Две лица го загубија животот доцна синоќа, а пет се водат за исчезнати во судар на мал моторен чамец и крузер на реката Дунав северно од Будимпешта, соопшти денеска унгарската полиција. Телата на возрасен маж и жена се пронајдени северно од главниот град, а властите се уште трагаат по пет исчезнати лица. Сома Чечи, портпарол на полицијата во Будимпешта, на прес-конференција рече дека, според досегашните сознанија, во чамецот имало вкупно осум возрасни лица и потврди дека две лица загинале, а пет се водат како исчезнати. Тројца мажи и две жени моментално се бараат со глисери и дронови, јавуваат унгарските медиуми. Полицијата соопшти и дека во градот Комаром бил запрен поголем брод, а од увидот било откриено дека му е оштетен страничниот дел. Се врши увид и во тек е истрага за опасноста по водениот пат и смртта на неколку лица....

– Украинските власти денеска соопштија дека пет лица загинале, а 15 лица се ранети во рускиот ракетен напад врз областа Харков. Началникот на областа, Олех Синехубов изјави дека меѓу ранетите има и вработен во Итната помош, како и дека е оштетена амбуланта, пренесува агенцијата Униан. Локалните власти потврдија дека повредените се префрлени во болници, како и дека има материјална штета на станбени згради....

Словачкиот премиер Роберт Фицо е надвор од животна опасност по обидот за атентат, изјави денеска министерот за одбрана и вицепремиер Роберт Калинак за словачката новинска агенција ТАСР. Состојбата на Фицо се подобрува и вчера беше соопштено дека е стабилизирана, според министерката за здравство Зузана Долинкова. Лекарската комисија утре треба да одлучи дали тој ќе биде префрлен. Фицо моментално се опоравува во универзитетската болница во Банска Бистрица. Фицо беше тешко повреден на 15 мај, по седницата на Владата во градот Хандлова, кога 71-годишниот писател Јурај Цинтула, од непосредна близина неколку пати пукаше со пиштол во него. Специјалниот кривичен суд во словачкиот град Пезинок, со силно полициско обезбедување вчера му одреди притвор на Цинтула....

Ако сметате дека Договорот од Преспа е предавнички, еве Ви шанса да го поништите, но нема да го сторите тоа, бидејќи Договорот е она што го посакувавте како партија, му порача лидерот на СИРИЗА Стефанос Каселакис на грчкиот премиер Кирјакос Мицотакис и воедно му посочи дека им должи извинување на народот, на Ципрас и на Коѕијас. За време на предизборниот митинг во Солун во пресрет на европските избори на 9 јуни, Каселакис говореше за сите актуелни теми во Грција, но и за прашањата во грчката надворешна политика, осврнувајќи се и на Договорот од Преспа. -Испраќам јасна и едноставна порака до премиерот. Договорот од Преспа е билатерален. Ако продолжувате да сметате дека е предавнички, постои само еден начин. Да го сторите она што го кажуваа вашите претставници, а многумина од нив сè уште го кажуваат: „Ако ВМРО ни даде шанса, ќе го поништиме договорот“. Ова го кажуваа. Истото го посакуваат и т.н. „борци за Македонија“ што ги вадевте на улица и се ваши гласачи: Да го поништите. Па, еве го Скопје, отидете. Да видиме. Но, нема да го сторите тоа. И знаете зошто нема да го сторите тоа? Бидејќи Договорот од Преспа е тоа што го сакавте како партија, но тогаш Груевски во никој случај не прифаќаше да направи толку отстапки, како што направија пред Владата на СИРИЗА, пред Алексис Ципрас и Никос Коѕијас – истакна Каселакис. Додаде дека ако актуелниот грчки премиер има намера да го почитува Договорот од Преспа „како национално корисен“, постојат два морални предуслови, да му се извини на грчкиот народ, но и на поранешниот премиер Ципрас и поранешниот шеф на дипломатијата Коѕијас. -Прво, ќе му се извините на грчкиот народ за омразата, поделбата, нетолерантноста што ја негувавте за да ја добиете премиерската фотелја, викајќи против Договорот, со кој се согласувавте. Второ, ќе им се извините на двајцата луѓе на кои им залепивте етикета на „национален предавник“ во време кога ја вршеа нивната патриотска должност, Алексис Ципрас и Никос Коѕијас. Тоа се морални предуслови господине премиере. Јас немам илузии дека ќе го сторите тоа – посочи лидерот на СИРИЗА. Каселакис им се обрати на жителите на северна Грција, на грчката област Македонија кои се против Договорот, велејќи им дека Нова демократија ги искористи, бидејќи „сега моли да се почитува Договорот од Преспа“....

Пораката дека е неопходно доследно и целосно почитување на Договорот од Преспа, уште еднаш ја повтори министерот за надворешни работи на Грција Јоргос Герапетритис во денешното интервју за грчкиот весник „Реал њуз“ и изрази уверување дека „граѓаните на Северна Македонија не би сакале да ги стават во опасност односите со Грција и европската перспектива на земјата“, јави дописничката на МИА од Атина. За трите меморандуми што сè уште не се ратификувани во грчкиот Парламент, Герапетритис рече дека „ќе ги донесат во соодветниот политички момент“ и повтори дека ратификацијата зависи од „доследното и целосното спроведување на Договорот од Преспа“, бидејќи освен прашањето за уставното име, постојат и други суштински нерешени прашања“. -Реалноста е дека сакаме да ги донесеме меморандумите за ратификација, бидејќи и ние во принцип се согласуваме со европскиот пат на Северна Македонија. Меѓутоа, ова не може да се случи, доколку не постои целосно и опипливо усогласување со Договорот од Преспа. Да не заборавиме дека имплементацијата на Договорот е јасен предуслов за интегративниот процес на Северна Македонија, рече шефот на грчката дипломатија. Во однос на реакцијата на официјална Атина за инаугурацијата на новата претседателка Сиљановска Давкова, Герапетритис посочи дека беше брза, но според него и „повеќедимензионална и ефикасна“. Потсети дека освен соопштенијата од грчкиот премиер и Министерството за надворешни работи на Грција, со соопштенија излегоа и претседателот на Европскиот совет, претседателката на Европската комисија и портпаролот на ЕУ, како и претставници од Министерствата за надворешни работи на други земји, „кои беа информирани и мобилизирани по иницијатива на грчкото МНР“. -Реалноста е дека денес политичкото раководство на Северна Македонија веќе е и под внатрешен притисок. Министерството за надворешни работи на земјата излезе со соопштение дека треба да има целосно почитување на договорот од Преспа и уставното име на државата, а Министерството за правда, инаугурацијата ја карактеризираше како неважечка. Моето уверување е дека граѓаните на Северна Македонија не би сакале да ги стават во опасност односите со Грција и европската перспектива на земјата. Се подразбира дека на сите меѓународни форуми ги покренуваме прашањата за почитување на Договорот од Преспа и бараме негово доследно спроведување, истакна шефот на грчката дипломатија во интервјуто за весникот....

– До среда ќе се задржи нестабилно време, претежно во попладневните часови со локален пороен дожд и грмежи. Наместа ќе има услови процесите да бидат поинтензивни во форма на краткотрајно невреме, со засилен ветер, обилен пороен дожд за кратко време и изолирана појава на град. Во четврток ќе има услови за краткотраен дожд, претежно во планинските подрачја, а преодно стабилизирање на времето се очекува во петок. Температурите ќе бидат без значителна промена....

„Валкира“ на софиската опера и балет ја крена на нозе полната сала на Националната опера и балет во Скопје. Четиричасовната изведба, во режија на Пламен Карталов, беше претставена во рамките на 52. издание на „Мајски оперски вечери“ во Република Северна Македонија, а меѓу присутните беше и претседателката на државата, Гордана Сиљановска, јавуваат бугарските медиуми. „Никогаш не сум доживеала такво задоволство, толку долго, толку страсно. Ниче е во право кога вели дека без музика светот не би бил тоа што е. Мислам дека никој од нас не се чувствуваше уморен во тие пет часа. Не знам што беше посовршено – диригентот, режисерот, пејачите, оркестарот, кореографијата, сценографијата. Ви благодарам од се срце. Ми требаше вакво нешто. И мислам дека уметноста може да го постигне невозможното. Мене ми се случи тоа. Малку ми фалеше да станам и да викнам браво“,изјавила Сиљановска по изведбата, пренесе Труд.бг. Таа претходно во изјава за БНТ истакнала дека културната дипломатија е помоќна од традиционалната и затоа дошла да ужива во изведбата на операта. Директорот на Софиската опера и балет и директор на претставата, Пламен Карталов, се заблагодарил за „дарежливиот и гостопримлив пречек“ од раководството на Националната опера и балет во Скопје. „Сакам да ве уверам дека нашите контакти ќе бидат навистина плодни. Ве чекаме во Софија во септември да покажеме како функционира културната дипломатија“,рекол Карталов. Спектакуларната епска музичка драма „Валкира“, од прочуениот германски композитор Рихард Вагнер, во продукција на Софиската опера и балет, синоќа гостуваше на 52. „Мајски оперски вечери“. За ова гостување, реализирано партнерски меѓу македонското и бугарското министерство за култура, од Софија во Скопје дојдоа 134 луѓе – солисти, оркестар, мала балетска група и целокупната техника. Постановката на „Валкира“ ја режираше Пламен Карталов, кој воедно е и директор на Софиската опера и балет. Со оркестарот диригираше маестро Еван Алексис Kрист од САД. Во септември нашата Национална опера и балет врз принципот на реципроцитет, ќе гостува во Софија....

– Основачот на Викиликс, Џулијан Асанж утре ќе дознае дали е изгубена неговата 13-годишна правна битка против екстрадицијата од Велика Британија во САД, каде што е обвинет за шпионажа. Двајца судии на Високиот суд во Лондон утре ќе одлучат дали британскиот суд ги прифаќа гаранциите од Вашингтон дека Асанж (52) нема да се соочи со смртна казна за време на судењето за шпионажа во САД и ќе може да се повика на правото на слобода на говорот од првиот амандман. Адвокатскиот тим на Асанж вели дека опциите се отворени – тој би можел да се најде во авион за Америка во рок од 24 часа, би можел да биде ослободен или неговиот случај да оди во нова, повеќемесечна правна процедура. „Имам чувство дека се може да се случи во оваа фаза. Може да биде екстрадиран или да биде ослободен“, изјави сопругата на Асанж, Стела минатата недела. Викиликс објави стотици илјади доверливи американски воени документи за американските војни во Авганистан и Ирак, како и голем број дипломатски телеграми, поради што американското обвинителство го товари Асанж за кршење на Законот за шпионажа...

