Компанијата „Тесла“ најавува укинување на околу 600 работни места во Калифорнија
НоваТВ - ново
– Производителот на електрични возила „Тесла“ најави отпуштање на уште околу 600 вработени во своите производствени капацитети и инженерски канцеларии во американската сојузна држава Калифорнија. Си-Ен-Би-Си објави дека компанијата има проблем со намалувањето на побарувачката за електрични возила и зголемената конкуренција, поради што компанијата ќе започне со намалување на бројот на работни места. Последниот бран отпуштања во американската компанија во калифорниските градови Фремонт и Пало Алто ќе ги елиминира позициите од најниските до највисоките, односно од обичните фабрички работници, развивачите на софтвер, инженерите за роботика и директорите, објави Си-Ен-Би-Си. Извршниот директор Илон Маск им кажа на вработените во допис во април дека производителот на електрични возила ќе укине повеќе од 10 отсто од своите работни места ширум светот. Компанијата претходно објави повеќе од 6.300 кратења на работни места низ Калифорнија, во Бафало, Њујорк и во Остин, Тексас. На крајот на 2023 година, Тесла имаше 140.473 вработени....
Северна Македонија на 32 место на виножитната мапа која ја одразува правната и политичката ситуација за човековите права на ЛГБТИ луѓето во Европа
НоваТВ - пред 2 часа
Северна Македонија оваа година се најде на 32-то место на најновата виножитна мапа и индекс на организацијата ИЛГА-Европа, со остварени само 30,5% од потребните реформи за унапредување на позицијата и пристапот до човековите права на ЛГБТИ луѓето. ИЛГА-Европа секоја година започнувајќи од 2009 година, во пресрет на одбележувањето на Меѓународниот ден против хомофобија, бифобија и трансфобија ја објавува виножитната мапа и индекс што ги рангира сите 49 европски земји на скала од 0% (грубо кршење на човековите права, дискриминација на ЛГБТИ луѓето) до 100% (почитување на човековите права, целосна рамноправност). На врвот на виножитната мапа и индекс се најде повторно Малта, која веќе девет години е на прво место во однос на почитување и унапредување на правата на ЛГБТИ заедницата, а на последно место е Русија со само 2%, која за разлика од минатата година изгуби седум поени и падна за три места поради федералната легислатива која забранува правно признавање на родот и специфична здравствена заштита за транс лицата. Од земјите во регионот најдобро котира Хрватска која е на 18-то место со 50,06%. Албанија е на 26-то место, Србија е на 27-то место, а Косово на 28-то место. Полошо од нас од земјите во регионот е рангирана само Бугарија која оваа година е на 39-то место на виножитната мапа и индекс на ИЛГА-Европа. Повеќето земји кои се во процес на пристапување во ЕУ (Албанија, Босна и Херцеговина, Косово, Молдавија, Црна Гора, Северна Македонија, Србија, Украина) заостануваат во своите обврски, го стопираат воведувањето на закони и на тој начин ги ставаат своите граѓани сè повеќе во ризик од реални реакции и поткопување на основните човекови права, потенцираат од ИЛГА-Европа. Според извршниот директор на ИЛГА-Европа, Чабер: „ЕУ треба да посвети големо внимание не само на порастот на политичкиот говор на омраза против ЛГБТИ луѓето, туку и на новите алатки за угнетување, како што е руската криминализација на цел сегмент од населението на земјата. Напорите за поделба и одвлекување на вниманието од консолидираните авторитарни режими дополнително протекуваат во другите европски земји во време кога изборите би можеле да ја турнат Европа во рацете на лидерите што сакаат да формираат радикална десница, антидемократска Европска Унија. На Европа ѝ требаат посилни закони и политики за заштита на ЛГБТИ луѓето. Без нив, не можеме да зборуваме за безбедност или за владеење на правото и демократијата“. За повеќе информации за виножитната мапа и за рангирањето на другите европски земји консултирајте го сајтот на ИЛГА-Европа со клик овде. Ј.Џ. / Цивил Медиа...
СЗО: Мединска помош не е влезена во Газа од израелското заземање на преминот Рафа, на 6 мај
НоваТВ - пред 2 часа
Светската здравствена организација (СЗО) денеска соопшти дека не била во можност да достави медицинска помош во Појасот Газа откако израелските сили го зазеле преминот Рафа на границата со Египет на 6 мај. „Последната достава на медицинска помош беше пред 6 мај. Немаме гориво. Има болници со наредба за евакуација. Ова е ситуација во која не можеме физички да се движиме“, изјави портпаролот на СЗО, Тарик Јашаревиќ на брифинг со новинарите. Палестинските здравствени власти предупредија дека неколкуте здравствени установи кои се уште работат се изложени на ризик од затворање поради израелската офанзива на Рафа, каде живеат 1,4 милиони луѓе, пренесува Ал Џезира. На денешното рочиште во Меѓународниот суд на правдата за случајот за геноцид што Јужна Африка го покрена против Израел за неговата агресија врз Појасот Газа, израелските претставници изнесоа тврдења дека армијата обезбедува доволен проток на помош во енклавата. Израел, исто така, ги опиша како лажни тврдењата на Јужна Африка дека во Рафа не пристигнува доволно хуманитарна помош. Според властите во палестинската енклава, повеќе од 35.000 луѓе се убиени во израелските напади врз Газа од 7 октомври, додека израелските сили убиле околу 500 Палестинци на окупираниот Западен Брег....
Дрекслер: Ќе биде важно дали идната влада ќе ја продолжи јасната стратешка насока на земјата и ќе ги спроведе потребните чекори на патот кон ЕУ
НоваТВ - пред 2 часа
Во интервју за 360 степени, Амбасадорката на СР Германија во земјава, Петра Дрекслер, зборува за постизборните предизвици со кои е соочена државата. На прашањето дали промените на политичката сцена кои ги донесоа изборите и дали тоа нешто менува во односот на Германија кон земјава, амбасадорката се осврнува на сојузништвото и партнерството на Северна Македонија и СР Германија и тесната поврзаност на двете земји. „Најпрвин нашите две држави ги поврзува сигурно партнерство како сојузници, во НАТО сме тесно поврзани, потоа преку поврзаноста на нашите економии, преку тесна размена на сите нивоа на нашите општества, на пример, и преку нашите парламенти. И секако сакаме да имаме блиска соработка и со идната влада, на Северна Македонија, што допрва треба да се формира. Ќе биде важно дали идната влада ќе ја продолжи јасната стратешка насока во надворешната политика на земјата и дека решително и доверливо ќе ги спроведе потребните чекори на патот кон ЕУ,“ вели Дрекслер. Таа посочува и дека Северна Македонија може да се потпре на понатамошната поддршка на Германија....
Кочишка: Нашата идеја на „Д“ Фестивал е да биде достапен за сите затоа картата е по 500 денари на ден
НоваТВ - пред 2 часа
„Генерално е многу тешко да се стигне до големите имиња, но мислам дека треба да се има континуитет во работата, во изградбата на фестивалот, дека идејата не доаѓа само од Пин. Ние не го спремаме „Д“ Фестивал, Пин или Таксират кога ќе завршат. Подготовките траат околу целата година. Во текот на годините добиваме и други идеи па се обидуваме некои артисти со години да ги добиеме за да можеме да ги донесеме кај нас“ рече Рамона Моња Кочишка Маркетинг и ПР на „Д“ Фестивал во интервју на каналот на Слободен печат во соработка со Трн.мк. Таа додаде дека идејата за фестивалот е тој да биде достапен за сите, најмногу за новите генерции, за студентите, за средношколците и матурантите. „Во нашата програма, тие 1.500 денари кога ќе ги поделиш на три дена му доаѓа како 500 од ден. Имаме над 50 артисти во три дена, по дваесеттина артисти од ден“ рече Кочишка Таа додаде дека покрај бројните артисти, во рамки на програмата на фестивалот има и јога. „Имаме јога секое сабајле, имаме латино танцување, имаме проекции на фудбал, филмови, и сето тоа спаѓа во таа цена. Идејата е да се задржи публиката и да ги привлечеме новите генерации да дојдат и да го искусат тоа фестивалско искуство кај нас, пред да излезат и да ги видат останатите други фестивали“, заклучи Кочишка....
Меѓународните договори не се „играчка“, не може да се условуваат со нови рокови секогаш кога ќе се промени власта
НоваТВ - пред 2 часа
Меѓународните договори мора да се спроведуваат, а не да се условуваат со нови рокови – секогаш кога ќе се промени власта. Уставните измени се обврска од ЕУ кон Северна Македонија, затоа мора да бидат одобрени што е можно поскоро, велат познавачите на политичките збиднувања во земјава. – Договорите мора да се спроведуваат и да нема рокови или други услови. Секогаш кога се менуваат владите, не значи дека мора да се менуваат договорите, особено во конкретниот случај, уставните измени кои се суштина за непреченото патување на земјата кон ЕУ. Проблемот не е промената на овој договор туку промената на позициите на ВМРО-ДПМНЕ и на претстојната влада. Толку многу се спротивставија што на ВМРО-ДПМНЕ и е тешко да преземе понатамошни чекори, која е апсолутен победник на овие избори врз основа на противењето на уставните измени. Колку повеќе ќе се пролонгира овој процес, толку повеќе ќе се создава нова политичка криза бидејќи партиите на Албанците кои ќе владеат заедно со ВМРО-ДПМНЕ нема да бидат подготвени да ги одложат уставните измени, изјави за „Фронтлајн“, Урим Салиу – политички аналитичар. Долгогодишниот новинар Ацо Кабранов вели дека не е зачуден од двоецот Мицкоски Силјановска, двајцата, како што вели, се сезнајковци и кавгаџии но мора да признаеме половина милион гласачи им дадоа крилја. – Дека ќе го направат тоа, што поготово Сиљановска како професор по право знае дека во кампањата во лов по гласови ветуваа и таа и Миковски, ветуваа работи кои знаат дека не можат да ги променат како што е меѓународниот договор Преспа со кој беше сменето уставното име односно на Република Македонија беше додадена географската одредница Северна како услов Грција да не ни пречи во евроатланските интеграции… Ова што претседателката на заклетвата и Мицковски вчера пркосат на договорот Преспа мислам дека е мал театар на патриоти, реков – понесени од импозантната бројка гласачи што гласаа за нив на изборите. Не беше случајно и на Силјановска на инаугурацијата и на Мицковски вчера јуначењето дека тие ќе си ја викаат државата Македонија и нема да го употребуваат уставното име Севрна Македонија туку тоа било само за институциите и коресподенцијата меѓу нив. А тие што се? Зарем функција Претседател на државата и Премиер на државата не се институции, вели нашиот соговорник. Според него, нова преговарачка рамка за спорот кој го наметна Бугарија колку и да е апсурден, ни е услов да се тргне ветото од нив и да ги почнеме преговорите. – Мислам дека на Мицкоски изговор му е дека ќе пробале наново да преговараат со Бугарија, но чинам дека всушност му е небитно тој си ги има Орбан и Вучиќ како другарчиња и баш и не му пречи што сме закочени во преговорите со ЕУ. Мантрата да се усвоела нашминкана сегашнава рамка да сме ја усвоеле кога ЕУ конечно ќе не прими е супер, но тие знаат дека тоа е невозможно и затоа го предлагаат колку да се рече дека и тие сакаат ЕУ, ама не под, како вика Мицковски – бугарски диктат, вели тој. Гледам, додава Кабранов, дека ова нивно жонглирање со преговарачката рамка и одложено усвојување полека срамежливо почнаа да го прават и потенцијалните партнери во новата влада – албанските партии од Влен особено челниците и нивниот категоричен услов – усвојување на рамката па после заедничка влада, полека но сигурно веќе не е услов. – Сиромашките од Влен да не се предомисли Мицковски и да нè не ги земе во влада лесно ќе преголаат оти без учество во новата влада мислам таа коалиција ќе се распадне и ќе нема ништо од нивните секојдневни изјави дека ќе го развластат Ахмети и како што ги нарекуваат криминалците од ДУИ, подвлече соговорникот. Соединетите Американски Држави (САД) охрабруваат продолжување на дијалогот меѓу Скопје и Софија, изјавија од Стејт департментот, откако новата претседателка Гордана Сиљановска-Давкова го употреби името Македонија без додавката „северна“ кога даде свечена заклетва во Собранието. „Го охрабруваме продолжувањето на дијалогот меѓу Северна Македонија и Бугарија, во рамките на заедничките заложби за идното полноправно членство на Северна Македонија во ЕУ“, велат од Стејт департментот. Според познавачите на политичките збиднувања во државата новата Влада предводена од ВМРО ДПМНЕ – по преземањето на должноста ќе почека да се формира влада во Бугарија, каде во јуни ќе има парламентарни избори, и на крај да поминат изборите во Европскиот парламент, исто така закажани за јуни. Кога сето тоа ќе заврши да сумира како понатаму со уставните измени. Од друга страна Белгиецот Питер Ванхојте, по „иницијатива на белгиското претседателство со ЕУ добил мандат да биде медијатор олеснувач на бугарско-македонскиот спор, т.е да спроведе проект со кој ќе се отвори патот за уставните измени и ќе се обезбедат гаранции дека на патот на Македонија до членство нема веќе да има сопки од Бугарија или нови проблеми“. – Мојата главна цел ќе биде да се осигура дека процесот на пристапување на Македонија кон ЕУ нема веќе да се блокира, најави Ванхојте. Поранешните премиери на Северна Македонија и на Бугарија, Зоран Заев и Бојко Борисов, го потпишаа договорот за добрососедство во 2017 година. Софија почна да ја блокира македонската европска интеграција во 2020 година, најпрво со инсистирање на теми поврзани со историјата и јазикот. Подоцна претседателот на Бугарија, Румен Радев почна се посилно да инсистира и на правата на македонските Бугари. За надминување на спорот меѓу Македонија и Бугарија, ЕУ понуди таканаречен „француски предлог“. Потоа, на 19 јули 2022, Северна Македонија формално ги почна преговорите за членство во Европската унија. Се одржа првата меѓувладина конференција, почна скринингот, но не беше отворено ниедно поглавје. Преговорите по поглавја ќе почнат кога во македонскиот Устав ќе бидат внесени и Бугарите, меѓу други заедници. Иако почна собраниска седница за промена на Уставот, највисокиот правен акт досега не е сменет за да се внесат и Бугарите во него. За уставни измени треба да гласаат две третини од 120 пратеници. Дестан Јонузи / Фронтлајн...
Хомофобија и говор на омраза од Кремљ против Евровизија, се придружи и дел од македонските медиуми
НоваТВ - пред 2 часа
ДРАГАН МИШЕВ / ЦИВИЛ МЕДИА Овогодинешниот Избор за песна на Евровизија во Малме повторно предизвика бура од реакции и говор на омраза насочена кон припадниците на ЛГБТ заедницата и нивните права, во што предничи Русија, следена од нејзините медиумски сателити. Евровизија 2024 година се најде високо во пропагандната линија на огнот на Кремљ во текот на викендот. Тие лансираа цунами на омраза кон се што е европско и, во таа смисла, западно, тврдејќи: Фала му на Бога за „свесната одлука“ на Русија да се оддалечи од „болниот“ западен свет (уште една лага во морето од дезинформации кои секојдневно ги лансираат руските пропагандисти). „Фрик шоу“, „Опасно за гледање“, „Натпревар за песна на пеачки содемисти-левичари“, „ Евровизија: Вештерство и оргија, ова е „погреб“ на Западна Европа“, се дел од квалификациите кои ги пласираа руските пропагандисти, меѓу кои и високи државни функционери. Пораката од пропагандистите на Кремљ беше јасна: Европа се оддалечи од какви било знаци на разумност, сега се ментално болен народ на работ на истребување и свет во кој Русија нема интерес да учествува. Но, како што пишува UCMC, откако беше исклучена од шоуто трета година по ред (не по избор на рускиот народ), пропагандата се обидува да ја прикаже изолацијата на Русија како да „избегнала куршум“, наводно оддалечувајќи го праведниот пат од, како што тие тврдат, падот на традиционалните вредности. И така, со нејзиното континуирано исклучување од натпреварот, интересите на руската пропаганда оваа година не беа фокусирани само на оцрнување на Западот и Украина, туку на наративот „ние против нив“ и напад врз сите оние кои учествуваа, напад на Западот. Но, се чини дека додека пропагандистите вложуваат вонредни напори за да ги избришат сеќавањата на предходните руски учества на Изборот за песна на Евровизија од колективната меморија,а во Кремљ се одвива вистински натпревар за тоа кој ќе смисли по грда квалификација за ЛГБТ и квир луѓето, пропагандисти забораваат да погледнат во својот двор. Дебелите мачки на шоу-бизнисот Нашироко се признава контролата на Кремљ врз сите аспекти на животот, вклучувајќи го и секторот за забава. Со оваа контрола, руската ЛГБТ+ заедница останува нескриена реалност, често игнорирана или негирана од владата и рускиот народ, верувајќи дека само луѓе од „таков вид“ живеат на Запад – наратив што го храни руската пропаганда со години. Филип Киркоров и Дима Билан, руските музички ѕвезди неофицијално признаени како квир личности Сепак, знаците за постоењето на оваа заедница се очигледни преку личности како што е Филип Киркоров, руски пејач надалеку познат како квир, иако неофицијално, и марионета од Кремљ во светот на шоубизот, познат по своите „неконвенционални“ начини на изведување во тесни хулахопки и камп продукции. Неговата слава, презирана од пропагандистите, при што едната го нарекува „дебелиот мачор на шоу-бизнисот“, го истакнува постоењето на ЛГБТ+ заедница во руското општество, иако непризнаено. И тоа не е само Киркоров, многу други познати ( но не и официјално „аут“) квир руски уметници станаа истакнати по настапот на Изборот за песна на Евровизија во претходните години. И покрај тоа, целосната инвазија на Украина му обезбеди на Кремљ можност за понатамошно потиснување на квир заедницата, поништувајќи го секој напредок (иако мал) постигнат кон менување на перцепциите за ЛГБТ+ заедницата. Наместо тоа, владата тргна по патот на криминализирање на квир личностите, наметнување строги казни и овековечување на лажниот наратив за „овие луѓе“ кои се причина за потенцијалниот крај на човештвото. Угнетувачкиот режим ја задушува слободата, принудувајќи многу луѓе, вклучително и познати руски уметници, да живеат во лага, поради нивниот страв од нивната безбедност и заканата од социјална стигма. Токму за ова е Евровизија и зошто овогодинешната победа е победа за слободата – да се бориме за луѓе кои претходно биле принудени да живеат во срам поради тоа што биле „традиционално“ различни. Таквата репресија често се припишува на намерното промовирање на традиционалните вредности од страна на Кремљ, кои им даваат приоритет на конвенционалните семејни структури и родовите улоги. Ова е одговорот на Кремљ на намалената стапка на наталитет и стравот дека еден ден Русија ќе ги снема своите мобилизирани ресурси за да ги испрати во војна. Евровизија е опасна за гледање Евровизија е енергична прослава на различноста, која ги обединува уметниците и публиката од различни култури и средини во атмосфера која опфаќа екстремно самоизразување. Се залага за инклузивност, единство и вредности на мир и другарство, идеали кои некогаш ги поддржуваа Русите, како што се гледа во нивното претходно учество на натпреварот. Забележете како пропагандистите на Кремљ се воздржуваа од осуда на шоуто како „крај на човештвото“ во 2008 година, кога Русија победи со нашироко сметаниот квир пејач Дима Билан, по што следната година изборот за песна на Евровизија беше организиран во Москва, и на настанот присуствуваше тогашниот премиер и сегашен претседател на Руската федерација, Владимир Путин. Путин во посета на бекстејџот на Евровизија 2009 година во Москва. Тогашниот руски премиер Путин вети дека ќе гласа за британскиот претставник на Евровизија. Во јануари 2023 година, Украина воведе санкции кон Дима поради неговата поддршка на руската инвазија на Украина во 2022 година. Руската поп ѕвезда ја посети таканаречената руска Народна Република Доњецк (ДПР), по што некои го обвинија пејачот за лицемерие и обид да го обели својот имиџ во очите на јавноста, откако присуствуваше на озлогласената забава „Речиси Голи“ што ја скандализираше руската јавност во московскиот ноќен клуб Мутабор и предизвика контроверзи и јавно негодување во Русија. Сега, навредена од нејзиното исклучување од конкуренцијата, руската пропаганда го прикажува шоуто како „опасно за гледање“, што веројатно ќе го пренасочи разочарувањето на населението од отсуството на Русија на некогаш многу саканото шоу. Оваа пропагандна песна има за цел да ја истакне перципираната „лудост“ на Западот, оттргнувајќи го вниманието од внатрешните работи и поттикнувајќи чувство на единство против „надворешната апокалиптична закана“ – она што Западот го нарекува хетросексизам. Како резултат на исклучувањето на Русија од натпреварот трета година по ред, во комбинација со ирационалниот страв на Кремљ од се што е странско, гледаме насочен напад на натпреварот со цел да се создаде наратив „ние наспроти нив“. Ова има за цел да го прикаже Западот како ментално болен, а со тоа да го оправда исклучувањето на Русија не само од конкуренцијата, туку и од Западот како целина. Хомофобичните изјави на Захарова и во македонските медиуми Кон ваквите изливи на хомофобија од руските пропагандисти, се приклучија и дел од македонските медиуми, кои не пропуштија да ги пренесат изјавите на нивната неформална „шефица“ за ширење на руска пропаганда, Марија Захарова, која овие денови не се симнува од страниците на овие медиуми, при што здружено ја пренесоа нејзината хомофобична порака на Твитер во која таа остро ги осуди настапите на некои учесници на годинешната Евровизија и музичкиот натпревар одржан во шведскиот град Малме го нарече „погреб“ на Западна Европа. „Евровизија 2024 ја надмина секоја оргија, односно вештерство и ритуално светољубие во Западна Европа. Немаше изненадувања“, гласи пораката на портпаролката на руското Министерство за надворешни работи која ја пренесоа овие медиуми, не заборавајќи при тоа да го нагласат наративот на пропагандистите на Кремљ дека Русија не учествуваше, но при тоа не кажуваат дека на Русија не и е дозволено да учествува поради нејзината воена агресија врз Украина. Тогаш и не зачудува фактот што Северна Македонија оваа година се најде на 32то место на најновата мапа Виножито и индекс на почитување на правта на ЛГБТИ лицата објавена на 15 мај од водечката европска ЛГБТИ организација, ИЛГА-Европа, која рангира 49 европски земји за законодавните случувања во арената на ЛГБТИ човековите права, додека Русија е на последно 49 место на овој индекс, со само 2% почитување на човековите права на ЛГБТИ лицата. Текстот е личен став на Авторот....
