Вести мај 17, 2024 Напад во Авганистан - неколку убиени, меѓу нив и странски државјани Авганистанска провинција Бамијан. Вооружен напад се случил на 17 мај врз група на странски туристи во централната авганистанска провинција Бамијан. Извор од талибанските безбедносни сили за Радио Азана на Радио Слободна Европа изјави дека во нападот имало неколку мртви. Видете и ова: Во поплавите во Авганистан загинаа 315 луѓе Изворот, кој побара да остане анонимен, не го откри бројот на загинатите туристи или нивната националност. Амај њуз објави дека најмалку осум лица биле убиени. Меѓу жртвите во нападот биле и четворица странски државјани, но не беа дадени повеќе детали. прочитај повеќе види ги сите денешни вести мај 17, 2024 Србија досега добила 220 милиони евра од ЕУ за миграцијата и граничната контрола Илустративна фотографија. Од 2015 година, Европската унија (ЕУ) ѝ даде на Србија повеќе од 220 милиони евра помош во областа на миграцијата и управувањето со границите, изјави Никола Бертолини - шеф на Одделот за соработка на Делегацијата на ЕУ во Србија. На крајот од петдневната обука на граничарите во Суботица, Бертолини рече дека Србија усвоила стратегија за интегрирано гранично управување, соопшти Министерството за внатрешни работи (МВР). Тој додаде дека парите од Брисел биле испратени во Србија за поголема безбедност на границите и помош во борбата против нелегалните прекугранични активности, шверцот на оружје, експлозиви и наркотици. „Зголемувањето на капацитетот на граничните служби води и до поефикасно откривање на нерегуларна миграција, трговија со луѓе и криумчарење“, рече Бертолини. Видете и ова: Западен Балкан е важна транзитна зона за илегални миграции, покажа извештајот на ИОМ Тој посочи дека ЕУ планира да продолжи да ја поддржува Србија за спроведување на поефективен надзор и софистицирани гранични проверки, како и да обезбеди модерна опрема за таа цел. Тој потсети дека за зголемување на обемот на трговската, туризмот и културната размена потребни се поотворени граници, но истовремено и одржување на високо ниво на безбедност на границите. „Затоа сите гранични агенции треба да воспостават рамнотежа помеѓу строгите контроли и отворените граници“, рече Бертолини. Владата на Србија го усвои акциониот план на ЕУ за интегрирано гранично управување во 2022 година. Од почетокот на светската мигрантска криза во 2015 година, преку таканаречената балканска рута низ Србија поминале повеќе од еден и пол милион бегалци и мигранти, покажуваат податоците на надлежните органи на Обединетите нации (ОН). прочитај повеќе мај 17, 2024 Засилени безбедносни мерки во Шведска по пукање во близина на израелската амбасада Улицата Готгатан во Стокхолм, 14 април 2020 година. Илустративна фотографија Шведска ги засили безбедносните мерки во земјата по пукање во близина на израелската амбасада во Стокхолм, соопшти полицијата на 17 мај. Полицијата ја опколи областа околу амбасадата и изврши претреси во неколку населби во Стокхолм откако во раните утрински часови се слушнаа истрели. „Поради сомнителни пукотници во близина на израелската амбасада во Стокхолм, полицијата презема безбедносни мерки за заштита на имотот и интересите на Израел и Евреите низ целата земја“, соопшти полицискиот оддел на својата веб-страница. Видете и ова: Израел соопшти дека обвинувањата на Јужна Африка за геноцид се неосновани Амбасадорот на Израел во Шведска, Жив Нево Кулман, им се заблагодари на властите на мрежата X „за нивната итна реакција и истрага, како и за зголемените безбедносни мерки околу нашата амбасада и околу еврејските заедници“. Во февруари, полицијата на теренот на израелската амбасада пронајде уред за кој амбасадорот рече дека претставува обид за напад. Шведските разузнавачки служби отворија истрага за „тероризам“. Од нападот на Хамас врз јужен Израел на 7 октомври 2023 година, властите и некои невладини организации во многу земји пријавија пораст на антисемитизмот, додека високиот број цивилни жртви во Газа предизвикани од одговорот на Израел дополнително ги зголеми тензиите. прочитај повеќе мај 17, 2024 ЕУ забрани уште четири руски медиуми поради ширење пропаганда Европскиот парламент. Европската унија на 17 мај забрани емитување на програми на уште четири руски медиуми во ЕУ поради, како што се наведува, ширење пропаганда за инвазијата врз Украина и за дезинформации. Забраната за емитување се случува во пресрет на изборите за Европскиот парламент. Последната група на медиуми кои се забранети ги вклучуваат веб-страницата Глас Европа, руската државна новинска агенција РИА Новости, весниците Известија и Росискаја газета, за кои ЕУ тврди дека се под контрола на Кремљ. Официјалното соопштение за санкциите ја потврди одлуката на почетокот на неделава од страна на амбасадорите на 27-те земји-членки на блокот. „Овие медиуми се под постојана директна или индиректна контрола на раководството на Руската Федерација и беа од суштинско значење и инструменти во започнувањето и поддршката на руската агресорска војна против Украина и дестабилизацијата на нејзините соседни земји“, се вели во соопштението на ЕУ. Видете и ова: Русија ја предупреди ЕУ на остар одговор ако воведе ограничувања за руските медиуми Во соопштението се наведува дека овие медиуми конкретно ги таргетираат „европските политички партии, особено во изборните периоди“. Забраните ги опфаќаат „сите средства за пренос и дистрибуција во ЕУ или насочени кон земјите-членки на ЕУ“, но не ги спречуваат новинарите да работат во медиумите во Европската унија. Веќе минатиот месец, Белгија отвори истрага за сомнително руско мешање во јунските избори низ Европа, велејќи дека разузнавачката служба на нејзината земја го потврдила постоењето на мрежа која се обидува да ја поткопа поддршката за Украина. Чешката влада воведе санкции за голем број луѓе откако таму беше откриена операција на проруско влијание. Според наводите, тие им обраќале на членовите на Европскиот парламент и им понудиле пари за промовирање на руската пропаганда. Од почетокот на војната во февруари 2022 година, ЕУ веќе суспендираше неколку медиуми, вклучително и Русија денес (РТ) и Спутник. прочитај повеќе мај 17, 2024 ЕУ го истражува Мајкрософт за ризиците од вештачката интелигенција пред изборите Илустративна фотографија. Европската унија денеска (17 мај) му нареди на Мајкрософт да предаде внатрешни документи или дека пред изборите ќе се соочи со казни поврзани со ризиците од користење на вештачка интелигенција на својот пребарувач Бинг. ЕУ ја идентификуваше генеративната вештачка интелигенција како една од главните закани за изборите што ќе се одржат во ЕУ од 6 до 9 јуни. Во март, Брисел побара од Бинг, заедно со неколку големи дигитални платформи, вклучително Гугл, ТикТок и Јутуб, да обезбеди информации за активностите што ги презеле за да ги ублажат ризиците од користење на вештачка интелигенција. Но, Мајкрософт не одговори на барањето за повеќе детали за „специфичните ризици кои произлегуваат од функциите на генеративната вештачка интелигенција на Бинг, особено „Копилот во Бинг“ и „Креатор на слики од дизајнер“, соопшти Европската комисија. Американскиот технолошки гигант сега има рок до 27 мај да обезбеди „внатрешни документи и податоци“. Видете и ова: Тик-Ток објави дека ќе означува слики создадени од вештачка интелигенција Доколку Мајкрософт не го стори тоа, ЕУ може да изрече казни до еден процент од вкупниот годишен приход или глобалниот промет на компанијата, како и периодични казни до пет проценти од просечниот дневен приход или дневен промет во светот. Од минатата година, најголемите светски технолошки компании мораа да се усогласат со европскиот закон познат како Закон за дигитални услуги (DSA). Комисијата соопшти дека се сомнева дека „Бинг можеби ја прекршил DSA“ во делот поврзан со „ризиците поврзани со генеративната вештачка интелигенција“. Ова се однесува на можностите на вештачката интелигенција да обезбедува лажни информации и „вирално ширење на длабока лажна содржина“. Видете и ова: Колку и да се труди нема да не замени Мајкрософт соопшти дека е посветен на исполнување на барањата на комисијата. „Целосно соработуваме со Европската комисија во рамките на Доброволното барање за информации и остануваме посветени да одговориме на нивните прашања и да споделуваме информации за нашиот пристап кон дигиталната безбедност и усогласеноста со DSA“, рече портпаролот на Microsoft. Портпаролот рече дека Мајкрософт презел „чекори за мерење и ублажување на потенцијалните ризици“ на сите негови платформи. Мајкрософт инвестираше милијарди во OpenAI, главен играч во вештачката интелигенција, особено откако се појави четботот ChatGPT кон крајот на 2022 година. прочитај повеќе мај 17, 2024 Таравари најави договор за влада, Османи дополнителни механизми за заштита Изет Меџити и Арбен Таравари од коалицијата „Влен“. Градоначалникот на Гостивар Арбен Таравари денеска изјави дека очекува до крајот на идната недела да биде договор околу идната влада меѓу колицијата „Влен“ и ВМРО-ДПМНЕ. Откако „Вреди“ и ВМРО-ДПМНЕ формираа работни групи за формирање на владина коалиција по парламентарните избори на 8 мај, Таравари денекса изјави дека меѓу работните групи „владее позитивна атмосфера. „Се надевам дека до крајот на идната недела ќе имаме завршен договор со програма на Владата и со распределба на ресори, односно кој и каде ќе биде како министер“, рече Таравари. По гласањето на двојните избори на 8 мај, претседателски и парламентрани, ВМРО-ДПМНЕ освои најмногу (58) мандати. Во албанскиот политички блок, Коалицијата „Влен“ освои 13 мандати, што е 6 помалку од коалицијата „Европски фронт“ која освои 19. Видете и ова: Управен суд ја одби тужбата на „Европскиот фронт“ за решението на ДИК за избирачкото место во Крушево Но, ВМРО-ДПМНЕ и Влен се во преговори за состав на идната влада. Таравари рече дека со Христијан Мицкоски досега имале две средби, а дека понатаму интензивно работат работните групи. „Се надевам до понеделник ќе излеземе со заедничка програма, а до петок ќе имаме завршен договор меѓу ВЛЕН и ВМРО-ДПМНЕ, практично договор за нова влада“, изјави Таравари. Потпретседателот на ДУИ Бујар Османи, чија партија е дел од коалицијата „Европски фронт“, денеска рече дека ако се прави владина коалиција без нивната партија, дека „тоа ќе ги разгневи сите Албанци кои ценат дека нивните гласови ќе бидат ништовни и потоа ќе бараат дополнителен механизам за заштита“, изјави Османи за приватната телевизија „Канал 5“. „ДУИ е во постојано заседание, емоциите кај албанскиот народ се веќе вжештени и ние повеќе се обидуваме да менаџираме и да контролираме. Ќе сметаат дека Охридскиот рамковен договор не ги заштитува, не го заштитува нивниот глас, нивниот глас се игнорира, е ништовен за државата и дека ќе бараат дополнителен механизам за заштита“, рече Османи. прочитај повеќе мај 17, 2024 Управен суд ја одби тужбата на „Европскиот фронт“ за решението на ДИК за избирачкото место во Крушево Управен суд Скопје Управниот суд ja одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија" за избирачкото место 1194 во Општина Крушево на Парламентарните избори одржани на 8 мај 2024 година. Според Изборниот законик, доколку одлуката за прегласување во тоа избирачко место влијае на конечните изборни резултати, ДИК треба да спроведе повторено гласање 14 ден од Парламентарните избори кои беа одржани на 8 мај. Повтореното гласање според тоа треба да биде на 22 мај. Претходно денеска во текот на расправата, застапникот на тужителот, Коалицијата „Европски фронт“, Ејуп Рустеми, посочи дека се оспорува решението на ДИК за прифаќање на приговорот за поништувње на гласањето на ИМ 1194 на Коалицијата „Твоја Македонија". „Решението на ДИК е нејасно. Сумираниот износ на искористени гласачки ливчиња е нејасно како ДИК дошле до збирот од 377 гласачи, без притоа да се земе предвид бројот од 359 потпишани гласачи во избирачкиот список. Бројот од 17 болни и изнемоштени не треба да се додава во дел IV од записникот, бидејќи тие се веќе вброени во статистичкиот податок и се добива дупла бројка. Според Изборниот законик погрешно пополнување на записник не е основ за поништување на гласањето“, изјави Рустеми. Видете и ова: Загриженост во ДИК поради изјави на политичари по приговорите за изборите Дополнително, посочи Рустеми, во записникот нема заведено забелешки за евентуални неправилности. Претставникот на ДИК, Катерина Василевска нагласи дека остануваат во целост на наводите од решението и одговорот на тужбата и предлагаат таа да се одбие како неоснована. „ДИК постапи во законскиот рок и донесе одлука. По увидот во целосниот изборен материјал ДИК утврди дека бројот на идентификувани гласачи не се совпаѓа со бројот на потпишани гласачи во избирачкиот список и не соодветствува со бројот на искористени гласачки ливчиња на гласачкото место“, нагласи Василевска. Управниот суд пресудата ќе ја објави за два часа. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите се оформени предмети и закажани во текот на денешниот ден. Видете и ова: Талат Џафери: Има обиди за изборен инжинеринг ДИК на 104 седница ги разгледа приговорите поднесени од политичките партии по одржувањето на парламентарните избори на 8 мај. Од вкупно 27 поднесени приговори - девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. прочитај повеќе мај 17, 2024 Загриженост во ДИК поради изјави на политичари по приговорите за изборите Александар Даштевски - претседател на Државната изборна комисија (ДИК) . Претседателот на Државната изборна комисија (ДИК) Александар Даштевски и членовите на ДИК и уште неколку членови денеска изразија загриженост дека политички партии и високи владини функционери давале изјави за работата на ДИК за постапувањето по приговорите за парламентарните избори, кои според нив можат да бидат закана за нивната безбедност. Во денешносто соопштение на ДИК, освен Даштевски, загриженост изразуваат и членовите на ДИК Радица Ристеска, Оливер Ристовски, Борис Кондарко, Бобан Стојаноски и Абдуш Демири. „Ве известуваме дека покрај тоа што сме лично понижувани и навредувани, исто така како членови во највисоката институција за организирање и спроведување на изборите, сме изложени и на неосновани и непримерени јавни политички притисоци и на закани за кривична одговорност поради донесените одлуки на ДИК“, се вели во реакцијата. Тие велат дека според „контекстот и интензитетот на нападите, прозивките и навредите“ загрижени се и дека е можно тие да преминат и во лични напади на нивната сигурност. „Ве известуваме дека ДИК во целост професионално, транспаретно и само врз основа на закон ги спроведе изборите што е потврдено од сите домашни и меѓународни фактори. Исто така и покрај сите непријатности кои ги имаме, сепак со највисок степен на интегритет врз основа на јавна проверка на изборниот материјал ДИК ги утврди фактите и одлучуваше по приговори поднесени од различни учесници за 110 избирачки места, од кои врз основа на образложени докази усвои приговори за само 7 избирачки места за кои имаше правен основ, додека сите останати 103 избирачки места, беа одбиени како неосновани и за нив немаше поднесено тужби ниту еден учесник на изборите“, се вели во реакцијата. Видете и ова: Талат Џафери: Има обиди за изборен инжинеринг Државната изборна комисија наведува дека е неприфатливо да има нападите, притисоци и мешање на одредени политички партии и на поединци од техничката Влада во изборните процедури и во работата и одлучувањето на ДИК и на Управниот суд. Тие посочуваат дека за сето ова денеска на средба во ДИК била известена и амбасадорката на набљудувачката мисија на ОБСЕ-ОДИХР Џилијан Стирк. Премиерот на техничката Влада Талат Џафери вчера на прес-конференција соопшти дека имало договор за надгласување во Државната изборна комисија за прифаќање на одредени приговори за изборните резултати и прегласување и оти на ваков начин се прави обид за изборен инженеринг за менување на бројките во Собранието и изигрување на волјата на граѓаните. Изборниот процес кој беше оценет како кредибилен и демократски, сега е во рацете на Управниот суд, рече Џафери и повика сите институции да постапуваат согласно закон без партиски директиви од која било страна. Управниот суд вчера одржа јавна седница по тужба на Коалицијата „Вреди“ по одлуката на ДИК за одбивање на нивниот приговор за избирачко место 0511, во Долна Бањица во Општина Гостивар на Парламентарните избори 2024 година. Видете и ова: Ќе се прегласува во Желино, „Европски фронт“ со обвинувања дека ќе им бидат одземени пратеници Постапката беше прекината, откако претставникот на Коалицијата „Вреди“ изјави дека ја повлекува тужбата во целост. До Државната изборна комисија беа поднесени вкупно 27 приговори за парламентарните избори - девет од коалицијата „Влен“, осум од ВМРО-ДПМНЕ, пет од СДСМ и четири од Левица. Прифатени беа седум: шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Против одлуката на ДИК може да се поднесе тужба до Управниот суд, во рок од 24 часа од приемот на решението.Управниот суд, пак, по жалбата е должен да донесе одлука во рок од 48 часа по нејзиниот прием. мд/дма/ прочитај повеќе мај 17, 2024 Состојбата на словачкиот премиер Фицо „се уште многу сериозна“ Словачкиот премиер Роберт Фицо. Два дена по обидот за атентат, состојбата на словачкиот премиер Роберт Фицо на 17 мај „останува многу сериозна“, изјави неговиот заменик и близок соработник Роберт Калинак. Фицо беше хоспитализиран по пукањето во средата, коешто се случи додека 59-годишниот премиер на Словачка разговараше со граѓаните по состанокот во централниот град Хандлова. „Повторно беше опериран, имаше операција речиси два часа“, изјави за новинарите пред болницата во Банска Бистрица вицепремиерот Роберт Калинак. Фицо претходно имаше петчасовна операција набргу откако од местото на нападот беше пренесен во болница со хеликоптер. Директорот на болницата во Банска Бистрица рече дека Фицо останал „свесен“, иако е во „тешка“ состојба. Претходно, на 17 мај, локалните медиуми објавија дека словачката полиција извршила претрес во домот на мажот кој е обвинет за пукањето. Видете и ова: На словачкиот премиер Фицо ќе му биде извршена уште една операција Полициските службеници го донесоа наводниот вооружен напаѓач, кој носел панцир и шлем, во станот што го делел со неговата сопруга во западниот град Левице, беше прикажано во видео од телевизијата Маркиза. „Полицијата остана во станот неколку часа... Од станот таа изнесе компјутер и документи“, вели приватниот радиодифузер. Полицијата за АФП изјави дека нема да ја коментира тековната истрага. Полицијата не го именуваше осомничениот, но медиумите го идентификуваа како 71-годишниот писател Јурај Цинтулу. Тој во четвртокот беше обвинет за обид за убиство од прв степен во, како што велат властите, политички мотивиран напад. „Станува збор за „волк-самец“ кој се активирал по претседателските избори бидејќи не бил задоволен од нивниот исход“, изјави министерот за внатрешни работи Матус Сутај Есток. Видете и ова: Обид за атентат врз словачкиот премиер Фицо - нападот бил „политички мотивиран“ Нападот ги поттикна стравувањата од натамошно насилство и нестабилност во политички поларизираната земја, само неколку недели пред изборите за Европскиот парламент, пренесува АФП. Официјалните лица во Словачка ја повлекоа врската со политичката ситуација во земјата, со нејзината политичка сцена нарушена со дезинформации за време на неодамнешните изборни кампањи. Фицо, четирикратен премиер и политички ветеран, се врати на функцијата во октомври. Оттогаш тој даде серија изјави кои ги влошија врските меѓу Словачка и соседна Украина, откако го доведе во прашање суверенитетот на земјата. Откако тој беше избран, Словачка престана да испраќа оружје во Украина, која Русија ја нападна во 2022 година. прочитај повеќе мај 17, 2024 Палевски ќе биде спроведен на распит во Кривичниот суд Љупчо Палевски - Палчо, првоосомничен за убиството на Вања Ѓорчевска и Панче Жежовски. Основниот кривичен суд Скопје денеска доби официјално известување од Истражниот затвор Скопје за екстрадицијата на Љупчо Палевски, којшто е првоосомничен за случајот за убиството на 14-годишната Вања Ѓорчевска и велешкиот фризер Панче Жежовски (74). Палевски прво ќе биде спроведен до Кривичниот суд за да се изјасни за мерката притвор која му беше веќе определена, откако на 5 мај со авион беше екстрадиран од Турција во Северна Македонија. Од судот соопштуваат дека денеска добиле и известување и барање за ангажирање на адвокат кој ќе го застапува Палевски во текот на постапката. Според законите во Северна Македонија, судот ги издава сите дозволи поврзани со истражната постапка и ги доставува до предложените адвокати за нивно понатамошно постапување. „Дополнително, судија на претходна постапка во координација со надлежниот Јавен обвинител, ќе издаде наредба за спровод на осомниченото лице за негово произнесување во однос на околностите во предлогот на Јавниот обвинител за определување на мерката притвор, а за донесеното решение јавноста ќе биде известена“, се вели во соопштението од Основен кривичен суд Скопје. Видете и ова: Финишира истрагата за Палчо за убиството на 14-годишната Вања Истрагата за случајот, кој што го води Основното јавно обвинителство (ОЈО) Скопје, е во завршна фаза. Палевски повеќе од пет месеци помина во екстрадициски притвор во Турција, откако беше фатен од турската полиција. Палевски се гони за две грабнувања и две убиства на свиреп начин. Осомничени се и тројца соизвршители за овие дела, како и таткото на Вања Ѓорчевска кој се товари за помагање во грабнувањето на девојчето. За помагање во бегството, обвинителството сомничи уште едно лице. Истрагата на Обвинителството беше отворена на 3 декември, откако случајот притви Палевски и останатите осомничени беше отворен по пријавата за исчезнувањето на малолетната Вања на 27 ноември, утрото кога таа не се појави на училиште. Исчезнувањето со денови ја брануваше македонската, но и јавноста во регионот, а медиумите и социјалните мрежи беа преплавени со вести и апели се до 3 декември кога нејзиното тело беше пронајдено во околината на Скопје. Видете и ова: Љупчо Палевски – Палчо со авион екстрадиран во Северна Македонија Истиот ден беше кобен и за семејството на Панче Жежовски бидејќи полицијата соопшти дека неговото тело го пронашле во близина на Велес. Тој бил пријавен за исчезнат три дена пред Вања – на 24 ноември. Палевски беше во бегство во Турција, а избегал во таа земја преку Србија и Бугарија, избега во Турција. Турската полиција успеа да го фати кај градот Балибекир на 5 декември 2023 година. Тој на 15 мај годинава беше екстрадиран во Северна Македонија. Пред затворање на истрагата и поднесување на обвинение, Палевски треба да биде сослушан и во обвинителството. По евентуалното обвинение, тоа ќе оди на оценка во судот и ако добие зелено светло, ќе стартува судски процес. Во меѓувреме тој во притвор се чува под посебни безбедносни мерки. прочитај повеќе Вчитај повеќе...

Вести мај 17, 2024 Србија досега добила 220 милиони евра од ЕУ за миграцијата и граничната контрола Илустративна фотографија. Од 2015 година, Европската унија (ЕУ) ѝ даде на Србија повеќе од 220 милиони евра помош во областа на миграцијата и управувањето со границите, изјави Никола Бертолини - шеф на Одделот за соработка на Делегацијата на ЕУ во Србија. На крајот од петдневната обука на граничарите во Суботица, Бертолини рече дека Србија усвоила стратегија за интегрирано гранично управување, соопшти Министерството за внатрешни работи (МВР). Тој додаде дека парите од Брисел биле испратени во Србија за поголема безбедност на границите и помош во борбата против нелегалните прекугранични активности, шверцот на оружје, експлозиви и наркотици. „Зголемувањето на капацитетот на граничните служби води и до поефикасно откривање на нерегуларна миграција, трговија со луѓе и криумчарење“, рече Бертолини. Видете и ова: Западен Балкан е важна транзитна зона за илегални миграции, покажа извештајот на ИОМ Тој посочи дека ЕУ планира да продолжи да ја поддржува Србија за спроведување на поефективен надзор и софистицирани гранични проверки, како и да обезбеди модерна опрема за таа цел. Тој потсети дека за зголемување на обемот на трговската, туризмот и културната размена потребни се поотворени граници, но истовремено и одржување на високо ниво на безбедност на границите. „Затоа сите гранични агенции треба да воспостават рамнотежа помеѓу строгите контроли и отворените граници“, рече Бертолини. Владата на Србија го усвои акциониот план на ЕУ за интегрирано гранично управување во 2022 година. Од почетокот на светската мигрантска криза во 2015 година, преку таканаречената балканска рута низ Србија поминале повеќе од еден и пол милион бегалци и мигранти, покажуваат податоците на надлежните органи на Обединетите нации (ОН). прочитај повеќе види ги сите денешни вести мај 17, 2024 Напад во Авганистан - неколку убиени, меѓу нив и странски државјани Авганистанска провинција Бамијан. Вооружен напад се случил на 17 мај врз група на странски туристи во централната авганистанска провинција Бамијан. Извор од талибанските безбедносни сили за Радио Азана на Радио Слободна Европа изјави дека во нападот имало неколку мртви. Видете и ова: Во поплавите во Авганистан загинаа 315 луѓе Изворот, кој побара да остане анонимен, не го откри бројот на загинатите туристи или нивната националност. Амај њуз објави дека најмалку осум лица биле убиени. Меѓу жртвите во нападот биле и четворица странски државјани, но не беа дадени повеќе детали. прочитај повеќе мај 17, 2024 Засилени безбедносни мерки во Шведска по пукање во близина на израелската амбасада Улицата Готгатан во Стокхолм, 14 април 2020 година. Илустративна фотографија Шведска ги засили безбедносните мерки во земјата по пукање во близина на израелската амбасада во Стокхолм, соопшти полицијата на 17 мај. Полицијата ја опколи областа околу амбасадата и изврши претреси во неколку населби во Стокхолм откако во раните утрински часови се слушнаа истрели. „Поради сомнителни пукотници во близина на израелската амбасада во Стокхолм, полицијата презема безбедносни мерки за заштита на имотот и интересите на Израел и Евреите низ целата земја“, соопшти полицискиот оддел на својата веб-страница. Видете и ова: Израел соопшти дека обвинувањата на Јужна Африка за геноцид се неосновани Амбасадорот на Израел во Шведска, Жив Нево Кулман, им се заблагодари на властите на мрежата X „за нивната итна реакција и истрага, како и за зголемените безбедносни мерки околу нашата амбасада и околу еврејските заедници“. Во февруари, полицијата на теренот на израелската амбасада пронајде уред за кој амбасадорот рече дека претставува обид за напад. Шведските разузнавачки служби отворија истрага за „тероризам“. Од нападот на Хамас врз јужен Израел на 7 октомври 2023 година, властите и некои невладини организации во многу земји пријавија пораст на антисемитизмот, додека високиот број цивилни жртви во Газа предизвикани од одговорот на Израел дополнително ги зголеми тензиите. прочитај повеќе мај 17, 2024 ЕУ забрани уште четири руски медиуми поради ширење пропаганда Европскиот парламент. Европската унија на 17 мај забрани емитување на програми на уште четири руски медиуми во ЕУ поради, како што се наведува, ширење пропаганда за инвазијата врз Украина и за дезинформации. Забраната за емитување се случува во пресрет на изборите за Европскиот парламент. Последната група на медиуми кои се забранети ги вклучуваат веб-страницата Глас Европа, руската државна новинска агенција РИА Новости, весниците Известија и Росискаја газета, за кои ЕУ тврди дека се под контрола на Кремљ. Официјалното соопштение за санкциите ја потврди одлуката на почетокот на неделава од страна на амбасадорите на 27-те земји-членки на блокот. „Овие медиуми се под постојана директна или индиректна контрола на раководството на Руската Федерација и беа од суштинско значење и инструменти во започнувањето и поддршката на руската агресорска војна против Украина и дестабилизацијата на нејзините соседни земји“, се вели во соопштението на ЕУ. Видете и ова: Русија ја предупреди ЕУ на остар одговор ако воведе ограничувања за руските медиуми Во соопштението се наведува дека овие медиуми конкретно ги таргетираат „европските политички партии, особено во изборните периоди“. Забраните ги опфаќаат „сите средства за пренос и дистрибуција во ЕУ или насочени кон земјите-членки на ЕУ“, но не ги спречуваат новинарите да работат во медиумите во Европската унија. Веќе минатиот месец, Белгија отвори истрага за сомнително руско мешање во јунските избори низ Европа, велејќи дека разузнавачката служба на нејзината земја го потврдила постоењето на мрежа која се обидува да ја поткопа поддршката за Украина. Чешката влада воведе санкции за голем број луѓе откако таму беше откриена операција на проруско влијание. Според наводите, тие им обраќале на членовите на Европскиот парламент и им понудиле пари за промовирање на руската пропаганда. Од почетокот на војната во февруари 2022 година, ЕУ веќе суспендираше неколку медиуми, вклучително и Русија денес (РТ) и Спутник. прочитај повеќе мај 17, 2024 ЕУ го истражува Мајкрософт за ризиците од вештачката интелигенција пред изборите Илустративна фотографија. Европската унија денеска (17 мај) му нареди на Мајкрософт да предаде внатрешни документи или дека пред изборите ќе се соочи со казни поврзани со ризиците од користење на вештачка интелигенција на својот пребарувач Бинг. ЕУ ја идентификуваше генеративната вештачка интелигенција како една од главните закани за изборите што ќе се одржат во ЕУ од 6 до 9 јуни. Во март, Брисел побара од Бинг, заедно со неколку големи дигитални платформи, вклучително Гугл, ТикТок и Јутуб, да обезбеди информации за активностите што ги презеле за да ги ублажат ризиците од користење на вештачка интелигенција. Но, Мајкрософт не одговори на барањето за повеќе детали за „специфичните ризици кои произлегуваат од функциите на генеративната вештачка интелигенција на Бинг, особено „Копилот во Бинг“ и „Креатор на слики од дизајнер“, соопшти Европската комисија. Американскиот технолошки гигант сега има рок до 27 мај да обезбеди „внатрешни документи и податоци“. Видете и ова: Тик-Ток објави дека ќе означува слики создадени од вештачка интелигенција Доколку Мајкрософт не го стори тоа, ЕУ може да изрече казни до еден процент од вкупниот годишен приход или глобалниот промет на компанијата, како и периодични казни до пет проценти од просечниот дневен приход или дневен промет во светот. Од минатата година, најголемите светски технолошки компании мораа да се усогласат со европскиот закон познат како Закон за дигитални услуги (DSA). Комисијата соопшти дека се сомнева дека „Бинг можеби ја прекршил DSA“ во делот поврзан со „ризиците поврзани со генеративната вештачка интелигенција“. Ова се однесува на можностите на вештачката интелигенција да обезбедува лажни информации и „вирално ширење на длабока лажна содржина“. Видете и ова: Колку и да се труди нема да не замени Мајкрософт соопшти дека е посветен на исполнување на барањата на комисијата. „Целосно соработуваме со Европската комисија во рамките на Доброволното барање за информации и остануваме посветени да одговориме на нивните прашања и да споделуваме информации за нашиот пристап кон дигиталната безбедност и усогласеноста со DSA“, рече портпаролот на Microsoft. Портпаролот рече дека Мајкрософт презел „чекори за мерење и ублажување на потенцијалните ризици“ на сите негови платформи. Мајкрософт инвестираше милијарди во OpenAI, главен играч во вештачката интелигенција, особено откако се појави четботот ChatGPT кон крајот на 2022 година. прочитај повеќе мај 17, 2024 Таравари најави договор за влада, Османи дополнителни механизми за заштита Изет Меџити и Арбен Таравари од коалицијата „Влен“. Градоначалникот на Гостивар Арбен Таравари денеска изјави дека очекува до крајот на идната недела да биде договор околу идната влада меѓу колицијата „Влен“ и ВМРО-ДПМНЕ. Откако „Вреди“ и ВМРО-ДПМНЕ формираа работни групи за формирање на владина коалиција по парламентарните избори на 8 мај, Таравари денекса изјави дека меѓу работните групи „владее позитивна атмосфера. „Се надевам дека до крајот на идната недела ќе имаме завршен договор со програма на Владата и со распределба на ресори, односно кој и каде ќе биде како министер“, рече Таравари. По гласањето на двојните избори на 8 мај, претседателски и парламентрани, ВМРО-ДПМНЕ освои најмногу (58) мандати. Во албанскиот политички блок, Коалицијата „Влен“ освои 13 мандати, што е 6 помалку од коалицијата „Европски фронт“ која освои 19. Видете и ова: Управен суд ја одби тужбата на „Европскиот фронт“ за решението на ДИК за избирачкото место во Крушево Но, ВМРО-ДПМНЕ и Влен се во преговори за состав на идната влада. Таравари рече дека со Христијан Мицкоски досега имале две средби, а дека понатаму интензивно работат работните групи. „Се надевам до понеделник ќе излеземе со заедничка програма, а до петок ќе имаме завршен договор меѓу ВЛЕН и ВМРО-ДПМНЕ, практично договор за нова влада“, изјави Таравари. Потпретседателот на ДУИ Бујар Османи, чија партија е дел од коалицијата „Европски фронт“, денеска рече дека ако се прави владина коалиција без нивната партија, дека „тоа ќе ги разгневи сите Албанци кои ценат дека нивните гласови ќе бидат ништовни и потоа ќе бараат дополнителен механизам за заштита“, изјави Османи за приватната телевизија „Канал 5“. „ДУИ е во постојано заседание, емоциите кај албанскиот народ се веќе вжештени и ние повеќе се обидуваме да менаџираме и да контролираме. Ќе сметаат дека Охридскиот рамковен договор не ги заштитува, не го заштитува нивниот глас, нивниот глас се игнорира, е ништовен за државата и дека ќе бараат дополнителен механизам за заштита“, рече Османи. прочитај повеќе мај 17, 2024 Управен суд ја одби тужбата на „Европскиот фронт“ за решението на ДИК за избирачкото место во Крушево Управен суд Скопје Управниот суд ja одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија" за избирачкото место 1194 во Општина Крушево на Парламентарните избори одржани на 8 мај 2024 година. Според Изборниот законик, доколку одлуката за прегласување во тоа избирачко место влијае на конечните изборни резултати, ДИК треба да спроведе повторено гласање 14 ден од Парламентарните избори кои беа одржани на 8 мај. Повтореното гласање според тоа треба да биде на 22 мај. Претходно денеска во текот на расправата, застапникот на тужителот, Коалицијата „Европски фронт“, Ејуп Рустеми, посочи дека се оспорува решението на ДИК за прифаќање на приговорот за поништувње на гласањето на ИМ 1194 на Коалицијата „Твоја Македонија". „Решението на ДИК е нејасно. Сумираниот износ на искористени гласачки ливчиња е нејасно како ДИК дошле до збирот од 377 гласачи, без притоа да се земе предвид бројот од 359 потпишани гласачи во избирачкиот список. Бројот од 17 болни и изнемоштени не треба да се додава во дел IV од записникот, бидејќи тие се веќе вброени во статистичкиот податок и се добива дупла бројка. Според Изборниот законик погрешно пополнување на записник не е основ за поништување на гласањето“, изјави Рустеми. Видете и ова: Загриженост во ДИК поради изјави на политичари по приговорите за изборите Дополнително, посочи Рустеми, во записникот нема заведено забелешки за евентуални неправилности. Претставникот на ДИК, Катерина Василевска нагласи дека остануваат во целост на наводите од решението и одговорот на тужбата и предлагаат таа да се одбие како неоснована. „ДИК постапи во законскиот рок и донесе одлука. По увидот во целосниот изборен материјал ДИК утврди дека бројот на идентификувани гласачи не се совпаѓа со бројот на потпишани гласачи во избирачкиот список и не соодветствува со бројот на искористени гласачки ливчиња на гласачкото место“, нагласи Василевска. Управниот суд пресудата ќе ја објави за два часа. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите се оформени предмети и закажани во текот на денешниот ден. Видете и ова: Талат Џафери: Има обиди за изборен инжинеринг ДИК на 104 седница ги разгледа приговорите поднесени од политичките партии по одржувањето на парламентарните избори на 8 мај. Од вкупно 27 поднесени приговори - девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. прочитај повеќе мај 17, 2024 Загриженост во ДИК поради изјави на политичари по приговорите за изборите Александар Даштевски - претседател на Државната изборна комисија (ДИК) . Претседателот на Државната изборна комисија (ДИК) Александар Даштевски и членовите на ДИК и уште неколку членови денеска изразија загриженост дека политички партии и високи владини функционери давале изјави за работата на ДИК за постапувањето по приговорите за парламентарните избори, кои според нив можат да бидат закана за нивната безбедност. Во денешносто соопштение на ДИК, освен Даштевски, загриженост изразуваат и членовите на ДИК Радица Ристеска, Оливер Ристовски, Борис Кондарко, Бобан Стојаноски и Абдуш Демири. „Ве известуваме дека покрај тоа што сме лично понижувани и навредувани, исто така како членови во највисоката институција за организирање и спроведување на изборите, сме изложени и на неосновани и непримерени јавни политички притисоци и на закани за кривична одговорност поради донесените одлуки на ДИК“, се вели во реакцијата. Тие велат дека според „контекстот и интензитетот на нападите, прозивките и навредите“ загрижени се и дека е можно тие да преминат и во лични напади на нивната сигурност. „Ве известуваме дека ДИК во целост професионално, транспаретно и само врз основа на закон ги спроведе изборите што е потврдено од сите домашни и меѓународни фактори. Исто така и покрај сите непријатности кои ги имаме, сепак со највисок степен на интегритет врз основа на јавна проверка на изборниот материјал ДИК ги утврди фактите и одлучуваше по приговори поднесени од различни учесници за 110 избирачки места, од кои врз основа на образложени докази усвои приговори за само 7 избирачки места за кои имаше правен основ, додека сите останати 103 избирачки места, беа одбиени како неосновани и за нив немаше поднесено тужби ниту еден учесник на изборите“, се вели во реакцијата. Видете и ова: Талат Џафери: Има обиди за изборен инжинеринг Државната изборна комисија наведува дека е неприфатливо да има нападите, притисоци и мешање на одредени политички партии и на поединци од техничката Влада во изборните процедури и во работата и одлучувањето на ДИК и на Управниот суд. Тие посочуваат дека за сето ова денеска на средба во ДИК била известена и амбасадорката на набљудувачката мисија на ОБСЕ-ОДИХР Џилијан Стирк. Премиерот на техничката Влада Талат Џафери вчера на прес-конференција соопшти дека имало договор за надгласување во Државната изборна комисија за прифаќање на одредени приговори за изборните резултати и прегласување и оти на ваков начин се прави обид за изборен инженеринг за менување на бројките во Собранието и изигрување на волјата на граѓаните. Изборниот процес кој беше оценет како кредибилен и демократски, сега е во рацете на Управниот суд, рече Џафери и повика сите институции да постапуваат согласно закон без партиски директиви од која било страна. Управниот суд вчера одржа јавна седница по тужба на Коалицијата „Вреди“ по одлуката на ДИК за одбивање на нивниот приговор за избирачко место 0511, во Долна Бањица во Општина Гостивар на Парламентарните избори 2024 година. Видете и ова: Ќе се прегласува во Желино, „Европски фронт“ со обвинувања дека ќе им бидат одземени пратеници Постапката беше прекината, откако претставникот на Коалицијата „Вреди“ изјави дека ја повлекува тужбата во целост. До Државната изборна комисија беа поднесени вкупно 27 приговори за парламентарните избори - девет од коалицијата „Влен“, осум од ВМРО-ДПМНЕ, пет од СДСМ и четири од Левица. Прифатени беа седум: шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Против одлуката на ДИК може да се поднесе тужба до Управниот суд, во рок од 24 часа од приемот на решението.Управниот суд, пак, по жалбата е должен да донесе одлука во рок од 48 часа по нејзиниот прием. мд/дма/ прочитај повеќе мај 17, 2024 Состојбата на словачкиот премиер Фицо „се уште многу сериозна“ Словачкиот премиер Роберт Фицо. Два дена по обидот за атентат, состојбата на словачкиот премиер Роберт Фицо на 17 мај „останува многу сериозна“, изјави неговиот заменик и близок соработник Роберт Калинак. Фицо беше хоспитализиран по пукањето во средата, коешто се случи додека 59-годишниот премиер на Словачка разговараше со граѓаните по состанокот во централниот град Хандлова. „Повторно беше опериран, имаше операција речиси два часа“, изјави за новинарите пред болницата во Банска Бистрица вицепремиерот Роберт Калинак. Фицо претходно имаше петчасовна операција набргу откако од местото на нападот беше пренесен во болница со хеликоптер. Директорот на болницата во Банска Бистрица рече дека Фицо останал „свесен“, иако е во „тешка“ состојба. Претходно, на 17 мај, локалните медиуми објавија дека словачката полиција извршила претрес во домот на мажот кој е обвинет за пукањето. Видете и ова: На словачкиот премиер Фицо ќе му биде извршена уште една операција Полициските службеници го донесоа наводниот вооружен напаѓач, кој носел панцир и шлем, во станот што го делел со неговата сопруга во западниот град Левице, беше прикажано во видео од телевизијата Маркиза. „Полицијата остана во станот неколку часа... Од станот таа изнесе компјутер и документи“, вели приватниот радиодифузер. Полицијата за АФП изјави дека нема да ја коментира тековната истрага. Полицијата не го именуваше осомничениот, но медиумите го идентификуваа како 71-годишниот писател Јурај Цинтулу. Тој во четвртокот беше обвинет за обид за убиство од прв степен во, како што велат властите, политички мотивиран напад. „Станува збор за „волк-самец“ кој се активирал по претседателските избори бидејќи не бил задоволен од нивниот исход“, изјави министерот за внатрешни работи Матус Сутај Есток. Видете и ова: Обид за атентат врз словачкиот премиер Фицо - нападот бил „политички мотивиран“ Нападот ги поттикна стравувањата од натамошно насилство и нестабилност во политички поларизираната земја, само неколку недели пред изборите за Европскиот парламент, пренесува АФП. Официјалните лица во Словачка ја повлекоа врската со политичката ситуација во земјата, со нејзината политичка сцена нарушена со дезинформации за време на неодамнешните изборни кампањи. Фицо, четирикратен премиер и политички ветеран, се врати на функцијата во октомври. Оттогаш тој даде серија изјави кои ги влошија врските меѓу Словачка и соседна Украина, откако го доведе во прашање суверенитетот на земјата. Откако тој беше избран, Словачка престана да испраќа оружје во Украина, која Русија ја нападна во 2022 година. прочитај повеќе мај 17, 2024 Палевски ќе биде спроведен на распит во Кривичниот суд Љупчо Палевски - Палчо, првоосомничен за убиството на Вања Ѓорчевска и Панче Жежовски. Основниот кривичен суд Скопје денеска доби официјално известување од Истражниот затвор Скопје за екстрадицијата на Љупчо Палевски, којшто е првоосомничен за случајот за убиството на 14-годишната Вања Ѓорчевска и велешкиот фризер Панче Жежовски (74). Палевски прво ќе биде спроведен до Кривичниот суд за да се изјасни за мерката притвор која му беше веќе определена, откако на 5 мај со авион беше екстрадиран од Турција во Северна Македонија. Од судот соопштуваат дека денеска добиле и известување и барање за ангажирање на адвокат кој ќе го застапува Палевски во текот на постапката. Според законите во Северна Македонија, судот ги издава сите дозволи поврзани со истражната постапка и ги доставува до предложените адвокати за нивно понатамошно постапување. „Дополнително, судија на претходна постапка во координација со надлежниот Јавен обвинител, ќе издаде наредба за спровод на осомниченото лице за негово произнесување во однос на околностите во предлогот на Јавниот обвинител за определување на мерката притвор, а за донесеното решение јавноста ќе биде известена“, се вели во соопштението од Основен кривичен суд Скопје. Видете и ова: Финишира истрагата за Палчо за убиството на 14-годишната Вања Истрагата за случајот, кој што го води Основното јавно обвинителство (ОЈО) Скопје, е во завршна фаза. Палевски повеќе од пет месеци помина во екстрадициски притвор во Турција, откако беше фатен од турската полиција. Палевски се гони за две грабнувања и две убиства на свиреп начин. Осомничени се и тројца соизвршители за овие дела, како и таткото на Вања Ѓорчевска кој се товари за помагање во грабнувањето на девојчето. За помагање во бегството, обвинителството сомничи уште едно лице. Истрагата на Обвинителството беше отворена на 3 декември, откако случајот притви Палевски и останатите осомничени беше отворен по пријавата за исчезнувањето на малолетната Вања на 27 ноември, утрото кога таа не се појави на училиште. Исчезнувањето со денови ја брануваше македонската, но и јавноста во регионот, а медиумите и социјалните мрежи беа преплавени со вести и апели се до 3 декември кога нејзиното тело беше пронајдено во околината на Скопје. Видете и ова: Љупчо Палевски – Палчо со авион екстрадиран во Северна Македонија Истиот ден беше кобен и за семејството на Панче Жежовски бидејќи полицијата соопшти дека неговото тело го пронашле во близина на Велес. Тој бил пријавен за исчезнат три дена пред Вања – на 24 ноември. Палевски беше во бегство во Турција, а избегал во таа земја преку Србија и Бугарија, избега во Турција. Турската полиција успеа да го фати кај градот Балибекир на 5 декември 2023 година. Тој на 15 мај годинава беше екстрадиран во Северна Македонија. Пред затворање на истрагата и поднесување на обвинение, Палевски треба да биде сослушан и во обвинителството. По евентуалното обвинение, тоа ќе оди на оценка во судот и ако добие зелено светло, ќе стартува судски процес. Во меѓувреме тој во притвор се чува под посебни безбедносни мерки. прочитај повеќе Вчитај повеќе...

Вести мај 17, 2024 Засилени безбедносни мерки во Шведска по пукање во близина на израелската амбасада Улицата Готгатан во Стокхолм, 14 април 2020 година. Илустративна фотографија Шведска ги засили безбедносните мерки во земјата по пукање во близина на израелската амбасада во Стокхолм, соопшти полицијата на 17 мај. Полицијата ја опколи областа околу амбасадата и изврши претреси во неколку населби во Стокхолм откако во раните утрински часови се слушнаа истрели. „Поради сомнителни пукотници во близина на израелската амбасада во Стокхолм, полицијата презема безбедносни мерки за заштита на имотот и интересите на Израел и Евреите низ целата земја“, соопшти полицискиот оддел на својата веб-страница. Видете и ова: Израел соопшти дека обвинувањата на Јужна Африка за геноцид се неосновани Амбасадорот на Израел во Шведска, Жив Нево Кулман, им се заблагодари на властите на мрежата X „за нивната итна реакција и истрага, како и за зголемените безбедносни мерки околу нашата амбасада и околу еврејските заедници“. Во февруари, полицијата на теренот на израелската амбасада пронајде уред за кој амбасадорот рече дека претставува обид за напад. Шведските разузнавачки служби отворија истрага за „тероризам“. Од нападот на Хамас врз јужен Израел на 7 октомври 2023 година, властите и некои невладини организации во многу земји пријавија пораст на антисемитизмот, додека високиот број цивилни жртви во Газа предизвикани од одговорот на Израел дополнително ги зголеми тензиите. прочитај повеќе види ги сите денешни вести мај 17, 2024 Напад во Авганистан - неколку убиени, меѓу нив и странски државјани Авганистанска провинција Бамијан. Вооружен напад се случил на 17 мај врз група на странски туристи во централната авганистанска провинција Бамијан. Извор од талибанските безбедносни сили за Радио Азана на Радио Слободна Европа изјави дека во нападот имало неколку мртви. Видете и ова: Во поплавите во Авганистан загинаа 315 луѓе Изворот, кој побара да остане анонимен, не го откри бројот на загинатите туристи или нивната националност. Амај њуз објави дека најмалку осум лица биле убиени. Меѓу жртвите во нападот биле и четворица странски државјани, но не беа дадени повеќе детали. прочитај повеќе мај 17, 2024 Србија досега добила 220 милиони евра од ЕУ за миграцијата и граничната контрола Илустративна фотографија. Од 2015 година, Европската унија (ЕУ) ѝ даде на Србија повеќе од 220 милиони евра помош во областа на миграцијата и управувањето со границите, изјави Никола Бертолини - шеф на Одделот за соработка на Делегацијата на ЕУ во Србија. На крајот од петдневната обука на граничарите во Суботица, Бертолини рече дека Србија усвоила стратегија за интегрирано гранично управување, соопшти Министерството за внатрешни работи (МВР). Тој додаде дека парите од Брисел биле испратени во Србија за поголема безбедност на границите и помош во борбата против нелегалните прекугранични активности, шверцот на оружје, експлозиви и наркотици. „Зголемувањето на капацитетот на граничните служби води и до поефикасно откривање на нерегуларна миграција, трговија со луѓе и криумчарење“, рече Бертолини. Видете и ова: Западен Балкан е важна транзитна зона за илегални миграции, покажа извештајот на ИОМ Тој посочи дека ЕУ планира да продолжи да ја поддржува Србија за спроведување на поефективен надзор и софистицирани гранични проверки, како и да обезбеди модерна опрема за таа цел. Тој потсети дека за зголемување на обемот на трговската, туризмот и културната размена потребни се поотворени граници, но истовремено и одржување на високо ниво на безбедност на границите. „Затоа сите гранични агенции треба да воспостават рамнотежа помеѓу строгите контроли и отворените граници“, рече Бертолини. Владата на Србија го усвои акциониот план на ЕУ за интегрирано гранично управување во 2022 година. Од почетокот на светската мигрантска криза во 2015 година, преку таканаречената балканска рута низ Србија поминале повеќе од еден и пол милион бегалци и мигранти, покажуваат податоците на надлежните органи на Обединетите нации (ОН). прочитај повеќе мај 17, 2024 ЕУ забрани уште четири руски медиуми поради ширење пропаганда Европскиот парламент. Европската унија на 17 мај забрани емитување на програми на уште четири руски медиуми во ЕУ поради, како што се наведува, ширење пропаганда за инвазијата врз Украина и за дезинформации. Забраната за емитување се случува во пресрет на изборите за Европскиот парламент. Последната група на медиуми кои се забранети ги вклучуваат веб-страницата Глас Европа, руската државна новинска агенција РИА Новости, весниците Известија и Росискаја газета, за кои ЕУ тврди дека се под контрола на Кремљ. Официјалното соопштение за санкциите ја потврди одлуката на почетокот на неделава од страна на амбасадорите на 27-те земји-членки на блокот. „Овие медиуми се под постојана директна или индиректна контрола на раководството на Руската Федерација и беа од суштинско значење и инструменти во започнувањето и поддршката на руската агресорска војна против Украина и дестабилизацијата на нејзините соседни земји“, се вели во соопштението на ЕУ. Видете и ова: Русија ја предупреди ЕУ на остар одговор ако воведе ограничувања за руските медиуми Во соопштението се наведува дека овие медиуми конкретно ги таргетираат „европските политички партии, особено во изборните периоди“. Забраните ги опфаќаат „сите средства за пренос и дистрибуција во ЕУ или насочени кон земјите-членки на ЕУ“, но не ги спречуваат новинарите да работат во медиумите во Европската унија. Веќе минатиот месец, Белгија отвори истрага за сомнително руско мешање во јунските избори низ Европа, велејќи дека разузнавачката служба на нејзината земја го потврдила постоењето на мрежа која се обидува да ја поткопа поддршката за Украина. Чешката влада воведе санкции за голем број луѓе откако таму беше откриена операција на проруско влијание. Според наводите, тие им обраќале на членовите на Европскиот парламент и им понудиле пари за промовирање на руската пропаганда. Од почетокот на војната во февруари 2022 година, ЕУ веќе суспендираше неколку медиуми, вклучително и Русија денес (РТ) и Спутник. прочитај повеќе мај 17, 2024 ЕУ го истражува Мајкрософт за ризиците од вештачката интелигенција пред изборите Илустративна фотографија. Европската унија денеска (17 мај) му нареди на Мајкрософт да предаде внатрешни документи или дека пред изборите ќе се соочи со казни поврзани со ризиците од користење на вештачка интелигенција на својот пребарувач Бинг. ЕУ ја идентификуваше генеративната вештачка интелигенција како една од главните закани за изборите што ќе се одржат во ЕУ од 6 до 9 јуни. Во март, Брисел побара од Бинг, заедно со неколку големи дигитални платформи, вклучително Гугл, ТикТок и Јутуб, да обезбеди информации за активностите што ги презеле за да ги ублажат ризиците од користење на вештачка интелигенција. Но, Мајкрософт не одговори на барањето за повеќе детали за „специфичните ризици кои произлегуваат од функциите на генеративната вештачка интелигенција на Бинг, особено „Копилот во Бинг“ и „Креатор на слики од дизајнер“, соопшти Европската комисија. Американскиот технолошки гигант сега има рок до 27 мај да обезбеди „внатрешни документи и податоци“. Видете и ова: Тик-Ток објави дека ќе означува слики создадени од вештачка интелигенција Доколку Мајкрософт не го стори тоа, ЕУ може да изрече казни до еден процент од вкупниот годишен приход или глобалниот промет на компанијата, како и периодични казни до пет проценти од просечниот дневен приход или дневен промет во светот. Од минатата година, најголемите светски технолошки компании мораа да се усогласат со европскиот закон познат како Закон за дигитални услуги (DSA). Комисијата соопшти дека се сомнева дека „Бинг можеби ја прекршил DSA“ во делот поврзан со „ризиците поврзани со генеративната вештачка интелигенција“. Ова се однесува на можностите на вештачката интелигенција да обезбедува лажни информации и „вирално ширење на длабока лажна содржина“. Видете и ова: Колку и да се труди нема да не замени Мајкрософт соопшти дека е посветен на исполнување на барањата на комисијата. „Целосно соработуваме со Европската комисија во рамките на Доброволното барање за информации и остануваме посветени да одговориме на нивните прашања и да споделуваме информации за нашиот пристап кон дигиталната безбедност и усогласеноста со DSA“, рече портпаролот на Microsoft. Портпаролот рече дека Мајкрософт презел „чекори за мерење и ублажување на потенцијалните ризици“ на сите негови платформи. Мајкрософт инвестираше милијарди во OpenAI, главен играч во вештачката интелигенција, особено откако се појави четботот ChatGPT кон крајот на 2022 година. прочитај повеќе мај 17, 2024 Таравари најави договор за влада, Османи дополнителни механизми за заштита Изет Меџити и Арбен Таравари од коалицијата „Влен“. Градоначалникот на Гостивар Арбен Таравари денеска изјави дека очекува до крајот на идната недела да биде договор околу идната влада меѓу колицијата „Влен“ и ВМРО-ДПМНЕ. Откако „Вреди“ и ВМРО-ДПМНЕ формираа работни групи за формирање на владина коалиција по парламентарните избори на 8 мај, Таравари денекса изјави дека меѓу работните групи „владее позитивна атмосфера. „Се надевам дека до крајот на идната недела ќе имаме завршен договор со програма на Владата и со распределба на ресори, односно кој и каде ќе биде како министер“, рече Таравари. По гласањето на двојните избори на 8 мај, претседателски и парламентрани, ВМРО-ДПМНЕ освои најмногу (58) мандати. Во албанскиот политички блок, Коалицијата „Влен“ освои 13 мандати, што е 6 помалку од коалицијата „Европски фронт“ која освои 19. Видете и ова: Управен суд ја одби тужбата на „Европскиот фронт“ за решението на ДИК за избирачкото место во Крушево Но, ВМРО-ДПМНЕ и Влен се во преговори за состав на идната влада. Таравари рече дека со Христијан Мицкоски досега имале две средби, а дека понатаму интензивно работат работните групи. „Се надевам до понеделник ќе излеземе со заедничка програма, а до петок ќе имаме завршен договор меѓу ВЛЕН и ВМРО-ДПМНЕ, практично договор за нова влада“, изјави Таравари. Потпретседателот на ДУИ Бујар Османи, чија партија е дел од коалицијата „Европски фронт“, денеска рече дека ако се прави владина коалиција без нивната партија, дека „тоа ќе ги разгневи сите Албанци кои ценат дека нивните гласови ќе бидат ништовни и потоа ќе бараат дополнителен механизам за заштита“, изјави Османи за приватната телевизија „Канал 5“. „ДУИ е во постојано заседание, емоциите кај албанскиот народ се веќе вжештени и ние повеќе се обидуваме да менаџираме и да контролираме. Ќе сметаат дека Охридскиот рамковен договор не ги заштитува, не го заштитува нивниот глас, нивниот глас се игнорира, е ништовен за државата и дека ќе бараат дополнителен механизам за заштита“, рече Османи. прочитај повеќе мај 17, 2024 Управен суд ја одби тужбата на „Европскиот фронт“ за решението на ДИК за избирачкото место во Крушево Управен суд Скопје Управниот суд ja одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија" за избирачкото место 1194 во Општина Крушево на Парламентарните избори одржани на 8 мај 2024 година. Според Изборниот законик, доколку одлуката за прегласување во тоа избирачко место влијае на конечните изборни резултати, ДИК треба да спроведе повторено гласање 14 ден од Парламентарните избори кои беа одржани на 8 мај. Повтореното гласање според тоа треба да биде на 22 мај. Претходно денеска во текот на расправата, застапникот на тужителот, Коалицијата „Европски фронт“, Ејуп Рустеми, посочи дека се оспорува решението на ДИК за прифаќање на приговорот за поништувње на гласањето на ИМ 1194 на Коалицијата „Твоја Македонија". „Решението на ДИК е нејасно. Сумираниот износ на искористени гласачки ливчиња е нејасно како ДИК дошле до збирот од 377 гласачи, без притоа да се земе предвид бројот од 359 потпишани гласачи во избирачкиот список. Бројот од 17 болни и изнемоштени не треба да се додава во дел IV од записникот, бидејќи тие се веќе вброени во статистичкиот податок и се добива дупла бројка. Според Изборниот законик погрешно пополнување на записник не е основ за поништување на гласањето“, изјави Рустеми. Видете и ова: Загриженост во ДИК поради изјави на политичари по приговорите за изборите Дополнително, посочи Рустеми, во записникот нема заведено забелешки за евентуални неправилности. Претставникот на ДИК, Катерина Василевска нагласи дека остануваат во целост на наводите од решението и одговорот на тужбата и предлагаат таа да се одбие како неоснована. „ДИК постапи во законскиот рок и донесе одлука. По увидот во целосниот изборен материјал ДИК утврди дека бројот на идентификувани гласачи не се совпаѓа со бројот на потпишани гласачи во избирачкиот список и не соодветствува со бројот на искористени гласачки ливчиња на гласачкото место“, нагласи Василевска. Управниот суд пресудата ќе ја објави за два часа. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите се оформени предмети и закажани во текот на денешниот ден. Видете и ова: Талат Џафери: Има обиди за изборен инжинеринг ДИК на 104 седница ги разгледа приговорите поднесени од политичките партии по одржувањето на парламентарните избори на 8 мај. Од вкупно 27 поднесени приговори - девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. прочитај повеќе мај 17, 2024 Загриженост во ДИК поради изјави на политичари по приговорите за изборите Александар Даштевски - претседател на Државната изборна комисија (ДИК) . Претседателот на Државната изборна комисија (ДИК) Александар Даштевски и членовите на ДИК и уште неколку членови денеска изразија загриженост дека политички партии и високи владини функционери давале изјави за работата на ДИК за постапувањето по приговорите за парламентарните избори, кои според нив можат да бидат закана за нивната безбедност. Во денешносто соопштение на ДИК, освен Даштевски, загриженост изразуваат и членовите на ДИК Радица Ристеска, Оливер Ристовски, Борис Кондарко, Бобан Стојаноски и Абдуш Демири. „Ве известуваме дека покрај тоа што сме лично понижувани и навредувани, исто така како членови во највисоката институција за организирање и спроведување на изборите, сме изложени и на неосновани и непримерени јавни политички притисоци и на закани за кривична одговорност поради донесените одлуки на ДИК“, се вели во реакцијата. Тие велат дека според „контекстот и интензитетот на нападите, прозивките и навредите“ загрижени се и дека е можно тие да преминат и во лични напади на нивната сигурност. „Ве известуваме дека ДИК во целост професионално, транспаретно и само врз основа на закон ги спроведе изборите што е потврдено од сите домашни и меѓународни фактори. Исто така и покрај сите непријатности кои ги имаме, сепак со највисок степен на интегритет врз основа на јавна проверка на изборниот материјал ДИК ги утврди фактите и одлучуваше по приговори поднесени од различни учесници за 110 избирачки места, од кои врз основа на образложени докази усвои приговори за само 7 избирачки места за кои имаше правен основ, додека сите останати 103 избирачки места, беа одбиени како неосновани и за нив немаше поднесено тужби ниту еден учесник на изборите“, се вели во реакцијата. Видете и ова: Талат Џафери: Има обиди за изборен инжинеринг Државната изборна комисија наведува дека е неприфатливо да има нападите, притисоци и мешање на одредени политички партии и на поединци од техничката Влада во изборните процедури и во работата и одлучувањето на ДИК и на Управниот суд. Тие посочуваат дека за сето ова денеска на средба во ДИК била известена и амбасадорката на набљудувачката мисија на ОБСЕ-ОДИХР Џилијан Стирк. Премиерот на техничката Влада Талат Џафери вчера на прес-конференција соопшти дека имало договор за надгласување во Државната изборна комисија за прифаќање на одредени приговори за изборните резултати и прегласување и оти на ваков начин се прави обид за изборен инженеринг за менување на бројките во Собранието и изигрување на волјата на граѓаните. Изборниот процес кој беше оценет како кредибилен и демократски, сега е во рацете на Управниот суд, рече Џафери и повика сите институции да постапуваат согласно закон без партиски директиви од која било страна. Управниот суд вчера одржа јавна седница по тужба на Коалицијата „Вреди“ по одлуката на ДИК за одбивање на нивниот приговор за избирачко место 0511, во Долна Бањица во Општина Гостивар на Парламентарните избори 2024 година. Видете и ова: Ќе се прегласува во Желино, „Европски фронт“ со обвинувања дека ќе им бидат одземени пратеници Постапката беше прекината, откако претставникот на Коалицијата „Вреди“ изјави дека ја повлекува тужбата во целост. До Државната изборна комисија беа поднесени вкупно 27 приговори за парламентарните избори - девет од коалицијата „Влен“, осум од ВМРО-ДПМНЕ, пет од СДСМ и четири од Левица. Прифатени беа седум: шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Против одлуката на ДИК може да се поднесе тужба до Управниот суд, во рок од 24 часа од приемот на решението.Управниот суд, пак, по жалбата е должен да донесе одлука во рок од 48 часа по нејзиниот прием. мд/дма/ прочитај повеќе мај 17, 2024 Состојбата на словачкиот премиер Фицо „се уште многу сериозна“ Словачкиот премиер Роберт Фицо. Два дена по обидот за атентат, состојбата на словачкиот премиер Роберт Фицо на 17 мај „останува многу сериозна“, изјави неговиот заменик и близок соработник Роберт Калинак. Фицо беше хоспитализиран по пукањето во средата, коешто се случи додека 59-годишниот премиер на Словачка разговараше со граѓаните по состанокот во централниот град Хандлова. „Повторно беше опериран, имаше операција речиси два часа“, изјави за новинарите пред болницата во Банска Бистрица вицепремиерот Роберт Калинак. Фицо претходно имаше петчасовна операција набргу откако од местото на нападот беше пренесен во болница со хеликоптер. Директорот на болницата во Банска Бистрица рече дека Фицо останал „свесен“, иако е во „тешка“ состојба. Претходно, на 17 мај, локалните медиуми објавија дека словачката полиција извршила претрес во домот на мажот кој е обвинет за пукањето. Видете и ова: На словачкиот премиер Фицо ќе му биде извршена уште една операција Полициските службеници го донесоа наводниот вооружен напаѓач, кој носел панцир и шлем, во станот што го делел со неговата сопруга во западниот град Левице, беше прикажано во видео од телевизијата Маркиза. „Полицијата остана во станот неколку часа... Од станот таа изнесе компјутер и документи“, вели приватниот радиодифузер. Полицијата за АФП изјави дека нема да ја коментира тековната истрага. Полицијата не го именуваше осомничениот, но медиумите го идентификуваа како 71-годишниот писател Јурај Цинтулу. Тој во четвртокот беше обвинет за обид за убиство од прв степен во, како што велат властите, политички мотивиран напад. „Станува збор за „волк-самец“ кој се активирал по претседателските избори бидејќи не бил задоволен од нивниот исход“, изјави министерот за внатрешни работи Матус Сутај Есток. Видете и ова: Обид за атентат врз словачкиот премиер Фицо - нападот бил „политички мотивиран“ Нападот ги поттикна стравувањата од натамошно насилство и нестабилност во политички поларизираната земја, само неколку недели пред изборите за Европскиот парламент, пренесува АФП. Официјалните лица во Словачка ја повлекоа врската со политичката ситуација во земјата, со нејзината политичка сцена нарушена со дезинформации за време на неодамнешните изборни кампањи. Фицо, четирикратен премиер и политички ветеран, се врати на функцијата во октомври. Оттогаш тој даде серија изјави кои ги влошија врските меѓу Словачка и соседна Украина, откако го доведе во прашање суверенитетот на земјата. Откако тој беше избран, Словачка престана да испраќа оружје во Украина, која Русија ја нападна во 2022 година. прочитај повеќе мај 17, 2024 Палевски ќе биде спроведен на распит во Кривичниот суд Љупчо Палевски - Палчо, првоосомничен за убиството на Вања Ѓорчевска и Панче Жежовски. Основниот кривичен суд Скопје денеска доби официјално известување од Истражниот затвор Скопје за екстрадицијата на Љупчо Палевски, којшто е првоосомничен за случајот за убиството на 14-годишната Вања Ѓорчевска и велешкиот фризер Панче Жежовски (74). Палевски прво ќе биде спроведен до Кривичниот суд за да се изјасни за мерката притвор која му беше веќе определена, откако на 5 мај со авион беше екстрадиран од Турција во Северна Македонија. Од судот соопштуваат дека денеска добиле и известување и барање за ангажирање на адвокат кој ќе го застапува Палевски во текот на постапката. Според законите во Северна Македонија, судот ги издава сите дозволи поврзани со истражната постапка и ги доставува до предложените адвокати за нивно понатамошно постапување. „Дополнително, судија на претходна постапка во координација со надлежниот Јавен обвинител, ќе издаде наредба за спровод на осомниченото лице за негово произнесување во однос на околностите во предлогот на Јавниот обвинител за определување на мерката притвор, а за донесеното решение јавноста ќе биде известена“, се вели во соопштението од Основен кривичен суд Скопје. Видете и ова: Финишира истрагата за Палчо за убиството на 14-годишната Вања Истрагата за случајот, кој што го води Основното јавно обвинителство (ОЈО) Скопје, е во завршна фаза. Палевски повеќе од пет месеци помина во екстрадициски притвор во Турција, откако беше фатен од турската полиција. Палевски се гони за две грабнувања и две убиства на свиреп начин. Осомничени се и тројца соизвршители за овие дела, како и таткото на Вања Ѓорчевска кој се товари за помагање во грабнувањето на девојчето. За помагање во бегството, обвинителството сомничи уште едно лице. Истрагата на Обвинителството беше отворена на 3 декември, откако случајот притви Палевски и останатите осомничени беше отворен по пријавата за исчезнувањето на малолетната Вања на 27 ноември, утрото кога таа не се појави на училиште. Исчезнувањето со денови ја брануваше македонската, но и јавноста во регионот, а медиумите и социјалните мрежи беа преплавени со вести и апели се до 3 декември кога нејзиното тело беше пронајдено во околината на Скопје. Видете и ова: Љупчо Палевски – Палчо со авион екстрадиран во Северна Македонија Истиот ден беше кобен и за семејството на Панче Жежовски бидејќи полицијата соопшти дека неговото тело го пронашле во близина на Велес. Тој бил пријавен за исчезнат три дена пред Вања – на 24 ноември. Палевски беше во бегство во Турција, а избегал во таа земја преку Србија и Бугарија, избега во Турција. Турската полиција успеа да го фати кај градот Балибекир на 5 декември 2023 година. Тој на 15 мај годинава беше екстрадиран во Северна Македонија. Пред затворање на истрагата и поднесување на обвинение, Палевски треба да биде сослушан и во обвинителството. По евентуалното обвинение, тоа ќе оди на оценка во судот и ако добие зелено светло, ќе стартува судски процес. Во меѓувреме тој во притвор се чува под посебни безбедносни мерки. прочитај повеќе Вчитај повеќе...

Вести мај 17, 2024 ЕУ забрани уште четири руски медиуми поради ширење пропаганда Европскиот парламент. Европската унија на 17 мај забрани емитување на програми на уште четири руски медиуми во ЕУ поради, како што се наведува, ширење пропаганда за инвазијата врз Украина и за дезинформации. Забраната за емитување се случува во пресрет на изборите за Европскиот парламент. Последната група на медиуми кои се забранети ги вклучуваат веб-страницата Глас Европа, руската државна новинска агенција РИА Новости, весниците Известија и Росискаја газета, за кои ЕУ тврди дека се под контрола на Кремљ. Официјалното соопштение за санкциите ја потврди одлуката на почетокот на неделава од страна на амбасадорите на 27-те земји-членки на блокот. „Овие медиуми се под постојана директна или индиректна контрола на раководството на Руската Федерација и беа од суштинско значење и инструменти во започнувањето и поддршката на руската агресорска војна против Украина и дестабилизацијата на нејзините соседни земји“, се вели во соопштението на ЕУ. Видете и ова: Русија ја предупреди ЕУ на остар одговор ако воведе ограничувања за руските медиуми Во соопштението се наведува дека овие медиуми конкретно ги таргетираат „европските политички партии, особено во изборните периоди“. Забраните ги опфаќаат „сите средства за пренос и дистрибуција во ЕУ или насочени кон земјите-членки на ЕУ“, но не ги спречуваат новинарите да работат во медиумите во Европската унија. Веќе минатиот месец, Белгија отвори истрага за сомнително руско мешање во јунските избори низ Европа, велејќи дека разузнавачката служба на нејзината земја го потврдила постоењето на мрежа која се обидува да ја поткопа поддршката за Украина. Чешката влада воведе санкции за голем број луѓе откако таму беше откриена операција на проруско влијание. Според наводите, тие им обраќале на членовите на Европскиот парламент и им понудиле пари за промовирање на руската пропаганда. Од почетокот на војната во февруари 2022 година, ЕУ веќе суспендираше неколку медиуми, вклучително и Русија денес (РТ) и Спутник. прочитај повеќе види ги сите денешни вести мај 17, 2024 Напад во Авганистан - неколку убиени, меѓу нив и странски државјани Авганистанска провинција Бамијан. Вооружен напад се случил на 17 мај врз група на странски туристи во централната авганистанска провинција Бамијан. Извор од талибанските безбедносни сили за Радио Азана на Радио Слободна Европа изјави дека во нападот имало неколку мртви. Видете и ова: Во поплавите во Авганистан загинаа 315 луѓе Изворот, кој побара да остане анонимен, не го откри бројот на загинатите туристи или нивната националност. Амај њуз објави дека најмалку осум лица биле убиени. Меѓу жртвите во нападот биле и четворица странски државјани, но не беа дадени повеќе детали. прочитај повеќе мај 17, 2024 Србија досега добила 220 милиони евра од ЕУ за миграцијата и граничната контрола Илустративна фотографија. Од 2015 година, Европската унија (ЕУ) ѝ даде на Србија повеќе од 220 милиони евра помош во областа на миграцијата и управувањето со границите, изјави Никола Бертолини - шеф на Одделот за соработка на Делегацијата на ЕУ во Србија. На крајот од петдневната обука на граничарите во Суботица, Бертолини рече дека Србија усвоила стратегија за интегрирано гранично управување, соопшти Министерството за внатрешни работи (МВР). Тој додаде дека парите од Брисел биле испратени во Србија за поголема безбедност на границите и помош во борбата против нелегалните прекугранични активности, шверцот на оружје, експлозиви и наркотици. „Зголемувањето на капацитетот на граничните служби води и до поефикасно откривање на нерегуларна миграција, трговија со луѓе и криумчарење“, рече Бертолини. Видете и ова: Западен Балкан е важна транзитна зона за илегални миграции, покажа извештајот на ИОМ Тој посочи дека ЕУ планира да продолжи да ја поддржува Србија за спроведување на поефективен надзор и софистицирани гранични проверки, како и да обезбеди модерна опрема за таа цел. Тој потсети дека за зголемување на обемот на трговската, туризмот и културната размена потребни се поотворени граници, но истовремено и одржување на високо ниво на безбедност на границите. „Затоа сите гранични агенции треба да воспостават рамнотежа помеѓу строгите контроли и отворените граници“, рече Бертолини. Владата на Србија го усвои акциониот план на ЕУ за интегрирано гранично управување во 2022 година. Од почетокот на светската мигрантска криза во 2015 година, преку таканаречената балканска рута низ Србија поминале повеќе од еден и пол милион бегалци и мигранти, покажуваат податоците на надлежните органи на Обединетите нации (ОН). прочитај повеќе мај 17, 2024 Засилени безбедносни мерки во Шведска по пукање во близина на израелската амбасада Улицата Готгатан во Стокхолм, 14 април 2020 година. Илустративна фотографија Шведска ги засили безбедносните мерки во земјата по пукање во близина на израелската амбасада во Стокхолм, соопшти полицијата на 17 мај. Полицијата ја опколи областа околу амбасадата и изврши претреси во неколку населби во Стокхолм откако во раните утрински часови се слушнаа истрели. „Поради сомнителни пукотници во близина на израелската амбасада во Стокхолм, полицијата презема безбедносни мерки за заштита на имотот и интересите на Израел и Евреите низ целата земја“, соопшти полицискиот оддел на својата веб-страница. Видете и ова: Израел соопшти дека обвинувањата на Јужна Африка за геноцид се неосновани Амбасадорот на Израел во Шведска, Жив Нево Кулман, им се заблагодари на властите на мрежата X „за нивната итна реакција и истрага, како и за зголемените безбедносни мерки околу нашата амбасада и околу еврејските заедници“. Во февруари, полицијата на теренот на израелската амбасада пронајде уред за кој амбасадорот рече дека претставува обид за напад. Шведските разузнавачки служби отворија истрага за „тероризам“. Од нападот на Хамас врз јужен Израел на 7 октомври 2023 година, властите и некои невладини организации во многу земји пријавија пораст на антисемитизмот, додека високиот број цивилни жртви во Газа предизвикани од одговорот на Израел дополнително ги зголеми тензиите. прочитај повеќе мај 17, 2024 ЕУ го истражува Мајкрософт за ризиците од вештачката интелигенција пред изборите Илустративна фотографија. Европската унија денеска (17 мај) му нареди на Мајкрософт да предаде внатрешни документи или дека пред изборите ќе се соочи со казни поврзани со ризиците од користење на вештачка интелигенција на својот пребарувач Бинг. ЕУ ја идентификуваше генеративната вештачка интелигенција како една од главните закани за изборите што ќе се одржат во ЕУ од 6 до 9 јуни. Во март, Брисел побара од Бинг, заедно со неколку големи дигитални платформи, вклучително Гугл, ТикТок и Јутуб, да обезбеди информации за активностите што ги презеле за да ги ублажат ризиците од користење на вештачка интелигенција. Но, Мајкрософт не одговори на барањето за повеќе детали за „специфичните ризици кои произлегуваат од функциите на генеративната вештачка интелигенција на Бинг, особено „Копилот во Бинг“ и „Креатор на слики од дизајнер“, соопшти Европската комисија. Американскиот технолошки гигант сега има рок до 27 мај да обезбеди „внатрешни документи и податоци“. Видете и ова: Тик-Ток објави дека ќе означува слики создадени од вештачка интелигенција Доколку Мајкрософт не го стори тоа, ЕУ може да изрече казни до еден процент од вкупниот годишен приход или глобалниот промет на компанијата, како и периодични казни до пет проценти од просечниот дневен приход или дневен промет во светот. Од минатата година, најголемите светски технолошки компании мораа да се усогласат со европскиот закон познат како Закон за дигитални услуги (DSA). Комисијата соопшти дека се сомнева дека „Бинг можеби ја прекршил DSA“ во делот поврзан со „ризиците поврзани со генеративната вештачка интелигенција“. Ова се однесува на можностите на вештачката интелигенција да обезбедува лажни информации и „вирално ширење на длабока лажна содржина“. Видете и ова: Колку и да се труди нема да не замени Мајкрософт соопшти дека е посветен на исполнување на барањата на комисијата. „Целосно соработуваме со Европската комисија во рамките на Доброволното барање за информации и остануваме посветени да одговориме на нивните прашања и да споделуваме информации за нашиот пристап кон дигиталната безбедност и усогласеноста со DSA“, рече портпаролот на Microsoft. Портпаролот рече дека Мајкрософт презел „чекори за мерење и ублажување на потенцијалните ризици“ на сите негови платформи. Мајкрософт инвестираше милијарди во OpenAI, главен играч во вештачката интелигенција, особено откако се појави четботот ChatGPT кон крајот на 2022 година. прочитај повеќе мај 17, 2024 Таравари најави договор за влада, Османи дополнителни механизми за заштита Изет Меџити и Арбен Таравари од коалицијата „Влен“. Градоначалникот на Гостивар Арбен Таравари денеска изјави дека очекува до крајот на идната недела да биде договор околу идната влада меѓу колицијата „Влен“ и ВМРО-ДПМНЕ. Откако „Вреди“ и ВМРО-ДПМНЕ формираа работни групи за формирање на владина коалиција по парламентарните избори на 8 мај, Таравари денекса изјави дека меѓу работните групи „владее позитивна атмосфера. „Се надевам дека до крајот на идната недела ќе имаме завршен договор со програма на Владата и со распределба на ресори, односно кој и каде ќе биде како министер“, рече Таравари. По гласањето на двојните избори на 8 мај, претседателски и парламентрани, ВМРО-ДПМНЕ освои најмногу (58) мандати. Во албанскиот политички блок, Коалицијата „Влен“ освои 13 мандати, што е 6 помалку од коалицијата „Европски фронт“ која освои 19. Видете и ова: Управен суд ја одби тужбата на „Европскиот фронт“ за решението на ДИК за избирачкото место во Крушево Но, ВМРО-ДПМНЕ и Влен се во преговори за состав на идната влада. Таравари рече дека со Христијан Мицкоски досега имале две средби, а дека понатаму интензивно работат работните групи. „Се надевам до понеделник ќе излеземе со заедничка програма, а до петок ќе имаме завршен договор меѓу ВЛЕН и ВМРО-ДПМНЕ, практично договор за нова влада“, изјави Таравари. Потпретседателот на ДУИ Бујар Османи, чија партија е дел од коалицијата „Европски фронт“, денеска рече дека ако се прави владина коалиција без нивната партија, дека „тоа ќе ги разгневи сите Албанци кои ценат дека нивните гласови ќе бидат ништовни и потоа ќе бараат дополнителен механизам за заштита“, изјави Османи за приватната телевизија „Канал 5“. „ДУИ е во постојано заседание, емоциите кај албанскиот народ се веќе вжештени и ние повеќе се обидуваме да менаџираме и да контролираме. Ќе сметаат дека Охридскиот рамковен договор не ги заштитува, не го заштитува нивниот глас, нивниот глас се игнорира, е ништовен за државата и дека ќе бараат дополнителен механизам за заштита“, рече Османи. прочитај повеќе мај 17, 2024 Управен суд ја одби тужбата на „Европскиот фронт“ за решението на ДИК за избирачкото место во Крушево Управен суд Скопје Управниот суд ja одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија" за избирачкото место 1194 во Општина Крушево на Парламентарните избори одржани на 8 мај 2024 година. Според Изборниот законик, доколку одлуката за прегласување во тоа избирачко место влијае на конечните изборни резултати, ДИК треба да спроведе повторено гласање 14 ден од Парламентарните избори кои беа одржани на 8 мај. Повтореното гласање според тоа треба да биде на 22 мај. Претходно денеска во текот на расправата, застапникот на тужителот, Коалицијата „Европски фронт“, Ејуп Рустеми, посочи дека се оспорува решението на ДИК за прифаќање на приговорот за поништувње на гласањето на ИМ 1194 на Коалицијата „Твоја Македонија". „Решението на ДИК е нејасно. Сумираниот износ на искористени гласачки ливчиња е нејасно како ДИК дошле до збирот од 377 гласачи, без притоа да се земе предвид бројот од 359 потпишани гласачи во избирачкиот список. Бројот од 17 болни и изнемоштени не треба да се додава во дел IV од записникот, бидејќи тие се веќе вброени во статистичкиот податок и се добива дупла бројка. Според Изборниот законик погрешно пополнување на записник не е основ за поништување на гласањето“, изјави Рустеми. Видете и ова: Загриженост во ДИК поради изјави на политичари по приговорите за изборите Дополнително, посочи Рустеми, во записникот нема заведено забелешки за евентуални неправилности. Претставникот на ДИК, Катерина Василевска нагласи дека остануваат во целост на наводите од решението и одговорот на тужбата и предлагаат таа да се одбие како неоснована. „ДИК постапи во законскиот рок и донесе одлука. По увидот во целосниот изборен материјал ДИК утврди дека бројот на идентификувани гласачи не се совпаѓа со бројот на потпишани гласачи во избирачкиот список и не соодветствува со бројот на искористени гласачки ливчиња на гласачкото место“, нагласи Василевска. Управниот суд пресудата ќе ја објави за два часа. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите се оформени предмети и закажани во текот на денешниот ден. Видете и ова: Талат Џафери: Има обиди за изборен инжинеринг ДИК на 104 седница ги разгледа приговорите поднесени од политичките партии по одржувањето на парламентарните избори на 8 мај. Од вкупно 27 поднесени приговори - девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. прочитај повеќе мај 17, 2024 Загриженост во ДИК поради изјави на политичари по приговорите за изборите Александар Даштевски - претседател на Државната изборна комисија (ДИК) . Претседателот на Државната изборна комисија (ДИК) Александар Даштевски и членовите на ДИК и уште неколку членови денеска изразија загриженост дека политички партии и високи владини функционери давале изјави за работата на ДИК за постапувањето по приговорите за парламентарните избори, кои според нив можат да бидат закана за нивната безбедност. Во денешносто соопштение на ДИК, освен Даштевски, загриженост изразуваат и членовите на ДИК Радица Ристеска, Оливер Ристовски, Борис Кондарко, Бобан Стојаноски и Абдуш Демири. „Ве известуваме дека покрај тоа што сме лично понижувани и навредувани, исто така како членови во највисоката институција за организирање и спроведување на изборите, сме изложени и на неосновани и непримерени јавни политички притисоци и на закани за кривична одговорност поради донесените одлуки на ДИК“, се вели во реакцијата. Тие велат дека според „контекстот и интензитетот на нападите, прозивките и навредите“ загрижени се и дека е можно тие да преминат и во лични напади на нивната сигурност. „Ве известуваме дека ДИК во целост професионално, транспаретно и само врз основа на закон ги спроведе изборите што е потврдено од сите домашни и меѓународни фактори. Исто така и покрај сите непријатности кои ги имаме, сепак со највисок степен на интегритет врз основа на јавна проверка на изборниот материјал ДИК ги утврди фактите и одлучуваше по приговори поднесени од различни учесници за 110 избирачки места, од кои врз основа на образложени докази усвои приговори за само 7 избирачки места за кои имаше правен основ, додека сите останати 103 избирачки места, беа одбиени како неосновани и за нив немаше поднесено тужби ниту еден учесник на изборите“, се вели во реакцијата. Видете и ова: Талат Џафери: Има обиди за изборен инжинеринг Државната изборна комисија наведува дека е неприфатливо да има нападите, притисоци и мешање на одредени политички партии и на поединци од техничката Влада во изборните процедури и во работата и одлучувањето на ДИК и на Управниот суд. Тие посочуваат дека за сето ова денеска на средба во ДИК била известена и амбасадорката на набљудувачката мисија на ОБСЕ-ОДИХР Џилијан Стирк. Премиерот на техничката Влада Талат Џафери вчера на прес-конференција соопшти дека имало договор за надгласување во Државната изборна комисија за прифаќање на одредени приговори за изборните резултати и прегласување и оти на ваков начин се прави обид за изборен инженеринг за менување на бројките во Собранието и изигрување на волјата на граѓаните. Изборниот процес кој беше оценет како кредибилен и демократски, сега е во рацете на Управниот суд, рече Џафери и повика сите институции да постапуваат согласно закон без партиски директиви од која било страна. Управниот суд вчера одржа јавна седница по тужба на Коалицијата „Вреди“ по одлуката на ДИК за одбивање на нивниот приговор за избирачко место 0511, во Долна Бањица во Општина Гостивар на Парламентарните избори 2024 година. Видете и ова: Ќе се прегласува во Желино, „Европски фронт“ со обвинувања дека ќе им бидат одземени пратеници Постапката беше прекината, откако претставникот на Коалицијата „Вреди“ изјави дека ја повлекува тужбата во целост. До Државната изборна комисија беа поднесени вкупно 27 приговори за парламентарните избори - девет од коалицијата „Влен“, осум од ВМРО-ДПМНЕ, пет од СДСМ и четири од Левица. Прифатени беа седум: шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Против одлуката на ДИК може да се поднесе тужба до Управниот суд, во рок од 24 часа од приемот на решението.Управниот суд, пак, по жалбата е должен да донесе одлука во рок од 48 часа по нејзиниот прием. мд/дма/ прочитај повеќе мај 17, 2024 Состојбата на словачкиот премиер Фицо „се уште многу сериозна“ Словачкиот премиер Роберт Фицо. Два дена по обидот за атентат, состојбата на словачкиот премиер Роберт Фицо на 17 мај „останува многу сериозна“, изјави неговиот заменик и близок соработник Роберт Калинак. Фицо беше хоспитализиран по пукањето во средата, коешто се случи додека 59-годишниот премиер на Словачка разговараше со граѓаните по состанокот во централниот град Хандлова. „Повторно беше опериран, имаше операција речиси два часа“, изјави за новинарите пред болницата во Банска Бистрица вицепремиерот Роберт Калинак. Фицо претходно имаше петчасовна операција набргу откако од местото на нападот беше пренесен во болница со хеликоптер. Директорот на болницата во Банска Бистрица рече дека Фицо останал „свесен“, иако е во „тешка“ состојба. Претходно, на 17 мај, локалните медиуми објавија дека словачката полиција извршила претрес во домот на мажот кој е обвинет за пукањето. Видете и ова: На словачкиот премиер Фицо ќе му биде извршена уште една операција Полициските службеници го донесоа наводниот вооружен напаѓач, кој носел панцир и шлем, во станот што го делел со неговата сопруга во западниот град Левице, беше прикажано во видео од телевизијата Маркиза. „Полицијата остана во станот неколку часа... Од станот таа изнесе компјутер и документи“, вели приватниот радиодифузер. Полицијата за АФП изјави дека нема да ја коментира тековната истрага. Полицијата не го именуваше осомничениот, но медиумите го идентификуваа како 71-годишниот писател Јурај Цинтулу. Тој во четвртокот беше обвинет за обид за убиство од прв степен во, како што велат властите, политички мотивиран напад. „Станува збор за „волк-самец“ кој се активирал по претседателските избори бидејќи не бил задоволен од нивниот исход“, изјави министерот за внатрешни работи Матус Сутај Есток. Видете и ова: Обид за атентат врз словачкиот премиер Фицо - нападот бил „политички мотивиран“ Нападот ги поттикна стравувањата од натамошно насилство и нестабилност во политички поларизираната земја, само неколку недели пред изборите за Европскиот парламент, пренесува АФП. Официјалните лица во Словачка ја повлекоа врската со политичката ситуација во земјата, со нејзината политичка сцена нарушена со дезинформации за време на неодамнешните изборни кампањи. Фицо, четирикратен премиер и политички ветеран, се врати на функцијата во октомври. Оттогаш тој даде серија изјави кои ги влошија врските меѓу Словачка и соседна Украина, откако го доведе во прашање суверенитетот на земјата. Откако тој беше избран, Словачка престана да испраќа оружје во Украина, која Русија ја нападна во 2022 година. прочитај повеќе мај 17, 2024 Палевски ќе биде спроведен на распит во Кривичниот суд Љупчо Палевски - Палчо, првоосомничен за убиството на Вања Ѓорчевска и Панче Жежовски. Основниот кривичен суд Скопје денеска доби официјално известување од Истражниот затвор Скопје за екстрадицијата на Љупчо Палевски, којшто е првоосомничен за случајот за убиството на 14-годишната Вања Ѓорчевска и велешкиот фризер Панче Жежовски (74). Палевски прво ќе биде спроведен до Кривичниот суд за да се изјасни за мерката притвор која му беше веќе определена, откако на 5 мај со авион беше екстрадиран од Турција во Северна Македонија. Од судот соопштуваат дека денеска добиле и известување и барање за ангажирање на адвокат кој ќе го застапува Палевски во текот на постапката. Според законите во Северна Македонија, судот ги издава сите дозволи поврзани со истражната постапка и ги доставува до предложените адвокати за нивно понатамошно постапување. „Дополнително, судија на претходна постапка во координација со надлежниот Јавен обвинител, ќе издаде наредба за спровод на осомниченото лице за негово произнесување во однос на околностите во предлогот на Јавниот обвинител за определување на мерката притвор, а за донесеното решение јавноста ќе биде известена“, се вели во соопштението од Основен кривичен суд Скопје. Видете и ова: Финишира истрагата за Палчо за убиството на 14-годишната Вања Истрагата за случајот, кој што го води Основното јавно обвинителство (ОЈО) Скопје, е во завршна фаза. Палевски повеќе од пет месеци помина во екстрадициски притвор во Турција, откако беше фатен од турската полиција. Палевски се гони за две грабнувања и две убиства на свиреп начин. Осомничени се и тројца соизвршители за овие дела, како и таткото на Вања Ѓорчевска кој се товари за помагање во грабнувањето на девојчето. За помагање во бегството, обвинителството сомничи уште едно лице. Истрагата на Обвинителството беше отворена на 3 декември, откако случајот притви Палевски и останатите осомничени беше отворен по пријавата за исчезнувањето на малолетната Вања на 27 ноември, утрото кога таа не се појави на училиште. Исчезнувањето со денови ја брануваше македонската, но и јавноста во регионот, а медиумите и социјалните мрежи беа преплавени со вести и апели се до 3 декември кога нејзиното тело беше пронајдено во околината на Скопје. Видете и ова: Љупчо Палевски – Палчо со авион екстрадиран во Северна Македонија Истиот ден беше кобен и за семејството на Панче Жежовски бидејќи полицијата соопшти дека неговото тело го пронашле во близина на Велес. Тој бил пријавен за исчезнат три дена пред Вања – на 24 ноември. Палевски беше во бегство во Турција, а избегал во таа земја преку Србија и Бугарија, избега во Турција. Турската полиција успеа да го фати кај градот Балибекир на 5 декември 2023 година. Тој на 15 мај годинава беше екстрадиран во Северна Македонија. Пред затворање на истрагата и поднесување на обвинение, Палевски треба да биде сослушан и во обвинителството. По евентуалното обвинение, тоа ќе оди на оценка во судот и ако добие зелено светло, ќе стартува судски процес. Во меѓувреме тој во притвор се чува под посебни безбедносни мерки. прочитај повеќе Вчитај повеќе...

