Словачки вицепремиер: Фицо е стабилен, но сепак бара интензивна нега
24 Инфо - ново
Здравствената состојба на словачкиот премиер Роберт Фицо е стабилизирана и неговите најлоши стравови поминаа, изјави во неделата неговиот заменик Роберт Калинак, но додаде дека засега нема да биде префрлен од болницата во Банска Бистрица. „Нема непосредна опасност по неговиот живот, но неговата состојба се уште е сериозна и бара интензивна нега“, рече Калинак. Можеме да сметаме дека неговата состојба е стабилна, а прогнозата е позитивна“, изјави Калинак пред болницата. „Сите сега се чувствуваме малку поопуштено“, додаде тој. Во средата, Фицо беше ранет во пукање по состанокот на владата во Хандлова, град во централна Словачка. Миријам Лапуникова, директорка на Универзитетската болница Рузвелт во Банска Бистрица, каде што беше примен Фицо, во четвртокот рече дека премиерот бил подложен на петчасовна операција со два хируршки тима кои лекувале повеќе прострелни рани. Лапуникова и Калинак во петокот изјавија дека на премиерот му била извршена уште една операција за отстранување на некротичното ткиво од раните. Словачката полиција обвини 71-годишен маж за обид за убиство. Пукањето е првиот голем обид за атентат врз европски политички лидер во повеќе од 20 години и предизвика меѓународна осуда, при што политичките аналитичари и застапници велат дека тоа е показател за сè позагреана и поларизирана политичка клима низ целиот континент....
Лидерите на „ВРЕДИ“ на средба со Албин Курти
24 Инфо - ново
Косовскиот премиер Албин Курти вчера беше домаќин на лидерите на коалицијата „Вреди“ во Северна Македонија, Билал Касами, Арбен Таравари, Изет Меџит и Африм Гаши, на кои им го честитал изборниот резултат на 8 мај, велејќи дека тоа е првпат албанската опозиција да достигне над 100 илјади гласови, јави Коха.мк. На средбата се разговарало за прашања од значење за Албанците во Северна Македонија, но и за меѓудржавните односи, како и за други важни прашања. -Загржувачко за соговорнците е руското и српското влијание, кое се случува и преку коруптивни и криминални мрежи. Развојот на инфраструктурата што ги поврзува Косово и Северна Македонија беше една од главните теми на разговор, заедно со идеи и проекти за заживување на економската, културната и образовната соработка, наведува весникот. Средбата, според кабинетот на Курти, минала во духот на срдечната соработка, имајќи предвид дека „Албанците на Балканот се фактор за поддршка на демократизацијата, европските интеграции, евроатлантскиот мир, безбедноста и стабилноста“....
Претседателката Сиљановска Давкова во официјална посета на Ватикан и Рим по повод чествувањето на Св. Кирил и Методиј
24 Инфо - пред 22 минути
Претседателката Гордана Сиљановска Давкова првата официјална посета во странство ќе ја оствари во Ватикан и во Рим, каде што ќе ја предводи државно црковната делегација за чествувањето на Св. Кирил и Методиј. На 23 мај, според протоколот, претседателката Сиљановска Давкова ќе има аудиенција кај Папата Франциск, а потоа средба и со генералниот секретар на Ватикан за односи со државите. Чествувањето на сесловенските просветители ќе се одржи на 24 мај со посета на базиликата Свети Климент каде се наоѓа гробот на Св. Кирил, а потоа и во базиликата Санта Мариа Маџоре каде венец ќе постават на плочата испишана на македонски јазик. Во рамки на посетата на Рим, претседателката Сиљановска Давкова ќе се сретне и со нејзиниот италијански колега Серџо Матарела. Сиљановска Давкова, како што велат од нејзиниот кабинет, се уште не е познато дали ќе има средба со претседателот на Бугарија, Румен Радев, чие доаѓање во Рим е исто така најавено по истиот повод....
Судот во Лондон утре одлучува за екстрадиција на Џулијан Асанж во САД
24 Инфо - пред 30 минути
Британскиот суд во понеделник би можел да донесе конечна одлука дали основачот на Викиликс, Џулијан Асанж (52) треба да биде екстрадиран во Соединетите држави поради откривање на голем број тајни американски документи, со што треба да се стави крај на 13-годишните правни битки и притвор. Двајца судии во Високиот суд во Лондон ќе одлучат дали судот е убеден од гаранциите на САД дека Асанж нема да се соочи со смртна казна и дека може да се потпре на правото на слобода на говор од првиот амандман доколку биде обвинет за шпионажа во САД. Адвокатскиот тим на Асанж вели дека се можни три опции, дека тој би можел или да биде во авион преку Атлантикот во рок од 24 часа од пресудата, да биде ослободен од затвор или повторно да заглави во повеќемесечни правни битки. „Имам чувство дека се може да се случи во оваа фаза“, рече неговата сопруга Стела минатата недела. Таа сподели дека нејзиниот сопруг се надева дека ќе биде присутен на ова клучно рочиште. Викиликс објави стотици илјади доверливи американски воени документи за војните на Вашингтон во Авганистан и Ирак, како и серија дипломатски телеграми, најголемото безбедносно нарушување од ваков вид во историјата на американската војска. Во април 2010 година, тој објави доверливо видео на кое се гледа американски хеликоптерски напад во 2007 година во кој загинаа десетина луѓе во ирачкиот главен град Багдад, вклучувајќи и двајца новинари на Ројтерс. Американските власти сакаат да го изведат Асанж со австралиско потекло на суд по 18 обвиненија, речиси сите според Законот за шпионажа, тврдејќи дека неговите постапки со Викиликс биле непромислени, ѝ наштетиле на националната безбедност и ги загрозувале животите на агентите. Неговите многубројни светски поддржувачи го нарекуваат обвинението пародија, напад врз новинарството и слободата на говорот и одмазда за националниот срам. Групите за човекови права и некои медиуми, како и австралискиот премиер Ентони Албанес и други политички лидери, побараа случајот да биде отфрлен. Асанж првпат беше уапсен во Велика Британија во 2010 година по шведски налог за обвиненија за сексуален криминал, кои подоцна беа отфрлени. Оттогаш тој е во домашен притвор, седум години затворен во амбасадата на Еквадор во Лондон, а од 2019 година е задржан во максимално обезбедуваниот затвор Белмарш во југоисточен Лондон, додека ја чека одлуката за негова екстрадиција....
Бешикташ и Мурињо почнаа преговори
24 Инфо - пред 50 минути
Потпретседателот на Бешикташ Хусеин Јуџел потврди дека клубот од Истанбул започнал преговори со португалскиот тренер Жозе Мурињо, пренесуваат медиумите во Турција. Жозе моментално е надвор од терените, бидејќи на почетокот на годината доби отказ од Рома. – Мурињо и јас се запознавме преговори пред еден месец во Истанбул. Му ја претставив идејата за иднината на клубот и какви се нашите амбиции во наредните години. Рече дека му се допаѓаат тие идеи и побара да му се даде малку време за размислување – изјави Југел. Тој истакна дека Бешикташ ќе најде пари за да го ангажира португалскиот тренер. – Неговата цена е меѓу осум и 10 милиони евра годишно, а таа финансиска конструкција ќе можам да ја затворам, пред се благодарение на спонзорите. Тој е феноменален тренер и заслужува да биде дел од нашиот клуб. Доколку не сака да ја прифати нашата понуда, тогаш ќе треба да најдеме друго решение – посочи Југел. Пред крајот на турската Суперлига, Бешикташ е на петтото место на табелата со 56 бодови. „Црно-белите“ ќе играат против Трабзон во финалето на Купот на Турција на 23 мај....
Индија повеќе од двојно ја зголеми увозот на дијаманти од Русија
24 Инфо - пред 58 минути
Во март, Индија повеќе од двојно го зголемила годишното купување на дијаманти од Русија, покажуваат податоците на индиското Министерство за индустрија и трговија. Во март, индискиот увоз на дијаманти од Русија се зголеми за 2,3 пати на годишно ниво – на 728 илјади карати. Истовремено, Индија го зголеми увозот на скапоцени камења од Канада – на 354 илјади карати во споредба со само 210 карати во март минатата година. Скокна и увозот на дијаманти од Кина – 2,6 пати, на 122 илјади карати, додека испораките од Хонг Конг се зголемени за 15 отсто. На 1 март, западните земји почнаа постепено да го ограничуваат увозот на руски дијаманти преработени во трети земји. Потоа, голем број западни медиуми објавија писмо испратено од бизнисмени вклучени во трговијата со дијаманти до Меѓународниот центар за дијаманти во Антверпен. Во него тие ги истакнаа долгите и скапи одложувања со кои веќе се соочуваат, како и негативното влијание на ограничувањата врз целото нивно работење и повикаа на преиспитување на новите процедури „поради заканата од нарушување на повќевековната трговија со дијаманти во Антверпен“. Како одговор, регулаторот призна дека санкциите доведоа до прекин на испораките од најголемиот светски центар за трговија со дијаманти во белгиски Антверпен поради новите барања за царински декларации на скапоцени камења....
Трамп најави дека ќе ги олесни прописите на Бајден за поседување оружје
24 Инфо - пред 1 час
Поранешниот американски претседател и републикански претседателски кандидат Доналд Трамп вети во говорот во Националната асоцијација за пушки (НРА) дека ќе ги олесни прописите за поседување оружје што ги воведе демократскиот претседател Џо Бајден. Трамп го искористи обраќањето до илјадници членови на НРА во Далас за да ја расветли неговата политика, но и да ги охрабри членовите на НРА да излезат на ноемвриските избори. „Треба да ги натераме сопствениците на оружје да гласаат. Мислам дека сте бунтовен куп. Бидете бунтовни и гласајте овојпат“, рече Трамп во говорот кој траеше повеќе од 90 минути. Националната асоцијација за пушки (НРА) со ентузијазам го поддржа Трамп за време на претседателската трка во 2016 година и во текот на неговата администрација, аплаудирајќи го неговото назначување на тројца конзервативни судии во Врховниот суд и преземајќи голем број чекори што ги бара влијателното лоби за оружје, објави Ројтерс. Меѓу другото, Трамп помогна продавниците за оружје да се третираат како суштински бизнис за време на пандемијата на коронавирус, дозволувајќи им да останат отворени. Републиканците, поддржани од НРА и други групи за заштита на оружјето, главно се противат на построги закони за оружје, наведувајќи го правото на носење оружје предвидено во Вториот амандман на Уставот на САД. Тој нивен став остана непроменет дури и по масовните престрелки, што доведе до тоа многу демократи да се залагаат за посилна контрола на оружјето....
Приведен дилер во Битола за издржување затворска казна
24 Инфо - пред 1 час
Денеска во 00.20 часот на ул.„Охридска” во Битола, полициски службеници од СВР Битола го лишиле од слобода И.М.(36) од Битола. Тој бил баран по централна потерница врз основа на наредба од Основен суд Битола за издржување казна затвор од една година за сторено кривично дело „неовластено производство и пуштање во промет на наркотични дроги, психотропни супстанци и прекурзори” по член 215 од Кривичниот законик. Лицето било спроведено во Казнено – поправната установа Затвор Битола за издржување на казната....
