Според Календарот на МПЦ, утре се празнуваат овие светители
Прес 24 - пред 9 часа
Утре е Свети великомаченичка Ирина Пенелопа, така се викаше пред да се крсти, беше ќерка на некој мал цар, чија престолнина беше некојси балкански град Магедон. Родителите и беа незнабошци. Во христијанската вера ја воведе некој учител Апелијан, а потоа неа и нејзините дворски дами ги крсти свети Тимотеј, ученикот на апостол Павле. Света Ирина во срцето се одлучи да живее девствен живот. Кога татко и слушна за тоа, се разлути и сакаше да ја стави на маки, но таа на чудесен начин го обрати во Христовата вера. Подоцна претрпе многу тешки измачувања од неколку цареви. Царот Савориј дури и ја умртви, но Бог повторно ја оживеа. Нејзината проповед и чудата што Бог ги правеше преку неа приведоа многу незнабошци во Христовата вера. Најпосле, таа самата легна во гроб и му кажа на Апелијан да го затвори гробот. Кога по четири дена го отворија гробот, таа не беше внатре. Така Бог ја прослави оваа голема маченичка и светителка. Светите Мартин и Ираклиј Словени. Гонети од ариевците во Илирија. Испратени на прогонство овие витези на Православието го завршија својот земен живот и се преселија кај Господ во 4 век....
Изгласана новата влада на Хрватска
Прес 24 - пред 9 часа
Пратениците во хрватскиот Сабор вечерва гласаа за доверба на новата влада на премиерот Андреј Пленковиќ. За доверба на Владата гласаа 79 пратеници, против беа 61 пратеник, а еден беше воздржан. Претседателот и членовите на Владата потоа дадоа заклетва пред пратениците, со што Андреј Пленковиќ го започна третиот последователен мандат како премиер. Во Собранието денеска беше претставена четиригодишната програма на новата Влада, која се заснова на „успешна, витална, праведна, одржлива и суверена Хрватска“. Во новиот мандат, владата на Пленковиќ најавува просечна нето плата од 1.600 евра, минимална бруто плата од 1.250 евра, како и отворање на 125.000 нови работни места. До крајот на мандатот на новата влада, пензиите треба да се зголемат за најмалку 30 отсто, со што просечната пензија би изнесувала најмалку 750 евра. Новата влада наместо досегашните 16 ќе има 18 министерства и седум потпретседатели....
Ова се најхаризматичните знаци во зодијакот
Прес 24 - пред 10 часа
Најхаризматичните знаци во зодијакот Овен Имате енергија која ги движи луѓето околу вас. Секогаш сте највеселата личност на забавите, која го подобрува расположението на другите. Многумина се фасцинирани од тие ваши квалитети, луѓето сакаат да поминуваат време со вас и внимателно да ве слушаат. Лав Овој знак е друго име за харизма. Со леснотија го привлекувате вниманието кон себе. Иако на прв поглед изгледате недостапно, всушност сте многу дарежливи и љубезни. Шкорпија Прво, има нешто во врска со вашиот изглед. Кога ќе влезете во соба, сите ве забележуваат. Имате способност да ги шармирате луѓето без воопшто да се трудите. Интересно е што и покрај тоа често може да сакате да бидете осаменик. Близнаци Вие сте многу социјални. Ја претворате комуникацијата во еден вид уметност. Вие сте одличен соговорник, но знаете и да слушате. Лесно ја стекнувате довербата на другите кои се чувствуваат удобно покрај вас. Бик Многу сте решени да ги следите вашите соништа и на тој начин да ги фасцинирате другите. Добродушни сте и опуштени, што е важен дел од вашата харизма....
Позната причината за судирот на двата воза во Белград
Прес 24 - пред 10 часа
Министерот за внатрешни работи Ивица Дачиќ изјави дека причина за судирот на возовите во тунелот, во кој нема жртви, е човечки фактор, а министерот за транспорт Горан Весиќ изјави дека се повредени 13 патници, од кои четворица се однесена во ургентен центар. – Возот помина низ безбедносното светло и удри во товарен воз кој чекаше дозвола да оди до станицата Овча – изјави Весиќ. Дачиќ за новинарите изјави дека често има жртви во несреќи како оваа и дека е вистинска среќа што во денешниот судир нема жртви и што сите патници излегле од возот. „Најважно е да нема жртви“, изјави Дачиќ за новинарите. Началникот на Секторот за вонредни состојби на МВР, Лука Чаушиќ, кој излезе на местото на настанот заедно со министрите Дачиќ, Весиќ и директорката на претпријатието „Инфраструктура железнице Србија“ Јелена Танасковиќ, изјави дека во 18 часот и 42 минути добиена е дојава за судирот, по што на терен излегле вкупно 25 пожарникари. – Пристигнувајќи на местото на настанот во 18 часот и 48 минути, констатирано е дека возот за итни случаи се судрил со патнички воз во тунелот на длабочина од 400 метри од влезот – изјави Чаушиќ. Тој додаде дека четири лица биле извлечени низ тунелот за евакуација. Дачиќ рече дека најважна улога имаат пожарникарите, бидејќи лекарите од итната помош не можеле да дојдат до патниците. Министерот за транспорт Горан Весиќ изјави дека деталите за несреќата ќе се знаат кога Комисијата „Железничка инфраструктура на Србија“ ќе објави официјален извештај, кој се очекува во текот на утрешниот ден....
Села: Треба да се почитува волјата на народот и за Влада да преговараат мандатар со победник
Прес 24 - пред 10 часа
Лидерот на Алијансата за Албанците Зијадин Села изјави дека со приговорите до ДИК се прави изборен инженеринг од ВМРО-ДПМНЕ, СДСМ и Вреди за да се намали бројот на пратеници на коалицијата „Европски фронт“ предводена од ДУИ, во која учествува и крилото на партијата АА што тој ја предводи. -Дека се работи за изборен инженеринг, тоа е повеќе од јасно. Ако се види во кои изборни места се поднесени жалби и каде се повторува, повеќе од јасно е дека се направи изборен инженеринг и закрупнување на македонските политички сили, ВМРО и СДСМ заедно со Вреди ги повторуваат изборите во изборното место во родното место на Билал Касами. Во изборно место каде Вреди има победено со 3 на 1 наспроти „Европскиот фронт“ и каде што немаат никаков доказ за да се повтори, рече Села во интервју за емисијата „Трилинг“ на ТВ24. Според него, треба да се почитува „демографската реалност во Македонија“ и дека право да состави Влада има мандатарот и победникот на изборите. Народот на 8 мај, како што рече, гласаше за „Европскиот фронт“ да преземе одговорности и да биде на власт, а „за друг гласаше кој да биде во опозиција“. -Погрешна е дефиницијата победник со победник и нема логика бидејќи победникот од македонската страна е дефиниран со Устав и со закон, добива мандат. Дефиницијата треба да биде мандатар со победник и да преговараат за да состават Влада, за да се испочитува демографската реалност. За да има стабилност и да одиме напред, треба да се испочитува волјата на втората по ред етничка заедница во државава, која не е мала, туку е 30 отсто наспроти 54 отсто колку што се Македонците, според последниот попис на населението, рече Села. На прашањето како коалицијата „Европски фронт“ ќе се однесува како идна опозиција, одговори дека тоа е желба на Мицкоски, но дека треба да се почитува желбата на граѓаните. -Како последица на тоа како ќе биде решено, и ние ќе се однесуваме сразмерно на тоа што ќе биде решено. Не сакам да коментирам желби. Од друга страна, уште од ДИК не се објавени мандатите крајни, кој колку има, уште господинот Мицкоски не е мандатар, зборувам од формално-правен аспект, додаде Села. Според него, претседателката Гордана Сиљановска-Давкова го почнала мандатот со „дипломатски инцидент“. Тоа не е добро за државата, рече, зашто повторно се отвораат проблеми со соседите наместо да се напредува кон ЕУ, а по изборот на таа функција „ личнитеставови повеќе не се важни“. Смета и дека Јован Митревски, претседателот на Собранието, требало „да инсистира да се почитува Уставот на Северна Македонија“ за време на свечената заклетва. Во врска со најавата на Сиљановска-Давкова во кампањата дека ќе ги помилува обвинетите во случајот „27 април“, Села не се согласува и одговори дека тоа би било голема грешка затоа што „тие луѓе заслужено се таму каде што се и не треба да има помилување на такви луѓе кои си зеле за право да го уценат уставниот поредок на државата“....
Здружението на судии изразува загриженост за изјавите со кои се врши притисок врз судиите
Прес 24 - пред 11 часа
Здружението на судии во врска со денешната реакција на Управниот суд на РСМ, ја искажува својата загриженост за изјавите на поединци со кои, како што се наведува во соопштението, директно или индиректно се врши притисок врз судиите и судиското постапување и одлучување. -Припадноста кон одредена политичка партија и можноста за идно владеење односно учество во извршната власт, не смее да се користи за коментирање, заканување или влијание врз судиското одлучување. Таквите изјави се штетни пред се за политичките субјекти кои ги пласираат во јавноста, а истовремено може да се разберат и како обид да се поткопа непристрасноста и интегритетот на судиите, посочуваат од Здружението на судии. Во соопштението се оценува дека обвинувањата кон претседателот на Управниот суд се неосновани и даваат целосна поддршка на колегите од овој суд. -Во однос на неоснованите обвинувања кои беа упатени на адреса на Претседателот на Управниот суд на РСМ, како Здружение на судии даваме целосна поддршка на колегите од именуваниот суд и напоменуваме дека секој избран судија е независен во своето одлучување и таа независност му е Уставно загарантирана. Па во тој правец и при најмал сомнеж за евентуален обид за притисок или влијание врз неговата работа, без разлика од кого доаѓа, е должен да ги извести надлежните судиски инстанци. Воедно, сите останати општествени чинители, а особено претставниците на политичките партии се должни да ја почитуваат загарантираната судиска независност што е во духот и на демократскиот развој и европскиот просперитет на земјата, наведуваат од Здружението на судии....
Финансиски хороскоп за јуни: Овие знаци ги очекува голем прилив на пари
Прес 24 - пред 12 часа
Месец јуни со себе носи различни предизвици и можности во финансиската сфера за секој хороскопски знак. Додека некои може да чувствуваат притисок или неизвесност, други може да доживеат ненадеен просперитет. Овен Јуни им носи можност на Овните да ја подобрат финансиската состојба преку дополнителни деловни проекти или инвестиции. Важно е да бидете внимателни со вашите трошоци и да размислувате за вашите долгорочни цели. Бик Биковите може да доживеат зголемување на приходите во текот на јуни, особено ако се фокусираат на целите и активностите во кариерата. Ова е добар месец да размислите за инвестиции во недвижен имот или долгорочни фондови. Близнаци Близнаците би можеле да имаат нестабилен финансиски месец во јуни. Важно им е да бидат внимателни со импулсивно трошење и да размислуваат за долгорочни планови за финансиска стабилност. Рак Раковите треба да се фокусираат на нивното финансиско здравје овој месец, можеби размислувајќи за нови начини за зголемување на приходите или намалување на трошоците. Ова е добар месец да одредите буџет и да планирате за иднината. Лав Јуни им носи можност на Лавовите да напредуваат во кариерата и да ги зголемат приходите. Важно е тие да бидат отворени за нови деловни можности и да ги користат своите креативни таленти за да постигнат финансиски успех. Девица Девиците би можеле да имаат стабилен финансиски месец, но треба да бидат внимателни со ризичните инвестиции. Важно е тие да се фокусираат на долгорочни цели и правилно да управуваат со нивните ресурси. Вага Вагите може да доживеат неочекувани промени во финансиите во текот на јуни, што може да ги натера да ги преиспитаат своите приоритети и цели. За нив е важно да бидат флексибилни и да се приспособат на новите околности. Шкорпија Шкорпиите би можеле да имаат финансиски успешен месец, особено ако се фокусираат на своите долгорочни планови и цели. Ова е добар месец за инвестирање во образование или професионален развој. Стрелец Стрелците може да доживеат промени во финансиската состојба во текот на јуни, што може да ги натера да бидат повнимателни со трошоците и да се фокусираат на стабилноста. За нив е важно да бидат трпеливи и да се прилагодат на новите услови. Јарец Јарците би можеле да доживеат зголемување на приходите во текот на јуни, особено ако се фокусираат на своите професионални цели и амбиции. Ова е добар месец за разгледување на нови деловни можности и инвестиции. Водолија Водолиите би можеле да имаат стабилен финансиски месец, но треба да бидат внимателни со импулсивно трошење. Важно е тие да бидат дисциплинирани и правилно да управуваат со своите финансии. Риби Рибите би можеле да доживеат промени во финансиската состојба во текот на јуни, но треба да бидат отворени за нови можности и предизвици. Ова е добар месец за разгледување на алтернативни извори на приходи и финансиски стратегии....
Позната состојбата на патниците во возовите кои се судрија во Белград
Прес 24 - пред 12 часа
Два воза се судрија денеска околу 18:30 часот во тунелот кај Панчевачки мост. Според првичните информации кои ги пренесуваат српските медиуми во патничкиот воз имало 6 патници, машиновозач и кондуктер, односно вкупно осум лица. Сите тргнале пеш кон излезот од тунелот, нема потешко повредени. Најверојатно патничкиот воз се судрил со товарниот воз....
