Пендаровски го призна поразот и честиташе нов претседател и нова Влада
Денешен - ново
Стево Пендаровски го призна поразот, и честиташе победа на победниците. Воедно напомена дека совеста не е мирна на оние кои не гласале за претседател и се одлучиле да бојкотираат. „Дозволете да се заблагодарам на сите учесници во изборниот процес и на сите институции кои се погрижија да помине овој ден фер и демократски. Знаеме дека има извештаи за изборни прекршувања, но оставаме институциите да ги разрешат и да не остават ниту една темна дамка на изборниот процес. Резултатите се јасни, и немам намера подетално да ги образложам. Согласно резултатите, сакам да им честитам на победниците, да им посакам успешна работа во следните пет години. Мојот концепт на мултиетничка Македонија целосно интегрирана во евроатлантските структури, денеска, за жал, не доби мнозинска поддршка од граѓаните. Јас сум длабоко убеден дека само така Македонија може да биде демократска и проспиретна држава. Затоа мојата совест е мирна. Не сум сигурен дека совеста е мирна на оние кои не дозволија на граѓаните да го земат второто ливче и да гласаат на претседателските избори денеска. Ја користам приликата да ви се заблагодарам на успешната соработка во изминатите пет години, и се надевам ќе соработуваме во иднина“, рече Пендаровски....
МУЦУНСКИ: Има нов претседател, ДУИ заминува во опозиција
Денешен - ново
Македонија ќе има нов претседател, цензусот е исполнет, а отворениот бојкот на ДУИ не успеа, рече потпретседателот на ВМРО-ДПМНЕ, Тимчо Муцунски. -Елитите на власта се поразени од народот, но денес излегоа на виделина сите игри на власта. Предупредувавме на сценариото дека ДУИ посакува криза и сака да се факторизира преку бојкот. Добра вест е што ДУИ изгуби двојно, бојкотот не е успешен, а ДУИ оди во опозиција. Народот денес излегуваше на избори да си ја врати Македонија: Македонци, Албанци, Срби, Роми и Бошњаци гласаа да си го вратат системот. Денешниот ден помина во генерално мирна атмосфера, но се забележани поединечни нерегуларности. Неколку функционери на владејачката партија се фатени како прават притисоци и го рушат гласачкото право. Институциите мора да бидат на задача и да се примени правото. На крај, благодарност за огромната доверба и благодарност за тоа што се случи народ. Очекуваме одличен резултат и сосема извесно е дека Силјановска-Давкова дека ќе биде идниот претседател на Македонија – рече Муцунски....
ОД ОБРАБОТЕНИ 73,74%: За ВМРО-ДПМНЕ гласале 290.681, за СДСМ 99.363, за ДУИ 105.362, за ВЛЕН 84.617
Денешен - ново
Според податоците на ДИК, од обработени 73,74% од избирачките места, за коалицијата предводена од ВМРО-ДПМНЕ гласале 290.681 или 41,76%, за СДСМ 99.363 или 14,29%, за коалицијата предводена од ДУИ 105.362 или 15,15%, за коалицијата ВЛЕН 84.617 или 12,17%. За Левица 47.159 или 6,78%, за Движењето ЗНАМ 35.548 или 5,11%....
ОД ОБРАБОТЕНИ 73,83%: За Силјановска Давкова гласале 382.739, за Пендаровски 174.538
Денешен - пред 20 минути
Според податоците на ДИК, од обработени 73,83% од избирачките места, за Гордана Силјановска Давкова гласале 382.739 или 64,52%, а за Стево Пандаровски 174.538 или 29,42%....
ОД 54,36% ОБРАБОТЕНИ ИЗБИРАЧКИ МЕСТА: ВМРО-ДПМНЕ 188.616 гласови, СДСМ 63.641, ДУИ 84.156, ВЛЕН 69.445
Денешен - пред 57 минути
Според податоците на ДИК, од 54,36 % обработени избирачки места, за ВМРО-ДПМНЕ гласале 188.616, за СДСМ 63.641, за ДУИ 84.156, за ВЛЕН 69.445, за Левица 31.012, ЗНАМ 22, 741....
КАНДИДАТОТ НА СДСМ ВОДИ САМО ВО НЕКОЛКУ АЛБАНСКИ ОПШТИНИ: Од 48,29% обработени, за Силјановска Давкова гласале 214.695, за Пендаровски 103.144
Денешен - пред 1 час
Според податоците на ДИК, од обработени 48,29% од избирачките места, за Гордана Силјановска Давкова гласале 214.695 или 63,09%, а за Стево Пандаровски 103.144 или 30,31%. Пендаровски води во Липково, Арачиново, Желино, Студеничани, Боговиње, Врапчиште, Дебар и уште неколку места со мнозинско албанско население. Води и во Крушево. Во сите останати води Силјановска Давкова....
ОД ОБРАБОТЕНИ 36,87%: ВМРО-ДПМНЕ има освоено 103.283, СДСМ 35.244
Денешен - пред 1 час
Според ДИК, од обработени 36,87 %, ВМРО-ДПМНЕ има освоено 103.283, а СДСМ 35.244, ДУИ има освоено 61.366 гласа, а Влен 51.884 гласа. За Левица гласале 16.485, ЗНАМ 12.041 гласач....
ОД 12% ПРЕБРОЕНИ ГЛАСОВИ: Силјановска 126.678, Пендаровски 51.965
Денешен - пред 1 час
На обработени 12% од избирачките места и 4,43% од гласачите во Македонија, Гордана Силјановска Давскова има огромно водство пред Стево Пендаровски. Според центарот на ВМРО-ДПМНЕ, на кандидатката поддржана од ВМРО-ДПМНЕ, Гордана Силјановкса Давкова досега гласале 126.678 лица, а за кандидатот поддржан од страна на СДСМ, Стево Пендаровски гласале 51.965лица. Регистрирани се и 7555 неважечки ливчиња....
СПОРЕД ДОСЕГА ПРЕРАБОТЕНИТЕ ГЛАСОВИ: Убедливо водство на ВМРО-ДПМНЕ
Денешен - пред 1 час
Од досега пребројаните гласови на 9,61% од избирачките места, огромна е разликата на ВМРО-ДПМНЕ на денешните парламентарни избори. ВМРО-ДПМНЕ и коалицијата „Твоја Македонија“, од овие проценти, има освоено 20.713 гласа. Од овие пребројани гласови, СДСМ има освоено 5.857 гласови. ДУИ има освоено 7.552, ВЛЕН 4.100, ЗНАМ 1.522…....
ПРВИЧНИ РЕЗУЛТАТИ ОД ВМРО-ДПМНЕ: Силјановска 68.65%, Пендаровски 27.28%
Денешен - пред 1 час
На 8% од обработените гласови во Македонија, Гордана Силјановска Давскова води со над 50.000 гласови разлика пред Стево Пендаровски. Според центарот на ВМРО-ДПМНЕ, на кандидатката поддржана од ВМРО-ДПМНЕ, Гордана Силјановкса Давкова досега гласале 86.688 лица, а за кандидатот поддржан од страна на СДСМ, Стево Пендаровски гласале 34.450 лица. Регистрирани се и 5134 неважечки ливчиња....
ПРОТИВ ВОЈНАТА ВО ГАЗА: Пропалестинските демонстранти подигнаа барикади пред Универзитетот во Амстердам
Денешен - пред 2 часа
Пропалестинските демонстранти денеска подигнаа барикади пред Универзитетот во Амстердам за да го блокираат влезот во зградата на факултетот, до кој се пристапува од централниот дел на градот и насоката на каналот. Пропалестинските демонстранти денеска подигнаа барикади пред Универзитетот во Амстердам за да го блокираат влезот во зградата на факултетот, до кој се пристапува од централниот дел на градот и насоката на каналот, и рекоа дека ќе останат таму додека институциите не ги пресечат сите врски со Израел. Интервентната полиција вчера употреби булдожер за да ги сруши барикадите на друг универзитет во Амстердам и приведе 169 лица, но беше речено дека универзитетот се уште не побарал слична интервенција денеска. На овој начин студентите во главниот холандски град се приклучуваат на бранот протести и студентски акции на нивните колеги на универзитетите низ Европа, кои се насочени против израелската војна во Газа. Нивните акции уследија по поголемите немири што ги започнаа американските студенти на тамошните универзитети. Демонстрантите сметаат дека израелските институции со кои соработува универзитетот профитираат од репресијата врз Палестинците. Универзитетот во Амстердам во понеделникот објави дека програмите за размена со три израелски универзитети се суспендирани поради безбедносни причини. Покрај размената на студенти, универзитетот редовно соработува со израелски научници или компании на осум различни европски истражувачки проекти. Во соопштението се вели дека ниту една од овие соработки не поддржува воени цели. Полицијата вчера ги растера протестите организирани на швајцарскиот универзитет во Цирих и пред зградата на берлинскиот Freie Universitaet. Минатата недела полицијата спроведе слична акција на Сорбона во Париз, а во среда Универзитетот во Брисел најави дека ќе ги пријави во полиција сите студенти кои учествуваа во насилниот протест, како и во нападот на претседателот на Еврејскиот студентски сојуз. Ирскиот колеџ Тринити Даблин (ТЦД) неделава објави дека ќе се повлече од инвестициите на израелските компании поврзани со Обединетите нации со населбите во окупираните палестински територии по студентскиот протест организиран поради војната во Газа....
ЕСКОБАР: Не сум сменет, ми истече мандатот, си заминувам кон крајот на месецов
Денешен - пред 2 часа
Заменик-помошникот државен секретар на САД за Европа и Евроазија и американскиот пратеник за Западен Балкан, Габриел Ескобар денеска изјави дека му истекол мандатот, поради што на крајот на месецот ќе ја напушти функцијата и посочи дека е лажна вест дека е сменет. Новинарите на Телеграф присуствуваа на брифингот на кој говореше американскиот претставник за Западен Балкан, Габриел Ескобар. „Во текот на викендот наводен новинар пишуваше за моето разрешување и поврзаноста со српската влада и сакам да кажам дека сѐ во тие написи е лага. Сопругата не добиваше пари од ниту една странска влада. Во секоја амбасада каде што работев во Боливија, Португалија, Италија и Србија, таа контактираше со луѓе без никакво плаќање“, рече Ескобар на онлајн прес-конференцијата. Како што рече, лажно е и тврдењето дека изворот за ова е од Конгресот, кој наведува дека Конгресот не одлучува за неговото именување. „Оваа вест се појави набргу откако комуницирав со владата во Приштина. Ова е вид на дезинформација што едноставно не е точна. Благодарен сум за поддршката што ми ја дадоа Стејт департментот, лидерите и новинарите со кои работев. “ изјави Ескобар....
ВУЧИЌ: Договорот за слободна трговија со Кина ја гарантира иднината на нашата земја
Денешен - пред 2 часа
Претседателот на Србија, Александар Вучиќ, денеска изјави дека Договорот за слободна трговија со Кина е договор кој ја гарантира иднината на Србија и дека пласирањето земјоделски производи на кинескиот пазар ќе значи спас за српските земјоделци. – Договорот за слободна трговија со НР Кина е нешто што ни гарантира пласман на нашите стоки и услуги. А во следните пет до десет години речиси 95 отсто од производите што ги произведуваме, што ги произведуваме во нашата земја ќе можеме да ги извеземе во Народна Република Кина без никакви царини, без никакви давачки – рече Вучиќ на заедничка прес-конференција со претседателот на Кина, Си Џинпинг, објави Телеграф. Имајќи предвид дека денес кинеските царини се меѓу 38 и 62 отсто за стоки од Европа, Вучиќ посочува дека е јасно каква и колкава предност ќе имаат српските стоки на таков огромен, важен и сѐ побогат пазар кога ќе се отстранат царините. – Претседателот Си успеа да ја спаси Народна Република Кина од сиромаштија и да создаде многу силна средна класа. Тоа ви кажува за потенцијалот и можностите на Република Србија во иднина – рече Вучиќ. Тој потсети дека се потпишани договорите за бесплатен извоз на сливи и боровинки и дека тоа многу ќе им значи на српските селани од Осечина, Ваљево, Блаце… – Тоа се огромни аванси и гарантиран пласман, бидејќи имаме добра стока и на овој начин, со овие ослободувања, секако по најдобра цена. Благодарност до нашите кинески пријатели за тоа, но тоа е само почеток. Од јаболка ќе преминеме на говедско – рече Вучиќ. Тој додаде дека за српското вино се потребни пет години за тарифата на кинескиот пазар да се спушти на нула и дека секоја година ќе се намалува за 20 отсто од сегашната тарифа, додека за српските ракии тој период ќе трае вкупно десет години. – Тоа се однесува на нашиот обичен селанец, се однесува на нашиот обичен домаќин. И сигурен сум дека во НР Кина ќе успеат да добијат добар производ, за никогаш да не се срамиме – рече Вучиќ. Тој најави дека денеска на ручек со кинеската делегација лично ќе му служи само српски вина на претседателот на Кина, Си и дека пласманот на српските вина на кинескиот пазар претставува спас за нашите земјоделци, лозари....
ТАРАВАРИ: По овие избори ќе се смени власта во Македонија
Денешен - пред 2 часа
Гостиварскиот градоначалник и кандидат за претседател во првиот круг од коалицијата ВЛЕН/ВРЕДИ, Арбен Таравари на гласање дојде со потесното семејство и порача дека по овие избори ќе се смени власта во Македонија. Тој во изјавата за медиумите по гласањето апелираше на до граѓаните на помасовна излезност. – Ние гласавме. Апелирам и до сите граѓани што помасовно да ја изразат својата волја и на крајот на денот да ги изброиме ливчињата. Да видиме кој е победникот. Според единствената анкета која постои меѓу двата круга најверојатно следната влада ќе биде составена од ВМРО и ВЛЕН/ВРЕДИ, рече Таравари. На прашање на МИА каков исход очекува, Таравари напомена дека ова ќе биде историска победа на Албанците во Македонија. – За албанскиот блок ова е историски ден. Кажав и претходно, 8 мај ќе биде историја за Албанците и за ова ќе пишува во книгите. По 22-годишен режим на ДУИ, мислам дека ДУИ од денес е во опозиција. И тие се свесни и го знаат тоа, подвлече Таравари. Според неговите информации имало нарушување на изборниот процес и посочи дека вчера е откриен поткуп на гласачи од страна на оџи и функционери на ДУИ. -Тоа е јавна тајна. Секогаш го правеле тоа и го повторуваат, меѓутоа ќе има одговорност. Претходно не одговараа, бидејќи беа на власт. Сега ќе одговараат. Од утре ќе има одговорност и ги повикувам сите луѓе да овозможат гласањето да биде фер и што демократско, рече Арбен Таравари....
ДAШТЕВСКИ: Излезноста до 18:30 за претседателските избори е 46,34%
Денешен - пред 2 часа
Претседателот на Државната изборна комисија, Александар Даштевски, во изјава за Сител ги сподели последните податоци околу излезеноста за претседателските и парламентарните избори. Излезеноста заклучно со 18:30 часот за претседателските избори изнесува 46,34 отсто, додека за парламентарните избори е 53,43 отсто....
СЛАВЕСКИ: Зошто на локалните никој не нѐ праша дали сакаме да гласаме само за градоначалник или и за листите на советници?
