off.net - ново
off.net - ново
Кајгана - ново
Екран - ново
Спорт Клуб - ново
Спорт Клуб - ново
Спортмедиа - ново
Американски разузнавачи тврдат дека Путин, веројатно, не го наредил УБИСТВОТО на Навални
Вечер - пред 35 минути
Американските разузнавачки агенции утврдија дека рускиот претседател Владимир Путин веројатно не го наредил убиството на рускиот опозициски лидер Алексеј Навални во затвор во февруари, објави денеска Вол стрит журнал (WSJ), повикувајќи се на неименувани добро информирани извори.Изворите откриваат дека проценката на САД се заснова на низа информации, вклучително и некои доверливи разузнавачки информации и анализа на заеднички факти, вклучително и дека смртта на Навални дојде пред претседателските избори во Русија и го засени реизборот на Путин во март.Помошникот на Навални Леонид Волков оцени дека тврдењата на американските разузнавачки агенции се „наивни и смешни“, пишува весникот.Изворите откриваат дека Вашингтон сепак не смета дека Путин не сноси никаква одговорност за смртта на Навални, со оглед на тоа што опозицискиот лик со години беше цел на руските власти, дека беше во затвор под обвинение за кое Западот вели дека е политички мотивирано и дека беше отруен со нервен агенс во 2020 година, објави Ројтерс.Соработниците на Навални го обвинија Путин дека е одговорен за неговото убиство и најавија дека ќе обезбедат докази за поддршка на нивните наводи.Кремљ негираше каква било државна вмешаност во смртта на Навални.Путин минатиот месец рече дека смртта на Навални е тажен настан и дека бил подготвен да го предаде на Запад како дел од меѓународна размена на затвореници, под услов Навални никогаш да не се врати во Русија.Соработниците на Навални потврдија дека имало такви разговори.Земјотрес со јачина од 6,9 степени по Рихтеровата скала го погоди југозападниот дел на ЈапонијаИран најави дека ќе го ослободи екипажот на запленетиот брод „MSC Aries“
Трипуновски: Извршивме порибување на рекреативната зона акумулацијата Градче
Вечер - пред 27 минути
Дополнителниот заменик-министер за земјоделство, шумарство и водостопанство Цветан Трипуновски денеска е во работна посета на Кочанскиот регион и општина Чешиново-Облешево каде што оствари повеќе средби со земјоделците од овој регион, но, исто така, изврши и порибување на акумулацијата Градче.Денеска заедно со пратениците, градоначалникот и концесионерот извршивме порибување на акумулацијата Градче со 185 килограми подмладок на крап. Подмладокот е обезбеден од репро центарот Акватика и истиот поседува здравствен сертификат, порибувањето се изврши во присуство на инспектор од Државниот инспекторат за земјоделство, рече Трипуновски.Порибувањето се врши се со цел одржување на рибниот фонд во акумулациите ширум територијата на Република Македонија и овозможува одржување на водниот свет, како и можност за рекреативен риболов.Зачувување на рибниот фонд во Република Македонија е еден од приоритетите на ВМРО-ДПМНЕ и во иднина ќе извршиме порибување и на останатите акумулации за да го зачуваме еко системот и рибниот фонд во Република Македонија, истакна Цветан Трипуновски, дополнителен заменик-министер за земјоделство, шумарство и водостопанствоМотоциклист тешко повреден во сообраќајка во РадовишЕКСКЛУЗИВНО: Функционери на ДУИ вмешани во ШВЕРЦ НА ЛУКСУЗНИ АВТОМОБИЛИ (ДЕТАЛИ)
Спасовски: Да не се заборави 27 април – најцрниот датум во историјата на македонската демократија
А1он - пред 1 час
Носителот во Втората изборна единица на СДСМ Оливер Спасовски денеска пред Собранието во изјава за медиумите истакна дека не смееме да се заборавиме и да се дозволиме да се повтори 27-ми април, најцрниот датум во историјата на македонската демократија. Добивај вести на вибер -Сликите и снимките од крвавите настани, за кои на овој начин денеска пред македонското собрание потсетуваме, нека останат паметник за тоа какви последици има од десничарскиот режим на ДПМНЕ. Насилници, поттикнати од ВМРО-ДПМНЕ извршија упад во Собранието, обидувајќи се да убијат пратеници, да повредат новинари и вработени во собраниските служби, да го урнат уставниот поредок, рече Спасовски. Според него, најавите за помилување на лицата што упаднаа во Собранието „се скандалозни и недозволиви и покажува дека ништо не е променето во ДПМНЕ“. – 27 ми април е тежок, крвав потсетник колку лесно опасна власт може да ја втурне земјата во провалија. Не смееме да заборавиме и не смееме да се откажеме од борбата за слобода, демократија, правда и правичност. СДСМ не се откажа на 27 април, нема да се откаже ниту на 8 мај, рече Спасовски барајќи поддршка за неговата партија и коалиција на парламентарните избори.
Велика Британија го повика на разговор рускиот амбасадор поради „злонамерни активности“
Вечер - пред 52 минути
„Велика Британија и понатаму е длабоко загрижена поради наводите за руска злонамерна активност на наша почва, како и моделот на однесување на Руската Федерација за спонзорирање на такви активности на територијата на други, суверени држави“, се вели во соопштението. Велика Британија повика на „итно запирање“ на ваквите активности и рече дека ќе продолжи да работи со сојузниците за одвраќање и одбрана од „спектарот закани кои доаѓаат од Русија“. Одлуката доаѓа откако Британец беше обвинет за „вршење непријателски активности во Обединетото Кралство во корист на Русија“, соопшти вчера британското обвинителство (ЦПС). ЦПС наведе дека Дилан Ерл е обвинет според Законот за национална безбедност од 2023 година, што е прв случај на обвинение според оваа законска регулатива.Земјотрес со јачина од 6,9 степени по Рихтеровата скала го погоди југозападниот дел на ЈапонијаИран најави дека ќе го ослободи екипажот на запленетиот брод „MSC Aries“
Земјотрес со јачина од 6,9 степени по Рихтеровата скала го погоди југозападниот дел на Јапонија
Вечер - пред 1 час
Според соопштението на Јапонската метеоролошка агенција (ЈМА), земјотресот се случил во 17:36 часот по локално време. Потресот е регистриран на длабочина од 540 километри. Островите Огасавара, локално познати како „Острови Бонин“, се наоѓаат на 1.000 километри југоисточно од Токио, главниот град на Јапонија, и 1.600 километри северозападно од островот Гуам во западниот Пацифик. Велика Британија го повика на разговор рускиот амбасадор поради „злонамерни активности“Иран најави дека ќе го ослободи екипажот на запленетиот брод „MSC Aries“
Сајкоски: Идната влада на ВМРО-ДПМНЕ ќе вложи многу средства за градот Битола
Вечер - пред 35 минути
И оваа сабота сум во Битола на средба со граѓаните. Сакаме да им укажеме, но и да им гарантираме на битолчани дека Битола е на врвот на агендата на идната влада на ВМРО-ДПМНЕ, изјави Ѓорѓија Сајкоски, генерален секретар на ВМРО-ДПМНЕ и носител на изборна единица 5.-Сакаме да им гарантираме дека Битола ќе биде културен, образовен, економски и енергетски центар. Ќе вложиме во РЕК Битола, комбинатот ќе биде во полн сјај и ќе бидат реконструирани блоковите.Сакаме исто така да укажеме дека ќе вложуваме и во општина Битола. Секоја година општината од владата ќе добива 11 милиони евра, ќе се направат влезовите во Битола. Но, владата исто така ќе ја направи обиколницата до Меџитилија, ќе вложи многу средства за градот Битола, посочи тој и ги повика битолчани во што поголем број да се приклучат на изборите на 8 мај.Мотоциклист тешко повреден во сообраќајка во РадовишЕКСКЛУЗИВНО: Функционери на ДУИ вмешани во ШВЕРЦ НА ЛУКСУЗНИ АВТОМОБИЛИ (ДЕТАЛИ)
Николоски: Ќе вложиме 50 милиони евра во спортот, поддршка за клубовите и федерациите
Вечер - пред 40 минути
Денеска сум во посета на општините Гевгелија, Валандово и Неготино. Во Гевгелија имав задоволство да проследам дел од државното првенство во карате за категорија од 10 до 14 години. Навистина импресивно како бројни млади деца се натпреваруваат и го градат спортскиот дух, и тоа е нешто што сакаме да го видиме во Македонија после изборите. Затоа силно ќе го поддржиме спортот. И затоа планираме секоја година дополнителни 50 милиони евра поддршка за спортот во Македонија со цел спортот да се развива, и тоа да е основата за развој на нацијата, изјави денеска Александар Николоски, потпретседател на ВМРО-ДПМНЕ и носител на изборна единица 4.Истакна дека ќе инвестираат во изградба и на спортски објекти, на спортски сали и на сето она кое што е потребно како спортска инфраструктура, но и поддршка на клубовите, федерациите со цел што повеќе луѓе да се занимаваат со спорт.-Денеска исто така ќе посетиме неколку стопански објекти тука во Гевгелија каде што ќе ги презентираме нашите проекти, пред се поврзани со економскиот развој на Македонија, за стимулирање на домашните инвеститори, секако и привлекување на странски инвеститори. Тука е делот на намалување на даноци кои што треба да овозможи по поволна бизнис клима, стимулирање на извозот преку реструктуирање на министерствата, тука секако доаѓа формирањето на таканаречено Министерство за надворешни работи и трговија, кое што треба да се занима покрај се она што се основни обврски на Министерството за надворешни работи и со промоција на извозот од Македонија, како и привлекување на странски инвестиции во Македонија.Ќе поразговараме и за состојбите во земјоделието каде што планираме бројни проекти во следниот период и за сето она кое што е важно за граѓаните.Би сакал да искоментирам уште една работа. Ја гледаме паниката во власта, особено во политичката партија ДУИ, слушаме дека веќе интензивно размислуваат за поткуп на гласачи, да им кажам дека тоа е недозволиво, дека е законски казниво дело и дека одговорност ќе има. Да не помислуваат на таква работа, нашата цел е јасна што поголема поддршка за СДС и ДУИ да одат во опозицијата. И ние сме убедени дека граѓаните ќе ни дадат огромна поддршка за да го реализираме ова, се со цел после тоа да воведеме функционален систем на правото, економски да ја развиваме Македонија, да ги подобруваме условите во образованието, во здравството, пензиите да растат, а младите да имаат подобра иднина во Македонија, нагласи Николоски.Мотоциклист тешко повреден во сообраќајка во РадовишЕКСКЛУЗИВНО: Функционери на ДУИ вмешани во ШВЕРЦ НА ЛУКСУЗНИ АВТОМОБИЛИ (ДЕТАЛИ)
Свечена промоција на нови Свечена промоција на нови полициски службеници во Центарот за обука на МВР во Идризово во Центарот за обука на МВР во Идризово
Република - пред 5 часа
Свечена промоција на нови полициски службеници – генерација 2023-2024 година, ќе се одржи денеска во Центарот за обука на МВР во Идризово, со почеток во 11:00 часот. На промоцијата обраќања ќе имаат премиерот на техничката Влада Талат Џафери, министерот за внатрешни работи Панче Тошковски, дополнителниот заменик-министер за внатрешни работи Митко Бојмацалиев и Сузе Трајковска, раководител на Центарот за обука на МВР. Настанот ќе биде пренесуван и во живо на официјалната страница на Министерството за внатрешни работи. https://www.facebook.com/mvr.gov.mk Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Лукаревска: Слободата и демократијата што ја имаме и живееме во изминатите седум години имаат своја цена
А1он - пред 1 час
Денеска е 27 април, точно седум години од „Крвавиот четврток” во македонското собрание. Слободата и демократијата што ја имаме и живееме во изминатите седум години имаат своја цена. Сите големи успеси на СДСМ и на сите прогресивни граѓани имаат висока цена, ама вредеше, некои работи не смеат да се заборават, за да не се повторат. Затоа ние остануваме со граѓаните, со сите вас кои што верувате во единствениот исправен пат за државата, во членството во Европската Унија како најцврста гаранција за сигурна и безбедна иднина. Само заедно можеме да ја оствариме таа цел, зашто е наша, заедничка, изјави носителката во третата изборна единица, Сања Лукаревска. Добивај вести на вибер Лукаревска истакна дека СДСМ е голема, силна партија, која што секогаш донесувала правилни одлуки за сигурна иднина на државата. „Никогаш нема да се откажеме од нашите социјал- демократски вредности за слобода, правда, еднаквост и просперитет за сите граѓани, без поделби и раздор, без крвави сценарија. Ние веруваме во заедничка, подобра, европска иднина за сите граѓани. И на 8 мај, и по 8 мај, ќе покажеме и докажеме дека СДСМ има луѓе кои никогаш нема да отстапат од нашите вредности, ги браневме и ќе продолжиме со истата посветеност, за нас нема друг пат. Да продолжиме заедно, да покажеме одлучност, можеме, како и пред седум години, заедно со сите прогресивни граѓани за сигурна и безбедна иднина”, рече Лукаревска.
