Јавниот превоз во Скопје денеска по неделен возен ред
Макпрес - пред 5 часа
Поради празникот 1 Мај – Меѓународниот ден на трудот, денеска јавниот превоз во Скопје ќе сообраќа по неделен возен ред. Од ЈСП Скопје информираат дека жичницата ќе работи со вообичаено работо време, а дежурни ќе бидат две билетарници. Од 7 до 14 часот ќе работат билетарниците на Транспортен центар и таа во Ѓорче Петров. Од јавното претпријатие додаваат дека жичницата ќе работи два часа повеќе од досега, односно од 10 до 20 часот. -Во период од 19-19.30 часот е последно возење од долу кон врвот, односно во 19.45 часот е последно возење од врвот надолу, велат од ЈСП Скопје. Работното време е согласно со Одлуката за работно време на Жичарницата во период мај – септември....
ЦУК апелира до граѓаните на внимателност при палење оган на отворено
Макпрес - пред 5 часа
Центарот за управување со кризи апелира до граѓаните на внимателност при палење оган на отворено за Меѓународниот ден на трудот - 1 Мај. -За првомајскиот празник традиционално граѓаните излегуваат во природа и на излетнички места. Апелираме за внимателност при палење оган на отворено за првомајскиот празник, како и секогаш кога се престојува во природа. Ако се пали оган на отворено при одењето на излет, таму каде што нема посебно направени огништа за правење скара, тоа да се прави внимателно и пред заминување од местото, обврзно да се изгасне жарта од огнот, велат од ЦУК...
Променливо облачно и топло со слаб до умерен ветер од јужен правец
Макпрес - пред 5 часа
Времето ќе биде променливо облачно и топло со слаб до умерен ветер од јужен правец. Попладне ќе има локална појава на краткотраен пороен дожд и ретки грмежи. Минималната температура ќе биде во интервал од 6 до 12, а максималната ќе достигне од 20 до 27 степени. Во Скопје променливо облачно и топло со слаб до умерен ветер од јужен правец. Попладне и кон крајот на денот во делови од котлината ќе има краткотраен пороен дожд и појава на ретки грмежи. Минималната температура ќе се спушти до 9, а максималната ќе достигне до 25 степени. Следува период на променливо облачно време со повремени локални врнежи од дожд. Во четврток и петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град. Дневната температура од четврток до сабота ќе биде во постепено опаѓање....
Лишени од слобода двајца неготинци за напад врз малолетна ќерка и сестра
Макпрес - пред 5 часа
Двајца неготинци синоќа биле лишени од слобода поради напад врз малолетната ќерка и сестра, информираат денеска од Секторот за внатрешни работи - Велес. - Во 23.10 часот, полициски службеници од ОВР Неготино ги лишиле од слобода Г.З., на возраст од 50 години и В.З., на 24-годишна возраст, двајцата од овој град, постапувајќи по претходна пријава дека во семејниот дом физички ја нападнале нивната малолетна ќерка и сестра. Г.З. и В.З. биле задржани во полициска станица, известени биле јавен обвинител, Центарот за социјални работи. По документирање на настанот, против нив ќе биде поднесена соодветна пријава, појаснуваат од СВР Велес. Претходно, во 09.30 часот, полициски службеници од ОВР Кавадарци го лишиле од слобода кавадарчанецот М.Т., на возраст од 30 години, постапувајќи по претходна пријава од неговата 30-годишна сопруга, дека во семејниот дом физички ја нападнал. М.Т. бил приведен во полициска станица. Известен бил јавен обвинител и по документирање на настанот, против него ќе биде поднесена соодветна пријава....
Кривична пријава за полициски службеник кој вршел семејно насилство
Макпрес - пред 5 часа
Надворешната канцеларија за криминалистички работи при ОВР Прилеп до Основното јавно обвинителство Прилеп поднесе кривична пријава против полицискиот службеник М.К. поради постоење на основи на сомнение за сторено кривично дело „загрозување на сигурноста при вршење на семејно насилство“. Како што информира Министерството за внатрешни работи, Одделот за внатрешна контрола, криминалистички истраги и професионални стандарди при МВР заради постапување спротивно на член 26 став 2 од Етичкиот кодекс за однесување на работниците во МВР поднесе предлог за поведување на постапка за кршење на работниот ред и дисциплина по член 210 став 1 точка 10 и 20 од Колективниот договор на МВР и изрече задолжителни мерки одземање на оружјето. На 31 јануари 2024 година во Прилеп, пријавениот М.К. агресивно се однесувал кон неговата поранешна сопруга, ја влечел за раката и ѝ упатил закани....
„Шаоми“ ја претстави новата серија паметни телефони
Макпрес - пред 5 часа
Со новата серија паметни телефони „Шаоми 14“, кинескиот технолошки гигант ги помести границите на фотографијата, велат познавачите. Се покажа дека професионалната камера може да се воведе и во секојдневна употреба, така што за добра фотографија е потребен само современ паметен телефон. „Шаоми“ ја претстави 14-та серија паметни телефони на саемот во Барселона. Уредот работи на „Хајпер-ОС“ (HyperOS) со основите на „Aндроид 14“, а со помош на моќниот „Квалком снепдрагон 8 ген 3“ чип. На задната страна има четири камери со квалитетот на 50 мегапиксели. Ултра-широката камера покрива 122 степени и благодарение на тоа и другите професионално-фотографски одлики, сликите ќе имаат одличен квалитет....
Селин Дион: Учам да живеам со болеста
Макпрес - пред 5 часа
Канадската поп-пејачка Селин Дион се најде на насловната страница на француското издание на „Вог“. Во интервјуто за списанието, таа проговори за своето невролошко заболување наречено Синдром на вкочанета личност. Болеста ѝ беше дијагностицирана есента 2022 година. - Не сум ја победила болеста, таа сѐ уште е во мене и секогаш ќе биде. Се надевам дека ќе се случи чудо, дека ќе најдеме начин да ја излечиме преку научно истражување, но токму сега, морам да научам да живеам со неа. Значи, ова сум јас сега - со синдромот на вкочанета личност, изјави Дион. Таа потоа раскажува како изгледа нејзиниот живот по дијагнозата. - Во неделата, пет дена одам на атлетска, физичка и гласовна терапија. Работам на прстите на рацете, на нозете, колената, листовите, пеам... Гласот... Морам да научам да живеам со тоа сега и да престанам да се преиспитувам себеси. На почетокот се прашував: „Зошто јас? Како се случи ова? Што направив? Дали е моја вина?“, се потсеќа пејачката. Таа вели дека сега има два избора - да тренира или целосно да се повлече. - Животот не дава никакви одговори. Само треба да го живеете. Ја имам оваа болест од непозната причина. Како што ја гледам, имам два избора. Или ќе тренирам како спортист и ќе работам напорно, или „се исклучувам“ и останувам дома... Значи, ги слушам моите песни, стоејќи пред огледалото и ги пеам со цело тело и душа, со медицинскиот тим, повторно, нагласи Селин. Таа има голема поддршка од семејството и децата. - Пред сè, љубовта на моето семејство и моите деца, љубовта на обожавателите и поддршката на мојот тим - сè тоа ме крепи. Луѓето кои страдаат од СПС (кретенка за болеста, з.п.), можеби немаат доволно среќа или имаат средства да имаат добри лекари и добри третмани. Тоа е дар, знам дека ништо нема да ме спречи, појасни таа. На прашањето дали ќе се врати на сцената, Селин сè уште нема конкретен одговор. - Моето тело ќе ми каже. Од друга страна, не сакам само да чекам. Многу е тешко да се живее од ден за ден. Но, има едно нешто што никогаш нема да запре, а тоа е волјата. Тоа е страста. Тоа е сонот. Тоа е одлучноста!, заклучи поп-ѕвездата...
На првиот ден од мај променливо облачно и топло, попладне локален дожд
Макпрес - пред 5 часа
Времето денеска ќе биде променливо облачно и топло со слаб до умерен ветер од јужен правец. Попладне ќе има локална појава на краткотраен пороен дожд и ретки грмежи, соопшти Управата за хидрометеоролошки работи. Минималната температура ќе биде во интервал од 6 до 12, а максималната ќе достигне од 20 до 27 степени. Во Скопје променливо облачно и топло со слаб до умерен ветер од јужен правец. Попладне и кон крајот на денот во делови од котлината ќе има краткотраен пороен дожд и појава на ретки грмежи. Минималната температура ќе се спушти до 9, а максималната ќе достигне до 25 степени. Во наредните денови следува период на променливо облачно време со повремени локални врнежи од дожд. Во четврток и петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град. Дневната температура од четврток до сабота ќе биде во постепено опаѓање....
Најчестите знаци на прекумерно внесување шеќер
Макпрес - пред 5 часа
Внесувањето шеќер во големи количини е штетно за човековото тело и тоа ја зголемува опасноста од дијабетес и многу други болести. Дополнителен проблем е што шеќерот се наоѓа и во намирници коишто не се благи, па затоа е важно да се внимава на составот на секојдневните хранливи производи. Нутриционистката Брук Алперт и лекарката Ребека Казин предупредуваат на најчестите знаци на прекумерно внесување шеќер коишто ги испраќа самото тело. Постојано копнеење за слатки Шеќерот предизвикува зависност. Ова е затоа што сензорите за вкус се адаптирале на благото и на тој човек му треба сѐ повеќе благо, за да го добиете истиот вкус, но и истото задоволство како и првиот пат, слично како дрога. Поради сѐ тоа, докторите советуваат навремена контрола на внесувањето шеќер. - Со тоа што јадете многу шеќер, предизвикувате хормонален одговор во Вашето тело што е како бран. Ве крева, а потоа Ве треснува од земја, и тоа го поттикнува Вашето тело да бара повеќе шеќер, појаснува Алперт. Промени во расположението Премногу внесен шеќер може да значи моментна „еуфорија“. И обратно... Падот на шеќерот во крвта може да предизвика пад и во расположението и поголема нервоза и вознемиреност. Тромавост Откако шеќерот ќе го предизвика почетниот скок на енергијата, тој предизвикува и пад. Енергијата е најстабилна кога шеќерот во крвта е стабилен, така што кога се консумира премногу шеќер, има и падови во енергијата. Премногу шеќер честопати значи и недоволен внос на протеини и влакна. Пукање на кожата Д-р Ребека Казин смета дека некои луѓе се чувствителни на напливи на инсулин поради прекумерно внесување на шеќер. Тоа може да предизвика нарушување на хормоните, што води, на пр., до сува кожа, ранички, акни и сл. Дебелеење Вишокот шеќер значи - вишок калории, а во недостиг на протеини или влакна, шеќерот нема никаква хранлива вредност. Сѐ тоа, заедно со ослободувањето инсулин, ја покачува телесната тежина, но и ја зголемува опасноста од појава на дијабетес. Кога се јаде премногу шеќер, на телото „му се кажува“ да лачи повеќе инсулин, а подоцна, тоа прекумерно лачење може да доведе до отпорност кон инсулин. Отпорноста пак, значи дека телото нема да може правилно да реагира на нормални количини инсулин и правилно да го користи шеќерот. Премногу кариес Кога бактериите ги разјадуваат честичките храна меѓу забите, се создава киселина што постепено предизвикува расипување на забите. Плунката сама по себе одржува здрава рамнотежа на бактерии, но шеќерот може да влијае на пе-ха вредноста и да го наруши тој природен сооднос. Неправилното размножување на бактериите, всушност, води кон расипување на забите и кариес. Мозочна магла Деконцентрацијата што обично се јавува после оброк е симптом на низок шеќер во крвта. Кога се јаде многу благо, пак, нивото шеќер во крвта се зголемува и опаѓа, наименично и брзо. Тоа, според стручњаците, ја зголемува расеаноста, и укажува на задолжителна контрола на внесот на шеќер. Ништо не е така слатко како порано Премногу шеќер предизвикува сензорите за вкус да се навикнат на слатките вкусови, па затоа човекот бара сѐ повеќе шеќер за да ја задоволи својата глад за слатко. Меѓутоа, тука се препорачува свесно намалување на благото и самоконтрола. На тој начин, по извесно време, телото повторно ќе се навикне и ќе се задоволува со малку шеќер...
Властите го избркаа од лабораторија кинескиот научник кој прв ја објави низата од корона вирусот
Макпрес - пред 5 часа
Кинескиот научник кој прв ја испита и објави низата од новиот корона вирус започна протест откако властите го исфрлија од неговата лабораторија. Вирологот Џанг Јонгжен напиша на кинеската платформа Веибо дека тој и неговиот тим одеднаш биле известени дека биле исфрлени од нивната лабораторија. Тие се соочуваат со притисок од властите од јануари 2020 година кога за прв пат беше објавена низата на вирусот. Објавата подоцна беше избришана. Во знак на протест тој од неделата и покрај дождот седи пред својата лабораторија, рече тој во објавата која подоцна беше избришана...
Имигрант од Лаос кој се лекува од рак доби џекпот од 1,3 милијарди долари
Макпрес - пред 5 часа
Еден од добитниците на минатомесечниот историски џекпот на Пауербол (Powerball) од 1,3 милијарди долари е имигрант од Лаос кој боледувал од рак осум години, а минатата недела го имал последниот круг на хемотерапија. Ченг Чарли Сифан од Портланд на прес-конференција одржана од Лотаријата во Орегон рече дека тој и неговата сопруга Дуанпен ќе ја поделат наградата подеднакво со пријателката Лаиза Чао, која дала 100 долари за да купи неколку билети со нив. Тие ќе добијат 422 милиони долари по оданочувањето....