Вести мај 17, 2024 ЕУ го истражува Мајкрософт за ризиците од вештачката интелигенција пред изборите Илустративна фотографија. Европската унија денеска (17 мај) му нареди на Мајкрософт да предаде внатрешни документи или дека пред изборите ќе се соочи со казни поврзани со ризиците од користење на вештачка интелигенција на својот пребарувач Бинг. ЕУ ја идентификуваше генеративната вештачка интелигенција како една од главните закани за изборите што ќе се одржат во ЕУ од 6 до 9 јуни. Во март, Брисел побара од Бинг, заедно со неколку големи дигитални платформи, вклучително Гугл, ТикТок и Јутуб, да обезбеди информации за активностите што ги презеле за да ги ублажат ризиците од користење на вештачка интелигенција. Но, Мајкрософт не одговори на барањето за повеќе детали за „специфичните ризици кои произлегуваат од функциите на генеративната вештачка интелигенција на Бинг, особено „Копилот во Бинг“ и „Креатор на слики од дизајнер“, соопшти Европската комисија. Американскиот технолошки гигант сега има рок до 27 мај да обезбеди „внатрешни документи и податоци“. Видете и ова: Тик-Ток објави дека ќе означува слики создадени од вештачка интелигенција Доколку Мајкрософт не го стори тоа, ЕУ може да изрече казни до еден процент од вкупниот годишен приход или глобалниот промет на компанијата, како и периодични казни до пет проценти од просечниот дневен приход или дневен промет во светот. Од минатата година, најголемите светски технолошки компании мораа да се усогласат со европскиот закон познат како Закон за дигитални услуги (DSA). Комисијата соопшти дека се сомнева дека „Бинг можеби ја прекршил DSA“ во делот поврзан со „ризиците поврзани со генеративната вештачка интелигенција“. Ова се однесува на можностите на вештачката интелигенција да обезбедува лажни информации и „вирално ширење на длабока лажна содржина“. Видете и ова: Колку и да се труди нема да не замени Мајкрософт соопшти дека е посветен на исполнување на барањата на комисијата. „Целосно соработуваме со Европската комисија во рамките на Доброволното барање за информации и остануваме посветени да одговориме на нивните прашања и да споделуваме информации за нашиот пристап кон дигиталната безбедност и усогласеноста со DSA“, рече портпаролот на Microsoft. Портпаролот рече дека Мајкрософт презел „чекори за мерење и ублажување на потенцијалните ризици“ на сите негови платформи. Мајкрософт инвестираше милијарди во OpenAI, главен играч во вештачката интелигенција, особено откако се појави четботот ChatGPT кон крајот на 2022 година. прочитај повеќе види ги сите денешни вести мај 17, 2024 Напад во Авганистан - неколку убиени, меѓу нив и странски државјани Авганистанска провинција Бамијан. Вооружен напад се случил на 17 мај врз група на странски туристи во централната авганистанска провинција Бамијан. Извор од талибанските безбедносни сили за Радио Азана на Радио Слободна Европа изјави дека во нападот имало неколку мртви. Видете и ова: Во поплавите во Авганистан загинаа 315 луѓе Изворот, кој побара да остане анонимен, не го откри бројот на загинатите туристи или нивната националност. Амај њуз објави дека најмалку осум лица биле убиени. Меѓу жртвите во нападот биле и четворица странски државјани, но не беа дадени повеќе детали. прочитај повеќе мај 17, 2024 Србија досега добила 220 милиони евра од ЕУ за миграцијата и граничната контрола Илустративна фотографија. Од 2015 година, Европската унија (ЕУ) ѝ даде на Србија повеќе од 220 милиони евра помош во областа на миграцијата и управувањето со границите, изјави Никола Бертолини - шеф на Одделот за соработка на Делегацијата на ЕУ во Србија. На крајот од петдневната обука на граничарите во Суботица, Бертолини рече дека Србија усвоила стратегија за интегрирано гранично управување, соопшти Министерството за внатрешни работи (МВР). Тој додаде дека парите од Брисел биле испратени во Србија за поголема безбедност на границите и помош во борбата против нелегалните прекугранични активности, шверцот на оружје, експлозиви и наркотици. „Зголемувањето на капацитетот на граничните служби води и до поефикасно откривање на нерегуларна миграција, трговија со луѓе и криумчарење“, рече Бертолини. Видете и ова: Западен Балкан е важна транзитна зона за илегални миграции, покажа извештајот на ИОМ Тој посочи дека ЕУ планира да продолжи да ја поддржува Србија за спроведување на поефективен надзор и софистицирани гранични проверки, како и да обезбеди модерна опрема за таа цел. Тој потсети дека за зголемување на обемот на трговската, туризмот и културната размена потребни се поотворени граници, но истовремено и одржување на високо ниво на безбедност на границите. „Затоа сите гранични агенции треба да воспостават рамнотежа помеѓу строгите контроли и отворените граници“, рече Бертолини. Владата на Србија го усвои акциониот план на ЕУ за интегрирано гранично управување во 2022 година. Од почетокот на светската мигрантска криза во 2015 година, преку таканаречената балканска рута низ Србија поминале повеќе од еден и пол милион бегалци и мигранти, покажуваат податоците на надлежните органи на Обединетите нации (ОН). прочитај повеќе мај 17, 2024 Засилени безбедносни мерки во Шведска по пукање во близина на израелската амбасада Улицата Готгатан во Стокхолм, 14 април 2020 година. Илустративна фотографија Шведска ги засили безбедносните мерки во земјата по пукање во близина на израелската амбасада во Стокхолм, соопшти полицијата на 17 мај. Полицијата ја опколи областа околу амбасадата и изврши претреси во неколку населби во Стокхолм откако во раните утрински часови се слушнаа истрели. „Поради сомнителни пукотници во близина на израелската амбасада во Стокхолм, полицијата презема безбедносни мерки за заштита на имотот и интересите на Израел и Евреите низ целата земја“, соопшти полицискиот оддел на својата веб-страница. Видете и ова: Израел соопшти дека обвинувањата на Јужна Африка за геноцид се неосновани Амбасадорот на Израел во Шведска, Жив Нево Кулман, им се заблагодари на властите на мрежата X „за нивната итна реакција и истрага, како и за зголемените безбедносни мерки околу нашата амбасада и околу еврејските заедници“. Во февруари, полицијата на теренот на израелската амбасада пронајде уред за кој амбасадорот рече дека претставува обид за напад. Шведските разузнавачки служби отворија истрага за „тероризам“. Од нападот на Хамас врз јужен Израел на 7 октомври 2023 година, властите и некои невладини организации во многу земји пријавија пораст на антисемитизмот, додека високиот број цивилни жртви во Газа предизвикани од одговорот на Израел дополнително ги зголеми тензиите. прочитај повеќе мај 17, 2024 ЕУ забрани уште четири руски медиуми поради ширење пропаганда Европскиот парламент. Европската унија на 17 мај забрани емитување на програми на уште четири руски медиуми во ЕУ поради, како што се наведува, ширење пропаганда за инвазијата врз Украина и за дезинформации. Забраната за емитување се случува во пресрет на изборите за Европскиот парламент. Последната група на медиуми кои се забранети ги вклучуваат веб-страницата Глас Европа, руската државна новинска агенција РИА Новости, весниците Известија и Росискаја газета, за кои ЕУ тврди дека се под контрола на Кремљ. Официјалното соопштение за санкциите ја потврди одлуката на почетокот на неделава од страна на амбасадорите на 27-те земји-членки на блокот. „Овие медиуми се под постојана директна или индиректна контрола на раководството на Руската Федерација и беа од суштинско значење и инструменти во започнувањето и поддршката на руската агресорска војна против Украина и дестабилизацијата на нејзините соседни земји“, се вели во соопштението на ЕУ. Видете и ова: Русија ја предупреди ЕУ на остар одговор ако воведе ограничувања за руските медиуми Во соопштението се наведува дека овие медиуми конкретно ги таргетираат „европските политички партии, особено во изборните периоди“. Забраните ги опфаќаат „сите средства за пренос и дистрибуција во ЕУ или насочени кон земјите-членки на ЕУ“, но не ги спречуваат новинарите да работат во медиумите во Европската унија. Веќе минатиот месец, Белгија отвори истрага за сомнително руско мешање во јунските избори низ Европа, велејќи дека разузнавачката служба на нејзината земја го потврдила постоењето на мрежа која се обидува да ја поткопа поддршката за Украина. Чешката влада воведе санкции за голем број луѓе откако таму беше откриена операција на проруско влијание. Според наводите, тие им обраќале на членовите на Европскиот парламент и им понудиле пари за промовирање на руската пропаганда. Од почетокот на војната во февруари 2022 година, ЕУ веќе суспендираше неколку медиуми, вклучително и Русија денес (РТ) и Спутник. прочитај повеќе мај 17, 2024 Таравари најави договор за влада, Османи дополнителни механизми за заштита Изет Меџити и Арбен Таравари од коалицијата „Влен“. Градоначалникот на Гостивар Арбен Таравари денеска изјави дека очекува до крајот на идната недела да биде договор околу идната влада меѓу колицијата „Влен“ и ВМРО-ДПМНЕ. Откако „Вреди“ и ВМРО-ДПМНЕ формираа работни групи за формирање на владина коалиција по парламентарните избори на 8 мај, Таравари денекса изјави дека меѓу работните групи „владее позитивна атмосфера. „Се надевам дека до крајот на идната недела ќе имаме завршен договор со програма на Владата и со распределба на ресори, односно кој и каде ќе биде како министер“, рече Таравари. По гласањето на двојните избори на 8 мај, претседателски и парламентрани, ВМРО-ДПМНЕ освои најмногу (58) мандати. Во албанскиот политички блок, Коалицијата „Влен“ освои 13 мандати, што е 6 помалку од коалицијата „Европски фронт“ која освои 19. Видете и ова: Управен суд ја одби тужбата на „Европскиот фронт“ за решението на ДИК за избирачкото место во Крушево Но, ВМРО-ДПМНЕ и Влен се во преговори за состав на идната влада. Таравари рече дека со Христијан Мицкоски досега имале две средби, а дека понатаму интензивно работат работните групи. „Се надевам до понеделник ќе излеземе со заедничка програма, а до петок ќе имаме завршен договор меѓу ВЛЕН и ВМРО-ДПМНЕ, практично договор за нова влада“, изјави Таравари. Потпретседателот на ДУИ Бујар Османи, чија партија е дел од коалицијата „Европски фронт“, денеска рече дека ако се прави владина коалиција без нивната партија, дека „тоа ќе ги разгневи сите Албанци кои ценат дека нивните гласови ќе бидат ништовни и потоа ќе бараат дополнителен механизам за заштита“, изјави Османи за приватната телевизија „Канал 5“. „ДУИ е во постојано заседание, емоциите кај албанскиот народ се веќе вжештени и ние повеќе се обидуваме да менаџираме и да контролираме. Ќе сметаат дека Охридскиот рамковен договор не ги заштитува, не го заштитува нивниот глас, нивниот глас се игнорира, е ништовен за државата и дека ќе бараат дополнителен механизам за заштита“, рече Османи. прочитај повеќе мај 17, 2024 Управен суд ја одби тужбата на „Европскиот фронт“ за решението на ДИК за избирачкото место во Крушево Управен суд Скопје Управниот суд ja одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија" за избирачкото место 1194 во Општина Крушево на Парламентарните избори одржани на 8 мај 2024 година. Според Изборниот законик, доколку одлуката за прегласување во тоа избирачко место влијае на конечните изборни резултати, ДИК треба да спроведе повторено гласање 14 ден од Парламентарните избори кои беа одржани на 8 мај. Повтореното гласање според тоа треба да биде на 22 мај. Претходно денеска во текот на расправата, застапникот на тужителот, Коалицијата „Европски фронт“, Ејуп Рустеми, посочи дека се оспорува решението на ДИК за прифаќање на приговорот за поништувње на гласањето на ИМ 1194 на Коалицијата „Твоја Македонија". „Решението на ДИК е нејасно. Сумираниот износ на искористени гласачки ливчиња е нејасно како ДИК дошле до збирот од 377 гласачи, без притоа да се земе предвид бројот од 359 потпишани гласачи во избирачкиот список. Бројот од 17 болни и изнемоштени не треба да се додава во дел IV од записникот, бидејќи тие се веќе вброени во статистичкиот податок и се добива дупла бројка. Според Изборниот законик погрешно пополнување на записник не е основ за поништување на гласањето“, изјави Рустеми. Видете и ова: Загриженост во ДИК поради изјави на политичари по приговорите за изборите Дополнително, посочи Рустеми, во записникот нема заведено забелешки за евентуални неправилности. Претставникот на ДИК, Катерина Василевска нагласи дека остануваат во целост на наводите од решението и одговорот на тужбата и предлагаат таа да се одбие како неоснована. „ДИК постапи во законскиот рок и донесе одлука. По увидот во целосниот изборен материјал ДИК утврди дека бројот на идентификувани гласачи не се совпаѓа со бројот на потпишани гласачи во избирачкиот список и не соодветствува со бројот на искористени гласачки ливчиња на гласачкото место“, нагласи Василевска. Управниот суд пресудата ќе ја објави за два часа. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите се оформени предмети и закажани во текот на денешниот ден. Видете и ова: Талат Џафери: Има обиди за изборен инжинеринг ДИК на 104 седница ги разгледа приговорите поднесени од политичките партии по одржувањето на парламентарните избори на 8 мај. Од вкупно 27 поднесени приговори - девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. прочитај повеќе мај 17, 2024 Загриженост во ДИК поради изјави на политичари по приговорите за изборите Александар Даштевски - претседател на Државната изборна комисија (ДИК) . Претседателот на Државната изборна комисија (ДИК) Александар Даштевски и членовите на ДИК и уште неколку членови денеска изразија загриженост дека политички партии и високи владини функционери давале изјави за работата на ДИК за постапувањето по приговорите за парламентарните избори, кои според нив можат да бидат закана за нивната безбедност. Во денешносто соопштение на ДИК, освен Даштевски, загриженост изразуваат и членовите на ДИК Радица Ристеска, Оливер Ристовски, Борис Кондарко, Бобан Стојаноски и Абдуш Демири. „Ве известуваме дека покрај тоа што сме лично понижувани и навредувани, исто така како членови во највисоката институција за организирање и спроведување на изборите, сме изложени и на неосновани и непримерени јавни политички притисоци и на закани за кривична одговорност поради донесените одлуки на ДИК“, се вели во реакцијата. Тие велат дека според „контекстот и интензитетот на нападите, прозивките и навредите“ загрижени се и дека е можно тие да преминат и во лични напади на нивната сигурност. „Ве известуваме дека ДИК во целост професионално, транспаретно и само врз основа на закон ги спроведе изборите што е потврдено од сите домашни и меѓународни фактори. Исто така и покрај сите непријатности кои ги имаме, сепак со највисок степен на интегритет врз основа на јавна проверка на изборниот материјал ДИК ги утврди фактите и одлучуваше по приговори поднесени од различни учесници за 110 избирачки места, од кои врз основа на образложени докази усвои приговори за само 7 избирачки места за кои имаше правен основ, додека сите останати 103 избирачки места, беа одбиени како неосновани и за нив немаше поднесено тужби ниту еден учесник на изборите“, се вели во реакцијата. Видете и ова: Талат Џафери: Има обиди за изборен инжинеринг Државната изборна комисија наведува дека е неприфатливо да има нападите, притисоци и мешање на одредени политички партии и на поединци од техничката Влада во изборните процедури и во работата и одлучувањето на ДИК и на Управниот суд. Тие посочуваат дека за сето ова денеска на средба во ДИК била известена и амбасадорката на набљудувачката мисија на ОБСЕ-ОДИХР Џилијан Стирк. Премиерот на техничката Влада Талат Џафери вчера на прес-конференција соопшти дека имало договор за надгласување во Државната изборна комисија за прифаќање на одредени приговори за изборните резултати и прегласување и оти на ваков начин се прави обид за изборен инженеринг за менување на бројките во Собранието и изигрување на волјата на граѓаните. Изборниот процес кој беше оценет како кредибилен и демократски, сега е во рацете на Управниот суд, рече Џафери и повика сите институции да постапуваат согласно закон без партиски директиви од која било страна. Управниот суд вчера одржа јавна седница по тужба на Коалицијата „Вреди“ по одлуката на ДИК за одбивање на нивниот приговор за избирачко место 0511, во Долна Бањица во Општина Гостивар на Парламентарните избори 2024 година. Видете и ова: Ќе се прегласува во Желино, „Европски фронт“ со обвинувања дека ќе им бидат одземени пратеници Постапката беше прекината, откако претставникот на Коалицијата „Вреди“ изјави дека ја повлекува тужбата во целост. До Државната изборна комисија беа поднесени вкупно 27 приговори за парламентарните избори - девет од коалицијата „Влен“, осум од ВМРО-ДПМНЕ, пет од СДСМ и четири од Левица. Прифатени беа седум: шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Против одлуката на ДИК може да се поднесе тужба до Управниот суд, во рок од 24 часа од приемот на решението.Управниот суд, пак, по жалбата е должен да донесе одлука во рок од 48 часа по нејзиниот прием. мд/дма/ прочитај повеќе мај 17, 2024 Состојбата на словачкиот премиер Фицо „се уште многу сериозна“ Словачкиот премиер Роберт Фицо. Два дена по обидот за атентат, состојбата на словачкиот премиер Роберт Фицо на 17 мај „останува многу сериозна“, изјави неговиот заменик и близок соработник Роберт Калинак. Фицо беше хоспитализиран по пукањето во средата, коешто се случи додека 59-годишниот премиер на Словачка разговараше со граѓаните по состанокот во централниот град Хандлова. „Повторно беше опериран, имаше операција речиси два часа“, изјави за новинарите пред болницата во Банска Бистрица вицепремиерот Роберт Калинак. Фицо претходно имаше петчасовна операција набргу откако од местото на нападот беше пренесен во болница со хеликоптер. Директорот на болницата во Банска Бистрица рече дека Фицо останал „свесен“, иако е во „тешка“ состојба. Претходно, на 17 мај, локалните медиуми објавија дека словачката полиција извршила претрес во домот на мажот кој е обвинет за пукањето. Видете и ова: На словачкиот премиер Фицо ќе му биде извршена уште една операција Полициските службеници го донесоа наводниот вооружен напаѓач, кој носел панцир и шлем, во станот што го делел со неговата сопруга во западниот град Левице, беше прикажано во видео од телевизијата Маркиза. „Полицијата остана во станот неколку часа... Од станот таа изнесе компјутер и документи“, вели приватниот радиодифузер. Полицијата за АФП изјави дека нема да ја коментира тековната истрага. Полицијата не го именуваше осомничениот, но медиумите го идентификуваа како 71-годишниот писател Јурај Цинтулу. Тој во четвртокот беше обвинет за обид за убиство од прв степен во, како што велат властите, политички мотивиран напад. „Станува збор за „волк-самец“ кој се активирал по претседателските избори бидејќи не бил задоволен од нивниот исход“, изјави министерот за внатрешни работи Матус Сутај Есток. Видете и ова: Обид за атентат врз словачкиот премиер Фицо - нападот бил „политички мотивиран“ Нападот ги поттикна стравувањата од натамошно насилство и нестабилност во политички поларизираната земја, само неколку недели пред изборите за Европскиот парламент, пренесува АФП. Официјалните лица во Словачка ја повлекоа врската со политичката ситуација во земјата, со нејзината политичка сцена нарушена со дезинформации за време на неодамнешните изборни кампањи. Фицо, четирикратен премиер и политички ветеран, се врати на функцијата во октомври. Оттогаш тој даде серија изјави кои ги влошија врските меѓу Словачка и соседна Украина, откако го доведе во прашање суверенитетот на земјата. Откако тој беше избран, Словачка престана да испраќа оружје во Украина, која Русија ја нападна во 2022 година. прочитај повеќе мај 17, 2024 Палевски ќе биде спроведен на распит во Кривичниот суд Љупчо Палевски - Палчо, првоосомничен за убиството на Вања Ѓорчевска и Панче Жежовски. Основниот кривичен суд Скопје денеска доби официјално известување од Истражниот затвор Скопје за екстрадицијата на Љупчо Палевски, којшто е првоосомничен за случајот за убиството на 14-годишната Вања Ѓорчевска и велешкиот фризер Панче Жежовски (74). Палевски прво ќе биде спроведен до Кривичниот суд за да се изјасни за мерката притвор која му беше веќе определена, откако на 5 мај со авион беше екстрадиран од Турција во Северна Македонија. Од судот соопштуваат дека денеска добиле и известување и барање за ангажирање на адвокат кој ќе го застапува Палевски во текот на постапката. Според законите во Северна Македонија, судот ги издава сите дозволи поврзани со истражната постапка и ги доставува до предложените адвокати за нивно понатамошно постапување. „Дополнително, судија на претходна постапка во координација со надлежниот Јавен обвинител, ќе издаде наредба за спровод на осомниченото лице за негово произнесување во однос на околностите во предлогот на Јавниот обвинител за определување на мерката притвор, а за донесеното решение јавноста ќе биде известена“, се вели во соопштението од Основен кривичен суд Скопје. Видете и ова: Финишира истрагата за Палчо за убиството на 14-годишната Вања Истрагата за случајот, кој што го води Основното јавно обвинителство (ОЈО) Скопје, е во завршна фаза. Палевски повеќе од пет месеци помина во екстрадициски притвор во Турција, откако беше фатен од турската полиција. Палевски се гони за две грабнувања и две убиства на свиреп начин. Осомничени се и тројца соизвршители за овие дела, како и таткото на Вања Ѓорчевска кој се товари за помагање во грабнувањето на девојчето. За помагање во бегството, обвинителството сомничи уште едно лице. Истрагата на Обвинителството беше отворена на 3 декември, откако случајот притви Палевски и останатите осомничени беше отворен по пријавата за исчезнувањето на малолетната Вања на 27 ноември, утрото кога таа не се појави на училиште. Исчезнувањето со денови ја брануваше македонската, но и јавноста во регионот, а медиумите и социјалните мрежи беа преплавени со вести и апели се до 3 декември кога нејзиното тело беше пронајдено во околината на Скопје. Видете и ова: Љупчо Палевски – Палчо со авион екстрадиран во Северна Македонија Истиот ден беше кобен и за семејството на Панче Жежовски бидејќи полицијата соопшти дека неговото тело го пронашле во близина на Велес. Тој бил пријавен за исчезнат три дена пред Вања – на 24 ноември. Палевски беше во бегство во Турција, а избегал во таа земја преку Србија и Бугарија, избега во Турција. Турската полиција успеа да го фати кај градот Балибекир на 5 декември 2023 година. Тој на 15 мај годинава беше екстрадиран во Северна Македонија. Пред затворање на истрагата и поднесување на обвинение, Палевски треба да биде сослушан и во обвинителството. По евентуалното обвинение, тоа ќе оди на оценка во судот и ако добие зелено светло, ќе стартува судски процес. Во меѓувреме тој во притвор се чува под посебни безбедносни мерки. прочитај повеќе Вчитај повеќе...

Вести мај 17, 2024 Таравари најави договор за влада, Османи дополнителни механизми за заштита Изет Меџити и Арбен Таравари од коалицијата „Влен“. Градоначалникот на Гостивар Арбен Таравари денеска изјави дека очекува до крајот на идната недела да биде договор околу идната влада меѓу колицијата „Влен“ и ВМРО-ДПМНЕ. Откако „Вреди“ и ВМРО-ДПМНЕ формираа работни групи за формирање на владина коалиција по парламентарните избори на 8 мај, Таравари денекса изјави дека меѓу работните групи „владее позитивна атмосфера. „Се надевам дека до крајот на идната недела ќе имаме завршен договор со програма на Владата и со распределба на ресори, односно кој и каде ќе биде како министер“, рече Таравари. По гласањето на двојните избори на 8 мај, претседателски и парламентрани, ВМРО-ДПМНЕ освои најмногу (58) мандати. Во албанскиот политички блок, Коалицијата „Влен“ освои 13 мандати, што е 6 помалку од коалицијата „Европски фронт“ која освои 19. Видете и ова: Управен суд ја одби тужбата на „Европскиот фронт“ за решението на ДИК за избирачкото место во Крушево Но, ВМРО-ДПМНЕ и Влен се во преговори за состав на идната влада. Таравари рече дека со Христијан Мицкоски досега имале две средби, а дека понатаму интензивно работат работните групи. „Се надевам до понеделник ќе излеземе со заедничка програма, а до петок ќе имаме завршен договор меѓу ВЛЕН и ВМРО-ДПМНЕ, практично договор за нова влада“, изјави Таравари. Потпретседателот на ДУИ Бујар Османи, чија партија е дел од коалицијата „Европски фронт“, денеска рече дека ако се прави владина коалиција без нивната партија, дека „тоа ќе ги разгневи сите Албанци кои ценат дека нивните гласови ќе бидат ништовни и потоа ќе бараат дополнителен механизам за заштита“, изјави Османи за приватната телевизија „Канал 5“. „ДУИ е во постојано заседание, емоциите кај албанскиот народ се веќе вжештени и ние повеќе се обидуваме да менаџираме и да контролираме. Ќе сметаат дека Охридскиот рамковен договор не ги заштитува, не го заштитува нивниот глас, нивниот глас се игнорира, е ништовен за државата и дека ќе бараат дополнителен механизам за заштита“, рече Османи. прочитај повеќе види ги сите денешни вести мај 17, 2024 Напад во Авганистан - неколку убиени, меѓу нив и странски државјани Авганистанска провинција Бамијан. Вооружен напад се случил на 17 мај врз група на странски туристи во централната авганистанска провинција Бамијан. Извор од талибанските безбедносни сили за Радио Азана на Радио Слободна Европа изјави дека во нападот имало неколку мртви. Видете и ова: Во поплавите во Авганистан загинаа 315 луѓе Изворот, кој побара да остане анонимен, не го откри бројот на загинатите туристи или нивната националност. Амај њуз објави дека најмалку осум лица биле убиени. Меѓу жртвите во нападот биле и четворица странски државјани, но не беа дадени повеќе детали. прочитај повеќе мај 17, 2024 Србија досега добила 220 милиони евра од ЕУ за миграцијата и граничната контрола Илустративна фотографија. Од 2015 година, Европската унија (ЕУ) ѝ даде на Србија повеќе од 220 милиони евра помош во областа на миграцијата и управувањето со границите, изјави Никола Бертолини - шеф на Одделот за соработка на Делегацијата на ЕУ во Србија. На крајот од петдневната обука на граничарите во Суботица, Бертолини рече дека Србија усвоила стратегија за интегрирано гранично управување, соопшти Министерството за внатрешни работи (МВР). Тој додаде дека парите од Брисел биле испратени во Србија за поголема безбедност на границите и помош во борбата против нелегалните прекугранични активности, шверцот на оружје, експлозиви и наркотици. „Зголемувањето на капацитетот на граничните служби води и до поефикасно откривање на нерегуларна миграција, трговија со луѓе и криумчарење“, рече Бертолини. Видете и ова: Западен Балкан е важна транзитна зона за илегални миграции, покажа извештајот на ИОМ Тој посочи дека ЕУ планира да продолжи да ја поддржува Србија за спроведување на поефективен надзор и софистицирани гранични проверки, како и да обезбеди модерна опрема за таа цел. Тој потсети дека за зголемување на обемот на трговската, туризмот и културната размена потребни се поотворени граници, но истовремено и одржување на високо ниво на безбедност на границите. „Затоа сите гранични агенции треба да воспостават рамнотежа помеѓу строгите контроли и отворените граници“, рече Бертолини. Владата на Србија го усвои акциониот план на ЕУ за интегрирано гранично управување во 2022 година. Од почетокот на светската мигрантска криза во 2015 година, преку таканаречената балканска рута низ Србија поминале повеќе од еден и пол милион бегалци и мигранти, покажуваат податоците на надлежните органи на Обединетите нации (ОН). прочитај повеќе мај 17, 2024 Засилени безбедносни мерки во Шведска по пукање во близина на израелската амбасада Улицата Готгатан во Стокхолм, 14 април 2020 година. Илустративна фотографија Шведска ги засили безбедносните мерки во земјата по пукање во близина на израелската амбасада во Стокхолм, соопшти полицијата на 17 мај. Полицијата ја опколи областа околу амбасадата и изврши претреси во неколку населби во Стокхолм откако во раните утрински часови се слушнаа истрели. „Поради сомнителни пукотници во близина на израелската амбасада во Стокхолм, полицијата презема безбедносни мерки за заштита на имотот и интересите на Израел и Евреите низ целата земја“, соопшти полицискиот оддел на својата веб-страница. Видете и ова: Израел соопшти дека обвинувањата на Јужна Африка за геноцид се неосновани Амбасадорот на Израел во Шведска, Жив Нево Кулман, им се заблагодари на властите на мрежата X „за нивната итна реакција и истрага, како и за зголемените безбедносни мерки околу нашата амбасада и околу еврејските заедници“. Во февруари, полицијата на теренот на израелската амбасада пронајде уред за кој амбасадорот рече дека претставува обид за напад. Шведските разузнавачки служби отворија истрага за „тероризам“. Од нападот на Хамас врз јужен Израел на 7 октомври 2023 година, властите и некои невладини организации во многу земји пријавија пораст на антисемитизмот, додека високиот број цивилни жртви во Газа предизвикани од одговорот на Израел дополнително ги зголеми тензиите. прочитај повеќе мај 17, 2024 ЕУ забрани уште четири руски медиуми поради ширење пропаганда Европскиот парламент. Европската унија на 17 мај забрани емитување на програми на уште четири руски медиуми во ЕУ поради, како што се наведува, ширење пропаганда за инвазијата врз Украина и за дезинформации. Забраната за емитување се случува во пресрет на изборите за Европскиот парламент. Последната група на медиуми кои се забранети ги вклучуваат веб-страницата Глас Европа, руската државна новинска агенција РИА Новости, весниците Известија и Росискаја газета, за кои ЕУ тврди дека се под контрола на Кремљ. Официјалното соопштение за санкциите ја потврди одлуката на почетокот на неделава од страна на амбасадорите на 27-те земји-членки на блокот. „Овие медиуми се под постојана директна или индиректна контрола на раководството на Руската Федерација и беа од суштинско значење и инструменти во започнувањето и поддршката на руската агресорска војна против Украина и дестабилизацијата на нејзините соседни земји“, се вели во соопштението на ЕУ. Видете и ова: Русија ја предупреди ЕУ на остар одговор ако воведе ограничувања за руските медиуми Во соопштението се наведува дека овие медиуми конкретно ги таргетираат „европските политички партии, особено во изборните периоди“. Забраните ги опфаќаат „сите средства за пренос и дистрибуција во ЕУ или насочени кон земјите-членки на ЕУ“, но не ги спречуваат новинарите да работат во медиумите во Европската унија. Веќе минатиот месец, Белгија отвори истрага за сомнително руско мешање во јунските избори низ Европа, велејќи дека разузнавачката служба на нејзината земја го потврдила постоењето на мрежа која се обидува да ја поткопа поддршката за Украина. Чешката влада воведе санкции за голем број луѓе откако таму беше откриена операција на проруско влијание. Според наводите, тие им обраќале на членовите на Европскиот парламент и им понудиле пари за промовирање на руската пропаганда. Од почетокот на војната во февруари 2022 година, ЕУ веќе суспендираше неколку медиуми, вклучително и Русија денес (РТ) и Спутник. прочитај повеќе мај 17, 2024 ЕУ го истражува Мајкрософт за ризиците од вештачката интелигенција пред изборите Илустративна фотографија. Европската унија денеска (17 мај) му нареди на Мајкрософт да предаде внатрешни документи или дека пред изборите ќе се соочи со казни поврзани со ризиците од користење на вештачка интелигенција на својот пребарувач Бинг. ЕУ ја идентификуваше генеративната вештачка интелигенција како една од главните закани за изборите што ќе се одржат во ЕУ од 6 до 9 јуни. Во март, Брисел побара од Бинг, заедно со неколку големи дигитални платформи, вклучително Гугл, ТикТок и Јутуб, да обезбеди информации за активностите што ги презеле за да ги ублажат ризиците од користење на вештачка интелигенција. Но, Мајкрософт не одговори на барањето за повеќе детали за „специфичните ризици кои произлегуваат од функциите на генеративната вештачка интелигенција на Бинг, особено „Копилот во Бинг“ и „Креатор на слики од дизајнер“, соопшти Европската комисија. Американскиот технолошки гигант сега има рок до 27 мај да обезбеди „внатрешни документи и податоци“. Видете и ова: Тик-Ток објави дека ќе означува слики создадени од вештачка интелигенција Доколку Мајкрософт не го стори тоа, ЕУ може да изрече казни до еден процент од вкупниот годишен приход или глобалниот промет на компанијата, како и периодични казни до пет проценти од просечниот дневен приход или дневен промет во светот. Од минатата година, најголемите светски технолошки компании мораа да се усогласат со европскиот закон познат како Закон за дигитални услуги (DSA). Комисијата соопшти дека се сомнева дека „Бинг можеби ја прекршил DSA“ во делот поврзан со „ризиците поврзани со генеративната вештачка интелигенција“. Ова се однесува на можностите на вештачката интелигенција да обезбедува лажни информации и „вирално ширење на длабока лажна содржина“. Видете и ова: Колку и да се труди нема да не замени Мајкрософт соопшти дека е посветен на исполнување на барањата на комисијата. „Целосно соработуваме со Европската комисија во рамките на Доброволното барање за информации и остануваме посветени да одговориме на нивните прашања и да споделуваме информации за нашиот пристап кон дигиталната безбедност и усогласеноста со DSA“, рече портпаролот на Microsoft. Портпаролот рече дека Мајкрософт презел „чекори за мерење и ублажување на потенцијалните ризици“ на сите негови платформи. Мајкрософт инвестираше милијарди во OpenAI, главен играч во вештачката интелигенција, особено откако се појави четботот ChatGPT кон крајот на 2022 година. прочитај повеќе мај 17, 2024 Управен суд ја одби тужбата на „Европскиот фронт“ за решението на ДИК за избирачкото место во Крушево Управен суд Скопје Управниот суд ja одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија" за избирачкото место 1194 во Општина Крушево на Парламентарните избори одржани на 8 мај 2024 година. Според Изборниот законик, доколку одлуката за прегласување во тоа избирачко место влијае на конечните изборни резултати, ДИК треба да спроведе повторено гласање 14 ден од Парламентарните избори кои беа одржани на 8 мај. Повтореното гласање според тоа треба да биде на 22 мај. Претходно денеска во текот на расправата, застапникот на тужителот, Коалицијата „Европски фронт“, Ејуп Рустеми, посочи дека се оспорува решението на ДИК за прифаќање на приговорот за поништувње на гласањето на ИМ 1194 на Коалицијата „Твоја Македонија". „Решението на ДИК е нејасно. Сумираниот износ на искористени гласачки ливчиња е нејасно како ДИК дошле до збирот од 377 гласачи, без притоа да се земе предвид бројот од 359 потпишани гласачи во избирачкиот список. Бројот од 17 болни и изнемоштени не треба да се додава во дел IV од записникот, бидејќи тие се веќе вброени во статистичкиот податок и се добива дупла бројка. Според Изборниот законик погрешно пополнување на записник не е основ за поништување на гласањето“, изјави Рустеми. Видете и ова: Загриженост во ДИК поради изјави на политичари по приговорите за изборите Дополнително, посочи Рустеми, во записникот нема заведено забелешки за евентуални неправилности. Претставникот на ДИК, Катерина Василевска нагласи дека остануваат во целост на наводите од решението и одговорот на тужбата и предлагаат таа да се одбие како неоснована. „ДИК постапи во законскиот рок и донесе одлука. По увидот во целосниот изборен материјал ДИК утврди дека бројот на идентификувани гласачи не се совпаѓа со бројот на потпишани гласачи во избирачкиот список и не соодветствува со бројот на искористени гласачки ливчиња на гласачкото место“, нагласи Василевска. Управниот суд пресудата ќе ја објави за два часа. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите се оформени предмети и закажани во текот на денешниот ден. Видете и ова: Талат Џафери: Има обиди за изборен инжинеринг ДИК на 104 седница ги разгледа приговорите поднесени од политичките партии по одржувањето на парламентарните избори на 8 мај. Од вкупно 27 поднесени приговори - девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. прочитај повеќе мај 17, 2024 Загриженост во ДИК поради изјави на политичари по приговорите за изборите Александар Даштевски - претседател на Државната изборна комисија (ДИК) . Претседателот на Државната изборна комисија (ДИК) Александар Даштевски и членовите на ДИК и уште неколку членови денеска изразија загриженост дека политички партии и високи владини функционери давале изјави за работата на ДИК за постапувањето по приговорите за парламентарните избори, кои според нив можат да бидат закана за нивната безбедност. Во денешносто соопштение на ДИК, освен Даштевски, загриженост изразуваат и членовите на ДИК Радица Ристеска, Оливер Ристовски, Борис Кондарко, Бобан Стојаноски и Абдуш Демири. „Ве известуваме дека покрај тоа што сме лично понижувани и навредувани, исто така како членови во највисоката институција за организирање и спроведување на изборите, сме изложени и на неосновани и непримерени јавни политички притисоци и на закани за кривична одговорност поради донесените одлуки на ДИК“, се вели во реакцијата. Тие велат дека според „контекстот и интензитетот на нападите, прозивките и навредите“ загрижени се и дека е можно тие да преминат и во лични напади на нивната сигурност. „Ве известуваме дека ДИК во целост професионално, транспаретно и само врз основа на закон ги спроведе изборите што е потврдено од сите домашни и меѓународни фактори. Исто така и покрај сите непријатности кои ги имаме, сепак со највисок степен на интегритет врз основа на јавна проверка на изборниот материјал ДИК ги утврди фактите и одлучуваше по приговори поднесени од различни учесници за 110 избирачки места, од кои врз основа на образложени докази усвои приговори за само 7 избирачки места за кои имаше правен основ, додека сите останати 103 избирачки места, беа одбиени како неосновани и за нив немаше поднесено тужби ниту еден учесник на изборите“, се вели во реакцијата. Видете и ова: Талат Џафери: Има обиди за изборен инжинеринг Државната изборна комисија наведува дека е неприфатливо да има нападите, притисоци и мешање на одредени политички партии и на поединци од техничката Влада во изборните процедури и во работата и одлучувањето на ДИК и на Управниот суд. Тие посочуваат дека за сето ова денеска на средба во ДИК била известена и амбасадорката на набљудувачката мисија на ОБСЕ-ОДИХР Џилијан Стирк. Премиерот на техничката Влада Талат Џафери вчера на прес-конференција соопшти дека имало договор за надгласување во Државната изборна комисија за прифаќање на одредени приговори за изборните резултати и прегласување и оти на ваков начин се прави обид за изборен инженеринг за менување на бројките во Собранието и изигрување на волјата на граѓаните. Изборниот процес кој беше оценет како кредибилен и демократски, сега е во рацете на Управниот суд, рече Џафери и повика сите институции да постапуваат согласно закон без партиски директиви од која било страна. Управниот суд вчера одржа јавна седница по тужба на Коалицијата „Вреди“ по одлуката на ДИК за одбивање на нивниот приговор за избирачко место 0511, во Долна Бањица во Општина Гостивар на Парламентарните избори 2024 година. Видете и ова: Ќе се прегласува во Желино, „Европски фронт“ со обвинувања дека ќе им бидат одземени пратеници Постапката беше прекината, откако претставникот на Коалицијата „Вреди“ изјави дека ја повлекува тужбата во целост. До Државната изборна комисија беа поднесени вкупно 27 приговори за парламентарните избори - девет од коалицијата „Влен“, осум од ВМРО-ДПМНЕ, пет од СДСМ и четири од Левица. Прифатени беа седум: шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Против одлуката на ДИК може да се поднесе тужба до Управниот суд, во рок од 24 часа од приемот на решението.Управниот суд, пак, по жалбата е должен да донесе одлука во рок од 48 часа по нејзиниот прием. мд/дма/ прочитај повеќе мај 17, 2024 Состојбата на словачкиот премиер Фицо „се уште многу сериозна“ Словачкиот премиер Роберт Фицо. Два дена по обидот за атентат, состојбата на словачкиот премиер Роберт Фицо на 17 мај „останува многу сериозна“, изјави неговиот заменик и близок соработник Роберт Калинак. Фицо беше хоспитализиран по пукањето во средата, коешто се случи додека 59-годишниот премиер на Словачка разговараше со граѓаните по состанокот во централниот град Хандлова. „Повторно беше опериран, имаше операција речиси два часа“, изјави за новинарите пред болницата во Банска Бистрица вицепремиерот Роберт Калинак. Фицо претходно имаше петчасовна операција набргу откако од местото на нападот беше пренесен во болница со хеликоптер. Директорот на болницата во Банска Бистрица рече дека Фицо останал „свесен“, иако е во „тешка“ состојба. Претходно, на 17 мај, локалните медиуми објавија дека словачката полиција извршила претрес во домот на мажот кој е обвинет за пукањето. Видете и ова: На словачкиот премиер Фицо ќе му биде извршена уште една операција Полициските службеници го донесоа наводниот вооружен напаѓач, кој носел панцир и шлем, во станот што го делел со неговата сопруга во западниот град Левице, беше прикажано во видео од телевизијата Маркиза. „Полицијата остана во станот неколку часа... Од станот таа изнесе компјутер и документи“, вели приватниот радиодифузер. Полицијата за АФП изјави дека нема да ја коментира тековната истрага. Полицијата не го именуваше осомничениот, но медиумите го идентификуваа како 71-годишниот писател Јурај Цинтулу. Тој во четвртокот беше обвинет за обид за убиство од прв степен во, како што велат властите, политички мотивиран напад. „Станува збор за „волк-самец“ кој се активирал по претседателските избори бидејќи не бил задоволен од нивниот исход“, изјави министерот за внатрешни работи Матус Сутај Есток. Видете и ова: Обид за атентат врз словачкиот премиер Фицо - нападот бил „политички мотивиран“ Нападот ги поттикна стравувањата од натамошно насилство и нестабилност во политички поларизираната земја, само неколку недели пред изборите за Европскиот парламент, пренесува АФП. Официјалните лица во Словачка ја повлекоа врската со политичката ситуација во земјата, со нејзината политичка сцена нарушена со дезинформации за време на неодамнешните изборни кампањи. Фицо, четирикратен премиер и политички ветеран, се врати на функцијата во октомври. Оттогаш тој даде серија изјави кои ги влошија врските меѓу Словачка и соседна Украина, откако го доведе во прашање суверенитетот на земјата. Откако тој беше избран, Словачка престана да испраќа оружје во Украина, која Русија ја нападна во 2022 година. прочитај повеќе мај 17, 2024 Палевски ќе биде спроведен на распит во Кривичниот суд Љупчо Палевски - Палчо, првоосомничен за убиството на Вања Ѓорчевска и Панче Жежовски. Основниот кривичен суд Скопје денеска доби официјално известување од Истражниот затвор Скопје за екстрадицијата на Љупчо Палевски, којшто е првоосомничен за случајот за убиството на 14-годишната Вања Ѓорчевска и велешкиот фризер Панче Жежовски (74). Палевски прво ќе биде спроведен до Кривичниот суд за да се изјасни за мерката притвор која му беше веќе определена, откако на 5 мај со авион беше екстрадиран од Турција во Северна Македонија. Од судот соопштуваат дека денеска добиле и известување и барање за ангажирање на адвокат кој ќе го застапува Палевски во текот на постапката. Според законите во Северна Македонија, судот ги издава сите дозволи поврзани со истражната постапка и ги доставува до предложените адвокати за нивно понатамошно постапување. „Дополнително, судија на претходна постапка во координација со надлежниот Јавен обвинител, ќе издаде наредба за спровод на осомниченото лице за негово произнесување во однос на околностите во предлогот на Јавниот обвинител за определување на мерката притвор, а за донесеното решение јавноста ќе биде известена“, се вели во соопштението од Основен кривичен суд Скопје. Видете и ова: Финишира истрагата за Палчо за убиството на 14-годишната Вања Истрагата за случајот, кој што го води Основното јавно обвинителство (ОЈО) Скопје, е во завршна фаза. Палевски повеќе од пет месеци помина во екстрадициски притвор во Турција, откако беше фатен од турската полиција. Палевски се гони за две грабнувања и две убиства на свиреп начин. Осомничени се и тројца соизвршители за овие дела, како и таткото на Вања Ѓорчевска кој се товари за помагање во грабнувањето на девојчето. За помагање во бегството, обвинителството сомничи уште едно лице. Истрагата на Обвинителството беше отворена на 3 декември, откако случајот притви Палевски и останатите осомничени беше отворен по пријавата за исчезнувањето на малолетната Вања на 27 ноември, утрото кога таа не се појави на училиште. Исчезнувањето со денови ја брануваше македонската, но и јавноста во регионот, а медиумите и социјалните мрежи беа преплавени со вести и апели се до 3 декември кога нејзиното тело беше пронајдено во околината на Скопје. Видете и ова: Љупчо Палевски – Палчо со авион екстрадиран во Северна Македонија Истиот ден беше кобен и за семејството на Панче Жежовски бидејќи полицијата соопшти дека неговото тело го пронашле во близина на Велес. Тој бил пријавен за исчезнат три дена пред Вања – на 24 ноември. Палевски беше во бегство во Турција, а избегал во таа земја преку Србија и Бугарија, избега во Турција. Турската полиција успеа да го фати кај градот Балибекир на 5 декември 2023 година. Тој на 15 мај годинава беше екстрадиран во Северна Македонија. Пред затворање на истрагата и поднесување на обвинение, Палевски треба да биде сослушан и во обвинителството. По евентуалното обвинение, тоа ќе оди на оценка во судот и ако добие зелено светло, ќе стартува судски процес. Во меѓувреме тој во притвор се чува под посебни безбедносни мерки. прочитај повеќе Вчитај повеќе...

Вести мај 17, 2024 Управен суд ја одби тужбата на „Европскиот фронт“ за решението на ДИК за избирачкото место во Крушево Управен суд Скопје Управниот суд ja одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија" за избирачкото место 1194 во Општина Крушево на Парламентарните избори одржани на 8 мај 2024 година. Според Изборниот законик, доколку одлуката за прегласување во тоа избирачко место влијае на конечните изборни резултати, ДИК треба да спроведе повторено гласање 14 ден од Парламентарните избори кои беа одржани на 8 мај. Повтореното гласање според тоа треба да биде на 22 мај. Претходно денеска во текот на расправата, застапникот на тужителот, Коалицијата „Европски фронт“, Ејуп Рустеми, посочи дека се оспорува решението на ДИК за прифаќање на приговорот за поништувње на гласањето на ИМ 1194 на Коалицијата „Твоја Македонија". „Решението на ДИК е нејасно. Сумираниот износ на искористени гласачки ливчиња е нејасно како ДИК дошле до збирот од 377 гласачи, без притоа да се земе предвид бројот од 359 потпишани гласачи во избирачкиот список. Бројот од 17 болни и изнемоштени не треба да се додава во дел IV од записникот, бидејќи тие се веќе вброени во статистичкиот податок и се добива дупла бројка. Според Изборниот законик погрешно пополнување на записник не е основ за поништување на гласањето“, изјави Рустеми. Видете и ова: Загриженост во ДИК поради изјави на политичари по приговорите за изборите Дополнително, посочи Рустеми, во записникот нема заведено забелешки за евентуални неправилности. Претставникот на ДИК, Катерина Василевска нагласи дека остануваат во целост на наводите од решението и одговорот на тужбата и предлагаат таа да се одбие како неоснована. „ДИК постапи во законскиот рок и донесе одлука. По увидот во целосниот изборен материјал ДИК утврди дека бројот на идентификувани гласачи не се совпаѓа со бројот на потпишани гласачи во избирачкиот список и не соодветствува со бројот на искористени гласачки ливчиња на гласачкото место“, нагласи Василевска. Управниот суд пресудата ќе ја објави за два часа. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите се оформени предмети и закажани во текот на денешниот ден. Видете и ова: Талат Џафери: Има обиди за изборен инжинеринг ДИК на 104 седница ги разгледа приговорите поднесени од политичките партии по одржувањето на парламентарните избори на 8 мај. Од вкупно 27 поднесени приговори - девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. прочитај повеќе види ги сите денешни вести мај 17, 2024 Напад во Авганистан - неколку убиени, меѓу нив и странски државјани Авганистанска провинција Бамијан. Вооружен напад се случил на 17 мај врз група на странски туристи во централната авганистанска провинција Бамијан. Извор од талибанските безбедносни сили за Радио Азана на Радио Слободна Европа изјави дека во нападот имало неколку мртви. Видете и ова: Во поплавите во Авганистан загинаа 315 луѓе Изворот, кој побара да остане анонимен, не го откри бројот на загинатите туристи или нивната националност. Амај њуз објави дека најмалку осум лица биле убиени. Меѓу жртвите во нападот биле и четворица странски државјани, но не беа дадени повеќе детали. прочитај повеќе мај 17, 2024 Србија досега добила 220 милиони евра од ЕУ за миграцијата и граничната контрола Илустративна фотографија. Од 2015 година, Европската унија (ЕУ) ѝ даде на Србија повеќе од 220 милиони евра помош во областа на миграцијата и управувањето со границите, изјави Никола Бертолини - шеф на Одделот за соработка на Делегацијата на ЕУ во Србија. На крајот од петдневната обука на граничарите во Суботица, Бертолини рече дека Србија усвоила стратегија за интегрирано гранично управување, соопшти Министерството за внатрешни работи (МВР). Тој додаде дека парите од Брисел биле испратени во Србија за поголема безбедност на границите и помош во борбата против нелегалните прекугранични активности, шверцот на оружје, експлозиви и наркотици. „Зголемувањето на капацитетот на граничните служби води и до поефикасно откривање на нерегуларна миграција, трговија со луѓе и криумчарење“, рече Бертолини. Видете и ова: Западен Балкан е важна транзитна зона за илегални миграции, покажа извештајот на ИОМ Тој посочи дека ЕУ планира да продолжи да ја поддржува Србија за спроведување на поефективен надзор и софистицирани гранични проверки, како и да обезбеди модерна опрема за таа цел. Тој потсети дека за зголемување на обемот на трговската, туризмот и културната размена потребни се поотворени граници, но истовремено и одржување на високо ниво на безбедност на границите. „Затоа сите гранични агенции треба да воспостават рамнотежа помеѓу строгите контроли и отворените граници“, рече Бертолини. Владата на Србија го усвои акциониот план на ЕУ за интегрирано гранично управување во 2022 година. Од почетокот на светската мигрантска криза во 2015 година, преку таканаречената балканска рута низ Србија поминале повеќе од еден и пол милион бегалци и мигранти, покажуваат податоците на надлежните органи на Обединетите нации (ОН). прочитај повеќе мај 17, 2024 Засилени безбедносни мерки во Шведска по пукање во близина на израелската амбасада Улицата Готгатан во Стокхолм, 14 април 2020 година. Илустративна фотографија Шведска ги засили безбедносните мерки во земјата по пукање во близина на израелската амбасада во Стокхолм, соопшти полицијата на 17 мај. Полицијата ја опколи областа околу амбасадата и изврши претреси во неколку населби во Стокхолм откако во раните утрински часови се слушнаа истрели. „Поради сомнителни пукотници во близина на израелската амбасада во Стокхолм, полицијата презема безбедносни мерки за заштита на имотот и интересите на Израел и Евреите низ целата земја“, соопшти полицискиот оддел на својата веб-страница. Видете и ова: Израел соопшти дека обвинувањата на Јужна Африка за геноцид се неосновани Амбасадорот на Израел во Шведска, Жив Нево Кулман, им се заблагодари на властите на мрежата X „за нивната итна реакција и истрага, како и за зголемените безбедносни мерки околу нашата амбасада и околу еврејските заедници“. Во февруари, полицијата на теренот на израелската амбасада пронајде уред за кој амбасадорот рече дека претставува обид за напад. Шведските разузнавачки служби отворија истрага за „тероризам“. Од нападот на Хамас врз јужен Израел на 7 октомври 2023 година, властите и некои невладини организации во многу земји пријавија пораст на антисемитизмот, додека високиот број цивилни жртви во Газа предизвикани од одговорот на Израел дополнително ги зголеми тензиите. прочитај повеќе мај 17, 2024 ЕУ забрани уште четири руски медиуми поради ширење пропаганда Европскиот парламент. Европската унија на 17 мај забрани емитување на програми на уште четири руски медиуми во ЕУ поради, како што се наведува, ширење пропаганда за инвазијата врз Украина и за дезинформации. Забраната за емитување се случува во пресрет на изборите за Европскиот парламент. Последната група на медиуми кои се забранети ги вклучуваат веб-страницата Глас Европа, руската државна новинска агенција РИА Новости, весниците Известија и Росискаја газета, за кои ЕУ тврди дека се под контрола на Кремљ. Официјалното соопштение за санкциите ја потврди одлуката на почетокот на неделава од страна на амбасадорите на 27-те земји-членки на блокот. „Овие медиуми се под постојана директна или индиректна контрола на раководството на Руската Федерација и беа од суштинско значење и инструменти во започнувањето и поддршката на руската агресорска војна против Украина и дестабилизацијата на нејзините соседни земји“, се вели во соопштението на ЕУ. Видете и ова: Русија ја предупреди ЕУ на остар одговор ако воведе ограничувања за руските медиуми Во соопштението се наведува дека овие медиуми конкретно ги таргетираат „европските политички партии, особено во изборните периоди“. Забраните ги опфаќаат „сите средства за пренос и дистрибуција во ЕУ или насочени кон земјите-членки на ЕУ“, но не ги спречуваат новинарите да работат во медиумите во Европската унија. Веќе минатиот месец, Белгија отвори истрага за сомнително руско мешање во јунските избори низ Европа, велејќи дека разузнавачката служба на нејзината земја го потврдила постоењето на мрежа која се обидува да ја поткопа поддршката за Украина. Чешката влада воведе санкции за голем број луѓе откако таму беше откриена операција на проруско влијание. Според наводите, тие им обраќале на членовите на Европскиот парламент и им понудиле пари за промовирање на руската пропаганда. Од почетокот на војната во февруари 2022 година, ЕУ веќе суспендираше неколку медиуми, вклучително и Русија денес (РТ) и Спутник. прочитај повеќе мај 17, 2024 ЕУ го истражува Мајкрософт за ризиците од вештачката интелигенција пред изборите Илустративна фотографија. Европската унија денеска (17 мај) му нареди на Мајкрософт да предаде внатрешни документи или дека пред изборите ќе се соочи со казни поврзани со ризиците од користење на вештачка интелигенција на својот пребарувач Бинг. ЕУ ја идентификуваше генеративната вештачка интелигенција како една од главните закани за изборите што ќе се одржат во ЕУ од 6 до 9 јуни. Во март, Брисел побара од Бинг, заедно со неколку големи дигитални платформи, вклучително Гугл, ТикТок и Јутуб, да обезбеди информации за активностите што ги презеле за да ги ублажат ризиците од користење на вештачка интелигенција. Но, Мајкрософт не одговори на барањето за повеќе детали за „специфичните ризици кои произлегуваат од функциите на генеративната вештачка интелигенција на Бинг, особено „Копилот во Бинг“ и „Креатор на слики од дизајнер“, соопшти Европската комисија. Американскиот технолошки гигант сега има рок до 27 мај да обезбеди „внатрешни документи и податоци“. Видете и ова: Тик-Ток објави дека ќе означува слики создадени од вештачка интелигенција Доколку Мајкрософт не го стори тоа, ЕУ може да изрече казни до еден процент од вкупниот годишен приход или глобалниот промет на компанијата, како и периодични казни до пет проценти од просечниот дневен приход или дневен промет во светот. Од минатата година, најголемите светски технолошки компании мораа да се усогласат со европскиот закон познат како Закон за дигитални услуги (DSA). Комисијата соопшти дека се сомнева дека „Бинг можеби ја прекршил DSA“ во делот поврзан со „ризиците поврзани со генеративната вештачка интелигенција“. Ова се однесува на можностите на вештачката интелигенција да обезбедува лажни информации и „вирално ширење на длабока лажна содржина“. Видете и ова: Колку и да се труди нема да не замени Мајкрософт соопшти дека е посветен на исполнување на барањата на комисијата. „Целосно соработуваме со Европската комисија во рамките на Доброволното барање за информации и остануваме посветени да одговориме на нивните прашања и да споделуваме информации за нашиот пристап кон дигиталната безбедност и усогласеноста со DSA“, рече портпаролот на Microsoft. Портпаролот рече дека Мајкрософт презел „чекори за мерење и ублажување на потенцијалните ризици“ на сите негови платформи. Мајкрософт инвестираше милијарди во OpenAI, главен играч во вештачката интелигенција, особено откако се појави четботот ChatGPT кон крајот на 2022 година. прочитај повеќе мај 17, 2024 Таравари најави договор за влада, Османи дополнителни механизми за заштита Изет Меџити и Арбен Таравари од коалицијата „Влен“. Градоначалникот на Гостивар Арбен Таравари денеска изјави дека очекува до крајот на идната недела да биде договор околу идната влада меѓу колицијата „Влен“ и ВМРО-ДПМНЕ. Откако „Вреди“ и ВМРО-ДПМНЕ формираа работни групи за формирање на владина коалиција по парламентарните избори на 8 мај, Таравари денекса изјави дека меѓу работните групи „владее позитивна атмосфера. „Се надевам дека до крајот на идната недела ќе имаме завршен договор со програма на Владата и со распределба на ресори, односно кој и каде ќе биде како министер“, рече Таравари. По гласањето на двојните избори на 8 мај, претседателски и парламентрани, ВМРО-ДПМНЕ освои најмногу (58) мандати. Во албанскиот политички блок, Коалицијата „Влен“ освои 13 мандати, што е 6 помалку од коалицијата „Европски фронт“ која освои 19. Видете и ова: Управен суд ја одби тужбата на „Европскиот фронт“ за решението на ДИК за избирачкото место во Крушево Но, ВМРО-ДПМНЕ и Влен се во преговори за состав на идната влада. Таравари рече дека со Христијан Мицкоски досега имале две средби, а дека понатаму интензивно работат работните групи. „Се надевам до понеделник ќе излеземе со заедничка програма, а до петок ќе имаме завршен договор меѓу ВЛЕН и ВМРО-ДПМНЕ, практично договор за нова влада“, изјави Таравари. Потпретседателот на ДУИ Бујар Османи, чија партија е дел од коалицијата „Европски фронт“, денеска рече дека ако се прави владина коалиција без нивната партија, дека „тоа ќе ги разгневи сите Албанци кои ценат дека нивните гласови ќе бидат ништовни и потоа ќе бараат дополнителен механизам за заштита“, изјави Османи за приватната телевизија „Канал 5“. „ДУИ е во постојано заседание, емоциите кај албанскиот народ се веќе вжештени и ние повеќе се обидуваме да менаџираме и да контролираме. Ќе сметаат дека Охридскиот рамковен договор не ги заштитува, не го заштитува нивниот глас, нивниот глас се игнорира, е ништовен за државата и дека ќе бараат дополнителен механизам за заштита“, рече Османи. прочитај повеќе мај 17, 2024 Загриженост во ДИК поради изјави на политичари по приговорите за изборите Александар Даштевски - претседател на Државната изборна комисија (ДИК) . Претседателот на Државната изборна комисија (ДИК) Александар Даштевски и членовите на ДИК и уште неколку членови денеска изразија загриженост дека политички партии и високи владини функционери давале изјави за работата на ДИК за постапувањето по приговорите за парламентарните избори, кои според нив можат да бидат закана за нивната безбедност. Во денешносто соопштение на ДИК, освен Даштевски, загриженост изразуваат и членовите на ДИК Радица Ристеска, Оливер Ристовски, Борис Кондарко, Бобан Стојаноски и Абдуш Демири. „Ве известуваме дека покрај тоа што сме лично понижувани и навредувани, исто така како членови во највисоката институција за организирање и спроведување на изборите, сме изложени и на неосновани и непримерени јавни политички притисоци и на закани за кривична одговорност поради донесените одлуки на ДИК“, се вели во реакцијата. Тие велат дека според „контекстот и интензитетот на нападите, прозивките и навредите“ загрижени се и дека е можно тие да преминат и во лични напади на нивната сигурност. „Ве известуваме дека ДИК во целост професионално, транспаретно и само врз основа на закон ги спроведе изборите што е потврдено од сите домашни и меѓународни фактори. Исто така и покрај сите непријатности кои ги имаме, сепак со највисок степен на интегритет врз основа на јавна проверка на изборниот материјал ДИК ги утврди фактите и одлучуваше по приговори поднесени од различни учесници за 110 избирачки места, од кои врз основа на образложени докази усвои приговори за само 7 избирачки места за кои имаше правен основ, додека сите останати 103 избирачки места, беа одбиени како неосновани и за нив немаше поднесено тужби ниту еден учесник на изборите“, се вели во реакцијата. Видете и ова: Талат Џафери: Има обиди за изборен инжинеринг Државната изборна комисија наведува дека е неприфатливо да има нападите, притисоци и мешање на одредени политички партии и на поединци од техничката Влада во изборните процедури и во работата и одлучувањето на ДИК и на Управниот суд. Тие посочуваат дека за сето ова денеска на средба во ДИК била известена и амбасадорката на набљудувачката мисија на ОБСЕ-ОДИХР Џилијан Стирк. Премиерот на техничката Влада Талат Џафери вчера на прес-конференција соопшти дека имало договор за надгласување во Државната изборна комисија за прифаќање на одредени приговори за изборните резултати и прегласување и оти на ваков начин се прави обид за изборен инженеринг за менување на бројките во Собранието и изигрување на волјата на граѓаните. Изборниот процес кој беше оценет како кредибилен и демократски, сега е во рацете на Управниот суд, рече Џафери и повика сите институции да постапуваат согласно закон без партиски директиви од која било страна. Управниот суд вчера одржа јавна седница по тужба на Коалицијата „Вреди“ по одлуката на ДИК за одбивање на нивниот приговор за избирачко место 0511, во Долна Бањица во Општина Гостивар на Парламентарните избори 2024 година. Видете и ова: Ќе се прегласува во Желино, „Европски фронт“ со обвинувања дека ќе им бидат одземени пратеници Постапката беше прекината, откако претставникот на Коалицијата „Вреди“ изјави дека ја повлекува тужбата во целост. До Државната изборна комисија беа поднесени вкупно 27 приговори за парламентарните избори - девет од коалицијата „Влен“, осум од ВМРО-ДПМНЕ, пет од СДСМ и четири од Левица. Прифатени беа седум: шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Против одлуката на ДИК може да се поднесе тужба до Управниот суд, во рок од 24 часа од приемот на решението.Управниот суд, пак, по жалбата е должен да донесе одлука во рок од 48 часа по нејзиниот прием. мд/дма/ прочитај повеќе мај 17, 2024 Состојбата на словачкиот премиер Фицо „се уште многу сериозна“ Словачкиот премиер Роберт Фицо. Два дена по обидот за атентат, состојбата на словачкиот премиер Роберт Фицо на 17 мај „останува многу сериозна“, изјави неговиот заменик и близок соработник Роберт Калинак. Фицо беше хоспитализиран по пукањето во средата, коешто се случи додека 59-годишниот премиер на Словачка разговараше со граѓаните по состанокот во централниот град Хандлова. „Повторно беше опериран, имаше операција речиси два часа“, изјави за новинарите пред болницата во Банска Бистрица вицепремиерот Роберт Калинак. Фицо претходно имаше петчасовна операција набргу откако од местото на нападот беше пренесен во болница со хеликоптер. Директорот на болницата во Банска Бистрица рече дека Фицо останал „свесен“, иако е во „тешка“ состојба. Претходно, на 17 мај, локалните медиуми објавија дека словачката полиција извршила претрес во домот на мажот кој е обвинет за пукањето. Видете и ова: На словачкиот премиер Фицо ќе му биде извршена уште една операција Полициските службеници го донесоа наводниот вооружен напаѓач, кој носел панцир и шлем, во станот што го делел со неговата сопруга во западниот град Левице, беше прикажано во видео од телевизијата Маркиза. „Полицијата остана во станот неколку часа... Од станот таа изнесе компјутер и документи“, вели приватниот радиодифузер. Полицијата за АФП изјави дека нема да ја коментира тековната истрага. Полицијата не го именуваше осомничениот, но медиумите го идентификуваа како 71-годишниот писател Јурај Цинтулу. Тој во четвртокот беше обвинет за обид за убиство од прв степен во, како што велат властите, политички мотивиран напад. „Станува збор за „волк-самец“ кој се активирал по претседателските избори бидејќи не бил задоволен од нивниот исход“, изјави министерот за внатрешни работи Матус Сутај Есток. Видете и ова: Обид за атентат врз словачкиот премиер Фицо - нападот бил „политички мотивиран“ Нападот ги поттикна стравувањата од натамошно насилство и нестабилност во политички поларизираната земја, само неколку недели пред изборите за Европскиот парламент, пренесува АФП. Официјалните лица во Словачка ја повлекоа врската со политичката ситуација во земјата, со нејзината политичка сцена нарушена со дезинформации за време на неодамнешните изборни кампањи. Фицо, четирикратен премиер и политички ветеран, се врати на функцијата во октомври. Оттогаш тој даде серија изјави кои ги влошија врските меѓу Словачка и соседна Украина, откако го доведе во прашање суверенитетот на земјата. Откако тој беше избран, Словачка престана да испраќа оружје во Украина, која Русија ја нападна во 2022 година. прочитај повеќе мај 17, 2024 Палевски ќе биде спроведен на распит во Кривичниот суд Љупчо Палевски - Палчо, првоосомничен за убиството на Вања Ѓорчевска и Панче Жежовски. Основниот кривичен суд Скопје денеска доби официјално известување од Истражниот затвор Скопје за екстрадицијата на Љупчо Палевски, којшто е првоосомничен за случајот за убиството на 14-годишната Вања Ѓорчевска и велешкиот фризер Панче Жежовски (74). Палевски прво ќе биде спроведен до Кривичниот суд за да се изјасни за мерката притвор која му беше веќе определена, откако на 5 мај со авион беше екстрадиран од Турција во Северна Македонија. Од судот соопштуваат дека денеска добиле и известување и барање за ангажирање на адвокат кој ќе го застапува Палевски во текот на постапката. Според законите во Северна Македонија, судот ги издава сите дозволи поврзани со истражната постапка и ги доставува до предложените адвокати за нивно понатамошно постапување. „Дополнително, судија на претходна постапка во координација со надлежниот Јавен обвинител, ќе издаде наредба за спровод на осомниченото лице за негово произнесување во однос на околностите во предлогот на Јавниот обвинител за определување на мерката притвор, а за донесеното решение јавноста ќе биде известена“, се вели во соопштението од Основен кривичен суд Скопје. Видете и ова: Финишира истрагата за Палчо за убиството на 14-годишната Вања Истрагата за случајот, кој што го води Основното јавно обвинителство (ОЈО) Скопје, е во завршна фаза. Палевски повеќе од пет месеци помина во екстрадициски притвор во Турција, откако беше фатен од турската полиција. Палевски се гони за две грабнувања и две убиства на свиреп начин. Осомничени се и тројца соизвршители за овие дела, како и таткото на Вања Ѓорчевска кој се товари за помагање во грабнувањето на девојчето. За помагање во бегството, обвинителството сомничи уште едно лице. Истрагата на Обвинителството беше отворена на 3 декември, откако случајот притви Палевски и останатите осомничени беше отворен по пријавата за исчезнувањето на малолетната Вања на 27 ноември, утрото кога таа не се појави на училиште. Исчезнувањето со денови ја брануваше македонската, но и јавноста во регионот, а медиумите и социјалните мрежи беа преплавени со вести и апели се до 3 декември кога нејзиното тело беше пронајдено во околината на Скопје. Видете и ова: Љупчо Палевски – Палчо со авион екстрадиран во Северна Македонија Истиот ден беше кобен и за семејството на Панче Жежовски бидејќи полицијата соопшти дека неговото тело го пронашле во близина на Велес. Тој бил пријавен за исчезнат три дена пред Вања – на 24 ноември. Палевски беше во бегство во Турција, а избегал во таа земја преку Србија и Бугарија, избега во Турција. Турската полиција успеа да го фати кај градот Балибекир на 5 декември 2023 година. Тој на 15 мај годинава беше екстрадиран во Северна Македонија. Пред затворање на истрагата и поднесување на обвинение, Палевски треба да биде сослушан и во обвинителството. По евентуалното обвинение, тоа ќе оди на оценка во судот и ако добие зелено светло, ќе стартува судски процес. Во меѓувреме тој во притвор се чува под посебни безбедносни мерки. прочитај повеќе Вчитај повеќе...

Вести мај 17, 2024 Загриженост во ДИК поради изјави на политичари по приговорите за изборите Александар Даштевски - претседател на Државната изборна комисија (ДИК) . Претседателот на Државната изборна комисија (ДИК) Александар Даштевски и членовите на ДИК и уште неколку членови денеска изразија загриженост дека политички партии и високи владини функционери давале изјави за работата на ДИК за постапувањето по приговорите за парламентарните избори, кои според нив можат да бидат закана за нивната безбедност. Во денешносто соопштение на ДИК, освен Даштевски, загриженост изразуваат и членовите на ДИК Радица Ристеска, Оливер Ристовски, Борис Кондарко, Бобан Стојаноски и Абдуш Демири. „Ве известуваме дека покрај тоа што сме лично понижувани и навредувани, исто така како членови во највисоката институција за организирање и спроведување на изборите, сме изложени и на неосновани и непримерени јавни политички притисоци и на закани за кривична одговорност поради донесените одлуки на ДИК“, се вели во реакцијата. Тие велат дека според „контекстот и интензитетот на нападите, прозивките и навредите“ загрижени се и дека е можно тие да преминат и во лични напади на нивната сигурност. „Ве известуваме дека ДИК во целост професионално, транспаретно и само врз основа на закон ги спроведе изборите што е потврдено од сите домашни и меѓународни фактори. Исто така и покрај сите непријатности кои ги имаме, сепак со највисок степен на интегритет врз основа на јавна проверка на изборниот материјал ДИК ги утврди фактите и одлучуваше по приговори поднесени од различни учесници за 110 избирачки места, од кои врз основа на образложени докази усвои приговори за само 7 избирачки места за кои имаше правен основ, додека сите останати 103 избирачки места, беа одбиени како неосновани и за нив немаше поднесено тужби ниту еден учесник на изборите“, се вели во реакцијата. Видете и ова: Талат Џафери: Има обиди за изборен инжинеринг Државната изборна комисија наведува дека е неприфатливо да има нападите, притисоци и мешање на одредени политички партии и на поединци од техничката Влада во изборните процедури и во работата и одлучувањето на ДИК и на Управниот суд. Тие посочуваат дека за сето ова денеска на средба во ДИК била известена и амбасадорката на набљудувачката мисија на ОБСЕ-ОДИХР Џилијан Стирк. Премиерот на техничката Влада Талат Џафери вчера на прес-конференција соопшти дека имало договор за надгласување во Државната изборна комисија за прифаќање на одредени приговори за изборните резултати и прегласување и оти на ваков начин се прави обид за изборен инженеринг за менување на бројките во Собранието и изигрување на волјата на граѓаните. Изборниот процес кој беше оценет како кредибилен и демократски, сега е во рацете на Управниот суд, рече Џафери и повика сите институции да постапуваат согласно закон без партиски директиви од која било страна. Управниот суд вчера одржа јавна седница по тужба на Коалицијата „Вреди“ по одлуката на ДИК за одбивање на нивниот приговор за избирачко место 0511, во Долна Бањица во Општина Гостивар на Парламентарните избори 2024 година. Видете и ова: Ќе се прегласува во Желино, „Европски фронт“ со обвинувања дека ќе им бидат одземени пратеници Постапката беше прекината, откако претставникот на Коалицијата „Вреди“ изјави дека ја повлекува тужбата во целост. До Државната изборна комисија беа поднесени вкупно 27 приговори за парламентарните избори - девет од коалицијата „Влен“, осум од ВМРО-ДПМНЕ, пет од СДСМ и четири од Левица. Прифатени беа седум: шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Против одлуката на ДИК може да се поднесе тужба до Управниот суд, во рок од 24 часа од приемот на решението.Управниот суд, пак, по жалбата е должен да донесе одлука во рок од 48 часа по нејзиниот прием. мд/дма/ прочитај повеќе види ги сите денешни вести мај 17, 2024 Напад во Авганистан - неколку убиени, меѓу нив и странски државјани Авганистанска провинција Бамијан. Вооружен напад се случил на 17 мај врз група на странски туристи во централната авганистанска провинција Бамијан. Извор од талибанските безбедносни сили за Радио Азана на Радио Слободна Европа изјави дека во нападот имало неколку мртви. Видете и ова: Во поплавите во Авганистан загинаа 315 луѓе Изворот, кој побара да остане анонимен, не го откри бројот на загинатите туристи или нивната националност. Амај њуз објави дека најмалку осум лица биле убиени. Меѓу жртвите во нападот биле и четворица странски државјани, но не беа дадени повеќе детали. прочитај повеќе мај 17, 2024 Србија досега добила 220 милиони евра од ЕУ за миграцијата и граничната контрола Илустративна фотографија. Од 2015 година, Европската унија (ЕУ) ѝ даде на Србија повеќе од 220 милиони евра помош во областа на миграцијата и управувањето со границите, изјави Никола Бертолини - шеф на Одделот за соработка на Делегацијата на ЕУ во Србија. На крајот од петдневната обука на граничарите во Суботица, Бертолини рече дека Србија усвоила стратегија за интегрирано гранично управување, соопшти Министерството за внатрешни работи (МВР). Тој додаде дека парите од Брисел биле испратени во Србија за поголема безбедност на границите и помош во борбата против нелегалните прекугранични активности, шверцот на оружје, експлозиви и наркотици. „Зголемувањето на капацитетот на граничните служби води и до поефикасно откривање на нерегуларна миграција, трговија со луѓе и криумчарење“, рече Бертолини. Видете и ова: Западен Балкан е важна транзитна зона за илегални миграции, покажа извештајот на ИОМ Тој посочи дека ЕУ планира да продолжи да ја поддржува Србија за спроведување на поефективен надзор и софистицирани гранични проверки, како и да обезбеди модерна опрема за таа цел. Тој потсети дека за зголемување на обемот на трговската, туризмот и културната размена потребни се поотворени граници, но истовремено и одржување на високо ниво на безбедност на границите. „Затоа сите гранични агенции треба да воспостават рамнотежа помеѓу строгите контроли и отворените граници“, рече Бертолини. Владата на Србија го усвои акциониот план на ЕУ за интегрирано гранично управување во 2022 година. Од почетокот на светската мигрантска криза во 2015 година, преку таканаречената балканска рута низ Србија поминале повеќе од еден и пол милион бегалци и мигранти, покажуваат податоците на надлежните органи на Обединетите нации (ОН). прочитај повеќе мај 17, 2024 Засилени безбедносни мерки во Шведска по пукање во близина на израелската амбасада Улицата Готгатан во Стокхолм, 14 април 2020 година. Илустративна фотографија Шведска ги засили безбедносните мерки во земјата по пукање во близина на израелската амбасада во Стокхолм, соопшти полицијата на 17 мај. Полицијата ја опколи областа околу амбасадата и изврши претреси во неколку населби во Стокхолм откако во раните утрински часови се слушнаа истрели. „Поради сомнителни пукотници во близина на израелската амбасада во Стокхолм, полицијата презема безбедносни мерки за заштита на имотот и интересите на Израел и Евреите низ целата земја“, соопшти полицискиот оддел на својата веб-страница. Видете и ова: Израел соопшти дека обвинувањата на Јужна Африка за геноцид се неосновани Амбасадорот на Израел во Шведска, Жив Нево Кулман, им се заблагодари на властите на мрежата X „за нивната итна реакција и истрага, како и за зголемените безбедносни мерки околу нашата амбасада и околу еврејските заедници“. Во февруари, полицијата на теренот на израелската амбасада пронајде уред за кој амбасадорот рече дека претставува обид за напад. Шведските разузнавачки служби отворија истрага за „тероризам“. Од нападот на Хамас врз јужен Израел на 7 октомври 2023 година, властите и некои невладини организации во многу земји пријавија пораст на антисемитизмот, додека високиот број цивилни жртви во Газа предизвикани од одговорот на Израел дополнително ги зголеми тензиите. прочитај повеќе мај 17, 2024 ЕУ забрани уште четири руски медиуми поради ширење пропаганда Европскиот парламент. Европската унија на 17 мај забрани емитување на програми на уште четири руски медиуми во ЕУ поради, како што се наведува, ширење пропаганда за инвазијата врз Украина и за дезинформации. Забраната за емитување се случува во пресрет на изборите за Европскиот парламент. Последната група на медиуми кои се забранети ги вклучуваат веб-страницата Глас Европа, руската државна новинска агенција РИА Новости, весниците Известија и Росискаја газета, за кои ЕУ тврди дека се под контрола на Кремљ. Официјалното соопштение за санкциите ја потврди одлуката на почетокот на неделава од страна на амбасадорите на 27-те земји-членки на блокот. „Овие медиуми се под постојана директна или индиректна контрола на раководството на Руската Федерација и беа од суштинско значење и инструменти во започнувањето и поддршката на руската агресорска војна против Украина и дестабилизацијата на нејзините соседни земји“, се вели во соопштението на ЕУ. Видете и ова: Русија ја предупреди ЕУ на остар одговор ако воведе ограничувања за руските медиуми Во соопштението се наведува дека овие медиуми конкретно ги таргетираат „европските политички партии, особено во изборните периоди“. Забраните ги опфаќаат „сите средства за пренос и дистрибуција во ЕУ или насочени кон земјите-членки на ЕУ“, но не ги спречуваат новинарите да работат во медиумите во Европската унија. Веќе минатиот месец, Белгија отвори истрага за сомнително руско мешање во јунските избори низ Европа, велејќи дека разузнавачката служба на нејзината земја го потврдила постоењето на мрежа која се обидува да ја поткопа поддршката за Украина. Чешката влада воведе санкции за голем број луѓе откако таму беше откриена операција на проруско влијание. Според наводите, тие им обраќале на членовите на Европскиот парламент и им понудиле пари за промовирање на руската пропаганда. Од почетокот на војната во февруари 2022 година, ЕУ веќе суспендираше неколку медиуми, вклучително и Русија денес (РТ) и Спутник. прочитај повеќе мај 17, 2024 ЕУ го истражува Мајкрософт за ризиците од вештачката интелигенција пред изборите Илустративна фотографија. Европската унија денеска (17 мај) му нареди на Мајкрософт да предаде внатрешни документи или дека пред изборите ќе се соочи со казни поврзани со ризиците од користење на вештачка интелигенција на својот пребарувач Бинг. ЕУ ја идентификуваше генеративната вештачка интелигенција како една од главните закани за изборите што ќе се одржат во ЕУ од 6 до 9 јуни. Во март, Брисел побара од Бинг, заедно со неколку големи дигитални платформи, вклучително Гугл, ТикТок и Јутуб, да обезбеди информации за активностите што ги презеле за да ги ублажат ризиците од користење на вештачка интелигенција. Но, Мајкрософт не одговори на барањето за повеќе детали за „специфичните ризици кои произлегуваат од функциите на генеративната вештачка интелигенција на Бинг, особено „Копилот во Бинг“ и „Креатор на слики од дизајнер“, соопшти Европската комисија. Американскиот технолошки гигант сега има рок до 27 мај да обезбеди „внатрешни документи и податоци“. Видете и ова: Тик-Ток објави дека ќе означува слики создадени од вештачка интелигенција Доколку Мајкрософт не го стори тоа, ЕУ може да изрече казни до еден процент од вкупниот годишен приход или глобалниот промет на компанијата, како и периодични казни до пет проценти од просечниот дневен приход или дневен промет во светот. Од минатата година, најголемите светски технолошки компании мораа да се усогласат со европскиот закон познат како Закон за дигитални услуги (DSA). Комисијата соопшти дека се сомнева дека „Бинг можеби ја прекршил DSA“ во делот поврзан со „ризиците поврзани со генеративната вештачка интелигенција“. Ова се однесува на можностите на вештачката интелигенција да обезбедува лажни информации и „вирално ширење на длабока лажна содржина“. Видете и ова: Колку и да се труди нема да не замени Мајкрософт соопшти дека е посветен на исполнување на барањата на комисијата. „Целосно соработуваме со Европската комисија во рамките на Доброволното барање за информации и остануваме посветени да одговориме на нивните прашања и да споделуваме информации за нашиот пристап кон дигиталната безбедност и усогласеноста со DSA“, рече портпаролот на Microsoft. Портпаролот рече дека Мајкрософт презел „чекори за мерење и ублажување на потенцијалните ризици“ на сите негови платформи. Мајкрософт инвестираше милијарди во OpenAI, главен играч во вештачката интелигенција, особено откако се појави четботот ChatGPT кон крајот на 2022 година. прочитај повеќе мај 17, 2024 Таравари најави договор за влада, Османи дополнителни механизми за заштита Изет Меџити и Арбен Таравари од коалицијата „Влен“. Градоначалникот на Гостивар Арбен Таравари денеска изјави дека очекува до крајот на идната недела да биде договор околу идната влада меѓу колицијата „Влен“ и ВМРО-ДПМНЕ. Откако „Вреди“ и ВМРО-ДПМНЕ формираа работни групи за формирање на владина коалиција по парламентарните избори на 8 мај, Таравари денекса изјави дека меѓу работните групи „владее позитивна атмосфера. „Се надевам дека до крајот на идната недела ќе имаме завршен договор со програма на Владата и со распределба на ресори, односно кој и каде ќе биде како министер“, рече Таравари. По гласањето на двојните избори на 8 мај, претседателски и парламентрани, ВМРО-ДПМНЕ освои најмногу (58) мандати. Во албанскиот политички блок, Коалицијата „Влен“ освои 13 мандати, што е 6 помалку од коалицијата „Европски фронт“ која освои 19. Видете и ова: Управен суд ја одби тужбата на „Европскиот фронт“ за решението на ДИК за избирачкото место во Крушево Но, ВМРО-ДПМНЕ и Влен се во преговори за состав на идната влада. Таравари рече дека со Христијан Мицкоски досега имале две средби, а дека понатаму интензивно работат работните групи. „Се надевам до понеделник ќе излеземе со заедничка програма, а до петок ќе имаме завршен договор меѓу ВЛЕН и ВМРО-ДПМНЕ, практично договор за нова влада“, изјави Таравари. Потпретседателот на ДУИ Бујар Османи, чија партија е дел од коалицијата „Европски фронт“, денеска рече дека ако се прави владина коалиција без нивната партија, дека „тоа ќе ги разгневи сите Албанци кои ценат дека нивните гласови ќе бидат ништовни и потоа ќе бараат дополнителен механизам за заштита“, изјави Османи за приватната телевизија „Канал 5“. „ДУИ е во постојано заседание, емоциите кај албанскиот народ се веќе вжештени и ние повеќе се обидуваме да менаџираме и да контролираме. Ќе сметаат дека Охридскиот рамковен договор не ги заштитува, не го заштитува нивниот глас, нивниот глас се игнорира, е ништовен за државата и дека ќе бараат дополнителен механизам за заштита“, рече Османи. прочитај повеќе мај 17, 2024 Управен суд ја одби тужбата на „Европскиот фронт“ за решението на ДИК за избирачкото место во Крушево Управен суд Скопје Управниот суд ja одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија" за избирачкото место 1194 во Општина Крушево на Парламентарните избори одржани на 8 мај 2024 година. Според Изборниот законик, доколку одлуката за прегласување во тоа избирачко место влијае на конечните изборни резултати, ДИК треба да спроведе повторено гласање 14 ден од Парламентарните избори кои беа одржани на 8 мај. Повтореното гласање според тоа треба да биде на 22 мај. Претходно денеска во текот на расправата, застапникот на тужителот, Коалицијата „Европски фронт“, Ејуп Рустеми, посочи дека се оспорува решението на ДИК за прифаќање на приговорот за поништувње на гласањето на ИМ 1194 на Коалицијата „Твоја Македонија". „Решението на ДИК е нејасно. Сумираниот износ на искористени гласачки ливчиња е нејасно како ДИК дошле до збирот од 377 гласачи, без притоа да се земе предвид бројот од 359 потпишани гласачи во избирачкиот список. Бројот од 17 болни и изнемоштени не треба да се додава во дел IV од записникот, бидејќи тие се веќе вброени во статистичкиот податок и се добива дупла бројка. Според Изборниот законик погрешно пополнување на записник не е основ за поништување на гласањето“, изјави Рустеми. Видете и ова: Загриженост во ДИК поради изјави на политичари по приговорите за изборите Дополнително, посочи Рустеми, во записникот нема заведено забелешки за евентуални неправилности. Претставникот на ДИК, Катерина Василевска нагласи дека остануваат во целост на наводите од решението и одговорот на тужбата и предлагаат таа да се одбие како неоснована. „ДИК постапи во законскиот рок и донесе одлука. По увидот во целосниот изборен материјал ДИК утврди дека бројот на идентификувани гласачи не се совпаѓа со бројот на потпишани гласачи во избирачкиот список и не соодветствува со бројот на искористени гласачки ливчиња на гласачкото место“, нагласи Василевска. Управниот суд пресудата ќе ја објави за два часа. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите се оформени предмети и закажани во текот на денешниот ден. Видете и ова: Талат Џафери: Има обиди за изборен инжинеринг ДИК на 104 седница ги разгледа приговорите поднесени од политичките партии по одржувањето на парламентарните избори на 8 мај. Од вкупно 27 поднесени приговори - девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. прочитај повеќе мај 17, 2024 Состојбата на словачкиот премиер Фицо „се уште многу сериозна“ Словачкиот премиер Роберт Фицо. Два дена по обидот за атентат, состојбата на словачкиот премиер Роберт Фицо на 17 мај „останува многу сериозна“, изјави неговиот заменик и близок соработник Роберт Калинак. Фицо беше хоспитализиран по пукањето во средата, коешто се случи додека 59-годишниот премиер на Словачка разговараше со граѓаните по состанокот во централниот град Хандлова. „Повторно беше опериран, имаше операција речиси два часа“, изјави за новинарите пред болницата во Банска Бистрица вицепремиерот Роберт Калинак. Фицо претходно имаше петчасовна операција набргу откако од местото на нападот беше пренесен во болница со хеликоптер. Директорот на болницата во Банска Бистрица рече дека Фицо останал „свесен“, иако е во „тешка“ состојба. Претходно, на 17 мај, локалните медиуми објавија дека словачката полиција извршила претрес во домот на мажот кој е обвинет за пукањето. Видете и ова: На словачкиот премиер Фицо ќе му биде извршена уште една операција Полициските службеници го донесоа наводниот вооружен напаѓач, кој носел панцир и шлем, во станот што го делел со неговата сопруга во западниот град Левице, беше прикажано во видео од телевизијата Маркиза. „Полицијата остана во станот неколку часа... Од станот таа изнесе компјутер и документи“, вели приватниот радиодифузер. Полицијата за АФП изјави дека нема да ја коментира тековната истрага. Полицијата не го именуваше осомничениот, но медиумите го идентификуваа како 71-годишниот писател Јурај Цинтулу. Тој во четвртокот беше обвинет за обид за убиство од прв степен во, како што велат властите, политички мотивиран напад. „Станува збор за „волк-самец“ кој се активирал по претседателските избори бидејќи не бил задоволен од нивниот исход“, изјави министерот за внатрешни работи Матус Сутај Есток. Видете и ова: Обид за атентат врз словачкиот премиер Фицо - нападот бил „политички мотивиран“ Нападот ги поттикна стравувањата од натамошно насилство и нестабилност во политички поларизираната земја, само неколку недели пред изборите за Европскиот парламент, пренесува АФП. Официјалните лица во Словачка ја повлекоа врската со политичката ситуација во земјата, со нејзината политичка сцена нарушена со дезинформации за време на неодамнешните изборни кампањи. Фицо, четирикратен премиер и политички ветеран, се врати на функцијата во октомври. Оттогаш тој даде серија изјави кои ги влошија врските меѓу Словачка и соседна Украина, откако го доведе во прашање суверенитетот на земјата. Откако тој беше избран, Словачка престана да испраќа оружје во Украина, која Русија ја нападна во 2022 година. прочитај повеќе мај 17, 2024 Палевски ќе биде спроведен на распит во Кривичниот суд Љупчо Палевски - Палчо, првоосомничен за убиството на Вања Ѓорчевска и Панче Жежовски. Основниот кривичен суд Скопје денеска доби официјално известување од Истражниот затвор Скопје за екстрадицијата на Љупчо Палевски, којшто е првоосомничен за случајот за убиството на 14-годишната Вања Ѓорчевска и велешкиот фризер Панче Жежовски (74). Палевски прво ќе биде спроведен до Кривичниот суд за да се изјасни за мерката притвор која му беше веќе определена, откако на 5 мај со авион беше екстрадиран од Турција во Северна Македонија. Од судот соопштуваат дека денеска добиле и известување и барање за ангажирање на адвокат кој ќе го застапува Палевски во текот на постапката. Според законите во Северна Македонија, судот ги издава сите дозволи поврзани со истражната постапка и ги доставува до предложените адвокати за нивно понатамошно постапување. „Дополнително, судија на претходна постапка во координација со надлежниот Јавен обвинител, ќе издаде наредба за спровод на осомниченото лице за негово произнесување во однос на околностите во предлогот на Јавниот обвинител за определување на мерката притвор, а за донесеното решение јавноста ќе биде известена“, се вели во соопштението од Основен кривичен суд Скопје. Видете и ова: Финишира истрагата за Палчо за убиството на 14-годишната Вања Истрагата за случајот, кој што го води Основното јавно обвинителство (ОЈО) Скопје, е во завршна фаза. Палевски повеќе од пет месеци помина во екстрадициски притвор во Турција, откако беше фатен од турската полиција. Палевски се гони за две грабнувања и две убиства на свиреп начин. Осомничени се и тројца соизвршители за овие дела, како и таткото на Вања Ѓорчевска кој се товари за помагање во грабнувањето на девојчето. За помагање во бегството, обвинителството сомничи уште едно лице. Истрагата на Обвинителството беше отворена на 3 декември, откако случајот притви Палевски и останатите осомничени беше отворен по пријавата за исчезнувањето на малолетната Вања на 27 ноември, утрото кога таа не се појави на училиште. Исчезнувањето со денови ја брануваше македонската, но и јавноста во регионот, а медиумите и социјалните мрежи беа преплавени со вести и апели се до 3 декември кога нејзиното тело беше пронајдено во околината на Скопје. Видете и ова: Љупчо Палевски – Палчо со авион екстрадиран во Северна Македонија Истиот ден беше кобен и за семејството на Панче Жежовски бидејќи полицијата соопшти дека неговото тело го пронашле во близина на Велес. Тој бил пријавен за исчезнат три дена пред Вања – на 24 ноември. Палевски беше во бегство во Турција, а избегал во таа земја преку Србија и Бугарија, избега во Турција. Турската полиција успеа да го фати кај градот Балибекир на 5 декември 2023 година. Тој на 15 мај годинава беше екстрадиран во Северна Македонија. Пред затворање на истрагата и поднесување на обвинение, Палевски треба да биде сослушан и во обвинителството. По евентуалното обвинение, тоа ќе оди на оценка во судот и ако добие зелено светло, ќе стартува судски процес. Во меѓувреме тој во притвор се чува под посебни безбедносни мерки. прочитај повеќе Вчитај повеќе...