Денешен - пред 3 часа
Заговарачите за бојкот, со намера да предизвикаат неуспех на изборите за претседател на Република Македонија и да ја втурнат земјата во хаос, очигледно знаеле нешто од областа на бихејвиористичката економија, анализира Трајко Славески, според кого на одлуката на луѓето при изборот во голема мера влијае начинот на презентација на алтернативите. Во науката овој ефект е познат како „врамување” (framing effect). Во случајов секој гласач што дошол на избирачко место да го оствари своето право на глас требаше да биде понуден да гласа за претседател и за членови на Парламентот. При тоа, до колку сака, може да земе само едно од понудените две гласачки ливчиња, како сопствен избор. Наместо ова, мнозинството во ДИК, што го сочинуваат претставници од партиите на сѐ уште постојното владеачко мнозинство, манипулативно и со намера да ја намалат излезноста на изборите за претседател, дале насоки избирачките одбори да ги прашуваат гласачите за кои избори сакаат да гласаат, вели Славески. Тој прашува „Зошто немаше вакви прашања на Локалните избори во 2021 година?“. Никој не нѐ праша дали сакаме да гласаме само за градоначалник или и за листите на советници! Секој гласач под default ги добива сите гласачки ливчиња, а негово/нејзино право е да одлучи за што ќе гласа, или ќе врати некое од ливчињата назад непополнето. Направен е преседан за кој е потребно објаснување. За среќа, судејќи според излезноста до 15:00 часот, бојкотот нема да успее и Република Македонија ќе добие компетентен претседател. Заговорниците на бојкотот ќе бидат посрамени и дефакторизирани!, порача тој....
ДИК: Излезноста до 17 часот за претседателските избори 39,32 отсто, а за парламентарните 45,88 отсто
Денешен - пред 3 часа
Според податоците на ДИК излезноста до 17 часот за претседателските избори 39,32 отсто од 99,18 отсто обработени податоци, а за парламентарните 45,88 отсто. Најголема излезеност во моментов, за претседателските избори има во Новаци со 66,47 отсто, а најмалата излезеност за претседателските избори е во Липково, со 6,48 отсто. -Споредбено со вториот круг од претседателските избори во 2019 година имаме зголемување на излезеноста од 7,19 отсто на овие избори, додека споредбено со првиот круг од претседателските избори 2024 имаме зголемување од 0,01 отсто, истакна на попладневната прес-конференција претседателот на ДИК Александар Даштевски. До 17 часот пристигнати се податоци за излезеност на гласачите за парламентарните избори од 1 920 избирачки места. Од вкупно запишани 1 003 459 гласачи на овие избирачки места, гласале 470 950 граѓани, односно 46,93 отсто од граѓаните со право на глас. Најголема излезеност во моментов, за парламентарните избори има во Кривогаштани, со 79,73 проценти. Најмалата излезеност за парламентарните избори е во Маврово и Ростуше, со 22,93 процент. -Споредбено со парламентарните избори во 2020 година имаме зголемување на излезеноста од 8,15 проценти на овие избори, појасни Даштевски. Излезеноста по изборни единици за парламентарните избори е следна: Изборна единица 1 – 53.22 отсто, Изборна единица 2 – 41.83 отсто, Изборна единица 3 – 51.49 отсто, Изборна единица 4 – 48.49 отсто, Изборна единица 5 – 47,45 отсто, Изборна единица 6 – 34.71 отсто. -До овој момент до ДИК се доставени вкупно 450 приговори за заштита на личното избирачко право. Од нив 228 се усвоени и на избирачите им е овозможено да го остварат своето право на глас, 22 приговори се отфрлени како неуредни, а 67 приговори се одбиени. Останатите приговори се во обработка, вели претседателот на ДИК. Тој потсети дека овој изборен ден го следат 1 303 домашни и 860 меѓународни набљудувачи, како и 83 странски новинари. Активен е и бесплатниот телефонски број 0800 555 44 на кој заинтересираните граѓани можат да постават прашање или да пријават неправилности до Државната изборна комисија. Исто така активна е и видео кол линијата на број 076 488 360 преку која граѓаните со оштетен слух и говор ќе можат во текот на изборниот ден преку видео повик да постават прашање до Државната изборна комисија и да добијат одговор на знаковен јазик....
НЕОФИЦИЈАЛНО: Постигнат цензусот за претседателските избори, до 17 часот излезноста е 42,32 отсто
Денешен - пред 4 часа
ДИК информира дека до 17 часот, на претседателските избори излезноста е 42,32 %, што значи дека е постигнат цензус. Македонскиот народ масовно излезе денес да го оствари своето право на глас. Не успеа бојкотот кој го заговараа, организираа и реализираа дел од партиите на власт. Правото на глас македонските граѓани можат да го остварат денес до 19 часот. Наскоро поопширно…...
ДИК: До 15 часот, на претседателските избори гласале 31,53 отсто, на парламентарните 36,56 отсто гласачи
Денешен - пред 4 часа
Според податоците од ДИК, до 15 часот излезноста на претседателските избори била 31,53 отсто, односно гласале 561 611 гласачи. На парламентарните избори, излезноста е 36,56 отсто, односно гласале 652 660 гласачи од обработени 98,35 отсто ливчиња. За цензус на претседателските избори, потребна е излезност од 40 отсто....
ПИРЕЈ Е МАКЕДОНЕЦОТ: Три месеци не е излезен од дома, две недели лежи болен, но денеска стана да гласа за Македонија
Денешен - пред 6 часа
Еве зошто нема Македонецот да дозволи да биде победен. Еве зошто и како Македонецот опстоил 3.000 години. Пиреј е тоа!- ова се само дел од коментарите оставени под ФОТОГРАФИЈАТА НА ДЕНОТ. -Три месеци не е излезен надвор, две недели не е станат од кревет, ама кога се работи за Македонија, не постои сила што ќе го запре, пишува синот на овој татко херој....
ИЗЛЕЗНОСТ ВО ЈУГОИСТОЧНА МАКЕДОНИЈА: Најголем одзив од 31 отсто има во Гевгелија и Дојран, a најмал во Босилово со 15 отсто
Денешен - пред 7 часа
Во десетте општини од Југоистокот на Македонија до 13 часот на вториот круг на претседатеските и парламентарните избори најголема излезност е забележана во Гевгелија и Дојран-31 отсто, а најмала во Босилово 15 отсто. Во другите општини излезноста во Василево е 18 отсто, Радовиш и Ново Село 20 отсто,Конче 23 отсто, Валандово 25, Богданци 28, Струмица 27 отсто од вкупно запишаните избирачи. Во десетте општини од Југоисточниот плански регион граѓаните гласаат на 273 избирачки места, а право на глас во вториот круг на претседателските и парламентарните избори имаат 141.167 гласачи. Според информациите од општинските изборни комисии досега не се забележани неправилности....
ДУИ И ГРУБИ СО БОЈКОТ ВО ЕУ: Не гласав за претседателските оти не сакам да легитимирам претседател(ка) кој(а) е против УЧК
Денешен - пред 7 часа
Бојкотот не е потребната алатка во демократијата и воопшто не се дискутира прашањето за бојкот, вака претседателот на Демократската унија за интеграција, Али Ахмети одговори на новинарско прашање на прес конференцијата на која го промовираше Бујар Османи како кандидат за претседател, дали ако кандидатот на ДУИ не оди во вториот круг ќе ги бојкотираат изборите. Но, ова што денеска го прави ДУИ и нејзините експоненти покажува дека Ахмети, демократијата и демократските средства ги толкуваат како што моментално им одговара. Денеска вицепремиерот Артан Груби кој истовремено е и шеф на кабинетот на Али Ахмети, потврди дека го направил спротивното од тоа што Ахмети го кажа на почеток на кампањата. Тој на новинарско прашање откако излезе од гласачкото место одговори дека не гласал за претседател на државата. „Не гласав за претседателските, бидејќи не сакам да легитимирам претседател или претседателка која е против УЧК, против Охридскиот договор, против добрососедството со Косово, со Бугарија, со Грција, против интеграција во ЕУ и уставните измени, против пријателството со САД. Не сакам идниот претседател или претседателка да го има и легитимитетот на гласовите на демократскиот свет тука во С. Македонија, овозможувајќи избор на еден таков претседател. Затоа го искористив моето демократско право да гласам за парламентарните, но не и за претседателските избори“, рече Груби....
ИЗЛЕЗНОСТ ДО 13 ЧАСОТ: 25,84 отсто од граѓаните гласале на парламентарните избори, а на претседателските 23.95 проценти
Денешен - пред 7 часа
До 13 часот пристигнати се податоци за излезеност на гласачите за Претседателските избори од 2472 избирачки места. Од вкупно запишани 1.261.526 гласачи на овие избирачки места, гласале 302.158 односно 23.95 отсто, соопшти Државната изборна комисија (ДИК). Најголема излезеност во моментов, за Претседателските избори има во Крива Паланка, со 46.44 отсто. Најмалата излезеност за Претседателските избори е во Липково, со 3.28 отсто. -Споредбено со вториот куг од Претседателските избори во 2019 година имаме зголемување на излезеноста од 3.49 отсто на овие избори. Додека споредбено со првиот круг од Претседателските избори 2024 имаме намалување од 0.7 отсто, наведува ДИК. До 13 часот пристигнати се податоци за излезеност на гласачите за Парламентарните избори од 2348 избирачки места. Од вкупно запишани 1.207.922 гласачи на овие избирачки места, гласале 312.070 односно 25.84 отсто од граѓаните со право на глас. Најголема излезеност во моментов, за парламентарните избори има во Кривогаштани, со 48.65 проценти. Најмалата излезеност за парламентарните избори е во Маврово и Ростуше, со 11.91 процент. -Споредбено со Парламентарните избори во 2020 година имаме зголемување на излезеноста од 2.03 проценти на овие избори, укажуваат од Комисијата. Излезеноста по изборни единици за парламентарните избори е следна: Изборна единица 1 – 31.18 отсто, Изборна единица 2 – 23.91 отсто, Изборна единица 3 – 29.18 отсто, Изборна единица 4 – 26.40 отсто, Изборна единица 5 – 25.04 отсто, Изборна Единица 6 – 16.71 отсто....
АПЕЛ ОД МПЦ-ОА: Ве повикуваме масовно да гласаме – овие избори се од суштинско значење, Бог да ја благослови Македонија
Денешен - пред 9 часа
Изборите се демократски чин преку кој ја изразуваме својата суверена волја. Секој изборен процес е важен, но овие избори се од суштинско значење, како за опстојот така и за сегашноста и иднината на народот и државата, се вели во соопштението на Македонската православна црква – Охридска Архиепископија, скопска епархија. -Изборите се можност кои ни се дадени за да учествуваме во креирањето на сопствената сегашност и иднина, а со тоа и иднината на поколенијата по нас. Слободната волја и правото на избор се дар од Бога дадени секому. Па, наша должност е да го искористиме и овојпат тоа право! Затоа, почитувани верници на Македонската православна црква и сите граѓани, Ве повикуваме да излеземе масовно и да гласаме! Бог да ја благослови Македонија, велат од МПЦ-ОА....
ИЗЛЕЗНОСТ НА ИЗБОРИТЕ: До 11 часот 12,87 проценти за претседателските и 13,69 отсто од гласачите за парламентарните избори
Денешен - пред 9 часа
Државната изборна комисија ја соопшти излезноста на изборите до 11 часот. Претседателски избори: Од добиени податоци од 2080 избирачки места каде се запишани 1.962.019 гласачи, гласале 141.087 гласачи, односно 12,87 проценти. Најголема излезност има во Пробиштип – 27,85 проценти, а најмала во Липково 1,76 отсто и во други места. -Во источна и централна Македонија многу повеќе гласачи гласале за претседателските избори, отколку во западна Македонија каде што процентот е многу низок, истакна претседателот на ДИК, Александар Даштевски. Парламентарни избори: Од добиени податоци од 1976 избирачки места каде се запишани 1.030.092 гласачи, гласале 140.990 гласачи, односно 13,96 проценти. Најголема излезност има во Кривогаштани – 28,38 проценти, а најмала во Врапчиште 5,5 отсто. Споредено со парламентарните избори во 2020 година има зголемување на излезност од 2,69 отсто. Даштевски истакна дека до ДИК до овој момент се доставени вкупно 164 приговори за заштита на лично избирачко право, 50 се усвоени. Седум приговори се отфрлени како неуредни, а девет се одбиени. Останатите се во обработка. На двојните избори се гласа на 3.480 гласачки места во 80 општини во Македонија. За претседателските избори право на глас имаат 1.814.317 избирачи, додека на парламентарните избори 1.815.350 избирачи. Разликата во гласовите е 1033, генерално поради граѓани кои стекнуваат полнолетство....
ИЗЛЕЗНОСТ ПО ИЗБОРНИ ЕДИНИЦИ: Најголема излезност до 9 часот има во единицата, а најмала во шестката, соопшти ДИК
Денешен - пред 11 часа
Претседателот на Државната изборна комисија, Александар Даштевски на првата прес-конференција денеска ја соопшти и излезноста за парламентарните избори по изборни единици. Најголема излезност до 9 часот, има во третата изборна единица, додека најмала во шестата. Изборна единица 1 – 4,85 проценти Изборна единица 2 – 3,64 проценти Изборна единица 3 – 6,26 проценти Изборна единица 4 – 5,72 проценти Изборна единица 5 – 4,41 проценти Изборна единица 6 – 2,24 проценти...
СУДЕЊА НА ТРАМП: Нема поништување на судењето на експретседателот, и кандидат за иден, за афера со порно ѕвезда пред 18 г.
Денешен - пред 11 часа
Судијата во кривичната постапка против Доналд Трамп во вторникот го одби барањето за поништување на судењето на адвокатот на Трамп, Тод Бланш, кој тврдеше дека сведочењето на порно ѕвездата Сторми Даниелс за нивната наводна афера во 2006 година е ирелевантно и само ќе ги разгори страстите на поротата. „Како можеме да излеземе од ова на начин што е фер за претседателот Трамп“, рече Бланш. Судијата Хуан Мерчан рече дека се согласува дека има елементи во нејзиното сведочење што би било подобро да не се кажат. „Мислам дека беше малку тешко да се контролира сведокот. Мислам дека не сме во фаза кога поништувањето на судењето е оправдано“, рече Мерчан. Предлогот беше поднесен неколку часа по нејзиното сведочење. Таа пред поротата кажа за нејзината наводна врска со Трамп и митото од 130.000 долари што го добила за да молчи кога тој се кандидираше за претседател во 2016 година. Даниелс (45) рече дека одлучила тој инцидентот да остане приватен откако добила закана на паркинг во 2011 година, но се предомислила за време на кампањата во 2016 година, кога биле изнесени неколку обвинувања за сексуален напад против Трамп. „Мојата мотивација не беа парите, сакав да ја раскажам приказната“, вели таа. Трамп (77) се изјасни дека не е виновен за фалсификување деловни книги за да се прикрие давање мито на Даниелс. Тој негира дека имал секс со Даниелс, а неговите адвокати тврдат дека таа го измислила затоа што сакала да се појави во шоуто на Трамп „The Apprentice“. Даниелс потврди дека се надевала дека Трамп ќе ја ангажира во шоуто по нивниот однос. Фото: МИА архива...
НОВ ЗАКОН ВО ЕСТОНИЈА: Естонците ќе можат да гласаат на избори и преку мобилен телефон, компјутер и социјални апликации
Денешен - пред 11 часа
Граѓаните на Естонија во иднина ќе можат да гласаат на избори преку мобилен телефон, откако Парламентот во Талин го одобри законот предложен од Владата. Според предлог-законот, електронското гласање нема да биде можно само на компјутери, туку и преку специјални апликации за заеднички оперативни системи на мобилни уреди. Техничките услови ги утврдува избирачкиот одбор пред секои избори. Измената на законот треба да стапи на сила во октомври, па опцијата за гласање со мобилен телефон се уште нема да може да се користи на изборите за Европскиот парламент во јуни. Според естонскиот министер за економија и ИТ, Тиит Риисал, новиот закон има за цел да ја земе предвид промената во однесувањето на граѓаните. „Значителен дел од секојдневните дигитални активности на луѓето се префрли од компјутери на паметни уреди, а е-Естонија мора да биде достапна за сите на овие нови и широко распространети платформи“, рече министерот. Во 2005 година, Естонија беше првата земја во Европа што овозможи онлајн гласање на политички избори. Во балтичката држава, која сака да се нарекува себеси е-Естонија, на парламентарните избори во март 2023 година повеќе од половина од сите гласови беа дигитално дадени. Граѓаните на таа балтичка држава, исто така, можат да прават речиси сè онлајн во секојдневниот живот. Естонија се смета за пионер на дигитализацијата и електронската управа во Европа. Фото: МИА архива...
