Елиминирањето на конкуренцијата во изборот за универзален снабдувач граѓаните ќе ги чини стотици милиони евра повеќе за сметки за струја
Бизнис вести - пред 1 ден
Елиминирањето на конкуренцијата во изборот за универзален снабдувач граѓаните ќе ги чини стотици милиони евра повеќе за сметки за струја 27/04/2024 ЕКОНОМИЈА Од Владата соопштија дека била избрана најповолна понуда и како што додаваат, во „соодветната постапка е избрана понудата доставена од групата понудувачи ЕВН Македонија“. Сепак, деталите за тоа зошто останатите две компании кои доставија понуди на повикот од декември не биле вклучени во трката, засега остануваат непознати, пишува А1.он. Најголема конкуренција на ЕВН Хоум претставуваше ЕДС, зад која стои државната грчка компанија ППС, која остварува годишен обрт од над десет милијарди евра. Поради доброто салдо на грчката компанија, се очекувало ЕДС на негативното наддавање да понуди далеку пониска маржа од ЕВН. Според неофицијални извори, воопшто не постоеле основани правни околности со кои може да се оправда исклучувањето од учество на јавната аукција на ЕДС. Ваквата владина одлука единствено ќе се одрази на грбот на потрошувачите. Досега ЕВН Хоум ги снабдуваше домаќинствата и малите потрошувачи со струја со профитна маржа од 11,5 отсто. Неофицијално, за наредните пет години оваа профитна маржа ќе изнесува 9,9%, а од друга страна, конкурентите што се пријавиле на огласот биле подготвени да понудат двојно помала маржа. Според грубите пресметки на експертите, поради недостигот на вистинска конкуренција во натпреварот за универзалниот снабдувач граѓаните во наредниот период ќе плаќаат стотици милиони евра повеќе за сметки за струја. За целиот текст на А1.он. 2024-04-27 Toni Ivanoski
Ова се актуелните цени на горивата утре НОВА ОДЛУКА
Вечер - пред 2 часа
Регулаторната комисија за енергетика утре ќе одлучува за цените на нафтените деривати.Согласно последната одлука на РКЕ цените на дизелот и екстра лесното масло за домаќинство се намалија за 1,50 денари.За еден денар поскапе бензинот ЕУРОСУПЕР БС-95, а за 1,5 денари се зголеми цената на бензинот ЕУРОСУПЕР БС-98.<b>Ова се актуелните цени на горивата:</b>Моторен бензин ЕУРОСУПЕР БС – 95 87,50 (денари/литар)Моторен бензин ЕУРОСУПЕР БС – 98 90,00 (денари/литар)Дизел гориво ЕУРОДИЗЕЛ БС (Д-Е V) 76,00 (денари/литар)Масло за горење Екстра лесно 1 (ЕЛ-1) 76,00 (денари/литар)Мазут М-1 НС 44,554 (денари/килограм)Чукнал часот за нов ценовник - ПОСКАПУВА ЗАДОЛЖИТЕЛНОТО АВТООСИГУРУВАЊЕБизнисот не очекува нов ценовен бран по дестабилизација на цените на нафтата на светските берзи
ФИТР со нов јавен повик за „Кофинансирани грантови за комерцијализација на иновации”
Конект.мк - пред 1 ден
Фондот за иновации и технолошки развој денеска го објави јавниот повик „Ко-финансирани грантови за комерцијализација на иновации”, преку кој се обезбедени 8 милиони евра за поддршка на проекти за комерцијализација на иновативноста кај македонските компании. Повикот е наменет за компании кои сакаат да развијат иновативен производ, услуга или процес, сами или во соработка со друго претпријатие и/или установа која врши високообразовна, односно научноистражувачка дејност. Финансиската поддршка е достапна за домашните претпријатија кои имаат проекти со јасна комерцијална цел и кои се во фаза на прототип, па се до преткомерцијална фаза. Доколку предлог проектот се поднесува од страна на конзорциум, во тој случај предлог проектот го поднесува водечкиот апликант, а членови на конзорциумот можат да бидат претпријатија, високообразовни и научно-истражувачки установи од земјата и странство. Вкупниот награден фонд на повикот изнесува 8 милиони евра, а Фондот обезбедува финансиска поддршка во износ од 20 милиони денари, односно финансирање до 70% или до 60% од вкупниот буџет на проектот, во зависност од бројот на вработени и годишниот приохд остварен во последните две години. Времетраењето на проектите може да биде до 24 месеци. Дополнително, со овој инструмент ги поттикнуваме компаниите да бараат дополнителни извори на финансирање, па така доколку за времетрањето на проектот, а се до одобрување на завршниот извештај од страна на Фондот, корисникот достави доказ за привлечен инвеститот кој вложил износ кој изнесува најмалку 50% од износот на финансиска поддршка доделена од страна на Фондот на корисникот, во тој случај корисникот ќе биде ослободен од обврската за плаќање на ројалти. Активности кои ќе бидат одобрени за финансирање во рамките на повикот се за: истражување и развој, тестирање, активности поврзани со заштита на интелектуалната сопственост, дизајн, развој на пилот линии, активности поврзани со обезбедување квалитет и активности за маркетинг и продажба. Како главни критериуми според кои ќе се оценуваат предлог проектите се: степен на иновативност, квалитет на проектот, капацитет на проектниот тим, потенцијал на пазарот и влијание на проектот. Поцесот на евалуација на предлог проектите ќе се одвива во две фази: фаза на претселекција која се спроведува од страна на три домашни стручни лица по проект, две стручни лица од областите што соодветствуваат со критериуммите за евалуација и едно лице од областа што соодветсвува на предлог проектот. Во втората фаза, односно фазата на селекција се спроведува од страна на Комитетот за одобрување на инвестиции, кои ја носат и финалната одлука за финансирање на проектите. Рокот за аплицирање на јавниот повик „Кофинансирани грантови за комерцијализација на иновации” е до 4 јуни 2024 година, до 14:00 часот. Повеќе информации за повикот се достапни на следниот линк. ФИТР
На ФЕИТ финале на натпреварот по роботика, aвтоматика, електроника и ВИ - RoboMac 2024
Канал 5 - пред 1 ден
RoboMac е годишна меѓународна студентска работилница и натпревар по роботика, aвтоматика, електроника и вештачка интелигенција, кој се одржува по 12-ти пат на Факултетот за електротехника и информациски технологии (ФЕИТ) во Скопје. Носители на настанот се македонската секција на ИЕЕЕ (IEEE – The Institute for Еlectrical and Еlectronics Еnginеers), преку нејзиниот студентски огранок при Универзитетот „Св.Кирил и Методиј“ и Факултетот за електротехника и информациски технологии, а е во коорганизација со Факултетското студентско собрание – ФЕИТ. Учесниците на натпреварот имаат можност да работат во тимови и да ги усовршат и употребат своите теоретски знаења и практични вештини за да победат во својата категорија, притоа дружејќи се и соработувајќи со студенти од земјата и странство. Целта на настанот е популаризација на роботиката и вештачката интелигенција помеѓу студентите и младите во Македонија.
Колку се реални ветувањата на СДСМ и на ВМРО-ДПМНЕ: Еве што покажа анализата на „Фајнанс тинк“
Независен - пред 2 часа
Колку се реални ветувањата на СДСМ и на ВМРО-ДПМНЕ: Еве што покажа анализата на „Фајнанс тинк“ Двете партии во предизборните програми ветуваат забрзан економски раст, намалување на вработеноста, повисоки плати, пензии, странски директни инвестиции... 28/04/2024 14:51 Политичките партии за претстојните парламентарни избори излегоа со амбициозни ветувања за забрзан економски раст, зголемено ниво на странски директни инвестиции, инвестирање во инфраструктурата, намалување на невработеноста на едноцифрени бројки, што за Македонија е историски подвиг и тн. Но, колку овие ветувања се реални и колку партиските програми се разликуваат во суштина една од друга. Еве што покажа обемната анализа на институтот за економски истражувања и политики „Фајнанс тинк“ (Finance Think) во најновиот Став бр. 61 за економските ветувања на главните политички партии за парламентарните избори 2024 година. Како што посочуваат од „Фајнанс тинк“, нивните ставови се базираат на долгогодишната работа на продуцирање научни докази брз база на податоци, во сферите кои се предмет на анализа во овој ФТ Став, за кои референца е дадена низ самата анализа. Еве некои поенти од анализата: Раст на економијата. Програмата на СДСМ проектира просечен раст на БДП за периодот 2024-28 година од 5.1%, додека програмата на ВМРО-ДПМНЕ постепено забрзување на моменталниот раст до 5% во 2028 година, што дава просечен раст за целиот период од 4%. Finance Think, скоро целосно во линија со проекциите на Светската банка и ММФ, проценува дека просечен раст поголем од 4% за претстојниот период е невозможен. Под претпоставка на отсуство на значајни нови шокови во глобалната економија – особено шокови на страната на понудата кои може значајно да влијаат врз цените и/или да наметнат ограничувања и блокади во понудата на важни добра во делот на исхраната, енергијата и кај инпутите на клучни индустрии за европскиот континент – Северна Македонија може да постигне раст кој ќе се движи околу потенцијалниот раст од 4-4.5% на среден рок од 3-4 години, што би резултирало со просечен раст од 4% или нешто пониско. Сепак, двете политички програми се прилично воедначени во делот на изворите на растот, потенцирајќи ја амбицијата за поголема додадена вредност, поголема продуктивност и конкурентност на економијата, кои ќе се постинат преку: поголеми инвестиции во човечкиот капитал, поддршка на извозот и јакнењето на извозните капацитети, поддршка на системот на иновации и претприемништво. Сепак, за искористување на овие фактори на економскиот раст, потребно е да бидат земени предвид слабостите на системот, потреализацијата на клучни стратегии и стагнацијата кај клучни реформи во изминатиот период (како, на пример, недоволноста на образовните реформи, отсуството на транзиција на работната сила од системот на социјална заштита кон пазарот на труд, произволниот систем на државна помош, компромитациите во системот за поддршка на иновациите и сл.). Двете програми ги акцентираат домашните и странските инвестиции, но програмата на ВМРО-ДПМНЕ повеќе го нагласува фокусот врз привлекувањето странски инвестиции, иако тоа го прави и програмата на СДСМ преку концептот на ‘near shoring’, односно привлекување странски инвестиции кои поради геополитчките фрагментации се селат поблиску до своите фирми-мајки. Тоа е целосно во линија со препораката од Finance Think во Студија за политиките 33: Потенцијалот на извозно-ориентираните компании да придонесат за економското закрепнување по Ковид-19 во Северна Македонија, меѓутоа оценуваме дека моментумот за near shoring сега е намален. Дополнителен ризик кој е значајно потценет од двете програми е хроничниот недостиг од квалификувана работна сила, ограничениот потенцијал на домашните компании за извоз и станување дел од синџирите на добавување на странските компании. Двете политички програми предвидуваат поголем функционален ангажман на институциите за поддршка за вклучувањето на домашните компании во синџирите на снабдување на странските компании кои оперираат во слободните зони, што е во линија со препораката од Finance Think во Студија за политиките 19: Премостување на јазовите и искористување на потенцијалите: Домашните МСП во синџирот на снабдување на мултинационалните компании во земјата. Севкупно земено, впечатокот од анализата на двете политички програми во поглед на моделот за економски раст е дека ВМРО-ДПМНЕ скоро исклучиво се потпира на концептот на создавање нова додадена вредност во економијата, додека за СДСМ покрај создавањето нова вредност, и понатаму важна останува редистрибуцијата на веќе-создадениот доход. Вработеност. Двете политички програми предвидуваат намалување на невработеноста до 7% (СДСМ) односно 7.5% (ВМРО-ДПМНЕ) до 2028 година. Тоа е еднакво на креирање дополнителни околу 50.000 работни места во економијата, што е сосем реалистично за следниот четиригодишен период. Сепак, Finance Think укажува дека за остварување на оваа цел неопходно е соодветно управување со контингентот на невработени лица во земјава, во смисла на потребата за нивна доквалификација, преквалификација, оневозможување потпирање врз системот на социјална помош неограничено долго (односно осигурување фазно излегување од системот за социјална помош на работоспособно население) и оневозможување остварување доходи во сивата економија. Дополнително, остварувањето на оваа цел е можно само во услови на контролирано потпирање врз странски работници, главно преку програма за увезување работници во сектори за кои работници не може да се обезбедат преку домашниот контингент на расположлива работна сила. Во контекст на вработеноста, ветувањето на СДСМ за намалување на работното време од 8 на 7 часа е целосно неконзистентно со ветувањето за повисок раст и поголема продуктивност, кои може да се постигнат само со поголем напор и вложување, односно со повеќе работа и работни часови. Инвестиции. Програмата на ВМРО-ДПМНЕ предвидува капитални инвестиции на државата од 3 милијарди евра за целиот мандат, додека програмата на СДСМ 3.5 милијарди евра. Иако овој контингент капитални инвестиции се пожелни за економскиот раст, сепак тие мора да се набљудуваат во контекст на капацитетот на државата за реализација на капитални инвестиции, којшто се движи околу 500 милиони евра годишно. Без отстранување на системските слабости за планирање, приоритизација, технички капацитети за тендерирање и имплементација од страна на институциите, овие ветувања се тешко изводливи. Програмата на ВМРО-ДПМНЕ дополнително предвидува капитални трансфери до општините во обем од 250 милиони евра годишно, што е исто така позитивно за економскиот раст, но трансферите мора да се строго сврзани со капитални инвестиции или со конкретни исходи кај општините, на пример, ако тие ја зголемат наплатата на данокот на имот, што е нивен важен изворен приход. Плати. Платите се директно ветување само на политичката програма на СДСМ, која ветува просечна плата од 1.100 евра и минимална плата од 600 евра во 2028 година. Во програмата на ВМРО-ДПМНЕ само се спомнува дека платите во јавниот сектор ќе растат со растот на економијата, што може да е индикација дека ставот на ВМРО-ДПМНЕ во однос на сите плати е дека ќе резултираат од растот на економијата. Последниот став е стабилен и конзистентен со принципите на пазарната економија. Обврзување кон конкретен раст на платите, кои не се под директна контрола на владата, може да испрати погрешни сигнали за информираниот гласач. Имено, раст на платата до 1.100 евра подразбира нејзин раст од 70% за четири години, што е просечен годишен раст од околу 15%. Платите во земјава ќе продолжат да растат со економијата и со притисокот за квалификувана работна сила на пазарот на труд, што како главна детерминанта го искажаа две третини од фирмите во нашата Студија за политиките 46: Влијанието на кризата предизвикана од конфликтот во Украина врз фирмите во Северна Македонија: Докази од микро-анкета. Но, континуиран годишен раст од 15%, а со претпоставка на ниска инфлација и раст од околу 4%, е невозможен. Неопходно е да се забележи дека растот на платите во последните 2-3 години во голема мера, иако не исклучиво, е последица и на прилагодувањата со растот на ценовното ниво. Во истиот контекст, раст на минималната плата до 600 евра во 2028 година, односно вкупен раст од 65%, или просечен годишен раст од 13%, е невозможен со претпоставката за стабилни цени. Ветувањата за високо поставување на минималната плата, кое не е водено од законски предвиденото усогласување, ниту од динамиката на продуктивноста во економијата, а во услови кога голем удел од работната сила се’ уште работи во нископлатежни сектори како земјоделие, градежништво и трговија, создаваат потреба од субвенционирање на ветениот раст на минималната плата, што претставува фискален ризик и ја поттикнува сивата економија во делот на непријавени или делумно пријавени работници. Пензии. Програмата на СДСМ предвидува