ЕКСКЛУЗИВНО: Функционери на ДУИ вмешани во ШВЕРЦ НА ЛУКСУЗНИ АВТОМОБИЛИ (ДЕТАЛИ)
Вечер - пред 1 час
Ќе се охрабри ли јавното обвинителство да се пресмета со криминалот кој го прават членови и функционери на ДУИ злоупотребувајќи ги своите позиции и институциите?Лица од врвот на ДУИ се вмешани во голем скандал при увоз на луксузни возила со фалсификување исправи, компјутерски фалсификат, прикривање стоки кои се предмет на криумчарење и царинска измама, со што е оштетен буџетот на Република Македонија за стотици милиони, дознава <b><i>Вечер.мк о</i></b>д извори во царината. Станува збор за фирмата <b>СА,</b> позади која стои <b>Суад Алија</b>, сопственикот на продавници за покуќнина <b>Homax</b>, кој во соработка со двајца цариници <b>Менсур Цури и Бесник Османи</b>, со фалсификување исправи, компјутерски фалсификат, прикривање стоки кои се предмет на криумчарење и царинска измама имаат направено увоз на стотици луксузни автомобили.<b>Како оди шемата?</b>Извори од царината, за <b><i>Вечер.мк</i></b> го објаснуваат процесот во кој мора да има увозник, мора да има цариници, но мора да има и полицајци.При увоз на големи, луксузни возила, увозникот <b>(компанијата СА)</b> контактира со лицето за контакт од царината <b>(Менсур Цури и Бесник Османи)</b> за да се договорат да се пресмета пониска царинска и даночна стапка од каталошката вредност на автомобилот.Царинскиот службеник, наместо да се повика на каталошката проценка од европскиот систем, при царинењето наведува дека за такво возило нема референтна класификација и пристапува на царинење засновано на фактура.Таа фактура што ја прифаќа во договор со увозникот <b>(компанијата СА) </b>е фалсификувана за видно помал износ. Наместо плаќањето да се врши банкарски, се фалсификува документ дека автомобилот е платен во готово или се фалсификува и друга платежна трансакција.Цариникот ги прифаќа документите и го царини возилото со видно пониска цена со што го оштетува буџетот на Република Македонија.Оваа шема се применува на поскапи, луксузни возила каде разликата во царините е поголема и се движи од 10.000 до 30.000 евра по возило. На пример, ако треба да се плати царина од 30.000 евра, тие се договараат да се платат 5.000 евра на име данок и царина при увоз, а остатокот го делат.Луксузните возила се увезени од <b>СА компани,</b> а потоа се препродаваат на пазарот.Шемата е развиена од лицата цариници <b>Менсур Цури и Бесник Османи</b>, кои се блиски до управата на царина, каде сеуште директор е <b>Стефан Богоев</b> од СДСМ.<b>Во декември лани беше разбиен уште еден канал за криумчарење луксузни автомобили</b>Основното јавно обвинителство во Скопје во декември 2023 соопшти дека поднело обвинение против 18 физички и едно правно лице за криумчарење на луксузни возила со проценета вкупна вредност од над половина милион евра. Кривичните дела за кои се обвинети вклучуваат фалсификување исправи, компјутерски фалсификат, прикривање стоки кои се предмет на криумчарење и царинска измама, спречување докажување и злоупотреба на лични податоци.Според обвинението, во периодот од август 2020 година до април 2022 година, обвинетите вршеле пренос преку царинска линија на непријавени стоки, односно на луксузни автомобили. Тие ја избегнувале царинската контрола и фалсификувале службени исправи. Потоа ги сокривале возилата и меѓусебно ги препродавале по неколкупати во краток временски период.Николоски: Ќе вложиме 50 милиони евра во спортот, поддршка за клубовите и федерациитеМотоциклист тешко повреден во сообраќајка во Радовиш
Мотоциклист тешко повреден во сообраќајка во Радовиш
Вечер - пред 1 час
На 26.04.2024 во 17.00 часот во Полициската станица Радовиш било пријавено дека на улица „Калаузлиска“ во Радовиш, мотоцикл управуван од М.Д.(27) од Радовиш излетал од патот и удрил во паркирано патничко возило „пежо“ со радовишки регистарски ознаки. Во несреќата со тешки телесни повреди се здобил возачот на мотоциклот, констатирани во Медицински центар Штип. Увид на местото извршила екипа на Полициската станица Радовиш. ПОВРЗАНИ ТЕМИНиколоски: Ќе вложиме 50 милиони евра во спортот, поддршка за клубовите и федерациитеЕКСКЛУЗИВНО: Функционери на ДУИ вмешани во ШВЕРЦ НА ЛУКСУЗНИ АВТОМОБИЛИ (ДЕТАЛИ)
„СДСМ и Пендаровски И ПОНАТАМУ ГИ ПОТЦЕНУВААТ ГРАЃАНИТЕ КОИ ВО ПРВИОТ КРУГ СЕ ИСКАЖАА“
Вечер - пред 1 ден
Граѓаните во првиот круг ги искажаа своите желби и барања. Тие ѝ дадоа огромна поддршка на Коалицијата „Твоја Македонија“ и на кандидатката Гордана Силјановска Давкова, што се очекува да се потврди и прошири, велат од Социјалистичката партија на Македонија.СДС и Пендаровски сметаат дека тоа не е ништо и дека сега се почнува од нула. Тие и понатаму ги потценуваат граѓаните дека забораваат за кого се определиле и која опција ја преферираат.СДС со лаги ги храбри членовите и неопределените да ги поддржат и прават скриени нечесни комбинации за уште едно големо предавство кое оваа пропадната партија им го спрема на македонските граѓани.Граѓаните се незадоволни од предавниците, корумпираните криминалци и лажговци кои ги осиромашија и ги понижија. СДС и ДУИ мора да бидат казнети и да одговараат за криминалите, прадавствата и злоделата.Бранот на гласачи за Коалицијата „Твоја Македонија“ забрзано расте и ќе ги издигне највисоко претседателскиот кандидат и предложените кандидати за пратеници на ниво на државна сила која ќе може да се справи со проблемите што ги предизвикаа СДС и ДУИ.Социјалистичката партија на Македонија укажува дека само со масовна излезност на изборите народот ќе си ја врати државата и ќе ја направи горда и просперитетна кон европскиот пат на раст и развој.Македонски фирми ПЛАЌААТ НА НЕПАЛКИТЕ ПАТ ДО ТУКА, А ТИЕ ПОСЛЕ БЕГААТ НА ЗАПАДПОПЛАВА НА ТОКСИКОЛОГИЈА од пукнато парно, прашање е дали клиниката има осигурување
МВР: Неготинец нападнал малолетник во сендвичарница, исчезнал болен маж од Кавадарци
А1он - пред 2 часа
Уапсен е неготинец кој нападнал малолетник во сендвичарница во Неготино. Случајот го пријавил таткото на малолетникот, информира денеска Биљана Ѓаковска, портпаролка на СВР Велес. Добивај вести на вибер -Утринава полициски службеници од ОВР Неготино го лишиле од слобода С.Д.(39) од овој град, постапувајќи по пријава на неготинецот И.С.(44), според која, во сендвичарница во градот, тој физички го нападнал неговиот малолетен син. С.Д. бил задржан во полициска станица, известен бил јавен обвинител и по документирање на настанот, против него ќе биде поднесена соодветна пријава, појасни Ѓаковска. Таа извести и дека во кавадаречко било пријавено исчезнување на 76 – годишно лице, по кое се уште се трага. Вчера во 10.30 часот, во ОВР Кавадарци, К.С.(74) од Кавадарци пријавила дека од домот се оддалечил нејзиниот сопруг С.С.(76), кој имал здравствени проблеми. Се преземаат мерки за пронаоѓање на лицето. Дознаваме дека лицето го бараат полицајци, блиски роднини и други луѓе, пожарникари, планинари и велосипедисти.
Гир: Првиот круг од изборите мина генерално мирно и демократски
А1он - пред 35 минути
Првиот круг од изборите помина во генерално мирна и демократска атмосфера. Се надеваме дека така ќе биде и за време на кампањата вториот круг од претседателските избори и за парламентарните избори и дека целиот процес ќе заврши со позитивни пораки, изјави денеска амбасадорот на Европската унија во земјата Дејвид Гир. Добивај вести на вибер -Мисијата на ОБСЕ/ОДИХР веќе го издаде прелиминарниот извештај од Првиот круг на изборите. Изборите се одвиваа во генерално мирна и демократска атмосфера и навистина се надеваме дека во вториот круг на претседателските избори, тие исто така и во кампањата за парламентарните избори тие ќе се надградат во овој позитивен замаец што ќе овозможи целиот процес да заврши со позитивни пораки и со позитивно чувство, изјави евроамбасадорот Дејвид Гир, кој денеска присуствуваше на одбележувањето на Европската недела на имунизација во Градски парк.
