Градоначалникот на Гостивар, кој беше кандидат за претседател на коалицијата Вреди на последните избори, во интервју за Косовската радиотелевизија (RTK), изјави дека Албанците, по парламентарните избори одржани на 8 мај, ќе имаат претседател на Собранието, а во идната македонска влада и шест министри. Таравари изрази уверување дека коалицијата Вреди во новата македонска влада, предводена од ВМРО-ДПМНЕ, ќе биде претставена достоинствено, со стручни луѓе. „Верувам дека (ќе имаме) една од трите главни функции во државата, односно претседател на Парламентот и во иднина ќе биде Албанец, и значителен број министри. Особено таму каде што имаме експерти, ние како партија Вреди ќе ги именуваме. Верувам дека ќе бидеме претставени достоинствено, со стручни луѓе“, рече Таравари. Најавува и дека конституирањето на Собранието ќе се случи на крајот на мај, додека новата Влада очекува да биде изгласана во првиот дел на јуни. „Конституирањето на Собранието е планирано да се случи некаде на крајот на овој месец, месец мај, а во меѓувреме, кон крајот на следната недела, ќе ги имаме и кадровските избори и владината програма. Откако ќе се конституира Собранието, претседателот на државата мора да го даде мандатот на идниот мандатар. Во првата половина на јуни сигурно ќе ја имаме новата влада“, изјави Таравари во синоќешното интервју за косовскиот јавен радиодифузер. Коалициските партнери, според Таравари, се согласиле приоритети на новата влада да бидат патот кон Европската унија, бескомпромисната борба против криминалот и корупцијата и функционирањето на правната држава....

инистерството за политички систем ќе се реконструира и ќе биде само за односи меѓу заедниците, најавува секретарот за меѓународна соработка во ВМРО-ДПМНЕ, Стефан Андоновски. -Мене како правник ми пречи тоа што ова Министерство се нарекуваше „за политички систем“ кога знаеме дека се ова што ние го работиме е политички систем. И Собранието е политички систем, Владата, дури и судовите се политички систем. Тоа е таа поделба на власта кај нас која постои и е на три дела. Беше чудно што еден министер е задолжен за цел политички систем во државата односно за еден ресор. Така што, мислам дека ова ќе се трансформира само во Министерство за односи меѓу заедниците додека политичкиот систем има една малку поширока димензија, вели Андоновски во интервју за Радио слободна европа. Според него, треба да има човек во Влада кој ќе се грижи за политички систем, но тоа да има една поширока димензија, а не, како што вели, ресорски со сектори. Мислам, нагласува Андоновски, дека оперативно ќе почне да работи ова Министерство во смисла за правата на сите заедници. На прашањето дали ова место ќе биде резервирано за коалицискиот партнер со оглед на досегашната пракса, тој нагласува дека се уште нема договор по тоа прашање. -Се уште не сме се договориле во која насока ќе се движи, но би било соодветно заедниците да имаат претставник во Министерството. Нешто слично на поранешниот вицепремиер за спроведување на Рамковниот договор што прерасна во односи со заедниците. Сметаме дека треба да се дефинираат надлежностите на ова Министерство за вистински да се однесува на одбрана на правата на заедниците, нагласува Андоновски. Тој во интервјуто говори и за разговорите за формирање влада, но и за постигнување двотретинско мнозинство во Собранието. -Веќе е навлезено во дискусија за програмските и кадровските решенија, не споделуваме детали за да останеме чесни кон нашите партнери од коалицијата а и тие се чесни кон процесот. Не можам да кажам кои ресори, кадри, министерства иако секој би можел да има свој сопствен став на оваа тема. Да оставиме простор навистина да се направи договор кој ќе е квалитетен, нагласува Андоновски. Прашан дали партијата „Знам“ ќе биде дел од идната влада тој додава дека се директно меѓу ВМРО-ДПМНЕ и движењето „Влен“ и оттаму ќе се види какви ќе бидат констелациите. -Она што ние се обидуваме да го правиме е да постигнеме поширок консензус за некои национални прашања и да стигнеме до тие потребни 80 пратеници за битни промени на законите кои се системски и бараат двотретинско мнозинство што значи дека дискусии ќе има и со други политички партии или пак поедини пратеници во Собранието кои би биле заинтересирани за поединечни законски проекти, нагласува Андоновски. Во овој случај, додава тој во интервјуто, се работи за дискусија за законски проекти кои се национално ниво и од национално значење. -Не се од значење на една или друга политичка партија, туку може да е ре структурирање на државата кое ќе им одговара на сите граѓани. Не се централни кон една партија особено не кон ВМРО ДПМНЕ туку се поголеми национални проекти. Во нив многу често ќе видите и реформи кои ги бара и ЕУ, а се двотретински закони. Тука зборувам и за правосудство и за организација на управата и за реформа на јавната администрација и бројни други закони. Мислам дека е чесен пристапот да не барате пратеници кои се ќе ви поддржуваат, туку да барате пратеници кои ќе сакаат да се вградат во процесот и да дадат свои критики и забелешки и ако тие критики се легитимни и се прифатат тогаш ние би гласале и би го поддржале тој проект, вели секретарот за меѓународна соработка на ВМРО-ДПМНЕ. Тој додава дека владата што ќе биде формирана ќе се бори искрено против кримиалот и корупцијата без разлика од кои редови тие доаѓаат. -Немаме дилема дека ако некој направил криминал дали е ДУИ или „Влен“ или било кој внатре од партнерите или пак во ВМРО-ДПМНЕ, треба да одговара за истото. Но, мислам дека кај ДУИ корупцијата и криминалот беа системски. Не се однесуваа на еден човек конкретно, туку на цели системи внатре во политичката партија. Јас користев еден груб термин како паразит го разјадува здравото ткиво на институциите и од внатре ги уништуваа. Имате институции каде ДУИ била подолго време и не можете да ги оправите, тоа се институции пред крах. Во една ваква ситуација, ние мораме да се справиме со предолгото владеење на ДУИ и тоа извитоперување на владеењето за тоа што тоа повеќе не е нормална власт, вели Андоновски и додава дека мисли оти во „Влен“ луѓето се чесни, имаат чесни намери за борба против корупција и криминал и оти тоа ќе се покаже уште при првите денови од преземањето на власта...

Косовскиот премиер Албин Курти вчера беше домаќин на лидерите на коалицијата „Вреди“ во Македонија, Билал Касами, Арбен Таравари, Изет Меџит и Африм Гаши, на кои им го честитал изборниот резултат на 8 мај, велејќи дека тоа е првпат албанската опозиција да достигне над 100 илјади гласови, јави Koha.mk. На средбата се разговарало за прашања од значење за Албанците во Македонија, но и за меѓудржавните односи, како и за други важни прашања. @Загржувачко за соговорнците е руското и српското влијание, кое се случува и преку коруптивни и криминални мрежи. Развојот на инфраструктурата што ги поврзува Косово и Северна Македонија беше една од главните теми на разговор, заедно со идеи и проекти за заживување на економската, културната и образовната соработка#, наведува весникот. Средбата, според кабинетот на Курти, минала во духот на срдечната соработка, имајќи предвид дека „Албанците на Балканот се фактор за поддршка на демократизацијата, европските интеграции, евроатлантскиот мир, безбедноста и стабилноста“....

Περιοδεία του Προέδρου του ΣΥΡΙΖΑ - Προοδευτική Συμμαχία Στέφανου Κασσελάκη στην Ηλιούπολη Πέμπτη 16 Μαΐου 2024 (ΓΙΩΡΓΟΣ ΚΟΝΤΑΡΙΝΗΣ/EUROKINISSI) Доколку сметате дека Договорот од Преспа е предавнички, еве ви шанса да го поништите но нема да го сторите тоа, бидејќи Договорот е она што го посакувавте како партија, му порача лидерот на СИРИЗА, Стефанос Каселакис на грчкиот премиер Кирјакос Мицотакис. Во текот на предизборниот митинг во Солун во пресрет на европските избори на 9. јуни, Каселакис говореше за сите актуелни теми во Грција, но и за прашањата во грчката надворешна политика, осврнувајќи се и на Договорот од Преспа. „Испраќам јасна и едноставна порака до премиерот. Договорот од Преспа е билатерален. Ако продолжувате да сметате дека е предавнички, постои само еден начин. Да го сторите она што го кажуваа вашите претставници, а многумина од нив сè уште го кажуваат: „Ако ВМРО ни даде шанса, ќе го поништиме договорот“. Ова го кажуваа. Истото го посакуваат и т.н. „борци за Македонија“ што ги вадевте на улица и се ваши гласачи: Да го поништите. Па, еве го Скопје, отидете. Да видиме. Но, нема да го сторите тоа. И знаете зошто нема да го сторите тоа? Бидејќи Договорот од Преспа е тоа што го сакавте како партија, но тогаш Груевски во никој случај не прифаќаше да направи толку отстапки, како што направија пред Владата на СИРИЗА, пред Алексис Ципрас и Никос Коѕијас“, истакна Каселакис. Додаде дека ако актуелниот грчки премиер има намера да го почитува Договорот од Преспа „како национално корисен“, постојат два морални предуслови, да му се извини на грчкиот народ, но и на поранешниот премиер Ципрас и поранешниот шеф на дипломатијата Коѕијас. „Прво, ќе му се извините на грчкиот народ за омразата, поделбата, нетолерантноста што ја негувавте за да ја добиете премиерската фотелја, викајќи против Договорот, со кој се согласувавте. Второ, ќе им се извините на двајцата луѓе на кои им залепивте етикета на „национален предавник“ во време кога ја вршеа нивната патриотска должност, Алексис Ципрас и Никос Коѕијас. Тоа се морални предуслови господине премиере. Јас немам илузии дека ќе го сторите тоа“, посочи лидерот на СИРИЗА. Каселакис им се обрати на жителите на северна Грција, на грчката област Македонија кои се против Договорот, велејќи им дека Нова демократија ги искористи, бидејќи „сега моли да се почитува Договорот од Преспа“. „Сакам од сè срце да им се обратам на сите граѓани на Македонија, кои не се согласуваат со Договорот од Преспа. Ве почитувам, не се согласуваме, но никогаш не ве излажавме. Искрени сме со вас. Ова е нашата позиција. Знаете кои сме. Но, оние кои ги гласавте ве излажаа, ве искористија, ви го зедоа гласот, ве изведоа на улица и сега молат за почитување на Договорот. Ова се нарекува апсолутно исмејување“, додаде Каселакис....

Британскиот министер за Северна Ирска, Крис Хитон-Харис, нема да се кандидира за реизбор во парламентот, наведува во писмото до премиерот Риши Сунак објавено во неделата. Хитон-Харис бара од Сунак да му дозволи да остане на функцијата државен секретар за Северна Ирска до општите избори, според писмото што го објави на социјалната мрежа X. Му порачува на премиерот дека ќе продолжи со кампањата за Конзервативната партија на следните избори, каде што „ќе направи сѐ што може за да го врати на премиерската позиција“. Конзервативците на Сунак заостануваат зад опозициската Лабуристичка партија во анкетите пред националните избори што треба да се одржат оваа година. Првпаат избран во 2010 година, Хитон-Харис беше назначен за министер за Северна Ирска од тогашната премиерка Лиз Трас во септември 2022 година, и повторно назначенод Сунак, кој ја наследи следниот месец. Според неговата веб-страница, Хитон-Харис има позиции во владините оддели, вклучително и транспорт, надворешни работи и развој на Комонвелтот....

Српскиот претседател Александар Вучиќ рече дека во понеделник ќе отпатува за Њујорк, каде со делегацијата ќе се спротивстави на усвојувањето на резолуцијата за Сребреница, која наредната седмица е на дневен ред на Генералното собрание на Обединетите нации, а амандманите кои Црна Гора ги поднесе на резолуцијата ги нарече „валкана игра“. „Утре одиме во Њујорк, четири до пет дена ќе поминеме во Њујорк, ќе имам голем број средби, а во четврток сите заедно ќе се бориме“, истакна денеска Вучиќ во телевизиско интервју. Рече дека со него во делегацијата треба да одат само оние кои се „подготвени за борба на секој можен начин“. Предлагачите на нацрт-резолуцијата за Сребреница ја утврдија конечната верзија на тој документ, за кој ќе расправа Генералното собрание на Обединетите нации (ОН) на 23-ти мај, а во преамбулата на текстот стои дека „кривична одговорност според меѓународното право за злосторството геноцид е индивидуализирана“. Иницијатори на предложениот текст беа Германија и Руанда, а амандманите на нацртот беа поднесени од владата на Црна Гора. Осврнувајќи се на амандманите што Црна Гора ги достави на резолуцијата за Сребреница, а кои главно беа прифатени, Вучиќ тоа го нарече „валкана игра“. „Тоа е валкана игра и перфиден трик. Тие намерно оставаат простор за јасен заклучок за морална и политичка одговорност“, рече Вучиќ и додаде дека по враќањето од Њујорк ќе каже со кого за тоа преговарала Црна Гора....

Седум лица се повредени во тешката сообраќајна несреќа која ноќта во саботата се случи на улица „Водњанска“, пред влезот на Клиничкиот центар. Од Мунистеството за внатрешни работи во неделата излегоа со подетални информации за сообраќајката во која учествувале четири автомобили, од кои два биле паркирани. „Сообраќајната несреќа се случила помеѓу автомобил БМВ со скопски регистарски ознаки управуван од М.М. на 45 години од Скопје, автомобил ‘ауди’ со скопски регистарски ознаки управуван од Н.Р. на 40 години од Скопје, и две паркирани патнички возила ‘голф’ и ‘мерцедес’, двете со скопски регистарски ознаки“, соопштија од МВР. Во незгодата со телесни повреди се здобиле седум лица констатирани во Градската општа болница „Свети Наум Охридски“ и ви Комплексот клиники „Мајка Тереза“ во Скопје. Извршен бил увид од увидна екипа на СВР Скопје....

Франција во неделата започна голема операција за спроведување на законот во јужниот пацифички архипелаг Нова Каледонија за да го расчисти патот до аеродромот, по немирите против изборните реформи во кои загинаа шест лица во француската прекуморска територија. Оваа операција „со повеќе од 600 жандарми“ има цел „да ја врати целосната контрола на 60-те километри од главниот пат меѓу Нуме и аеродромот“, објави францускиот министер за внатрешни работи Жерал Дарманен во пораката на X. Операцијата, меѓу другото, беше започната откако Нов Зеланд побара од Франција да обезбеди аеродром за ги вратил своите државјани од архипелагот. „Подготвени сме да полетаме и чекаме одобрение од француските власти“, изјави министерот за надворешни работи на Нов Зеланд, Винстон Петерс. Бидејќи летовите до и од Нова Каледонија беа прекинати од вторникот, владата на архипелагот во саботата процени дека околу 3.200 луѓе се блокирани на аеродромот....

Украинскиот боксер Олександар Усик стана апсолутен светски шампион во тешка категорија, откако по 12 рунди во Ријад на поени го совлада Британецот Тајсон Фјури. Усик победи со поделена одлука на судиите со 2-1. Во осмата рунда Украинецот му го скрши носот на Британецот, а при крајот на деветтата рунда Усик со серија леви крошеа го затресе Фјури, кој сепак остана на нозе, но судијата сепак му броеше. Усик ги доби првите три рунди, но Фјури доминираше во следните три, пред мечот да му припадне на Украинецот во деветтата рунда. Двајцата борци влегоа во борбата непоразени во нивните кариери, при што Британецот ја држи титулата во тешка категорија на ВБЦ од 2020 година, додека Украинецот ги држеше појасите на ВБА, ВБО и ИБФ откако го симна од тронот Британецот Ентони Џошуа во 2021 година. Усик е првиот неприкосновен шампион во тешка категорија по Ленокс Луис, кој беше крунисан во 1999 година во Лас Вегас. Таа година, единаесет години по неговата олимписка титула во Сеул, Луис ја освои титулата со победата во поени против Евандер Холифилд. Усик стигна до 22-та победа во 22 борби, додека Фјури го претрпе првиот пораз во кариерата во која има 34 победи и едно реми....