раст на просечната пензија до 30.000 денари до 2028 година, а на минималната пензија до 20.000 денари. Во однос на моменталната просечна пензија, предвидениот раст изнесува 50%, односно 11% просечен годишен раст. Програмата на ВМРО-ДПМНЕ предвидува по 5,000 денари за секој пензионер најдоцна до крајот од првата година, односно раст на пензиите во првата година од 25%. Finance Think останува на ставот искажан во повеќе наврати дека раст на пензиите кој отстапува од формулата за нивно усогласување со растот на просечната плата и растот на цените, ќе ја наруши патеката на стабилизација на Фондот за ПИОМ, којшто помина низ блага реформа во 2018 која ја овозможи таа стабилизација. Социјална помош. Иако програмата на СДСМ дава фокус и врз редистрибуцијата на доходот, сепак и во двете политички програми социјалната помош е надвор од фокусот. Програмата на СДСМ се фокусира врз подобрување на системот на активација на примателите на социјална помош и на јакнење на социјалните услуги, што е соодветен став и е во линија со нашите наоди во Студија за политиките 31: Социјалните услуги во општините во Северна Македонија: Капацитет, ризици, потреби. Додека, во програмата на ВМРО-ДПМНЕ е наведено дека социјалната помош ќе се зголемува, но не се дадени детали како и во колкав износ, што го земаме за индикација дека таа ќе се усогласува според постојните механизми за усогласување. Последново е соодветен став кон социјалната помош, иако одредени прилагодувања, како на пример, двократното усогласување со растот на цените, или одредени интервенции во делот на помоштите за деца, може да обезбедат подобри исходи за животниот стандард. Даноци. Во линија со своите ставови во поглед на редистрибуцијата на доходот и богатството, СДСМ предвидува воведување данок на луксуз (богатство), за што не се дадени поконкретни контури, како и разгледување модел за прогресивно оданочување на доходот. Дополнително, СДСМ предвидува данок на доход од 0% на минималната плата. Од друга страна, ВМРО-ДПМНЕ изнесува став за задржување на сегашните даночни стапки и подигнување на прагот за регистрација за ДДВ обврзник на 3 милиони денари. Програмата на ВМРО-ДПМНЕ го поместува фокусот врз борбата со сивата економија, како неопходен услов на среден рок да се дојде до поголема даночна база и поголеми даночни приходи. Finance Think целосно се согласува со овој став, што се базира на следните истражувачки наоди и факти: Сивата економија во Северна Македонија е флагрантна; нашата конзервативна проценка е 21.3% од вкупната економија, што е еднакво на неприбрани даночни приходи од најмалку 700 милиони евра годишно. Во вакви услови, нема економска смисла да се зголемува даночниот товар на формалната економија, а неформалната економија да биде надвор од фокусот на носителите на политиките. Сивата економија е широко распространета и поприма различни форми од непријавени работници, нецелосно пријавена работа, нецелосно пријавен промет и нецелосно пријавување на доходот на домаќинствата. Тоа бара системски и координиран пристапи кон сивата економија, пред да има смисла евентуално зголемување на даноците или воведување значајни прогресивности. Сивата економија бара и мерки кои поттикнуваат формализација и мерки за казнување, што повторно ја нагласува потребата од сеопфатен и пан-институционален пристап во нејзиното сузбивање, наместо наметнување нови и повисоки даноци. Поголеми и прогресивни даноци во услови на сива економија и недоволно силни механизми за борба со неа, поттикнуваат даночна евазија и оттука поголемо прибегнување кон сива економија. Во однос на ветувањето за 0% данок на доход за примателите на минимална плата, укажуваме дека иако обезбедува соодветна прогресивност во оданочувањето, сепак ќе предизвика дисторзија во услови на застапеност на сивата економија кај примателите на минимална плата. Имено, нашата анализа Квалитет на живот 1: „Плата во плико“ од 2017 година укажа дека 69% примателите на минимална плата добиле и плата во плико, односно неформално плаќање покрај неформалната плата. Притоа, главниот товар кај платите е проценет во делот на придонесите, а не во делот на данокот на доход. Значи, понатамошно намалување на данокот на доход на минимална плата – повеќе од намалувањето определено со даночното ослободување – ќе го зголеми мотивот на работодавачите и работниците да нудат и прифаќаат осигурување на минимална плата, а исплата на остатокот преку „плата во плико“. Неопходни се механизми за превенирање и сузбивање на оваа појава, пред решението за понизок данок на минимална плата да биде ефективно. Субвенции. Двете политички програми навестуваат генерално придржување кон моменталните модели на субвенции. Се осврнуваме на две групи субвенции: за земјоделци и за домашни фирми, бидејќи тие се најголемите давања државна помош (види инфографикон). Програмата на СДСМ предвидува вкупен износ за земјоделски субвенции од 850 милиони евра (директна финансиска поддршка и поддршка за рурален развој), што е просечен годишен износ од 215 милиони евра, додека соодветниот износ во програмата на ВМРО-ДПМНЕ изнесува 180 милиони евра. Двата ветени износа се значајно над моменталните остварувања од околу 130 милиони евра. Дури и износите да се зголемат на предвидените нивоа, поважниот аспект на земјоделските субвенции со кој политичките програми не се занимаваат или се занимаваат маргинално (ВМРО-ДПМНЕ) е потребата што побрзо да се напушти моделот на распределба на субвенциите по принцип на инпути (единица површина или грло добиток) и да се премине на принцип на аутпути (квалитет на производството, односно обем на производство по единица површина). Двете програми предвидуваат поддршка на технолошкиот напредок и иновациите во земјоделството, преку понатамошно искористување на програмата ИПАРД. Во однос на поддршката со државна помош на компаниите, двете програми поголем акцент ставаат на поддршката на домашните компании преку Законот за финансиска поддршка на инвестициите. СДСМ предвидува задржување на постојното решение со 180 милиони евра државна помош годишно, а со сличен став е и ВМРО-ДПМНЕ, без наведување конкретен износ и со навестување прилагодувања на Законот кон поголеми износи и фокус кон извозни компании. Според нашите наоди од Студија за политиките 34: Мерење на економските ефекти од државната помош доделена на приватни претпријатија во Северна Македонија: Случајот на владиниот План за економски раст, неопходен е целосен ремонт на овој Закон, бидејќи државната помош според него се доделува по направена инвестиција од страна на компаниите, па согледаните ефекти се од инвестицијата а не од државната помош. Оттука, дадената државна помош не делува како поттик за инвестирање, туку обезбедува дополнителна и, најчесто, слободна готовина за фирмите. Поврзани содржини Марили бизнис форум: Жените бизнисменки со поттик за екосвест и циркуларна економија 28/04/2024 12:04 Ангеловска-Бежоска: Оцената на ММФ е дека Народната банка е добар пример за транспарентност и отчетност во примената на Кодексот за транспарентност на ММФ 28/04/2024 10:04 Електронските автомобили се трупаат во европските пристаништа 28/04/2024 10:04 Европските пристаништа се полни со електрични автомобили кои чекаат купувачи 27/04/2024 21:04 Евростат: Граѓаните на ЕУ го оценија задоволството од животот со 7,1 27/04/2024 20:04 На над 30 турски компании претставени потенцијалите за инвестирање во ТИРЗ 27/04/2024 13:04 Грција воведува шестдневна работна недела 27/04/2024 12:04 Народната банка ја додели Годишната награда за млади истражувачи за 2024 година 27/04/2024 10:04 Најчитани Ви го откриваме најдобриот рецепт за маринада која и најтврдото месо го прави меко 25/04/2024 14:15 Зошто вратата од бањата секогаш треба да ја држите затворена? 25/04/2024 10:18 Токсикологија останува без д-р Беќаровски: Време е приватна клиника да отвори одделение за детоксикација 23/04/2024 09:36 Решена една од најголемите историски мистерии: Научниците прочитаа документ стар 2.000 години 25/04/2024 20:06 „Дневник“: Странска интервенција од неочекуван правец ги смени македонските избори 26/04/2024 10:47 Како да го изберете и како да го подготвите јагнешкото месо за Велигден? 22/04/2024 12:14
Деспотовски: Македонија е стабилна земја со вредни работници
Канал 5 - пред 1 ден
Своето позитивно искуство од инвестирање во ТИРЗ пред повеќе од 30 турски компании го споделија менаџерите на турската компанија Пурпласт и на новиот инвеститор во ТИРЗ, компанијата Шахтерм. На настанот во организација на Стопанската комора на Бурса директорот на ТИРЗ, Јован Деспотовски ги претстави инвестициски можности во Македонија како и можностите за турските компании, а свое обраќање имаа и македонскиот амбасадор во Турција, Јован Манасиевски како и Џунејт Шенер, потпретседател на бордот на директори на Стопанската комора на Бурса. „Македонија има клучна географска положба. Нудиме флексибилност, одлична инфраструктура и квалификувана работна сила. Она што е уште поважно е што успеавме да ја промениме сликата од земја на евтина работна сила, во земја на добро платени работни места за нашите сограѓани. Па така не само што континуирано расте бројот на вработени во Зоните, туку и просечната нето плата веќе достигна над 1100 евра. Македонија е стабилна земја со вредни работници. Покажавме и дека Македонија е вистинска бизнис дестинација со оглед на тоа дека во изминативе три години имаме постигнато договори од 1 милијарда евра, што е исто колку инвестицискиот обем за десет години, “ изјави Јован Деспотовски, директор на ТИРЗ. Тој додаде и дека „Турција прераснува во сериозен бизнис партнер на земјава, а само во ТИРЗ во последниве три години имаме три нови турски компании кои инвестираат над 125 милиони евра и предвидуваат отворање на над 1200 нови работни места од кои дел веќе се реализираат“. Генералниот менаџер на компанијата „Шахтерм“, Фарук Шахин, чија компанија е најновиот инвеститор во ТИРЗ посочи дека најважно за одлуката за инвестирање била професионалноста и ефикасноста на Владата и ТИРЗ во преговорите. „Исклучително брз процес и посветеност кој резултираше во договор по само четири месеци. Во Македонија пронајдовме вистински партнери и ефикасна администрација што беше клучна за нас како бизнисмени, бидејќи времето чини пари. Она што особено не радува е дека во земјата има доволно квалификуван кадар кој сме подготвени добро да го платиме,“ нагласи Шахин. Тој додаде дека почетната плата за неквалификуван кадар ќе почнува од 550 евра, а додаде дека планира новата фабрика во ТИРЗ Скопје 2 да биде центар за снабдување на клиентите во западните земји, од Европа и САД. Компанијата “Шахтерм“ која има повеќе од 40 години искуство во дизајн и производство на системи за греење за бела техника и апарати за домаќинство ќе инвестира над 100 милиони евра и планира отворање на 1000 нови работни места. Во моментот, „Шахтерм“ е дел од водечките пет компании во оваа дејност на глобално ниво, со повеќе од половина од годишното производство наменето за пазарите надвор од Турција. Листата на клиенти е составена од познати светски производители на бела техника и апарати за домаќинство како „Вирпул“, „Амика“, „Горење“, „Беко“ и „Кенди“. Мехмед Шишманоглу, извршниот директор на Пурпласт, која има 40 годишно искуство во автомобилската индустрија, посочи дека со поддршката од Владата и соработката со ТИРЗ веќе три години градат успешна приказна во земјава. Џунејт Шенер, потпретседател на бордот на директори на Стопанската комора на Бурса истакна дека ваквите настани за вмрежување се важни за турските инвеститори, како и дека ќе ги поддржат турските компании во нивниот потфат на македонскиот пазар. Тој додаде и дека според позитивните искуства на турските компании особено верува во потенцијалот на Македонија како стратешка дестинација за инвестирање. Во своето обраќање и македонскиот амбасадор во Турција, Јован Манасиевски истакна дека Република Турција како наш стратешки партнер е многу важен инвеститор во различни инфраструктурни и капитални инвестиции, како и гринфилд и браунфилд инвестиции од турски компании, кои го препознаа потенцијалот и ги користат предностите и придобивките од водењето бизнис во Македонија. Претставниците на компаниите најмногу се интересираа за пристапот до квалификувана работна сила, елементите на државна поддршка и условите за инвестирање. Инаку Турција е рангирана на прво место по бројот на странски компании во земјава, и во моментов речиси 2000 турски компании се регистрирани и работат во различни сектори.
Ангеловска-Бежоска: Оцената на ММФ е дека Народната банка е добар пример за транспарентност
Канал 5 - пред 5 часа
Гувернерката Анита Ангеловска-Бежоска на покана на Регионалниот центар за техничка помош на Меѓународниот монетарен фонд (ММФ) одржа предавање на „Форумот за примена на Кодексот за транспарентност на ММФ“, на кој ги сподели позитивните искуства на Народната банка во примената на најновите и највисоките меѓународни стандарди и најдобрите практики за транспарентност и отчетност на централните банки. На Форумот, како што информираат од Кабинетот на гувернерката, Народната банка беше посочена како пример за земјите од регионот, која меѓу првите зеде учество во пилот-проектот за оцена на транспарентноста во однос на новиот Кодекс за транспарентност на ММФ. -ММФ во својот Извештај за оцената на транспарентноста заклучува дека Народната банка применува високо ниво на транспарентност, коешто е значително зајакнато во изминативе неколку кризни години, овозможувајќи успешно одржување на макроекономската стабилност,велат оттаму. Гувернерката Ангеловска-Бежоска, додаваат, истакна дека транспарентноста и отчетноста на централните банки е нагласена по глобалната финансиска криза, а особено во последните неколку години кога се соочивме со неколку последователни кризи. Во такви околности на зголемена економска неизвесност и финансиски стрес, се истакнува потребата централните банки појасно и позачестено да бидат присутни во јавноста со појаснување на економските движења, како и со комуницирање за причините и претпоставките за донесените монетарни одлуки. Народната банка го следи овој тренд, при што уште од 2021 година транспарентноста и отчетот кон јавноста се издвоени како една од целите во Стратегискиот план на Народната банка, за што тимот на централната банка напорно работи градејќи модерна, општествено одговорна и транспарентна институција. Постојаното подобрување на транспарентноста ги зголеми довербата и кредибилитетот на институцијата кај јавноста, што беше заклучено и во Извештајот на ММФ. -Имајќи ги предвид согледувањата на ММФ, Народната банка во изминатиот период ја зголеми достапноста на податоците за спроведувањето на основните активности, а дополнително ја збогативме и нашата комуникација со јавноста, при што бројот на соопштенијата, преку кои на поедноставен јазик се доставуваат пораките од Народната банка, се зголеми за 25 отсто, а јавните настапи на раководниот тим се зголемија за 40 отсто. Народната банка придонесува и кон подигнувањето на нивото на финансиската писменост преку постојано одржување обуки и други активности, зајакнувајќи ја двонасочната комуникација со граѓаните и институциите, порача гувернерката во своето обраќање. Притоа таа нагласи дека довербата од јавноста беше клучна за одржувањето стабилни инфлациски очекувања, стабилен курс на денарот и за задржување на макроекономската стабилност во изминатиот период. -Ова е потврдено и со Анкетата спроведена од Светската банка, според која Народната банка е институција којашто ужива најголема доверба во рамките на домашните институции, посочуваат од Кабинетот на гувернерката.