Веле Митаноски (За една болва да не го гориме јорганот!) Ако последните двојни избори донесоа нешто добро – заедничко за сите граѓани, без разлика на нивната верска, национална, или политичка припадност, тоа е, дефакторизирањето на Демократската партија на Албанците (ДУИ). Па и за самата од ДУИ, ако се паметни тоа на време да го разберрат и уште побрзо да почнат, не на сопствениот рестарт, како што милиуваше, за СДСМ, да каже “лицето Б.Ц”, туку, на целосно рекомпонирање. ДУИ, без разликиа на моменталниот резултат, кој, најверојатно, сосема легитимно и легално, ќе се промени, е поголем губитник и од самиот СДСМ! Го изгуби она на што почиваше – правото да се удира во тради и да преповторува: ние сме легитимниот претставник на aлбанскиот народ. Таа теза, најверојатно приграбeна во воениот конфликт 2001 гoдина, сама по себе, е нелегитимна, да не кажам, и смешна, во секој случај, политички дискутабилна. ДУИ таа теза ја зацврсти во 2008 со така виканaиот, односно фамозниот “Мајски договор”, но, на Интегративците им се удри од глава, во моментот, кога самите ја погазија, пови нувајќи се на повикот од Калето (тоа е за нив е позначајно и од самите Мека и Медина!), и, коалоицирајќи со СДСМ. Интегративците со тоа само се разголија докрај во своите намери, односно дека за нив основното верују, било да се биде по секокја цена во власта, за да се делат колачот и привелегиите, кои власта ги носи. Сега е тешко, после 28 години, да се одлепиш од државната цицка! Сега нивниот “легитимет” не пие вода, ниту формално, ниту суштински. Каде во светот, во кој повеќе партиsки систем, легитимитет има партијата што извоевала повеќе гласови од своите конкјуренти!? ДУИ заборави дерка веќе не сме 2001-та, или 2002-та година, дека има и други политички партиi, дuри и интра национални. А ги создаде самата, со својата бахатост, со својата незаситена жед за власт, а влста е, велат, како селена вода. Колку повеќе ја пиеш, толку повеќе се жеден! Бујар Османи, може сега колку сака да гука како симпатично гулапче, ама, никој не го зарезува. Ниту по дома, ниту понадвор. Му падна и ореолот со организацијата на ОБСЕ конференцијата, сосе средбата со Лавров! Истиот кој не бранеше од Русите, нели!? А, носи директна вина, ако ништо друго, во поразот на СДСМ, со своите толкувања на Злочинот во Сребреница, со “подигната жабја нога за сребрена потковица!”. Тој можеше да му даде налог на амбасадорот да гласа за Резолуцијата во ООН, но, никако не смееше да се “истрчува како прле пред магаре!”, да се прави коавтoр на Резолуцијата. Речиси сите Срби во Македонија, сите југо носталгичари, а такви се не затоа што пекаат по бившатата ЈИУГA, туку, затоа жто живеат посиромашно и понесигурно отоколку пред половина век, му го свртија грбот на СДСМ. Србија е најголемиот пријател на Македонија и граѓаните во Македонија, не ги дели како Македонци и Албанци, и Буијар тоа не смееше да го занемари. Најмалку како етнички Албанец , зашто многумина тука го видоа коренот на таквата постапка. Луцидниот, стариот искусен лисец, Џевдет Хајрединми, повотрува неколку пати, дека во овие моменти, подносно години, министер за надворешни работи не треба да биде Албаенец. Не дека е помалку Албанец од Бујар и Али, туку затоа што резонува здраворазумски. Дури и еден Вучиќ не им подлегнува на притосоците и прашањата на злонамерните новинари, кои од уста сакаат да му извадат осуда на Македонија и Македонците.Човекот разбрал во која грмушка лежи зајакот, те молчи, или го прескокнува прашањто: ”како, тоа, ние на Македонците им дадовме Црква, а тие нам ни враќаат со осуда и обележување на нашиот колективитет за геноциден”!? Ако првенците, македонски Албанци, лидери на политички партии, не знаат да го читаат мвото време, и покрај јасната порака на американскиот амбасадор во Приштина дека “таму повеќе нема да гинат американски војници” за палавостите на Курти, нека го читаат “говорпот и телото” на Еди Рама. Зошто Рама би го болела глава за неизживеаниот романтизам на поединци во Македонија, или, на Косово, кога има попаметна тработа. Земјата ја турка напред во друштво на развиениот демократски свет со “сто на саат”. Гради автопати, вдолж и попреку низ земјата, хотелски комплекси, стамбени блокови – цветни оази во Тирана, слични на оние што сме го гледале во монденските места во Шпанија, или, кинеские мегаполиси. Само за неколку години, Албанија ќе биде скапа земја за летување за косовските и македонските граѓани, сеедно дали се тие Албанци, или, Македонци. На Ингтернет се врти едно клипче, како Курти му приоѓа на Рама, нешто да му каже, или, се поздрави. Тој не станува од столот и само му одмавнува со раката: “оди шетај!“. Помина времето на Големите Албани, Србии и слично. Мојот пријател Бериша, со кого го имав, според него првото интервју, уште 1989, пред и да стане формален претседател на “Партија Демократике”, во мегувреме, идејата ја замени со “единствен албански културен простор”. Делува прималиво, но, што им значи тоа на децата Албанци од Македонија, кои, со министер Албанец, учебници добиваат по завршувањето на училишната година!? Што албанските деца во Македонија, или постарите што се иселуваат масовно, добиваат пд палавостите на Артан Грби, кој, зборува за албанство, а, неизживеаните албански првенци, ги собира во раскошниот кабинегт на мал фудбал?! Што Албанците во Македонија добиваат од тоа што Груби и Османи ги замајуваат со приказни за Албанец премиер, Албанец во парламернт, или, Албанец шеф н а држава? Па Албанците во Македонија тоа го имале уште пред половина век. Може ли, денес, Груби, Османи, или слични на нив, да се мерат со Вулнет Луан Старова, постариот брат, односно, “мојот брат”, како што ми се обраќаше, академик Луан Старова!? Албанците имале претседатели уште во титово време. И тоа реално, со почит, со Уставот од 1974 година. Од тоа време остана една досетка, која ја повторуваа Србите: “ко пали – Махмуд Бакали. Ко гаси – Азем Власи. Знае ли некој денес за Бакали? А, сите знаеме за Власи. Едно лично искуство. За време на мојот двогодишен парламенгтарен живот, колега ми беше поранешен ректор на Штуловиот универзитет во Тетово. За ненаква моја принципиелна забелешка, стана, и ме обвини за албанофобство! Станав и јас. Знаете што, му велам, не верјувам дерка јас сум најголекиот албанофил мегу Македонците, но, дека сум последниот албанофоб,е, тоа знам дека не сум сигурно. Му кажав дека, ете токму јас, сосема случајно, нели, бев тој кој го направи првото комерцијално радио во Македонија. Дека водител беше, денес, најугледниот, или, нека ми извинат другите колеги, еден од најелитните новинари, етнкички Албанмци во Македонија, Рашити од Струга. И што се случи со тој голем албански патркиот, кој го иницираше конфликтот во 2001. Како пратеници патувавме заедно во Германија, на еднонедерлна обука во “Маршаловиот центар” во Гармишпартеnкирхен. На аеродромот во Берлин го заржаа полицајците како сомнигтелна и непосакувана личност. После гло пуштија, a, како – деталите ги има тогашниот наш супер- амбасадор, почитуваниот Ѓорѓи Филипов. Живееме во такавикано реално време, не само од аспект на Интернет и техничката поврзаност, како глобално село, туку, и од политички, реално гледање на состојбите, макар тоа сме го нарекувале – глобализација. Можеби ќе ви делува нескромно, но, си земам за право, да ви пренесам едно искуство, би било поучно. На старот на 2003 година, добов обврска, односно чест од тогашниот премиер Црвенкоски, во чиј кабинет работев, буквално деноноќно, да ја организирам неговата посета впо Пустец, Албанија. Знаеше дека таму, моето Супер Радкио им инсталираше радио станица на Македонците, а, им обучи и двајца новинари (зафат по идеја и содејство на Ристо Никовскки), па го замолив да им купи агрегат за производство на електрична енергија, што, тогаш, во Албанија, беше “мода!” и потреба. Тoгашноиот негов колега, премиерот Фатос Нано, кому, Бранко му спаси жива глава за време на бунтот од страна на непредвидливот Бериша (сега на Црната американска листа!), дојде лично, со сопругата – убавата Гркинка, на преминот кај Стење. Уште тука, го пречека и презеде во негвото возило, што самиот го управуваше, и го одвезе до Пустец. Тогашниот градоначалник на Пустец, Едмон Темелко – Монди (живееше во Ресен – Македонија, а градоначалничикуваше во Пустец – Албанија!), без наше знаење, беше го поканил, фамозниот “заштник на Македонците каде и да се по меридијаните!”, Тодор Петров. На средбата ги поканив етничките Македонци од Голо Брдо, по кои денеска пека “европејката!” Јотова, потпретседателката на Бугарија. Претходно во Охрид, им ја промовирав збирката народни поговорки од Еминда Шутина. Непоканетиот гостин Петров си зеде за право, во присуство на премиерот на соседната земја, да ги “застапува жестоко!” правата на Македонците во Албанија. Ние реагиравме со погледи, Фатос Нано, ја разгледуваше зборката на Шутина. Во еден момент, на чист македонски јазик, проговори: “ајде, за една болва, да не го гориме јорганот!” “Болвата” можеше да биде и самиот “најумакедонец!” Петров, но, во суштина, е стара поговорка од тие краишта, која, денеска, требна да се преповторува по Баланите. И кај нас, и во Србија, особено во Биугарија и Грција, ама, како што тргнале работите, како што иотаат напред со развојот, токму во Албанија, каде што е создадена, најнапред ќе биде заборавена. Нам, на останатите по Балканите, за жал, ќе ни остане како трајно наследство!!!...

Дваесет лица загинаа пред да зазори во израелски воздушен напад врз куќа во бегалскиот камп Нусеират, во централниот дел на Појасот Газа, уништен за време на војната, соопштија од болницата Ал Акса и потврдија очевидци. „Примивме 20 убиени луѓе и неколку ранети откако израелски воздушен напад беше насочен кон куќа на семејството Хасан во бегалскиот камп Нусеират во центарот на Газа“, се вели во соопштението на болницата. Очевидци изјавија дека нападот бил извршен околу 3 часот по локално време. Израелската војска соопшти дека го проверува извештајот. Официјалната палестинска новинска агенција објави дека меѓу ранетите има неколку деца и дека спасувачките екипи трагаат по затрупаните луѓе во урнатините. Израелската војска вели дека спроведува само целни операции. Очевидци велат дека се слушнале експлозии и дека борбите во Џабалија траеле цела ноќ....

Косовскиот премиер Албин Курти вчера беше домаќин на лидерите на коалицијата „Вреди“ во Северна Македонија, Билал Касами, Арбен Таравари, Изет Меџит и Африм Гаши, на кои им го честитал изборниот резултат на 8 мај, велејќи дека тоа е првпат албанската опозиција да достигне над 100 илјади гласови, јави Коха.мк. На средбата се разговарало за прашања од значење за Албанците во Северна Македонија, но и за меѓудржавните односи, како и за други важни прашања. -Загржувачко за соговорнците е руското и српското влијание, кое се случува и преку коруптивни и криминални мрежи. Развојот на инфраструктурата што ги поврзува Косово и Северна Македонија беше една од главните теми на разговор, заедно со идеи и проекти за заживување на економската, културната и образовната соработка, наведува весникот. Средбата, според кабинетот на Курти, минала во духот на срдечната соработка, имајќи предвид дека „Албанците на Балканот се фактор за поддршка на демократизацијата, европските интеграции, евроатлантскиот мир, безбедноста и стабилноста...

Претседателка на Македонија, Гордана Силјановска Давкова, веќе ја резервираше својата прва официјална дестинација. Таа ќе патува во Рим на чествувањето на 24-ти мај за светите браќа Кирил и Методиј. На 23-ти мај претседателката ќе има аудиенција кај Папата Франциск, а на 24-ти ќе ја посети базиликата Свети Климент каде се наоѓа гробот на Св. Кирил, а потоа и базиликата Санта мариа Маџоре каде се наоѓа плочата испишана на македонски јазик. Во рамки на посетата на Рим, претседателката ќе се сретне и со колегата Серџо Матарела. Нема информација дали ќе се сретне и со бугарскиот колега Румен Радев, пракса која се воспостави по потпишувањето на договорот за добрососедство. Идеата на председателката првите посети да и бидат во Брисел и зејите од соседството останува за понатаму. Од нејзиниот кабинет за тв Сител изјавиле дека председателката Силјановска побадала средба со врвот на ЕУ во Брисел но од таму добиле одговор дека сите европски функционери имаат набиена агенда и засега немаат термин да се сретнат со неа....

Претседателот на Србија, Александар Вучиќ рече дека утре ќе отпатува за Њујорк, каде со делегацијата ќе се спротивстави на усвојувањето на резолуцијата за Сребреница, која наредната недела е на дневен ред на Генералното собрание на ОН, а амандманите кои Црна Гора ги поднесе на резолуцијата ги нарече „валкана игра“. „Утре одиме во Њујорк, четири до пет дена ќе поминеме во Њујорк, ќе имам голем број средби, а во четврток сите заедно ќе се бориме“, истакна денеска Вучиќ во телевизиско интервју. Тој рече дека со него во делегацијата треба да одат само оние кои се „подготвени за борба на секој можен начин“. Предлагачите на нацрт-резолуцијата за Сребреница ја утврдија конечната верзија на тој документ, за кој ќе расправа Генералното собрание на Обединетите нации (ОН) на 23 мај, а во преамбулата на текстот стои дека „кривична одговорност според меѓународното право за злосторството геноцид е индивидуализирана“. Иницијатори на предложениот текст беа Германија и Руанда, а амандманите на нацртот беа поднесени од Владата на Црна Гора. Осврнувајќи се на амандманите што Црна Гора ги достави на резолуцијата за Сребреница, а кои главно беа прифатени, Вучиќ тоа го нарече „валкана игра“. „Тоа е валкана игра и перфиден трик. Тие намерно оставаат простор за јасен заклучок за морална и политичка одговорност“, рече Вучиќ и додаде дека по враќањето од Њујорк ќе каже со кого за тоа преговарата Црна Гора....

Претседателката Гордана Сиљановска Давкова првата официјална посета во странство ќе ја оствари во Ватикан и во Рим, каде што ќе ја предводи државно црковната делегација за чествувањето на Св. Кирил и Методиј, потврдија за МИА од претседателскиот кабинет. На 23 мај, според протоколот, претседателката Сиљановска Давкова ќе има аудиенција кај Папата Франциск, а потоа средба и со генералниот секретар на Ватикан за односи со државите. Чествувањето на сесловенските просветители ќе се одржи на 24 мај со посета на базиликата Свети Климент каде се наоѓа гробот на Св. Кирил, а потоа и во базиликата Санта Мариа Маџоре каде венец ќе постават на плочата испишана на македонски јазик. Во рамки на посетата на Рим, претседателката Сиљановска Давкова ќе се сретне и со нејзиниот италијански колега Серџо Матарела. Сиљановска Давкова, како што велат од нејзиниот кабинет, се уште не е познато дали ќе има средба со претседателот на Бугарија, Румен Радев, чие доаѓање во Рим е исто така најавено по истиот повод....

