Сериозен инцидент се случи пред третиот меч меѓу Партизан и Црвена Звезда, кога Стефан Лазаревиќ бил нападнат од страна на Џејмс Нанели. Српските медиуми пишуваат дека Лазаревиќ сакал да го праша Нанели зошто го давел за време на вториот меч меѓу ривалите, по што Американецот се изнервирал и му го раскрвавел лицето. „Црвена Звезда го осудува овој потег, а поради сериозната повреда очекуваме реакција од полицијата, но и судот“, велат од екипата на Лазаревиќ. KK Crvena zvezda Meridianbet obaveštava javnost da je u nedelju u prepodnevnim časovima, Stefan Lazarević zadobio povrede koje se karakterišu kao „teške telesne povrede“ nakon fizičkog napada od strane igrača KK Partizan Džejmsa Nanelija #kkcz https://t.co/2hXQXvwVeE — KK Crvena zvezda Meridianbet (@kkcrvenazvezda) May 19, 2024 Nate mi sejemo mrznju #kkcz pic.twitter.com/1IGfD1DvDT — Dujan (@DujaOrlic) May 16, 2024...

Германскиот тренер Јирген Клоп на крајот на сезоната го напушта Ливерпул, откако реши да си земе долг одмор од фудбалот, а притоа зборуваше за неговите планови во иднина. Клоп кажа дека повеќе никогаш нема да тренира премиерлигаш во кариерата, откако ќе се врати од паузата. „Ова ќе биде долга пауза, нема да се вратам наскоро. Моето време во Англија заврши и никогаш повеќе нема да тренирам клуб од Премиерлигата“, кажа Клоп....

Олександар Усик победи против Тајсон Фјури во мечот за обединување на титулите во тешка категорија во бокс, но британскиот борец смета дека бил оштетен од судиите. Судиите по 12 рунди му ја доделија победата на Усик, но Фјури вели дека влијание врз одлуката имала и војната во Украина. „Луѓето вообичаено ‘паѓаат’ на земји кои се во војна. Неговата земја е во војна, сè е јасно. Што се однесува до мене, јас го добив мечот. Точно е дека Усик беше подобар во неколку рунди, но јас бев подобар во повеќе од нив“, кажа Фјури....

Денеска ќе се одиграат финалните средби во Купот на Македонија во СЦ „Борис Трајковски“, па така во машка конкуренција за трофејот ќе се борат Пелистер и Алкалоид, додека кај жените ќе се пресметаат Ѓорче Петров и Чаир. Битолчани се пласираа во финалето на Купот со триумфот против Тиквеш од 32-29 во првото полуфинале, додека Алкалоид го изненади Вардар со 25-24 и ќе се бори за првата титула во клупската историја. Пелистер се надева дека ќе го прекине долгиот пост, кој трае од 2005 година кога го кренаа трофејот во Купот за последен пат, но против себе го имаат мотивираниот Алкалоид кој веќе испиша историја со пласманот во финале, но избраниците на Кире Лазаров нема да се задоволат само со тоа туку ќе се обидат да го надиграат актуелниот македонски шампион. Алкалоид оваа сезона се соочи само еднаш со Пелистер, и тоа минатиот месец кога беше декласиран од битолскиот состав со 25-35, но ова ќе им биде одлична шанса за одмазда и нов клупски успех. Финалето во машка конкуренција во Купот на Македонија се игра од 19 часот, додека три часа претходно ќе се соочат ракометарките на Ѓорче Петров и Чаир....

Украинскиот боксер Олександар Усик славеше против Тајсон Фјури по 12 рунди со судиска одлука во Ријад, Саудиска Арабија, а тоа не го израдува познатиот рапер Дрејк кој се обложи на триумф на британскиот борец. Дрејк не се прослави со неговите обложувања, па делува дека е проколнат и постојано губат неговите фаворити, како што во случајов беше Фјури на кој вложи 565.000 долари. Раперот се надеваше дека ќе добие милион долари со победа на Фјури, меѓутоа судиската одлука на крајот му донесе ново разочарување. View this post on Instagram A post shared by Pubity Sport (@pubitysport)...

Ракометарите на Порто триумфираа со 34-25 против Брага, а еден од најдобрите на теренот беше македонскиот репрезентативен голман Никола Митревски. Митревски беше одличен на голот на Порто и запиша 11 одбрани, со што помогна неговата екипа да освои важни бодови во плејофот и сè уште да има шанси за титулата. Дербито меѓу првите две екипи, односно Спортинг и Порто се игра на 25 мај....

Претставниците на ШК Алкалоид Габриела Коскоска и Тони Лазов станаа државни шампиони на Македонија во шах – Коскоска на женскиот, додека, пак, Лазов на машкиот поединечен шампионат на Македонија за 2024 година! Женскиот интернационален мајстор Габриела Коскоска по неколкугодишна пауза им се врати на настапите во поединечна конкуренција, откако минативе неколку години настапуваше само на екипните првенства. Иако конкуренцијата беше сочинета, главно, од помладите, Коскоска во 9 партии освои 8 бода, односно 7 победи и во два наврата ремизираше и триумфираше пред Леа Ефтовска и пред Моника Жежовска, кои завршија со половина, односно со цел поен помалку. - Задоволна сум од постигнувањето! Во согласност со ждрепката, најголемиот дел од партиите со конкурентките за висок пласман ги играв со црни фигури, односно бели имав само во дуелот со Леа Ефтовска. Имаше момент во една партија кога се соочив со закана да бидам поразена, меѓутоа успеав да ја наметнам својата игра. Турнирот, иако со мал број учеснички, генерално, беше многу борбен, со голем број одлучени партии – изјави Коскоска. Интернационалниот мајстор Тони Лазов долги години важеше за перспективен шахист, кој потекнува од јуниорскиот погон на клубот. Со голема поддршка од неговиот тренер, велемајсторот Трајко Недев, успеа да се етаблира и трофеите од јуниорските првенства да ги замени со титули освоени во сениорска конкуренција како дел од екипата на ШК Алкалоид. Минатата година имаше одличен резултат, 6 победи од 6 партии на Македонското екипно првенство, а со резултат од 6 поени од 7 кола на Европското екипно првенство ја освои првата норма за велемајсторски бал! По одиграни 9 кола тој беше единствениот играч со 7,5 поени, додека, пак, зад него се најдоа ИМ Никола Николовски и Антон Златков со по 7 бода. - Турнирот го започнав со три победи, па го продолжив со три нерешени меча, а на крајот стигнав до уште три победи во дуелите со директните конкуренти. Воопшто не беше лесно, иако многумина од повозрасните колеги одлучија да не настапат. Одлучуваше последната партија и задоволен сум од конечниот исход, но цврсто верувам дека е ова резултат на долгогодишното изучување и тренирање на шаховската игра, како и на поддршката од клубот – вели Лазов. Младиот шахист од Неготино во последните две кола оствари значајни победи. Најпрвин над тимскиот колега интернационалниот мајстор Филип Панчевски, кој важеше за фаворит на турнирот, а потоа и над Антон Златков, кого во подобра завршница успеа да го принуди на пораз....

Поранешниот англиски и европски шампион Челси продолжи да троши пари на млади таленти, па така го договори 17-годишниот бразилски фудбалер Вилијан Естевао од Палмеираш. Естевао е одлично крило со неверојатна лева нога и во татковината го нарекуваат и Месињо, а Челси го договори за 40 милиони евра плус 25 милиони во бонуси. Премиерлигашот не планира да го испрати на позајмица, туку веднаш ќе биде промовиран во првиот тим на Челси, каде што ќе се пресели во јануари 2025 година. Месињо ќе потпише договор до јуни 2032 година, а се очекува во иднина да стане еден од најдобрите фудбалери во светот....

