КошаркаАБА лига Невидено: Нанели го нокаутирал Лазаревиќ пред вечерашниот трет меч од АБА финалето (ФОТО) 19.05.2024 13:45 1 Од Белград стигнуваат информаци за немили сцени пред вечерашниот трет натпревар од финалето на АБА лигата межу Партизан и Црвена Звезда. Според извештаите од таборот на Црвена звезда, кошаркарот на Партизан, Џејмс Нанели физички го нападнал Стефан Лазаревиќ. „КК Црвена звезда ја информира јавноста дека во неделата наутро нашиот првотимец Стефан Лазаревиќ се здоби со повреди кои се карактеризираат како „тешки физички повреди“ по физичкиот напад на играчот на КК Партизан, Џејмс Нанели. Инцидентот се случи пред почетокот на утринскиот тренинг на нашиот тим во белградската Арена, а во таа прилика Стефан Лазаревиќ се здоби со повреди кои можете да ги видите на сликите“, се вели во реакцијата на Црвена Звезда. Од таму најавија дека очекуваат итна реакција на АБА лигата за инцидент кој е невиден во историјата на оваа лига и со вакви последици. „Овој напад ги надминува сите граници на спорт и нормалност и очекуваме итни реакции од сите одговорни!“ OFFICIAL: Crvena Zvezda confirms violent incident, shares photos of Lazarevic #ABALiga pic.twitter.com/yOTETySyWi — Eurohoops (@Eurohoopsnet) May 19, 2024 FacebookTwitterWhatsAppEmailPrint ПретходноОдбојкарите вечерва ја предизвикуваат силната Чешка Saso Kuzmanovski...

Меѓународен фудбалГерманија Ројс фраерски се збогува со 80.000 навивачи на Борусија: Последното пиво е од мене! 19.05.2024 13:45 0 Марко Ројс вчера го одигра последниот меч во дресот на Борусија (Д) на „Сигнал Идуна Парк“ пред верните навивачи на „жолтиот ѕид“ и во манир на икона на овој германски великат со пиво ги почести сите навивачи на Борусија (Д) кои вчера беа на стадионот и во живо го следеа неговиот последен меч. По натпреварот, во еден од локалите каде се продава пиво на јужната трибина на стадионот се појави рачно напишана белешка со следниот текст: „Благодарен сум за се. Збогум, пивото е од мене. Засекогаш ваш Марко“. Едно точено пиво на „Сигнал Идуна Парк“ чини 4,90 евра, а вчера на стадионот имаше близу 80.000 навивачи. FacebookTwitterWhatsAppEmailPrint ПретходноОдбојкарите вечерва ја предизвикуваат силната ЧешкаСледноНевидено: Нанели го нокаутирал Лазаревиќ пред вечерашниот трет меч од АБА финалето (ФОТО) Saso Kuzmanovski...

Други спортовиОдбојкаТОП Одбојкарите вечерва ја предизвикуваат силната Чешка 19.05.2024 13:30 0 Поразот од селекцијата на Естонија (1:3) во премиерата на новото издание на Европската Златната лига 2024, за нашите одбојкри треба да биде само дополнителен мотив вечерва во салата „Парк“ во Струмица (20.15 ч.) на дуелот со уште поквалитетната селекција на Чешка да покажеме уште подобра игра. Новата генерација предводена од новиот селектор Наковски и вечерва има задача да потврди дека во овој состав полека треба да подготвуваме тим кој во август ќе се бори за ново учество на завршниците на Европските првенства. „Искрено ме радува начинот на кој игравме против селекцијата на Естонија. Секако има некои недостатоци кои мора да ги подобриме. Знаеме на што треба да поработиме. Мечот со Чешка ќе бид емногу тежок, но ние мора да гледаме напред. Чешка е секако можеби и ново погоре од Естонија, но останува да се бориме, ќе дадеме максимум и секако ова да го искористиме како добро воигрување за квалификациите во август. Секако ќе направиме се ако може да ги израдуваме навивачите со победа“, вели техничарот на нашиот национален тим Ѓорги Ѓоргиев. Честите вчера во Струмица ја потврдија фаворитската улога против Естонија совладувајќи ја со 3:0 (25:20, 25:22, 25:16). Standings provided by Sofascore FacebookTwitterWhatsAppEmailPrint ПретходноМонтеро привремено на клупата на Јувентус, а клубот го сака Тијаго Мота Saso Kuzmanovski...

Меѓународен фудбалИталија Монтеро привремено на клупата на Јувентус, а клубот го сака Тијаго Мота 19.05.2024 13:00 0 Јувентус објави дека Паоло Монтеро ќе биде привремен тренер на Јувентус по отказот на Масимилијано Алегри. По мечот со Аталанта во финалето на Купот, Алегри ги загуби нервите и испрати серија на закани кон новинар на пат кон тунелот на стадионот „Олимпико“ во Рим. Иако неговиот договор истекуваше летото 2025 година раководството реши да го тргне од кормилото. Монтеро ќе го предводи тимот на последните два меча од сезоната во Серија А, прво против Болоња во понеделник на гостински терен и потоа против Монца на домашен терен во последното коло. Монтеро, кој е поранешен играч на Јувентус, а сега актуелен тренер на У19 тимот на Јувентус, прифати да ја заврши сезоната, а потоа раководството да ангажира нов тренер. А според италијанските медиуми, раководството притиска за Тијаго Мота кој има одлични резултати со Болоња оваа сезона. Болоња избори пласман во Лигата на шампиони, за неговата работа се зборува постојано, па Јувентус сака да го види на својата клупа. Неофицијално, Јувентус му нуди на Мота тригодишен договор, до јуни 2027 година. Претходно беше соопштено за две години плус една, но сега за три чисти сезони и плата од 3,5 милиони евра по сезона. FacebookTwitterWhatsAppEmailPrint ПретходноЖИМ Коскоска се врати на тронот, ИМ Тони Лазов првпат до титулата Marjan Boshev...

Други спортовиОстанато ЖИМ Коскоска се врати на тронот, ИМ Тони Лазов првпат до титулата 19.05.2024 12:39 22 Филип Михов и ИМ Тони Лазов Претставниците на ШК Алкалоид Габриела Коскоска и Тони Лазов станаа државни шампиони на Македонија во шах – Коскоска на женскиот, додека, пак, Лазов на машкиот поединечен шампионат на Македонија за 2024 година! Женскиот интернационален мајстор Габриела Коскоска по неколкугодишна пауза им се врати на настапите во поединечна конкуренција, откако минативе неколку години настапуваше само на екипните првенства. Иако конкуренцијата беше сочинета, главно, од помладите, Коскоска во 9 партии освои 8 бода, односно 7 победи и во два наврата ремизираше и триумфираше пред Леа Ефтовска и пред Моника Жежовска, кои завршија со половина, односно со цел поен помалку. – Задоволна сум од постигнувањето! Во согласност со ждрепката, најголемиот дел од партиите со конкурентките за висок пласман ги играв со црни фигури, односно бели имав само во дуелот со Леа Ефтовска. Имаше момент во една партија кога се соочив со закана да бидам поразена, меѓутоа успеав да ја наметнам својата игра. Турнирот, иако со мал број учеснички, генерално, беше многу борбен, со голем број одлучени партии – изјави Коскоска. ЖИМ Габриела Коскоска Интернационалниот мајстор Тони Лазов долги години важеше за перспективен шахист, кој потекнува од јуниорскиот погон на клубот. Со голема поддршка од неговиот тренер, велемајсторот Трајко Недев, успеа да се етаблира и трофеите од јуниорските првенства да ги замени со титули освоени во сениорска конкуренција како дел од екипата на ШК Алкалоид. Минатата година имаше одличен резултат, 6 победи од 6 партии на Македонското екипно првенство, а со резултат од 6 поени од 7 кола на Европското екипно првенство ја освои првата норма за велемајсторски бал! По одиграни 9 кола тој беше единствениот играч со 7,5 поени, додека, пак, зад него се најдоа ИМ Никола Николовски и Антон Златков со по 7 бода. – Турнирот го започнав со три победи, па го продолжив со три нерешени меча, а на крајот стигнав до уште три победи во дуелите со директните конкуренти. Воопшто не беше лесно, иако многумина од повозрасните колеги одлучија да не настапат. Одлучуваше последната партија и задоволен сум од конечниот исход, но цврсто верувам дека е ова резултат на долгогодишното изучување и тренирање на шаховската игра, како и на поддршката од клубот – вели Лазов. Младиот шахист од Неготино во последните две кола оствари значајни победи. Најпрвин над тимскиот колега интернационалниот мајстор Филип Панчевски, кој важеше за фаворит на турнирот, а потоа и над Антон Златков, кого во подобра завршница успеа да го принуди на пораз. ИМ Тони Лазов FacebookTwitterWhatsAppEmailPrint ПретходноВМФЛ: Победа, Осогово, Тетекс, Саса…кој ќе испадне а кој ќе игра бараж?СледноМонтеро привремено на клупата на Јувентус, а клубот го сака Тијаго Мота Marjan Boshev...

ФудбалВтора лига ВМФЛ: Победа, Осогово, Тетекс, Саса…кој ќе испадне а кој ќе игра бараж? 19.05.2024 12:30 369 Попладнево од 17 часот се играат сите осум средби од 30. или последно коло во ВМФЛ. Одамна се знае дека Беса како шампион и Пелистер како втор изборија пласман во елитата за следната сезона додека Детонит ќе игра бараж и тоа со Вардар, за влез во ПМФЛ. Затоа во ова последно коло ќе се дознае, кој покрај веќе отпишаниот Караорман, ќе испадне во Трета лига и кој ќе игра бараж. За такво нешто има четири кандидати, а тоа се Победа (28 бода), Осогово (27), Тетекс (27) и Саса (26). Тимот кој ќе биде на 14.место игра бараж, додека петнаесетиот испаѓа. Саса игра дома со Вардар (Н), Осогово му е домаќин на Пелистер, Тетекс му гостува на Башкими а Победа се среќава со Беса. ДВОЈКИ ЗА 30.КОЛО – ДЕНЕСКА (17 Ч) Охрид – Кожув Детонит – Караорман Саса – Вардар (Н) Новаци – Скопје Беласица – Арсими Осогово – Пелистер Победа – Беса Башкими – Тетекс ТАБЕЛА Беса 74, Пелистер 70, Детонит 57, Арсими 51, Вардар (Н) 42, Охрид 42, Скопје 41, Беласица 39, Башкими 39, Кожув 38, Новаци 31, Победа 28, Осогово 27, Тетекс 27, Саса 26, Караорман 15..бодови FacebookTwitterWhatsAppEmailPrint ПретходноКуп на Македонија: Алкалоид и Пелистер по историја!СледноЖИМ Коскоска се врати на тронот, ИМ Тони Лазов првпат до титулата Zoran Gjorshoski...

РакометКуп на МакедонијаТОП Куп на Македонија: Алкалоид и Пелистер по историја! 19.05.2024 11:54 132 Денеска е последниот ден од Купот на Македонија. Во СЦ „Борис Трајковски“ ќе ги добиеме имињата на освојувачите на пехарите и во женска и во машка конкуренција. Овој возбудлив финален ден ќе го отворат дамите, за пехарот ќе се борат ЖРК Ѓорче Петров и ЖРК Чаир, дуелот е закажан во 16 часот. Ѓорче Петров е најтрофејниот ѓенски тим, има 16 титули во Купот на Македонија, последниот го освои во 2009 година, па после долго време „лавиците“ ќе можат да дојдат до двојната круна. На другата страна Чаир за првпат ќе игра финале во Купот на Македонија, иако оваа сезона беа двапати порази од конкурентот за пехарот, сепак ваквите мечеви секогаш даваат надеж дека чудата се возможни. Во центарот на вниманието секако е машкото финале. Пелистер и Алкалоид ќе се борат за првиот пехар во ова натпреварување. Битолчани се огромни фаворити, но за да стигнат до круната мора да одиграат многу подобро од дуелот со Тиквеш, имаа ден повеќе за одмор од Алкалоид. На другата страна избраниците на Кирил Лазаров покажаа зошто е важно да се вложува во еден млад тим и да се создава македонски производ, а истовремено да се има трпение во процесот на созревање. Предводени од македонскиот бомбардер на клупата, младите ракометари на Алкалоид го победија Вардар 1961 и со пласманот во финалето испришаа нова клупска историја. Во пресметката влегуваат како аутсајдери, но подготвени се да ја казнат секоја грешка на противникот, особено да го искористат моментот доколку бидат потценети. Мечот е закажан за 19 часот, а билетите за финалето се продаваат по цена од 200 денари. FacebookTwitterWhatsAppEmailPrint ПретходноМитревски со 11 одбрани му донесе победа на ПортоСледноВМФЛ: Победа, Осогово, Тетекс, Саса…кој ќе испадне а кој ќе игра бараж? Марија Ковачева...