Тешко повредено едно лице откако српско возило излетало од автопатот Неготино – Демир Капија
НоваТВ - пред 2 часа
Едно лице се здобило со тешки телесни повреди откако српско возило излетало од автопатот Неготино – Демир Капија, информираат попладнево од Секторот за внатрешни работи – Велес. – Изутринава во 05.20 часот било пријавено дека на автопатот Неготино – Демир Капија, патничко возило „рено“ со српски национални ознаки, управувано од А.Ц., на возраст од 47 години од Република Србија, излетало од патот. Во несреќата со тешки телесни повреди се здобил 68-годишниот сопатник Х.Л.В., додека возачот и сопатниците А.В., на возраст од 43 години и В.Л., на 54-годишна возраст од Република Србија, се здобиле со телесни повреди, констатирани во Здравствен дом – Неготино, појаснуваат од СВР – Велес. За настанот бил известен јавен обвинител. Увид на местото извршила екипа од ОВР Неготино....
17 мај, девет години по граѓанскиот собир: Борбата за слобода, правда и еднаквост продолжува
НоваТВ - пред 3 часа
Пред точно девет години, на 17 мај 2015 година, во Скопје се одржа најголемиот граѓански протест против режимот на Никола Груевски. Според проценките на странските медиуми, на протестот излегоа околу 100 илјади граѓанки и граѓани. Со слоганот #Доаѓаме! граѓаните најавија жестока борба за слобода и демократија, а единствениот начин за ослободување на државата од режимот беше тој да падне. ЦИВИЛ како организација за човекови права беше дел од иницијативата „Граѓаните за Македонија“. На бината пред огромниот број граѓанки и граѓани говореа активисти за човекови права, меѓу кои и претседателот на организацијата, Џабир Дерала. На протестот беа забележани многу знамиња од сите етнички заедници и транспаренти, но ниедно обележје на политичките партии. „Денеска дојдовме по нашата слобода! Патеката е јасна: оставка, праведно судење, конфискација и затвор“, порача Дерала од говорницата пред демонстрантите. По протестот, неколку илјади демонстранти остана пред владата и го започнаа Кампот на слободата, кој функционираше шеесет дена, но борбата со режимот на Груевски продолжи понатаму. И денеска, девет години подоцна ЦИВИЛ заедно со граѓан(к)ите и понатаму останува на фронтот и бескомпромисно се бори за слободно и демократско општество. Остануваме посветени на нашата борба за слобода, правда и еднаквост! Д. М. / Цивил Медиа...
Андријана Нелкова – Чучук избрана за претседател на Регионалната асоцијација на регулатори за енергетика
НоваТВ - пред 3 часа
Андријана Нелкова – Чучук, член на Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) е избрана за претседател на Регионалната асоцијација на регулатори за енергетика (ERRA – Energy Regulators Regional Association) со мандат од 2024 до 2026 година, информираат од РКЕ. Оттаму додаваат дека регулатори од 47 земји, од пет континенти учествувале на редовното годишно собрание на кое Нелкова – Чучук е изгласана за претседател на Регионалната асоцијација на регулатори за енергетика ЕRRА. Лидерската функција на Нелкова – Чучук доаѓа по извршување на два последователни мандати како член на претседателството на ERRA....
Зошто ја блокирате Северна Македонија? За да покажете дома колку сте силни!
НоваТВ - пред 3 часа
Еди Рама: Зошто ја блокирате Северна Македонија? За да покажете дома колку сте силни! Ова е најантиевропска политика што може да се замисли, ова е најстрашен пристап кон нашата иднина и долгорочно ова е еднакво штетно и опасно и за нив, не само за нас. Ова е лудо! Целосно лудо! ЛИНК...
Поднесени две обвиненија за назначување директори на училишта во струшко
НоваТВ - пред 3 часа
Основното јавно обвинителство Струга поднесе два обвинителни предлози за кривични дела – Несовесно работење во службата од 353-в и продолжено кривично дело – Фалсификување исправа според член 378 од Кривичниот законик, а поврзани со работата на училишта на територијата на општина Струга. Во првиот предмет обвинети се четири лица. Првообвинетата – наставник по француски јазик во основно училиште во Велешта употребила три лажни јавни исправи како вистинити, кои ги искористила за полагање стручен испит во Државниот испитен центар. Останатите тројца – градоначалник на општина Струга, директор и помошник-директор на училиштето ги прифатиле фалсификуваните документи во постапката за полагање стручен испит, вработување како наставник, но и за назначување на првоосомничената за в.д. директор на училиштето во периодот од 19.04.2022 до 06.09.2023 година. Во вториот предмет, обвинет е градоначалникот на општина Струга за кривично дело – Несовесно работење во службата од 353-в, бидејќи донел решение со кое за в.д директор на основно училиште во селото Подгорци именувал лице кое не ги исполнувало условите, односно немало работно искуство од најмалку пет години во воспитно-образовна работа, како што е предвидено во Законот за основно образование. Иако не ги исполнувало условите, лицето ја извршувало директорската функција во периодот од 11.11.2022 до 25.04.2023 година...
Рама до Бугарија: Политиката на блокада е ужасна, одвратна и антиевропска!
НоваТВ - пред 4 часа
Албанскиот премиер Еди Рама упати вистинска вербална шлаканица до официјална Софија и до сите ЕУ членки кои користат билатерални прашања за блокади, на форум во Тирана организиран од „Солуција“, во соработка со Белградскиот центар за безбедносни политики и фондациите Отворено Општество и Рокфелер. “Зошто ја блокирате Северна Македонија? За да покажете дома колку сте силни!” порача Рама заклучувајќи дека политиките на блокади се ужасни, одвратни и антиевропски. “Што ви е поентата? Што сакате да постигнете со блокадата на Северна Македонија? Што мислите дека ќе постигнете? Да падне поддршката во ЕУ, само тоа можете да го постигнете!” – ова е главната порака што албанскиот премиер Еди Рама ја испрати до Бугарија, но и до другите земји членки на ЕУ, кои користат билатерални прашања за да го блокираат процесот на проширување, денеска во Тирана на Лидерскиот состанок, настан организиран од Балканскиот центар за конструктивни политики – Солуција, во соработка со Белградскиот центар за безбедносни политики и фондациите Отворено Општество и Рокфелер. “Зошто ја блокирате Северна Македонија? За да покажете дома колку сте силни!” порача Рама заклучувајќи дека политиките на блокади се ужасни, одвратни и антиевропски: “Ова е најантиевропска политика што може да се замисли, ова е најстрашен пристап кон нашата иднина и долгорочно ова е еднакво штетно и опасно и за нив, не само за нас. Ова е лудо! Целосно лудо! Што значи ова? Дека сега за секоја земја која сака да се зачлени, може да се појави друга и да каже – а, не, прво да видиме кој беше овде прв, кога од мајмуни станавме луѓе, дали бевме ние или вие”, порача Рама и продолжи: “Падот на поддршката кон ЕУ е резултат токму на ова ср..е! Национализмот ја киднапираше ЕУ и ЕУ станува жртва на националистичките пориви на земјите, една, па друга. Решението е просто – не може билатералните прашања да блокираат! А ако некоја земја сака да глуми дека некое билатерално прашање е европско, тогаш мора да има барем уште една што ќе ја поддржува. Не може 26 земји да кажат – ова е билатерално прашање, една да тврди дека е европско, и наеднаш тоа да стане европско. Наместо Бугарија да рече, добро ние имаме проблем со Северна Македонија (иако јас не им го разбирам проблемот, искрено), ама ајде да го оставиме настрана, а преговорите и трансформацијата на земјите да течат, тие бојкотираат. Зошто ги блокирате самите преговори? Зошто блокирате реформи? Лудо! Одвратно!” смета Рама. “Истово се случи со Константинопол, додека Грците се занимаваа дали ангелите имаат секс, султанот ги освои. Така и ние сега, се занимаваме дали ангелите имаат секс, во регион во кој баш и нема ангели, а опасностите се тука” вели тој. Албанскиот премиер порача дека опасно е кога минатото станува повлијателно од иднината: “Морате да го погледнете минатото со очите на иднината, не обратно Нашите проблеми во регионот почнаа тогаш кога добивме држави. Претходно тука си имаше луѓе кои живееја заедно, без разлика на своите различности, тераа бизнис заедно, се женеа и мажеа меѓу себе, се разведуваа… Штом добивме држави почнаа проблемите. Па така сега се занимаваме кои се мајката и таткото на Александар, кој е овој, кој е оној… какви глупости! Мислите дека обичен грчки таксист денес е навистина антички ексклузивен наследник на Платон? Јас не мислам. Ова се тешки глупости и сите ние се занимаваме со ова до точка кога нашата иднината е загрозена” порача Рама. Шефот на албанската Влада, инаку, се обрати настан организиран во Тирана од Балканскиот центар за конструктивни политики – Солуција, во соработка со Белградскиот центар за безбедносни политики и фондациите Рокфелер и Отворено општество....
Иако е на „црната листа“ на САД за корупција, Самсоненко продолжува да гради на плоштадот „Македонија“
НоваТВ - пред 4 часа
И покрај тоа што во ноември минатата година рускиот бизнисмен Сергеј Самсоненко кој има и македонско државјанство се најде на „црната листа“ на САД за корупција, изминатите денови интензивно неговата компанија продолжува со градежните работи на објктот на Офицерскиот дом на плоштадот „Македонија“. Дека изминатиот период продолжила градбата на овие објекти потврдија и од Општина Центар од каде што информираат дека „Сис инвест гроуп“ дооел Скопје го гради овој објект, како и хотелот на Градскиот плоштад. -Изведувач на градбите се ДГТУ АЛБЕКАТ ГРУП ДООЕЛ СКОПЈЕ и ГТД БЕТОН ШТИП ДОО ШТИП а надзорот на целата градба го изведува МЕГАРОН-ИНЖЕНЕРИНГ ДОО СКОПЈЕ. Сектор за урбанизам на Општина Центар има издадено Решенија за измени во тек на градба за двете градежни парцели на Плоштад Македонија во 2022 година на фирмата „СИС Инвестмент“. Барање за промена на инвеститор до денешниов ден немало.Поконкретно, инвеститорот СИС ИНВЕСТ ГРУП поседува Решение за измени во тек на градба УП бр. 27-477/2021 од 21.11.2022год за блок 1 правосилно на ден 25.10.2022год и Решение за измени во тек на градба УП бр. 27-396/2021 од 07.12.2022год за блок 2, 3, 4 правосилно на ден 07.12.2022год., велат за Градска.мк од општина Центар. СИС Инвест груп чија управител е Самсоненко е обврзан согласно договор за отуѓување на градежно земјиште со електронско јавно наддавање, склучен во 2011 година, да изгради хотел на Плоштад Македонија, во кој се предвидени и државни институции. Иако беше во стечај сѐ до почетокот на 2021 година, од јануари, 2021 до 10 април 2022 година, на посочениот објект инвеститорот не презел никакви градежни активности кои би значеле завршување на објектот т.н. Офицерски дом. Инвеститорот во 2021 година поднел барање за измени во тек на градба, меѓутоа истото, согласно Законот за градење, од формално-правни причини беше отфрлено, а подоцна се издадени решенија за измени во тек на градба за двете градежни парцели. Овој објект почна да го гради грчкиот бизнисмен Димитрис Кондоминас во 2011 година. Тогашната влада на Никола Груевски преку Министерството за транспорт и врски му го продаде ова атрактивно земјиште со површина од 6.300 квадратни метри по цена од 100 евра по квадрат. Но, откако Кондоминас во 2015 година беше уапсен во Грција поради затајување данок, проектот го презеде Самсоненко кој ја купи фирмата на грчкиот бизнисмен за 600.000 евра. Инвеститорот на објектите сè уште плаќа пенали согласно договорот за отуѓување на градежно земјиште по пат на јавно наддавање и тоа во износ од 3 проценти од вкупно постигнатата продажна цена на земјиштето, кумулативно за двата објекта. Односно, Самсоненко плаќа секој месец пенали на Општина Центар во висина од 10.000 евра. Тоа е поради надминување на роковите за изградба на двата објекти на плоштад „Македонија“. Зошто се плашеше ВМРО-ДПМНЕ од Законот за рестриктивни мерки? На „црната листа“ на САД покрај Самсоненко и неговата сопруга има многу политичари и бизнисмени од Македонија, но вистината е дека најмногу се блиски до ВМРО-ДПМНЕ, меѓу кои и екс разузнавачот Сашо Мијалков, бизнисменот Орце Камчев. Обвинителката Катица Јанева пак беше заеднички кандидат бидејќи беше избрана како прифатлива и за ВМРО-ДПМНЕ и за СДСМ, додека Стевчо Јакимовски до скоро им беше коалициски партнер. Токму најголем противник за законот за рестиктивни мерки беше ВМРО-ДПМНЕ. Со законот јасно се кажува дека причина за рестриктивни мерки ќе биде и корупцијата и злоупотребата на службена положба, а тие ќе се применуваат по автоматизам ако некој јавен функционер се најде на црната листа на САД, ЕУ и Обединетото кралство. Тоа значи дека и самото појавување на некое име на овие листи ќе значи замрзнување на имотот и на парите на тој функционер во Македонија и предлог од МНР за започнување на кривична постапка со која ќе се бара и законска одговорност. Но ваквиот закон не се изгласа, а главната нишка во борбата со корупцијата беше што замрзнувањето на имотот и на парите автоматски ќе стапеше на сила и „црната листа“ ќе беше над одлуките на нашето „сваровски“ судство, кое усоврши илјада начини како да ги игнорира коруптивните дела или да го застари секој процес против центрите на моќ. Што е „црната листа“ на САД? „Црната листа“ на САД е неформален правен акт и како таков во други држави не може да произведе правни последици освен во САД. „Црната листа“ произлегува од таканаречениот Закон Магнитски. Во САД, Законот Магнитски (Magnitsky Act) е усвоен во 2012 година со потпишувањето на овој акт од страна на тогашниот претседател Барак Обама. Актот е збир од закони што предвидуваат владини санкции против странци што извршиле прекршување на човековите права или биле вклучени во значителна корупција. Сергеј Магнитски бил руски сметководител што во 2008 година открил даночна афера на руски службеници, кои според него украле 230 милиони долари. Поради тоа тој бил уапсен и затворен под обвинение за помагање во даночно затајување. Магнитски умрел во притвор во ноември 2009 година. Неговите приврзаници тврдат дека причина за смртта е полициска бруталност, односно дека Магнитски бил претепан до смрт од затворската полиција. По примерот на Соединетите Американски Држави, вакви и слични закони се донесени меѓу другите и во Обединетото Кралство, Естонија, Латвија, Косово, Гибралтар, Канада, Австралија. Заедничко за сите овие закони е што тие санкционираат странци и странски фирми или, како примерот со Канада, која ги санкционира и Канаѓаните, но само оние што живеат во странство. Соња Танеска / Градска.мк...
Германско МНР: Сакаме да ја видиме Северна Македонија во ЕУ, сега е важно да се продолжи со уставните измени
НоваТВ - пред 4 часа
Германското Министерство за надворешни работи на платформата „X“ нагласи дека сакаат да ја видат Северна Македонија во ЕУ и оти e важно земјата во моментов да продолжи со уставните измени. -Сакаме да ја видиме Северна Македонија во ЕУ. Државата иницираше важни реформи за да го постигне тоа и мора да продолжи по тој пат. Особено е важно за Северна Македонија сега да ги започне уставните измени, се наведува во постот на германското МНР, кој е објавен со фотографија од министрите за надворешни работи на двете држави, Бујар Османи и Аналена Бербок. Mинистерот за надворешни работи Османи денеска се обрати на 133. сесија на Комитетот на министри на Советот на Европа во Стразбур, при што ја подвлече улогата на мултилатерализмот при справување со тековните многубројни предизвици. -Покрај сите свои пропусти, мултилатерализмот останува единствениот начин да се мобилизира колективен одговор кон војни, кризи, вонредни ситуации и неспоредливи предизвици од различна природа. Советот на Европа останува суштински столб во тој поглед. Сепак, ние, земјите-членки ја носиме одговорноста за неговата ефикасност, истакна Османи. За време на престојот во Стразбур, Османи ќе има средби со негови колеги од различни земји....
Екстрадиран Бесим Красниќи
НоваТВ - пред 4 часа
Министерството за внатрешни работи ја известува јавноста дека денеска полициски службеници од Секторот за меѓународна полициска соработка при МВР и Единицата за интервентна полиција на СВР Скопје го завршија процесот на екстрадиција од Косово во Република Северна Македонија на Бесим Красниќи (44), кој се бараше со меѓународна потерница по наредба на Основен кривичен суд Скопје за издржување на казна затвор за сторени кривични дела разбојништво, тешки дела против општата сигурност и казнување за подготвување во врска со кривично дело тероризам. Лицето е спроведено во КПУ Идризово....
Бесплатен влез во музејските институции за 18 Мај, Меѓународниот ден музеите
НоваТВ - пред 4 часа
„Музеи за едукација и истражување“ е мотото под кое утре ќе се одбележи Меѓународниот ден на музеите, 18 Мај, датум кој музејските институции низ светот со разновидни активности го одбележуваат од 1977 година. На овој ден, музеите во земјава традиционално ги отворат своите врати и овозможуваат бесплатен влез за посетителите кои можат да ги видат актуелните изложби и да се запознаат со движното културно богатство. Музеите, освен својот придонес како платформа за размена на идеи и знаења, имаат значајна улога во образованието и се афирматори на темите што денес силно го засегаат светот, а кои чекаат да бидат истражени и споделени. Музејските институции ги поттикнуваат идните генерации на креативен, динамичен и интересен начин да се осврнат на комплексните општествени предизвици на денешницата, да се информираат за причините и последиците од човековото влијание врз природата и да развијат критичко размислување и лична одговорност неопходна за градење одржливо општество. Меѓународниот ден на музеите традиционално се одбележува секоја година на 18 мај со цел промоција на значењето на музејските институции во современото општество. Денот посветен на музеите е востановен од Меѓународниот совет на музеите – ИКОМ со седиште во Париз....
Меѓународен ден против хомофобија, бифобија и трансфобија
НоваТВ - пред 4 часа
ИДАХОБИТ се обележува секоја година на 17-ти Мај за да се привлече вниманието на властите, медиумите, јавноста, креаторите на јавното мислење и локалните авотритети за ситуацијата со која се соочуваат ЛГБТИ лицата (лезбејки, геј, бисексуалци, трансродови лица и интерсекс) и сите тие кои не се однесуваат во согласност со повеќето сексуални и родови норми. Овој ден е создаден во 2004 година за да го привлече вниманието на креаторите на политики, креаторите на јавното мислење, социјалните движења, јавноста и медиумите за насилството и дискриминацијата искусена од ЛГБТИ лицата на меѓународно ниво. Датумот 17-ти беше избран за да се комеморира одлуката на Светската Здравствена Организација која во 1990 одлучи да ја декласификува хомосексуалноса од листат на ментални болести. Меѓународниот ден против Хомофобија, Бифобија и Трансфобија e официјално признаен од многу држави, меѓународни институции како што е Европскиот Парламент и од многубројни локални власти. ЦИВИЛ ја поддржува ЛГБТ заедницата, како и сите други заедници кои се борат за своите права и еднаквост, во заедничката борба против насилството и дискриминацијата, со истакнување на мултикултурните вредности што ги поседува нашата земја во најразлични форми. ЦИВИЛ ја започна иницијативата „Чекор напред кон мултикултурно општество“ за промовирање на мултикултурните и европски вредности во нашето општество. Преземено: ЦИВИЛ...
Јазбец: Во политиката лесно е да се победи, но доста потешко е да се реализира програмата
НоваТВ - пред 4 часа
Во принцип во политиката секоја промена е добра бидејќи треба да донесе нешто ново. Тоа е една работа, а другата, колку што пратев, е оваа новата власт има многу големо мнозинство во собрание. Тоа е добар основ да се забрза европскиот пат и ќе биде полесно ако се продолжи европската политика, вели Милан Јазбец, поранешен словенечки амбасадор во Македонија во интервју за Цивил и Слободен печат. Тој вели дека како поранешен амбасадор во Скопје имал можност да се среќава и со актуелната претседателка на државата и со идниот премиер и дека се познаваат добро. „Нека не ми замерат, но во политиката е релативно лесно да се победи. Тоа е моја констатација. Но доста потешко е да се владее. Владеење значи да се има многу јасна програма, детална програма, широка програма и многу луѓе кои работат на реализирање на програмата. Тоа секогаш е потешкото. И мислам дека и тука нема да биде лесно поради овие големи промени. Но, тоа треба да се очекува. Јас мислам дека и медиумите и јавноста треба да го изразуваат ова очекување, бидејќи сум сигурен дека и европските институции, особено ЕУ, ќе очекуваат напредок посебно после членството во НАТО евроинтеграцискиот потег би требало да се забрза“, вели Јазбец. Поранешен словенечки амбасадор во Македонија потенцира дека да се промени меѓународен договор е уште потешко отколку да се донесе. „Да се дојде до некои меѓународни, посебно до билатерални договори и посебно кога тоа се случува со соседи овде на Балканот, е многу сложен процес. И кога до него ќе се дојде се знае дека тоа се случило низ еден тежок, долг и сложен пат. Оттука, да се промени еден таков договор е уште потешко. Впрочем, тоа и би немало некаква смисла зашто да се промени меѓународен договор е уште потешко отколку тој да биде донесен. Така на пример, тие кои активно учествувале во неговото градење сигурно вложиле голема енергија која сега би било потребно повторно да се вложува, повторно да се троши, а секако доколку за тоа нема некои посебно оправдани причини. Тоа е една работа. Другата е стара најмалку бар две илјади години“, вели Јазбец. Тој додава дека во дипломатијата, во оваа материја со договорите има две важни правила. Едното е договорите да се почитуваат кои се склучени, формализирани, ратификувани. „Но, бидејќи ниедна работа не е апсолутна. Второто е, доколку по некое време и пред сè поради некои глобални причини се дојде до големи, до круцијални промени во меѓународната околина и воопшто во меѓународните односи, во еден таков случај можат да се договорат промени. Но тие не можат да се случат само кај едната страна, туку тоа е процес во кој ќе треба да бидат вклучени сите страни учесници во договорот кој бил претходно склучен. Притоа, исто така е многу важно, доколку дојде таква ситуација да се има предвид со раскинување на договорите или со промени во нивните содржини, да не се направи некаква штета. Тоа во теоријата на правото е доста јасно, но во праксата е тешко остварливо“, истакна Јазбец. Преземено: Цивил Медиа...