– Германското Министерство за одбрана побара од сојузната влада дополнителни 3,8 милијарди евра помош за Украина за оваа фискална година, пишува „Билд“. Весникот наведува дека оваа година Германија обезбедила воена помош од 7,1 милијарди евра за Украина и дека овие пари се користат за плаќање на воена опрема што Украина ја купува директно од наменската индустрија и укажува дека на Украина и треба итно поголема поддршка за да не изгуби војната со Русија, поради што Министерството за одбрана побара дополнителни средства. Министерот за одбрана Борис Писториус разговараше за тоа со канцеларот Олаф Шолц, а потоа се сретна со Кристијан Линднер, шеф на одделот за буџет во германското Министерство за финансии. Дополнителните расходи треба во јуни да бидат поднесени до Бундестагот на усвојување, според „Билд“....

Веќе е навлезено во дискусија за програмските и кадровските решенија, не споделуваме детали за да останеме чесни кон нашите партнери од коалицијата а и тие се чесни кон процесот. Не можам да кажам кои ресори, кадри, министерства иако секој би можел да има свој сопствен став на оваа тема. Да оставиме простор навистина да се направи договор кој ќе е квалитетен, рече вели Стефан Андоновски, секретар за меѓународна соработка на ВМРО-ДПМНЕ. -Она што ние се обидуваме да го правиме е да постигнеме поширок консензус за некои национални прашања и да стигнеме до тие потребни 80 пратеници за битни промени на законите кои се системски и бараат двотретинско мнозинство што значи дека дискусии ќе има и со други политички партии или пак поедини пратеници во собранието кои би биле заинтересирани за поединечни законски проекти – рече тој во интервју за РСЕ. Според него, станува збор за законски проекти кои се национално ниво и од национално значење. -Во нив многу често ќе видите и реформи кои ги бара и ЕУ, а се двотретински закони. Тука зборувам и за правосудство и за организација на управата и за реформа на јавната администрација и бројни други закони. Мислам дека е чесен пристапот да не барате пратеници кои се ќе ви поддржуваат туку да барате пратеници кои ќе сакаат да се вградат во процесот и да дадат свои критики и забелешки и ако тие критики се легитимни и се прифатат тогаш ние би гласале и би го поддржале тој проект – рече Андоновски. Тој посочи дека во идната влада веројатно нема да нема да постојат прв и втор вицепремиер. -Планираме една мала реконструкција во Министерството за политички систем и односи меѓу заедниците и мислам дека во оваа насока граѓаните ќе бидат навистина задоволни. Спорт во рамки на канцелариите нема да се практикува, постојат спортски сали за тоа. Вториот дел мене како правник ми пречи тоа што ова министерство се нарекуваше „за политички систем“ кога знаеме дека се ова што ние го работиме е политички систем. И Собранието е политички систем, Владата, дури и судовите се политички систем. Тоа е таа поделба на власта кај нас која постои и е на три дела. Беше чудно што еден министер е задолжен за цел политички систем во државата односно за еден ресор. Така што мислам дека ова ќе се трансформира само во Министерство за односи меѓу заедниците додека политичкиот систем има една малку поширока димензија. Треба да има човек во Влада кој ќе се грижи за политички систем, но тоа да има една поширока димензија, а не ресорски со сектори и мислам дека оперативно ќе почне да работи ова министерство во смисла за правата на сите заедници – рече Андоновски....

Напаѓачот на Ал-Наср, Кристијано Роналдо разговараше со промоторот Френк Ворен, навивач на Арсенал, пред боксерскиот меч меѓу Тајсон Фјури и Украинецот Александар Усик. Нивниот разговор е снимен на видео емитувано од Ријад. Ворен му рече на 39-годишниот Португалец: „Сè уште те чекаме во Арсенал“. Роналдо се насмеа и одговори: „Нема да го освојат првенството, о Боже“. Роналдо претходно играше во Англија за Манчестер јунајтед, со кој три пати ја освои Премиер лигата (2007, 2008 и 2009 година). По 37 кола, Арсенал се наоѓа на второто место во поредокот, со два бода помалку од лидерот Манчестер сити. Во последното коло, денес лондонскиот тим ќе игра против Евертон, а Сити против Вест Хем....

По крајот на мечот од кошаркарскиот плејоф меѓу МЗТ и Пелистер, на заминување од Скопје бил каменуван автобусот со навивачката група на битолскиот тим, Чкембари. Битолскиот клуб преку соопштение информираше за инцидентот, соопшти дека неколку лице се повредени и изрази надеж дека МВР ќе го расчисти случајот. „Згрозени сме и го осудуваме инцидентот кој го доживеаја навивачите од Битола, од навивачката група “Чкембари“ кога по завршувањето на првиот натпревар од финалната серија од плеј-офот на кошаркарската лига во Скопје, на излезот од Скопје кон Битола, во возење е каменуван и демолиран автобусот со кој патуваше навивачката група “Чкембари“ од Скопје. Повредени се и неколку лица....

– Поројниот дожд во текот на изминатото деноноќие предизвикал поплавување на подруми и гаража на две куќи на ул. „Стив Наумов“ во Охрид, соопшти Центарот за управување со кризи (ЦУК). -Регионалниот ЦУК Охрид известил дека добиле пријави од граѓани за поплавување на подруми и гаража на две куќи на ул. „Стив Наумов“, во Охрид. Од страна на Општина Охрид е контактирано со ЈП „Нискоградба“ и ЈП „Колекторски систем“ бидејќи колекторскиот систем не можел да ја прими во целост количината на вода поради обилните врнежи од дожд. За кратко време состојбата е санирана, соопшти ЦУК. Во изминатото деноноќие, како што информираат од ЦУК, биле евидентирани три пожари на отворено. Регионалниот ЦУК Скопје соопштил дека БППЗ на Град Скопје во изминатото деноноќие имала две помали интервенции поради запалено ѓубре и тоа на ул. „Ферид Заири“ во Општина Чаир и кај Езерото Треска во Општина Сарај. Регионалниот ЦУК Тетово известил дека ТППЕ Тетово имала една помала интервенција поради запалена ниска вегетација кај село Чифлик во Општина Желино. Центарот за управување со кризи соопшти дека изминатите 24 часа имало вкупно 1 491 повици на Единствениот повикувачки број за итни случаи 112. Од нив „реални“ повици биле 62,84 отсто, а 37,16 отсто биле за други потреби на граѓаните што не биле итни. Кон полиција биле упатени 63,18 отсто, кон итната медицинска помош 29,09 проценти, кон пожарникарите 2,73 отсто, a кон АМСМ 1,36 отсто од повиците кон бројот 112. Од ЦУК апелираат до граѓаните за голема внимателност при појава на локалните нагли метео промени и особена внимателност при грмежите и молњите, односно при силните електрични празнења. Граѓаните да не се престојуваат на отворен простор и под осамени дрвја....

Израелскиот премиер Бенјамин Нетанјаху го обвини својот коалициски партнер, израелскиот министер и член на воениот кабинет Бени Ганц дека „му дал ултиматум на премиерот, наместо на Хамас”. Ганц на прес-конференција вчера рече дека неговата опозициска Партија на национално единство ќе се повлече од коалициската Влада доколку планот за повоено управување со Газа не биде консолидиран и одобрен до 8 јуни, што фрла сомнеж за иднината на израелската Влада. „Ако Нетанјаху избере да ја одведе нацијата во пропаст, ние ќе се повлечеме од Владата, ќе се свртиме кон народот и ќе формираме влада која може да донесе вистинска победа“, рече Ганц. Кабинетот на израелскиот премиер, одговарајќи на Ганц, соопшти дека барањата на Ганц се „празни зборови“ што ќе значат „крај на војната и пораз на Израел, напуштање на повеќето заложници, оставање на (палестинскиот) Хамас на власт и создавање палестинска држава“, пренесува „Тајмс оф Израел“....

Во новата влада на Северна Македонија шест министри и претседател на Собранието ќе бидат Албанци, изјавил во интервју за Радиот телевизија Косово (РТК) Арбен Таравари од коалицијата „Вреди“, пренесува Косово онлајн. „Верувам дека една од трите главни функции на државата, односно претседателот на парламентот, ќе продолжи да биде Албанец и значителен број министри, особено за оние области каде што имаме експерти. Ние како партија ‘Вреди’ ќе ги именуваме“,рекол Таравари. Тој посочил дека Собранието ќе се конституира на крајот на овој месец, а новата влада се очекува да се формира во првата половина на јуни. „Планирано е конституирањето на Собранието да се случи некаде на крајот на овој месец, на крајот на мај, а во меѓувреме кон крајот на следната недела да имаме кадровски избори и програма на владата. Кога ќе се конституира парламентот, претседателот на државата мора да го даде мандат за фформирање влада. Во првата половина на јуни, сигурно ќе имаме нова влада“,рекол Таравари за РТК . Тараври нагласил дека коалициските партнери се согласиле приоритет на новата влада да биде патот кон Европската Унија, бескомпромисната борба против криминалот и корупцијата и функционирањето на правната држава. Работните групи на ВМРО-ДПМНЕ и коалицијата „Вреди“, кои преговараат за нивното евентуално коалицирање во идната влада, во четвртокот ја одржаа првата средба. По состанокот, кој се одржа во седиштето на ВМРО-ДПМНЕ, од партијата на Христијан Мицкоски соопштија оти разговорите во позитивен дух ќе продолжат и натаму. На средбата, како што информираа од ВМРО-ДПМНЕ, било истакнато оти е потребно задржување на програмските определби кои добиле поддршка од граѓаните на изборите. „При таквото раководење на идниот владин состав да се запазат договорените принципи на делување, силно динамизирање на евроинтеграциите, бескрупулозна борба против корупцијата и криминалот и економски реформи за повисок животен стандард“, соопштија од ВМРО-ДПМНЕ. Претходно истиот ден лидерот на партијата Христијан Мицкоски, изјави дека ВМРО-ДПМНЕ успешно консолидирала 61 пратеник и дека разговорите со потенцијалните идни коалициски партнери како што е коалицијата „Вреди“, продолжуваат. „Па да, можам да кажам дека како ВМРО-ДПМНЕ и коалицијата ‘Твоја Македонија’ ги завршуваме разговорите со неколку од пратениците коишто не се дел од коалицијата, и можам да кажам дека во моментот успешно консолидиравме 61 пратеник. Не можам да зборувам во однос на деталите, но многу скоро од денеска ќе ги дознаете деталите имајќи предвид дека состојбата е чувствителна. Како коалиција во парламентот покрај 58 пратеници коишто ги има автентично самата коалиција и очекуваме одлука на управниот суд да видиме што ќе се случува со изборната единица 5 и 6, можам со задоволство да кажам дека имаме консолидирано точно 61 пратеник, но тоа нема да нè повлече од разговорите со идните потенцијални коалициони партнери како што е коалицијата ‘Вреди’“, истакна Мицкоски....

Израелската војска соопшти дека нејзините сили кои дејствуваат во Појасот Газа го пронашле телото на Рон Бинјамин, кој беше меѓу 252 лица заробени од палестински вооружени лица во нападот предводен од Хамас на израелска територија на 7 октомври минатата година, што ја предизвика војната. Главниот воен портпарол на Израел, контраадмирал Даниел Хагари, изјави дека Бинјамин бил пронајден заедно со тројцата убиени заложници во Појасот Газа, чии тела, како што соопшти израелската војска, се вратени во Израел. Повикувајќи се на разузнавачки информации, војската соопшти дека сите биле убиени на 7 октомври. Тројцата заложници, како што изјави Хагари се Шани Лук, Амит Бускила и Јицак Гелерентер. Тој рече дека тројцата биле на музичкиот фестивал Нова и биле убиени од борците на Хамас додека се обидувале да побегнат. Нивните тела потоа биле однесени во Појасот Газа....

Верувам дека Албанците ќе имаат претседател на Собрание и значителен број министри, вели за РТК, претседателот на „Вреди“, Арбен Таравари. -Верувам дека една од трите главни функции на државата, имено претседател на парламентот ќе продолжи да биде Албанец и значителен број министри, особено таму каде што имаме експерти, ние како партија ВЛЕН ќе ги именуваме. Верувам дека таму застапеноста ќе биде достоинствена, со стручни луѓе – рече тој. Таравари рече дека конституирањето на Собранието ќе се случи на крајот на овој месец, додека новата Влада се очекува да биде изгласана во првиот дел на јуни. -Конституирањето на Собранието е планирано да се случи некаде на крајот на овој месец, месец мај, а во меѓувреме кон крајот на следната недела ќе ги имаме и кадровските избори и владината програма. По конституирањето на Собранието, претседателот на државата мора да му го даде мандатот на следниот претставник. Во првата половина на јуни сигурно ќе ја имаме новата Влада – рече тој. Коалициските партнери, според Таравари, се согласиле дека приоритет на новата Влада е патот кон Европската унија, бескомпромисната борба против криминалот и корупцијата и функционирањето на правната држава....