РакометИнтернационални Митревски со 11 одбрани му донесе победа на Порто 19.05.2024 11:39 31 Македонскиот голман Никола Митревски забележа 11 одбрани во победата на Порто против Брага во плеј-офот за титулата во португалскиот шампионат. Порто има „пет од пет“ во трката за титулата. Порто славеше со 34-25, а Митревски имаше 11 од 24 одбрани. Со тоа нашиот голман покажа одлична форма пред дербито со Спортинг кое веројатно ќе биде одлучувачко за титулата и ќе се игра на 25 мај. FacebookTwitterWhatsAppEmailPrint ПретходноБеса си направи шампионска фешта со свој пехар иако од ФФМ ќе го добие денескаСледноКуп на Македонија: Алкалоид и Пелистер по историја! Marjan Boshev...

ФудбалВтора лигаТОП Беса си направи шампионска фешта со свој пехар иако од ФФМ ќе го добие денеска 19.05.2024 11:26 461 Екипата на Беса од гостиварското село Добри Дол со стил ја одигра оваа сезона во второлигашката конкуренција и на убедлив начин избори пласман во елитата за првпат во историјата на клубот. На ден пред официјалниот крај на сезоната Бeса организираше шампионска фешта во Добри Дол каде играчите, стручниот штаб и лицата од клубот заедно со своите пријатели и членови на фамилиите го прославија успехот со навивачите. Она што е интересно е тоа дека на бината во Добри Дол, фудбалерите на Беса се фотографираа и славеа со пехар и медали кои клубот сам си ги купиле иако официјалниот пехар од ФФМ и медалите ќе ги добијат денеска по одигрувањето на натпреварот со Победа во Прилеп. Арменд Алими, Изаер Емини, Јасмин Мециновиќ, Христијан Драгарски, Рамадани, Борха и останатите заедно со тререрот Александар Таневски зад себе имаат перфектна сезона без пораз на 24 натпревари во серија, само еден пораз и 74 бодови со кои уште пред две кола го визираа првото место на табелата пред Пелистер. Сега се денови за славење а од Беса се најавува создавање на можен, скап и конкурентен клуб за наредната сезона која екипата ќе ја игра на стадионот во Гостивар. Ден по славјето се игра дуелот со Победа во Прилеп, на домашните им гори за опстанок, гостите веќе славеа шампионска титула… FacebookTwitterWhatsAppEmailPrint ПретходноЛеверкузен е еден од четирите клубови од Топ 5 лигите кој завршиле сезона без поразСледноМитревски со 11 одбрани му донесе победа на Порто Marjan Boshev...

Меѓународен фудбалГерманија Леверкузен е еден од четирите клубови од Топ 5 лигите кој завршиле сезона без пораз 19.05.2024 11:00 157 Баер Леверкузен ја комплетираше неверојатната сезона во Бундес лигата без пораз и со тоа влезе во друштвото на уште три екипи кои го направиле истото тоа. Баер Леверкузен заврши со 28 победи и шест ремија односно 90 бодови. Пред нив, во сезоната 2011/12 екипата на Јувентус ја освои титулата во Серија А со ефект од 23 победи и 15 ремија. Во сезоната 2002/03 екипата на Арсенал стана шампион на Англија со 26 победи и 12 ремија. Во сезоната 1991/92 екипата на Милан беше крунисан во Италија со 22 победи и 12 ремија. Тренерот Чаби Алонсо му се приклучи на Фабио Капело, Арсен Венгер и Антонио Конте кои како тренери успеале во тоа. FacebookTwitterWhatsAppEmailPrint ПретходноСити или Арсенал? Денот на одлука во Премиер лигатаСледноБеса си направи шампионска фешта со свој пехар иако од ФФМ ќе го добие денеска Marjan Boshev...

Меѓународен фудбалАнглијаТОП Сити или Арсенал? Денот на одлука во Премиер лигата 19.05.2024 10:30 319 Денес ќе биде крунисан шампионот на Премиер лигата. Вечерва (почеток од 17:00 часот) ќе се одиграат сите дуели од последното коло во Англија по што ќе биде познат и шампионот. Дали тоа ќе биде Манчестер Сити или Арсенал? „Граѓаните“ се во предност бидејќи имаат два бода пред Арсенал кој е втор. Со победа над Вест Хем на домашен терен момците на Пеп Гвардиола четврти пат по ред ќе ја освојат титулата – нешто што ниту еден тим не го направил тоа. Од друга страна фудбалерите на Арсенал мора да го победат Евертон на „Емирати“ и притоа да чекаат пораз на Сити. Освен за титулата, во последниот ден ќе бидат познати и учесниците во Лига Европа и Лигата на конференции. Тотенхем, Челзи, Њукасл и Манчестер Јунајтед ќе се борат за двете позиции носат во овие европски турнири. Емоционален ден ќе биде и во Ливерпул, каде Јирген Клоп за последен пат ќе ги предводи „црвените“. Ливерпул на „Енфилд“ ќе игра против Вулверхемптон и тој меч нема значење бидејќи составот од градот на Битлси веќе го обезбедија третото место и учеството во групите на ЛШ идната сезона. FacebookTwitterWhatsAppEmailPrint ПретходноФјури шокиран: Му ја подарија победа на Усик затоа што неговата земја е во војнаСледноЛеверкузен е еден од четирите клубови од Топ 5 лигите кој завршиле сезона без пораз Marjan Boshev...

Други спортовиОстанато Фјури шокиран: Му ја подарија победа на Усик затоа што неговата земја е во војна 19.05.2024 10:02 1006 Олександр Усик го победи Тајсон Фјури и стана апсолутен боксерски шампион со четири титули во тешка категорија. Украинецот славеше победа по 12 исцрпувачки рунди со 2-1 по судиски одлуки. Фјури реагираше бурно и смета дека тој е победник. „Усик доби некои рунди, но јас сум убеден дека добив повеќе. Неговата држава е во војна, а луѓето генерално застануваат на страната на тие кои се во војна. Верувам дека јас го добив овој меч. Секако дека ќе има реванш“, истакна Фјури кој ќе ја активира клаузулата од договорот за реванш со украинскиот боксер. Од друга страна сосема поинакво размислување: „Исцрпен сум. Цело време го бодрев и навивав за Усик. Без навреда, но судијата украде нокаут. Тоа е мое мислење. Во целост тоа беше негов добар настап и заслужена победа“, изјави Александер Красјук, агентот на украинскиот боксер. Неговата изјава беше блиску до вистината затоа што Фјури беше „распарчен“ во деветтата рунда, но јажињата и ѕвончето за крај на рундата го спасија од нокаут. Според договорот кои го потпишаа, има можност за реванш и тоа кон крајот на годината. Tyson Fury on the Oleksandr Usyk decision: “His country is at war so people are siding with someone whose country is at war. I won that fight.” Meanwhile the country at war : pic.twitter.com/GLvk2IcI36 — 99 attempts (@Itismourinho) May 19, 2024 FacebookTwitterWhatsAppEmailPrint ПретходноПолицијата дојде касно, родители се тепаа на детската лига во СкопјеСледноСити или Арсенал? Денот на одлука во Премиер лигата Marjan Boshev...

ТОПФудбал Полицијата дојде касно, родители се тепаа на детската лига во Скопје 19.05.2024 9:36 4718 И оваа година како и минатите дојде до физичка пресметка на родители и тренери од една со родители од друга екипа на детската лига во Скопје која се игра на терените во ФФМ. Во текот на вчерашниот ден настанал хаос, кога тренер од еден тим влегол на терен да дели правда со судиите па на истиот терен влетал родител од противничката екипа. Родителот бил нападнат од дваесетина други родители на деца од противничката екипа. „Боксови, клоци… пред деца пред толку многу народ. „Можеше да настрада и некои од децата. Срамота! Толку многу тензии и нервози за детски фудбал. Полицијата дојде покасно и случајот е регистриран но не онака каков што навистина беше, а беше страшно!“, ни потврди поранешен репрезентативец на нашата земја кој бил на трибините во моментот на тепачката. Да потсетиме дека и лани имаше лоша тепачка и дека постојано истите лица ги прават истите скандали. Не е само јасно како може да нема обезбедување на ваквите натпревари кои собираат 2000 до 3000 гледачи. Сепак ова е Македонија па тука дури и кога играа деца треба некој да се грижи за јавниот ред и мир. Во исчекување на извештајот од полицијата… FacebookTwitterWhatsAppEmailPrint ПретходноСевиља објави разделба со Санчез Флорес, петти пат менува тренер за две годиниСледноФјури шокиран: Му ја подарија победа на Усик затоа што неговата земја е во војна Marjan Boshev...

Меѓународен фудбалШпанија Севиља објави разделба со Санчез Флорес, петти пат менува тренер за две години 19.05.2024 9:30 78 Севиља е во потрага по шестиот тренер за неполни две години откако објави дека Кике Санчез Флорес ќе го напушти клубот по завршување на сезоната. Санчез Флорес дојде во андалузискиот клуб во декември на местото на Диего Алонсо, а покрај лошиот старт на сезоната, успеа да го извади од зоната за испаѓање. Двете страни се договорија да не го обноват договорот кој истекува во јуни, па така последните мечеви на Санчез Флорес со Севиља ќе бидат против Атлетик Билбао и Барселона. Неофицијално, се зборува дека актуелниот тренер на Лас Палмас, Гарсија Пимиента ќе седне на „жешката“ клупа на клубот од „Рамон Санчез Писхуан“. FacebookTwitterWhatsAppEmailPrint ПретходноНекогаш стандарден член на Бундес лигата, од идната сезона во аматерски рангСледноПолицијата дојде касно, родители се тепаа на детската лига во Скопје Marjan Boshev...

Меѓународен фудбалГерманија Некогаш стандарден член на Бундес лигата, од идната сезона во аматерски ранг 19.05.2024 9:00 579 Возбудлива сезона во Германија во сите рангови на натпреварување, а еден од најпознатите клубови зад себе има сезона за заборав. МСВ Дуизбург и математички испадна од третата лига, па во наредната сезона ќе игра во Регионалните лиги, односо четвртата лига која е аматерска. Дуизбург со години беше стабилен член на Цвајте, но и долги години играше во Бундес лигата. Севкупно дури 28 сезони помина во најсилната германска лига. На нејзиното основање во сезоната 1963/64 заврши на второто место, а потоа 19 сезони по ред играше во елитата, па испадна во Цвајте. Уште неколку пати се враќаше во најсилната Бундес лига но не се задржуваше премногу. Последните години клубот се бореше со финансиски проблеми, а тоа се одрази и на играчкиот кадар и со тоа и на резултатите. Последен пат популарните „зебри“ играа во сезоната 2007/08, оваа сезона се сели во Регионална лига. Дуизбург има четири финалиња во Купот на Германија и три пати бил победник во некогашниот Интертото куп на УЕФА. FacebookTwitterWhatsAppEmailPrint ПретходноКаменуван автобусот на “Чкембарите“ на излезот од СкопјеСледноСевиља објави разделба со Санчез Флорес, петти пат менува тренер за две години Marjan Boshev...

КошаркаДомашно првенствоТОП Каменуван автобусот на “Чкембарите“ на излезот од Скопје 19.05.2024 8:32 814 По завршување на натпреварот меѓу МЗТ и Пелистер се случил инцидент и тоа на излезот од Скопје кога бил каменуван автобусот на битолските навивачи. „Згрозени сме и го осудуваме инцидентот кој го доживеаја навивачите од Битола, од навивачката група “Чкембари“ кога по завршувањето на првиот натпревар од финалната серија од плеј-офот на кошаркарската лига во Скопје, на излезот од Скопје кон Битола, во возење е каменуван и демолиран автобусот со кој патуваше навивачката група “Чкембари“ од Скопје. Повредени се и неколку лица. Се прашауваме зошто веќе по кој знае кој пат се случуваат вакви и слични инциденти, кога гостуваат битолските навивачи на натпревари во кошарка, ракомет и фудбал. За разлика од тоа, кога навивачки групи гостуваат во Битола, посебно на кошаркарски натпревари, без разлика дали се во Куп или на првенствените натревари, истите максимално се испочитувани и не се случуваат никакви инциденти, а камоли и некој физички напади или оштетувања на возила. КК „Пелистер“ и спортската јавност во Битола се прашуваат зошто се случуваат инцидентите и со која цел, во време кога Битола е центар на спортот во државата. Оваа сезона во Битола се одиграа натревари од ракометната лига на Шампиони во реновирана сала, се одржа кошаркатскиот куп, се одиграа четири натревари од плеј-офот на кошаркатската сезона, фудбалерите се веќе прволигаши, ќе играат на комплетно реновиран стадион, одбојкарките се постојано дел од најдобрите екипи, боксерите од сите меѓународни турнири се враќаат со медали, најавена е изградба на нов спортски комплекс, се поставија рефлекторите на стадионот… Тука мора се споменат успесите и на младинските категории од клубовите од Битола. Дали некому пречи оваа спортската доминација на Битола и некој се плаши Битола да е центар на спортот, со прваци во ракомет и кошарка. Дали некој се плаши и од верноста на навивачите, не само на “Чкембарите“ кон брендот Пелистер туку и од многубројната битолска публика? Ова се дел од прашањата на кои очекуваме одговор. КК „Пелистер“ и овојпат им се заблагодарува на навивачката група „Чкембари“ што секојпат се на висина на својата задача, кога достинствено го бодрат својот тим и кога ги пречекуваат гостинските навивачки групи. „Чкембарите“ се носители на голем дел од успехот на КК „Пелистер„ како најважен „Шести играч“. Инцидентот е пријавен во Министерстевото за внатрешни работи од каде треба да се објават и напаѓачите.“. FacebookTwitterWhatsAppEmailPrint ПретходноДалас со пресврт во финишот до финале на Западот, Дончиќ заврши со трипл-даблСледноНекогаш стандарден член на Бундес лигата, од идната сезона во аматерски ранг Marjan Boshev...