Премиера на претставата „Парови“ на авторката Ана Ристоска Трпеноска во режија на Ивана Ангеловска
НоваТВ - пред 5 часа
Премиера на претставата „Парови“ ќе се одржи утре на 18 мај во 20 часот на сцената „Ристо Стефановски“ во Драмски театар Скопје. Директорката на Драмски театар Скопје Викторија Рангелова Петровска на прес конференцијата направи осврт на традицијата на Драмски во поддршката на текстови на македонските автори со што Драмски се издвојува и го држи приматот на национална куќа која дава најискрена поддршка со поставување на претставите на домашните автори. Таа истакна дека: „Новата премиера на Драмски театар која е воедно и праизведба на драмскиот текст ПАРОВИ од авторката Ана Ристоска Трпеноска. Авторката Ана Ристоска-Трпеноска во драмскиот текст промислува на современ јазик и го поставува прашањето: „Постои ли вистински успешна врска, совршен брак или партнерите се стремат да постигнат невозможен концепт, нешто што е конструкт на општеството? Животот во заедница е различен од онаа идеализирана љубов што партнерите очекуваат дека треба да се случи и да трае, и од сликата за заедница која доминира во дигиталниот свет. Со „Парови“ сакав да напишам драма за партнери заглавени во трагикомичното секојдневие на заедничкиот живот. Мене секогаш повеќе ме интересира да го прикажам тоа што не се гледа, да пишувам за осаменоста и за проблемите со кои партнерите се соочуваат, но ги чуваат меѓу четири ѕида. Борба за доминација, его, токсични машко-женски односи, партнери на кои им е поважен професионалниот успех и социјалниот статус, партнери што посакуваат никогаш да не се сретнеле, се изневеруваат, бракови што станале рутина, партнери кои имаат различни очекувања, доживуваат разочарувања и се комични во нивната немоќ. Драмата „Парови“ прикажува неколку парови партнери во различни ситуации и фази од нивните животи. Сите нив ги поврзува потребата за љубов и немоќта да ги променат работите“. Сценограф на претставата е Костантин Трпеноски, изборот на костимите се на костимографите Раде Василев и Ратка Џамбазовска Коцев, дизајнот на постер е изработен од Дамјан Момировски, а фотограф е Стефан Стамандов. Улогите ги играат актерите на Драмски театар Скопје: Ирена Ристиќ, Игор Ангелов, Игор Стојчевски, Димитрија Доксевски, Јасмина Василева, Стефан Вујисиќ, Ивана Павлаковиќ, Ања Митиќ, Лазар Христов и Нина Елзесер....
ЕУ со нова хуманитарна помош за Појасот Газа
НоваТВ - пред 5 часа
Европска Унија денеска ја испрати првата пратка со хуманитарна помош за Појасот Газа преку Кипар до привременото американско пристаниште, изјави портпаролот на Европската комисија. Тој додаде дека пристаништето почнало со работа дури вчера. Првата европска пратка преку новоизграденото пристаниште е донација од Романија. ЕК ги покрива трошоците за оваа испорака, а ЕУ отвори логистички центар на Кипар за да го насочи протокот на помош за Палестинците. Од почетокот на оваа година, ЕУ и обезбеди на Појасот Газа повеќе од 2.000 тони помош. Според ЕК потребно е и по копнен пат да може да се дистрибуира помош до Појасот Газа, вклучително и преку контролните пунктови Керем Шалом и Рафа. ЕУ го повикува Израел да обезбеди постојан пристап преку нови пунктови, на пример преку преминот Ерец и пристаништето Ашдод....
Судски совет за изјавата на Мицкоски: Судската власт е самостојна и независна, секое мешање носи сериозна опасност по демократијата
НоваТВ - пред 5 часа
Судската власт е самостојна и независна. Секое мешање во судството и во судската власт носи со себе сериозна опасност по демократијата, правната сигурност и владеењето на правото, велат од Судскиот совет на најавите на лидерот на ВМРО-ДПМНЕ и иден мандатар Христијан Мицкоски дека нивна цел е да го распуштат Судскиот совет и самите судии и обвинители преку тајно гласање да ги избираат своите преставници во Советот. – Судскиот совет не се впуштa во коментирање и оценка на предизборни програми и ветувања на која било политичка партија, затоа што тоа е крајно несоодветно. Единствено, Судскиот совет укажува дека судската власт како една од трите власти, а не трета власт, е самостојна и независна. Овој факт не го користиме како флоскула и одбранбен механизам. Мора да биде јасно и сите да бидат свесни дека секое мешање во судството и генерално во судската власт на кој било од носителите на другите две власти, носи со себе сериозна опасност за едно демократско општество, правната сигурност и владеењето на правото, како вредности, стандарди и врвни приоритети кон кои како држава се стремиме на патот кон ЕУ, велат од Судскиот совет. Оттаму нагласуваат дека се свесни за состојбите во судството, за нивото на доверба и за се она што како недостиг се става на товар на судството. – Критиките ги прифаќаме, меѓутоа, исто така убедени сме дека судството во Република Северна Македонија има капацитет да ги надмине состојбите без реформи и резови за кои никој не може однапред да ги предвиди ефектите кои ќе бидат предизвикани. Реформи заради реформи никому не му се потребни и истите само ќе ги вратат неколку чекори назад процесите и активностите кои Судскиот совет ги превзема во овој период, финансирани и со поддршка на меѓународната заедница преку проекти, а се во насока на подобрување на состојбите во судството и се во напредна фаза. Само тогаш кога политичарите кои доаѓаат и си заминуваат од власт, ќе сфатат дека судската власт е столбот кој останува и не е марионета, ниту инструмент за остварување на нечии интереси, граѓаните ќе добијат судство какво што заслужуваат, нагласуваат од Судскиот совет. Лидерот на ВМРО-ДПМНЕ и иден мандатар Мицкоски вчера во обраќање на Самитот „Македонија2025“ рече дека главен предизвик ќе бидат реформите во Судскиот совет и Советот на јавни обвинители и дека нивна цел е да ги распуштат оние кои довербата во правниот систем ја свеле на едноцифрена бројка проценти и наместо нив, самите судии и обвинители да си ги изберат своите претставници преку тајно гласање....
Краткотрајно невреме следните денови, со пороен дожд, град и грмежи
НоваТВ - пред 5 часа
Во следните денови времето ќе биде значително потопло, но во попладневните часови наместа нестабилно со пороен дожд и грмежи. Локално ќе има услови процесите да бидат поинтензивни во форма на краткотрајно невреме, со силен ветер, интензивен пороен дожд и изолирана појава на град, информира УХМР. И во Скопје следните денови ќе биде сончево и топло, но попладне во делови од котлината ќе биде нестабилно со пороен дожд и грмежи и со услови за краткотрајно невреме. УХМР препорачува во случај на електрични празнења да не се престојува на отворен простор и под осамени дрвја....
Меси заработува повеќе од сите негови соиграчи заедно
НоваТВ - пред 5 часа
Годишната плата на Лионел Меси во Интер Мајами е 20,4 милиони долари, убедливо највисока во фудбалската лига, според податоците објавени во четвртокот од Здружението на играчи на МЛС. Всушност, само три од преостанатите 28 тима во американското првенство трошат повеќе пари вкупно за плати отколку што Интер троши за осумкратниот освојувач на Златната топка. Целата сметка за плати на Интер Мајами е 41,7 милиони долари, што значи дека 36-годишниот Аргентинец заработува повеќе од сите негови соиграчи заедно. Поранешниот соиграч на Меси во Барселона, Серхио Бускетс е вториот најплатен соиграч со по 8,7 милиони долари, додека Жорди Алба и Луис Суарез заработуваат по 1,5 милиони долари по сезона. Трите клуба кои имаат поголем буџет за плата од платата на Меси се Торонто, Чикаго Фајр и Нешвил. За надомест во Торонто одвојуваат 31,4 милиони долари, во Чикаго – 25,1 милиони и во Нешвил – 21,4 милиони. Најмал буџет е тој на Сент Луис со 12 милиони долари, додека Солт Лејк и Сан Хозе трошат по 13,6 милиони долари на своите играчи. Според податоците на Здружението на играчи на МЛС, јасно е дека втора најголема плата по Меси е играчот од средниот ред на Торонто, Лоренцо Инсиње, кој добива 15,4 милиони долари годишно. Трет е Бускетс, а веднаш по него Швајцарецот Џердан Шаќири. Во Чикаго добива 8,15 милиони долари. Топ 5 го затвора бекот на Остин, Себастијан Дриуси со 6,72 милиони долари....
Неопходни се реформи во правосудството, при носење на законите да се консултура научната фела, апелираат експерти по право
НоваТВ - пред 6 часа
Педесеттина експерти на правната наука, ректори, декани, претседатели на еснафските правнички комори, професори, доценти, докторанти од правните факултети во земјата и странство учествуват на 10-тата јубилејна Меѓународна научна конференција „Предизвиците на правото во 21 век“ што во организација на Институтот „IURIDICA PRIMA“ од денеска се одржува во Охрид. На собирот ќе бидат презентирани неколку десетици трудови на темата и актуелни прашања од областа на правото, а се очекува преку размена на нови знаења од споредбеното право, добрите искуства и практики да произлезат аргументирани предлози за подобрување на постојните законски решенија и реформите што претстојат во насока на хармонизација на националното со правото на Европската унија, постигнување на поголема правна сигурност во правните односи и владеењето на правото во целина. – Бројни се предизвиците со кои се соочува правото. Пред се тука е силата. Кога постои одредена сила, веќе не постои ниту меѓународното право. Бројните воени конфликти низ светот покжауваат дека меѓународното правоо не функционира како што е предвидено. Потоа, следен предзвик е влијанието на политиката врз правото. Постојано говориме за владеење на правото, а имаме владеење на мали политички групации кои ги наметнуваат својите влијанија дури и врз судството и закондавството, што укажува на потребата од сериозна борба и темелни реформи. Корупцијата е постојана болка што го обременува општеството, истакна професорот Ангел Ристов, претседател на Институтот „IURIDICA PRIMA“. Според него, потребни се нужни реформи во законодавството, особено во приватното право. – Граѓанското право е заборавено. Во законодавството, во политиката сите се држат за јавната сфера, а поединецот е заборавен. Она што треба државата и новата влада да направи е конечно да се сврти кон граѓаните и после 13 години да биде донесен граѓанскиот законик, кој ги уредува односите на граѓаните од раѓањето до смртта. Петте негови делови се изготвени, тоа ќе бидат големи реформи во интерес на граѓаните, посочи Ристов. Она што е меѓу главните проблеми во правната сфера е носењето закони спротивни на принципите на правото, на правдата, моралот на здравата правничка логика. – Упатуваме апел до законодавецот при носењето на идните закони и реформите, секогаш да се носат во консултација со практичарите и науката, доколку императив е напредок во сферата… Широка јавна расправа по сите законски решенија за праведни закони, рече тој. Професорот Борче Давитковски со критики кон нивото на владеењето на правото во општеството, за што, како главна причина ја посочи отсуството на политика волја за надминување на состојбите. – Сами се доведовме во таква ситуација. Немаше политичка волја да се направат вистински реформи во правосудниот систем, како во судството така и во обвинителството. Судскиот совет како рогови во вреќа, обвинителсткиот совет го нема никаде, непрепознатливи се, а тие треба да се контролор на третата власт. Пред се, она што е важно е да се разбере дека реформите се прават за подобрување на животот на граѓаните, ако тие ги почувствуваат бенефитите од нив, тогаш дури можеме да очекуваме влез во ЕУ, без тие стандардни нема влегување. И Уставот да го промениме, доколку нема политичка волја за реформи – нема успех, рече Давитковски. Тој посочи дека во првите шест месеци новите власти треба да ги постават насоките како ќе се прават реформите во сите општествени сфери, за луѓето да имаат перцепција што ќе се случува и што да очекуваат. – Претходната влада не ги донесе законите што беше предвидено да бидат донесени до 2023 година. Во септември ќе го добиеме најнегативниот извештај од ЕУ за реформите во јавниот сектор во последните 20 години. Она што е неопходно е целосно преиспитување на улогата на судскиот и на обвинителскиот совет, на Академијата за судии…Мора да заврши практиката лица без никакви искуство, само со политичко влијание и врски да стануваат судии, нагласи Давитковски. Професорот Арсен Јаневски исто така истакна дека неспорно се потребни реформи во правосудниот систем. – Очигледно е дека од сите страни, и од ЕУ и од секаде ни укажуват, а и самите знаеме дека судството не ни функционира како што треба. Доаѓа период кога од сите сфери на правото се работи на кодификација на граѓанскиот кодекс, изготвен е неговиот пред-нацрт и се надеваме дека новата влада ќе го поддржи, како значајна новина за државата. Во рамки на таа новина ќе следат реформи во судство, во обвинителство во судски совет и во други области каде е потребна измена на легислативата за да се подобри функцинирањето на институциите во државата, рече тој. Јаневски посочи дека нема држава во светот каде нема корупција, но прашањето е во колкава мера. – Очигледно е дека институциите на функцинираат и оттаму таквиот резултат. Затоа треба да се направат коренити промени, и во судството и во обвинителството и во судскиот совет и во многу други институции во државата…истакна преофесорот Јаневски. Меѓународната конференција што е дел од Охридската школа на правото е прва од ваков вид во земјата и веќе станува традиционална и препознатлива во регионални и меѓународни рамки. Сите трудови што ќе бидат презнетирани тука, по рецензирањето ќе бидат објавени во посебен меѓународен зборник во два тома (19 и 20). Досега од конференциите одржани во периодот од 2015 до 2023 година се објавени 18 тома, што се достапни за пошироката јавност објавени на интернет-страницата на Институтот „IURIDICA PRIMA“ и на електронската база EBSCO....
Премиера на престава за млади „Адамс Фемили“ во Албанскиот театар за деца и млади
НоваТВ - пред 6 часа
Во НУ Албански театар за деца и млади во Скопје утре вечер ќе се одржи премиера на престава за млади „Адамс Фемили“„ со адаптација и во режија на Теа Беговска. -Фамилија Адамс е приказна со која сите сме растеле и за поголемиот дел од публиката е веќе позната. Карактерите се препознатливи, многу атрактивни и предизвикувачки за креирање, како за актерите така и за режисерот. Оваа идеја за Фамилија Адамс за Теа Беговска постои повеќе од осум години и е среќна што Албанскиот Театар за деца и млади му даде шанса на овој проект да се реализира токму со ваква прекрасна екипа на актери. Имаме подела за карактерите која е полн погодок кај нас, се вели во соопштението за претставата. Претставата е намената за млади и тинејџери, но и за возрасните, за родителите и сите семејства. -Претстава во која како тема се проткајува љубовта и разбирањето за тоа дека таа е најсилна од се’. Прифаќање на нештата онакви какви што се. Разбирање за тоа дека убавината е во различноста, среќата е во различноста. Среќата како начин и избор, а не нешто наметнато и научено според правила. Вредностите на општеството се учат и применуваат само преку различностите, а не преку строги, одредени и единствени правила. Вредностите на едно семејство не се тоа што го пишува во учебниците, вредностите на семејството не се однапред измислена и научена дефиниција на памет – семејството е искреност, верба, љубов, прифаќање – целосна хармонија, се посочува во соопштението. Во претставата играат Валдета Исмаили, Мелика Кастрати, Мумин Абдулахи, Деа Пајазити, Флакрон Али, Елдин Широки, Гзим Жерка и Блерим Дардишта. Сценографија е на Дардан Ахмети и Теа Беговска, костими на Андреј Папаз Ѓоргиевски, композитор е Енес Беговски, мајстор за звук Албин Сопа, мајстор на светлата Елмедин Брахими и Амет Чајани, сценски работник Ќамуран Шапка и Јетмир Адеми, а гардероба на Месер Џемаили....
Истражувања: Некои особини и одлики се наследуваат главно од мајката
НоваТВ - пред 6 часа
Повеќето човечки особини се полигенски, што значи дека тие се одредени со комбинација на неколку гени од двајцата родители. На пример, има најмалку 700 секвенци во генетски код на една личност коишто може да влијаат на висината, кожа, бојата на косата и очите итн. Иако повеќето наследени гени се пренесуваат од двајцата родители, некои особини се типично и директно поврзани со мајката. Следат неколку примери. Знаците на стареење Како што старее, на човековото лице се појавуваат брчки – на челото, кај устата итн. Тоа, во голем дел „се презема“ од мајката, т.е. мајчините митохондрии придонесуваат за процесите на стареење. Според истражувачите од шведскиот Каролинска институт и германскиот Институт за биологија и стареење „Макс Планк“, детето ќе ја наследи ДНК-та на мајката, вклучително и митохондријалните болести или дисфункција. Истражувачот д-р Нилс-Горан Ларсон, вели: – Истражувањето покажа дека митохондријалната ДНК на мајките влијае на тоа како старееме. Ако ја наследиме митохондријалната ДНК со мутации од нашата мајка, старееме побрзо. Интелигенција Иако не постои единствен „ген за интелигенција“, еден од факторите коишто придонесуваат за високиот интелект на детето е ДНК-та на мајката. Повеќе истражувања ја поддржуваат оваа теорија, на пр., она спроведено од Советот за медицински истражувања во Шкотска. Британските истражувачи интервјуирале млади луѓе на возраст од 14 – 22 години и тоа траело повеќе години. Заклучоците говорат дека најдобриот показател за интелигенција е коефициентот на интелигенција на мајката. Во просек, коефициентот на испитаниците варирал само за 15 поени од оној нивната мајка. Менталното здравје и нарушувањата Според научнициете, не се наследуваат само физичките особини и однесувањето, туку и менталните и емоционалните одлики. Иако и надворешните околности играат улога во развојот на нарушувањата на расположението, разни болести или состојби, тие дејствуваат во склад со генетските предиспозиции – не секогаш исклучиво од мајката, но истражувањата посочуваат дека ова е почеста појава отколку што се мислеше. Испитување од 2016 година открива поврзаност меѓу депресијата кај мајката и ќерката во анализа на 35 семејства. Интересно е што депресијата, според наводите не се пренесува од татко на ќерка или од татко на син. „Килограмите“ Одржувањето здрава тежина има многу повеќе врска со здравиот начин на живот отколку со генетиката, но тоа не значи дека гените на мајката не се поврзани со дебелината на синот или ќерката. Според некои истражувања, мастите се суштински извор на енергија во телото. Темното масно ткиво е особено одговорно за регулирањето телесна температура и енергетски метаболизам, за разлика од белите масни клетки, коишто се зголемуваат при вишок енергија (калории). Истражувачите откриваат дека темното масно ткиво може да се користи во борбата против дебелината. Во таа смисла, мајките носат ген којшто им овозможува на темните масти да надвладеат над белите масти, коишто пак, генетиката му ги припишува на таткото и неговите гени. Начините на спиење Сонот, т.е. навиките, однесувањето, па дури и некои нарушувања во спиењето, многу се верува дека попрво се пренесуваат од мајка на дете, отколку од таткото. Ова ги вклучува циклусите на спиење и будење, но и несоницата. И напис во списанието „Слип медисин“ (Sleep Medicine) посочува дека децата ги наследуваат навиките на спиење од нивните мајки. Во таа смисла, занимлива е јасната поврзаност меѓу несоницата кај мајката и неколку метрики на спиење кај бебето....
Османи во Стразбур: Мултилатерализмот останува единствен ефикасен одговор кон предизвиците
НоваТВ - пред 6 часа
Mинистерот за надворешни работи Бујар Османи се обрати на 133. сесија на Комитетот на министри на Совет на Европа во Стразбур, при што ја подвлече улогата на мултилатерализмот при справување со тековните многубројни предизвици. -Покрај сите свои пропусти, мултилатерализмот останува единствениот начин да се мобилизира колективен одговор кон војни, кризи, вонредни ситуации и неспоредливи предизвици од различна природа. Советот на Европа останува суштински столб во тој поглед. Сепак, ние, земјите-членки ја носиме одговорноста за неговата ефикасност, истакна Османи. Според него, на 75-годишнината од постоењето, Советот на Европа со нејзините норми и стандарди придонесе за подобрување на животот на граѓаните, чување на човековите права и негување на демократијата и владеењето на правото. Министерот го поздрави денешното усвојување на Рамковната конвенција за вештачка интелигенција, човекови права, демократија и владеење на правото, како прв меѓународен инструмент во оваа област. -Блиската соработка со другите меѓународни организации, особено со ЕУ, ОН и ОБСЕ при решавање на заедничките проблеми е од особено значење, додаде Османи. За време на престојот во Стразбур, Османи ќе има средби со негови колеги од различни земји....
Мбапе ќе потпише 5-годишен договор со Реал и ќе зема 15 милиони евра годишно плата
НоваТВ - пред 7 часа
Напаѓачот Килијан Мбапе се согласил на значително намалување на платата при неговото преселување од ПСЖ во Реал Мадрид, тврди Скај Спортс. Се очекува 25-годишниот Французин да потпише петгодишен договор со Шпанците за плата од 15 милиони евра по оданочување. Играчот ќе добие и 150 милиони евра како бонус за потпишување. Според Скај Спортс, платата на Мбапе во ПСЖ во сезоната 2023/24 изнесувала 75 милиони евра годишно. Фудбалерот доби и 30 милиони евра од парижаните во вид на бонус за потпис. Мбапе најави дека ќе го напушти ПСЖ како слободен играч на крајот од сезоната 2023/24. Најверојатно, напаѓачот кариерата ќе ја продолжи во Реал Мадрид. На 16 мај беше објавено дека се очекува „белиот балет“ официјално да го објави договорот со играчот пред почетокот на ЕП 2024 година....
