Судскиот совет, вечерва на полноќ, на итна седница, ќе решава по две прашања за уапсениот врховен судија Наке Георгиев, за мито. Дали да му го одземе имунитетот и дали ќе дозволи да му биде одреден притвор? -Расправа и одлучување по барање на Основен кривичен суд Скопје за одземање на имунитет на судија и за одобрување на притвор на судија, велат од Судски совет за дневниот ред на вечерашната итна седница Фокус Судскиот совет може да му го одземе имунитетот на врховниот судија, но сепак да не дозволи притвор од Fokus 20.05.2024 Судскиот совет, вечерва на полноќ, на итна седница, ќе решава по две прашања за уапсениот врховен судија Наке Георгиев, за мито. Дали да му го одземе имунитетот и дали ќе дозволи да му биде одреден притвор? -Расправа и одлучување по барање на Основен кривичен суд Скопје за одземање на имунитет на судија и за одобрување на притвор на судија, велат од Судски совет за дневниот ред на вечерашната итна седница. – Advertisements – Сепак, не значи дека доколку судијата остане без имунитет, за непречено водење на кривичната постапка, дека тоа ќе значи и автоматска согласност за притвор. Ваква ситуација имаше и во 2019 година кога се одлучуваше за судијата Мустафа Шахини. Тој беше осомничен дека со злоупотреби на функцијата ја оштетил државата за повеќе од 200.000 евра. Судијата остана без имунитет, ама беше спасен од притвор. „Судскиот совет донесе одлука со која го одзема имунитетот на судија, заради непречено водење на кривичната постапка. Донесена е Одлука со која не се одобри барањето за определување на мерката притвор за судијата”, соопштија тогаш од Судскиот совет. Според Законот за судови доклку судијата е затекнат во вршење на кривично дело за кое е запретен затворска казна над пет години, тогаш автоматски останува без имунитет, во спротивно на потег е Судскиот совет. Во случајот со Георгиев, тој е осомничен за кривичното дело ,,Примање награда за противзаконито влијание”, за што е запретена казна до пет години затвор. Неофицијално, судијата, чија сопруга е обвинител, а син судија, бил уапсен за мито од 10.000 евра. -Денеска (20.05.2024) лишен од слобода е судија од Врховен суд поради постоење на основи на сомнение за сторено кривично дело `Примање награда за против законито влијание`. Судијата е лишен од слобода на лице место при извршување на кривичното дело. Се чекаат понатамошни насоки од надлежен јавен обвинител, соопштиjа од МВР....

Судскиот совет за вечерва на полноќ закажа итна седница на која ќе одлучува за имунитетот на врховниот судија Наке Герогиев кој денеска беше уапсен поради сомненија за примање поткуп. На седницата, како што е наведено во соопштението објавено на веб-страницата на Советот, ќе се „расправа и одлучува по барање на Основниот кривичен суд Скопје за одземање на имунитет на судија и за одобрување на притвор“. Имено, за имунитетот на судиите е задолжено ова тело, кое при евентуални криминалистички истраги против судии и мерките кои се бараат од надлежените истражни органи треба да биде известено и да донесе одлука во однос на имунитетот. Судијата на Врховниот суд Наке Георгиев, како што потврдија од Министерството за внатрешни работи, бил лишен од слободна поради постоење на основи на сомнение дека сторил кривично дело примање награда за противзаконито влијание. Според МВР, тој бил упасен на лице место при извршување на кривичното дело. „Денеска (20.05.2024 г.) лишен од слобода е судија од Врховниот суд поради постоење на основи на сомнение за сторено кривично дело примање награда за противзаконито влијание. Судијата е лишен од слобода на лице место при извршување на кривичното дело. Се чекаат понатамашни насоки од надлежен јавен обвинител“,информираа од МВР. Дел од медиумите, повикувајќи се на свои извори објавија дека врховниот судија бил фатен со 10 000 евра. Тој, наводно бил пријавен од лице кое тврдело дека му бил баран поткуп во врска со судски случај. Наводно ветувал олеснителни околности во случајот против поранешниот градоначалник на Ново Село, Боро Стојчев поврзан со трговија со марихуана. Полициски извори за телевизијата Телма потврдиле дека судијата Георгиев бил префрлен, односно се наоѓа во полициската станица Кисела Инаку, врховниот судија Георгиев кратко беше член на Судскиот совет, но лани во јули си поднесе оставка од оваа функкција пред официјално да даде заклетва за да може неговиот син да биде избран за судија во Основниот кривичен суд Скопје, како завршен кандидат на Акдемијата за судии и јавни обвинители. Изборот на Наке Георгиев за член на Судскиот совет беше проследен со контроверзии. Имено, против него се водеше постапка за утврдување одговорност во периодот кога тој беше претседател на Апелацискиот суд во Штип. Меѓутоа, еден ден пред да биде утврдена листата на кандидати за членови на Судскиот совет, на затворен дел од седница, Советот реши да ја запре постапката против Георгиев откако предметот за него беше држен во фиока неколку месеци. За истиот случај за кој се водеше постапка против овој судија за периодот кога тој беше на чело на штипска апелација, пак, претходно беа разрешени...

Ако по утрото се познава денот, не очекува невреме. Додуше, денот се позна и по непосредната политичка историја, низ која консеквентноста на актуелните победници, низ потезите, оддамна е јасна и очигледна. Дури, и научно евидентирана, а согласно на севкупниот “минат труд” од ударите зададени врз и така кревката демократијата. Посебно, референтна е секако епизодата на заокружувањето на авторитаризмот преку егзекватурите на ВМРО-ДУИ ( 2006-2017) и направената дупка во историското време : со доказлив демократскиот дисконтинуитет/илиберализам; или демократска уназаденост! Таа консеквентност, на иста линија си продолжи да се тркала од кога системски и систематски се инстaлираше, и ни милиметар не се помрдна, ниту во последните 7 години; ниту во кампањата; ниту на изборите, ниту ќе се мрдне некогаш, кај тие и такви субјекти со голем товар на грбовите. Притоа, сепак, има нешто тука оригинално и субстантивно неодговорно/небезбедно кон големата слика, која за 5 пари беше продадена сосе ЕУ и мултикултурата, во комплет. Во ситна 2 за 1 малопродажба. Продадена е лагата, како патриотска вистина. Со полн легитимитет, да !, и тоа од ни помалку ни повеќе туку кај половина милион купци. Ирелевантна е сега расправта за “општа воља(volont genral)”, а небитни се и одговорите за евентуалните причинско-последични и старо-нови инагураации на авторитаризмот и на етнопопулизмот. Ре-воспоставени се уште на нултиот ден, со евидентно катарзична ескалација , имено, уште од пред завладувањето (формално). Следствено, недостижни се реалполитичките ефекти од таа патриотическа екстатичност и оттука,тоа ми дава за право да мислам дека ќе се изнагледаме, за почеток, драматични емо политики. Скоро па, како на концерт ма Мерлин Менсон. А понатака, тоа ќе биде на ниво на стриптизот од Дита Фон Тиз; ма не,каква Дита, ќе биде тоа онолку заводливо колку што е кај северните соседи и нивните ментори (народот ќе се заведува преку паризери или гулаши). Нема овде “месо” за еротика, затоа што, нели, сексот е интелектуална работа. Се враќаме во 2016-та. Па и во 2008-ма. Неизвесно е до која година ќе се вратиме наназад? Например, сомнителна милијарда во најава; па наострен, затегнат и прегнантен етно-национализам ( и иридентизам, според толкувачите) во брз раст е. Еве нЕ тука сме, па, добредојдовме во седмата година од успешната кампањата и 31-та година од политичката консеквентност на експозитурите. Сега кога тие ќе дојдат во допир со демократските процеси- што мислите дека ќе прават? Одма да ви кажам, ништо неочекувано, ништо што не е видено. Дали, втората епизода на авторитаризмот започна? Ако е почната, во чива режија е? Да не биде црногорски сценариј на македонски начин, можеби , во Продукција лажни вести ДОО ?! Како и да е некој “црв ме јаде”, околу очекувањата, дека, сепак да може да тргнеме и чекориме барем со скромни чекорчиња во некое подобро време, ама па , флеш бекот ме навраќа и присеќа нужно на реториката која изборните победници од петни жили ја урлаа по однос за некаква “Тиранска платформа”, која божемски ќе го урнисаше македонскиот народ. А сега, спротивно, добивам впечаток како главен преговарач за новата влада да е Курти, кој, директно беше вклучен во изборниот процес со јасно завземена страна. Можно ли е тој да се профилира како главен преговарач на Мицковски ? Исто, не ми е верно и тоа што, ако се присетиме, имаше и една друга појавност од денешен ВЛЕН кога јавно се побара формирање на заедница на албански општини во Македонија ?! Слично, не толку одамна еден од носителите и главни ликови коловоџи во ВЛЕН, дава(ш)е изјави зошто па да немало присоединување кон Косово?. Од друга страна, слушајќи ги сега препукувањата околу свечената изјава на Претседателката, наеднаш некако стигна од најнеочекуваните места (ликови со дела) лавина од оценки за Преспанскиот! Те ова е предвидено, па ова не е предвидено, па јазикот заштитен, нацијата исто. Побогу, зошто порано не го прочитавте договорот ?! Конечно, со измеќарството на политичките субјекти ( спрема Курти и Вукиќ), фактички станува повеќе од извесно дека земјава се уситни на малецка паричка за поткусурување меѓу нивните веома врло затегнати односи! На ова имам само едно прашање: ЗОШТО? И подпрашање, секако : Што ќе ни е таков измеќарлук ? Зарем немаме своја оригинална и хуманистичка приказна вредна за живеење ? Убедена сум дека имаме, и таа е во демократската мултикултура и квалитетен и прогресивен соживот. Ова дури има и свој државно субјективен карактерен континуитет од АСНОМ до денес. Другарчиња, предлагам, малце сите да се врзаумат, и да не се сечат гранките на кои не само што седиме, туку и можеме мирно да си спиеме. Полека со ролшулите, да не излизгате. Ана Чупеска...

Израелскиот премиер Бенјамин Нетанјаху за првпат се огласи по информацијата дека по него ќе биде распишана потерница за злосторства за време на војната против Хамас. Обвинителството на Меѓународниот кривичен суд во Хаг денеска ја објави одлуката за барање за налози за апсење на водачите на Хамас Јахја Синвар, Мухамед Деиф и Исмаил Ханије поради сомнение дека извршиле воени злосторства и злосторства против човештвото, вклучително и земање заложници, убиства и злосторства на сексуално насилство. Исто така, побаран е налог за апсење на израелскиот премиер Бенјамин Нетанјаху и израелскиот министер за одбрана Јоав Галант кои се сомничат дека извршиле воени злосторства и злосторства против човештвото, вклучително и изгладнување како метод на војување, убиства, прогон и истребување. Нетанјаху рече дека одлуката на Карим Кан, главниот обвинител на Меѓународниот кривичен суд (МКС), да побара налог за апсење против него е „апсурдна“ и дека Израел во целост е на мета поради тоа. – Со гадење ја отфрлам споредбата меѓу демократски Израел и масовните убијци на Хамас што ја направи главниот обвинител на судот во Хаг, рече Нетанјаху, пренесува „Тајмс оф Израел“. Израелскиот премиер истакна дека „не сфаќа како Кан го споредува со Хамас, кој убиваше, палеше, колеше, обезглавуваше, силуваше и киднапираше наши браќа и сестри и војниците на ИДФ кои водеа праведна војна“. При нападот на Хамас на израелската погранична област на 7 октомври беа убиени околу 1200 луѓе и земени како заложници повеќе од 250 лица кои беа одведени во Појасот Газа. Реакцијата на Израел беше воена офанзива во Појасот Газа, во која според податоците на Министерството за здравство, контролирано од Хамас, досега загинале повеќе од 35 400 луѓе, главно цивили....

Американскиот врв денеска излезе со остра осуда на одлуката на Меѓународниот кривичен суд за издавање налог за апсење на високи службени лица на Израел. Државениот секретар Ентони Блинкен ја стави под знак прашање „легитимноста и кредибилтетот на истрагата“ на МКС и оценувајќи ја како „срамна“ ја отфрли одлуката соопштена денеска од главниот обвинител на МКС Карим Хан дека побарал налог за апсење на високи службени лица на Израел, меѓу кои и премиерот Бенјамин Нетанјаху. -Ја отфрламе обвинителовата еквиваленција на Израел со Хамас. Тоа е срамно. Хамас е брутална терористичка организација која го изведе најлошиот масакр врз Евреите по Холокаустот и се уште држи десетици невини луѓе како заложници, вклучително и Американци, соопшти Блинкен во изјава. -Финдаментално, одлуката не прави ништо да помогне и може само да ги загрози тековните напори за постигање прекин на огнот што може да ги ослободи заложниците и да ја зголеми хуманитарната помош, цели по кои САД продолжуваат беспоштедно да се стремат, рече Блинкен. Претходно и претседателот на САД Џо Бајден остро ја осуди одлуката на обвинителите на МКС како „скандалозна“ . -Да бидам јасен, на што и да имплицира обвинителот, нема еквивалентност – никаква – помеѓу Израел и хамас, напиша претседателот. Додаде дека „секогаш ќе стоиме со Израел против закантите по неговата безбедност“. МКС денеска побара налози за апсење поради наводни воени злосторства за лидерите на Хамас, но и на Израел....

Мајк Зафировски, еден од најпроминентните претставници на македонската дијаспора, пред се познат како врвен извршен директор во некои од најголемите американски и мултинационални корпорации, за „360 степени“ зборува и за едно од најчувствителните прашања во поновата историја на земјата – Договорот од Преспа „Ако на двете страни има некакво незадоволство, вообичано тоа значи дека тоа е најдобриот договор што можел да се добие. Се прашувам, ако повторно го отвориме прашањето, дури и на ниво на сомнеж, дали е мудро да се прави тоа“, вели Зафировски во интервју за „360 степени“ на МРТ 1, кој деновиве беше во Скопје каде присуствуваше на Самитот на „Македонија2025“, организација во чие создавање неговиот личен влог се смета за клучен Целото интервју на 360.мк...

Поранешниот министер за надворешни работи и дипломат Срѓан Керим, зборувајќи за заклетвата на шефицата на државата Гордана Сиљановска Давкова, рече дека „претседател на држава кој полага заклетва пред својот Парламент, пред своите граѓани и пред својот народ не може да направи гаф кога го изговара името на државата Македонија“, посочувајќи дека пораката што таа сакала да ја упати била внатрешно-политичка односно кон мнозинствотот граѓани што гласаа за неа, а не да се испровоцира Грција или некоја друга земја. – Ако барате порака тогаш јас ја читам како внатрешно – политичка, а не надворешно – политичка затоа што една од основните одлики и карактеристики на демократијата е мнозинството. Госпоѓата Сиљановска Давкова беше избрана со огромен број на гласови на мнозинство на граѓаните на оваа држава и поради тоа тој гест беше наменет на нив, а не да се провоцира ни Грција ни никој друг, рече Керим во тема на денот на ТВ Сител. Ако треба да одговори како дипломат, рече тој, дипломатски е да се седне на маса и да се разговара. -Има причина да разговараме затоа што ако ние провоцираме со тоа што го употребуваме името Македонија што е тогаш употребата на „Скопиа“ цело време од грчка страна кога зборуваат за нашата земја. Нели е и тоа провокација, праша Керим. Се што ќе излезе од Скопје или од Македонија, вели поранешниот министер, подлага на еден диоптер од Брисел и ние треба да бидеме постојано фрустрирани, укочени, да пазиме што зборуваме и што ќе кажеме за тоа да не не одалечи од Брисел....