Одбиени три, Управен треба да одлучува уште по четири тужби за прегласување од Европски фронт
Прес 24 - пред 12 часа
Управниот суд денеска ја одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија" за избирачкото место 1202 во Крушево на парламентарните избори 2024 година. Ова е трета одбиена тужба, по претходните две денешни одлуки на Управен со кои ги одби како неосновани тужбите за избирачкото место 1194 во Општина Крушево и избирачкото место 1470 во Долнени. Во тек се јавните расправи за избирачкото место 2101 во Желино и 1844 во Струга. Во 20:30 часот треба да започне јавната расправа по тужбата за избирачкото место 1272 во Охрид, а во 22:30 за избирачкото место 1470/1 во Долнени. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите беа оформени предмети и закажани јавни расправи во текот на денешниот ден. ДИК на 104 седница ги разгледа приговорите поднесени од политичките партии по одржувањето на парламентарните избори на 8 мај. Од вкупно 27 поднесени приговори - девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Според првичните официјални резултати за парламентарите избори што ги објави ДИК, Коалицијата „Твоја Македонија“ предводена од ВМРО-ДПМНЕ има освоено 58 пратенички мандати, по што следуваат Коалицијата „Европски фронт“ предводена од ДУИ со 19 пратенички мандати, Коалицијата за европска иднина предводена од СДСМ со 18, Коалицијата „Вреди“ со 13, а Движење ЗНАМ за наша Македонија и Левица по шест пратенички мандати....
Претседателот на Управниот суд Сејднини ги отфрла тврдењата дека врши притисок врз судиите
Прес 24 - пред 13 часа
Претседателот на Управниот суд Бурим Сејдини вечерва на прес-конференција демантира дека вршел притисок врз судиите во судечките совет кои одлучуваат за тужбите на Коалицијата „Европски фронт“ против решенијата на Државната изборна комисија за парламентарните избори. Тој оцени дека тврдењата на Арбен Таравари од коалицијата „Вреди“ се невистинити, инсинуации и клевети. -Денешното мое појавување во јавноста е во врска со јавните изјави на господинот (Арбен) Таравари дека има сознанија односно информации дека јас како претседател на Судот вршам притисок над судиите кои што ги ценам како комплетни невистини, како инсинуации и клевети врз мојата работа како претседател на Управниот суд, рече Сејдини на прес-конференцијата во Судот. Досега, како што кажа, Управниот суд има одржано четири јавни расправи, а во тек е петатата. Објавени се две одлуки на веб - странicата, а претходно тие беа објавени од самите судечки совети. Сејдини смета дека ваквите изјави на јавните личности сериозно му штетат на имиџот на нашата земја во евроинтеграциските процеси. Особено смета дека, како што вели, делот од изјавата на господинот Таравари за негова одговорност и на судиите после 15 јуни, односно после формирање на новата Влада каде што тој ќе биде дел „се сериозен притисок и директен врз судиите, Управниот суд и генерално судството“. -Морам да напоменам дека совесно, согласно закон и со многу голема одговорност сум ја вршел мојата работа како претседател на судот и истото ви го тврдам и за колегите мои и за стручната служба. Лично јас како претседател на Управниот суд немам потреба односно не знам да стравувам за мојата работа да ја вршам одговорно, согласно закон така што датумите што се спомнуваат 15 јуни или други датуми само ги гледам како денови во кои што со личниот интегритет и капацитет ќе можам да придонесам за доборото на нашата земја. Истото можам да го тврдам и за судиите од овој суд дека деновите, датумите ги гледаме како можности за да придонесеме за поквалитетна правда во нашата земја, рече Сејдини....
Се судрија два воза во Белград, има повредени
Прес 24 - пред 13 часа
Денеска околу 18:30 часот се судриле два воза во тунелот кај Панчевачки мост, пренесуваат српските медиуми. Во несреќата учествувале патнички и товарен воз. Српските медиуми пренесуваат дека се испратени екипи на итната помош и пожарникари на местото на судирот. Судирот се случил на 500 метри во внатрешноста на тунелот. Според неофицијални информации од тамошните медиуми има повредени....
Бен Афлек и Џенифер Лопез се разведуваат?
Прес 24 - пред 13 часа
Популарната двојка Бен Афлек и Џенифер Лопез која се венчаше пред само две години наводно се разведува. Актерот веќе се иселил од заедничката куќа која неодамна ја купиле, пренесуваат американските медиуми. Според написите во американските портали, еден од проблемите е различниот пристап и начинот на кој се справуваат со славата. Лопез го привлече медиумското внимание, додека Бен се оддалечи од тоа. Џен и Бен во последно време поминуваат многу време разделени. Исто така, актерот не присуствуваше на Мет Гала со неговата сопруга Лопез и покрај нејзината улога на водителка на настанот. Популарната двојка првпат почна да се забавува на почетокот на 2000-тите, а само неколку дена пред да се венчаат – се беше откажано. Тие останаа заедно до јануари 2004 година, кога следеше конечниот крај. На помирување чекаа речиси 20 години, па тоа го направија во 2021 година, а конечно се венчаа во јуни 2022 година....
Управен суд одби уште една тужба на „Европски фронт“
Прес 24 - пред 13 часа
Управниот суд денеска ја одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија" за избирачкото место 1470 во Долнени на Парламентарните избори 2024. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите се оформени предмети и закажани во текот на денешниот ден. Досега Управниот суд ja одби како неоснована и тужбата за избирачкото место 1194 во Општина Крушево. ДИК на 104 седница ги разгледа приговорите поднесени од политичките партии по одржувањето на парламентарните избори на 8 мај. Од вкупно 27 поднесени приговори - девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Според првичните официјални резултати за парламентарите избори што ги објави ДИК, Коалицијата „Твоја Македонија“ предводена од ВМРО-ДПМНЕ има освоено 58 пратенички мандати, по што следуваат Коалицијата „Европски фронт“ предводена од ДУИ со 19 пратенички мандати, Коалицијата за европска иднина предводена од СДСМ со 18, Коалицијата „Вреди“ со 13, а Движење ЗНАМ за наша Македонија и Левица по шест пратенички мандати....
Мицотакис со предупредување: Прекршувањето на Договорот од Преспа ќе ги загрози амбициите за влез во ЕУ
Прес 24 - пред 15 часа
Грчкиот премиер Киријакос Мицотакис уште еднаш ја предупредува Македонија дека прекршувањето на Договорот од Преспа, со кој се реши долгогодишниот спор за името меѓу двата соседа, ќе ги загрози амбициите на балканската земја за членство во ЕУ, пишува грчки „Катимерини“. Говорејќи од градот Верија во северна Грција за време на неговата кампања пред изборите за Европскиот парламент во јуни, Мицотакис изјави дека трите меморандуми за разбирање поврзани со договорот од 2018 година нема да бидат ратификувани од Парламентот се додека новото раководство во Скопје продолжи со прекршување на договорот. „Ако некои веруваат дека можат да го игнорираат договорот, треба да разберат дека нивниот пат кон Европа ќе остане затворен, а меморандумите нема да бидат ратификувани освен ако не се почитува она што го предвидува договорот“, рече тој....
Европскиот фронт обвинува за јавен политички притисок врз Управниот суд
Прес 24 - пред 15 часа
Европскиот фронт со голема загриженост ги проследи денешните скандалозни заканувачки изјави на лидерите на опозицијата кои загубија на претседателските и парламентарните избори кон Управниот суд. Европскиот фронт ги регистрираше овие закани и ја извести целата меѓународна заедница и сите локални и меѓународни институции за јавни изјавите со закани како и обидот за изборен инженеринг со надворешно-институционални меѓупартиски договори за гласање и надгласување во Државната изборна комисија. како и со партиски притисоци до управниот суд. „Овој обид за изборен инженеринг има за цел да го промени односот на бројките во Собранието преку политички договор на маса. Со политички договори и монструозен антидемократски план, зготвен во партиските штабови на ВМРО, СДСМ и Влен, се прави обид да се наруши волјата на граѓаните. Седницата на Државната изборна комисија беше скандалозна демонстрација на прегласување и суспендирање на принципите на Охридскиот договор. Ги повикуваме сите институции да постапат согласно Законот, без партиски или политички директиви од која било партија и да го заштитат кредибилитетот на изборниот процес до крај без да се стави никаква дамка на волјата на граѓаните изразена на избори“, стои во соопштението на Европскиот фронт....
Отворен првиот „Саем на средни училишта на Град Скопје “ на плоштад Македонија
Прес 24 - пред 15 часа
Градоначалничката на Град Скопје, Данела Арсовска денеска на Плоштад Македонија ја отвори манифестацијата „Саем на средни училишта на Град Скопје“, кој се реализира за првпат со цел промоција на градските средни училишта и презентација на нивните наставни планови и програми. „Горди сме што имаме 23 скопски средни училишта кои продуцираат квалитетни, добри, професионални млади кадри и кои понатаму се успешни во нивниот кариерен развој. Ги охрабруваме учениците, кои се нашата иднина, како и наставниот кадар, професорите, директорите, кои се залагаат нашите средношколци да бидат што е можно подобри, да продолжат со одличната работа и резултати. Нашите скопски средни училишта воведуваат нови, иновативни образовни профили кои се според потребите на пазарот на труд, а во насока на развој и унапредување на образовниот процес за идните млади професионалци. Истовремено, скопските средни стручни училишта се лидери во Македонија во поглед на стручното образование кое е се атрактивно за улениците. Во рамките на Саемот, кој се одржува на 17 и 18 мај, идните средношколци и нивните родители имаат одлична можност да остварат непосредна комуникација со наставниот кадар и стручните служби на училиштата, да се запознаат со различните наставни и воннаставни активности, како и со образовните струки и профили кои ги нудат. Во рамки на манифестацијата за посетителите на плоштадот Македонија имаше музичко забавна програма во изведба на талентираните средношколски музички бендови и солисти, како и настап на фолклористите од ДКЦ Карпош“, стои во соопштението на Град Скопје....
Таравари: Наредната недела ќе има договор за нова влада
Прес 24 - пред 15 часа
Гостиварскиот градоначалник Арбен Таравари очекува до крајот на идната недела да се постигне договор околу идната влада. Тој на новинарско прашање на настан во Гостивар посочи дека, владее позитивна атмосфера помеѓу работните групи на ВЛЕН и ВМРО-ДПМНЕ. - Се надевам дека до крајот на идната недела ќе имаме завршен договор со програма на Владата и со распределба на ресори, односно кој и каде ќе биде како министер. Ние како претседатели на партии сме имале две средби, понатаму интензивно работат работните групи, се надевам до понеделник ќе излеземе со заедничка програма, а до петок ќе имаме завршен договор меѓу ВЛЕН и ВМРО-ДПМНЕ, практично договор за нова влада, изјави Таравари. Тој испрати и порака до претседателот на Управниот суд кого јавно го посочи дека вршел притисок врз судиите при одлучувањето во предметите поврзани со изборните нерегуларности. - Јас би му испратил порака на претседателот на судот да размисли дека не е убаво да се врши притисок врз судиите. Времето кога можеа да вршат притисоци веќе помина и ќе има нова влада којашто нема да дозволува вакви притисоци врз одлуките, рече Таравари и појасни дека судот треба да донесе правична одлука....
Средба на раководството на СВР Скопје со претставниците на мисијата на ОБСЕ
Прес 24 - пред 15 часа
Денеска раководството на СВР Скопје оствари работна средба со претставниците на мисијата на ОБСЕ во Скопје. На средбата беше потенцирана успешната соработка која СВР Скопје ја имаше со мисијата на ОБСЕ во Скопје за целиот период на претседателските и парламентарните избори 2024 година.Раководството на СВР Скопје изрази голема благодарност за ангажманот и присутноста на ОБСЕ според договорената агенда во текот на одржувањето на изборите....
Паднаа тројца дилери на дрога
Прес 24 - пред 15 часа
Денеска Одделот за сузбивање на организиран и сериозен криминал - Сектор за криминалистички истраги - Единица за недозволена трговија со дрога до Основното јавно обвинителство за гонење на организиран криминал и корупција поднесе кривична пријава против три лица од Кавадарци и Неготино, поради постоење на основи на сомнение дека сториле кривичното дело „неовластено производство и пуштање во промет наркотични дроги, психотропни супстанци и прекурзори” по член 215 од Кривичниот законик. Имено, во периодот од јануари до април 2024 година лицата се здружиле заради неовластена продажба и пуштање во промет на марихуана и кокаин и за таа цел купувале, држеле, пренесувале, продавале и посредувале во неовластена продажба на дрога. За време на спроведувањето на криминалистичкото истражување обезбедени се материјални докази и утврдено е дека во наведениот период пријавените пуштиле во промет поголема количина на кокаин и марихуана. Лицата ќе бидат спроведени пред судија за претходна постапка....
УЈП со важно потсетување за граѓаните
Прес 24 - пред 16 часа
Управата за јавни приходи ги потсетува граѓаните да направат увид во Годишните даночни пријави (ДЛД ГДП), кои веќе се поставени на системот а се однесуваат за остварени приходи во 2023 година. Секој кој е регистриран на системот ППД - (ujp.gov.mk) има обврска во својот кориснички профил, најдоцна до 31.05.2024 година, да ја потврди или доколку истата не ја прикажува точната слика за износот на остварен доход и платени даноци, да ја коригира пријавата! По истекот на овој законски рок, потврдените и Годишните даночни пријави кои не се потврдени, ниту се коригирани ќе се сметаат за конечни, додека коригираните даночни пријави ќе треба да се одобрат од страна на службено лице од Управата за јавни приходи. Доколку службеното лице не ја одобри коригираната даночна пријава, Управата за јавни приходи ќе донесе решение за утврдување на данокот на личен доход за 2023 година. Кај обврзниците во чија ДЛД ГДП се појавува обврска за доплата на данок, по истекот на рокот за потврдување и коригирање, ќе се генерира налог за доплата со фолио број и истиот ќе биде содржан на третата страна во печатењето на даночна пријава(PDF документот). Обврзниците во чија ГДП се појавува повеќе платен данок, имаат можност во самата пријава да искажат барање за враќање на данокот. Управата за јавни приходи, апелира до граѓаните кои оствариле доход во земјава или странство во вид на пари, хартии од вредност, натура или друг вид на доход и се уште не се регистрирани на системот е – Даночни услуги, за да ги исполнат своите обврски за пријавување и плаќање на данок, истото да го сторат во најкраток можен рок. За дополнителни информации околу исполнувањето на обврските за пријавување на доход , плаќање и поврат на данок можете да се обратите на [email protected]....