Сатаната уште не умрел, а кога ќе умре…
НоваТВ - пред 7 часа
Барем милион и триста илјади од граѓаните, ако не и повеќе, очекуваат да се продолжат најбргу можно преговорите со ЕУ. Да не си дозволи владејачката структура да ја екстернализира сопствената блокада на патеката кон ЕУ во алатка за сопствено размножување, бидејќи така, во не многу далечна проекција веќе тотално нема да биде ни Северна, ни само Македонија, ако се разбираме што ова значи Емилија ЦЕЛАКОСКА / РАЦИН.мк Децата се учат да собираат користејќи ги прстињата или некои предметчиња и често можете да ги чуете како на глас ги кажуваат бројките и операциите. Со време научуваат да запишуваат во тетратка и можат да оперираат и со поголеми бројки, а полека гласното кажување станува сѐ потивко, со прескокнувања, шептење и на крај исчезнува. Прстињата, предметчињата, но и моливот и тетратката се надворешни алатки за совладување на вештината, а таа се совладала кога менталниот процес станува внатрешен. Сега никој нема многу да се замисли ако прашам колку е 3+2, да ги испружи прстите итн., туку, просто, однатре му е јасно колку е. Но, за 78 помножен со 26, малку луѓе нема да се послужат со молив и хартија, бидејќи тешко можат да ги следат последовалните дејства на алгоритмот за множење двоцифрени броеви интерно, во себе. Виготски ја истражувал линијата меѓу екстернализацијата (со помагање на надворешни алатки) и интернализацијата на менталните процеси (внатрешна анализа), користејќи ги примерите од аритметиката и детското учење. Меѓутоа таа линија не може јасно да се повлече, всушност, користењето на надворешни алатки овозможува активација на повисоки ментални процеси внатрешно, како стратегии, повисоки алгоритми далеку над аритметичките. На пример, множењето на 78 со 26 може да е само елемент од повисокиот алгоритам за колку пари за колку литри бензин ви требаат. Оваа успешна фузија меѓу екстернализацијата и интернализацијата на менталните процеси го прави човекот единствен на планетава, при што можноста за нивна наизменична примена формира скалест алгоритам за разбирање и користење на ресурсите во неговата околина, а и на самиот него со своите таленти, како човечки ресурс, за сите и за себе. Со крајот на формалното образование, не би требало да запре скалестата наизменичност на екстернализацијата и интернализацијата во фузија на сѐ поголема зрелост, капацитетност, но и корисност за општеството и сам за себе. Со вработувањето, работните обврски во многу бранши го бараат тоа, при што искусните се оние кои имаат поголем степен на интернализација, а воедно и поголем капацитет за екстернализација на менталниот процес со цел решавање на проблемите. Дури и токму тие две карактеристики, еден раководител на сектор може за само неколку секунди да ги процени кај вработените или кандидатите за работа, бидејќи тенденциите за екстернализирање и интернализирање ја бојат секоја емоција и затоа секоја буква од говорот на телото, тонот и изборот на зборови. А од претходната биографија впечатокот може да се дополни и со изборот на дејства. Сатаната им „умре машки“ и сега, и покрај убавите желби на еден водител на интервјуа за „отсега само позитивни вести“, вести се пак сега колку е лош грчкиот сосед (што не беше вест 6 години), и ангелчето што од претседателска функција го бара личното „право на слобода на изразувањето“ Дека луѓето се раѓаат со однапред запишан во гените поголем капацитет за екстернализација отколку животните е јасно од многу експерименти и, заради прилично големата базична добробит од тоа (помислете колку лесно ја држите чашата со вода или лажицата, на пример), екстернализацијата е побазична отколку интернализацијата. Вторава, како во примерот со гласното пресметување на 3+2 кај дечињата, зависи од развојот на сопствениот говор, а тој пак, од формирањето на кохерентна слика од туѓиот говор, што е многу битно, бидејќи туѓиот говор станува екстерна алатка за интерен развој на мислата и говорот. До каде ќе оди качувањето нагоре по наизменичните скалички, зависи од тенденцијата за хедонизам наспроти стоицизмот на карактерот. Се разбира дека хедонизмот има пречесто елементи на „линија на помал отпор“, па развојот многу често застанува на преовладувачка психологија на екстернализација. Од другата страна, пак, и покрај стоичкиот карактер, повторно од „линија на помал отпор“ може да тргне погрешна евристика (заклучоци по пократки патишта) во интерпретацијата на околниот свет како многу строг. Така интернализацијата може да стане една стрмна удолница по која се тркала сѐ поголема топка, наместо скалило за нагоре. На пример, суеверието е полно со погрешна евристика – АКО не зборуваш велелепно за Бога, ТОГАШ ќе ти се случи нешто лошо (Ова е појака верзија од „ако зборуваш лошо за Бога, тогаш ќе ти се случи нешто лошо“). Или, ти се појавило големо мозолче на челото и си сигурен дека е некој вирус на сипаница. Сѐ тоа води во анксиозност или полоши опсесии и погрешно „знаење“ за намерите на други луѓе и затоа, за погрешна слика за околниот свет, што, се разбира, прави пречки во функционирањето. Оваа чувствителност на насоката во која интернализацијата ќе оди е нејзина голема моќ врз нас и затоа доброто задавање нејзин правец (за нагоре) бара голема одговорност. Тенденцијата за хедонизам не може да одговори, а во стоицизмот може да се претера. Многумина ова инстинктивно го решаваат преку екстернализација на злото ОД себе. На пример, ќе се случи нешто лошо и, како што народски велиме, „ја фрлаат бељата на друг“. Некој друг е секогаш виновен, како што малите деца често прават за да се оправдаат себеси. Ова може да биде и обичен механизам за смирување и продолжување натаму, но може да биде и блокатор, ако стане основен начин за „решавање“ на проблемите. Уште повеќе, во општествената динамика, екстернализирањето на злото од себе може да стане блокатор на самото општество. Согледувам пропагандни механизми кои ја свртуваат екстернализацијата СО (алатки итн.) во екстернализација ОД (злото), преку манипулација со чувствителната интернализација на менталните процеси. А таа манипулација лесно се постигнува со помош на говорот. Така, цело едно општество може да остане незрело, автоматски користејќи си ја екстернализацијата од злото и претварајќи го менталниот процес на интернализација во обичен лов на вештерки во рамки на општествената динамика, наместо во разбирање на политичките околности, па со тоа извлекување опиплива корист за себе, како општество и држава. ВМРО-ДПМНЕ е агентот во општествово кое упорно чкрта по кохерентната слика за од некохерентноста да извлече – опипливо штетни работи за сите нас, а себеси како структура да си се промовира како „решавач“ на веќе решени работи со опиплива корист Ова подразбира дека општеството не може да се развива и да напредува ако не го тера нагорниот скалест алгоритам на екстернализација СО, а не ОД, како и наизменична интернализација преку разбирање на вистината. Не може да се решаваат проблеми или конфликти со мачкање шминка на „повеќе вистини“ и „мое мислење – твое мислење“ бидејќи се оневозможува кохерентноста на мислата која е одговорна за сликата за реалноста. Контрапродуктивна е консеквентната интернализација притоа, бидејќи без кохерентноста не може да оформи „пресметка“ на што е опипливо корисно, а што е бескорисно или штетно. Нашето македонско општество е такво и никако да созрее, благодарение на постојаниот глас на ВМРО-ДПМНЕ заедно со локалните и претседателската експозитури, што на глас и на прсти постојано пресметува дека 3+2 е сѐ друго, освен 5. Екстернализацијата од злото со години беше на претходната власт – СДСМ и ДУИ беа Сатаната, а ВМРО-ДПМНЕ беше ангелот божји во сите прогласи. Ете, Сатаната им „умре машки“ и сега, и покрај убавите желби на еден водител на интервјуа за „отсега само позитивни вести“, вести се пак сега колку е лош грчкиот сосед (што не беше вест 6 години), и ангелчето што од претседателска функција го бара личното „право на слобода на изразувањето“. Или, од аспект на алгоритмот, ВМРО-ДПМНЕ е агентот во општествово кое упорно чкрта по кохерентната слика за од некохерентноста да извлече – опипливо штетни работи за сите нас, а себеси како структура да си се промовира како „решавач“ на веќе решени работи со опиплива корист. Чкртањето по сликата, се разбира оди преку анахроните вметнувања во реалноста, кои ВМРО-ДПМНЕ упорно ги нарекува „историја“. Историјата е историја, таа се проучува и стои во минатото, но вакви сосила расипувања на веќе решени работи, од кои половината се и вештачки конструкти од некоја „своја вистина“ како кутлешката свастика, СК2014, неоставање на мир на коските на луѓето од Илинден и игнорирањето на НОБ, покажува дека ВМРО-ДПМНЕ вештачки инженерира интернализација на колективниот ментален процес на единките во општеството кон преференција на формалистичката неопипливост на целта (дали е Македонија или Северна Македонија), за да се игнорира опипливата корист од „Северна“. Многу јасно, тоа е придружено со екстернализација од злото, кое сега е претставено преку европските претставници коишто од своја страна потсетуваат дека нашиот европски пат може да застане (поточно, да ни тргне удолу работата). ВМРО-ДПМНЕ вештачки инженерира интернализација на колективниот ментален процес на единките во општеството кон преференција на формалистичката неопипливост на целта (дали е Македонија или Северна Македонија), за да се игнорира опипливата корист од „Северна“. Од друга страна, „сатаните“ кои „умреа машки“ со потпретставеност во законодавната власт и во секоја друга власт веќе, самите си тргнаа во анксиозни евристики на јавно признавање на грешки, игнорирајќи го удолниот пат на колективната интернализација на тоа дека „Северна“ некому му е вишок – аспект што ниту се јаде ниту се мачка на леб. Социјалдемократите јавно си зборуваат сега за грешки, а никогаш не ги истакнаа како што треба придобивките кои тие ги направија за граѓанството од областа на социјалната политика на пример, а заедно со тоа и во економијата, ниту пак, успеаја да се одбранат од сатанизирањето, иако постојано тврдењата за незаконски работи на Владата паѓаа во вода како лажни вести. Од аспект на интернализацијата, социјалдемократите како да си дијагностицираат самите себе вариола вера од мозолчињата, не консултирајќи „лекар“ и не погледнувајќи ги другите – напудрените и нацрвените екстернализатори на злото од себе – дека тие другите се можеби ебола за ова општество. А можеби и не се ебола, можеби се овчи сипаници кои секое општество мора да ги преболи, затоа што и покрај заостанатите долгови со „да се биде Северна или не“ ќе мора да влезат сериозно во улога на граѓанска социјал-демократија. И онака предизборните реклами на ВМРО-ДПМНЕ, од областите на политиките за доброто на граѓаните, личеа на некакви про-социјал-демократски. Што не е за чудење, бидејќи има многу „пребегани“ оригинал-социјалдемократи таму. Бидејќи ЕУ е суштински социјалдемократска творба по квалитет, значи дека новата власт со ВМРО-ДПМНЕ, ако не ни мачка очи со своите заложби за ЕУ, би морала да биде новата социјалдемократска опција тука, како и да се вика. Затоа, во насока на одговорноста на новата Влада, како и на новата претседателка којашто прва ретерираше пред Гир за глупоста што ја направи уште неинаугурирана, секој граѓанин, барем милион и триста илјади од граѓаните, ако не и повеќе, очекуваат да се продолжат најбргу можно преговорите со ЕУ. Да не си дозволи владејачката структура да ја екстернализира сопствената блокада на патеката кон ЕУ во алатка за сопствено размножување, бидејќи така, во не многу далечна проекција веќе тотално нема да биде ни Северна, ни само Македонија, ако се разбираме што ова значи.Преоптовареноста на поединечното опслужување ќе ја распукне структурата која веќе го апсорбира македонското општество. Не е светот глупав што се организира во институции низ кои опслужувањето оди по ред, па ние сега, една капка земја со пештерци измислуваме топла вода. Патот кон ЕУ е спротивен процес на ова. А бидејќи ЕУ е суштински социјалдемократска творба по квалитет, значи дека новата власт со ВМРО-ДПМНЕ, ако не ни мачка очи со своите заложби за ЕУ, би морала да биде новата социјалдемократска опција тука, како и да се вика. Ако одолговлекува тогаш таа ја одбила ЕУ, го избришала македонското граѓанство и со уште малку злоупотреба на јазикот во несувисли екстернализации – џабе гужвите за македонски пасош. Некој многу често сакаше да кажува „прстот на глава“ – е сега е моментот за тоа. Остави ги Илинденците, Букефалите и Гебелсовците да одморат и сработените поглавја на ЕУ – на сонце!...
Ало, СДСМ? Има ли некој? Дали мислите дека “Гласавте – гледајте” е државничка порака?
НоваТВ - пред 7 часа
Сега пред очите ги гледаме првите сцени од репризата на 2008 година, кога наместо да го прифати континуитетот на подготовките и реформи за забрзување на процесот за членство во ЕУ и НАТО, ВМРО-ДПМНЕ го сврте курсот и ја зароби државата и ја оттргна од тие процеси. Имајќи го сето тоа предвид, премногу е опасен молкот и летаргијата на СДСМ. Зоран БОЈАРОВСКИ / РАЦИН.мк Несфатлив е молкот во и на СДСМ. Ако ја исклучиме колумната на Стефан Богоев од 12 мај, последните објави на веб страницата на партијата се од 8 мај, односно обраќањето на претседателот Димитар Ковачевски и на портпаролката Кузеска, која излезе непосредно по затворањето на гласањето на избирачките места. Да не беа професионалните должности и активности на Бисера Костадиновка-Стојчевска, Бојан Маричиќ и на Сања Лукаревска како членови на владата и на владини институции, овој молк ќе беше уште по недозволив. Од таа перспектива демантот на Фатмир Битиќи за негово наводно делување како независен пратеник, а подоцна и како член на ВЛЕН, доволно силно и илустративно говори на што се изложува СДСМ доколку продолжи со овој молк. Веќе започнаа да се плетат приказни за разно разни концесии и постапки што следуваат кои кога ќе добијат поголема јавност ќе предизвикаат лавина која не само што тешко што ќе може да биде запрена, туку ќе донесе и многу, многу поголеми последици. Па дури и завршниот апел на Богоев во спомената колумна на почетокот на овој текст, кој не предизвика никакво внимание во јавноста, е очајнички со повикот „Вклучете се и помогнете. Подобро да се спречи, отколку да се лечи!“. Да не ги набројувам, но имало стотици случаи кога портпаролите на СДСМ, а и другите високи членови задолжени за комуникацијата на ставовите и политиките на партијата, излегувале и ги засилувале пораките на нивините колеги. Сега – општ молк. Ало СДСМ? Има ли некој? Дали мислите дека “Гласавте – гледајте” е државничка порака? Добро, во ред, ударот што го доби партијата на изборите е удар за класичен „нокдаун“, но не може да биде фатален или да предизвика состојба на летаргија, на очај или на депресија. Една моја колешка вели дека молкот на СДСМ е порака до гласачите „гласавте, епа сега гледајте“: Како и да ја толкувате таа позиција, ако е таква, таа е целосно погрешна. Поразот на СДСМ не може да биде алиби за позицијата „гледај си, свиркај си“. Прво, тоа не е позиција којашто ѝ приличи на партија која претендира(ше) на прогресивност и на „нема откажување“. Таквата позиција е поразителна и погубна. Таквата позиција само ќе им даде крилја на првите чекори за враќање на авторитарниот режим кои веќе ги гледаме. Наместо да биде свечен чин за сите, инаугурацијата на новата претседателка дополнително ги подели граѓаните и јавноста и ги предизвика регионалните односи со соседите засновани на меѓународни договори. Тоа не може да се премолчи. Да, точно е. За потресот што го доживеа СДСМ треба рехабилитација и СДСМ не е само Центарот за комуникации туку пред сѐ политичките чинители таму. Но, тоа не е причина политичарите да молчат, зашто освен Зоран Заев, кој веднаш реагираше, и вчера Славјанка Петровска, никој друг немаше реакции на инаугурацијата на новата претседателка. Не може да се премолчи ниту најавата за милијардата евра заем кој ќе го земе ВМРО-ДПМНЕ и кој го прикажува како голем економски потег, кога се знае дека тоа ново задолжување повторно ќе падне на плеќите на граѓаните. Демек ќе го исполнат ветувањето за линеарно зголемување на пензиите за 5000 денари со позајмени пари, кои ќе ги враќаат, кој друг ако не – пензионерите и граѓаните. Секако нема да ги враќа Мицкоски и останатите во новата влада. Како да се премолчи повикот на Мицкоски „вестите да почнуваат си успесите на владата“ веќе премолчува водителот на интервјуто. Како да се премолчи дека претседателката на државата порачува дека „не може да очекуваме таа да го критикува Мицкоски на јавна сцена“? Тој, пак, повтори дека негово лично право било да не го употребува уставното име на државата. Има(ше) и ќе има, очигледно, уште многу прилики за реакции, но СДСМ не може да очекува дека нивната битка да ја бијат некои други. Како претходно. Како во перидот од 2008 до 2017, Македонија и нејзините граѓани се исправени пред многу сериозен, многу сериозен предизвик за нашите европски перспективи и стратешките интереси да бидат пренасочени во насоки кои одамна ги отфрливме како опција и кои, вусшност, никогаш не биле алтернатива. Сега пред очите ги гледаме првите сцени од репризата на 2008 година, кога наместо да го прифати континуитетот на подготовките и реформи за забрзување на процесот за членство во ЕУ и НАТО, ВМРО-ДПМНЕ го сврте курсот и ја зароби државата и ја оттргна од тие процеси. Граѓаните на Македонија се спротивставија на овие погубни политики и си ја вратија државата назад. Со таа граѓанска поддршка Владата предводена од СДСМ за само една година со храбрата одлука за Преспанскиот договор, ѝ го обезбеди на државата членството во најмоќниот воено-безбедносен сојуз НАТО и во 2022 година ги започна преговорите со ЕУ. Единствено ВМРО-ДПМНЕ и Левица не ракоплескаа на овие големи постигнувања и го демнееја моментот кога ќе бидат во состојба повторно да ги отворат затворените прашања. Имајќи го сето тоа предвид, премногу е опасен молкот и летаргијата на СДСМ. Едно се подготовките за отчетен конгрес, а потоа и за внатрешнопартиски избори, но сосема друго да остави чист политички простор за дејство на опонентите. СДСМ мора веднаш проактивно да делува, паралелно со процесот на консолидација којшто повторно ќе ја издигне над предизвиците и искушенијата и да се сообрази со духот на времето и со пораките на граѓаните. Да не се дозволи дополнително фракционирање на социјал-демократското јадро кое, за жал или за среќа, е единственото од кое зрачи некаква модерна, либерална и прогресивна идеологија. Не смее да постои отпор и за генерациска промена со поддршка на искусните и прекалени борци кои треба да ја преземат одговорноста, но да не ѝ се препуштат на летаргијата....
Во рамките на престижниот фестивал „Мајски оперски вечери“ ќе се изведе операта „Тоска“ од Џакомо
НоваТВ - пред 8 часа
Во рамките на престижниот фестивал „Мајски оперски вечери“ на 23 мај со почеток во 20.00 часот на сцената на Националната опера и балет ќе се изведе операта „Тоска“ од Џакомо Пучини, музичка драма во вистинска смисла на зборот, монументална, брилијантно оркестрирана, реалистична опера во три чина . Љубовта, страста, љубомората и политичките интриги се движечките драмски елементи на овој „оперски трилер“. Паоло Бресан од Италија диригира со изведбата на оваа драматична трагедија на Пучини, во режија на Огњан Драганов (Бугарија), сценографијата е на Зоран Николовски, а костимографијата на Марија Пупучевска, хор-мајстор: Ѓурѓица Дашиќ и Јасмина Ѓоргеска, а концерт-мајстор е Јане Бакевски. Во насловната улога ќе настапи нашата оперска првенка, Весна Ѓиновска Илкова, водечки драмски оперски сопран со совршена вокална динамичност и беспрекорна интонација. Остварила безброј оперски и концертни настапи, добитничка е на највисоките државни награди и признанија, во улогата на сликарот Каварадоси ќе настапи, тенорот Никола Китановски, еден од најафирмираните оперски уметници од просторот на поранешна Југославија, кој со огромен успех, веќе триесет и пет години остварува меѓународна професионална уметничка кариера, во улогата на „злобниот Скарпија“ ќе настапи гостинот од Романија, Лусијан Петреан,во улогата на Анџелоти ќе настапи нашиот бас, Владимир Саздовски, чест гостин на светските оперски сцени. Во останатите улоги ќе настапат: Драган Ампов, Јане Дунимагловски, Тихомир Јакимовски, Димитар Кожухаров, Десанка Глигоријевиќ, Мирослав Антовски заедно со хорот и оркестарот на Национална опера и балет....
Адам Сендлер во „Хепи Гилмор 2“
НоваТВ - пред 8 часа
Пo скоро 30 години, Адам Сендлер се враќа како голферот „Хепи Гилмор“. Имено, глумецот потврди дека тој и „Нетфликс“ ја подготвуваат спортската комедија „Хепи Гилмор 2“, а според наводите, и Дру Баримор била информирана дека продолжението е во подготовка. Снимањето е во рана фаза. Комедијата за Хепи Гилмор – млад човек кој сака да стане професионален хокеар, но е апсолутен „антиталент на мраз“, па решава да стане шампион во голф за да го исплати даночниот долг на баба му – беше вистински хит во 1996. и годините потоа. Сепак, „Хепи Гилмор 2“, за жал, ќе се снима без Карл Ведерс, кој почина во февруари претходно оваа година. Освен Сендлер, ниту еден друг глумец не го потврдил своето учество во новиот филм. Адам Сендлер неодамна беше прогласен за најплатен актер за 2023 година и покрај тоа што ниту еден од неговите филмови не стигна до големото платно. Глумецот лани заработил 73 милиони долари благодарение токму на „Нетфликс“....
И овојпат како и повеќепати досега, загубено неповратно ќе е и ова време македонско
НоваТВ - пред 9 часа
Зоран Иванов / Цивил Медиа Првата дама на Република Северна Македонија и првиот човек епилог од штотуку завршените парламентарни, уште и не седнати во кабинетите и таман нешто со Преспанскиот и по нешто со Добрососедскиот прикрпивме, успеаја, онака „државнички просперитетно“ пак да не` испокараат со соседите и од југ и од исток и не само со нив туку и со сите во ЕУ и скоро ќе се случи тоа и со западниот кој ни крив ни должен грешно закачен за нас го блокираме за ЕУ и, нормално, и со унгарскион со кого, не само поради милијардата туку таму има уште по некои во моментов не толку важни пикантерии но, најважното од се` e што нашата ни мила Татковина, онака постизборно, не губејќи ниту ден забрзано и гордо тргнува во рикверц и како што и навестија и како што новите властодршци веќе и почнаа да практикуваат некои нови третмани со соседите, посебно во однос на меѓународните договори и сето тоа, пред и да си го скршат носот и одвнатре меѓуетнички и однадвор меѓународно и притоа, и пред и да се покајат за лагите пред електоратот, кажано и во оваа една реченица, ќе успеат, тоа секако, да ја верификуваат штетата која можеби ќе е надоместлива но која, и овој пат, како и повеќепати досег, неповратно загубено ќе е и ова време македонско....
Герапетритис: Грчката Влада реагираше брзо и го интернационализираше прашањето по инаугурацијата на Сиљановска
НоваТВ - пред 9 часа
Грчката Влада реагираше со исклучително брзи рефлекси, на само неколку часа по инаугурацијата на новата претседателка на Северна Македонија се активираа претседателката на Европската комисија, претседателот на Европскиот совет, портпаролот на Европската унија, НАТО и многу земји и ова благодарение на грчката надворешна политика, која со брзи рефлекси успеа да го интернационализира прашањето и ќе продолжиме со тоа, рече утрово министерот за надворешни работи на Грција, Јоргос Герапетритис. Шефот на грчката дипломатија во Парламентот одговараше на пратеничко прашање од партијата Победа поврзано со манастирот Хора во Турција, кој турските власти го претворија во џамија, но пратеникот на малата десничарско-националистичка партија ги покрена и останатите прашања од надворешната политика, меѓу кои и Договорот од Преспа. – Договорот од Преспа е договор што има огромни проблеми, но претставува меѓународно право кое мораме да го почитуваме бидејќи согласно Уставот е над секоја друга законска одредба, рече Герапетритис. Паралелно, министерот за надворешни работи на Грција категорично ги демантираше натписите во медиумите за негово учество во составувањето на Договорот од Преспа. – Не само што немав никакво учество, туку и немаше да можам да учествувам од едноставна причина што темелно не се согласувам со Договорот од Преспа, што претставува правен текст со огромни проблеми кои со текот на времето се покажуваат, истакна Герапетритис....