Македонската ознака во моменталните околности станува моќно средство на економската дипломатија. Навистина ми е жал кога слушам врвни грчки производители на вино во нашата земја да ни кажуваат дека постојат вина што се појавуваат како македонски и некои клиенти од странство кога говорат за македонски вина да ја имаат на ум Северна Македонија, порача грчкиот премиер Кирјакос Мицотакис од Солун, јави дописничката на МИА од Атина. Во говорот на Генералното собрание на Асоцијацијата на грчки извозници (СЕВЕ), Мицотакис се осврна и на трговската ознака „Macedonia the Great“ за грчките производи, промовирана во ноември 2019 година, токму од конкретната Асоцијација, се потсети дека тогаш присуствуваше на презентацијата изразувајќи целосна поддршка, која ја повтори и вечерва. -Ни требаше време да ја регистрираме (трговската ознака), но на добар пат сме. Тоа е потег што добива и актуелно значење по последните провокативни регресии на нашите северни соседи. Нашата дипломатска реакција треба да биде придружена и со трговски контранапад, во прв план со автентичноста и квалитетот на производите и услуги на нашата Македонија и ова е и во ваши раце да го постигнеме заедно, им порача Мицотакис на присутните на Генералното собрание на СЕВЕ. Освен за трговската ознака, грчкиот премиер се осврна и на Договорот од Преспа и на последните случувања во билатералните односи, уште еднаш порачувајќи дека ЕУ перспективата на Скопје, поминува низ Атина. -Гледајќи го веќе подолго време подемот на национализмот во Скопје, останавме претпазливи во прифаќањето на меморандумите што го придружуваат Договорот. За жал, развојот на настаните ја оправдаа оваа наша претпазливост. Позицијата на новата претседателка и на нејзините поддржувачи таму, за жал, и на мандатарот за премиер е и незаконска и провокативна. Затоа Грција ја отфрла и не ја прифаќа. Соседната држава мора да сфати, и ова мислам дека ги сфаќаат повеќето граѓани на Северна Македонија, дека патот кон Европа и напредокот поминува и низ нашата земја. И таму може да застане, истакна грчкиот премиер. Уште еднаш потсети дека Нова демократија гласаше против Договорот од Преспа, но објаснувајќи дека „не затоа што не сакавме решение на прашањето, туку затоа што конкретниот Договор отстапи националност и јазик, македонска националност и јазик на соседите, поткопувајќи ја на овој начин иднината“. Истакна дека предупредија, уште пред да дојдат на власт во 2019 година, дека ако овој Договор се ратификува, подоцна не може да се смени. – Како нова Влада го почитувавме овој грчки потпис на меѓународен договор, кој надвладува над секој закон, посочи Мицотакис....

Српскиот претседател Александар Вучиќ допатува во Њујорк каде на 23 мај ќе присуствува на седницата на Генералното собрание на ОН каде ќе се разгледува предлогот-резолуцијата за Сребреница. Во делегацијата со Вучиќ е и министерот за надворешни работи на Србија Марко Ѓуриќ. Пред заминувањето за Њујорк и учеството на седницата на Генералното собрание на ОН, Вучиќ утрово присуствуваше на богослужба на српскиот патријарх Порфирије. – Одам во Њујорк да се борам со сета сила и срце за иднината на нашата земја, изјави Вучиќ пред патувањето. Генералното собрание на Обединетите нации на 23 мај ќе гласа за резолуцијата за прогласување на 11 јули за Меѓународен ден на сеќавање на геноцидот во Сребреница. За резолуцијата требаше да се расправа на 2 мај, но датумот беше поместен од процедурални причини. Со резолуцијата, исто така, безрезервно се осудува секое негирање на геноцидот во Сребреница и се поттикнуваат државите членки да ги сочуваат утврдените факти преку своите образовни системи со развивање на соодветните програми. Предлагачи на резолуцијата за геноцидот во Сребреница се Германија и Руанда, а Северна Македонија е меѓу повеќето коспонзори на резолуцијата. Масакрот во Сребреница е прогласен за геноцид и од Меѓународниот суд на правдата во Хаг...

Мајкл Коен, некогашниот личен адвокат на Доналд Трамп и клучен сведок на обвинителството, се враќа денеска да сведочи на судењето на поранешниот американски претседател. Трамп е првиот претседател на САД кој некогаш се соочил со кривична пријава, и судијата предложи завршница на судењето идната недела. Коен е соочен со уште неколку часа прашања од адвокатот на одбраната, и уште една серија распити од обвинителството. Претходното судско рочиште беше минатата недела во четвртокот. Коен тогаш призна дека во изминатите години многупати лажел во полза на Трамп. Но вели и дека лажел за „да го заштитам своето семејство“. Тој го обвини својот поранешен клиент дека напаравил многу лоши работи во неговиот приватен живот. На денешното сведочење тој призна и дека крадел пари од компанијата на Трамп „Организација Трамп“. Во серија од прашања адвокатот на одбраната, Тод Бланш, се обиде да прикаже дека Коен во суштина е измамник, некого кому не може да се верува. Случајот се фокусира на уплатата од 130.000 долари што Коен ја извршил од свој џеб на актерката за филмови за ворзасни Сторми Даниелс непосредно пред изборите во 2016 година, за таа да молчи за средба со Трамп една деценија претходно. Средбата завршила во хотелска соба. Доказите во судскиот процес покажуваат дека Трамп му ги вратил парите на Коен во 2017 година, откако тој стана претседател, при што Трамп е обвинет за фалсификување на неговите деловни книги тврдејќи дека отплатата на Коен била за адвокатски услуги. Коен пред обвинителството сведочеше дека отплатата била за парите за молчење што и ги платил на Даниелс, а не за правна работа, и дека Трамп двапати ја одобрил шемата, вклучително еднаш во кула Трамп во Њујорк, пред да стане претседател кога рекол „ако ме изберат случајот ќе го заташкаме, ако не, на никој нема да му биде гајле“. И вторпат во кабинетот на претседателот на САД во Белата куќа.. Трамп ги отфрли тврдењата на Даниелс дека имал врска со неа и целата кривична пријава. Коен е последниот од 19-те сведоци на обвинителството против Трамп, кој служеше еден мандат како претседател на САД од 2017 до 2021 година и сега е најверојатен републикански претседателски кандидат за изборите во ноември против претседателот Џо Бајден, демократот кој го победи во 2020 година. Како што завршува случајот на обвинителството, тимот на одбраната на Трамп речиси сигурно ќе побара од судијата на Врховниот суд на Њујорк, Хуан Мерчан, да го отфрли обвинението против Трамп од 34 точки, барање што ретко се одобрува во американските кривични судења. Ако Мерчан не го отфрли случајот против Трамп, неговата одбрана би можела да повика свои сведоци во негово име, но не даде сигурни индикации дека тоа ќе се случи. Трамп рече дека сака да сведочи во своја одбрана, но од обвинетите не се бара тоа, а американските правни аналитичари велат дека тоа е малку веројатно затоа што обвинетите често си наштетуваат себеси со своето сведочење наместо да си помагаат. Затоа адвокатите го советуваат тој да не сведочи во свој полза. Ако Трамп сведочи, Мерчан веќе донесе одлука дека на обвинителите ќе им биде дозволено да го прашаат за два граѓански случаи што ги загуби во последните неколку месеци и му беше наредено да плати отштета од стотици милиони долари. Едниот вклучуваше деловна измама во „Организација Трамп“, а другиот клевета на писателка од Њујорк која доби одлука за исплата на оштета за сексуален напад. Под претпоставка Трамп не сведочи и неговите бранители да презентираат само уште еден или двајца, или ниту еден сведок, Мерчан им кажа на адвокатите дека заклучните излагања во овој судски процес би можеле да се закажат идната недела од 28 мај, по државниот празник Денот на сеќавањата....

Додека членовите на израелскиот парламент повторно се состануваат по пауза од шест недели, попладнево пред зградата на Кнесетот во Ерусалим се собраа илјадници антивладини демонстранти од цел Израел. Полицијата постави два реда барикади кои ги делат демонстрантите од Кнесетот, а присутните извикуваа слогани против премиерот Бенјамин Нетанјаху и неговата влада, пишува Тајмс оф Израел. „Биби (прекарот на Нетанјаху) е опасност за постоењето на Израел“, извикуваа демонстрантите. Истакнатиот антивладин активист Шикма Бреслер рече дека целта на протестот, спроведен на легален и ненасилен начин, е „да им се врати на граѓаните на Израел можноста да влијаат на насоката во која се движи нивната земја“. Демонстрантите пристигнаа во Ерусалим од целата земја, а многумина учествуваа во огромен, бавно движечки конвој на автомобили што се упати кон главниот град претходно денеска....

Полицијата и спасувачките екипи пристигнаа на местото на настанот, јавува Лидери.мк. Инцидентот се случил доцна попладнето, малку пред да се стемни. Нема информации за неговата судбина, ниту детали за идентитетот....

Коалицијата предводена од ДУИ, Европски фронт не исклучува ниту еден од демократските начини да се спасат од опозиција, односно да се изборат до крај да бидат дел од владината коалиција. Иако преговорите за Влада помеѓу ВМРО-ДПМНЕ и „Вреди“ се во тек, ДУИ и натаму смета дека овој сооднос не е во ред за формирање Влада, односно победникот мора да коалицира со победникот. Скендер Реџепи Зејди, вели дека постојат демократски механизми за да ги спречат. Тој не ја исклучува можноста и за протести по улиците. „Европскиот фронт ниту размислува да остане во опозиција. Не дека имаме комплекси за да останеме во опозиција но факт е дека легитимноста почнува и извира од народот. Доколку народот ти го дава гласот тогаш треба да ги претставиш во сите државни институции“, вели Скендер Реџепи – Зејди, пренесува ТВ 21. Прашан на кој начин ќе се борат, дали преку протести, тој рече дека има повеќе демократски начини да се изрази револтот, но и да се докаже волјата на граѓаните. Работните групи на ВМРО-ДПМНЕ и ВРЕДИ и денеска ги продолжија преговорите за формирање на нова Влада, односно усогласување на програмите и поделба на ресорите. Претседателот на БЕСА, од коалицијата ВРЕДИ, Биљал Касами, вели дека се на добар пат и зборуваат за сериозна Влада. „Продолжуваат разговорите, ние сме на добар пат и поради коректност се согласивме кога ќе имаме конечен договор заедно да излеземе и тоа да го претставиме пред јавноста. Не би сакал да навлезам во детали, но сме на добар пат и имаме коректна комуникација во правец на поделбата на одговорностите. Тоа што е важно за да се истакне е дека зборуваме за амбициозна влада која ќе има предвид квалитетно претставување по разните ресори. Многу време е изгубено порано со неквалитетен кадар. Ние бараме во сите ресори да има стручен кадар“, вели Биљал Касами. Инаку, во среда ќе има прегласување во петтата и шестата изборна единица, и доколку резултатите излезат поинакви, може да се прераспределат силите во Собранието....

Време е ДУИ да оди во опозиција, порача Антонијо Милошоски член на ИК на ВМРО-ДПМНЕ во вечерашното гостување во емисијата За или против на ТВ Алфа. Милошоски ги искоментира изјавите на лидерот на ДУИ Али Ахмети дека со прегласување на одредени избирачки места се врши изборен инжинеринг потенцирајќи дека ДУИ вршеше изборен инжинеринг со обидот за бојкот на претседателските избори во вториот круг. Да говори за изборен инжинеринг човек кој што на вториот круг на гласање за претседателските избори денот го започнаа како структура во ДУИ со организиран бојкот за да се наруши цензусот тоа е веќе изборен инжињеринг, истакна тој и додаде: Се гледа дека ДУИ веќе го изгуби компасот и очигледно е дека Ахмети веројатно во последните неколку години е повеќе под влијание на Артан Груби, Бујар Осамни и на некои други луѓе од тоа бизнис крило, отколку што е под влијание на порационалните луѓе во ДУИ кои што спроведуваат конвенционална политика. Според Милошоски ДУИ го прекршил правилото коалицирање победник со победник, укажувајќи дека ДУИ и Ахмети треба да се спремаат за една мирна и цивилизирана транзиција како во секоја европска држава. Самите принципи кои ги наметна ДУИ во 2016тата година односно самите принципи кои ги прекрши сега нема право ДУИ да се повикува на било што, и затоа сметам дека е добро да се спремаат за една мирна, цивилизирана транзиција како во секоја европска држава, изјави тој. На прашањето дека претседателот на ВМРО-ДПМНЕ Христијан Мицкоски објавил дека ВМРО-ДПМНЕ има 61 пратеник, Милошоски нагласи дека во моментот партијата има 61 пратеник, но со прегласувањето во изборната единица 5 очекуваат да имаат 11 пратеници, со што бројката ќе изнесува 62 пратеници. Да точна е изјавата на претседателот Мицкоски дека во овој момент ВМРО-ДПМНЕ има консолидирано 61 пратеник. Со прегласувањето во среда и реалната шанса во 5тата изборна единица да го добиеме 11тиот пратеник, ВМРО-ДПМНЕ веќе ќе има консолидирано 62 пратеници. Потоа продолжуваат преговорите со коалицијата ВРЕДИ, која има 13 пратеници, можно е да го освојат и 14тиот. И кога ќе завршат тие преговори, сметам дека ќе се отвори можноста и за разговори со политичката партија ЗНАМ, вели Милошоски....

Рускиот претседател Владимир Путин го назначи Олег Савељов за заменик министер за одбрана – началник на штабот на министерот за одбрана. Со друг указ, рускиот лидер го разреши од таа функција досегашниот заменик, генерал-полковник Јуриј Садовенко. Савељов претходно ги извршуваше должностите ревизор на Управата за пресметка и плаќања, а во периодот 2012-2013 г. Во 2010 година ја извршуваше функцијата заменик министер за одбрана Андреј Белоусов во Министерството за економски развој....

Се очекува американската министерка за финансии Џенет Јелен да ги повика Европа и САД да застанат заедно против руската агресија и иранската „поддршка за тероризмот“, вклучително и со изнаоѓање начин за користење на замрзнатите руски суверени средства за помош на Украина. Ова го објавија Ројтерс и Блумберг, повикувајќи се на белешки за говор посветен на трансатлантската унија, што Јелен ќе го одржи утре во Франкфурт, пренесе БТА. Американската министерка за финансии утре ќе пристигне во Франкфурт за да добие почесен докторат од Франкфуртската школа за финансии и менаџмент. На настанот се очекува да учествуваат претседателката на Европската централна банка (ЕЦБ), Кристин Лагард и германскиот министер за финансии Кристијан Линднер. Во белешките за утрешниот говор на Јелен, објавени денеска, се вели дека поддршката на САД и Европа е суштинска за украинскиот отпор кон руската инвазија. -И дозволете ми да бидам јасна. Ова е исто така клучно за безбедноста на американскиот и европскиот народ… Ако стоиме настрана додека диктаторите го нарушуваат територијалниот интегритет и го нарушуваат меѓународниот поредок заснован на правила, тие немаат причина да запрат кога ќе ги постигнат своите првични цели, се очекува да рече Јелен. Таа, исто така, ќе зборува за потребата да се сузбие затајувањето на руските санкции и да и се обезбеди на Украина финансирање за опремување на нејзината војска, финансирање на клучните владини служби и на крајот обнова на постконфликтот. -Затоа верувам дека е од витално значење и итно колективно да најдеме начин да ја отклучиме вредноста на руските суверени средства заклучени во нашите јурисдикции за доброто на Украина. Ова ќе биде клучна тема за време на состаноците на Г7 оваа недела, се вели во белешките. Министрите за финансии на Г7 ќе се сретнат во Стреса, Италија, од 23 до 25 мај. Јелен, исто така, се очекува да каже дека Европа и САД постапиле „одлучно“ за да воведат санкции кон Иран поради неговата „поддршка на тероризмот“ на Блискиот Исток и ширењето на беспилотни летала и ракети користени во конфликтите во Газа и Украина. Тие треба да продолжат на ист начин и во иднина, смета американската министерка за финансии....