Грција воведува шестдневна работна недела
А1он - пред 6 часа
Вo јули во Грција се воведува шестдневна работна недела, а обврската ќе важи за државните служби, комуналните претпријатија, банките, фирмите, организациите и земјоделските стопанства кои досега практикуваа петдневна работна недела. Добивај вести на вибер Според законот, работниот ден дополнително работно време не смее да трае подолго од осум часа, а не е дозволена прекувремена работа. Оваа одредба, која стапува во сила од 1 јули, не мора да ја следат работодавачите на фирми или фарми кои по својата природа не се континуирани, односно до сега не работеле пет дена во неделата. Има и други исклучоци. Што се однесува до ограничувањата, работникот не смее да работи повеќе од осум часа на шестиот работен ден, а не е дозволена прекувремена работа. Во случај фирмите или фармите да имаат петдневни ноќни смени (00:00-06:00 часот), тогаш шестиот ден може да не работат во ноќна смена.
Самарас: Извештајот на Дора Бакојани не ја претставува Грција
А1он - пред 6 часа
Поранешниот грчки премиер Андонис Самарас денеска ја критикуваше Дора Бакојани, известувачот за прием на Косово во Советот на Европа, посочувајќи дека нејзиниот извештај за Косово не ја претставува Грција, ниту културата и традициите на таа земја. Добивај вести на вибер „Грозните работи што се случија неодамна во врска со Косово не ги претставуваат Грција и хелинизмот“, рече Самарас. Тој додаде дека Грција попрво треба да се занимава со одбележувањето на 50-годишнината од турската инвазија на Кипар, наместо, како што рече, „да го влече хеленизмот по опасни патеки, како со резолуцијата за Косово“.
Брнабиќ: Никој нема да ги бојкотира изборите
Прес 24 - пред 2 часа
Претседателката на Народното собрание на Република Србија, Ана Брнабиќ изјави дека постојат три лажни тези на кои опозицијата ја гради својата кампања – дека се поделени, дека ќе има бојкот на изборите и дека нови луѓе ќе се приклучат на опозицијата. Таа вели дека точно е дека бојкот не постои, дека опозицијата е пообединета од кога било и дека успеале само да го избркаат непопуларниот Драган Ѓилас. Во утринската програма на ТВ Прва, Брнабиќ изјави дека опозицијата го има целото време на светот за кампања што успешно ја спроведува, а претседателот Александар Вучиќ цело време се бори за витални национални интереси и нема време за кампања. -Изборите се распишани за втори јуни по барање на опозицијата. Таму се сретнавме, претседателот Александар Вучиќ инсистираше да ги намалиме тензиите во општеството и да покажеме флексибилност и толеранција, за да постигнеме внатрешна стабилност. Доаѓаат тешки денови за Србија, го видовте претседателот Вучиќ цела минатата недела, натчовечка борба за нашите национални интереси, за правда, за вистина, за мирен и стабилен предвидлив светски поредок. Уште еднаш му благодарам на претседателот за целата таа борба. Но, кога се борите за такви работи, потребна ви е внатрешна стабилност. На крајот победи одговорноста, затоа изборите на 2 јуни беа како што бараше опозицијата – рече Брнабиќ и додаде дека власта и опозицијата сега имаат постојан дијалог. – Сега имаме постојани состаноци, некои сакаат да разговараат, а некои се уште не. Никогаш не знаете кога ќе се појави некој од нив, а тоа говори за нивната сериозност. Единствени кои секогаш доаѓаат се владините претставници. Некогаш не се појавува Еколошкото востание, некогаш не се појавува партијата на Ѓилас… Исто така никогаш не знаете кои ќе бидат темите на средбата. Мојата цел е разговорите да се случат, покажуваме дека сакаме да ги исполниме сите нивни барања. Ќе продолжам да разговарам, да свикувам состаноци, да се трудам да ја градам таа атмосфера на дијалог.
Во Атина уапсени двајца членови на меѓународната криминална група „Пинк Пантери“
Вечер - пред 1 ден
Неофицијално станува збор за српски државјани, а за кражбите го користеле методот „рифифи“, односно во златарниците и продавниците за накит влегувале по направени дупки од соседни напуштени или празни згради или простори. Од грчката полиција соопштија дека уапсените биле активни најмалку од декември минатата година, користеле фалсификувани документи, а се движеле со возила со странски регистарски таблички или во сопственост на лица со чисто криминално досие, за да не бидат откриени. Во однос на начинот на дејствување откако ги таргетирале продавниците, ги набљудувале, по што подготвувале соодветен план и се движеле пеш за да не бидат сомнителни. Откако успевале да добијат пристап до напуштените или празни згради-лепенки до златарниците, отворале дупка на ѕидот што води до продавницата. Еден од уапсените влегувал преку дупката со лазење за да не се активираат детекторите за движење и со украдениот накит се враќал во соседниот простор. Од досегашната истрага на полицијата, расчистени се две случаи на кражби во златарници во центарот на Атина, а продолжува истрагата за утврдување на целосниот обем на нивната криминална активност. По извршениот претрес на уапсените меѓу другото, биле пронајдени и одземени алатки за кражби, три часовници, накит, 190 евра, фалсификувана возачка дозвола, три мобилни телефони.Обвинителството во Подгорица отвори предмет против Мило ЃукановиќГрција НЕМА ДА И ДАДЕ НА УКРАИНА ПРОТИВВОЗДУШНА ОДБРАНА: „Тие ни се клучни“
Хаос пред градското собрание во Тирана, фрлани молотови коктели врз објектот
Вечер - пред 1 ден
Поради сериозноста на состојбата зголемено е присуството на полициските трпи, кои на учеснците во протестот не им дозволија насилно да влезат во објектот а во гаснењето на пожарот учествуваше противпожарна единица. Ова е четврти по ред протест на „Иницијативата за обнова на ДП“, поддржан и од Партијата на слободата на Илир Мета, како и Алијансата за заштита на театарот, на кои се бара оставка на градоначалникот Ерион Велиај. Барањето за негова оставка се бара по откривањето на скандалот за злоупотреба на државни средства, за што, по налог на Специјалнорто обвинтелство против организиран криминал и корупција, СПАК, се уапсени десеттина високи раководители во општината, блиски соработници на Велиај. -Правдата ќе биде задоволена, бидејќи граѓаните се на нозе! Никогаш нема да отстапиме од нашата борба, порачаа дел од оние кои се обратија до сега на протестот. Организаторите бараат од полицијата да им се дозволи протестот да продолжи до 20 часот.Запленета голема количина фалсификувани производи во Нови Сад и БелградОбвинителството во Подгорица отвори предмет против Мило Ѓукановиќ
Конечно откриено ШТО ЌЕ БИДЕ СО КАМИЛА ако умре кралот: Ќе МОРА ДА БИРА меѓу две опции
Вечер - пред 1 час
Веста дека кралот Чарлс има рак во февруари го потресе светот, а набргу потоа се зборуваше за тоа што ќе се случи кога ќе почине. Сега е откриено што ќе се случи со кралицата Камила.Смртта на неговата мајка, кралицата Елизабета II, која почина во септември минатата година, беше предвидена во планот за вонредни ситуации познат како „Операција лондонски мост“, па сега постојат протоколи во случај на смрт на кралот, „Операција Мост Менаи“.<b>Би била слободна да ја избере својата иднина</b>Одлучено е принцот Вилијам веднаш да стане монарх, а Кејт Мидлтон да стане кралица сопруга.Според „Дејли мирор“, кралицата Камила потоа ќе стане кралица вдовица, која ќе продолжи да ги извршува своите должности кон новиот шеф на државата, бидејќи не е именувана во кралската лоза на наследување.Слободна би можела да донесе одлука за својата иднина. Таа би можела да се пензионира во Реј Мил хаус, нејзиниот дом на село или да продолжи со својата добротворна работа, која е фокусирана на области како што се здравјето, писменоста, уметноста и поддршката за преживеаните од силување и сексуален напад.Првата што ја употреби таа кралска титула беше кралицата Аделаида, која го надживеа својот сопруг, кралот Вилијам IV, за 12 години. Сите нивни деца починале уште во детството, па круната и припаднала на внуката на Вилијам, кралицата Викторија.По смртта на кралот Џорџ VI во 1952 година, бабата на кралот Чарлс, Елизабета, донела одлука да биде кралица мајка. Била поддржувач на кралицата Елизабета во текот на нејзиното владеење, придружувајќи им се на другите членови на кралското семејство на специјални настани како што се Trooping the Color и Royal Ascot, дури и во доцните 90-ти.Таа почина во 2002 година на 101 година, а кралицата Елизабета зборуваше за „заразната желба за живот“ на нејзината мајка во ретка емисија од замокот Виндзор пред погребот на кралицата мајка.„Со текот на годините запознав многу луѓе кои мораа да се справат со загубата на семејството, понекогаш во најтрагични околности. Затоа се сметам себеси за среќна што мајка ми беше благословена со долг и среќен живот. Таа имаше заразна желба за живот и таа ја следеше до самиот крај, исто така, знам дека нејзината вера отсекогаш била голема сила“, рече тогаш Елизабет.Пред нејзината смрт, кралицата Елизабета изјавила дека сака Камила да биде позната како кралицата сопруга кога Чарлс ќе се качи на тронот.„Кога мојот син Чарлс ќе стане крал, знам дека ќе му ја дадете нему и на неговата сопруга Камила истата поддршка што ми ја дадовте и моја искрена желба е, кога ќе дојде време за тоа, Камила да стане кралица сопруга зашто ја продолжува својата верна служба“, порачала Елизабет.Денеска е Лазарова сабота, утре Цветници - празници предвесници на ВелигденВО МОЈОТ СВЕТ - со НЛБ Рамка за помош
Хутите истрелаа три проектили кон два брода во Црвеното Море
Вечер - пред 2 часа
Американската централна команда (ЦЕНКОМ) во објава на платформата Икс соопшти дека танкерот за нафта МВ Андромеда Стар е оштетен, а проектил паднал во близина на друг брод, МВ Маиша, но не го оштетил. Од ноември минатата година, Хутите напаѓаат комерцијални бродови во Црвеното Море и Аденскиот Залив со проектили и беспилотни летала во знак на, како што велат, поддршка за палестинската милитантна група Хамас во конфликтот со Израел во Појасот Газа.Велика Британија го повика на разговор рускиот амбасадор поради „злонамерни активности“Земјотрес со јачина од 6,9 степени по Рихтеровата скала го погоди југозападниот дел на Јапонија
Тројца повредени во торнадо во Небраска, стотици куќи оштетени
А1он - пред 3 часа
Три лица се повредени во округот Ланкастер во американската сојузна држава Небраска кога торнадо урна индустриска зграда во која се наоѓаа 70 луѓе, а сите се евакуирани, соопштија властите. Добивај вести на вибер Неколку торнада ги погодија Небраска и американската сојузна држава Ајова во петокот, а најразорните ги погодија северозападните предградија на Омаха, град со 485.000 жители. Торнадото оштети стотици куќи и други згради, а околу 10.000 потрошувачи во областа останаа без струја, пренесува АП.
