ЕВН Македонија, известува дека поради планирани зафати на електродистрибутивната мрежа денеска без напојување со електрична енергија ќе останат: – Од 09:00 до 13:00 часот, корисниците од улицата Славејко Арсов (кај Вју Ин Хотел) во општина Центар и – Од 09:00 до 12:00 часот, дел од корисниците на улицата Ловќенска 1, 2 , 3 и 9 во општина Карпош. Tweet ©Makfax.com.mk Доколку преземете содржина од оваа страница, во целост сте се согласиле со нејзините Услови за користење. Поврзани Артикли:без струјатоп-тема Претходно Дел од неколку општини без вода Би можело да ве интересира и... Без струја делови од општините Аеродром и Карпош Дел од општината Сопиште денеска без струја Дел од општина Зелениково денеска без струја Без струја делови од општините Илинден и Шуто Оризари Без струја дел од општините Гази Баба, Сарај и Ѓорче Петров Дел од неколку скопски населби без струја

Времето денеска ќе биде променливо облачно, во западните делови од утрото со повремен дожд. Во текот на денот врнежите ќе се прошират во поголемиот дел од земјата – ќе бидат пообилни во западните и во северозападните делови, а ќе продолжат и преку ноќта.Ќе дува засилен до силен јужен ветер, наместа над 70 километри на час. Минималната температура ќе биде во интервал од 1 до 8, а максималната ќе достигне од 12 до 17 степени.Во Скопје ќе биде променливо облачно, од пладневните часови со повремени врнежи од дожд кои ќе продолжат и преку ноќта. Ќе дува повремено засилен јужен ветер. Минималната температура ќе се спушти до 2, а максималната ќе достигне 16 степени.Според прогнозата на УХМР, од денеска до сабота под влијание на влажни воздушни бранови времето ќе биде променливо облачно со повремени врнежи од дожд.Во текот на ноќта кон четврток ќе има пообилни врнежи од дожд, а во петок и до сабота во пладневните часови врнежите повторно ќе бидат пообилни (и над 25 литри на квадратен метар) и ќе преминат во снег понекаде и на пониските места. На планините и на повисоките места во западните и северните делови ќе се формира снежна покривка. До сабота ќе дува засилен до силен ветер, и над 70 километри на час, соопшти УХМР.Државни објекти седум години БИЛЕ ОСТАВЕНИ БЕЗ ИМОТНИ ЛИСТОВИ И НЕ СЕ ОДРЖУВАЛЕРејтингот на Мицкоски е ДЕСЕТ ПАТИ ПОГОЛЕМ од рејтингот на Филипче

Северна Кореја и Русија потпишаа протокол за соработка

Утре е тежок е празник, кој со црвени букви е запишан во црковниот календар и секогаш се празнува на 21 ноември. Тој е спомен на еден од ангелите кои според традицијата им се спротивставиле на силите на злото со војска од сите ангели. Свети Михаил Архангел, симбол на борбата против злото и небесна сила која ги прифаќа душите на мртвите мерејќи ги нивните добри и лоши дела, е прикажан на иконите и фреските како небесен воин во воена опрема, со меч, копје и зол дух кој, врзан со синџири, лежи под неговите со нозете. Денеска потрудете се да избегнете непријатни средби, кавги и места кои не ви се допаѓаат. Замолете го да ве заштити од зли луѓе, негативна енергија и да ни даде мир и сила. На денот на празникот задолжително одете во црква и запалете свеќа. Молете се на вашиот ангел и замолете го да ви ја исполни вашата најдлабока и најважна желба. Отворете ја душата и срцето, споделете радости и таги и конечно заблагодарете се. Ден по славата, која е една од најголемите меѓу Македонците, замолете го Архангел Михаил да ви помогне со тешкотиите на работа. Без разлика дали е желбата за поголема плата, подобра позиција или друга работа. Постои традиција според која, како награда од Бога, на архангел Михаил му била дадена можност двапати годишно да се спушта во пеколот и да ги ослободи душите на грешниците, нудејќи им одмор во небесното царство. На ангелот треба да се шират добри мисли, а единственото нешто што не смеете да го правите е да ги оттргнете сиромашните и слабите од себе. Тоа ќе го казни ангелот кој е секогаш со верниците. Едно народно верување вели дека според временските услови на овој ден можете да одредите која ќе биде годината. Дали Аранѓеловден ќе се слави со посен или мрсен оброк зависи од тоа во кој ден се паѓа. Ако падне во среда или петок, тогаш треба да биде пост, а житото е задолжително. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Состојбата во град Скопје е алармантна. Градските улици се гушат во смет, градскиот превоз не функционира, а градот е оставен без основните услуги што ги заслужуваат граѓаните. Градот реално се наоѓа во криза и побарав од советничката група на СДСМ да иницира итна седница на Советот на Град Скопје, најави претседателот на СДСМ, д-р Венко Филипче. Добивај вести на вибер -Ги повикувам сите советници, без разлика на партиската припадност, да застанат зад ова барање и да се одржи оваа седница во најкус рок. На седницата ќе предложиме конкретни мерки кои верувам дека заеднички ќе ги поддржат сите советници и конечно да им се излезе во пресрет на граѓаните. Потребно е обединување заради интересите на скопјани, вели Филипче. Доколку и овој обид за заедничка акција биде опструиран, ќе го преиспитаме нашето учество во Советот, бидејќи нема да бидеме параван за лошите политики што го уништуваат нашиот град, предупредува Филипче. -Искрено се надевам дека ќе наидеме на разбирање кај останатите партии и советници. Скопје не заслужува ваква негрижа и хаос. Со оваа иницијатива, СДСМ јасно покажува дека стои на страната на граѓаните, кои секојдневно се соочуваат со последиците од неработењето на градската администрација, наведува претседателот на СДСМ, Венко Филипче.

Градоначалникот на општина Шуто Оризари, Курто Дудуш, за во петок (22 ноември) најави протест пред зградата на Град Скопје од 13.30 часот. Причина за протестот е влошената состојба со јавниот превоз, кој предизвикува огромни проблеми на граѓаните.– Секојдневно се соочуваме со истиот проблем – луѓето чекаат со часови на автобуските станици. Не можеме да дозволиме нашите деца, жени и старци да трпат на овие минусни температури, по два до три часа чекајќи автобус, кој можеби ќе дојде, а можеби и не – изјави Дудуш во видео обраќање на неговиот профил на Фејсбук.Тој додаде дека протестот ќе биде мирен и ги повика сите граѓани, без разлика на етничката припадност, да се приклучат, бидејќи проблемот со јавниот превоз го засега целиот град.– Ова не е проблем само на Шуто Оризари. Ова е проблем кој ги засега сите граѓани на Скопје – потенцираше Дудуш.Градоначалникот изрази надеж дека протестот ќе поттикне реакција од надлежните институции и ќе се преземат мерки за подобрување на јавниот превоз во главниот град.Жителите на Шуто Оризари се соочуваат со огромни предизвици поради недостигот од јавен превоз, особено во последниве студени недели. Неможноста да се стигне навреме на работа, на училиште или на лекар ги принудува граѓаните да бараат алтернативни решенија, како делење трошоци за такси, што значително го оптоварува нивниот буџет.Прво јавување на Заев по журката во Дубаи со ФилипчеВМРО-ДПМНЕ: СДС е против покачувањето на платите на вработените во здравството

<span lang="MK" style="mso-ansi-language:MK">Пруга кон Бугарија е во интерес за Македонија, но со изградба ќе продолжиме откако ќе се ревидираат сите недостатоци со посредство на Европската Унија, истакна вицепремиерот и министер за транспорт и врски Александар Николоски синоќа во емисијата Топ Тема на ТВ Телма.</span><span lang="MK" style="mso-ansi-language:MK">Николоски посочи дека проектот има три главни недостатоци меѓу кои цената, изводливоста и тунелското решение.</span><span lang="MK" style="mso-ansi-language:MK">Во однос на цената договорена e ревизија помеѓу македонската страна, бугарската страна и Европската Унија. Да видиме како се дошло до овие суми и кој тие суми така ги предвидувал. Многу е добро што во ревизијата ќе учествува и Европската Унија и тие ќе видат многу работи и ќе ги извадиме сите работи во јавноста. Друга работа, кај се видело тунел да се гради до половина? Да,ќе градиме пруга кон Бугарија, но не по овој проект. Македонија е единствена во моментов која има активности на коридорот 8 во железничкиот сообраќај, рече Николоски.</span><span lang="MK" style="mso-ansi-language:MK">Појасни дека компанијата која го има проектирано третиот дел од пругата кон Бугарија е истата компанија која не ја заврши штипската болница и со која што сега Македонија е на арбитража.</span><span lang="MK" style="mso-ansi-language:MK">Затоа е многу добро што од Европската Унија се согласија да се прави ревизија на цената и на проектот, кажа Николоски.</span><span lang="MK" style="mso-ansi-language:MK">Во однос на прашањето зошто во бугарска страна нема активности на проектот за изградба на пругата, министерот потенцира дека Бугарија работи на алтернатива на коридорот 10 и поставување на Македонија во незавидна положба.</span><span lang="MK" style="mso-ansi-language:MK">Бугарија има приоритет да работи на алтернатива на коридорот 10 и тоа е најголемата битка која што се случува позади сцената во моментов бидејќи коридор 10 во Јужна Европа е најисплатлив коридор. Бугарија прави огромни притисоци да изработи алтернатива на коридор 10, односно од Ниш, наместо пругата да се спушта надолу кон Скопје и кон Солун, истата да оди источно кон Босилеград, а потоа по реката Струма да се спушта низ Бугарија и после тоа да се поврзува со Солун. Тоа е битката што позади завесата се случува во моментов. Доколку оваа битка се реализира, Македонија ќе стане слепо црево на Балканот. И затоа се нервозни, затоа што ние им ја разбиваме таа стратегија, со тоа што ставаме фокус на коридор кој што е економски најисплатлив и кој што најприроден, во исто време го градиме и коридор 8, истакна министерот Николоски.</span>Вработените од „ЈП Улици и патишта – Скопје“ најавуваат ШТРАЈКБујар му се налути на Курти кој рече дека АЛБАНСКИОТ ЈАЗИК НЕ Е ЗАГРОЗЕН ВО МАКЕДОНИЈА