Времето утре ќе биде сончево и топло со мала до умерена облачност. Попладне ќе има локален развој на нестабилна облачност со пороен дожд и грмежи, наместа со услови за појава на краткотрајно невреме. Како што информираат од УХМР, ќе дува умерен до засилен ветер од југоисточен правец најизразен долж Повардарието. Минималната температура ќе биде во интервал од 10 до 16, а максималната ќе достигне од 23 до 27 степени. Во Скопје ќе биде променливо облачно со повремен дожд. Попладне во делови од котлината ќе биде нестабилно со краткотраен пороен дожд и услови за појава на грмежи. Ќе дува умерен ветер од југоисточен правец. Минималната температура ќе се спушти до 16, а максималната ќе достигне до 26 степени. До среда ќе се задржи нестабилно време, претежно во попладневните часови со локален пороен дожд и грмежи. Наместа процесите ќе бидат поинтензивни во форма на краткотрајно невреме, со засилен ветер, обилен пороен дожд за кратко време и изолирана појава на град. Во четврток ќе има услови за краткотраен дожд, претежно во планинските подрачја, а преодно стабилизирање на времето се очекува во петок. Температурите ќе бидат без значителна промена....

Хеликоптерот, во кој патуваа претседателот на Иран, Ебрахим Раиси, и министерот за надворешни работи, Хосеин Амир Абдолахиан, не го вклучил сигналниот систем или воопшто немал таков систем, соопшти денеска министерот за транспорт и инфраструктура на Турција, Абдулакадир Уралоглу. Уралоглу изјави пред новинарите дека, бидејќи Иран спаѓа во подрачјето на Турција за реакција при вонредни ситуации, властите провериле дали има сигнал од хеликоптерот откако ја слушнале веста за неговото уривање. – Прво проверивме дали хеликоптерот испратил сигнал или не. За жал, се покажа дека системот за сигнализација бил исклучен или хеликоптерот не го поседувал овој сигнален систем, истакна тој. Според Њујорк Тајмс, кој се повикува на ирански медиуми, неофицијално, причина за падот на хеликоптерот е „технички проблем“. Иранскиот претседател Ебрахим Раиси и министерот за надворешни работи Хосеин Амир Абдолахиан се меѓу деветте жртви на вчерашната хеликоптерска несреќа во планинскиот регион во северозападниот дел на Иран....

Премиерот на Србија Милош Вучевиќ денеска изјави дека премиерот на „привремените институции на на Приштина“, Албин Курти, со упадот на специјалната полиција во филијалите на банката Поштенска штедилница во Лепосавиќ, Звечан и Северна Митровица покажува дека е очаен бидејќи неговите „ктитори“ се уште не му дозволиле влез на Косово во Советот на Европа, јави дописникот на МИА од Белград. Вучевиќ ја праша меѓународната заедница кому и зошто им пречи Поштенска штедилница. „Зошто косметските Срби се единствената заедница во Европа што не може нормално да стопанисува? Имаат ли тие право на плати и пензии или против нив се е дозволено, праша Вучевиќ“, се наведува во соопштението од неговиот кабинет. Вучевиќ додаде дека меѓународната заедница „премногу долго и премногу благо (не) реагира на неактивноста на Курти“, се додава во соопштението. Припадници на косовската полиција со пушки и панцири денеска упаднаа во подружниците на банката Поштенска штедилница во Северна Митровица, Звечан, Зубин поток и Лепосавиќ, додека граѓаните се обидуваа да ги подигнат пензиите, социјалната помош и други парични средства, соопштија српските медиуми...

Сообраќајна несреќа меѓу комбе, два автомобила и градски автобус кој соообраќа на линијата 22-а попладнево се случи на булеварот „Партизански одреди“ во скопската населба Влае. Фото: „360 степени“ Во несреќата нема жртви, но предизвика метеж во сообраќајот и голем редица автомобили кои чекаа да се расчисти местото за да поминат. Дополнително, како што јави репортерот на „360 степени“, на местото на сообраќајната несреќа може да се забележи група возремирени граѓани и патници од автобусот. Поради блокираниот коловоз, сообраќајот почна да се одвива по тротоарот, а на терен е присутна полицијата, но не и екипи на Итната помош. По 15 минути застој полицијата почна да ги расчистува возилата, но сообраќајот метеж и редот се протегаат до трговскиот центар „Сити мол“....

Сашо Мијалков в четврток излегува од затвор под услов до 25 април 2025 година да не стори кривично дело, одлучи Апелациониот суд во Скопје. Како што соопштија денеска од Апелациониот суд Скопје, ова решение е по жалбата на Мијалков на одлуката на Основен Кривичен суд Скопје, а го донеле на нејавна седница одржана на 14 мај годинава. – Апелациониот суд Скопје во интерес на јавноста и медиумите информира дека постапувајќи по кривичниот предмет КР-84/24, на нејавна седница на ден 14.05.2024 година, донесе решение со кое ја уважи жалбата на осудениот С.М. од С. и решението на Основниот кривичен суд Скопје го преиначи така што осудениот се отпушта на ден 23.05.2024 година од издржување на казната затвор, под услов до истекот на условниот отпуст -25.04.2025 година, да не стори ново кривично дело, стои во соопштението од Апелација. Жалбата на Мијалков е на решението на Основниот кривичен суд Скопје со кое Судот донесе одлука за условен отпуст на поранешниот шеф на УБК со која тој требаше да излезе од КПД Струга на 25 декември годинава, а условниот отпуст му се смета до 25 април 2025 година. Мијалков издржува казна во затворот во Струга, откако по признанието на вина беше осуден на три години затвор во предметот „Империја“....

Полициски извори за Телма потврдија дека денеска со истрага бил опфатен врховен судија поради сомнеж за барање мито и за поткуп. Според информациите на Телма, судијата бил фатен со 10.000 евра. Во моментот се во тек активности поврзани со судискиот имунитет. За имунитетот на судиите е задолжен Судскиот совет, а при истраги за судии, сите мерки кои се бараат од страна на надлежните органи за истражување треба да бидат одобрени од Судскиот Совет кој треба да биде известен за тоа. Според последните информации станува збор за судија со иницијали Н.Г. Од обвинителството за Телма кратко одговорија дека немаат информации. Истрагата за случајот ја спроведува МВР....

Косовската полиција влегла во Трезорот на банката „Поштенска штедилница“ и во нејзините пет други филијали во Северна Митровица, Лепосавиќ, Звечан и Зубин Поток, објавија локалните медиуми. Според пишувањата на медиумите, косовската полиција соопштила дека за оваа акција има одобрение од Обвинителството и дека „врши контрола на работењето“. На самото место се и припадници на ЕУЛЕКС и КФОР. Заменик-командантот на косовската полиција за северниот регион, Ветон Ељшани за порталот KoSSev изјави дека на местото на настанот била присутна и даночната служба...

Судијата од Врховниот суд, Наке Георгиев денеска е уапсен за примање мито. – Денеска (20.05.2024) лишен од слобода е судија од Врховен суд поради постоење на основи на сомнение за сторено кривично дело `Примање награда за против законито влијание`. Судијата е лишен од слобода на лице место при извршување на кривичното дело. Се чекаат понатамошни насоки од надлежен јавен обвинител, соопштиjа од МВР. Георгиев минатата година се кандидираше за член на Судскиот совет, но си поднесе оставка бидејќи неговиот син беше избран за судија. Оставката следуваше по неколкудневни кавги во Судски совет дека не е законски тој како член на Судскиот совет да го бира неговиот син за судија. Наке Георгиев се кандидираше за член на Судскиот совет како единствен кандидат од Врховен суд, а поддржувачите од Советот, му ја запреа постапката за разрешување. За истата работа за која беше претставката, тројца апелациони судии од Штип беа разрешени, но тој се спаси. Врховниот судија полицијата го уапсила по пријава дека тргувал со влијание односно побарал мито 10 илјади евра да влијае во предмет. Тој, наводно бил пријавен од лице кое тврдело дека му бил баран поткуп во врска со судски случај. Наводно ветувал олеснителни околности во процесот поранешниот градоначалник на Ново Село, Боро Стојчевски поврзан со трговија со марихуана. Полициски извори за телевизијата Телма потврдиле дека судијата Георгиев бил префрлен, односно се наоѓа во полициската станица Кисела Вода. Во моментот, како што претходно објави телевизијата е постапка поврзана со судскиот имунитет кој го ужива Георгиев, а за кој одлучува Судскиот совет....

Кавадарчанецот кој е на возраст од 35 години синоќа од полицијата бил лишен од слобода, заради агресивното однесување и заканите кон градоначалникот Јанчев. Тој откако го здогледал автомоилот на граодначалникот влегов во угостителскиот објект скршил чаша, почнал да удира по масата и да го навредува и да му се заканува на градоначалникот. За целиот тој случај тој денеска со длабоко жалење прво на телефон а потоа и во кабинетот дошол да се извини. – Бев во пијана состојба, го навредив Градоначалникот признавам. Му се извинив и сега сум со него и повторно му се извинив. Нема да се потори ова уште еднаш. Бев во алкохолизирана состојба а пијам и некои апчиња и така се случи тоа рече Никола Пртсенов Кавадарци Градоначалникот Јанчев го примил во својот кабинет на разговор како што вели за преку дијалог да видат во што е проблемот и дали може некако да му помогне. -Го прифатив извинувањето. Сега разговараме домаќински не само за мене, од мене тоа е прифатено но и за во иднина да нема вакви реперкусии бидејќи сепак е фамилијарен човек, покрај сите проблеми кои ги има мислам дека не треба да ги прави овие работи и добро е што е самокритичен днеска и ги прифаќа сите работи рече Митко Јанчев Градоначалникот на Кавдарци. Јанчев појасни дека е неприфатливо агресивното однесување кога за сите кои имаат било какви проблеми вратите на неговиот кабинет како градоначалник се во секое време отворени а и на улица било кој и да му се обрати ќе се најде време да го сослуша бидејќи функцијата која ја извршувува е во служба на граѓаните....

Во циркусот учиме ние, возрасните, повторно да го гледаме животот низ очите на децата и да се потсетиме на тоа што го знаевме како деца. Пишува Кица Колбе. За мене циркусот во Скопје доаѓаше заедно со летото. Кога школската година се ближеше до крајот, едно утро некој од учениците ќе извикаше: „Еј, дојде циркусот!” Кога тој беше во градот, сиот свет се преобразуваше. Такво беше моето чувство за циркусот во Скопје кога бев на возраст на внука ми. Мислам дека моето рано детство заврши во јулската вечер кога излеговме од шаторот на циркусот среде скопскиот парк. Цврсто сум уверена дека тоа беше вечерта спроти скопскиот земјотрес. А заврши моето детство затоа што во земјотресот загинаа моите најдобри другарки. Три сестрички, заедно со нивните родители. Од нтернетот дознав дека 26 јули 1963 бил петок. Обично со фамилијата одевме во летата во паркот во недела, ама во циркус сигурно и во делник. Тогаш под блескавото „небо” на циркускиот шатор чувствував дека летото и циркусот го преобразуваат градот во магична приказна. Нејзината магија одеше со мене во ноќта и додека се враќавме дома. Ми се чинеше дека светилките од циркускиот шатор продолжуваат да одат со мене како ѕвезден облак. Тогаш во циркусот уште имаше егзотични животни. Затоа се‘ во него мирисаше на непознати светови. Таа мешавина од непознати мириси беше залепена врз топката од зашеќерени пуканки, која ја држев во циркусот сето време в рака, додека восхитена се џарев угоре, кон „циркуското небо”. Од восхит заборавав да јадам. Дома, во пуканките уште посилно го мирисав циркусот. Затоа уште помалку ми се јадеше. Циркусот постои само за децата, си велев во таа ноќ, во која не ме фаќаше сон. Додека седев под блескавиот шатор, чувствував дека се наоѓам среде сонот. Среде оној свет за кој дотогаш мислев дека постои само во мојата фанатазија. Совршен ритуал Повеќе од шест децении подоцна, сега како баба, пак седев во петокот вечерта среде Келн во најголемиот келнски циркус „Ронкали” ( Zirkus Roncalli). И пак восхитено сознав дека циркусот сите ги преобразува во деца. Зашто јас во тој миг пак бев детето на 11 години! Знаев дека внука ми го виде тоа во мојот восхитен поглед. Тој не се разликуваше од нејзиниот. Како што и јас знаев дека сите што седеа околу нас во преполниот циркуски шатор, беа деца. Вистински или само преобразени во децата што биле некогаш. Таква е силата на магијата на циркусот. Околу нас седеа 2000 деца, зашто и бабите и дедовците, и тетките и вујковците, седеа крај своите внуци со детски поглед. Тој беше толку полн со детска радост, што тие во тој миг сигурно не знаеја која е нивната вистинска возраст.Уште кога стигнавме пред циркусот, се‘ беше како тогаш, кога јас одев во тој магичен простор со фамилијата во Скопје. А со тоа и Келн, на мигови, за мене беше Скопје во шеесеттите. Во нашиот свет што е доминиран од интернетот, небаре сè се случува во виртуелниот простор. Филмовите ги гледаме затворени во своите домови. А ние дури се радуваме што не мораме да одиме во кино! На истиот начин може да ја видиме и програмата на најпознатите циркуси во светот. Така брзо забораваме што беше магијата на одењето со фамилијата во кино. Дури и кога самите си правиме пуканки, за да го гледаме филмот од каучот. Но ниту нивниот мирис, ниту нивниот вкус не се исти со оние што ги паметиме од детството. Зашто посетата на циркусот беше секогаш многу повеќе од тоа. Таа беше совршен ритуал, во кој беа обединети толку многу нешта. Во тој ритуал беше возбудата на децата, мирисот на летото, џагорот на публиката, додека чека да ја пуштат да влезе во магичниот шатор. Децата во циркусот можат да ги видат одблизу кловновите пред претставата.Тие и сега шетаа во предворјето на циркусот и разговараа со децата, како тогаш, во скопскиот парк. Тоа што во нашиот виртуелен свет го забораваме е токму магијата на ритуалите и на особените културни простори како кино-салите и циркуските шатори. Во годините во кои интернетот го освојуваше светот, невидливо за нивните некогашни љубители беа затворени многу култни кино-сали, но тој процес беше најпогубен за циркусот. Не само малите, туку и прочуените големи циркуси се најдоа пред банкрот, беа затворени или тешко преживуваат. Најпознатиот келнски циркус „Ронкали” беше основан 1975-та од австриските уметници Бернхард Паул (Bernhard Paul) и Андре Хелер (Andrè Heller). Откако Хелер го напушти по кусо време, Бернхард Паул 1978-та се пресели во Келн, каде што е седиштето на циркусот и денес. Од 2018-та неговото име е „Циркус-театар Ронкали”. Да се гледа животот низ очите на децата Оваа година „Ронкали” ја започна турнејата со совршено конципираната програма „Уметност-е-уметност” (ArtistArt). Чудесната приказна ја раскажува историјата на уметноста, оживувајќи ги на сцената кловновите од сликите на Пикасо, сцените од парискиот живот од сликите на Матис и Тулуз-Лотрек, ликовите од делата на Фрида Кало, како и атмосферата од филмовите на Фелини, која директно ја сугерираше музиката од неговиот филм „Улица“ ( „La Strada“).„Ронкали”, за Енди Ворхол „најчудесниот циркус во светот”, ја раскажува приказната на еден циркус, кој самиот е восхитен од онаа поголемата приказна, на уметноста. Неа ја раскажуваат музеите, книгите, концертите или изложбите. „Ронкали” нив ги оживува како „живи слики”. Артистите се од сите страни на светот, а со тоа тие уште поавтентично ја раскажуваат приказната на циркусот кој го обединува сето човештво. Тоа е магијата на уметноста, на која припаѓа и циркусот. Програмата е преполна животна радост и творечка раскош, детски восхит за волшепството и за бајките. А додека човек седи среде тој огномет од чудесна музика, раскошни костуми и врвни уметници, тој сознава дека мора да постои циркусот ( не само за децата!) за да учиме да сонуваме. Мора да постои циркусот, за да можат возрасните во него да се потсетат на своите соништа од детството. Во циркусот учиме ние, возрасните, повторно да го гледаме животот низ очите на децата и да се потсетиме на тоа што го знаевме како деца. Дека во секое нешто чека да биде откриена една нова чудесна приказна. Конечно, во циркусот сознаваме дека фантазијата е лечебна, затоа што за миг ни ги отвара очите, за да сознаеме дека сме го заборавиле оној праизвор, од кој се раѓа радоста на животот – детската фантазија. Затоа во програмата на „Ронкали” беше музички раскажана и „Алиса во земјата на чудата”. Таа земја на чудата, која сите ја знаеме од лектирата во нашето детство, всушност, го прикажува светот како огромен циркус. Исконската слика на циркусот Програмата на „Ронкали” отсекогаш беше длабоко поетска.Таа и сега ја нуди замислата на „Ронкали” како треба да изгледа иднината на циркусот кој е во хармонија со уметноста. Циркусот отсекогаш беше присутен во делата на големите поети на филмот, како во „Улица” на Федерико Фелини или во „Небото над Берлин” на Вим Вендерс. Особено во филмот на Вендерс циркуската уметност е длабоко проникната од поезијата, но и од сознанието дека сонувачите во циркусот ги надминуваат границите на видливото. Уметниците во циркусот секогаш зрачат животна радост, но и блага меланхолија. Можеби затоа што тие се единствените уметници кои никогаш не ја заборавиле детската игра. Циркуските уметници се „возрасни деца”. Тие веќе сознале дека детството, тоа безвременско време, е многу кусо. Затоа мора да постои циркусот за да нè враќа секогаш одново во рајот на детството. Во тој рај, во циркускиот, затоа има и бескрајна радост, но и блага меланхолија. Таа е тагата на уметниците по детството, затоа што сите соништа на уметноста доаѓаат од тој непресушен извор во детството. Во совршената приказна на циркусот, на крајот се појавува повторно малечкиот кловн, со неговиот дом на тркала, вагонот, и малечкото куферче. Тоа е исконската слика на циркусот! Кловнот полека го отвори куферчето. Во него стоеше: „I love Köln!”Во градот на Рајна, циркусот „Ронкали” одамна ја најде својата нова татковина. Со новата турнеја „Ронкали” ја раскажува и својата приказна. За мене таа беше приказната на секој циркус. И на оној од моето детство, во скопскиот парк....

