Израелската војска вчера соопшти дека војниците го пронашле телото на заложникот Рон Бенџамин од Појасот Газа, откако тој бил „убиен“ во напад на Хамас на 7 октомври,јави Би-Би-Си. Бенџамин бил „убиен за време на масакрот на раскрсницата Мефалсим на 7 октомври, а неговото тело беше киднапирано во Газа од борците на Хамас“, се вели во одвоено соопштение на војската. Илјадници млади луѓе се собраа на 6 и 7 октомври на музички хепенинг што се одржа во близина на Кибуц Реим, во близина на границата со Газа. Припадници на Хамас преминаа од Газа и убија повеќе од 360 луѓе на фестивалот, соопштија израелските власти и грабнаа над стотина заложници....

Професорката Мирјана Најчевска реагира на изјавата на Арбен Таравари, дека идниот претседател на Собраниетто на Македонија одново же биде Албанеc. „Не вели човек со искуство и знаење, или човек кој ќе знае да го води Собранието, или човек кој досчедно ќе го спроведува законот и Деловникот и ќе овозможи добро функционирање на Собранието. Не. Вели Албанец….“ пишува Најчевска во објава на Фејсбук....

Фудбалерот на Борусија Дортмунд, Марко Ројс го одигра последниот натпревар пред домашните навивачи. Во последното коло од Бундеслигата Дортмунд победи против Дармштад со 4:0, а Ројс со асистенција се запиша меѓу стрелците. Ројс, по прошталниот натпревар, ги почести сите 80.000 фанови со пиво со порака “Ви благодарам за се’! Последната тура пиво е од мене”. Германецот по 12 години ја напушта Борусија, а кореографијата која му ја подготвија покажува колку се емотивни неговите соиграчи и навивачи....

Претседателката Гордана Силајновска Давкова почна со екипирање на нејзиниот кабинат. Ѓорѓи Божинов Правникот со речиси тридецениско искуство е именуван за генерален секретар, а новинарот Горан Момировски е негов заменик. Божинов е дипломиран правник со речиси тридецениско работно искуство во областа на правото во земјоделскиот сектор, јавни набавки, програмите за финансиска поддршка и легислативата на Европската Унија во овие области. Тој во кабинетот доаѓа од раководна позиција во Министерството за земјоделие. Горан Момировски, пак, е долгогодишен новинар, соработник на Сиљановска во нејзината претседателскa кампањa за изборите во 2019 година. Претседателката Гордана Сиљановска Давкова дополнително ќе одлучува за останатите лица во Кабинетот. Освен првите луѓе во Кабинетот, претседателката во наредниот период треба да именува и свои советници. Од функциите се разрешени досегашниот генерален секретар Миле Бошњаковски и неговите заменици Билјана Радева и Тоше Зафиров....

Американскиот претседател Џо Бајден изјави дека неговиот претходник Доналд Трамп повторно се кандидира за претседател само за да се „одмазди“, објави АП. „Луѓе, Трамп не се кандидира да ја води Америка, тој се кандидира за одмазда“, предупреди Џо Бајден за време на настан во Атланта. Тој истакнана тоа дека Американците „не можат да дозволат овој човек да стане претседател“. Претходно Трамп увери дека може да победи на изборите со „убедлива победа“ бидејќи Бајден ја „уништува“ земјата и луѓето „повеќе не го сакаат овој човек“....

Холандскиот експерт за Западен Балкан, Ханс ван ден Берг, реагира за двојниот аршин на познавачите и на новинарите од Европа спрема Македонија наспроти Грција во однос на почитувањето на Преспанскиот договор. „Европските експерти и новинари ‘лаат’ и ги напаѓаат шефот на македонската држава/мандатарот за премиер, дека не ја почитувале ‘Преспа’, додека грчката страна ниту го ратификуваше, ниту го спроведуваше договорот, а нејзиниот премиер беше жестоко против договорот. Во меѓувреме, карванот си врви. Ефектот на овие написи е дека Македонците се посвесни за фактот дека: а) другата страна не имплементирала толку строго како Македонија; б) сите што ја потпишаа Преспа не се на власт; ЕУ/САД му удоволуваат на Вучиќ и не се грижат за Косово или за Македонија, туку за сферата на влијание и продолжуваат понатаму. Странските фактори кои толку лошо ги насочуваа настаните во Македонија, со многу мешање и управување со политичкиот инженеринг, за да се усвои ‘Преспа’, прво ѝ честитаа на претседателката на Македонија, ја додадоа задолжителната референца на проблемот со името, а потоа продолжија/почнаа да имаат средби со новиот претседател на Македонија“, коментира Ван ден Берг во три врзани објави на Твитер. European pundits & journos bark and attack the Macedonian Head of State/PM-designate, for not honouring Prespa, while the Hellenic side neither ratified nor implemented the deal and their PM was vehemently against the deal. Meanwhile, the caravan moves on. https://t.co/wdss9vwpU2— Hans van den Berg (@bipdirector) May 18, 2024...

„Во новата Влада на * Македонија Албанците ќе раководат со шест министерства и ќе имаат претседател на Собранието.“ – изјави Арбен Таравари од коалицијата Вреди во интервју за Радиотелевизија Косово. Ова го пренесе информативната агенција на албански јазик Илирија-ИНА. ИНА пишува: „Верувам дека една од трите главни функции на државата – претседател на парламентот – ќе продолжи да ја врши Албанец и оти ќе имаме значителен број министри, особено таму каде што имаме експерти. Ќе ги поставиме ние, како партии од коалицијата Вреди. Верувам дека таму застапеноста ќе биде достоинствена, со стручни луѓе.“ – рече тој. Таравари посочи дека конституирањето на Собранието ќе се случи на крајот на овој месец, а новата Влада се очекува да биде изгласана во првиот дел на јуни. „Конституирањето на Собранието е планирано да се случи некаде на крајот на овој мај. Кон крајот на следната недела ќе ги имаме и кадровските избори и владината програма. По конституирањето на Собранието претседателот на државата треба да му го даде мандатот на идниот мандатар. Во првата половина на јуни сигурно ќе ја имаме новата Влада.“ – изјави Таравари. Според него, коалициските партнери се согласиле дека приоритет на новата Влада е патот кон Европската Унија, бескомпромисната борба против криминалот и корупцијата, како и функционирањето на правната држава....

Коалицијата „Вреди“ му реплицира на лидерот на ДУИ, Али Ахмети, кој обвини дека одлуката на Државната изборна комисија (ДИК) за прегласување на седум избирачки места е резултат на изборен инженеринг за да му се наштети на Европскиот фронт. „Со жалење можеме да кажеме дека со секое ново појавување на Али Ахмети неговата состојба станува посериозна. Тоа се должи или на манипулации на Артан и Бујар, или Ахмети изгубил контрола, бидејќи ги разоткрива своите незаконски дела“, се вели во соопштението на коалицијата од четири досега опозициски партии на Албанците од Македонија. „Не држат изјавите на Ахмети со кои се обидува Мултиетничкиот фронт да го претстави како претставник на Албанците, бидејќи самиот овој фронт се изјасни дека е мултиетничка коалиција со граѓански концепт, додека ‘Вреди’ е единствената албанска опција кај нас. На сите им е јасно дека Али Ахмети ја загубил контролата откако сфатил дека ја загубил власта. Но, го повикуваме, доколку сака европска перспектива за земјата, да остане смирен, да ги води партнерите од Фронтот во конструктивна мултиетничка опозиција. Да ги поддржиме прашањата што се во интерес на Албанците, како што тоа досега го правеа партиите од ‘Вреди’ како опозиција. Да дозволиме правдата да дејствува. Кога правдата ги следи законите, тогаш евроинтегративниот пат на државата е загарантиран“, се додава во реакцијата на коалицијата составена од Беса, Алтернатива, Демократско движење и делот од Алијанса за Албанците на Арбен Таравари....

Коалицијата „Вреди“ му реплицира на лидерот на ДУИ, Али Ахмети, кој обвини дека одлуката на Државната изборна комисија (ДИК) за прегласување на седум избирачки места е резултат на изборен инженеринг за да му се наштети на Европскиот фронт. „Со жалење можеме да кажеме дека со секое ново појавување на Али Ахмети неговата состојба станува посериозна. Тоа се должи или на манипулации на Артан и Бујар, или Ахмети изгубил контрола, бидејќи ги разоткрива своите незаконски дела“, се вели во соопштението на коалицијата од четири досега опозициски партии на Албанците од Македонија. „Не држат изјавите на Ахмети со кои се обидува Мултиетничкиот фронт да го претстави како претставник на Албанците, бидејќи самиот овој фронт се изјасни дека е мултиетничка коалиција со граѓански концепт, додека ‘Вреди’ е единствената албанска опција кај нас. На сите им е јасно дека Али Ахмети ја загубил контролата откако сфатил дека ја загубил власта. Но, го повикуваме, доколку сака европска перспектива за земјата, да остане смирен, да ги води партнерите од Фронтот во конструктивна мултиетничка опозиција. Да ги поддржиме прашањата што се во интерес на Албанците, како што тоа досега го правеа партиите од ‘Вреди’ како опозиција. Да дозволиме правдата да дејствува. Кога правдата ги следи законите, тогаш евроинтегративниот пат на државата е загарантиран“, се додава во реакцијата на коалицијата составена од Беса, Алтернатива, Демократско движење и делот од Алијанса за Албанците на Арбен Таравари....

Председателката на Уставниот суд Добрила Кацарска денеска во кафуле во Скопје била цел на нова закана само три дена по инцидентот во нејзината гаража во која и беше оставен кревет и забоден кујнски нож. Како што вечева објавија медиумите непознато лице, додека Кацарска седела во кафилето, и довикнал дека ќе одговара и тргнал физички да се пресметува но бил спречен од обезбедувањето на председателката на Уставниот суд Инцидентот како што од Уставен и потврдиле на телевизијата претседателката го пријавила во полиција и не сакале да откриваат повеќе детали од овој втор инцидент со пораки и закани оваа недела кон Кацарска. Кацарска ги судеше обвинетите за упадот во парламентот во медиумите наречен Крвав четврток. Ова не е прва закана за Кацарска која пријави случај во средата, но е прв обид за физичка напад врз неа. Од полицијата потврдија дека насилник од Богданци е приведен и ќе одговара за загрозување на сигурноста: На (18.05.2024), полициски службеници од Полициската станица Центар во 14.00 часот го лишиле од слобода В.П.Г.(57) од Богданци, постапувајќи по претходна пријава дека во угостителски објект во трговски центар на подрачјето на Центар во Скопје упатил закани кон Д.К.(67) од Скопје, Со зборовите “ќе одговараш, страшно ќе одговараш” Лицето било задржано во полициска станица и по целосно документирање на случајот во координација со јавен обвинител против него ќе биде поднесена кривична пријава по член 144 од Кривичниот законик, одговорија од МВР на прашање на Телма....

Тешка сообраќајна несреќа вечерва се случи на булеварот „Мајка Тереза“, пред влезот на Клиничкиот центар. Порталот Курир јавува за смачкани автомобили активирани воздушни перничиња. Оштетени се и паркирани возила. Медицински екипи, како и екипи на полицијата се на терен. Според информациите на Курир од терен, во несреќата учествувале неколку возила. Неофицијално, судирот се случил меѓу два автомобили, по што оштетени биле и паркирани возила. Првично и неофицијално, неколку лица се пожалиле на полесни повреди, но засега нема официјална потврда. Од МВР ја потврдија дека е пријавена сообраќајна несреќа меѓу две возила кои верижно по судирот удриле во други две возила. Повеќе детали се очекуваат по завршување на увидот. https://www.facebook.com/reel/966206728841443/?ref=embed_video...

Македонските граѓани се меѓу најразговорливите по телефон во Европа, покажува анализата на турската државна новинска агенција Анадолија, според која Македонија е на четвртото место со просечно користење мобилен телефон по жител од 234 минути месечно во четвртиот квартал од 2023 година. Неприкосновен европски лидер е Турција со 477 минути по жител месечно, а пред Македонија се само уште Норвешка со 377 минути и Хрватска со 322, а веднаш зад македонските корисници на мобилната телефонија се Исланд со 180 минути и Чешка со 167. Македонија во овој поглед е многу блиску до европскиот просек од 239 минути по жител месечно. За споредба, во Германија просекот е 153 минути по лице во наведениот период минатата година....

Професорот по меѓународно право на Универзитетот „Свети Кирил и Методиј“ во Скопје, Тони Дескоски, смета дека Преспанскиот договор е катастрофален за Македонија и за македонскиот идентитет, но таа, како послаба држава од Грција, морала да го почитува, во спротивно ќе била принудена! „ЗА НАС, ПОЛОШО ОД ‘ПРЕСПА’ Е САМО ПРЕКРШУВАЊЕТО НА ИСТАТА! Преспанскиот договор е ужасно лош по нашата земја и национален идентитет. Ќе има долгорочни негативни внатрешни последици, од кои најтешко е расцепувањето на македонското ткиво. Но, за нас има и полошо сценарио. А тоа е нашата земја да влезе во систематско и континуирано прекршување на Преспанскиот договор. Таквото поведение ќе создаде впечаток за крајна неодговорност на нашата страна, а на Грција ќе ѝ даде простор да глуми жртва и да презема остри мерки кон нас, како одбрана од нашата ‘агресија’. Ќе добиеме стигма на земја која не го почитува договореното, но сака да ги користи придобивките од Договорот. Дополнително, Бугарија конечно ќе има емпириски доказ дека е во право и дека нашето прекршување на Билатералната спогодба за добрососедство била причина за бугарското вето за ЕУ. Послабите држави мораат да се придржуваат кон преземените обврски кон посилните од себе, бидејќи во спротивно ќе бидат изложени на моќта на посилните и на нивната принуда. Ризикуваме да се нафрлат врз нас, за да нè принудат да се држиме до преземените обврски, но и за да дадат пример за сите останати кои се колебаат во придржувањето кон договореното. За разлика од 2008 година, денес ниту моќта, ниту фактите, ниту, пак, меѓународното право не се на наша страна!!! п.с. Едностраниот раскин на ‘Преспа’ од наша страна ќе биде третиран од сојузниците идентично како и прекршување на ‘Преспа’!“, коментира на Фејсбук застапникот на Република Македонија пред Меѓународениот суд во Хаг во спорот против Грција за нарушување на Привремената спогодба....

Сина ајкула долга повеќе од три метри и тешка 200 килограми е уловена во Будва. Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет. Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември....

Украинскиот претседател Володимир Зеленски изјави во ексклузивно интервју за француската агенција АФП дека очекува и се подготвува за поширока руска офанзива на север и исток со цел заземање на Харков, регион каде Москва продолжува со големите напади што започнаа на 10 мај. „Тие започнаа операција која може да се состои од неколку бранови, а ова е првиот“, рече Зеленски во моментот кога Русија ја започна својата најголема територијална кампања за освојување од крајот на 2022 година. Сепак, тој верува дека, иако Русија е напредувајќи во регионот околу Харков во последните денови, ситуацијата за неговите воени сили е подобра отколку пред една недела кога руските војници ненадејно ја преминаа границата. Зеленски смета дека Русија сака да го нападне Харков, град кој е оддалечен само неколку десетици километри од фронтот. Москва не успеа да го освои во 2022 година, но рускиот претседател Владимир Путин во петокот рече дека во моментов нема намера да го нападне. Официјалната цел на руската офанзива, рече Путин, е да се одговори на нападите на украинските воени сили на руска територија во последните месеци и да се создаде тампон зона која треба да ги спречи овие напади. Московските сили се обидуваат да го искористат недостигот на работна сила и оружје со кој Украина се соочува по две години војна. Во интервју за АФП, Зеленски призна дека на Украина и недостасува воен персонал. „Има прилично голем број бригади на кои им недостигаат луѓе“, рече тој....

