Пленковиќ: Набавка на повеќенаменски бродови ќе биде нашиот следен чекор 26/04/2024 СВЕТ Хрватскиот премиер Андреј Пленковиќ изјави дека по борбените авиони „Рафал“, следниот чекор е набавка на повеќенаменски бродови за хрватската морнарица. -Следниот голем проект на евентуалната трета влада на Андреј Пленковиќ ќе биде набавка на повеќенаменски бродови, изјави хрватскиот премиер по свечениот пречек во Хрватска на првата група повеќенаменски борбени авиони „Рафал“, кои пристигнаа од францускиот град Бордо. Клучниот голем проект за овој мандат, како што кажа Пленковиќ, е дека „хрватската морнарица сега го зема својот ред“. -Време е да имаме повеќенаменски бродови покрај повеќенаменските авиони и тоа ќе биде следниот голем проект на нашата трета влада за зајакнување на хрватската армија, додаде тој. Во Хрватска вчера слетаа првите шест од вкупно 12 повеќенаменски борбени авиони „Рафал“. Авионите пристигнаа две години и пет месеци по потпишувањето на договорот со Франција вреден повеќе од една милијарда евра, а пристигнувањето на последниот од договорените авиони се очекува на почетокот на следната година. мс/фото: ЕПА . Извор: МИА СВЕТ 2024-04-26 Zoran Popov

Градоначалникот на регионот Елинико-Аргируполи, Јанис Константатос, изјави дека 314 бомби, кои биле складирани од германски војници за време на Втората светска војна, биле уништени во контролирани експлозии. Тој наведе дека бомбите се наоѓаат два метри под поранешните објекти на Понтичка лига, градинка и спортски објекти во внатрешноста на поранешниот аеродром, како и соседните објекти за Олимписките игри, односно на места каде секојдневно поминувале илјадници луѓе, објави грчкиот јавен сервис ЕРТ. Според него, бомбите биле пропуштени при реконструкцијата на стариот аеродром во Атина. Аеродромот Елинико се наоѓа на само неколку километри од центарот на Атина, работеше до 2001 година, а беше затворен по изградбата на меѓународниот аеродром Елефтериос Венизелос (АТХ) за Олимписките игри во 2004 година. На местото на поранешниот аеродром е предвидена изградба на станбен комплекс, комплекс за забава, казино, хотел и парк, како и облакодер висок речиси 200 метри.Мали тврди дека државата од 2020 година привлекла 15,9 милијарди евра странски инвестицииХАОС ПРЕД ГРАДСКОТО СОБРАНИЕ ВО ТИРАНА: Летаат молотови објекти врз објектот

Од 2020 година Србија кумулативно привлече 15,9 милијарди евра директни странски инвестиции, изјави денеска српскиот министер за финансии Синиша Мали на средба со инвеститори од САД, јави Бета. „Не правиме разлика меѓу домашни и странски инвеститори. Се надевам дека во Србија ќе најдете проекти и можности кои ќе ве интересираат да инвестирате“, им порача Мали на инвеститорите кои по посетата на српската делегација на Вашингтон по повод Пролетната сесија на Меѓународниот монетарен фонд и Светската банка пристигнаа во Белград со цел да се запознаат со сите параметри на српската економија. Мали изјави дека во Србија не се прави разлика меѓу домашни и странски инвеститори, соопшти Министерството. „Се надевам дека во Србија ќе најдете проекти и можности кои ќе ве интересираат да инвестирате“, рече министерот. Тој наведе дека ланскиот раст на БДП во Србија бил 2,5 отсто и дека само во последниот квартал бил 3,8 отсто, а во февруари годинава бил 5,9 отсто и дека се базирал на извозот и инвестициите, како и на таа официјална статистичка. Податоците на Србија покажуваат дека секоја економска гранка бележи раст. Тој посочи и дека Србија има стабилен јавен долг, на ниво од 47,6 отсто од БДП. /МИАХАОС ПРЕД ГРАДСКОТО СОБРАНИЕ ВО ТИРАНА: Летаат молотови објекти врз објектотФергусон: Неопходно е што поскоро да се формира ЗСО, бидејќи тоа е важен дел од дијалогот

Пазарните инспектори на српското Министерство за трговија открија нелегално производство на фалсификувани хемикалии за домаќинство, детергенти и шампони од марката „Проктер&Гембл“, како и фалсификувани бисквити Плазма. „Ова е откриено во акцијата за сузбивање на продажбата на фалсификувани производи на српскиот пазар“, изјави денеска министерот за трговија Томислав Момировиќ. Тој рече дека на овој начин е спречена употребата на фалсификувани производи и избегната е потенцијална опасност по здравјето на граѓаните. Момировиќ истакна дека во акција со припадници на Министерството за внатрешни работи и Основното обвинителство од Нови Сад, извршен е инспекциски надзор на повеќе локации во Нови Сад и Белград и запленета е поголема количина фалсификувани производи. „Меѓу тие производи се 2.021 кондиторски производи, 205 хемиски производи за домаќинството, вклучувајќи детергенти за садови, детергенти за перење и средства за лична хигиена, над 11.000 пакувања за кондиторски производи и хемикалии за домаќинство, 26 буриња од по 120 литри суровини за правење течен детергент за садови и алишта, огромен број на декларации, налепници и бар кодови подготвени за лепење на амбалажата и пуштање во оптек“, рече Момировиќ. Хаос пред градското собрание во Тирана, фрлани молотови коктели врз објектотОбвинителството во Подгорица отвори предмет против Мило Ѓукановиќ

Милановиќ како претседател на Републиката повеќе не постои … Тој го знае тоа, тоа го знаат сите експерти по уставно право. По овој тежок пораз и тој да си поднесе оставка, наведе Пленковиќ. Тој оцени дека Милановиќ и лидерот на Социјалдемократската партија, Пеѓа Грбин требало веднаш да ја напуштат политиката на 17 април по поразот на изборите. /МИАХАОС ПРЕД ГРАДСКОТО СОБРАНИЕ ВО ТИРАНА: Летаат молотови објекти врз објектотФергусон: Неопходно е што поскоро да се формира ЗСО, бидејќи тоа е важен дел од дијалогот

