Филип Силјановски Годишната конференција „Ingram & Vendors Networking #3“, трета година по ред, им овозможи на 180 учесници од Македонија, Албанија и Косово да разменат мислења и да ги утврдат трендовите кои ќе го моделираат и унапредат работењето во ИТ индустријата. На овогодинешната конференција фокусот беше ставен на најновите технологии за сајбер безбедност, ransomware и виртуелизација, за што, во интервјуто, со Филип Силјановски, генерален директор за Македонија, Албанија и Косово на „Инграм Микро“, истакна дека овој настан е одлична можност за припадниците на неговата фела да ги дознаат новитетите во тој сектор и да ги изнесат идеите со кои ќе се трасира патот за модернизирање на ИТ индустријата, што е исклучителна важност бидејќи е специфична област која константно подлежи на промени. Силјановски потенцираше дека одржувањето на конференција е исклучително значајно за уште поголемо развивање и вмрежување на ИТ секторот во регионот. Како ја оценувате важноста на Македонија, Албанија и Косово за ИТ индустријата и улогата на „Инграм Микро“ во овие пазари? Филип Силјановски: Македонија, Албанија и Косово имаат огромен потенцијал во ИТ секторот. Во последните неколку години, забележавме значителен раст на бројот на ИТ компании и млади професионалци кои активно се вклучуваат во индустријата. „Инграм Микро“ има клучна улога во поддршката на овој раст преку обезбедување на обуки, нови технологии и решенија кои овозможуваат овие земји да бидат конкурентни на глобалниот пазар. Преку нашите активности и конференции како „Ingram & Vendors Networking“, ние создадовме платформа каде што професионалците од Македонија, Албанија и Косово можат да разменуваат искуства и да учат од најдобрите. Колку е важно за регионот да има силна ИТ мрежа која ги вклучува Македонија, Албанија и Косово? Филип Силјановски: Вмрежувањето на ИТ заедницата во Македонија, Албанија и Косово е од суштинско значење за растот на целокупната индустрија. Преку заедничка соработка, размена на знаења и искуства, регионот може да постигне поголема конкурентност и да привлече меѓународни инвестиции. Силната ИТ мрежа која ги вклучува овие земји овозможува креирање на иновации и решенија кои ги унапредуваат локалните компании, а при тоа им помогнат и да се позиционираат на глобалната сцена. Што значи „Ingram & Vendors Networking“ за Македонија, Албанија и Косово и каков е придонесот на оваа конференција за нивниот развој? Филип Силјановски: Оваа конференција имаше огромно значење за Македонија, Албанија и Косово, бидејќи им овозможи на ИТ професионалци од овие земји да се вклучат во глобалните трендови и технологии. Нашата цел е да им помогнеме на компаниите во овие земји да го унапредат својот бизнис преку најновите технологии за сајбер безбедност, ransomware и виртуелизација. Дополнително, преку обуките им помогнавме на професионалците и студентите од земјава да се поврзат со водечките експерти во индустријата, што е од клучно значење за нивниот развој и успех. Кои вендори ја поддржаа конференцијата „Ingram & Vendors Networking #3“ и како придонесоа за нејзиниот успех? Филип Силјановски: На конференцијата учествуваа врвни вендори кои имаа клучна улога во успехот на настанот и во обезбедувањето на релевантни решенија за учесниците. Сакам да им се заблагодарам на сите наши партнери кои придонесоа со своите експертизи и иновации. Особено им се заблагодаруваме на Check Point, VMware, Veeam, Dell Technologies, Zebra, Lenovo, и Juniper. Нивната поддршка беше од суштинско значење за реализација на настанот и за обезбедување на исклучителни содржини за нашите учесници. Секој од овие вендори имаше важна улога во презентациите, прикажувајќи ги најновите трендови и технологии во областа на сајбер безбедноста, виртуелизацијата, cloud решенијата и мрежните технологии. Како „Инграм Микро“ ги поддржува своите партнери и клиенти во оваа ера на дигитална трансформација? Филип Силјановски: Ние сме тука за да ги водиме нашите партнери низ секој чекор на дигиталната трансформација. Преку нашите услуги во областа на логистиката, техничката поддршка и финансиските решенија, овозможуваме сигурна и стабилна основа за раст и развој. Она што го прави „Инграм Микро“ уникатен е нашиот персонализиран пристап кон секој клиент. Нашата цел е да креираме решенија кои совршено одговараат на специфичните потреби на секој од нашите партнери. Кои се следните чекори за „Инграм Микро“ на локалниот и регионалниот пазар? Филип Силјановски: Ќе продолжиме со нашата стратегија за раст и развој, особено фокусирајќи се на проширување на нашата понуда во областа на сајбер-безбедноста и cloud решенијата. Сакам да нагласам дека нашата цел е да останеме на врвот на ИТ индустријата и во иднина. Се трудиме постојано да ги следиме и надминуваме глобалните трендови, но и да останеме блиски со локалните партнери и клиенти, бидејќи тие се основата на нашиот успех. ОЗНАКИIngram & Vendors NetworkingИнграм МикроПР Објави FacebookTwitterLinkedinEmailViber Претходна статијаАлатките како ChatGPT можат да откријат приватни информации за корисниците без корисникот да открие очигледен детаљСледна статијаQualcomm го претстави Snapdragon 8 Elite – нивниот досега најмоќен чип за телефоните ПР Објави од Партнери ПОВРЗАНИ СТАТИИПОВЕЌЕ ОД АВТОРОТ Qualcomm го претстави Snapdragon 8 Elite – нивниот досега најмоќен чип за телефоните Samsung го претстави Galaxy Z Fold Special Edition во Јужна Кореа Уникатно искуство: Светот на Defender во off-road ритам на џезот Македонски Телеком креираше иновативно решение за телемедицина, единствено во регионот По повод 20-годишнината НЕОТЕЛ воведува нов пакет за деловни корисници со брзина до 500 Mbps Услугата “Плати преку линк” (Pay by link) за првпат во Македонија...