изјави дека пред да се усвои законот речиси 4.000 илјади затвореници се согласиле да одат на фронт во замена за условно ослободување во истражувањето спроведено во април. Истовремено, одбиени се околу 4.000 осуденици со дијагностицирани заразни болести, како ХИВ, хепатитис и туберкулоза. Како што е наведено од Министерството за правда, од 15 мај 2024 година во украинските затвори има 27.471 осуденик, меѓу кои 1.538 жени. Заменик-министерот за правда додаде дека за законско функционирање потребно е носење подзаконски акти. Според неа, за неколку недели законот ќе биде целосно имплементиран. Зеленски денеска потпиша и посебен закон за зајакнување на одговорноста за воени прекршоци, со кој се зголемуваат казните за оние што не ги почитуваат правилата за мобилизација....
Управниот суд ја одби тужбата на „Европски фронт“ за избирачкото место 1470 во Долнени
Денешен - пред 1 ден
Управниот суд денеска ја одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија” за избирачкото место 1470 во Долнени на Парламентарните избори 2024. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите се оформени предмети и закажани во текот на денешниот ден. Досега Управниот суд ja одби како неоснована и тужбата за избирачкото место 1194 во Општина Крушево. ДИК на 104 седница ги разгледа приговорите поднесени од политичките партии по одржувањето на парламентарните избори на 8 мај. Од вкупно 27 поднесени приговори – девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Според првичните официјални резултати за парламентарите избори што ги објави ДИК, Коалицијата „Твоја Македонија“ предводена од ВМРО-ДПМНЕ има освоено 58 пратенички мандати, по што следуваат Коалицијата „Европски фронт“ предводена од ДУИ со 19 пратенички мандати, Коалицијата за европска иднина предводена од СДСМ со 18, Коалицијата „Вреди“ со 13, а Движење ЗНАМ за наша Македонија и Левица по шест пратенички мандати....
Два нови обвинителни предлога против Рамиз Мерко
Денешен - пред 1 ден
Основното јавно обвинителство Струга поднесе два обвинителни предлози за кривични дела – Несовесно работење во службата од 353-в и продолжено кривично дело – Фалсификување исправа според член 378 од Кривичниот законик, а поврзани со работата на училишта на територијата на општина Струга. Во првиот предмет обвинети се четири лица. Првообвинетата – наставник по француски јазик во основно училиште во Велешта употребила три лажни јавни исправи како вистинити, кои ги искористила за полагање стручен испит во Државниот испитен центар. Останатите тројца – градоначалник на општина Струга, директор и помошник-директор на училиштето ги прифатиле фалсификуваните документи во постапката за полагање стручен испит, вработување како наставник, но и за назначување на првоосомничената за в.д. директор на училиштето во периодот од 19.04.2022 до 06.09.2023 година. Во вториот предмет, обвинет е градоначалникот на општина Струга за кривично дело – Несовесно работење во службата од 353-в, бидејќи донел решение со кое за в.д директор на основно училиште во селото Подгорци именувал лице кое не ги исполнувало условите, односно немало работно искуство од најмалку пет години во воспитно-образовна работа, како што е предвидено во Законот за основно образование. Иако не ги исполнувало условите, лицето ја извршувало директорската функција во периодот од 11.11.2022 до 25.04.2023 година....
ДИК рeагира што Џафери им се меша во работата
Денешен - пред 1 ден
Петседателот на ДИК Александар Даштевски и членовите на ДИК Радица Ристеска, Оливер Ристовски, Борис Кондарко, Бобан Стојаноски и Абдуш Демири денеска преку соопштение изразуваат загриженост за, како што велат, настаните кои во јавноста се продуцирани од изјави на политчки партии и носители на високи владини функции, кои се однесуваат на работата на ДИК за постапувањето по приговорите за парламентарните избори.– Ве известуваме дека покрај тоа што сме лично понижувани и навредувани, исто така како членови во највисоката институција за организирање и спроведување на изборите, сме изложени и на неосновани и непримерени јавни политички притисоци и на закани за кривична одговорност поради донесените одлуки на ДИК, се вели во реакцијата. Следејќи го контекстот и интензитетот на нападите, прозивките и навредите, како што наведуваат, исто така сме загрижени и дека е можно да преминат и во лични напади на нашата сигурност. – Ве известуваме дека ДИК во целост професионално, транспаретно и само врз основа на закон ги спроведе изборите што е потврдено од сите домашни и меѓународни фактори. Исто така и покрај сите непријатности кои ги имаме, сепак со највисок степен на интегритет врз основа на јавна проверка на изборниот материјал ДИК ги утврди фактите и одлучуваше по приговори поднесени од различни учесници за 110 избирачки места, од кои врз основа на образложени докази усвои приговори за само 7 избирачки места за кои имаше правен основ, додека сите останати 103 избирачки места, беа одбиени како неосновани и за нив немаше поднесено тужби ниту еден учесник на изборите, стои во реакцијата. Според тоа за ДИК, како што се наведува, се неприфатливи и недопуштени нападите, притисоците и мешањето на одредени политички партии и на поединци од техничката Влада во изборните процедури, како и во работата и одлучувањето на ДИК и на Управниот суд. Посочуваат дека за сето ова денеска на средбата во ДИК била известена и амбасадорката на набљудувачката мисија на ОБСЕ-ОДИХР Џилијан Стирк. Премиерот на техничката Влада Талат Џафери вчера на прес-конференција соопшти дека имало договор за надгласување во Државната изборна комисија за прифаќање на одредени приговори за изборните резултати и прегласување и оти на ваков начин се прави обид за изборен инженеринг за менување на бројките во Собранието и изигрување на волјата на граѓаните. Изборниот процес кој беше оценет како кредибилен и демократски, сега е во рацете на Управниот суд, рече Џафери и повика сите институции да постапуваат согласно закон без партиски директиви од која било страна. Управниот суд вчера одржа јавна седница по тужба на Коалицијата „Вреди“ по одлуката на ДИК за одбивање на нивниот приговор за избирачко место 0511, во Долна Бањица во Општина Гостивар на Парламентарните избори 2024 година. Постапката беше прекината, откако претставникот на Коалицијата „Вреди“ изјави дека ја повлекува тужбата во целост. До Државната изборна комисија беа поднесени вкупно 27 приговори за парламентарните избори – девет од коалицијата „Влен“, осум од ВМРО-ДПМНЕ, пет од СДСМ и четири од Левица. Прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Против одлуката на ДИК може да се поднесе тужба до Управниот суд, во рок од 24 часа од приемот на решението.Управниот суд, пак, по жалбата е должен да донесе одлука во рок од 48 часа по нејзиниот...