Уставниот суд на денешната седница донел одлука да поведе постапка за оценување на уставноста на Законот за данок за солидарност. Судот изрази сомнеж дека оспорениот Закон ја повредува темелната вредност владеење на правото уредена со членот 8 став 1 алинеја 3 од Уставот и фундаменталните принципи на кои почива, како што е правната сигурност на субјектите во нивната правна положба, правната предвидливост и правната извесност во легитимните очекувања на субјектите во правото. Добивај вести на вибер Според дискусијата и аргументите во оваа насока со донесувањето на Законот нарушена е правната сигурност на компаниите кои оствариле профит над 615 000 000 денари во 2022 година, со тоа што во септември 2023 година е донесен закон кој им наложува задолжителен вонреден данок на солидарност на веќе одданочениот профит од претходната година. Во расправата уставните судии изразија сомнеж дека станува збор за Закон кој произведува повратно дејство, што е во спротивност со членот 52 од Уставот. Судот го имаше во предвид фактот дека ретроактивноста и нејзиниот исклучок е дозволен само кога станува збор за тековни постапки, но во случајот засегнатите субјекти ги окончале односите со плаќањето на данок во 2022 година. Судот во оваа фаза оценува дека со донесувањето на таков вид на данок, компаниите се ставени во нееднаква положба и дека Законодавецот направил упад во уставно загарантирано право на сопственост,како и упад во слободата на пазарот и претприемништвото. Иако Законодавецот во јавноста презентирал дека спорниот Закон се носи за да се усогласи со Регулатива 2022 на ЕУ, Уставниот суд, изразува сомнеж дали станува збор за усогласување, бидејќи ЕУ регулативата се однесува на вонредно одданочување на компании од енергетскиот сектор, кои оствариле значително зголемен приход како резултат на кризата, што не може да се спореди со субјектите кои се опфатени во Законот за данок на солидарност во Република Северна Македонија, бидејќи во законското уредување е предвиден критериум, а тоа е 615 000 000 денари, без оглед на тоа со каква дејност тој профит бил остварен. Кога станува збор за аргументот на солидарноста, Законодавецот напоменува дека овој данок се плаќа во услови на непредвидлкиви и неповолни економски околности и е заснован на принципите на правичност, еднаквост и пропорционалност, според кој секој е должен да учествува во намирувањето на јавните расходи, согласно своите економски можности. Во расправата одредени уставни судии изразија сомнеж во овие аргументи на Законодавецот, со оглед на фактот дека суштината на солидарноста е да се подели товарот од сите, пропорционално, правично, а не селективно само на одредени субјекти, што може да води кон дискриминација. Во расправата беше посочено дека законодавецот не ја почитувал и уставната обврска за vacatio legis, односно пропуштил да даде аргументи и образложение за исклучокот од овој уставен принцип кој го применил во конкретниот закон. На ова Решение за поведување на постапка, судијата Добрила Кацарска најави издвоено мислење. По одржување на седницата, претседателот на Судот Дарко Костадиновски одржа брифинг со новинарите, на којшто истакна дека сега следува втората фаза на постапката, испитување на уставноста. -На следната седница треба да го утврдиме нацртот на решението кое го донесовме денеска и потоа се обраќаме до доносителите на Законот за да дадат свое мислење. Што се однесува до одлуката, се знае кои се можностите и тие се утврдени со нашиот Акт, Судот може да укине, да поништи акт или во специфични ситуации да ја запре постапката. Не би сакал и неможам да прејудицирам ништо, сепак станува збор за одлука која ќе ја носат сите судии, рече тој. На прашањето која опција е поверојатна, дали укинување или поништување и кои ќе бидат ефектите, Костадиновски кажа дека кога станува збор за укинување, значи дека во иднина не може да да се примени ниту донесе идентичен закон, додека поништувањето подразбира да се поништат последиците кои настанале од укинатиот закон, односно поништувачката одлука значи како таков закон да не ни постоел. На прашањето кога би можело да се очекува одлука, претседателот Костадиновски објаснувајќи ги процедурите во постапката изрази мислење дека тоа би можело да биде на почетокот на следната година.

Министерството за одбрана ќе ги награди сите припадници на Армијата кои што беа вклучени во гаснењето на пожарите, рече пратеникот од ВМРО-ДПМНЕ, Бојан Стојаноски денес во Собранието на амандманската расправа за предлог буџетот за 2025 година во Комисијата за финансирање и буџет. Стојаноски исто така најави дека сите припадници на Министерството за внатрешни работи ќе добијат покачување на платите, и ги истакна средствата кои се предвидени во буџетот за 2025 година. „Од буџетот кои што доаѓа пред нас и за кои што ќе го изгласаме за 2025 година, тоа покачување најверојатно ќе биде од минимум 10%. За модернизација во Министерството за одбрана предвидени се 380% повеќе, за интеграција во НАТО 13% повеќе, за други градежни објекти 177% повеќе, за разни трансфери 157% повеќе што значи дека овој буџет од аспектот на Министерството за одбрана ќе биде историски највисок и за 20% повеќе од тој што е во 2024 година“ рече Стојаноски. Тој нагласи дека буџетот за 2025 година од аспект на Министерството за внатрешни работи буџетот за плати ќе биде повисок за 24,3% повеќе. „За реформи во полицијата за 240% повеќе поради тоа што сакаме да направиме една ефикасна полициска управа која што ќе одговара на потребите на граѓаните, основни плати за стоки и услуги во полиција за 42% повеќе, бидејќи патни и дневни расходи ќе се зголемат, комунални услуги, материјали и тековно одржување“ објасни Стојаноски. Tweet ©Makfax.com.mk Доколку преземете содржина од оваа страница, во целост сте се согласиле со нејзините Услови за користење. Поврзани Артикли:бојан стојаноски Следно ВМРО-ДПМНЕ го одби амандманот за финансиски средства за бранителите, велат од СДСМ Претходно Град Скопје: ВМРО-ДПМНЕ креира криза во ЈСП за гориво, тендерот поништен како смислено сценарио Би можело да ве интересира и... (Видео) Стојаноски: Контролите констатирале голем број нерегуларности при јавни набавки на многу клиники и здравствени домови, одговорност ќе има Стојаноски: Пропаднаа сите обиди на СДСМ да спречи финансирање капитални проекти во општините во Македонија ВМРО-ДПМНЕ ја повика Владата да ја ревидира листата на производи со зголемено ДДВ Стојаноски: Нема да поддржиме одлука за прераспределба на средства, која значи повеќе пари за тендери во четири очи, криминал и корупција Распуштање на Собранието веднаш по петочното гласање за уставните измени без мнозинство, бара пратеникот Стојаноски Се бара пленарна седница да се види дали има 80 пратеници за уставни измени, па да се распушти Собранието

На денешна Комисија за финансии и буџет на амандманската расправа за Предлог-буџетот за 2025, реплика даде и пратеникот од ВМРО-ДПМНЕ, Бране Петрушевски. Петрушевски изрази доза скептицизам кон амандманите, укажувајќи дека кога ваков предлог доаѓа од поранешен носител на функцијата вицепремиер за економски прашања. ,,Ако овој амандман беше предложен од лице кое не било вицепремиер за економски прашања, тогаш неговите намери и аргументи ќе беа искрени и реални. Колку домашни компании досега имаа можност да воведат нови технолошки решенија и да ја зголемат својата конкурентност на пазарот?“, кажа Петрушевски. Петрушевски додаде, дека ова е клучен фактор за одржлив економски раст, а уште повеќе се истакнува бидејќи таквата практика не е новитет, туку функционира веќе со децении во Македонија. „И мене ме интересира, заради кредибилитетот на поднесувачите на овој амандман, да добијам одговор: Кои беа ефектите од средствата кои досега како држава ги инвестираме, а кои се буџетски средства на граѓаните на Република Македонија? Обврзани сме за нивно рационално трошење,“ изјави Петрушевски. Петрушевски се осврна и на контролата на средствата кои се насочуваат кон Фондот за иновации и технолошки развој. „Неизбежно е да се постави прашањето како поранешниот вицепремиер за економски прашања дозволил да нема соодветен начин на контрола врз трошењето на тие средства, за да дојдеме до ситуација, според ревизорски извештај, преку 60, не шест, туку преку 60 проекти или 3,2 милиони евра буџетски средства да завршат на фиктивни и непостоечки проекти“, истакна Петрушевски. Петрушевски потсети дека задачата на вицепремиерот за економски прашања не е само да организира прес-конференции и да се фали колку средства се обезбедени, туку да обезбеди контролирање на нивното трошење и следење на ефектите од тие инвестиции. „Колку домашни компании имале можност да воведат нови технолошки решенија? Затоа што е клучен фактор за економскиот раст. А сите знаеме колкав беше економскиот раст во изминатиот период“, заклучи Петрушевски. Tweet ©Makfax.com.mk Доколку преземете содржина од оваа страница, во целост сте се согласиле со нејзините Услови за користење. Поврзани Артикли: Следно (Видео) Заглавен сообраќајот во Скопје, автобуси нема, Брзата помош не можеше да се пробие на Бит Пазар Претходно ВМРО-ДПМНЕ го одби амандманот за финансиски средства за бранителите, велат од СДСМ Би можело да ве интересира и...

„Ве молам во делот на Фонд за иновации и технолошки развој да не ми зборувате за криминали. 3 милиони евра најден криминал во ФИТР, 3 милиони евра најдени проекти коишто сте финансирале со државна помош со пари на граѓаните. За различни видови на вкусна вода, за не знам различни летачки магариња, за рецепт за пица, за хулахопки, за концепт на кафе, за фирми блиски до еден град до вашиот поранешен лидер итн. “ , говореше пратеничката на ВМРО-ДПМНЕ Драгана Бојковска на денешната Комисија за финансии и буџет на амандманската расправа за Предлог-буџетот за 2025 година. Бојковска јасно даде до знаење дека во делот на ФИТР ќе следува детална ревизија. Напомена дека Битиќи и самиот знае што се случувало по однос на финансирање на проекти, но посочи дека ќе остави институциите детално да го решат овој случај. „Се согласувам дека во наредниов период институциите ќе имаат многу работа. Така да во делот на ФИТР знаете и многу повеќе и детално што всушност е финансирано таму и надлежните ќе ги отворат овие информации“ , децидна беше Бојковска.

