Србија се соочува со сериозен дефицит на квалификувани работници во автосервисите, а според проценките недостасуваат меѓу 30.000 и 40.000 занаетчии од сите профили. Овој проблем не е специфичен само за нашите соседи, туку е присутен и во цела Европа, каде автомеханичарите и каросериските работници се едни од најдефицитарните професии. Побарувачка за механичари и машинисти Една од најбараните групи занимања се механичарите и машинистите, каде што работодавачите бараат речиси 300 мајстори од овој профил во канцеларијата за труд. Интересно е што многу работодавци се подготвени да ги вработат овие работници и без претходно искуство, а понудените плати се движат од 70.000 до над 150.000 динари. Овој податок укажува на голема побарувачка за овој профил на работници и можности за добро платена работа дури и за оние без искуство. Проблеми со незаконската работа Еден од проблемите со кои се соочува оваа индустрија е незаконското вршење на сервисирање возила. Неофицијално, се проценува дека околу половина од автосервисите се диви, што создава сериозни проблеми и од аспект на фер конкуренција и од еколошки аспект. Имено, сервисерите на автомобили имаат обврски во однос на отстранувањето на опасниот отпад, како што е моторното масло, а незаконското извршување на овие работи може да има штетни последици за животната средина. Tweet ©Makfax.com.mk Доколку преземете содржина од оваа страница, во целост сте се согласиле со нејзините Услови за користење. Поврзани Артикли:топ-тема Претходно Ужас во Загреб: пронајдено тело во автомобил во одводен канал Би можело да ве интересира и... Основците и средношколците од утре на пролетен распуст (Видео) Први снимки од силното торнадо во Кина – „Ова е како Армагедон“ Ирак воведува казна затвор за геј бракови, промена на пол и промоција на хомосексуалност Денеска сончево и топло, промена на времето со пороен дожд и грмежи од први мај Апасиев од Тетово: Под власта на учките од ДУИ, поддржани од корумпираната македонска елита, секое второ дете од Полог се раѓа во Швајцарија Мицкоски: СДСМ и ДУИ имаа две сценарија, прво, тивок бојкот за претседателските избори, второ, Ахмети добил бел лист од Ковачевски да напише што сака

Данка Илиќ беше убиена на 26 март годинава, а за ова дело осомничени се Дејан Драгијевиќ и Срѓан Јанковиќ. Добивај вести на вибер Вишото јавно обвинителство (ВЈТ) во Заечар интензивно работи на расветлување на тешкото убиство на двегодишната Данка Илиќ. Истрагата се уште е во тек, а обвинителството ги чека резултатите од вештачењето на ДНК материјалот, како и вештачењето на ГПС уредот од службеното возило на ПУК „Водовод“. Овие стручни мислења се од суштинско значење за определување на рутата на движење на возилото во критичниот период. Досега се сослушани 17 сведоци, а по добивањето на сите вештачења обвинителството ќе донесе одлука за натамошниот тек на постапката. Апелационото јавно обвинителство во Ниш го овластило „Вишото јавно обвинителство Ниш да преземе дејствија и мерки за утврдување на околностите под кои починал Далибор Драгијевиќ“. Ова овластување е во согласност со методологијата за истрага во случаи на злоупотреба пропишана со општата задолжителна инструкција на Јавниот обвинител. Данка Илиќ беше убиена на 26 март годинава, а за ова дело осомничени се Дејан Драгијевиќ и Срѓан Јанковиќ. Тие неодамна беа испратени на психијатриско вештачење во Специјалната затворска болница во Белград. Покрај нив, во притвор е и нивниот татко Раде Драгијевиќ, кој се сомнева дека му помогнал на својот син заедно со уште еден син кој во меѓувреме загина во ПС Бор да го пренесат телото на убиената девојка од депонија каде што првично била фрлена, на друга локација. Потсетуваме дека телото на детето се уште не е пронајдено бидејќи таткото и синот велат дека не се сеќаваат каде го оставиле.

Вo јули во Грција се воведува шестдневна работна недела, а обврската ќе важи за државните служби, комуналните претпријатија, банките, фирмите, организациите и земјоделските стопанства кои досега практикуваа петдневна работна недела. Добивај вести на вибер Според законот, работниот ден дополнително работно време не смее да трае подолго од осум часа, а не е дозволена прекувремена работа. Оваа одредба, која стапува во сила од 1 јули, не мора да ја следат работодавачите на фирми или фарми кои по својата природа не се континуирани, односно до сега не работеле пет дена во неделата. Има и други исклучоци. Што се однесува до ограничувањата, работникот не смее да работи повеќе од осум часа на шестиот работен ден, а не е дозволена прекувремена работа. Во случај фирмите или фармите да имаат петдневни ноќни смени (00:00-06:00 часот), тогаш шестиот ден може да не работат во ноќна смена.

