Таравари: Албанците ќе имаат шест министри и претседател на собранието
НоваТВ - пред 17 минути
Во интервју за Радио телевизија Косово, Арбен Таравари, еден од лидерите на коалицијата Вреди, изјави дека во идната влада Албанците ќе имаат шест министри и дека Вреди ќе ја има и функцијата претседател на Собранието. Министрите од Вреди, како и останатите владини и други државни функционери, ќе бидат експерти во своите области, а кадровските решенија ќе ги имаме веќе кон крајот на следната недела, најави Таравари во интервјуто за РТК....
Вреди: Ахмети, не губи контрола, биди смирен, терај со мултиетничката коалиција
НоваТВ - пред 11 часа
Ахмети, не губи контрола, биди смирен, терај сo мултиетничката коалиција и биди конструктивна опозиција, му порача коалицијата Вреди на лидерот на ДУИ, Али Ахмети, кој ја предводи, како што се нагласува, мултиетничката коалиција Европски фронт. Реакцијата е кон изјавата на Ахмети дека одлуката на ДИК за прегласување на седум избирачки места, се должи на изборен инженеринг со цел да му се наштети на Европскиот фронт. Со жалење можеме да кажеме дека со секое ново појавување на Али Ахмети неговата состојба станува посериозна. Тоа се должи или на манипулации на Артан и Бујар, или Ахмети изгубил контрола, бидејќи ги разоткрива своите незаконски дела, велат од Вреди. Во реакцијата се нагласува дека во првостепеното одлучување во ДИК немало етничко надгласување, туку дека врз основа на докази едногласно е одлучено дека „мултиетничкиот фронт“ предводен од ДУИ на 8 мај го прекршил изборен процес со манипулации со гласот на Албанците. Вреди наведува дека одлуката беше донесена и со гласот на членот на ДУИ во ДИК. Во реакцијата се додава дека за разлика од 2021 година, сега Управниот суд и докажа дека од ДУИ се правени манипулации за време на изборниот процес. Не држат изјавите на Ахмети со кои се обидува Мултиетничкиот фронт да го претстави како претставник на Албанците бидејќи самиот овој фронт се изјасни дека е мултиетничка коалиција со граѓански концепт, додека Вреди е единствената албанска опција кај нас. На сите им е јасно дека Али Ахмети ја загубил контролата откако сфатил дека ја загубил власта. Но го повикуваме, доколку сака европска перспектива за земјата, да остане смирен, да ги води партнерите од фронтот во конструктивна мултиетничка опозиција. Да ги поддржиме прашањата што се во интерес на Албанците, како што тоа досега го правеа партиите од Вреди како опозиција. Да дозволиме правдата да дејствува. Кога правдата ги следи законите, тогаш евроинтегративниот пат на државата е загарантиран“, се вели во реакцијата на Вреди....
ДИК реши и разреши
НоваТВ - пред 11 часа
Државната изборна комисија, ДИК соопшти дека ќе се прегласува во Изборната единица,И 5 на избирачките места 1470/1 и 1470 во Општина Долнени, 1.194 и 1.202 во Општина Крушево, 1844 во Општина Струга и 1272 во Општина Охрид, како и во ИЕ 6 на избирачкото место 2101 во Општина Желино. Гласањето ќе се одржи идната среда, на 22 мај 2024 година. ДИК на седницата ги разреши и претседателите на избирачките одбори, членовите и нивните заменици во избирачките места 1470/1 и 1470 во Општина Долнени, 1194 и 1202 во Општина Крушево, 1844 во Општина Струга, 1272 во Општина Охрид и 2101 во Општина Желино. Со оглед дека се кратки роковите за избор на нови избирачки одбори, за да биде регуларно прегласувањето, општинските изборни комисии (ОИК) ќе треба да ангажираат некои од веќе постојните избирачки одбори, или од најблиските избирачки места или некои други, и за тоа ќе треба да достават известување до ДИК. Кампањата за повторното гласање ќе трае до понеделник, 20 мај, 00.00 часот. Притоа, ќе важат истите листи за болни и немоќни лица, ќе нема можност да се пријавуваат нови. Според ДИК, има можност за измени и предлози за овластени претставници на кандидати. Тоа важи и за членовите на избирачките одбори кои се предложени од политичките партии....
Како и пред седум години, еве пак со финти ја финтаат Македонија само што овој пат ја финтаат баш онака – Гордо
НоваТВ - пред 19 часа
Пишува: ЗОРАН ИВАНОВ Со финта се заколна дека ќе го чува уставот на северна без северна и тоа поради лично, а ни рече ќе сочувствувала со сите, ни рече ама не‘ одрече, си се заколна како претседателка да си стана самата засебе, договорно по неа и во моментов првата политичка величина идентично како неговата избраничка со истата финта, поради лично чувство и тој не ќе го есапел уставното, и едната и другиот ќе го спроведувале ама немало да го почитуваат, да го изустат ич но ај да не се трчаа како прле пред магаре, ќе видиме како ќе предат пред странците и овде и надвор и како ќе бегаат од камерите со беџот “северна”, на нивните гради па, кажано во една реченица, со финти почнаа, со финти го разбудија и исток и југ, со финта рикна глушецот, со финта мјаукна и лавот, со финта го дозапреа нашиот ЕУ пат и, како и пред седум години и еве пак со финти ја финтаат Македонија само што овојпат ја финтаат баш онака – Гордо. Извор: ЦИВИЛ...
Мицотакис повторно предупредува: Да се користи само името Северна Македонија во и надвор од земјата, инаку ќе се создадат проблеми во односите со Грција и со ЕУ
НоваТВ - пред 23 часа
Грчкиот премиер Киријакос Мицотакис во утринското интервју за државната телевизија ЕРТ се осврна на прашањето за Северна Македонија, повторувајќи го предупредувањето до новата власт дека без целосно усогласување со Преспанскиот договор во однос на името, Грција нема да ги ратификува меморандумите и нема да има напредок во ЕУ перспективата на земјава. „Прво, сакам да бидеме многу јасни и внимателни во она што го кажуваме. Станува збор за изјавите на мандатарот за премиер. Ќе ги чекаме официјалните ставови на владата на Северна Македонија, но првите примери на однесувањето се исклучително негативни. Во основата на Договорот од Преспа беше концептот на именување. Тоа што го велиме ерга омнес во името Северна Македонија треба да важи за сите, односно да се користи и внатре и надвор од државата“, истакна Мицотакис на почетокот од интервјуто. Тој потсети дека тие не гласале за Договорот, бидејќи изразиле силна резерва „за фактот што овој Договор обезбедува македонска нација и македонски јазик“, што воедно било и главната причина зошто не го поддржале Договорот. „Сепак, по прашањето за името има јасно повлекување и сакам уште еднаш да упатам предупредувачка порака до новата влада, отсега да ја смени линијата. Да се почитува оваа централна одредба од Преспанскиот договор, да се користи само името Северна Македонија во и надвор од државата, кога се споменува нашиот северен сосед. Во спротивно, сигурно е дека ќе создадат проблеми не само во односите на Грција со Северна Македонија, туку и во односите на Европа со Северна Македонија“, предупреди грчкиот премиер. Мицотакис истакна дека тој лично интервенирал и го информирал раководството на Европската унија за изјавите на претседателката на Северна Македонија, Гордана Сиљановска Давкова за време на нејзината инаугурација. по што следуваа реакции од ЕУ и од САД. На прашањето кои се следните чекори во однос на Договорот од Преспа, Мицотакис нагласи дека „она што сигурно ќе го направиме е дека нема да ги ратификуваме трите меморандуми што произлегуваат од договорот. И сега нашиот став да ја одложиме ратификацијаата е целосно оправдан, бидејќи долго време гледаме што се случува во Северна Македонија“. „Го слушавме ова вмровско националистичко лудило, знаевме дека ВМРО ќе победи на изборите и сакавме да задржиме некое суштинско преговарачко оружје во случај работите да не одат како што некои очекуваат“, додаде Мицотакис. „Второто што ќе го направиме, веќе го сторивме, апсолутно јасно да ставиме на знаење дека никаков напредок во овој, би рекол, долг пат на Скопје кон Европа, не може да се постигне ако не постои апсолутно усогласување со Договорот од Преспа во прашањето со името“, истакна грчкиот премиер во денешното интервју. Г. Т....
Паметење на жртвите од геноцид врз кримско-татарскиот народ: Идеолошките наследници на руските тоталитарни режими го вратија ужасот на украинска почва
НоваТВ - пред 23 часа
18 мај е Ден на паметење на жртвите од геноцидот на кримско-татарскиот народ. Како резултат на присилната депортација, повеќе од 190 илјади Кримски Татари ги загубија домовите, татковината, роднините, а многумина ги загубија и животите. Во 2015 година, Врховната Рада на Украина го призна ова злосторство на комунистичкиот режим како геноцид врз кримско-татарскиот народ, за време на кое беа извршени намерни убиства, беа предизвикани сериозни телесни повреди, намерно се создаваа услови за живот насочени кон физичко уништување на кримско-татарскиот народ. Канада, Латвија и Литванија исто така ги признаа овие дејства како геноцид врз кримско-татарскиот народ. За време на целото негово постоење, комунистичкиот тоталитарен режим извршуваше злосторства на репресија, убиства, депортации, геноциди. На 18 мај 1944 година, советскиот тоталитарен режим започна операција за депортирање на кримско-татарскиот народ од Кримскиот Полуостров. Во текот на 2 дена (18-20 мај), Кримските Татари беа носени со автомобили на железничките станици Бахчисарај, Џанкој и Симферопол, од каде што во ешалони ги испраќаа на исток. За време на овие денови беа депортирани повеќе од 190 илјади Кримски Татари. Времетраењето на убиственото патување на депортираните до местата на специјалните населби во товарни вагони траело во просек 2-3 недели. По пат, во тесни вагони, без храна, вода и медицинска нега, од глад и болести загинаа од 7.000-7.900 Кримски Татари. ДЕПОРТАЦИЈА И ГЕНОЦИД: Тоталитарниот советски режим ги депортира Кримските Татари, 1944 На присилно депортираните им беше „доделен“ статус на „специјални емигранти“, што предвидуваше постојан надзор над нив од репресивни тела, регистрација во командантски канцеларии, принудна исцрпувачка физичка работа. Според информациите на НКВД (Народниот комесаријат за внатрешни работи) на Узбекистанската ССР, 16.052 Кримски Татари (10,6%) починаа од болести и нехумани услови во првата половина од годината, а 13.183 (9,8%) во 1945 година. Вкупно, само во Узбекистан во првата една и пол година починаа речиси 30.000 Кримски Татари. Советскиот режим, исто така, ги интензивираше геноцидните дејствија со бришење на сеќавањето за Кримските Татари од историјата на Кримскиот полуостров: кримската историја беше препишувана, беа наметнувани руските империјални наративи за „со векови рускиот“ Крим, намерно и масовно се ширеа митовите за „нацијата предавник“. Имигрантите од Руската Советска Федеративна Социјалистичка Република беа намерно носени на полуостровот и ги населуваа во домовите на Кримските Татари. Исто така, имињата на населените места и улиците, кои биле со кримско-татарско потекло, станале руски. ГЕНОЦИД НА КРИМСКО ТАТАРСКИОТ НАРОД, 1944 Денес, РФ е наследник на овие мизантропски практики – го оправдува и слави сталинистичкиот режим, гради и усовршува репресивни политики, чии жртви веќе станаа илјадници жители на окупираните територии. Руската Федерација го негира геноцидот на Кримските Татари во 1944 година и не презема одговорност за сталинистичките репресии и депортации. Згора на тоа, од окупацијата на Автономната Република Крим и градот Севастопол во 2014 година, РФ ги продолжи злосторствата на тоталитарниот советски режим и руската империја против Кримските Татари: врши репресија и прогонување, намерно ги крши нивните права како домороден народ на Украина, незаконски регрутира во воена служба, го уништува културното наследство, ја фалсификува историјата, го милитаризира образованието и јавниот живот. Украинскиот народ, кој претрпе прогонувања и репресии, стана жртва на советскиот геноцид, Гладоморот од 1932-1933 година, е свесен и целосно ја споделува болката на депортацијата. Ова е наша заедничка трагедија. 80 години по депортацијата, РФ ги продолжува репресиите врз Кримските Татари, кои не се согласуваат со окупацијата на Кримскиот полуостров, кои го приближуваат ослободувањето на Крим. Мачења, егзекуции на невини луѓе без судење и истрага, депортации, филтрациони логори, масовни прогони од политички причини – се чинеше дека со падот на советскиот систем, сето тоа засекогаш остана во историјата. Сепак, по руската инвазија на Украина, идеолошките наследници на тоталитарните режими во Русија повторно ги донесоа овие ужаси на украинска почва. Денес, кримско-татарскиот народ повторно не може да се чувствува безбедно во својата родна земја. Со почетокот на руската окупација на Кримскиот полуостров во 2014 година, историјата се повторува. Илјадници Кримски Татари беа принудени повторно да ги напуштат своите родни домови. Сите овие години, руските окупаторски власти ги затвораат зад решетки, ги мачат, спроведуваат репресивна политика на заплашување, исчезнување на Кримските Татари без трага, кршење на граѓанските, политичките и културните права. Злосторниците на РФ ќе бидат изведени пред лицето на правдата. Амбасада на Украина Насловна илустрација: „Возот на смртта“ – Рустем Еминов, извор Мајдан Прес...
Ѓорѓи Спасов: Опасната игра на ДУИ
НоваТВ - пред 23 часа
ДУИ не може да се помири со губењето на политичкиот монопол во власта. Коалицијата на ДУИ со ромски, турски и бошњачки партии освои 30тина илјади гласови повеќе од чисто етничката коалиција на Арбен Таравари која освои над 100 илјади гласови од Албанците во Македонија. И бидејќи ДУИ по 22 години во власта, независно од резултатите на сите влади во кои учествуваше до сега, не е посакуван партнер во идната влада, почна да фрла со дрвја и камења по коалицијата “Вреди” на Таравари. По неуспешниот обид на плоштадот Македонија со борбените извици” “УЧК,УЧК” да ги обединат сите Албанци околу себе, со што само ги стимулираа Македонците да гласаат во што поголем број за ВМРО ДПМНЕ, сега тие продолжуваат со обидите да станат одново, ако е можно, дел од власта со прилично тенки па и националистички аргументи. Прво. Со сите елементи се трудат да докажуваат дека тие се ” вистинските Албанци”, како ВМРО што се обидуваше и се обидува да тврди дека само тие ги преставуваат ” вистинските” Македонци. Ова самотитулирање има за цел да ги навреди сите други припадници на нацијата и да ги обележи како предавници на нацијата како одродени синови и ќерки и соработници со непријателот. Второ. Бидејќи ДУИ своите политички конкуренти не ги смета веќе за вистински Албанци, сега се обидува да ги престави и како “политички неподобни Албанци кои не знаат што прават и каква штета им нанесуваат на Албанците во Македонија. Оттука го вадат аргументот дека Таравари и неговите ќе ја одиграле улогата на албанскиот политичар Рахман Морина,од времето на Милошевиќ, кој заради лична корист прифатил нелегитимно да ги претставува интересите на тогаш, косовските Албанци во власта. Негирајќи им го правото да бидат претставници на автентичната волја на Албанците во Македонија од ДУИ дури сметаат дека влада во која ќе влезат тие Албанци ќе ја сметаат за влада без Албанци. Албанците во СДСМ и во други партии одамна веќе не ги сметаат за Албанци. 4.Навредувајќи без усул над 100 илјади Албанци што гласале за коалицијата Вреди, од ДУИ упорно се обидуваат да докажат дека само тие се претставници на ” мнозинската волја на Албанците” и дека без нив секоја одлука за формирање влада и парламентарно мнозинство ќе биде кршење на Уставот, непочитување на изборната волја на Албанците и загрозување на стабилноста на земјата. На што се се подготвени за зачувување на својот политички монопол во власта уште никој не знае. Но, тие веќе отворено навестуваат дека кај нивните избирачи и функционери нервозата била голема и дека тие за сега само успешно го менаџирање гневот. Но веројатно ако со мирни средства не успеат да се изборат за одново само тие да бидат признаени за единствените легитимни претставници на мнозинската волја на Албанците и не бидат дел од власта,можат пак со командантот Али, да се обидат на друг начин да го спречуваат ова шти тие го нарекуваат ” нова неправда и дискриминација на Албанците во Македонија” Своите идни потези некои политичари во историјата ги најавувале со едн вид прогностички предупредувања во стилот: Ако не го направите тоа ќе видите што ќе се случи. А откако се случувало тоа што тие го подготвувале тврделе дека тие на време го предвиделе тоа. Останува само да се надеваме дека и таму останал малку разум и способност да се прифати изборен пораз за првпат од осноивањето на нивната партија (Преземено од ФБ ѕидот на авторот)...
Вработен во МВР фатен со мито од 12.500 евра
НоваТВ - пред 1 ден
Вработен во Министерството за внатрешни работи е фатен со мито од 12.500 евра, соопшти МВР Лицето И.М. било вработено како виш аналитичар во СВР Скопје. Осомничениот е лишен од слобода под сомневање за сторени кривични дела измама предвидени по чл. 247 од КЗ. По пријава од три оштетени лица, на 17-ти мај наведената особа е фатен на лице место во моментот на примопредавање на 12.500 евра претходно криминалистички обработени кои ги прибавила за наводно посредување за добивање на социјални станови од Б категорија. Во врска со кривичното дело извршен е претрес во службените простории кои осомничената особа ги користела при што е пронајдена пообемна сомнителна документација која е поврзана со кривичното дело во вид на разни докумнети за кои постои сомневање дека се фалсификувани, разни договори за позајмици, договори за посредување за доделување на социјални станови, имотни листови, како и тефтер со ракопис во кој е водена евиденција за лица за кои биле вршени определени работи. При извршен претрес во дом и други простории кои ги користи лицето И.М. лоцирани во Општина Сарај, беше пронајдено и огнено оружје со шест парчиња муниција кое најверојатно ги поседува без дозвола, а за што известено е и Одделението за недозволена трговија со оружје при СВР Скопје заради преземање на дополнителни мерки....