ЦУК: Поплавени подруми и гаража во охридско од поројниот дожд
24 Инфо - пред 1 час
– Поројниот дожд во текот на изминатото деноноќие предизвикал поплавување на подруми и гаража на две куќи на ул. „Стив Наумов“ во Охрид, соопшти Центарот за управување со кризи (ЦУК). -Регионалниот ЦУК Охрид известил дека добиле пријави од граѓани за поплавување на подруми и гаража на две куќи на ул. „Стив Наумов“, во Охрид. Од страна на Општина Охрид е контактирано со ЈП „Нискоградба“ и ЈП „Колекторски систем“ бидејќи колекторскиот систем не можел да ја прими во целост количината на вода поради обилните врнежи од дожд. За кратко време состојбата е санирана, соопшти ЦУК....
Награди од „Литера“ за Наталија Лукомска, Живко Грозданоски, Бранислав Николов и Иванка Ниба
24 Инфо - пред 1 час
Со доделување на наградите за најдобра илустрација, најдобар текст и најдобра сликовница во целина вчера во Младинскиот културен центар во Скопје беше затворено 6. издание на Меѓународен фестивал на литература и илустрација за деца „Литера“. Наградата за најдобра илустрација „Си беше еднаш… Најубавите бајки на сите времиња“ ѝ припадна на Наталија Лукомска, адаптација на текст Оливера Ќорвезироска, издание на „Арс ламина“. Лукомска ќе има своја изложба во рамките на „Литера 2025“. Награда за најдобар текст доби Живко Грозданоски за „Белите глувчиња / Страшната наезда на зелените вошки / Црните овци“ со илустрации на Воскресија Андреевска, издание на „Чудна шума“. Награда за сликовница во целина е доделена на „Ѕуница“, со текст на Бранислав Николов, илустрации на Иванка Ниба, едиција „Светулка 2“, издание на „Арт & Арт студио Батев“. Признание доби СОС Детско село за вложување во креативни изданија што промовираат инклузивност и Халкбанк А.Д. Скопје, како општествено-одговорна компанија за поттикнување на развојот на визуелната култура кај децата преку ликот на Халки....
Вулканот Ибу повторно еруптираше и исфрли столб од пепел висок четири километри
24 Инфо - пред 1 час
Вулканот Ибу на индонезискиот остров Халмахера еруптираше во саботата вечерта и исфрли столб од пепел висок четири километри. Жителите на околните седум села мораа да бидат евакуирани во радиус од седум километри околу вулканот. Жителите биле превезувани со камиони и сместени во шатори. Повеќе од 700.000 луѓе живееле на островот Халмахера од 2022 година, според официјалните податоци. Индонезиската вулканолошка агенција го подигна тревогата за опасност на највисоко ниво во четвртокот, откако Ибу неколку пати овој месец еруптираше. Ибу е еден од најактивните индонезиски вулкани, кој минатата година еруптираше повеќе од 21.000 пати....
НБРМ: Мерките на Народната банка го поттикнуваат „зеленото” кредитирање
24 Инфо - пред 2 часа
Преку стратешки пристап и преземање на низа мерки, Народната банка претставува активен чинител кон создавање зелена и одржлива економија. „Препознавајќи го значењето на климатските ризици, Народната банка досега презеде повеќе активности за зголемување на свесноста за последиците од климатските промени, а со мерките за континуирано јакнење на отпорноста на банкарскиот систем, се придонесува и кон зголемување на неговата способност да го поддржи преминот кон зелена економија. Континуираното јакнење на солвентноста и ликвидноста на банките, заедно со зајакнување на капацитетот за соодветно управување со климатските ризици, ја дефинираат нивната улога на катализатор на финансиските текови кон зелени и одржливи проекти. Состојбата на „зелени” кредитиодобрени на приватниот сектор во 2023 година е зголемена за 2,8 пативо однос на 2019 година”, истакна советничката на гувернерката на Народната банка, Милица Арнаудова – Стојановска, говорејќи за климатските промени и зелените финансии на Марили бизнис форумот, кадешто напомена дека со промените во начинот на утврдување на задолжителната резерва на банките, Народната банка придонесува за поттикнување на „зеленото” кредитирање. Арнаудова – Стојановска нагласи дека растотна овие кредити е речиси во целост движен од корпоративниот сектор, додека учеството на „зелени” кредити во вкупните кредитина банките на крајот на 2023 година изнесува 4,5% и има тренд на пораст. „Препознавајќи ги предизвиците од климатските промени на долг рок, централните банки имаат сѐ поголема улога во транзицијата кон зелена и одржлива економија, што е видливо од податоците на Глобалната студија за управување со резерви (Global Sovereign Asset Management Study, 2021) која покажува дека расте процентот на централни банки (35% во 2020 година наспроти 64% во 2021 година), кои се согласуваат дека „зелените” обврзници треба да бидат дел од портфолиото на девизните резерви”, посочи Арнаудова – Стојановска, која додаде дека во таа насока дека „зелената агенда” е вградена во Стратегискиот план на Народната банка. Народната банка изработи Среднорочен план на активности во доменот на управување со климатските ризици, 2023-2025, донесе насоки за банките за управување со ризиците поврзани со климатските промени, a неодамна во рамките на активностите за промовирање на зелените финансии објави и преглед на „зелените” показатели. Целта е да се подобри расположливоста на податоците за климатските промени, што е клучно при изработката на анализите и креирањето на политиките. „Порастот на климатските ризици поттикнати од технолошките промени, владините политики за климатска неутралност до 2050 година, како и промените во преференциите и кај инвеститорите и кај потрошувачите, наметнаа потреба за проактивно делување на сите чинители во еко-системот. Па така, за корпоративниот сектор особено се важни промените во регулативите поврзани со транзицијата кон јаглерод-неутрална и циркуларна економија”, потенцира Арнаудова–Стојановска и го истакна значењето за усогласување на домашната законска регулатива со соодветните ЕУ регулативи....
Познати двојките во првото квалификациско коло на Macedonian Open 2024
24 Инфо - пред 2 часа
На терените на ТК Југ во Градски парк во Скопје утре стартува новото издание на Macedonian Open 2024. Според програмата ќе се играат 12 меча од првата рунда од квалификациите, каде и четири македонски тенисери ќе имаат свој настап. Димитар Грабул во првото коло од квалификациите за ривал го доби хравтскиот тенисер Лука Микрут (502.место АТП), кој е рангиран како 8 носител во квалификациите. Шендрит Деари за ривал го има Лука Павловиќ од Франција (515.место АТП – 9.носител во квалификации). Берг Бугариќ за противник го има 401-иот тенисер на АТП листата и 5.ти носител во квалификациите Жером Ким од Швајцарија, додека Амар Хусеиновиќ ќе игра против Константин Битон Козмин од Франција (484.место АТП – 6.носител во квалификации). Инаку во „главниот ждреб“ прв носител е Чун-Хсин Ценг од Тајпех, кој е рангиран на 248.то место на АТП листата, а втор носител е Ерги Киркин од Турција (251.место АТП)....
Претседателката на Грузија стави вето на законот за странски агенти
24 Инфо - пред 2 часа
Претседателката на Грузија, Саломе Зурабишвили стави вето на законот за „странски агенти“против кој Грузијците протестираат со недели, јавува грузискиот сервис на Радио Слободна Европа. Според законот, медиумите и невладините организации би требало да се регистрираат како субјекти кои „ги застапуваат интересите на странските сили“, доколку повеќе од 20 отсто од нивните финансии доаѓаат од странство. Законот, за кој критичарите тврдат дека наликува на законското решение на Русија со кое претседателот Владимир Путин ја задуши опозицијата и независните медиуми, беше усвоен во вторник, на 14 мај, и покрај повеќенеделните протести во земјата и предупредувањата од Западот. Периодот пред и по усвојувањето на законот беше обележан со масовни демонстрации на десетици илјади Грузијци, кои постојано беа насилно задушувани, со солзавец, водени топови и гумени куршуми. Зурабишвили претходно најави дека ќе стави вето на законот и дека законот го смета за „неприфатлив“ и дека претставува јасно отстапување од европскиот пат на земјата. Владејачката партија Грузиски сон, која исто така го „протурка“ законот низ парламентот, има доволно мнозинство за да надвладее и да го поништи ветото. Постои можност Европската унија да ја замрзне кандидатурата на земјата за членство поради законот, пишува оваа недела „Фајненшл тајмс“....
Кога и како да се земе железо?
24 Инфо - пред 2 часа
Ако вашиот тест на крвта покажа анемија, која всушност е предизвикана од недостаток на железо во вашето тело, треба да земете дополнително железо за да помогнете во подобрување на вашата состојба што е можно поскоро. Железото е суштински микронутриент кој помага во производството на здрави црвени крвни зрнца. Сите оние на кои им недостасува железо во организмот веќе знаат какви проблеми може да предизвика недостатокот од него. Исцрпеност, отежнато дишење или бледа кожа се само дел од проблемите кои се појавуваат, исто како забрзано чукање на срцето, главоболка… Сепак, секој со овој проблем исто така знае дека земањето суплементи во форма на железо може да искомплицира сè. Гадење и запек, како и болки во стомакот, се само дел од лошите несакани ефекти од земањето железо. Како тогаш да се создаде совршена рамнотежа која ќе ги минимизира несаканите ефекти, но и која ќе го доведе нивото на железо на ниво што ќе ви овозможи нормално да функционирате во секојдневниот живот? Секако, губењето на мала количина на резерви на железо во телото преку кожата или за време на менструацијата е сосема нормално и прифатливо, но кога ќе падне на најниските вредности и ќе доведе до анемија, знајте дека е последен момент да одите на лекар и побарате помош. Лекарката и здравствена колумнистка за Вашингтон пост, Триша Пасрича, ги советува своите пациенти да не земаат таблети со железо секој ден. Студијата спроведена, вели таа, покажала дека земањето додатоци секој втор ден може да ја оптимизира апсорпцијата на железо, но и да ги ублажи несаканите ефекти како гадење и запек. Кој е всушност најдобриот начин за земање на железо, односно кој е најефективниот начин? Лекарите ќе препорачаат железото најдобро да се зема на празен стомак, еден час пред или два часа по јадење, бидејќи најдобро ќе се апсорбира. Земете го со сок од портокал, кој е богат со витамин Ц, а избегнувајте млечни производи и кафе, кои само дополнително ќе ја намалат апсорпцијата на железо. Доколку внесувањето на железо доведува до запек, што е честа појава, обидете се да земате превентивни суплементи кои ќе ви помогнат во тој проблем, дури и со псилиумските снегулки кои ќе ги консумирате во текот на денот. Важно е да се напомене дека анемијата, која е предизвикана од недостаток на железо, се јавува полека, во текот на неколку месеци, па понекогаш е тешко да се забележи проблемот на време. Но, со соодветна терапија и слушање на вашиот лекар, можете да се вратите на старите начини или барем да држите сè под контрола....