КОЈА ФАБРИКА ЗА ЧОКОЛАДИ „НАБИЛДА“ ДОБИВКА ОД 240 ИЛЈАДИ ЕВРА ЗА ТРИ МЕСЕЦИ - еве кои се причините
Фактор - пред 4 часа
Добивај вести на Viber Одличен раст на добивката за првиот квартал оваа година покажа македонската фабрика за чоколади, Европа. Во првите три месеци од годинава се остварени вкупни бруто приходи на износ од 244.461.397 денари и се зголемени за 17,3 отсто во однос на бруто приходите од 2023 година за истиот период.Вкупните оперативни приходи за 01.01-31.03.2024 година се зголемени за 12,1 отсто во однос на истите во 2023 година. Останатите приходи се намалени за 31 отсто, а кај финансиските приходи зголемувањето е 11,6 отсто во однос на 2023 година. Вкупните расходи се зголемени за 13,3 отсто во односна минатата година. Оперативните расходи во периодот 01.01-31.03.2024 година се зголемени за 13,5 отсто, а финансиските расходи се намалени за 48,8 отсто во однос на 2023 година. Профитот кој во првиот квартал од годинава го остварила „Европа“ изнесува 237 илјади евра. Во однос на истиот период лани тоа е огромен раст за близу 134 проценти. АД Европа-Скопје за периодот 01.01-31.03.2024 година остваридобивка во износ од 14.593.776 денари и е поголема во однос на претходната година за 133,8 отсто. „Остварениот резултат во првиот квартал од 2024 година се должи на зголемувањето на вкупната продажбата за 12,1 отсто во однос на истиот период минатата година, како и од зголемувањето на производството за 23,8 отсто, кое е оптоварено со трошоци за енергија со пониски цени од минатата година. Намалувањето на финансиските расходи е резултат на фактот дека компанијата не е кредитно задолжена во првиот квартал од работењето од 2024 година и истите имаат позитивен ефект на остварениот финансиски резултат“, се вели во обраазложението кое компанијата го даде за својот финансиски резултат.Н.Н.Ф.
Битолчани ги затворија парите во скапи станови, за квадрат плаќаат и по 1.350 евра
Независен - пред 4 часа
Битолчани ги затворија парите во скапи станови, за квадрат плаќаат и по 1.350 евра Познавачите на приликите велат дека цените на становите се вештачки напумпани и дека реално по сите пресметки метар квадратен треба да биде до 700 евра Анета Блажевска 28/04/2024 12:52 Цената на новите станови во Битола како да нема лимит (Фото: А. Блажевска) БИТОЛА – Неверојатно високи цени за метар квадратен достигнаа новите станбени згради во Битола кои се градат во населбата Златен рид и на локации низ централното градско подрачје. Цените за метар квадратен нова станбена површина се движат од 1.300 до 1.600 евра, исто како во одредени градски населби во Скопје. Новите градби „од земја“, односно од самиот почеток на градбата, што викаат градежниците достигнаа цена од 1.300 до 1.350 во старата касарна, а пред две години новите градби држеа највисока цена до 830 евра м2. Познавачите на состојбите велат дека граѓаните наместо во банка, заштедите ги вложија во нови станови. Во последниот период, нови невселени станови се препродаваат по неверојатна цена од 1.600 евра за квадрат во новите кули близу улицата „Партизанска“ во Битола. Старите станови во централното градско подрачје достигнаа цена до 1.000 евра за метар квадратен, иако во нив има многу да се вложува за реновирање. Цените на индивидуалните куќи се пониски и се движат од 500 до 800 евра за м2, но нема интерес за куќите. Геодетскиот инженер Борче Стојановски од агенцијата „Гео Балкан“ објаснува дека покачувањето на цената на становите се должи на еден тренд кој се провлекува по корона кризата, кога добар дел од граѓаните своите заштеди ги вложија во недвижности. Во исто време поскапеа и градежните материјали, што е светски тренд, но конкретно во Битола сѐ потешко се наоѓаат добри градежни мајстори. Со отворањето на странските индустриски капацитети во Пелагонискиот регион, добар дел од мајсторите се вработија во фабриките во Битола и Прилеп, а дел се отселија во странство. Целокупниот амбиент потпомогна за покачување на цените на становите за повеќе од 50 проценти од пред кризата. „Становите во градба во новата населба во касарната, веќе имаат цена од 1.300 до 1.350 евра од м2. Фактот што добар дел од граѓаните заштедите ги вложија во недвижности ги покачи цените на становите во градба и на новите станови. Од друга страна, немаме градежници, немаме плочкари. За пример, плочкарите земаа по 10 евра од м2, а сега бараат 15 евра, исто како во Лерин, Грција. За секоја извршена работа и услуга во градежништвото имаме двојно повисока цена. Ова е тренд не само кај нас, туку и на Балканот, исто е и во Црна Гора и во Хрватска, колку што ги следам состојбите за споредба“, вели Стојановски во изјава за „Независен“. Познавачите на приликите со недвижности, објаснуваат дека самите фирми што се занимаваат со градби го испитуваат пазарот до каде можат да ги подигнат цените, па во овој момент има нови станови во Битола кои се препродаваат од првиот купец, за цена од 1.600 евра за квадрат. „Со вакви цени се обидуваат да го навикнат увото на потенцијалниот купувач дека и од скапото има поскапо, па полесно да се одлучат за цените во градба“, вели наш соговорник. Новиот комплекс на згради во поранешната касарна за битолчани наликува како град во град. Таму се гради интензивно во последните десет години и е најатрактивен дел од Битола за вложување. Старите станови во централното градско подрачје достигнаа цена до 1.000 евра за метар квадратен (Фото: А. Блажевска) Наш соговорник сопственик на агенција за недвижности вели дека, реалната цена на м2 станбена зграда во Битола по сите пресметки треба да биде до 700 евра, а не двојно поскапо. Тој вели дека 35 проценти од цената на м2 е всушност цената на земјиштето што го платил градежникот, а во старата касарна парцелите се продаваа и за багателни цени од 1 евра за м2. Што според него, значи дека од новите градби најмногу ќаруваат оние што се сопственици на земјиштето и што градат на своја парцела. „Проблемот со високите цени на новите станови е во земјиштето, оној што го има земјиштето учествува со една третина од цената во м2. После тоа се редат трошоците за проектот, материјали и градежници… реално цените се напумпани“, вели наш соговорник. Битолчани со кои разговараме веруваат дека ако државата гради повеќе комерцијални згради по помалите градови тоа ќе ја „урне“ цената на м2 и кај приватните градежници. Директорот на Акционерското друштво за изградба и стопанисување со станбен простор и деловен простор од значење за Републиката, Зоран Ѓоргиев, за „Независен“ потврдува дека во Битола во атрактивната населба Златен рид ќе се гради комерцијална државна станбена зграда. Таа ќе се наоѓа зад Биотехничкиот факултет во Битола и во овој момент нема пресметка колку би чинел метар квадратен во новиот станбен објект, но според него има намалување на цените на градежните материјали. „На локација во касарната ќе градиме нова комерцијална зграда. Во тек е постапка за јавна набавка за градба која се очекува да заврши за скоро. Цената на продажба засега не се знае, но во последниот период има намалување на цените на градежните материјали“, најавува Ѓоргијев. Во Битола, понови, државни комерцијални згради имаме во населбата Довлеџик градени пред околу две децении. Последните социјални згради, пак, се изградени 2012-2013 година во Брусничка населбата. Битолчани не веруваат дека државните станови за комерцијална продажба ќе ја намалат цената на приватните градежни фирми, туку, напротив, дека со висината на квадратен метар ќе се оди во чекор со цената на становите во Скопје. Поврзани содржини Во Куманово откриен мурал со ликот на Бобан Трајковски еден од убиените кај Вејце 28/04/2024 14:04 Во Аеродром симболично засадени 15 садници во чест на 15 загинати работници на своето работно место лани 28/04/2024 13:04 Велосипедска тура „Експедиција низ срцето на Илинден 2024“ 28/04/2024 13:04 Бојмацалиев: Нашите бранители -херои од 2001 никогаш нема да бидат заборавени 28/04/2024 13:04 Гoрела депонија кај „Еуро Хотел“ Струга и уште една во Тетово 28/04/2024 10:04 Во центарот на Куманово ќе биде откриен мурал со ликот на Бобан Трајковски кој беше убиен пред 23 години кај Вејце 28/04/2024 09:04 Сончево и релативно топло 28/04/2024 08:04 Степенот на имунизација бил подобар пред три децении, се зголемува бројот на вакцинирани 27/04/2024 17:04 Најчитани Ви го откриваме најдобриот рецепт за маринада која и најтврдото месо го прави меко 25/04/2024 14:15 Зошто вратата од бањата секогаш треба да ја држите затворена? 25/04/2024 10:18 Токсикологија останува без д-р Беќаровски: Време е приватна клиника да отвори одделение за детоксикација 23/04/2024 09:36 Решена една од најголемите историски мистерии: Научниците прочитаа документ стар 2.000 години 25/04/2024 20:06 „Дневник“: Странска интервенција од неочекуван правец ги смени македонските избори 26/04/2024 10:47 Како да го изберете и како да го подготвите јагнешкото месо за Велигден? 22/04/2024 12:14
И ВО ПЕНЗИЈА НА РАБОТА: Сè повеќе трговски синџири бараат исклучиво пензионери
Фактор - пред 1 ден
Добивај вести на Viber Во 2019 година, пензионерите во Хрватска можеа да работат со скратено работно време, 20 часа неделно, а сепак го добиваат целиот износ на пензијата. За големата потреба на работодавачите (и) од пензионери говори и податокот дека има се повеќе огласи кои нудат работа исклучиво на пензионери, пишува Н1 и пренесува Пословни дневник.На пример, еден трговски синџир деновиве преку огласи бара пензионирани продавачи на десетина локации во Загреб. Уште еден трговски синџир бара и пензионери, мотивирајќи ги со следнава покана: „Ако сакате да работите со луѓе, вие сте срдечна и вредна личност која сака да им го направи шопинг искуството на нашите клиенти пријатно и опуштено, тогаш оваа позиција е за вас“.Пред две години, Хрватската служба за вработување (ЦЕС) отвори посебна веб-страница за вработување на пензионери. На пензионерите во моментов им се нудат 703 работни места. Од нив најмногу вработуваат продавачи – 212, а чистачи – 137.И специјализираните портали за огласување работни места како MojPosao или Posao.hr имаат посебни делови за работни места наменети за пензионери. Различни компании, како некои компании за обезбедување, на видни места на нивните веб-страници објавуваат дека вработуваат пензионери.Б92
„Каков град?“ во киното на Железничка зграда
Бизнис вести - пред 10 часа
„Каков град?“ во киното на Железничка зграда 28/04/2024 ВЕСТИ, ЛОКАЛНО Во киното на Железничка зграда денеска од 12 часот ќе се одржи настанот „Каков Град“, кој претставува интервенција во јавен простор развиена во рамки на едукативната платформа „Градот како сцена: Изведување на јавниот простор“ на организацијата „Факултет за работи што не се учат“ – ФРУ, Скопје. Како што информираат организаторите, главниот фокус на платформата е активирање на просторот на киното во Железничката зграда, како потенцијален заеднички простор кој треба да го користи пошироката заедница на граѓани. Во таа насока, настанот иницира идеи како ова кино да стане активен простор за заедницата, користејќи веќе постоечки ресурси да се изгради/осмисли просторна инсталација која треба да зборува за можностите на овој јавен простор. Учесници на настанот ќе бидат студенти од Архитектонскиот факултет во Скопје, млади архитекти и визуелни уметници. Ментор на проектот е Филип Јовановски. ар/ев/Фото: ФРУ . Извор: МИА ВЕСТИ ЛОКАЛНО 2024-04-28 Zoran Popov
ВАЖНА ВЕСТ ЗА АКЦИОНЕРИТЕ НА НЛБ БАНКА - ќе се дели богата дивиденда, еве колку таа ќе изнесува по акција
Фактор - пред 9 часа
Добивај вести на Viber За инвеститорите на НЛБ банка стигна преку Берзата информацијата што сите ја очекуваа, а таа е колкав износ на дивиденда ќе подели оваа успешна банка. Добивката по оданочување по Годишната сметка и финансиските извештаи на НЛБ Банка АД Скопје за 2023 година, како што е познато, изнесува 52,31 милиони евра.Од овие пари, сума од 36,61 милиони евра ќе оди за исплата на дивиденда, а одлуката ќе ја потврди Собранието на акционери на 29 мај.Износот на бруто-дивидендата по акција изнесува 2.636 денари, информира банката. Последен ден на тргување со право на дивиденда е 10.06.2024 година. Прв ден на тргување без право на дивиденда е 11.06.2024 година. Датумот на евиденција според кој се определува листата на акционери кои имаат право на делот од добивката наменет за дивиденда е 12.06.2024 година, а исплатата на дивиденда ќе почне на 25.06.2024 година.Потоа, за задржана добивка за инвестициски вложувања одат 3,76 милиони евра, додека, пак, за општ резервен фонд се наменети 11,94 милиони евра. „Добивката која се распоредува во задржана добивка за инвестициски вложувања служи за развојни цели, односно вложувања во материјални и нематеријални средства за проширување на дејноста и таа не е расположлива за исплата на дивиденда на акционерите во иднина“, се вели во образложението од банката. Инаку, со издвојувањето на дел од добивката во задржана добивка за инвестициско вложување се користи даночно ослободување пропишано во член 28 со Законот за данок на добивка. Тоа значи дека со изготвувањето на даночниот биланс за деловната 2024 година се користи правото на намалување на даночната основа за искористениот износ на инвестициското вложување и утврдување на помал данок од добивка.Кога станува збор за општиот резервен фонд, распоредувањето се врши со цел зајакнување на капиталната база на Банката. Н.Н.Ф.
Можно ли е соединување на овие две банки во Македонија?!
