Ракометните возбудувања на домашната сцена продолжуваат со завршницата на Купот на Македонија, а во финалето и борбата за првиот трофеј оваа сезона ќе играат актуелниот првак Еурофарм Пелистер и вицешампионот Алкалоид. Битолчани во оваа сезона влегоа со големи амбиции пред се за освојување на двојната круна, а сега се на чекор до првиот трофеј и од тоа ги дели само еден натпревар. Но, така секако не размислуваат во таборот на Алкалоид кои со истите мисли ќе влезат во финалниот натпревар – уште една победа до првиот трофеј во клупската историја. Е.Пелистер пак посакува и освојување на Куп пехарот по пауза од 19 години или последниот го освоија во 2005 година, кога имаа двојна круна. Финалистите сезонава одиграа еден натпревар и во салата во Автокоманда победа од 35:25 славеа ракометарите на Е.Пелистер, додека вториот дуел е на програмата во последното коло од шампионатот. Во полуфиналните дуели Е.Пелистер на периоди имаше проблеми со амбициозниот тим на Тиквеш, но сепак славеше победа со 33:29, додека Алкалоид во драматична завршница славеше минимална победа од 25:24 против ланскиот освојувач на купот Вардар со одбраната на седмерец на голманот Иван Галевски во последната секунда. Продажната цена на блок дневните влезници е 200 денари. Почетокот на натпреварот е во 19 часот, а официјални лица се Сашо Кркачев и Ѓоко Колевски (судии) и Драган Начевски и Ацо Николовски (делегати)....

Во борба за Куп пехарот кај жените попладнево ќе играат тимовите на Чаир и на Ѓорче Петров. За Ѓорче Петров ова финале ќе биде шанса да се освои 17-та титула во ова натпреварување. Натпреварот е закажан со почеток од 16:00 часот во спортската сала ,,Борис Трајковски”. Судии на дуелот се: Александар Вукашиновски и Марко Трајковски, додека делегати се: Лери Мирчевски и Љупчо Јаневски. Во првото полуфинале Ѓорче Петров за противник го имаше тимот на Куманово. Ракометарките на Ѓорче Петров максимално влегоа во натпреварот и не му оставија никакви шанси на противникот и лесно дојдоа до победа со максимални 31:14. Чаир во полуфиналето успеа да го совлада тимот на Вардар со 32:28. Чаирчанки во текот на целиот натпревар имаа предност и без проблем успеаја да стигне до финалето. За екипата на Чаир ова ќе е доплнителна мотивација бидејќи ова е нивно прво финале во Купот. За сите љубители на ракометот кои би сакале да го гледаат натпреварот во живо цена на картата е 200 денари. ИВОНА КИМОВСКА...

Олександр Усик е новиот апсолутен шампион во бокс во тепка категорија. На спектаклот во Ријад, Саудиска Арабија, настанот именуван како „Огнениот ринг“, Усик го совлада Фјури со поделена одлука на судиите. Во борбата која траеше максимални 12 рунди двајцата боксери имаа сои добри периоди на бокс. Во финишот на деветтата рунда, Усик со серија на удари и комбинација, го раздрма Фјури кој се најде во нок-даун, а судискиот гонг го спаси Британецот. Украинецот продолжи да напаѓа и доминира и во следната 10-та рунда, задавајќи низа на удари. 36-годишпниот Фјури, се обиде во последната рунда да го надомести загубеното, но беше предоцмна и го загуби шампионскиот појас во „ВБЦ“ верзијата. Популарниот „Џипски Кинг“ го претрпе приот пораз во 35-ата борби, од кои дури 24 досега ги решил предвреме со нокаут. Од другата страна, 37-годишиот Украинец, Усик, кој веќе беше шампион во четири верзии (ВБА, ИБФ, ВБО и Ринг), остана не поразен. За Усик ова 22-ра борба, а од ни 14 ги има добиено со нокаут. Фјури најави дека ќе има и ри-меч, на што Украинецот, по кратко размислување одговори – „Подготвен сум за реванш, ќе биде тоа уште една одлична борба за мене“. На спектаклот во Ријад присуствуваа огромен број на јавни светски личност меѓу нив: екс шампионите Владимир Кличко и Ивендар Холифилд, фудбалерот Кристијано Роналдо кој беше во друштво на Ентони Џошуа. Токму Џошуа се очекува да биде следниот противник на шампионот Усик. 1 од 16...

На терените на ТК Југ во Градски парк во Скопје утре стартува новото издание на Macedonian Open 2024. Според програмата ќе се играат 12 меча од првата рунда од квалификациите, каде и четири македонски тенисери ќе имаат свој настап. Димитар Грабул во првото коло од квалификациите за ривал го доби хравтскиот тенисер Лука Микрут (502.место АТП), кој е рангиран како 8 носител во квалификациите. Шендрит Деари за ривал го има Лука Павловиќ од Франција (515.место АТП – 9.носител во квалификации). Берг Бугариќ за противник го има 401-иот тенисер на АТП листата и 5.ти носител во квалификациите Жером Ким од Швајцарија, додека Амар Хусеиновиќ ќе игра против Константин Битон Козмин од Франција (484.место АТП – 6.носител во квалификации). Инаку во „главниот ждреб“ прв носител е Чун-Хсин Ценг од Тајпех, кој е рангиран на 248.то место на АТП листата, а втор носител е Ерги Киркин од Турција (251.место АТП). РАСПОРЕД НА МЕЧЕВИТЕ ПО ТЕРЕНИ – ДЕН 1: ЦЕНТРАЛЕН ТЕРЕН 1 Никола Милојевиќ (Србија) – Џералд Мелцер (Австрија) почеток 10:30 часот 2 Марсело Зорман (Бразил) – Николос Басилашвили (Грузија) 3 Жером Ким (Швајцарија) – Берк Бугариќ (Македонија) 4 Калум Путерџил (Австралија) – Рајан Сигерман (САД) – почеток не пред 15 часот ТЕРЕН БРОЈ 5: Константин Битон Козмин (Франција) – Амар Хусеиновиќ (Македонија) почеток 10:30 часот Шендрит Деари (Македонија) – Лука Павловиќ (Франција) Димитар Грабул (Македонија) – Лука Микрут (Хрватска) ТЕРЕН БРОЈ 6: Хуан Карлос Прадо Анхело (Боливија) – Сергеј Фомин (Узбекистан) почеток 10:30 часот Рајан Нибоер (Холандија) – Џорџ Голдхоф (САД) ТЕРЕН БРОЈ 8: Матеј Додиг (Хрватска) – Реј Хо (Тајпех) Александер Донски (Бугарија) – Неил Оберлејтнер (Австрија) Дан Адед (ФРанција) – Џон Никлес (Швајцарија). РАСПОРЕД НА МЕЧЕВИ НЕДЕЛА – 19.МАЈ. КВАЛИФИКАЦИИ – ЖДРЕБ ГЛАВЕН ТУРНИР – ЖДРЕБ...

Кошаркарите на Работнички славеа победа во дуелот со трт, за третата позиција во конечниот поредок сезонава во мак-баксетот. На натпреварот одиграв во СЦ „Кале“, тимот на Работнички славеше со 85-74 за водство од 1:0 во победи во серијата прв до три. Првото полувреме го доби ТФТ со 42:35, а во второто Работнички одигра подобро. Тимот од „Градски парк“ за шест минути направи 20-6), и го врати водството (55:48). „Бело-црвените“ имаа подобар почеток и на последната четвртина за четири минути направија 10-4 за водство од 75:61). Тоа с епокажа како повеќе од доволно за конеленн триумф со 85-74.. Петмина играчи на Работнички завршија со десет или повеќе поени. Рикиќ имаше дабл-дабл ефект со 17 поени и 13 скока, Ѓуроски реализираше 16, Декоузи и Ефремоски по 15, а Трајс 12 (и девет додавања). Најефикасен кај ТФТ и на натпреварот беше за Вирц со 20 поени. Во екипата на ТФТ Моцарт, поентерски се одвоија Верц, со 20.поени, додека по 13. уфрлија Ташовски и Зафиров....

Екипата на Алкалоид е новиот освојувач на трофејот во кадетската лига. Алкалоид во финалето го совлада Еурофарм Пелистер 2 со 31:22. Во првите десетина минути од натпреварот се играше нерешено и изедначено. Алкалоид со серија 4-0 успеа во 18-тата минута да поведе со 13:6. Па така тие успешно ја одржуваа оваа предност до крајот на првата половина. На полувреме Алкалоид замина со позитива од 18:9. Второто полувреме беше формалност со оглед на позитивата која ја имаше создадено Алкалоид. Домаќинот во во 38-та минута стигна и до најголемата предноста +10 (23:13), за на крајот да слави со 31:22. АЛКАЛОИД ЛЕНСО ДО ШАМПИОНСКИОТ ТРОФЕЈ Кога во прашање е распределбата на шампионските трофеи во младинскиот македонски ракомет, сезонава екипите од Автокоманда доминираат. Пред кадетите, со злато се закити и пионерската екипа на Алкалоид, а кај младинците триумфираше Мулти Есенс. Третото место го освои екипата на Струга откако го победи Бисинов со 35:33. Претходно во полуфиналето Алкалоид го совлада тимот на Струга со 26:15. Во второто полуфинале Еурофарм Пелистер 2 и Бисинов одиграа интересен и неизвесен натпревар кој беше решен во последната секунда. Пелистерци се радуваа со 27:26. ГОЛ ОД ЦЕНТАР на 3.СЕКУНДИ ПРЕД КРАЈОТ, ЗА ПОБЕДА НА Е.ПЕЛИСТЕР Ивона Кимовска...

Бранителот на шампионскиот трофеј во кошаркарското првенство на Македонија, тимот на МЗТ Скопје Аеродром, со победа ја отвори финалната серија против Пелистер. Аеродромци во првиот меч, пред својата публика во „Јане Сандански“, го совладаа Пелистер со 82-77 и поведоа со 1:0 во победи. Шампонот подобро го отвори натпреварот. Имаше МЗТ и десет поени предност, а првата четвртина ја заврши со +5 (28-23). Иста слика и во вториот период. Домаќините постојано во предност меѓу 5 и 10 поени, а со толку заминаа и на одмор (50-40). Во второто полувреме, битолчани успеаја да ја надополнат негативата. Во 26-минута по втор пат на натпреварот поведоа со 54-56. Сепак, во завршната четвртина влегоа со два поени заостанување (65-63). Во последниот период зелено-белите постојано бркаа негатива, имаа шанси и за израмнување, ни тоа не го искористија. На крајот МЗТ заслужено славеше со конечни 82-77. Четворица кошаркари кај МЗТ беа двоцифрени, а капитенот Дамјан Стојановски со 16 поени беше најефикасниот. Два помалку постигна Танасковиќ, а по 11 реализираа Војдан Стојановски и Гилон. Инаку, Војдан на почетокот на последната четвртина се пожали на повреда и до крајот не влезе во игра. Кај пелистерци двоцифрени беа: Планиниќ (19 поени и 8 скокови), а по 16 имаа Костовски и Маслинко (и 8 скокови). И вториот натпревар во серијата подобар до три победи ќе се игра во „Јане Сандански“ во среда....

Очите на светската спортска јавност, пред се љубителите на боксот, се насочени кон Ријад, Саудиска Арабија. Таму вечерва за обединување на титулите во тешка категорија ќе се борат Тајсон Фјури и Олександр Усик. Сите со нетрпение го очекуваат мечот по кој ќе го дознаеме апсолутниот шампион во тешка категорија. Но, како вовед на главната борба досега, видоа љубителите на боксот, видео спектакуларни мечеви. Дури пет завршија пред време со класични нокаути. Ова е одлична увертира на она што ќе следува вечерва, а што ќе може да го гледате ВО ЖИВО ОВДЕ....

Со одигрувањето на шесте денешни натпревар од 33.коло заврши сезоната во Првата фудбалска лига на Македонија. Екипата на Струга Трим Лум втор пат во низа го крена шампионскиот трофеј. Стружани пред своите симпатизери беа поразени со 1-2 од Шкупи. Сепак, пирова беше оваа победа за чирчани кои долго време беа во игра за трофејот, останаа и без настап на европската сцена. Таму покрај шампионот, Македонија ќе ја претставува и тетовска Шкендија. Тетовци славеа на гостувањето кај Работнички и како втори ја завршија сезоната. Првата лига ќе ја напуштат Македонија Ѓорче Петров и Брегалница, а следната сезона во ова друштво ќе бидат Беса и Пелистер. Вардар пак ќе треба да обезбеди опстанок преку баражот со радовишката екипа Детонит Плачковица. Покрај баражот за пополнување на Првата лига, во мак-фудбалот сезонава 0останува да се одигра и финалето на Купот. Во него за трофејот ќе се борат Тиквеш и охридски Воска спорт. ПРВА ЛИГА – ПОСЛЕДНО 33.КОЛОСТРУГА Т.Л. – ШКУПИ 1-2РАБОТНИЧКИ – ШКЕНДИЈА 0-2БРЕРА СТРУМИЦА – МАКЕДОНИЈА ЃП 5-3БРЕГАЛНИЦА – СИЛЕКС 1-1ВАРДАР – ТИКВЕШ 2-2ВОСКА СПОРТ – ГОСТИВАР 1-1 Standings provided by Sofascore...