МВР информира дека синоќа во 22.00 часот во ОВР Гевгелија било пријавено дека на регионален пат Богданци – Гевгелија, на место викано „Трнката“, патничко возило „фиат“ со гевгелиски регистарски ознаки, управувано од А.Б.(22) од село Моин, излетало од коловозот. Во несреќата со тешки телесни повреди се здобил возачот, констатирани во Медицински центар Гевгелија. Увид на местото извршила екипа на ОВР Гевгелија...

Актуелната министерка за одбрана Славјанка Петровска во изјава за „Фокус“ вели дека размислува да влезе во трката за нов претседател на СДСМ откако актуелниот партискиот лидер Димитар Ковачевски најави внатрепартиски избори после изборниот резултат на СДСМ на двојните избори. „Размислувам да се кандидирам за претседател на СДСМ, но конечната одлука ќе ја донесам откако ќе биде започната постапката“, изјави Петровска за „Фокус“. Покрај неа, како што пишува најновиот број на неделникот „Фокус“, како можни претседателски кандидати на СДСМ се споменуваат и Зоран Заев, Стево Пендаровски, Оливер Спасовски, Венко Филипче, Петре Шилегов, Стефан Богоев, Јован Деспотовски, Игор Ивановски, Гордан Георгиев, Никола Поповски… Минатата недела од СДСМ најавија состаноци на партиското раководство и Извршниот одбор за отпочнување на постапката за свикување на отчетен конгрес по изборните резултати на партијата на двојните избори. На конгресот ќе се разгледаат причините за изборниот резултат, спроведените анализи и извештаи за работењето на СДСМ, а се очекува да бидат дефинирани и роковите и начинот за спроведување на внатрепартиски избори....

Првиот заменик претседател на Владата задолжен за европски прашања Бојан Маричиќ се сретна со амбасадорот на Франција Сирил Бомгартнер и новата француска експертка за ЕУ интеграции, Миа Матковиќ. „Евроинтеграцијата е основа за стабилен и социоекономски развој на државата. Започнатите процеси во преговорите со ЕУ треба да продолжат да ја исполнуваат стратешката цел за полноправно членство, имплементација на Планот за раст на Европската Комисија со големи придобивки за сите граѓани на државата, регионот и Европа.” На средбата присутните се согласија дека продолжува француската поддршка за Северна Македонија на патот кон ЕУ, потврдувајќи ја посветеноста на Франција за ЕУ интеграција на земјите од Западен Балкан. Средбата имаше за цел да ја претстави новата француска експертка за ЕУ интеграции која се приклучи на Секретаријатот за европски прашања во април...

Меѓународниот кривичен суд бара налози за апсење на израелскиот прмеиер Бенјамин Нетанјаху и на лидерот на Хамас Јахја Синвар под обвинение за воени злосторства и злосторства против човештвото поради нападите врз Израел на 7 октомври и последователната војна во Газа, изјави главниот обвинител на судот Карим Кан за Си-Ен-Ен. Кан рече дека МКС бара и налози за апсење на израелскиот министер за одбрана Јоав Галант, како и за двајца други водачи на Хамас – Мохамед Диаб Ибрахим ал-Масри, водачот на бригадите Ал Касем и попознат како Мохамед Деиф и Исмаил Ханија, политички лидер на Хамас. Потерниците против израелските политичари означуваат првпат МКС да го нападне главниот лидер на близок сојузник на САД. Одлуката го става Нетанјаху „во друштво“ на рускиот претседател Владимир Путин, по кого МКС издаде налог за апсење поради војната на Москва против Украина, јави Си-Ен-Ен. Судски панел ќе го разгледа барањето на Кан...

Петок, 24-мај, денот на сесловенските просветители Св. Кирил и Методиј е неработен ден за сите граѓани на Македонија, информираат од Министерството за труд и социјална политика. Министерството за труд и социјална политика на сите граѓани во Република Северна Македонија им го честита празникот „Св.Кирил и Методиј“- Денот на сесловенските просветители....

Многу сум задоволен што нашите две земји имаат воспоставено цврсти трговски и безбедносни односи. Оттука, се надевам дека за време на Вашиот мандат како Претседател односите, кои се веќе толку блиски, уште повеќе ќе се продлабочат, се вели во честитката од Кралот Чарлс Трети. Претседателката Гордана Сиљановска Давкова денеска се сретна со британскиот амбасадор Метју Лосон кој и предаде честитка од Кралот Чарлс Трети по повод нејзиното стапување на функцијата. Како што соопштија од кабинетот на Сиљановска Давкова, на средбата се разговарало за билатерални односи меѓу двете држави, при што претседателката истакнала дека нашата држава придава особено значење на развојот на пријателските односи и соработката со Обединетото Кралство, вклучувајќи го сојузништвото во НАТО алијансата. Претседателката Сиљановска Давкова посочи на нејзината подготвеност за натамошно унапредување на билатералната соработка со Обединетото Кралство во сите сфери од заемен интерес. Таа истакна дека како држава особено ја цениме британската поддршка во исполнувањето на стратешката цел – членство во Европската Унија, која продолжи и по Брегзит, се вели во соопштението. Амбасадорот Лосон на претседателката Сиљановска Давкова и предаде честитка од Кралот Чарлс Трети по повод нејзиното стапување на функцијата, во која упатува најискрени честитки за нејзиниот избор. „Уверен сум дека ќе го вложите целиот Ваш капацитет за време на Вашиот мандат како Претседател за справување со големите предизвици на нашето време, почнувајќи од справувањето со климатските промени до продлабочувањето на евроатлантската интеграција на Северна Македонија. Многу сум задоволен што нашите две земји имаат воспоставено цврсти трговски и безбедносни односи. Оттука, се надевам дека за време на Вашиот мандат како Претседател односите, кои се веќе толку блиски, уште повеќе ќе се продлабочат”, се вели во честитката од Кралот Чарлс Трети....

„Знаеш, јас мајка ми ја изгубив додека беше сè уште жива. Во моментот кога прв пат ми беше јасно дека не ме препозна. Мислам дека беа 20-тина секунди ако не и пократко, ама ми беше потполно јасно дека не ме препозна и дека се исплаши од мене. Во тој момент ми се појави една осаменост која потоа ја „тегнев“ постојано. Ја изгубив комоцијата на здраво-за-готово. На тоа дека мајка ми е phone call away. Од тогаш почнав да плачам и да оттагувам. Сè потоа, целoсната деменција, грижата, смртта, погребот, помените… Се ми беше некаква чудна бирократија. И дополнително ми беше тешко што мојата тага додека мајка ми е се уште жива ми беше незгодно некому да ја соопштам и да ја споделам“ *** Една од клучните улоги на книгите за деца и млади е отворањето простор за разговор. Поставување на основа која може да се искористи како иницијална точка да се започне разговор за деликатни прашањата, кои кај возрасните создаваат анксиозност, често се нелагодни или се чувствуваат неспремни да ги постават и правилно дискутираат со децата или младите. Секако, кнжевноста за деца и млади има минимум десетици други круцијални улоги, но во овој контекст важна ни е оваа. Фантастиката и бајките тој простор го отвораат преку вметнување фантастични елементи, лиминален или целосно одвоен свет кои нудат безбедна дистанца и полесно „копање“ низ темата која демне под пластовите фантазија. Од тие причини детските книги и книгите за млади се користат, на различни нивоа и форми, во психотерапијата со деца и млади. Ива Безинковиќ Хејдон и Хана Тинтор користат различен пристап кога во сликовницата „Мојата бабичка не знае која сум“ (во одличен превод на Калиопа Петрушевска) темата на деменцијата (подискретно и темата на смртта) ги претставуваат прилично реално. Нежно и педагошки одмерено, но истовремено прилично отворено. Ема е збунета зошто баба и Зринка, со која минувала прекрасни мигови (камување во шатор во дворот, читање стрипови, возење велосипед, патувања…) одеднаш се однесува чудно. Не знае каде и се наочарите, кој автобус ги води до дома иако претходно стотина пати се возеле со истиот, кој ден е, дали ги испила лековите и сл. И тоа прогресира и само станува поконфузно Конфузијата на бабата, збунетоста и уплашеноста на Ема се одлично претставени и низ транформирањето на колоритот и формите на илустрациите. Позадината станува темна, конфузијата на бабата претставена низ и форми кои делуваат флуидно и без јасни граници, додека Ема ја гледа збунето и физички се „држи“ за нешто. Како што состојбата на бабата прогресира, татко и станува тажен. Баба ми го загледуваше љубопитно а потоа го праша како се вика. Не го препозна. Никојпат претходно го немав видено татко ми да плаче како тогаш, на клупата пред старскиот дом. Но, кога се чини дека ситуацијата станува претешка, атмосферата се менува, и чувството на беспомошност се надминува кога во игра влегуваат веселите спомени. Почнуваат да се потсетуваат на смешни и убави случки врзани со бабата и тагата станува поднослива. Споменот за пријателствата во својата најжива форма, низ миговите на екстатично смеење и споделување, ја надмоќуваат тагата. Дополнително Ема ја покажува способност и флексибилност која почесто им е поблиска на децата отколку на возрасните, а тоа е да ја вклучи бабата во секојдневието на начин кој ја надминува ограниченоста од деменцијата. „Мојата бабичка не знае која сум“ е една од оние сликовници кои се наменети за деца помеѓу 6/7 – 9 години, но можеби уште повеќе за родителите на тие деца кои се исправени пред предизвикот комплексното прашање на деменцијата и смртта да го разговараат со децата. Истовремено на едно друго ниво е книга која може да ја читаат само возрасни кои (како мојата прјателка во воведот на текстот) се беспомошни пред неминовното. Низ сведен и едноставен јазик успева да нè потсети дека наместо да потонеме во нихилизам дека се е минливо и следи океан на осаменост и тага, до тој миг има време за љубов блискост, сеќавање и … создавање убави спомени. Лени Фрчкоска...

За Денот на пожарникарите, 20 Мај, Бригадата за противпожарна бригада на Скопје доби ново ветување за поголема плата и нови униформи. Градоначалничката на Скопје, Данела Арсовска, на пожарникарите им вети дека ќе побара од новата влада, т.е. прво нешто што ќе го смени да бидат прописите што кои ја ограничуваат платата на пожарникарите. „Прво, нашите пожарникари треба да имаат промена во условите од кои може да бидат платени. Тие лимитирани средствата што ги добиваат како надомест за нивната работа навистина се ниски. Тоа го утврдува законот и, за жал, ние како локална самоуправа не можеме да одиме над она што е утврдено со законските рамки, дури ни преку колективен договор. Затоа, апелот е лимитирачките услови што ги ограничуваат нивните бодови да бидат меѓу првите нешта што ќе бидат отстранети со нов пропис“, рече градоначалничката Арсовска. Застаната пред пожарникарите, градоначалничката зборуваше и дека петнаесет години тие немаат нови униформи поради бирократски процедури. Очекува поништувањето на сегашниот правилник да биде исто така меѓу првите прописи што ќе ги смени новата влада, како и одобрувањето доволно средства од буџетот за нови вработувања. „За да може да функционира скопската Противпожарна бригада како што треба, со својот полн капацитет, треба да има минимум 450 пожарникари, а во овој момент има 180. Пречка за ова претставуваат одобрувањето на средствата и бројката од дотациите што доаѓаат од буџетот, кои, за жал, во текот на овие изминати години немаше слух да биде надминато и да добиеме одобрение за пополнување на бројот од 180 до 450. Затоа повторно морам да апелирам, ова треба да биде една од првите работи што ќе се сменат“, рече градоначалничката Арсовска....