Express - пред 1 ден
Намерите се навеистина сериозни, стартува процедурата за евентуално присоединување на Стопанска банка Битола кон Комерцијална банка, објави Фактор. Како што и најавија, од Комерцијална банка ја почнуваат постапката за дчлабинска анализа, од која ќе стане навистина јасно дали ќе се оствари присоединувањето кон нив на Стопанска банка Битола. „Комерцијална банка АД Скопје ја известува јавноста дека Надзорниот одбор на Банката на 25.04.2024 година донесе Одлука за спроведување постапка на длабинска анализа на целокупното работење на Стопанска банка АД Битола со цел да се дефинира намера за присоединување на Стопанска банка АД Битола кон Комерцијална банка АД Скопје. По завршување на постапката на длабинска анализа, Комерцијална банка АД Скопје ќе донесе одлука дали да продолжи постапката со изразување на намера за склучување на трансакцијата на присоединување, за што јавноста ќе биде известена“, се вели во објавата која преку берзата ја сподели со инвеститорската јавност Комерцијална банка. Двете банки пред подолг период, односно во септември минатата година, ја најавија намерата за присоединување, и токму беше планирано дека тоа ќе се случи по објавувањето на годишните сметки на двете банкарски институции. Наскоро ќе бидат познати многу повеќе детали околу можното спојување на двете банки, за кои наши извори своевремено кажаа дека Стопанска банка Битола би се припоила кон Комерцијална банка. Комерцијалкна банка и сега е најголема банка во земјава со актива од над 2,5 милијарди евра.
Кинески онлајн-трговци завлегуваат на американскиот интернет-пазар
Глас на Америка - пред 7 часа
Жанел Ариас нашла слободно место во подрумот за нејзините козметики за убавина. „Го користев Тему – и сè уште го користам Тему“, вели Ариас. Со седиште во Бостон, кинеската компанија Тему е еден од најновите трендови во е-трговијата. „Четка за шминка за подлога што би ја купиле за 50 долари во Сефора или на некое друго место за козметика, неодамна ја купив за 5 долари и е многу подобра од таа што ја имав”, вели Ариас. Embed share Е-трговијата во САД со сè повеќе кинески играчи Embed share The code has been copied to your clipboard. width px height px Споделете на Фејсбук Споделете на Твитер The URL has been copied to your clipboard No media source currently available 0:00 0:03:48 0:00 Direct link 240p | 9,7MB 360p | 14,3MB 480p | 22,1MB 720p | 55,4MB 1080p | 71,7MB Ариас вели дека Тему има начин да ги натера луѓето повторно да купуваат. „Предизвикува зависност по начинот на кој има гејмифицирана апликација каде што ги добивате овие зделки, ако нарачате нешто, во следните неколку минути добивате дополнителни бонуси”, објаснува Ариас. Друга компанија за е-трговија со ниски цени основана во Кина е Шеин, сега со седиште во Сингапур. Клучот за цените е уникатниот бизнис модел на компаниите, вели професорот Кристофер Танг од Универзитетот Калифорнија-Лос Анџелес. „И покрај што продаваат онлајн, не се рекламираат толку многу. Тие ангажираат инфлуенсери. Го употребуваат она што ние го нарекуваме социјална трговија. Ги користат Инстаграм, Тикток и Фејсбук за да ги промовираат производите”, вели професорот Танг. FILE - A page from the Shein website is shown in this photo, in New York, June 23, 2023. Танг додава дека Шеин, на пример, нуди брза мода и тесно соработува со фабриките во Кина. Произведува мали серии, но складира суровини. Користејќи вештачка интелигенција за следење на однесувањето на клиентите, Шеин напредува брзо за да одговори на побарувачката. „Кој производ го прелистуваат? Кој производ го купуваат? Потоа се обидуваат да ги следат трендовите. Ако трендот на сезоната навистина бележи нагорна линија, тогаш тие веднаш ќе побараат од фабриката масовно да ги произведува тие производи“, смета Танг. Друга причина зошто цените се ниски е даночната дупка во САД што им овозможува на компаниите да испраќаат производи вредни помалку од 800 долари во земјата без да плаќаат увозни давачки. Некои законодавци се загрижени дека производите што се продаваат на овие локации може да бидат поврзани со присилна работа на Ујгурите. Портпаролот на Шеин вели дека компанијата има политика на нулта толеранција за принудна работа и се обврзува на почитување на правата на своите работници низ синџирот на снабдување. Тему не одговори на барањето на Гласот на Америка за коментар. Но, студентот Захаан Ријаз вели дека нема да купува од вакви компании за е-трговија. „Брзата мода предизвикува многу проблеми во однос на правата на работниците, особено во странските земји, а исто така создава многу отпад”, вели Ријаз. Аријас вели дека непобедливите цени имаат своја цена. „Јас всушност имав нарачка во која с изгубив. Едноставно сте спремни да ја искористите таа шанса поради цената што ја плаќате бидејќи е многу ниска”, додава Аријас. Поплаките на клиентите на веб-страницата на Бирото за подобро деловно работење вклучуваат проблеми со квалитетот на производот како и испораката или услугите на клиентите за двете компании. Но, компаниите како Тему и Шеин ќе продолжат да бидат успешни, вели Танг. „Американските потрошувачи сакаат добри зделки, така што овие видови добри зделки тешко се надминуваат”, смета професорот Танг. Ариас вели дека е селективна во она што го купува, држејќи се настрана од брзата мода поради отпадот. Но, таа ќе продолжи да купува зделки овде за производи што може да ги користи со текот на времето.
Цементарница УСЈЕ прокнижи 300 мииони денари добивка за првиот квартал
Денар - пред 1 ден
ПочетнаКОМПАНИИЦементарница УСЈЕ прокнижи 300 мииони денари добивка за првиот квартал КОМПАНИИ Цементарница УСЈЕ прокнижи 300 мииони денари добивка за првиот квартал 26 април, 2024 749 FacebookTwitterLinkedinWhatsAppPinterestEmail Цементарница УСЈЕ АД Скопје за периодот Јануари – Март 2024 година оствари добивка на износ од 299.778 илјади денари или за 58 проценти повисока од лани. Приходите од продажба за првите три месеци изнесуваат 1.188.315 илјади денари и се зголемени за 6 проценти. Финансискиот извештај можете да го погледнете тука. Таговидобивкаусјецементарница FacebookTwitterLinkedinWhatsAppPinterestEmail НАЈНОВИ ВЕСТИ Која храна содржи најмногу пластика? Дали елиминирањето на конкуренцијата во изборот за универзален снабдувач граѓаните... Цените на нафтата се поблиску до 90 долари: Што ја... Минатата недела евидентирани 27 случаи на голема кашлица Народната банка ја додели Годишната награда за млади истражувачи за... ХОРОСКОП ХОРОСКОП Викенд хороскоп 27-28.04.202427 април, 2024прочитајте повеќе
Кампањите си течат, работниците плачат и молат за плата, но караванот си врви
Работник - пред 18 часа
КолумниНовости Кампањите си течат, работниците плачат и молат за плата, но караванот си врви 27/04/202427/04/2024 Бобан М. Илијевски About Latest Posts Бобан М. ИлијевскиНовинар за работни односи, кариера и човечки ресурси Latest posts by Бобан М. Илијевски (see all) Кампањите си течат, работниците плачат и молат за плата, но караванот си врви - 27/04/2024 СОНК бара нападите врз наставниците да се третираат како напади врз службено лице - 27/04/2024 Пред прагот на екстремна сиромшатија – „Земам на заем пари за да го преживеам месецот“ - 25/04/2024 Време за читање 3 минути Според она што го велат дел од синдикалците, речиси 5,000 работници во Македонија немаат добиено плати за неколку месеци. 1,800 од нив се вработени во „Национални шуми“. Моите информации велат дека тие ни во петокот не зеле плата, иако директорот најави дека очекува токму во текот на тој ден да биде пуштена платата за февруари. Пред два дена, за потребите на медиумот каде што сум дописник од Македонија, разговарав и со еден од вработените во „Национални шуми“ кој е на минимална плата од 22,500 денари која речиси три месеци ја нема земено. На човекот воопшто не му се зборуваше. Беше крајно разочаран и бесен за тоа што е оставен без пари и мора да се позајмува за да може да преживее. Рече дека месечно му се потребни 600 до 700 евра за да ги покрие само основните трошоци. Плус, вработените немаат ни здравство, па дел од неговите колеги кои требало да се оперираат или да извршат некој медицински преглед, морале да одложат оти немаат пари за да платат приватно. Со исти проблеми се соочуваат и дел од вработените во приватниот сектор. Неодамна од Здружението „Гласен Текстилец“ за порталот Локал Актив рекоа дека има случаи каде што работници се вработени на нула месеци. Тоа значи дека работодавачот може да ги отпушти веднаш, без да има причина за тоа. Дури во еден од случаите, лицето добило отказ на сред улица. Работодавачот му рекол да му ги предаде сите работни алатки на лицето кое го довел со него. Иако Законот за работни односи не предвидува на колкав период треба да биде договорот, сепак ваквите постапки воопшто не се етички. Со самото ова, работниците кои ќе се најдат во вакви или слични ситуации остануваат и без плата и без здравствено осигурување. Да се вратиме на вработениот во „Национални шуми“. Тој ми рече и дека 20 години не бил со неговото семејство на одмор и дека одењето на пет дена во некој од туристичките центри во Македонија за него е мисловна именка, додека одењето во некоја од соседните држави е непоимливо. Инаку, според податоците на Евростат, 50 % од Македонците не можат да си дозволат годишен одмор. И додека работниците мака мачат да преживеат, изборните кампањи си тераат без проблем, а ветувањата фрчат, или што би се рекло кучињата лаат, караванот врви. Никој од актуелните властодршци не застана да се осврне кон работниците. Ветуваат минимални плати од 600 евра, просечни од 1,100, а луѓето не можат да ги земат ни платите од 360 евра, кои можат да им обезбедат храна само десетина дена во месецот. Facebook Twitter LinkedIn
„Бисер Балкански“ ечеше на промоцијата на новата генерација полицајци
Алфа - пред 23 часа
HomeМакедонијаTоп„Бисер Балкански“ ечеше на промоцијата на новата генерација полицајциТВ АЛФАаприл 27, 2024 Deprecated: Implicit conversion from float 1714313963.29763 to int loses precision in /home/alfamk/public_html/wp-content/plugins/sneeit-framework/includes/utilities/utilities-views.php on line 40 „Македонијо – ти си Бисер Балкански“ – во еден глас пееја новите 508 полициски службеници. Во Центарот за обука во Идризово, се одржа свечена промоција на генерацијата 2023-2024-та година, кои ја завршија едногодишната обука. Од нив 416 се мажи, а 92 жени. На церемонијата прусуствуваа, техничкиот премиер, министерот за внатрешни работи и дополнителниот заменик министер.. КАТЕГОРИИ TопВестиМакедонија Споделете ja веста Deprecated: Creation of dynamic property Sneeit_Singular::$article_image_height is deprecated in /home/alfamk/public_html/wp-content/plugins/sneeit-framework/includes/articles/articles-singular.php on line 127
Цените на нафтата се кренаа кон 90 долари, САД ги смирија трговците
Нетпрес - пред 1 ден
Цените на нафтата пораснаа на меѓународните пазари во петокот до 90 долари, имајќи предвид дека инвеститорите беа охрабрени од оптимистичките пораки на американската министерка за финансии за економскиот раст и инфлацијата. На лондонскиот пазар цената на барелот попладнето беше за 60 центи повисока од вчерашното затворање на тргувањето и изнесуваше 89,61 долар. Вчера таа ја затвори трговијата во плус 99 центи. И на американскиот пазар цената на барелот денеска порасна за 60 центи, на 84,23 долари. Вчера тргувањето го затвори со добивка од 76 центи. Организацијата на земјите извознички на нафта (OPEC) засебно извести дека цената на барелот од референтната нафтена кошница на нејзините членки бла речиси непроменета во четвртокот на 88,39 долари. Трговците во четвртокот беа загрижени од малото забавување на растот на американската економија во првиот квартал од годинава, но расположението се зголеми откако министерката за финансии Џенет Јелен рече дека растот е веројатно посилен отколку што сугерираат бројките. Според првата проценка на Министерството за трговија, економијата пораснала за 3 отсто во однос на истиот период лани, нешто послабо од крајот на 2023 година. Тримесечната споредба покажува раст кој е за половина послаб од истите три месеца минатата година. Индикаторот за инфлација, кој внимателно го следи централната банка, покажа раст на цените речиси двојно посилен од четвртиот лански квартал, при што се исклучени цените на храната и на енергијата. Ресорот би можел да ја зголеми својата проценка за економскиот раст кога ќе добие повеќе податоци, рече Јелен, а инфлацијата ќе падне на понормално ниво, предвидува таа. „Американската економија продолжува да бележи многу, многу добри резултати“, рече министерката за финансии во интервју за Reuters, а „фундаменталните показатели“ сигнализираат континуирано враќање на инфлацијата на нормално ниво. Поддршка за цените беше дадена во петокот и од загриженоста за снабдувањето, со оглед на континуираните конфликти на Блискиот исток. Имено, Израел ги засили воздушните напади врз градот Рафах во палестинскиот Појас Газа и планира сеопфатен напад, и покрај предупредувањата од сојузниците за можни големи жртви бидејќи 1,5 милиони Палестинци се засолниле во овој град од израелските напади.