Холандскиот Ф1 пилот Макс Верстапен стигна до седмата пол-позиција оваа сезона во седмата Ф1 трка што се вози во Италија на патеката Емилија Ромања. Макс беше побрз од двајцата возачи на Мекларен Пјастри и Норис за 74 односно 91 илјадити делови од секундата. Ред Бул имаше доста проблеми на тренинзите, но во квалификациите токму шампионот покажа зошто е трикратен светски првак. Верстапен со оваа победа во квалификациите се израмни со легендарниот Сена на осум пол позиции по ред во кој имаше најдобро време. Иако на тренинзите беа најдобри, сепак во квалификациите разочаа пилотит на Ферари. Леклер заврши на четвртото, а Карлос Саниц на петтото место. Шестти заврши Џорџ Разел од (Мерцедес), па следуваат Јуки Цунода (РБ), Луис Хамилтон (Мерцедес), Даниел Рикардо (РБ) и Нико Хулкенберг (Хас). Разочараа исто така Фернандо Алонсо и Серхио Перез. Тие утре ќе стартуваа од 19-то односно од 11-то место. Утре со почеток од 15 часот е трката за ГН на Емилија Ромања во Италија....

Standings provided by Sofascore...

Македонскиот кајакар, Ангелче Петрушев имаше фантастичен настап на Европското првенство на диви води, што се одржува на во Љубљана. Тој настапи во дисциплината К1 мажи, во кој имаше вкупно 60 натпреварувачи, а само 12-мина од нив се квалификуваа во финалната трка. Петрушев на крајот заврши како шесто пласирал. За младиот (20 г.) Петрушев ова е одличен успех во силната сениорска конкуренција. Инаку на шампионатот покрај Петрушев боите на Македонија ги бранеа и Кристијан Смилев кој беше 50-то односно Стефан Рибарски кој заврши на 59-тото место....

Вечерва во Ријад, Саудиска Арабија, ќе се случи долго очекуваниот боксерски спектакл. На настанот именуван како „Огнениот ринг“, ракавиците ќе ги вкрстат шампионите Тајсон Фјури и Олександр Усик. Долго очекуваниот меч за обединување на шампионските титули во тешка категорија конечно ќе се случи. Борбата требаше да одржи во февруари, но беше одложена откако Фјури заработи расекотина на лицето за време на една подготвителна (спаринг) борба, па беше принуден да го одложи мечот. 36-годишпниот Британец, Фјури, е актуелен шампон во „ВБЦ“ верзијата. Популарниот „Џипски Кинг“ досега е не поразен. Од 34-те борби дури 24 ги решил предвреме со нокаут. Од другата страна, 37-годипиот Украинец, Усик, кој е шампионот според во четири верзии (ВБА, ИБФ, ВБО и Ринг), исто така досега е не поразен. Тој зад себе има 21 борба од кои 14 ги реши со нокаут. Влогот во вечерашната борба е огромен. Победникот ќе биде апсолутен шампион во тешка категорија, односно ќе ги обедини сите титули. Тоа претходно му успеа на Ленокс Луис во пред 25 години (1999) кога го совлада Ивандер Холифилд. Спектаклот во Ријад ќе почне од 18 часот, со повеќе пред борби во останатите категории. Главниот меч меѓу Фјури и Усик според најавата е на полноќ....

Четворица македонски тенисери денеска ќе бидат дел од учесниците во извлекувањето за „костурот“ од квалификациите на „Македонија Опен 2024“. Нив ќе ги предводи искусниот Димитар Грабул актуелниот македонски првак. Утре во првото квалификациско коло ќе се појават и Шендрит Деари, ланскиот финалист од државното првенство и младите Берк Бугариќ и Амар Хусеиновиќ. Ова пред се за Хусеиновиќ треба да биде одлична можност да почувствува настап на еден турнир од повисок ранг. Во квалификациите ќе се појават вкупно 24 тенисери. По двете одиграни кола во недела и понеделник, шестмина од нив ќе изборат пласман во главниот турнир. Што се однесува до главниот турнир ќе настапат 32 тенисери во поединечна конкуренција, како и 16 двојки на турнирот во парови. Попладнево ќе биде познат костурот за квалификациите и распоредот на мечевите за првиот ден (недела 19 мај)....

МЗТ Скопје по 11-тиот, Пелистер по првиот трофеј Кулминацијата во Првата машка кошаркарска лига дојде до самиот финиш. Денеска започнува финалната серија во 32-рата сезона. За трофејот ќе се борат кошаркарите на МЗТ Скопје Аеродром и Пелистер. Ова е веќе трета сезона во низа во која овие два тима ќе играат во финалето. Изминатите две завршуваа со радост на МЗТ Скопје, за кој ова ќе биде вкупно 18-то финале. Аеродромци ќе атакуваат на својата 11-та титула, откако на претходните 11 финалиња во низа, загуби само еднаш, во 2018 година од Работнички (0:3). Пелистерци само трет пат се во завршната, финална, серија, а го бркаат првиот клупски трофеј. Сезонава две екипи одиграа четири меѓусебни дуели (2:2 во победи) Се почна со македонското дерби во АБА2 лигата, дуел кој шампионот МЗТ Скопје го доби со 91-78. Домашниот терен и не беше некоја предност кога во прашање се првенствените натпревари, но и оној во финалето на Купот на Македонија. Откако зелено-белите славеа во Битола (81-71), а потоа победија и во Скопје (72-66), во финалето на Купот загубија во Битола. Драматичниот меч кој го доби шампионот со 62-60 на МЗТ му го денес вториот трофеј сезонава, која ја полна со освојување на Супер купот. Ќе се игра во три добиени натпревари (2-2-1) Актуелниот шампион сега ќе ја има „предноста“ на домашниот терен, бидејќи првите два натпревари ќе се играта во СЦ „Јане Сандански“. Ќе следуваат два во Битола, но под услов Пелистер да победи најмалку на еден од воведните три дуели. Токму три победи се потребни за една од екипите да стигне до посакуваниот шампионски трофеј. Серијата стартува вечерва од 19.15 часот, а комплетниот распоред на сите натпревари ќе може да го видите овде, а воедно и да ГЛЕДАТЕ ВО ЖИВО сите натпревари. ИСТОРИЈА НА ФИНАЛНИТЕ СЕРИИ 1992/1993 Работнички – МЗТ Скопје 3:01993/1994: Работнички – Кочани Деликатес 3:21994/1995: Работнички – Кочани Деликатес 4:31995/1996: Работнички – МЗТ Скопје 3:01996/1997: Работнички – Жито Вардар 4:21997/1998: Работнички – МЗТ Скопје 3:21998/1999: Работнички – МЗТ Скопје 3:21999/2000: Никол Ферт – Работнички 3:22000/2001: Работнички – МЗТ Скопје 3:02001/2002: Работнички – Куманово 4:22002/2003: Работнички – Поло Трејд 3:02003/2004: Работнички – МЗТ Скопје 4:12004/2005: Работнички – Вардар 4:22005/2006: Работнички – Вардар 4:12006/2007: Струмица – Работнички 4:12007/2008: Фени Индустри – Струмица 4:32008/2009: Работнички – Фени Индустри 4:22009/2010: Фени Индустри – Вардар Осигурување 4:32010/2011: Фени Индустри – Работнички 4:12011/2012: МЗТ Скопје Аеродром – Фени Индустри 4:12012/2013: МЗТ Скопје Аеродром – Кожув 4:02013/2014: МЗТ Скопје Аеродром – Работнички 3:12014/2015: МЗТ Скопје Аеродром – Куманово 3:02015/2016: МЗТ Скопје Аеродром – Куманово 3:12016/2017: МЗТ Скопје Аеродром – Карпош Соколи 3:22017/2018: Работнички – МЗТ Скопје Аеродром 3:02018/2019: МЗТ Скопје Аеродром – Работнички 3:02019/2020: поради Ковид-199 не се одигра завршницата и немаше шампион2020/2021: МЗТ Скопје Аеродром – Еуро Никел 2005 3:02021/2022: МЗТ Скопје Аеродром – Пелистер 3:12022/2023: МЗТ Скопје Аеродром – Пелистер 3:02023/2024: МЗТ Скопје Аеродром – Пелистер ???...

Попладнево во Првата македонска фудбалска лига ќе се одиграат натпреварите од последното 33.коло во оваа сезона. Екипата на Струга Трим Лум, по втор пат ќе се радува на шампионскиот трофеј. Стружани пред своите симпатизери ќе ја имаат втората шампионска промоција. Тоа ќе се случи во дербито со екипата на Шкупи. За домаќините овој натпревар е од ревијален карактер, но за скопјани од голема важност. Имено чаирчани се на третото место на табелата со два бода помалку од второ пласираната Шкендија. Втората позиција значи излез на европската сцена, па јасно е дека чаирчани ќе сакаат да ги освојат трите бода во дуелот со шампионот. Но, покрај овој, потребен е уште еден услов тие да завршат на втората позиција. За тоа ќе мора да се погрижат фудбалерите на Работнички кои треба да ја победат победат Шкендија. На тетовци доволен им е и нерешен резултат да останат на второто место. Тоа се единствените натпревари кои имаат значење во оваа последна рунда. Останатите четири нема да сменат ништо. Така Вардар ќе игра бараж да опстанок во Првата лига, која пак ќе ја напуштат Македонија Ѓорче Петров и Брегалница. ПРВА ЛИГА ПОСЛЕДНО 33.КОЛОсабота (17 часот)СТРУГА Т.Л. – ШКУПИРАБОТНИЧКИ – ШКЕНДИЈАБРЕРА СТРУМИЦА – МАКЕДОНИЈА ЃПБРЕГАЛНИЦА – СИЛЕКСВАРДАР – ТИКВЕШВОСКА СПОРТ – ГОСТИВАР Standings provided by Sofascore...

Во исчекување за финалните дуели во Купот на Македонија во сениорска конкуренција, што ќе се играат утре, денеска, во салата „Автокоманда“, младински ракомет. Имено од 11 часот започнува програмата на „фајнал-форот“ во кадетска конкуренција, на кој четирите екипи ќе се борат за шампионскиот трофеј. Домаќинот на турнирот Алкалоид со дуелот против Струга ќе ја отворат програмата. Веднаш потоа следува дуелот меѓу велешки Бисинов Фруитленд и битолски Еурофарм Пелистер. Победниците ќе играат во големото финале за шампионскиот трофеј, а поразените за третото место. Кога во прашање е распределбата на шампионските трофеи во младинскиот македонски ракомет, сезонава екипите од Автокоманда доминираат. во пионерската конкуренција шампион е Алкалоид, а кај младинците триумфираше Мулти Есенс. Ќе остане ли и трофејот во кадетска конкуренција во Автокоманда, може да ги следите во живо, низ натпреварите што може да ги гледате овде (подолу во објавата). КАДЕТСКА МАШКА ЛИГА – (18. мај САБОТА)ПОЛУФИНАЛЕ11:00 часот РК СТРУГА – РК АЛКАЛОИД13:30 часот РК БИСИНОВ ФРУИТ ЛЕНД – РК ЕУРОФАРМ ПЕЛИСТЕР 2 за 3-то МЕСТО17:00 часотФИНАЛЕ19:30 часот...

Кошаркарите на Индијана се изборија за решавачки седми натпревар против Њујорк во полуфиналето на Источната конференција од НБА плејофот. Ова откако ноќеска „Пејсерси“ пред своите симпатизери во Индијанаполис, го надигра Њујорк со 116-103. Со овој триумф Индијана го израмни резултатот на 3:2 во победи, па „мајсторката“ че решава за место во финалето. По израмнетата прва четвртина, во која за нијанса подобри беа гостите 29-30, во втората домашниот тим стигна до двоцифрена предност 61-51. Во вториот дел денешниот тим само ја зголемуваше разликата. Имаа „Персерси“ и 23 поени предност за на крајот да слават со 13. Иако Џејлен Брансон со 31 поен беше најефикасниот на натпреварот, тоа не ми помогна на Њујорк за избегне пораз. Паскал Сиакам беше прво име во победничката екипа со 25 поени и седум сокови. Кој ќе биде противникот на Бостон во финалето на истокот, ќе дознаеме во недела (22 часот), по дуелот што ќе се игра во Њујорк....