Нови искри меѓу Грција и Северна Македонија околу името. Атина предупредува на „сериозни последици“ поради непочитување на Преспанскиот договот, а идниот премиер Христијан Мицкоски соопшти дека има право да го користи само името „Македонија“. Дел од аналитичарите оценуваат дека тоа на Северна Македонија може да ѝ донесе проблем во евроинтеграциите, додека за други заканите немаат тежина бидејќи преговорите со ЕУ секако се блокирани. По шест години од потпишувањето на Преспанскиот договор, уставното име на Северна Македонија се врати во фокусот на надворешната политика на земјава откако ВМРО-ДПМНЕ убедливо победи на парламентарните и претседателските избори на 8 мај. Ако до 2018, речиси три децении летаа искри меѓу Атина и Скопје за името на државата, деновиве остри реакции се разменуваат околу тоа како и кога треба да се употребува новото уставно име - Северна Македонија. Лидерот на ВМРО-ДПМНЕ Христијан Мицкоски, како иден премиер, најави дека ќе го следи патот на новата претседателка на државата, Гордана Сиљановска Давкова, која во својата заклетва го користеше само името „Македонија“ и јасно порача дека не се откажува од тоа во јавните настапи бидејќи е нејзино лично право на самоопределување. И ВМРО-ДПМНЕ и Нова демократија во Грција беа во опозиција кога беше потпишан Договорот во Преспа и се изјаснија дека се против него, но дека ќе го почитуваат како меѓународен договор. Најави за нови блокади на евроинтеграциите Од грчка страна, експресно пристигнааа остри реакции и од премиерот Кирјакос Мицотакис и од членови на неговата влада. „Нова демократија не го гласаше Договорот од Преспа и изразивме сериозни приговори кога тој се ратификуваше во грчкиот Парламент. Но, рековме со апсолутна искреност, никогаш не ве измамив, дека штом се изгласа овој Договор, практично не може да се смени и ќе бидеме принудени, и покрај проблемите што ги има, да го почитуваме. И ова го сторивме. Ако некои веруваат дека може од нивна страна да не го почитуваат Договорот, да знаат две работи: прво нивниот пат кон Европа ќе остане затворен и второ, меморандумите што треба да ги ратификуваме, нема да се ратификуваат, сè додека нема апсолутното усогласување“, порача денеска (17 мај) грчкиот премиер Мицотакис на собир со граѓани во градот Верија. Видете и ова: Сиљановска и ВМРО-ДПМНЕ не бегаат од Преспанскиот договор, но не се откажуваат од само „Македонија“ Мицкоски не сака покажување „политички мускули“ Лидерот на ВМРО-ДПМНЕ, Христијан Мицкоски, пак, ден претходно од Скопје повика да нема веќе закани и враќање во минатото. Беше дециден дека ќе го користи термините само „Македонија“ и македонски, а на Грција и порача ако смета дека има прекршување на Преспанскиот договор, да се обрати до Меѓународниот суд за правдата. „Ако некој очекува од ВМРО-ДПМНЕ да ги повтори грешките од минатото, бидете сигурни дека тоа нема да го направиме. Немаме намера на нивните политички мускули да одговориме со преименување на автопатите и аеродромите или да градиме споменици. Не очекувам односите меѓу двете држави да се темелат на политички мускули, очекувам да имаме одлични меѓусоседски односи, ценам дека ВМРО-ДПМНЕ и тамошната влада предводена од Нова Демократија имаат свој став поврзан со Преспанскиот договор, бидејќи ниту на едните, ниту на другите ни се допаѓа тој договор“, истакна Мицкоски. Тој излезе и со констатација дека за разлика во Грција, во земјава договорот е имплементиран и е дел од македонските институции. Видете и ова: Што остана неисполнето од Преспанскиот договор Пресврт во надворешната политика Последните изјави и реторика од македонска страна, за аналитичарите се најава за нова надворешна политика на земјава. За дел од нив, тоа на Северна Македонија може да и донесе проблем во евроинтеграциите, додека други сметаат дека пристапните преговори со ЕУ секако се блокирани. „Јасно е дека новата власт ќе има различни позиции за некои прашања од надворешната политика, што веројатно ќе станат појасни после официјалниот избор на владата“, вели за Радио Слободна Европа (РСЕ) поранешниот вицепремиер и ексамбасадор Васко Наумовски. И политиколог Борјан Ѓузелов за РСЕ посочува дека „ова може да претставува пресврт во надворешната политика, но сè уште е рано да видиме“. „Вината повторно на наша страна“ Според Ѓузелов, ова претставува отворање на веќе затворено прашање. „Последиците може да биде големи, може да бидат евентуално враќање назад во евроинтеграциите, иако ние цело време сме во чекална сега вината повторно ќе се префрли на наша страна. Ние решеното прашање со Грција сега го ставаме под знак прашалник, а треба да решаваме друго прашање со Бугарија кое сега ќе дојде во втор план, но нема да исчезне“, вели Ѓузелов. Видете и ова: Грција e против логиката на Сиљановска-Давкова за употреба на уставното име формално, но не и во јавни настапи По потпишувањето на Преспанскиот договор на 17 јуни 2018, помеѓу Атина и Скопје, државата го смени уставното име во Северна Македонија и стана членка на НАТО. Исчезна грчкото вето и за преговорите со ЕУ, но земјава сè уште не ги отворила кластерите од преговорите со Брисел иако ја одржа првата меѓувладина конференција. Овој пат, поради блокада од другиот сосед, Бугарија. Со “францускиот предлог“ зад кој застана ЕУ спорот двете земји се согласија за продолжување на преговорите, потребно е да се направат уставни измени со кои бугарската и други заедници ќе се внесат во Преамбулата од Уставот. Поради ваквите долгогодишни препреки, Наумовски, кој беше вицепремиер во една од поранешните влади на ВМРО-ДПМНЕ, нагласува дека македонскиот пат кон полноправно членство одамна се блокира, па предупредувањата за нови проблеми веќе ја немаат истата тежина. „Европската унија не успеа да најде начин да се оневозможат еднострани блокади на процесот на проширување, што резултираше со намален ентузијазам кај граѓаните од државите кандидати, како и пораст на евро-скептицизмот. Реалноста е дека нашите евроинтеграции се веќе загрозени од страна на членките на ЕУ, заради што заканите за некакво ново вето од Грција немаат иста вредност каква што имаа пред 10 или 15 години“, вели Наумовски за РСЕ. Според него, спроведувањето на Преспанскиот договор има повеќе аспекти меѓу кои и тоа дека внатрешната употреба на новото име „треба да го следи отворањето на соодветните поглавја со ЕУ“. „Ние досега немаме отворено ниту едно поглавје, што значи дека минатата власт избрза со имплементацијата“, додава Наумовски. Видете и ова: Мицкоски: Мое човеково право е како ќе ја нарекувам мојата држава Предизборен период и во Грција Острите реакции од Грција, доаѓаат и во време кога и премиерот Мицотакис и и останатите грчки политичари се подготвуваат за избори. На 9 јуни треба да се одржат изборите за Европскиот парламент. Коментирајќи го предизборниот период и во Грција, политикологот Ѓузелов смета дека таму веројатно се користи прашањето со Преспанскиот договор и за некаква внатреполитичка мобилизација, но, како што вели, „ние (Северна Македонија) им даваме причина за тоа“. Инаку, покрај од Грција, реакции до идната власт на Северна Македонија испратија и од Европската Унија и поеднично од дел од земјите членки во кои порачуваат оти се очекува Сиљановска Давкова и идната влада да ги исполнат обврските што ги има земјава и да ги почитува меѓународните договори. Видете и ова: ВМРО-ДПМНЕ и „Вреди“ договараат нова Влада, други чекаат покана Сиљановска Давкова на 8 мај со над 300.000 гласа предност го победи поранешниот претседател и нејзин противкандидат Стево Пендаровски со што стана првата жена шеф на државата. ВМРО-ДПМНЕ, која ја поддржа нејзината кандидатура, оствари голема победа и на парламентарните избори. Според првичните резултати, партијата со коалицијата „Твоја Македонија“ ќе имаат 58 пратеници во 120-члениот парламент. Преговорите за формирање влада, со албанските опозициски партии, се во тек. Рокот за нова влада истекува на крајот на јуни, но очекувањата се дека ВМРО-ДПМНЕ со идните коалициските партии ќе го постигне тоа порано. Преспанскиот договор го потпишаа поранешните влади во Северна Македонија и Грција предвоцени од Зоран Заев и Алексис Ципрас. Потписите ги ставија ексминистрите за надворешни работи Никола Димитров и Никос Коѕијас. По повод шест годишнината од потпишувањето, „Институтот Алексис Ципрас“ и „Фондацијата Зоран Заев“ најавија дека во јуни во Атина ќе организираат дводневна меѓународна конференција за „Мир и одржлив развој“. На неа, специјалниот претставник на ОН во преговорите меѓу двете држави, Метју Нимиц, ќе ја добие наградата за мир, т.н. „Награда од Преспа“. Artboard 4 Придружете се на Заедницата на Слободна Европа на Вибер Александар Самарџиски Александар Самарџиски ја започнал новинарската кариера во дневниот весник „Нова Македонија“ во 2014 година. Потоа работел како новинар во порталот „Плусинфо“ и во интернет-изданието на „360 степени“. Од септември 2023 година работи како новинар во Радио Слободна Европа. Регистрирај се...

Вести мај 17, 2024 Состојбата на словачкиот премиер Фицо „се уште многу сериозна“ Словачкиот премиер Роберт Фицо. Два дена по обидот за атентат, состојбата на словачкиот премиер Роберт Фицо на 17 мај „останува многу сериозна“, изјави неговиот заменик и близок соработник Роберт Калинак. Фицо беше хоспитализиран по пукањето во средата, коешто се случи додека 59-годишниот премиер на Словачка разговараше со граѓаните по состанокот во централниот град Хандлова. „Повторно беше опериран, имаше операција речиси два часа“, изјави за новинарите пред болницата во Банска Бистрица вицепремиерот Роберт Калинак. Фицо претходно имаше петчасовна операција набргу откако од местото на нападот беше пренесен во болница со хеликоптер. Директорот на болницата во Банска Бистрица рече дека Фицо останал „свесен“, иако е во „тешка“ состојба. Претходно, на 17 мај, локалните медиуми објавија дека словачката полиција извршила претрес во домот на мажот кој е обвинет за пукањето. Видете и ова: На словачкиот премиер Фицо ќе му биде извршена уште една операција Полициските службеници го донесоа наводниот вооружен напаѓач, кој носел панцир и шлем, во станот што го делел со неговата сопруга во западниот град Левице, беше прикажано во видео од телевизијата Маркиза. „Полицијата остана во станот неколку часа... Од станот таа изнесе компјутер и документи“, вели приватниот радиодифузер. Полицијата за АФП изјави дека нема да ја коментира тековната истрага. Полицијата не го именуваше осомничениот, но медиумите го идентификуваа како 71-годишниот писател Јурај Цинтулу. Тој во четвртокот беше обвинет за обид за убиство од прв степен во, како што велат властите, политички мотивиран напад. „Станува збор за „волк-самец“ кој се активирал по претседателските избори бидејќи не бил задоволен од нивниот исход“, изјави министерот за внатрешни работи Матус Сутај Есток. Видете и ова: Обид за атентат врз словачкиот премиер Фицо - нападот бил „политички мотивиран“ Нападот ги поттикна стравувањата од натамошно насилство и нестабилност во политички поларизираната земја, само неколку недели пред изборите за Европскиот парламент, пренесува АФП. Официјалните лица во Словачка ја повлекоа врската со политичката ситуација во земјата, со нејзината политичка сцена нарушена со дезинформации за време на неодамнешните изборни кампањи. Фицо, четирикратен премиер и политички ветеран, се врати на функцијата во октомври. Оттогаш тој даде серија изјави кои ги влошија врските меѓу Словачка и соседна Украина, откако го доведе во прашање суверенитетот на земјата. Откако тој беше избран, Словачка престана да испраќа оружје во Украина, која Русија ја нападна во 2022 година. прочитај повеќе види ги сите денешни вести мај 17, 2024 Напад во Авганистан - неколку убиени, меѓу нив и странски државјани Авганистанска провинција Бамијан. Вооружен напад се случил на 17 мај врз група на странски туристи во централната авганистанска провинција Бамијан. Извор од талибанските безбедносни сили за Радио Азана на Радио Слободна Европа изјави дека во нападот имало неколку мртви. Видете и ова: Во поплавите во Авганистан загинаа 315 луѓе Изворот, кој побара да остане анонимен, не го откри бројот на загинатите туристи или нивната националност. Амај њуз објави дека најмалку осум лица биле убиени. Меѓу жртвите во нападот биле и четворица странски државјани, но не беа дадени повеќе детали. прочитај повеќе мај 17, 2024 Србија досега добила 220 милиони евра од ЕУ за миграцијата и граничната контрола Илустративна фотографија. Од 2015 година, Европската унија (ЕУ) ѝ даде на Србија повеќе од 220 милиони евра помош во областа на миграцијата и управувањето со границите, изјави Никола Бертолини - шеф на Одделот за соработка на Делегацијата на ЕУ во Србија. На крајот од петдневната обука на граничарите во Суботица, Бертолини рече дека Србија усвоила стратегија за интегрирано гранично управување, соопшти Министерството за внатрешни работи (МВР). Тој додаде дека парите од Брисел биле испратени во Србија за поголема безбедност на границите и помош во борбата против нелегалните прекугранични активности, шверцот на оружје, експлозиви и наркотици. „Зголемувањето на капацитетот на граничните служби води и до поефикасно откривање на нерегуларна миграција, трговија со луѓе и криумчарење“, рече Бертолини. Видете и ова: Западен Балкан е важна транзитна зона за илегални миграции, покажа извештајот на ИОМ Тој посочи дека ЕУ планира да продолжи да ја поддржува Србија за спроведување на поефективен надзор и софистицирани гранични проверки, како и да обезбеди модерна опрема за таа цел. Тој потсети дека за зголемување на обемот на трговската, туризмот и културната размена потребни се поотворени граници, но истовремено и одржување на високо ниво на безбедност на границите. „Затоа сите гранични агенции треба да воспостават рамнотежа помеѓу строгите контроли и отворените граници“, рече Бертолини. Владата на Србија го усвои акциониот план на ЕУ за интегрирано гранично управување во 2022 година. Од почетокот на светската мигрантска криза во 2015 година, преку таканаречената балканска рута низ Србија поминале повеќе од еден и пол милион бегалци и мигранти, покажуваат податоците на надлежните органи на Обединетите нации (ОН). прочитај повеќе мај 17, 2024 Засилени безбедносни мерки во Шведска по пукање во близина на израелската амбасада Улицата Готгатан во Стокхолм, 14 април 2020 година. Илустративна фотографија Шведска ги засили безбедносните мерки во земјата по пукање во близина на израелската амбасада во Стокхолм, соопшти полицијата на 17 мај. Полицијата ја опколи областа околу амбасадата и изврши претреси во неколку населби во Стокхолм откако во раните утрински часови се слушнаа истрели. „Поради сомнителни пукотници во близина на израелската амбасада во Стокхолм, полицијата презема безбедносни мерки за заштита на имотот и интересите на Израел и Евреите низ целата земја“, соопшти полицискиот оддел на својата веб-страница. Видете и ова: Израел соопшти дека обвинувањата на Јужна Африка за геноцид се неосновани Амбасадорот на Израел во Шведска, Жив Нево Кулман, им се заблагодари на властите на мрежата X „за нивната итна реакција и истрага, како и за зголемените безбедносни мерки околу нашата амбасада и околу еврејските заедници“. Во февруари, полицијата на теренот на израелската амбасада пронајде уред за кој амбасадорот рече дека претставува обид за напад. Шведските разузнавачки служби отворија истрага за „тероризам“. Од нападот на Хамас врз јужен Израел на 7 октомври 2023 година, властите и некои невладини организации во многу земји пријавија пораст на антисемитизмот, додека високиот број цивилни жртви во Газа предизвикани од одговорот на Израел дополнително ги зголеми тензиите. прочитај повеќе мај 17, 2024 ЕУ забрани уште четири руски медиуми поради ширење пропаганда Европскиот парламент. Европската унија на 17 мај забрани емитување на програми на уште четири руски медиуми во ЕУ поради, како што се наведува, ширење пропаганда за инвазијата врз Украина и за дезинформации. Забраната за емитување се случува во пресрет на изборите за Европскиот парламент. Последната група на медиуми кои се забранети ги вклучуваат веб-страницата Глас Европа, руската државна новинска агенција РИА Новости, весниците Известија и Росискаја газета, за кои ЕУ тврди дека се под контрола на Кремљ. Официјалното соопштение за санкциите ја потврди одлуката на почетокот на неделава од страна на амбасадорите на 27-те земји-членки на блокот. „Овие медиуми се под постојана директна или индиректна контрола на раководството на Руската Федерација и беа од суштинско значење и инструменти во започнувањето и поддршката на руската агресорска војна против Украина и дестабилизацијата на нејзините соседни земји“, се вели во соопштението на ЕУ. Видете и ова: Русија ја предупреди ЕУ на остар одговор ако воведе ограничувања за руските медиуми Во соопштението се наведува дека овие медиуми конкретно ги таргетираат „европските политички партии, особено во изборните периоди“. Забраните ги опфаќаат „сите средства за пренос и дистрибуција во ЕУ или насочени кон земјите-членки на ЕУ“, но не ги спречуваат новинарите да работат во медиумите во Европската унија. Веќе минатиот месец, Белгија отвори истрага за сомнително руско мешање во јунските избори низ Европа, велејќи дека разузнавачката служба на нејзината земја го потврдила постоењето на мрежа која се обидува да ја поткопа поддршката за Украина. Чешката влада воведе санкции за голем број луѓе откако таму беше откриена операција на проруско влијание. Според наводите, тие им обраќале на членовите на Европскиот парламент и им понудиле пари за промовирање на руската пропаганда. Од почетокот на војната во февруари 2022 година, ЕУ веќе суспендираше неколку медиуми, вклучително и Русија денес (РТ) и Спутник. прочитај повеќе мај 17, 2024 ЕУ го истражува Мајкрософт за ризиците од вештачката интелигенција пред изборите Илустративна фотографија. Европската унија денеска (17 мај) му нареди на Мајкрософт да предаде внатрешни документи или дека пред изборите ќе се соочи со казни поврзани со ризиците од користење на вештачка интелигенција на својот пребарувач Бинг. ЕУ ја идентификуваше генеративната вештачка интелигенција како една од главните закани за изборите што ќе се одржат во ЕУ од 6 до 9 јуни. Во март, Брисел побара од Бинг, заедно со неколку големи дигитални платформи, вклучително Гугл, ТикТок и Јутуб, да обезбеди информации за активностите што ги презеле за да ги ублажат ризиците од користење на вештачка интелигенција. Но, Мајкрософт не одговори на барањето за повеќе детали за „специфичните ризици кои произлегуваат од функциите на генеративната вештачка интелигенција на Бинг, особено „Копилот во Бинг“ и „Креатор на слики од дизајнер“, соопшти Европската комисија. Американскиот технолошки гигант сега има рок до 27 мај да обезбеди „внатрешни документи и податоци“. Видете и ова: Тик-Ток објави дека ќе означува слики создадени од вештачка интелигенција Доколку Мајкрософт не го стори тоа, ЕУ може да изрече казни до еден процент од вкупниот годишен приход или глобалниот промет на компанијата, како и периодични казни до пет проценти од просечниот дневен приход или дневен промет во светот. Од минатата година, најголемите светски технолошки компании мораа да се усогласат со европскиот закон познат како Закон за дигитални услуги (DSA). Комисијата соопшти дека се сомнева дека „Бинг можеби ја прекршил DSA“ во делот поврзан со „ризиците поврзани со генеративната вештачка интелигенција“. Ова се однесува на можностите на вештачката интелигенција да обезбедува лажни информации и „вирално ширење на длабока лажна содржина“. Видете и ова: Колку и да се труди нема да не замени Мајкрософт соопшти дека е посветен на исполнување на барањата на комисијата. „Целосно соработуваме со Европската комисија во рамките на Доброволното барање за информации и остануваме посветени да одговориме на нивните прашања и да споделуваме информации за нашиот пристап кон дигиталната безбедност и усогласеноста со DSA“, рече портпаролот на Microsoft. Портпаролот рече дека Мајкрософт презел „чекори за мерење и ублажување на потенцијалните ризици“ на сите негови платформи. Мајкрософт инвестираше милијарди во OpenAI, главен играч во вештачката интелигенција, особено откако се појави четботот ChatGPT кон крајот на 2022 година. прочитај повеќе мај 17, 2024 Таравари најави договор за влада, Османи дополнителни механизми за заштита Изет Меџити и Арбен Таравари од коалицијата „Влен“. Градоначалникот на Гостивар Арбен Таравари денеска изјави дека очекува до крајот на идната недела да биде договор околу идната влада меѓу колицијата „Влен“ и ВМРО-ДПМНЕ. Откако „Вреди“ и ВМРО-ДПМНЕ формираа работни групи за формирање на владина коалиција по парламентарните избори на 8 мај, Таравари денекса изјави дека меѓу работните групи „владее позитивна атмосфера. „Се надевам дека до крајот на идната недела ќе имаме завршен договор со програма на Владата и со распределба на ресори, односно кој и каде ќе биде како министер“, рече Таравари. По гласањето на двојните избори на 8 мај, претседателски и парламентрани, ВМРО-ДПМНЕ освои најмногу (58) мандати. Во албанскиот политички блок, Коалицијата „Влен“ освои 13 мандати, што е 6 помалку од коалицијата „Европски фронт“ која освои 19. Видете и ова: Управен суд ја одби тужбата на „Европскиот фронт“ за решението на ДИК за избирачкото место во Крушево Но, ВМРО-ДПМНЕ и Влен се во преговори за состав на идната влада. Таравари рече дека со Христијан Мицкоски досега имале две средби, а дека понатаму интензивно работат работните групи. „Се надевам до понеделник ќе излеземе со заедничка програма, а до петок ќе имаме завршен договор меѓу ВЛЕН и ВМРО-ДПМНЕ, практично договор за нова влада“, изјави Таравари. Потпретседателот на ДУИ Бујар Османи, чија партија е дел од коалицијата „Европски фронт“, денеска рече дека ако се прави владина коалиција без нивната партија, дека „тоа ќе ги разгневи сите Албанци кои ценат дека нивните гласови ќе бидат ништовни и потоа ќе бараат дополнителен механизам за заштита“, изјави Османи за приватната телевизија „Канал 5“. „ДУИ е во постојано заседание, емоциите кај албанскиот народ се веќе вжештени и ние повеќе се обидуваме да менаџираме и да контролираме. Ќе сметаат дека Охридскиот рамковен договор не ги заштитува, не го заштитува нивниот глас, нивниот глас се игнорира, е ништовен за државата и дека ќе бараат дополнителен механизам за заштита“, рече Османи. прочитај повеќе мај 17, 2024 Управен суд ја одби тужбата на „Европскиот фронт“ за решението на ДИК за избирачкото место во Крушево Управен суд Скопје Управниот суд ja одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија" за избирачкото место 1194 во Општина Крушево на Парламентарните избори одржани на 8 мај 2024 година. Според Изборниот законик, доколку одлуката за прегласување во тоа избирачко место влијае на конечните изборни резултати, ДИК треба да спроведе повторено гласање 14 ден од Парламентарните избори кои беа одржани на 8 мај. Повтореното гласање според тоа треба да биде на 22 мај. Претходно денеска во текот на расправата, застапникот на тужителот, Коалицијата „Европски фронт“, Ејуп Рустеми, посочи дека се оспорува решението на ДИК за прифаќање на приговорот за поништувње на гласањето на ИМ 1194 на Коалицијата „Твоја Македонија". „Решението на ДИК е нејасно. Сумираниот износ на искористени гласачки ливчиња е нејасно како ДИК дошле до збирот од 377 гласачи, без притоа да се земе предвид бројот од 359 потпишани гласачи во избирачкиот список. Бројот од 17 болни и изнемоштени не треба да се додава во дел IV од записникот, бидејќи тие се веќе вброени во статистичкиот податок и се добива дупла бројка. Според Изборниот законик погрешно пополнување на записник не е основ за поништување на гласањето“, изјави Рустеми. Видете и ова: Загриженост во ДИК поради изјави на политичари по приговорите за изборите Дополнително, посочи Рустеми, во записникот нема заведено забелешки за евентуални неправилности. Претставникот на ДИК, Катерина Василевска нагласи дека остануваат во целост на наводите од решението и одговорот на тужбата и предлагаат таа да се одбие како неоснована. „ДИК постапи во законскиот рок и донесе одлука. По увидот во целосниот изборен материјал ДИК утврди дека бројот на идентификувани гласачи не се совпаѓа со бројот на потпишани гласачи во избирачкиот список и не соодветствува со бројот на искористени гласачки ливчиња на гласачкото место“, нагласи Василевска. Управниот суд пресудата ќе ја објави за два часа. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите се оформени предмети и закажани во текот на денешниот ден. Видете и ова: Талат Џафери: Има обиди за изборен инжинеринг ДИК на 104 седница ги разгледа приговорите поднесени од политичките партии по одржувањето на парламентарните избори на 8 мај. Од вкупно 27 поднесени приговори - девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. прочитај повеќе мај 17, 2024 Загриженост во ДИК поради изјави на политичари по приговорите за изборите Александар Даштевски - претседател на Државната изборна комисија (ДИК) . Претседателот на Државната изборна комисија (ДИК) Александар Даштевски и членовите на ДИК и уште неколку членови денеска изразија загриженост дека политички партии и високи владини функционери давале изјави за работата на ДИК за постапувањето по приговорите за парламентарните избори, кои според нив можат да бидат закана за нивната безбедност. Во денешносто соопштение на ДИК, освен Даштевски, загриженост изразуваат и членовите на ДИК Радица Ристеска, Оливер Ристовски, Борис Кондарко, Бобан Стојаноски и Абдуш Демири. „Ве известуваме дека покрај тоа што сме лично понижувани и навредувани, исто така како членови во највисоката институција за организирање и спроведување на изборите, сме изложени и на неосновани и непримерени јавни политички притисоци и на закани за кривична одговорност поради донесените одлуки на ДИК“, се вели во реакцијата. Тие велат дека според „контекстот и интензитетот на нападите, прозивките и навредите“ загрижени се и дека е можно тие да преминат и во лични напади на нивната сигурност. „Ве известуваме дека ДИК во целост професионално, транспаретно и само врз основа на закон ги спроведе изборите што е потврдено од сите домашни и меѓународни фактори. Исто така и покрај сите непријатности кои ги имаме, сепак со највисок степен на интегритет врз основа на јавна проверка на изборниот материјал ДИК ги утврди фактите и одлучуваше по приговори поднесени од различни учесници за 110 избирачки места, од кои врз основа на образложени докази усвои приговори за само 7 избирачки места за кои имаше правен основ, додека сите останати 103 избирачки места, беа одбиени како неосновани и за нив немаше поднесено тужби ниту еден учесник на изборите“, се вели во реакцијата. Видете и ова: Талат Џафери: Има обиди за изборен инжинеринг Државната изборна комисија наведува дека е неприфатливо да има нападите, притисоци и мешање на одредени политички партии и на поединци од техничката Влада во изборните процедури и во работата и одлучувањето на ДИК и на Управниот суд. Тие посочуваат дека за сето ова денеска на средба во ДИК била известена и амбасадорката на набљудувачката мисија на ОБСЕ-ОДИХР Џилијан Стирк. Премиерот на техничката Влада Талат Џафери вчера на прес-конференција соопшти дека имало договор за надгласување во Државната изборна комисија за прифаќање на одредени приговори за изборните резултати и прегласување и оти на ваков начин се прави обид за изборен инженеринг за менување на бројките во Собранието и изигрување на волјата на граѓаните. Изборниот процес кој беше оценет како кредибилен и демократски, сега е во рацете на Управниот суд, рече Џафери и повика сите институции да постапуваат согласно закон без партиски директиви од која било страна. Управниот суд вчера одржа јавна седница по тужба на Коалицијата „Вреди“ по одлуката на ДИК за одбивање на нивниот приговор за избирачко место 0511, во Долна Бањица во Општина Гостивар на Парламентарните избори 2024 година. Видете и ова: Ќе се прегласува во Желино, „Европски фронт“ со обвинувања дека ќе им бидат одземени пратеници Постапката беше прекината, откако претставникот на Коалицијата „Вреди“ изјави дека ја повлекува тужбата во целост. До Државната изборна комисија беа поднесени вкупно 27 приговори за парламентарните избори - девет од коалицијата „Влен“, осум од ВМРО-ДПМНЕ, пет од СДСМ и четири од Левица. Прифатени беа седум: шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Против одлуката на ДИК може да се поднесе тужба до Управниот суд, во рок од 24 часа од приемот на решението.Управниот суд, пак, по жалбата е должен да донесе одлука во рок од 48 часа по нејзиниот прием. мд/дма/ прочитај повеќе мај 17, 2024 Палевски ќе биде спроведен на распит во Кривичниот суд Љупчо Палевски - Палчо, првоосомничен за убиството на Вања Ѓорчевска и Панче Жежовски. Основниот кривичен суд Скопје денеска доби официјално известување од Истражниот затвор Скопје за екстрадицијата на Љупчо Палевски, којшто е првоосомничен за случајот за убиството на 14-годишната Вања Ѓорчевска и велешкиот фризер Панче Жежовски (74). Палевски прво ќе биде спроведен до Кривичниот суд за да се изјасни за мерката притвор која му беше веќе определена, откако на 5 мај со авион беше екстрадиран од Турција во Северна Македонија. Од судот соопштуваат дека денеска добиле и известување и барање за ангажирање на адвокат кој ќе го застапува Палевски во текот на постапката. Според законите во Северна Македонија, судот ги издава сите дозволи поврзани со истражната постапка и ги доставува до предложените адвокати за нивно понатамошно постапување. „Дополнително, судија на претходна постапка во координација со надлежниот Јавен обвинител, ќе издаде наредба за спровод на осомниченото лице за негово произнесување во однос на околностите во предлогот на Јавниот обвинител за определување на мерката притвор, а за донесеното решение јавноста ќе биде известена“, се вели во соопштението од Основен кривичен суд Скопје. Видете и ова: Финишира истрагата за Палчо за убиството на 14-годишната Вања Истрагата за случајот, кој што го води Основното јавно обвинителство (ОЈО) Скопје, е во завршна фаза. Палевски повеќе од пет месеци помина во екстрадициски притвор во Турција, откако беше фатен од турската полиција. Палевски се гони за две грабнувања и две убиства на свиреп начин. Осомничени се и тројца соизвршители за овие дела, како и таткото на Вања Ѓорчевска кој се товари за помагање во грабнувањето на девојчето. За помагање во бегството, обвинителството сомничи уште едно лице. Истрагата на Обвинителството беше отворена на 3 декември, откако случајот притви Палевски и останатите осомничени беше отворен по пријавата за исчезнувањето на малолетната Вања на 27 ноември, утрото кога таа не се појави на училиште. Исчезнувањето со денови ја брануваше македонската, но и јавноста во регионот, а медиумите и социјалните мрежи беа преплавени со вести и апели се до 3 декември кога нејзиното тело беше пронајдено во околината на Скопје. Видете и ова: Љупчо Палевски – Палчо со авион екстрадиран во Северна Македонија Истиот ден беше кобен и за семејството на Панче Жежовски бидејќи полицијата соопшти дека неговото тело го пронашле во близина на Велес. Тој бил пријавен за исчезнат три дена пред Вања – на 24 ноември. Палевски беше во бегство во Турција, а избегал во таа земја преку Србија и Бугарија, избега во Турција. Турската полиција успеа да го фати кај градот Балибекир на 5 декември 2023 година. Тој на 15 мај годинава беше екстрадиран во Северна Македонија. Пред затворање на истрагата и поднесување на обвинение, Палевски треба да биде сослушан и во обвинителството. По евентуалното обвинение, тоа ќе оди на оценка во судот и ако добие зелено светло, ќе стартува судски процес. Во меѓувреме тој во притвор се чува под посебни безбедносни мерки. прочитај повеќе Вчитај повеќе...

Вести мај 17, 2024 Палевски ќе биде спроведен на распит во Кривичниот суд Љупчо Палевски - Палчо, првоосомничен за убиството на Вања Ѓорчевска и Панче Жежовски. Основниот кривичен суд Скопје денеска доби официјално известување од Истражниот затвор Скопје за екстрадицијата на Љупчо Палевски, којшто е првоосомничен за случајот за убиството на 14-годишната Вања Ѓорчевска и велешкиот фризер Панче Жежовски (74). Палевски прво ќе биде спроведен до Кривичниот суд за да се изјасни за мерката притвор која му беше веќе определена, откако на 5 мај со авион беше екстрадиран од Турција во Северна Македонија. Од судот соопштуваат дека денеска добиле и известување и барање за ангажирање на адвокат кој ќе го застапува Палевски во текот на постапката. Според законите во Северна Македонија, судот ги издава сите дозволи поврзани со истражната постапка и ги доставува до предложените адвокати за нивно понатамошно постапување. „Дополнително, судија на претходна постапка во координација со надлежниот Јавен обвинител, ќе издаде наредба за спровод на осомниченото лице за негово произнесување во однос на околностите во предлогот на Јавниот обвинител за определување на мерката притвор, а за донесеното решение јавноста ќе биде известена“, се вели во соопштението од Основен кривичен суд Скопје. Видете и ова: Финишира истрагата за Палчо за убиството на 14-годишната Вања Истрагата за случајот, кој што го води Основното јавно обвинителство (ОЈО) Скопје, е во завршна фаза. Палевски повеќе од пет месеци помина во екстрадициски притвор во Турција, откако беше фатен од турската полиција. Палевски се гони за две грабнувања и две убиства на свиреп начин. Осомничени се и тројца соизвршители за овие дела, како и таткото на Вања Ѓорчевска кој се товари за помагање во грабнувањето на девојчето. За помагање во бегството, обвинителството сомничи уште едно лице. Истрагата на Обвинителството беше отворена на 3 декември, откако случајот притви Палевски и останатите осомничени беше отворен по пријавата за исчезнувањето на малолетната Вања на 27 ноември, утрото кога таа не се појави на училиште. Исчезнувањето со денови ја брануваше македонската, но и јавноста во регионот, а медиумите и социјалните мрежи беа преплавени со вести и апели се до 3 декември кога нејзиното тело беше пронајдено во околината на Скопје. Видете и ова: Љупчо Палевски – Палчо со авион екстрадиран во Северна Македонија Истиот ден беше кобен и за семејството на Панче Жежовски бидејќи полицијата соопшти дека неговото тело го пронашле во близина на Велес. Тој бил пријавен за исчезнат три дена пред Вања – на 24 ноември. Палевски беше во бегство во Турција, а избегал во таа земја преку Србија и Бугарија, избега во Турција. Турската полиција успеа да го фати кај градот Балибекир на 5 декември 2023 година. Тој на 15 мај годинава беше екстрадиран во Северна Македонија. Пред затворање на истрагата и поднесување на обвинение, Палевски треба да биде сослушан и во обвинителството. По евентуалното обвинение, тоа ќе оди на оценка во судот и ако добие зелено светло, ќе стартува судски процес. Во меѓувреме тој во притвор се чува под посебни безбедносни мерки. прочитај повеќе види ги сите денешни вести мај 17, 2024 Напад во Авганистан - неколку убиени, меѓу нив и странски државјани Авганистанска провинција Бамијан. Вооружен напад се случил на 17 мај врз група на странски туристи во централната авганистанска провинција Бамијан. Извор од талибанските безбедносни сили за Радио Азана на Радио Слободна Европа изјави дека во нападот имало неколку мртви. Видете и ова: Во поплавите во Авганистан загинаа 315 луѓе Изворот, кој побара да остане анонимен, не го откри бројот на загинатите туристи или нивната националност. Амај њуз објави дека најмалку осум лица биле убиени. Меѓу жртвите во нападот биле и четворица странски државјани, но не беа дадени повеќе детали. прочитај повеќе мај 17, 2024 Србија досега добила 220 милиони евра од ЕУ за миграцијата и граничната контрола Илустративна фотографија. Од 2015 година, Европската унија (ЕУ) ѝ даде на Србија повеќе од 220 милиони евра помош во областа на миграцијата и управувањето со границите, изјави Никола Бертолини - шеф на Одделот за соработка на Делегацијата на ЕУ во Србија. На крајот од петдневната обука на граничарите во Суботица, Бертолини рече дека Србија усвоила стратегија за интегрирано гранично управување, соопшти Министерството за внатрешни работи (МВР). Тој додаде дека парите од Брисел биле испратени во Србија за поголема безбедност на границите и помош во борбата против нелегалните прекугранични активности, шверцот на оружје, експлозиви и наркотици. „Зголемувањето на капацитетот на граничните служби води и до поефикасно откривање на нерегуларна миграција, трговија со луѓе и криумчарење“, рече Бертолини. Видете и ова: Западен Балкан е важна транзитна зона за илегални миграции, покажа извештајот на ИОМ Тој посочи дека ЕУ планира да продолжи да ја поддржува Србија за спроведување на поефективен надзор и софистицирани гранични проверки, како и да обезбеди модерна опрема за таа цел. Тој потсети дека за зголемување на обемот на трговската, туризмот и културната размена потребни се поотворени граници, но истовремено и одржување на високо ниво на безбедност на границите. „Затоа сите гранични агенции треба да воспостават рамнотежа помеѓу строгите контроли и отворените граници“, рече Бертолини. Владата на Србија го усвои акциониот план на ЕУ за интегрирано гранично управување во 2022 година. Од почетокот на светската мигрантска криза во 2015 година, преку таканаречената балканска рута низ Србија поминале повеќе од еден и пол милион бегалци и мигранти, покажуваат податоците на надлежните органи на Обединетите нации (ОН). прочитај повеќе мај 17, 2024 Засилени безбедносни мерки во Шведска по пукање во близина на израелската амбасада Улицата Готгатан во Стокхолм, 14 април 2020 година. Илустративна фотографија Шведска ги засили безбедносните мерки во земјата по пукање во близина на израелската амбасада во Стокхолм, соопшти полицијата на 17 мај. Полицијата ја опколи областа околу амбасадата и изврши претреси во неколку населби во Стокхолм откако во раните утрински часови се слушнаа истрели. „Поради сомнителни пукотници во близина на израелската амбасада во Стокхолм, полицијата презема безбедносни мерки за заштита на имотот и интересите на Израел и Евреите низ целата земја“, соопшти полицискиот оддел на својата веб-страница. Видете и ова: Израел соопшти дека обвинувањата на Јужна Африка за геноцид се неосновани Амбасадорот на Израел во Шведска, Жив Нево Кулман, им се заблагодари на властите на мрежата X „за нивната итна реакција и истрага, како и за зголемените безбедносни мерки околу нашата амбасада и околу еврејските заедници“. Во февруари, полицијата на теренот на израелската амбасада пронајде уред за кој амбасадорот рече дека претставува обид за напад. Шведските разузнавачки служби отворија истрага за „тероризам“. Од нападот на Хамас врз јужен Израел на 7 октомври 2023 година, властите и некои невладини организации во многу земји пријавија пораст на антисемитизмот, додека високиот број цивилни жртви во Газа предизвикани од одговорот на Израел дополнително ги зголеми тензиите. прочитај повеќе мај 17, 2024 ЕУ забрани уште четири руски медиуми поради ширење пропаганда Европскиот парламент. Европската унија на 17 мај забрани емитување на програми на уште четири руски медиуми во ЕУ поради, како што се наведува, ширење пропаганда за инвазијата врз Украина и за дезинформации. Забраната за емитување се случува во пресрет на изборите за Европскиот парламент. Последната група на медиуми кои се забранети ги вклучуваат веб-страницата Глас Европа, руската државна новинска агенција РИА Новости, весниците Известија и Росискаја газета, за кои ЕУ тврди дека се под контрола на Кремљ. Официјалното соопштение за санкциите ја потврди одлуката на почетокот на неделава од страна на амбасадорите на 27-те земји-членки на блокот. „Овие медиуми се под постојана директна или индиректна контрола на раководството на Руската Федерација и беа од суштинско значење и инструменти во започнувањето и поддршката на руската агресорска војна против Украина и дестабилизацијата на нејзините соседни земји“, се вели во соопштението на ЕУ. Видете и ова: Русија ја предупреди ЕУ на остар одговор ако воведе ограничувања за руските медиуми Во соопштението се наведува дека овие медиуми конкретно ги таргетираат „европските политички партии, особено во изборните периоди“. Забраните ги опфаќаат „сите средства за пренос и дистрибуција во ЕУ или насочени кон земјите-членки на ЕУ“, но не ги спречуваат новинарите да работат во медиумите во Европската унија. Веќе минатиот месец, Белгија отвори истрага за сомнително руско мешање во јунските избори низ Европа, велејќи дека разузнавачката служба на нејзината земја го потврдила постоењето на мрежа која се обидува да ја поткопа поддршката за Украина. Чешката влада воведе санкции за голем број луѓе откако таму беше откриена операција на проруско влијание. Според наводите, тие им обраќале на членовите на Европскиот парламент и им понудиле пари за промовирање на руската пропаганда. Од почетокот на војната во февруари 2022 година, ЕУ веќе суспендираше неколку медиуми, вклучително и Русија денес (РТ) и Спутник. прочитај повеќе мај 17, 2024 ЕУ го истражува Мајкрософт за ризиците од вештачката интелигенција пред изборите Илустративна фотографија. Европската унија денеска (17 мај) му нареди на Мајкрософт да предаде внатрешни документи или дека пред изборите ќе се соочи со казни поврзани со ризиците од користење на вештачка интелигенција на својот пребарувач Бинг. ЕУ ја идентификуваше генеративната вештачка интелигенција како една од главните закани за изборите што ќе се одржат во ЕУ од 6 до 9 јуни. Во март, Брисел побара од Бинг, заедно со неколку големи дигитални платформи, вклучително Гугл, ТикТок и Јутуб, да обезбеди информации за активностите што ги презеле за да ги ублажат ризиците од користење на вештачка интелигенција. Но, Мајкрософт не одговори на барањето за повеќе детали за „специфичните ризици кои произлегуваат од функциите на генеративната вештачка интелигенција на Бинг, особено „Копилот во Бинг“ и „Креатор на слики од дизајнер“, соопшти Европската комисија. Американскиот технолошки гигант сега има рок до 27 мај да обезбеди „внатрешни документи и податоци“. Видете и ова: Тик-Ток објави дека ќе означува слики создадени од вештачка интелигенција Доколку Мајкрософт не го стори тоа, ЕУ може да изрече казни до еден процент од вкупниот годишен приход или глобалниот промет на компанијата, како и периодични казни до пет проценти од просечниот дневен приход или дневен промет во светот. Од минатата година, најголемите светски технолошки компании мораа да се усогласат со европскиот закон познат како Закон за дигитални услуги (DSA). Комисијата соопшти дека се сомнева дека „Бинг можеби ја прекршил DSA“ во делот поврзан со „ризиците поврзани со генеративната вештачка интелигенција“. Ова се однесува на можностите на вештачката интелигенција да обезбедува лажни информации и „вирално ширење на длабока лажна содржина“. Видете и ова: Колку и да се труди нема да не замени Мајкрософт соопшти дека е посветен на исполнување на барањата на комисијата. „Целосно соработуваме со Европската комисија во рамките на Доброволното барање за информации и остануваме посветени да одговориме на нивните прашања и да споделуваме информации за нашиот пристап кон дигиталната безбедност и усогласеноста со DSA“, рече портпаролот на Microsoft. Портпаролот рече дека Мајкрософт презел „чекори за мерење и ублажување на потенцијалните ризици“ на сите негови платформи. Мајкрософт инвестираше милијарди во OpenAI, главен играч во вештачката интелигенција, особено откако се појави четботот ChatGPT кон крајот на 2022 година. прочитај повеќе мај 17, 2024 Таравари најави договор за влада, Османи дополнителни механизми за заштита Изет Меџити и Арбен Таравари од коалицијата „Влен“. Градоначалникот на Гостивар Арбен Таравари денеска изјави дека очекува до крајот на идната недела да биде договор околу идната влада меѓу колицијата „Влен“ и ВМРО-ДПМНЕ. Откако „Вреди“ и ВМРО-ДПМНЕ формираа работни групи за формирање на владина коалиција по парламентарните избори на 8 мај, Таравари денекса изјави дека меѓу работните групи „владее позитивна атмосфера. „Се надевам дека до крајот на идната недела ќе имаме завршен договор со програма на Владата и со распределба на ресори, односно кој и каде ќе биде како министер“, рече Таравари. По гласањето на двојните избори на 8 мај, претседателски и парламентрани, ВМРО-ДПМНЕ освои најмногу (58) мандати. Во албанскиот политички блок, Коалицијата „Влен“ освои 13 мандати, што е 6 помалку од коалицијата „Европски фронт“ која освои 19. Видете и ова: Управен суд ја одби тужбата на „Европскиот фронт“ за решението на ДИК за избирачкото место во Крушево Но, ВМРО-ДПМНЕ и Влен се во преговори за состав на идната влада. Таравари рече дека со Христијан Мицкоски досега имале две средби, а дека понатаму интензивно работат работните групи. „Се надевам до понеделник ќе излеземе со заедничка програма, а до петок ќе имаме завршен договор меѓу ВЛЕН и ВМРО-ДПМНЕ, практично договор за нова влада“, изјави Таравари. Потпретседателот на ДУИ Бујар Османи, чија партија е дел од коалицијата „Европски фронт“, денеска рече дека ако се прави владина коалиција без нивната партија, дека „тоа ќе ги разгневи сите Албанци кои ценат дека нивните гласови ќе бидат ништовни и потоа ќе бараат дополнителен механизам за заштита“, изјави Османи за приватната телевизија „Канал 5“. „ДУИ е во постојано заседание, емоциите кај албанскиот народ се веќе вжештени и ние повеќе се обидуваме да менаџираме и да контролираме. Ќе сметаат дека Охридскиот рамковен договор не ги заштитува, не го заштитува нивниот глас, нивниот глас се игнорира, е ништовен за државата и дека ќе бараат дополнителен механизам за заштита“, рече Османи. прочитај повеќе мај 17, 2024 Управен суд ја одби тужбата на „Европскиот фронт“ за решението на ДИК за избирачкото место во Крушево Управен суд Скопје Управниот суд ja одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија" за избирачкото место 1194 во Општина Крушево на Парламентарните избори одржани на 8 мај 2024 година. Според Изборниот законик, доколку одлуката за прегласување во тоа избирачко место влијае на конечните изборни резултати, ДИК треба да спроведе повторено гласање 14 ден од Парламентарните избори кои беа одржани на 8 мај. Повтореното гласање според тоа треба да биде на 22 мај. Претходно денеска во текот на расправата, застапникот на тужителот, Коалицијата „Европски фронт“, Ејуп Рустеми, посочи дека се оспорува решението на ДИК за прифаќање на приговорот за поништувње на гласањето на ИМ 1194 на Коалицијата „Твоја Македонија". „Решението на ДИК е нејасно. Сумираниот износ на искористени гласачки ливчиња е нејасно како ДИК дошле до збирот од 377 гласачи, без притоа да се земе предвид бројот од 359 потпишани гласачи во избирачкиот список. Бројот од 17 болни и изнемоштени не треба да се додава во дел IV од записникот, бидејќи тие се веќе вброени во статистичкиот податок и се добива дупла бројка. Според Изборниот законик погрешно пополнување на записник не е основ за поништување на гласањето“, изјави Рустеми. Видете и ова: Загриженост во ДИК поради изјави на политичари по приговорите за изборите Дополнително, посочи Рустеми, во записникот нема заведено забелешки за евентуални неправилности. Претставникот на ДИК, Катерина Василевска нагласи дека остануваат во целост на наводите од решението и одговорот на тужбата и предлагаат таа да се одбие како неоснована. „ДИК постапи во законскиот рок и донесе одлука. По увидот во целосниот изборен материјал ДИК утврди дека бројот на идентификувани гласачи не се совпаѓа со бројот на потпишани гласачи во избирачкиот список и не соодветствува со бројот на искористени гласачки ливчиња на гласачкото место“, нагласи Василевска. Управниот суд пресудата ќе ја објави за два часа. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите се оформени предмети и закажани во текот на денешниот ден. Видете и ова: Талат Џафери: Има обиди за изборен инжинеринг ДИК на 104 седница ги разгледа приговорите поднесени од политичките партии по одржувањето на парламентарните избори на 8 мај. Од вкупно 27 поднесени приговори - девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. прочитај повеќе мај 17, 2024 Загриженост во ДИК поради изјави на политичари по приговорите за изборите Александар Даштевски - претседател на Државната изборна комисија (ДИК) . Претседателот на Државната изборна комисија (ДИК) Александар Даштевски и членовите на ДИК и уште неколку членови денеска изразија загриженост дека политички партии и високи владини функционери давале изјави за работата на ДИК за постапувањето по приговорите за парламентарните избори, кои според нив можат да бидат закана за нивната безбедност. Во денешносто соопштение на ДИК, освен Даштевски, загриженост изразуваат и членовите на ДИК Радица Ристеска, Оливер Ристовски, Борис Кондарко, Бобан Стојаноски и Абдуш Демири. „Ве известуваме дека покрај тоа што сме лично понижувани и навредувани, исто така како членови во највисоката институција за организирање и спроведување на изборите, сме изложени и на неосновани и непримерени јавни политички притисоци и на закани за кривична одговорност поради донесените одлуки на ДИК“, се вели во реакцијата. Тие велат дека според „контекстот и интензитетот на нападите, прозивките и навредите“ загрижени се и дека е можно тие да преминат и во лични напади на нивната сигурност. „Ве известуваме дека ДИК во целост професионално, транспаретно и само врз основа на закон ги спроведе изборите што е потврдено од сите домашни и меѓународни фактори. Исто така и покрај сите непријатности кои ги имаме, сепак со највисок степен на интегритет врз основа на јавна проверка на изборниот материјал ДИК ги утврди фактите и одлучуваше по приговори поднесени од различни учесници за 110 избирачки места, од кои врз основа на образложени докази усвои приговори за само 7 избирачки места за кои имаше правен основ, додека сите останати 103 избирачки места, беа одбиени како неосновани и за нив немаше поднесено тужби ниту еден учесник на изборите“, се вели во реакцијата. Видете и ова: Талат Џафери: Има обиди за изборен инжинеринг Државната изборна комисија наведува дека е неприфатливо да има нападите, притисоци и мешање на одредени политички партии и на поединци од техничката Влада во изборните процедури и во работата и одлучувањето на ДИК и на Управниот суд. Тие посочуваат дека за сето ова денеска на средба во ДИК била известена и амбасадорката на набљудувачката мисија на ОБСЕ-ОДИХР Џилијан Стирк. Премиерот на техничката Влада Талат Џафери вчера на прес-конференција соопшти дека имало договор за надгласување во Државната изборна комисија за прифаќање на одредени приговори за изборните резултати и прегласување и оти на ваков начин се прави обид за изборен инженеринг за менување на бројките во Собранието и изигрување на волјата на граѓаните. Изборниот процес кој беше оценет како кредибилен и демократски, сега е во рацете на Управниот суд, рече Џафери и повика сите институции да постапуваат согласно закон без партиски директиви од која било страна. Управниот суд вчера одржа јавна седница по тужба на Коалицијата „Вреди“ по одлуката на ДИК за одбивање на нивниот приговор за избирачко место 0511, во Долна Бањица во Општина Гостивар на Парламентарните избори 2024 година. Видете и ова: Ќе се прегласува во Желино, „Европски фронт“ со обвинувања дека ќе им бидат одземени пратеници Постапката беше прекината, откако претставникот на Коалицијата „Вреди“ изјави дека ја повлекува тужбата во целост. До Државната изборна комисија беа поднесени вкупно 27 приговори за парламентарните избори - девет од коалицијата „Влен“, осум од ВМРО-ДПМНЕ, пет од СДСМ и четири од Левица. Прифатени беа седум: шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Против одлуката на ДИК може да се поднесе тужба до Управниот суд, во рок од 24 часа од приемот на решението.Управниот суд, пак, по жалбата е должен да донесе одлука во рок од 48 часа по нејзиниот прием. мд/дма/ прочитај повеќе мај 17, 2024 Состојбата на словачкиот премиер Фицо „се уште многу сериозна“ Словачкиот премиер Роберт Фицо. Два дена по обидот за атентат, состојбата на словачкиот премиер Роберт Фицо на 17 мај „останува многу сериозна“, изјави неговиот заменик и близок соработник Роберт Калинак. Фицо беше хоспитализиран по пукањето во средата, коешто се случи додека 59-годишниот премиер на Словачка разговараше со граѓаните по состанокот во централниот град Хандлова. „Повторно беше опериран, имаше операција речиси два часа“, изјави за новинарите пред болницата во Банска Бистрица вицепремиерот Роберт Калинак. Фицо претходно имаше петчасовна операција набргу откако од местото на нападот беше пренесен во болница со хеликоптер. Директорот на болницата во Банска Бистрица рече дека Фицо останал „свесен“, иако е во „тешка“ состојба. Претходно, на 17 мај, локалните медиуми објавија дека словачката полиција извршила претрес во домот на мажот кој е обвинет за пукањето. Видете и ова: На словачкиот премиер Фицо ќе му биде извршена уште една операција Полициските службеници го донесоа наводниот вооружен напаѓач, кој носел панцир и шлем, во станот што го делел со неговата сопруга во западниот град Левице, беше прикажано во видео од телевизијата Маркиза. „Полицијата остана во станот неколку часа... Од станот таа изнесе компјутер и документи“, вели приватниот радиодифузер. Полицијата за АФП изјави дека нема да ја коментира тековната истрага. Полицијата не го именуваше осомничениот, но медиумите го идентификуваа како 71-годишниот писател Јурај Цинтулу. Тој во четвртокот беше обвинет за обид за убиство од прв степен во, како што велат властите, политички мотивиран напад. „Станува збор за „волк-самец“ кој се активирал по претседателските избори бидејќи не бил задоволен од нивниот исход“, изјави министерот за внатрешни работи Матус Сутај Есток. Видете и ова: Обид за атентат врз словачкиот премиер Фицо - нападот бил „политички мотивиран“ Нападот ги поттикна стравувањата од натамошно насилство и нестабилност во политички поларизираната земја, само неколку недели пред изборите за Европскиот парламент, пренесува АФП. Официјалните лица во Словачка ја повлекоа врската со политичката ситуација во земјата, со нејзината политичка сцена нарушена со дезинформации за време на неодамнешните изборни кампањи. Фицо, четирикратен премиер и политички ветеран, се врати на функцијата во октомври. Оттогаш тој даде серија изјави кои ги влошија врските меѓу Словачка и соседна Украина, откако го доведе во прашање суверенитетот на земјата. Откако тој беше избран, Словачка престана да испраќа оружје во Украина, која Русија ја нападна во 2022 година. прочитај повеќе Вчитај повеќе...

Вести мај 17, 2024 Познат политички аналитичар бега од Русија поради обвинувања за антируски активности Александар Сунгуров, претседател на Хуманитарно-политички центар „Стратегија“ Александар Сунгуров, руски политички аналитичар и професор на Високата школа за економија, побегна од Русија откако про-Кремљ режисерот Никита Михалков го обвини за антируски активности, изјави еден од студентите на Сунгуров на 17 мај. Михалков неодамна во својата ТВ емисија изјави дека фондацијата „Стратегија“ предводена од Сунгуров добила финансиска поддршка од странство и мора да биде означена како „странски агент“. Видете и ова: Грузискиот премиер го брани законот за „странски агенти“ Сунгуров поднесе оставка од Вишата економска школа во Санкт Петербург. Неговата страница е отстранета од веб-страницата на универзитетот. Тој од 2005 година е раководител на Катедрата за применети политички науки на тој факултет. Од 1994 година, Сунгуров ја води „Стратегија“ - либерален аналитички центар во Санкт Петербург. Тој работеше и како експерт за Советот на Европа и Европската Унија. прочитај повеќе види ги сите денешни вести мај 17, 2024 Напад во Авганистан - неколку убиени, меѓу нив и странски државјани Авганистанска провинција Бамијан. Вооружен напад се случил на 17 мај врз група на странски туристи во централната авганистанска провинција Бамијан. Извор од талибанските безбедносни сили за Радио Азана на Радио Слободна Европа изјави дека во нападот имало неколку мртви. Видете и ова: Во поплавите во Авганистан загинаа 315 луѓе Изворот, кој побара да остане анонимен, не го откри бројот на загинатите туристи или нивната националност. Амај њуз објави дека најмалку осум лица биле убиени. Меѓу жртвите во нападот биле и четворица странски државјани, но не беа дадени повеќе детали. прочитај повеќе мај 17, 2024 Србија досега добила 220 милиони евра од ЕУ за миграцијата и граничната контрола Илустративна фотографија. Од 2015 година, Европската унија (ЕУ) ѝ даде на Србија повеќе од 220 милиони евра помош во областа на миграцијата и управувањето со границите, изјави Никола Бертолини - шеф на Одделот за соработка на Делегацијата на ЕУ во Србија. На крајот од петдневната обука на граничарите во Суботица, Бертолини рече дека Србија усвоила стратегија за интегрирано гранично управување, соопшти Министерството за внатрешни работи (МВР). Тој додаде дека парите од Брисел биле испратени во Србија за поголема безбедност на границите и помош во борбата против нелегалните прекугранични активности, шверцот на оружје, експлозиви и наркотици. „Зголемувањето на капацитетот на граничните служби води и до поефикасно откривање на нерегуларна миграција, трговија со луѓе и криумчарење“, рече Бертолини. Видете и ова: Западен Балкан е важна транзитна зона за илегални миграции, покажа извештајот на ИОМ Тој посочи дека ЕУ планира да продолжи да ја поддржува Србија за спроведување на поефективен надзор и софистицирани гранични проверки, како и да обезбеди модерна опрема за таа цел. Тој потсети дека за зголемување на обемот на трговската, туризмот и културната размена потребни се поотворени граници, но истовремено и одржување на високо ниво на безбедност на границите. „Затоа сите гранични агенции треба да воспостават рамнотежа помеѓу строгите контроли и отворените граници“, рече Бертолини. Владата на Србија го усвои акциониот план на ЕУ за интегрирано гранично управување во 2022 година. Од почетокот на светската мигрантска криза во 2015 година, преку таканаречената балканска рута низ Србија поминале повеќе од еден и пол милион бегалци и мигранти, покажуваат податоците на надлежните органи на Обединетите нации (ОН). прочитај повеќе мај 17, 2024 Засилени безбедносни мерки во Шведска по пукање во близина на израелската амбасада Улицата Готгатан во Стокхолм, 14 април 2020 година. Илустративна фотографија Шведска ги засили безбедносните мерки во земјата по пукање во близина на израелската амбасада во Стокхолм, соопшти полицијата на 17 мај. Полицијата ја опколи областа околу амбасадата и изврши претреси во неколку населби во Стокхолм откако во раните утрински часови се слушнаа истрели. „Поради сомнителни пукотници во близина на израелската амбасада во Стокхолм, полицијата презема безбедносни мерки за заштита на имотот и интересите на Израел и Евреите низ целата земја“, соопшти полицискиот оддел на својата веб-страница. Видете и ова: Израел соопшти дека обвинувањата на Јужна Африка за геноцид се неосновани Амбасадорот на Израел во Шведска, Жив Нево Кулман, им се заблагодари на властите на мрежата X „за нивната итна реакција и истрага, како и за зголемените безбедносни мерки околу нашата амбасада и околу еврејските заедници“. Во февруари, полицијата на теренот на израелската амбасада пронајде уред за кој амбасадорот рече дека претставува обид за напад. Шведските разузнавачки служби отворија истрага за „тероризам“. Од нападот на Хамас врз јужен Израел на 7 октомври 2023 година, властите и некои невладини организации во многу земји пријавија пораст на антисемитизмот, додека високиот број цивилни жртви во Газа предизвикани од одговорот на Израел дополнително ги зголеми тензиите. прочитај повеќе мај 17, 2024 ЕУ забрани уште четири руски медиуми поради ширење пропаганда Европскиот парламент. Европската унија на 17 мај забрани емитување на програми на уште четири руски медиуми во ЕУ поради, како што се наведува, ширење пропаганда за инвазијата врз Украина и за дезинформации. Забраната за емитување се случува во пресрет на изборите за Европскиот парламент. Последната група на медиуми кои се забранети ги вклучуваат веб-страницата Глас Европа, руската државна новинска агенција РИА Новости, весниците Известија и Росискаја газета, за кои ЕУ тврди дека се под контрола на Кремљ. Официјалното соопштение за санкциите ја потврди одлуката на почетокот на неделава од страна на амбасадорите на 27-те земји-членки на блокот. „Овие медиуми се под постојана директна или индиректна контрола на раководството на Руската Федерација и беа од суштинско значење и инструменти во започнувањето и поддршката на руската агресорска војна против Украина и дестабилизацијата на нејзините соседни земји“, се вели во соопштението на ЕУ. Видете и ова: Русија ја предупреди ЕУ на остар одговор ако воведе ограничувања за руските медиуми Во соопштението се наведува дека овие медиуми конкретно ги таргетираат „европските политички партии, особено во изборните периоди“. Забраните ги опфаќаат „сите средства за пренос и дистрибуција во ЕУ или насочени кон земјите-членки на ЕУ“, но не ги спречуваат новинарите да работат во медиумите во Европската унија. Веќе минатиот месец, Белгија отвори истрага за сомнително руско мешање во јунските избори низ Европа, велејќи дека разузнавачката служба на нејзината земја го потврдила постоењето на мрежа која се обидува да ја поткопа поддршката за Украина. Чешката влада воведе санкции за голем број луѓе откако таму беше откриена операција на проруско влијание. Според наводите, тие им обраќале на членовите на Европскиот парламент и им понудиле пари за промовирање на руската пропаганда. Од почетокот на војната во февруари 2022 година, ЕУ веќе суспендираше неколку медиуми, вклучително и Русија денес (РТ) и Спутник. прочитај повеќе мај 17, 2024 ЕУ го истражува Мајкрософт за ризиците од вештачката интелигенција пред изборите Илустративна фотографија. Европската унија денеска (17 мај) му нареди на Мајкрософт да предаде внатрешни документи или дека пред изборите ќе се соочи со казни поврзани со ризиците од користење на вештачка интелигенција на својот пребарувач Бинг. ЕУ ја идентификуваше генеративната вештачка интелигенција како една од главните закани за изборите што ќе се одржат во ЕУ од 6 до 9 јуни. Во март, Брисел побара од Бинг, заедно со неколку големи дигитални платформи, вклучително Гугл, ТикТок и Јутуб, да обезбеди информации за активностите што ги презеле за да ги ублажат ризиците од користење на вештачка интелигенција. Но, Мајкрософт не одговори на барањето за повеќе детали за „специфичните ризици кои произлегуваат од функциите на генеративната вештачка интелигенција на Бинг, особено „Копилот во Бинг“ и „Креатор на слики од дизајнер“, соопшти Европската комисија. Американскиот технолошки гигант сега има рок до 27 мај да обезбеди „внатрешни документи и податоци“. Видете и ова: Тик-Ток објави дека ќе означува слики создадени од вештачка интелигенција Доколку Мајкрософт не го стори тоа, ЕУ може да изрече казни до еден процент од вкупниот годишен приход или глобалниот промет на компанијата, како и периодични казни до пет проценти од просечниот дневен приход или дневен промет во светот. Од минатата година, најголемите светски технолошки компании мораа да се усогласат со европскиот закон познат како Закон за дигитални услуги (DSA). Комисијата соопшти дека се сомнева дека „Бинг можеби ја прекршил DSA“ во делот поврзан со „ризиците поврзани со генеративната вештачка интелигенција“. Ова се однесува на можностите на вештачката интелигенција да обезбедува лажни информации и „вирално ширење на длабока лажна содржина“. Видете и ова: Колку и да се труди нема да не замени Мајкрософт соопшти дека е посветен на исполнување на барањата на комисијата. „Целосно соработуваме со Европската комисија во рамките на Доброволното барање за информации и остануваме посветени да одговориме на нивните прашања и да споделуваме информации за нашиот пристап кон дигиталната безбедност и усогласеноста со DSA“, рече портпаролот на Microsoft. Портпаролот рече дека Мајкрософт презел „чекори за мерење и ублажување на потенцијалните ризици“ на сите негови платформи. Мајкрософт инвестираше милијарди во OpenAI, главен играч во вештачката интелигенција, особено откако се појави четботот ChatGPT кон крајот на 2022 година. прочитај повеќе мај 17, 2024 Таравари најави договор за влада, Османи дополнителни механизми за заштита Изет Меџити и Арбен Таравари од коалицијата „Влен“. Градоначалникот на Гостивар Арбен Таравари денеска изјави дека очекува до крајот на идната недела да биде договор околу идната влада меѓу колицијата „Влен“ и ВМРО-ДПМНЕ. Откако „Вреди“ и ВМРО-ДПМНЕ формираа работни групи за формирање на владина коалиција по парламентарните избори на 8 мај, Таравари денекса изјави дека меѓу работните групи „владее позитивна атмосфера. „Се надевам дека до крајот на идната недела ќе имаме завршен договор со програма на Владата и со распределба на ресори, односно кој и каде ќе биде како министер“, рече Таравари. По гласањето на двојните избори на 8 мај, претседателски и парламентрани, ВМРО-ДПМНЕ освои најмногу (58) мандати. Во албанскиот политички блок, Коалицијата „Влен“ освои 13 мандати, што е 6 помалку од коалицијата „Европски фронт“ која освои 19. Видете и ова: Управен суд ја одби тужбата на „Европскиот фронт“ за решението на ДИК за избирачкото место во Крушево Но, ВМРО-ДПМНЕ и Влен се во преговори за состав на идната влада. Таравари рече дека со Христијан Мицкоски досега имале две средби, а дека понатаму интензивно работат работните групи. „Се надевам до понеделник ќе излеземе со заедничка програма, а до петок ќе имаме завршен договор меѓу ВЛЕН и ВМРО-ДПМНЕ, практично договор за нова влада“, изјави Таравари. Потпретседателот на ДУИ Бујар Османи, чија партија е дел од коалицијата „Европски фронт“, денеска рече дека ако се прави владина коалиција без нивната партија, дека „тоа ќе ги разгневи сите Албанци кои ценат дека нивните гласови ќе бидат ништовни и потоа ќе бараат дополнителен механизам за заштита“, изјави Османи за приватната телевизија „Канал 5“. „ДУИ е во постојано заседание, емоциите кај албанскиот народ се веќе вжештени и ние повеќе се обидуваме да менаџираме и да контролираме. Ќе сметаат дека Охридскиот рамковен договор не ги заштитува, не го заштитува нивниот глас, нивниот глас се игнорира, е ништовен за државата и дека ќе бараат дополнителен механизам за заштита“, рече Османи. прочитај повеќе мај 17, 2024 Управен суд ја одби тужбата на „Европскиот фронт“ за решението на ДИК за избирачкото место во Крушево Управен суд Скопје Управниот суд ja одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија" за избирачкото место 1194 во Општина Крушево на Парламентарните избори одржани на 8 мај 2024 година. Според Изборниот законик, доколку одлуката за прегласување во тоа избирачко место влијае на конечните изборни резултати, ДИК треба да спроведе повторено гласање 14 ден од Парламентарните избори кои беа одржани на 8 мај. Повтореното гласање според тоа треба да биде на 22 мај. Претходно денеска во текот на расправата, застапникот на тужителот, Коалицијата „Европски фронт“, Ејуп Рустеми, посочи дека се оспорува решението на ДИК за прифаќање на приговорот за поништувње на гласањето на ИМ 1194 на Коалицијата „Твоја Македонија". „Решението на ДИК е нејасно. Сумираниот износ на искористени гласачки ливчиња е нејасно како ДИК дошле до збирот од 377 гласачи, без притоа да се земе предвид бројот од 359 потпишани гласачи во избирачкиот список. Бројот од 17 болни и изнемоштени не треба да се додава во дел IV од записникот, бидејќи тие се веќе вброени во статистичкиот податок и се добива дупла бројка. Според Изборниот законик погрешно пополнување на записник не е основ за поништување на гласањето“, изјави Рустеми. Видете и ова: Загриженост во ДИК поради изјави на политичари по приговорите за изборите Дополнително, посочи Рустеми, во записникот нема заведено забелешки за евентуални неправилности. Претставникот на ДИК, Катерина Василевска нагласи дека остануваат во целост на наводите од решението и одговорот на тужбата и предлагаат таа да се одбие како неоснована. „ДИК постапи во законскиот рок и донесе одлука. По увидот во целосниот изборен материјал ДИК утврди дека бројот на идентификувани гласачи не се совпаѓа со бројот на потпишани гласачи во избирачкиот список и не соодветствува со бројот на искористени гласачки ливчиња на гласачкото место“, нагласи Василевска. Управниот суд пресудата ќе ја објави за два часа. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите се оформени предмети и закажани во текот на денешниот ден. Видете и ова: Талат Џафери: Има обиди за изборен инжинеринг ДИК на 104 седница ги разгледа приговорите поднесени од политичките партии по одржувањето на парламентарните избори на 8 мај. Од вкупно 27 поднесени приговори - девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. прочитај повеќе мај 17, 2024 Загриженост во ДИК поради изјави на политичари по приговорите за изборите Александар Даштевски - претседател на Државната изборна комисија (ДИК) . Претседателот на Државната изборна комисија (ДИК) Александар Даштевски и членовите на ДИК и уште неколку членови денеска изразија загриженост дека политички партии и високи владини функционери давале изјави за работата на ДИК за постапувањето по приговорите за парламентарните избори, кои според нив можат да бидат закана за нивната безбедност. Во денешносто соопштение на ДИК, освен Даштевски, загриженост изразуваат и членовите на ДИК Радица Ристеска, Оливер Ристовски, Борис Кондарко, Бобан Стојаноски и Абдуш Демири. „Ве известуваме дека покрај тоа што сме лично понижувани и навредувани, исто така како членови во највисоката институција за организирање и спроведување на изборите, сме изложени и на неосновани и непримерени јавни политички притисоци и на закани за кривична одговорност поради донесените одлуки на ДИК“, се вели во реакцијата. Тие велат дека според „контекстот и интензитетот на нападите, прозивките и навредите“ загрижени се и дека е можно тие да преминат и во лични напади на нивната сигурност. „Ве известуваме дека ДИК во целост професионално, транспаретно и само врз основа на закон ги спроведе изборите што е потврдено од сите домашни и меѓународни фактори. Исто така и покрај сите непријатности кои ги имаме, сепак со највисок степен на интегритет врз основа на јавна проверка на изборниот материјал ДИК ги утврди фактите и одлучуваше по приговори поднесени од различни учесници за 110 избирачки места, од кои врз основа на образложени докази усвои приговори за само 7 избирачки места за кои имаше правен основ, додека сите останати 103 избирачки места, беа одбиени како неосновани и за нив немаше поднесено тужби ниту еден учесник на изборите“, се вели во реакцијата. Видете и ова: Талат Џафери: Има обиди за изборен инжинеринг Државната изборна комисија наведува дека е неприфатливо да има нападите, притисоци и мешање на одредени политички партии и на поединци од техничката Влада во изборните процедури и во работата и одлучувањето на ДИК и на Управниот суд. Тие посочуваат дека за сето ова денеска на средба во ДИК била известена и амбасадорката на набљудувачката мисија на ОБСЕ-ОДИХР Џилијан Стирк. Премиерот на техничката Влада Талат Џафери вчера на прес-конференција соопшти дека имало договор за надгласување во Државната изборна комисија за прифаќање на одредени приговори за изборните резултати и прегласување и оти на ваков начин се прави обид за изборен инженеринг за менување на бројките во Собранието и изигрување на волјата на граѓаните. Изборниот процес кој беше оценет како кредибилен и демократски, сега е во рацете на Управниот суд, рече Џафери и повика сите институции да постапуваат согласно закон без партиски директиви од која било страна. Управниот суд вчера одржа јавна седница по тужба на Коалицијата „Вреди“ по одлуката на ДИК за одбивање на нивниот приговор за избирачко место 0511, во Долна Бањица во Општина Гостивар на Парламентарните избори 2024 година. Видете и ова: Ќе се прегласува во Желино, „Европски фронт“ со обвинувања дека ќе им бидат одземени пратеници Постапката беше прекината, откако претставникот на Коалицијата „Вреди“ изјави дека ја повлекува тужбата во целост. До Државната изборна комисија беа поднесени вкупно 27 приговори за парламентарните избори - девет од коалицијата „Влен“, осум од ВМРО-ДПМНЕ, пет од СДСМ и четири од Левица. Прифатени беа седум: шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Против одлуката на ДИК може да се поднесе тужба до Управниот суд, во рок од 24 часа од приемот на решението.Управниот суд, пак, по жалбата е должен да донесе одлука во рок од 48 часа по нејзиниот прием. мд/дма/ прочитај повеќе мај 17, 2024 Состојбата на словачкиот премиер Фицо „се уште многу сериозна“ Словачкиот премиер Роберт Фицо. Два дена по обидот за атентат, состојбата на словачкиот премиер Роберт Фицо на 17 мај „останува многу сериозна“, изјави неговиот заменик и близок соработник Роберт Калинак. Фицо беше хоспитализиран по пукањето во средата, коешто се случи додека 59-годишниот премиер на Словачка разговараше со граѓаните по состанокот во централниот град Хандлова. „Повторно беше опериран, имаше операција речиси два часа“, изјави за новинарите пред болницата во Банска Бистрица вицепремиерот Роберт Калинак. Фицо претходно имаше петчасовна операција набргу откако од местото на нападот беше пренесен во болница со хеликоптер. Директорот на болницата во Банска Бистрица рече дека Фицо останал „свесен“, иако е во „тешка“ состојба. Претходно, на 17 мај, локалните медиуми објавија дека словачката полиција извршила претрес во домот на мажот кој е обвинет за пукањето. Видете и ова: На словачкиот премиер Фицо ќе му биде извршена уште една операција Полициските службеници го донесоа наводниот вооружен напаѓач, кој носел панцир и шлем, во станот што го делел со неговата сопруга во западниот град Левице, беше прикажано во видео од телевизијата Маркиза. „Полицијата остана во станот неколку часа... Од станот таа изнесе компјутер и документи“, вели приватниот радиодифузер. Полицијата за АФП изјави дека нема да ја коментира тековната истрага. Полицијата не го именуваше осомничениот, но медиумите го идентификуваа како 71-годишниот писател Јурај Цинтулу. Тој во четвртокот беше обвинет за обид за убиство од прв степен во, како што велат властите, политички мотивиран напад. „Станува збор за „волк-самец“ кој се активирал по претседателските избори бидејќи не бил задоволен од нивниот исход“, изјави министерот за внатрешни работи Матус Сутај Есток. Видете и ова: Обид за атентат врз словачкиот премиер Фицо - нападот бил „политички мотивиран“ Нападот ги поттикна стравувањата од натамошно насилство и нестабилност во политички поларизираната земја, само неколку недели пред изборите за Европскиот парламент, пренесува АФП. Официјалните лица во Словачка ја повлекоа врската со политичката ситуација во земјата, со нејзината политичка сцена нарушена со дезинформации за време на неодамнешните изборни кампањи. Фицо, четирикратен премиер и политички ветеран, се врати на функцијата во октомври. Оттогаш тој даде серија изјави кои ги влошија врските меѓу Словачка и соседна Украина, откако го доведе во прашање суверенитетот на земјата. Откако тој беше избран, Словачка престана да испраќа оружје во Украина, која Русија ја нападна во 2022 година. прочитај повеќе мај 17, 2024 Палевски ќе биде спроведен на распит во Кривичниот суд Љупчо Палевски - Палчо, првоосомничен за убиството на Вања Ѓорчевска и Панче Жежовски. Основниот кривичен суд Скопје денеска доби официјално известување од Истражниот затвор Скопје за екстрадицијата на Љупчо Палевски, којшто е првоосомничен за случајот за убиството на 14-годишната Вања Ѓорчевска и велешкиот фризер Панче Жежовски (74). Палевски прво ќе биде спроведен до Кривичниот суд за да се изјасни за мерката притвор која му беше веќе определена, откако на 5 мај со авион беше екстрадиран од Турција во Северна Македонија. Од судот соопштуваат дека денеска добиле и известување и барање за ангажирање на адвокат кој ќе го застапува Палевски во текот на постапката. Според законите во Северна Македонија, судот ги издава сите дозволи поврзани со истражната постапка и ги доставува до предложените адвокати за нивно понатамошно постапување. „Дополнително, судија на претходна постапка во координација со надлежниот Јавен обвинител, ќе издаде наредба за спровод на осомниченото лице за негово произнесување во однос на околностите во предлогот на Јавниот обвинител за определување на мерката притвор, а за донесеното решение јавноста ќе биде известена“, се вели во соопштението од Основен кривичен суд Скопје. Видете и ова: Финишира истрагата за Палчо за убиството на 14-годишната Вања Истрагата за случајот, кој што го води Основното јавно обвинителство (ОЈО) Скопје, е во завршна фаза. Палевски повеќе од пет месеци помина во екстрадициски притвор во Турција, откако беше фатен од турската полиција. Палевски се гони за две грабнувања и две убиства на свиреп начин. Осомничени се и тројца соизвршители за овие дела, како и таткото на Вања Ѓорчевска кој се товари за помагање во грабнувањето на девојчето. За помагање во бегството, обвинителството сомничи уште едно лице. Истрагата на Обвинителството беше отворена на 3 декември, откако случајот притви Палевски и останатите осомничени беше отворен по пријавата за исчезнувањето на малолетната Вања на 27 ноември, утрото кога таа не се појави на училиште. Исчезнувањето со денови ја брануваше македонската, но и јавноста во регионот, а медиумите и социјалните мрежи беа преплавени со вести и апели се до 3 декември кога нејзиното тело беше пронајдено во околината на Скопје. Видете и ова: Љупчо Палевски – Палчо со авион екстрадиран во Северна Македонија Истиот ден беше кобен и за семејството на Панче Жежовски бидејќи полицијата соопшти дека неговото тело го пронашле во близина на Велес. Тој бил пријавен за исчезнат три дена пред Вања – на 24 ноември. Палевски беше во бегство во Турција, а избегал во таа земја преку Србија и Бугарија, избега во Турција. Турската полиција успеа да го фати кај градот Балибекир на 5 декември 2023 година. Тој на 15 мај годинава беше екстрадиран во Северна Македонија. Пред затворање на истрагата и поднесување на обвинение, Палевски треба да биде сослушан и во обвинителството. По евентуалното обвинение, тоа ќе оди на оценка во судот и ако добие зелено светло, ќе стартува судски процес. Во меѓувреме тој во притвор се чува под посебни безбедносни мерки. прочитај повеќе Вчитај повеќе...

Вести мај 17, 2024 Судски совет: Судската власт е независна, секое мешање е опасно за демократијата Судски совет Судската власт е самостојна и независна и секое мешање во судството и во судската власт носи со себе сериозна опасност по демократијата, правната сигурност и владеењето на правото, велат од Судскиот совет на најавите на лидерот на ВМРО-ДПМНЕ Христијан Мицкоски дека нивна цел е да го распуштат Судскиот совет и самите судии и обвинители преку тајно гласање да ги избираат своите преставници во Советот. „Судскиот совет не се впуштa во коментирање и оценка на предизборни програми и ветувања на која било политичка партија, затоа што тоа е крајно несоодветно. Единствено, Судскиот совет укажува дека судската власт како една од трите власти, а не трета власт, е самостојна и независна. Овој факт не го користиме како флоскула и одбранбен механизам. Мора да биде јасно и сите да бидат свесни дека секое мешање во судството и генерално во судската власт на кој било од носителите на другите две власти, носи со себе сериозна опасност за едно демократско општество, правната сигурност и владеењето на правото, како вредности, стандарди и врвни приоритети кон кои како држава се стремиме на патот кон ЕУ“, велат од Судскиот совет. Видете и ова: Мицкоски: Мое човеково право е како ќе ја нарекувам мојата држава Оттаму нагласуваат дека се свесни за состојбите во судството, за нивото на доверба и за се она што како недостиг се става на товар на судството. „Критиките ги прифаќаме, меѓутоа, исто така убедени сме дека судството во Република Северна Македонија има капацитет да ги надмине состојбите без реформи и резови за кои никој не може однапред да ги предвиди ефектите кои ќе бидат предизвикани. Реформи заради реформи никому не му се потребни и истите само ќе ги вратат неколку чекори назад процесите и активностите кои Судскиот совет ги превзема во овој период, финансирани и со поддршка на меѓународната заедница преку проекти, а се во насока на подобрување на состојбите во судството и се во напредна фаза“, нагласуваат од Судскиот совет. Лидерот на ВМРО-ДПМНЕ Мицкоски во обраќање на Самитот „Македонија2025“ вчера рече дека главен предизвик на идната влада ќе бидат реформите во Судскиот совет и Советот на јавни обвинители и дека нивна цел е да ги распуштат оние кои довербата во правниот систем ја свеле на едноцифрена бројка проценти и наместо нив, самите судии и обвинители да си ги изберат своите претставници преку тајно гласање. Мицкоски потенцираше дека владата предводена од ВМРО-ДПМНЕ нема намера ниту да поставува и предлага свои луѓе преку измени во законот, ниту пак има намера да се меша во овие две тела. прочитај повеќе види ги сите денешни вести мај 17, 2024 Напад во Авганистан - неколку убиени, меѓу нив и странски државјани Авганистанска провинција Бамијан. Вооружен напад се случил на 17 мај врз група на странски туристи во централната авганистанска провинција Бамијан. Извор од талибанските безбедносни сили за Радио Азана на Радио Слободна Европа изјави дека во нападот имало неколку мртви. Видете и ова: Во поплавите во Авганистан загинаа 315 луѓе Изворот, кој побара да остане анонимен, не го откри бројот на загинатите туристи или нивната националност. Амај њуз објави дека најмалку осум лица биле убиени. Меѓу жртвите во нападот биле и четворица странски државјани, но не беа дадени повеќе детали. прочитај повеќе мај 17, 2024 Србија досега добила 220 милиони евра од ЕУ за миграцијата и граничната контрола Илустративна фотографија. Од 2015 година, Европската унија (ЕУ) ѝ даде на Србија повеќе од 220 милиони евра помош во областа на миграцијата и управувањето со границите, изјави Никола Бертолини - шеф на Одделот за соработка на Делегацијата на ЕУ во Србија. На крајот од петдневната обука на граничарите во Суботица, Бертолини рече дека Србија усвоила стратегија за интегрирано гранично управување, соопшти Министерството за внатрешни работи (МВР). Тој додаде дека парите од Брисел биле испратени во Србија за поголема безбедност на границите и помош во борбата против нелегалните прекугранични активности, шверцот на оружје, експлозиви и наркотици. „Зголемувањето на капацитетот на граничните служби води и до поефикасно откривање на нерегуларна миграција, трговија со луѓе и криумчарење“, рече Бертолини. Видете и ова: Западен Балкан е важна транзитна зона за илегални миграции, покажа извештајот на ИОМ Тој посочи дека ЕУ планира да продолжи да ја поддржува Србија за спроведување на поефективен надзор и софистицирани гранични проверки, како и да обезбеди модерна опрема за таа цел. Тој потсети дека за зголемување на обемот на трговската, туризмот и културната размена потребни се поотворени граници, но истовремено и одржување на високо ниво на безбедност на границите. „Затоа сите гранични агенции треба да воспостават рамнотежа помеѓу строгите контроли и отворените граници“, рече Бертолини. Владата на Србија го усвои акциониот план на ЕУ за интегрирано гранично управување во 2022 година. Од почетокот на светската мигрантска криза во 2015 година, преку таканаречената балканска рута низ Србија поминале повеќе од еден и пол милион бегалци и мигранти, покажуваат податоците на надлежните органи на Обединетите нации (ОН). прочитај повеќе мај 17, 2024 Засилени безбедносни мерки во Шведска по пукање во близина на израелската амбасада Улицата Готгатан во Стокхолм, 14 април 2020 година. Илустративна фотографија Шведска ги засили безбедносните мерки во земјата по пукање во близина на израелската амбасада во Стокхолм, соопшти полицијата на 17 мај. Полицијата ја опколи областа околу амбасадата и изврши претреси во неколку населби во Стокхолм откако во раните утрински часови се слушнаа истрели. „Поради сомнителни пукотници во близина на израелската амбасада во Стокхолм, полицијата презема безбедносни мерки за заштита на имотот и интересите на Израел и Евреите низ целата земја“, соопшти полицискиот оддел на својата веб-страница. Видете и ова: Израел соопшти дека обвинувањата на Јужна Африка за геноцид се неосновани Амбасадорот на Израел во Шведска, Жив Нево Кулман, им се заблагодари на властите на мрежата X „за нивната итна реакција и истрага, како и за зголемените безбедносни мерки околу нашата амбасада и околу еврејските заедници“. Во февруари, полицијата на теренот на израелската амбасада пронајде уред за кој амбасадорот рече дека претставува обид за напад. Шведските разузнавачки служби отворија истрага за „тероризам“. Од нападот на Хамас врз јужен Израел на 7 октомври 2023 година, властите и некои невладини организации во многу земји пријавија пораст на антисемитизмот, додека високиот број цивилни жртви во Газа предизвикани од одговорот на Израел дополнително ги зголеми тензиите. прочитај повеќе мај 17, 2024 ЕУ забрани уште четири руски медиуми поради ширење пропаганда Европскиот парламент. Европската унија на 17 мај забрани емитување на програми на уште четири руски медиуми во ЕУ поради, како што се наведува, ширење пропаганда за инвазијата врз Украина и за дезинформации. Забраната за емитување се случува во пресрет на изборите за Европскиот парламент. Последната група на медиуми кои се забранети ги вклучуваат веб-страницата Глас Европа, руската државна новинска агенција РИА Новости, весниците Известија и Росискаја газета, за кои ЕУ тврди дека се под контрола на Кремљ. Официјалното соопштение за санкциите ја потврди одлуката на почетокот на неделава од страна на амбасадорите на 27-те земји-членки на блокот. „Овие медиуми се под постојана директна или индиректна контрола на раководството на Руската Федерација и беа од суштинско значење и инструменти во започнувањето и поддршката на руската агресорска војна против Украина и дестабилизацијата на нејзините соседни земји“, се вели во соопштението на ЕУ. Видете и ова: Русија ја предупреди ЕУ на остар одговор ако воведе ограничувања за руските медиуми Во соопштението се наведува дека овие медиуми конкретно ги таргетираат „европските политички партии, особено во изборните периоди“. Забраните ги опфаќаат „сите средства за пренос и дистрибуција во ЕУ или насочени кон земјите-членки на ЕУ“, но не ги спречуваат новинарите да работат во медиумите во Европската унија. Веќе минатиот месец, Белгија отвори истрага за сомнително руско мешање во јунските избори низ Европа, велејќи дека разузнавачката служба на нејзината земја го потврдила постоењето на мрежа која се обидува да ја поткопа поддршката за Украина. Чешката влада воведе санкции за голем број луѓе откако таму беше откриена операција на проруско влијание. Според наводите, тие им обраќале на членовите на Европскиот парламент и им понудиле пари за промовирање на руската пропаганда. Од почетокот на војната во февруари 2022 година, ЕУ веќе суспендираше неколку медиуми, вклучително и Русија денес (РТ) и Спутник. прочитај повеќе мај 17, 2024 ЕУ го истражува Мајкрософт за ризиците од вештачката интелигенција пред изборите Илустративна фотографија. Европската унија денеска (17 мај) му нареди на Мајкрософт да предаде внатрешни документи или дека пред изборите ќе се соочи со казни поврзани со ризиците од користење на вештачка интелигенција на својот пребарувач Бинг. ЕУ ја идентификуваше генеративната вештачка интелигенција како една од главните закани за изборите што ќе се одржат во ЕУ од 6 до 9 јуни. Во март, Брисел побара од Бинг, заедно со неколку големи дигитални платформи, вклучително Гугл, ТикТок и Јутуб, да обезбеди информации за активностите што ги презеле за да ги ублажат ризиците од користење на вештачка интелигенција. Но, Мајкрософт не одговори на барањето за повеќе детали за „специфичните ризици кои произлегуваат од функциите на генеративната вештачка интелигенција на Бинг, особено „Копилот во Бинг“ и „Креатор на слики од дизајнер“, соопшти Европската комисија. Американскиот технолошки гигант сега има рок до 27 мај да обезбеди „внатрешни документи и податоци“. Видете и ова: Тик-Ток објави дека ќе означува слики создадени од вештачка интелигенција Доколку Мајкрософт не го стори тоа, ЕУ може да изрече казни до еден процент од вкупниот годишен приход или глобалниот промет на компанијата, како и периодични казни до пет проценти од просечниот дневен приход или дневен промет во светот. Од минатата година, најголемите светски технолошки компании мораа да се усогласат со европскиот закон познат како Закон за дигитални услуги (DSA). Комисијата соопшти дека се сомнева дека „Бинг можеби ја прекршил DSA“ во делот поврзан со „ризиците поврзани со генеративната вештачка интелигенција“. Ова се однесува на можностите на вештачката интелигенција да обезбедува лажни информации и „вирално ширење на длабока лажна содржина“. Видете и ова: Колку и да се труди нема да не замени Мајкрософт соопшти дека е посветен на исполнување на барањата на комисијата. „Целосно соработуваме со Европската комисија во рамките на Доброволното барање за информации и остануваме посветени да одговориме на нивните прашања и да споделуваме информации за нашиот пристап кон дигиталната безбедност и усогласеноста со DSA“, рече портпаролот на Microsoft. Портпаролот рече дека Мајкрософт презел „чекори за мерење и ублажување на потенцијалните ризици“ на сите негови платформи. Мајкрософт инвестираше милијарди во OpenAI, главен играч во вештачката интелигенција, особено откако се појави четботот ChatGPT кон крајот на 2022 година. прочитај повеќе мај 17, 2024 Таравари најави договор за влада, Османи дополнителни механизми за заштита Изет Меџити и Арбен Таравари од коалицијата „Влен“. Градоначалникот на Гостивар Арбен Таравари денеска изјави дека очекува до крајот на идната недела да биде договор околу идната влада меѓу колицијата „Влен“ и ВМРО-ДПМНЕ. Откако „Вреди“ и ВМРО-ДПМНЕ формираа работни групи за формирање на владина коалиција по парламентарните избори на 8 мај, Таравари денекса изјави дека меѓу работните групи „владее позитивна атмосфера. „Се надевам дека до крајот на идната недела ќе имаме завршен договор со програма на Владата и со распределба на ресори, односно кој и каде ќе биде како министер“, рече Таравари. По гласањето на двојните избори на 8 мај, претседателски и парламентрани, ВМРО-ДПМНЕ освои најмногу (58) мандати. Во албанскиот политички блок, Коалицијата „Влен“ освои 13 мандати, што е 6 помалку од коалицијата „Европски фронт“ која освои 19. Видете и ова: Управен суд ја одби тужбата на „Европскиот фронт“ за решението на ДИК за избирачкото место во Крушево Но, ВМРО-ДПМНЕ и Влен се во преговори за состав на идната влада. Таравари рече дека со Христијан Мицкоски досега имале две средби, а дека понатаму интензивно работат работните групи. „Се надевам до понеделник ќе излеземе со заедничка програма, а до петок ќе имаме завршен договор меѓу ВЛЕН и ВМРО-ДПМНЕ, практично договор за нова влада“, изјави Таравари. Потпретседателот на ДУИ Бујар Османи, чија партија е дел од коалицијата „Европски фронт“, денеска рече дека ако се прави владина коалиција без нивната партија, дека „тоа ќе ги разгневи сите Албанци кои ценат дека нивните гласови ќе бидат ништовни и потоа ќе бараат дополнителен механизам за заштита“, изјави Османи за приватната телевизија „Канал 5“. „ДУИ е во постојано заседание, емоциите кај албанскиот народ се веќе вжештени и ние повеќе се обидуваме да менаџираме и да контролираме. Ќе сметаат дека Охридскиот рамковен договор не ги заштитува, не го заштитува нивниот глас, нивниот глас се игнорира, е ништовен за државата и дека ќе бараат дополнителен механизам за заштита“, рече Османи. прочитај повеќе мај 17, 2024 Управен суд ја одби тужбата на „Европскиот фронт“ за решението на ДИК за избирачкото место во Крушево Управен суд Скопје Управниот суд ja одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија" за избирачкото место 1194 во Општина Крушево на Парламентарните избори одржани на 8 мај 2024 година. Според Изборниот законик, доколку одлуката за прегласување во тоа избирачко место влијае на конечните изборни резултати, ДИК треба да спроведе повторено гласање 14 ден од Парламентарните избори кои беа одржани на 8 мај. Повтореното гласање според тоа треба да биде на 22 мај. Претходно денеска во текот на расправата, застапникот на тужителот, Коалицијата „Европски фронт“, Ејуп Рустеми, посочи дека се оспорува решението на ДИК за прифаќање на приговорот за поништувње на гласањето на ИМ 1194 на Коалицијата „Твоја Македонија". „Решението на ДИК е нејасно. Сумираниот износ на искористени гласачки ливчиња е нејасно како ДИК дошле до збирот од 377 гласачи, без притоа да се земе предвид бројот од 359 потпишани гласачи во избирачкиот список. Бројот од 17 болни и изнемоштени не треба да се додава во дел IV од записникот, бидејќи тие се веќе вброени во статистичкиот податок и се добива дупла бројка. Според Изборниот законик погрешно пополнување на записник не е основ за поништување на гласањето“, изјави Рустеми. Видете и ова: Загриженост во ДИК поради изјави на политичари по приговорите за изборите Дополнително, посочи Рустеми, во записникот нема заведено забелешки за евентуални неправилности. Претставникот на ДИК, Катерина Василевска нагласи дека остануваат во целост на наводите од решението и одговорот на тужбата и предлагаат таа да се одбие како неоснована. „ДИК постапи во законскиот рок и донесе одлука. По увидот во целосниот изборен материјал ДИК утврди дека бројот на идентификувани гласачи не се совпаѓа со бројот на потпишани гласачи во избирачкиот список и не соодветствува со бројот на искористени гласачки ливчиња на гласачкото место“, нагласи Василевска. Управниот суд пресудата ќе ја објави за два часа. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите се оформени предмети и закажани во текот на денешниот ден. Видете и ова: Талат Џафери: Има обиди за изборен инжинеринг ДИК на 104 седница ги разгледа приговорите поднесени од политичките партии по одржувањето на парламентарните избори на 8 мај. Од вкупно 27 поднесени приговори - девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. прочитај повеќе мај 17, 2024 Загриженост во ДИК поради изјави на политичари по приговорите за изборите Александар Даштевски - претседател на Државната изборна комисија (ДИК) . Претседателот на Државната изборна комисија (ДИК) Александар Даштевски и членовите на ДИК и уште неколку членови денеска изразија загриженост дека политички партии и високи владини функционери давале изјави за работата на ДИК за постапувањето по приговорите за парламентарните избори, кои според нив можат да бидат закана за нивната безбедност. Во денешносто соопштение на ДИК, освен Даштевски, загриженост изразуваат и членовите на ДИК Радица Ристеска, Оливер Ристовски, Борис Кондарко, Бобан Стојаноски и Абдуш Демири. „Ве известуваме дека покрај тоа што сме лично понижувани и навредувани, исто така како членови во највисоката институција за организирање и спроведување на изборите, сме изложени и на неосновани и непримерени јавни политички притисоци и на закани за кривична одговорност поради донесените одлуки на ДИК“, се вели во реакцијата. Тие велат дека според „контекстот и интензитетот на нападите, прозивките и навредите“ загрижени се и дека е можно тие да преминат и во лични напади на нивната сигурност. „Ве известуваме дека ДИК во целост професионално, транспаретно и само врз основа на закон ги спроведе изборите што е потврдено од сите домашни и меѓународни фактори. Исто така и покрај сите непријатности кои ги имаме, сепак со највисок степен на интегритет врз основа на јавна проверка на изборниот материјал ДИК ги утврди фактите и одлучуваше по приговори поднесени од различни учесници за 110 избирачки места, од кои врз основа на образложени докази усвои приговори за само 7 избирачки места за кои имаше правен основ, додека сите останати 103 избирачки места, беа одбиени како неосновани и за нив немаше поднесено тужби ниту еден учесник на изборите“, се вели во реакцијата. Видете и ова: Талат Џафери: Има обиди за изборен инжинеринг Државната изборна комисија наведува дека е неприфатливо да има нападите, притисоци и мешање на одредени политички партии и на поединци од техничката Влада во изборните процедури и во работата и одлучувањето на ДИК и на Управниот суд. Тие посочуваат дека за сето ова денеска на средба во ДИК била известена и амбасадорката на набљудувачката мисија на ОБСЕ-ОДИХР Џилијан Стирк. Премиерот на техничката Влада Талат Џафери вчера на прес-конференција соопшти дека имало договор за надгласување во Државната изборна комисија за прифаќање на одредени приговори за изборните резултати и прегласување и оти на ваков начин се прави обид за изборен инженеринг за менување на бројките во Собранието и изигрување на волјата на граѓаните. Изборниот процес кој беше оценет како кредибилен и демократски, сега е во рацете на Управниот суд, рече Џафери и повика сите институции да постапуваат согласно закон без партиски директиви од која било страна. Управниот суд вчера одржа јавна седница по тужба на Коалицијата „Вреди“ по одлуката на ДИК за одбивање на нивниот приговор за избирачко место 0511, во Долна Бањица во Општина Гостивар на Парламентарните избори 2024 година. Видете и ова: Ќе се прегласува во Желино, „Европски фронт“ со обвинувања дека ќе им бидат одземени пратеници Постапката беше прекината, откако претставникот на Коалицијата „Вреди“ изјави дека ја повлекува тужбата во целост. До Државната изборна комисија беа поднесени вкупно 27 приговори за парламентарните избори - девет од коалицијата „Влен“, осум од ВМРО-ДПМНЕ, пет од СДСМ и четири од Левица. Прифатени беа седум: шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Против одлуката на ДИК може да се поднесе тужба до Управниот суд, во рок од 24 часа од приемот на решението.Управниот суд, пак, по жалбата е должен да донесе одлука во рок од 48 часа по нејзиниот прием. мд/дма/ прочитај повеќе мај 17, 2024 Состојбата на словачкиот премиер Фицо „се уште многу сериозна“ Словачкиот премиер Роберт Фицо. Два дена по обидот за атентат, состојбата на словачкиот премиер Роберт Фицо на 17 мај „останува многу сериозна“, изјави неговиот заменик и близок соработник Роберт Калинак. Фицо беше хоспитализиран по пукањето во средата, коешто се случи додека 59-годишниот премиер на Словачка разговараше со граѓаните по состанокот во централниот град Хандлова. „Повторно беше опериран, имаше операција речиси два часа“, изјави за новинарите пред болницата во Банска Бистрица вицепремиерот Роберт Калинак. Фицо претходно имаше петчасовна операција набргу откако од местото на нападот беше пренесен во болница со хеликоптер. Директорот на болницата во Банска Бистрица рече дека Фицо останал „свесен“, иако е во „тешка“ состојба. Претходно, на 17 мај, локалните медиуми објавија дека словачката полиција извршила претрес во домот на мажот кој е обвинет за пукањето. Видете и ова: На словачкиот премиер Фицо ќе му биде извршена уште една операција Полициските службеници го донесоа наводниот вооружен напаѓач, кој носел панцир и шлем, во станот што го делел со неговата сопруга во западниот град Левице, беше прикажано во видео од телевизијата Маркиза. „Полицијата остана во станот неколку часа... Од станот таа изнесе компјутер и документи“, вели приватниот радиодифузер. Полицијата за АФП изјави дека нема да ја коментира тековната истрага. Полицијата не го именуваше осомничениот, но медиумите го идентификуваа како 71-годишниот писател Јурај Цинтулу. Тој во четвртокот беше обвинет за обид за убиство од прв степен во, како што велат властите, политички мотивиран напад. „Станува збор за „волк-самец“ кој се активирал по претседателските избори бидејќи не бил задоволен од нивниот исход“, изјави министерот за внатрешни работи Матус Сутај Есток. Видете и ова: Обид за атентат врз словачкиот премиер Фицо - нападот бил „политички мотивиран“ Нападот ги поттикна стравувањата од натамошно насилство и нестабилност во политички поларизираната земја, само неколку недели пред изборите за Европскиот парламент, пренесува АФП. Официјалните лица во Словачка ја повлекоа врската со политичката ситуација во земјата, со нејзината политичка сцена нарушена со дезинформации за време на неодамнешните изборни кампањи. Фицо, четирикратен премиер и политички ветеран, се врати на функцијата во октомври. Оттогаш тој даде серија изјави кои ги влошија врските меѓу Словачка и соседна Украина, откако го доведе во прашање суверенитетот на земјата. Откако тој беше избран, Словачка престана да испраќа оружје во Украина, која Русија ја нападна во 2022 година. прочитај повеќе мај 17, 2024 Палевски ќе биде спроведен на распит во Кривичниот суд Љупчо Палевски - Палчо, првоосомничен за убиството на Вања Ѓорчевска и Панче Жежовски. Основниот кривичен суд Скопје денеска доби официјално известување од Истражниот затвор Скопје за екстрадицијата на Љупчо Палевски, којшто е првоосомничен за случајот за убиството на 14-годишната Вања Ѓорчевска и велешкиот фризер Панче Жежовски (74). Палевски прво ќе биде спроведен до Кривичниот суд за да се изјасни за мерката притвор која му беше веќе определена, откако на 5 мај со авион беше екстрадиран од Турција во Северна Македонија. Од судот соопштуваат дека денеска добиле и известување и барање за ангажирање на адвокат кој ќе го застапува Палевски во текот на постапката. Според законите во Северна Македонија, судот ги издава сите дозволи поврзани со истражната постапка и ги доставува до предложените адвокати за нивно понатамошно постапување. „Дополнително, судија на претходна постапка во координација со надлежниот Јавен обвинител, ќе издаде наредба за спровод на осомниченото лице за негово произнесување во однос на околностите во предлогот на Јавниот обвинител за определување на мерката притвор, а за донесеното решение јавноста ќе биде известена“, се вели во соопштението од Основен кривичен суд Скопје. Видете и ова: Финишира истрагата за Палчо за убиството на 14-годишната Вања Истрагата за случајот, кој што го води Основното јавно обвинителство (ОЈО) Скопје, е во завршна фаза. Палевски повеќе од пет месеци помина во екстрадициски притвор во Турција, откако беше фатен од турската полиција. Палевски се гони за две грабнувања и две убиства на свиреп начин. Осомничени се и тројца соизвршители за овие дела, како и таткото на Вања Ѓорчевска кој се товари за помагање во грабнувањето на девојчето. За помагање во бегството, обвинителството сомничи уште едно лице. Истрагата на Обвинителството беше отворена на 3 декември, откако случајот притви Палевски и останатите осомничени беше отворен по пријавата за исчезнувањето на малолетната Вања на 27 ноември, утрото кога таа не се појави на училиште. Исчезнувањето со денови ја брануваше македонската, но и јавноста во регионот, а медиумите и социјалните мрежи беа преплавени со вести и апели се до 3 декември кога нејзиното тело беше пронајдено во околината на Скопје. Видете и ова: Љупчо Палевски – Палчо со авион екстрадиран во Северна Македонија Истиот ден беше кобен и за семејството на Панче Жежовски бидејќи полицијата соопшти дека неговото тело го пронашле во близина на Велес. Тој бил пријавен за исчезнат три дена пред Вања – на 24 ноември. Палевски беше во бегство во Турција, а избегал во таа земја преку Србија и Бугарија, избега во Турција. Турската полиција успеа да го фати кај градот Балибекир на 5 декември 2023 година. Тој на 15 мај годинава беше екстрадиран во Северна Македонија. Пред затворање на истрагата и поднесување на обвинение, Палевски треба да биде сослушан и во обвинителството. По евентуалното обвинение, тоа ќе оди на оценка во судот и ако добие зелено светло, ќе стартува судски процес. Во меѓувреме тој во притвор се чува под посебни безбедносни мерки. прочитај повеќе Вчитај повеќе...