Претседателката на Собранието на Србија, Ана Брнабиќ, денеска изјави дека очекува во следните 48 часа, седница на Претседателството на Српската напредна странка, на која нејзиниот претседател Милош Вучевиќ би презентирал кого предлага за министри во новата Влада. Рокот за нејзино избирање во Собранието е 6 мај, така што ќе работиме следната недела, изјави таа, пренеесе Бета. Според неа, Србија ја чекаат големи и тешки битки за националниот интерес и претстои „тежок мај“.Две лица се повредени во пожар во фабрика за ракетни погонски системи во близина на БелградСамарас: Извештајот на Дора Бакојани не ја претставува Грција

На денешната Национална конвенција на Партијата на слободата, за нејзин лидер е реизбран Илир Мета, што според познавачите на состојбите во Партијата не е никакво изненадување.Со тајно гласање тој доби 690 гласа, а неговиот противкандидат Фаик Баша само 27 гласа. На функцијата потпретседател избрана е Ериса Џиџо, која успеа да добие 680 гласови.Најави пет приоритети за, како што рече 4 милиони албански граѓани и повеќе, со цел “да се фрли во ѓубре проектот на актуелната влада за 1 милион жители” обвинувајќи ја директно владата на премиерот Еди Рама за масовната миграција на населението и депопулацијата.– Кој е со Илир Мета е со мене. Кој не е со Илир Мета, било да е маж или жена, се ракува со Илир Мета и се збогува. Но, кој сонува за манипулации и игри, греши бидејќи Илир Мета ја е ученик на школата на Рамиз Алија, Фатос Нано и Сали Бериша а тоа се школи за соочување со мафијата, изјави меѓу другото Мета.Најголемо изненадување е што Мета не ја вброи неговата сопруга Моника Круемади во составот на Претседателството.-Јас гласот го дадов за него. Не ми е сеедно што буквално сум исфрлена од Партијата. По 30 години се повлекувам од политиката, време е да им се посветам на моите три деца, изјави Круемади.Таа, додека Мета беше шеф на државата, од јули 2017 до јули 2022 година, ја предводеше партијата, тогаш Движење за Социјалистичка интеграција.По завршување на претседателскиот мандат, Мета, повторно ја презеде лидерската функција и го смени името на партија во Партија на слободата.Две лица се повредени во пожар во фабрика за ракетни погонски системи во близина на БелградСамарас: Извештајот на Дора Бакојани не ја претставува Грција

Поранешниот претседател на Хрватска, Стјепан Месиќ, изјави дека никогаш повеќе не може да се направи голема Србија, додавајќи дека во Србија „сè уште има луѓе како криминалецот Слободан Милошевиќ кои имаат за цел српска експанзија“, јави дописникот на МИА од Приштина. Месиќ на манифестацијата „Паналбанско-меѓубалканска-евроатлантска средба“ во Приштина, по повод 25-годишнината од војната на Ослободителната војска на Косово и НАТО против српските сили и ослободувањето на Косово, рече дека поранешниот српски претседател, Милошевиќ е главниот одговорен за жртвите на војните во Хрватска, Босна и Херцеговина и Косово во 90-тите години од минатиот век. „Многу ви благодарам што сум тука за 25-годишнината од независноста на Косово. Кога отидов во Белград (во доцните 80-ти) тогаш бев претседател на Претседателството на Југославија. Смеам да кажам дека јас ќе бидам последниот претседател на Југославија. Милошевиќ не можеше да се согласи со она што го предложивме: да се направи конфедерација. Тој не го прифати нашиот совет и тргна во друга насока. Мојата иницијатива беше секоја земја да тргне по својот пат. Милошевиќ и неговите луѓе не можеа да го прифатат овој модел кој би бил без војна, без жртви и во интерес на целиот народ, рече поранешниот хрватски претседател. На сите оние „кои мислат дека Србија може да стане голема држава“, Месиќ им порача дека таа е само „мала држава на Балканот“. „Сите видовме како заврши оваа работа и со колку жртви. За жал, сè уште има такви како Милошевиќ кои имаат за цел да ја направат Србија голема, но јас ви велам дека тоа не може да се направи. За сите оние кои мислат дека Србија може да стане голема држава, ви кажувам дека Србија е мала држава на Балканот“, рече Месиќ Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

На средбата на претседателката на Собранието на Србија, Ана Брнабиќ, со претставници на пратенички групи, политички партии на националните малцинства и граѓански организации, беше постигнат договор за формирање работна група за подобрување на изборниот процес, односно исполнувањето на препораките на ОДИХР, јави Бета. Како што соопштија од кабинетот на Брнабиќ, на барање на пратениците од опозицијата, со таа работна група ќе претседаваат претставници на граѓанскиот сектор, а нејзиното формирање е договорено за понеделник, 29 април. „Во однос на работната група за увид, ревизија и контрола на избирачкиот список, не е постигнат договор за формирање. Пратениците на владејачкото мнозинство предложија, заради ефикасност, да се формира работно тело, кое би можело веднаш да почне со работа. На барање на народните пратеници од редовите на опозицијата и претставници на граѓански организации тој предлог не беше прифатен“, се наведува во соопштението. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Двајца работници се повредени во пожар што денеска нешто пред пладне се случи во Лештани (Србија). Добивај вести на вибер Како што е потврдено, пожарот избувнал во производствената хала на фабриката за погонски системи за ракети. Се уште не е познато како избувнал пожарот. На местото на настанот излегла противпожарната служба, екипи на Брза помош, како и полиција.