ЕП ги одобри новите правила на ЕУ за борба против перењето пари
Денар - пред 20 часа
ПочетнаЕКОНОМИЈАЕП ги одобри новите правила на ЕУ за борба против перењето пари ЕКОНОМИЈАТОП ВЕСТИ ЕП ги одобри новите правила на ЕУ за борба против перењето пари 27 април, 2024 1497 FacebookTwitterLinkedinWhatsAppPinterestEmail Европскиот парламент (ЕП) усвои пакет закони за зајакнување на мерките на Европската унија за борба против перење пари и финансирање тероризам. ЕП, исто така, го одобри создавањето на агенција на ЕУ за спречување на перење пари како дел од пакетот мерки, кој исто така ќе забрани големи плаќања во готовина низ Европа. Новите правила вклучуваат ограничување на професионалните трговци кои прифаќаат или плаќаат готовина за која било трансакција над 10.000 евра. Новите правила обезбедуваат дека луѓето со легитимен интерес, вклучително новинари, медиумски професионалци, граѓански организации, надлежни органи и надзорни органи, ќе имаат непосреден, нефилтриран, директен и слободен пристап до информациите за вистинските сопственици кои се чуваат во националните регистри и меѓусебно поврзани на ниво на ЕУ. Регистрите ќе вклучуваат и податоци од најмалку пет години наназад, се наведува во соопштението на ЕП. Законите, исто така, им даваат на единиците за финансиско разузнавање (ФИУ) повеќе овластувања да анализираат и откриваат случаи на перење пари и финансирање тероризам и да запрат сомнителни трансакции. Добивајте вести на Viber Вклучени се мерки за засилена длабинска анализа и проверки на идентитетот на клиентите, по што т.н обврзани субјекти (на пр. банки, управители на средства и крипто-средства или агенти за недвижен и виртуелен имот) мора да пријават сомнителни активности до ФИУ и другите надлежни органи. Од 2029 година, професионалните фудбалски клубови од највисоко ниво вклучени во финансиски трансакции со висока вредност со инвеститори или спонзори, вклучително огласувачи и трансфери на играчи, исто така ќе треба да го потврдат идентитетот на своите клиенти, да ги следат трансакциите и да пријават каква било сомнителна трансакција на ФИУ. Законодавството содржи одредби за поголема внимателност за ултра богатите (вкупно богатство во вредност од најмалку 50.000.000 евра без нивната главна резиденција), паневропска граница од 10.000 евра за готовински плаќања, освен помеѓу приватни лица во непрофесионален контекст, и мерки да се обезбеди усогласеност со насочените финансиски санкции и да се избегне заобиколување на санкциите. За да ги надгледува новите правила за спречување на перење пари, во Франкфурт ќе биде формиран нов орган – Управата за спречување на перење пари и финансирање тероризам (AMLA). ОБИП ќе има задача директно да ги надгледува најризичните финансиски субјекти, да интервенира во случај на неисполнување на супервизорските функции, да дејствува како централна единица за надзорните органи и да посредува во споровите меѓу нив. Новиот орган ќе ја надгледува и примената на насочени финансиски санкции. Законите мора и формално да бидат усвоени од Советот пред да бидат објавени во Службениот весник на ЕУ. Таговиевраевропски парламентекономијаеуперење париправиларегулатива FacebookTwitterLinkedinWhatsAppPinterestEmail НАЈНОВИ ВЕСТИ Земји каде што TikTok е забранет или ограничен Овие 2 суплементи опасно е да се комбинираат бидејќи може... „AT&T“ изненади со заработката во првиот квартал Визијата на „Volkswagen“ за иднината: „ID.Code Concept“ (ФОТО) Нов вирус презема целосна контрола врз вашиот телефон ХОРОСКОП ХОРОСКОП Викенд хороскоп 27-28.04.202427 април, 2024прочитајте повеќе
Првите туристи се жалат: Гирото е веќе 4 евра, а наплаќаат и чинија, апартманите во подрум и до 1.300!
Република - пред 23 часа
Се чини дека Грција ќе биде дестинација за многу граѓани за време на велигденските празници, па затоа репортерите на српски „Блиц“ го споделуваат своето искуство од место во близина на Солун. Она што го забележавме, велат, е дека приватните станови поскапеа, што значи дека повеќе вреди да се престојува во хотел. Растот на цените, речиси највисок во последните две децении, покрај на сместувањето и на патарините, се одрази и на храната. Па така, на пример, во ова некогаш мало рибарско село, кое сега е топ дестинација поради близината до Солун, гирото е веќе 4 евра, но доколку ви го послужат како оброк (послужено во чинија, со прилози и без пита-леб), ќе ве чини 7 евра. „Аперол“ на плажа чини 8,5 евра, додека шолја „фредо капучино“ чини 5 евра. Пивото е 4,5 евра (мало), додека цените на пецивата, горе долу, останаа исти. Со текот на времето, многу домашни гости сфатија дека не вреди да се изнајмуваат станови, особено затоа што тие се претворија во бизнис за поединци, а никогаш не сте сигурни што добивате од тоа, пишува „Блиц“. Нивната потрага по смештај покажала дека цените за изнајмување на студио/апартмани се и над 1.000 евра. Во За 10 дена на почетокот на јули треба да одвоите 920 евра, додека следниот термин е веќе 1.040 евра. Бев шокиран од понудата кога барав станови во Грција, за семеен одмор во моја режија. Постојат различни видови на сместување по сите цени. Но, најголем впечаток ми остави огласениот стан во подрум кој чини – 1.300 евра!, се жали корисник на социјалните мрежи. На специјализираната страница на Фејсбук „Грчка инфо“ можете да најдете бројни примери на измами кои се случиле во текот на изминатите месеци, како и корисни совети како да се заштитите. За жал, измамниците ретко се соочуваат со правни последици, поради што е важно да преземете дополнителни чекори за да се заштитите од измами. Еден од клучните совети е да не резервирате сместување преку непроверени Фејсбук групи, Вибер или Инстаграм профили. Наместо тоа, се препорачува да резервирате сместување преку сигурни туристички агенции или безбедни платформи за резервации за сместување. Не организирајте одмор преку Viber или Whatsapp. Доколку сепак го сакате, особено внимавајте кому му верувате, предупредуваат тие. За да се заштитите од измама, секогаш проверувајте дали лицето што ви нуди сместување има официјална веб-страница или е понудено од една од платформите за резервации за сместување што ја гарантира легитимноста на понудата. Можете исто така да побарате да ви се покаже документ со грчки даночен број, кој мора да го има секој што купил имот во Грција. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
БДП на Кина се зголеми за 5,3 отсто на годишно ниво во првиот квартал на 2024 година
Нова Македонија - пред 1 ден
Шенг Лаијун, заменик-директор на Националното биро за статистика, на прес-конференцијата за економските перформанси на Кина во првиот квартал / Фото: ЦГТН Бруто-домашниот производ (БДП) на Кина порасна за 5,3 отсто на годишно ниво во првиот квартал од 2024 година, покажаа податоците на Националното биро за статистика (НБС). БДП на земјата достигна 29,63 трилиони јуани (околу 4,17 трилиони американски долари) во овој период, покажаа податоците на НБС. На квартална основа, економијата во првите три месеци порасна за 1,6 отсто. – Висококвалитетниот развој на Кина постигна нови достигнувања во првиот квартал. Националната економија го задржа замавот на закрепнување и добро започна – рече Шенг Лаијун, заменик-директор на НБС, на прес-конференција. Шенг Лаијун притоа ги потецираше позитивните фактори во периодот, како што се зголемената побарувачка за производство, стабилното вработување, цените и растечката пазарна доверба. – Овие позитивни фактори, кои го поттикнуваат економското закрепнување, се акумулираат и зајакнуваат, поставувајќи добра основа за раст во целата година – рече Шенг. Заменик-директорот го припиша оптимистичкиот замав во првиот квартал на имплементацијата на поддржувачките владини политики и засилените напори за макроконтрола. БДП на Кина порасна за 5,2 отсто на годишно ниво минатата година и земјата го испланира својот целогодишен економски раст на околу 5 отсто за 2024 година.
ЕДЕН ОД НАЈГОЛЕМИТЕ ТРГОВСКИ СИНЏИРИ ВО ЕВРОПА Е ПРЕД БАНКРОТ: Се затвораат 16 стоковни куќи, 1.400 работници остануваат без работа
Фактор - пред 1 ден
Добивај вести на Viber Познатата германска компанија Galerija Karstad Kaufhof ќе затвори 16 стоковни куќи низ земјава, додека околу 1.400 работници ќе останат без работа!Групата стоковни куќи, да потсетиме, на почетокот на јануари поднесе барање за стечај. Ова е трет банкрот во последните три и пол години. Стечајниот администратор на компанијата Стефан Денхаус неодамна објави дека 450 вработени во седиштето на компанијата во Есен ќе останат без работа.Претприемачот Бернд Бец и американскиот инвеститор Ричард Бејкер ја презедоа Galerie Karstad Kaufhof и сакаат да задржат повеќе од 70 од 92 продавници.Галеријата Карстад Кауфхоф е втората по големина група стоковни куќи во Европа.Во својот врв, компанијата имаше 131 локација низ Европа и 18.000 вработени. Формирана е во 2018 година со спојување на два познати германски синџири на стоковни куќи Galerija Kaufhof и Karštad.Германските медиуми јавуваат дека во моментов има 12.800 работници кои со месеци се плашат за своите работни места поради банкрот.Блиц.рс
ССМ: Креаторите на политики кои покажаа дека се грижат само за сопствените интереси и не се грижат за правата на работниците
Алсат-М - пред 1 ден
Во отвореното писмо до јавноста, Сојузот на синдикатите посочува дека работничкото движење во Македонија се соочува со сериозен предизвик поради односот на креаторите на политики кои покажаа дека се грижат само за сопствените интереси и не се грижат за правата на работниците. Синдикалците бараат враќање на трошоците за храна и пат, што според нив претставува најмалку 20% од платата на работниците на национално ниво. Во првите 100 дена од доаѓањето на новата влада, тие ќе бараат зголемување на минималната плата на 450 евра, следејќи го трендот на земјите од регионот. Претседателот на ССМ, Слободан Трендафилов, рече дека ако тоа не се постигне, малкуте преостанати работници ќе ја напуштат земјата.Инаку, просечната исплатена бруто месечна плата по вработен, во февруари 2024 година, изнесувала 58.967 денари. Просечната месечна исплатена нето-плата на вработените во февруари годинава изнесува 39.276 денари и споредено со минатата година е повисока за 16,5 отсто, се вели во извештајот на Заводот за статистика.На 1 мај е најавен масовен протест на кој работниците ќе го изразат своето незадоволство. Претседателот на Сојузот на синдикатите на Македонија, побара да се покаже одлучност во заедничката борба за подобро утре и за работничките права. На Меѓународниот ден на трудот, протестот ќе започне во 11:00 часот од пред Работничкиот дом до Собранието – Стопанската комора – Влада./Алсат.мкАднан Ќаили
Менаџментот на NOVOMATIC свечено ги отвори вратите на Grand Casino Admiral
Бизнис вести - пред 1 ден
Менаџментот на NOVOMATIC свечено ги отвори вратите на Grand Casino Admiral 27/04/2024 ПРЕТПРИЕМНИШТВО Групацијата за игри на среќа NOVOMATIC свечено ги отвори вратите на своето најново казино во градот – Grand Casino Admiral, престижен објект лоциран во Limak Skopje Luxury Hotel, во склоп на комплексот Diamond Of Skopje. На свеченото отворање на Grand Casino Admiral, присуствуваа и претставници на менаџментот на NOVOMATIC, кои официјално ја започнаа новата приказна со сечењето на црвената лента, означувајќи го стартот на едно ново поинакво играчко искуство во градот. На 12 и 13 април Grand Casino Admiral беше домаќин на два спектакуларни концерти на Влатко Стефановски и Владо Јаневски кои беа одржани во Gourmet Avenue на Diamond Mall. Свеченото отворање на Grand Casino Admiral беше вечер за паметење, исполнета со забава, луксуз и возбуда. 2024-04-27 Toni Ivanoski
Третиот дел на „Солунска 28“ од д-р Неле Карајлиќ е најпродаван наслов од „Арс Ламина“ на Саемот на книгата 2024
Фактор - пред 1 ден
Добивај вести на Viber Третиот дел на романот „Солунска 28“, од легендарниот музичар и автор д-р Неле Карајлиќ, е најпродаваниот наслов во издание на „Арс Ламина“ на Саемот на книгата 2024. На најголемата книжевна манифестација, која се одржа од 18 до 24 април, во арената „Борис Трајковски“, Скопје, „Арс Ламина“ се претстави под слоганот „Влези во бајка“. Оваа година на посетителите им понуди над 1.000 наслови, од кои 200 се нови, објавени меѓу двете саемски изданија.Меѓу најбараните книги за возрасни беа саемските новитети, интернационални бестселери, класици, трилери и наградувани наслови од македонски и регионални автори.Високо на топ 10 листата со најбарани книги на штандот на „Арс Ламина“ се најдоа: финалистот на книжевната награда „Пегаз“ – романот „Страшни приказни“ од Сузана Камберова, книгата најзначајните раскази на Јадранка Владова, „Скарбо“, „изгубениот“ и досега необјавен роман на нобеловецот Габриел Гарсија Маркес – „Се гледаме во август“, како и роман што се заснова на необјаснивото единаесетдневно исчезнување и потрага по Агата Кристи – „Аферата Кристи“ од Нина де Грамонт.Следуваат: домашниот книжевен хит „Џабе живиш у Скопје“ од Зоран Спасов-Ѕоф; интернационалните бестселери „Седумте мажи на Евелин Хуго“ од Тејлор Џенкинс Рејд и „Семејни тајни“ од Лијан Моријарти; добитникот на престижната награда на „Политикин забавник“ за најдобра книга за деца и млади напишана на српски јазик за 2022 година, „Прирачник за солиден живот“ од Оливера Зуловиќ и култниот роман на италијанскиот писател Умберто Еко, „Името на розата“. Во продолжение ви ги претставуваме содржините на книгите.1. „Солунска 28“ (III дел) од д-р Неле КарајлиќПоследниот роман од трилогијата „Солунска 28“, легендата на популарната екс-ју група „Забрането пушење“ и на култната ТВ-серија „Топ-листа на надреалистите“, д-р Неле Карајлиќ, го промовираше на првиот саемски ден, на штандот на „Арс Ламина“ (18 април). Приказната за една куќа, еден град и два света, Карајлиќ ја заокружува со третиот дел насловен како „За сексот, дрогата и рокенролот“. Овој роман говори за експлозијата на рокенролот во поранешна Југославија, чиј симбол беа токму сексот, дрогата и рокенролот. Приказната во третото продолжение е лоцирана во осумдесеттите години на минатиот век и главно ја проследуваме низ перспективата на Милан Јанковиќ.Со тоа е ставена точка на приказната за судбината на една дорќолска адреса и неколку генерации кои живееле тука, но отворено е ново поглавје во создавачката биографија на човекот кој веќе четири децении пее, компонира, глуми, режира и пишува ли пишува.Книгата е достапна во сите поголеми книжарници, како и онлајн преку www.literatura.mk.https://www.literatura.mk/sovremena-knizevnost/55551-solunska-28-tret-del2. „Страшни приказни“ од Сузана КамбероваИзданието што влезе во најтесниот избор за книжевната награда за најдобар необјавен роман, „Пегаз“ за 2023 година – „Страшни приказни“ од Сузана Камберова, премиерно беше претставено во рамките на Саемот на книгата. Потпрен на едно од типичните начела на готските романи – чудниот, мистичен амбиент, романот „Страшни приказни“, комбинирајќи ги хоророт и романсата, нè води низ испреплетените животи на неколкуте добро изградени ликови, заробени во една зима, во 1965 година, некаде на швајцарските Алпи. Завеани и отсечени од светот, тие си ги раскажуваат најстрашните нешта што им се случиле во животот, создавајќи еден цел паралелен, напнат и возбудлив свет во кој самите првин се само раскажувачи или слушатели, а потоа и учесници. Приказната е богата, слоевита и „готска“, преполна со морничави сцени, мрачни заплети и таинствени случувања...