Договорот од Преспа храбро го отплетка она што беше Гордиев јазол. Типичната глупост спречи таа да биде целосно искористена во корист на Грција и дозволи да биде поткопана од џингоистичката екстремна десница во Северна Македонија. Пактот ги следи истите линии и рамка како француско-германскиот мир, пријателство и разбирање по Втората светска војна и е одличен пример за тоа како луѓето од овој регион можат да ја градат својата иднина со мир и оптимизам, без мешање од трета страна. И тоа во време кога пошироката област е зафатена од војна и намери за вооружени судири, пишува во колумна во грчкиот весник Катимерини поранешниот грчки министер за надворешни работи Никос Коѕијас, кој со тогашниот министер Никола Димитров го потпиша Договорот од Преспа во 2018 година. Тој ја истакнува геополитичката важност на Договорот од Преспа кој значи „безбедност за Грција и поширокиот регион, колку што значи и за Република Северна Македонија“ односно вели, дека РСМ постојано била под закани од „агресивни кругови кои се стремат кон „Голема Албанија“ и „Голема Бугарија“, што значи поделба на Северна Македонија“. „Договорот од Преспа удира и во срцето на одредени аспекти на иредентизмот. Нашиот пријател Северна Македонија призна дека историјата на Славомакедонците започнала во 7 век од нашата ера и не признава никаква поврзаност со Македонија на Александар Македонски (член 7 од договорот). Исто така, призна дека неговиот јазик немал врски со Античка Македонија, туку припаѓа на јужнословенското семејство јазици, како што предвидува договорот, што значи дека дошол илјада години по Кралството Македонија“, нагласува Коѕијас. Тој се осврнува и на другите аспекти од Договорот од Преспа кои по изборите од 2019 година владејачката Нова Демократија на Мицотакис не ги спровела. -Наместо да ја доведе работата до среќен крај, владата на Нова Демократија го распарчи комитетот со замена на експертите – пред сè нејзиниот претседател Спиридон Сфетас, истакнат авторитет на Балканот и на словенско-македонскиот јазик, без политичките определби, кои умреа кршејќи ја одлуката – со свои таканаречени експерти, кои имаа решителен недостаток да не зборуваат словенско-македонски. Затоа, не треба да изненадува што во последните пет години не е постигнат никаков напредок, пишува Коѕијас. Според него Договорот од Преспа не само што ги реши проблемите наследени од минатото, туку бил и пионер на позитивна агенда за соработка и подобрување на односите меѓу двата народи и народи. -Тоа значи соработка на секое поле, како што се економијата, културата и истражувањето, и низ различни тела: здруженија, синдикати, универзитети, јавни институции итн. Наместо да ги турка билатералните односи кон оваа цел за да може Грција да има сигурен пријател и сојузник – со позитивен ефект во целиот регион – владата на НД ја поткопа реализацијата на сите овие позитивни перспективи. Не само што владата не ги спроведе договорените повисоки меѓувладини совети, премиерот Киријакос Мицотакис не го ни посети Скопје, нагласува екс шефот на грчката дипломатија. „Договорот од Преспа беше фокусиран на граѓаните на двете земји, на нивните права, на олеснување на соработката меѓу нив и нивните граѓански општества, на зајакнување на демократијата во регионот и на поддршка на демократските реформи во Северна Македонија. Тој понуди огромна поддршка за аспирациите на Северна Македонија за членство во Европската Унија. Грција сакаше и сè уште сака Западен Балкан цврсто да ги остави зад себе старите поделби и неодамнешните конфликти“, пишува Коѕијас во колумната и објаснува зошто во грчкиот парламент досега требаше да се ратификуваат протоколите. -Се прашувам, не се запраша ли владата, дури и еднаш, што ќе се случи ако, со свои постапки или недостаток, ефективно го поништи договорот или, во најмала рака, го фрли во неред? И бидејќи поставувам прашања, може ли некој да ми каже како би и наштетило на Грција да го контролира воздушниот простор на Северна Македонија? Дали е „предавство“ протоколите што предвидуваат такво нешто да се донесат во Парламентот, кога дозволувањето на Турција да го контролира воздушниот простор на нашиот север би бил врвен знак на „патриотизам“, како што некои глупаво тврдат? И што, точно, би се случило со Грција доколку ги обучува свештениците, судиите, дипломатите и уште повеќе нејзини воени лица во Северна Македонија отколку што прави сега? Што ќе изгуби Грција што ја спречува владата да ги донесе овие протоколи-меморандуми во Парламентот на ратификација? И зошто одредени луѓе кои не ја ни знаат содржината на овие протоколи веруваат дека одбивањето да се ратификуваат е, некако, преговарачка карта што ја зајакнува нашата позиција во однос на другата страна?, пишува Коѕијас. Неговата колумна завршува со две забелешки, до Мицотакис и до социјалистичката ПАСОК кои го критикуваа Договорот од Преспа. „Забелешка 1: Владата не може да тврди дека е сериозна кога нејзиниот лидер се чувствува принуден да каже дека не се согласува со Договорот од Преспа во истиот момент кога се прекршува договорот или кој погрешно тврди дека договорот „на нашите соседи им даде нација и национална идентитет“. Ниту меѓународните договори го прават тоа, ниту, се разбира, договорот од Преспа, бидејќи такво нешто во меѓународното право нема. Многу се плашам дека исто како што некои глупаво одеа наоколу велејќи дека оствариле вето во Букурешт – што не го направија, но на тогашната ПЈРМ ѝ дадоа можност да се обрати до Меѓународниот суд на правдата во Хаг, на штета на Грција. – па одредени луѓе денес глупаво тврдат дека договорот дал работи што не ги дал, притоа не разбирајќи го вистинскиот ризик таквите изјави да бидат искористени на штета на Грција – повторно. Забелешка 2: Социјалистичката ПАСОК рече дека верува дека Договорот од Преспа е „двосмислен“ и дека тоа е она што му овозможи на новото раководство во Северна Македонија да го „предизвика“. Зарем раководството на ПАСОК не разбира дека новата влада во Скопје на меѓународните критики за кршење на договорот ќе одговори со повикување на такви изјави на грчките политичари? Или Договорот од Преспа е добар и секое негово прекршување е погрешно или нема прекршување затоа што договорот е двосмислен и затоа сме против него. Одредени функционери во ПАСОК, а исто така и во НД, се однесуваат и зборуваат како да не разбираат дека тоа што го прават ја разоткрива Грција на меѓународен план“....

Договорот од Преспа храбро го отплетка она што беше Гордиев јазол. Типичната глупост спречи таа да биде целосно искористена во корист на Грција и дозволи да биде поткопана од џингоистичката екстремна десница во Северна Македонија. Пактот ги следи истите линии и рамка како француско-германскиот мир, пријателство и разбирање по Втората светска војна и е одличен пример за тоа како луѓето од овој регион можат да ја градат својата иднина со мир и оптимизам, без мешање од трета страна. И тоа во време кога пошироката област е зафатена од војна и намери за вооружени судири, пишува во колумна во грчкиот весник Катимерини поранешниот грчки министер за надворешни работи Никос Коѕијас, кој со тогашниот министер Никола Димитров го потпиша Договорот од Преспа во 2018 година. Тој ја истакнува геополитичката важност на Договорот од Преспа кој значи „безбедност за Грција и поширокиот регион, колку што значи и за Република Северна Македонија“ односно вели, дека РСМ постојано била под закани од „агресивни кругови кои се стремат кон „Голема Албанија“ и „Голема Бугарија“, што значи поделба на Северна Македонија“. „Договорот од Преспа удира и во срцето на одредени аспекти на иредентизмот. Нашиот пријател Северна Македонија призна дека историјата на Славомакедонците започнала во 7 век од нашата ера и не признава никаква поврзаност со Македонија на Александар Македонски (член 7 од договорот). Исто така, призна дека неговиот јазик немал врски со Античка Македонија, туку припаѓа на јужнословенското семејство јазици, како што предвидува договорот, што значи дека дошол илјада години по Кралството Македонија“, нагласува Коѕијас. Тој се осврнува и на другите аспекти од Договорот од Преспа кои по изборите од 2019 година владејачката Нова Демократија на Мицотакис не ги спровела. -Наместо да ја доведе работата до среќен крај, владата на Нова Демократија го распарчи комитетот со замена на експертите – пред сè нејзиниот претседател Спиридон Сфетас, истакнат авторитет на Балканот и на словенско-македонскиот јазик, без политичките определби, кои умреа кршејќи ја одлуката – со свои таканаречени експерти, кои имаа решителен недостаток да не зборуваат словенско-македонски. Затоа, не треба да изненадува што во последните пет години не е постигнат никаков напредок, пишува Коѕијас. Според него Договорот од Преспа не само што ги реши проблемите наследени од минатото, туку бил и пионер на позитивна агенда за соработка и подобрување на односите меѓу двата народи и народи. -Тоа значи соработка на секое поле, како што се економијата, културата и истражувањето, и низ различни тела: здруженија, синдикати, универзитети, јавни институции итн. Наместо да ги турка билатералните односи кон оваа цел за да може Грција да има сигурен пријател и сојузник – со позитивен ефект во целиот регион – владата на НД ја поткопа реализацијата на сите овие позитивни перспективи. Не само што владата не ги спроведе договорените повисоки меѓувладини совети, премиерот Киријакос Мицотакис не го ни посети Скопје, нагласува екс шефот на грчката дипломатија. „Договорот од Преспа беше фокусиран на граѓаните на двете земји, на нивните права, на олеснување на соработката меѓу нив и нивните граѓански општества, на зајакнување на демократијата во регионот и на поддршка на демократските реформи во Северна Македонија. Тој понуди огромна поддршка за аспирациите на Северна Македонија за членство во Европската Унија. Грција сакаше и сè уште сака Западен Балкан цврсто да ги остави зад себе старите поделби и неодамнешните конфликти“, пишува Коѕијас во колумната и објаснува зошто во грчкиот парламент досега требаше да се ратификуваат протоколите. -Се прашувам, не се запраша ли владата, дури и еднаш, што ќе се случи ако, со свои постапки или недостаток, ефективно го поништи договорот или, во најмала рака, го фрли во неред? И бидејќи поставувам прашања, може ли некој да ми каже како би и наштетило на Грција да го контролира воздушниот простор на Северна Македонија? Дали е „предавство“ протоколите што предвидуваат такво нешто да се донесат во Парламентот, кога дозволувањето на Турција да го контролира воздушниот простор на нашиот север би бил врвен знак на „патриотизам“, како што некои глупаво тврдат? И што, точно, би се случило со Грција доколку ги обучува свештениците, судиите, дипломатите и уште повеќе нејзини воени лица во Северна Македонија отколку што прави сега? Што ќе изгуби Грција што ја спречува владата да ги донесе овие протоколи-меморандуми во Парламентот на ратификација? И зошто одредени луѓе кои не ја ни знаат содржината на овие протоколи веруваат дека одбивањето да се ратификуваат е, некако, преговарачка карта што ја зајакнува нашата позиција во однос на другата страна?, пишува Коѕијас. Неговата колумна завршува со две забелешки, до Мицотакис и до социјалистичката ПАСОК кои го критикуваа Договорот од Преспа. „Забелешка 1: Владата не може да тврди дека е сериозна кога нејзиниот лидер се чувствува принуден да каже дека не се согласува со Договорот од Преспа во истиот момент кога се прекршува договорот или кој погрешно тврди дека договорот „на нашите соседи им даде нација и национална идентитет“. Ниту меѓународните договори го прават тоа, ниту, се разбира, договорот од Преспа, бидејќи такво нешто во меѓународното право нема. Многу се плашам дека исто како што некои глупаво одеа наоколу велејќи дека оствариле вето во Букурешт – што не го направија, но на тогашната ПЈРМ ѝ дадоа можност да се обрати до Меѓународниот суд на правдата во Хаг, на штета на Грција. – па одредени луѓе денес глупаво тврдат дека договорот дал работи што не ги дал, притоа не разбирајќи го вистинскиот ризик таквите изјави да бидат искористени на штета на Грција – повторно. Забелешка 2: Социјалистичката ПАСОК рече дека верува дека Договорот од Преспа е „двосмислен“ и дека тоа е она што му овозможи на новото раководство во Северна Македонија да го „предизвика“. Зарем раководството на ПАСОК не разбира дека новата влада во Скопје на меѓународните критики за кршење на договорот ќе одговори со повикување на такви изјави на грчките политичари? Или Договорот од Преспа е добар и секое негово прекршување е погрешно или нема прекршување затоа што договорот е двосмислен и затоа сме против него. Одредени функционери во ПАСОК, а исто така и во НД, се однесуваат и зборуваат како да не разбираат дека тоа што го прават ја разоткрива Грција на меѓународен план“....

„Национализмот е доживуван како проблем во Македонија, Црна Гора и Босна и Херцеговина. Трите земји од Западен Балкан кои се мултиетнички, каде се користи национализмот како средство за конфронтација меѓу политичките елити кога немаат испорака на резултати“ рече Илина Мангова, Регионалната советничка за Европа од Меѓународниот републикански институт (ИРИ) во утринската програма на „Слободен печат“, коментирајќи ја нивната последна анкета. Добиј ги најважните вести, бесплатно на Viber Таа додаде дека како најодговорни за предизвикување национализам во анкетата се идентификувани политичките партии и лидери, а потоа странските сили и медиумите. „Тука се покажува одговорноста на овие политички актери кои си играат со национализмот кога се слаби сами по себе да донесат резултати и силни институции кои ќе ги сервисираат граѓаните. Граѓаните очекуваат институциите да функционираат, да не бидат политички злоупотребувани, туку да функционираат со давање услуги“ рече Мангова. Таа додаде дека клучната одговорност на политичките лидери треба да биде, паралелно на работењето на евроинтегравниот процес, да ги менаџираат позитивно и конструктивно меѓуетничките односи, за национализмот да не прерасне во проблем....

Според одлуката на Регулаторната комисија за енергетика (РКЕ), цената на бензинот БС-95 се намалува за 1,50 денари за литар, а за еден денар за литар се намалува цената на БС-98, дизелот и екстра лесното масло за домаќинство Од ноќеска на полноќ горивата ќе се продаваат по нови, намалени цени. Според одлуката на Регулаторната комисија за енергетика (РКЕ), цената на бензинот БС-95 се намалува за 1,50 денари за литар, а за еден денар за литар се намалува цената на БС-98, дизелот и екстра лесното масло за домаќинство. Па така, од полноќ литар бензин БС-95 ќе се продава за 83 денари за литар, бензинот БС-98 ќе чини 85,50 денари за литар, а дизелот ќе се продава за 73 денари за литар. Екстра лесното масло за домаќинство ќе се продава по 72,50 денари за литар. Со одлуката на РКЕ од полноќ за 0,306 денари за килограм се намалува цената на мазутот и истиот ќе се продава за 42,629 денари....

На 19.05.2024 во 13.30 часот во СВР Скопје било пријавено дека на локалниот пат на Средно Водно во Скопје, патничко возило „хјундаи“ со скопски регистарски ознаки, управувано од Л.М.(63) од Скопје, удрило во велосипед, управуван од Б.М.(36) од Нераште. Во несреќата со тешки телесни повреди се здобил велосипедистот Б.М., констатирани во Градската општа болница „8 Септември“ во Скопје. Извршен бил увид од увидна екипа на СВР Скопје...

Македонецот Мајк В. Поп Гинов кој живее во Шведска е приведениот за загрозување на сигурноста на уставната судијка Добрила Кацарска, објави „Скопје 1“. Тој, како што пренесуваат, бил приведен откако и кажал на Кацарска „Ќе одговарате“, а тврди дека ниту викал, ниту имал намера да ја допре претседателката на Уставниот суд. Посочува дека сѐ се случувало во трговскиот центар „Рамстор“, каде случајно влегол откако бил на самитот „Македонија 2025“. „Влегов во Рамстор каде што ме чекаа две блиски пријателки. Кога се приближив до нивното сепаре пред да седнам, приметив дека возрасна жена во соседното сепаре упорно зјапа во мене. Ја препознав ,тоа беше претседателот на уставниот суд Кацарска ,според мене една од нај корумпираните и лојални судии на квислингот Заев и ДУИ заради која големи Македонски синови се осудени на долгогодишни робии. Мојата пријателка Наде Дуклеска дури го одбрани магистерскиот труд по право на тема 27ми април елаборирајќи како е нарушено човечкото право на македонските уставобраниели. Најмалку што можев беше да и кажам: `ЌЕ ОДГОВАРАТЕ` по што си седнав во сепарето. Дотичната го викна личното обезбедување кои ми ги покажа беџовите на МВР со образложение дека ќе мора да ме идентификуваат“, изјавил Поп Гинов. Тој е дециден дека немал намера за физичка пресметка. „Ниту сум викал, ниту сум имал намера некого да допрам.. дури мојата пријателка не ме слушнала што сум кажал, а беше по блиску до мене отколку Кацарска. Госпоѓата изгледа си ја има `мувата на капата` па паничеше без потреба“ додава тој. Рекол дека не е насилник. „Во полициската станица бев задржан неколку часа, а еден од инспекторите помеѓу другото ме праша дали знам дека таа е трет човек во државата ,на што му одговорив дека секој треба да одговара пред законот подеднакво и никој не смее да злоупотребува државна позиција, напротив, одговорноста на државните функционери треба да биде поголема бидејќи се платени од граѓаните и треба да работат во интересот на Македонските граѓани. После некое време бев пуштен со напомена дека ќе бидам кривично гонет според член 144 став 4“ посочил тој...