Борбата на столетието, одржана синоќа во Ријад донесе огромни приходи за организаторот што може да се заклучи и од премиите кои ги добија двајцата боксери. Наградниот фонд изнесуваше безмалку 200 милиони долари, но интересно е тоа што неговата поделба не беше поврзана со победникот на мечот. И покрај тоа што победи, Олександар Усик заработи само 50 милиони долари, додека на сметката на Фјури ќе бидат уплатени 145 милиони. Ирскиот боксер вети дека ќе донира 1,2 милиони долари за Украина која се наоѓа под агресија од Русија....

Денеска од 17 часот се играат сите натпревари од последното коло во Премиер лигата. а најинтересно треба да биде во Манчестер и на Емирејтс каде директно се одлучува за шампионот во англиското првенство. Има уште неколку отворени прашања, но секако тоа за освојувачот на титулата е најважно, па затоа целото внимание е насочено на Манчестер Сити и Арсенал кои во последното коло влегуваат со два бода разлика. Сити мора да победи бидејќи во случај на реми и триумф на „топчиите“, двете екипи би имале ист број бодови, а така, предност има Арсенал и овој тим ќе ја освои првата титула по пауза од 20 години. Пеп Гвардиола и кога ја водеше Барселона, а и во претходните седум години на клупата на Сити, никогаш не дозволи да ја загуби титулата во финалниот круг од првенството. И пред неговото доаѓање, во 2012 година, Сити стигна до шампионскиот трофеј во она драматично последно коло кога Агуеро погоди во судиското продолжение против Квинс Парк Ренџерс. Сепак, ако денеска „граѓаните“ триумфираа и ја освојат титулата, таа ќе има историски значење. Овој тим на Сити на чело со Пеп Гвардиола може да стане првиот во историјата на Премиер лигата (од 1992 година) кој четири пати по ред бил шампион на Англија. Такво нешто не му успеа ни на легендарниот Алекс Фергусон кој со Манчестер Јунајтед освои 13 титули, но ниеднаш повеќе од три во серија....

Навивачката група на Пелистер, „Чкембари“ имаше непријатна епизода при враќањето од Скопје, по синоќешниот меч на нивниот кошаркарски тим против МЗТ во „Јане Сандански“. Според информациите на КК Пелистер, автобусот со кој патувале битолчани бил каменуван на излезот на главниот град, а од видеото може да се забележи дека е причинета голема материјална штета. „Згрозени сме и го осудуваме инцидентот кој го доживеаја навивачите од Битола, од навивачката група “Чкембари“ кога по завршувањето на првиот натпревар од финалната серија од плеј-офот на кошаркарската лига во Скопје, на излезот од Скопје кон Битола, во возење е каменуван и демолиран автобусот со кој патуваше навивачката група “Чкембари“ од Скопје. Повредени се и неколку лица. Се прашауваме зошто веќе по кој знае кој пат се случуваат вакви и слични инциденти, кога гостуваат битолските навивачи на натпревари во кошарка, ракомет и фудбал. За разлика од тоа, кога навивачки групи гостуваат во Битола, посебно на кошаркарски натпревари, без разлика дали се во Куп или на првенствените натревари, истите максимално се испочитувани и не се случуваат никакви инциденти, а камоли и некој физички напади или оштетувања на возила. КК „Пелистер“ и спортската јавност во Битола се прашуваат зошто се случуваат инцидентите и со која цел, во време кога Битола е центар на спортот во државата. Оваа сезона во Битола се одиграа натревари од ракометната лига на Шампиони во реновирана сала, се одржа кошаркатскиот куп, се одиграа четири натревари од плеј-офот на кошаркатската сезона, фудбалерите се веќе прволигаши, ќе играат на комплетно реновиран стадион, одбојкарките се постојано дел од најдобрите екипи, боксерите од сите меѓународни турнири се враќаат со медали, најавена е изградба на нов спортски комплекс, се поставија рефлекторите на стадионот... Тука мора се споменат успесите и на младинските категории од клубовите од Битола. Дали некому пречи оваа спортската доминација на Битола и некој се плаши Битола да е центар на спортот, со прваци во ракомет и кошарка. Дали некој се плаши и од верноста на навивачите, не само на “Чкембарите“ кон брендот Пелистер туку и од многубројната битолска публика? Ова се дел од прашањата на кои очекуваме одговор. КК „Пелистер“ и овојпат им се заблагодарува на навивачката група „Чкембари“ што секојпат се на висина на својата задача, кога достинствено го бодрат својот тим и кога ги пречекуваат гостинските навивачки групи. „Чкембарите“ се носители на голем дел од успехот на КК „Пелистер„ како најважен „Шести играч“. Инцидентот е пријавен во Министерстевото за внатрешни работи од каде треба да се објават и напаѓачите“, стои во соопштението од КК Пелистер. „Чкембари“ денеска повторно треба да дојдат во Скопје бидејќи Ракометниот клуб Пелистер игра во финалето од Купот на Македонија, против Алкалоид....

Екипата на Далас Маверикс е прв финалист во Западната конференција откако ноќеска по четврти пат ја совлада Оклахома. Тандер беше најдобар тим на Западот по основниот дел од сезоната, но не успеа да стигне до завршницата од плејофот бидејќи против себе го имаше одличниот Лука Дончиќ и мотивираниот Далас. Во шестиот меч, Мавс славеа со 117-116 и покрај тоа што Оклахома во третата четвртина имаше и 17 поени предност (75-58). Во тие моменти делуваше дека Далас веќе чекори кон амбисот, меѓу другото и поради повредите на Лука Дончиќ кому неколку пати му беше укажана лекарска помош. Сепак, токму тие -17 ги тргнаа домашните кошаркари, до крајот на третиот период беше само седум разлика, а кон средината на последниот Далас го презеде водството и во финишот водеше со 115-110. И тука се чинеше дека работата е завршена, но Оклахома одговори со шест поени во низа за да го внесе мечот во неизвесна завршница. Херој на Далас, покрај Дончиќ, беше Пи Џеј Вашингтон кој беше фаулиран при шут за тројка на две секунди пред крајот и потоа погоди две од трите слободни фрлања, доволно за да го однесе неговиот тим до победа. Дончиќ го одигра можеби најдобриот натпревар во оваа серија, повторно оствари трипл дабл, сега со 29 поени, 10 скока и 10 асистенции, но со одличен шут од игра 9/15. Гилџес Александер ја предводеше Оклахома со 36 поени, сепак недоволни за финалето на Западот. Противник на Далас таму ќе биде подобриот од серијата меѓу Денвер и Минесота чија „мајсторка“ се игра вечерва....

Олександер Усик победи во дуелот со Тајсон Фјури, но сепак имаше големи последици од жестоките удари на противникот. Украинецот мораше да ја пропушти прес-конференцијата по мечот, а светските медиуми тврдат дека повредите што ги доживеал биле многу тешки и морале да му бидат санирани. Состојбата на Усик ја потврди и противникот на прес-конференцијата. „Дали го видовте моето лице? Прилично е деформирано, а и тој е однесен в болница со скршена вилица и исто така е претепан. Се тепавме како луѓе сите 12 рунди, така што сега ќе отидам дома, ќе јадам нешто, ќе испијам неколку пива, ќе поминам време со семејството, а потоа ќе зборувам за иднината“, изјави Фјури. Во шестата рунда тој му нанесе повреда на Усик, но никој не се сеќава кога дошло до повредата на вилицата....

Украинскиот боксер, Олександар Усик ги обедини титулите во тешка категорија откако по 12 рунди со судиска одлука го победи Тајсон Фјури во спектаклот кој се одржа во Ријад, Саудиска Арабија. Мечот ги оправда сите очекувања, Тајсон и Усик приредија вистинска борба, двајцата имаа свои моменти, Украинецот беше подобар и на крајот тој ја зема победата. Двајца од судиите му дадоа предност на Усик, еден на Тајсон што говори за изедначеноста на мечот. За Тајсон Фјури ова беше прв пораз во кариерата во која има 34 победи и едно реми. Главна причина за победата на Усик беше фантастичната деветта рунда која ја имаше Украинецот. До тој момент Фјури беше во предност, собра повеќе бодови, па беше релаксиран во завршницата. Усик го крена нивото и му зададе серија тешки удари по што вистинско чудо беше како Тајсон остана на нозе и го дочека крајот на рундата. Ова беше 22. победа за Усик во професионалниот бокс, се уште нема доживеано пораз....