КошаркаНБАТОП Далас со пресврт во финишот до финале на Западот, Дончиќ заврши со трипл-дабл 19.05.2024 8:15 513 Кошаркарите на Далас Маверикс го победија на свој терен Оклахома Сити Тандерс со 117:116 во шестиот меч од полуфиналната серија и со вкупен резултат 4:2 се пласираа во финалето на Западот. Се беше решено во последните секунди, Оклахома имаше +1 на само 2,1 секунда до крајот. Сепак, Гилџес-Александер го фаулираше Пи Џеј Вошингтон кој погоди две слободни фрлања и стави точка на оваа серија. Инаку, Оклахома водеше со +16 на полувреме, сепак, играчите на Денвер собраа сили за пресврт. Интересно, Далас само три минути и шест секунди имаше водство во текот на шестиот меч, а Оклахома имаше водство дури 42 минути и 16 секунди. И овојпат најзаслужни за победата беа словенечкиот кошаркар Лука Дончиќ, како и неверојатниот Кајри Ирвинг. Дончиќ постигна 29 поени, имаше и 10 скокови и 10 асистенции, а Ирвинг постигна 22 поени. На другата страна Канаѓанецот Шај Гилџес-Александер со 36 поени. Па така Далас за титулата на Западот ќе се бори со подобриот од мечот меѓу Денвер и Минесота. Во таа серија ќе се одигра седмиот меч. FacebookTwitterWhatsAppEmailPrint ПретходноУсик по 12 чисти рунди го победи Фјури и стана апсолутен шампион на светотСледноКаменуван автобусот на “Чкембарите“ на излезот од Скопје Marjan Boshev...

Други спортовиОстанатоТОП Усик по 12 чисти рунди го победи Фјури и стана апсолутен шампион на светот 19.05.2024 7:54 996 Украинскиот боксер, Олександр Усик стана апсолутен шампион на светот во тешка категорија откако го победи Тајсон Фјури во спектакл во Ријад кој траеше 12 рунди. На крајот по судиска одлука победата му припадна на Украинецот. Така Усик успеа да ги одбрани сите четири титули во тешка категорија (WBA, WBC, IBF, WBO), а тоа претходно се имаше случено пред 25 години, односно од ноември 1999 година кога Ленокс Луис го победи Евандер Холифилд. Инаку, Фјури лошо ја отвори борбата, но кон шестата рунда се подобри кога успеа добро да го раздрма Усик, но на негова жал, Украинецот успеа да се подигне и во продолжение да биде подобар. Во деветтата рунда за малку ќе стигнеше до победата, кога го испрати Фјури во нокаут, сепак, Фјури остана во борбата и ја заврши до крај. А потоа судиите одлучија победата да му ја доделат на Украинецот. Тие гласаа 2-1 за Украинецот (114-113 и 115-112), а Фјури (114-113). Украинецот остана на совршен скор од 22-0 како професионалец, додека Фјури е на скор од 34 победи, еден пораз и реми. FacebookTwitterWhatsAppEmailPrint ПретходноМурињо на клупата на турски великан – договор на две години и плата од 15 милиони евра!?СледноДалас со пресврт во финишот до финале на Западот, Дончиќ заврши со трипл-дабл Marjan Boshev...

Меѓународен фудбалОстанато Мурињо на клупата на турски великан – договор на две години и плата од 15 милиони евра!? 18.05.2024 22:54 977 Португалскиот тренер Жозе Мурињо пред неколку месеци ја заврши авантурата во Рома, а по отказот најави дека ќе се врати на тренерскиот занает. Беше поврзуван со многу клубови но тој остана невработен, а се чини дека на тоа ќе дојде крајот. Мурињо би можел да се пресели во турската Суперлига и тоа како тренер на Бешикташ. Разговорите меѓу истанбулскиот великан и Мурињо се започнати, а на првиот состанок била договорена економската страна. „Контактиравме со Жозе Мурињо. Спремен е да дојде во Бешикташ. Договоривме нов состанок наредната недела во Италија. Економската страна е договорена“, изјави потпретседателот Хусеин Јусел. А економската страна е поволна за Мурињо затоа што е договорена двегодишна соработка, а португалскиот стручњак ќе заработува 15 милиони евра по сезона. Jose Mourinho Come To Beşiktaş 🦅 pic.twitter.com/bQ516I2Eac — çArşı 1982 (@cArsi_1982) May 18, 2024 TRTSpor’un haberine göre Beşiktaş, Jose Mourinho ile ilgileniyor! “1 ay önce Mourinho ile temasa geçtik. Teklifimize sıcak baktı. Önümüzdeki hafta durum netleşir. İtalya’ya gidip yüz yüze görüşeceğiz. Ekonomik detaylar halledildi.” pic.twitter.com/I9o7cVTYor — Jose Mourinho Türkiye 🇹🇷 (@mourinhoturkiye) May 18, 2024 FacebookTwitterWhatsAppEmailPrint ПретходноТорино им одржа лекција на „росонерите“СледноУсик по 12 чисти рунди го победи Фјури и стана апсолутен шампион на светот Marjan Boshev...

Меѓународен фудбалИталија Торино им одржа лекција на „росонерите“ 18.05.2024 22:47 139 Екипата на Торино го совлада Милан со 3:1 во меч од 37 коло на Серија А. „Биковите“ лесно и рутински го добија овој дуел, а до 55 минута имаа предност и од 3:0, а „росонерите“ од пенал го постигнаа единствениот гол. Мрежата на гостите ја „начна“ Дуван Запата во 26 минута, а во 40 минута Иван Илиќ зголеми на 2:0. Само што почна второто полувреме Родригез зголеми на три разлика. Во 55 минута Масина направи прекршок за пенал за Милан, а од белата точка погоди Бенасер. Инаку Стефано Пиоли одмораше дел од првотимците, а еден од најдобрите играчи Рафаел Леао влезе во второто полувреме и имаше две шанси но и во двете ситуации голманот одбрани. Торино е на деветтото место со 53 бода еден помалку од седмопласираната Фиорентина која има и меч помалку. Милан е втор на табелата со 74 бода, а го запиша седмиот пораз. FacebookTwitterWhatsAppEmailPrint ПретходноСо гол од пенал во 101. минута се спасија од испаѓањеСледноМурињо на клупата на турски великан – договор на две години и плата од 15 милиони евра!? Marjan Boshev...

Меѓународен фудбалОстанато Со гол од пенал во 101. минута се спасија од испаѓање 18.05.2024 22:27 2562 Лудо во најсилната португалска лига. Мечот меѓу Боависта и Визела траеше до 101 минута и заврши со 2:2. Со ова реми Боависта го осигура опстанокот во елитата. Мечот имаше луда завршница. „Црно-белите“ имаа негатива од 1:2 во финишот на мечот, а во судиското продолжение беше покажан пенал за нив. Во 90+11 минута, Мигуел Ресињо погоди за лудница на трибините. Боависта има 32 бода исто колку и Портимоненсе на 16 позиција но поради подобрата гол-разлика шампионот на Португалија од 2001 година го осигура опстанокот. Портимоненсе има уште една шанса да се спаси затоа што ќе игра плеј-оф за опстанок. Лигата ја напуштаат Визела и Чавес. Um final impróprio para cardíacos! 🤯 Reisinho salva o Boavista no último minuto 🔥#sporttvportugal #LIGAnaSPORTTV #ligaportugalbetclic #boavistafc #fcvizela pic.twitter.com/jMExpfa72k — sport tv (@sporttvportugal) May 18, 2024 FacebookTwitterWhatsAppEmailPrint ПретходноАлкалоид „жнее“ титули, и кадетите се шампиони (ФОТО)СледноТорино им одржа лекција на „росонерите“ Marjan Boshev...

Uncategorized Алкалоид „жнее“ титули, и кадетите се шампиони (ФОТО) 18.05.2024 22:22 181 РК Алкалоид продолжи со освојувањето на шампионските титули во младите категории. Тимот од Автокоманда во финалето на Ф4-турнирот го совлада РК Еурофарм Пелистер 2 со убедливи 31-22 и дојде до пехарот во кадетска конкуренција, Најдобар стрелец во триумфот беше Марин Крстевски со девет гола. На турнирот РК Алкалоид го имаше и МВП играчот, тоа е голманот Ѓорѓи Николовски и најдобриот лев бек Христијан Ѓурмешевиќ. 1 од 6 FacebookTwitterWhatsAppEmailPrint ПретходноШвјонтек ја освои титулата во РимСледноСо гол од пенал во 101. минута се спасија од испаѓање Марија Ковачева...

Други спортовиТенис Швјонтек ја освои титулата во Рим 18.05.2024 22:15 64 Ига Швјонтек ја совлада Арина Сабаленка со 2-0 во сетови (6-2 и 6-3) во финалето на Мастерсот во Рим и го освои вториот трофеј по ред. Двете најдобри тенисерки на светот уште еднаш одиграа финале, пред две недели се соочија во Мадрид, а и тогаш победничка беше Швјонтек. Сега, Швјонтек се реваншира и ја совлада противничката во помалку од еден ипол час. Сабаленка го почна турнирот со проблеми во грбот, беше пред откажување, но реши да продолжи да игра и успеа да стигне до финалето. Швјонтек стигна до 21. Титула во кариерата, а од нив 10 се од ВТА 1000 категоријата, најдобрата во женскиот тенис после Гренд слемовите. Швјонтек е третата тенисерка која ги освоила трофеите во Мадрид и во Рим во иста сезона после Динара Сафина (2009) и Серена Вилијамс (2013). FacebookTwitterWhatsAppEmailPrint ПретходноСпарта е шампион на ЧешкаСледноАлкалоид „жнее“ титули, и кадетите се шампиони (ФОТО) Marjan Boshev...

Меѓународен фудбалОстанато Спарта е шампион на Чешка 18.05.2024 22:03 84 Екипата на Спарта Прага ја освои шампионската титула во Чешка со денешната победа над Млада Болеслав од 5:0. Со тоа Спарта ја осигура титулата затоа што собра 86 бода, четири повеќе од второпласираната Спарта на едно коло пред крајот. Со тоа Спарта втора сезона по ред ја освојува титулата, а вкупно има 38. Со тоа идната сезона Спарта, заедно со Славија ќе стартуваат од второто квалификациско коло на Лигата на шампионите. Спарта може да заокружи двојна круна затоа што игра во финалето на Купот, а противник му е Викторија Плзен (22 мај). FacebookTwitterWhatsAppEmailPrint ПретходноНадополнија десет бодови негатива и стигнаа на чекор до првата титула по 48 годиниСледноШвјонтек ја освои титулата во Рим Marjan Boshev...

Меѓународен фудбалОстанато Надополнија десет бодови негатива и стигнаа на чекор до првата титула по 48 години 18.05.2024 21:45 1407 Фудбалерите на Динамо Москва во претпоследното коло на руската Премиер лига ја победија екипата на Крилја Совјетов Самара со 4:1 и му избегаа на Kранодар три, а на Зенит на пет бодови на едно коло пред крајот. Краснодар денеска славеше во Сочи со 3:2 со победнички гол во 91 минута и се врати на второто место со три бода негатива во однос на Динамо, а Зенит во недела му гостува на Ахмат и има пет бодови помалку од лидерот. Динамо е во пол позиција за титулата, а за да се случи тоа потребно им е да не изгубат во последното коло на гостувањето кај директниот конкурент Крансодар. Ако успее ќе стане шампион на Русија и тоа за првпат по 1976 година кога беше шампион на некогашниот СССР. Интересно, пред само месец дена Динамо не беше во никакви комбинации за титулата. Причината е што тогаш првопласираниот Зенит имаше предност од 10 бодови, а негов најголем ривал му беше Краснодар. Се чинеше дека клубот од Ст.Петербург ќе стигне до нова круна, но овој тим во последните пет кола освои само четири бодови, а Динамо влезе во серија од шест победи по ред и ја превзема лидерската позиција. На табелата Динамо е прв со 56 бода, втор е Краснодар со 53, а Зенит со 51… Ако Динамо и Зенит завршат со исто бодови на крајот титулата ќе оди во Москва поради подобриот меѓусебен скор. Но ако Краснодар и Динамо завршат со исто бодови на чело, тогаш титулата оди во Краснодар поради подобар меѓусебен скор. FacebookTwitterWhatsAppEmailPrint ПретходноПо голема драма: МЗТ Скопје го победи Пелистер и поведе со 1-0 (ФОТО)СледноСпарта е шампион на Чешка Marjan Boshev...