Индиската полиција денеска уапси 17-годишник кој гласал осумпати за владејачката партија на премиерот Нарендра Моди, додека опозициските партии негодуваа поради наводна измама на гласачите на тековните национални избори. Изборната комисија на Индија ги суспендираше претставниците на избирачките места и нареди ново гласање на избирачкото место откако видеото на малолетникот на кое тој гласа за хинду националистичката партија Бхаратија Џаната (БЈП) стана вирално. „Ова е второ гласање“, вели момчето, насмевнувајќи се кон камерата на неговиот телефон откако го притисна копчето за електронска гласачка машина за кандидатот на БЈП во Утар Прадеш, најнаселената држава во Индија. „Сега погледнете! Ова е мој трет глас… сега гласав веќе петпати, сега одам по шести пат“, додава тој по секое притискање, пред конечно да престане по осмиот пат. Според законите на Индија, гласач може да биде лице со наполнети 18 години. „Го приведовме малолетникот и тој го потврди за она што беше видливо за сите на виралното видео“, изјави заменик-началникот на полицијата Дананџај Синг Кушваха. „Ни кажа дека гласал осумпати и притоа се снимал“, додаде тој...

Министерството за труд и социјална политика соопшти дека 23 мај 2024 година (четврток), Националниот ден на Власите, е неработен ден за граѓаните припадници на влашката заедница во Република Северна Македонија согласно со Законот за празниците на РМ („Службен весник на РМ“ бр.21/98 и 18/07). Министерството за труд и социјална политика, воедно, на граѓаните припадници на влашката заедница во Република Северна Македонија им го честита Националниот...

Во системот МојТермин треба да има слободни места за жени со гинеколошки болести кои не може да чекаат. Жените треба да прават ХПВ (хуман папилома вирус) тест, а не ПАП (папаниколау) тест бидејќи тој е веќе историја. Жените треба да прават редовни прегледи на гинеколог за да се откриваат болестите во рана фаза. Ова се заклучоците од денешната прес-конференција кои ги истакна проф. д-р Горан Димитров, во организација Македонската асоцијација на гинеколози и акушери (МАГО), по повод Неделата на женското здравје 2024 година. На конференцијата, освен него зборуваа и проф. д-р Глигор Тофоски, претседателот на Македонска асоцијација на гинеколози и опстетричари (МАГО), д-р Ламбе Крстески, матичен гинеколог во Шуто Оризари, како и Марија Башеска Стојановска, новинарка-толкувач на знаковен јазик во МРТВ и претставничка од заедницата на лицата со попреченост. „Нашиот предлог е да се направи во МојТермин да има секогаш слободни места обеележани со сина боја, кои ќе ги искористат пациентки со одредени гинеколошки болести кои не може да чекаат. Кога зборуваме за ракот на грлото на матката, од 2016 година е ставено до знаење од научната јавност дека ПАП тестот е веќе во историјата. Сите жени треба да прават ХПВ тест. Се случува да ни доаѓаат жени кои имаат негативен ПАП, а имаат ХПВ. И трето, има типови на рак кои со редовни прегледи и биохемиски параметри можат да се откријат во порана фаза, а тоа е поентата, да се „фатат“ болестите во порана форма. Сите овие работи се лесно остварливи“, вели Димитров. Д-р Глигор Тофоски кажа дека многу жени доаѓаат на превентивни прегледи. „Имаше и зголемен број на интервенции кои во порана фаза ги откриваме и со помала интервенција ги решававме. Една пациентка со цервикален карцином ја чини државата 200 илјади евра со сите третмани, отуства од работа, хемотерапи и жената никогаш не го враќа својот квалитет на живот како претходно. А со превентивата, ако доаѓаат на редовни прегледи може да заштедат многу пари. Затоа во фокусот ни е да влијаеме на превентивата, да се преземат што повеќе мерки да им се овозможи на сите жени да добијат основно здравствено осигурување за да можат да остваруваат редовни прегледи на гинеколог“, рече Тофоски. Тој додаде дека со ХПВ вакцинацијата која веќе влезе во редовниот качлендар за вакцинација за девојчиња и за момчиња, за 10 години, опсегот на сериозните гинеколошки болести поврзани со ХПВ, ќе се намали за 90 отсто. Согласно податоците од Министерство за здравство и Фондот за здравствено осигурување, во Шуто Оризари има 2.500 жени кои се здравствено осигурани, но немаат одбрано матичен гинеколог, како и околу 1.000 жени кои не се осигирани и немаат матичен гинеколог. Согласно законските регулативи во Р. С. Македонија, секој поединец без разлика на работниот статус може здравствено да се осигура и со тоа да се стекне со правото на бесплатни здравствени услуги. Централниот фокус на Неделата на женското здравје 2024 е меѓународниот симпозиум „Здравјето во фокусот на жената“, наменет за специјалисти и специјализанти по гинекологија и акушерство. Овој симпозиум, со интернационален карактер ќе се одржува до 19 мај, а ќе собере голем број на експерти за да се осврнат на актуелните прашања за здравјето на жените. Свеченото отворање е денеска од 18 часот. Во текот на целиот симпозиум, учесниците ќе се вклучат во дискусии и презентации кои покриваат широк спектар на теми, вклучувајќи ХПВ вакцина, вакцинација во бременост, улогата на обезитетот во бременоста, а ќе има и презентација на стандардната оперативна процедура на центрите за жртви од сексуално насилство. „Симпозиумот ќе ги унапреди знаењата и вештините на здравствените работници и ќе ја подигне свеста кај популацијата за клучните аспекти на здравјето на жените“, велат во МАГО. Повеќе...

Претседателот на Движење Беса, Биљал Касами денеска од Тетово информира дека добро оди целата процедура за договорање на следната влада. Според него, се разговара за принципите на функционирање на следната влада, се усогласуваат програмите и слично. Тој на настанот „Отворен ден“ во организација на средните училишта во Тетово изрази надеж дека преговорите како резултат ќе имаат влада која, како што рече, ќе биде компететна, со професионалци, која ќе биде со луѓе кои ќе работат за државата и за граѓаните без разлика на нивната етничка припадност. -Ние сме свесни дека во една мултиетничка држава и општество како што е Македонија не можат сите министри да бидат Албанци и Македонци. Но што е важно било кој да биде во едно министерство треба да работи за сите граѓани без разлика на етничка и верска и друга припадност. Во оваа фаза имаме разбирање меѓу партнерите кои ја договараат следната Влада дека без разлика кој каде ќе седне на која фотеља, ќе треба да работи за сите граѓани. Ова е многу важно за нас затоа што во минатото иако имаше многу министерства кои беа предводено од Албанците,ниту тие министерства не работеа и доволно за Албанците и за другите и за Македонците и другите граѓани.Значи етничката припадност за нас не е најаважна за да ние го реализираме тоа што го имаме ветено, изјави Касами. На прашањата дали е познато колку министерски места ќе се распределат меѓу партнерите, Касами потенцира дека кога ќе има краен договор ќе им го соопштат на јавноста. -Тоа е дел од стратегијата за преговарање, ние може да бараме и пола Влада, може да ни се понуди и многу малку, но на крај ќе дојдеме до тоа што ќе биде најсоодветно за сите партнери во следната Влада. Што е најважно, во интерес на граѓаните, рече тој. За изјавата на Али Ахмети дека прегласувањето во среда може да донесе меѓуетнички тензии, Касами со коментар оти тоа било во минатото. -Секој си зборува со тоа што знае да го прави. Али Ахмети, така договарал во минатото и така постапувал во минатото. Али Ахмети знае како ги добил и овие мандати кои ги добил сега. Затоа е во паника. Ние едноставно кажуваме да им дадеме можност на граѓаните во среда да излезат и да гласаат. Ако тој е сигурен во тие гласови што ги добил, треба да биде мирен дека пак ќе ги добие. Ако знае дека ги добил на начин кој не е демократски, не е фер, не е слободна волја на граѓаните, затоа е во паника. Ние кажуваме дека треба да создадеме услови во среда и тие граѓани да излезат и да гласаат во слободна волја за да може да кажеме кој ќе биде нивен претставник во Собранието. Ние се надеваме дека ќе имаме добар резултат, изјави лидерот на Движењето Беса. Касами соопшти дека нема да биде пратеник и ќе ја задржи градоначалничката функција....

Кавадарчанец на возраст од 35 години синоќа бил лишен од слобода, бидејќи во угостителски објект во центарот на градот агресивно се однесувал и му упатил закани на градоначалникот Митко Јанчев. Од СВР Велес информираат дека тој бил задржан во полициска станица и по целосно документирање на случајот против него ќе биде поднесена соодветна пријава. Околу тоа што точно се случило, за ,,Фокус” појаснува градоначалникот, кој вели дека синоќа, кога се случил немилиот настан, седел во локалот со свои соработници од јавните служби и разговарале за претстојниот фудбалски натпревар. Мажот кој му дошол на маса да му се заканува, првин го забележал неговиот автомобил пред локалот, со намера да се заканува влегол внатре, скршил чаша, и започнал да го навредува, да удира на неговата маса, и да му кажува дека ќе види убаво. … Повеќе...

Владата апелира до граѓаните да внимаваат доколку добијат СМС или други пораки во кои се посочува Владата како испраќач и се бара надомест. – Во конкретниот случај кој се појави во изминатите часови (прикажан на сликите подолу), станува збор за смишинг и фишинг измама која е пријавена и по која соодветните служби веќе постапуваат. Доколку граѓаните добијат или веќе добиле порака со ваква или слична содржина во која се посочува Владата како испраќач, истата треба да ја сметаат за лажна и да не кликаат ниту на дадените линкови, ниту да одговараат на пораките кои ги добиле, велат од Владата. Апелираат до граѓаните да не наседнуваат на лажни пораки од странски телефонски броеви и мејлови и да не ги даваат личните податоци. – Граѓаните треба да бидат внимателни и одговорни околу своите лични податоци, односно да не ги споделуваат и разменуваат со непознати лица, како и со лица на кои не може однапред да им се утврди идентитетот, се наведува во соопштението од Владата...

Таен договор Европскиот фронт да не биде втора сила во земјата направен во „црвените подруми“, кој може да влијае врз меѓутеничките односи. Со вакви обвинување минатиот викенд лидерот на ДУИ, Али Ахмети ги окарактеризира одлуките за прегласување на изборите на седум избирачки места, што ќе се спроведе на 22-ри мај. Со тоа прегласување Европскиот фронт предводен од ДУИ може да остане без два пратенички мандати ако Коалицијата Вреди во Желино и СДСМ во Изборната единица 5 постигнат поголема победа. Како што е познато, Државната изборна комисија утврди дека ќе има прегласување на седум избирачки места во петтата и шестата изборна единица, откако Управниот суд минатиот петок ги отфрли како неосновани сите седум тужби од коалицијата „Европски фронт“ поднесени против решенијата на ДИК. Од коалицијата Вреди ја поздравија одлуката, оценувајќи дека е во согласност со волјата на граѓаните, а од „Европскиот фронт“ и претходно, и потоа обвинија за изборен инженеринг кој има за цел да го промени односот на бројките во Собранието преку политички договор на други партии. Тоа беше повод ДУИ завчера да свика ургентен состанок на претседателството. Портпаролот на партијата, Арбр Адеми, по состанокот изјави дека за натамошните чекори партискиот претседател Али Ахмети ќе има координативни средби со сите политички партии кои го сочинуваат Европскиот фронт. Опасни политички акробации Ахмети изрази стравување дека неправдата што му е нанесена на Европскиот фронт со одлуките за прегласување, ќе има влијание и на меѓуетничките односи. Но и дека целта е Европскиот фронт да не биде втора сила во земјата. “Овој момент доаѓа по анализа на одлуките на ВМРО и СДСМ за повторување на изборите на овие изборни места, со цел да се спојат за Европскиот фронт да не биде втора сила во земјата. Ова е направено од двете најголеми партии од македонска националност, кои политики, за жал, се плашиме дека ќе имаат влијание и на меѓуетничките односи, кои ние не ги посакуваме“, изјави Ахмети. Тој најави дека наскоро ќе ги разоткрие сите планови што се правеле во „црвените подруми”. „Сите политички акробации, тајни договори во црвените подруми што се прават, се неприфатливи и за осуда. Бидејќи истите значат чекор назад и тоа не треба да се толерира, туку сите страни треба да влијаат. Ги знаеме сите детали за зделките во црвените подруми, политичките зделки. Во иднина ќе излеземе со детали за сите договори и ќе и ги претставиме на јавноста“, рече Ахмети. Претставници на Коалицијата Вреди изјавите на Ахмети ги коментираа како недостиг на моќ Европскиот фронт да се соочи со реалноста. Во коалициското соопштение Вреди го повика Европскиот фронт да дејствува како конструктивна опозиција. „На сите им е јасно дека откако Али Ахмети сфати дека ја изгубил власта, изгубил и контрола, но го повикуваме доколку сака европска перспектива на земјата, да остане смирен и да ги води партнерите од Фронтот да бидат конструктивна опозиција, да ги поддржат прашањата кои се во интерес на Албанците, како што тоа досега го правеа партиите на Вреди како опозиција и да дозволат правдата да дејствува. Кога правдата постапува според законот, тогаш евроинтегративниот пат на државата е загарантиран“, соопштија од Вреди. Има ли канализација во Зајас? Весникот „Лајм” пренесува став на портпаролот на АА, Арбен Зекири, според кого, жедта за власт на албанската опозиција се користела како никогаш досега за да се дефакторизираат Албанците и политичката моќ на Албанците. „Партискиот инженеринг во ДИК и одлуките за прегласување имаат повеќе цели, но само една конечна – слабеење на моќта на Албанците. Повторното гласање со цел да се добијат двајцата пратеници на Европскиот фронт на прво место се чини дека има тенденција да ја намали разликата помеѓу Вреди и Европскиот фронт. Но тенденцијата на македонските партии ВМРО и СДСМ, со помош на Вреди, е уште поголема од тоа. Кога би се формирала владина коалиција меѓу ВМРО и Вреди, тогаш Европскиот фронт би бил втората политичка сила во државата, всушност првата опозициска сила во државата. Со оваа позиција Фронтот предводен од Албанците би имал голем број клучни позиции во државата“, пишува Зекири. Притоа потсетува во кои институции се избираат првите луѓе токму предлог на најголемата опозициска партија – почнувајќи од ДИК па до регулаторни тела. „За да се спречи сето ова, ВМРО, СДСМ и со помош на сервилноста на Вреди го оркестрираат целиот процес во ДИК за намалување на гласовите и пратениците на Европскиот фронт а зголемување на СДСМ“, пишува Арбен Зекири. Од друга страна, Аднан Азизи од Движењето Беса, која е дел од Коалицијата Вреди, потсетува каква била грижата на ДУИ за Албанците. Според него, и по 22 години власт на ДУИ, сѐ уште нема канализација во родното село на Ахмети, Зајас, но затоа пак тој има многу лични кули. Според Азизи, нема потреба да зборуваат за големи политики оние што го оставиле народот во беда, а кражбите ги прикриваат со „Европа“.(dw)...