Шпанија ќе испрати мал број ракети „Патриот“ во Украина
Вечер - пред 1 ден
Весникот наведува дека Шпанија ја отфрлила можноста за испорака на противвоздушни лансери на Украина, но ќе испрати проектили во Киев. Шпанија има три системи „патриот“ кои ги купи од Германија во 2004 и 2014 година, потсетува весникот. Украинскиот претседател Володимир Зеленски им кажа на членките на НАТО претходно овој месец дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да ги одврати руските воздушни напади, барајќи од нив да ја засилат воената помош за Киев. Министрите на ЕУ пред неколку дена изјавија дека разгледуваат како да обезбедат повеќе оружје за противвоздушната одбрана на Украина.Трамп e подготвен да го обнови конзервативниот сојуз со ОрбанШојгу: Русија никогаш не планирала да ги нападне земјите од НАТО
Со беспилотни летала Украина ги нападна руските рафинерии во Краснодар, една од нив престана да работи
А1он - пред 1 час
Нафтената рафинерија во Славјанск во руската област Краснодар беше принудена да прекине некои работи откако беше оштетена во напад од украински беспилотни летала, ја цитира државната новинска агенција ТАСС денешното соопштение на раководството на рафинеријата. Добивај вести на вибер На некои локации Украина систематски ја таргетира руската енергетска инфраструктура – и покрај барањата на САД да не го прават тоа – во обид да ја наруши руската економија, а со тоа и нејзината способност да ги финансира нејзините воени напори. Украински разузнавачки извор за Ројтерс изјавил дека Украина рано утринава со беспилотни летала ги нападнала нафтените рафинерии Илски и Славјанск во руската област Краснодар, предизвикувајќи пожари во објектите. Истиот извор рече дека украинските беспилотни летала го гаѓале и воениот аеродром Кушчевск во истиот регион во текот на ноќта. Руското Министерство за одбрана објави дека руските единици за противвоздушна одбрана уништиле 66 украински беспилотни летала над регионот Краснодар и уште две над полуостровот Крим, кој Русија го анектираше од Украина во 2014 година.
СПИЕЛ НА ЗЕМЈА И ПЕЕЛ ЗА ЧИНИЈА ГРАВ! Тома се женел 4 пати, умрел во маки, а мистериозното видео и денес КИНЕ ДУША
Вечер - пред 1 час
Ако може да се каже дека некој е музичка легенда, тогаш тоа е Тома Здравковиќ, чии стихови и песни што ја разоруваат душата со секој свој стих ќе живеат вечно.Тома Здравковиќ со љубов го обои секој тон од своето битие и несебично ни ја пренесе таа страст преку стиховите кои не губат со текот на времето, а неговата животна приказна е полна со тешки и болни моменти. Тома водел бурен и интересен живот, неговите песни најчесто биле пишувани под товарот на тагата, зборувале за убави жени кои кратко останувале во неговиот живот и исчезнувале од него.Повеќе од 30 години по неговата смрт, сè уште се восхитуваме на силата на тој дух, на постоењето на такво суштество кое во секој стих пренесуваше чисти емоции, веселост и добрина, но неговата животна приказна е полна со алкохол, тага и борба.Многу години по смртта на Тома, мистериозната снимка од Тома како пее додека Сека Саблиќ седи до него и не може да ги задржи солзите ги преплави социјалните мрежи - „Намерно беше, не поканија сите актери, бевме многу, ни рекоа: "Тома е во лоша здравствена состојба, сака да има проштална вечер со луѓето. После тоа живееше уште една година, дури мислевме дека настанот е некаков маркетинг. За жал, не беше, Тома почина." Сека објасни за што станува збор во видеото кое кружи на мрежите.Таткото на Тома, Душан, бил месар, а неговата мајка Косара била домаќинка која родила пет деца, најстариот син Александар, потоа Иван, Тома кого го викале Дадо, ќерката Мирјана и најмладиот наследник Новица. Растејќи во сиромаштија, Тома брзо сфатил дека животот на село не го привлекува, па почнал да пее на петнаесет години и видел дека тоа му е единствениот излез. Не сите имале верба во неговиот успех, но Тома не дозволил „злите јазици“ да го обесхрабрат. Првата станица на патот до успехот бил Лесковац.„Спиевме на подот и се покривавме со партали, сите нè изедоа вошки“, вели Станиша Станојевиќ, кој тогаш му бил цимер на Тома. Се започнало во 1954 година кога во кафаната „Радан“ влегле две слаби, гладни момчиња. Дошле да молат за остатоци од трпезата, но судбината им подготвила нешто повеќе. Ова го слушнал директорот на театарот во Лесковац и го прашал дали сака да пее во претставата „Зона Замфирова“, а тој му рекол: „Да, но за две чинии грав и две парчиња леб“.Сосема случајно, гладен и измрзнат, ја сретнал пејачката Силвана Барјактаревиќ, подоцна Арменулиќ, која го качила на сцената, а потоа сите прашувале „кој е тој Тома?“. Со таква репутација заминал во Тузла каде пет години ја полнел салата на хотелот во кој настапувал.Тома имаше големо срце, поради што еднаш го загуби целиот хонорар поради девојчето Зорица од Скадарлија. Враќајќи се од тезга, го фатил дожд и се сокрил под стреата во Скадарлија, каде стоело и мало девојче со букет рози: „Тома ја знаел и ја прашал: Зорице, како помина вечерва? „Лошо беше, многу лошо, Томо. Но, и покрај лошиот пазар, те слушав како пееш и задоволна сум“, раскажал Златко Крстиќ и додал дека и ги дал сите пари, а таа му рекла: „Па, мајсторе, дај ми 100 динари за такси“. Дури тогаш сфатив дека на Зорица и го дал целиот хонорар од 700 марки! Ме погледна и ми рече: „Нејзе повеќе и требаат парите, а и оваа роза, верувај ми, вреди повеќе од сите пари““.На погребот на Тома доминираше голем венец од природни рози на кој пишуваше: „Томо, моето детство те жали“.Тома Здравковиќ се женеше четири пати, а од тие бракови има две деца, ќерката Жаклина и синот Александар. Една вечер во хотелот „Војводина“ во Зрењанин ја запознал убавата црнка Олгица и потполно шармантен ја замолил да се омажи за него. Својата ќерка ја крстија Жаклина по сопругата на Џон Кенеди која беше убиена на денот кога се роди. За жал, бракот не траеше долго и парот се разведе.".Кафеанската кариера на Здравковиќ продолжила во Белград во „Градска визба“, каде ја запознал Милица со која се оженил по неколку месеци и се чинеше дека покрај неа веќе не е оној стариот. Не пиел многу, го напуштил коцкањето и боемското друштво кое го следеше насекаде, снимаше хитови и ѝ се оддолжи на Силвана пишувајќи ѝ ја легендарната песна „Шта ќе ми живот“. Ниту љубовта со Милица не траела и двојката се развела во 1970 година, а депресијата и разочарувањето ги гаснел во дното од чашата и крај коцкарската маса.Нада Радановиќ од Цетиње, третата сопруга на Тома, според многумина е неговата најголема љубов. Се венчале на островот на цвеќето во Црна Гора во 1972 година, а кума им била Оливера Катарина. И покрај лудата љубов и страст, бракот не траеше. Се зборувало дека Тома бил очаен по несреќата, а набргу потоа заминал во Америка, а потоа во Канада, каде што ја запознал Гордана, која му го родила синот Александар и останала со него до крајот на животот.„Никогаш не пиев затоа што сакам алкохол, сè се движеше од неколку пијачки и секогаш во друштво. Порано поминувавме три или четири дена во барови без прекин“, вели овој голем боем чија голема страст беше коцкањето.Откако останал без пари и убеден дека наскоро ќе умре поради здравствени проблеми, побегнал прво во Америка, а потоа во 1974 година се упатил во Канада. Со се полошо здравје морал да оди во болница каде два пати бил опериран. Иако продолжил да пие и пуши, неговата состојба привремено се стабилизирала. Откако Александар се родил во Торонто, тој и неговото семејство се вратија во Југославија на крајот на 1978 година и сними албум."Имав повеќе среќа од памет. Се сожалија на мене и затоа пак ме прифаќаат. Дали знаат дека сум бил болен и се влечкав низ Америка, Канада и се вратив дома, а можеби некогаш и ме сакаа многу, па остана во нив, мислам дека се што поминав и издржав мораше така да се случи. Останав некаде, во мојата последна генерација, мал селанец кој доби удар од парите и слават“, рекол по враќањето во татковината.Неговиот познат хит „Бранка“, кој првично не сакал ни да го слушне, го воскресна од мртвите. Песната ја напишал композиторот и пејач Миша Марковиќ, кој во една прилика рекол: „Бранка ќе те воскресне од мртвите“, му реков на Тома, а тој се навреди и физички ме нападна. По една година кога „Бранка“ предизвика цунами, Тома пак истрча кон мене, клекна и ми рече извини“. Песната постигна голем успех и е посветена на Бранка Соврлиќ. Во февруари 1982 година во белградскиот Дом на синдикати го одржа својот прв солистички концерт по 26 години музика и го достигна врвот на својата кариера.Иако болеста повторно го скрши во 1987 година, есента замина на турнеја која беше рекламирана под слоганот Проштални концерти на Тома Здравковиќ. Домот на синдикати во Белград дваесет дена беше полн секоја вечер, а низ Југославија се повторуваа еуфорични сцени. Следниот албум „Можно ли е“ му донесе уште поголема слава, а потоа во април 1991 година, по албумот „Кафана је моја судбина“, поради болеста е врзан за креветот во ВМА во Белград. По седумнаесетгодишна борба со ракот на простата, тој почина на 30 септември 1991 година, но легендата за најголемиот југословенски боем и човекот кој ги опеа своите најнежни емоции, сè уште е жива, исто како и неговите песни кои станаа евергрин хитови.Ума Турман на црвениот тепих на „Time 100“ посебен фустан (ФОТО)Секс-бомбата бара момче: Треба да биде богат и убав
Џенифер Лопез сакајќи да изгледа тренди, всушност изгледа ОЧАЈНО! ЏАБЕ СИ ГИ ФРЛА ПАРИТЕ!