Претседателката на Косово, Вјоса Османи, ја нарече „посттрауматична“ реакцијата на претседателот на Србија, Александар Вучиќ за присуството на четири жени – преживеани жртви на сексуално насилство од страна на српските сили во војната во 1998-1999 година на состанок на Советот за безбедност на Обединетите нации за Косово, јави дописникот на МИА од Приштина. По церемонијата на приемот на опрема на Клиниката за нуклеарна медицина при Клиничкиот и универзитетскиот центар во Приштина, Османи рече дека нејзиниот говор на седницата на СБ на ОН е само вистина и дека тој факт не може да го негира никој, па ниту државата Србија. „Тој (Вучиќ) даде цела низа посттрауматски изјави. Тоа што го направивме, едноставно вистината ја кажавме, само вистината пред очите на светот и никој не може да го нападне или негира, па ни Србија. Сите работи што ги кажав на седницата се потврдени со меѓународните извештаи и одлуките на меѓународните судови“, рече Османи. Косовската претседателка заедно со преживеаните жртви на сексуално насилство во војната Фахрије Хоти, Васфије Красниќ, Елхаме Муќоли и Шихрете Тахири учествуваше на состанокот на Советот за безбедност на ОН, што се одржа во понеделникот, на 22 април. Вучиќ рече дека на состанокот на ОН биле донесени луѓе кои не се дел од средбата и дека Османи, според него, ги довела со цел да ја обвинат Србија. Косовската претседателка, нарекувајќи го одговорот на Вучиќ пропаганда, рече дека злоставуваните жени во Косово се адвокати и имаат капацитет да бидат членови на нејзиниот кабинет. Османи истовремено го повика Вучиќ да побара јавно извинување пред жените кои присуствуваа на седницата, како и за сите жртви на воените злосторства починети од српските сили. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Како што информираа од општината, во рамки на отворањето на туристичката сезона а во соработка со Управата на заштитените подрачја Корча, на 7 мај ќе се организира активноста „Преспа фест“. -На истата ќе бидат истакнати вредностите на културата, традицијата и кујната, со учество на фолклорни групи од Преспа и oд Македонија. Алтивноста ќе почне во 11 часот на плоштадот „Гоце Делчев“ во Пустец. Со задоволство упатуваме покана до сите кои сакаат да бидат дел од оваа активност, заедно да уживаме во убавините на природата, вкусовите на традиционалното готвење и фолклорот на преспанскиот крај, додаваат од општина Пустец. Општина Пустец ја сочинуваат 9 села, распослани на брегот на Преспанското Езеро, кое му дава посебна убавина на овој крај. На туристите им нуди бројни културни, природни и археолошки добра, поради што, последните години станува се попримамлива дестинација. Милановиќ: Хрватска е дното на ЕУ, Бугарија е единствено полошаГрција воведува шестдневна работна недела

Претседателот на Хрватска Зоран Милановиќ денеска оцени дека Хрватска е „дно на ЕУ“ во споредба со поранешните социјалистички држави и дека само Бугарија е полоша. Добивај вести на вибер „Бугарија е единствена полоша од нас и секое утро се молиме на Бога ништо да не и се случи, да нема кој да биде последен. Од тоа не треба да се задоволуваме“, рече Милановиќ на седницата на Градскиот совет на Златар, по повод Денот на тој град. Тој посочи дека Хрватска за почеток мора да биде некаде на средина, а потоа да размислува да биде најдобра во конкуренција на Унгарија, Чешка, а не како што рече, Данска и Шведска.

Граѓани попладнево во одводен канал во Загреб пронашле возило со тело на непознато лице, соопшти полицијата. Повикот во полиција стигнал нешто по 13 часот. Полицијата набрзо пристигнала на локацијата меѓу Антуновац и Тења и потврдила дека лицето во возилото починало, пишува Вечерњи лист. Истрагата е во тек. Tweet ©Makfax.com.mk Доколку преземете содржина од оваа страница, во целост сте се согласиле со нејзините Услови за користење. Поврзани Артикли:топ-тема Претходно Сијарто: Фокусот на унгарското претседателство со ЕУ ќе биде проширувањето на Унијата на Западен Балкан Би можело да ве интересира и... Мицкоски до ДУИ и Ковачевски: Европски ли е кога Ахмети викаше УЧК во Скопје? Катастрофа за Милвоки се повреди и Лилард (Видео) Нула во италијанското дерби (Видео) Ковачки: СДС не е противник само на ВМРО-ДПМНЕ, туку и на народот (Видео) Приведени 100 учесници на пропалестинските демонстрации на Универзитетот во Бостон Пендаровски: Наместо да се извинат за 27 април, кандидатката на ВМРО-ДПМНЕ за претседател најавува амнестија за насилниците

„Грозните работи што се случија неодамна во врска со Косово не ги претставуваат Грција и хелинизмот“, рече Самарас. Тој додаде дека Грција попрво треба да се занимава со одбележувањето на 50-годишнината од турската инвазија на Кипар, наместо, како што рече, „да го влече хеленизмот по опасни патеки, како со резолуцијата за Косово“.Две лица се повредени во пожар во фабрика за ракетни погонски системи во близина на БелградОпштина Пустец туристичката сезона ќе ја отвори со „Преспа фест“