Во првиот натпревар од претпоследното, 37.коло во Серија А, Фиорентина Наполи одиграа без побендик 2:2. Брилијантно започна за Наполи, кој поведе во осмата минута од натпреварот. Политано изведе корнер од левата страна, а во шеснаесетникот на домашните Рахмани со прецизен удар со глава го совлада погоди за 0:1 . Во самиот финиш на првиот дел Фиорентина направи целосен пресврт. Се играше 40.минута кога со феноменалниот гол од слободен удар Бираги израмни на 1:1. Само што го прославија овој еврогол, домашните постигнаа уште еден. Конфузијата во одбранбената линија на гостите ја искористи Нзола за 2:1 за виолетовите. Во вториот дел, односно 57.минута Кварацкелија на мајсторски начин израмни на 2:2. Крајот на мечот го одбележа и спорна ситуација во гостинскиот шеснаесетник, кога најпрво беше досуден пенал за Фиорентина при соборувањето на Белоти. Но по интервенцијата на ВАР просторијата и прегледаните снимки, судијата Маркети го поништи таа одлука. Со „ремито“ Фиорентина остана на осмата позиција, која води во Конференциската лига. Наполи остана деветти со два бода помалку и натпревар повеќе, па речиси сигурно е дека „Наполитанците“ нема да играат во европските натпреварувања....

Машката одбојкарска репрезентација на Македонија, со пораз го почна настапот во Европската Златна лига. Во воведниот меч од првиот турнир чии средби се играат во Струмица, Македонија беше поразена во четири сета од Естонија со 1:3. Во раната фаза од првиот сет Естонците создадоа шест поени предност (7-13). Црвено-жолтите не се предадоа и во финишот стигнаа до израмнување 23-23. Сепак немаа сили за комплетен пресврт, па противникот го доби сетот со 23-25. Во вториот сосема поинаква слика. Македонските одбојкари одиграа на посакуваното ниво. Беа подобро во секој сегмент на играта. Оттаму дојде у убедливиот резултат 25-14 за израмнување на 1:1 во сетови. Третиот сет налик на првиот. Естонците беа оние кои го диктираа темпото, за да го добијат сетот со 19-25 за водство од 1:2. Голема битка се водеше за секој поен во третиот сет. Имавме ние предност од три поени 10-7. Водеа нашите одбојкари до 16-15, по што гостите со серија се одлепија на 16-19. Возвратија црвено-жолтите за ново водство со 20-19. Но, немаа доволно сили напите одбојкари да го приведат сетот во своја полза. Им припадна тој на противникот со 25-23 за конечни 3:1 во сетови за Естонците. Утре ќе се игра вториот меч на овој турнир, а во него Естонија за противник ја има Чешка. Токму Чесите ќе бидат следниот противник на Македонија во недела од 20.15 часот. 1 од 14...

Ракометарите на Алкалоид се изборија за првото куп финале откако во второто полуфинале одиграно вечерва го совладаа ланскиот победник на Купот на Македонија Вардар со 25:24. Почетокот на дуелот беше во знак на Вардар кој имаше минимална предност. Кон средина на првиот дел Алкалоид успеа да израмни и на полувреме имаше предност. Во вториот дел избраниците на Кирил Лазаров постојано имаа водство, а во неколку наврати и од три разлика. Сепак во неизвесна завршница најпрво голманот на Алкалоид Галевски имаше две врзани одбрани, а потоа одбрани и Томовски. Во последната минута нападот на Алкалоид траеше долго и пасивно, а Томовски одбрани уште еднаш при водство на Алкалоид од 25:24. Вардар имаше 16 секунди за изедначување во напад 7 на 6. Косуоке избори удар од 7 метри. Галевски го одбрани седмерецот на Срдановиќ за победа на Алкалоид 25:24. Во неделното финале Алкалоид ќе игра против Еурофарм Пелистер со почеток од 19 часот....

На 74-тиот Конгрес на Светската фудбалска организација (ФИФА), беше донесена одлука Светското првенство за жени во 2027 година да се одржи во Бразил. Изборот на домаќин на Светското првенство за жени беше најважната точка на дневниот ред на Конгресот на ФИФА што се одржа во Бангкок. Земјите членки на ФИФА одлучија домаќинот да му го доделат на Бразил, кој со 119 гласа победи пред кандидатурата на Белгија, Германија и Холандија кои добија поддршка од 78 земји. Десеттото издание на женското светско првенство за првпат ќе се одржи во Јужна Америка, а титулата светски првак ќе ја брани репрезентацијата на Шпанија. Конгресот го усвои и годишниот извештај за 2023 година, предлог-буџетот за 2025 година и измените на Статутот на ФИФА. „ФИФА го финансира фудбалот ширум светот. Приходите што ги генерираме не одат за одреден број клубови, туку одат во сите 211 земји членки. Нашата мисија е да го развиваме фудбалот ширум светот, бидејќи 70 отсто од земјите членки не би имале доволен приход без придонес на ФИФА“, истакна претседателот на ФИФА, Џани Инфантино. Делегацијата на ФФМ, ја предводеше претседателот Муамед Сејдини, потпретседателот Лазар Ракиџиев и генералниот секретар Наталија Божиновска Илиевска....

Екипите на Ѓорче Петров и Чаир ќе се борат за трофејот во ракометниот Куп на Македонија во женска конкуренција. Ова е исходот по денешниот втор полуфинален меч во кој Чаир го победи Вардар. На завршницата што се игра во СЦ „Борис Трајковски“ во Скопје, ракометарките на Чаир ги поразија ланските финалистки вардарки со 32-28. Првите десетина минути минаа рамноправно, па затоа и резултатот беше израмнет 5-5. Следуваа минути на подобра игра на Чаир кој направо низа од пет гола и поведе до 10-5. Пред крајот на полувремето вардарки успеаја да стигнат до израмнување (13-13), но на одмор имаа гол негатива (13-14). Во вториот дел, екипата на Чаир постојано ја одржуваше предноста, која повторно во финишот дојде до пет гола. Вардарки немаа сини ниту време за нов „кам-бек“ па Чаир славеше со конечни 32-28. Љеонора Рахмани со 8 голови беше најефикасната ракометарка во победничката екипа за која Амела Џакмиќ постигна шест. Во редовите на Вардар прв стрелец беше Симона Василева со 7 гола, а еден помалку постигна Борјана Коцева. Така Чаир во недела од 16 часот во женското финале на пехарот во Купот ќе се бори со Ѓорче Петров. Потсетување дека актуелниот шампион, вчера во првото полуфинале го совлада минатогодишниот победник во купот, тимот на Куманово. Прв финалист кај мажите е Еурофарм Пелистер кој беше подобар од Тиквеш вчеравечер. Кој ќе биде противник на битолчани во неделното финале ќе дознаеме вечерва. За место во финалето (од 19.30 часот) ќе се борат бранителот на трофејот Вардар и актуелниот вицепрвак Алкалоид....

Ракометарките на Чаир по една година повторно се пласираше на завршниот турнир од Купот на Македонија. Вечерва чаирчанки ќе се игра полуфиналето против Вардар и Чаир. Бојана Диневска заменик капитенот на тимот на Чаир тврди дека со сплотеност и упорност шансите се големи, дури и за освојување на трофејот. ,,Купот е предизвик за секој тим, во купот учествуваат најдобрите клубови, во кои кои играат докажани ракометни играчи, повеќето од нив и мои тимски соиграчки долги години и само мотивацијата и упорноста го носат лидерот на тронот. Моите очекувања се доколку сме сплотени и мотивирани ќе го имаме пехарот во наши раце”, изјави Диневска. Чаир иако има неколку повредени играчи во тимот ќе го даде својот максимум за пласман во финалето. ,,Вардар како клуб е составен од борбени млади ракометарки со голем ентузијазам за победа. Во мојот клуб Чаир има голема амбиција која е поткована на долгогодишно искуство на моите соиграчки и моите тренери. Секако ова е предност, но во ракометот никогаш нема правила, топката е тркалезна и понекогаш има и други околности кои влијаат на добрата или лошата игра. Ова особено што во втората сезона имаме повредени ракометарки, квалитетни и клучни во играта, кои се сеуште надвор од тренинзите”, посочи Диневска. Желбата е огромна но, поддршката од публиката ќе има голема улога на овој натпревар. ,,Желбата да се освои купот е кај нас огромна, но и кај нашите противнички клубови. Секако ни треба огромната поддршка од нашите фанови и сите обожаватели на ракометот, да ја дадат поддршката и воедно ги поканувам во за полуфиналето да бидат дел од оваа убава манифестација која се случува во градот Скопје”, повика Бојана. Дуелот меѓу Вардар и Чаир ќе почне од 17.30 часот, а победникот во финалето в недела за противник ќе го има Ѓорче Петров кој во полуфиналето го победи Куманово. Ивона Кимовска...

Ракометарките на Вардар во дуелот против Чаир бркаат ново финале во Купот на Македонија. Екипата на Вардар минатата година успеа да се пласираат во финалето по што завршија на второто место. Двете екипи се квалитетни и се очекува да одиграат интересен натпревар до борба до последната минута. Коцева смета дека Чаир е сериозен противник но, со добра игра имаат шанса за финале. Бојана Коцева е една од клучните играчи во тимот на Вардар. Како долгогодишен член на тимот, таа знае како да се бори на теренот и да победува. ,,Многу сме среќни што се пласиравме и оваа година на Ф-4 на Куп на Македонија. Прва пречка ни е екипата на Чаир, која е сериозен противник, но со добра игра имаме шанси за финале, се надеваме на успех. Ги поканувам сите љубители на ракометот да дојдат и да дадат поддршка на двете екипи и во добра атмосфера да започне овогодинешниот Куп на Македонија”, изјави Коцева. Полуфиналето меѓу екипите на Чаир и Вардар е закажан со почеток од 17:00 часот во ,,Борис Трајковски”. Првиот финалист е веќе познат откако Ѓорче го победи Куманово со 31:14. Ивона Кимовска...

Втор ден натпревари на завршниот турнир во ракометниот Куп на Македонија, што се подржува во СЦ „Борис Трајковски“ во Скопје. И денеска на програмата се по еден полуфинален натпревар во двете конкуренции (жени и мажи). Вчера своите полуфинални обврски си ги завршија актуелните шампиони Ѓорче Петров и Еурофарм Пелистер со победи над Куманово и Тиквеш. Кои ќе бидат нивните противници во финалето закажано за во недела ќе дознаеме денеска. 17:00 ЖРК ВАРДАР – ЖРК ЧАИР Во првиот натпревар од денешната програма ќе играат ракометарките на Вардар и Чаир.Вардарки бркаат ново финале. Ќе се обидат како и лани во Охрид, да изборат натпревар во кој ќе атакуваат на седмиот куп трофеј. Од друга страна, за екипата на Чаир ова е „кам-бек“ на завршниот турнир, откако минатата година не настапи во Охрид. Полуфиналниот дуел меѓу ракометарките на Вардар и Чаир ќе почне во терминот од 17 часот. 19.30 ВАРДАР – АЛКАЛОИД Ракометарите на Алкалоид ќе го предизвикаат бранителот на трофејот Вардар. И минатата година во Охрид, овие две екипи играа во полуфиналето, кое го доби Вардар 31:22, а потоа црвено-црните стигнаа и до трофејот. Вардарци се најуспешните во ова натпреварување, со 16 освоени Куп трофеи. Алкалоид пак кој е актуелен вицепрвак, ќе се обиде за прв пат во кратката клупска историја, да стигне до финалето. Почетокот на натпреварот меѓу е закажан од 19.30 часот, Сите натпревари во годинашното 31-во издание на ракометниот Куп на Македонија, ќе можете да ги гледате овде. РАКОМЕТ | КУП НА МАКЕДОНИЈА 2024 ▶🔴 ГЛЕДАЈ ВО ЖИВО...

Машка одбојкарска репрезентација на Македонија, вечерва го почнува новиот настап во Европската Златна лига. Со изменет и подмладен состав, како и нов селектор, Македонија втор пат ќе биде ден од ова натпреварување. Целта на настапот во Златната лига е репрезентацијата да се подготвува за августовските квалификации за Европскиот шампионат. Преку нив, одбојкарите сакаат да го продолжат континуитетот на настапи на континенталните натпреварувања. Во Златната лига, Македонија ќе одигра четири натпревари, по два на трите предвидени турнири. Првиот се игра во Струмица. „Ние ќе дадеме максимум и тоа е најважно за нас. Естонците и Чесите ги променија составите, но и ние сме подмладени, така што ќе играме барем за една победа. Овој турнир ќе биде на наш терен и се надевам дека со помош на струмичката публика ќе успееме да направиме добар резултат во двата натпревара. Многу ќе ни значи навивачите да ја наполнат салата и да бидат наш седми играч“, изјави селекторот Хари Наковски. Вечерва од 20.15 часот Македонија ќе го почне мечот против Естонија, а во недела против Чешка, во истиот термин, ќе го одигра вториот натпревар ЗЛАТНА ЛИГА – ОДБОЈКА (МАЖИ)...