Книгата е достапна во сите поголеми книжарници, како и онлајн преку www.literatura.mk.https://www.literatura.mk/makedonska-knizevnost/55550-strasni-prikazni3. „Скарбо“ од Јадранка ВладоваКнигата „Скарбо“ ги спојува двете подзагубени збирки раскази на Јадранка Владова – „Скарбо во мојот двор“ (првично публикувана во 1986 година) и „Воден знак“ (1990), за кои со децении наназад беше полесно да се пишува, да се зборува или да се слуша отколку да се најдат во книжарниците и библиотеките. Новата публикација е дел од добропознатата и наградувана едицијата на „Арс Ламина“ – „Македонски книжевни класици“, во рамките на која се реобјавени капитални дела од најзначајните македонски книжевни великани. Со овој потег на „Арс Ламина“, „Скарбо“ повторно се враќа во рацете на читателите! Книгата беше промовирана на 19 април на Филолошкиот факултет „Блаже Конески“, како и на Саемот на книгата, ден подоцна (20 април), кога се одбележува денот на раѓањето на Владова.Книгата е достапна во сите поголеми книжарници, како и онлајн преку www.literatura.mk.https://www.literatura.mk/makedonska-knizevnost/55617-skarbo4. „Се гледаме во август“ од Габриел Гарсија МаркесПоследниот роман на легендарниот колумбиски писател Габриел Гарсија Маркес, „Се гледаме во август“, излезе од печат на 6 март, десет години по неговата смрт, истовремено во повеќе од 30 земји во светот, меѓу кои и на македонски, благодарение на „Арс Ламина“.„Се гледаме во август“ е кус роман напишан во заводлив, фасцинантен и препознатлив стил на Маркес, кој е вистинска химна на животот со многу лица, особено на љубовта со многу опачини. Секој август, на точно определен датум, Ана Магдалена Бах заминува на островот каде што е погребана нејзината мајка со букет гладиоли. За време на овие патувања, макар на една ноќ, таа станува некоја друга, а нејзиниот внатрешен свет станува сосем поинаков, зашто „да се изгуби ноќта значи да се изгуби една година“...Книгата е достапна во сите поголеми книжарници, како и онлајн преку www.literatura.mk.https://www.literatura.mk/sovremena-knizevnost/50139-se-gledame-vo-avgust5. „Аферата Кристи“ од Нина де ГрамонтКрими-романот „Аферата Кристи“ од американската авторка Нина де Грамонт е роман што се заснова на вистински настан – необјаснивото единаесетдневно исчезнување и потрага по Агата Кристи што го има оставено светот без здив. Иако базиран на овој настан, романот на Нина де Грамонт е фикција и плод на нејзината фантазија преточена во интригантно четиво.Книгата е достапна во сите поголеми книжарници, како и онлајн преку www.literatura.mk.https://www.literatura.mk/krimitriler/42606-aferata-kristi6. „Џабе живиш у Скопје“ од Зоран Спасов-Ѕоф„Џабе живиш у Скопје“ е збирка актуелни, изумрени и подзабораени поими, фрази, изрази, идиоми, апсурди, фазони, афоризми, синоними, топоними, акроними, криптоними и многу други „–ними“. Книгава е локализирана у покушај да се долови хајлевел шегобијноста на скопјаните, бидејќи авторот е чврсто убеден дека ние Македонците (заедно со Србите) имаме најбољи хумор у свет. Дел од изразите се користат поише од петсто години, дел стотина, дел од ’45. па навака, дел откако Тито го заболе ногата, дел откако Кљусев искочи на бина... Авторот ги реактуелизира со цел да се разбудат и расталасаат некои чувства што дугачко време дремат у латентна состојба. Оваа книга е вивисекција на скопските: (не)култура, историја, менталитет, хумор и јазик, но и одолжување на авторот на неговото Скопје.За време на Саемот на книгата, се одржа настанот „Џабе си у Скопје ако не цепаш на Саем“, на кој Зоран Спасов-Ѕоф потпишуваше книги и се дружеше со читателите.Книгата е достапна во сите поголеми книжарници, како и онлајн преку www.literatura.mk.https://www.literatura.mk/humor-i-satira/31661-dzabe-zivis-u-skopje7. „Седумте мажи на Евелин Хуго“ од Тејлор Џенкинс РејдПриказната во книгата, што постигна интернационален успех и е бестселер на „Њујорк тајмс“, се движи околу возрасната и повлечена холивудска филмска икона Евелин Хуго, која конечно е подготвена да ја каже вистината за нејзиниот гламурозен и скандалозен живот. Но, кога за тоа ќе ја ангажира анонимната репортерка Моник Грант, никој не е поизненаден од самата Моник. Зошто неа? И зошто сега? Моник не е баш на врвот на светот. Сопругот ја напуштил, професионалниот живот ѝ е во ќор-сокак. И покрај тоа што не знае зошто Евелин ја избрала да ја напише нејзината биографија, Моник е решена да ја искористи можноста и да почне своја кариера. Моник е поканета во луксузниот апартман на Евелин, каде што фасцинирано слуша додека актерката ѝ ја раскажува нејзината приказна. Од пробивот во Лос Анџелес во педесеттите до нејзината одлука да го напушти шоу-бизнисот во осумдесеттите години и, секако, седумте сопрузи попатно, Евелин раскажува приказна за безмилосни амбиции, неочекувано пријателство и голема забранета љубов. Моник почнува да чувствува вистинска поврзаност со легендарната ѕвезда, но како што приказната на Евелин се приближува кон крајот, така станува јасно дека нејзиниот живот се испреплетува со оној на Моник на трагичен и неповратен начин.Книгата е достапна во сите поголеми книжарници, како и онлајн преку www.literatura.mk.https://www.literatura.mk/istoriska-fikcija/28054-sedumte-mazi-na-evelin-hugo8. „Семејни тајни“ од Лијан МоријартиОд авторката на бестселерите, „Девет совршени туѓинци“, „Три желби“ и „Последната годишнина“, ни пристигна уште еден возбудлив трилер – „Семејни тајни“. По оваа книга е снимена актуелната ТВ-серија на стриминг-сервисот „Нетфликс“ – Apples Never Fall („Јаболката никогаш не паѓаат“).Доколку исчезне твојата мајка, дали ќе пријавиш во полиција? Дури и ако најочигледниот осомничен е твојот татко? Ова е дилемата со која се соочуваат четворицата возрасни браќа и сестри Делејни. Делејни се столб во својата заедница. На родителите, Стен и Џој, им завидуваат сите пријатели. Тие се „убијци“ на тенискиот терен, а надвор од него, нивната хемија е речиси опиплива. Но, по педесет години брак, тие конечно ја продаваат тениската академија и подготвени се да почнат да ги живеат златните години од нивните животи. Тогаш зошто Стен и Џој се чувствуваат толку мизерно? Нивните деца – Ејми, Логан, Трој и Брук – биле тениски ѕвезди во детството, но, според нивниот татко, никој од нив го немал она што е потребно за да оди докрај. Подоцна, откако ќе исчезне Џој, полицијата ја испрашува единствената личност која преостанува: Стен. Двајца од децата Делејни мислат дека татко им е невин, а двајца не се толку сигурни...Книгата е достапна во сите поголеми книжарници, како и онлајн преку www.literatura.mk.https://www.literatura.mk/krimitriler/52396-semejni-tajni9. „Прирачник за солиден живот“ од Оливера ЗуловиќПомеѓу новата адреса на тато и старата адреса на мама стоеја три автобуски станици, два семафора, еден киоск, една трафостаница, пошта, црква и книжарница. Ако спиеше кај тато, нотите за гитара остануваа кај мама, а кога мама го водеше на тренинг, опремата му беше кај тато. Никако да си биде сè на своето место. Ако тие тројцата мораа да се навикнат, топката, дуксерот со качулка, клучевите, чистите чорапи, го одбиваа тоа. Не им можеш ништо и точка! „Прирачник за солиден живот“ е добитник на наградата на „Политикин забавник“ – најдобра книга за деца и млади напишана на српски јазик, за 2022 година. Книжевниот првенец на Оливера Зуловиќ е приказна за нежното пријателство помеѓу Љубица и Љубо и за нивната авантура со заеднички сили да ги преживеат, но и да ги поправат неубавите нешта во животот. Оваа топла книга пишувана низ призмата на детето е наменета и за возрасните и за оние што сè уште не станале тоа.Книгата е достапна во сите поголеми книжарници, како и онлајн преку www.literatura.mk.https://www.literatura.mk/romani-za-deca/54182-priracnik-za-soliden-zivot10. „Името на розата“ од Умберто ЕкоПриказната во овој книжевен класик од 1980 година почнува при крајот на ноември 1327 година, кога во еден бенедиктински манастир пристигнува англискиот францисканец Вилјем од Баскервил во придружба на својот ученик и искушеник Адсон од Мелк. Манастирот е потресен од необјаснивата смрт на младиот собрат Адолфо, чие мртво тело е само првото од неколкуте што во околината создаваат атмосфера дека се ближи апокалипсата и дека набрзо ќе дојде Антихристот. Доволно световни за да смеат да си дозволат да бидат логични, надминувајќи низа пречки – од строг библиотечен надзор, па до посета на инквизицијата – Вилјем и Адсон тргнуваат во потрага по вистинскиот причинител за смртта на калуѓерите. Продадена во повеќе од педесет милиони примероци ширум светот и преведена на над четириесет јазици, „Името на розата“ е добитник на највисокото книжевно признание во Италија, наградата „Стрега“, и е прогласена за една од стоте најдобри книги на дваесеттиот век според реномираниот француски весник „Монд“.Книгата е достапна во сите поголеми книжарници, како и онлајн преку www.literatura.mk.https://www.literatura.mk/klasici-knjizevnosti/11862-imeto-na-rozata*пр-објава
„Алкалоид“ добитник на „Патент на годината за 2023“ за иновативниот „омепразол“ во течна форма
Нова Македонија - пред 1 ден
Иновативната формулација на „Алкалоид“ АД за лекот со додадена вредност „омепразол“ во течна форма, готов за употреба, прва од ваков тип во светски рамки, е прогласена за „Патент на годината за 2023“ од Државниот завод за индустриска сопственост, во рамките на пригодното одбележување на Светскиот ден на интелектуалната сопственост – 26 април. Меѓународната патентна пријава на „Алкалоид“ за „омепразол“ во течна форма беше поднесена на 17 април 2020 година, со опфат на голем број региони и земји, меѓу кои земјите од Европската Унија, САД, Канада, Кина, земјите од Евроазиската економска унија и други. Патентната пријава при Европскиот завод за патенти, чии ингеренции опфаќаат патентни активности во 39 земји во Европа, беше одобрена на 3 август минатата година и валидирана во триесетина земји, меѓу кои и Македонија. Патентот на „Алкалоид“ АД ја заштитува течната фармацевтска дозна форма на „омепразол“, која се базира на два посебни раствора содржани во двокоморско пакување, кое при отворањето автоматски ги меша двата раствора и така се добива готовиот течен „омепразол“ за употреба. Овој препарат е наменет, пред сѐ, за третман на рефлуксен езофагитис и на гастроезофагеалната рефлуксна болест (ГЕРБ) кај малите деца што не можат да голтаат таблети, како и кај возрасните пациенти што имаат тешкотии со голтањето (пациенти со дисфагија) и неможност за голтање (пациенти со поставени сонди за гастрично хранење и/или геријатриски пациенти). Државниот завод за индустриска сопственост е основан на 1 декември 1993 година како самостоен орган на државната управа и е надлежен за вршење на работите во врска со стекнувањето и со заштитата на правата од индустриска сопственост, кои опфаќаат патенти, индустриски дизајни, трговски марки и ознаки за потеклото на производите. Оваа институција триесетта година по ред традиционално организира активности во насока на афирмација на улогата на индустриската сопственост во поттикнувањето иновации и креативни творби.
Хуманитарен велигденски настан во Веро центар за лицата со церебрална парализа
Република - пред 1 ден
Во Веро центар во Скопје денеска од 10 до 14 часот ќе се одржи хуманитарен настан наменет за лицата со церебрална парализа насловен „Хуман Велигден за сите“. Како што информираат организаторите, на овој настан ќе се изработуваат и продаваат уникатни фигури направени од чоколадо, за најмладите ќе има детска велигденска работилница за креативни изработки, а посетителите ќе уживаат во богата музичка програма, танчерски настапи и во други бројни изненадувања наменети за сите возрасти. Собраните средства од хуманитарниот настан ќе бидат наменети за опремување на центарот за лицата со церебрална парализа од здружението „Соѕвездие“. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
ЗА ДВА МЕСЕЦИ ПРОСЕЧНАТА ПЛАТА СЕ НАМАЛИЛА ЗА 731 ДЕНАР, а синдикалната кошница се зголемила за 954 денари?!
Пари - пред 1 ден
Време зa читање: 4 минутиАнализа: Што се случува со стандардот низ призмата на синдикалната кошница и платите? Просечните нето-плати од декември до февруари се намалуваат, а синдикалната кошница упорно поскапува. Во март имаше раст на минималната плата, па очекувањата се дека ќе има и раст на просечната нето-плата. Но, прашањето е – дали тој раст ќе ја подобри покриеноста на кошницата со заработувачката. Анализата на порталот „Пари“ дава прилично разочарувачка слика за случувањата со животниот стандард. Во периодот од декември до март (заклучно со февруари), просечната нето-плата се намалила за 731 денар! Во истиот тој период цената на синдикалната кошница се зголемила за 954 денари!? Сѐ уште нема податоци за просечна плата за март и за април, и очекувано е поради мартовскиот раст на минималната плата да се зголеми и републичкиот просек на нето-плати. Сепак, факт е дека априлската кошница е поскапа за 3.036 денари во однос на февруарската, а порастот на минималната плата, пак, е 2.392 денари. НИШТО БЕЗ ДВЕ ПРОСЕЧНИ ПЛАТИ Согласно податоците, значајно се намалува покриеноста на синдикалната кошница со просечна плата. Така, ако во декември минатата година покриеноста била 71,1%, во јануари била 69,2%, а веќе во февруари изнесувала 68,6%. Две просечни плати во семејството, секако, ќе ја покријат синдикалната кошница. Притоа, лани во декември останал плус од 23.777 денари, во јануари годинава плусот се намалил на 21.921 денар, а во февруари на 21.358 денари. За анализа на март и април ќе мора да се почекаат статистичките податоци за просечните плати. Но, овој плус не значи дека семејствата со две просечни плати имаат пари за некој посебен луксуз. Поточно би било да се каже дека тие имаат пари за еден подостоинствен живот, затоа што пресметката на синдикалната кошница е по строги критериуми за најскоромна живеачка. Од декември има нова методологија и оттогаш се пресметуваат и трошоци за поседување на еден мал автомобил (порано синдикалната кошница беше за семејство без автомобил), но и понатаму тие се на кус синџир за трошоците, па можно е да се купи само два пати сендвичи надвор, а за одење во ресторан или одмор, макар во некој пансион со една ѕвездичка, не станува збор: „Семејството ги купува само основните прехранбени производи и притоа прават споредби на производите барајќи ги тие со пониски цени. Можат да си ги дозволат само основните производи за домаќинството. Кога купуваат облека секогаш предимство им даваат на производите коишто имаат попуст. Поседуваат еден мал автомобил, а повозрасното дете има и месечен билет за автобуски превоз. Сите членови на семејството се здрави и користат главно превентивни или најнеопходни здравствени услуги. Не можат да си дозволат да јадат во ресторани, единствено два пати месечно можат да си дозволат храна од сендвичара и одат на одмор во бунгалов во Дојран 7 дена во јуни“, ја објасни пресметката на синдикалната кошница Сојузот на синдикати. РАСТОТ НА МИНИМАЛНИТЕ ПЛАТИ НЕ ГО СЛЕДИ ПОСКАПУВАЊЕТО НА СИНДИКАЛНАТА КОШНИЦА Од април се исплаќаат повисоки минимални плати. Растот на минималната плата е за 2.392 денари. Но, ако се спореди со движењата кај синдикалната кошница, која од февруари до април се зголеми за 3.063 денари, јасно е дека тој раст на минималецот не го следи поскапувањето. Анализата на „Пари“ покажува дека ако во едно четиричлено семејство двајцата работат, а имаат минимални плати, сѐ уште се далеку од покриеност на синдикалната кошница. Сепак, со растот на минималната плата јазот се намалува. Веднаш по нејзиниот мартовски раст, јазот меѓу синдикалната кошница и две минимални плати се намалил од 16.826 денари во февруари на 13.864 денари во март. Но, зголемувањето на цените по одмрзнувањето кај производите за основна прехрана, како и растот на други ставки, значајно ја поскапеа синдикалната кошница, па повторно се зголеми јазот достигнувајќи 15.078 денари во април. Но, најмал е во однос на анализираниот период од декември 2023 година. Редакција Пари Преземањето на авторски содржини (текстови и фотографии) од оваа страница е дозволено само делумно и важат условите опишани на следниот линк.