Вечер - пред 2 часа
Актерката Џенифер Лопез (54) често го привлекува вниманието на светските медиуми не само поради нејзините улоги, туку и поради совршениот моден стил. Многу жени ги следат нејзините стајлинзи, бидејќи таа стана вистинска стилска икона и инспирација за многу трендсетерки.Но, понекогаш се случува, како што е сега, дури и таа, повлечена од трендот, да направи некои исклучоци, кои добиваат повеќе негативни отколку позитивни коментари.Таа вчера прошетала по улиците на Њујорк во необична комбинација на фармерки, кои се сè само не убави. Модел пронајден на полиците на познатите брендови, кој е хит меѓу ѕвездите, искинат, валкан, растресен, бил изборот на убавата Џеј Ло.Фармерките брзо станаа предмет на полемики на социјалните мрежи, а многумина беа загрозени од овој нов тренд. Освен на фармерките, овој „валкан дезен“ сега може да се најде и во други парчиња облека, а можеби најстрашни се чорапите кои исто така станаа неизбежен тренд.Заедно со валканите фармерки таа облекла и дуксер, па изгледала уште позапуштено. Иако сето ова е тренд, многумина се согласија дека изгледа многу подобро во некои парчиња кои ја истакнуваат нејзината витка, на која и позавидуваат многу помладите жени ширум светот.Како шлаг на тортата, на овој и онака необичен стајлинг, Џенифер облекла чизми на платформа, со што сè беше уште полошо.Дали по секоја цена треба да биде во тренд, прашуваат луѓето на социјалните мрежи... Се чини, дека одговорот е да, а дали вие би облекле „валкани фармерки“ пишете ни во коментар.Ума Турман на црвениот тепих на „Time 100“ посебен фустан (ФОТО)Секс-бомбата бара момче: Треба да биде богат и убав
Концерти на „Macedonian Free Society“ и „Поетроника“ на „Крај Вардарот Џез“
Канал 5 - пред 2 часа
Последната фестивалска вечер од „Крај Вардарот Џез“, во Едукативниот културен центар „Лабораториум“ ќе се одржи вечерва со почеток во 21 часот со концерти на „Macedonian Free Society“ и „Поетроника“. „Macedonian Free Society“ е составен од Филип Букршлиев, Дени Омерагиќ и Нинослав Спировски, Владан Дробицки, Васко Бојаџиски, Гоце Наумов, Глигор Кондовски и Благојче Томевски. Месецов за ПМГ Џез, како 46 издание, излезе и нивниот прв албум. „Поетроника“ е поетско-музички перформанс во симбиоза со авторска електронска музика, изведена во живо во од актерот Оливер Митковски и Андреја Ристески – Салпе, автор и продуцент, еден од водечките современи македонски електронски артисти. Крај Вардарот Џез Фестивал 2024 е поддржан од Министерство за култура на Република Северна Македонија и се реализира во соработка со Македонска филхармонија и едукативниот културен центар „Лабораториум“.
Четири мали навики кои можат да предизвикаат големи проблеми во бракот
Слободен Печат - пред 14 часа
Неколку клучни навики можат значително да влијаат на врската и односот со партнерот, а со текот на времето треба да се регулираат и да се намалат во најмала можна мера, пишува „Јортанго“. Добиј ги најважните вести, бесплатно на Viber Упаѓање во збор Една студија истакнува дека ова е дури и еквивалентно на покажување моќ и всушност ја оштетува интимноста. Разговарајте за работи кои ве мачат неколку пати неделно. Можете исто така да го поставите времето на телефонот на 5 минути, оставете секој од вас да зборува толку долго без да го прекинува другиот. Превртување очи Превртувањето очи е исто така дел од манирите на непочитување на партнерот. Партнерот нека го предупреди другиот партнер кога тоа ќе се случи, многумина не се ни свесни дека го прават тоа. Оставање на работите насекаде зад себе Да се разбереме, некои од нас се понеуредни од другите. Ако знаеме дека нашиот сопружник „полудува“ од влажните крпи на подот во бањата или други навики кои им сметаат на поуредните луѓе, одбивањето да се промени има ефект на создавање лутина и чувство на далечина. Перфекционизам Има повеќе од еден правилен начин да се наполни машината за миење садови, да се смени пелената на бебето или да се прераскаже како сте се запознале. Не треба постојано да предупредуваме дека некој прави нешто на наш начин, но важна е соработката, но и да не освести за оние работи кои не ни одговараат за да ги поправиме и успешно да ја продолжиме врската.
[ВИДЕО] Ги запрашале Белграѓанките што е најубавото нешто што им го кажал некој маж, а одговорите ги засмеале сите: „Не ми приоѓаат, а камоли да ми дадат комплимент“
Точка - пред 2 часа
Одговорите биле разновидни и откривале подлабоки слоеви на женските очекувања, желби, а понекогаш и сомнежи. Една од жените, изразувајќи ја својата желба, изјавила дека би сакала маж да ѝ каже дека е паметна, но истакнала дека овие комплименти ретко доаѓаат од машката уста. Друга, пак, споделила дека најмногу сака кога некој ќе ѝ каже дека добро изгледа за своите години. Ја сретнале и познатата писателка и новинарка Весна Дедиќ, која споделила исклучително моќен комплимент кој го добила: „Еден маж ми кажа дека секогаш прво ме гледа мене, а дури подоцна фустанот што го носам!“. Но, некои одговори укажувале на недостаток на внимание и пристап. Извесна девојка се пожалила дека не добива никакви комплименти од мажите, посочувајќи дека понекогаш би било доволно само да пријдат, што е исто така реткост во денешно време. Друга, пак, признала дека нејзиното момче секојдневно ѝ кажува нешто слатко, но по изречениот комплимент, таа признала дека сепак тоа ѝ било малку „cringe“. Понатаму, една дама открила дека мажите често ѝ говорат дека е автентична, единствена и посебна, но изразила сомнеж дали таквите комплименти се искрени или само дел од вообичаениот „bullshit“ репертоар кој го користат повеќето мажи. На крајот, сретнале дама која себеси се нарекла „старица“ и изјавила дека сите комплименти биле одамна, како и дека повеќе не се сеќава на нивната содржина. Таа додала дека сега е во животна фаза каде што си е доволна сама на себе. Напишете во коментари кој е најубавиот комплимент на кој се сеќавате и што би сакале да слушнете?
Премиерно изведена претставата „Мац Мац“ во велешкиот театар
Канал 5 - пред 47 минути
Во неа настапија актерите Ведран Чешарек-Брик, Ана Јовановска, Илин Јовановски, Васил Зафирчев, Кети Борисовска, Филип Христовски и Сандра Танчева. Музиката е на Мориц Вернер од Германија, сценографија на Дардан Жегрова од Косово и Филип Петковски, а костимографијата е на Антонија Гугинска Јорданоска и Гордана Божиновска. Режисерот Филип Петковски појаснува дека Вилијамс честопати презентира длабоко несреќни и маргинализирани ликови кои се борат со своите внатрешни демони, социјални притисоци и комплексност на нивите човечки односи. Најчесто тие се аутсајдери желни да станат дел од некаква заедница. Додава дека и во неговата претстава „Мац Мац“ публиката проследи една длабоко несреќна фамилија која сонува за живот, а во кој депресијата не е опција. Но за жал излезот го бара во погрешни вредности и супстанции за да ја прими дневната доза допамин. Појаснува дека тоа за жал тоа се луѓе кои сите ние добро ги познаваме со кои можеме да се поистоветиме или луѓе кои и ние самите сме биле. Потенцира дека за жал тоа е еден од главните проблеми на нашето депресивно општество. Проектот е финансиран од Интернационалниот фонд за копродукција (Internationaler Koproduktionsfonds) на Гете институтот и Министерството за култура. Инаку претставата има најава дека ќе биде изведена на фестивалот ФИАТ во Подорица, а потоа и на уште неколку фестивали.
ТЕСТАМЕНТОТ на принцезата Дајана крие ТАЈНА вредна 21 милион фунти: На едниот син му го смени животот
Вечер - пред 2 часа
Покојната принцеза Дијана имаше само 36 години кога загина во трагична сообраќајна несреќа во тунелот Понт де л'Алма во Париз. Тоа се случи во 1997 година, кога нејзините синови Хари и Вилијам беа само тинејџери.Веројатно не би очекувале некој толку млад да има напишан тестамент, но со оглед на тоа дека Дијана потекнувала од аристократско семејство и претходно била во брак со наследникот на британскиот трон, зад себе оставила писмен тестамент во кој пишува како треба да се распредели нејзиното богатство кога ќе ја нема.Принцезата Дијана во моментот на смртта, како што пренесува британски Мирор, „тежела“ 21 милион фунти. Дел од парите дојдоа од нејзиниот договор за развод со тогашниот принц Чарлс, како и од нејзиниот накит, автомобили и други лични предмети. Дел од имотот бил „изеден“ од данокот на наследство по нејзината смрт, но се вели дека има уште 13 милиони фунти.Дијана го оставила најголемиот дел од своето богатство на синовите Вилијам и Хари, но тие не биле единствените нејзини наследници. Дел од парите, во износ од 50 илјади фунти, ги добил верниот батлер на Дијана, Пол Бурел, а нешто наследиле и некои од нејзините 17 кумчиња.Во тестаментот Дијана го вклучила и таканаречениот „дискреционен фонд“, од кој средства биле наменети за нејзините синови и нивните идни сопруги и деца. Тогаш во фондот имало околу 100 илјади фунти, освен акумулирани камати и приходи од средствата на фондот.Со исклучок на сето горенаведено, она што остана од имотот на Дијана требаше да се подели подеднакво меѓу принцот Вилијам и принцот Хари, кои имаа 15 и 12 години во моментот на нејзината смрт. Мирор пренесува дека за нив била наменета сумата од 13 милиони фунти, која по оданочување е намалена на 8,5 милиони фунти.Тоа богатство дополнително се инвестирало, а до моментот кога браќата можеле да го бараат своето наследство, тоа пораснало на неверојатни 20 милиони фунти. Дијана посочи дека нејзините синови можат да земат дел од наследството на 25 години, а остатокот кога ќе наполнат 30. Откако Хари и Меган се разделија од кралското семејство, тие живееја од парите што мајка им ги остави во наследство. Хари, имено, тогаш беше „отсечен“ од семејниот приход.„Го имав она што ми го остави мајка ми, без тоа немаше да можеме да го направиме ова. Тоа е како да предвидела дека ќе се случи и како да беше со нас во текот на целиот процес“, рече тој во едно интервју што тој и Меган и го дадоа на Опра Винфри.Ден откако го потпишала оригиналниот тестамент, Лејди Ди подготвила дополнителен документ наречен „Писмо за желби“, во кое навела што сака да прави со нејзиниот накит и други материјални добра. Во писмото се бара 75 отсто од тие лични предмети, познати како „подвижни предмети“ во Обединетото Кралство, да бидат подеднакво поделени меѓу Вилијам и Хари.Наводно, таа дури и експлицитно навела во писмото дека се надева оти можните сопруги на нејзините синови еден ден ќе можат да го носат нејзиниот накит. Останатите 25 отсто од движниот имот требало да одат кај нејзините кумчиња.Дел од имотот кој паднал во сопственост на Вилијам и Хари по смртта на нивната мајка бил и нејзината венчаница. Фустанот, дизајниран од Дејвид и Елизабет Емануел, чијшто шлеп останува најдолгиот во историјата на британската кралска свадба, отиде кај принцовите како дел од нејзиниот тестамент. Сепак, на нејзините синови им требаше долго време да го добијат фустанот.Како и остатокот од преостанатото наследство, тоа станало сопственост на нејзините синови кога наполниле 30 години. Пред тоа беше дел од колекцијата што му припаѓаше на братот на Дијана, Ерл Спенсер. На 30-тиот роденден на Хари во септември 2014 година, свилениот фустан кој го одзема здивот конечно премина од рацете на Спенсер кај неговите внуци.По смртта на Дијана, на секој од нејзините синови му беше дозволено да избере „за спомен“ некои од нејзините омилени работи во палатата Кенсингтон.Принцот Вилијам избра златен часовник Cartier Tank Française, оној што ѝ го подари на Дајана нејзиниот татко. По разводот, Дијана често била фатена како го носи овој часовник, а Вилијам знаел дека мајка му би сакала да го има.Споменот што Хари го избра е неверојатен прстен од 12 карати од сафир и дијамант што принцот Чарлс и го купил на својата идна невеста во 1981 година. Сепак, браќата наводно се договориле оној кој прв ќе се сврши да може да и го даде прстенот на својата вереница.Така, кога Вилијам се подготвувал да ја запроси Кејт Мидлтон, Хари му го дал прстенот на својот постар брат. Исто така, Хари и оддаде почит на својата покојна мајка со неговата свршувачка. Самиот го дизајнираше прстенот на Меган, а двата помали дијаманти дојдоа од личната колекција на Дијана.Денеска е Лазарова сабота, утре Цветници - празници предвесници на ВелигденВО МОЈОТ СВЕТ - со НЛБ Рамка за помош