Познатиот водител Пирс Морган, кој е познат по неговите контроверзни изјави, брутално го понижи германскиот тренер Јирген Клоп на заминување од Ливерпул Премиерлигата се збогува со Клоп, кој по долга пауза им го донесе пехарот од првенството на „црвените“, но Морган смета дека еден трофеј не е доволен за да биде прогласен за легенда. „Не верувам дека една титула во осум години ќе те направи легенда во Премиерлигата“, напиша Морган. I don't think winning one League title in 8yrs makes you a 'Premier League great.' https://t.co/UCH18ogWw6— Piers Morgan (@piersmorgan) May 18, 2024...

Марко Ројс се збогува од Борусија Дортмунд, каде што играше од 2012 година, а по последниот меч реши да ги почести навивачите со пиво. Германскиот фудбалер купи 80.000 пива, односно потроши 120.000 евра на навивачите кои со години му даваа поддршка. „Ви благодарам за сè, последната тура е на моја сметка“, кажа Ројс. Marco Reus treats the entire Südtribüne to free beer! Reus: "Thanks for everything! The farewell beer is on me :-) Yours, Marco." Reus: "The action had been planned for a while. Carsten Cramer did a great job implementing it." Reus is paying the bill himself. The free beer is… pic.twitter.com/neO5CfwZr6 — ari (@aritrabvb1909) May 18, 2024...

Освен тоа што во „Јане Сандански“ се беше во знакот на неодамна починатиот Марјан Михајловски, денеска овации за него имаше и во Кале каде во борба за третото место играа Работнички и ТФТ. Домашните навивачи извадија транспарент на кој пишуваше „Почивај во мир, Маци“, а потоа скандираа за Михајловски. Со тоа, Сити Парк Бојс покажаа дека има нешто повеќе од големото ривалство меѓу Работнички и МЗТ Скопје....

Неколку часа по официјалниот крај на сезоната во Првата македонска фудбалска лига, екипата на Шкупи излезе со соопштение во која го нападна шампионот Струга и претседателот на ФФМ, Муамед Сејдини. Иако победија во Струга, чаирчани го освоија третото место во првенството и не обезбеди пласман во европските купови за оваа сезона. „Чекавме да завршат натпреварите за да зборуваме за многу работи. Прво им честитаме на играчите и стручниот штаб на Струга затоа што никој не може да ги игнорира нивните напори, меѓутоа не ѝ честитаме на Струга како клуб и никогаш нема да го направиме тоа. За жал, во оваа земја трофеите не се освојуваат, туку се купуваат. Ќе ѝ го покажеме ова на цела Македонија наскоро. Претседателот на ФФМ нема што да му даде на фудбалот, само му прави штета. Ако темата е фудбалот во државата, тогаш мора да се ослободиме од актуелниот претседател на ФФМ. Се крие зад политика, го користи името преку политика, а некогаш ја штити политиката за нејзини интереси, а не фудбалот. Тој е рак на фудбалот. Ќе споделиме детали со јавноста во следната недела. Никој нема да избега од одговорност ако се крие зад политика и ако игра нечисти игри. Ќе донесеме сериозни одлуки за иднината на Шкупи и ќе ги споделиме причините со јавноста“, стои во соопштението од Шкупи....

Најдобрата светска тенисерка Ига Швјонтек го освои пехарот на Мастерсот во Рим откако во денешното финале повторно беше подобра од Арина Сабаленка со 2-0 (6-2, 6-3). До триумфот против вториот светски рекет, таа стигна за само 90 минути игра, а со тоа го освои четвртиот пехар во сезоната. На противничката не ѝ дозволи ниеден брејк, додека таа освои три гема на сервис на Сабаленка, два во првиот и еден во вториот сет. Швјонтек се наоѓа на првото место на ВТА листата од 6 ноември 2023 година, а вкупно на челната позиција во кариерата помина 103 недели....

Иако кандидатите за претседател на Фенербахче пред изборите се колнеа дека имаат договор со Жозе Мурињо за тренерската позиција, изгледа дека не е баш така. Денеска со иста најава се јави претседателот на Бешикташ, Хусеин Јусел кој тврди дека наскоро треба да бидат финализирани сите детали околу соработката со трофејниот стручњак. „Го контактиравме Жозе Мурињо и тој е подготвен да дојде во Бешикташ. Догоривме нов состанок за идната недела во Италија, а можам да кажам дека финансискиот дел од договорот е решен“, вели Јусел. Наводно, Мурињо ќе потпише договор на две години за плата од 15 милиони евра што е огромна сума за турскиот фудбал. Многу веројатно Португалецот ќе сака соодветни засилувања, а раководството на Бешикташ ќе треба да му ги овозможи желбите....

Екипата на Пелистер испушти можеби историска шанса да се доближи до шампионската титула во домашното првенство откако вечерва загуби на гостувањето кај МЗТ Скопје, во првиот меч од финалната серија во домашниот плејоф. Актуелниот шампион поведе со 1-0, благодарение на триумфот со 82-77, но многу лесно можеше да се случи во предност да дојде битолскиот тим. Пелистер не ги искористи моментите на криза на МЗТ Скопје, како и повредата на Војдан Стојановски кој не играше во последната четвртина, а со тоа пропушти можност да направи брејк на стартот од финалето. Првото полувреме помина во доминација на домашниот тим кој беше во постојано водство и на голем одмор замина со десет поени предност (50-40). Таквата ситуација важеше до средината на третиот квартал кога Пелистер направи целосен пресврт и поведе со 56-54 за по три четвртини игра, МЗТ да има само минимална предност (65-63). И во последниот период Пелистер постојано му беше зад петите на шампионот, но не ги искористи моментите на криза на МЗТ кој три минути беше без постигнат кош. На три минути пред крајот беше 74-74, а потоа дојдоа клучните два напада на домашниот тим. Прво Баковиќ погоди тројка, а откако Костовски направи чекори, Танасковиќ постигна кош со фаул и МЗТ веќе отиде на недостижни +6 (80-74). На 70 секунди пред крајот Пелистер пак се доближи на еден посед (77-80), но не успеа да направи целосен пресврт. Дамјан Стојановски го предводеше домашниот тим со 16 поени, а двоцифрени беа уште Танасковиќ, Гилон и Војдан Стојановски. Планиниќ со 19 поени, 8 скока и 7 асистенции беше прво име кај Пелистер. Вториот меч од серијата најверојатно ќе се игра во вторник, повторно на теренот на МЗТ Скопје....

Денешниот пораз од Хофенхајм со 2-4 и победата на Штутгарт против Борусија Менхегладбах значеше дека Баерн ја заврши сезоната во Бундеслигата на третата позиција на табелата. Тоа е најлош пласман на баварскиот гигант во домашното првенство од 2011 година, но тука има и друг проблем. Баерн сега нема шанси да игра во германскиот Суперкуп каде најверојатно ќе настапеше ако го освоеше второто место. Ако Баер во финалето од Купот го победи Кајзерслаутерн, во Суперкупот ќе се сретнат новиот шампион на Германија и второпласираниот од Бундеслигата - Штутгарт. Сево ова значи дека Хари Кејн ќе пропушти уште една шанса да дојде до трофеј, односно ќе мора да чека барем до крајот на идната сезона за евентуално да го освои првиот првиот пехар во кариерата....

Финалето од плејофот меѓу МЗТ Скопје и Пелистер започна со минута молк за прерано починатиот навивач на аеродромци, Марјан Михајловски - Мац, а потоа фановите на двата клуба му оддадоа почит на посебен начин. На трибината каде традиционално е сместена навивачката група Фемили, осамна кореографија со ликот на Михајловски во поза каква што можеше да се види на натпреварите на својот тим. Потоа и навивачите на Пелистер извадија парола на која пишуваше: „Почивај во мир Мац“. Марјан Михајловски - Мац почина на 10. мај на 53-годишна возраст....