Долж Повардарието утре ќе дува засилен ветер. До среда ќе се задржи нестабилно време, претежно во попладневните часови со локален пороен дожд и грмежи. Наместа процесите ќе бидат поинтензивни во форма на краткотрајно невреме, со засилен ветер, обилен пороен дожд за кратко време и изолирана појава на град. Во четврток ќе има услови за краткотраен дожд, претежно во планинските подрачја, а преодно стабилизирање на времето се очекува во петок. Температурите ќе бидат без значителна промена. Утринската температута ќе се движи од осум до 15, а максималната дневна ќе достигне до 30 степени...

На 19.05.2024 во 22.00 часот во Прилеп, полициски службеници од ОВР Прилеп ги лишиле од слобода Б.С.(27) и Д.Д.(22), двајцата од Прилеп. Тие биле затекнати при извршување на „тешка кражба” од плац на правно лице од Прилеп. Притоа, тие физички нападнале полициски службеник кој не бил на работа, а го пријавил настанот. Тие биле задржани во полициска станица и по целосно документирање на случајот против нив ќе следува соодветна пријава...

Кавадаречката полиција синоќа привела 35-годишен маж од Кавадарци кој насилно се однесувал и му се заканувал на градоначалникот на општината, Митко Јанчев. Инцидентот се случил во угостителски објект. „Синоќа во 23:35 часот во Кавадарци, полициски службеници од Полициската станица Кавадарци го лишиле од слобода П.Н. (35) од Кавадарци, затоа што агресивно се однесувал кон М.Ј. (43) од Кавадарци и му упатил закани“ информираат од МВР за МИА. Мажот, како што соопштија од полицијата, е задржан во станица, а по целосно документирање на случајот против него ќе биде поднесена соодветна пријава...

250 измерени притисоци, 200 гликемии и 130 пикфлуометрии. Сликите говорат за одличната атмосвера. Честит ден на сите семејни лекари. Покрај големиот број посетители на настанот кои добија преглед како случаен минувач беше амбасадорот на Република Словенија на кои колегите му направија пикфлуометрија и измерија тензија Едно браво за моите колеги учесници на акцијата....

Неколку високи ирански функционери, исто така, загинаа заедно со иранскиот претседател Ебрахим Раиси во хеликоптерска несреќа во шумата Дизмар, лоцирана меѓу градовите Варзакан и Џолфа во провинцијата Источен Азербејџан. Покрај Раиси, загинаа иранскиот министер за надворешни работи Хосеин Амирабдолахиан, гувернерот на Источен Азербејџан Малек Рахмати, претставникот на иранскиот врховен лидер во Источен Азербејџан Мохамад Али Але-Хашем, шефот на претседателската гарда Мехди Мусави, пилотот на хеликоптерот, копилотот и екипажот. Раиси и неговите сопатници се враќале од настан со азербејџанскиот претседател Илхам Алиев...

Спасувачките служби ги извлекле телата на иранскиот претседател Ебрахим Раиси и на уште осум лица кои патувале со хеликоптер што се урна вчера во планините на северозападот на земјата, соопшти утринава Црвената полумесечина. „Во тек е трансферот на телото на маченикот во Табриз, голем град на северозападот на Иран“, изјави шефот на Црвената полумесечина за државната телевизија, објавувајќи дека операцијата за пребарување е завршена. The footage shows the transfer of the bodies of the martyrs by the Iranian Red Crescent Society (IRCS) and army rangers pic.twitter.com/oJtEiEc0U6 — IRNA News Agency (@IrnaEnglish) May 20, 2024 Остатоците од хеликоптерот во кој се урна Раиси и министерот за надворешни работи Хосеин Амир-Абдолахиан беа пронајдени рано утринава по бурна потрага. Смртта на Раиси ја потврди потпретседателот Мохсен Мансури во изјава објавена на социјалните мрежи и на телевизија. Државната телевизија објави дека на снимките од местото на настанот се гледа како хеликоптерот удрил во врвот на планината, но нема официјални информации за причината за падот....

Одбележување на Денот на македонските пожарникари – 20 Мај, во организација на Град Скопје....

Израел на никаков начин не е вмешан во смртта на иранскиот претседател Ебрахим Раиси и неговиот министер за надворешни работи Хосеин Амир Абдолахиан, изјави израелски претставник за новинската агенција Ројтерс. „Тоа не бевме ние“, рече службеникот, кој сакаше да остане анонимен. Во моментов сè укажува дека хеликоптерот се урнал поради лоши временски услови и слаба видливост, додава Ројтерс и објаснува: Иран и Израел се непријатели долги години, а Израел силно се противи на развојот на нуклеарната програма на Техеран. Во различен степен, Иран поддржа, финансираше и обучи неколку групи низ регионот на Блискиот Исток, вклучувајќи ги Хамас во Газа, Хутите во Јемен, Хезболах во Либан и бројни други фракции со седиште во Сирија и Ирак. Израел ретко официјално ги коментира своите активности надвор од своите граници, кои во последните месеци вклучуваат напади во Либан, Сирија и Иран. Во април, Иран започна директен напад врз Израел, овластен од Раиси, за кој рече дека е одмазда за, како што сметаше, израелски напад врз ирански дипломатски комплекс во сириската престолнина Дамаск, на 1 април, во кој беше убиен висок функционер во Корпусот на гардата на исламската револуција на Иран и уште осум офицери...

Едно лице загина, а две се повредени во сообраќајна несреќа што вчера попладне се случила на автопатот Куманово-Скопје во атарот на Агино Село, информира Министерството за внатрешни работи (МВР). Несреќата се случила вчера пред 15 часот кога автомобил марка „субару импреза“ со кумановски регистарски ознаки, управуван од 64-годишен кумановец со иницијали И.А., излетало од коловозот. „Од здобиените повреди на местото на несреќата починал сопатникот Б.Н. од Куманово, а лекар од Итна медицинска помош Куманово констатирал смрт“,соопштија од МВР. Возачот на автомобилот и сопатничката Д.Н. се здобиле со телесни повреди. На местото на несреќата е извршен увид од страна на увидна полициска екипа и јавен обвинител, по чија наредба телото на починатиот е дадено на обдукција....

Одземени се 30 грама дрога и пиштол од скопјанец, по заедничка акција на инспектори од Одделението за истраги при Царинската управа и крим полицијата при МВР. Дрогата е откриена при претрес на лицето извршен откако тоа подигнало пратка во Пошта пристигната од Германија. Во координација со дежурен јавен обвинител, инспектори од Секторот за контрола и истраги заедно со припадници од МВР извршиле и претрес во домот на лицето каде е пронајден пиштол кој е одземен од страна на царинските инспектори. Против лицето ќе биде поведена кривична пријава до Основното јавно обвинителство...

Иранскиот претседател Раиси летал со хеликоптер Bell 212 од американско производство, објави иранската државна новинска агенција ИРНА. Според воениот аналитичар на Си-ен-ен, Седрик Лејтон, станува збор за хеликоптер кој веројатно е во служба од 1960-тите. Тој додаде дека причина за несреќата може да биде набавка на резервни делови, или потешкотии во набавката. Хеликоптерот најпрвин бил произведен во САД, а потоа и во Канада. „Во конкретниот случај, мислам дека проблемите со резервните делови поради санкциите, плус времето кое беше многу лошо во последните неколку дена во овој дел од северозападниот дел на Иран, само придонесоа за несреќата. Сето тоа, мислам, придонесе за низа инциденти и низа одлуки кои пилотот, а можеби и самиот претседател, ги донел кога се работи за летање со овој авион. И за нивна жал, резултатот е оваа несреќа“ рече Лејтон. Како корисен хеликоптер, Bell 212 е наменет да може да се прилагоди на сите видови ситуации, вклучително и превоз на луѓе, распоредување на воздушна опрема за гасење пожар, транспорт на товар и оружје....

Европската комисија (ЕК) денеска во изјава за „Еуроактив“ ги повика Скопје и Атина обострано да се придржуваат до Договорот од Преспа и да ги спроведуваат неговите одредби. Во изјавата за порталот, портпаролот на Комисијата изјавил дека билатералните договори треба да се спроведуваат со добра волја од двете страни. „Добрососедските односи и регионалната соработка остануваат суштински за процесот на проширување. Постојните билатерални договори треба да се спроведуваат со добра волја од сите страни, вклучително и Договорот од Преспа меѓу Северна Македонија и Грција“ изјави за „Еурактив“ портпарол на Европската комисија. На инаугурацијата на Гордана Сиљановска-Давкова за нова претседателка на државата, на која таа не го кажа уставното име на државата, туку кажа само Македонија, претходно реагираа челниците на Европската Унија. Претседателката на ЕК, Урсула фон дер Лајен, и првиот човек на Европскиот совет, Шарл Мишел, неколку часа по инаугурација речиси истовремено упатија честитки до новата претседателка на земјава, но упатија и порака дека за да го продолжи својот пат кон ЕУ, С Македонија треба да ги почитува меѓународните договори како Преспанскиот....

Договорот од Преспа е меѓународен ратификуван договор и не може да се менува и да се ревидира еднострано, рече министерот за надворешни работи на Грција Јоргос Герапетритис говорејќи за грчкото радио „Talk radio 98.9“, јави дописничката на МИА од Атина. Во утринското интервју, шефот на грчката дипломатија посочи дека „во овој момент постои едно прашање што произлезе по изборите во Северна Македонија“, но и истакна дека тие секако го почитуваат изборниот резултат. – Она што секогаш го потенцираме е дека независно од разликите, од идеолошките и политичките разлики што може да ги има ги има новото политичко раководство кон Договорот од Преспа, тоа е меѓународен договор што е ратификуван. Не се менува и не се ревидира еднострано од страните. Претставува една многу основна точка врз која се изградија меѓународните односи на Северна Македонија. Се подразбира дека Европската унија ги оценува прашањата од Договорот од Преспа и целосното и доследно спроведување и затоа мислам дека политичкото раководство на Северна Македонија ќе ги оцени овие прашања и ќе се усогласи со барањата од Договорот од Преспа, истакна Герапетритис. Додаде дека Грција, од своја страна го следи доследното спроведување на Договорот и потсети дека „денешното владино мнозинство како опозиција навремено ги укажа сивите точки на Договорот“....

Некои сопственици на iPhone известуваат дека по ажурирањето на нивните телефони на iOS 17.5, избришаните фотографии, вклучително и прилично стари фајлови, повторно се појавуваат во нивните телефони. Корисниците велат дека старите фотографии се појавуваат во нивните албуми по ажурирањето на iOS, а тие би требало трајно да се отстранат по 30 дена од бришењето. Еден корисник тврди дека фотографии што ги избришал пред неколку години се вратиле на неговиот телефон. Друг корисник видел фотографии од 2016 година како нови. Еден корисник изјави дека околу 300 стари фотографии кои биле избришани се појавиле на iPad што го продале на пријател. Ова може да биде многу посериозно отколку што изгледа. Податоците на телефоните никогаш не се „бришат“. Еден корисник изјави дека забележал враќање на фотографиите иако не користи iCloud, што значи дека фотографиите можеби се зачувани на уредот. Apple не одговори веднаш на барањето за коментар. Оваа грешка можеби не е ограничена само на фотографиите, бидејќи еден корисник пријавил дека старите говорни пораки се враќаат по ажурирањето. Без разлика дали Apple тајно ги задржува старите избришани податоци или ова е само грешка во тоа како iOS 17.5 се справува со тие податоци, сепак не е идеална ситуација. Никој не сака нивните избришани фајлови да се вратат....

„Првите примероци на пишување на новото раководство на Северна Македонија покренуваат сериозни прашања за политичкиот и правниот поредок“, истакна потпретседателот на Европската комисија, Маргаритис Схинас, во врска со однесувањето на македонската претседателка Гордана Силјановска Давкова при инаугурација кои во грчката јавност се толкува како кршење на одредбите од Договорот од Преспа. -Има уште време да го напушти ќорсокакот на националистичкото заострување и ревизионизмот. Се надевам дека едногласните реакции на европското и атлантското семејство на нивните први изјави и постапки ќе бидат храна за размислување за носителите на одлуки во Скопје, рече Схинас. Тој при посетата на Саемот на книгата во Солун потсети на острите тонови кои дојдоа од Европската Унија и предупреди колку е важно земјава како кандидат за членство во ЕУ да не ги бранува соседите. -Никој во ЕУ не е подготвен да толерира овие логики да се воведат во ЕУ. Никој нема да заложи за членство во ЕУ на земја-кандидат што отстапува од своите обврски и ги вознемирува соседите кои се веќе членови на европското семејство. Нема да се толерира никакво националистичко или популистичко повлекување во регион на кој му требаа децении за да се надминат длабоките јазови што ги отвори војната и етничките конфликти, нагласи Схинас. Тој во изјавата потсети дека ЕУ останува, убедливо најголемиот инвеститор на Балканот. -Времето е критично за да се дозволи отстапки за европскиот систем на владеење базирано на вредности и институционалната архитектура на ЕУ. Денес, повеќе од кога било во минатото, итна е европеизацијата на Балканот, а не балканизацијата на Европа“, потенцираше потпретседателот на ЕК....

Пожарникарите во државава, покрај гаснење урбани пожари, изминатото деноноќие биле ангажирани и за други работи. Четворица битолски пожарникари со едно противпожарно возило од 18.45 до 19.35 часот, интервенирале на извлекување паднат човек во реката Драгор кај месноста „Сали Мост“. Паднатото лице не било повредено. Прилепски пожарникари со едно противпожарно возило од 12 до 13.50 часот, интервенирале на извлекување со пумпи вода од поплавени подрумски простории и дворна површина во селото Сенокос, информираат утрово од Центарот за управување со кризи (ЦУК). Охридски пожарникари пак, од 09.45 до 10.30 часот, имале техничка интервенција на испумпување вода од лифт на улицата „Галичица“ ламела – број 2, додаваат од ЦУК. Оттаму потсетуваат за голема внимателност поради наглите временски промени, покрај другото, внимателно и да се вози, особено на патиштата низ котлините, речните долини и клисурите, каде има можност од појава на помали одрони. – Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево, нагласуваат од ЦУК. За 24 часа, евидентирани се 1.392 повика на единствениот повикувачки број за итни случаи – 112 во ЦУК. – Од нив, „реални“ – 60,85 проценти, а 39,15 отсто за други потреби на граѓаните, што не биле итни. Кон полицијата биле упатени 56,67 проценти, кон Итната медицинска помош – 35,24 отсто, а кон пожарникарите – 0,95 проценти од реалните повици кон 112 во ЦУК, соопштија од ЦУК....

Уставот на Иран налага во случај на смрт на претседателот, функцијата да ја преземе првиот потпретседател, со потврда на врховниот лидер ајатолахот Али Хамнеи, кој го има последниот збор за сите државни прашања. Советот, кој го сочинуваат првиот потпретседател, претседателот на парламентот и првиот човек на судството, мора да организира избор на нов претседател во рок од најмногу 50 дена. Така, улогата на претседател привремено ќе ја преземе потпретседателот Мухамед Мокбер. Инаку, Мокбер е роден во 1955 година, исто како и Раиси. Се верува дека е близок со Али Хамнеи, кој на крајот ја донесува конечната одлука. Toj стана прв потпретседател во 2021 година кога Раиси беше избран за претседател. Тој беше меѓу иранските функционери кои ја посетија Москва во октомври и се согласија да достават ракети и беспилотни летала за руската војска. Пред тоа, тој беше на чело на Сетад, инвестициски фонд поврзан со Врховниот лидер. Мокбер беше санкциониран од Европската унија во 2010 година поради вмешаност во нуклеарни или балистички ракетни активности, но две години подоцна беше отстранет од таа листа. Сетад, кој беше создаден со цел да управува и продава недвижен имот кој беше напуштен по Исламската револуција, е на црната листа на САД од 213 година....