Тошковски во посета на Одделот за воздухопловни единици на МВР
Прес 24 - пред 16 часа
Министерот за внатрешни работи Панче Тошковски денес оствари работна посета на Хеликоптерската единица за посебни намени и Хеликоптерската единица за полициски намени кои функционираат во рамки на Одделот за воздухопловни единици. Во рамки на посетата од страна на раководството, министерот беше запознаен со структурата, делокругот на работа, како и специфичните проблеми со кои се соочени како на краток, така и на долгорочен план, а беа презентирани и опремата и хеликоптерите со кои располага Министерството за внатрешни работи. „Во моментот Одделот е целосно подготвен да одговори на различни предизвици како што се гасење на пожари, спасувачки мисии, превоз на ВИП личности, носење на подвесен товар, како и медицински транспорт. Главен проблем е недостатокот на пилотски и технички кадар кој е многу специфичен и редок на пазарот на труд и што е можно поскоро треба да се преземат сериозни мерки и реформи во насока на надминување на овој проблем со цел да не се доведе во прашање функционирањето и постоењето на оваа многу важна организациска единица.Исто така, хеликоптерите кои ги поседува МВР се технички застарени и сè потешко станува нивното сервисирање, поради што неминовна е потребата од сериозна набавка на нови хеликоптери со што ќе се направи и унификација на флотата заради поефикасно и поекономично функционирање во иднина, согласно меѓународните стандарди и технолошки дострели кои наоѓаат широка примена во современото полициско постапување. Од тие причини потребно е да се направи темелна анализа и да се преземат соодветни стратешки чекори насочени кон долгорочно зајакнување и зголемување на полициските капацитети во овој дел.“, издвои министерот Тошковски од денешната посета....
Мицкоски на средба со „Македонија 2025“: Следува забрзан економски развој и подобрување на животниот стандард на граѓаните
Прес 24 - пред 16 часа
Денеска претседателот на ВМРО-ДПМНЕ Христијан Мицкоски, заедно со потпретседателот Гордана Кочоска Димитриеска, членовите на ИК Сања Божиновска и Трајко Славески, меѓународниот секретар Стефан Андоновски и Зоран Ставрески, оствари средба со раководството на Македонија 2025. На средбата беше потенцирана потребата од забрзан економски развој на Македонија и трансформација на државата, за што претседателот Мицкоски кажа дека е еден од приоритетите на ВМРО-ДПМНЕ како идна влада. Владата предводена од ВМРО-ДПМНЕ ќе овозможи регулативна предвидливост за компаниите, поволен и ефикасен даночен систем и даночна администрација. Воедно потенцирано е дека владата ќе работи на целосна дигитализација и на институциите и на услугите. За да се подобри животниот стандард на граѓаните, потребно е да се подобри бизнис климата, што е еден од главните приоритети на ВМРО-ДПМНЕ....
Исчезна малолетничка од Скопје
Прес 24 - пред 16 часа
Вчера во 11.30 часот во Полициското одделение Шуто Оризари, Ш.Д.(54) од Скопје пријавила дека од нејзиниот дом се оддалечила нејзината штитеничка С.Џ.(16), која ѝ била доделена за згрижување од ЈУ Меѓуопштински центар за социјална работа на Град Скопје, а која и претходно се оддалечувала и била враќана назад. Се преземаат мерки за пронаоѓање на лицето....
Скопјанец пронајден починат во својот дом
Прес 24 - пред 16 часа
Вчера во 13.30 часот во СВР Скопје било пријавено дека во домот на подрачјето на Центар во Скопје бил пронајден починат В.М.(65) од Скопје. Лекар од Итна медицинска помош констатирал смрт, а по наредба на јавен обвинител телото на починатиот било предадено на обдукција....
Скопјанец претепан од својот внук
Прес 24 - пред 16 часа
Вчера во 22.45 часот во СВР Скопје, 49 – годишен жител на скопско село пријавил дека околу 22.00 часот во неговиот дом, по претходна расправија, бил физички нападнат од неговиот малолетен внук од Скопје. Се преземаат мерки за расчистување на случајот....
Тепачка во затворот Идризово: Затвореници претепале друг осуденик
Прес 24 - пред 16 часа
Вчера во 10.00 часот во СВР Скопје било пријавено дека во Казнено - поправната установа Затвор Идризово, осуденикот А.Б.(35) од Скопје бил физички нападнат од осудениците З.Р. и К.Л.. Се преземаат мерки за расчистување на случајот....
Жени се испотепале на Бит Пазар, оштетен и автомобилот на едната
Прес 24 - пред 16 часа
Денеска во 03.00 часот во СВР Скопје, Џ.Џ.(34) од Скопје пријавила дека на вчера околу 21.30 часот на подрачјето на Бит Пазар, поради претходни недоразбирања, била физички нападната од А.Ш.Ј., која го оштетила и нејзиното возило. Се преземаат мерки за расчистување на случајот....
Управен суд ја одби тужбата на Европски фронт на решението на ДИК за избирачкото место 1194 во Крушево
Прес 24 - пред 16 часа
Управниот суд ja одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија" за избирачкото место 1194 во Општина Крушево на Парламентарните избори 2024. Според Изборниот законик, доколку одлуката за прегласување во тоа избирачко место влијае на конечните изборни резултати, ДИК треба да спроведе повторено гласање 14 ден од Парламентарните избори односно на 22 мај. Претходно денеска во текот на расправата, застапникот на тужителот, Коалицијата „Европски фронт“, Ејуп Рустеми, посочи дека се оспорува решението на ДИК за прифаќање на приговорот за поништувње на гласањето на ИМ 1194 на Коалицијата „Твоја Македонија". - Решението на ДИК е нејасно. Сумираниот износ на искористени гласачки ливчиња е нејасно како ДИК дошле до збирот од 377 гласачи, без притоа да се земе предвид бројот од 359 потпишани гласачи во избирачкиот список. Бројот од 17 болни и изнемоштени не треба да се додава во дел IV од записникот, бидејќи тие се веќе вброени во статистичкиот податок и се добива дупла бројка. Според Изборниот законик погрешно пополнување на записник не е основ за поништување на гласањето, изјави Рустеми. Дополнителни, посочи Рустеми, во записникот нема заведено забелешки за евентуални неправилности. Претставникот на ДИК, Катерина Василевска нагласи дека остануваат во целост на наводите од решението и одговорот на тужбата и предлагаат таа да се одбие како неоснована. - ДИК постапи во законскиот рок и донесе одлука. По увидот во целосниот изборен материјал ДИК утврди дека бројот на идентификувани гласачи не се совпаѓа со бројот на потпишани гласачи во избирачкиот список и не соодветствува со бројот на искористени гласачки ливчиња на гласачкото место, нагласи Василевска. Судот го прифати барањето на тужителот да се изврши увид во избирачкиот материјал на ИМ 1194 во Крушево, при што констатираше дека искористени се вкупно 359 гласачки ливчиња, а неискористени се 110 од кои три се откинати од кочанот, но уредно поништени. Во избирачкиот список потпишани се 354 лица и 2 со отпечаток од прст. Во посебен избирачки извод од девет лица, гласале две. Во белешките е наведено дека едно лице гласало со решение од ДИК по поднесен приговор дека го нема во избирачкиот список, но тоа за него беше наведено дека нема посебен образец кој се пополнува дека гласал во ваков случај. Правниот застапник на Коалицијата „Европски фронт“, во завршен збор го повика судот да го прифати нивниот предлог и порача дека со увидот во избирачкиот материјал во целост се утврдило дека не е исполнет ниту еден од условите за поништување на гласањето. - Бројот од 359 гласачи кои гласале се идентични утврдени во извештајот и во табеларниот приказ, како и во дел 6 од записникот за сумирање резултати. Од увидот произлезе дека се искористени 359 гласачки ливчиња што подразбира целосно усогласување на податоците за избирачи кои гласале и бројот на искористени гласачки ливчиња денеска преброени, рече застапникот на Коалицијата „Европски фронт“. Од ДИК по увидот и пребројувањето на материјалот нагласија дека остануваат во целост на одговорот на тужбата и решението. - Со увидот се констатираше повреди во работењето на избирачкиот одбор што е основ за поништување на гласањето во ова избирачко место. Со оглед дека има преброено 359 искористени гласачки ливчиња, а се преброени 358 потписи во избирачкиот список, тоа е дополнителен основ за повторување на гласањето. Дополнително бројот на отпечатоци од прст од идентификувани гласачи не се совпаѓа со бројот на искористени гласачки ливчиња, нагласи Василевска. Управниот суд пресудата ќе ја објави за два часа. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите се оформени предмети и закажани во текот на денешниот ден. ДИК на 104 седница ги разгледа приговорите поднесени од политичките партии по одржувањето на парламентарните избори на 8 мај. Од вкупно 27 поднесени приговори - девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Според првичните официјални резултати за парламентарите избори што ги објави ДИК, Коалицијата „Твоја Македонија“ предводена од ВМРО-ДПМНЕ има освоено 58 пратенички мандати, по што следуваат Коалицијата „Европски фронт“ предводена од ДУИ со 19 пратенички мандати, Коалицијата за европска иднина предводена од СДСМ со 18, Коалицијата „Вреди“ со 13, а Движење ЗНАМ за наша Македонија и Левица по шест пратенички мандати....
ИЈЗ: Нови 44 случаи на голема кашлица, вкупната бројка на заболени достигна 597
Прес 24 - пред 16 часа
Од 10 до 16 мај пријавени се 44 нови случаи на голема кашлица во државава, со зголемување од трипати споредено со претходниот седмодневен период. Заклучно со 16 мај во државава се регистрирани вкупно 597 случаи на голема кашлица, се наведува во најновиот извештај на Институтот за јавно здравје (ИЈЗ), објавен попладнево. Во однос на географската дистрибуција, најголем дел од новите 44 случаи, пријавени се во рамките на епидемијата во Скопје - 39, па четири случаи од Куманово и еден од Прилеп. Возраста на заболените се движи од три месеци до 77 години, а најголем број случаи се од возрасната група од пет до девет години. Од новите 44 случаи, пет се хоспитализирани. - Дистрибуцијата по пол покажува дека 283 лица се од машки пол, а 314 од женски, пишува во извештајот на ИЈЗ. Од Институтот потсетуваат дека во тек се две епидемии, пријавени во ниво на територијата на Скопје и на Куманово. Од 18 јануари до 16 мај, дадени се вкупно 47.982 дози вакцина што содржи компонента против голема кашлица....
Автомобил излета од автопатот Неготино - Демир Капија, повредении четири лица
Прес 24 - пред 16 часа
Утрово во 05.20 часот во ОВР Неготино било пријавено дека на автопатот Неготино - Демир Капија, патничко возило „рено“ со српски национални ознаки, управувано од А.Ц.(47) од Република Србија, излетало од патот. Во несреќата со тешки телесни повреди се здобил сопатникот Х.Л.В.(68), додека возачот и сопатниците А.В.(43) и В.Л.(54) од Република Србија се здобиле со телесни повреди, констатирани во Здравствен дом Неготино. За настанот бил известен јавен обвинител, а увид на местото извршила екипа од ОВР Неготино....
Прилепчанка измамена со наводна сообраќајка во која нејзината внука прегазила дете
Прес 24 - пред 16 часа
Вчера во 12.30 часот во ОВР Прилеп, 76 – годишна жена од Прилеп пријавила дека била измамена од едно машко лице за сума од 380.000 денари. Според пријавеното, на 15.05.2024 лицето телефонски ѝ се јавило и, претставувајќи се како полициски инспектор, ѝ кажало дека нејзината внука во сообраќајна несреќа во Охрид удрила дете-мигрант. Како што е пријавено, тој, исто така, откако ѝ кажал дека родителите на детето барале пари, а доколку не им даде нејзината внука ќе одела во затвор 10 години, таа се согласила и следната вечер во нејзиниот дом дошло женско лице на кое му ги дала парите. Се преземаат мерки за расчистување на случајот....
Пронајдена рачна бомба во Берово
Прес 24 - пред 16 часа
Вчера во 10.45 часот во Полициската станица Берово, И.Б.(80) од Скопје пријавил дека во стар објект – воденица, во негова сопственост во с.Владимирово, пронашол рачна бомба. Пиротехничар од Дирекцијата за заштита и спасување безбедно ја подигнал бомбата и констатирал дека станува збор за рачна бомба со потекло од Првата светска војна....
Османи со бројни билатерални средби во Стразбур
Прес 24 - пред 17 часа
Министерот за надворешни работи на Република Северна Македонија, Бујар Османи денеска, на маргини на 133 сесија на Комитетот на министри на Советот на Европа во Стразбур, оствари бројни билатерални средби со хомолози од различни земји, имено со министрите за надворешни работи на Сојузна Република Германија, Република Австрија, Република Унгарија, Швајцарска Конфедерација, Република Малта, Република Словенија, Република Албанија, Република Молдавија, како и заменик министерот за надворешни работи на Република Турција. Во фокус на одвоените средби на Османи со министрите на Германија, Австрија и Унгарија, Аналена Бербок, Александар Шаленберг и Петер Сијарто беше европското досие на земјата, при што Османи ги информираше соговорниците за активностите во однос на исполнувањето на реформската агенда и за успешно завршениот скрининг процес, притоа изразувајќи благодарност за конзистентната поддршка на процесот на интеграцијата на нашата земја во Европската унија. Османи и министерот на Швајцарија, Игнацио Касис разговараа за билатералните односи на двете земји, заблагодарувајќи му се за континуираната поддршка за реформскиот процес на земјата. На средбата со министерот на Малта, Иан Борг се направи осврт на билатералните односи, ставајќи го притоа акцентот на соработката во рамки на мултилатералните организации. Османи подвлече дека Северна Македонија како дел од ОБСЕ Тројката очекува зајакнување на улогата и ефикасноста на ОБСЕ, како уникатна безбедносна организација и платформа за дијалог. Теми на разговорите на Османи со колегите од Словенија, Албанија и Молдавија, Тања Фајон, Игли Хасани и Михај Попсоји како и заменик министерот за надворешни работи на Турција, Мехмет Кемал Бозај беа повеќе аспекти од билатералните односи и можностите за продлабочување на соработката. Се дискутираа и активностите на Северна Македонија како земја претседавач со Процесот за соработка на Југоисточна Европа во врска со претстојниот министерски состанок како и начините за интензивирање регионалната соработка....