Најгорливо прашање како да се намали трендот на иселување на младите од државата. Јас би тргнал од демографската политика. Демографијата како целина значи голем проблем кој треба да го решаваме, важно е да се воспостави систем на мерки кои ќе значат прво забавување на темпото на ваквата демографија која ја имаме за жал во моментов. Не само Македонија тоа е слика и на Балканот и во Европа, доколку ги погледнеме статистиките“ , изјави заменик министерот за социјална политика, демографија и млади Ѓоко Велковски на вечерашното гостување на поткастот „ВМРО ДПМНЕ Зборува“. Велковски додаде дека со низа на мерки и активности може да се подобри ситуацијата. Дополнително истакна дека станува збор за прашање кое со заеднички напор со останатите чинители ќе се направи намалување на трендот на иселување на младите од државата. „Меѓутоа со сет на мерки и активности сметам дека може да тргнеме кон подобрување на ваквата ситуација. Ако не се превземат сет на мерки нема да зборуваме за детски градинки, ќе зборуваме претпоставувам за домови за стари лица доколку не превземеме одредени чекори. Затоа сме исправени пред предизвикот да ова прашање го отвориме, го разговараме од сите сфери, заедно со останатите министерства која треба дадат предлози и решенија. Заеднички ќе се вложиме како држава со сет на мерки кои се предвидени во програмата“, дециден беше Велковски. Велковски посочи дека младите не заминуваат од државата заради потребата од средства, туку дека системот е главниот виновник. Истакна дека младите сакаат ред и вреднување на нивниот глас од страна на државата. „Како би ги спречиле младите да не заминуваат од нашата држава? Младите од Македонија не заминуваат заради средства, заминуваат затоа што во државава немаше систем, немаше квалитет на живот. Не сакаат да чекаат за пасош еден месец, младите сакаат систем, ако е законски 15 дена за тоа време и да го добијат документот. Таква е динамиката на животот, младите сакаат ред и мислам дека од главните причини што заминуваат во светот е затоа што има систем се почитува нивниот глас“, додаде Велковски. Велковски ја истакна потребата од градење на систем кој ќе им овозможи на младите да имаат доверба во државата. Да се изгради функционален систем кој младите ќе го препознаат и ќе им даде сигурност да се градат и развиваат во нашата држава. „Треба да го промениме тоа, ќе се направи систем каде ќе се почитуваат сите работи, системот да опстои. Мора да градиме држава на систем, само така Македонија ќе ја видиме успешна и подобра а младите ќе го препознаат тоа и ќе бидат дел од нашата држава“, заклучи Велковски.

Игор Ѓоргоски е нов началник на униформираната полиција во СВР Велес, информира попладне портпаролот на велешката полиција, Биљана Ѓаковска. Тој доаѓа на местото на Енис Тутуќ, досегашен началник на униформираната полиција во СВР Велес. Ѓоргоски својата кариера ја започнал во Армијата во 2001 година како професионален војник во 3-тиот баталјон на ВВ и ПВО, каде во 2003 година се стекнал со чин водник-командир на ракетно одделение Стрела 10 М-заменик командир на вод. Во 2005 година со преземање од АРМ во МВР бил распореден како полицаец во ПС за ОДГ Богородица, а од 2012 година бил распореден во СВР Велес, ПС ОН Велес како дежурен и извршувал работни задачи како лице за прифат-сменоводител. Во 2014 година кариерата ја продолжил како виш инспектор во оддел за сузбивање на организиран и сериозен криминал до крајот на 2015 година кога бил распореден на работно место заменик командир во ПС ОН Велес.Од 2019 година е заменик командир во ПС за БПС при СВР Велес, од каде сега ја превзема фунцијата началник на одделение на полиција при СВР Велес

Поранешната македонска министерка за одбрана, Радмила Шеќеринска, денеска во Брисел беше избрана за Заменик генерален секретар на НАТО. Ќе му биде заменичка на Марк Руте, кој од пред неколку месеци е на чело на Алијансата.Информацијата ја потврди и НАТО со објава од Генералниот секретар Руте на официјалниот <a href="https://www.nato.int/cps/en/natohq/news_230683.htm">сајт</a> на Алијансата:„Среќен сум што можам да го објавам именувањето на Радмила Шекеринска за следен заменик генерален секретар. Таа е вистински верник во НАТО, ја знае работата што е потребна за да се приклучи на Алијансата и што значи да се биде полноправна членка. Со нетрпение очекувам да работам со неа додека ја презема оваа витална улога“.Шеќеринска претходно беше вицепремиер за европски интеграции и министер за одбрана на Северна Македонија, вклучително и пред влезот на земјата во НАТО Алијансата во 2020 година. Таа ќе ја преземе својата функција до крајот на годината.Почина пешак на патот Штип – Кадрифаково, го прегазил штипјанец со „фолксваген поло“Министерката најави, ЌЕ СЕ ЗАТВОРААТ ИНСТИТУТИ, не почитуваат закон и не исполнуваат услови

Основниот кривичен суд Скопје, денска ја објави пресудата за предметот против 13 лица обвинети за кривичните дела Трговија со малолетно дете од чл. 418 – г, Силување од чл. 186 ст.2 и Прикажување порнографски материјали на малолетник од чл. 193 ст.3 од КЗ., при што сите 13 обвинети, судот ги огласи за виновни за кривичните дела кои им се ставаат на товар, а имајќи ги предвид сите олеснителни и отежителни околности ги осуди на казни затвор и тоа: Добивај вести на вибер С.Д. на казна затвор од 5 години и 6 месеци, Д.С., и Д.Н. на казна затвор од 4 години и 6 месеци, Т.И., С.Н. на казна затвор од 4 години, А.Ф., Б.Ф., А.З., Т.Л., Р.В., на казна затвор од 1 години 6 месеци, К.Т., на казна затвор од 1 година и 3 месеци, а обвинетиот Б.К. му изрече Условна осуда од 2 години затвор која нема да се реализира доколку следните 5 години не стори ново кривично дела како мерка заштитен надзор. Осудените се задолжуваат и да ги надоместат судските трошоци за постапката како и трошоците за застапување на обвинетата. Воедно судот на првите 5 осудени лица им определи мерка куќен притвор до правосилноста на постапката. „Како што беше кажано и за време на изреката на пресудата: Станува збор за кривично – правена постапка кој во текот на главната расправа, по предлог на Јавниот обвинител, но и заради одредбите од ЗКП, со оглед да оштетената во периодот на сторување на кривичното дело била малолетна, беше затворена за јавноста. Но, согласно добиените решенија од Врховниот суд на РСМ со кои на претставници на медиумите им беше дозволено снимање и фотографирање на расправа, како и заложбите на Кривичниот суд за поголема отвореност и транспарентност на постапките, а притоа имајќи го предвид и јавниот интерес за конкретниот предмет, денешната објава на пресудата беше отворена за јавноста во делот на изреката и беше дозволено снимање и покрај своеволната одлука на дел од обвинетите да ја напуштат судницата за време на снимањето. Додека пак при објава на диспозитивот на пресудата, јавноста беше исклучена пред се заради заштита на податоците за жртвата, а имајќи ја предвид и судската праска на Европскиот суд за човекови права“, соопштија од судот.

© Vecer.mk, правата за текстот се на редакцијатаЈАВНИОТ ПРЕВОЗ ВО КОЛАПС: Нема нафта од „Пуцко Петрол“ за ЈСП „Скопје“ поради голем долгГерманија со донација за македонските специјалци

Надворешната канцеларија за криминалистички работи Делчево до Основното јавно обвинителство Кочани, поднела кривична пријава против правно лице – рудник од Македонска Каменица и против К.Б.К.(57) од Велика Британија, со дозвола за привремен престој во Македонска Каменица, одговорно лице во правното лице, поради постоење основи на сомнение за сторени кривични дела „загадување на животната средина и природа“ по член 218 и „загадување на добиточна храна и вода“ по член 223 од Кривичниот законик. Добивај вести на вибер Во периодот од 01.08.2024 до 04.08.2024, соопштија денеска од МВР, при процесот на флотација, од правното лице во река Каменичка, која се влева во акумулацијата Калиманци, испуштени се отпадни води, односно тешки метали (цинк, олово, кадмиум и жива) во двојно поголеми количини од дозволените, со што на подолг рок предизвикале опасност по животинскиот и растителниот свет во Каменичка река и акумулацијата Калиманци. – Од правното лице, истиот период во Каменичка река и езерото Калиманци е испуштен и акутен токсин цијанид, од чие присуство во езерото Калиманци е предизвикано акутно труење на рибите. Со вештачење со наод и мислење на Институтот за сточарство и рибарство, а врз основа на извештаи од лабараториско испитување на примероци вода од лабараторија е констатирано присуство на штетни и опасни материи во водата- тешки метали, а констатирано е и присуство на акутен токсин цијанид во смртоносна доза, а кој е причинител на труењето на рибите, појаснуваат во соопштението од МВР.