Лондонскиот аеродром Хитроу (LHR) денеска соопшти дека сезоната на летни одмори ќе биде „најпрометната досега“ и дека вработените ќе вложат големи напори аеродромот да работи непречено „дури и ако има повторување на штрајковите на персоналот“ кои ја одбележаа минатата година . Бројот на патници кои го користат аеродромот се очекува оваа година да надмине 82,4 милиони. Тоа би била најпрометната година досега, за 1,5 милиони патници „поуспешно“ од 2019 година, кога низ аеродромот поминале 80,9 милиони патници, пишува британскиот дневен весник „Гардијан“. Ова го потврди комерцијалниот директор на аеродромот, Хавиер Ечав, бидејќи Хитроу се соочува со неизвесна иднина, а предложената продажба на најголемиот британски аеродром во вредност од 6 милијарди фунти се уште е доведена во прашање. Намерата на шпанската компанија Ferrovial да го купи аеродромот заедно со австралиската инвестициска компанија Macquarie е „на чекање“, откако фирмата од Сиднеј одлучи да се откаже од својот удел од 35% во Хитроу. Во меѓувреме, нема други понудувачи. Покрај нив, за преземање на 25% удел во сопственоста на аеродромот беа заинтересирани и Државниот инвестициски фонд на Саудиска Арабија и француската приватна инвестициска компанија Ардијан. На почетокот на овој месец, аеродромските власти ја повикаа владата да го укине воведувањето на нова наплата од 10 фунти за транзитните патници, предупредувајќи дека тоа ќе влијае на бројот на патници и ќе ги стави аеродромите во Британија во неповолна положба во однос на европските конкуренти. Хитроу го повтори овој повик во средата, а истовремено ги повика министрите да ја разгледаат „анти-развојната“ туристичка такса, што значи дека туристите плаќаат ДДВ за набавките.Граѓаните на Дубаи пријавуваат непозната болест, ја поврзуваат со неодамнешните поплавиПропалестински протести низ САД, во Берлин и во Париз- уапсени се стотици студенти (ВИДЕО)

„Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации“, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале удар. Авионот летал 33 минути пред да се врати на ЏФК, пренесува ABC7 New York. „Откако леталото безбедно слета, беше забележано дека во одреден момент тобоганот за итни случаи се оттргнал“, рече портпаролот на Делта. За време на инцидентот во Боингот 767 имало 176 патници, двајца пилоти и пет стјуардеси. Нема извештаи за повредени. Патниците биле префрлени во друг авион и нивниот авион полетал во 10:59 часот, околу три часа подоцна. Авионот на кој му паднал тобоганот за итан евакуација е стар 33 години и нема да биде во служба додека Делта не ја процени неговата состојба. Од ФАА велат дека ќе го истражат целиот инцидент.САД најавија нови 6 милијарди долари воена помош за УкраинаГраѓаните на Дубаи пријавуваат непозната болест, ја поврзуваат со неодамнешните поплави

Весникот наведува дека Шпанија ја отфрлила можноста за испорака на противвоздушни лансери на Украина, но ќе испрати проектили во Киев. Шпанија има три системи „патриот“ кои ги купи од Германија во 2004 и 2014 година, потсетува весникот. Украинскиот претседател Володимир Зеленски им кажа на членките на НАТО претходно овој месец дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да ги одврати руските воздушни напади, барајќи од нив да ја засилат воената помош за Киев. Министрите на ЕУ пред неколку дена изјавија дека разгледуваат како да обезбедат повеќе оружје за противвоздушната одбрана на Украина.Трамп e подготвен да го обнови конзервативниот сојуз со ОрбанШојгу: Русија никогаш не планирала да ги нападне земјите од НАТО

Во Тексас вчера се уапсени 34 лица, по судирот меѓу демонстрантите и полицијата и полициската коњаница, а меѓу уапсените е и новинар на американската ТВ станица Фокс, јавија американските медиуми. Студенти од Тексас побарале нивниот универзитет да прекине секаква соработка со компаниите што произведуваат и продаваат оружје на Израел, пишува Индипендент. Апсењата минаа помирно во Калифорнија, каде беа уапсени околу 20 студенти кои претходно три дена беа забарикадирани во зградата на универзитетот, на што универзитетот одговори со организирање онлајн часови. Претходно, на почетокот на неделата, полицијата соопшти за 133 приведени демонстранти на Универзитетот Колумбија во Њујорк и околу 40 на Универзитетот Јејл. /МИА Рјабков: Евентуалното распоредување нуклеарно оружје во Полска ќе биде легитимна воена целПетмина тинејџери обвинети за тероризам по прободувањето со нож во црквата во Сиднеј

Земјата беше погодена од врнежи што не биле видени долго време, а за само 12 часа наврна дожд колку за една година. Поплавите буквално го запреа животот во пустинската земја и предизвикаа хаос на аеродромот во Дубаи, најпрометниот меѓународен воздушен центар во светот. Временските услови предизвикаа Emirates да ги откажат летовите за 200.000 патници и да одложат многу повеќе. До минатиот вторник, Обединетите Арапски Емирати имале нешто повеќе од 142 милиметри дожд на метар квадратен, додека просечните врнежи се околу 86 мм дожд. На повеќе локации забележани се речиси 250 милиметри дожд на метар квадратен. Државната новинска агенција ВАМ го нарече дождот „историски временски настан“ што го надмина „се што е документирано од почетокот на собирањето податоци во 1949 година“. Сега луѓето во Обединетите Арапски Емирати почнаа да покажуваат симптоми поврзани со наводно загадената вода, соопшти Министерството за здравство. Во соопштението, кое го пренесе државната новинска агенција, не се прецизира точно колку луѓе се болни или од што точно се лекуваат. Имало „многу ограничен број случаи кои покажаа одредени симптоми на влијание на загадена вода“ и тие се на болничко лекување, велат од Министерството, но не прецизираат што ја предизвикало загаденоста на водата. Силниот дожд е поврзан со поголем систем на бура минатата недела што го премина Арапскиот полуостров и го премина Оманскиот залив. Истиот циклон донесе и смртоносни поплави во блискиот Оман, каде што загинаа најмалку 18 луѓе. Дожд врнеше и во Бахреин, Катар и Саудиска Арабија. Сепак, дождовите беа најсилни низ ОАЕ. Се шпекулира дека „сеење на облаци“ ги предизвикало поплавите.САД најавија нови 6 милијарди долари воена помош за УкраинаПропалестински протести низ САД, во Берлин и во Париз- уапсени се стотици студенти (ВИДЕО)