Украинскиот боксер Олександар Усик стана апсолутен светски шампион во тешка категорија, откако по 12 рунди во Ријад на поени го совлада Британецот Тајсон Фјури. Усик победи со поделена одлука на судиите со 2-1. Во осмата рунда Украинецот му го скрши носот на Британецот, а при крајот на деветтата рунда Усик со серија леви крошеа го затресе Фјури, кој сепак остана на нозе, но судијата сепак му броеше. Усик ги доби првите три рунди, но Фјури доминираше во следните три, пред мечот да му припадне на Украинецот во деветтата рунда. Двајцата борци влегоа во борбата непоразени во нивните кариери, при што Британецот ја држи титулата во тешка категорија на ВБЦ од 2020 година, додека Украинецот ги држеше појасите на ВБА, ВБО и ИБФ откако го симна од тронот Британецот Ентони Џошуа во 2021 година. Усик е првиот неприкосновен шампион во тешка категорија по Ленокс Луис, кој беше крунисан во 1999 година во Лас Вегас. Таа година, единаесет години по неговата олимписка титула во Сеул, Луис ја освои титулата со победата во поени против Евандер Холифилд. Усик стигна до 22-та победа во 22 борби, додека Фјури го претрпе првиот пораз во кариерата во која има 34 победи и едно реми....

Без електрична енергија утре ќе останат делови од општините Аеродром, Карпош и Ѓорче Петров. Како што соопшти РЦУК – Скопје, без струја во периодот од 09:00 до 15:00 часот ќе останат корисниците на дел од село Долно Лисиче, реонот околу чаталот, ул.10 во општина Аеродром, од 10:30 до 14:30 часот дел од улица 16, на патот кон Визбеговово општина Карпош, а од 13:00 до 14:30 часот објектите на градинката Росица, на ул.„Мечкин Камен“, бр.45А. во општина Ѓорче Петров....

Најмногу дожд во изминатите 24 часа наврнал во Охрид, 38 литри на метар квадратен, соопшти Управата за хидрометеоролшки работи. Според мерењата утрово во 8:30 часот, 27 литри на метар квадратен наврнало во Маврови Анови, 23 во Крушево, 17 во Лазарополе, 16 во Штип и Пожаране, 15 во Виница, 14 во Попова Шапка, 13 во Битола и Прилеп, 12 во Дебар, 10 во Куманово, Тетово и Крива Паланка, девет во Скопје-Петровец и Претор, осум во Скопје-Зајчев Рид и Демир Капија, седум во Велес, шест во Кавадарци, пет во Пожар, четири во Струмица и Берово и три литра во Дојран и Гевгелија....

Македонската претседателка Гордана Силјановска Давкова својата прва официјална посета во странсвто ќе ја оствари во Ватикан и во Рим каде ќе ја предводи државно црковната делегација за традиционалното мајско чествување на светите браќа Кирил и Методиј. На 23-ти мај, според протоколот, претседателката ќе има аудиенција кај поглаварот на Римокатоличката црква, папата Франциск а потоа средба и со генералниот секретар за односи со државите на Ватикан. Чествувањето на сесловенските просветители ќе се одржи на 24-ти мај со посета на базиликата „Свети Климент“ каде се наоѓа гробот на свети Кирил, а потоа и во базиликата „Санта Маријаа Маџоре“ каде венец ќе положи на плочата со посвета на македонски јазик. Во рамки на посетата на Рим, претседателката ќе се сретне и со колегата Серџо Матарела. Сѐ уште не е познато дали Силјановска Давкова ќе оствари средба или само службено куртоазно ракување со претседателот на Бугарија, Румен Радев, чие доаѓање во Рим е, исто така, најавено по истиот повод....

Кошаркарите на Далас Маверикс се пласираа во финалето на Западната конференција од НБА лигата по вторпат во последните три сезони, откако ноќта кон неделата во шестиот натпревар од серијата ги совладаа гостинските Оклахома Сити Тандер со 117:116 и победија во серијата со 4-2. Во конференциското финале ќе играат против победникот од мечот меѓу Денвер Нагетс и Минесота Тимбервулфс, кои се изедначени во серијата на 3-3. Далас Маверикс го надоместија заостанувањето од 17 поени во третата четвртина за да поведат на нешто помалку од четири минути до крајот. Лука Дончиќ натпреварот го заврши со 29 поени, 10 скока и 10 асистенции. Кајри Ирвинг и Дерик Џонс Џуниор додадоа по 22 поени, Дерек Лајвли II постигна 12 поени со 15 скока. „На полувремето рековме дека нема да се враќаме во Оклахома“, рече Дончиќ за негативата на неговиот тим од 16 поени на полувремето. Оклахома беше предводена од Шај Гилџеус-Александер со 36 поени и осум асистенции. Вилијамс додаде 22 поени, девет скока и осум асистенции, а Чет Холмгрен постигна 21 поен. Вашингтон погоди „тројка“ на две минути до крајот на регуларниот дел на натпреварот за водство на Далас од 113:110, па следеше полагање за Маверикс заводтво од пет разлика. Потоа, Гилџеус-Александер со „тројка“ ја приближи Оклахома на два поена. Вашингтон го фаулираше Гилџеус-Александер на 27 секунди до крајот кој реализираше само едно слободно фрлање за да ја доведе Оклахома на кош негатива. Тандер го задржа поседот и Гилџеус-Александер му додаде на Холмгрен за положување за водство од 116-115 на 20,4 секунди до крајот. ПиЏеј Вашингтон изведе две слободни фрлања на 2,5 секунди до крајот. Пред тоа, тој беше фаулиран при шут за три поена и намерно го промаши третото слободно фрлање за да ги спречи Тандер, кои немаа веќе правво на тајмаут, да се постават за последниот напад. Џејлен Вилијамс се обиде да постигне кош од поле од својата половина со истекот на времето, но промаши....

Елегантни моторџии облечени во костум, елек и вратоврска во неделата по деветти пат како дел од глобалното движење „The Distinguished Gentlmens Ride“ ќе дефилираат низ скопските улици со цел да ја подигнат свеста за машкото здравје и превенцијата од рак на простатата. Годинава, се очекува да има околу 170 учесници кои ќе поминат по улиците и булеварите во централното подрачје во Скопје. Организаторите најавуваат учесници и од останатите градови од државата и гости од Косово. Меѓу нив има доктори, професори, личности од јавниот живот кои, како и секоја година, ќе донираат средства за фондацијата „Мовембер“ во Лондон за борба против рак на простатата. „The Distinguished Gentlmens Ride“ годинава се одржува во 959 градови низ светот. Учествуваат 90.000 мотоцикли од 105 држави. Скопје е дел од ова движење од 2016 година. Досега учествувале 1.172 учесници, а собрани се 18.836 евра. Глобалното движење почна на иницијатива на Марк Хава во 2012 година во Сиднеј кога тој заедно со своите пријатели продефилира низ улиците на градот во чест на неговиот пријател кој починал од рак на простатата. Оттогаш движењето станува помасовно секоја година. Од основањето на „The Distinguished Gentlmens Ride“ досега собрани се 50,2 милиони долари на светско ниво кои се донираат во институции и болници кои се фокусирани на борбата за заштита на машкото здравје и борбата против рак на простатата....

Прегласувањето на седумте избирачки места во петтата и шестата изборна единица ќе се одржи на 22 мај соопшти вчера на седница Државната изборна комисија по одлуките на Управниот суд кој ги одби како неосновани сите седум тужби од коалицијата „Европски фронт“ против решенијата на ДИК. Поради ваквата одлука на Управниот суд и на ДИК, вчера на итна седница заседаваше претседателството на ДУИ, по чие завршување само кусо беше соопштено дека ставот по ова прашање партијата ќе го гради со коалициските партнери. Пред одржување на седницата претседателот на ДУИ Али Ахмети истакна дека се прави изборен инженеринг со цел на партијата да и се одземат две освоени пратенички места. ДИК вчера на 105. седница, едногласно го усвои предлогот да се повтори гласањето во Изборната единица (ИЕ) 5 на избирачките места 1470/1 и 1470 во Општина Долнени, 1194 и 1202 во Општина Крушево, 1844 во Општина Струга и 1272 во Општина Охрид, како и во ИЕ 6 на избирачкото место 2101 во Општина Желино. Гласањето ќе се одржи идната среда, на 22 мај 2024 година. ДИК на седницата ги разреши и претседателите на избирачките одбори, членовите и нивните заменици во избирачките места 1470/1 и 1470 во Општина Долнени, 1194 и 1202 во Општина Крушево, 1844 во Општина Струга, 1272 во Општина Охрид и 2101 во Општина Желино. Со оглед дека се кратки роковите за избор на нови избирачки одбори, за да биде регуларно прегласувањето, општинските изборни комисии (ОИК) ќе треба да ангажираат некои од веќе постојните избирачки одбори, или од најблиските избирачки места или некои други, и за тоа ќе треба да достават известување до ДИК. Кампањата за повторното гласање ќе трае до понеделник, 20 мај, 00.00 часот. Притоа, ќе важат истите листи за болни и немоќни лица, ќе нема можност да се пријавуваат нови. Според ДИК, има можност за измени и предлози за овластени претставници на кандидати. Тоа важи и за членовите на избирачките одбори кои се предложени од политичките партии. Членот на Комисијата, Борис Кондарко го искажа ставот на ДИК во врска со синоќешните одлуки на Управниот суд. ДИК, рече Кондарко, го потврдила своето професинално однесување и работење, докажала дека независно од изборните резулти, целосно ги почитува и правилно ги применува сите законските процедури. Претходно, Управниот суд во законски предвидениот рок ги одби како неосновани сите седум тужби од коалицијата „Европски фронт“ против решенијата на Државната изборна комисија (ДИК) за прегласување на парламентарните избори 2024. Со одлуките на Управниот суд се потврдија решенијата на ДИК за прегласување во шест избирачки места во петтата изборна единица и едно во шестата изборна единица. Државната изборна комисија (ДИК) вчера ги соопшти освоените мандати за пратеници во новиот парламентарен состав по изборите одржани на 8 мај годинава. Како што информира претседателот на ДИК, Александар Даштевски, за изборните единици 5 и 6 каде на одредени избирачки места ќе треба да се прегласува, резултатите се добиени со симулација и посебна техника врз основа на Донтов модел и со нив се опфатени пратениците кои сигурно ќе влезат во Собранието. По прегласувањето, ДИК со посебен заклучок ќе ги објави дополнителниот број освоени мандати. По одлуките на Управниот суд, пред почетокот на состанокот на партијата претседателот на ДУИ, Али Ахмети најави дека средбата на претседателството е со цел носење одлука, а по повод резултатите од седум изборни места од 8 мај, за кои треба да има прегласување. – Оваа ситуација не доведе до состојба да повикаме ургентен состанок на претседателството, по кој ќе следат и средби со експерти, за оваа неправда која е направена на Фронтот. Овој момент доаѓа по анализа на одлуките на ВМРО и СДСМ за повторување на изборите на овие изборни места, со цел да се спојат за Европскиот фронт да не биде втора сила во земјата. Ова е направено од двете најголеми партии од македонска националност, кои за жал политики се плашиме дека ќе имаат влијание и на меѓуетничките односи кои ние не ги посакуваме, изјави Ахмети. Според претседателот на ДУИ прегласувањето има ризична позадина. -Ние ќе правиме анализа. Исто така ова повторување што ќе се прави, се прави со една ризична позадина ние Албанците да се убиеме, како што се случи на едно изборно место во Општина Желино, тоа не го посакуваме, ниту пак ќе се случи. Ако некој има стратегија да пукаме ние Албанците меѓу себе, нема да се реализира, рече Ахмети. По завршувањето на состанокот на претседателството на Демократска унија за интеграција (ДУИ) во нивното седиште во тетовска Мала Речица, пак, беше најавено дека ставот во врска со прегласувањето на седум избирачки места за параламентарните избори ќе биде изграден заедно со сите партии од Европскиот фронт. Портпаролот Арбр Адеми најави дека ќе имаат други состаноци со сите партнери во рамки на Европскиот фронт. -Денеска ги разгледувавме сите политички случувања, особено внимание предизвика изборниот инженеринг. И пред да се поднесуваат приговорите ние ја известивме јавноста бидејќи имавме информации од прва рака во што се состои политичкиот „дил“. Ги известивме сите граѓани, нашите партнери, тоа се потврди со конкретни дела и во Државната изборна комисија, но и во Управниот суд. За натамошните чекори претседателот Ахмети ќе има координативни средби со сите политички партии кои го сочинуваат Европскиот фронт, изјави Адеми додавајќи дека нема што повеќе да додаде освен тоа што Ахмети веќе го споделил со јавноста пред почетокот на состанокот....

Натпревар и спортско-рекреативен настан денеска ќе се одржуваат во Скопје поради што за сообраќај ќе бидат затворени повеќе улици во градот. Од 08.30 до 12.30 часот, поради одржување на натпревар „Стопански Триоги Триатлон“, со стартно-целна позиција кај Спортскиот центар „Борис Трајковски“, Единицата за безбедност на патниот сообраќај при СВР Скопје ќе преземе мерки за посебен режим на сообраќајот по трасата по која ќе се движат натпреварувачите. Посебниот режим на сообраќај ќе опфати дел од уличната мрежа околу СЦ „Борис Трајковски“ и дел од бул.„Илинден“ (десна коловозна лента), потоа на потегот од крстосницата со бул.„8 Септември“ до крстосницата со ул.„Никола Парапунов“, и обратно. Исто така, со почеток во 09.45 часот, поради одржување на спортско-рекреативен настан „Прв до врв“, посебен режим на сообраќајот ќе има по трасата по која ќе се движат натпреварувачите на велосипедската трка, и тоа: со почеток пред Музеј на град Скопје – ул.„Св.Кирил и Методиј“, потоа лево по бул.„Св.Климент Охридски“, во продолжение право по бул.„Мајка Тереза“, лево по ул.„Тодор Александров“, во продолжение по локален пат за Средно Водно до врв на Водно („Милениумски крст“). Трасата на движење на планинарите е: со почеток во 10.00 часот од пред ОУ„Кочо Рацин“ на бул.„Мајка Тереза“, право по ул.„Тодор Александров“ и кај ул.„Салвадор Аљенде“ десно, по планинската патека кон Средно Водно, а од Средно Водно кон Врв на Водно („Милениумски крст“). Секторот за внатрешни работи Скопје апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот....

Алкалоид и Мулти Есенс ги обединија сите титули во младинскиот ракомет. Во салата „Автокоманда“ дојде уште еден трофеј, тоа е кадетскиот, откако Алкалоид во финалето славеше над Еурофарм Пелистер 2 (31-22). Домашниот тим дојде до сигурна победа и така ја освои кадетската титула, по пионерската....