Добивај вести на Viber Косовскиот премиер Албин Курти беше неочекуваниот де факто учесник во изборната кампања, кој за прв пат собра сојуз на четири опозициски партии и го постави прашањето дали друга земја се меша во македонската политика на начин што го надминува досега тоа што се толерира. Резултатот од парламентарните избори на 8 мај може да покаже дека стравовите не се оправдани или дека се дури и надуени како дел од внатрешно-политичките борби, пишува бугарски „Дневник“ во својата репортажа од изборите во Македонија. Сепак, соговорниците на „Дневник“ во Северна Македонија стравуваат дека обидите на друга земја да влијае врз нивните избори ќе го зголемат ризикот од регионална нестабилност недалеку од границите на Бугарија.Демократската унија за интеграција (ДУИ) доминира во македонската политика две децении, по конфликтот меѓу Ослободителната национална армија кој заврши со Охридскиот рамковен договор во 2001 година. На чело со Али Ахмети, кој ја основаше ОНА, ДУИ стана монопол во етничкиот албански блок, кој денес сочинува 29 отсто од населението. Со јасна евроатланска ориентација, ДУИ во регионот се доживува како прозападна сила која е на власт од почетокот на векот и ја обликуваше македонската политика, со прекин од 2006-2008 година.Критичарите во земјава ја обвинуваат за корупција и клиентелизам (што не им е непознато на партиите во земјава и што ДУИ го отфрла). Нејзините критичари во албанскиот блок ја критикуваат дека работи во согласност со руските и српските интереси, што го демантира и ДУИ, посочувајќи на нејзиното неотповикливо позиционирање во таборот на ЕУ и САД. Противниците на ДУИ во албанскиот блок со години се поделени и додека на последните избори во 2020 година се доближија до ДУИ, не успеаја да победат. Изминатите неколку месеци на неочекуван начин им дадоа нова надеж.Во декември три албански партии (Беса, Алтернатива и Демократско движење) објавија заеднички листи за 8 мај. Во различни периоди тие биле на власт, а лидерот на една партија беше потпретседател на ДУИ. Сега можеа да се обединат против неа. Тие не се сами: Беким Чоку, назначен во април за советник за надворешна политика на Курти, исто така се приклучи на процесот. Од јануари оваа опозиција сè уште беше позната како ЛЕН – „Движење за европска иднина“. Денес, новиот акроним, ВЛЕН, „Вреди“ е резултат на пристапувањето на Чоку.Џелал Незири, директор на истражувачкиот центар Балкански институт за медиуми и демократија, се осврнува на движењето на Курти. Самиот Чоку го нарече Самоопределување „четврт столб“ отворен за „сите граѓани“ кои се подготвени да се променат.„Обединувањето на албанските партии е пред сѐ на барање на Албанците во Македонија да бидат заедно. Најголемите проблеми ги надминавме сами“, вели во разговор Африм Гаши, лидер на Алтернатива и една од петте клучни фигури. Џелал Незири не се согласува.„Ниту ЛЕН немаше да го има“, вели тој за „Дневник“. „Немаше што да ги обедини, тие се разделија на многу непријателски начин. Само авторитетот на Курти можеше да ги обедини во една коалиција. Без Курти тоа немаше да се случи“, вели Незири.По средбата со Курти во Приштина, во текот на летото на ЛЕН се приклучи и Арбен Таравари, градоначалник на Гостивар и лидер на Алијансата за Албанците, кој накратко беше дел од владата. Партијата се подели поради неговата одлука. Два месеци подоцна, двајца косовски пратеници од Самоопределување беа со него на ифтар.Африм Гаши за „Дневник“ во канцеларијата на Алтернатива во Скопје изјави дека помошта на Курти за формирање на ВЛЕН е „добредојдена“.„Косовските Албанци се повеќе поврзани лично и културно со Македонците отколку оние во Албанија: Тие се друг менталитет. Секој ден одиме еден кај друг. Курти се смета за симбол на промени во 20-годишното владеење на една постара политичка структура. Поддршката овде е од луѓе кои сакаат промени и овде и реципроцитет на нашата врска“, вели Африм Гаши, лидер на Алтернатива.Во Скопје во јануари, Курти негираше дека се меша во Северна Македонија, иако членовите на неговата инаку нерегистрирана партија беа на списоците. За време на престојот на регионална средба тој не се сретна ниту со Ахмети, ниту со тогашниот премиер Димитар Ковачевски, кој пред извесно време инсистираше да објасни како точно Самоопределување ќе учествува на изборите.Но, „Дневник“ дознава дека барем дел од СДСМ нема проблем со активностите на Курти, бидејќи тој е во контакт со партијата, уверувајќи дека гласовите на ВЛЕН во вториот круг ќе одат кај актуелниот претседател (и кандидат за нов мандат) Стево Пендаровски (по првиот круг ВЛЕН не го потврдува ова). Самиот Пендаровски коментираше со зборовите: „Поддршката од Курти за луѓе кои се македонски државјани не е спорна“.

Претседателката на Народното собрание на Република Србија, Ана Брнабиќ изјави дека постојат три лажни тези на кои опозицијата ја гради својата кампања – дека се поделени, дека ќе има бојкот на изборите и дека нови луѓе ќе се приклучат на опозицијата. Таа вели дека точно е дека бојкот не постои, дека опозицијата е пообединета од кога било и дека успеале само да го избркаат непопуларниот Драган Ѓилас. Во утринската програма на ТВ Прва, Брнабиќ изјави дека опозицијата го има целото време на светот за кампања што успешно ја спроведува, а претседателот Александар Вучиќ цело време се бори за витални национални интереси и нема време за кампања. -Изборите се распишани за втори јуни по барање на опозицијата. Таму се сретнавме, претседателот Александар Вучиќ инсистираше да ги намалиме тензиите во општеството и да покажеме флексибилност и толеранција, за да постигнеме внатрешна стабилност. Доаѓаат тешки денови за Србија, го видовте претседателот Вучиќ цела минатата недела, натчовечка борба за нашите национални интереси, за правда, за вистина, за мирен и стабилен предвидлив светски поредок. Уште еднаш му благодарам на претседателот за целата таа борба. Но, кога се борите за такви работи, потребна ви е внатрешна стабилност. На крајот победи одговорноста, затоа изборите на 2 јуни беа како што бараше опозицијата – рече Брнабиќ и додаде дека власта и опозицијата сега имаат постојан дијалог. – Сега имаме постојани состаноци, некои сакаат да разговараат, а некои се уште не. Никогаш не знаете кога ќе се појави некој од нив, а тоа говори за нивната сериозност. Единствени кои секогаш доаѓаат се владините претставници. Некогаш не се појавува Еколошкото востание, некогаш не се појавува партијата на Ѓилас… Исто така никогаш не знаете кои ќе бидат темите на средбата. Мојата цел е разговорите да се случат, покажуваме дека сакаме да ги исполниме сите нивни барања. Ќе продолжам да разговарам, да свикувам состаноци, да се трудам да ја градам таа атмосфера на дијалог.