ВЕЛИГДЕНСКИ БОНУСИ ВО ПРОГРАМАТА ЗА ЛОЈАЛНОСТ НА 2win.мк
Алсат-М - пред 1 ден
Велигденски бонуси од три милиони денари во програмата за лојалност на најдобрата платформа за интернет игри на среќа во земјава- 2win.мк. Видеолотарија Касинос Австрија подготви забавно изненадување за сите играчите кои се дел од програмата за лојалност на единствената легална платформа за интернет игри на среќа во Македонија 2win.мк. Станува збор за Велигденски бонус кој ќе може да го искористат за видеолотариските игри или спортско обложување, секако по нивен личен избор.Обложувајте се и играјте одговорно со најдобрите на единствената легална платформа за интернет игри на среќа -2win.mk.#ИграјЗаЗабава #ИграјОдговорно #2winmk #онлајн #типувајонлајн
Јунајтед груп Б.В. продолжи со успешен раст во 2023 година со рекордни резултати
Метро.мк - пред 1 ден
Водечката телекомуникациска и медиумска компанија во Југоисточна Европа, Јунајтед Груп, постигна рекордни финансиски резултати за финансиската 2023 година. Групацијата оствари раст од 7% на приходите и EBITDAal на 2.791 милиони евра, односно 988 милиони евра. Приспособувајќи се за влијанието на продажбата на портфолиото на кули во август 2023 година, Групацијата постигна природен EBITDAal раст од 10% во 2023 година. Генерално, сите деловни единици на Групацијата постигнаа силен раст на приходите. За овие резултати особено придонесе: 1) континуираното проширување на базата на мобилни пост-пејд претплатници на клучните пазари на Групацијата; 2) голема побарувачка за IT решенија и опрема за B2B, особено во Грција; и 3) растот на Јунајтед Медиа поради зголеменото медиумско рекламирање и продажба. EBITDAal имаше корист од истите фактори кои поддржуваат силен раст на приходите и проактивно управување со трошоците, што и овозможи на Групацијата да ги одржи маргините на EBITDAal на 35%, и покрај инфлацискиот притисок. „2023 година беше година на стратешка интеграција на нашите превземања во Грција, Бугарија и Хрватска, со сите големи иницијативи, вклучително и синергии на трошоците, остварени до крајот на годината. Дополнително, нашите понатамошни инвестиции во оптичката и 5G технологијата, како и клучните аквизиции во спектарот, придонесоа за зајакнување на нашата позиција на сите големи пазари“, изјави Викторија Боклаг, извршен директор на Јунајтед Груп. „Во ова предизвикувачко опкружување, продолживме да поттикнуваме силен раст со доследно спроведување на нашата стратегија за обезбедување на супериорни производи и услуги на модерна и робусна инфраструктура.“ Интегриран бизнис модел како клучна разлика Јунајтед Груп континуирано постигнува долгорочен раст. Како водечка телекомуникациска и медиумска компанија во Југоисточна Европа, Јунајтед Груп им обезбедува на своите пазари најголема широкопојасна мрежа, најсовремена фиксна и мобилна конекција, производство на ТВ содржини, емитување и стриминг на големи спортски и забавни формати и многу од најсигурните портали за вести на овие пазари. Во 2023 година, повеќе од 5,30 милиони домаќинства се потпираа на широкопојасните и телекомуникациските услуги на Јунајтед Груп, додека мобилните услуги достигнаа над 7,34 милиони претплатници. Посветеноста на компанијата за вкрстена продажба на пакети, вклучително и конвергенција на фиксната и мобилната телефонија, е клучен двигател на овој континуиран успех. Дополнително, Јунајтед Медиа допира до 8,2 милиони домаќинства преку своите канали, додека домашниот тим за производство на содржини создава привлечна содржина за своите Pay-TV канали, што доведе до историски пораст на претплатите на Pay-TV. Јунајтед Медиа моментално произведува приближно 50% од вкупната содржина во своето ТВ портфолио, вклучувајќи FTA (Free-to-air) услуги и платени ТВ операции, со исклучок на спортските канали, а нејзините главни програми во ударен термин обично добиваат помеѓу 25% и 40% удел во главните пазари каде што работи нејзиниот медиумски сегмент. Докажан успех во превземањата на други компании Од 2000 година, Јунајтед Груп успешно заврши близу 150 аквизиции, од кои пет во 2023 година. Главната пресвртница е успешното завршување на стекнувањето на Bulsatcom EOOD, третиот по големина бугарски снабдувач на фиксни телекомуникациски услуги, во февруари 2024 година. Стратешкото купување ќе и овозможи на компанијата да го прошири својот опсег на адресибилни домаќинства во Бугарија и да им понуди на корисниците на Bulsatcom производи и услуги на Јунајтед Груп за кои има побарувачка. Отклучување на потенцијалот за понатамошен раст Јунајтед Груп забележа значително подобрување во оперативниот готовински тек во текот на 2023 година, поттикнат од растот на EBITDA и намалувањето на CAPEX (од 27% од приходите во 2022 година на 23% во 2023 година, делумно поттикнато од падот на капитализираните залихи акумулирани во очекување на понудата синџирот на прекини за време на годините на пандемијата на КОВИД). Што е најважно, во 2023 година Јунајтед Груп ја искористи големата побарувачка за инфраструктура на телекомуникациските кули и го продаде своето неосновно портфолио на кули за приходи од 1,2 милијарди евра. Тие приходи беа искористени за значително намалување на долговите на бизнисот, за возврат ослободувајќи го готовинскиот тек за идниот раст. На 31 декември 2023 година, нето потпората (односот на нето долгот на Групацијата со годишниот прилагоден EBITDAal за последните два квартали) се намали на 4,20x, во споредба со 4,96x на 31 декември 2022 година. Рејтинг агенциите го потврдија кредитниот рејтинг на Јунајтед Груп од B2 (стабилен) / B (позитивен) (Moody’s / S&P). Главните пресвртници во 2024 година Јунајтед Груп направи значителен напредок во 2023 година, што ја позиционираше за континуиран успех во првиот квартал од 2024 година. Вложените напори се исплатеа бидејќи ја обезбеди позицијата на втор по големина мобилен оператор во Словенија. Ова достигнување ја одразува посветеноста на компанијата за проширување на своето влијание во регионот. Инвестицијата на Јунајтед Груп во инфраструктура од оптички влакна до дома (FTTH) ја поттикна да стане втор најголем снабдувач на мрежа FTTH во Грција, нагласувајќи ја амбицијата на компанијата да донесе интернет конекција со голема брзина за грчките домаќинства. Стратешкиот потег за преземање на Bulsatcom веќе ја зацврсти нејзината позиција како најголем оператор во Бугарија. Со интегрирање на операциите на Bulsatcom, Јунајтед Груп сака да ги подобри своите услуги и да достигне поширока база на корисници. Напомена Ова соопштение за медиумите е само за информативни цели и не претставува понуда за продажба или барање понуда за купување каква било хартија од вредност во која било јурисдикција. Изјавите во ова соопштение за печатот кои не се историски факти се изјави насочени кон иднината. Сите искази за иднината вклучуваат ризици и несигурности кои би можеле да влијаат на реалните резултати на Групацијата и би можеле да предизвикаат реалните резултати да се разликуваат материјално од оние изразени во какви било изјави за иднината дадени од, или во име на, Групацијата. Изјавите насочени кон иднината и информациите содржани во оваа објава се направени на денешниот датум, и Групацијата не се обврзува јавно да ажурира или да ревидира какви било изјави или информации поврзани со иднината, без разлика дали се резултат на нови информации, идни настани или поинаку, освен ако тоа не го бараат важечките закони за хартии од вредност. За Јунајтед Груп Јунајтед Груп, во чии рамки функционира Тотал ТВ во Македонија, е водечки телекомуникациски и медиумски провајдер во Југоисточна Европа, обезбедувајќи им на клиентите целосен опсег на телекомуникациски услуги. Поседува некои од најшироките мрежни покриености во регионот и им нуди на клиентите карактеристичен избор на содржини, од локални понуди до најдобриот избор од целиот свет. Овој важен стратешки чекор ќе и овозможи на Групацијата да се фокусира на продолжување на испораката на најдобрите телекомуникациски производи до базата на клиенти и одржување на водечките позиции на пазарот.
Кредитирањето во еврозоната речиси стагнирало и во март
Нетпрес - пред 1 ден
Кредитирањето во еврозоната речиси стагнираше и во март, што го одразува слабиот раст на кредитите на компаниите и речиси стагнацијата на кредитите за домаќинствата, се наведува во извештајот на Европската централна банка (ECB) објавен во петокот. Кредитите на фирмите во март се зголемени за само 0,4 отсто во однос на истиот месец лани. Во февруари беа зголемени за 0,3 отсто. Кредитирањето на домаќинствата се зголемило за 0,2 отсто, најслабо во последните десет години, утврдиле во ECB. Во март кредитите на граѓаните биле зголемени за 0,3 отсто. Показателот за понудааа на парична маса М1, кој ги вклучува готовината во оптек и прекуноќните депозитите, бележи и намалување во март, за 6,7 отсто, нешто поблагот од февруари кога потона за 7,8 отсто. Најширокиот монетарен агрегат М3, во кој се вклучени и орочените депозити, пораснал за 0,9 отсто, најсилно од мај минатата година. Во февруари неговиот раст беше за половина послаб и изнесуваше 0,4 отсто. ECB ги зголеми каматните стапки за 4,5 процентни поени од јули 2022 година до средината на септември 2023 година за да ја ограничи инфлацијата преку ограничување на побарувачката. На седницата во април годинава ги задржа каматните стапки на сегашното ниво, забележувајќи го поблагиот раст на платите, но и континуираниот силен раст на цените на услугите во услови на „отпорна“ побарувачка. Инфлацијата во еврозоната падна во март, според пресметките на Eurostat, на 2,4 отсто од 2,6 отсто во февруари. Банките во еврозоната имаат намера да ги заострат условите за кредитирање на компаниите во вториот квартал и очекуваат послаба побарувачка на кредити, покажуваат резултатите од истражувањето на ECB. Условите за кредитирање на домаќинствата треба да останат непроменети, со посилна побарувачка, покажува истражувањето објавено пред две седмици. „Отсега натаму, мора внимателно да го одмериме ризикот од престрога монетарна политика, бидејќи тоа вклучува ризик од продолжен период на економска слабост“, предупреди во четвртокот функционерот на ECB, Фабио Панета.
Европа ја совладува инфлацијата. Зошто Америка не може да прогласи победа?