Г7: Предупредувачко писмо до Израел
НоваТВ - пред 10 часа
Министрите за надворешни работи на 13 земји членки од групата Г7 потпишаа прдупрдувачко писмото до израел напишано на четири страници. Во него стои предупрдување до Израел противнеговата воена офанзива врз градот Рафа во јужниот дел на Појасот Газа. Во писмото до израелскиот министер за надворешни работи, Израел Кац, министрите го истакнаа правото на Израел на самоодбрана и ги осудија терористичките напади на 7-ми октомври од страна на Хамас и другите исламистички групи но и стовремено тие ја повикаа владата на премиерот Бенјамин Нетанјаху да направи се за да ја ублажи катастрофалната и влошена хуманитарна криза во Појасот Газа. Земјите од групата Г7 го повикуваат Израел и да ги отвори сите гранични премини во крајбрежната зона за испорака на помош, вклучувајќи го и преминот Рафа со Египет. Писмото го потпишаа министрите за надворешни работи на земјите од Г7 на Германија, Франција, Велика Британија, Италија, Јапонија и Канада и нивните колеги од Австралија, Данска, Финска, Холандија, Нов Зеланд, Јужна Кореја и Шведска, а не го потпишаа само САД....
Шолц, Макрон и Мелони со писмо до Курти: Предлогот на Лајчак е солиден модел за ЗСО
НоваТВ - пред 21 часа
Германскиот канцелар Олаф Шолц, францускиот претседател Емануел Макрон и италијанската премиерка Џорџа Мелони во писмо до премиерот Албин Курти потврдија дека предлогот на претставникот на ЕУ, Мирослав Лајчак, за формирање Заедница на српски општини (ЗСО) претставува „цврст модел, внимателно дизајниран со помош на европски правници и експерти, заснован на постојната најдобра практика во Европа“. Приштинските медиуми јавуваат дека европската тројка лидери порачуваат дека постои ризик Косово да не ја добие потребната поддршка за членство во СЕ, доколку не започне со формирање на ЗСО. „За жал, чекорите што ги предлагате не се однесуваат на итната потреба од решителни чекори кон формирањето на Заедницата и ризикуваат дополнително да го поткопаат дијалогот што го води ЕУ. Прво, нацрт-статутот што го презентираше специјалниот претставник на ЕУ за дијалог Мирослав Лајчак не е само „џентлменски предлог“ туку тоа е солиден модел, внимателно дизајниран со помош на европски правници и експерти, заснован на постојните најдобри практики во Европа, како и уставната и правната рамка на Косово. Уште еднаш нагласуваме дека не сакаме нефункционално Косово“, се наведува меѓу другото во писмото. Лидерите на трите земји нагласуваат дека ЗСО, како што е предложена од ЕУ, „во никој случај не е споредлива со Република Српска“. „Второ, поднесувањето на овој нацрт до експертите на Советот на Европа не би бил неопходен одлучувачки чекор, бидејќи нивното мислење нема да биде правно обврзувачко. Тоа може да се постигне само со испраќање до Уставниот суд на Косово, за да да биде прифатлив за тој суд, како што беше објаснето во Брисел, во дијалогот што ја води ЕУ, нема правни пречки да се направи овој чекор на општините, не е ниту соодветна ниту применлива, поради актуелните околности во овие општини“, се продолжува во одговорот на европската тројка до косовскиот премиер. Писмо било испратено еден ден пред писмото на Владата да биде упатено до претседателот на Парламентарното собрание на Советот на Европа, Теодорос Русопулос, во кое се наведува дека Владата подготвува нацрт на статутот на Заедницата на српски општини, што ќе биде испратен до Уставниот суд на Косово до крајот на мај....
Грчките медиуми за изјавата на Мицкоски: Нова провокација од Северна Македонија
НоваТВ - пред 21 часа
Денешната изјава на лидерот на ВМРО-ДПМНЕ Христијан Мицкоски предизвика реакции во грчките медиуми, кои коментираат дека станува збор за „нова провокација од Северна Македонија“, дека идниот премиер „ја следи линијата на претседателката Сиљановска“, а веста вечерва е една од главните теми во онлајн изданијата на медиумите, јави дописничката на МИА од Атина. „Северна Македонија: Провокативен претседателот на ВМРО – Ќе ја нарекувам мојата земја како што сакам, ако не ви се допаѓа да одите во Хаг“; „По Сиљановска, провоцира и Мицкоски: Ќе ја нарекувам мојата земја Македонија, ако сакате, одиме во Хаг“; „Христијан Мицкоски: Мое право е да ја нарекувам мојата држава Македонија – провокативни изјави на лидерот на ВМРО“; „Северна Македонија: Ќе ја нарекувам мојата земја како што сакам, вели претседателот на ВМРО“; „Северна Македонија: нова провокација од премиерот: Ќе ја нарекувам мојата земја, како сакам“, се дел од насловите во грчките медиуми, кои во главно го пренесуваат текстот од грчката новинска агенција АНА-МПА. Во текстот под наслов „Северна Македонија: И лидерот на ВМРО инсистира на терминот „Македонија“; АНА-МПА ја пренесува изјавата на Мицкоски и ставот дека „ако Грција смета дека го прекршуваме Договорот од Преспа нека се обрати до Меѓународниот суд“. -Исто така рече дека во комуникацијата во институциите и меѓу институциите на неговата земја ќе се користи уставното име, но во изјавите пред новинарите или во говорите негово индивидуално право е да ги користи термините „Македонија и македонско“ и поттикнува истото да го стори и претседателката на државата, пишува грчката новинска агенција, која паралелно го цитира Мицкоски во делот во кој вели дека и тие исто како и Нова демократија не го сакаат Договорот. – По провокативниот став на претседателката на Северна Македонија и претседателот на радикално десничарската ВМРО, Христијан Мицкоски, кој како што се чини ќе биде нов премиер на државата, ја задржа истата линија, прекршувајќи го Договорот од Преспа, коментира информативниот портал „Ин“. Во продолжение, повикувајќи се на изјавата на Мицкоски објавена на МИА, пишува дека го пренесува ставот на лидерот на ВМРО дека „ако Грција смета дека го прекршуваме Договорот од Преспа, постои Меѓународниот суд“. Онлајн изданието на весникот „То Вима“ коментира дека „Мицкоски не гледа никакво прекршување на Договорот од Преспа“ и исто така детално ги пренесува изјавите на претседателот на ВМРО-ДПМНЕ и иден премиер. Паралелно, медиумите во Грција го цитираат и ставот на Мицкоски дека очекува да се види со грчкиот премиер Кирјакос Мицотакис....
Грузиската претседателка ќе стави вето на „рускиот закон“ : Јасно е дека Москва не гледа со голема благодарност на ова забрзано темпо на Грузија кон Европската унија
НоваТВ - пред 21 часа
Саломе Зурабичвили се приклучи на јавните демонстрации против законот кој може да ја одврати Грузија од Брисел и кон Кремљ. Грузиската претседателка Саломе Зурабичвили изјави дека ќе стави вето на контроверзниот нацрт-закон усвоен од парламентот на нејзината земја, нарекувајќи го законот „неприфатлив“ и потврдувајќи го нејзиното противење на мерката што критичарите ја опишуваат како страшна закана за слободата на говорот и демократијата. Во интервју за Асошиејтед прес, Зурабичвили остро ја критикуваше владејачката партија Грузиски сон за туркање на законот, што нашироко се смета за назадување за аспирациите на Грузија за пристапување во Европската унија. Предлог-законот бара медиумите, невладините организации и другите непрофитни групи да се регистрираат како „ги извршуваат интересите на странска сила“ доколку добијат повеќе од 20 отсто од своето финансирање од странство. Владата тврди дека предлог-законот е потребен за да се запре, според неа, штетните странски актери кои се обидуваат да ја дестабилизираат јужнокавкаската нација од 3,7 милиони луѓе. Но, критичарите велат дека тоа ќе има екстремно застрашувачки ефект врз продемократските невладини организации и други организации. Го доби прекарот „руски закон“ поради сличноста со законодавството што го спроведува Кремљ. „Тоа е неприфатливо бидејќи го одразува пресвртот на грузиските ставови кон граѓанското општество, кон медиумите и кон препораките на Европската комисија кои не се во согласност со она што е нашата декларирана политика за одење кон европска интеграција“, рече Зурабичвили за АП. . Таа ја потврди својата намера да стави вето, бидејќи тоа „директно се коси со духот или писмото на препораките на ЕУ“. Зурабичвили се повеќе е во судир со партијата Грузиски сон, која има доволно мнозинство за да го надмине нејзиното вето. Таа има рок до 28 мај – 14 дена по неговото усвојување – да дејствува. Опозициското Обединето национално движење го обвинува Грузискиот сон дека се обидува да ја вовлече Грузија во сферата на влијание на Русија, наводи кои партијата ги отфрла. Грузискиот сон е основан од Бидзина Иванишвили, поранешен премиер и милијардер кој своето богатство го стекна во Русија. Зурабичвили рече дека е тешко да се каже дали предлог-законот е чисто иницијатива на владејачката партија или дали Москва играла рака во неговото усвојување, но таа нагласи дека Кремљ не е задоволен од прозападните аспирации на Грузија. „Јасно е дека Москва не гледа со голема благодарност на ова забрзано темпо на Грузија кон Европската унија“, рече таа. Таа истакна дека е нејзина „должност според уставот да направи се што е во моја моќ да ја поддржам европската интеграција и да ја консолидирам“. „Властите не го прават она што го очекува земјата, а земјата реагира затоа што земјата ја сака Европа и сака да не ја изгуби можноста на крајот на годината да видиме отворање на овие пристапни преговори“, рече Зурабичвили. Предлог-законот е речиси идентичен со оној што партијата Грузиски сон беше под притисок да го повлече минатата година по уличните протести. Обновените демонстрации ја потресуваат Грузија со недели, при што полицијата употреби солзавец и водени топови за да ги растера луѓето лути на законот и неговите импликации. Опозицијата го осуди предлог-законот како „руски закон“ бидејќи Москва користи слична легислатива за сузбивање на независните медиуми, непрофитните организации и активистите кои го критикуваат Кремљ. Претседателот на Европскиот совет, Шарл Мишел, во вторникот рече дека ако Грузијците „сакаат да се приклучат на ЕУ, мора да ги почитуваат основните принципи на владеењето на правото и демократските принципи“. Зурабичвили нагласи дека кога Грузија доби статус на кандидат за ЕУ минатата година, владата требаше да се фокусира на усвојување на законите неопходни за да се квалификува за целосни разговори за пристап. „Собранието треба да работи дење и ноќе за да ги задоволи препораките што ги имаме на маса за реформите во правосудството, за независноста на агенцијата за корупција и слични работи“, рече таа. „И наместо тоа, наместо да го прави она што се очекува од нас, парламентот работи на закон кој беше отфрлен минатата година дека сите наши партнери, европски партнери, рекоа дека не е во согласност со европските вредности и европските цели. ” Извор: Еуроњус Подготви: А. В...
Лидерите на земјите од Западен Балкан со заедничка изјава остануваат посветени на процесите за членство во ЕУ
НоваТВ - пред 22 часа
Шефовите на држави и влади на земјите од Западен Балкан денеска, во рамки на учеството на Самитот во Котор, Црна Гора, усвоија заедничка изјава со која ја потврдуваат посветеноста на земјите за заеднички регионален пазар насочен кон зајакнување на човечкиот капитал и развој на вештини. Како што информира владината прес-служба, шесте земји од Западен Балкан посветено ќе работат и на поттикнување на дигиталната трансформација, овозможување поволна средина за бизнисмените, како и зголемување на конкурентноста. – Препознавајќи ги постојаните и сериозни безбедносни предизвици предизвикани од актуелните геополитички околности, а особено руската агресија врз Украина, лидерите на Западен Балкан во изјавата ја нагласија посветеноста за продолжување на соработката во регионот, како би ја искористиле динамиката во политиката за проширување на ЕУ. Лидерите на земјите од Западен Балкан, во новиот План за раст препознаваат перспектива на регионот, се вели во соопштението. Во заедничката изјава се наведува дека шесте земји се посветени на прифаќање на можностите што ги нуди оваа иницијатива за регионот, со цел да се олесни економската и социјалната трансформација на општествата, отворајќи го патот за полноправно членство во Европската Унија, според начелото за пристапување засновано на заслуги во текот на овој процес. Во прилог заедничката изјава на лидерите на земјите од Западен Балкан: Заедничка изјава на лидерите од државите на Западен Балкан „Еден регион, заедничка визија” 1. Препознавајќи ги постојаните и сериозни безбедносни предизвици предизвикани од актуелните геополитички околности, а особено руската агресија врз Украина, ние, лидерите на Западен Балкан 6 повторно ја нагласуваме нашата посветеност да ја продолжиме соработката во нашиот регион и да ја искористиме обновената динамика во политиката за проширување на ЕУ. 2. Поздравувајќи го усвојувањето на Механизмот за реформи и раст од страна на Европскиот парламент и Советот на ЕУ, што дополнително ќе го поттикне пристапниот пат на Западен Балкан во ЕУ, преку обезбедување дополнителна финансиска помош при спроведувањето на фундаменталните реформи. 3. Соодветно, во синергија и соработка со нашите партнери од ЕУ, подготовката на соодветните реформски агенди на секоја од земјите на Западен Балкан е на добар пат со цел да се постигнат клучни социоекономски реформи, истовремено поттикнувајќи ја демократијата, основните вредности и владеењето на правото како предуслов за стабилност и просперитет на регионот на Западен Балкан. 4. Со перспективата на новиот План за раст за државите од Западен Балкан, ние сме посветени на прифаќање на можностите што ги нуди оваа иницијатива за регионот; нашата цел е да ја олесниме економската и социјалната трансформација на нашите општества, отворајќи го патот за полноправно членство во Европската Унија, притоа останувајќи посветени на одржувањето на начелото за пристапување засновано на заслуги во текот на овој процес. 5. Ја препознаваме потребата да се надоврземе на постигнатите резултати во насока на интеграција во единствениот пазар на Европската унија и унапредување на четирите слободи. 5. Ценејќи ги опипливите резултати што ги создаде Заедничкиот регионален пазар како двигател на интра-регионалната трговија и поттикнувач на економската интеграција во регионот на Западен Балкан, ние, лидерите на Западен Балкан 6 остануваме посветени на завршувањето на првата итерација од Акцискиот план за Заедничкиот регионален пазар која завршува во 2024 година и повикуваме за целосно спроведување на претходните договори постигнати во негов контекст. Се посветуваме на прифаќање на новиот Акциски план за Заедничкиот регионален пазар 2025-2024 на Самитот на лидери на Берлинскиот процес 2024. Оваа нова фаза од Заедничкиот регионален пазар ќе биде отскочна штица кон Единствениот пазар на ЕУ во многу сектори, со што ќе се отвори економскиот потенцијал на регионот и ќе се создадат можност за нашиот приватен сектор и (мали и средни претпријатија), како и за работниците. 6. Втората итерација од Акцискиот план за Заедничкиот регионален пазар ќе се надгради на постојните приоритетни области од Заедничкиот регионален пазар, но нема да биде ограничен на слободно движење на стоки, слободно движење на услуги, мерки за хоризонтална трговија, развој на човечки капитал, средина која овозможува бизниси и конкурентност и дигитална трансформација. Ги покануваме Советот за регионална соработка и ЦЕФТА да координираат, во блиска соработка со регионалните организации, институциите на ЕУ, регионалните граѓански општества и меѓународните финансиски институции, како и релевантните органи од ЗБ6, за да го подготват планот за новата фаза од Заедничкиот регионален пазар, вклучувајќи тука и временска рамка за спроведување и мерливи резултати. Ги покануваме Советот за регионална соработка и другите регионални чинители да продолжат со поддршката и да ја олеснат вклученоста на парламентите во Берлинскиот процес и другата регионална агенда за интеграција. 7. Свесни за неговата важност за забрзаната конвергенција, ние сме посветени на исполнување на сите предуслови за приклучување кон Единствената зона за плаќања во евра (SEPA), како што е наведено во Декларацијата од Тирана од 29 февруари. Во овие напори, Европската Комисија ќе обезбеди неопходна и брза помош за да се постигне првото пристапување кон СЕПА од регионот, веќе до крајот на 2024 година. 8. Препознавајќи ја потребата за подобрување на слободното движење на стоки, шесторката од Западен Балкан, Секретаријатот на ЦЕФТА и Транспортната заедница ќе го финализираат и имплементираат патоказот за зелените коридори, вклучително и преку засилена интра-регионална трговија во рамките на Западен Балкан, подобрена царинска соработка помеѓу Западен Балкан и ЕУ и модернизација на граничните/заедничките премини. 9. Имајќи ја предвид важноста на постоењето на ефикасен механизам за решавање на трговските спорови, ја препознаваме важноста за завршување на преговорите за Дополнителниот протокол 7 на ЦЕФТА за решавање спорови со цел да се претстави договорот на претстојниот Самит на Берлинскиот процес. За таа цел, ЦЕФТА ќе обезбеди еднаков третман на сите страни. 10. Понатаму, по Сеопфатниот патоказ, ќе се подготват целни резимеа со цел да се адресираат претходно избраните приоритетни гранични премини. Покрај тоа, надградувајќи се на Патоказот, лидерите изразија целосна поддршка за воспоставување на Регионална програма за олеснување на трговијата и транспортот, со цел да се обезбеди конвергентност на регионот кон Единствениот пазар на ЕУ преку намалување на трговските бариери и трошоци и подобрување на транспортната ефикасност меѓу ЗБ6 и ЕУ. Програмата ќе ја спроведува Светската банка во тесна соработка со Транспортната заедница, ЦЕФТА и Европската Комисија, заедно со Програмата за безбеден и одржлив транспорт на ЕУ. 11. Следејќи го нашиот приоритет за постепено приклучување кон Единствениот пазар на ЕУ, шесторката од Западен Балкан и Европската Комисија ќе работат заедно за да подготват договори за оцена и прифаќање на сообразноста (ACAA) и за воспоставување Академија за единствен пазар, која ќе овозможи секој од поединечните системи на ЗБ6 да биде целосно усогласен со тие на ЕУ. 12. Со цел да се придонесе кон индустриската конкурентност и да се зацврсти отворената стратешка автономија на ЕУ, засегнатите страни од шесторката на ЗБ се приклучи кон Алијансата за критични лекови. Како членки на Алијансата, шесторката од Западен Балкан се стреми кон играње активна улога во зацврстувањето и диверзификацијата на синџирите на снабдување со критични лекови во ЕУ, на крајот зголемувајќи ги напорите за спречување и ефикасно справување со недостигот. 13. Потврдувајќи ја нашата посветеност кон продолжувањето на оваа плодна соработка, со задоволство можеме да објавиме дека следниот состанок на лидерите на шесторката од Западен Балкан за планот за раст ќе се одржи во Босна и Херцеговина. Свесни дека успешното спроведување на Планот за раст и нашиот економски напредок се постигнуваат само преку нашата добра соработка, демократски напредок, усогласување со политиките, вредностите и стандардите на ЕУ, ние сме подготвени за следната фаза од нашата соработка, која постепено ќе нè води до ефикасен Заеднички регионален пазар кој е добро интегриран во Единствениот пазар на ЕУ. 14. Со цел да се подобри дигиталното поврзување, ЗБ6 и Европската Комисија ќе работат заеднички за да го интегрираат регионот во сигурните услуги на ЕУ откако националното законодавство ќе биде усогласено со електронската идентификација, автентикација и сигурни услуги (eIDAS), ќе бидат развиени националните дигитални паричници за идентитет кои ќе бидат интероперабилни на регионално ниво. Со ова ќе му се овозможи на Западен Балкан да биде дел од Дигиталниот паричник за идентитет на ЕУ. 15. Шесторката од Западен Балкан се посветени на интензивирање на напорите за следење на минатите обврски и преземени задачи, вклучително и целосно спроведување на договорите за мобилност. Секоја од државите, треба ревносно да ги адресира и елиминира пречките за реализација на заедничките интереси кои произлегуваат од оваа агенда, за којашто препознаваме дека е од корист за нашите граѓани, економскиот просперитет и европската интеграција на нашиот регион. За таа цел, се обврзуваме да обезбедиме целосно функционални регионални институции за да го поттикнат нашиот Заеднички регионален пазар и да се подготват за нашата поблиска интеграција во Единствениот пазар на ЕУ. 16. Водени од желбата да ја зацврстиме регионалната безбедност, да го подобриме финансискиот интегритет и да ја засилиме соработката во борбата со финансискиот криминал, лидерите на ЗБ6 го изразуваат нивниот интерес да ги истражат можностите за соработка со новото тело за спречување на перење пари на Европската Унија (AMLA). *Босна и Херцеговина ќе ги разгледа предложените активности во согласност со уставниот дел од овластувањата на институциите на БиХ, ентитетите и кантоните, односно, со соработка на сите релевантни институции во БиХ преку механизмот за координација. *Република Северна Македонија, иако ја прифаќа изјавата, изразува резервираност во однос на натамошната активност за подготовка на временската рамка во однос на предложените рамки на Заедничкиот регионален пазар 2 бидејќи се соочува со претстоен избор на нова Влада....
Полскиот премиер Доналд Туск добил закана по атентатот врз Фицо
НоваТВ - пред 22 часа
Полскиот премиер Доналд Туск денеска изјави дека добил закани по животот непосредно по атентатот врз словачкиот премиер Роберт Фиц. Туск на платформата Х напиша дека вчера се случувале многу работи, а неговата објава содржи коментар објавен и на социјалната мрежа во кој се вели дека Словаците им дале пример на Полјаците што да прават со Туск доколку одлучи да не ја реализира инвестицијата на голем аеродром во централниот дел на земјата. Полскиот веб-сајт Wp.pl денеска објави, повикувајќи се на извор од Државната служба за заштита, органот задолжен за заштита на важни личности во Полска, дека заштитата на Туск ќе биде зголемена по атентатот на Фицо, пренесуваат британските медиуми. Врз Фицо вчера беше извршен атентат кога постар човек го застрела пет пати, по што премиерот беше опериран и сега е во стабилна состојба. Атентатот врз Фицо предизвика бран од меѓународни осуди и повици за смирување на политичките тензии во Словачка....