Вести мај 17, 2024 Украина објави дека Русија го уништува градот Вовчанск Постара жена евакуирана од областа Вовчанск, 12 мај 2024 година Руските сили почнаа да го „уништуваат“ украинскиот град Вовчанск, а сите освен 200 жители на градот побегнаа од нападот, изјави гувернерот на регионот на 17 мај. Москва минатата недела изврши ненадеен копнен напад врз североисточна Украина, напредувајќи кон неколку населени места, вклучувајќи го и Вовчанск, на само пет километри од границата. „Непријателот почна да го уништува градот. Не само што е опасно да се биде таму, туку е невозможно“, рече гувернерот на Харкивската област Олег Синегубов на брифинг. Тој рече дека руските сили се обидуваат да го опколат градот, кој пред војната имал околу 18.000 жители и дека украинските сили даваат „отпор“. Видете и ова: Зеленски ги одложи патувањата во странство поради „тешката“ ситуација на фронтот Началникот на армијата Олександр Сирски изјави дека Русија ја проширила својата „борбена зона“ за 70 километри и се обидува да ја принуди Украина да ги повлече војниците од своите резерви. „Разбираме дека нè очекуваат тешки битки и дека непријателот се подготвува за тоа“, рече тој. Украина евакуираше речиси 9000 луѓе во текот на неделата, откако руските сили ја преминаа границата на 10 мај, испукувајќи силен артилериски оган врз неколку села. Претставник на украинската полиција во четвртокот ги обвини руските војници дека заробиле десетици цивили во Вовчанск и ги користеле како „човечки штитови“ за одбрана на нивниот команден штаб. АФП не можеше веднаш да го потврди тврдењето. Руските војници претходно беа обвинети за егзекуција на цивили во делови на Украина што ги заробиле и контролирале од инвазијата во февруари 2022 година. Во април 2022 година, телата на десетици цивили, некои со врзани раце, беа пронајдени во киевското предградие Бух по неколкумесечната окупација од страна на руските сили. прочитај повеќе види ги сите денешни вести мај 17, 2024 Напад во Авганистан - неколку убиени, меѓу нив и странски државјани Авганистанска провинција Бамијан. Вооружен напад се случил на 17 мај врз група на странски туристи во централната авганистанска провинција Бамијан. Извор од талибанските безбедносни сили за Радио Азана на Радио Слободна Европа изјави дека во нападот имало неколку мртви. Видете и ова: Во поплавите во Авганистан загинаа 315 луѓе Изворот, кој побара да остане анонимен, не го откри бројот на загинатите туристи или нивната националност. Амај њуз објави дека најмалку осум лица биле убиени. Меѓу жртвите во нападот биле и четворица странски државјани, но не беа дадени повеќе детали. прочитај повеќе мај 17, 2024 Србија досега добила 220 милиони евра од ЕУ за миграцијата и граничната контрола Илустративна фотографија. Од 2015 година, Европската унија (ЕУ) ѝ даде на Србија повеќе од 220 милиони евра помош во областа на миграцијата и управувањето со границите, изјави Никола Бертолини - шеф на Одделот за соработка на Делегацијата на ЕУ во Србија. На крајот од петдневната обука на граничарите во Суботица, Бертолини рече дека Србија усвоила стратегија за интегрирано гранично управување, соопшти Министерството за внатрешни работи (МВР). Тој додаде дека парите од Брисел биле испратени во Србија за поголема безбедност на границите и помош во борбата против нелегалните прекугранични активности, шверцот на оружје, експлозиви и наркотици. „Зголемувањето на капацитетот на граничните служби води и до поефикасно откривање на нерегуларна миграција, трговија со луѓе и криумчарење“, рече Бертолини. Видете и ова: Западен Балкан е важна транзитна зона за илегални миграции, покажа извештајот на ИОМ Тој посочи дека ЕУ планира да продолжи да ја поддржува Србија за спроведување на поефективен надзор и софистицирани гранични проверки, како и да обезбеди модерна опрема за таа цел. Тој потсети дека за зголемување на обемот на трговската, туризмот и културната размена потребни се поотворени граници, но истовремено и одржување на високо ниво на безбедност на границите. „Затоа сите гранични агенции треба да воспостават рамнотежа помеѓу строгите контроли и отворените граници“, рече Бертолини. Владата на Србија го усвои акциониот план на ЕУ за интегрирано гранично управување во 2022 година. Од почетокот на светската мигрантска криза во 2015 година, преку таканаречената балканска рута низ Србија поминале повеќе од еден и пол милион бегалци и мигранти, покажуваат податоците на надлежните органи на Обединетите нации (ОН). прочитај повеќе мај 17, 2024 Засилени безбедносни мерки во Шведска по пукање во близина на израелската амбасада Улицата Готгатан во Стокхолм, 14 април 2020 година. Илустративна фотографија Шведска ги засили безбедносните мерки во земјата по пукање во близина на израелската амбасада во Стокхолм, соопшти полицијата на 17 мај. Полицијата ја опколи областа околу амбасадата и изврши претреси во неколку населби во Стокхолм откако во раните утрински часови се слушнаа истрели. „Поради сомнителни пукотници во близина на израелската амбасада во Стокхолм, полицијата презема безбедносни мерки за заштита на имотот и интересите на Израел и Евреите низ целата земја“, соопшти полицискиот оддел на својата веб-страница. Видете и ова: Израел соопшти дека обвинувањата на Јужна Африка за геноцид се неосновани Амбасадорот на Израел во Шведска, Жив Нево Кулман, им се заблагодари на властите на мрежата X „за нивната итна реакција и истрага, како и за зголемените безбедносни мерки околу нашата амбасада и околу еврејските заедници“. Во февруари, полицијата на теренот на израелската амбасада пронајде уред за кој амбасадорот рече дека претставува обид за напад. Шведските разузнавачки служби отворија истрага за „тероризам“. Од нападот на Хамас врз јужен Израел на 7 октомври 2023 година, властите и некои невладини организации во многу земји пријавија пораст на антисемитизмот, додека високиот број цивилни жртви во Газа предизвикани од одговорот на Израел дополнително ги зголеми тензиите. прочитај повеќе мај 17, 2024 ЕУ забрани уште четири руски медиуми поради ширење пропаганда Европскиот парламент. Европската унија на 17 мај забрани емитување на програми на уште четири руски медиуми во ЕУ поради, како што се наведува, ширење пропаганда за инвазијата врз Украина и за дезинформации. Забраната за емитување се случува во пресрет на изборите за Европскиот парламент. Последната група на медиуми кои се забранети ги вклучуваат веб-страницата Глас Европа, руската државна новинска агенција РИА Новости, весниците Известија и Росискаја газета, за кои ЕУ тврди дека се под контрола на Кремљ. Официјалното соопштение за санкциите ја потврди одлуката на почетокот на неделава од страна на амбасадорите на 27-те земји-членки на блокот. „Овие медиуми се под постојана директна или индиректна контрола на раководството на Руската Федерација и беа од суштинско значење и инструменти во започнувањето и поддршката на руската агресорска војна против Украина и дестабилизацијата на нејзините соседни земји“, се вели во соопштението на ЕУ. Видете и ова: Русија ја предупреди ЕУ на остар одговор ако воведе ограничувања за руските медиуми Во соопштението се наведува дека овие медиуми конкретно ги таргетираат „европските политички партии, особено во изборните периоди“. Забраните ги опфаќаат „сите средства за пренос и дистрибуција во ЕУ или насочени кон земјите-членки на ЕУ“, но не ги спречуваат новинарите да работат во медиумите во Европската унија. Веќе минатиот месец, Белгија отвори истрага за сомнително руско мешање во јунските избори низ Европа, велејќи дека разузнавачката служба на нејзината земја го потврдила постоењето на мрежа која се обидува да ја поткопа поддршката за Украина. Чешката влада воведе санкции за голем број луѓе откако таму беше откриена операција на проруско влијание. Според наводите, тие им обраќале на членовите на Европскиот парламент и им понудиле пари за промовирање на руската пропаганда. Од почетокот на војната во февруари 2022 година, ЕУ веќе суспендираше неколку медиуми, вклучително и Русија денес (РТ) и Спутник. прочитај повеќе мај 17, 2024 ЕУ го истражува Мајкрософт за ризиците од вештачката интелигенција пред изборите Илустративна фотографија. Европската унија денеска (17 мај) му нареди на Мајкрософт да предаде внатрешни документи или дека пред изборите ќе се соочи со казни поврзани со ризиците од користење на вештачка интелигенција на својот пребарувач Бинг. ЕУ ја идентификуваше генеративната вештачка интелигенција како една од главните закани за изборите што ќе се одржат во ЕУ од 6 до 9 јуни. Во март, Брисел побара од Бинг, заедно со неколку големи дигитални платформи, вклучително Гугл, ТикТок и Јутуб, да обезбеди информации за активностите што ги презеле за да ги ублажат ризиците од користење на вештачка интелигенција. Но, Мајкрософт не одговори на барањето за повеќе детали за „специфичните ризици кои произлегуваат од функциите на генеративната вештачка интелигенција на Бинг, особено „Копилот во Бинг“ и „Креатор на слики од дизајнер“, соопшти Европската комисија. Американскиот технолошки гигант сега има рок до 27 мај да обезбеди „внатрешни документи и податоци“. Видете и ова: Тик-Ток објави дека ќе означува слики создадени од вештачка интелигенција Доколку Мајкрософт не го стори тоа, ЕУ може да изрече казни до еден процент од вкупниот годишен приход или глобалниот промет на компанијата, како и периодични казни до пет проценти од просечниот дневен приход или дневен промет во светот. Од минатата година, најголемите светски технолошки компании мораа да се усогласат со европскиот закон познат како Закон за дигитални услуги (DSA). Комисијата соопшти дека се сомнева дека „Бинг можеби ја прекршил DSA“ во делот поврзан со „ризиците поврзани со генеративната вештачка интелигенција“. Ова се однесува на можностите на вештачката интелигенција да обезбедува лажни информации и „вирално ширење на длабока лажна содржина“. Видете и ова: Колку и да се труди нема да не замени Мајкрософт соопшти дека е посветен на исполнување на барањата на комисијата. „Целосно соработуваме со Европската комисија во рамките на Доброволното барање за информации и остануваме посветени да одговориме на нивните прашања и да споделуваме информации за нашиот пристап кон дигиталната безбедност и усогласеноста со DSA“, рече портпаролот на Microsoft. Портпаролот рече дека Мајкрософт презел „чекори за мерење и ублажување на потенцијалните ризици“ на сите негови платформи. Мајкрософт инвестираше милијарди во OpenAI, главен играч во вештачката интелигенција, особено откако се појави четботот ChatGPT кон крајот на 2022 година. прочитај повеќе мај 17, 2024 Таравари најави договор за влада, Османи дополнителни механизми за заштита Изет Меџити и Арбен Таравари од коалицијата „Влен“. Градоначалникот на Гостивар Арбен Таравари денеска изјави дека очекува до крајот на идната недела да биде договор околу идната влада меѓу колицијата „Влен“ и ВМРО-ДПМНЕ. Откако „Вреди“ и ВМРО-ДПМНЕ формираа работни групи за формирање на владина коалиција по парламентарните избори на 8 мај, Таравари денекса изјави дека меѓу работните групи „владее позитивна атмосфера. „Се надевам дека до крајот на идната недела ќе имаме завршен договор со програма на Владата и со распределба на ресори, односно кој и каде ќе биде како министер“, рече Таравари. По гласањето на двојните избори на 8 мај, претседателски и парламентрани, ВМРО-ДПМНЕ освои најмногу (58) мандати. Во албанскиот политички блок, Коалицијата „Влен“ освои 13 мандати, што е 6 помалку од коалицијата „Европски фронт“ која освои 19. Видете и ова: Управен суд ја одби тужбата на „Европскиот фронт“ за решението на ДИК за избирачкото место во Крушево Но, ВМРО-ДПМНЕ и Влен се во преговори за состав на идната влада. Таравари рече дека со Христијан Мицкоски досега имале две средби, а дека понатаму интензивно работат работните групи. „Се надевам до понеделник ќе излеземе со заедничка програма, а до петок ќе имаме завршен договор меѓу ВЛЕН и ВМРО-ДПМНЕ, практично договор за нова влада“, изјави Таравари. Потпретседателот на ДУИ Бујар Османи, чија партија е дел од коалицијата „Европски фронт“, денеска рече дека ако се прави владина коалиција без нивната партија, дека „тоа ќе ги разгневи сите Албанци кои ценат дека нивните гласови ќе бидат ништовни и потоа ќе бараат дополнителен механизам за заштита“, изјави Османи за приватната телевизија „Канал 5“. „ДУИ е во постојано заседание, емоциите кај албанскиот народ се веќе вжештени и ние повеќе се обидуваме да менаџираме и да контролираме. Ќе сметаат дека Охридскиот рамковен договор не ги заштитува, не го заштитува нивниот глас, нивниот глас се игнорира, е ништовен за државата и дека ќе бараат дополнителен механизам за заштита“, рече Османи. прочитај повеќе мај 17, 2024 Управен суд ја одби тужбата на „Европскиот фронт“ за решението на ДИК за избирачкото место во Крушево Управен суд Скопје Управниот суд ja одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија" за избирачкото место 1194 во Општина Крушево на Парламентарните избори одржани на 8 мај 2024 година. Според Изборниот законик, доколку одлуката за прегласување во тоа избирачко место влијае на конечните изборни резултати, ДИК треба да спроведе повторено гласање 14 ден од Парламентарните избори кои беа одржани на 8 мај. Повтореното гласање според тоа треба да биде на 22 мај. Претходно денеска во текот на расправата, застапникот на тужителот, Коалицијата „Европски фронт“, Ејуп Рустеми, посочи дека се оспорува решението на ДИК за прифаќање на приговорот за поништувње на гласањето на ИМ 1194 на Коалицијата „Твоја Македонија". „Решението на ДИК е нејасно. Сумираниот износ на искористени гласачки ливчиња е нејасно како ДИК дошле до збирот од 377 гласачи, без притоа да се земе предвид бројот од 359 потпишани гласачи во избирачкиот список. Бројот од 17 болни и изнемоштени не треба да се додава во дел IV од записникот, бидејќи тие се веќе вброени во статистичкиот податок и се добива дупла бројка. Според Изборниот законик погрешно пополнување на записник не е основ за поништување на гласањето“, изјави Рустеми. Видете и ова: Загриженост во ДИК поради изјави на политичари по приговорите за изборите Дополнително, посочи Рустеми, во записникот нема заведено забелешки за евентуални неправилности. Претставникот на ДИК, Катерина Василевска нагласи дека остануваат во целост на наводите од решението и одговорот на тужбата и предлагаат таа да се одбие како неоснована. „ДИК постапи во законскиот рок и донесе одлука. По увидот во целосниот изборен материјал ДИК утврди дека бројот на идентификувани гласачи не се совпаѓа со бројот на потпишани гласачи во избирачкиот список и не соодветствува со бројот на искористени гласачки ливчиња на гласачкото место“, нагласи Василевска. Управниот суд пресудата ќе ја објави за два часа. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите се оформени предмети и закажани во текот на денешниот ден. Видете и ова: Талат Џафери: Има обиди за изборен инжинеринг ДИК на 104 седница ги разгледа приговорите поднесени од политичките партии по одржувањето на парламентарните избори на 8 мај. Од вкупно 27 поднесени приговори - девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. прочитај повеќе мај 17, 2024 Загриженост во ДИК поради изјави на политичари по приговорите за изборите Александар Даштевски - претседател на Државната изборна комисија (ДИК) . Претседателот на Државната изборна комисија (ДИК) Александар Даштевски и членовите на ДИК и уште неколку членови денеска изразија загриженост дека политички партии и високи владини функционери давале изјави за работата на ДИК за постапувањето по приговорите за парламентарните избори, кои според нив можат да бидат закана за нивната безбедност. Во денешносто соопштение на ДИК, освен Даштевски, загриженост изразуваат и членовите на ДИК Радица Ристеска, Оливер Ристовски, Борис Кондарко, Бобан Стојаноски и Абдуш Демири. „Ве известуваме дека покрај тоа што сме лично понижувани и навредувани, исто така како членови во највисоката институција за организирање и спроведување на изборите, сме изложени и на неосновани и непримерени јавни политички притисоци и на закани за кривична одговорност поради донесените одлуки на ДИК“, се вели во реакцијата. Тие велат дека според „контекстот и интензитетот на нападите, прозивките и навредите“ загрижени се и дека е можно тие да преминат и во лични напади на нивната сигурност. „Ве известуваме дека ДИК во целост професионално, транспаретно и само врз основа на закон ги спроведе изборите што е потврдено од сите домашни и меѓународни фактори. Исто така и покрај сите непријатности кои ги имаме, сепак со највисок степен на интегритет врз основа на јавна проверка на изборниот материјал ДИК ги утврди фактите и одлучуваше по приговори поднесени од различни учесници за 110 избирачки места, од кои врз основа на образложени докази усвои приговори за само 7 избирачки места за кои имаше правен основ, додека сите останати 103 избирачки места, беа одбиени како неосновани и за нив немаше поднесено тужби ниту еден учесник на изборите“, се вели во реакцијата. Видете и ова: Талат Џафери: Има обиди за изборен инжинеринг Државната изборна комисија наведува дека е неприфатливо да има нападите, притисоци и мешање на одредени политички партии и на поединци од техничката Влада во изборните процедури и во работата и одлучувањето на ДИК и на Управниот суд. Тие посочуваат дека за сето ова денеска на средба во ДИК била известена и амбасадорката на набљудувачката мисија на ОБСЕ-ОДИХР Џилијан Стирк. Премиерот на техничката Влада Талат Џафери вчера на прес-конференција соопшти дека имало договор за надгласување во Државната изборна комисија за прифаќање на одредени приговори за изборните резултати и прегласување и оти на ваков начин се прави обид за изборен инженеринг за менување на бројките во Собранието и изигрување на волјата на граѓаните. Изборниот процес кој беше оценет како кредибилен и демократски, сега е во рацете на Управниот суд, рече Џафери и повика сите институции да постапуваат согласно закон без партиски директиви од која било страна. Управниот суд вчера одржа јавна седница по тужба на Коалицијата „Вреди“ по одлуката на ДИК за одбивање на нивниот приговор за избирачко место 0511, во Долна Бањица во Општина Гостивар на Парламентарните избори 2024 година. Видете и ова: Ќе се прегласува во Желино, „Европски фронт“ со обвинувања дека ќе им бидат одземени пратеници Постапката беше прекината, откако претставникот на Коалицијата „Вреди“ изјави дека ја повлекува тужбата во целост. До Државната изборна комисија беа поднесени вкупно 27 приговори за парламентарните избори - девет од коалицијата „Влен“, осум од ВМРО-ДПМНЕ, пет од СДСМ и четири од Левица. Прифатени беа седум: шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Против одлуката на ДИК може да се поднесе тужба до Управниот суд, во рок од 24 часа од приемот на решението.Управниот суд, пак, по жалбата е должен да донесе одлука во рок од 48 часа по нејзиниот прием. мд/дма/ прочитај повеќе мај 17, 2024 Состојбата на словачкиот премиер Фицо „се уште многу сериозна“ Словачкиот премиер Роберт Фицо. Два дена по обидот за атентат, состојбата на словачкиот премиер Роберт Фицо на 17 мај „останува многу сериозна“, изјави неговиот заменик и близок соработник Роберт Калинак. Фицо беше хоспитализиран по пукањето во средата, коешто се случи додека 59-годишниот премиер на Словачка разговараше со граѓаните по состанокот во централниот град Хандлова. „Повторно беше опериран, имаше операција речиси два часа“, изјави за новинарите пред болницата во Банска Бистрица вицепремиерот Роберт Калинак. Фицо претходно имаше петчасовна операција набргу откако од местото на нападот беше пренесен во болница со хеликоптер. Директорот на болницата во Банска Бистрица рече дека Фицо останал „свесен“, иако е во „тешка“ состојба. Претходно, на 17 мај, локалните медиуми објавија дека словачката полиција извршила претрес во домот на мажот кој е обвинет за пукањето. Видете и ова: На словачкиот премиер Фицо ќе му биде извршена уште една операција Полициските службеници го донесоа наводниот вооружен напаѓач, кој носел панцир и шлем, во станот што го делел со неговата сопруга во западниот град Левице, беше прикажано во видео од телевизијата Маркиза. „Полицијата остана во станот неколку часа... Од станот таа изнесе компјутер и документи“, вели приватниот радиодифузер. Полицијата за АФП изјави дека нема да ја коментира тековната истрага. Полицијата не го именуваше осомничениот, но медиумите го идентификуваа како 71-годишниот писател Јурај Цинтулу. Тој во четвртокот беше обвинет за обид за убиство од прв степен во, како што велат властите, политички мотивиран напад. „Станува збор за „волк-самец“ кој се активирал по претседателските избори бидејќи не бил задоволен од нивниот исход“, изјави министерот за внатрешни работи Матус Сутај Есток. Видете и ова: Обид за атентат врз словачкиот премиер Фицо - нападот бил „политички мотивиран“ Нападот ги поттикна стравувањата од натамошно насилство и нестабилност во политички поларизираната земја, само неколку недели пред изборите за Европскиот парламент, пренесува АФП. Официјалните лица во Словачка ја повлекоа врската со политичката ситуација во земјата, со нејзината политичка сцена нарушена со дезинформации за време на неодамнешните изборни кампањи. Фицо, четирикратен премиер и политички ветеран, се врати на функцијата во октомври. Оттогаш тој даде серија изјави кои ги влошија врските меѓу Словачка и соседна Украина, откако го доведе во прашање суверенитетот на земјата. Откако тој беше избран, Словачка престана да испраќа оружје во Украина, која Русија ја нападна во 2022 година. прочитај повеќе мај 17, 2024 Палевски ќе биде спроведен на распит во Кривичниот суд Љупчо Палевски - Палчо, првоосомничен за убиството на Вања Ѓорчевска и Панче Жежовски. Основниот кривичен суд Скопје денеска доби официјално известување од Истражниот затвор Скопје за екстрадицијата на Љупчо Палевски, којшто е првоосомничен за случајот за убиството на 14-годишната Вања Ѓорчевска и велешкиот фризер Панче Жежовски (74). Палевски прво ќе биде спроведен до Кривичниот суд за да се изјасни за мерката притвор која му беше веќе определена, откако на 5 мај со авион беше екстрадиран од Турција во Северна Македонија. Од судот соопштуваат дека денеска добиле и известување и барање за ангажирање на адвокат кој ќе го застапува Палевски во текот на постапката. Според законите во Северна Македонија, судот ги издава сите дозволи поврзани со истражната постапка и ги доставува до предложените адвокати за нивно понатамошно постапување. „Дополнително, судија на претходна постапка во координација со надлежниот Јавен обвинител, ќе издаде наредба за спровод на осомниченото лице за негово произнесување во однос на околностите во предлогот на Јавниот обвинител за определување на мерката притвор, а за донесеното решение јавноста ќе биде известена“, се вели во соопштението од Основен кривичен суд Скопје. Видете и ова: Финишира истрагата за Палчо за убиството на 14-годишната Вања Истрагата за случајот, кој што го води Основното јавно обвинителство (ОЈО) Скопје, е во завршна фаза. Палевски повеќе од пет месеци помина во екстрадициски притвор во Турција, откако беше фатен од турската полиција. Палевски се гони за две грабнувања и две убиства на свиреп начин. Осомничени се и тројца соизвршители за овие дела, како и таткото на Вања Ѓорчевска кој се товари за помагање во грабнувањето на девојчето. За помагање во бегството, обвинителството сомничи уште едно лице. Истрагата на Обвинителството беше отворена на 3 декември, откако случајот притви Палевски и останатите осомничени беше отворен по пријавата за исчезнувањето на малолетната Вања на 27 ноември, утрото кога таа не се појави на училиште. Исчезнувањето со денови ја брануваше македонската, но и јавноста во регионот, а медиумите и социјалните мрежи беа преплавени со вести и апели се до 3 декември кога нејзиното тело беше пронајдено во околината на Скопје. Видете и ова: Љупчо Палевски – Палчо со авион екстрадиран во Северна Македонија Истиот ден беше кобен и за семејството на Панче Жежовски бидејќи полицијата соопшти дека неговото тело го пронашле во близина на Велес. Тој бил пријавен за исчезнат три дена пред Вања – на 24 ноември. Палевски беше во бегство во Турција, а избегал во таа земја преку Србија и Бугарија, избега во Турција. Турската полиција успеа да го фати кај градот Балибекир на 5 декември 2023 година. Тој на 15 мај годинава беше екстрадиран во Северна Македонија. Пред затворање на истрагата и поднесување на обвинение, Палевски треба да биде сослушан и во обвинителството. По евентуалното обвинение, тоа ќе оди на оценка во судот и ако добие зелено светло, ќе стартува судски процес. Во меѓувреме тој во притвор се чува под посебни безбедносни мерки. прочитај повеќе Вчитај повеќе...

Вести мај 17, 2024 Израел соопшти дека обвинувањата на Јужна Африка за геноцид се неосновани Појасот Газа Израел ја бранеше воената неопходност од својата офанзива во Газа пред Меѓународниот суд на правдата (МПС) на 17 мај, откако Јужна Африка побара од судиите да му наредат да ги прекине операциите во Рафа и целосно да се повлече од палестинските територии. Службеникот на израелското Министерство за правда Гилад Ноам го нарече случајот на Јужна Африка, кој го обвинува Израел за кршење на Конвенцијата за геноцид, „целосно надвор од фактите и околностите“ и рече дека „ја исмејува конвенцијата“. Тој го нарече случајот „безобразна експлоатација на најсветата конвенција“, мислејќи на меѓународниот договор за забрана на геноцид договорен по холокаустот на европските Евреи во Втората светска војна. Конвенцијата бара од сите земји да дејствуваат за да го спречат геноцидот, а МСП, познат и како Светски суд, кој ги разгледува споровите меѓу државите, пресуди дека тоа и дава право на Јужна Африка да го покрене случајот. Во претходните пресуди, судот ги отфрли барањата на Израел да го отфрли случајот и му нареди на Израел да спречи акти на геноцид врз Палестинците, но не му нареди да го запре нападот. Видете и ова: Меѓународниот суд на правдата бара мерки од Израел за решавање на гладот во Газа Пред израелската презентација, неколку десетици про-израелски демонстранти се собраа надвор и ги покажаа фотографиите на заложниците што ги зедоа борците на Хамас на 7 октомври и бараа нивно ослободување. Хамас е прогласена за терористичка организација од САД и ЕУ. Јужноафриканскиот правен тим, кој го претстави својот случај за нови итни мерки претходниот ден, ја прикажа израелската воена операција како дел од геноциден план чија цел е уништување на палестинскиот народ. Амбасадорот на Јужна Африка во Холандија, Вусимузи Мадонсела побара од судот да му нареди на Израел „веднаш, целосно и безусловно да ја повлече израелската армија од целиот Појас Газа“. Видете и ова: САД ја отфрлија можноста Меѓународниот кривичен суд да го истражува Израел Израелскиот официјален претставник Ноам рече дека израелските воени операции не биле насочени кон цивили, туку кон терористите на Хамас кои го користат Рафа како упориште, кои имаат тунелни системи кои можат да се користат за шверцување заложници и милитанти од Газа. Примерите за наводното прекршување на конвенцијата од страна на Израел презентирани од Јужна Африка „не се доказ за политика на незаконско однесување, а не пак за политика на геноцид. Наредбата на Израел да ги повлече своите војници ќе ги осуди на смрт преостанатите заложници во Газа“, рече Ноам. Војната започна кога милитантите на Хамас го нападнаа Израел на 7 октомври, убивајќи 1200 луѓе и киднапирајќи 253 луѓе. Повеќе од 35 000 Палестинци загинаа во израелските напади, според Министерството за здравство во Газа, кое го предводи Хамас. Одлуката за барањето за вонредни мерки се очекува следната недела. прочитај повеќе види ги сите денешни вести мај 17, 2024 Напад во Авганистан - неколку убиени, меѓу нив и странски државјани Авганистанска провинција Бамијан. Вооружен напад се случил на 17 мај врз група на странски туристи во централната авганистанска провинција Бамијан. Извор од талибанските безбедносни сили за Радио Азана на Радио Слободна Европа изјави дека во нападот имало неколку мртви. Видете и ова: Во поплавите во Авганистан загинаа 315 луѓе Изворот, кој побара да остане анонимен, не го откри бројот на загинатите туристи или нивната националност. Амај њуз објави дека најмалку осум лица биле убиени. Меѓу жртвите во нападот биле и четворица странски државјани, но не беа дадени повеќе детали. прочитај повеќе мај 17, 2024 Србија досега добила 220 милиони евра од ЕУ за миграцијата и граничната контрола Илустративна фотографија. Од 2015 година, Европската унија (ЕУ) ѝ даде на Србија повеќе од 220 милиони евра помош во областа на миграцијата и управувањето со границите, изјави Никола Бертолини - шеф на Одделот за соработка на Делегацијата на ЕУ во Србија. На крајот од петдневната обука на граничарите во Суботица, Бертолини рече дека Србија усвоила стратегија за интегрирано гранично управување, соопшти Министерството за внатрешни работи (МВР). Тој додаде дека парите од Брисел биле испратени во Србија за поголема безбедност на границите и помош во борбата против нелегалните прекугранични активности, шверцот на оружје, експлозиви и наркотици. „Зголемувањето на капацитетот на граничните служби води и до поефикасно откривање на нерегуларна миграција, трговија со луѓе и криумчарење“, рече Бертолини. Видете и ова: Западен Балкан е важна транзитна зона за илегални миграции, покажа извештајот на ИОМ Тој посочи дека ЕУ планира да продолжи да ја поддржува Србија за спроведување на поефективен надзор и софистицирани гранични проверки, како и да обезбеди модерна опрема за таа цел. Тој потсети дека за зголемување на обемот на трговската, туризмот и културната размена потребни се поотворени граници, но истовремено и одржување на високо ниво на безбедност на границите. „Затоа сите гранични агенции треба да воспостават рамнотежа помеѓу строгите контроли и отворените граници“, рече Бертолини. Владата на Србија го усвои акциониот план на ЕУ за интегрирано гранично управување во 2022 година. Од почетокот на светската мигрантска криза во 2015 година, преку таканаречената балканска рута низ Србија поминале повеќе од еден и пол милион бегалци и мигранти, покажуваат податоците на надлежните органи на Обединетите нации (ОН). прочитај повеќе мај 17, 2024 Засилени безбедносни мерки во Шведска по пукање во близина на израелската амбасада Улицата Готгатан во Стокхолм, 14 април 2020 година. Илустративна фотографија Шведска ги засили безбедносните мерки во земјата по пукање во близина на израелската амбасада во Стокхолм, соопшти полицијата на 17 мај. Полицијата ја опколи областа околу амбасадата и изврши претреси во неколку населби во Стокхолм откако во раните утрински часови се слушнаа истрели. „Поради сомнителни пукотници во близина на израелската амбасада во Стокхолм, полицијата презема безбедносни мерки за заштита на имотот и интересите на Израел и Евреите низ целата земја“, соопшти полицискиот оддел на својата веб-страница. Видете и ова: Израел соопшти дека обвинувањата на Јужна Африка за геноцид се неосновани Амбасадорот на Израел во Шведска, Жив Нево Кулман, им се заблагодари на властите на мрежата X „за нивната итна реакција и истрага, како и за зголемените безбедносни мерки околу нашата амбасада и околу еврејските заедници“. Во февруари, полицијата на теренот на израелската амбасада пронајде уред за кој амбасадорот рече дека претставува обид за напад. Шведските разузнавачки служби отворија истрага за „тероризам“. Од нападот на Хамас врз јужен Израел на 7 октомври 2023 година, властите и некои невладини организации во многу земји пријавија пораст на антисемитизмот, додека високиот број цивилни жртви во Газа предизвикани од одговорот на Израел дополнително ги зголеми тензиите. прочитај повеќе мај 17, 2024 ЕУ забрани уште четири руски медиуми поради ширење пропаганда Европскиот парламент. Европската унија на 17 мај забрани емитување на програми на уште четири руски медиуми во ЕУ поради, како што се наведува, ширење пропаганда за инвазијата врз Украина и за дезинформации. Забраната за емитување се случува во пресрет на изборите за Европскиот парламент. Последната група на медиуми кои се забранети ги вклучуваат веб-страницата Глас Европа, руската државна новинска агенција РИА Новости, весниците Известија и Росискаја газета, за кои ЕУ тврди дека се под контрола на Кремљ. Официјалното соопштение за санкциите ја потврди одлуката на почетокот на неделава од страна на амбасадорите на 27-те земји-членки на блокот. „Овие медиуми се под постојана директна или индиректна контрола на раководството на Руската Федерација и беа од суштинско значење и инструменти во започнувањето и поддршката на руската агресорска војна против Украина и дестабилизацијата на нејзините соседни земји“, се вели во соопштението на ЕУ. Видете и ова: Русија ја предупреди ЕУ на остар одговор ако воведе ограничувања за руските медиуми Во соопштението се наведува дека овие медиуми конкретно ги таргетираат „европските политички партии, особено во изборните периоди“. Забраните ги опфаќаат „сите средства за пренос и дистрибуција во ЕУ или насочени кон земјите-членки на ЕУ“, но не ги спречуваат новинарите да работат во медиумите во Европската унија. Веќе минатиот месец, Белгија отвори истрага за сомнително руско мешање во јунските избори низ Европа, велејќи дека разузнавачката служба на нејзината земја го потврдила постоењето на мрежа која се обидува да ја поткопа поддршката за Украина. Чешката влада воведе санкции за голем број луѓе откако таму беше откриена операција на проруско влијание. Според наводите, тие им обраќале на членовите на Европскиот парламент и им понудиле пари за промовирање на руската пропаганда. Од почетокот на војната во февруари 2022 година, ЕУ веќе суспендираше неколку медиуми, вклучително и Русија денес (РТ) и Спутник. прочитај повеќе мај 17, 2024 ЕУ го истражува Мајкрософт за ризиците од вештачката интелигенција пред изборите Илустративна фотографија. Европската унија денеска (17 мај) му нареди на Мајкрософт да предаде внатрешни документи или дека пред изборите ќе се соочи со казни поврзани со ризиците од користење на вештачка интелигенција на својот пребарувач Бинг. ЕУ ја идентификуваше генеративната вештачка интелигенција како една од главните закани за изборите што ќе се одржат во ЕУ од 6 до 9 јуни. Во март, Брисел побара од Бинг, заедно со неколку големи дигитални платформи, вклучително Гугл, ТикТок и Јутуб, да обезбеди информации за активностите што ги презеле за да ги ублажат ризиците од користење на вештачка интелигенција. Но, Мајкрософт не одговори на барањето за повеќе детали за „специфичните ризици кои произлегуваат од функциите на генеративната вештачка интелигенција на Бинг, особено „Копилот во Бинг“ и „Креатор на слики од дизајнер“, соопшти Европската комисија. Американскиот технолошки гигант сега има рок до 27 мај да обезбеди „внатрешни документи и податоци“. Видете и ова: Тик-Ток објави дека ќе означува слики создадени од вештачка интелигенција Доколку Мајкрософт не го стори тоа, ЕУ може да изрече казни до еден процент од вкупниот годишен приход или глобалниот промет на компанијата, како и периодични казни до пет проценти од просечниот дневен приход или дневен промет во светот. Од минатата година, најголемите светски технолошки компании мораа да се усогласат со европскиот закон познат како Закон за дигитални услуги (DSA). Комисијата соопшти дека се сомнева дека „Бинг можеби ја прекршил DSA“ во делот поврзан со „ризиците поврзани со генеративната вештачка интелигенција“. Ова се однесува на можностите на вештачката интелигенција да обезбедува лажни информации и „вирално ширење на длабока лажна содржина“. Видете и ова: Колку и да се труди нема да не замени Мајкрософт соопшти дека е посветен на исполнување на барањата на комисијата. „Целосно соработуваме со Европската комисија во рамките на Доброволното барање за информации и остануваме посветени да одговориме на нивните прашања и да споделуваме информации за нашиот пристап кон дигиталната безбедност и усогласеноста со DSA“, рече портпаролот на Microsoft. Портпаролот рече дека Мајкрософт презел „чекори за мерење и ублажување на потенцијалните ризици“ на сите негови платформи. Мајкрософт инвестираше милијарди во OpenAI, главен играч во вештачката интелигенција, особено откако се појави четботот ChatGPT кон крајот на 2022 година. прочитај повеќе мај 17, 2024 Таравари најави договор за влада, Османи дополнителни механизми за заштита Изет Меџити и Арбен Таравари од коалицијата „Влен“. Градоначалникот на Гостивар Арбен Таравари денеска изјави дека очекува до крајот на идната недела да биде договор околу идната влада меѓу колицијата „Влен“ и ВМРО-ДПМНЕ. Откако „Вреди“ и ВМРО-ДПМНЕ формираа работни групи за формирање на владина коалиција по парламентарните избори на 8 мај, Таравари денекса изјави дека меѓу работните групи „владее позитивна атмосфера. „Се надевам дека до крајот на идната недела ќе имаме завршен договор со програма на Владата и со распределба на ресори, односно кој и каде ќе биде како министер“, рече Таравари. По гласањето на двојните избори на 8 мај, претседателски и парламентрани, ВМРО-ДПМНЕ освои најмногу (58) мандати. Во албанскиот политички блок, Коалицијата „Влен“ освои 13 мандати, што е 6 помалку од коалицијата „Европски фронт“ која освои 19. Видете и ова: Управен суд ја одби тужбата на „Европскиот фронт“ за решението на ДИК за избирачкото место во Крушево Но, ВМРО-ДПМНЕ и Влен се во преговори за состав на идната влада. Таравари рече дека со Христијан Мицкоски досега имале две средби, а дека понатаму интензивно работат работните групи. „Се надевам до понеделник ќе излеземе со заедничка програма, а до петок ќе имаме завршен договор меѓу ВЛЕН и ВМРО-ДПМНЕ, практично договор за нова влада“, изјави Таравари. Потпретседателот на ДУИ Бујар Османи, чија партија е дел од коалицијата „Европски фронт“, денеска рече дека ако се прави владина коалиција без нивната партија, дека „тоа ќе ги разгневи сите Албанци кои ценат дека нивните гласови ќе бидат ништовни и потоа ќе бараат дополнителен механизам за заштита“, изјави Османи за приватната телевизија „Канал 5“. „ДУИ е во постојано заседание, емоциите кај албанскиот народ се веќе вжештени и ние повеќе се обидуваме да менаџираме и да контролираме. Ќе сметаат дека Охридскиот рамковен договор не ги заштитува, не го заштитува нивниот глас, нивниот глас се игнорира, е ништовен за државата и дека ќе бараат дополнителен механизам за заштита“, рече Османи. прочитај повеќе мај 17, 2024 Управен суд ја одби тужбата на „Европскиот фронт“ за решението на ДИК за избирачкото место во Крушево Управен суд Скопје Управниот суд ja одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија" за избирачкото место 1194 во Општина Крушево на Парламентарните избори одржани на 8 мај 2024 година. Според Изборниот законик, доколку одлуката за прегласување во тоа избирачко место влијае на конечните изборни резултати, ДИК треба да спроведе повторено гласање 14 ден од Парламентарните избори кои беа одржани на 8 мај. Повтореното гласање според тоа треба да биде на 22 мај. Претходно денеска во текот на расправата, застапникот на тужителот, Коалицијата „Европски фронт“, Ејуп Рустеми, посочи дека се оспорува решението на ДИК за прифаќање на приговорот за поништувње на гласањето на ИМ 1194 на Коалицијата „Твоја Македонија". „Решението на ДИК е нејасно. Сумираниот износ на искористени гласачки ливчиња е нејасно како ДИК дошле до збирот од 377 гласачи, без притоа да се земе предвид бројот од 359 потпишани гласачи во избирачкиот список. Бројот од 17 болни и изнемоштени не треба да се додава во дел IV од записникот, бидејќи тие се веќе вброени во статистичкиот податок и се добива дупла бројка. Според Изборниот законик погрешно пополнување на записник не е основ за поништување на гласањето“, изјави Рустеми. Видете и ова: Загриженост во ДИК поради изјави на политичари по приговорите за изборите Дополнително, посочи Рустеми, во записникот нема заведено забелешки за евентуални неправилности. Претставникот на ДИК, Катерина Василевска нагласи дека остануваат во целост на наводите од решението и одговорот на тужбата и предлагаат таа да се одбие како неоснована. „ДИК постапи во законскиот рок и донесе одлука. По увидот во целосниот изборен материјал ДИК утврди дека бројот на идентификувани гласачи не се совпаѓа со бројот на потпишани гласачи во избирачкиот список и не соодветствува со бројот на искористени гласачки ливчиња на гласачкото место“, нагласи Василевска. Управниот суд пресудата ќе ја објави за два часа. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите се оформени предмети и закажани во текот на денешниот ден. Видете и ова: Талат Џафери: Има обиди за изборен инжинеринг ДИК на 104 седница ги разгледа приговорите поднесени од политичките партии по одржувањето на парламентарните избори на 8 мај. Од вкупно 27 поднесени приговори - девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. прочитај повеќе мај 17, 2024 Загриженост во ДИК поради изјави на политичари по приговорите за изборите Александар Даштевски - претседател на Државната изборна комисија (ДИК) . Претседателот на Државната изборна комисија (ДИК) Александар Даштевски и членовите на ДИК и уште неколку членови денеска изразија загриженост дека политички партии и високи владини функционери давале изјави за работата на ДИК за постапувањето по приговорите за парламентарните избори, кои според нив можат да бидат закана за нивната безбедност. Во денешносто соопштение на ДИК, освен Даштевски, загриженост изразуваат и членовите на ДИК Радица Ристеска, Оливер Ристовски, Борис Кондарко, Бобан Стојаноски и Абдуш Демири. „Ве известуваме дека покрај тоа што сме лично понижувани и навредувани, исто така како членови во највисоката институција за организирање и спроведување на изборите, сме изложени и на неосновани и непримерени јавни политички притисоци и на закани за кривична одговорност поради донесените одлуки на ДИК“, се вели во реакцијата. Тие велат дека според „контекстот и интензитетот на нападите, прозивките и навредите“ загрижени се и дека е можно тие да преминат и во лични напади на нивната сигурност. „Ве известуваме дека ДИК во целост професионално, транспаретно и само врз основа на закон ги спроведе изборите што е потврдено од сите домашни и меѓународни фактори. Исто така и покрај сите непријатности кои ги имаме, сепак со највисок степен на интегритет врз основа на јавна проверка на изборниот материјал ДИК ги утврди фактите и одлучуваше по приговори поднесени од различни учесници за 110 избирачки места, од кои врз основа на образложени докази усвои приговори за само 7 избирачки места за кои имаше правен основ, додека сите останати 103 избирачки места, беа одбиени како неосновани и за нив немаше поднесено тужби ниту еден учесник на изборите“, се вели во реакцијата. Видете и ова: Талат Џафери: Има обиди за изборен инжинеринг Државната изборна комисија наведува дека е неприфатливо да има нападите, притисоци и мешање на одредени политички партии и на поединци од техничката Влада во изборните процедури и во работата и одлучувањето на ДИК и на Управниот суд. Тие посочуваат дека за сето ова денеска на средба во ДИК била известена и амбасадорката на набљудувачката мисија на ОБСЕ-ОДИХР Џилијан Стирк. Премиерот на техничката Влада Талат Џафери вчера на прес-конференција соопшти дека имало договор за надгласување во Државната изборна комисија за прифаќање на одредени приговори за изборните резултати и прегласување и оти на ваков начин се прави обид за изборен инженеринг за менување на бројките во Собранието и изигрување на волјата на граѓаните. Изборниот процес кој беше оценет како кредибилен и демократски, сега е во рацете на Управниот суд, рече Џафери и повика сите институции да постапуваат согласно закон без партиски директиви од која било страна. Управниот суд вчера одржа јавна седница по тужба на Коалицијата „Вреди“ по одлуката на ДИК за одбивање на нивниот приговор за избирачко место 0511, во Долна Бањица во Општина Гостивар на Парламентарните избори 2024 година. Видете и ова: Ќе се прегласува во Желино, „Европски фронт“ со обвинувања дека ќе им бидат одземени пратеници Постапката беше прекината, откако претставникот на Коалицијата „Вреди“ изјави дека ја повлекува тужбата во целост. До Државната изборна комисија беа поднесени вкупно 27 приговори за парламентарните избори - девет од коалицијата „Влен“, осум од ВМРО-ДПМНЕ, пет од СДСМ и четири од Левица. Прифатени беа седум: шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Против одлуката на ДИК може да се поднесе тужба до Управниот суд, во рок од 24 часа од приемот на решението.Управниот суд, пак, по жалбата е должен да донесе одлука во рок од 48 часа по нејзиниот прием. мд/дма/ прочитај повеќе мај 17, 2024 Состојбата на словачкиот премиер Фицо „се уште многу сериозна“ Словачкиот премиер Роберт Фицо. Два дена по обидот за атентат, состојбата на словачкиот премиер Роберт Фицо на 17 мај „останува многу сериозна“, изјави неговиот заменик и близок соработник Роберт Калинак. Фицо беше хоспитализиран по пукањето во средата, коешто се случи додека 59-годишниот премиер на Словачка разговараше со граѓаните по состанокот во централниот град Хандлова. „Повторно беше опериран, имаше операција речиси два часа“, изјави за новинарите пред болницата во Банска Бистрица вицепремиерот Роберт Калинак. Фицо претходно имаше петчасовна операција набргу откако од местото на нападот беше пренесен во болница со хеликоптер. Директорот на болницата во Банска Бистрица рече дека Фицо останал „свесен“, иако е во „тешка“ состојба. Претходно, на 17 мај, локалните медиуми објавија дека словачката полиција извршила претрес во домот на мажот кој е обвинет за пукањето. Видете и ова: На словачкиот премиер Фицо ќе му биде извршена уште една операција Полициските службеници го донесоа наводниот вооружен напаѓач, кој носел панцир и шлем, во станот што го делел со неговата сопруга во западниот град Левице, беше прикажано во видео од телевизијата Маркиза. „Полицијата остана во станот неколку часа... Од станот таа изнесе компјутер и документи“, вели приватниот радиодифузер. Полицијата за АФП изјави дека нема да ја коментира тековната истрага. Полицијата не го именуваше осомничениот, но медиумите го идентификуваа како 71-годишниот писател Јурај Цинтулу. Тој во четвртокот беше обвинет за обид за убиство од прв степен во, како што велат властите, политички мотивиран напад. „Станува збор за „волк-самец“ кој се активирал по претседателските избори бидејќи не бил задоволен од нивниот исход“, изјави министерот за внатрешни работи Матус Сутај Есток. Видете и ова: Обид за атентат врз словачкиот премиер Фицо - нападот бил „политички мотивиран“ Нападот ги поттикна стравувањата од натамошно насилство и нестабилност во политички поларизираната земја, само неколку недели пред изборите за Европскиот парламент, пренесува АФП. Официјалните лица во Словачка ја повлекоа врската со политичката ситуација во земјата, со нејзината политичка сцена нарушена со дезинформации за време на неодамнешните изборни кампањи. Фицо, четирикратен премиер и политички ветеран, се врати на функцијата во октомври. Оттогаш тој даде серија изјави кои ги влошија врските меѓу Словачка и соседна Украина, откако го доведе во прашање суверенитетот на земјата. Откако тој беше избран, Словачка престана да испраќа оружје во Украина, која Русија ја нападна во 2022 година. прочитај повеќе мај 17, 2024 Палевски ќе биде спроведен на распит во Кривичниот суд Љупчо Палевски - Палчо, првоосомничен за убиството на Вања Ѓорчевска и Панче Жежовски. Основниот кривичен суд Скопје денеска доби официјално известување од Истражниот затвор Скопје за екстрадицијата на Љупчо Палевски, којшто е првоосомничен за случајот за убиството на 14-годишната Вања Ѓорчевска и велешкиот фризер Панче Жежовски (74). Палевски прво ќе биде спроведен до Кривичниот суд за да се изјасни за мерката притвор која му беше веќе определена, откако на 5 мај со авион беше екстрадиран од Турција во Северна Македонија. Од судот соопштуваат дека денеска добиле и известување и барање за ангажирање на адвокат кој ќе го застапува Палевски во текот на постапката. Според законите во Северна Македонија, судот ги издава сите дозволи поврзани со истражната постапка и ги доставува до предложените адвокати за нивно понатамошно постапување. „Дополнително, судија на претходна постапка во координација со надлежниот Јавен обвинител, ќе издаде наредба за спровод на осомниченото лице за негово произнесување во однос на околностите во предлогот на Јавниот обвинител за определување на мерката притвор, а за донесеното решение јавноста ќе биде известена“, се вели во соопштението од Основен кривичен суд Скопје. Видете и ова: Финишира истрагата за Палчо за убиството на 14-годишната Вања Истрагата за случајот, кој што го води Основното јавно обвинителство (ОЈО) Скопје, е во завршна фаза. Палевски повеќе од пет месеци помина во екстрадициски притвор во Турција, откако беше фатен од турската полиција. Палевски се гони за две грабнувања и две убиства на свиреп начин. Осомничени се и тројца соизвршители за овие дела, како и таткото на Вања Ѓорчевска кој се товари за помагање во грабнувањето на девојчето. За помагање во бегството, обвинителството сомничи уште едно лице. Истрагата на Обвинителството беше отворена на 3 декември, откако случајот притви Палевски и останатите осомничени беше отворен по пријавата за исчезнувањето на малолетната Вања на 27 ноември, утрото кога таа не се појави на училиште. Исчезнувањето со денови ја брануваше македонската, но и јавноста во регионот, а медиумите и социјалните мрежи беа преплавени со вести и апели се до 3 декември кога нејзиното тело беше пронајдено во околината на Скопје. Видете и ова: Љупчо Палевски – Палчо со авион екстрадиран во Северна Македонија Истиот ден беше кобен и за семејството на Панче Жежовски бидејќи полицијата соопшти дека неговото тело го пронашле во близина на Велес. Тој бил пријавен за исчезнат три дена пред Вања – на 24 ноември. Палевски беше во бегство во Турција, а избегал во таа земја преку Србија и Бугарија, избега во Турција. Турската полиција успеа да го фати кај градот Балибекир на 5 декември 2023 година. Тој на 15 мај годинава беше екстрадиран во Северна Македонија. Пред затворање на истрагата и поднесување на обвинение, Палевски треба да биде сослушан и во обвинителството. По евентуалното обвинение, тоа ќе оди на оценка во судот и ако добие зелено светло, ќе стартува судски процес. Во меѓувреме тој во притвор се чува под посебни безбедносни мерки. прочитај повеќе Вчитај повеќе...

Вести мај 17, 2024 Северна Кореја истрела балистички ракети откако негираше испорака на оружје за Русија илустрација Северна Кореја истрела неколку сомнителни балистички ракети со краток дострел, неколку часа откако сестрата на севернокорејскиот лидер ги негираше тврдењата дека Пјонгјанг и испорачува оружје на Русија, соопшти Јужна Кореја. Лансирањата се најнови во серијата сè пософистицирани тестови од страна на Северна Кореја, која истрела крстосувачки ракети, тактички ракети и хиперсонично оружје во последниве месеци, што е како што наведува оваа нуклеарно вооружената земја, надградба на нејзините одбранбени способности. Сеул и Вашингтон ја обвинија Северна Кореја за испраќање оружје на Русија, што би прекршило низа санкции на Обединетите Нации за двете земји, а експертите велат дека неодамна тестираното оружје може да биде наменето за употреба на боиштата во Украина. Војската на Јужна Кореја во петок (17 мај) соопшти дека открила лансирање на, како што ги опиша, „неколку летечки објекти за кои се верува дека се балистички ракети со краток дострел“ од областа Вонсан во близина на источниот брег на Северна Кореја. Ракетите патувале околу 300 километри, соопшти генералштабот, додавајќи дека војската „ја зголемила будноста и надзорот како подготовка за дополнителни лансирања“ и споделувала информации со сојузниците САД и Јапонија. Лансирањето дојде само неколку часа откако сестрата на Ким, Ким Јо Јонг, ги обвини Сеул и Вашингтон за „залажување на јавното мислење“ со постојано обвинување дека Пјонгјанг испраќа оружје во Москва за употреба во Украина. Видете и ова: Северна Кореја и испорачала на Русија 7000 контејнери со муниција Тестовите беа одржани додека рускиот претседател Владимир Путин е во дводневна посета на Кина, чија цел е да ја зајакне трговијата со Пекинг (најважниот сојузник на Северна Кореја) и да добие поголема поддршка за неговите воени напори во Украина. Тестовите се случија и еден ден откако напредните јужнокорејски и американски стелт-ловци, вклучително и Ф-22 Рапторс, одржаа заеднички воздушни борбени вежби. Ваквите вежби обично го разбеснуваат Пјонгјанг, кој на нив гледа како на проба за инвазија. Северна Кореја претходно истрела балистички ракети со краток дострел од нејзиниот источен брег на 22 април. Видете и ова: Сеул соопшти дека Пјонгјанг лансирал балистичка ракета кон Јапонско Море Серијата санкции на Обединетите Нации и забрануваат на Северна Кореја да тестира балистичка технологија, но нејзиниот клучен сојузник Русија го искористи ветото на Советот за безбедност на ОН во март за ефективно да го прекине мониторингот на ОН, за што Пјонгјанг конкретно и се заблагодари на Москва. Северна Кореја долго време се обидува да совлада понапредни хиперсонични технологии и технологии на цврсто гориво за да им овозможи на своите ракети да ги неутрализираат јужнокорејско-американските ракетни одбранбени системи и да ги загрозат регионалните воени бази на САД. Хиперсоничните проектили се побрзи и можат да маневрираат при лет, што го отежнува следењето и пресретнувањето, додека ракетите со цврсто гориво не треба да се напојуваат пред лансирањето, што ги отежнува пронаоѓањето и уништувањето и побрзи за употреба. прочитај повеќе види ги сите денешни вести мај 17, 2024 Напад во Авганистан - неколку убиени, меѓу нив и странски државјани Авганистанска провинција Бамијан. Вооружен напад се случил на 17 мај врз група на странски туристи во централната авганистанска провинција Бамијан. Извор од талибанските безбедносни сили за Радио Азана на Радио Слободна Европа изјави дека во нападот имало неколку мртви. Видете и ова: Во поплавите во Авганистан загинаа 315 луѓе Изворот, кој побара да остане анонимен, не го откри бројот на загинатите туристи или нивната националност. Амај њуз објави дека најмалку осум лица биле убиени. Меѓу жртвите во нападот биле и четворица странски државјани, но не беа дадени повеќе детали. прочитај повеќе мај 17, 2024 Србија досега добила 220 милиони евра од ЕУ за миграцијата и граничната контрола Илустративна фотографија. Од 2015 година, Европската унија (ЕУ) ѝ даде на Србија повеќе од 220 милиони евра помош во областа на миграцијата и управувањето со границите, изјави Никола Бертолини - шеф на Одделот за соработка на Делегацијата на ЕУ во Србија. На крајот од петдневната обука на граничарите во Суботица, Бертолини рече дека Србија усвоила стратегија за интегрирано гранично управување, соопшти Министерството за внатрешни работи (МВР). Тој додаде дека парите од Брисел биле испратени во Србија за поголема безбедност на границите и помош во борбата против нелегалните прекугранични активности, шверцот на оружје, експлозиви и наркотици. „Зголемувањето на капацитетот на граничните служби води и до поефикасно откривање на нерегуларна миграција, трговија со луѓе и криумчарење“, рече Бертолини. Видете и ова: Западен Балкан е важна транзитна зона за илегални миграции, покажа извештајот на ИОМ Тој посочи дека ЕУ планира да продолжи да ја поддржува Србија за спроведување на поефективен надзор и софистицирани гранични проверки, како и да обезбеди модерна опрема за таа цел. Тој потсети дека за зголемување на обемот на трговската, туризмот и културната размена потребни се поотворени граници, но истовремено и одржување на високо ниво на безбедност на границите. „Затоа сите гранични агенции треба да воспостават рамнотежа помеѓу строгите контроли и отворените граници“, рече Бертолини. Владата на Србија го усвои акциониот план на ЕУ за интегрирано гранично управување во 2022 година. Од почетокот на светската мигрантска криза во 2015 година, преку таканаречената балканска рута низ Србија поминале повеќе од еден и пол милион бегалци и мигранти, покажуваат податоците на надлежните органи на Обединетите нации (ОН). прочитај повеќе мај 17, 2024 Засилени безбедносни мерки во Шведска по пукање во близина на израелската амбасада Улицата Готгатан во Стокхолм, 14 април 2020 година. Илустративна фотографија Шведска ги засили безбедносните мерки во земјата по пукање во близина на израелската амбасада во Стокхолм, соопшти полицијата на 17 мај. Полицијата ја опколи областа околу амбасадата и изврши претреси во неколку населби во Стокхолм откако во раните утрински часови се слушнаа истрели. „Поради сомнителни пукотници во близина на израелската амбасада во Стокхолм, полицијата презема безбедносни мерки за заштита на имотот и интересите на Израел и Евреите низ целата земја“, соопшти полицискиот оддел на својата веб-страница. Видете и ова: Израел соопшти дека обвинувањата на Јужна Африка за геноцид се неосновани Амбасадорот на Израел во Шведска, Жив Нево Кулман, им се заблагодари на властите на мрежата X „за нивната итна реакција и истрага, како и за зголемените безбедносни мерки околу нашата амбасада и околу еврејските заедници“. Во февруари, полицијата на теренот на израелската амбасада пронајде уред за кој амбасадорот рече дека претставува обид за напад. Шведските разузнавачки служби отворија истрага за „тероризам“. Од нападот на Хамас врз јужен Израел на 7 октомври 2023 година, властите и некои невладини организации во многу земји пријавија пораст на антисемитизмот, додека високиот број цивилни жртви во Газа предизвикани од одговорот на Израел дополнително ги зголеми тензиите. прочитај повеќе мај 17, 2024 ЕУ забрани уште четири руски медиуми поради ширење пропаганда Европскиот парламент. Европската унија на 17 мај забрани емитување на програми на уште четири руски медиуми во ЕУ поради, како што се наведува, ширење пропаганда за инвазијата врз Украина и за дезинформации. Забраната за емитување се случува во пресрет на изборите за Европскиот парламент. Последната група на медиуми кои се забранети ги вклучуваат веб-страницата Глас Европа, руската државна новинска агенција РИА Новости, весниците Известија и Росискаја газета, за кои ЕУ тврди дека се под контрола на Кремљ. Официјалното соопштение за санкциите ја потврди одлуката на почетокот на неделава од страна на амбасадорите на 27-те земји-членки на блокот. „Овие медиуми се под постојана директна или индиректна контрола на раководството на Руската Федерација и беа од суштинско значење и инструменти во започнувањето и поддршката на руската агресорска војна против Украина и дестабилизацијата на нејзините соседни земји“, се вели во соопштението на ЕУ. Видете и ова: Русија ја предупреди ЕУ на остар одговор ако воведе ограничувања за руските медиуми Во соопштението се наведува дека овие медиуми конкретно ги таргетираат „европските политички партии, особено во изборните периоди“. Забраните ги опфаќаат „сите средства за пренос и дистрибуција во ЕУ или насочени кон земјите-членки на ЕУ“, но не ги спречуваат новинарите да работат во медиумите во Европската унија. Веќе минатиот месец, Белгија отвори истрага за сомнително руско мешање во јунските избори низ Европа, велејќи дека разузнавачката служба на нејзината земја го потврдила постоењето на мрежа која се обидува да ја поткопа поддршката за Украина. Чешката влада воведе санкции за голем број луѓе откако таму беше откриена операција на проруско влијание. Според наводите, тие им обраќале на членовите на Европскиот парламент и им понудиле пари за промовирање на руската пропаганда. Од почетокот на војната во февруари 2022 година, ЕУ веќе суспендираше неколку медиуми, вклучително и Русија денес (РТ) и Спутник. прочитај повеќе мај 17, 2024 ЕУ го истражува Мајкрософт за ризиците од вештачката интелигенција пред изборите Илустративна фотографија. Европската унија денеска (17 мај) му нареди на Мајкрософт да предаде внатрешни документи или дека пред изборите ќе се соочи со казни поврзани со ризиците од користење на вештачка интелигенција на својот пребарувач Бинг. ЕУ ја идентификуваше генеративната вештачка интелигенција како една од главните закани за изборите што ќе се одржат во ЕУ од 6 до 9 јуни. Во март, Брисел побара од Бинг, заедно со неколку големи дигитални платформи, вклучително Гугл, ТикТок и Јутуб, да обезбеди информации за активностите што ги презеле за да ги ублажат ризиците од користење на вештачка интелигенција. Но, Мајкрософт не одговори на барањето за повеќе детали за „специфичните ризици кои произлегуваат од функциите на генеративната вештачка интелигенција на Бинг, особено „Копилот во Бинг“ и „Креатор на слики од дизајнер“, соопшти Европската комисија. Американскиот технолошки гигант сега има рок до 27 мај да обезбеди „внатрешни документи и податоци“. Видете и ова: Тик-Ток објави дека ќе означува слики создадени од вештачка интелигенција Доколку Мајкрософт не го стори тоа, ЕУ може да изрече казни до еден процент од вкупниот годишен приход или глобалниот промет на компанијата, како и периодични казни до пет проценти од просечниот дневен приход или дневен промет во светот. Од минатата година, најголемите светски технолошки компании мораа да се усогласат со европскиот закон познат како Закон за дигитални услуги (DSA). Комисијата соопшти дека се сомнева дека „Бинг можеби ја прекршил DSA“ во делот поврзан со „ризиците поврзани со генеративната вештачка интелигенција“. Ова се однесува на можностите на вештачката интелигенција да обезбедува лажни информации и „вирално ширење на длабока лажна содржина“. Видете и ова: Колку и да се труди нема да не замени Мајкрософт соопшти дека е посветен на исполнување на барањата на комисијата. „Целосно соработуваме со Европската комисија во рамките на Доброволното барање за информации и остануваме посветени да одговориме на нивните прашања и да споделуваме информации за нашиот пристап кон дигиталната безбедност и усогласеноста со DSA“, рече портпаролот на Microsoft. Портпаролот рече дека Мајкрософт презел „чекори за мерење и ублажување на потенцијалните ризици“ на сите негови платформи. Мајкрософт инвестираше милијарди во OpenAI, главен играч во вештачката интелигенција, особено откако се појави четботот ChatGPT кон крајот на 2022 година. прочитај повеќе мај 17, 2024 Таравари најави договор за влада, Османи дополнителни механизми за заштита Изет Меџити и Арбен Таравари од коалицијата „Влен“. Градоначалникот на Гостивар Арбен Таравари денеска изјави дека очекува до крајот на идната недела да биде договор околу идната влада меѓу колицијата „Влен“ и ВМРО-ДПМНЕ. Откако „Вреди“ и ВМРО-ДПМНЕ формираа работни групи за формирање на владина коалиција по парламентарните избори на 8 мај, Таравари денекса изјави дека меѓу работните групи „владее позитивна атмосфера. „Се надевам дека до крајот на идната недела ќе имаме завршен договор со програма на Владата и со распределба на ресори, односно кој и каде ќе биде како министер“, рече Таравари. По гласањето на двојните избори на 8 мај, претседателски и парламентрани, ВМРО-ДПМНЕ освои најмногу (58) мандати. Во албанскиот политички блок, Коалицијата „Влен“ освои 13 мандати, што е 6 помалку од коалицијата „Европски фронт“ која освои 19. Видете и ова: Управен суд ја одби тужбата на „Европскиот фронт“ за решението на ДИК за избирачкото место во Крушево Но, ВМРО-ДПМНЕ и Влен се во преговори за состав на идната влада. Таравари рече дека со Христијан Мицкоски досега имале две средби, а дека понатаму интензивно работат работните групи. „Се надевам до понеделник ќе излеземе со заедничка програма, а до петок ќе имаме завршен договор меѓу ВЛЕН и ВМРО-ДПМНЕ, практично договор за нова влада“, изјави Таравари. Потпретседателот на ДУИ Бујар Османи, чија партија е дел од коалицијата „Европски фронт“, денеска рече дека ако се прави владина коалиција без нивната партија, дека „тоа ќе ги разгневи сите Албанци кои ценат дека нивните гласови ќе бидат ништовни и потоа ќе бараат дополнителен механизам за заштита“, изјави Османи за приватната телевизија „Канал 5“. „ДУИ е во постојано заседание, емоциите кај албанскиот народ се веќе вжештени и ние повеќе се обидуваме да менаџираме и да контролираме. Ќе сметаат дека Охридскиот рамковен договор не ги заштитува, не го заштитува нивниот глас, нивниот глас се игнорира, е ништовен за државата и дека ќе бараат дополнителен механизам за заштита“, рече Османи. прочитај повеќе мај 17, 2024 Управен суд ја одби тужбата на „Европскиот фронт“ за решението на ДИК за избирачкото место во Крушево Управен суд Скопје Управниот суд ja одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија" за избирачкото место 1194 во Општина Крушево на Парламентарните избори одржани на 8 мај 2024 година. Според Изборниот законик, доколку одлуката за прегласување во тоа избирачко место влијае на конечните изборни резултати, ДИК треба да спроведе повторено гласање 14 ден од Парламентарните избори кои беа одржани на 8 мај. Повтореното гласање според тоа треба да биде на 22 мај. Претходно денеска во текот на расправата, застапникот на тужителот, Коалицијата „Европски фронт“, Ејуп Рустеми, посочи дека се оспорува решението на ДИК за прифаќање на приговорот за поништувње на гласањето на ИМ 1194 на Коалицијата „Твоја Македонија". „Решението на ДИК е нејасно. Сумираниот износ на искористени гласачки ливчиња е нејасно како ДИК дошле до збирот од 377 гласачи, без притоа да се земе предвид бројот од 359 потпишани гласачи во избирачкиот список. Бројот од 17 болни и изнемоштени не треба да се додава во дел IV од записникот, бидејќи тие се веќе вброени во статистичкиот податок и се добива дупла бројка. Според Изборниот законик погрешно пополнување на записник не е основ за поништување на гласањето“, изјави Рустеми. Видете и ова: Загриженост во ДИК поради изјави на политичари по приговорите за изборите Дополнително, посочи Рустеми, во записникот нема заведено забелешки за евентуални неправилности. Претставникот на ДИК, Катерина Василевска нагласи дека остануваат во целост на наводите од решението и одговорот на тужбата и предлагаат таа да се одбие како неоснована. „ДИК постапи во законскиот рок и донесе одлука. По увидот во целосниот изборен материјал ДИК утврди дека бројот на идентификувани гласачи не се совпаѓа со бројот на потпишани гласачи во избирачкиот список и не соодветствува со бројот на искористени гласачки ливчиња на гласачкото место“, нагласи Василевска. Управниот суд пресудата ќе ја објави за два часа. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите се оформени предмети и закажани во текот на денешниот ден. Видете и ова: Талат Џафери: Има обиди за изборен инжинеринг ДИК на 104 седница ги разгледа приговорите поднесени од политичките партии по одржувањето на парламентарните избори на 8 мај. Од вкупно 27 поднесени приговори - девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. прочитај повеќе мај 17, 2024 Загриженост во ДИК поради изјави на политичари по приговорите за изборите Александар Даштевски - претседател на Државната изборна комисија (ДИК) . Претседателот на Државната изборна комисија (ДИК) Александар Даштевски и членовите на ДИК и уште неколку членови денеска изразија загриженост дека политички партии и високи владини функционери давале изјави за работата на ДИК за постапувањето по приговорите за парламентарните избори, кои според нив можат да бидат закана за нивната безбедност. Во денешносто соопштение на ДИК, освен Даштевски, загриженост изразуваат и членовите на ДИК Радица Ристеска, Оливер Ристовски, Борис Кондарко, Бобан Стојаноски и Абдуш Демири. „Ве известуваме дека покрај тоа што сме лично понижувани и навредувани, исто така како членови во највисоката институција за организирање и спроведување на изборите, сме изложени и на неосновани и непримерени јавни политички притисоци и на закани за кривична одговорност поради донесените одлуки на ДИК“, се вели во реакцијата. Тие велат дека според „контекстот и интензитетот на нападите, прозивките и навредите“ загрижени се и дека е можно тие да преминат и во лични напади на нивната сигурност. „Ве известуваме дека ДИК во целост професионално, транспаретно и само врз основа на закон ги спроведе изборите што е потврдено од сите домашни и меѓународни фактори. Исто така и покрај сите непријатности кои ги имаме, сепак со највисок степен на интегритет врз основа на јавна проверка на изборниот материјал ДИК ги утврди фактите и одлучуваше по приговори поднесени од различни учесници за 110 избирачки места, од кои врз основа на образложени докази усвои приговори за само 7 избирачки места за кои имаше правен основ, додека сите останати 103 избирачки места, беа одбиени како неосновани и за нив немаше поднесено тужби ниту еден учесник на изборите“, се вели во реакцијата. Видете и ова: Талат Џафери: Има обиди за изборен инжинеринг Државната изборна комисија наведува дека е неприфатливо да има нападите, притисоци и мешање на одредени политички партии и на поединци од техничката Влада во изборните процедури и во работата и одлучувањето на ДИК и на Управниот суд. Тие посочуваат дека за сето ова денеска на средба во ДИК била известена и амбасадорката на набљудувачката мисија на ОБСЕ-ОДИХР Џилијан Стирк. Премиерот на техничката Влада Талат Џафери вчера на прес-конференција соопшти дека имало договор за надгласување во Државната изборна комисија за прифаќање на одредени приговори за изборните резултати и прегласување и оти на ваков начин се прави обид за изборен инженеринг за менување на бројките во Собранието и изигрување на волјата на граѓаните. Изборниот процес кој беше оценет како кредибилен и демократски, сега е во рацете на Управниот суд, рече Џафери и повика сите институции да постапуваат согласно закон без партиски директиви од која било страна. Управниот суд вчера одржа јавна седница по тужба на Коалицијата „Вреди“ по одлуката на ДИК за одбивање на нивниот приговор за избирачко место 0511, во Долна Бањица во Општина Гостивар на Парламентарните избори 2024 година. Видете и ова: Ќе се прегласува во Желино, „Европски фронт“ со обвинувања дека ќе им бидат одземени пратеници Постапката беше прекината, откако претставникот на Коалицијата „Вреди“ изјави дека ја повлекува тужбата во целост. До Државната изборна комисија беа поднесени вкупно 27 приговори за парламентарните избори - девет од коалицијата „Влен“, осум од ВМРО-ДПМНЕ, пет од СДСМ и четири од Левица. Прифатени беа седум: шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Против одлуката на ДИК може да се поднесе тужба до Управниот суд, во рок од 24 часа од приемот на решението.Управниот суд, пак, по жалбата е должен да донесе одлука во рок од 48 часа по нејзиниот прием. мд/дма/ прочитај повеќе мај 17, 2024 Состојбата на словачкиот премиер Фицо „се уште многу сериозна“ Словачкиот премиер Роберт Фицо. Два дена по обидот за атентат, состојбата на словачкиот премиер Роберт Фицо на 17 мај „останува многу сериозна“, изјави неговиот заменик и близок соработник Роберт Калинак. Фицо беше хоспитализиран по пукањето во средата, коешто се случи додека 59-годишниот премиер на Словачка разговараше со граѓаните по состанокот во централниот град Хандлова. „Повторно беше опериран, имаше операција речиси два часа“, изјави за новинарите пред болницата во Банска Бистрица вицепремиерот Роберт Калинак. Фицо претходно имаше петчасовна операција набргу откако од местото на нападот беше пренесен во болница со хеликоптер. Директорот на болницата во Банска Бистрица рече дека Фицо останал „свесен“, иако е во „тешка“ состојба. Претходно, на 17 мај, локалните медиуми објавија дека словачката полиција извршила претрес во домот на мажот кој е обвинет за пукањето. Видете и ова: На словачкиот премиер Фицо ќе му биде извршена уште една операција Полициските службеници го донесоа наводниот вооружен напаѓач, кој носел панцир и шлем, во станот што го делел со неговата сопруга во западниот град Левице, беше прикажано во видео од телевизијата Маркиза. „Полицијата остана во станот неколку часа... Од станот таа изнесе компјутер и документи“, вели приватниот радиодифузер. Полицијата за АФП изјави дека нема да ја коментира тековната истрага. Полицијата не го именуваше осомничениот, но медиумите го идентификуваа како 71-годишниот писател Јурај Цинтулу. Тој во четвртокот беше обвинет за обид за убиство од прв степен во, како што велат властите, политички мотивиран напад. „Станува збор за „волк-самец“ кој се активирал по претседателските избори бидејќи не бил задоволен од нивниот исход“, изјави министерот за внатрешни работи Матус Сутај Есток. Видете и ова: Обид за атентат врз словачкиот премиер Фицо - нападот бил „политички мотивиран“ Нападот ги поттикна стравувањата од натамошно насилство и нестабилност во политички поларизираната земја, само неколку недели пред изборите за Европскиот парламент, пренесува АФП. Официјалните лица во Словачка ја повлекоа врската со политичката ситуација во земјата, со нејзината политичка сцена нарушена со дезинформации за време на неодамнешните изборни кампањи. Фицо, четирикратен премиер и политички ветеран, се врати на функцијата во октомври. Оттогаш тој даде серија изјави кои ги влошија врските меѓу Словачка и соседна Украина, откако го доведе во прашање суверенитетот на земјата. Откако тој беше избран, Словачка престана да испраќа оружје во Украина, која Русија ја нападна во 2022 година. прочитај повеќе мај 17, 2024 Палевски ќе биде спроведен на распит во Кривичниот суд Љупчо Палевски - Палчо, првоосомничен за убиството на Вања Ѓорчевска и Панче Жежовски. Основниот кривичен суд Скопје денеска доби официјално известување од Истражниот затвор Скопје за екстрадицијата на Љупчо Палевски, којшто е првоосомничен за случајот за убиството на 14-годишната Вања Ѓорчевска и велешкиот фризер Панче Жежовски (74). Палевски прво ќе биде спроведен до Кривичниот суд за да се изјасни за мерката притвор која му беше веќе определена, откако на 5 мај со авион беше екстрадиран од Турција во Северна Македонија. Од судот соопштуваат дека денеска добиле и известување и барање за ангажирање на адвокат кој ќе го застапува Палевски во текот на постапката. Според законите во Северна Македонија, судот ги издава сите дозволи поврзани со истражната постапка и ги доставува до предложените адвокати за нивно понатамошно постапување. „Дополнително, судија на претходна постапка во координација со надлежниот Јавен обвинител, ќе издаде наредба за спровод на осомниченото лице за негово произнесување во однос на околностите во предлогот на Јавниот обвинител за определување на мерката притвор, а за донесеното решение јавноста ќе биде известена“, се вели во соопштението од Основен кривичен суд Скопје. Видете и ова: Финишира истрагата за Палчо за убиството на 14-годишната Вања Истрагата за случајот, кој што го води Основното јавно обвинителство (ОЈО) Скопје, е во завршна фаза. Палевски повеќе од пет месеци помина во екстрадициски притвор во Турција, откако беше фатен од турската полиција. Палевски се гони за две грабнувања и две убиства на свиреп начин. Осомничени се и тројца соизвршители за овие дела, како и таткото на Вања Ѓорчевска кој се товари за помагање во грабнувањето на девојчето. За помагање во бегството, обвинителството сомничи уште едно лице. Истрагата на Обвинителството беше отворена на 3 декември, откако случајот притви Палевски и останатите осомничени беше отворен по пријавата за исчезнувањето на малолетната Вања на 27 ноември, утрото кога таа не се појави на училиште. Исчезнувањето со денови ја брануваше македонската, но и јавноста во регионот, а медиумите и социјалните мрежи беа преплавени со вести и апели се до 3 декември кога нејзиното тело беше пронајдено во околината на Скопје. Видете и ова: Љупчо Палевски – Палчо со авион екстрадиран во Северна Македонија Истиот ден беше кобен и за семејството на Панче Жежовски бидејќи полицијата соопшти дека неговото тело го пронашле во близина на Велес. Тој бил пријавен за исчезнат три дена пред Вања – на 24 ноември. Палевски беше во бегство во Турција, а избегал во таа земја преку Србија и Бугарија, избега во Турција. Турската полиција успеа да го фати кај градот Балибекир на 5 декември 2023 година. Тој на 15 мај годинава беше екстрадиран во Северна Македонија. Пред затворање на истрагата и поднесување на обвинение, Палевски треба да биде сослушан и во обвинителството. По евентуалното обвинение, тоа ќе оди на оценка во судот и ако добие зелено светло, ќе стартува судски процес. Во меѓувреме тој во притвор се чува под посебни безбедносни мерки. прочитај повеќе Вчитај повеќе...