Драма во Струга: Ја вработиле како наставник со фалсификувани документи
Прес 24 - пред 17 часа
Основното јавно обвинителство Струга поднесе два обвинителни предлози за кривични дела – Несовесно работење во службата од 353-в и продолжено кривично дело – Фалсификување исправа според член 378 од Кривичниот законик, а поврзани со работата на училишта на територијата на општина Струга. Во првиот предмет обвинети се четири лица. Првообвинетата – наставник по француски јазик во основно училиште во Велешта употребила три лажни јавни исправи како вистинити, кои ги искористила за полагање стручен испит во Државниот испитен центар. Останатите тројца – градоначалник на општина Струга, директор и помошник-директор на училиштето ги прифатиле фалсификуваните документи во постапката за полагање стручен испит, вработување како наставник, но и за назначување на првоосомничената за в.д. директор на училиштето во периодот од 19.04.2022 до 06.09.2023 година. Во вториот предмет, обвинет е градоначалникот на општина Струга за кривично дело – Несовесно работење во службата од 353-в, бидејќи донел решение со кое за в.д директор на основно училиште во селото Подгорци именувал лице кое не ги исполнувало условите, односно немало работно искуство од најмалку пет години во воспитно-образовна работа, како што е предвидено во Законот за основно образование. Иако не ги исполнувало условите, лицето ја извршувало директорската функција во периодот од 11.11.2022 до 25.04.2023 година....
Средба на претседателката Гордана Силјановска Давкова со Росана Дуџак, постојан координатор на ОН
Прес 24 - пред 17 часа
Претседателката Гордана Сиљановска Давкова денеска ја прими Росана Дуџак, постојан координатор на Обединетите Нации. На средбата, упатувајќи честитки за изборот на претседателката Сиљановска Давкова, координаторката на ОН, Дуџак, ја истакна одличната институционална соработка, на сите нивоа и области, во реализацијата на активностите и проектите поддржани од меѓународната организација, соопшѕо кабинетот на Сиљановска Давкова. Претседателката изрази задоволство од исклучителниот придонес на Обединетите Нации во нашата европска интеграција и континуираната поддршка за земјата и за граѓаните. Taa ги истакна приоритетите на својот мандат кои во голем дел се совпаѓаат со активностите на агенциите на Обединетите Нации кои се спроведуваат или се планираат во земјава. Двете соговорнички разговараа за спроведувањето на рамката за соработка 2021-2025, како главен стратешки документ што ја утврдува работата на системот на ОН во земјава, а во согласност со националните развојни приоритети, меѓународните човекови права, обврските за родова еднаквост и Агендата 2030....
OJO: Поведена постапка против родителите кои нападнаа наставничка и ученик во училиште во Битола
Прес 24 - пред 17 часа
Основното јавно обвинителство Битола поведе постапка против две лица – маж и жена кои се осомничени дека во група извршиле грубо насилство врз дете родено 2009 година, со што сториле кривично дело – Насилство согласно член 386 став 2 во врска со став 1 од Кривичниот законик. Двајцата сопружници, на 15 мај, влегле во основно училиште во Битола, при што таткото физички ја оттурнал наставничката и директно нападнал еден од учениците, соученик на нивното дете, заканувајќи му се дека ќе го убие. Го фатил детето за уво, го стапнал на ногата и го тегнел, а за тоа време неговата сопруга ја држела наставничката за да не може да му помогне и да го одбрани ученикот. Со насилството двајцата предизвикале чувство на несигурност и вознемиреност кај другите ученици, кои од страв кога заминале осомничените барале наставничката да ги заклучи во училницата за да не се вратат. Надлежниот јавен обвинител до судијата на претходна постапка достави предлог за определување куќен притвор за осомничениот татко. Предлогот беше прифатен и на осомничениот му е определена притворска мерка....
Велковски: Добросостојбата на нашите деца е и ќе биде наша највисока цел
Прес 24 - пред 18 часа
Министерот за труд и социјална политика, Ѓоко Велковски, заедно со претставникот на УНИЦЕФ, Патриција ди Џовани, и градоначалникот на општина Илинден, Александар Георгиевски, денeска, во детската градинка „Гоце Делчев“ во општина Илинден присуствуваше на промоција на проектот „Градење здрави навики во исхраната кај децата од предучилишна возраст”. „Добросостојбата на нашите деца е и ќе биде наша највисока национална, општествена и лична цел“, потенцира Велковски и додаде дека здравата и безбедна храна е неопходност за подобар раст и развој на децата, особено во првите години од животот. Во рамките на соработката со УНИЦЕФ почна реализацијата на проектот „Градење здрави навики во исхраната кај децата од предучилишна возраст”, во партнерство со асоцијацијата ЕДУЛЕНД, а активно учество во проектот зеде и Здружението за одржлив развој АРЕТЕ. „Како резултат на овој проект произлегоа едукативни обуки, кои почнуваме да ги пилотираме првично во 4 градинки за вработените во предучилишните установи, а понатаму во план е да опфатиме уште 30 градинки во целата држава. Она што ме радува е дека на овие обуки учесници се вработените во детските градинки: директор, стручни работници и соработници, воспитувачи, негуватели и вработени во кујните во кои се приготвува храната за децата. Исто така, се изработи и прирачник со насоки за здрава исхрана“, рече министерот за труд и социјална политика. Министерот Велковски додаде дека воспитувачите и негувателите од раното детство имаат клучна улога во обликувањето на здравите прехранбени навики на децата не само преку храната што ја нудат во градинките туку и, како што рече, преку однесувањето што го моделираат, нивните интеракции со децата за време на оброците, дискусиите и активностите што ги преземаат со децата. „Од овие причини практичното унапредување на нивните професионални компетенции има големо значење“, потенцира министерот Велковски....
Управен одржа јавна расправа по тужбата на решението за прегласувње во ИМ 1194 во Крушево
Прес 24 - пред 18 часа
Управниот суд на јавна седница денеска расправаше по тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија" за избирачкото место 1194 во Општина Крушево на Парламентарните избори 2024. Застапникот на тужителот, Коалицијата „Европски фронт“, Ејуп Рустеми, посочи дека се оспорува решението на ДИК за прифаќање на приговорот за поништувње на гласањето на ИМ 1194 на Коалицијата „Твоја Македонија". - Решението на ДИК е нејасно. Сумираниот износ на искористени гласачки ливчиња е нејасно како ДИК дошле до збирот од 377 гласачи, без притоа да се земе предвид бројот од 359 потпишани гласачи во избирачкиот список. Бројот од 17 болни и изнемоштени не треба да се додава во дел IV од записникот, бидејќи тие се веќе вброени во статистичкиот податок и се добива дупла бројка. Според Изборниот законик погрешно пополнување на записник не е основ за поништување на гласањето, изјави Рустеми. Дополнителни, посочи Рустеми, во записникот нема заведено забелешки за евентуални неправилности. Претставникот на ДИК, Катерина Василевска нагласи дека остануваат во целост на наводите од решението и одговорот на тужбата и предлагаат таа да се одбие како неоснована. - ДИК постапи во законскиот рок и донесе одлука. По увидот во целосниот изборен материјал ДИК утврди дека бројот на идентификувани гласачи не се совпаѓа со бројот на потпишани гласачи во избирачкиот список и не соодветствува со бројот на искористени гласачки ливчиња на гласачкото место, нагласи Василевска. Судот го прифати барањето на тужителот да се изврши увид во избирачкиот материјал на ИМ 1194 во Крушево, при што констатираше дека искористени се вкупно 359 гласачки ливчиња, а неискористени се 110 од кои три се откинати од кочанот, но уредно поништени. Во избирачкиот список потпишани се 354 лица и 2 со отпечаток од прст. Во посебен избирачки извод од девет лица, гласале две. Во белешките е наведено дека едно лице гласало со решение од ДИК по поднесен приговор дека го нема во избирачкиот список, но тоа за него беше наведено дека нема посебен образец кој се пополнува дека гласал во ваков случај. Правниот застапник на Коалицијата „Европски фронт“, во завршен збор го повика судот да го прифати нивниот предлог и порача дека со увидот во избирачкиот материјал во целост се утврдило дека не е исполнет ниту еден од условите за поништување на гласањето. - Бројот од 359 гласачи кои гласале се идентични утврдени во извештајот и во табеларниот приказ, како и во дел 6 од записникот за сумирање резултати. Од увидот произлезе дека се искористени 359 гласачки ливчиња што подразбира целосно усогласување на податоците за избирачи кои гласале и бројот на искористени гласачки ливчиња денеска преброени, рече застапникот на Коалицијата „Европски фронт“. Од ДИК по увидот и пребројувањето на материјалот нагласија дека остануваат во целост на одговорот на тужбата и решението. - Со увидот се констатираше повреди во работењето на избирачкиот одбор што е основ за поништување на гласањето во ова избирачко место. Со оглед дека има преброено 359 искористени гласачки ливчиња, а се преброени 358 потписи во избирачкиот список, тоа е дополнителен основ за повторување на гласањето. Дополнително бројот на отпечатоци од прст од идентификувани гласачи не се совпаѓа со бројот на искористени гласачки ливчиња, нагласи Василевска. Управниот суд пресудата ќе ја објави за два часа. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите се оформени предмети и закажани во текот на денешниот ден. ДИК на 104 седница ги разгледа приговорите поднесени од политичките партии по одржувањето на парламентарните избори на 8 мај. Од вкупно 27 поднесени приговори - девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Според првичните официјални резултати за парламентарите избори што ги објави ДИК, Коалицијата „Твоја Македонија“ предводена од ВМРО-ДПМНЕ има освоено 58 пратенички мандати, по што следуваат Коалицијата „Европски фронт“ предводена од ДУИ со 19 пратенички мандати, Коалицијата за европска иднина предводена од СДСМ со 18, Коалицијата „Вреди“ со 13, а Движење ЗНАМ за наша Македонија и Левица по шест пратенички мандати....
Кривичен суд го добил барањето од Палевски за адвокат
Прес 24 - пред 18 часа
Кривичниот суд го добил барањето од Истражниот затвор „Скопје“ во Шуто Оризари за ангажирање адвокат што ќе го застапува осомничениот Љупчо Палевски во процесот за убиството на Вања Ѓорчевска и Панче Жежовски. Од судот информираа дека од Истражниот затвор „Скопје“ во Шуто Оризари до Основниот кривичен суд Скопје е доставно официјално известување за екстрадицијата на осомничениот за кој веќе е определна мерка притвор од неговото пронаоѓање, односно лишување од слобода, како и барање за ангажирање адвокат, кој ќе го застапува во текот на постапката. „Судот во рамките на законските одредби ги издава сите дозволи поврзани со истражната постапка, која е во надлежност на Основното јавно обвинитeлство – Скопје и добиените барања ги доставува до предложените адвокати за нивно понатамошно постапување“, информираа од Кривичниот суд. Дополнително, судија на претходна постапка во координација со надлежниот јавен обвинител ќе издаде наредба за спровод на осомниченото лице за негово произнесување во однос на околностите во предлогот на јавниот обвинител за определување на мерката притвор, а за донесеното решение јавноста ќе биде благовремено известена....
Европскиот фронт: Ниту една влада не може да го раскине договорот со конзорциумот Бехтел и Енка
Прес 24 - пред 19 часа
Европскиот фронт смета дека е неприфатлив и невозможен чин раскинувањето на договорот со Бехтел и Енка. Ниту една влада не може да го раскине договорот со конзорциумот Бехтел и Енка“, велат од Европскиот фронт, предводен од ДУИ. Оценуваат дека ваквиот став е обид да се минимизира големата работа и, како што велат, најголемиот проект во историјата на државата што досега прогресивната и проевропската Влада го реализираше. Договорот со Бехтел и Енка, како што се додава, е потпишан според сите законски одредби, коректен е од секој аспект и никој не може да ја оцрни неговата содржинска исправност и бенефитот што неговата реализација и го носи на државата. „Јавно прашуваме, дали е ист ставот против Коридорот 8 и на албанската опозиција “Вреди”, губитниците на парламентарните и претседателските избори?! Досега во овие неколку дена не нарекоа “македонски албанци“, рекоа дека нема уставни измени, дека нема европска перспектива, дека Охридскиот договор ќе биде суспендиран и дека опозицијата што ги изгуби изборите нема ниеден услов за формирање на идната Влада. Дали и лидерите на албанската опозиција ги делат овие ставови?“, велат од Европскиот фронт. Првиот човек на ВМРО-ДПМНЕ, Христијан Мицкоски, вчера најави дека ќе го репреговара договорот со „Бехтел и Енка“ За договорот со „Бехтел и Енка“ има две опции – или да се раскине или да се репреговара. Едната е договорот да се раскине и да се оди на арбитража, да платиме стотици милиони евра и да немаме автопат, а втората е договорот да се оптимизира за што веќе имаме почетни разговори, со што би се забрзал и реализирал проектот, изјави Мицкоски. Додаде дека ВМРО-ДПМНЕ се повеќе за прагматичниот пристап, граѓаните да добијат автопат, но оптимиран. „Ваков каков што е, потпишан од оваа влада, за жал, е во одредена мерка неприменлив поради големите правни проблеми, проблеми со експропријација и технички проблеми. Како идна влада сакаме да градиме, а не да рушиме“ рече Мицкоски. Во март, минатата година, потпишан беше договорот за изградба на коридорите 9 и 10-д, кои ќе ги гради конзорциумот „Бехтел и Енка“. Станува збор за проект вреден 1,3 милијарда евра, а опфаќа изградба на вкупно 110 километри автопат, во рок од шест години. Коридорот 8 предвидено е да се протега на должина од 68 километри со автопат со 6 ленти, кој ќе ги поврзува Тетово со Гостивар, Кичево, Струга до Ќафасан, а Коридорот 10-д, автопат со 6 ленти во должина од 40 километри, ќе го поврзе Прилеп со Битола. Владата го нарече проектот историски и најави дека ќе се финализира во период од 6 години од почетокот на работите....