Независен - пред 1 ден
Европа ја совладува инфлацијата. Зошто Америка не може да прогласи победа? 26/04/2024 20:15 Инфлацијата можеби падна од повеќедецениските највисоки нивоа на двете страни на Атлантикот, но напредокот е запрен во Соединетите Држави, при што сега се очекува Федералните резерви да почнат да ги намалуваат каматните стапки многу по европскиот колега. Годишната американска инфлација, мерена со преферираниот индикатор на ФЕД, индексот на лична потрошувачка, достигна 2,7 отсто во март, забрзувајќи од 2,5 отсто во февруари. ФЕД има за цел да ја задржи инфлацијата на 2 отсто на подолг рок. Друга мерка за инфлацијата во САД, Индексот на потрошувачки цени, го покажа истиот нагорен тренд: во март, индексот на трошоците на животот се зголеми за 3,5 отсто во споредба со истиот месец во 2023 година, од 3,2 отсто во февруари. Во меѓувреме, меѓу 20-те земји кои го користат еврото, годишната инфлација на потрошувачките цени постојано забавува од почетокот на годината. Во март изнесуваше 2,4 отсто. Изгледа дека Европската централна банка (ЕЦБ) ќе започне со намалување на каматните стапки во јуни, три месеци пред да прогнозите ФЕД да го стори истото, врз основа на очекувањата на пазарот. Постојат дури и индикации дека ФЕД може да направи нешто што до неодамна изгледаше незамисливо – да ги зголеми трошоците за задолжување. Гувернерката на Банката на федерални резерви, Мишел Бауман, претходно овој месец изјави дека ќе се залага за зголемување на каматните стапки „доколку инфлацијата напредува или дури и се врати“. Па, зошто се чини дека САД имаат поголем проблем со инфлацијата од Европа? Разлика во дефиницијата? Некои економисти тврдат дека всушност нема многу дневна светлина помеѓу американските и европските стапки на инфлација, што укажува на необичности во американските мерки. За разлика од преферираниот мерач на ЕЦБ, и PCE и CPI ги вклучуваат трошоците за домување на сопствениците – во суштина мерка за тоа колку пари би можеле да заработите од изнајмувањето на вашиот дом и оттука да се откажете ако живеете во него. Мерката е дизајнирана да ја следи инфлацијата на пазарот на недвижности, истовремено земајќи го предвид фактот дека повеќето Американци ги поседуваат своите домови. Но, луѓето всушност не ги чувствуваат овие хипотетички трошоци за домување, рече Пол Донован, главен економист во UBS Global Wealth Management. Пондерот додаден на трошоците за домување на сопствениците е многу поголем во американскиот CPI отколку во PCE – 32% наспроти 13%, според консултантската компанија Capital Economics – но и двете се сè уште многу поголеми од 0% дадени за овие трошоци во клучната мерка на потрошувачките цени на еврозоната. Ова трансатлантско несовпаѓање ги преувеличува неодамнешните разлики помеѓу инфлацијата во САД и еврозоната, според Сајмон МекАдам, заменик главен глобален економист во Капитал Економикс. Кога користи различна мерка која, меѓу другите прилагодувања, ги отстранува тие хипотетички трошоци за домување, МекАдам открива дека базичните стапки на инфлација – кои ги исклучуваат цените на енергијата и храната – биле „многу слични“ во Соединетите Држави и Европа во последните шест месеци. „САД немаат фундаментален проблем на широко заснован прекумерен притисок на цените, спротивно на некои од неодамнешните наративи од коментаторите“, напиша тој во белешката минатата недела. Различни економии Значи, ако нивоата на инфлација се фундаментално слични на двете страни на Атлантикот, тогаш зошто нивните централни банки бараат да започнат со намалување на каматните стапки во различни периоди? Едноставниот одговор е дека, како што рече МекАдам, „централните банки на крајот ќе ја променат монетарната политика како одговор на развојот на мерката на инфлацијата што ја таргетираат, а не на усогласените или приспособените мерки“. Но, покомплицирано е од тоа. „(Трансатлантската) дивергенција е поголема кога станува збор за (економскиот) раст“, изјави за Си-Ен-Ен Карстен Брзески, глобален шеф за макроекономски истражувања во ИНГ. Меѓународниот монетарен фонд очекува дека американската економија ќе порасне за 2,7 отсто оваа година, додека за еврозоната има само 0,8 отсто експанзија. Американските работодавци вработуваат во историски клип, додавајќи 303.000 работни места во март. Вашингтон, исто така, потроши многу повеќе од европските влади во последниве години за поддршка на потрошувачите и бизнисите преку пандемијата, нешто што ја одржува побарувачката на потрошувачите особено стабилна во Соединетите Држави. И покрај прелиминарните податоци во четвртокот кои покажаа послаб од очекуваниот раст на САД во првиот квартал, министерката за финансии Џенет Јелен изјави за Ројтерс дека економијата сè уште „пука на сите цилиндри“. Економијата на Европа е многу послаба поради, делумно, долготрајното влијание на енергетската криза. Кога Русија – која некогаш обезбедуваше повеќе од 40 отсто од увозот на гас во Европа – ја започна својата целосна инвазија на Украина во 2022 година, цените на природниот гас во регионот се искачија на највисоко ниво на сите времиња. Како резултат на тоа, годишната инфлација во еврозоната достигна врв на многу повисоко ниво од PCE. Двете стапки достигнаа 10,6 отсто и 7,1 отсто соодветно во 2022 година. Силата на американската економија ја прави поголема веројатноста дека високата инфлација ќе се врати одржливо, рече Бжески, што ја прави ФЕД уште повеќе колеблива од ЕЦБ да започне со намалување на стапките во текот на летото. И САД и еврозоната се борат со недостиг на работна сила, што ги принудува работодавците да ги зголемат платите со цел да привлечат и задржат работници и да ја поттикнат инфлацијата во услужниот сектор, истакна тој. Но, пошироко, побарувачката на потрошувачите во САД се чини посилна. „Гледаме дека соодносот на заштедите на американските домаќинства почнува да се намалува, што значи дека луѓето во САД се подготвени да ги искористат своите заштеди за да трошат“, рече тој. „Генерално, европските домаќинства се малку повнимателни“. Давиде Онеглија, директор за европска и глобална макроекономија во истражувачката компанија TS Lombard, има сличен став. „Американскиот потрошувач е поподгтовен да троши затоа што можеби гледа подобри изгледи за себе на пазарот на трудот“, изјави тој за Си-Ен-Ен. Поврзани содржини Ќе остане осигурувањето од авто одговорност поскапо за 15 отсто? Ќе се знае в понеделник 27/04/2024 07:04 Се одбележуваат 32 години од воведувањето на денарот 26/04/2024 20:04 ЕЦБ: Домаќинствата во еврозоната сѐ помалку позајмуваат од банките 26/04/2024 19:04 Рударскиот гигант Англо Американ ја отфрли понудата на БХП од 39 милијарди долари 26/04/2024 18:04 НЛБ Банка со нето добивка од 678 милиони денари во првиот квартал 26/04/2024 17:04 Се одбележуваат 32 години од воведувањето на денарот 26/04/2024 16:04 Електричната енергија од обновливи извори учествува со 56 отсто во вкупната германска потрошувачка 26/04/2024 16:04 Србија од 2020 година привлекла 15,9 милијарди евра странски инвестиции 26/04/2024 15:04 Најчитани Токсикологија останува без д-р Беќаровски: Време е приватна клиника да отвори одделение за детоксикација 23/04/2024 09:36 Ви го откриваме најдобриот рецепт за маринада која и најтврдото месо го прави меко 25/04/2024 14:15 Зошто вратата од бањата секогаш треба да ја држите затворена? 25/04/2024 10:18 „Дневник“: Странска интервенција од неочекуван правец ги смени македонските избори 26/04/2024 10:47 Решена една од најголемите историски мистерии: Научниците прочитаа документ стар 2.000 години 25/04/2024 20:06 Крај на ретроградниот Меркур! Прогноза за сите хороскопски знаци, два знака се најголеми среќници 25/04/2024 11:49
АЕТМ и ВИЗА доделуваат грантови од 1000 евра за отворање на е-продавница
Макпрес - пред 1 ден
Асоцијацијата за е-трговија на Македонија - AETM, втора година по ред објавува Jавен повик за бесплатно отварање на е-продавници насловен „Е-трговија: Супермоќ за локалните бизниси” vol.2, кој се реализира во партнерство со компанијата Visa. Јавниот повик е отворен за сите микро, мали и средни компании, кои сè уште не ги продаваат своите производи или услуги онлајн, со цел да добијат можност да отворат дополнителен продажен канал - е-продавница во рамки на локален маркетплејс или своја е-продавница со сопствено софтверско решение, да го зголемат своето онлајн присуство, да се во тек со последните трендови во е-трговијата и да ги зајакнат дигиталните вештини поврзани со е-трговија и дигитален маркетинг. Јавниот повик се состои од поддршка на 20 компании со вредносни пакети од 1000 евра за отворање на нов продажен канал - е-продавница и учество на еднодневен едукативен практичен семинар. Поддржаните компании ќе имаат можност да одберат да отворат нов продажен канал - е-продавница како дел од една од понудените маркетплејс платформи на Јавниот повик и да добијат маркетинг промоција со цел зголемување на е-продажбите или да отворат своја е-продавница со сопствено софтверско решение преку една од понудените IT компании на Јавниот повик. Отворањето на е-продавниците ќе се одвива во текот на месец мај и јуни 2024 година. Еднодневниот практичен семинар „Сѐ за е-трговија“ ќе се оддржува во јуни 2024 со физичко присуство, каде што ќе бидат опфатени дел од следните теми: алатки за менаџирање и одржување на е-продавница, алатки за дигитален маркетинг за е-трговија, маркетинг и рекламирање на социјалните медиуми итн. Учесниците ќе имаат можност да научат нови алатки и тактики кои ќе им помогнат во унапредување на работењето во областа на е-трговијата и зголемување на е-продажбите. По завршување на семинарот, учесниците ќе добијат сертификат за успешно завршување на програмата од Асоцијацијата за е-трговија на Македонија - АЕТМ. Едукативниот семинар ќе можат да го посетат по најмногу двајца претставници од секоја компанија. „Зајакнувањето на понудата во е-трговија е еден од приоритетите во годишната програма на АЕТМ. Со овој повик, Асоцијацијата за е-трговија со поддршка на компанијата Visa повторно се вклучува во напорите за зајакнување на конкурентноста на микро, малите и средни компании и нивно мотивирање за подобрување и унапредување на нивното работење поврзано со е-трговија.“ - истакнува д-р Нина Ангеловска Станков, Претседател на АЕТМ. “Visa е глобален лидер во областа на дигиталните плаќања, кои ги олеснуваат трансакциите помеѓу потрошувачите и трговците во повеќе од 200 земји и територии на цела планета. Поради тоа ние како компанија сме многу посветени на поддршката на малите и средни компании преку унапредување на нивното дигитално присуство и електронската продажба, со цел нивното работење да го прошират на глобалните пазари и да обезбедат долгорочна профитабилност. Исто така сакаме да се заблагодариме на Асоцијацијата за е-трговија на Македонија – АЕТМ којa со наша поддршка го организира овој конкурс, заедно со пропратните едукативни семинари на оваа тема” – изјави Ана Драшковиќ, потпретседател и генерален директор на компанијата Visa за Југоисточна Европа. Пријавените компании бесплатно учествуваат во програмата, но подлежат на процес на селекција и избор. Изборот ќе го прави комисија составена од експерти во областа на е-трговијата, која ќе ги разгледува апликациите и по однапред утврдените критериуми Јавниот повик ќе ги одбере учесниците кои ќе бидат поддржани за отворање на нова е-продавница и за зајакнување на дигиталните вештини за е-трговија и дигитален маркетинг. Жените претприемачи и младите под 29 години ќе имаат предност во оценувањето и изборот. Пријавувањето се прави преку пополнување на кратка онлајн апликација достапна на овој линк. Пријавувањето ќе може да се направи, најдоцна до вторник, 07.05.2024 до 23:59 часот. Oвој јавен повик се реализира со поддршка на компанијата Visa, која втора година по ред преку реализирање на иницијативи влијае на зголемување на понудата во е-трговијата. Повеќе информации за Јавниот повик можат да се погледнат на: https://ecommerce.mk/visa-2024/ . АСОЦИЈАЦИЈА ЗА Е-ТРГОВИЈА НА МАКЕДОНИЈА - АЕТМ
Европа, Африка и Јужна Америка сакаат повисоки даноци за најбогатите
Банкометар - пред 1 ден
Група министри од Европа, Јужна Америка и Африка повикаа на повисоки даноци за најбогатите граѓани во светот, предупредувајќи дека даночните обврски треба да бидат сразмерни на потрошувачката моќ. „Во моментов има околу 3.000 милијардери во светот. Данокот би можел да се одреди како минимален данок од два отсто на имотот на супербогатите“, напиша министерката за развој Свења Шулце во напис во германскиот весник „Шпигел“, пренесува Хина. Написот е потпишан од шпанскиот министер за економија Карлос Куерпо, шпанскиот министер за финансии Марија Хесус Монтеро, јужноафриканскиот министер за финансии Енох Годонгвана и бразилскиот министер за економија Фернандо Хадад, а објавен е во британски Гардијан и Шпански Ел Паис. „Не би го платиле милијардерите кои веќе плаќаат соодветен износ на данок на доход. Сепак, сите што ќе успеат да го избегнат данокот на доход би морале да дадат поголем придонес за општото добро“, додаваат министрите. Даночните системи мора да бидат во согласност со принципот на правичност, велат тие. „За да се постигне ова, придонесот на секој поединец мора да биде во согласност со неговата или нејзината способност за плаќање. Поради валидни даночни поволности, најбогатите успеваат да ги намалат даноците на своите приходи на најниско можно ниво“, предупредуваат министрите. На глобално ниво, милијардерите плаќаат даноци на доход со стапка од само 0,5 проценти. Министрите новата даночна ера ја нарекуваат чекор на патот кон поправедно општество. „(Данокот) истовремено би генерирал многу потребни приходи за владите да инвестираат во јавни услуги како што се здравството, животната средина и инфраструктурата“, напишаа тие. „Тоа би било од корист за сите, вклучително и оние кои се на врвот на пирамидата на приходите. Се проценува дека таков данок годишно би можел да генерира дополнителни 250 милијарди долари приход на глобално ниво“
ПОРАЗИТЕЛНО: Приближно 70 отсто од фабриките во Русија се соочуваат со недостиг на работници
Фактор - пред 1 ден
Добивај вести на Viber Русија има потреба од работна сила. Приближно 70 отсто од фабриките во Русија се соочуваат со недостиг на работна сила. Информацијата денеска ја соопшти гувернерката на Банка на Русија, Елвира Набиулина. Таа додаде дека истражувањето е спроведено во околу 15.000 руски фабрики.„На пазарот на трудот влијаат и други долгорочни трендови, особено демографски, додека продуктивноста на трудот заостанува зад растот на платите“, вели Набиулина.Намалувањето на инфлацијата во Русија на посакуваните 4 отсто бара рестриктивната монетарна политика да се одржува подолго од првично планираното. И многу западни земји имаат потреба од работници. фото принтскрин
За скромен живот, потребни се најмалку 60.000 денари месечно
Алсат-М - пред 2 дена
Додека предизборната кампања го привлекува вниманието на граѓаните, трговците во не се двоумат да ја искористат можноста за ново поскапување. Во овој период е забележан благ пораст на некои прехранбени артикли што директно влијае на зголемувањето на месечните трошоци на семејствата. Во месец април потрошувачка кошничка достигна 60.212 денари, соопштија синдикатите. Ако на ова се додадат и трошоците за закуп на стан од 60м2, ќе бидат потребни 1200 евра .„Во споредба со минатиот месец, на едно 4 члено семејство сега му се потребни дополнителни 1.214 денари за покривање на основните трошоци. Според проценките, најмногу пари месечно се трошат за храна и пијалоци или над 22.000 денари”, велат од Сојуз на македонски синдикати .За кирија, вода, струја и парно 6.014 денари или 10%, за облека и обувки 4.866 денари 8,1%, за лична хигиена и одржување на куќа 1.827 денари или 3%, за здравје 1.059 денари или 1,8%, за превоз 5.068 денари, 8. %. На четиричлено семејство во април годинава му требаат 3.004 денари за превоз, 5% од минималната кошничка, за рекреација и култура 4.378 денари или 7,3%, за образование 6.955 денари или 11,6%, за ресторани и хотели 3.890. денари или 6,5%, додека за други стоки и услуги 950 денари, односно 1,6%.Според анализата на ССМ, домаќинствата купуваат само основна храна. Кога купуваат облека, тие секогаш им даваат предност на производите кои имаат попусти. Сите членови на семејството ги користат најпотребните здравствени услуги. Немаат можност да јадат во ресторани, само два пати месечно можат да купат храна од „брза храна“, а во вонсезона одат на одмор во камп во Дојран на 7 дена./Алсат.мкАднан Ќаили
24 Инфо - ново
Слободен Печат - ново
Независен - ново
Макфакс - пред 16 минути
Опсервер - пред 16 минути
Република - пред 16 минути
Денешен - пред 16 минути
Канал 5 - пред 19 минути
Нетпрес - пред 19 минути
Либертас - пред 20 минути