Сервисот, еден од трите купени од Харисон во Јапонија, му го подарил менаџерот на турнејата Нил Аспинал на неговиот син Роаг Бест, кој сега го води музејот на Битлси. Како што изјави, на тридневната турнеја, Битлси свиреле за повеќе од 10.000 луѓе по концерт. „Битлеманијата навистина ја погоди Јапонија. Тие не можеа да ја напуштат хотелската соба“, рече Бест, кој е син на Аспинал и Мона Бест и полубрат на Пит Бест, оригиналниот тапанар на Битлси. Тој изјавил дека неговиот татко, маскиран, го придружувал Џон Ленон, додека еднаш излегувале од хотел во Токио, еднаш излегол и Пол Макартни со маска, но Ринго Стар и Харисон останале заклучени во собите. „Тие сакаа да купуваат работи на турнеја, но бидејќи не можеа да излезат, луѓето ги носеа своите производи во нивните соби. Џорџ купи три многу украсени јапонски чајни комплети кои потоа ги испрати назад во Англија. Чуваше еден, татко ми дозволи тој да избира од преостанатите два, а третиот и го дал на мајка си“, рекол Бест, пренесува Би-Би-Си. Сервисот е префрлен во Ливерпул, во куќата на Мона Бест, сопственик на клубот „Касба“. Бест изјавил дека на сетот недостасуваат три чаши кои ги скршил кога имал 15 години. Тој додаде дека се надева дека сервисот за чај ќе биде од особен интерес за фановите на Битлси од Јапонија кои го посетуваат музејот во Ливерпул. „Фан клубот на Битлси е еден од најголемите по членство и има околу 40.000 фанови. Мислам дека ова ќе им се допадне“, рече Бест.Можете ли да замислите колку тежат ПЕЈАЧИТЕ од соседството?! МИЛОНЕРИ СЕ!Фото. Пирс Броснан непрепознатлив, како вистински дедо!!

Неколку клучни навики можат значително да влијаат на врската и односот со партнерот, а со текот на времето треба да се регулираат и да се намалат во најмала можна мера, пишува „Јортанго“. Добиј ги најважните вести, бесплатно на Viber Упаѓање во збор Една студија истакнува дека ова е дури и еквивалентно на покажување моќ и всушност ја оштетува интимноста. Разговарајте за работи кои ве мачат неколку пати неделно. Можете исто така да го поставите времето на телефонот на 5 минути, оставете секој од вас да зборува толку долго без да го прекинува другиот. Превртување очи Превртувањето очи е исто така дел од манирите на непочитување на партнерот. Партнерот нека го предупреди другиот партнер кога тоа ќе се случи, многумина не се ни свесни дека го прават тоа. Оставање на работите насекаде зад себе Да се ​​разбереме, некои од нас се понеуредни од другите. Ако знаеме дека нашиот сопружник „полудува“ од влажните крпи на подот во бањата или други навики кои им сметаат на поуредните луѓе, одбивањето да се промени има ефект на создавање лутина и чувство на далечина. Перфекционизам Има повеќе од еден правилен начин да се наполни машината за миење садови, да се смени пелената на бебето или да се прераскаже како сте се запознале. Не треба постојано да предупредуваме дека некој прави нешто на наш начин, но важна е соработката, но и да не освести за оние работи кои не ни одговараат за да ги поправиме и успешно да ја продолжиме врската.

Откако пропадна врската на познатата манекенка Ирина Шајк и играчот на НФЛ Том Брејди, таа сега бара нов маж, тврди извор за „Пејџ сикс“. Добиј ги најважните вести, бесплатно на Viber „Таа тргна во ‘шопинг’ за маж, но групата на луѓе со кои излегува е мала. Потребна ѝ е позната личност која добро изгледа и има пари. Колку ги има? Пет, десет?“, рекол изворот. Руската манекенка е во потрага по идеален маж во Европа и САД. Извор за таблоидот го предложил Том Круз како една можност, откако актерот неодамна се раздели со Елсина Кајрова. Инкау, таа и нејзиниот поранешен дечко Том Брејди првпат беа забележани заедно во август, откако се сретнаа на свадба во Италија во јуни. Последен пат беа видени заедно во средината на јануари во Њујорк. Во септември, таблоидот напиша дека и двајцата излегуваат со други луѓе, а на крајот на октомври беше откриено дека работите меѓу нив тргнале наопаку. Сепак, Брејди и Шајк беа забележани во декември за време на Арт Базел Мајами Бич. Пред него, Шајк беше во долга врска со актерот Бредли Купер, со кој има четиригодишна ќерка. Купер моментално е во врска со моделот Џиџи Хадид. ФОТО | Дали ја препознавате? Најжешката манекенка на светот објави фотографии од детството

Ѕвездената актерка на црвениот тепих се појави во впечатлив сатенски фустан во неодредена боја. Во еден момент со сигурност би рекле дека е виолетова, а од друг агол изгледа целосно кралско сино. Фустанот без ракави до подот, собран на половината, содржи и декоративен дел кој делува како голема лента за на рамото и паѓа по линијата на десната рака. Делот може да се отстрани, па фустанот останува целосно обичен од напред, додека одзади се гледа дека има уште една декорација. За да ги види јасно сите детали, Ума ја врзала својата руса коса и се одлучила за златен накит и златна чанта. За миг ѝ се видоа сандалите, исто така во златна боја. Што се однесува до неа, дали нараквиците се вратија во стил или можеби никогаш не излегоа? Турман обично претпочита сина боја, веројатно затоа што ѝ одговара на очите, па не е чудно што тоа беше нејзин избор во неколку наврати за големи фестивали како во Кан.Фото. Пирс Броснан непрепознатлив, како вистински дедо!!С.О.С. фестивалот се враќа на домашната сцена