Центарот за управување со кризи (ЦУК) информира дека имало вкупно 1 392 повици на Единствениот повикувачки број за итни случаи 112 во ЦУК во последното деноноќие, од коишто „реални“ повици биле 60,85%, а 39,15% биле за други потреби на граѓаните што не биле итни. Кон Полиција биле упатени 56,67%, кон Итната медицинска помош 35,24%, а кон пожарникарите 0,95%, од реалните повици кон 112 во ЦУК. Инаку, имало 560 повици за итни случаи на 112 за во ЦУК, што се вкупен збир од тие што биле за комбинирано решавање од „реалните“ повици (3,64%) и на тие што се именувани како „неитни повици“(40,23%). Сите тие биле предмет на примање, на обработка во ЦУК, а и на директно координирање за нивно решавање со институции и служби во Системот за управување со кризи (СУК). Пожари на отворено нема евидентирано во последното деноноќие. Но, пожарникарите, покрај гаснење на урбани пожари биле ангажирани и за други работи. Регионалниот ЦУК Битола информира дека пожарникарите од ТППЕ Битола од 18.45 до 19.35 часот, со четири пожарникари и едно ПП возило интервенирале на извлекување паднат човек во река Драгор кај месноста „Сали Мост“. Паднатото лице не било повредено Конкретно, од Територијалната противпожарна единица ТППЕ Прилеп од 12.00 до 13.50 часот, со еден пожарникари и едно ПП возило интервенирале за извлекување со пумпи вода од поплавени подрумски простории и дворна површина во селото Сенокос. Пожарникарите од ТППЕ Охрид од 09.45 до 10.30 часот, со 2 пожарникари и 1 ПП возило имале техничка интервенција на испумпување на вода од лифт на ул.„Галичиц,а“ ламела-бр. 2.. Потсетуваме за голема внимателност при појава на локалните нагли метео промени, да се избегнува движење во засеци во природата, суводолици и многу блиску до речни корита… и особена внимателност при грмежите и молњите, односно при силните електрични празнења: да не се престојува на отворен простор и под осамени дрвја. И секако да потсетиме за внимателно возење, особено на патиштата низ котлините, речните долини и клисурите, каде што има можност од појава на помали одрони при вакви променливи метео услови. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево. Сите итни случаи се пријавуваат на Единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации. Истовремено, ЦУК информира дека е потребно и е корисно да се следат препораките и информациите од медиумите за превенција, а и за реагирање при итни случаи. фото: архива...

Трн.мк во очи на празникот „Св. Кирил и Методиј” организира културен настан во среда, со почеток од 20 часот во Бруталиск. Дојдете и „боцнете” од кириличното мени: – Јовица Михајловски со кириличен поздрав – Џијан Емин со музичка подлога и диџејски сет – Ивана Павлаковиќ и Несрин Таир со изведба на народно творештво собрано од Цепенков – ТеатроСк со статуa од собирачот на народно творештво – Давор Кешкец ќе црта кирилица во живо – Васо со свој диџејски перформанс...

Исходот од европските избори го одредува составот на Европскиот Парламент (ЕП). Тоа е единственото тело на Европската Унија (ЕУ) кое директно се избира од граѓаните на земјите членки на ЕУ. Парламентот е особено важен бидејќи учествува во обликувањето на европските закони, поточно – директивите и регулативите на ЕУ. Овие закони на ЕУ важат и во Германија – директно (регулативи) или индиректно (насоки). Така, правото на ЕУ ги засега германските граѓани на многу практичен начин кога станува збор за правата на потрошувачите кога се купува онлајн, заштитата на податоците или правата како патници во авион или како работници. Парламентот има збор и кога е во прашање буџетот на ЕУ. А Парламентот ги контролира и другите институции на ЕУ, како што е Комисијата. Парламентот избира и претседател на Европската Комисија. Во моментов тоа е Германката Урсула фон дер Лајен од ЦДУ. Право на глас имаат 350 милиони луѓе Изборите ќе се одржат низ Европа од 6-ти до 9-ти јуни, во сите 27 земји-членки на ЕУ. Во Германија ќе се одржат на 9-ти јуни. Исто како и на сојузните парламентарни избори, германските граѓани може да го дадаст својот глас по пошта доколку не можат или не сакаат за отидат лично на гласачкото место. За да се направи тоа, треба да се поднесе барање за гласачко ливче од општината во која што се живее, кое потоа се добива заедно со поштенските документи за гласање, како што се гласачкото ливче и однапред адресираните пликови. Теоретски, граѓаните може да се пријават за гласање по пошта до петокот пред изборите, до 18 часот. Во посебни исклучителни случаи, како што е докажано ненадејно заболување, дури и до 15 часот на денот на изборите. Минатите избори покажаа дека има смисла – ако е можно – да не се чека до последен момент. Вкупно, во ЕУ право на глас имаат околу 350 милиони луѓе. Тие заедно одлучуваат кои 720 пратеници ќе влезат во парламентот. Германија испраќа 96 пратеници во Брисел, односно Стразбур, двете локации на парламентот. Колку повеќе гласови добие една партија на изборите, толку повеќе пратениции може да има. Реклама за европските избори пред седиштето на Европскиот Парламент во БриселФотографија: Bernd Riegert/DW Правна основа за изборите Во основните принципи на изборното право за ЕУ, меѓу другото, ​​се наведува, дека изборите за Европскиот Парламент се одвиваат „општо, директно, слободно и тајно“ и дека избраните претставници „не се обврзани ниту на наредби ниту на упатства“. Како конкретно се одржуваат европските избори во Германија е регулирано со националниот закон – Закон за европски избори (ЕуВГ). Тој одредува, на пример, дека, за разлика од сојузните парламентарни избори, кандидатите не мора да бидат номинирани само од партиите: според член 8 од ЕуВГ, право на предлагање кандидати имаат и „други политички здруженија“. Ваквата можност ја искористија климатските активисти од „Последна генерација“, организација која на овој начин првпат учествува на европските избори. Од национални партии до европски пратенички групи Иако на европските избори се тркаат национални партии и други групации, избраните пратеници обично ги здружуваат силите со претставници од други земји на ЕУ за да работат во Европскиот Парламент. Тоа го прават со оние кои имаат слични политички ставови. Плакати во Германија пред европските избори во јуниФотографија: JOHN MACDOUGALL/AFP/Getty Images Националните партии од различни земји за таа цел формираат европски партии заедно со национални партии од други земји на ЕУ. Тие потоа ги прават пратеничките групи во ЕП. За таа цел силите можат да ги здружат и неколку европски партии. Така се појавуваат транснационални пратенички групи. На пример, тука е пратеничката група на христијанско-конзервативната Европска народна партија (ЕПП). Во неа се наоѓаат германските партии ЦДУ и ЦСУ. Во пратеничката група С&Д се активни социјалдемократските пратеници, меѓу нив и од германската СПД. Во ЕП во моментов има седум пратенички групи. Но, парламентарците можат да седат во парламентот и без да припаѓаат на која било од пратеничките групи. Улогата на главните кандидати На европските избори од 2014 година се применува принципот на главни кандидати. Тоа значи дека партиите предлагаат кандидати како носители на изборна листа кои претходно добиле поддршка во внатрепартиски процес. Овие главни кандидати треба, така да се каже, да влезат во изборната кампања како заштитно лице на партија. Главниот кандидат/ка е номиниран/а од соодветните партиски групи за функцијата претседател на Европската Комисија (ЕК). За Европската народна партија ЕПП, на пример, главна кандидатка е актуелната претседателка на ЕК, Урсула фон дер Лајен. Урсула фон дер Лајен, главна кандидатка на Европската народна партијаФотографија: Andreea Alexandru/AP Photo/picture alliance Но, тоа не значи дека по изборите главниот кандидат ќе биде предложен и како кандидат за шеф на ЕК. Според член 17 од Европскиот договор (ЕУВ), изборниот резултат е тој што е важен за прашањето кој ќе биде предложен за кандидат за таа функција. Но, не е Европскиот парламент тој што го предлага кандидатот за претседател на Комисијата, туку тоа го прави друго тело на ЕУ – Советот на ЕУ. Тој, според законмот, треба да го „земе предвид“ изборниот резултат, но не е врзан за одредена личност. По последните избори, Европскиот совет ја предложи Урсула фон дер Лајен, иако победникот на изборите, Европската народна партија влезе во трка со политичарот на ЦСУ, Манфред Вебер како главен кандидат. Партиите именуваа и главни кандидати на национално ниво. Тоа во Германија се, на пример, Катарина Барли за СПД, Мари-Агнес Штрак-Цимерман за ФДП, Тери Рајнтке за Зелените, Манфред Вебер за ЦСУ во Баварија и Максимилијан Кра за АфД. Тие ги водат националните изборни листи на нивните партии. Европскиот Парламент е единственото тело на ЕУ кое директно се избира од граѓаните на УнијатаФотографија: Pond5 Images/IMAGO Особености на европските избори Европските избори имаат посебни карактеристики и на самиот ден на изборите. За разлика од сојузните парламентарни избори, на европските избори е дозволено да се заокружи (односно да се стави крст) само еднаш. Значи нема давање прв и втор глас како на сојузните парламентарни избори во Германија. Наместо тоа, се гласа само за листата на една партија. И, оваа година во Германија за првпат ќе може да гласаат и малолетници: германските пратеници ја намалија возраста за гласање на европските избори на 16 години. Во споредба со другите европски земји, ова е речиси исклучок (во Австрија, на пример, на младите на возраст од 16 и повеќе години им е дозволено да гласаат). Симнувањето на возрасната граница за гласање беше оправдано, меѓу другото, со фактот дека особено младите ќе бидат погодени во иднина од актуелните политички дебати како оние околу заштитата на климата, па затоа е логично да им се дозволи и политичко учество. (dw)...

Политика Ебрахим Раиси загина во хеликоптерска несреќа во северозападниот дел на Иран. Раиси беше претседател на Иран од 2021 година и ја водеше земјата во позадина на несогласувањата на меѓународно ниво и со внатрешни предизвици, оцени синоќа агенцијата Франс прес. Во Иран во текот на ноќта траеше потрагата по исчезнатото летало, во кое, покрај Раиси, беа и шефот на дипломатијата Хосеин Амир Абдолахиан и уште двајца функционери. Раиси (63), секогаш со црн турбан на главата и верска облека, важи за ултраконзервативец и отворен поддржувач на јавниот ред. Раиси беше избран на 18 јуни 2021 година во првиот круг на гласање обележан со рекордно воздржување за претседателските избори и отсуство на силни конкуренти. Тој го наследи умерениот Хасан Рохани, кој го порази на претседателските избори во 2017 година и не можеше повторно да се кандидира по два последователни мандата. Раиси се појави зајакнат по парламентарните избори одржани во март и средината на мај. Тоа беа првите национални избори по протестното движење што го потресе Иран кон крајот на 2022 година по смртта на Махса Амини, млада жена уапсена поради непочитување на строгиот кодекс на облекување. По тие избори, иранскиот претседател го поздрави „новиот историски неуспех на иранските непријатели по немирите“ во 2022 година. Парламентот, кој ќе ја преземе функцијата на 27 мај, во голема мера ќе биде контролиран од конзервативните и ултраконзервативните табори, кои ја поддржуваат неговата влада. Во последниве месеци, Раиси се претстави како жесток противник на Израел, заколнатиот непријател на Исламската Република, кој го поддржува палестинското исламистичко движење Хамас од 7 октомври, почетокот на војната во Газа. Со тоа Раиси го оправда нападот без преседан на Иран на 13 април против Израел, со 350 беспилотни летала и проектили, од кои повеќето беа пресретнати со помош на САД и уште неколку земји сојузници на САД. Тој е ставен на црната листа во САД заедно со ирански официјални лица кои се санкционирани за „соучесништво во сериозно кршење на човековите права“, обвинение што го негираа официјалните лица на Техеран. Роден во ноември 1960 година во светиот шиитски град Машхад на североисток, Раиси се искачи низ ранговите на судскиот систем во текот на три децении. Тој имаше 20 години кога беше назначен за главен обвинител на Караџа, во близина на Техеран, за време на Исламската револуција во 1979 година. Потоа беше генерален обвинител на Техеран од 1989 до 1994 година, потоа заменик шеф на судството од 2004 до 2014 година, годината кога беше назначен за државен обвинител. Во 2016 година, врховниот водач ајатолахот Али Хамнеи го назначи за раководител на добротворната фондација Астан-е Кудс Разави, која управува со мавзолејот на Имам Реза во Машхад, како и со огромното наследство од индустриски и недвижен имот. Три години подоцна, тој стана шеф на главното тело на правосудните органи. Раиси е оженет со Џамила Аламолход, професорка на Универзитетот во Техеран, со која има две ќерки кои завршиле факултети....

Прегласување на седумте избирачки места во петтата и шестата изборна единица ќе се одржи в среда на 22 мај, Одлуката за прегласување ја донесе Државната изборна комисија откако Управниот суд ги одби како неосновани сите седум тужби од коалицијата „Европски фронт“ против решенијата на ДИК. Поради ваквата одлука на Управниот суд и на ДИК, ДУИ обвини дека се прави изборен инженеринг со цел на партијата да и се одземат две освоени пратенички места. ДИК на 105. седница, едногласно го усвои предлогот да се повтори гласањето во Изборната единица (ИЕ) 5 на избирачките места 1470/1 и 1470 во Општина Долнени, 1194 и 1202 во Општина Крушево, 1844 во Општина Струга и 1272 во Општина Охрид, како и во ИЕ 6 на избирачкото место 2101 во Општина Желино....

Објавени се први снимки со дрон од остатоците што ги снимила Црвената полумесечина, а на кои е прикажано местото на несреќата на стрмна, пошумена падина, со малку останато од хеликоптерот освен неговата сино-бела опашка. Потпретседателот на Иран, Мохсен Мансури, утрово потврди дека во несреќата загинале иранскиот претседател Ебрахим Раиси и министерот за надворешни работи Хосеин Амир Абдолахиан. BREAKING: Iranian President Ebrahim Raisi was killed in yesterday’s helicopter crash- IRINN Telegram Channel Reports say that the helicopter hit the mountain before crashing as a result of severe weather conditions and fog.. pic.twitter.com/X07rCWTXRz — Hananya Naftali (@HananyaNaftali) May 20, 2024 Хеликоптерот се урна вчера на северозапад од земјата во регионот Верзеган Иранската влада за денеска свика итен состанок по смртта на иранскиот претседател Ебрахим Раиси и министерот за надворешни работи на земјата Хосеин Амир Абдолахиан во хеликоптерска несреќа, јави иранската државна новинска агенција ИРНА. Иранските државни медиуми емитуваат исламска молитва меѓу извештаите за смртта на Раиси и уште осум други лица откако хеликоптерот со кој патуваа се урна во иранската провинција Источен Азербејџан. На профилот на Раиси на Х се објавени стихови од Куранот. Мир со Ебрахим. Навистина, така ги наградуваме оние што прават добро. Тој беше еден од нашите верни слуги“, се вели во стиховите од Куранот на профилот на Раиси. Раиси беше втората најмоќна фигура во политичката структура на Иран по врховниот лидер ајатолахот Али Хамнеи....