Градоначалникот на Општина Центар Горан Герасимовски истакна дека е потребна стратегија на ниво на Град Скопје кадешто ќе се вклучи градот и сите општини во решавање на проблемот со загадувањето во Скопје. Герасимовски потенцира дека се поставени филтри за прочистување на воздух скоро во сите основни училишта на територија на Општина Центар и со самите градинки. „Дополнително, во градинките се поставени НАНО филтри на прозорците за прочистување на воздухот и планираме во текот на следната година да започнеме поставување филтри на прозорците и во самите училишта. Покрај садење на зеленило, покрај поставување на филтери за прочистување и надворешно прочистување на воздух, бараме начин да преку субвенции на тротинети и велосипеди ги менуваме навики за што поголем број на луѓе помалку ги користат возилата како превозно средство“, вели Герасимовски. Тој изјави дека градскиот превоз не ни е на задоволнително ниво коешто дополнително прави проблем и со загадување, но и со сообраќаен хаос низ општината и општините во градот. „Бараме начин како општина да се справуваме со овој проблем. Имаме одреден план и стратегија што ги спроведуваме, но важно е да се вклучат сите општини заедно за решавање на овој заеднички проблем со загадувањето“, посочува Герасимовски. Tweet ©Makfax.com.mk Доколку преземете содржина од оваа страница, во целост сте се согласиле со нејзините Услови за користење. Поврзани Артикли:герасимовскиОпштина Центар Следно Курто Дудуш организира протест поради хаосот со градскиот превоз: Да и пренесеме порака на градоначалничката Претходно Без струја делови од општините Аеродром и Карпош Би можело да ве интересира и... Деца искршиле багер во Капиштец, градоначалникот Герасимовски бара полиција на терен Герасимовски: Во сите училници поставивме прочистувачи за воздух, мора да се реши проблемот со загадувањето Герасимовски: Центар е лидер во енергетска трансформација Еднократна парична помош, 2.500 денари за пензионерите во социјален ризик и примателите на социјална помош, најави Герасимовски Герасимовски: Се поклонуваме пред нашите борци, младите да го негуваат слободарско Скопје Герасимовски: Наградени три идејни решенија за новата општинска зграда на Општина Центар

Министерот за надворешни работи и надворешна трговија на Република Северна Македонија, Тимчо Муцунски, денеска учествуваше на состанокот на министрите за надворешни работи на Централноевропската иницијатива (ЦЕИ) во Тирана, кој се одржа во рамките на албанското претседавање со иницијативата.Фокусот на состанокот беше ставен на проширувањето на Европската Унија во светло на новите геополитички околности и руската агресија врз Украина, чии последици се рефлектираат како на регионалната, така и на глобалната безбедност и стабилност, соопшти МНРиНД.Министрите ја потврдија улогата на ЦЕИ како важна платформа за ефективно решавање на регионалните предизвици и зајакнување на соработката во областите од заемен интерес.Муцунски во обраќањето нагласи дека регионалната соработка е клучен модел за поттикнување на процесот на европска интеграција, кој е од суштинско значење за поддршка на мирот, безбедноста и економскиот развој на континентот. Тој истакна дека одложувањето на процесот на проширување може сериозно да го наруши кредибилитетот на Европската Унија во регионот.– Стравот од уште еден потенцијално долг и непредвидлив процес само дополнително ја зголемува фрустрацијата кај нашите граѓани. Со многу непознати околу обемот и времето на претстојните пристапувања, секое понатамошно одложување би имало катастрофално влијание врз кредибилитетот на ЕУ во регионот, потенцира министерот Муцунски.Министерот се осврна и на улогата на ЦЕИ, важноста на регионалната соработка, силното партнерство во рамките на НАТО Алијансата и поддршката за Украина.– Целосно сме посветени на интензивирање на соработката, не само на меѓувладино и парламентарно ниво, туку и помеѓу нашите невладини организации, младите, научните институции, деловните заедници и локалните власти, додаде Муцунски, акцентирајќи ја потребата од заеднички напори за натамошно зајакнување на соработката во рамките на ЦЕИ.ЈАВНИОТ ПРЕВОЗ ВО КОЛАПС: Нема нафта од „Пуцко Петрол“ за ЈСП „Скопје“ поради голем долгГерманија со донација за македонските специјалци

Министерството за образование и наука досега има направено ревизија на 15 институти, а во моментов се прави ревизија на уште пет, информира денеска министерката за образование и наука Весна Јаневска при посетата на Гимназијата „Славчо Стојменски“ во Штип. Добивај вести на вибер -Има дополнително два, за кои деновиве треба да заврши процедурата, и да бидат затворени. На десетина институти им дадовме рок од три месеци да ги поправат нерегуларностите, коишто се најдени. Но, според извештаите кои ги читав многу малку од нив ќе можат да го направат тоа. За жал морам да кажам дека веројатно следи затварање и на поголем број на институти, кои се нефукционални, не го почитуваат законот, односно не ги исполнуваат условите, изјави Јаневска. Таа мисли дека е добро за високото образование и науката во земјава конечно да се воведе ред, а секој, како што вели Јаневска, којшто исполнува услови ќе функционира „како што и многу пати сум рекла, секој кој не работи по Закон нема и да функционира“.

Заедничката соработка и партнерство продолжуваат и во иднина. Денес во полицискиот центар во Ѓорче Петров остварив работна средба со германскиот амбасадор, Н.Е. Петра Дрекслер и претставник од германската интервентна полиција на која беше предадена вредна донација за потребите на интервентната полиција, напиша на Фејсбук министерот за внатрешни работи, Панче Тошковски.Вкупната донација која се состои од 120 сетови „анти траума“ за одржување на јавен ред и мир во прва фаза и поддршка за специјализирани возила за ЈРМ, дополнителна опрема и обуки во втора фаза значително ќе го зајакнат капацитетот на оперативното функционирање на оваа единица и ќе придонесе кон зголемување на безбедноста на жителите на главниот град. На средбата го разгледавме и планот за обуки за следната година кои оваа единица ги изведува со поддршка на германската амбасада со цел зголемување на својот оперативен капацитет. Уште еднаш изразувам голема благодарност и силна подготвеност до нашите големи германски пријатели и подготвеност за понатамошна соработка, поддршка и продлабочување на заедничките односи со цел надградување на капацитетите на министерството за внатрешни работи, истакна Тошковски.ЈАВНИОТ ПРЕВОЗ ВО КОЛАПС: Нема нафта од „Пуцко Петрол“ за ЈСП „Скопје“ поради голем долгМуцунски на состанок на ЦЕИ: Фокус на ЕУ проширувањето, регионалната соработка и поддршката за Украина

Општина Ѓорче Петров е една од двете скопски општини вклучени во пилот проект на Македонскиот олимписки комитет (МОК) за поддршка на училишниот спорт. Во рамки на оваа иницијатива, МОК донирше спортска опрема на училиштата со цел да ги поттикне младите кон физичка активност и здрав живот. Со новата опрема, учениците ќе можат да учествуваат и да уживаат во различни спортски активности, како фудбал, кошарка, ракомет и одбојка, во значително подобрени услови. Оваа иницијатива е насочена кон поттикнување на младите да ги развиваат своите спортски таленти и да создаваат здрави навики. На настанот, кој се одржа во соработка со МОК, беше организирана и обука за наставниците по физичко образование со цел унапредување на наставните спортски активности. Дополнително, планирано е одржување централен спортски настан за наставниците и учениците, што ќе ја зацврсти оваа плодна соработка. „Оваа донација е само почеток на серија активности со кои сакаме да го подигнеме нивото на спортот и физичката активност во општината. Младите се нашата иднина, а нивниот развој и здравје се наш врвен приоритет. Можеби следниот олимпиец ќе потекнува токму од Ѓорче Петров!“ – изјави градоначалникот Александар Стојкоски. Покрај донациите, проектот опфаќа и едукативни активности за наставниците, со цел унапредување на спортските програми и организација на заеднички спортски настани.

Институционалното насилство врз трансродовите лица во Северна Македонија, останува сериозен проблем, особено во здравствениот систем, образованието и полицијата. Според извештај на Коалиција МАРГИНИ, трансродовите лица се соочуваат со значително насилство и дискриминација, што доведува до сериозни нарушувања на нивните права, здравје и безбедност. Со оваа состојба денеска се одбележува Меѓународниот ден на сеќавање на трансродовите луѓе, ден посветен на оддавање почит кон трансродовите и родово различните луѓе чии животи се одземени поради анти-транс насилство предизвикано од трансфобија и говор на омраза. Најмногу случаи на насилство, според извештајот на МАРГИНИ, се пријавени во здравствениот сектор, каде што од 93 регистрирани инстанци на насилство, 51 случај бил мотивиран од родовиот идентитет. Образованието се извојува како втора област во која има најголемо присуство на насилни однесување. Извештајот укажува дека трансродовите ученици се соочуваат со екстремни форми на насилство кои ги опфаќаат физичките напади, постојаното малтретирање и дискриминацијата од страна на врсниците и наставниот кадар што создава средина на постојан страв и изолација. Како што соопштуваат од ТрансФормА – Иницијатива за заштита и унапредување на правата на трансродовите лица во Република Северна Македонија, дополнително, иако видливоста и свесноста за трансродовите луѓе растат, насилството кон нив е во пораст. Според последниот извештај на проектот Trans Murder Monitoring (TMM), од октомври 2022 до септември 2023 година се регистрирани најмалку 350 убиства на трансродови и родово различни луѓе глобално. Од почетокот на мониторингот во 2008 година до сега, документирани се над 5.000 убиства. Годишниот број е трет највисок досега. За алармантната тенденција на пораст, заедничката изјава на TGEU, во соработка со GATE, ILGA World, APTN, IGLYO и ESWA, истакнува дека ова е последица на координираните напори на антиродовите движења и движењата против правата, кои ги инструментализираат и демонизираат транс лицата за да ги поддржат пошироките антидемократски политички агенди. – Гледаме постојан пораст на говорот на омраза и на насилството поттикнато од омраза онлајн и офлајн, особено од политички актери, религиски и верски лидери и јавни личности. Овој пораст е овозможен од недостатокот на силно законодавство за кривични дела од омраза што ги штити родовиот идентитет и родовото изразување, како и манипулативните дезинформациии што произлегуваат од недостатокот на одговорност на компаниите за социјални медиуми во обезбедувањето интегритет на информациите, стои во изјавата. Меѓународниот ден на сеќавање на трансродовите луѓе – 20 ноември се одбележува од 1999 година, по убиството на Рита Хестер, црна транс-жена од САД. Денот е спомен за мртвите, но и потсетник на насилството и нееднаквоста со кои се соочуваат транс луѓето ширум светот, и поттик за продолжување на борбата за безбедностa и правата на транс луѓето.