Овен До крајот на денот поволни вести од странство во врска со патувањето. Партнерството е многу нестабилно, бидејќи не се трудите доволно на вашата врска. Здравјето е одлично. Бик Подгответе се за разговор со личност Овен која е многу важна за вашиот бизнис. Што се однесува до партнерскиот однос, внимавајте на зборовите што ги кажувате бидејќи вашиот партнер е многу чувствителен. Здравствената состојба е стабилна. Близнаци На вас останува да донесете важна одлука во врска со патувањето. До крајот на денот позитивни вести од личност која ви е многу важна во бизнисот. Што се однесува до здравјето, внимавајте на можните проблеми со нозете. Рак Денес ќе бидете под впечаток на минатото и спомени, што ќе ви предизвика чувство на носталгија. Во текот на денот внимавајте на вашето здравје бидејќи можни се проблеми со грлото и главоболката. Лав Денес слаба точка ви е кичмата, но и притисокот. Подгответе се да одморите малку повеќе и да работите помалку. Личност под знакот Јарец е одлична деловна поддршка за вас. Девица Ќе имате ненадеен повик од лице од странство поврзано со деловната страна. Партнерството е многу добро и ве прави среќни. Внимавајте на исхраната и одморете повеќе. Вага Денес е совршен ден да завршите се што имате за да можете да се одморите во мир во текот на следните денови. До крајот на денот можни се поволни вести од странство во врска со член на семејството. Шкорпија Во наредниот период ве очекува многу работа, а денес обидете се подобро да се организирате на тоа поле. Здравствената состојба е непроменета. Обидете се да бидете повеќе внимателни на вашите емоции. Стрелец Почнувајќи од утрото ќе имате многу обврски со членовите на семејството, особено со некој постар член од семејството. Бидете свои, особено кога станува збор за деловна ситуација. Проблем со притисокот. Јарец Најважниот дел е работата и во текот на денот ќе се трудите да бидете најефикасни. Ве очекува многу поволен глас во однос на заработката и можноста за напредување на работа. Ќе имате важен состанок со личност под знакот Вага. Водолија Ова е идеален период да се посветите, особено кога се во прашање љубовните и емотивните врски. Односот со членовите на семејството е постабилен, но сепак сте притиснати од нивните проблеми. Здравствената состојба е многу добра. Риби Во текот на денешниот ден ќе бидете многу отворени за другите, особено кога станува збор за односот со пријателите и партнерот. Деловната ситуација ве загрижува, но ќе биде стабилна во наредниот период. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

<span lang="MK" style="mso-ansi-language:MK">Православните верници влегуваат во шестата недела од големиот велигденски пост, која уште се нарекува Цветници.</span><span lang="MK" style="mso-ansi-language:MK">Претпоследната недела од Великиот пост е именувана по празникот на цвеќето, кој го одбележува влегувањето на Исус Христос во Ерусалим. Оваа недела обично треба да се пости на вода од понеделник до петок. Во сабота е дозволено масло, а во недела риба, бидејќи на тој ден се слави Цветници.</span><span lang="MK" style="mso-ansi-language:MK">На овој празник му претходи Лазарева сабота. Овој празник секогаш се слави во пресрет на Цветници и го одбележува воскресението на Лазар четири дена по неговата смрт.</span><span lang="MK" style="mso-ansi-language:MK">Овој радосен празник се смета за детски празник.</span><span lang="MK" style="mso-ansi-language:MK">Во Лазарова сабота се носат децата во црква, а по вечерната богослужба се осветуваат млади врбoви гранчиња од кои се плетат венци кои децата ги носат во косата, а подоцна се ставаат покрај иконата и кандилото во домот.</span><span lang="MK" style="mso-ansi-language:MK">Се купуваат и мали ѕвона, кои децата ги носат околу вратот, како спомен на децата кои радосно го поздравувале Исус Христос пред да влезат во Ерусалим.</span><span lang="MK" style="mso-ansi-language:MK">По Цветници, верниците влегуваат во Страдалната недела, седмата и последна недела од Велигденскиот пост, по што со многу убави стари обичаи се празнува најголемиот христијански празник – Велигден</span>Ова е популарното вежбање 10-2-20 со кое губите 15 килограми за 2 месеца! (видео)Родители од пеколот: До смрт ги претепале своите едномесечни близначки, имале скршеници

Бизнисменот Џон Џејкоб Астор (47) потонал на бродот во 1912 година откако ја однел својата нова сопруга Медлин во чамец за спасување. Наместо да се обиде да се спаси во друг чамец, беспрекорно облечениот Астор, кој бил истакнат член на богатото семејство Астор, последен пат е виден како пуши цигара и разговара со сопатник. Неговото тело било извлечено од Атлантскиот океан седум дена подоцна и бил пронајден неговиот скап џебен часовник Waltham од 14 каратно злато, со врежани букви JJA. Се очекува часовникот да достигне цена помеѓу 100.000 и 150.000 фунти кога утре ќе се појави на аукција во аукциската куќа Henry Aldridge & Son во Девизес, Вилтшир. „Астор е добро познат како најбогат патник на РМС Титаник и се сметаше дека е меѓу најбогатите луѓе во светот во тоа време, со нето вредност од приближно 87 милиони американски долари - што е еквивалент на неколку милијарди долари денес“, рече аукционер Ендрју Олдриџ.Трчал на Лондонскиот маратон и по пат испил 25 чаши вино- има 4 милиони прегледи (ВИДЕО)Јадела чорба и ОСТАНАЛА ПАРАЛИЗИРАНА: 23 годишна девојка јадела брзо, сега се бори со смртоносна инфекција