КошаркаДомашно првенствоТОП По голема драма: МЗТ Скопје го победи Пелистер и поведе со 1-0 (ФОТО) 18.05.2024 21:16 244 Финална серија на плеј-офот стартуваше со победа на МЗТ Скопје кој славеше против Пелистер со 82-77 и поведе со 1-0. Според играта на првиот меч дефинитивно ќе гледаме интересна битка за титулата. Актуелниот првак на стартот на последната четвртина остана без својот најдобар кошаркар, Војдан Стојановски, кој се повреди, засега не е познато дали е нешто сериозно. Лидер кај победникот беше Дамјан Стојановски со 16 поени, 13 поени имаше Танасковиќ, додека на другата страна Костоски имаше 16 поени кај гостите. Доминација на актуелниот првак во првото полувреме. Битолчани само еднаш поведоа во овој дел од натпреварот, на стартот со 5-6. Од овој момент домашниот тим направи серија од 8-0 поведе со 13-6. Нешто подоцна со пет поени во низа го запиша првото двоцифрено водство (21-11). Битолчани пред истекот на десетата минута се доближија на 25-23, но Бојан Крстевски постигна тројка за 28-23. МЗТ Скопје во втората четвртина дури трипати водеше со двоцифрена разлика (33-23, 35-25 и 50-40). Токму со последните плус десет, „сино-белите“ заминаа на одморот. Пелистер успеа да дојде до второто водство на мечот, 54-56 на во 26 минута. Битолчани направија серија од 10-0 или до овој момент постигнаа 14 поени, а само примија четири. Крстевски го прекина налетот и израмни на 56-56, а веќе во следниот напад Војдан со тројка зголеми на 59-56. Мечот ја доби потребната доза на неизвесност, како што доликува на една финална борба. Во последниот период, МЗТ Скопје влезе со минимална предност од 65-63, битолчани третата четвртина ја добија со (15-23). 1 од 8 По тројката на Стојановски за 65-66, се повреди Војдан Стојановски, Дамјан кој влезе на негово место постигна тројка во вистинско време, Делалиќ реализираше две слободни фрлања за 70-66. Лука Стојановски доближи на 79-69, по што двата тима влегоа во серија на грешки, притисокот си го правеше своето. Баковиќ го прекина овој негативен тренд, а Маслинко ја врати неизвесноста, во 36. минута на семафорот стоеја 72-71. Мијовиќ нешто подоцна донесе израмнување (74-74), момент по кој Пелистер влезе во серија на грешки и промашувања. Баковиќ одговори со тројка за 77-74, Танасковиќ погоди два плус еден за 80-74 на 2:20 до крајот, Дамјан не беше прецизен да ја зголеми предноста. Погреши и МЗТ Скопје, Магдевски реалзираше едно слободно фрлање, Планиќ од истата позиција намали на 80-77. Во многу важен напад за домаќинот Танасковиќ погоди само еден „пенал“ за 81-77. Магдевски направи чекори на 40 секунди до крајот, МЗТ наместо напад за победа, загуби топка. Дамјан го прочита Пелистер, украде топка, а Мијовиќ направи неспортиски фаул врз Стојановски, па следеа технички грешки на двете страни. Нашиот репрезентативец даде едно слободно за 82-77, Мијовиќ промаши, Магдевски направи фаул во напад за потврда на победата на МЗТ Скопје. FacebookTwitterWhatsAppEmailPrint ПретходноОФИЦИЈАЛНО: Де Зерби си оди од БрајтонСледноНадополнија десет бодови негатива и стигнаа на чекор до првата титула по 48 години Марија Ковачева...

ФудбалИнтернационалци Серафимов погоди во 90 минута и со соиграчите славеше „бронза“, а потоа ВАР му го поништи голот (видео) 18.05.2024 20:30 378 Во унгарскиот шампионат Фехервар не успеа да го победи Диосѓер (0:0) и со тоа на крајот го освои четвртото место на табелата, а третото му припадна на Академија Пушкаш кој славеше на својот меч. Фехервар може да жали на крајот што остана без место на подиумот поради ВАР. Во судиското продолжение македонскиот репрезентативец Никола Серафимов постигна гол и додека славеше со своите соиграчи трето место во шампионатот стигна студен туш. Судијата по реакција на ВАР означи дека голот не важи затоа што претходно имало офсајд од еден играч на домашниот тим. FacebookTwitterWhatsAppEmailPrint ПретходноАталанта го oсигура местото во Лигата на шампионитеСледноОФИЦИЈАЛНО: Де Зерби си оди од Брајтон Marjan Boshev...

Меѓународен фудбалАнглија ОФИЦИЈАЛНО: Де Зерби си оди од Брајтон 18.05.2024 20:54 398 Брајтон на својата веб-страница објави дека Роберто Де Зерби ќе се повлече од менаџерската функција на крајот на сезоната. Неговиот последен меч на клупата на Брајтон ќе биде против Манчестер Јунајтед во Премиер лигата во недела. „Тажен сум што ќе си одам од Брајтон, но истовремено горд од тоа што моите фудбалери и стручен штаб постигнаа во изминатите две историски сезони. Се договоривме со управата овде да прекинеме, па секој по својот пат“, изјави Де Зерби. Изминатата недела се зборува дека Де Зерби може да биде тренер на Баерн Минхен, а неговото име се поврзува и со некои италијански клубови. Неофицијално, Брајтон ќе цели на тренерот на Ипсвич, Киран Мекена. Мекена и Ипсвич сезонава изборија пласман во Премиер лигата. FacebookTwitterWhatsAppEmailPrint ПретходноСерафимов погоди во 90 минута и со соиграчите славеше „бронза“, а потоа ВАР му го поништи голот (видео)СледноПо голема драма: МЗТ Скопје го победи Пелистер и поведе со 1-0 (ФОТО) Marjan Boshev...

Меѓународен фудбалИталија Аталанта го oсигура местото во Лигата на шампионите 18.05.2024 20:10 85 Екипата на Аталанта се враќа во Лигата на шампионите. „Сино-црните“ од Бергамо го победија Лече во гости со 0:2 и го обезбедија билетот за елитното европско клупско натпреварување. Головите ги постигнаа Де Кетеларе и Скамака во второто полувреме. На две кола до крајот Аталанта е на петтото место на табелата со 66 бодови, шест повеќе од шестопласираната Рома. Дури и да завршат изедначени бодовно, Аталанта ќе остане петтопласирана бидејќи има подобар меѓусебен скор од „волчицата“. Аталанта има 20 победи, шест ремија и 10 порази сезонава, а до крајот ќе игра уште со Торино и Фиорентина и двата меча на домашен терен. Исто така на 22 мај, Аталанта ќе игра финале во Лига Европа против Баер Леверкузен. FacebookTwitterWhatsAppEmailPrint ПретходноРаботнички ја доби првата пресметка со ТФТСледноСерафимов погоди во 90 минута и со соиграчите славеше „бронза“, а потоа ВАР му го поништи голот (видео) Marjan Boshev...

КошаркаДомашно првенство Работнички ја доби првата пресметка со ТФТ 18.05.2024 19:52 26 По елиминацијата од финалето, Работнички и ТФТ ќе играат за утешното трето место во македонскиот шампионат кое носи место во АБА2-лига следната сезона. Победник на првата средба е најтрофејниот кошаркарки колектив кој славеше со 85-74. Избраниците на Горан Самарџиев мечот го добија благодарение на добрата игра во третата четвртина, благодарение на која ја анулираа негативата од полувремето (35-42). Третиот период го добија со 30-15, па во последните десет минути влегоа со позитива од 65-57. Работнички дојде и до двоцифрена позитива (75-61), која се покажа како доволна за сигурна победа. Рикиќ со дабл-дабл од 17 поени и 13 скока беше лидер кај домашниот тим, зад него беше Ѓуроски со 16 поени и 6 скока, додека Декоси и Ефремовски имаа по 15 поени. На другата страна Вертц имаше 20 поени. FacebookTwitterWhatsAppEmailPrint ПретходноСтруга ТЛ го доби пехарот: Шампиони, шампиони…едноставно најдобри! (ВИДЕО)СледноАталанта го oсигура местото во Лигата на шампионите Марија Ковачева...

ФудбалПрва лигаТОП Струга ТЛ го доби пехарот: Шампиони, шампиони…едноставно најдобри! (ВИДЕО) 18.05.2024 19:34 191 Сега е официјално. Струга ТЛ го доби шампионскиот пехар, сега Струга ТЛ е крунисана како најдобра екипа во Македонија за сезоната 2023/24. Откако пехарот беше предаден на играчите на најдобриот тим можеше да започне славјето на Градскиот стадион во Струга. Така беше лани во мај, така е и овој мај, дали ќе биде така и следнот мај, дали ќе има хет – трик останува да се види. Сепак сега време за славење, едноставно најдобри. FacebookTwitterWhatsAppEmailPrint ПретходноМоќна кореографија на „Фемили“ во чест на Мац (ФОТО)СледноРаботнички ја доби првата пресметка со ТФТ Zoran Gjorshoski...

КошаркаДомашно првенство Моќна кореографија на „Фемили“ во чест на Мац (ФОТО) 18.05.2024 19:28 161 МЗТ Скопје и Пелистер во овој момент го играат првиот финален натпревар во рамките на плеј-офот. Пред стартот на мечот од таборот на актуелниот македонски првак најавија дека ќе играат за својот непреболен Маријан Михајловски – Мац, чиј живот згасна прерано. „Фемили“ изготвија неверојатна кореографија со ликот на својот голем другар, кој засекогаш ќе остане во срцата на аеродромци. Двата тима го испочитуваа популарниот Мац, дуелот започна со минута молчење. FacebookTwitterWhatsAppEmailPrint ПретходноПМФЛ: Шкендија ќе игра во Европа, Шкупи со победа во Струга, реми на Маџари, голеда во Турново…СледноСтруга ТЛ го доби пехарот: Шампиони, шампиони…едноставно најдобри! (ВИДЕО) Марија Ковачева...

ФудбалПрва лигаТОП ПМФЛ: Шкендија ќе игра во Европа, Шкупи со победа во Струга, реми на Маџари, голеда во Турново… 18.05.2024 19:01 417 Попладнево со шесте меча од 33.коло заврши сезоната во ПМФЛ. И последната непознаница е решена, Шкендија заврши како втора и тоа откако славеше над Работнички на гости со 0:2. Бадијала беше победата на Шкупи во Струга со 1:2 против шампионот. Ова беше пирова победа на чаирчани. Добар фудбал на кој за шампионот овој меч немаше резултатски императив. Вистинска голеада во Турново, каде Брера со 5:3 ја победи Македонија ЃП. На Маџари интересен фудбал меѓу Вардар и Тиквеш која на крајот заврши со резултат 2:2. Со истиот резултат 1:1, завршија средбите Воска – Гостивар и Брегалница – Силекс. Марушиќ стрелаше за Воска и со неговиот 17 гол е прв стрелец во штотуку завршениот шампионат. РЕЗУЛТАТИ ЗА 33.КОЛО БРЕРА – МАКЕДОНИЈА ЃП 5:3 (Ивковиќ, Ивковиќ.,Мато, Мато,. Олаесебикан /Величковски 13., Ларсон 23.) БРЕГАЛНИЦА – СИЛЕКС 1:1 (Стојчевски 2./ Манасиевски 84.) РАБОТНИЧКИ – ШКЕНДИЈА 0:2 (/Красничи 34.,Аганспахиќ 72.) СТРУГА ТЛ – ШКУПИ 1:2 (Шабани 30./Рамани 9., Аворно 51.) ВАРДАР – ТИКВЕШ 2:2 (Шушњара 14.,Николовски 66./Даноски 24., Пурезивскис 29.) ВОСКА – ГОСТИВАР 1:1 (Марушиќ 56./Абази 79.) FacebookTwitterWhatsAppEmailPrint ПретходноСинот на Михајловиќ ќе биде тренер во Болоња!СледноМоќна кореографија на „Фемили“ во чест на Мац (ФОТО) Zoran Gjorshoski...