Светиот праведен и многустрадален Јов Јов беше потомок на Исав, внукот Авраамов и живееше во Арабија околу 2000 години пред Христа. Татко му е Зарет, а мајка Восора, а неговото цело име беше Јовав. Беше човек чесен, богобојазлив и многу богат. Но во седумдесет и деветтата година од неговиот живот Бог допушти тешки искушенија врз него преку сатаната, како што с ? е потенко опишано во Книгата Јов. И во еден ден Јов го изгуби сиот свој имот, сите синови и ќерки свои. Потоа врз него падна тешка болест од којашто целото тело му се покри со рани од темето до табаните и лежеше Јов на ѓубриштето надвор од градот и со парче керамида си го вадеше гнојот од раните. Но не заропта на Господа, а стрпливо докрај ги поднесе сите оние маки. Затоа Бог му го врати здравјето и му даде многу поголемо богатство од претходното и пак му се родија седум синови и три ќерки, колку што ги имаше порано. Поживеа уште сто и четириесет години, постојано славејќи и фалејќи Го Бога. Јов се смета за пример на трпеливо поднесување на секое страдање коешто Бог ни го испраќа и за предобраз на страдалниот Господ Исус. Тропар„Благословено да е името Господово“ – восклик на победа во маките твои, о Јове свет, кои во радости се претворија, бидејќи душата твоја знаеше Кој е Творецот нејзин, а разумот со благодат исполнет Го виде Дарителот на сe, така да срцето само трпеливо Го чекаше Оној Кој се оддалечи, за да повторно се всели. Нему Му пееме по молитвите твои свети: Господи, слава Ти. КондакКако вистинољубив и праведен, благочестив, непорочен и осветен се покажа ти, сеславен Божји угоднику, и во твоето трпение ја просветли вселената, најтрпеливе и најдоблесен. Затоа сите ние, богомудри, твојот спомен го воспеваме. Светиот маченик Варвар Варвар беше војник во времето на Јулијан Отстапник. Кога царскиот војвода Вакх ја поведе римската војска против Франците, во таа војска беше и Варвар, потаен христијанин. На боиштето се појави некој си јунак од страна на Франците, сличен на Голијат и ги предизвикуваше Римјаните за да му излезе некој на мегдан. Војводата Вакх го посоветува Варвар тој да излезе. Варвар Му се помоли во своето срце на живиот Бог, излезе и го победи оној џин. Од тоа војската на Франците се збуни и побегна. Тогаш војводата направи голема веселба и нареди да им се принесат жртви на идолите. Но на тоа жртвопринесување дозна дека Варвар седи настрана. Кога го праша за тоа, Варвар изјави дека е христијанин. Војводата му јави на царот, а царот нареди Варвар да биде ставен на најтешки маки. Но Варвар поднесе с ? со ретка храброст и присебност. При неговото мачење се покажаа многубројни чуда, а гледајќи го тоа, мнозина војници ја примија Христовата вера. Меѓу овие беше и самиот војвода Вакх, со Калиј и Дионисиј. Сите тројца беа убиени со меч за името Христово, а после нив и Варвар, во 362 година. Нивните души се преселија во Царството на Христос, бесмртниот Цар. ТропарСилата Господова во слабоста се покажува, а слабоста твоја, свети Варваре, беше љубовта кон Христа. Он погледнувајќи на тебе повеќекратно со благодат те закрепна во маченичкиот подвиг и за тебе вратите на Небесното Царство ги отвори, од каде сега моли се, свет војниче, за спасението наше. Светиот Варвар разбојник После многубројни злосторства се покаја и самиот себеси си наложи прво, три години да оди четириножно и да јаде со кучињата и второ, дванаесет години да живее в шума, без облека, без покрив и без каква и да е друга храна освен трева и лисја. Од ангел доби известување дека гревовите му се простени. Патуваа трговци низ шумата, па го видоа Варвар оддалеку и мислејќи дека е ѕвер а не човек, ги вперија стрелите и го застрелаа. Кога умираше ги замоли да му јават на блискиот свештеник за него. Свештеникот дојде и чесно го погреба. Но од неговото тело потече целебно миро и исцелуваше разни болести и маки кај луѓето. ТропарСолзите на покајанието ја измија душата твоја, блажен Варваре, подвигот духовен го очисти срцето заразено од суетата на овој свет, понижувањето те подигна и те доведе до Христовите раце, Кој гревовите твои ги прости, а тебе те заштити и помилува. Моли се за нас, бел цвету на покајанието, изнедрен од пустината, за да бидеш пример за оние кои Го љубат Животот. Света Тамара Грузиска Светата благоверна царица на Грузија, Тамара Велика, родена е околу 1165 година. Потекнувала од древната грузиска династија Багратиди, а од 1178 година била совладарка со својот татко Георгиј III. Времето на царувањето на света Тамара е познато како златен век во грузиската историја. Царицата се одликувала со високо благочестие и продолжувајќи го започнатото дело на својот дедо, светиот благоверен цар Давид III Возобновител, се потрудила за распространување на Христовата вера по цела Грузија, и изградила многу цркви и манастири. Во 1204 година, управникот на Румскиот султанат Рукн ед Дин се обратил до царицата Тамара со барање Грузија да се откаже од христијанството и да го прифати исламот за државна религија. Царицата го отфрлила ова барање и во историската битка во близина на Басијана, грузиската војска ја разбила коалицијата на иноверните сили. Мудрото управување на благоверната царица Тамара предизвикало сенародна љубов и почит кон неа. Последните години од животот ги поминала во пештерниот манастир Варѕиа. Тука царицата имала своја ќелија, која била претворена во мала црквичка, во која таа постојано вознесувала молитви кон Бог. Светата царица Тамара мирно се упокоила во Бог во 1213 година и била вброена кон хорот на светите. Нејзиниот спомен Православната црква го празнува двапати: на 14 мај – денот на нејзиното упокојување и во Неделата на жените Мироносици....

Марко Ројс, омилениот фудбалер на навивачите на Борусија Дортмунд, на својот проштален натпревар во Бундеслигата во саботата ги почести сите гледачи со пиво. „Планирав сè однапред и сѐ испадна совршено, неизмерно сум благодарен за сета љубов што ми ја покажаа навивачите“, изјави Ројс откако на стадионот на Борусија забавуваше и честеше повеќе од 80.000 луѓе. A за сѐ да биде како во приказната на теренот се погрижи самиот Ројс, кој постигна гол и имаше една асистенција во победата на Борусија Дортмунд над Дармштад од 4:0. По натпреварот, клубот на Instagram објави фотографија со пораката на Ројс до навивачите на која пишува: „Ви благодарам за сѐ, пиво за збогум на моја сметка“. Висината на сметката за честењето не е објавена. Триесет ичетиргодишниот Ројс летово ја напушта Борусија Дортмунд по 12 години минати во клубот, но нема веднаш да ги закачи копачките, бидејќи кариерата ќе ја продолжи во клуб чие име сѐ уште не е објавено. За Борусија одигра 428 натпревари и постигна 170 голови....

Израелската војска го пронашла телото на уште еден од заложниците во Газа, кое било пронајдено заедно со телата на уште тројца заложници чии идентитети беа потврдени во петокот, објави BBC. Станува збор за 53-годишниот Рон Бенјамин, кој учествувал во групно возење велосипед во близина на границата со Појасот Газа, непосредно пред нападот на Хамас на 7 октомври минатата година. Околу 1.200 луѓе загинаа во напад без преседан кога вооружени лица на Хамас упаднаа во јужен Израел и зедоа 252 лица како заложници во Газа. Портпаролот на израелската армија, контраадмиралот Даниел Хагари, изјави дека израелската разузнавачка служба утврдила дека Бенјамин бил убиен веднаш на 7-ми октомври на раскрсницата Мефалсим и дека неговото семејство било информирано за идентификацијата. Израелскиот Форум за заложници и исчезнати лица објави дека Бенјамин бил семеен човек кој сакал велосипедизам и одел да вози секоја сабота, исто како и во кобната сабота кога бил киднапиран во близина на кибуцот Бе’ри. „Рон сакаше да патува низ Израел и ширум светот, а ја сакаше и музиката“, соопшти Форумот. Телото на Бенјамин било пронајдено во истата операција во којашто беа откриени и телата на Шани Лук, Амит Бускила и Ицак Гелерентер....

ОВЕНДо пладне ќе пожнеете успех и ќе ги постигнете целите што ќе си ги поставите. Непромисленоста и неисполнетите ветувања кон колегите се, пред сѐ, на ваша штета. На работното место не ги споделувајте вашите планови. Нашиот совет е да ги прекинете сите непотребни и блокирачки партнерства, пријателства, познанства. БИКПовторно ве очекува успешен, активен ден, но за заработката вреди да работите повеќе од вообичаено, дури и доколку се изморите. Попладне ќе треба да се справите со проблемите на вам блиска личност, но ќе успеете и ќе бидете задоволни со постигнатото. Бидете тактични и слушајте ги мислењата на другите. БЛИЗНАЦИВи претстои ден кој е поволен за разговори. Ќе бидете успешни и на работното место и во личниот живот. Бидете внимателни со зборовите. Дајте им на вашите колеги право да го кажат своето мислење. Конечно, мразот ќе почне да се топи и ќе настапи затоплување на односите коишто самите ги растуривте. РАКВи наштетуваат прикриените злонамерници. Бидете внимателни со состаноците, доколку сте принудени да ги остварите и нема начин да ги избегнете, без разлика дали се деловни или приватни. Деловните разговори се неуспешни. Подобро откажете се од службените патувања и завршете ги задачите на вашето работно место. ЛАВЗадоволни сте од брзиот и одличен резултат што ви го донесоа идеите и зафатите од претходните денови. На овој ден продолжете активно да работите за да ги завршите започнатите задачи. Верувајте ѝ на вашата интуиција. Деловните разговори и состаноци се успешни и ќе остварите одличен профит. ДЕВИЦАДенеска сте способни да ја преземете контролата врз вашиот живот и да ја контролирате својата судбина. Не дозволувајте надворешни лица да влијаат на вашите планови. Бидете внимателни со контактите. Донесете ги потребните одлуки самита. Одложете ги деловните состаноци и разговори. Денот не е поволен за појавување на интервју за работа. ВАГАИ покрај тешкотиите, ќе ја вратите довербата во сопствените сили. На работното место сте расеани и немате желба за активна работа, но со обврските морате да се занимавате до крајот на денот. Концентрирајте се на вашата работа. Не ја пропуштајте можноста за приход кој не ви е излишен. ШКОРПИЈАНа вашето работно место ќе разгорат конфликти со менаџментот и кавги со колегите. Не споделувајте ги вашите планови со туѓинци, бидејќи тие ќе ве престигнат со нивното спроведување. Она што треба да го завршите нема да ви причинува задоволство, но луѓето кои влегуваат во вашиот живот ќе ви ги отворат очите за нови можности. СТРЕЛЕЦНе очекувајте позитивни резултати на работното место. Не се надевајте на финансиски приходи доколку во изминатите денови сте потфрлиле во извршувањето на задачите. Пазете се од непријателите. Повеќе верувајте во вашата интуиција, особено ако тие се упорни и ви здодеваат со понуди за заеднички бизнис. ЈАРЕЦУште еднаш, вие сте несигурни во себеси и ќе ја зголемувате вашата негативност до пладнето. Не покажувајте прекумерни амбиции на работното место и не кријте ги од вашите завидливи колеги, дури и ако изгледа дека ве поддржуваат. Бидете оптимисти, дури и ако ве изневеруваат. Со вашето добро расположение, незабележливо ќе ги надминете тешкотиите на вашиот пат. ВОДОЛИЈАПостепено ви се враќа самодовербата и надежта дека ќе го завршите она што сте го започнале до крајот на тој ден, иако сте биле во депресија. Важно е да најдете време и да започнете деловни разговори кои ќе ви донесат успех. Имате можност да потпишете важен договор и да заминете на пат. РИБИПазете се од кавги предизвикани од вас со вашето тврдоглаво и агресивно однесување. Емоциите денеска ве спречуваат да прифатите совет и да слушате конструктивна критика. Размислете за вашиот разговор, бидејќи ќе се скарате со колегите и тогаш ќе биде тешко да ја вратите вашата врска....

Во Македонија во неделата ќе преовладува променливо облачно и нестабилно време со пороен дожд и грмежи. Локално ќе има услови за појава на краткотрајно невреме со интензивен пороен дожд, силен ветер и изолирана појава на град. Утринските температури си движат од 9 до 14, додека највисоките дневни ќе бидат во интервалот меѓу 19 и 27 Целзиусови степени. Во Скопје и околината денеска ќе биде исто така променливо облачно и нестабилно со пороен дожд и грмежи. Во делови од котлината ќе има услови за појава на краткотрајно невреме со интензивен пороен дожд, силен ветер и изолирана појава на град. Температурата ќе достигне до 25 степени....

Бењамин Бени Ганц, член на воениот кабинет на Израел, се закани дека ќе се повлече од владата на премиерот Бенјамин Нетанјаху во саботата. Доколку премиерот не го претстави повоениот план за Појасот Газа до 8-ми јуни, тој и другите членови на неговата централнодесничарска партија Национална унија (коалиција „Сино-бело” – Кахол Лаван) ќе ја напуштат владата, рече Ганц во Тел Авив. Воениот кабинет беше формиран само неколку дена по нападот на Хамас во јужен Израел на 7-ми октомври. Шеесет и четирогидшниот Ганц, генерал поранешен началник на Генералштабот на израелската армија од 2011 до 2015 година, и поранешен министер за одбрана и вицепремиер од 2020 до 2022 година, влезе во владата на политичкиот противник Нетанјаху како министер без ресор. Неговата партија е всушност опозициска партија и според анкетите моментално е далеку пред партијата Ликуд на Нетанјаху. Нападот на Хамас и другите радикални исламистички групи беше причин за сеопфатниот израелски одмазнички напад во палестинската енклава Појасот Газа. Израел, сепак, оттогаш се соочи со меѓународна критика за големиот број цивилни жртви и катастрофалната хуманитарна ситуација во Појасот Газа. Во самата земја многумина го критикуваат фактот дека војната, за разлика од другите израелско-палестински и израелско-арапски војни, и по повеќе од седум месеци не донесе решавачка победа. Владата е цел на критики и бидејќи Хамас сè уште држи повеќе од 100 заложници. Нетанјаху, кој е најдолговечниот премиер во историјата на Државата Израел, владее со ултрадесничарските и ултрарелигиозните партии од крајот на 2022 година. Досега тој одбиваше да претстави план за управување со Појасот Газа по војната. Во историјата Израел неколкупати ја окупираше Газа, а по избувнувњето на Интифадата (востание) на Палестинците во енклвата во 2000 година во септември 2005 година беше донесена одлуката за повлекување на изралеските војници и доселеници од Пикасот Газа....

Луѓето се поздравуваат на различни начини: некои велат „здраво“, други „добро утро“, некои се ракуваат, некои се бакнуваат во образ или се гушкаат, а истото е и со слоновите. Истражувањето засновано на набљудување на африканските слонови во резерватот Јафута во Зимбабве дава нови сознанија за визуелните, акустичните и тактилните гестови што ги користат при поздравувањето, но и за разликите меѓу неколку видови поздравување. „Слоновите живеат во таканаречена група ‘фисија-фузија’, во која тие често се раздвојуваат и повторно се спојуваат, состанувајќи во интервали од повеќе часови, денови или месеци“, вели бихејворалниот биолог Веста Елеутери од Универзитетот во Виена, водечки автор на студијата што ја објави овој месец во списанието Communications Biology. Слоновите, најголемите копнени животни, се многу интелигентни, имаат добра меморија, способности за решавање проблеми и софистицирана комуникација. Женките од различни семејства можат да создадат силни социјални врски меѓу себе и да формираат групи. Претходните истражувања забележаа дека кога овие групи се среќаваат, слоновите се поздравуваат на сложени начини за да ја зајакнат својата социјална врска, вели Елеутери. Мажјаците, пак, имаат послаби социјални врски, а нивните поздравви може повеќе да послужат за ублажување на можните „ризични средби“. Најчесто се поздравуваат со меѓусебно душкање со сурлите, додава Елеутери. Истражувањето идентификувало околу 20 видови гестови кои слоновите ги користат кога се поздравуваат и покажале како ги комбинираат на посебни начини со различни видови вокализации. Исто така, студијата покажа дека мирисот игра важна улога во поздравувањето, кое често вклучува мокрење или дефекација. Слоновите може да се поздравуваат со визуелни гестови, на пример, со ширење на ушите или со покажување на задникот, аудитивни гестови, како на пример мафтање со ушите или тактилни гестови, како што е допирањето на другиот слон. „Откривме дека тие ги избрале овие визуелни, акустични и тактилни гестови земајќи предвид дали нивниот партнер за поздравување ги гледа или не, што упатува на тоа дека се свесни за визуелните перспективи на другите. Тие претпочитаа да користат визуелни гестови кога нивниот партнер ги гледа, а тактилен кога не ги гледа“, вели Елеутери....