Денеска во македонската влада двата репрезентативни синдикати на здравствените работници во Македонија постигнаа историски договор со Владата на премиерот Христијан Мицкоски за зголемување на платите на вработените во здравствениот сектор.-Постигнат е историски договор. Освен корекцијата на коефициентите, зборуваме за зголемување за 10 насто на платите, од март месец следната година имаме зголемување за нови 5 проценти на паричната маса која се издвојува за здравствените работници. Следната 2026-та од 5 до 7 проценти, во зависност од тоа во каква кондиција ќе биде буџетот. Се надеваме дека ќе биде во здрава кондиција, работиме на тоа. Истото тоа зголемување од 5 до 7 проценти ќе биде и во следната 2027-ма година, а од 7 до 10 проценти ќе биде во 2028-та година.<span style="mso-spacerun:yes">&nbsp; </span>Добиваме зголемување на паричната маса од 40 до 50 проценти во следните неколку години, изјави на прес-конференцијата претседателот на македонската влада Христијан Мицкоски, кој изрази огромно задоволство што може да биде дел од овој историски настан, како и до синдикатите кои со свои идеи учествуваа во реализацијата на овој чин.-За првпат во историјата се постигнува ваков договор кој на долг рок ќе ги корегира платите на здравствените работници, изјави Мицкоски.Огромно задоволство изразија и двајцата претставници на репрезентативните синдикати на здравствените работници, кој овој историски чин го оценија како резултат на работата на двата синдиката, премиерот Мицкоски, министерката за финансии Димитриеска-Кочоска и директорот на Фондот за Здравство Клековски.-Договорено е покачување на платите ќе биде силна мотивација за здравствените работници, но и прв чекор во подобрувањето на здравтвената грижа за сите граѓани, изјави д-р Предраг Серафимовски, претседател на Самостојниот синдикат на клинички центар.-Благодарност до премиерот и владата за реализацијата на овој чин, со анексот на колективниот договор се корегираат коефициентите на здравствените работници, со зголемување од 3.650 денари бруто или 2.450 нето на плата, а кај медицинските сестри имаме корекција на платите од 5.700 бруто или 3.850 денари нето на плата, изјави д-р Љубиша Каранфиловски, претседател на Самостојниот синдикат за здравство, фармација и социјална заштита на РМ.Економската соработка меѓу двете земји треба дополнително да се стимулираРадмила Шекеринска избрана за заменик генерален секретар на НАТО

Во ОВР Крива Паланка, од Итна медицинска помош Крива Паланка било пријавено дека кај нив со тешки повреди бил донесен Ж.С.(51) од Крива Паланка. Добивај вести на вибер Според пријавеното, тој се здобил со повредите при извршување на работни задачи во рудник во Крива Паланка. Екипа од ОВР Крива Паланка извршила увид, а за настанот биле известени трудова инспекција и јавен обвинител.

Расте или не пазарот на обновливи извори на енергија во Македонија? 19/11/2024 ПРЕТПРИЕМНИШТВО Пазарот на обновливи извори на енергија во Македонија бележи значителен раст во изминатите години. Според годишниот извештај на Регулаторната комисија за енергетика (РКЕ) за 2023 година, процентот на произведена електрична енергија од обновливи извори е во пораст благодарение на зголемените вложувања во соларни капацитети. Во овој момент инсталирана моќност на електроцентралите од обновливи извори на енергија учествуваат со 50% од вкупниот капацитет, додека во вкупното производство нивниот удел изнесува 33%. Трендот на инвестирање во обновливи извори се очекува да продолжи и во иднина со цел земјата да стане енергетски независна и да ги постигне стратешките цели за намалување на јаглеродниот отпечаток. Ваквите резултати се совпаѓаат и со Националниот план за енергија и клима, кој има за цел Македонија до 2030 година да го зголеми уделот на обновливите извори и значително да ја намали емисијата на стакленички гасови. Меѓу најзначајните инвестиции кои се очекува да се реализираат во следните години се оние од француската компанија Акуо Енерџи и инвестицискиот фонд Алказар Енерџи. Акуо планира изградба на соларен парк во близина на Штип, што ќе го зголеми производството на чиста енергија од сонце и ќе помогне во намалување на увозната зависност на Македонија. Според најавите очекуваната инсталирана моќност ќе биде 400MW што ќе донесе производство на електрична енергија за стабилно снабдување на 94 илјади домаќинства во регионот. Од друга страна, Алказар Енерџи ќе инвестира околу половина милијарда евра во најголемиот ветерен парк во земјата, исто така во регионот на Штип. Овој проект, кој ќе обезбеди електрична енергија за околу 100.000 домаќинства, и е клучен за зголемување на капацитетите за ветерна енергија во Македонија. Според очекувањата ако се реализираат овие стратешки енергетски инвестиции, обновливите извори ќе достигнат значителен дел од вкупното производство на електрична енергија. Ова е важен чекор за Македонија, која се стреми да ги оствари европските енергетски и климатски цели, истовремено обезбедувајќи поевтина и стабилна енергија за своите граѓани. 2024-11-19 Toni Ivanoski

Многу сум среќен и возбуден што сум тука. Имав топло добредојде од сите и ми покажаа дека им е драго што сум тука. Едвај чекам да работам со тимот. Заедно одработивме еден тренинг, на почеток сме на проектот. Среќен сум што сум дел од градот и клубот, изјави новиот тренер на Еурофарм Пелистер, Раул Алонсо во своето прво интервју за клупскиот сајт. -Од она што го видов имам многу импресии поврзани со тимот. Има простор за голем напредок и можност екипата да биде во корелација со емоциите од трибините, од овој ракометно историски град. Знам дека нашата сала и нашите навивачи се посебни. Ова е ново животно искуство за мене, тимот има потенцијал, но мора и многу да работи, истакна Алонсо. Тој им порача на фановите дека е среќен што се приклучил на тимо. -Доаѓам на место кое бара многу од еден тренер, но може да кажам само што рече Јирген Клоп: Да создадеме култура во која сомнежите ќе ги претвориме во луѓе кои веруваат. Ние веруваме, мора да веруваме, секојдневно да работиме за да ги задоволиме нашите навивачи. Но, и порачуваме дека и тие ни се потребни, бидејќи со нив имаме еден, дури и два играчи повеќе, додаде новиот тренер на битолскиот тим. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Делегација од Алијансата за Албанците, предводена од претседателот Арбен Таравари, кој истовремено ја извршува функцијата министер за здравство, и заменик-премиерот Арбен Фетаи, кој е и секретар за меѓународни односи во АА, оствари посета на Албанија. За време на посетата, делегацијата имаше средба со претседателот на Република Албанија, Бајрам Бегај. „Денес, заедно со заменик-премиерот Арбен Фетаи и делегација од АА, имав задоволство да се сретнам со претседателот на Република Албанија, Н.Е. Бајрам Бегај, во братска и соработлива атмосфера. Му честитавме на претседателот за отворањето на преговорите на Албанија за членство во ЕУ и ја изразивме нашата желба нашите патишта што побрзо да се обединат во овој витален процес за нашите земји и народи.“ Исто така, беше соопштено дека за време на средбата се дискутирало за важноста на зајакнувањето на билатералната и регионалната соработка, особено во областите од заеднички интерес. „Во фокусот беше инфраструктурата и што поскорешното завршување на Коридорот VIII, како значаен чекор кон заедничката безбедност, одржливиот развој и европската интеграција.“ Tweet ©Makfax.com.mk Доколку преземете содржина од оваа страница, во целост сте се согласиле со нејзините Услови за користење. Поврзани Артикли: Следно Меџити: Ќе изградиме интегриран систем за управување со отпад за полошкиот и пелагонискиот регион Претходно (Видео) Заглавен сообраќајот во Скопје, автобуси нема, Брзата помош не можеше да се пробие на Бит Пазар Би можело да ве интересира и...

Околу 50 земји во ОН ја потврдија својата поддршка за Украина 20/11/2024 СВЕТ, ФИНАНСИИ – Околу 50 земји синоќа ја потврдија својата поддршка за Украина во ОН на 1,000-от ден по почетокот на руската инвазија врз земјата, со заедничка оценка дека „војната мора да престане“ и барање за итно повлекување на руските сили од украинска територија. – Ја потврдуваме нашата поддршка за суверенитетот, независноста и единството на Украина, изјави украинскиот амбасадор во ОН Серхиј Кислица во име на околу 50 земји. Околу Кислица пред новинарите се собраа претставници на сите поддржувачи на Украина, од САД до Велика Британија, вклучувајќи ги Франција, Јапонија, Австралија, Канада, Швајцарија, Аргентина, Јужна Кореја и Европската унија. – Оваа војна мора да престане. Го повторуваме нашето барање Русија да престане со употребата на сила против Украина и веднаш, целосно и безусловно да ги повлече своите воени сили од украинската територија во нејзините признати меѓународни граници, се вели во заедничката изјава. Се додава дека „се осудуваат континуираните неселективни напади на Русија врз густо населените станбени области како и врз критичната цивилна инфраструктура во Украина, каде што бројот на жртвите, раселувањето и уништувањето секојдневно се зголемуваат“. – Илјадитиот ден од војната е трагичен потсетник за потребата да се остане посветен на обезбедување дека меѓународното право преовладува не само во Украина, туку и секаде каде што е оспорено, велат државите. јт/Фото: Кислица на Х . Извор: МИА 2024-11-20 korisnik

Српскиот пејач Владо Георгиев бил ограбен во трговскиот центар „Дајмонд“ во Скопје. Тој се огласи на социјалната мрежа Икс, каде сподели детали за непријатната случка. Имено, пејачот го оставил автомобилот на паркингот во трговскиот центар, а додека купувал работи во продавниците – крадците му зеле се од неговото возило. Им посакувам сè најубаво на крадците кои ми упаднаа во автомобилот, кој го паркирав во трговскиот центар Дајмонд во Скопје, и ми украдоа еден куп работи од задното седиште, па дури и подароците за децата и пријателите, напиша познатиот Барба. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