По три часа заврши состанокот на претседателството на Демократска унија за интеграција (ДУИ) во нивното седиште во тетовска Мала Речица, по што беше најавено дека ставот во врска со прегласувањето на седум избирачки места за парламентарните избори ќе биде изграден заедно со сите партии од Европскиот фронт. Портпаролот Арбр Адеми најави дека ќе имаат други состаноци со сите партнери во рамки на Европскиот фронт. – Денеска ги разгледувавме сите политички случувања, особено внимание предизвика изборниот инженеринг. И пред да се поднесуваат приговорите ние ја известивме јавноста бидејќи имавме информации од прва рака во што се состои политичкиот „дил“. Ги известивме сите граѓани, нашите партнери, тоа се потврди со конкретни дела и во Државната изборна комисија, но и во Управниот суд. За натамошните чекори претседателот Ахмети ќе има координативни средби со сите политички партии кои го сочинуваат Европскиот фронт. Така што, нема што повеќе да додадеме освен тоа што претседателот Ахмети веќе го сподели со сите вас и пред почетокот на денешниот состанок – изјави Адеми. Пред да почне состанокот претседателот на ДУИ, Али Ахмети истакна дека ќе прават анализа на одлуките на ВМРО ДПМНЕ и СДСМ за да се повторат изборите на неколку изборни места. – Ова е направено од двете најголеми партии од македонска националност кои за жал политики се плашиме дека ќе имаат влијание и на меѓуетничките односи кои ние не ги посакуваме. Така што, ние ќе правиме анализа, која исто така ова повторување што ќе се прави, се прави со една ризична позадина ние Албанците да се убиеме, како што се случи на едно изборно место во Општина Желино, тоа не го посакуваме, ниту пак ќе се случи. Ако некој има стратегија да пукаме ние Албанците меѓу себе, нема да се реализира – рече Ахмети. Лидерот на ДУИ најави дека ќе се консултираат и експерти околу одлуките на ДИК за прегласување во неколкуте општини на 22 мај....

Премиерот на Грција Кирјакос Мицотакис и денеска лут – официјалните претставнци во Македонија да го користеле новото име секаде, во секоја употреба. Заборавајќи на човековото право дека секој може како сака усно да ја нарекува својата земја. Мицотакис ја повтори обврската на официјалните претставници на Северна Македонија да го користат уставното име на земјата во секоја употреба, како што е диктирано во договорот меѓу Атина и Скопје, постигнат со посредство на ОН од 2018 година, пишува грчки „Катимерини“. „Ќе ги чекаме официјалните ставови на Владата на Северна Македонија, но првите докази се крајно негативни. Во основата на Договорот од Преспа беше концептот на едно име, она што ние го нарекуваме ерга омнес, дека името Северна Македонија треба да важи за сите, односно да се користи и во странство и во земјата“, рече Мицотакис во интервју за државната телевизија ЕРТ. Коментарот доаѓа откако новоизбраната претседателка Гордана Силјановска-Давкова за време на говорот ја нарече нејзината земја само „Македонија“, со што го оживува долгогодишниот спор за името. Силјановска-Давкова го употреби претходно користеното име за време на нејзината инаугурација минатата недела, стои во анализата на „Катимерини“. „По прашањето за името има многу јасно назадување и сакам уште еднаш да упатам предупредување до новата влада отсега да ја смени линијата, да ја почитува оваа централна одредба од Договорот од Преспа, да го користи само името Север. Македонија во и надвор од државата, кога се упатуваат на нашиот северен сосед. Во спротивно, сигурно е дека ќе предизвикаат проблеми не само во односите на Грција со Северна Македонија, туку и во односите на Европа со Северна Македонија“, додаде Мицотакис. Претходно, идниот мандатар Христијан Мицкоски рече дека негово човеково право е како ќе ја нарекува својата земја и ги повика Грците кои не се согласуваат, да одат до Меѓународниот суд, бидејќи, смета Мицкоски, тоа не е прекршување на Преспанскиот договор. Ова предизвика силни реакции кај Грција, која до сега беше навикната официјалните лица да ја наведнуваат главата на сите провокации и да бидат слепи послушници без да го заштитат националниот и државниот идентитет....

Инфлацијата навистина се намали, но сепак е над целното ниво. Тоа е постојана состојба. Состојба која се зацврсна и зајакна. Податоците ги потврдуваат аргументите на американската централна банка за одложување на почетокот на процесот на намалување на каматните стапки. Со падот на инфлацијата, се очекува каматните стапки да паѓаат.домашните економисти велат дека европската централна банка најави намалување на каматата од идниот месец. Овој сигнал треба да го следи Народна банка, но состојбата се усложнува бидејќи не се знае како што е се случува со американските федерални резерви, кои, исто така, влијаат на каматните стапки. Еден ден пред објавувањето на априлските податоци за инфлацијата, претседателот на ФЕД, Џером Пауел, рече дека американската економија „неодамна работи многу добро“, но дека првите месеци од 2024 година покажале „недостиг на напредок“ во намалувањето на инфлацијата до целните два проценти. Пауел рече дека очекува инфлацијата „да се намалува од месец во месец до нивоа слични на пониските отчитувања што ги имавме минатата година“, но дека неговата „доверба во тоа не е толку висока како што беше порано“. Тој додаде дека ФЕД треба да биде „трпелив и да дозволи рестриктивната политика да си ја заврши работата“. Предупредувањето на Пауел беше очекувано, бидејќи динамиката на економските активности во САД е највисока меѓу развиените земји, така што намалувањето на каматните стапки би ја подгреало инфлацијата. Што се однесува до ФЕД, нема причина за брзање, бидејќи невработеноста сè уште опаѓа, а економијата расте, но остатокот од развиениот свет е во проблем, бидејќи нема економски раст или е минимален....

Претседателката Гордана Силјановска Давкова го прими Крис Павловски, директорот на водечката светска компанија за дигитални платформи Рамбл, кој е во посета на земјата во рамките на конференцијата Македонија 2025. На средбата, Павловски ја претстави работата на Рамбл, компанија која котира на индексот Наздак на берзата во Њујорк, со нејзината етаблирана видео платформа и е во подем во дејноста на развојот на дигиталната инфраструктура и клауд услугите. Како водечки претприемач со македонско потекло, господинот Павловски изнесе мислења за состојбата во дигиталниот сектор, за трендовите и перспективите кои може да се искористат. Претседателката Силјановска Давкова го информираше Павловски за нејзината иницијатива за развивање на соработката со македонската дијаспора, со цел максимално да се искористат сите можности за економски развој на земјава....

Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај во градот Хандлова со пет истрели го застрела премиерот Роберт Фицо и тешко го рани во стомакот. Обвинителот побара притвор за осомничениот да не избега или да го повтори делото, а по сослушувањето судот не се согласи со писмените гаранции на Цинтула, ниту со предлогот тој да се брани додека е на слобода под надзор. Цинтула го погоди премиерот со четири од пет куршуми кога тој им пријде на приврзаниците по владината седница во Хандлова, во централна Словачка, за да се подрави со нив. Цинтула веднаш бил уапсен. Од полицијата до медиумите протече видео на кое тој вели дека пукал во премиерот затоа што не му се допаѓаат политиките на неговата влада поради промените во судството, обидот за контрола на јавниот сервис РТВ и прекинот на помошта за Украина. Но, адвокатите предупредија дека признавањето на вината е спорно бидејќи веднаш по атентатот и апсењето бил сослушан во шок, без присуство на адвокат. Министерот за внатрешни работи Матуш Шутај Ешток рече дека напаѓачот немал соучесници, дека е очигледно дека нападот врз премиерот е политички мотивиран и дека Цинтула најмалку еднаш присуствувал на демонстрациите против Владата во градот Долна Крупа....

Во случај Украина да користи ракети со долг дострел за напади на руска територија, „санитарна зона“ би можела да помине и низ територијата на Полска, предупреди заменик-претседателот на Советот за безбедност Дмитриј Медведев. – Ако вака продолжи, безбедносната зона ќе биде некаде на границата со Полска или дури и во самата Полска – напиша Медведев на Телеграм. Ракетите „Storm Shadow“, кои Западот ги доставува до Киев, имаат дострел на напад од најмалку 550 километри, а растојанието меѓу Белгород и Киев е 429 километри, потсети Медведев. – Се чини дека моронските стратези на НАТО отворено сакаат речиси цела Украина да биде под контрола на Русија. Затоа на луѓето од владата на Бандер им даваат оружје со зголемен дострел – заклучи Медведев и ги повика западните лидери да го „пресметат дострелот“ на оружјето што му беше доставено на Киев. Претседателот на Русија, Владимир Путин, пак, вчера изјави дека поради безбеден живот на руските граѓани ќе се направи т.н санитарна зона, односно безбедносна територија од која непријателската војска не можела да ја нападне територијата на Русија. Вчера, Украина погоди складишта за гориво, нафтени постројки и електрана во југозападна Русија и на Крим, украинскиот полуостров окупиран од Москва во 2014 година. Руското Министерство за одбрана преку Телеграма соопшти дека се пресретнати повеќе од 100 беспилотни летала. Еден ден претходно Украина истрела проектили кои погодија аеродром на Крим. Нападите со беспилотни летала дојдоа откако руските сили напредуваа во североисточна Украина минатата недела....

Државната изборна комисија (ДИК) денеска, на 105. седница, едногласно го усвои предлогот да се повтори гласањето во Изборната единица (ИЕ) 5 на избирачките места 1470/1 и 1470 во Општина Долнени, 1194 и 1202 во Општина Крушево, 1844 во Општина Струга и 1272 во Општина Охрид, како и во ИЕ 6 на избирачкото место 2101 во Општина Желино. Гласањето ќе се одржи идната среда, на 22 мај 2024 година. ДИК на седницата ги разреши и претседателите на избирачките одбори, членовите и нивните заменици во избирачките места 1470/1 и 1470 во Општина Долнени, 1194 и 1202 во Општина Крушево, 1844 во Општина Струга, 1272 во Општина Охрид и 2101 во Општина Желино. Со оглед дека се кратки роковите за избор на нови избирачки одбори, за да биде регуларно прегласувањето, општинските изборни комисии (ОИК) ќе треба да ангажираат некои од веќе постојните избирачки одбори, или од најблиските избирачки места или некои други, и за тоа ќе треба да достават известување до ДИК. Кампањата за повторното гласање ќе трае до понеделник, 20 мај, 00.00 часот. Притоа, ќе важат истите листи за болни и немоќни лица, ќе нема можност да се пријавуваат нови. Според ДИК, има можност за измени и предлози за овластени претставници на кандидати. Тоа важи и за членовите на избирачките одбори кои се предложени од политичките партии. ДИК, претходно, во рамки на седницата, ги соопшти освоените мандати за пратеници во новиот парламентарен состав. Членот на Комисијата, Борис Кондарко го искажа ставот на ДИК во врска со синоќешните одлуки на Управниот суд. ДИК, рече Кондарко, го потврди своето професинално однесување и работење, докажа дека независно од изборните резулти, целосно ги почитува и правилно ги применува сите законските процедури. -Со одлуките на Управиот суд со кои целосно се потврдија решенијата на ДИК за поништување на гласањето, уште еднаш се докажа дека независно од изборните резултати, ДИК постапувала законски и врз основа на увид во целокупниот изборен материјал. И покрај сите непријатности кои се уште ги имаме, ДИК докажа дека независно од изборните резулти на кои не може да влијае и кои не зависат од неа, целосно ги почитува и правилно ги применува сите законските процедури и дејсвта во изборниот процес. На тој начин, го задржа интегритетот и продонесе за почитување на правото и правната сигурност како основа на демократијата и слика за угледот на државта. Пораката е дека и покрај дневната политика, институциите постапуваат само според законските надлежности и материјалните докази со кои располагаат, подвлече Кондарко....

Во рамки на кампањата на „Макпетрол“ за спречување на врсничкото насилство, во Градски парк денеска се одржува отворен настан наменет за сите возрасти Диџеј Боно, Сашко Коцев, „Биби и Боби“, Лозано, Пајак, Весна Петрушевска со децата од нејзината актерска школа, како и други гости, се дел од програмата на оваа забавна дружба што е дел од кампањата „Крени глас против врсничко насилство“, а најмладите уживаат со интерактивни содржини и популарни игри. Марија Јосифовска-Спасовска, член на Управниот одбор и директор во „Макпетрол“, вели дека се пресреќни што во текот на нивната општествено одговорна активност добиле многу поддржувачи. Почнувајќи од децата и младите, од кои добивме впечаток дека им е навистина мило што, конечно, така отворено и толку гласно, се зборува за проблем со којшто тие секојдневно се соочуваат. Секако, тука се и општините, кои ја препознаа вредноста на нашата идеја и активно се вклучија во обезбедувањето услови за учениците да се здобијат со знаења за булингот. Наставниците, стручните служби, како и родителите, исто така, застанаа зад кампањата и помогнаа фокусот на јавноста да се сврти кон врсничкото насилство. За да се реши проблемот со булингот потребна е уште работа и посветеност, но веруваме дека и со позитивната енергија од нашиот настан, ќе придонесеме да се придвижиме во вистинска насока, истакнува Јосифовска-Спасовска. Како што информира организаторот, на кампањата „Крени глас против врсничко насилство“ се приклучиле 24 општини и за сите нив „Макпетрол“ обезбеди едукативни материјали и работилници предводени од психолог со долгогодишно искуство за проблемот со булингот....

Најуспешните жени менаџерки од земјава и регионот ќе добијат награди на манифестација што по 28. пат ја организара „Марили“. Годинава, ќе бидат наградени и статуетка „Жена водилка“ ќе добијат 13 менаџерки, од кои 10 се од земјава, а три од Србија и Хрватска. Манифестацијата ќе биде збогатена со настап на мецосопранот Александра Коцевска и придружникот на пијано, Глигор Гелебешев Целта на манифестацијата, покрај ревијалниот карактер е поттик за идните млади генерации, особено девојки, да се охрабрат, да веруваат во себе, и со знаење, постојано надградување и чесност да чекорат бодро низ сите животни предизвици и да успеваат на сите полиња. Секако, нивната борба за родова рамноправност во општетсвото и бизнисот да им биде водилка низ животниот век , за бидат пример и поттик за генарациите кои доаѓаат по нив, наведуваат од „Марили“. Годишните лауреатки се Катерина Бошевска – генерален директор на ЕОS Македонија и EOS Косово, Жанета Бадаровска Ѓорѓиевска – генерален менаџер на Камел 98 – Виница, Евгенија Ѓорѓиеска – извршен менаџер на Ламинати КОМ Доо – Прилеп, Цветанка Илиева – генерален менаџер на Бистро Груп ДОО – Гевгелија, Ирена Јакимова – генерален менаџер на Инспирит Коучинг- Скопје, Јелисавета Георгиева Јовевска – потпретседател на СКСМ, Клаудија Лутовска – генерален менаџер на Сеттим Консалтинг – Битола, Марија Патриклиска – менаџер за човечки ресурси ЕАМ ДОО – Штип, Маја Наумовска Савеска – директор на корпоративни и маркетинг комуникации во Халкбанк АД – Скопје, Весна Ставрова генерален менаџер на ПЗУ Аптека „Сара Фарм“ – Скопје, Сања Путица – менаџер за односи со јавност и инвеститор во Атлантска пловидба д.д – Хрватска, Дариа Шуриќ – генерален менаџер на DarMell – Хрватска и Зорана Пејчиќ – генерален менаџер и претседател на ИО на Дунав Реосигурување – Србија. „Марили“ денеска го организира и третиот регионален бизнис форум посветен на екологијата, здравата храна и циркуларната економија. Тема на годинашниот „Марили Бизнис форум“ е „Екологија и здрава храна – фактори за одржлив развој“. Модераторите, како и панелистите кои доаѓаат од македонски и регионални компании, во три панел сесии ќе се обидат да дадат одговори на многу прашања и да понудат нови идеи и решенија. Вовед во сесите ќе биде анализата за „Климатските промени и зеленото кредитирање од перспектива на Народната банка“. Првата панел сесија е насловена „Циркуларна економија – нови бизнис модели и практики, втората е посветена на „Здрава храна – тренд или предуслов за здрав живот и економски развој, а третата е насловена „Автоматизација и дигитализација во областа на човечките ресурси“....