Работнички го победи ТФТ со 85-74 во првиот дуел од серијата за третото место кое носи во АБА2 лигата за следната сезона. По елиминацијата во полуфиналните дуели, Работнички и ТФТ денеска ја почнаа битката за третото место. Работнички со добра игра во третата четвртина која ја добија со 30-15, дојде до пресврт, а потоа и до победа од 85-74. Рикиќ со 17 поени и 13 скокови беше најдобар во составот на Работнички, Ѓуроски постигна 14, Декоси и Ефремовски по 15 поени. Во составот на ТФТ, Верц постигна 20 поени. Серијата се игра во два добиени натпревари....

Аталанта со 2-0 славеше на гостувањето кај Лече и го завери местото во Лигата на шампионите за следната сезона. По три минути игра во второто полувреме Де Кетеларе погоди за водство на Аталанта од 1-0, а во 53. минута Скамака ги постави конечните 2-0. Со овој триумф Аталанта ќе биде најмалку петто место во Серија А, што значи дека го заверија пласманот во Лигата на шампионите. Сега целиот фокус можат да го насочат кон финалето од Лига Европа каде играат против Баер Леверкузен. CDK gives Atalanta the lead 😎💙🖤 pic.twitter.com/Gaezwe6EsU — Atalanta BC News (@AtalantaBC_News) May 18, 2024...

Италијанскиот тренер, Роберто Де Зерби ќе го напушти Брајтон по крајот на сезоната, англискиот клуб го потврди неговото заминување. Долго се шпекулираше за оваа разделба иако, но често стигнуваа деманти. Сепак пред утрешното последно коло стигна потврда од Брајтон. „Брајтон може да потврди дека тренерот Роберто Де Зерби ќе го напушти клубот по утрешниот последен натпревар од Премиерлигата оваа сезона против Манчестер јунајтед“, стои во соопштението. Се шпекулира дека Де Зерби сега е прв кандидат за тренерската позиција во Баерн Минхен....

Заврши сезоната во Првата македонска фудбалска лига (ПМФЛ), непознато беше само кој ќе заврши на втората позиција, Шкендија благодарение на гостински триумф кај Работнички ќе игра во Европа, Шкупи остана трет. Со голови на Красниќи во 34. минута и Аганспахиќ во 72. минута, Шкендија со 2-0 славеше на гостувањето кај Работнички. Со овој триумф Шкендија заврши на втората позиција и ќе игра во европски квалификации на лето. Шкупи со 2-1 славеше кај шампионот Струга, но ова беше пирова победа за чаирскиот тим со оглед на успехот на Шкендија. Рамани уште во деветата минута донесе водство за Шкупи, а Буњамин Шабани во 30. изедначи на 1-1. По шест минути игра во второто полувреме Аворњо дојдесе триумф за скопскиот тим. Вардар одигра 2-2 против Тиквеш. Црвено-црните поведоа со гол на Николовски во 14. минута, но брзо потоа следуваше пресврт, со погодоци на Пузиревскис и Даноски, кавадаречкиот тим го сврте резултатот и поведе со 2-1. Сушњара во 66. минута донесе бод за Вардар. Вистинска голеада имаше во Струмица каде Брера со 5-3 ја победи екипата на Македонија Ѓорче Петров која имаше водство од 2-1 на полувремето. Воска и Гостивар одиграа нерешено 1-1, а со истоиот резултат заврши и дуелот меѓу Брегалница и Силекс. 33. коло: Брера - Македонија ЃП 5-3 Брегалница - Силекс 1-1 Работнички - Шкендија 0-2 Струга - Шкупи 1-2 Вардар - Тиквеш 2-2 Воска - Гостивар 1-1 Конечна табела: Струга 64, Шкендија 64, Шкупи 62, Тиквеш 44, Силекс 43, Гостивар 42, Брера 42, Работнички 42, Воска 42, Вардар 37, Македонија ЃП 29, Брегалница 28....

Хесус Навас сепак ќе продолжи во Севиља, легендата на клубот доби доживотен договор и сам да одбира каква позиција ќе има во раководството. Утрово, Хесус Навас соопшти дека ја напушта Севиља и изрази разочараност од односот на клубот и како тоа никој не го контактирал и не му понудил нов договор. Само неколку часа подоцна се случи огромен пресврт, Севиља му понуди доживотен договор и сам да одбере каква позиција ќе има во раководството. Па Хесус Навас кажа ДА, реши да игра до 31. декември, потоа да стави крај на кариерата и да добие функција во клубот. Шпанецот исто така реши да игра беспари, односно платата која е договорено ќе ја донира во добротворни цели....

Чаби Алонсо испиша историја, тој е првиот тренер во Бундеслигата кој освоил титула без пораз, а е еден од осумте кои го направиле тоа во топ пет лигите. Првиот на кој му успеало е Вилијам Судел, тој со Престон во 1888/89 станал шампион на Англија без пораз. Фред Пентланд го предводел Атлетик Билбао во 1929/30 до титула без пораз во Шпанија. Брзо потоа Реал Мадрид направил таков успех, под водство на Липо Херцка во 1931/32. Алберто Бигон со Перуџа во 1978/78 година исто така завршил без пораз. Од поновата историја, Фабио Капело со Милан во 1991/92 година. Легендарните непобедливи на Арсен Венгер беа во сезоната 2003/04. Антонио Конте со Јувентус го направи тоа во 2011/12 и сега му успеа на Чаби Алонсо со Леверкузен. Managers who have led teams to an unbeaten season in Europe’s top five leagues... • William Sudell (Preston, 1888/89) • Fred Pentland (Athletic Bilbao, 1929/30) • Lippo Hertzka (Real Madrid, 1931/32) • Alberto Bigon (Perugia, 1978/79) • Fabio Capello (AC Milan, 1991/92) •… https://t.co/5L6paagPwV pic.twitter.com/nZvId3jiFV — The Coaches' Voice (@CoachesVoice) May 18, 2024...

Баер Леверкузен со 2-1 го победи Аугсбург во последното коло од Бундеслигата и ја комплетира сезоната без пораз. Сезона за паметење на Баер Леверкузен, шампиони на Германија без загубен меч. 28 победи и шест нерешени натпревари. Пред момците на Чаби Алонсо има уште два натпревар и ако не ги загубат ќе освојат тројна круна без пораз. Второто место во Германија го освои Штутгарт кој со 4-0 славеше над Борусија Менхенгладбах, а Баерн Минхен со 4-2 загуби од Хофанхајм и падна на третата позиција. Четврти остана Лајпциг кој одигра 2-2 на гостувањето кај Ајнтрахт Франкфурт. Елиф Елмас беше стартер на мечот и на теренот остана до 74. минута. Петти учесник од Германија во Лигата на шампионите ќе биде Борусија Дортмунд која денеска со 4-0 славеше над Дармштад. Ова беше последен меч за Марко Ројс во дресот на Борусија Дортмунд. Унион Берлин со гол во судиското продолжение го победи Фрајбург со 2-1 и остана во Бундеслигата. Бохум преку баражот ќе се обиде да го направи тоа откако денеска загуби од Вердер со 4-1. Од Бундеслигата директно испаѓаат Келн и Дармштад....

Легендарниот Марко Ројс денеска за последен пат го носи дресот на Борусија Дортмунд, а на својата разделба од клубот постигна фантастичен гол од слободен удар. Течеше 38. минута кога Ројс постигна супер гол од слободен удар за водство на Дортмунд над Дармштад од 2-0....

Македонскиот кајакар, Ангелче Петрушев направи сериозен успех со пласманот на шестото место на Европското првенство во кајак на диви води кое се одржува во Љубљана. 20-годишниот Петрушев успехот го направи во дисциплината К-1. Тој во финалната трка имаше заостанување од 4,97 зад победникот, Џовани Де Џенаро од Италија. Ова е голем успех за Петрушев со оглед на неговата возраст. Претходно Македонија имала учесник во финале на ЕП во 2010 година, тоа беше Атанас Николовски. Покрај Петрушев на ова ЕП од Македонија настапија и Кристијан Смилев кој беше 50. и Стефан Рибарски кој беше 59....