БЛИНКЕН: Да се казнат сите кои ја олеснуваат илегалната миграција и овозможуваат превоз на оние кои се обидуваат да влезат во САД
Денешен - пред 11 часа
Американскиот државен секретар Ентони Блинкен, повика вчера на регионалната конференција за миграција да се санкционираат оние кои ја олеснуваат „илегалната миграција“, осврнувајќи се на централната тема од претседателската кампања во САД. „Новата политика за одбивање на барањата за визи е насочена кон луѓето кои свесно им овозможуваат превоз на оние кои се обидуваат илегално да влезат во Соединетите држави“, рече Блинкен во говорот пред министрите за надворешни работи и високи претставници на дваесетина земји кои ја потпишаа Декларацијата за миграција и заштита. „Таа декларација нагласува дека нерегуларната миграција ги погодува сите наши земји и дека секој од нас има обврска да помогне. Ги поддржувам напорите на локалните власти кои имаат за цел да им помогнат на луѓето да останат во својата земја, додаде Блинкен, потсетувајќи на „вистински историски предизвик“ за американскиот континент. Американскиот државен секретар напомена дека во Никарагва пристигнуваат чартер летови со американски баратели на азил од Азија и Африка. Покрај тоа, тој нагласи дека Вашингтон во понеделникот најави „одбивање визи на лидерите на колумбиските компании кои ја олеснуваат илегалната имиграција“. Нагласувајќи дека се преземаат значајни мерки за проширување на патеките за легална миграција како алтернатива на нерегуларната миграција, тој рече дека ги поддржува „напорите на локалните власти кои имаат за цел да им помогнат на луѓето да останат во својата земја со решавање на длабоките причини поради кои луѓето одлучуваат да мигрираат“. Секоја година, околу 2,8 милиони илегални мигранти влегуваат во САД. Фото: ЕПА...
ФЕДЕРАЛЕН СУД ВО ФЛОРИДА: Одложено судењето на Трамп за тајните документи, датум за продолжување не е утврден
Денешен - пред 11 часа
Федералниот суд во Флорида го одложи, без да одреди датум за продолжување, почетокот на судскиот процес против поранешниот американски претседател Доналд Трамп поради несовесно постапување со документи класифицирани како тајни. Тоа е едно од четирите процеси што се водат против Трамп, а требаше да започне на 20 мај, но федералниот суд оцени дека тој рок е неодржлив поради бројните претходни претставки поднесени до судот. Ајлин Кенон, судијката назначена од поранешниот претседател, не одреди нов датум. На републиканскиот претседателски кандидат во моментов му се суди во Њујорк за сомнителни исплати пред претседателските избори во 2016 година. Во судскиот процес против него во Флорида, Трамп е обвинет, заедно со двајца лични секретари, дека однеле доверливи документи во приватна резиденција во Мар-а-Лаго по напуштањето на Белата куќа во јануари 2021 година. Според обвинението, Трамп со чувањето на овие документи ја загрозил националната безбедност. Меѓу нив имало и воени планови како и информации за нуклеарно оружје, кои во согласност со законот требало да ги врати во Националниот архив. Тој беше обвинет и за обид за уништување докази. Најсериозните обвиненија може да му донесат затворска казна од десет години. Неговите адвокати направија се за да се одложи судењето. Фото: ЕПА...
МОНД: По Франција, Си Џинпинг ја продолжува европската турнеја со патување „на освоената територија“, а тоа се Србија и Унгарија
Денешен - пред 11 часа
Кинескиот претседател Си Џинпинг ја продолжува европската турнеја со посета на пријателските земји Србија и Унгарија, каде ќе се разговара за нови инвестиции, но не треба да се очекува да се споменат прашања како што се критиките за човековите права и кинеската трговска политика, односно поддршката на Пекинг за Москва, оцени денеска парискиот весник „Монд“. – По Франција, Си Џинпинг ја продолжува европската турнеја со патување „на освоената територија“, а тоа се Србија и Унгарија. Кинескиот претседател избра со своето присуство да почести две земји со ограничена демографска и економска тежина, но чии двајца лидери, претседателот на Србија Александар Вучиќ и унгарскиот премиер Виктор Орбан користат многу критичка реторика кон Западот, а тоа им се допаѓа на Кинезите, пишува весникот. За време на четиридневната посета на Белград и Будимпешта, „не треба да очекуваме критики за човековите права во Кина, за трговската политика на Кина или за поддршката на Пекинг за Москва. Напротив, Вучиќ има намера да го прослави, како што го опишува тој, „челичното пријателство“ меѓу Србија и Кина“, оцени францускиот весник. Што се однесува до Унгарија, Орбан сака да ја одбрани „својата отворена политика“, бидејќи верува дека „Западна Европа е болна“, додаде Монд. – И Србите и Унгарците се надеваат дека ќе добијат конкретни најави за инвестиции за време на оваа посета. Вучиќ објасни дека од кинескиот претседател ќе побара помош „за обновување на производството на возови“ во неговата земја, но и инвестиции во областа „летечки возила и „вештачка интелигенција“, пишува францускиот весник. Унгарските медиуми шпекулираат за изградба на нова кинеска фабрика за електрични возила. Со својата одлучна прокинеска политика, Унгарија за неколку години успеа да стане водечка дестинација во Европската унија за кинеските производители на електрични возила. – Во споредба со другите земји во регионот, како Чешка или Полска, кинеските компании ја ценат Унгарија поради континуираните добри односи со Кина веќе 20 години, оценуваат унгарски експерти, пренесе Монд. Фото: ЕПА...
ПАРИЗ: Макрон ќе ја предводи церемонијата за 79-годишнината од победата на сојузниците над нацистичка Германија на 8 мај 1945 г.
Денешен - пред 11 часа
Францускиот претседател Емануел Макрон денеска во Париз ќе ја предводи церемонијата по повод 79-годишнината од победата на сојузниците над нацистичка Германија на 8 мај 1945 година, објавија француските медиуми. Денот на победата оваа година ќе биде одбележан со зголемено обезбедување во цела Франција, бидејќи во текот на денот олимпискиот факел ќе пристигне во Марсеј во пресрет на Олимписките игри кои ќе се одржат во Париз од 26 јули до 11 август. Според програмата, Макрон прво ќе се поклони пред споменикот, статуата на генералот Шарл де Гол, а потоа во придружба на Републиканската гарда ќе прошета по познатата авенија Шанзелизе до историскиот споменик на Триумфалната капија. Францускиот претседател повторно ќе го разгори пламенот на гробот на непознатиот херој кај Портата. Ќе се огласат „Ѕвоната за мртвите“, по што ќе следи едноминутно молчење, а потоа хорот на француската армија ќе ја изведе химната. Париската полициска префектура претходно воведе посебни безбедносни мерки бидејќи Денот на победата се слави низ цела Франција. На церемонијата ќе присуствуваат премиерот Габриел Атал, министерот за одбрана Себастијан Лекорни, како и воениот врв. Макрон подоцна денеска ќе отпатува за Марсеј на свечен пречек на олимпискиот оган. Фото: МИА архива...
АСТРАЗЕНЕКА: Се повлекува вакцината против Ковид-19 откако пред судот призна дека може да предизвика ретки и опасни несакани ефекти
Денешен - пред 11 часа
Британско-шведската фармацевтска компанија „АстраЗенека“ објави дека ја повлекува вакцината против Ковид-19 неколку месеци откако пред судот во Лондон призна дека вакцината може да предизвика ретки и опасни несакани ефекти. Вакцината повеќе не може да се користи во Европската унија, откако компанијата доброволно го повлече одобрението за ставање во промет. Барањето за повлекување на вакцината беше поднесено на 5 март и стапи на сила во вторник. Слични пријави ќе бидат направени во наредните месеци во Велика Британија и други земји кои ја одобриле вакцината, позната како „Вакзеврија“. „АстраЗенека“ соопшти дека вакцината е отстранета од пазарот од комерцијални причини и дека повеќе не се произведува или испорачува, бидејќи е заменета со ажурирани вакцини кои се ефикасни против новите соеви на Ковид-19, пренесува британски „Телеграф“. „Ваксеврија“ е под интензивна контрола во последниве месеци поради многу редок несакан ефект, кој предизвикува згрутчување на крвта и низок број на тромбоцити во крвта. Фото: МИА архива...
ДИК: Излезноста до 9 ч. е 4,17 отсто, најголема е во Пробиштип со 8,85 проценти, а најмала во Боговиње каде гласале 0,57 отсто
Денешен - пред 11 часа
Излезеноста за вториот круг претседателски избори до 9.00 часот утрово е 4,17 отсто, согласно податоците од 1 009 избирачки места каде гласале 22 797 лица. Најголема е излезеноста во Пробиштип, 8,85, а најмала во Боговиње, 0,57. За парламентарните избори, пак, излезеноста е 4,45 отсто, покажуваат податоците од 1 033 избирачки места каде гласале 25 132 избирачи. Излезеноста е најголема во Кривогаштани, 9,46 отсто, а најмала во Боговиње, 1,43, соопшти претседателот на Државната изборна комисија (ДИК), Александар Даштевски. На првата прес-конференција по почетокот на денешното гласање, Даштевски информира дека сите избирачки места се отворени, а на неколку има технички проблеми кои тековно се решаваат од страна на ДИК. Добиени се и 15 приговори за избирачко право од кои само три се одбиени. -Споредбено со вториот круг претседателски избори од 2019 година излезеноста е намалена за 1,99 отсто. Во однос на парламентарните избори во 2020 година исто така има намалување, за 0,74 отсто, рече Даштевски. Според него, гласањето на местата каде има технички проблеми ќе продолжи со УВ лампа и спреј, а ако се отстранат недостатоците, ќе проодлжи со техничката опрема. Тие места се 0838/1 во Кочани, 1252 во Охрид, 1100 во Куманово, 1977 во Тетово, 2225 во Тетово и 2544 во Гази Баба. На новинарско прашање дали можеби има евентуален бојкот на претседателските избори, претседателот на ДИК истакна дека од тоа што може да се евидентира. фото/видео: МИА...
ПРЕКРШУВАЊА НА ИЗБОРНИОТ МОЛК: Бонови за точење гориво, оштетени банери и други повреди се регистрирани од МВР
Денешен - пред 12 часа
Министерството за внатрешни работи информира дека за време на предизборниот молк регистрира настани за повреда на слободата на определување на избирачите, делење на бонови… Во сите наведени случаи се преземени и соодветни мерки од страна на полициски службеници. На 07.05.2024 Е.Д. од Крњево пријавил дека во домот дошле три лица од ДИК, со цел неговиот дедо да оствари право на глас од избирачко место бр. 2828. Е.Д. се сомневал дека не биле лицата од ДИК, бидејќи не биле претходно известени и требало да присуствуваат пет лица. СВР Скопје презема мерки и активности за расчистување на настанот. На 07.05.2024 во координација со ОЈО Куманово преземени се активности во врска со настан дека лице од Крива Паланка на повеќе граѓани од Крива Паланка делело бонови за точење на гориво на бензинска пумпа. Извршен е претрес на простории на бензинската пумпа, каде во присуство на Ј.Ј. и М.Ѓ. биле пронајдени пет бонови за гориво во вредност од по 1.000 денари со втиснат датум од 08.05.2024 и еден бон за гориво во вредност од 2.000 денари, шест фискални сметки, а во торбата која ја носел вработениот пронајдени се два бона за гориво во вредност од по 1.000 денари и фискална сметка. Во просториите на ПС ОН Крива Паланка повикани се Б.С., С.М., М.Ѓ. и М.Д., сите од Крива Паланка поради извршување на службен разговор и се преземаат мерки за расчистување на случајот. На 07.05.2024 во 18,25 часот, на улица „Маршал Тито“ во Тетово, А.К. (24) од село Стримница пријавил дека се оштетени два банера со рекламен материјал од политичка партија кои биле поставени на кружен тек од улица „В.С.Бато“ со ул. „Маршал Тито“ во Тетово. Се преземаат мерки за расчистување на случајот. На 07.05.2024 во 22,10 часот, Ц.Т. од Неготино пријaвила кривично дело „повреда на слободата на определување на избирачите“, извршено од Л.Р. од Неготино. Имено, според пријавеното, околу 20,17 часот, Ц.Т. добила телефонски повик од Л.Р. за поддршка за гласање, на што Ц.Т. одговорила негативно. Потоа Л.Р. и нагласила на Ц.Т. дека имала земено ИПАРД поддршка, по што го прекинала повикот. За настанот известен е надлежен јавен обвинител и ќе се преземат дополнителни проверки. Во непосредна близина на избирачко место 1180 во ОУ „Христијан Т.Карпош“ во с.Драгоманце општина Старо Нагоричане забележани биле расфрлани летоци од политичка партија. Летоците се отстранети. Од МВР информираат дека во текот на изборниот молк пријавени се и неколку случаи за наводно агитирање и нудење поткуп, но по преземени мерки од страна на полициските службеници тие наводи до сега не се потврдени....
ТОШКОВСКИ: Безбедносната состојба стабилна, за секое незаконито дејствие ќе има име и презиме и ќе одговара пред законот
Денешен - пред 12 часа
Денешниот ден, од аспект на безбедносната состојба е стабилен. Министерството за внатрешни работи постапува согласно надлежностите што ги има, изјави денеска техничкиот министер за внатрешни работи Панче Тошковски по гласањето за изборите во ООУ „Јохан Хајнрих Песталоци“ во општина Центар. – Согласно информациите што ги имам од утринава, сите избирачки места се стабилни, отворени. Граѓаните можат да си го остварат своето право на глас во една мирна, фер и демократска атмосфера, рече Тошковски. Тој упати порака до граѓаните во текот на денешниот ден масовно да си го остварат своето право на глас и да не дозволат, како што рече, нивната волја да биде киднапирана од страна на било кој субјект и на било каков начин. – Секој македонски граѓанин може да го оствари своето право на глас и е должен да го оствари своето право на глас на еден таен начин, а зад параванот никој не може да знае за кого во едни фер и демократски услови секој македонски граѓанин ќе го даде своето право на глас, нагласи Тошковски. Повика на масовна излезност заради тоа што, како што рече, само така можеме да имаме европски избори кои ќе однесат таму каде што и заслужуваме да бидеме. Тошковски изрази благодарност до новинарите, до нашите меѓународни пријатели и до сите набљудувачи кои ќе го следат овој изборен ден. – МВР ги има сите човечки капацитети, технички ресурси потребни за да гарантираме еден фер и демократски изборен процес и притоа македонскиот граѓанин слободно, врз основа на сопствено убедување си го оствари своето право на глас, а секој еден кој ќе се обиде на незаконит начин да влијае било како во рамки на овој изборен ден треба да му биде јасно дека МВР во координација со надлежен јавен обвинител и судот ќе делуваат бескомпромисно. Секое незаконито дејствие од страна на секој еден поединец ќе има име и презиме и ќе одговараат пред законот, изјави Тошковски....