3 здрави јаглехидрати за контрола на шеќерот во крвта
Кајгана - пред 28 минути
3 здрави јаглехидрати за контрола на шеќерот во крвта Здравје А.С. / 27.04.2024 / 13:37 Храната што ја јадете игра клучна улога во секоја област од вашето здравје, а хранењето на вашето тело со хранливи материи што му се потребни за да напредува е составен дел за одржување на вашето тело во одлична форма и избегнување на болести како дијабетес. Јадењето здрави јаглехидрати е важен чекор кон стабилно ниво на шеќер во крвта и помал ризик од дијабетес. И покрај фактот дека јаглехидратите имаат лоша репутација во светот на исхраната, важно е да се запамети дека не се сите јаглехидрати исти. Здравите јаглехидрати се богати со хранливи материи и обезбедуваат одржлива енергија без скокови во шеќерот во крвта. Цели зрна Цели зрна како овес, кафеав ориз, киноа и јачмен се суштински компоненти на урамнотежена исхрана. Тие се одлични извори на растителни влакна, кои ја забавуваат апсорпцијата на шеќер во крвотокот, спречувајќи ненадејни скокови. Вклучувањето на цели зрна во вашите оброци може да биде едноставно како да го започнете денот со чинија овесна каша, да изберете кафеав ориз или киноа како прилог или да изберете леб од цело зрно за сендвичи. Овие здрави житарки не само што промовираат стабилно ниво на шеќер во крвта, туку и обезбедуваат одржлива енергија во текот на денот. Слатки компири За поединци кои бараат поздрава алтернатива на конвенционалните компири, слаткиот компир се појавува како врвна препорака. Овој вкусен јаглехидрат е преполн со придобивки. Со понизок гликемиски индекс во споредба со обичните компири, слатките компири се постојан извор на енергија без да предизвикуваат брзи скокови на нивото на шеќер во крвта. Покрај тоа, содржат богатство на основни хранливи материи. Исто така, слаткиот компир е богат со витамин А и растителни влакна, што дополнително ја зголемува неговата привлечност како опција погодна за стабилен шеќер во крвта. Мешунки Гравот, леќата и наутот се пофалени за нивниот исклучителен нутритивен профил. Не само што имаат малку маснотии, туку имаат и растителни влакна и протеини, кои можат да помогнат во контролата на нивото на шеќер во крвта. Мешунките служат како разноврсни додатоци на широк спектар на јадења. Со вклучување на мешунките во нивните оброци, поединците можат да имаат корист од нивните својства за регулирање на шеќерот во крвта додека уживаат во нивната задоволувачка текстура и вкус. Тагови шеќер во крвта јаглехидрати здрава исхрана
Изложбата „ПИКТОГРАМИ“ од Светлана Попова и Марија Штерјова од денеска во ЦК „Марко Цепенков“ во Прилеп
Република - пред 1 ден
На 26 април 2024/ петок/ од 19.00 ч. во фоајето од ЦК „Марко Цепенков“ ќе биде отворена изложбата „ПИКТОГРАМИ“ од Светлана Попова и Марија Штерјова. Симболиката на преносното значење на знаците, да се препознаат, прочитаат, почуствуваат, универзалноста на математички совршениот бескраен универзум, пресликан во фантастичниот мал Фибоначи човек, е лајтмотивот на оваа изложба. Авторите self-taughtpainters, м-р Светлана Попова, од Штип, родена прилепчанка, израсната во чколијата, чошињата и чаршијата, и магистрант Марија Штерјова, штипско моме, две различности, две професии, две искуства, работејќи заедно создаваат вистинско уметничко искуство. Љубовта кон боите, платното, четките ги споила, а резултатот е сега видлив. Секое парче резонира со суштината на животот, раскошот на љубовта, битот на семејството, визијата кон инднината, а се преку универзалниот јазик на симболите. „ПИКТОГРАМИТЕ“, во своите творби не само што ја прославуваат убавината на светот околу нив, туку и пренесуваат наратив на емоции, искуства и врски, поканувајќи ги гледачите да ги истражат длабочините на човековото изразување, втурнувајќи се длабоко во значењето на сликовниот јазик и сопствената душа. Сликите се изработени во техника акрил на платно, акрил на панел, акрил на хартија, со различни димензии, јаки контрасти на бои, слободни движења на сликарско ноже, кист и четка со огромна големина. Сликите кои ќе бидат изложени се изработени во подолг временски период од 2019 до 2024 година. Случајно, но со намера 33 дела и наслов „Пиктограми“. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Утре е Лазарова сабота - ЕВЕ ШТО ТРЕБА ДА НАПРАВИТЕ
Вечер - пред 1 ден
<span lang="MK" style="mso-ansi-language:MK">Православните верници влегуваат во шестата недела од големиот велигденски пост, која уште се нарекува Цветници.</span><span lang="MK" style="mso-ansi-language:MK">Претпоследната недела од Великиот пост е именувана по празникот на цвеќето, кој го одбележува влегувањето на Исус Христос во Ерусалим. Оваа недела обично треба да се пости на вода од понеделник до петок. Во сабота е дозволено масло, а во недела риба, бидејќи на тој ден се слави Цветници.</span><span lang="MK" style="mso-ansi-language:MK">На овој празник му претходи Лазарева сабота. Овој празник секогаш се слави во пресрет на Цветници и го одбележува воскресението на Лазар четири дена по неговата смрт.</span><span lang="MK" style="mso-ansi-language:MK">Овој радосен празник се смета за детски празник.</span><span lang="MK" style="mso-ansi-language:MK">Во Лазарова сабота се носат децата во црква, а по вечерната богослужба се осветуваат млади врбoви гранчиња од кои се плетат венци кои децата ги носат во косата, а подоцна се ставаат покрај иконата и кандилото во домот.</span><span lang="MK" style="mso-ansi-language:MK">Се купуваат и мали ѕвона, кои децата ги носат околу вратот, како спомен на децата кои радосно го поздравувале Исус Христос пред да влезат во Ерусалим.</span><span lang="MK" style="mso-ansi-language:MK">По Цветници, верниците влегуваат во Страдалната недела, седмата и последна недела од Велигденскиот пост, по што со многу убави стари обичаи се празнува најголемиот христијански празник – Велигден</span>Ова е популарното вежбање 10-2-20 со кое губите 15 килограми за 2 месеца! (видео)Родители од пеколот: До смрт ги претепале своите едномесечни близначки, имале скршеници
Олимпискиот оган го започна патувањето од Грција кон Франција за ЛОИ „Париз 2024“
Вечер - пред 1 час
Со историскиот француски едреник со три јарболи „Белем“, од атинското пристаниште Пиреас, олимпискиот оган утрово го започна патувањето кон Франција за Летните олимписки игри ,„Париз 2024“, а на 8 мај се очекува да пристигне во Марсеј, јави дописничката на МИА од Атина. Олимпискиот оган за првпат ќе биде пренесен по морски пат, а според најавите, „Белем“ ќе го придржуваат 1.000 бродови. Вчера, на церемонија на античкиот стадион „Панатенаик“ во центарот на Атина, онаму каде што во 1896 година беа одржани првите модерни Олимписки игри, олимпискиот оган им беше официјално и свечено предаден на организаторите на Летните олимписки игри „Париз 2024“. Денеска е Лазарова сабота, утре Цветници - празници предвесници на ВелигденВО МОЈОТ СВЕТ - со НЛБ Рамка за помош
ПСЖ за 55 милиони купува фудбалер кој дал само еден гол!?
Вечер - пред 1 час
Луис Гиљермо е нова цел на Пари Сен Жермен. Се работи за 18-годишен бразилски крилен напаѓач кој игра за Палмеирас и го привлече вниманието. Иако вредноста му се проценува на околу 17 милиони евра, бразилскиот клуб за неговите услуги ќе бара дури 55 милиони евра, пренесува „Fichajes“. Гиљермо импресионира со својата брзина и техника, но засега не и со ефикасноста. За Палмеирас одигра 38 натпревари, а само еднаш се впишал во листата на стрелци. Инаку со Палмеирас има договор до 2026 година. За овој играч е заинтересиран и Монако. Освен него цел на ПСЖ е и Маркус Рашфорд. Тој сезонава разочара во дресот на Манчестер Јунајтед, а парискиот клуб смета дека може да помогне во нападот посебно ако се знае дека летоска Мбапе ќе оди во Реал Мадрид. sportmedia.mkИспраќање во пензија со многу емоцииЛестер се врати во Премиер лигата
РАИ: Конте и Наполи се договориле за тригодишна соработка
Вечер - пред 4 часа
Антонио Конте се враќа на тренерската работа. Според италијанскиот медиумски сервис „РАИ Спорт“, Конте и Наполи се согласиле за тригодишна соработка. Од друга страна „Калчонаполи24“ исто така пишува дека Конте ќе биде новиот тренер на Наполи, а ќе заработува по 6,5 милиони евра по сезона. Наполи оваа сезона имаше три тренери: Руди Гарсија, Валтер Мацари и Франческо Калцона. Конте е без работа по напуштањето на Тотенхем во вториот дел од сезоната 2022/23. Претходно тој работеше во Интер, Челзи и Јувентус. sportmedia.mkИспраќање во пензија со многу емоцииЛестер се врати во Премиер лигата
И дефинитивен договор: Жељко Обрадовиќ останува во Партизан!
Екипа - пред 1 час
Тоа што навивачите на Партизан со нетрпение го очекуваа конечно потврдено денеска. Партизан и Жељко Обрадовиќ постигнаа договор за продолжување на меѓусебната соработка! По серија разговори изминатиов период, Партизан денеска се очекува и официјално да потврди дека Обрадовиќ останува во клубот! Како што е познато, Жељко Обрадовиќ на спектакуларен начин дојде во клубот во 2021 година потпишувајќи тригодишна соработка. Сега истата е продолжена за нови две години, информација која претседателот на клубот, Остоја Мијаиловиќ треба официјално да ја потврди на прес-конференцијата која вонредно е закажана за денеска од 15 часот. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
Ѓулер му донесе победа на Реал Мадрид! (ВИДЕО)
Вечер - пред 14 часа
Арда Ѓулер вечерва во Сан Себастијан во меч од 33.коло во Ла Лига, покажа на дело дека сепак е екстра квалитет и не случајно е член на Реал Мадрид. Постигна убав гол во 29.минута со што им донесе победа на “кралевите“ и нови три бода на гостувањето кај Сосиедад. Најважно од се што Дон Карло Анчелоти ги сочува сите свои главни сили за мечот со Баерн Минхен во вторник во полуфиналето во Лигата на Шампионите. Сега Реал Мадрид има 84 бода на врвот на табелата или 14 бода повеќе пред втората Барселона. sportmedia.mkЛестер се врати во Премиер лигатаЛиверпул и Феенорд се договорија: Арне Слот е наследникот на Клоп!