Саливан во Саудиска Арабија, со престолонаследникот Бин Салман разговараа за војната во Газа
24 Инфо - пред 3 часа
Советникот за национална безбедност на американскиот претседател Џејк Саливан, кој е во посета на Саудиска Арабија, разговараше со саудискиот престолонаследник Мохамед бин Салман за војната меѓу Израел и Хамас во Појасот Газа и за постигнување широк билатерален договор меѓу двете земји, објави саудиската државна новинска агенција. На средбата што се одржа во саудискиот град Даран, се разговараше за текстот на „полуфиналната верзија на нацрт-стратешките договори меѓу двете земји“ кои се во фаза на финализирање. Се вели дека Бин Салман и висок претставник на администрацијата на Бајден разговарале и за потребата да се најде „кредибилен патоказ за решение со две држави“ за Израел и Палестинците, начините за ставање крај на војната во Газа и олеснување на испораката на хуманитарна помош. Белата куќа во петокот соопшти дека Саливан ќе ги посети Саудиска Арабија и Израел, каде што ќе разговараат за билатерални и регионални прашања, вклучително и војната во Појасот Газа и напорите за постигнување траен мир и безбедност во регионот....
Демонстрации во Израел за итен договор за заложниците, се обрати Хилари Клинтон
24 Инфо - пред 3 часа
Илјадници активисти се собраа во центарот на Тел Авив барајќи предвремени избори и итен договор за ослободување на израелските заложници во Појасот Газа, а поранешната американска секретарка Хилари Клинтон им се обрати на демонстрантите преку видео врска. „Треба да преземете итна акција за да ги вратите дома“, рече Клинтон. Амбасадорот на САД во Израел, Џек Лу, им рекол на толпата дека САД ги продолжуваат преговорите за враќање на заложниците, пишува Тајмс оф Израел. Демонстрантите го блокираа автопатот Ајалон и запалија огнови, барајќи итен договор за ослободување на заложниците од Газа. Бидејќи демонстрантите одбија да се разотидат по завршувањето на одобрениот митинг, полицијата го прогласи протестот за незаконски и интервенираше за деблокирање на автопатот. Полицијата соопшти дека уапсила осомничен за нарушување на редот на антивладините протести во Тел Авив. Околу 200 демонстранти излегоа на одделни протести во Ерусалим, кои се одржаа во близина на Кнесетот....
Готово е: Бен Афлек фотографиран без прстен
24 Инфо - пред 3 часа
Поминаа неколку дена откако во јавноста протече веста дека бракот на Џенифер Лопез и Бен Афлек е во криза, а не му требаше многу време на популарниот актер со едноставен гест да покаже дека љубовната среќа завршила. Многумина не сакаат да веруваат дека на приказната за повторното обединување на Бенифер и дојде крајот, но се чини дека е така. Откако парот не беше виден заедно повеќе од еден месец, тие се собраа за училишната претстава на 15-годишниот син на Бен, Фин, а ноќното возење низ Лос Анџелес откри дека Афлек си го извадил прстенот. Популарниот актер беше фотографиран како вози црно БМВ, а папарацо фотографиите открија дека венчалниот прстен веќе не може да се види на неговата лева рака, поради што може да се заклучи дека Афлек завршил со поглавјето со Џенифер Лопез. Странските медиуми пренесуваат дека парот не живее заедно веќе неколку недели и дека Афлек се иселил од нивниот заеднички дом. Дека целата ситуација не е едноставна и дека не сакаат така лесно да се откажат, открива и извор кој тврди дека посетуваат брачен терапевт и се обидуваат да ги израмнат проблемите: „Бен, до одреден степен, верува во терапија и е подготвен да учествува во се со отворен ум, иако всушност го мрази целиот тој понижувачки процес. Тој никогаш нема да го мери успехот на овој брак со она што се случува во канцеларијата на терапевтот. Тој, исто така, има поголема толеранција за конфликти и борби од просечниот маж“. Популарната уметница од Бруклин е посветена на кариерата, а врската со сопругот ја ризикувала поради работата. Во својот последен проект, таа им кажа на фановите сè за нејзината врска со Афлек и покажа некои од нејзините најинтимни спомени. На последниот албум таа пееше за нивното помирување, а само три месеци подоцна брачната среќа заврши со бродолом, што може да доведе до четврти развод на популарната Лопез....
Протест на британските плажи поради загаденоста на водата
24 Инфо - пред 3 часа
Илјадници луѓе ширум Велика Британија се собраа денеска на плажите, реките и езерата за да побараат промени на нивоата на загаденост на водата во земјата. Демонстрантите се собраа во областите за капење од Западниот Пјер во Брајтон до плажата Гилингвасе во Фалмут по извештаите дека милиони литри отпадна вода биле исфрлени во Виндермер во областа Лејк за повеќе од 10 часа во февруари. Ситуацијата од опозициските политичари беше окарактеризирана како „скандалозна“, додека Лондон рече дека ситуацијата е „целосно неприфатлива“ и дека Агенцијата за животна средина има моќ да покрене кривично гонење. Пумпите за итни случаи испуштија повеќе од 10 милиони литри сурова отпадна вода во местото на светското наследство на УНЕСКО, откако главните пумпи беа нагло прекинати поради дефект на телекомуникациите....
Како да ги намалите проширените пори на лицето
24 Инфо - пред 3 часа
Повеќето од нас барем еднаш ужасно ги погледнале порите на лицето или се обиделе да ги маскираат со пудра. За жал, тажната вистина е дека едноставно не можете да се ослободите од проширените пори. Во основа, не треба ни да сакате, бидејќи порите играат важна улога во ослободувањето на серумите и природното хидратација и негување на кожата. Тие помагаат да ја одржуваме нашата кожа еластична и хидрирана. Факт е дека од порите не можеме да се ослободиме, но зголемените пори може да се намалат. Што се зголемени пори? Просечниот возрасен човек има околу пет милиони пори на телото, од кои околу 20.000 се на лицето. Огромното мнозинство од нив не можеме да ги видиме. Но, кога овие природни канали се шират, добро, тоа е моментот кога ги гледаме и тие стануваат естетски и козметички проблем. Што предизвикува големи, видливи пори? 1. Генетика 2. Прекумерно производство на себум 3. Стареење на кожата и оштетување од сонцето 4. Топло време 5. Вашата рутина за нега на кожата Грешки кои придонесуваат порите да бидат уште повидливи Две работи можат да ги направат вашите зголемени пори уште повидливи: сончева светлина и тешка шминка. Сончевото зрачење и долгиот престој на силно сонце (на пример, кога сме на море) придонесуваат за потење, што пак доведува до проширување на порите. Шминката исто така може да направи порите да изгледаат поголеми отколку што всушност се, бидејќи пудрата се таложи во нив и ги прави да изгледаат уште поголеми. Како да ги намалите проширените пори на лицето? Постојат неколку начини да ги ставите под контрола порите на вашето лице. Дерматологот Нина Бал издвојува кои од нив се најефективни. Ефикасно чистење на лицето Двојното чистење на лицето како дел од вашата ноќна рутина вклучува прво користење на масло или средство за чистење за да се разбие кремот и шминката на база на масло, а потоа и миење на лицето за да се отстрани преостанатата нечистотија. Најдобро би било да користите миење лице со салицилна киселина. Редовно пилинг го лицето Редовното пилинг ќе помогне да се отстранат мртвите клетки од кожата и нечистотијата што вашето средство за чистење не може да ги отстрани. „Планирајте да правите пилинг двапати неделно за да ги отстраните маслото, нечистотијата, себум и мртвите клетки“, вели Нина. Секако како и секогаш се препорачуваат производи со АХА и БХА киселини. Изложувајте го лицето на сонце на минимум „УВ зрачењето ги разградува колагенот и еластинот, што за возврат ја проширува големината на порите“, додава Нина, „така што користењето заштитен фактор од 40+ секој ден е од витално значење“. Инвестирајте во ретинол Ретинолот прави три клучни работи за да помогне во чистењето на порите: помага да се минимизира производството на масло; го забрзува обновувањето на клетките и го стимулира производството на колаген, што е важно ако вашите пори почнале да се зголемуваат. Маски за лице од глина Маските од глина можат да помогнат да се апсорбира вишокот маснотии и привремено да се затегнат порите. Користете го еднаш на секои 10 дена. Третмани во салони за намалување на порите Хемискиот пилинг што го врши дерматолог може да обезбеди подлабока ексфолијација и да ја подобри текстурата на кожата; и третманите со микронидлинг може да го стимулираат производството на колаген што ги прави порите да изгледаат помали....
Паника во Бољшој театар, 2.000 луѓе беа итно евакуирани
24 Инфо - пред 3 часа
Алармот за пожар лажно бил вклучен во Бољшој театарот во Москва во саботата. Како што јавува „Вечерња Москва“, од зградата се евакуирани две илјади лица. Пожарникарските служби брзо пристигнале на местото на настанот, но при извидувањето не бил откриен пожар. Ова е втора лажна тревога за пожар во Москва. На почетокот на месецот беа евакуирани посетителите и вработените во трговскиот центар Ривиера на улицата Автозаводска....
Нетанјаху: Барањата на Ганц ќе доведат до пораз и создавање на палестинска држава
24 Инфо - пред 4 часа
Кабинетот на израелскиот премиер Бенјамин Нетанјаху во соопштение наведе дека барањата на министерот Бени Гац ќе доведат до „крај на војната и пораз на Израел, ослободување на повеќето заложници, продолжување на владеењето на Хамас и создавање на палестинска држава“. Ганц ја критикуваше воената политика на владата и се закани дека ќе ја напушти коалицијата доколку не се исполнат неговите барања, за што кабинетот го обвини дека „му дал ултиматум на премиерот наместо на Хамас“. Кабинетот на премиерот се сомнева дали Ганц му дава приоритет на националниот интерес или на рушењето на владата. „Дали Ганц сака да ја заврши операцијата Рафа, и ако е така, зошто се заканува дека ќе ја собори владата на единството за време на операцијата на ИДФ? Дали тој се противи на владеењето на палестинската управа во Газа, дури и ако Махмуд Абас не е вклучен? Палестинска држава како дел од процесот на нормализација со Саудиска Арабија“, праша кабинетот. Во соопштението се додава дека Нетанјаху верува дека владата на единство е клучна за постигнување на воените цели и очекува Ганц јасно да ги каже своите ставови за овие прашања. „Премиерот Нетанјаху е решен да ги елиминира баталјоните на Хамас. Тој се противи на доведување на палестинската управа во Газа и формирање на палестинска држава која неизбежно ќе биде држава на терор“, тврдат од кабинетот на Нетанјаху....