На 21 ноември 1875 година во беровското село Русиново е роден Никола Петров Русински, истакната личност од националната историја на македонскиот народ, социјалист и револуционер. Умрел во родното село Русиново, на 14 февруари 1943 година. Русински е македонски револуционер, деец на ТМОРО, околиски војвода, учесник во Илинденското востание. Завршил подофицерска школа во Софија и бил близок пријател со Гоце Делчев и Васил Главинов. Задоен со идеите на социјализмот, тој го наоѓа своето место во македонското револуционерно движење и безусловно му служи целиот свој живот. Во 1897 година станал четник во првата чета на ТМОРО во Малешевијата, а потоа и во четата на Г. Делчев. Како близок соработник на Делчев, во 1900 година бил испратен во западниот дел на Македонија, каде станал првиот војвода – агитатор во Крушевско, Демирхисарско, Кичевско, Прилепско, Охридско, Струшко, Битолско и Мариово. Учествувал на Смилевскиот конгрес и во Илинденското востание во Битолско. Користел псевдоними како Апостол Скитов, Атила Елонски и сл. Оставил спомени за ВМОРО. Со гимназиско образование се стекнува во Кочани. Во периодот од 1893 до 1895 престојува во Цариград, каде се образува и станува близок на социјалистичките идеи, а од септември 1895 до март 1897 година учи во подофицерското училиште во Софија. Во 1895 година се вклучил во редовите на Македонската организација и учествува во акции на четите. Во текот на школувањето во офицерската школа,Русински се запознал со Делчев кој го вклучува во Македонската Револуционерна Организација. Во 1897 година, Русински станал четник во првата чета на ТМОРО во Малешевијата, предводена од војводата Васил Чочов. Истата година учествува во киднапирањето на Назлим бег кое го раководел Делчев, а подоцна се приклучил во четата на Гоце Делчев. Во 1898 година Русински се запознал со Васил Главинов, кој во Софија ја формирал Македонско-одринска социјалдемократска група. Русински како социјалист, се вклучува кон групата, во која членуваат Велко Марков, Никола Карев, Димо Хаџи Димов, Лазар Главинов и др. Тргнувајќи од ставот дека без национално ослободување нема ни економска слобода, социјалистите меѓу кои и Русински се залагаат за ослободување на Македонија и ги издигаат слоганите „Македонија за Македонците“ и „Ослободувањето на Македонија е работа на Македонците“. Во таа насока, социјалистите имаат контакти со ТМОРО со која се сложуваат за вооружено ослободување на Македонија и создавање на автономна македонска република со сопствени сили. Тие настапуваат отворено и се спротивставуваат на тврдиот централизам и идејната затвореност на Организацијата. Но, Делчев и Русински имаат голема улога во вклучувањето на голем дел од социјалистите во Организацијата. Русински кој бил испратен од Г. Делчев да го организира Битолскиот револуционерен округ, на 3 јули во 1900 година учествувал на Првата социјалистичка конференција во Македонија одржана во близина на Крушево. Свесни дека можат да имаат влијание доколку и самите се вклучат во редовите на Организацијата, по одржаната конференција во Крушево, социјалистичката група ги доставува предлозите до Окружниот комитет во Битола кој ги прифаќа и им доделува одредени клучни места (војводско место, инспектор на четите). По влегувањето на социјалистите во редовите на ТМОРО, Русински станува истакнат организатор и војвода на чета. Спроведувајќи ги доверените задачи тој до август 1901 година ја развива борбената подготвеност на четите во Демирхисарско, Крушевско, Кичевско, Потоа од август до ноември 1901 година работи на подготовка на четите во Прилепско, Охридско и Струшко од ноември 1901 до декември 1902 година, а Битолско поле и Мариово до 1903 година. Во четата на Русински како подвојводи во своите реони дејствуваат Јордан Пиперката, Веле Марков, Ѓурчин Наумов – Пљакот, Ванчо Србаков, Ѓорѓи Сугарев, Тале Христов и други. Никола Русински присуствувал на Смилевскиот конгрес. Иако како и неговиот пријател Делчев бил за партизанското војување и против кревање на масовно востание, бидејќи четите и населението не биле доволно подготвени за напад врз сите линии на непријателот, тој ги прифаќа одлуките донесени на Смилевскиот конгрес. Русински бил избран заедно со Петар Ацев, Тале Христов, Јордан Тренков и Георги Пешков за член на штабот на Прилепското горско начелство (за Мариовско). Во текот на Илинденското востание 1903 година, Никола Русински чиј помошник војвода е Тодор Златков, командува и со леринските чети, кои се засолнуваат во Мариовско, откако се извлекле од тешката ситуација во Леринскиот реон. По Младотурската револуција во 1908 година Никола Русински живее во Битола, посветувајќи се на социјалистичката идеја и синдикалното движење. Зел учество во Балканската војна, а по војната бил кандидат за парламентарните избори во Пиринска Македонија. Но, набрзо потоа, со почетокот на Првата Светска Војна Русински бил мобилизиран. Меѓу двете светски војни Никола Русински доживува лична драма. По долго боледување му починале сопругата и двете ќерки. По семејната трагедија, тој потполно се посветил на социјалистичката кауза. Во времето на фашизмот во Бугарија, учествувал во антифашистичкото движење и ги криел комунистичките илегалци. Русински е автор на книгата „Придонес кон историјата на Внатрешната Македонско – Одринска Револуционерна Организација – за времето 1900 – 1903“, објавена во 1936 година. (Подготвил: Д. Г.)

На расправата за убиството на Вања Ѓорчевска и Панче Жежовски во Основен кривичен суд Скопје денеска сведочеше Стефан Димковски, лицето кое го превезе обвинетиот Љупчо Палевски од Белград до Турција. Добивај вести на вибер Сведок Стефан Димковски на почетокот од сведочењето рече дека учествувал во основање на политичката партија „Десна“, а со Палевски се познава од 2017-2018 година преку политички активности. -До 2021 година одев почесто во партијата, од 2021 година имав приватни проблеми и ретко одев, рече сведокот. Прашан дали Палчо му се јавил на 1 декември 2023 година, одговори да. -На Телеграм ми се јави. Јас бев во Струмица, само што ги однесов децата во градинка, отидов на сервис да менувам зимски гуми и добив повик од Љупчо Палевски во 15 за 9. „Што правиш, можеш ли да дојдеш да ме земеш од Белград, дојдов на прегледи и нешто да завршам за партијата“? Реков дека ќе дојдам, да завршам само со сервисот, образложи сведокот. Продолжи, „ми рече да го земам од Белград и да го вратам во Македонија. Во Белград стигнав во 15:30 попладнето на први. Ми пушти адреса каде да го најдам. Го земав во центарот на Белград“. Прашан каде и кога тргнале, одговори дека тргнале да се враќаат кон Скопје. -Тргнавме веднаш да се враќаме назад за Скопје, имаше гужва, ми требаше многу време да излеземе од Белград, некаде Велика Плана застанавме на ручек. Ми кажа дека оди во Белград да договори нешто за годишнина од партијата и прегледи да прави. Разговаравме за децата, проблеми со кичмата. Потоа зборевме за активностите во партијата, дека требало да се активира, рече тој. Од Велика Плана, на враќање, тргнавме по патот за Скопје, пред Ниш ми кажа дека треба да застанеме во Ниш. Разговараше со Васко, адвокатот и затвори, тогаш разбрав дека е со Васко. Не знам зошто разговарал со него, само ме информираше дека разговарал со Васко. Потоа рече изгледа ќе треба да преспиеме тука, некој човек што требало да се види му закажал во за 8:30 часот утредента, рече сведокот. Потоа посочи дека останале во хотел во Ниш и кога седеле на тераса, како што рече му соопштил дека му е резервирано во понеделник во Турција да го примат за операција за кичмата. -И ми вика изгледа ќе треба да ме враќаш назад за Белград, затоа што од таму имало лет во сабота, вика после состанокот, да ме вратиш назад. По 15 минути ми вика, а што да дремеме овдека, зошто од тука, ако не си изморен, или ќе се менуваме, за 5-6 саати џитни ме во Турција. Ајде вика, жити Бога немој по аеродроми да одам со торби, Истанбул е голем град, ќе ме однесеш до еден Турчин, знае македонски, ќе ме оправа по клиники, рече сведокот, дополнувајќи дека поефтина варијанта му било да го однесе до Турција. Прашан дали на граничните премини спрема Бугарија и Турција имале проблем, одговори не.Кога стигнале во Турција, според сведочењето, се сместиле кај Турчин со име Усеин, кој го нашол Палевски. -Вртеше по пријатели да најде бесплатно сместување по хотели, не му успеваше, како што го разбрав отпосле преку лицето Велибор се сместивме во една куќа, плати, рече сведокот. Прашан дали додека се возеле до Турција, забележале нешто невообичаено кај обвинетиот Палевски, во смисла на неговото однесување, сведокот одговори не. -На повеќе наврати ми го побара телефонот, се јави, еднаш немаше батерија, потоа во Пловдив се загубивме, испаднавме на лош пат, застанавме и кога добив интернет побара да се јави на Влатко Кешишов. Отидов до тоалет, не знаев што разговарале, рече тој. Прашан зошто Палевски одлучил да се смести во куќа, а не во хотел, одговори дека му испаѓало дека треба да плати 800 евра. -Поефтино му беше да земе стара куќа под наем за 150 евра. Куќата беше изнајмена за три месеци. Операцијата му беше закажана во Истанбул за понеделник, затоа сакаше поефтин смештај, беше кус со пари, рече сведокот. Во продолжението од сведочењето рече дека на 3.12.2023 после доручекот си заминал. -На доручекот ме информираше, го видов блед, абе, вели, „го знаеш ли девојчето што е исчезнато, тоа во Скопје што одело на училиште. Епа ми го лепат мене“. Вели, „вчера влегле у штаб, имало претрес, пет души биле уапсени, што имам јас со тоа девојче“, раскажа сведокот. Дополни дека на негово прашање каква врска има партијата со девојчето, одговори дека комбето го нашле во партијата. Сведокот посочи дека биле сместени во Баликесир, и откако си заминал Љупчо останал во градот. -Откако го оставив се шетав, сѐ по пат како што одеше се шетав и вечерта кога се стемни се сместив во еден хотел. Кога се вратив вечерта во хотелот, мои пријатели почнаа да ми праќаат линкови, „што е ова, да не го местат“. Кога го видов министерот Оливер Спасовски што кажува, се онесвестив во хотелот. Се слушнав со Палевски го прашав што е ова што те потенцираат тебе. Тогаш ми кажа ова е тешка местенка и од тогаш се изгуби комуникацијата, рече сведокот. Прашан дали додека бил заедно со Љупчо, тој споменал дека сака да патува во Минск, одговори дека Палевски кажал дека можеби ќе треба да размислува за политички азил. -Не знам што ми смислил Оливер Спасовски, можеби опција е да барам политички азил, цитираше сведокот. Прашан дали во разговорот на појадок Палевски му кажал дека го бара полиција, одговори негативно. -Немам таква информација, мислам дека не ми кажа такво нешто, рече сведокот. На прашања од Обвинетиот Љупчо Палевски, сведокот одговори дека Палчо нормално се пријавил во куќата во Турција, со својот пасош и дека не го приморувал да одат по споредни патишта. Прашан дали верува дека однесувањето на Палевски прејудицира дека е виновен, тој одговори „Јас ако некој ми лепи таква работа и јас би бил блед“. Претходно денеска сведочеа познаници на Палчо, сведоците Ерол Османи и Ламбе Бучков. Воедно, на денешното рочиште судот информираше дека е доставена изјава од обвинетиот Влатко Кешишов со која го менува својот првичен исказ. Неговиот адвокат, Игор Ефремов, по судењето изјави дека и тој за прв пат денеска се запознава со изјавата и допрва ќе треба да се види за што станува збор. На следното рочиште закажано за 25 ноември 2024 се предвидени сведоците Игор Јанушев, Зоран Абаз и Љупчо Мицевски. Досега, на изминатите рочишта сведочеа мајката на Вања, ќерката на Жежовски и нејзиниот сопруг, како и повеќе лица вклучени во истрагата за двете убиства, меѓу кои инспектори и членови на политичката партија „Десна“. На последното рочиште беше сослушано семејството на таткото на Вања. На првото одржано рочиште обвинетите Љупчо Палевски, Боре Видевски, Велибор Манев и Влатко Кешишов, како и таткото на девојчето, Александар Ѓорчевски се произнесоа дека не се чувствуваат за виновни. Според обвинението, тие заедно испланирале грабнување на 14-годишното девојче со цел да присилат член на нејзиното потесно семејство да даде парични средства за откуп. Додека, грабнувањето на оштетениот Панче Жежовски во Велес било со намера да го присилат да им го даде сопственото возило „Цитроен“ за да го користат за грабнување на детето во Скопје. Малолетната Вања и велешанецот Панче, кои беа пријавени за исчезнати на 27 и 24 ноември, беа пронајдени мртви во близина на Скопје и Велес на 3 декември 2023 година. Во врска со овој случај е осомничено уште едно лице за помагање по извршување на кривичното дело против кого постапката ќе се води одвоено. Судењето го води судијата Ивица Стефановски, а застапник на обвинението е обвинителката Жаклина Крстевска. Судењето продолжува на 25 ноември 2024 година.