Адеми: ДУИ има капацитет да предизвика институционална криза
НоваТВ - пред 1 ден
Постизборната коалиција меѓу ВМРО-ДПМНЕ и „Вреди“ е сè поверојатна, впрочем желба за тоа има на двете страни. Елена Гаговска и Афије Шерифи Меѓутоа, неизвесно е што ќе договорат потенцијалните коалициски партнери околу темите за кои во предизборието имаа различни, па дури и спротивставени ставови, како што се внесувањето на бугарската етничка заедница во Уставот, замената на терминот „јазикот што го зборуваат 20 проценти од граѓаните“ во Уставот со „албански јазик“ и судбината на балансерот за вработување во администрацијата. Исто така, неизвесно е како во целата ситуација ќе се постави ДУИ, која во моментов има повеќе пратеници од „Вреди“. На овие теми разговаравме со Висар Адеми, економист и аналитичар, кој ги следи случувањата на македонската политичка сцена. БИРН: Земајќи ги предвид различните ставови за клучни прашања, како на пример за уставните измени, можен ли е договор меѓу ВМРО-ДПМНЕ и коалицијата „Вреди“ за формирање влада, и ако е можен – како и врз основа на кои принципи тој би бил постигнат? Адеми: Првата работа што ВМРО-ДПМНЕ треба да ја исполни е условот што го поставува, не само коалицијата „Вреди“, туку и другите албански партии: да се усвојат уставните измени и со тоа да се внесе бугарската етничка заедница во Уставот. „Вреди“ има уште еден услов. Терминот „јазикот што го зборуваат 20 проценти од граѓаните“ во Уставот да се замени со „албански јазик“. Не мислам дека ќе се укине балансерот, тоа е активност што произлегува од Охридскиот рамковен договор и не се однесува само на Албанците, туку важи и за сите етнички заедници што живеат во Македонија. Во институциите сè уште има дискриминација и балансерот служи како механизам за превенција од такви случаи. БИРН: ДУИ сега е втора партија, според бројот на пратеници, и веќе покажува револт што не се преговара прво со нив за новата влада. Што може да прави партијата на Али Ахмети, можни ли се протести или некакво повторување на 2006 година? Адеми: Не верувам дека ќе има протести. Но, има една друга работа што малку се споменува. ДУИ е на власт во последните 22 години и има изградено човечки, финансиски и логистички капацитети, со чија помош може да ги бојкотира институциите на системот, ако ВМРО-ДПМНЕ и „Вреди“ формираат влада. Членовите и партиските активисти на ДУИ се интегрирани во системот и во институциите, и ако тие ги бојкотираат сите законски решенија и активности, тогаш можеме да имаме некаков вид институционална криза. Но, една работа е веќе јасна. Во меѓувреме, поради лошите политики, и на македонските, и на албанските политичари, многумина се иселија, па тука остана да живее една четвртина од младите. Мислам дека веќе никој во оваа држава нема да протестира или да војува за луѓе што се корумпирани и кои во име на етнички проблеми ја полнат својата банкарска сметка. БИРН: Лидерот на ВМРО-ДПМНЕ, Христијан Мицкоски најави милијарда евра кредит во директен договор со странска влада. Кое е вашето мислење, зошто вака голем заем не беше комунициран со гласачите во кампањата, со оглед дека таков кредит може да има економски и геополитички импликации? Адеми:Не гледам друг извор на овие пари, освен Кина или Русија. Но, изворот ќе го дознаеме многу бргу, кога Мицкоски ќе ги соопшти плановите. Мислам дека секаква друга алијанса што не е европска, што не е прозападна и што не е про-НАТО е многу опасна за опстојување на државата. Ова е голем и опасен чекор што може да создаде јаз меѓу Македонците и Албанците што сакаат интеграција во Европската Унија и не се согласуваат со политиките на Мицкоски и другата, радикална страна, која мисли дека некој вид панславјанско или христијанско сојузништво со Србија и со Русија може да биде иднината на Македонија. Мислам дека првата група е многу побројна и знаеме дека без помошта на Европската Унија и нивните институции досега ќе ја немаше и државата. Линк...
Големото ништо
НоваТВ - пред 1 ден
Катерина Блажевска: Меѓународниот суд на правдата во Хаг, во 2011 година пресуди дека Грција ја прекршила Привремената спогодба од 1995 година со тоа што ставила вето на членството на Македонија во НАТО. Но, судот решаваше само за тоа дали постои повреда на член 11 од Привремената спогодба. Во пресудата немаше никакво осврнување на спорот за името, (за кое се преговараше во рамките на ОН), ниту имаше влијание врз преговорите Скопје – Атина. Линк...
Македонски КИЦ во Тирана: Двочасовен супериорен и фуриозен настап на нашите „Џамбо Агушеви“ во албанската метропола
НоваТВ - пред 1 ден
Пред повеке години, познатата американска авангардна артистка Лори Андерсон, ке каже: ,,Да зборуваш за музика, тоа е како да играш објаснувајки архитектура. Нема соодветни зборови да се опише настапот на Џамбо Агушеви оркестар во Тирана, тоа беше нешто многу, многу посебно.Агушеви пред да настапат во Тирана, имаа неколку концерти во Германија и авионски стасаа до Скопје, та од таму, веднаш со автомобили тргнаа за Албанија каде стасаа ноќта пред нивниот овдешен концерт.“, соопштуваат од Македонскиот КИЦ во Тирана, Нивниот настап беше во организација на македонскиот Културно информативен центар во Тирана, заедно со овде познатиот тирански фестивал ,,Clouds,, под водство на директорката Едит Пула. “Овој фестивал се одржува секоја година. Овојпат, простор кој се наоѓа во центарот на градот, беше исполнет до последно место со публика. Агушеви настапија супериорно, величествено убаво, свиреа технички совршено во манир на големи светски артисти, плетејки мрежа од прекрасни мелодии. Публиката стануваше, играше во транс, дел од нив се качуваа на сцена играјки заедно со нашите музичари. После двочасовен фуриозен настап, публиката не сакаше да замине и музичарите се вракаа неколкупати на бис. Веднаш после настапот, Џамбо Агушеви, отпатуваа на концерт во Бугарија.“, информираат од Македонскиот културно информативен центар во Тирана. Македонскиот КИЦ во Тирана, најавува уште еден настан. На 23 мај во Тирана ќе настапат ДОБРИЛА и ДОРИАН ДУО...
Избрана новата Влада на Хрватска
НоваТВ - пред 1 ден
По десетчасовна дискусија, хрватскиот Сабор ја изгласа третата влада на Андреј Пленковиќ, поранешен и иден премиер и претседател на Хрватската демократска заедница (ХДЗ). За Владата формирана од ХДЗ со десничарското движење Татковина, а во која нема претставник на српското национално малцинство гласаа 79 пратеници, 61 беа против, а еден воздржан. На денешната седница присуствуваа 141 пратеник. Новата влада наместо досегашните 16 министерства ќе има 18, а три ќе му припаднат на Татковинското движење кое ги доби министерствата за земјоделство, економија и новооснованото министерство за демографија. Владата ќе има седум потпретседатели, од кои еден е од ДП. Пленковиќ синоќа до Собранието го достави списокот на министри и програмата на новата влада, во која беше наведено дека приоритетите на новата влада се успешна, витална, праведна, одржлива и суверена Хрватска. Меѓу другото, како цели се наведени растот на просечната плата од сегашните 1.250 евра на 1.600 евра и поттикнување на отворање на 125.000 работни места....
Во Шведска зголемена безбедноста на израелските претставништва
НоваТВ - пред 1 ден
Шведската полиција денеска соопшти дека ја зголемила безбедноста околу израелскиот имот во Шведска, по пукањето претходната ноќ во близина на Израелската амбасада во центарот на Стокхолм. „Поради сомнително пукање во близина на Израелската амбасада во Стокхолм, полицијата презеде безбедносни мерки (за да го заштити) израелскиот и еврејскиот имот и нивните интереси низ целата земја“, се вели во соопштението. Шведска полициска патрола рано утринава околу 02:00 часот слушнала истрели во близина на израелското дипломатско претставништво. Полицијата ја опколи областа и рано утрината изврши серија претреси во различни населби на Стокхолм. Отворена е истрага поради тешко кршење на законот за оружје. Неколку лица се приведени и пуштени по распит. „Внимателно ја следиме тековната шведска истрага за пукањето пред Израелската амбасада во Стокхолм“, напиша израелскиот амбасадор во Шведска, Жив Нево Кулман на платформата Икс....
Израелската армија пронајде тела на тројца заложници од Газа, меѓу нив и Шани Лук која беше киднапирана на музичкиот фестивал на почетокот на војната
НоваТВ - пред 1 ден
Контраадмиралот Даниел Хагари од израелските одбранбени сили изјави дека армијата пронашла три тела на заложници од Газа, меѓу кои и 22 годишната Шани Лук девојката која стана симбол на нападот на Хамас по киднапирањето за време на музичкиот фестивал. Хагари изјави дека телата – идентификувани како Ицак Гелерентер, Амит Бускила и Шани Лук – биле откриени во операција во текот на ноќта на армијата и израелската служба за безбедност Шин Бет. Медиумите потсетуваат дека Шани беше на мировниот музички фестивал во близина на Кибуц Урим кога се случи нападот на 7-ми октомври минатата година. Недолго по нападот на фестивалот, почна да кружи видео снимка од млада жена опкружена со милитанти на Хамас. Војник ја држел за косата, а некои лица ја плукале по телото. Нејзиното лице не се гледало, но семејството успеало да ја препознае благодарение на нејзините карактеристични тетоважи, пренесувааат светските новински агенции....
Претседателот на Управниот суд Сејднини ги отфрла тврдењата дека врши притисок врз судиите кои одлучуваат за тужбите на Европскиот фронт
НоваТВ - пред 1 ден
– Претседателот на Управниот суд Бурим Сејдини вечерва на прес-конференција демантира дека вршел притисок врз судиите во судечките совет кои одлучуваат за тужбите на Коалицијата „Европски фронт“ против решенијата на Државната изборна комисија за парламентарните избори. Тој оцени дека тврдењата на Арбен Таравари од коалицијата „Вреди“ се невистинити, инсинуации и клевети. -Денешното мое појавување во јавноста е во врска со јавните изјави на господинот (Арбен) Таравари дека има сознанија односно информации дека јас како претседател на Судот вршам притисок над судиите кои што ги ценам како комплетни невистини, како инсинуации и клевети врз мојата работа како претседател на Управниот суд, рече Сејдини на прес-конференцијата во Судот. Досега, како што кажа, Управниот суд има одржано четири јавни расправи, а во тек е петатата. Објавени се две одлуки на веб – странicата, а претходно тие беа објавени од самите судечки совети. Сејдини смета дека ваквите изјави на јавните личности сериозно му штетат на имиџот на нашата земја во евроинтеграциските процеси. Особено смета дека, како што вели, делот од изјавата на господинот Таравари за негова одговорност и на судиите после 15 јуни, односно после формирање на новата Влада каде што тој ќе биде дел „се сериозен притисок и директен врз судиите, Управниот суд и генерално судството“. -Морам да напоменам дека совесно, согласно закон и со многу голема одговорност сум ја вршел мојата работа како претседател на судот и истото ви го тврдам и за колегите мои и за стручната служба. Лично јас како претседател на Управниот суд немам потреба односно не знам да стравувам за мојата работа да ја вршам одговорно, согласно закон така што датумите што се спомнуваат 15 јуни или други датуми само ги гледам како денови во кои што со личниот интегритет и капацитет ќе можам да придонесам за доборото на нашата земја. Истото можам да го тврдам и за судиите од овој суд дека деновите, датумите ги гледаме како можности за да придонесеме за поквалитетна правда во нашата земја, рече Сејдини....
Словачкото обвинителство побара притвор за напаѓачот на премиерот Фицо, судот за тоа ќе одлучува утре
НоваТВ - пред 1 ден
Судијата на Специјализираниот кривичен суд во Словачка утре ќе донесе одлука за побараниот притвор за осомничениот атентатот на премиерот Роберт Фицо, Јурај Цинтула. Надлежен обвинител до судот веќе достави предлог за притворање на 71-годишниот Цинтула од местото Левице, кој завчера, по седницата на Владата, неколкупати пукаше во премиерот и тешко го рани. -Обвинителот побара притвор за обвинетиот поради евентуално бегство и поради ризик од повторување на делото, изјави портпаролката на судот, Катарина Куѓакова. Цинтула беше уапсен веднаш по нападот и се соочува со обвинение за обид за убиство од одмазда од прв степен, за што му се заканува казна и до 25 години затвор, па дури и доживотен затвор. Министрите за внатрешни работи, Матус Шутај Ешток и за одбрана Роберт Калињак, нападот го оценија како политички мотивиран, пишува Актуалити....
Димитров за Еуроњус: Договорот од Преспа е добредојдена реалност, дури и меѓу неговите противници, повторно отворање на спорот би било многу полошо
НоваТВ - пред 1 ден
Во колумна за Еуроњус, Никола Димитров ги елаборира своите ставови за „поигрувањето“ со Договорот од Преспа од страна на новата власт, и детално ги анализира како што вели „сизифовските“ чекори кои се минаа за постигнување на договор во повеќедеценискиот спор. Договорот е добредојдена реалност, дури и меѓу многу негови противници, бидејќи повторното отворање на спорот би било многу полошо. Се залагам за покажување лидерство во двете земји, Грција и Северна Македонија, да се соочат со оваа реалност и да престанат да играат ситна политика со ова прашање, пишува Никола Димитров. Церемонијата на полагање заклетва на новоизбраната претседателка на Северна Македонија, Гордана Давкова Силјановска, предизвика бурни реакции во Атина, Брисел и многу други европски метрополи. Не затоа што таа е првата жена претседател на земјата или затоа што штотуку извојува убедлива победа. Исто така, не се работеше за нешто што таа го кажа. Всушност, се работеше за она што таа не го кажа. При полагањето на заклетвата, претседателката Давкова ја испушти придавката „Северна“ и рече само „Македонија“ и покрај тоа што истиот ден потпиша официјална заклетва под уставното име на нејзината земја. Сепак, имајќи предвид дека таа водеше кампања со ветување дека ќе го почитува, но не и да го изговара целосното уставно име на земјата што сега ја води, наведувајќи го нејзиното лично право на самоопределување и земајќи ги предвид нејзините критики за Договорот од Преспа, нејзиниот гест ја вознемири соседна Грција. Линк до целата колумна во рубриката Избор на НоваТВ Подготви: А. В....
Димитров за Еуроњус: Северна Македонија и Грција постигнаа клучен договор во Преспа, не се враќајте повторно на него
НоваТВ - пред 1 ден
Од наша страна, користењето на „Север“ останува камен на сопнување за многу македонски политичари, особено кога треба да го кажат тоа дома, пишува Никола Димитров. Во колумна за Еуроњус, Никола Димитров ги елаборира своите ставови за „поигрувањето“ со Договорот од Преспа од страна на новата власт, и детално ги анализира како што вели „сизифовските“ чекори кои се минаа за постигнување на договор во повеќедеценискиот спор. Договорот е добредојдена реалност, дури и меѓу многу негови противници, бидејќи повторното отворање на спорот би било многу полошо. Се залагам за покажување лидерство во двете земји, Грција и Северна Македонија, да се соочат со оваа реалност и да престанат да играат ситна политика со ова прашање, пишува Никола Димитров. Церемонијата на полагање заклетва на новоизбраната претседателка на Северна Македонија, Гордана Давкова Силјановска, предизвика бурни реакции во Атина, Брисел и многу други европски метрополи. Не затоа што таа е првата жена претседател на земјата или затоа што штотуку извојува убедлива победа. Исто така, не се работеше за нешто што таа го кажа. Всушност, се работеше за она што таа не го кажа. При полагањето на заклетвата, претседателката Давкова ја испушти придавката „Северна“ и рече само „Македонија“ и покрај тоа што истиот ден потпиша официјална заклетва под уставното име на нејзината земја. Сепак, имајќи предвид дека таа водеше кампања со ветување дека ќе го почитува, но не и да го изговара целосното уставно име на земјата што сега ја води, наведувајќи го нејзиното лично право на самоопределување и земајќи ги предвид нејзините критики за Договорот од Преспа, нејзиниот гест ја вознемири соседна Грција. Премиерот Кирјакос Мицотакис предупреди дека секое отстапување од договорот ќе има тешки последици за односите меѓу двете земји, и евроинтегративниот пат на нас овде во Северна Македонија. Сега озлогласениот проблем за името ги затегнуваше односите меѓу Скопје и Атина цели 27 години, од осамостојувањето на тогашната Република Македонија во 1991 година, сè додека не се реши со потпишувањето на Договорот од Преспа во 2018 година. Исто така, повеќе од една деценија го блокираше членството на Северна Македонија во НАТО и пристапувањето во ЕУ. „Ти си мојот херој, нека гниеш во пеколот“ Јас лично потрошив 15 години обидувајќи се да го решам проблемот: првично како дипломат и главен преговарач, потоа како ко-агент пред МСП за поврзан случај и на крајот како министер за надворешни работи. Заедно со мојот грчки колега Никос Коѕијас, го постигнавме она што претходно се чинеше невозможно и успеавме таму каде што Сизиф не можеше. Договорот што го потпишавме е добар компромис, кој се однесува на критичните грижи на двете страни. Тоа ги смири билатералните односи во тоа време и ги започна обновените врски меѓу нашите народи, отворајќи ја вратата за пријателство и соработка. Средбата на половина пат им одзеде време на двете нации. Коѕијас и јас добивме закани и омраза од една страна, и пофалби од друга. „Ти си мојот херој“ и „Да гниеш во пеколот“ беа строго контрастните честитки што ги добивав секојдневно во Скопје во 2017 и 2018 година. „Скршени духови“: Младите и способните масовно го напуштаат Западен Балкан, покажува македонскиот попис Договорот од Преспа има елементи кои се тешки за двете земји. Македонскиот јазик, на пример – израз на правото на самоопределување на етничките Македонци – е нешто што многу грчки политичари се борат да го прифатат или изговорат. Истото важи и за меѓународните шифри на земјата: сè уште можеме да користиме МК и МКД, освен на регистарските таблички на возилата. Сепак, иако меѓународните сообраќајни правила велат поинаку, овие шифри не се наоѓаат на патоказите кон Скопје низ Грција. Не би виделе ни „Северна Македонија“ покрај таблите што ве насочуваат кон Бугарија или Турција. Од наша страна, користењето на „Север“ останува камен на сопнување за многу македонски политичари, особено кога треба да го кажат тоа дома. Договорот од Преспа, глобално пофален како триумф на дипломатијата и најзначајниот договор на Балканот… од Дејтонскиот мировен договор на Босна во 1995 година, беше попречен од различни страни. Меѓутоа, ако не ја прифативме употребата на сложеното име Северна Македонија за сите официјални цели и во секое време, немаше да има договор бидејќи ова беше критично важно прашање за грчката страна. За многумина во Грција дури и сложеното име е неприфатливо, бидејќи би сакале нивната соседна земја воопшто да го нема зборот Македонија во своето име. Сето ова покажува дека не може да се постигне договор кој целосно би ги задоволил двете страни. Сепак, Договорот од Преспа, глобално пофален како триумф на дипломатијата и најзначајниот договор на Балканот – регионот има изобилство спорови, но малку решенија – по Дејтонскиот мировен договор во Босна во 1995 година, беше попречен од различни страни. Колку удари можете да издржите пред да се срушите? Првиот удар дојде од ВМРО-ДПМНЕ, убедливиот победник на неодамнешните избори. Во 2018 година партијата во суштина го бојкотираше референдумот за компромисот. Додека македонските граѓани (или граѓаните на Северна Македонија, ако сакате) гласаа „за“ во огромен број, гласовите „против“ – што се очекуваше да дојдат од поддржувачите на ВМРО-ДПМНЕ – беа премалку, а потребната излезност не беше постигната. . Бојкотот ја одржа националната рана полуотворена. Народот не одлучи. Не е изненадувачки, само околу една третина од македонската јавност денес верува дека ЕУ е сериозна во врска со проширувањето – срамен пораз за Брисел, имајќи предвид дека огромно мнозинство Македонци и веруваа на ЕУ само неколку години порано. Вториот удар – и ова може да биде изненадување за многу читатели кои не се запознаени со нашите болки на Балканот – дојде од самата ЕУ. Пред референдумот за Договорот од Преспа, многу европски лидери, меѓу кои и германската канцеларка Ангела Меркел (претседателот на Франција Емануел Макрон испрати видео порака), дојдоа во Скопје и јавно му ветија на народот: поддржете го договорот и ќе отвориме пристапни преговори со твојата земја. Па, тоа ветување беше прекршено. Франција за прв пат го отфрли во 2019 година, со друг сосед, Бугарија, кој оттогаш гордо го презеде факелот за вето. Политиката на понижување се чини скапа Уште полошо, Бугарија усвои формален непријателски став против еден од двата фундаментални столба на Договорот од Преспа – македонскиот јазик и идентитет. Додека Бугарија се извлече од својата непристојна и контрапродуктивна политика кон својот помал сосед и успеа да го трасира европскиот пат за Северна Македонија со бугарските барања, ЕУ како целина стана соучесник во поткопувањето на договорот што гласно го пофали, како и во сопствената политика на проширување. . Не е изненадувачки, само околу една третина од македонската јавност денес верува дека ЕУ е сериозна во врска со проширувањето – срамен пораз за Брисел, имајќи предвид дека огромно мнозинство Македонци и веруваа на ЕУ само неколку години порано. Власта во заминување во грубата неспособност на Скопје да организира замена на личните карти, пасошите и возачките дозволи на граѓаните под уставното име … предизвика понижување и до крајни граници го влоши проблемот. Конечно, власта во заминување во големата неспособност на Скопје да организира замена на личните карти, пасошите и возачките дозволи на граѓаните под уставното име — ги принудува граѓаните во ситуација да не можат да патуваат, да возат, па дури и да одат во банка. ги добиваат своите плати или пензии – предизвика понижување и го влоши проблемот до крајност. Од другата страна на границата, владата на Нова демократија не вложи многу политичка енергија во спроведувањето на Договорот од Преспа. Тоа едноставно го толерираше. Неодамна напишав дека идната влада на Северна Македонија треба да го стори истото. Изгледа згрешив. Она што ни треба наместо толеранција е лидерство. Договорот е добредојдена реалност, дури и меѓу многу негови противници, бидејќи повторното отворање на спорот би било многу полошо. И се залагам за демонстрација на лидерство во двете земји, Грција и Северна Македонија, да се соочат со оваа реалност и да престанат да играат ситна политика со ова прашање. Соочете се со оние во вашите изборни единици кои би прифатиле само максималистички решенија за своја страна и кои се носталгични за спорови и антагонизми. Потсетете ги дека изгубиле. И да продолжите со целосна имплементација на Договорот од Преспа, вклучувајќи ги предизвикувачките и понекогаш болни чекори. Очајно е потребно лидерство и на страната на ЕУ. Исполнете го вашето ветување, ограничете го смешниот број на можности за вето во процесот на пристапување и немојте да станете жртва на домашните каприци од минатиот век на која било земја-членка за работи кои навистина се важни. Бидете сила за добро и не поткопувајте, туку засилете ги напорите на оние кои вложиле политички капитал во решавањето на нерешливите спорови. Никола Димитров е дипломат, тинк-танкер и политички активист од Северна Македонија. Како министер за надворешни работи преговараше и го потпиша Договорот од Преспа во 2018 година. Извор: Еуроњус...