Стопанска Триоги триатлон во Скопје, посебен режим на сообраќајот
24 Инфо - пред 4 часа
Вкупно 300 учесници од шест земји се пријавени за 4. Стопанска Триоги триатлон што ќе се одржува утре во Скопје. Триатлонот ќе почне во 8. 15 часот на базенот „Борис Трајковски“. Сениори, мастерси, јуниори и рекреативци први ќе испливаат 750 метри, ќе возат 20 километри велосипед, по што ќе следува трчањето на пет километри. Пливачкиот сегмент ќе се одржи на базенот „Борис Трајковски”, за велосипедскиот сегмент ќе се користи дел од булеварот „Илинден“, а трчањето ќе биде околу спортскиот центар. За непречено одржување на триатлонот, од 8. 15 до 12. 30 часот ќе има посебен сообраќаен режим на булеварот „Илинден“, од крстосницата со булеварот „8-ми Септември“ до крстосницата со улицата „Никола Парапунов“. Ќе биде затворена и улицата околу СЦ „Борис Трајковски“. Сообраќајот ќе се пренасочува по околните сообраќајници. Како што информираат организаторите од клубот „Триоги рејсинг“ – Скопје, ќе се натпреваруваат триатлонци во следните категории: Сениори (2004 и постари): 750м пливање, 20км велосипед, 5км трчање; – Јуниори (2005-2008): 750 метри пливање, 20км велосипед, 5км трчање; – Кадети (2009-20011): 375м пливање, 10км велосипед, 2,5км трчање. – Деца 2 (2012-2014): 175 метри пливање, 4 километри велосипед, 1 километар трчање, Деца 1 (2015 и помлади – рекреативна категорија): 75 метри пливање, 2 километра велосипед и 500 метра трчање; – Мастерс 1 (1994-1985): 750м пливање, 20км велосипед, 5км трчање; Мастерс 2 (1984-1975): 750м пливање, 20км велосипед, 5км трчање; – Мастерс 3 (1974 и постари): 750м пливање, 20км велосипед, 5км трчање; – Тимски триатлон: Tимoвите треба да се состојат од 3 члена (барем еден учесник од машки и еден од женски пол). Секој учесник штафетно одработува по една од дисциплините на спринт дистанцата: 750м пливање, 20км велосипед или 5км трчање. Стопанска Триоги триатлон се реализира со техничка соработка со македонската Триатлон федерација. мч/мд/фото: „Триоги рејсинг“ ....
Променливо облачно и нестабилно со пороен дожд и грмежи
24 Инфо - пред 4 часа
Времето денеска ќе биде променливо облачно и нестабилно со пороен дожд и грмежи. Локално ќе има услови за појава на невреме со интензивен пороен дожд, силен ветер и изолирана појава на град. Минималната температура ќе биде во интервал од 9 до 15, а максималната ќе достигне од 21 до 27 степени. Во Скопје ќе биде променливо облачно и нестабилно со пороен дожд и грмежи. Во делови од котлината ќе има услови за појава на краткотрајно невреме со интензивен пороен дожд, силен ветер и изолирана појава на град. Минималната температура ќе се спушти до 14, а максималната ќе достигне до 25 степени. Во следните денови ќе се задржи топло време, а во попладневните часови наместа ќе биде нестабилно со пороен дожд и грмежи. Локално ќе има услови процесите да бидат поинтензивни во форма на краткотрајно невреме со интензивен пороен дожд, силен ветер и изолирана појава на град....
Членот на израелскиот воен кабинет Ганц најави заминување од Владата ако до 8 јуни не биде усвоен новиот воен план
24 Инфо - пред 13 часа
Членот на израелскиот воен кабинет и министер за одбрана Бени Ганц денеска се закани дека ќе поднесе оставка од владата доколку таа не усвои нов воен план за операции во Појасот Газа во рок од три недели, до 8 јуни. На прес-конференција, Ганц рече дека бара воениот кабинет да подготви нов план до 8 јуни. Тој предупреди дека доколку дотогаш не се исполнат неговите очекувања, ќе ја повлече својата центристичка партија од Владата. „Ако го изберете патот на фанатиците и ја одведете целата нација во пропаст, ќе бидеме принудени да излеземе од Владата“, рече Ганц. Објавата на Ганц ја продлабочува поделеноста во израелското раководство, по повеќе од седум месеци војна. Ганц рече дека ќе поднесе оставка доколку владата не го усвои воениот план од шест точки што тој го подготви до 8 јуни. Планот вклучува враќање на заложниците, крај на владеењето на Хамас, демилитаризација на Појасот Газа и формирање меѓународна администрација за цивилни прашања, како и напори за нормализирање на односите со Саудиска Арабија. Ганц е популарен политичар и долгогодишен политички ривал на Нетанјаху, кој се приклучи на неговата коалиција и воениот кабинет во раните денови од војната против Хамас. Заминувањето на поранешниот началник на Генералштабот и министерот за одбрана ќе го остави Нетанјаху уште позависен од екстремно десничарските сојузници кои зазедоа цврст став за прекин на огнот и разговори без заложници и кои веруваат дека Израел треба да ја окупира Газа и да ги обнови еврејските населби таму. Коментарите на Ганц дојдоа неколку дена откако израелскиот министер за одбрана Јоав Галан отворено рече дека постојано барал од владата да одлучи за повоената визија за Газа која ќе вклучува создавање на ново палестинско цивилно раководство....
Шкупи ги упати првите „отровни стрели“ кон Сејдини и бара првиот човек на ФФМ веднаш да си замине
24 Инфо - пред 13 часа
Поранешниот фудбалски шампион на Македонија, Шкупи ја заврши сезоната со триумф кај актуелниот првак Струга ТЛ (1:2), но не избори настап на евро-сцената. Чаирчани веднаш по завршувањето на лигашкиот дел од сезоната го кренаа гласот, а „отровните стрели“ ги упатија кон првиот човек на ФФМ, Муамед Сејдини за кого во соопшетние велат дека е „рак“ на македонскиот фудбал и дека мора веднаш да си замине, а за во следните денови најавуваат дека ќе изнесат детали дека титулите на мак-сцената се купуваат, а не се освојуваат !? Соопштение од ФК Шкупи ви го пренесуваме во целост: „Чекавме да завршат натпреварите за да зборуваме за многу работи. Денеска пред се им аплаудираме на играчите и техничкиот тим на Струга затоа што никој не може да ги игнорира нивните напори, но ние не му аплаудираме на струшкиот клуб и никогаш нема. За жал во оваа земја трофеите не се освојуваат, туку се продаваат. Тоа ќе го покажеме и објасниме на цела Македонија. Претседателот на фудбалската федерација нема што да му даде на фудбалот, само му штети на фудбалот. Ако темата е репрезентативен фудбал, мора под итно да се ослободиме од овој претседател на фудбалската федерација. Криењето зад политиката, користењето на името на политиката, а понекогаш дури и со оние на политиката, им служи на нивните интереси, а не на фудбалот. Овој претседател на федерацијата е клетка на рак на фудбалот. Фудбалот во оваа земја треба што поскоро да се ослободи од овој човек. Сè детално ќе споделиме со јавноста следната недела. Никој не се извлекува криејќи се зад политиката и играјќи ги сите валкани игри користејќи политика. Ќе донесеме многу сериозни одлуки за иднината на Шкупи, а причините ќе ги споделиме заедно со јавноста“, стои во соопштението на клубот....
Тешка сообраќајна несреќа пред влезот на Клинички центар
24 Инфо - пред 13 часа
Сообраќајна несреќа се случила вечерва на булеварот „Водњанска“ пред влезот на Клинички центар „Мајка Тереза“. Прилично оштетени се најмалку четири возила, пренесе 360 Степени. Дел од булеварот е затворен, а полицијата го пренасочува сообраќајот. Неофицијално, судирот се случил меѓу два автомобили, по што оштетени биле и други возила кои биле паркирани. Полицијата врши увид на местото на несреќата и се очекуваат повеќе детали. Фото: 360 Степени...
Фамилијата на Шумахер во финансиска криза
24 Инфо - пред 13 часа
Веќе 10 години се лечи Шумахер по несреќата на скијање и годишно за лечење се трошат повеќе од 7 милиони долари поради тоа почнуваат да ги продаваат часовниците кои му припаѓаат. Вкупно осум часовници кои му припаѓаа на легендата на Формула 1 – Михаел Шумахер, се продадени на наддавање во Женева, вчера, за скоро четири милиони швајцарски франци (4,1 милион евра), соопшти аукциската куќа „Кристи’с“. – Ова ја покажува страста на меѓународните колекционери за исклучителни часовници. Видовме обемна посетеност, особено од Америка, истакна Реми Гилемин, специјалист за часовници на аукциската куќа. Примерок од „Ф.П. Џурн вагабондејџ“ – споменот за седумте светски шампионски титули во Ф1 на Шумахер, е продаден за 1,6 милиони долари. Германскиот седумкратен шампион бил страстен колекционер на часовници, сѐ до тешката несреќа на скијање во декември 2013 година, по што тoj не е виден во јавноста. Но, највисоката цена – од 2,7 милиони долари, ја постигна стариот часовник „Патек Филип“ од розово злато....
МЗТ Скопје поведе во финалната серија против Пелистер
24 Инфо - пред 13 часа
Во израмнет натпревар, прв од финалната серија во мак-баскетот, шампионот МЗТ Скопје ја искористи предноста на домашниот терен и го победи Пелистер (82:77), за водство од 1:0 во трката кој прв до три победи. Ова е трета сезона за шампионскиот пехар да се бората МЗТ СКопје и Пелистер. Досегашните две пресметки ги добиија „металците“. Пелистер не ги искористи моментите на криза на МЗТ Скопје, како и повредата на Војдан Стојановски кој не играше во последната четвртина, а со тоа пропушти можност да направи брејк на стартот од финалето. Првото полувреме помина во доминација на домашниот тим кој беше во постојано водство и на голем одмор замина со десет поени предност (50:40). Таквата ситуација важеше до средината на третиот квартал кога Пелистер направи целосен пресврт и поведе со 56:54 за по три четвртини игра, МЗТ да има само минимална предност (65:63). И во последниот период Пелистер постојано му беше зад петите на шампионот, но не ги искористи моментите на криза на МЗТ кој три минути беше без постигнат кош. На три минути пред крајот беше 74:74, а потоа дојдоа клучните два напада за МЗТ кој на крајот стаса до триумф. Дамјан Стојановски го предводеше домашниот тим со 16 поени, а двоцифрени беа уште Танасковиќ, Гилон и Војдан Стојановски. Планиниќ со 19 поени, 8 скока и 7 асистенции беше прво име кај Пелистер. Вториот меч од серијата најверојатно ќе се игра во вторник, повторно на теренот на МЗТ Скопје....
Мицотакис: Не гласавме за договорот од Преспа затоа што со него се признава македонската нација и јазик
24 Инфо - пред 13 часа
Мицотакис се поотворено се заканува дека на Македонија ќе и биде блокиран патот кон ЕУ доколку го игнорира преспанскиот договор. Грчкиот премиер потенцира дека во основата на договорот е концептот на именување „ерга омнес“ и тоа треба да важи за сите во и надвор од државата. Во спротивно предупредува дека никаков напредок на долгиот пат на Скопје кон Европа нема да се постигне. Мицотакис оцени дека првите потези на однесување биле многу негативни и утрово испрати нова порака до идната влада на земјава, без целосно усогласување со новото уставно име, Грција нема да ги ратификува меморандумите. „Сакам да потсетам дека не гласавме за Договорот од Преспа, бидејќи изразивме силна резерва за тоа што со овој договор се признава македонската нација и македонскиот јазик. Тоа беше главната причина што не гласавме за договорот. Но, по прашањето за името има многу јасно повлекување и сакам уште еднаш да упатам предупредувачка порака до новата влада, отсега да ја смени линијата. Да се почитува оваа централна одредба од Договорот од Преспа, да се користи само името Северна Македонија во и надвор од државата, кога се споменува нашиот северен сосед. Во спротивно, сигурно е дека ќе создадат проблеми не само во односите на Грција со Северна Македонија, туку и во односите на Европа со Северна Македонија Дека официјална Атина е многу сериозна во предупредувањата, говори и фактот што грчката Влада реагираше брзо и го интернационализираше прашањето по инаугурацијата на Сиљановска. „Јас лично интервенирав да го информирам раководството на Европската Унија за изјавите на претседателот на Северна Македонија. Осуди имаше и од претседателот на Комисијата и од претседателот на Советот и од САД. Така, верувам дека ќе се изврши севкупен притисок врз раководството на Северна Македонија да не направи значително повлекување“, Лидерот на ВМРО ДПМНЕ Мицкоски по ваквите предупредувања изјави доколку Грција смета дека е прекршен преспанскиот договор постои меѓународен суд каде може да се соочат аргументите. Ја повика Грција да не ги употребува „мускулите“ и да „престане со закани и опструкции“....