Бењамин Бени Ганц, член на воениот кабинет на Израел, се закани дека ќе се повлече од владата на премиерот Бенјамин Нетанјаху во саботата. Доколку премиерот не го претстави повоениот план за Појасот Газа до 8-ми јуни, тој и другите членови на неговата централнодесничарска партија Национална унија (коалиција „Сино-бело” – Кахол Лаван) ќе ја напуштат владата, рече Ганц во Тел Авив. Воениот кабинет беше формиран само неколку дена по нападот на Хамас во јужен Израел на 7-ми октомври. Шеесет и четирогидшниот Ганц, генерал поранешен началник на Генералштабот на израелската армија од 2011 до 2015 година, и поранешен министер за одбрана и вицепремиер од 2020 до 2022 година, влезе во владата на политичкиот противник Нетанјаху како министер без ресор. Неговата партија е всушност опозициска партија и според анкетите моментално е далеку пред партијата Ликуд на Нетанјаху. Нападот на Хамас и другите радикални исламистички групи беше причин за сеопфатниот израелски одмазнички напад во палестинската енклава Појасот Газа. Израел, сепак, оттогаш се соочи со меѓународна критика за големиот број цивилни жртви и катастрофалната хуманитарна ситуација во Појасот Газа. Во самата земја многумина го критикуваат фактот дека војната, за разлика од другите израелско-палестински и израелско-арапски војни, и по повеќе од седум месеци не донесе решавачка победа. Владата е цел на критики и бидејќи Хамас сè уште држи повеќе од 100 заложници. Нетанјаху, кој е најдолговечниот премиер во историјата на Државата Израел, владее со ултрадесничарските и ултрарелигиозните партии од крајот на 2022 година. Досега тој одбиваше да претстави план за управување со Појасот Газа по војната. Во историјата Израел неколкупати ја окупираше Газа, а по избувнувњето на Интифадата (востание) на Палестинците во енклвата во 2000 година во септември 2005 година беше донесена одлуката за повлекување на изралеските војници и доселеници од Пикасот Газа....

Рускиот претседател Владимир Путин и неговиот кинески колега по должност Кси Џинпинг на неодамнешната средба во Пекинг, главно дискутирале за иницијативата на Пекинг за глобалната безбедност, откри во саботата шефот на руската дипломатија Сергеј Лавров. „Иницијативата на претседателот Кси Џинпинг за глобалната безбедност беше дискутирана во време на нашиот престој во Кина на средбите и во рамките на делегациите, како и на средбата на двајцата челници во четири очи… Гледаме голем резон со практичната промоција на идејата за осигурување на глобалната безбедност да се започне со основите за евроазиската безбедност без каков и да е евроатлантски налет“, рече Лавров на сесија на рускиот Совет за надворешна и одбранбена политика. Во продолжение шефот на руската дипломатија истакна дека Москва останува и натаму отворена за дијалог со Западот, вклучително и за безбедносните прашања и стратешката стабилност. „Меѓутоа, првенствено, не до позиција од сила, не од позиција на сопствена исклучителност, туку само под еднакви услови и со почитувањето на меѓусебните интереси“, порача Лавров. Вториот момент што е особено важен за Москва, додаде рускиот министер за надворешни работи, е дека дијалогот мора да се води во целиот опсег на проблемите кои постојат во денешниот свет во сферата на стратешката (нуклеарна) безбедност и воено-политичкиот пејзаж. Путин претходно седмицава во средата и четвртокот, набрзо по инаугурацијата на неговиот нов претседателски мандат, замина во официјална посета на Пекинг каде имаше разговори со својот голем сојузник Кси Џинпинг, кои со интерес беа исчекувани во светската јавноста на која ѝ беше понудена заедничка изјава којашто сепак не откри многу за специфичните поединости од разговорите освен некои општи моменти и демонстрирање на зближувањето на Пекинг и Москва во услови кога двете земји се во безбедносна спротиставеност со ткн колективен Запад предводен од САД и се под економски санкции. Како што истакна рускиот лидер, Москва и Пекинг „водат независна, независна надворешна политика и работат заедно за да формираат поправеден и подемократски мултиполарен светски поредок“. Кси, пак, истакна дека Кина и Русија „цврсто го бранат системот на меѓународни односи со централната улога на ОН и светскиот поредок заснован на меѓународното право, промовираат мултиполарна светска и економска глобализација“....

Месецов, Тривити прославува четири години од своето основање, а по тој повод, разговараме со визионерите кои ја основаа и ја водат компанијата која веќе се етаблираше како еден од главните играчи на пазарот на труд во Македонија. Упативме неколку прашања до Поликарп Арсеновски (основач) и Дејан Ваневски (партнер) кои зад себе имаат екстензивно искуство на пазарот на трудот. Пред четири, во екот на КОВИД пандемијата кога сите беа загрижени за здравјето и своето работно место, Тривити месијански се појави на пазарот на труд уверувајќи нé „Заслужуваш добра работа“. Еве на четвртиот роденден, како ви изгледа она што го минавте? Што тоа значи за вас како основачи?Поликарп: „Прво не знам како помина времето толку брзо, а второ и тогаш и сега кога сме сведоци на два обратни процеси во земјава, тогаш масовно се отпуштаа вработени, а сега интензивно бараме кадар, знам дека нашето мото дека секој заслужува добра работа, е директно во метата. Чувствувам огромна радост, но истовремено и одговорност затоа што влијаеме на развојот на пазарот на труд. Секоја од изминатите четири години бележиме значителен раст и деловни успеси кои одлично нé позиционираа на пазарот на трудот, а со тоа и ни создадоа обврска и понатаму да даваме сè од себе за да им овозможиме на нашите клиенти врвна услуга, да ги најдат соодветните лица за нивната компанија. Благодарни сме на сите клиенти кои ни ја укажаа довербата и среќни сме бидејќи знаеме дека успеавме да им помогнеме да ги остварат своите цели и заеднички решивме многу предизвици. А воедно сме уште по задоволни бидејќи успеавме да поттикнеме на развој и личен раст, илјадници лица кои поминале на нашите интервјуа за различни позиции. Со тоа директно влијаеме на работната сила која ја имаме и градиме успешни препознавања и стабилни релации на работодавач со вработен. “ Што е она кое можете да го издвоите како врв од изминатава година?Дејан: „Само во изминатите 365 дена, преку Тривити пристигнаа повеќе од 10.000 апликации за вработување. Успеавме да комплетираме повеќе од 150 успешни проекти за вработување и посредување при вработување на огромно задоволство, како наше, така и на клиентите и барателите на работа. Сето ова немаше да биде возможно без напорната работа и вложување на секој член од тимот на Тривити, но и без довербата која ни ја укажаа клиентите, со кои работиме партнерски во целиот процес.“ Поликарп: „Знаете имавме и повеќе од 200 денови поминати во консалтинг и менторски сесии кои беа особено значајни за нашите клиенти за унапредување на управувањето со човечкиот капитал во нивните организации. Планот е да продолжиме со исто темпо и во следните 12 месеци бидејќи фидбекот од страна на компаниите е навистина позитивен и среќни сме што сè поголем број на компании ја препознаваат потребата и бенефитите од ваквиот тип на сесии.“ Организиравте и неколку интересни програми кои го привлекоа вниманието на компаниите?Поликарп: „Секоја година сме активни во повеќе програми кои ги организираме или сме поканети како соработници. Имаме плодна соработка со Центарот за кариера при Универзитетот Кирил и Методиј, бевме коорганизатори на Кариерниот ден на УКИМ. Исто така, сме предавачи на проектот Еразмус плус „Digi Coop for Youth employability“, организиран од Младинска алијанса – Крушево. Задоволство е кога заедницата те препознава како значаен фактор во областа која ја покриваме. Тоа ни го зајакнува еланот. “ Дејан: „Секако, успешно ги комплетиравме програмите „Управување со човечки капитал“ и „Кариерен развој“ и тоа во временска рамка од само 60 дена. Овие програми беа наменети за менаџери, ХР менаџери, како и сопственици на компании кои во своето работење се соочуваат со предизвикот на привлекување, развој и задржување на вработени, но и за сите вработени и невработени лица кои успешно ги запознавме со нови алатки кои можат да ги користат во својот кариерен развој, ко-финансирана од Владата на Швајцарија преку Програмата за зголемување на пазарната вработливост – ИМЕ. Вашиот иновативен пристап е конкурентска предност. Што е новина во работењето на вашата организација?Поликарп: „Една од новините е воведувањето на програмата т.н. емплојер брендинг (брендирање на работодавач). Во моментов ја работиме за неколку клиенти, но сметам дека треба да бидеме горди на успешната приказна која ни беше еден од најголемите предизвици, новата фабрика на BMZ Group во Скопје. Нашиот тим целиот процес го одработи одлично, на наше, но и на огромно задоволство на клиентот. Резултат на проектот се привлекување и регрутација на квалитетни кандидати на највисоките позиции, секоторот финансии, инженери во секторот за развој и секако оператори во производство. Денеска нашите партнери BMZ имаат повеќе од 70 вработени и заеднички продолжуваме да го градиме брендот на BMZ како одличен работодавач. Дејан: „Не може а да не го спомнеме Тривити софтверот, кој е срцето на сè што правиме и кој оваа година доби значителен апдејт, со цел подобрување на корисничкото искуство и јазичните функции. Со постојаното надградување и додавање на нови функционалности, сакаме да направиме тој да стане неизоставна и корисна алатка во секојдневието на барање работа и вработување и да биде прв избор за луѓето кои бараат работа, но и за компаниите кои вработуваат.“ Која е визијата која ќе ја следите понатаму?Поликарп: „И оваа година беше сведоштво за нашата непоколеблива посветеност да ги зајакнеме луѓето и да го поттикнеме успехот на пазарот на труд. Благодарни сме за укажаната доверба, а ние продолжуваме со истата посветеност кон нови успеси со фокус кон луѓето и управување со човечкиот капитал во организацијата и нејзината култура.“ Дејан: „Ќе продолжиме да им помагаме на луѓето, бизнисите и заедницата да напредуваат во свет кој постојано се менува, да ги поместуваме границите на она што е можно, добро и важно, а тоа се вработените во компаниите“....

Тешка сообраќајна несреќа вечерва се случи на булеварот „Мајка Тереза“, пред влезот на скопскиот Клинички центар. Според информациите на Курир од терен, во несреќата учествувале неколку возила. Неофицијално, судирот се случил меѓу два автомобила, по што оштетени биле и паркирани возила. Првично и неофицијално, неколку лица се пожалиле на полесни повреди, но засега нема официјална потврда. Повеќе детали очекуваме наскоро од МВР....

Кошаркарите на МЗТ Скопје Аеродром со победа ја отворија финалната серија против битолски Пелистер. Во Скопје, домашниот тим беше за нијанса поквалитетен и поконцентриран, особено во клучните моменти од дуелот, и на крајот заслужено славеше со 82:77. Во тимот на МЗТ најпрецизен беше Дамјан Стојановски со 15 поени, додека за Пелистер се истакна Планиниќ со 19 поени. Вториот натпревар од финалната серија се игра за четири дена, исто така, во Скопје....

Во саботата напладне во близина на Трговскиот центар „Рамстор“ во центарот на Скопје непознато лице вербално ѝ се заканувало на претседателката на Уставниот суд, Добрила Кацарска, по што интервенирало нејзиното обезбедување. „Полициски службеници од Полициската станица Центар денеска во 14 часот го лишиле од слобода 57-годишниот В.П.Г. од Богданци, постапувајќи по претходна пријава дека во угостителски објект во трговски центар на подрачјето на Центар во Скопје упатил закани кон Д.К., на 67 години, од Скопје со зборовите ‘ќе одговараш, страшно ќе одговараш’. Лицето било задржано во полициска станица и по целосно документирање на случајот во координација со јавен обвинител против него ќе биде поднесена кривична пријава по член 144 од Кривичниот законик’, соопшти Министерството за внатрешни работи. Од Уставниот суд потврдија дека претседателката на судот Кацарска денеска во полициска станица пријавила вербален напад и загрозување на сигурноста. Изјава за настанот во полиција дале неколку сведоци. Претходно, на 15-ти овој месец во подземна гаража на зграда во Центар пронајдени се импровизиран кревет и кујнски нож на гражаното место на Кацарска. Од МВР потврдуваат дека известен е јавен обвинител, предметите се подигнати за вештачење и се преземаат мерки за расчистување на случајот. „На 14.05.2024 во СВР Скопје од страна на Д.К. било пријавено дека на подрачјето на Центар во подземни гаражи, во нејзино гаражно место, биле пронајдени импровизиран кревет и кујнски нож кој бил забоден на прекинувачот за светло“, информираа во дневнито билтен тогаш од МВР....

Вработените кои работат од дома имаат многу помала веројатност да се жалат на здравствени проблеми отколку вработените кои работат во канцеларија, според студијата на Универзитетот во Констанц во Германија објавена во средата. „Работниците кои мораат да бидат присутни на работното место имаат двојно поголема веројатност да се жалат на здравствени проблеми, како што се исцрпеност или стрес, отколку работниците кои работат од дома“, вели водачот на студијата Флоријан Кунзе од Универзитетот во Констанц. Во исто време, според студијата, вработените присутни на работното место не чувствуваат дека нивниот учинок е поголем отколку кога работеле од дома. „Компаниите треба по секоја цена да ги земат предвид резултатите од оваа студија кога донесуваат одлуки дали да ги принудат оние што работат во домашни услови да се вратат на нивните работни места“, вели Кунзе. Коавторот на студијата Килијан Хампел посочува на податоците од студијата кои покажуваат дека третина од водечкиот кадар смета дека враќањето на обврската за доаѓање на работното место има смисла, додека само една петтина од вработените го делат истото мислење. Според последните податоци за 2022 година, 24 отсто од вработените во Германија работеле од дома постојано или повремено. Според истражувањето на Институтот YouGov, дури 47 отсто од испитаниците би почнале да бараат нова работа доколку работодавачот им забрани да работат од дома. По пандемијата, за време на која работата од дома мораше да се овозможи секогаш кога е возможно, работодавачите се враќаат на обврската за присуство на работното место, при што многумина користат модел во кој 60 отсто од работното време се троши на работното место, а 40 отсто на домашни услови....