Жена од Колорадо останала парализирана и се бори за живот откако се борела со смртоносната бактериска инфекција - за која нејзините пријатели мислат дека ја добила од конзервирана супа. Сноубордерката Клаудија де Албакерки Селада (23), по потекло од Бразил, била на програма за размена на работа во Аспен кога почнала да чувствува симптоми како што се вртоглавица, двоен вид и проблеми со дишењето.Во рок од 24 часа, секој мускул во нејзиното тело се парализирал, а лекарите морале да ја стават на вентилатор.<span style="color: rgb(0, 0, 0); font-family: -apple-system, BlinkMacSystemFont, &quot;Segoe UI&quot;, Roboto, Helvetica, Arial, sans-serif; font-size: 14px;">https://www.instagram.com/reel/C51uNRguXCH/?utm_source=ig_web_copy_link</span>На лекарите им биле потребни две недели да ја откријат причината: ботулизам, инфекција која го напаѓа нервното ткиво на телото и погодува околу 100 Американци годишно. Локалните здравствени власти изјавија за DailyMail.com дека се сомнева дека изворот на инфекцијата е конзервирана супа.Сестрата на Клаудија, Луиза Албукерки, напиша на Инстаграм дека нејзината сестра се преселила во Колорадо во ноември за нејзината „работа од соништата“, иако не е јасно во која индустрија работела.<span style="color: rgb(0, 0, 0); font-family: -apple-system, BlinkMacSystemFont, &quot;Segoe UI&quot;, Roboto, Helvetica, Arial, sans-serif; font-size: 14px;">https://www.instagram.com/p/CoazHGqOjAS/?utm_source=ig_web_copy_link</span>Околу 15 дена откако ја купила супата, Луиза рече дека нејзината сестра ја напуштила работата порано бидејќи почнала да се чувствува лошо.- Се истуширала, вечерала и си легнала, но имала отежнато дишење, заматен вид и вртоглавица. Им испратила порака на пријателите да одат во нејзиниот стан, но, како што велат, наутро. Кога пристигнаа, на сестра ми веќе беше многу полошо, едвај дише сама и имаше парализа на лицето, изјави Луиза за португалското издание UOL.Исто така почувствувала слабост во мускулите на рацете и нозете.- Таа отиде во болница и набргу потоа беше 100 отсто парализирана, изјави Луиза.Нејзиното семејство открива дека Клаудија можела да лета за Колорадо за една недела. Дијагностициран и е на 1 март. Доралис Гоес, нејзина пријателка од Бразил, која исто така преживеала ботулизам, која вели дека е запознаена со случајот, рече дека Клаудија се заразила со ботулизам од конзервирана супа што ја добила на штанд.- Знаеме дека тоа беше индустријализирана конзервирана супа, напиша таа на Инстаграм.Нејзиното семејство не потврди за каква храна станува збор, иако велат дека се работи за инфекција која се пренесува преку храна. Тие велат дека Клаудија била хоспитализирана околу 50 дена, а се очекува заздравувањето да трае од шест месеци до една година. Тие, исто така, работеа да соберат 200.000 долари за да ја вратат назад во Сао Паоло, од каде што е. Семејството го исцрпило патничкото осигурување и моментално се собираат пари за нејзиното лекување.<b>Што е ботулизам?</b>Ботулизмот е предизвикан од јадење храна контаминирана со бактеријата Ц ботулинум. Овие токсини го напаѓаат нервниот систем и можат да предизвикаат парализа.Најчесто се јавува при домашно конзервирање, кога храната е неправилно сочувана. Во минатото, ботулизмот се поврзуваше со храна како што се сардини, песто, домати и кисели краставички. Болеста не се шири од човек на човек и нема ризик за општата популација.<b>Како да препознаете ботулизам</b>Синдромот на интоксикација со цијанид се манифестира преку низа симптоми како што се главоболка, вртоглавица, брз замор, слабост и треска. Овие симптоми се чести кај луѓето изложени на цијанид. Луѓето отруени со цијанид може да доживеат болки во стомакот, гадење, повраќање и дијареа. Овие дигестивни симптоми може да бидат показател за труење со цијанид и бараат итна медицинска помош.Невролошкиот синдром поврзан со труење со цијанид се појавува веќе на крајот од првиот ден од болеста. Се манифестира преку различни симптоми како диплопија (заматен и двоен вид), страбизам, тремор на очното јаболко, овенати на очните капаци, проширена зеница, нееднакви зеници, парализа на сместување и реакции на светлина. Овие невролошки симптоми често се нарекуваат офталмоплегичен синдром и може да бидат придружени со други манифестации како што се суви мукозни мембрани на усната шуплина, запек, абдоминална дистензија и нарушувања на дишењето.Утре се продава златниот часовник, најден покрај телото на најбогатиот патник на „Титаник“Карате мајстор победи мечка- со еден удар ја избрка и се спаси

Со оглед на моменталната состојба на пазарот, ваков деловен потег на Lamborghini е целосно очекуван. Понудата за моделот Urus е проширена со верзија SE со plug-in хибриден погон. Спротивно на очекувањата, воведувањето на електрична енергија не го намали бројот на цилиндрите, но Lamborghini остана верен на V8 твин-турбо моторот. Произведува до 620 КС, а му се придружува моќниот електромотор од 192 КС, вграден во куќиштето на осумстепениот менувач. Синергетскиот ефект е 800 КС и 950 Nm, што ја прави оваа верзија најмоќна во гамата. Не најбрза, бидејќи со забрзување до 100 km/h за 3,4 секунди, SE заостанува зад перформансите на Performante. Достигнува 200 km/h за 11,2 секунди, што е дури и подобро од Performante. Максималната е 312 km/h, исто како и Ferrari Purosangue. Од друга страна, SE може да се вози исклучиво на електрична енергија. Има батерија од 25,7 kWh, што не е мала, но затоа досегот е сепак скромен - само 60 километри. Новата верзија исто така го отфрла класичниот спру во корист на виртуелен LSD систем во комбинација со нова електрохидраулична мултидиск спојка, која го распределува вртежниот момент помеѓу оските. Новите технологии заштедија 20 кг, но на крајот SE сепак е за дури 300 кг потежок од бензинската верзија. Вагата ќе покаже дури 2540 кг. Lamborghini вели дека SE е исто толку брз на патеката како и Performance, но под услов да возат на исти гуми. Во секој случај, избраната клиентела добила можност да избере „позелен“ дизајн, кој им овозможува да ги задоволат своите еколошки погледи и да останат под покровителство на брендот. Визуелно, сепак, SE се дистанцира со детали како што се нови светла, редизајниран заден капак и нови бандажи од 23 инчи Galanthus. Кабината има уште поголем екран (12,3") и нови материјали за тапацирот. Да кажеме и дека се очекува почетна цена од 230.000 евра, што секако нема да биде пречка за успех на пазарот. На крајот на краиштата, практиката го покажа тоа бидејќи Urus е најуспешниот модел на Lamborghini во историјата, со продажба што ги надминува дури и најоптимистичките планови.