– Украина ги уништи сите 37 беспилотни летала лансирани синоќа од Русија против цели на многу места во земјата, соопшти украинското воздухопловство. Во соопштението се наведува дека уништените беспилотни летала „Шахед“ биле насочени кон главниот град Киев и украинските градови Одеса, Миколаив, Суми и Виница, како и цели во регионите Житомир, Черкаси и Херсон....

Во Австрија е уапсено четиринаесетгодишно девојче од Црна Гора, кое, според австрискиот медиум Клајн Цајтунг, планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа, пренесува РТЦГ. При претресот на куќата, како што пишува истиот медиум, истражителите заплениле секира и нож. „14-годишното девојче, кое е црногорски државјанин, сега е во притвор“, се наведува во текстот и се додава дека пред неколку дена наполнила 14 години и затоа е кривично одговорна....

– Најмногу дожд во изминатите 24 часа наврнал во Охрид, 38 литри на метар квадратен, соопшти Управата за хидрометеоролшки работи. Според мерењата утрово во 8:30 часот, 27 литри на метар квадратен наврнало во Маврови Анови, 23 во Крушево, 17 во Лазарополе, 16 во Штип и Пожаране, 15 во Виница, 14 во Попова Шапка, 13 во Битола и Прилеп, 12 во Дебар, 10 во Куманово, Тетово и Крива Паланка, девет во Скопје-Петровец и Претор, осум во Скопје-Зајчев Рид и Демир Капија, седум во Велес, шест во Кавадарци, пет во Пожар, четири во Струмица и Берово и три литра во Дојран и Гевгелија. УХМР за денеска прогнозира променливо облачно време со повремени врнежи од дожд. Попладне ќе има локална нестабилност со пороен дожд, грмежи и услови за појава на краткотрајно невреме со интензивен пороен дожд, силен ветер и изолирана појава на град. Максималната температура ќе биде во интервал од 21 до 27 степени. Во Скопје променливо облачно со повремени врнежи од дожд. Попладне во делови од котлината ќе има услови за развој на нестабилна облачност со пороен дожд и грмежи. Максималната температура ќе достигне 25 степени....

– Франција започна голема операција во која се вклучени повеќе од 600 жандарми за целосно враќање на контролата на патот меѓу главниот град на Нова Каледонија Нумеа и аеродромот на француската прекуморска територија, каде шест лица загинаа во немири. Францускиот министер за внатрешни работи, Жералд Дарманен, доцна синоќа на платформата Икс објави дека во Нова Каледонија „покрената е голема операција во која учествуваат повеќе од 600 жандарми, од кои околу стотина припадници на ГИГН“, елитната тактичка единица на жандармеријата. Целта на операцијата е „целосно да се врати контролата над 60-километарскиот главен пат меѓу Нумеа и аеродромот“ во Тонтут, рече Дарманен....

Рускиот претседател Владимир Путин одржа состанок со министерот за вонредни состојби Александар Куренков и министерот за природни ресурси и животна средина Александар Козлов за да разговараат за поплавите и пожарите. „Имаме неколку теми. Да почнеме со главната, актуелната, најжешката во буквална смисла на зборот“, рече Путин. Тој рече дека додека поплавите се уште траат во еден дел од земјата, во некои региони има и пожари или опасни состојби од пожари. „Властите мора веднаш да ги проценат штетите од поплавите за да почнат со обнова на станбениот фонд до крајот на летната сезона. Мораме веднаш да ја процениме штетата на домаќинствата. Сето тоа треба да се исуши – и тоа на време. Летото брзо ќе помине, а во текот на летото треба да направиме што повеќе за да го вратиме станбениот фонд“, нагласи Путин....

Од почетокот на израелската копнена операција во Рафа на 6 мај, од овој град избегнале 800.000 луѓе, соопшти синоќа шефот на Агенцијата на ОН за помош за палестинските бегалци (УНРВА) Филипe Лазарини. Тој посочи дека луѓето се кријат во урнати згради, во области каде што е прекинато водоснабдувањето, а санитарни јазли не постојат. „Кога луѓето бегаат, тие се без безбеден премин или заштита. Секој пат се принудени да ги остават зад себе неколкуте работи што ги имаат: душеци, шатори, прибор за готвење и основни потреби што не можат да ги понесат со себе или да платат транспорт“, истакна Лазарини на платформата Икс. Тој нагласи дека Ал-Маваси, наводната безбедна зона во близина на Рафа, всушност е песочна област со големина од само 14 квадратни километри, во која се наоѓале 400.000 луѓе пред последната израелска ескалација....

– Украина се обратила до администрацијата на претседателот Џо Бајден со барање за помош да се лоцираат цели во Русија врз кои Киев би можел да нанесе удари со сопствено оружје, соопшти синоќа „Волстрит журнал“ повикувајќи се на извори во Белата куќа. -Ти ги замолија (САД) за помош да се нанесат удари во Русија. Стануваше збор не само за вооружени системи но и дополнителна помош за нанесување удари по руски воени лица, изјави началникот на Генералштабот на вооружените сили на САД генерал Чарлс Браун. Исто така, Киев го побарал од Вашингтон да дозволи користење американско оружје за удари по територијата на Русија. Барањето се случува откако Русија го искористи доцнењето на испораките на американско оружје со што нејзините сили извршија пробив во Харковска област, што стана најуспешната операција на Москва во изминатите година и пол. Барањето на Киев поставено минатата недела сеуште се разгледува. Ако САД го задоволат барањето на Украина тоа ќе укажува на сериозни промени во политиката на американската администрација која се стреми да го намали ризикот од ескалација меѓу Вашингтон и Москва истовремено подржувајќи го Киев, истакнува изданието. Според извор во Белата куќа, САД не ја подржуваат иницијативата на украинската страна -Ние не охрабрувае и не дозволуваме удари по територијата на Русија, изјава Џон Кирби, директор за стратешки комуникации во Советот за национална безбедност во Белата куќа....

– Израелската армија ги повика Палестинците во крајбрежните населби во северниот дел на Газа да ја евакуираат областа додека ја продолжува операцијата во Џабалија. Портпаролот на Израелските безбедносни сили (ИДФ) на арапски јазик, Авичај Адри, објави список на нови зони што треба да се евакуираат, а на палестинските цивили им беше кажано да се преселат во засолништа западно од градот Газа, пишува „Tајмс оф Израел“. Минатиот викенд, ИДФ издаде предупредување за евакуација на градот Џабалија, пред да биде извршен нападот. Оттогаш, армијата двапати ја прошири зоната за евакуација, а најновата најава ги вклучува областите Ал-Ататра и Ал-Карам во Појасот Газа....

Прегласувањето на седумте избирачки места во петтата и шестата изборна единица ќе се одржи на 22 мај соопшти вчера на седница Државната изборна комисија по одлуките на Управниот суд кој ги одби како неосновани сите седум тужби од коалицијата „Европски фронт“ против решенијата на ДИК. Поради ваквата одлука на Управниот суд и на ДИК, вчера на итна седница заседаваше претседателството на ДУИ, по чие завршување само кусо беше соопштено дека ставот по ова прашање партијата ќе го гради со коалициските партнери. Пред одржување на седницата претседателот на ДУИ Али Ахмети истакна дека се прави изборен инженеринг со цел на партијата да и се одземат две освоени пратенички места. ДИК вчера на 105. седница, едногласно го усвои предлогот да се повтори гласањето во Изборната единица (ИЕ) 5 на избирачките места 1470/1 и 1470 во Општина Долнени, 1194 и 1202 во Општина Крушево, 1844 во Општина Струга и 1272 во Општина Охрид, како и во ИЕ 6 на избирачкото место 2101 во Општина Желино. Гласањето ќе се одржи идната среда, на 22 мај 2024 година. ДИК на седницата ги разреши и претседателите на избирачките одбори, членовите и нивните заменици во избирачките места 1470/1 и 1470 во Општина Долнени, 1194 и 1202 во Општина Крушево, 1844 во Општина Струга, 1272 во Општина Охрид и 2101 во Општина Желино. Со оглед дека се кратки роковите за избор на нови избирачки одбори, за да биде регуларно прегласувањето, општинските изборни комисии (ОИК) ќе треба да ангажираат некои од веќе постојните избирачки одбори, или од најблиските избирачки места или некои други, и за тоа ќе треба да достават известување до ДИК. Кампањата за повторното гласање ќе трае до понеделник, 20 мај, 00.00 часот. Притоа, ќе важат истите листи за болни и немоќни лица, ќе нема можност да се пријавуваат нови. Според ДИК, има можност за измени и предлози за овластени претставници на кандидати. Тоа важи и за членовите на избирачките одбори кои се предложени од политичките партии. Членот на Комисијата, Борис Кондарко го искажа ставот на ДИК во врска со синоќешните одлуки на Управниот суд. ДИК, рече Кондарко, го потврдила своето професинално однесување и работење, докажала дека независно од изборните резулти, целосно ги почитува и правилно ги применува сите законските процедури. Преходно, Управниот суд во законски предвидениот рок ги одби како неосновани сите седум тужби од коалицијата „Европски фронт“ против решенијата на Државната изборна комисија (ДИК) за прегласување на парламентарните избори 2024. Со одлуките на Управниот суд се потврдија решенијата на ДИК за прегласување во шест избирачки места во петтата изборна единица и едно во шестата изборна единица. Државната изборна комисија (ДИК) вчера ги соопшти освоените мандати за пратеници во новиот парламентарен состав по изборите одржани на 8 мај годинава. Како што информира претседателот на ДИК, Александар Даштевски, за изборните единици 5 и 6 каде на одредени избирачки места ќе треба да се прегласува, резултатите се добиени со симулација и посебна техника врз основа на Донтов модел и со нив се опфатени пратениците кои сигурно ќе влезат во Собранието. По прегласувањето, ДИК со посебен заклучок ќе ги објави дополнителниот број освоени мандати. По одлуките на Управниот суд, пред почетокот на состанокот на партијата претседателот на ДУИ, Али Ахмети најави дека средбата на претседателството е со цел носење одлука, а по повод резултатите од седум изборни места од 8 мај, за кои треба да има прегласување. – Оваа ситуација не доведе до состојба да повикаме ургентен состанок на претседателството, по кој ќе следат и средби со експерти, за оваа неправда која е направена на Фронтот. Овој момент доаѓа по анализа на одлуките на ВМРО и СДСМ за повторување на изборите на овие изборни места, со цел да се спојат за Европскиот фронт да не биде втора сила во земјата. Ова е направено од двете најголеми партии од македонска националност, кои за жал политики се плашиме дека ќе имаат влијание и на меѓуетничките односи кои ние не ги посакуваме, изјави Ахмети. Според претседателот на ДУИ прегласувањето има ризична позадина. -Ние ќе правиме анализа. Исто така ова повторување што ќе се прави, се прави со една ризична позадина ние Албанците да се убиеме, како што се случи на едно изборно место во Општина Желино, тоа не го посакуваме, ниту пак ќе се случи. Ако некој има стратегија да пукаме ние Албанците меѓу себе, нема да се реализира, рече Ахмети. По завршувањето на состанокот на претседателството на Демократска унија за интеграција (ДУИ) во нивното седиште во тетовска Мала Речица, пак, беше најавено дека ставот во врска со прегласувањето на седум избирачки места за параламентарните избори ќе биде изграден заедно со сите партии од Европскиот фронт. Портпаролот Арбр Адеми најави дека ќе имаат други состаноци со сите партнери во рамки на Европскиот фронт. -Денеска ги разгледувавме сите политички случувања, особено внимание предизвика изборниот инженеринг. И пред да се поднесуваат приговорите ние ја известивме јавноста бидејќи имавме информации од прва рака во што се состои политичкиот „дил“. Ги известивме сите граѓани, нашите партнери, тоа се потврди со конкретни дела и во Државната изборна комисија, но и во Управниот суд. За натамошните чекори претседателот Ахмети ќе има координативни средби со сите политички партии кои го сочинуваат Европскиот фронт, изјави Адеми додавајќи дека нема што повеќе да додаде освен тоа што Ахмети веќе го споделил со јавноста пред почетокот на состанокот...

Времето денеска ќе биде променливо облачно и нестабилно со пороен дожд и грмежи. Локално ќе има услови за појава на невреме со интензивен пороен дожд, силен ветер и изолирана појава на град. Минималната температура ќе биде во интервал од 9 до 15, а максималната ќе достигне од 21 до 27 степени. Во Скопје ќе биде променливо облачно и нестабилно со пороен дожд и грмежи. Во делови од котлината ќе има услови за појава на краткотрајно невреме со интензивен пороен дожд, силен ветер и изолирана појава на град. Минималната температура ќе се спушти до 14, а максималната ќе достигне до 25 степени. Во следните денови ќе се задржи топло време, а во попладневните часови наместа ќе биде нестабилно со пороен дожд и грмежи. Локално ќе има услови процесите да бидат поинтензивни во форма на краткотрајно невреме со интензивен пороен дожд, силен ветер и изолирана појава на град. дма/сст/ Фото: МИА архива...