Мицкоски: Победата е на дофат, да излеземе масовно на избори и заедно да победиме за промени
Макпрес - пред 5 часа
Ги слушнавме вашите гласови како одекнуваат низ улиците, одѕвонуваат од желбата за промена и обнова. И денес стојам пред вас, длабоко благодарен од вашата непоколеблива поддршка и инспириран од вашата издржливост. Дојде време уште еднаш да се слушне нашиот глас. Кога сонцето изгрева на денот на изборите, имаме свечена должност и света привилегија: да го дадеме својот глас и да го обликуваме текот на судбината на Македонија, изјави претседателот од ВМРО-ДПМНЕ, Христијан Мицкоски на митингот во Струмица. Мицкоски ги повика граѓаните во овој клучен момент, да ја потврдиме нашата посветеност на демократијата, на слободата и на вредностите кои не обединуваат како народ. - Да ја отфрлиме апатијата и цинизмот и наместо тоа да ја прифатиме моќта на нашиот колективен глас да донесе значајни промени. Заедно надминавме безброј предизвици, преживеавме бури и напредувавме со непоколеблива решителност. И сега, додека стоиме на прагот на новото поглавје во приказната на нашата нација, да го искористиме овој момент со храброст и со одлучност, истакна Мицкоски. Мицкоски посочи дека победата е на дофат, но не е доволно само да веруваме во подобро утре, затоа мора да дејствуваме, да се мобилизираме и да гласаме, за да немаат можност да не уценуваат никогаш повеќе. - Ве повикувам да излезете на избори со гордост и со одлучност. Да тргнеме гордо и масовно на избирачките места, обединети за да може нашите гласови најсилно да одекнат низ сите краишта на Македонија. Заедно ќе изградиме иднина достојна за нашите амбиции. Заедно ќе го напишеме следното поглавје од приказната за нашата преубава татковина Македонија. Заедно ќе победиме, нагласи Мицкоски....
Николоски од Струмица: Врвен претставник на криминал и корупција во Македонија е Артан Груби, доаѓа време на одговорност
Макпрес - пред 5 часа
„Очекувам историски најголема победа за ВМРО-ДПМНЕ, со најголема разлика, најмногу гласови за Гордана Силјановска Давкова, најмногу гласови за Христијан Мицкоски за стабилна Влада предводена од ВМРО-ДПМНЕ“, истакна Александар Николоски, потпретседател на ВМРО-ДПМНЕ и носител на изборна единица 4 на митингот во Струмица. „Пред нас престои сериозна работа во деновите кои што доаѓаат, да се сретнеме со секој кој што сака да ни отвори, да поразговараме со сите кои што сакаат да не слушнат и да ги поканиме сите да излезат на гласање. Потребна е голема референдумска излезност и потребен е концентриран глас за ВМРО-ДПМНЕ. Затоа што сите кои што се незадоволни од актуелната власт на заминување треба да знаат дека само глас за ВМРО-ДПМНЕ значи промена“, порача Николоски. Николоски ги повика граѓаните масовно да излезат на гласање. „Мојот противкандидат е човек кој што го уништи македонското здравство. Човек кој што ќе биде запишан на најцрните страници на македонската историја затоа што го уништи здравството и ја внесе корупцијата во него. Но, најголем дел од здравствените работници и докторите не се такви. Јас сакам вечерва да се заблагодарам и да го повикам и да го поздравите со нас вечерва е професор доктор Виктор Камнар, најдобриот македонски ортопед, човекот кој што ја направи првата трансплантација на коски во Македонија и во регионот. Камнар е човек кој што е претставник на чесните доктори и чесните лекари, на оние кои што сакаат да го градат македонското здравство и оние кои што не ги злоупотребуваат пациенти туку остануваат со нив секогаш кога им е потребно“, рече Николоски. Тој посочи дека овие избори се избори во кои што ќе се стави крај на криминалот и корупцијата. Избори во кои што ВМРО-ДПМНЕ ја бара поддршката од граѓаните покрај СДСМ и ДУИ да се испрати во длабока опозиција. „Ние сме многу сериозни во ова што го ветуваме, ние стоиме позади нашиот збор. И доколку ја добиеме вашата поддршка во огромен број како што ја очекуваме, ДУИ ќе оди во опозиција и ќе одговараат за криминалот и корупцијата кои што ги прават во Македонија“, укажа Николоски. Николоски додаде дека врвен претставник на криминал и корупција во Македонија е Артан Груби. „Сакам да го поздравам од овде од Струмица, и да му кажам дека ќе му ја испитаме цела работа од точка до запирка, се што правел ќе биде испитано. Ама исто така и сите наводи за криминалот што го прави и за притисоците кои што ги прави. Ќе испитаме и што прави другар му Перпарим во Лотарија на Македонија, и што правеа со притисоците за Законот за игри на среќа, и која е неговата улога во казината во Македонија, каква е неговата поврзаност со бројни градежни фирми во Македонија, каква е неговата поврзаност со спортските клубови кои што се се освен спортски клубови. И да му кажам од овде дека нема да му дозволиме нему блиска фирма да копа во Беласица, да отворат тука рудник за нивните камиони и багери да вртат. ДУИ нема да работи во Струмица и струмичко“, порача тој. Тој нагласи дека одговорноста е битна работа и тоа е најпотребно во Македонија. Одговорност ќе има со помош на Владата предводена од ВМРО-ДПМНЕ....
Мицкоски до Ковачевски: Немаш право да збориш за режим, ако било тоа, тогаш ти му аплаудираше, a тоа го видовме при отворање на МНТ
Макпрес - пред 5 часа
Од народниот митинг во Струмица претседателот на ВМРО-ДПМНЕ, Христијан Мицкоски во своето обраќање пред присутните граѓани, меѓу другото, кажа неколку збора и за претседателот на Социјалдемократскиот сојуз, Димитар Ковачевски кој, како што рече, вината за големиот пораз и дебакл на изборите на 24 април ја бара секаде, само не во себе и во своите луѓе. „Тој секаде и во сите ја бара вината за својот пораз и дебакл само не во себе си и своите луѓе. Многу погрешно потсетува на некои минати времиња, вика и се надвикува на полупразни митинзи дека ќе се врател режимот и не знам уште што. Па сакам да му одговорам. Тој може да се навраќа и за тоа што било пред 10 или 15 години, за тоа што било и пред 50 и сто години, но народот е незадоволен и револтиран затоа што сега лошо живее и затоа што нема пари да си плати сметки за струја, затоа што животниот стандард е уништен“, рече Мицкоски. Во однос на тоа што Ковачевски го нарекува режим, Мицкоски го потсети на снимките од пред за време на отворањето на новата зграда на МНТ, каде што тој аплаудираше и се восхитуваше на тоа. „А што се однесува до тоа што тој го нарекува режим, мислам дека нема право да збори, затоа што ако тоа било режим, тогаш тој му аплаудираше на тоа и се восхитуваше на тоа, што и впрочем го видовме на снимките при отворање на МНТ во Скопје пред петнаесетина години. Па токму тој е измеќар на ДУИ партијата која беше соучесник во сите влади овие 20 години. Како ДУИ не е режим и како таа соработка не му пречеше? Но, Димитар доаѓа време кога треба да се стави крај на таквата лицемерна политика, а тој крај е 8 мај кога народот масовно и во голем број ќе излезе на избори и ќе каже доста е“, порача Мицкоски....
Пожар во руската Република Бурјатија зафатил 20 станбени згради
Макпрес - пред 5 часа
Руските пожарникари го локализираа пожарот што зафати 20 станбени и комунални згради во руската југоисточна република Бурјатија, но нема извештаи за повредени или жртви. „Министерството за вонредни ситуации ги зголемува силите и ресурсите на лице место“, соопшти Министерството, пренесоа руските медиуми. Соопштено е дека од пожарот биле зафатени околу 10.000 квадратни километри. Федералната шумска служба соопшти дека можна причина за вонредната состојба е шумски пожар или мал пожар предизвикан од човекот. До брзо ширење на пожарот довел и силниот ветар со налети од околу 28 метри во секунда....
Силјановска Давкова: Уставните измени во ваква форма не се прифатливи
Макпрес - пред 5 часа
Кандидатката за претседател од ВМРО-ДПМНЕ Гордана Силјановска Давкова вечерва изјави дека ја прифаќаат Преговарачката рамка, но не и уставните измени. Во претседателската дебата заедно со кандидатот за претседател поддржан од СДСМ Стево Пендаровски на ТВ21 потенцираше дека уставните измени нема да го решат проблемот, туку дека напротив ќе го продлабочат. - Преговарачката рамка ние ја прифаќаме. Ние не го прифаќаме само елементот врзан за уставните измени и мислиме дека со поинаква добрососедска интерпретација, дека ако се копенхагенски критериуми во прашање може вето, нека си разговараат комисиите инаку не може да се употреби тоа за вето и ги почитуваме европските темелни вредности и принципи и преговарачката рамка, ама и себе претседателе, рече Силјановска Давкова. На новинарско прашање како земјава ќе го продолжи патот кон ЕУ и како ќе се надмине проблемот со закочените измени во Уставот, Силјановска Давкова рече дека ако некој ги закочил уставните измени, тоа е сегашниот технички премиер, бидејќи не го ставил во првата фаза на гласање предлогот за измени на Уставот, само помина во Комисијата. - Тој го стави во фиока и со тоа се самопрогласи за американски претседател кој на некој начин во џеб ги стави уставните измени, а нема право на тоа. Јас сум за тоа и кажав оние кои можат да предложат уставни измени, тие тоа не го процесуираа, инаку ќе се видеше дека слично како и народот, и пратениците внатре, дури и од опозицијата некои мислат слично на мене, дека нема потреба од такви уставни измени на ваков начин, порача Силјановска Давкова...
Американската ДЕА предлага чекор кон декриминализација на марихуаната
Макпрес - пред 5 часа
Американската управа за борба против дрогата (ДЕА) ќе ја промени класификацијата на марихуаната и ќе ја назначи како помалку опасна дрога, јавија американските медиуми. Доколку предлогот на ДЕА мине низ законодавните лавиринти тоа ќе биде историска промена во повеќедецениската политика за дроги во САД која би можела да има последици низ целата земја, додаваат американските медиуми. Предлогот на ДЕА, што допрва треба да биде разгледан од Канцеларијата за менаџмент и буџет на Белата куќа, ќе значи признавање на медицинската употреба на канабисот, како и дека таа дрога има помал потенцијал за злоупотреба од некои од најопасните наркотици. Меѓутоа, со тој предлог нема веднаш да се легализира марихуаната за рекреативна употреба. Ваквиот потег, изјавија денеска пет лица запознаени со ова прашање, ќе ја отстрани последната значајна административна пречка пред да стапи на сила најголемата промена на политиката на ДЕА во повеќе од 50 години. Откако предлогот ќе биде потпишан од Канцеларијата за менаџмент и буџет на Белата куќа, ДЕА јавно ќе го коментира својот план марихуаната, која сега е класифицирана како дрога од класа I, заедно со хероинот и ЛСД, како дрога од класата III, покрај кетаминот и некои анаболни стероиди. По периодот на јавно коментарање, ДЕА ќе објави конечно правило. Во октомври 2022 година, американскиот претседател Џозеф Бајден повика на ревизија на федералниот закон за марихуана и помилува илјадници Американци осудени на федерално ниво само за поседување на оваа дрога. Бајден, исто така, ги повика гувернерите и локалните лидери да преземат слични чекори за да ги поништат пресудите за марихуана...
Пендаровски: Со сегашната опозиција или ако утре биде власт, до 2050 година нема да бидеме земја членка на ЕУ
Макпрес - пред 5 часа
Кандидатот за претседател поддржан од СДСМ и коалицијата, Стево Пендаровски истакна дека со сегашниот став на опозицијата или ако утре таа биде власт, до 2050 година нема да бидеме земја членка на Европската унија. Пендаровски во вечерашното гостување со кандидатката за претседател поддржана од ВМРО-ДПМНЕ и коалицијата Гордана Силјановска Давкова на ТВ21 нагласи дека имаме и други слабости детектирани од Европската комисија, но како што потенцира, проблемот со уставните измени треба да го надминеме. - Во овој момент само овој проблем треба да го надминеме, со уставните промени. Џабе лицитираме со години, не можеме ако не го надминеме ова. Со оваа опозиција и со утрешната опозиција или власт, која ја поддржува противкандидатката, ние не можеме до крајов на веков да станеме, порача Пендаровски. Актуелниот претседател потенцира дека услови за составување на влада поставува тој што ќе победи на изборите. Според него, не е добро да се поставуваат услови пред изборите да завршат. - Условите ги поставува изборниот победник, оној кој на крајот победува и тоа е логиката, а не претходно. Не знам зошто тогаш госпоѓата прво вели дека се сигурни победници со 3:1, го знае резултатот оти ќе победат и на претседателските и на парламентарните избори пред да завршат, а условите пред избори ги поставува нејзиниот лидер Мицкоски, кој вели дајте ги гласовите за нашиот кандидат ако сакате да влезете во влада, рече Пендаровски....
Пендаровски и Силјановска-Давкова се оградија од повиците за бојкот, повикуваат граѓаните да излезат на гласање
Макпрес - пред 5 часа
Двајцата кандидати за претседател Стево Пендаровски и Гордана Силјановска-Давкова се на ставот дека граѓаните треба да излезат на гласање на 8 мај кога треба да се одржи вториот круг од претседателскиите избори. И двајцата вечерва се оградија од повиците за бојкот. На вечерашната дебата на „Клик плус“ на телевизија 21, Силјановска-Давкова рече дека е антиевропски чекор доколку не се случи потребната излезност од 40 проценти во вториот круг од претседателските избори, а Пендаровски рече дека мора да се почитува Уставот, иако смета дека не би требало да има долен праг. - Доколку не се случи излезноста од 40 проценти, тоа ќе биде уште еден антиевропски чекор, бидејќи Венецијанската комисија и ОБСЕ/ОДИХР по најмалку четири мислења велат дека е тотално нелогично во вториот изборен круг да имате цензус од 40 отсто оти кога одат двајца, еден треба да биде избран со релативно мнозинство, посочи Силјановска Давкова. Таа додава дека пораките за бојкот воопшто не се во духот на парламентарната демократија. -Некои пораки што ги слушаме за бојкот, воопшто не се во духот на парламентарната демократија, туку се наспроти парламентарната демократија, бидејќи јасно е дека овие 40 проценти туркаат во политички пазар, во уцени, во спогодби, а ние кандидатите бараме граѓаните да кажат дали сме за претседател подобни и соодветни, појаснува Силјановска Давкова. Според Пендаровски, не станува збор дали некој кандидат бара или не бара бојкот, туку за уставна одредба што мора да се почитува, а во која се вели дека 40 проценти од гласачкото тело мора да излезе за да има валиден претседател. - Овде станува збор за, за жал, уставна одредба која мора да се почитува, а која вели 40 проценти од гласачкото тело мора да излезе за да имаме валиден претседател. Јас сум да менуваме Устав и да немаме долен праг, затоа што кој сака да гласа има право да гласа, тоа никому не му е оневозможено, посочи Пендаровски. Повиците за бојкот, вели, доаѓаат од политичката структура која ја поддржува Силјановска Давкова. Според Пендаровски, треба да се избере претседател на 8 мај бидејќи во спротивно би влегле во политичка криза и неизвесност. - Од моја страна ниту некогаш било кажано, ниту некогаш помислено, гласачите кои ме поддржуваат да бидат наведувани на така наречен израз на ВМРО-ДПМНЕ - тивок бојкот. На секоја средба со граѓаните, на секој митинг јас велам „Излегувајте и гласајте. Македонија треба да има претседател на 8 мај, затоа што се друго освен тоа е влез во политичка криза, во неизвесност и тоа не ни е потребно. Јас сум првиот кој вели не за бојкот и ургирам сите, и оние кои ме гласаат и оние кои нема да ме гласаат да излезат и да го искористат своето демократско право, додава Пендаровски....