Оркестарот Џамбо Агушеви имаше настап за паметење и прераскажување во Тирана
24 Инфо - пред 14 часа
Пред повеке години, познатата американска авангардна артистка Лори Андерсон, ке каже: Да зборуваш за музика, тоа е како да играш објаснувајки архитектура. Нема соодветни зборови да се опише настапот на Џамбо Агушеви оркестар во Тирана, тоа беше нешто многу, многу посебно. Агушеви пред да настапат во Тирана, имаа неколку концерти во Германија и авионски стасаа до Скопје, та од таму, веднаш со автомобили тргнаа за Албанија каде стасаа нокта пред нивниот овдешен концерт. Нивниот настап беше во организација на македонскиот Културно информативен центар во Тирана, заедно со овде познатиот тирански фестивал „Clouds” под водство на директорката Едит Пула. Овој фестивал се одржува секоја година. Овојпат, простор кој се наоѓа во центарот на градот, беше исполнет до последно место со публика. Агушеви настапија супериорно, величествено убаво, свиреа технички совршено во манир на големи светски артисти, плетејки мрежа од прекрасни мелодии. Публиката стануваше, играше во транс, дел од нив се качуваа на сцена играјки заедно со нашите музичари. После двочасовен фуриозен настап, публиката не сакаше да замине и музичарите се вракаа неколкупати на бис. Веднаш после настапот, Џамбо Агушеви, отпатуваа на концерт во Бугарија. Македонскиот Културно Информативен Центар во Тирана, најавува уште еден настан. На 23 мај во Тирана ке настапат ДОБРИЛА и ДОРИАН ДУО....
Возачите во В. Британија купуваат регистарски таблички кои не ги регистрираат камерите !
24 Инфо - пред 14 часа
Со напредокот на технологијата за контрола на патиштата, напредува и снаодливоста на возачите кои бараат решенија како да избегнат казни и покрај непочитувањето на сообраќајните правила и пропис. Последниот пример што смислите возачите за да не бидат уловени од полицијата доаѓа од Велика Британија. Неодговорните возачи нашле начин да ги направат своите регистарски таблички „невидливи“ за надзорните камери. Станува збор за таблички кои поради нивната специјална инфрацрвена рефлексија не можат да се прочитаат ниту од најновите патни камери и радари. При изборот на регистарска табличка, Британците можат да избираат помеѓу три типа, стандардниот 2 и поновите 3D и 4D. Најчесто се користат таблички од 2Д тип. Тие се состојат од дводимензионални знаци, а дизајнот следи специфични прописи кои обезбедуваат униформност и читливост. Помодерните 3D таблети се состојат од врежани знаци и рабови во црно. Буквите и бројките се подигнати и даваат тродимензионален изглед. Таканаречените 4Д регистерски таблички се најновата иновација, бидејќи го „подигнуваат концептот на 3Д на повисоко ниво“, пишуваат британските медиуми. Клиентите исто така можат да додаваат специјални ефекти на 4D знаци и сепак да ги исполнуваат законските регулативи во врска со големината, растојанието, бојата и видливоста на знаците. Извесен период и возачите со овие таблички можеа да ги прекршуваат сообраќајните прописи, бидејќи камерите не ги детектираат натписите на таквите таблички. Па, барем не беа до неодамна. Англиската полиција веќе открила дупка во регулативата и на неколку локации поставила нови камери кои откриваат и „невидливи“ регистарски таблички. По само неколку дена, новите леќи фатија неколку возачи со нови регистарски таблички како ги кршат сообраќајните правила. Секој од нив е казнет со 110 фунти (116 евра)....
Петровска: Нападот на Кацарска е напад на слободата и демократијата
24 Инфо - пред 14 часа
Говорот на омраза, вжештената реторика и обвинувања и поделбите на патриоти и предавници не може да донесе ништо добро. Нападот врз Претседателката на Уставниот суд е напад на слободата и демократијата.Ова не носи добро за никој! Фејсбук статус на Славјанка Петровска...
Едно лице загина, а друго се бори за живот по повреди добиени во лифт во угостителски објект во Штип
24 Инфо - пред 15 часа
Едно лице почина, а друго се бори за живот во Клиничката болница- Штип од повреди добиени во несреќа, што според првичните информации се случила во лифт во угостителски објект во Штип. Надлежните од СВР Штип потврдуваат за трагедијата, која се случила попладнево во угостителски објект во Штип. Повеќе детали околу несреќата засега нема, но од СВР Штип велат дека во тек е увид од страна на полицијата, јавен обвинител од ОЈО Штип, а на терен се и државни инспектори. Според првичните информации починатото лице и неговиот колега извршувале работна задача во моментот на несреќата....
Вучиќ: Ќе бараме резолуција за страдањата на Србите од Германците во Втората светска војна и од усташите во Јасеновац
24 Инфо - пред 15 часа
Претседателот Александар Вучиќ денеска изјави дека српскиот народ на Косово е изложен на брутален прогон и дека никогаш нема да прифати независно Косово и најави дека поради усвојувањето на резолуцијата за Сребреница, ќе бара и усвојување на резолуција за страдањата на Србите од рацете на Германците во Втората светска војна, како и од усташите во Јасеновац. „Русите наскоро ќе иницираат барање да се прогласи за геноцид германското убивање на рускиот и советскиот народ за време на Втората светска војна. Ние ќе го бараме истото за она што го направија Германците во Србија и за она што го направија хрватските усташи во Јасеновац. Но, да не кажам дека тоа ќе отвори многу други прашања за Турција и за некои други западни сили, од Индијанци до многу други“, рече Вучиќ. Српскиот претседател пред разговорот со патријархот Порфири и претседателот на Република Српска, Милорад Додик, рече дека усвојувањето на резолуцијата за Сребреница ќе ја отвори Пандорината кутија. Во секој случај, како што вели, тоа е многу тешко прашање, бидејќи го покажува односот на поединци во регионот, како и на некои светски сили....
Додик: Односите меѓу Бања Лука и Сараево можеби се на најлошо ниво
24 Инфо - пред 15 часа
Претседателот на Република Српска, Милорад Додик изјави денеска дека односите меѓу Бања Лука и Сараево можеби се на најлошо ниво и дека мирот е единствената вредност за која се залага. Додик истакна дека ситуацијата во БиХ е катастрофална, пренесе новинска агенција на Република Српска. Тој рече дека претседавачот со Претседателството на БиХ, Денис Беќировиќ, кажува лаги за Република Српска и дека со него не може да се отвори дијалог....
ИДФ апелира Палестинците од крајбрежните населби да се евакуираат во северниот дел на Газа
24 Инфо - пред 15 часа
Израелската армија денеска ги повика Палестинците во крајбрежните населби во северниот дел на Газа да ја евакуираат областа додека ја продолжува операцијата во Џабалија. Портпаролот на ИДФ на арапски, Авичај Адри, објави список на нови зони што треба да се евакуираат, а на палестинските цивили им беше кажано да се преселат во засолништа западно од градот Газа, пишува The Times of Israel. Минатиот викенд, ИДФ издаде предупредување за евакуација на градот Џабали, пред да биде извршен нападот. Оттогаш, армијата двапати ја прошири зоната за евакуација, а најновото соопштение ги вклучи областите Ал-Ататра и Ал-Карам на брегот на Газа....
На регионот, како и на Македонија и се закануваат локални поројни поплави: Од вечерва, па и во текот на наредната недела силни врнежи, грмежи и временски непогоди
24 Инфо - пред 16 часа
Метео анализа на Славчо Попоски: Под влијание на циклон од западна Европа, од вечерва, па во текот на целата наредна недела, однсоно до самиот крај на овој месец во регионот, како и кај нас во Македонија ќе биде многу нестабилно со чести врнежи, грмежи, силен ветер и локална појава на невреме. Ќе се задржи значително потопло, но токму ова ќе придонесе Атмосферата да биде многу загреана и исполнета со енергија, па така локално се очекуваат и по силни временски непогоди, проследени со обилни поројни врнежи од дожд за кратко време кои би можеле да придонесат за локални поројни поплави, бурен ветер, силни и чести електрични празнења, како и со појава на крупен град. И во Скопскиот регион од вечерва, па во текот на наредната недела ќе биде многу нестабилно со честа појава на локален пороен дожд, силен ветер, грмежи и услови за локално невреме. КРАЈНА ПРЕТПАЗЛИВОСТ: Во случај на појава на електрични празнења, да не се претстојува на отворен простор и под осамени дрвја. Исто така во случај на појава на силен ветер, автомобилите да се заштитат, односно да бидат подалеку од дрвјата....
Мисијата на Србија во ОН апелира да се повлече текстот на резолуцијата за Сребреница
24 Инфо - пред 16 часа
Вршителот на должноста во Постојаната мисија на Србија во Обединетите нации (ОН), Саша Март побара повлекување на текстот на резолуцијата за геноцидот во Сребреница. Март апелираше до коспонзорите на предлогот на таа резолуција, во интерес на сите, пред се на народот на Босна и Херцеговина, но и на сите членки на ОН, да го повлечат тој текст за „земјите членки на ОН да не бидат доведени во позиција да гласаат за чувствително прашање кое бара консензус“, јавија српските медиуми. Тој изјави дека во врска со последното писмо испратено од Постојаните мисии на предлагачите – Германија и Руанда до сите земји-членки на 17 мај, во својство на главни спонзори и „ко-фасилитатори“ на резолуцијата за Сребреница, е должен да посвети внимание на некои елементи.„Спротивно на тврдењата за силна регионална поддршка за резолуцијата, коспонзорите продолжија со практиката на еднонасочна комуникација, без можност за прашања и коментари, со отсуство на отворени консултации кои би подразбирале учество на сите земји-членки на ОН“, се вели во писмото. Март додаде дека ова само го потврдува фактот што Србија од самиот почеток го истакна: „нетранспарентноста на процесот без поширок регионален консензус и согласност ја разоткрива вистинската намера која се крие зад резолуцијата“....