Пороен дожд, грмежи, засилен ветер и појава на суградица вечерва имаше во југо-западните делови од Македонија. Силно погодено беше подрачјето на Струга. Невремето од Охридското крајбрежје се префрли кон Пелагонија и градовите Битола и Прилеп. Има известувања дека во некои делови од струшкиот регион нема струја поради силните електрични празнења и грмотевици. Фото/видео: Телма...

Сообраќајна несреќа се случила вечерва на булеварот „Водњанска“ пред влезот на Клинички центар „Мајка Тереза“. Прилично оштетени се најмалку четири возила, пренесе 360 Степени. Дел од булеварот е затворен, а полицијата го пренасочува сообраќајот. Неофицијално, судирот се случил меѓу два автомобили, по што оштетени биле и други возила кои биле паркирани. Полицијата врши увид на местото на несреќата и се очекуваат повеќе детали. Фото: 360 Степени...

„Со жалење можеме да кажеме дека со секое ново појавување на Али Ахмети неговата состојба станува посериозна. Тоа се должи или на манипулации на Артан и Бујар, или Ахмети изгубил контрола, бидејќи се разоткриваат неговите незаконски дела“ соопштија од Вреди. Како што наведуваат од коалицијата, во првостепеното одлучување во ДИК немало етничко надгласување, туку врз основа на докази едногласно е одлучено дека „мултиетничкиот фронт“ предводен од ДУИ на 8 мај го прекршил изборниот процес со манипулации со гласот на Албанците. Велат дека одлуката била донесена и со гласот на членот на ДУИ во ДИК. Оттаму додаваат дека за разлика од 2021 година, сега Управниот суд докажал дека ДУИ манипулирала за време на изборниот процес. „Не држат изјавите на Ахмети со кои се обидува Мултиетничкиот фронт да го претстави како претставник на Албанците, бидејќи самиот овој фронт се изјасни дека е мултиетничка коалиција со граѓански концепт, додека Вреди е единствената албанска опција кај нас. На сите им е јасно дека Али Ахмети ја загубил контролата откако сфатил дека ја загубил власта. Но го повикуваме, доколку сака европска перспектива за земјата, да остане смирен, да ги води партнерите од фронтот во конструктивна мултиетничка опозиција. Да ги поддржиме прашањата што се во интерес на Албанците, како што тоа досега го правеа партиите од Вреди како опозиција. Да дозволиме правдата да дејствува. Кога правдата ги следи законите, тогаш евроинтегративниот пат на државата е загарантиран“, се вели во реакцијата на Вреди....

Сина ајкула долга повеќе од три метри и тешка 200 килограми е уловена во Будва. Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет. Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември...

Секторот за внатрешни работи Скопје апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот Секторот за внатрешни работи Скопје ги известува граѓаните на Скопје дека на 19.05.2024 (недела) од 08.30 до 12.30 часот, поради одржување на натпревар „Стопански Триоги Триатлон“, со стартно-целна позиција кај Спортскиот центар „Борис Трајковски“, Единицата за безбедност на патниот сообраќај при СВР Скопје ќе преземе мерки за посебен режим на сообраќајот по трасата по која ќе се движат натпреварувачите. Посебниот режим на сообраќај ќе опфати дел од уличната мрежа околу СЦ „Борис Трајковски“ и дел од бул.„Илинден“ (десна коловозна лента), потоа на потегот од крстосницата со бул. „8 Септември“ до крстосницата со ул.„Никола Парапунов“, и обратно. Исто така, на 19.05.2024 (недела) со почеток во 09.45 часот, поради одржување на спортско-рекреативен настан „Прв до врв“, Единицата за безбедност на патниот сообраќај при СВР Скопје ќе преземе мерки за посебен режим на сообраќајот по трасата по која ќе се движат натпреварувачите на велосипедската трка, и тоа: со почеток пред Музеј на град Скопје – ул.„Св.Кирил и Методиј“, потоа лево по бул. „Св.Климент Охридски“, во продолжение право по бул. „Мајка Тереза“, лево по ул. „Тодор Александров“, во продолжение по локален пат за Средно Водно до врв на Водно („Милениумски крст“). Трасата на движење на планинарите е: со почеток во 10.00 часот од пред ОУ„Кочо Рацин“ на бул. „Мајка Тереза“, право по ул. „Тодор Александров“ и кај ул. „Салвадор Аљенде“ десно, по планинската патека кон Средно Водно, а од Средно Водно кон Врв на Водно („Милениумски крст“). Секторот за внатрешни работи Скопје апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот...

Денеска напладне во близина на ТЦ „Рамстор“ во центарот на Скопје непознато лице вербално и се заканувало на претседателката на Уставниот суд, Добрила Кацарска по што интервенирало нејзиното обезбедување. -Полициски службеници од Полициската станица Центар денеска во 14:00 часот го лишиле од слобода В.П.Г. (57) од Богданци, постапувајќи по претходна пријава дека во угостителски објект во трговски центар на подрачјето на Центар во Скопје упатил закани кон Д.К.(67) од Скопје со зборовите „ќе одговараш, страшно ќе одговараш”. Лицето било задржано во полициска станица и по целосно документирање на случајот во координација со јавен обвинител против него ќе биде поднесена кривична пријава по член 144 од Кривичниот законик, соопшти МВР. Од Уставниот суд за МИА потврдија дека претседателката на Судот Кацарска денеска во полициска станица пријавила вербален напад и загрозување на сигурноста. Изјава за настанот во полиција дале неколку сведоци. Претходно, на 15-ти овој месец во подземна гаража на зграда во Центар пронајдени се импровизиран кревет и кујнски нож на гражаното место на Кацарска. Од МВР потврдуваат дека известен е јавен обвинител, предметите се подигнати за вештачење и се преземаат мерки за расчистување на случајот. – На 14.05.2024 во СВР Скопје од страна на Д.К. било пријавено дека на подрачјето на Центар во подземни гаражи, во нејзино гаражно место, биле пронајдени импровизиран кревет и кујнски нож кој бил забоден на прекинувачот за светло, информираат од МВР...

Едно лице почина, а друго се бори за живот во Клиничката болница- Штип од повреди добиени во несреќа, што според првичните информации се случила во лифт во угостителски објект во Штип. Надлежните од СВР Штип потврдуваат за трагедијата, која се случила попладнево во угостителски објект во Штип. Повеќе детали околу несреќата засега нема, но од СВР Штип велат дека во тек е увид од страна на полицијата, јавен обвинител од ОЈО Штип, а на терен се и државни инспектори. Според првичните информации починатото лице и неговиот колега извршувале работна задача во моментот на несреќата...

Председателката на Уставниот суд Добрила Кацарска денеска во кафуле во Скопје била цел на нова закана само три дена по инцидентот во нејзината гаража во која и беше оставен кревет и забоден кујнски нож. Како што вечева објави тв Сител непознато лице, додека Кацарска седела во кафилето, и довикнал дека ќе одговара и тргнал физички да се пресметува но бил спречен од обезбедувањето на председателката на Уставниот суд Инцидентот како што од Уставен и потврдиле на телевизијата претседателката го пријавила во полиција и не сакале да откриваат повеќе детали од овој втор инцидент со пораки и закани оваа недела кон Кацарска. Кацарска ги судеше обвинетите за упадот во парламентот во медиумите наречен Крвав четврток. За време на изборната кампања новата председателка на државата Силјановска -Давкова најави дека ќе ги амнестира осудените и дека нападот во парламентот не е тероризам за кој инволвираните беа судени туку дека тоа било учество во толпа....

На 17.05.2024 околу 12.30 часот во СВР Куманово било пријавено дека на паркинг простор на регионален пат Куманово – Свети Николе, товарно возило „ман“ сo полуприколка со тетовски регистарски ознаки, кое било паркирано од А.Н.(64) од с.Желино, тетовско, се придвижило и удрило во патничко возило „ауди“ со кумановски регистарски ознаки, паркирано од Ф.С.(35) од Куманово. При обид на А.Н. да влезе и да го запре, товарното возило удрило во него при што се здобил со тешки телесни повреди, констатирани во Општата болница во Куманово. Извршен бил увид од увидна екипа на СВР Куманово....

Околу 23 мигранти се водат како исчезнати откако со чамец тргнале од Тунис кон Италија, соопшти денеска Националната гарда. Од Националната гарда посочија дека распоредиле спасувачки единици и ја информирале морнарицата да помогне во потрагата по исчезнатите. Тунис се соочува со миграциска криза и ја замени Либија како главна појдовна точка за луѓето кои бегаат од сиромаштијата и конфликтите во Африка и Блискиот Исток со надеж за подобар живот во Европа....

На децата во Англија ќе им биде забрането да играат фудбал со глава во обид да се подобри нивната безбедност. Фудбалската асоцијација (ФА) објави дека ќе започне постепено да забранува удари со глава на сите тимски натпревари за деца на возраст од 11 години и помали. Идејата беше тестирана околу две години. Намерниот удар со глава ќе биде казнет со индиректен слободен удар. Децата од 7 до 9 години ќе престанат да играат со глава од следната сезона, до 10 години – од сезоната 2025/26, а до 11 години – од сезоната 2026/27. Почнувајќи од 12-годишна возраст, ќе биде дозволено играње со глава. – Продолжуваме да играме водечка улога во оценувањето и подобрувањето на безбедноста на фудбалот. Нашата цел е, меѓу другото, да создадеме поголема техничка способност за играчите да играат со топката во нивните нозе, да обезбедиме поефикасно користење на времето за играње и да го намалиме времето кога топката е во воздух за време на натпреварот, објави ФА во соопштението. Мерката доаѓа во време на истражување кое сугерира дека поранешните фудбалери имаат поголема веројатност да умрат од проблеми со мозокот отколку пошироката јавност. На пример, професионалните фудбалери имаат три и пол пати поголеми шанси да умрат од деменција отколку просечниот човек на иста возраст, објавија студиите...

Лидерот на партијата, Али Ахмети вели дека ВМРО-ДПМНЕ и СДСМ прават се за да добијат двајца пратеници од „Европскит фронт“, но посочи дека тие ги знаат сите детали од тајните договори. Тој денеска го свика претседателството на партијата во Тетово на вонредна седница, по одуката на Управниот суд да ги одбие нивните тужби за прегласување на седум избирачки места. „Овде прашањето не е дали Европскиот фронт загуби или освои два мандата. Европскиот фронт победи на изборите на 8 мај 2024 година. Победата на Фронтот беше запечатена на 8 мај. Сите политички акробации, тајни договори во подруми се неприфатливи и казниви. Затоа што се шминкаат чекор по чекор. И не треба да се толерира ниту еден чекор поназад, туку сите страни да размислуваат. Ги знаеме сите детали за договорите во црвените визби, политичките договори, а во иднина детално ќе излеземе за сите договори каде што ќе ги приложиме на јавноста“, изјави Ахмети. Ахмети порача дека на земјата не и требаат непромислени изјави и дека не треба да отвораме фронт со Грција, Бугарија и не треба да отвораме фронт меѓу Албанците и Македонците, како што нагласи, државата е на сите. „На земјата, на Републиката не и требаат непромислени изјави. Не треба да отвораме фронт со Грција, не мора да отвораме фронт со Бугарија, не мора да отвораме фронт меѓу Албанците и Македонците затоа што државата е заедничка. Мора заедно да градиме иднина, стабилност, безбедност, мир, сето тоа мора да го градиме заедно“, рече Ахмети....

Оваа ситуација не доведе до состојба да повикаме ургентен состанок на претседателството, по кој ќе следат и средби со експерти, за оваа неправда која е направена на „Европскиот фронт“, порача лидерот на ДУИ Али Ахмети, пренесува МИА. Изјавата на Ахмети е пред почетокот на состанокот на кој според најавите ќе се дискутира за конечната одлука за прегласување на седум избирачки места, откако Управниот суд ги одби тужбите на „Европскиот фронт“ како неосновани во однос на решенијата на Државната изборна комисија. „Овој момент доаѓа по анализа на одлуките на ВМРО и СДСМ за повторување на изборите на овие изборни места, со цел да се спојат за ’Европскиот фронт’ да не биде втора сила во земјата. Ова е направено од двете најголеми партии од македонска националност, од кои политикиза жал се плашиме дека ќе има влијание и на меѓуетничките односи кои ние не ги посакуваме, “рече Ахмети. Според Ахмети прегласувањето има ризична позадина која нема да се реализира. „Ние ќе правиме анализа. Исто така ова повторување што ќе се прави, се прави со една ризична позадина ние Албанците да се убиеме, како што се случи на едно изборно место во Општина Желино, тоа не го посакуваме, ниту пак ќе се случи. Ако некој има стратегија да пукаме ние Албанците меѓу себе, нема да се реализира,“додаде претседателот на ДУИ....

Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај во градот Хандлова со пет истрели го застрела премиерот Роберт Фицо и тешко го рани во стомакот. Обвинителот побара притвор за осомничениот да не избега или да го повтори делото, а по сослушувањето судот не се согласи со писмените гаранции на Цинтула, ниту со предлогот тој да се брани додека е на слобода под надзор. Цинтула го погоди премиерот со четири од пет куршуми кога тој им пријде на приврзаниците по владината седница во Хандлова, во централна Словачка, за да се подрави со нив. Цинтула веднаш бил уапсен. Од полицијата до медиумите протече видео на кое тој вели дека пукал во премиерот затоа што не му се допаѓаат политиките на неговата влада поради промените во судството, обидот за контрола на јавниот сервис РТВ и прекинот на помошта за Украина. Но, адвокатите предупредија дека признавањето на вината е спорно бидејќи веднаш по атентатот и апсењето бил сослушан во шок, без присуство на адвокат. Министерот за внатрешни работи Матуш Шутај Ешток рече дека напаѓачот немал соучесници, дека е очигледно дека нападот врз премиерот е политички мотивиран и дека Цинтула најмалку еднаш присуствувал на демонстрациите против Владата во градот Долна Крупа....

На 22 мај ќе се прегласува во седум избирачки места во ИЕ 5 и ИЕ 6, одлучи Државната изборна комисија откако Управниот суд ги отфрли тужбите на Коалицијата „Европски фронт“ предводена од ДУИ против одлуката за поништување на изборите на овие избирачки места поради нерегуларности. По оваа одлука, висат два мандати на Коалицијата „Европски фронт“, еден во петката кој може да отиде кај СДСМ и еден во шестката, кој би припаднал на Коалицијата „Вреди“ Следната среда во петата изборна единица ќе се прегласува на шест избирачки места каде право на глас имаат вкупно 3.521 гласач. Ќе се гласа на две изборни места во Крушево, две во Долнени, едно во Струга и едно во Охрид. Разликата меѓу СДСМ и ДУИ на овие шест избирачки места е 8 гласа. Во шестата изборна единица ќе се гласа на избирачкото место 2101 во Желино каде право на глас имаат 992 гласачи а на изборите на 8 мај убедливо победила коалицијата „Вреди“...

Државната изборна комисија денеска, на 105. седница која е во тек, ги објавува конечните резултати за распределба на мандатите за пратеници по изборни едници согласно освоените гласови на парламентарните избори од 8 мај 2024 година. Претседателот на ДИК, Александар Даштевски, соопшти дека според усвоениот дневен ред, на седницата ќе се расправа и по предлог-решенијата за повторување на гласањето во ИЕ 5 на 1470/1 и 1470 во Општина Долнени, 1194 и 1202 во Општина Крушево, 1844 во Општина Струга и 1272 во Општина Охрид, како и во ИЕ 6 на избирачко место 2101 во Општина Желино. ДИК треба да ги разгледа и предлог-решенијата за разрешување претседател, членови и нивни заменици на избирачки одбори во избирачки места 1470/1 и 1470 во Општина Долнени, 1190 и 1202 во Општина Крушево, 1844 во Општина Струга, 1272 во Општина Охрид и 2101 во Општина Желино...

Фотографиите кои пристигаат од Кабинетот на претседателката Гордана Силјановска Давкова, а се направени при средби, покажуваат дека знамињата на Европската Унија и НАТО се тргнати, додека пак оставено е само македонското знаме, пишува ТВ21. ТВ21 испрати прашања до Кабинетот на претседателката Давкова за тоа зошто се тргнати овие две знамиња, а од таму порачаа дека се само поместени. „Како што може да се забележи и од надвор знамињата на ЕУ и НАТО заедно со државното знаме се на јарболите пред Вила Водно. Знамињата се и во Кабинетот на Претседателката, но се поместени заради технички активности“, велат за ТВ21 од Кабинетот. Претходно, кога Стево Пендаровски беше претседател, на фотографиите од средбите во позадина можеа да се забележат трите знамиња, како што е случајот во следната фотографија....

Основното јавно обвинителство Скопје донесе наредба за спроведување истражна постапка против 41-годишна вработена како аналитичар во СВР Скопје која е осомничена за продолжено кривично дело – измама. Како што наведуваат од Обвинителството, осомничената од април 2023, искористувајќи ист траен однос и исти прилики, довела во заблуда три лица, на кои лажно им се претставила како началник во полициска станица Гази Баба и член на Комисија за доделување социјални станови. „На трите оштетени невработени лица им ветувала дека ќе им посредува да добијат социјални станови во Лисиче по цена пониска од реалната, наведувајќи ги да и исплатат по 12.000 евра за стан и 3.000 евра за посредување и изготвување документација. Парите и ги давале во повеќе наврати, а при последната исплата на 12.500 евра, во близина на полициската станица, била затекната веднаш по предавањето на парите“,посочуваат од Обвинителството. Јавниот обвинител до судијата на претходна постапка доставил предлог за определување мерки на претпазливост – забрана за напуштање живеалиште, обврска повремено да се јавува кај службено лице во судот и одземање на патната исправа. Претходно и министерот за внатрешни работи Панче Тошковски соопшти дека станува збор вработена во МВР со иницијали И.М. кај која е направен претсрес во домот и службените простории кои ги користел Пронајдена е пообемна сомнителна документација која е поврзана со кривичното дело, во вид на разни документи за кои постои сомневање дека се фалсификувани, разни договори за позајмици, договори за посредување за доделување на социјални станови, имотни листови, како и тефтер со ракопис во кој е водена евиденција за лица за кои биле вршени определени работи. „Исто така, при извршен претрес во дом и други простории кои ги користи лицето И. М. лоцирани во Општина Сарај, беше пронајдено и огнено оружје со шест парчиња муниција кои најверојатно ги поседува без дозвола, за што известено е и Одделението за недозволена трговија со оружје при СВР Скопје заради преземање на дополнителни мерки“,соопшти Тошковски....

Претседателството на ДУИ денеска ќе одржи состанок. Како што информираат од партијата, состанокот е закажан во 14 часот во седиштето на партијата во Тетово. Состанокот следува откако Управниот суд синоќа ги одби како неосновани сите седум тужби од коалицијата „Европски фронт“ против решенијата на Државната изборна комисија (ДИК) за прегласување на парламентарните избори 2024. Со одлуките на Управниот суд се потврдуваат решенијата на ДИК за прегласување во шест избирачки места во петтата изборна единица и едно во шестата изборна единица...

Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Цинтула беше спроведен под силно полициско обезбедување, а ниту на новинарите им беше дозволен влез во Судот. Обвинителството вчера побара притвор за 71-годишниот Цинтула поради евентуално бегство или повторување на кривичното дело.Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен. Тој се соочува со обвинение за обид за убиство од одмазда, за што е предвидена казна од 25 години до доживотен затвор. Словачките политичари изјавија дека нападот врз Фицо не е политички мотивиран. Цинтула наводно учествувал во неколку антивладини протести, а бил против прекинот на помошта за Украина и на ликвидацијата на словачките медиуми. Состојбата на премиерот Фицо и понатаму е сериозна...

Претседателка Гордана Сиљановска Давкова ги именува првите луѓе во својот кабинет. Ѓорги Божинов за генерален секретар и Горан Момироски за заменик генерален секретар на Кабинетот. Божинов е дипломиран правник со речиси тридецениско работно искуство во областа на правото во земјоделскиот сектор, јавни набавки, програмите за финансиска поддршка и легислативата на Европската Унија во овие области. Долгогодишниот новинар Момировски беше соработник на Сиљановска во нејзината претседателскa кампањa за изборите во 2019 година....

Деветмесечно бебе почина во Општата болница во Охрид. Портпаролот на СВР Охрид, Стефан Димоски вели дека случајот е пријавен во полиција вчера во 08:10 часот. – Бебето претходно со Итна медицинска помош било донесено во неконтактибилна состојба, вели Димоски. Увид бил извршен, а по наредба на јавен обвиниел телото е дадено на обдукција...

Кај фонтаната „Лотус” во Градски парк утрово е поставена макета – конструкција на јавен тоалет. Се работи за герила акција на уметникот Озбек Ајваз која треба да укаже на проблемот со јавните тоалети во градот. Делото на Ајваз е направено во соработка со архитектката Натали Велеска. Со ова последна акција, Ајваз и Велеска скааат да прикажат предлог решение за тоалет кој би бил изведен од метална конструкција, обложен со дрвени панели. Неговите димензии би биле минимални, 150 X 250 X 250 сантиметри, за што поекономично производство и натамошно одржување. Според макетата, би имало можност на кровот од тоалетот да се постават соларни панели, но и да има извор на природна вентилација и светло. Екстериерот би имал зелени ѕидови (вертикално поставени растенија), кои би служеле како разубавување на градот, а би се наводнувале преку поставениот дождовник од кровот на тоалетот. Од страната на макетата е прикажана мапа на Скопје, со означени локации каде би биле неопходни највеќе тоалети за главниот град и општините. Извор: Република...

Британскиот крал Чарлс Трети и кралицата Камила ќе отпатуваат во Франција на 6 јуни за да ја прослават 80-годишнината од истоварувањето во Нормандија, соопшти денеска Бакингемската палата. Тоа ќе биде прво патување на 75-годишниот крал во странство откако на почетокот на годината беше објавено дека боледува од рак. Кралот, кој ги продолжи јавните активности на 30 април додека продолжува да се лекува од својата болест, ќе присуствува на церемонијата во британскиот меморијален центар во Верс-сур-Мер, Нормандија. Неговиот син, принцот Вилијам, ќе учествува на меѓународната комеморација на плажата Омаха со шефови на држави и ветерани од Втората светска војна. На 6 јуни, францускиот претседател Емануел Макрон ќе пречека околу 25 лидери на меѓународна церемонија, организирана на плажата „Крвава Омаха“, една од петте плажи избрани за слетување на сојузничките сили на Велика Британија, САД и Канада, на Денот-Д на 6 јуни во 1944 година. Се очекува и доаѓањето на американскиот претседател Џозеф Бајден....

По копнениот напад на руската армија приближно 10.000 луѓе се евакуирани од областа Харков, североисточна Украина. Гувернерот на Харков, Олег Синегубов наведе дека украинската армија одбила два обиди за пробивање на одбраната во текот на ноќта, но оти ситуацијата е „под контрола“. Руските сили нападнаа неколку градови, вклучувајќи го и Вовчанск, на само пет километри од границата. Во периодот од 9 до 15 мај руските сили зазедоа 278 квадратни километри украинска територија, што е најголем напредок од крајот на 2022 година....

Си-ен-ен објави шокантно видео од надзорните камери на кои се гледа како славниот рапер Пи Диди насилно ја нападнал својата поранешна девојка Кеси во хотел во 2016 година. Содржината на видеото во потполност се совпаѓа со изјавата која Кеси ја дава пред истражните органи. На видеото, до кое дојде Си-Ен-Ен, се гледа како раперот, чие вистинско име е Шон Комбс, без кошула со крпа завиткана околу половината, ја брка Кеси низ ходникот. Додека се обидувала да влезе во лифтот, тој ја фатил за задниот дел од главата и ја треснал на земја. 😳😢 CNN has obtained footage of Diddy repeatedly beating his then girlfriend Cassie in a hotel hallway. pic.twitter.com/T4mZ6ObYHQ — SAY CHEESE! 👄🧀 (@SaycheeseDGTL) May 17, 2024 Потоа ја удрил со нога додека таа лежела неподвижна на земја, пред да ѝ грабне две чанти со кои се обидела да избега.Диди застана над неа, повторно ја клоцна, а потоа ја влече назад во нивната соба. Вознемирувачката снимка е направена во хотелот Интерконтинентал. Два дена подоцна, парот се појави на црвениот тепих држејќи се за рака за премиерата на „Совршениот натпревар“. Американскиот рапер Пи Диди во ноември минатата година се спогоди со својата поранешна партнерка Кеси....

Град Скопје соопшти дека фирма од Чаир регистрирана пред еден месец, без дозвола монтирала панорамско тркало и други реквизити во Карпош. Како што додаваат од Градот, и покрај преземените мерки и казната, фирмата продолжила да работи. „Правното лице Дизниленд Реквизити, фирма од Чаир регистрирана пред само еден месец, без соодветни документи и дозволи, без потребна документација која гарантира безбедност, монтира панорамско тркало и останати реквизити во Карпош пред Борис Трајковски. Град Скопје, во рамки на своите надлежности изврши надзор, превзема мерки и го казни правното лице, но тој сепак НАСИЛНО продожува да работи. Ги повикуваме надлежните институции и апелирам да постапат во најкус можен рок, бидејќи се доведува во прашање безбедноста на децата и на сите останати посетители поради практицирањето на ваквото самоволие“ велат од Град Скопје....