Откако СДСМ отстапи пред сите барања на ДУИ додека беа во Влада, Ковачевски вели дека не прифаќале условувања и политички дилови
Макпрес - пред 5 часа
Социјалдемократскиот сојуз на Македонија не прифаќа условувања и со никого нема да прави политички дилови, затоа што ова е прашање на иднината на државата и со неа нема тргување, истакна претседателот на СДСМ, Димитар Ковачевски на вечерашниот митингот во Драчево. -Да одговорам на она писание кое го има напишано субјектот ЗНАМ до јавноста. Прво, раководството на СДСМ го бираат членовите на СДСМ, кои се наследници и на НОБ и на АСНОМ и на Киро Глигоров, а не вазали кои се предале и отишле да шуруваат со наследниците на Ванчо Михајлов. Второ, носителите на пратеничките листи и сите кандидати на пратеничките листи на СДСМ и на коалицијата се излезени на избори за да ја претстават програмата на СДСМ и на политичките партии кои ја сочинуваат коалицијата и со таа програма, со тие луѓе, со тие претставници на социјалдемократската идеја ние го бараме гласот на граѓаните, изјави Ковачевски. Тој посочи дека не се излезени на избори за да враќаат стари долгови и да му помагаат на ВМРО-ДПМНЕ и на Гордана Силјановска-Давкова. -Но, една работа ќе им порачам, на крајот на денот предавникот не го сакаат дома, меѓутоа уште помалку го сакаат надвор од дома. Затоа ве уверувам дека на крајот на денот, ќе ги гледате стуткани во некој ќош, во една клупа, таму во Собранието на Македонија, како седат во последна клупа со наведнати глави, изгубени од својата идеологија и застанати заедно со наследниците на Ванчо Михајлов, рече лидерот на СДСМ. Тој посочи дека се фокусирани да го постигнат најдобриот резултат на претстојните избори на 8-ми мај и ги повика на мобилизација сите демократски и прогресивни сили за да се спречи враќањето на режимот на ВМРО-ДПМНЕ. -Ние не се откажуваме од Македонија во ЕУ! Верувајте, тоа не е цел сама за себе! Нашиот план за европска Македонија е преточен во конкретна и остварлива програма, истакна претседателот на СДСМ. СДСМ, како што рече Ковачевски, е единствената политичка партија која никогаш нема да се откаже од својата инклузивност и која во континуитет придонесува за мултиетничкиот карактер на Македонија. Ковачевски ги повика Христијан Мицкоски, Гордана Силјановска - Давкова и Али Ахмети да престанат да се препукуваат со штетни скандирања и закани кои, како што рече, никому не носат добро. -Граѓаните се свесни за вредноста на мирот и стабилноста што ги гради СДСМ, граѓаните знаат дека на сите нѝ треба европска иднина, а не враќање 20 години во закопаното минато, рече Ковачевски. Според него, доколку десничарска партија како ВМРО-ДПМНЕ добие преголема моќ, тоа ќе ги „убие“ ЕУ перспективите на државата. -Затоа, ги повикувам сите прогресивни граѓани кои ѝ мислат добро на државата, да излезат на изборите на 8-ми мај и да изберат европска иднина со СДСМ и коалицијата, да гласаат ЗА Стево Пендаровски за Претседател и да им кажат одлучно НЕ на деструктивните сили кои заговараат внатрешни конфликти, поделби и надворешни изолации и блокади, нагласи Ковачевски на митингот во Драчево. Лидерот на СДСМ потенцираше дека овие избори се исклучително важни, бидејќи ова е времето во кое Македонија има вистинска шанса, каква што немала никогаш досега, да стане дел од Европската Унија. Тоа, како што посочи, ќе донесе подобар животен стандард, поквалитетно здравство и образование, поефикасна борба против криминалот и корупцијата...
Силјановска Давкова од Струмица: ДУИ да каже кој ги поддржал оти не се стапнати во ниту една европска партиска фамилија
Макпрес - пред 5 часа
Кандидатката за претседателка од ВМРО - ДПМНЕ и коалицијата вечерва од митингот во Струмица го праша раководството на ДУИ да кажат кој ги поддржал бидејќи, како што рече, во ниту една европска партиска фамилија не стапнале, само локално и регионално ги познавале, ама марширале во место и си замислувале дека се европски претседатели. -И сега замислете го говорот, кога ние сме велеле твоја Македонија, горда Македонија, тоа бил екстремен национализам, зошто сме мислеле само на Македонецот. Зошто тогаш јас побарав да се преведе програмата и на албански, турски, влашки за првпат, на ромски, и на српски и бошњачки и веројатно видовте вчера. Не ја презентирав јас, туку тие си говореа на своите јазици. Кој е тука националистот. Не, ние не сме. Она што ние го практикуваме е нешто што може да се нарече, да либерален национализам. Сите држави порано или подоцна во 18 и во 19 век значи тргнале по патеката на нација држава исто така и ние. И Вилсоновото начело важи за сите, право на самоопределување. Ама ние денеска не велиме дека државата е само на Македонците оти тоа е реализирана цел, признаена цел. Ние сега зборуваме за граѓански концепт дека во овој народ влегуваат сите други, не е тоа твоја само македонска. Твоја значи на сите заедници без оглед на било каква припадност. И ги видовте вчера построени во Куманово сите, ама тие не го гледат она што е пред нив , туку тоа што мислат дека треба да е, рече Гордана Силјановска - Давкова. Лидерот на ВМРО - ДПМНЕ, Христијан Мицкоски му упати порака на Димитар Ковачевски дека нема право да зборува за режим, затоа што ако било тоа, тогаш тој му аплаудирал и се восхитувал пред повеќе години на отворањето на МНТ. -Тој секаде и во сите ја бара вината за својот пораз и дебакл само не во себе си и своите луѓе. Многу погрешно потсетува на некои минати времиња, вика и се надвикува на полупразни митинзи дека ќе се врател режимот и не знам уште што. Па сакам да му одговорам. Тој може да се навраќа и за тоа што било пред 10 или 15 години, за тоа што било и пред 50 и сто години, но народот е незадоволен и револтиран затоа што сега лошо живее и затоа што нема пари да си плати сметки за струја, затоа што животниот стандард е уништен, рече Мицкоски. Тој му порача на Али Ахмети дека не може да е востаник, а му праќал емисари и курири за соработка. -Не може да си визонер кога си потопен во криминал и мислиш дека и овојпат можеш да се провлечеш низ иглени уши. Не сум ти јас Димитар Ковачевски и можам да ти порачам тие куферите што Артан ги носеше пред скопска општина заедно со Артан да ги спакувате и да одите во опозиција, порача лидерот на ВМРО - ДПМНЕ. Носителот на изборната листа во четвртата изборна единица, Александар Николоски, истакна дека врвен претставник на криминал и корупција во Македонија е Артан Груби. -Сакам да го поздравам од овде од Струмица, и да му кажам дека ќе му ја испитаме цела работа од точка до запирка, се што правел ќе биде испитано. И да му кажам од овде дека нема да му дозволиме нему блиска фирма да копа во Беласица, да отворат тука рудник за нивните камиони и багери да вртат. ДУИ нема да работи во Струмица и струмичко, порача тој. На митингот говореа и кандидатите за пратеници Јадранка Поцкова, Жан Дрвошанов и Ели Панова, а ВМРО - ДПМНЕ и коалицијата денеска претходно одржаа митинг и во Радовиш....
Европската ДУИ и албанската опозиција „како мали деца“ се караат кој прв го закажал митингот во Тетово
Макпрес - пред 6 часа
Со длабоко жалење, Европскиот фронт и штабот на Европскиот фронт ја изразуваат својата загриженост и разочарување поради ненадејната одлука на албанската опозиција да организираат во ист ден во исто време, на исто место, завршен митинг, за кој штабот на Европскиот фронт претходно доби потврда и дозвола од Секторот за внатрешни работи да ја одржи завршната средба на 6 мај на плоштадот „Илирија". Оваа ненадејна одлука на албанската опозиција не дека е во спротивност со принципите на взаемно разбирање и соработка за да има слободни и демократски избори, туку претставува и провокација да се наштети на јавната безбедност и мирот, затоа апелираме до нив да ја преиспитаат својата одлука знаејќи дека Европскиот фронт, кој на 9 април поднесе барање за одржување на оваа завршна средба до Секторот за внатрешни работи, испрати известување до Општина Тетово, до Противпожарната служба и до Брза помош, институции кои треба да се заложат за успехот на еден ваков величествен собир. Но, тоа што се случи по поднесувањето на нашето барање, дури на 22 април, замислете 10 дена откако СВР Тетово го прифати нашето барање, опозицијата на 22 април се обрати со барање, со кое СВР Тетово како надлежен орган кој дава дозволи за вакви активности, ги известува дека не можат да организираат ваков собир, направиле три обиди да остварат контакт и да избегнат ваква ситуација која би можела да ја ескалира ситуацијата, но претставниците на ВРЕДИ не реагирале, па дури и во писмена форма тие беа поканети да одржат координативен состанок. Апелираме до албанската опозиција уште еднаш да ја преиспита својата одлука, нека се определат за друг простор или некој друг ден, сите заедно нека придонесат за слободни и демократски избори по европски стандарди кои и ние и тие ќе имаме можност да ги презентираме своите програми пред граѓаните со собир од ваков тип....
Тошковски: Палевски ќе биде екстрадиран најбрзо што може
Макпрес - пред 6 часа
Министерот за внатрешни работи Панче Тошковски попладнево изјави дека во најкраток рок ќе биде екстрадиран Љупчо Палевски откако денеска Министерството за правда соопшти дека е одобрена екстрадицијата од турските власти. - Во текот на денешниот ден добивме информација од Секторот за меѓународна полициска соработка дека е одобрена екстрадицијата за предметното лице, со тоа што нашите полициски службеници се во комуникација со турските колеги и се очекува во наредниот период да утврдат се што е потребно од аспект предметното лице кое е прогон од страна на Обвинителството на РМ, да биде изнесено пред лицето на правда, изјави Тошковски. Прашан дали има конкретен рок кога треба да се испорача Палевски, министерот за внатрешни работи рече дека нема конкретен рок, но дека Палевски ќе биде екстрадиран најбрзо што може во земјава. Министерството за правда денеска соопшти дека е добиено официјално известување дека екстрадицијата на Љупчо Палевски е дозволена. За МИА оттаму посочија дека е завршен судскиот процес и административната процедура и сега останува само да се реализира трансферот. Палевски е првоосомничен за две кривични дела „грабнување“ и „убиство на свиреп начин“ на Вања Ѓорчевска и Панче Жежовски....
Трамп казнет со 9.000 долари за нарушување на молкот околу судењето во Њујорк
Макпрес - пред 6 часа
Судијата Хуан Мерчан пресуди денеска на судењето во Њујорк дека поранешниот претседател Доналд Трамп направил престап со тоа што како обвинет во овој процес го нарушил молкот. Според наредбата, Трамп до крајот на оваа недела треба да плати 9.000 долари казна поради тоа што низ социјалните мрежи и на неговата кампањска страница именувал и критикувал сведоци. Судијата исто така се закани со затворска казна за него ако повторно го наруши правилото. Останати моменти од денешното рочиште на судењето за исплатата изршена пред изборите во 2016 година на Сторми Дениелс, актерка на филмови за возрасни, за нераспространување компромитирачки информации од приватниот живот на поранешниот претседател се неколкуте сведочења на сведоци. Денеска беа слушнати изјавите на повеќе сведоци вклучувајќи го и Гери Фаро, банкарот на поранешниот адвокат на Трамп, Мајкл Коен. Фаро даде детаљи за документацијата поврзана со исплатата на 130.000 долари на Дениелс, што е во центарот на овој судски процес. Сведочеше и Роберт Браунинг, извршен дикректор на архивите на јавната медиумска куќа „Си-спан“ при што обвинителите прегледаа неколку видео снимки со Трамп како доказ. Понатаму, сведочеше и Кит Дејвидсон, поранешен адвокат на Дениелс и Карен Мекдугал, поранешна манекенка која исто така е дел од процесот, за преговорите меѓу изданието „Нејшнл енквајерер“ и Коен за откуп и необјавување на сторијата на Мекдугал околу личната врска што таа ја имала со Трамп...