Неофицијално станува збор за српски државјани, а за кражбите го користеле методот „рифифи“, односно во златарниците и продавниците за накит влегувале по направени дупки од соседни напуштени или празни згради или простори. Од грчката полиција соопштија дека уапсените биле активни најмалку од декември минатата година, користеле фалсификувани документи, а се движеле со возила со странски регистарски таблички или во сопственост на лица со чисто криминално досие, за да не бидат откриени. Во однос на начинот на дејствување откако ги таргетирале продавниците, ги набљудувале, по што подготвувале соодветен план и се движеле пеш за да не бидат сомнителни. Откако успевале да добијат пристап до напуштените или празни згради-лепенки до златарниците, отворале дупка на ѕидот што води до продавницата. Еден од уапсените влегувал преку дупката со лазење за да не се активираат детекторите за движење и со украдениот накит се враќал во соседниот простор. Од досегашната истрага на полицијата, расчистени се две случаи на кражби во златарници во центарот на Атина, а продолжува истрагата за утврдување на целосниот обем на нивната криминална активност. По извршениот претрес на уапсените меѓу другото, биле пронајдени и одземени алатки за кражби, три часовници, накит, 190 евра, фалсификувана возачка дозвола, три мобилни телефони.Обвинителството во Подгорица отвори предмет против Мило ЃукановиќГрција НЕМА ДА И ДАДЕ НА УКРАИНА ПРОТИВВОЗДУШНА ОДБРАНА: „Тие ни се клучни“

Поради сериозноста на состојбата зголемено е присуството на полициските трпи, кои на учеснците во протестот не им дозволија насилно да влезат во објектот а во гаснењето на пожарот учествуваше противпожарна единица. Ова е четврти по ред протест на „Иницијативата за обнова на ДП“, поддржан и од Партијата на слободата на Илир Мета, како и Алијансата за заштита на театарот, на кои се бара оставка на градоначалникот Ерион Велиај. Барањето за негова оставка се бара по откривањето на скандалот за злоупотреба на државни средства, за што, по налог на Специјалнорто обвинтелство против организиран криминал и корупција, СПАК, се уапсени десеттина високи раководители во општината, блиски соработници на Велиај. -Правдата ќе биде задоволена, бидејќи граѓаните се на нозе! Никогаш нема да отстапиме од нашата борба, порачаа дел од оние кои се обратија до сега на протестот. Организаторите бараат од полицијата да им се дозволи протестот да продолжи до 20 часот.Запленета голема количина фалсификувани производи во Нови Сад и БелградОбвинителството во Подгорица отвори предмет против Мило Ѓукановиќ

Градоначалникот на регионот Елинико-Аргируполи, Јанис Константатос, изјави дека 314 бомби, кои биле складирани од германски војници за време на Втората светска војна, биле уништени во контролирани експлозии. Тој наведе дека бомбите се наоѓаат два метри под поранешните објекти на Понтичка лига, градинка и спортски објекти во внатрешноста на поранешниот аеродром, како и соседните објекти за Олимписките игри, односно на места каде секојдневно поминувале илјадници луѓе, објави грчкиот јавен сервис ЕРТ. Според него, бомбите биле пропуштени при реконструкцијата на стариот аеродром во Атина. Аеродромот Елинико се наоѓа на само неколку километри од центарот на Атина, работеше до 2001 година, а беше затворен по изградбата на меѓународниот аеродром Елефтериос Венизелос (АТХ) за Олимписките игри во 2004 година. На местото на поранешниот аеродром е предвидена изградба на станбен комплекс, комплекс за забава, казино, хотел и парк, како и облакодер висок речиси 200 метри.Мали тврди дека државата од 2020 година привлекла 15,9 милијарди евра странски инвестицииХАОС ПРЕД ГРАДСКОТО СОБРАНИЕ ВО ТИРАНА: Летаат молотови објекти врз објектот

Од 2020 година Србија кумулативно привлече 15,9 милијарди евра директни странски инвестиции, изјави денеска српскиот министер за финансии Синиша Мали на средба со инвеститори од САД, јави Бета. „Не правиме разлика меѓу домашни и странски инвеститори. Се надевам дека во Србија ќе најдете проекти и можности кои ќе ве интересираат да инвестирате“, им порача Мали на инвеститорите кои по посетата на српската делегација на Вашингтон по повод Пролетната сесија на Меѓународниот монетарен фонд и Светската банка пристигнаа во Белград со цел да се запознаат со сите параметри на српската економија. Мали изјави дека во Србија не се прави разлика меѓу домашни и странски инвеститори, соопшти Министерството. „Се надевам дека во Србија ќе најдете проекти и можности кои ќе ве интересираат да инвестирате“, рече министерот. Тој наведе дека ланскиот раст на БДП во Србија бил 2,5 отсто и дека само во последниот квартал бил 3,8 отсто, а во февруари годинава бил 5,9 отсто и дека се базирал на извозот и инвестициите, како и на таа официјална статистичка. Податоците на Србија покажуваат дека секоја економска гранка бележи раст. Тој посочи и дека Србија има стабилен јавен долг, на ниво од 47,6 отсто од БДП. /МИАХАОС ПРЕД ГРАДСКОТО СОБРАНИЕ ВО ТИРАНА: Летаат молотови објекти врз објектотФергусон: Неопходно е што поскоро да се формира ЗСО, бидејќи тоа е важен дел од дијалогот