ИЗБОРИ: Партија од власта преку пораки на Вибер повикува на бојкот на претседателските избори со цел за да се предизвика криза
Денешен - пред 12 часа
Владејачка партија преку Вибер групи меѓу членството повикува на бојкот на претседателските избори за да има нова криза, објави порталот Курир. Соодветен одговор на ваквиот повик е масовен одзив на изборите и гласање на граѓаните по сопствено убедување. Евидентно е бојкотирањето на претседателските избори кое го прави партијата на овие избори, за што за време на изборната кампања предупредуваше на лидер на партија од опозицијата. Пораките со повик за бојкот, што би значело нова криза во државата, веќе кружат и на социјалните мрежи. Извор: Курир...
НАРОДЕН ПРАВОБРАНИТЕЛ: Повреда на избирачкото право може да се пријавува на бесплатниот телефон 0800 54321
Денешен - пред 12 часа
Во канцеларијата на Народниот правобранител, денеска од 7 до 19 часот, за време на одржувањето на вториот круг за избор на претседател на Република Македонија и на парламентарните избори, граѓаните ќе можат да пријават каква било повреда на избирачкото право на бесплатната телефонска линија 0800 54321. Како што информираат од канцеларијата на Народниот правобранител, освен на бесплатната телефонска линијата, граѓаните ќе можат да пријават повреди на избирачкото право и лично во главната канцеларија во Скопје, што се наоѓа на улицата „Македонија“ бр.19 во зградата на ТД „Макошпед“ (спроти Спомен куќата на Мајка Тереза). -Исто така, на денот на изборите дежурства ќе има и во подрачните канцеларии во Струмица на тел.бр.(034)329-996, Кичево на тел. бр (045).228-586, Тетово на тел. бр.(044) 344-082, Битола на тел. бр.(047) 242-310, Штип на тел. бр. (032) 389-701 и во Куманово на тел. бр .(031) 431-488, се вели во денешното соопштение од Народниот правобранител. Народниот правобранител, нагласуваат оттаму, со цел заштита на избирачкото право на граѓаните ќе презема итни мерки за ефективно постапување од странa на надлежните органи во изборниот процес и другите институции кои се должни да им обезбедат заштита на граѓаните остварување на нивното загарантирано избирачко право....
ДВОЈНИ ИЗБОРИ: Во 7 часот почна гласањето за претседател и за нови пратеници на кои право на глас имаат над 1,8 милиони граѓани
Денешен - пред 12 часа
Во 7 часот почна гласањето на вториот круг од претседателските избори и на парламентарните избори. Од ДИК за МИА информираат дека досега нема пријавено никакви проблеми со отворањето на избирачките места. Со право на глас на Претседателските избори 2024 во Избирачкиот список се запишани вкупно 1.814.317 гласачи, а во избирачкиот список за Парламентарните избори се запишани 1.815.350 гласачи. Ден пред изборите, вчера први гласаа болните и изнемоштените, затворениците, лицата во старските домови и пријавените од дијаспората, но само за претседателските избори. ДИК информираше дека вкупната излезеност од гласањето во странство за претседателските избори до 19 часот изнесува 652 гласачи, односно 25.38 отсто. Напоменуваат дека во оваа излезност поради временската зона не се вклучени седум избирачки места каде се уште трае гласањето. Во дијаспората не се спроведе гласање за парламентарните избори поради неисполнетост на минималниот број гласачи пријавени за гласање за да може да се спроведе гласањето. На вкупно 14-те гласачки места во казнено-поправни установи вчера своето гласачко право можеа да го остварат 2.147 гласачи за претседателските избори и 2.140 гласачи за избор на пратеници во Собранието. – Гласањето таму течеше без проблеми, а до 19 часот, според информациите од избирачките одбори, гласаа 1298 гласачи или 60.46 отсто од запишаните за претседателските избори, односно 1397 гласачи или 68.72 отсто за парламентарните избори, се вели во соопштението од ДИК. Во текот на вчерашниот ден своето гласачко право во единствениот центар за внатрешно раселени лица можеле да го остварат и двајца гласачи кои се водат како внатрешно раселени. Овие лица го оствариле своето право и за двата вида на избори. -Гласачкото место во центарот за раселени лица е затворено. Вкупно 534 гласачи кои се сместени во 20 центри за вонсемејна грижа имаа можност да го остварат своето право на глас во центарот каде што се сместени за претседателските и парламентарните избори. Од вкупно 534 гласачи од 20 центри, гласале 401 гласач или 75.09 отсто за претседател на државата, односно 400 гласачи од 20 центри или 74.91 отсто гласале за избор на пратеници, информира ДИК. Според информациите од општинските изборни комисии, гласале 8926 односно 80.45 отсто болни или немоќни лица за претседател на државата, односно 10036 или 92.04 отсто за пратеници во законодавниот дом. Државната изборна комисија досега издаде акредитации за набљудување на двата вида на избори на 1303 домашни, 860 меѓународни набљудувачи и 83 странски новинари....
НА ДЕНЕШЕН ДЕН: Смрдеш е изгорено до темел, а 1.500 Македонци останале без куќи оти селото се сметало за најкомитско во Костурско
Денешен - пред 14 часа
На денешен ден пред 118 години аскер и башибозук го опустошила костурското село Смрдеш во Егејска Македонија, поради тоа што го сметале за најкомитско во Костурско, а во 1927 година Грција му го сменила името во Кристалопиги. Од ова село потекнуваат војводите Васил Чакаларов (1874-1913), Пандо Кљашев (1882-1907) и Стерјо Стерјовски (1876-1905). Почнувајќи од 1900 г. жителите на селото, заедно со жителите на Д’мбени, играле водечка улога во борбите на Македонската револуционерна организација. Поради тоа од Костур бил испратен засилен војнички одред за да го уништи Смрдеш. На 8 кон 9 мај 1903 г. на селото е извршен ѕверски напад од аксер и башибузок, поради тоа што населението ја криело четата на Борис Сарафов. Во нападот се убиени 87 жители (45 мажи, 36 жени и 6 деца), запалени се 300 куќи, 2 училишта и 19 дуќани. Притоа ранети се уште 50 луѓе и 35 жени се силувани. Без покрив останале 1.500 жители. Истата година селската учителка Викторија Михајлова од Прилеп го извезла знамето на Косинската чета. За време на Илинденското востание, селото е повторно ограбено, а многу негови жители се погубени. Во 1903 г. во куќата на Иљо Истанин, револуционерот Лаки Поповски направил бомболеарница и склад, која по опожарувањето на селото ја преместил во Д’мбени. Првиот бран на иселување на населението во САД, Канада и Австралија се случил по 1903 г. поради големото обездомување и страшните насилства врз населението. Во 1906 г. во Медисон, Илиноис доселениците од Смрдеш основале добротворно и просветно друштво, наречено „Пандо Кљашев“. На почетокот на април 1908 г. властите извршиле рација на селото, вршејќи насилства и мачења. Според Ѓорѓи Трајчев, во 1911/1912 г. во Смрдеш имало 209 куќи со 989 жители и работело училиште со 3 учители. Според Георги Константинов Бистрицки, пред Првата балканска војна Смдреш имал 350 куќи, сите македонски. За време на Првата балканска војна, доста жители биле регрутирани за борба на бугарска страна. Османлиски период Смрдеш се смета за многу старо село. Според преданијата, настанало од доселеници од Девол (денес во Албанија), кои во Смрдеш се доселиле за да го избегнат малтретирањето од исламизираните Албанци и да ја зачуваат верата. Селото изворно се наоѓало во месноста Селиштето, но подоцна е изградено на друго место поради епидемија на чума. Се смета дека местото го добило името по минералниот извор Смрдлива Вода. Смрдеш првпат се споменува во документите од 1530 година. Кон крајот на XIX век Смрдеш било прилично големо македонско село со незначителено малку гркомани кои ја воделе месната црква. Во „Етнографија на вилаетите Адријанопол, Монастир и Салоника“ се вели дека во 1873 г. Смрдеш (Smrdesh) било село во Костурската каза со 460 домаќинства и вкупно 1.300 жители Македонци. Според статистиката на Васил К’нчов („Македонија. Етнографија и статистика“) во 1900 г. Смрдеш имал 1.780 жители Македонци. Во патописните пописи, Милош Милоевиќ го завел како село со 240 македонски куќи. Во селото работеле две странски пропаганди – грчката и бугарската. Според грчки податоци (поради тоа, сомнителни) во селото имало 190 семејства под врховенството на Цариградската патријаршија и 180 семејства под Бугарската егзархија. Бугарската пропаганда стекнала апсолутна превласт, така што во 1903 г. целото село преминало под врховенството на Бугарската егзархија, како и останатите костурски села. Според податоци на егзархискиот секретар Димитар Мишев („La Macédoine et sa Population Chrétienne“) во 1905 г. селото имало 2.360 жители, сите под егзархијата. Припојување кон Грција Со Букурешкиот договор во 1913 г. селото е припоено кон грчката држава, кога имало 1.488 жители. По Првата светска војна доста жители на Смрдеш се иселиле во Бугарија и во градот Лерин. Така, во 1920 г. населението се свело на 780 жители. Вo 1927 г. грчката власт го преименувала селото во Кристалопиги, а во 1928 г. повторно се намалило, сега на 598 жители. Населението на Смрдеш масовно учествувало во антифашистичките борби од 1940 до 1949 г. Селото дало повеќе жртви во Втората светска војна, за подоцна, за време на Граѓанска војна во 1949 г. да биде срамнето со земја од грчката монархистичка власт. Поради ова, сите жители се иселиле во Република Македонија и источноевропските земји, па така во 1951 г. е заведено како напуштено. Преселници имало и во Лерин и во Костур. Подоцна, грчките власти тука населиле номадски влашки семејства од Теспротија и околината на Превеза, кои се населиле и во соседните напуштени македонски села како В’мбел, Косинец и Д’мбени. Така, во 1993 г. селото е заведено како чисто влашко. Васил Чакаларов Стерјо Стерјовски Пандо Кљашев Освен војводите Чакаларов, Кљашев и Стерјовски од Смрдеш потекнуваат повеќе личности кои оставиле белег во историјата. Меѓу нив се македонскиот лекар Гаврил Константинович (Гаврил Костадинов Тасев) (1881-1918), национален деец и учесник во Октомвриската револуција, Лазо Ковачевски – првоборец, Атанас Коровешов (1918-1945) комунистички деец, ракводител на НОФ, Ламбро Чолаков (? – 2001) македонски национален деец, член на Главниот одбор на НОФ за Егејскиот дел на Македонија и секретар на Окружниот одбор на НОФ за Костурско и Преспанско. Факти за Смрдеш Селото Смрдеш се наоѓа 51 км југозападно од Лерин и на 38 км северозападно од Костур, во подножјето на планината Орлово, во областа Корешта. Тоа е на надморска височина од 1.130 метри. Три километри од селото се наоѓа границата со Албанија и граничниот премин Смрдеш – Капештица. Селото припаѓа на општинската единица Смрдеш со седиште во истоименото село, која припаѓа на поголемата општина Преспа, во округот Лерин. Воедно, селото е дел од општинскиот оддел Смрдеш, каде е единственото населено место. Во селото има четири цркви: „Свети Бессребреници“,„Свети Димитрија“ (1870), „Св. Ѓорѓи“ (1890) и „Успение на Пресвета Богородица“ (1970). …………………………. Преглед на населението во сите пописни години, од 1940 г. до денес: Година 1940 1951 1961 1971 1981 1991 2001 2011 Население 624 0 364 309 265 213 573 314 Извор за 1940-1991 г.: Т. Симовски, Населените места во Егејска Македонија (Подготвил: Д.Г.)...
СВ. АПОСТОЛ И ЕВАНГЕЛИСТ МАРКО: Му беше сопатник на апостол Петар, а својата проповед ја потврдуваше со големи и бројни чуда
Денешен - пред 14 часа
Денеска е 25 април (по стар стил) и се слави Светиот апостол и евангелист Марко. Му беше сопатник и помошник на апостолот Петар, којшто во своето Прво послание го нарекува син свој, не син по тело туку по дух. Кога Марко беше во Рим со Петар, верните го замолија да им ја запише спасоносната наука на Господ Исус, Неговите чуда и Неговиот живот. Така го напиша Светото Евангелие, коешто го виде и го посведочи за вистинито и самиот апостол Петар. Тој го постави Марко за епископ и го испрати на проповед во Египет. Така тој беше првиот проповедник на Евангелието и првиот епископ во Египет. Египет беше сиот притиснат од густиот мрак на незнабоштвото, гатањето и злобата. Со Божја помош Свети Марко успеа да го посее семето на Христовата наука низ Либија, Амоникија и Пентапол. Од Пентапол, воден од Духот Божји, дојде во Александрија. Таму успеа да ја заснова Црквата Божја, да постави епископ, свештеници и ѓакони и сè добро да утврди во благочестивата вера. Својата проповед ја потврдуваше со големи и многубројни чуда. Кога незнабошците подигнаа обвиненија против него, како против разорувач на нивната идолопоклонска вера, а градоначалникот почна да трага по него, тој побегна повторно во Пентапол и таму продолжи да го утврдува своето поранешно дело. После две години, Свети Марко, на голема радост на верните чијшто број во меѓувреме се умножи, се врати во Александрија. Содржината продолжува после огласот Габата на нозете може многу брзо да доведе до смрт. Спречете го! Sponsored by MonadPlug Тогаш го фатија незнабошците, цврсто го врзаа и почнаа да го влечат по калдрмите викајќи: „Да го повлечеме волот во оборот!“ Сиот ранет и искрвавен го фрлија во затвор. Овде најнапред му се јави Ангел небесен и го храбреше и го крепеше. Потоа му се јави Самиот Господ Исус и му рече: „Мир на тебе, евангелисту Мој!“ А Марко Му одговори: „И на тебе, Господи мој, Исусе Христе!“ Утредента злочестивите луѓе го извлекоа од затворот и повторно го влечеа по улиците, извикувајќи го истото: „Да го повлечеме волот во оборот!“ Сиот измачен и истоштен Свети Марко изусти: „Во Твоите раце, Господи, го предавам мојот дух!“ и издивна. Неговите свети мошти беа чесно погребани од христијаните. Низ вековите им даваат исцеленија на луѓето од маките и од болестите....
КАЛЕНДАР НА МПЦ: Денеска е Св. апостол и евангелист Марко, кој проповедал заедно со апостолите Петар и Павле
Денешен - пред 14 часа
Според календарот на МПЦ (Јулијанскиот календар) денеска е 25 април. Денеска е Св. апостол и евангелист Марко. Марко е еден од 70-те Христови апостоли. Евреин по потекло, а припаѓал на левитскиот (свештенички) сталеж. Тој е писател на едно од четирите евангелија. Лично не бил присутен на настаните што ги опишува, туку ги дознал од апостолот Петар. Со последниов бил многу близок. Свети Марко во почетокот на апостолската проповед одел заедно со апостолите Петар и Павле, а подоцна заминува за Александрија. Така, тој е прв проповедник на христијанството во Египет и прв александриски епископ. Околу 67-мата година го наоѓаме во Рим заедно со свети Петар и Павле, пред нивната маченичка смрт, а потоа тој пак се враќа во Египет. И самиот пострадал маченички од локалните пагани. Неговите мошти биле положени во од него подигнатата александриска црква, а подоцна (827-мата година) биле пренесени во Венеција. ОД КАТОЛИЧКИОТ КАЛЕНДАР: Денеска е Благословена Франциска – Урлика. Била родена во 1882 година, во Обердорф, во Германија. Како милосрдна сестра стапила во дружината на сестрите на светиот Крст. Еден животописец за неа напишал: “Секогаш останала понизна сестра извршувајќи работи со апсолутна верност кон своите редовнички правила и со љубов кон секој човек”. Работата не ја спречувала да биде поврзана со Господ. На 30-годишна возраст, во 1913 година му ја предала својата племенита душа на Господ....