Бесим Красниќи екстрадиран во Македонија
Прес 24 - пред 19 часа
Министерството за внатрешни работи ја известува јавноста дека денеска (17.05.2024) полициски службеници од Секторот за меѓународна полициска соработка при МВР и Единицата за интервентна полиција на СВР Скопје го завршија процесот на екстрадиција од Косово во Република Македонија на Бесим Красниќи (44). Тој се бараше со меѓународна потерница по наредба на Основен кривичен суд Скопје за издржување на казна затвор за сторени кривични дела разбојништво, тешки дела против општата сигурност и казнување за подготвување во врска со кривично дело тероризам. Лицето е спроведено во КПУ Идризово....
Поранешниот претседател на Србија имал сообраќајка
Прес 24 - пред 19 часа
Томислав Николиќ, поранешниот претседател на Србија и директор на Националниот совет за координација со Руската Федерација и со Кина, имал утрово сообраќајка несреќа, пишуваат медиумите на нашиот северен сосед. Несреќата се случила во 9:15 часот во центарот на Белград, а Николиќ се наоѓал во службено возило Ауди А8. Со автомобилот управувал неговиот личен возач, а во несреќата немало повредени....
Секој маж може да стане родител, но не може секој да биде тато
Прес 24 - пред 20 часа
Родителството, несомнено, е најважната и најубавата животна улога, проследена со голем број предизвици со кои се соочуваат мајките и татковците од раѓањето на бебето. Таа улога е толку драгоцена со сите свои предизвици, што, иако акцентот за грижата и за негата околу новороденото бебе, главно, е на страната на мајката, сѐ повеќе се согледува важноста на татковците, па се истакнува значењето на нивното активно учество во развојот на бебето од неговото раѓање. Татковците на некој посебен начин се поврзуваат со новороденото бебе, па со своето присуство создаваат нераскинлива поврзаност, која трае цел живот. Сето ова беа темите на овогодишната Бекутанова работилница за родители, која се одржа во прекрасната Magnolia Slastice, со познати татковци и со голем број мајки. Сѐ за најубавата улога во животот, татковската улога, ни раскажаа Стјепан Вукадин, Фабијан Павао Медвешек и д-р Натко Бек, заедно со д-р Диана Пужевски, со модераторот Мирна Медаковиќ Степинац и со специјалниот гостин Тарик Филиповиќ, кој по раѓањето на својот син покажа неизмерна доверба во „Бекутан“ и стана негов горд бренд-амбасадор. Колку е важна, но и најубава улогата на татко нагласи Тарик Филиповиќ, првиот бренд-амбасадор на „Бекутан“: „Велат дека е лесно маж да стане родител, но треба многу повеќе за да стане ТАТКО! Фигурата која јас ја паметам како најголем морален и човечки авторитет и пример. Сето пропуштено при растењето на детето тешко можеш да го надоместиш, а детето кога ќе стане возрасен човек, ќе памети многу од она што не си го пропуштил. И тоа неретко го формира како личност и го насочува понатаму во животот. Но, со сета должна почит спрема нас татковците и спрема нашите татковци, мојот наклон оди за едната и единствена – МАЈКАТА!“ Значењето и важноста на рамнотежата во родителството ги нагласи д-р Натко Бек: „Сите ние правиме грешки, но и учиме од грешките и се трудиме да го направиме најдоброто во дадениот момент. Важно е да се едуцираме и да увидуваме каде грешиме бидејќи тоа нѐ прави подобри татковци! Важен е балансот во родителството. Татковците и мајките треба рамноправно да учествуваат во растењето на детето од неговото раѓање.“ „Овогодишната Бекутанова работилница ја имаше темата за улогата на татковците во растењето на децата од првите денови, со акцент врз предизвиците што ги носи родителството, а во контекст на поттикнување позитивно и рамноправно родителство. ’Бекутан’, како и секогаш, е во чекор со времето, па покани и познати татковци за да ги споделат своите искуства со породилното отсуство, но и за да кажат збор-два за поврзувањето со своите деца. Сите беа согласни дека улогата на таткото во растењеето на детето е неизмерно важна“, изјави реномираниот педијатар д-р Диана Пужевски....
„Тиквеш“ ги претстави своите модерни практики пред учесниците на регионалната Винска летна школа
Прес 24 - пред 20 часа
Модерните агротехнички и вински практики и иновативни модели во лозарството, како и мерки за намалување на влијанието на климатските промени, беа во фокусот на стручното предавање што го организираше Винарската визба „Тиквеш“ во М6 Едукативниот центар. Ова стручно предавање е дел од Винската летна школа која се одржува во рамки на Регионалната меѓувладина иницијатива за рурална соработка (The Regional Rural Development Standing Working Group in South Eastern Europe - SWG), а се организира со поддршка на ИАК Консалтинг и Универзитетот Газенхајм од Германија. На Винската летна школа учествуваат студенти по лозарство, претприемачи во винската индустрија, владини експерти и професионалци од областа на производството и маркетингот на вино и винскиот туризам од земјава, но и од Албанија, Молдавија, Босна и Херцеговина, Србија, Црна Гора, Република Српска и Косово. За најновите современи практики во управувањето со лозовите насади, вклучувајќи ги и агро-техничките мерки за справување со климатските промени и најсовремените методи за заштита и контрола зборуваше Александра Ристова, раководител на одделот за управување со лозови насади во ВВ „Тиквеш“, споделувајќи ги искуствата на винарницата за воведување на најновите техники за прецизно лозарство и користење на модерни дигитални алатки базирани на вештачка интелигенција, кои значајно влијаат на подигнување на квалитетот на целокупниот процес на создавање врвно вино. Tаа посочи дека примената на напредни дигитални решенија е резултат на дологодишната визија за најсовремено менаџирање на лозовите насади која се имплементира со поддршка на водечкиот промотор на иновации во лозарството Џовани Бигот. Енологот Никола Кузмановски на предавањето ги претстави напредните технологии за производство на вино, сегмент во кој ВВ „Тиквеш“ реализираше сериозни инвестиции во нова технологија, а зборуваше и за првото органско вино кое компанијата го произведе на лозовите насади во Лепово. Во рамките на стручното предавање се обрати и Светозар Јаневски, претседател на Управниот одбор на ВВ „Тиквеш“ кој испрати порака до младите учесници дека доколку сакаат да успеат треба да се стремат кон извонредност и да работат со страст. Тој истакна дека е важно да поседуваме визија и постојано да се стремиме да воведуваме промени и да имплементираме нови иновативни решенија, посочувајќи дека „Тиквеш“ ќе продолжи да го споделува своето искуство и знаење за да помогне во зајакнување на перформансите на регионалната винска индустрија. На стручното предавање, учесниците имаа можност да се информираат и за процесот на воведување ЕСГ стандарди во ВВ „Тиквеш“, како и за чекорите што ги презема винарницата за целосна трансформација во зелена винарница, прва во регионот. Покрај стручното предавање, присутните беа во посета и на лозовите насади во Лепово, а ја посетија и ВВ „Тиквеш“ во Кавадарци. Во рамките на Винската летна школа, учесниците ќе се здобијат со знаења од областа на лозарството и винарството, базирани на најновите сознанија, техники и иновации. Предавањата се организирани во два модули: Меѓународен вински маркетинг и промоција на винскиот туризам и Климатски промени во лозарството и енологијата. Винската летна школа се одржува од 14 до 18 мај 2024 година....
Викедов преку ден топло, а попладне нестабилно со дождови и град
Прес 24 - пред 20 часа
Во следните денови времето ќе биде значително потопло, но во попладневните часови наместа нестабилно со пороен дожд и грмежи, јавува УХМР. Од Управата прогнозираат дека локално ќе има услови процесите да бидат поинтензивни во форма на краткотрајно невреме, со силен ветер, интензивен пороен дожд и изолирана појава на град. Во Скопје во следните дена сончево и топло, во попладневните часови во делови од котлината нестабилно со пороен дожд и грмежи и со услови за краткотрајно невреме. УХМР препорачува поголема внимателност во случај на појава на електрични празнења, да не се престојува на отворен простор и под осамени дрвја....
Коалициони партнери на СДСМ прелетаа кај ВМРО-ДПМНЕ
Прес 24 - пред 20 часа
Двајца советници од советничката група на СДСМ во Советот на општина Кисела Вода, преминаа во ВМРО-ДПМНЕ. Станува збор за советници од политичките партии ЛДП и ДС кои беа во советничка група со СДСМ. Тие сега ја напуштија советничката група на СДСМ. -Благодарност до Јане Петковски и Елизабета Стефковска што ги препознаа победничките политики кои носат подобра иднина за нашите жители. Да живее Македонија, порача градоначалникот на Кисела Вода, Орце Ѓорѓиевски. ВИДЕО https://www.facebook.com/reel/429705893021973...
Османи во Стразбур: Мултилатерализмот останува единствен ефикасен одговор кон предизвиците
Прес 24 - пред 21 часа
Mинистерот за надворешни работи, Бујар Османи се обрати на 133-тата сесија на Комитетот на Министри на Совет на Европа во Стразбур, при што ја подвлече улогата на мултилатерализмот при справување со тековните многубројни предизвици. Покрај сите свои пропусти, мултилатерализмот останува единствениот начин да се мобилизира колективен одговор кон војни, кризи, вонредни ситуации и неспоредливи предизвици од различна природа. Советот на Европа останува суштински столб во тој поглед. Сепак, ние, земјите-членки ја носиме одговорноста за неговата ефикасност” истакна Османи. На 75-годишнината од постоење, Советот на Европа со нејзините норми и стандарди придонесе за подобрување на животот на граѓаните, чување на човековите права и негување на демократијата и владеењето на правото, рече Османи и го поздрави денешното усвојување на Рамковната конвенција за вештачка интелигенција, човекови права, демократија и владеење на правото, како прв меѓународен инструмент во оваа област. “Блиската соработка со другите меѓународни организации, особено со ЕУ, ОН и ОБСЕ при решавање на заедничките проблеми е од особено значење” додаде Османи. За време на престојот во Стразбур, Османи ќе оствари и бројни средби со негови колеги од различни земји....
Македонија испушта над двесте милиони евра годишно, додека земјата лежи на бакар
Прес 24 - пред 21 часа
Во период кога бакарот достигнува рекордно високи цени на светските берзи, Македонија не може да се пофали со големо производство на овој значаен метал, иако земјава изобилува со него. Цената веќе надмина десет илјади долари за тон, особено поради високата побарувачка поттикната од европскиот план за зелена транзиција. Додека ЕУ стимулира производство на бакар, од друга страна, Македонија во моментов има само еден рудник за бакар „Бучим – Боров дол“ и според проценките во него се произведуваат само 8.000 тони бакар годишно. Во меѓувреме, според актуелните геолошки истражувања, единствено инвестицијата за рудник за бакар во Иловица може да се пофали со огромно количество од металот, од кое директна придобивка би имале граѓаните и државата. Во наоѓалиштето за бакар Иловица, утврдени се околу 500 милиони тони руда, односно 237 милиони тони ресурси и резерви од 225 милиони тони руда во кои, според проценките, има 410 илјади тони бакар. Па така, пресметките, но и планот на инвеститорот предвидуваат просечно годишно производство на над 16 илјади тони бакар во Иловица. Доколку ова се преведе во бројки, рудникот во Иловица, на инвеститорот „Еуромакс ресоурцес“, ќе биде во топ-3 извозни компании во Македонија, со приближно двесте милиони евра просечен извоз во година. Според количините на руда што ги поседува, рудникот се предвидуваше да работи околу 23 години. На овој начин, значајните приливи на девизни средства во државава во голема мерка ќе помогнат во одржувањето на билансот на плаќање во услови на трговски дефицит поради повисокото ниво на увоз во однос на извозот, со што ќе се допринесе до ублажување на инфлаторните притисоци, зголемувањето на девизните резерви и до помагањето за одржувањето на стабилноста на националната валута. Инвестицијата во моментов е блокирана, а на ова и претходеа низа спорни одлуки на домашните институции. „Еуромакс ресоурцес“ неколкупати повикуваше да не се носат дневно-политички одлуки за вака крупна инвестиција, особено доколку при процесот на одлучување политичарите се водат од организираните протести, кои според многумина имаат сомнителна позадина, каде изостанува мотивот за заштита на животната средина. Во едно од последните интервјуа, поранешниот претседател на Македонската асоцијација на рударството, Николајчо Николов, истакна дека главен проблем за блокадата на инвестицијата е отпорот на еколошките друштва и променливите одлуки и мислења на државните органи. -Нашата држава мора поконкретно и појасно да ги решава спорните прашања околу рудниците (Иловица Штука, Казан Дол и др) за што би придонело и отворањето на евентуално ново Министерство. Сметам дека државата треба да оформи релевантни стручни групи од рударството и земјоделството кои со аргументи и бројки ќе покажат што е исправно, а на тој начин и ќе помогнат за правилен став на политичките чинители во државата и правците за развојот на земјата во овие дејности, потенцира Николов за Локално.мк. Инвестицијата во рудникот, која тежи над 350 милиони евра за само првите две години од изградбата на рудникот, освен од металуршките инженери, доби поддршка и од дел од локалното население, кое во неа гледа спас во борбата со нискиот животен стандард и иселувањето од струмичко. Дел од жителите ја поддржаа и граѓанската иницијата „И здравје и работа“, која повика да се носат храбри и визионерски одлуки за граѓаните да имаат надеж. - Македонија сигурно не, ако продолжат лошите политики во однос на развојот на рударската индустрија во земјава и одењето по паметот на мала група луѓе кои работат против интересите на државата и нејзините граѓани. Само рудникот „Иловица – Штука“ има проценети резерви од 410 илјади тони бакар. Последната цена по која се продаваше еден тон бакар на светските берзи е 10.090 американски долари... Математиката е јасна и само 2 отсто, а секако дека е многу повеќе од тоа, тоа се многу за државата и општините на кои се неопходни секој денар за нови водоводи, канализации, улици, училишта и градинка, а преку тоа и запирање на се позасиленото иселување од земјава бидејќи веќе некое време ништо не мрда од мртва точка, напишаа на фејсбук од иницијативата „И здравје и работа“....
