Јужнокорејски научници развија транспортен дрон дизајниран да се движи по груб терен. Беспилотното летало, кое го изгради Националниот универзитет за наука и технологија во Сеул, има флексибилни ротори кои сами се исправаат за да останат стабилни при лет. Може да се води со притискање со минимална сила, што го прави погоден за задачи како што се преместување стока преку скали.Тим од Јужна Кореја демонстрираше беспилотно летало наречено „Palletrone“, опремено со управувач сличен на количка за пазарење. При примањето на товарот, дронот ја одржува рамнотежата во воздухот, користејќи алгоритам за проценка на масата. Дронот може да одговори на човечка контрола користејќи го она што тимот го опишува како техника за физичка интеракција човек-робот, која ги предвидува намерите на корисникот за непречено работење. „Palletrone“ може да биде повеќе од летечка количка за купување, објасни Ли Сеунг-Јае, професор по инженерство за дизајн на механички системи на јужнокорејскиот универзитет. Иако прототипот е ограничен на носење товар до 3 килограми, Ли призна дека комерцијалната употреба на таков товар е ограничена. Сепак, способноста на технологијата да одржува хоризонтална стабилност има потенцијална примена за испорака на деликатни или кревки предмети. Тимот, исто така, ја истражува можноста за користење на технологијата во беспилотни летачки такси возила кои можат да превезуваат луѓе или во беспилотни летала кои би можеле да ги менуваат батериите во лет за да го продолжат времето на летот. Беспилотните летала како "Palletrone" имаат предности во контролата и маневрирањето, но се ограничени по брзина и опсег во споредба со беспилотните летала со фиксни крила. Предизвикот за проширување на нивниот опсег лежи во ограничувањата на батериите, особено кога станува збор за транспорт на потешки товари. Сепак, флексибилноста на дронот може да биде клучна во идните комерцијални апликации. Истражувањето поврзано со развојот на тој дрон беше објавено во списанието "IEEE Robotics and Automation Letters"....