Тошковски од Струмица: Законот мора еднакво да важи за сите и никој не смее незаконски да влијае на гласачите
Макпрес - пред 6 часа
Би сакал да апелирам до сите граѓани на Општина Струмица, како и до сите граѓани во Македонија, дека Законот мора еднакво да важи за сите и никој не смее притоа да злоупотребува било каква позиција во рамки на институционалните позиции коишто ги има за на било каков начин да влијае на било кој гласач незаконски со уцени, присилби, закани и било кои други незаконски дејствија, за да ја насочи волјата на гласачите кон едни или кон други, изјави денеска во Струмица техничкиот министер за внатрешни работи, Панче Тошковски. Додаде дека станува збор за казниви дејства според Кривичниот закон за кои се предвидени ригорозни законски казни. -Нека не се секираат граѓаните. МВР и полицијата, како и полициските службенци ги имаат потребните капацитети за да одговорат соодветно на сите оние незаконитости, кои евентуално би се случиле во наредниот период, исто како што одговорија соодветно на сите незаконитости кошто се случија и во првиот круг од претседателските избори, рече Тошковски. Тој изјавата ја даде во Турското маало во Струмица, каде, како што рече, ќе разговара со жителите од овој дел на градот. Информираше дека денеска тој бил во работна посета на ОВР Радовиш, Одделението во Дојран и канцеларијата во Богданци. Според техничкиот министер, полициските службеници насекаде се соочуваат со проблеми како во делот на технички ресурси од аспект на возила и други технички средства, така и во делот на човечки ресурси. Особено слабо ниво на човечки ресурси било во рамки на Полициското одделение во Дорјан, каде моментално имало седум полициски службеници кои постапуваат на територија на Општина Дојран и според техничкиот министер треба да се зголемат човечките капацитети за МВР да има соодветна функционалност....
Студентски протест во Бејрут за подршка на Палестинците во Појасот Газа
Макпрес - пред 6 часа
Неколку стотини студенти од различни универзитети во Либан се собраа денеска во Бејрут во знак на поддршка на Палестинците и против израелските операции во Појасот Газа, пренесуваат француските медиуми. -Ние сме соседи на Палестина и кој ќе биде со нив, ако не ние, изјави студентката Зеина пред кампусот на американскиот универзитет во Бејрут, каде студентите носеа палестински знамиња и шамии. Некои студенти носеа транспаренти со пораки за солидарност со јужен Либан, каде што исламистичкото движење Хезболах од 8 октомври истрелува ракети врз Израел како поддршка на својот сојузник, палестинското движење Хамас, поради војната во Појасот Газа. Студентско движење за поддршка на Палестинците беше започнато на Универзитетот Колумбија во Њујорк, каде на 18 април беа уапсени околу 100 учесници на демонстрациите. Во изминатите десет дена тоа движење се прошири и на други американски и европски универзитети. Во Франција се одржаа митинзи пред познатата Сорбона и престижниот факултет за политички науки Sciences Po во Париз...
Апасиев: Македонска платформа за да запрат уценувањата на албанското малцинство при формирањето влада
Макпрес - пред 6 часа
Левица нуди македонска платформа, со која конечно ќе биде запрено уценувањето од албанското малцинство при формирањето на идната влада. Тоа го порача партискиот лидер, Димитар Апасиев, на Народниот собир што го партијата Левица го организираше во Охрид во рамки на својата предизборна кампања. - На избор пред граѓаните се три платформи, на нив останува за која ќе се определат на престојните Парламентарни избори на 8 мај. Првата е веќе познатата „Тиранска“ платформа. Независно дали се нарекуваат Европски фронт или Вреди, тоа е иста необалистичка матрица која тежи кон разградување на државата. Втората е „Софиската“ платформа што ја поддржуваат македонските буржујски партии, одродената македонска елита – СДС и ДПМНЕ, од кои едните ја поддржуваат отворено, другите латентно. Нашите информации говорат дека во првите сто до 200 дена е договорено внесување на Бугарите во Уставот. И третата, тоа е платформата што ја застапува Левица, а тоа е македонска платформа во пет точки, со цел конечно да запре уценувањето при составувањето влада од албанското малцинство, рече Апасиев. Како што посочи тој, тоа е изборот, тоа се трите платформи на кои ќе се кршат копјата на 8 мај. - Влегуваме во фото-финиш на кампањата, очекуваме минумум да го удвоиме резултатот од првиот круг од претседателските избори. Поддржавме независна кандидатка, тоа беше горе-долу очекуван скор. Но сега, доаѓаат нашите главни избори, на 9 мај ќе славиме од осум до 12 пратеници, тоа се нашите реални очекувања, рече Апасиев. Јована Мојсоска, носител на кандидатската листа на Левица во Петтата изборна единица, од своја страна рече дека на овие избори партијата ја сведочи најавената пасокизација на социјалдемократите. Според неа, влезот на двајцата пратеници во Собранието покажал како треба да се води вистинска левичарска опција, за разлика од т.н. социјалдемократи кои изминатиот мандат ги распродале сите АСНОМ-ски идеали. - Сведоци бевме дека тука во Охрид кога се отвораше фашистикиот клуб „Цар Борис“, Левица повика на масовен протест, а народот тоа го поддржа. Фијаското на СДС произлегува од тоа што ги предадоа сите АСНОМ-ски идеали врз кои почива Републиката, рече таа. Мојсоска уште потсети дека ниту од СДС ниту од ДПМНЕ немало реакција на остранувањето на спомен-плочата на АСНОМ од пред дивоградбата на објект во Охрид. Таа порача дека првото што новата власт ќе направи е дека ќе ја врати отстранетата плоча, а Охрид ќе биде ослободен од узурпарот, советникот Нефи Усиени, кого го поддржувала секоја од досегашните власти....
ДКСК: Вишиот управен суд ја одби жалбата на АСЈО, постапката за прием на нови слушатели ставена во мирување
Макпрес - пред 6 часа
Државната комисија за спречување на корупцијата (ДКСК) соопшти дека Вишиот управен суд ја потврдил одлуката во врска со приговорот од организатор на изборна кампања за вработувањата во Академијата за судии и јавни обвинители „Павел Шатев“. - Вишиот Управен суд донесе пресуда со која се одби жалбата на Академијата за судии и јавни обвинители, со што ја потврди пресудата на Управниот суд, и постапката за прием на 130 нови слушатели во почетна обука ја стави во мирување, се до завршување на изборите. Жалбата е одбиена како неоснована, се наведува во соопштението од ДКСК. Од Државната комисија за спречување на корупцијата посочуваат дека за овој предмет и за сите наредни предмети, постапила и ќе постапува врз основа на пропишаните закони и прописи, во насока на зајакнување на владеење на правото, како врвен приоритет кон кој цели државата. -Оваа одлука на Вишиот Управен суд не охрабрува и ни дава поттик уште попосветено да ја вршиме работата за која ја добивме довербата, истакнуваат од ДКСК. Пресудата е достапна на следниот линк Управниот суд на 22 април ја отфрли како неоснована тужбата на Академијата за судии и јавни обвинители против Државната комисија за спречување на корупцијата, откако претходно ДКСК расправаше по втор пат и одлучи да се стави во мирување постапката за прием на 130 слушатели на Академијата до завршување на изборите...
Шмигал: Украинската влада одвои уште 392 милиони долари за набавка на дронови за армијата
Макпрес - пред 6 часа
Украинската влада одвои уште 15,5 милијарди гривни (392 милиони долари) за купување дронови за армијата, соопшти денеска украинскиот премиер Денис Шмигал на каналот Телеграм. „Ова е дополнителен ресурс на буџетот од 43,3 милијарди гривни (околу 1,1 милијардa долари ), што веќе беше доделен за набавка на беспилотни летала во текот на оваа година. Средствата ќе и бидат доделени на Државната управа за посебни комуникации, која е надлежна за соодветните јавни набавки. Со денеска доделените средства, нашите безбедносни и одбранбени сили ќе добијат 300.000 беспилотни летала “, се наведува во објавата на украинскиот премиер....
Џефрис: Демократите нема да гласаат за смена на претседателот на Претставничкиот дом, републиканецот Џонсон
Макпрес - пред 6 часа
Демократите во Претставничкиот дом на американскиот Конгрес нема да го поддржат предлогот за смена на претседателот на овој дом, републиканецот Мајкл Џонсон, доколку тоа прашање дојде на дневен ред, изјави лидерот на демократите во Претставничкиот дом, Хаким Џефрис. -Демократите во домот ги ставаат луѓето над политиката и најдовме двопартиски јазик со традиционалните републиканци за да добиеме вистински резултати. Во исто време, демократите во Претставничкиот дом агресивно се спротивставуваат на екстремизмот на MAGA, и ние ќе продолжиме да го правиме тоа, рече Џефрис, пренесен од британските медиуми. Акронимот MAGA е кратенка за слоганот „Да ја направиме Америка повторно голема“ (Make America great again) што го користеше поранешниот американски претседател Доналд Трамп во кампањата во 2016 година. Од Клубот за слобода на Претставничкиот дом, група екстремно десничарски републиканци кои лобираа за соборување на поранешниот републикански лидер Кевин Мекарти, изјавија дека не мислат дека таквиот потег ќе им користи на републиканците во Домот пред изборите во САД на 5 ноември. Мекарти претходно беше сменет од позицијата републикански лидер на предлог на републиканската претставничка Марџори Тејлор Грин, откако тој изрази незадоволство поради одобрувањето на Конгресот за испраќање американската воена помош за Украина. -Тоа што ѝ треба на земјата во моментов е функционален Конгрес. Ни треба Конгрес кој работи добро, работи заедно и не ја попречува сопствената способност да ги решава проблемите, рече Џонсон....
Наместо отчет и идни проекти, Битиќи бара гласови од граѓаните велејќи им дека „не смеат да дадат шанса на ВМРО-ДПМНЕ“
Макпрес - пред 6 часа
„Потребно е СДСМ да биде водечкиот глас во Владата и во Собранието, потребно е поради иднината на државата и за зачувување на европските перспективи на идните генерации. Наследниците на Груевски не смеат да добијат преголема моќ, тоа е опасност за европската иднина“, порача на денешните средби со жителите на скопската општина Гази Баба, Фатмир Битиќи, потпретседател на СДСМ и ко-носител на листата на кандидати за пратеници на Коалицијата за европска иднина во Изборна единица 2. Тој порача дека не е време за откажување, за кревање на рацете од битката за Македонија и затоа на 8-ми мај треба да се спротивставиме на желбите за изолација. „Мораме да се сплотиме за да ги одбраниме нашите европски вредности и да ја одбраниме нашата држава од разорните политики и желбата за изолација на наследниците на десничарскиот режим на Груевски“, рече Битиќи. Потпретседателот на СДСМ, Битиќи предупреди дека доколку се дозволи на парламентарните избори да се врати нереформираното ВМРО-ДПМНЕ, ќе треба многу време за земјата повторно да се врати на вистинскиот пат. „Секој од нас има важна улога во обликувањето на судбината на државата, никој не е изоставен од одговорноста. На 8-ми мај секој глас еднакво се брои. Секој глас нема да биде само заокружување на број, туку влог во наследството кое ќе го оставите зад себе“, порача на жителите на оваа скопска општина, во населбата Железара, Битиќи, воедно нагласувајќи дека грешките во владеењето може да се поправат, но поделбите предизвикани од национализмот не се надминуваат лесно. Битиќи посочи дека СДСМ има јасна програма и план со кои ќе ѝ донесе добро на Македонија. „Гласот за ВМРО-ДМНЕ не ѝ носи добро на Македонија, а само со заокружување на бројот еден може да одиме напред и да изградиме подобра држава за нашите деца, држава во која тие ќе сакаат да живеат. Може да нè казните, но истовремено ќе ги казните и сопствените деца. Краткорочната казна за прогресивните политички сили ќе има долгорочни последици. Затоа, потребно е силно СДСМ во Собранието“, порача Битиќи....
Белата куќа ги осуди протестите во Колумбија каде студентите се забарикаридираа во универзитетска зграда
Макпрес - пред 6 часа
Џон Кирби, одговорен за комуникации во областа на националната безбедност, ја коментираше ситуацијата во Универзитетот Колумбија каде демонстрантите денеска се забарикаридираа во една од универзитетските згради. Кирби рече дека тоа е „неправилен пристап“. Според него, Белата куќа внимателно ја следи ескалацијата на протестите во американските универзитети. -Претседателот смета дека насилно заземање на објект во универзитетски град е асполутно неприфатлив пристап. Тоа не е пример за мирни протести, истакна Кирби на денешиот прес брифинг. Според него, и покрај фактот дека претседателот на САД има надлежност да нареди распоредување на Националната гарда, администрацијата на Бајден не разгледува такви опции во заднина на настаните во овој универзитет. -Моментално нема активно разгледување на прашањето за ангажирање на Националната гарда, изјави Кирби, додавајќи дека тој нема информации или докази дека во студентските протести учествуваат провокатори или злонамерници. Тој истакна и дека Белата куќа го подржува правото на студентите на слободен говор и протест но дека мошне важно е тие протести да бидат мирни и да не се закана за останатите студенти. Во меѓувреме, полицијата на Њујорк пристигна пред портите на Колумбија но оттаму изјавија дека ќе влезат во зградата каде повеќе студенти се забарикаридирани само во случај ако од таму се јават настрадани, јави студентскиот весник Columbia Spectator....
Пленковиќ: ХДЗ преговара со ДП за формирање влада
Макпрес - пред 6 часа
Претседателот на Хрватската демократска заедница (ХДЗ) и технички премиер Андреј Пленковиќ денеска изјави дека ХДЗ преговара со Татковинското движење (ДП) за формирање нова влада. Тој на прес-конференција по седницата на партиското претседателство истакна дека ХДЗ се обидува да ги приближи своите ставови со ДП кога е во прашање мнозинството во Парламентот и структурата на новата влада. Пленковиќ најави дека в четврток ќе се договара нова средба и оти ќе продолжат разговорите...