Пазарните инспектори на српското Министерство за трговија открија нелегално производство на фалсификувани хемикалии за домаќинство, детергенти и шампони од марката „Проктер&Гембл“, како и фалсификувани бисквити Плазма. „Ова е откриено во акцијата за сузбивање на продажбата на фалсификувани производи на српскиот пазар“, изјави денеска министерот за трговија Томислав Момировиќ. Тој рече дека на овој начин е спречена употребата на фалсификувани производи и избегната е потенцијална опасност по здравјето на граѓаните. Момировиќ истакна дека во акција со припадници на Министерството за внатрешни работи и Основното обвинителство од Нови Сад, извршен е инспекциски надзор на повеќе локации во Нови Сад и Белград и запленета е поголема количина фалсификувани производи. „Меѓу тие производи се 2.021 кондиторски производи, 205 хемиски производи за домаќинството, вклучувајќи детергенти за садови, детергенти за перење и средства за лична хигиена, над 11.000 пакувања за кондиторски производи и хемикалии за домаќинство, 26 буриња од по 120 литри суровини за правење течен детергент за садови и алишта, огромен број на декларации, налепници и бар кодови подготвени за лепење на амбалажата и пуштање во оптек“, рече Момировиќ. Хаос пред градското собрание во Тирана, фрлани молотови коктели врз објектотОбвинителството во Подгорица отвори предмет против Мило Ѓукановиќ

Милановиќ како претседател на Републиката повеќе не постои … Тој го знае тоа, тоа го знаат сите експерти по уставно право. По овој тежок пораз и тој да си поднесе оставка, наведе Пленковиќ. Тој оцени дека Милановиќ и лидерот на Социјалдемократската партија, Пеѓа Грбин требало веднаш да ја напуштат политиката на 17 април по поразот на изборите. /МИАХАОС ПРЕД ГРАДСКОТО СОБРАНИЕ ВО ТИРАНА: Летаат молотови објекти врз објектотФергусон: Неопходно е што поскоро да се формира ЗСО, бидејќи тоа е важен дел од дијалогот

Станува збор за интервју за Радио Антена М од Подгорица, во кое Ѓукановиќ последните апсења на неговите најблиски соработници ги нарече политички реваншизам и го спореди со крвна одмазда. По детална анализа на интервјуто, Вишото државно обвинителство по потреба ќе преземе и други мерки и дејствија со цел да донесе одлука за евентуално сторено кривично дело, информираат за црногорските медиуми од Вишото обвинителство во Подгорица. /МИАЗапленета голема количина фалсификувани производи во Нови Сад и БелградВо Атина уапсени двајца членови на меѓународната криминална група „Пинк Пантери“

Во своето обраќање во српскиот парламент, Брнабиќ рече дека распишувањето на локалните избори за 2 јуни, кога ќе се одржат и изборите во Белград, е резултат на „успешниот дијалог“ и усвојувањето со двотретинско мнозинство во парламентот на измените и дополнувањата на законот за локални избори. - Среќна сум што испративме порака од парламентот до сите наши граѓани дека како нивни избрани претставници сме способни да постигнеме договор и покрај сите наши разлики. Ваквиот договор е победа на сите одговорни луѓе, рече претседателката на српскиот парламент. Веднаш потоа, претседателот на привремената управа на Белград, Александар Шапиќ, за недела, 2 јуни, распиша избори во 17 белградски општини. Шапиќ рече дека од денеска почнуваат роковите за спроведување на изборните дејствија. - Им посакувам среќа на сите учесници на изборите и на граѓаните кои покрај претставниците во собранијата на градските општини избираат и свои претставници за Собранието на град Белград, рече Шапиќ.Мицотакис: Грција нема да испрати во Украина системи С-300, ниту „Патриот“Сестри од Загреб воделе ЛАНЕЦ НА ПРОСТИТУЦИЈА: Испливале цените, а еве и КОЛКУ ПАРИ ЗАРАБОТИЛЕ

Србија Малиот монструм не престанува да шокира: Коста бара да го види другарот во кого пукаше