СПМ: СДСМ со Заев и Ковачевски со катастрофалните политики ја доведоа државата во подредена состојба
Прес 24 - пред 21 часа
Социјалистичката партија на Македонија укажува на огромните последици што ги предизвикаа владите на СДС на чело со Заев и Ковачевски со уценувачките и предавнички договори и протоколи со соседите. Со катастрофалните политики тие ја подредија државата и ги продадоа името, јазикот и Македонските идентитетски обележја за лични интереси, велат од СПМ. -Уцените и заканите што доаѓаат од првите луѓе на јужниот и источниот сосед на Македонија се срамните последици што ги трпат граѓаните и државата на својот европски пат од нејзини изроди и предавници. Македонскиот народ на изборите со право ги казни овие предавници и нивните медиумски слуги кои се трудат да ги одбранат од срамот и навредите што им ги приредија на граѓаните. Промените се случија и победничката Коалиција „Твоја Македонија“ охрабрена од народната воља ќе стори се што е можно за да ги отстрани штетните последици кои се долгорочни, се наведува во партиското соопштение. „Социјалистичката партија на Македонија како национално и државнички определена партија и натаму принципиелно ќе се залага и ќе се бори за јанење на Македонските интереси и идентитетски обележја кои ги признава огромниот број држави во светот членки на ООН“ – велат од СПМ....
Нашле неесплодирано убојно средство и го однеле во полиција
Прес 24 - пред 22 часа
Регионалниот центар за управување со кризи - Штип денеска информира дека вчера во 12.30 часот во полициската станица во Берово било однесено неексплодирано убојно средство, за кое се претпоставува оти потекнува од Првата светска војна. Веднаш било преземено од страна на пиротехничар од ДЗС - Берово за негово уништување, појаснуваат од Центарот за управување со кризи (ЦУК). - Ваквата постапка можеби изгледа правилна, но тоа е само делумно, зашто е контактирано со Полицијата и сепак од безбедносен аспект, е несоодветна. Граѓаните заради своја безбедност и на околината околу нив, треба да постапуваат согласно безбедносните препораки при вакви случаи. Кога ќе пронајдат какви било неексплодирани убојни средства или остатоци од минатите војни, препорака до граѓаните е да не ги фаќаат и поместуваат, туку едноставно да се јават на 112 во ЦУК. Ќе се постапува според стандардните оперативни процедури за вакви случаи од страна на професионалци - пиротехничари, безбедно за нив и за сите во нивната околина, апелираат од ЦУК. Изминатите 24 часа немало пожари на отворено. Во 13.10 часот, преку 112 во ЦУК била добиена пријава за насобрани ѓубре и гранки под мостот на реката Вардар кај селата Јурумлери и Долно Лисиче. Веднаш било известено Јавното претпријатие „Водостопантсво“- Скопје за понатамошна постапка. - Преку 112 во ЦУК се добиени повеќе пријави за паднати електрични и други кабли на различни локации на градот Скопје. За сите поединечни случаи, со точна локација за истите, се известени „ЕВН Македонија“ и операторите коишто кабелски поврзуваат, за понатамошна постапка, по што нивни екипи биле испратени на терен да интервенираат, појаснуваат од ЦУК. Вкупно 1.561 повици на единствениот повикувачки број за итни случаи 112 во ЦУК се евидентирани изминатото деноноќие. Од нив, „реални“ - 59,77 отсто, а 40,23 проценти за други потреби на граѓаните, што не биле итни. Кон полицијата биле упатени 72,18 отсто, кон Итната медицинска помош - 23,31 проценти, а кон пожарникарите - 0,75 отсто од реалните повици кон 112 во ЦУК....
Анкети во Грција: Предност на Нова демократија во пресрет на европските избори
Прес 24 - пред 22 часа
Меѓу 25 и 26,5 отсто е рејтингот на грчката владејачка партија Нова демократија во пресрет на европските избори на 9 јуни и е стабилна на првата позиција, со предност од 13 до 15 проценти пред опозициската СИРИЗА, според истражувањата на јавното мислење во Грција, спроведени од агенциите „MRB“ и „Pulse“ за грчките телевизии „Опен“ и „Скај“, јави дописничката на МИА од Атина. Споредбено со европските избори во 2019 година, кога, Нова демократија победи со 33 отсто, СИРИЗА беше втора со 23,7 проценти, а ПАСОК освои 7,7 отсто, сега, првите две партии се со намален рејтинг, додека третата партија е во подобра позиција. На прашањето дали ќе гласаат на евроизборите, 74 отсто од анкетираните на едната и 83,5 проценти од другата анкета одговориле позитивно. Анкетата на „Pulse“ за „Скај“ била спроведена помеѓу 13 и 15 мај 2024 година со учество на 1.104 гласачи, додека пак истражувањето на „MRB“ за „Опен“ од 10 до 14 мај со анкетирани 1.100 лица....
Сообраќаен метеж и гужва кај „Веро Џамбо“ поради сообраќајка
Прес 24 - пред 22 часа
Сообраќаен метеж и гужва има на мостот „Мајка Тереза“ во близина на „Веро Џамбо“, во центарот на главниот град поради сообраќајна несреќа. На фотографиите од сообраќајната несреќа се забележува автомобил „рено“ удрен во бандера со оштетена хауба, а зад него, автомобил „фолксваген“ со оштетени тркала. Полицијата врши увид на местото на настанот и го регулира сообраќајот, повеќе детали во текот на денот....
Герапетритис: Грчката Влада реагираше брзо и го интернационализираше прашањето по инаугурацијата на Сиљановска
Прес 24 - пред 22 часа
Грчката Влада реагираше со исклучително брзи рефлекси, на само неколку часа по инаугурацијата на новата претседателка на Северна Македонија се активираа претседателката на Европската комисија, претседателот на Европскиот совет, портпаролот на Европската унија, НАТО и многу земји и ова благодарение на грчката надворешна политика, која со брзи рефлекси успеа да го интернационализира прашањето и ќе продолжиме со тоа, рече утрово министерот за надворешни работи на Грција, Јоргос Герапетритис, јави дописничката на МИА од Атина. Шефот на грчката дипломатија во Парламентот одговараше на пратеничко прашање од партијата Победа поврзано со манастирот Хора во Турција, кој турските власти го претворија во џамија, но пратеникот на малата десничарско-националистичка партија ги покрена и останатите прашања од надворешната политика, меѓу кои и Договорот од Преспа. - Договорот од Преспа е договор што има огромни проблеми, но претставува меѓународно право кое мораме да го почитуваме бидејќи согласно Уставот е над секоја друга законска одредба, рече Герапетритис. Паралелно, министерот за надворешни работи на Грција категорично ги демантираше натписите во медиумите за негово учество во составувањето на Договорот од Преспа. - Не само што немав никакво учество, туку и немаше да можам да учествувам од едноставна причина што темелно не се согласувам со Договорот од Преспа, што претставува правен текст со огромни проблеми кои со текот на времето се покажуваат, истакна Герапетритис....
ФОТО: Влатко Ѓорчев и сопругата Сузана прославуваат 15 години брак
Прес 24 - пред 22 часа
Поранешниот пратеник Влатко Ѓорчев и сопругата Сузана денеска прославуваат 15 години брак. На социјалните мрежи тој објави фотографија од нивната свадба и семејна слика со нивните деца. -15 години брак. Те сакам, напиша Ѓорчев кој со сопругата Сузана се горди родители на четирите деца, Марта, Филип, Никола и Катерина. Во интервју дадено пред неколку години, Ѓорчев признава дека неговата сопруга го освоила од „прва“. Според него нема ништо поубаво кога имаш покрај себе некој што ќе биде твоја сродна душа, свидетел на твоите среќни и тажни моменти. Затоа, бракот е вистинска одлука, а семејството и децата најголемата вредност, смета Ѓорчев. Во домот никогаш не им е досадно, бидејќи постојано имаат активности. Но, она во што најмногу уживаат се семејните прегратки, емоциите и заедничките авантури....
Управниот суд денеска ќе расправа по тужбите на Европскиот фронт
Прес 24 - пред 23 часа
Во Управниот суд за денеска се закажани седум јавни седници на кои треба да се разгледаат тужбите поднесени од коалицијата „Европски фронт“ предводен од ДУИ против решенијата на Државната изборна комисија за парламентарните избори што се одржаа на 8 мај. Првата седница е закажана во 10:30 часот, а последната во 22:30 часот. Седниците, како што стои на официјалната веб страница, треба да се одржат со временско растојание од два часа. Коалицијата „Европски фронт“ во изминатите денови на прес-конференции обвини за изборен инженеринг, односно дека преку ДИК се прави обид да им се одземат еден до два пратенички мандати. Вчера и премиерот на техничката Влада Талат Џафери ги повика сите институции да постапуваат согласно закон без партиски директиви од која било страна. - Како премиер на Владата на Република Северна Македонија и одговорен за успешноста на изборниот процес на претседателските и парламентарните избори имам добиено извештај од учесниците во изборниот процес за вознемирување во однос на обиди за изборен инжинеринг со вонинституционален меѓупартиски договор за гласање и надгласување во ДИК во врска со симптоматичните приговори поднесени од страна на учесниците на изборите, рече Џафери на прес-конференцијата во Владата. Според првичните официјални резултати за парламентарите избори што ги објави ДИК, Коалицијата Твоја Македонија предводена од ВМРО-ДПМНЕ има освоено 58 пратенички мандати, по што следуваат Коалицијата Европски фронт предводена од ДУИ со 19 пратенички мандати, Коалицијата за европска иднина предводена од СДСМ - 18, Коалицијата ВЛЕН - 13, а Движењето ЗНАМ за наша Македонија и Левица по шест пратенички мандати....
Разговорите за нова влада во тек
Прес 24 - пред 23 часа
Работните групи на ВМРО-ДПМНЕ и Коалицијата „Вреди“ за коалицирање во новата влада вчера ја одржаа првата средба, а според лидерот на ВМРО-ДПМНЕ Христијан Мицкоски имаат обезбедено 61 пратеник. Во меѓувреме, техничкиот премиер Талат Џафери на прес-конференција обвини дека имало договор за надгласување во Државната изборна комисија за прифаќање на одредени приговори и оти на тој начин се врши изборен инженеринг за менување на соодносот на силите во Собранието, порачувајќи дека се е во рацете на Управниот суд, каде треба да се одлучува по жалбите на ваквите решенија. Лидерот на ВМРО-ДПМНЕ и иден мандатар, Христијан Мицкоски, одговарајќи на новинарски прашања пред затворањето на Самитот Македонија 2025, рече дека покрај 58 пратеници на коалицијата, имаат консолидирано точно 61 пратеник и информира дека разговорите со „Вреди“ се водат во вистинска насока. – Можам да кажам дека како „Твоја Македонија“ предводена од ВМРО-ДПМНЕ во Парламентот покрај 58 пратеници кои ги има автентично, очекуваме одлука на Управниот суд да видиме што ќе се случува со изборната единица 5 и 6, можам со задоволство да кажам дека имаме консолидирано точно 61 пратеник, но тоа нема да не повлече од разговорите со идните потенцијални коалициски партнери како што е коалицијата „Вреди“, изјави Мицкоски. Според него, асиметрични договори не се добри и изрази убедување дека многу брзо ќе биде објавен составот на новата влада и на коалицијата која ќе биде, како што рече, поддржана со повеќе од две третини од пратениците во Собранието. Работните групи на ВМРО-ДПМНЕ и Коалицијата „Вреди“ вчера ја одржаа првата средба за разговори за коалицирање во новата влада, на која, како што информираа преку соопштение, било заклучено дека е потребно да се задржат програмските определби што добиле поддршка од граѓаните и да се запазат договорените принципи на делување, силно динамизирање на ЕУ интеграции, бескрупулозна борба против корупцијата и криминалот и економски реформи за повисок животен стандард. На работната средба, како што посочуваат ВМРО-ДПМНЕ преку соопштение, било договорено дека разговорите во позитивен дух ќе продолжат и во наредниот период. Според првичните официјални резултати за парламентарите избори што ги објави ДИК, Коалицијата Твоја Македонија предводена од ВМРО-ДПМНЕ освоено најмногу пратенички мандати, 58, по што следуваат Коалицијата Европски фронт предводена од ДУИ со 19 пратенички мандати, Коалицијата за европска иднина предводена од СДСМ, 18, Коалицијата ВЛЕН, 13, а Движење ЗНАМ за наша Македонија и Левица по шест пратенички мандати. Премиерот на техничката Влада Талат Џафери, вчера на прес-конференција, рече дека смета дека имало договор за надгласување во Државната изборна комисија за прифаќање на одредени приговори за изборните резултати и прегласување, и оти на ваков начин се прави обид за изборен инжинеринг за менување на бројките во Собранието и изигрување на волјата на граѓаните. Изборниот процес кој беше оценет како кредибилен и демократски, сега е во рацете на Управниот суд, рече Џафери и повика сите институции да постапуваат согласно закон без партиски директиви од која било страна. -Како премиер на Владата на Република Северна Македонија и одговорен за успешноста на изборниот процес на претседателските и парламентарните избори имам добиено извештај од учесниците во изборниот процес за вознемирување во однос на обиди за изборен инжинеринг со вонинституционален меѓупартиски договор за гласање и надгласување во ДИК во врска со симптоматичните приговори поднесени од страна на учесниците на изборите, рече Џафери на прес-конференцијата во Владата. Според извештаите, додаде тој, овие претензии се изборен инженеринг и имаат за цел менување на соодносот на бројките во Собранието преку политички договор на маса. Во меѓувреме течат роковите за тужби до Управниот суд за изборните резултати по парламентарните избори по прифаќањето на приговорите од страна на ДИК што го отвори патот за прегласување на шест избирачки места во Петатта и на едно избирачко место во Шестата изборна единица. Управниот суд иформира дека по поднесени седум тужби од Коалицијата „Европски фронт“ на парламентарните избори 2024 година против решенија на ДИК оформени се предмети и дека ги преземаат сите процесни дејствија согласно Изборниот Законик. -Со оглед на роковите за постапување и одлучување, Управниот суд итно ги презема сите процесни дејствија согласно Изборниот Законик, се вели во соопштението од претседателот на Управен суд Бурим Сејдини. Управниот суд вчера одржа јавна седница по тужба на Коалицијата „Вреди“ по одлуката на ДИК за одбивање на нивниот приговор за избирачко место 0511, во Долна Бањица во Општина Гостивар на Парламентарните избори 2024 година. Постапката беше прекината, откако претставникот на Коалицијата „Вреди“ изјави дека ја повлекува тужбата во целост. До Државната изборна комисија беа поднесени вкупно 27 приговори за парламентарните избори – девет од коалицијата „Влен“, осум од ВМРО-ДПМНЕ, пет од СДСМ и четири од Левица. Прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Против одлуката на ДИК може да се поднесе тужба до Управниот суд, во рок од 24 часа од приемот на решението. Управниот суд, пак, по жалбата е должен да донесе одлука во рок од 48 часа по нејзиниот прием....