Техничкиот министер за внатрешни работи Панче Тошковски утрово, преку својот фејсбук профил, информира дека овластено службено лице вработено во МВР е фатено на лице место со над 10 илјади евра од извршено кривично дело „измама“. Според Тошковски, на 17.05.2024 година, И.М., виш аналитичар во СВР Скопје, е лишен е од слобода под сомневање за сторени кривични дела измама, предвидени по чл. 247 од КЗ. -Од страна на Одделот за внатрешна контрола, криминалистички истраги и професионални стандарди во координација со Одделот за криминалистичка полиција се постапуваше по пријава од три оштетени лица и на ден 17.05.2024 година наведеното лице е фатено на лице место во моментот на примопредавање на 12 500 евра, претходно криминалистички обработени кои ги прибавила за наводно посредување за добивање на социјални станови од Б категорија, наведува министерот. Во врска со кривичното дело е извршен претрес во службените простории кои ги користела пријавената при што е пронајдена пообемна сомнителна документација која е поврзана со кривичното дело во вид на разни документи за кои постои сомневање дека се фалсификувани, разни договори за позајмици, договори за посредување за доделување на социјални станови, имотни листови, како и тефтер со ракопис во кој е водена евиденција за лица за кои биле вршени определени работи. Исто така, при извршен претрес во дом и други простории кои ги користи лицето И.М. лоцирани во Општина Сарај, беше пронајдено и огнено оружје со шест парчиња муниција кое оружје и муниција најверојатно ги поседува без дозвола, за што известено е и Одделението за недозволена трговија со оружје при СВР Скопје заради преземање на дополнителни мерки. -МВР и понатаму продолжува со преземање на мерки и активности насочени кон испитување на евентуална поврзаност на наведеното лице со други високи полициски службеници, информира Тошковски....

Управниот суд синоќа ги одби како неосновани сите седум тужби од коалицијата „Европски фронт“ против решенијата на Државната изборна комисија (ДИК) за прегласување на парламентарните избори 2024. Со одлуките на Управниот суд се потврдуваат решенијата на ДИК за прегласување во шест избирачки места во петтата изборна единица и едно во шестата изборна единица. Според Изборниот законик, доколку одлуката за прегласување на едно избирачко место може да влијае на конечните резулатите од изборите, ДИК ќе организира повторно гласање 14 дена од одржувањето на изборите, односно на 22 мај. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите беа оформени предмети и закажани во текот на вчерашниот ден....

Поминаа речиси два месеци откако Кејт Мидлтон во емотивно видео објави дека има рак и оттогаш не е видена во јавноста. Иако постојат различни теории за нејзиното здравје и отсуство од загрижената јавност, медиумите и таблоидите повторно пишуваат дека наводната љубовница на Вилијам се обидува да го заземе нејзиното место на сите важни настани за кралското семејство, па во последните неколку дена дури два дена се појавува покрај кралицата. За маркизата од Чолмондели долго време се шпекулира дека се зближила со принцот Вилијам и Кејт Мидлтон во Норфолк, но и дека потоа влегле со принцот и во љубовна релација. Сепак, новите настани сведочат дека не е помалку блиска ниту со кралицата Камила. Минатиот викенд, маркизата и поранешна манекенка Роуз Ханбери (40) беше фотографирана како ѝ се поклонува на кралицата во куќата Бадминтон во Глостершир. Бадминтон е во сопственост на војводата од Бофор, рок музичарот „Бантер“, кој е близок пријател на таткото на маркизата, Тим Ханбери. Синот на маркизата ја држел пелерината на кралицата Само неколку дена подоцна, еден од нејзините синови близнаци, лорд Оливер, кој го има со 64-годишниот Маркиз од Чолмондели, ја држеше пелерината на кралицата во катедралата Свети Павле по редот на службата на Британската империја, кога кралското семејство доделува престижни одликувања....

Тринаесет лица се повредени во судирот на возови што се случи вчера кај Панчевачкиот мост во близина на Белград. Како што пренесуваат српските медиуми, повредените биле примени во Ургентниот центар, а четворица од нив се со тешки повреди. Девет патници биле пуштени дома бидејќи немале посериозни повреди, пренесува Н1. „Мораше да бидат згрижени 13 лица, меѓу кои машиновозачот, контролорот и двајца патници – сите четворица се пренесени во Ургентниот центар“ изјави министерот за транспорт Горан Весиќ. Жртви нема, а причината за несреќата како што кажа српскиот министер за внатрешни работи Ивица Дачиќ е човечки фактор. Несреќата се случи вчера во 18 часот и 26 минути во тунелот кај Панчевачкиот мост во Белград, кога патнички воз удрил во задниот дел на товарен воз кој стоел на пругата и чекал да тргне....

Основното јавно обвинителство Скопје до Кривичниот суд доставило предлог за определување мерка притвор за лицето осомничено за двојното убиство во Стајковци. Како што информираат од Јавното обвинителство, против лицето била поведена истражна постапка откако на 14 мај 2024 година, при вршење семејно насилство, во семејниот дом во Стајковци, тој со умисла ги лишил од живот својот брат и снаата. Осомничениот, како што се наведува, прво ја нападнал снаата, удирајќи ја повеќе пати со метална шипка по главата, а потоа го пресретнал и братот на кого исто така со шипката му нанел смртоносни повреди. „По настанот осомничениот беше хоспитализиран. Бидејќи со подобрување на неговата здравствена состојба постои опасност тој да се даде во бегство, јавниот обвинител оцени дека мерката притвор е неопходна за непречено водење на истрагата, па до судијата на претходна постапка достави предлог за определување таква мерка, се наведува во соопштението од Обвинителството....

Овластено службено лице вработено во МВР фатено на лице место со над 10 илјади евра од извршено кривично дело Измама. – На ден 17.05.2024г. лицето И.М. вработено како Виш аналитичар во СВР Скопје, лишено е од слобода под сомневање за сторени кривични дела измама предвидени по чл. 247 од КЗ. Имено, од страна на Одделот за внатрешна контрола, криминалистички истраги и професионални стандарди во координација со Одделот за криминалистичка полиција се постапуваше по пријава од три оштетени лица и на ден 17.05.2024 година наведеното лице е фатено на лице место во моментот на примопредавање на 12 500 евра, претходно криминалистички обработени кои ги прибавила за наводно посредување за добивање на социјални станови од Б категорија, соопштија од МВР. Во врска со кривичното дело извршен е претрес во службените простории кои ги користела пријавената при што е пронајдена пообемна сомнителна документација која е поврзана со кривичното дело во вид на разни документи за кои постои сомневање дека се фалсификувани, разни договори за позајмици, договори за посредување за доделување на социјални станови, имотни листови, како и тефтер со ракопис во кој е водена евиденција за лица за кои биле вршени определени работи. Исто така, при извршен претрес во дом и други простории кои ги користи лицето И.М. лоцирани во Општина Сарај, беше пронајдено и огнено оружје со шест парчиња муниција кое оружје и муниција најверојатно ги поседува без дозвола, за што известено е и Одделението за недозволена трговија со оружје при СВР Скопје заради преземање на дополнителни мерки. МВР и понатаму продолжува со преземање на мерки и активности насочени кон испитување на евентуална поврзаност на наведеното лице со други високи полициски службеници, потенцираат од полицијата...

Во Германија осаменоста често се опишува како тивка епидемија. Најновите податоци на Сојузниот завод за статистика покажуваат дека секое шесто лице постаро од десет години често се чувствува осамено – тоа се околу 12,2 милиони луѓе. Woman standing on jetty and watching sunrise by the lake. Психолозите осаменоста ја дефинираат како перцепирана несогласност меѓу посакуваните и реалните социјални односи и по тоа таа се разликува од општествената изолација. Статистиката покажува дека во Германија најмногу се погодени младите луѓе, односно четвртина од младите на возраст меѓу 18 и 29 години велат дека често се чувствуваат осамени. Министерката за семејство на Германија, Лиза Паус од партијата на Зелените осаменоста ја опишува како едно од најважните прашања на нашето време, не само заради ризиците за здравјето, вклучително и поголем ризик за срцеви болести, туку и затоа што ја поткопува општествената кохезија. Студијата „Исклучително осамени”, дел од проектот Колект кој се финансира од Министерството за семејство, сугерира дека осаменоста може да претставува закана за демократијата. Научниците открија врска меѓу осаменоста и антидемократските ставови – склоност кон популизам, верување во теории на заговор, авторитарни ставови и одобрување на кршењето на политички правила и насилство. „Ова не се причинско-последични врски, но постои корелација“, вели Клаудија Ној, социолог и една од авторките на студијата. Луѓето кои подолго време се осамени почнуваат да го доживуваат светот понегативно, како мрачен и опасен – помалку им веруваат на другите луѓе, но и на своето опкружување и на демократските институции. Тоа е приблем, смета Ној, бидејќи поддршката на демократијата зависи од тоа колку силно некој се чувствува поврзан со општеството како целина. „Копнежот за заедница и натаму секако е многу силен. Во нас веројатно е длабоко вкоренето да не можеме да преживееме без други луѓе“, вели таа. Десничарски популистички или десничарски екстремистички партии нудат чувство на заедништво и истовремено користат наратив на страв – „придружете ни се и ќе бидете дел од нашата заедница’ е нивната порака. Осаменоста е само еден од многу ризични фактори Габриела Гробарчикова (25) вели дека имала 15 години кога прв пат се почувствувала осамена. „Се чувствував дистанцирана од други луѓе. Имав чувство дека имам многу луѓе околу мене, но недостигаше чувството на вистински релации со нив “, рече таа за ДВ. Гробарчикова рече дека немала стабилен семеен живот и дека и било тешко да одржува долгогодишни пријателства, но дека чувството на поврзаност го нашла преку политиката. Смета дека благодарение на тоа што нејзините родители се приврзаници на левиот центар, таа не развила антидемократски или екстремистички ставови. „Осаменоста е состојба во која постои силна, неисполнета желба за заедништво. Јас таа желба ја остварив преку политичкиот ангажман и активизам, во локалните заедници, социјалдемократските кругови“, посочува таа. Студијата на Колект покажала дека недовербата во демократијата е широко распространета меѓу младите. Од 1.008 анкетирани на возраст меѓу 16 и 23 години, 48 проценти сметаат дека во Германија демократскиот систем функционира добро, а 40 отсто дека политичарите се во состојба да одговорат на предизвиците на иднината. Дали порано беше подобро? Меѓутоа не постојат емпириски докази кои би сугерирале дека младите луѓе денес имаат политички поекстремни ставови отколку претходните генерации, вели Бјорн Милбрат, социолог и експерт за радикализација меѓу младите од Германскиот институт за млади. „Денес се стекнува впечаток дека младите луѓе стануваат сѐ порадикални. Но, внимателно со тоа, од секогаш имало радикални или екстремистички движења на младите“, вели Милбрат за ДВ. Тој потсеќа на бранот насилство од десничарски екстремисти на почетокот на деведесеттите по повторното обединување на Германија и на студентското движење во Западна Германија од 1968 година. Истражувањето покажува дека веројатноста млада личност да се радикализира зависи од многу фактори, а не само од осаменоста. Во тоа може улога да игра и социоекономската позадина, нестабилен живот во семејството, слабо развиено критичко размислување и изложеност на мизантропски ставови. „Не постои само еден фактор. „Мислам дека е многу важно да се нагласи тоа, бидејќи во јавната дебата често има тенденција да се гледа на радикализација на многу еднодимензионален начин, дека ТикТок е еден од главните фактори, кои ги радикализираат младите“, вели тој. „Но, она што секогаш мора да го кажете е дека луѓето се особено радикализирани на ТикТок ако веќе се приемчиви за одредени идеологии или ставови“, додаде Милбрат. ТикТок – едно е местата за радикализација на младитеФотографија: Marijan Murat/dpa/picture alliance Важно е да се биде внимателен во врска со екстремизмот меѓу младите, рече Милбрат, посочувајќи на студијата за млади на Шел од 2019 година, која покажа дека околу една третина од младите луѓе имаат тенденција кон десничарски популизам. „Тоа беше многу алармантен резултат и мислам дека сè уште е така“, рече тој. „Има избори каде партијата Алтернатива за Германија (АфД) добива многу значаен процент од гласовите на млади луѓе. Тоа се предупредувачките сигнали што постојано ги добиваме“. Младите повеќе да се вклучат во политиката Што се однесува до младите, справувањето со осаменоста е само еден дел од поширокиот спектар на решенија потребни за да се спречи развивањето на екстремистички ставови, смета Милбрат. Тука се клучни политичкото и граѓанското образование во училиштата, свесноста за историјата на нацистичкото минато на Германија и чувството за влијание во рамките на демократскиот процес. Авторите на студијата Колект рекоа и дека политичарите и граѓанските групи треба да го направат политичкото образование достапно за сите и да создадат повеќе можности за младите да учествуваат во демократските процеси. „Мислам дека можете да го освестите општеството како целина – што вусшност значи кога на генерацијата што наскоро ќе дојде на моќни позиции ќе и кажете дека нивното мислење не е важно. Може да се направи нешто по ова прашање“, рече Милбрат....