На 17.05.2024 во СВР Охрид, пријавено е дека во 08.10 часот во Општа болница во Охрид починало деветмесечно бебе кое било донесено во неконтактибилна состојба. Бебето претходно со Итна медицинска помош било донесено во неконтактибилна состојба. Увид бил извршен, а по наредба на јавен обвиниел телото е дадено на обдукција, информираа од СВР Охрид....

Врие во албанскиот политички блок. ДУИ тешко го прифаќа одењето во опозиција. Османи на интервју не може да се помири со одење во опозиција по цели 16 години. ВМРО-ДПМНЕ е на чекор до нова влада со ВЛЕН – „Вреди“.Бујар Османи не може да го прифати одењето во опозицијаСо евентуално одење на ДУИ во опозиција Османи вели дека така нема да биде испочитувана волјата на албанскиот народ, а според него Мицкоски преговара со „Нелегитимни Албанци“. Бујар Османи преговорите на ВМРО-ДПМНЕ и ВЛЕН ги спореди со Милошевиќ на Косово. „Влада со нелегитимни Албанци и влада без Албанци е еден ист концепт. Јас ви велам – Милошевиќ го правеше тоа во Косово. Рахман Морина го стави претседател на Косово, а Албанците велеа – кој ти е овој?“, рече Османи. Закани за гнев кај Албанците Бујар Османи се закани дека Албанците ќе бидат гневни, а ќе се „отворат теми кои не се потребни“. Останува прашањето што сакаше да најави Османи и кому да му се закани со „нови прашања кои се отвораат како непотребни“. Ова ќе ги разгневи сите Албанци, заради тоа што тие ќе почнат да чувствуваат дека веќе нивниот глас не важи, дека е ништовен, и тоа ќе отвори многу теми а такви теми не ни се потребни“. Распределба на пратеници Со 13 пратенички мандати во новиот собраниски состав Коалцијата „Вреди“ прогласи победа во албанскиот електорат на вчерашниот двојни избори. Тие обвинија за бројни нерегуларности во текот на изборниот ден на кој, како што рекоа државните институции кои имаат задача да го гарантираат процесот, повторно се ставиле во служба на ДУИ, но и дека сето тоа е документирано и претставниците на меѓународната заедница ќе бидат известени. Според нив Европскиот фронт го бојкотираше изборниот процес на недемократски принцип и создава горчлива слика за Албанците во светот. Европскиот фронт предводен од ДУИ освои 19 пратеници, со што е втора политичка сила во Собранието. Со евентуалното прегласување ДУИ може да изгуби еден до два пратеника, а на нивна сметка да добијат македонските политички опции. Ахмети бара мир и стабилност На прашањето дали и каква опозиција би биле со оглед на резултатот на ВМРО-ДПМНЕ, Ахмети повтори дека треба да се почитуваат освоените гласови. Тој порача дека, повеќе од кога било, на државата и треба стабилност, мир, нула проблеми со соседите, владеење на правото, почеток на преговорите за членството во ЕУ. Идна влада ВМРО-ДПМНЕ и ВредиПо завчерашната најави од мандатарот за состав на новата владата, Христијан Мицкоски, ВМРО-ДПМНЕ е на чекор до коалиција со ВРЕДИ, но и двотретинско мнозинство. Ако пратниците преминуваат во коалицијата „Твоја Македонија“, но и со евентуален влез на ЗНАМ во Владата тоа ќе бидат речиси 80 пратеници предводени од ВМРО-ДПМНЕ. Постулати за соработка Постулатите за идна соработка се: Евроинтеграции, раст на економија и владеење на правото. Сѐ уште не се разговара за поделба на ресори и распределба на директорски места. Досега на лидерски средби се разговараше единствено за општите начела на соработка меѓу коалициите, а во следните денови се очекува овие работи да се конкретизираат. ДУИ не може да го прифати поразот ДУИ е во постојано заседание, емоциите кај албанскиот народ се веќе вжештени и ние повеќе се обидуваме да менаџираме и да контролираме, бидејќи има луѓе кои веќе чувствуваат дека нивниот глас е ништовен. Вака министерот за надворешни работи и функционер на ДУИ, Бујар Османи, ја опиша ситуацијата, откако по изборите победничката партија ВМРО-ДПМНЕ почна разговори за состав на идната влада со Колицијата Вреди. Нарушен принципот „Победник со победник“ – ДУИ оди во опозиција! ДУИ пред одење во опозиција по цели 16 години. Бујар Османи нервозен на прес-конференција се повикува на правилото „Победник со победник“, со арогантен тон им вели на новинарите „да ви нацртам“. Ретка слики за нашето општество, да се гледа ДУИ пред колапс. Да разјасниме. ДУИ сега го сркаат тоа што го дробеле. Самите го уништија правилото на кое сега се повикуваат.Мајскиот договор или принципот „победник со победник“ не постојат веќе, бидејќи ДУИ го прекршија во 2016 година. Тоа е завршена работа, одлуката на победникот во 2016, ДУИ, да не направи коалиција со ВМРО-ДПМНЕ го напушти тој концепт. Барањето на партнери од едната или другата страна ќе зависи од минимум принципи и од мнозинството на гласови како ќе се формира. Речиси на сите ни е јасно дека новата влада ќе биде меѓу ВМРО-ДПМНЕ и албанската опозиција. Како и да е, на 8 мај да излеземе и да го довршиме она што го почнавме на 24 април. Да излеземе и да гласаме против погубните анти-македонски политики. Да гласаме за ДУИ конечно да отиде во опозиција.ж Извор: Лидер...

Претседателот на Стопанската комора Бранко Азески, по средбата со раководството на Македонија 2025, уште еднаш повика на обединување меѓу сите релевантни фактори во државата, но и на заедничко, практично делување за економски просперитет. Повторно укажа на потребата од подигнување на степенот на владеењето на правото и на пазарната економија, како и на запирање на сивата економија, но ја потенцира и важноста од подобрување на образовниот систем. Најави прецизни, јасни акции и заеднички проекти со бизнисот од дијаспората, а врвен приротет, рече, ќе биде дигитализацијата на општеството. Потребни се, рече Азески, професионализам, упорност, прифаќање на добрите искуства, регионализација и инкорпорирање во интеграциските системи. Според него, имаме доволно искуство и знаење, но грешката е во тоа што земјава цело време се потпирала на надворешни решенија. Бизнисмените од Стопанската комора и од Организацијата Македонија 2025 порачаа дека земјава има капацитет, искуство и знаење како да се стаса до солиден економски раст. Бараме да се остане на тоа што е, значи воглавном тие три диспаритети за кои што ние зборуваме а едниот е тој континуитет на правни прописи при изборите кои што се донесени претставуваат фундаментално право за бизнисите во македонија. А тоа се односот на капиталот и трудот, односот на активното издржавантно население и токму ова прашање трето за кое што зборувавме тоа ја дава предвидливоста за бисзнисот и е многу значајно, изјави претседателот на Стопанската комора на Бранко Азески. Со дијаспората, дополни, ќе се работи на заеднички проекти кои се од круцијално значење за државата. Ќе се работи и со инвеститори кои можат да го поттикнат економскиот раст што е доста слаб во изминативе 30 години. На едукативен план ќе го зголемиме енормно учеството за менаџери на извршни позиции на реномираните институции во Америка како би го поттикнале домашното менаџерство да придонесе и да се вклопи во меѓународните стандарди. Тука веќе имаме искуство од Македонија 2025 кое е значајно и ќе го искористиме во натамошниот период, рече Азески. Според извршната директорка на Македонија 2025, Никица Мојсовска Блажевски, соработка со домашниот бизнис е голема. Македонија 2025 и Стопанската комора делат многу силна јасна заедничка визија, идеологија, а тоа е да имаме посилни бизниси, да имаме подобро деловно опкружување и да создадеме атмосфера во која бизнисите ќе растат, ќе отвораат нови работни места, ќе растат платите, а со тоа и државата ќе оди напред и ќе стигнеме до она што е посакувана дестинација на секој од нас, а тоа е повисок животен стандард, рече Мојсовска-Блажевски. Бизнисмените потенцираа дека без јавни инвестиции не е можно да оди државата напред. Визијата на стопанствениците е со самото подобрување на бизнис камбиентот, ќе се зголемат и инвестициите на компаниите а тоа ќе значи подобрување на деловното окружување, раст на платите и зголемување на вработеноста. Не е важно колкав е долгот на државата важно е за што се трошат парите, ако тоа се праи кои што ќе се употребат за иднината, за инвестиции, нешто кое ќе го подобри деловното опкружување, инфраструктурата, ќе овозможи дали на компаниите повеќе да работат, дали образовниот систем да се подобри сето тоа е добро, вели Никица Мојсовска Блажевски. Планот на бизнисмените е економијата во периодот што следи да испорача раст од најмалку пет отсто. Во моментов македонската економија е на самото дно од државите во регионот. Но, ваквата состојба се очекува да се подобрува бидејќи полека кризата со инфлацијата поминува а за д нас се веќе и изборите кои секако го кочат бизнисот....

Лани се регистрирани 32.971 трансакција за продажба и закуп на недвижнини. Од нив 23.545 се за купопродажби на недвижности и 9.426 закупи на недвижен имот. Ова го покажуваат податоците од Регистарот на цени и закупнини. Купопродажбите според овие податоци лани се намалени за 4% споредено со тие во 2022 година, а закупите се зголемени за 9%. Вредноста на регистрираните купопродажби со недвижности во 2023 година изнесува 910 милиони евра. Минатата година најмногу купопродажби се регистрирани во март, 2.464, а најмалку. 1.722 имало во април. Регистрирани се 19.093 продажби во вредност од 670 милиони евра, 3.712 купопродажби од инвеститор од 226 милиони евра, 683 откупи од страна на државата со вредност од 6 милиони евра, како и 54 продажби на лицитација во вредност од 57 милиони евра....

Матурантско оро силно се играше на спортскиот терен кај гимназијата Методи Митевски – Брицо во Делчево. Матурантите ја прославија завршната година од Средното образование: видео: Делчево365.мк...

Бранко Азески од Стопанската комора ја искоментира најавата на претседателот на ВМРО-ДПМНЕ, Христијан Мицкоски дека од некоја држава договорил заем од 1 милијарда евра. „Господ да е на помош на тој што ќе донесе нови пари во Македонија“, вели првиот човек на Стопанската Комора, Бранко Азески. Доколку овие пари влезат во земјава, треба да се искористат само за продуктивни цели. Мицкоски не откри од каде ќе земе заем, само рече дека е од европска држава која нуди добри услови и дека наскоро ќе биде соопштено во јавноста. Дали Унгарија е земјата од која Македонија ќе добие заем, Мицкоски не потврди....

Фирма од Чаир, регистрирана пред само еден месец без соодветни документи и дозволи, без потребна документација која гарантира безбедност, монтира панорамско тркало и останати реквизити во Карпош пред салата „Борис Трајковски“. Од Град Скопје потенцираат дека и покрај извршениот надзор, преземени мерки и казни, правното лице „Дизниленд реквизити“ наисилно продолжува да работи. Од таму ги повикаа надлежните институции за најбрза можна реакција, бидејќи како што потенцираат се доведува во прашање безбедноста на децата и на сите останати посетители поради практицирањето на ваквото самоволие. Фирмата „Дизниленд Реквизити“ е регистрирана на 4 април 2024 или пред повеќе од еден месец, а како основач и сопственик стои името на извесен Никола Митевски, дознава Фактор...

Професорката Мирјана Најчевска смета дека постои начин да се намали бројот на изборни измами, појава која не отсуствуваше и на последните парламентарни избори. „Со кривичниот законик не се бранат изборните резултати, туку правата на луѓето“ вели Најчевска во објава на Фејсбук....

Одговарајќи на новинарско прашање дали ќе ја покани претседателката Гордана Силјановска Давкова на средба во Бугарија, бугарскиот претседател Румен Радев вели дека отсекогаш ги повикувал претседателите на Македонија да дојдат во Бугарија, „бидејќи нивниот пат до Брисел минува низ Софија“. Се надевам, вели Радев, дека „тамошните политичари разбраа дека изборната кампања е завршена и ако деструктивните говори и однесување се претворат во вистински дејствија, тоа значи туркање на нивната земја во изолација“, рече бугарскиот претседател Румен Радев, коментирајќи ги последните пораки од Македонија Радев очекува дека секој бугарски политичар кој ќе ја претставува Бугарија во Европскиот совет ќе го заштити бугарскиот национален интерес. „Очекувам да разберат дека Бугарија, Грција и ЕУ им предчуваат дека меѓународните договори мора да се почитуваат. Рамката за преговори мора да се спроведе“, рече Радев. Според Радев, прашањето меѓу Бугарија и Македонија не е билатерално, туку европско прашање. „С.Македонија не треба да заборави дека е земја кандидат и не може да поставува услови ЕУ членките. Не може да ги преиспитува меѓународните договори, бидејќи тоа значи дека како држава не го почитуваат меѓународното право“, изјави Радев за бугарските медиуми....

Што може да прави партијата на Али Ахмети, можни ли се протести или некакво повторување на 2006 година имајки предвид дека ДУИ сега е втора партија според бројот на пратеници и веќе покажува револт што не се преговара прво со нив за новата влада, е прашање на кое одговара Висар Адеми, економист и аналитичар, кој ги следи случувањата на македонската политичка сцена. „Не верувам дека ќе има протести. Но, има една друга работа што малку се споменува. ДУИ е на власт во последните 22 години и има изградено човечки, финансиски и логистички капацитети, со чија помош може да ги бојкотира институциите на системот, ако ВМРО-ДПМНЕ и „Вреди“ формираат влада“ вели Адеми. Членовите и партиските активисти на ДУИ се интегрирани во системот и во институциите, и ако тие ги бојкотираат сите законски решенија и активности, тогаш можеме да имаме некаков вид институционална криза. Но, една работа е веќе јасна. Во меѓувреме, поради лошите политики, и на македонските, и на албанските политичари, многумина се иселија, па тука остана да живее една четвртина од младите. Мислам дека веќе никој во оваа држава нема да протестира или да војува за луѓе што се корумпирани и кои во име на етнички проблеми ја полнат својата банкарска сметка“, вели Адеми....

Рушењето на постојниот Градски стадион претставува уништување на државен имот од страна на Општина Тетово, реагира Даријан Сотировски, актуелен директор на Комисијата за односи со верските заедници, кој е и жител на Тетово. Тој преку Фејсбук објави дека повел повеќе граѓански постапки за рушењето на Градскиот стадион во Тетово за што посочува дека претставува уништување на државен имот од страна на Општината. Владата на Р. Македонија на 19.08.2015 година донела Одлука со која Градскиот стадион во Тетово го доделила на трајно користење на Општина Тетово. На ден 27.09.2023 година Советот на Општина Тетово донел незаконска Одлука бр. 08-12322/67 спротивна на чл. 18 од Законот за користење и располагање со стварите во државна сопственост и со стварите во општинска сопственост, со која Градскиот стадион во Тетово го доделил на трајно користење на Јавното претпријатие Тетово транспорт, иако согласно прекршената одредба надлежност да дава корисничко право на државен имот има само и само Владата. Согласно закон користењето на стварите подразбира само право на нивна непосредна употреба. Корисникот нема сопственост, а со тоа ниту ги ужива правата на сопственик, односно не смее да ја менува или располага стварта која ја користи, уште помалку смее со багер истата да ја руши, или да ја пренесе на друг за тој да ја сруши. Тоа е каубојско самовластие и уништување на државен имот“, вели тој. „Друг проблем е што во моментов не постои Одобрение за градење, ниту Решение за рушење, ниту соодветни елаборати. Издадено е само Решение за подготвителни работи на инвеститорот Тетово транспорт кој нема законски засновано корисничко право, а кое подразбира само оградување на објектот и поставување помошни објекти. Рушењето на објектот кое го започна и лично првиот човек на општината е досега невиден чин на уништување на државен имот“, посочува Сотировски. Тој добил писмено произнесување од Државното правобранителство, а исто така наведува дека поднел Иницијатива до Уставниот суд за оценување на уставност и законитост на спорната Одлука на Советот на Општина Тетово. „Вчера на 16.05.2024 година добив писмено произнесување од Државното правобранителство со кое ги потврдува моите наводи и утврдува прекршување на Законот. Исто така ме информираат дека покренале иницијатива до Владата и до Државниот инспекторат за градежништво и урбанизам за заштита на државниот имот“, вели Сотировски. Градскиот стадион е отворен во 1981 година кога ФК „Тетекс“ влезе во Првата југословенска фудбалска лига, и тогаш тој стадион се сметаше меѓу од најубавите во државата и имаше капацитет од над 15.000 седишта....