НБА шампионот Денвер претрпе дебакл на гостувањето кај Минесота. Во шестиот натпревар од полуфиналето на западната конференција Минесота славеше со дури 45 поени разлика 115:70. Тимбервулфс изданија на 3:3 во победи, па мајсторка ќе решава за место во финалето. Најдобриот играл на шампионот, Никола Јокиќ не го криеше разочарувањето. Јокиќ на прес-конференцијата изјави дека тоа е голем удар за Денвер. „Мораме да разбереме дека ова е голем пораз. Не уништија. На почетокот поведовме со 9-2. Тие не изгледа добро во тој момент. Но, оттогаш имаше само еден тим на теренот ќе го сфатам ова како голем пораз. Не разнесоа. Беа подобри од нас во секој сегмент од играта“, изјави Јокиќ. Јокиќ натпреварот го заврши со 22 поени и девет скока, само две асистенции, но Џамал Мареј постигна само 10. Кај победникот, повторно прво име беше Ентони Едвардс кој постигна 27 поени. Решавачкиот седми натпревар ќе се игра во Денвер во недела од 22 часот....

Ракометарите на Еурофарм Пелистер се првите што обезбедија пласман во финалето на Купот на Македонија. Во празната арената „Борис Трајковски“ во Скопје, битолчани го победија Тиквеш со 33-29 и в неделна ќе се борат за трофејот. Иако беше најавувано присуство на двете навивачки групи од Битола и Кавадарци, сепак од тоа ништо. Глетката во арената беше жална, па ова куп полуфинале се одигра пред без малку празни трибини. Што се однесува до натпреварот. Пелистерци ја потврдија фаворитската улога и во ниту еден момент не му дозволија на противникот да има предност. Најголемата предност која ја имаше шампионот во првото полувреме изнесуваше три голови во неколку наврати. Така беше и на истекот на 30-тата минута (16-13). Со двата врзани гола на стартот на вториот дел Пелистер ги имаше најголемите +5 (18-13). Но, кавадарчани не се предадоа и успеаја да стигнат до израмнување 20-20, па дури препуштија напад и за водство, Тоа како да го разбуди шампионот, па Пелистер повторно ја презеде контролата на играта и резултатот. Немаа сили ракометарите на Тиквеш за нов „кам-бек“ па Пелистер славеше со 33-29. Богдан Радивојевиќ со 10 гола беше прв стрелец во победничката екипа, за која Филип Кузмановски постигна пет. На спротивната страна, Страхиња Симиќ и Срџан Мијатовиќ постигнаа по пет гола за Тиквеш. Еурофарм Пелистер в недела ќе игра ново финале, а кој ќе биде противникот ќе дознае утре. Во вториот полуфинален меч (19 часот) ќе играат бранителот на трофејот Вардар и актуелниот вицепрвак Алкалоид. Претходно, (17 часот) на програмата е второто женско полуфинале. Победникот од дуелот меѓу Вардар и Чаир ќе го даде противникот на Ѓорче Петров во финалето. „Лавиците“ во полуфиналната рунда го совладаа бранителот на Купот од лани, тимот на Куманово....

Актуелниот шампион на Ѓорче Петров очекувано е првиот финалист во женска конкуренција, во Купот на Македонија. Во првиот полуфинален дуел на завршниот турнир што се игра во СЦ „Борис Трајковски“ во Скопје, „Лавиците“ од Ѓорче во полуфиналето го надиграа бранителот на трофејот од минатата година Куманово и обезбедија финале. Кумановки беа рамноправни само во воведните десетина минути, кога имаа само гол негатива. Шампионките со серија од четири гола се одлепија и поведоа со 8-4, а на одмор заминаа со +6 (11-5). Вториот дел мина во апсолутна доминација на Ѓорче Петров тим кој на крајот славеше со убедливи 31-14 Пет ракометарки во победничката екипа постигнаа по четири голови, а еден повеќе од нив имаше Сузана Зечевиќ за Куманово, која беше најефикасна на натпреварот. Ѓорче Петров обезбеди ново финале во кое ќе атакуваат на 17-тата титула. Кој ќе биде нивни противник во финалето закажано за во недела (16 часот) ќе дознаеме утре. Имено за утре е закажан вториот полуфинален меч кај дамите во кој од 17 часот ќе играат Вардар и Чаир. А, од 19.30 часот почна првото полуфинале во машка конкуренција. Во него играат актуелниот шампион Еурофарм Пелистер и кавадаречки Тиквеш. Утре во истиот термин, ќе се игра второто полуфинале, Во него бранителот на трофејот и рекордер во ова натпреварување Вардар за противник ќе го има Алкалоид. Машкото финале на програмата е во недела од 19 часот....

Најдобрите ракометни македонски судии Славе Николов и Ѓорѓи Начевски добија уште едно големо признание. Денеска Европската ракометна федерација објави дека, Македонците ќе ја делат правдата во финалето на Лигата на шампионите. Николов на својот Фејсбук профил напиша „КОНЕЧНО“… Тој алудира дека, ЕХФ конечно се реши токму нив да ги делегира за мечот што ќе решава за шампионскиот трофеј во елитното натпреварување. Тие зад себе имаат бројни финалиња, на Светските и Европски првенства, но и Олимписки игри, а летово повторно ќе бидат дел од арбитрите на Олимпијадата во Париз. „Фајнал-форот“ во машката ракометна Лига на шампиони традиционално се игра во „Ланксес Арената“ во Келн. Натпреварите на програмата се на 8 и 9 јуни....

Македонската машка одбојкарска репрезентација, со нетрпение го очекуваат стартот на новото издание на Европската Златна лига. Тие ги прават последните подготовки пред стартот на првиот турнир, чии натпревари ќе се играат во салата „Парк“ во Струмица. Капитенот Никола Ѓорѓиев вели дека тимот е подготвен да дадат 200% од своите можности и дека ќе се борат за секоја топка. Дали тоа ќе биде доволно за победи, Ѓорѓиев не може да вети. Атмосфера е одлична, со нетрпение го очекуваме натпреварот во петок. Тренираме добро, фала му на Бога малите повреди кои што ни се случија се зад нас. Нашиот медицински став одлично работи на тоа. Ние постарите повторно ќе треба да повлечеме малку повеќе, се надевам дека сите заедно ќе успееме да направиме еден добар викенд овде во Струмица Ќе дадеме 200% од нашите можности, ќе изгинеме на теренот за секоја топка, ќе се бориме максимум. Не можам да ветам победа, но можам да ветам дека ќе го дадеме максимум од себе, ќе изгинеме за оваа публика за Македонија, бидејќи таа е нашето лице на секој натпревар. Ова е нов почеток, некои нови момци, некоја нова енергија, а амбиции остануваат Европско првенство во 2026 и сето ова е со цел токму за тоа“, изјави капитенот Ѓорѓиев. Турнирот стартува утре со дуелот меѓу Македонија и Естонија со почеток од 20.15 часот. Во сабота ќе играат Естонија и Чешка, а в недела на програмата е дуелот Македонија – Чешка. ЗЛАТНА ЛИГА – ОДБОЈКА (МАЖИ) КОМПЛЕТЕН РАСПОРЕД НА НАТПРЕВАРИТЕ ВО ЕВРОПСКАТА ЗЛАТНА ЛИГА...

Екипите на Атлетико Мадрид и Атлетик Билбао ди ги потврдија местата во Лига на шампиони и Лига Европа. Атлетико Мадрид со триумф над Гетафе од 3:0 го зазема последното 4.то место и ги испрати Атлетик Билбао во Лига Европа. Баскијците пак загубија од Селта де Виго со 2:1. Атлетико Мадрид натпреварот го реши во првото полувреме. Гризман со головите во 27.та и 42.та ги испрати на полувреме со 2:0. Гризман го комплетираше својот хет-трик со гол за 3:0 во 51.та минута. Атлетик Билбао пак загуби од Селта де Виго со 2:1. Атлетик Билбао прв поведе во 23.та минута Алекс Беренгуер. Селта де Виго направи пресврт во вториот дел со головите во 68.та и 71.та минута со головите на Вилиот Сведберг и Уго Алварез. Атлетико Мадрид со 73 бода на 36 кола завери Лига на Шампиони. Атлетик Билбао со 62 бода завери Лига Европа и 5.то место. Гетафе се наоѓа на 10.та позиција, а Селта Виго се искачи на 15.та позиција....

Од денеска до недела во Скопје ќе се игра завршниот турнир во ракометниот Куп на Македонија во двете конкуренции. Осум екипи, во СЦ „Борис Трајковски“, ќе се борат за трофејот во ова натпреварување. Новитет годинава е што во еден ден ќе се игра по еден полуфинален натпревар кај дамите и кај мажите. На овој новитет, реагираше шампионот Еурофарм Пелистер. По предлог на Вардар, кој го прифати и Алкалоид, РФМ речи да го промени редоследот на натпреварите. Така денеска покрај дуелот во женското полуфинале, на терен ќе излезат и ракометарите на Еурофарм Пелистер и Тиквеш. 17:00 КУМАНОВО – ЃОРЧЕ ПЕТРОВ Во првиот меч обранителките на трофејот од минатата година, ЖРК Куманово ќе игра против старо-новиот шампион Ѓорче Петров. На кумановки ќе им биде исклучително тешко да се изборат за ново финале во кое евентуално би атакувале на четвртиот куп трофеј. „Лавиците“ од Ѓорче, важат за апсолутни фаворитки, не само во полуфиналето, туку и за освојување на трофејот. Тие лани беа елиминирани во полуфиналето од Вардар, па годинава сакаат сезоната да ја заокружат со двојна круна. Ѓорчепетровки досега го имаат освојувано Купот вкупно 16 пати. Разбирливо сметајќи го и периодот кога клубот го носеше името Кометал Ѓорче Петров. (Видео): Драмата во Охрид за ЖРК Куманово, гол за победа на 8 секунди до крајот Ракометарите на Вардар го одбранија Куп трофејот – вкупно 16.ти во 30.то финале 19:30 ТИКВЕШ – ЕУРОФАРМ ПЕЛИСТЕР Во првото машко полуфинале, денеска ќе играат шампионот Еурофарм Пелистер и Тиквеш. Актуелниот првак Е. Пелистер кој е блиску до освојување на шампионската титула, посакува двојна круна. Но битолчани одамна се немаат израдувани на Куп трофејот. Последен пат зелено-белите Куп пехарот го одвоија пред девет години (2005-та). Пелистерци лани беа поразени од Вардар во финалниот натпревар. Од друга страна кавадарчани „сонуваат“ за првиот трофеј и јасно е дека ќе дадат се од себе за да дојдат барем до шанса за тоа, односно да се пласираат во финалето. За утре (петок) во истите термини 17.00 и 19.30 часот закажани се останатите два полуфинални натпревари.Во нив ќе играат Вардар – Чаир (жени) и Вардар – Алкалоид (мажи), а дуелите за трофејот (финале) ќе се играат во недела. Сите натпревари во годинашното 31-во издание на ракометниот Куп на Македонија, ќе можете да ги гледате овде. РАКОМЕТ | КУП НА МАКЕДОНИЈА 2024 ▶🔴 ГЛЕДАЈ ВО ЖИВО...

Најдобриот тим во регуларниот дел на сезоната на истокот во НБА лигата, Бостон е првиот што обезбеди конфенциско финале. Селтик го доби петтиот натпревар против Кливленд со 113-98 и со 4:1 во победи да затвори полуфиналната серија. Во најголемиот дел од првото полувреме натпреварот во „ТД Грден“ беше израмнет. Во вториот дел, домаќините полека ја зголемуваа предноста. Селтикс беа шутерски расположени и реализитрраа 19 тројки, на кои гостите немаа одговор. Ветеранот Ал Хорфорд погоди 6 тројки и натпреварот го заврши со 22 поени на кои додаде и 15 скокови. Двоен ефект имаше и Џејсон Тејтјум со 25 поени и 10 скокови. Така бадијала беа 33-те поени на Бобли и 25-те на Маркис Морис, кога Кавс го загубија натпреварат и серијата. Бостон сега го чека исходот од дуелот меѓу Њујорк и Индијана во кој Никс имаат предност од 3:2 во победи. Првата шанса за финале Њујорк ќе ја има во сабота (01.00 часот) пред својата публика во „Медисон Сквер Гарден“....