Вести мај 17, 2024 По протестите против законот за „странски агенти“, во Тбилиси марш за семејството Марш по повод Денот на семејната чистота, Тбилиси, 17 мај 2024 година Високи свештеници на Грузиската православна црква и конзервативни верски групи денеска (17 мај) го одбележаа новововедениот празник „Ден на семејната чистота“ со марш по централната авенија во Тбилиси, која беше место на неколкунеделни протести поради усвоениот закон за „странски агенти“. Денот на чистотата на семејството е основан од Грузиската православна црква во 2014 година како одговор на Меѓународниот ден против хомофобијата, бифобијата и трансфобијата (IDAHOBIT), кој се одбележува секоја година на 17 мај за да се подигне свеста за кршењето на правата на ЛГБТ ширум светот. Со цел да се избегне конфронтација, не беа закажани собири против законот за „странски агенти“ за време на маршот за Денот на семејната чистота, објави грузискиот сервис на Радио Слободна Европа. Маршот на Денот на семејната чистота, кој оваа година е неработен ден, е поддржан од владејачката партија Грузиски сон, која во март го протурка нацрт-законот за ограничување на правата на ЛГБТ луѓето, само неколку недели пред да го врати законот за „странски агенти“. на парламентарна процедура која наликува на драконски руски закон. Законот за ограничување на правата на ЛГБТ забранува трансродови операции, посвојување деца од истополови двојки, назначување на пол различен од машкиот и женскиот пол во официјалните документи и организирање јавни настани кои се залагаат за истополови врски. Двата закони се сметаат за обиди на Грузискиот сон, основан од милијардерот Бидзина Иванишвили, пријател на Русија, да ја консолидира својата моќ пред изборите закажани за октомври. Embed share Грузијци отпуштени од работа поради протестирање Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:03:00 0:00 Директен линк 240p | 8,6MB 360p | 13,8MB 480p | 22,3MB 720p | 44,5MB 1080p | 66,9MB На 17 мај, претседателот на парламентот Шалва Папуашвили објави честитка на социјалните мрежи, додка официјални лица најавија учество на маршот. Вниманието посветено на настанот се чини дека е обид да се минимизира влијанието на повеќенеделните масовни протести поради контроверзниот закон за „странски агенти“ усвоен од парламентот претходно оваа недела. Прозападната претседателка Саломе Зурабишвили, која е во судир со Грузиски сон, рече дека законот е „неприфатлив“ и „не е во согласност“ со евроатлантската интеграција на земјата. Законот беше критикуван од САД, Европската Унија и организациите за човекови права поради сличностите со рускиот закон што претседателот Владимир Путин го користеше за да ја задуши опозицијата, невладините организации и медиумите. прочитај повеќе види ги сите денешни вести мај 17, 2024 Напад во Авганистан - неколку убиени, меѓу нив и странски државјани Авганистанска провинција Бамијан. Вооружен напад се случил на 17 мај врз група на странски туристи во централната авганистанска провинција Бамијан. Извор од талибанските безбедносни сили за Радио Азана на Радио Слободна Европа изјави дека во нападот имало неколку мртви. Видете и ова: Во поплавите во Авганистан загинаа 315 луѓе Изворот, кој побара да остане анонимен, не го откри бројот на загинатите туристи или нивната националност. Амај њуз објави дека најмалку осум лица биле убиени. Меѓу жртвите во нападот биле и четворица странски државјани, но не беа дадени повеќе детали. прочитај повеќе мај 17, 2024 Србија досега добила 220 милиони евра од ЕУ за миграцијата и граничната контрола Илустративна фотографија. Од 2015 година, Европската унија (ЕУ) ѝ даде на Србија повеќе од 220 милиони евра помош во областа на миграцијата и управувањето со границите, изјави Никола Бертолини - шеф на Одделот за соработка на Делегацијата на ЕУ во Србија. На крајот од петдневната обука на граничарите во Суботица, Бертолини рече дека Србија усвоила стратегија за интегрирано гранично управување, соопшти Министерството за внатрешни работи (МВР). Тој додаде дека парите од Брисел биле испратени во Србија за поголема безбедност на границите и помош во борбата против нелегалните прекугранични активности, шверцот на оружје, експлозиви и наркотици. „Зголемувањето на капацитетот на граничните служби води и до поефикасно откривање на нерегуларна миграција, трговија со луѓе и криумчарење“, рече Бертолини. Видете и ова: Западен Балкан е важна транзитна зона за илегални миграции, покажа извештајот на ИОМ Тој посочи дека ЕУ планира да продолжи да ја поддржува Србија за спроведување на поефективен надзор и софистицирани гранични проверки, како и да обезбеди модерна опрема за таа цел. Тој потсети дека за зголемување на обемот на трговската, туризмот и културната размена потребни се поотворени граници, но истовремено и одржување на високо ниво на безбедност на границите. „Затоа сите гранични агенции треба да воспостават рамнотежа помеѓу строгите контроли и отворените граници“, рече Бертолини. Владата на Србија го усвои акциониот план на ЕУ за интегрирано гранично управување во 2022 година. Од почетокот на светската мигрантска криза во 2015 година, преку таканаречената балканска рута низ Србија поминале повеќе од еден и пол милион бегалци и мигранти, покажуваат податоците на надлежните органи на Обединетите нации (ОН). прочитај повеќе мај 17, 2024 Засилени безбедносни мерки во Шведска по пукање во близина на израелската амбасада Улицата Готгатан во Стокхолм, 14 април 2020 година. Илустративна фотографија Шведска ги засили безбедносните мерки во земјата по пукање во близина на израелската амбасада во Стокхолм, соопшти полицијата на 17 мај. Полицијата ја опколи областа околу амбасадата и изврши претреси во неколку населби во Стокхолм откако во раните утрински часови се слушнаа истрели. „Поради сомнителни пукотници во близина на израелската амбасада во Стокхолм, полицијата презема безбедносни мерки за заштита на имотот и интересите на Израел и Евреите низ целата земја“, соопшти полицискиот оддел на својата веб-страница. Видете и ова: Израел соопшти дека обвинувањата на Јужна Африка за геноцид се неосновани Амбасадорот на Израел во Шведска, Жив Нево Кулман, им се заблагодари на властите на мрежата X „за нивната итна реакција и истрага, како и за зголемените безбедносни мерки околу нашата амбасада и околу еврејските заедници“. Во февруари, полицијата на теренот на израелската амбасада пронајде уред за кој амбасадорот рече дека претставува обид за напад. Шведските разузнавачки служби отворија истрага за „тероризам“. Од нападот на Хамас врз јужен Израел на 7 октомври 2023 година, властите и некои невладини организации во многу земји пријавија пораст на антисемитизмот, додека високиот број цивилни жртви во Газа предизвикани од одговорот на Израел дополнително ги зголеми тензиите. прочитај повеќе мај 17, 2024 ЕУ забрани уште четири руски медиуми поради ширење пропаганда Европскиот парламент. Европската унија на 17 мај забрани емитување на програми на уште четири руски медиуми во ЕУ поради, како што се наведува, ширење пропаганда за инвазијата врз Украина и за дезинформации. Забраната за емитување се случува во пресрет на изборите за Европскиот парламент. Последната група на медиуми кои се забранети ги вклучуваат веб-страницата Глас Европа, руската државна новинска агенција РИА Новости, весниците Известија и Росискаја газета, за кои ЕУ тврди дека се под контрола на Кремљ. Официјалното соопштение за санкциите ја потврди одлуката на почетокот на неделава од страна на амбасадорите на 27-те земји-членки на блокот. „Овие медиуми се под постојана директна или индиректна контрола на раководството на Руската Федерација и беа од суштинско значење и инструменти во започнувањето и поддршката на руската агресорска војна против Украина и дестабилизацијата на нејзините соседни земји“, се вели во соопштението на ЕУ. Видете и ова: Русија ја предупреди ЕУ на остар одговор ако воведе ограничувања за руските медиуми Во соопштението се наведува дека овие медиуми конкретно ги таргетираат „европските политички партии, особено во изборните периоди“. Забраните ги опфаќаат „сите средства за пренос и дистрибуција во ЕУ или насочени кон земјите-членки на ЕУ“, но не ги спречуваат новинарите да работат во медиумите во Европската унија. Веќе минатиот месец, Белгија отвори истрага за сомнително руско мешање во јунските избори низ Европа, велејќи дека разузнавачката служба на нејзината земја го потврдила постоењето на мрежа која се обидува да ја поткопа поддршката за Украина. Чешката влада воведе санкции за голем број луѓе откако таму беше откриена операција на проруско влијание. Според наводите, тие им обраќале на членовите на Европскиот парламент и им понудиле пари за промовирање на руската пропаганда. Од почетокот на војната во февруари 2022 година, ЕУ веќе суспендираше неколку медиуми, вклучително и Русија денес (РТ) и Спутник. прочитај повеќе мај 17, 2024 ЕУ го истражува Мајкрософт за ризиците од вештачката интелигенција пред изборите Илустративна фотографија. Европската унија денеска (17 мај) му нареди на Мајкрософт да предаде внатрешни документи или дека пред изборите ќе се соочи со казни поврзани со ризиците од користење на вештачка интелигенција на својот пребарувач Бинг. ЕУ ја идентификуваше генеративната вештачка интелигенција како една од главните закани за изборите што ќе се одржат во ЕУ од 6 до 9 јуни. Во март, Брисел побара од Бинг, заедно со неколку големи дигитални платформи, вклучително Гугл, ТикТок и Јутуб, да обезбеди информации за активностите што ги презеле за да ги ублажат ризиците од користење на вештачка интелигенција. Но, Мајкрософт не одговори на барањето за повеќе детали за „специфичните ризици кои произлегуваат од функциите на генеративната вештачка интелигенција на Бинг, особено „Копилот во Бинг“ и „Креатор на слики од дизајнер“, соопшти Европската комисија. Американскиот технолошки гигант сега има рок до 27 мај да обезбеди „внатрешни документи и податоци“. Видете и ова: Тик-Ток објави дека ќе означува слики создадени од вештачка интелигенција Доколку Мајкрософт не го стори тоа, ЕУ може да изрече казни до еден процент од вкупниот годишен приход или глобалниот промет на компанијата, како и периодични казни до пет проценти од просечниот дневен приход или дневен промет во светот. Од минатата година, најголемите светски технолошки компании мораа да се усогласат со европскиот закон познат како Закон за дигитални услуги (DSA). Комисијата соопшти дека се сомнева дека „Бинг можеби ја прекршил DSA“ во делот поврзан со „ризиците поврзани со генеративната вештачка интелигенција“. Ова се однесува на можностите на вештачката интелигенција да обезбедува лажни информации и „вирално ширење на длабока лажна содржина“. Видете и ова: Колку и да се труди нема да не замени Мајкрософт соопшти дека е посветен на исполнување на барањата на комисијата. „Целосно соработуваме со Европската комисија во рамките на Доброволното барање за информации и остануваме посветени да одговориме на нивните прашања и да споделуваме информации за нашиот пристап кон дигиталната безбедност и усогласеноста со DSA“, рече портпаролот на Microsoft. Портпаролот рече дека Мајкрософт презел „чекори за мерење и ублажување на потенцијалните ризици“ на сите негови платформи. Мајкрософт инвестираше милијарди во OpenAI, главен играч во вештачката интелигенција, особено откако се појави четботот ChatGPT кон крајот на 2022 година. прочитај повеќе мај 17, 2024 Таравари најави договор за влада, Османи дополнителни механизми за заштита Изет Меџити и Арбен Таравари од коалицијата „Влен“. Градоначалникот на Гостивар Арбен Таравари денеска изјави дека очекува до крајот на идната недела да биде договор околу идната влада меѓу колицијата „Влен“ и ВМРО-ДПМНЕ. Откако „Вреди“ и ВМРО-ДПМНЕ формираа работни групи за формирање на владина коалиција по парламентарните избори на 8 мај, Таравари денекса изјави дека меѓу работните групи „владее позитивна атмосфера. „Се надевам дека до крајот на идната недела ќе имаме завршен договор со програма на Владата и со распределба на ресори, односно кој и каде ќе биде како министер“, рече Таравари. По гласањето на двојните избори на 8 мај, претседателски и парламентрани, ВМРО-ДПМНЕ освои најмногу (58) мандати. Во албанскиот политички блок, Коалицијата „Влен“ освои 13 мандати, што е 6 помалку од коалицијата „Европски фронт“ која освои 19. Видете и ова: Управен суд ја одби тужбата на „Европскиот фронт“ за решението на ДИК за избирачкото место во Крушево Но, ВМРО-ДПМНЕ и Влен се во преговори за состав на идната влада. Таравари рече дека со Христијан Мицкоски досега имале две средби, а дека понатаму интензивно работат работните групи. „Се надевам до понеделник ќе излеземе со заедничка програма, а до петок ќе имаме завршен договор меѓу ВЛЕН и ВМРО-ДПМНЕ, практично договор за нова влада“, изјави Таравари. Потпретседателот на ДУИ Бујар Османи, чија партија е дел од коалицијата „Европски фронт“, денеска рече дека ако се прави владина коалиција без нивната партија, дека „тоа ќе ги разгневи сите Албанци кои ценат дека нивните гласови ќе бидат ништовни и потоа ќе бараат дополнителен механизам за заштита“, изјави Османи за приватната телевизија „Канал 5“. „ДУИ е во постојано заседание, емоциите кај албанскиот народ се веќе вжештени и ние повеќе се обидуваме да менаџираме и да контролираме. Ќе сметаат дека Охридскиот рамковен договор не ги заштитува, не го заштитува нивниот глас, нивниот глас се игнорира, е ништовен за државата и дека ќе бараат дополнителен механизам за заштита“, рече Османи. прочитај повеќе мај 17, 2024 Управен суд ја одби тужбата на „Европскиот фронт“ за решението на ДИК за избирачкото место во Крушево Управен суд Скопје Управниот суд ja одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија" за избирачкото место 1194 во Општина Крушево на Парламентарните избори одржани на 8 мај 2024 година. Според Изборниот законик, доколку одлуката за прегласување во тоа избирачко место влијае на конечните изборни резултати, ДИК треба да спроведе повторено гласање 14 ден од Парламентарните избори кои беа одржани на 8 мај. Повтореното гласање според тоа треба да биде на 22 мај. Претходно денеска во текот на расправата, застапникот на тужителот, Коалицијата „Европски фронт“, Ејуп Рустеми, посочи дека се оспорува решението на ДИК за прифаќање на приговорот за поништувње на гласањето на ИМ 1194 на Коалицијата „Твоја Македонија". „Решението на ДИК е нејасно. Сумираниот износ на искористени гласачки ливчиња е нејасно како ДИК дошле до збирот од 377 гласачи, без притоа да се земе предвид бројот од 359 потпишани гласачи во избирачкиот список. Бројот од 17 болни и изнемоштени не треба да се додава во дел IV од записникот, бидејќи тие се веќе вброени во статистичкиот податок и се добива дупла бројка. Според Изборниот законик погрешно пополнување на записник не е основ за поништување на гласањето“, изјави Рустеми. Видете и ова: Загриженост во ДИК поради изјави на политичари по приговорите за изборите Дополнително, посочи Рустеми, во записникот нема заведено забелешки за евентуални неправилности. Претставникот на ДИК, Катерина Василевска нагласи дека остануваат во целост на наводите од решението и одговорот на тужбата и предлагаат таа да се одбие како неоснована. „ДИК постапи во законскиот рок и донесе одлука. По увидот во целосниот изборен материјал ДИК утврди дека бројот на идентификувани гласачи не се совпаѓа со бројот на потпишани гласачи во избирачкиот список и не соодветствува со бројот на искористени гласачки ливчиња на гласачкото место“, нагласи Василевска. Управниот суд пресудата ќе ја објави за два часа. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите се оформени предмети и закажани во текот на денешниот ден. Видете и ова: Талат Џафери: Има обиди за изборен инжинеринг ДИК на 104 седница ги разгледа приговорите поднесени од политичките партии по одржувањето на парламентарните избори на 8 мај. Од вкупно 27 поднесени приговори - девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. прочитај повеќе мај 17, 2024 Загриженост во ДИК поради изјави на политичари по приговорите за изборите Александар Даштевски - претседател на Државната изборна комисија (ДИК) . Претседателот на Државната изборна комисија (ДИК) Александар Даштевски и членовите на ДИК и уште неколку членови денеска изразија загриженост дека политички партии и високи владини функционери давале изјави за работата на ДИК за постапувањето по приговорите за парламентарните избори, кои според нив можат да бидат закана за нивната безбедност. Во денешносто соопштение на ДИК, освен Даштевски, загриженост изразуваат и членовите на ДИК Радица Ристеска, Оливер Ристовски, Борис Кондарко, Бобан Стојаноски и Абдуш Демири. „Ве известуваме дека покрај тоа што сме лично понижувани и навредувани, исто така како членови во највисоката институција за организирање и спроведување на изборите, сме изложени и на неосновани и непримерени јавни политички притисоци и на закани за кривична одговорност поради донесените одлуки на ДИК“, се вели во реакцијата. Тие велат дека според „контекстот и интензитетот на нападите, прозивките и навредите“ загрижени се и дека е можно тие да преминат и во лични напади на нивната сигурност. „Ве известуваме дека ДИК во целост професионално, транспаретно и само врз основа на закон ги спроведе изборите што е потврдено од сите домашни и меѓународни фактори. Исто така и покрај сите непријатности кои ги имаме, сепак со највисок степен на интегритет врз основа на јавна проверка на изборниот материјал ДИК ги утврди фактите и одлучуваше по приговори поднесени од различни учесници за 110 избирачки места, од кои врз основа на образложени докази усвои приговори за само 7 избирачки места за кои имаше правен основ, додека сите останати 103 избирачки места, беа одбиени како неосновани и за нив немаше поднесено тужби ниту еден учесник на изборите“, се вели во реакцијата. Видете и ова: Талат Џафери: Има обиди за изборен инжинеринг Државната изборна комисија наведува дека е неприфатливо да има нападите, притисоци и мешање на одредени политички партии и на поединци од техничката Влада во изборните процедури и во работата и одлучувањето на ДИК и на Управниот суд. Тие посочуваат дека за сето ова денеска на средба во ДИК била известена и амбасадорката на набљудувачката мисија на ОБСЕ-ОДИХР Џилијан Стирк. Премиерот на техничката Влада Талат Џафери вчера на прес-конференција соопшти дека имало договор за надгласување во Државната изборна комисија за прифаќање на одредени приговори за изборните резултати и прегласување и оти на ваков начин се прави обид за изборен инженеринг за менување на бројките во Собранието и изигрување на волјата на граѓаните. Изборниот процес кој беше оценет како кредибилен и демократски, сега е во рацете на Управниот суд, рече Џафери и повика сите институции да постапуваат согласно закон без партиски директиви од која било страна. Управниот суд вчера одржа јавна седница по тужба на Коалицијата „Вреди“ по одлуката на ДИК за одбивање на нивниот приговор за избирачко место 0511, во Долна Бањица во Општина Гостивар на Парламентарните избори 2024 година. Видете и ова: Ќе се прегласува во Желино, „Европски фронт“ со обвинувања дека ќе им бидат одземени пратеници Постапката беше прекината, откако претставникот на Коалицијата „Вреди“ изјави дека ја повлекува тужбата во целост. До Државната изборна комисија беа поднесени вкупно 27 приговори за парламентарните избори - девет од коалицијата „Влен“, осум од ВМРО-ДПМНЕ, пет од СДСМ и четири од Левица. Прифатени беа седум: шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Против одлуката на ДИК може да се поднесе тужба до Управниот суд, во рок од 24 часа од приемот на решението.Управниот суд, пак, по жалбата е должен да донесе одлука во рок од 48 часа по нејзиниот прием. мд/дма/ прочитај повеќе мај 17, 2024 Состојбата на словачкиот премиер Фицо „се уште многу сериозна“ Словачкиот премиер Роберт Фицо. Два дена по обидот за атентат, состојбата на словачкиот премиер Роберт Фицо на 17 мај „останува многу сериозна“, изјави неговиот заменик и близок соработник Роберт Калинак. Фицо беше хоспитализиран по пукањето во средата, коешто се случи додека 59-годишниот премиер на Словачка разговараше со граѓаните по состанокот во централниот град Хандлова. „Повторно беше опериран, имаше операција речиси два часа“, изјави за новинарите пред болницата во Банска Бистрица вицепремиерот Роберт Калинак. Фицо претходно имаше петчасовна операција набргу откако од местото на нападот беше пренесен во болница со хеликоптер. Директорот на болницата во Банска Бистрица рече дека Фицо останал „свесен“, иако е во „тешка“ состојба. Претходно, на 17 мај, локалните медиуми објавија дека словачката полиција извршила претрес во домот на мажот кој е обвинет за пукањето. Видете и ова: На словачкиот премиер Фицо ќе му биде извршена уште една операција Полициските службеници го донесоа наводниот вооружен напаѓач, кој носел панцир и шлем, во станот што го делел со неговата сопруга во западниот град Левице, беше прикажано во видео од телевизијата Маркиза. „Полицијата остана во станот неколку часа... Од станот таа изнесе компјутер и документи“, вели приватниот радиодифузер. Полицијата за АФП изјави дека нема да ја коментира тековната истрага. Полицијата не го именуваше осомничениот, но медиумите го идентификуваа како 71-годишниот писател Јурај Цинтулу. Тој во четвртокот беше обвинет за обид за убиство од прв степен во, како што велат властите, политички мотивиран напад. „Станува збор за „волк-самец“ кој се активирал по претседателските избори бидејќи не бил задоволен од нивниот исход“, изјави министерот за внатрешни работи Матус Сутај Есток. Видете и ова: Обид за атентат врз словачкиот премиер Фицо - нападот бил „политички мотивиран“ Нападот ги поттикна стравувањата од натамошно насилство и нестабилност во политички поларизираната земја, само неколку недели пред изборите за Европскиот парламент, пренесува АФП. Официјалните лица во Словачка ја повлекоа врската со политичката ситуација во земјата, со нејзината политичка сцена нарушена со дезинформации за време на неодамнешните изборни кампањи. Фицо, четирикратен премиер и политички ветеран, се врати на функцијата во октомври. Оттогаш тој даде серија изјави кои ги влошија врските меѓу Словачка и соседна Украина, откако го доведе во прашање суверенитетот на земјата. Откако тој беше избран, Словачка престана да испраќа оружје во Украина, која Русија ја нападна во 2022 година. прочитај повеќе мај 17, 2024 Палевски ќе биде спроведен на распит во Кривичниот суд Љупчо Палевски - Палчо, првоосомничен за убиството на Вања Ѓорчевска и Панче Жежовски. Основниот кривичен суд Скопје денеска доби официјално известување од Истражниот затвор Скопје за екстрадицијата на Љупчо Палевски, којшто е првоосомничен за случајот за убиството на 14-годишната Вања Ѓорчевска и велешкиот фризер Панче Жежовски (74). Палевски прво ќе биде спроведен до Кривичниот суд за да се изјасни за мерката притвор која му беше веќе определена, откако на 5 мај со авион беше екстрадиран од Турција во Северна Македонија. Од судот соопштуваат дека денеска добиле и известување и барање за ангажирање на адвокат кој ќе го застапува Палевски во текот на постапката. Според законите во Северна Македонија, судот ги издава сите дозволи поврзани со истражната постапка и ги доставува до предложените адвокати за нивно понатамошно постапување. „Дополнително, судија на претходна постапка во координација со надлежниот Јавен обвинител, ќе издаде наредба за спровод на осомниченото лице за негово произнесување во однос на околностите во предлогот на Јавниот обвинител за определување на мерката притвор, а за донесеното решение јавноста ќе биде известена“, се вели во соопштението од Основен кривичен суд Скопје. Видете и ова: Финишира истрагата за Палчо за убиството на 14-годишната Вања Истрагата за случајот, кој што го води Основното јавно обвинителство (ОЈО) Скопје, е во завршна фаза. Палевски повеќе од пет месеци помина во екстрадициски притвор во Турција, откако беше фатен од турската полиција. Палевски се гони за две грабнувања и две убиства на свиреп начин. Осомничени се и тројца соизвршители за овие дела, како и таткото на Вања Ѓорчевска кој се товари за помагање во грабнувањето на девојчето. За помагање во бегството, обвинителството сомничи уште едно лице. Истрагата на Обвинителството беше отворена на 3 декември, откако случајот притви Палевски и останатите осомничени беше отворен по пријавата за исчезнувањето на малолетната Вања на 27 ноември, утрото кога таа не се појави на училиште. Исчезнувањето со денови ја брануваше македонската, но и јавноста во регионот, а медиумите и социјалните мрежи беа преплавени со вести и апели се до 3 декември кога нејзиното тело беше пронајдено во околината на Скопје. Видете и ова: Љупчо Палевски – Палчо со авион екстрадиран во Северна Македонија Истиот ден беше кобен и за семејството на Панче Жежовски бидејќи полицијата соопшти дека неговото тело го пронашле во близина на Велес. Тој бил пријавен за исчезнат три дена пред Вања – на 24 ноември. Палевски беше во бегство во Турција, а избегал во таа земја преку Србија и Бугарија, избега во Турција. Турската полиција успеа да го фати кај градот Балибекир на 5 декември 2023 година. Тој на 15 мај годинава беше екстрадиран во Северна Македонија. Пред затворање на истрагата и поднесување на обвинение, Палевски треба да биде сослушан и во обвинителството. По евентуалното обвинение, тоа ќе оди на оценка во судот и ако добие зелено светло, ќе стартува судски процес. Во меѓувреме тој во притвор се чува под посебни безбедносни мерки. прочитај повеќе Вчитај повеќе...

Вести мај 17, 2024 Започна испораката на помош за Газа преку понтонскиот мост што го изградија САД илустрација Камиони со неопходна помош за Појасот Газа во петок (17 мај) почнаа да го преминуваат понтонскиот мост изграден од Соединетите Држави, откако израелските ограничувања на граничните премини и тешките борби ја попречија испораката на храна и други залихи за опколената палестинска енклава. Испораките се први во операцијата за која американските воени претставници предвидуваат дека може да се зголеми до 150 камиони дневно што влегуваат во Појасот Газа. Израел во моментов врши притисок врз градот Рафа во јужниот дел на Појасот Газа, каде се наоѓа клучниот граничен премин со Појасот Газа, преку кој се носеше помош, но кој е затворен откако Израел ја презеде контролата над него. На окупираниот Западен Брег, десетици израелски демонстранти нападнаа камион во обид да спречат помошта да стигне до Газа во четвртокот, претепувајќи го неговиот возач и запалувајќи го. Видете и ова: УНРВА: Израелската операција на преминот Рафа ја загрозува испораката на помош за Газа Израелската армија соопшти дека војниците пристигнале подоцна на местото на настанот и се обиделе да ги одвојат напаѓачите од возачот и да пружат медицинска помош. Армијата соопшти дека демонстрантите потоа ги нападнале војниците, при што полесно биле повредени двајца офицери и еден војник. Израелските медиуми јавија дека камионот превезувал обична комерцијална стока, а не помош за Газа. Во седуммесечната војна во Појасот Газа, според здравствените власти во Газа под контрола на Хамас, кој САД и ЕУ ја сметаат за терористичка организација, загинале повеќе од 35 000 луѓе. Војната започна на 7 октомври кога Хамас го нападна јужниот дел на Израел, убивајќи околу 1200 луѓе и земајќи околу 250 заложници, според израелските податоци. прочитај повеќе види ги сите денешни вести мај 17, 2024 Напад во Авганистан - неколку убиени, меѓу нив и странски државјани Авганистанска провинција Бамијан. Вооружен напад се случил на 17 мај врз група на странски туристи во централната авганистанска провинција Бамијан. Извор од талибанските безбедносни сили за Радио Азана на Радио Слободна Европа изјави дека во нападот имало неколку мртви. Видете и ова: Во поплавите во Авганистан загинаа 315 луѓе Изворот, кој побара да остане анонимен, не го откри бројот на загинатите туристи или нивната националност. Амај њуз објави дека најмалку осум лица биле убиени. Меѓу жртвите во нападот биле и четворица странски државјани, но не беа дадени повеќе детали. прочитај повеќе мај 17, 2024 Србија досега добила 220 милиони евра од ЕУ за миграцијата и граничната контрола Илустративна фотографија. Од 2015 година, Европската унија (ЕУ) ѝ даде на Србија повеќе од 220 милиони евра помош во областа на миграцијата и управувањето со границите, изјави Никола Бертолини - шеф на Одделот за соработка на Делегацијата на ЕУ во Србија. На крајот од петдневната обука на граничарите во Суботица, Бертолини рече дека Србија усвоила стратегија за интегрирано гранично управување, соопшти Министерството за внатрешни работи (МВР). Тој додаде дека парите од Брисел биле испратени во Србија за поголема безбедност на границите и помош во борбата против нелегалните прекугранични активности, шверцот на оружје, експлозиви и наркотици. „Зголемувањето на капацитетот на граничните служби води и до поефикасно откривање на нерегуларна миграција, трговија со луѓе и криумчарење“, рече Бертолини. Видете и ова: Западен Балкан е важна транзитна зона за илегални миграции, покажа извештајот на ИОМ Тој посочи дека ЕУ планира да продолжи да ја поддржува Србија за спроведување на поефективен надзор и софистицирани гранични проверки, како и да обезбеди модерна опрема за таа цел. Тој потсети дека за зголемување на обемот на трговската, туризмот и културната размена потребни се поотворени граници, но истовремено и одржување на високо ниво на безбедност на границите. „Затоа сите гранични агенции треба да воспостават рамнотежа помеѓу строгите контроли и отворените граници“, рече Бертолини. Владата на Србија го усвои акциониот план на ЕУ за интегрирано гранично управување во 2022 година. Од почетокот на светската мигрантска криза во 2015 година, преку таканаречената балканска рута низ Србија поминале повеќе од еден и пол милион бегалци и мигранти, покажуваат податоците на надлежните органи на Обединетите нации (ОН). прочитај повеќе мај 17, 2024 Засилени безбедносни мерки во Шведска по пукање во близина на израелската амбасада Улицата Готгатан во Стокхолм, 14 април 2020 година. Илустративна фотографија Шведска ги засили безбедносните мерки во земјата по пукање во близина на израелската амбасада во Стокхолм, соопшти полицијата на 17 мај. Полицијата ја опколи областа околу амбасадата и изврши претреси во неколку населби во Стокхолм откако во раните утрински часови се слушнаа истрели. „Поради сомнителни пукотници во близина на израелската амбасада во Стокхолм, полицијата презема безбедносни мерки за заштита на имотот и интересите на Израел и Евреите низ целата земја“, соопшти полицискиот оддел на својата веб-страница. Видете и ова: Израел соопшти дека обвинувањата на Јужна Африка за геноцид се неосновани Амбасадорот на Израел во Шведска, Жив Нево Кулман, им се заблагодари на властите на мрежата X „за нивната итна реакција и истрага, како и за зголемените безбедносни мерки околу нашата амбасада и околу еврејските заедници“. Во февруари, полицијата на теренот на израелската амбасада пронајде уред за кој амбасадорот рече дека претставува обид за напад. Шведските разузнавачки служби отворија истрага за „тероризам“. Од нападот на Хамас врз јужен Израел на 7 октомври 2023 година, властите и некои невладини организации во многу земји пријавија пораст на антисемитизмот, додека високиот број цивилни жртви во Газа предизвикани од одговорот на Израел дополнително ги зголеми тензиите. прочитај повеќе мај 17, 2024 ЕУ забрани уште четири руски медиуми поради ширење пропаганда Европскиот парламент. Европската унија на 17 мај забрани емитување на програми на уште четири руски медиуми во ЕУ поради, како што се наведува, ширење пропаганда за инвазијата врз Украина и за дезинформации. Забраната за емитување се случува во пресрет на изборите за Европскиот парламент. Последната група на медиуми кои се забранети ги вклучуваат веб-страницата Глас Европа, руската државна новинска агенција РИА Новости, весниците Известија и Росискаја газета, за кои ЕУ тврди дека се под контрола на Кремљ. Официјалното соопштение за санкциите ја потврди одлуката на почетокот на неделава од страна на амбасадорите на 27-те земји-членки на блокот. „Овие медиуми се под постојана директна или индиректна контрола на раководството на Руската Федерација и беа од суштинско значење и инструменти во започнувањето и поддршката на руската агресорска војна против Украина и дестабилизацијата на нејзините соседни земји“, се вели во соопштението на ЕУ. Видете и ова: Русија ја предупреди ЕУ на остар одговор ако воведе ограничувања за руските медиуми Во соопштението се наведува дека овие медиуми конкретно ги таргетираат „европските политички партии, особено во изборните периоди“. Забраните ги опфаќаат „сите средства за пренос и дистрибуција во ЕУ или насочени кон земјите-членки на ЕУ“, но не ги спречуваат новинарите да работат во медиумите во Европската унија. Веќе минатиот месец, Белгија отвори истрага за сомнително руско мешање во јунските избори низ Европа, велејќи дека разузнавачката служба на нејзината земја го потврдила постоењето на мрежа која се обидува да ја поткопа поддршката за Украина. Чешката влада воведе санкции за голем број луѓе откако таму беше откриена операција на проруско влијание. Според наводите, тие им обраќале на членовите на Европскиот парламент и им понудиле пари за промовирање на руската пропаганда. Од почетокот на војната во февруари 2022 година, ЕУ веќе суспендираше неколку медиуми, вклучително и Русија денес (РТ) и Спутник. прочитај повеќе мај 17, 2024 ЕУ го истражува Мајкрософт за ризиците од вештачката интелигенција пред изборите Илустративна фотографија. Европската унија денеска (17 мај) му нареди на Мајкрософт да предаде внатрешни документи или дека пред изборите ќе се соочи со казни поврзани со ризиците од користење на вештачка интелигенција на својот пребарувач Бинг. ЕУ ја идентификуваше генеративната вештачка интелигенција како една од главните закани за изборите што ќе се одржат во ЕУ од 6 до 9 јуни. Во март, Брисел побара од Бинг, заедно со неколку големи дигитални платформи, вклучително Гугл, ТикТок и Јутуб, да обезбеди информации за активностите што ги презеле за да ги ублажат ризиците од користење на вештачка интелигенција. Но, Мајкрософт не одговори на барањето за повеќе детали за „специфичните ризици кои произлегуваат од функциите на генеративната вештачка интелигенција на Бинг, особено „Копилот во Бинг“ и „Креатор на слики од дизајнер“, соопшти Европската комисија. Американскиот технолошки гигант сега има рок до 27 мај да обезбеди „внатрешни документи и податоци“. Видете и ова: Тик-Ток објави дека ќе означува слики создадени од вештачка интелигенција Доколку Мајкрософт не го стори тоа, ЕУ може да изрече казни до еден процент од вкупниот годишен приход или глобалниот промет на компанијата, како и периодични казни до пет проценти од просечниот дневен приход или дневен промет во светот. Од минатата година, најголемите светски технолошки компании мораа да се усогласат со европскиот закон познат како Закон за дигитални услуги (DSA). Комисијата соопшти дека се сомнева дека „Бинг можеби ја прекршил DSA“ во делот поврзан со „ризиците поврзани со генеративната вештачка интелигенција“. Ова се однесува на можностите на вештачката интелигенција да обезбедува лажни информации и „вирално ширење на длабока лажна содржина“. Видете и ова: Колку и да се труди нема да не замени Мајкрософт соопшти дека е посветен на исполнување на барањата на комисијата. „Целосно соработуваме со Европската комисија во рамките на Доброволното барање за информации и остануваме посветени да одговориме на нивните прашања и да споделуваме информации за нашиот пристап кон дигиталната безбедност и усогласеноста со DSA“, рече портпаролот на Microsoft. Портпаролот рече дека Мајкрософт презел „чекори за мерење и ублажување на потенцијалните ризици“ на сите негови платформи. Мајкрософт инвестираше милијарди во OpenAI, главен играч во вештачката интелигенција, особено откако се појави четботот ChatGPT кон крајот на 2022 година. прочитај повеќе мај 17, 2024 Таравари најави договор за влада, Османи дополнителни механизми за заштита Изет Меџити и Арбен Таравари од коалицијата „Влен“. Градоначалникот на Гостивар Арбен Таравари денеска изјави дека очекува до крајот на идната недела да биде договор околу идната влада меѓу колицијата „Влен“ и ВМРО-ДПМНЕ. Откако „Вреди“ и ВМРО-ДПМНЕ формираа работни групи за формирање на владина коалиција по парламентарните избори на 8 мај, Таравари денекса изјави дека меѓу работните групи „владее позитивна атмосфера. „Се надевам дека до крајот на идната недела ќе имаме завршен договор со програма на Владата и со распределба на ресори, односно кој и каде ќе биде како министер“, рече Таравари. По гласањето на двојните избори на 8 мај, претседателски и парламентрани, ВМРО-ДПМНЕ освои најмногу (58) мандати. Во албанскиот политички блок, Коалицијата „Влен“ освои 13 мандати, што е 6 помалку од коалицијата „Европски фронт“ која освои 19. Видете и ова: Управен суд ја одби тужбата на „Европскиот фронт“ за решението на ДИК за избирачкото место во Крушево Но, ВМРО-ДПМНЕ и Влен се во преговори за состав на идната влада. Таравари рече дека со Христијан Мицкоски досега имале две средби, а дека понатаму интензивно работат работните групи. „Се надевам до понеделник ќе излеземе со заедничка програма, а до петок ќе имаме завршен договор меѓу ВЛЕН и ВМРО-ДПМНЕ, практично договор за нова влада“, изјави Таравари. Потпретседателот на ДУИ Бујар Османи, чија партија е дел од коалицијата „Европски фронт“, денеска рече дека ако се прави владина коалиција без нивната партија, дека „тоа ќе ги разгневи сите Албанци кои ценат дека нивните гласови ќе бидат ништовни и потоа ќе бараат дополнителен механизам за заштита“, изјави Османи за приватната телевизија „Канал 5“. „ДУИ е во постојано заседание, емоциите кај албанскиот народ се веќе вжештени и ние повеќе се обидуваме да менаџираме и да контролираме. Ќе сметаат дека Охридскиот рамковен договор не ги заштитува, не го заштитува нивниот глас, нивниот глас се игнорира, е ништовен за државата и дека ќе бараат дополнителен механизам за заштита“, рече Османи. прочитај повеќе мај 17, 2024 Управен суд ја одби тужбата на „Европскиот фронт“ за решението на ДИК за избирачкото место во Крушево Управен суд Скопје Управниот суд ja одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија" за избирачкото место 1194 во Општина Крушево на Парламентарните избори одржани на 8 мај 2024 година. Според Изборниот законик, доколку одлуката за прегласување во тоа избирачко место влијае на конечните изборни резултати, ДИК треба да спроведе повторено гласање 14 ден од Парламентарните избори кои беа одржани на 8 мај. Повтореното гласање според тоа треба да биде на 22 мај. Претходно денеска во текот на расправата, застапникот на тужителот, Коалицијата „Европски фронт“, Ејуп Рустеми, посочи дека се оспорува решението на ДИК за прифаќање на приговорот за поништувње на гласањето на ИМ 1194 на Коалицијата „Твоја Македонија". „Решението на ДИК е нејасно. Сумираниот износ на искористени гласачки ливчиња е нејасно како ДИК дошле до збирот од 377 гласачи, без притоа да се земе предвид бројот од 359 потпишани гласачи во избирачкиот список. Бројот од 17 болни и изнемоштени не треба да се додава во дел IV од записникот, бидејќи тие се веќе вброени во статистичкиот податок и се добива дупла бројка. Според Изборниот законик погрешно пополнување на записник не е основ за поништување на гласањето“, изјави Рустеми. Видете и ова: Загриженост во ДИК поради изјави на политичари по приговорите за изборите Дополнително, посочи Рустеми, во записникот нема заведено забелешки за евентуални неправилности. Претставникот на ДИК, Катерина Василевска нагласи дека остануваат во целост на наводите од решението и одговорот на тужбата и предлагаат таа да се одбие како неоснована. „ДИК постапи во законскиот рок и донесе одлука. По увидот во целосниот изборен материјал ДИК утврди дека бројот на идентификувани гласачи не се совпаѓа со бројот на потпишани гласачи во избирачкиот список и не соодветствува со бројот на искористени гласачки ливчиња на гласачкото место“, нагласи Василевска. Управниот суд пресудата ќе ја објави за два часа. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите се оформени предмети и закажани во текот на денешниот ден. Видете и ова: Талат Џафери: Има обиди за изборен инжинеринг ДИК на 104 седница ги разгледа приговорите поднесени од политичките партии по одржувањето на парламентарните избори на 8 мај. Од вкупно 27 поднесени приговори - девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. прочитај повеќе мај 17, 2024 Загриженост во ДИК поради изјави на политичари по приговорите за изборите Александар Даштевски - претседател на Државната изборна комисија (ДИК) . Претседателот на Државната изборна комисија (ДИК) Александар Даштевски и членовите на ДИК и уште неколку членови денеска изразија загриженост дека политички партии и високи владини функционери давале изјави за работата на ДИК за постапувањето по приговорите за парламентарните избори, кои според нив можат да бидат закана за нивната безбедност. Во денешносто соопштение на ДИК, освен Даштевски, загриженост изразуваат и членовите на ДИК Радица Ристеска, Оливер Ристовски, Борис Кондарко, Бобан Стојаноски и Абдуш Демири. „Ве известуваме дека покрај тоа што сме лично понижувани и навредувани, исто така како членови во највисоката институција за организирање и спроведување на изборите, сме изложени и на неосновани и непримерени јавни политички притисоци и на закани за кривична одговорност поради донесените одлуки на ДИК“, се вели во реакцијата. Тие велат дека според „контекстот и интензитетот на нападите, прозивките и навредите“ загрижени се и дека е можно тие да преминат и во лични напади на нивната сигурност. „Ве известуваме дека ДИК во целост професионално, транспаретно и само врз основа на закон ги спроведе изборите што е потврдено од сите домашни и меѓународни фактори. Исто така и покрај сите непријатности кои ги имаме, сепак со највисок степен на интегритет врз основа на јавна проверка на изборниот материјал ДИК ги утврди фактите и одлучуваше по приговори поднесени од различни учесници за 110 избирачки места, од кои врз основа на образложени докази усвои приговори за само 7 избирачки места за кои имаше правен основ, додека сите останати 103 избирачки места, беа одбиени како неосновани и за нив немаше поднесено тужби ниту еден учесник на изборите“, се вели во реакцијата. Видете и ова: Талат Џафери: Има обиди за изборен инжинеринг Државната изборна комисија наведува дека е неприфатливо да има нападите, притисоци и мешање на одредени политички партии и на поединци од техничката Влада во изборните процедури и во работата и одлучувањето на ДИК и на Управниот суд. Тие посочуваат дека за сето ова денеска на средба во ДИК била известена и амбасадорката на набљудувачката мисија на ОБСЕ-ОДИХР Џилијан Стирк. Премиерот на техничката Влада Талат Џафери вчера на прес-конференција соопшти дека имало договор за надгласување во Државната изборна комисија за прифаќање на одредени приговори за изборните резултати и прегласување и оти на ваков начин се прави обид за изборен инженеринг за менување на бројките во Собранието и изигрување на волјата на граѓаните. Изборниот процес кој беше оценет како кредибилен и демократски, сега е во рацете на Управниот суд, рече Џафери и повика сите институции да постапуваат согласно закон без партиски директиви од која било страна. Управниот суд вчера одржа јавна седница по тужба на Коалицијата „Вреди“ по одлуката на ДИК за одбивање на нивниот приговор за избирачко место 0511, во Долна Бањица во Општина Гостивар на Парламентарните избори 2024 година. Видете и ова: Ќе се прегласува во Желино, „Европски фронт“ со обвинувања дека ќе им бидат одземени пратеници Постапката беше прекината, откако претставникот на Коалицијата „Вреди“ изјави дека ја повлекува тужбата во целост. До Државната изборна комисија беа поднесени вкупно 27 приговори за парламентарните избори - девет од коалицијата „Влен“, осум од ВМРО-ДПМНЕ, пет од СДСМ и четири од Левица. Прифатени беа седум: шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Против одлуката на ДИК може да се поднесе тужба до Управниот суд, во рок од 24 часа од приемот на решението.Управниот суд, пак, по жалбата е должен да донесе одлука во рок од 48 часа по нејзиниот прием. мд/дма/ прочитај повеќе мај 17, 2024 Состојбата на словачкиот премиер Фицо „се уште многу сериозна“ Словачкиот премиер Роберт Фицо. Два дена по обидот за атентат, состојбата на словачкиот премиер Роберт Фицо на 17 мај „останува многу сериозна“, изјави неговиот заменик и близок соработник Роберт Калинак. Фицо беше хоспитализиран по пукањето во средата, коешто се случи додека 59-годишниот премиер на Словачка разговараше со граѓаните по состанокот во централниот град Хандлова. „Повторно беше опериран, имаше операција речиси два часа“, изјави за новинарите пред болницата во Банска Бистрица вицепремиерот Роберт Калинак. Фицо претходно имаше петчасовна операција набргу откако од местото на нападот беше пренесен во болница со хеликоптер. Директорот на болницата во Банска Бистрица рече дека Фицо останал „свесен“, иако е во „тешка“ состојба. Претходно, на 17 мај, локалните медиуми објавија дека словачката полиција извршила претрес во домот на мажот кој е обвинет за пукањето. Видете и ова: На словачкиот премиер Фицо ќе му биде извршена уште една операција Полициските службеници го донесоа наводниот вооружен напаѓач, кој носел панцир и шлем, во станот што го делел со неговата сопруга во западниот град Левице, беше прикажано во видео од телевизијата Маркиза. „Полицијата остана во станот неколку часа... Од станот таа изнесе компјутер и документи“, вели приватниот радиодифузер. Полицијата за АФП изјави дека нема да ја коментира тековната истрага. Полицијата не го именуваше осомничениот, но медиумите го идентификуваа како 71-годишниот писател Јурај Цинтулу. Тој во четвртокот беше обвинет за обид за убиство од прв степен во, како што велат властите, политички мотивиран напад. „Станува збор за „волк-самец“ кој се активирал по претседателските избори бидејќи не бил задоволен од нивниот исход“, изјави министерот за внатрешни работи Матус Сутај Есток. Видете и ова: Обид за атентат врз словачкиот премиер Фицо - нападот бил „политички мотивиран“ Нападот ги поттикна стравувањата од натамошно насилство и нестабилност во политички поларизираната земја, само неколку недели пред изборите за Европскиот парламент, пренесува АФП. Официјалните лица во Словачка ја повлекоа врската со политичката ситуација во земјата, со нејзината политичка сцена нарушена со дезинформации за време на неодамнешните изборни кампањи. Фицо, четирикратен премиер и политички ветеран, се врати на функцијата во октомври. Оттогаш тој даде серија изјави кои ги влошија врските меѓу Словачка и соседна Украина, откако го доведе во прашање суверенитетот на земјата. Откако тој беше избран, Словачка престана да испраќа оружје во Украина, која Русија ја нападна во 2022 година. прочитај повеќе мај 17, 2024 Палевски ќе биде спроведен на распит во Кривичниот суд Љупчо Палевски - Палчо, првоосомничен за убиството на Вања Ѓорчевска и Панче Жежовски. Основниот кривичен суд Скопје денеска доби официјално известување од Истражниот затвор Скопје за екстрадицијата на Љупчо Палевски, којшто е првоосомничен за случајот за убиството на 14-годишната Вања Ѓорчевска и велешкиот фризер Панче Жежовски (74). Палевски прво ќе биде спроведен до Кривичниот суд за да се изјасни за мерката притвор која му беше веќе определена, откако на 5 мај со авион беше екстрадиран од Турција во Северна Македонија. Од судот соопштуваат дека денеска добиле и известување и барање за ангажирање на адвокат кој ќе го застапува Палевски во текот на постапката. Според законите во Северна Македонија, судот ги издава сите дозволи поврзани со истражната постапка и ги доставува до предложените адвокати за нивно понатамошно постапување. „Дополнително, судија на претходна постапка во координација со надлежниот Јавен обвинител, ќе издаде наредба за спровод на осомниченото лице за негово произнесување во однос на околностите во предлогот на Јавниот обвинител за определување на мерката притвор, а за донесеното решение јавноста ќе биде известена“, се вели во соопштението од Основен кривичен суд Скопје. Видете и ова: Финишира истрагата за Палчо за убиството на 14-годишната Вања Истрагата за случајот, кој што го води Основното јавно обвинителство (ОЈО) Скопје, е во завршна фаза. Палевски повеќе од пет месеци помина во екстрадициски притвор во Турција, откако беше фатен од турската полиција. Палевски се гони за две грабнувања и две убиства на свиреп начин. Осомничени се и тројца соизвршители за овие дела, како и таткото на Вања Ѓорчевска кој се товари за помагање во грабнувањето на девојчето. За помагање во бегството, обвинителството сомничи уште едно лице. Истрагата на Обвинителството беше отворена на 3 декември, откако случајот притви Палевски и останатите осомничени беше отворен по пријавата за исчезнувањето на малолетната Вања на 27 ноември, утрото кога таа не се појави на училиште. Исчезнувањето со денови ја брануваше македонската, но и јавноста во регионот, а медиумите и социјалните мрежи беа преплавени со вести и апели се до 3 декември кога нејзиното тело беше пронајдено во околината на Скопје. Видете и ова: Љупчо Палевски – Палчо со авион екстрадиран во Северна Македонија Истиот ден беше кобен и за семејството на Панче Жежовски бидејќи полицијата соопшти дека неговото тело го пронашле во близина на Велес. Тој бил пријавен за исчезнат три дена пред Вања – на 24 ноември. Палевски беше во бегство во Турција, а избегал во таа земја преку Србија и Бугарија, избега во Турција. Турската полиција успеа да го фати кај градот Балибекир на 5 декември 2023 година. Тој на 15 мај годинава беше екстрадиран во Северна Македонија. Пред затворање на истрагата и поднесување на обвинение, Палевски треба да биде сослушан и во обвинителството. По евентуалното обвинение, тоа ќе оди на оценка во судот и ако добие зелено светло, ќе стартува судски процес. Во меѓувреме тој во притвор се чува под посебни безбедносни мерки. прочитај повеќе Вчитај повеќе...

Грузијци отпуштени од работа поради протестирање Достапни линкови Оди на содржината Оди на главната навигација Премини на пребарување линкот е копиран рубрики Македонија Свет Визуелно Вести Нова генерација Насловна #ВашТаг #ШтоСеГледа Моја порака Иноватори Што треба да знаете Пријави се за њузлетер Подкаст Зошто? Следете не РСЕ веб страници Барај Барај Претходно Следно Breaking News Видео Грузијци отпуштени од работа поради протестирање мај 17, 2024 Embed Грузијци отпуштени од работа поради протестирање Embed The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:03:00 0:00 Директен линк 240p | 8,6MB 360p | 13,8MB 480p | 22,3MB 720p | 44,5MB 1080p | 66,9MB Тројца Грузијци сведочат како или биле отпуштени или биле под притисок да си дадат отказ доброволно откако ја критикувале владата преку Интернет или се приклучиле на протестите против контроверзниот закон за „странски агенти“. Демонстрантите и опозицијата велат дека законот може да ги намали граѓанските слободи и да ја загрози кандидатурата на земјата за членство во Европската унија. Сподели Грузијци отпуштени од работа поради протестирање share Категории Македонија Мила Србиноска - со љубов кон танцот до европски и светски успеси Македонски тим на кошаркари во колички: „Инвалидитетот не е пречка да спортуваме“ Што по исходот од претседателските и парламентарните избори? Повеќе Свет Видео: Словачкиот премиер Фицо ранет по владина седница Тепање и протести - Грузискиот Парламент го усвои законот за „странски агенти“ Украински пензионери кои побегнаа од окупирани територии Повеќе ТВ Тема на неделата Од зима во лето - што ни направија климатските промени? Гранатиран живот: Една година од руската инвазија во Украина Пчелите исчезнуваат, ќе нема што да јадеме? Повеќе ТВ Тема на денот Македонски тим на кошаркари во колички: „Инвалидитетот не е пречка да спортуваме“ Што по исходот од претседателските и парламентарните избори? Гласање без проблеми: „Кој и да победи, нека има мир“ Повеќе Во 90 секунди Што е заднината на апсењето на рускиот заменик министер за одбрана? Сериозни здравствени ризици од палењето стари гуми во Црна Гора Американската новинарка, затворена во Русија, вели дека ќе излезе на слобода како невина Повеќе Радио програми ​ Врати се најгоре Следете не Инфо страница Пријави се За нас Контакт Линкови Нова генерација Визуелно Што треба да знаете Истражуваме Интервју Моја порака Поткаст Зошто? Радио Слободна Европа / Радио Слобода. Сите права се резервирани XS SM MD LG...

Вести мај 17, 2024 Во Молдавијa претседателски избори и референдум за членство во ЕУ во октомври Седница на молдавскиот парламент, 16 мај 2024 година Молдавските пратеници го одредија 20 октомври како датум за претседателски избори и референдум за пристапување на земјата во Европската Унија. Прозападната претседателка Маја Санду, чиј прв претседателски мандат завршува на 24 декември, ја објави својата намера да се кандидира за нов мандат, објави молдавскиот сервис на Радио Слободна Европа. Водачите на опозициските социјалисти и комунисти, пријателски настроени кон Москва, изјавија дека водат разговори за предлагање заеднички претседателски кандидат. Видете и ова: Санду: Русија сака да ја дестабилизира Молдавија Санду, која го победи прорускиот кандидат Игор Додон во ноември 2020 година, оттогаш ја сврте Молдавија цврсто кон Западот. Во декември 2023 година, Европската Унија одлучи да ги отвори пристапните преговори за Молдавија, која е една од најсиромашните земји во Европа. прочитај повеќе види ги сите денешни вести мај 17, 2024 Напад во Авганистан - неколку убиени, меѓу нив и странски државјани Авганистанска провинција Бамијан. Вооружен напад се случил на 17 мај врз група на странски туристи во централната авганистанска провинција Бамијан. Извор од талибанските безбедносни сили за Радио Азана на Радио Слободна Европа изјави дека во нападот имало неколку мртви. Видете и ова: Во поплавите во Авганистан загинаа 315 луѓе Изворот, кој побара да остане анонимен, не го откри бројот на загинатите туристи или нивната националност. Амај њуз објави дека најмалку осум лица биле убиени. Меѓу жртвите во нападот биле и четворица странски државјани, но не беа дадени повеќе детали. прочитај повеќе мај 17, 2024 Србија досега добила 220 милиони евра од ЕУ за миграцијата и граничната контрола Илустративна фотографија. Од 2015 година, Европската унија (ЕУ) ѝ даде на Србија повеќе од 220 милиони евра помош во областа на миграцијата и управувањето со границите, изјави Никола Бертолини - шеф на Одделот за соработка на Делегацијата на ЕУ во Србија. На крајот од петдневната обука на граничарите во Суботица, Бертолини рече дека Србија усвоила стратегија за интегрирано гранично управување, соопшти Министерството за внатрешни работи (МВР). Тој додаде дека парите од Брисел биле испратени во Србија за поголема безбедност на границите и помош во борбата против нелегалните прекугранични активности, шверцот на оружје, експлозиви и наркотици. „Зголемувањето на капацитетот на граничните служби води и до поефикасно откривање на нерегуларна миграција, трговија со луѓе и криумчарење“, рече Бертолини. Видете и ова: Западен Балкан е важна транзитна зона за илегални миграции, покажа извештајот на ИОМ Тој посочи дека ЕУ планира да продолжи да ја поддржува Србија за спроведување на поефективен надзор и софистицирани гранични проверки, како и да обезбеди модерна опрема за таа цел. Тој потсети дека за зголемување на обемот на трговската, туризмот и културната размена потребни се поотворени граници, но истовремено и одржување на високо ниво на безбедност на границите. „Затоа сите гранични агенции треба да воспостават рамнотежа помеѓу строгите контроли и отворените граници“, рече Бертолини. Владата на Србија го усвои акциониот план на ЕУ за интегрирано гранично управување во 2022 година. Од почетокот на светската мигрантска криза во 2015 година, преку таканаречената балканска рута низ Србија поминале повеќе од еден и пол милион бегалци и мигранти, покажуваат податоците на надлежните органи на Обединетите нации (ОН). прочитај повеќе мај 17, 2024 Засилени безбедносни мерки во Шведска по пукање во близина на израелската амбасада Улицата Готгатан во Стокхолм, 14 април 2020 година. Илустративна фотографија Шведска ги засили безбедносните мерки во земјата по пукање во близина на израелската амбасада во Стокхолм, соопшти полицијата на 17 мај. Полицијата ја опколи областа околу амбасадата и изврши претреси во неколку населби во Стокхолм откако во раните утрински часови се слушнаа истрели. „Поради сомнителни пукотници во близина на израелската амбасада во Стокхолм, полицијата презема безбедносни мерки за заштита на имотот и интересите на Израел и Евреите низ целата земја“, соопшти полицискиот оддел на својата веб-страница. Видете и ова: Израел соопшти дека обвинувањата на Јужна Африка за геноцид се неосновани Амбасадорот на Израел во Шведска, Жив Нево Кулман, им се заблагодари на властите на мрежата X „за нивната итна реакција и истрага, како и за зголемените безбедносни мерки околу нашата амбасада и околу еврејските заедници“. Во февруари, полицијата на теренот на израелската амбасада пронајде уред за кој амбасадорот рече дека претставува обид за напад. Шведските разузнавачки служби отворија истрага за „тероризам“. Од нападот на Хамас врз јужен Израел на 7 октомври 2023 година, властите и некои невладини организации во многу земји пријавија пораст на антисемитизмот, додека високиот број цивилни жртви во Газа предизвикани од одговорот на Израел дополнително ги зголеми тензиите. прочитај повеќе мај 17, 2024 ЕУ забрани уште четири руски медиуми поради ширење пропаганда Европскиот парламент. Европската унија на 17 мај забрани емитување на програми на уште четири руски медиуми во ЕУ поради, како што се наведува, ширење пропаганда за инвазијата врз Украина и за дезинформации. Забраната за емитување се случува во пресрет на изборите за Европскиот парламент. Последната група на медиуми кои се забранети ги вклучуваат веб-страницата Глас Европа, руската државна новинска агенција РИА Новости, весниците Известија и Росискаја газета, за кои ЕУ тврди дека се под контрола на Кремљ. Официјалното соопштение за санкциите ја потврди одлуката на почетокот на неделава од страна на амбасадорите на 27-те земји-членки на блокот. „Овие медиуми се под постојана директна или индиректна контрола на раководството на Руската Федерација и беа од суштинско значење и инструменти во започнувањето и поддршката на руската агресорска војна против Украина и дестабилизацијата на нејзините соседни земји“, се вели во соопштението на ЕУ. Видете и ова: Русија ја предупреди ЕУ на остар одговор ако воведе ограничувања за руските медиуми Во соопштението се наведува дека овие медиуми конкретно ги таргетираат „европските политички партии, особено во изборните периоди“. Забраните ги опфаќаат „сите средства за пренос и дистрибуција во ЕУ или насочени кон земјите-членки на ЕУ“, но не ги спречуваат новинарите да работат во медиумите во Европската унија. Веќе минатиот месец, Белгија отвори истрага за сомнително руско мешање во јунските избори низ Европа, велејќи дека разузнавачката служба на нејзината земја го потврдила постоењето на мрежа која се обидува да ја поткопа поддршката за Украина. Чешката влада воведе санкции за голем број луѓе откако таму беше откриена операција на проруско влијание. Според наводите, тие им обраќале на членовите на Европскиот парламент и им понудиле пари за промовирање на руската пропаганда. Од почетокот на војната во февруари 2022 година, ЕУ веќе суспендираше неколку медиуми, вклучително и Русија денес (РТ) и Спутник. прочитај повеќе мај 17, 2024 ЕУ го истражува Мајкрософт за ризиците од вештачката интелигенција пред изборите Илустративна фотографија. Европската унија денеска (17 мај) му нареди на Мајкрософт да предаде внатрешни документи или дека пред изборите ќе се соочи со казни поврзани со ризиците од користење на вештачка интелигенција на својот пребарувач Бинг. ЕУ ја идентификуваше генеративната вештачка интелигенција како една од главните закани за изборите што ќе се одржат во ЕУ од 6 до 9 јуни. Во март, Брисел побара од Бинг, заедно со неколку големи дигитални платформи, вклучително Гугл, ТикТок и Јутуб, да обезбеди информации за активностите што ги презеле за да ги ублажат ризиците од користење на вештачка интелигенција. Но, Мајкрософт не одговори на барањето за повеќе детали за „специфичните ризици кои произлегуваат од функциите на генеративната вештачка интелигенција на Бинг, особено „Копилот во Бинг“ и „Креатор на слики од дизајнер“, соопшти Европската комисија. Американскиот технолошки гигант сега има рок до 27 мај да обезбеди „внатрешни документи и податоци“. Видете и ова: Тик-Ток објави дека ќе означува слики создадени од вештачка интелигенција Доколку Мајкрософт не го стори тоа, ЕУ може да изрече казни до еден процент од вкупниот годишен приход или глобалниот промет на компанијата, како и периодични казни до пет проценти од просечниот дневен приход или дневен промет во светот. Од минатата година, најголемите светски технолошки компании мораа да се усогласат со европскиот закон познат како Закон за дигитални услуги (DSA). Комисијата соопшти дека се сомнева дека „Бинг можеби ја прекршил DSA“ во делот поврзан со „ризиците поврзани со генеративната вештачка интелигенција“. Ова се однесува на можностите на вештачката интелигенција да обезбедува лажни информации и „вирално ширење на длабока лажна содржина“. Видете и ова: Колку и да се труди нема да не замени Мајкрософт соопшти дека е посветен на исполнување на барањата на комисијата. „Целосно соработуваме со Европската комисија во рамките на Доброволното барање за информации и остануваме посветени да одговориме на нивните прашања и да споделуваме информации за нашиот пристап кон дигиталната безбедност и усогласеноста со DSA“, рече портпаролот на Microsoft. Портпаролот рече дека Мајкрософт презел „чекори за мерење и ублажување на потенцијалните ризици“ на сите негови платформи. Мајкрософт инвестираше милијарди во OpenAI, главен играч во вештачката интелигенција, особено откако се појави четботот ChatGPT кон крајот на 2022 година. прочитај повеќе мај 17, 2024 Таравари најави договор за влада, Османи дополнителни механизми за заштита Изет Меџити и Арбен Таравари од коалицијата „Влен“. Градоначалникот на Гостивар Арбен Таравари денеска изјави дека очекува до крајот на идната недела да биде договор околу идната влада меѓу колицијата „Влен“ и ВМРО-ДПМНЕ. Откако „Вреди“ и ВМРО-ДПМНЕ формираа работни групи за формирање на владина коалиција по парламентарните избори на 8 мај, Таравари денекса изјави дека меѓу работните групи „владее позитивна атмосфера. „Се надевам дека до крајот на идната недела ќе имаме завршен договор со програма на Владата и со распределба на ресори, односно кој и каде ќе биде како министер“, рече Таравари. По гласањето на двојните избори на 8 мај, претседателски и парламентрани, ВМРО-ДПМНЕ освои најмногу (58) мандати. Во албанскиот политички блок, Коалицијата „Влен“ освои 13 мандати, што е 6 помалку од коалицијата „Европски фронт“ која освои 19. Видете и ова: Управен суд ја одби тужбата на „Европскиот фронт“ за решението на ДИК за избирачкото место во Крушево Но, ВМРО-ДПМНЕ и Влен се во преговори за состав на идната влада. Таравари рече дека со Христијан Мицкоски досега имале две средби, а дека понатаму интензивно работат работните групи. „Се надевам до понеделник ќе излеземе со заедничка програма, а до петок ќе имаме завршен договор меѓу ВЛЕН и ВМРО-ДПМНЕ, практично договор за нова влада“, изјави Таравари. Потпретседателот на ДУИ Бујар Османи, чија партија е дел од коалицијата „Европски фронт“, денеска рече дека ако се прави владина коалиција без нивната партија, дека „тоа ќе ги разгневи сите Албанци кои ценат дека нивните гласови ќе бидат ништовни и потоа ќе бараат дополнителен механизам за заштита“, изјави Османи за приватната телевизија „Канал 5“. „ДУИ е во постојано заседание, емоциите кај албанскиот народ се веќе вжештени и ние повеќе се обидуваме да менаџираме и да контролираме. Ќе сметаат дека Охридскиот рамковен договор не ги заштитува, не го заштитува нивниот глас, нивниот глас се игнорира, е ништовен за државата и дека ќе бараат дополнителен механизам за заштита“, рече Османи. прочитај повеќе мај 17, 2024 Управен суд ја одби тужбата на „Европскиот фронт“ за решението на ДИК за избирачкото место во Крушево Управен суд Скопје Управниот суд ja одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија" за избирачкото место 1194 во Општина Крушево на Парламентарните избори одржани на 8 мај 2024 година. Според Изборниот законик, доколку одлуката за прегласување во тоа избирачко место влијае на конечните изборни резултати, ДИК треба да спроведе повторено гласање 14 ден од Парламентарните избори кои беа одржани на 8 мај. Повтореното гласање според тоа треба да биде на 22 мај. Претходно денеска во текот на расправата, застапникот на тужителот, Коалицијата „Европски фронт“, Ејуп Рустеми, посочи дека се оспорува решението на ДИК за прифаќање на приговорот за поништувње на гласањето на ИМ 1194 на Коалицијата „Твоја Македонија". „Решението на ДИК е нејасно. Сумираниот износ на искористени гласачки ливчиња е нејасно како ДИК дошле до збирот од 377 гласачи, без притоа да се земе предвид бројот од 359 потпишани гласачи во избирачкиот список. Бројот од 17 болни и изнемоштени не треба да се додава во дел IV од записникот, бидејќи тие се веќе вброени во статистичкиот податок и се добива дупла бројка. Според Изборниот законик погрешно пополнување на записник не е основ за поништување на гласањето“, изјави Рустеми. Видете и ова: Загриженост во ДИК поради изјави на политичари по приговорите за изборите Дополнително, посочи Рустеми, во записникот нема заведено забелешки за евентуални неправилности. Претставникот на ДИК, Катерина Василевска нагласи дека остануваат во целост на наводите од решението и одговорот на тужбата и предлагаат таа да се одбие како неоснована. „ДИК постапи во законскиот рок и донесе одлука. По увидот во целосниот изборен материјал ДИК утврди дека бројот на идентификувани гласачи не се совпаѓа со бројот на потпишани гласачи во избирачкиот список и не соодветствува со бројот на искористени гласачки ливчиња на гласачкото место“, нагласи Василевска. Управниот суд пресудата ќе ја објави за два часа. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите се оформени предмети и закажани во текот на денешниот ден. Видете и ова: Талат Џафери: Има обиди за изборен инжинеринг ДИК на 104 седница ги разгледа приговорите поднесени од политичките партии по одржувањето на парламентарните избори на 8 мај. Од вкупно 27 поднесени приговори - девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. прочитај повеќе мај 17, 2024 Загриженост во ДИК поради изјави на политичари по приговорите за изборите Александар Даштевски - претседател на Државната изборна комисија (ДИК) . Претседателот на Државната изборна комисија (ДИК) Александар Даштевски и членовите на ДИК и уште неколку членови денеска изразија загриженост дека политички партии и високи владини функционери давале изјави за работата на ДИК за постапувањето по приговорите за парламентарните избори, кои според нив можат да бидат закана за нивната безбедност. Во денешносто соопштение на ДИК, освен Даштевски, загриженост изразуваат и членовите на ДИК Радица Ристеска, Оливер Ристовски, Борис Кондарко, Бобан Стојаноски и Абдуш Демири. „Ве известуваме дека покрај тоа што сме лично понижувани и навредувани, исто така како членови во највисоката институција за организирање и спроведување на изборите, сме изложени и на неосновани и непримерени јавни политички притисоци и на закани за кривична одговорност поради донесените одлуки на ДИК“, се вели во реакцијата. Тие велат дека според „контекстот и интензитетот на нападите, прозивките и навредите“ загрижени се и дека е можно тие да преминат и во лични напади на нивната сигурност. „Ве известуваме дека ДИК во целост професионално, транспаретно и само врз основа на закон ги спроведе изборите што е потврдено од сите домашни и меѓународни фактори. Исто така и покрај сите непријатности кои ги имаме, сепак со највисок степен на интегритет врз основа на јавна проверка на изборниот материјал ДИК ги утврди фактите и одлучуваше по приговори поднесени од различни учесници за 110 избирачки места, од кои врз основа на образложени докази усвои приговори за само 7 избирачки места за кои имаше правен основ, додека сите останати 103 избирачки места, беа одбиени како неосновани и за нив немаше поднесено тужби ниту еден учесник на изборите“, се вели во реакцијата. Видете и ова: Талат Џафери: Има обиди за изборен инжинеринг Државната изборна комисија наведува дека е неприфатливо да има нападите, притисоци и мешање на одредени политички партии и на поединци од техничката Влада во изборните процедури и во работата и одлучувањето на ДИК и на Управниот суд. Тие посочуваат дека за сето ова денеска на средба во ДИК била известена и амбасадорката на набљудувачката мисија на ОБСЕ-ОДИХР Џилијан Стирк. Премиерот на техничката Влада Талат Џафери вчера на прес-конференција соопшти дека имало договор за надгласување во Државната изборна комисија за прифаќање на одредени приговори за изборните резултати и прегласување и оти на ваков начин се прави обид за изборен инженеринг за менување на бројките во Собранието и изигрување на волјата на граѓаните. Изборниот процес кој беше оценет како кредибилен и демократски, сега е во рацете на Управниот суд, рече Џафери и повика сите институции да постапуваат согласно закон без партиски директиви од која било страна. Управниот суд вчера одржа јавна седница по тужба на Коалицијата „Вреди“ по одлуката на ДИК за одбивање на нивниот приговор за избирачко место 0511, во Долна Бањица во Општина Гостивар на Парламентарните избори 2024 година. Видете и ова: Ќе се прегласува во Желино, „Европски фронт“ со обвинувања дека ќе им бидат одземени пратеници Постапката беше прекината, откако претставникот на Коалицијата „Вреди“ изјави дека ја повлекува тужбата во целост. До Државната изборна комисија беа поднесени вкупно 27 приговори за парламентарните избори - девет од коалицијата „Влен“, осум од ВМРО-ДПМНЕ, пет од СДСМ и четири од Левица. Прифатени беа седум: шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Против одлуката на ДИК може да се поднесе тужба до Управниот суд, во рок од 24 часа од приемот на решението.Управниот суд, пак, по жалбата е должен да донесе одлука во рок од 48 часа по нејзиниот прием. мд/дма/ прочитај повеќе мај 17, 2024 Состојбата на словачкиот премиер Фицо „се уште многу сериозна“ Словачкиот премиер Роберт Фицо. Два дена по обидот за атентат, состојбата на словачкиот премиер Роберт Фицо на 17 мај „останува многу сериозна“, изјави неговиот заменик и близок соработник Роберт Калинак. Фицо беше хоспитализиран по пукањето во средата, коешто се случи додека 59-годишниот премиер на Словачка разговараше со граѓаните по состанокот во централниот град Хандлова. „Повторно беше опериран, имаше операција речиси два часа“, изјави за новинарите пред болницата во Банска Бистрица вицепремиерот Роберт Калинак. Фицо претходно имаше петчасовна операција набргу откако од местото на нападот беше пренесен во болница со хеликоптер. Директорот на болницата во Банска Бистрица рече дека Фицо останал „свесен“, иако е во „тешка“ состојба. Претходно, на 17 мај, локалните медиуми објавија дека словачката полиција извршила претрес во домот на мажот кој е обвинет за пукањето. Видете и ова: На словачкиот премиер Фицо ќе му биде извршена уште една операција Полициските службеници го донесоа наводниот вооружен напаѓач, кој носел панцир и шлем, во станот што го делел со неговата сопруга во западниот град Левице, беше прикажано во видео од телевизијата Маркиза. „Полицијата остана во станот неколку часа... Од станот таа изнесе компјутер и документи“, вели приватниот радиодифузер. Полицијата за АФП изјави дека нема да ја коментира тековната истрага. Полицијата не го именуваше осомничениот, но медиумите го идентификуваа како 71-годишниот писател Јурај Цинтулу. Тој во четвртокот беше обвинет за обид за убиство од прв степен во, како што велат властите, политички мотивиран напад. „Станува збор за „волк-самец“ кој се активирал по претседателските избори бидејќи не бил задоволен од нивниот исход“, изјави министерот за внатрешни работи Матус Сутај Есток. Видете и ова: Обид за атентат врз словачкиот премиер Фицо - нападот бил „политички мотивиран“ Нападот ги поттикна стравувањата од натамошно насилство и нестабилност во политички поларизираната земја, само неколку недели пред изборите за Европскиот парламент, пренесува АФП. Официјалните лица во Словачка ја повлекоа врската со политичката ситуација во земјата, со нејзината политичка сцена нарушена со дезинформации за време на неодамнешните изборни кампањи. Фицо, четирикратен премиер и политички ветеран, се врати на функцијата во октомври. Оттогаш тој даде серија изјави кои ги влошија врските меѓу Словачка и соседна Украина, откако го доведе во прашање суверенитетот на земјата. Откако тој беше избран, Словачка престана да испраќа оружје во Украина, која Русија ја нападна во 2022 година. прочитај повеќе мај 17, 2024 Палевски ќе биде спроведен на распит во Кривичниот суд Љупчо Палевски - Палчо, првоосомничен за убиството на Вања Ѓорчевска и Панче Жежовски. Основниот кривичен суд Скопје денеска доби официјално известување од Истражниот затвор Скопје за екстрадицијата на Љупчо Палевски, којшто е првоосомничен за случајот за убиството на 14-годишната Вања Ѓорчевска и велешкиот фризер Панче Жежовски (74). Палевски прво ќе биде спроведен до Кривичниот суд за да се изјасни за мерката притвор која му беше веќе определена, откако на 5 мај со авион беше екстрадиран од Турција во Северна Македонија. Од судот соопштуваат дека денеска добиле и известување и барање за ангажирање на адвокат кој ќе го застапува Палевски во текот на постапката. Според законите во Северна Македонија, судот ги издава сите дозволи поврзани со истражната постапка и ги доставува до предложените адвокати за нивно понатамошно постапување. „Дополнително, судија на претходна постапка во координација со надлежниот Јавен обвинител, ќе издаде наредба за спровод на осомниченото лице за негово произнесување во однос на околностите во предлогот на Јавниот обвинител за определување на мерката притвор, а за донесеното решение јавноста ќе биде известена“, се вели во соопштението од Основен кривичен суд Скопје. Видете и ова: Финишира истрагата за Палчо за убиството на 14-годишната Вања Истрагата за случајот, кој што го води Основното јавно обвинителство (ОЈО) Скопје, е во завршна фаза. Палевски повеќе од пет месеци помина во екстрадициски притвор во Турција, откако беше фатен од турската полиција. Палевски се гони за две грабнувања и две убиства на свиреп начин. Осомничени се и тројца соизвршители за овие дела, како и таткото на Вања Ѓорчевска кој се товари за помагање во грабнувањето на девојчето. За помагање во бегството, обвинителството сомничи уште едно лице. Истрагата на Обвинителството беше отворена на 3 декември, откако случајот притви Палевски и останатите осомничени беше отворен по пријавата за исчезнувањето на малолетната Вања на 27 ноември, утрото кога таа не се појави на училиште. Исчезнувањето со денови ја брануваше македонската, но и јавноста во регионот, а медиумите и социјалните мрежи беа преплавени со вести и апели се до 3 декември кога нејзиното тело беше пронајдено во околината на Скопје. Видете и ова: Љупчо Палевски – Палчо со авион екстрадиран во Северна Македонија Истиот ден беше кобен и за семејството на Панче Жежовски бидејќи полицијата соопшти дека неговото тело го пронашле во близина на Велес. Тој бил пријавен за исчезнат три дена пред Вања – на 24 ноември. Палевски беше во бегство во Турција, а избегал во таа земја преку Србија и Бугарија, избега во Турција. Турската полиција успеа да го фати кај градот Балибекир на 5 декември 2023 година. Тој на 15 мај годинава беше екстрадиран во Северна Македонија. Пред затворање на истрагата и поднесување на обвинение, Палевски треба да биде сослушан и во обвинителството. По евентуалното обвинение, тоа ќе оди на оценка во судот и ако добие зелено светло, ќе стартува судски процес. Во меѓувреме тој во притвор се чува под посебни безбедносни мерки. прочитај повеќе Вчитај повеќе...

Амбасадорката на САД во НАТО Џулијан Смит ги повика земјите од Западен Балкан да се фокусираат на нивните евроатлантски аспирации и вредностите на отворените и демократски општества. Во интервју за Радио Слободна Европа, американската амбасадорка во НАТО, Џулијан Смит ги повика членките на НАТО од Западен Балкан да направат повеќе за да се постигне целта на Алијансата, секоја членка да посвети најмалку два отсто од својот бруто домашен производ (БДП) на одбраната, особено ако се има предвид безбедносното опкружување и руската инвазија на Украина. Таа, исто така, ја повика Србија да не ја продлабочува соработката со Русија и Кина, повторувајќи го предупредувањето на САД да не водат бизнис со кинеските компании. „Русија прави сè за да започне цела серија кампањи за дезинформација кои често погрешно го прикажуваат тоа што го прави НАТО. Тие често се обидуваат да го изнесат тврдењето дека НАТО е директно вклучен во војната во Украина, што е апсурдно и не е точно“, рече Смит, посочувајќи дека Русија е агресорот што ја започна војната во Украина. Смит вели дека напредокот во дијалогот што Белград и Приштина го водат со посредство на Европската Унија е важен за напредокот на Косово во приближувањето кон НАТО. Амбасадорката на САД во НАТО рече дека САД се вклучени во борбата против дезинформациите во регионот на Западен Балкан. Очекувања за буџетот до јули РСЕ: Сите членки на НАТО од Западен Балкан, почнувајќи од Хрватска, Албанија, па сè до Црна Гора и Северна Македонија, ги зголемуваат своите буџетски инвестиции во одбраната бидејќи тоа е сериозен проблем за САД. Дали мислите дека тие го исполнуваат одбранбениот праг на НАТО? Пред десет години, секоја членка на алијансата се согласи да потроши два отсто од својот БДП за национална одбрана. Кога сојузниците го дадоа тоа ветување во 2014 година, имавме три членки на Алијансата кои ја постигнаа целта. До моментот кога ќе стигнеме до самитот во Вашингтон ова лето, очекуваме приближно две третини од алијансата да ја исполнат оваа цел. Сега имаме голем број сојузници во Западен Балкан кои се малку под границата од 2 проценти. Сите тие работеа неуморно во изминатата деценија за да ги зголемат трошоците за одбраната и ние ги поздравуваме тие напори. Видете и ова: НАТО слави 75-годишнина, но ги чувствува годините Тоа се тешки национални одлуки кои тешко се носат кога има барања од домашна страна да се трошат пари за други приоритети. Затоа, ние сме длабоко благодарни за чекорите кои беа преземени во изминатата деценија од страна на земјите-членки на НАТО кои штотуку ги спомнавте. Но, ние силно апелираме до нашите пријатели од Западен Балкан: Хрватска, Албанија, Северна Македонија, Црна Гора да направат повеќе за да се обидат да ја постигнат целта од два проценти до одржувањето на самитот на НАТО во средината на јули. И го велам тоа затоа што претседателот (Џо Бајден) се надева дека ќе пристигне на самитот и ќе го прослави најголемиот број сојузници со два проценти. Значи, сè што нашите пријатели од Западен Балкан можат да направат за да ги зголемат тие трошоци за одбрана, би било ценето. И тоа не е само поради споделувањето на товарот, туку поради моменталната безбедносна средина. Заканите се насекаде околу нас. Ја имаме неиспровоцираната агресија на Русија во Украина, нејзиното развојно партнерство со Кина, иранската и севернокорејската поддршка за Русија. Зголемување на производството во Русија. Значи, има толку многу причини за сите нас да ги зголемиме трошоците за одбрана. И ние навистина сакаме да дојдеме до ситуација секоја членка на оваа Алијанса да троши два проценти. РСЕ: Има и други земји од регионот кои не се полноправни членки на НАТО, како што се Косово и Босна и Херцеговина, како и Србија. Колку САД им помагаат на тие земји да изградат одбранбени капацитети, иако тие не се сојузници, но имаат посебен однос со Алијансата? Во право сте. Тие земји не се земји-членки. Но, имаме ситуација во која БиХ, особено, е полноправен аспирант, што значи дека тие отворено ја изразија својата желба да се приклучат на Алијансата. Неодамна сите 32 амбасадори отпатуваа во Босна за да седнат со тамошното раководство и да разговараат што друго можеме да направиме за да го продлабочиме партнерството меѓу НАТО и Босна, да им помогнеме да ги трансформираат своите сили, да ги модернизираат своите сили, да работат на интероперабилност и да помогнат во градењето на инфраструктурата. Србија има своја суверена одлука за тоа дали сака или не да се приклучи кон членството. Во моментов одговорот од Србија е не. Но, тие имаат партнерство со Алијансата каде што можеме да имаме вежби, да тренираме со нив, да работиме со нив за какви било специфични потреби што ги имаат кога станува збор за сајбер безбедноста или да работиме на модернизирање на нивните сили, тие можат да одредат како сакаат да работат со Алијанса. Косово го комплицира тоа што имаме четири земји во НАТО кои не ја признаваат неговата независност. САД имаат многу блиско партнерство со Косово и ние не само што го поддржуваме дијалогот предводен од ЕУ кој работи на нормализација меѓу Косово и Србија, туку од билатерална перспектива на САД, ние сме тука да ги поддржиме нашите пријатели во Косово додека работат на своите евроатлански аспирации и работат на зајакнување на нивните сили. Значи, без разлика дали е билатерално или во мултилатерално опкружување, САД се таму за да ги поддржат и тесно соработуваат со тие три нации и со трите поединечни држави, а потоа и тесно да соработуваат со тие земји-членки на НАТО од Западен Балкан. Апел до Белград да не ја продлабочува соработката со Русија и Кина РСЕ: Ја споменавте соработката меѓу Русија и Кина, но Србија има посебен однос и соработка со тие две земји. Дали сте загрижени за соработката со Русија и Кина за прашањата на одбрана и набавката на воена опрема што Србија ја прави од тие две земји? Американските пораки на овој фронт беа многу јасни. Она што им го кажавме на нашите пријатели во Србија е дека тие очигледно имаат свои суверени одлуки за тоа како соработуваат или не соработуваат со Народна Република Кина и Русија. Совет од САД, е да бидете внимателни и претпазливи кога работите со компании во кинеска сопственост. Ние веруваме дека има ризици и предизвици, а исто така не веруваме дека е време за која било земја да ги продлабочи односите со Русија, имајќи предвид дека Русија ја води најголемата копнена војна во Европа од Втората светска војна. Затоа ги повикуваме нашите пријатели во Србија да не ја продлабочуваат соработката со Русија и Кина. Тие, на многу начини, не ги споделуваат нашите вредности за владеење на правото, мултиетничка демократија, човекови права итн. и сè повеќе гледаме дека двете земји се потпираат на заедничка игра со хибридни тактики, кои се движат од дезинформации до сајбер напади и до други малигни активности. Ние во разговорите со пријателите во Србија, пренесуваме искрени и отворени пораки. Но, ние исто така признаваме дека тоа е нивна суверена одлука. Видете и ова: Си и Вучиќ од Белград со порака за „заедничкото челично пријателство“ РСЕ: Колку сте загрижени што руското влијание има одреден ефект врз друг сојузник од Западен Балкан? Зборувам за Црна Гора. Има промена во наративот, што покажува еден вид назадување од принципиелните вредности и влијанието на Кремљ во овој наратив. Дали сте загрижени за таа промена? Ги охрабруваме сите наши пријатели од Западен Балкан да останат фокусирани на нашите заеднички вредности и нивните евроатлантски аспирации. Русија прави сè за да започне серија кампањи за дезинформациии кои често погрешно прикажуваат што е НАТО. Тие често се обидуваат да изнесат тврдење дека НАТО е директно вклучен во војната во Украина, што е апсурдно и не е точно. Тие, исто така, изнесуваат бројни лаги за она што го прави НАТО во регионот на Западен Балкан и одбиваат да признаат дека НАТО е одбранбен сојуз во неговото јадро и не спроведува агресија или зазема офанзивен став на кој било начин, облик или форма. Всушност, во случајот со Украина, Русија е агресор. Русија ја започна оваа војна во Украина и се разбира дека може да ја заврши утре, ако сака. Затоа, ние тесно соработуваме во врска со предизвикот со дезинформациите со сите наши партнери и сојузници во регионот и ги охрабруваме нашите пријатели да се фокусираат на вредностите што ги споделуваме, а тоа е отворени и демократски, мултиетнички демократии и општества. Со Белград е разговарано за Бањска РСЕ: Минатиот септември имаше напад на северот на Косово, каде што НАТО има свои мировни сили. Вооружена група Срби ја нападна косовската полиција во Бањска при што беше убиен наредникот Африм Буњаку. Во размената на огнот загинаа тројца напаѓачи. Според претставниците на Приштина, тоа е директен напад врз суверенитетот на земјата. Дали САД имаат разузнавачки информации што точно се случило тој ден и кои биле мотивите и какви би требало да бидат последиците по тој напад? Во овој конкретен случај, кога ја видовме оваа „точка на палење“ во септември, очигледно многу внимателно ја следевме ситуацијата овде низ Алијансата. Можевме да се собереме и да разговараме за тоа како 32 сојузници. Во право сте дека Алијансата има мисија на теренот, мисијата КФОР, со приближно 3000 војници. Бевме во близок контакт со нашите пријатели во Косово додека траеше истрагата. Не сакам да навлегувам во тие детали, но ние се залагавме за одговорност. Разговаравме со Србија за овој конкретен инцидент. И повторно, нашиот фокус е да обезбедиме и Косово и Србија да продолжат да инвестираат и да напредуваат во дијалогот што го води ЕУ. Видете и ова: Столтенберг: Безбедносната ситуација на Западен Балкан сè уште е кревка РСЕ: И конечно, го споменавте Косово и проблемот со непризнавањето од четири членки на НАТО како пречка Косово да стане членка на Партнерството за мир, што е една од стратешките цели на земјата. Со оглед на тоа што САД сметаат, а американските претставници повеќепати јавно кажаа дека местото на Косово е во Партнерството за мир и имајќи ги предвид околностите со овие земји, дали мислите дека ова прашање е многу комплицирано, но не и невозможно? Имаме ситуација кога имаме четири членки на Алијансата кои не го признаа Косово и тоа мора да го признаеме. И тоа ќе мора да се реши пред Алијансата да може да продолжи со каков било вид формално партнерство меѓу Алијансата и Косово. Но, мислам дека, поради сите очигледни причини, НАТО ја стави својата целосна поддршка зад она што ЕУ се обидува да го направи. И покрај фактот дека Алијансата има мисија на теренот во Косово, ние веруваме дека сите треба да се фокусираат на постигнување напредок во дијалогот предводен од ЕУ. Само со дополнителен напредок во таа област можеме да дојдеме до поголеми прашања за односот на Косово со Алијансата. Artboard 4 Придружете се на Заедницата на Слободна Европа на Вибер...

Дали се реални надежите на новата можна владејачка гарнитура дека може да пркоси со името Македонија, да очекува промена на преговарачката рамка за преговарање со ЕУ по изборите за Европскиот парламент и изборите во Бугарија? Њузлетер 17.05.2024 Можно ли е обновување на дијалогот со Бугарија? Во очекување на формирањето на новата владина коалиција, деновиве нашироко се калкулира како на пример ќе се усогласат ВМРО-ДПМНЕ и коалицијата ВРЕДИ за уставните измени со кои би се внеле Бугарите во македонскиот Устав. Тоа е услов за почеток на преговорите за членство во ЕУ. Иако се навестува извесно приближување на ставовите, барем според челниците на овие партии, останува клучната разлика: ВМРО-ДПМНЕ не е против внесувањето на Бугарите во Уставот, но со важност од денот на влегување во ЕУ. ВРЕДИ е на став дека таа работа треба да се заврши до крајот на годинава. Видете и ова: Нов дијалог или нови рокови за уставни измени? Идната коалиција се надева и на омекнување на условите по претстојните избори за Европскиот парламент и изборите во Бугарија. Но, од Бугарија веднаш стигнаа остри реакции. Вршителот на должноста премиер Димитар Главчев и претседателот Румен Радев порачаа дека „Бугарија нема повеќе да прави отстапки за Северна Македонија“. Деновиве, став и од американскиот Стејт департмент: „Го охрабруваме продолжувањето на дијалогот меѓу Северна Македонија и Бугарија, во рамките на заедничките заложби за идното полноправно членство на Северна Македонија во ЕУ“. Марко Трошановски, претседател на Институтот за демократија „Социетас цивилис“ не верува дека може да дојде до промена во Преговарачката рамка со ЕУ. „Евентуално некакви гаранции коишто би дошле од страна на Европскиот парламент, би биле добри и посакувани, како и нови заклучоци од следниот совет на ЕУ, што би алудирале дека злоупотребата на билатералните договори е неприфатливо. Меѓутоа и тоа е тешко.“, рече Трошановски во интервју за РСЕ. Тешко, но нема ништо невозможно во дипломатијата, за се има решение ако има добра волја за надминување на проблемот. Заклетва со пркос и лавина реакции Низа реакции од меѓународната заедница пристигнаа на македонска адреса откако Гордана Сиљановска Давкова во заклетвата дадена на 12 мај пред Собранието не го користеше новото уставно име – Република Северна Македонија. Пораката е дека од почитувањето на Договорот од Преспа постигнат со Грција во 2018, како и Договорот за добрососедство со Бугарија од 2017, зависи и понатамошниот пат на земјава кон полноправно членство во ЕУ. Видете и ова: Сиљановска и ВМРО-ДПМНЕ не бегаат од Преспанскиот договор, но не се откажуваат од само „Македонија“ По реакциите дојде и објаснување. Новата претседателка Гордана Сиљановска Давкова и ВМРО-ДПМНЕ, како партија која е извесно дека ќе ја предводи идната влада на Северна Македонија, сметаат дека имаат право да го користат само името „Македонија“ во јавните настапи. Но, додаваат дека Преспанскиот договор, со кој во официјалното име на државата беше додадена „Северна“ е реалност и за партијата и за претседателката, а за Радио Слободна Европа одговорија дека тие „нема да бегаат од тоа во официјалната употреба“. „Нема да дозволиме изолација на граѓаните поради стратешките грешки на владата на СДСМ/ДУИ кои за да го покријат криминалот и корупцијата потпишуваа катастрофални договори. Основно човеково право е при лична и колоквијална употреба да се користи Македонија и Македонски и тоа право ќе го задржиме“, велат од ВМРО-ДПМНЕ за РСЕ. Но, за ваквиот став на ВМРО-ДПМНЕ очигледно, судејќи според реакциите, немаат разбирање ниту официјална Атина, ниту пак официјален Брисел. Според извршниот директор на Центарот за европски стратегии „Евротинк“, Димитар Николовски, најголемата опасност што може да ја донесе непочитувањето на договорите е да се изгуби добрата волја кај пријателите и стратешките партнери на Северна Македонија. Има ли надеж за реформа на јавната администрација? Додека овие денови речиси целата јавност се занимава со договорите со Грција и со Бугарија, и ставовите на идната власт кон овие надворешно – политички прашања, кои и беа искажувани во изборната кампања, па не се изненадување, некои други ветувања отидоа во втор план. На пример, реформата на јавната администрација, која ја најавуваат сите партии пред избори, а досега никој не се зафати со решавање на овој проблем. Владата, предводена од ВМРО-ДПМНЕ ќе треба да укине над 130 државни институции за да го исполни ветувањето за реформа на јавниот сектор, а тоа значи да отпушти околу 16 илјади вработени или да ги префрли во приватниот сектор. Најавена е и реорганизација на министерствата. Во јавниот сектор активни се вкупно 1.371 институции, вклучително министерствата, во кои активно се вработени 128.879 луѓе, според Регистарот на Министерството за информатичко општество и администрација. Бројката доаѓа до околу 160 илјади со оние кои се вработени со договор на дело. Видете и ова: Кратење на 130 институции и отпуштања во администрацијата? Реформите се неопходни за да се промени 30-годишната пракса, како што вели професор Борче Давитковски од Правниот факултет во Скопје. Но според него, за тоа е неопходна силна политичка волја, особено за реформата да биде усвоена на почетокот на мандатот на новата влада. Тоа, како што вели Давитковски, многу ќе зависи од желбите и апетитите на коалиционите партнери на ВМРО-ДПМНЕ во владата, особено бидејќи досега се покажало оти партиите на почетокот на мандатот вработуваат свој партиски кадар во јавната администрација. Реформите во јавниот сектор одат бавно, што е забележано скоро во сите извештаи на Европската Комисија за напредокот на земјава. Во последниот извештај е наведено дека е потребна итна акција, вклучително усвојување на нови закони и дигитализација. Новата рамка треба да го подобри управувањето со човечките ресурси во администрацијата и да помогне за вработувања, унапредувања и отпуштања, засновани на заслуги на сите нивоа, вклучително и високото раководство, се вели во извештајот на ЕК. Токсикологија – огледало на состојбите во македонското здравство Наместо да се реши, се продлабочува проблемот на Клиниката за токсикологија, откако министерот за здравство Илир Демири го разреши медицинскиот директор Данил Петровски, поради „несовесно работење“. Министерот за здравство Демири за Радио Слободна Европа тврди дека отказното решение не сакал да му го врачи на Петровски пред изборите, за, како што вели, да нема импликации. Тој не ја разреши организациската директорка Бесија Илјази, за која мнозинството лекарски колегиум во минатиот период, обвинуваше дека не знае македонски јазик, комуницира само на албански јазик и форсира да се вработат 18 лица на позиции кои не се потребни на клиниката, а не дозволува вработување на двајца биолози и еден болничар, како и дека не склучила договор за осигурување на болницата. Во однос на тие 18 лица, Државниот санитарен и здравствен инспекторат и Трудовиот инспекторат донесоа решенија дека не треба да се во просториите на Клиниката бидејќи договорите им се истечени на 31 јануари 2023 година. Видете и ова: Дворски игри меѓу „таборите“ на Токсикологија Министерството на својата Фејсбук страница објави изјава од наводните вработени на клиниката, со потписи и без имиња, кои обвинуваат дека д-р Нико Беќаровски, кој работи на истата клиника и беше дел од докторите што се побунија, дека тој на национална основа им се заканувал и ги навредувал Албанците што чекаат вработување на клиниката. По оваа објава, д-р Беќаровски му се обрати на министерот за здравство, Илир Демири и побара извинување, а најави и тужба. Инаку, Бесија Иљази за организациска директорка е назначена на 14 февруари годинава, од страна на актуелниот министер Демири. Нови организациски директори добија и клиниките за токсикологија, неврологија, ендокринологија, стоматологија и други, иако неговиот претходник Фатмир Меџити изјави дека во Владата е договорено по Нова година (2024) да се укинат економските директори како непродуктивен трошок во здравствениот систем. Партиите ги избркаа добрите лекари Асистирала на првата трансплантација на срце во Северна Македонија, но со години чекала вработување и да почне специјализација. Идниот кардиохирург Соња Граждани од Клубот на млади лекари, кои го кренаа својот глас и бараат достоинство и да им се вреднува трудот, во поткастот Зошто зборува со што се соочуваат младите лекари и здравството. Embed share Лекарите заминуваат од очај Од Радио Слободна Eвропа Embed share The code has been copied to your clipboard. The URL has been copied to your clipboard Сподели на Фејсбук Сподели на Твитер No media source currently available 0:00 0:18:03 0:00 Директен линк 128 kbps | МП3 64 kbps | МП3 Поп-аут плеер Со љубов кон танцот до европски и светски успеси Мила Србиноска на само 3 години стана државен првак во хип хоп. На 6 години - европска шампионка и трета во свет. Сега има 13 години и медали за над 70 први места добиени на меѓународни натпревари по хип хоп. Нејзина цел е да стане светска шампионка во категорија јуниори. Сака да биде добар пример за помладите од неа и да им го пренесе своето знаење во иднина. Embed share Мила Србиноска - со љубов кон танцот до европски и светски успеси Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:42 0:00 Директен линк 240p | 7,6MB 360p | 12,7MB 480p | 22,6MB 720p | 43,1MB 1080p | 65,9MB Доколку сте заинтересирани за добивање на њузлетерот на вашиот мејл, секој петок, пријавете се ТУКА. Можете и да им го препорачате на пријателите. За сите сугести и забелешки можете да ме контактирате на мејл [email protected] Љупчо Наќев Работи во Радио Слободна Европа во Прага од започнувањето на емитувањето на програмата на Македонски јазик, како уредник и водител. Со новинарство се занимава од 1988-ма година, најнапред во Македонското радио, а потоа во А1 телевизија, како и повеќе години како постојан дописник на Радио Дојче Веле. [email protected] Регистрирај се...