Легенда, традиција и обичаи Во пресрет на Велигден- Знаете ли зошто се бојадисуваат јајца?

Гала настанот „ВАКО ПРО АФН 9“ почнува во 19 часот, а организатор е Кикбокс Маитаи федерацијата на Македонија, а ова е прв од ваков вид професионален кикбокс меч кај нас, со тоа што главната борба на вечерта ќе биде за титулата професионален светски првак на WAKO PRO организација во дисциплината К1 RULES, во која актуелниот светски и европски ВАКО аматерски шампион и добитник на признанието спортист на годината во Македонија, објави Спортманија. Илиоски ќе се соочи со актуелениот светски шампион на WAKO PRO во дисциплината K1 RULES во категоријата до 88.6 кг, со Дузенли. Исто така, на еден од мечевите вечерва ќе настапи и нашиот трикратен светски и европски шампион Димитар Ѓорѓиев, кој во оваа прилика ќе настапи како предборба на главниот професионален WAKO PRO меч.

Кошаркарите на Монако го совладаа Фенербахче со 93:88, а Барселона го совлада Олимпијакос со 77:69, па двата победнички тима израмнија на 1:1 во плејоф серијата за пласман на завршниот турнир на четирите најдобри екипи сезонава во Евролигата. Џабари Паркер ја предводеше Барселона до победата во „Блауграна“ со 24 поени, а Вили Ернангомез постигна 11 од нив. Американецот Алек Питерс со 20 поени ги предводеше стрелците кај Олимпијакос. Серијата се сели во Пиреја за следните два натпревара, а тимот којшто прв ќе оствари три победи ќе оди на фајналфорот. Со пресврт во последната четвртина, Монако ја надополни негативата од девет поени од третата делница од мечот против Фенербахче, а Литванецот Донатас Мотијејунас беше најдобар стрелец кај тимот на Кнежевството со 18 поени. Џордан Лојд постигна 15 поени за Монако. Турскиот тим го предводеа Тајлер Дорси со 25 поени и Скоти Вилбекин со 23 поени. Следните два натпревари ќе се играат во Истанбул. Реал Мадрид, бранителот на титулата, е единствениот тим кој успеа да оствари втора домашна победа против Баскоња. Панатинаикос и Макаби Тел Авив се израмнети и пред двата натпревари во Белград, каде Макаби ги игра натпреварите во кои формално е домаќин.

На свечена церемонија на античкиот стадион „Панатенаик“ во Атина, каде што во 1896 година беа одржани првите модерни Олимписки игри, попладнево олимпискиот оган ќе им биде предаден на организаторите на ЛОИ „Париз 2024“, јави дописничката на МИА од Атина. Откако олимпискиот оган минатиот вторник беше запален во античка Олимпија, помина 11 дена низ цела Грција, денеска ќе го преземат организаторите на Летните олимписки игри, а утре ќе тргне за Франција, за првпат, по морски пат и на 8 мај ќе стигне во Марсеј. На атинското пристаниште Пиреас веќе е закотвен историскиот едреник со три јарболи „Белем“, кој е подготвен, утре да го започне патувањето, пренесувајќи го олимпискиот оган. Станува збор за брод стар 127 години, кој на првото патување во 1896 година, како товарен брод пренесувал шеќер од Западна Индија, какао и кафе од Бразил и Француска Гвајана до Нант. Истата година кога бродот го започнал првото патување, во 1896 година, во Атина се одржаа првите модерни Олимписки игри, токму на стадионот каде што попладнево ќе се одржи и свечената манифестација. Според најавите, олимпискиот оган на стадионот „Панатинаик“ ќе го внесе грчката шампионка во брзо одење Антигони Дрисбиоти и последниот штафетен факел ќе му предаде на капитенот на ватерполо репрезентацијата на Грција Јанис Фундулис, која на Олимписките игри во Токио го освои сребрениот медал. Веднаш потоа, претседателот на грчкиот олимписки комитет, Спирос Капралос, официјално ќе му го предаде олимпискиот факел на претседателот на Организацискиот комитет „Париз 2024“ Тони Естанге. Олимпискиот оган пред да пристигне на стадионот, повторно ќе помине низ улиците во центарот на Атина, откако сабајлево ќе пристигне од Коринт. Во изминатите 11 дена, пламенот патуваше низ цела Грција, од најјужната до најсеверната точка, од исток до запад, од Крит до Александруполи и од Крф до Кастелоризо, поминувајќи низ 13 региони, седум острови, 43 градови, 41 општина, пет заедници, 10 археолошки локалитети и два олимписки музеи во Атина и Солун, односно вкупно 5.202 километри и 563 наутички милји. Минатата сабота, на петтиот ден од штафетното пренесување, како што објави МИА, олимпискиот оган откако во текот на ноќта беше на Акропол, помина низ повеќе локации низ Атина пред да замине кон централна Грција. Манифестациите во Грција, како палењето на огнот во античка Олимпија на 16 април, така и штафетното пренесување низ земјата и предавањето на организаторите во Атина, по пауза од четири години се одржуваат регуларно и се отворени за граѓаните, со оглед на тоа дека во октомври 2021 година и март 2020 година поради пандемијата сите свечености беа без публика, а олимпискиот оган за Зимските Олимписки игри „Пекинг 2022“ и Летните Олимписки игри „Токио 2020“ од Атина замина без штафетното да патува низ Грција, туку директно им беше пренесен на домаќините. Летните Олимписки игри во Париз ќе се одржат од 26 јули до 11 август.