Кошаркарите на Далас славеа победа на гостувањето кај Оклахома Сити со што го израмнија резултатот на 2:2 во победи. Во четвртиот натпревар од полуфиналето на Западната конференција „Маверикс“ славеа кај “Тандерс“ со 104-92. Лука Дончиќ повторно беше во свој елемент. Словенецот го заврши натпреварот со трипл-дабл, подигнувајќи 31 поен, на кои додаде 11 асистенции и 10 скокови. Голема поддршка сега имаше од Дерик Џонс кој реализира 19 поени, додека Кајри Ирвинг овојпат беше по скромен со 12 поени. На спротивната страна, Шаи Џилгеус Александер постигна 30 поени, а имаше у осум успешни додавања, во поразениот тим. Следниот, петти натпревар ќе се игра во Далас во недела во 2.30 часот по полноќ....

Екипата на Јувентус е освојувач на трофејот во Купот на Италија. Во своето 22-ро финале, Јувентус славеше над Аталанта со 1:0 На натпреварот одигран на „Олимпико“ во Рим, единствениот гол го постигна Душан Влаховиќ уште во четвртата минута. Србинот го искористи одличното додавање на Камбиасо и лошата офсајд стапица на противникот, па рутински го совлада Карнесеки за 1-0. Се обидуваше тимот од Бергамно да стигне до израмнување, напаѓаше Аталанта, но сето тоа беше без завршница. Во 72.минута Влаховиќ повторно ја затресе мрежата на Аталанта, но поради офсајд голот не беше признат. И среќата им го сврте грбот на фудбалерите на Аталанта. Во 80-тата минута, ударот на Лукман заврши во стативата од голот на Јувентус. На спротивната страна во 84-тата Фабио Мирети ја затресе гредата. Јувентус е најтрофејниот тим во „Копа Италија“, а ова е 15-тата титула за популарната „стара дама“. Аталанта која го играше шесто финале, трето во последните четири години, остана на единствениот трофеј освоен во далечната 1963 година. На Аталанта и останува уште една шанса за трофеј сезонава и тоа во Лигата на Европа во која во финалето ќе игра со германскиот шампион, несовладливиот Баер Леверкузен....

Екипата на Челзи го совлада Брајтон на гостински терен со 2:1 и е на чекор до пласман во Конференциската лига следната сезона. Избраниците на Маурицио Покетино имаат и прилика за Лига Европа. За тоа да се случи Тотенхем мора да загуби од испаднатиот Шефилд Јунајтед, а Челзи да го победи Борнмут. Кол Палмер го отвори натпреварот завршувајќи ја прекрасната акција на Челзи во 34-тата минута и со својот 22 погодок во Премиер лигата оваа сезона му донесе водство на својот тим од 1:0. На 2:0 зголеми нововлезениот Кристофер Нкунку, а црвениот картон на Рис Џејмс во 88-та минута го направи натпреварот поинтересен. Имено, Дани Велбек во во 8-та минута од судиското надополнување намали на 2:1 за неизвесен финиш. Но, одличната одбрана на гостите им донесе нови три бода. Манчестер Јунајтед на својот „Олд Трафорд“ го совлада Њукасл со 3:2. Стрелци на головите за домаќините беа Коби Маино, Амад Диало и Расмус Хојлунд. За гостите головите ги постигнаа Ентони Гордон и Луис Хол. „Црвените ѓаволи“ и покрај победата немаат математички шанси за пласман во Европа следната година, додека Њукасл сеуште е во игра. По ова коло, Челзи е на 6-тата позиција со 60 бодови, 3 помалку од Јунајтед и Њукасл, но поради подобра гол разлика само екипата на Еди Хоу има шанси за пласман....

Екипата на Црвена Звезда ја дели една победа до одвојување на шампионската титула во кошаркарската АБА лига. Црвено-белите по втор пат го совладаа лутиот ривал Партизан во финалето на плејофот. Црвена Звезда славеше со 80-73 и поведе со 2:0 во победи во серијата подобар до три. Уште еден интересен и неизвесен натпревар одиграа овие две екипи. Во првото полувреме двата тима добија по една четвртина, со кош разлика, па на паузата се замина со израмнети 38-38. Кон средината на третиот период црвено-белите дојдоа до девет поени предност, но Партизан намали на -4 на крајот на периодот (61-57). Се што стори Партизан е да дојде до поен негатива, но не и да го сврти резултатот во своја полза. Немаа сили, црно-белите за такво нешто, но и противникот со својата одбрана не им даде шанса за тоа. Немања Недовиќ беше прво име на натпреварот постигнувајќи 21 поен. Покрај него единствени двоцифренни во победничката екипа беа Боломбој и Лазиќ со по 10 поени. Првата шанса за освојување на шампионскиот трофеј, Црвена Звезда ќе ја има во недела (20.30 часот) за кога е закажан третиот натпревар. Доколку црвено-белите го сторат тоа ќе стигнат до седмата шампионска титула и ќе се израмнат со Партизан кој засега е лидер на вечната листа....

Кошаркарите на Пелистер повторно ќе играат во финалето на шампионатот на Македонија. Пелистерци пред својата публика го совладаа Работнички со 88-80 и со 3:1 во победи ја добија полуфиналната серија во плејофот. Домаќините одлично го отворија натпреварот и веќе во четвртата минута имаа девет поени предност 15-6. Во деветтата минута за прв пат зелено-белите имаа двоцифрена предност 29-18. Првиот период го добија пелистерци со 22-20. Така беше и во втората четвртина, која во 19.минута Пелистер имаше +13 (48-35), а на одмор замина со 11 поени предност 48-37. По пет минути игра, во второто полувреме, со серијата тројки, домаќините дојдоа и до +17 (64-47). Сепак брзо ја стопија гостите таа предност и на стартот на последната четвртина дојдоа до -4 (66-62). Но, тоа беше се што сторија црвените од „Градски парк“. Пелистер не им дозволи гостите од Скопје, да направат комплетен пресврт и да заминат со победа и да се изборат за „мајсторка“. Битолчани знаеја како да ја сочуваат предноста и на крајот да слават со конечни 88-80. Јуре Планиниќ со двоен ефект со 21 поени 12 скокови, заедно со македонскиот репрезентативец Андреј Маслинко кој постигна 20 поени, беа првите стрелци во победничката екипа. Кај гостите Американецот, Декоси и Хрватот, Рикиќ постигнаа по 18 поени. Така повторно, како и изминатите две сезони, ќе гледаме финале на две исти екипи. Пелистер ќе го предизвика шампионот МЗТ Скопје Аеродром кој со чисти 3:0 го совлада ТФТ....

Кошаркарките на Баскет Кам се радуваа на победа против Вардар во првиот финален меч од плејофот, на Првата женска сениорска лига. Пред своите симпатизери во Македонска Каменица, актуелните шампионки славеа со 65:59. Клучна беше првата четвртина во која избраничките на Жаклина Стојановска направија предност од девет поени. Тоа се покажа решавачки момент бидејќи скопјанки постојано ја бркаа негативата. По два периоди добија двата тима, а на првото полувреме домашната екипа замина со предност со 38:30. Во вториот дел вардарки постојано го напаѓаа тоа водство, не не успеаја да направат и резултатски пресврт. Баскет Кам на крајот заслужено славеше со шест разлика 65:59. Во победничката екипа најефикасна беше Зубац со 20 поени, додека Димова постигна два помалку (18), а Кметовска додаде 15 поени. Во гостинската екипа, Димитријевиќ и Матие имаа по 14, а најискусната на теренот Славица Наков постигна 13 поени. Вториот натпревар од финалната серија ќе се игра викендов, повторно во салата „Кирил и Методиј“ во Македонска Каменица. Шампионската титула ќе ја освои екипата која прва ќе стигне до три победи....

Смо два дена остануваа до стартот на натпреварите од одбојкарската Европска Златна лига. Македонската машка селекција, која минатото лето не израдува со одличниот настап на Европскиот шампионат, по втор пат ќе настапува во Златната лига. Натпреварите во ова натпреварување, ќе бидат своевидно загревање за главното што претстои летово. Тоа ќе бидат мечевите во квалификациите за Европското првенство, преку кои македонските одбојкари ќе се обидат да го продолжат континуитетот на настапи. Првиот турнир од Европската златна лига е во Струмица од петок до недела (17-19 мај), а ќе се игра по еден натпревар дневно. Одбојкарската федерација реши цената на картите да биде симболични 100 денари кога игра Македонија, а в сабота влезот е слободен. На првиот меч, в петок, Македонија ќе игра против Естонија, а во недела против Чешка. Натпреварите ќе почнуваат од 20.15 часот. Комплетниот распоред на натпреварите во Златната лига и квалификациите за ЕП може да ги видите во продолжение. ЗЛАТНА ЛИГА – ОДБОЈКА (МАЖИ)...

Екипа на Љуботен е победник во годинашното издание на фудбалскиот Куп на Македонија во женска конкуренција. Во финалето одиграно во Велес, фудбалерките на Љуботен минимално со 1:0 го совладаа големиот ривал Каменица Саса. Единствениот гол на натпреварот го постигна Александра Марковска во втората минута од судиското дополнение (90+2). Ова практично беше реприза на минатогодишното финале, во кое тетовската екипа стигна до првиот, а сега го освои вториот трофеј во Купот. 1 од 7...

Македонскиот атлетичар Андреас Трајковски го освои 1.место во скок во далечина на митинг “Филатхлитикос Калитхеас“ што денеска се одржа во Грција. Трајковски доскокна до границата од 7.84 метри што е негово најдобро остарување сезонава. Неговиот и македонски рекорд изнесува 7.91 метар. Овој митинг е од серијата бронзени митинзи под капата на Светска Атлетика. Со победата и скок Андреас се очекува да скокне на Европската ранг листа. Со тоа останува во игра за пласман на Европското првенство што од 7 до 12 јуни ќе се одржи во Рим, Италија. Следен натпревар за Андреас ќе биде во сабота во Скопје на Национаното Сениорско првенство....

„Сапунската серија“ наречена „термини за Куп ракометните натпревари“ продолжува. Шампионот Еурофарм Пелистер има „најнови“ барања за одигрување на натпреварите. Утринава од Вардар предложија промена на термините, како би му се „удоволило“ на шампионот. Алкалоид, но и РФМ го прифатија таквиот предлог, па ги применија деновите на одигрување на натпреварите. Сепак, сагата да продолжи, пелистерци сега излегуваат со ново барање (предлог). Соопштението на РК Еурофарм Пелистер во го пренесуваме интегрално: Почитувани љубители на ракометот и спортот Со големо внимание ги прочитавме денешните соопштенија на РК Вардар 1961 и РК Алкалоид (се појавија во медиумите во временска разлика од 2 минути), и надоврзано на тоа Известувањето за медиумите од РФМ. Во насока на овие соопштенија и известување до медиумите би сакале да го изнесеме нашиот став. Најпрво сакаме да ја искажеме голема благодарност на спортските колективи РК Вардар 1961 и РК Алкалоид што поаѓајќи од спортски побуди и начелото на фер плеј, согледувајќи ја незаконската и штетна одлука за спортот донесена од страна на РФМ, одлучија да помогнат во надминување на непријатната ситуација во која се најдовме сите ние. Посебно сме благодарни на РК Вардар 1961 кои претходно со ништо не придонесоа сите ние да се најдеме во ваква ситуација (ние во нашите соопштенија внимателно кога споменувавме спортски колективи користевме еднина). Во однос на Известувањето до медиумите од страна на РФМ (за кое претходно не бевме информирани, уште помалку прашани за согласност) истото го прифаќеме само како барање на алиби и начин да се излезе од ситуацијата а без притоа да се признае дека е направена груба грешка и донесена е погрешна одлука. Според нас тоа не е начин на исправно делување. Ние милост не побаравме од никого. Ние побаравме нашата “борба” да се разбере исклучиво како “борба” за правда и почитување на законските одредби. Следствено на тоа за нас во овој момент тотално е неприфатливо нашата екипа усилено и однапред смислено да стане “повластена”. Според нас, во овој момент можни се две решенија:1. Да се почитува првичниот извлечен распоред.2. И двете полуфинални средби да се играат во четврток 16.5.2024 или петок 17.5.2024. Што се однесува до термините за одигрување ние сме согласни доколку има потреба (за да го испочитуваме и терминот за женските полуфинални натпревари) и во двата предложени датуми да играме од 14 часот. Само во ваков случај ќе биде испочитуван Правилникот донесен од страна на РФМ и ќе се почитува начелото на фер плеј и рамноправност. Се разбира дека очекуваме од страна на РФМ да слушнеме јавно извинување за ненамерно направената грешка и за својата одлука прво да бидат известени клубовите. Доколку има јавно извинување од страна на РФМ за направената грешка истото од наша страна ќе биде целосно прифатено како ненамерно и јавно ќе дадеме согласност воопшто да нема никаква промена во направениот распоред после несреќно донесената одлука од страна на РФМ. Почитувани, време е за врвен ракомет кој ќе биде на големо задоволство на сите љубители на овој спорт, време е да се се најдат сили да се надмине ситуацијата која настана заради донесување на непромислена и избрзана одлука штетна за спортот. РФМ им ,,удоволи” на пелистерци Вардар предложи полуфиналето со Алкалоид да го игра ден подоцна од предвиденото...