Вести мај 17, 2024 Делови од Нова Каледонија надвор од државна контрола Последици од немирите во Нова Каледонија, 16 мај 2024 година Области на пацифичката територија на Нова Каледонија „се надвор“ од државната контрола, изјави денеска претставник на француската влада, најавувајќи нови безбедносни распоредувања по неколкудневното смртоносно насилство. „Ќе пристигне засилување... за да ги контролираме областите што не се под наша контрола во изминатите денови “, изјави на брифинг високиот комесар на Републиката во Нова Каледонија, Луј Ле Фран. Вонредна состојба беше воведена на францускиот архипелаг откако противењето на планот на Париз за промена на правилата за гласање таму прераснаа во подметнување пожар, грабежи и насилство, при што загинаа пет, а стотици беа повредени. Видете и ова: Стотина повредени во немирите во Нова Каледонија, Макрон свика кризен состанок Како дел од вонредната состојба, приведени се околу 200 од околу 5000 „бунтовници“, соопштија француските власти. Едно лице осомничено за убиство им се предаде на властите, рече Ле Фран на денешниот брифинг. Видете и ова: Франција го обвини Азербејџан за вмешаност во немирите на Нова Каледонија Немирите започнаа кога француските пратеници ги одобрија плановите да им се дозволи на оние кои се преселиле на територијата пред најмалку 10 години да гласаат на локалните избори. прочитај повеќе види ги сите денешни вести мај 17, 2024 Напад во Авганистан - неколку убиени, меѓу нив и странски државјани Авганистанска провинција Бамијан. Вооружен напад се случил на 17 мај врз група на странски туристи во централната авганистанска провинција Бамијан. Извор од талибанските безбедносни сили за Радио Азана на Радио Слободна Европа изјави дека во нападот имало неколку мртви. Видете и ова: Во поплавите во Авганистан загинаа 315 луѓе Изворот, кој побара да остане анонимен, не го откри бројот на загинатите туристи или нивната националност. Амај њуз објави дека најмалку осум лица биле убиени. Меѓу жртвите во нападот биле и четворица странски државјани, но не беа дадени повеќе детали. прочитај повеќе мај 17, 2024 Србија досега добила 220 милиони евра од ЕУ за миграцијата и граничната контрола Илустративна фотографија. Од 2015 година, Европската унија (ЕУ) ѝ даде на Србија повеќе од 220 милиони евра помош во областа на миграцијата и управувањето со границите, изјави Никола Бертолини - шеф на Одделот за соработка на Делегацијата на ЕУ во Србија. На крајот од петдневната обука на граничарите во Суботица, Бертолини рече дека Србија усвоила стратегија за интегрирано гранично управување, соопшти Министерството за внатрешни работи (МВР). Тој додаде дека парите од Брисел биле испратени во Србија за поголема безбедност на границите и помош во борбата против нелегалните прекугранични активности, шверцот на оружје, експлозиви и наркотици. „Зголемувањето на капацитетот на граничните служби води и до поефикасно откривање на нерегуларна миграција, трговија со луѓе и криумчарење“, рече Бертолини. Видете и ова: Западен Балкан е важна транзитна зона за илегални миграции, покажа извештајот на ИОМ Тој посочи дека ЕУ планира да продолжи да ја поддржува Србија за спроведување на поефективен надзор и софистицирани гранични проверки, како и да обезбеди модерна опрема за таа цел. Тој потсети дека за зголемување на обемот на трговската, туризмот и културната размена потребни се поотворени граници, но истовремено и одржување на високо ниво на безбедност на границите. „Затоа сите гранични агенции треба да воспостават рамнотежа помеѓу строгите контроли и отворените граници“, рече Бертолини. Владата на Србија го усвои акциониот план на ЕУ за интегрирано гранично управување во 2022 година. Од почетокот на светската мигрантска криза во 2015 година, преку таканаречената балканска рута низ Србија поминале повеќе од еден и пол милион бегалци и мигранти, покажуваат податоците на надлежните органи на Обединетите нации (ОН). прочитај повеќе мај 17, 2024 Засилени безбедносни мерки во Шведска по пукање во близина на израелската амбасада Улицата Готгатан во Стокхолм, 14 април 2020 година. Илустративна фотографија Шведска ги засили безбедносните мерки во земјата по пукање во близина на израелската амбасада во Стокхолм, соопшти полицијата на 17 мај. Полицијата ја опколи областа околу амбасадата и изврши претреси во неколку населби во Стокхолм откако во раните утрински часови се слушнаа истрели. „Поради сомнителни пукотници во близина на израелската амбасада во Стокхолм, полицијата презема безбедносни мерки за заштита на имотот и интересите на Израел и Евреите низ целата земја“, соопшти полицискиот оддел на својата веб-страница. Видете и ова: Израел соопшти дека обвинувањата на Јужна Африка за геноцид се неосновани Амбасадорот на Израел во Шведска, Жив Нево Кулман, им се заблагодари на властите на мрежата X „за нивната итна реакција и истрага, како и за зголемените безбедносни мерки околу нашата амбасада и околу еврејските заедници“. Во февруари, полицијата на теренот на израелската амбасада пронајде уред за кој амбасадорот рече дека претставува обид за напад. Шведските разузнавачки служби отворија истрага за „тероризам“. Од нападот на Хамас врз јужен Израел на 7 октомври 2023 година, властите и некои невладини организации во многу земји пријавија пораст на антисемитизмот, додека високиот број цивилни жртви во Газа предизвикани од одговорот на Израел дополнително ги зголеми тензиите. прочитај повеќе мај 17, 2024 ЕУ забрани уште четири руски медиуми поради ширење пропаганда Европскиот парламент. Европската унија на 17 мај забрани емитување на програми на уште четири руски медиуми во ЕУ поради, како што се наведува, ширење пропаганда за инвазијата врз Украина и за дезинформации. Забраната за емитување се случува во пресрет на изборите за Европскиот парламент. Последната група на медиуми кои се забранети ги вклучуваат веб-страницата Глас Европа, руската државна новинска агенција РИА Новости, весниците Известија и Росискаја газета, за кои ЕУ тврди дека се под контрола на Кремљ. Официјалното соопштение за санкциите ја потврди одлуката на почетокот на неделава од страна на амбасадорите на 27-те земји-членки на блокот. „Овие медиуми се под постојана директна или индиректна контрола на раководството на Руската Федерација и беа од суштинско значење и инструменти во започнувањето и поддршката на руската агресорска војна против Украина и дестабилизацијата на нејзините соседни земји“, се вели во соопштението на ЕУ. Видете и ова: Русија ја предупреди ЕУ на остар одговор ако воведе ограничувања за руските медиуми Во соопштението се наведува дека овие медиуми конкретно ги таргетираат „европските политички партии, особено во изборните периоди“. Забраните ги опфаќаат „сите средства за пренос и дистрибуција во ЕУ или насочени кон земјите-членки на ЕУ“, но не ги спречуваат новинарите да работат во медиумите во Европската унија. Веќе минатиот месец, Белгија отвори истрага за сомнително руско мешање во јунските избори низ Европа, велејќи дека разузнавачката служба на нејзината земја го потврдила постоењето на мрежа која се обидува да ја поткопа поддршката за Украина. Чешката влада воведе санкции за голем број луѓе откако таму беше откриена операција на проруско влијание. Според наводите, тие им обраќале на членовите на Европскиот парламент и им понудиле пари за промовирање на руската пропаганда. Од почетокот на војната во февруари 2022 година, ЕУ веќе суспендираше неколку медиуми, вклучително и Русија денес (РТ) и Спутник. прочитај повеќе мај 17, 2024 ЕУ го истражува Мајкрософт за ризиците од вештачката интелигенција пред изборите Илустративна фотографија. Европската унија денеска (17 мај) му нареди на Мајкрософт да предаде внатрешни документи или дека пред изборите ќе се соочи со казни поврзани со ризиците од користење на вештачка интелигенција на својот пребарувач Бинг. ЕУ ја идентификуваше генеративната вештачка интелигенција како една од главните закани за изборите што ќе се одржат во ЕУ од 6 до 9 јуни. Во март, Брисел побара од Бинг, заедно со неколку големи дигитални платформи, вклучително Гугл, ТикТок и Јутуб, да обезбеди информации за активностите што ги презеле за да ги ублажат ризиците од користење на вештачка интелигенција. Но, Мајкрософт не одговори на барањето за повеќе детали за „специфичните ризици кои произлегуваат од функциите на генеративната вештачка интелигенција на Бинг, особено „Копилот во Бинг“ и „Креатор на слики од дизајнер“, соопшти Европската комисија. Американскиот технолошки гигант сега има рок до 27 мај да обезбеди „внатрешни документи и податоци“. Видете и ова: Тик-Ток објави дека ќе означува слики создадени од вештачка интелигенција Доколку Мајкрософт не го стори тоа, ЕУ може да изрече казни до еден процент од вкупниот годишен приход или глобалниот промет на компанијата, како и периодични казни до пет проценти од просечниот дневен приход или дневен промет во светот. Од минатата година, најголемите светски технолошки компании мораа да се усогласат со европскиот закон познат како Закон за дигитални услуги (DSA). Комисијата соопшти дека се сомнева дека „Бинг можеби ја прекршил DSA“ во делот поврзан со „ризиците поврзани со генеративната вештачка интелигенција“. Ова се однесува на можностите на вештачката интелигенција да обезбедува лажни информации и „вирално ширење на длабока лажна содржина“. Видете и ова: Колку и да се труди нема да не замени Мајкрософт соопшти дека е посветен на исполнување на барањата на комисијата. „Целосно соработуваме со Европската комисија во рамките на Доброволното барање за информации и остануваме посветени да одговориме на нивните прашања и да споделуваме информации за нашиот пристап кон дигиталната безбедност и усогласеноста со DSA“, рече портпаролот на Microsoft. Портпаролот рече дека Мајкрософт презел „чекори за мерење и ублажување на потенцијалните ризици“ на сите негови платформи. Мајкрософт инвестираше милијарди во OpenAI, главен играч во вештачката интелигенција, особено откако се појави четботот ChatGPT кон крајот на 2022 година. прочитај повеќе мај 17, 2024 Таравари најави договор за влада, Османи дополнителни механизми за заштита Изет Меџити и Арбен Таравари од коалицијата „Влен“. Градоначалникот на Гостивар Арбен Таравари денеска изјави дека очекува до крајот на идната недела да биде договор околу идната влада меѓу колицијата „Влен“ и ВМРО-ДПМНЕ. Откако „Вреди“ и ВМРО-ДПМНЕ формираа работни групи за формирање на владина коалиција по парламентарните избори на 8 мај, Таравари денекса изјави дека меѓу работните групи „владее позитивна атмосфера. „Се надевам дека до крајот на идната недела ќе имаме завршен договор со програма на Владата и со распределба на ресори, односно кој и каде ќе биде како министер“, рече Таравари. По гласањето на двојните избори на 8 мај, претседателски и парламентрани, ВМРО-ДПМНЕ освои најмногу (58) мандати. Во албанскиот политички блок, Коалицијата „Влен“ освои 13 мандати, што е 6 помалку од коалицијата „Европски фронт“ која освои 19. Видете и ова: Управен суд ја одби тужбата на „Европскиот фронт“ за решението на ДИК за избирачкото место во Крушево Но, ВМРО-ДПМНЕ и Влен се во преговори за состав на идната влада. Таравари рече дека со Христијан Мицкоски досега имале две средби, а дека понатаму интензивно работат работните групи. „Се надевам до понеделник ќе излеземе со заедничка програма, а до петок ќе имаме завршен договор меѓу ВЛЕН и ВМРО-ДПМНЕ, практично договор за нова влада“, изјави Таравари. Потпретседателот на ДУИ Бујар Османи, чија партија е дел од коалицијата „Европски фронт“, денеска рече дека ако се прави владина коалиција без нивната партија, дека „тоа ќе ги разгневи сите Албанци кои ценат дека нивните гласови ќе бидат ништовни и потоа ќе бараат дополнителен механизам за заштита“, изјави Османи за приватната телевизија „Канал 5“. „ДУИ е во постојано заседание, емоциите кај албанскиот народ се веќе вжештени и ние повеќе се обидуваме да менаџираме и да контролираме. Ќе сметаат дека Охридскиот рамковен договор не ги заштитува, не го заштитува нивниот глас, нивниот глас се игнорира, е ништовен за државата и дека ќе бараат дополнителен механизам за заштита“, рече Османи. прочитај повеќе мај 17, 2024 Управен суд ја одби тужбата на „Европскиот фронт“ за решението на ДИК за избирачкото место во Крушево Управен суд Скопје Управниот суд ja одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија" за избирачкото место 1194 во Општина Крушево на Парламентарните избори одржани на 8 мај 2024 година. Според Изборниот законик, доколку одлуката за прегласување во тоа избирачко место влијае на конечните изборни резултати, ДИК треба да спроведе повторено гласање 14 ден од Парламентарните избори кои беа одржани на 8 мај. Повтореното гласање според тоа треба да биде на 22 мај. Претходно денеска во текот на расправата, застапникот на тужителот, Коалицијата „Европски фронт“, Ејуп Рустеми, посочи дека се оспорува решението на ДИК за прифаќање на приговорот за поништувње на гласањето на ИМ 1194 на Коалицијата „Твоја Македонија". „Решението на ДИК е нејасно. Сумираниот износ на искористени гласачки ливчиња е нејасно како ДИК дошле до збирот од 377 гласачи, без притоа да се земе предвид бројот од 359 потпишани гласачи во избирачкиот список. Бројот од 17 болни и изнемоштени не треба да се додава во дел IV од записникот, бидејќи тие се веќе вброени во статистичкиот податок и се добива дупла бројка. Според Изборниот законик погрешно пополнување на записник не е основ за поништување на гласањето“, изјави Рустеми. Видете и ова: Загриженост во ДИК поради изјави на политичари по приговорите за изборите Дополнително, посочи Рустеми, во записникот нема заведено забелешки за евентуални неправилности. Претставникот на ДИК, Катерина Василевска нагласи дека остануваат во целост на наводите од решението и одговорот на тужбата и предлагаат таа да се одбие како неоснована. „ДИК постапи во законскиот рок и донесе одлука. По увидот во целосниот изборен материјал ДИК утврди дека бројот на идентификувани гласачи не се совпаѓа со бројот на потпишани гласачи во избирачкиот список и не соодветствува со бројот на искористени гласачки ливчиња на гласачкото место“, нагласи Василевска. Управниот суд пресудата ќе ја објави за два часа. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите се оформени предмети и закажани во текот на денешниот ден. Видете и ова: Талат Џафери: Има обиди за изборен инжинеринг ДИК на 104 седница ги разгледа приговорите поднесени од политичките партии по одржувањето на парламентарните избори на 8 мај. Од вкупно 27 поднесени приговори - девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. прочитај повеќе мај 17, 2024 Загриженост во ДИК поради изјави на политичари по приговорите за изборите Александар Даштевски - претседател на Државната изборна комисија (ДИК) . Претседателот на Државната изборна комисија (ДИК) Александар Даштевски и членовите на ДИК и уште неколку членови денеска изразија загриженост дека политички партии и високи владини функционери давале изјави за работата на ДИК за постапувањето по приговорите за парламентарните избори, кои според нив можат да бидат закана за нивната безбедност. Во денешносто соопштение на ДИК, освен Даштевски, загриженост изразуваат и членовите на ДИК Радица Ристеска, Оливер Ристовски, Борис Кондарко, Бобан Стојаноски и Абдуш Демири. „Ве известуваме дека покрај тоа што сме лично понижувани и навредувани, исто така како членови во највисоката институција за организирање и спроведување на изборите, сме изложени и на неосновани и непримерени јавни политички притисоци и на закани за кривична одговорност поради донесените одлуки на ДИК“, се вели во реакцијата. Тие велат дека според „контекстот и интензитетот на нападите, прозивките и навредите“ загрижени се и дека е можно тие да преминат и во лични напади на нивната сигурност. „Ве известуваме дека ДИК во целост професионално, транспаретно и само врз основа на закон ги спроведе изборите што е потврдено од сите домашни и меѓународни фактори. Исто така и покрај сите непријатности кои ги имаме, сепак со највисок степен на интегритет врз основа на јавна проверка на изборниот материјал ДИК ги утврди фактите и одлучуваше по приговори поднесени од различни учесници за 110 избирачки места, од кои врз основа на образложени докази усвои приговори за само 7 избирачки места за кои имаше правен основ, додека сите останати 103 избирачки места, беа одбиени како неосновани и за нив немаше поднесено тужби ниту еден учесник на изборите“, се вели во реакцијата. Видете и ова: Талат Џафери: Има обиди за изборен инжинеринг Државната изборна комисија наведува дека е неприфатливо да има нападите, притисоци и мешање на одредени политички партии и на поединци од техничката Влада во изборните процедури и во работата и одлучувањето на ДИК и на Управниот суд. Тие посочуваат дека за сето ова денеска на средба во ДИК била известена и амбасадорката на набљудувачката мисија на ОБСЕ-ОДИХР Џилијан Стирк. Премиерот на техничката Влада Талат Џафери вчера на прес-конференција соопшти дека имало договор за надгласување во Државната изборна комисија за прифаќање на одредени приговори за изборните резултати и прегласување и оти на ваков начин се прави обид за изборен инженеринг за менување на бројките во Собранието и изигрување на волјата на граѓаните. Изборниот процес кој беше оценет како кредибилен и демократски, сега е во рацете на Управниот суд, рече Џафери и повика сите институции да постапуваат согласно закон без партиски директиви од која било страна. Управниот суд вчера одржа јавна седница по тужба на Коалицијата „Вреди“ по одлуката на ДИК за одбивање на нивниот приговор за избирачко место 0511, во Долна Бањица во Општина Гостивар на Парламентарните избори 2024 година. Видете и ова: Ќе се прегласува во Желино, „Европски фронт“ со обвинувања дека ќе им бидат одземени пратеници Постапката беше прекината, откако претставникот на Коалицијата „Вреди“ изјави дека ја повлекува тужбата во целост. До Државната изборна комисија беа поднесени вкупно 27 приговори за парламентарните избори - девет од коалицијата „Влен“, осум од ВМРО-ДПМНЕ, пет од СДСМ и четири од Левица. Прифатени беа седум: шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Против одлуката на ДИК може да се поднесе тужба до Управниот суд, во рок од 24 часа од приемот на решението.Управниот суд, пак, по жалбата е должен да донесе одлука во рок од 48 часа по нејзиниот прием. мд/дма/ прочитај повеќе мај 17, 2024 Состојбата на словачкиот премиер Фицо „се уште многу сериозна“ Словачкиот премиер Роберт Фицо. Два дена по обидот за атентат, состојбата на словачкиот премиер Роберт Фицо на 17 мај „останува многу сериозна“, изјави неговиот заменик и близок соработник Роберт Калинак. Фицо беше хоспитализиран по пукањето во средата, коешто се случи додека 59-годишниот премиер на Словачка разговараше со граѓаните по состанокот во централниот град Хандлова. „Повторно беше опериран, имаше операција речиси два часа“, изјави за новинарите пред болницата во Банска Бистрица вицепремиерот Роберт Калинак. Фицо претходно имаше петчасовна операција набргу откако од местото на нападот беше пренесен во болница со хеликоптер. Директорот на болницата во Банска Бистрица рече дека Фицо останал „свесен“, иако е во „тешка“ состојба. Претходно, на 17 мај, локалните медиуми објавија дека словачката полиција извршила претрес во домот на мажот кој е обвинет за пукањето. Видете и ова: На словачкиот премиер Фицо ќе му биде извршена уште една операција Полициските службеници го донесоа наводниот вооружен напаѓач, кој носел панцир и шлем, во станот што го делел со неговата сопруга во западниот град Левице, беше прикажано во видео од телевизијата Маркиза. „Полицијата остана во станот неколку часа... Од станот таа изнесе компјутер и документи“, вели приватниот радиодифузер. Полицијата за АФП изјави дека нема да ја коментира тековната истрага. Полицијата не го именуваше осомничениот, но медиумите го идентификуваа како 71-годишниот писател Јурај Цинтулу. Тој во четвртокот беше обвинет за обид за убиство од прв степен во, како што велат властите, политички мотивиран напад. „Станува збор за „волк-самец“ кој се активирал по претседателските избори бидејќи не бил задоволен од нивниот исход“, изјави министерот за внатрешни работи Матус Сутај Есток. Видете и ова: Обид за атентат врз словачкиот премиер Фицо - нападот бил „политички мотивиран“ Нападот ги поттикна стравувањата од натамошно насилство и нестабилност во политички поларизираната земја, само неколку недели пред изборите за Европскиот парламент, пренесува АФП. Официјалните лица во Словачка ја повлекоа врската со политичката ситуација во земјата, со нејзината политичка сцена нарушена со дезинформации за време на неодамнешните изборни кампањи. Фицо, четирикратен премиер и политички ветеран, се врати на функцијата во октомври. Оттогаш тој даде серија изјави кои ги влошија врските меѓу Словачка и соседна Украина, откако го доведе во прашање суверенитетот на земјата. Откако тој беше избран, Словачка престана да испраќа оружје во Украина, која Русија ја нападна во 2022 година. прочитај повеќе мај 17, 2024 Палевски ќе биде спроведен на распит во Кривичниот суд Љупчо Палевски - Палчо, првоосомничен за убиството на Вања Ѓорчевска и Панче Жежовски. Основниот кривичен суд Скопје денеска доби официјално известување од Истражниот затвор Скопје за екстрадицијата на Љупчо Палевски, којшто е првоосомничен за случајот за убиството на 14-годишната Вања Ѓорчевска и велешкиот фризер Панче Жежовски (74). Палевски прво ќе биде спроведен до Кривичниот суд за да се изјасни за мерката притвор која му беше веќе определена, откако на 5 мај со авион беше екстрадиран од Турција во Северна Македонија. Од судот соопштуваат дека денеска добиле и известување и барање за ангажирање на адвокат кој ќе го застапува Палевски во текот на постапката. Според законите во Северна Македонија, судот ги издава сите дозволи поврзани со истражната постапка и ги доставува до предложените адвокати за нивно понатамошно постапување. „Дополнително, судија на претходна постапка во координација со надлежниот Јавен обвинител, ќе издаде наредба за спровод на осомниченото лице за негово произнесување во однос на околностите во предлогот на Јавниот обвинител за определување на мерката притвор, а за донесеното решение јавноста ќе биде известена“, се вели во соопштението од Основен кривичен суд Скопје. Видете и ова: Финишира истрагата за Палчо за убиството на 14-годишната Вања Истрагата за случајот, кој што го води Основното јавно обвинителство (ОЈО) Скопје, е во завршна фаза. Палевски повеќе од пет месеци помина во екстрадициски притвор во Турција, откако беше фатен од турската полиција. Палевски се гони за две грабнувања и две убиства на свиреп начин. Осомничени се и тројца соизвршители за овие дела, како и таткото на Вања Ѓорчевска кој се товари за помагање во грабнувањето на девојчето. За помагање во бегството, обвинителството сомничи уште едно лице. Истрагата на Обвинителството беше отворена на 3 декември, откако случајот притви Палевски и останатите осомничени беше отворен по пријавата за исчезнувањето на малолетната Вања на 27 ноември, утрото кога таа не се појави на училиште. Исчезнувањето со денови ја брануваше македонската, но и јавноста во регионот, а медиумите и социјалните мрежи беа преплавени со вести и апели се до 3 декември кога нејзиното тело беше пронајдено во околината на Скопје. Видете и ова: Љупчо Палевски – Палчо со авион екстрадиран во Северна Македонија Истиот ден беше кобен и за семејството на Панче Жежовски бидејќи полицијата соопшти дека неговото тело го пронашле во близина на Велес. Тој бил пријавен за исчезнат три дена пред Вања – на 24 ноември. Палевски беше во бегство во Турција, а избегал во таа земја преку Србија и Бугарија, избега во Турција. Турската полиција успеа да го фати кај градот Балибекир на 5 декември 2023 година. Тој на 15 мај годинава беше екстрадиран во Северна Македонија. Пред затворање на истрагата и поднесување на обвинение, Палевски треба да биде сослушан и во обвинителството. По евентуалното обвинение, тоа ќе оди на оценка во судот и ако добие зелено светло, ќе стартува судски процес. Во меѓувреме тој во притвор се чува под посебни безбедносни мерки. прочитај повеќе Вчитај повеќе...

Вести мај 17, 2024 Русија тврди дека неутрализирала повеќе од 100 украински дронови во ноќните напади илустрација Министерството за одбрана на Русија соопшти дека повеќе од 100 украински беспилотни летала се уништени или пресретнати ноќеска во напади на југозапад на руската територија и на полуостровот Крим. Министерството соопшти дека армијата неутрализирала 51 дрон над Крим, 44 над регионот Краснодар, шест над регионот Белгород и еден над регионот Курск. Во текот на ноќта, поморската противвоздушна одбрана и патролни бродови на Црноморската флота уништија шест поморски беспилотни летала во водите на Црното Море. Видете и ова: Осуммина повредени во украински напад на Белгород Руската армија редовно објавува дека одбила ноќни напади на украински беспилотни летала, но ретко се наведува толкава бројка, јавија западни медиуми. Гувернерот на Белгородската област, која граничи со Украина, претходно денеска објави дека мајка и четиригодишно дете загинале при напад со беспилотно летало врз селото Октјабарски. прочитај повеќе види ги сите денешни вести мај 17, 2024 Напад во Авганистан - неколку убиени, меѓу нив и странски државјани Авганистанска провинција Бамијан. Вооружен напад се случил на 17 мај врз група на странски туристи во централната авганистанска провинција Бамијан. Извор од талибанските безбедносни сили за Радио Азана на Радио Слободна Европа изјави дека во нападот имало неколку мртви. Видете и ова: Во поплавите во Авганистан загинаа 315 луѓе Изворот, кој побара да остане анонимен, не го откри бројот на загинатите туристи или нивната националност. Амај њуз објави дека најмалку осум лица биле убиени. Меѓу жртвите во нападот биле и четворица странски државјани, но не беа дадени повеќе детали. прочитај повеќе мај 17, 2024 Србија досега добила 220 милиони евра од ЕУ за миграцијата и граничната контрола Илустративна фотографија. Од 2015 година, Европската унија (ЕУ) ѝ даде на Србија повеќе од 220 милиони евра помош во областа на миграцијата и управувањето со границите, изјави Никола Бертолини - шеф на Одделот за соработка на Делегацијата на ЕУ во Србија. На крајот од петдневната обука на граничарите во Суботица, Бертолини рече дека Србија усвоила стратегија за интегрирано гранично управување, соопшти Министерството за внатрешни работи (МВР). Тој додаде дека парите од Брисел биле испратени во Србија за поголема безбедност на границите и помош во борбата против нелегалните прекугранични активности, шверцот на оружје, експлозиви и наркотици. „Зголемувањето на капацитетот на граничните служби води и до поефикасно откривање на нерегуларна миграција, трговија со луѓе и криумчарење“, рече Бертолини. Видете и ова: Западен Балкан е важна транзитна зона за илегални миграции, покажа извештајот на ИОМ Тој посочи дека ЕУ планира да продолжи да ја поддржува Србија за спроведување на поефективен надзор и софистицирани гранични проверки, како и да обезбеди модерна опрема за таа цел. Тој потсети дека за зголемување на обемот на трговската, туризмот и културната размена потребни се поотворени граници, но истовремено и одржување на високо ниво на безбедност на границите. „Затоа сите гранични агенции треба да воспостават рамнотежа помеѓу строгите контроли и отворените граници“, рече Бертолини. Владата на Србија го усвои акциониот план на ЕУ за интегрирано гранично управување во 2022 година. Од почетокот на светската мигрантска криза во 2015 година, преку таканаречената балканска рута низ Србија поминале повеќе од еден и пол милион бегалци и мигранти, покажуваат податоците на надлежните органи на Обединетите нации (ОН). прочитај повеќе мај 17, 2024 Засилени безбедносни мерки во Шведска по пукање во близина на израелската амбасада Улицата Готгатан во Стокхолм, 14 април 2020 година. Илустративна фотографија Шведска ги засили безбедносните мерки во земјата по пукање во близина на израелската амбасада во Стокхолм, соопшти полицијата на 17 мај. Полицијата ја опколи областа околу амбасадата и изврши претреси во неколку населби во Стокхолм откако во раните утрински часови се слушнаа истрели. „Поради сомнителни пукотници во близина на израелската амбасада во Стокхолм, полицијата презема безбедносни мерки за заштита на имотот и интересите на Израел и Евреите низ целата земја“, соопшти полицискиот оддел на својата веб-страница. Видете и ова: Израел соопшти дека обвинувањата на Јужна Африка за геноцид се неосновани Амбасадорот на Израел во Шведска, Жив Нево Кулман, им се заблагодари на властите на мрежата X „за нивната итна реакција и истрага, како и за зголемените безбедносни мерки околу нашата амбасада и околу еврејските заедници“. Во февруари, полицијата на теренот на израелската амбасада пронајде уред за кој амбасадорот рече дека претставува обид за напад. Шведските разузнавачки служби отворија истрага за „тероризам“. Од нападот на Хамас врз јужен Израел на 7 октомври 2023 година, властите и некои невладини организации во многу земји пријавија пораст на антисемитизмот, додека високиот број цивилни жртви во Газа предизвикани од одговорот на Израел дополнително ги зголеми тензиите. прочитај повеќе мај 17, 2024 ЕУ забрани уште четири руски медиуми поради ширење пропаганда Европскиот парламент. Европската унија на 17 мај забрани емитување на програми на уште четири руски медиуми во ЕУ поради, како што се наведува, ширење пропаганда за инвазијата врз Украина и за дезинформации. Забраната за емитување се случува во пресрет на изборите за Европскиот парламент. Последната група на медиуми кои се забранети ги вклучуваат веб-страницата Глас Европа, руската државна новинска агенција РИА Новости, весниците Известија и Росискаја газета, за кои ЕУ тврди дека се под контрола на Кремљ. Официјалното соопштение за санкциите ја потврди одлуката на почетокот на неделава од страна на амбасадорите на 27-те земји-членки на блокот. „Овие медиуми се под постојана директна или индиректна контрола на раководството на Руската Федерација и беа од суштинско значење и инструменти во започнувањето и поддршката на руската агресорска војна против Украина и дестабилизацијата на нејзините соседни земји“, се вели во соопштението на ЕУ. Видете и ова: Русија ја предупреди ЕУ на остар одговор ако воведе ограничувања за руските медиуми Во соопштението се наведува дека овие медиуми конкретно ги таргетираат „европските политички партии, особено во изборните периоди“. Забраните ги опфаќаат „сите средства за пренос и дистрибуција во ЕУ или насочени кон земјите-членки на ЕУ“, но не ги спречуваат новинарите да работат во медиумите во Европската унија. Веќе минатиот месец, Белгија отвори истрага за сомнително руско мешање во јунските избори низ Европа, велејќи дека разузнавачката служба на нејзината земја го потврдила постоењето на мрежа која се обидува да ја поткопа поддршката за Украина. Чешката влада воведе санкции за голем број луѓе откако таму беше откриена операција на проруско влијание. Според наводите, тие им обраќале на членовите на Европскиот парламент и им понудиле пари за промовирање на руската пропаганда. Од почетокот на војната во февруари 2022 година, ЕУ веќе суспендираше неколку медиуми, вклучително и Русија денес (РТ) и Спутник. прочитај повеќе мај 17, 2024 ЕУ го истражува Мајкрософт за ризиците од вештачката интелигенција пред изборите Илустративна фотографија. Европската унија денеска (17 мај) му нареди на Мајкрософт да предаде внатрешни документи или дека пред изборите ќе се соочи со казни поврзани со ризиците од користење на вештачка интелигенција на својот пребарувач Бинг. ЕУ ја идентификуваше генеративната вештачка интелигенција како една од главните закани за изборите што ќе се одржат во ЕУ од 6 до 9 јуни. Во март, Брисел побара од Бинг, заедно со неколку големи дигитални платформи, вклучително Гугл, ТикТок и Јутуб, да обезбеди информации за активностите што ги презеле за да ги ублажат ризиците од користење на вештачка интелигенција. Но, Мајкрософт не одговори на барањето за повеќе детали за „специфичните ризици кои произлегуваат од функциите на генеративната вештачка интелигенција на Бинг, особено „Копилот во Бинг“ и „Креатор на слики од дизајнер“, соопшти Европската комисија. Американскиот технолошки гигант сега има рок до 27 мај да обезбеди „внатрешни документи и податоци“. Видете и ова: Тик-Ток објави дека ќе означува слики создадени од вештачка интелигенција Доколку Мајкрософт не го стори тоа, ЕУ може да изрече казни до еден процент од вкупниот годишен приход или глобалниот промет на компанијата, како и периодични казни до пет проценти од просечниот дневен приход или дневен промет во светот. Од минатата година, најголемите светски технолошки компании мораа да се усогласат со европскиот закон познат како Закон за дигитални услуги (DSA). Комисијата соопшти дека се сомнева дека „Бинг можеби ја прекршил DSA“ во делот поврзан со „ризиците поврзани со генеративната вештачка интелигенција“. Ова се однесува на можностите на вештачката интелигенција да обезбедува лажни информации и „вирално ширење на длабока лажна содржина“. Видете и ова: Колку и да се труди нема да не замени Мајкрософт соопшти дека е посветен на исполнување на барањата на комисијата. „Целосно соработуваме со Европската комисија во рамките на Доброволното барање за информации и остануваме посветени да одговориме на нивните прашања и да споделуваме информации за нашиот пристап кон дигиталната безбедност и усогласеноста со DSA“, рече портпаролот на Microsoft. Портпаролот рече дека Мајкрософт презел „чекори за мерење и ублажување на потенцијалните ризици“ на сите негови платформи. Мајкрософт инвестираше милијарди во OpenAI, главен играч во вештачката интелигенција, особено откако се појави четботот ChatGPT кон крајот на 2022 година. прочитај повеќе мај 17, 2024 Таравари најави договор за влада, Османи дополнителни механизми за заштита Изет Меџити и Арбен Таравари од коалицијата „Влен“. Градоначалникот на Гостивар Арбен Таравари денеска изјави дека очекува до крајот на идната недела да биде договор околу идната влада меѓу колицијата „Влен“ и ВМРО-ДПМНЕ. Откако „Вреди“ и ВМРО-ДПМНЕ формираа работни групи за формирање на владина коалиција по парламентарните избори на 8 мај, Таравари денекса изјави дека меѓу работните групи „владее позитивна атмосфера. „Се надевам дека до крајот на идната недела ќе имаме завршен договор со програма на Владата и со распределба на ресори, односно кој и каде ќе биде како министер“, рече Таравари. По гласањето на двојните избори на 8 мај, претседателски и парламентрани, ВМРО-ДПМНЕ освои најмногу (58) мандати. Во албанскиот политички блок, Коалицијата „Влен“ освои 13 мандати, што е 6 помалку од коалицијата „Европски фронт“ која освои 19. Видете и ова: Управен суд ја одби тужбата на „Европскиот фронт“ за решението на ДИК за избирачкото место во Крушево Но, ВМРО-ДПМНЕ и Влен се во преговори за состав на идната влада. Таравари рече дека со Христијан Мицкоски досега имале две средби, а дека понатаму интензивно работат работните групи. „Се надевам до понеделник ќе излеземе со заедничка програма, а до петок ќе имаме завршен договор меѓу ВЛЕН и ВМРО-ДПМНЕ, практично договор за нова влада“, изјави Таравари. Потпретседателот на ДУИ Бујар Османи, чија партија е дел од коалицијата „Европски фронт“, денеска рече дека ако се прави владина коалиција без нивната партија, дека „тоа ќе ги разгневи сите Албанци кои ценат дека нивните гласови ќе бидат ништовни и потоа ќе бараат дополнителен механизам за заштита“, изјави Османи за приватната телевизија „Канал 5“. „ДУИ е во постојано заседание, емоциите кај албанскиот народ се веќе вжештени и ние повеќе се обидуваме да менаџираме и да контролираме. Ќе сметаат дека Охридскиот рамковен договор не ги заштитува, не го заштитува нивниот глас, нивниот глас се игнорира, е ништовен за државата и дека ќе бараат дополнителен механизам за заштита“, рече Османи. прочитај повеќе мај 17, 2024 Управен суд ја одби тужбата на „Европскиот фронт“ за решението на ДИК за избирачкото место во Крушево Управен суд Скопје Управниот суд ja одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија" за избирачкото место 1194 во Општина Крушево на Парламентарните избори одржани на 8 мај 2024 година. Според Изборниот законик, доколку одлуката за прегласување во тоа избирачко место влијае на конечните изборни резултати, ДИК треба да спроведе повторено гласање 14 ден од Парламентарните избори кои беа одржани на 8 мај. Повтореното гласање според тоа треба да биде на 22 мај. Претходно денеска во текот на расправата, застапникот на тужителот, Коалицијата „Европски фронт“, Ејуп Рустеми, посочи дека се оспорува решението на ДИК за прифаќање на приговорот за поништувње на гласањето на ИМ 1194 на Коалицијата „Твоја Македонија". „Решението на ДИК е нејасно. Сумираниот износ на искористени гласачки ливчиња е нејасно како ДИК дошле до збирот од 377 гласачи, без притоа да се земе предвид бројот од 359 потпишани гласачи во избирачкиот список. Бројот од 17 болни и изнемоштени не треба да се додава во дел IV од записникот, бидејќи тие се веќе вброени во статистичкиот податок и се добива дупла бројка. Според Изборниот законик погрешно пополнување на записник не е основ за поништување на гласањето“, изјави Рустеми. Видете и ова: Загриженост во ДИК поради изјави на политичари по приговорите за изборите Дополнително, посочи Рустеми, во записникот нема заведено забелешки за евентуални неправилности. Претставникот на ДИК, Катерина Василевска нагласи дека остануваат во целост на наводите од решението и одговорот на тужбата и предлагаат таа да се одбие како неоснована. „ДИК постапи во законскиот рок и донесе одлука. По увидот во целосниот изборен материјал ДИК утврди дека бројот на идентификувани гласачи не се совпаѓа со бројот на потпишани гласачи во избирачкиот список и не соодветствува со бројот на искористени гласачки ливчиња на гласачкото место“, нагласи Василевска. Управниот суд пресудата ќе ја објави за два часа. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите се оформени предмети и закажани во текот на денешниот ден. Видете и ова: Талат Џафери: Има обиди за изборен инжинеринг ДИК на 104 седница ги разгледа приговорите поднесени од политичките партии по одржувањето на парламентарните избори на 8 мај. Од вкупно 27 поднесени приговори - девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. прочитај повеќе мај 17, 2024 Загриженост во ДИК поради изјави на политичари по приговорите за изборите Александар Даштевски - претседател на Државната изборна комисија (ДИК) . Претседателот на Државната изборна комисија (ДИК) Александар Даштевски и членовите на ДИК и уште неколку членови денеска изразија загриженост дека политички партии и високи владини функционери давале изјави за работата на ДИК за постапувањето по приговорите за парламентарните избори, кои според нив можат да бидат закана за нивната безбедност. Во денешносто соопштение на ДИК, освен Даштевски, загриженост изразуваат и членовите на ДИК Радица Ристеска, Оливер Ристовски, Борис Кондарко, Бобан Стојаноски и Абдуш Демири. „Ве известуваме дека покрај тоа што сме лично понижувани и навредувани, исто така како членови во највисоката институција за организирање и спроведување на изборите, сме изложени и на неосновани и непримерени јавни политички притисоци и на закани за кривична одговорност поради донесените одлуки на ДИК“, се вели во реакцијата. Тие велат дека според „контекстот и интензитетот на нападите, прозивките и навредите“ загрижени се и дека е можно тие да преминат и во лични напади на нивната сигурност. „Ве известуваме дека ДИК во целост професионално, транспаретно и само врз основа на закон ги спроведе изборите што е потврдено од сите домашни и меѓународни фактори. Исто така и покрај сите непријатности кои ги имаме, сепак со највисок степен на интегритет врз основа на јавна проверка на изборниот материјал ДИК ги утврди фактите и одлучуваше по приговори поднесени од различни учесници за 110 избирачки места, од кои врз основа на образложени докази усвои приговори за само 7 избирачки места за кои имаше правен основ, додека сите останати 103 избирачки места, беа одбиени како неосновани и за нив немаше поднесено тужби ниту еден учесник на изборите“, се вели во реакцијата. Видете и ова: Талат Џафери: Има обиди за изборен инжинеринг Државната изборна комисија наведува дека е неприфатливо да има нападите, притисоци и мешање на одредени политички партии и на поединци од техничката Влада во изборните процедури и во работата и одлучувањето на ДИК и на Управниот суд. Тие посочуваат дека за сето ова денеска на средба во ДИК била известена и амбасадорката на набљудувачката мисија на ОБСЕ-ОДИХР Џилијан Стирк. Премиерот на техничката Влада Талат Џафери вчера на прес-конференција соопшти дека имало договор за надгласување во Државната изборна комисија за прифаќање на одредени приговори за изборните резултати и прегласување и оти на ваков начин се прави обид за изборен инженеринг за менување на бројките во Собранието и изигрување на волјата на граѓаните. Изборниот процес кој беше оценет како кредибилен и демократски, сега е во рацете на Управниот суд, рече Џафери и повика сите институции да постапуваат согласно закон без партиски директиви од која било страна. Управниот суд вчера одржа јавна седница по тужба на Коалицијата „Вреди“ по одлуката на ДИК за одбивање на нивниот приговор за избирачко место 0511, во Долна Бањица во Општина Гостивар на Парламентарните избори 2024 година. Видете и ова: Ќе се прегласува во Желино, „Европски фронт“ со обвинувања дека ќе им бидат одземени пратеници Постапката беше прекината, откако претставникот на Коалицијата „Вреди“ изјави дека ја повлекува тужбата во целост. До Државната изборна комисија беа поднесени вкупно 27 приговори за парламентарните избори - девет од коалицијата „Влен“, осум од ВМРО-ДПМНЕ, пет од СДСМ и четири од Левица. Прифатени беа седум: шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Против одлуката на ДИК може да се поднесе тужба до Управниот суд, во рок од 24 часа од приемот на решението.Управниот суд, пак, по жалбата е должен да донесе одлука во рок од 48 часа по нејзиниот прием. мд/дма/ прочитај повеќе мај 17, 2024 Состојбата на словачкиот премиер Фицо „се уште многу сериозна“ Словачкиот премиер Роберт Фицо. Два дена по обидот за атентат, состојбата на словачкиот премиер Роберт Фицо на 17 мај „останува многу сериозна“, изјави неговиот заменик и близок соработник Роберт Калинак. Фицо беше хоспитализиран по пукањето во средата, коешто се случи додека 59-годишниот премиер на Словачка разговараше со граѓаните по состанокот во централниот град Хандлова. „Повторно беше опериран, имаше операција речиси два часа“, изјави за новинарите пред болницата во Банска Бистрица вицепремиерот Роберт Калинак. Фицо претходно имаше петчасовна операција набргу откако од местото на нападот беше пренесен во болница со хеликоптер. Директорот на болницата во Банска Бистрица рече дека Фицо останал „свесен“, иако е во „тешка“ состојба. Претходно, на 17 мај, локалните медиуми објавија дека словачката полиција извршила претрес во домот на мажот кој е обвинет за пукањето. Видете и ова: На словачкиот премиер Фицо ќе му биде извршена уште една операција Полициските службеници го донесоа наводниот вооружен напаѓач, кој носел панцир и шлем, во станот што го делел со неговата сопруга во западниот град Левице, беше прикажано во видео од телевизијата Маркиза. „Полицијата остана во станот неколку часа... Од станот таа изнесе компјутер и документи“, вели приватниот радиодифузер. Полицијата за АФП изјави дека нема да ја коментира тековната истрага. Полицијата не го именуваше осомничениот, но медиумите го идентификуваа како 71-годишниот писател Јурај Цинтулу. Тој во четвртокот беше обвинет за обид за убиство од прв степен во, како што велат властите, политички мотивиран напад. „Станува збор за „волк-самец“ кој се активирал по претседателските избори бидејќи не бил задоволен од нивниот исход“, изјави министерот за внатрешни работи Матус Сутај Есток. Видете и ова: Обид за атентат врз словачкиот премиер Фицо - нападот бил „политички мотивиран“ Нападот ги поттикна стравувањата од натамошно насилство и нестабилност во политички поларизираната земја, само неколку недели пред изборите за Европскиот парламент, пренесува АФП. Официјалните лица во Словачка ја повлекоа врската со политичката ситуација во земјата, со нејзината политичка сцена нарушена со дезинформации за време на неодамнешните изборни кампањи. Фицо, четирикратен премиер и политички ветеран, се врати на функцијата во октомври. Оттогаш тој даде серија изјави кои ги влошија врските меѓу Словачка и соседна Украина, откако го доведе во прашање суверенитетот на земјата. Откако тој беше избран, Словачка престана да испраќа оружје во Украина, која Русија ја нападна во 2022 година. прочитај повеќе мај 17, 2024 Палевски ќе биде спроведен на распит во Кривичниот суд Љупчо Палевски - Палчо, првоосомничен за убиството на Вања Ѓорчевска и Панче Жежовски. Основниот кривичен суд Скопје денеска доби официјално известување од Истражниот затвор Скопје за екстрадицијата на Љупчо Палевски, којшто е првоосомничен за случајот за убиството на 14-годишната Вања Ѓорчевска и велешкиот фризер Панче Жежовски (74). Палевски прво ќе биде спроведен до Кривичниот суд за да се изјасни за мерката притвор која му беше веќе определена, откако на 5 мај со авион беше екстрадиран од Турција во Северна Македонија. Од судот соопштуваат дека денеска добиле и известување и барање за ангажирање на адвокат кој ќе го застапува Палевски во текот на постапката. Според законите во Северна Македонија, судот ги издава сите дозволи поврзани со истражната постапка и ги доставува до предложените адвокати за нивно понатамошно постапување. „Дополнително, судија на претходна постапка во координација со надлежниот Јавен обвинител, ќе издаде наредба за спровод на осомниченото лице за негово произнесување во однос на околностите во предлогот на Јавниот обвинител за определување на мерката притвор, а за донесеното решение јавноста ќе биде известена“, се вели во соопштението од Основен кривичен суд Скопје. Видете и ова: Финишира истрагата за Палчо за убиството на 14-годишната Вања Истрагата за случајот, кој што го води Основното јавно обвинителство (ОЈО) Скопје, е во завршна фаза. Палевски повеќе од пет месеци помина во екстрадициски притвор во Турција, откако беше фатен од турската полиција. Палевски се гони за две грабнувања и две убиства на свиреп начин. Осомничени се и тројца соизвршители за овие дела, како и таткото на Вања Ѓорчевска кој се товари за помагање во грабнувањето на девојчето. За помагање во бегството, обвинителството сомничи уште едно лице. Истрагата на Обвинителството беше отворена на 3 декември, откако случајот притви Палевски и останатите осомничени беше отворен по пријавата за исчезнувањето на малолетната Вања на 27 ноември, утрото кога таа не се појави на училиште. Исчезнувањето со денови ја брануваше македонската, но и јавноста во регионот, а медиумите и социјалните мрежи беа преплавени со вести и апели се до 3 декември кога нејзиното тело беше пронајдено во околината на Скопје. Видете и ова: Љупчо Палевски – Палчо со авион екстрадиран во Северна Македонија Истиот ден беше кобен и за семејството на Панче Жежовски бидејќи полицијата соопшти дека неговото тело го пронашле во близина на Велес. Тој бил пријавен за исчезнат три дена пред Вања – на 24 ноември. Палевски беше во бегство во Турција, а избегал во таа земја преку Србија и Бугарија, избега во Турција. Турската полиција успеа да го фати кај градот Балибекир на 5 декември 2023 година. Тој на 15 мај годинава беше екстрадиран во Северна Македонија. Пред затворање на истрагата и поднесување на обвинение, Палевски треба да биде сослушан и во обвинителството. По евентуалното обвинение, тоа ќе оди на оценка во судот и ако добие зелено светло, ќе стартува судски процес. Во меѓувреме тој во притвор се чува под посебни безбедносни мерки. прочитај повеќе Вчитај повеќе...

Вести мај 17, 2024 Шпанија не дозволи брод со оружје за Израел да се закотви во Картагена илустрација Шпанија не дозволи брод што носи оружје за Израел да се закотви во југоисточното пристаниште Картагена, изјави синоќа министерот за надворешни работи Хозе Мануел Албарес. Тој потврди дека бродот „Мариана Даница“ (Marianne Danica) кој превезува оружје во Израел побарал дозвола да се закотви во Картагена на 21 мај. Албарес истакна дека забраната за шпанските пристаништа е во согласност со политиката на Мадрид да не го извезува своето оружје во Израел од почетокот на војната во Појасот Газа. Видете и ова: Продолжуваат нападите врз Газа, ОН и Западот го критикуваат планот на Израел за инвазија на Рафа „Одбивме да дадеме дозвола за закотвување и тоа ќе биде конзистентна политика со секој брод што превезува израелско оружје, а сака да се закотви во шпански пристаништа“, посочи Албарес. Шпанскиот весник „Ел Паис“ објави дека бродот превезува речиси 27 тони експлозивен материјал од Мадрас, Индија. прочитај повеќе види ги сите денешни вести мај 17, 2024 Напад во Авганистан - неколку убиени, меѓу нив и странски државјани Авганистанска провинција Бамијан. Вооружен напад се случил на 17 мај врз група на странски туристи во централната авганистанска провинција Бамијан. Извор од талибанските безбедносни сили за Радио Азана на Радио Слободна Европа изјави дека во нападот имало неколку мртви. Видете и ова: Во поплавите во Авганистан загинаа 315 луѓе Изворот, кој побара да остане анонимен, не го откри бројот на загинатите туристи или нивната националност. Амај њуз објави дека најмалку осум лица биле убиени. Меѓу жртвите во нападот биле и четворица странски државјани, но не беа дадени повеќе детали. прочитај повеќе мај 17, 2024 Србија досега добила 220 милиони евра од ЕУ за миграцијата и граничната контрола Илустративна фотографија. Од 2015 година, Европската унија (ЕУ) ѝ даде на Србија повеќе од 220 милиони евра помош во областа на миграцијата и управувањето со границите, изјави Никола Бертолини - шеф на Одделот за соработка на Делегацијата на ЕУ во Србија. На крајот од петдневната обука на граничарите во Суботица, Бертолини рече дека Србија усвоила стратегија за интегрирано гранично управување, соопшти Министерството за внатрешни работи (МВР). Тој додаде дека парите од Брисел биле испратени во Србија за поголема безбедност на границите и помош во борбата против нелегалните прекугранични активности, шверцот на оружје, експлозиви и наркотици. „Зголемувањето на капацитетот на граничните служби води и до поефикасно откривање на нерегуларна миграција, трговија со луѓе и криумчарење“, рече Бертолини. Видете и ова: Западен Балкан е важна транзитна зона за илегални миграции, покажа извештајот на ИОМ Тој посочи дека ЕУ планира да продолжи да ја поддржува Србија за спроведување на поефективен надзор и софистицирани гранични проверки, како и да обезбеди модерна опрема за таа цел. Тој потсети дека за зголемување на обемот на трговската, туризмот и културната размена потребни се поотворени граници, но истовремено и одржување на високо ниво на безбедност на границите. „Затоа сите гранични агенции треба да воспостават рамнотежа помеѓу строгите контроли и отворените граници“, рече Бертолини. Владата на Србија го усвои акциониот план на ЕУ за интегрирано гранично управување во 2022 година. Од почетокот на светската мигрантска криза во 2015 година, преку таканаречената балканска рута низ Србија поминале повеќе од еден и пол милион бегалци и мигранти, покажуваат податоците на надлежните органи на Обединетите нации (ОН). прочитај повеќе мај 17, 2024 Засилени безбедносни мерки во Шведска по пукање во близина на израелската амбасада Улицата Готгатан во Стокхолм, 14 април 2020 година. Илустративна фотографија Шведска ги засили безбедносните мерки во земјата по пукање во близина на израелската амбасада во Стокхолм, соопшти полицијата на 17 мај. Полицијата ја опколи областа околу амбасадата и изврши претреси во неколку населби во Стокхолм откако во раните утрински часови се слушнаа истрели. „Поради сомнителни пукотници во близина на израелската амбасада во Стокхолм, полицијата презема безбедносни мерки за заштита на имотот и интересите на Израел и Евреите низ целата земја“, соопшти полицискиот оддел на својата веб-страница. Видете и ова: Израел соопшти дека обвинувањата на Јужна Африка за геноцид се неосновани Амбасадорот на Израел во Шведска, Жив Нево Кулман, им се заблагодари на властите на мрежата X „за нивната итна реакција и истрага, како и за зголемените безбедносни мерки околу нашата амбасада и околу еврејските заедници“. Во февруари, полицијата на теренот на израелската амбасада пронајде уред за кој амбасадорот рече дека претставува обид за напад. Шведските разузнавачки служби отворија истрага за „тероризам“. Од нападот на Хамас врз јужен Израел на 7 октомври 2023 година, властите и некои невладини организации во многу земји пријавија пораст на антисемитизмот, додека високиот број цивилни жртви во Газа предизвикани од одговорот на Израел дополнително ги зголеми тензиите. прочитај повеќе мај 17, 2024 ЕУ забрани уште четири руски медиуми поради ширење пропаганда Европскиот парламент. Европската унија на 17 мај забрани емитување на програми на уште четири руски медиуми во ЕУ поради, како што се наведува, ширење пропаганда за инвазијата врз Украина и за дезинформации. Забраната за емитување се случува во пресрет на изборите за Европскиот парламент. Последната група на медиуми кои се забранети ги вклучуваат веб-страницата Глас Европа, руската државна новинска агенција РИА Новости, весниците Известија и Росискаја газета, за кои ЕУ тврди дека се под контрола на Кремљ. Официјалното соопштение за санкциите ја потврди одлуката на почетокот на неделава од страна на амбасадорите на 27-те земји-членки на блокот. „Овие медиуми се под постојана директна или индиректна контрола на раководството на Руската Федерација и беа од суштинско значење и инструменти во започнувањето и поддршката на руската агресорска војна против Украина и дестабилизацијата на нејзините соседни земји“, се вели во соопштението на ЕУ. Видете и ова: Русија ја предупреди ЕУ на остар одговор ако воведе ограничувања за руските медиуми Во соопштението се наведува дека овие медиуми конкретно ги таргетираат „европските политички партии, особено во изборните периоди“. Забраните ги опфаќаат „сите средства за пренос и дистрибуција во ЕУ или насочени кон земјите-членки на ЕУ“, но не ги спречуваат новинарите да работат во медиумите во Европската унија. Веќе минатиот месец, Белгија отвори истрага за сомнително руско мешање во јунските избори низ Европа, велејќи дека разузнавачката служба на нејзината земја го потврдила постоењето на мрежа која се обидува да ја поткопа поддршката за Украина. Чешката влада воведе санкции за голем број луѓе откако таму беше откриена операција на проруско влијание. Според наводите, тие им обраќале на членовите на Европскиот парламент и им понудиле пари за промовирање на руската пропаганда. Од почетокот на војната во февруари 2022 година, ЕУ веќе суспендираше неколку медиуми, вклучително и Русија денес (РТ) и Спутник. прочитај повеќе мај 17, 2024 ЕУ го истражува Мајкрософт за ризиците од вештачката интелигенција пред изборите Илустративна фотографија. Европската унија денеска (17 мај) му нареди на Мајкрософт да предаде внатрешни документи или дека пред изборите ќе се соочи со казни поврзани со ризиците од користење на вештачка интелигенција на својот пребарувач Бинг. ЕУ ја идентификуваше генеративната вештачка интелигенција како една од главните закани за изборите што ќе се одржат во ЕУ од 6 до 9 јуни. Во март, Брисел побара од Бинг, заедно со неколку големи дигитални платформи, вклучително Гугл, ТикТок и Јутуб, да обезбеди информации за активностите што ги презеле за да ги ублажат ризиците од користење на вештачка интелигенција. Но, Мајкрософт не одговори на барањето за повеќе детали за „специфичните ризици кои произлегуваат од функциите на генеративната вештачка интелигенција на Бинг, особено „Копилот во Бинг“ и „Креатор на слики од дизајнер“, соопшти Европската комисија. Американскиот технолошки гигант сега има рок до 27 мај да обезбеди „внатрешни документи и податоци“. Видете и ова: Тик-Ток објави дека ќе означува слики создадени од вештачка интелигенција Доколку Мајкрософт не го стори тоа, ЕУ може да изрече казни до еден процент од вкупниот годишен приход или глобалниот промет на компанијата, како и периодични казни до пет проценти од просечниот дневен приход или дневен промет во светот. Од минатата година, најголемите светски технолошки компании мораа да се усогласат со европскиот закон познат како Закон за дигитални услуги (DSA). Комисијата соопшти дека се сомнева дека „Бинг можеби ја прекршил DSA“ во делот поврзан со „ризиците поврзани со генеративната вештачка интелигенција“. Ова се однесува на можностите на вештачката интелигенција да обезбедува лажни информации и „вирално ширење на длабока лажна содржина“. Видете и ова: Колку и да се труди нема да не замени Мајкрософт соопшти дека е посветен на исполнување на барањата на комисијата. „Целосно соработуваме со Европската комисија во рамките на Доброволното барање за информации и остануваме посветени да одговориме на нивните прашања и да споделуваме информации за нашиот пристап кон дигиталната безбедност и усогласеноста со DSA“, рече портпаролот на Microsoft. Портпаролот рече дека Мајкрософт презел „чекори за мерење и ублажување на потенцијалните ризици“ на сите негови платформи. Мајкрософт инвестираше милијарди во OpenAI, главен играч во вештачката интелигенција, особено откако се појави четботот ChatGPT кон крајот на 2022 година. прочитај повеќе мај 17, 2024 Таравари најави договор за влада, Османи дополнителни механизми за заштита Изет Меџити и Арбен Таравари од коалицијата „Влен“. Градоначалникот на Гостивар Арбен Таравари денеска изјави дека очекува до крајот на идната недела да биде договор околу идната влада меѓу колицијата „Влен“ и ВМРО-ДПМНЕ. Откако „Вреди“ и ВМРО-ДПМНЕ формираа работни групи за формирање на владина коалиција по парламентарните избори на 8 мај, Таравари денекса изјави дека меѓу работните групи „владее позитивна атмосфера. „Се надевам дека до крајот на идната недела ќе имаме завршен договор со програма на Владата и со распределба на ресори, односно кој и каде ќе биде како министер“, рече Таравари. По гласањето на двојните избори на 8 мај, претседателски и парламентрани, ВМРО-ДПМНЕ освои најмногу (58) мандати. Во албанскиот политички блок, Коалицијата „Влен“ освои 13 мандати, што е 6 помалку од коалицијата „Европски фронт“ која освои 19. Видете и ова: Управен суд ја одби тужбата на „Европскиот фронт“ за решението на ДИК за избирачкото место во Крушево Но, ВМРО-ДПМНЕ и Влен се во преговори за состав на идната влада. Таравари рече дека со Христијан Мицкоски досега имале две средби, а дека понатаму интензивно работат работните групи. „Се надевам до понеделник ќе излеземе со заедничка програма, а до петок ќе имаме завршен договор меѓу ВЛЕН и ВМРО-ДПМНЕ, практично договор за нова влада“, изјави Таравари. Потпретседателот на ДУИ Бујар Османи, чија партија е дел од коалицијата „Европски фронт“, денеска рече дека ако се прави владина коалиција без нивната партија, дека „тоа ќе ги разгневи сите Албанци кои ценат дека нивните гласови ќе бидат ништовни и потоа ќе бараат дополнителен механизам за заштита“, изјави Османи за приватната телевизија „Канал 5“. „ДУИ е во постојано заседание, емоциите кај албанскиот народ се веќе вжештени и ние повеќе се обидуваме да менаџираме и да контролираме. Ќе сметаат дека Охридскиот рамковен договор не ги заштитува, не го заштитува нивниот глас, нивниот глас се игнорира, е ништовен за државата и дека ќе бараат дополнителен механизам за заштита“, рече Османи. прочитај повеќе мај 17, 2024 Управен суд ја одби тужбата на „Европскиот фронт“ за решението на ДИК за избирачкото место во Крушево Управен суд Скопје Управниот суд ja одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија" за избирачкото место 1194 во Општина Крушево на Парламентарните избори одржани на 8 мај 2024 година. Според Изборниот законик, доколку одлуката за прегласување во тоа избирачко место влијае на конечните изборни резултати, ДИК треба да спроведе повторено гласање 14 ден од Парламентарните избори кои беа одржани на 8 мај. Повтореното гласање според тоа треба да биде на 22 мај. Претходно денеска во текот на расправата, застапникот на тужителот, Коалицијата „Европски фронт“, Ејуп Рустеми, посочи дека се оспорува решението на ДИК за прифаќање на приговорот за поништувње на гласањето на ИМ 1194 на Коалицијата „Твоја Македонија". „Решението на ДИК е нејасно. Сумираниот износ на искористени гласачки ливчиња е нејасно како ДИК дошле до збирот од 377 гласачи, без притоа да се земе предвид бројот од 359 потпишани гласачи во избирачкиот список. Бројот од 17 болни и изнемоштени не треба да се додава во дел IV од записникот, бидејќи тие се веќе вброени во статистичкиот податок и се добива дупла бројка. Според Изборниот законик погрешно пополнување на записник не е основ за поништување на гласањето“, изјави Рустеми. Видете и ова: Загриженост во ДИК поради изјави на политичари по приговорите за изборите Дополнително, посочи Рустеми, во записникот нема заведено забелешки за евентуални неправилности. Претставникот на ДИК, Катерина Василевска нагласи дека остануваат во целост на наводите од решението и одговорот на тужбата и предлагаат таа да се одбие како неоснована. „ДИК постапи во законскиот рок и донесе одлука. По увидот во целосниот изборен материјал ДИК утврди дека бројот на идентификувани гласачи не се совпаѓа со бројот на потпишани гласачи во избирачкиот список и не соодветствува со бројот на искористени гласачки ливчиња на гласачкото место“, нагласи Василевска. Управниот суд пресудата ќе ја објави за два часа. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите се оформени предмети и закажани во текот на денешниот ден. Видете и ова: Талат Џафери: Има обиди за изборен инжинеринг ДИК на 104 седница ги разгледа приговорите поднесени од политичките партии по одржувањето на парламентарните избори на 8 мај. Од вкупно 27 поднесени приговори - девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. прочитај повеќе мај 17, 2024 Загриженост во ДИК поради изјави на политичари по приговорите за изборите Александар Даштевски - претседател на Државната изборна комисија (ДИК) . Претседателот на Државната изборна комисија (ДИК) Александар Даштевски и членовите на ДИК и уште неколку членови денеска изразија загриженост дека политички партии и високи владини функционери давале изјави за работата на ДИК за постапувањето по приговорите за парламентарните избори, кои според нив можат да бидат закана за нивната безбедност. Во денешносто соопштение на ДИК, освен Даштевски, загриженост изразуваат и членовите на ДИК Радица Ристеска, Оливер Ристовски, Борис Кондарко, Бобан Стојаноски и Абдуш Демири. „Ве известуваме дека покрај тоа што сме лично понижувани и навредувани, исто така како членови во највисоката институција за организирање и спроведување на изборите, сме изложени и на неосновани и непримерени јавни политички притисоци и на закани за кривична одговорност поради донесените одлуки на ДИК“, се вели во реакцијата. Тие велат дека според „контекстот и интензитетот на нападите, прозивките и навредите“ загрижени се и дека е можно тие да преминат и во лични напади на нивната сигурност. „Ве известуваме дека ДИК во целост професионално, транспаретно и само врз основа на закон ги спроведе изборите што е потврдено од сите домашни и меѓународни фактори. Исто така и покрај сите непријатности кои ги имаме, сепак со највисок степен на интегритет врз основа на јавна проверка на изборниот материјал ДИК ги утврди фактите и одлучуваше по приговори поднесени од различни учесници за 110 избирачки места, од кои врз основа на образложени докази усвои приговори за само 7 избирачки места за кои имаше правен основ, додека сите останати 103 избирачки места, беа одбиени како неосновани и за нив немаше поднесено тужби ниту еден учесник на изборите“, се вели во реакцијата. Видете и ова: Талат Џафери: Има обиди за изборен инжинеринг Државната изборна комисија наведува дека е неприфатливо да има нападите, притисоци и мешање на одредени политички партии и на поединци од техничката Влада во изборните процедури и во работата и одлучувањето на ДИК и на Управниот суд. Тие посочуваат дека за сето ова денеска на средба во ДИК била известена и амбасадорката на набљудувачката мисија на ОБСЕ-ОДИХР Џилијан Стирк. Премиерот на техничката Влада Талат Џафери вчера на прес-конференција соопшти дека имало договор за надгласување во Државната изборна комисија за прифаќање на одредени приговори за изборните резултати и прегласување и оти на ваков начин се прави обид за изборен инженеринг за менување на бројките во Собранието и изигрување на волјата на граѓаните. Изборниот процес кој беше оценет како кредибилен и демократски, сега е во рацете на Управниот суд, рече Џафери и повика сите институции да постапуваат согласно закон без партиски директиви од која било страна. Управниот суд вчера одржа јавна седница по тужба на Коалицијата „Вреди“ по одлуката на ДИК за одбивање на нивниот приговор за избирачко место 0511, во Долна Бањица во Општина Гостивар на Парламентарните избори 2024 година. Видете и ова: Ќе се прегласува во Желино, „Европски фронт“ со обвинувања дека ќе им бидат одземени пратеници Постапката беше прекината, откако претставникот на Коалицијата „Вреди“ изјави дека ја повлекува тужбата во целост. До Државната изборна комисија беа поднесени вкупно 27 приговори за парламентарните избори - девет од коалицијата „Влен“, осум од ВМРО-ДПМНЕ, пет од СДСМ и четири од Левица. Прифатени беа седум: шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Против одлуката на ДИК може да се поднесе тужба до Управниот суд, во рок од 24 часа од приемот на решението.Управниот суд, пак, по жалбата е должен да донесе одлука во рок од 48 часа по нејзиниот прием. мд/дма/ прочитај повеќе мај 17, 2024 Состојбата на словачкиот премиер Фицо „се уште многу сериозна“ Словачкиот премиер Роберт Фицо. Два дена по обидот за атентат, состојбата на словачкиот премиер Роберт Фицо на 17 мај „останува многу сериозна“, изјави неговиот заменик и близок соработник Роберт Калинак. Фицо беше хоспитализиран по пукањето во средата, коешто се случи додека 59-годишниот премиер на Словачка разговараше со граѓаните по состанокот во централниот град Хандлова. „Повторно беше опериран, имаше операција речиси два часа“, изјави за новинарите пред болницата во Банска Бистрица вицепремиерот Роберт Калинак. Фицо претходно имаше петчасовна операција набргу откако од местото на нападот беше пренесен во болница со хеликоптер. Директорот на болницата во Банска Бистрица рече дека Фицо останал „свесен“, иако е во „тешка“ состојба. Претходно, на 17 мај, локалните медиуми објавија дека словачката полиција извршила претрес во домот на мажот кој е обвинет за пукањето. Видете и ова: На словачкиот премиер Фицо ќе му биде извршена уште една операција Полициските службеници го донесоа наводниот вооружен напаѓач, кој носел панцир и шлем, во станот што го делел со неговата сопруга во западниот град Левице, беше прикажано во видео од телевизијата Маркиза. „Полицијата остана во станот неколку часа... Од станот таа изнесе компјутер и документи“, вели приватниот радиодифузер. Полицијата за АФП изјави дека нема да ја коментира тековната истрага. Полицијата не го именуваше осомничениот, но медиумите го идентификуваа како 71-годишниот писател Јурај Цинтулу. Тој во четвртокот беше обвинет за обид за убиство од прв степен во, како што велат властите, политички мотивиран напад. „Станува збор за „волк-самец“ кој се активирал по претседателските избори бидејќи не бил задоволен од нивниот исход“, изјави министерот за внатрешни работи Матус Сутај Есток. Видете и ова: Обид за атентат врз словачкиот премиер Фицо - нападот бил „политички мотивиран“ Нападот ги поттикна стравувањата од натамошно насилство и нестабилност во политички поларизираната земја, само неколку недели пред изборите за Европскиот парламент, пренесува АФП. Официјалните лица во Словачка ја повлекоа врската со политичката ситуација во земјата, со нејзината политичка сцена нарушена со дезинформации за време на неодамнешните изборни кампањи. Фицо, четирикратен премиер и политички ветеран, се врати на функцијата во октомври. Оттогаш тој даде серија изјави кои ги влошија врските меѓу Словачка и соседна Украина, откако го доведе во прашање суверенитетот на земјата. Откако тој беше избран, Словачка престана да испраќа оружје во Украина, која Русија ја нападна во 2022 година. прочитај повеќе мај 17, 2024 Палевски ќе биде спроведен на распит во Кривичниот суд Љупчо Палевски - Палчо, првоосомничен за убиството на Вања Ѓорчевска и Панче Жежовски. Основниот кривичен суд Скопје денеска доби официјално известување од Истражниот затвор Скопје за екстрадицијата на Љупчо Палевски, којшто е првоосомничен за случајот за убиството на 14-годишната Вања Ѓорчевска и велешкиот фризер Панче Жежовски (74). Палевски прво ќе биде спроведен до Кривичниот суд за да се изјасни за мерката притвор која му беше веќе определена, откако на 5 мај со авион беше екстрадиран од Турција во Северна Македонија. Од судот соопштуваат дека денеска добиле и известување и барање за ангажирање на адвокат кој ќе го застапува Палевски во текот на постапката. Според законите во Северна Македонија, судот ги издава сите дозволи поврзани со истражната постапка и ги доставува до предложените адвокати за нивно понатамошно постапување. „Дополнително, судија на претходна постапка во координација со надлежниот Јавен обвинител, ќе издаде наредба за спровод на осомниченото лице за негово произнесување во однос на околностите во предлогот на Јавниот обвинител за определување на мерката притвор, а за донесеното решение јавноста ќе биде известена“, се вели во соопштението од Основен кривичен суд Скопје. Видете и ова: Финишира истрагата за Палчо за убиството на 14-годишната Вања Истрагата за случајот, кој што го води Основното јавно обвинителство (ОЈО) Скопје, е во завршна фаза. Палевски повеќе од пет месеци помина во екстрадициски притвор во Турција, откако беше фатен од турската полиција. Палевски се гони за две грабнувања и две убиства на свиреп начин. Осомничени се и тројца соизвршители за овие дела, како и таткото на Вања Ѓорчевска кој се товари за помагање во грабнувањето на девојчето. За помагање во бегството, обвинителството сомничи уште едно лице. Истрагата на Обвинителството беше отворена на 3 декември, откако случајот притви Палевски и останатите осомничени беше отворен по пријавата за исчезнувањето на малолетната Вања на 27 ноември, утрото кога таа не се појави на училиште. Исчезнувањето со денови ја брануваше македонската, но и јавноста во регионот, а медиумите и социјалните мрежи беа преплавени со вести и апели се до 3 декември кога нејзиното тело беше пронајдено во околината на Скопје. Видете и ова: Љупчо Палевски – Палчо со авион екстрадиран во Северна Македонија Истиот ден беше кобен и за семејството на Панче Жежовски бидејќи полицијата соопшти дека неговото тело го пронашле во близина на Велес. Тој бил пријавен за исчезнат три дена пред Вања – на 24 ноември. Палевски беше во бегство во Турција, а избегал во таа земја преку Србија и Бугарија, избега во Турција. Турската полиција успеа да го фати кај градот Балибекир на 5 декември 2023 година. Тој на 15 мај годинава беше екстрадиран во Северна Македонија. Пред затворање на истрагата и поднесување на обвинение, Палевски треба да биде сослушан и во обвинителството. По евентуалното обвинение, тоа ќе оди на оценка во судот и ако добие зелено светло, ќе стартува судски процес. Во меѓувреме тој во притвор се чува под посебни безбедносни мерки. прочитај повеќе Вчитај повеќе...

Вести мај 16, 2024 Новата влада ќе го репреговара договорот со „Бехтел и Енка“ Означување на почетокот на изградбата на автопатиштата од Коридорите 8 и 10д што ги градат „Бехтел и Енка“ За договорот со „Бехтел и Енка“ има две опции - да се раскине или да се репреговара. Едната е да се раскине договорот и да се оди на арбитража, да платиме стотици милиони евра и да немаме автопат, а втората е да се оптимизира договорот за што веќе имаме почетни разговори, со што би се забрзал и реализирал проектот, изјави Христијан Мицкоски, иден мандатар и претседател на ВМРО-ДПМНЕ, на 16 мај. „Ние сме повеќе за прагматичниот пристап, граѓаните да добијат автопат, но оптимиран, но ваков каков што е, потпишан од оваа влада, за жал, е во одерена мерка неприменлив поради големите правни проблеми, проблеми со експропријација и технички проблеми. Мојата порака е дека како идна влада сакаме да градиме, а не да рушиме“ рече Мицкоски. Видете и ова: Уставен суд не поведе постапка за прекувремените работни часови на автопатите со „Бехтел и Енка“ Тој најави и дека во првите сто дена новата влада ќе објави гринфилд инвестиција во енергетиката, вредна 400 - 500 милиони евра. Мицкоски кажа дека станува збор за приватен капитал, „за голем играч со исклучително големи европски финансиски институции во акционерската структура“. Обртот на компанијата би била околу 80 - 100 милиони евра по основа на продадена електрична енергија и истргувани зелени сертификати, а договорот со неа е завршен. Според Мицкоски, ќе се произведува околу еден терават час електрична енергија што е една третина од производството на РЕК Битола. На прашањето дали Унгарија е земјата со која Северна Македонија ќе повлече заем до една милијарда евра, Мицкоски одговори дека се работи за европска држава, која граѓаните многу наскоро ќе ја дознаат. „Заемот до една милијарда евра под исклучително поволни услови, кој би се повлекол со друга држава, на ниво влада со влада, за финансирање на лошите договори на актуелната влада, државите кои ги спомнуваа не се тие“, рече Мицкоски. Проектот за градба на делниците од коридорите 8 и 10Д вклучува седум клучки, 34 мостови, 34 надвозници, 24 подвозници, над 21 милион метри кубни ископ, над 10 милиони метри кубни земјени насипи, 620.000 метри кубни бетон, 2,2 милиони метри куби подлога, 1,1 милион тони асфалт над 6000 и 320 км заштитна ограда. прочитај повеќе види ги сите денешни вести мај 17, 2024 Србија досега добила 220 милиони евра од ЕУ за миграцијата и граничната контрола Илустративна фотографија. Од 2015 година, Европската унија (ЕУ) ѝ даде на Србија повеќе од 220 милиони евра помош во областа на миграцијата и управувањето со границите, изјави Никола Бертолини - шеф на Одделот за соработка на Делегацијата на ЕУ во Србија. На крајот од петдневната обука на граничарите во Суботица, Бертолини рече дека Србија усвоила стратегија за интегрирано гранично управување, соопшти Министерството за внатрешни работи (МВР). Тој додаде дека парите од Брисел биле испратени во Србија за поголема безбедност на границите и помош во борбата против нелегалните прекугранични активности, шверцот на оружје, експлозиви и наркотици. „Зголемувањето на капацитетот на граничните служби води и до поефикасно откривање на нерегуларна миграција, трговија со луѓе и криумчарење“, рече Бертолини. Видете и ова: Западен Балкан е важна транзитна зона за илегални миграции, покажа извештајот на ИОМ Тој посочи дека ЕУ планира да продолжи да ја поддржува Србија за спроведување на поефективен надзор и софистицирани гранични проверки, како и да обезбеди модерна опрема за таа цел. Тој потсети дека за зголемување на обемот на трговската, туризмот и културната размена потребни се поотворени граници, но истовремено и одржување на високо ниво на безбедност на границите. „Затоа сите гранични агенции треба да воспостават рамнотежа помеѓу строгите контроли и отворените граници“, рече Бертолини. Владата на Србија го усвои акциониот план на ЕУ за интегрирано гранично управување во 2022 година. Од почетокот на светската мигрантска криза во 2015 година, преку таканаречената балканска рута низ Србија поминале повеќе од еден и пол милион бегалци и мигранти, покажуваат податоците на надлежните органи на Обединетите нации (ОН). прочитај повеќе мај 17, 2024 Засилени безбедносни мерки во Шведска по пукање во близина на израелската амбасада Улицата Готгатан во Стокхолм, 14 април 2020 година. Илустративна фотографија Шведска ги засили безбедносните мерки во земјата по пукање во близина на израелската амбасада во Стокхолм, соопшти полицијата на 17 мај. Полицијата ја опколи областа околу амбасадата и изврши претреси во неколку населби во Стокхолм откако во раните утрински часови се слушнаа истрели. „Поради сомнителни пукотници во близина на израелската амбасада во Стокхолм, полицијата презема безбедносни мерки за заштита на имотот и интересите на Израел и Евреите низ целата земја“, соопшти полицискиот оддел на својата веб-страница. Видете и ова: Израел соопшти дека обвинувањата на Јужна Африка за геноцид се неосновани Амбасадорот на Израел во Шведска, Жив Нево Кулман, им се заблагодари на властите на мрежата X „за нивната итна реакција и истрага, како и за зголемените безбедносни мерки околу нашата амбасада и околу еврејските заедници“. Во февруари, полицијата на теренот на израелската амбасада пронајде уред за кој амбасадорот рече дека претставува обид за напад. Шведските разузнавачки служби отворија истрага за „тероризам“. Од нападот на Хамас врз јужен Израел на 7 октомври 2023 година, властите и некои невладини организации во многу земји пријавија пораст на антисемитизмот, додека високиот број цивилни жртви во Газа предизвикани од одговорот на Израел дополнително ги зголеми тензиите. прочитај повеќе мај 17, 2024 ЕУ забрани уште четири руски медиуми поради ширење пропаганда Европскиот парламент. Европската унија на 17 мај забрани емитување на програми на уште четири руски медиуми во ЕУ поради, како што се наведува, ширење пропаганда за инвазијата врз Украина и за дезинформации. Забраната за емитување се случува во пресрет на изборите за Европскиот парламент. Последната група на медиуми кои се забранети ги вклучуваат веб-страницата Глас Европа, руската државна новинска агенција РИА Новости, весниците Известија и Росискаја газета, за кои ЕУ тврди дека се под контрола на Кремљ. Официјалното соопштение за санкциите ја потврди одлуката на почетокот на неделава од страна на амбасадорите на 27-те земји-членки на блокот. „Овие медиуми се под постојана директна или индиректна контрола на раководството на Руската Федерација и беа од суштинско значење и инструменти во започнувањето и поддршката на руската агресорска војна против Украина и дестабилизацијата на нејзините соседни земји“, се вели во соопштението на ЕУ. Видете и ова: Русија ја предупреди ЕУ на остар одговор ако воведе ограничувања за руските медиуми Во соопштението се наведува дека овие медиуми конкретно ги таргетираат „европските политички партии, особено во изборните периоди“. Забраните ги опфаќаат „сите средства за пренос и дистрибуција во ЕУ или насочени кон земјите-членки на ЕУ“, но не ги спречуваат новинарите да работат во медиумите во Европската унија. Веќе минатиот месец, Белгија отвори истрага за сомнително руско мешање во јунските избори низ Европа, велејќи дека разузнавачката служба на нејзината земја го потврдила постоењето на мрежа која се обидува да ја поткопа поддршката за Украина. Чешката влада воведе санкции за голем број луѓе откако таму беше откриена операција на проруско влијание. Според наводите, тие им обраќале на членовите на Европскиот парламент и им понудиле пари за промовирање на руската пропаганда. Од почетокот на војната во февруари 2022 година, ЕУ веќе суспендираше неколку медиуми, вклучително и Русија денес (РТ) и Спутник. прочитај повеќе мај 17, 2024 ЕУ го истражува Мајкрософт за ризиците од вештачката интелигенција пред изборите Илустративна фотографија. Европската унија денеска (17 мај) му нареди на Мајкрософт да предаде внатрешни документи или дека пред изборите ќе се соочи со казни поврзани со ризиците од користење на вештачка интелигенција на својот пребарувач Бинг. ЕУ ја идентификуваше генеративната вештачка интелигенција како една од главните закани за изборите што ќе се одржат во ЕУ од 6 до 9 јуни. Во март, Брисел побара од Бинг, заедно со неколку големи дигитални платформи, вклучително Гугл, ТикТок и Јутуб, да обезбеди информации за активностите што ги презеле за да ги ублажат ризиците од користење на вештачка интелигенција. Но, Мајкрософт не одговори на барањето за повеќе детали за „специфичните ризици кои произлегуваат од функциите на генеративната вештачка интелигенција на Бинг, особено „Копилот во Бинг“ и „Креатор на слики од дизајнер“, соопшти Европската комисија. Американскиот технолошки гигант сега има рок до 27 мај да обезбеди „внатрешни документи и податоци“. Видете и ова: Тик-Ток објави дека ќе означува слики создадени од вештачка интелигенција Доколку Мајкрософт не го стори тоа, ЕУ може да изрече казни до еден процент од вкупниот годишен приход или глобалниот промет на компанијата, како и периодични казни до пет проценти од просечниот дневен приход или дневен промет во светот. Од минатата година, најголемите светски технолошки компании мораа да се усогласат со европскиот закон познат како Закон за дигитални услуги (DSA). Комисијата соопшти дека се сомнева дека „Бинг можеби ја прекршил DSA“ во делот поврзан со „ризиците поврзани со генеративната вештачка интелигенција“. Ова се однесува на можностите на вештачката интелигенција да обезбедува лажни информации и „вирално ширење на длабока лажна содржина“. Видете и ова: Колку и да се труди нема да не замени Мајкрософт соопшти дека е посветен на исполнување на барањата на комисијата. „Целосно соработуваме со Европската комисија во рамките на Доброволното барање за информации и остануваме посветени да одговориме на нивните прашања и да споделуваме информации за нашиот пристап кон дигиталната безбедност и усогласеноста со DSA“, рече портпаролот на Microsoft. Портпаролот рече дека Мајкрософт презел „чекори за мерење и ублажување на потенцијалните ризици“ на сите негови платформи. Мајкрософт инвестираше милијарди во OpenAI, главен играч во вештачката интелигенција, особено откако се појави четботот ChatGPT кон крајот на 2022 година. прочитај повеќе мај 17, 2024 Таравари најави договор за влада, Османи дополнителни механизми за заштита Изет Меџити и Арбен Таравари од коалицијата „Влен“. Градоначалникот на Гостивар Арбен Таравари денеска изјави дека очекува до крајот на идната недела да биде договор околу идната влада меѓу колицијата „Влен“ и ВМРО-ДПМНЕ. Откако „Вреди“ и ВМРО-ДПМНЕ формираа работни групи за формирање на владина коалиција по парламентарните избори на 8 мај, Таравари денекса изјави дека меѓу работните групи „владее позитивна атмосфера. „Се надевам дека до крајот на идната недела ќе имаме завршен договор со програма на Владата и со распределба на ресори, односно кој и каде ќе биде како министер“, рече Таравари. По гласањето на двојните избори на 8 мај, претседателски и парламентрани, ВМРО-ДПМНЕ освои најмногу (58) мандати. Во албанскиот политички блок, Коалицијата „Влен“ освои 13 мандати, што е 6 помалку од коалицијата „Европски фронт“ која освои 19. Видете и ова: Управен суд ја одби тужбата на „Европскиот фронт“ за решението на ДИК за избирачкото место во Крушево Но, ВМРО-ДПМНЕ и Влен се во преговори за состав на идната влада. Таравари рече дека со Христијан Мицкоски досега имале две средби, а дека понатаму интензивно работат работните групи. „Се надевам до понеделник ќе излеземе со заедничка програма, а до петок ќе имаме завршен договор меѓу ВЛЕН и ВМРО-ДПМНЕ, практично договор за нова влада“, изјави Таравари. Потпретседателот на ДУИ Бујар Османи, чија партија е дел од коалицијата „Европски фронт“, денеска рече дека ако се прави владина коалиција без нивната партија, дека „тоа ќе ги разгневи сите Албанци кои ценат дека нивните гласови ќе бидат ништовни и потоа ќе бараат дополнителен механизам за заштита“, изјави Османи за приватната телевизија „Канал 5“. „ДУИ е во постојано заседание, емоциите кај албанскиот народ се веќе вжештени и ние повеќе се обидуваме да менаџираме и да контролираме. Ќе сметаат дека Охридскиот рамковен договор не ги заштитува, не го заштитува нивниот глас, нивниот глас се игнорира, е ништовен за државата и дека ќе бараат дополнителен механизам за заштита“, рече Османи. прочитај повеќе мај 17, 2024 Управен суд ја одби тужбата на „Европскиот фронт“ за решението на ДИК за избирачкото место во Крушево Управен суд Скопје Управниот суд ja одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија" за избирачкото место 1194 во Општина Крушево на Парламентарните избори одржани на 8 мај 2024 година. Според Изборниот законик, доколку одлуката за прегласување во тоа избирачко место влијае на конечните изборни резултати, ДИК треба да спроведе повторено гласање 14 ден од Парламентарните избори кои беа одржани на 8 мај. Повтореното гласање според тоа треба да биде на 22 мај. Претходно денеска во текот на расправата, застапникот на тужителот, Коалицијата „Европски фронт“, Ејуп Рустеми, посочи дека се оспорува решението на ДИК за прифаќање на приговорот за поништувње на гласањето на ИМ 1194 на Коалицијата „Твоја Македонија". „Решението на ДИК е нејасно. Сумираниот износ на искористени гласачки ливчиња е нејасно како ДИК дошле до збирот од 377 гласачи, без притоа да се земе предвид бројот од 359 потпишани гласачи во избирачкиот список. Бројот од 17 болни и изнемоштени не треба да се додава во дел IV од записникот, бидејќи тие се веќе вброени во статистичкиот податок и се добива дупла бројка. Според Изборниот законик погрешно пополнување на записник не е основ за поништување на гласањето“, изјави Рустеми. Видете и ова: Загриженост во ДИК поради изјави на политичари по приговорите за изборите Дополнително, посочи Рустеми, во записникот нема заведено забелешки за евентуални неправилности. Претставникот на ДИК, Катерина Василевска нагласи дека остануваат во целост на наводите од решението и одговорот на тужбата и предлагаат таа да се одбие како неоснована. „ДИК постапи во законскиот рок и донесе одлука. По увидот во целосниот изборен материјал ДИК утврди дека бројот на идентификувани гласачи не се совпаѓа со бројот на потпишани гласачи во избирачкиот список и не соодветствува со бројот на искористени гласачки ливчиња на гласачкото место“, нагласи Василевска. Управниот суд пресудата ќе ја објави за два часа. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите се оформени предмети и закажани во текот на денешниот ден. Видете и ова: Талат Џафери: Има обиди за изборен инжинеринг ДИК на 104 седница ги разгледа приговорите поднесени од политичките партии по одржувањето на парламентарните избори на 8 мај. Од вкупно 27 поднесени приговори - девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. прочитај повеќе мај 17, 2024 Загриженост во ДИК поради изјави на политичари по приговорите за изборите Александар Даштевски - претседател на Државната изборна комисија (ДИК) . Претседателот на Државната изборна комисија (ДИК) Александар Даштевски и членовите на ДИК и уште неколку членови денеска изразија загриженост дека политички партии и високи владини функционери давале изјави за работата на ДИК за постапувањето по приговорите за парламентарните избори, кои според нив можат да бидат закана за нивната безбедност. Во денешносто соопштение на ДИК, освен Даштевски, загриженост изразуваат и членовите на ДИК Радица Ристеска, Оливер Ристовски, Борис Кондарко, Бобан Стојаноски и Абдуш Демири. „Ве известуваме дека покрај тоа што сме лично понижувани и навредувани, исто така како членови во највисоката институција за организирање и спроведување на изборите, сме изложени и на неосновани и непримерени јавни политички притисоци и на закани за кривична одговорност поради донесените одлуки на ДИК“, се вели во реакцијата. Тие велат дека според „контекстот и интензитетот на нападите, прозивките и навредите“ загрижени се и дека е можно тие да преминат и во лични напади на нивната сигурност. „Ве известуваме дека ДИК во целост професионално, транспаретно и само врз основа на закон ги спроведе изборите што е потврдено од сите домашни и меѓународни фактори. Исто така и покрај сите непријатности кои ги имаме, сепак со највисок степен на интегритет врз основа на јавна проверка на изборниот материјал ДИК ги утврди фактите и одлучуваше по приговори поднесени од различни учесници за 110 избирачки места, од кои врз основа на образложени докази усвои приговори за само 7 избирачки места за кои имаше правен основ, додека сите останати 103 избирачки места, беа одбиени како неосновани и за нив немаше поднесено тужби ниту еден учесник на изборите“, се вели во реакцијата. Видете и ова: Талат Џафери: Има обиди за изборен инжинеринг Државната изборна комисија наведува дека е неприфатливо да има нападите, притисоци и мешање на одредени политички партии и на поединци од техничката Влада во изборните процедури и во работата и одлучувањето на ДИК и на Управниот суд. Тие посочуваат дека за сето ова денеска на средба во ДИК била известена и амбасадорката на набљудувачката мисија на ОБСЕ-ОДИХР Џилијан Стирк. Премиерот на техничката Влада Талат Џафери вчера на прес-конференција соопшти дека имало договор за надгласување во Државната изборна комисија за прифаќање на одредени приговори за изборните резултати и прегласување и оти на ваков начин се прави обид за изборен инженеринг за менување на бројките во Собранието и изигрување на волјата на граѓаните. Изборниот процес кој беше оценет како кредибилен и демократски, сега е во рацете на Управниот суд, рече Џафери и повика сите институции да постапуваат согласно закон без партиски директиви од која било страна. Управниот суд вчера одржа јавна седница по тужба на Коалицијата „Вреди“ по одлуката на ДИК за одбивање на нивниот приговор за избирачко место 0511, во Долна Бањица во Општина Гостивар на Парламентарните избори 2024 година. Видете и ова: Ќе се прегласува во Желино, „Европски фронт“ со обвинувања дека ќе им бидат одземени пратеници Постапката беше прекината, откако претставникот на Коалицијата „Вреди“ изјави дека ја повлекува тужбата во целост. До Државната изборна комисија беа поднесени вкупно 27 приговори за парламентарните избори - девет од коалицијата „Влен“, осум од ВМРО-ДПМНЕ, пет од СДСМ и четири од Левица. Прифатени беа седум: шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Против одлуката на ДИК може да се поднесе тужба до Управниот суд, во рок од 24 часа од приемот на решението.Управниот суд, пак, по жалбата е должен да донесе одлука во рок од 48 часа по нејзиниот прием. мд/дма/ прочитај повеќе мај 17, 2024 Состојбата на словачкиот премиер Фицо „се уште многу сериозна“ Словачкиот премиер Роберт Фицо. Два дена по обидот за атентат, состојбата на словачкиот премиер Роберт Фицо на 17 мај „останува многу сериозна“, изјави неговиот заменик и близок соработник Роберт Калинак. Фицо беше хоспитализиран по пукањето во средата, коешто се случи додека 59-годишниот премиер на Словачка разговараше со граѓаните по состанокот во централниот град Хандлова. „Повторно беше опериран, имаше операција речиси два часа“, изјави за новинарите пред болницата во Банска Бистрица вицепремиерот Роберт Калинак. Фицо претходно имаше петчасовна операција набргу откако од местото на нападот беше пренесен во болница со хеликоптер. Директорот на болницата во Банска Бистрица рече дека Фицо останал „свесен“, иако е во „тешка“ состојба. Претходно, на 17 мај, локалните медиуми објавија дека словачката полиција извршила претрес во домот на мажот кој е обвинет за пукањето. Видете и ова: На словачкиот премиер Фицо ќе му биде извршена уште една операција Полициските службеници го донесоа наводниот вооружен напаѓач, кој носел панцир и шлем, во станот што го делел со неговата сопруга во западниот град Левице, беше прикажано во видео од телевизијата Маркиза. „Полицијата остана во станот неколку часа... Од станот таа изнесе компјутер и документи“, вели приватниот радиодифузер. Полицијата за АФП изјави дека нема да ја коментира тековната истрага. Полицијата не го именуваше осомничениот, но медиумите го идентификуваа како 71-годишниот писател Јурај Цинтулу. Тој во четвртокот беше обвинет за обид за убиство од прв степен во, како што велат властите, политички мотивиран напад. „Станува збор за „волк-самец“ кој се активирал по претседателските избори бидејќи не бил задоволен од нивниот исход“, изјави министерот за внатрешни работи Матус Сутај Есток. Видете и ова: Обид за атентат врз словачкиот премиер Фицо - нападот бил „политички мотивиран“ Нападот ги поттикна стравувањата од натамошно насилство и нестабилност во политички поларизираната земја, само неколку недели пред изборите за Европскиот парламент, пренесува АФП. Официјалните лица во Словачка ја повлекоа врската со политичката ситуација во земјата, со нејзината политичка сцена нарушена со дезинформации за време на неодамнешните изборни кампањи. Фицо, четирикратен премиер и политички ветеран, се врати на функцијата во октомври. Оттогаш тој даде серија изјави кои ги влошија врските меѓу Словачка и соседна Украина, откако го доведе во прашање суверенитетот на земјата. Откако тој беше избран, Словачка престана да испраќа оружје во Украина, која Русија ја нападна во 2022 година. прочитај повеќе мај 17, 2024 Палевски ќе биде спроведен на распит во Кривичниот суд Љупчо Палевски - Палчо, првоосомничен за убиството на Вања Ѓорчевска и Панче Жежовски. Основниот кривичен суд Скопје денеска доби официјално известување од Истражниот затвор Скопје за екстрадицијата на Љупчо Палевски, којшто е првоосомничен за случајот за убиството на 14-годишната Вања Ѓорчевска и велешкиот фризер Панче Жежовски (74). Палевски прво ќе биде спроведен до Кривичниот суд за да се изјасни за мерката притвор која му беше веќе определена, откако на 5 мај со авион беше екстрадиран од Турција во Северна Македонија. Од судот соопштуваат дека денеска добиле и известување и барање за ангажирање на адвокат кој ќе го застапува Палевски во текот на постапката. Според законите во Северна Македонија, судот ги издава сите дозволи поврзани со истражната постапка и ги доставува до предложените адвокати за нивно понатамошно постапување. „Дополнително, судија на претходна постапка во координација со надлежниот Јавен обвинител, ќе издаде наредба за спровод на осомниченото лице за негово произнесување во однос на околностите во предлогот на Јавниот обвинител за определување на мерката притвор, а за донесеното решение јавноста ќе биде известена“, се вели во соопштението од Основен кривичен суд Скопје. Видете и ова: Финишира истрагата за Палчо за убиството на 14-годишната Вања Истрагата за случајот, кој што го води Основното јавно обвинителство (ОЈО) Скопје, е во завршна фаза. Палевски повеќе од пет месеци помина во екстрадициски притвор во Турција, откако беше фатен од турската полиција. Палевски се гони за две грабнувања и две убиства на свиреп начин. Осомничени се и тројца соизвршители за овие дела, како и таткото на Вања Ѓорчевска кој се товари за помагање во грабнувањето на девојчето. За помагање во бегството, обвинителството сомничи уште едно лице. Истрагата на Обвинителството беше отворена на 3 декември, откако случајот притви Палевски и останатите осомничени беше отворен по пријавата за исчезнувањето на малолетната Вања на 27 ноември, утрото кога таа не се појави на училиште. Исчезнувањето со денови ја брануваше македонската, но и јавноста во регионот, а медиумите и социјалните мрежи беа преплавени со вести и апели се до 3 декември кога нејзиното тело беше пронајдено во околината на Скопје. Видете и ова: Љупчо Палевски – Палчо со авион екстрадиран во Северна Македонија Истиот ден беше кобен и за семејството на Панче Жежовски бидејќи полицијата соопшти дека неговото тело го пронашле во близина на Велес. Тој бил пријавен за исчезнат три дена пред Вања – на 24 ноември. Палевски беше во бегство во Турција, а избегал во таа земја преку Србија и Бугарија, избега во Турција. Турската полиција успеа да го фати кај градот Балибекир на 5 декември 2023 година. Тој на 15 мај годинава беше екстрадиран во Северна Македонија. Пред затворање на истрагата и поднесување на обвинение, Палевски треба да биде сослушан и во обвинителството. По евентуалното обвинение, тоа ќе оди на оценка во судот и ако добие зелено светло, ќе стартува судски процес. Во меѓувреме тој во притвор се чува под посебни безбедносни мерки. прочитај повеќе мај 17, 2024 Познат политички аналитичар бега од Русија поради обвинувања за антируски активности Александар Сунгуров, претседател на Хуманитарно-политички центар „Стратегија“ Александар Сунгуров, руски политички аналитичар и професор на Високата школа за економија, побегна од Русија откако про-Кремљ режисерот Никита Михалков го обвини за антируски активности, изјави еден од студентите на Сунгуров на 17 мај. Михалков неодамна во својата ТВ емисија изјави дека фондацијата „Стратегија“ предводена од Сунгуров добила финансиска поддршка од странство и мора да биде означена како „странски агент“. Видете и ова: Грузискиот премиер го брани законот за „странски агенти“ Сунгуров поднесе оставка од Вишата економска школа во Санкт Петербург. Неговата страница е отстранета од веб-страницата на универзитетот. Тој од 2005 година е раководител на Катедрата за применети политички науки на тој факултет. Од 1994 година, Сунгуров ја води „Стратегија“ - либерален аналитички центар во Санкт Петербург. Тој работеше и како експерт за Советот на Европа и Европската Унија. прочитај повеќе Вчитај повеќе...