Фудбалерите на Лестер Сити се враќаат во англиската Премиер лига по поразот на ннивниот ривал Лидс Јунајтед во Лондон кај Квинс Парк Ренџерс (0:4). Со 94 бода и уште два меча до крајот, Лестер води во Втората лига, а Лидс со 90 бодови и еден натпревар до крајот повеќе не може да го стаса. На Лидс загрозено му е и второто место, кое исто така гарантира директен влез во Премиер лигата, бидејќи му се заканува третопласираниот Ипсвич, кој има 89 бодови и натпревар помалку. Минатата сезона Лестер испадна од елитната дивизија, а во 2016 година сензационално стана шампион на Англија.

Еден од најпознатите европски судии, Словенецот Матеј Болтхаузер (49) е тема број 1 во европската кошаркарска јавност поради видеото кое излезе во јавноста. Имено, Болтаузер е снимен на него на аеродромот „Никола тесла“ во Белград на 8 декември минатата година како краде парфем на Том Форд од „фри шоп“. Станува збор за парфем кој чини 221 евро. Болтхаузер тогаш се враќаше од натпреварот од Евролигата меѓу Монако и Партизан, која ја судеше во Франција. Поради видеото кое се појави пет месеци подоцна, Евролигата покрена постапка против Болтаузер. Тој сигурно ќе се соочи со драстична казна, па дури и играчите си земаа слобода да кажат „збор-два“ за Словенецот. Најгласен беше Мет Џенинг, кој директно го обвини Болтхаузер дека со години крадел, не само на аеродромот, туку и на терените во Евролигата. „Човекот краде со години! Евролигата има голем број одлични судии, но ова момче е убедливо најлошиот и не е тешко да се разбере зошто”, напиша Џенинг, поранешен играч на Монтепаски, Ефес, Басконија, како одговор на видеото кое брзо се прошири низ Европа. Salen a la luz imágenes de Boltauzer, árbitro de la Euroliga, robando un perfume en el aeropuerto de Belgrado 🫣 Los hechos sucedieron tras el partido entre Partizan y Mónacopic.twitter.com/brQUbuRYqa — Eurohoops España (@EurohoopsES) April 26, 2024

Извршната директорка на „X“, Линда Јакарино, најави дека се воведува „содржина што можете да ја гледате на паметни телевизори“, односно апликација која ќе содржи алгоритам за видеа, заедно со трендови и теми, а ќе се напојува со вештачка интелигенција . Оваа апликација ќе биде достапна за телефони и паметни телевизори, а компанијата сака да биде нешто слично на „YouTube“. Ќе работи слично - двете платформи, кога сугерираат што да гледате, ја земаат предвид вашата историја на пребарување, што гледаат другите, како и содржината на самите клипови. „X“, како што рековме, ќе користи вештачка интелигенција за да предложи видеа што е најсигурно дека ќе ви се допаднат. Друга сличност помеѓу „X“ и апликацијата „YouTube“ е тоа што ќе можете да се префрлите од вашиот телевизор на вашиот телефон и да продолжите да гледате. Ќе поддржува и „кастинг“ од мобилни телефони, но се уште не е кажано кога точно ќе се најде на пазарот „X“апликацијата за видео. From the small screen to the big screen X is changing everything. Soon we’ll bring real-time, engaging content to your smart TVs with the X TV App. This will be your go-to companion for a high-quality, immersive entertainment experience on a larger screen. We’re still building it… pic.twitter.com/QhG6cVDpZ8 — Linda Yaccarino (@lindayaX) April 23, 2024 Извор: Б92

По 14 години потсмев, Apple конечно реши да ја направи апликацијата која сите ја бараа Софтвер Ф.З. / 25.04.2024 / 17:30 Време е компјутерската моќ на М чиповите конечно да ја искористиме за пресметување! Благодарение на чиповите со сопствен дизајн и нивната голема компјутерска моќ, Apple им дозволува на корисниците на таблети да прават многу работи на својот уред, но да не пресметуваат ништо - барем не официјално. Сепак, според последните гласини, iPad конечно ќе добие апликација Calculator. Како што тврди Macrumors, по 14 години постоење на уредот iPad, Apple одлучил конечно да имплементира калкулатор на своите таблети, а официјалното решение корисниците би можеле да го видат веќе на настанот WWDC во јуни, кога гигантот од Купертино на светот ќе му го претстави iPadOS 18. Се чека „добар“ калкулатор Причината зошто iPad нема калкулатор цели 14 години е, наводно, одлуката на Стив Џобс, кој откако не бил задоволен од апликацијата на прототипот на таблетот, во „последен момент“ решил да го отстрани. Крег Федериги во интервју во 2020 година рече дека Apple сака iPad да добие апликација Calculator, но само ако е „навистина, навистина добра“ - нешто што компанијата не успеа да го направи сите овие години. Се разбира, тоа не значи дека сопствениците на iPad не можат да користат калкулатор - тие само треба да изберат едно од многуте решенија достапни на App Store. Сепак, отсуството на официјална апликација долго време е предмет на потсмев. Се чини дека калкулаторите се една од најголемите теми во Apple. Според претходните гласини, MacOS 15 треба да добие и подобрена апликација Calculator. Remote video URL Тагови Apple