Ракометна федерација на Македонија (РФМ) направи промена на редоследот на одигрување на полуфиналните натпревари во Купот на Македонија. Од РФМ, на своевиден начин ги ,,удоволија” барањата на Еурофарм Пелистер. Битолчани реагираа дека ќе имале помалку време за одмор за финалето. Така сега зелено-белите се тие кој би имале ден повеќе за одмор, нормално под услов да го минат Тиквеш во полуфиналето. Соопштението на РФМ ви го пренесуваме во целост. Почитувани, Натпреварувачката комисија при РФМ постапувајќи по доставените дописи од страна на РК Вардар 1961 и РК Алкалоид се согласија до го отстапат предвидениот термин четврток за одигрување на полуфиналниот натпревар од Ракометниот Куп на Македонија 2024, на инсистирање на РК Е. Пелистер. Допис за промена на терминот има доставено и од ГРК Тиквеш 2014. Термини за одигрување на полуфиналните натпревари во рамки на ракометниот Куп на Македонија 2024 : Натпревар : РК Еурофарм Пелистер – ГРК Тиквеш 2014 Ден и час : четврток (16.05.2024 г.) со почеток во 19.30 часот. Натпревар : РК Вардар 1961 – РК Алкалоид Ден и час : петок (17.05.2024 г.) со почеток во 19.30 часот. Финален натпревар : Недела (19.05.2024 г.) со почеток во 19.00 часот. Спортското витештво се демонстрира на терен, а се гради вон терен, нека победи подобриот....

Женското кошаркарско првенство влегува во најинтересниот дел, финалето, односно битката за шампионскиот трофеј. Прв пат, еден против друг за пехарот ќе се борат екипите на Баскет Кам и Вардар. Серија се игра во три добиени натпревари. Тоа ќе биде дуел на двете најдобри екипи од регуларниот дел на сезоната. Мала предност, поради играњето на домашен терен, особено во првите два натпревари ќе има актуелниот шампион Баскет Кам. Сезонава, двата финалисти одиграа три натпревари. На два од нив победи Баскет кам 2011. Прво во регуларниот дел, на свој терен славеше со (77:58), а потоа и во рамките на т.н.„Оролоџо“, со резултат (68:63). Вардарки победија на свој терен, со минимални (64:62). Првиот финален меч на програмата е попладнево од 16.30 часот, во салата „Кирил и Методиј“ во Македонска Каменица....

Доаѓа самата завршница на ракометната сезона во Македонија. Во недела ќе биде познат освојувачот на првиот трофеј, победникот во Купот. Две рунди остануваат и во првенството во кои актуелниот првак Еурофарм Пелистер влегува со два бода повеќе од „лутиот“ ривал Вардар. Влогот секако е голем, но и желбата на навивачите на клубовите, нивниот тим да стигне до посакуваните трофеи. Битолската навивачка група „Чкембари“ полека се „мобилизира“ за пристојната завршница во Купот на Македонија што ќе се игра во Скопје. Битолчани најавуваат „инвазија“ во главниот град, со цел да им помогнат на ракометарите да стигнат до пехарот. Спремни сме за уште еден поход, за уште една експлозија во нивниот град. Одиме против сите неправди кои ни беа нанесени години уназад. Одиме да си ги наплатиме долгојте и да си го земиме то шо ни припаѓа. Скопје го чека втора експлозија. Биди во тек, прати ги сите информации и бери ја екипата, цела битолска авангарда е спремна. ТИК ТАК…. View this post on Instagram A post shared by Ckembari Bitola (@ckembari1985)...

ЖРК Вардар започна со формирањето на екипата за наредната сезона. Вардарки го продолжи договорот со искусната ракометарка Симона Василева. Таа ќе остане уште една сезона во тимот на Вардар. Симона е една од клучните играчи во тимот и игра на сите бековски позиции. Василева посочи дека е задоволна од клубот и условите што ги нуди по што со взаемен договор ја продолжиле соработката. ,,Решив да го продолжам договорот со Вардар поради добрата атмосфера, најпрвин во тимот, а потоа и стручниот штаб. Многу сум задоволна од условите што ги нуди овој клуб и од минутажата што ја добивам на терен. Клубот засега нуди предобри услови. Се надевам дека така и ќе продолжи, но секако тоа зависи и од успехот во клубот”, изјави Василева, за Спорт Плус. Таа претходната сезона го засили тимот на Вардар по две години поминати во Ѓорче Петров. Симона е прва од екипата што го продолжи договорот. ,,Моите очекувања за наредната сезона се релативно високи, се зависи кои играчи ќе останат и, се разбира, новите засилувања следната сезона. Со оваа екипа и со некои дополнителни засилувања, би постигнале добар успех”, додаде Симона. Се очекува во наредниот период Вардар да ги продолжи договорите и со останатите ракометарки како и да го засили тимот со нови ракометарки. Ивона Кимовска 1 од 4...

Како наближува завршницата на ракометниот Куп на Македонија, така се подгрева атмосферата. Новитетот, полуфиналните дуели во двете конкуренции да се играат во два различни дена, донесе реакции од клубовите, пред се Еурофарм Пелистер. Битолчани вчера повторно реагираа дека е неправедно едни клубови да играат ден порано од другите. Имено првиот полуфинален дуел Вардар – Алкалоид е планиран за четврток, а вториот Еурофарм Пелистер – Тиквеш за во петок. Сабота е ден за одмор за победниците кои во недела би се бореле за трофејот, во финалниот меч. Ова на битолчани не им се допадна, па писмено реагираа до РФМ, а најавија дека ќе ги информираат и меѓународните ракометни институции. Денеска пак со свој предлог излегоа од таборот на бранителот на куп трофејот Вардар. Вардарци се на иста релација со пелистерци. Тие предложија полуфиналниот меч со Алкалоид да го играат истиот ден (петок) како и битолчани. Ракометниот клуб Вардар секогаш го поддржувал спортскиот ферплеј, се залагал на терен да се реши кој е подобар. Работиме секогаш во интерес на ракометот и сакаме да придонесеме тој да го задржи приматот на најуспешен екипен спорт во Македонија. Сакаме ракометните натпревари да бидат интересни, неизвесни и квалитетни, и да привлечеме нови млади да се занимаваат со спорт. Пред нас претстојат натпреварите од Купот на Македонија каде Вардар е убедливо најуспешен колектив со 16 титули. Мораме да потенцираме, дека нам никогаш не ни требало ниту пак сме барале да бидеме привилегирани на ниту било кој начин. Имало многу случаеви кога сме реагирале на неправди и сме се залагале за еднаквост. Ниту сме некоја „засегната страна“ ниту пак „привилегирана“. За нас сите клубови се исти, сите ни се пријатели и спортски ривали. Сакаме и бараме сите клубови да бидат подеднакво третирани, и на терен да покажат колку се подготвени, и колку вредат. Вардар многупати досега докажал дека е подготвен да игра во секави услови, за да го потврди својот квалитет, и да победи. Сме биле во многу незавидни ситуации, со „десеткуван“ тим, со различни проблеми, под притисок, но секогаш сме излегувале на терен да се бориме. На крај, ни честитале за нашиот успех, или пак ние сме му честитале на нашиот ривал. Така ќе биде секогаш. Сакаме да ја поздравиме идејата натпреварите од Купот на Македонија да се одржуваат заедно со мечевите на женските учесници, и од Куп мечевите да се обидеме да направиме да бидат ракометен празник. Сакаме и треба да помогнеме и женскиот ракомет да се издигне на нивото на машкиот, односно убава идеја што натпреварите би се играле во „Борис Трајковски“ каде се играат и мечевите на репрезентацијата. Иако идејата е добра, мораме да напоменеме дека за ова требаше малку порано да бидат известени сите клубови за да може подобро да се организираат, но и да се објасни замислата за ваквата промена. Во иднина ваквите предлози треба однапред да бидат презентирани пред клубовите, и заеднички да се најде решение за секоја идеја која е добра за македонскиот ракомет. Како вистински спортски џентлмени и во интерес на задоволување на сите барања и засегнати страни, сакаме да го предложиме следново:Доколку се согласи нашиот противник во полуфиналето, екипата на РК Алкалоид, ние како клуб сме подготвени нашиот меѓусебен натпревар наместо во четврток како што претходно беше најавено од страна на РФМ, да го одиграме ден подоцна во петок. Иако ќе имаме ден помалку за подготвување за следниот меч, сметаме дека Вардар е доволно квалитетен и тоа нема да му пречи. Сакаме да докажеме дека спорсткото витештво и борба на терен секогаш треба да бидат приоритет, за секој клуб, секој спортист. На крајот нека победи подобриот.Со почит, РК Вардар1961 Испратено до:Ракометна Федерација на МакедонијаРК АлкалоидРК Еурофарм ПелистерРК Тиквеш РАКОМЕТ | КУП НА МАКЕДОНИЈА 2024 СЕ ЗА РАКОМЕТНИОТ КУП НА МАКЕДОНИЈА E.Пелистер со реакција за термините во Купот на Македонија...

Во Битола, попладнево ќе се игра четвртиот полуфинален дуел од плејофот во кошаркарскиот шампионат на Македонија. Во него Пелистер ќе го пречека најтрофејниот Работнички. Како најава за овој дуел, претходеа вчерашните преписки и „препукувања“ во јавноста, кој бил поголем виновник за тензиите на натпреварот број три. Тоа е добра најава дека денеска ќе гледаме интересен натпревар. Во него, Пелистер влегува со предност од 2:1 во победи во серијата подобар до три. Евентуален нов триумф на пелистерци ќе значи и пласман во големото финале. Од друга страна, Работнички ќе мора да натпревари „брејк“ на „жешкиот“ терен во Битола, доколку сака да се избори за „мајсторка“. Исходот од овој дуел, мирни го чека актуелниот шампион МЗТ Скопје Аеродром, кој веќе си обезбеди место во финалето. Денешниот дуел меѓу Пелистерец и Работнички што ќе се игра во салата „Боро Чурлевски“ ќе почне од 18.30 часот. Текот на мечот ќе може да го ГЛЕДАТЕ ВО ЖИВО ОВДЕ. Пелистер му врати на Работнички: Провокациите се обид за алиби од неуспех Работнички бара казни и услови за игра пред утрешниот дуел со Пелистер...

Младата фудбалска репрезентација на Македонија до 19 години ќе одигра два контролни натпревари против соодветната селекција на Црна Гора. Контролните средби ќе бидат одиграни на 21 и 23 мај, на тренинг центарот „Петар Милошевски” во Скопје, со почеток во 17 часот. За овие натпревари повикани се следните фудбалери: ОДБРАНА:Славе Вргов – А.П. БрераСпаско Ахтаров – БеласицаДаниел Диковски А.П. БрераОДБРАНА:Нуман Ајетовиќ НовациАндреј Велков А.П. БрераГабриел Крстевски ПелистерАнес Мељиќи ШкендијаАндреј Љубевски РаботничкиЛука Атанасовски ВардарСРЕДЕН РЕД:Никола Манојлов – РаботничкиМатеј Гаштаров – Црве Звезда, СрбијаДавид Ристовски – А.П. БрераАлмир Подграѓа – РаботничкиМартин Јовановиќ – Македонија Ѓ.П.Кристијан Ѓорѓиевски – Македонија Ѓ.П.НАПАД:Веби Ислами – ШкендијаДавид Матески – СилексДимитар Данев – РаботничкиЈован Постолов – А.П. БрераЧагри Федаи – ФенербахчеАндреј Силјаноски – ПелистерАлтин Алији – Македонија Ѓ.П.Бранислав Иванов – Брегалница Собирот на нашата млада репрезентација е закажан на 19 мај, во хотел „Русија“ во 12 часот....

Женските фудбалски екипи на Љуботен и Каменица Саса ќе ги вкрстат „копјата“ во финалната пресметка за трофејот во Купот на Македонија. Ова практично е реприза на минатогодишното финале во најмасовното натпреварување во Македонија. Трофејот ќе го бранат фудбалерките на Љуботен. ЖФК Љуботен со прва историска титула во Kупот на Македонија Каменица Саса и Љуботен во досегашната историја, по еднаш го имаат освоено куп трофејот. Финалниот натпревар ќе биде одигран на градскиот стадион во Велес, а ќе почне од 16 часот. Дуелот за трофејот може да го ГЛЕДАТЕ ВО ЖИВО ОВДЕ. ФУДБАЛ | КУП НА МАКЕДОНИЈА СЕ ЗА ФУДБАЛСКИОТ КУП НА МАКЕДОНИЈА | ГЛЕДАЈ ВО ЖИВО...