Вести мај 16, 2024 Јеменските Хути ќе ги таргетираат сите бродови што пловат кон Израел Нафтен танкер погоден од Јеменските Хути Сите бродови кои пловат кон израелските пристаништа ќе бидат цел на јеменските Хути поддржани од Иран, а не само во регионот на Црвеното Море, рече водачот на групата, Абдул Малик ал-Хути, во телевизиски говор на 16 мај. Групата се закани дека ќе ги прошири своите напади врз бродовите кои пловат кон израелските пристаништа на Средоземното Море, во кампања на солидарност со Палестинците за време на израелската војна со милитантната група Хамас, која САД и ЕУ ја прогласија за терористичка организација. Ел Хути ги повика Кина, Русија, азиските и европските земји да не превезуваат стока до израелските пристаништа. Видете и ова: Јеменските Хути оштетија танкер со нафта „поврзан со Русија“ Хутите претходно изјавија дека нивни главни цели се Израел и неговите сојузници САД и Велика Британија. „Секој мора да престане да транспортира до окупираните палестински пристаништа“, рече Ел Хути. Милитантната група што тој ја предводи влезе во војната меѓу Израел и Хамас во декември 2023 година, напаѓајќи бродови на виталните водни патишта и напади со беспилотни летала и проектили кон Израел. Нападите на Хат ги зголемија трошоците за испорака и осигурување со прекин на клучната трговска рута меѓу Азија и Европа, принудувајќи ги бродските компании да се пренасочат кон подолги и поскапи патувања низ јужна Африка. прочитај повеќе види ги сите денешни вести мај 17, 2024 Засилени безбедносни мерки во Шведска по пукање во близина на израелската амбасада Улицата Готгатан во Стокхолм, 14 април 2020 година. Илустративна фотографија Шведска ги засили безбедносните мерки во земјата по пукање во близина на израелската амбасада во Стокхолм, соопшти полицијата на 17 мај. Полицијата ја опколи областа околу амбасадата и изврши претреси во неколку населби во Стокхолм откако во раните утрински часови се слушнаа истрели. „Поради сомнителни пукотници во близина на израелската амбасада во Стокхолм, полицијата презема безбедносни мерки за заштита на имотот и интересите на Израел и Евреите низ целата земја“, соопшти полицискиот оддел на својата веб-страница. Видете и ова: Израел соопшти дека обвинувањата на Јужна Африка за геноцид се неосновани Амбасадорот на Израел во Шведска, Жив Нево Кулман, им се заблагодари на властите на мрежата X „за нивната итна реакција и истрага, како и за зголемените безбедносни мерки околу нашата амбасада и околу еврејските заедници“. Во февруари, полицијата на теренот на израелската амбасада пронајде уред за кој амбасадорот рече дека претставува обид за напад. Шведските разузнавачки служби отворија истрага за „тероризам“. Од нападот на Хамас врз јужен Израел на 7 октомври 2023 година, властите и некои невладини организации во многу земји пријавија пораст на антисемитизмот, додека високиот број цивилни жртви во Газа предизвикани од одговорот на Израел дополнително ги зголеми тензиите. прочитај повеќе мај 17, 2024 ЕУ забрани уште четири руски медиуми поради ширење пропаганда Европскиот парламент. Европската унија на 17 мај забрани емитување на програми на уште четири руски медиуми во ЕУ поради, како што се наведува, ширење пропаганда за инвазијата врз Украина и за дезинформации. Забраната за емитување се случува во пресрет на изборите за Европскиот парламент. Последната група на медиуми кои се забранети ги вклучуваат веб-страницата Глас Европа, руската државна новинска агенција РИА Новости, весниците Известија и Росискаја газета, за кои ЕУ тврди дека се под контрола на Кремљ. Официјалното соопштение за санкциите ја потврди одлуката на почетокот на неделава од страна на амбасадорите на 27-те земји-членки на блокот. „Овие медиуми се под постојана директна или индиректна контрола на раководството на Руската Федерација и беа од суштинско значење и инструменти во започнувањето и поддршката на руската агресорска војна против Украина и дестабилизацијата на нејзините соседни земји“, се вели во соопштението на ЕУ. Видете и ова: Русија ја предупреди ЕУ на остар одговор ако воведе ограничувања за руските медиуми Во соопштението се наведува дека овие медиуми конкретно ги таргетираат „европските политички партии, особено во изборните периоди“. Забраните ги опфаќаат „сите средства за пренос и дистрибуција во ЕУ или насочени кон земјите-членки на ЕУ“, но не ги спречуваат новинарите да работат во медиумите во Европската унија. Веќе минатиот месец, Белгија отвори истрага за сомнително руско мешање во јунските избори низ Европа, велејќи дека разузнавачката служба на нејзината земја го потврдила постоењето на мрежа која се обидува да ја поткопа поддршката за Украина. Чешката влада воведе санкции за голем број луѓе откако таму беше откриена операција на проруско влијание. Според наводите, тие им обраќале на членовите на Европскиот парламент и им понудиле пари за промовирање на руската пропаганда. Од почетокот на војната во февруари 2022 година, ЕУ веќе суспендираше неколку медиуми, вклучително и Русија денес (РТ) и Спутник. прочитај повеќе мај 17, 2024 ЕУ го истражува Мајкрософт за ризиците од вештачката интелигенција пред изборите Илустративна фотографија. Европската унија денеска (17 мај) му нареди на Мајкрософт да предаде внатрешни документи или дека пред изборите ќе се соочи со казни поврзани со ризиците од користење на вештачка интелигенција на својот пребарувач Бинг. ЕУ ја идентификуваше генеративната вештачка интелигенција како една од главните закани за изборите што ќе се одржат во ЕУ од 6 до 9 јуни. Во март, Брисел побара од Бинг, заедно со неколку големи дигитални платформи, вклучително Гугл, ТикТок и Јутуб, да обезбеди информации за активностите што ги презеле за да ги ублажат ризиците од користење на вештачка интелигенција. Но, Мајкрософт не одговори на барањето за повеќе детали за „специфичните ризици кои произлегуваат од функциите на генеративната вештачка интелигенција на Бинг, особено „Копилот во Бинг“ и „Креатор на слики од дизајнер“, соопшти Европската комисија. Американскиот технолошки гигант сега има рок до 27 мај да обезбеди „внатрешни документи и податоци“. Видете и ова: Тик-Ток објави дека ќе означува слики создадени од вештачка интелигенција Доколку Мајкрософт не го стори тоа, ЕУ може да изрече казни до еден процент од вкупниот годишен приход или глобалниот промет на компанијата, како и периодични казни до пет проценти од просечниот дневен приход или дневен промет во светот. Од минатата година, најголемите светски технолошки компании мораа да се усогласат со европскиот закон познат како Закон за дигитални услуги (DSA). Комисијата соопшти дека се сомнева дека „Бинг можеби ја прекршил DSA“ во делот поврзан со „ризиците поврзани со генеративната вештачка интелигенција“. Ова се однесува на можностите на вештачката интелигенција да обезбедува лажни информации и „вирално ширење на длабока лажна содржина“. Видете и ова: Колку и да се труди нема да не замени Мајкрософт соопшти дека е посветен на исполнување на барањата на комисијата. „Целосно соработуваме со Европската комисија во рамките на Доброволното барање за информации и остануваме посветени да одговориме на нивните прашања и да споделуваме информации за нашиот пристап кон дигиталната безбедност и усогласеноста со DSA“, рече портпаролот на Microsoft. Портпаролот рече дека Мајкрософт презел „чекори за мерење и ублажување на потенцијалните ризици“ на сите негови платформи. Мајкрософт инвестираше милијарди во OpenAI, главен играч во вештачката интелигенција, особено откако се појави четботот ChatGPT кон крајот на 2022 година. прочитај повеќе мај 17, 2024 Таравари најави договор за влада, Османи дополнителни механизми за заштита Изет Меџити и Арбен Таравари од коалицијата „Влен“. Градоначалникот на Гостивар Арбен Таравари денеска изјави дека очекува до крајот на идната недела да биде договор околу идната влада меѓу колицијата „Влен“ и ВМРО-ДПМНЕ. Откако „Вреди“ и ВМРО-ДПМНЕ формираа работни групи за формирање на владина коалиција по парламентарните избори на 8 мај, Таравари денекса изјави дека меѓу работните групи „владее позитивна атмосфера. „Се надевам дека до крајот на идната недела ќе имаме завршен договор со програма на Владата и со распределба на ресори, односно кој и каде ќе биде како министер“, рече Таравари. По гласањето на двојните избори на 8 мај, претседателски и парламентрани, ВМРО-ДПМНЕ освои најмногу (58) мандати. Во албанскиот политички блок, Коалицијата „Влен“ освои 13 мандати, што е 6 помалку од коалицијата „Европски фронт“ која освои 19. Видете и ова: Управен суд ја одби тужбата на „Европскиот фронт“ за решението на ДИК за избирачкото место во Крушево Но, ВМРО-ДПМНЕ и Влен се во преговори за состав на идната влада. Таравари рече дека со Христијан Мицкоски досега имале две средби, а дека понатаму интензивно работат работните групи. „Се надевам до понеделник ќе излеземе со заедничка програма, а до петок ќе имаме завршен договор меѓу ВЛЕН и ВМРО-ДПМНЕ, практично договор за нова влада“, изјави Таравари. Потпретседателот на ДУИ Бујар Османи, чија партија е дел од коалицијата „Европски фронт“, денеска рече дека ако се прави владина коалиција без нивната партија, дека „тоа ќе ги разгневи сите Албанци кои ценат дека нивните гласови ќе бидат ништовни и потоа ќе бараат дополнителен механизам за заштита“, изјави Османи за приватната телевизија „Канал 5“. „ДУИ е во постојано заседание, емоциите кај албанскиот народ се веќе вжештени и ние повеќе се обидуваме да менаџираме и да контролираме. Ќе сметаат дека Охридскиот рамковен договор не ги заштитува, не го заштитува нивниот глас, нивниот глас се игнорира, е ништовен за државата и дека ќе бараат дополнителен механизам за заштита“, рече Османи. прочитај повеќе мај 17, 2024 Управен суд ја одби тужбата на „Европскиот фронт“ за решението на ДИК за избирачкото место во Крушево Управен суд Скопје Управниот суд ja одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија" за избирачкото место 1194 во Општина Крушево на Парламентарните избори одржани на 8 мај 2024 година. Според Изборниот законик, доколку одлуката за прегласување во тоа избирачко место влијае на конечните изборни резултати, ДИК треба да спроведе повторено гласање 14 ден од Парламентарните избори кои беа одржани на 8 мај. Повтореното гласање според тоа треба да биде на 22 мај. Претходно денеска во текот на расправата, застапникот на тужителот, Коалицијата „Европски фронт“, Ејуп Рустеми, посочи дека се оспорува решението на ДИК за прифаќање на приговорот за поништувње на гласањето на ИМ 1194 на Коалицијата „Твоја Македонија". „Решението на ДИК е нејасно. Сумираниот износ на искористени гласачки ливчиња е нејасно како ДИК дошле до збирот од 377 гласачи, без притоа да се земе предвид бројот од 359 потпишани гласачи во избирачкиот список. Бројот од 17 болни и изнемоштени не треба да се додава во дел IV од записникот, бидејќи тие се веќе вброени во статистичкиот податок и се добива дупла бројка. Според Изборниот законик погрешно пополнување на записник не е основ за поништување на гласањето“, изјави Рустеми. Видете и ова: Загриженост во ДИК поради изјави на политичари по приговорите за изборите Дополнително, посочи Рустеми, во записникот нема заведено забелешки за евентуални неправилности. Претставникот на ДИК, Катерина Василевска нагласи дека остануваат во целост на наводите од решението и одговорот на тужбата и предлагаат таа да се одбие како неоснована. „ДИК постапи во законскиот рок и донесе одлука. По увидот во целосниот изборен материјал ДИК утврди дека бројот на идентификувани гласачи не се совпаѓа со бројот на потпишани гласачи во избирачкиот список и не соодветствува со бројот на искористени гласачки ливчиња на гласачкото место“, нагласи Василевска. Управниот суд пресудата ќе ја објави за два часа. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите се оформени предмети и закажани во текот на денешниот ден. Видете и ова: Талат Џафери: Има обиди за изборен инжинеринг ДИК на 104 седница ги разгледа приговорите поднесени од политичките партии по одржувањето на парламентарните избори на 8 мај. Од вкупно 27 поднесени приговори - девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. прочитај повеќе мај 17, 2024 Загриженост во ДИК поради изјави на политичари по приговорите за изборите Александар Даштевски - претседател на Државната изборна комисија (ДИК) . Претседателот на Државната изборна комисија (ДИК) Александар Даштевски и членовите на ДИК и уште неколку членови денеска изразија загриженост дека политички партии и високи владини функционери давале изјави за работата на ДИК за постапувањето по приговорите за парламентарните избори, кои според нив можат да бидат закана за нивната безбедност. Во денешносто соопштение на ДИК, освен Даштевски, загриженост изразуваат и членовите на ДИК Радица Ристеска, Оливер Ристовски, Борис Кондарко, Бобан Стојаноски и Абдуш Демири. „Ве известуваме дека покрај тоа што сме лично понижувани и навредувани, исто така како членови во највисоката институција за организирање и спроведување на изборите, сме изложени и на неосновани и непримерени јавни политички притисоци и на закани за кривична одговорност поради донесените одлуки на ДИК“, се вели во реакцијата. Тие велат дека според „контекстот и интензитетот на нападите, прозивките и навредите“ загрижени се и дека е можно тие да преминат и во лични напади на нивната сигурност. „Ве известуваме дека ДИК во целост професионално, транспаретно и само врз основа на закон ги спроведе изборите што е потврдено од сите домашни и меѓународни фактори. Исто така и покрај сите непријатности кои ги имаме, сепак со највисок степен на интегритет врз основа на јавна проверка на изборниот материјал ДИК ги утврди фактите и одлучуваше по приговори поднесени од различни учесници за 110 избирачки места, од кои врз основа на образложени докази усвои приговори за само 7 избирачки места за кои имаше правен основ, додека сите останати 103 избирачки места, беа одбиени како неосновани и за нив немаше поднесено тужби ниту еден учесник на изборите“, се вели во реакцијата. Видете и ова: Талат Џафери: Има обиди за изборен инжинеринг Државната изборна комисија наведува дека е неприфатливо да има нападите, притисоци и мешање на одредени политички партии и на поединци од техничката Влада во изборните процедури и во работата и одлучувањето на ДИК и на Управниот суд. Тие посочуваат дека за сето ова денеска на средба во ДИК била известена и амбасадорката на набљудувачката мисија на ОБСЕ-ОДИХР Џилијан Стирк. Премиерот на техничката Влада Талат Џафери вчера на прес-конференција соопшти дека имало договор за надгласување во Државната изборна комисија за прифаќање на одредени приговори за изборните резултати и прегласување и оти на ваков начин се прави обид за изборен инженеринг за менување на бројките во Собранието и изигрување на волјата на граѓаните. Изборниот процес кој беше оценет како кредибилен и демократски, сега е во рацете на Управниот суд, рече Џафери и повика сите институции да постапуваат согласно закон без партиски директиви од која било страна. Управниот суд вчера одржа јавна седница по тужба на Коалицијата „Вреди“ по одлуката на ДИК за одбивање на нивниот приговор за избирачко место 0511, во Долна Бањица во Општина Гостивар на Парламентарните избори 2024 година. Видете и ова: Ќе се прегласува во Желино, „Европски фронт“ со обвинувања дека ќе им бидат одземени пратеници Постапката беше прекината, откако претставникот на Коалицијата „Вреди“ изјави дека ја повлекува тужбата во целост. До Државната изборна комисија беа поднесени вкупно 27 приговори за парламентарните избори - девет од коалицијата „Влен“, осум од ВМРО-ДПМНЕ, пет од СДСМ и четири од Левица. Прифатени беа седум: шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Против одлуката на ДИК може да се поднесе тужба до Управниот суд, во рок од 24 часа од приемот на решението.Управниот суд, пак, по жалбата е должен да донесе одлука во рок од 48 часа по нејзиниот прием. мд/дма/ прочитај повеќе мај 17, 2024 Состојбата на словачкиот премиер Фицо „се уште многу сериозна“ Словачкиот премиер Роберт Фицо. Два дена по обидот за атентат, состојбата на словачкиот премиер Роберт Фицо на 17 мај „останува многу сериозна“, изјави неговиот заменик и близок соработник Роберт Калинак. Фицо беше хоспитализиран по пукањето во средата, коешто се случи додека 59-годишниот премиер на Словачка разговараше со граѓаните по состанокот во централниот град Хандлова. „Повторно беше опериран, имаше операција речиси два часа“, изјави за новинарите пред болницата во Банска Бистрица вицепремиерот Роберт Калинак. Фицо претходно имаше петчасовна операција набргу откако од местото на нападот беше пренесен во болница со хеликоптер. Директорот на болницата во Банска Бистрица рече дека Фицо останал „свесен“, иако е во „тешка“ состојба. Претходно, на 17 мај, локалните медиуми објавија дека словачката полиција извршила претрес во домот на мажот кој е обвинет за пукањето. Видете и ова: На словачкиот премиер Фицо ќе му биде извршена уште една операција Полициските службеници го донесоа наводниот вооружен напаѓач, кој носел панцир и шлем, во станот што го делел со неговата сопруга во западниот град Левице, беше прикажано во видео од телевизијата Маркиза. „Полицијата остана во станот неколку часа... Од станот таа изнесе компјутер и документи“, вели приватниот радиодифузер. Полицијата за АФП изјави дека нема да ја коментира тековната истрага. Полицијата не го именуваше осомничениот, но медиумите го идентификуваа како 71-годишниот писател Јурај Цинтулу. Тој во четвртокот беше обвинет за обид за убиство од прв степен во, како што велат властите, политички мотивиран напад. „Станува збор за „волк-самец“ кој се активирал по претседателските избори бидејќи не бил задоволен од нивниот исход“, изјави министерот за внатрешни работи Матус Сутај Есток. Видете и ова: Обид за атентат врз словачкиот премиер Фицо - нападот бил „политички мотивиран“ Нападот ги поттикна стравувањата од натамошно насилство и нестабилност во политички поларизираната земја, само неколку недели пред изборите за Европскиот парламент, пренесува АФП. Официјалните лица во Словачка ја повлекоа врската со политичката ситуација во земјата, со нејзината политичка сцена нарушена со дезинформации за време на неодамнешните изборни кампањи. Фицо, четирикратен премиер и политички ветеран, се врати на функцијата во октомври. Оттогаш тој даде серија изјави кои ги влошија врските меѓу Словачка и соседна Украина, откако го доведе во прашање суверенитетот на земјата. Откако тој беше избран, Словачка престана да испраќа оружје во Украина, која Русија ја нападна во 2022 година. прочитај повеќе мај 17, 2024 Палевски ќе биде спроведен на распит во Кривичниот суд Љупчо Палевски - Палчо, првоосомничен за убиството на Вања Ѓорчевска и Панче Жежовски. Основниот кривичен суд Скопје денеска доби официјално известување од Истражниот затвор Скопје за екстрадицијата на Љупчо Палевски, којшто е првоосомничен за случајот за убиството на 14-годишната Вања Ѓорчевска и велешкиот фризер Панче Жежовски (74). Палевски прво ќе биде спроведен до Кривичниот суд за да се изјасни за мерката притвор која му беше веќе определена, откако на 5 мај со авион беше екстрадиран од Турција во Северна Македонија. Од судот соопштуваат дека денеска добиле и известување и барање за ангажирање на адвокат кој ќе го застапува Палевски во текот на постапката. Според законите во Северна Македонија, судот ги издава сите дозволи поврзани со истражната постапка и ги доставува до предложените адвокати за нивно понатамошно постапување. „Дополнително, судија на претходна постапка во координација со надлежниот Јавен обвинител, ќе издаде наредба за спровод на осомниченото лице за негово произнесување во однос на околностите во предлогот на Јавниот обвинител за определување на мерката притвор, а за донесеното решение јавноста ќе биде известена“, се вели во соопштението од Основен кривичен суд Скопје. Видете и ова: Финишира истрагата за Палчо за убиството на 14-годишната Вања Истрагата за случајот, кој што го води Основното јавно обвинителство (ОЈО) Скопје, е во завршна фаза. Палевски повеќе од пет месеци помина во екстрадициски притвор во Турција, откако беше фатен од турската полиција. Палевски се гони за две грабнувања и две убиства на свиреп начин. Осомничени се и тројца соизвршители за овие дела, како и таткото на Вања Ѓорчевска кој се товари за помагање во грабнувањето на девојчето. За помагање во бегството, обвинителството сомничи уште едно лице. Истрагата на Обвинителството беше отворена на 3 декември, откако случајот притви Палевски и останатите осомничени беше отворен по пријавата за исчезнувањето на малолетната Вања на 27 ноември, утрото кога таа не се појави на училиште. Исчезнувањето со денови ја брануваше македонската, но и јавноста во регионот, а медиумите и социјалните мрежи беа преплавени со вести и апели се до 3 декември кога нејзиното тело беше пронајдено во околината на Скопје. Видете и ова: Љупчо Палевски – Палчо со авион екстрадиран во Северна Македонија Истиот ден беше кобен и за семејството на Панче Жежовски бидејќи полицијата соопшти дека неговото тело го пронашле во близина на Велес. Тој бил пријавен за исчезнат три дена пред Вања – на 24 ноември. Палевски беше во бегство во Турција, а избегал во таа земја преку Србија и Бугарија, избега во Турција. Турската полиција успеа да го фати кај градот Балибекир на 5 декември 2023 година. Тој на 15 мај годинава беше екстрадиран во Северна Македонија. Пред затворање на истрагата и поднесување на обвинение, Палевски треба да биде сослушан и во обвинителството. По евентуалното обвинение, тоа ќе оди на оценка во судот и ако добие зелено светло, ќе стартува судски процес. Во меѓувреме тој во притвор се чува под посебни безбедносни мерки. прочитај повеќе мај 17, 2024 Познат политички аналитичар бега од Русија поради обвинувања за антируски активности Александар Сунгуров, претседател на Хуманитарно-политички центар „Стратегија“ Александар Сунгуров, руски политички аналитичар и професор на Високата школа за економија, побегна од Русија откако про-Кремљ режисерот Никита Михалков го обвини за антируски активности, изјави еден од студентите на Сунгуров на 17 мај. Михалков неодамна во својата ТВ емисија изјави дека фондацијата „Стратегија“ предводена од Сунгуров добила финансиска поддршка од странство и мора да биде означена како „странски агент“. Видете и ова: Грузискиот премиер го брани законот за „странски агенти“ Сунгуров поднесе оставка од Вишата економска школа во Санкт Петербург. Неговата страница е отстранета од веб-страницата на универзитетот. Тој од 2005 година е раководител на Катедрата за применети политички науки на тој факултет. Од 1994 година, Сунгуров ја води „Стратегија“ - либерален аналитички центар во Санкт Петербург. Тој работеше и како експерт за Советот на Европа и Европската Унија. прочитај повеќе мај 17, 2024 Судски совет: Судската власт е независна, секое мешање е опасно за демократијата Судски совет Судската власт е самостојна и независна и секое мешање во судството и во судската власт носи со себе сериозна опасност по демократијата, правната сигурност и владеењето на правото, велат од Судскиот совет на најавите на лидерот на ВМРО-ДПМНЕ Христијан Мицкоски дека нивна цел е да го распуштат Судскиот совет и самите судии и обвинители преку тајно гласање да ги избираат своите преставници во Советот. „Судскиот совет не се впуштa во коментирање и оценка на предизборни програми и ветувања на која било политичка партија, затоа што тоа е крајно несоодветно. Единствено, Судскиот совет укажува дека судската власт како една од трите власти, а не трета власт, е самостојна и независна. Овој факт не го користиме како флоскула и одбранбен механизам. Мора да биде јасно и сите да бидат свесни дека секое мешање во судството и генерално во судската власт на кој било од носителите на другите две власти, носи со себе сериозна опасност за едно демократско општество, правната сигурност и владеењето на правото, како вредности, стандарди и врвни приоритети кон кои како држава се стремиме на патот кон ЕУ“, велат од Судскиот совет. Видете и ова: Мицкоски: Мое човеково право е како ќе ја нарекувам мојата држава Оттаму нагласуваат дека се свесни за состојбите во судството, за нивото на доверба и за се она што како недостиг се става на товар на судството. „Критиките ги прифаќаме, меѓутоа, исто така убедени сме дека судството во Република Северна Македонија има капацитет да ги надмине состојбите без реформи и резови за кои никој не може однапред да ги предвиди ефектите кои ќе бидат предизвикани. Реформи заради реформи никому не му се потребни и истите само ќе ги вратат неколку чекори назад процесите и активностите кои Судскиот совет ги превзема во овој период, финансирани и со поддршка на меѓународната заедница преку проекти, а се во насока на подобрување на состојбите во судството и се во напредна фаза“, нагласуваат од Судскиот совет. Лидерот на ВМРО-ДПМНЕ Мицкоски во обраќање на Самитот „Македонија2025“ вчера рече дека главен предизвик на идната влада ќе бидат реформите во Судскиот совет и Советот на јавни обвинители и дека нивна цел е да ги распуштат оние кои довербата во правниот систем ја свеле на едноцифрена бројка проценти и наместо нив, самите судии и обвинители да си ги изберат своите претставници преку тајно гласање. Мицкоски потенцираше дека владата предводена од ВМРО-ДПМНЕ нема намера ниту да поставува и предлага свои луѓе преку измени во законот, ниту пак има намера да се меша во овие две тела. прочитај повеќе Вчитај повеќе...

Вести мај 16, 2024 Талат Џафери: Има обиди за изборен инжинеринг Талат Џафери, технички премиер на Република Северна Македонија Имам добиено извештаи од учесниците во изборниот процес за вознемирување во однос на обиди за изборен инжинеринг со вон-институционален меѓупартиски договор за гласање и надгласување во Државната изборна комисија (ДИК), во врска со симптоматичните приговори поднесени од страна на учесниците во изборите, рече техничкиот премиер Талат Џафери на прес-конференција на 16 мај во Владата. „Според извештаите, овие претензии за изборен инжинеринг имаат за цел менување на соодносот на бројките во Собранието, преку политички договор на маса. Кредибилноста на изборите и на демократскиот процес, прифатен и поздравен од сите партии и од меѓународната заедница, сега е во рацете на Управниот суд. Ги поканувам сите институции да постапат согласно законот, без партиски и политички директиви од која било страна и да го штитат кредибилитет на изборниот процес до крај“, рече Џафери на прес конференцијата. Видете и ова: Четворица кандидати за пратеници во битка за две пратенички фотелји На две пратенички столчиња се надеваат четворица кандидати за пратеници од три изборни коалиции, по одлуката на ДИК да се прегласува во седум избирачки места од две изборни единици по спроведените парламентарни избори на 8 мај. На 17 мај, кога истекува рокот за одлучување по доставени жалби до Управниот суд, ќе се знае дали има основ за да се прегласува во седум избирачки места, од кои шест во изборна единица 5 и едно избирачко место во изборна единица 6. Според изборните правила, доколку се прегласува на оние места каде што се запишани околу илјада гласачи, тоа би можело да влијае врз избориот количник. Право на глас по втор пат на паралментарните избори ќе имаат над четири илјади граѓани, и нивниот избор може да го промени за две пратенички места распоредот на силите во Собранието. Коалицијата „Европски фронт“, предводена од ДУИ, поднесе жалба до Управниот суд за одлуките на Државната изборна комисија која прифати приговори за неправилности на седум избирачки места, на кои може да има повторно гласање. Доколку Управниот суд ги одбие жалбите на Европскиот фронт, Државната изборна комисија ќе треба да одлучи дали ќе има повторно гласање на овие седум избирачки места. Според првичните изборни резултати, ВМРО-ДПМНЕ осво 58 пратенички места, ДУИ доби 19, додека СДСМ има 18. Од коалицијата Влен во собранискиот состав влегуваат со 13, а партиите Левица и ЗНАМ со по 6 пратеници. прочитај повеќе види ги сите денешни вести мај 17, 2024 ЕУ забрани уште четири руски медиуми поради ширење пропаганда Европскиот парламент. Европската унија на 17 мај забрани емитување на програми на уште четири руски медиуми во ЕУ поради, како што се наведува, ширење пропаганда за инвазијата врз Украина и за дезинформации. Забраната за емитување се случува во пресрет на изборите за Европскиот парламент. Последната група на медиуми кои се забранети ги вклучуваат веб-страницата Глас Европа, руската државна новинска агенција РИА Новости, весниците Известија и Росискаја газета, за кои ЕУ тврди дека се под контрола на Кремљ. Официјалното соопштение за санкциите ја потврди одлуката на почетокот на неделава од страна на амбасадорите на 27-те земји-членки на блокот. „Овие медиуми се под постојана директна или индиректна контрола на раководството на Руската Федерација и беа од суштинско значење и инструменти во започнувањето и поддршката на руската агресорска војна против Украина и дестабилизацијата на нејзините соседни земји“, се вели во соопштението на ЕУ. Видете и ова: Русија ја предупреди ЕУ на остар одговор ако воведе ограничувања за руските медиуми Во соопштението се наведува дека овие медиуми конкретно ги таргетираат „европските политички партии, особено во изборните периоди“. Забраните ги опфаќаат „сите средства за пренос и дистрибуција во ЕУ или насочени кон земјите-членки на ЕУ“, но не ги спречуваат новинарите да работат во медиумите во Европската унија. Веќе минатиот месец, Белгија отвори истрага за сомнително руско мешање во јунските избори низ Европа, велејќи дека разузнавачката служба на нејзината земја го потврдила постоењето на мрежа која се обидува да ја поткопа поддршката за Украина. Чешката влада воведе санкции за голем број луѓе откако таму беше откриена операција на проруско влијание. Според наводите, тие им обраќале на членовите на Европскиот парламент и им понудиле пари за промовирање на руската пропаганда. Од почетокот на војната во февруари 2022 година, ЕУ веќе суспендираше неколку медиуми, вклучително и Русија денес (РТ) и Спутник. прочитај повеќе мај 17, 2024 ЕУ го истражува Мајкрософт за ризиците од вештачката интелигенција пред изборите Илустративна фотографија. Европската унија денеска (17 мај) му нареди на Мајкрософт да предаде внатрешни документи или дека пред изборите ќе се соочи со казни поврзани со ризиците од користење на вештачка интелигенција на својот пребарувач Бинг. ЕУ ја идентификуваше генеративната вештачка интелигенција како една од главните закани за изборите што ќе се одржат во ЕУ од 6 до 9 јуни. Во март, Брисел побара од Бинг, заедно со неколку големи дигитални платформи, вклучително Гугл, ТикТок и Јутуб, да обезбеди информации за активностите што ги презеле за да ги ублажат ризиците од користење на вештачка интелигенција. Но, Мајкрософт не одговори на барањето за повеќе детали за „специфичните ризици кои произлегуваат од функциите на генеративната вештачка интелигенција на Бинг, особено „Копилот во Бинг“ и „Креатор на слики од дизајнер“, соопшти Европската комисија. Американскиот технолошки гигант сега има рок до 27 мај да обезбеди „внатрешни документи и податоци“. Видете и ова: Тик-Ток објави дека ќе означува слики создадени од вештачка интелигенција Доколку Мајкрософт не го стори тоа, ЕУ може да изрече казни до еден процент од вкупниот годишен приход или глобалниот промет на компанијата, како и периодични казни до пет проценти од просечниот дневен приход или дневен промет во светот. Од минатата година, најголемите светски технолошки компании мораа да се усогласат со европскиот закон познат како Закон за дигитални услуги (DSA). Комисијата соопшти дека се сомнева дека „Бинг можеби ја прекршил DSA“ во делот поврзан со „ризиците поврзани со генеративната вештачка интелигенција“. Ова се однесува на можностите на вештачката интелигенција да обезбедува лажни информации и „вирално ширење на длабока лажна содржина“. Видете и ова: Колку и да се труди нема да не замени Мајкрософт соопшти дека е посветен на исполнување на барањата на комисијата. „Целосно соработуваме со Европската комисија во рамките на Доброволното барање за информации и остануваме посветени да одговориме на нивните прашања и да споделуваме информации за нашиот пристап кон дигиталната безбедност и усогласеноста со DSA“, рече портпаролот на Microsoft. Портпаролот рече дека Мајкрософт презел „чекори за мерење и ублажување на потенцијалните ризици“ на сите негови платформи. Мајкрософт инвестираше милијарди во OpenAI, главен играч во вештачката интелигенција, особено откако се појави четботот ChatGPT кон крајот на 2022 година. прочитај повеќе мај 17, 2024 Таравари најави договор за влада, Османи дополнителни механизми за заштита Изет Меџити и Арбен Таравари од коалицијата „Влен“. Градоначалникот на Гостивар Арбен Таравари денеска изјави дека очекува до крајот на идната недела да биде договор околу идната влада меѓу колицијата „Влен“ и ВМРО-ДПМНЕ. Откако „Вреди“ и ВМРО-ДПМНЕ формираа работни групи за формирање на владина коалиција по парламентарните избори на 8 мај, Таравари денекса изјави дека меѓу работните групи „владее позитивна атмосфера. „Се надевам дека до крајот на идната недела ќе имаме завршен договор со програма на Владата и со распределба на ресори, односно кој и каде ќе биде како министер“, рече Таравари. По гласањето на двојните избори на 8 мај, претседателски и парламентрани, ВМРО-ДПМНЕ освои најмногу (58) мандати. Во албанскиот политички блок, Коалицијата „Влен“ освои 13 мандати, што е 6 помалку од коалицијата „Европски фронт“ која освои 19. Видете и ова: Управен суд ја одби тужбата на „Европскиот фронт“ за решението на ДИК за избирачкото место во Крушево Но, ВМРО-ДПМНЕ и Влен се во преговори за состав на идната влада. Таравари рече дека со Христијан Мицкоски досега имале две средби, а дека понатаму интензивно работат работните групи. „Се надевам до понеделник ќе излеземе со заедничка програма, а до петок ќе имаме завршен договор меѓу ВЛЕН и ВМРО-ДПМНЕ, практично договор за нова влада“, изјави Таравари. Потпретседателот на ДУИ Бујар Османи, чија партија е дел од коалицијата „Европски фронт“, денеска рече дека ако се прави владина коалиција без нивната партија, дека „тоа ќе ги разгневи сите Албанци кои ценат дека нивните гласови ќе бидат ништовни и потоа ќе бараат дополнителен механизам за заштита“, изјави Османи за приватната телевизија „Канал 5“. „ДУИ е во постојано заседание, емоциите кај албанскиот народ се веќе вжештени и ние повеќе се обидуваме да менаџираме и да контролираме. Ќе сметаат дека Охридскиот рамковен договор не ги заштитува, не го заштитува нивниот глас, нивниот глас се игнорира, е ништовен за државата и дека ќе бараат дополнителен механизам за заштита“, рече Османи. прочитај повеќе мај 17, 2024 Управен суд ја одби тужбата на „Европскиот фронт“ за решението на ДИК за избирачкото место во Крушево Управен суд Скопје Управниот суд ja одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија" за избирачкото место 1194 во Општина Крушево на Парламентарните избори одржани на 8 мај 2024 година. Според Изборниот законик, доколку одлуката за прегласување во тоа избирачко место влијае на конечните изборни резултати, ДИК треба да спроведе повторено гласање 14 ден од Парламентарните избори кои беа одржани на 8 мај. Повтореното гласање според тоа треба да биде на 22 мај. Претходно денеска во текот на расправата, застапникот на тужителот, Коалицијата „Европски фронт“, Ејуп Рустеми, посочи дека се оспорува решението на ДИК за прифаќање на приговорот за поништувње на гласањето на ИМ 1194 на Коалицијата „Твоја Македонија". „Решението на ДИК е нејасно. Сумираниот износ на искористени гласачки ливчиња е нејасно како ДИК дошле до збирот од 377 гласачи, без притоа да се земе предвид бројот од 359 потпишани гласачи во избирачкиот список. Бројот од 17 болни и изнемоштени не треба да се додава во дел IV од записникот, бидејќи тие се веќе вброени во статистичкиот податок и се добива дупла бројка. Според Изборниот законик погрешно пополнување на записник не е основ за поништување на гласањето“, изјави Рустеми. Видете и ова: Загриженост во ДИК поради изјави на политичари по приговорите за изборите Дополнително, посочи Рустеми, во записникот нема заведено забелешки за евентуални неправилности. Претставникот на ДИК, Катерина Василевска нагласи дека остануваат во целост на наводите од решението и одговорот на тужбата и предлагаат таа да се одбие како неоснована. „ДИК постапи во законскиот рок и донесе одлука. По увидот во целосниот изборен материјал ДИК утврди дека бројот на идентификувани гласачи не се совпаѓа со бројот на потпишани гласачи во избирачкиот список и не соодветствува со бројот на искористени гласачки ливчиња на гласачкото место“, нагласи Василевска. Управниот суд пресудата ќе ја објави за два часа. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите се оформени предмети и закажани во текот на денешниот ден. Видете и ова: Талат Џафери: Има обиди за изборен инжинеринг ДИК на 104 седница ги разгледа приговорите поднесени од политичките партии по одржувањето на парламентарните избори на 8 мај. Од вкупно 27 поднесени приговори - девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. прочитај повеќе мај 17, 2024 Загриженост во ДИК поради изјави на политичари по приговорите за изборите Александар Даштевски - претседател на Државната изборна комисија (ДИК) . Претседателот на Државната изборна комисија (ДИК) Александар Даштевски и членовите на ДИК и уште неколку членови денеска изразија загриженост дека политички партии и високи владини функционери давале изјави за работата на ДИК за постапувањето по приговорите за парламентарните избори, кои според нив можат да бидат закана за нивната безбедност. Во денешносто соопштение на ДИК, освен Даштевски, загриженост изразуваат и членовите на ДИК Радица Ристеска, Оливер Ристовски, Борис Кондарко, Бобан Стојаноски и Абдуш Демири. „Ве известуваме дека покрај тоа што сме лично понижувани и навредувани, исто така како членови во највисоката институција за организирање и спроведување на изборите, сме изложени и на неосновани и непримерени јавни политички притисоци и на закани за кривична одговорност поради донесените одлуки на ДИК“, се вели во реакцијата. Тие велат дека според „контекстот и интензитетот на нападите, прозивките и навредите“ загрижени се и дека е можно тие да преминат и во лични напади на нивната сигурност. „Ве известуваме дека ДИК во целост професионално, транспаретно и само врз основа на закон ги спроведе изборите што е потврдено од сите домашни и меѓународни фактори. Исто така и покрај сите непријатности кои ги имаме, сепак со највисок степен на интегритет врз основа на јавна проверка на изборниот материјал ДИК ги утврди фактите и одлучуваше по приговори поднесени од различни учесници за 110 избирачки места, од кои врз основа на образложени докази усвои приговори за само 7 избирачки места за кои имаше правен основ, додека сите останати 103 избирачки места, беа одбиени како неосновани и за нив немаше поднесено тужби ниту еден учесник на изборите“, се вели во реакцијата. Видете и ова: Талат Џафери: Има обиди за изборен инжинеринг Државната изборна комисија наведува дека е неприфатливо да има нападите, притисоци и мешање на одредени политички партии и на поединци од техничката Влада во изборните процедури и во работата и одлучувањето на ДИК и на Управниот суд. Тие посочуваат дека за сето ова денеска на средба во ДИК била известена и амбасадорката на набљудувачката мисија на ОБСЕ-ОДИХР Џилијан Стирк. Премиерот на техничката Влада Талат Џафери вчера на прес-конференција соопшти дека имало договор за надгласување во Државната изборна комисија за прифаќање на одредени приговори за изборните резултати и прегласување и оти на ваков начин се прави обид за изборен инженеринг за менување на бројките во Собранието и изигрување на волјата на граѓаните. Изборниот процес кој беше оценет како кредибилен и демократски, сега е во рацете на Управниот суд, рече Џафери и повика сите институции да постапуваат согласно закон без партиски директиви од која било страна. Управниот суд вчера одржа јавна седница по тужба на Коалицијата „Вреди“ по одлуката на ДИК за одбивање на нивниот приговор за избирачко место 0511, во Долна Бањица во Општина Гостивар на Парламентарните избори 2024 година. Видете и ова: Ќе се прегласува во Желино, „Европски фронт“ со обвинувања дека ќе им бидат одземени пратеници Постапката беше прекината, откако претставникот на Коалицијата „Вреди“ изјави дека ја повлекува тужбата во целост. До Државната изборна комисија беа поднесени вкупно 27 приговори за парламентарните избори - девет од коалицијата „Влен“, осум од ВМРО-ДПМНЕ, пет од СДСМ и четири од Левица. Прифатени беа седум: шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Против одлуката на ДИК може да се поднесе тужба до Управниот суд, во рок од 24 часа од приемот на решението.Управниот суд, пак, по жалбата е должен да донесе одлука во рок од 48 часа по нејзиниот прием. мд/дма/ прочитај повеќе мај 17, 2024 Состојбата на словачкиот премиер Фицо „се уште многу сериозна“ Словачкиот премиер Роберт Фицо. Два дена по обидот за атентат, состојбата на словачкиот премиер Роберт Фицо на 17 мај „останува многу сериозна“, изјави неговиот заменик и близок соработник Роберт Калинак. Фицо беше хоспитализиран по пукањето во средата, коешто се случи додека 59-годишниот премиер на Словачка разговараше со граѓаните по состанокот во централниот град Хандлова. „Повторно беше опериран, имаше операција речиси два часа“, изјави за новинарите пред болницата во Банска Бистрица вицепремиерот Роберт Калинак. Фицо претходно имаше петчасовна операција набргу откако од местото на нападот беше пренесен во болница со хеликоптер. Директорот на болницата во Банска Бистрица рече дека Фицо останал „свесен“, иако е во „тешка“ состојба. Претходно, на 17 мај, локалните медиуми објавија дека словачката полиција извршила претрес во домот на мажот кој е обвинет за пукањето. Видете и ова: На словачкиот премиер Фицо ќе му биде извршена уште една операција Полициските службеници го донесоа наводниот вооружен напаѓач, кој носел панцир и шлем, во станот што го делел со неговата сопруга во западниот град Левице, беше прикажано во видео од телевизијата Маркиза. „Полицијата остана во станот неколку часа... Од станот таа изнесе компјутер и документи“, вели приватниот радиодифузер. Полицијата за АФП изјави дека нема да ја коментира тековната истрага. Полицијата не го именуваше осомничениот, но медиумите го идентификуваа како 71-годишниот писател Јурај Цинтулу. Тој во четвртокот беше обвинет за обид за убиство од прв степен во, како што велат властите, политички мотивиран напад. „Станува збор за „волк-самец“ кој се активирал по претседателските избори бидејќи не бил задоволен од нивниот исход“, изјави министерот за внатрешни работи Матус Сутај Есток. Видете и ова: Обид за атентат врз словачкиот премиер Фицо - нападот бил „политички мотивиран“ Нападот ги поттикна стравувањата од натамошно насилство и нестабилност во политички поларизираната земја, само неколку недели пред изборите за Европскиот парламент, пренесува АФП. Официјалните лица во Словачка ја повлекоа врската со политичката ситуација во земјата, со нејзината политичка сцена нарушена со дезинформации за време на неодамнешните изборни кампањи. Фицо, четирикратен премиер и политички ветеран, се врати на функцијата во октомври. Оттогаш тој даде серија изјави кои ги влошија врските меѓу Словачка и соседна Украина, откако го доведе во прашање суверенитетот на земјата. Откако тој беше избран, Словачка престана да испраќа оружје во Украина, која Русија ја нападна во 2022 година. прочитај повеќе мај 17, 2024 Палевски ќе биде спроведен на распит во Кривичниот суд Љупчо Палевски - Палчо, првоосомничен за убиството на Вања Ѓорчевска и Панче Жежовски. Основниот кривичен суд Скопје денеска доби официјално известување од Истражниот затвор Скопје за екстрадицијата на Љупчо Палевски, којшто е првоосомничен за случајот за убиството на 14-годишната Вања Ѓорчевска и велешкиот фризер Панче Жежовски (74). Палевски прво ќе биде спроведен до Кривичниот суд за да се изјасни за мерката притвор која му беше веќе определена, откако на 5 мај со авион беше екстрадиран од Турција во Северна Македонија. Од судот соопштуваат дека денеска добиле и известување и барање за ангажирање на адвокат кој ќе го застапува Палевски во текот на постапката. Според законите во Северна Македонија, судот ги издава сите дозволи поврзани со истражната постапка и ги доставува до предложените адвокати за нивно понатамошно постапување. „Дополнително, судија на претходна постапка во координација со надлежниот Јавен обвинител, ќе издаде наредба за спровод на осомниченото лице за негово произнесување во однос на околностите во предлогот на Јавниот обвинител за определување на мерката притвор, а за донесеното решение јавноста ќе биде известена“, се вели во соопштението од Основен кривичен суд Скопје. Видете и ова: Финишира истрагата за Палчо за убиството на 14-годишната Вања Истрагата за случајот, кој што го води Основното јавно обвинителство (ОЈО) Скопје, е во завршна фаза. Палевски повеќе од пет месеци помина во екстрадициски притвор во Турција, откако беше фатен од турската полиција. Палевски се гони за две грабнувања и две убиства на свиреп начин. Осомничени се и тројца соизвршители за овие дела, како и таткото на Вања Ѓорчевска кој се товари за помагање во грабнувањето на девојчето. За помагање во бегството, обвинителството сомничи уште едно лице. Истрагата на Обвинителството беше отворена на 3 декември, откако случајот притви Палевски и останатите осомничени беше отворен по пријавата за исчезнувањето на малолетната Вања на 27 ноември, утрото кога таа не се појави на училиште. Исчезнувањето со денови ја брануваше македонската, но и јавноста во регионот, а медиумите и социјалните мрежи беа преплавени со вести и апели се до 3 декември кога нејзиното тело беше пронајдено во околината на Скопје. Видете и ова: Љупчо Палевски – Палчо со авион екстрадиран во Северна Македонија Истиот ден беше кобен и за семејството на Панче Жежовски бидејќи полицијата соопшти дека неговото тело го пронашле во близина на Велес. Тој бил пријавен за исчезнат три дена пред Вања – на 24 ноември. Палевски беше во бегство во Турција, а избегал во таа земја преку Србија и Бугарија, избега во Турција. Турската полиција успеа да го фати кај градот Балибекир на 5 декември 2023 година. Тој на 15 мај годинава беше екстрадиран во Северна Македонија. Пред затворање на истрагата и поднесување на обвинение, Палевски треба да биде сослушан и во обвинителството. По евентуалното обвинение, тоа ќе оди на оценка во судот и ако добие зелено светло, ќе стартува судски процес. Во меѓувреме тој во притвор се чува под посебни безбедносни мерки. прочитај повеќе мај 17, 2024 Познат политички аналитичар бега од Русија поради обвинувања за антируски активности Александар Сунгуров, претседател на Хуманитарно-политички центар „Стратегија“ Александар Сунгуров, руски политички аналитичар и професор на Високата школа за економија, побегна од Русија откако про-Кремљ режисерот Никита Михалков го обвини за антируски активности, изјави еден од студентите на Сунгуров на 17 мај. Михалков неодамна во својата ТВ емисија изјави дека фондацијата „Стратегија“ предводена од Сунгуров добила финансиска поддршка од странство и мора да биде означена како „странски агент“. Видете и ова: Грузискиот премиер го брани законот за „странски агенти“ Сунгуров поднесе оставка од Вишата економска школа во Санкт Петербург. Неговата страница е отстранета од веб-страницата на универзитетот. Тој од 2005 година е раководител на Катедрата за применети политички науки на тој факултет. Од 1994 година, Сунгуров ја води „Стратегија“ - либерален аналитички центар во Санкт Петербург. Тој работеше и како експерт за Советот на Европа и Европската Унија. прочитај повеќе мај 17, 2024 Судски совет: Судската власт е независна, секое мешање е опасно за демократијата Судски совет Судската власт е самостојна и независна и секое мешање во судството и во судската власт носи со себе сериозна опасност по демократијата, правната сигурност и владеењето на правото, велат од Судскиот совет на најавите на лидерот на ВМРО-ДПМНЕ Христијан Мицкоски дека нивна цел е да го распуштат Судскиот совет и самите судии и обвинители преку тајно гласање да ги избираат своите преставници во Советот. „Судскиот совет не се впуштa во коментирање и оценка на предизборни програми и ветувања на која било политичка партија, затоа што тоа е крајно несоодветно. Единствено, Судскиот совет укажува дека судската власт како една од трите власти, а не трета власт, е самостојна и независна. Овој факт не го користиме како флоскула и одбранбен механизам. Мора да биде јасно и сите да бидат свесни дека секое мешање во судството и генерално во судската власт на кој било од носителите на другите две власти, носи со себе сериозна опасност за едно демократско општество, правната сигурност и владеењето на правото, како вредности, стандарди и врвни приоритети кон кои како држава се стремиме на патот кон ЕУ“, велат од Судскиот совет. Видете и ова: Мицкоски: Мое човеково право е како ќе ја нарекувам мојата држава Оттаму нагласуваат дека се свесни за состојбите во судството, за нивото на доверба и за се она што како недостиг се става на товар на судството. „Критиките ги прифаќаме, меѓутоа, исто така убедени сме дека судството во Република Северна Македонија има капацитет да ги надмине состојбите без реформи и резови за кои никој не може однапред да ги предвиди ефектите кои ќе бидат предизвикани. Реформи заради реформи никому не му се потребни и истите само ќе ги вратат неколку чекори назад процесите и активностите кои Судскиот совет ги превзема во овој период, финансирани и со поддршка на меѓународната заедница преку проекти, а се во насока на подобрување на состојбите во судството и се во напредна фаза“, нагласуваат од Судскиот совет. Лидерот на ВМРО-ДПМНЕ Мицкоски во обраќање на Самитот „Македонија2025“ вчера рече дека главен предизвик на идната влада ќе бидат реформите во Судскиот совет и Советот на јавни обвинители и дека нивна цел е да ги распуштат оние кои довербата во правниот систем ја свеле на едноцифрена бројка проценти и наместо нив, самите судии и обвинители да си ги изберат своите претставници преку тајно гласање. Мицкоски потенцираше дека владата предводена од ВМРО-ДПМНЕ нема намера ниту да поставува и предлага свои луѓе преку измени во законот, ниту пак има намера да се меша во овие две тела. прочитај повеќе мај 17, 2024 Украина објави дека Русија го уништува градот Вовчанск Постара жена евакуирана од областа Вовчанск, 12 мај 2024 година Руските сили почнаа да го „уништуваат“ украинскиот град Вовчанск, а сите освен 200 жители на градот побегнаа од нападот, изјави гувернерот на регионот на 17 мај. Москва минатата недела изврши ненадеен копнен напад врз североисточна Украина, напредувајќи кон неколку населени места, вклучувајќи го и Вовчанск, на само пет километри од границата. „Непријателот почна да го уништува градот. Не само што е опасно да се биде таму, туку е невозможно“, рече гувернерот на Харкивската област Олег Синегубов на брифинг. Тој рече дека руските сили се обидуваат да го опколат градот, кој пред војната имал околу 18.000 жители и дека украинските сили даваат „отпор“. Видете и ова: Зеленски ги одложи патувањата во странство поради „тешката“ ситуација на фронтот Началникот на армијата Олександр Сирски изјави дека Русија ја проширила својата „борбена зона“ за 70 километри и се обидува да ја принуди Украина да ги повлече војниците од своите резерви. „Разбираме дека нè очекуваат тешки битки и дека непријателот се подготвува за тоа“, рече тој. Украина евакуираше речиси 9000 луѓе во текот на неделата, откако руските сили ја преминаа границата на 10 мај, испукувајќи силен артилериски оган врз неколку села. Претставник на украинската полиција во четвртокот ги обвини руските војници дека заробиле десетици цивили во Вовчанск и ги користеле како „човечки штитови“ за одбрана на нивниот команден штаб. АФП не можеше веднаш да го потврди тврдењето. Руските војници претходно беа обвинети за егзекуција на цивили во делови на Украина што ги заробиле и контролирале од инвазијата во февруари 2022 година. Во април 2022 година, телата на десетици цивили, некои со врзани раце, беа пронајдени во киевското предградие Бух по неколкумесечната окупација од страна на руските сили. прочитај повеќе Вчитај повеќе...

Вести мај 16, 2024 Мицкоски: Мое човеково право е како ќе ја нарекувам мојата држава Северна Македонија - Христијан Мицкоски, претседател на ВМРО-ДПМНЕ и Гордана Сиљановска - Давкова, претседателка на Република Северна Македонија Достоинствена беше заклетвата на претседателката Гордана Сиљановска Давкова, очекував честитка од јужниот сосед за убедливиот триумф, но за жал, добивме политички мускули, изјавипретседателот на ВМРО-ДПМНЕ и иден мандатар Христијан Мицкоски на 16 мај. Според Мицкоски, ако Грција смета дека земјава го прекршила Преспанскиот договор, постои Меѓународен суд за правда. Тој потсети и дека нашата држава во целост го има имплементирано Преспанскиот договор, „а кај јужниот сосед не се завршени ни основните три работи“. Видете и ова: Сиљановска и ВМРО-ДПМНЕ не бегаат од Преспанскиот договор, но не се откажуваат од само „Македонија“ „Ако некој очекува од ВМРО-ДПМНЕ да ги повтори грешките од минатото, бидете сигурни дека тоа нема да го направиме. Немаме намера на нивните политички мускули да одговориме со преименување на автопатите и аеродромите или да градиме споменици. Не очекувам односите меѓу двете држави да се темелат на политички мускули, очекувам да имаме одлични меѓусоседски односи. Ценам дека ВМРО-ДПМНЕ и тамошната влада предводена од Нова Демократија имаат свој став поврзан со Преспанскиот договор, бидејќи ниту на едните, ниту на другите ни се допаѓа тој договор“, рече Мицкоски. За разлика од таму, нагласи, Преспанскиот договор тука е дел од македонските институции, од македонскиот Устав и законите. „Многу пати во минатото сме кажале дека тоа е реалност. Комуникацијата во македонските инститиуции останува согласно Уставот и законите, но мое основно човеково право е како ќе ја нарекувам мојата држава. И додека давам изјави или се обраќам, и јас, а очекувам тоа да биде начин на однесување и на Сиљановска, да се користат термините Македонија и придавката „македонски“, бидејќи на тој начин, според нашето толкување на Преспанскиот договор, нема негово прекршување. Ако тие мислат дека сме го прекршиле Преспанскиот договор, постои Меѓународен суд за правда, може да почнат процес па таму ќе ги вкрстиме и едните и другите аргументи. Не би сакал до тоа да дојде. Повикувам на добрососедски и пријателски односи, рече Мицкоски. Тој повика на добрососедски и пријателски односи со Грција и апелира да нема веќе закани, опструкции и враќање назад во минатото, туку двете страни да гледаат кон иднината. Рече и дека наскоро очекува средба со грчкиот премиер со кој би разговарал за економијата, туризмот, образованието... Кога ја даваше свечената заклетва во Собранието, Сиљановска-Давкова употребуваше само Македонија за името на државата, без додавката „северна“. Тоа предизвика реакции од меѓународната заедница и од властите во Грција и во Бугарија. Пораката е дека од почитувањето на Договорот од Преспа постигнат со Грција во 2018, како и Договорот за добрососедство со Бугарија од 2017, зависи и понатамошниот пат на Северна Македонија кон полноправно членство во ЕУ. прочитај повеќе види ги сите денешни вести мај 17, 2024 ЕУ го истражува Мајкрософт за ризиците од вештачката интелигенција пред изборите Илустративна фотографија. Европската унија денеска (17 мај) му нареди на Мајкрософт да предаде внатрешни документи или дека пред изборите ќе се соочи со казни поврзани со ризиците од користење на вештачка интелигенција на својот пребарувач Бинг. ЕУ ја идентификуваше генеративната вештачка интелигенција како една од главните закани за изборите што ќе се одржат во ЕУ од 6 до 9 јуни. Во март, Брисел побара од Бинг, заедно со неколку големи дигитални платформи, вклучително Гугл, ТикТок и Јутуб, да обезбеди информации за активностите што ги презеле за да ги ублажат ризиците од користење на вештачка интелигенција. Но, Мајкрософт не одговори на барањето за повеќе детали за „специфичните ризици кои произлегуваат од функциите на генеративната вештачка интелигенција на Бинг, особено „Копилот во Бинг“ и „Креатор на слики од дизајнер“, соопшти Европската комисија. Американскиот технолошки гигант сега има рок до 27 мај да обезбеди „внатрешни документи и податоци“. Видете и ова: Тик-Ток објави дека ќе означува слики создадени од вештачка интелигенција Доколку Мајкрософт не го стори тоа, ЕУ може да изрече казни до еден процент од вкупниот годишен приход или глобалниот промет на компанијата, како и периодични казни до пет проценти од просечниот дневен приход или дневен промет во светот. Од минатата година, најголемите светски технолошки компании мораа да се усогласат со европскиот закон познат како Закон за дигитални услуги (DSA). Комисијата соопшти дека се сомнева дека „Бинг можеби ја прекршил DSA“ во делот поврзан со „ризиците поврзани со генеративната вештачка интелигенција“. Ова се однесува на можностите на вештачката интелигенција да обезбедува лажни информации и „вирално ширење на длабока лажна содржина“. Видете и ова: Колку и да се труди нема да не замени Мајкрософт соопшти дека е посветен на исполнување на барањата на комисијата. „Целосно соработуваме со Европската комисија во рамките на Доброволното барање за информации и остануваме посветени да одговориме на нивните прашања и да споделуваме информации за нашиот пристап кон дигиталната безбедност и усогласеноста со DSA“, рече портпаролот на Microsoft. Портпаролот рече дека Мајкрософт презел „чекори за мерење и ублажување на потенцијалните ризици“ на сите негови платформи. Мајкрософт инвестираше милијарди во OpenAI, главен играч во вештачката интелигенција, особено откако се појави четботот ChatGPT кон крајот на 2022 година. прочитај повеќе мај 17, 2024 Таравари најави договор за влада, Османи дополнителни механизми за заштита Изет Меџити и Арбен Таравари од коалицијата „Влен“. Градоначалникот на Гостивар Арбен Таравари денеска изјави дека очекува до крајот на идната недела да биде договор околу идната влада меѓу колицијата „Влен“ и ВМРО-ДПМНЕ. Откако „Вреди“ и ВМРО-ДПМНЕ формираа работни групи за формирање на владина коалиција по парламентарните избори на 8 мај, Таравари денекса изјави дека меѓу работните групи „владее позитивна атмосфера. „Се надевам дека до крајот на идната недела ќе имаме завршен договор со програма на Владата и со распределба на ресори, односно кој и каде ќе биде како министер“, рече Таравари. По гласањето на двојните избори на 8 мај, претседателски и парламентрани, ВМРО-ДПМНЕ освои најмногу (58) мандати. Во албанскиот политички блок, Коалицијата „Влен“ освои 13 мандати, што е 6 помалку од коалицијата „Европски фронт“ која освои 19. Видете и ова: Управен суд ја одби тужбата на „Европскиот фронт“ за решението на ДИК за избирачкото место во Крушево Но, ВМРО-ДПМНЕ и Влен се во преговори за состав на идната влада. Таравари рече дека со Христијан Мицкоски досега имале две средби, а дека понатаму интензивно работат работните групи. „Се надевам до понеделник ќе излеземе со заедничка програма, а до петок ќе имаме завршен договор меѓу ВЛЕН и ВМРО-ДПМНЕ, практично договор за нова влада“, изјави Таравари. Потпретседателот на ДУИ Бујар Османи, чија партија е дел од коалицијата „Европски фронт“, денеска рече дека ако се прави владина коалиција без нивната партија, дека „тоа ќе ги разгневи сите Албанци кои ценат дека нивните гласови ќе бидат ништовни и потоа ќе бараат дополнителен механизам за заштита“, изјави Османи за приватната телевизија „Канал 5“. „ДУИ е во постојано заседание, емоциите кај албанскиот народ се веќе вжештени и ние повеќе се обидуваме да менаџираме и да контролираме. Ќе сметаат дека Охридскиот рамковен договор не ги заштитува, не го заштитува нивниот глас, нивниот глас се игнорира, е ништовен за државата и дека ќе бараат дополнителен механизам за заштита“, рече Османи. прочитај повеќе мај 17, 2024 Управен суд ја одби тужбата на „Европскиот фронт“ за решението на ДИК за избирачкото место во Крушево Управен суд Скопје Управниот суд ja одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија" за избирачкото место 1194 во Општина Крушево на Парламентарните избори одржани на 8 мај 2024 година. Според Изборниот законик, доколку одлуката за прегласување во тоа избирачко место влијае на конечните изборни резултати, ДИК треба да спроведе повторено гласање 14 ден од Парламентарните избори кои беа одржани на 8 мај. Повтореното гласање според тоа треба да биде на 22 мај. Претходно денеска во текот на расправата, застапникот на тужителот, Коалицијата „Европски фронт“, Ејуп Рустеми, посочи дека се оспорува решението на ДИК за прифаќање на приговорот за поништувње на гласањето на ИМ 1194 на Коалицијата „Твоја Македонија". „Решението на ДИК е нејасно. Сумираниот износ на искористени гласачки ливчиња е нејасно како ДИК дошле до збирот од 377 гласачи, без притоа да се земе предвид бројот од 359 потпишани гласачи во избирачкиот список. Бројот од 17 болни и изнемоштени не треба да се додава во дел IV од записникот, бидејќи тие се веќе вброени во статистичкиот податок и се добива дупла бројка. Според Изборниот законик погрешно пополнување на записник не е основ за поништување на гласањето“, изјави Рустеми. Видете и ова: Загриженост во ДИК поради изјави на политичари по приговорите за изборите Дополнително, посочи Рустеми, во записникот нема заведено забелешки за евентуални неправилности. Претставникот на ДИК, Катерина Василевска нагласи дека остануваат во целост на наводите од решението и одговорот на тужбата и предлагаат таа да се одбие како неоснована. „ДИК постапи во законскиот рок и донесе одлука. По увидот во целосниот изборен материјал ДИК утврди дека бројот на идентификувани гласачи не се совпаѓа со бројот на потпишани гласачи во избирачкиот список и не соодветствува со бројот на искористени гласачки ливчиња на гласачкото место“, нагласи Василевска. Управниот суд пресудата ќе ја објави за два часа. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите се оформени предмети и закажани во текот на денешниот ден. Видете и ова: Талат Џафери: Има обиди за изборен инжинеринг ДИК на 104 седница ги разгледа приговорите поднесени од политичките партии по одржувањето на парламентарните избори на 8 мај. Од вкупно 27 поднесени приговори - девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. прочитај повеќе мај 17, 2024 Загриженост во ДИК поради изјави на политичари по приговорите за изборите Александар Даштевски - претседател на Државната изборна комисија (ДИК) . Претседателот на Државната изборна комисија (ДИК) Александар Даштевски и членовите на ДИК и уште неколку членови денеска изразија загриженост дека политички партии и високи владини функционери давале изјави за работата на ДИК за постапувањето по приговорите за парламентарните избори, кои според нив можат да бидат закана за нивната безбедност. Во денешносто соопштение на ДИК, освен Даштевски, загриженост изразуваат и членовите на ДИК Радица Ристеска, Оливер Ристовски, Борис Кондарко, Бобан Стојаноски и Абдуш Демири. „Ве известуваме дека покрај тоа што сме лично понижувани и навредувани, исто така како членови во највисоката институција за организирање и спроведување на изборите, сме изложени и на неосновани и непримерени јавни политички притисоци и на закани за кривична одговорност поради донесените одлуки на ДИК“, се вели во реакцијата. Тие велат дека според „контекстот и интензитетот на нападите, прозивките и навредите“ загрижени се и дека е можно тие да преминат и во лични напади на нивната сигурност. „Ве известуваме дека ДИК во целост професионално, транспаретно и само врз основа на закон ги спроведе изборите што е потврдено од сите домашни и меѓународни фактори. Исто така и покрај сите непријатности кои ги имаме, сепак со највисок степен на интегритет врз основа на јавна проверка на изборниот материјал ДИК ги утврди фактите и одлучуваше по приговори поднесени од различни учесници за 110 избирачки места, од кои врз основа на образложени докази усвои приговори за само 7 избирачки места за кои имаше правен основ, додека сите останати 103 избирачки места, беа одбиени како неосновани и за нив немаше поднесено тужби ниту еден учесник на изборите“, се вели во реакцијата. Видете и ова: Талат Џафери: Има обиди за изборен инжинеринг Државната изборна комисија наведува дека е неприфатливо да има нападите, притисоци и мешање на одредени политички партии и на поединци од техничката Влада во изборните процедури и во работата и одлучувањето на ДИК и на Управниот суд. Тие посочуваат дека за сето ова денеска на средба во ДИК била известена и амбасадорката на набљудувачката мисија на ОБСЕ-ОДИХР Џилијан Стирк. Премиерот на техничката Влада Талат Џафери вчера на прес-конференција соопшти дека имало договор за надгласување во Државната изборна комисија за прифаќање на одредени приговори за изборните резултати и прегласување и оти на ваков начин се прави обид за изборен инженеринг за менување на бројките во Собранието и изигрување на волјата на граѓаните. Изборниот процес кој беше оценет како кредибилен и демократски, сега е во рацете на Управниот суд, рече Џафери и повика сите институции да постапуваат согласно закон без партиски директиви од која било страна. Управниот суд вчера одржа јавна седница по тужба на Коалицијата „Вреди“ по одлуката на ДИК за одбивање на нивниот приговор за избирачко место 0511, во Долна Бањица во Општина Гостивар на Парламентарните избори 2024 година. Видете и ова: Ќе се прегласува во Желино, „Европски фронт“ со обвинувања дека ќе им бидат одземени пратеници Постапката беше прекината, откако претставникот на Коалицијата „Вреди“ изјави дека ја повлекува тужбата во целост. До Државната изборна комисија беа поднесени вкупно 27 приговори за парламентарните избори - девет од коалицијата „Влен“, осум од ВМРО-ДПМНЕ, пет од СДСМ и четири од Левица. Прифатени беа седум: шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Против одлуката на ДИК може да се поднесе тужба до Управниот суд, во рок од 24 часа од приемот на решението.Управниот суд, пак, по жалбата е должен да донесе одлука во рок од 48 часа по нејзиниот прием. мд/дма/ прочитај повеќе мај 17, 2024 Состојбата на словачкиот премиер Фицо „се уште многу сериозна“ Словачкиот премиер Роберт Фицо. Два дена по обидот за атентат, состојбата на словачкиот премиер Роберт Фицо на 17 мај „останува многу сериозна“, изјави неговиот заменик и близок соработник Роберт Калинак. Фицо беше хоспитализиран по пукањето во средата, коешто се случи додека 59-годишниот премиер на Словачка разговараше со граѓаните по состанокот во централниот град Хандлова. „Повторно беше опериран, имаше операција речиси два часа“, изјави за новинарите пред болницата во Банска Бистрица вицепремиерот Роберт Калинак. Фицо претходно имаше петчасовна операција набргу откако од местото на нападот беше пренесен во болница со хеликоптер. Директорот на болницата во Банска Бистрица рече дека Фицо останал „свесен“, иако е во „тешка“ состојба. Претходно, на 17 мај, локалните медиуми објавија дека словачката полиција извршила претрес во домот на мажот кој е обвинет за пукањето. Видете и ова: На словачкиот премиер Фицо ќе му биде извршена уште една операција Полициските службеници го донесоа наводниот вооружен напаѓач, кој носел панцир и шлем, во станот што го делел со неговата сопруга во западниот град Левице, беше прикажано во видео од телевизијата Маркиза. „Полицијата остана во станот неколку часа... Од станот таа изнесе компјутер и документи“, вели приватниот радиодифузер. Полицијата за АФП изјави дека нема да ја коментира тековната истрага. Полицијата не го именуваше осомничениот, но медиумите го идентификуваа како 71-годишниот писател Јурај Цинтулу. Тој во четвртокот беше обвинет за обид за убиство од прв степен во, како што велат властите, политички мотивиран напад. „Станува збор за „волк-самец“ кој се активирал по претседателските избори бидејќи не бил задоволен од нивниот исход“, изјави министерот за внатрешни работи Матус Сутај Есток. Видете и ова: Обид за атентат врз словачкиот премиер Фицо - нападот бил „политички мотивиран“ Нападот ги поттикна стравувањата од натамошно насилство и нестабилност во политички поларизираната земја, само неколку недели пред изборите за Европскиот парламент, пренесува АФП. Официјалните лица во Словачка ја повлекоа врската со политичката ситуација во земјата, со нејзината политичка сцена нарушена со дезинформации за време на неодамнешните изборни кампањи. Фицо, четирикратен премиер и политички ветеран, се врати на функцијата во октомври. Оттогаш тој даде серија изјави кои ги влошија врските меѓу Словачка и соседна Украина, откако го доведе во прашање суверенитетот на земјата. Откако тој беше избран, Словачка престана да испраќа оружје во Украина, која Русија ја нападна во 2022 година. прочитај повеќе мај 17, 2024 Палевски ќе биде спроведен на распит во Кривичниот суд Љупчо Палевски - Палчо, првоосомничен за убиството на Вања Ѓорчевска и Панче Жежовски. Основниот кривичен суд Скопје денеска доби официјално известување од Истражниот затвор Скопје за екстрадицијата на Љупчо Палевски, којшто е првоосомничен за случајот за убиството на 14-годишната Вања Ѓорчевска и велешкиот фризер Панче Жежовски (74). Палевски прво ќе биде спроведен до Кривичниот суд за да се изјасни за мерката притвор која му беше веќе определена, откако на 5 мај со авион беше екстрадиран од Турција во Северна Македонија. Од судот соопштуваат дека денеска добиле и известување и барање за ангажирање на адвокат кој ќе го застапува Палевски во текот на постапката. Според законите во Северна Македонија, судот ги издава сите дозволи поврзани со истражната постапка и ги доставува до предложените адвокати за нивно понатамошно постапување. „Дополнително, судија на претходна постапка во координација со надлежниот Јавен обвинител, ќе издаде наредба за спровод на осомниченото лице за негово произнесување во однос на околностите во предлогот на Јавниот обвинител за определување на мерката притвор, а за донесеното решение јавноста ќе биде известена“, се вели во соопштението од Основен кривичен суд Скопје. Видете и ова: Финишира истрагата за Палчо за убиството на 14-годишната Вања Истрагата за случајот, кој што го води Основното јавно обвинителство (ОЈО) Скопје, е во завршна фаза. Палевски повеќе од пет месеци помина во екстрадициски притвор во Турција, откако беше фатен од турската полиција. Палевски се гони за две грабнувања и две убиства на свиреп начин. Осомничени се и тројца соизвршители за овие дела, како и таткото на Вања Ѓорчевска кој се товари за помагање во грабнувањето на девојчето. За помагање во бегството, обвинителството сомничи уште едно лице. Истрагата на Обвинителството беше отворена на 3 декември, откако случајот притви Палевски и останатите осомничени беше отворен по пријавата за исчезнувањето на малолетната Вања на 27 ноември, утрото кога таа не се појави на училиште. Исчезнувањето со денови ја брануваше македонската, но и јавноста во регионот, а медиумите и социјалните мрежи беа преплавени со вести и апели се до 3 декември кога нејзиното тело беше пронајдено во околината на Скопје. Видете и ова: Љупчо Палевски – Палчо со авион екстрадиран во Северна Македонија Истиот ден беше кобен и за семејството на Панче Жежовски бидејќи полицијата соопшти дека неговото тело го пронашле во близина на Велес. Тој бил пријавен за исчезнат три дена пред Вања – на 24 ноември. Палевски беше во бегство во Турција, а избегал во таа земја преку Србија и Бугарија, избега во Турција. Турската полиција успеа да го фати кај градот Балибекир на 5 декември 2023 година. Тој на 15 мај годинава беше екстрадиран во Северна Македонија. Пред затворање на истрагата и поднесување на обвинение, Палевски треба да биде сослушан и во обвинителството. По евентуалното обвинение, тоа ќе оди на оценка во судот и ако добие зелено светло, ќе стартува судски процес. Во меѓувреме тој во притвор се чува под посебни безбедносни мерки. прочитај повеќе мај 17, 2024 Познат политички аналитичар бега од Русија поради обвинувања за антируски активности Александар Сунгуров, претседател на Хуманитарно-политички центар „Стратегија“ Александар Сунгуров, руски политички аналитичар и професор на Високата школа за економија, побегна од Русија откако про-Кремљ режисерот Никита Михалков го обвини за антируски активности, изјави еден од студентите на Сунгуров на 17 мај. Михалков неодамна во својата ТВ емисија изјави дека фондацијата „Стратегија“ предводена од Сунгуров добила финансиска поддршка од странство и мора да биде означена како „странски агент“. Видете и ова: Грузискиот премиер го брани законот за „странски агенти“ Сунгуров поднесе оставка од Вишата економска школа во Санкт Петербург. Неговата страница е отстранета од веб-страницата на универзитетот. Тој од 2005 година е раководител на Катедрата за применети политички науки на тој факултет. Од 1994 година, Сунгуров ја води „Стратегија“ - либерален аналитички центар во Санкт Петербург. Тој работеше и како експерт за Советот на Европа и Европската Унија. прочитај повеќе мај 17, 2024 Судски совет: Судската власт е независна, секое мешање е опасно за демократијата Судски совет Судската власт е самостојна и независна и секое мешање во судството и во судската власт носи со себе сериозна опасност по демократијата, правната сигурност и владеењето на правото, велат од Судскиот совет на најавите на лидерот на ВМРО-ДПМНЕ Христијан Мицкоски дека нивна цел е да го распуштат Судскиот совет и самите судии и обвинители преку тајно гласање да ги избираат своите преставници во Советот. „Судскиот совет не се впуштa во коментирање и оценка на предизборни програми и ветувања на која било политичка партија, затоа што тоа е крајно несоодветно. Единствено, Судскиот совет укажува дека судската власт како една од трите власти, а не трета власт, е самостојна и независна. Овој факт не го користиме како флоскула и одбранбен механизам. Мора да биде јасно и сите да бидат свесни дека секое мешање во судството и генерално во судската власт на кој било од носителите на другите две власти, носи со себе сериозна опасност за едно демократско општество, правната сигурност и владеењето на правото, како вредности, стандарди и врвни приоритети кон кои како држава се стремиме на патот кон ЕУ“, велат од Судскиот совет. Видете и ова: Мицкоски: Мое човеково право е како ќе ја нарекувам мојата држава Оттаму нагласуваат дека се свесни за состојбите во судството, за нивото на доверба и за се она што како недостиг се става на товар на судството. „Критиките ги прифаќаме, меѓутоа, исто така убедени сме дека судството во Република Северна Македонија има капацитет да ги надмине состојбите без реформи и резови за кои никој не може однапред да ги предвиди ефектите кои ќе бидат предизвикани. Реформи заради реформи никому не му се потребни и истите само ќе ги вратат неколку чекори назад процесите и активностите кои Судскиот совет ги превзема во овој период, финансирани и со поддршка на меѓународната заедница преку проекти, а се во насока на подобрување на состојбите во судството и се во напредна фаза“, нагласуваат од Судскиот совет. Лидерот на ВМРО-ДПМНЕ Мицкоски во обраќање на Самитот „Македонија2025“ вчера рече дека главен предизвик на идната влада ќе бидат реформите во Судскиот совет и Советот на јавни обвинители и дека нивна цел е да ги распуштат оние кои довербата во правниот систем ја свеле на едноцифрена бројка проценти и наместо нив, самите судии и обвинители да си ги изберат своите претставници преку тајно гласање. Мицкоски потенцираше дека владата предводена од ВМРО-ДПМНЕ нема намера ниту да поставува и предлага свои луѓе преку измени во законот, ниту пак има намера да се меша во овие две тела. прочитај повеќе мај 17, 2024 Украина објави дека Русија го уништува градот Вовчанск Постара жена евакуирана од областа Вовчанск, 12 мај 2024 година Руските сили почнаа да го „уништуваат“ украинскиот град Вовчанск, а сите освен 200 жители на градот побегнаа од нападот, изјави гувернерот на регионот на 17 мај. Москва минатата недела изврши ненадеен копнен напад врз североисточна Украина, напредувајќи кон неколку населени места, вклучувајќи го и Вовчанск, на само пет километри од границата. „Непријателот почна да го уништува градот. Не само што е опасно да се биде таму, туку е невозможно“, рече гувернерот на Харкивската област Олег Синегубов на брифинг. Тој рече дека руските сили се обидуваат да го опколат градот, кој пред војната имал околу 18.000 жители и дека украинските сили даваат „отпор“. Видете и ова: Зеленски ги одложи патувањата во странство поради „тешката“ ситуација на фронтот Началникот на армијата Олександр Сирски изјави дека Русија ја проширила својата „борбена зона“ за 70 километри и се обидува да ја принуди Украина да ги повлече војниците од своите резерви. „Разбираме дека нè очекуваат тешки битки и дека непријателот се подготвува за тоа“, рече тој. Украина евакуираше речиси 9000 луѓе во текот на неделата, откако руските сили ја преминаа границата на 10 мај, испукувајќи силен артилериски оган врз неколку села. Претставник на украинската полиција во четвртокот ги обвини руските војници дека заробиле десетици цивили во Вовчанск и ги користеле како „човечки штитови“ за одбрана на нивниот команден штаб. АФП не можеше веднаш да го потврди тврдењето. Руските војници претходно беа обвинети за егзекуција на цивили во делови на Украина што ги заробиле и контролирале од инвазијата во февруари 2022 година. Во април 2022 година, телата на десетици цивили, некои со врзани раце, беа пронајдени во киевското предградие Бух по неколкумесечната окупација од страна на руските сили. прочитај повеќе мај 17, 2024 Израел соопшти дека обвинувањата на Јужна Африка за геноцид се неосновани Појасот Газа Израел ја бранеше воената неопходност од својата офанзива во Газа пред Меѓународниот суд на правдата (МПС) на 17 мај, откако Јужна Африка побара од судиите да му наредат да ги прекине операциите во Рафа и целосно да се повлече од палестинските територии. Службеникот на израелското Министерство за правда Гилад Ноам го нарече случајот на Јужна Африка, кој го обвинува Израел за кршење на Конвенцијата за геноцид, „целосно надвор од фактите и околностите“ и рече дека „ја исмејува конвенцијата“. Тој го нарече случајот „безобразна експлоатација на најсветата конвенција“, мислејќи на меѓународниот договор за забрана на геноцид договорен по холокаустот на европските Евреи во Втората светска војна. Конвенцијата бара од сите земји да дејствуваат за да го спречат геноцидот, а МСП, познат и како Светски суд, кој ги разгледува споровите меѓу државите, пресуди дека тоа и дава право на Јужна Африка да го покрене случајот. Во претходните пресуди, судот ги отфрли барањата на Израел да го отфрли случајот и му нареди на Израел да спречи акти на геноцид врз Палестинците, но не му нареди да го запре нападот. Видете и ова: Меѓународниот суд на правдата бара мерки од Израел за решавање на гладот во Газа Пред израелската презентација, неколку десетици про-израелски демонстранти се собраа надвор и ги покажаа фотографиите на заложниците што ги зедоа борците на Хамас на 7 октомври и бараа нивно ослободување. Хамас е прогласена за терористичка организација од САД и ЕУ. Јужноафриканскиот правен тим, кој го претстави својот случај за нови итни мерки претходниот ден, ја прикажа израелската воена операција како дел од геноциден план чија цел е уништување на палестинскиот народ. Амбасадорот на Јужна Африка во Холандија, Вусимузи Мадонсела побара од судот да му нареди на Израел „веднаш, целосно и безусловно да ја повлече израелската армија од целиот Појас Газа“. Видете и ова: САД ја отфрлија можноста Меѓународниот кривичен суд да го истражува Израел Израелскиот официјален претставник Ноам рече дека израелските воени операции не биле насочени кон цивили, туку кон терористите на Хамас кои го користат Рафа како упориште, кои имаат тунелни системи кои можат да се користат за шверцување заложници и милитанти од Газа. Примерите за наводното прекршување на конвенцијата од страна на Израел презентирани од Јужна Африка „не се доказ за политика на незаконско однесување, а не пак за политика на геноцид. Наредбата на Израел да ги повлече своите војници ќе ги осуди на смрт преостанатите заложници во Газа“, рече Ноам. Војната започна кога милитантите на Хамас го нападнаа Израел на 7 октомври, убивајќи 1200 луѓе и киднапирајќи 253 луѓе. Повеќе од 35 000 Палестинци загинаа во израелските напади, според Министерството за здравство во Газа, кое го предводи Хамас. Одлуката за барањето за вонредни мерки се очекува следната недела. прочитај повеќе Вчитај повеќе...