Фото: Shutterstock.com Исклучувањето на поддршката за „колачиња“ од трети страни во Google Chrome, процес кој конечно започна на почетокот од оваа година, повторно се одложува. Причината за тоа е забелешката која ја има британското регулаторно тело, CMA – Competition and Markets Authority за Privacy Sandbox функцијата од Google која треба да ги замени „колачињата“, барем во делот за реклами. Според CMA, оваа алтернатива на „колачињата“ сепак не овозможува заштита на приватноста на корисниците како што се тврди. Тие сметаат дека огласувачите повторно можат да најдат начин како да ги „следат“ корисниците, па Google сега ќе мора да се објаснуваат на оваа тема. Privacy Sandbox функцијата овозможува групирање на корисниците во таканаречени теми, кои ги има одреден број, по што на огласувачите им се пушта само темата, наместо да имаат пристап до сите страни кои ги отвора корисникот. Групирањето се прави локално на уредот, па поради тоа и треба да е зголемена приватноста на корисниците. Тргањето на поддршката за „колачиња“ од трети страни Google ја најави уште во 2020 година, а во 2022 беше најавено првото одложување. Сега, наместо до крајот на годината да заврши процесот, истиот се најавува за идната година, но веќе може да се заклучи дека додека истиот официјално не заврши, џабе ги гледаме најавите. ИЗВОРThe Hacker News ОЗНАКИGoogleGoogle ChromeКолачиња од трети страни FacebookTwitterLinkedinEmailViber Претходна статијаВо понеделник ќе се одржи второто издание на “Freelance Conference”Следна статијаHMD ги претстави првите смартфони под новиот сопствен бренд после години работа со Nokia Мишо ЛекиќСвојот интерес во областа на паметната технологија го развива одамна како хоби кое што прераснува во нешто повеќе, па резултатот на тоа е и развојот на овој портал. Сака да ги следи сите новини поврзани со оперативните системи, апликациите, мобилните телефони, но и интересните научни и вселенски истражувања. Facebook ПОВРЗАНИ СТАТИИПОВЕЌЕ ОД АВТОРОТ АЕТМ и ВИЗА доделуваат грантови од 1000 евра за отворање на е-продавница Германскиот еколошки пребарувач Ecosia претстави сопствен интернет прелистувач Google Chat корисниците сега можат да разговараат со тие од Microsoft Teams и Slack TikTok Notes е конкурентот на Instagram од TikTok и од компанијата го започнаа пуштањето на апликацијата Достапна првата алтернативна продавница за апликации на iOS за корисниците во ЕУ Gemini може да се очекува да биде интегриран во Google Chrome

Станува збор за печатач наречен Factory of the Future 1.0 (FoF 1.0), кој може да печати предмети долги 29 метри, широки 10 метри и високи 5,5 метри. Многу е брз и може да печати материјал со тежина од 227 кг за 1 час. Исто така, печатачот може динамички да ги менува техниките на печатење за да се прилагоди на различни аспекти на сложени задачи. Воедно, може да се префрла помеѓу производство на адитиви од големи размери, производство со одземање, континуирано поставување на ленти и операции со роботски раце. Овие технологии го прават печатачот корисен во голем број индустрии, вклучително и изградба на домови, инфраструктура и развој на воени возила. Поголемиот дел од она што го прави печатачот може да се рециклира, па во суштина неговите производи може да се „уништат“ и повторно да се направат. Ова се должи на фактот што приоритет се дава на биолошки материјали, како што се остатоците од дрво. Технологијата се чини дека е одличен начин за брзо изградба на пристапни објекти за домување, што е во мислите на некои од поддржувачите на технологијата, „На Мејн му требаат околу 80.000 домови до 2030 година, од кои многу се наменети за домаќинства со приходи под просекот на областа. Принтерот нуди нови начини за производство на квалитетно и достапно домување додека ги намалува трошоците и користи отпад од пилана во Мејн“, рече Марк Визендангер, директор за развој во MaineHousing. Принтерот еден ден би можел да се користи за изградба на цели населби, а неговите спецификации покажуваат дека може да изгради скромен еднокатен дом за околу 80 часа. Но, ќе гради и други објекти, а во него веќе инвестираа Министерството за одбрана на САД и Министерството за енергетика. Затоа, се очекува да произведува поморски бродови, па дури и подморници. Сенаторката Сузан Колинс рече дека принтерот е „непроценлив за националната безбедност“. FoF 1.0 има близнак во кампусот на Универзитетот во Мејн, кој претходно го држеше рекордот како најголем 3D принтер во светот. Веќе е искористен за изградба на куќа од 56 квадратни метри од дрвени влакна и биоресина. Новиот принтер е четири пати поголем и благодарение на нивната близина, тие можат да работат истовремено на различни аспекти од ист проект. Универзитетот во Мејн гради нова истражувачка лабораторија за Green Engineering and Materials (GEM) Factory of the Future, која ќе биде дом на гореспоменатите принтери, а во иднина се очекуваат уште поголеми машини од овој тип. Klix.ba 3Д печатење

Бајден потпиша: Крај на TikTok во САД!? Софтвер Ф.З. / 25.04.2024 / 15:54 Претседателот Џо Бајден го потпиша законот со кој на ByteDance му се дава 270 дена да го продаде TikTok или ќе се соочи со забрана во САД. Откако американскиот Сенат усвои закон со кој на компанијата ByteDance ѝ се поставува ултиматум да го продаде TikTok, претседателот Џо Бајден сега истиот го потпиша. Часовникот почна да отчукува за компанијата ByteDance, која сега ќе има 9 месеци да ја продаде својата популарна апликација, а доколку Бајден смета дека е потребно, рокот може да биде продолжен за дополнителни 3 месеци. Ако TikTok не се продаде во предвиденото време, платформата за видео стриминг во кратки форми ќе биде забранета на американско тло. Шефот на TikTok, Шоу Зи Чу, вели дека тој и неговите партнери ќе го оспорат новиот закон на суд, наведувајќи го Првиот амандман, кој ја гарантира слободата на говорот, како причина поради која верува дека TikTok ќе ја добие оваа правна битка. „Ова е очигледно разочарувачки момент, но не мора да биде одлучувачки. Ова е всушност иронично, бидејќи слободата на изразување на TikTok ги одразува истите вредности што ги прават Соединетите Американски Држави светилник на слободата“, рече Чу. Донесувањето на законот „ќе ги нагази правата на слободата на говорот на 170 милиони Американци, ќе уништи 7 милиони бизниси и ќе затвори платформа која придонесува за американската економија со 24 милијарди долари годишно“, рече минатата недела ByteDance, додавајќи дека нема планови да го продаде TikTok - потег кој секако ќе бара одобрување од Кина. Официјален Пекинг веќе најави дека ќе се спротивстави на секој таков потег. Останува да се види дали ByteDance навистина ќе биде успешен на суд, како и каков ќе биде одговорот на Кина доколку компанијата не успее во обидот да го поништи законот на суд. Тагови TikTok Џо Бајден САД