Ридигер и Матсен му се „закануваат“ на Мбапе
Макпрес - пред 6 часа
Фудбалерот на Борусија Дортмунд, Јан Матсен, објави дека максимално ќе се ангажира во неговиот дуел со ѕвездата на Пари Сен Жермен, Килијан Мбапе пред почетокот на полуфиналниот двомеч од Лигата на шампионите меѓу двата клуба. Матсен за германскиот клуб настапува од јануари, кога дојде на шестмесечна позајмица од Челси. И покрај способноста за настап на неколку позиции, фудбалското созревање и изразените атлетски способности, Холанѓанецот не ја доби довербата од менаџерот на „сините“, Маурисио Покетино. Од неговото пристигнување во Дортмунд, тој веднаш се наметна во стартната постава. Првиот собир од тој двомеч е закажан за в среда од 21 часот, додека вториот финалист ќе биде познат по натпреварот помеѓу Реал Мадрид и Баерн. -Ако веќе треба да „умрам“ (страдам), тоа ќе се случи од напор за време на спринтот (против Мбапе), изјави левиот бек пред мечот на „Вестфален“. Ништо помалку заинтересиран за потенцијална пресметка со Мбапе не е ниту стоперот на Реал, Антонио Ридигер. И Германецот и Холанѓанецот настапуваа за Челси, но тие не играа заедно бидејќи левиот бек главно ги поминуваше сезоните на позајмица додека Германецот играше на „Стемфорд Бриџ“. -Ако во финалето се сретнеме со Париз и Килијан - ќе победиме. Ќе го победам - може да помине топката, но јас ќе го срушам Килијан, изјави германскиот репрезентативец, а на прашањето за претходната пресметка со Мбапе додаде: „Дали сè уште ми е во џебот? Не, не... не би било во ред тоа да се каже, тоа би било знак на непочитување“....
Пендаровски: Бројот еден е гаранција дека државата ќе продолжи по правилниот курс кон ЕУ
Макпрес - пред 6 часа
Кандидатот за претседател Стево Пендаровски денеска беше помеѓу граѓаните на општина Арачиново. Пред присутните, Пендаровски порача дека во досегашниот мандат покажал дека е претседател кој не ги дели граѓаните по ниту една основа и дека така ќе продолжи и во следниот мандат. -Никогаш не сум бил и не се кандидирам за претседател само на Македонците. Ќе бидам претседател на сите, како што бев глас на секој без оглед на етничка и каква било припадност. Промовирањето и претставувањето на сите граѓани на Македонија ќе биде приоритет и во наредните пет години, порача Пендаровски. Пендаровски посочи дека очекува голема поддршка на осми мај за државата да продолжи напред, како демократска, мултиетничка, прогресивна држава на рамноправни граѓани. -Само бројот еден е гаранција дека Македонија ќе продолжи по правилниот курс кон ЕУ, се друго е продавање на политичка магла и обиди за враќање во времињата на тензии, поделби и неизвесност. Македонија нема друга опција освен продолжување на преговорите за членство во ЕУ додека да станеме дел од големото европско семејство. На 8 мај сите заедно да гласаме за европска Македонија, тоа се гарантира само со заокружување на бројот 1, посочи Пендаровски....
Лејкерси ќе се разделат со тренерот Дарвин Хам
Макпрес - пред 6 часа
Тренерот на Лос Анџелес Лејкерс, Дарвин Хам наскоро ќе добие отказ, објавија американските медиуми. Разделбата со главниот тренер доаѓа по елиминацијата во првото коло од плејофот по поразот од НБА шампионот Денвер Нагетс со 1:4. Лејкерси водеа на полувремето во сите пет натпревари, но така и не можеа да најдат одговор за бекот на Денвер, Џамал Мареј, кој постигна победнички кошеви за Денвер доцна во натпреварот бр.2 и натпреварот бр.5 од серијата. Хам (50) беше жестоко критикуван од навивачите на тимот во текот на целата сезона, иако минатата година го предводеше Лос Анџелес до финалето на Западната конференција, во кое Денвер повторно излезе како победник. Во вкупно две сезони, Дарвин Хам има 90 победи и 74 порази како главен тренер на Лејкерси. На крајот на минатата година, пак, во медиумите се појави информација дека меѓу него и ѕвездите на „езерџиите“ - особено Леброн Џејмс, има сериозни несогласувања околу тактиката на поединечни натпревари. По третиот натпревар од серијата со Денвер, центарот Ентони Дејвис изјави дека тимот „не знаел што прави ниту офанзивно ниту дефанзивно“. -Тоа беа две пеколни тренерски години на таа клупа. Две страшни години, навистина, изјави Хам по поразот од Денвер....
Рома го менува Лукаку со уште еден поранешен напаѓач на Челси
Макпрес - пред 6 часа
Ромелу Лукаку сигурно нема да остане во Рома следната сезона. Причината за ова е што италијанскиот клуб, каде што тој досега настапуваше на позајмица, не сака да ги откупи неговите права, додека Челси нема да ја прифати новата опција за позајмица на напаѓачот и летово ќе бара целосно да го продаде Белгиецот. „Сините“ се надеваат дека ќе ја добијат целата сума од откупната клаузула од 38 милиони фунти што беше поставена минатото лето. Рома нема да плати, но според информациите има неколку клубови во Англија кои се подготвени да го сторат тоа. Челси во буџетот ќе ја вметне добиената сума за потписот на голгетерот на Наполи, Виктор Осимен. Рома ќе бара нова опција за централен напаѓач. Според „Газета дело Спорт“, еден од фаворитите за ова е уште еден поранешен напаѓач на Челси – Миши Батшуаји. Белгиецот играше во Фенербахче во последните две сезони, а и Челси ќе добие процент од секоја наредна продажба на Батшуаји. Надежите на „Олимпико“ се поврзани со уште еден поранешен играч на Челси - Тами Абрахам, кој штотуку се врати од тешката повреда...
Стано: ЕУ очекува Приштина без одлагање да ја формира ЗСО
Макпрес - пред 6 часа
Европската унија очекува властите во Приштина без одлагање да ја формираат Заедницата на српски општини, изјави денеска портпаролот на ЕУ, Петер Стано. -Го повикуваме Косово без натамошно одлагање да продолжи со формирањето на Заедницата на српски општини во согласност со Нацрт-статутот на ЕУ, кажа Стано за Радио Слободна Европа (РСЕ). Тој апелираше до Белград и Приштина да се воздржат од еднострани дејствија кои не придонесуваат за создавање поволна средина за разговори за нормализација на односите и да се заложат за решавање на сите отворени прашања во дијалогот. Стано посочи дека ЕУ поддржува единствен институционален и административен аранжман во Косово. -Сите досегашни договори за дијалог се целосно усогласени со овој принцип и ја следат правната и институционалната рамка на Косово, што беше потврдено со заклучоците на Европскиот совет, изјави Стано за РСЕ....
Челси го платил летот на Аморим за Лондон
Макпрес - пред 6 часа
Португалскиот новинар Педро Сепулведа денеска ја објави изненадувачката вест дека авионот на Рубен Аморим за Лондон на 22 април го платил Челси. Тогаш беше објавено дека тренерот на Спортинг Лисабон, кој се уште се поврзуваше со Ливерпул, пристигнал во англиската престолнина за да ја слушне понудата од Вест Хем. Сепак, Сепулведа тврди дека тоа не е точно и Аморим всушност се сретнал со членовите на бордот на директори на Челси. Португалскиот новинар додава дека Маурисио Покетино ќе ги напушти лондончани по крајот на сезоната. Мет Лоу од „Дејли телеграф“ пак информира дека Челси категорично ја демантира оваа информација. Во меѓувреме, Флорент Плетенберг од „Скај Германија“ инсистира дека Аморим останува на врвот на потесниот круг на Вест Хем...
Бенфика одлучи да го откупи Алваро Фернандез од Манчестер Јунајтед
Макпрес - пред 6 часа
Раководството на Бенфика размислува да ја активира откупната клаузула на дефанзивецот на Манчестер Јунајтед, Алваро Фернандез, информира весникот „АС“. Левиот бек пристигна кај „орлите“ во јануарскиот преоден рок, откако првата полусезона ја мина на позајмица во Гранада. За португалскиот гигант досега забележа осум настапи и постигна еден гол, но шефовите се задоволни и би сакале да го задржат. Медиумите тврдат дека откупната клаузула е вредна шест милиони евра....
Сежурне го повика Нетанјаху да не го напаѓа Рафа
Макпрес - пред 6 часа
Шефот на француската дипломатија Стефан Сежурне, кој денеска престојува во Израел, на својот домаќин, премиер Бенјамин Нетанјаху, му пренел дека офанзивата на ИДФ врз градот Рафа, во јужниот дел на Газа, е лоша идеја и нема да придонесе за борбата на оваа земја против Хамас, за британските медиуми изјави француски дипломатски извор. -Тоа е лоша идеја. Има преголема неизвесност за хуманитарните прашања, рекол Сежурне. Во Рафа во моментов живеат 1,45 милиони луѓе, кои се соочуваат со недостиг на вода, храна и лекови, како и со секојдневни израелски воздушни напади....
Најмалку 23 загинати во насилни етнички судири за кражби на добиток во Јужен Судан
Макпрес - пред 6 часа
Најмалку 23 лица загинаа, а 44 се повредени во насилните судири меѓу различните етнички групи предизвикани од кражбите на добиток во Јужен Судан, изјави денеска локален официјален претставник, пренесе ДПА . -Тешко вооружените крадци нападнаа село во државата Источна Екваторија, изјави портпаролот на локалната администрација. За време на нападот биле украдени стотици говеда, а биле киднапирани и седум деца и пет жени, го пренесува германската агенција портпаролот на локалната администрација. Припадниците на етничката група Мурле биле вооружени со митралези и други автоматски оружја, додаде тој. Последниот инцидент доаѓа по претходните серија смртоносни напади поврзани со кражба на добиток во Јужен Судан....
Повик за учество на млади поети на „Отскочна даска #3“ во рамките на Скопски поетски фестивал
Макпрес - пред 6 часа
Во рамките на Скопскиот поетски фестивал, чиешто четврто издание ќе се одржи од 29 мај до 1 јуни, и годинава ќе се организира преднастанот „Отскочна даска“ ‒ поетско читање за млади поети и поетеси. Како што соопштија организаторите од фестивалот, заинтересираните учесници треба да се на возраст од 16 до 25 години и да испратат куса биографија, фотографија со висока резолуција и две свои песни во Word на мејлот [email protected] најдоцна до 13-ти мај. ‒ Продолжуваме со поддршката за младите поети, за тие што можеби веќе се појавиле со по некоја песна во книжевно списание, ја објавиле својата прва стихозбирка или настапиле на некое поетско читање, но и за тие што можеби и не направиле ништо од сето тоа досега, давајќи им шанса да бидат прочитани, видени и слушнати на настан подготвен само за нив! Како и минатите години, така и оваа, врз основа на испратените песни ние ќе ги избереме учесниците на „Отскочна даска #3“, а тие меѓу себе ќе го одберат најдобриот, односно, ќе изгласаат кој млад поет или поетеса ќе отскокне до официјалното отворање на четвртото издание на СПФ и ќе чита како претставник на најмладата генерација заедно со другите повозрасни и етаблирани поети, соопштија од фестивалот. Имињата на одбраните поети ќе бидат објавени на 20 мај на фејсбук и на инстаграм страниците на фестивалот, а настанот ќе се одржи во кафе-книжарницата „Буква“ на 29 мај, со почеток од 20 часот. Одбраниот млад поет/поетеса ќе чита и на официјалното отворање на СПФ во МКЦ на 30 мај. Фестивалот е финансиски поддржан од Министерството за култура, а негови помагатели се Младинскиот културен центар – Скопје, градската библиотека „Браќа Миладиновци“ ‒ Скопје и кафе-книжарница „Буква“....
Силјановска: Еден од моите приоритети како претседателка ќе биде заедно со владата да поднесеме барање за итен влез во единствениот европски пазар
Макпрес - пред 6 часа
Денес во Кавадарци се одржа четвртата трибината од циклусот Македонија повторно горда за претставување на изборната програма на кандидатката за претседател на Република Македонија Гордана Сиљановска Давкова. На трибината зедоа учество Сања Божиновска, Маја Кадиевска Војновиќ и Зоран Ставрески. Гордана Сиљановска-Давкова потенцираше: Еден амбасадор, мој пријател, често ми вели дека секогаш кога ќе појде во Кавадарци гледа нешто ново што го инспирира. Се сеќавам дека порано економската дипломатија на Македонија беше инспирација за сите соседи. За жал, последниве години не е така. Јас постојано мислам дека ако како мала земја, имате културна и спортска дипломатија, многу е важно да имате и економска дипломатија. Како претседателка, во однос на економските прашања, секогаш ќе се залагам, и кога одам надвор, и кога дочекувам званични лица, прво ќе се консултирам со економски тим. Да не говорам за средбите со стопанските комори. Не мора да влеземе во ЕУ за да ја градиме економијата, можеме и претходно. Еден од моите приоритети како претседателка ќе биде заедно со владата да поднесеме барање за итен влез во единствениот европски пазар. На тој начин, македонската економија, македонските компании, македонските институции ќе ги уживаат сите придобивки на Европскиот економски простор. Се разбира дека како претседателка ќе инсистирам и на економска соработка со дијаспората, ама мислам дека предуслов за тоа е владеењето на правото и правната држава. Една од најважните функции на претседателот е предлагањето на гувернерот на Народната банка. Во тој дел, истакнувам дека еден одговорен претседател треба првично да се консултира со луѓе од економијата и да го избере најдобриот. Само со вистинските луѓе на вистинските места можеме да одиме напред!...
Судијата Иван Џолев нов претседател на Здружението на судиите
Макпрес - пред 6 часа
Актуелниот претседател на Кривичниот суд во Скопје, судијата Иван Џолев денеска е избран за претседател на Здружението на судиите на Република Северна Македонија. - Денеска на редовно изборно Собрание во присуство на делегати од судски подружници, Здружението на судиите на Република Северна Македонија го избра судијата Иван Џолев за нов претседател, соопшти попладнево Здружението на судиите. Џолев доаѓа на местото на досегашниот претседател на Здружението на судиите, судијата Џемали Саити. Мандатот на претседателот на Здружението на судиите е четири години. На денешната седница, како што е наведено во соопштението, биле избрани и членовите на новиот Управен и Надзорен одбор на Здружението на судиите...