Австриската „Рајфајзен банка“ ги налутила американските регулатори поради неподготвеноста да замине од Русија
НоваТВ - пред 1 ден
Австриската „Рајфајзен банка“ добила писмено предупредување од Министерството за финансии на САД дека банката може да биде отсечена од американскиот финансиски систем поради тоа што продолжува да работи во Русија, јавија дел од американските медиуми. Од извори во владата се дознава дека писмото, испратено на 6 мај од страна на заменик – министерот за финансии на САД Воли Адеиемо, е досега најстрого предупредување за крупна западна банка се уште активна во Русија. Банката под притисок на Вашингтон неодамна се откажа до планот за купување на удел во градежната компанија „Страбаг“ поврзана со олигархот Олег Дерипаска. Но односите на банката со Русија се уште подлабоки. Сепак, ако на банката и се ограничи пристапот до системот на доларот тоа било многу неповолно за неа. Во писмото до РБИ Адеиемо се повика на указ на претседателот Џо Бајден, според кој, може да се воведат вторични санкции против странски финансиски организации кои работат со компании поврзани со воено-индустрискиот комплекс на Русија. РБИ укажа дека заминувањето од Русија е сложен процес и тие неможат едноставно да го продадат својот бизнис во Русија. За да ги одделат руските подружници, странските банки треба да добијат одобрение од руската Централна банка, Министерството за финансии и од самиот руски претседател. Западните санкциите ги лишија руските банки од пристап до глобалниот платен систем СВИФТ. На таков начин странските кредитри како РБИ или италијанскиот УниКредит, кој е исто така присутен во Русија, станаа појас за спасување за илјадници руски компании. Слични предупредувања Вашингтон во февруари испрати, меѓудругите, и до банки од Турција, Обединети Арапски Емирати и Казахстан со што значајно се намалија финансиските трансакции меѓу овие земји и Русија. Иако оваа мерка ретко се спроведува, некои западни банки во минатото навистина биле отсечени од американскиот финансиски систем и работа со долари. Во 2014 година BNP Paribas доби забрана од една година да врши некои операции со долари, во рамките на регулирање на избегнувањето на американските санкции против Судан, Куба и Иран. Во 2018 година САД ја обвинија третата по големина банка на Латвија, ABLV, за перење пари и нарушување на санкциите против Северна Кореја. Како резултат тоа ја блокираше работата на овој кредитор на девизните финансиски пазари со што банката беше затворена....
Управен суд ја одби тужбата на „Европски фронт“ за избирачкото место 1470 во Долнени
НоваТВ - пред 1 ден
Управниот суд денеска ја одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија” за избирачкото место 1470 во Долнени на Парламентарните избори 2024. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите се оформени предмети и закажани во текот на денешниот ден. Досега Управниот суд ja одби како неоснована и тужбата за избирачкото место 1194 во Општина Крушево. ДИК на 104 седница ги разгледа приговорите поднесени од политичките партии по одржувањето на парламентарните избори на 8 мај. Од вкупно 27 поднесени приговори – девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Според првичните официјални резултати за парламентарите избори што ги објави ДИК, Коалицијата „Твоја Македонија“ предводена од ВМРО-ДПМНЕ има освоено 58 пратенички мандати, по што следуваат Коалицијата „Европски фронт“ предводена од ДУИ со 19 пратенички мандати, Коалицијата за европска иднина предводена од СДСМ со 18, Коалицијата „Вреди“ со 13, а Движење ЗНАМ за наша Македонија и Левица по шест пратенички мандати....
Утре бесплатен влез во музејските институции по повод Меѓународниот ден музеите
НоваТВ - пред 1 ден
„Музеи за едукација и истражување“ е мотото под кое утре ќе се одбележи 18 Мај – Меѓународниот ден на музеите, датум кој музејските институции низ светот со разновидни активности го одбележуваат од 1977 година. На овој ден, како што соопшти Министерството за култура, музеите во земјава традиционално овозможуваат бесплатен влез за посетителите кои можат да ги видат актуелните изложби и да се запознаат со движното културно богатство. – Музеите, освен својот придонес како платформа за размена на идеи и знаења, имаат значајна улога во образованието и се афирматори на темите што денес силно го засегаат светот, а кои чекаат да бидат истражени и споделени. Музејските институции ги поттикнуваат идните генерации на креативен, динамичен и интересен начин да се осврнат на комплексните општествени предизвици на денешницата, да се информираат за причините и последиците од човековото влијание врз природата и да развијат критичко размислување и лична одговорност неопходна за градење одржливо општество, велат од Министерството за култура. Меѓународниот ден на музеите традиционално се одбележува секоја година на 18 мај со цел промоција на значењето на музејските институции во современото општество. Денот посветен на музеите е востановен од Меѓународниот совет на музеите – ИКОМ со седиште во Париз....
Дрекслер: За позиционирањето како доверлив меѓународен партнер за идната влада е важно да нема сомнеж за почитувањето на обврзувачките договори
НоваТВ - пред 1 ден
Преспанскиот договор е обврзувачки според меѓународното право. Тој важи и Северна Македонија е обврзана на него. Мислам дека е многу важно за позиционирањето како доверлив партнер во меѓународната заедница да не се појави сомнеж дека обврзувачките договори според меѓународното право ќе бидат почитувани и од идната влада, вели германската амбасадорка, Петра Дрекслер во интервју за „360 степени“. Амбасадорката нагласува дека двете земји имаат сигурно партнерство на сите нивоа, се сојузници во НАТО и дека Берлин сака да има блиска соработка и со идната влада, но како што посочи, ќе биде важно дали таа ќе ја продолжи јасната стратегиска насока во надворешната политика на земјата и дека решително и доверливо ќе ги спроведе потребните чекори на патот кон ЕУ. Во врска со најавите на ВМРО-ДПМНЕ, која победи на изборите и преговараа за формирање нова влада, дека нема да прифати уставни измени под овие услови, но и за тоа дали ЕУ поради неиспорачувањето кон земјава е одговорна за ваквата општествена атмосфера, Дрекслер нагласува дека Германија е свесна за големите напори што Северна Македонија веќе ги презела во пристапниот процес кон ЕУ. -И да, можам да разберам дека искуствата од овој процес имаат последователен ефект во општеството. Сметам дека ќе стане проблем тогаш кога скепсата ќе премине во резигнација. Понекогаш имам впечаток дека довербата во ефикасноста на политичкото дејствување во земјата во целина е ниска. За да се поврати таа доверба, за оние што во иднина ќе ја понесат политичката одговорност за земјата, ќе треба најавените реформи и ветувања сега паметно и енергично да ги претворат и во дела, вели таа. За најавите на ВМРО-ДПМНЕ дека ќе бара промена на условите и гаранции дека нема да има блокади за идентитетски прашања во текот на преговорите за членство за да поддржи уставни измени рече дека германската страна постојано предочувала дека го цени македонскиот идентитет, македонската култура и македонскиот јазик, а тоа со резолуција го нагласил и Бундестагот минатата година. -И мислам дека токму преку пристапниот процес со ЕУ, македонскиот јазик доби особено на значење и надвор од своите граници. Истовремено, исто така, е јасно – Северна Македонија со сите земји членки на ЕУ се спогоди за Преговарачката рамка за пристапните преговори со ЕУ. Оваа Преговарачка рамка е утврдена и тука спаѓа и спроведувањето на уставните промени, нагласи Дрекслер....
Советот на Европа усвои меѓународен договор за вештачка интелигенција
НоваТВ - пред 1 ден
Советот на Европа денеска го усвои првиот правно обврзувачки меѓународен договор за вештачка интелигенција. Договорот вклучува барања за транспарентност и идентификација на содржината. „Договорот, кој е отворен за потпишување и од неевропските земји, воспоставува правна рамка што се применува во текот на целиот животен циклус на системите за вештачка интелигенција што овие системи можат да ги претставуваат и промовира одговорна иновација“,соопшти Советот на Европа. Текстот беше усвоен за време на годишниот состанок на Комитетот на министри на Советот на Европа. Овој комитет ги обединува министрите за надворешни работи на 46 земји-членки. Оваа рамковна конвенција беше развиена во текот на две години од меѓувладино тело кое обединува 46 земји-членки на Советот на Европа, ЕУ и 11 земји-членки (особено САД, Австралија, Канада, Израел и Јапонија), како и претставници на универзитетските средини, приватниот сектор и граѓанските организации кои учествуваа во процесот како набљудувачи. „Конвенцијата содржи писмени барања за транспарентност и за контрола приспособени на содржината создадена од системите за вештачка интелигенција“, објаснуваат од Советот на Европа. „Државите треба да ги усвојат овие мерки за да ги идентификуваат, проценат или ублажат потенцијалните ризици и да ја проценат потребата од мораториум, интервенција или други соодветни мерки во врска со употребата на системи за вештачка интелигенција каде што таквата употреба може да претставува ризици некомпатибилни со нормите за човекови права“, се додава во соопштението на Советот на Европа. Рамковната конвенција ќе биде отворена за потпишување во Вилнус на 5 септември по повод конференцијата на министрите за правда на земјите од Советот на Европа. ЕУ, исто така, усвои рамковен закон за системи за вештачка интелигенција на почетокот на март. Овој закон беше единствен во светот....
Компанијата „Тесла“ најавува укинување на околу 600 работни места во Калифорнија
НоваТВ - пред 1 ден
– Производителот на електрични возила „Тесла“ најави отпуштање на уште околу 600 вработени во своите производствени капацитети и инженерски канцеларии во американската сојузна држава Калифорнија. Си-Ен-Би-Си објави дека компанијата има проблем со намалувањето на побарувачката за електрични возила и зголемената конкуренција, поради што компанијата ќе започне со намалување на бројот на работни места. Последниот бран отпуштања во американската компанија во калифорниските градови Фремонт и Пало Алто ќе ги елиминира позициите од најниските до највисоките, односно од обичните фабрички работници, развивачите на софтвер, инженерите за роботика и директорите, објави Си-Ен-Би-Си. Извршниот директор Илон Маск им кажа на вработените во допис во април дека производителот на електрични возила ќе укине повеќе од 10 отсто од своите работни места ширум светот. Компанијата претходно објави повеќе од 6.300 кратења на работни места низ Калифорнија, во Бафало, Њујорк и во Остин, Тексас. На крајот на 2023 година, Тесла имаше 140.473 вработени....
Северна Македонија на 32 место на виножитната мапа која ја одразува правната и политичката ситуација за човековите права на ЛГБТИ луѓето во Европа
НоваТВ - пред 1 ден
Северна Македонија оваа година се најде на 32-то место на најновата виножитна мапа и индекс на организацијата ИЛГА-Европа, со остварени само 30,5% од потребните реформи за унапредување на позицијата и пристапот до човековите права на ЛГБТИ луѓето. ИЛГА-Европа секоја година започнувајќи од 2009 година, во пресрет на одбележувањето на Меѓународниот ден против хомофобија, бифобија и трансфобија ја објавува виножитната мапа и индекс што ги рангира сите 49 европски земји на скала од 0% (грубо кршење на човековите права, дискриминација на ЛГБТИ луѓето) до 100% (почитување на човековите права, целосна рамноправност). На врвот на виножитната мапа и индекс се најде повторно Малта, која веќе девет години е на прво место во однос на почитување и унапредување на правата на ЛГБТИ заедницата, а на последно место е Русија со само 2%, која за разлика од минатата година изгуби седум поени и падна за три места поради федералната легислатива која забранува правно признавање на родот и специфична здравствена заштита за транс лицата. Од земјите во регионот најдобро котира Хрватска која е на 18-то место со 50,06%. Албанија е на 26-то место, Србија е на 27-то место, а Косово на 28-то место. Полошо од нас од земјите во регионот е рангирана само Бугарија која оваа година е на 39-то место на виножитната мапа и индекс на ИЛГА-Европа. Повеќето земји кои се во процес на пристапување во ЕУ (Албанија, Босна и Херцеговина, Косово, Молдавија, Црна Гора, Северна Македонија, Србија, Украина) заостануваат во своите обврски, го стопираат воведувањето на закони и на тој начин ги ставаат своите граѓани сè повеќе во ризик од реални реакции и поткопување на основните човекови права, потенцираат од ИЛГА-Европа. Според извршниот директор на ИЛГА-Европа, Чабер: „ЕУ треба да посвети големо внимание не само на порастот на политичкиот говор на омраза против ЛГБТИ луѓето, туку и на новите алатки за угнетување, како што е руската криминализација на цел сегмент од населението на земјата. Напорите за поделба и одвлекување на вниманието од консолидираните авторитарни режими дополнително протекуваат во другите европски земји во време кога изборите би можеле да ја турнат Европа во рацете на лидерите што сакаат да формираат радикална десница, антидемократска Европска Унија. На Европа ѝ требаат посилни закони и политики за заштита на ЛГБТИ луѓето. Без нив, не можеме да зборуваме за безбедност или за владеење на правото и демократијата“. За повеќе информации за виножитната мапа и за рангирањето на другите европски земји консултирајте го сајтот на ИЛГА-Европа со клик овде. Ј.Џ. / Цивил Медиа...
СЗО: Мединска помош не е влезена во Газа од израелското заземање на преминот Рафа, на 6 мај
НоваТВ - пред 1 ден
Светската здравствена организација (СЗО) денеска соопшти дека не била во можност да достави медицинска помош во Појасот Газа откако израелските сили го зазеле преминот Рафа на границата со Египет на 6 мај. „Последната достава на медицинска помош беше пред 6 мај. Немаме гориво. Има болници со наредба за евакуација. Ова е ситуација во која не можеме физички да се движиме“, изјави портпаролот на СЗО, Тарик Јашаревиќ на брифинг со новинарите. Палестинските здравствени власти предупредија дека неколкуте здравствени установи кои се уште работат се изложени на ризик од затворање поради израелската офанзива на Рафа, каде живеат 1,4 милиони луѓе, пренесува Ал Џезира. На денешното рочиште во Меѓународниот суд на правдата за случајот за геноцид што Јужна Африка го покрена против Израел за неговата агресија врз Појасот Газа, израелските претставници изнесоа тврдења дека армијата обезбедува доволен проток на помош во енклавата. Израел, исто така, ги опиша како лажни тврдењата на Јужна Африка дека во Рафа не пристигнува доволно хуманитарна помош. Според властите во палестинската енклава, повеќе од 35.000 луѓе се убиени во израелските напади врз Газа од 7 октомври, додека израелските сили убиле околу 500 Палестинци на окупираниот Западен Брег....