Селекторот на Србија, Драган Стојковиќ - Пикси објави поширок список на фудбалери кои ќе конкурираат за настап на Европското првенство. Пикси објави список од 35 фудбалери, што значи дека за девет од нив нема да има место за првенството во Германија. 📋🇷🇸 | Селектор репрезентације Србије Драган Стојковић објавио је шири списак од 𝟯𝟱 играча за #EURO2024. pic.twitter.com/S4aTZQDAZ4 — Fudbalski savez Srbije | FA of Serbia (@FSSrbije) May 18, 2024...

Со денешниот натпревар од 19:15 часот во Аеродром, МЗТ Скопје и Пелистер ја почнуваат новата епизода од нивната трилогија во финалето од домашниот плејоф. Во претходните две изданија славеше МЗТ Скопје кој и сега е фаворит за шампионскиот трофеј со кој, ако го освои, би ја продолжил доминацијата во домашната кошарка. Од 2012 година, аеродромци освоија 10 титули во првенството и 8 во националниот Куп и сериозно се заканува да стане најтрофеен тим во македонската кошарка. До пласманот во финалето, МЗТ Скопје стигна без претрпен пораз бидејќи лесно излезе на крај со Гостивар и ТФТ и покрај тоа што во меѓувреме имаше обврски и во плејофот од АБА лигата. Пелистер се уште го очекува првиот пехар во својата историја, но ќе има тешка задача ако се знае дека предноста на домашниот терен е на страната на МЗТ Скопје. Поради тоа ќе мора да направи барем еден брејк, како што беше случај во полуфиналната серија против Работнички. Претходните две сезони МЗТ Скопје немаше поголеми проблеми во финалните серии против Пелистер. Во 2022 година славеше со 3-0, а лани загуби еден натпревар во Битола, но сепак релативно лесно стигна до трофејот. Во текот на актуелната сезона, МЗТ Скопје и Пелистер се сретнаа четири пати, во домашното првенство, на двата меча славеа битолчани, вклучувајќи го и дуелот во „Јане Сандански“ на почетокот од оваа година, но аеродромци триумфираа во дуелот од АБА 2 лигата и во финалето од Купот на Македонија чија завршница се играше во Битола. Нов шампион ќе биде тимот кој прв ќе стигне до 3 победи со тоа што домаќин на првите два меча е МЗТ Скопје, третиот и евентуалниот четврти се во Битола, а евентуалната „мајсторка“ во „Јане Сандански“....

И покрај шпекулациите во шпанските медиуми, Чави уште е тренер на Барселона и денеска се појави на прес-конференцијата пред утрешниот натпревар против Рајо Ваљекано. Можеби на крајот од сезоната тој навистина ќе добие отказ, но до моментов ништо не е сменето во однос на претходните денови. „Не можам да кажам дека имало некои проблеми меѓу нас, од клубот ме смируваат тврдат дека се е в ред, а ја продолжувам со истиот ентузијазам да се подготвувам за идната сезона. Претседателот Лапорта се уште има доверба во мене, комуницирам со Деко и Јусте и тоа е се што знам во моментов“, тврди Чави. Во медиумите во Шпанија веќе се појавија информации за неговите можни наследници, прв фаворит повторно е Рафа Маркез, потоа Ханси Флик и на трето место Марсело Гаљардо....

Шпанскиот стручњак Кике Санчез Флорес ќе ја напушти тренерската позиција во Севиља на крајот од сезоната, шест месеци откако го презеде тимот кој тогаш се наоѓаше во зоната за испаѓање. Тој беше тренер на Севиља оваа сезона по Хозе Луос Мендилибар и Диего Алонсо, долго време се мачеше во долниот дел од табелата, но на крајот успеа во својата мисија и обезбеди опстанок во Ла Лига. „Синоќа го информирав претседателот Хозе Марија дел Нидо дека донесов одлука да не ја продолжам соработката. Ова беше малку болна, но убава приказна и јас им благодарам на Севиља и навивачите за сето она што го доживеав овде“, изјави, меѓу другото, Санчез Флорес на денешната прес-конференција. До своето заминување, тој ќе ја води Севиља уште утре на гостувањето кај Атлетик Билбао и против Барселона на домашен терен во последното коло....

Најдобриот светски тенисер Новак Ѓоковиќ ја прифати можноста да настапи на АТП турнирот во Женева претстојната недела, а неговата одлука предизвика вознемиреност кај Албанците во Швајцарија. Порталот на албански јазик "Le Canton27.ch" потсети на неговата порака „Косово е срцето на Србија“ за време на настапот на Ролан Гарос и тврдат дека од негова страна ќе има нова провокација во Женева, со оглед на тоа што во Швајцарија живеат околу 300 илјади Албанци. „Познатиот српски тенисер Новак Ѓоковиќ подготвува скандал во Женева. Дали повторно на својот традиционален, шовинистички и расистички начин ќе навреди 300 илјади Албанци? Нереагирањето, недистанцирањето и неказнувањето можат да се сметаат како одобрување на неговите изјави на сметка на Косово и Албанците. До ден-денес, ниеден светски тенисер не бил толку навредлив и расистички настроен за време на своите натпревари како Ѓоковиќ“, пишува порталот. Ова ќе биде прв настап на Ѓоковиќ во Женева, а доаѓа во ситуација кога тој половина година е без трофеј и без титула во 2024 година....

Англискиот гигант Челси планира да потпише договор со уште едно големо засилување за иднината, а тоа е Вилијан Естевао - Месињо од Палмеираш кој привлече голем интерес на европските гиганти во изминатиот период. Првата понуда на „сините“ од 32 милиони евра плус 25 милиони во бонуси беше одбиена од Бразил, па поради тоа Челси испрати понуда од вкупно 65 милиони евра и се очекува Палмеираш наскоро да ја прифати. Месињо веќе ги прифати условите кои му ги понуди премиерлигашот, па останува само да се договорат двете екипи за да се комплетира трансферот....

Англискиот репрезентативец Фил Фоден беше прогласен за најдобар фудбалер во Премиерлигата за сезоната 2023/24. Фоден блесна со 17 голови и осум асистенции и е еден од најзаслужните за тоа што Манчестер сити е во пол-позиција да ја освои титулата. „Ова е големо достигнување и навистина сум горд. Премиерлигата е најголема во светот и задоволство ми е што бев номиниран покрај сите други одлични играчи“, кажа Фоден. "He's the best player right now in the Premier League" 💬 Here's just some of @PhilFoden's best bits from the season so far 💥 pic.twitter.com/7u9AjFdruG — Manchester City (@ManCity) May 18, 2024...

Македонската ракометна репрезентација би можела да не биде сместена во група во Хрватска затоа што поинакви планови имал организаторот на Светското првенство (СП) во 2025 година, пишува порталот специјализиран за ракомет „Г-Спорт“. СП 2025 се игра во Хрватска, Данска и Норвешка, но според последните информации Хрватскиот ракометен сојуз нема да нè стави во повластена ждрепка, што ги зголемува шансите да играме во Данска или Норвешка. Организаторот може во секоја група да смести по една репрезетанција, вклучитело и својата, а според неофицијалните информации во Загреб ќе играат Хрватска и Словенија, Унгарија ќе биде сместена во Вараждин, додека Австрија ќе биде во Пореч. Повеќе за тоа може да прочитате на ракометниот портал „Г-Спорт“....

Италијанскиот тренер Масимилијано Алегри доби отказ од Јувентус по скандалот кој го направи за време на натпреварот против Аталанта во Купот на Италија. Алегри притоа доживеа судбина која досега им се случила само на двајца тренери во последните 50 години во Јувентус, а тоа е да биде отпуштен сред сезона. Претходно истото им се случи на Клаудио Раниери и Чиро Ферара....