Струга со пораз го прослави шампионскиот пехар, Шкендија ја зграпчи евро-визата
24 Инфо - пред 17 часа
Со одигрувањето на последното 33. коло заврши лигашкиот дел од прволигашката фудбалска сезона во Македонија. За комплетно да биде спуштена завесата за натпреаврувачката сезона 2023/24 остануваат да се одиграат бараж натпреаврите и финалето на Купот. Старо-новиот шампион на мак-сцената Струга со пораз од Шкупи (1:2) на домашен терен го заврши првенството. Ова беше пирова победа за чаирчани, бидејќи Шкендија со победа на гости кај Работнички (0:2) ја зграпчи евро виза за настап во квалификациите за Конференциската лига. Со погодоците на Красниќи во 34. минута и Аганспахиќ во 72. минута, тетовските „црвено-црни“ стигнаа до бодовите на гостувањето кај „романтичарите“ и заврши на втората позиција. Во Струга каде домаќинот ја имаше обезбедено одбраната на титулата пред одигрувањето на последните 90 минути, чаирчани преку Рамани уште во деветата минута најавија дека се дојдени по трите бода. Водството на гостите го анулира Буњамин Шабани во 30. кој постигна израмнубвачки погодк за 1:1. По шест минути игра во второто полувреме Аворњо дојдесе ново водство за Шкупи и триумф. Вардар кој ќе игра бараж за опстанок ремизираше со Тиквеш (2:2). Црвено-црните поведоа со гол на Николовски во 14. минута, но брзо потоа следуваше пресврт, со погодоци на Пузиревскис и Даноски, кавадаречкиот тим го сврте резултатот и поведе со 2:1. Сушњара во 66. минута донесе бод за Вардар. Вистинска голеада имаше во Струмица каде Брера со 5:3 ја победи екипата на Македонија Ѓорче Петров која имаше водство од 2:1 на полувремето. Воска и Гостивар ремизираа (1:1) како и Брегалница и Силекс (1:1). Струга ќе учествува во квалификациите за Лигата на шампионите, Шкендија во квалификациите за Конференциската лига, Вардар ќе игра против Детонит Плачковица во баражот за опстанок, а Македонија ЃП и Брегалница испаѓаат во Втората лига. 33. коло:Брера – Македонија ЃП 5:3Брегалница – Силекс 1:1Работнички – Шкендија 0:2Струга – Шкупи 1:2Вардар – Тиквеш 2:2Воска – Гостивар 1:1 Конечна табела: Струга 64 бодови, Шкендија 64, Шкупи 62, Тиквеш 44, Силекс 43, Гостивар 42, Брера 42, Работнички 42, Воска 42, Вардар 37, Македонија ЃП 29, Брегалница 28....
Нападната судијката Кацарска во кафе бар во Скопје
24 Инфо - пред 17 часа
Загрозување на сигурноста-СкопјеВо 15:00ч во ПС Центар, Добрила Кацарска од Скопје, пријавила дека во 12.35 часот, со нејзина колешка седеле во кафе бар Кулу во ТЦ Рамстор, при што во локалот влегло НН машко лице на возраст од 50 години кој се потпрел со коленото на делот од сепарето, и се обратил со зборовите „Ти ќе одговараш, страшно ќе одговараш ти“ дознава 24инфо. Истиот е спречен од обезбедувањето во понатамошни постапки. Се работи за В.П.Г. од Богданци, кој е задржан во ПС-Центар....
Шолц наместо во изборна кампања направи обиколка на поплавените региони во Германија
24 Инфо - пред 17 часа
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани. Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер. Тој ја потврди солидарноста на сојузната влада со Сарланд. „За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите. Службите за итни случаи одговорија на илјадници повици за помош во главниот град на покраината, Сарбрикен....
Баер Леверкузен до историската шампионска титула во Бундеслигата стигна без пораз
24 Инфо - пред 18 часа
Новиот гермнански фудбалски шампион Баер Леверкузен денеска во последното коло славеше победа против Агусубург (2:1). До првата историска клупска титула Баер стигна без ниту еден пораз. Досега во Германија ниту Баерн, ниту било кој друг тим не успеал да стигне до титулата на ваков начин. Тимот од Леверкузен им се придружи на Јувентус, Арсенал и Милан кои се единствени екипи кои освоиле национално првенство од најсилните пет лиги, без пораз. Избраниците на тренерот Чаби Алонсо сосема заслужено стигнаа до трофејот. Сезоната ја заврши со 28 победи и шест нерешени натпревари, постигнаа 89 голови, а примија 24. Во сите натпреварувања се во серија од 51 натпревар без пораз и сега им остануваат уште два меча за неверојатен успех и тројна круна без изгубен натпревар....
Ферстапен на пол-позицијата во Имола
24 Инфо - пред 18 часа
Макс Ферстапен го задржа максималниот учинок во квалификациите оваа сезона. Актуелниот шампион во Имола ја освои седмата пол-позиција оваа сезона. Ферстапен до пол-позицијата дојде откако Ред Бул се соочуваше со многу проблеми на тренинзите, во квалификации покажа зошто е трикратен светски првак. Холанѓанецот, сметајќи ја и последната трка од минатата сезона е во серија од осум победи во квалификациите, со што го изедначи рекордот на легендарниот Аиртон Сена. Шампионот, во квалификациите за 74, односно 91 илјадити делови од секундата беше побрз од возачите на Мекларен, Оскар Пјастри и Ландо Норис. Домашната публика е разочарана од резулатот на Ферари. Шарл Леклер заврши на четвртото, а Карлос Саниц на петтото место. Шпанецот за една илијадитинка беше побрз од Џорџ Разел (Мерцедес). Следуваат Јуки Цунода (РБ), Луис Хамилтон (Мерцедес), Даниел Рикардо (РБ) и Нико Хулкенберг (Хас). Во квалифкациите разочараа Фернандо Алонсо кој ќе стартува од 19.место и Серхио Перез кој трката ќе ја започне од 11. место. Трката за Големата награда на Емилија Ромања, в недела ќе започне во 15 часот....
Во Будва уловена сина ајкула тешка 200 килограми
24 Инфо - пред 18 часа
Сина ајкула долга повеќе од три метри и тешка 200 килограми е уловена во Будва. Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет. Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември....
Малолетничка по потекло од Црна Гора планирала да убива „неверници“ во Грац
24 Инфо - пред 18 часа
Девојче (14) по потекло од Црна Гора е осомничено дека сакало да изврши напад во Грац, а при претресот на нејзината куќа истражителите пронашле оружје и ужасни фотографии и видеа од обезглавувања. Таа, како што се наведува, имала една цел: да ги убие сите неверници. Според полицијата, девојката веќе купила оружје како секира, нож и облека за по случаен избор да нападне луѓе во Грац. Таа испрати слики од нејзините планови за напад на истомисленици преку апликацијата Телеграм. Нападот требало да биде „насочен кон неверниците“, а планот вклучувал случајно убиство на „луѓе облечени во црно“ и убивање „што е можно повеќе“. Австриската полиција не знае точно кога било планирано да се изврши нападот, но се сигурни дека нападот ќе се случел. „Претпоставуваме дека тоа беше неизбежно“, рече портпаролот на полицијата Фриц Грундинг.Девојчето е родено во Црна Гора и живее во Грац, но сè уште нема австриско државјанство. Претресот на куќата е извршен по наредба на јавниот обвинител во Грац, а на лице место е пронајдено оружје и облека, по што девојката е уапсена. При распитот девојката не признала што планира, а на сослушувањето присуствувале и нејзините родители кои наводно не знаеле за страшните планови на нивната ќерка....
Ердоган: Споровите околу изворите на вода предизвикуваат конфликти низ светот
24 Инфо - пред 18 часа
Турскиот претседател Реџеп Таип Ердоган изјави денеска дека поради негативните ефекти од климатските промени, изворите на вода и резервоарите стануваат подрачја на конфликти ширум светот. „Многу конфликти во Азија, Америка, Северна Африка и Блискиот Исток произлегуваат од споровите околу изворите на вода. Поради негативните ефекти од климатските промени, изворите на вода и резервоарите стануваат подрачја на конфликти“, рече Ердоган на собирот посветен на земјоделството организиран од турската државна банка Зират во Истанбул. За договорот за црноморското жито од 2022 година, со посредство на Турција и ОН меѓу Русија и Украина, Ердоган оцени дека, да не беше договорот во кој посредуваше Турција, „многу подрачја ќе се соочија со глад, особено африканските земји. . Тој нагласи дека Турција, сред пандемијата „Ковид-19“ и војната во Украина, „го спречи влошувањето на ситуацијата обезбедувајќи минување на 33 милиони тони жито“ низ нејзиниот теснец....
Ставот за прегласувањетo ДУИ ќе го формира со коалициските партнери од Европски фронт
24 Инфо - пред 18 часа
По три часа заврши состанокот на раководството на Демократска унија за интеграција (ДУИ) во седиште во тетовска Мала Речица, каде се дискутирало за одлуката за прегласување на 22 мај на седум избирачки места за параламентарните избори. Ставот за овие одлуки на ДИК и Управниот суд, ДУИ ќе го усогласува со сите партии од Европскиот фронт најави портпаролот Арбр Адеми. – Денеска ги разгледувавме сите политички случувања, особено внимание предизвика изборниот инженеринг. И пред да се поднесуваат приговорите ние ја известивме јавноста бидејќи имавме информации од прва рака во што се состои политичкиот „дил“. Ги известивме сите граѓани, нашите партнери, тоа се потврди со конкретни дела и во Државната изборна комисија, но и во Управниот суд. За натамошните чекори претседателот Ахмети ќе има координативни средби со сите политички партии кои го сочинуваат Европскиот фронт. Така што, нема што повеќе да додадеме освен тоа што претседателот Ахмети веќе го сподели со сите вас и пред почетокот на денешниот состанок, изјави Адеми....
Герасимовски: Булингот носи сериозни последици, само ако делуваме заедно може да го спречиме
24 Инфо - пред 18 часа
Градоначалникот на Општина Центар Горан Герасимовски од Градскиот парк испраќа порака дека врсничкото насилство булингот може да има сериозни последици доколку не се превенира и спречи. Денеска во Градскиот парк компанијата Макпетрол одржа музички хепенинг во рамки на кампањата Крени глас – Стоп за булинг каде учество зема и Општина Центар. Герасимовски оттаму порачува дека локалните самоуправи под чија надлежност се училиштата имаат одговорност да ги заштитат учениците од булинг. „Врсничкото насилство е сериозен проблем кој најчесто започнува во основното образование и затоа ние како локални самоуправи имаме одговорност да ги преземеме сите мерки и активности за зголемување на безбедноста на децата. Секое игнорирање на меѓуврсничкото насилство може да остави трајни последици по личноста и семејството и согласно ова ние спроведовме бројни обуки за негово препознавање, превенирање и спречување”, вели Герасимовски. Општина Центар по приклучувањето на кампањата на Макпетрол веднаш спроведе низа работилници и обуки за наставниците и стручните соработници од училиштата за рано препознавање, превенција и спречување на булингот во основните училишта во општината. Обуките беа спроведени од еминентни универзитетски професори стручни во областа. Општина Центар по дојава на граѓани за врсничко насилство меѓу врсниците низ Дебар маало во соработка со МВР обезбеди зачестени полициски патроли и неколкупати заедно со родители и полициски службеници направи обиколка во Градскиот парк каде се собираат младите. Градоначалникот Герасимовски потенцира дека во растењето и однесувањето на децата сите имаат одговорност. „Воспитувањето доаѓа од дома, врсничкото насилство не смее да се игнорира. Затоа упатувам порака за отворена комуникација на родителите и стручните служби со децата бидејќи тоа е најдобриот начин да ги заштитиме. Да ги охрабриме децата да зборуваат, да зборуваме и ние, да реагираме и да ги заштитиме”, порачува тој....