Машката одбојкарска репрезентација на Македонија ги одработува завршните подготовки пред стартот на новото издание на Европската Златна лига. Црвено-жолтите во Струмица ќе бидат домаќини на првиот турнир, на кој за противници ќе ги имаат Естонија и Чешка. Капитенот Никола Ѓорѓиев е задоволен од досегашниот тек на подготовките, како и прикажаното на контролните дуели со Романија. Тој смета дека доколку биде подобрена константноста во играта, Македонија може да се радува на победи. „Во Романија одигравме две одлични утакмици. Многу сум задоволен, бидејќи на првата натпревар одигравме многу добро, игравме како да сме 100 меча заедно, а не прв меч на една нова генерација. Во вториот меч поради одредени повреди на клучни играчи не можевме да го дадеме својот максимум. Треба да го имаме рецептот на првиот меч и заедно да работиме за мечот со Естонија. Би требало да ја подобриме константноста, затоа што Европската лига носи два меча во еден викенд. Презадоволен сум како изгледавме на контролните натпревари и се надевам дека со нашата публика ќе успееме да ја израдуваме македонската јавност и на следните два меча“, изјави Ѓорѓиев. Натпреварите ќе се играат во салата „Парк“ во Струмица 0д 17 до 19 мај. Во првиот (петок) Македонија за противник ќе ја има селекцијата на Естонија, а во недела следува дуелот со Чешка....

Екипата на Њујорк е несовладлива, кога во прашање се дуелите пред своите симпатизери си Индијана. И во третиот дуел на овие два тима во полуфиналето на Источната конференција славеа домашните кошаркари. Пејсерс подобро влегоа во натпреварот и имаа водството во поголемиот дел од првата четвртина. Но откако Никс поведоа, до крајот не ја испуштија предноста. На полувремето Њујорк имаше 15 поени разлика, која продолжи да расте и застана на 30. На крајот Њујорк славеше со убедливи 121:91 и поведе со 3-2 во пообеди. Џејлен Брансон уште еднаш ги предводеше Никс. Најдобриот играч од оваа серија постигна 44 поени „зачинети“ со седум асистенции и четири скока. Тој по петти пат во годинашниот плејоф ја надмина границата од 40 поени. Серијата се враќа во Индијана во четврток навечер, а Никс ќе имаат меч топка за нивниот прв настап во конференциско финале, по 2000 година....

Се чини дека актуелните шампиони кошаркарите на Денвер, најдоа рецепт за Минесота. Откако Тимбервулфс савеа две победи на гостувањето и повоа со 2-0, сега Нагетс целосно ги сврте работите после тоа. Во петтиот натпревар од полуфиналето на Западот, Денвер славеше со 112:97 и поведе со 3-2 во победи. Во првото полувреме се менуваше водството, а Денвер на пауза замина со шест поени предност. На крајот од третата четвртина предноста беше 14 поени. Со двете тројки на Колдвел-Поуп и двата поена на Никола Јокиќ на стартот од последната четвртина ги отстранија сите сомнежи околу прашањето за победникот. Јокиќ постигна 40 поени, додаде 13 асистенции и седум скока. Го следеше Арон Гордон со 18 поени и десет скока. Кај Минесота , Карл Ентони Таунс беше најефикасен со 23 поени, а Едвардс заврши малку поскромно издание со 18 поени и девет асистенции. По три последователни порази, Тимбервулфс се враќаат на свој терен , ноќта меѓу четврток кон петок, каде ќе се обидат да ја извојуваат победа во и да се изборат за решавачки седми натпревар. Триумф на Нагетс ќе значи конференциско финале за шампионот....

Од таборот на КК Работнички преку две соопштенија се огласија до јавноста, а во пресрет на утрешниот натпревар со Пелистер. Овие два тима утре ќе го играат четвртиот натпревар од полуфиналето во плејофот. Во него пелистерци влегуваат со предност од 2:1 во победи. Не е невообичаено низ светот, па и кај нас, во пресрет на вакви важни натпревари да има „препукувања“ од двете засегнати страни. Влогот е голем, финале, борба за шампионскиот трофеј, па затоа, до некаде се разбирливи ваквите реакции на клубовите. Сега на ред е Пелистер, кој преку соопштение му врати на Работнички. Од таборот на зелено-белите меѓу другото велат дека, обидот на противникот е само да си создаде алиби во случај на неуспех. Во продолжение целосното соопштение на КК Пелистер Соопштение до јавностаКК Пелистер се чувствува повикан да одговори на неочекуваните прозивки од КК Работнички, кој очигледно во немоќ и резултатска негатива пред за нив клучниот меч оваа сезона се обидува вината да ја лоцира на погрешно место.А фактите го говорат сосема спротивното… Пелистер бил и ќе биде беспрекорен домаќин без оглед на конечниот исход на натпреварите, нешто што можат да го посведочат екипите кои годинава славеле во Битола и притоа немало ниту еден инцидент (еднаш тоа беше и Работнички). Без разлика на резултатот, немаме намера да снимаме видеа по ходници за потоа да ги дистрибуираме ако затреба, во зависност од тоа дали конечниот исход ќе ни биде во полза. Цела сезона сме отворени за спортски дух и пријателство, отворени да покажеме како треба да функционира клуб со искрени намери за натпревар на терен и на ниту едно друго место.Работнички максимално го почитуваме како најтрофеен македонски кошаркарски колектив, но и „центарци“ треба да се однесуваат како таков. Затоа што од денешното нивно соопштение увидовме дека добро ги знаат пропозициите.Но ете, заборавија согласно пропозициите да пријават доаѓање на нивни навивачи на Купот на Македонија, и тогаш се обидоа да ја префрлат одговорноста врз нас, но не им успеа.Сега заборавија според пропозициите да побараат тренинг во Битола, но без збор им обезбедивме термин и максимални услови за работа. Повторно заборавија да го пријават доаѓањето на своите навивачи од Скопје, но им излеговме во пресрет и ги примивме нивните приврзаници во сала иако немавме обврска поради непристигнатото барање.Заборавија и дека по првиот меч еден нивни навивач влета со стаклено шише во собата на судиите и гласно им се закануваше, но не заборавија да го снимат видеото од пет секунди во Битола опишуваќи го како скандалозно.Се заборава тоашто не им одговара, но тука завршуваме со противникот и се насочуваме само кон себе. КК Пелистер оваа сезона се покажа како беспрекорен организатор на бројни натпревари, меѓу другото и на завршниот турнир од Купот на Македонија, каде загубивме меч во неизвесна завршница и спортски му честитавме на победникот. Навистина, на последниот меч имаше краток инцидент за кој жалиме и ја прифаќаме одговорноста, но тоа не може да го оцрни сето она што кошаркарска Битола го прави и го живее со КК Пелистер во последните години, а особено оваа последна натпреварувачка сезона. Провокациите од страна на утрешниот противник не се ништо друго освен нивни обид за алиби во случај на неуспех. За нас битолчани пак, се само мотив плус за на четвртиот меч од полуфиналето да ја наполниме салата до последно место и на крајот заедно да се радуваме на уште едно големо финале на КК Пелистер.Спортски поздрав,КК Пелистер Утрешниот натпревар меѓу Пелистер и Работнички ќе се игра во терминот од 18.30 часот. Натпреварот ќе може да го гледате ВО ЖИВО ОВДЕ (линк) Пелистер и Работнички ги дознаа казните за третиот натпревар Работнички бара казни и услови за игра пред утрешниот дуел со Пелистер...

Ерлинг Халанд е херој на Манчестер Сити. Со победата во заостанатото коло против Тотенхем со 2:0, Сити избија на чело на Премиер Лигата,. Халанд беше двоен стрелец. Во првото полувреме немаше реализација од двете страни. Напаѓаа и домаќините и гостите, но ниту една екипа не успеа да реализира од своите шанси. Во второто полувреме Манчестер Сити мудро си ги дочека своите шанси. Најпрво Халанд постигна лесен гол во 51.та минута. Потоа во 90.та минута Халанд постигна гол од пенал. Манчестер Сити во последното коло влегува како лидер со 88 бода по 37 одиграни кола. Арсенал е второ пласиран со 86 бода. Тотенхем ги загуби шансите за Лига на Шампиони следната сезона и ќе мора да се задоволи со Лига Европа. Тотенхем има 63 бода и е на 5.та позиција....

Ако веќе нема активности на спортските терените ширум Македонија, денеска, е ден за клупски соопштенија и реакции. Следно во низата е соопштението на ракометниот шампион Еурофарм Пелистер. Битолчани уште еднаш реагираат за промената на термините за одигрување на натпреварите во Купот на Македонија. Од таборот на зелено-белите потенцираа дека за нерегуларноста ќе ги информираат меѓународните ракометни институции. „Жалосно е ова што се случува и уште пожалосно е што се наметнува негативно и арогантно однесување кое нема никаква врска со спортот и фер-плеј однесувањето. Бидејќи претходно ги исцрпивме сите можности кои ни се на располагање во нашата држава за да влијаеме на поништувањето на оваа срамна одлука, ceгa единствено ни преостанува да ги информираме меѓународните ракометни институции за случувањата кај нас. Се надеваме дека на тој начин барем малку ќе придонесеме одлуките да се носат согласно позитивните законски регулативи и во соработка и дијалог со сите засегнати страни а не со непосредни договори пpeкy телефон пoмeѓy ограничен број на “засегнати страки”, се вели меѓу другото во соопштението на Еурофарм Пелистер. Во продолжение целото соопштение на РК Еурофарм Пелистер...

Третиот натпревар од полуфиналето во плејофот меѓу Пелистер и Работнички мина бурно. Битолчани победија, а скопјани се жалеа на лошата организација на натпреварот. Откако претпладнево КК Работнички излезе со соопштение за овој натпревар, но и организацијата за претстојниот утрешниот. Комесарот за натпреварување при КФМ, денеска ги одреди казните за споменатиот дуел. Пелистер ќе треба да плати 84.000 денари по разни основи, а нивниот комесарот за безбедност доби забрана за вршење функција во кошарката од шест месеци. Како образложение е наведен притисокот кој го правел врз официјалните лица. Казнет е и спортскиот директот Марјан Илиевски со еден натпревар. Неговиот колега на спротивната страна, Тодор Гечевски, за инцидентот предизвикан во последната четвртина и исклучувањето кое го заработи, доби суспензија од два натпревари. По добиените казни, повторно се огласија од таборот на црвените од „Градски парк“. Кошаркарскиот клуб Работнички АД е згрозен од донесување на ваквата одлука кон КК Пелистер. Носењето на вакви мали казни за голем и сериозен прекршок од страна на КК Пелистер ,како домаќин, докажавте дека имате различни аршини за различни клубови.. Да ве потсетиме Комесаре за натпреварување за многу помал инцидент во оваа натпреварувачка сезона Вие донесовте одлука на празнење на салата и повторно одигрување на истиот тој натпревар. Навистина не ни е јасно зошто ние,КК Работнички АД,ви сметаме???Зошто ваков однос кон македонски клуб ,кој опстојува повеќе од 70 години и се вложува во афирмација на спортот но истовремено и во создавање на таленти????? Комесаре Вашите одлуки се премногу конфузни и не тераат да размислиме дека сте страствени кон некои клубови, со еден збор сте подржувачи на одредени клубови. Комесаре затоа упатуваме до Вас лично прашање :– Дали веќе однапред го знаете победникот на ова домашно првенство ?– Дали сѐ се одвива по Вашите лични пресметки ?? Донесувајќи ваква одлука со која покажувате нееднаков третман кон македонските кошаркарски клубови дали имате доблест да си дадете неотповликлива оставка во најбрз временски период??????? На дуелот Пелистер – Работнички имало „меѓу полувреме“ (ВИДЕО) Работнички бара казни и услови за игра пред утрешниот дуел со Пелистер...