Искористете го топлото време: Температури до 25 степени
Прес 24 - пред 23 часа
Времето денеска ќе биде сончево и топло со мала до умерена локална облачност. На североистокот ќе има услови за појава на краткотраен дожд. Ќе дува слаб до умерен, а долж Повардарието краткотрајно засилен ветер од југоисточен правец. Минималната температура ќе биде во интервал од 6 до 12, а максималната од 20 до 25 степен. Во Скопје сончево и топло со мала до умерена облачност. Ќе дува слаб до умерен ветер од југоисточен правец. Минималната температура ќе се спушти до 11, а максималната ќе достигне 25 степени. Според УХМР, утре ќе настапи преодно стабилизирање на времето со позначителен пораст на дневната температура. Од сабота кон крајот на денот повторно се очекува нестабилно време со локален пороен дожд и грмежи, локално во форма на невреме. Повремена претежно попладневна нестабилност со пороен дожд и грмежи, со променлив интензитет, ќе има се до средината на следната недела....
Реал се откажува од ѕвезда на Баерн
Прес 24 - пред 1 ден
Реал Мадрид повеќе не е заинтересиран за левиот бек на Баерн Минхен, Алфонсо Дејвис, пренесуваат шпанските медиуми. Според информациите,од „Сантијаго Бернабеу“ се насочиле кон ѕвездата на Жирона, Мигел Гутиерез. Покрај тоа, се вели дека „кралевите“ ставиле крај на обидите да го ангажираат централниот бек на Лил, Лени Јоро, бидејќи е донесена одлука клубот да му даде доверба на младиот Рафа Марин, кој ги импресионирал Карло Анчелоти и другите за време на неговата сегашна позајмица во Алавес. Исто како Марин, Гутиерез е „дете“ на „Ла Фабрика“ и беше продаден во 2022 година бидејќи бараше поголема минутажа. Сепак, Реал разумно инсистираше на откупна клаузула за левиот бек и може да ја активира за да го врати 22-годишниот играч на „Сантијаго Бернабеу“ ова лето. Мадриѓаните веќе ја освоија 36-тата титула во Ла Лига и мирно го завршуваат првенството. Сите погледи сега се вперени кон 1 јуни, кога е финалето со Борусија Дортмунд во Лигата на шампионите....
Според Календарот на МПЦ, утре се празнуваат овие светители
Прес 24 - пред 1 ден
Светата маченичка Пелагија Тарсиска Родена е во градот Тарс, од родители незнабожци, но богати и прочуени. Кога слушна од христијаните за Христа, таа се разгоре со љубов кон Спасителот и во душата беше целата христијанка. Се случи самиот цар Диоклецијан запре во Тарс и додека се бавеше во овој град неговиот син, принцот, се вљуби смртно во Пелагија, па сакаше да ја земе за жена. Преку својата зла мајка Пелагија одговори дека таа веќе Му се има ветено на Небесниот Женик, Господ Исус Христос. Бегајќи од скверниот принц и од својата мајка, Пелагија го побара и го најде епископот Клинон, човек прочуен по светоста. Тој ја поучи во христијанската вера и ја крсти. Тогаш Пелагија ги раздаде своите раскошни фустани и големото богатство, се врати дома и ? исповеда на мајка си дека е веќе крстена. Кога слушна за ова царскиот син и ја изгуби сета надеж дека некогаш ќе може да ја добие за жена оваа света девица, се прободе самиот себеси со меч и умре. Тогаш свирепата мајка појде и ја обвини кај царот својата ќерка, па му ја предаде на суд. Царот се восхити од убавината на девицата, заборави на синот и самиот се распали со нечиста страст кон неа. А бидејќи Пелагија остана непоколеблива во нејзината вера, царот пресуди да ја изгорат во метален усвитен вол. Кога ја разголеа мачителите, Света Пелагија се прекрсти со Крстот и со благодарна молитва кон Бога на усните самата влезе во усвитениот вол, во којшто за еден миг се растопи како восок. Чесно пострада во 287 година. Коските што останаа од неа ги прибра епископот Клинон и ги погреба на ридот под еден камен. Во времето на царот Константин Копроним на тоа место беше изградена прекрасна црква во чест на Светата девица и маченичка Пелагија, која се жртвуваше за Христа за со Него да царува вечно. ТропарДевице света, Пелагијо Христова, вистината го озари умот твој и ти го исполни срцето, со неа се излечи душата твоја, радувај се сега во небесните дворови и погледни на нас, кои денес го празнуваме чесниот ти спомен, и моли Го Небесниот Женик Твој да ги прости нашите прегрешенија, по твоите свети молитви. Светиот свештеномаченик Силуан, епископ Гаски Најнапред беше во војничка служба, но подоцна, гонет од силата на својата вера, премина на духовната. Обвинет дека ги обраќа незнабожците во христијанската вера, најпрво беше луто мачен, а потоа заклан со четириесетмина други војници. Станаа небесни граѓани во 311 година. ТропарКамчето за сопнување не можеше да го сопре големиот бран на благодатта, о Силуане епископе, со која ти народот го приведе кон Христа Бога. Мачеништвото го запечати добриот подвиг твој и те направи жител на рајот, каде Господ те пресели заедно со паства од четириесет војници, за да слушате непрестајно: Алилуја. Преподобен Никифор Прво беше католик, а после премина во Православие. Се подвизуваше како монах на Света Гора заедно со мудриот Теолипт. Му беше учител на славниот светител Григориј Палама. Напиша едно дело за умствената молитва. Се престави кај Господ во 14 век. Преподобен Никифор учеше: „Собери го својот ум и принуди го да влезе во срцето и таму да остане. Кога твојот ум ќе се утврди во срцето, не треба да стои празен, туку постојано да ја твори молитвата: „Господи Исусе Христе, Сине Божји, помилуј ме! “ И никогаш да не замолкне. Преку ова во тебе ќе се всели целата низа добродетели: љубовта, радоста, мирот и останатото, па секоја твоја прозба пред Бога ќе биде исполнета.“ Свети Баташки новомаченици Новоканонизирани бугарски православни новомаченици, кои маченички загинале за православната вера за време на Баташкото колење во пролетта 1876 година. Во житието се запазени само некои од имињата на баташките маченици – тоа се локалните свештеномаченици Петар и Нејчо, великомаченик Трендафил Керелов, кој жив бил испечен на клада, а задржани се имињата и на некои од убиените: Иван, Илија и други. Во житието наведена е и една случка за време на Баташкото колење: „Три зборови, попе, ќе ти кажеме. Ако ги исполниш, нема да те заколат. Папаз, ќе се потурчиш ли?“ Поп Петар смело одговорил: „Главата ја давам, верата не ја давам!“ Тогаш Турците му ја отсекле главата. На 3 април 2011 година, во храмот „Свети Александар Невски“, во текот на Светата Литургија, отслужена од неговата Светост Бугарскиот патријарх Максим, Баташките новомаченици се канонизирани од Бугарската Православна Црква....
Поранешниот свршеник на Лејди Гага се ожени со 15 години помлада манекенка
Прес 24 - пред 1 ден
Актерот Тејлор Кини (42), ѕвезда на серијата „Чикаго во пламен“, се ожени со 15 години помладата манекенка Ешли Кругер по две години врска. Тие имаа мала, приватна церемонија во Чикаго, каде што Кини неодамна го заврши снимањето на 12-тата сезона од серијата на Ен-би-си, пишува „Пипл“. Кини и Кругер се заедно од 2022 година, а Кини ја сподели својата прва фотографија од Ешли на „Инстаграм“ во март истата година. Тие официјално се појавија во јавноста во април 2022 година на добротворен настан. Иако двојката јавно не зборуваше за својата врска, тие објавија еден за друг на социјалните мрежи. Кругер се појави и во серијата „Чикаго во пламен“ во 2022 година во 11-тата сезона. Ова е прв брак на актерот, иако претходно беше свршен со пејачката Лејди Гага. Тие ја раскинаа свршувачката во јули 2016 година. Кругер на Универзитетот во Ајова дипломирала новинарство во 2017 година. По тоа, таа работеше во продажба и маркетинг. Кругер моментно работи со скратено работно време како менаџер за развој на бизнис за Eagle Six Properties. Што се однесува до манекенството, таа има договор со агенцијата BMG Models....
Поранешниот свршеник на Лејди Гага се ожени со 15 години помлада манекенка
Прес 24 - пред 1 ден
Актерот Тејлор Кини (42), ѕвезда на серијата „Чикаго во пламен“, се ожени со 15 години помладата манекенка Ешли Кругер по две години врска. Тие имаа мала, приватна церемонија во Чикаго, каде што Кини неодамна го заврши снимањето на 12-тата сезона од серијата на Ен-би-си, пишува „Пипл“. Кини и Кругер се заедно од 2022 година, а Кини ја сподели својата прва фотографија од Ешли на „Инстаграм“ во март истата година. Тие официјално се појавија во јавноста во април 2022 година на добротворен настан. Иако двојката јавно не зборуваше за својата врска, тие објавија еден за друг на социјалните мрежи. Кругер се појави и во серијата „Чикаго во пламен“ во 2022 година во 11-тата сезона. Ова е прв брак на актерот, иако претходно беше свршен со пејачката Лејди Гага. Тие ја раскинаа свршувачката во јули 2016 година. Кругер на Универзитетот во Ајова дипломирала новинарство во 2017 година. По тоа, таа работеше во продажба и маркетинг. Кругер моментно работи со скратено работно време како менаџер за развој на бизнис за Eagle Six Properties. Што се однесува до манекенството, таа има договор со агенцијата BMG Models....
Директорот на Ѕвездите на Гранд со количка однесен во болница
Прес 24 - пред 1 ден
Директорот на „Гранд“ доживеал незгода поради која се лекува на Институтот за ортопедија „Бањица“. На Институтот за ортопедија во Бањица згрижен е Саша Поповиќ, креативниот директор на „Гранд“ продукција. Како што објавија тамошните медиуми , Саша има проблем со ногата која е во гипс до коленото. Сега по овој повод и „Гранд“ продукција објави: – Саша Поповиќ имаше несреќа, кога падна на скалило и ја скрши ногата. На Институтот за ортопедија „Бањица“ му била укажана соодветна помош и му била ставена лонгета. Тој се чувствува добро и сега е дома. Ви благодариме на сите за грижата – стои во официјалното соопштение на „Гранд“.Директорот на „Гранд“ доживеал незгода поради која се лекува на Институтот за ортопедија „Бањица“. На Институтот за ортопедија во Бањица згрижен е Саша Поповиќ, креативниот директор на „Гранд“ продукција. Како што објавија тамошните медиуми , Саша има проблем со ногата која е во гипс до коленото. Сега по овој повод и „Гранд“ продукција објави: – Саша Поповиќ имаше несреќа, кога падна на скалило и ја скрши ногата. На Институтот за ортопедија „Бањица“ му била укажана соодветна помош и му била ставена лонгета. Тој се чувствува добро и сега е дома. Ви благодариме на сите за грижата – стои во официјалното соопштение на „Гранд“. Потсетуваме, во оваа прилика се огласи и неговата сопруга Сузана Јовановиќ, која очекувано не била расположена за разговор: – Во болница сум со Саша, ве молам оставете ме сега – кратко кажала Јовановиќ....
