Пред вечерашната пресметка помеѓу Партизан и Црвена Звезда во АБА лигата која може да биде и решавачка доколку победи Црвена Звезда, и така ќе го освои трофејот, српските медиуми носат шокантни вести за настан кој се случил за време на еден тренинг. Кошаркарот на Партизан, Џејмс Нанeли наводно го удрил со бокс во главата Стефан Лазаревиќ, кошаркарот на Црвена Звезда во ходникот пред соблекувалната во Белградската Арена. „Во текот на смена на тренинг, играчите се разминале, а во размена на зборови, Лазаревиќ го прашал Нанeли зошто го давел на претходниот меч, а Американецот го нападнал и го удрил по глава“, пишува „Меридијан спорт“, и притоа се додава дека Лазаревиќ заработил тешка повреда. Се огласи и тимот на Црвена Звезда кој го потврди инцидентот. „Црвена звезда ја известува јавноста дека во неделата наутро нашиот првотимец Стефан Лазаревиќ се здоби со повреди кои се карактеризираат како „тешки физички повреди“ по физички напад на играчот на КК Партизан Џејмс Нанали.“, стои во соопштението и објави фотографија како изгледа лицето на својот кошаркар. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Веќе е извесно дека Килијан Мбапе ќе се пресели во Реал Мадрид. Се очекува само официјалната промоција, за одличниот Французин да пристигне на „Бернабе“ и да почне да се прави „дрим-тимот“. Меѓутоа ПСЖ нема да седи со скрстени раце, и веќе подготвува „одмазда“ за овој трансфер. Така според француските медиуми, тимот од Париз ќе тргне по играчот на Реал, Ферлан Менди. Наводно Французинот бил голема желба на сопственикот Насер Ал-Келафи. Менди игра стандардно под водство на Анчелоти, па ова би било голем удар за Реал на левата бековска позиција. Меѓутоа можеби и нема толку да се почувствува неговото заминување, само ако Алфонсо Дејвис од Баерн Минхен стане дел од Реал за време на летниот преоден рок. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Претставниците на ШК Алкалоид Габриела Коскоска и Тони Лазов станаа државни шампиони на Македонија во шах – Коскоска на женскиот, додека, пак, Лазов на машкиот поединечен шампионат на Македонија за 2024 година! Женскиот интернационален мајстор Габриела Коскоска по неколкугодишна пауза им се врати на настапите во поединечна конкуренција, откако минативе неколку години настапуваше само на екипните првенства. Иако конкуренцијата беше сочинета, главно, од помладите, Коскоска во 9 партии освои 8 бода, односно 7 победи и во два наврата ремизираше и триумфираше пред Леа Ефтовска и пред Моника Жежовска, кои завршија со половина, односно со цел поен помалку. – Задоволна сум од постигнувањето! Во согласност со ждрепката, најголемиот дел од партиите со конкурентките за висок пласман ги играв со црни фигури, односно бели имав само во дуелот со Леа Ефтовска. Имаше момент во една партија кога се соочив со закана да бидам поразена, меѓутоа успеав да ја наметнам својата игра. Турнирот, иако со мал број учеснички, генерално, беше многу борбен, со голем број одлучени партии – изјави Коскоска. Интернационалниот мајстор Тони Лазов долги години важеше за перспективен шахист, кој потекнува од јуниорскиот погон на клубот. Со голема поддршка од неговиот тренер, велемајсторот Трајко Недев, успеа да се етаблира и трофеите од јуниорските првенства да ги замени со титули освоени во сениорска конкуренција како дел од екипата на ШК Алкалоид. Минатата година имаше одличен резултат, 6 победи од 6 партии на Македонското екипно првенство, а со резултат од 6 поени од 7 кола на Европското екипно првенство ја освои првата норма за велемајсторски бал! По одиграни 9 кола тој беше единствениот играч со 7,5 поени, додека, пак, зад него се најдоа ИМ Никола Николовски и Антон Златков со по 7 бода. – Турнирот го започнав со три победи, па го продолжив со три нерешени меча, а на крајот стигнав до уште три победи во дуелите со директните конкуренти. Воопшто не беше лесно, иако многумина од повозрасните колеги одлучија да не настапат. Одлучуваше последната партија и задоволен сум од конечниот исход, но цврсто верувам дека е ова резултат на долгогодишното изучување и тренирање на шаховската игра, како и на поддршката од клубот – вели Лазов. Младиот шахист од Неготино во последните две кола оствари значајни победи. Најпрвин над тимскиот колега интернационалниот мајстор Филип Панчевски, кој важеше за фаворит на турнирот, а потоа и над Антон Златков, кого во подобра завршница успеа да го принуди на пораз. Фото: Архива на ШК Алкалоид Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Ова се нашите предлози за типување за денешниот ден… СИНГЛ НА ДЕНОТ Лутон – Фулам ГГ4+ Лутон веќе е во Чемпионшип. И да го совлада тимот на Фулам, и Нотингем да загуби кај Барнли, тешко е за верување дека Лутон ќе остане во Премиерлигата, со оглед дека гол-разликата е на страната на Нотингем, и тоа 11 голови. Затоа се очекува дуелот помеѓу Лутон и Фулам да мине без калкулации со отворен фудбал на двете страни и многу голови. ТИКЕТ НА ДЕНОТ Барнли – Нотингем Ф. 3+ Брајтон – Манчстер Ј. ГГ3+ Ливерпул – Вулверхемптон 1 и 3+ Гранада – Селта 2 Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Како гром од ведро небо одекна веста дека е на повидок огромен скандал и тоа во шпанската Ла Лига околу наместен натпревар. Во прашање е мечот од 35. коло помеѓу Севилја и Кадиз, во кој домашниот тим славеше минимален триумф. За Севилја овој меч беше без резултатско значење, со оглед дека беа на средината на табелата. Кадиз со гол во шестата минута од судиското надополнување славеше и остана во игра за опстанок. Во саботата во вечерните часови е објавено дека тимот на Рајо Валјекано, во кој настапува и нашиот Столе Димитриевски, поднесе пријава за мечот, наведувајќи дека е класична „местенка“. Рајо има 38 бодови, Селта 37, Мајорка 36, Кадиз 32 на две кола до крајот, додека Гранада и Алмерија веќе математички испадна во Сегунда. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Шпанија оваа сезона доби изненадувачки учесник во Лигата на шампионите. Тимот на Жирона со одличните настапи сезоната, успеа да избори место во најелитното европско натпреварување, а сега тргнува по засилувања кои ќе му донесат успех во „елитата“. Каталонските медиуми пишуваат дека овој тим веќе ги контактирала агентите на играчот на Ливерпул, Тиаго Алкантара за можноста овој фудбалер да стане дел од овој тим. Жирона има намера да му понуди враќање во Шпанија после 11 години. Алкантара е дете на Барселона, а во 2013 година од Реал Мадрид се пресели во Баерн Минхен, а потоа во 2019 година замина во Ливерпул. Но, на „Енфилд“ го следеа многу повреди, при што не беше на нивото од минатото. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

По голема битка, Олександр Усик го победи Тајсон Фјури во Ријад и на тој начин ги обедини сите титули во тешка категорија. Борбата траеше сите 12 рунди, а на крајот Украинецот победи со поделена одлука на судиите. Фјури во негов стил се огласи веднаш по борбата. Тој го прегрна и бакнуваше својот голем ривал, а потоа со изјавата ги шокираше сите. – Најпрво сакам да му се заблагодарам на мојот господар, спасител, Исус Христос, за оваа фантастична борба со Олександр. Верувам дека победив, верувам дека победив во повеќето рунди. Добро се боревме, најдобро што можевме. Неговата земја е во војна, луѓето застанаа на негова страна поради тоа. Ја победив таа борба, ќе се вратам, имам клаузула за реванш – изјави Фјури. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Македонскиот репрезентативен голман Никола Митревски, продолжува да брани во одлична форма во клучна фаза од првенството, каде што Порто се бори за шампионскиот пехар. Тој забележа 11 одбрани во победата на својот тим над Брага, со што сега Порто има „пет од пет“ во битката за титулата. Порто успеа да го совлада тимот на Брага со убедливи 34-25. Митревски имаше 11 интервенции, или 46% одбранети удари (11/24), имајќи значајна улога во овој важен триумф. Оваа одлична партија на македонскиот голман е одлична увертира пред дербито со Спортинг, кое ќе биде одлучувачко за титулата и се игра на 25. мај. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Одлуката за титулата во Премиерлигата стартува во 17 часот денеска. Манчестер Сити се надева дека ќе ја освои четвртата титула во низа, Арсенал очекува „услуга“ од Вест Хем и прва прослава после 20 години. Јирген Клоп го води Ливерпул за последен пат. Ова се најинтересните детали од денешното последно коло во Премиерлигата. Шампионатска треска го тресе источен Манчестер и северен Лондон, додека црвениот дел на Ливерпул се подготвува за еден од најтешките и најемотивните моменти во поновата историја… Секогаш посебен ден на Островот – Премиер лигата од 17 часот ја врти последната страница од оваа сезона, уште 90 минути и ќе се знае дали Манчестер Сити или Арсенал ќе победат во дербито што се вози од минатиот август. Во исто време, на „Енфилд“ нема да се слават трофеи, но на некој начин ќе се слави Јирген Клоп , кој последен пат ќе го води Ливерпул. „Граѓаните“ се во позната ситуација, онаа од која во последните години многупати излегуваа како победници – уште еден триумф (против Вест Хем) на домашен терен и Манчестер Сити повторно ќе биде шампион, тие ќе бидат први. тим во историјата на Премиер лигата врза четири титули во низа. – Секако дека би сакал по 10 минути да водиме со 3:0 против Вест Хем, но тоа нема да се случи – јасен е тренерот на Сити, Пеп Гвардиола . Во 2005 година, Дејвид Мојс го донесе Микел Артета од Сосиедад во Премиер лигата , тие работеа заедно во Евертон шест сезони, а 19 години подоцна, Баскиецот се надева дека неговиот поранешен учител ќе му помогне да стане шампион како тренер на „топчиите“. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Уште еден инцидент во македонскиот спорт, и кога се во прашање навивачите. По плеј-оф натпреварот МЗТ – Пелистер, на излезот од Скопје синоќа бил каменуван автобусот со кој се превезувале навивачите на Пелистер, „Чкембари“. Инцидентот се случил по 22 часот, кога фановите си оделе кон Битола. Неколку навивачи се пожалиле на повреди. „Згрозени сме и го осудуваме инцидентот кој го доживеаја навивачите од Битола, од навивачката група „Чкембари“ кога по завршувањето на првиот натпревар од финалната серија од плеј-офот на кошаркарската лига во Скопје, на излезот од Скопје кон Битола, во возење е каменуван и демолиран автобусот со кој патуваше навивачката група „Чкембари“ од Скопје. Повредени се и неколку лица. Се прашауваме зошто веќе по кој знае кој пат се случуваат вакви и слични инциденти, кога гостуваат битолските навивачи на натпревари во кошарка, ракомет и фудбал. За разлика од тоа, кога навивачки групи гостуваат во Битола, посебно на кошаркарски натпревари, без разлика дали се во Куп или на првенствените натревари, истите максимално се испочитувани и не се случуваат никакви инциденти, а камоли и некој физички напади или оштетувања на возила. КК Пелистер и спортската јавност во Битола се прашуваат зошто се случуваат инцидентите и со која цел, во време кога Битола е центар на спортот во државата. Оваа сезона во Битола се одиграа натпревари од ракометната Лига на шампиони во реновирана сала, се одржа кошаркатскиот Куп, се одиграа четири натревари од плеј-офот на кошаркарската сезона, фудбалерите се веќе прволигаши, ќе играат на комплетно реновиран стадион, одбојкарките се постојано дел од најдобрите екипи, боксерите од сите меѓународни турнири се враќаат со медали, најавена е изградба на нов спортски комплекс, се поставија рефлекторите на стадионот… Тука мора се споменат успесите и на младинските категории од клубовите од Битола. Дали некому пречи оваа спортската доминација на Битола и некој се плаши Битола да е центар на спортот, со прваци во ракомет и кошарка. Дали некој се плаши и од верноста на навивачите, не само на „Чкембарите“ кон брендот Пелистер туку и од многубројната битолска публика? Ова се дел од прашањата на кои очекуваме одговор. КК Пелистер и овојпат им се заблагодарува на навивачката група „Чкембари“ што секојпат се на висина на својата задача, кога достинствено го бодрат својот тим и кога ги пречекуваат гостинските навивачки групи. „Чкембарите“ се носители на голем дел од успехот на КК „Пелистер„ како најважен „шести играч“. Инцидентот е пријавен во Министерстевото за внатрешни работи од каде треба да се објават и напаѓачите“, стои во соопштението на КК Пелистер. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Менаџерот на Ливерпул, Јирген Клоп уште еднаш го повтори ставот дека нема повеќе никогаш да работи во Англија, за да не го навреди Ливерпул, кој ќе го напушти после последниот меч оваа сезона. Германецот кажа дека му треба одмор, и дека сега нема да размислува на неговиот следен ангажман. „Ќе имам долг одмор, тоа е сигурно. А, што се однесува до работа во Англија, можам да потврдам дека тука моето време е дефинитивно завршено, затоа што нема да бидам менаџер на друг клуб тука. Ако работам некогаш пак, тоа сигурно нема да биде Англија“, изјави Клоп. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Украинскиот боксер Олександр Усик постигна неверојатен успех со тоа што стана апсолутен, неприкосновен светски шампион во тешка категорија. По спектакуларната борба која траеше 12 рунди, Усик успеа да го победи Тајсон Фјури со доделена одлука, со што ги обедини сите четири титули во тешка категорија. Ова е прв пат некој да успее да го постигне овој подвиг по 25 години, откако Ленокс Луис го победи Евандер Холифилд во ноември 1999 година. Борбата не започна лошо за Фјури, кој беше многу добар особено во средината на борбата, во шестата рунда. Сепак, Усик успеа да се опорави и да ја покаже својата мајсторија во продолжението од борбата. Во деветтата рунда беше дури блиску до победа, но Фјури успеа да се избори и да заврши до крај. На крајот, судиите одлучија дека Усик е победник. Се очекува наскоро да биде закажан реванш меѓу овие двајца боксери, а многумина веруваат дека оваа борба би можела да биде уште поспектакуларна од првата. Триумфот на Усик дефинитивно го одбележа светот на боксот, а неговата способност да ги обедини сите четири титули во тешка категорија ќе остане запаметен како еден од најголемите подвизи во историјата на спортот. Omo Oleksandr Usyk 🤯 Ronaldo Joshua 100m pic.twitter.com/B1Wwv0CloH — TherealEkitiPikin🇳🇬 (@Adedotun226) May 19, 2024 Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Далас Маверикс со драматична победа на домашен терен над Оклахома 117:116, со вкупни 4:2 го доби финалето на Западната конференција од НБА плеј-офот. Таму го чека победникот меѓу Денвер и Минесота, кои во среда го играат решавачкиот, седми натпревар. Се чинеше дека и овој дуел ќе оди кај мајсторката, бидејќи Тандерс во третата четвртина имаа огромни 17 поени предност пред Маверикс, но Далас триумфираше со голем пресврт и вистинска драма на крајот. Лука Дончиќ постигна 29 поени со 10 скока и асистенција за трет последователен трипл-дабл во плеј-офот, но херојот на Далас е момчето кое во последната четвртина влезе без поен. Холмгрин (21 поен) на додавање од Александер (36 поени, 8 асистенции) на 20 секунди пред крајот реализираше за водство на Оклахома од 116:115. Потоа Дончиќ го предводеше последниот напад на Далас и продре до кошот, а потоа му асистираше на Пи-Џеј Вашингтон. Момчето кое во последната четвртина влезе без поен, а потоа при обид за тројка го „излета“ Александер, и промаши обид за три, меѓутоа судиите досудија прекршок. Оклахома ја оспори одлуката и побара прегледување на снимката. Сепак, таа покажа дека Александер имал контакт со Вашингтон, и така на 2,5 секунди до крајот Далас имаше три слободни фрлања, од кои реализираше две, а третото намерно го промаши. Во последниот напад Оклахома се обиде преку Вилијамс од далечина, но не успеа. Ова е голема победа на Далас, со оглед дека како петтопласирани го елиминираа најдобриот тим на Западот. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Фудбалерите на Депортиво Алавес славеа на домашен терен против Хетафе со минимални 1-0 во единствениот натпревар од денешната програма во 37. коло од шпанската Ла лига. Освен престиж бидејќи двата тима се еден зад друга на првенствената табела овој натпревар немаше никакво резултатско значење бидејќи и Алавес и Хетафе одамна обезбедија опстанок, а далеку се и од местата кои водат во Европа следната сезона. Клучниот момент во натпреварот се случи уште во 12. минута кога Висенте го постигна погодокот вреден три бода за домашниот тим. Alaves 1-0 Getafe – Carlos Vicente 12′ byu/Meladroitdimage insoccer Standings provided by Sofascore Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