Дрекслер: Ќе биде важно дали идната влада ќе ја продолжи јасната стратешка насока на земјата и ќе ги спроведе потребните чекори на патот кон ЕУ
НоваТВ - пред 1 ден
Во интервју за 360 степени, Амбасадорката на СР Германија во земјава, Петра Дрекслер, зборува за постизборните предизвици со кои е соочена државата. На прашањето дали промените на политичката сцена кои ги донесоа изборите и дали тоа нешто менува во односот на Германија кон земјава, амбасадорката се осврнува на сојузништвото и партнерството на Северна Македонија и СР Германија и тесната поврзаност на двете земји. „Најпрвин нашите две држави ги поврзува сигурно партнерство како сојузници, во НАТО сме тесно поврзани, потоа преку поврзаноста на нашите економии, преку тесна размена на сите нивоа на нашите општества, на пример, и преку нашите парламенти. И секако сакаме да имаме блиска соработка и со идната влада, на Северна Македонија, што допрва треба да се формира. Ќе биде важно дали идната влада ќе ја продолжи јасната стратешка насока во надворешната политика на земјата и дека решително и доверливо ќе ги спроведе потребните чекори на патот кон ЕУ,“ вели Дрекслер. Таа посочува и дека Северна Македонија може да се потпре на понатамошната поддршка на Германија....
Кочишка: Нашата идеја на „Д“ Фестивал е да биде достапен за сите затоа картата е по 500 денари на ден
НоваТВ - пред 1 ден
„Генерално е многу тешко да се стигне до големите имиња, но мислам дека треба да се има континуитет во работата, во изградбата на фестивалот, дека идејата не доаѓа само од Пин. Ние не го спремаме „Д“ Фестивал, Пин или Таксират кога ќе завршат. Подготовките траат околу целата година. Во текот на годините добиваме и други идеи па се обидуваме некои артисти со години да ги добиеме за да можеме да ги донесеме кај нас“ рече Рамона Моња Кочишка Маркетинг и ПР на „Д“ Фестивал во интервју на каналот на Слободен печат во соработка со Трн.мк. Таа додаде дека идејата за фестивалот е тој да биде достапен за сите, најмногу за новите генерции, за студентите, за средношколците и матурантите. „Во нашата програма, тие 1.500 денари кога ќе ги поделиш на три дена му доаѓа како 500 од ден. Имаме над 50 артисти во три дена, по дваесеттина артисти од ден“ рече Кочишка Таа додаде дека покрај бројните артисти, во рамки на програмата на фестивалот има и јога. „Имаме јога секое сабајле, имаме латино танцување, имаме проекции на фудбал, филмови, и сето тоа спаѓа во таа цена. Идејата е да се задржи публиката и да ги привлечеме новите генерации да дојдат и да го искусат тоа фестивалско искуство кај нас, пред да излезат и да ги видат останатите други фестивали“, заклучи Кочишка....
Меѓународните договори не се „играчка“, не може да се условуваат со нови рокови секогаш кога ќе се промени власта
НоваТВ - пред 1 ден
Меѓународните договори мора да се спроведуваат, а не да се условуваат со нови рокови – секогаш кога ќе се промени власта. Уставните измени се обврска од ЕУ кон Северна Македонија, затоа мора да бидат одобрени што е можно поскоро, велат познавачите на политичките збиднувања во земјава. – Договорите мора да се спроведуваат и да нема рокови или други услови. Секогаш кога се менуваат владите, не значи дека мора да се менуваат договорите, особено во конкретниот случај, уставните измени кои се суштина за непреченото патување на земјата кон ЕУ. Проблемот не е промената на овој договор туку промената на позициите на ВМРО-ДПМНЕ и на претстојната влада. Толку многу се спротивставија што на ВМРО-ДПМНЕ и е тешко да преземе понатамошни чекори, која е апсолутен победник на овие избори врз основа на противењето на уставните измени. Колку повеќе ќе се пролонгира овој процес, толку повеќе ќе се создава нова политичка криза бидејќи партиите на Албанците кои ќе владеат заедно со ВМРО-ДПМНЕ нема да бидат подготвени да ги одложат уставните измени, изјави за „Фронтлајн“, Урим Салиу – политички аналитичар. Долгогодишниот новинар Ацо Кабранов вели дека не е зачуден од двоецот Мицкоски Силјановска, двајцата, како што вели, се сезнајковци и кавгаџии но мора да признаеме половина милион гласачи им дадоа крилја. – Дека ќе го направат тоа, што поготово Сиљановска како професор по право знае дека во кампањата во лов по гласови ветуваа и таа и Миковски, ветуваа работи кои знаат дека не можат да ги променат како што е меѓународниот договор Преспа со кој беше сменето уставното име односно на Република Македонија беше додадена географската одредница Северна како услов Грција да не ни пречи во евроатланските интеграции… Ова што претседателката на заклетвата и Мицковски вчера пркосат на договорот Преспа мислам дека е мал театар на патриоти, реков – понесени од импозантната бројка гласачи што гласаа за нив на изборите. Не беше случајно и на Силјановска на инаугурацијата и на Мицковски вчера јуначењето дека тие ќе си ја викаат државата Македонија и нема да го употребуваат уставното име Севрна Македонија туку тоа било само за институциите и коресподенцијата меѓу нив. А тие што се? Зарем функција Претседател на државата и Премиер на државата не се институции, вели нашиот соговорник. Според него, нова преговарачка рамка за спорот кој го наметна Бугарија колку и да е апсурден, ни е услов да се тргне ветото од нив и да ги почнеме преговорите. – Мислам дека на Мицкоски изговор му е дека ќе пробале наново да преговараат со Бугарија, но чинам дека всушност му е небитно тој си ги има Орбан и Вучиќ како другарчиња и баш и не му пречи што сме закочени во преговорите со ЕУ. Мантрата да се усвоела нашминкана сегашнава рамка да сме ја усвоеле кога ЕУ конечно ќе не прими е супер, но тие знаат дека тоа е невозможно и затоа го предлагаат колку да се рече дека и тие сакаат ЕУ, ама не под, како вика Мицковски – бугарски диктат, вели тој. Гледам, додава Кабранов, дека ова нивно жонглирање со преговарачката рамка и одложено усвојување полека срамежливо почнаа да го прават и потенцијалните партнери во новата влада – албанските партии од Влен особено челниците и нивниот категоричен услов – усвојување на рамката па после заедничка влада, полека но сигурно веќе не е услов. – Сиромашките од Влен да не се предомисли Мицковски и да нè не ги земе во влада лесно ќе преголаат оти без учество во новата влада мислам таа коалиција ќе се распадне и ќе нема ништо од нивните секојдневни изјави дека ќе го развластат Ахмети и како што ги нарекуваат криминалците од ДУИ, подвлече соговорникот. Соединетите Американски Држави (САД) охрабруваат продолжување на дијалогот меѓу Скопје и Софија, изјавија од Стејт департментот, откако новата претседателка Гордана Сиљановска-Давкова го употреби името Македонија без додавката „северна“ кога даде свечена заклетва во Собранието. „Го охрабруваме продолжувањето на дијалогот меѓу Северна Македонија и Бугарија, во рамките на заедничките заложби за идното полноправно членство на Северна Македонија во ЕУ“, велат од Стејт департментот. Според познавачите на политичките збиднувања во државата новата Влада предводена од ВМРО ДПМНЕ – по преземањето на должноста ќе почека да се формира влада во Бугарија, каде во јуни ќе има парламентарни избори, и на крај да поминат изборите во Европскиот парламент, исто така закажани за јуни. Кога сето тоа ќе заврши да сумира како понатаму со уставните измени. Од друга страна Белгиецот Питер Ванхојте, по „иницијатива на белгиското претседателство со ЕУ добил мандат да биде медијатор олеснувач на бугарско-македонскиот спор, т.е да спроведе проект со кој ќе се отвори патот за уставните измени и ќе се обезбедат гаранции дека на патот на Македонија до членство нема веќе да има сопки од Бугарија или нови проблеми“. – Мојата главна цел ќе биде да се осигура дека процесот на пристапување на Македонија кон ЕУ нема веќе да се блокира, најави Ванхојте. Поранешните премиери на Северна Македонија и на Бугарија, Зоран Заев и Бојко Борисов, го потпишаа договорот за добрососедство во 2017 година. Софија почна да ја блокира македонската европска интеграција во 2020 година, најпрво со инсистирање на теми поврзани со историјата и јазикот. Подоцна претседателот на Бугарија, Румен Радев почна се посилно да инсистира и на правата на македонските Бугари. За надминување на спорот меѓу Македонија и Бугарија, ЕУ понуди таканаречен „француски предлог“. Потоа, на 19 јули 2022, Северна Македонија формално ги почна преговорите за членство во Европската унија. Се одржа првата меѓувладина конференција, почна скринингот, но не беше отворено ниедно поглавје. Преговорите по поглавја ќе почнат кога во македонскиот Устав ќе бидат внесени и Бугарите, меѓу други заедници. Иако почна собраниска седница за промена на Уставот, највисокиот правен акт досега не е сменет за да се внесат и Бугарите во него. За уставни измени треба да гласаат две третини од 120 пратеници. Дестан Јонузи / Фронтлајн...
Хомофобија и говор на омраза од Кремљ против Евровизија, се придружи и дел од македонските медиуми
НоваТВ - пред 1 ден
ДРАГАН МИШЕВ / ЦИВИЛ МЕДИА Овогодинешниот Избор за песна на Евровизија во Малме повторно предизвика бура од реакции и говор на омраза насочена кон припадниците на ЛГБТ заедницата и нивните права, во што предничи Русија, следена од нејзините медиумски сателити. Евровизија 2024 година се најде високо во пропагандната линија на огнот на Кремљ во текот на викендот. Тие лансираа цунами на омраза кон се што е европско и, во таа смисла, западно, тврдејќи: Фала му на Бога за „свесната одлука“ на Русија да се оддалечи од „болниот“ западен свет (уште една лага во морето од дезинформации кои секојдневно ги лансираат руските пропагандисти). „Фрик шоу“, „Опасно за гледање“, „Натпревар за песна на пеачки содемисти-левичари“, „ Евровизија: Вештерство и оргија, ова е „погреб“ на Западна Европа“, се дел од квалификациите кои ги пласираа руските пропагандисти, меѓу кои и високи државни функционери. Пораката од пропагандистите на Кремљ беше јасна: Европа се оддалечи од какви било знаци на разумност, сега се ментално болен народ на работ на истребување и свет во кој Русија нема интерес да учествува. Но, како што пишува UCMC, откако беше исклучена од шоуто трета година по ред (не по избор на рускиот народ), пропагандата се обидува да ја прикаже изолацијата на Русија како да „избегнала куршум“, наводно оддалечувајќи го праведниот пат од, како што тие тврдат, падот на традиционалните вредности. И така, со нејзиното континуирано исклучување од натпреварот, интересите на руската пропаганда оваа година не беа фокусирани само на оцрнување на Западот и Украина, туку на наративот „ние против нив“ и напад врз сите оние кои учествуваа, напад на Западот. Но, се чини дека додека пропагандистите вложуваат вонредни напори за да ги избришат сеќавањата на предходните руски учества на Изборот за песна на Евровизија од колективната меморија,а во Кремљ се одвива вистински натпревар за тоа кој ќе смисли по грда квалификација за ЛГБТ и квир луѓето, пропагандисти забораваат да погледнат во својот двор. Дебелите мачки на шоу-бизнисот Нашироко се признава контролата на Кремљ врз сите аспекти на животот, вклучувајќи го и секторот за забава. Со оваа контрола, руската ЛГБТ+ заедница останува нескриена реалност, често игнорирана или негирана од владата и рускиот народ, верувајќи дека само луѓе од „таков вид“ живеат на Запад – наратив што го храни руската пропаганда со години. Филип Киркоров и Дима Билан, руските музички ѕвезди неофицијално признаени како квир личности Сепак, знаците за постоењето на оваа заедница се очигледни преку личности како што е Филип Киркоров, руски пејач надалеку познат како квир, иако неофицијално, и марионета од Кремљ во светот на шоубизот, познат по своите „неконвенционални“ начини на изведување во тесни хулахопки и камп продукции. Неговата слава, презирана од пропагандистите, при што едната го нарекува „дебелиот мачор на шоу-бизнисот“, го истакнува постоењето на ЛГБТ+ заедница во руското општество, иако непризнаено. И тоа не е само Киркоров, многу други познати ( но не и официјално „аут“) квир руски уметници станаа истакнати по настапот на Изборот за песна на Евровизија во претходните години. И покрај тоа, целосната инвазија на Украина му обезбеди на Кремљ можност за понатамошно потиснување на квир заедницата, поништувајќи го секој напредок (иако мал) постигнат кон менување на перцепциите за ЛГБТ+ заедницата. Наместо тоа, владата тргна по патот на криминализирање на квир личностите, наметнување строги казни и овековечување на лажниот наратив за „овие луѓе“ кои се причина за потенцијалниот крај на човештвото. Угнетувачкиот режим ја задушува слободата, принудувајќи многу луѓе, вклучително и познати руски уметници, да живеат во лага, поради нивниот страв од нивната безбедност и заканата од социјална стигма. Токму за ова е Евровизија и зошто овогодинешната победа е победа за слободата – да се бориме за луѓе кои претходно биле принудени да живеат во срам поради тоа што биле „традиционално“ различни. Таквата репресија често се припишува на намерното промовирање на традиционалните вредности од страна на Кремљ, кои им даваат приоритет на конвенционалните семејни структури и родовите улоги. Ова е одговорот на Кремљ на намалената стапка на наталитет и стравот дека еден ден Русија ќе ги снема своите мобилизирани ресурси за да ги испрати во војна. Евровизија е опасна за гледање Евровизија е енергична прослава на различноста, која ги обединува уметниците и публиката од различни култури и средини во атмосфера која опфаќа екстремно самоизразување. Се залага за инклузивност, единство и вредности на мир и другарство, идеали кои некогаш ги поддржуваа Русите, како што се гледа во нивното претходно учество на натпреварот. Забележете како пропагандистите на Кремљ се воздржуваа од осуда на шоуто како „крај на човештвото“ во 2008 година, кога Русија победи со нашироко сметаниот квир пејач Дима Билан, по што следната година изборот за песна на Евровизија беше организиран во Москва, и на настанот присуствуваше тогашниот премиер и сегашен претседател на Руската федерација, Владимир Путин. Путин во посета на бекстејџот на Евровизија 2009 година во Москва. Тогашниот руски премиер Путин вети дека ќе гласа за британскиот претставник на Евровизија. Во јануари 2023 година, Украина воведе санкции кон Дима поради неговата поддршка на руската инвазија на Украина во 2022 година. Руската поп ѕвезда ја посети таканаречената руска Народна Република Доњецк (ДПР), по што некои го обвинија пејачот за лицемерие и обид да го обели својот имиџ во очите на јавноста, откако присуствуваше на озлогласената забава „Речиси Голи“ што ја скандализираше руската јавност во московскиот ноќен клуб Мутабор и предизвика контроверзи и јавно негодување во Русија. Сега, навредена од нејзиното исклучување од конкуренцијата, руската пропаганда го прикажува шоуто како „опасно за гледање“, што веројатно ќе го пренасочи разочарувањето на населението од отсуството на Русија на некогаш многу саканото шоу. Оваа пропагандна песна има за цел да ја истакне перципираната „лудост“ на Западот, оттргнувајќи го вниманието од внатрешните работи и поттикнувајќи чувство на единство против „надворешната апокалиптична закана“ – она што Западот го нарекува хетросексизам. Како резултат на исклучувањето на Русија од натпреварот трета година по ред, во комбинација со ирационалниот страв на Кремљ од се што е странско, гледаме насочен напад на натпреварот со цел да се создаде наратив „ние наспроти нив“. Ова има за цел да го прикаже Западот како ментално болен, а со тоа да го оправда исклучувањето на Русија не само од конкуренцијата, туку и од Западот како целина. Хомофобичните изјави на Захарова и во македонските медиуми Кон ваквите изливи на хомофобија од руските пропагандисти, се приклучија и дел од македонските медиуми, кои не пропуштија да ги пренесат изјавите на нивната неформална „шефица“ за ширење на руска пропаганда, Марија Захарова, која овие денови не се симнува од страниците на овие медиуми, при што здружено ја пренесоа нејзината хомофобична порака на Твитер во која таа остро ги осуди настапите на некои учесници на годинешната Евровизија и музичкиот натпревар одржан во шведскиот град Малме го нарече „погреб“ на Западна Европа. „Евровизија 2024 ја надмина секоја оргија, односно вештерство и ритуално светољубие во Западна Европа. Немаше изненадувања“, гласи пораката на портпаролката на руското Министерство за надворешни работи која ја пренесоа овие медиуми, не заборавајќи при тоа да го нагласат наративот на пропагандистите на Кремљ дека Русија не учествуваше, но при тоа не кажуваат дека на Русија не и е дозволено да учествува поради нејзината воена агресија врз Украина. Тогаш и не зачудува фактот што Северна Македонија оваа година се најде на 32то место на најновата мапа Виножито и индекс на почитување на правта на ЛГБТИ лицата објавена на 15 мај од водечката европска ЛГБТИ организација, ИЛГА-Европа, која рангира 49 европски земји за законодавните случувања во арената на ЛГБТИ човековите права, додека Русија е на последно 49 место на овој индекс, со само 2% почитување на човековите права на ЛГБТИ лицата. Текстот е личен став на Авторот....
Тешко повредено едно лице откако српско возило излетало од автопатот Неготино – Демир Капија
НоваТВ - пред 1 ден
Едно лице се здобило со тешки телесни повреди откако српско возило излетало од автопатот Неготино – Демир Капија, информираат попладнево од Секторот за внатрешни работи – Велес. – Изутринава во 05.20 часот било пријавено дека на автопатот Неготино – Демир Капија, патничко возило „рено“ со српски национални ознаки, управувано од А.Ц., на возраст од 47 години од Република Србија, излетало од патот. Во несреќата со тешки телесни повреди се здобил 68-годишниот сопатник Х.Л.В., додека возачот и сопатниците А.В., на возраст од 43 години и В.Л., на 54-годишна возраст од Република Србија, се здобиле со телесни повреди, констатирани во Здравствен дом – Неготино, појаснуваат од СВР – Велес. За настанот бил известен јавен обвинител. Увид на местото извршила екипа од ОВР Неготино....