Русија ја критикуваше Европската унија поради забраната за дистрибуција на четири руски медиуми, пренесува „Ројтерс“. Според претседателот на рускиот парламент Вјачеслав Володин, ова покажува како Западот одбива да прифати каква било алтернативна гледна точка и ја уништува слободата на говорот. Вчера, Европската унија објави дека ја прекинува дистрибуцијата на „Гласот на Европа“, новинската агенција РИА Новости и весниците „Известија“ и „Росијскаја газета“ со образложение дека тие „се суштински инструменти за промовирање и поддршка на руската агресивна војна против Украина“. Русија предупреди дека овој потег ќе доведе до остар одговор против западните медиуми во Москва, но се уште не објави кои медиумски организации ќе бидат погодени. „Раководството на ЕУ може да зборува само за слободата на говорот, но всушност тоа не го толерира“, изјави претседателот на Државната дума, кој е близок соработник на претседателот Владимир Путин и член на Советот за безбедност на Русија....

Грчкиот премер Кирјакос Мицотакис упати уште една порака со предупредување до новата Влада во Скопје, да ја смени позицијата и да го користи само името „Северна Македонија“. „Во спротивно, сигурно ќе создадат проблеми и во односите со Грција и во односите со Европа“, рече грчкиот премиер Кирјакос Мицотакис во интервјуто за државната телевизија ЕРТ. Тој повтори дека без целосно усогласување со Договорот во однос на името, Грција нема да ги ратификува меморандумите и нема да има напредок во ЕУ перспективата на земјава, јави дописничката на МИА од Атина. Интервјуто за ЕРТ рано утрово во кое Мицотакис говореше за сите актуелни прашања во Грција, започна токму со односите со Македонија и Договорот од Преспа. За изјавите на лидерот на ВМРО-ДПМНЕ Христијан Мицкоски, Мицотакис рече дека станува збор за „изјави на мандатарот за премиер“ и дека ќе ги чекаат официјалните ставови на новата Влада, но потенцираше дека „првите примери на однесувањето се исклучително негативни“. „ Во јадрото на Договорот на Преспа се наоѓа смислата на едно име, она што го нарекуваме ерга омнес, името с. Македонија да важи за сите, односно да се користи и во надворешноста и во внатрешноста на земјата“, рече Мицотакис. Потсети дека тие ние не гласаа за Договорот од Преспа, бидејќи имаа приговори „за фактот што овој Договор обезбедува македонска нација и македонски јазик“, што воедно, според Мицотакис било и главната причина зошто не го поддржаа Договорот. Во утринското интервју за ЕРТ, Мицотакис ги повтори и следните чекори на Владата: „Она што сигурно ќе го сториме е дека нема да ги донесеме за ратификација трите меморандуми што произлегуваат од Договорот и сега целосно се оправдува нашата позиција да го задоцниме ратификување. Ние веќе извесно време гледавме што се случуваше во с. Македонија, го слушавме овој националистички пароксизам на ВМРО, знаевме дека ВМРО ќе победи на изборите и сакавме и ние да задржиме некои суштински преговарачки оружја во случај работите да не одат како што се очекува“, рече Мицотакис, пренесе МИА....

„Македонската политичка сцена е засекогаш променета по изборниот круг од 8 мај. ВМРО-ДПМНЕ, под палката на Христијан Мицкоски, сега е центристичката сила во македонската политика, партија што е природен избор на македонскиот граѓанин, а наедно и партија со максимален коалициски потенцијал. Граѓаните на Македонија конечно добија партија со идеолошка платформа, која е прагматична, практична, но и ја отсликува националната визија на Македонија, без да се забегува во екстремите, или во некои мрачни сценарија. Задача на Мицкоски е сега овој прагматизам и национална визија да ги пренесе и во власта, па македонскиот граѓанин повторно да здобие впечаток дека одговорно се управува со земјата, активно се бори против корупцијата и се настојува да се стигне до владеењето на правото.“ – вели поранешниот вицепремиер за евроинтеграции Ивица Боцевски во својата колумна со наслов „Нова политичка реалност во Македонија“, која ја објави весникот „Нова Македонија“. Покрај другото, натаму Боцевски пишува: Многу поголем труд на ВМРО-ДПМНЕ и на Христијан Мицкоски престои во полето на надворешната политика, тоа вечно потфрлување на оваа партија и на нејзините лидери. Дури и најсуверената држава во светот, САД, мора да внимава на меѓународните околности и да ја приспособува својата политика на глобалните реалности. Досега ВМРО-ДПМНЕ никогаш не ја научи лекцијата дека домашната демократска поддршка не е доволна за успешно владеење, туку дека се потребни и активна надворешна политика, прагматично приспособување и паметна борба за националните приоритети. На Мицкоски веќе во самиот старт му престои влез во најконтроверзното досие со Бугарија, отворање дијалог со Грција за излез од хаосот, што го остави Преспанскиот договор, со кој се создадоа многу повеќе проблеми и во двете општества отколку што се решија, како и заедничката борба со преостанатите земји од Западниот Балкан за продолжување и заокружување на европската интеграција. Овој испит, надворешната политика, ќе го утврди и ќе го цементира ВМРО-ДПМНЕ како единствен стожер, или повторно ќе доведе до негово излетување од шините. ДУИ е жртва на сопствената ароганција. Тие се доведоа во положба како отровна партија, со која никој не сака да влезе во коалиција, поради нивната реторика, нивната ароганција и лошата политика. Веќе не постои политички простор за партија што своето учество во власта го заснова на сопствениот потенцијал за дестабилизација на земјата. СДСМ одамна се наоѓа во идентитетска криза, но сега се доведе во ситуација да падне под двесте илјади гласа и под 30 пратеници. Преспанскиот договор, преговарачката рамка и договорот Ковачевски-Петков, некритичкиот однос кон ДУИ, како и целосното потфрлање на секојдневното владеење на СДСМ во периодот на владите на Заев и Ковачевски) ќе остави долга сенка над оваа партија. Само коренито видоизменување, со сосема нова платформа, со враќање кон патриотизмот и со јасен европски исчекор може да го извади СДСМ од претсмртна кома. На 8 мај граѓаните на Македонија ја затворија лошата декада, што започна во 2014 година. Следниот испис на волјата на македонскиот граѓанин ќе дојде на локалните избори есента во 2025 година, а тогаш ќе следиме каде отишле шесте актуелни политички структури на политичката сцена, ќе се случува ли фрагментација, или нова хомогенизација и дали ќе се изродат и нови политички движења. Засега е само јасно дека веќе не сме земја со две стожерни партии, туку дека имаме еден силен центар и фрагментирано опкружување. Ќе значи ли овој резултат и раѓање нова македонска република?...

Шок за сите во Македонија и во Западниот Балкан кои се надеваа на брзо членство во регионот откако стана јасно дека проширувањето не е дел од приоритетите на извесната старо нова претседателка на Европската Комисија Урсула Фон дер Лајен. ,,Конкурентноста, одбраната, борбата против странското мешање и, иронично, заштитата на природата се клучните точки на разговор на претседателката на Европската комисија Урсула фон дер Лајен од нејзините посети на кампањата во Сплит, Рим и Копенхаген, расветлувајќи ги приоритетите на нејзиниот следен колеџ доколку таа биде реизбрана”, објави Еуроактив. Додека водечкиот кандидат на Европската народна партија (ЕПП) за претседател на Комисијата ги прилагодува своите лични пораки на секоја земја што ја посетува, постојат клучни сеопфатни политички теми што Фон дер Лајен постојано ги повторуваше за време на нејзините говори во Сплит, Рим и Копенхаген. Ако таа биде реизбрана, овие точки за разговор ќе бидат високо на неа меѓу нејзините нови приоритети, веројатно обликувајќи ја реконструкцијата на нејзиното портфолио и составот на Колеџот на комесари, пишува порталот. На жалење на граѓаните од Западниот Балкан проширувањето на ЕУ не е дел од приоритетите на ФОН Дер Лајен....

Професорот по политички науки, Владимир Божиновски, смета дека досегашната употреба на придавката „северна“ била прекумерна. „Ние до сега имавме еден сериозен проблем, што досегашната власт го употребуваше терминот ‘северна’ и таму каде што треба, и таму каде што не треба“, вели Божиновски. „Треба точно да се види каде треба да се употребува и кога треба да се употребува придавката. И самата (претседателка) Силјановска кажа дека ќе го почитува новото уставно име, декларацијата ја потпиша со ‘Северна Македонија’ и навистина треба да се види каде функционерите можат, односно мораат и каде не мораат да ја употребуваат таа придавка“, вели Божиновски, пренесува Гласот на Америка. За реакциите од челниците во Европската унија, на постапката на претседателката Гордана Силјановска Давкова која при положувањето на заклетвата рече „Македонија“, испуштјки ја додавката „северна“, Божиновски, не смета дека реакциите од ЕУ ќе имаат далекусежни последици. Тој вели дека за тоа придонело соопштението од кабинетот на Сиљановска-Давкова во кое беше посочено дека придавката „северна“ ќе стои во официјалните документи. „Пораката беше дека Македонија треба да обезбеди континуитет во почитување на договорите што се потпишани од некоја друга власт. Мислам дека тоа беше идејата. И, откако доби уверување дека тоа ќе биде така, самата ЕУ нема да има некаква дополнителна замерка“, вели Божиновски. Божиновски потсетува дека сè уште не се потпишани оние три меморандуми што треба да ги изгласа грчкиот парламент. „Сè уште дури ниту таблите не се променети. Едноставно треба да се договорат за взаемно прифаќање на тоа што треба да биде исполнето и до каде треба да биде исполнето“, вели Божиновски, додавајќи дека не е во интерес на ниту една од земјите за повторно создавање спор....

„Не бугарска Македонија сакаме ние, туку Македонија на Македонците, Македонија ослободена од тиранијата.“ – напишал Јане Сандански во своето писмо до Грците-жители на Мелник од 1904 година. Денес се навршуваат 152 години од неговото раѓање – на 18 мај во 1872 година во селото Влахи, Мелничко, во Пиринскиот дел на Македонија – и овој значаен датум од македонската национална историја е соодветна пригода за ново навраќање кон личноста, животот и делото на овој истакнат македонски револуционер, војвода и раководител на ТМОРО – ВМРО. Во статија со наслов „Јане Сандански – најфанатичен приврзаник на македонските идеали“, објавена на 16.4.2022 година во весникот „Нова Македонија“, се нагласува: „Великиот македонски водач Јане Сандански, познат и како Пиринскиот Цар, останува запаметен во колективната меморија на македонскиот народ како еден од најголемите поборници на македонската државност, како и еден од најголемите заштитници на македонската национална самобитност.“ Санданизам – кауза за остварување на македонските права Во споменатата статија, натаму, се истакнува: Јане Сандански се окружил со интелектуалци, што ги согледале неговите лидерски способности и му помогнале во неговата ослободителна кауза. Меѓу најистакнатите негови приврзаници и соработници се: Чудомир Кантарџиев, Александар Бујнов, Стојо Хаџиев, Таската Серски, Димо Хаџи Димов, Павле Делирадев, Тодор Паница и многу други. Сите тие како верни поддржувачи на Јане остануваат запаметени како санданисти, а нивната идеологија како санданизам. Санданизмот е трајно граден во свеста на македонскиот народ како кауза за остварување на елементарните македонски национални, културни и политички права. Идеологијата на Јане Сандански Христо Константинов вели дека историјата на Јане е историја на македонскиот роб во борбата за слобода, историја на македонската борба по Гоце, на чии разбирања тој се јави „како најрадикален, најхрабар и најупорен следбеник.“ Константинов вели дека Сандански се пројавил како „најфанатичен приврзаник“ на македонската кауза. Затоа не случајно Хари де Винд вели дека Јане Сандански бил водач, што се декларирал како легален претставник на Македонците, а неговата цел била создавање „независна држава“, која би влегла во една балканската федерација. Сандански и неговите приврзаници имале јасен став за националната, политичката, културната и духовната посебност на Македонија. Ова го констатира и Тодор Александров во едно писмо од 1919 година, во кое се вели дека санданистите во минатото и сега, на бугарскиот народ му говорат и агитираат дека „треба да се бара автономија на Македонија, зошто таа е одделна економска и географска единица со одделен македонски народ, со своја историја низ вековите и за да не ги плаќа долговите на Бугарија, а некои од нив се закануваат и вака: ако по некое чудо биде дадена цела Македонија на Бугарија, ние ќе се бориме со оружје во рака, за да не го дозволиме тоа обединување.“ Иван, таткото на Јане, во 1878 година учествувал во Кресненското востание како знаменосец (барјактар), односно заменик на главниот војвода. По задушувањето на Кресненското востание, неговото семејство било принудено да се пресели во Дупница, Бугарија. Уште како младинец Јане бил активен меѓу македонската емиграција во Дупница и се запознал со револуционерните идеи и за борбата на македонскиот народ за слобода. Сето тоа кај него предизвикувало чувство на долг кон татковината. По разговорите во 1899 година со Димо Хаџи Димов, кој бил учител во Дупница, и со Гоце Делчев, најпосле станал член на ВМРО. Гоце му објаснувал: „Кон слободата нема лесен пат“. „Слободата нема да ни ја донесе ниту Фердинанд. нигу кој било друг. Сами ќе си ја пзвојуваме. но треба да се подготвиме за долга и тешка борба. Внатрешната организација ќе го подготви народот за востание. Робот треба да се прероди и да востане.“ Ова ќе ги разбие сите нејаснотии и двоумења кај Јане. За него Гоце ќе стана апостол, чија идеја како сенка ќе ја следи до крајот на својот живот. Синот на знаменосецот од Кресненското востание, следејќи ја идејата како и патеките на војводите од неговиот крај, Иљо Малешевски, Димитар Поп Георгиев Беровски и други, кои за Јане биле вистинска духовна храна, многу брзо се возвиши во народен трибун и во заштитник на народот, кој од почит го варекол „Пирински цар“. Сандански: „Македонскиот народ е самостоен народ, кој има право на самостоен живот и треба да се бори за својата слобода без туѓа помош!“ Јане Сандански како претседател на Серскиот револуционерен округ ја предводи левицата на македонското револуционерно движење и жестоко се пресметувал со бугарските врховисти. Ја застапува идејата дека „македонскиот народ е самостоен народ, кој има право на самостоен живот“ и затоа „треба да се бори за извојување на својата слобода без да се надева на туѓа помош, зошто оние кои ќе дојдат да не ослободат, всушност ќе дојдат да не заробат“. Бидејќи сите дотогаш употребени средства не дале резултати, врховистите организираат поход со цел да го ликвидираат Сандански. Во жестока борба на 7 април 1904 година кај селото Кашина врховистите биле наполно разбиени. Д-р Карло Блинд во својата статија „Бугарските злосторства против Бугарите” објавена во весникот „Пал-Мал Газете” од 5 јули 1905 година, ќе напише: „Двата востанички комитети меѓусебно се уништуваат. Цончев го предводи врховистичкиот, а Сандански централистичкиот комитет, односно внатрешната организација. Сандански се прикажува како единствен претставник, Македонец. Тој си поставил за цел од Македонија да создаде независна држава, која единствено би можела да влезе во составот на ‘Балканска федерација’, кога таквата сомнителна творба еднаш би се создала. Цончев тежи да создаде ‘Бугарска автономна Македонија’, која потоа би се соединила со Кнежевството Бугарија.“ По Рилскиот конгрес и целосниот расцеп во Организацијата, Сандански целата своја дејност ја заснова на самостојноста на Македонското ослободително движење, а борбите со четите на врховистите продолжиле со целата жестина во цела Македонија се до младотурската револуција. Влијанието на Јане Сандански врз македонската левица било забележано и од страна на бугарската влада, па и таа настојувала да го ликвидира. Македонската десница по убиствата на Борис Сарафов и на Иван Гарванов во 1907 година,донела решение да се изврши атентат врз Јане Сандански. На 24 септември 1908 година во Солун, една група, испратена од Софија на чело со војводата Тане Николов, извршила неуспешен атентат врз Јане Сандански, при што е ранет. На 14 август 1909 година пак Солун бил извршен втор обид за убиство на Сандански. Како организатори на овој атентат се споменуваат Димитар Ризов, бугарски дипломат родум од Битола, и публицистот Никола Наумов од Штип, кој постојано престојувал во Солун како дописник на Бугарската телеграфска агенција, со логистика на бугарските и австриските тајни служби. Јане Сандански учествувал и во Првата балканска војна, на страната на Балканскиот сојуз со јасно изразени цели за самостојна македонска држава. На 30 октомври 1912 година со своите чети го ослободил Мелник и како претходница на Бугарската армија дејствувал при заземањето на Рупелската клисура, со што го овозможува поразот на турскиот Струмски корпус. Како претходница на 7-та Рилска дивизија Сандански со својата придружба и бугарските коњаници на мајорот Цонев влегуваат во Солун, веднаш по предавањето на градот на Грците од страна на Таксим паша на 8-ми ноември 1912 година. Дури следниот ден во Солун влегуваат 7-мата Рилска дивизија и грчки трупи. На банкет по повод ослободувањето на Солун Сандански одржал здравица и рекол, дека пие за здравјето на новата држава автономна Македонија. Тогаш сите присутни бугарски офицери, ги извадиле своите сабји и започнале да се закануваат дека за такви зборови глави ќе паѓат и јазици ќе сечат и оти не е за тоа е пролиено толку бугарска крв. По ваквите изговорени зборови тој мирно го напуштил банкетот и Солун. Разочаран од поделбата на Македонија, сакал да ги казни виновниците. Неговите намери биле откриени. Како голем противник на врховизмот и на бугарската завојувачка политика кон Македонија и поради неговата непомирлива борба за самостојна Македонија, по наредба на кнезот Фердинанд, бил убиен од заседа од своите идејни противници на Пирин Планина, на 22 април 1915 година. Животот го завршил, обидувајќи се да ја спречи Бугарија во вклучувањето во Првата светска војна, бидејќи тоа би значело нова катастрофа за Македонија. Во текот на неговата бурна воена и политичка дејност, се застапувал за ослободување на цела Македонија, за сочувување на нејзиниот територијален интегритет и за создавање самостојна македонска држава. Неговиот гроб се наоѓа до Роженскиот манастир во Бугарија. Секоја година на неговиот гроб се одржува традиционално семакедонско чествување. Остануваат запаметени неговите зборови: „Да живееш значи да се бориш: робот за слободата, а слободниот – за совршенството“. Извори: „Нова Македонија“, „Македонска нација“...