Коалицијата „Европски фронт“ поднесе седум тужби против решенија на ДИК на Парламентарните избори 2024
НоваТВ - пред 22 часа
Управниот суд иформира дека по поднесени седум тужби од Коалицијата „Европски фронт“ на Парламентарните избори 2024 година против решенија на Државната изборна комисија (ДИК) оформени се предмети и ги презема сите процесни дејствија согласно Изборниот Законик. -Со оглед на роковите за постапување и одлучување, Управниот суд итно ги презема сите процесни дејствија согласно Изборниот Законик, се вели во соопштението од Претседателот на Управен суд Бурим Сејдини. Управниот суд денеска одржа јавна седница по тужба на Коалицијата „Вреди“ по одлуката на ДИК за одбивање на нивниот приговор за избирачко место 0511, во Долна Бањица во Општина Гостивар на Парламентарните избори 2024 година. Управниот суд одлучи дека постапката се прекинува, откако претставникот на Коалицијата „Вреди“ изјави дека ја повлекува тужбата во целост. ДИК на 104 седница ги разгледа приговорите поднесени од политичките партии по одржувањето на парламентарните избори на 8 мај. Од вкупно 27 поднесени приговори – девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Против одлуката на ДИК може да се поднесе тужба до Управниот суд, во рок од 24 часа од приемот на решението. Управниот суд, пак, по жалбата е должен да донесе одлука во рок од 48 часа по нејзиниот прием. Според првичните официјални резултати за парламентарите избори што ги објави ДИК, Коалицијата „Твоја Македонија“ предводена од ВМРО-ДПМНЕ има освоено 58 пратенички мандати, по што следуваат Коалицијата „Европски фронт“ предводена од ДУИ со 19 пратенички мандати, Коалицијата за европска иднина предводена од СДСМ со 18, Коалицијата Ввлен со 13, а Движење ЗНАМ за наша Македонија и Левица по шест пратенички мандати....
Објавена книгата „Блаже Конески – македонски тестамент“ на Свето Стаменов
НоваТВ - пред 22 часа
Од печат излезе книгата „Блаже Конески – македонски тестамент“ на политиколог, новинар и публицист Свето Стаменов. Книгата е своевидна збирка на радио-разговори реализирани на брановите на Македонското радио – Радио Скопје во чест на стогодишнината од раѓањето на Блаже Конески – основоположник на современата македонска култура. На 590 страници Б-5 формат објавени се 37 интервјуа со истакнати македонски и странски универзитетски професори, лингвисти, слависти и македонисти – врвни познавачи на животните и творечки врвици на Блаже Конески, од кои 28 беа реализирани во текот на 2021 година – Годината во чест на Конески, во рамките на редовните програми „Актуелно“ и „Радио спектар“ на Македонското радио – Радио Скопје, а девет разговори беа реализирани во годините пред Годината во чест на Конески, односно во периодот од 2017 до 2020 година во авторскиот проект „Quo vadis“ и во програмата „Актуелно“. Во книгата со свои видувања за животните врвици и дело на Блаже Конески се застапени проф. д-р Васил Тоциновски, две интервјуа, проф. д-р Вера Стојчевска Антиќ, четири интервјуа, проф. д-р Искра Пановска Димкова, проф. д-р Лидија Тантуровска, Тони Гламчевски, проф. д-р Атанас Вангелов, проф. д-р Ана Витанова Рингачева, проф. д-р Димитар Пандев, седум интервјуа, академик проф. д-р Влада Урошевиќ, проф. д-р Златко Крамариќ, проф. д-р Весна Мојсова Чепишевска, две интервјуа, проф. д-р Елена Јованова Грујовска, проф. д-р Људмил Спасов, пет интервјуа, проф. д-р Лилјана Макаријоска, проф. д-р Ана Мартиноска, проф. д-р Агим Пољоска, проф. д-р Трајан Гоцевски, проф. д-р Максим Каранфиловски, проф. д-р Милан Јазбец, доц. д-р Бобан Карапејовски, д-р Славчо Ковилоски и Атанас Конески. Покрај тоа, книгата, која излезе со финансиска поддршка на Министерстото за култура, е збогатена и со рецензиите на проф. д-р Васил Тоциновски, проф. д-р Вера Стојчевска Антиќ, проф. д-р Димитар Пандев, проф. д-р Милан Јазбец, Љубен Конески и доц. д-р Бобан Карапејовски. „Блаже Конески – македонски тестамент“, авторот ја посветува во знак на огромна благодарност и вечен спомен на неговата животна сопатничка Искра Чоловиќ, доајен на македонското спикерство, новинар и истакнат македонски публицист, автор и коавтор на 14 книги. Инаку, Свето Стаменов, како свој прилог кон сеопштото одбележување на стогодишнината од раѓањето на Блаже Конески, во 2021 – годината во чест на Конески, заедно со проф. д-р Вера Стојчевска Антиќ ги приреди зборниците на трудови „Навраќање кон Конески“ и „Уште едно навраќање кон Конески“, во кои беа објавени осумдесетина трудови на македонски и странски автори посветени на ликот и делото на великанот Блаже Конески. На стогодишнината од раѓањето на Конески беше посветена и неговата двотомна книга „Јазикот – нашата единствена комплетна татковина“, која содржи 50 интервјуа посветени на македонскиот современ јазик....
Британскиот воен аташе во Москва прогласен за персона нон грата
НоваТВ - пред 23 часа
Британското воено аташе во Москва, Андријан Когил, е прогласен за персона нон грата и мора да ја напушти Русија во рок од една недела, соопшти денеска руското Министерство за надворешни работи. Во соопштението објавено на веб-страницата на Министерството се наведува дека денеска во МНР е поканет претставник на британската Амбасада во Москва на разговор на кој му е упатен остар протест поради „непријателската и неоснована одлука“ донесена од британските власти на 8 мај, кога беше протеран воениот аташе во руската Амбасада во Лондон. „Британскиот дипломат беше информиран дека, како одговор на гореспоменатата одлука, военото аташе во британската Амбасада во Москва, Андријан Когил, е прогласен за „персона нон грата“ и мора да ја напушти територијата на Руската Федерација во рок од една недела. соопшти Министерството, пренесено од руските медиуми. Оттаму нагласуваат дека мерката е реакција на „непријателските антируски“ акции на британската страна и дека реакцијата на Русија нема да биде ограничена само на оваа мерка. Министерството забележува дека ќе го информира Лондон за натамошните руски одговори на протерувањето на руското воено аташе. Британскиот министер за внатрешни работи, Џејмс Клеверли, изјави дека Велика Британија ќе го протера военото аташе на Руската Федерација од британска територија. Клеверли пред британскиот Парламент изјави дека британските власти ќе го отповикаат и статусот на дипломатскиот имот на некои објекти кои и припаѓаат на Русија. Дополнително, Клеверли изјави дека Лондон ќе воведе визни ограничувања за руските дипломати. Клеверли ги објасни овие чекори како наводна борба против руските разузнавачки активности на британска територија....
Две лица тешко ранети, а уште четири полесно во напад со нож во Швајцарија
НоваТВ - пред 1 ден
Две лица се тешко повредени, а уште четири се полесно ранети во напад со нож врз случајни минувачи во северниот швајцарски град Зофинген, на околу 50 километри јужно од Базел и германската граница, соопшти локалната полиција. Нападот се случил вчера околу 17 часот. -Имаме неколку повредени лица, изјави портпаролот на полицијата за ДПА, додавајќи дека тие се пренесени во болница. Полицијата соопшти дека добила повици дека маж нападнал луѓе со нож на локална железничка станица. Напаѓачот потоа избегал во блиската зграда, повредувајќи ги и лицата што ги сретнувал по патот. Полицијата на социјалните мрежи потврди дека насилникот бил уапсен од специјалци откако два часа се криел во зградата. Според локалната полиција, сторителот, за кој се претпоставува дека дејствувал сам, е идентификуван како странец на околу 40 години. Мотивот за нападот се уште е нејасен. Сите шест жртви се во болница со убодни рани. Меѓу повредените има и две учителки од кантоналното училиште во Зофинген и една бремена жена, која се здобила со расекотини на лицето, но нејзиниот живот повеќе не е во животна опасност. Насилникот добил и лекарска помош бидејќи се повредил со нож....
Џафери: Се врши изборен инжинеринг за менување на соодносот на силите во Собранието
НоваТВ - пред 1 ден
Премиерот на техничката Влада Талат Џафери смета дека имало договор за надгласување во Државната изборна комисија за прифаќање на одредени приговори за изборните резултати и прегласување, и оти на ваков начин се прави обид за изборен инжинеринг за менување на бројките во Собранието и изигрување на волјата на граѓаните. Изборниот процес кој беше оценет како кредибилен и демократски, сега е во рацете на Управниот суд, рече Џафери и повика сите институции да постапуваат согласно закон без партиски директиви од која било страна. -Како премиер на Владата на Република Северна Македонија и одговорен за успешноста на изборниот процес на претседателските и парламентарните избори имам добиено извештај од учесниците во изборниот процес за вознемирување во однос на обиди за изборен инжинеринг со вонинституционален меѓупартиски договор за гласање и надгласување во ДИК во врска со симптоматичните приговори поднесени од страна на учесниците на изборите, рече Џафери на денешната прес-конференција во Владата. Според извештаите, додаде тој, овие претензии се изборен инженеринг и имаат за цел менување на соодносот на бројките во Собраието преку политички договор на маса. -Кредибилноста на изборите и на демократскиот процес прифатени и поздравени од сите партии и од меѓународната заедница сега е во рацете на Управниот суд и јас ги поканувам сите институции да постапат согласно закон, без партиски и политички директиви од која било страна и да го штитат кредибилитетот на изборниот процес до крај без да фрлат дамка на волјата на граѓаните изразена на изборите, истакна техничкиот премиер Џафери. Во меѓувреме течат роковите за тужби до Управниот суд за изборните резултати по парламентарните избори по прифаќањето на приговорите од страна на ДИК што го отвори патот за прегласување на шест избирачки места во петатта и на едно избирачко место во шестата изборна единица. Рокот на Управниот суд, во кој треба да одлучи дали се прифаќаат приговорите на ДИК за прегласување во седум избирачки места истeкува утре на полноќ....
„Чет-ГПТ 4о“ со најбрз превод досега
НоваТВ - пред 1 ден
Новата верзија „Чет-ГПТ 4о“ е достапна за јавноста од пред неколку дена, па можеби брзината на преводот „во реално време“ е една од највпечатливите нови одлики, велат познавачите. За споредба, претходната верзија на „Чет-ГПТ“ се заснова само на можност за текст, а новата надградба вклучува интеграција на слики и глас. Имено, сега е можно да се фотографира текстот и „4о“ ќе може да го преведе она што „го гледа“, т.е. го чита од посочената слика, или пак, она што „го слуша“ во реално време меѓу двајца соговорници. Така, ако на пример, говорите македонски, а разговарате со некој кој говори кинески, снимате гласовна порака на македонски што „Чет-ГПТ“ ќе може да ја преведува на кинески, и обратно. А, сѐ ова се одвива за само неколку секунди, и плус целиот разговор добива и пишан облик. Во опциите, може да се избере и „внесување емоции“ во разговорот. Новата верзија на „Чет-ГПТ“ е достапна како десктоп-апликација која се покренува со притискање на едно копче на тастатурата. си/паг/ Фото: Јутјуб...
Построги казни за пиење алкохол на јавно место на Мајорка и Ибица
НоваТВ - пред 1 ден
Туристите во делови на островите Мајорка и Ибица ќе се соочат со високи казни за пиење алкохол на улица, откако властите на Балеарските Острови на Шпанија ги заострија законите, инаку првпат воведени во 2020 година. Покрај забраната за алкохол на улица, новите правила им налагаат непродавање алкохол доцна навечер. Засилени се и контролите на платформите за забави. Имено, туристите може да бидат казнети со 750 – 1.500 евра доколку нивното пиење на јавно место „го нарушува соживотот или мирот“ во животната средина. За посериозен прекршок, има и казни од 1.500 до 3.000 евра. Правилата се применуваат во три одморалишта на Мајорка – Лукмајор, Палма и Калвија, како и Сан Антонио на Ибица. Забраната важи за една морска милја (1,85 км) од брегот за сите овие дестинации, а на бродовите за забава им е забрането да се приближуваат и им е забрането да земаат или оставаат патници во овие области. Исклучок каде што може да се пие на улица се терасите на баровите или рестораните, или другите области каде што тоа е дозволено со закон. Продавниците кои нудат алкохол ќе мора да затворат меѓу 21:30 и 8:00 часот....
Атентатот врз словачкиот премиер е трагична последица на порастот на десничарскиот екстремизам во Европа и предизвикува страв од политичко мотивирано насилство
НоваТВ - пред 1 ден
На 15 мај беше извршен атантат врз словачкиот премиер Роберт Фицо. На местото на злосторството е уапсен напаѓачот Јурај Цинтула. Посегнувањето по животот на словачкиот премиер предизвикува дополнителен страв од политичко мотивирано насилство. Во шокантниот развој на настаните што предизвика бранувања низ Европа, премиерот на Словачка Роберт Фицо беше цел на обид за атентат, чин што не само што ја потресе нацијата, туку и предизвика аларм за состојбата на политичкото насилство на континентот, пишува isidewith.com. Според министерот за внатрешни работи на Словачка, првичната истрага за нападот, во кој премиерот беше застрелан повеќе пати, укажува на „јасна политичка мотивација“ зад обидот за неговиот живот. Ова откритие предизвика интензивни шпекулации и загриженост за потенцијалните импликации за Словачка и нејзиниот политички пејсаж. Инцидентот ја стави Словачка во центарот на поширокиот европски разговор за зголемената поларизација во политиката и ризиците што таа ги носи за демократската стабилност и безбедноста на јавните личности. Премиерот Фицо, познат по своите сојузи со контроверзните личности како што се рускиот Владимир В. Путин и унгарскиот Виктор Орбан, е поларизирачка фигура во словачката политика. Обидот за неговиот живот ја нагласува нестабилната природа на политичката клима не само во Словачка, туку и низ цела Европа, каде што се чини дека поделбите се продлабочуваат. Нападот доаѓа во време кога се вжештува политичката кампања три недели пред изборите ширум Европа за избор на пратеници за Европскиот парламент. Истовремено, се зголемува загриженоста дека популистите и националистите слични на Фицо би можеле да постигнат големи придобивки на овие избори. Најавата на словачкиот министер за внатрешни работи дека истрагата открила политички мотив зад обидот за атентат, додава слој на сложеност на ситуацијата. Тоа сугерира дека нападот не бил само случаен чин на насилство, туку целен напор да се елиминира клучната политичка фигура, потенцијално како средство за дестабилизација на земјата или испраќање порака до нејзините сојузници… Властите на Словачка, која е во шок по обидот за атентат врз премиерот Роберт Фицо, се обединети во осудите за тој чин, денеска повикаа да се прекине говорот на омраза. Полицијата соопшти дека сега е последен момент да престанат да се разгоруваат страстите, и итно да се стави крај на говорот на омраза и растечките тензии и поларизација и да се врати Словачка во кругот на цивилизираните земји каде не се пука кон премиерот или политички неистомисленици. Тие побараа медиумите и социјалните мрежи да ја исклучат опцијата за коментирање на веста за атентатот на словачкиот премиер, кој по петчасовна операција синоќа во Банска Бистрица во централна Словачка е во стабилна состојба, но според лекарите, тој се уште е во многу тешка состојба. „Одговорот на омразата не може да биде омраза. Ве молам сите да престанете со нападите и изразите на омраза насочени кон овој или оној политички блок. Од она што се случи и многумина од вас го посеаја, денес се роди бура. И стоиме овде на прагот на граѓанска војна“, апелираше словачкиот министер за внатрешни работи, Матуш Шутај Ешток. Веднаш по атентатот, словачката опозиција го откажа најавениот протест против измените на законот за медиуми, со кои власта по примерот на Унгарија на Виктор Орбан или до неодамна Полска за време на владеењето на правото и правдата на Јарослав Качински, ќе ја преземе контролата врз јавниот ТВ и радио сервисСпоред полицијата, нападот на 71-годишниот Јурај Цинтула врз премиерот Роберт Фицо кога тој отишол да се поздрави со приврзаниците и граѓаните по владината седница во Хандлова бил политички мотивиран. Иако најблиските соработници на премиерот, како неговата „десна рака“ вицепремиер и министер за одбрана Роберт Калињак, повикуваат на воздржаност и итен прекин на говорот на омраза и нападите врз политичарите од власта и опозицијата и заканувачки пораки до медиумите, потпретседателот од словачкиот парламент од партијата СМЕР на Фиц, Лубош Блаха, веднаш ја обвини опозицијата и независните медиуми. „Сите не претворивте во мети, со години ширевте страшна омраза. Толку не мразевте затоа што народот не избра што ни организиравте лов како дивеч. Поради вас премиерот се бори за живот“ им рече тој на опозициските пратеници. Лидерот на коалициониот партнер во владата, радикалната националистичка Словачка народна партија, Андреј Данко, за се ги обвини „либералните медиуми“, кои ги нарече „одвратни свињи“. Невладините организации и претставниците на граѓанското општество подготвија петиција со цврста осуда на атентатот, повикувајќи ги сите без разлика да престанат да придонесуваат за натамошното ширење на омраза и тензии во општеството. „Обвинувајќи ја опозицијата, идеолошките и политичките неистомисленици, медиумите или невладиниот сектор започнува спирала на страв, омраза и дополнително насилство“, се вели во петицијата, која досега има 1. 900 потписи. „Не знам дали Словачка се смени, но ние не сакаме ваква Словачка. Да ја запреме. Да се погледнеме во огледало и да си кажеме што е навистина важно“, апелираше вицепремиерот Калињак. Самиот премиер Фицо пред еден месец предупреди дека ваквото вербално насилство и говор на омраза упатени кон словачките службеници кога ги навредуваат на улица и им се закануваат на социјалните мрежи може да завршат со убиство на еден од водечките политичари. „Не претерувам ни милиметар“, изјави тогаш Фицо. На закани и говор на омраза беше изложена и претседателката на Словачка во заминување Зузана Чапутова, која е блиска до проевропската либерална опозиција, која одби да се кандидира за реизбор на неодамнешните претседателски избори токму за да не го разоткрие своето семејство и самата на „лов на вештерки“ во следните неколку години. „Страшно е и заслужува осуда ова што се случи, неколку месеци мораа да ме возат со блиндирано возило“, изјави поранешната премиерка Ивета Радичова од актуелната опозиција. Радичова, која е социолог, потсети дека словачкото општество го потресе нарачаното убиство на младиот истражувачки новинар кој пред неколку години ги разоткри врските на италијанската мафија, словачките тајкуни и тогашната влада на Фицо, Јан Куцијак и неговата свршеница. Поради убиството на Куцијак, во Словачка избија големи протести и премиерот Фицо потоа беше принуден да поднесе оставка, а на вонредните парламентарни избори минатата есен се врати на власт. „Убиството на Куцијак мобилизираше протести и страшно го потресе општеството. Поларизацијата се зајакна и за време на владата на Матович и истрагата за корупција на највисоко политичко ниво (тогашната влада на Фиц). По три години хаос кога се наредени четворица премиери, дојде тим што почна да презема чекори кон ползечката автократија“, изјави Радичова за Чешкото радио. Поранешниот словачки премиер предупреди дека и власта и опозицијата се виновни за ескалацијата на тензиите и омразата во општеството. „Бунтовите на обичните луѓе што ги поттикнуваат политичарите веќе не се во рацете на политичарите“, рече Радичова. Додека светските медиуми го потенцираат факторот на проруските изјави на премиерот Фицо и политичарите од владејачката коалиција и наведуваат дека тој ја прекинал помошта во оружје за Украина, самата Словачка и првиот сосед на Чешка, каде ситуацијата во Словачка е добро позната, поголемо значење се придава на обидите за промена на законите во судството за да се отежне истрагата за корупцијата и поврзаноста на политичарите со мафијата, како и напорот медиумите да се стават под контрола на властите, следејќи го унгарскиот и до неодамна полскиот модел. Кога станува збор за позицијата на Словачка по победата на партијата СМЕР на премиерот Роберт Фицо и неговите проруски изјави, поранешниот чешки претседател и пријател на Фицо, Милош Земан, рече дека за него е клучно Фицо да повтори дека ја поддржува Украина во рамките на нејзините меѓународно признати граничи и испраќа хуманитарна и финансиска помош и истиот став дека на Украина мора да и се помогне се залага во Европската унија и не става вето или ја поткопува помошта за Украина, дури и во оружје. Украина остро го осудува чинот на насилство врз лидерот на соседна држава партнер, се вели во анализата на украинскиот Центар за стратешки комуникации и информациска безбедност што ја објави Укринформ. Украина се солидаризира со народот на Словачка и на Роберт Фицо му посакува брзо закрепнување од повредата и враќање на должностите како шеф на владата. Јавниот политички став на словачкиот премиер во однос на руско-украинската војна не е причина да се оправда злосторството на фанатичниот терорист. Словачка е демократска земја во која функционираат правните механизми за ротација на власта преку избори. И затоа теророт не може да биде начин да се донесат политички промени, се вели во понатамошниот текст од анализата. Тие ги повикаа пропагандните гласноговорници на Кремљ да престанат со цинични шпекулации за трагедии, како и повторените обиди да се поврзе Украина со сите светски проблеми. Атентатот на Фицо, најсериозниот обид за напад на шеф на европска влада откако српскиот премиер Зоран Ѓинѓиќ беше убиен во 2003 година, поттикна стравувања дека сé пополаризираните и поотровни политички дебати во Европа се претворија во насилство. Овој обид за атентат е трагична последица на опасниот пораст на десничарскиот екстремизам кој го загрозува ткивото на нашите демократски општества. Јасно е дека обидот за атентат врз премиерот Фицо е длабоко загрижувачки знак за тоа колку далеку се подготвени да одат непријателите на стабилноста на демократските општества во Европа. Овој чин на насилство врз демократски избран лидер е неприфатлив и ја покажува потребата од посилен, поцентрализиран пристап кон националната безбедност за заштита на нашите лидери и интегритетот на нашиот демократски политички системи. Времето за попустливост заврши, прогресивните сили мора да се обединат зад демократски избраните влади и да преземат решителни акции против оние кои се обидуваат да ја поткопаат демократијата преку такви кукавички чинови. Драган Мишев / Цивил Медиа...
Партиски порази за државни победи!