17 мај, девет години по граѓанскиот собир: Борбата за слобода, правда и еднаквост продолжува
НоваТВ - пред 1 ден
Пред точно девет години, на 17 мај 2015 година, во Скопје се одржа најголемиот граѓански протест против режимот на Никола Груевски. Според проценките на странските медиуми, на протестот излегоа околу 100 илјади граѓанки и граѓани. Со слоганот #Доаѓаме! граѓаните најавија жестока борба за слобода и демократија, а единствениот начин за ослободување на државата од режимот беше тој да падне. ЦИВИЛ како организација за човекови права беше дел од иницијативата „Граѓаните за Македонија“. На бината пред огромниот број граѓанки и граѓани говореа активисти за човекови права, меѓу кои и претседателот на организацијата, Џабир Дерала. На протестот беа забележани многу знамиња од сите етнички заедници и транспаренти, но ниедно обележје на политичките партии. „Денеска дојдовме по нашата слобода! Патеката е јасна: оставка, праведно судење, конфискација и затвор“, порача Дерала од говорницата пред демонстрантите. По протестот, неколку илјади демонстранти остана пред владата и го започнаа Кампот на слободата, кој функционираше шеесет дена, но борбата со режимот на Груевски продолжи понатаму. И денеска, девет години подоцна ЦИВИЛ заедно со граѓан(к)ите и понатаму останува на фронтот и бескомпромисно се бори за слободно и демократско општество. Остануваме посветени на нашата борба за слобода, правда и еднаквост! Д. М. / Цивил Медиа...
Андријана Нелкова – Чучук избрана за претседател на Регионалната асоцијација на регулатори за енергетика
НоваТВ - пред 1 ден
Андријана Нелкова – Чучук, член на Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) е избрана за претседател на Регионалната асоцијација на регулатори за енергетика (ERRA – Energy Regulators Regional Association) со мандат од 2024 до 2026 година, информираат од РКЕ. Оттаму додаваат дека регулатори од 47 земји, од пет континенти учествувале на редовното годишно собрание на кое Нелкова – Чучук е изгласана за претседател на Регионалната асоцијација на регулатори за енергетика ЕRRА. Лидерската функција на Нелкова – Чучук доаѓа по извршување на два последователни мандати како член на претседателството на ERRA....
Зошто ја блокирате Северна Македонија? За да покажете дома колку сте силни!
НоваТВ - пред 1 ден
Еди Рама: Зошто ја блокирате Северна Македонија? За да покажете дома колку сте силни! Ова е најантиевропска политика што може да се замисли, ова е најстрашен пристап кон нашата иднина и долгорочно ова е еднакво штетно и опасно и за нив, не само за нас. Ова е лудо! Целосно лудо! ЛИНК...
Поднесени две обвиненија за назначување директори на училишта во струшко
НоваТВ - пред 1 ден
Основното јавно обвинителство Струга поднесе два обвинителни предлози за кривични дела – Несовесно работење во службата од 353-в и продолжено кривично дело – Фалсификување исправа според член 378 од Кривичниот законик, а поврзани со работата на училишта на територијата на општина Струга. Во првиот предмет обвинети се четири лица. Првообвинетата – наставник по француски јазик во основно училиште во Велешта употребила три лажни јавни исправи како вистинити, кои ги искористила за полагање стручен испит во Државниот испитен центар. Останатите тројца – градоначалник на општина Струга, директор и помошник-директор на училиштето ги прифатиле фалсификуваните документи во постапката за полагање стручен испит, вработување како наставник, но и за назначување на првоосомничената за в.д. директор на училиштето во периодот од 19.04.2022 до 06.09.2023 година. Во вториот предмет, обвинет е градоначалникот на општина Струга за кривично дело – Несовесно работење во службата од 353-в, бидејќи донел решение со кое за в.д директор на основно училиште во селото Подгорци именувал лице кое не ги исполнувало условите, односно немало работно искуство од најмалку пет години во воспитно-образовна работа, како што е предвидено во Законот за основно образование. Иако не ги исполнувало условите, лицето ја извршувало директорската функција во периодот од 11.11.2022 до 25.04.2023 година...
Рама до Бугарија: Политиката на блокада е ужасна, одвратна и антиевропска!
НоваТВ - пред 1 ден
Албанскиот премиер Еди Рама упати вистинска вербална шлаканица до официјална Софија и до сите ЕУ членки кои користат билатерални прашања за блокади, на форум во Тирана организиран од „Солуција“, во соработка со Белградскиот центар за безбедносни политики и фондациите Отворено Општество и Рокфелер. “Зошто ја блокирате Северна Македонија? За да покажете дома колку сте силни!” порача Рама заклучувајќи дека политиките на блокади се ужасни, одвратни и антиевропски. “Што ви е поентата? Што сакате да постигнете со блокадата на Северна Македонија? Што мислите дека ќе постигнете? Да падне поддршката во ЕУ, само тоа можете да го постигнете!” – ова е главната порака што албанскиот премиер Еди Рама ја испрати до Бугарија, но и до другите земји членки на ЕУ, кои користат билатерални прашања за да го блокираат процесот на проширување, денеска во Тирана на Лидерскиот состанок, настан организиран од Балканскиот центар за конструктивни политики – Солуција, во соработка со Белградскиот центар за безбедносни политики и фондациите Отворено Општество и Рокфелер. “Зошто ја блокирате Северна Македонија? За да покажете дома колку сте силни!” порача Рама заклучувајќи дека политиките на блокади се ужасни, одвратни и антиевропски: “Ова е најантиевропска политика што може да се замисли, ова е најстрашен пристап кон нашата иднина и долгорочно ова е еднакво штетно и опасно и за нив, не само за нас. Ова е лудо! Целосно лудо! Што значи ова? Дека сега за секоја земја која сака да се зачлени, може да се појави друга и да каже – а, не, прво да видиме кој беше овде прв, кога од мајмуни станавме луѓе, дали бевме ние или вие”, порача Рама и продолжи: “Падот на поддршката кон ЕУ е резултат токму на ова ср..е! Национализмот ја киднапираше ЕУ и ЕУ станува жртва на националистичките пориви на земјите, една, па друга. Решението е просто – не може билатералните прашања да блокираат! А ако некоја земја сака да глуми дека некое билатерално прашање е европско, тогаш мора да има барем уште една што ќе ја поддржува. Не може 26 земји да кажат – ова е билатерално прашање, една да тврди дека е европско, и наеднаш тоа да стане европско. Наместо Бугарија да рече, добро ние имаме проблем со Северна Македонија (иако јас не им го разбирам проблемот, искрено), ама ајде да го оставиме настрана, а преговорите и трансформацијата на земјите да течат, тие бојкотираат. Зошто ги блокирате самите преговори? Зошто блокирате реформи? Лудо! Одвратно!” смета Рама. “Истово се случи со Константинопол, додека Грците се занимаваа дали ангелите имаат секс, султанот ги освои. Така и ние сега, се занимаваме дали ангелите имаат секс, во регион во кој баш и нема ангели, а опасностите се тука” вели тој. Албанскиот премиер порача дека опасно е кога минатото станува повлијателно од иднината: “Морате да го погледнете минатото со очите на иднината, не обратно Нашите проблеми во регионот почнаа тогаш кога добивме држави. Претходно тука си имаше луѓе кои живееја заедно, без разлика на своите различности, тераа бизнис заедно, се женеа и мажеа меѓу себе, се разведуваа… Штом добивме држави почнаа проблемите. Па така сега се занимаваме кои се мајката и таткото на Александар, кој е овој, кој е оној… какви глупости! Мислите дека обичен грчки таксист денес е навистина антички ексклузивен наследник на Платон? Јас не мислам. Ова се тешки глупости и сите ние се занимаваме со ова до точка кога нашата иднината е загрозена” порача Рама. Шефот на албанската Влада, инаку, се обрати настан организиран во Тирана од Балканскиот центар за конструктивни политики – Солуција, во соработка со Белградскиот центар за безбедносни политики и фондациите Рокфелер и Отворено општество....
Иако е на „црната листа“ на САД за корупција, Самсоненко продолжува да гради на плоштадот „Македонија“
НоваТВ - пред 1 ден
И покрај тоа што во ноември минатата година рускиот бизнисмен Сергеј Самсоненко кој има и македонско државјанство се најде на „црната листа“ на САД за корупција, изминатите денови интензивно неговата компанија продолжува со градежните работи на објктот на Офицерскиот дом на плоштадот „Македонија“. Дека изминатиот период продолжила градбата на овие објекти потврдија и од Општина Центар од каде што информираат дека „Сис инвест гроуп“ дооел Скопје го гради овој објект, како и хотелот на Градскиот плоштад. -Изведувач на градбите се ДГТУ АЛБЕКАТ ГРУП ДООЕЛ СКОПЈЕ и ГТД БЕТОН ШТИП ДОО ШТИП а надзорот на целата градба го изведува МЕГАРОН-ИНЖЕНЕРИНГ ДОО СКОПЈЕ. Сектор за урбанизам на Општина Центар има издадено Решенија за измени во тек на градба за двете градежни парцели на Плоштад Македонија во 2022 година на фирмата „СИС Инвестмент“. Барање за промена на инвеститор до денешниов ден немало.Поконкретно, инвеститорот СИС ИНВЕСТ ГРУП поседува Решение за измени во тек на градба УП бр. 27-477/2021 од 21.11.2022год за блок 1 правосилно на ден 25.10.2022год и Решение за измени во тек на градба УП бр. 27-396/2021 од 07.12.2022год за блок 2, 3, 4 правосилно на ден 07.12.2022год., велат за Градска.мк од општина Центар. СИС Инвест груп чија управител е Самсоненко е обврзан согласно договор за отуѓување на градежно земјиште со електронско јавно наддавање, склучен во 2011 година, да изгради хотел на Плоштад Македонија, во кој се предвидени и државни институции. Иако беше во стечај сѐ до почетокот на 2021 година, од јануари, 2021 до 10 април 2022 година, на посочениот објект инвеститорот не презел никакви градежни активности кои би значеле завршување на објектот т.н. Офицерски дом. Инвеститорот во 2021 година поднел барање за измени во тек на градба, меѓутоа истото, согласно Законот за градење, од формално-правни причини беше отфрлено, а подоцна се издадени решенија за измени во тек на градба за двете градежни парцели. Овој објект почна да го гради грчкиот бизнисмен Димитрис Кондоминас во 2011 година. Тогашната влада на Никола Груевски преку Министерството за транспорт и врски му го продаде ова атрактивно земјиште со површина од 6.300 квадратни метри по цена од 100 евра по квадрат. Но, откако Кондоминас во 2015 година беше уапсен во Грција поради затајување данок, проектот го презеде Самсоненко кој ја купи фирмата на грчкиот бизнисмен за 600.000 евра. Инвеститорот на објектите сè уште плаќа пенали согласно договорот за отуѓување на градежно земјиште по пат на јавно наддавање и тоа во износ од 3 проценти од вкупно постигнатата продажна цена на земјиштето, кумулативно за двата објекта. Односно, Самсоненко плаќа секој месец пенали на Општина Центар во висина од 10.000 евра. Тоа е поради надминување на роковите за изградба на двата објекти на плоштад „Македонија“. Зошто се плашеше ВМРО-ДПМНЕ од Законот за рестриктивни мерки? На „црната листа“ на САД покрај Самсоненко и неговата сопруга има многу политичари и бизнисмени од Македонија, но вистината е дека најмногу се блиски до ВМРО-ДПМНЕ, меѓу кои и екс разузнавачот Сашо Мијалков, бизнисменот Орце Камчев. Обвинителката Катица Јанева пак беше заеднички кандидат бидејќи беше избрана како прифатлива и за ВМРО-ДПМНЕ и за СДСМ, додека Стевчо Јакимовски до скоро им беше коалициски партнер. Токму најголем противник за законот за рестиктивни мерки беше ВМРО-ДПМНЕ. Со законот јасно се кажува дека причина за рестриктивни мерки ќе биде и корупцијата и злоупотребата на службена положба, а тие ќе се применуваат по автоматизам ако некој јавен функционер се најде на црната листа на САД, ЕУ и Обединетото кралство. Тоа значи дека и самото појавување на некое име на овие листи ќе значи замрзнување на имотот и на парите на тој функционер во Македонија и предлог од МНР за започнување на кривична постапка со која ќе се бара и законска одговорност. Но ваквиот закон не се изгласа, а главната нишка во борбата со корупцијата беше што замрзнувањето на имотот и на парите автоматски ќе стапеше на сила и „црната листа“ ќе беше над одлуките на нашето „сваровски“ судство, кое усоврши илјада начини како да ги игнорира коруптивните дела или да го застари секој процес против центрите на моќ. Што е „црната листа“ на САД? „Црната листа“ на САД е неформален правен акт и како таков во други држави не може да произведе правни последици освен во САД. „Црната листа“ произлегува од таканаречениот Закон Магнитски. Во САД, Законот Магнитски (Magnitsky Act) е усвоен во 2012 година со потпишувањето на овој акт од страна на тогашниот претседател Барак Обама. Актот е збир од закони што предвидуваат владини санкции против странци што извршиле прекршување на човековите права или биле вклучени во значителна корупција. Сергеј Магнитски бил руски сметководител што во 2008 година открил даночна афера на руски службеници, кои според него украле 230 милиони долари. Поради тоа тој бил уапсен и затворен под обвинение за помагање во даночно затајување. Магнитски умрел во притвор во ноември 2009 година. Неговите приврзаници тврдат дека причина за смртта е полициска бруталност, односно дека Магнитски бил претепан до смрт од затворската полиција. По примерот на Соединетите Американски Држави, вакви и слични закони се донесени меѓу другите и во Обединетото Кралство, Естонија, Латвија, Косово, Гибралтар, Канада, Австралија. Заедничко за сите овие закони е што тие санкционираат странци и странски фирми или, како примерот со Канада, која ги санкционира и Канаѓаните, но само оние што живеат во странство. Соња Танеска / Градска.мк...
Германско МНР: Сакаме да ја видиме Северна Македонија во ЕУ, сега е важно да се продолжи со уставните измени
НоваТВ - пред 1 ден
Германското Министерство за надворешни работи на платформата „X“ нагласи дека сакаат да ја видат Северна Македонија во ЕУ и оти e важно земјата во моментов да продолжи со уставните измени. -Сакаме да ја видиме Северна Македонија во ЕУ. Државата иницираше важни реформи за да го постигне тоа и мора да продолжи по тој пат. Особено е важно за Северна Македонија сега да ги започне уставните измени, се наведува во постот на германското МНР, кој е објавен со фотографија од министрите за надворешни работи на двете држави, Бујар Османи и Аналена Бербок. Mинистерот за надворешни работи Османи денеска се обрати на 133. сесија на Комитетот на министри на Советот на Европа во Стразбур, при што ја подвлече улогата на мултилатерализмот при справување со тековните многубројни предизвици. -Покрај сите свои пропусти, мултилатерализмот останува единствениот начин да се мобилизира колективен одговор кон војни, кризи, вонредни ситуации и неспоредливи предизвици од различна природа. Советот на Европа останува суштински столб во тој поглед. Сепак, ние, земјите-членки ја носиме одговорноста за неговата ефикасност, истакна Османи. За време на престојот во Стразбур, Османи ќе има средби со негови колеги од различни земји....
Екстрадиран Бесим Красниќи
НоваТВ - пред 1 ден
Министерството за внатрешни работи ја известува јавноста дека денеска полициски службеници од Секторот за меѓународна полициска соработка при МВР и Единицата за интервентна полиција на СВР Скопје го завршија процесот на екстрадиција од Косово во Република Северна Македонија на Бесим Красниќи (44), кој се бараше со меѓународна потерница по наредба на Основен кривичен суд Скопје за издржување на казна затвор за сторени кривични дела разбојништво, тешки дела против општата сигурност и казнување за подготвување во врска со кривично дело тероризам. Лицето е спроведено во КПУ Идризово....
Бесплатен влез во музејските институции за 18 Мај, Меѓународниот ден музеите
НоваТВ - пред 1 ден
„Музеи за едукација и истражување“ е мотото под кое утре ќе се одбележи Меѓународниот ден на музеите, 18 Мај, датум кој музејските институции низ светот со разновидни активности го одбележуваат од 1977 година. На овој ден, музеите во земјава традиционално ги отворат своите врати и овозможуваат бесплатен влез за посетителите кои можат да ги видат актуелните изложби и да се запознаат со движното културно богатство. Музеите, освен својот придонес како платформа за размена на идеи и знаења, имаат значајна улога во образованието и се афирматори на темите што денес силно го засегаат светот, а кои чекаат да бидат истражени и споделени. Музејските институции ги поттикнуваат идните генерации на креативен, динамичен и интересен начин да се осврнат на комплексните општествени предизвици на денешницата, да се информираат за причините и последиците од човековото влијание врз природата и да развијат критичко размислување и лична одговорност неопходна за градење одржливо општество. Меѓународниот ден на музеите традиционално се одбележува секоја година на 18 мај со цел промоција на значењето на музејските институции во современото општество. Денот посветен на музеите е востановен од Меѓународниот совет на музеите – ИКОМ со седиште во Париз....
Меѓународен ден против хомофобија, бифобија и трансфобија
НоваТВ - пред 1 ден
ИДАХОБИТ се обележува секоја година на 17-ти Мај за да се привлече вниманието на властите, медиумите, јавноста, креаторите на јавното мислење и локалните авотритети за ситуацијата со која се соочуваат ЛГБТИ лицата (лезбејки, геј, бисексуалци, трансродови лица и интерсекс) и сите тие кои не се однесуваат во согласност со повеќето сексуални и родови норми. Овој ден е создаден во 2004 година за да го привлече вниманието на креаторите на политики, креаторите на јавното мислење, социјалните движења, јавноста и медиумите за насилството и дискриминацијата искусена од ЛГБТИ лицата на меѓународно ниво. Датумот 17-ти беше избран за да се комеморира одлуката на Светската Здравствена Организација која во 1990 одлучи да ја декласификува хомосексуалноса од листат на ментални болести. Меѓународниот ден против Хомофобија, Бифобија и Трансфобија e официјално признаен од многу држави, меѓународни институции како што е Европскиот Парламент и од многубројни локални власти. ЦИВИЛ ја поддржува ЛГБТ заедницата, како и сите други заедници кои се борат за своите права и еднаквост, во заедничката борба против насилството и дискриминацијата, со истакнување на мултикултурните вредности што ги поседува нашата земја во најразлични форми. ЦИВИЛ ја започна иницијативата „Чекор напред кон мултикултурно општество“ за промовирање на мултикултурните и европски вредности во нашето општество. Преземено: ЦИВИЛ...