Украинскиот претседател Володимир Зеленски во вчерашното интервју за Франс прес изјави дека ја отфрла идејата за примирје во војната со Русија за време на Олимписките игри во Париз, за ​​што изрази желба францускиот претседател Емануел Макрон. „Реков: Емануел, ние не веруваме во тоа. Ајде за момент да замислиме дека има примирје. Прво, не му веруваме на (Владимир) Путин. Второ, тој нема да ги повлече своите војници. Трето, (…) кажи ми, Емануел, реков, кој гарантира дека Русија нема да го искористи ова за да ги донесе своите трупи на наша територија“, рече Зеленски. „Ние не сме против примирје, ние не сме против крајот на војната. Но, сакаме праведен крај на оваа војна. Ние сме против примирје што ќе му користи на непријателот“, додаде украинскиот претседател. Неколку часа претходно, рускиот претседател, кој отпатува во Кина, имплицираше дека се спротивставува на олимпиското примирје затоа што на Русија ѝ е забрането да учествува на Олимписките игри во Париз ова лето поради инвазијата на Украина. Макрон рече дека сака да „направи се“ за да владее олимписко примирје низ светот за време на Олимписките игри....

„Ништо не е спорно уставните измени да се случат, па да се формира Владата, како гаранција дека продолжуваме на тој пат. Бројки може да се обезбедат за гласање на уставни промени“, изјави Зијадин Села, лидер на крилото на Алијанса на Албанците кој по расцепот во партијата се приклучи на „Европскиот фронт“. Села во гостување на ТВ 24, рече дека при отворање на Уставот треба да се отстрани формулацијата 20% од граѓаните кои го зборуваат албанскиот јазик: „Кога веќе се отвора, тоа прашање треба да се реши. Исто е како кога вие се чувствувате загрозени ако некој од надвор ви наметнува како треба да се формулира македонскиот јазик“. На прашање што ако Мицкоски ја покани Алијанса за Албанците во Владата, Села со став дека „Мицкоски знае, даден збор од мене е даден збор. Го почитувам мојот збор. Коалицијата Европски фронт е даден збор и ние сме како коалиција. Преговори може да има со Европски фронт, а не со АА“, вели Села. Според него со приговорите до Државната изборна комисија се прави изборен инженеринг од страна на ВМРО-ДПМНЕ, СДСМ и коалицијата „Вреди“ за да се намали бројот на пратеници на коалицијата „Европски фронт“, предоводена од ДУИ, во која учествува и крилото на Алијанса за Албанците која тој ја предоводи. На прашање како „Европскиот фронт“ ќе се однесува како опозиција во Собранието, Села вели „треба да се почитува желбата на граѓаните, не на Мицкоски“ и додаде и дека Мицкоски прерано ги праќа во опозиција…...

Нов случај во борбата против корупцијата во кој МВР се чисти од корумпирани службеници. Во акција на МВР е фатен полициски службеник со над 10 илјади евра мито. МВР се уште испитува кај кого требале да завршат парите дадени како мито за добивање на социјален стан. Овластено службено лице, вработена како Виш аналитичар во скопска полициска станица е лишено од слобода под сомнение за сторено кривично дело измама со обележани над 10 илјади евра. Акцијата ја спровело Одделот за внатрешна контрола со Одделот за криминалистичка полиција. Тоа лице посредувало за добивање на социјални станови од Б категорија, но се испитува поврзаноста со други високи полициски службеници. Извршен е претрес во службените простории кое лицето ги користело при што е пронајдена пообемна сомнителна документација која е поврзана со кривичното дело а во неговиот дом е пронајдено и оружје кое најверојатно е без дозвола. Во текот на денот се очекува МВР да објави повеќе детали за случајот. Министерот Тошковски повеќе пати најавуваше дека законот ќе важи за сите подеднакво и дека борбата против корупцијата ќе продолжи.....

Управниот суд до доцна во ноќта расправаше по тужбите на одлуките на Државната изборна комисија – ДИК за неколку избирачки места поднесени од коалицијата Европски фронт, и отфрли шест тужби како неосновани. Тоа значи, согласно одлуките на ДИК, дека ќе има прегласување на конкретни избирачки места, дознава МКД.МК. Со прегласување, постојат можности исходот да ја промени распределбата на пратенички мандати. Односно коалцијата предводена од ДУИ да загуби еден во петка и еден пратеник во шестата изборна едница, при што СДСМ наместо 18 ќе предводи со 19 пратеници како втора политичка опција, а Вреди би профитирал исто со еден пратеник По полноќ коалицијата Вреди ги поздрави одлуките на Управниот суд и повика на масовна излезност на граѓаните на повторено гласање на избирачкото место каде коалицијата, во зависност од исходот на гласањето, може да добие уште еден пратеник. „Одлуката на Управниот суд е во согласност со волјата што ја изразија граѓаните на 8 мај. Оваа одлука уште еднаш докажува дека надежта за граѓаните во државата доаѓа, а манипулациите и криминалот на оваа хибридна моќ паѓаат Промената започната на 8 мај почна да се реализира, но за да биде уште побрза и поефикасна, ги повикуваме граѓаните на Ларце, на избирачкото место 2101 во среда, 22 мај да излезат и да ја изразат својата волја, слободно, без да потклекнат на притисоците на ДУИ и нејзините манипулатори.“, порачаа од ВРЕДИ....

Министерството за внатрешни работи соопшти дека вчера од Косово во Македонија е екстрадиран Бесим Красниќи, кој се бараше со меѓународна потерница. „Министерството за внатрешни работи соопштува мислење дека денеска (17.05.2024 година) полициските службеници од Одделението за меѓународна полициска соработка при Министерството за внатрешни работи и интервентната полициска единица на СПБ Скопје го завршија процесот на екстрадиција од Косово во Република Македонија Север на Бесим Красниќи (44), кој по наредба на Основниот кривичен суд Скопје се барал со меѓународна потерница за издржување затворска казна за сторени кривични дела разбојништво, тешки кривични дела против општата безбедност и тероризам. Лицето е испратено во затворот Идризова“, велат од МВР. 44-годишниот Бесим беше дел од таканаречената кондовската група која долго време беше страв и трепет во скопско. Тој заедно со Агим Красниќи, Сехат Рамадани и Фадиљ Точи биле уапсени во Урошевац. Бесим Красниќи се бараше за издржување на вкупно 28 и пол години затвор за серија на кривични дела, како разбојништво, тешки дела против општата сигурност и казнување за подготвување во врска со кривично дело тероризам....

Германскиот новинар, писател и експерт за Балканот, Михаел Мартенс, ја коментира заканата од грчкиот премиер Кирјакос Мицотакис до Македонија дека прекршувањето на Преспанскиот договор ќе ѝ го блокира патот кон Европската унија. „Прекршувањето на договор не е добро. Но, ‘патот кон ЕУ’ и онака е блокиран. За секоја земја-кандидат. Може само да се охрабри доаѓачкиот премиер Мицкоски да не попушти под притисокот и да го менува Уставот. Нема да отвори никаков ‘пат’. Со оглед на тоа дека таков нема“, реагира на Твитер долгогодишниот политички дописник на германскиот весник „Франкфуртер алгемајне цајтунг“ од Санкт Петербург, Атина, Истанбул, Белград и Виена. Violating an agreement is not good. But the "EU path" is blocked anyway. For every candidate country. One can only encourage incoming 🇲🇰PM Mickoski not to give in to pressure and change the constitution. It will not open any "path". As there is none.https://t.co/tj8BchHgFs— Michael Martens (@Andric1961) May 17, 2024...

Говорејќи за политичките актуелности во * Македонија, Илир Мета, лидерот на Партијата на слободата од Албанија, во интервју за „Специјално на денот“ на ТВ Шења рече дека Албанците ќе бидат гаранција за евроатлантскиот пат на * Македонија, која веќе е членка на НАТО. Инаку, Илир Мета беше претседател на Албанија од 2017 до 2022 година, а нејзин премиер од 1999 до 2002 година. ТВ Шења пишува: „Не сакам да навлегувам во ова внатрешно прашање на Македонија. Но, убеден сум во секој случај дека Албанците ќе бидат гаранција за евроатлантскиот пат на Македонија, која веќе е членка на НАТО. Верувам многу дека новото раководство ги има сите капацитети да го забрза европскиот пат.“ – изјави Мета. Тој посочи и дека одржува блиски односи со сите лидери на политичките сили кај Албанците во * Македонија. „Сум имал, а одржувам и сега многу блиски односи со претседателите на политичките сили кај Албанците во * Македонија. Имав исклучително разбирање со починатиот Абдурахман Алити, поранешен претседател на Партијата за демократски просперитет, потоа со починатиот Арбен Џафери, претседател на Демократската партија на Албанците (ДПА), но многу добро разбирање и со Али Ахмети, претседателот на Демократската унија за интеграција. Во времето додека бев премиер, поради должност, но и поради својата желба, направив се, за да градам мостови, особено со Ахмети, кој во тоа време имаше седиште на планината, и со Арбер Џафери, кој беше главен претставник на Албанците.“ – рече Илир Мета....