Грција нема шанси да испрати во Украина ниту С-300 ниту „Патриот“, тие се клучни системи за заштита на грчкиот воздушен простор, истакна грчкиот премиер Кирјакос Мицотакис во интервју за телевизијата „Скај“, демантирајќи ги написите во медиумите дека Атина ќе му помогне на Киев со противвоздушни ракетни системи, јави дописничката на МИА од Атина.Мицотакис откри дека било побарано од Грција, но објасниле зошто не можат да го сторат тоа.Грција ја поддржа Украина на различни начини со одбранбен материјал. Но, од првиот момент рековме дека не можеме да ги отстапиме оружените системи кои се клучни за нашата способност за одвраќање. Имавме вишок материјал со кој можеме да ја поддржиме Украина и го направивме тоа и сметам дека тоа е правилно. До степен до кој можеме да најдеме таков материјал, ќе продолжиме да го правиме тоа. Сепак, системите за противвоздушна одбрана се клучни системи за заштита на грчкиот воздушен простор и нема да и бидат доделени на Украина, објасни Мицотакис.За односите со Турција и во пресрет на средбата со турскиот претседател во Анкара на 13 мај, грчкиот премиер рече дека целта на посетата е да се направи „чекор напред во грчко-турскиот пристап, кој даде некои важни мерливи резултати“.Како пример спомена дека над 12 месеци нема прекрушувања на грчкиот воздушен простор, но и дека постои екстремно намалување на мигрантските бранови.Истакна дека иако постојат различни ставови за одредени прашања, „тоа не значи дека нема да разговараме, дека нема да го препознаеме подобрувањето на односите и дека нема секогаш да се трудиме да ги градиме позитивните работи, наместо да се фокусираме само на негативните и нашите несогласувања“.Во однос на европските избори на 9 јуни, рече дека другите партии „сакаат да ги сведат на референдум против Владата“, истакна дека го прифаќаат овој предизвик и политичката порака од евроизборите треба да биде „стабилност, сигурност и континуитет“.Дополнително посочи дека не станува збор за национални избори на кои се одбира влада и мерката за споредба, според него, треба да бидат претходните европски избори.Нова демократија на евроизборите во 2019 година освои 33,12 отсто од гласовите, додека пак на ланските парламентарни избори победи со 40, 56 проценти.Мицотакис: Грција нема да испрати во Украина системи С-300, ниту „Патриот“Сестри од Загреб воделе ЛАНЕЦ НА ПРОСТИТУЦИЈА: Испливале цените, а еве и КОЛКУ ПАРИ ЗАРАБОТИЛЕ

Илиас Касидиарис / Фото: ЕПА Илиас Касидиарис, некогашен портпарол на забранетата Златна зора, иако осуден на 13 години затворска казна, сепак ги влечел конците и ја формирал политичката партија Спартанци, но Судот во Атина утврдил дека таа партија не ги исполнила условите за да учествува на европските избори Грција Врховниот суд на Грција во средата ѝ забрани на крајнодесничарската партија што функционира под името Спартанци да се кандидира на годинашниве избори во Европарламентот. Судски извори ја потврдиле информацијата за „Ројтерс“, со оглед дека во Грција судските одлуки не се објавуваат веднаш. Судот донел одлука според која партијата не ги исполнила поставените услови за учество на изборите. Овој месец, јавниот обвинител нареди да се поднесе обвинение против 11 пратеници што беа изворно избрани на листата на политичката партија Спартанци, поради основано сомнение дека „на националните избори одржани во јуни 2023 година ги измамиле гласачите добивајќи упатства од политичар што бил и сѐ уште е во затвор“. (Петмина од нив оттогаш станаа независни пратеници.) Се очекува во наредните денови изборниот суд да донесе одлука дали 11-те пратенички места може да се распределат меѓу претставниците на другите партии во 300-члениот парламент или ќе треба да се повторат изборите во регионите каде што биле избрани. На минатогодишните избори, три ултранационалистички партии освоија места во парламентот, добивајќи повеќе од 12 отсто од гласовите. Судскиот епилог предизвика политички превирања и откри сѐ поголем јаз меѓу 11-те пратеници, кои разменија остри обвинувања. Во средата, 33-годишниот пратеник што во февруари поднесе оставка од пратеничката група Спартанци беше приведен откако со тупаница во лице удри член на друга ултранационалистичка партија. Партијата Спартанци едвај беше спомната во анкетите пред изборите во јуни 2023 година сѐ додека Илиас Касидиарис, кој отслужува затворска казна за неговата водечка улога во забранетата крајнодесничарска партија Златна зора, не ја поддржа од својата затворска ќелија. Во средата, грчкиот Врховен суд одобри претставници на 31 партија да се натпреваруваат на изборите за ЕУ од 6 до 9 јуни. Потоа гласачите во целиот 27-член блок на земји членки ќе изберат 720 нови члена на ЕП, кои ќе бидат на таа позиција во следните пет години. Касидиарис беше високорангиран во неонацистичката и милитантна партиска организација Златна зора. Тој беше портпарол, но и активен член, кој честопати предизвикуваше инциденти. Македонците во Грција добро го знаат тоа. Касидиарис не криеше дека иако е во затвор откако беше осуден на 13 години робија ја формира новата партија, но неговите поддржувачи ги поминале филтрите и ја регистрирале новата партија. Пред формирањето на партијата, Касидиарис рече дека формира нова партија со цел „Грција одново да стане голема и силна“ и да се спротивстави на „исламизацијата и планот за замена на грчкото население“. Преку седумминутна видеопорака, тој кажа дека иницијативата е да се формира движење на Грци „за национално преживување и одново раѓање на хеленизмот“ и „за една и единствена визија: голема слободна и силна Грција“. – Се спроведува организиран план за замена на населението. За неколку децении, ние и нашите деца сме во опасност да бидеме малцинство во нашата татковина – вели Касидиарис и ги обвинува членовите на Нова демократија дека се „измамници што секојдневно промовираат план за исламизација и дехеленизација на Грција“, а медиумите дека го прикриваат овој план. Х.И. Кој е Илиас Касидиарис што командува со ултрадесните партиски војници од затворска ќелија Грчкиот Врховен суд соопшти дека во средата ѝ забранил на екстремно десничарската партија Спартанци (Спартијати) да учествува на годинашните избори за Европскиот парламент, бидејќи нејзиниот вистински лидер е затворен политичар од неонацистичката Златна зора. Судот рече дека одлучувачка улога за забраната на партијата имала кривичната пријава поднесена од обвинителот на Врховниот суд против 11 пратеници првично избрани на ливчето на Спартанците поради сомневање дека ги измамиле гласачите на националните избори во јуни 2023 година, земајќи ги упатствата од Илиас Касидиарис, поранешна водечка фигура на Златна зора, кој издржува вкупна затворска казна од 13 години и шест месеци за здружување и раководење со криминалната организација. – Се чини дека партијата Спартанци, чиј вистински лидер е Илиас Касидиарис […] промовира политика што не ја почитува демократијата и има цел да ги ослабне и уништи демократската политика и институциите на владеењето на правото, особено со употреба на насилство или поттикнување насилство, како и негово оправдување, промовирање на тоталитарните идеологии, ширење расистички и нетолерантни идеи и ксенофобија, одобрување злосторства против човештвото, омраза кон лица и групи, дејства и декларации што го загрозуваат мирниот соживот на социјалните групи во земјата – велат судиите во нивното мислење од 122 страници објавено доцна во средата. Касидиарис и 11-те пратеници „ја понудија својата партија како покритие на Илиас Касидиарис да формира нова партија, со што ќе му се олесни да ги заобиколи ограничувањата за подобност утврдени со изборното законодавство“, додаде судот.