НоваТВ - пред 1 ден
Дали СДСМ ги изгуби изборите поради нереформирањето на системот и невоспоставувањето на правна држава или поради етничкиот фактор? Колку ja чинеа, во смисла на партиски рејтинг, чекорите кои државата ја водеа напред и ги подобрија меѓуетничките односи? Како се одразија крупните чекори кои го подобруваа статусот на Албанците врз рејтингот на СДСМ? СЕФЕР ТАХИРИ ЦИВИЛ МЕДИА По длабокиот пораз на СДСМ и нејзините сателити од коалицијата, кои повеќе ѝ правеа штета отколку што ѝ помагаа, гледам и се чудам како одеднаш излегоа „паметњаковци“ кои солат памет како требало да биде, кои се грешките или, пак, која стратегија требало да се следи за да се дојде до подобар резултат! И очекувано, типично балкански, дел од нив, кои дојдоа на високи позиции, членови на управни одбори, добија хонорари за „советодавни услуги“ – молчат! Веројатно очекуваат ангажмани од новата власт! „Мало сутра“ би рекол Заев! И пред изборните резултати, сум истакнувал дека фактот што главната парола или слоган со кој СДСМ дојде на власт „Нема правда, нема мир“ останува „мртво слово“ на хартија ќе ѝ се одмаздува од искрените гласачи. И тоа се случи! Мир има, правда нула. Проектот на „Шарената револуција“ беше детронизиран одвнатре во системот и тоа значеше губење на надежта за подобро утре, за посветла иднина, за правна и демократска држава. Критиките околу оваа тема држат, без разлика од кого доаѓаат. Сегашната власт вешто и максимално поентираше на делот на невоспоставување на правниот поредок, кој ќе работеше поефикасно и по принципот на казнивост на тешките кривични дела, а не на неказнивост како што се случи. За жал! Но треба да се земат предвид и неколку историски факти, кои на „државотворната“ партија ѝ донесоа историски изборен пораз. Во 1993 година, социјалдемократите и Глигоров го прифатија договорот за привремената референца ПЈРМ – Поранешна Југословенска Република Македонија. Во 2001 година, по конфликтот, во македонскиот политички блок беше партијата која се залагаше за мировниот процес и една од главните придонесувачи за постигнување на Охридскиот договор. Етнонационалистите ја прогласуваа за партија која е попустлива кон Албанците, а екстремистите за предавничка. Истиот наратив се употреби и во 2004 година, кога се случи официјализирањето на Тетовскиот универзитет кој, патем, поранешни челници на оваа партија го нарекува „мртвородено бебе“. Истата година, партијата под водство на Владо Бучковски свесно и жртвувајќи го рејтингот на партијата, го спроведуваа проектот за новата територијална организација, со која Струга и Кичево станаа албански општини. По враќањето на власт во 2017 година, за прв пат во историјата беше избран пратеник Албанец за претседател на Собранието, а беше изгласан Закон за употреба на јазиците. Освен него, Заев се обиде да го операционализира концептот „Едно општество за сите“. Не само вмровците, туку и дел од „интелектуалната елита“ (етноцентричната) веќе наголемо ја прогласуваа за предавничка партија. Себеси се прогласија за патриоти! Под ваков политичко пропагандистички оркестриран притисок, проследен со медиумски патриотски коментари и анализи, но и интелектуални мудрувања, се потпиша Договорот со Грција. Северна Македонија е новото име, а противниците сè уште не можат да се помират со тој факт. Исто е и со договорот за добрососедски односи со Бугарија и прифаќањето на „францускиот предлог“. Храбри чекори за општеството, кои ја ставаа во поразителна позиција. Капак беше почетокот на изградбата на Коридорот 8 и избирањето на Талат Џафери за премиер Албанец! После ова, некритичката и популистичка јавност извика хорски: „Албанците ни ја зедоа државата!“ И така, ден по ден, државата имаше порелаксирани интеретнички односи, се стабилизираше внатре, се зголемуваа шансите за нејзина интеграција во ЕУ, а се намалуваше рејтингот на СДСМ. Ова не значи дека во иднина, оваа партија не треба да преземе крупни чекори за развојот на државата. Добрите македонско-албански односи се темелот на државата! Проф. д-р Сефер Тахири е универзитетски професор. Специјално за ЦИВИЛ МЕДИА. Текстот е личен став на Авторот....
Ѓузелов: Давкова го фати курсот што отвора стари рани во македонското општество
НоваТВ - пред 1 ден
Политикологот Борјан Ѓузелов во интервју за Слободен печат зборуваше за заклетвата на новиот претседател на државата, Гордана Сиљановска Давкова и неупотребата на уставното име на државата. „Пред да ја даде заклетвата имаше дилеми кој курс ќе го фати Сиљановска Давкова и очигледно го фати курсот што отвора стари рани и не само за домашната употреба, сега се отвора и една друга пандорина кутија на внатрешна поларизација односно кој е за кој е против за користење или некористење на уставното име, кој е патриот а кој предавник и мене ме плаши да не се вратиме на тие поделби“ вели тој. Ѓузелов рече дека иако пораките на ВМРО-ДПМНЕ и на Давкова во кампањата звучеле сплотувачки, сепак уште на почетокот на мандатот од таа партија излегуваат некакви тоскични елементи, „Иако пораките и на Христијан Мицкоски и на Давкова пред изборите беа прилично сплотувачки, дека ВМРО-ДПМНЕ ја научило лекцијата од претходно, дека нема да пушта такви токсични елементи во јавноста како што беа случаите во времето на Груевски, сега се става знак прашање и на тоа. Барем Сиљановска да не кажеше никогаш нема да изговорам Северна тоа е екстремен став и зошто тогаш сте кандидат да бидете носител на јавна функција на државата со тоа име“ порача Ѓузелов....
Црната боја – признак за привлечност, интелигенција, самодоверба, црвената асоцира на ароганција
НоваТВ - пред 1 ден
Моќта на бојата на облеката што се носи е потврдена со истражување коешто открива дека човек е вообичаено „најпривлечен“ за другите, но им изгледа и „најпаметно“ и „најсамоуверено“ во црна облека. Обемното истражување на британската интернет-продавница „Бајшртсонлајн“ (Вuytshirtsonline) во коешто учествувале повеќе од 1.000 испитаници, во таа смисла, посочува оти црната боја е на место бр. 1… Поточно, луѓето кои носат црна облека – и жени и мажи, другите ги гледаат како најпривлечни, најинтелигентни и со најголема самоувереност. Во категоријата за самодоверба, црвената боја е на второ место, а на прво место во разредот ароганција. Црвената е место бр. 2 и во категоријата за привлечност, па и тука е веднаш зад црното, а трета е сината боја. Само 12 отсто од испитаниците го поврзуваат црвената облека со интелектот. Луѓето кои носат жолта, портокалова и розова облека, испитаниците ги сметаат за најмалку интелигентни. Луѓето кои носат кафена облека се сметаат за најмалку привлечни....
Внимание: За некои матуранти матурските прослави се луксуз, за други потреба
НоваТВ - пред 1 ден
По повод матурските прослави, но и по матурски испити и матурски концерти, екипата на „Внимание“ ги прашува матурантите – дали матурските прослави денес се потреба или луксуз? Матурантите имаат поделени мислења, исто како и во однос на прашањето дали треба да се полага државна матура. Некои сметаат дека матурските прослави се луксуз, други потреба. Некои сметаат дека државната матура не треба да се полага („искрено ќе кажам „не“, бидејќи е голем стрес – вели една матурантка“), други дека е неопходна („реалноста е дека оценките се ставаат со врски, а не со знаење“ – како што вели друг матурант). Според повеќето испитаници субвенции за матуранти и полуматуранти се добра идеја. Најтешко прашање за матурантите беше – Како вие би ги мотивирале другите матуранти да останат да студираат или да работат во Македонија? Неколку матуранти воопшто не беа ниту мотивирани, ниту пак мотиватори за студирање или работа во Македонија: „Би ги мотивирал да си одат, на пример, начинот на живот тука е многу подобар, ама парите што се прават во странство се неспоредливи“; „Да најдат работа тоа што им се свиѓа, да дадат се од себе да може да се опстане овде, да се работи со добра плата и овде“, велат матурантите. Анкетата „Внимание, внимание – зборуваат граѓаните“, се емитува на каналите на „Трн“ (на Фејсбук, YouTube, и на Инстаграм) и нејзината цел е да се чуе гласот на граѓаните, посебно на младите. Гласот на граѓаните нѝ го претставува артистот Дениз Абдула, а продукцијата е на „Трн.мк“...
Првиот парламентарец дел од барањата, кои министерства се на „радарот“ на ВЛЕН?
НоваТВ - пред 1 ден
Претстојната влада на Христијан Мицкоски најверојатно ќе ја има албанската опозициска партија ВЛЕН за свој најголем коалициски партнер, но отворена е можноста и другите опозициски партии кои добија пратенички мандати на изборите на 8 мај да станат дел од неа. Христијан Мицкоски изјави дека очекува конституирањето на новиот парламентарен состав да се случи до 28 мај и потоа да го добие мандатот за формирање на новата влада. Работните групи на ВМРО-ДПМНЕ и коалицијата „ВЛЕН“ веќе започнаа консултации за формирање на новата влада. Утврдена е динамиката и методологијата на работата и се разговара за усогласување на програмата на идната влада. Тимот на ВМРО-ДПМНЕ е на ниво на потпретседатели, односно преговорите ќе ги водат Александар Николовски, Владо Мисајловски, Гордана Димитриевска Кочовска и Тимчо Муцунски. Додека тимот на албанската опозициска коалиција ВЛЕН ја сочинуваат Азир Алиу (Алијанса за Албанците), Висар Ганиу (Демократско движење), Аднан Азизи (Движење БЕСА) и Башким Муртези (Алтернатива). Владин колач Иако нивото на разговори сè уште не е достигнато до кадровски прашања и поделба на министерствата, од Коалицијата ВЛЕН велат дека целта не им е бројот на министерствата, туку реализација на сите програмски проекции низ сите министерства. – Не знам, може да се случи да има едно или две министерства помалку од претходниот состав, но ќе повторам дека целта е да се реализираат сите цели и програми поврзани со тие министерства, изјави Валбон Лимани од коалицијата ВЛЕН. Тој вели дека на преговарачката маса е и една од трите главни позиции во државата – онаа на претседателот на Собранието. Во партиски кулоари се зборува дека ВЛЕН, покрај позицијата претседател на Собранието, ги таргетира и Министерството за образование, економија, култура, правда, без да ги исклучи Министерството за внатрешни работи и Министерството за политички Систем и односи меѓу заедниците за кои се шпекулира дека ќе ги води претседателот на Демократското движење, Изет Меџити. Ако ВЛЕН влезе во Влада, ќе се изгуби ли смислата на учеството на избори на Албанците? Од друга страна, Блерим Беџети, висок функционер на ДУИ и претставник на Европскиот фронт, изјави дека доколку ВЛЕН стане дел од новата влада, тогаш смислата на изборите ќе се изгуби за Албанците. – Има барања од различни интелектуалци и граѓани кои изразија загриженост дека учеството на избори ја губи смислата, нормално дека ние ги претставуваме Албанците, рече Беџети. Прашањата за кои прво се разговара на преговарачката маса меѓу ВМРО ДПМНЕ и ВЛЕН се евроинтеграции, владеењето на правото, борбата против корупцијата и здравството. Преговорите меѓу партиите почнаа минатата недела, со средба меѓу лидерите на ВЛЕН и лидерот на ВМРО-ДПМНЕ. По средбата кусо изјавија дека преговорите одат во добра насока. Но, претседателот на ВМРО-ДПМНЕ, Христијан Мицкоски, претходно изјави дека првично има намера да обезбеди мнозинство од 61 пратеник, алудирајќи на стекнување на пратеници од други партии. Потоа рече дека верува оти до крајот на јуни ќе биде формирана новата влада. Мицкоски не ја отфрли можноста на преговори да ја покани и партијата на Максим Димитриевски „ЗНАМ“. Дестан Јонузи / Фронтлајн...
Миро Масин: „Подобро на гранка отколку заглавен во лифт“
НоваТВ - пред 1 ден
Нов предизвик, нова тура, нова авантура“ – философијата на Миро Масин Александра Тодоровиќ Во современата македонска уметност Миро Масин блеска како една од најплодните и највлијателни фигури. Со својата непосредност и урбан карактер тој нè удостои со посетата во неговото атеље каде што разговаравме за неговата нова изложба која обележува 40 години од неговото творештво. Насловот на изложбата, „Подобро на гранка отколку заглавен во лифт“, алудира на неговата филозофија за животот – дека е потребно да се одвоиме од шаблоните на секојдневните обврски и рутини за да ја почувствуваме вистинската убавина и естетика околу нас. Масин не може да издвои конкретни моменти од својот живот, бидејќи, како што вели тој, секоја приказна и секоја тура е нова авантура за него, која остава трага што ја пренесува во своите слики. Неговото непоколебливо посветување на уметноста го одржува на врвот на ликовната сцена, со бројни изложби реализирани ширум светот. Клучот за неговиот успех, вели тој, е во едноставната формула на Енгелс – „Работа, работа и само работа“. Вчера, Даут Пашин Амам беше претесен да ги собере сите посетители кои сакаа да му оддадат почит на Миро Масин и да ги видат неговите дела при отворањето на неговата изложба. Ова е доказ дека овој уметник остава силен впечаток и широка почит меѓу луѓето, кои секогаш ја ценат неговата позитивна енергија и топли зборови. Трн: Која е приказната зад насловот на изложбата „Подобро на гранка, отколку заглавен во лифт“ ? Миро: Тоа ми е мото одамна одамна, и претходните каталози биле така насловени. Поентата е што повеќе да се анулира од секојдневните ситуации, политичко – фудбалски, да бидеме повеќе релаксирани и да уживаме во животот. Трн: Пред неколку дена изјави: „Јас уште не се нарекувам уметник, треба да помине барем век, два, за историјата да проџвака да се види дали сум уметник“, до кога мислиш дека ќе трае овој процес за валоризирање на уметниците и колку тој влијае на уметниците? Миро: Барем еден век два треба да помине за да се валоризира нечие творештво.Тоа е процес. Колку и да делува несериозно било која уметност, било која работа, тоа е во суштина сериозна работа, сепак тоа историјата треба да го џвака тоа, делува многу необавезно, неформално, лесно, а е вистинска работа која бара време, труд и посветеност. Трн: Што е она што ти недостасуваше додека беше млад уметник ? Миро: Како млад уметник јас бев од оние кои сакаат да се едуцираат значи, имавме на Академија две струи, едни што беа многу модерни тогаш почнаа перформанси во Македонија и Скопје, јас бев од оние што сакаат прво класичното да го осознаат па потоа влегов во зоолошка и перформансот. Претходно се што беше поимано како несериозно сега се вика перформанс. Ги научив прво класичните сликарски техники и потоа и се останато, мада јас кога влегов во зоолошка тоа се уште не се нарекуваше перформанс, леле види го овој што прави, па полу човек, полу мајмун. Трн: Под чие влијание беше најмногу за време на твоето 40 годишно творештво? Миро:Во почетокот бев кога се запишав на Факултетот за ликовни уметности, односно пред да се запишам мислев дека постои само Салвадор Дали и јас, немав поим од уметност тогаш. Потоа ги осознав сите други стотици стотици генијалци и од локално и од светско ниво. Влијаеја потоа кај мене професорите, прво Перчинков, па Кондовски, па Анастасов. Сите тие влијаеле кај мене а потоа и пошироко и светските уметници. Трн: Кои моменти од твојот живот се клучни што те оформиле во ова што го претставуваш денес ? Миро: Едно од најголемите влијанија е Драги Филевски и секако се што се случува околу мене, околу нас влијае и сакал јас или нејќел остава некој траг. Прво гледаш со очи, па го преработува мозокот, па оди до срцето и излегува кај мене преку рацете на платно, слика. Тоа е процес, тие четири филтри, очи,мозок, срце и раце. Трн: Кога беше најсреќен? Миро: Денес! Последното искуство секогаш ми е најубавото искуство. И мислам дека има прогрес. Секогаш се наоѓа некој да те спаси од она претходно, има градација, ако плачеш за она што било порано, ништо не правиш, мораш да одиш напред и да извадиш од секоја приказна нешто добро и убаво. Трн: Од каде ги носиш најдобрите искуства? Миро: Исто важи и тука, секое наредно е секогаш подобро. Секоја тура е нова авантура. Обично околу мене секогаш има прекрасни луѓе, прекрасни искуства и прекрасни места. А од уметниците ако морам да одберам еден, тоа е Рембрант! Трн: Што те туркало напред? Миро: Работа, работа и само работа. Линк Трн: Дали кај сметаш дека недостасува ликовна критика? Миро: Тоа постои од моја генерација, значи, јас кога бев млад имаше ликовна критика, па имаше по весници. Сега ретко кој може да напише критика, критика остана само за театарската уметност, се уште, јас не следам повеќе, ама ликовна критика одамна нема, само најава, објава и тоа е тоа. Трн: Се живее ли од уметност? Миро: Да, се живее! Во почетокот е малку тешко, немам ни ден работен стаж, ама еве сум жив и здрав. И треба и жртви, кога немаш да издржиш, да стегнеш заби. И треба по некоја жртва, дали семејна, дали другарска, дали лична. Линк...
Темпото на руските офанзивни операции во северната Харкивската област продолжува да се намалува, одбиени 30 руски напади во јужниот одбрамбен сектор
НоваТВ - пред 1 ден
Руските сили напреднаа не повеќе од осум километри од меѓународната граница во северниот регион Харков и се чини дека во моментов имаат приоритет на создавање „тампон зона“, соопшти Институтот за проучување на војната (ISW) во својот последен извештај. Експертите забележуваат дека темпото на руските офанзивни операции во северниот дел на Харкивската област продолжува да се намалува откако руските сили првично ги зазедоа областите за кои украинските власти сега потврдија дека се помалку одбранети. Украинскиот претседател Володимир Зеленски и украинските воени претставници изјавија дека украинските сили делумно ја стабилизирале ситуацијата во северниот регион Харкив, кој се граничи со Русија. Портпаролот на украинската група на силите Хортица, потполковник Назар Волошин, изјави дека руските сили се обидуваат да постигнат тактички придобивки во близина на Лукјанци и Вовчанск за да создадат упоришта за иден напредок, но дека украинските контранапади и артилериски и беспилотни летала ги спречуваат руските сили да се зацврстат во овие области. Претставници на администрацијата на регионот Харкив на 15 мај изјавија дека постојаното руско гранатирање им оневозможува на украинските сили да воспостават утврдувања на три до пет километри од меѓународната граница во регионот Харкив и дека украинските сили ги изградиле првата и втората линија на одбрана на околу 12 до 13 километри. и 20 километри од меѓународната граница, соодветно. Според оценката на ISW руските сили напреднале не повеќе од осум километри од меѓународната граница во северниот регион Харкив. „Руските сили беа во можност да направат тактички напредок во северниот дел на Харкивската област од 10 мај во области каде што украинските сили намерно не воспоставија значителни одбранбени линии и во моментов се чини дека имаат приоритет на создавање „тампон зона“ наместо длабока пенетрација во Харкивската област. “, се вели во извештајот. Дополнително, ISW забележа дека руските сили кои дејствуваат од Русија лесно можат да извршат артилериски напади против украинските одбранбени позиции блиску до меѓународната граница, а забраните од Запад за употреба на системи за оружје обезбедени од Запад за напади врз задните руски области преку границата ги прават потенцијалните фиксни украински одбранбени позиции блиску до меѓународната граница „ранлив и можеби неодбранлив“. Како што беше соопштено предходно вечерта на 15 мај, претседателот Володимир Зеленски изјави дека украинските одбранбени сили успеале делумно да ја стабилизираат ситуацијата во пограничните области на регионот Харков. Во оперативната зона на Јужните одбранбени сили, украинските бранители вчера одбија седум непријателски напади на левиот брег на реката Днипро и 23 напади во секторот Орихив, објавија јужните одбранбени сили на Украина на Телеграм, според Укринформ. „Во секторот Орихив, окупаторите извршија 23 напади, од кои 19 во областа Старомаиорске и 4 во областа Роботин“, се вели во соопштението. На левиот брег на реката Днипро во привремено окупираниот дел од регионот Херсон, непријателот изврши седум неуспешни напади, претрпе загуби и се повлече на своите почетни позиции. Во текот на изминатиот ден, 76 непријателски извидувачки беспилотни летала беа забележани како прелетуваат над оперативното подрачје. Како што објави Укринформ, интензитетот на непријателствата во секторот Харкив се зголеми, при што украинските бранители одбија десет непријателски напади во околината на Слобожанске, Вовчанск, Старица и Липци. За жестоките битки во Донецката и Харкивската област на својот профил на Х објави украинската амбасадорка во земјава, Лариса Дир: “813. Донецката и Харкивската област – жестоки битки со окупационите сили на државата-терорист рф. рф жестоко ги напаѓа населените места, пали се што ќе ѝ се најде на патот. За заштита на цивилното население во Харкивската област, на Украина ѝ се потребни 2 системи Patriot!”. Драган Мишев / Цивил Медиа...
До Управниот суд стасана една тужба од ВЛЕН, тужби има и ДУИ за сите седум избирачки места каде е поништено гласањето
НоваТВ - пред 1 ден
До Управниот суд до денеска до 11 часот е пристигната една тужба против одлуката на Државната изборна комисија од Коалицијата Влен за Парламентарните избори 2024. Тужбата, според информации на МИА, се однесува на одлуката на ДИК за гласањето во долна Бањица, гостиварско. Претпладнево тужба против одлуката на ДИК ќе биде упатена до Управниот суд и од ДУИ за сите седум места каде што е поништено гласањето. На веб – страната на Управниот суд е објавено дека ја известува јавноста дека синоќа во 22:33 часот, по поднесена тужба од Коалиција Влен на Парламентарните избори 2024 против Одлука на Државна Изборна Комисија УП1 бр.10-14 од 14.05.2024 година, оформен е предмет УРП.бр.86/2024. По поднесената тужба, Управниот суд ги презема сите процесни дејствија согласно роковите определени во Изборниот законик. Крајниот рок за овој предмет истекува на полноќ. Државната изборна комисија ќе ги чека решенијата на Управниот суд, но исто така утре ќе треба да почне да се подготвува за прегласувањето што треба да се одржи во среда на 22 мај. До ДИК беа поднесени 27 жалби за гласањето на парламентарните избори, но дел од нив беа групни. Оттаму посочуваат дека тие внимателно ги разгледувале сите приговори, а усвоиле само седум односно таму каде што има основи и каде што е евидентно дека податоците во доверливиот материјал не се согласуваат со податоците од записникот, а тоа е во избирачките места Желино, Струга, Охрид и по две во Доленени и Крушево. Членовите на ДИК за еден од приговорите одлуката ја донесоа едногласно, додека за сите останати имаше шест гласа „за“, а еден „против“. Во однос на изјавата на министерот за надворешни работи Бујар Османи, кој беше претседателски кандидат на ДУИ и портпарол на партијата, од ДИК посочуваат дека не сакаат да коментираат политички изјави, но велат дека таа е неоснована. Откако беше поништено гласањето во шест избирачки места во ИЕ5 и едно во ИЕ 6 и стана јасно дека се загрозени два мандати на ДУИ, Османи на средба со неколку амбасадори вчера реагираше на работата на Државната изборна комисија....