Бившиот министер за надворешни работи што (неовластено) го потпиша Преспанскиот договор, Никола Димитров, со сопствено видување за „Евроњуз“ за потпишаното во Нивици. „Договорот е добредојдена реалност, дури и меѓу многу негови противници, бидејќи повторното отворање на спорот би било многу полошо. Се залагам за покажување лидерство во двете земји, Грција и Северна Македонија, да се соочат со оваа реалност и да престанат да играат ситна политика со ова прашање“, пишува во поднасловот од писанието на Димитров. „Церемонијата на полагање заклетва на новоизбраната претседателка на Северна Македонија, Гордана Давкова Силјановска, предизвика бурни реакции во Атина, Брисел и многу други европски метрополи. Не поради тоа што таа е првата жена претседател на земјата или поради тоа што тукушто извојува убедлива победа. Исто така, не се работеше за нешто што таа го кажа. Всушност, се работеше за она што таа не го кажа. При полагањето на заклетвата, претседателката Давкова ја испушти придавката ‘Северна’ и рече само ‘Македонија’ и покрај тоа што истиот ден потпиша официјална заклетва под уставното име на нејзината земја. Сепак, имајќи предвид дека таа водеше кампања со ветување дека ќе го почитува, но не и да го изговара целосното уставно име на земјата што сега ја води, наведувајќи го нејзиното лично право на самоопределување и земајќи ги предвид нејзините критики за Договорот од Преспа, нејзиниот гест ја вознемири соседна Грција. Премиерот Кирјакос Мицотакис предупреди дека секое отстапување од договорот ќе има тешки последици за односите меѓу двете земји и евроинтегративниот пат на нас овде во Северна Македонија. Сега озлогласениот проблем за името ги затегнуваше односите меѓу Скопје и Атина цели 27 години, од осамостојувањето на тогашната Република Македонија во 1991 година, сè додека не се реши со потпишувањето на Договорот од Преспа во 2018 година. Тоа, исто така, го блокираше членството на Северна Македонија во НАТО и пристапувањето во ЕУ повеќе од една деценија. „Ти си мојот херој“, „Да скапеш во пеколот“ Јас лично потрошив 15 години обидувајќи се да го решам проблемот: првично како дипломат и главен преговарач, потоа како коагент пред Меѓународниот суд на правдата за поврзан случај и на крајот како министер за надворешни работи. Заедно со мојот грчки колега Никос Коѕијас го постигнавме она што претходно се чинеше невозможно и успеавме таму каде што Сизиф не можеше. Договорот што го потпишавме е добар компромис, кој се однесува на критичните грижи на двете страни. Тоа ги смири билатералните односи во тоа време и ги започна обновените врски меѓу нашите народи, отворајќи ја вратата за пријателство и соработка. Средбата на половина пат им одзеде време на двете нации. Коѕијас и јас добивме закани и пошта од омраза од една страна и пофалби од друга. ‘Ти си мојот херој’ и ‘Да скапеш во пеколот’ беа строго контрастните честитки што ги добивав секојдневно во Скопје во 2017 и 2018 година. Не можете да им угодите на сите ‘Преспа’ има елементи кои се тешки за двете земји. Македонскиот јазик, на пример – израз на правото на самоопределување на етничките Македонци – е нешто што многу грчки политичари се борат да го прифатат или изговорат. Истото важи и за меѓународните кодови на земјата: сè уште можеме да користиме МК и МКД, освен на регистарските таблички на возилата. Сепак, иако меѓународните сообраќајни правила велат поинаку, овие кодови не се наоѓаат на патоказите кон Скопје низ Грција. Не би виделе ни ‘Северна Македонија’ покрај таблите што ве насочуваат кон Бугарија или Турција. Од наша страна, користењето на ‘Северна’ останува камен на сопнување за многу македонски политичари, особено кога треба да го кажат тоа дома. Договорот од Преспа, глобално пофален како триумф на дипломатијата и најзначајниот договор на Балканот… од Дејтонскиот мировен договор за Босна во 1995 година, беше попречен од различни страни. Меѓутоа, ако не ја прифатевме употребата на сложеното име Северна Македонија за сите официјални цели и во секое време, немаше да има договор бидејќи ова беше критично важно прашање за грчката страна. За многумина во Грција дури и сложеното име е неприфатливо, бидејќи би сакале нивната соседна земја воопшто да го нема зборот Македонија во своето име. Сето ова покажува дека не може да се постигне договор кој целосно би ги задоволил двете страни. Колку удари можете да зададете пред да колабирате? Првиот удар го упати ВМРО-ДПМНЕ, убедливиот победник на неодамнешните избори. Во 2018 година партијата во суштина го бојкотираше референдумот за компромисот. Додека македонските граѓани (или граѓаните на Северна Македонија, ако сакате) гласаа ‘за’ во огромен број, гласовите ‘не’ – што се очекуваше да дојдат од поддржувачите на ВМРО-ДПМНЕ – беа премалку и потребната излезност не беше постигната. Бојкотот ја одржа националната рана полуотворена. Народот не одлучи. Не е изненадувачки, само околу една третина од македонската јавност денес верува дека ЕУ е сериозна во врска со проширувањето – срамен пораз за Брисел, имајќи предвид дека огромно мнозинство Македонци ѝ веруваа на ЕУ само неколку години порано. Вториот удар – и ова може да биде изненадување за многу читатели кои не се запознаени со нашите болки на Балканот – дојде од самата ЕУ. Пред референдумот за Договорот од Преспа, многу европски лидери, меѓу кои и германската канцеларка Ангела Меркел (претседателот на Франција Емануел Макрон испрати видео порака), дојдоа во Скопје и јавно му ветија на народот: поддржете го договорот и ќе отвориме пристапни преговори со твојата земја. Но, тоа ветување беше прекршено. Франција за прв пат го отфрли во 2019 година, со друг сосед, Бугарија, кој оттогаш гордо го презеде факелот на ветото. Политиката на понижување се чини скапа Уште полошо, Бугарија усвои формален непријателски став против еден од двата фундаментални столба на Договорот од Преспа – македонскиот јазик и идентитет. Додека Бугарија се извлече од својата непристојна и контрапродуктивна политика кон својот помал сосед и успеа да го трасира европскиот пат за Северна Македонија со бугарските барања, ЕУ како целина стана соучесник во поткопувањето на договорот што гласно го пофали, како и на сопствената политика на проширување. Конечно, власта во заминување во големата неспособност на Скопје да организира замена на личните карти, пасошите и возачките дозволи на граѓаните под уставното име — ги принудува граѓаните во ситуација да не можат да патуваат, да возат, па дури и да одат во банка. ги добиваат своите плати или пензии – предизвика понижување и го влоши проблемот до крајност. Од другата страна на границата, владата на Нова демократија не вложи многу политичка енергија во спроведувањето на Договорот од Преспа. Едноставно го толерираше. Неодамна напишав дека идната влада на Северна Македонија треба да го стори истото. Изгледа згрешив. Мора да се изјасни за преовладување на причината Она што ни треба наместо толеранција е лидерство. Договорот е добредојдена реалност, дури и меѓу многу негови противници, бидејќи повторното отворање на спорот би било многу полошо. И се залагам за покажување лидерство во двете земји, Грција и Северна Македонија, да се соочат со оваа реалност и да престанат да играат ситна политика со ова прашање. Соочете се со оние во вашите соодветни изборни единици кои би прифатиле само максималистички решенија за своја страна и кои се носталгични за спорови и антагонизми. Потсетете ги дека изгубиле. И да продолжите со целосна имплементација на Договорот од Преспа, вклучувајќи ги предизвикувачките и понекогаш болни чекори. Очајно е потребно лидерство и на страната на ЕУ. Исполнете го вашето ветување, ограничете го смешниот број на можности за вето во процесот на пристапување и немојте да станете плен на домашните каприци од минатиот век на која било земја-членка за работи кои навистина се важни. Бидете сила за добро и не поткопувајте, туку засилете ги напорите на оние кои вложиле политички капитал во решавањето на нерешливите спорови“, пишува Димитров во своето видување за „Еуроњуз“....

“Провокација, жесток национализам, непочитување на Преспанскиот договор” – врие на југот за враќањето во усна употреба името Македонија. Грција лута и на претседателката и на извесниот мандатар Христијан Мицкоски. Закани за раскинување на Преспанскиот договор и коментари дека провоцирал оти рече „Ќе ја нарекувам мојата земја како што сакам“. Во Грција реагираат и власта и опозицијата. Нови предупредувања стигнаа од грчкиот министер за надворешни работи побара од Македонија и идната влада да го имплементирале целосно Договорот од Преспа и какво било прекршување не можело да се толерира. Уште еден министер во Владата на Мицотакис, оној за здравство – Адонис Георгиадис се закани дека ако лидерот на ВМРО-ДПМНЕ станел премиер и продолжел со ваквите изјави, нивниот премиер ќе го поништел Договорот од Преспа. Реагираше и опозициската СИРИЗА – сакале да го потсетат Христијан Мицкоски да го почитувал меѓународното право. За упатените, овие реакции од Грција се очекувани, бидејќи соседите долго време биле навикнати, официјалните лица во Македонија да ја наведнат главата, да замолчат и само слепо да спроведуваат. Прераната и изнасилена употреба на придавката „Северна“ и во моменти кога била непотребна, ја навикна Грција на слепата послушност. Сега, според експертите конечно Македонија покажала цврст став, и воопшто не го прекршува договорот од Нивици. Редно време беше да покажеме дека имаме свое јас,бидејќи до сега Македонија имаше предавничка и капитулантска политика. Не е прекршен Договорот од Преспа бидејќи и таму е наведено дека може да се употребува „Македонија“ и придавката „македонски“. Ова се должи на досегашната политика бидејќи ги навикнавме да попуштаме. Клучно во сето ова е што тие кои се повикуваат на Меѓународните договори, не ги почитуваат. Сега реагираат, во време кога наводно биле загрозени некои нивни интереси. Оваа ситуација е резултат на нашето недолично однесување сите овие години – вели поранешниот амбасадор Ристо Никовски. Не само што Македонија не го прекршува Преспанскиот договор, туку има спроведено и повеќе од тоа што требаше во текот на изминатите години, додека пак Грција, нема речиси ништо – го коментира Никовски односот Скопје-Атина во поглед на преземените обврски на двете земји. По стапките на Силјановска Давкова, и Христијан Мицкоски цврсто стои на употребата на „Македонија“. И покрај тензиите околу Договоротсо Грција, лидерот на ВМРО-ДПМНЕ се залага за меѓусебна соработка и економски врски. Најави дека во скоро време очекува средба со грчкиот премиер Кирјакос Мицотакис. Во врска со името на земјава, Мицкоски рече дека во комуникацијата во институциите и меѓу институциите ќе се користи уставното име но како тој ќе ја нарекува државата е негово човеково право и ги повика Грците кои се жалат на прекршување на Преспанскиот договор, да одат до Меѓународниот суд. Извор: Алфа ТВ...

Тешка навреда за северниот сосед на Грција дојде попладнево од седницата на парламентарната Комисија за национална одбрана и надворешни работи, на која министерот за одбрана Никос Дендијас ја нарече Македонија, ни помалку ни повеќе – „глувче што рика“! Изразувајќи ја својата вознемиреност дека „лошото време“, ако некогаш дојде, немало да дојде од соседната земја на северната граница на Грција, туку од Турција, според бившиот шеф на грчката дипломатија, објави грчки Скај. „Секогаш велам: ‘Не дозволувајте да дојде лошото време, но лошото време може да дојде. И, секако, лошото време нема да дојде од Северна Македонија, глувчето што рика последниве неколку дена. Ќе дојде од земја со десеткратно поголемо население, со четири пати поголем БДП, што значи дека, ако не сфатиме дека треба да бидеме на неверојатно добро ниво, нема да успееме, а сите имаме супер одговорност кон ова“, рекол Дендијас, подвлекувајќи ја потребата од континуирано засилување на вооружените сили бидејќи во Грција „го немаме луксузот на безбедност што го имаат западните земји“. Всушност, тој ја повтори својата вознемиреност за опасноста што демне од турската страна. „Ме опседнува голема вознемиреност. Не сум го криел тоа. На крајот на краиштата, повеќето од вас ме познаваат многу години и знаете дека го кажувам она што го чувствувам во оваа просторија“, додаде министерот....

Илир Мета, претседател на Албанија од 2017 до 2022 година, нејзин премиер од 1999 до 2002 година, а сега политичар и лидер на тамошната Партија на слободата, во интервју за „Специјално на денот“ на ТВ Шења откри зошто пред парламентарните избори дал поддршка на ВМРО ДПМНЕ, а не на некоја албанска партија. ТВ Шења пишува: „Немав намера да искажам симпатија, или претпочитање во изборниот натпревар за македонска партија, или за други партии во * Македонија. Но, природно е што ние не можеме да бидеме рамнодушни: немаме работа само со едно внатрешно прашање на надворешната политика , туку со избор, кој ѝ припаѓа на регионалната политика. Ја ценев кај ВМРО ДПМНЕ нивната јасна поддршка на Берлинскиот процес. Но, од друга страна, мора да се каже дека ВМРО ДПМНЕ имаше став, со кој многу му се покоруваше на ‘Отворениот Балкан’. Исклучок беше сега веќе претходниот претседател Пендаровски, кој задржа многу коректен, принципиелен став и јас го ценам поради неговата позиција во врска со многу прашања, кои се деликатни.“ – изјави Илир Мета. Тој додаде дека порано имал добри односи и со лидерите на СДСМ, како што се Бранко Црвенковски, Радмила Шеќеринска, Владо Бучковски, Зоран Заев и Димитар Ковачевски. Претседателот на Партијата на слободата од Албанија Илир Мета се осврна и на неговиот однос со поранешниот премиер на * Македонија Никола Груевски. „Не сум имал некој посебен однос со него. Моите односи беа одлични кога бев премиер со Љупчо Георгиевски, се додека не се случи кризната ситуација во Македонија и кога таа ја загуби рамнотежата, бидејќи кризата беше многу тешка за нив.“ Мета го спомена фактот дека во средбите со поранешниот премиер Груевски во 60 минути разговор со него 55 минути зборувал за економија и за странски вложувања....

Кичевските матуранти, генерација 2020-2024 денес со веселба и дефиле го завршија и последниот училишен ден како средношколци. Тие најпрво во дворот на гимназијата со развиорени знамиња заиграа оро и пееја песни, со што ја заокружија четиригодишната дружба од средното образование. Видео: Радио Александар Македонски Кичево Порта.мк...

Се надевам дека вчерашната изјава на Христијан Мицкоски за ревизија на договорот со „Бехтел и Енка“ е дадена во согласност со нашите заложби за континуитет на правните договори што ги склучила претходната влада и ако се работи за подобрување во интерес на бизнисот, ние ќе ја поддржиме таа работа, рече денеска претседателот на Стопанската комора Бранко Азески. Одговорајќи на новинарски прашања по работната средба со раководството на „Македонија 2025“, Азески информира дека „Бехтел и Енка“ се нови членки на Стопанската комора. – Тие беа тука за да се зачленат. Разговаравме. Во разговорот беше спомнато дека во пикот на активностите ќе им требаат 4.000 луѓе, ќе бидат ангажирани на сите четири делници на кои ќе работат. Во нашето соопштение тоа беше прецизно истакнато. Тоа значи дека имаат дел работници, дел треба да обезбедат. Имаат време кога ќе е пикот и мислам дека тоа е само една најава. Што се однесува до изјавата на Мицкоски дека ќе има ревизија на договорот, се надевам дека таа е дадена во согласност со нашите заложби за континуитет на правните договори што ги склучила претходната влада и ако се работи за подобрување во интерес на бизнисот, ние ќе ја поддржиме таа работа. Ако не, бараме да се остане на она што е – истакна Азески. Секој што ќе дојде, напомена тој, ќе биде соодветно пречекан во Комората. – Штом некој решил да дојде, значи дека има потреба за тоа. Ќе ги поддржиме, тие се значајни компании, меѓутоа, ако има проблеми во имплементацијата, ќе процениме каде и што е потребно да направиме. Главно, ќе бидат поддржани компаниите што работат во согласност со законите, ќе бидат санкционирани тие што не работат во согласност со законите и прават прекршоци – рече Азески. Во врска со вчерашната најава на лидерот на ВМРО-ДПМНЕ и иден мандатар Христијан Мицкоски за поволен заем од една милијарда евра, претседателот на Комората потенцира дека државата може да се задолжува, но парите треба да се искористат продуктивно. – Господ да е на помош на сите што ќе овозможат да се донесат нови пари во Македонија. Но тие пари мора да бидат употребени за продуктивни нешта. Тоа е ставот на Стопанската комора како најголема бизнис асоцијација. Значи, можат и може државата да се задолжува во наредниот период, но само за продуктивни цели. Овие искуства што ги имавме досега нѐ обврзуваат и зборуваат дека на тоа треба да се опстане – подвлече Азески. Мицкоски вчера изјави дека за договорот со „Бехтел и Енка“ има две опции – да се раскине или да се репреговара. – За договорот со „Бехтел и Енка“ има две опции. Едната е да се раскине договорот и да се оди на арбитража, да платиме стотици милиони евра и да немаме автопат, а втората е да се оптимизира договорот за што веќе имаме почетни разговори, со што би се забрзал и реализирал проектот. Ние сме повеќе за прагматичниот пристап, граѓаните да добијат автопат, но оптимиран, но ваков каков што е, потпишан од оваа влада, за жал, е во одерена мерка неприменлив поради големите правни проблеми, проблеми со експропријација и технички проблеми. Мојата порака е дека како идна влада сакаме да градиме, а не да рушиме – рече Мицкоски....

Бугарскиот претседател Румен Радев не престанува да ѝ дели лекции на Македонија, последната сугестија испраќајќи ја од Бургас. „Северна Македонија не смее да заборави дека е земја-кандидат и не може да им наметнува услови на земјите-членки, не може да ги ревидира меѓународните договори, бидејќи тоа ја означува земјата што не го почитува меѓународното право“, порача тој, додавајќи по милионити пат дека „патот зна Македонија кон Брисел минува низ Софија“, плус: „Се надевам дека политичарите во Северна Македонија разбраа дека изборната кампања е завршена и ако нивното деструктивно зборување и однесување се претвори во вистински дејствија, тоа значи туркање на нивната земја кон изолација и оддалечување од Европската унија, што е на штета на самите граѓани и на државата Северна Македонија“. На прашањето дали мисли дека тонот со Северна Македонија треба да остане таков каков што е во моментов, или напротив – да се зацврсти, Радев рече: „Очекувам да разберат дека и Бугарија, и Грција им кажуваат оти меѓународните договори треба да се почитуваат. Тоа им го кажа и Европската унија. Многу е јасно дека преговарачката рамка мора да се исполнува. Тоа значи и исполнување на билатералните протоколи, кадешто се регулира отфрлањето на говорот на омраза, промената на учебниците, рехабилитацијата на жртвите, почитувањето на културно-историското наследство на Бугарија во таа земја“. Радев посочи дека очекува секој политичар кој ќе ја претставува Бугарија во Европскиот совет отсега да продолжи да го брани нејзиниот национален интерес, да продолжи да ги брани копенхашките критериуми за членство и правата на македонските Бугари. „Исто како што јас опстојував додека ја претставував Бугарија во Европскиот совет за време на преодните влади. Имаше два Совета и, внимавајте, на првиот Совет бев сам против сите земји-членки, бидејќи притисокот беше огромен – веднаш да ја отвориме вратата за преговори за членство на Република Северна Македонија. Тоа не се случи. Има огромна разлика до вториот Совет за проширување, кога веќе успеавме да ги убедиме сите европски лидери и европски институции дека прашањето не е билатерално меѓу Бугарија и Република Северна Македонија. Прашањето е европско – да се усогласат со копенхашките критериуми за човекови права и недискриминација. И тоа го разбраа сите и доведе до услов да се промени Уставот, со вклучување на македонските Бугари во него – да се заштитат нивните права, да има јасни барања за заштита на нашиот национален интерес со протоколите, а потоа соодветно да се отвори вратата за преговори. И Бугарија успеа, но ова е сега работа меѓу Европската унија и државата-кандидат“, заклучи Радев....