Денеска од 17 часот се игра последното коло во Првата македонска фудбалска лига (ПМФЛ), остана активна борбата за втората позиција и редоследот на екипите во средината на табелата. Струга е новиот шампион, Брегалница и Македонија Ѓорче Петров испаднаа, Вардар ќе игра бараж за опстанок против Детонит Плачковица. Од важните позиции остана само борбата за второто место кое носи во Европа. Шкендија е во пол позиција, има два бода пред Шкупи. Тетовскиот тим денеска му гостува на Работнички и доволен му е и бод за да се задржи таму каде што е. Шкупи гостува кај шампионот Струга и мора да победи за да се надева дека може да се качи на второто место. Во другите натпревари кои немаат резултатска важност, но можат да влијаат на редоследот на конечната табела, Вардар го пречекува Тиквеш, Воска е домаќин на Гостивар, Брегалница игра против Тиквеш, а во Струмица ќе се сретнат Брера и Македонија Ѓорче Петров. 33 коло: Брера - Македонија ЃП Брегалница - Силекс Работнички - Шкендија Струга - Шкупи Вардар - Тиквеш Воска - Гостивар Табела: Струга 64, Шкендија 61, Шкупи 59, Тиквеш 43, Работнички 42, Силекс 42, Воска 41, Гостивар 41, Брера 39, Вардар 36, Македонија ЃП 29, Брегалница 27....

Во изминатите часови во Барселона се случи неверојатен пресврт, па така тренерот Чави Ернандез наместо да остане, би можел да биде отпуштен на крајот на сезоната, но тоа ќе значи и дополнителен финансиски удар врз каталонскиот гигант. Жоан Лапорта разговара со останатите членови на раководството, кои му се лути на Чави поради изјавата за финансиската состојба на Барселона, па сè поблиску е до одлуката да го избрка од клубот. Отказот на Чави, сепак, скапо ќе ја чини Барселона, односно гигантот ќе мора да плати околу 20 милиони евра за отштета....

Британската аукциска куќа „Бонхамс“ објави дека салфетката на која Лионел Меси потпиша согласност за преселба во Барселона била продадена за неверојатни 888.000 евра. Се очекуваше продажбата цена да биде меѓу 300.000 и 500.000 евра, а аукцијата траеше од 8 до 17 мај, меѓутоа интересот бил голем и сумата се зголемила на неверојатни 888.000 евра. „Во Барселона, 14 декември 2000 година Карлес Рексач, спортскиот директор на Барселона се согласува, под целосна одговорност и без оглед на спротивните мислења, да потпише договор со Меси под услов да се придржуваме кон договорените износи“, пишува на салфетката. The famous napkin which transferred Lionel Messi to Barcelona has been officially sold for €890,000. pic.twitter.com/XcTZdHE5BO — 𝐀𝐅𝐂 𝐀𝐉𝐀𝐗 💎 (@TheEuropeanLad) May 17, 2024...

Тајсон Фјури се соочи со Александар Усик на мерењето, каде што се случи мал инцидент во кој интервенираа и останатите членови на екипите, но и обезбедувањето. Британскиот боксер кажа дека сака да го победи Усик и да ги обедини титулите во тешка категорија, а притоа испрати закана до Украинеот. „Доаѓам по твоето срце“, кажа Фјури по соочувањето. ‼️ Tyson Fury vs Oleksandr Usyk FINAL FACE-OFF… [🎥 @Queensberry]pic.twitter.com/EITfF04BjN — Michael Benson (@MichaelBensonn) May 17, 2024...

Фудбалерите на Саутемптон вчера триумфираа со 3-1 против Вест Бромвич Албион и се пласираа во финалето на плејофот за враќање во Премиерлигата. Головите беа постигнати во второто полувреме, и тоа најпрво погоди Смолбон за 1-0, а потоа Армстронг со два погодоци зголеми на 3-0, додека гостите намалија преку Кипре. Саутемптон во финалето ќе игра против Лидс, кој претходно го елиминира Норич во полуфиналето на плејофот. Финалето во Чемпионшип лигата го нарекуваат и највреден меч зашто победникот ќе добие околу 200 милиони евра....

Германскиот тренер Јирген Клоп в недела за последен пат ќе го предводи Ливерпул, по што ќе замине на заслужен одмор. Поранешниот капитен на „црвените“, Стивен Џерард смета дека Клоп поради своите резултати заслужил статуа пред „Енфилд“. „Ерата е при крај и се надевам дека управата ќе почне да гради статуа за Клоп. Тој е навистина клупска легенда и заслужува такво нешто“, кажа Џерард....

Бостон ќе почека за својот ривал во финалето на Источната конференција, откако минатата ноќ Индијана го одбрани домашниот терен против Њујорк (116-103) и израмни на 3-3 во полуфиналната серија. Неизвесно беше сè до крајот на првото полувреме, кога ниту еден тим не успеа да создаде поголема предност, но Индијана прва ја искористи кризата во гостинскиот состав. Индијана имаше подобар процент за шут за два поени, односно 61 отсто, но и речиси двојно повеќе асистенции (35), како и голем број на скокови (47). Паскал Сиакам беше најефикасен кај Индијана со 25 поени, седум скокови и пет асистенции, додека Џејлен Брансон запиша 31 поен за Њујорк....

Чави ќе замине од Барселона по крајот на сезоната, претседателот Лапорта одлучил да му врачи отказ и да донесе нов тренер. Најголемите каталонски весници, „Мундо Депортиво“ и „Спорт“ се едногласни, имаат иста информација, Лапорта одлучил да му даде отказ на Чави. Претседателот на Барселона му се налути на Чави по една негова прес конференција на која тренерот велеше дека не можат да се носат со Реал Мадрид бидејќи поради тешката финансиска ситуација не можат да го засилат тимот како што сакаат. Песимистичката изјава на Чави не му се допадна на Лапорта, напротив го разбесни до степен да одлучи да го избрка тренерот иако пред само некое време се договорија тој да остане. До доцна синоќа траел состанокот на раководството на Барселона на кој било одлучено следната сезона да се почне со нов тренер. Sport: 'It's over' pic.twitter.com/PGwkfSCAKW — Barça Universal (@BarcaUniversal) May 18, 2024 Mundo Deportivo: 'Broken' pic.twitter.com/0624f64gxM — Barça Universal (@BarcaUniversal) May 18, 2024...

Голема е веројатноста дека Лука Модриќ ќе остане во Реал Мадрид, Хрватот наскоро ќе потпише нов едногодишен договор со кралскиот клуб. Модриќ го информирал клубот дека не му се важни парите, ќе прифати било каква понуда, сака само да остане во Реал Мадрид. Тој веќе одбил две понуди од кои може многу да заработи, со што покажува дека навистина не го интересираат парите. Наводно и Карло Анчелоти сака да го задржи, а и Флорентино Перез е позитивен околу останување на Хрватот, па во наредните денови се очекува да биде потпишан нов договор....

Откако еден куп стручњаци последните недели одбија да го преземат Баерн, па раководството на клубот мораше да го моли Тухел да остане, денеска медиумите во Германија објавија дека, сепак, е најдено решение за тренерската позиција. Изборот е максималено скратен, а довербата најверојатно ќе ја добие Италијанецот, Роберто де Ѕерби. Тој и порано се спомнуваше како кандидат за клупата на Баерн, меѓутоа конкретни преговори со него немаше бидејќи Баерн имаше бројни други опции. Сега тој е прв фаворит со тоа што во случајот се прашува и неговиот актуелен тим Брајтон. Со оглед на тоа што е под договор, Баерн ќе мора да плати отштета од 12 милиони евра, а целиот процес е можно да заврши в понеделник за кога е закажан состанок....