Во Србија отворена Мисијата на ОДИХР за набљудување на локалните избори на 2 јуни
Макпрес - пред 6 часа
Канцеларијата на ОБСЕ за демократски институции и човекови права (ОДИХР) отвори мисија за следење на локалните избори во Србија, што ќе се одржат на 2 јуни. Шефот на таа набљудувачка мисија, Алберто Заниери на денешната прес-изјави дека мисијата се состои од главен тим од 11 меѓународни експерти со седиште во Белград, како и 18 „долгорочни“ набљудувачи кои ќе бидат распоредени на девет локации во Србија почнувајќи од следниот понеделник. Тој додаде дека Мисијата на ОДИХР ќе бара на изборниот ден, 2 јуни да бидат ангажирани 160 „краткорочни“ набљудувачи. Додека главниот тим е составен од експерти од разни сфери од девет држави. Според Заниери, на денот на изборите, ОДИХР ќе ги здружи силите со делегацијата на Конгресот на локални и регионални власти на Советот на Европа и ќе го набљудува отворањето на избирачките места, процесот на гласање, пребројувањето на гласовите, броењето на резултатите. Тој потврди дека мисијата добила официјална покана од властите во Белград за набљудување на изборите и изјави дека нејзините членови имале средба со претставници на Министерството за внатрешни работи на Србија, Републичката изборна комисија и Градската изборна комисија. Заниери потенцира дека конечниот извештај со оценки за целиот изборен процес ќе биде објавен два до три месеци по изборите...
Баерн се надева дека ќе го ангажира Рангник по денешното полуфинале во Лигата на шампионите
Макпрес - пред 6 часа
Ралф Рангник е најверојатниот нов тренер на Баерн Минхен, каде по завршувањето на оваа сезона ќе го наследи Томас Тухел. На „Алијанц Арена“ дури одлучија кога точно сакаат да потпишат договор со искусниот стручњак. Ова треба да се случи по првиот натпревар против Реал Мадрид од полуфиналето во Лигата на шампионите, кој е денеска, 30 април. Назначувањето на Рангник има целосна поддршка од целокупното раководство на Баварците, предводено од Ули Хонес и Карл-Хајнц Румениге. Договорот на Рангник се очекува да биде до 2027 година....
Се уште не е позната судбината на Џејмс во Л.А. Лејкерс: Леброн сака да се фокусира на ОИ
Макпрес - пред 6 часа
По уште една разочарувачка сезона за Л.А. Лејкерс, кои беа елиминирани на стартот од плеј-офот со вчерашниот пораз од Денвер, на прес-конференцијата се постави прашањето дали НБА ѕвездата, Леброн Џејмс (39) заврши со Лејкерси. Точно, Лејкерси го освоија НБА купот и пружија жесток отпор на Нагетс, што е поткрепено со фактот што во текот на сите пет натпревари од серијата имаа предност во повеќе од 70 проценти од времето, но поразот во првото коло од плеј-офот сепак е разочарувачки резултат, и покрај тоа што пристигна од актуелните шампиони. По тој повод, Леброн по натпреварот беше запрашан дали го одигра последниот меч за Лејкерси, но ветеранот во НБА не сакаше да зборува за тоа. -Го ценам вашето прашање, но одбивам да одговорам, категорично рече Џејмс и продолжи: „Само сакам да се вратам дома кај моето семејство. Искрено, едно од моите момчиња се обидува да одлучи дали да влезе во Драфтот или да се врати на училиште. Уште едно дете игра кошарка во моментов, мојата сопруга прави многу одлични работи“. Инаку, според неофицијални информации, Леброн Џејмс планира да игра кошарка уште две години, а до 29 јуни треба да се изјасни дали ќе ја искористи опцијата да остане во Лејкерси уште една сезона, во која би заработи 51 милион долари, или ќе бара друг клуб....
Њукасл испрати понуда за Маурицио Сари
Макпрес - пред 6 часа
Англиски Њукасл упатил понуда до италијанскиот тренер Маурицио Сари, пишуваат медиумите на Островот. Шеесет и пет годишниот стручњак неодамна го напушти италијанскиот Лацио, а неговото име веќе се поврзува со голем број европски тимови. Меѓу потенцијалните нови дестинации за Сари се клубовите како Фиорентина, Торино, Милан, Наполи и Вест Хем. Се очекува искусниот тренер да донесе одлука за својата иднина по завршувањето на актуелната сезона. Саудиските сопственици на Њукасл испратија понуда до Маурицио Сари во обид да го убедат да го замени Еди Хау на лето. Според „TMВ“, Сари е искушуван од понудата и проектот што му ги нуди англискиот клуб. Екипата на Њукасл го зазема седмото место во привремениот поредок во Премиер лигата со 53 бода по 34 одиграни натпревари....
Поранешен вработен на Пентагон осуден на 21 година затвор за шпионажа во корист на Русија
Макпрес - пред 6 часа
Џаред Себастијан Далк, поранешен вработен во американската Агенција за национална безбедност (НСА), која спаѓа под Пентагон, од суд синоќа беше прогласен за виновен и осуден на 21 година затвор за обид за шпионажа, јави весникот „Ју-Ес-Еј тудеј“. Триесет и две годишниот специјалист за развој на безбедност на информациски системи беше прогласен за виновен после обид за предавање тајни информации од одбраната на руски агент, чија улога ја извршувал вработен на Федералното биро за истраги (ФБИ.) За предавањето на информациите Далк побарал 85.000 долари бидејќи имал долгови од студентски кредит и кредитна карта, а исплатата ја барал во крипто валута. Според Министерството за правда на САД, во септември 2022 година Далк на агентот на ФБИ му предал четири доверливи фајла, како и кратки извештаи од три документи вклучувајќи и оценка на заканите по одбранбениот потенцијал на САД. Според ФБИ, обвинетиот имал пристап до строго доверливи информации и потпишал доживотен договор за нераспространување. Покрај финансиските Далк имал и идеолошки побуди. Како што му рекол на тајниот агент, тој сакал да помогне на Русија со тоа што се стремел да постигне „избалансирана вага на светот“ и да предизвика промени, но и да ги „исполнувам моите интереси“. Веднаш по испраќањето на документите преку електронска пошта, оперативци на ФБИ го задржале ова лице, кое потоа целосно ја признало вината. -Оваа пресуда демонстрира дека оние кои ќе ја предадат нашата земја ќе бидат повикани на одговорност за своите злосторства, изјави генералниот обвинител на САД Мерик Гарланд...
ИЦЈ одби да и нареди на Германија да ја стопира воената и друга помош за Израел
Макпрес - пред 6 часа
Меѓународниот суд на правдата во Хаг (ИЦЈ) денеска го отфрли барањето на Никарагва да и наложи на Германија да ја прекине воената и друга помош за Израел и да го врати финансирањето на хуманитарната агенција на ОН во Појасот Газа. Според највисокиот суд на Обединети нации не се исполнети законските услови за донесување таква наредба. На сослушувањата за случајот, Германија тврдеше дека извезувала многу малку оружје во Израел откако земјата ја почна офанзивата врз Појасот Газа, по смртоносниот напад на палестинските екстремисти на Хамас во јужен Израел на 7 октомври. Никарагва, долгогодишен сојузник на Палестинците, тврдеше дека Германија го овозможува геноцидот во Појасот Газа со испраќање оружје и друга поддршка на Израел. Тужбата на Никарагва против Германија е последниот правен обид на земја со историски врски со Палестинците да ја запре израелската офанзива. На крајот на минатата година, Јужна Африка го обвини Израел за геноцид пред ИЦЈ. И двата процеса беа започнати во време кога сојузниците на Израел се соочуваат со зголемени апели да престанат со снабдување со оружје за Израел....
Норвешка ја зголемува воената помош за Украина
Макпрес - пред 6 часа
Норвешка годинава ќе ја зголеми својата воена помош за Украина за седум милијарди круни (околу 590 милиони евра), на 22 милијарди круни (1,9 милијарди евра), најави денеска премиерот Јонас Гар Стор. Парите за тоа се од прераспределбата на повеќегодишната помош на Норвешка од 75 милијарди круни за цивилна и воена поддршка за Украина во 2023-2027 година. „Тоа е прашање на живот и смрт за населението во Украина“, изјави премиерот Сторе за новинарите, опишувајќи ја неизвесната ситуација на фронтот. Премиерот, кој за оваа помош се договори со лидерите на опозицијата, додаде дека станува збор и за безбедноста и стабилноста на Европа, а со тоа и на Норвешка. Голем дел од парите првенствено се наменети за противвоздушна одбрана и муниција, што ѝ недостига на Украина наспроти руската офанзива. Од првичните 75 милијарди круни на повеќегодишната програма, Норвешка ќе искористи околу 39,5 милијарди круни до крајот на 2024 година....
Трамп не ја исклучува можноста од изградба на кампови за задржување мигранти, доколку по втор пат влезе во Белата куќа
Макпрес - пред 6 часа
Доколку по вторпат влезе во Белата куќа, републикански претседателски кандидат, Доналд Трамп, не ја исклучува можноста за изградба на кампови за задржување на мигрантите кои илегално влегуваат во земјата, јавуваат британските медиуми. Оваа своја позиција Трамп ја претстави во интервју за магазинот „Тајм’“. Запрашан дали ќе изгради нови кампови за сместување мигранти како дел од неговото предизборно ветување дека ќе ја преземе најголемата депортација на илегални мигранти во историјата на земјата, тој каж: „Не би го исклучил тоа. Но, нема толку голема потреба од кампови “, одговори Трамп. Според него, планот е илегалните мигранти на територијата на САД што поскоро да бидат депортирани назад во нивните родни земји. -Нема да ги оставам во САД. Ќе ги изнесам од државата, нагласи републиканскиот претседателски кандидат. Британските медиуми пренесуваат дека нелегалното преминување на границата меѓу САД и Мексико е централната тема во кампањата на Трамп против демократскиот претседател Џо Бајден, кој се кандидира за втор четиригодишен мандат. Според анкетите на јавното мислење, имиграцијата е клучно прашање за гласачите. Трамп посочи дека ќе мобилизира воен персонал од Националната гарда за да помогне во планот за депортација, но не ја исклучи можноста за испраќање активна војска од редовниот состав на армијата. -Не мислам дека ќе има потреба да се направи тоа. Мислам дека Националната гарда може да го направи тоа. Ако тие не можат да го направат тоа, тогаш јас ќе ја употребиме армијата, објасни Трамп во интервјуто за „Тајм“....
Селта конечно се раздели со Рафаел Бенитез
Макпрес - пред 6 часа
Рафаел Бенитез беше отпуштен од функцијата тренер на Селта, поради лоши резултати, веќе на 12 март. Сепак, тој никогаш не го потпишал договорот за разделба со клубот до денес, 30 април, кога тоа конечно се случи. Во летото 2023 година, Шпанецот потпиша 3-годишен договор со галицискиот клуб. Клубот официјално објави дека Селта и Бенитез постигнале договор за конечна разделба. Ова се случува 50 дена по отпуштањето на стручњакот. Главна точка на запирање во преговорите беше третата година од договорот, во која секоја страна може да се раздели на крајот од втората сезона. Оваа клаузула во договорот ја натера Селта да протолкува дека минатата година не треба да биде вклучена во обештетувањето, додека адвокатите на Бенитез тврдеа за сите три сезони. Правните застапници на клубот и тренерот се сретнаа на 12 април во SMAC (Канцеларија за медијација, арбитража и помирување) без да можат да постигнат договор. Така конечно, по повеќенеделни преговори, Бенитез и галицискиот клуб постигнаа договор да потпишат документ за конечна разделба...
(Видео) Четири лица загинаа во судар во текот на полициска потера по ограбувач на банка кај Торонто
Макпрес - пред 6 часа
Во судар кај Торонто во текот на полициска потера по осомничен ограбувач на банка кој бегал со автомобил во погрешна насока на автопатот 401, загинале четири лица, меѓу кои и едно дете, изјави денеска портпаролката на полицијата во Онтарио. Судирот се случил во близина на излезот на автопатот 412 во Витби, на околу 50 километри источно од Торонто. На видеото споделено на платформата „Икс“ се гледа како возило со голема брзина се движи во погрешна насока на автопат и потоа удира. Полиција во Онтарио го затвори автопатот во двата правци во текот на ноќта, но од изутрината сообраќајот се одвива непречено....
УНРВА собра повеќе од 115 милиони долари од приватни донации за палестинските бегалци
Макпрес - пред 13 часа
Шефот на Агенцијата на ОН за помош на палестинските бегалци (УНРВА), Филипе Лазарини, рече дека организацијата собрала повеќе од 115 милиони долари од приватни донации во изминатите шест месеци. Износот значеше многу за организацијата на Обединетите нации бидејќи многу западни земји го прекинаа финансирањето по наводите дека членови на персоналот учествувале во нападот на Хамас на 7 октомври во јужен Израел. Лазарини ова го изјави по брифингот зад затворени врати со дипломати од земјите-членки на ОН во Женева. САД, Австрија и Велика Британија не го продолжија финансирањето. Лазарини додаде дека САД - најголемиот финансиер на УНРВА, „јасно укажале дека замрзнувањето на средствата ќе остане во сила до март 2025 година“, додека Австрија и Велика Британија сè уште не одлучиле....
Кинеско МНР: Хамас и Фатах во Пекинг договорија продолжување на дијалогот за помирување
Макпрес - пред 13 часа
Ривалските палестински групи Хамас и Фатах покажаа политичка волја да ги продолжат преговорите за помирување во екот на војната во Газа, соопшти кинеското Министерство за надворешни работи. Преговорите се водеа во Пекинг. Двете фракции не успеаја да ги решат политичките спорови откако борците на Хамас го протераа Фатах од Појасот Газа во кратката војна во 2007 година, јавија светските агенции.. „Тие се согласија да продолжат со преговорите за да се постигне палестинска солидарност и единство што е можно поскоро“, изјави портпаролот на кинеското министерство Лин Џијан за новинарите на редовниот брифинг. Лин додаде дека двете страни му се заблагодариле на Пекинг за неговите напори за „промовирање на палестинското внатрешното единство и постигнале договор за продолжување на дијалогот“....