Женските бебиња имаат покомплексна мозочна активност од машките
Кајгана - пред 3 часа
Женските бебиња имаат покомплексна мозочна активност од машките Наука А.С. / 27.04.2024 / 11:00 Сложеноста на мозочните сигнали се намалува за време на развојот на бебето, а со многу побрзо темпо кај машките деца. Неврологот Џоел Фролих од Универзитетот во Тибинген во Германија и неговите колеги користеле магнетоенцефалографија (MEG) кај 43 фетуси во третото тримесечје и 20 бебиња на возраст меѓу 13 и 59 дена за да ги измерат магнетните полиња во мозокот кои се појавуваат по звучен стимул. Меѓу бебињата имало и 16 на кои им била дадена истото мерење додека се уште биле фетуси. Стимулите се состоеле од различни распореди на звучни сигнали. Една секвенца се состоеше од четири звучни сигнали во траење од 200 милисекунди, со јаз од 400 милисекунди меѓу нив. Секој стимулативен блок содржеше 180 секвенци. Научниците прво ги пуштија фетусите и бебињата да играат 30 блока, како еден вид тренинг, а потоа по два блока ја измерија нивната магнетна мозочна активност. Што е поврзано со повисоко ниво на нервна комплексност? Кај здрави возрасни лица, повисоките нивоа на нервна сложеност се поврзани со подобри перформанси и побрзо време при извршување на различни функции, како што се планирање и донесување одлуки. Ниските нивоа на сложеност се поврзани со намалената способност за обработка на информации, како што е времето поминато под општа анестезија и за време на спиењето. Затоа, Фролих и неговите колеги претпоставуваа дека сложеноста на сигналот MEG ќе се зголеми како што се развиваат фетусите и доенчињата. Но, тие беа пред изненадување. Резултатите покажале дека сложеноста на мозочните сигнали се намалувала со текот на времето, што се случувало значително побрзо кај фетусите и машките бебиња. Засега не е позната причината за падот на нивото на невронска комплексност, но постои можност тоа да е своевидно елиминирање на непотребните процеси. „Мозокот во развој ги елиминира клетките и врските кои се непотребни“, рече Фролих, како што пренесува New Scientist. Разлики помеѓу машките и женските бебиња „Како што мозокот созрева, тој создава подредени модели на нервни врски кои му кажуваат како да реагира на стимули. Поразвиениот мозок има помал опсег на одговори на стимул, а со тоа и помала сложеност“, додаде Фролих. Фролих верува дека варијациите меѓу половите може да се должат на фундаменталните разлики во развојот на нервниот систем кај момчињата и девојчињата. Научниците не го следеле развојот на бебињата по завршувањето на студијата, па не е познато дали оваа варијација продолжува. Истражувањето Sex differences in prenatal development of neural complexity in the human brain беше објавено во списанието Nature Mental Health.
По 14 години потсмев, Apple конечно реши да ја направи апликацијата која сите ја бараа
Кајгана - пред 1 ден
По 14 години потсмев, Apple конечно реши да ја направи апликацијата која сите ја бараа Софтвер Ф.З. / 25.04.2024 / 17:30 Време е компјутерската моќ на М чиповите конечно да ја искористиме за пресметување! Благодарение на чиповите со сопствен дизајн и нивната голема компјутерска моќ, Apple им дозволува на корисниците на таблети да прават многу работи на својот уред, но да не пресметуваат ништо - барем не официјално. Сепак, според последните гласини, iPad конечно ќе добие апликација Calculator. Како што тврди Macrumors, по 14 години постоење на уредот iPad, Apple одлучил конечно да имплементира калкулатор на своите таблети, а официјалното решение корисниците би можеле да го видат веќе на настанот WWDC во јуни, кога гигантот од Купертино на светот ќе му го претстави iPadOS 18. Се чека „добар“ калкулатор Причината зошто iPad нема калкулатор цели 14 години е, наводно, одлуката на Стив Џобс, кој откако не бил задоволен од апликацијата на прототипот на таблетот, во „последен момент“ решил да го отстрани. Крег Федериги во интервју во 2020 година рече дека Apple сака iPad да добие апликација Calculator, но само ако е „навистина, навистина добра“ - нешто што компанијата не успеа да го направи сите овие години. Се разбира, тоа не значи дека сопствениците на iPad не можат да користат калкулатор - тие само треба да изберат едно од многуте решенија достапни на App Store. Сепак, отсуството на официјална апликација долго време е предмет на потсмев. Се чини дека калкулаторите се една од најголемите теми во Apple. Според претходните гласини, MacOS 15 треба да добие и подобрена апликација Calculator. Remote video URL Тагови Apple
Google повторно го одложи тргањето на поддршката за „колачиња“ од трети страни во Chrome
Смартпортал - пред 2 дена
Фото: Shutterstock.com Исклучувањето на поддршката за „колачиња“ од трети страни во Google Chrome, процес кој конечно започна на почетокот од оваа година, повторно се одложува. Причината за тоа е забелешката која ја има британското регулаторно тело, CMA – Competition and Markets Authority за Privacy Sandbox функцијата од Google која треба да ги замени „колачињата“, барем во делот за реклами. Според CMA, оваа алтернатива на „колачињата“ сепак не овозможува заштита на приватноста на корисниците како што се тврди. Тие сметаат дека огласувачите повторно можат да најдат начин како да ги „следат“ корисниците, па Google сега ќе мора да се објаснуваат на оваа тема. Privacy Sandbox функцијата овозможува групирање на корисниците во таканаречени теми, кои ги има одреден број, по што на огласувачите им се пушта само темата, наместо да имаат пристап до сите страни кои ги отвора корисникот. Групирањето се прави локално на уредот, па поради тоа и треба да е зголемена приватноста на корисниците. Тргањето на поддршката за „колачиња“ од трети страни Google ја најави уште во 2020 година, а во 2022 беше најавено првото одложување. Сега, наместо до крајот на годината да заврши процесот, истиот се најавува за идната година, но веќе може да се заклучи дека додека истиот официјално не заврши, џабе ги гледаме најавите. ИЗВОРThe Hacker News ОЗНАКИGoogleGoogle ChromeКолачиња од трети страни FacebookTwitterLinkedinEmailViber Претходна статијаВо понеделник ќе се одржи второто издание на “Freelance Conference”Следна статијаHMD ги претстави првите смартфони под новиот сопствен бренд после години работа со Nokia Мишо ЛекиќСвојот интерес во областа на паметната технологија го развива одамна како хоби кое што прераснува во нешто повеќе, па резултатот на тоа е и развојот на овој портал. Сака да ги следи сите новини поврзани со оперативните системи, апликациите, мобилните телефони, но и интересните научни и вселенски истражувања. Facebook ПОВРЗАНИ СТАТИИПОВЕЌЕ ОД АВТОРОТ АЕТМ и ВИЗА доделуваат грантови од 1000 евра за отворање на е-продавница Германскиот еколошки пребарувач Ecosia претстави сопствен интернет прелистувач Google Chat корисниците сега можат да разговараат со тие од Microsoft Teams и Slack TikTok Notes е конкурентот на Instagram од TikTok и од компанијата го започнаа пуштањето на апликацијата Достапна првата алтернативна продавница за апликации на iOS за корисниците во ЕУ Gemini може да се очекува да биде интегриран во Google Chrome
Бајден потпиша: Крај на TikTok во САД!?
Кајгана - пред 1 ден
Бајден потпиша: Крај на TikTok во САД!? Софтвер Ф.З. / 25.04.2024 / 15:54 Претседателот Џо Бајден го потпиша законот со кој на ByteDance му се дава 270 дена да го продаде TikTok или ќе се соочи со забрана во САД. Откако американскиот Сенат усвои закон со кој на компанијата ByteDance ѝ се поставува ултиматум да го продаде TikTok, претседателот Џо Бајден сега истиот го потпиша. Часовникот почна да отчукува за компанијата ByteDance, која сега ќе има 9 месеци да ја продаде својата популарна апликација, а доколку Бајден смета дека е потребно, рокот може да биде продолжен за дополнителни 3 месеци. Ако TikTok не се продаде во предвиденото време, платформата за видео стриминг во кратки форми ќе биде забранета на американско тло. Шефот на TikTok, Шоу Зи Чу, вели дека тој и неговите партнери ќе го оспорат новиот закон на суд, наведувајќи го Првиот амандман, кој ја гарантира слободата на говорот, како причина поради која верува дека TikTok ќе ја добие оваа правна битка. „Ова е очигледно разочарувачки момент, но не мора да биде одлучувачки. Ова е всушност иронично, бидејќи слободата на изразување на TikTok ги одразува истите вредности што ги прават Соединетите Американски Држави светилник на слободата“, рече Чу. Донесувањето на законот „ќе ги нагази правата на слободата на говорот на 170 милиони Американци, ќе уништи 7 милиони бизниси и ќе затвори платформа која придонесува за американската економија со 24 милијарди долари годишно“, рече минатата недела ByteDance, додавајќи дека нема планови да го продаде TikTok - потег кој секако ќе бара одобрување од Кина. Официјален Пекинг веќе најави дека ќе се спротивстави на секој таков потег. Останува да се види дали ByteDance навистина ќе биде успешен на суд, како и каков ќе биде одговорот на Кина доколку компанијата не успее во обидот да го поништи законот на суд. Тагови TikTok Џо Бајден САД
Најголемиот 3D печатач на светот може да изгради куќа за 80 часа (ВИДЕО)
Конект.мк - пред 1 ден
Станува збор за печатач наречен Factory of the Future 1.0 (FoF 1.0), кој може да печати предмети долги 29 метри, широки 10 метри и високи 5,5 метри. Многу е брз и може да печати материјал со тежина од 227 кг за 1 час. Исто така, печатачот може динамички да ги менува техниките на печатење за да се прилагоди на различни аспекти на сложени задачи. Воедно, може да се префрла помеѓу производство на адитиви од големи размери, производство со одземање, континуирано поставување на ленти и операции со роботски раце. Овие технологии го прават печатачот корисен во голем број индустрии, вклучително и изградба на домови, инфраструктура и развој на воени возила. Поголемиот дел од она што го прави печатачот може да се рециклира, па во суштина неговите производи може да се „уништат“ и повторно да се направат. Ова се должи на фактот што приоритет се дава на биолошки материјали, како што се остатоците од дрво. Технологијата се чини дека е одличен начин за брзо изградба на пристапни објекти за домување, што е во мислите на некои од поддржувачите на технологијата, „На Мејн му требаат околу 80.000 домови до 2030 година, од кои многу се наменети за домаќинства со приходи под просекот на областа. Принтерот нуди нови начини за производство на квалитетно и достапно домување додека ги намалува трошоците и користи отпад од пилана во Мејн“, рече Марк Визендангер, директор за развој во MaineHousing. Принтерот еден ден би можел да се користи за изградба на цели населби, а неговите спецификации покажуваат дека може да изгради скромен еднокатен дом за околу 80 часа. Но, ќе гради и други објекти, а во него веќе инвестираа Министерството за одбрана на САД и Министерството за енергетика. Затоа, се очекува да произведува поморски бродови, па дури и подморници. Сенаторката Сузан Колинс рече дека принтерот е „непроценлив за националната безбедност“. FoF 1.0 има близнак во кампусот на Универзитетот во Мејн, кој претходно го држеше рекордот како најголем 3D принтер во светот. Веќе е искористен за изградба на куќа од 56 квадратни метри од дрвени влакна и биоресина. Новиот принтер е четири пати поголем и благодарение на нивната близина, тие можат да работат истовремено на различни аспекти од ист проект. Универзитетот во Мејн гради нова истражувачка лабораторија за Green Engineering and Materials (GEM) Factory of the Future, која ќе биде дом на гореспоменатите принтери, а во иднина се очекуваат уште поголеми машини од овој тип. Klix.ba 3Д печатење