Меѓународен фудбалИталија Синот на Михајловиќ ќе биде тренер во Болоња! 18.05.2024 18:30 381 Прекрасен гест на раководството на Болоња. Имено како што јавуваат медиумите во Италија, синот на починатиот Синиша Мхајловиќ, Мирослав ќе биде тренер во клубот и тоа во младинските категории. Познато е дека легендарниот Синиша смртта го затекна како шеф на струката во Болоња, тим кој оваа сезона беше хит во Серија А под водство на Тиаго Мота, поставен на темелите на работата на непрежалениот Синиша. “Од него научив што значи да се биде човек и маж, секако и кои човечки особини никогаш не треба да се изневерат. Сакам да стигнам до Серија А, тоа му го должам на мојот татко, тоа си го должам и себеси“ истакна Мирослав за својот починат татко. FacebookTwitterWhatsAppEmailPrint ПретходноВерстапен го изедначи рекордот на Сена со осмата по ред пол позиција во Ф1СледноПМФЛ: Шкендија ќе игра во Европа, Шкупи со победа во Струга, реми на Маџари, голеда во Турново… Zoran Gjorshoski...

Други спортовиФормула 1 Верстапен го изедначи рекордот на Сена со осмата по ред пол позиција во Ф1 18.05.2024 18:15 61 Макс Верстапен осми пат по ред е на пол позицијата во Формула 1 по триумфот во квалификациите на патеката „Имола“ во Емилија Ромања, Италија која го означи враќањето на најбрзиот шампионат во Европа по светската турнеја изминатите месеци. Со осмата пол позиција го изедначи рекордот по едноподруго полпозиции со легендарниот Ајртон Сена, кој меѓу Шпанија 1988 и САД 1989 година исто така имаше осум триумфи во квалификациите. Верстапен и покрај проблемите со возилото успеа да постави најдобро време 1:14.748 минути. Од второто место ќе стартува Оскар Пиастри, но овој возач можеби ќе го загуби местото поради тоа што е под истрага за опасно возење во дуел со Кевин Магнусен во првата квалификациска трка. Дури и да биде казнет, второто место ќе остане за Мекларен затоа што Ландо Норис заврши трет. Четврти заврши Шарл Леклер, петти Карлос Сајнц, следуваат Џорџ Расел, Јуки Тсунода и Луис Хамилтон… Главната трка е во недела од 15 часот. FacebookTwitterWhatsAppEmailPrint ПретходноПолувреме: 1:1 е во Струга, Шкендија води, Тиквеш со пресврт до водствоСледноСинот на Михајловиќ ќе биде тренер во Болоња! Marjan Boshev...

ФудбалПрва лигаТОП Полувреме: 1:1 е во Струга, Шкендија води, Тиквеш со пресврт до водство 18.05.2024 17:59 117 Завршија првите полувремиња од шесте средби во последното 33.коло во ПМФЛ. Во Струга во славеничка атмосфера, старо – новиот шампион и Шкупи играат 1:1, Рамани донесе водство за гостите а израмни Шабани. Шкендија со 0:1 има водство на гости кај Работнички. Интересно е на Маџари каде Вардар со голот на Николовски поведе, но потоа со головите на Даноски и Пурезивскис, Тиквеш направи пресврт за 1:2. Со истиот резултат води и Македонија ЃП кај Брера, додека Брегалница со 1:0 води против Силекс. Нема голови само на мечот меѓу Воска и Гостивар. FacebookTwitterWhatsAppEmailPrint ПретходноЕлмас ја погоди стативата, Леверкузен со стил ја заврши сезоната, Ројс со мајсторија се прости од Дортмунд!СледноВерстапен го изедначи рекордот на Сена со осмата по ред пол позиција во Ф1 Zoran Gjorshoski...

Меѓународен фудбалГерманијаТОП Елмас ја погоди стативата, Леверкузен со стил ја заврши сезоната, Ројс со мајсторија се прости од Дортмунд! 18.05.2024 17:39 211 Попладнево се одиграа сите девет средби од 34. или последно коло во Бундеслигата. Елиф Елмас беше стартер во составот на Лајпциг и играше се до 74.минута кога беше заменет. Во 63.минута од непосредна близина ја погоди стативата на Ајнтрахт Франкфурт, овој меч заврши со резултат 2:2. Дортмунд со 4:0 се прости од Марко Ројс кој постигна мајсторски гол. Емотивен меч на „Сигнал Идуна Парк“. Леверкузен со стил ја заврши сезоната како првак и тоа со победа дома со 2:1 против Аугсбург. Баерн на гостувањето кај Аугсбург во 6.минута водеше со 0:2, но на крај загуби со 4:2, неверојатно. Од елитата испаднаа Келн и Дармштад, а Бохум на Агон Елези ќе игра бараж за опстанок. FacebookTwitterWhatsAppEmailPrint ПретходноМега – спектакл во Ријад: Фјури VS Усик, бокс меч кој се чекаше 25 години! (ВИДЕО)СледноПолувреме: 1:1 е во Струга, Шкендија води, Тиквеш со пресврт до водство Zoran Gjorshoski...

Други спортовиОстанатоТОП Мега – спектакл во Ријад: Фјури VS Усик, бокс меч кој се чекаше 25 години! (ВИДЕО) 18.05.2024 17:10 333 Ноќеска околу 01 часот во Ријад (С. Арабија) ќе започе бокс мечот кој се чекаше 24 години. Силите на рингот ќе ги одмерат Тајсон Фјури (В. Британија) и Олександер Усик (Украина). Некои го нарекуваат и меч на столетието и тоа поради фактот дека победникот од овој бокс меч ќе ги обедини сите титули и ќе биде апсолутен светски првак во тешка категорија. Во изминатите 25 години светот на боксот тоа го немаше. Фјури ги има титулите во ВБЦ, додека Усик во ВБА, ИБФ и ВБО. Овој меч требаше да се одржи пред два месеци, но сепак беше одложен за ноќеска. Нема сомневање дека организиторот ќе стори се што треба за да оваа борба биде мега – спектакл и борба која ќе се памети долго, долго. Инаку светот за последен пат имал апсолутен светски првак во 1999 година кога Ленокс Луис по победата над Ивандер Холифилд ги обедини сите титули во тешка категорија. “Кралот на Циганите“ досега во својата кариера има скор од 34-0-1 од кои 24 со нокаут. Додека Украинецот има скор од 21-0-0 од кои 14 со нокаут. 25 years in the making, the two best heavyweights in the world battle it out for 𝐔𝐍𝐃𝐈𝐒𝐏𝐔𝐓𝐄𝐃 👑🔥#FuryUsyk | Tomorrow | @boxingontnt | #RiyadhSeason pic.twitter.com/ZUF6nCgwZl — Queensberry Promotions (@Queensberry) May 17, 2024 FacebookTwitterWhatsAppEmailPrint ПретходноШвајцарците обвинуваат: “Новак ќе направи хаос, ќе провоцира 340.000 Албанци“!СледноЕлмас ја погоди стативата, Леверкузен со стил ја заврши сезоната, Ројс со мајсторија се прости од Дортмунд! Zoran Gjorshoski...

Други спортовиТенисТОП Швајцарците обвинуваат: “Новак ќе направи хаос, ќе провоцира 340.000 Албанци“! 18.05.2024 16:45 392 Познато е дека Новак Ѓоковиќ посочи дека има намера да настапи на турнирот во Женева. По ова медиумите во Швајцарија, по малку и скандалозно најавија дека тој со неговото присуство ќе направи хаос и со тоа ќе испровоцираl 340.000 Албанци кои живеат во таа земја. Имено како што нагласува еден медиум, и тоа посебно „Ле Кантон 27“, “Новак со својата позната парола – Косово е Србија, сигурно е дека ќе ги процира Албанците во таа земја“. Сепак треба да се каже дека тој медиум во Швајцарија излегува на албански јазик. FacebookTwitterWhatsAppEmailPrint ПретходноПикси го објави поширокиот список за ЕУРО 2024! (ФОТО)СледноМега – спектакл во Ријад: Фјури VS Усик, бокс меч кој се чекаше 25 години! (ВИДЕО) Zoran Gjorshoski...

Меѓународен фудбалОстанато Пикси го објави поширокиот список за ЕУРО 2024! (ФОТО) 18.05.2024 16:30 86 За разлика од остнатите селектори кои ги објавуваат конечните списоци за претстојното ЕУРО 2024, Драган Стојковиќ Пикси денеска го објави поширокиот список со играчи на кои ќе смета за селекцијата на Србија. На него се 35 фудбалери, а интересно е тоа што на списокот го нема Миле Свилар, голманот на Рома. Ова е поширокиот список на Пикси…. FacebookTwitterWhatsAppEmailPrint ПретходноКлоп со емотивно видео го најави утрешното простување од Ливерпул! (ВИДЕО)СледноШвајцарците обвинуваат: “Новак ќе направи хаос, ќе провоцира 340.000 Албанци“! Zoran Gjorshoski...

Меѓународен фудбалАнглија Клоп со емотивно видео го најави утрешното простување од Ливерпул! (ВИДЕО) 18.05.2024 15:55 70 Утре, 19 мај 2024 година засекогаш ќе биде запаметен од страна на фановите на Ливеропул, како и сите останати фудбалски фанови во светот, како ден на кој за последен пат Јирген Клоп ќе го води тимот од „Енфилд“. По тој настан Германецот денеска на социјалните мрежи го најави утрешното простување со едно емотивно видео. Jürgen wants to stay in contact… so he now has his own Instagram account 🙌 Follow him: https://t.co/TDYCL7NzkP 📲 pic.twitter.com/7ItW5NxPCX — Liverpool FC (@LFC) May 18, 2024 FacebookTwitterWhatsAppEmailPrint ПретходноЕлмас е стартер кај “биковите“ на гостувањето кај Ајнтрахт Франкфурт! (ФОТО)СледноПикси го објави поширокиот список за ЕУРО 2024! (ФОТО) Zoran Gjorshoski...

ФудбалИнтернационалциТОП Елмас е стартер кај “биковите“ на гостувањето кај Ајнтрахт Франкфурт! (ФОТО) 18.05.2024 15:23 79 Нашиот Дијамант, Елиф Елмас е стартер во тимот на Лајпциг на гостувањето кај Ајнтрахт Франкфурт. Ова е меч од последното 34.коло во Бундеслигата и она што беше најавувано од страна на тренерот Марко Росе и се остварува, дека македонскиот репрезентативец треба да биде трпелив и дека ќе добие адекватна шанса. Ова се случува по вторпат Елмас да се најде меѓу стартерите кај Лајпциг на еден првенствен меч во Бундеслигата оваа пролет откако е тој меѓу „биковите“. Инаку мечот започнува во 15.30 часот, секако дека очекуваме добра партија на Дијамантот. FacebookTwitterWhatsAppEmailPrint ПретходноМиљана Ристиќ Стојчевска го урна државниот рекорд на 3.000 метри стиплчез! (ФОТО)СледноКлоп со емотивно видео го најави утрешното простување од Ливерпул! (ВИДЕО) Zoran Gjorshoski...

Други спортовиОстанатоТОП Миљана Ристиќ Стојчевска го урна државниот рекорд на 3.000 метри стиплчез! (ФОТО) 18.05.2024 15:00 238 Фантастична трка и нов национален рекорд на Миљана Ристиќ Стојчевска денеска на државното поединечно првенство во атлетика кое се одржа на Арената во Скопје. Таа не само што успеа да победи туку и истрча на 3.000 метри стиплчез со време од 11:58.61 минути, доволно за нов македонски рекорд што секако дека е огромен, фантастичен успех за Миљана Ристиќ Стојчевска, која е член на АК Делта. Овој нејзин успех е за поздравување, посебно ако се знае дека минаа само 9 месеци од кога се породи. Инаку таа е сопруга на Игор Стојчевски, еден од нашите најдобри фудбалски судии. Очекуваме од Миљана уште вакви рекорди и победи. FacebookTwitterWhatsAppEmailPrint ПретходноАртета: Размислувам за враќање во Шпанија!СледноЕлмас е стартер кај “биковите“ на гостувањето кај Ајнтрахт Франкфурт! (ФОТО) Zoran Gjorshoski...

Меѓународен фудбал Артета: Размислувам за враќање во Шпанија! 18.05.2024 14:45 75 Микел Артета и оваа сезона има шанса да ја освои титулата во Премиер-лигата, трката ќе трае до последното коло. Шпанскиот стручњак докажа дека може да го подобри тимот и му донесе многу добри работи на Арсенал, а со овој клуб има договор до јуни 2025 година. Имајќи предвид дека договорот му истекува за една година, јасно е дека има шанси да го напушти клубот, бидејќи во медиумите не се споменува често дека има навестување дека соработката ќе биде продолжена. Сепак, за ова би можело да се разговара во наредните месеци, а дотогаш информациите се дека Артета размислува за враќање во својата Шпанија. Ова го изјави во шпанската амбасада во Велика Британија. „Секогаш размислувам за враќање назад. Ме интересира мојата татковина, нашиот начин на живот, нашата култура, тоа е нешто што секогаш ми е во главата. Сепак, среќен сум овде во Арсенал, уживам во работата. Сепак, еден ден претпоставувам дека ќе дојдам, сигурно нема да бидам надвор од мојата куќа до крајот на животот“, рече Артета. Тој најмногу се поврзуваше со Барселона, а имајќи предвид дека договорот на Чави исто така истекува на крајот од сезоната 2024-25, можно е да започне со шпекулации веќе во септември. FacebookTwitterWhatsAppEmailPrint ПретходноСтруга ТЛ го промовираше новиот дрес со кој денеска ќе го прими шампионскиот пехар! (ВИДЕО)СледноМиљана Ристиќ Стојчевска го урна државниот рекорд на 3.000 метри стиплчез! (ФОТО) Марија Ковачева...