Најдобрата тенисерка на светот, 22-годишната Полјачка Ига Швјонтек, во саботното финале на ВТА 1000 турнирот во Рим ја победи Белорусинката Арина Сабаленка (ВТА – 2.) со 6:2, 6:3 и по третпат на Форо Италико го подигна победничкиот пехар. Клучот за победата во финалето во Рим лежи во искористените „брејк“ топки. Швјантек искористи четири од седумте шанси, а Сабаленка имаше 0/7 од нив. За Швјонтек ова е 21-ва титула во кариерата, а четврта сезонава. Воедно, полската тенисерка деветта по ред победи во финалните мечеви на ВТА турнејата. Последна којашто успеа да ја победи во меч за трофеј беше токму Сабаленка кога ја освои ланската титула во Мадрид. Ова беше 11-ти меч на двете моментално најдобри тенисерки во светот и осма победа за Швјонтек. Полјачката и Белорусинката се сретнааа пет пати во финалињата на различни турнири и сите на земјана подлога, а Швјонтек четири пати излегуваше како победник на тие дуели. Турнирот во Рим е трет на кој Полјачката го освои својот трет трофеј (претходно победи во 2021 и 2022 година). Претходно тоа ѝ успеа во Париз на Ролан Гарос (2020, 2022 и 2023) и во Доха (од 2022 до 2024)....

Новито германски фудбалски шампион Баер Леверкузен го победи во саботата тимот на Аугсбург со 2:1 на домашен терен во последното колои стана првиот тим во историјата на Бундеслигата кој завршил цела сезона без пораз. Тимот на Чаби Алонсо кој брка тројна круна, исто така, го продолжи својот европски рекорд без пораз во сите натпреварувања оваа сезона на 51 натпревар. Виктор Бонифас му ја „пресече“ топката на голманот на Аугсбург, Томаш Кубек за водство на Леверкузен во 12. минута, пред Роберт Андриш да ја удвои предноста од непосредна близина во 27. минута. Аугсбург ја намали негативата со голот на Мерт Комуро. Леверкузен, кој ќе се соочи со Аталанта во финалето на Лига Европа во среда, а исто така ќе се бори со Кајзерслаутерн во финалето на Купот на Германија на 25-ти мај, заврши на првото место со 90 бодови, 17 пред второпласираниот ВфБ Штутгарт. Андреј Крамариќ постигна три гола во победата на Хофенхајм на домашен терен против минхенски Баерн (4:2). Крамариќ најпрвин во осмата минута му асистираше за погодок на Макс Баер, а потоа го постигна својот прв во 68. минута и уште два гола во 85. и 87. минута. Баварците инаку водеа со 2:0, а на крајот завршија трети, а во Лигата на шампионите се пласираат Штутгарт и Лајпциг, како и Борусија Дортмунд, која го победи Дармштад со 4;0, а Марко Ројс постигна гол во последниот натпревар за „црно-жолтите“. Коелн, кој беше поразен со 4:1 кај Хајденхајм, испадна од лигата, додека Бохум жќе игра во плејофот за опстаник со третопласираниот клуб од Втората лига. Унион Берлин се спаси откако на домашен терен го совлада Фрајбург со 2:1 со голот на Јаник Хаберер во 92. минута, откако тој налета на топката по промашениот пенал на Кевин Воланд. Пред тоа пенал во првото полувреме промаши и Јосип Јурановиќ....

Едно лице загина а друго се бори за живот во Клиничката болница- Штип од повреди добиени во несреќа, што според првичните информации се случила во саботата попладнето лифт во угостителски објект во Штип. Надлежните од СВР Штип ги потврдуваат информациите за трагедијата, којашто се случила попладнево во угостителски објект во Штип. Повеќе детали околу несреќата засега нема, но од СВР Штип велат дека во тек е увид од страна на полицијата, јавен обвинител од ОЈО Штип, а на терен се и државни инспектори. Според првичните информации починатото лице и неговиот колега извршувале работна задача во моментот на несреќата....

Месецов, Тривити прославува четири години од своето основање, а по тој повод, разговараме со визионерите кои ја основаа и ја водат компанијата која веќе се етаблираше како еден од главните играчи на пазарот на труд во Македонија. Упативме неколку прашања до Поликарп Арсеновски (основач) и Дејан Ваневски (партнер) кои зад себе имаат екстензивно искуство на пазарот на трудот. Пред четири, во екот на КОВИД пандемијата кога сите беа загрижени за здравјето и своето работно место, Тривити месијански се појави на пазарот на труд уверувајќи нé „Заслужуваш добра работа“. Еве на четвртиот роденден, како ви изгледа она што го минавте? Што тоа значи за вас како основачи?Поликарп: „Прво не знам како помина времето толку брзо, а второ и тогаш и сега кога сме сведоци на два обратни процеси во земјава, тогаш масовно се отпуштаа вработени, а сега интензивно бараме кадар, знам дека нашето мото дека секој заслужува добра работа, е директно во метата. Чувствувам огромна радост, но истовремено и одговорност затоа што влијаеме на развојот на пазарот на труд. Секоја од изминатите четири години бележиме значителен раст и деловни успеси кои одлично нé позиционираа на пазарот на трудот, а со тоа и ни создадоа обврска и понатаму да даваме сè од себе за да им овозможиме на нашите клиенти врвна услуга, да ги најдат соодветните лица за нивната компанија. Благодарни сме на сите клиенти кои ни ја укажаа довербата и среќни сме бидејќи знаеме дека успеавме да им помогнеме да ги остварат своите цели и заеднички решивме многу предизвици. А воедно сме уште по задоволни бидејќи успеавме да поттикнеме на развој и личен раст, илјадници лица кои поминале на нашите интервјуа за различни позиции. Со тоа директно влијаеме на работната сила која ја имаме и градиме успешни препознавања и стабилни релации на работодавач со вработен. “ Што е она кое можете да го издвоите како врв од изминатава година?Дејан: „Само во изминатите 365 дена, преку Тривити пристигнаа повеќе од 10.000 апликации за вработување. Успеавме да комплетираме повеќе од 150 успешни проекти за вработување и посредување при вработување на огромно задоволство, како наше, така и на клиентите и барателите на работа. Сето ова немаше да биде возможно без напорната работа и вложување на секој член од тимот на Тривити, но и без довербата која ни ја укажаа клиентите, со кои работиме партнерски во целиот процес.“ Поликарп: „Знаете имавме и повеќе од 200 денови поминати во консалтинг и менторски сесии кои беа особено значајни за нашите клиенти за унапредување на управувањето со човечкиот капитал во нивните организации. Планот е да продолжиме со исто темпо и во следните 12 месеци бидејќи фидбекот од страна на компаниите е навистина позитивен и среќни сме што сè поголем број на компании ја препознаваат потребата и бенефитите од ваквиот тип на сесии.“ Организиравте и неколку интересни програми кои го привлекоа вниманието на компаниите?Поликарп: „Секоја година сме активни во повеќе програми кои ги организираме или сме поканети како соработници. Имаме плодна соработка со Центарот за кариера при Универзитетот Кирил и Методиј, бевме коорганизатори на Кариерниот ден на УКИМ. Исто така, сме предавачи на проектот Еразмус плус „Digi Coop for Youth employability“, организиран од Младинска алијанса – Крушево. Задоволство е кога заедницата те препознава како значаен фактор во областа која ја покриваме. Тоа ни го зајакнува еланот. “ Дејан: „Секако, успешно ги комплетиравме програмите „Управување со човечки капитал“ и „Кариерен развој“ и тоа во временска рамка од само 60 дена. Овие програми беа наменети за менаџери, ХР менаџери, како и сопственици на компании кои во своето работење се соочуваат со предизвикот на привлекување, развој и задржување на вработени, но и за сите вработени и невработени лица кои успешно ги запознавме со нови алатки кои можат да ги користат во својот кариерен развој, ко-финансирана од Владата на Швајцарија преку Програмата за зголемување на пазарната вработливост – ИМЕ. Вашиот иновативен пристап е конкурентска предност. Што е новина во работењето на вашата организација?Поликарп: „Една од новините е воведувањето на програмата т.н. емплојер брендинг (брендирање на работодавач). Во моментов ја работиме за неколку клиенти, но сметам дека треба да бидеме горди на успешната приказна која ни беше еден од најголемите предизвици, новата фабрика на BMZ Group во Скопје. Нашиот тим целиот процес го одработи одлично, на наше, но и на огромно задоволство на клиентот. Резултат на проектот се привлекување и регрутација на квалитетни кандидати на највисоките позиции, секоторот финансии, инженери во секторот за развој и секако оператори во производство. Денеска нашите партнери BMZ имаат повеќе од 70 вработени и заеднички продолжуваме да го градиме брендот на BMZ како одличен работодавач. Дејан: „Не може а да не го спомнеме Тривити софтверот, кој е срцето на сè што правиме и кој оваа година доби значителен апдејт, со цел подобрување на корисничкото искуство и јазичните функции. Со постојаното надградување и додавање на нови функционалности, сакаме да направиме тој да стане неизоставна и корисна алатка во секојдневието на барање работа и вработување и да биде прв избор за луѓето кои бараат работа, но и за компаниите кои вработуваат.“ Која е визијата која ќе ја следите понатаму?Поликарп: „И оваа година беше сведоштво за нашата непоколеблива посветеност да ги зајакнеме луѓето и да го поттикнеме успехот на пазарот на труд. Благодарни сме за укажаната доверба, а ние продолжуваме со истата посветеност кон нови успеси со фокус кон луѓето и управување со човечкиот капитал во организацијата и нејзината култура.“ Дејан: „Ќе продолжиме да им помагаме на луѓето, бизнисите и заедницата да напредуваат во свет кој постојано се менува, да ги поместуваме границите на она што е можно, добро и важно, а тоа се вработените во компаниите“....

Илир Мета, претседател на Албанија од 2017 до 2022 година, нејзин премиер од 1999 до 2002 година, а сега политичар и лидер на тамошната Партија на слободата, во интервју за „Специјално на денот“ на телевизијата TV Shenja откри зошто пред парламентарните избори дал поддршка на ВМРО ДПМНЕ, а не на некоја албанска партија. „Немав намера да искажам симпатија, или претпочитање во изборниот натпревар за македонска партија, или за други партии во С. Македонија. Но, природно е што ние не можеме да бидеме рамнодушни: немаме работа само со едно внатрешно прашање на надворешната политика, туку со избор, кој ѝ припаѓа на регионалната политика. Ја ценев кај ВМРО-ДПМНЕ нивната јасна поддршка на Берлинскиот процес. Но, од друга страна, мора да се каже дека ВМРО-ДПМНЕ имаше став, со кој многу му се покоруваше на ‘Отворениот Балкан’. Исклучок беше сега веќе претходниот претседател (Стево) Пендаровски, кој задржа многу коректен, принципиелен став и јас го ценам поради неговата позиција во врска со многу прашања, кои се деликатни“, ја цитира телевизијата изјавата на Илир Мета. Додава дека порано имал добри односи и со лидерите на СДСМ, како што се Бранко Црвенковски, Радмила Шеќеринска, Владо Бучковски, Зоран Заев и Димитар Ковачевски. Претседателот на Партијата на слободата од Албанија, Илир Мета, се осврна и на неговиот однос со поранешниот премиер Никола Груевски. „Не сум имал некој посебен однос со него. Моите односи беа одлични кога бев премиер (во ист период) со Љубчо Георгиевски, сѐ додека не се случи кризната ситуација во Македонија (во 2001-та) и кога таа ја загуби рамнотежата, бидејќи кризата беше многу тешка за нив“, вели Мета. Мета го спомена фактот дека во средбите со поранешниот премиер Груевски во 60 минути разговор со него 55 минути зборувал за економија и за странски вложувања....

Се асфалтира крак од Палмиро Тољати и нов паркинг во Ченто. Попладнево бев на терен во Ченто каде што се во тек градежните активности за асфалтирање на крак од улица „Палмиро Тољати“ и нов паркинг, информира градоначалникот на општина Газа Баба, Бобан Стефковски. -Продолжуваме со инвестициите во патната инфраструктура. Ќе асфалтираме повеќе од 30 локални улици насекаде низ општина Гази Баба. На овој дел од Ченто се инвестира во инфраструктурата за прв пат по цели 60 години.#ДелаНаместоЗборови, пишува на Фејсбук....

Израелските воени пешадиски единици и тенкови во саботата навлегоа подлабоко во делови од северниот округ на Појасот Газа што претходно ги заобиколија во досегашната седуммесечната војнаа, убивајќи и ранувајќи десетици Палестинци, изјавија жители и медицински персонал. Израелските воени сили заземале и некои области на Рафах, јужен град долж границата со Египет, во кој во моментов се речиси 1,5 милиони жители или повеќе од половината од вкупното 2,4-милионско населени на разорениот Појасот Газа. Израел повторно нападна делови од северна Газа овој месец, иако во јануари прогласи крај на големите операции во овој сектор од тесната крајбрежна енклава. Истовремено, израелските сили најавија дека ќе се вратат таму за да спречат прегрупирање на палестинското исламистичко движење кое владее со Газа. Едно од нападнатите места е Џабалија, најголемиот од осумте бегалски кампови во Појасот Газа. Во саботата војници и тенкови навлегле на улиците на кампот, кој досега беше поштеден од копнена офанзива, пренесува Reuters повикувајќи се на тамшните жители. Според изјавите на лекарите, во еден израелски напад загинале 15 Палестинци, а десетици биле ранети. Министерството за здравство и цивилните служби за вонредни состојби во Газа известија дека нивните тимови примиле десетици повици за можни жртви, но не можеле да ја потврдат информацијата поради тековната копнена офанзива и воздушно бомбардирање. „Денеска е најтешко, кога има бомбардирање, воздушни напади и гранатирање од тенкови затоа што се оди речиси без престан“, напиша на апликацијата за чет еден од жителите на Џабалија, Ибрахим Калед. „Знаеме дека десетици луѓе се убиени и ранети, но ниту една брза помош не може да влезе во областа“, изјавил тој за Reuters. Израелската војска соопшти дека нејзините сили продолжиле да дејствуваат во областите низ Појасот Газа, вклучувајќи ги Џабалија и Рафах, како дел од, како што наведова од „прецизните операции против терористите и инфраструктурата“....

Во германската престолнина Берлин, на 9-ти мај, кој Русија го одбележува како Ден на победата над нацистичка Германија во Втората светска војна, над Рајхстагот прелета дрон на кој беше закачено руското знаме и четири ткн ленти на свети Георги, кое стана вирално на социјалните мрежи и предизвика остри полемики. Во саботата, весникот Der Tagesspiegel објави дека дронот прелетал на 20 метри над источната страна на зградата. Берлинската полиција го привела мажот и отвори кривична истрага за инцидентот поради нарушување на законот за воздушен сообраќај. Имено, зоната за забрането користење на дронови се протега на 5,6 километри од близината на Рајхстагот. Истрагата покажала дека станува збор 41-годишен маж од црноморскиот украински град Одеса, кој во Германија дошол во летото 2022 година. И оваа година на 8-ми и 9-ти мај во Берлин беше забрането истакнување советски и руски симболи, како и истакнување на панделките на свети Георги, традиционално револуционерно руско обележје, на советските споменици, како и интонирање советски маршеви песни. Дополнително, по руската инвазија во Украина, забрането е и истакнување на симболите „Z“ и „V“ кои ги користат руските сили во борбените дејствија во југоисточните украински региони. Инаку, како што објави весникот Bild, поради прекршување на овие забрани на 9-ти мај годинава биле приведени најмалку 10 лица присутни на собири во Берлин, а такви собири биле организирани и во Келн и во Виена. Во германската престолнина собраните ја пееле „Катјуша“, која стана еден од симболите на СССР во Втората светска војна, која во Русија се нарекува Големата татковинска војна/...