ВЧЕРА СОНЦЕТО ЗАЈДЕ! ЌЕ ВИДИМЕ КОГА ЌЕ ЗАЗОРИ!
НоваТВ - пред 1 ден
На последниве избори не е поразен СДСМ туку поразена е иднината на РСМ, про НАТО и про ЕУ програмата на СДСМ и неговите коалициони партнети и ние кои ги подржувавме како граѓани ТИТО БЕЛИЧАНЕЦ Вчера носителот на државотворниот развој на македонската држава СДСМ со коалиционите партнери доживеа огромен изборен пораз. Но не паѓајте во депресија, бидејќи, не е поразена социјалдемократската идеа и идеологија и оние кои во неа веруваме. Депримирани се „прелетувачите” и оние членови кои членуваат во или гласаат за СДСМ заради остварување на вработуваее, кариера или остварување на некое свое лично право. Мнозинството граѓани кои излегоа на избори и гласаа за ВМРО ДПМНЕ поверуваа на неговата популистичка пропаганда дека државотворните одлуки кои ги избори СДСМ за влез на земјата во НАТО и почеток на преговорите за влез во ЕУ со признат македонски јазик се национално предавство. Дополнително граѓаните не го вреднуваа одработеното на СДСМ во услови на ВМРООНСКА постгруевска партиска држава, наследена од 11 со наследен ВМРООНСКИ криминал, последиците од светската ковид здравствена криза, како и од негативните последици од светската енергетска и воена Украинска криза. Додатно со коалиционен партнер учесник во груевистичкото вадеење и кој заради бројот на пратениците беше во позиција да уценува. Додатно на сите овие непогодности Владата на СДСМ работеше во услови на седумгодишна силна блокада на Собранието при усвојувањето на преку 300 законски проекти чие неусвојување ја попречија или успорија борбата против криминалот и побрзиот економски развој. Во овие услови не ги исклучувам и бројните погрешни одлуки и пропусти во работата на Владата. На последниве избори не е поразен СДСМ туку поразена е иднината на РСМ, про НАТО и про ЕУ програмата на СДСМ и неговите коалициони партнети и ние кои ги подржувавме како граѓани. Но СДСМ како опозициона партија не тргнува од „О”, туку цврсто потпирена на државотворен капитал кој што го вграден во темелите на македонската држава како членка во НАТО и ЕУ. ВМРО ДПМНЕ како иден апсолутен носител на извршната власта има обврска на граѓаните да им ја понуди својата „патриотска” опција или модофицирано да ја надгадува остватената: членство во НАТО и продолжување на членството во ЕУ. Набргу ќе ја видиме определбата! Под силна опсервација се на ЕУ, САД и НАТО! Но ВМРО ДПМНЕ е пред обврската да ги оствари нереалните популистички ветувања за повисоки плати и пензии и т.н. подобар живот. Не помалку значајно е ветувањето за борба против криминалот. Убеден сум дека тоа ќе биде секојдневна политичка мора на ВМРО ДПМНЕ. Во рамките на лимитираните економски можности да го оствари не можното! Лично јас ќе набљудивам и коментирам. Позитивното и оствареното ќе ги пофалам негативното, криминалот а посебно обидот да се отргне Македонија од НАТО и да се попречи продолжувањето на преговорите за влез во ЕУ ќе го осудувам. Линк...
ОЈО Скопје прибавува и анализира докази за Палчо, истрагата за останатите петмина осомничени во завршна фаза
НоваТВ - пред 1 ден
Обвинителството презема истражни дејствија на прибавување и анализа на докази за првоосомничениот за убиството на Вања Ѓорчевска и Панче Жежовски, Љупчо Палевски Палчо, кој вчера беше екстрадиран од Турција. Како што соопштија од ОЈО Скопје, за петмината други осомничени во оваа постапка, истрагата е во завршна фаза. – За петмина осомничени, од кои тројца соизвршители во тешките кривични дела – две грабнувања и две убиства на свиреп начин, еден осомничен за помагање при грабнувањето на малолетно лице и еден осомничен за помагање по извршеното кривично дело, истрагата е во завршна фаза, стои во соопштението од Обвинителство. Оттаму дополнуваат дека продолжуваат да преземаат истражни дејствија во предметот. Палевски, кој минатата година на 6 декември беше уапсен во Баликесир, Турција, синоќа со конвој од пет возила на Интерпол беше спроведен во Истражниот затвор Шутка. Во затворот тој е под специјален безбедносен режим, без контакт со други притвореници. Тој е осомничен за убиство на малолетната Вања и велешанецот Панче, кои беа пријавени за исчезнати на 27 и 24 ноември 2023, а пронајдени мртви во близина на Велес и на Скопје на 3 декември. За соучество за убиството се товарат и Велибор Манев, Влатко Кешишов и Боре Видевски кои се во притвор во Скопје. Во домашен притвор од неодамна е и таткото на Вања, Александар Ѓорчевски, кој се сомничи дека помагал во грабнувањето. Со мерки на претпазливост за овој случај е и Стефан Димовски, возачот на Палчо, кој е осомничен за помагање при бегството....
„Полските Малдиви“ и езерата со тиркизна вода
НоваТВ - пред 1 ден
Љубителите на туризмот кои ја посетиле Полска сѐ почесто ги препорачуваат „Полските Малдиви“… Се работи за природниот парк „Гродек“ на југот од земјата, со две езера полни со вода во тиркизна боја, и дрвен мост – поради сѐ тоа, местото изгледа како тропски рај. Паркот се наоѓа близу градот Јавожно и во близина на Катовице, недалеку од јужната граница со Чешка и Словачка. Тука некогаш се наоѓал каменолом, а токму на тоа и двете тиркизни езера ја должат својата, според многумина – неодолива боја. Каменоломот работел повеќе од сто години, а бил затворен во 1990-тите. И покрај неговото постиндустриско потекло, паркот е богат со различни животински видови, ливади, мочуришта, шуми, а пејзажот можe да се следи од неколку патеки-шеталишта. Тиркизните езера коишто некогаш биле резервоари за вода за потребите на каменоломот, се нарекуваат Видра и Орка. Тие се главен хит меѓу посетителите. Езерото Видра, со своето „дрвено“ шеталиште е веројатно најфотографираниот дел од паркот… Барем во потоплите делови од годината, кога Сонцето ја истакнува неговата тиркизна боја. Како што се истакнува, ова езеро не е „толку егзотично“ зиме и кога времето е облачно. Орка, пак, е длабоко 18,5 метри и до него нема пристапи освен во костим за нуркање. Како езеро за каменолом, тука на дното сè уште има потонат брод и – два багери. Меѓу недотатоците што посетителите ги наведуваат на интернет, е тоа што нема „понуди за освежување“, освен можеби само сладоледот што може да се купи на паркингот во екот на сезоната. До паркот „Гродек“ можете да се стигне со воз или автомобил....
Обединетите Нации го одбележаа Денот на семејството
НоваТВ - пред 1 ден
Обединетите Нации, на 15 мај секоја година, од 1994. досега, го слават Меѓународниот ден на семејството. Празникот го истакнува значењето на семејството во меѓународната заедница. Во 1993 година, Генералното собрание на ОН донесе решение секој 15 мај да се слави како Меѓународен ден на семејството. Денот е и можност за подигање на свеста за прашањата поврзани со семејниот живот, со нагласка на значењето на социјалните, економските и демографските процеси коишто го засегаат семејството како основна клетка на општеството. Денот на семејството всушност нѐ потсетува дека едно семејство е заедница на поединци којашто треба да му овозможи на секој нејзин член да си го најде своето место во општеството. Семејството има многу важна улога во развојот на една личност, но и на општеството воопшто. Според пописот во 2021 година, македонското општество го сочинуваат 538.348 семејства. Од нив, бројот брачни парови со најмалку едно дете под 25 години што живее со нив, е 233.570. Брачните парови со најмалку едно дете со 25 години и повеќе, кое живее со нив, се 57.922. Брачните парови без деца се 167.556 семејства. Во вкупното резидентно население на возраст од 15 години и повеќе, според брачниот статус, 23,8 отсто од македонските државјани се неженети или немажени, 65,3 насто се мажени и женети, 7,2 отсто се вдовци и вдовици и 1,6 отсто се разведени. Семејството е местото каде што личноста се гради и обликува. Начинот на којшто се однесуваме и она што постануваме во животот зависи многу од семејството од кое потекнуваме и во коешто сме израснале. Односите во семејството се пример и модел на односот што детето го воспоставува со надворешниот свет. Наученото „давање и земање“ во рамките на семејството е основа на подоцнежното (не)задоволство или (не)исполнетост во образованието, социјализацијата, врските, бракот, родителството, сексуалниот живот, работата, кариерата итн. Семејството, пред сè, треба да биде стабилна општествена заедница на заемна љубов, почит, разбирање и доверба. Според истакнатиот психолог од САД, Мерилин Екерман, не постои идеално семејство… Нецелосните или „неорганизирани“ семејства се изложени на бројни предизвици од социјална, емоционална, морална и материјална природа. Нарушените односи во семејството често изродуваат деца со помала самодоверба, кои очекуваат проблеми и тешкотии од животот. Од друга страна, пак, во основата на секоја заедница е љубовта, чувството на сигурност, наклонетоста, нежноста, оправданата доверба, пријателство, отворениот разговор итн. Семејниот живот има важна улога во развојот на личноста. Целите што си ги поставува човек во животот многу зависат од начинот на животот што го има во семејство. Стабилната семејна атмосфера и квалитетните меѓусебни односи на секое дете му обезбедуваат доволно сигурност, сила и самоувереност за да зачекори во животот подготвено, задоволно, среќно и со позитивен, благ и оптимистички однос кон својата иднина....
[Видео] Слаѓана Вујошевиќ, една актерка – многу таленти
НоваТВ - пред 1 ден
Таа е театарска, филмска, телевизиска актерка. Вработена е во Турскиот театар во Скопје. Докторира на тема „Филмскиот актер во дигиталната епоха“ на Истанбулскиот универзитет. Снима спотови, реклами, а исто така ја маѓепсува и фотографијата како уметност. Меѓу другото е и лиценциран тренер за актерската техника Михаил Чехов. Ако за некого одговара познатата турска поговорка ‘on parmak, on marifet’ (десет прста, десет марифети), тоа е сигурно за уметницата Слаѓана Вујошевиќ. Со Слаѓана Вујошевиќ разговараше Хусаметин ГИНА Актерката Слаѓана Вујошевиќ понудата да биде гостинка на порталот Рацин.мк ја прифати со задоволство. На интервјуто реализирано на големата сцена на Театар Комедија во Скопје таа одговори на прашањата за тоа како патот ја доведе до Турскиот театар, за студирањето во Истанбул, докторатот, искуствата во Турција и нејзините последни проекти како што е претставата „Лавина“ и македонскиот филм „Бизнисот на задоволството“. На прашањето како патот ја доведе до турскиот театар, кои моменти во нејзиниот живот биле пресвртница за тоа, Слаѓана потенцираше дека во 2012 година заминала за Истанбул како стипендист од Владата на Република Турција. „Верувам дека сѐ се случува со причина. Ништо не е случајно, иако некогаш навидум така изгледа. Јас на неколку наврати имам напоменато дека дедо ми од страната на мајка ми беше Турчин. Од таму и желбата всушност подлабоко да ја истражувам оваа култура, јазик. И воопшто да заминам во Истанбул. Турскиот јазик за жал никогаш не го зборувавме дома, знаев само некои основни зборчиња кои што беа, merhaba (здраво), nasılsın (како си), нели основна комуникација. И зборчиња којшто ги учев кога одев на летовање во Турција кај моите роднини. Но, желбата да студирам надвор, всушност можноста да студирам со стипендија е нешто кое што буквално се вклопи, како идеална сложувалка“ Во однос на нејзините искуства во глумењето во турските серии и театарски престави, Слаѓана Вујошевиќ нагласи дека креирањето на ликови на друг јазик за неа преставува магија само по себе. Истакнувајќи дека во Турција соработувала со високо професионални екипи, одлични уметници, додаде дека тоа за нејзе преставува огромна чест, задоволство и големо искуство. На прашањето да ни каже повеќе детали за нејзината докторска тема „Филмскиот актер во дигиталната епоха“, Слаѓана шегувајќи се истакна дека за тоа потребно е повеќе од интервју и дека темата ја возбудува бидејќи во филмскиот свет почнаа да доминираат заканите дека во иднина нема да има потреба од филмски актери и дека сето тоа ќе биде комплетно заменето од технологијата. „Тој страв, всушност, на некој начин ме втурна во интензивно истражување на оваа тема. И можам накратко да кажам, на крајот од истражувањето ми се потврди комплетно спротивното. Актерот и те како е многу потребен во филмскиот свет. Можеби ќе му се смени местото. Нема да му се намали значењето, напротив се повеќе и повеќе му се зголемува затоа што таа технологија има потреба да се храни од живи луѓе. Значи има потреба од тоа да учи од вистинскиот жив актер. Така што и таа импровизација, таа спонтаност, тие емотивни бранување кое што го нуди актерот ми се чини се уште ни една технологија не може да ги постигне“ Потенцирајќи дека во моментот интензивно го истражуваа влијанието на вештачката интелигенција врз актерот, Слаѓана рече дека признава дека е исплашена од замавот што го има технологијата. Но, сепак, верува дека во иднина комплетно човечки проекти ќе бидат прав екслузивитет, како што сега навидум се вештачко интелигентните проекти. Со нејзините проекти во Македонија и Турција, Слаѓана Милошевиќ на некој начин претставува еден културен или поточно „филмско -театарски мост“ помеѓу двете пријателски земји. „Па да, баш тоа е мојата мисија како што веќе реков. Јас навистина би сакала да… ми звучи прекрасно ова ако е така. Јас се трудам веќе неколку години наназад тоа да го реализирам со разно разни проекти. Сите луѓе со кои сум имала прекрасни соработки во Турција некако да го донесам тука. Тукашните колеги да ги однесам таму. Некако заедно да почнеме да создаваме. Мене ми била пружена таа шанса да заминам некаде. Ќе бидам пресреќна ако јас овозможам некому тоа да му се случи“ Паралелно покрај сите актерски проекти Слаѓана исто така е лиценциран тренер за Михаил Чехов актерската техника. Многу е радосна што во Хамбург, во октомври заедно со неговиот главен ментор Улрих Мејер – Хорш ќе биде тренер во Хамбуршката школа за актери. Во интервјуто исто така се осврна и на нејзиниот најнов проект премиерата на претставата „Лавина“ од Тунџер Џуџеноглу во Турскиот театар. „Би сакала да напоменам пред сѐ дека станува збор за еден извонреден текст. Поприлично дистописки. Поприлично има некој Орвеловски шмек во него. Приказната е многу тешка, меѓутоа секогаш актуелна. За некое Анадолиско село, во кое што селаните живеат 9 месеци од годината во континуиран страв дека Лавина ќе им се сруши во селото и сите ќе ги убие доколку зборуваат гласно, пеат, свират, плачат гласно, викаат, значи било каква галама. Тие веруваат дека може да предизвика лавината да ги уништи сите. Така што само 3 месеци од годината овие луѓе живеат без страв“ Говорејќи за македонскиот долгометражен филм „Бизнисот на задоволството“, кој веќе на Риверсајд филмскиот фестивалот ја освои и осмата награда по ред Слаѓана рече дека филмот поминува добро на светската филмска сцена и дека за брзо време и македонската публика ќе може да го гледа филмот во кината. Преземено: Рацин.мк...
За две децении 10-те „нови членки“ на ЕУ го удвоија својот БДП
НоваТВ - пред 1 ден
Десетте земји кои станаа членки на ЕУ пред 20 години изминативе две децении се развиваа многу побрзо од просекот на Унијата и успеаја речиси двојно да го зголемат својот БДП по глава на жител, покажуваат податоците на Европската комисија. Овие десет земји – Естонија, Кипар, Летонија, Литванија, Малта, Полска, Словачка, Словенија, Унгарија и Чешка – забележаа раст на куповната моќ изразена во БДП по глава на жител од 51 отсто од просекот на 14-те „стари членки“ во 2004-та, на 79 проценти во 2023 година, соопшти еврокомесарот за економија Паоло Џетилони презентирајќи ги пролетните економски перспективи на Унијата за 2024 и 2025 година. – Врз основа на нашите 10-годишни проекции, овие 10 земји членки треба дополнително да го намалат јазот во приходите со „старите“ членки во следната деценија. Во 2033 година, нивните просечни нивоа на приход треба да се искачат на 92 отсто од оние на ЕУ14, изјави Џентилони, додавајќи дека ваквите податоци се многу добра вест за земјите од Западниот Балкан, како и за Грузија, Молдавија и Украина, кои „работат на пристапување кон ЕУ“. Во однос на економските предвидувања за наредниот период на ниво на цела ЕУ, Џентилони порача дека „по тешката 2023 година“ економската активност зајакна во првото тримесечје од годинава, по што во наредните квартали се очекува „забрзување на економскиот моментум“, што ќе доведе до годишна стапка на раст на ниво на ЕУ од еден отсто во оваа и 1,6 проценти во 2025 година. Според него, благодарение на силниот пазар на трудот и растот на реалните плати во ЕУ, се очекува приватната потрошувачка да го поттикне економското закрепнување и да ја зајакне куповната моќ. – Инфлацијата дополнително се намали од почетокот на годината и треба да продолжи да се намалува, достигнувајќи ја целта на ЕЦБ во текот на 2025 година. Коефициентот на буџетскиот дефицит во ЕУ треба да продолжи да опаѓа во 2024 година, додека стапката на долгот малку ќе се зголеми во 2025 година, најави еврокомесарот за економија. Во првиот овогодишен квартал намалувањето на стапката на инфлација беше поголемо од очекуваното и достигна 2,6 отсто, за дополнително да падне на 2,4 проценти на крајот на април. Така, прогнозите за ЕУ се инфлацијата од ланските 6,4 да се намали на 2,7 отсто на крајот на годинава и на 2,2 проценти во декември 2025 година. На ниво на Еврозоната се очекува стапката на инфлација од ланските 5,4 отсто да се намали на 2,5 проценти следната и на 2,1 отсто на крајот на 2025 година. Кога станува збор за буџетскиот дефицит, по неговото значителното намалување во текот на 2022 година, тој лани порасна од 3,4 на 3,5 отсто од БДП, како последица на влошените економски услови и растот на трошоците за камати. За оваа година, според Џентилони, се предвидува буџетскиот дефицит да се намали на 3,0 отсто од БДП, а следната година за дополнителни 0,1 процентни поени на 2,9 проценти од БДП. По рекордното ниво на долгот од 92 отсто од БДП во 2020 година, лани тој се сведе на 83 проценти, по што се очекува да остане на исто ниво и во текот на годинава, по што би уследил негов мал раст во текот на 2025-та на 83,4 отсто од БДП, како резултат на повисоките трошоци за негово сервисирање и очекуваниот понизок номинален економски раст. Неодамнешното намалување на каматните стапки на глобално ниво се очекува да резултира и со олабавување на монетарната политика на ЕУ, па така почнувајќи од јуни се предвидува постепено намалување на основната камати од сегашните 4 на 3,2 отсто до крајот на годинава, за потоа да следи нејзин дополнителен пад до 2,6 проценти до крајот на 2025 година. Пролетната прогноза на ЕУ предвидува и глобален економски раст од ланските 3,1 отсто, на 3,2 проценти годинава, па до 3,3 отсто во 2025 година. Сепак, според Џентилони, и покрај очекуваните позитивни економски резултати и „подобрувањето на сликата за европската економија во следните две години“, негативните ризици и несигурноста остануваат зголемени, пред се поради војните крај „границите на ЕУ“ и на Блискиот Исток. Џентилони нагласи дека ескалацијата на конфликтот на Блискиот Исток предизвика нестабилност на цените на нафтата од почетокот на годината, а врз нивниот раст дополнителни влијание имаше и овогодишниот економски раст на Кина и на САД, што беа поголеми од очекуваните. Од друга страна, цените на гасот беа само маргинално повисоки од оние во текот на зимата и многу под нивното есенско ниво, додека цените на бензините се очекува да растат во просек на 31 евро за мегават час во 2024 и 35 евра за мегават час во 2025. – Како такви, цените на енергијата не се очекува да бидат силната дезинфлациска сила каква што беа во блиското минато, заклучи Џентилони....
Зајкова: Забрзана ЕУ интеграција е клучот за иднината на Македонија
НоваТВ - пред 1 ден
Придобивките од членството во ЕУ, значително ги надминуваат сегашните предизвици, а промоцијата на либералните вредности и демократски стандарди останува врвен приоритет за партијата, рече претседателката на Либерално – демократската партија Моника Зајкова во рамките на панел дискусијата „ЕУ Интеграции – Кој е следниот чекор?“ организирана од Либерален институт – Скопје. Покрај Зајкова говорник на панел дискусијата беше и Бо Мандеруп Јенсен од Данска, искусен политичар со работа во институциите на ЕУ, а моментално е претседател на Бордот на директори на данската програма за либерална демократија. Зајкова во своето излагање, посочи дека ЛДП е континуиран поддржувач на забрзаната европска интеграција на Македонија. Таа истакна дека државата е веќе длабоко вкоренета во процесот на приближување кон ЕУ. -Соочени сме со бројни предизвици, вклучувајќи ја и потребата за значителни реформи во јавната администрација и правосудството, а државата треба да се фокусира и на имплементација на 40 препораки од ОБСЕ и ЕУ, кои новата влада треба да ги усвои и спроведе, рече Зајкова. Како што посочи, соработката со либералите во ЕУ е клучна за напредокот на Македонија. Мандеруп Јенсен во својот говор сподели детали од историјата на Данска и нејзините дебати околу членството во ЕУ, кои траеле долги 15 години. -Процесот на интеграција во ЕУ е сложен и бара исполнување на 35 поглавја, но тоа е предизвик кој носи многу придобивки за вашата земја, истакна тој. Според него, инвестирањето во ЕУ членство носи многу повеќе корист отколку загуба, објаснувајќи дека иако Данска не е дел од еврозоната и сè уште ја користи својата валута, таа има солидна монетарна независност. ЛДП е активен член на АЛДЕ од нејзиното основање и е препозната во Европскиот парламент што е голема предност во лобирањето за исполнување на стратешките интереси. Заклучокот од оваа панел дискусија е тоа што придобивките од членството во ЕУ, значително ги надминуваат сегашните предизвици, а промоцијата на либералните вредности и демократски стандарди останува врвен приоритет за партијата. Овој настан јасно покажува дека политичките и економските лидери се подготвени да ги водат своите земји кон подлабока европска интеграција, со што се обезбедува стабилност, напредок и унапредување на демократските вредности на Балканот....