ФудбалПрва лигаТОП Струга ТЛ го промовираше новиот дрес со кој денеска ќе го прими шампионскиот пехар! (ВИДЕО) 18.05.2024 14:20 317 Во Струга ТЛ се е подготвено за славје по повод новата титула во ПМФЛ. Градот Струга е на нозе, попладнево од 17 часот старо – новиот шампион ќе го дочека Шкупи а по завршување на оваа средба клубот ќе биде крунисан во првак на Македонија за сезоната 2023/24. По тој повод раководството на клубот се одлучи за денешниот настан играчите да носат нови дресови, кои денеска беа промовирани на социјалните мрежи. Нема што, убаво изгледа новиот дрес. FacebookTwitterWhatsAppEmailPrint ПретходноЧелзи ќе урива рекорд со 17-годишен фудбалерСледноАртета: Размислувам за враќање во Шпанија! Zoran Gjorshoski...

Меѓународен фудбалАнглија Челзи ќе урива рекорд со 17-годишен фудбалер 18.05.2024 14:00 70 Челзи во последните години троши огромни суми на трансфери, а последниот потег покажува дека нема намера да застане тука. Фабрицио Романо пишува дека лондонскиот клуб испратил понуда вредна 65 милиони евра за Естевао Вилијан, 17-годишниот крилен напаѓач на бразилски Палмеирас. Палмеирас претходно ја одби понудата на Челзи од 57 милиони евра (32 фиксни + 25 бонуси), а доколку ја прифатат младиот Бразилец би станал најголемиот заминувачки трансфер на јужноамерикански клуб. Актуелен рекордер е Ендрик, соиграчот на Естева од Палмеирас, чиј трансфер во Реал ќе се случи летово, а неговата вредност со бонуси е 60 милиони евра. Естевао постигна усмен договор со Челзи пред две недели, а сега се чека одговорот на Палмеирас на последната понуда, според Романо. Младиот крилен напаѓач со години има статус на еден од најголемите таленти во светскиот фудбал, што го препозна и Најк, со кој Естевао потпиша договор на 10 години, со што стана најмладиот Бразилец со договор во историјата на таа компанија. Естевао се уште нема преголемо искуство во сениорскиот фудбал. За првиот тим на Палмеирас забележа 17 настапи и постигна три гола. На почетокот на кариерата го споредуваа со Лионел Меси поради што го доби прекарот Месино, но тој нагласи дека повеќе сака да го викаат Естевао. FacebookTwitterWhatsAppEmailPrint ПретходноФил Фоден е најдобриот во ПЛ за сезоната 2023/24! (ФОТО + ВИДЕО)СледноСтруга ТЛ го промовираше новиот дрес со кој денеска ќе го прими шампионскиот пехар! (ВИДЕО) Марија Ковачева...

Меѓународен фудбалАнглија Фил Фоден е најдобриот во ПЛ за сезоната 2023/24! (ФОТО + ВИДЕО) 18.05.2024 13:35 30 И официјално, Фил Фоден е избран за најдобар фудбалер во Премиерлигата за тековната сезона која завршува утре со мечевите од последното коло. По петти пат по ред играч на Манчестер Сити е избран за нај, нај, а сега му дојде редот на офанзивецот на “граѓаните“ кој е еден од клучните играчи и во репрезентацијата на Англија. Фоден имаше фантатична сезона во најсилната лига во светот. Оидгра 34 меча, постигна17 голови и додаде 8 асистенции. Инаку Ерлинг Халанд, исто од Сити лани беше најдобар. Just how good has Phil Foden been in 2023/24? 🤌 pic.twitter.com/oG02RXwevc — Premier League (@premierleague) May 18, 2024 FacebookTwitterWhatsAppEmailPrint ПретходноКој ќе биде “бомбардер“ сезонава: Марушиќ, Ибраими или Радески? Иљази од Шкупи посакува 20-та “чиста“ мрежа!СледноЧелзи ќе урива рекорд со 17-годишен фудбалер Zoran Gjorshoski...

ФудбалПрва лигаТОП Кој ќе биде “бомбардер“ сезонава: Марушиќ, Ибраими или Радески? Иљази од Шкупи посакува 20-та “чиста“ мрежа! 18.05.2024 13:15 245 Попладне од 17 часот се играат сите шест меча од 33. или последно коло во оваа сезона во ПМФЛ. Има само една непознаница, кој ќе биде втор, Шкендија или Шкупи. Сепак има и друга непознаница која попладнево ќе се реши. А тоа е кој ќе биде голгетер или најдобар стрелец за изминатата сезона? Во конкуренција се Алекса Марушиќ од Воска Спорт кој има 16 голови, додека тандемот на шампионот, Бесарт Ибраими и Марјан Радески по 15 голови, четврти е Кехинде од Гостивар со 12 погодоци. Воска Спорт игра дома со Гостивар, додека Струга ТЛ го дочекува Шкупи. Значи Бесарт и Радески имаат добра шанса да го престигнат Црногорецот во дресот на Воска кој секако дека се ќе стори со уште некој гол да ја заврши сезоната како најдобар голгетер во ПМФЛ за сезоната 2023/24. Што се однесува до Ибраими и Радески, интересно е тоа што тие ќе “бркаат“ голови преку голманот на Шкупи, Артан Иљази кој си има свои сметки. Имено капитенот на чаирчани за оваа сезона има 19 “чисти“ мрежи и моментално го дели рекордот, и во случај да не прими гол од Струга ТЛ ќе биде со 20 меча на кои не примил гол во една сезона. И тоа ќе го направи рекордер во историјата на ПМФЛ. Ете мотив за Бесарт и Радески, ете мотив и за Иљази, кој секако дека посакува победа на Шкупи и пораз на Шкендија од Работнички за да чаирчани завршат на второто место и во последен момент изборат пласман во Европа. FacebookTwitterWhatsAppEmailPrint ПретходноБитолчани во нов обид да го урнат МЗТ и да ја донесат првата титула домаСледноФил Фоден е најдобриот во ПЛ за сезоната 2023/24! (ФОТО + ВИДЕО) Zoran Gjorshoski...

КошаркаДомашно првенствоТОП Битолчани во нов обид да го урнат МЗТ и да ја донесат првата титула дома 18.05.2024 12:45 65 Денеска стартува финалната битка за титулата во кошаркарскиот шампионат. Серијата стартува од СЦ „Јане Сандански“, а главните актери се истите како лани, МЗТ Скопје и Пелистер. Првиот меч е закажан со почеток во 19:15 часот. Во последните две години, актуелниот бранител на тронот има загубено само еднаш во сите седум меча што се одиграле во финалната серија. Лани „сино-белите“ до трофејот дојдоа со три победи, додека сезоната претходно загубија само еден натпревар. Кошаркарите на МЗТ Скопје одат по 11-та титула во својата историја, додека на другата страна Битола се уште ја чека првата титула во својата историја. Пелистер оваа сезона за малку не успеа да дојде до пехарот во Купот на Македонија, пред своите фанови, ја плати цената на неискуство, па победата ја однесе МЗТ Скопје. Со оглед дека битолчани имаа шанса да созреат низ натпреварите, очекувањата се дека ќе гледаме интересна пресметка за македонскиот кошаркарски престол. FacebookTwitterWhatsAppEmailPrint ПретходноСтојановиќ пред нов предизвик: Го носеше нивниот дрес, а сега ќе седне на клупатаСледноКој ќе биде “бомбардер“ сезонава: Марушиќ, Ибраими или Радески? Иљази од Шкупи посакува 20-та “чиста“ мрежа! Марија Ковачева...

РакометОстанато Стојановиќ пред нов предизвик: Го носеше нивниот дрес, а сега ќе седне на клупата 18.05.2024 12:15 601 Раде Стојановиќ својата кариера ќе ја продолжи во Словенија. Македонскиот селектор на јуниорската репрезентација и се уште актуелен тренер на Тиквеш, ќе седне на клупата на Тримо Требње. Станува збор за тим каде што како играч ја почна својата интернационална кариера. Стојановски беше дел од екипите на Голд Клуб Козина и Горење. Maкедонскиот стратег ќе дојде на местото на Урош Зорман, кој се збогува со фановите на клубот, ќе биде нов стратег на Слован Љубљана. FacebookTwitterWhatsAppEmailPrint ПретходноВо Струга ќе “грми“: Шампиони, шампиони….СледноБитолчани во нов обид да го урнат МЗТ и да ја донесат првата титула дома Марија Ковачева...

ФудбалПрва лигаТОП Во Струга ќе “грми“: Шампиони, шампиони…. 18.05.2024 11:45 98 Струга ТЛ од денеска ќе биде и официјално шампион во ПМФЛ за сезоната 2023/24. Клубот кој е основан во 2015 година, повторно е најдобар во Македонија, Струга ТЛ е старо – нов шампион, ја одбрани титулата од лани. Секоја чест за стружани, за клубот кој покажа како треба, како се работи, за играчите кои покажаа дека едноставно се нај, нај во овие две сезони во ПМФЛ. Попладнево околу 19 часот, по завршувањето на средбата од последното 33.коло во сезоната против Шкупи, Струга ТЛ ќе го добие пехарот од страна на ФФМ и ќе биде крунисана како најдобра и за оваа сезона. Се разбира дека се е подготвено за шампионска прослава, градот и фановите на Струга ТЛ веќе една недела се на нозе по онаа блескава партија и победа над Шкендија од 0:2 среде Тетово со која ставија печат на новата, втората во низа титула во ПМФЛ. Токму затоа попладнево во Струга ТЛ ќе “грми“: Шампиони, шампиони… И со право. Струга ТЛ едноставно во моментов е најдобриот наш клуб, и по вторпат ова лето ќе ја претставува Македонија во квалификациите во Лигата на Шампионите. Честитки за старо – новиот шампион, честитки за најдобрите и се разбира секоја чест за сите во фудбалскиот колектив Струга Трим Лум. FacebookTwitterWhatsAppEmailPrint ПретходноПознат е ставот на Јунајтед за ФернандешСледноСтојановиќ пред нов предизвик: Го носеше нивниот дрес, а сега ќе седне на клупата Zoran Gjorshoski...

Меѓународен фудбалАнглија Познат е ставот на Јунајтед за Фернандеш 18.05.2024 11:15 167 Манчестер Јунајтед нема намера да го продаде Бруно Фернандеш на лето. Португалецот имаше несигурна сезона за неговите стандарди, но останува еден од најважните играчи во тимот на „црвените ѓаволи“. Во последните неколку недели се шпекулираше за иднината на 29-годишниот плејмејкер, но на „Олд Трафорд“ се решени да го задржат по секоја цена. Се вели дека Фернандеш е предмет на интерес од Баерн Минхен. Според други информации, клубови од Саудиска Арабија се подготвени да понудат 100 милиони евра за правата на Португалецот. Сепак, Јунајтед нема намера да се раздели со својот капитен, кој е премногу важен играч за толку лесно да биде исфрлен. Португалецот има договор до летото 2026 година и клубот не сака да брза со неговата продажба. Доколку играчот продолжи да покажува флуктуации во неговите настапи следната сезона, клубот може да одлучи да го продаде следното лето. „Олд Трафорд“ имаше неколку лоши засилувања во последните неколку години, но Фернандеш сигурно не е еден од нив. Откако им се приклучи на „црвените ѓаволи“ во 2020 година, тој има 231 настап, 79 гола и 65 асистенции. Неодамна и самиот играч делува изнервирано поради недостигот на трофеи со клубот, но се чини дека ќе остане барем уште една година во составот на англискиот гигант. FacebookTwitterWhatsAppEmailPrint ПретходноПМФЛ: Кој ќе остане без Европа, Шкендија или Шкупи?СледноВо Струга ќе “грми“: Шампиони, шампиони…. Марија Ковачева...