Холанѓанецот Макс Верстапен од тимот на Ред Бул, бранителот на титулата и лидер во тековната сезона од Светскиот шампионат во Формула 1, ќе ја започне неделната трка за Големата награда на Емилија Ромања во Имола од првата стартна позиција. Во денешните квалификации, Холанѓанецот ги победи возачите на Мекларен, Австралиецот Оскар Пјастри и Британецот Ландо Норис. Верстапен ја постигна седмата „пол-позиција“ на седмата станица од сезоната, а вкупно има осум последователни најбрзи стартни позиции, израмнувајќи го постигнувањето на трагично загинатиот Бразилец Аиртон Сена од сезоните 1988 и 1989 година. Верстапен освои 39 најдобри стартни позиции во досегашната кариера. Тимот на Ред Бул имаше проблеми во Имола, Верстапен не беше особено убедлив на тренинзите, а другиот возач Мексиканецот Серхио Перез не се ни пласираше во денешниот последен дел од квалификациите и трката ќе ја започне дури од 11-то место. Во недела од вториот ред покрај Норис ќе стартува домашниот ас со болидот на Ферари, Шарл Леклер од Монако, а од третиот ред Шпанецот Карлос Саинц во второто Ферари и Британецот Џорџ Расел со Мерцедес. Во генералниот пласман на сезоната по шест трки води Верстапен со 136 бодови, Перез има 101, Леклер 98, Саинц 85, Норис е петти со 83. Трката во Имола стартува в недела во 15 часот....

Украинскиот претседател Володимир Зеленски изјави во ексклузивното интервју за француската агенција AFP дека очекува и се подготвува за поширока руска офанзива на север и исток со цел да го заземе Харков, региони каде Москва продолжува со силни напади и постепени напредвуањеа што започнаа на 10-ти мај. „Тие започнаа операција која може да биде составена од неколку бранови, и овој е првиот“, рече Зеленски во периодот кога неговити западни воени сојузници тврдат дека Русија ја започнала својата најголема кампања за територијално освојување од крајот на 2022 година. Сепак, Зеленски смета дека, иако Русија во последните денови напредува во регионот околу Харков, ситуацијата за украинските воени сили е подобра отколку пред една седмица кога руските војници ненадејно ја преминаа границата. Зеленски смета дека Русија сака да го нападне Харков, град кој е оддалечен само неколку десетици километри од фронтот, но е познат како центар на украинската ракетна индустрија населен со доминантно руско и рускојазично население во кој имаше жестоки судири при превратот во Киев во март 2014 година кога новите прозападни украински власти, како и во Одеса и Мариупол ги испратија главнините на лојалните единици предодени од доброволечките националистики екстрмно-денисчарски баталјони од западниот дел на земата. Воените аналитичари сметаат дека поради тоа што Москва градот Харков го смета за руски, нема да го повтори разорувањето како во Мариупол, туку ќе оди на стратегија на опколување со ограничени борбени акции. А рускиот претседател Владимир Путин во петокот рече дека во моментов Русија нема намера да изрши напард врз Харков. Главната цел на руската офанзива во Харковскиот регион, рече Путин, е да се одговори на нападите на украинските воени сили врз руска територија во последните месеци насочени кон цивилна инфраструткрура со десетици цивилни жртви и да се создаде тампон зона која треба да ги спречи овие напади. Русија го користи недостигот од жива сила и слабата обученост на украинската војска да ракува со напредното оружје коешто на Киев му го испорачуваат западните сојузници. Притоа, воените аналитичари забележуваат дека украинската војска не успеала да воспоставви црвста одбранбена линија, а руската армија ја сменила тактиката и дејствува во мали мобилин борбени групи. Во интервјуто за France Presse, Зеленски призна дека на Украина ѝ недостагаат војници. „Има прилично голем број бригади на кои им недостигаат луѓе“, рече тој. Поширока мобилизација и регрутирање на затвореници Соочен со оваа ситуација, Киев донесе контроверзен закон, кој стапи на сила веќе во саботата, а неговата цел е да се забрза воената мобилизација со намалување на возраста за отслужување воен рок од 27 на 25 години. Во петокот, Зеленски, исто така, потпиша закон со кој се дозволува регрутирање на затвореници во замена за условно ослободување. Украинскиот претседател изрази жалење што поседува само една четвртина од противвоздушните одбранбени системи кои објективно му се потребни на Киев и додаде дека му се потребни и 120 до 130 американски борбени авиони „F-16“, мислејќи на помошта од Западот. Русија во саботата објави дека го освоила селото Старица во областа Харков во близина на Вовчанск, град на околу педесет километри од Харков, што им гарантира на руските сили „понатамошен напредок длабоко во позициите на непријателската одбрана“. Речиси десет илјади луѓе беа принудени да ги напуштат своите домови во регионот Харков, соопштија претходно украинските власти. „Вкупно 9.907 луѓе се евакуирани од овој регион досега“, изјави во саботата гувернерот Олех Синјехубов, но признавајќи дека значителен дел од тамошнто населние и одбива да биде евакуирано. Додава дека украинските вооружени сили одбиле два обида да ја пробијат одбраната во текот на ноќта. Тој, исто така, рече дека ситуацијата е „под контрола“ и дека „бранителите пребаруваат одредени области“. Од крајот на 2022 година, Москва успеа да постигне најголем територијален напредок за само една седмица. Во тој период освои околу 257 кадратни километри само во регионот Харков, според податоците што AFP ги презема од Американскиот институт за проучување на војната (ISW)....

Тренерот на Реал, Карло Анчелоти во саботата изјави дека прашањето за продолжување на договорите со играчите од средниот ред Лука Модриќ и Тони Крос се „во втор план“ поради претстојното финале во Лигата на шампионите, а за „иднината“ ќе се разговара по 1-ви јуни. На прес-конференцијата во Мадрид, новинарите го прашаа Анчелоти дали Модриќ и Крос ќе останат во клубот по истекот на нивните договори на 30-ти јуни. „Тоа сега е на втор план. Ќе зборуваме за иднината по финалето на Лигата на шампионите“, изјави тренерот во пресрет на неделниот првенствен натпревар со Виљареал. Реал Мадрид, кој веќе ја обезбеди титулата шампион на Шпанија, до крајот на првенството ќе игра против Виљареал и Бетис. Потоа, на 1-ви јуни во Лондон го чека финалето од Лигата на шампионите со Борусија Дортмунд. Запрашан за врската со 38-годишниот Модриќ, Анчелоти одговори дека „никогаш немал проблем со него“. „Покрај тоа што е врвен играч, еден од најдобрите во светот, тој е фантастична личност. Никогаш не сме имале никакви проблеми еден со друг, ниту ќе имаме. Се почитуваме“, рече итлијнскиот стратег. Сезонава Анчелоти ја спроведува клупската политика за подмладување на тимот, па го внесе Модриќ од клупата за резерви на половината од 43-те натпревари на кои се појави. „Генерациската транзиција се одвива мирно“, рече тој. Шпанскиот весник Marca претходно во текот на саботата ја пренесе изјавата на агентот на Модриќ, Владо Лемиќ, дадена за еден саудиски портал, според која капитенот на хрватската репрезентација „најверојатно ќе остане уште една година во Реал Мадрид“. Весникот АS, без да го наведе изворот на информацијата, наведе дека „усно е договорено продолжување на соработката до 30-ти јуни 2025 година“ и дека Реал за неколку дена би можел и тоа официјално да го објави. Модриќ игра за Реал Мадрид од летото 2012 година и со него освои 25 трофеи. Хрватскиот играч за врска пред шест дена пред новинарите во Мадрид изјави „ќе видиме што ќе се случи“. Тој во саботата тренираше нормално со соиграчите како подготовка за гостувањето кај Виљареал. „Одиме таму со сите играчи, бидејќи овој натпревар е важен за нас за да ја продолжиме нашата победничка серија“, рече Анчелоти....

Претседателката Гордана Силјановска Давкова го прими Крис Павловски, директорот во водечката светска компанија за дигитални платформи „Рамбл“, кој е во посета на земјата во рамките на конференцијата Македонија 2025. На средбата, Павловски ја претстави работата на „Рамбл“, компанија која котира на индексот Наздак на берзата во Њујорк, со нејзината етаблирана видео платформа и е во подем во дејноста на развојот на дигиталната инфраструктура и клауд услугите. Како водечки претприемач со македонско потекло, господинот Павловски изнесе мислења за состојбата во дигиталниот сектор, за трендовите и перспективите кои може да се искористат. Претседателката Силјановска Давкова го информираше Павловски за нејзината иницијатива за развивање на соработката со македонската дијаспора, со цел максимално да се искористат сите можности за економски развој на земјава....

На 17.05.2024 во 18.30 часот во Полициската станица Валандово било пријавено дека во домот во Валандово бил пронајден починат Б.Е.(56) од Валандово. Лекар од итна медицинска помош констатирал смрт, а по наредба на јавен обвинител телото на починатиот било дадено на обдукција....

Државната изборна комисија (ДИК) ги соопшти во саботта освоените мандати за пратеници во новиот парламентарен состав по изборите одржани на 8-ми мај годинава. Како што информира претседателот на ДИК, Александар Даштевски, за изборните единици 5 и 6 каде на одредени избирачки места ќе треба да се прегласува, резултатите се добиени со симулација и посебна техника врз основа на Донтов модел и со нив се опфатени пратениците кои сигурно ќе влезат во Собранието. По прегласувањето, ДИК со посебен заклучок ќе ги објави дополнителниот број освоени мандати. Во ИЕ 1, коалицијата „Твоја Македонија“ предводена од ВМРО-ДПМНЕ има 80.963 гласови и 10 мандати, коалицијата „За европска иднина“ – СДСМ има 27.164 гласови и три мандат, Левица освоила 20.989 гласови и два мандата, коалицијата „Вреди“ 21.627 гласови и два мандата, коалицијата „Европски фронт“ 20.586 и два мандата, додека Движењето ЗНАМ 11.944 гласови и еден мандат. Во ИЕ 2, коалицијата „Твоја Македонија“ предводена од ВМРО-ДПМНЕ има 66.422 освоени гласови и осум мандати, коалицијата „Европски фронт“ – ДУИ 60.625 гласа и четири мандати, коалицијата „Вреди“ 25.864 гласови и три мандата, ЗНАМ 16.264 гласови и два мандата, коалицијата „За европска иднина“ – СДСМ 18.631 глас и два мандата и Левица 10.654 гласови и еден мандат. Во ИЕ 3, коалицијата „Твоја Македонија“ предводена од ВМРО-ДПМНЕ добила 96.545 гласови и 14 мандати, коалиција „За европска иднина“ 33.601 глас и 4 мандати, Левица 13.404 гласови и еден мандат, додека ЗНАМ 9 426 гласови и еден мандат. Во ИЕ 4, коалицијата „Твоја Македонија“ предводена од ВМРО-ДПМНЕ има 96.551 глас и 13 мандати, коалиција „За европска иднина“ – СДСМ 41.965 гласа и пет мандати, Левица 12.428 гласови и еден мандат и ЗНАМ освиле 8.416 гласови и еден мандат....

Тренерот на Реал, Карло Анчелоти во саботата изјави дека прашањето за продолжување на договорите со играчите од средниот ред Лука Модриќ и Тони Крос се „во втор план“ поради претстојното финале во Лигата на шампионите, а за „иднината“ ќе се разговара по 1-ви јуни. На прес-конференцијата во Мадрид, новинарите го прашаа Анчелоти дали Модриќ и Крос ќе останат во клубот по истекот на нивните договори на 30-ти јуни. „Тоа сега е на втор план. Ќе зборуваме за иднината по финалето на Лигата на шампионите“, изјави тренерот во пресрет на неделниот првенствен натпревар со Виљареал. Реал Мадрид, кој веќе ја обезбеди титулата шампион на Шпанија, до крајот на првенството ќе игра против Виљареал и Бетис. Потоа, на 1-ви јуни во Лондон го чека финалето од Лигата на шампионите со Борусија Дортмунд. Запрашан за врската со 38-годишниот Модриќ, Анчелоти одговори дека „никогаш немал проблем со него“. „Покрај тоа што е врвен играч, еден од најдобрите во светот, тој е фантастична личност. Никогаш не сме имале никакви проблеми еден со друг, ниту ќе имаме. Се почитуваме“, рече итлијнскиот стратег. Сезонава Анчелоти ја спроведува клупската политика за подмладување на тимот, па го внесе Модриќ од клупата за резерви на половината од 43-те натпревари на кои се појави. „Генерациската транзиција се одвива мирно“, рече тој. Шпанскиот весник Marca претходно во текот на саботата ја пренесе изјавата на агентот на Модриќ, Владо Лемиќ, дадена за еден саудиски портал, според која капитенот на хрватската репрезентација „најверојатно ќе остане уште една година во Реал Мадрид“. Весникот АS, без да го наведе изворот на информацијата, наведе дека „усно е договорено продолжување на соработката до 30-ти јуни 2025 година“ и дека Реал за неколку дена би можел и тоа официјално да го објави. Модриќ игра за Реал Мадрид од летото 2012 година и со него освои 25 трофеи. Хрватскиот играч за врска пред шест дена пред новинарите во Мадрид изјави „ќе видиме што ќе се случи“. Тој во саботата тренираше нормално со соиграчите како подготовка за гостувањето кај Виљареал. „Одиме таму со сите играчи, бидејќи овој натпревар е важен за нас за да ја продолжиме нашата победничка серија“, рече Анчелоти....

Полска ќе инвестира повеќе од две милијарди евра во безбедноста и зајакнувањето на нејзината граница со Русија и Белорусија, која ја претставува и источната граница на Европската унија и на НАТО, изјави во саботата премиерот Доналд Туск. „Решивме да инвестираме 10 милијарди злоти или околу 2,34 милијарди евра во нашата безбедност, а особено во обезбедувањето на нашата источна граница“, изјави Туск на новинарите при претставувањето на проектот наречен „Источен штит“. „Овој фортификациски систем, кој зајакнува 400 километри од границата со Русија и Белорусија, ќе биде елемент на одвраќање, стратегија за отфрлање на војната од нашите граници“, додаде Туск прецизирајќи дека работата е веќе започната. Полска, чија територија се граничи со руската енклава Калининград и со Белорусија, како и со Украина, наводно стравува дека таа ќе биде следната цел на воена акција на Русија. Од почетокот на војната во Украина во февруари 2022 година, Полска која е историски антгонизирана со Русија е безусловен поддржувач на сегашната власт во Киев и главната транзитна земја за западното оружје што му се доставува. Соочена со наводнта руската закана, Варшава презеде брза модернизација на својата војска со одбранбен буџет од околу 4 отсто од бруто домашниот производ, највисок меѓу земјите на НАТО. Варшава започна и серија набавки на воена опрема, вредна милијарди долари, главно во САД и Јужна Кореја, станувајќи најдоследен следбеник на политиките на Вашингтон во Европа....