Фицо е свесен, лекарите се надеваат на позитивна прогноза
24 Инфо - пред 19 часа
Словачкиот вицепремиер и министер за одбрана Роберт Калињак денеска соопшти дека премиерот Роберт Фицо е свесен и дека лекарите се надеваат на позитивна прогноза. Калињак повтори дека операцијата во петокот била успешна, но дека неговата состојба се уште не дозволува премиерот во наредните денови да биде префрлен од болницата во Банска Бистрица. „Последниве неколку дена во болницата во Бањска Бистрица се случија неколку чуда. Сепак, ваквата повреда е крајно исцрпувачка и се уште не е санирана. Мислам дека нема да биде возможен никаков транспорт на премиерот во следните денови“, најави тој на конференција за новинари. Тој додаде дека со премиерот комуницира само за најважните работи, но дека не е неопходно тој како вицепремиер да ги преземе неговите надлежности. Обраќајќи им се на новинарите пред болницата, Калињак посочи дека медиумите се одговорни за поделбата на општеството што резултираше со атентатот. „Многу медиуми известувањето го мешаат со клевета. Роберт Фицо долго време беше етикетиран со најлошите придавки, беше етикетиран како злобен“, вели Калињак. Наведе и дека Владата ќе продолжи да работи според програмата што ја постави Фицо. – Следната недела Владата ќе има две средби, едната редовна, а другата вонредна, посветени на европските фондови, рече тој. Министерката за здравство Зузана Долинкова изјави дека здравствената состојба на Роберт Фицo е стабилизирана, но сепак сериозна. Според неа, ова го оценил лекарскиот совет на утринскиот состанок. Вчерашната операција која траеше два часа придонесе за позитивна прогноза за здравјето на премиерот, рече Долинкова....
Ахмети: ВМРО-ДПМНЕ и СДСМ прават се за да добијат двајца пратеници од Фронтот, но ние ќе ги обелодениме сите детали од тајните договори
24 Инфо - пред 19 часа
Одлуката на Управниот суд и Државната изборна комисија за прегласувањето на неколку избирачки места во ИЕ 5 и 6, денеска беше повод да се собере раководството на ДУИ на вонреден состанок во седиштето во Тетово. Лидерот на партијата, Али Ахмети пред средбата порача дека ВМРО-ДПМНЕ и СДСМ прават се за да добијат двајца пратеници од Европскиот фронт, но нагласува дека тие ги знаат сите детали од тајните договори. -Овде прашањето не е дали Европскиот фронт загуби или освои два мандата. Европскиот фронт победи на изборите на 8 мај 2024 година. Победата на Фронтот беше запечатена на 8 мај. Сите политички акробации, тајни договори во подруми се неприфатливи и казниви. Затоа што се шминкаат чекор по чекор. И не треба да се толерира ниту еден чекор поназад, туку сите страни да размислуваат. Ги знаеме сите детали за договорите во црвените визби, политичките договори, а во иднина детално ќе излеземе за сите договори каде што ќе ги приложиме на јавноста, изјави Ахмети....
Претседателката Сиљановска Давкова имаше средба со Павловски, директор на Рамбл
24 Инфо - пред 19 часа
Претседателката Гордана Сиљановска Давкова го прими Крис Павловски, директорот на водечката светска компанија за дигитални платформи Рамбл, кој е во посета на земјата во рамките на конференцијата Македонија 2025. На средбата, Павловски ја претстави работата на Рамбл, компанија која котира на индексот Наздак на берзата во Њујорк, со нејзината етаблирана видео платформа и е во подем во дејноста на развојот на дигиталната инфраструктура и клауд услугите. Како водечки претприемач со македонско потекло, господинот Павловски изнесе мислења за состојбата во дигиталниот сектор, за трендовите и перспективите кои може да се искористат. Претседателката Сиљановска Давкова го информираше Павловски за нејзината иницијатива за развивање на соработката со македонската дијаспора, со цел максимално да се искористат сите можности за економски развој на земјава....
Пикси објави изненадувачки спсок со кои Србија ќе игра на ЕП
24 Инфо - пред 19 часа
Селекторот на фудбалската репрезентација на Србија, Драган Стојковиќ – Пикси објави поширок список на играчи кои конкурираат за настап на Европското првенство. На списокот кај Пикси се најдоа 35 фудбалери, што значи дека во следната селекција деветмина ќе отпаднат, бидејќи на завршницата од континеталниот собир во Германија ќе може да бидат на располагање 26. Германија. Српските медиуми пишуваат дека списокот на Стојковиќ е полн со изненадувања, а тоа најмногу се однесува на голем број играчи од домашното првенство. Таму се голманот на Партизан, Александар Јовановиќ и неговиот соиграч Самед Баждар, кого Босна и Херцеговина го посакуваше во репрезентацијата.Стојковиќ ги повика и Немања Стојиќ и Александар Ќирковиќ од ТСЦ, како и Срѓан Мијаиловиќ и Урош Спајиќ од Звезда, односно Михаило Ивановиќ од Војводина и Матија Глушчевиќ од Радник Крагуевац. Од фудбалерите кои Пикси ги остави надвор од списокот, српските медиуми ги издвојуваат Марко Грујиќ, Урош Рачиќ, Милан Гајиќ, Дејан Јовељиќ и Ерхан Машовиќ. Го нема ниту Миле Свилар, голманот на Рома кој не сака да игра за репрезентацијата. На поширокиот список се најдоа следните фудбалери:...
Фоден избран за играч на сезоната во Премиер лигата
24 Инфо - пред 20 часа
Англискиот фудбалски репрезентативец Фил Фоден е прогласен за најдобар фудбалер во Премиерлигата за сезоната 2023/24, во изборот кој го прават спортските новинари на Островот. Иако има само 23 години Фоден беше клучен играч во тимот на тренерот Пеп Гвардиола кој со победа во утрешното последното коло против Вест Хем би стигнал до својата четврта титула во низа. Четири титули во низа во Премиер лигата досега не освоил ниту еден друг тим. Фоден постигна 17 голови и запиша осум асистенции на 34 натпревари колку што одигра во првенство. Гвардиола го користеше на две позици и тој е втор по бројот на одиграни минути за клубот. -Ова е големо достигнување и навистина сум горд. Премиерлигата е најголема во светот и задоволство ми е што бев номиниран покрај сите други одлични играчи, кажа Фоден. "He's the best player right now in the Premier League" 💬 Here's just some of @PhilFoden's best bits from the season so far 💥 pic.twitter.com/7u9AjFdruG— Manchester City (@ManCity) May 18, 2024...
Лавров: Русија останува отворена за дијалог со Западот, но само под еднакви услови
24 Инфо - пред 20 часа
Русија останува отворена за дијалог за безбедност и стратешка стабилност со Западот, но само под еднакви услови, изјави денеска рускиот министер за надворешни работи Сергеј Лавров. „Како што рече рускиот претседател (Владимир Путин), остануваме отворени за дијалог со Западот, особено за прашањата за безбедноста и стратешката стабилност. Сепак, тоа не треба да биде разговор од позиција на моќ и наша сопствена исклучителност, туку да биде спроведено под еднакви услови, врз основа на взаемно почитување на интересите“, истакна Лавров на 32. Собрание на Советот за надворешна и одбранбена политика. Тој нагласи дека овие прашања треба да се разгледуваат како целина, пренесува ТАСС. „Во сегашната ситуација, правилно е да ја зајакнеме соработката со земјите од глобалното мнозинство кои не се подготвени да ги жртвуваат своите односи со нас, кои се заемно корисни и засновани на историска меморија, заради непромислениот геополитички потег. на Западот во Украина“, заклучи Лавров. Тој рече дека Москва несомнено ќе може да ги заштити своите интереси во однос на Украина, како и во односите со Западот и Европа....
ДИК: Прегласување и разрешени избирачките одбори во избирачките места 1470/1, 1470, 1194, 1202, 1844, 1272 и 2101
24 Инфо - пред 20 часа
Државната изборна комисија (ДИК) денеска, на 105. седница, едногласно го усвои предлогот да се повтори гласањето во Изборната единица (ИЕ) 5 на избирачките места 1470/1 и 1470 во Општина Долнени, 1194 и 1202 во Општина Крушево, 1844 во Општина Струга и 1272 во Општина Охрид, како и во ИЕ 6 на избирачкото место 2101 во Општина Желино. Гласањето ќе се одржи во среда, на 22 мај 2024 година. ДИК на седницата ги разреши и претседателите на избирачките одбори, членовите и нивните заменици во избирачките места 1470/1 и 1470 во Општина Долнени, 1194 и 1202 во Општина Крушево, 1844 во Општина Струга, 1272 во Општина Охрид и 2101 во Општина Желино. Со оглед дека се кратки роковите за избор на нови избирачки одбори, за да биде регуларно прегласувањето, општинските изборни комисии (ОИК) ќе треба да ангажираат некои од веќе постојните избирачки одбори, или од најблиските избирачки места или некои други, и за тоа ќе треба да достават известување до ДИК. Кампањата за повторното гласање ќе трае до понеделник, 20 мај, 00.00 часот. Притоа, ќе важат истите листи за болни и немоќни лица, ќе нема можност да се пријавуваат нови. Според ДИК, има можност за измени и предлози за овластени претставници на кандидати. Тоа важи и за членовите на избирачките одбори кои се предложени од политичките партии. ДИК, претходно, во рамки на седницата, ги соопшти освоените мандати за пратеници во новиот парламентарен состав. Членот на Комисијата, Борис Кондарко го искажа ставот на ДИК во врска со синоќешните одлуки на Управниот суд. ДИК, рече Кондарко, го потврди своето професинално однесување и работење, докажа дека независно од изборните резулти, целосно ги почитува и правилно ги применува сите законските процедури. -Со одлуките на Управиот суд со кои целосно се потврдија решенијата на ДИК за поништување на гласањето, уште еднаш се докажа дека независно од изборните резултати, ДИК постапувала законски и врз основа на увид во целокупниот изборен материјал. И покрај сите непријатности кои се уште ги имаме, ДИК докажа дека независно од изборните резулти на кои не може да влијае и кои не зависат од неа, целосно ги почитува и правилно ги применува сите законските процедури и дејсвта во изборниот процес. На тој начин, го задржа интегритетот и продонесе за почитување на правото и правната сигурност како основа на демократијата и слика за угледот на државта. Пораката е дека и покрај дневната политика, институциите постапуваат само според законските надлежности и материјалните докази со кои располагаат, подвлече Кондарко....
Во Појасот Газа за еден ден загинале 83 луѓе
24 Инфо - пред 20 часа
Според Министерството за здравство во Газа во изминатите 24 часа при израелските напади во Појасот Газа загинале 83 луѓе. Во војната помеѓу Израел и Хамас вкупно загинале 35.386 луѓе Од почетокот на војната на 7 октомври минатата година повредени се 79.366 лица. Најголемиот број од жртвите се деца и жени....