Јазбец: Во политиката лесно е да се победи, но доста потешко е да се реализира програмата
НоваТВ - пред 1 ден
Во принцип во политиката секоја промена е добра бидејќи треба да донесе нешто ново. Тоа е една работа, а другата, колку што пратев, е оваа новата власт има многу големо мнозинство во собрание. Тоа е добар основ да се забрза европскиот пат и ќе биде полесно ако се продолжи европската политика, вели Милан Јазбец, поранешен словенечки амбасадор во Македонија во интервју за Цивил и Слободен печат. Тој вели дека како поранешен амбасадор во Скопје имал можност да се среќава и со актуелната претседателка на државата и со идниот премиер и дека се познаваат добро. „Нека не ми замерат, но во политиката е релативно лесно да се победи. Тоа е моја констатација. Но доста потешко е да се владее. Владеење значи да се има многу јасна програма, детална програма, широка програма и многу луѓе кои работат на реализирање на програмата. Тоа секогаш е потешкото. И мислам дека и тука нема да биде лесно поради овие големи промени. Но, тоа треба да се очекува. Јас мислам дека и медиумите и јавноста треба да го изразуваат ова очекување, бидејќи сум сигурен дека и европските институции, особено ЕУ, ќе очекуваат напредок посебно после членството во НАТО евроинтеграцискиот потег би требало да се забрза“, вели Јазбец. Поранешен словенечки амбасадор во Македонија потенцира дека да се промени меѓународен договор е уште потешко отколку да се донесе. „Да се дојде до некои меѓународни, посебно до билатерални договори и посебно кога тоа се случува со соседи овде на Балканот, е многу сложен процес. И кога до него ќе се дојде се знае дека тоа се случило низ еден тежок, долг и сложен пат. Оттука, да се промени еден таков договор е уште потешко. Впрочем, тоа и би немало некаква смисла зашто да се промени меѓународен договор е уште потешко отколку тој да биде донесен. Така на пример, тие кои активно учествувале во неговото градење сигурно вложиле голема енергија која сега би било потребно повторно да се вложува, повторно да се троши, а секако доколку за тоа нема некои посебно оправдани причини. Тоа е една работа. Другата е стара најмалку бар две илјади години“, вели Јазбец. Тој додава дека во дипломатијата, во оваа материја со договорите има две важни правила. Едното е договорите да се почитуваат кои се склучени, формализирани, ратификувани. „Но, бидејќи ниедна работа не е апсолутна. Второто е, доколку по некое време и пред сè поради некои глобални причини се дојде до големи, до круцијални промени во меѓународната околина и воопшто во меѓународните односи, во еден таков случај можат да се договорат промени. Но тие не можат да се случат само кај едната страна, туку тоа е процес во кој ќе треба да бидат вклучени сите страни учесници во договорот кој бил претходно склучен. Притоа, исто така е многу важно, доколку дојде таква ситуација да се има предвид со раскинување на договорите или со промени во нивните содржини, да не се направи некаква штета. Тоа во теоријата на правото е доста јасно, но во праксата е тешко остварливо“, истакна Јазбец. Преземено: Цивил Медиа...
Премиера на претставата „Парови“ на авторката Ана Ристоска Трпеноска во режија на Ивана Ангеловска
НоваТВ - пред 1 ден
Премиера на претставата „Парови“ ќе се одржи утре на 18 мај во 20 часот на сцената „Ристо Стефановски“ во Драмски театар Скопје. Директорката на Драмски театар Скопје Викторија Рангелова Петровска на прес конференцијата направи осврт на традицијата на Драмски во поддршката на текстови на македонските автори со што Драмски се издвојува и го држи приматот на национална куќа која дава најискрена поддршка со поставување на претставите на домашните автори. Таа истакна дека: „Новата премиера на Драмски театар која е воедно и праизведба на драмскиот текст ПАРОВИ од авторката Ана Ристоска Трпеноска. Авторката Ана Ристоска-Трпеноска во драмскиот текст промислува на современ јазик и го поставува прашањето: „Постои ли вистински успешна врска, совршен брак или партнерите се стремат да постигнат невозможен концепт, нешто што е конструкт на општеството? Животот во заедница е различен од онаа идеализирана љубов што партнерите очекуваат дека треба да се случи и да трае, и од сликата за заедница која доминира во дигиталниот свет. Со „Парови“ сакав да напишам драма за партнери заглавени во трагикомичното секојдневие на заедничкиот живот. Мене секогаш повеќе ме интересира да го прикажам тоа што не се гледа, да пишувам за осаменоста и за проблемите со кои партнерите се соочуваат, но ги чуваат меѓу четири ѕида. Борба за доминација, его, токсични машко-женски односи, партнери на кои им е поважен професионалниот успех и социјалниот статус, партнери што посакуваат никогаш да не се сретнеле, се изневеруваат, бракови што станале рутина, партнери кои имаат различни очекувања, доживуваат разочарувања и се комични во нивната немоќ. Драмата „Парови“ прикажува неколку парови партнери во различни ситуации и фази од нивните животи. Сите нив ги поврзува потребата за љубов и немоќта да ги променат работите“. Сценограф на претставата е Костантин Трпеноски, изборот на костимите се на костимографите Раде Василев и Ратка Џамбазовска Коцев, дизајнот на постер е изработен од Дамјан Момировски, а фотограф е Стефан Стамандов. Улогите ги играат актерите на Драмски театар Скопје: Ирена Ристиќ, Игор Ангелов, Игор Стојчевски, Димитрија Доксевски, Јасмина Василева, Стефан Вујисиќ, Ивана Павлаковиќ, Ања Митиќ, Лазар Христов и Нина Елзесер....
ЕУ со нова хуманитарна помош за Појасот Газа
НоваТВ - пред 1 ден
Европска Унија денеска ја испрати првата пратка со хуманитарна помош за Појасот Газа преку Кипар до привременото американско пристаниште, изјави портпаролот на Европската комисија. Тој додаде дека пристаништето почнало со работа дури вчера. Првата европска пратка преку новоизграденото пристаниште е донација од Романија. ЕК ги покрива трошоците за оваа испорака, а ЕУ отвори логистички центар на Кипар за да го насочи протокот на помош за Палестинците. Од почетокот на оваа година, ЕУ и обезбеди на Појасот Газа повеќе од 2.000 тони помош. Според ЕК потребно е и по копнен пат да може да се дистрибуира помош до Појасот Газа, вклучително и преку контролните пунктови Керем Шалом и Рафа. ЕУ го повикува Израел да обезбеди постојан пристап преку нови пунктови, на пример преку преминот Ерец и пристаништето Ашдод....
Судски совет за изјавата на Мицкоски: Судската власт е самостојна и независна, секое мешање носи сериозна опасност по демократијата
НоваТВ - пред 1 ден
Судската власт е самостојна и независна. Секое мешање во судството и во судската власт носи со себе сериозна опасност по демократијата, правната сигурност и владеењето на правото, велат од Судскиот совет на најавите на лидерот на ВМРО-ДПМНЕ и иден мандатар Христијан Мицкоски дека нивна цел е да го распуштат Судскиот совет и самите судии и обвинители преку тајно гласање да ги избираат своите преставници во Советот. – Судскиот совет не се впуштa во коментирање и оценка на предизборни програми и ветувања на која било политичка партија, затоа што тоа е крајно несоодветно. Единствено, Судскиот совет укажува дека судската власт како една од трите власти, а не трета власт, е самостојна и независна. Овој факт не го користиме како флоскула и одбранбен механизам. Мора да биде јасно и сите да бидат свесни дека секое мешање во судството и генерално во судската власт на кој било од носителите на другите две власти, носи со себе сериозна опасност за едно демократско општество, правната сигурност и владеењето на правото, како вредности, стандарди и врвни приоритети кон кои како држава се стремиме на патот кон ЕУ, велат од Судскиот совет. Оттаму нагласуваат дека се свесни за состојбите во судството, за нивото на доверба и за се она што како недостиг се става на товар на судството. – Критиките ги прифаќаме, меѓутоа, исто така убедени сме дека судството во Република Северна Македонија има капацитет да ги надмине состојбите без реформи и резови за кои никој не може однапред да ги предвиди ефектите кои ќе бидат предизвикани. Реформи заради реформи никому не му се потребни и истите само ќе ги вратат неколку чекори назад процесите и активностите кои Судскиот совет ги превзема во овој период, финансирани и со поддршка на меѓународната заедница преку проекти, а се во насока на подобрување на состојбите во судството и се во напредна фаза. Само тогаш кога политичарите кои доаѓаат и си заминуваат од власт, ќе сфатат дека судската власт е столбот кој останува и не е марионета, ниту инструмент за остварување на нечии интереси, граѓаните ќе добијат судство какво што заслужуваат, нагласуваат од Судскиот совет. Лидерот на ВМРО-ДПМНЕ и иден мандатар Мицкоски вчера во обраќање на Самитот „Македонија2025“ рече дека главен предизвик ќе бидат реформите во Судскиот совет и Советот на јавни обвинители и дека нивна цел е да ги распуштат оние кои довербата во правниот систем ја свеле на едноцифрена бројка проценти и наместо нив, самите судии и обвинители да си ги изберат своите претставници преку тајно гласање....
Краткотрајно невреме следните денови, со пороен дожд, град и грмежи
НоваТВ - пред 1 ден
Во следните денови времето ќе биде значително потопло, но во попладневните часови наместа нестабилно со пороен дожд и грмежи. Локално ќе има услови процесите да бидат поинтензивни во форма на краткотрајно невреме, со силен ветер, интензивен пороен дожд и изолирана појава на град, информира УХМР. И во Скопје следните денови ќе биде сончево и топло, но попладне во делови од котлината ќе биде нестабилно со пороен дожд и грмежи и со услови за краткотрајно невреме. УХМР препорачува во случај на електрични празнења да не се престојува на отворен простор и под осамени дрвја....
Меси заработува повеќе од сите негови соиграчи заедно
НоваТВ - пред 1 ден
Годишната плата на Лионел Меси во Интер Мајами е 20,4 милиони долари, убедливо највисока во фудбалската лига, според податоците објавени во четвртокот од Здружението на играчи на МЛС. Всушност, само три од преостанатите 28 тима во американското првенство трошат повеќе пари вкупно за плати отколку што Интер троши за осумкратниот освојувач на Златната топка. Целата сметка за плати на Интер Мајами е 41,7 милиони долари, што значи дека 36-годишниот Аргентинец заработува повеќе од сите негови соиграчи заедно. Поранешниот соиграч на Меси во Барселона, Серхио Бускетс е вториот најплатен соиграч со по 8,7 милиони долари, додека Жорди Алба и Луис Суарез заработуваат по 1,5 милиони долари по сезона. Трите клуба кои имаат поголем буџет за плата од платата на Меси се Торонто, Чикаго Фајр и Нешвил. За надомест во Торонто одвојуваат 31,4 милиони долари, во Чикаго – 25,1 милиони и во Нешвил – 21,4 милиони. Најмал буџет е тој на Сент Луис со 12 милиони долари, додека Солт Лејк и Сан Хозе трошат по 13,6 милиони долари на своите играчи. Според податоците на Здружението на играчи на МЛС, јасно е дека втора најголема плата по Меси е играчот од средниот ред на Торонто, Лоренцо Инсиње, кој добива 15,4 милиони долари годишно. Трет е Бускетс, а веднаш по него Швајцарецот Џердан Шаќири. Во Чикаго добива 8,15 милиони долари. Топ 5 го затвора бекот на Остин, Себастијан Дриуси со 6,72 милиони долари....
Неопходни се реформи во правосудството, при носење на законите да се консултура научната фела, апелираат експерти по право
НоваТВ - пред 1 ден
Педесеттина експерти на правната наука, ректори, декани, претседатели на еснафските правнички комори, професори, доценти, докторанти од правните факултети во земјата и странство учествуват на 10-тата јубилејна Меѓународна научна конференција „Предизвиците на правото во 21 век“ што во организација на Институтот „IURIDICA PRIMA“ од денеска се одржува во Охрид. На собирот ќе бидат презентирани неколку десетици трудови на темата и актуелни прашања од областа на правото, а се очекува преку размена на нови знаења од споредбеното право, добрите искуства и практики да произлезат аргументирани предлози за подобрување на постојните законски решенија и реформите што претстојат во насока на хармонизација на националното со правото на Европската унија, постигнување на поголема правна сигурност во правните односи и владеењето на правото во целина. – Бројни се предизвиците со кои се соочува правото. Пред се тука е силата. Кога постои одредена сила, веќе не постои ниту меѓународното право. Бројните воени конфликти низ светот покжауваат дека меѓународното правоо не функционира како што е предвидено. Потоа, следен предзвик е влијанието на политиката врз правото. Постојано говориме за владеење на правото, а имаме владеење на мали политички групации кои ги наметнуваат својите влијанија дури и врз судството и закондавството, што укажува на потребата од сериозна борба и темелни реформи. Корупцијата е постојана болка што го обременува општеството, истакна професорот Ангел Ристов, претседател на Институтот „IURIDICA PRIMA“. Според него, потребни се нужни реформи во законодавството, особено во приватното право. – Граѓанското право е заборавено. Во законодавството, во политиката сите се држат за јавната сфера, а поединецот е заборавен. Она што треба државата и новата влада да направи е конечно да се сврти кон граѓаните и после 13 години да биде донесен граѓанскиот законик, кој ги уредува односите на граѓаните од раѓањето до смртта. Петте негови делови се изготвени, тоа ќе бидат големи реформи во интерес на граѓаните, посочи Ристов. Она што е меѓу главните проблеми во правната сфера е носењето закони спротивни на принципите на правото, на правдата, моралот на здравата правничка логика. – Упатуваме апел до законодавецот при носењето на идните закони и реформите, секогаш да се носат во консултација со практичарите и науката, доколку императив е напредок во сферата… Широка јавна расправа по сите законски решенија за праведни закони, рече тој. Професорот Борче Давитковски со критики кон нивото на владеењето на правото во општеството, за што, како главна причина ја посочи отсуството на политика волја за надминување на состојбите. – Сами се доведовме во таква ситуација. Немаше политичка волја да се направат вистински реформи во правосудниот систем, како во судството така и во обвинителството. Судскиот совет како рогови во вреќа, обвинителсткиот совет го нема никаде, непрепознатливи се, а тие треба да се контролор на третата власт. Пред се, она што е важно е да се разбере дека реформите се прават за подобрување на животот на граѓаните, ако тие ги почувствуваат бенефитите од нив, тогаш дури можеме да очекуваме влез во ЕУ, без тие стандардни нема влегување. И Уставот да го промениме, доколку нема политичка волја за реформи – нема успех, рече Давитковски. Тој посочи дека во првите шест месеци новите власти треба да ги постават насоките како ќе се прават реформите во сите општествени сфери, за луѓето да имаат перцепција што ќе се случува и што да очекуваат. – Претходната влада не ги донесе законите што беше предвидено да бидат донесени до 2023 година. Во септември ќе го добиеме најнегативниот извештај од ЕУ за реформите во јавниот сектор во последните 20 години. Она што е неопходно е целосно преиспитување на улогата на судскиот и на обвинителскиот совет, на Академијата за судии…Мора да заврши практиката лица без никакви искуство, само со политичко влијание и врски да стануваат судии, нагласи Давитковски. Професорот Арсен Јаневски исто така истакна дека неспорно се потребни реформи во правосудниот систем. – Очигледно е дека од сите страни, и од ЕУ и од секаде ни укажуват, а и самите знаеме дека судството не ни функционира како што треба. Доаѓа период кога од сите сфери на правото се работи на кодификација на граѓанскиот кодекс, изготвен е неговиот пред-нацрт и се надеваме дека новата влада ќе го поддржи, како значајна новина за државата. Во рамки на таа новина ќе следат реформи во судство, во обвинителство во судски совет и во други области каде е потребна измена на легислативата за да се подобри функцинирањето на институциите во државата, рече тој. Јаневски посочи дека нема држава во светот каде нема корупција, но прашањето е во колкава мера. – Очигледно е дека институциите на функцинираат и оттаму таквиот резултат. Затоа треба да се направат коренити промени, и во судството и во обвинителството и во судскиот совет и во многу други институции во државата…истакна преофесорот Јаневски. Меѓународната конференција што е дел од Охридската школа на правото е прва од ваков вид во земјата и веќе станува традиционална и препознатлива во регионални и меѓународни рамки. Сите трудови што ќе бидат презнетирани тука, по рецензирањето ќе бидат објавени во посебен меѓународен зборник во два тома (19 и 20). Досега од конференциите одржани во периодот од 2015 до 2023 година се објавени 18 тома, што се достапни за пошироката јавност објавени на интернет-страницата на Институтот „IURIDICA PRIMA“ и на електронската база EBSCO....
Премиера на престава за млади „Адамс Фемили“ во Албанскиот театар за деца и млади
НоваТВ - пред 1 ден
Во НУ Албански театар за деца и млади во Скопје утре вечер ќе се одржи премиера на престава за млади „Адамс Фемили“„ со адаптација и во режија на Теа Беговска. -Фамилија Адамс е приказна со која сите сме растеле и за поголемиот дел од публиката е веќе позната. Карактерите се препознатливи, многу атрактивни и предизвикувачки за креирање, како за актерите така и за режисерот. Оваа идеја за Фамилија Адамс за Теа Беговска постои повеќе од осум години и е среќна што Албанскиот Театар за деца и млади му даде шанса на овој проект да се реализира токму со ваква прекрасна екипа на актери. Имаме подела за карактерите која е полн погодок кај нас, се вели во соопштението за претставата. Претставата е намената за млади и тинејџери, но и за возрасните, за родителите и сите семејства. -Претстава во која како тема се проткајува љубовта и разбирањето за тоа дека таа е најсилна од се’. Прифаќање на нештата онакви какви што се. Разбирање за тоа дека убавината е во различноста, среќата е во различноста. Среќата како начин и избор, а не нешто наметнато и научено според правила. Вредностите на општеството се учат и применуваат само преку различностите, а не преку строги, одредени и единствени правила. Вредностите на едно семејство не се тоа што го пишува во учебниците, вредностите на семејството не се однапред измислена и научена дефиниција на памет – семејството е искреност, верба, љубов, прифаќање – целосна хармонија, се посочува во соопштението. Во претставата играат Валдета Исмаили, Мелика Кастрати, Мумин Абдулахи, Деа Пајазити, Флакрон Али, Елдин Широки, Гзим Жерка и Блерим Дардишта. Сценографија е на Дардан Ахмети и Теа Беговска, костими на Андреј Папаз Ѓоргиевски, композитор е Енес Беговски, мајстор за звук Албин Сопа, мајстор на светлата Елмедин Брахими и Амет Чајани, сценски работник Ќамуран Шапка и Јетмир Адеми, а гардероба на Месер Џемаили....