Последното парче земја во приватна сопственост во стратешки важниот арктички архипелаг Свалбард е на продажба, и додека парцелата сигурно ќе ја привлече Кина, Норвешка не сака лесно да ја предаде. Архипелагот се наоѓа на половина пат меѓу норвешкото крајбрежје и Северниот пол, во арктичка област која стана геополитичка и економска фокусна точка поради топењето на мразот што овозможува полесно движење во тој регион. Заинтересираните купувачи можат да го добијат изолираното земјиште на Соре Фагерфјорд на северозапад од Свалбард за 300 милиони евра. Тоа е околу 60 квадратни километри, што е отприлика колку њујоршки Менхетен, а има планини, низини, глечер и околу пет километри крајбрежје, без инфраструктура. „Тоа е последното приватно земјиште во Свалбард и, колку што знаеме, последното приватно земјиште на Високиот Арктик“, вели адвокатот Пер Килингстад, кој го застапува продавачот. „Кинезите се природно потенцијални купувачи, бидејќи долго време покажуваат интерес за Арктикот и Свалбард“, изјави тој за агенцијата France Presse (AFP). Тој тврди дека веќе добил „конкретни знаци на интерес“ од Кина. Во документ од 2018 година, азискиот гигант се дефинираше како земја „блиска до Арктикот“. Пекинг планира да игра уште посилна улога во овој регион чијашто геостратешка важност расте а во која традиционално превралст има Русија чии ривали се нордиските земји зад кои стојат САД. Свалбард е управуван врз основа на меѓународен договор од 1920 година, кој им дава многу простор на странските интереси. Договорот го признава суверенитетот на Норвешка над архипелагот, но граѓаните на сите земји потписнички, вклучително и Кина, имаат исто право да ги црпат нејзините природни ресурси. Русија таму ископува со децении преку државната компанија „Trust Arktikugol“. Но, времињата се менуваат. Норвешка сега сака да го заштити својот суверенитет и затоа не сака Соре Фагерфјорд да падне во туѓи, особено во кинески раце. Норвешките разузнавачки служби сметаат дека Кина е најголемата безбедносна закана за оваа скандинавска земја по Русија. Норвешкиот јавен обвинител затоа ги повика сопствениците, компанија во сопственост на Норвежанец со руско потекло, да ја откажат продажбата. „Земјиштето не може да се продаде без дозвола од норвешките власти. Ниту, пак, е можно да се преговара за земјата без нив“, вели министерката за трговија и индустрија Сесили Мирсет. Овој аргумент се заснова на клаузулата од заемот што Норвешка го дала во 1919 година. Но адвокатот Килингстад ​​тврди дека таа клаузула е истечена. Норвешка поседува 99,5 отсто од Свалбард и го прогласи најголемиот дел од територијата, вклучувајќи го и Соре Фагерфјорд, заштитено подрачје каде, меѓу другото, изградбата е забранета. Продавачите не се согласуваат со ова и се повикуваат на договорот од 1920 година. „Сите потписници имаат исти права“, потенцира Килингстад, додавајќи дека Норвешка изградила аеродром и пристаниште и згради во Лонгирбјен, најголемиот град на архипелагот. Андреас Остаген од Истражувачкиот институт Фритјоф Нансен тврди дека земјиштето има „минимална“ економска вредност и дека нејзината продажба не претставува „голема закана“ за Норвешка. Но, додава тој, „сопственоста на земјиште во Свалбард може да има стратешка вредност за 50 или 100 години“....

Здравствената состојба на словачкиот премиер Роберт Фицо е стабилна, но сепак сериозна, изјави во саботата словачкиот министер за здравство. Вицепремиерот на Словачка изјави дека е малку веројатно премиерот а биде префрлен во Братислава од малата градска болница но позната по најдобрите во земјата абдоминални хирурзи во Банска-Бистрица, каде што Фицо беше пренесен со хеликоптер по атентатот во блиската Хандлова, местото каде што во средата беше застрелан од непосредна близина. Вицепремиерот Роберт Калинак на новинарите пред болницата во која се лекува Фицо изјави дека нема потреба формално да ги преземе службените должности на Фицо и дека има одредена комуникација со премиерот. Фицо во петокот беше подложен на уште една операција која траела два часа, што ги зголемува надежите за негово закрепнување. Нападот на словачкиот премиер ја шокираше и ја потресе цела Европа и предизвика загриженост за поларизираната политичка ситуација во земјата со 5,4 милиони жители. Словачката полиција обвини маж идентификуван од обвинителството како Јурај Цинтула за обид за убиство. Локалните медиуми објавија дека тој бил 71-годишен поранешен чувар кој работел во трговски центар и автор на три збирки поезија. Осомничениот за нападот на словачкиот премиер во саботата пред судот ја призна вината. Како што пренесуваат словачките медиуми, Цинтула во текот на денот бил донесен во Специјализираниот кривичен суд во Пежинок, со посебни безбедносни мерки, а ниту новинарите ниту јавноста не можеле да влезат во судските простории. Во средата, по состанокот на владата, Цинутла неколкупати го застрела премиерот и тешко го рани. Според портпаролката на судот, обвинителот бара притвор за обвинетиот поради можно бегство како и ризик од повторување на делото. Цинтула, кој беше уапсен веднаш по нападот, се соочува со обвинение за обид за убиство од прв степен од одмазда, кое предвидува казна од 25 години до доживотен затвор. Според словачките власти, нападот бил политички мотивиран. Цинтула, наводно, учествувал на неколку антивладини протести и,како што самиот вели во една снимка веднаш по инцидентот, се спротиставувал на политиките на владата на Фицо во однос на реформите на јавнито радиодифузер, укинувањето на специјалното обвинителство кое го формираше претходната власт во Братислава, а во западните медиуми особено се потенцира неговата изјава дека се спротивставувал на прекинот на помошта за Украина. Интересно, од него самиот изречените мотиви се совпаѓаат со пишувањата на западните медиуми за причините за атентатот на Фицо објавени веднаш со извештаите за обидот за убиство на словачкиот премиер....

Играчот од средниот ред на англиската фудбалска репрезентација и Манчестер Сити, 23-годишниот Фил Фоден е избран за најдобар играч на сезоната во Премиер лигата, објави елитната класа на англискиот фудбал. Сезонава Фоден постигна 17 гола и забележа осум асистенции на 34 првенствени натпревари и беше еден од клучните играчи на „Граѓаните“ во ловот на четвртата последователна титула во англискиот шампионат. Пред крајот на колото Сити има два бода повеќе од Арсенал, а во последното коло на свој тревник го пречекува Вест Хем, додека Арсенал на домашен терен ќе игра против Евертон. „Исклучително сум горд на оваа награда“, изјави Фоден за официјалната веб-страница на Манчестер Сити. „Премиер лигата е препознаена како најдобра лига во светот и задоволство е да се биде номиниран со многу други одлични играчи кои имаа посебни сезони за своите клубови“, додаде. Ова е петта последователна сезона во која наградата за најдобар играч ја добива член на Манчестер Сити. Ерлинг Халанд ја освои оваа награда минатата сезона, Кевин Де Брујне во 2019/20 и 2021/22, и Рубен Диас во 2020/21. Последниот играч кој не е на Сити а ја освои наградата беше Ван Дијк од Ливерпул во 2018/19 година. Англискиот репрезентативец Фоден, исто така, ја освои наградата за играч на годината на Здружението на фудбалските новинари (FWA) претходно овој месец....

Расчистено е двојното убиство во Стајковци, кога маж ги усмрти братот и снаата. Осомничениот 66-годишниот Љ.К. од скопско Стајковци беше изведен пред судија на претходна постапка кој му определил мерка притвор во траење од 30 дена. Полицијата против осомничениот поднесе кривична пријава поради постоење основи на сомнение за сторено кривично дело „убиство“ по член 123 од Кривичниот законик. Тој се сомничи дека на 14.05.2024 во домот во селото Стајковци со метален предмет ги нападнал неговиот брат В.К. на 64 години и неговата снаа 57-годишната С.К., кои од здобиените повреди починале на местото“, информира МВР. Од Обвинителството соопштија дека тој со умисла ги лишил од живот својот брат и снаата. „Осомничениот прво ја нападнал снаата, удирајќи ја повеќепати со метална шипка по главата, а потоа го пресретнал и братот на кого исто така со шипката му нанел смртоносни повреди„, соопштија од Обвинителството. По настанот осомничениот беше хоспитализиран. Бидејќи со подобрување на неговата здравствена состојба постои опасност тој да се даде во бегство, јавниот обвинител оцени дека мерката притвор е неопходна за непречено водење на истрагата, па до судијата на претходна постапка достави предлог за определување таква мерка....

Градежни работници, кои извршувале градежни работи на куќа во кичевското село Челопеци, го пронашле починат нивниот колега 60-годишниот Н.Ќ. од Кичево, информира портпаролот на СВР Охрид, Стефан Димоски. Случајот од кичевската полиција бил пријавен во петокот, околу 17,45 часот. Лекар од Итна медицинска помош констатирал смрт без видливи траги на насилство. По наредба на јавен обвинител телото било дадено на обдукција....

Деветмесечно бебе почина во Општата болница во Охрид. Портпаролот на СВР Охрид, Стефан Димоски вели дека случајот е пријавен во полиција вчера во 08:10 часот. -Бебето претходно со Итна медицинска помош било донесено во неконтактибилна состојба, вели Димоски. Увид бил извршен, а по наредба на јавен обвиниел телото е дадено на обдукција....

Основното јавно обвинителство Скопје донесе Наредба за спроведување истражна постапка против 41-годишна вработена како аналитичар во СВР Скопје која е осомничена за продолжено кривично дело – Измама според член 247 став 4 во врска со став 1 од Кривичниот законик. -Од април 2023, искористувајќи ист траен однос и исти прилики, осомничената довела во заблуда три лица, на кои лажно им се претставила како началник во полициска станица Гази Баба и член на Комисија за доделување социјални станови. На трите оштетени невработени лица им ветувала дека ќе им посредува да добијат социјални станови во Лисиче по цена пониска од реалната, наведувајќи ги да и исплатат по 12.000 евра за стан и 3.000 евра за посредување и изготвување документација, соопштуваат од Обвинителството. Парите и ги давале во повеќе наврати, а при последната исплата на 12.500 евра, во близина на полициската станица, била затекната веднаш по предавањето на парите. Јавниот обвинител до судијата на претходна постапка достави предлог за определување мерки на претпазливост – забрана за напуштање живеалиште, обврска повремено да се јавува кај службено лице во судот и одземање на патната исправа....

Ноќта кон саботата, околу 1 часот по полноќ во СВР Битола било пријавено дека на улицата „8-ми Септември“ во Битола се случила сообраќајна несреќа меѓу патничко возило „опел“ со битолски регистарски ознаки, управувано од 54-годишниот З.Г. од селото Долно Српци, битолско, и патничко возило „хјундаи“ со битолски регистарски ознаки, управувано од 57-годишниот Б.К. од Битола. Во несреќата со тешки телесни повреди се здобил возачот Б.К., констатирани во Клиничка болница Битола, информира МВР. Извршен бил увид од увидна екипа на СВР Битола....

Претседателството на ДУИ денеска ќе одржи состанок. Како што информираат од партијата, состанокот е закажан во 14 часот во седиштето на партијата во Тетово. Состанокот следува откако Управниот суд синоќа ги одби како неосновани сите седум тужби од коалицијата „Европски фронт“ против решенијата на Државната изборна комисија (ДИК) за прегласување на парламентарните избори 2024. Со одлуките на Управниот суд се потврдуваат решенијата на ДИК за прегласување во шест избирачки места во петтата изборна единица и едно во шестата изборна единица....

Тешки судири и гранатирање го потресуваат градот Рафах во јужниот дел на Појасот Газа во саботата, известуваат чевидци, додека израелската војска објави дека првите 310 палети хуманитарна помош влегле во опколената област преку импровизираното пристаниште изградено од САД. Повеќе од десет дена од почетокот на „ограничената“ израелска операција во Рафах, како што ја нарече израелската армија, борбите меѓу израелските сили и палестинските милитанти повторно се разгореа во северниот дел на палестинската енклава. Кувајтската болница соопшти дека две лица биле убиени во израелски напад во текот на ноќта во камп за раселени лица во Рафах, а очевидци пријавиле силно пукање и гранатирање во југоисточниот дел на градот и воздушно бомбардирање на источните области на градот. Дописниците на AFP, сведоци и медицински лица рекоа дека во текот на ноќта имало интензивни борби во бегалскиот камп во северниот дел на Џабалија, откако израелската армија во петокот објави „веројатно најлошото“ насилство во градот во повеќе од седумте месеци војна. Израелските власти на почетокот на јануари соопштија дека ја уништиле командната структура на Хамас во северниот дел на Газа, но војската рече дека Хамас, чиј напад на 7 октомври е причина за сегашната израелско-палестинска војна, „имаше целосна контрола овде во Џабалија додека не пристигнавме пред неколку дена“. Влегувањето на израелските единици во Рафах, започнато и покрај силното меѓународно противење и надежите на посредниците за напредок во застојот на преговорите за прекин на огнот, ја влоши и онака страшната хуманитарна криза, велат хуманитарните групи. Бидејќи клучните копнени премини се затворени во континуитет или работат со ограничен капацитет речиси две децении а сега под изговор поради борбите, дел од залихите со помош почнаа да се влеваат во разурнатата од војната Газа преку привремена пловечка платформа изградена од Соединетите држави. Вкупно 310 палети пристигнаа на брегот во „првиот влез на хуманитарна помош со пловечка док“, се вели во соопштението на израелската војска. Во наредните денови се очекува преку пристаништето да бидат испорачани околу 500 тони помош во Газа, соопшти американската Централна команда. Меѓутоа, агенциите на Обединетите нации и хуманитарните групи предупредија дека таканаречениот „поморски коридор“ и континуираните воздушни исфрлувања на помошта не можат да ги заменат многу поефикасните камионски конвои во Газа, каде што Обединетите нации постојано предупредуваа на претстојниот глад. Во услови на недостиг од залихи, израелската војска соопшти дека „десетици израелски цивили“ запалиле камион со хуманитарна помош наменета за Газа на окупираната друга палестинска енклава Западниот брег (на реката Јордан) во четвртокот вечерта, што е втор таков напад за една седмица. Инцидентот дојде откако десничарските израелски активисти во понеделникот ограбија најмалку седум камиони со хуманитарна помош од Јордан во близина на преминот Таркумја со Западниот брег....

Пет лица, меѓу кои двајца малолетници се повредени во сообраќајна несреќа која вчера вечерта се случила на регионалниот пат Кичево – Осломеј. Во несреќата, пријавена во 22:55 часот, учествуваеле автомобил „фиат“ со кичевски регистарски ознаки, управуван од С.Д.(18), автомобил „фолксваген пасат“ со кичевски регистарски ознаки, управуван од Д.Д.(33) и автомобил „ауди“ со кичевски регистарски ознаки управуван од В.Х.(59), сите од Кичево. -Со тешки телесни повреди се здобила малолетна сопатничка од патничкото возило „фиат“, а со телесни повреди се здобиле возачот и уште еден малолетен сопатник, возачот на патничкото возило „пасат“ и неговиот сопатник Ќ.Р.(30) од с.Туин,кичевско, констатирани во Медицинскиот центар Кичево, информира МВР. Извршен бил увид од увидна екипа на ОВР Кичево....

Нешто повеќе од 18 месеци откако сопругот на Ненси Пелоси, поранешната контроверзна демократска претседателка на Претставничкиот дом на САД, Пол Пелоси беше нападнат со чекан во неговиот дом во Сан Франциско, насилникот е осуден на 30 години затвор. Судијата во Сан Франциско ја изрече казната во петокот, објавија американските медиуми. Обвинителот побара 40 години затворска казна. Напаѓачот Пол Пелоси, 44-годишниот Дејвид ДеПапе веќе беше прогласен за виновен од страна на поротата во ноември за обид за киднапирање на јавен службеник и напад на член на потесното семејство на јавен службеник. Нападот предизвика бес и предизвика дебата за политички мотивираното насилство. Пол Пелоси, кој сега има 84 години, беше нападнат и тешко повреден во домот Пелоси во Сан Франциско кон крајот на 2022 година, неколку дена пред изборите за Конгресот на САД. По нападот мораше да биде опериран поради фрактура на черепот и сериозни повреди на десната рака и двете дланки. Американските медиуми набргу по злосторството открија дека човекот бил заинтересиран за различни теории на заговор на интернет од поранешниот американски претседател Доналд Трамп кој и денес тврди дека со измам на претседателските избори во 2020 година му е украен новиот претседателски мандат во полза на сопартиецот и блискиот на семејството Пелоси, Џо Бајден. Полицијата тогаш изјави дека сторителот имал намера да ја земе како заложник тогашната претседателка на Претставничкиот дом на САД и да ѝ ги „скрши пателите“. Тој, наводно, сакал да ја врзе со лисици на инвалидска количка за да им покаже на другите членови на Конгресот дека нивните „дејства имаат последици“....