Франција ги претстави предлозите за намалување на тензиите меѓу Израел и Хезболах
Макпрес - пред 13 часа
Француските власти денеска им презентираа предлози на либанските власти со цел да се намалат тензиите меѓу Израел и проиранската милитантна група Хезболах, изјави францускиот министер за надворешни работи Стефан Сежурне, додавајќи дека официјален Париз се обидува да посредува меѓу конфликтните страни. „Имавме неколку предлози до либанската страна. Имаме околу 20.000 Французи во Либан за кои војната во 2006 година беше особено драматична, меѓу другото, и затоа соработуваме со Либан“, рече Сежурне во пресрет на состанокот во Ерусалим со израелскиот министерот за надворешни работи Израел Кац. Сежурне рече дека основата на францускиот предлог е да се обезбеди спроведување на резолуцијата 1701 на ОН. Хезболах рече дека нема да влезе во конкретни разговори додека не дојде до прекин на огнот во Појасот Газа, каде што војната меѓу Израел и Хамас влезе во седмиот месец. Во изминатите шест месеци, напоредно со војната во Појасот Газа, Израел и либанскиот Хезболах секојдневно разменуваа оган од двете страни на границата....
Министрите за енергетика од Г7 се договорија за постепено укинување на производството на електрична енергија од јаглен од 2035 година
Макпрес - пред 13 часа
Министрите за енергија, животна средина и клима на земјите-членки на Г7 се согласија постепено да ја укинат употребата на јаглен за производство на електрична енергија до 2035 година. Одлуката на Г-7 доцна синоќа ја потврди и Министерството за економија и клима на Германија. Според портпаролот на Министерството, Германија одиграла клучна улога во одлуката да се одреди јасен краен датум за производство на електрична енергија на јаглен за сите земји од Г7. Британскиот државен секретар за енергетска безбедност и јаглеродна неутралност Ендрју Боуви претходно го објави договорот. - Да, имаме договор за постепено исфрлање на јагленот во првата половина на 30-тите години. Ова е историски договор што не успеавме да го постигнеме на Конференцијата на Обединетите нации за климатски промени (КОП 28) во Дубаи минатата година, изјави Боуви....
Мицкоски: Народот се обединува околу промените, новата Влада на ВМРО-ДПМНЕ ќе направи се за да одговараат криминалците
Макпрес - пред 13 часа
„На овие избори народот јасно кажа каква е политичката реалност во Македонија, а тоа е дека Владата односно двете партии од Владата треба да заминат во опозиција. Гордана Силјановска Давкова, Коалицијата „Твоја Македонија“ предводена од ВМРО-ДПМНЕ во однос на Стево Пендаровски и Коалицијата која што го подржа Стево Пендаровски во првиот круг имаат 183.000 гласа разлика. Нешто што досега во македонската историја, во демократска Македонија не се случило да кандидат од опозиција да има таков силен резултат, и тоа е јасна порака на народот дека се потребни промени“, истакна претседателот на ВМРО-ДПМНЕ, Христијан Мицкоски од митингот во Конче. Мицкоски додаде дека народот се обединува околу промените. „Од друга страна ги слушате пораките од Мала Речица, од ДУИ, тие велат дека требало да се слуша народот. И да ние го слушаме народот, народот и во тој случај донесе правилна одлука и испрати јасна порака дека Гордана Силјановска Давкова, Коалицијата „Твоја Македонија“ предводена од ВМРО-ДПМНЕ има за 20% повеќе гласови отколку што имаат двајцата провладини кандидати односно владини кандидати, а тоа се Бујар Османи и Стево Пендаровски заедно. Односно 363.000 наспроти 301-302.000 од прилика колку што имаат тие двајца“ рече Мицкоски. Тој посочи дека пораката од граѓаните е јасна, правецот по кој што треба да се движи Македонија е јасен. ВМРО-ДПМНЕ и Коалицијата повикуваат на уште поголема поддршка од граѓаните во вториот круг. „Заедно да ја завршиме историјата која што ја започнавме уште пред неколку години односно пред 30-тина месеци за време на локалните избори кои што се случија во 2021 година“, порача тој. Мицкоски укажа дека на ВМРО-ДПМНЕ најважна е поддршката на народот. „Време е заедно со вас граѓаните да ставиме точка на оваа историја, бидејќи таа точка ќе ја определи траекторијата по која што ќе се движи Македонија – дали Македонија ќе биде горда, достојна, трансформирана, онака како што сите ние сакаме да ја видиме нашата држава, или ќе биде ограбена, обесправена, понижена, омаловажена како што беше досега изминативе 6 ипол години“, додаде тој. Тој посочи дека според резултатот од првиот круг на претседателски избори е јасно по кој пат граѓаните одлучија Македонија дека треба да се движи. „Мојата порака е до нашите сограѓани Турци, знам дека овде Бујар Османи освои 100 гласа и знам дека прилично беа активни некои од функционерите на турската партија овде во општина Конче, и ги бараа гласовите за Бујар Османи. Јас ќе споделам со вас нешто кое што не сум го зборувал досега но мислам дека треба да се знае, а тоа е следново, претседателот на турската партија кој што подоцна заврши во прегратките на Али Ахмети, пред да заврши таму беше кај мене. И кога дојде кај мене ми рече претседателе доаѓам од средба со Али Ахмети и сакам да знаете дека на тој човек му треба медицинска нега, тој е ваков, таков, почна да го навредува и да користи недолични зборови“, рече Мицкоски. Тој додаде дека му се заблагодарил на средбата и веќе никогаш му се нема јавено за да разговараат. „А, следниот ден од медиумите прочитав дека тој отишол во прегратките на овој за кој што велеше дека му е потребна медицинска нега. И таму потоа продолжи да функционира како политичар“, појасни Мицкоски. Мицкоски вети дека новата Влада на ВМРО-ДПМНЕ и Коалицијата „Твоја Македонија“ ќе направи се за да криминалците одговараат....
Николоски од Радовиш: Филипче е човекот кој го уништи здравството, ќе биде запишан на најцрните страници
Макпрес - пред 13 часа
На 8 мај треба да имаме масовна референдумска излезност, сите да излезат за убедливо да победиме во изборна единица 4, да не се доведеме во ситуација основни здравствени услуги да не може да добиеме ни во Радовиш ни во Струмица. Да не се доведеме во ситуација да барате пријатели, врски за она што следува, за основна здравствена заштита, треба да се стави точка на таа работа, системот мора да функционира, а имаме луѓе кои може да го средат системот, професионалците да добијат шанса, изјави потпретседателот на ВМРО-ДПМНЕ и носител во изборна единица 4, Александар Николоски на митингот во Радовиш. Николоски истакна дека како и за многу области има луѓе кои си ја работат професијата и луѓе кои ја злоупотребуваат и наша цел е да ги поканиме професионалците да ни помогнат заеднички да ја реализираме Платформа 1198 за заеднички да ги поправаме работите. Вечерва со нас е мојот пријател докторот професорот Виктор Камнар, би сакал да му се заблагодарам на поддршката, тој е најдобриот ортопед во целиот регион, кој направи прва трансплантација на коска во регионот, кој си ја сака професијата, медицината, врвен професионалец и кој сака да се подобрува здравството. Тоа се професионалци луѓе кои не ги интересираат провизии, мито, туку гледаат да помогнат на пациентите и не ги злоупотребуваат пациентите, не се сликаат со своите пациенти туку им помагаат, не ја злоупотребуваат својата професија и гледаат да не збогатат преку ноќ со крадење, туку да му помогнат на народот. Со вакви луѓе ќе го поправаме здравството, изјави Николоски. Николоски нагласи дека од друга страна е неговиот против кандидат, човекот кој го уништи здравството, кој ќе остане запишан на најцрните страници на македонското здравство, влече десетици афери позади себе, дали е тоа случајот со приватизација на стерилизацијата, дали е тоа провизијата за вакцини кои не стигнаа, дали е тоа сомнителната набавка на апарати или неговата улога во случајот Онкологија каде што терапија не беше давана на болни од канцер на кои им беше најпотребна. Николоски се осврна и на проектите за Радовиш и регионот. Во Радовиш планираме да се заврши изградбата на експресен пат од Радовиш до Струмица, кој треба да продолжува до Ново село и границата, односно од граница со Бугарија до Штип да има експресен пат кој би се врзувал со автопатот и целиот исток подобро да функционира. Тука е реконструкција и пренамена на оваа стоковна куќа во едукативен и забавен културен центар со содржини од јавни дејности и сум убеден дека градоначалникот ќе го направи на најдобар можен начин. Планираме уредување на речното корито на Радовишка река, уредување на населени места, спортско рекреативен центар и бројни други проекти кои треба да го подобрат животот во Радовиш, рече Николоски. Николоски истакна дека нема да биде заборавени и земјоделието. Тутунот е основен извор на егзистенција и планираме да го донесеме законот за забрана на увоз на тутун за целиот македонски тутун да се откупува по пристојни цени. СДСМ не го гласа затоа што главен увозник е братот на министерот за земјоделие. Потребна е масовна референдумска излезност, секој еден да излезе на гласање, потребна е масовна поддршка, ВМРО-ДПМНЕ е единствената сила која може да ја направи промената, нагласи Николоски....
Зеленски: Украина ќе влезе во НАТО по победата во војната со Русија
Макпрес - пред 13 часа
Претседателот на Украина, Володимир Зеленски е убеден дека Украина ќе се приклучи во НАТО по победата во војната со Русија. Зеленски го изјави ова за време на состанокот со офицери кои минуваат курсеви за професионално воено образование според стандардите на НАТО, со учество на генералниот секретар на Алијансата, Јенс Столтенберг. „Според мое лично мислење, ние ќе бидеме во НАТО дури кога ќе победиме“, нагласи Зеленски....
Пендаровски: Бројот еден е гаранција дека државата ќе продолжи по правилниот курс кон ЕУ
Макпрес - пред 13 часа
Кандидатот за претседател Стево Пендаровски денеска беше помеѓу граѓаните на општина Арачиново. Пред присутните, Пендаровски порача дека во досегашниот мандат покажал дека е претседател кој не ги дели граѓаните по ниту една основа и дека така ќе продолжи и во следниот мандат. „Никогаш не сум бил и не се кандидирам за претседател само на Македонците. Ќе бидам претседател на сите, како што бев глас на секој без оглед на етничка и каква било припадност. Промовирањето и претставувањето на сите граѓани на Македонија ќе биде приоритет и во наредните пет години. “ порача Пендаровски. Пендаровски посочи дека очекува голема поддршка на осми мај за државата да продолжи напред, како демократска, мултиетничка, прогресивна држава на рамноправни граѓани. „Само бројот еден е гаранција дека Македонија ќе продолжи по правилниот курс кон ЕУ, се друго е продавање на политичка магла и обиди за враќање во времињата на тензии, поделби и неизвесност. Македонија нема друга опција освен продолжување на преговорите за членство во ЕУ додека да станеме дел од големото европско семејство. На 8 мај сите заедно да гласаме за европска Македонија, тоа се гарантира само со заокружување на бројот 1“ посочи Пендаровски....
Лабиб: ЕУ не банкомат, туку Унија на вредности кои мора да ги почитуваат оние што сакаат да и се приклучат
Макпрес - пред 13 часа
Европската Унија не банкомат или организација за трансакции на пари, туку пред се е Унија базирана на основните вредности, како што се демократијата и владеењето на правото, кои мора да бидат прифатени, заштитени и зацврстени во сите општества кои сакаат да се приклучат кон европското семејство, изјави денеска белгиската министерка за надворешни работи, европски прашања и надворешна трговија Хаџа Лабиб. - Војната во Украина даде нов импулс на проширувањето, а Декларација од Гранада на Европскиот совет од октомври минатата година јасно потенцира дека проширувањето е геостратешка инвестиција во мирот, безбедноста, стабилноста и просперитетот. Но, Декларација од Гранада јасно ги постави и одредниците – и двете страни, и идните земји членки и самата ЕУ, мора да се подготват за проширувањето, истакна Лабиб на заедничката прес-конференција со потпретседателката на Европската комисија задолжена за вредности и транспарентност, Вера Јоурова по завршувањето на неформалното заседание Советот за општи работи на ЕУ (ГАК). Лабиб нагласи дека денешниот ГАК бил целосно посветен на утрешниот ден, кога, како што рече, не се одбележува само Празникот на трудот, туку и 20-годшнината од големото проширување на ЕУ на 1 мај 2004 година, кога беа примени 10 нови членки и таа од Унијата на 15 стана Унија на 25 земји. - Можеме да кажеме дека ова проширување беше успех, економски секако, но исто така претставуваше и триумф на европските вредност на слободата, демократијата и владеењето на правото, изјави Лабиб, додавајќи дека денес Унијата стои на нов крстопат кога милиони лица бараат пристап до неа. А за да се реализира тоа ново проширување, според неа, и земјите аспиранти за членство и ЕУ мора да спроведат реформи. - Проширувањето е долг и предизвикувачи процес кој бара значајни напори и неопходни реформи, но важно е дека тоа треба да го спроведеме заедно, додаде Лабиб. Во однос на кандидатите за членство, Лабиб смета дека тие реформи треба да се однесуваат на прифаќањето на стандардите на ЕУ, обезбедувањето стабилност и спремност за интегрирање во европското семејство. - Исто така, мора да ги зајакнеме и заштитиме нашите основни вредности, човечкото достоинство, демократијата, еднаквоста, владеењето на правото и секако човековите права. Кога зборуваме за проширувањето никогаш не смее да ги запоставиме овие права и да правиме компромиси со нив, туку треба да ги промовираме и зајакнеме, бидејќи тие се клучот на успехот, додаде Лабиб. Според белгиската министерка, без почитувањето на принципите на владеењето на правото ќе ја нема ЕУ и ќе нема единствен пазар кој би функционирал ефикасно. Во однос на реформите во самата ЕУ, според Лабиб, треба да му се даде нова динамика на заедничкиот европски пазар, да се зајакне самата Унија и да може да усвојуваат решенија побрзо и поедноставно, па затоа се потребни измени во начинот на носење одлуки и надминување проблемите со ветото. Лабиб нагласи ЕУ има доволно постоечки механизми за да изврши реформи и без да ги „отвори“ Договорите на Унијата, процес кој би можел да биде сложен и долг. Во делот на реформите во ЕУ, Јоурова оцени дека клучни ќе бидат три прашања и тоа она за ветото при носењето одлуки, за членот 7 од Договорот за ЕУ, кој се однесува на можноста за суспензија на првата од членство поради непочитување на принципите на Унијата, како и за буџетот на блокот. Осврнувајќи се на самото денешно заседание, Јоурова истакна дека тоа било една од најкорисните дискусии на кои присуствувала во нејзиното 10-годишно искуство како член на Европската комисија и на неа станало збор за параметрите на владеењето на правото и зошто ЕУ инсистира на овој принцип. - Ставаме акцент на работи кои не се лесно мерливо, но се основа на архитектурата на ЕУ и се неопходен услов за меѓусебната доверба меѓу земјите членки и луѓето што живеат во ЕУ, додаде Јоурова. Таа нагласи дека врз основа на дискусијата на денешниот Совет ќе подготви препораки за следната Комисија и за земјите членки за тоа како да се продолжи понатаму со проширувањето, бидејќи. како што рече, тоа е процес во кои сме сите заедно. Осврнувајќи се на 20-годишнината од проширувањето во 2004 година, Јоурова истакна дека како Чехинка е малку сентиментална и дека тогаш верувала оти како членка на ЕУ, Чешка ќе биде посилна, побезбедна и побогата и тоа се потврдило во пракса. - Да се поканат 10 земји одеднаш во членство се покажа како мудар потег и можеби можеме да имаме слична одлука. Повикот да станеме поголеми, посилни и побезбедни е можеби најважен, додаде Јоурова. На новинарско прашање дали во услови кога Украина спроведува мобилизација, ЕУ би одговорила позитивно на евентуално барање на Киев за депортирање на лицата кои како бегалци се под заштита во Унијата, а ги исполнуваат условите да бидат мобилизирани, Јоурова одговори дека блокот и помага на украинската држава на многу начини и ќе продолжат со тоа, но дека евентуална таква одлука не е во надлежност на ЕУ, тука на секоја земја членка одделно. Лабиб, од своја страна, изјави дека ако тие лица имаат право на престој во ЕУ, тогаш, според нејзино мислење, никој не може со сила да ги натера да се вратат во Украина....
