После новиот пораз на Еурофарм Пелистер од Алкалоид во Суперлигата, во Битола фановите бараат промени на клупата на шампионот. Бараат оставка од тренерот Бранислав Ангеловски. Овој пат не само што му порачуваат да си замине, туку со себе да ги земе и оние играчи кои ги донесе во тимот. „Ова го пали алармот, колку и да “има време” до крајот, ова може да е почетокот на крајот, вака раштимани, неорганизирани, безидејни, без план ‘Б’ (а ниту пак ‘А’). Бранче, оди си, земи си ги и тие што ги донесе“, стои во коментарот. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Бранислав Ангеловски не е повеќе тренер на Еурофарм Пелистер. Тренерот на битолчани си поднесе оставка после поразот од Алкалоид вчерва во дербито во Автокоманда. Ангеловски си заминува од клупата поради слабите резултати и во првенството, и во Лигата на шампионите. Во европската елита тимот е со само еден освоен бод, додека во првенството во првите осум кола има два порази од Алкалоид и од Вардар. Во последно време навивачите бараа промена на тренерската клупа. Кој ќе го води понатаму битолскиот тим, ќе се знае во следните денови. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Ракометарите на Веспрем ќе ја имаат фаворитската улога на гостувањето во Битола против Е. Пелистер, но избраниците на Чави Пасквал се свесни дека никако не смеат да го потценат македонскиот првак, нешто за што Спортинг неодамна плати со губење на планирани бодови во салата „Боро Чурлевски“. Пивотот Лудовик Фабрегас потенцираше дека атмосферата што битолските навивачи ја создаваат на натпреварите секогаш претставува проблем за гостинските екипи во Лигата на Шампионите. „Како и на секое гостување во ЛШ, сигурно нема да ни биде лесно… Во Битола секогаш атмосферата е многу добра и Пелистер има предност поради тоа. Тие ќе играат на домашен терен, пред своите фанови, мислам дека нема да биде лесно, но ние секако одиме во Македонија за да победиме. Во последно време играме многу добро, триумфот на клупскиот мундијал беше многу важен бидејќи уште повеќе ни ја зголеми самодовербата. Задоволни сме од формата, но важно е да продолжиме во ист стил, почнувајќи од дуелот со Пелистер“, изјави Фабрегас. Дуелот меѓу Е. Пелистер и Веспрем на програмата е в четврток во 20.45 часот. Македонскиот првак е седмопласиран во групата од осум екипи со еден освоен бод по првите пет рунди, додека Веспрем е второпласиран со осум бодови. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...