Истражувања: Некои особини и одлики се наследуваат главно од мајката
НоваТВ - пред 1 ден
Повеќето човечки особини се полигенски, што значи дека тие се одредени со комбинација на неколку гени од двајцата родители. На пример, има најмалку 700 секвенци во генетски код на една личност коишто може да влијаат на висината, кожа, бојата на косата и очите итн. Иако повеќето наследени гени се пренесуваат од двајцата родители, некои особини се типично и директно поврзани со мајката. Следат неколку примери. Знаците на стареење Како што старее, на човековото лице се појавуваат брчки – на челото, кај устата итн. Тоа, во голем дел „се презема“ од мајката, т.е. мајчините митохондрии придонесуваат за процесите на стареење. Според истражувачите од шведскиот Каролинска институт и германскиот Институт за биологија и стареење „Макс Планк“, детето ќе ја наследи ДНК-та на мајката, вклучително и митохондријалните болести или дисфункција. Истражувачот д-р Нилс-Горан Ларсон, вели: – Истражувањето покажа дека митохондријалната ДНК на мајките влијае на тоа како старееме. Ако ја наследиме митохондријалната ДНК со мутации од нашата мајка, старееме побрзо. Интелигенција Иако не постои единствен „ген за интелигенција“, еден од факторите коишто придонесуваат за високиот интелект на детето е ДНК-та на мајката. Повеќе истражувања ја поддржуваат оваа теорија, на пр., она спроведено од Советот за медицински истражувања во Шкотска. Британските истражувачи интервјуирале млади луѓе на возраст од 14 – 22 години и тоа траело повеќе години. Заклучоците говорат дека најдобриот показател за интелигенција е коефициентот на интелигенција на мајката. Во просек, коефициентот на испитаниците варирал само за 15 поени од оној нивната мајка. Менталното здравје и нарушувањата Според научнициете, не се наследуваат само физичките особини и однесувањето, туку и менталните и емоционалните одлики. Иако и надворешните околности играат улога во развојот на нарушувањата на расположението, разни болести или состојби, тие дејствуваат во склад со генетските предиспозиции – не секогаш исклучиво од мајката, но истражувањата посочуваат дека ова е почеста појава отколку што се мислеше. Испитување од 2016 година открива поврзаност меѓу депресијата кај мајката и ќерката во анализа на 35 семејства. Интересно е што депресијата, според наводите не се пренесува од татко на ќерка или од татко на син. „Килограмите“ Одржувањето здрава тежина има многу повеќе врска со здравиот начин на живот отколку со генетиката, но тоа не значи дека гените на мајката не се поврзани со дебелината на синот или ќерката. Според некои истражувања, мастите се суштински извор на енергија во телото. Темното масно ткиво е особено одговорно за регулирањето телесна температура и енергетски метаболизам, за разлика од белите масни клетки, коишто се зголемуваат при вишок енергија (калории). Истражувачите откриваат дека темното масно ткиво може да се користи во борбата против дебелината. Во таа смисла, мајките носат ген којшто им овозможува на темните масти да надвладеат над белите масти, коишто пак, генетиката му ги припишува на таткото и неговите гени. Начините на спиење Сонот, т.е. навиките, однесувањето, па дури и некои нарушувања во спиењето, многу се верува дека попрво се пренесуваат од мајка на дете, отколку од таткото. Ова ги вклучува циклусите на спиење и будење, но и несоницата. И напис во списанието „Слип медисин“ (Sleep Medicine) посочува дека децата ги наследуваат навиките на спиење од нивните мајки. Во таа смисла, занимлива е јасната поврзаност меѓу несоницата кај мајката и неколку метрики на спиење кај бебето....
Османи во Стразбур: Мултилатерализмот останува единствен ефикасен одговор кон предизвиците
НоваТВ - пред 1 ден
Mинистерот за надворешни работи Бујар Османи се обрати на 133. сесија на Комитетот на министри на Совет на Европа во Стразбур, при што ја подвлече улогата на мултилатерализмот при справување со тековните многубројни предизвици. -Покрај сите свои пропусти, мултилатерализмот останува единствениот начин да се мобилизира колективен одговор кон војни, кризи, вонредни ситуации и неспоредливи предизвици од различна природа. Советот на Европа останува суштински столб во тој поглед. Сепак, ние, земјите-членки ја носиме одговорноста за неговата ефикасност, истакна Османи. Според него, на 75-годишнината од постоењето, Советот на Европа со нејзините норми и стандарди придонесе за подобрување на животот на граѓаните, чување на човековите права и негување на демократијата и владеењето на правото. Министерот го поздрави денешното усвојување на Рамковната конвенција за вештачка интелигенција, човекови права, демократија и владеење на правото, како прв меѓународен инструмент во оваа област. -Блиската соработка со другите меѓународни организации, особено со ЕУ, ОН и ОБСЕ при решавање на заедничките проблеми е од особено значење, додаде Османи. За време на престојот во Стразбур, Османи ќе има средби со негови колеги од различни земји....
Мбапе ќе потпише 5-годишен договор со Реал и ќе зема 15 милиони евра годишно плата
НоваТВ - пред 1 ден
Напаѓачот Килијан Мбапе се согласил на значително намалување на платата при неговото преселување од ПСЖ во Реал Мадрид, тврди Скај Спортс. Се очекува 25-годишниот Французин да потпише петгодишен договор со Шпанците за плата од 15 милиони евра по оданочување. Играчот ќе добие и 150 милиони евра како бонус за потпишување. Според Скај Спортс, платата на Мбапе во ПСЖ во сезоната 2023/24 изнесувала 75 милиони евра годишно. Фудбалерот доби и 30 милиони евра од парижаните во вид на бонус за потпис. Мбапе најави дека ќе го напушти ПСЖ како слободен играч на крајот од сезоната 2023/24. Најверојатно, напаѓачот кариерата ќе ја продолжи во Реал Мадрид. На 16 мај беше објавено дека се очекува „белиот балет“ официјално да го објави договорот со играчот пред почетокот на ЕП 2024 година....
Сатаната уште не умрел, а кога ќе умре…
НоваТВ - пред 1 ден
Барем милион и триста илјади од граѓаните, ако не и повеќе, очекуваат да се продолжат најбргу можно преговорите со ЕУ. Да не си дозволи владејачката структура да ја екстернализира сопствената блокада на патеката кон ЕУ во алатка за сопствено размножување, бидејќи така, во не многу далечна проекција веќе тотално нема да биде ни Северна, ни само Македонија, ако се разбираме што ова значи Емилија ЦЕЛАКОСКА / РАЦИН.мк Децата се учат да собираат користејќи ги прстињата или некои предметчиња и често можете да ги чуете како на глас ги кажуваат бројките и операциите. Со време научуваат да запишуваат во тетратка и можат да оперираат и со поголеми бројки, а полека гласното кажување станува сѐ потивко, со прескокнувања, шептење и на крај исчезнува. Прстињата, предметчињата, но и моливот и тетратката се надворешни алатки за совладување на вештината, а таа се совладала кога менталниот процес станува внатрешен. Сега никој нема многу да се замисли ако прашам колку е 3+2, да ги испружи прстите итн., туку, просто, однатре му е јасно колку е. Но, за 78 помножен со 26, малку луѓе нема да се послужат со молив и хартија, бидејќи тешко можат да ги следат последовалните дејства на алгоритмот за множење двоцифрени броеви интерно, во себе. Виготски ја истражувал линијата меѓу екстернализацијата (со помагање на надворешни алатки) и интернализацијата на менталните процеси (внатрешна анализа), користејќи ги примерите од аритметиката и детското учење. Меѓутоа таа линија не може јасно да се повлече, всушност, користењето на надворешни алатки овозможува активација на повисоки ментални процеси внатрешно, како стратегии, повисоки алгоритми далеку над аритметичките. На пример, множењето на 78 со 26 може да е само елемент од повисокиот алгоритам за колку пари за колку литри бензин ви требаат. Оваа успешна фузија меѓу екстернализацијата и интернализацијата на менталните процеси го прави човекот единствен на планетава, при што можноста за нивна наизменична примена формира скалест алгоритам за разбирање и користење на ресурсите во неговата околина, а и на самиот него со своите таленти, како човечки ресурс, за сите и за себе. Со крајот на формалното образование, не би требало да запре скалестата наизменичност на екстернализацијата и интернализацијата во фузија на сѐ поголема зрелост, капацитетност, но и корисност за општеството и сам за себе. Со вработувањето, работните обврски во многу бранши го бараат тоа, при што искусните се оние кои имаат поголем степен на интернализација, а воедно и поголем капацитет за екстернализација на менталниот процес со цел решавање на проблемите. Дури и токму тие две карактеристики, еден раководител на сектор може за само неколку секунди да ги процени кај вработените или кандидатите за работа, бидејќи тенденциите за екстернализирање и интернализирање ја бојат секоја емоција и затоа секоја буква од говорот на телото, тонот и изборот на зборови. А од претходната биографија впечатокот може да се дополни и со изборот на дејства. Сатаната им „умре машки“ и сега, и покрај убавите желби на еден водител на интервјуа за „отсега само позитивни вести“, вести се пак сега колку е лош грчкиот сосед (што не беше вест 6 години), и ангелчето што од претседателска функција го бара личното „право на слобода на изразувањето“ Дека луѓето се раѓаат со однапред запишан во гените поголем капацитет за екстернализација отколку животните е јасно од многу експерименти и, заради прилично големата базична добробит од тоа (помислете колку лесно ја држите чашата со вода или лажицата, на пример), екстернализацијата е побазична отколку интернализацијата. Вторава, како во примерот со гласното пресметување на 3+2 кај дечињата, зависи од развојот на сопствениот говор, а тој пак, од формирањето на кохерентна слика од туѓиот говор, што е многу битно, бидејќи туѓиот говор станува екстерна алатка за интерен развој на мислата и говорот. До каде ќе оди качувањето нагоре по наизменичните скалички, зависи од тенденцијата за хедонизам наспроти стоицизмот на карактерот. Се разбира дека хедонизмот има пречесто елементи на „линија на помал отпор“, па развојот многу често застанува на преовладувачка психологија на екстернализација. Од другата страна, пак, и покрај стоичкиот карактер, повторно од „линија на помал отпор“ може да тргне погрешна евристика (заклучоци по пократки патишта) во интерпретацијата на околниот свет како многу строг. Така интернализацијата може да стане една стрмна удолница по која се тркала сѐ поголема топка, наместо скалило за нагоре. На пример, суеверието е полно со погрешна евристика – АКО не зборуваш велелепно за Бога, ТОГАШ ќе ти се случи нешто лошо (Ова е појака верзија од „ако зборуваш лошо за Бога, тогаш ќе ти се случи нешто лошо“). Или, ти се појавило големо мозолче на челото и си сигурен дека е некој вирус на сипаница. Сѐ тоа води во анксиозност или полоши опсесии и погрешно „знаење“ за намерите на други луѓе и затоа, за погрешна слика за околниот свет, што, се разбира, прави пречки во функционирањето. Оваа чувствителност на насоката во која интернализацијата ќе оди е нејзина голема моќ врз нас и затоа доброто задавање нејзин правец (за нагоре) бара голема одговорност. Тенденцијата за хедонизам не може да одговори, а во стоицизмот може да се претера. Многумина ова инстинктивно го решаваат преку екстернализација на злото ОД себе. На пример, ќе се случи нешто лошо и, како што народски велиме, „ја фрлаат бељата на друг“. Некој друг е секогаш виновен, како што малите деца често прават за да се оправдаат себеси. Ова може да биде и обичен механизам за смирување и продолжување натаму, но може да биде и блокатор, ако стане основен начин за „решавање“ на проблемите. Уште повеќе, во општествената динамика, екстернализирањето на злото од себе може да стане блокатор на самото општество. Согледувам пропагандни механизми кои ја свртуваат екстернализацијата СО (алатки итн.) во екстернализација ОД (злото), преку манипулација со чувствителната интернализација на менталните процеси. А таа манипулација лесно се постигнува со помош на говорот. Така, цело едно општество може да остане незрело, автоматски користејќи си ја екстернализацијата од злото и претварајќи го менталниот процес на интернализација во обичен лов на вештерки во рамки на општествената динамика, наместо во разбирање на политичките околности, па со тоа извлекување опиплива корист за себе, како општество и држава. ВМРО-ДПМНЕ е агентот во општествово кое упорно чкрта по кохерентната слика за од некохерентноста да извлече – опипливо штетни работи за сите нас, а себеси како структура да си се промовира како „решавач“ на веќе решени работи со опиплива корист Ова подразбира дека општеството не може да се развива и да напредува ако не го тера нагорниот скалест алгоритам на екстернализација СО, а не ОД, како и наизменична интернализација преку разбирање на вистината. Не може да се решаваат проблеми или конфликти со мачкање шминка на „повеќе вистини“ и „мое мислење – твое мислење“ бидејќи се оневозможува кохерентноста на мислата која е одговорна за сликата за реалноста. Контрапродуктивна е консеквентната интернализација притоа, бидејќи без кохерентноста не може да оформи „пресметка“ на што е опипливо корисно, а што е бескорисно или штетно. Нашето македонско општество е такво и никако да созрее, благодарение на постојаниот глас на ВМРО-ДПМНЕ заедно со локалните и претседателската експозитури, што на глас и на прсти постојано пресметува дека 3+2 е сѐ друго, освен 5. Екстернализацијата од злото со години беше на претходната власт – СДСМ и ДУИ беа Сатаната, а ВМРО-ДПМНЕ беше ангелот божји во сите прогласи. Ете, Сатаната им „умре машки“ и сега, и покрај убавите желби на еден водител на интервјуа за „отсега само позитивни вести“, вести се пак сега колку е лош грчкиот сосед (што не беше вест 6 години), и ангелчето што од претседателска функција го бара личното „право на слобода на изразувањето“. Или, од аспект на алгоритмот, ВМРО-ДПМНЕ е агентот во општествово кое упорно чкрта по кохерентната слика за од некохерентноста да извлече – опипливо штетни работи за сите нас, а себеси како структура да си се промовира како „решавач“ на веќе решени работи со опиплива корист. Чкртањето по сликата, се разбира оди преку анахроните вметнувања во реалноста, кои ВМРО-ДПМНЕ упорно ги нарекува „историја“. Историјата е историја, таа се проучува и стои во минатото, но вакви сосила расипувања на веќе решени работи, од кои половината се и вештачки конструкти од некоја „своја вистина“ како кутлешката свастика, СК2014, неоставање на мир на коските на луѓето од Илинден и игнорирањето на НОБ, покажува дека ВМРО-ДПМНЕ вештачки инженерира интернализација на колективниот ментален процес на единките во општеството кон преференција на формалистичката неопипливост на целта (дали е Македонија или Северна Македонија), за да се игнорира опипливата корист од „Северна“. Многу јасно, тоа е придружено со екстернализација од злото, кое сега е претставено преку европските претставници коишто од своја страна потсетуваат дека нашиот европски пат може да застане (поточно, да ни тргне удолу работата). ВМРО-ДПМНЕ вештачки инженерира интернализација на колективниот ментален процес на единките во општеството кон преференција на формалистичката неопипливост на целта (дали е Македонија или Северна Македонија), за да се игнорира опипливата корист од „Северна“. Од друга страна, „сатаните“ кои „умреа машки“ со потпретставеност во законодавната власт и во секоја друга власт веќе, самите си тргнаа во анксиозни евристики на јавно признавање на грешки, игнорирајќи го удолниот пат на колективната интернализација на тоа дека „Северна“ некому му е вишок – аспект што ниту се јаде ниту се мачка на леб. Социјалдемократите јавно си зборуваат сега за грешки, а никогаш не ги истакнаа како што треба придобивките кои тие ги направија за граѓанството од областа на социјалната политика на пример, а заедно со тоа и во економијата, ниту пак, успеаја да се одбранат од сатанизирањето, иако постојано тврдењата за незаконски работи на Владата паѓаа во вода како лажни вести. Од аспект на интернализацијата, социјалдемократите како да си дијагностицираат самите себе вариола вера од мозолчињата, не консултирајќи „лекар“ и не погледнувајќи ги другите – напудрените и нацрвените екстернализатори на злото од себе – дека тие другите се можеби ебола за ова општество. А можеби и не се ебола, можеби се овчи сипаници кои секое општество мора да ги преболи, затоа што и покрај заостанатите долгови со „да се биде Северна или не“ ќе мора да влезат сериозно во улога на граѓанска социјал-демократија. И онака предизборните реклами на ВМРО-ДПМНЕ, од областите на политиките за доброто на граѓаните, личеа на некакви про-социјал-демократски. Што не е за чудење, бидејќи има многу „пребегани“ оригинал-социјалдемократи таму. Бидејќи ЕУ е суштински социјалдемократска творба по квалитет, значи дека новата власт со ВМРО-ДПМНЕ, ако не ни мачка очи со своите заложби за ЕУ, би морала да биде новата социјалдемократска опција тука, како и да се вика. Затоа, во насока на одговорноста на новата Влада, како и на новата претседателка којашто прва ретерираше пред Гир за глупоста што ја направи уште неинаугурирана, секој граѓанин, барем милион и триста илјади од граѓаните, ако не и повеќе, очекуваат да се продолжат најбргу можно преговорите со ЕУ. Да не си дозволи владејачката структура да ја екстернализира сопствената блокада на патеката кон ЕУ во алатка за сопствено размножување, бидејќи така, во не многу далечна проекција веќе тотално нема да биде ни Северна, ни само Македонија, ако се разбираме што ова значи.Преоптовареноста на поединечното опслужување ќе ја распукне структурата која веќе го апсорбира македонското општество. Не е светот глупав што се организира во институции низ кои опслужувањето оди по ред, па ние сега, една капка земја со пештерци измислуваме топла вода. Патот кон ЕУ е спротивен процес на ова. А бидејќи ЕУ е суштински социјалдемократска творба по квалитет, значи дека новата власт со ВМРО-ДПМНЕ, ако не ни мачка очи со своите заложби за ЕУ, би морала да биде новата социјалдемократска опција тука, како и да се вика. Ако одолговлекува тогаш таа ја одбила ЕУ, го избришала македонското граѓанство и со уште малку злоупотреба на јазикот во несувисли екстернализации – џабе гужвите за македонски пасош. Некој многу често сакаше да кажува „прстот на глава“ – е сега е моментот за тоа. Остави ги Илинденците, Букефалите и Гебелсовците да одморат и сработените поглавја на ЕУ – на сонце!...
Ало, СДСМ? Има ли некој? Дали мислите дека “Гласавте – гледајте” е државничка порака?