Кадровски промени на Водно, правникот Божинов и новинарот Момировски ќе раководат со претседателскиот кабинет
24 Инфо - пред 21 часа
Претседателката на Македонија Гордана Сиљановска Давкова за генерален секретар на својот кабинет го именувала Ѓорѓи Божинов, пратник кој работел во Министерството за земјоделство, а за негов заменик новинарот Горан Момировски. Од функциите се разрешени генералниот секретар Миле Бошњаковски и неговите заменици Билјана Радева и Тоше Зафиров, кои беа ангажирани во мандатот на доскорешниот претседател Стево Пендаровски. Генералниот секретар Ѓорги Божинов е дипломиран правник со речиси тридецениско работно искуство во областа на правото во земјоделскиот сектор, законодавната и институционалната рамка, процесите на јавни набавки, корпоративно советување, програмите за финансиска поддршка, државна помош, како и примена и хармонизација на легислативата на Европската Унија во овие области. Претходно, Божинов својата кариера во областа на правото ја остварува на раководни административни позиции во Министерството за земјоделство, шумарство и водостопанство....
Претрес во Струмица, приведен дилер
24 Инфо - пред 21 часа
На 17.05.2024 во 12.20 часот во Струмица, полициски службеници од СВР Струмица го лишиле од слобода Љ.Ѓ.(46) од Струмица. При претрес во неговиот дом, извршен со судска наредба, биле пронајдени и одземени кафеава прашкаста материја, црна прашкаста материја, марихуана, бела прашкаста материја, бела грутчеста материја и други предмети за кои постои сомнение дека потекнуваат од кривично дело.. Лицето било задржано во полициска станица и по целосно документирање на случајот против него ќе биде поднесена соодветна пријава....
Модриќ и наредната сезона ќе игра за Реал
24 Инфо - пред 21 часа
Лука Модриќ и наредната сезона ќе го носи дресот на реал Мадрид. „Мундо Депортиво“. Овој медиум, кој е поблизок до Барселона отколку до Реал, тврди дека Модриќ и челниците на Реал постигнале вербален договор за продолжување на договорот на уште една година. Договорот е постигнат по тричасовната средба одржана вчера во Валдебебас. Истата информација ја објавија и „Онда Мадрид“ и „Телемадрид“, два медиуми специјализирани за следење на Реал Мадрид. Според нив, Модриќ ги прифатил условите што му ги понудил клубот. Тој досега заработуваше околу 10 милиони евра нето по сезона, а сега се согласи да ја преполови платата. Според Шпанците хрватскиот играч за врска планира да одигра уште една сезона во Реал, а потоа како 39-годишен да се збогува од фудбалот. Така Модриќ би станал најстариот фудбалер во историјата на Реал Мадрид кој се пензионирал во дресот на шпанскиот великан. Рекордот моментално го држи Пако Хенто, кој се пензионираше на 38 години. Хрватската легенда на Реал Мадрид освои се. Меѓу другото, пет европски, четири шпански титули и два Купа на кралот и Златната топка. Тој одигра 531 натпревар, постигна 39 и постави 86 гола. Во тековната сезона претежно беше резерва, но со значаен придонес на патот на Реал кон освојување на Ла Лига и финалето на Лигата на шампионите. Иако беше во стартниот тим на само 22 натпревари, успеа да постигне 2два гола и да забележи осум асистенции....
Убиство и самоубиство во Бјеловар, Хрватска
24 Инфо - пред 21 часа
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена. Напаѓачот, според првичните инфрормации се самоубил. Хрватската полиција засега не ги потврдува неофицијалните информации дека се работи за убиство и самоубиство. Полицијата дојавата ја добила околу 10 часот, а на местото се врши увид....
ДИК ги соопштува освоените мандати за пратеници во новиот парламентарен состав
24 Инфо - пред 22 часа
Државната изборна комисија денеска, на 105. седница која е во тек, ги објавува конечните резултати за распределба на мандатите за пратеници по изборни едници согласно освоените гласови на парламентарните избори од 8 мај 2024 година. Како што информира претседателот на ДИК Александар Даштевски, според усвоениот дневен ред, на седницата ќе се расправа и по предлог-решенијата за повторување на гласањето во ИЕ 5 на 1470/1 и 1470 во Општина Долнени, 1194 и 1202 во Општина Крушево, 1844 во Општина Струга и 1272 во Општина Охрид, како и во ИЕ 6 на избирачко место 2101 во Општина Желино. ДИК треба да ги разгледа и предлог-решениеја за разрешување претседател, членови и нивни заменици на избирачки одбори во избирачки места 1470/1 и 1470 во Општина Долнени, 1190 и 1202 во Општина Крушево, 1844 во Општина Струга, 1272 во Општина Охрид и 2101 во Општина Желино....
Напаѓачот на Фицо призна вина
24 Инфо - пред 22 часа
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Цинтула беше спроведен под силно полициско обезбедување, а ниту на новинарите им беше дозволен влез во Судот. Обвинителството вчера побара притвор за 71-годишниот Цинтула поради евентуално бегство или повторување на кривичното дело. Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен. Тој се соочува со обвинение за обид за убиство од одмазда, за што е предвидена казна од 25 години до доживотен затвор. Словачките политичари изјавија дека нападот врз Фицо не е политички мотивиран. Цинтула наводно учествувал во неколку антивладини протести, а бил против прекинот на помошта за Украина и на ликвидацијата на словачките медиуми. Состојбата на премиерот Фицо и понатаму е сериозна....
Кривична против градоначалник за незаконско располагање со буџетски средства за време на избори
24 Инфо - пред 22 часа
СВР Струмица, до Основното јавно обвинителство Гевгелија, поднесе кривична пријава против градоначалник на една општина поради постоење основи на сомнение за сторено кривично дело „противзаконито располагање со буџетски средства за време на избори” по член 165-в од Кривичниот законик. Како што информира МВР, пријавениот извршил нередовни исплати на еднократна парична помош на 38 физички лица во вкупен износ од 195 000 денари согласно програмата за мерките и активностите на општината во областа на социјална заштита од буџетски средства за 2019 година. Пријавениот ги извршил исплатите на 15.02.2019, 18.03.2019 и 12.04 2019, односно во период кога се распишани Претседателските избори 2019 година, со што постапил спротивно на член 8-а став 1 алинеја 2 од Изборниот Законик и член 34 став 1 алинеја 2 од Законот за спречување на корупција и судир на интереси....
Поплави и свлечишта во германската провинција Сар
24 Инфо - пред 22 часа
Обилните дождови предизвикаа поплави и лизгање на земјиштето во западната германска покраина Сар. Поради надојдената вода евакуирани се жителите од неколку згради. Според Германската метеоролошка служба во Сар вчера наврнале повеќе од 100 литри дожд на квадратен метар за помалку од 24 часа. Според досегашните информации, во силното невреме нема жртви, а при евакуацијата едно лице е повредено. Голем број патишта во Сар сè уште се затворени, а ограничен е и железничкиот сообраќај. Германскиот сојузен канцелар Олаф Шолц најави дека ќе ја посети поплавената област. Поради обилните дождови зголемена е готовност и на надлежните служби и во Саксонија, Тирингија и Баварија....
Во Љубљана се одржува Годишна конференција на ФАМа
24 Инфо - пред 22 часа
На Годишната конференција на Регионалната феминистичка антифашистичка мрежа (ФАМа) претставен е и текст за поддршка на европската граѓанска иницијатива за безбеден и достапен абортус за сите жени во ЕУ. На Конференцијата, што се одржува во главниот град на Словенија, Љубљана, учествуваат над 50 активистки и експерти за репродуктивните и сексуалните права на жените во регионот. – Милиони жени низ ЕУ продолжуваат непотребно да ги ризикуваат своите животи и здравје со прекинување на бременоста бидејќи легалниот, безбеден, достапен абортус е забранет, недостапен или прескап … Иницијативата за достапен абортус и контрацепција за сите жени во ЕУ ја гледаме како неопходен и добредојден притисок врз владите во нашите земји да престанат да ги игнорираат нашите барања, целосно да го вратат нашето стекнато право слободно да одлучуваме за раѓањето, се наведува во текстот што е испратен до Европска комисија и до Европскиот совет. ФАМа се надева дека нивната иницијатива „ќе придонесе за вклучување на репродуктивните и сексуалните права меѓу прашањата што мора да се решат во процесот на пристапување во ЕУ, со цел секоја идна земја-членка да достигне високо ниво на заштита за женските човекови права“. Конференцијата на ФАМа се одржува од 17 до 19 мај....
Евакуирани околу 10.000 луѓе од украинската област Харков
24 Инфо - пред 22 часа
По копнениот напад на руската армија приближно 10.000 луѓе се евакуирани од областа Харков, североисточна Украина. Гувернерот на Харков, Олег Синегубов наведе дека украинската армија одбила два обиди за пробивање на одбраната во текот на ноќта, но оти ситуацијата е „под контрола“. Руските сили нападнаа неколку градови, вклучувајќи го и Вовчанск, на само пет километри од границата. Во периодот од 9 до 15 мај руските сили зазедоа 278 квадратни километри украинска територија, што е најголем напредок од крајот на 2022 година....
Истрага за продолжено кривично дело измама
24 Инфо - пред 23 часа
Основното јавно обвинителство Скопје донесе Наредба за спроведување истражна постапка против 41-годишна вработена како аналитичар во СВР Скопје која е осомничена за продолжено кривично дело – Измама според член 247 став 4 во врска со став 1 од Кривичниот законик. Од април 2023, искористувајќи ист траен однос и исти прилики, осомничената довела во заблуда три лица, на кои лажно им се претставила како началник во полициска станица Гази Баба и член на Комисија за доделување социјални станови. На трите оштетени невработени лица им ветувала дека ќе им посредува да добијат социјални станови во Лисиче по цена пониска од реалната, наведувајќи ги да и исплатат по 12.000 евра за стан и 3.000 евра за посредување и изготвување документација. Парите и ги давале во повеќе наврати, а при последната исплата на 12.500 евра, во близина на полициската станица, била затекната веднаш по предавањето на парите. Јавниот обвинител до судијата на претходна постапка достави предлог за определување мерки на претпазливост – забрана за напуштање живеалиште, обврска повремено да се јавува кај службено лице во судот и одземање на патната исправа....
Во Охрид почина деветмесечно бебе
24 Инфо - пред 23 часа
На 17.05.2024 во СВР Охрид, пријавено е дека во 08.10 часот во Општа болница во Охрид починало деветмесечно бебе, кое претходно со Итна медицинска помош било донесено во неконтактибилна состојба. Увид бил извршен, а по наредба на јавен обвиниел телото е дадено на обдукција....
Си Ен Ен објави вознемирувачко видео на кое раперот Пи Диди брутално ја тепа поранешната партнерка Каси
24 Инфо - пред 23 часа
Вознемирувачки снимки од надзорни камери, на кои се гледа како американскиот продуцент и рапер Шон Комбс (54), познат како Пи Диди, врши брутално насилство врз неговата поранешна партнерка Касандра Вентура (37), позната како Каси, во хотелот Интерконтинентал во 2016 година објави „Си-ен-ен“. На видеото се гледа како Пи Диди, само со крпа на себе, трча по Каси низ ходникот од хотелот. Додека таа се обидувала да влезе во лифтот, тој ја фатил за глава и ја удрил од подот. Ја удира со нога додека таа лежи неподвижна на земја, па ги зема двете чанти со кои девојката се обидувала да побегне. На крајот Диди ја одвлекува во соба....