Македонската одбојкарска репрезентација со пораз го почна настапот во новото издание на Европската златна лига. Во првото коло од турнирот што се одржува во Струмица, нашиот национален тим загуби од Естонија со 1-3 (23-25, 25-14, 19-25, 22-25). Иако победата на противникот е убедлива, се чини дека не е реален одраз на она што се случуваше на теренот. Само детали ја спречија македонската репрезентација да ги освои првиот и четвртиот сет, вториот убедливо го освои, а Естонија беше подобра само во третиот, но само поради серијата во финишот. Во четвртиот сет, Македонија водеше со 10-7, 14-12 и 20-19, но потклекна во клучните моменти. Во нашата репрезентација, најдобар беше Никола Ѓорѓиев со 19 поени, а 17 оствари Илиев. Утре нашиот тим е слободен, а в недела се среќава со Чешка....

Иако го одбрани клучниот пенал на натпреварот, младиот голман на Алкалоид, Иван Галевски не сакаше да ги преземе заслугите за триумфот во полуфиналето против Вардар. Како и тренерот Кире Лазаров, тој смета дека за успехот се заслужни сите кои излегоа вечерва на теренот во „Борис Трајковски“. „Чувството е прекрасно, вторпат сме учесници на завршниот турнир и првпат ќе играме во финалето од Купот на Македонија. Им благодарам на моите соиграчи што изгинаа на теренот бидејќи да не играа така, немаше да биде ваков резултат. Во најважните моменти покажавме стабилност и тоа беше клучно за нашата победа“, рече 19-годишниот голман на Алкалоид....

Тотално различно беше расположението на двете страни по пеналот во финишот од вториот полуфинален натпревар од Купот на Македонија, кој го реши победникот и патникот во мечот за титулата. На едната, ракометарите на Алкалоид во еуфорија, го славеа херојот Иван Галевски, 19-годишниот голман кој го одбрани клучниот удар од седумте метри. На другата, играчите на Вардар го тешеа трагичарот Марко Срдановиќ кој веројатно уште долго ќе го памети овој натпревар. Алкалоид в недела ќе игра во финалето од Купот и ќе се бори за првиот трофеј во својата кратка историја....

Пет дена по триумфот во баражот за Светското првенство против Фарски Острови, Кире Лазаров оствари уште еден историски резултат, овојпат на клупско ниво. Неговиот Алкалоид триумфираше во полуфиналето од Купот на Македонија и првпат во своето постоење ќе игра во мечот за титулата. Лазаров е полн со комплименти за противникот, но во исто време задоволен од настапот на своите ракометари. „Кажав и пред натпреварот дека имам максимален респект кон Вардар во однос на неговиот придонес во македонскиот ракомет и освоените трофеи. Многу пати низ сезоната покажаа дека кога се комплетни се многу силен тим бидејќи имаат многу интернационалци во своите редови. Ние одигравме добар натпревар, го градевме резултатот во текот на целиот меч и имавме добра ментална стабилност. Мислам дека моите играчи полека растат по оние натпревари во Европската лига иако таму претрпевме некои порази, потоа со домашното првенство и репрезентацијата. Немаше да биде незаслужено и да победеше Вардар или да дојдеше до пенали бидејќи одигра вистински, машки натпревар. Добро е тоа што како тим функциониравме одлично и тука треба да се бара причината за нашиот успех. Не можам да истакнам некого посебно, Галевски беше добар на крајот, одбрани три пенали, генерално голманите беа добри во важните моменти, но натпреварот го доби тимот“, рече Лазаров....

Екипата на Вардар нема да го брани трофејот во Купот на Македонија бидејќи во полуфиналето загуби од Алкалоид кој првпат во својата историја ќе игра во мечот за пехарот. Тренерот на „црвено-црните“, Владо Недановски му честиташе на противникот иако меѓу редови изрази критика на судењето на овој натпревар. „Знаев дека ќе биде добар натпревар, да има публиката што да види. Ние го победивме Алкалоид на подготовките и два пати во текот на првенството, но денеска триумфираше екипата која беше помирна бидејќи кај нас беше евидентна нервозата. Му честитам на противникот. Што се однесува до судењето, има кој да го коментира, но навистина е за коментирање. Ние треба да овозможиме ракометот да оди напред, а не некои надворешни фактори да решаваат кој ќе победи“, рече Недановски....

Ракометарите на Алкалоид се пласираа во финалето на Купот на Македонија, откако го совладаа Вардар со 25-24 во драматичен натпревар кој се одигра во СЦ „Борис Трајковски“. Во првите 10 минути се играше гол за гол (5-5), по што Вардар направи предност од два гола (7-5), но потоа почнаа проблемите за поранешниот македонски шампион кој влезе во криза и постојано бркаше негатива, а Алкалоид замина на паузата со 15-13. Вардар почна да се буди на почетокот на вториот дел, кога Томовски запиша неколку интервенции, а скопскиот гигант поведе со 16-15. Сепак, повторно почнаа проблемите во нападот на екипата на Недановски и тоа го искористи Алкалоид за водство од 24-21 во 50. минута. Избраниците на Недановски во финишот имаа шанси да израмнат на 24-24, меѓутоа повторно не реализираа неколку шанси. Во последните секунди од регуларниот дел од мечот Вардар имаше пенал, меѓутоа Галевски со прекрасна интервенција го израдува Алкалоид (25-24). Финалето во македонскиот Куп се игра меѓу Пелистер и Алкалоид в недела од 19.00 часот....

Српскиот тенисер Новак Ѓоковиќ неочекувано се пријави за турнирот во Женева, кој ќе се игра една недела пред почетокот на Ролан Гарос. Ѓоковиќ имаше и незгодна ждрепка затоа што во второто коло би можел да се соочи со еден од најголемите ривали, односно Енди Мареј доколку го совлада Јаник Ханфман. Според проектираната ждрепка, Ѓоковиќ во четвртфинале би можел да игра против Талон Грикспор или Денис Шаповалов, во полуфиналето против Тејлор Фриц или Џејк Дрејпер, а во финалето можни ривали му се Каспер Руд или Бен Шелтон....

Англискиот фудбалер Кол Палмер е најсветла точка во Челси оваа сезона и беше заслужен за 32 гола на „сините“, а тоа му ја донесе наградата за најдобар млад фудбалер во Премиерлигата. Палмер оваа сезона постигна 22 гола и 10 асистенции за Челси во Премиерлигата, а тоа може да го промени во последното коло против Бормут. 🔵⭐️ OFFICIAL: Cole Palmer wins the award as Premier League Young Player of the Year. 🧊 Chelsea star has scored 22 goals and provided 10 assists in Premier League this season. pic.twitter.com/HYpthQiOU3 — Fabrizio Romano (@FabrizioRomano) May 17, 2024...

Аргентинскиот фудбалер Гонзало Монтиел беше испратен на психијатар откако претходно против него беше поднесена пријава за силување. Монтиел е обвинет дека во 2019 година, на прослава на својот роденден дрогирал и силувал девојка заедно со уште неколку лица. „Јас сум Каролина, манекенка која преживеа групно силување чиј главен сторител е Гонзало Монтиел, човек кој го постигна последниот гол на СП 2022“, кажа девојката. Аргентинецот ги отфрли обвинувањата, а судењето е закажано 17 и 20 септември во Буенос Аирес и медиумите пишуваат дека има големи шанси да заврши во затвор....

Ракометарките на Чаир денеска триумфираа против Вардар со 32-28 и се пласираа во финалето на Купот на Македонија, каде што ќе се соочат против Ѓорче Петров кој вчера го надигра Куманово со 31-14. Натпреварот беше израмнет од самиот почеток и се играше гол за гол до 5-5, по што Чаир влезе во одлична серија и поведе со 10-5, меѓутоа Вардар успеа да се соземе и до полувремето намали на еден гол негатива (13-14). Вардар во второто полувреме постојано бркаше негатива против екипата на Чаир, а на крајот загуби со 28-32. Љеонора Рахмани постигна осум голови за Чаир, додека Василева постигна седум погодоци за Вардар. Ѓорче Петров вчера беше доминантен против Куманово и доминираше во текот на цела средба за триумф од 31-14. По четири гола во победничката екипа постигнаа Николиќ, Николовска, Ризоска, Јанкуловска и Алмеида, додека Зечевиќ погоди пет пати за Куманово....