ФудбалПрва лигаТОП ПМФЛ: Кој ќе остане без Европа, Шкендија или Шкупи? 18.05.2024 10:45 203 Денеска со мечевите од 33.коло завршува 32.сезона во нашата елитна лига. На програмата од 17 часот се сите шест средби и по нивното завршување ќе се простиме со ПМФЛ се до почетокот на август кога ќе стартува новата, 33. сезона. Од минатото коло се е познато. Струга ТЛ повторно е шампион, Македонија ЃП и Брегалница следната сезона ќе играат во ВМФЛ, Вардар ќе игра бараж за опстанок и тоа со Детонит. Денеска ќе се решава само тоа кој ќе биде втор, кој ќе игра во Европа, односно кој ќе остане без настап на евро-сцената ова лето. Шкендија е втора со два бода повеќе од Шкупи и му гостува на Работнички. На тетовци им треба само бод. Додека Шкупи ако сака да заврши како втор тогаш ќе мора денеска да ја победи Струга ТЛ, значи шампионот на негов терен, а Шкендија да загуби. Тоа се математиките. ДВОЈКИ ЗА 33.КОЛО – ДЕНЕСКА (17 Ч) Брера – Македонија ЃП Брегалница – Силекс Работнички – Шкендија Струга ТЛ – Шкупи Вардар – Тиквеш Воска Спорт – Гостивар ТАБЕЛА Струга ТЛ 64, Шкендија 61, Шкупи 59, Тиквеш 43, Работнички 42, Силекс 42, Воска Спорт 41, Гостивар 41, Брера 39, Вардар 36, Македонија ЃП 29, Брегалница 27… FacebookTwitterWhatsAppEmailPrint ПретходноИлиев: Нема простор за разочарување!СледноПознат е ставот на Јунајтед за Фернандеш Zoran Gjorshoski...

Други спортовиОдбојкаТОП Илиев: Нема простор за разочарување! 18.05.2024 10:15 100 Македонската одбојкарска репрезентација со пораз ги започна настапите во Европската лига. Нашите момци беа совладани од Естонија со 3-1, но со оглед дека настапивме со подмладен состав нема простор за разочарување. Следен противник е Чешка, а од таборот најавуваат многу подобра игра и се надеваат на позитивен резултат. „Прв пораз за жал. Но сепак резултатот не е разочарувачки ако се земе во предвид дека имавме кратко време за подготовка, околу две недели. Ова беше позитивен меч, имаме ден за одмор, се надеваме на добар натпревар против Чешка, зошто и да не направиме позитивен резултат“, вели Стојан Илиев, кој потенцира што треба да подобрат: „Многу треба да работиме и да го подобриме приемот, на овој меч ова беше клучно“. FacebookTwitterWhatsAppEmailPrint ПретходноРоналдо се посрамоти: Дајте му поголема топка (ВИДЕО)СледноПМФЛ: Кој ќе остане без Европа, Шкендија или Шкупи? Марија Ковачева...

Меѓународен фудбалОстанато Роналдо се посрамоти: Дајте му поголема топка (ВИДЕО) 18.05.2024 9:50 233 Кристијано Роналдо имаше несвојствено за него промашување во дуелот против најголемиот ривал во Саудиска Арабија, Ал Хилал. Дуелот од 32. коло во Саудиската Про-лига заврши без победник 1-1. Кристијано Роналдо, кој во една ситуација прописно се посрамоти. Ја доби топката како на чинија, но ја промаши. Дајте му поголема“, гласи еден од коментарите на социјалните мрежи. Погледнете за што се работи и проценете сами. Кристијано Роналдо дефинитивно можеше подобро во оваа ситуација. Ronaldo might actually be finishedpic.twitter.com/APzFnvAHYx — Troll Football (@TrollFootball) May 17, 2024 Шампион ќе биде Ал Хилал. Имаат 90 бодови, 12 повеќе од второпласираниот Ал Наср, кој сезоната ќе ја заврши на второто место. Кристијано Роналдо како за утеха најверојатно ќе биде најдобар стрелец во лигата на крајот од сезоната. Има 33 гола, а го следи Митровиќ со 27. Има и 11 асистенции, а пет Митровиќ. FacebookTwitterWhatsAppEmailPrint ПретходноКолапс во Јувентус: Ањели и играчите се огласија по отказот на АлегриСледноИлиев: Нема простор за разочарување! Марија Ковачева...

Меѓународен фудбалИталијаТОП Колапс во Јувентус: Ањели и играчите се огласија по отказот на Алегри 18.05.2024 9:25 792 Јувентус остана без тренер и тоа беше вест на денот во Италија, Масимилијано Алегри доби отказ. Причината е наведена „одреден начин на однесување за време и по финалето на Купот на Италија што не е во согласност со вредностите на Јувентус, а што треба да го покажат сите во клубот“. Сепак, има играчи кои веруваат дека начинот на кој го напушти клубот беше незаслужен. Еден од нив е Рабио. „Ќе останете запаметен како еден од тренерите кои освоија најмногу во Јувентус. Заслуживте поинакво збогување. Господине, ви благодарам за се и со среќа!“, напиша Рабио. Тоа не е се, се огласи Андреа Ањели, човекот кој го донесе Алегри. Го донесе во 2021 година кога Алегри потпиша петгодишен договор. По последниот финансиски скандал, Ањели го напушти клубот во 2022 година. „Неверојатна мешавина на гордост и хуманост во изминатите десет години. Ви благодариме, Макс. До крај…“ Најавата на Ањели е тотална спротивност од она што го напишаа во Јувентус… FacebookTwitterWhatsAppEmailPrint ПретходноИзборот на домаќинот на СП за жени беше најважната точка на 74. конгрес на ФИФАСледноРоналдо се посрамоти: Дајте му поголема топка (ВИДЕО) Марија Ковачева...

Меѓународен фудбалОстанатоТОП Изборот на домаќинот на СП за жени беше најважната точка на 74. конгрес на ФИФА 18.05.2024 9:00 25 На 74. Конгрес на Светската фудбалска организација, ФИФА беше донесена одлука Светското првенство за жени во 2027 година да се одржи во Бразил. Изборот на домаќин на Светското првенство за жени беше најважната точка на дневниот ред на Конгресот на ФИФА што се одржа во Бангкок. Земјите членки на ФИФА одлучија домаќинот да му го доделат на Бразил, кој со 119 гласа победи пред кандидатурата на Белгија, Германија и Холандија кои добија поддршка од 78 земји. Десеттото издание на женското светско првенство за првпат ќе се одржи во Јужна Америка, а титулата светски првак ќе ја брани репрезентацијата на Шпанија. Конгресот го усвои и годишниот извештај за 2023 година, предлог-буџетот за 2025 година и измените на Статутот на ФИФА. “ФИФА го финансира фудбалот ширум светот. Приходите што ги генерираме не одат за одреден број клубови, туку одат во сите 211 земји членки. Нашата мисија е да го развиваме фудбалот ширум светот, бидејќи 70 отсто од земјите членки не би имале доволен приход без придонес на ФИФА“, истакна претседателот на ФИФА, Џани Инфантино. Делегацијата на Фудалската федерација на Македонија ја предводеше претседателот Муамед Сејдини, потпретседателот Лазар Ракиџиев и генералниот секретар Наталиа Божиновска Илиевска. FacebookTwitterWhatsAppEmailPrint ПретходноИндијана остана перфектна дома и се избори за „мајсторка“ (ВИДЕО)СледноКолапс во Јувентус: Ањели и играчите се огласија по отказот на Алегри Марија Ковачева...

КошаркаНБА Индијана остана перфектна дома и се избори за „мајсторка“ (ВИДЕО) 18.05.2024 8:25 49 И после шест натпревари од полуфиналната серија на НБА Исток меѓу Њујорк и Индијана, ниту една екипа не загуби дома. Пејсерси на домашен терен ги победија Никс со 116:103 и се изборија ја мајсторка. Индијана два месеци е непоразена на домашен терен и има перфектни 6-0 во плеј-офот, а синоќешниот натпревар беше решен во втората половина од втората четвртина кога ја презеде контролата со серија од 17-2 и никогаш не ја испушти. Во првото полувреме, Пејсерси одиграа фантастична одбрана на водечкиот стрелец во плејофот Џејлен Брансон, ограничувајќи го на само пет поени и принудувајќи го да направи 11 последователни загубени топки. Брансон отиде до својата квота, завршувајќи со 31 поен, но подоцна се разбуди. Индијана во четвртата четвртина веќе имаше предност од 23 поени. Прво име во Индијана беше Сијакам со 25 поени, Мајлс Тарнер додаде 17. Мекбрајд постигна 20, а ДиВинченцо 17 поени за Никс. FacebookTwitterWhatsAppEmailPrint ПретходноКаталонците ја открија огромната отпремнина која Барса ќе треба да ја плати на ЧавиСледноИзборот на домаќинот на СП за жени беше најважната точка на 74. конгрес на ФИФА Марија Ковачева...

Меѓународен фудбалТОПШпанија Каталонците ја открија огромната отпремнина која Барса ќе треба да ја плати на Чави 18.05.2024 7:52 908 Неколку реченици на прес-конференција од страна на Чави Хернандез беа доволни за во Барселона предизвикаат нов хаос, а легендата на клубот добие отказ. Чави јавно кажа дека Барселона нема пари да се натпреварува со Реал и дека се неопходни засилувања за да се обидат и ги потсети навивачите дека оваа Барса нема никаква врска со онаа од трофејното минато. По сето ова управниот одбор е лут на Чави и бара замена, но има 18 милиони причини да престане. Очајните и песимистички зборови на Чави ја полудеа управата на Барселона, а „As“ пишува дека претседателот Жоан Лапорта наложил да се почна потрагата за нов тренер. Сепак, голема пречка на тој пат е отпремнината што Барселона би морала да ја плати на Чави доколку сака да го отпушти. Каталонски Спорт пишува дека во тој случај мора да добие 18 милиони евра. Чави минатата сезона ја предводеше Барселона до титулата во Ла Лига, но оваа сезона не успеа да ја одбрани против Реал. Неговиот најголем ривал го избрка во Суперкупот на Шпанија, а во Купот на кралот веќе беше елиминиран во четврт-финалето. Во Лигата на шампионите беше елиминиран во истата фаза, иако го доби првиот натпревар против ПСЖ. FacebookTwitterWhatsAppEmailPrint ПретходноПроблем за Саутгејт: Кејн е повреден, нема да игра викендов за БаернСледноИндијана остана перфектна дома и се избори за „мајсторка“ (ВИДЕО) Марија Ковачева...

Меѓународен фудбалГерманија Проблем за Саутгејт: Кејн е повреден, нема да игра викендов за Баерн 17.05.2024 23:00 76 Хари Кејн ќе го пропушти последниот натпревар на Баерн во Бундеслигата. Баварците патуваат на гости кај Хофенхајм, а тренерот Томас Тухел потврди дека Кејн нема да игра поради проблем со грбот. „Хари Кејн е на лекување кај приватен лекар. Тој не може да патува со нас“, рече Тухел. Оваа вест секако сериозно го загрижи селекторот на Англија, Герет Саутгејт, кој во вторник треба да го објави списокот на играчи за ЕП 2024. Хари го нема на терен од реванш полуфиналниот натпревар од Лигата на шампионите со Реал. FacebookTwitterWhatsAppEmailPrint ПретходноКол Палмер е најдобриот млад играч во Премиер лигатаСледноКаталонците ја открија огромната отпремнина која Барса ќе треба да ја плати на Чави Saso Kuzmanovski...

Меѓународен фудбалАнглија Кол Палмер е најдобриот млад играч во Премиер лигата 17.05.2024 22:30 76 Кол Палмер ја доби наградата за најдобар млад фудбалер во тековната сезона во Премиер лигата. Играчот од средниот ред на Челзи беше прогласен за најдобар млад играч во конкуренција на Филип Фоден и Ерлинг Халанд од Манчестер Сити, Александар Исак од Њукасл, Коби Мејно од Манчестер Јунајтед, Букајо Сака од Арсенал и Вилијам Салиба и Дестини Удоџи од Тотенхем. 22-годишниот Англичанец е најдобар стрелец на „сините“ со 22 гола во 33 првенствени натпревари. FacebookTwitterWhatsAppEmailPrint ПретходноОдбојкарите поразени од Естонија во првиот меч од Златната лига 2024 (ФОТО)СледноПроблем за Саутгејт: Кејн е повреден, нема да игра викендов за Баерн Saso Kuzmanovski...