Денеска е ден на свети ап. и ев. Марко и на св. Аниан Александриски
Денешен - пред 22 часа
Марко КИТЕВСКИ Именден празнуваат: Марко… Светиот апостол и евангелист Марко е еден од четворицата евангелисти, автори на Новиот завет од Светото писмо. Роден е во Ерусалим, според едни бил ученик на светиот апостол Петар, според други е еден од 70-те Христови ученици. Мајка му била побожна христијанка, сестра на апостолот Варнава. Во нејзиниот дом се собирале христијаните за молитви, а во нејзината куќа се одржала и светата Тајна вечера на Исус со апостолите. Светиот апостол и евангелист Марко се дружел со светите апостоли Петар и Павле, со нив прошетал многу места каде што го ширел Христовото учење како што се Кипар, Рим и дуги места. Во Рим, под директно влијание на св. Петар го напишал Евангелието, за кое се тврди дека е напишано десет години по Христово Вознесение. Истражувачите истакнуваат дека ова евангелие било напишано за читателите од нееврејско потекло. Папиј, кој пишувал околу 130-тата година од н.е. укажува на Марко како на толкувач на Петар кој пак „точно ги помнел и запишал Христовите зборови и дела“. Ова е многу важно сведоштво бидејќи зборува за фактот дека Марко информациите ги добил од прва рака, т.е. од устата на еден од најблиските Исусови соработници. По наговор на св. Петар заминал за Египет, во градот Александрија станал епископ и многу народ покрстил. Неговата популарност и особено заслугите за ширењето на христијанството не можеле да му ги простат неверниците кои насилно влегле во црквата, го врзале и го влечеле по патиштата додека не ја предал душата на Бога. Од месното население бил погребан во близината на Александрија, а подоцна побожните жители на Млетачката Република неговите мошти ги пренесле во Венеција и ги погребале во црквата изградена за таа пригода што го носи неговото име. И денес неговите мошти се наоѓаат во оваа црква, а тука има и ракопис на Евангелието по Марко за кое се смета дека е пишувано со неговата рака. Целото име на апостолот и евангелист Марко е Јован Марко, како што среќаваме сведоштво во Дела на светите апостоли од светиот апостол Лука: „Откако се размисли, тој се упати кон куќата на Марија, мајката на Јована наречен Марко, каде што беа собрани многумина и се молеа.“ (Дела 12:12) Евангелистот Марко настрадал во 68 година за време на владеењето на императорот Нерон. Неговиот спомен се празнува на 8 мај/ 25 април и не се смета за тежок празник. Во Гевгелиско мажите работеле, а жените го држеле за празник. Се празнувал за заштита од град. Се верувало дека ако работат град ќе го отепа полето. Поради тоа никако не влегувале во бавчата или во лозјето. Во селото Гореме, Светиврачко, овој ден бил празник на селото. Над селото имало мала височинка што се викала Кукувица и тоа место се сметало за свето место што е под заштита на светиот евангелист Марко. Не се знае од кога, но најверојатно од заселувањето на селото на овој ден, на тоа место се давало курбан за тој светител. Курбаните се колеле денот пред празникот, односно на 7 мај. Пред да се заколеле курбаните свештеникот читал соодветни молитви. Кога ќе ги заколеле курбаните биела камбаната и престанувал секаква работа: орање, сеење, копање и др. Сите курбани се готвеле во големи селски котли под ридот Кукувица. За тоа време жените готват храна како: оризарник, баница, погача и др. Околу четири часот попладнето ја товареле храната на коњи и целиот народ одел на ридот Кукувица. Таму свештеникот светел вода и сите ги попрскувал со неа. Потоа ги кадел трпезите по што ја ставале храната. Мажите седнувале на софрите, а жените раздавале од храната. Откако ќе јаделе започнувале со ора и песни. На стемнување се враќале во селото каде што продолжувала веселбата до доцна во ноќта. Утрото на 8 мај, на денот на св. евангелист Марко, се служела божествена литургија, а потоа се правела веселба со ора и песни што траела цел ден. Во селото постои и легенда за св. Марко. Легендата раскажува дека во турско време на селаните им било забрането на Марковден да одат во месноста Кукувица, и им било наложено вода да светат во селото. На местото Кукувица Турците направиле касарни и тука престојувала војската. Секоја ноќ на начелникот му се јавувал белобрад старец со бела капа на главата и на неа крст, во рацете држел патерица и многу го мачел неговиот син. Начелникот загрижен за страдањата на својот син пошол кај еден старец во селото и му ја раскажал својата мака. Овој веднаш се сетил дека тоа е светецот кој му се озмаздува затоа што забранил на неговиот ден да одат на местото Кукувица и да светат вода. Потоа повикале и свештеник кој му го кажал истото. Тогаш Турчинот го замолил свештеникот да свети вода на Кукувица и да ги попрска касарните и војниците со светена вода. „Се поклонувам пред тој ваш свет обред“, рекол Турчинот. Оттогаш веќе син му ништо не го мачело. Потоа на селаните им дозволил на ридот Кукувица да го изведуваат обредот и да светат вода како и порано. А кога се приближил празникот Турчинот подарил три овни да ги заколат за курбан на празникот Св. Марко. Св. Аниан е втор епископ во Александрија. Кога св. Марко од коработ слегол на земјата во Александрија му се скинала едната обувка. Тој му ја дал на еден мајстор за обувки, а тој работејќи со шилото си ја повредил раката. Тогаш св. Марко зел малку прашина, ја замесил со својата плунка и ја намачкал раната. Раката веднаш оздравела, а мајсторот по име Аниан се восхитил од настанот. Тој го повикал апостолот во својот дом и откако ја слушнал неговата исповед се крстил со целото семејство. Подоцна се покажал многу достоен христијанин поради што ап. Марко го поставил за епископ. Тој бил вториот епископ Александриски....
ТАРАВАРИ ПО ИНФОРМАЦИИТЕ ЗА ИЗБОРЕН ПОТКУП: Секој кој ќе посегне по волјата на граѓаните ќе оди во затвор!
Денешен - пред 23 часа
-Вчера во општина Чашка од страна на полицијата беше приведена група која што купувала гласови за ДУИ. За жал во групата беше и еден верски припадник, нешто кое што покажува на кое ниво ДУИ ги доведе верските институции. -Денеска во Охрид приведени се 4 лица, а на други двајца од страна на обвинителството одземени им се мобилните телефони, затоа што се фатени во купување на гласови. Сите за ДУИ. -Во општина Чаир имаше обид за кражба на изборен материјал, што за среќа беше оневозможено од страна на полицијата. -Исто така денеска се известува за уште еден скандал во низа, претседателот на ФФМ бил фатен во купување на гласови во Кичево. Срам и црна страница. -Ги повикувам чуварите на редот и судството силно да го осудат купувањето и крадењето на гласови. Сите да знаат, кој ќе посегни по слободната волја на граѓаните ќе оди во затвор. Промените нема да бидат запрени. Но, едно сакам да потенцирам. Не е ништо ново дека тие се обидуваат да купат и украдат гласови. Ова секогаш го правеле. Најновото нешто е тоа што: овој пат тие се притвораат, се апсат, и сите ќе бидат казнети!, пишува во својата објава на Фејсбук Таравари....
ПРОПАДНА МИРОВНИОТ ПЛАН: Израел го почна нападот на Рафа (ВИДЕО)
Денешен - пред 1 ден
Израел започна голема воена офанзива против силите на Хамас во Рафа, најјужниот град во Газа. Израелските сили ја презедоа контролата на граничниот премин Рафа, прекинувајќи ја клучната рута за помош за веќе изгладнетиот Појас Газа. На снимката објавена од израелските одбранбени сили (ИДФ) се гледаат тенкови кои носат големи израелски знамиња и го кршат бетонскиот знак „Ја сакам Газа“. Израелскиот министер за одбрана Јоав Галант рече дека офанзивата ќе продолжи се додека силите на Хамас во Рафа „и целиот Појас Газа“ не бидат „елиминирани“ или додека милитантната исламистичка организација не почне да ослободува заложници. „Ова е почеток на нашата мисија да ги уништиме последните четири бригади на Хамас во Рафа. Во тоа не треба да се сомневате“, изјави владиниот портпарол. Израелската операција беше започната неколку часа откако лидерите на Хамас објавија дека ќе го прифатат неодамнешниот предлог за прекин на огнот, изнесен од катарските и египетските посредници. Примирјето ќе го означеше првиот прекин во борбите од ноемврискиот прекин на огнот за време на кој Хамас ослободи околу половина од 250-те израелски и заложници од други националности заробени во ненадејниот напад врз Израел во октомври. За време на таа размена, Израел ослободи 240 Палестинци од своите затвори. Израелскиот премиер Бенјамин Нетанјаху денеска изјави дека не е задоволен од новиот предлог на Хамас за прекин на огнот, а Хамас предупреди дека нема да има договор доколку продолжи израелската агресија врз Појасот Газа. Нетанјаху рече дека новиот предлог на Хамас за прекин на огнот е далеку од основните барања на Израел, додавајќи дека сè уште е неопходен воен притисок за ослободување на заложниците што Хамас ги држи во Појасот Газа. Израелските сили ја зазедоа палестинската страна на граничниот премин Рафа, што Нетанјаху го опиша како „многу значаен чекор кон уништување на преостанатите воени капацитети на Хамас“. IDF troops capture the Gaza side of the Rafah crossing- which borders Egypt. The crossing is now under the full control of Israeli troops and was captured within hours of the IDf launching their operation in Rafah- the final enclave of Hamas. At least 20 Hamas terrorists were… pic.twitter.com/Oi4zbXIx0R — Oli London (@OliLondonTV) May 7, 2024 Официјалниот претставник на Хамас, Осама Хамдан денеска предупреди дека нема да има прекин на огнот доколку продолжи израелската агресија врз Појасот Газа. Хамдан ова го изјави на прес-конференција во Бејрут, а делегацијата на Хамас во меѓувреме пристигна од Доха во Каиро за да ги продолжи преговорите за прекин на огнот, соопшти Хамас. IDF controls the Rafah crossing pic.twitter.com/85XAiAGosN — נועה מגיד | Noa magid (@NoaMagid) May 7, 2024 „Тврдиме дека воената операција во Рафа, доколку ја изврши Израел, нема да биде пикник за израелската армија“, рече Хамдан. „Топката е на теренот на Нетанјаху“, додаде тој. Тој истакна дека новиот предлог за прекин на огнот со кој се согласил Хамас е „минимумот што ги исполнува барањата на нивниот народ и нивниот отпор“. „Преминот Рафа беше и ќе остане исклучиво египетско-палестински премин“, рече Хамдан. IDF controls the Rafah crossing pic.twitter.com/85XAiAGosN — נועה מגיד | Noa magid (@NoaMagid) May 7, 2024...
САД: Американец за малку ќе убиел свештеник среде служба, му откажал пиштолот (ВИДЕО)
Денешен - пред 1 ден
Млад човек е осомничен дека се обидел да убие свештеник за време на служба во Пенсилванија паднал на подот кога пиштолот не испукал, соопшти полицијата. Бернард Јуниор Полит (26) бил сослушан во полиција. “Господ ми рече да го направам тоа. Планирав да чекам полицијата да ме уапси”, рекол Бернард. Инцидентот се случил во црквата на Исус Христос во Норт Бредок, нешто по 13 часот. Осомничениот Бернард Јуниор Полит (26) влегол во црквата и се обидел да го убие свештеникот Глен додека тој служел, пишува Sky news. Сè е забележано од камерите, додека свештеникот во живо ја пренесувал богослужбата. За среќа, пиштолот не можел да испука, па свештеникот и еден верник успеале да го разоружаат напаѓачот. „Благодарен сум на Бога што се уште сум тука, бидејќи тој го повлече чкрапалото“, изјавил свештеникот за американските медиуми. Отец Глен рече дека напаѓачот се насмеал пред да го повлече пиштолот. „Почнав да проповедам и наеднаш од левата страна го видов како се движи од задната страна кон предната страна на црквата. Застана и ми се насмевна“, рекол свештеникот. Следниот момент видел дека младиот човек држи пиштол. „Во тој момент единствено што можев да направам е да трчам и да барам заштита“, рекол свештеникот. Тој му се заблагодари на верникот кој скокнал да го задржи напаѓачот. „Можеше да умре, но тој човек се жртвуваше, тој е херој“, додал свештеникот. Осомничениот за нападот е уапсен. Мотивот се уште не е познат....
ПРОТИВ ВОЈНАТА ВО ГАЗА: Пропалестински студентски протести се шират и во Швајцарија
Денешен - пред 1 ден
Пропалестински протести денеска се проширија на три универзитети низ Швајцарија, инспирирани од слични студентски демонстрации што започнаа во САД, јавија локалните медиуми. Со недели, студенти ширум светот бараат нивните универзитети да ги прекинат врските со израелските институции поради војната во Газа. Студентите на Универзитетот во Лозана (УНИЛ) беа првите кои се мобилизираа во Швајцарија, при што неколку стотици заземаа сала во четвртокот вечерта за да побараат прекин на партнерствата со израелските универзитети. УНИЛ одговори во соопштението дека „смета дека нема причина да ги прекине тие односи“. -Демонстрантите и ректорот ќе се сретнат денеска, јавија швајцарските медиуми. Движењето денеска се прошири на престижниот универзитет ЕПФЛ во Лозана, каде група студенти ја окупираа салата на универзитетот. Студентите бараат „академски бојкот“ на израелските институции и „запирање на цензурата во ЕПФЛ“, а ги повикаа и другите универзитети да се приклучат. Студенти протестираа денеска во влезниот хол на ЕТХ Цирих извикувајќи „Слободна Палестина“ пред да бидат растерани од полицијата....
ПУТИН: Русија ќе продолжи да работи на формирање мултиполарен светски поредок
Денешен - пред 1 ден
Рускиот претседател Владимир Путин изјави дека Русија ќе продолжи да работи со партнерите за формирање мултиполарен светски поредок, како и дека се можни дискусии за безбедносни прашања со западните земји, но под еднакви услови. „Заедно со партнерите во евроазиската интеграција, со другите центри за суверен развој, ќе продолжиме да работиме на формирање мултиполарен светски поредок, еднаков и неделив безбедносен систем“, рече Путин на церемонијата на инаугурација во палатата во Кремљ. Тој рече дека Русија била и ќе биде отворена за зајакнување на добрите односи со сите земји. Русија не го отфрла дијалогот со западните земји, туку дека изборот е нивен, посочи Путин. „Дали сè уште планираат обиди да го запрат развојот на Русија, да ја продолжат политиката на агресија, притисокот врз нашата земја кој не запира со години или бараат начин за соработка и мир“, рече рускиот лидер на церемонијата на инаугурација. . Рускиот лидер денеска положи заклетва на церемонијата на инаугурација во Големата палата Кремљ и официјално стана претседател на Русија. Путин ќе остане на функцијата во следните шест години, до 2030 година, пренесува РИА Новости....