Мицкоски до Османи: Слоганот не е шовинистички туку означува дека ќе ја вратиме Македонија на народот кој вие од власта го крадете
Макпрес - пред 13 часа
Додека од власта зборуваат за интеграции, ја купуваат „Соравија“ додека тие се колнат лажно во европските вредности, им течат тендери и набавки, додека тие се обидуваат со лаги и празни зборови да ве плашат дека ние сме биле против Европската Унија, а тие за Европската Унија, и дека живеете најубаво во Југоисточна Европа, Македонија сѐ повеќе тоне, а тие беозбразно се богатат“, кажа претседателот на ВМРО-ДПМНе Христијан Мицкоски од митингот во Радовиш и додаде: Секогаш кога ќе ја кажеме вистината за ДУИ, дека тие грубо ја злоуотребуваат судбината пред се на Албанците, и нивната мака, за да се богатат и крадат, кажувањето на таа вистина од ДУИ ја толкуваат како напад врз албанците. Тоа во суштина е заштитниот чадор со кој тие сакаат лажно да се престават за некакви борци за каузата на Албанците додека истите ги оставаат во сиромаштија, без патишта, без работа, без вода за пиење, без канализација, без основни услови за живот. Мицкоски упати порака до Бујар дека слоганот не е шовинистички, туку слоганот Македонија повторно твоја означува дека Македонија ќе ја вратиме на народот, истиот тој кој власта безимислосно го краде и осиромашува. „Па така Бујар Османи ќе обвини дека слоганот Македонија повторно твоја бил шовинистички слоган. Тоа може само да го каже неук човек кој е вистинси шовинист и кој Македонија не ја чуствува за своја татковина, затоа што јас кога ќе кажам Македонија мислам на сите граѓани кои живеат во нејзе. На Македонците, но и на Албанците, Турците, Ромите, Србите, Власите, Бошњацитеи сите останати. Кога Бујар Османи ќе каже Македонија тој не ја чуствува за своја татковина иако бил министер во сите можни влади на Македонија. Иако црпи пари и плати од државата која не ја признава за своја татковина. Е тоа е шовинизам на дело. Да ги признаваш парите што ги земаш, но и државата која те плаќа. И лицемиерието е поголемо што токму Бујар е министер за надворешни работи и од него се очекува да ги брани интересите на Македонија пред светот. Македонија е и твоја држава, сакал или несакал да признаеш. Мојата борба е Македонија да ја вратиме на народот, истиот тој кој безимислосно го крадете и осиромашувате“, нагласи Мицкоски. Мицкоски истакна дека времето на Артан и Бујар помина а доаѓа ново време кога Македонија се враќа во рацете на народот. „Времето на Артан и Бујар престанува. Доаѓа ново време кога Македонија се враќа на народот. Ковачевски треба да престане да ја бара вината во сите други само не во себе. Доцна се сети дека ДУИ ќе биде јамката околу него која ќе му ја заврши и неговата кариера. Но си ја продаде душата за грст привилегии и тендери. Е сега го плаќа цехот. Ако нешто не му е јасно нека ја види разликата од над 180 илјади гласови. Тоа е кога народот на Македонија некому му вели доста е“, нагласи Мицкоски....
Стојаноска: СДСМ е реалниот проблем на граѓаните, таа влада служеше само за склучување на штетни договори
Макпрес - пред 13 часа
Носителката на изборна единица 6, Дафина Стојаноска, во емисијата „Аргумент“ на 24ТВ истакна дека СДСМ е реалниот проблем на граѓаните. И потсети дека седум години актуелната власт ништо не направи за доброто на граѓаните, затоа по 8-ми мај ќе заминат во длабока опозиција. „Таква енергетска криза која што ја имаше Македонија немаше никаде во регионот. Македонија со такви ресурси, актуелната власт ја направи зависна од увоз на струја“, појасни Стојаноска говорејќи како актуелната власта не направи ништо за справување со енергетската криза туку ја продлабочија. „Доцна е веќе било што да се слуша од страна на актуелната власт бидејќи имаше доволно време, односно седум години за да покаже храброст и одлучност бидејќи дојде на власт со паролите – „Нема правда, нема мир“, а напротив во државава завладеаја корупцијата и криминалот“, појасни Стојаноска. Стојаноска додаде дека власта единствено служеше само за склучување на штетни договори, и таа порача - „Аспирациите на ВМРО-ДПМНЕ се што поскоро Македонија да влезе во ЕУ, но не уценети и не условени“. „Очекувам уште поголема излезност на граѓаните на гласање и уште поголемо заокружување двапати на бројот 2“, порача Стојаноска....
Владеењето на правото, борбата против сивата економија и корупцијата, клучни проблеми за бизнисот
Макпрес - пред 13 часа
Владеењето на правото и борбата против сивата економија и корупцијата, се трите клучни проблеми за чие решавање постои целосна, стопроцентна согласност меѓу бизнисот и ВМРО-ДПМНЕ, беше речено по денешната средба на Стопанската комора на северозападна Македонија (СКСЗМ) со партискиот лидер Христијан Мицкоски и неговиот економски тим. СКСЗМ ги оцени како конструктивни разговорите со Мицкоски и ги повтори барањата, како и очекувањата од идната влада. Мицкоски, пак, нагласи дека дел од проектите и предлозите што на СКСЗМ се веќе содржани во Платформата 1198. -Имавме конструктивен состанок со ВМРО-ДПМНЕ, разговаравме за идните четири години во стопанството. Ние и порано ја имаме предложено нашата Платформа со конкретни барања, а проблемите од пред четири години мислиме дека ќе ги решиме заедно, како партнери, со идната влада. Во некои точки се согласуваме и дел од нашата Програма ја има во партиската Програма на ВМРО-ДПМНЕ. Тука сме задоволни, веруваме дека нема да остане се тоа само во програмата, туку дека проблемите ќе се решаваат. Остануваме да бидеме глас на стопанството и ако не се реализираат нашите барања јавно ќе критикуваме и ќе бараме погласно да се реализираат. Владеењето на правото и борбата против сивата економија и корупцијата се трите точки околу кои целосно се согласуваме со ВМРО-ДПМНЕ дека треба да се решат, веруваме дека идната влада ќе ги отстрани овие аномалии за да напредува стопанството, изјави претседателот на СКСЗМ, Менди Ќура. Според Мицкоски, се што е реално и може да се реализира, е опфатено во предизборната програма. -Имавме навистина еден квалитетен состанок на кој можевме да разговараме за економската програма што е составен дел од Платформата 1198. Дел од проектите и предлозите што ги имаше СКСЗМ се содржани во Платформата 1198, бидејќи ова не е прва состанок, имавме неколку состаноци претходно и тимови од ВМРО-ДПМНЕ има состаноци со претставници на Комората. Мислам дека се што е реално и можеме да го оствариме, го опфативме во предизборната програма. Цениме дека тоа во најголема мера ќе биде одговор на реалните потреби на бизнис заедницата, нагласи Мицкоски...
ЗНМ: Медиумските работници непречено да ја вршат својата работа
Макпрес - пред 13 часа
Државната изборна комисија (ДИК) денеска достави писмен одговор по испратената претставка од страна на Здружението на новинарите на Македонија (ЗНМ) поврзана со случајот со прекршувањата на правата на новинарката Мери Јордановска за време на изборниот ден на 24 април. Во одговорот стои дека доколку се повтори ситуација на прекршување на правата на новинарите и медиумските работници за време на изборниот ден на 08 мај 2024 година, членовите и замениците членови на изборните органи ќе бидат соодветно санкционирани. Конкретно, во претставката која беше испратена до ДИК на 25 април, ЗНМ реагираше за непрофесионалниот однос од страна на членови на избирачки одбор во избирачко место бр. 2762 во општина Кисела Вода – Дом на М.З. на ул. Христо Татарчев број 44, Скопје, каде на новинарката Јордановска не и било дозволено да фотографира во просторијата каде што се одвивало гласањето и покрај што таа претходно уредно се претставила и ја покажала својата новинарска легитимација. ЗНМ исто така побара од ДИК да преземе соодветни постапки и санкции за овој случај како и да укаже на членовите на изборните комисии дека не смеат да ја попречуваат работата на новинарите и медиумските работници за време на изборниот процес. Во одговорот по претставката, ДИК информира дека на јавна седница пред првиот круг на Претседателските избори, дала јасни препораки на сите изборни органи дека нивната работа е јавна и транспарентна. Исто така ДИК потенцира дека новинарите, снимателите и фоторепортерите во рамките на вршење на својата професионална работа можат слободно да одат во избирачките места и да снимаат и фотографираат со единствено укажување да се внимава на тајноста на личните податоци на граѓаните во Избирачкиот список, тајноста на гласањето зад параванот и евентуално доколку некој гласач изјави дека не сака да биде сниман ниту фотографиран. Во дописот до ЗНМ, ДИК укажува дека за време на вториот круг на Претседателските избори како и за Парламентарните избори кои ќе се одржат на 08 мај 2024 година, треба да се овозможи на новинарите кои уредно се легитимирале пред избирачкиот одбор, непречено да ја остварат својата професионална работа. Тие додаваат дека согласно прирачникот за едукација на избирачките одбори од особена важност е да се соработува со медиумите и да не се попречува нивната работа и известување во текот на изборниот ден. Здружение на новинарите на Македонија...
Сијарто: Судирот во Украина мора да заврши за да се спречи „лудилото на нуклеарната војна“
Макпрес - пред 13 часа
Конфликтот во Украина мора брзо да се прекине за да се спречи „лудилото на нуклеарната војна“, а тоа е можно само со пораст на промировните сили на европските парламентарни избори, изјави денеска во главниот град на Таџикистан, Душанбе унгарскиот министер за надворешни работи Петер Сијарто. - Војната претставува сè поголеми предизвици поради постојаното зголемување на масакрот и уништувањето, зголемената испорака на оружје и затоа што некои европски политичари се вовлечени во лудилото на војната, до точка каде што лудилото на нуклеарната војна се појави и во европскиот дискурс. Воената лудило во Западна Европа доби нова димензија и се претвори во еден вид нуклеарна војна. Слушнавме како францускиот и полскиот претседател зборуваат за можноста од нуклеарна војна, посочи Сијарто. Тој додаде дека ако војната во Украина продолжи да се шири, веројатно ќе ескалира во трета светска војна, а можеби и во нуклеарна војна, „и во тој случај сè и сите ќе бидат изгубени, што никој здрав ум не може да го посака“. Сијарто повика на прекин на огнот и мировни преговори што е можно поскоро...
Стипендија за Летната школа по словачки јазик и за студии на универзитети во Индија за 2024/2025
Макпрес - пред 13 часа
Амбасадата на Словачка во Скопје известува за нов повик за доделување една стипендија на кандидат од Македонија за учество на 60. Летна школа по словачки јазик и култура (Studia Academica Slovaca). Како што објави Министерството за образование и наука, Летната школа ќе се одржува од 28 јули до 17 август 2024 со физичко присуство на Филозофскиот факултет при Универзитетот „Коменски“ во Братислава и од 29 јули до 9 август 2024 година со виртуелно присуство. Во објавата на МОН се наведени веб-страници на кои се достапни повеќе информации за Школата и за апликацијата со која кандидатите треба да конкурираат, најдоцна до 7 мај 2024. МОН, исто така, го објави и известувањето на Амбасадата на Индија во Софија дека Индискиот совет за културни односи (ICCR - Indian Consul for Cultural Relations) доделува една стипендија за студенти од Северна Македонија за индиските универзитети и институти за академската 2024-2025, која почнува во август 2024. Во објавата е достапна веб-страницата со информации за стипендијата за која аплицирањето ќе трае до 31 мај 2024...