Фото: Влада / Архива Доколку некого сум навредил, сакам да им се извинам на целата јавност и на народот на Словенија, но во исто време велам дека нема да им се извинувам на словенечките политичари бидејќи водат одвратна политика кон Србија и српскиот народ, рече Вучиќ Србија Српскиот претседател Александар Вучиќ ѝ се извини на словенечката јавност откако во Њујорк ги нарече Словенците – одвратни. Тврди дека не мислел на граѓаните, туку на политиката. Тој истакна дека нема да им се извинува на словенечките политичари. Сепак, тој ги покани премиерот Роберт Голоб и претседателката Наташа Пирц Мусар во Белград. Тој нагласи дека Словенија поради неговата изјава не упатила протестна нота до Србија и дека во тој поглед биле коректни, пренесуваат српските медиуми. – Реков дека Словенците беа одвратни кога размислуваа за седницата на Советот за безбедност, а тоа се однесува на поединецот што зборуваш за тоа и нивната политика. Тоа секако не е речник што треба да го користиме, но човечки кажав што мислам за нивната политика – рече Вучиќ. Тој најави дека ќе ги намали посетите на пријателите и семејството во Словенија. Потоа ѝ се извини на словенечката јавност, но повторно ја нарече одвратна политиката на Љубљана кон Србија. – Доколку некого сум навредил, сакам да им се извинам на целата јавност и на народот на Словенија, но во исто време велам дека нема да им се извинувам на словенечките политичари бидејќи водат одвратна политика кон Србија и српскиот народ – рече тој. Х.И.

Потсетување на македонската јавност за немилиот настан пред една година: Точно пред една година, членови на грчката забранета организација Златна зора со маски и качулки на лицата упаднаа на изложбата на македонскиот ликовен уметник Сергеј Андреевски, која се одржуваше во галеријата на солунската општина Каламариа. На влезот од галеријата членовите на Златна зора залепиле плакати, кои, како што велат, се однесуваат на жителите и на „неприфатливата толеранција на градоначалникот“. За инцидентот во Солун тогаш беа известени македонскиот Генерален конзулат во Солун и Амбасадата во Атина. Листата на напади и закани против Македонци и македонски организации и друштва од припадниците на оваа организација е долга. Да потсетиме дека тие ја прекинаа и промоцијата на Грчко-македонскиот речник во Атина, а сето тоа беше снимено на камери. Но тие се тепаа и во Парламентот, па дури еднаш нападнаа и жена од партијата на социјалистите.

Уште еден голем успех на хрватските лекари. Тим хирурзи во болницата Дубрава прв во овој дел од Европа вгради мозочен стимулатор. Пред еден месец новата технологија ја примил загрепчанец кој поради Паркинсоновата болест речиси станал неподвижен. „Поентата на таа електрода е што стимулира дел од мозокот и на тој начин ја подобруваме клиничката слика, а батеријата освен што стимулира, купува и информации од тој дел од мозокот што го стимулираме и на тој начин можеме да ги подобриме симптомите“, изјави неврохирургот Фади Алмахарик за RTL. Во КБ Дубрава изминативе 24 години се врши длабока мозочна стимулација, но првиот пациент беше опериран со оваа најнова технологија на крајот на март. Станува збор за 67-годишен загрепчанец со Паркинсонова болест, кој сега е пуштен на домашно закрепнување. „Во договор со неврологот, стимулацијата се вклучува, терапијата се намалува, пациентот веднаш по вклучувањето на стимулацијата покажува знаци на моторно подобрување. Беше отпуштен дома на физикална терапија и дополнително прилагодување на стимулацијата“, изјави неврохирургот Марина Рагуж. Веднаш штом ги отстранивме шевовите по 10 дена, почнавме со стимулација и денес пациентот може да вози велосипед, да плива, да се врати на своето секојдневие“, вели хирургот.