Сиљановска Давкова ги прими акредитивните писма на новоименуваната амбасадорка на Република Сан Марино, Кјара Кардоња 20/11/2024 ВЕСТИ, ЛОКАЛНО Претседателката Гордана Сиљановска Давкова денеска ги прими акредитивните писма на Кјара Кардоња, новоименуваната амбасадорка на Република Сан Марино, со седиште во Министерството за надворешни работи на Сан Марино, информираат од нејзиниот кабинет. На церемонијата на предавање на акредитивните писма претседателката Сиљановска Давкова, посочувајќи дека дипломатските односи меѓу двете држави се воспоставени пред само пет години и дека амбасадорката Кaрдоња е прв именуван амбасадор од оваа земја, изразила надеж дека нејзиното именување ќе придонесе за зајакнување и за продлабочување на пријателските односи и на соработката меѓу двете земји, како на билатерален, така и на меѓународен план. -Мојата земја е целосно заинтересирана за унапредување на севкупната соработка со Сан Марино и за воспоставување поактивна политичка комуникација со интензивирање на контактите на највисоко ниво“, истакнала претседателката додавајќи дека постои подготвеност за јакнење и на билатералната парламентарна димензија на соработка базирана на заедничка определба за поддршка на демократијата, индивидуалните слободи и останати вредности на живеење, за натамошно развивање на заедничките вредности и поголема меѓусебна блискост. Таа нагласила дека можностите коишто постојат за проширување на односите меѓу двете земји на полето на политиката, економијата и туризмот, треба да се продлабочат во интерес на двете држави. Особено би сакала да го потенцирам нашиот интерес за интензивирање на економските врски меѓу бизнисите во двете земји. Верувам дека активностите, коишто ги презема сегашната влада за постојано подобрување на инвестициската и вкупната деловна клима во земјава, ќе создадат широко поле на нови можности за економска поврзаност помеѓу нас, рекла претседателката Сиљановска Давкова. Амбасадорката Кардоња во обраќањето истакнала дека двете републики се блиски и тоа не само од географски аспект и во тој контекст посочи дека и за двете земји европската интеграција претставува приоритетна цел, при што нагласила дека нејзината држава го избра патот на здружување, а нашата држава е кандидат за членство во Европската Унија. -Во свет, кој сѐ повеќе е насочен кон зачувување на националните идентитети, а истовремено е повикан на меѓусебна поврзаност, Европа е нашата заедничка иднина, закрилничка што ја зајакнува сувереноста на нашите држави, и им овозможува со одлучност да се справат со современите предизвици. Обемот на кризите што го засегаат светот, и големината на другите учесници, бараат сѐ погласни и заеднички одговори. Ова е уште поважно за земји со мала територијална распространетост, рекла амбасадорката Кардоња. Таа додала дека европскиот културен простор е збир на идентитети, јазици и култури, кои иако различни, имаат заедничка матрица на традиции и легитимни аспирации. Амбасадорката на Сан Марино ја истакнала и соработката на двете земји во рамките на мултилатерални структури и механизми, избирајќи ја силата на дијалогот, демократијата и почитувањето на другите. Претседателката Сиљановска Давкова на новоименуваната амбасадорка на Сан Марино ѝ посакала многу успех во извршувањето на нејзината одговорна дипломатска мисија. сст/са/фото кабинет на претседател . Извор: МИА 2024-11-20 korisnik

Евгенија од Охрид доби автомобил во наградата игра на „Жито Лукс“ – „Купи тост леб и освој автомобил“

„Ќе го уапсиме Али Ахмети за неколку дена!“ – наводно изјавил Дарко Костовски, градоначалникот на скопската општина Бутел. За ова информираше новинарот Фуркан Салиу кој предходно беше фатен од МВР како носи пиштол во својот автомобил. Тој преку својот профил на Фејсбук пренесува наводна изјава на Дарко Костовски во врска со „претстојното апсење“ на лидерот на ДУИ Али Ахмети. Инаку, Костовски не навел никаков конкретен детал околу тоа наводно „апсење“. Сакавме да го интервјуираме за партизацијата и фамилијаризацијата на Федерацијата за теквондо, а тој, штом излезе од автомобилот, ни рече: „Ќе видите за неколку дена кога ќе го уапсиме Али Ахмети, обиавува Салиу кој предходно во неколку наврати објавувал контроверзни инфорамции кои не беа потврдени. Салиу најави тужба затоа што Костовски му рекол дека вечера со Али Ахмети и Зоран Заев.

Проблемот со енормно загадениот воздух речиси во сите поголеми македонски градови одново ја исфрли на површина постојаната дилема дали државата прави доволно да ги заштити граѓаните од загаден воздух. Официјалните податоци покажуваат дека во Македонија годишно од загаден воздух умираат околу 3.400 луѓе, што претставува 17-19 отсто од вкупната смртност. Повеќето истражувања покажаа дека главни извори на загадување се загревањето на домаќинствата и на јавните објекти, сообраќајот и ресуспендираните честички, пишува Нова Македонија. Стручните лица во областа на здравството посочуваат дека загадениот воздух има сериозен ефект врз здравјето, предизвикувајќи респираторни и кардиоваскуларни заболувања, а со тоа и зголемена смртност. Она што е особено загрижувачки е тоа што од загадениот воздух се погодени децата, што директно влијае и врз намалувањето на коефициентот на интелигенција, а резултира и со други долгорочни здравствени проблеми. СЗО предупредува дека голем број луѓе на Балканот и Источна Европа дишат воздух што значително го надминува нивото на загадување. На граѓаните им е потребно да им се даде добра (поевтина) алтернатива за дрвата Несомнено со доаѓањето на есента повторно се отвора дебата за загадувањето и како најефикасно да се намали тоа, додека политичките партии, во зависност од тоа дали се на власт или во опозиција, го користат загадувањето да се обвинуваат едни со други за ваквите состојби. Под силниот притисок од јавноста и со можноста и граѓаните да дојдат до поевтини технолошки уреди со кои индивидуално можат да го мерат нивото на штетни честички во воздухот и врз основа на тие податоци да алармираат, државата почна да презема некакви козметички чекори за надминување на ваквите состојби, стои во текстот на Нова Македонија. Она што го потврдија сите истражувања е дека високата концентрација на штетни честички во воздухот во градовите без исклучок е предизвикана од загревањето на домовите со дрва и пелети. Кога на тоа ќе се додадат стариот возен парк и неефикасниот јавен транспорт, тогаш виновникот за загадениот воздух добива име и презиме. Како одговор на притисокот на јавноста, она што го направи државата досега е тоа што почна кампања за замена на печките и котлите на дрва со субвенционирање на набавка на инвертор-клими. Но резултатите од оваа мерка се незначителни и состојбата со загадениот воздух во Скопје, Тетово, Гостивар, Битола и другите градови одново се повторува, иако календарски зимата сѐ уште не е пристигната. Годинашната катастрофа што ја погоди земјава со пожарите покажа дека шумската мафија и натаму работи со полна пареа и ќе продолжи и натаму да работи ако државата не се реши на радикална мерка, да го забрани греењето на дрва во градските средини. Но пред да ја преземат таа мерка, која дефинитивно ќе значи намалување на загадувањето, надлежните мора да обезбедат замена на загревањето на домовите, која ќе биде поевтина варијанта од сегашното загревање со дрва и на тој начин повеќе нема никој да има изговор дека некој се грее на нееколошки горива од социјални причини. За да се случи тоа, потребно е да се изградат мини-топлани на гас на повеќе локации, кои ќе дистрибуираат топловодно греење до сите домови по пониска цена од онаа што би ја платиле за купување дрва. Истовремено, државата тогаш има право во име на заштита на здравјето на граѓаните да побара од секој што живее во град да се однесува одговорно и загревањето на домот да го приспособи во согласност со урбаното живеење, а греењето на дрва да остане во руралните средини. – Три години работам во Германија и од искуството што го стекнав таму можам слободно да кажам дека централните системи за загревање на домовите и за топла вода се најдобро решение. Не дека и таму градовите не се загадени, но во никој случај не е како во Скопје. Еве, една недела сум тука на одмор и буквално во утринските и вечерните часови не се дише. Секоја вечер се чувствува непријатен мирис на чад, човек буквално ниту може да излезе оддома, а уште помалку да ги проветри просториите. Во Германија греењето на дрва е можно во рурални подрачја, но и таму ретко се користи бидејќи таквиот тип на загревање се смета за луксуз, дрвата се енормно скапи, а се плаќа и дополнителна еколошка такса, што ваквиот начин на загревање го прави целосно неисплатлив – вели Александар Костовски, нашинец што веќе пет години е на привремена работа во Германија. Целиот текст во Нова Македонија Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Кандидатот за висок претставник на ЕУ за надворешна и безбедносна политика и извршен потпретседател на Европската комисија, Каја Калас, денеска доби „зелено светло“ за извршување на таа функција, по сослушувањето во Европскиот парламент, соопшти политичката група Обнови ја Европа. Добивај вести на вибер „Зајакнување на безбедноста и одбраната на ЕУ, справување со хибридни закани и дезинформации, гледање на проширувањето како геостратешка инвестиција во сопствениот интерес на ЕУ, примена на клаузули за човекови права на кохерентен начин на сите меѓународни договори на ЕУ со трети земји и обезбедување дека прекршувањата имаат последиците се исто така клучни за Да ја обновиме Европа“, се вели во соопштението.