КИНЕСКИОТ ПРЕТСЕДАТЕЛ ПРЕД ПОСЕТАТА НА СРБИЈА: Си го критикуваше НАТО за бомбардирањето на Белград во 1999 година
Денешен - пред 1 ден
Кинескиот претседател Си Џинпинг денеска, на последниот ден од посетата на Франција и во пресрет на посетата на Србија, го критикуваше НАТО за бомбардирањето на Белград во 1999 година, пренесе Бета. „Пред 25 години на денешен ден, НАТО флагрантно ја бомбардираше кинеската амбасада во Југославија, при што беа убиени тројца кинески новинари. Тоа никогаш не треба да го заборавиме. Кинеско-српското пријателство, создадено со крвта на нашите сонародници, ќе остане во заедничката меморија на Кинезите и српскиот народ“, изјавил Си пишува Фајненшл тајмс. Лондонскиот весник наведува дека во Нов Белград, каде што била Амбасадата, денеска биле истакнати националните знамиња на Кина и Србија, а активистите на Сојузот на комунистичката младина на Југославија (СКОЈ) и на Новата комунистичка партија на Југославија (НКПЈ) во понеделникот беа истакнати транспаренти пред зградата на Кинескиот културен центар, која е вклучена на тоа место и на кои пишува „Добредојдовте претседателе“, „Косово е Србија – Тајван е Кина“ и улицата „Кинески жртви на агресијата на НАТО“. Кинескиот претседател денеска ја завршува посетата на Франција и вечерва доаѓа во дводневна посета на Србија, во рамки на неговата мини европска турнеја, во која ќе ја посети само уште Унгарија....
Грците зашто Турција сака манастирот Хора да го користи како џамија
Денешен - пред 1 ден
Министерството за надворешни работи на Грција преку соопштение реагираше за одлуката на турските власти, манастирот Хора да почне да функционира како муслиманска џамија, истакнувајќи дека тоа „претставува провокација за меѓународната заедница бидејќи го менува неговиот карактер како споменик на светското културно наследство на УНЕСКО што му припаѓа на човештвото“, јави дописничката на МИА од Атина. Од грчкото МНР додадоа дека „зачувувањето на универзалниот карактер на спомениците и почитувањето на меѓународните стандарди за заштита на верското и културното наследство е јасна меѓународна обврска која ги обврзува сите држави“....
Европратеник и неговиот помошник се осомничени за шпионажа во корист на Кина
Денешен - пред 1 ден
Денеска белгиската и германската полиција извршиле претрес во канцелариите на екстремно десничарскиот пратеник во Европскиот парламент Максимилијан Крах и неговиот помошник Џијан Г, како дел од истрагата за сомневање за шпионажа за Кина. Германските власти објавија дека федералното обвинителство побарало претрес на канцелариите на Крах, главниот кандидат на екстремно десничарската Алтернатива за Германија (АфД) на изборите за ЕП во јуни оваа година, и неговиот помошник Џијан Г, кој е осомничен за „активности на агент на тајната служба“, пренесува „Политико“. Германската полиција во април годинава го уапсила Џијан Г., а како што пишува Дојче веле, постои сомневање дека тој со години доставувал информации од Германија и Европскиот парламент до кинеските служби. Инспекторите се сомневаат дека Џијан Г. ја искористил својата позиција во кабинетот на Крах за да пренесе информации од парламентарниот живот до кинеското Министерство за безбедност. Изборите за Европскиот парламент ќе се одржат од 6 до 9 јуни годинава....
Претседател на спортска федерација е фатен во предизборен поткуп
Денешен - пред 1 ден
Претседател на една спортска федерација е фатен во предизборен поткуп, дознава КУРИР. Неговиот идентитет е познат на редакцијаѕа, но засега истиот нема да го објават, пишува порталот. Претседателот на Федерација е оосомничен за делење на поткуп во Кичево, во корист на партија на власт. Настанот е пријавен во полиција и во моментот се работи на случајот, дознава КУРИР. -Денеска (07.05.2024) во 15:10 часот на телефонскиот број 192 добиена е анонимна пријава дека на ул.Раштански пат , ул.Партизански одреди и Влашки пат во Кичево од страна на непознати лица со возила “мерцедес”, “опел мерива” и “ауди” се нуди поткуп од политичка партија. Се преземаат мерки за расчистување на случајот, велат од МВР за Курир....
Литија со моштите на „Свети Георгиј Победоносец“ во Струга
Денешен - пред 1 ден
Голем број верници, од земјава, но и странство излегоа на струшките улици да им оддадат почит на моштите на Свети Георгиј Победоносец и чудотворната икона на Пресвета Богородица Крнинска. Традиционално, молитвената поворка тргна од црквата „Свети Георгиј“ и продолжи низ централното градско подрачје, од другата страна на реката Дрим низ чаршијата и повторно се врати во црквата. Бројните граѓани со свеќи во рацете се помолија и поклонија пред светите икони. Стружани, без оглед на својата национална и верска припадност, деновиве се обединети околу ова големо чествување на Светиот Георгиј. Традиционално литијата се одржува ден по големиот христијански празник посветен на Свети Георгиј Победоносец или кај народот познат Ѓурѓовден, а од година во година е се по масовна. На раскошно украсени епитафи и со традиционалните торжества, моштите на „Свети Георгиј Победоносец“, чудотворната икона на светецот и Крнинската икона на Богородица, денеска повторно ја осветија Струга. Традиционално, на 7 мај, моштите и чудотворните икони носени од угледни граѓани, предводени од локалното свештенство и братството и сестринството од Бигорски, манастирите во Рајчица и Пречиста, по вечерната служба тргнаа од храмот „Свети Георгиј“ и поминуваат низ струшките улици, покрај кејот на реката Црн Дрим, низ Чаршијата придружувани од голем број верници. И годинава поворката ја води церемонијално полициско возило, кое на симболичен начин ќе го одбележи чествувањето на свети великомаченик Георгиј, како покровител на полициските и безбедносни сили. Меѓу возилото и литијата дефилира коњаник, облечен во римска трибунска воена облека, изработена од автентични материјали, којашто е верна копија на оригиналните воени оклопи од тоа време, дело на познат италијански експерт за историјата на древната Римска империја. Коњаникот, кој во раката држи палмова гранка како симбол на мирот, има улога на посебен редар и најавувач на процесијата. На чело на Еордијата е член од Бигорското братство со клепало, потоа носачи на крстови, рипиди, знамиња, псалти и братството на Бигорскиот манастир, оркестарот на Град Скопје, чудотворните икони на Свети Георгиј Победоносец и Пресвета Богородица – Крнинска, сестринствата од манастирите во Рајчица и Пречиста, свештенството на Дебарско-кичевската епархија, митрополитот Дебарско-кичевски г. Тимотеј и епископот Антаниски г. Партениј, и најпосле, најголемата светиња – моштите на светецот во раскошно украсен епитаф. Моштите и овој пат се носени од четворица видни граѓани, придружувани и чувани од четворица капетани од сејменската гарда на Бигорскиот манастир, облечени во традиционална мијачка носија, со сејменски ќостек на градите, на којшто е претставен ликот на Свети Јован Крстител. Зад сердарите оди сејменската гарда, чии членови, исто така, се облечени во традиционални мијачки носии, со ќостек на градите со ликот на Свети Георгиј Победоносец. Овој ден за стружани, според нивниот сограѓанин Марко, кој е и дел од сејменската гарда, претставува радост, среќа и сплотеност не само за Струга, туку и за регионот и за цела Македонија. – Многу ми е мило што сум тука и што ја носам оваа Мијалка носија, што сум дел од Мијачката гарда, вели Марко. Верничка, учесничка на литијата, вели дека посакува секој Македонец, секој христијанин да биде дел од овој ден кога Свети Георгиј чекори по струшките улици. Сестра Ефимија од женскиот манастир Рајчица вели дека пораката за Христовото воскресение, за Христовата победа над сите состојби, кои од дамнина го измачуваат човештвото, како што може да се види во Струга се уште е многу свежа и силна. – Ова торжество што се случува денеска тука културолошки најавтентично ја изразува традицијата, духот и идентитетот на нашата православна црква и на нашата држава пред целиот свет е едно од најбогатите сведоштва за таа победа. Силно посакувам оваа пасхална радост, оваа убавина да биде перманентен израз на македонскиот народ, порачува сестра Ефимија....
ИЗВРШЕН ИМ Е ПРЕТРЕС ВО ДОМОВИТЕ: Членови на избирачки одбор фотографирале избирачки список и гласачки ливчиња
Денешен - пред 1 ден
На 06.05.2024, по претходно добиени оперативни податоци за фотографирање на избирачки список и гласачки ливчиња на првиот круг од претседателските избори одржан на 24.04.2024, од судија на претходна постапка обезбедена е наредба за претрес во дом и помошни простории кај М.М.(51) од Охрид и Т.Ц.Т (44) од Охрид, членови на избирачки одбор предложени од политичка партија. При претресот пронајдени се два мобилни телефони, во кои се пронајдени фотографии од избирачки список со лични податоци од гласачи во избирачкиот список, фотографии од гласачки ливчиња со заокружен број, кои се испраќани од гласачи како доказ дека го дале својот глас за еден кандидат, потоа споделени во креирана група за комуникација на мобилна апликација за комуникација. Со двете лица извршен е разговор во полициска станица. Дополнително, во текот на денешниот ден повикани се и други лица со цел обезбедување на дополнителни доказни материјали за кривичното дело по член 149 од КЗ “злоупотреба на лични податоци” и прекршок по член 190 став 2 од Изборниот законик. По целосно документирање на случајот, ќе следуваат соодветни поднесоци....
СВЕДОШТВО НА СИЛЈАНОВ ЗА ДЕЛЧЕВ ОД 1902: Со фасцинантна моќ, влегуваше во срцата на луѓето, сите ги сакаше и сите го сакаа!
Денешен - пред 1 ден
7 јануари 1902 година, село Зеленич Зеленич е прекрасно, големо гурбетчиско село. Атмосферата во куќите е скоро урбана. Многу мажи носат панталони. Специфични, приемчиви, весели луѓе. За прв пат тука го видов Делчев како работи. Тој точно го распоредува своето време, на време за работа, за одмор и за спиење. Импресивен е кога работи, се шегува и весел е кога мирува. До пладне испратил разни наредби до соседните села, попладне ги слушна локалните водачи, а за вечерта закажал големо селско собрание. По убавиот ручек – зеленичани се уметници во готвење – поминавме прекрасни незаборавни минути. И покрај болките во стомакот што го мачеа, Гоце беше весел и разговорлив. Забавата и сериозноста, невината шега и остриот сарказам се прелеваат кај него природно и непречено, како што утринската белина полека се прелева во светлината на јасен летен ден. Со еден инцидент, една опишана сцена, комична или потресна, тој повикува широк спектар на видови и искуства – познати за Марко и нови за мене – од неговата неодамна завршена турнеја во Костурско. Предавства, убиства на опасни шпиони и блудни жени; бројни потери; надмудрувања со скржавците, кои стојат исправено пред него за сами да си ја определат нивната „доброволна“ помош – илјадници приказни во кои страшното и комичното се испреплетуваат и се мешаат во една волшебна слика. Без да можам да објаснам, веќе почнувам веднаш да ја чувствувам фасцинантната моќ со која оваа личност ги освојува срцата на луѓето. Се обидов да ги скицирам првите впечатоци од тоа во тетратката, но прозата што ја напишав беше бледа. И кога ме виде и ме праша што бележам во тетратката, не можев да оддолеам на искушението и почнав да читам… …Белите очи на Марко се запалија, а Гоце, мојот инспиратор, откри дека сум ја испеал сликата на совршениот војвода, „она што секој од нас треба да настојува да биде…“ Вечерта Марко нареди да добијам оружје – долга грчка пушка Гра и појас со касети. Славко ми ја предаде првата лекција за расклопување, чистење и пукање. Куририте од Аитос донесоа вест дека од нивното село аскер тргнал кон Зеленич. „Ех, не не оставаат на мир да си ја гледаме нашата работа“, рече Гоце со смеа, консултирајќи се со Марко. Предавството доживеа свое предавство. Заминуваме веднаш и се пренесуваме во Каљарско за неколку дена. … Гоце и Марко беа многу задоволни поради предавството заради кое заминавме од Зеленич и се најдовме во Ракита. Изгуби султанот, а не ние, бидејќи целото село, со доаѓањето на Гоце, стана наше. Покрај тоа, беше договорена и една купопродажба на оружје со локалните Турци. Во тој момент Гоце повторно почна да се грчи поради болки во стомакот. Се лечи со студено кафе. Веќе испразнил неколку чаши. … 11 јануари 1902, Екши Су Веќе неколку дена сме распослани како цареви во најголемото, најубавото и најбогатото село во Леринскиот регион. Четниците многу го сакаат Екши Су. Двајца другари, Киче и Дине Клизув, се од тука. Добив нова, тазе скроена, четничка облека – сива јакна и жолти панталони, сива овчарска гуна, ранец од платно и арнаутски опинци. Ја сменив и пушката со понова. Ги дополнив касетите до двестотини и си нарачав кожна торба за тетратки. Со убаво ме предупредија дека мојот нов постојан товар тежи најмалку дваесет килограми. Гоце работи тука деноноќно и неуморно, со истата посветеност и страст, вложувајќи ја во се’ неговата душа и одржувајќи ја својата бодрост. Тој повторно се ангажира со агитација и со воспоставување канали; ги разгледува и решава судските спорови меѓу селаните, многупати досега покренати и исто толку пати оставени како нерешливи. Каде и да оди, се чувствува свој на своето и господар, подеднакво сакан и подеднакво човек кој сака. Сите области и сите села се негови затоа што неговиот дух ја опкружува целата земја. Гоце се држи сериозно и при најсмешните спорови и расправии, но кога е насамо со нас, ги прераскажува како глумец само смешните нешта. Неговата последна обиколка на Костурско е пребогата со настани. Јас желно слушам се’ за тој крај кој го познавам од две студентски патувања. И бидејќи Делчев е инспиратор на се’, ќе ви прераскажам неколку приказни. Минатото лето Костурско имаше ужасна афера – аферата Иванчо. Четник на првата костурска чета, Иванчо, заробен жив од Турците, започнува да издава се’ што знае. За да избегаат од тортура и затвор, многу селани бегаат по планините или се кријат. Организацијата е вознемирена, дел од населението е деморализирано. Но, раната е веќе заздравена, а по турнејата на Делчев може да се смета за целосно излекувана. Христо СИЛЈАНОВ Земајќи ја Марковата чета со себе, Гоце заминува во Костурско и, во Кономлади, се случува неговата средба со Костурци. Тука, во Кономлади, се формира легло на разврат, во кое брзо попаднале мажи и жени од сите возрасти. Имаше жени кои беа опасни заради нивните љубовни врска со Турците. Гоце се обиде да ги вразуми бунтовниците и да стави крај на развратот. За пакосниците, блудниците и шпионите, доаѓаше страшниот суд. Пред судијата кој се појави, почнаа да се откриваат сите престапи: грешниците кои се покајуваа одеа кај него на исповед, жестоко ранети во душата мајки и сопруги трчаа да најдат утеха кај него и одмазда за блудните врски на нивните синови и мажи. Некоја Лена, млада и неодоливо убава жена, заведуваше млади момчиња и шеесетгодишни старци, тајно гоштевала турски бегови и добивала скапи подароци од нив. Некоја Риса, убава невеста на еден млад човек, кој избегал во странство, добродушна, но болешлива и незаситна, имала необична слабост кон четниците, а со повеќе од нив имала и авантури. Некоја Митра имала врски со старите турски пријатели од Костур и им ги пренесувала комитските тајни. „Еден ден“, велат другарите, „вратата тивко се отвори и се појави главата на старица“: – Има ли некој тука?, мистериозно шепна таа, гледајќи еден по еден во четниците. – Никој, бабо, ние сме сами. Што има?, ја праша Делчев и не предупреди дека допрва треба да се открие некоја мистерија. Бабата повторно погледна назад, клекна на петите пред Гоце, очајно ги крена рацете и викна: – Аман од…!. – Многи ли ги има селото? – Полно е … целото село е полно. – Дали знаеш некој од мажите?… – Сите. И мојот мисир – и тој има…! – Ајде, ајде, оди си стрино, ние ќе направиме што треба! – Да ми те поживее Господ, мило!, го благослови жената и си замина. – Ти дедо имаш ли љубовница? Доведениот старец се растрепери од ова неочекувано прашање. Потоа призна дека „како човек понекогаш можеби грешел“. -Зарем не се срамиш, дедо? Види се, а си тргнал по туѓи жени. Така ли ги учиш децата? За тоа заслужуваш голема казна, но сега ќе поминеш само со казна од десет лири. Ако не се поправиш, знаеш како ќе се справиме со тебе. Старецот смирено ја слуша пресудата, благодари на неговата милост, ветува дека ќе ја плати казната и дека ќе се поправи. Една вечер Марко и Циле (Чекаларов) тргнаа да ги обиколат четничките живеалишта. Од темнината, се појавува женска фигура, го штипнува Циле за ногата и страсно извикува: – Ууу… Кице! Циле се врти и ја познава Риса. А, Циле и Кице нели се слични? И двајцата се суви и високи. Случајот му е раскажан на Гоце и тој го повикува Кице на распит: -Ти Кице, си добар и посветен четник. Ќе те прашам нешто, и ако признаеш, ќе го задржам тоа мислење за тебе; ако не, ќе сфатам дека си поинаков од тоа каков што сакаш да се претставиш пред претпоставените. Ти, која млада жена овде во селото си ја закачал? Кице се збунува: – Јас, г-дин Делчев, никогаш не сум задевал жена. – А, Риса?, го прашува Гоце. Кице се топи во срамот и признава дека самиот тој бил испровоциран од жената која доаѓала во неговото живеалиште. – Размисли за тоа, Кице, каква пакост и срам и се нанесува на организацијата. Овие луѓе ке бидат крајно очајни ако ние, кои наводно, работиме да ги спасиме од турското насилство и нечесност, сами посегаме по честа на нивните жени. Ти не се срамиш само себеси. Ти си четник на Марко, а срамот паѓа врз него и врз целата организација. Оној што сака да живее како другите луѓе и да не се лишува од ништо, нека оди таму каде што сака, но не може да биде со нас… Ајде сега оди. Само што четата го напушти Кономлади, во селото пристигнала голема војска, предводена од славниот Мухтар ага. Бинбашијата наредил да се претресат сите куќи во имало четници, а селаните биле испрашувани и тепани. Наскоро се дозна дека предавството го извршил шпионката Митревица, кој се му раскажала на предавникот Трајко од Руља. За да се казнат предавниците и да се исплашат опасните блудници, Делчев предлага да бидат извршени неколку егзекуции. Ниту една жена не беше претепана до смрт во Кономлади, но тоа се покажа како недоволно… Една единица подобри четници оди во Руља и го убива таткото на шпионот Трајко, кој исто така бил предавник. Дознавајќи, Мухтар ага го напуштил Кономлади и тргнал за Руља. Но, веднаш по него пристигнала уште една наша чета во Кономлади, која ја заробува и убива Митревица, исекувајќи го нејзиното телото на делови. Убиени се и две од најопасните блудници. Мухтар Ага сфаќа дека тоа е демонстрација на сила против него, се повлекува во Костур и ги остава четите на мир. Останува да биде казнет самиот Трајко. Неговото убиство се случува во Загоричани… Христо Силјанов во „Писма и исповеди на еден четник 1902“...