Стотици демонстранти маршираа во петокот во главниот град на Перу за да побараат укинување на новиот закон кој бара трансродовите лица, меѓу другите, да се означуваат како ментално болни за да добијат здравствени бенефиции. Околу петстотини демонстранти мирно шетаа низ улиците на центарот на Лима, носејќи транспаренти со пароли „Нема повеќе стигма“ и „Мојот идентитет не е болест“. Законот, кој беше административно одобрен од владата на претседателката Дина Болуарте минатата седмица, прецизира дека оние кои се идентификуваат како трансродови, заедно со оние кои претпочитаат облека типична за спротивниот пол, т.н. „crossdressers“ и „другите со нарушувања на родниот идентитет“, се сметаат за луѓе со „болест“ кои имаат право на услуги за ментално здравје преку јавни и приватни даватели на услуги. Демонстрантите стигнаа до канцеларијата на Министерството за здравство, а не беа забележани судири. „Родовите идентитети повеќе не се сметаат за патологија“, предупреди активистката Кари Контрерас, која ја обвини владата на Болуарте дека се обидува да ги погази правата на ЛГБТК+ заедницата. „Нема да им дозволиме“, рече таа. Критичарите на законот тврдат дека тој е непотребен, бидејќи постојните правила веќе дозволуваат универзален пристап до услугите за ментално здравје. Владините претставници се обидоа да ја припишат контроверзноста на недоразбирање. Во соопштението објавено набргу по усвојувањето на законот, Министерството за здравство инсистираше на тоа дека ја отфрла стигматизацијата на ЛГБТК+ лицата и дека правниот јазик едноставно се обидува да обезбеди поцелосно здравствено покривање. Министерството „категорично го потврдува почитувањето на достоинството на личноста и неговото слободно дејствување во рамките на човековите права, давањето здравствени услуги за нивна благосостојба“, се наведува во соопштението. И покрај аргументите на министерството, демонстрантите не се убедени, а некои медицински експерти се залагаа законот да се коригира со амандман. „Не гледаме потреба да вклучиме дијагнози или патологии што повеќе не постојат во плановите за здравствено осигурување“, рече Педро Риега Лопез, декан на медицинското училиште во Перу и самиот лекар...

Италијанскиот стручњак Масимилијано Алегри е само третиот тренер кој добил отказ од Јувентус во текот на сезоната во последните 50 години, пренесуваат италијанските медиуми. Јувентус го отпушти Алегри во петокот, само два дена по освојувањето на Купот на Италија. Во официјалното соопштение, „Старата дама“ од Торино како причина за одлуката го наведе „непримерното однесување“ на 56-годишниот тренер за време и по финалниот натпревар против Аталанта. Алегри беше суспендиран на два натпревара од страна на дисциплинскиот суд во Серија А поради неговото однесување во текот на финалето одиграно на „Олимпискиот стадион“ во Рим, во кое Јувентус победи со 1:0, а беше казнет и со 5.000 евра. И покрај тоа што Јувентус го прекина тригодишниот пост без трофеј и го освои Купот на Италија по рекорден 15-ти пат, водството на клубот од Торино реши да му врачи оставка на Алегри, бидејќи неговото однесување „не беше во склад со вредностите што ги зстапува Јувентус“. Алегри на тој начин стана само третиот тренер кој доби отказ од Јувентус пред крајот на сезоната во последните половина век. Истата судбина ја доживеа и Клаудио Раниери, кој беше отпуштен во мај 2009 година, на две кола пред крајот на сезоната, поради лошите резултати. Него го наследи Чиро Ферара, но и тој доби отказ пред крајот на сезоната. Беше сменет во јануари 2010 година. Интересно, последен пат Алегри доби отказ од торинската „Старата дама“, исто така, на 17-ти мај 2019 година. Се врати во клубот летото 2021 година и во вкупно осум сезони освои пет титули во Серија А, пет изданија на Купот на Италија и два трофеа во Суперкупот на Италија....

Претседателот на Македонската академија на науки и уметностите, академик Живко Попов и претседателот на Одборот за акредитација на високото образование Марјан Ѓуровски остварија работна средба на која се разговараше за состојбата во високото образование и за воспоставување заедничка соработка во функција на подигнување на квалитетот и развојот на високото образование во земјата. На состанокот беше констатирана потребата од интернационализација на македонскиот високо образовен систем, зајакнување на стандардите и капацитетите на високо образовните институции со посебен фокус на студиските програми и продуктот кои тие го даваат како дипломирани студенти за потребите на општеството и бизнис заедницата. -МАНУ и Одборот за акредитација на високото образование се очекува да потпише меморандум за соработка за поблиска соработка со заеднички научно-истражувачки проекти и организирање заедничка научна конференција посветена на состојбата, предизвиците и развојот на високото образование, информира Одборот. На работната средба присуствуваа потпретседателот на Одборот за акредитација Куштрим Ахмети и академик Марјан Марковиќ, член на Одборот за акредитација на високото образование....

Натпревар и спортско-рекреативен настан утре ќе се одржуваат во Скопје поради што за сообраќај ќе бидат затворени повеќе улици во градот. Од 08.30 до 12.30 часот, поради одржување на натпревар „Стопански Триоги Триатлон“, со стартно-целна позиција кај Спортскиот центар „Борис Трајковски“, Единицата за безбедност на патниот сообраќај при СВР Скопје ќе преземе мерки за посебен режим на сообраќајот по трасата по која ќе се движат натпреварувачите. Посебниот режим на сообраќај ќе опфати дел од уличната мрежа околу СЦ „Борис Трајковски“ и дел од бул.„Илинден“ (десна коловозна лента), потоа на потегот од крстосницата со бул.„8 Септември“ до крстосницата со ул.„Никола Парапунов“, и обратно. Исто така, со почеток во 09.45 часот, поради одржување на спортско-рекреативен настан „Прв до врв“, посебен режим на сообраќајот ќе има по трасата по која ќе се движат натпреварувачите на велосипедската трка, и тоа: со почеток пред Музеј на град Скопје – ул.„Св.Кирил и Методиј“, потоа лево по бул.„Св.Климент Охридски“, во продолжение право по бул.„Мајка Тереза“, лево по ул.„Тодор Александров“, во продолжение по локален пат за Средно Водно до врв на Водно („Милениумски крст“). Трасата на движење на планинарите е: со почеток во 10.00 часот од пред ОУ„Кочо Рацин“ на бул.„Мајка Тереза“, право по ул.„Тодор Александров“ и кај ул.„Салвадор Аљенде“ десно, по планинската патека кон Средно Водно, а од Средно Водно кон Врв на Водно („Милениумски крст“). Секторот за внатрешни работи Скопје апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот....

Обилните дождови доведоа до поплави и предизвикаа лизгање на земјиштето во западната германска покраина Сар во петокот вечерта. Зградите во главниот град Сарбрикен и другите општини мораа да бидат евакуирани поради зголеменото ниво на водата. Министерството за внатрешни работи на Сар објави „голема област погодена од поплави“, а најтешко е погоден југоисточниот дел на државата. Засега нема информации за повредени, изјави портпаролот на министерството. Во делот на Саарбрикен, Волклинген, улиците се исклучени од електричната мрежа поради поплави. Снабдувањето со вода за пиење се уште е обезбедено, соопштија од општината во петокот доцна навечер. „Во Воллинген се очекуваат милиони штети, особено во приватниот сектор“, велат од општината. Сарбрикен, како и неколку области, прогласија состојба на големи штети. Неколку згради во градот мораа да бидат евакуирани. Градот има воспоставено алтернативно сместување во училиштата и телефонска линија за граѓаните. Погодени беа и некои пензионерски домови. Германската метеоролошка служба предупреди на континуиран обилен дожд во раните утрински часови во саботата, особено во областите западно од Рајна. Потоа се очекува благ прекин на врнежите. Канцеларот Олаф Шолц го откажа настапот на изборите планиран за сабота во Сар. Наместо тоа, тој ќе го посети Сар заедно со премиерот на државата, Анке Релингер, за да добие увид во ситуацијата на теренот, објави вечерта владиниот портпарол во Саарбрикен....

Фирма со седиште во скопсата општина Чаир регистрирана пред само еден месец, без потребните дозволи, поставува забавен парк кај спортскиот центар „Борис Трајковски“, соопштија од Град Скопје. „Известуваме дека правното лице ‘Дизниленд Реквизити’, фирма од Чаир регистрирана пред само еден месец, без соодветни документи и дозволи, без потребна документација која гарантира безбедност, монтира панорамско тркало и останати реквизити во Карпош пред Борис Трајковски’, се вели во соопштението од Градот. Оттаму додаваат дека извршиле надзор, превземаат мерки и го казниле правното лице, но сепак, како што истакнуваат тоа насилно продолжува да работи. „Ги повикуваме надлежните институции и апелираме да постапат во најкус можен рок, бидејќи се доведува во прашање безбедноста на децата и на сите останати посетители поради практицирањето на ваквото самоволие“, се наведува во соопштението од Град Скопје....

Управниот суд синоќа ги одби како неосновани сите седум тужби од коалицијата „Европски фронт“ против решенијата на Државната изборна комисија (ДИК) за прегласување на парламентарните избори 2024. Со одлуките на Управниот суд се потврдуваат решенијата на ДИК за прегласување во шест избирачки места во петтата изборна единица и едно во шестата изборна единица. Според Изборниот законик, доколку одлуката за прегласување на едно избирачко место може да влијае на конечните резулатите од изборите, ДИК ќе организира повторно гласање 14 дена од одржувањето на изборите, односно на 22 мај. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите беа оформени предмети и закажани во текот на вчерашниот ден....

Две-три години првите луѓе на СДСМ ги залажуваа своите симпатизери дека ВМРО-ДПМНЕ, дури и да победи, нема коалициски капацитет за да формира влада, вели пратеникот на ВМРО-ДПМНЕ, Антонио Милошоски. Смета дека истата мантра, како верна паушал-клиентела, ја повторуваа и шест-седум провладини “аналитичари”. „Но, изборите ја демантираа власта во заминување и денес токму владините партии ДУИ и СДСМ се оние кои немаат коалициски капацитет. И СДСМ и ДУИ имаа силно изразена ароганција како власт, и гледаа со големо потценување на секој неистомисленик. Периодот во опозиција е шанса и за двете партии да се реформираат, да покажат дека го почитуваат мислењето на народот, а ароганцијата да си ја остават само за домашна употреба“, пишува Милошоски на Facebook....

„Музеи за едукација и истражување“ е мотото под кое денеска ќе се одбележи 18 Мај – Меѓународниот ден на музеите, датум кој музејските институции низ светот со разновидни активности го одбележуваат од 1977 година. На овој ден, како што соопшти Министерството за култура, музеите во земјава традиционално овозможуваат бесплатен влез за посетителите кои можат да ги видат актуелните изложби и да се запознаат со движното културно богатство. – Музеите, освен својот придонес како платформа за размена на идеи и знаења, имаат значајна улога во образованието и се афирматори на темите што денес силно го засегаат светот, а кои чекаат да бидат истражени и споделени. Музејските институции ги поттикнуваат идните генерации на креативен, динамичен и интересен начин да се осврнат на комплексните општествени предизвици на денешницата, да се информираат за причините и последиците од човековото влијание врз природата и да развијат критичко размислување и лична одговорност неопходна за градење одржливо општество, велат од Министерството за култура. Меѓународниот ден на музеите традиционално се одбележува секоја година на 18 мај со цел промоција на значењето на музејските институции во современото општество. Денот посветен на музеите е востановен од Меѓународниот совет на музеите – ИКОМ со седиште во Париз....

Сакам уште еднаш да испратам порака со предупредување до новата влада, да ја смени позицијата и да го користи само името Северна Македонија во и вон земјата, бидејќи во спротивно, сигурно ќе создадат проблеми и во односите со Грција и во односите со Европа, рече грчкиот премиер Кирјакос Мицотакис во интервјуто за државната телевизија ERT, притоа повторувајќи дека без целосно усогласување со Договорот во однос на името, Грција нема да ги ратификува меморандумите и нема да има напредок во ЕУ перспективата на земјаrа. Коментирајќи ги изјавите на лидерот на ВМРО-ДПМНЕ, Христијан Мицкоски дека ќе го употребува терминот Македонија и оти тоа не е во спротивност со споменатиот договор, Мицотакис посочи дека станува збор за „изјави на мандатарот за премиер“ и дека ќе ги чекаат официјалните ставови на новата влада, но потенцираше дека „првите примери на однесувањето се исклучително негативни“. „Во јадрото на Договорот на Преспа се наоѓа смислата на едно име, она што го нарекуваме ерга омнес, името Северна Македонија да важи за сите, односно да се користи и во надворешноста и во внатрешноста на земјата“, рече Мицотакис. Потсети дека неговата партија не гласаше за Договорот од Преспа, бидејќи имаа приговори „за фактот што овој Договор обезбедува македонска нација и македонски јазик“, што воедно, според Мицотакис било и главната причина зошто не го поддржаа Договорот. „Во прашањето за името има едно јасно уназадување и сакам уште еднаш да испратам порака со предупредување до новата Влада, уште отсега, да ја смени нејзината линија, да ја почитува централната одредба на Договорот од Преспа, да го користи само името Северна Македонија во и вон земјата кога станува збор за нашиот северен сосед, а во спротивно, сигурно е дека ќе создадат проблеми, не само во односите со Грција на Северна Македонија, туку и во односите на Европа со Северна Македонија“, истакна Мицотакис. Се осврна и на реакциите од ЕУ за употребата на името Македонија од претседателката Сиљановска Давкова на инаугурацијата, откривајќи дека „беа резултат на интервенциите на грчката Влада“, дека „тоа не дојде само по себе“, туку тој лично интервенирал за да го информира раководството на Европската Унија, а ги посочи и реакциите од САД. -Па така верувам дека ќе има колективен притисок врз раководството на Северна Македонија за да не постои значајно уназадување, рече грчкиот премиер. Во утринското интервју за ЕРТ, Мицотакис ги повтори и следните чекори на Владата, односно реакцијата на официјална Атина, она што и вчера го порача од митингот во градот Верија, дека нема да се ратификуваат меморандумите и дека ќе има проблеми на патот на земјата кон ЕУ. „Она што сигурно ќе го сториме е дека нема да ги донесеме за ратификација трите меморандума што произлегуваат од Договорот и сега целосно се оправдува нашата позиција да го задоцниме ратификување. Ние веќе извесно време гледавме што се случуваше во Северна Македонија, го слушавме овој националистички пароксизам на ВМРО, знаевме дека ВМРО ќе победи на изборите и сакавме и ние да задржиме некои суштински преговарачки оружја во случај работите да не одат како што се очекува“, рече Мицотакис. Ја коментираше и одлуката на СИРИЗА да ги подонесе во парламентот трите меморандума, велејќи дека е „несфатливо на границите на политичкиот и дипломатскиот апсурдност“, сега да се достават, во моменти кога „Скопје следи целосно различна линија“. „Второто што ќе го направиме, веќе го сторивме, апсолутно јасно да ставиме на знаење дека никаков напредок во овој, би рекол, долг пат на Скопје кон Европа, не може да се постигне. ако не постои апсолутно усогласување со Договорот од Преспа во прашањето со името„, истакна грчкиот премиер....