На дуелот помеѓу Кајсериспор и Коњаспор главен судија беше Халил Умут Мелер, кој кон крајот на минатата година беше нокаутиран од страна на претседателот на Анкарагучу. Откако по консултација со ВАР, Мелер се одлучи да му покаже црвен картон на еден од домашните фудбалери, претседателот на Кајсериспор Али Џамли тргна кон теренот како би се пресметал со судијата. За среќа на Мелер овојпат тој се извлече бидејќи Џамли беше спречен да дојде до него. Kayserispor başkanı Ali Çamlı nın sahaya girdiği anlar. Kayserispor – Konyaspor pic.twitter.com/JKHR4IKTpL — Sky Sports (@SkySportsFB) May 18, 2024 Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Фудбалерите на Торино го совладаа Милан со 3-1 во последниот натпревар од денешната програма во 37. коло во италијанската Серија А. Овој пораз на „росонерите“ нема да им падне тешко бидејќи веќе одамна го осигураа второто место во домашниот шампионат, па мечевите до крајот се чиста рутина за тимот од „Сан сиро“. Домаќините поведоа со 1-0 со погодокот на Дуван Запата во 26. минута. До полувреме беше и 2-0 откако во 40. минута стрелаше Иван Илиќ. Во вториот дел на 3-0 зголеми Рикардо Родригез во 46. минута, додека конечните 3-1 беа дело на Бенасер од пенал во 55. минута. Torino [3] – 0 AC Milan – Ricardo Rodriguez 46′ byu/etclassico insoccer Standings provided by Sofascore Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Одлични вести доаѓаат за Денвер Нагетс откако излезе информацијата дека Џамал ​​Мареј речиси сигурно ќе биде подготвен за „мајсторката“ против Минесота Тимбервулфс. Канадскиот кошаркар се повреди за време на шестиот натпревар кој Тимбервулфс убедливо го добија со 115-70. Тој во дуел со Руди Гобер го повреди лактот и го одигра мечот со болки. Неговиот настап во мајсторката беше под знак прашалник, но тренерот на Нагетс, Мајкл Мелоун, откри дека Мареј ќе биде подготвен. „Добро се чувствува, можеше да ги одработи сите вежби на тренинзите“, изјави Мелоун. Ноќта меѓу недела и понеделник во два часот по полноќ ќе се одигра дуелот меѓу Денвер и Минесота кој ќе одлучи кој тим ќе се пласира во финалето на Западната конференција на НБА лигата. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Ракометарите на Алкалоид се шампиони на Македонија во кадетска конкуренција откако во финалето славеа над Еурофарм Пелистер 2 со 31-22 на Ф4 турнирот кој се играше во Автокоманда. Домашниот тим дојде до сигурна победа и така ја освои кадетската титула, по пионерската, додека во младинскиот ракомет најдобар беше РК Мулти Есенс кој е исто така под Алкалоид. Најдобар стрелец во победничкиот табор беше Марин Крстевски со девет гола, а кај поразените најдобри беа Димовски, Вирловски и Ѓоргиевски со по четири гола. За МВП на турнирот прогласен е голманот на Алкалоид, Ѓорѓи Николовски. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Актуелниот шампион на Македонија, МЗТ Скопје Аеродром поведе со 1-0 во финалната серија во Првата лига откако вечерва на домашен терен во натпреварот број еден славеше над Пелистер со 82-77. Почетокот на натпреварот помина буквално без одбрани, откако и двата тима имаа слободни шутеви од секоја позиција, па затоа воопшто не изненадува што по десет минути игра на семафорот стоеше 28-23 за домашниот тим. Во сличен ритам мечот продолжи и во вториот период во кој избраниците на Васко Атанасов малку ја стегнаа одбраната, што беше доволно на пауза меѓу двете полувремиња актуелниот шампион да замине со двоцифрена предност од 50-40. Гостите од Битола фуриозно го стартуваа второто полувреме и предводени од неверојатниот Александар Костовски по почетокот на мечот повторно поведоа во 26. минута со 54-56. Актуелниот шампион успеа да се консолидира до крајот на овој период, па по 30 минути игра повторно поведе со 65-63. Во последниот период натпреварот влезе во неизвесна завршнца, а на три минути до крајот со тројката на Баковиќ домаќините поведоа со 77-74, по кои тренерот на гостите Дарко Радуловиќ мораше да побара тајм-аут. Натпреварот влезе во неизвесна завршница, а неколкуте грешки ги чинеа гостите поповолен резултат, а сето тоа го искористија аеродромци за конечен триумф од 82-77. Дамјан Стојановски со 16 поени беше прво име во таборот на победникот, додека Душан Танасковиќ уфрли 13. Кај поразените Јуре Планиниќ со 19 поени беше најефикасен, додека 16 уфрли Александар Костовски. Вториот натпревар од серијата кој исто така ќе се игра во СЦ „Јане Сандански“ во Скопје ќе се одигра во вторник. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Поранешниот шампион на Македонија, Шкупи излезе со соопштение по завршувањето на сезоната во ПМФЛ. Иако, чаирчани денеска славеа на гостувањето кај Струга тие ќе останат без Европа ова лето. По завршувањето на првенството тие распукаа по првиот човек на ФФМ, Муамед Сејдини велејќи за него дека е рак на македонскиот фудбал и дека во следните денови ќе излезат детално. Целото соопштение од ФК Шкупи ви го пренесуваме во целост. „Чекавме да завршат натпреварите за да зборуваме за многу работи. Денеска пред се им аплаудираме на играчите и техничкиот тим на Струга затоа што никој не може да ги игнорира нивните напори, но ние не му аплаудираме на струшкиот клуб и никогаш нема. За жал во оваа земја трофеите не се освојуваат, туку се продаваат. Тоа ќе го покажеме и објасниме на цела Македонија. Претседателот на фудбалската федерација нема што да му даде на фудбалот, само му штети на фудбалот. Ако темата е репрезентативен фудбал, мора под итно да се ослободиме од овој претседател на фудбалската федерација. Криењето зад политиката, користењето на името на политиката, а понекогаш дури и со оние на политиката, им служи на нивните интереси, а не на фудбалот. Овој претседател на федерацијата е клетка на рак на фудбалот. Фудбалот во оваа земја треба што поскоро да се ослободи од овој човек. Сè детално ќе споделиме со јавноста следната недела. Никој не се извлекува криејќи се зад политиката и играјќи ги сите валкани игри користејќи политика. Ќе донесеме многу сериозни одлуки за иднината на Шкупи, а причините ќе ги споделиме заедно со јавноста“, стои во соопштението на клубот. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Кошаркарот на Макаби, Лоренцо Браун, најверојатно ќе го напушти Макаби на крајот на сезоната. Американскиот кошаркар, кој има и шпанско државјанство, изгледа ја заврши својата двегодишна епизода во Израел. Според локалните медиуми, тој не се очекува да остане во Тел Авив. Она што може да биде проблем во промената на средината е обештетувањето кое сигурно ќе го бара Макаби, бидејќи договорот на Браун истекува во 2025 година. Браун сезонава имаше просек од 13,2 поени и 6,1 асистенции во Евролигата. Тој евролигашката кариера ја почна во редовите на Црвена Звезда, чиј дрес го носеше во сезоната 2019/20. Следуваше една сезона во Фенер, па во Уникс, пред да стане член на Макаби во 2022 година. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Англискиот премиерлигаш и еден од најстабилните тимови последните неколку години во Премиер-лигата Брајтон и Хов Албион потврди дека на утрешниот меч против Манчестер јунајтед на домашен терен за последен пат ќе го води клубот италијанскиот стратег, Роберто де Зерби. Долго се шпекулираше за оваа разделба, а денеска конечно стигна и потврда за оваа одлука од Брајтон. „Брајтон може да потврди дека тренерот Роберто Де Зерби ќе го напушти клубот по утрешниот последен натпревар од Премиерлигата оваа сезона против Манчестер јунајтед“, стои во соопштението. Де Зерби се поврзува со неколку гиганти во Европа, меѓу кои најголем фаворит е Баерн Минхен кој дефинитивно останува без Томас Тухел, а треба да се прати и ситуацијата со Чави Хернандез во Барселона. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Еден од најдобрите македонски млади фудбалери, Марио Илиевски повторно го покажа сиот свој раскошен талент, но и тоа не беше доволно оваа сезона за неговата Кишварда да обезбеди опстанок во унгарскиот шампионат. Иако нашиот интернационалец одигра одлична сезона, сепак догодина ќе мора да бара нова средина бидејќи во втората унгарска лига не може да настапуваат странци. Тимот кој веќе беше отпишан пред последното коло доживеа повторно пораз на гостувањето кај Пакс со 2-1, а повторно една од ретките светли точки беше Илиевски. Македонецот доби шанса во 71. минута од мечот, а до крајот успеа да асистира за единствениот погодок на гостите кој го постигна Спасиќ во 91. минута. Вториот Македонец во Унгарија, Никола Серафимов со неговиот МОЛ Фехервар одигра реми на домашен терен без голови против ДВТК и со тоа избори излез во Европа следната сезона. Нашиот репрезентативец постигна гол за својот тим во 91. минута, но тој по консултација со ВАР беше поништен. Standings provided by Sofascore Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Кошаркарите на Работнички поведоа со 1-0 во серијата за 3. место во плеј-офот од Првата лига на Македонија, откако вечерва на домашен терен во СРЦ „Кале“ славеа против екипата на ТФТ со 85-74. Првата четвртина помина во израмнета игра на двете страни, а по десет минути предност од три поени имаа домаќините 19-16. Гостите од скопската населба Тафталиџе одиграа одлично во вториот период во кој направија целосен пресврт и на пауза заминаа со позитива од седум поени (35-42). Со иста мера во вториот дел возвратија избраниците на Горан Самарџиев, кои во третиот период постигнаа триесет поени па пред последните десет минути поведоа со 65-57. До крајот успеаја да ја задржат оваа предност и да стигнат до триумф од 85-74 за водство од 1-0 во серијата од плејофот. Роберт Рикиќ со 17 поени беше прво име во таборот на победникот. Еден помалку постигна Стојан Ѓуровски, а со по петнаесет поени мечот го завршија Декоси и Ефремовски. Кај поразените недоволни беа 20 поени на Ленгстон Верц. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Капитенот на фудбалската репрезентација на Македонија Енис Барди и неговиот Трабзонспор славеа на гостувањето кај Башекшехир со минимални 0-1 во претпоследното коло во турскиот шампионат и со тоа го осигураа третото место во Суперлигата. Клучниот момент во натпреварот се случи во судиското надополнување во првото полувреме кога Онуачу на асистенција на Томас Муние го постигна погодокот вреден три бода. Барди беше стартер за својот тим и го одигра целито натпревар. Со оваа победа Трабзон и дефинитивно ќе го заврши шампионатот на третата позиција, веднаш зад Галатасарај и Фенербахче кои утре во меѓусебен дуел ќе го одлучат новиот шампион на Турција. Basaksehir 0-1 Trabzonspor – Paul Onuachu 45’+2′ byu/Meladroitdimage insoccer Standings provided by Sofascore Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Фудбалерите на Аталанта го направија конечниот чекор кон пласманот во Лигата на шампионите следната сезона откако денеска во првиот меч од денешната програма од 37. коло во Серија А славеа на гостувањето кај Лече со 0-2. Водство од 0-1 за гостите донесе Де Кетеларе во 48. минута, додека конечните 0-2 беа дело на Скамака во 53. минута. Со овој триумф Аталанта има шест бода предност пред Рома која има уште два меча до крајот, но и дури девет гола подобра гол разлика од ривалот за последното место кое следната сезона носи во ЛШ. Lecce 0-2 Atalanta – Gianluca Scamacca 53′ byu/Meladroitdimage insoccer Standings provided by Sofascore Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Силекс ремизираше 1-1 на гостувањето против Брегалница во Штип во последното коло од Првата македонска фудбалска лига. Откако домашните поведоа со голот на Стојчевски уште во 2. минута, Силекс израмни во финишот на натпреварот. А, мечот дефинитивно го одбележа токму израмнувачкиот гол на нововлезениот Давид Манасиевски кој во 83. минута испрати вистинска „бомба“ од 30 метри кон голот на Брегалница за конечни 1-1.  Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Во Турново, АП Брера славеше со 5-3 против Македонија ЃП во најинтересниот натпревар од последната 33. рунда во Првата македонска фудбалска лига. „Лавовите“ на полувремето водеа со 1-2. Ивковиќ уште во 3. минута постигна гол за водство на АП Брера, а потоа Величковски во 13. минута и Ларсон во 23. минута постигнаа голови за предност на „лавовите“ по првите 45 минути. Но потоа, во вториот дел „голеада“ за конечна победа од 5-3 на Брера. Македонија ЃП за жал следната сезона ќе игра во Втората македонска фудбалска лига откако заврши на претпоследното место во тековната кампања, додека АП Брера на крајот заврши како седмопласирана. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Струга ТЛ со пораз од Шкупи пред своите навивачи ја прослави новата шампионска титула во Првата македонска фудбалска лига. Стружани во последното коло од шампионатот загубија со 1-2 од Шкупи, но во безначаен резултатски меч кој не го загрозуваше трофејот на старо-новиот шампион. Но, ниту победата на Шкупи не им донесе пробив на втората позиција на табелата, затоа што Шкендија славеше со 0-2 на гостувањето против Работнички на арената „Тодор Проески“ во Скопје. Со победата Шкендија ја осигура втората позиција која ова лето ги води во квалификациите за Конференциската лига на УЕФА. Струга ТЛ ќе игра, пак, во квалификациите за ЛШ. Од лигата, како што е познато, испаднаа Брегалница и Македонија ЃП, Вардар ќе игра бараж за опстанок против Детонит Плачковица. Тетовци до предноста од 0-1 на арената „Тодор Проески“ дојдоа со голот на Красниќи во 39. минута. Во второто полувреме Аганспахиќ во 72. минута ги постави конечните 0-2. Шкупи, пак, во Струга поведе со голот на Рамани уште во 9. минута од натпреварот, но Бунјамин Шабани со убав гол во 30. минута израмни на 1-1, постигнувајќи го 200-от гол за Струга ТЛ во настапите во Првата лига на Македонија во својата историја. Во второто полувреме, Шкупи со голот на Аворнио во 50. минута дојде до победата од 1-2. Вардар и Тиквеш ремизираа (2-2) на стадионот „Борис Трајковски“ во Маџари. Црвено-црните поведоа во 14. минута со голот на Николовски, но потоа со два гола на Даноски и на Пузиревскис кавадарчани дојдоа до предност. Во второто полувреме Шушњара во 65. минута ги постави конечните 2-2. Брегалница ремизираше 1-1 со Силекс. Штипјани поведоа благодарение на голот на Филип Стојчевски уште во 2. минута од средбата. Но, Манасиевски во 83. минута постигна евро-гол за конечни 1-1.  Во Турново, АП Брера славеше со 5-3 против Македонија ЃП. „Лавовите“ на полувремето водеа со 1-2. Ивковиќ уште во 3. минута постигна гол за водство на АП Брера, а потоа Величковски во 13. минута и Ларсон во 23. минута постигнаа голови за предност на „лавовите“ по првите 45 минути. Но потоа, во вториот дел „голеада“ за конечна победа од 5-3 на Брера. ПРВА ЛИГА – 33. коло Струга: СТРУГА ТЛ – ШКУПИ 1-2 Шабани 30′ – Рамани 9′, Аворнио 50′ Турново: АП БРЕРА – МАКЕДОНИЈА ЃП 5-3 Ивковиќ 3′, 59′, Мато Роџерс 66′, 87′, Олаосебикан 82′ – Величковски 13′, Ларсон 23′, 84′ Штип: БРЕГАЛНИЦА – СИЛЕКС 1-1 Стојчевски 2′ – Манасиевски 83′ Скопје: РАБОТНИЧКИ – ШКЕНДИЈА 0-2 Красниќи 35′, Аганспахиќ 72′ Скопје: ВАРДАР – ТИКВЕШ 2-2 Николовски 14′, Шушњара 65′ – Даноски 24′, Пузиревскис 29′ Охрид: ВОСКА СПОРТ – ГОСТИВАР 1-1 Марушиќ 56′ – Абази 79′ Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Во моментов вториот тенисер во светот Јаник Синер се врати на тренинзите со цел да се подготви за стартот на вториот гранд-слем во сезоната Ролан Гарос. Тој имаше проблеми со колкот во Мадрид каде без борба му го предаде четвртфиналниот меч на Феликс Оже-Алиасим. Сепак, се чини дека повредата е минато, иако се шпекулираше дека тој подолг период ќе биде надвор од терените. Синер има освоено три турнири досега оваа сезона – Австралија опен, Ротердам и Мајами. Тој го пропушти турнирот во Рим, што ги загрижи италијанските навивачи, но се чини дека закрепнувањето оди во добра насока. Ролан Гарос е на програмата од 26. мај до 9. јуни, а титулата ја брани Новак Ѓоковиќ. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Најдобрата тенисерка во светот, Ига Швјонтек стигна до нова титула во кариерата откако денеска славеше на ВТА мастерсот кој се игра во италијанскиот главен град Рим. Швјонтек во големото финале славеше против во моментов нејзината најголема ривалка Белорусинката Арина Сабаленка и тоа со убедливи 2-0, по сетови 6-2 и 6-3. Првиот сет Полјачката го освои фуриозно за само 37 минути игра, додека иако во вториот сет Сабаленка пружи поголем отпор сепак на крајот тоа не беше доволно за ништо повеќе од чесен пораз. И двете тенисерки сега патуваат за Париз, каде во недела ќе почне вториот гранд-слем во сезоната Ролан Гарос на кој повторно ќе бидат најголеми фаворитки да се сретнат во финалето. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

АП Брера реализираше рекорден трансфер во историјата на клубот со продажба на младиот Димитар Трајков, на кого денеска против Македонија ЃП во Турново му е последниот настап во дресот на струмичкиот прволигаш. Димитар Трајков е нов играч на ФК Полисја од Житомир, Украинa, каде преминува за рекордно обештетување во историјата на некогашна Академија Пандев, денес Брера Струмица. Па, директорот на клубот Сашко Пандев денеска во името на соиграчите и целокупното семејство на АП Брера со посебни подароци му се заблагодари на Трајков за целокупниот учинок за клубот, испраќајќи го во Украина. „Благодарен сум на Горан Пандев, соиграчите и сите луѓе од ФК Брера Струмица за убавите поминати години во Струмица“ – истакна и Димитар Трајков. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Кошаркарките на актуелниот шампион на Македонија, Баскет Кам стигнаа и до втората победа во финалната серија во домашниот шампионат откако денеска и во вториот меч на домашен терен славеа над Вардар овојпат со 64-58. Целиот меч беше израмнет меѓу овие два тима, а на крајот за конечен триумф клучна се покажа третата четвртина која домашната екипа ја доби со четири поени разлика, откако сите останати периоди завршија во егал. Tретиот натпревар од финалната серија на програмата е на 24. мај, а доколку Баскет Кам успеа да слави ќе стигне до нова титула во домашниот шампионат. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Фудбалерите на Унион Берлин се најголемиот среќник во последното коло во германската Бундеслига, откако на неверојатен начин успеаја да стигнат до сигурен опстанок во германскиот шампионат. Тимот од главниот град на Германија славеше со 2-1 во неверојатен натпревар против Фрајбург кој почна со промашениот пенал на Јурановиќ во 38. минута. Водство за домаќините сепак, донесе Холербах во 68. минута, но гостите успеаја да израмнат на 1-1 преку Доан во 85. минута. У. Берлин доби нов пенал во 92. минута кој не успеа да го реализира Воланд, но топката се одби до Хаберер кој на крајот го постигна голот за 2-1 вреден опстанок. Union Berlin [2]-1 Freiburg – Janik Haberer 90+3′ byu/suedney insoccer Директен опстанок обезбеди и Мајнц кој славеше на гостувањето кај Волфсбург со 1-3. Во баражот ќе игра Бохум кој беше поразен од Вердер со 4-1, а во „Цвајти“ следната сезона се Дармштад кој веќе одамна беше отпишан, како и Келн кој денеска загуби од Хајденхајм со 4-1. Standings provided by Sofascore Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Шкендија е на пат да го зачува второто место во сезоната 2023/2024 и да обезбеди за себе настап во Конференциската лига на УЕФА по водството од 0-1 по првото полувреме на гостувањето против Работнички во последното коло од шампионатот. Тетовци до предноста на арената „Тодор Проески“ дојдоа со голот на Красниќи во 39. минута.  Шкупи, пак, има 1-1 по првите 45 минути на гостувањето против старо-новиот шампион Струга ТЛ. Чаирчани поведоа со голот на Рамани уште во 9. минута од натпреварот, но Бунјамин Шабани со убав гол во 30. минута израмни на 1-1. Тиквеш води со 1-2 против Вардар во Скопје. Црвено-црните поведоа во 14. минута со голот на Николовски, но потоа со два гола на Даноски и на Пузиревскис кавадарчани дојдоа до предност. Брегалница води со 1-0 против Силекс благодарение на голот на Филип Стојчевски уште во 2. минута од средбата. Македонија ЃП со пресврт води со 1-2 на гостувањето против АП Брера во Турново. Ивковиќ уште во 3. минута постигна гол за водство на АП Брера, а потоа Величковски во 13. минута и Ларсон во 23. минута постигнаа голови за предност на „лавовите“. Нема голови на дуелот во Охрид меѓу Воска Спорт и Гостивар. ПРВА ЛИГА – 33. коло (прво полувреме) Струга: СТРУГА ТЛ – ШКУПИ 1-1 Шабани 30′ – Рамани 9′ Турново: АП БРЕРА – МАКЕДОНИЈА ЃП 1-2 Ивковиќ 3′ – Величковски 13′, Ларсон 23′ Штип: БРЕГАЛНИЦА – СИЛЕКС 1-0 Стојчевски 2′ Скопје: РАБОТНИЧКИ – ШКЕНДИЈА 0-1 Красниќи 35′ Скопје: ВАРДАР – ТИКВЕШ 1-2 Николовски 14′ – Даноски 24′, Пузиревскис 29′ Охрид: ВОСКА СПОРТ – ГОСТИВАР 0-0 Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

На Европското првенство во кајак на диви води, кое се одржа во Словенија (Тацен), најдобриот македонски кајакар Ангелче Петрушев го освои извонредното 6. место. Тој најнапред, во полуфиналето како 10. се пласира во финалето и со одлично техничко возење, без казнени поени, го освои 6. место, а за само една секунда му избега бронзениот медал. Со овој пласман, Ангелче покажа дека е сериозен кандидат за учество на Олимписките игри во Париз сезонава каде досега потврден спортиста од Македонија е само маратонецот Дарио Ивановски. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Еден од најдобрите македонски фудбалери Eлиф Елмас беше стартер во неговиот Ред Бул Лајпциг во ремито против Ајнтрахт Франкфурт на гостински терен 2-2 во последниот меч сезонава во Бундеслигата. Иако гостите имаа водство од 0-2 со головите на Чави Симонс во 42. минута од пенал и Шешко во 46, сепак на крајот домаќините со погодоците на Етиките и Мармуш од пенал успеаја да стигнат до бод (2-2). Елмас беше стартер за неговиот тим и одигра 74. минута. Eintracht Frankfurt 0-[2] RB Leipzig – Benjamin Sesko 46′ byu/suedney insoccer Марко Ројс на најдобар можен начин се прости од својот „Вестфален“ со победа над Дармштад од 4-0. Домаќините поведоа со 1-0 со голот на Матсен во 30. минута, а потоа на сцена стапи токму Ројс кој со „резантен“ удар од слободен удар зголеми на 2-0. На 3-0 зголеми Бранд во 72. минута, додека конечните 4-0 беа дело на Мален во 88. минута. Марко Ројс теренот го напушти во 81. минута, а беше испратен со шпалир на сите фудбалери и со стоечки овации на трибините. Dortmund reverencia Marco Reus. Hoje a festa é sua, craque! 👏🟡⚫️#BundesligaNoSportv pic.twitter.com/DyEIvSxW0s — sportv (@sportv) May 18, 2024 Standings provided by Sofascore Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Баер Леверкузен испиша историја откако стана првиот клуб во топ 5 лигите во Европа по Арсенал во овој милениум кој успеал една лигашка кампања да ја помине без пораз во домашниот шампионат. „Фармацевтите“ денеска во последното коло на домашен терен со 2-1 славеа над Аугзбург. Бонифејс во 12. минута донесе водство од 1-0 за домаќините, додека на 2-0 зголеми Андрих во 27. минута. Конечните 2-1 беа дело на Комур во 62. минута. Томас Тухел во негов стил замина од Баерн Минхен откако Хофенхајм го понижи во последното коло со 4-2. Херој за домаќините на овој меч беше хрватскиот интернационалец Крамариќ кој беше стрелец на три гола. Hoffenheim [3] – 2 Bayern Munich – Andrej Kramaric 85′ byu/etclassico insoccer Овој пораз го искористи Штутгарт кој со победата над Борусија Менхенгладбах од 4-0 на крајот го освои второто место. Standings provided by Sofascore Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Центарот на Бостон Селтикс, Кристапс Порзингис, според сите проценки, нема да може да му помогне на својот тим во првите два натпревари од финалната серија на Истокот во плеј-офот во НБА. Порзингис ја повреди потколеницата во натпреварот 4 од серијата со Мајами. Според американските медиуми Летонецот,нема да може да им помогне на соиграчите во првите два натпревари во битката за големото финале, кога Селтикс ќе му гостуваат на победникот од серијата во која играат Њујорк Никс и Индијана Пејсерс. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Макс Ферстапен ќе тргне од пол-позиција на трката за големата награда на Италија која се вози во Имола. Холанѓанецот иако имаше многу проблеми на тренинзите, сепак на крајот повторно беше најдобар кога беше најпотребно и стигна до нова пол-позиција во Формула 1 шампионатот. Друштво од првиот ред ќе му прави возачот на Мекларен, Оскар Пјастри, додека неговиот клупски колега Ландо Норис, заедно со возачот на Ферари Шарл Лелкер ќе тргнат од втората стартна позиција. Во топ 10 се најдоа уште и: Сајнц, Расел, Цунода, Хамилтон, Рикардо и Хулкенберг. Трката за ГН на Италија е закажана за утре со почеток во 15 часот. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Тренерот на Барселона, Чави Хернандез денеска ги демантираше пишувањата на шпанските медиуми дека раководството на клубот размислува да го отпушти, откако изјави дека лошата финансиска состојба ќе го спречи тимот да се натпреварува со Реал Мадрид за титулата во Ла лига. Речиси сите прашања се однесуваа на шпекулациите на шпанските медиуми дека претседателот Жоан Лапорта бил изнервиран од изјавата на Чави, кој рече дека ситуацијата е многу тешка, пред се на економски план, за тимот рамноправно да се бори не само против „кралевите“ туку и против останатите европски гиганти. „Клубот ми кажа дека треба да останам смирен и да продолжам да работам со истата мотивација и посветеност. Ништо не е сменето. Не знам и не ми е гајле од каде доаѓаат тие информации. Имам поддршка од претседателот и нашиот спортски директор“, изјави Чави. Чави во јануари изјави дека ќе го напушти клубот на крајот на сезоната, но претседателот Лапорта го убеди да остане до истекот на неговиот договор во јуни 2025 година. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Борусија Дортмунд поведува со 2-0 на доамшен терен против Дармштад во последниот натпревар за двата тима сезонава во германската Бундеслига. Мечот нема никакво резултатско значење бидејќи „милионерите“ се сигурно во Лигата на шампионите, додека Дармштад веќе одамна е испаднат. Сепак, денеска својот последен меч на „Вестфален“ го игра капитенот Марко Ројс кој го зачини на најдобар можен начин со неверојатен погодок од слободен удар. Својот последен официјален натпревар Ројс во дресот на омилениот клуб ќе го има против Реал Мадрид во финалето во Лигата на шампионите. Dortmund [2] – 0 Darmstadt – Marco Reus 38′ byu/dragon8811 insoccer Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Јирген Клоп утре за последен пат ќе го предводи тимот на Ливерпул. По осум години Германецот ќе го напушти „Енфилд роуд“, а денеска беше објавено видео на кое Клоп им се обраќа на навивачите на Ливерпул. Воедно, тоа видео е негова прва објава на Инстаграм, каде конечно отвори личен профил. За само неколку часа Клоп достигна бројка од повеќе од половина милион следбеници. View this post on Instagram A post shared by Jürgen Klopp (@kloppo) Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Maкедонската атлетичарка Миљана Ристиќ Стојчевска денеска на државното поединечно првенство во атлетика кое се одржа на арената „Тодор Проески“ во Скопје го урна националниот рекорд на 3.000 метри стиплчес со време од 11:58.61 минути. Со ова достигнување Ристиќ-Стојчевска го надмина досегашниот рекорд за единаесет секунди 12:09.82 минути кој беше поставен далечната 1995 година од страна на Марија Стојановска исто така во тоа време член на АК Делта. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Селекторот на фудбалската репрезентација на Србија, Драган Стојковиќ – Пикси, го објави поширокиот список на репрезентативци за Европското првенство во Германија. Стојковиќ избра 35 фудбалери, што значи дека до стартот на ЕВРО 2024 ќе мора да отпише девет од нив. На списокот изненадувачки се наоѓаат голем број фудбалери од домашниот шампионат, меѓу кои: олманот на Партизан, Александар Јовановиќ и неговиот соиграч Самед Баждар, Немања Стојиќ и Александар Ќирковиќ од ТСЦ, како и Срѓан Мијаиловиќ и Урош Спајиќ од Звезда, односно Михаило Ивановиќ од Војводина и Матија Глушчевиќ од Радник Крагуевац. 📋🇷🇸 | Селектор репрезентације Србије Драган Стојковић објавио је шири списак од 𝟯𝟱 играча за #EURO2024. pic.twitter.com/S4aTZQDAZ4 — Fudbalski savez Srbije | FA of Serbia (@FSSrbije) May 18, 2024 Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Нов скандал ја тресе атлетиката. Познатиот олимпиец Роџерс Квемои е суспендиран на шест години. Кениецот е суспендиран откако биле откриени неправилности во неговиот биолошки пасош. Квемои во периодот од 18. јули 2016 година до 8. август 2023 година имал големи отстапувања во резултатите од допинг тестовите и тоа довело до казната. Заедно со суспензијата што му беше изречена, беа избришани и сите резултати што ги забележа во сениорската кариера. Така тој остана без титулата светски првак за натпреварувачи до 20 години во трката на 10.000 метри (2016) и бронза на Игрите на Комонвелтот 2018 година во истата дисциплина, како и без победа на полумаратонот од Истанбул во 2022 година. Сè што му преостанува е екипното злато освоено на Светското првенство во крос кантри 2015 година. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Хесус Навас се пожали дека мора да ја напушти Севилја бидејќи никој од клубот не му понудил нов договор. Ниту Навас, ниту навивачите не се среќни, па затоа мораше да реагира претседателот на клубот. По бурата која се јави меѓу навивачите на Севилја дека Хесус Навас мора да го напушти клубот иако не сака, дојде и реакцијата на претседателот на клубот, Хозе Марија дел Нидо Караско. Тој одржа прес-конференција пред стадионот кој го носи името на Хесус Навас, каде настапува резервниот тим на Севилја и му понуди на играчот да остане засекогаш. „Чувствувам должност да ја истакнам позицијата на клубот кога е во прашање Хесус. Не би ми паднало на памет како личност, ниту како навивач на Севилја, ниту како претседател на клубот да и се спротивставам на најголемата легенда на Севилја. И овој стадион го доби неговото име и не сакам да влегувам во конфликти со него ниту јавно, ниту приватно. Но, не можам ни да дозволам да влезе во историјата дека Хесус не останува затоа што Севилјаа не го сака тоа. Ова е само недоразбирање и јас ја преземам одговорноста за тоа бидејќи знам дека Хесус е повреден. Тој останува во клубот и ќе му дадеме се што сака“, изјави првиот човек на Севилја. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Само два месеци откако беше пуштен од затвор по казната од четири и пол години затвор за силување, Алвеш најде нова работа. Бразилецот беше ослободен од затвор на 25. март откако плати кауција од еден милион евра. На Алвеш судот му ги одзеде бразилскиот и шпанскиот пасош, а доколку сака да ја напушти Шпанија мора да побара дозвола од судот на кој мора да се јавува секој петок. Бидејќи требаат пари за неговата слобода, Алвеш започна сопствен бизнис. Основаше агенција која ќе ги претставува професионалните спортисти. Компанијата се вика „OQP Sport and Management“, а покрај менаџерската работа ќе управува и со имиџот на спортистите. Компанијата е веќе регистрирана во комерцијалните регистри на Шпанија со седиште во Барселона и основачки капитал од 30.000 евра. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Младиот македонски кајакар, Ангелче Петрушев успеа да се квалификува во финалето на Европското сениорско првенство во кајак на диви води. Тој во дисциплината К-1, во квалификациите беше 10. од 60 натпреварувачи со време од 98,13 и без казнени поени. Зад водечкиот, Британецот Јозеф Кларк заостана 7,35 секунди. Ова е голем успех за Петрушев, бидејќи тој има 20 години, а весла во сениорска конкуренција. Зад себе остави многу познати имиња од кајакот, а попладне во финалето, меѓу 12 најдобри ќе биде во друштво на кајакари од Велика Британија, Италија, Чешка, Словенија, Франција, Австрија, Шпанија и Швајцарија. ЕП се одржува на патеката Тацен карј во Љубљана, Словенија. Последен пат Македонија имала учесник во финалето на ЕП во 2010, Атанас Николовски, кој веслаше исто така на оваа патека. На ова ЕП настапија и Кристијан Смилев кој беше 50. и Стефан Рибарски кој беше 59. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Фудбалерот на Манчестер сити, Фил Фоден е прогласен за најдобар играч во Премиерлигата во тековната сезона. Англискиот репрезентативец е петти по ред од „граѓаните“ што ја добива оваа награда, а „факелот“ го наследи од Ерлинг Халанд. Фил Фоден имаше сезона на кариерата. Тој во текот на целата година беше фактор на стабилност во нападот на Сити, каде полека ја презема палката на тимот од Кевин де Брујне, а на 34 одиграни натпревари постигна 17 гола, со осум асистенции. Ова е негова прва титула за најдобар играч на Премиер-лигата во кариерата, а интересно е што само четворица играчи во историјата во два наврати ја освоиле оваа награда. Тоа се: Тиери Анри (Арсенал), Кристијано Роналдо (Манчестер Јунајтед), Кевин де Брујен (Манчестер Сити) и Немања Видиќ (Манчестер Јунајтед). Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Koшаркарите на МЗТ Скопје Аеродром и Пелистер вечерва ја отвораат финалната серија за титулата во Првата лига на Македонија. Во 32. финале, екипата од Аеродром влегува со многу повеќе трофеи, МЗТ Скопје Аеродром ќе атакува на својот 11, а Пелистер на првиот шампионски трофеј. „Металците“ се без пораз во доигрувањето, откако им беа потребни само по три победи да ги елиминираат своите ривали. Во четвртфиналето беа подобри од Гостивар, а нешто потешка задача имаа во полуфиналето, против екипата на ТФТ, но исто така, и оваа серија беше решена во само три од евентуалните пет мечеви. Од друга страна пак „пелистерци“ беа максимални во четвртфиналмата серија со Еуро Никел 2005, која ја решија во само три одиграни мечеви. Во полуфиналето, против подоброрангираниот Работнички, забележаа еден пораз, и тоа на гостински терен, во СРЦ „Кале“ во Скопје. Сосема довоолно за трета година по ред да го предизвикаат МЗТ Скопје Аеродом во битките за шампионската титула. Натпреварот кој ќе се игра во СЦ „Јане Сандански“ во Скопје е со почеток во 19.15 часот. Час и петнаесет минути подоцна својата серија за третото место кое следната година ќе води во АБА 2 ќе ја стартуваат и Работнички и ТФТ. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Ова се нашите предлози за типување за денешниот ден… СИНГЛ НА ДЕНОТ Волфзбург – Мајнц 2 Фудбалерите на Мајнц денеска ќе му гостуваат на Волфсбург во натпревар од последното 34. коло во германската Бундеслига. По триумфот од 3-0 против Борусија Дортмунд, Мајнц денеска сам одлучува за својата судбина па со триумф на ова гостување ќе ги разреши сите дилеми околу опстанокот. Од друга страна Волфзбург одамна обезбеди опстанок, а нема шанси ни за излез во Европа, па овој меч нема никакво резултатско значење за домаќините. Затоа нашиот сингл на денот е победа на гостинот. ТИКЕТ НА ДЕНОТ Хофенхајм – Баерн М. ГГ4+ Штутгарт – Борусија М. 1 и 3+ Алавес – Хетафе 0-2 Лече – Аталанта 2 и 2-3 Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Постои шанса Денвер нагетс да биде ослабен во натпреварот 7 од полуфиналето на Западната конференција против Минесота тимбервулвс. Во понеделник во 2 часот по полноќ се среќаваат Нагетс и Тимбервулфс, а Џамал ​​Мареј е под знак прашалник за тој дуел. Мареј го повреди лактот во дуелот со Руди Гобер во шестиот натпревар. Бекот на Денвер мечот го заврши мечот со 10 поени (4/18 од игра), а во овој момент не е јасно дали ќе биде подготвен за „мајсторката“. „Се надевам дека ќе можам да играм како би му помогнал на тимот. Се надевам дека ќе успеам да се опоравам“, изјави Мареј. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Еден од најдобрите македонски тренери Раде Стојановиќ својата кариера ќе ја продолжи во Словенија. Селекторот на јуниорската репрезентација на Македонија и се уште актуелен тренер на Тиквеш, од следната сезона ќе седне на клупата на Тримо Требње. Станува збор за тим каде што како играч ја почна својата интернационална кариера. Стојановски беше дел од екипите на Голд Клуб Козина и Горење. Maкедонскиот стратег ќе дојде на местото на Урош Зорман, кој се збогува со фановите на клубот. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Хесус Навас на крајот од сезоната ќе ја напушти шпанска Севилја. Севилја од почетокот на сезоната е без двајца капитени, а сега си заминуваат и третиот и четвртиот. Во јануари клубот го напуштија Фернандо Рејес и Иван Ракитиќ, веќе е познато дека на крајот на сезоната ќе замине и Серхио Рамос, а сега Навас потврди дека нема да остане во клубот. И тоа не затоа што не сака, туку затоа што не му било понудено да остане. Медиумите во Шпанија шпекулираа дека самиот играч не сакал да го продолжи договорот, но тој тоа го демантираше. „Почитувани фанови на Севилја, ова е тажен ден за мене. Никогаш не мислев дека ќе дојде овој ден. Не можам да поверувам. Севилја е мојот дом, но не сум добил никаква понуда од клубот за продолжување на договорот. Никој. Нула повици. Немам ништо договорено со друг клуб. Севилја е мојата љубов“, изјави Навас. Навас професионалната кариера ја започна во 2003 година, а во 2013 година се пресели во Манчестер Сити. По четири години минати во Англија, тој се врати во Севилја, каде што останува до денес. За Севилја одигра 689 натпревари и е рекордер на клубот по бројот на настапи. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Фудбалерите на АП Брера помлади пионери генерација 2008 година се шампиони на Македонија. Струмичкиот тим пред денешниот меч против Брегалница го подигна пехарот кој и повеќе од заслужено го доби за одличната сезона и освојувањето на титулата во оваа старосна граница. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Италијанскиот стручњак Масимилијано Алегри (56) е само третиот тренер кој е отпуштен од Јувентус во текот на сезоната во последните 50 години, пренесуваат италијанските медиуми. Јувентус го отпушти Алегри во петокот, само два дена по освојувањето на Купот на Италија. „Старата дама“ во официјалното соопштение како причина за ваквата одлука го наведе „непримерното однесување“ на 56-годишниот тренер за време и по финалниот натпревар против Аталанта. Алегри беше суспендиран на два натпревари од дисциплинската комисија во Серија А поради неговото однесување за време на финалето одиграно на Олимпискиот стадион во Рим, во кое Јувентус победи со 1-0, а беше казнет и со 5.000 евра. И покрај тоа што Јувентус го прекина тригодишниот пост без трофеј и го освои Купот на Италија по рекорден 15. пат, управата на клубот од Торино реши да му ја врачи оставката на Алегри, бидејќи неговото однесување „не беше во согласност со вредностите што беа претставени од Јувентус“. Алегри на тој начин стана само третиот тренер кој доби отказ од Јувентус пред крајот на сезоната во последните 50 години. Истата судбина ја доживеа и Клаудио Раниери, кој беше отпуштен во мај 2009 година, на две кола пред крајот на сезоната, поради лошите резултати. Него го наследи Чиро Ферара, но и тој доби отказ пред крајот на следната сезона. Тој беше сменет во јануари 2010 година. Интересно, последен пат Алегри доби отказ во редовите на торинската „Старата дама“, исто така на 17 мај 2019 година. Тој се врати во летото 2021 година и во вкупно осум сезони освои пет титули во Серија А, пет изданија на Купот на Италија и два трофеи во Суперкупот на Италија. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Со шест натпревари денеска ќе се затвори годинашната сезона во Првата македонска фудбалска лига. Откако Струга ТЛ со победата над Шкендија минатото коло ја одбрани титулата во ПМФЛ, единствена непознаница оваа рунда е кој ќе заврши на второто место и со тоа ќе обезбеди европски квалификации летово. Шкендија во моментов има два бода предност од Шкупи и сама решава за својата судбина на гостински терен против Работнички. Од друга страна Шкупи и гостува на Струга Трим Лум. Веќе одамна е познато дека нови второлигаши се Македонија ЃП и Брегалница, додека Вардар ќе игра бараж со Детонит Плачковица. Токму најтрофејниот клуб оваа кампања ја завршува со домашен меч против финалистот во купот Тиквеш, додека вториот финалист Воска Спорт на домашен терен ќе го пречека Гостивар. Силекс и гостува на Брегалница, додека овој шампионат ќе го затворат АП Брера и Македонија ЃП. ПРВА ЛИГА – 33. КОЛО (денеска, 17 ч.) Скопје: РАБОТНИЧКИ – ШКЕНДИЈА Струга: СТРУГА ТЛ – ШКУПИ Струмица: АП БРЕРА – МАКЕДОНИЈА ЃП Кратово: СИЛЕКС – БРЕГАЛНИЦА Скопје: ВАРДАР – ТИКВЕШ ОХРИД: ВОСКА СПОРТ – ГОСТИВАР Standings provided by Sofascore Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Бразил ќе биде домаќин на Светското првенство за жени во 2027 година беше одлучено на 74. Меѓународен конгрес на Светската фудбалска федерација, што се одржа во петокот во Бангкок. Така Бразил ќе стане првата земја од Јужна Америка која ќе биде домаќин на Светското првенство за жени. Домаќинот на Мундијалот за прв пат беше решен со јавно гласање. Покрај Бразил, својата кандидатура заедно ја предложија и Белгија, Холандија и Германија. Бразил доби 119 гласа, додека комбинираната кандидатура на европските земји 78. Мундијалот во Бразил ќе биде десетти јубилеј кога е во прашање женскиот фудбал. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Голманот на Арсенал Арон Рaмсдејл од следната сезона ќе го носи дресот на Њукасл. Репрезентативниот голман на Англија потпиша договор со тимот од северна Англија на пет години, со опција за продолжување до 2030 година. Во текот на оваа година Рaмсдејл го загуби статусот на стандарден голман, кога Арсенал го доведе Давид Раја. Рaмсдејл му се приклучи на Арсенал од Шефилд Јунајтед во 2021 година. Голот на тимот од Лондон го бранеше на 78 натпревари. За репрезентацијата на Англија одигра четири натпревари. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Кенениса Бекеле ќе учествува на Олимписките игри во Париз, 12 години по неговиот последен настап на најголемиот светски спортски настан. Бекеле, кој има 41 година, последен пат настапи на Олимписките игри во Лондон во 2012 година, кога заврши на четвртото место на трката на 10.000 метри. Тој ги пропушти Рио де Жанеиро (2016) и Токио (2021) и сега е вклучен во атлетскиот маратонски тим на Етиопија за Париз. Во главниот град на Франција ќе трча маратон на кој во последно време бележи одлични резултати. Тој во декември го освои четвртото место во Валенсија, додека неодамна беше втор во Лондон. Бекеле освои три олимписки злата и едно сребро. Во Атина во 2004 година победи на 10 километри и беше втор на 5 километри, додека четири години подоцна во Пекинг славеше и на 5 и на 10 километри. Олимпискиот маратон за мажи е закажан за 10. август, а на него ќе настапи и најдобриот македонски атлетичар Дарио Ивановски. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Салфетката на која Лионел Меси го потпиша договорот за доаѓање во Барселона во 2000 година е продадена за 760.000 фунти (околу 888.000 евра), објави британската аукциска куќа Бонамс. Продажната цена се очекуваше да биде во опсег од 300.000 до 500.000 фунти, а онлајн аукцијата траеше од 8. до 17. мај. „Салфетката ја промени судбината и на клубот и на самиот Меси, кој стана еден од најголемите играчи на сите времиња“, објави Бонамс. Овој спомен беше внимателно чуван во сеф од Хорасио Гаџиоли, тогашниот адвокат на Меси. На салфетката не е само потписот на Меси, туку и потписите на Карлес Рексач, тогашниот спортски директор на Барселона и Хосеп Марија Мингела, скаутот на таленти кој го препозна потенцијалот на Меси. Салфетката, која е потпишана на ручекот во „Монжуик“, содржи писмена обврска од Рексач. „Во Барселона, 14 декември 2000 година, Карлес Рексач, спортскиот директор на Барселона, се согласува, под целосна одговорност и без разлика на какви било спротивни мислења, да потпише договор со играчот Лионел Меси, под услов да се придржуваме до договорени износи“, стои на салфетката. Меси, кој оттогаш освои неколку големи титули, вклучувајќи ја Лигата на шампионите и Светското првенство, имаше само 13 години кога се приклучи на академијата на Барселона, откако дојде од аргентинскиот клуб Њуелс Олд Бојс. Светскиот шампион во 2021 година ја напушти Барселона за Пари Сен Жермен, од каде минатата година се пресели во Интер Мајами. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Јирген Клоп си заминува од Ливерпул, но тоа не е единственото заминување. Засега потврдени се заминувањата на двајцата искусни играчи, Жоел Матип и Тиаго Алкантара. И на двајцата им истекува договорот на крајот на сезоната во која немаа голема минутажа и овој епилог можеше да се наѕира. Матип оваа сезона одигра само 14 натпревари за Ливерпул поради тешка повреда на вкрстените лигаменти. Кога му служеше здравјето, беше столб на одбраната на гигантот од „Енфилд“ од 2016 до 2022 година. Последните две сезони, сепак, повеќе беше во втор план, а имаше и сериозни проблеми со повредите. Повредите се практично синоним за Тиаго Алкантара. Играчот од средниот ред со префинета техника дојде во 2020 година од Баерн како големо засилување, но одигра само 98 натпревари и постигна само три гола. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Томас Тухел потврди дека следната сезона нема да биде тренер на Баерн. Прославениот стручњак не посочи каде ќе ја продолжи кариерата. Тухел на последната прес-конференција за оваа сезона пред натпреварот од последното, 34. коло во Бундеслигата, на гости кај Хофенхајм изјави дека нема да остане на клупата на Баварците и следната сезона. „Ова е мојата последна прес-конференција како тренер на Баерн. Имаше разговори, но не успеавме да се договориме, така што одлуката донесена во февруари останува на сила“, изјави Тухел, кој во Баерн дојде во март 2023 година. Баерн оваа сезона не стигна до ниту еден трофеј, што се случи за првпат во последните 12 години. Пред Баерн, Тухел ги водеше Челси, ПСЖ, Борусија Дортмунд и Мајнц. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Саутемптон е на прагот да се врати во Премиерлигата, откако „светците“ го совладаа Вест Бромвич Албион со 3-1 во реваншот од плеј-офот (првиот меч заврши 0-0) и закажаа дуел со Лидс на „Вембли“ за враќање во елитните редови на англискиот фудбал. Одлуката беше донесена во вторите 45 минути бидејќи првото полувреме заврши без голови. Смолбон го отвори резултатот за гостите во 49. минута, а потоа на сцена стапи Адам Армстронг. Најпрвин во 78. минута ја удвои предноста на домашните, а потоа од пенал две минути подоцна потврди премин во финалето на плеј-офот. Претходно, Лидс го елиминираше Норич, откако во реваншот славеше со 4-0, а првиот меч беше 0-0. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Кошаркарите на Индијана пејсерс обезбедија мајсторка во полуфиналната серија од плеј-офот во Источната конференција во НБА лигата откако синоќа на домашен терен во шестиот натпревар славеа со 116-103 и израмнија на 3-3 против Њујорк никс. Паскал Сиакам со 25 поени беше прво име во таборот на победникот, додека кај поразените кои макат мачат со повреди овој плеј-оф најефикасен на овој меч беше повторно Џејлен Брансон со 31 поен. Седмиот меч од серијата на програмата е во недела во 21.30 часот во централно европско време.  Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Фиорентина и Наполи ремизираа (2-2) во натпреварот за битка за место на табелата во Серија А кое води во Конференциската лига на УЕФА следната сезона. Рахмани во 8. минута донесе предност од 0-1 за Наполи, но домашните пред полувремето со головите на Бираги и Нзола дојде до водство од 2-1. Сепак, Кварацхелија во 57. минута со евро-гол од слободен удар донесе реми за „наполитанците“. 🚨🇮🇹 GOAL | Fiorentina 2-2 Napoli | Kvaratskhelia WHAT A FANTASTIC FREE KICK FROM KVARATSKHELIA !!!!!!!!!!!!!!!pic.twitter.com/6lU2EghhK3 — Tekkers Foot (@tekkersfoot) May 17, 2024 Standings provided by Sofascore Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Македонската одбојкарска репрезентација со пораз од Естонија ги почна настапите во Европската златна лига. На првиот натпревар од првиот турнир во Златната лига кој се игра во салата „Парк“ во Струмица, Македонија вечерва загуби со 1-3 од Естонците, по сетови 23-25, 25-14, 19-25 и 22-25. Подмладената Македонија и со нов селектор успешно парираше на Естонците, имаше преднос во четвртиот сет и од 10-7 и 20-19, но во финишот дозволи пресврт за противникот да дојде до победа од 1-3 во сетови. Капитенот Никола Ѓоргиев беше најдобар во нашиот состав со 19 поени, Стојан Илиев имаше 17 поени, а по осум поени освоија Милев и Савовски. Кај Естонците најдобар беше Тепан со 16 поени. Факт е дека натпреварите од Европската златна лига не се приоритет за македонските одбојкари кои преку овие натпревари треба да ја темпираат формата за квалификациите ова лето за пласман на ЕП 2025. Македонија во недела го игра вториот натпревар во Струмица од Европската златна лига против Чешка со почеток од 20:15 часот. Македонската репрезентација во Европската златна лига настапува во следниот состав: Техничари: Ѓорѓи Ѓорѓиев (Бурса-Турција), Давид Стојанов (Фужинар-Словенија) Коректори: Никола Ѓорѓиев (АЦХ Љубљана – Словенија), Стојче Арсов (Работнички), Кристијан Илиев (Струмица) Примачи: Владо Милев (Струмица), Лука Костиќ (Рибница – Србија), Стојан Илиев (Анагенисис – Кипар), Тоше Ефремов (Весна Пробиштип), Ангел Бошков (Работнички) Средни блокери: Филип Маџунков (Хасроде – Белгија), Филип Савовски (Војводина – Србија), Филип Лепидовски (Таково – Србија), Михајло Мирасчиев (Штип УГД) Либера: Дарко Ангеловски (Работнички), Костадин Ричлиев (Штип УГД). Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Канадската пливачка Самер Мекинтош го урна светскиот рекорд на 400 метри мешано откако на канадските квалификации за ЛОИ во Париз кои се одржуваат во Торонто делницата ја исплива за 4:24,38 минути. 17-годишната Мекинтош беше сопственичка и на претходниот најдобар резултат на планетата во оваа дисциплина, бидејќи лани ја запре стоперката на 4:25.87, исто така во нејзиниот роден град. На квалификацискиот турнир во Канада таа триумфираше и на 200 и 400 метри слободно. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Алкалоид продолжи да испишува историја откако актуелниот вицепрвак на Македонија славеше над Вардар со 25-24, за пласман во прво куп-финале на „сино-белите“ од Автокоманда. Полуфиналната пресметка беше израмнета и суперинтересна од почеток до крај, а победникот беше решен буквално во последната секунда, кога Вардар имаше пенал за израмнување, но Галевски го запре седмерецот на Срдановиќ и го одведе Алкалоид во големото финале. Почетокот на ова интересно полуфинале мина во ефикасна игра на двете страни, а Вардар беше тимот што прв успеа да се одлепи, поведувајќи со 4-6 и со 5-7. Алкалоид успеа да ја консолидира одбраната, следеа и неколку погодоци во серија на спротивната страна го сврте резултатот во своја полза (8-7). Следеше нов период на израмнета игра „гол за гол“, за избраниците на Кире Лазаров пред крајот на полувремето за првпат да дојдат и до два гола предност (14-12). Вардар преку Петриќ намали на 14-13, потоа имаше и напад за израмнување, но „вардарци“ не се снајдоа најдобро, а Алкалоид го казни тоа и со гол на Бинго од полуконтра замина на одмор со два гола позитива (15-13). Второто полувреме почна со неколку одлични интервенции на Мартин Томовски, Алкалоид повеќе од шест минути беше без постигнат погодок, а Вардар знаеше како да го искористи тоа и да поведе со 15-16. Бравурозното издание на Томовски продолжи со одбранет пенал, веднаш потоа и зицер на Серафимов, пред Симоновски од пивот да ја прекине мини-серијата на Вардар, израмнувајќи на 16-16 во 38. минута. Лазаревски даде гол и изнуди исклучување, но Алкалоид и со играч помалку успеа да ја затресе мрежата на Томовски, играјќи гол за гол и одржувајќи минимално водство. „Вардарци“ стануваа се понервозни на судиските одлуки, па Јагуриновски беше исклучен поради бурна реакција, по што Бинго повторно го врати Алкалоид на „плус два“ (21-19). Недановски зеде тајмаут, по што Петриќ веднаш стрелаше прецизно и ја преполови негативата на Вардар. „Сино-белите“ сепак имаа одговор, па преку расположениот Симоновски од пенал стигна и до три гола предност (24-21), за првпат на овој натпревар. Вардар заигра во поагресивна зона во одбраната, набрзина намали на 24-23, а потоа и не реализираше напад за израмнување. Во најлош момент за „вардарци“ исклучен беше Милан Лазаревски, по што Симоновски даде гол,а веќе во следниот напад незгодна повреда на скочниот зглоб заработи Гоце Георгиевски, газејќи го на ногата Бинго кој доби заслужено исклучување. Младиот Галевски блесна запирајќи го пеналот на Срдановиќ, во следниот напад „вардарци“ не успеаја да стрелаат прецизно во празната мрежа на противникот, па во последните две и пол минути се влезе со водство на Алкалоид од 25-23. Томовски го запре обидот на Серафимов, по што Јасухира со својот петти гол намали на 25-24, по што Лазаров побара тајмаут на 45 секунди до крајот, при водство на својот тим од еден гол разлика. Повторно Серафимов презеде одговорност и повторно Томовски го запре десниот бек на Алкалоид, по што Вардар доби напад за израмнување на 14 секунди до крајот, за што Недановски го побара својот последен тајмаут. Јасухира презеде одговорност и успеа да изнуди седмерец, но Галевски го запре последниот седмерец на Срдановиќ, за конечни 25-24. Галевски со три одбранети пенали беше меѓу најдобрите поединци на натпревар, во нападот најефикасни кај Алкалоид беа Серафимов со седум и Бинго со шест погодоци, додека најдобри стрелци кај Вардар во вечерашниот пораз беа Лазаревски со шест и Срдановски и Јасухира со по пет гола. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...