ЕРМАН: Дали Марија Магдалена била поблиска со Исус од „обичен“ следбеник?
Денешен - пред 1 ден
Барт ЕРМАН (професор на Универзитетот во Северна Каролина, еден од најголемите светски експерти за Библијата, посебно за Новиот завет) Името на Марија Магдалена во Новиот завет се споменува 13 пати, а 12 од нив се во врска со смртта и воскреснувањето на Исус Христос. Значи, таа се споменува само еднаш во времето кога Исус проповеда и пред да биде уапсен од свештениците и изведен пред Пилат. Тоа остава многу простор за шпекулирање која е всушност Марија Магдалена. Од друга страна битен аргумент е дека таа е првата која открива и дознава за воскресението на Исус, што значи дека е битна личност. Практично, со неа започнува христијанството. Ако основата на христијанството е воскресението на Исус, а таа е првата личност која тоа го дознала и обзнанила, ако таа е прва која открива дека гробот е празен и им соопштува на другите апостоли дека телото на Исус го нема и дека Исус воскреснал, тогаш врз основа на нејзината објава е создадена христијанската црква. И со тоа може да се аргументира дека христијанството започнало од Марија Магдалена. И покрај тоа што постои раширено увервање дека таа била проститутка која станала блиска со Исус, нема докази за такво нешто. Во најстарите извори нема ниту еден доказ за тоа. Единствено што се вели е дека се вика Марија Магдалена. Името Марија е мошне често во тоа време, а Магдалена значи дека е од Магдала, рибарско село на брегот на Галилејското Море. Знаеме дека била опседната со седум демони, иако нема податоци за тоа каков бил карактерот на тие демони и знаеме дека Исус ја ослободил од нив. Знаеме дека таа и поголема група жени го придружувале Исус за време на неговите проповеди и патувања, знаеме дека таа и жените ги помагале Исус и апостолите материјално, ги снабдувале со нешта кои им биле потребни и тоа е се. Нема никаков податок кој би сугерирал дека станува збор за проститутка. Постои приказна за друга жена која го помазува Исус со масло и во едно од евангелијата е наречена грешница, па тоа наведува многумина да помислат дека станува збор за Марија Магдалена. Дополнително се претпоставува дека штом е грешна, таа жена мора да е проститутка, така што имаме две претпоставки кои водат кон погрешен заклучок: првата е дека грешната жена е Марија Магдалена, а втората е дека нејзиниот грев се состои во тоа дека таа е проститутка. Всушност станува збор за комбинирање на делови од различни евангелија од кои делови е создадена една мега приказна која не е вистинита. Има и такви кои сметаат дека Марија Магдалена е жената која според Евангелието по Јован била фатена во неверство и донесена пред Исус со прашањето: Што да правиме со неа, дали да ја каменуваме? Всушност станува збор за замка: ако Исус одобри каменување, тогаш ќе го погази милосрдието за кое проповеда, ако каже да не биде каменувана, ќе биде обвинет дека го крши законот на Мојсеј. Станува збор за една од најбавите приказни во Новиот завет. На прашањето, Исус одговара тоа што на најголем број луѓе им е познато: Тој кој не згрешил, нека го фрли првиот камен! По ова, толпата се разотидува, а Исус и вели на жената да си оди и да не греши веќе. Но, приказната ја нема во најстарите копии на Евангелието по Јован, Се сретнува подоцна, запишана на маргините на една копија, а потоа некој од наредните препишувачи ја вметнал во текстот од Евангелието. Тоа вметнување го направиле повеќемина, па во различни копии приказната се јавува во различни глави на Евангелието што е уште еден доказ дека ја нема во оригиналната верзија на Евангелието по Јован. Но, никаде во оваа приказна не се споменува името на Марија Магдалена. Тоа е само уште една анонимна жена, а подоцнежната имагинација ја доведува оваа жена во врска со Марија. Што се однесува до тоа дека Марија Магдалена имала некаква посебна врска со Исус, тоа е повторно дело на имагинација. Секаде во Новиот завет каде се споменува нејзиното име, таа е во друштво со други жени. На пример, во единствениот случај кога таа се споменува во текот на проповедите на Исус, значи во оној единствен случај од 13-те кој не е поврзан со распнувањето, погребот и воскресението, таа е заедно со Јоана и други жени. Тоа е поголема група на жени, можеби 10, 12 15 жени кои ги следат Исус и неговите апостоли. Значи, таа никаде не е сама со Исус. И во останатите 12 други споменувања на нејзиното име, кога Исус е распнат, погребан, и кога го наоѓа неговиот гробот празен и кога е сведок дека тој воскреснал, таа не е сама, туку е заедно со други жени. Оттука, приказната дека таа е жена апостол која е посебно блиска со Исус, едноставно не е коректна, гледано од историски аспект. Тоа што е точно е дека таа игра посебна улога во подоцнежната христијанска имагинација, па се создава своевидна легенда за развивање на некоја посебна врска меѓу Исус и Марија Магдалена, приказна која трае до денешните денови. Таа приказна е развиена и во разни дела како „Да Винчи кодот“ каде Марија е жена на Исус со која тој има потомство и тоа потомство е всушнст светиот грал. Во раното христијансво дури е напишано и Евангелие по Марија Магделена. Тоа е гностичко Евангелие. Откриено е во доцните 1890-ти години и било однесено во Берлин. Поради двете светски војни и други катастрофи во тоа време, јавно е публикувано дури во 1955 година. Мошне е интригантно, зашто во него Марија Магдалена е централна фигура, не затоа што е партнер на Исус во смисла на сопруга или љубовница, туку затоа што Исус и открива посебни учења. Затоа е и наречено Евангелие по Марија Магдалена. Суштината на Евангелието е дека по воскресението Исус се појавува пред апостолите, а потоа се вознесува, оставајќи ги во страв дека и ним ќе им се случи тоа што му се случило и нему, односно дека ќе бидат распнати. На тоа Марија им вели да не се грижат зашто ќе бидат заштитени. Тогаш Петар ја прашува за посебните откритија што Исус и ги кажал, па Марија раскажува за визијата што ја имала со Исус. Но, за жал токму тука недостигаат четири страници од Евангелието и тоа продолжува после тие четири страници. Марија раскажува како душата може да се вознесе на небото и да ја избегне замката во која се наоѓа, а тоа е телото на Земјата и завршува со визијата која Исус и ја доверил. Тоа предизвикува дебата меѓу апостолите за тоа зошто Исус не им го доверил ова ним, туку на една жена, за на крај Петар да каже дека не верува во приказната на Марија Магдалена зашто Исус не би и го доверил тоа на неа, прескокнувајќи ги нив. Сепак, на крај станува апостолот Матеј кој вели дека го прифаќа кажаното и дека тие треба да одат да ги проповедаат евангелијата, а не да се расправаат. Марија Магдалена се споменува и во Евангелието по Тома, уште едно гностичко Евангелие. Овде се среќаваме со своевидна дебата меѓу Исус и Петар околу Марија Магдалена и околу тоа што и зошто Исус и открил, што значи дека гностичкото Евангелие по Марија Магдалена не единственото во кое се среќава таа тема. Евангелието по Тома има 114 кажувања на Исус. Нема приказна, нема наратив, нема настани, едноставно, тоа се 114 изреки кажани од Исус или барем така тврди авторот. Во последната, 114-та, Петар вели дека Марија треба да го напушти собирот на апостолите зашто е жена, а на жените не им е дозволено да имаат вечен живот. На тоа Исус одговара дека од неа ќе направи маж, бидејќи секоја жена која ќе стане маж ќе добие дозвола да влезе во рајот. Ова е интересен пасус кој покажува дека во раното христијанство не сите ги сметале жените еднакви со мажите. Интересно е дека Исус вели дека тие ќе бидат еднакви и ќе го имаа своето место во рајот, но откако ќе бидат претворени во мажи. Има многу дискусии меѓу научниците што ова значи. Но најдобар начин да се сфати ова е да се стави во антички контекст кога луѓето имале различни поимања од тие што ги имаме ние денес. За нас денес, да бидеш човечко суштество, значи да бидеш дел од суштества кои се делат на мажи и жени. Во античко време сфаќањето било дека постојат растенија, животни, луѓе и богови, а најперфектно суштество на Земјата е моќниот маж кој е супериорен во однос на другите човечки суштества (боговите се поперфектни, но не се на земјата). Послабиот маж е помалку перфектен, а жените се помалку перфектни од мажите. Античките луѓе сметале дека жените се мажи чии мускули не се развиле, чии бели дробови исто така не се развиле во доволна мера, што значи дека тие се неперфектни мажи. Тоа се мажи, ама помалку перфектни и од слабите мажи. Е сега, согласно тезата за континиум, послабите мажи треба да станат силни, поперфектните и посилните мажи треба да станат богови, а жените, за да дојдат до таму, треба прво да станат мажи. Значи станува збор за сфаќање кое е различно од нашето денешно поимање на мажите и жените. Тоа е тоа и на што Исус мисли дека Марија прво мора да стане маж. Што се однесува до сфаќањата и верувањата кои се јавуваат во денешни времиња дека Исус и Марија биле маж и жена, дека имале ќерка Сара, дека Марија побегнала со Сара во Франција итн., се се тоа измислени приказни, најпрво во книгата „Светиот грал“, а потоа во „Да Винчи кодот“. Не постои било каков извор, податок и сл. врз основа на кој може да се поткрепи такво верување. Физичката врска меѓу Исус и Марија Магдалена се споменува и во гностичкото Евангелие по Филип. Тоа е откриено во 1945 година, а станува збор за два пасуса. Во едниот се наведува дека таа е „companion“ на Исус, а потоа во „Да Винчи кодот“ се вели дека зборот companion на арамејски значел „сопруга“. На прв поглед ова делува убедливо, но проблемот е што Евангелието по Филип првично е напишано на коптски јазик, а не на арамејски. Кога ќе го трансформирате сето тоа на старогрчки јази го добивате зборот „придружник“, а не „сопруга“. Вториот пасус исто така е злоупотребен од „Да Винчи кодот“ во смисла дека Исус и Марија имале некаква врска. Во пасусот се вели, однос се добива впечаток дека Исус да ја бакнува Марија. Но, работата е во тоа што Евангелието е полно со дупки, делови кои недостигаат, а тој стих всушност гласи вака: „И придружникот на…“ па има празнина, следниот дел недостига, па продолжува „…Марија Магдалена…“ па има дупка, „… не повеќе од учениците…“, пак пак има дупка во манускриптот „…ја бакна…“ па празнина „.. на нејзините…“ празнина. Значи имаме: „И придружникот на… Марија Магдалена… не повеќе од учениците… ја бакна… на нејзините…“. Ете тоа е тоа. И можеби изгледа дека Исус ја бакнува Марија Магдалена и од ова некои изведуваат заклучок дека Исус и Марија имале врска како маж и жена. Но во ова Евангелие се зборува за бакнување и во претходните редови, во друг пасус, и станува јасно дека кога се зборува за бакнување се зборува за начин на кој Исус го пренесува, го предава учењето. Бакнувањето тука не е некаква сексуална врска, туку начин на кој христијаните симболично си ги предавале откровенијата еден на друг. Ги кажуваш зборовите на Бога на друг, а потоа го бакнуваш како знак дека му ги пренесуваш учењата, откровенијата. Оттука и бакнувањето на Марија од страна на Исус едноставно значи дека тој и пренесува вистината, но не значи некаква сексуална врска. Кога се ќе се собере, може да се заклучи дека Марија е следбеник на Исус. Тој имал многу повеќе следбеници од 12-те апостоли. Таа е со него и во последните денови од неговиот живот со други жени и мажи, била со него и при распнувањето, го видела погребот и според евангелијата таа е една од жените која го открива празниот гроб во неделата наутро. Таа е првата која обзнанува дека Исус воскреснал, па според мене таа е жената од која започнува христијанството. Оттука, таа е извонредна значајна од историски аспект за денешната форма на цивилизација што ја живееме, но тоа не значи дека била мажена со Исус, дека имале деца со него итн....