Двајца советници од советничката група на СДСМ во Советот на општина Кисела Вода, преминаа во ВМРО-ДПМНЕ. Станува збор за советници од политичките партии ЛДП и ДС кои беа во советничка група со СДСМ. Тие сега ја напуштија советничката група на СДСМ. Оваа информација ја објави самиот градоначалник на Кисела Вода Орце Ѓорѓиевски, кој им изрази благодарност на двајцата советници.„Благодарност до Јане Петковски и Елизабета Стефковска што ги препознаа победничките политики кои носат подобра иднина за нашите жители. Да живее Македонија, порача градоначалникот на Кисела Вода“, Орце Ѓорѓиевски. Видео: https://www.facebook.com/share/r/WJuXRTko7AFdvyWQ/?mibextid=s54t8k...

Педесеттина експерти на правната наука, ректори, декани, претседатели на еснафските правнички комори, професори, доценти, докторанти од правните факултети во земјата и странство учествуват на 10-тата јубилејна Меѓународна научна конференција „Предизвиците на правото во 21 век“ што во организација на Институтот „Јуридика прима“ од денеска се одржува во Охрид. „Бројни се предизвиците со кои се соочува правото. Пред сѐ тука е силата. Кога постои одредена сила, веќе не постои ниту меѓународното право. Бројните воени конфликти низ светот покжауваат дека меѓународното право не функционира како што е предвидено. Потоа, следен предзвик е влијанието на политиката врз правото. Постојано говориме за владеење на правото, а имаме владеење на мали политички групации кои ги наметнуваат својите влијанија дури и врз судството и закондавството, што укажува на потребата од сериозна борба и темелни реформи. Корупцијата е постојана болка што го обременува општеството“, истакна професорот Ангел Ристов, претседател на Институтот „Јуридика прима“, пренесува МИА. Според него, потребни се нужни реформи во законодавството, особено во приватното право. „Граѓанското право е заборавено. Во законодавството, во политиката сите се држат за јавната сфера, а поединецот е заборавен. Она што треба државата и новата влада да направи е конечно да се сврти кон граѓаните и после 13 години да биде донесен граѓанскиот законик, кој ги уредува односите на граѓаните од раѓањето до смртта. Петте негови делови се изготвени, тоа ќе бидат големи реформи во интерес на граѓаните“, посочи Ристов. Она што е меѓу главните проблеми во правната сфера е носењето закони спротивни на принципите на правото, на правдата, моралот на здравата правничка логика. „Упатуваме апел до законодавецот при носењето на идните закони и реформите, секогаш да се носат во консултација со практичарите и науката, доколку императив е напредок во сферата. Широка јавна расправа по сите законски решенија за праведни закони“, рече тој. Професорот Борче Давитковски со критики кон нивото на владеењето на правото во општеството, за што, како главна причина ја посочи отсуството на политичка волја за надминување на состојбите. „Сами се доведовме во таква ситуација. Немаше политичка волја да се направат вистински реформи во правосудниот систем, како во судството така и во обвинителството. Судскиот совет како рогови во вреќа, обвинителскиот совет го нема никаде, непрепознатливи се, а тие треба да се контролор на третата власт. Пред сѐ, она што е важно е да се разбере дека реформите се прават за подобрување на животот на граѓаните, ако тие ги почувствуваат бенефитите од нив, тогаш дури можеме да очекуваме влез во ЕУ, без тие стандардни нема влегување. И Уставот да го промениме, доколку нема политичка волја за реформи – нема успех“, рече Давитковски. Тој посочи дека во првите шест месеци новите власти треба да ги постават насоките како ќе се прават реформите во сите општествени сфери, за луѓето да имаат перцепција што ќе се случува и што да очекуваат. „Претходната влада не ги донесе законите што беше предвидено да бидат донесени до 2023 година. Во септември ќе го добиеме најнегативниот извештај од ЕУ за реформите во јавниот сектор во последните 20 години. Она што е неопходно е целосно преиспитување на улогата на судскиот и на обвинителскиот совет, на Академијата за судии. Мора да заврши практиката лица без никакви искуство, само со политичко влијание и врски да стануваат судии“, нагласи Давитковски. Професорот Арсен Јаневски исто така истакна дека неспорно се потребни реформи во правосудниот систем. „Очигледно е дека од сите страни, и од ЕУ и од секаде ни укажуват, а и самите знаеме дека судството не ни функционира како што треба. Доаѓа период кога од сите сфери на правото се работи на кодификација на граѓанскиот кодекс, изготвен е неговиот пред-нацрт и се надеваме дека новата влада ќе го поддржи, како значајна новина за државата. Во рамки на таа новина ќе следат реформи во судство, во обвинителство во судски совет и во други области каде е потребна измена на легислативата за да се подобри функцинирањето на институциите во државата, рече тој. Јаневски посочи дека нема држава во светот каде нема корупција, но прашањето е во колкава мера. „Очигледно е дека институциите на функцинираат и оттаму таквиот резултат. Затоа треба да се направат коренити промени, и во судството и во обвинителството и во Судскиот совет и во многу други институции во државата“, истакна професорот Јаневски. Меѓународната конференција што е дел од Охридската школа на правото е прва од ваков вид во земјата и веќе станува традиционална и препознатлива во регионални и меѓународни рамки. Сите трудови што ќе бидат презнетирани тука, по рецензирањето ќе бидат објавени во посебен меѓународен зборник во два тома (19 и 20). Досега од конференциите одржани во периодот од 2015 до 2023 година се објавени 18 тома, што се достапни за пошироката јавност објавени на интернет-страницата на Институтот „Јуридика прима“ и на електронската база ЕБСЦО....

Советот на Европската унија (ЕУ) денеска одлучи да го прекине емитувањето во ЕУ на уште четири медиуми кои ја шират и поддржуваат руската пропаганда и агресорската војна против Украина: Гласот на Европа, РИА Новости, Известија и Росискаја газета. ЕУ претходно ги санкционираше руските државни медиуми Раша Тудеј и Спутник. Советот на ЕУ објави дека овие медиуми се под постојана директна или индиректна контрола на раководството на Русија и дека се од суштинско и инструментално значење за започнување и поддршка на руската војна против Украина, како и за дестабилизација на земјите соседи со Русија. Мерките договорени денеска нема да ги спречат таргетираните медиуми и нивниот персонал да вршат други активности во ЕУ – истражување и интервјуа. „Русија се вклучи во систематска меѓународна кампања на манипулации со медиумите и информациите, мешање и сериозно искривување на фактите со цел да ја оправда и поддржи својата целосна агресија против Украина и да ја унапреди својата стратегија за дестабилизација на соседните земји и ЕУ и нејзините земји-членки“, се наведува во соопштението....

„Албанците и Македонците не треба да имаат меѓуетничкo ривалство, соперништво, туку треба да градат добри институции, кои ќе им нудат услуги на сите граѓани. Судбината е таква што живееме заедно во една држава, затоа е подобро да не се создава омраза, туку треба да се изградат добри институции, од кои граѓаните ќе имаат полза. Но, лидерот, врвот на ДУИ сакаат анархија, сакаат позиции и места, за да крадат!“ – вели Реџаил Рамадани, лекар по интерна медицина од Куманово, во својата колумна со наслов „Врвот на ДУИ сакаат анархија, сакаат позиции, за да крадат!“, која ја објави информативната агенција на албански јазик Илирија-ИНА. Рамадани во колумната пишува: Изминатите 24 години биле добри, Албанците ја зеле државата во свои раце, велеше Груби, но сега испадна дека е лошо, оти немаме ништо… Граѓаните сакаат добри услуги и затоа мора да се изградат соодветни, правилни институции....

Денеска претседателот на ВМРО-ДПМНЕ Христијан Мицкоски, заедно со потпретседателот Гордана Кочоска Димитриеска, членовите на ИК Сања Божиновска и Трајко Славески, меѓународниот секретар Стефан Андоновски и Зоран Ставрески, оствари средба со раководството на Македонија 2025. На средбата беше потенцирана потребата од забрзан економски развој на Македонија и трансформација на државата, за што претседателот Мицкоски кажа дека е еден од приоритетите на ВМРО-ДПМНЕ како идна влада. Владата предводена од ВМРО-ДПМНЕ ќе овозможи регулативна предвидливост за компаниите, поволен и ефикасен даночен систем и даночна администрација. Воедно потенцирано е дека владата ќе работи на целосна дигитализација и на институциите и на услугите. За да се подобри животниот стандард на граѓаните, потребно е да се подобри бизнис климата, што е еден од главните приоритети на ВМРО-ДПМНЕ....

Русија го разнесе командното место на бригадата на украинската армија скриено во шумата кај селото Стара Водолага во Харковската област, тврди руското Министерство за одбрана на Русија наведува дека командното место на 302. украинска противвоздушна бригада по извидување со беспилотни летала било погодено од „Искандер“. Со губењето на командното место на 302-та бригада, Украина наводно останала без централизиран систем за управување со силите за противвоздушна одбрана во целиот регион. Некои воени блогери неофицијално наведуваат дека во нападот биле убиени околу 35 офицери во штабот и уште 20 војници кои го обезбедувале објектот во близина на Харков, а новодно експлодирал и магацинот за муниција. Рускиот претседател Владимир Путин денеска изјави дека Русија во моментов не планира да го окупира Харков. Претседателот на Русија на прес-конференција во кинескиот град Харбин, за време на неговата дводневна посета на Кина, изјави дека руските војници во близина на Харков секојдневно напредуваат, строго според планот, пренесува РИА Новости. Путин рече дека одговорноста за она што се случува во правец на Харков е на вооружените сили на Украина, наведувајќи дека Русија е принудена да создаде санитарна безбедносна зона бидејќи украинската армија гранатира станбени делови на Белгород....

Струшкото основното јавно обвинителство поднело два обвинителни предлози против актуелниот градоначалник на Струга, Рамиз Мерко, поради незаконско вработување и именување на директори во училишта на територијата на општината – пренесе порталот 360. Како што соопштија попладнево од Јавното обвинителство на република Северна Македонија, обвинителните предлози се однесуваат на кривичните дела несовесно работење во службата според член 353-в од Кривичниот законик (КЗ) и продолжено кривично дело фалсификување исправа според член 378 од КЗ. Во првиот случај, за кој е поднесен обвинителен предлог, поради што предметот ќе оди во скратена постапка, обвинети се вкупно четири лица. Првообвинета е наставничка по француски јазик во основно училиште во Велешта која се товари дека употребила три лажни јавни исправи за полагање стручен испит во Државниот испитен центар. Преостанатите тројца обвинети се струшкиот градоначалник Мерко, како и директор и помошник-директор во училиштето кои ги прифатиле фалсификуваните документи и ја вработиле провообвинетата како наставник, која подоцна била назначена и за в.д. директор на училиштето. „Останатите тројца – градоначалник на општина Струга, директор и помошник-директор на училиштето ги прифатиле фалсификуваните документи во постапката за полагање стручен испит, вработување како наставник, но и за назначување на првоосомничената за в.д. директор на училиштето во периодот од 19.04.2022 до 06.09.2023 година“, се наведува во соопштението на републичкото Јавно обвинителство. Во вториот предмет, струшкиот градоначалник Рамиз Мерко е единствен обвинет. Се товари за несовесно работење во службата, според член 353-в од КЗ, бидејќи донел решение со кое за в.д. директор на основно училиште во селото Подгорци именувал лице што не ги исполнувало условите. Конкретно, како што наведуваат од Обвинителството, лицето немало работно искуство од најмалку пет години во воспитно-образовна работа, како што предвидува Законот за основно образование. „Иако не ги исполнувало условите, лицето ја извршувало директорската функција во периодот од 11.11.2022 до 25.04.2023 година“, информираат од Јавното обвинителството. За нешто повеќе од два месеца против актуелниот струшки градоначалник се поднесени четири обвиненија, вклучувајќи ги и двете за кои денеска информира Јавното обвинителство....

Претседателката Гордана Сиљановска Давкова денеска ја прими Росана Дуџак, постојан координатор на Обединетите Нации. На средбата, упатувајќи честитки за изборот на претседателката Сиљановска Давкова, координаторката на ОН, Дуџак, ја истакна одличната институционална соработка, на сите нивоа и области, во реализацијата на активностите и проектите поддржани од меѓународната организација, соопшѕо кабинетот на Сиљановска Давкова. Претседателката изрази задоволство од исклучителниот придонес на Обединетите Нации во нашата европска интеграција и континуираната поддршка за земјата и за граѓаните. Taa ги истакна приоритетите на својот мандат кои во голем дел се совпаѓаат со активностите на агенциите на Обединетите Нации кои се спроведуваат или се планираат во земјава. Двете соговорнички разговараа за спроведувањето на рамката за соработка 2021-2025, како главен стратешки документ што ја утврдува работата на системот на ОН во земјава, а во согласност со националните развојни приоритети, меѓународните човекови права, обврските за родова еднаквост и Агендата 2030....

„Македонците се медицински случај на нарушување во мозокот на национално рамниште, бидејќи пак гласаа во мнозинство за ВМРО, која како фашистичка партија беше основана од бугарската тајна полиција во 1920 година со цел да ја присоедини Македонија кон бугарската матица. Овој библиски народ не му се оддолжи со ништо на својот Творец Тито, кој ја претвори Македоња Вечна во огновите на Втората светска војна од ништо во нешто, од маларична вукое*ина во република.“ – вели универзитетскиот професор и архитект Мирослав Грчев во својата скандалозна колумна под наслов „Истекнати права на гордост“, објавена во весникот „Слободен печат“, во која искажува серија најтешки навреди кон македонскиот народ и неговиот национален идентитет, како и кон Македонија како држава на македонскиот народ. Крајно понижувачки и велејќи со исмевање дека „Тито е Творец на Македонците како библиски народ“, Грчев застанува директно на линијата на официјална Софија и нејзиниот „Бугарски“ „добрососедски договор“ со Македонија, според кои македонскиот народ е измислен и создаден од Тито во 1945 година, без да има никакви автентични корени оти постоел во минатото! Со нималку случајно „скроениот“ наслов „Истекнати права на гордост“ колумнистот иронизира и со клучниот изборен слоган „Горда Македонија“ на новоизбраната претседателка на Република Македонија проф.д-р Гордана Силјановска-Давкова и на победничката партија ВМРО ДПМНЕ на парламентарните избори. Поправо, со овој наслов Грчев најдиректно им порачува на Македонците и на Македонија дека им „истекнале нивните права да бидат горди“ како нација и како држава, оти немаат право да се чувствуваат горди! Дали сега ќе се активира Јавното Обвинителство на Република Македонија самото по службена должност, врз основа на „јавно допрен глас“, откако ја има во оваа колумна јавно изнесената скандалозна навреда на Грчев дека „Македонците се ментално пореметена нација“, која е „создадена од Творецот Тито“?! Во својата колумна со белег на антимакедонско писание од најтежок карактер Грчев, покрај другото, изнесува: Македоња Вечна, која Маршалот Тито во огновите на Втората светска војна со неповторлив алхемиски трик ја претвори од ништо во нешто, од маларична вукое8ина во република, од куп прегорени овчи брбушки во држава, му се заблагодари на својот Творец со целосно бришење на неговото име и дело од површината на библиската земја. За неверојатната вселенска среќа што овој политички гигант од светски маштап ѝ стана татко основач на македонската држава, во која се еманципирани и пуштени да процутат македонската нација, јазик и култура, библискиот народ на својот Творец му се оддолжи со срамно молчење и со една полиуретанска скулптуричка обоена со златна боја за ќунци, илегално поставена од група на ентузијасти. Во пресвртната 1990, по 45 години незапаметен развој, во кој заштитени под Титовото крило добивме државност, јазик, култура, писменост, универзитети, академија, филхармонија, национален архив, музеи, индустрија, стопанство, станбен фонд и градови, и тоа по највисоките светски стандарди, првото што библискиот народ го стори е да ѝ даде мнозинство на ВМРО, фашистичката партија основана од бугарската тајна полиција во 1920 година со една единствена цел: да ја присоедини Македонија кон бугарската матица. Без око да ни трепне ѝ ја дадовме Републиката на злосторничката организација чиишто членови соработуваа со бугарскиот фашистички окупатор, и во Втората светска војна беа поразени и згазени од Тито и неговите македонски партизани. Но, како што видовме, Македонците сè уште гласаат за нив: зарем тоа не е медицински случај не само на фатален дефект на човечноста, туку и на ментално нарушување поради кое се прогласува деловна неспособност, се разбира, на национално ниво?...