НоваТВ - пред 1 ден
Сега пред очите ги гледаме првите сцени од репризата на 2008 година, кога наместо да го прифати континуитетот на подготовките и реформи за забрзување на процесот за членство во ЕУ и НАТО, ВМРО-ДПМНЕ го сврте курсот и ја зароби државата и ја оттргна од тие процеси. Имајќи го сето тоа предвид, премногу е опасен молкот и летаргијата на СДСМ. Зоран БОЈАРОВСКИ / РАЦИН.мк Несфатлив е молкот во и на СДСМ. Ако ја исклучиме колумната на Стефан Богоев од 12 мај, последните објави на веб страницата на партијата се од 8 мај, односно обраќањето на претседателот Димитар Ковачевски и на портпаролката Кузеска, која излезе непосредно по затворањето на гласањето на избирачките места. Да не беа професионалните должности и активности на Бисера Костадиновка-Стојчевска, Бојан Маричиќ и на Сања Лукаревска како членови на владата и на владини институции, овој молк ќе беше уште по недозволив. Од таа перспектива демантот на Фатмир Битиќи за негово наводно делување како независен пратеник, а подоцна и како член на ВЛЕН, доволно силно и илустративно говори на што се изложува СДСМ доколку продолжи со овој молк. Веќе започнаа да се плетат приказни за разно разни концесии и постапки што следуваат кои кога ќе добијат поголема јавност ќе предизвикаат лавина која не само што тешко што ќе може да биде запрена, туку ќе донесе и многу, многу поголеми последици. Па дури и завршниот апел на Богоев во спомената колумна на почетокот на овој текст, кој не предизвика никакво внимание во јавноста, е очајнички со повикот „Вклучете се и помогнете. Подобро да се спречи, отколку да се лечи!“. Да не ги набројувам, но имало стотици случаи кога портпаролите на СДСМ, а и другите високи членови задолжени за комуникацијата на ставовите и политиките на партијата, излегувале и ги засилувале пораките на нивините колеги. Сега – општ молк. Ало СДСМ? Има ли некој? Дали мислите дека “Гласавте – гледајте” е државничка порака? Добро, во ред, ударот што го доби партијата на изборите е удар за класичен „нокдаун“, но не може да биде фатален или да предизвика состојба на летаргија, на очај или на депресија. Една моја колешка вели дека молкот на СДСМ е порака до гласачите „гласавте, епа сега гледајте“: Како и да ја толкувате таа позиција, ако е таква, таа е целосно погрешна. Поразот на СДСМ не може да биде алиби за позицијата „гледај си, свиркај си“. Прво, тоа не е позиција којашто ѝ приличи на партија која претендира(ше) на прогресивност и на „нема откажување“. Таквата позиција е поразителна и погубна. Таквата позиција само ќе им даде крилја на првите чекори за враќање на авторитарниот режим кои веќе ги гледаме. Наместо да биде свечен чин за сите, инаугурацијата на новата претседателка дополнително ги подели граѓаните и јавноста и ги предизвика регионалните односи со соседите засновани на меѓународни договори. Тоа не може да се премолчи. Да, точно е. За потресот што го доживеа СДСМ треба рехабилитација и СДСМ не е само Центарот за комуникации туку пред сѐ политичките чинители таму. Но, тоа не е причина политичарите да молчат, зашто освен Зоран Заев, кој веднаш реагираше, и вчера Славјанка Петровска, никој друг немаше реакции на инаугурацијата на новата претседателка. Не може да се премолчи ниту најавата за милијардата евра заем кој ќе го земе ВМРО-ДПМНЕ и кој го прикажува како голем економски потег, кога се знае дека тоа ново задолжување повторно ќе падне на плеќите на граѓаните. Демек ќе го исполнат ветувањето за линеарно зголемување на пензиите за 5000 денари со позајмени пари, кои ќе ги враќаат, кој друг ако не – пензионерите и граѓаните. Секако нема да ги враќа Мицкоски и останатите во новата влада. Како да се премолчи повикот на Мицкоски „вестите да почнуваат си успесите на владата“ веќе премолчува водителот на интервјуто. Како да се премолчи дека претседателката на државата порачува дека „не може да очекуваме таа да го критикува Мицкоски на јавна сцена“? Тој, пак, повтори дека негово лично право било да не го употребува уставното име на државата. Има(ше) и ќе има, очигледно, уште многу прилики за реакции, но СДСМ не може да очекува дека нивната битка да ја бијат некои други. Како претходно. Како во перидот од 2008 до 2017, Македонија и нејзините граѓани се исправени пред многу сериозен, многу сериозен предизвик за нашите европски перспективи и стратешките интереси да бидат пренасочени во насоки кои одамна ги отфрливме како опција и кои, вусшност, никогаш не биле алтернатива. Сега пред очите ги гледаме првите сцени од репризата на 2008 година, кога наместо да го прифати континуитетот на подготовките и реформи за забрзување на процесот за членство во ЕУ и НАТО, ВМРО-ДПМНЕ го сврте курсот и ја зароби државата и ја оттргна од тие процеси. Граѓаните на Македонија се спротивставија на овие погубни политики и си ја вратија државата назад. Со таа граѓанска поддршка Владата предводена од СДСМ за само една година со храбрата одлука за Преспанскиот договор, ѝ го обезбеди на државата членството во најмоќниот воено-безбедносен сојуз НАТО и во 2022 година ги започна преговорите со ЕУ. Единствено ВМРО-ДПМНЕ и Левица не ракоплескаа на овие големи постигнувања и го демнееја моментот кога ќе бидат во состојба повторно да ги отворат затворените прашања. Имајќи го сето тоа предвид, премногу е опасен молкот и летаргијата на СДСМ. Едно се подготовките за отчетен конгрес, а потоа и за внатрешнопартиски избори, но сосема друго да остави чист политички простор за дејство на опонентите. СДСМ мора веднаш проактивно да делува, паралелно со процесот на консолидација којшто повторно ќе ја издигне над предизвиците и искушенијата и да се сообрази со духот на времето и со пораките на граѓаните. Да не се дозволи дополнително фракционирање на социјал-демократското јадро кое, за жал или за среќа, е единственото од кое зрачи некаква модерна, либерална и прогресивна идеологија. Не смее да постои отпор и за генерациска промена со поддршка на искусните и прекалени борци кои треба да ја преземат одговорноста, но да не ѝ се препуштат на летаргијата....
Во рамките на престижниот фестивал „Мајски оперски вечери“ ќе се изведе операта „Тоска“ од Џакомо
НоваТВ - пред 2 дена
Во рамките на престижниот фестивал „Мајски оперски вечери“ на 23 мај со почеток во 20.00 часот на сцената на Националната опера и балет ќе се изведе операта „Тоска“ од Џакомо Пучини, музичка драма во вистинска смисла на зборот, монументална, брилијантно оркестрирана, реалистична опера во три чина . Љубовта, страста, љубомората и политичките интриги се движечките драмски елементи на овој „оперски трилер“. Паоло Бресан од Италија диригира со изведбата на оваа драматична трагедија на Пучини, во режија на Огњан Драганов (Бугарија), сценографијата е на Зоран Николовски, а костимографијата на Марија Пупучевска, хор-мајстор: Ѓурѓица Дашиќ и Јасмина Ѓоргеска, а концерт-мајстор е Јане Бакевски. Во насловната улога ќе настапи нашата оперска првенка, Весна Ѓиновска Илкова, водечки драмски оперски сопран со совршена вокална динамичност и беспрекорна интонација. Остварила безброј оперски и концертни настапи, добитничка е на највисоките државни награди и признанија, во улогата на сликарот Каварадоси ќе настапи, тенорот Никола Китановски, еден од најафирмираните оперски уметници од просторот на поранешна Југославија, кој со огромен успех, веќе триесет и пет години остварува меѓународна професионална уметничка кариера, во улогата на „злобниот Скарпија“ ќе настапи гостинот од Романија, Лусијан Петреан,во улогата на Анџелоти ќе настапи нашиот бас, Владимир Саздовски, чест гостин на светските оперски сцени. Во останатите улоги ќе настапат: Драган Ампов, Јане Дунимагловски, Тихомир Јакимовски, Димитар Кожухаров, Десанка Глигоријевиќ, Мирослав Антовски заедно со хорот и оркестарот на Национална опера и балет....
Адам Сендлер во „Хепи Гилмор 2“
НоваТВ - пред 2 дена
Пo скоро 30 години, Адам Сендлер се враќа како голферот „Хепи Гилмор“. Имено, глумецот потврди дека тој и „Нетфликс“ ја подготвуваат спортската комедија „Хепи Гилмор 2“, а според наводите, и Дру Баримор била информирана дека продолжението е во подготовка. Снимањето е во рана фаза. Комедијата за Хепи Гилмор – млад човек кој сака да стане професионален хокеар, но е апсолутен „антиталент на мраз“, па решава да стане шампион во голф за да го исплати даночниот долг на баба му – беше вистински хит во 1996. и годините потоа. Сепак, „Хепи Гилмор 2“, за жал, ќе се снима без Карл Ведерс, кој почина во февруари претходно оваа година. Освен Сендлер, ниту еден друг глумец не го потврдил своето учество во новиот филм. Адам Сендлер неодамна беше прогласен за најплатен актер за 2023 година и покрај тоа што ниту еден од неговите филмови не стигна до големото платно. Глумецот лани заработил 73 милиони долари благодарение токму на „Нетфликс“....
И овојпат како и повеќепати досега, загубено неповратно ќе е и ова време македонско
НоваТВ - пред 2 дена
Зоран Иванов / Цивил Медиа Првата дама на Република Северна Македонија и првиот човек епилог од штотуку завршените парламентарни, уште и не седнати во кабинетите и таман нешто со Преспанскиот и по нешто со Добрососедскиот прикрпивме, успеаја, онака „државнички просперитетно“ пак да не` испокараат со соседите и од југ и од исток и не само со нив туку и со сите во ЕУ и скоро ќе се случи тоа и со западниот кој ни крив ни должен грешно закачен за нас го блокираме за ЕУ и, нормално, и со унгарскион со кого, не само поради милијардата туку таму има уште по некои во моментов не толку важни пикантерии но, најважното од се` e што нашата ни мила Татковина, онака постизборно, не губејќи ниту ден забрзано и гордо тргнува во рикверц и како што и навестија и како што новите властодршци веќе и почнаа да практикуваат некои нови третмани со соседите, посебно во однос на меѓународните договори и сето тоа, пред и да си го скршат носот и одвнатре меѓуетнички и однадвор меѓународно и притоа, и пред и да се покајат за лагите пред електоратот, кажано и во оваа една реченица, ќе успеат, тоа секако, да ја верификуваат штетата која можеби ќе е надоместлива но која, и овој пат, како и повеќепати досег, неповратно загубено ќе е и ова време македонско....
Герапетритис: Грчката Влада реагираше брзо и го интернационализираше прашањето по инаугурацијата на Сиљановска
НоваТВ - пред 2 дена
Грчката Влада реагираше со исклучително брзи рефлекси, на само неколку часа по инаугурацијата на новата претседателка на Северна Македонија се активираа претседателката на Европската комисија, претседателот на Европскиот совет, портпаролот на Европската унија, НАТО и многу земји и ова благодарение на грчката надворешна политика, која со брзи рефлекси успеа да го интернационализира прашањето и ќе продолжиме со тоа, рече утрово министерот за надворешни работи на Грција, Јоргос Герапетритис. Шефот на грчката дипломатија во Парламентот одговараше на пратеничко прашање од партијата Победа поврзано со манастирот Хора во Турција, кој турските власти го претворија во џамија, но пратеникот на малата десничарско-националистичка партија ги покрена и останатите прашања од надворешната политика, меѓу кои и Договорот од Преспа. – Договорот од Преспа е договор што има огромни проблеми, но претставува меѓународно право кое мораме да го почитуваме бидејќи согласно Уставот е над секоја друга законска одредба, рече Герапетритис. Паралелно, министерот за надворешни работи на Грција категорично ги демантираше натписите во медиумите за негово учество во составувањето на Договорот од Преспа. – Не само што немав никакво учество, туку и немаше да можам да учествувам од едноставна причина што темелно не се согласувам со Договорот од Преспа, што претставува правен текст со огромни проблеми кои со текот на времето се покажуваат, истакна Герапетритис....
Г7: Предупредувачко писмо до Израел
НоваТВ - пред 2 дена
Министрите за надворешни работи на 13 земји членки од групата Г7 потпишаа прдупрдувачко писмото до израел напишано на четири страници. Во него стои предупрдување до Израел противнеговата воена офанзива врз градот Рафа во јужниот дел на Појасот Газа. Во писмото до израелскиот министер за надворешни работи, Израел Кац, министрите го истакнаа правото на Израел на самоодбрана и ги осудија терористичките напади на 7-ми октомври од страна на Хамас и другите исламистички групи но и стовремено тие ја повикаа владата на премиерот Бенјамин Нетанјаху да направи се за да ја ублажи катастрофалната и влошена хуманитарна криза во Појасот Газа. Земјите од групата Г7 го повикуваат Израел и да ги отвори сите гранични премини во крајбрежната зона за испорака на помош, вклучувајќи го и преминот Рафа со Египет. Писмото го потпишаа министрите за надворешни работи на земјите од Г7 на Германија, Франција, Велика Британија, Италија, Јапонија и Канада и нивните колеги од Австралија, Данска, Финска, Холандија, Нов Зеланд, Јужна Кореја и Шведска, а не го потпишаа само САД....
Шолц, Макрон и Мелони со писмо до Курти: Предлогот на Лајчак е солиден модел за ЗСО
НоваТВ - пред 2 дена
Германскиот канцелар Олаф Шолц, францускиот претседател Емануел Макрон и италијанската премиерка Џорџа Мелони во писмо до премиерот Албин Курти потврдија дека предлогот на претставникот на ЕУ, Мирослав Лајчак, за формирање Заедница на српски општини (ЗСО) претставува „цврст модел, внимателно дизајниран со помош на европски правници и експерти, заснован на постојната најдобра практика во Европа“. Приштинските медиуми јавуваат дека европската тројка лидери порачуваат дека постои ризик Косово да не ја добие потребната поддршка за членство во СЕ, доколку не започне со формирање на ЗСО. „За жал, чекорите што ги предлагате не се однесуваат на итната потреба од решителни чекори кон формирањето на Заедницата и ризикуваат дополнително да го поткопаат дијалогот што го води ЕУ. Прво, нацрт-статутот што го презентираше специјалниот претставник на ЕУ за дијалог Мирослав Лајчак не е само „џентлменски предлог“ туку тоа е солиден модел, внимателно дизајниран со помош на европски правници и експерти, заснован на постојните најдобри практики во Европа, како и уставната и правната рамка на Косово. Уште еднаш нагласуваме дека не сакаме нефункционално Косово“, се наведува меѓу другото во писмото. Лидерите на трите земји нагласуваат дека ЗСО, како што е предложена од ЕУ, „во никој случај не е споредлива со Република Српска“. „Второ, поднесувањето на овој нацрт до експертите на Советот на Европа не би бил неопходен одлучувачки чекор, бидејќи нивното мислење нема да биде правно обврзувачко. Тоа може да се постигне само со испраќање до Уставниот суд на Косово, за да да биде прифатлив за тој суд, како што беше објаснето во Брисел, во дијалогот што ја води ЕУ, нема правни пречки да се направи овој чекор на општините, не е ниту соодветна ниту применлива, поради актуелните околности во овие општини“, се продолжува во одговорот на европската тројка до косовскиот премиер. Писмо било испратено еден ден пред писмото на Владата да биде упатено до претседателот на Парламентарното собрание на Советот на Европа, Теодорос Русопулос, во кое се наведува дека Владата подготвува нацрт на статутот на Заедницата на српски општини, што ќе биде испратен до Уставниот суд на Косово до крајот на мај....
Грчките медиуми за изјавата на Мицкоски: Нова провокација од Северна Македонија
НоваТВ - пред 2 дена
Денешната изјава на лидерот на ВМРО-ДПМНЕ Христијан Мицкоски предизвика реакции во грчките медиуми, кои коментираат дека станува збор за „нова провокација од Северна Македонија“, дека идниот премиер „ја следи линијата на претседателката Сиљановска“, а веста вечерва е една од главните теми во онлајн изданијата на медиумите, јави дописничката на МИА од Атина. „Северна Македонија: Провокативен претседателот на ВМРО – Ќе ја нарекувам мојата земја како што сакам, ако не ви се допаѓа да одите во Хаг“; „По Сиљановска, провоцира и Мицкоски: Ќе ја нарекувам мојата земја Македонија, ако сакате, одиме во Хаг“; „Христијан Мицкоски: Мое право е да ја нарекувам мојата држава Македонија – провокативни изјави на лидерот на ВМРО“; „Северна Македонија: Ќе ја нарекувам мојата земја како што сакам, вели претседателот на ВМРО“; „Северна Македонија: нова провокација од премиерот: Ќе ја нарекувам мојата земја, како сакам“, се дел од насловите во грчките медиуми, кои во главно го пренесуваат текстот од грчката новинска агенција АНА-МПА. Во текстот под наслов „Северна Македонија: И лидерот на ВМРО инсистира на терминот „Македонија“; АНА-МПА ја пренесува изјавата на Мицкоски и ставот дека „ако Грција смета дека го прекршуваме Договорот од Преспа нека се обрати до Меѓународниот суд“. -Исто така рече дека во комуникацијата во институциите и меѓу институциите на неговата земја ќе се користи уставното име, но во изјавите пред новинарите или во говорите негово индивидуално право е да ги користи термините „Македонија и македонско“ и поттикнува истото да го стори и претседателката на државата, пишува грчката новинска агенција, која паралелно го цитира Мицкоски во делот во кој вели дека и тие исто како и Нова демократија не го сакаат Договорот. – По провокативниот став на претседателката на Северна Македонија и претседателот на радикално десничарската ВМРО, Христијан Мицкоски, кој како што се чини ќе биде нов премиер на државата, ја задржа истата линија, прекршувајќи го Договорот од Преспа, коментира информативниот портал „Ин“. Во продолжение, повикувајќи се на изјавата на Мицкоски објавена на МИА, пишува дека го пренесува ставот на лидерот на ВМРО дека „ако Грција смета дека го прекршуваме Договорот од Преспа, постои Меѓународниот суд“. Онлајн изданието на весникот „То Вима“ коментира дека „Мицкоски не гледа никакво прекршување на Договорот од Преспа“ и исто така детално ги пренесува изјавите на претседателот на ВМРО-ДПМНЕ и иден премиер. Паралелно, медиумите во Грција го цитираат и ставот на Мицкоски дека очекува да се види со грчкиот премиер Кирјакос Мицотакис....