Чилеанскиот тенисер Алехандро Табило не најде решение за Германецот Александер Зверев и загуби со 6-1, 6-7 и 2-6 во полуфиналето на турнирот во Рим. Табило го доби првиот сет со убедливи 6-1, а во вториот даде голем отпор и обезбеди тај-брејк во кој Германецот беше подобар со 7-4. Германецот во третиот сет ја презема контролата и без многу проблеми стигна до 6-2 со што обезбеди полуфинале на турнирот. Во второто полуфинале во Рим играат Николас Хари и Томи Пол....

Српскиот тенисер Новак Ѓоковиќ разочара на мастерсот во Рим, па сите очекуваа да одмора до вториот гренслем-турнир во сезоната Ролан Гарос, но тој изненади со неговата одлука да настапи на уште еден турнир во меѓувреме. Ѓоковиќ ќе настапи на турнирот во Женева, кој ќе му биде подготовка за предизвиците кои го чекаат во Париз. Србинот ќе има солидна конкуренција во Швајцарија затоа што се очекува да настапат Каспер Руд, Енди Мареј и Бен Шелтон....

Италијанскиот тренер Масимилијано Алегри доби отказ од Јувентус поради неговото однесување за време на финалето во Купот на Италија против Аталанта (1-0). Алегри имаше шоу на теренот, а потоа не сакаше да се поздрави со директорот на Јувентус и нападна новинар на „Тутоспорт“. Поради овие причини раководството на Јувентус организира состанок на кој донесе одлука веднаш да се прекине соработката со Италијанецот. Јувентус веќе работи на ангажирање наследник на Алегри, откако испрати понуда до Тијаго Мота. 🚨⚪️⚫️ BREAKING: Massimiliano Allegri has been sacked by Juventus with immediate effect. pic.twitter.com/gmFPgG7OMO — Fabrizio Romano (@FabrizioRomano) May 17, 2024...

Тајсон Фјури ќе се соочи против Александер Усик в сабота во Ријад, Саудиска Арабија, а на нивното соочување одби да го погледне украинскиот борец во очи. Фјури ги изненади навивачите со неговиот потег, а по соочувањето откри зошто не го погледнал Усик во очи. „Усик има засташувачки поглед, дојдов да се опуштам и фокусирам“, кажа Фјури....

Поранешниот германски шампион Баерн Минхен има ужасна сезона зад себе и нема да освои ниту еден трофеј, па поради тоа управата на клубот реши во летниот преоден рок да потроши многу пари за засилувања. Баерн сака да купи седум засилувања на кои ќе потроши вкупно 323 милиони евра, а во битка за нивните потписи ќе тргне на почетокот на летниот преоден рок. Прв на листата со желби е дефанзивецот Џонатан Тах кој чини 30 милиони евра, а треба да пристигнат и Тео Ернандез за 60 милиони и Френки Де Јонг за 70 милиони евра. Најевтино засилување треба да биде Асан Уедраого кој ќе чини осум милиони евра, а ќе бидат купени и Амаду Онана за 50 милиони, Крис Фирих за 25 милиони и Чави Симонс за 80 милиони евра....

Претставниците на премиерлигашите следниот месец ќе гласаат за укинување на ВАР-технологијата, а за да се прекине користењето на видео-системот мора да гласаат најмалку 14 од 20 тимови. Тренерот ан Ливерпул, Јирген Клоп одржа прес-конференцијата пред последниот меч и даде коментар за ВАР-системот. „Не мислам да се гласа против ВАР, туку против начинот на кој се користи. Би гласал против него само затоа што луѓето не знаат правилно да го користат. Не мислам дека проблемот е во технологијата, туку во судиите“, кажа Клоп. Предлогот за укинување на ВАР-системот го предложи Вулверхемптон затоа што смета дека технологијата не помогнала да се надминат грешките во првенството....

Арне Слот и дефинитивно ќе биде наследникот на Јирген Клоп на клупата на Ливерпул, тој и формално го потпишал договорот. Ливерпул во текот на следната недела планира да го соопшти официјално неговото именување за нов тренер, бидејќи сега е период на испраќање на Јирген Клоп кое ќе кулминира во недела со мечот против Вулвс. Феенорд ќе добие обештетување од околу 13 милиони евра за Слот и неговиот стручен штаб....

Израел може да го снајде истата судбина како и Русија, поради војната против Палестина да биде исфрлен од Светскиот фудбал. Англискиот весник „Телеграф“ пренесува дека ФИФА закажала итен состанок на кој ќе се решава дали Израел да биде исфрлен од фудбалот. Барањето за исфрлање на Израел е потпишано од Фудбалските федерации на Алжир, Ирак, Јордан, Сирија и Јемен. Многумина сметаат дека ако Русија доби забрана, би било дволично тоа да не му се случи и на Израел кој врши воени напади врз Палестина....

Отвореното првенство на Македонија во шах влегува во својата завршна фаза откако вчера во Скопје се одиграа партиите од седмото коло, во кое играчите на ШК Алкалоид имаа забележителни настапи. На првата табла, веќе три рунди по ред, дуелите кои се дерби на колото завршуваат со поделба на поенот, па така беше и во случајот со ФМ Андреј Велјаноски (2290) и ИМ Филип Панчевски (2432). По мала пауза, ИМ Панчевски се одлучи за Сицилијанска одбрана, но откако имаше мала позициона предност на почетокот, не беше доволно прецизен во натамошниот тек и понуди реми, кое противникот го прифати. Изненадувањето на денот се случи на втората табла, каде што ИМ Емил Ристески (2365) загуби од младиот Антон Златков (2257), па дојде до нивна ротација на врвот од табелата. На третата табла ИМ Тони Лазов (2358) освои цел поен во дуелот од седмото коло против Горан Главинац (1993) и се врати во водечката група на играчи кои во последните две кола од Отвореното првенство на Македонија ќе атакуваат на титулата за 2024 година. Членот на ШК Алкалоид се соочи со Петрова одбрана, која води кон таканаречена Руска партија, чија репутација е дека води кон реми-позиција. Поради тоа ИМ Лазов направи транспозиција во Отворањето со 4 скокачи, па откако двајцата влегоа во ноторно изедначена средишница, успеа да спроведе стратегија и позиционо да го надигра противникот. Имено, неговиот белополен ловец од најслаба фигура на таблата (поради пешаците кои, исто така, беа на бели полиња), по неколку маневри стана клучен за плетење матна мрежа, а на крајот Лазов понуди жртва на топ, кога противникот одлучи дека е време да се предаде. Стојан Велкоски и Филип Михов, кои потекнуваат од младинскиот погон на нашиот најтрофеен клуб, ремизираа во своите дуели со ветераните ФМ Илиќ, односно Трајковски, со што имаат по 4,5 бода на своето салдо и се на делба од 9. до 18. место. Во утрешното осмо коло на првата табла ќе играат Златков и Велјаноски, додека, пак, ИМ Лазов и ИМ Панчевски на втората табла низ директен дуел ќе се обидат да го одлучат кој ќе остане во борба за новата шампионска титула. Само Златков има шест бода, додека, пак, другите тројца имаат по 5,5 поени. На турнирот во женска конкуренција ЖИМ Габриела Коскоска успеа да ја прекине низата на Леа Ефтовска, која блескаше во првиот дел од турнирот. Откако во претходните дуели со ривалките за висок пласман Коскоска имаше црни фигури, овојпат таа ја имаше предноста на почетниот потег и успеа да ја претвори во победа, со која изби на чело на табелата. Повеќекратната шампионка од ШК Алкалоид има шест бода од седум кола, додека, пак, Ефтовска и Жежовска со 5,5 се веднаш зад неа. Партиите од претпоследното осмо коло ќе се играат со почеток од 17:30 часот....