За утре во Битола закажан е четвртиот натпревар од полуфиналето во плејофот меѓу кошаркарите на Пелистер и Работнички. Во него битолчани ќе влезат со предност од 2:1 во победи, па со нов триумф би обезбедиле финале. Пелистерци го добија претходниот дуел пред своите навивачи, натпревар на кој имали и ,,меѓу полувреме”. Од таборот на Работнички денеска се огласија со соопштение до јавноста, во кое бараат казни за ,,сторителите”. Водено од ,,Градски парк” бараат за утрешниот меч да имаат ,,регуларни” услови за надигрување. Во продолжениене, во целост, ви го пренесуваме соопштението на КК Работнички. Кошаркаркиот клуб Работнички АД Скопје се огласува по повод случувањата на првенствениот натпревар во кој домаќин беше КК Пелистер, кој се одигра во рамките на полуфиналното коло од домашното првенство-третиот натпревар помеѓу екипите на КК Работнички и КК Пелистер. КК Работнички најостро ги осудува сите видови насилство на терените и во самата сала без разлика од каде доаѓа истото, без разлика дали е тоа предизвикано од нашиот табор, наши навивачи или наши симпатизери, или од противничките и без разлика дали тоа е изолирано или организирано однесување! На ваквите луѓе, постапки и идеи, не смее да им се дозволи да бидат присутни на спортски натпревари! Сите ние треба да сносиме последици за се што правиме во животот, особено за она што го правиме на јавните настани пред очите на целата македонска, во случајов спортска, јавност! Кошаркарскиот клуб Работнички АД важи за клуб кој сака победникот да се прогласи на терен,а не да се решава по ходниците и со насилство особено не врз судии кои се претставници на КФСМ. Бараме и се повикуваме на Член 19 од Правилникот за натпреварување за сениорски лиги дека должност е на домаќинот да обезбеди услови за натпераварување и воедно несмеат да се прекршат условите од самиот организатор и доколку се случи прекршок треба соодветно да се казни домаќинот. Воедно се повикуваме и на членот 40 од Дисциплинскиот правилник дека дисциплинската комсија сама треба да донесе одлука по пријавата на самиот делегат и судиите кон претставникот на КК Пелистер ,а воедно и кон самиот клуб но до сега гледаме дека се постапува спротивно не се казнуваат и покрај забелешката која ја има во самиот делегатски извештај,кој се доставува кон КФСМ и клубовите учесници на натпреварот. Со прекршување на Член 42 од Правилникот за натпреварување на сениорски лиги а тоа е немање на услови за судиите да го продолжат судењето на натпреварот во слобода едноставно тие се под притисок на домаќинот на кој се гледа на самото видео кое беше пуштено од затечено лице во ходникот од самата сала. Апелираме до Комесарот за натпреварување да носи прави одлуки а не да прави компромиси со одредени клубови. Комесарот за натпреварување при КФСМ треба да биде рамноправен кон сите клубови а не кон некои да се однесува како маја а кон останатите како макеа. Воедно за напреварот во ова првенство Комесарот донесе одлука за одигрување на натпреварот помеѓу екипите на КК Чаир и КК МЗТ спротивно од правилата за натпреварување и за жал сега го гледаме истото- нема никаква дисциплинска одлука кон КК Пелистер. Спортските екипи треба да бидат пример за здрави општествени навики и на спортските терени треба да ги славиме различностите, кои треба да не обединуваат. Не смееме да дозволиме салите и стадионите да ни се претворат во арени за изразување на секакви други чувства, освен искрените кои произлегуваат од спортот. Спортот треба да не направи подобри и поквалитетни луѓе, индивидуи и заедници кои ќе создадат исти такви генерации, кои ќе не наследат и ќе се надоградуваат на она што ние ќе им го оставиме. Се надеваме дека сите надлежни институци во најкраток можен рок ќе ги преземат сите потребни чекори и мерки, по што ќе донесат соодветни решенија, со цел ова, како што се вели, индивидуално однесување да биде најбрзо и најостро санкционирано! Со тоа ќе им се даде поука на сите оние, кои во иднина ќе помислат да прават вакви или слични неспортски испади, дека никој не е над законот и над спортот! Време е да им се каже стоп на насилниците во кошарката, која како интелигентен спорт важи за здружување на интелектуалци, а не мегдан за силеџии! КК Работнички, како најтрофеен кошаркарски клуб во нашата земја и натаму останува дел од спортската структура во Македонија, која ќе се занимава првенствено и единствено со промоција и со унапредување на македонската кошарка и на позитивните вредности во животот. Со почит,КК Работнички АД Скопје,14.05.2024 година...

Доктор Сашко Кедев покрај тоа што е врвен професионалец во својата докторска професија, тој е и еден од најдобрите македонски алпинисти. Доктор Кедев, само една недела откако го искачи врвот Макалу, тој вчера го освои освои и четвртиот највисок врв на светот. Станува збор за врвот Лоце на Хималаите кој е на надморска височина од 8.516 метри. Следна негова цел ќе биде врвот третиот највисок врв во светот Канченџунга на 8.586. метри. Сашко Кедев има исклучителна „колекција“ на искачени врвови и освоено 10 од 14 врвови над 8.000 метри. Монт Еверест (8.848), К2 (8.611), Лоце (8.516), Макалу (8.463 метри),Чо Оју (8.188), Далагири (8.167), Манаслу (8.163), Нанга Парбат (8.126), Анапурна (8.091), Броуд Пик (8.051). 1 од 4...

Нема многу одмор за најдобрите македонски ракометари. Откако сениорската машка селекција, заслужено, си обезбеди место на Светското првенство, репрезентативците се враќаат на клупските обврски. Веќе во четврток, започнува завршниот турнир т.н. „фајнал-фор“ во Купот на Македонија во двете конкуренции. Натпреварите ќе се играат во СЦ „Борис Трајковски“ во Скопје, а од Ракометната федерација информираа за цената на картите. Дневниот билет за следење на два натпревари ќе чини 200 денари. Блок влезници ќе можат да се купат на денот на одржување на натпреварите, започнувајќи од 12 часот, преку билетарата на МК Тикетс пред спортскиот центар. Годинава ќе има промена во одигрувањето на натпреварите. Така сега во еден ден ќе бидат одиграни по еден полуфинален дуел во женска и во машка конкуренција (четврток и петок). Финалните натпревари ќе се играат во недела. Трофејот во женска конкуренција го бранат ракометарките на Куманово, а кај мажите Вардар. РАСПОРЕД НА НАТПРЕВАРИ ЗА КУПОТ НА МАКЕДОНИЈА 16 мај – четврток17:00 КУМАНОВО – ЃОРЧЕ ПЕТРОВ, жени, полуфинале19:30 АЛКАЛОИД – ВАРДАР, мажи, полуфинале17 мај – петок17:00 ВАРДАР – ЧАИР, жени, полуфинале19:30 ТИКВЕШ – ЕУРОФАРМ ПЕЛИСТЕР, мажи, полуфинале19 мај – недела16:00 жени, ФИНАЛЕ19:00 мажи, ФИНАЛЕ РАКОМЕТ | КУП НА МАКЕДОНИЈА 2024 СЕ ЗА РАКОМЕТНИОТ КУП НА МАКЕДОНИЈА ПРОЧИТАЈТЕ ОВДЕ...

Далас не ја задржа предноста што ја стекна со победата на гостински терен кај Оклахома, бидејќи загуби пред своите навивачи. Тимот на Оклахома Сити Тандер, во четвртиот натпревар славеше со 100:96 и со 2-2 во победи се враќаат на својот паркет. Далас почна добро во четвртиот натпревар и долго време се чинеше дека може да до третата победа. Така не мислеа „Тандер“ кои покажа квалитет и карактер, се избори и го добија натпреварот. Шаи Џилиус Александер со 34 поени, осум скока и пет асистенции ја предводеше Оклахома до оваа победа. Кај Далас, прв стрелец беше Пи Џеј Вашингтон со 21 поен и 12 скока. Лука Дончиќ исто така имаше дабл-дабл со 18 поени со 12 скока и десет асистенции, но Словенецот загуби седум топки и шутираше лошо 6/20 од поле. Следниот натпревар се игра во Оклахома Сити во четврток по полноќ во 3.30 часот....

Кошаркарите на Бостон ја остварија и третата победа во дуелите со Кливленд и поведоа со 3-1 во победи. „Селтикс“ славеа со 109-102 на гостински терен и сега ги дели една победа од финалето во Источната конференција од НБА плејофот. Бостон тоа го заслужи со своите игри во регуларниот дел од сезоната каде беше најдобриот тим во лигата. Иако во разигрувањето загуби еден натпревар на домашен терен, но ги доби следните два во Кливленд. Кај „Селтикс“ најдобар беше Џејсон Тејтум со 33 поени и пет асистенции, а Џејлен Браун додаде 27 поени и осум скока. За поразените „Кавс“, Дариус Гарланд постигна 30 поени, а Еван Мобли 19 поени. Во гостинската екипа не настапи нивниот најдобар играч Донован Мичел поради повреда. Следниот натпревар ќе се игра во „ТД Гарден“ во Бостон во четврток во 1 часот по полноќ...

Екипата на Бутел својата дебитантска сезона ја круниса на најубав моќен начин. Бутел го освои шампионскиот пехар наменет за најдобрата екипа во Третата лига. Во финалниот натпревар, пред својата публика, кошаркарите на Бутел беа подобар противник од струшки Црн Дрим со 81:65. Предводник на тимот до оваа победа беше Цариќ кој постигна 20 поени, додека Мартиноски и Киров постигнаа по 12, а Матевски додаде 11 поени. За екипата на Црн Дрим, Шабани постигна 27 поени, а Ќамилоски 19 поени. Двата тима со самиот пласман во финалето го осигураа своето место во Втората лига следната сезона. Во натпреварот за третото место Струмица го совлада Феникс баскет со 84:70....

Македонија ја продолжува традицијата настапи на големите ракометни натпреварувања. Машката сениорска селекција повторно ќе биде дел од светската елита, откако во голем стил ги мина Фарските Острови во баражот за Мундијалот. Познати се сите селекции кои догодина ќе играат на СП, исклучок онаа која ќе добие вајл-карка од ИХФ. Светската ракометна федерација наскоро треба да го објави и изгледот на шеширите од кои ќе биде извршена ждрепката. Неофицијално, Македонија извлекувањето ќе го чека од третиот шешир. Ждрепката ќе се одржи во Загреб на 29 мај во 17.30 часот. Ракометниот Мунијал ќе се игра во од 14 јануари до 2 февруари 2025 година, во Загреб, Пореч, Вараждин, Осло и Хернинг. Борбената Македонија на уште едно Светско првенство (ВИДЕО) Кирил Лазаров: Дури не се сопреме и паднеме, не знаеме да цениме ВИДЕО И ФОТО ЗА ДОБРА НОЌ !!! МАКЕДОНИЈА НА СВЕТСКО !!!...

Откако Денвер ги загуби двата домашни натпревари со Минесота, шампионот возврати со две победи на гостински терен. Екипата на Денвер славеше во четвртот натпревар до Минесота со 115-107 и го израмни резултатот на 2:2 во серијата подобар до четири победи. Бадијала остана уште една блескава партија на Ентони Едвардс за „Волците“. Тој натпреварот го заврши со 44 поени, пет скока и пет асистенции, но тоа не беше доволно да се избегне поразот. На спротивната страна, Никола Јокиќ постигна 35 поени и додаде по 7 скока и асистенции. Арон Гордон додаде 27 поени, седум скока и шест асистенции, а имаше само едно промашување. Петтиот натпревар ќе се игра на теренот на шампионот во Денвер во среда наутро (03.30 ч.) По три многу изедначени натпревари, четвртиот во серијата помеѓу Индијана и Њујорк беше едносмерен. Како да играа само кошаркарите на Пејсерси кои славеа со убедливи 121-89. Победникот беше најавен по првиот период кој домашните го добија со 20, а во вториот додадоа уште осум поени разлика. На средбата Индијана имаше дури 43 поени предност, но на крајот победи со „само“ 32 поени. Најдобар во победничките редови беше Тајрис Халибартон со 20 поени, а Ти Џеј Меконел додаде 15 поени и десет асистенции, додека Паскал Сијакам и Оби Топин постигнаа по 14 поени. Сега резултатот е 2:2 во победи, а следниот натпревар ќе се игра во Њујорк....

Во последниот меч од 36-тото коло во Серија А во дербито Аталанта со 2-1 ја победи Рома во Бергамо. Ова дерби беше воедно и битка за местото кое води во ЛШ следната сезона. Аталанта за две минути преку Де Кетеларе во 18 и 20-тата минута поведе со 2-0 што на крајот се покажа како клучен момент на мечот. Рома до крајот само ја намали предноста на Аталанта на 2-1 со голот во 66-тата минута на Пелегрини од пенал. Имаше Рома неколку шанси и за израмнување, но не успеа да постигне гол и така падна на 6-тото место во Серија А кое следната сезона води во Лигата на Европа. Со овие нови три бода Аталанта има 63 на своето конто и три повеќе од Рома, но и меч помалку на две кола до крајот на сезоната....

МАКЕДОНИЈА ПОВТОРНО ЌЕ БИДЕ ДЕЛ ОД СВЕТСКАТА РАКОМЕТНА ЕЛИТА !!!РАДУВАЈ СЕ МАКЕДОНИЈО 🇲🇰 🇲🇰 🇲🇰...