Претседателот на Стопанската комора Бранко Азески денеска, по средбата со раководството на Македонија 2025, уште еднаш повика на обединување меѓу сите релевантни фактори во државата, но и на заедничко, практично делување за економски просперитет. Повторно укажа на потребата од подигнување на степенот на владеењето на правото и на пазарната економија, како и на запирање на сивата економија, но ја потенцира и важноста од подобрување на образовниот систем. Најави прецизни, јасни акции и заеднички проекти со бизнисот од дијаспората, а врвен приротет, рече, ќе биде дигитализацијата на општеството. Потребни се, рече Азески, професионализам, упорност, прифаќање на добрите искуства, регионализација и инкорпорирање во интеграциските системи. Според него, имаме доволно искуство и знаење, но грешката е во тоа што земјава цело време се потпирала на надворешни решенија. Северна Македонија, додаде, мора да биде самоуверена дека може да стане држава од европски, светски тип. – Самоувереноста, одговорноста и вербата во себе се трите волшебни збора што ѝ се потребни на државата за да успее во наредниот период. Дајте уште еднаш да се обединиме на заедничка платформа и заеднички приоритет за да направиме нешто подобро за државата. Мислам дека имаме доволно искуство и знаење, а Стопанската комора ќе го води процесот што го почна и ќе биде упорна да докаже дека тоа е можно со многу професионализам, упорност, одбивање на лошите и прифаќање на добрите нешта и регионализација, инкорпорирање во интеграциските системи кои ќе создадат за компаниите и бизнисите поголем простор за развој и за покажување на својата способност – истакна Азески, одговарајќи на новинарски прашања по работната средба со раководството на „Македонија 2025“. Пред две години, потсети тој, Комората понудила платформа која ја поддржале 314 најрелевантни субјекти. – Сега е време на имплементација и треба да издржиме на тој пат. Тоа значи дека мора да се работи итно на воведување односно инсталирање на правната држава. Таму каде што не можеме, треба да побараме поддршка од западните партнери. Треба да се работи на воспоставените пазарни принципи и секој да почне да се однесува одговорно во извршувањето на своите активности – рече Азески. Со дијаспората ќе се работи на заеднички проекти кои се од круцијално значење за државата. – Ќе се работи и со инвеститори кои можат да го поттикнат економскиот раст што е доста слаб во изминативе 30 години. На едукативен план ќе го зголемиме енормно учеството за менаџери на извршни позиции на реномираните институции во Америка како би го поттикнале домашното менаџерство да придонесе и да се вклопи во меѓународните стандарди. Тука веќе имаме искуство од Македонија 2025 кое е значајно и ќе го искористиме во натамошниот период – рече Азески. Според извршната директорка на Македонија 2025, Никица Мојсовска Блажевски, соработката со домашниот бизнис е голема. – Македонија 2025 и Стопанската комора делат многу силна јасна заедничка визија, идеологија, а тоа е да имаме посилни бизниси, да имаме подобро деловно опкружување и да создадеме атмосфера во која бизнисите ќе растат, ќе отвораат нови работни места, ќе растат платите, а со тоа и државата ќе оди напред и ќе стигнеме до она што е посакувана дестинација на секој од нас, а тоа е повисок животен стандард – рече Мојсовска Блажевски. На денешната средба во Комората е договорена конкретна соработка во делот на професионалниот развој, подобрувањето на образовниот систем, дигитализацијата и поддршката на дијаспората, односно искористување на капацитетот, знаењето, контактите, можностите за лобирање на дијаспората во насока на побрз економски развој. – Сите се согласуваме дека ставки на економски раст под 5 проценти нема да нѐ однесат до посакуваната дестинација. Значи, заедно треба сите да работиме за да постигнеме економски раст над 5 отсто и што е можно побрзо да го зголемиме животниот стандард. Така ќе привлечеме, се надевам, и наши од дијаспората да се вратат тука да живеат, да работат, да инвестираат, меѓутоа исто така и сите ние да живееме подобро и да имаме подобар квалитет на животот – подвлече Мојсовска Блажевски....

Гостиварскиот градоначалник, Арбен Таравари очекува до крајот на идната недела да се постигне договор околу идната влада. Тој на новинарско прашање на настан во Гостивар посочи дека владее позитивна атмосфера помеѓу работните групи на ВЛЕН и ВМРО-ДПМНЕ. – Се надевам дека до крајот на идната недела ќе имаме завршен договор со програма на Владата и со распределба на ресори, односно кој и каде ќе биде како министер. Ние како претседатели на партии сме имале две средби, понатаму интензивно работат работните групи, се надевам до понеделник ќе излеземе со заедничка програма, а до петок ќе имаме завршен договор меѓу ВЛЕН и ВМРО-ДПМНЕ, практично договор за нова влада, изјави Таравари. Тој испрати и порака до претседателот на Управниот суд кого јавно го посочи дека вршел притисок врз судиите при одлучувањето во предметите поврзани со изборните нерегуларности. – Јас би му испратил порака на претседателот на судот да размисли дека не е убаво да се врши притисок врз судиите. Времето кога можеа да вршат притисоци веќе помина и ќе има нова влада којашто нема да дозволува вакви притисоци врз одлуките, рече Таравари и појасни дека судот треба да донесе правична одлука....

Словачкиот премиер Роберт Фицо повторно е опериран, а неговата состојба се уште е сериозна, изјави денеска на прес-конференција словачкиот министер за одбрана Роберт Калињак. -Фицо денеска повторно беше опериран. Неговата состојба се уште е сериозна, но премиерот е свесен. Словачката влада функционира нормално, рече Калињак, пренесува ТА3. Директорката на Универзитетската болница „Рузвелт“ во Бањска Бистрица, Миријам Лапуникова, изјави дека Фицо се уште е на Одделението за интензивна нега, додавајќи дека лекарите му го извадиле мртвото ткиво на премиерот. Словачката влада денеска соопшти дека по обидот за атентат врз премиерот Фицо во медиумите се појавија многу неточни и погрешни информации, па дури и по вчерашната прес-конференција на членовите на владата и безбедносните сили. Во оваа насока, владиниот кабинет уште еднаш побара од медиумите, политичарите и јавноста да го засноваат своето мислење врз основа на официјално објавените информации и да ги проверат фактите, се наведува во соопштението на Владата. Новоизбраниот словачки претседател Петер Пелегрини претходно денеска изјави дека лекарскиот козилиум на болницата „Рузвелт“ најверојатно ќе се состане в понеделник, кога треба да одлучи за натамошната постапка и лекување на премиерот. Фицо беше тешко повреден во средата, по седницата на Владата во градот Хандлова, кога 71-годишниот писател Јурај Цинтула, од непосредна близина испука во него неколку истрели од пиштол....

Претседателот на ДИК Александар Даштевски и членовите на ДИК Радица Ристеска, Оливер Ристовски, Борис Кондарко, Бобан Стојаноски и Абдуш Демири денеска преку соопштение изразуваат загриженост за, како што велат, настаните кои во јавноста се продуцирани од изјави на политички партии и носители на високи владини функции, кои се однесуваат на работата на ДИК за постапувањето по приговорите за парламентарните избори. „Ве известуваме дека покрај тоа што сме лично понижувани и навредувани, исто така како членови во највисоката институција за организирање и спроведување на изборите, сме изложени и на неосновани и непримерени јавни политички притисоци и на закани за кривична одговорност поради донесените одлуки на ДИК“, се вели во реакцијата. Следејќи го контекстот и интензитетот на нападите, прозивките и навредите, како што наведуваат, исто така се загрижени и дека е можно да преминат и во лични напади на нашата сигурност. „Ве известуваме дека ДИК во целост професионално, транспарентно и само врз основа на закон ги спроведе изборите што е потврдено од сите домашни и меѓународни фактори. Исто така и покрај сите непријатности кои ги имаме, сепак со највисок степен на интегритет врз основа на јавна проверка на изборниот материјал ДИК ги утврди фактите и одлучуваше по приговори поднесени од различни учесници за 110 избирачки места, од кои врз основа на образложени докази усвои приговори за само 7 избирачки места за кои имаше правен основ, додека сите останати 103 избирачки места, беа одбиени како неосновани и за нив немаше поднесено тужби ниту еден учесник на изборите“, се наведува во реакцијата. Според тоа за ДИК, како што се наведува, се неприфатливи и недопуштени нападите, притисоците и мешањето на одредени политички партии и на поединци од техничката Влада во изборните процедури, како и во работата и одлучувањето на ДИК и на Управниот суд. Посочуваат дека за сето ова денеска на средбата во ДИК била известена и амбасадорката на набљудувачката мисија на ОБСЕ-ОДИХР Џилијан Стирк. Премиерот на техничката Влада Талат Џафери вчера на прес-конференција соопшти дека имало договор за надгласување во Државната изборна комисија за прифаќање на одредени приговори за изборните резултати и прегласување и оти на ваков начин се прави обид за изборен инженеринг за менување на бројките во Собранието и изигрување на волјата на граѓаните. Изборниот процес кој беше оценет како кредибилен и демократски, сега е во рацете на Управниот суд, рече Џафери и повика сите институции да постапуваат согласно закон без партиски директиви од која било страна. Управниот суд вчера одржа јавна седница по тужба на Коалицијата „Вреди“ по одлуката на ДИК за одбивање на нивниот приговор за избирачко место 0511, во Долна Бањица во Општина Гостивар на Парламентарните избори 2024 година. Постапката беше прекината, откако претставникот на Коалицијата „Вреди“ изјави дека ја повлекува тужбата во целост. До Државната изборна комисија беа поднесени вкупно 27 приговори за парламентарните избори – девет од коалицијата „Влен“, осум од ВМРО-ДПМНЕ, пет од СДСМ и четири од Левица. Прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Против одлуката на ДИК може да се поднесе тужба до Управниот суд, во рок од 24 часа од приемот на решението.Управниот суд, пак, по жалбата е должен да донесе одлука во рок од 48 часа по нејзиниот прием....

„ВМРО ДПМНЕ и албанската опозициска коалиција Вреди соопштија дека столбовите на новата Влада се засноваат врз вроинтеграциите, економскиот развој, владеењето на правото. Во однос на борбата против корупцијата, организираниот криминал и владеењето на правото нема никакви разлики меѓу ВМРО ДПМНЕ и коалицијата Вреди. Претставниците на двата блока изјавија дека ќе разговараат за поделба на министерствата, откако ќе се договорат за програмските прашања, или за најчувствителните теми, особено за интеграциите.“ – се истакнува во анализата под наслов „Уставните измени се ‘јазол’ во разговорите меѓу ВМРО ДПМНЕ и Вреди“, која ја објави Радио Слободна Европа на албански јазик. Натаму во анализата се наведува: Што се однесува до евроинтеграциите, кои се очекува да бидат меѓу главните столбови на работата на новата Влада, партиите се различни во ставовите за уставните измени, кои се услов за почеток на преговорите за членство во ЕУ. Измените треба да се направат, за да се вклучи бугарското малцинство во преамбулата на Уставот како државотворен народ, врз основа на договорот постигнат со Бугарија. ВМРО-ДПМНЕ во предизборната кампања се изјасни против измената на Уставот „според бугарски диктат“. Од коалицијата Вреди велат дека таа е „гарант оти уставните измени ќе се случат“. Партијата на Мицкоски решението на овој проблем го гледа во усвојувањето на уставните амандмани и нивното спроведување само откако земјата ќе биде блиску до членството во ЕУ, или откако ќе завршат преговорите. „Одложеното спроведување на уставните амандмани е алтернатива, која е целосно во согласност со досегашната практика на сите држави, кои пред чинот на нивното полноправно членство во ЕУ најчесто прават неопходни, или условени уставни измени.“ – се наведува во програмата на ВМРО ДПМНЕ. Коалицијата Вреди смета дека уставните измени ќе се спроведат во период од од 6 до 9 месеци, или по изборите за Европскиот парламент, како и по изборите во Бугарија, за да има стабилна влада, со која се надева дека ќе се разговара за некаков нов компромис. „Европскиот пат на * Македонија значи промена на Уставот, правење одредени уставни измени. Тешко дека ќе се смени преговарачката рамка. За ова прашање ќе разговараме уште еднаш, бидејќи во јуни има избори во Бугарија. Да видиме дали ќе има стабилна влада во Бугарија, што е многу важно за европската иднина.“ – изјави Арбен Таравари, еден од лидерите на Коалицијата Вреди. Тој очекува поддршка од Соединетите Американски Држави и Европската Унија преку нивните пратеници, за да се деблокира интеграцискиот процес и со тоа да се отвори европската перспектива на земјата. Американскиот Стејт Департмент, по заклетвата на новата претседателка Гордана Силјановска-Давкова, на 13 мај објави соопштение, во кое ги охрабрува Скопје и Софија да го продолжат меѓусебниот дијалог, како што се наведува, „во рамки на заедничките заложби за идното полноправно членство на * Македонија во ЕУ“. Порача и Европската Унија порача дека новата македонска влада мора да остане посветена на евроинтеграциите и исполнувањето на обврските, кои произлегуваат од двостраните договори....

„Што ви е поентата? Што сакате да постигнете со блокадата на Северна Македонија? Што мислите дека ќе постигнете? Да падне поддршката во ЕУ, само тоа можете да го постигнете! Ова што го правите е лудо и одвратно”. Ова денеска на Лидерскиот состанок во Тирана го порача албанскиот премиер Еди Рама до Бугарија, но и до другите земји членки на ЕУ, кои користат билатерални прашања за да го блокираат процесот на проширување. – Зошто ја блокирате Северна Македонија? За да покажете дома колку сте силни! Ова е најантиевропска политика што може да се замисли, ова е најстрашен пристап кон нашата иднина и долгорочно ова е еднакво штетно и опасно и за нив, не само за нас. Ова е лудо! Целосно лудо! Што значи ова? Дека сега за секоја земја која сака да се зачлени, може да се појави друга и да каже – а, не, прво да видиме кој беше овде прв, кога од мајмуни станавме луѓе, дали бевме ние или вие – порача Рама и продолжи: Падот на поддршката кон ЕУ е резултат токму на ова ср..е! – Национализмот ја киднапираше ЕУ и ЕУ станува жртва на националистичките пориви на земјите, една, па друга. Решението е просто – не може билатералните прашања да блокираат! А ако некоја земја сака да глуми дека некое билатерално прашање е европско, тогаш мора да има барем уште една што ќе ја поддржува. Не може 26 земји да кажат – ова е билатерално прашање, една да тврди дека е европско, и наеднаш тоа да стане европско. Наместо Бугарија да рече, добро ние имаме проблем со Северна Македонија (иако јас не им го разбирам проблемот, искрено), ама ајде да го оставиме настрана, а преговорите и трансформацијата на земјите да течат, тие блокираат. Зошто ги блокирате самите преговори? Зошто блокирате реформи? Лудо! Одвратно! – смета Рама....