Други спортовиОдбојкаТОП Одбојкарите поразени од Естонија во првиот меч од Златната лига 2024 (ФОТО) 17.05.2024 22:18 284 Одбојкарската репрезентација на Македонија со пораз ги почна настапите во Европската Златна лига 2024. Во првиот меч на турнирот во Струмица во добро пополнетата сала „Парк“, избраниците на селекторот Хари Наковски загубија од Естонија со 3:1, но не разочараа. Со оглед на подмладувањето на тимот и новото селекторско решение, Македонија изгледаше сосема коректно во сите четири сета и немаше да биде незаслужено да освоиме барем бод. ЕСТОНИЈА – МАКЕДОНИЈА 3:1 (25-23, 14-25, 25-19, 25-22) Естонците подобро го отворија мечот. Во првиот сет имаа извонреден прием, што придонесе за одличен напад, а ние не успевавме навреме да затвориме, па им дозволивме на гостите да направат пристојна предост (8:5, 16:11). Сепак по неколку тајм-аути и корекции од клупата, завршницата на сетот беше извонредно интересна. Естонците влегоа со предност од 23:19, а ние се вративме со сероија од 4:0 и дојдовме на 23:23. Никола Ѓорѓиев на сервис погоди во мрежата, а потоа Естонците на свој сервис со голема помош на мрежата дојдоа до лесен поен и го решија сетот со 25:23. Во вториот сет момците на Наковски тргнаа моќно. Поведовме со 6:1 и покажавме дека сме подготвени да се вратиме во живот. Иако Естонија се обидуваше да ни се приближи, континуирано го одржувавме водството и кога веќе стигнавме до предност од 16:7 беше јасно дека сетот ќе оди во наша полза. Така беше и до крајот убедливо освојувајќи го вториот сет со 25:14 за израмнување на 1:1. 1 од 9 Во третиот сет отворивме со предност, но Естонија се врати во егал, па дури и помина во водство со 12:11. Кон средината на сетот гостите беа подобри, направија разлика и во финишот не успеавме да им се приближиме. Естонија славеше со 25:19 и поведе со 2:1. Четвртиот сет повторно го отворивме позитивно. Нешто слично на вториот сет, веќе до 10-от поен направивме разлика од три поени (10:7). Естонија фати ритам кон средината на сетот и успеа да поведе со неколку поени, па за нас беше предизвик да се дојде до егал завршница на сетот. Тоа и се случи откако во финишот Естонија имаше предност од 22:20, а ние со два поени дојдовме до 22:22. Сепак, како и во првиот сет кој го загубивме лесно во последните два поени и во овој сет не успеавме да се приближиме, па веќе во првата меч-топка гостите дојдоа до 25:22 и го решија мечот во своја полза. Никола Ѓоргиев реализираше 17, а Стојан Илиев имаше одличен меч со 16 поени. Кај Естонија Тепан и Темеару имаа по 16 поени. В недела во истиот термин во салата „Парк“ во Струмица ќе го одиграме вториот меч против селекцијата на Чешка. FacebookTwitterWhatsAppEmailPrint ПретходноКуп мечевите се такви: За некого ден, за некого мрак (ФОТО)СледноКол Палмер е најдобриот млад играч во Премиер лигата Saso Kuzmanovski...

РакометКуп на МакедонијаТОП Куп мечевите се такви: За некого ден, за некого мрак (ФОТО) 17.05.2024 22:06 252 Кога станува збор за Куп натпреварите, дефинитивно нема фаворити. Ова на дело вечерва го потврди Алкалоид, по голема драма го совлада Вардар 1961 со 25-24 и го завери своето прво финале во ова натпреварување. 19-годишниот голман на Алкалоид, Иван Галевски во финишо на мечот му одбрани седмерец на Срдановиќ за голема радост во редовите на неговиот тим. Во финалето (недела), Алкалоид ќе игра против Пелистер. Такви се Куп мечевите: За некого ден, за некого мрак. 1 од 6 FacebookTwitterWhatsAppEmailPrint ПретходноНедановски: Победи екипата која беше посмирена, кај нас беше пристутна нервозатаСледноОдбојкарите поразени од Естонија во првиот меч од Златната лига 2024 (ФОТО) Марија Ковачева...

РакометКуп на Македонија Недановски: Победи екипата која беше посмирена, кај нас беше пристутна нервозата 17.05.2024 21:56 237 Владо Недановски и неговите момци не го искористија своето поголемо искуство во полуфиналето против Алкалоид. Вардар 1961 беше елиминиран од помладиот состав на Алкалоид, Иван Галевски му одбрани пенал на Срдановиќ за конечни 25-24. Предводникот на „црвено-црните“ потенцира дека очекувал ваков меч, како главен проблем за поразителното сценарио ја напомена нервозата која и тоа како беше присутна. „И претходно кажав дека ова ќе биде добар натпревар за уживање. Претходно го победивме Алкалоид во Струга и двапати во првенството, но денеска победи екипата која беше помирна, кај нас беше пристутна нервозата. Му честитам на противникот“, изјави Недановски. FacebookTwitterWhatsAppEmailPrint ПретходноЛазаров: Имам максимална почит кон Вардар! Чудата се возможни кога тимот се бори до самиот крај!СледноКуп мечевите се такви: За некого ден, за некого мрак (ФОТО) Марија Ковачева...

РакометКуп на МакедонијаТОП Лазаров: Имам максимална почит кон Вардар! Чудата се возможни кога тимот се бори до самиот крај! 17.05.2024 21:44 234 Алкалоид испиша нова историска страница, успеа да се пласира во првото финале во Купот на Македонија откако го елиминираше бранителот, Вардар. Избраниците на Кирил Лазаров славеа со 25-24, а Иван Галевски одбрани седмерец за израмнување. По мечот предводникот на Алкалоид испрати комплименти на сметка на противникот, но и издвои што беше клучно за победата. „Имам максимална почит кон Вардар, за титулите што ги има освоено, за се што имаат направено за македонскиот ракомет, имаат добри играчи, дури осум интернационалци, кога се комплатени се незгодни. Имавме добар натпревар, го градевме резултатот, имавме ментална стабилнст, играчите растат, благодарение на мечевите во Европска лигата. Како тим функциониравме добро, кога тимот се бори до самиот крај чудата се возможни. Немаше да биде незаслужено и Вардар да дојде до пенали или победа“, изјави Лазаров по пласманот во финалето. Алкалоид во финалето кое е закажано за во недела ќе игра против Пелистер. FacebookTwitterWhatsAppEmailPrint ПретходноГалевски е скромен: Да не гинеа момците, овој меч немаше да заврши вака!СледноНедановски: Победи екипата која беше посмирена, кај нас беше пристутна нервозата Марија Ковачева...

РакометКуп на МакедонијаТОП Галевски е скромен: Да не гинеа момците, овој меч немаше да заврши вака! 17.05.2024 21:26 319 Иван Галевски е херојот на Алкалоид. 19-годишниот голман на тимот од Автокоманда спречи да има пенали во второто полуфинале, го одбрани ударот на Срдановиќ од седум метри за победа на неговиот тим и пласман во финалето, историско за Алкалоид. Таму тој и неговите соиграчи ќе имаат пеколно тешка задача, ќе играат против Пелистер, мечот е закажан за во недела. „Нашиот тим по вторпат во својата историја е дел од завршницата во Купот на Македонија, а за првпат ќе игра финале. Им благодарам на момците што гинеа на теренот, да не беше така немаше да заврши вака овој натпревар. Клучна беше нашата стабилност, концентрација во клучните моменти“, изјави по дуелот Галевски. FacebookTwitterWhatsAppEmailPrint ПретходноСензација во Купот на Македонија: Галевски го однесе Алкалоид во историското финале!СледноЛазаров: Имам максимална почит кон Вардар! Чудата се возможни кога тимот се бори до самиот крај! Марија Ковачева...

РакометКуп на МакедонијаТОП Сензација во Купот на Македонија: Галевски го однесе Алкалоид во историското финале! 17.05.2024 21:12 365 Алкалоид и Вардар 1961 одиграа доста интересен натпревар, победник во битката за пласман во финалето на Купот на Македонија е тимот од Автокоманда, славеше со 25-24 благодарение на младиот голман Галевски кој му одбрани пенал на Сердановиќ. За Алкалоид ова е историско финале во Купот на Македонија, таму ќе игра против Пелистер. Елиминацијата на Вардар 1961 значи дека Купот ќе добие нов владател, битката е закажана за во недела. Серафимов со седум гола беше прв стрелец, зад него беше Бинго со шест, Галевски имаше два одбранети седмерци. Јасихура и Срдановиќ имаа по пет погодоци, Томовски запиша 11 одбрани. Ова беше меч со доста пресврти, Алкалид водеше со 5-7, се врати Вардар 1961 на 707, по што мечот влезе во игра гол за гол, пред крајот на првото полувреме, избраниците на Лазаров успеаја да постигнат два гола во низа и на одморот да заминат со позитива од два гола 15-13. 1 од 10 Момците на Владо Недановски брзо се вратија во дуелот, со три гола по ред го врати минималното водство (15-16) беше на стартот на второто полувреме. Нешто подоцна, избраниците на Кирил Лазаров во 50 минута поведоа со 23-20. На другата страна Вардар 1961 врати со два гола во низа, свој удел имаше Томовски, Јасухира намали на 24-23. Симоновски го прекина налетот на противник и донесе нови плус два 25-23. Галевски успеа да одбрани седмерец, па на другата страна Алкалоид не искористи напад, но ниту пак Вардар не успеа да ја подоги празната мрежа на противникот. Серафимов под принуда мораше да шутира, Томовски ја запиша десетата интервенција, па на другата Јасухира со петтиот погодок ја врати драмата, на минута и десет секунди беше 25-24. Лазаров повика тајм-аут, но Серафимов одново не успеа да реализира. Останаа 16 секунди за напад на „црвено-црните“, се решија на „седум на шест“, во самиот финиш судиите досудија пенал. Сердановиќ застана лице во лице со младиот Галевски кој одбрани за финале на Алкалиод. FacebookTwitterWhatsAppEmailPrint ПретходноНоле изненадувачки потврди настап на АТП турнирот во ЖеневаСледноГалевски е скромен: Да не гинеа момците, овој меч немаше да заврши вака! Марија Ковачева...

Други спортовиТенис Ноле изненадувачки потврди настап на АТП турнирот во Женева 17.05.2024 20:55 164 Новак Ѓоковиќ изненадувачки реши да игра на АТП турнирот во Женева кој има награден фонд од 562.000 долари. Организаторите ја објавија ждрепката, по која Ѓоковиќ како прв носител ќе биде слободен во првото коло, но веќе во второто го чека можна класика со поранешниот број еден Енди Мареј, секако под услов Британецот во првото коло да го победи Германецот Јаник Ханфман. Можни ривали на Ѓоковиќ во полуфиналето би биле Тејлор Фриц или Џејк Дрејпер, а во финалето Каспер Руд или Американецот Бен Шелтон. FacebookTwitterWhatsAppEmailPrint ПретходноХеројот на Аргентина од СП во Катар на суд поради силувањеСледноСензација во Купот на Македонија: Галевски го однесе Алкалоид во историското финале! Saso Kuzmanovski...

Меѓународен фудбалЕП/СП Херојот на Аргентина од СП во Катар на суд поради силување 17.05.2024 20:30 120 Стрелецот на решавачкиот гол од пенал во финалето на Светското првенство во Катар, Гонзало Монтиел е на психијатриска евалуација откако во март против него беше поднесена кривична пријава за тешка сексуална злоупотреба и силување. Монтиел е обвинет дека дрогирал и сексуално злоставувал девојка со која бил во кратка врска на 1 јануари 2019 година, на неговата роденденска забава. Деталите беа откриени во видео кое минатиот месец го објавила жртвата. „Јас сум Каролина, модел и водителка која преживеа групно силување чиј главен сторител е Гонзало Монтиел, човекот кој го постигна последниот гол на Светското првенство 2022. Нему му беше роденден и ме покани дома. Се запознавме и ме дрогираа додека не се онесвестив. Гонзало ме силуваше. Барав адвокати долго време бидејќи никој не сакаше да оди на суд со мене, сите сакаа да се договорам“, рекла жртвата. Монтиел тврди дека не сторил на кривичното дело, а неговото судење е закажано за 17 и 20 септември во Буенос Аирес. FacebookTwitterWhatsAppEmailPrint ПретходноПеп: Лудо е да очекувате да водиме со 3:0 по 10 минути против Вест ХемСледноНоле изненадувачки потврди настап на АТП турнирот во Женева Saso Kuzmanovski...

Меѓународен фудбалАнглија Пеп: Лудо е да очекувате да водиме со 3:0 по 10 минути против Вест Хем 17.05.2024 20:00 159 Тренерот на Манчестер Сити, Пеп Гвардиола пред одлучувачкиот меч со Вест Хем кој ќе ја одреди судбината на првенството, вели дека ова ќе биде најтешкиот меч сезонава. „Би сакале да имаме 3-0 по 10 минути од натпреварот со Вест Хем, но тоа нема да се случи. Имам чувство дека ќе биде исто како и натпреварот со Астон Вила во 2022 година. Тежок меч, можеби најтешкиот оваа сезона. Сепак, ние сме подготвени. Моите играчи никогаш нема да се предадат“, вели Пеп пред неделниот дуел. FacebookTwitterWhatsAppEmailPrint ПретходноКлоп: Проблемот не е ВАР, туку во тоа што луѓето не можат правилно да го користатСледноХеројот на Аргентина од СП во Катар на суд поради силување Saso Kuzmanovski...