Што ли ќе каже Антониа Гиговска: Нејзиниот Џокер собра три провокативни девојки за неговиот најнов спот
Прес 24 - пред 1 ден
Џокер не би бил Џокер доколку повторно не ги „запали социјалните мрежи со неговиот најнов музички проект, а овојпат тој е насловен „Сол на рана. Како и со неговите претходни песни и видеоспотови, така и овој пат младиот и талентиран музичар Џокер предизвика реакации на социјалните мрежи, па така во коментарите на објавите може да прочитате и позитивни и негативни забелешки. Но, како што пишавме погоре, Џокер не би бил Џокер доколку не ја „исповоцира јавноста. Но, едно е повеќе од јасно, за вкусови, особено музички не се дискутира, некому може да му се допаѓа, некому не. „Јас правам музика прво мене да ми се допадне, па потоа на публиката. Можеби е себично, но која е поентата да создавам музика која мене не ми се допаѓа. Ова е еден можеби би рекол нов правец, нешто што не можеме го слушнеме на нашата естрада. Со други зборови, сакам да сум различен од останатите – изјави накусо младиот Џокер. Инаку песната, односно музиката, текстот и аранжманот се негово дело, додека пак на спотот како режисер се потпишува Горан Симјаноски. Во спотот покрај Џокер се појавуваат неколкумина музичари и три згодни девојки во провокативна облека…...
Грчките медиуми за изјавата на Мицкоски: Нова провокација од Северна Македонија
Прес 24 - пред 1 ден
Денешната изјава на лидерот на ВМРО-ДПМНЕ Христијан Мицкоски предизвика реакции во грчките медиуми, кои коментираат дека станува збор за „нова провокација од Северна Македонија“, дека идниот премиер „ја следи линијата на претседателката Сиљановска“, а веста вечерва е една од главните теми во онлајн изданијата на медиумите, јави дописничката на МИА од Атина. „Северна Македонија: Провокативен претседателот на ВМРО – Ќе ја нарекувам мојата земја како што сакам, ако не ви се допаѓа да одите во Хаг“; „По Сиљановска, провоцира и Мицкоски: Ќе ја нарекувам мојата земја Македонија, ако сакате, одиме во Хаг“; „Христијан Мицкоски: Мое право е да ја нарекувам мојата држава Македонија – провокативни изјави на лидерот на ВМРО“; „Северна Македонија: Ќе ја нарекувам мојата земја како што сакам, вели претседателот на ВМРО“; „Северна Македонија: нова провокација од премиерот: Ќе ја нарекувам мојата земја, како сакам“, се дел од насловите во грчките медиуми, кои во главно го пренесуваат текстот од грчката новинска агенција АНА-МПА. Во текстот под наслов „Северна Македонија: И лидерот на ВМРО инсистира на терминот „Македонија“; АНА-МПА ја пренесува изјавата на Мицкоски и ставот дека „ако Грција смета дека го прекршуваме Договорот од Преспа нека се обрати до Меѓународниот суд“. -Исто така рече дека во комуникацијата во институциите и меѓу институциите на неговата земја ќе се користи уставното име, но во изјавите пред новинарите или во говорите негово индивидуално право е да ги користи термините „Македонија и македонско“ и поттикнува истото да го стори и претседателката на државата, пишува грчката новинска агенција, која паралелно го цитира Мицкоски во делот во кој вели дека и тие исто како и Нова демократија не го сакаат Договорот....
Коалицијата „Вреди“ ја повлече тужбата по одлуката на ДИК за ИМ 0511
Прес 24 - пред 1 ден
Коалицијата „Вреди“ на почетокот на јавната седница пред Управниот суд ја повлече тужбата по одлуката на ДИК за одбивање на нивниот приговор за избирачко место 0511, во Долна Бањица во Општина Гостивар на Парламентарните избори 2024 година. Управниот суд одлучи дека постапката се прекинува. Претставникот на тужителот Коалицијата „Вреди“ Бетим Амети, на почетокот на јавната седница информира дека тужбата ја повлекува во целост. Според наводите на тужителот, набљудувачот од Коалицијата „Вреди“ на ИМ 0511 во Општина Гостивар недостига оригинален записник од ова избирачко место и дека имало три потписи помалку од гласачки ливчиња во кутијата по што ДИК на јавна седница нецелосно и неточно ја утврдил фактичката состојбата и приговорот го одбил. ДИК во одговор на тужбата вели дека на јавна седница детално ја утврдил фактичката состојба и дека бројот на идентификувани гласачи е идентичен со бројот на гласови и предлага да се отфрли. До ДИК беа поднесени 27 приговори за гласањето на парламентарните избори, од кои прифатени беа седум, шест за избирачки места во петтата изборна единица и едно во шестата изборна единица....
Европски фронт поднесе седум тужби против решенија на ДИК на Парламентарните избори
Прес 24 - пред 1 ден
Управниот суд иформира дека по поднесени седум тужби од Коалицијата „Европски фронт“ на Парламентарните избори 2024 година против решенија на Државната изборна комисија (ДИК) оформени се предмети и ги презема сите процесни дејствија согласно Изборниот Законик. -Со оглед на роковите за постапување и одлучување, Управниот суд итно ги презема сите процесни дејствија согласно Изборниот Законик, се вели во соопштението од Претседателот на Управен суд Бурим Сејдини. Управниот суд денеска одржа јавна седница по тужба на Коалицијата „Вреди“ по одлуката на ДИК за одбивање на нивниот приговор за избирачко место 0511, во Долна Бањица во Општина Гостивар на Парламентарните избори 2024 година. Управниот суд одлучи дека постапката се прекинува, откако претставникот на Коалицијата „Вреди“ изјави дека ја повлекува тужбата во целост. ДИК на 104 седница ги разгледа приговорите поднесени од политичките партии по одржувањето на парламентарните избори на 8 мај. Од вкупно 27 поднесени приговори - девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Против одлуката на ДИК може да се поднесе тужба до Управниот суд, во рок од 24 часа од приемот на решението. Управниот суд, пак, по жалбата е должен да донесе одлука во рок од 48 часа по нејзиниот прием. Според првичните официјални резултати за парламентарите избори што ги објави ДИК, Коалицијата „Твоја Македонија“ предводена од ВМРО-ДПМНЕ има освоено 58 пратенички мандати, по што следуваат Коалицијата „Европски фронт“ предводена од ДУИ со 19 пратенички мандати, Коалицијата за европска иднина предводена од СДСМ со 18, Коалицијата Ввлен со 13, а Движење ЗНАМ за наша Македонија и Левица по шест пратенички мандати....
Тошковски: Високораководни структури во повеќе институции се во спрега со мафијата
Прес 24 - пред 1 ден
Министерот за внатрешни работи Панче Тошковски во гостување на ТВ21 вели „спрегата помеѓу мафијата и државата во изминатиов период била таква каква што била, односно високораководни структури на поголем број институции биле во спрега со оние од другата страна на брегот“. – Спрегата помеѓу мафијата и државата во изминатиов период била таква каква што била очигледно дека наместо државата да менаџира така како што доликува на една европска земја оние коишто треба да бидат во рамки на овие установи на начин на кој доликува очигледно дека државата односно високораководни структури во рамки на поголем број на институции и те како биле во спрега со добар дел од оние коишто се од другата страна на брегот еве да го кажам народски – вели Тошковски. За полицискиот извештај за убиените Вања Ѓорчевска и Панче Жежовски вели „во иднина ја оставам затворена опцијата истиот да биде декласифициран таков каков што е сè со цел да нема недоумици во јавноста“. – Од аспект на полициско постапување донесени се задолжителни мерки по којшто треба да постапи БЈБ се со цел да имаме поефикасно постапување на полициските службеници во иднина. За жал тој извештај е класифициран како таков и не би можел да вадам повеќе детали од истиот, но во иднина ја оставам затворена опцијата истиот да биде декласифициран таков каков што е сè со цел да нема никакви недоумици во јавноста – вели Тошковски....
Роналдо повторно е најплатениот спортист во светот
Прес 24 - пред 1 ден
Португалската фудбалска ѕвезда Кристијано Роналдо го зазеде првото место во рејтингот на најплатените спортисти во светот според истражувањето на популарниот магазин „Форбс“, кое е направено за тековната 2024 година. Рангирањето може да се види на официјалната страница на магазинот и се заснова на пријавени приходи од договори, како во клубовите, така и од имиџ правата и од реклами. Напаѓачот на саудиски Ал Наср за една година има заработено 260 милиони долари, од кои 200 милиони се неговата нето добивка во клубот, а останатите 60 милиони се од рекламни договори. „Форбс“ забележува дека таква сума е вкупен рекорд за еден фудбалер, а самиот Кристијано Роналдо по четврти пат е на чело на рангирањето. Роналдо и минатата година беше на врвот на оваа ранг листа со 136 милиони долари, а во 2022 година најмногу пари освои Лионел Меси. Второто место меѓу најплатените спортисти сега го зазема шпанскиот голфер Џон Рам, чија заработка е во износ од 218 милиони долари. На третото место е Лионел Меси. Фудбалерот на Интер Мајами може да се пофали со 135 милиони долари на сметките за годината. Во топ 10 се најдоа и НБА играчот на Лос Анџелес Лејкерс, Леброн Џејмс со 128,2 милиони долари, кошаркарот на Милвоки Бакс, Јанис Антетокунмпо со 111 долари, како и уште тројца фудбалери, еден кошаркар и еден НФЛ играч. Шестото место му припадна на Килијан Мбапе. Францускиот напаѓач, кој на крајот на сезоната го напушта Пари Сен Жермен и најверојатно ќе го засили Реал Мадрид, зема 110 милиони од американската валута. По него следуваат Нејмар со 108 милиони, Карим Бензема со 106 милиони, како и Стеф Кари и Ламар Џексон. Стеф Кари – кошаркар на Голден Стејт Вориорс од НБА доби 102 милиони, а топ 10 го затвора двократниот играч на сезоната во НФЛ, бекот на Балтимор – Џексон со 100,5 милиони. Секој од првите десет најплатени спортисти во 2024 година заработи повеќе од 100 милиони долари за прв пат според податоците на „Форбс“, надминувајќи го претходниот врв од осум спортисти во 2023 година. Во комбинација, првите десет најплатени спортисти ширум светот заработија околу 1,38 милијарди долари пред даноци и такси за агенти во изминатите 12 месеци, соборувајќи го минатогодишниот рекорд од 1,11 милијарди долари за 24%. Но, тоа не е единствениот фактор што ги зголемува тие бројки. Експлозивните такси за медиумските права и сè попрофитабилните можности надвор од теренот имаат значително влијание врз приходите со години....
Џафери: Управнот суд и институциите да ја заштитат кредибилноста на изборите
Прес 24 - пред 1 ден
Премиерот Талат Џафери од ДУИ, од прес-конференција во Владата се осврна на изборниот процес, и ги повика институциите да ја штитат кредибилноста. Тој рече дека како премиер, одговорен за успешноста на изборите, добил извештаи од учесниците во изборниот процес за вознемирување во однос на обиди за изборен инженеринг со вон-институционален меѓупартиски договор за гласање и надгласување во Државната изборна комисија во врска со симптоматичните приговори поднесените од страна на учесниците во изборите. Според извештаите, овие претензии за изборен инженеринг имаат за цел менување на соодносот на бројките во Собрание преку политички договор на маса. „Кредибилност на изборите и на демократскиот процес, прифатен и поздравен од сите партии и од меѓународната заедница, сега е во рацете на Управниот суд и јас ги поканувам сите институции да постапат согласно Законот, без партиски или политички директиви од која било страна, и да го штитат кредибилитетот на изборниот процес докрај, без да фрлат дамка врз волјата на граѓаните изразена на изборите“, порача Џафери....
Мицкоски: Главен приоритет на владата на ВМРО-ДПМНЕ е силен економски развој
Прес 24 - пред 1 ден
„Идната Влада во Македонија на Коалицијата „Твоја Македонија“ предводена од ВМРО-ДПМНЕ има намера како главен приоритет да го има бизнисот и економскиот развој на Македонија како држава и да работи за доброто на граѓаните. Немаме никаква поинаква цел бидејќи поддршката која што ја добивме на овие избори од граѓаните е нешто кое што не обврзува но исто така не охрабрува да сето тоа кое што го зборувавме и во оваа кампања, но и годините наназад сега да го примениме на дело“, истакна претседателот на ВМРО-ДПМНЕ, Христијан Мицкоски при обраќање на денешниот Самит „Македонија 2025“. Мицкоски додаде дека можеби овој пат не беше лесен, беше тежок, траеше неколку години, но уште од самиот почеток се зацрта дека ќе биде тешко но да не биде срамно. И кога ќе се има таква заклетва пред себе тогаш се очекуваат и многу предизвици. Сите предизвици ВМРО-ДПМНЕ ги решаваше систематски еден по еден и тоа успешно. И се дојде до она што на осми мај се случи, а тоа е дека се постигна историски резултат можеби и за првпат во независна и демократска Македонија. „Ја за тоа сум исклучително благодарен на граѓаните тука во Македонија, но и на Македонците надвор од Македонија за поддршката која што ни ја даваа. И очекувам Македонците надвор од Македонија успешните, помалку успешните, но и оние кои што не се бават толку со бизнис да знаат дека Македонија е нивната татковина, дека се секогаш тука добредојдени и дека сега е моментот да направиме нешто за нашата заедничка држава“, нагласи тој. Тој во своето обраќање укажа – „Повеќе во овие три децении во Македонија се зборуваше за „fairytale“, се зборуваше за нешто кое што не зависеше само од нас. А, многу малку се зборуваше за нешто што зависи од нас“. „Целта на идната Влада на ВМРО-ДПМНЕ и Коалицијата „Твоја Македонија“ ќе биде да зборуваме за работите кои што зависат од нас. Односно да ја донесеме работата на идната Влада пред сечиј дом на секој еден граѓанин“, нагласи Мицкоски. Тој посочи дека идната Влада на ВМРО-ДПМНЕ нема намера да зборува за бајки, нема намера да зборува за чуда. „Ние ќе зборуваме за реални работи, и ќе зборуваме за реалноста која што треба заеднички да ја градиме со нашите Македонци од светот“, порача Мицкоски....