По екстремните дождови кои предизвикаа поплави во Сарската област, ситуацијата до раните утрински часови во саботата малку се релаксира, информираат од локалната полиција. Од 1 часот по полноќ нивото на водата престана да расте, изјави портпаролот на Оперативниот центар во Сарбрикен. Меѓутоа, спасувачките служби и натаму се на терен. Се уште не може да се процени точниот обем на штетите предизвикани од поплавите. Во целата сојузна покраина Сар , обилните врнежи предизвикаа поплавување на улиците и на подрумите, како и лизгање на земјиштето. Оперативниот центар во Сарбрикен забележа повеќе од 3.000 полициски и спасувачки интервенции. Градскиот автопат А620 кој минува низ Сарбрикен беше затворен поради поплаватаФотографија: Harald Tittel/dpa/picture alliance Метеоролошката служба на Германија во рок од 24 часа забележала повеќе од 100 литри дожд на квадратен метар во некои локалитети. За споредба, во цел април годинава, во Сар паднале околу 74 литри дожд на квадратен метар , што е за една шестина повеќе од нормалното количество врнежи за тој месец. Станува збор за, како што е соопштено, поплава што се случува на секои 20 до 50 години, соопшти покраинската Агенција за заштита на животната средина. Во петокот и ноќта во сабота интервентните сили се бореле со водните маси. На видеата објавени во медиумите и на социјалните мрежи можеа да се видат полупоплавени возила и некои улици кои беа целосно под вода. Канцеларот ќе ги посети погодените подрачја Во Сарбрикен, како и во неколку други окрузи, беше прогласена вонредна состојба . Населението беше повикано да ги избегнува подрумите, водните површини и поплавените подрачја поради постојаниот дожд. Неколку згради во градот мораа да бидат евакуирани. Организирани се привремени сместувања во училиштата и воспоставена е посебна телефонска линија за помош на граѓаните. Во Русхите, дел од Сарбрикен, луѓето беа евакуирани со амфибиски возила и чамци. Ситуацијата беше „критична“ бидејќи брзината на водната маса беше толку голема што противпожарната служба мораше да ги прекине операциите и да побара помош од германскиот Црвен крст, изјави портпаролот на Министерството за внатрешни работи. Некои жители во поплавените подрачја мораа да бидат евакуирани со чамциФотографија: Harald Tittel/dpa/picture alliance Во градот Отвајлер во текот на ноќта поради поплавите превентивно е исклучена струјата и регистрирана е голема штета, изјави началникот на округот Серен Менг. Спасувачките екипи се неприкинато на терен. Германскиот канцелар Олаф Шолц денеска ќе ги посети поплавените подрачја заедно со покраинската премиерка на Сар, Анке Релингер. Во телевизиско интервју , Релингер изјави дека ситуацијата е „многу напрегната“. Треба да очекуваме големи штети и на јавната инфраструктура и на имотот на граѓаните, посочи таа. „Апсолутно е јасно дека имаме работа со случување од натрегионално значење“. Ризик од поплави и во Рајнланд-Пфалц И во сојузната Рајнланд-Пфалц, обилниот дожд доведе до бројни интервенции. Округот Трир-Сарбург, јужниот дел на Пфалц и градовите Трир, Цвајбрикен и Лудвигсхафен беа особено погодени. Поплавени се подруми и улици. Засега нема повредени. Многу помали потоци и реки се излеаа од коритата. Во Шоден на реката Сар, во областа Трир-Сарбург, околу 220 луѓе мораа да ги напуштат своите домови како мерка на претпазливост поради ризикот од поплави, соопшти локалната управа. Нон-стоп во ангажман: спасувачките екипи во поплавените подрачјаФотографија: Harald Tittel/dpa/picture alliance И во Сар и во Рајнланд-Пфалц има големи прекини и откажувања на железничките и автобуските линии. Германската железница – Дојче Бан соопшти дека луѓето треба да се воздржат од патување со воз до Сар. Поради временските услови, според нивните информации, не можеле да организираат заменски превоз. Погодени се бројни регионални железнички линии, кои меѓу другите минуваат низ главните станици во Пирмасенс, Трир и Сарбрикен....

Сакам уште еднаш да испратам порака со предупредување до новата Влада, да ја смени позицијата и да го користи само името Северна Македонија во и вон земјата, бидејќи во спротивно, сигурно ќе создадат проблеми и во односите со Грција и во односите со Европа, рече грчкиот премиер Кирјакос Мицотакис во интервјуто за државната телевизија ЕРТ, притоа повторувајќи дека без целосно усогласување со Договорот во однос на името, Грција нема да ги ратификува меморандумите и нема да има напредок во ЕУ перспективата на земјава, јави дописничката на МИА од Атина. Коментирајќи ги изјавите на лидерот на ВМРО-ДПМНЕ Христијан Мицкоски, Мицотакис посочи дека станува збор за „изјави на мандатарот за премиер“ и дека ќе ги чекаат официјалните ставови на новата Влада, но потенцираше дека „првите примери на однесувањето се исклучително негативни“. – Во јадрото на Договорот на Преспа се наоѓа смислата на едно име, она што го нарекуваме ерга омнес, името Северна Македонија да важи за сите, односно да се користи и во надворешноста и во внатрешноста на земјата, рече Мицотакис. Потсети дека тие ние не гласаа за Договорот од Преспа, бидејќи имаа приговори „за фактот што овој Договор обезбедува македонска нација и македонски јазик“, што воедно, според Мицотакис било и главната причина зошто не го поддржаа Договорот. -Во прашањето за името има едно јасно уназадување и сакам уште еднаш да испратам порака со предупредување до новата Влада, уште од сега, да ја смени нејзината линија, да ја почитува централната одредба на Договорот од Преспа, да го користи само името Северна Македонија во и вон земјата кога станува збор за нашиот северен сосед, а во спротивно, сигурно е дека ќе создадат проблеми, не само во односите со Грција на Северна Македонија, туку и во односите на Европа со Северна Македонија, истакна Мицотакис. Се осврна и на реакциите од ЕУ за употребата на името Македонија од претседателката Сиљановска Давкова на инаугурацијата, откривајќи дека „беа резултат на интервенциите на грчката Влада“, дека „тоа не дојде само по себе“, туку тој лично интервенирал за да го информира раководството на Европската Унија, а ги посочи и реакциите од САД. -Па така верувам дека ќе има колективен притисок врз раководството на Северна Македонија за да не постои значајно уназадување, рече грчкиот премиер. Во утринското интервју за ЕРТ, Мицотакис ги повтори и следните чекори на Владата, односно реакцијата на официјална Атина, она што и вчера го порача од митингот во градот Верија, дека нема да се ратификуваат меморандумите и дека ќе има проблеми на патот на земјата кон ЕУ. – Она што сигурно ќе го сториме е дека нема да ги донесеме за ратификација трите меморандуми што произлегуваат од Договорот и сега целосно се оправдува нашата позиција да го задоцниме ратификување. Ние веќе извесно време гледавме што се случуваше во Северна Македонија, го слушавме овој националистички пароксизам на ВМРО, знаевме дека ВМРО ќе победи на изборите и сакавме и ние да задржиме некои суштински преговарачки оружја во случај работите да не одат како што се очекува, рече Мицотакис, пренесе МИА. Ја коментираше и одлуката на СИРИЗА да ги донесе во Парламентот трите меморандуми, велејќи дека е „несфатливо на границите на политичкиот и дипломатскиот апсурдност“, сега да се достават, во моменти кога „Скопје следи целосно различна линија“. -Второто што ќе го направиме, веќе го сторивме, апсолутно јасно да ставиме на знаење дека никаков напредок во овој, би рекол, долг пат на Скопје кон Европа, не може да се постигне. ако не постои апсолутно усогласување со Договорот од Преспа во прашањето со името, истакна грчкиот премиер. Интервјуто за ЕРТ рано утрово во кое Мицотакис говореше за сите актуелни прашања во Грција, започна токму со односите со Северна Македонија и Договорот од Преспа....

Што побара Јужноафриканската Република против Израел пред МСП во Хаг? Јужноафриканската Република (ЈАР) го повикува Меѓународниот суд на правдата (МСП) да нареди „привремени мерки“ за да го принуди Израел да ја прекине воената операција против Хамас во Појасот Газа, да дозволи снабдување на Палестинците во Појасот Газа и да одговара за досегашните постапки. ЈАР го заснова своето обновено барање за привремени наредби од судот врз основа на влошената ситуација околу градот Рафах во Појасот Газа. Израел најверојатно започна копнена офанзива против Хамас во Рафах. Стотици илјади луѓе повторно се во бегство. Граничниот премин Рафах со Египет, кој е од суштинско значење за снабдување, е затворен. Пропалестинските активисти ги поддржуваат тужбите на ЈАР пред пред судот во Хаг (јануари, 2024 година)Фотографија: Patrick Post/AP Photo/picture alliance Како Израел реагира на ова барање? Израелските претставници во Судот во Хаг ќе истакнат дека воената акција во Рафах против терористите на Хамас, кои на 7 октомври 2023 година убија или киднапираа над 1.400 луѓе, главно израелски граѓани, е од суштинско значење. Ќе биде кажано дека во урбаните војни во густо населените градови е тешко да се избегнат цивилни жртви и дека борбите ќе престанат веднаш штом Хамас, кој е класифициран како терористичка организација од САД, ЕУ и други, се предаде или биде поразен. Затоа Израел негира дека е единствено одговорен за катастрофалната хуманитарна ситуација на цивилите и не прави доволно за нив. Граничниот премин Рафах, впрочем, како што се вели, го затворил Египет откако израелската војска ја окупираше палестинската страна. Египет го негира ова. Произраелски активисти демонстрираат за отфрлање на тужбата против Израел во Хаг (јануари, 2024 година)Фотографија: Patrick Post/AP Photo/picture alliance Што може да одлучи судот? Меѓународниот суд на правдата веќе двапати нареди „привремени мерки“ против Израел, во јануари и март 2024 година, на барање на Јужноафриканската Република. Во јануари, судиите одлучија дека Израел мора да направи сѐ што може за да обезбеди снабдување за палестинското население и да се избегнат цивилни жртви. Според палестинските податоци, досега се убиени 35.000 луѓе. Судот не го прифати барањето на Преторија да нареди прекин на огнот. Во март, Судот ги повтори и ги заостри своите наредби бидејќи, според Обединетите нации, состојбата на цивилното население во Газа се приближуваше до глад. Судот сега може дополнително да ги прошири своите наредби и, на пример, да бара израелските трупи да се повлечат од Рафах. Одлуката за јужноафриканската апликација се очекува за неколку недели. Кои се последиците од судските одлуки? Наредбите на МСП досега имаа мало влијание врз ситуацијата во Газа и Израел. Политичкиот притисок врз Израел се зголемува, но неговата влада не изгледа импресионирана од тој притисок. Така е и покрај фактот што одлуките на Меѓународниот суд на правдата се обврзувачки за земјите-членки на Обединетите нации, вклучително и Израел. Но, Судот нема средства, нема полиција за да ги спроведе своите пресуди. И во други случаи обвинетите ги игнорираат одлуките од Хаг. На Русија, на пример, ѝ беше наредено да ја запре инвазијата на Украина, но тоа остана, како што е познато – без последици. Одлуките на МСП досега имаа мало влијание врз ситуацијата во Газа и ИзраелФотографија: Peter Dejong/AP/dpa/picture alliance Дали ЈАР го тужеше Израел пред Меѓународниот суд на правдата за геноцид? Во декември минатата година, ЈАР го тужеше Израел за кршење на Конвенцијата на ОН за спречување на геноцид. Акциите на Израел во Појасот Газа во војната против Хамас, како што се вели, водат кон истребување на палестинското население. Израел негира дека ја прекршил Конвенцијата за геноцид затоа што, како што тврди, го користи своето право на самоодбрана. Судот се прогласи за надлежен и го прифати барањето на ЈАР. Врз основа на оваа главна постапка, ЈАР сега повторно бара „привремени мерки“ кои судот може да ги нареди со оглед на позадината на тужбата за геноцид. Искуството покажува дека главното прашање, односно прашањето дали Израел можеби врши геноцид, ќе се реши дури за неколку години, по опсежни рочишта и консултации. Колумбија и Турција сакаат да се приклучат на тужбата од Јужноафриканската Република. Зошто Судот во Хаг е надлежен? Меѓународниот суд на правдата (МСП) е тело на Обединетите нации. Секоја редовна членка на Обединетите нации е автоматски одговорна пред Судот. Во Хаг, само држави можат да тужат други држави за да ги решат споровите меѓу себе или за да се разјаснат прекршувања на Повелбата на ОН или другите конвенции на ОН. Самите држави се одговорни за извршување на пресудите. Судот нема на располагање полиција. Меѓународниот суд на правдата (МСП) не треба да се меша со Меѓународниот кривичен суд (МКС), пред кој физички лица можат да бидат кривично гонети за кршење на меѓународното право. Главниот обвинител веќе води истрага против раководството на Хамас и израелските политичари. Негово седиште е исто така Хаг.(dw)...