Поради недостик на гориво од попладнево само 25 автобуси кои возат на гас сообраќаат низ Скопје. Хаос по постојките. Пуцко петрол не дава повеќе на вересија нафта. Од компанијата Решиле да си го напалатат долгот од над 10 милиони евра. Од ЈСП велат немаат коментар, а од Градот Скопје прст вперија кон премиерот Мицковски дека создава криза. Додека надлежнити играат пинг-понг префрлајќи си ја вината. Скопјани нервозно гледат во часовниците со надеж дека ќе пристигне авотбус. Авотбус нема, а и тој еден што ќе пристигне се полни веднаш и патниците висат нанадвор. Бидејќи претпријатието има долг кон фирмата добавувач „Пуцко петрол“, не се испорачува веќе нафта за автобусите, поради што тие се исклучуваат од сообраќај, а возат само автобусите на гас. И додека возачите истакнуваат дека не знаат кога автобусот ќе им изгасне поради недостиг на гориво, граѓаните преку социјалните мрежи се организираат за протест поради хаосот со кој се соочуваат со јавниот сообраќај во Скопје изминатите години. Протестот е најавен за петок во 13:30 пред седиштето на Град Скопје.

Заклучно со октомври, четириесетина претставки од областа на животната средина оваа година стигнале во канцеларијата на Народниот правобранител. Половината од нив се за квалитетот на воздухот, а другите 20-ина се за други аспекти за загрозена животна средина. Добивај вести на вибер Ова го соопшти народниот правобранител Насер Зибери кој денеска и утре е домаќин на Меѓународна конференција „Народните правобранители и националните институции за човекови права и животната средина“ која се организира во рамките на проектот „Зголемување на улогата на Народниот правобранител во еколошката правда“. Проектот е финансиран од Министерство за надворешни работи на Норвешка и се спроведува во соработка со Програмата за развој на Обединетите нации – УНДП и Канцеларијата на Високиот комесар за човекови права на ОН во Скопје. На отворањето на конференцијата Зибери ги наведе трајните штетни последици од загадувањето на животната средина врз животот и здравјето на населението, поврзаноста на загадениот воздух со смртноста и предизвиците со кои човештвото се соочува во последните децении кога „природата жестоко го враќа ударот“ – зачестените природни непогоди: поплави, торнада и урагани, ефектите на т.н. стаклена градина, екстремните температури… Притоа посочи дека токму најголемите загадувачи на светот не ги потпишале глобалните документи за заштита на екологијата. Омбудсманот порача дека мора да се најде баланс меѓу развојот и еколошката правда која, рече, е императив во овој век, затоа што „ако не се преземат соодветни мерки за климатските промени, тие ќе значат колективно умирање“. Зибери изрази загриженост за состојбата со животната средина во земјава која „не оди во прилог на уставната заложба за гарантирање на правото на здрава животна средина утврдена во членот 43 од Уставот“. -Нехуманата градежна експанзија, интензивното користење на минералните суровини, дивите депонии, горењето на насобраниот отпад од истите, неизградбата на регионалните депонии и соодветно собирање, транспортирање и третирање на отпадот, како и преголемото испуштање на штетните гасови во воздухот, веќе ни ја испорачаа сметката – жителите на главниот град Скопје дишат воздух во кој загаденоста е поголема неколку пати од дозволеното. Во слични околности живеат и жителите на Тетово, Струмица, Кочани и други градови. Нашите градови се на топ-листата на десет најзагадени градови во светот… Истражување на УНИЦЕФ покажа катастрофални резултати – дека секое десетто новородено дете во нашата земја како последица на смртта ја има нечистата животна средина, рече народниот правобранител. Начелниот став на Врховниот суд, потенцира Зибери, нѐ охрабрува дека работите ќе тргнат на подобро, затоа што тој начелен став ја обврзува државата да обезбеди здрава животна средина како една од гаранциите на нашиот Устав кон секој поединец. Соопшти дека над половина од општините во земјава немаат ниту еден инспектор за животна средина и заклучи: „Тогаш за каква грижа може да зборуваме?!“. Апелираше и да се донесе нов закон за заштита на животната средина зашто актуелниот е од 2006 година, имал 24 пати измени оттогаш и, рече, „повеќе не е соодветна рамка за справување со овој проблем“. Постојаниот претставник на УНПД во Северна Македонија, Армен Григорјан, во обраќањето на конференцијата порача дека заштитата на животната средина „не е само еколошко прашање, туку е и правда и фундаментално човеково право“ и затоа омбудсманите и институциите за заштита на човековите права „имаат се поголема улога во промовирање на еколошката правда“. -Особено, како што влијанието на деградацијата на животната средина и човековите права стануваат се повеќе важни. Глобално земено, повеќе од 155 земји препознаваат право на здрава животна средина и канцелариите на омбудсманот се правите на удар коишто треба да ги решаваат проблемите и поплаките поврзани со лошото справување со ситуацијата. Во Западниот Балкан околу 30 проценти од сите поплаки кон правобранителските канцеларии вклучуваат еколошки прашања, истакна Григорјан. Како што рече, во некои земји сега е правно прифатливо докторите да може да пропишуваат да се поминува време во природа и дека на тоа се гледа како на лек. -Ова кажува колку е важно да се заштитува природата. УНДП е горд да ја поддржи Северна Македонија и институциите за човекови права и Омбудсманот и да ги зајакне капацитетите да се заштити човековото право и правото на здрава животна средина. Ова е поширока заложба на УНДП во целиот регион – ефикасни одговори на еколошките неправди, рече постојаниот претставник на УНПД во државава. Првиот вицепремиер и министер за животна средина Изет Меџити во изјава за медиумите во однос на тоа што се презема против аерозагадувањето во градовите во државава, одговори дека политиките се насочени кон причините, а не кон последиците. -Ова не е од вчера, за жал, ситуацијата не следи долго време. Но, ова не го констатирам за да избегнам одговорност. Напротив, ова е заеднички проблем и ние, како држава, мора да се соочиме со реалноста – или ќе плаќаме казни и тие пари ќе ги насочиме кон инвестиции и решавање на причините, а не да се занимаваме со последиците, истакна Меџити. Како што рече, прво на кое „сакаат да се нафатат“ е гасификација на урбаните средини како долгорочно решение. Таа е, рече, и нов и поевтин извор на греење со кој нагло ќе се намали загадувањето во градовите. -Повеќе сум склон да се занимаваме со причините отколку со последиците и со конкретни проекти кои долгорочно ќе придонесат да се реши проблемот. Истражувањата покажуваат дека во урбаните средини домаќинствата користат се и сешто за греење, не од што сакаат туку затоа што немаат избор. Со „зелен фонд“ на Владата и од Министерството за животна средина ќе субвенционираме за да се зголеми бројот на тие што се греат на топлинска енергија во урбаните средини, бидејќи нив таму ги има, и да се вратат на нив, бидејќи таа е почиста и од гасификацијата. Ова се конкретни покрупни проекти. Најверојатно се размислува и термоелектраните кои се на јаглен да се затворат и до 2030 да се заменат со гасни централи и нови системи кои ќе придонесат за подобра животна средина, рече Меџити. Според него, проблемот не е нерешлив доколку се работи на причините и со соодветни проекти. Го спомна и загадувањето од сообраќајот и рече дека „поради недобра комуникација со Град Скопје“ доцни реализирањето на донација од шест електрични автобуси од Европската Унија. Воедно, додаде, се работи и на проблемот со отпадот и дека во завршна фаза е депонијата Свети Николе, а се работи и за депонијата за Пелагонија за која, како што рече, се предвидени 26 милиони евра од ЕБОР. На прашањето што ќе преземе Влада откако Советот на Општина Кочани усвоил одлука да забрани оставање на отпадот од соседните три општини во депонијата Кочани, Меџити одговори дека „трошоците за депонијата ќе ги презема Владата и помалите три општини да се вратат на истата депонија“.

Студен туш за Ахмети Курти го ничкоса Ахмети: Сметам дека ротациите се здрави!