Премијата за автоодговорност останува иста, поскапуваат режиските трошоци на осигурителните компании
А1он - пред 1 ден
Министерството за финансии во врска со донесените одлуки од страна на осигурителните компании за зголемување на висината на бруто-премијата за осигурување од автомобилска одговорност, денеска ја свика Комисијата за осигурување од автомобилска одговорност која одржа седница со цел да ги разгледа сите аспекти од носењето на овие одлуки. При тоа заклучи во понеделник на нова седница да разгледа Извештај од Националното биро за осигурување за оправданоста и исправноста на донесените одлуки од страна на осигурителните компании и да преземе соодветни чекори во насока на заштита на крајните потрошувачи. Добивај вести на вибер Министерството за финансии врз основа на добиеното известување од страна на Агенцијата за супервизија на осигурување, која е регулатор на осигурителниот сектор, денеска се обрати и до Комисијата за заштита на конкуренцијата, со цел да се испита дали се прекршени правилата на фер и конкурентно однесување, а согласно oдредбите од Законот за заштита на конкуренцијата. Имено, Комисијата за автомобилска одговорност која е именувана од страна на Владата на Република Северна Македонија согласно Законот за задолжително осигурување во сообраќајот (Службен Весник на Република Македонија бр. 88/05, 70/06, 81/08, 47/11, 135/11, 112/14 и 145/15) ја сочинуваат членови од Министерството за финансии, Националното биро за осигурување и Агенцијата за супервизија на осигурувањето, е надлежна за утврдување на Тарифата на премии за осигурување на сопствениците на моторни возила од одговорност за штети предизвикани на трети лица. Односно утврдување на премијата за осигурување која ја плаќа договорувачот на осигурувањето-осигуреникот, a која се состои од техничка премија, која ја утврдува Владата на предлог на Комисијата и дел на премија за вршење на дејноста на осигурување (режиски трошоци) што ги утврдуваат осигурителните друштва самостојно со посебна одлука на Друштвото за осигурување. „При тоа посочуваме дека техничката премија којашто е дел од премијата за осигурување која ја плаќа договорувачот на осигурувањето-осигуреникот, a која ја утврдува Владата на предлог на Комисијата, останува непроменета. Со донесените одлуки од страна на осигурителните друштва, кои се доставени до Агенцијата за супервизија на осигурувањето на 23 април 2024 година, а со примена од 25 април 2024 година, е извршена корекција на цената во делот на премија за вршење на дејноста на осигурување (режиски трошоци)“, соопштија од МФ. Министерството за финансии било информирано во текот на вчерашниот ден од страна на Агенцијата за супервизија на осигурувањето, како регулатор на осигурителниот пазар во земјата, дека мнозинството друштва за осигурување донеле одлуки и доставиле известување до Агенцијата за зголемување на висината на бруто-премијата за осигурување од автомобилска одговорност на 23 април 2024 година со примена од 25 април 2024 година, а со интервенција во делот на премијата за вршење на дејноста осигурување (режиските трошоци) кои осигурителните друштва самостојно ја утврдуваат.
НБРМ: Инфлацијата од 19,8 отсто во 2022 се сведе на 3,6% на крајот од 2023 година
А1он - пред 1 ден
Советот на Народната банка, на редовната седница го усвои Годишниот извештај на Народната банка за 2023 година, во кој се наведува дека мерките и политиките на Народната банка спроведени минатата година, овозможија успешно одржување на стабилноста на девизниот курс и справување со инфлацијата, којашто од највисокото ниво од 19,8% во октомври 2022 година, се сведе на 3,6% на крајот на 2023 година, без притоа позначително да се загрози реалната економија и финансиската стабилност. Всушност финансиската стабилност и дополнително зајакна и покрај последователните кризи во изминатиов период. Добивај вести на вибер Во 2023 година Народната банка продолжи со постепено зголемување на основната каматна стапка до нивото од 6,3%, а истовремено направи и промени во макропрудентната политика, како и кај инструментот на задолжителна резерва, кои дополнително го поттикнаа штедењето во домашната валута, односно доведоа до поголема „денаризација“. Начинот на водењето на монетарната политика од страна на Народната банка, одржувањето на финансиската стабилност, како и довербата на граѓаните и на институциите во нашата централна банка беа позитивно оценети од страна на повеќе релевантни меѓународни и европски институции како што се Меѓународниот монетарен фонд (ММФ), Европската комисија, Европската централна банка (ЕЦБ), како и Светската банка. Дел од активностите на Народната банка во 2023 година беа насочени во области кои носат погодности за граѓаните како корисници на банкарските услуги. Со стапувањето на сила на Законот за платежни услуги и платни системи, се поттикнува влез на нови даватели на платежни услуги, што ќе придонесе за поширока понуда на поевтини платежни услуги за граѓаните и компаниите, а се уредуваат и повеќе решенија за подобра заштита на потрошувачите, преку поставување насоки и ограничувања за надоместоците за платежните услуги, основната сметка со платежни функции, како и поголема транспарентност. Народната банка воспостави и нова алатка која овозможува споредба на надоместоците помеѓу давателите на платежните услуги, а исто така за прв пат донесе и Циркулар којшто ги опфаќа добрите практики за заштита на правата и интересите на потрошувачите при користењето финансиски услуги од банкарскиот сектор. Исто така, Народната банка започна со таргетирани контроли на давателите на платежни услуги во насока на заштита на корисниците на финансиските услуги. Народната банка активно работеше на остварувањето на Програмата за работа за 2023 година којашто придонесува за исполнување на стратегиските цели и јакнење на институционалните капацитети предвидени со Стратегискиот план за периодот 2022 ‒ 2024 година, а воедно и за исполнување на предвидената визија да биде препознаена како независна, одговорна, професионална, иновативна и транспарентна институција којашто ужива висока доверба и кредибилитет во јавноста. Во однос на статистиката, Народната банка продолжи со објавување на нови сетови на податоци со кои ги продолжи напорите за следење на меѓународните и европски статистички барања и го исполни последниот показател во рамките на највисокиот статистички стандард за дисеминација на податоци СДДС плус. Ова, во основа значи зголемување на транспарентноста на Народната банка што е видливо и преку збогатувањето на веб-страницата со повеќе податоци, алатки за пристап до информации и преку дополнувањето со други начини на комуникација со јавноста. На истата седница беше усвоен и Извештајот за ризиците во банкарскиот сектор во 2023 година. Во него се наведува дека и покрај повеќето шокови кредитното портфолио на банките е со солиден квалитет, а учеството на нефункционалните во вкупните кредити од 2,8% е на ниво на историскиот минимум. Адекватноста на капиталот на банките во 2023 година достигна нивоа коишто се највисоки во изминатите 17 години и на крајот од годината изнесува 18,1%, што е суштински за задржувањето на стабилноста при соочувањето со евентуалните ризици. Народната банка во неколку наврати во текот на 2023 година го зголеми нивото на противцикличниот капитален заштитен слој што треба да го одржуваат банките, со што се очекува натамошно јакнење на отпорноста на банкарскиот систем. Во насока на понатамошно јакнење на отпоноста на банкарскиот сектор и јакнење на макропрудентната политика, минатата година беа подготвени и донесени новиот Законот за финансиска стабилност и Законот за решавање банки. Носител на депозитниот раст во 2023 година чиј годишен раст достигна 9,2% беа депозитите од домаќинствата, иако и депозитите од претпријатијата го забрзаа растот. Преку инструментот за задолжителна резерва Народната банка придонесе за раст на склоноста на депонентите за чување на своите средства во денарските депозити, чиј годишен раст е неколкукратно повисок во споредба со зголемувањето на девизните депозити, при што кај домаќинствата растот на депозитите во денари изнесува 11,8% наспроти 4,4% во странска валута, додека кај корпоративниот сектор 15,8% наспроти 8,2%. Дополнително, позитивни придвижувања има и во однос на рочноста на депозитите, при што долгорочните депозити, по подолг период на намалување, во 2023 година забележаа раст со стапка од 25,7%, највисока во последните десетина години. Показателите за изложеноста на ризици на банкарскиот сектор се стабилни и дополнително се подобрени, а стрес-тестовите упатуваат на добар капацитет за апсорбирање на можните шокови. Сепак, окружувањето и натаму е неизвесно во услови на геополитички превирања и потребно е натамошно внимателно следење на ризиците и претпазливост во водењето на политиките.
Националното биро за осигурување: Цената на авто осигурувањето е непроменета од 2008 година, реално е покачувањето
Курир - пред 23 часа
дзс Просечната нето плата во февруари 39 276 денари
БДП на Кина се зголеми за 5,3 отсто на годишно ниво во првиот квартал на 2024 година
Нова Македонија - пред 3 часа
Шенг Лаијун, заменик-директор на Националното биро за статистика, на прес-конференцијата за економските перформанси на Кина во првиот квартал / Фото: ЦГТН Бруто-домашниот производ (БДП) на Кина порасна за 5,3 отсто на годишно ниво во првиот квартал од 2024 година, покажаа податоците на Националното биро за статистика (НБС). БДП на земјата достигна 29,63 трилиони јуани (околу 4,17 трилиони американски долари) во овој период, покажаа податоците на НБС. На квартална основа, економијата во првите три месеци порасна за 1,6 отсто. – Висококвалитетниот развој на Кина постигна нови достигнувања во првиот квартал. Националната економија го задржа замавот на закрепнување и добро започна – рече Шенг Лаијун, заменик-директор на НБС, на прес-конференција. Шенг Лаијун притоа ги потецираше позитивните фактори во периодот, како што се зголемената побарувачка за производство, стабилното вработување, цените и растечката пазарна доверба. – Овие позитивни фактори, кои го поттикнуваат економското закрепнување, се акумулираат и зајакнуваат, поставувајќи добра основа за раст во целата година – рече Шенг. Заменик-директорот го припиша оптимистичкиот замав во првиот квартал на имплементацијата на поддржувачките владини политики и засилените напори за макроконтрола. БДП на Кина порасна за 5,2 отсто на годишно ниво минатата година и земјата го испланира својот целогодишен економски раст на околу 5 отсто за 2024 година.