Македонија ја бојкотираше инаугурацијата на Путин
Денешен - пред 1 ден
По инструкции на МНР, амбасадорот на земјава во Руската Федерација, Ненад Колев, не присуствувал на денешната церемонија во Москва, со што Македонија им се придружи на САД и повеќето членки на ЕУ кои решија да ја бојкотираат инаугурацијата. Рускиот претседател Владимир Путин денеска положи заклетва за нов шестгодишен мандат, кој е петти негов откако дојде на власт во 2000 година. Во краткиот инаугуративен говор, тој не ја исклучи можноста за дијалог со Западот, но, како што рече, тој треба да биде под рамноправни услови Македонија се приклучи кон Соединетите Американски Држави, Канада, Германија и мнозинството земји членки на Европската Унија (ЕУ) чии амбасадори и дипломатски претставници не присуствуваа на инаугурацијата на рускиот претседател Владимир Путин. На церемонијата во Москва денеска не присуствуваше ни амбасадорот на земјава во Руската Федерација, Ненад Колев....
ВЕДРАНА РУДАН ОБЈАВИ ДЕКА БОЛЕДУВА ОД РАК: Имам 75 години, многу мои врсници немаат рак, здрави се и во полна форма, а јас …
Денешен - пред 1 ден
Хрватската писателка Ведрана Рудан откри дека боледува од тешка болест. Таа им се обрати на своите фанови и откри како дознала дека боледува од рак .Драги мои! Го замислував моментот илјада пати, писателите имаат жива фантазија, како ќе изгледа кога докторот ќе ти пријде, без насмевка во очите и ќе каже… Ќе се онесвестам? Ќе откачам? Ќе се расплачам? Ќе се прашам зошто јас? Очекуваниот животен век се зголеми, јас сум уште млада, не, не, не, зошто јас?! Ништо од тоа не доживеав. Ме обзеде смеа кога ги видов загрижените доктори на Риека, колку брзо се собраа околу мене. Чувствував дека некако сакаат да ми ја олеснат болката што не ја чувствував. Имам седумдесет и пет години, многу мои врсници немаат рак, здрави се и во полна форма, а јас … Не ни верувам дека треба да мислам на добро и се ќе биде во ред, Не се замарам со тоа Што ме возбуди деновиве, зошто сум среќна? Преку ноќ дознав колку пријатели имаме јас и мојот сопруг, вистински пријатели, феноменални луѓе. Мојата пријателка од детството ми вети дека ќе ми организира погреб, ќе ми ја фрли пепелта во морето на нашата омилена плажа во Мошќеничка Драга, иако тоа е забрането со закон. Ѝ реков, добро знаеш, во Драга секогаш дува, југо, бура, мистрал… ‘Јеботе, немој да ме изедеш’. Нејзин проблем, секој чин со себе носи одреден ризик Денеска престанувам да пишувам блог затоа што ќе се посветам на лекување и пишување книга за тоа. Кога авторот на книгата пишува за фазите на неговото умирање, се чита како лудо. Додуша, тие книги имаат смисла кога авторот ќе умре, се друго не е напнато. За жал, не можам да ви кажам дали ќе умрам, сигурен сум дека има шанса. Одамна ми е јасно дека сите сме смртни, па не се грижам за смртта ниту со ‘борба’ ниту со верба во среќен крај. Не знам дали денес и овде хепиендто е животот или смртта, па приказната ми е полесна. (…). За оние кои не ми сакаат и мислат дека сум се гребела за кој било преглед сакам да кажам, не сум се гребела. Платив. Мојата параноја. Зошто мислам дека луѓето не ме сакаат? Зошто мислам дека има многу негативци? Тоа е посилно од мене иако бројот на вас што ме следите вели дека сум сакана. Со години ме правите среќна и ви благодарам за тоа. Вие сте моја постојана инспирација и голема радост. Да, еден пријателка од Сплит ми рече дека Свети Анте може најмногу да ми помогне во овој хаос: „Оди во Падова, но во црквата, не во ближниот аутлет. Од вечерва ќе се молам за тебе’. Фала, девојко, но сепак повеќе ме привлекува аутлетот од Свети Анте. Жал ми е....
КУРТИ: Од 86 убиства од 2021 на Косово, 81 од убиените се Албанци, само тројца Срби
Денешен - пред 1 ден
Косовскиот премиер Албин Курти објави дека, врз основа на полициските статистики, од 86 убиства извршени во Косово од 2021 до 2024 година, 81 од жртвите биле Албанци, тројца Срби и двајца припадници на други етнички заедници, јави дописникот на МИА од Приштина. Курти преку објава на платформата „Х“ (поранешен Твитер) тврди дека за убиството на тројца Срби, двајца во Северна Митровица и еден во Грачаница, како осомничени се уапсени тројца етнички Серби. Курти нагласи дека Србија продолжува со тврдењата за наводно насилство врз Србите во Косово, но според него, сите знаат дека тоа е само пропаганда и дека фактите го кажуваат спротивното. „Официјалните полициски статистики покажуваат дека од 2021 до 2024 година во Косово имало вкупно 86 убиства: 81 Албанец, тројца Срби и двајца од други етнички заедници. Тројца Срби беа убиени во 2022 година; двајца во општина Северна Митровица и еден во Грачаница. Само Срби има осомничени за трите убиства. Во Северна Митровица Србин е осомничен дека ги убил татко си и братот. Во Грачаница Србин е осомничен дека го убил својот брат“, објави Курти. Според косовскиот премиер, случајот во Бањска, во северно Косово, на 24 септември минатата година, кога тројца припадници на српска паравоена група загинаа во размена на оган со косовската полиција по убиството на полицаецот Африм Буњаку, е посебен. „Секој човек во Косово, локалец или меѓународник, знае дека српската пропаганда за насилство врз Србите е – само пропаганда. Фактите говорат сами за себе, отфрлајќи ги подмолните лаги и откривајќи до каде е способен да оди авторитарниот режим (во Србија) за да сее хаос“, напиша Курти...
Лични документи можат да се подигнат и утре на денот на изборите
Денешен - пред 1 ден
Во пресрет на претстојните претседателски и парламентарни избори што ќе се одржат утре (среда 08.05.2024 година), Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот. Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат....
Кедев го искачи петтиот највисок врв на светот
Денешен - пред 1 ден
Кардиологот и алпинист Сашко Кедев направи уште еден голем подвиг, утрото на Велигден тој се искачи на врвот Макалу кој е висок 8.485 метри и е петти највисок планински врз во светот. Сашко Кедев освои уште еден од највисоките светски врвови, тој со експедиција од четворица меѓународни алпинисти и петмина шерпаси се искачи на Макалу. Кедев беше во придружба на искусниот Кили Пемба Шерпа, кој беше еден од 10-те непалски планинари кои се искачија на К2 во 2021 година. Сашко Кедев има исклучителна колекција на искачени врвови, има освоено 10 од 14. врвови над 8.000 метри. Покрај Макалу тој ги има искачено и Монт Еверест (8.848), Нанга Парбат (8.126), Анапурна (8.091), Чо Оју (8.188), Броуд Пик (8.051), К2 (8.611), Далагири (8.167), Манаслу (8.163) и Лоце (8.516)....
Тројца мажи се обиделе да ја отворат предната врата и капијата на објект во општина Чаир каде се чува изборниот материјал
Денешен - пред 1 ден
Денеска (07.05.2024) во Полициската станица Бит Пазар било пријавено дека три машки лица се обиделе да ја отворат предната врата и капијата на објектот на општина Чаир, каде што се чува изборен материјал, но откако биле забележани од полицискиот службеник, кој го обезбедува изборниот материјал, лицата го напуштиле местото. Не е причинета штета на капијата ни на изборниот материјал. Се преземаат мерки за расчистување на случајот....
Митрополитот Григориј го посети Јане Ченто во затворот во Штип
Денешен - пред 1 ден
„Постојано кога го читаме Евангелието ги сретнуваме зборовите Господови, кои се упатени до секого од нас, „во затвор бев и дојдовте при Мене“ (Мт 24, 36) и „болен и во затвор бев и не Ме посетивте“ (Мт 24, 43). Поаѓајќи од овие зборови, митрополитот Григориј беше во посета на г. Јане Ченто во затворот во Штип. Митрополитот при посетата поразговара со Јане и му го честиташе празникот Воскресение Христово, посакувајќи што поскоро да излезе од затворот.“ Ова е објавата на Кумановско осоговската епархија по повод посетата на митропоитот Григорија на Јане Ченто...
ДЗС: Цените на угостителските услуги во април повисоки отколку во март за 2,5%, а во однос на истиот период лани се зголемени за 5,9 отсто
Денешен - пред 1 ден
Цените на угостителските услуги во април во споредба со март се зголемени за 2,5 проценти, а во однос на истиот период лани има зголемување од 5,9 проценти. Според податоците на Државниот завод за статистика, зголемување е забележано во групата Ноќевања за 13,5 проценти. Кумулативниот индекс на цените на угостителските услуги за периодот јануари – април во однос на истиот период минатата година, е зголемен за 6,2 проценти, a во однос на декември зголемувањето е за 1,3 проценти....
Марија Спасовска има „Минато“ што ветува блескава иднина (ВИДЕО)
Денешен - пред 1 ден
Марија Спасовска има „Минато“ што ветува блескава иднина. Имено, „Минато“ е насловот на нејзината нова песна, во која младата македонска пејачка продолжува да го турка својот омилен стил како сопствен израз во музичкиот правец кој најмногу и лежи. Овој пат во своевидна модерна ар ен би балада која преминува во побрз ритам, за потоа одново да заплови во помирни музички води. Емотивна во изведбата како и во стиховите на кои како и на музиката Марија и самата е автор, само ја надополнува нејзината слика на изведувач кој покрај несомнените вокални квалитети и впечатливата експресија во интерпретацијата, се наметнува и како се’посериозен автор. Засега само на своите песни, а во иднина која да знае… На сето тоа се надоврзал и познатиот композитор и музичар Николче Мицевски, кој со својата аранжманска бравурозност ја обоил целата мелодија, пакувајќи ја во едно модерно музичко парче кое и тоа како кореспондира со современите музички текови. Како и за сите останати песни досега и најновата „Минато“ е визуелизирана со видеозапис, чија режија овој пат ја потпишува Горан Симјаноски/Gogorzr. Во него младата поп уметница дополнително ги искажува и своето несомнено актерско умеење, вешто преточувајќи и улогите кои моменталниот музички израз и стиховите во одреден дел од песната тоа од неа го бараат… Од љубов и среќа, до болка и очај, од блаженство до разочарување… Актерска експресија која дополнително им дава впечатливост на песната и видеото како еден своевиден аудио-видео пакет, една комплетна музичка целина. Во сето тоа своја улога на нејзин партнер има и младиот модел Андреј Димоски, кој заедно со Марија ја водат замислената фабула во оваа музичка приказна. Како сето тоа звучи и изгледа, проследете од видеото во продолжение…...
ДЗС: Инфлацијата мерена преку трошоците за живот во април, во однос на март, поголема за 0,7 отсто, а цените зголемени за 1,1 процент
Денешен - пред 1 ден
Инфлацијата мерена преку индексот на трошоците на животот во април во однос на март изнесува 0,7 проценти, а цените на мало се зголемени за 1,1 процент, објави денеска Државниот завод за статистика. Зголемувањето на инфлацијата е резултат на зголемувањето на трошоците на животот во транспортот за 2,8 проценти, комуникации за 1,6 проценти, храна и безалкохолни пијалаци, облека и обувки за 0,9 проценти, рекреација и култура, ресторани и хотели за 0,6 проценти, разновидни стоки и услуги за 0,4 проценти и здравје за 0,2 проценти. Намалување на трошоците на животот е забележано во групите мебел, покуќнина и одржување на домаќинствата за 0,5 проценти и домување, вода, електрика, гас и други горива за 0,2 проценти. На исто ниво останале трошоците на животот во групите алкохолни пијалаци, тутун и наркотици и образование. Цените на мало во април во однос на март се зголемени за 1,1 процент. Во однос на април лани, трошоците на живот се зголемени за четири проценти, а цените на мало за 3,5 проценти....
СООБРАЌАЈКА ВО СКОПЈЕ: Повредени се три лица во судир на „ауди“ и „шевролет“, кој е преполовен, на булеварот Партизанска
Денешен - пред 1 ден
Три лица се повредени во сообраќајката, што утрово се случила на крстосницата од булеварот „Партизански одреди“ и улицата „Ангел Динев“ во скопската населба Влае. Како што информира МВР, сообраќајна несреќа во Секторот за внатрешни работи (СВР) Скопје била пријавена во 2:25 часот. Во неа учествувале две возила, едното марка „шевролет“ управувано од 32-годишната Е.С. и автомобил „ауди“, кој бил управуван од 27-годишниот Б.А. од скопски Сарај. Во несреќата со тешки телесни повреди се здобила Е.С., кои биле констатирани во Клиничкиот центар „Мајка „Тереза“. Возачот на „аудито“ Б.А., според МВР, се здобил со телесни повреди, констатирани во Градската општа болница „8 Септември“. Со телесни повреди се здобил и неговиот сопатник И.А.(32) од скопското село Љубин. Тој, како што информираат од полицијата, бил пренесен во Универзитетска клиника по хируршки болести „Св. Наум Охридски“. За настанот бил известен јавен обвинител, а увид извршила увидна екипа од СВР Скопје. Фото: МИА архива...
УТРЕ НЕРАБОТЕН ДЕН ВО МАКЕДОНИЈА: Граѓаните добиваат слободен ден за гласање, автобусите во Скопје по неделен возен ред
Денешен - пред 1 ден
За сите граѓани на Македонија утре 8 мај е неработен ден, поради редовните претседателски и парламентарни избори. Утрешниот ден граѓаните ќе го искористат за излегување на гласање, на кое се избира претседател меѓу двајцата кандидати, во вотриот круг. Истовремено се гласа и за изборот на нови пратеници во Собранието, а на гласачкото ливче има 17 изборни листи. Јавниот превоз во Скопје утре ќе функционира по неделен возен ред, а жичницата нема да работи, соопштија денеска од Одделението за односи со јавност во ЈСП Скопје . Дежурни од 7 до 14 часот ќе бидат билетарниците на Транспортен центар и таа во Ѓорче Петров....
Грчкото МНР реагира по одлуката на Турција манастирот Хора да работи како џамија
Денешен - пред 1 ден
Министерството за надворешни работи на Грција преку соопштение реагираше за одлуката на турските власти, манастирот Хора да почне да функционира како муслиманска џамија, истакнувајќи дека тоа „претставува провокација за меѓународната заедница бидејќи го менува неговиот карактер како споменик на светското културно наследство на УНЕСКО што му припаѓа на човештвото“, јави дописничката на МИА од Атина. Од грчкото МНР додадоа дека „зачувувањето на универзалниот карактер на спомениците и почитувањето на меѓународните стандарди за заштита на верското и културното наследство е јасна меѓународна обврска која ги обврзува сите држави“....
Катовице: Во салата каде попладнево ќе заседава полската влада пронајден апарат за прислушување
Денешен - пред 1 ден
Во салата во седиштето на Шлезискиот регион во Катовице, пред попладневната седница на чешката влада, откриен е и демонтиран апарат за прислушување, соопшти портпаролот на министерот координатор на полските безбедносни служби, Јацек Добжињски. Службата за државна безбедност и Агенцијата за внатрешна безбедност ја демонтирале направата и покрената е истрага за тоа кој ја поставил. Полската влада попладнево ќе одржи вонредна седница во Катовице бидејќи премиерот Доналд Туск и претседателката на Европската комисија Урсула фон дер Лајен се главни гости на меѓународниот економски форум во тој град на југот на Полска. Владата нема „чувствителни“ теми на дневниот ред на денешната седница, најавено е дека ќе одлучува за помош на граѓаните за плаќање на енергетски производи и предлогот за Законот за дигитални комуникации со кој во полските закони се воведува кодот на Европската унија во таа област....