Вести мај 16, 2024 Мицкоски: Успешно консолидиравме 61 пратеник Северна Македонија - Христијан Мицкоски, претседател на ВМРО-ДПМНЕ, Скопје, 8 мај 2024 година Покрај 58 пратеници на коалицијата, имаме консолидирано точно 61 пратеник, изјави лидерот на ВМРО-ДПМНЕ и иден мандатар, Христијан Мицкоски на 16 мај. „Како ВМРО-ДПМНЕ и коалиција „Твоја Македонија“ ги завршуваме разговорите со неколку од пратениците кои не се дел од коалицијата „Твоја Македонија“ и можам да кажам дека во моментов успешно консолидиравме 61 пратеник, не можам да кажам детали“, изјави Мицкоски. Одговарајќи на новинарски прашања пред затворењето на Самитот Македонија 2025, Мицкоски информира дека разговорите со коалицијата„Вреди“ се водат во вистинска насока. „Нашата втора цел е заедно со коалициските партнери да успееме да консолидираме две третини во Собранието. Потребни се затоа што имаме намера да направиме сериозно реструктуирање и реекипирање на владиниот кабинет“, изјави Мицкоски. Видете и ова: ВМРО-ДПМНЕ и „Вреди“ договараат нова Влада, други чекаат покана Претходно се одржа и средба меѓу работните групи на ВМРО-ДПМНЕ и „Вреди“ за преговори за формирање коалиција за нова влада. Пред почетокот на состанокот куса изјава за медиумите даде Азир Алиу од Алијансата за Албанците на Арбен Таравари, кој кажа дека ќе се разговара за методологијата и динамиката на работа на овие групи. Одговарајќи на новинарски прашања Алиу речи дека најверојатно од наредниот состанок на работните групи ќе почнат поконкретните разговори вклучувајќи ги и кадровските решенија. Алиу на состанокот на работните групи во седиштето на ВМРО-ДПМНЕ дојде заедно со другите членови на работната група од оваа коалиција. Според информациите на ВМРО-ДПМНЕ, членови на работната група од нивна страна се потпретседателите на партијата Владо Мисајловски, Александар Николовски, Тимчо Муцунски и Гордана Димитровска Кочовска. Лидерот на ВМРО-ДПМНЕ Христијан Мицкоски заедно со потпретседателите и првите луѓе од партиите од коалицијата Вреди Изет Меџити, Африм Гаши и Арбен Таравари имаа средба во саботата во седиштето на коалицијата “Вреди“ кога и официјално почнаа разговорите за формирање влада. Според роковите во Уставот, Владата би требало да биде предложена најдоцна до крајот на јуни. Таа треба да биде изгласана со мнозинство од 61 пратеник од вкупно 120 во Собранието. Коалицијата на ВМРО-ДПМНЕ освои 436.036 гласови на парламентарните избори на 8 мај, речиси тројно повеќе од коалицијата на СДСМ, кој ја предводеше Владата на Северна Македонија по последните седум години. прочитај повеќе види ги сите денешни вести мај 17, 2024 Таравари најави договор за влада, Османи дополнителни механизми за заштита Изет Меџити и Арбен Таравари од коалицијата „Влен“. Градоначалникот на Гостивар Арбен Таравари денеска изјави дека очекува до крајот на идната недела да биде договор околу идната влада меѓу колицијата „Влен“ и ВМРО-ДПМНЕ. Откако „Вреди“ и ВМРО-ДПМНЕ формираа работни групи за формирање на владина коалиција по парламентарните избори на 8 мај, Таравари денекса изјави дека меѓу работните групи „владее позитивна атмосфера. „Се надевам дека до крајот на идната недела ќе имаме завршен договор со програма на Владата и со распределба на ресори, односно кој и каде ќе биде како министер“, рече Таравари. По гласањето на двојните избори на 8 мај, претседателски и парламентрани, ВМРО-ДПМНЕ освои најмногу (58) мандати. Во албанскиот политички блок, Коалицијата „Влен“ освои 13 мандати, што е 6 помалку од коалицијата „Европски фронт“ која освои 19. Видете и ова: Управен суд ја одби тужбата на „Европскиот фронт“ за решението на ДИК за избирачкото место во Крушево Но, ВМРО-ДПМНЕ и Влен се во преговори за состав на идната влада. Таравари рече дека со Христијан Мицкоски досега имале две средби, а дека понатаму интензивно работат работните групи. „Се надевам до понеделник ќе излеземе со заедничка програма, а до петок ќе имаме завршен договор меѓу ВЛЕН и ВМРО-ДПМНЕ, практично договор за нова влада“, изјави Таравари. Потпретседателот на ДУИ Бујар Османи, чија партија е дел од коалицијата „Европски фронт“, денеска рече дека ако се прави владина коалиција без нивната партија, дека „тоа ќе ги разгневи сите Албанци кои ценат дека нивните гласови ќе бидат ништовни и потоа ќе бараат дополнителен механизам за заштита“, изјави Османи за приватната телевизија „Канал 5“. „ДУИ е во постојано заседание, емоциите кај албанскиот народ се веќе вжештени и ние повеќе се обидуваме да менаџираме и да контролираме. Ќе сметаат дека Охридскиот рамковен договор не ги заштитува, не го заштитува нивниот глас, нивниот глас се игнорира, е ништовен за државата и дека ќе бараат дополнителен механизам за заштита“, рече Османи. прочитај повеќе мај 17, 2024 Управен суд ја одби тужбата на „Европскиот фронт“ за решението на ДИК за избирачкото место во Крушево Управен суд Скопје Управниот суд ja одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија" за избирачкото место 1194 во Општина Крушево на Парламентарните избори одржани на 8 мај 2024 година. Според Изборниот законик, доколку одлуката за прегласување во тоа избирачко место влијае на конечните изборни резултати, ДИК треба да спроведе повторено гласање 14 ден од Парламентарните избори кои беа одржани на 8 мај. Повтореното гласање според тоа треба да биде на 22 мај. Претходно денеска во текот на расправата, застапникот на тужителот, Коалицијата „Европски фронт“, Ејуп Рустеми, посочи дека се оспорува решението на ДИК за прифаќање на приговорот за поништувње на гласањето на ИМ 1194 на Коалицијата „Твоја Македонија". „Решението на ДИК е нејасно. Сумираниот износ на искористени гласачки ливчиња е нејасно како ДИК дошле до збирот од 377 гласачи, без притоа да се земе предвид бројот од 359 потпишани гласачи во избирачкиот список. Бројот од 17 болни и изнемоштени не треба да се додава во дел IV од записникот, бидејќи тие се веќе вброени во статистичкиот податок и се добива дупла бројка. Според Изборниот законик погрешно пополнување на записник не е основ за поништување на гласањето“, изјави Рустеми. Видете и ова: Загриженост во ДИК поради изјави на политичари по приговорите за изборите Дополнително, посочи Рустеми, во записникот нема заведено забелешки за евентуални неправилности. Претставникот на ДИК, Катерина Василевска нагласи дека остануваат во целост на наводите од решението и одговорот на тужбата и предлагаат таа да се одбие како неоснована. „ДИК постапи во законскиот рок и донесе одлука. По увидот во целосниот изборен материјал ДИК утврди дека бројот на идентификувани гласачи не се совпаѓа со бројот на потпишани гласачи во избирачкиот список и не соодветствува со бројот на искористени гласачки ливчиња на гласачкото место“, нагласи Василевска. Управниот суд пресудата ќе ја објави за два часа. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите се оформени предмети и закажани во текот на денешниот ден. Видете и ова: Талат Џафери: Има обиди за изборен инжинеринг ДИК на 104 седница ги разгледа приговорите поднесени од политичките партии по одржувањето на парламентарните избори на 8 мај. Од вкупно 27 поднесени приговори - девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. прочитај повеќе мај 17, 2024 Загриженост во ДИК поради изјави на политичари по приговорите за изборите Александар Даштевски - претседател на Државната изборна комисија (ДИК) . Претседателот на Државната изборна комисија (ДИК) Александар Даштевски и членовите на ДИК и уште неколку членови денеска изразија загриженост дека политички партии и високи владини функционери давале изјави за работата на ДИК за постапувањето по приговорите за парламентарните избори, кои според нив можат да бидат закана за нивната безбедност. Во денешносто соопштение на ДИК, освен Даштевски, загриженост изразуваат и членовите на ДИК Радица Ристеска, Оливер Ристовски, Борис Кондарко, Бобан Стојаноски и Абдуш Демири. „Ве известуваме дека покрај тоа што сме лично понижувани и навредувани, исто така како членови во највисоката институција за организирање и спроведување на изборите, сме изложени и на неосновани и непримерени јавни политички притисоци и на закани за кривична одговорност поради донесените одлуки на ДИК“, се вели во реакцијата. Тие велат дека според „контекстот и интензитетот на нападите, прозивките и навредите“ загрижени се и дека е можно тие да преминат и во лични напади на нивната сигурност. „Ве известуваме дека ДИК во целост професионално, транспаретно и само врз основа на закон ги спроведе изборите што е потврдено од сите домашни и меѓународни фактори. Исто така и покрај сите непријатности кои ги имаме, сепак со највисок степен на интегритет врз основа на јавна проверка на изборниот материјал ДИК ги утврди фактите и одлучуваше по приговори поднесени од различни учесници за 110 избирачки места, од кои врз основа на образложени докази усвои приговори за само 7 избирачки места за кои имаше правен основ, додека сите останати 103 избирачки места, беа одбиени како неосновани и за нив немаше поднесено тужби ниту еден учесник на изборите“, се вели во реакцијата. Видете и ова: Талат Џафери: Има обиди за изборен инжинеринг Државната изборна комисија наведува дека е неприфатливо да има нападите, притисоци и мешање на одредени политички партии и на поединци од техничката Влада во изборните процедури и во работата и одлучувањето на ДИК и на Управниот суд. Тие посочуваат дека за сето ова денеска на средба во ДИК била известена и амбасадорката на набљудувачката мисија на ОБСЕ-ОДИХР Џилијан Стирк. Премиерот на техничката Влада Талат Џафери вчера на прес-конференција соопшти дека имало договор за надгласување во Државната изборна комисија за прифаќање на одредени приговори за изборните резултати и прегласување и оти на ваков начин се прави обид за изборен инженеринг за менување на бројките во Собранието и изигрување на волјата на граѓаните. Изборниот процес кој беше оценет како кредибилен и демократски, сега е во рацете на Управниот суд, рече Џафери и повика сите институции да постапуваат согласно закон без партиски директиви од која било страна. Управниот суд вчера одржа јавна седница по тужба на Коалицијата „Вреди“ по одлуката на ДИК за одбивање на нивниот приговор за избирачко место 0511, во Долна Бањица во Општина Гостивар на Парламентарните избори 2024 година. Видете и ова: Ќе се прегласува во Желино, „Европски фронт“ со обвинувања дека ќе им бидат одземени пратеници Постапката беше прекината, откако претставникот на Коалицијата „Вреди“ изјави дека ја повлекува тужбата во целост. До Државната изборна комисија беа поднесени вкупно 27 приговори за парламентарните избори - девет од коалицијата „Влен“, осум од ВМРО-ДПМНЕ, пет од СДСМ и четири од Левица. Прифатени беа седум: шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Против одлуката на ДИК може да се поднесе тужба до Управниот суд, во рок од 24 часа од приемот на решението.Управниот суд, пак, по жалбата е должен да донесе одлука во рок од 48 часа по нејзиниот прием. мд/дма/ прочитај повеќе мај 17, 2024 Состојбата на словачкиот премиер Фицо „се уште многу сериозна“ Словачкиот премиер Роберт Фицо. Два дена по обидот за атентат, состојбата на словачкиот премиер Роберт Фицо на 17 мај „останува многу сериозна“, изјави неговиот заменик и близок соработник Роберт Калинак. Фицо беше хоспитализиран по пукањето во средата, коешто се случи додека 59-годишниот премиер на Словачка разговараше со граѓаните по состанокот во централниот град Хандлова. „Повторно беше опериран, имаше операција речиси два часа“, изјави за новинарите пред болницата во Банска Бистрица вицепремиерот Роберт Калинак. Фицо претходно имаше петчасовна операција набргу откако од местото на нападот беше пренесен во болница со хеликоптер. Директорот на болницата во Банска Бистрица рече дека Фицо останал „свесен“, иако е во „тешка“ состојба. Претходно, на 17 мај, локалните медиуми објавија дека словачката полиција извршила претрес во домот на мажот кој е обвинет за пукањето. Видете и ова: На словачкиот премиер Фицо ќе му биде извршена уште една операција Полициските службеници го донесоа наводниот вооружен напаѓач, кој носел панцир и шлем, во станот што го делел со неговата сопруга во западниот град Левице, беше прикажано во видео од телевизијата Маркиза. „Полицијата остана во станот неколку часа... Од станот таа изнесе компјутер и документи“, вели приватниот радиодифузер. Полицијата за АФП изјави дека нема да ја коментира тековната истрага. Полицијата не го именуваше осомничениот, но медиумите го идентификуваа како 71-годишниот писател Јурај Цинтулу. Тој во четвртокот беше обвинет за обид за убиство од прв степен во, како што велат властите, политички мотивиран напад. „Станува збор за „волк-самец“ кој се активирал по претседателските избори бидејќи не бил задоволен од нивниот исход“, изјави министерот за внатрешни работи Матус Сутај Есток. Видете и ова: Обид за атентат врз словачкиот премиер Фицо - нападот бил „политички мотивиран“ Нападот ги поттикна стравувањата од натамошно насилство и нестабилност во политички поларизираната земја, само неколку недели пред изборите за Европскиот парламент, пренесува АФП. Официјалните лица во Словачка ја повлекоа врската со политичката ситуација во земјата, со нејзината политичка сцена нарушена со дезинформации за време на неодамнешните изборни кампањи. Фицо, четирикратен премиер и политички ветеран, се врати на функцијата во октомври. Оттогаш тој даде серија изјави кои ги влошија врските меѓу Словачка и соседна Украина, откако го доведе во прашање суверенитетот на земјата. Откако тој беше избран, Словачка престана да испраќа оружје во Украина, која Русија ја нападна во 2022 година. прочитај повеќе мај 17, 2024 Палевски ќе биде спроведен на распит во Кривичниот суд Љупчо Палевски - Палчо, првоосомничен за убиството на Вања Ѓорчевска и Панче Жежовски. Основниот кривичен суд Скопје денеска доби официјално известување од Истражниот затвор Скопје за екстрадицијата на Љупчо Палевски, којшто е првоосомничен за случајот за убиството на 14-годишната Вања Ѓорчевска и велешкиот фризер Панче Жежовски (74). Палевски прво ќе биде спроведен до Кривичниот суд за да се изјасни за мерката притвор која му беше веќе определена, откако на 5 мај со авион беше екстрадиран од Турција во Северна Македонија. Од судот соопштуваат дека денеска добиле и известување и барање за ангажирање на адвокат кој ќе го застапува Палевски во текот на постапката. Според законите во Северна Македонија, судот ги издава сите дозволи поврзани со истражната постапка и ги доставува до предложените адвокати за нивно понатамошно постапување. „Дополнително, судија на претходна постапка во координација со надлежниот Јавен обвинител, ќе издаде наредба за спровод на осомниченото лице за негово произнесување во однос на околностите во предлогот на Јавниот обвинител за определување на мерката притвор, а за донесеното решение јавноста ќе биде известена“, се вели во соопштението од Основен кривичен суд Скопје. Видете и ова: Финишира истрагата за Палчо за убиството на 14-годишната Вања Истрагата за случајот, кој што го води Основното јавно обвинителство (ОЈО) Скопје, е во завршна фаза. Палевски повеќе од пет месеци помина во екстрадициски притвор во Турција, откако беше фатен од турската полиција. Палевски се гони за две грабнувања и две убиства на свиреп начин. Осомничени се и тројца соизвршители за овие дела, како и таткото на Вања Ѓорчевска кој се товари за помагање во грабнувањето на девојчето. За помагање во бегството, обвинителството сомничи уште едно лице. Истрагата на Обвинителството беше отворена на 3 декември, откако случајот притви Палевски и останатите осомничени беше отворен по пријавата за исчезнувањето на малолетната Вања на 27 ноември, утрото кога таа не се појави на училиште. Исчезнувањето со денови ја брануваше македонската, но и јавноста во регионот, а медиумите и социјалните мрежи беа преплавени со вести и апели се до 3 декември кога нејзиното тело беше пронајдено во околината на Скопје. Видете и ова: Љупчо Палевски – Палчо со авион екстрадиран во Северна Македонија Истиот ден беше кобен и за семејството на Панче Жежовски бидејќи полицијата соопшти дека неговото тело го пронашле во близина на Велес. Тој бил пријавен за исчезнат три дена пред Вања – на 24 ноември. Палевски беше во бегство во Турција, а избегал во таа земја преку Србија и Бугарија, избега во Турција. Турската полиција успеа да го фати кај градот Балибекир на 5 декември 2023 година. Тој на 15 мај годинава беше екстрадиран во Северна Македонија. Пред затворање на истрагата и поднесување на обвинение, Палевски треба да биде сослушан и во обвинителството. По евентуалното обвинение, тоа ќе оди на оценка во судот и ако добие зелено светло, ќе стартува судски процес. Во меѓувреме тој во притвор се чува под посебни безбедносни мерки. прочитај повеќе мај 17, 2024 Познат политички аналитичар бега од Русија поради обвинувања за антируски активности Александар Сунгуров, претседател на Хуманитарно-политички центар „Стратегија“ Александар Сунгуров, руски политички аналитичар и професор на Високата школа за економија, побегна од Русија откако про-Кремљ режисерот Никита Михалков го обвини за антируски активности, изјави еден од студентите на Сунгуров на 17 мај. Михалков неодамна во својата ТВ емисија изјави дека фондацијата „Стратегија“ предводена од Сунгуров добила финансиска поддршка од странство и мора да биде означена како „странски агент“. Видете и ова: Грузискиот премиер го брани законот за „странски агенти“ Сунгуров поднесе оставка од Вишата економска школа во Санкт Петербург. Неговата страница е отстранета од веб-страницата на универзитетот. Тој од 2005 година е раководител на Катедрата за применети политички науки на тој факултет. Од 1994 година, Сунгуров ја води „Стратегија“ - либерален аналитички центар во Санкт Петербург. Тој работеше и како експерт за Советот на Европа и Европската Унија. прочитај повеќе мај 17, 2024 Судски совет: Судската власт е независна, секое мешање е опасно за демократијата Судски совет Судската власт е самостојна и независна и секое мешање во судството и во судската власт носи со себе сериозна опасност по демократијата, правната сигурност и владеењето на правото, велат од Судскиот совет на најавите на лидерот на ВМРО-ДПМНЕ Христијан Мицкоски дека нивна цел е да го распуштат Судскиот совет и самите судии и обвинители преку тајно гласање да ги избираат своите преставници во Советот. „Судскиот совет не се впуштa во коментирање и оценка на предизборни програми и ветувања на која било политичка партија, затоа што тоа е крајно несоодветно. Единствено, Судскиот совет укажува дека судската власт како една од трите власти, а не трета власт, е самостојна и независна. Овој факт не го користиме како флоскула и одбранбен механизам. Мора да биде јасно и сите да бидат свесни дека секое мешање во судството и генерално во судската власт на кој било од носителите на другите две власти, носи со себе сериозна опасност за едно демократско општество, правната сигурност и владеењето на правото, како вредности, стандарди и врвни приоритети кон кои како држава се стремиме на патот кон ЕУ“, велат од Судскиот совет. Видете и ова: Мицкоски: Мое човеково право е како ќе ја нарекувам мојата држава Оттаму нагласуваат дека се свесни за состојбите во судството, за нивото на доверба и за се она што како недостиг се става на товар на судството. „Критиките ги прифаќаме, меѓутоа, исто така убедени сме дека судството во Република Северна Македонија има капацитет да ги надмине состојбите без реформи и резови за кои никој не може однапред да ги предвиди ефектите кои ќе бидат предизвикани. Реформи заради реформи никому не му се потребни и истите само ќе ги вратат неколку чекори назад процесите и активностите кои Судскиот совет ги превзема во овој период, финансирани и со поддршка на меѓународната заедница преку проекти, а се во насока на подобрување на состојбите во судството и се во напредна фаза“, нагласуваат од Судскиот совет. Лидерот на ВМРО-ДПМНЕ Мицкоски во обраќање на Самитот „Македонија2025“ вчера рече дека главен предизвик на идната влада ќе бидат реформите во Судскиот совет и Советот на јавни обвинители и дека нивна цел е да ги распуштат оние кои довербата во правниот систем ја свеле на едноцифрена бројка проценти и наместо нив, самите судии и обвинители да си ги изберат своите претставници преку тајно гласање. Мицкоски потенцираше дека владата предводена од ВМРО-ДПМНЕ нема намера ниту да поставува и предлага свои луѓе преку измени во законот, ниту пак има намера да се меша во овие две тела. прочитај повеќе мај 17, 2024 Украина објави дека Русија го уништува градот Вовчанск Постара жена евакуирана од областа Вовчанск, 12 мај 2024 година Руските сили почнаа да го „уништуваат“ украинскиот град Вовчанск, а сите освен 200 жители на градот побегнаа од нападот, изјави гувернерот на регионот на 17 мај. Москва минатата недела изврши ненадеен копнен напад врз североисточна Украина, напредувајќи кон неколку населени места, вклучувајќи го и Вовчанск, на само пет километри од границата. „Непријателот почна да го уништува градот. Не само што е опасно да се биде таму, туку е невозможно“, рече гувернерот на Харкивската област Олег Синегубов на брифинг. Тој рече дека руските сили се обидуваат да го опколат градот, кој пред војната имал околу 18.000 жители и дека украинските сили даваат „отпор“. Видете и ова: Зеленски ги одложи патувањата во странство поради „тешката“ ситуација на фронтот Началникот на армијата Олександр Сирски изјави дека Русија ја проширила својата „борбена зона“ за 70 километри и се обидува да ја принуди Украина да ги повлече војниците од своите резерви. „Разбираме дека нè очекуваат тешки битки и дека непријателот се подготвува за тоа“, рече тој. Украина евакуираше речиси 9000 луѓе во текот на неделата, откако руските сили ја преминаа границата на 10 мај, испукувајќи силен артилериски оган врз неколку села. Претставник на украинската полиција во четвртокот ги обвини руските војници дека заробиле десетици цивили во Вовчанск и ги користеле како „човечки штитови“ за одбрана на нивниот команден штаб. АФП не можеше веднаш да го потврди тврдењето. Руските војници претходно беа обвинети за егзекуција на цивили во делови на Украина што ги заробиле и контролирале од инвазијата во февруари 2022 година. Во април 2022 година, телата на десетици цивили, некои со врзани раце, беа пронајдени во киевското предградие Бух по неколкумесечната окупација од страна на руските сили. прочитај повеќе мај 17, 2024 Израел соопшти дека обвинувањата на Јужна Африка за геноцид се неосновани Појасот Газа Израел ја бранеше воената неопходност од својата офанзива во Газа пред Меѓународниот суд на правдата (МПС) на 17 мај, откако Јужна Африка побара од судиите да му наредат да ги прекине операциите во Рафа и целосно да се повлече од палестинските територии. Службеникот на израелското Министерство за правда Гилад Ноам го нарече случајот на Јужна Африка, кој го обвинува Израел за кршење на Конвенцијата за геноцид, „целосно надвор од фактите и околностите“ и рече дека „ја исмејува конвенцијата“. Тој го нарече случајот „безобразна експлоатација на најсветата конвенција“, мислејќи на меѓународниот договор за забрана на геноцид договорен по холокаустот на европските Евреи во Втората светска војна. Конвенцијата бара од сите земји да дејствуваат за да го спречат геноцидот, а МСП, познат и како Светски суд, кој ги разгледува споровите меѓу државите, пресуди дека тоа и дава право на Јужна Африка да го покрене случајот. Во претходните пресуди, судот ги отфрли барањата на Израел да го отфрли случајот и му нареди на Израел да спречи акти на геноцид врз Палестинците, но не му нареди да го запре нападот. Видете и ова: Меѓународниот суд на правдата бара мерки од Израел за решавање на гладот во Газа Пред израелската презентација, неколку десетици про-израелски демонстранти се собраа надвор и ги покажаа фотографиите на заложниците што ги зедоа борците на Хамас на 7 октомври и бараа нивно ослободување. Хамас е прогласена за терористичка организација од САД и ЕУ. Јужноафриканскиот правен тим, кој го претстави својот случај за нови итни мерки претходниот ден, ја прикажа израелската воена операција како дел од геноциден план чија цел е уништување на палестинскиот народ. Амбасадорот на Јужна Африка во Холандија, Вусимузи Мадонсела побара од судот да му нареди на Израел „веднаш, целосно и безусловно да ја повлече израелската армија од целиот Појас Газа“. Видете и ова: САД ја отфрлија можноста Меѓународниот кривичен суд да го истражува Израел Израелскиот официјален претставник Ноам рече дека израелските воени операции не биле насочени кон цивили, туку кон терористите на Хамас кои го користат Рафа како упориште, кои имаат тунелни системи кои можат да се користат за шверцување заложници и милитанти од Газа. Примерите за наводното прекршување на конвенцијата од страна на Израел презентирани од Јужна Африка „не се доказ за политика на незаконско однесување, а не пак за политика на геноцид. Наредбата на Израел да ги повлече своите војници ќе ги осуди на смрт преостанатите заложници во Газа“, рече Ноам. Војната започна кога милитантите на Хамас го нападнаа Израел на 7 октомври, убивајќи 1200 луѓе и киднапирајќи 253 луѓе. Повеќе од 35 000 Палестинци загинаа во израелските напади, според Министерството за здравство во Газа, кое го предводи Хамас. Одлуката за барањето за вонредни мерки се очекува следната недела. прочитај повеќе мај 17, 2024 Северна Кореја истрела балистички ракети откако негираше испорака на оружје за Русија илустрација Северна Кореја истрела неколку сомнителни балистички ракети со краток дострел, неколку часа откако сестрата на севернокорејскиот лидер ги негираше тврдењата дека Пјонгјанг и испорачува оружје на Русија, соопшти Јужна Кореја. Лансирањата се најнови во серијата сè пософистицирани тестови од страна на Северна Кореја, која истрела крстосувачки ракети, тактички ракети и хиперсонично оружје во последниве месеци, што е како што наведува оваа нуклеарно вооружената земја, надградба на нејзините одбранбени способности. Сеул и Вашингтон ја обвинија Северна Кореја за испраќање оружје на Русија, што би прекршило низа санкции на Обединетите Нации за двете земји, а експертите велат дека неодамна тестираното оружје може да биде наменето за употреба на боиштата во Украина. Војската на Јужна Кореја во петок (17 мај) соопшти дека открила лансирање на, како што ги опиша, „неколку летечки објекти за кои се верува дека се балистички ракети со краток дострел“ од областа Вонсан во близина на источниот брег на Северна Кореја. Ракетите патувале околу 300 километри, соопшти генералштабот, додавајќи дека војската „ја зголемила будноста и надзорот како подготовка за дополнителни лансирања“ и споделувала информации со сојузниците САД и Јапонија. Лансирањето дојде само неколку часа откако сестрата на Ким, Ким Јо Јонг, ги обвини Сеул и Вашингтон за „залажување на јавното мислење“ со постојано обвинување дека Пјонгјанг испраќа оружје во Москва за употреба во Украина. Видете и ова: Северна Кореја и испорачала на Русија 7000 контејнери со муниција Тестовите беа одржани додека рускиот претседател Владимир Путин е во дводневна посета на Кина, чија цел е да ја зајакне трговијата со Пекинг (најважниот сојузник на Северна Кореја) и да добие поголема поддршка за неговите воени напори во Украина. Тестовите се случија и еден ден откако напредните јужнокорејски и американски стелт-ловци, вклучително и Ф-22 Рапторс, одржаа заеднички воздушни борбени вежби. Ваквите вежби обично го разбеснуваат Пјонгјанг, кој на нив гледа како на проба за инвазија. Северна Кореја претходно истрела балистички ракети со краток дострел од нејзиниот источен брег на 22 април. Видете и ова: Сеул соопшти дека Пјонгјанг лансирал балистичка ракета кон Јапонско Море Серијата санкции на Обединетите Нации и забрануваат на Северна Кореја да тестира балистичка технологија, но нејзиниот клучен сојузник Русија го искористи ветото на Советот за безбедност на ОН во март за ефективно да го прекине мониторингот на ОН, за што Пјонгјанг конкретно и се заблагодари на Москва. Северна Кореја долго време се обидува да совлада понапредни хиперсонични технологии и технологии на цврсто гориво за да им овозможи на своите ракети да ги неутрализираат јужнокорејско-американските ракетни одбранбени системи и да ги загрозат регионалните воени бази на САД. Хиперсоничните проектили се побрзи и можат да маневрираат при лет, што го отежнува следењето и пресретнувањето, додека ракетите со цврсто гориво не треба да се напојуваат пред лансирањето, што ги отежнува пронаоѓањето и уништувањето и побрзи за употреба. прочитај повеќе Вчитај повеќе...

Зависноста на Северна Македонија од Кина е видлива во три области - трговија, инвестиции и кредити за инфраструктура, покажува анализата на невладината „Естима“. Експертите предупредуваат дека економската зависност Кина може да ја искористи за политички цели, а на штета на националните стратешки интереси. До крајот на 2022 година, Кина учествувала со 2,6% од вкупните странски инвестиции во Северна Македонија, што е 10 пати помалку од Србија. Од друга страна, надворешниот долг на Северна Македонија кон НР Кина до крајот на 2022 година изнесува 479 милиони долари. Тоа е 8,7 од вкупниот надворешен јавен долг и 3 насто од македонскиот БДП, покажуваат податоците кои ги презентираше невладината организација „Естима“. Долгот е наталожен поради финансиски кредити од кинеските банки за изградбата на два инфраструктурни проекти – хидроцентралата Козјак и автопатиштата Миладиновци – Штип и Кичево - Охрид, покажуваат податоците на „Естима“. Според претседателката Ана Крстиновска, сумата може да се менаџира, но, договорот меѓу кинеската банка и Јавното претпријатие за државни патишта во голема мера е асиметричен. „Во договорот стојат клаузули за заем кои предвидуваат дека Кина може еднострано и предвремено да го раскине договорот, да дозволи или пак не репрограмирање. Сите овие критериуми се арбитрарни да делува според нејзино управување и правила, а не се усогласени со меѓународните правила. Ако ние побараме измена или раскинување на договорот за заем или имаме спор, арбитражата за договорот е во Пекинг, примерно законодавство е кинеското“, изјави Крстиновска. Целото истражување е содржано во публикацијата „Надеж за најдоброто, подгответе се за најлошото: Дали е Северна Македонија е ранлива на економски притисок од Кина“, изработена во соработка со Фондацијата Конард Аденауер и Правниот факултет „Јустинијан Први“. Видете и ова: Контроверзии во кинеските инвестиции на Западен Балкан Анализата покажува дека кинеското присуство на НР Кина во Северна Македонија во поглед на инвестициите е маргинално. Кина не се појавува како инвеститор, туку обезбедува кредити за финансирање на државни проекти. „Има тенденција на намалување на овие инвестиции, тоа е и пример во Албанија како и држави кои се членки на НАТО, а кои заземаат покритични ставови кон Кина. Ние немаме казнување за негативниот однос, ниту награда за позитивниот однос кон Кина, како што е случај во Србија. Во Србија, раководството е наклонето кон Кина и поради политички причини со ситуацијата кон Косово. Кина ја наградува Србија за таа политичка поддршка преку инвестиции“, вели Крстиновска. Крстиновска, која е една од авторите на анализата посочува дека кинеското присуство во земјите во развој на Западен Балкан, вклучувајќи ја и Северна Македонија има повеќе елементи. Помагање преку економско присуство во инвестиции и инфраструктура, со што ги задоволува своите потреби и интереси. На тој начин стекнува и држави сојузници, кои пак можат да ја поддржуваат Кина во меѓународните односи. Дополнително, Кина ги „извезува“ и идеолошките погледи кон светот, а од друга страна ја контролира критиката за таа земја. „Кина нема потреба да мобилизира значителни ресурси за да обезбеди постојана присуство или зголемено влијание во Северна Македонија. Може да си дозволи да усвои чекање и да видиме, опортунистички став, предвидувајќи потенцијална промена во политиката во некој иден изборен циклус и поповолен средина за нејзините активности. За таа цел, тоа веќе успеа да го прошири своето присуство и влијание меѓу пошироката јавност, како што се гледа зголемувањето на поволните ставови кон Кина во последните анкети“, се наведува во публикацијата. Одржливи односи, не по цена на ЕУ и НАТО Кина презентира „розова“ слика за начинот на нејзиното функционирање во Северна Македонија. Медиумите објавуваат за економските иницијативи на Кина како главен партнер на земјите во развој, заговорите за заедничка иднина на човештвото, промоција на мултиполарниот свет. Видете и ова: Отворен Балкан, Кина и црвените линии Според Александар Спасов, професор на Правниот факултет и доскорешен надворешен соработник на претседателот на државата, кинеското прашање е потценето во надворешната политика и јавната дебата. Неговиот став е дека за Северна Македонија е најдобро да се позиционира како дел од веќе дефинирани надворешни политички стратегии и не смее да биде дел од дневната политика и партиските препукувања. „Како мала држава не значи дека не треба да размислуваме во светски рамки. Треба да се адаптираме да можеме да извлечеме максимална корист од Кина, а да ги избегнеме штетните влијанија. Не постојат економски односи без надворешна политика, тие се поврзани. Нашата надворешна политика и односот со држави надвор од западна заедница треба да поаѓа од нашето членство во НАТО и дека треба да бидеме внимателни да не се приклучиме на типот на мислење од типот на неврзаните. Надворешната политика на Кина е дефинирана идеолошки, што е суверена одлука на Кина, како социјалистичко комунистичко уредување. Тоа треба да го имаме предвид во однос на градењето односи со Кина“, смета Спасов. За Васко Наумовски, професор на Правен факултет и поранешен вицепремиер за европски прашања и екс амбасадор во САД, регионот треба да ги одржува економските односи со Кина, но, да се заштити од евентуални негативни влијанија. Тој смета дека главен фокус на Северна Македонија и нејзините западни и ЕУ партнери е дали државата е во блага опасност од центрите на моќ поради долгиот пат за влез во Унијата. Видете и ова: Разузнавачите „ловат“ сигнали на кинеска пропаганда во изборите „Се лизга европската перспектива на државите од Балканот и ќе се појави потребата за алтернативи за членството во ЕУ. Во недостиг на европска перспектива, треба да се свртиме кон процесите кон нас, кои се методите сами да ги постигнеме додека влеземе во ЕУ. Не би требало да ги заборавиме и процесите на ширење на влијанието во други области, образование, здравството, социјални мрежи. Да бидеме подготвени како држава да ги спречиме сите ризици и тие влијанија да ги загрозат нашите стратешки ориентации. Може ќе биде потребен поширок регионален пристап и делување на некои држави, бидејќи и самото влијание не е секогаш директно, туку индиректно преку други држави“, смета Наумовски. Кинеско влијание во изборниот процес За време на предизборието, првиот човек на Агенцијата на разузнавање, Еролд Муслиу за РСЕ изјави дека во Северна Македонија има кинеска дезинформациска пропаганда која добива форма на кампања и продуцира евроскептицизам, а од друга страна им нуди алтернатива на граѓаните во членство на државата во БРИКС и Евроазиска унија. Муслиу сепак не откри кои „актери“ - политички или медиумски ги става во оваа група. Муслиу кажа дека Агенцијата за разузнавање препознала хибридна стратегија и селективна употреба на наративи кои побудуваат емотивни реакции, користејќи сензитивни прашања во регионот кои особено добиваат на интензитет при изборните циклуси. Artboard 4 Придружете се на Заедницата на Слободна Европа на Вибер Петар Клинчарски Петар Клинчарски новинарската кариера ја започнува како репортер во медиумот А1он, подоцна продолжувајќи ја во ТВ Телма. Од 2016-та до 2022-ра година беше дел од емисијата „360 степени“. Од јуни 2023-та година работи како новинар во Радио Слободна Европа. [email protected] Регистрирај се...

Вести мај 16, 2024 Грција e против логиката на Сиљановска-Давкова за употреба на уставното име формално, но не и во јавни настапи Северна Македонија - Инаугурација на Гордана Сиљановска-Давкова, претседателка на Северна Македонија, Скопје, 12 мај 2024 година Неприфатлива за Грција е логиката на Гордана Сиљановска-Давкова, претседателка на Северна Македонија, да го употребува уставното име во формална комуникација, но не и во јавни настапи, рече Павлос Маринакис, портпарол на грчката влада, пренесе МИА. Маринакис рече дека кога станува збор за највисоката позиција, за позицијата претседател на државата, „за еден од столбовите на демократијата на една земја, не можеме да говориме за двоен јазик и лично право“. „Мислам дека е лицемерно ова да се кажува и да се слуша. За некои работи, каде што треба, ќе бидеме формални, а во нашите јавни настапи ќе го правиме она што сакаме или затоа што веруваме во тоа или затоа што ѝ служиме на нашата публика. Ова не може да биде прифатено од Грција, ниту од која било друга сериозна земја. Кога велиме дека треба да се согласиме дека треба да се почитува еден договор, затоа што таква е нашата обврска од фактот што е ратификуван овој договор, да го правиме тоа во сите наши формулации“, рече Маринакис. Видете и ова: ЕУ: Новата претседателка Сиљановска Давкова имаше несреќен настап За трите меморандуми за соработка кои СИРИЗА вчера ги достави во грчкиот Парламент, владиниот портпарол рече дека е „еден од најнесфатливите потези на опозицијата“, „Ниту еден грчки граѓанин не сфаќа на што му служи оваа постапка, зошто такво брзање. Од моментот кога претседателката на Северна Македонија не ја прифаќа основната, првата точка од Договорот, главната опозиција во Грција сака ние сè да направиме, сè да изгласаме“, рече Маринакис и додаде дека доколку видат соодветна позиција од новата Влада, тогаш ќе влезат во конкретната дискусија. Кога ја даваше свечената заклетва во Собранието, Сиљановска-Давкова употребуваше само Македонија за името на државата, без додавката „северна“. Тоа предизвика реакции од меѓународната заедница и од властите во Грција и во Бугарија. Пораката е дека од почитувањето на Договорот од Преспа постигнат со Грција во 2018, како и Договорот за добрососедство со Бугарија од 2017, зависи и понатамошниот пат на Северна Македонија кон полноправно членство во ЕУ. прочитај повеќе види ги сите денешни вести мај 17, 2024 Управен суд ја одби тужбата на „Европскиот фронт“ за решението на ДИК за избирачкото место во Крушево Управен суд Скопје Управниот суд ja одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија" за избирачкото место 1194 во Општина Крушево на Парламентарните избори одржани на 8 мај 2024 година. Според Изборниот законик, доколку одлуката за прегласување во тоа избирачко место влијае на конечните изборни резултати, ДИК треба да спроведе повторено гласање 14 ден од Парламентарните избори кои беа одржани на 8 мај. Повтореното гласање според тоа треба да биде на 22 мај. Претходно денеска во текот на расправата, застапникот на тужителот, Коалицијата „Европски фронт“, Ејуп Рустеми, посочи дека се оспорува решението на ДИК за прифаќање на приговорот за поништувње на гласањето на ИМ 1194 на Коалицијата „Твоја Македонија". „Решението на ДИК е нејасно. Сумираниот износ на искористени гласачки ливчиња е нејасно како ДИК дошле до збирот од 377 гласачи, без притоа да се земе предвид бројот од 359 потпишани гласачи во избирачкиот список. Бројот од 17 болни и изнемоштени не треба да се додава во дел IV од записникот, бидејќи тие се веќе вброени во статистичкиот податок и се добива дупла бројка. Според Изборниот законик погрешно пополнување на записник не е основ за поништување на гласањето“, изјави Рустеми. Видете и ова: Загриженост во ДИК поради изјави на политичари по приговорите за изборите Дополнително, посочи Рустеми, во записникот нема заведено забелешки за евентуални неправилности. Претставникот на ДИК, Катерина Василевска нагласи дека остануваат во целост на наводите од решението и одговорот на тужбата и предлагаат таа да се одбие како неоснована. „ДИК постапи во законскиот рок и донесе одлука. По увидот во целосниот изборен материјал ДИК утврди дека бројот на идентификувани гласачи не се совпаѓа со бројот на потпишани гласачи во избирачкиот список и не соодветствува со бројот на искористени гласачки ливчиња на гласачкото место“, нагласи Василевска. Управниот суд пресудата ќе ја објави за два часа. Коалицијата „Европски фронт“ поднесе седум тужби против решенија на ДИК на Парламентарните избори 2024. За сите се оформени предмети и закажани во текот на денешниот ден. Видете и ова: Талат Џафери: Има обиди за изборен инжинеринг ДИК на 104 седница ги разгледа приговорите поднесени од политичките партии по одржувањето на парламентарните избори на 8 мај. Од вкупно 27 поднесени приговори - девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. прочитај повеќе мај 17, 2024 Загриженост во ДИК поради изјави на политичари по приговорите за изборите Александар Даштевски - претседател на Државната изборна комисија (ДИК) . Претседателот на Државната изборна комисија (ДИК) Александар Даштевски и членовите на ДИК и уште неколку членови денеска изразија загриженост дека политички партии и високи владини функционери давале изјави за работата на ДИК за постапувањето по приговорите за парламентарните избори, кои според нив можат да бидат закана за нивната безбедност. Во денешносто соопштение на ДИК, освен Даштевски, загриженост изразуваат и членовите на ДИК Радица Ристеска, Оливер Ристовски, Борис Кондарко, Бобан Стојаноски и Абдуш Демири. „Ве известуваме дека покрај тоа што сме лично понижувани и навредувани, исто така како членови во највисоката институција за организирање и спроведување на изборите, сме изложени и на неосновани и непримерени јавни политички притисоци и на закани за кривична одговорност поради донесените одлуки на ДИК“, се вели во реакцијата. Тие велат дека според „контекстот и интензитетот на нападите, прозивките и навредите“ загрижени се и дека е можно тие да преминат и во лични напади на нивната сигурност. „Ве известуваме дека ДИК во целост професионално, транспаретно и само врз основа на закон ги спроведе изборите што е потврдено од сите домашни и меѓународни фактори. Исто така и покрај сите непријатности кои ги имаме, сепак со највисок степен на интегритет врз основа на јавна проверка на изборниот материјал ДИК ги утврди фактите и одлучуваше по приговори поднесени од различни учесници за 110 избирачки места, од кои врз основа на образложени докази усвои приговори за само 7 избирачки места за кои имаше правен основ, додека сите останати 103 избирачки места, беа одбиени како неосновани и за нив немаше поднесено тужби ниту еден учесник на изборите“, се вели во реакцијата. Видете и ова: Талат Џафери: Има обиди за изборен инжинеринг Државната изборна комисија наведува дека е неприфатливо да има нападите, притисоци и мешање на одредени политички партии и на поединци од техничката Влада во изборните процедури и во работата и одлучувањето на ДИК и на Управниот суд. Тие посочуваат дека за сето ова денеска на средба во ДИК била известена и амбасадорката на набљудувачката мисија на ОБСЕ-ОДИХР Џилијан Стирк. Премиерот на техничката Влада Талат Џафери вчера на прес-конференција соопшти дека имало договор за надгласување во Државната изборна комисија за прифаќање на одредени приговори за изборните резултати и прегласување и оти на ваков начин се прави обид за изборен инженеринг за менување на бројките во Собранието и изигрување на волјата на граѓаните. Изборниот процес кој беше оценет како кредибилен и демократски, сега е во рацете на Управниот суд, рече Џафери и повика сите институции да постапуваат согласно закон без партиски директиви од која било страна. Управниот суд вчера одржа јавна седница по тужба на Коалицијата „Вреди“ по одлуката на ДИК за одбивање на нивниот приговор за избирачко место 0511, во Долна Бањица во Општина Гостивар на Парламентарните избори 2024 година. Видете и ова: Ќе се прегласува во Желино, „Европски фронт“ со обвинувања дека ќе им бидат одземени пратеници Постапката беше прекината, откако претставникот на Коалицијата „Вреди“ изјави дека ја повлекува тужбата во целост. До Државната изборна комисија беа поднесени вкупно 27 приговори за парламентарните избори - девет од коалицијата „Влен“, осум од ВМРО-ДПМНЕ, пет од СДСМ и четири од Левица. Прифатени беа седум: шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Против одлуката на ДИК може да се поднесе тужба до Управниот суд, во рок од 24 часа од приемот на решението.Управниот суд, пак, по жалбата е должен да донесе одлука во рок од 48 часа по нејзиниот прием. мд/дма/ прочитај повеќе мај 17, 2024 Состојбата на словачкиот премиер Фицо „се уште многу сериозна“ Словачкиот премиер Роберт Фицо. Два дена по обидот за атентат, состојбата на словачкиот премиер Роберт Фицо на 17 мај „останува многу сериозна“, изјави неговиот заменик и близок соработник Роберт Калинак. Фицо беше хоспитализиран по пукањето во средата, коешто се случи додека 59-годишниот премиер на Словачка разговараше со граѓаните по состанокот во централниот град Хандлова. „Повторно беше опериран, имаше операција речиси два часа“, изјави за новинарите пред болницата во Банска Бистрица вицепремиерот Роберт Калинак. Фицо претходно имаше петчасовна операција набргу откако од местото на нападот беше пренесен во болница со хеликоптер. Директорот на болницата во Банска Бистрица рече дека Фицо останал „свесен“, иако е во „тешка“ состојба. Претходно, на 17 мај, локалните медиуми објавија дека словачката полиција извршила претрес во домот на мажот кој е обвинет за пукањето. Видете и ова: На словачкиот премиер Фицо ќе му биде извршена уште една операција Полициските службеници го донесоа наводниот вооружен напаѓач, кој носел панцир и шлем, во станот што го делел со неговата сопруга во западниот град Левице, беше прикажано во видео од телевизијата Маркиза. „Полицијата остана во станот неколку часа... Од станот таа изнесе компјутер и документи“, вели приватниот радиодифузер. Полицијата за АФП изјави дека нема да ја коментира тековната истрага. Полицијата не го именуваше осомничениот, но медиумите го идентификуваа како 71-годишниот писател Јурај Цинтулу. Тој во четвртокот беше обвинет за обид за убиство од прв степен во, како што велат властите, политички мотивиран напад. „Станува збор за „волк-самец“ кој се активирал по претседателските избори бидејќи не бил задоволен од нивниот исход“, изјави министерот за внатрешни работи Матус Сутај Есток. Видете и ова: Обид за атентат врз словачкиот премиер Фицо - нападот бил „политички мотивиран“ Нападот ги поттикна стравувањата од натамошно насилство и нестабилност во политички поларизираната земја, само неколку недели пред изборите за Европскиот парламент, пренесува АФП. Официјалните лица во Словачка ја повлекоа врската со политичката ситуација во земјата, со нејзината политичка сцена нарушена со дезинформации за време на неодамнешните изборни кампањи. Фицо, четирикратен премиер и политички ветеран, се врати на функцијата во октомври. Оттогаш тој даде серија изјави кои ги влошија врските меѓу Словачка и соседна Украина, откако го доведе во прашање суверенитетот на земјата. Откако тој беше избран, Словачка престана да испраќа оружје во Украина, која Русија ја нападна во 2022 година. прочитај повеќе мај 17, 2024 Палевски ќе биде спроведен на распит во Кривичниот суд Љупчо Палевски - Палчо, првоосомничен за убиството на Вања Ѓорчевска и Панче Жежовски. Основниот кривичен суд Скопје денеска доби официјално известување од Истражниот затвор Скопје за екстрадицијата на Љупчо Палевски, којшто е првоосомничен за случајот за убиството на 14-годишната Вања Ѓорчевска и велешкиот фризер Панче Жежовски (74). Палевски прво ќе биде спроведен до Кривичниот суд за да се изјасни за мерката притвор која му беше веќе определена, откако на 5 мај со авион беше екстрадиран од Турција во Северна Македонија. Од судот соопштуваат дека денеска добиле и известување и барање за ангажирање на адвокат кој ќе го застапува Палевски во текот на постапката. Според законите во Северна Македонија, судот ги издава сите дозволи поврзани со истражната постапка и ги доставува до предложените адвокати за нивно понатамошно постапување. „Дополнително, судија на претходна постапка во координација со надлежниот Јавен обвинител, ќе издаде наредба за спровод на осомниченото лице за негово произнесување во однос на околностите во предлогот на Јавниот обвинител за определување на мерката притвор, а за донесеното решение јавноста ќе биде известена“, се вели во соопштението од Основен кривичен суд Скопје. Видете и ова: Финишира истрагата за Палчо за убиството на 14-годишната Вања Истрагата за случајот, кој што го води Основното јавно обвинителство (ОЈО) Скопје, е во завршна фаза. Палевски повеќе од пет месеци помина во екстрадициски притвор во Турција, откако беше фатен од турската полиција. Палевски се гони за две грабнувања и две убиства на свиреп начин. Осомничени се и тројца соизвршители за овие дела, како и таткото на Вања Ѓорчевска кој се товари за помагање во грабнувањето на девојчето. За помагање во бегството, обвинителството сомничи уште едно лице. Истрагата на Обвинителството беше отворена на 3 декември, откако случајот притви Палевски и останатите осомничени беше отворен по пријавата за исчезнувањето на малолетната Вања на 27 ноември, утрото кога таа не се појави на училиште. Исчезнувањето со денови ја брануваше македонската, но и јавноста во регионот, а медиумите и социјалните мрежи беа преплавени со вести и апели се до 3 декември кога нејзиното тело беше пронајдено во околината на Скопје. Видете и ова: Љупчо Палевски – Палчо со авион екстрадиран во Северна Македонија Истиот ден беше кобен и за семејството на Панче Жежовски бидејќи полицијата соопшти дека неговото тело го пронашле во близина на Велес. Тој бил пријавен за исчезнат три дена пред Вања – на 24 ноември. Палевски беше во бегство во Турција, а избегал во таа земја преку Србија и Бугарија, избега во Турција. Турската полиција успеа да го фати кај градот Балибекир на 5 декември 2023 година. Тој на 15 мај годинава беше екстрадиран во Северна Македонија. Пред затворање на истрагата и поднесување на обвинение, Палевски треба да биде сослушан и во обвинителството. По евентуалното обвинение, тоа ќе оди на оценка во судот и ако добие зелено светло, ќе стартува судски процес. Во меѓувреме тој во притвор се чува под посебни безбедносни мерки. прочитај повеќе мај 17, 2024 Познат политички аналитичар бега од Русија поради обвинувања за антируски активности Александар Сунгуров, претседател на Хуманитарно-политички центар „Стратегија“ Александар Сунгуров, руски политички аналитичар и професор на Високата школа за економија, побегна од Русија откако про-Кремљ режисерот Никита Михалков го обвини за антируски активности, изјави еден од студентите на Сунгуров на 17 мај. Михалков неодамна во својата ТВ емисија изјави дека фондацијата „Стратегија“ предводена од Сунгуров добила финансиска поддршка од странство и мора да биде означена како „странски агент“. Видете и ова: Грузискиот премиер го брани законот за „странски агенти“ Сунгуров поднесе оставка од Вишата економска школа во Санкт Петербург. Неговата страница е отстранета од веб-страницата на универзитетот. Тој од 2005 година е раководител на Катедрата за применети политички науки на тој факултет. Од 1994 година, Сунгуров ја води „Стратегија“ - либерален аналитички центар во Санкт Петербург. Тој работеше и како експерт за Советот на Европа и Европската Унија. прочитај повеќе мај 17, 2024 Судски совет: Судската власт е независна, секое мешање е опасно за демократијата Судски совет Судската власт е самостојна и независна и секое мешање во судството и во судската власт носи со себе сериозна опасност по демократијата, правната сигурност и владеењето на правото, велат од Судскиот совет на најавите на лидерот на ВМРО-ДПМНЕ Христијан Мицкоски дека нивна цел е да го распуштат Судскиот совет и самите судии и обвинители преку тајно гласање да ги избираат своите преставници во Советот. „Судскиот совет не се впуштa во коментирање и оценка на предизборни програми и ветувања на која било политичка партија, затоа што тоа е крајно несоодветно. Единствено, Судскиот совет укажува дека судската власт како една од трите власти, а не трета власт, е самостојна и независна. Овој факт не го користиме како флоскула и одбранбен механизам. Мора да биде јасно и сите да бидат свесни дека секое мешање во судството и генерално во судската власт на кој било од носителите на другите две власти, носи со себе сериозна опасност за едно демократско општество, правната сигурност и владеењето на правото, како вредности, стандарди и врвни приоритети кон кои како држава се стремиме на патот кон ЕУ“, велат од Судскиот совет. Видете и ова: Мицкоски: Мое човеково право е како ќе ја нарекувам мојата држава Оттаму нагласуваат дека се свесни за состојбите во судството, за нивото на доверба и за се она што како недостиг се става на товар на судството. „Критиките ги прифаќаме, меѓутоа, исто така убедени сме дека судството во Република Северна Македонија има капацитет да ги надмине состојбите без реформи и резови за кои никој не може однапред да ги предвиди ефектите кои ќе бидат предизвикани. Реформи заради реформи никому не му се потребни и истите само ќе ги вратат неколку чекори назад процесите и активностите кои Судскиот совет ги превзема во овој период, финансирани и со поддршка на меѓународната заедница преку проекти, а се во насока на подобрување на состојбите во судството и се во напредна фаза“, нагласуваат од Судскиот совет. Лидерот на ВМРО-ДПМНЕ Мицкоски во обраќање на Самитот „Македонија2025“ вчера рече дека главен предизвик на идната влада ќе бидат реформите во Судскиот совет и Советот на јавни обвинители и дека нивна цел е да ги распуштат оние кои довербата во правниот систем ја свеле на едноцифрена бројка проценти и наместо нив, самите судии и обвинители да си ги изберат своите претставници преку тајно гласање. Мицкоски потенцираше дека владата предводена од ВМРО-ДПМНЕ нема намера ниту да поставува и предлага свои луѓе преку измени во законот, ниту пак има намера да се меша во овие две тела. прочитај повеќе мај 17, 2024 Украина објави дека Русија го уништува градот Вовчанск Постара жена евакуирана од областа Вовчанск, 12 мај 2024 година Руските сили почнаа да го „уништуваат“ украинскиот град Вовчанск, а сите освен 200 жители на градот побегнаа од нападот, изјави гувернерот на регионот на 17 мај. Москва минатата недела изврши ненадеен копнен напад врз североисточна Украина, напредувајќи кон неколку населени места, вклучувајќи го и Вовчанск, на само пет километри од границата. „Непријателот почна да го уништува градот. Не само што е опасно да се биде таму, туку е невозможно“, рече гувернерот на Харкивската област Олег Синегубов на брифинг. Тој рече дека руските сили се обидуваат да го опколат градот, кој пред војната имал околу 18.000 жители и дека украинските сили даваат „отпор“. Видете и ова: Зеленски ги одложи патувањата во странство поради „тешката“ ситуација на фронтот Началникот на армијата Олександр Сирски изјави дека Русија ја проширила својата „борбена зона“ за 70 километри и се обидува да ја принуди Украина да ги повлече војниците од своите резерви. „Разбираме дека нè очекуваат тешки битки и дека непријателот се подготвува за тоа“, рече тој. Украина евакуираше речиси 9000 луѓе во текот на неделата, откако руските сили ја преминаа границата на 10 мај, испукувајќи силен артилериски оган врз неколку села. Претставник на украинската полиција во четвртокот ги обвини руските војници дека заробиле десетици цивили во Вовчанск и ги користеле како „човечки штитови“ за одбрана на нивниот команден штаб. АФП не можеше веднаш да го потврди тврдењето. Руските војници претходно беа обвинети за егзекуција на цивили во делови на Украина што ги заробиле и контролирале од инвазијата во февруари 2022 година. Во април 2022 година, телата на десетици цивили, некои со врзани раце, беа пронајдени во киевското предградие Бух по неколкумесечната окупација од страна на руските сили. прочитај повеќе мај 17, 2024 Израел соопшти дека обвинувањата на Јужна Африка за геноцид се неосновани Појасот Газа Израел ја бранеше воената неопходност од својата офанзива во Газа пред Меѓународниот суд на правдата (МПС) на 17 мај, откако Јужна Африка побара од судиите да му наредат да ги прекине операциите во Рафа и целосно да се повлече од палестинските територии. Службеникот на израелското Министерство за правда Гилад Ноам го нарече случајот на Јужна Африка, кој го обвинува Израел за кршење на Конвенцијата за геноцид, „целосно надвор од фактите и околностите“ и рече дека „ја исмејува конвенцијата“. Тој го нарече случајот „безобразна експлоатација на најсветата конвенција“, мислејќи на меѓународниот договор за забрана на геноцид договорен по холокаустот на европските Евреи во Втората светска војна. Конвенцијата бара од сите земји да дејствуваат за да го спречат геноцидот, а МСП, познат и како Светски суд, кој ги разгледува споровите меѓу државите, пресуди дека тоа и дава право на Јужна Африка да го покрене случајот. Во претходните пресуди, судот ги отфрли барањата на Израел да го отфрли случајот и му нареди на Израел да спречи акти на геноцид врз Палестинците, но не му нареди да го запре нападот. Видете и ова: Меѓународниот суд на правдата бара мерки од Израел за решавање на гладот во Газа Пред израелската презентација, неколку десетици про-израелски демонстранти се собраа надвор и ги покажаа фотографиите на заложниците што ги зедоа борците на Хамас на 7 октомври и бараа нивно ослободување. Хамас е прогласена за терористичка организација од САД и ЕУ. Јужноафриканскиот правен тим, кој го претстави својот случај за нови итни мерки претходниот ден, ја прикажа израелската воена операција како дел од геноциден план чија цел е уништување на палестинскиот народ. Амбасадорот на Јужна Африка во Холандија, Вусимузи Мадонсела побара од судот да му нареди на Израел „веднаш, целосно и безусловно да ја повлече израелската армија од целиот Појас Газа“. Видете и ова: САД ја отфрлија можноста Меѓународниот кривичен суд да го истражува Израел Израелскиот официјален претставник Ноам рече дека израелските воени операции не биле насочени кон цивили, туку кон терористите на Хамас кои го користат Рафа како упориште, кои имаат тунелни системи кои можат да се користат за шверцување заложници и милитанти од Газа. Примерите за наводното прекршување на конвенцијата од страна на Израел презентирани од Јужна Африка „не се доказ за политика на незаконско однесување, а не пак за политика на геноцид. Наредбата на Израел да ги повлече своите војници ќе ги осуди на смрт преостанатите заложници во Газа“, рече Ноам. Војната започна кога милитантите на Хамас го нападнаа Израел на 7 октомври, убивајќи 1200 луѓе и киднапирајќи 253 луѓе. Повеќе од 35 000 Палестинци загинаа во израелските напади, според Министерството за здравство во Газа, кое го предводи Хамас. Одлуката за барањето за вонредни мерки се очекува следната недела. прочитај повеќе мај 17, 2024 Северна Кореја истрела балистички ракети откако негираше испорака на оружје за Русија илустрација Северна Кореја истрела неколку сомнителни балистички ракети со краток дострел, неколку часа откако сестрата на севернокорејскиот лидер ги негираше тврдењата дека Пјонгјанг и испорачува оружје на Русија, соопшти Јужна Кореја. Лансирањата се најнови во серијата сè пософистицирани тестови од страна на Северна Кореја, која истрела крстосувачки ракети, тактички ракети и хиперсонично оружје во последниве месеци, што е како што наведува оваа нуклеарно вооружената земја, надградба на нејзините одбранбени способности. Сеул и Вашингтон ја обвинија Северна Кореја за испраќање оружје на Русија, што би прекршило низа санкции на Обединетите Нации за двете земји, а експертите велат дека неодамна тестираното оружје може да биде наменето за употреба на боиштата во Украина. Војската на Јужна Кореја во петок (17 мај) соопшти дека открила лансирање на, како што ги опиша, „неколку летечки објекти за кои се верува дека се балистички ракети со краток дострел“ од областа Вонсан во близина на источниот брег на Северна Кореја. Ракетите патувале околу 300 километри, соопшти генералштабот, додавајќи дека војската „ја зголемила будноста и надзорот како подготовка за дополнителни лансирања“ и споделувала информации со сојузниците САД и Јапонија. Лансирањето дојде само неколку часа откако сестрата на Ким, Ким Јо Јонг, ги обвини Сеул и Вашингтон за „залажување на јавното мислење“ со постојано обвинување дека Пјонгјанг испраќа оружје во Москва за употреба во Украина. Видете и ова: Северна Кореја и испорачала на Русија 7000 контејнери со муниција Тестовите беа одржани додека рускиот претседател Владимир Путин е во дводневна посета на Кина, чија цел е да ја зајакне трговијата со Пекинг (најважниот сојузник на Северна Кореја) и да добие поголема поддршка за неговите воени напори во Украина. Тестовите се случија и еден ден откако напредните јужнокорејски и американски стелт-ловци, вклучително и Ф-22 Рапторс, одржаа заеднички воздушни борбени вежби. Ваквите вежби обично го разбеснуваат Пјонгјанг, кој на нив гледа како на проба за инвазија. Северна Кореја претходно истрела балистички ракети со краток дострел од нејзиниот источен брег на 22 април. Видете и ова: Сеул соопшти дека Пјонгјанг лансирал балистичка ракета кон Јапонско Море Серијата санкции на Обединетите Нации и забрануваат на Северна Кореја да тестира балистичка технологија, но нејзиниот клучен сојузник Русија го искористи ветото на Советот за безбедност на ОН во март за ефективно да го прекине мониторингот на ОН, за што Пјонгјанг конкретно и се заблагодари на Москва. Северна Кореја долго време се обидува да совлада понапредни хиперсонични технологии и технологии на цврсто гориво за да им овозможи на своите ракети да ги неутрализираат јужнокорејско-американските ракетни одбранбени системи и да ги загрозат регионалните воени бази на САД. Хиперсоничните проектили се побрзи и можат да маневрираат при лет, што го отежнува следењето и пресретнувањето, додека ракетите со цврсто гориво не треба да се напојуваат пред лансирањето, што ги отежнува пронаоѓањето и уништувањето и побрзи за употреба. прочитај повеќе мај 17, 2024 По протестите против законот за „странски агенти“, во Тбилиси марш за семејството Марш по повод Денот на семејната чистота, Тбилиси, 17 мај 2024 година Високи свештеници на Грузиската православна црква и конзервативни верски групи денеска (17 мај) го одбележаа новововедениот празник „Ден на семејната чистота“ со марш по централната авенија во Тбилиси, која беше место на неколкунеделни протести поради усвоениот закон за „странски агенти“. Денот на чистотата на семејството е основан од Грузиската православна црква во 2014 година како одговор на Меѓународниот ден против хомофобијата, бифобијата и трансфобијата (IDAHOBIT), кој се одбележува секоја година на 17 мај за да се подигне свеста за кршењето на правата на ЛГБТ ширум светот. Со цел да се избегне конфронтација, не беа закажани собири против законот за „странски агенти“ за време на маршот за Денот на семејната чистота, објави грузискиот сервис на Радио Слободна Европа. Маршот на Денот на семејната чистота, кој оваа година е неработен ден, е поддржан од владејачката партија Грузиски сон, која во март го протурка нацрт-законот за ограничување на правата на ЛГБТ луѓето, само неколку недели пред да го врати законот за „странски агенти“. на парламентарна процедура која наликува на драконски руски закон. Законот за ограничување на правата на ЛГБТ забранува трансродови операции, посвојување деца од истополови двојки, назначување на пол различен од машкиот и женскиот пол во официјалните документи и организирање јавни настани кои се залагаат за истополови врски. Двата закони се сметаат за обиди на Грузискиот сон, основан од милијардерот Бидзина Иванишвили, пријател на Русија, да ја консолидира својата моќ пред изборите закажани за октомври. Embed share Грузијци отпуштени од работа поради протестирање Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:03:00 0:00 Директен линк 240p | 8,6MB 360p | 13,8MB 480p | 22,3MB 720p | 44,5MB 1080p | 66,9MB На 17 мај, претседателот на парламентот Шалва Папуашвили објави честитка на социјалните мрежи, додка официјални лица најавија учество на маршот. Вниманието посветено на настанот се чини дека е обид да се минимизира влијанието на повеќенеделните масовни протести поради контроверзниот закон за „странски агенти“ усвоен од парламентот претходно оваа недела. Прозападната претседателка Саломе Зурабишвили, која е во судир со Грузиски сон, рече дека законот е „неприфатлив“ и „не е во согласност“ со евроатлантската интеграција на земјата. Законот беше критикуван од САД, Европската Унија и организациите за човекови права поради сличностите со рускиот закон што претседателот Владимир Путин го користеше за да ја задуши опозицијата, невладините организации и медиумите. прочитај повеќе Вчитај повеќе...

Вести мај 16, 2024 Уапсен маж во Србија кој му се заканувал на Вучиќ Србија - Александар Вучиќ, претседател на Србија, 8 мај 2024 година Маж во Србија е уапсен поради закана за загрозување на безбедноста на претседателот на Србија, Александар Вучиќ. Министерот за внатрешни работи на Србија, Ивица Дачиќ, на 16 мај изјави дека е уапсен Д.М. од Сомбор. „Полицијата доби наредба да му биде задржан 48 часа“, рече Дачиќ. Од Министерството за внатрешни работи на Србија не кажаа повеќе детали. Видете и ова: Загриженост и осуда од европските лидери по пукањето кон Фицо Радио-телевизијата на Србија (РТС) објави дека под објавата на претседателот на Србија на мрежата Икс (поранешен Твитер) се појавиле заканувачки пораки до Вучиќ откако тој изјави дека е шокиран од обидот за атентат врз словачкиот премиер Роберт Фиц. Вучиќ кажа дека жителот на Сомбор, кој беше уапсен поради закани преку социјалните мрежи, претходно извршил околу 50 кривични дела, меѓу кои и разбојништва и тешки кражби. „Тој човек ги правеше најтешките злосторства секој ден од својот живот - од грабеж до тешка кражба“, изјави Вучиќ за новинарите во Котор, каде што учествуваше на самитот за Планот за раст на ЕУ за Западен Балкан, пренесе агенцијата Бета. Според пишувањата на медиумите, полицијата во јануари уапсила и Борчанец кој преку социјалната мрежа Икс му се заканувал на претседателот на Србија. прочитај повеќе види ги сите денешни вести мај 17, 2024 Загриженост во ДИК поради изјави на политичари по приговорите за изборите Александар Даштевски - претседател на Државната изборна комисија (ДИК) . Претседателот на Државната изборна комисија (ДИК) Александар Даштевски и членовите на ДИК и уште неколку членови денеска изразија загриженост дека политички партии и високи владини функционери давале изјави за работата на ДИК за постапувањето по приговорите за парламентарните избори, кои според нив можат да бидат закана за нивната безбедност. Во денешносто соопштение на ДИК, освен Даштевски, загриженост изразуваат и членовите на ДИК Радица Ристеска, Оливер Ристовски, Борис Кондарко, Бобан Стојаноски и Абдуш Демири. „Ве известуваме дека покрај тоа што сме лично понижувани и навредувани, исто така како членови во највисоката институција за организирање и спроведување на изборите, сме изложени и на неосновани и непримерени јавни политички притисоци и на закани за кривична одговорност поради донесените одлуки на ДИК“, се вели во реакцијата. Тие велат дека според „контекстот и интензитетот на нападите, прозивките и навредите“ загрижени се и дека е можно тие да преминат и во лични напади на нивната сигурност. „Ве известуваме дека ДИК во целост професионално, транспаретно и само врз основа на закон ги спроведе изборите што е потврдено од сите домашни и меѓународни фактори. Исто така и покрај сите непријатности кои ги имаме, сепак со највисок степен на интегритет врз основа на јавна проверка на изборниот материјал ДИК ги утврди фактите и одлучуваше по приговори поднесени од различни учесници за 110 избирачки места, од кои врз основа на образложени докази усвои приговори за само 7 избирачки места за кои имаше правен основ, додека сите останати 103 избирачки места, беа одбиени како неосновани и за нив немаше поднесено тужби ниту еден учесник на изборите“, се вели во реакцијата. Видете и ова: Талат Џафери: Има обиди за изборен инжинеринг Државната изборна комисија наведува дека е неприфатливо да има нападите, притисоци и мешање на одредени политички партии и на поединци од техничката Влада во изборните процедури и во работата и одлучувањето на ДИК и на Управниот суд. Тие посочуваат дека за сето ова денеска на средба во ДИК била известена и амбасадорката на набљудувачката мисија на ОБСЕ-ОДИХР Џилијан Стирк. Премиерот на техничката Влада Талат Џафери вчера на прес-конференција соопшти дека имало договор за надгласување во Државната изборна комисија за прифаќање на одредени приговори за изборните резултати и прегласување и оти на ваков начин се прави обид за изборен инженеринг за менување на бројките во Собранието и изигрување на волјата на граѓаните. Изборниот процес кој беше оценет како кредибилен и демократски, сега е во рацете на Управниот суд, рече Џафери и повика сите институции да постапуваат согласно закон без партиски директиви од која било страна. Управниот суд вчера одржа јавна седница по тужба на Коалицијата „Вреди“ по одлуката на ДИК за одбивање на нивниот приговор за избирачко место 0511, во Долна Бањица во Општина Гостивар на Парламентарните избори 2024 година. Видете и ова: Ќе се прегласува во Желино, „Европски фронт“ со обвинувања дека ќе им бидат одземени пратеници Постапката беше прекината, откако претставникот на Коалицијата „Вреди“ изјави дека ја повлекува тужбата во целост. До Државната изборна комисија беа поднесени вкупно 27 приговори за парламентарните избори - девет од коалицијата „Влен“, осум од ВМРО-ДПМНЕ, пет од СДСМ и четири од Левица. Прифатени беа седум: шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино. Против одлуката на ДИК може да се поднесе тужба до Управниот суд, во рок од 24 часа од приемот на решението.Управниот суд, пак, по жалбата е должен да донесе одлука во рок од 48 часа по нејзиниот прием. мд/дма/ прочитај повеќе мај 17, 2024 Состојбата на словачкиот премиер Фицо „се уште многу сериозна“ Словачкиот премиер Роберт Фицо. Два дена по обидот за атентат, состојбата на словачкиот премиер Роберт Фицо на 17 мај „останува многу сериозна“, изјави неговиот заменик и близок соработник Роберт Калинак. Фицо беше хоспитализиран по пукањето во средата, коешто се случи додека 59-годишниот премиер на Словачка разговараше со граѓаните по состанокот во централниот град Хандлова. „Повторно беше опериран, имаше операција речиси два часа“, изјави за новинарите пред болницата во Банска Бистрица вицепремиерот Роберт Калинак. Фицо претходно имаше петчасовна операција набргу откако од местото на нападот беше пренесен во болница со хеликоптер. Директорот на болницата во Банска Бистрица рече дека Фицо останал „свесен“, иако е во „тешка“ состојба. Претходно, на 17 мај, локалните медиуми објавија дека словачката полиција извршила претрес во домот на мажот кој е обвинет за пукањето. Видете и ова: На словачкиот премиер Фицо ќе му биде извршена уште една операција Полициските службеници го донесоа наводниот вооружен напаѓач, кој носел панцир и шлем, во станот што го делел со неговата сопруга во западниот град Левице, беше прикажано во видео од телевизијата Маркиза. „Полицијата остана во станот неколку часа... Од станот таа изнесе компјутер и документи“, вели приватниот радиодифузер. Полицијата за АФП изјави дека нема да ја коментира тековната истрага. Полицијата не го именуваше осомничениот, но медиумите го идентификуваа како 71-годишниот писател Јурај Цинтулу. Тој во четвртокот беше обвинет за обид за убиство од прв степен во, како што велат властите, политички мотивиран напад. „Станува збор за „волк-самец“ кој се активирал по претседателските избори бидејќи не бил задоволен од нивниот исход“, изјави министерот за внатрешни работи Матус Сутај Есток. Видете и ова: Обид за атентат врз словачкиот премиер Фицо - нападот бил „политички мотивиран“ Нападот ги поттикна стравувањата од натамошно насилство и нестабилност во политички поларизираната земја, само неколку недели пред изборите за Европскиот парламент, пренесува АФП. Официјалните лица во Словачка ја повлекоа врската со политичката ситуација во земјата, со нејзината политичка сцена нарушена со дезинформации за време на неодамнешните изборни кампањи. Фицо, четирикратен премиер и политички ветеран, се врати на функцијата во октомври. Оттогаш тој даде серија изјави кои ги влошија врските меѓу Словачка и соседна Украина, откако го доведе во прашање суверенитетот на земјата. Откако тој беше избран, Словачка престана да испраќа оружје во Украина, која Русија ја нападна во 2022 година. прочитај повеќе мај 17, 2024 Палевски ќе биде спроведен на распит во Кривичниот суд Љупчо Палевски - Палчо, првоосомничен за убиството на Вања Ѓорчевска и Панче Жежовски. Основниот кривичен суд Скопје денеска доби официјално известување од Истражниот затвор Скопје за екстрадицијата на Љупчо Палевски, којшто е првоосомничен за случајот за убиството на 14-годишната Вања Ѓорчевска и велешкиот фризер Панче Жежовски (74). Палевски прво ќе биде спроведен до Кривичниот суд за да се изјасни за мерката притвор која му беше веќе определена, откако на 5 мај со авион беше екстрадиран од Турција во Северна Македонија. Од судот соопштуваат дека денеска добиле и известување и барање за ангажирање на адвокат кој ќе го застапува Палевски во текот на постапката. Според законите во Северна Македонија, судот ги издава сите дозволи поврзани со истражната постапка и ги доставува до предложените адвокати за нивно понатамошно постапување. „Дополнително, судија на претходна постапка во координација со надлежниот Јавен обвинител, ќе издаде наредба за спровод на осомниченото лице за негово произнесување во однос на околностите во предлогот на Јавниот обвинител за определување на мерката притвор, а за донесеното решение јавноста ќе биде известена“, се вели во соопштението од Основен кривичен суд Скопје. Видете и ова: Финишира истрагата за Палчо за убиството на 14-годишната Вања Истрагата за случајот, кој што го води Основното јавно обвинителство (ОЈО) Скопје, е во завршна фаза. Палевски повеќе од пет месеци помина во екстрадициски притвор во Турција, откако беше фатен од турската полиција. Палевски се гони за две грабнувања и две убиства на свиреп начин. Осомничени се и тројца соизвршители за овие дела, како и таткото на Вања Ѓорчевска кој се товари за помагање во грабнувањето на девојчето. За помагање во бегството, обвинителството сомничи уште едно лице. Истрагата на Обвинителството беше отворена на 3 декември, откако случајот притви Палевски и останатите осомничени беше отворен по пријавата за исчезнувањето на малолетната Вања на 27 ноември, утрото кога таа не се појави на училиште. Исчезнувањето со денови ја брануваше македонската, но и јавноста во регионот, а медиумите и социјалните мрежи беа преплавени со вести и апели се до 3 декември кога нејзиното тело беше пронајдено во околината на Скопје. Видете и ова: Љупчо Палевски – Палчо со авион екстрадиран во Северна Македонија Истиот ден беше кобен и за семејството на Панче Жежовски бидејќи полицијата соопшти дека неговото тело го пронашле во близина на Велес. Тој бил пријавен за исчезнат три дена пред Вања – на 24 ноември. Палевски беше во бегство во Турција, а избегал во таа земја преку Србија и Бугарија, избега во Турција. Турската полиција успеа да го фати кај градот Балибекир на 5 декември 2023 година. Тој на 15 мај годинава беше екстрадиран во Северна Македонија. Пред затворање на истрагата и поднесување на обвинение, Палевски треба да биде сослушан и во обвинителството. По евентуалното обвинение, тоа ќе оди на оценка во судот и ако добие зелено светло, ќе стартува судски процес. Во меѓувреме тој во притвор се чува под посебни безбедносни мерки. прочитај повеќе мај 17, 2024 Познат политички аналитичар бега од Русија поради обвинувања за антируски активности Александар Сунгуров, претседател на Хуманитарно-политички центар „Стратегија“ Александар Сунгуров, руски политички аналитичар и професор на Високата школа за економија, побегна од Русија откако про-Кремљ режисерот Никита Михалков го обвини за антируски активности, изјави еден од студентите на Сунгуров на 17 мај. Михалков неодамна во својата ТВ емисија изјави дека фондацијата „Стратегија“ предводена од Сунгуров добила финансиска поддршка од странство и мора да биде означена како „странски агент“. Видете и ова: Грузискиот премиер го брани законот за „странски агенти“ Сунгуров поднесе оставка од Вишата економска школа во Санкт Петербург. Неговата страница е отстранета од веб-страницата на универзитетот. Тој од 2005 година е раководител на Катедрата за применети политички науки на тој факултет. Од 1994 година, Сунгуров ја води „Стратегија“ - либерален аналитички центар во Санкт Петербург. Тој работеше и како експерт за Советот на Европа и Европската Унија. прочитај повеќе мај 17, 2024 Судски совет: Судската власт е независна, секое мешање е опасно за демократијата Судски совет Судската власт е самостојна и независна и секое мешање во судството и во судската власт носи со себе сериозна опасност по демократијата, правната сигурност и владеењето на правото, велат од Судскиот совет на најавите на лидерот на ВМРО-ДПМНЕ Христијан Мицкоски дека нивна цел е да го распуштат Судскиот совет и самите судии и обвинители преку тајно гласање да ги избираат своите преставници во Советот. „Судскиот совет не се впуштa во коментирање и оценка на предизборни програми и ветувања на која било политичка партија, затоа што тоа е крајно несоодветно. Единствено, Судскиот совет укажува дека судската власт како една од трите власти, а не трета власт, е самостојна и независна. Овој факт не го користиме како флоскула и одбранбен механизам. Мора да биде јасно и сите да бидат свесни дека секое мешање во судството и генерално во судската власт на кој било од носителите на другите две власти, носи со себе сериозна опасност за едно демократско општество, правната сигурност и владеењето на правото, како вредности, стандарди и врвни приоритети кон кои како држава се стремиме на патот кон ЕУ“, велат од Судскиот совет. Видете и ова: Мицкоски: Мое човеково право е како ќе ја нарекувам мојата држава Оттаму нагласуваат дека се свесни за состојбите во судството, за нивото на доверба и за се она што како недостиг се става на товар на судството. „Критиките ги прифаќаме, меѓутоа, исто така убедени сме дека судството во Република Северна Македонија има капацитет да ги надмине состојбите без реформи и резови за кои никој не може однапред да ги предвиди ефектите кои ќе бидат предизвикани. Реформи заради реформи никому не му се потребни и истите само ќе ги вратат неколку чекори назад процесите и активностите кои Судскиот совет ги превзема во овој период, финансирани и со поддршка на меѓународната заедница преку проекти, а се во насока на подобрување на состојбите во судството и се во напредна фаза“, нагласуваат од Судскиот совет. Лидерот на ВМРО-ДПМНЕ Мицкоски во обраќање на Самитот „Македонија2025“ вчера рече дека главен предизвик на идната влада ќе бидат реформите во Судскиот совет и Советот на јавни обвинители и дека нивна цел е да ги распуштат оние кои довербата во правниот систем ја свеле на едноцифрена бројка проценти и наместо нив, самите судии и обвинители да си ги изберат своите претставници преку тајно гласање. Мицкоски потенцираше дека владата предводена од ВМРО-ДПМНЕ нема намера ниту да поставува и предлага свои луѓе преку измени во законот, ниту пак има намера да се меша во овие две тела. прочитај повеќе мај 17, 2024 Украина објави дека Русија го уништува градот Вовчанск Постара жена евакуирана од областа Вовчанск, 12 мај 2024 година Руските сили почнаа да го „уништуваат“ украинскиот град Вовчанск, а сите освен 200 жители на градот побегнаа од нападот, изјави гувернерот на регионот на 17 мај. Москва минатата недела изврши ненадеен копнен напад врз североисточна Украина, напредувајќи кон неколку населени места, вклучувајќи го и Вовчанск, на само пет километри од границата. „Непријателот почна да го уништува градот. Не само што е опасно да се биде таму, туку е невозможно“, рече гувернерот на Харкивската област Олег Синегубов на брифинг. Тој рече дека руските сили се обидуваат да го опколат градот, кој пред војната имал околу 18.000 жители и дека украинските сили даваат „отпор“. Видете и ова: Зеленски ги одложи патувањата во странство поради „тешката“ ситуација на фронтот Началникот на армијата Олександр Сирски изјави дека Русија ја проширила својата „борбена зона“ за 70 километри и се обидува да ја принуди Украина да ги повлече војниците од своите резерви. „Разбираме дека нè очекуваат тешки битки и дека непријателот се подготвува за тоа“, рече тој. Украина евакуираше речиси 9000 луѓе во текот на неделата, откако руските сили ја преминаа границата на 10 мај, испукувајќи силен артилериски оган врз неколку села. Претставник на украинската полиција во четвртокот ги обвини руските војници дека заробиле десетици цивили во Вовчанск и ги користеле како „човечки штитови“ за одбрана на нивниот команден штаб. АФП не можеше веднаш да го потврди тврдењето. Руските војници претходно беа обвинети за егзекуција на цивили во делови на Украина што ги заробиле и контролирале од инвазијата во февруари 2022 година. Во април 2022 година, телата на десетици цивили, некои со врзани раце, беа пронајдени во киевското предградие Бух по неколкумесечната окупација од страна на руските сили. прочитај повеќе мај 17, 2024 Израел соопшти дека обвинувањата на Јужна Африка за геноцид се неосновани Појасот Газа Израел ја бранеше воената неопходност од својата офанзива во Газа пред Меѓународниот суд на правдата (МПС) на 17 мај, откако Јужна Африка побара од судиите да му наредат да ги прекине операциите во Рафа и целосно да се повлече од палестинските територии. Службеникот на израелското Министерство за правда Гилад Ноам го нарече случајот на Јужна Африка, кој го обвинува Израел за кршење на Конвенцијата за геноцид, „целосно надвор од фактите и околностите“ и рече дека „ја исмејува конвенцијата“. Тој го нарече случајот „безобразна експлоатација на најсветата конвенција“, мислејќи на меѓународниот договор за забрана на геноцид договорен по холокаустот на европските Евреи во Втората светска војна. Конвенцијата бара од сите земји да дејствуваат за да го спречат геноцидот, а МСП, познат и како Светски суд, кој ги разгледува споровите меѓу државите, пресуди дека тоа и дава право на Јужна Африка да го покрене случајот. Во претходните пресуди, судот ги отфрли барањата на Израел да го отфрли случајот и му нареди на Израел да спречи акти на геноцид врз Палестинците, но не му нареди да го запре нападот. Видете и ова: Меѓународниот суд на правдата бара мерки од Израел за решавање на гладот во Газа Пред израелската презентација, неколку десетици про-израелски демонстранти се собраа надвор и ги покажаа фотографиите на заложниците што ги зедоа борците на Хамас на 7 октомври и бараа нивно ослободување. Хамас е прогласена за терористичка организација од САД и ЕУ. Јужноафриканскиот правен тим, кој го претстави својот случај за нови итни мерки претходниот ден, ја прикажа израелската воена операција како дел од геноциден план чија цел е уништување на палестинскиот народ. Амбасадорот на Јужна Африка во Холандија, Вусимузи Мадонсела побара од судот да му нареди на Израел „веднаш, целосно и безусловно да ја повлече израелската армија од целиот Појас Газа“. Видете и ова: САД ја отфрлија можноста Меѓународниот кривичен суд да го истражува Израел Израелскиот официјален претставник Ноам рече дека израелските воени операции не биле насочени кон цивили, туку кон терористите на Хамас кои го користат Рафа како упориште, кои имаат тунелни системи кои можат да се користат за шверцување заложници и милитанти од Газа. Примерите за наводното прекршување на конвенцијата од страна на Израел презентирани од Јужна Африка „не се доказ за политика на незаконско однесување, а не пак за политика на геноцид. Наредбата на Израел да ги повлече своите војници ќе ги осуди на смрт преостанатите заложници во Газа“, рече Ноам. Војната започна кога милитантите на Хамас го нападнаа Израел на 7 октомври, убивајќи 1200 луѓе и киднапирајќи 253 луѓе. Повеќе од 35 000 Палестинци загинаа во израелските напади, според Министерството за здравство во Газа, кое го предводи Хамас. Одлуката за барањето за вонредни мерки се очекува следната недела. прочитај повеќе мај 17, 2024 Северна Кореја истрела балистички ракети откако негираше испорака на оружје за Русија илустрација Северна Кореја истрела неколку сомнителни балистички ракети со краток дострел, неколку часа откако сестрата на севернокорејскиот лидер ги негираше тврдењата дека Пјонгјанг и испорачува оружје на Русија, соопшти Јужна Кореја. Лансирањата се најнови во серијата сè пософистицирани тестови од страна на Северна Кореја, која истрела крстосувачки ракети, тактички ракети и хиперсонично оружје во последниве месеци, што е како што наведува оваа нуклеарно вооружената земја, надградба на нејзините одбранбени способности. Сеул и Вашингтон ја обвинија Северна Кореја за испраќање оружје на Русија, што би прекршило низа санкции на Обединетите Нации за двете земји, а експертите велат дека неодамна тестираното оружје може да биде наменето за употреба на боиштата во Украина. Војската на Јужна Кореја во петок (17 мај) соопшти дека открила лансирање на, како што ги опиша, „неколку летечки објекти за кои се верува дека се балистички ракети со краток дострел“ од областа Вонсан во близина на источниот брег на Северна Кореја. Ракетите патувале околу 300 километри, соопшти генералштабот, додавајќи дека војската „ја зголемила будноста и надзорот како подготовка за дополнителни лансирања“ и споделувала информации со сојузниците САД и Јапонија. Лансирањето дојде само неколку часа откако сестрата на Ким, Ким Јо Јонг, ги обвини Сеул и Вашингтон за „залажување на јавното мислење“ со постојано обвинување дека Пјонгјанг испраќа оружје во Москва за употреба во Украина. Видете и ова: Северна Кореја и испорачала на Русија 7000 контејнери со муниција Тестовите беа одржани додека рускиот претседател Владимир Путин е во дводневна посета на Кина, чија цел е да ја зајакне трговијата со Пекинг (најважниот сојузник на Северна Кореја) и да добие поголема поддршка за неговите воени напори во Украина. Тестовите се случија и еден ден откако напредните јужнокорејски и американски стелт-ловци, вклучително и Ф-22 Рапторс, одржаа заеднички воздушни борбени вежби. Ваквите вежби обично го разбеснуваат Пјонгјанг, кој на нив гледа како на проба за инвазија. Северна Кореја претходно истрела балистички ракети со краток дострел од нејзиниот источен брег на 22 април. Видете и ова: Сеул соопшти дека Пјонгјанг лансирал балистичка ракета кон Јапонско Море Серијата санкции на Обединетите Нации и забрануваат на Северна Кореја да тестира балистичка технологија, но нејзиниот клучен сојузник Русија го искористи ветото на Советот за безбедност на ОН во март за ефективно да го прекине мониторингот на ОН, за што Пјонгјанг конкретно и се заблагодари на Москва. Северна Кореја долго време се обидува да совлада понапредни хиперсонични технологии и технологии на цврсто гориво за да им овозможи на своите ракети да ги неутрализираат јужнокорејско-американските ракетни одбранбени системи и да ги загрозат регионалните воени бази на САД. Хиперсоничните проектили се побрзи и можат да маневрираат при лет, што го отежнува следењето и пресретнувањето, додека ракетите со цврсто гориво не треба да се напојуваат пред лансирањето, што ги отежнува пронаоѓањето и уништувањето и побрзи за употреба. прочитај повеќе мај 17, 2024 По протестите против законот за „странски агенти“, во Тбилиси марш за семејството Марш по повод Денот на семејната чистота, Тбилиси, 17 мај 2024 година Високи свештеници на Грузиската православна црква и конзервативни верски групи денеска (17 мај) го одбележаа новововедениот празник „Ден на семејната чистота“ со марш по централната авенија во Тбилиси, која беше место на неколкунеделни протести поради усвоениот закон за „странски агенти“. Денот на чистотата на семејството е основан од Грузиската православна црква во 2014 година како одговор на Меѓународниот ден против хомофобијата, бифобијата и трансфобијата (IDAHOBIT), кој се одбележува секоја година на 17 мај за да се подигне свеста за кршењето на правата на ЛГБТ ширум светот. Со цел да се избегне конфронтација, не беа закажани собири против законот за „странски агенти“ за време на маршот за Денот на семејната чистота, објави грузискиот сервис на Радио Слободна Европа. Маршот на Денот на семејната чистота, кој оваа година е неработен ден, е поддржан од владејачката партија Грузиски сон, која во март го протурка нацрт-законот за ограничување на правата на ЛГБТ луѓето, само неколку недели пред да го врати законот за „странски агенти“. на парламентарна процедура која наликува на драконски руски закон. Законот за ограничување на правата на ЛГБТ забранува трансродови операции, посвојување деца од истополови двојки, назначување на пол различен од машкиот и женскиот пол во официјалните документи и организирање јавни настани кои се залагаат за истополови врски. Двата закони се сметаат за обиди на Грузискиот сон, основан од милијардерот Бидзина Иванишвили, пријател на Русија, да ја консолидира својата моќ пред изборите закажани за октомври. Embed share Грузијци отпуштени од работа поради протестирање Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:03:00 0:00 Директен линк 240p | 8,6MB 360p | 13,8MB 480p | 22,3MB 720p | 44,5MB 1080p | 66,9MB На 17 мај, претседателот на парламентот Шалва Папуашвили објави честитка на социјалните мрежи, додка официјални лица најавија учество на маршот. Вниманието посветено на настанот се чини дека е обид да се минимизира влијанието на повеќенеделните масовни протести поради контроверзниот закон за „странски агенти“ усвоен од парламентот претходно оваа недела. Прозападната претседателка Саломе Зурабишвили, која е во судир со Грузиски сон, рече дека законот е „неприфатлив“ и „не е во согласност“ со евроатлантската интеграција на земјата. Законот беше критикуван од САД, Европската Унија и организациите за човекови права поради сличностите со рускиот закон што претседателот Владимир Путин го користеше за да ја задуши опозицијата, невладините организации и медиумите. прочитај повеќе мај 17, 2024 Започна испораката на помош за Газа преку понтонскиот мост што го изградија САД илустрација Камиони со неопходна помош за Појасот Газа во петок (17 мај) почнаа да го преминуваат понтонскиот мост изграден од Соединетите Држави, откако израелските ограничувања на граничните премини и тешките борби ја попречија испораката на храна и други залихи за опколената палестинска енклава. Испораките се први во операцијата за која американските воени претставници предвидуваат дека може да се зголеми до 150 камиони дневно што влегуваат во Појасот Газа. Израел во моментов врши притисок врз градот Рафа во јужниот дел на Појасот Газа, каде се наоѓа клучниот граничен премин со Појасот Газа, преку кој се носеше помош, но кој е затворен откако Израел ја презеде контролата над него. На окупираниот Западен Брег, десетици израелски демонстранти нападнаа камион во обид да спречат помошта да стигне до Газа во четвртокот, претепувајќи го неговиот возач и запалувајќи го. Видете и ова: УНРВА: Израелската операција на преминот Рафа ја загрозува испораката на помош за Газа Израелската армија соопшти дека војниците пристигнале подоцна на местото на настанот и се обиделе да ги одвојат напаѓачите од возачот и да пружат медицинска помош. Армијата соопшти дека демонстрантите потоа ги нападнале војниците, при што полесно биле повредени двајца офицери и еден војник. Израелските медиуми јавија дека камионот превезувал обична комерцијална стока, а не помош за Газа. Во седуммесечната војна во Појасот Газа, според здравствените власти во Газа под контрола на Хамас, кој САД и ЕУ ја сметаат за терористичка организација, загинале повеќе од 35 000 луѓе. Војната започна на 7 октомври кога Хамас го нападна јужниот дел на Израел, убивајќи околу 1200 луѓе и земајќи околу 250 заложници, според израелските податоци. прочитај повеќе Вчитај повеќе...

Вести мај 16, 2024 Зеленски: Ситуацијата во североисточниот регион Харкив е „исклучително тешка“ Украинскиот претседател Володомир Зеленски Украинскиот претседател Володимир Зеленски изјави дека воената ситуација во североисточниот регион Харкив е „исклучително тешка“, но сепак „под контрола“. Изјавата ја даде по состанокот со неговите воени началници во близина на линијата на фронтот. „Ситуацијата во регионот Харкив е генерално под контрола, а нашите војници му нанесуваат значителни загуби на окупаторот. Сепак, ситуацијата во областа останува исклучително тешка“, напиша тој во објавата на Телеграм, откако ги слушнал извештаите од неговите команданти во Харкив, регионален главен град на 30 километри од руската граница. Видете и ова: САД најавија пакет помош за Украина вреден 400 милиони долари Претходно денеска, украинската армија објави дека го запрела руското напредување во некои области на североисточниот регион Харкив, каде Русија започна нова офанзива минатата недела. „Ситуацијата во регионот Харкив сè уште е комплицирана, но се развива на динамичен начин. Нашите одбранбени сили делумно ја стабилизираа ситуацијата. Напредувањето на непријателот во одредени зони и локалитети е запрено“, рече портпаролот на армијата утрото на 16 мај. Предупредување за воздушен напад беше прогласено рано во четвртокот и во Киев и во неколку украински региони, при што украинските воздухопловни сили предупредуваа на закана од балистички ракети истрелани од Русија. прочитај повеќе види ги сите денешни вести мај 17, 2024 Состојбата на словачкиот премиер Фицо „се уште многу сериозна“ Словачкиот премиер Роберт Фицо. Два дена по обидот за атентат, состојбата на словачкиот премиер Роберт Фицо на 17 мај „останува многу сериозна“, изјави неговиот заменик и близок соработник Роберт Калинак. Фицо беше хоспитализиран по пукањето во средата, коешто се случи додека 59-годишниот премиер на Словачка разговараше со граѓаните по состанокот во централниот град Хандлова. „Повторно беше опериран, имаше операција речиси два часа“, изјави за новинарите пред болницата во Банска Бистрица вицепремиерот Роберт Калинак. Фицо претходно имаше петчасовна операција набргу откако од местото на нападот беше пренесен во болница со хеликоптер. Директорот на болницата во Банска Бистрица рече дека Фицо останал „свесен“, иако е во „тешка“ состојба. Претходно, на 17 мај, локалните медиуми објавија дека словачката полиција извршила претрес во домот на мажот кој е обвинет за пукањето. Видете и ова: На словачкиот премиер Фицо ќе му биде извршена уште една операција Полициските службеници го донесоа наводниот вооружен напаѓач, кој носел панцир и шлем, во станот што го делел со неговата сопруга во западниот град Левице, беше прикажано во видео од телевизијата Маркиза. „Полицијата остана во станот неколку часа... Од станот таа изнесе компјутер и документи“, вели приватниот радиодифузер. Полицијата за АФП изјави дека нема да ја коментира тековната истрага. Полицијата не го именуваше осомничениот, но медиумите го идентификуваа како 71-годишниот писател Јурај Цинтулу. Тој во четвртокот беше обвинет за обид за убиство од прв степен во, како што велат властите, политички мотивиран напад. „Станува збор за „волк-самец“ кој се активирал по претседателските избори бидејќи не бил задоволен од нивниот исход“, изјави министерот за внатрешни работи Матус Сутај Есток. Видете и ова: Обид за атентат врз словачкиот премиер Фицо - нападот бил „политички мотивиран“ Нападот ги поттикна стравувањата од натамошно насилство и нестабилност во политички поларизираната земја, само неколку недели пред изборите за Европскиот парламент, пренесува АФП. Официјалните лица во Словачка ја повлекоа врската со политичката ситуација во земјата, со нејзината политичка сцена нарушена со дезинформации за време на неодамнешните изборни кампањи. Фицо, четирикратен премиер и политички ветеран, се врати на функцијата во октомври. Оттогаш тој даде серија изјави кои ги влошија врските меѓу Словачка и соседна Украина, откако го доведе во прашање суверенитетот на земјата. Откако тој беше избран, Словачка престана да испраќа оружје во Украина, која Русија ја нападна во 2022 година. прочитај повеќе мај 17, 2024 Палевски ќе биде спорведен на распит во Кривичниот суд Љупчо Палевски - Палчо, првоосомничен за убиството на Вања Ѓорчевска и Панче Жежовски. Основниот кривичен суд Скопје денеска доби официјално известување од Истражниот затвор Скопје за екстрадицијата на Љупчо Палевски, којшто е првоосомничен за случајот за убиството на 14-годишната Вања Ѓорчевска и велешкиот фризер Панче Жежовски (74). Палевски прво ќе биде спроведен до Кривичниот суд за да се изјасни за мерката притвор која му беше веќе определена, откако на 5 мај со авион беше екстрадиран од Турција во Северна Македонија. Од судот соопштуваат дека денеска добиле и известување и барање за ангажирање на адвокат кој ќе го застапува Палевски во текот на постапката. Според законите во Северна Македонија, судот ги издава сите дозволи поврзани со истражната постапка и ги доставува до предложените адвокати за нивно понатамошно постапување. „Дополнително, судија на претходна постапка во координација со надлежниот Јавен обвинител, ќе издаде наредба за спровод на осомниченото лице за негово произнесување во однос на околностите во предлогот на Јавниот обвинител за определување на мерката притвор, а за донесеното решение јавноста ќе биде известена“, се вели во соопштението од Основен кривичен суд Скопје. Видете и ова: Финишира истрагата за Палчо за убиството на 14-годишната Вања Истрагата за случајот, кој што го води Основното јавно обвинителство (ОЈО) Скопје, е во завршна фаза. Палевски повеќе од пет месеци помина во екстрадициски притвор во Турција, откако беше фатен од турската полиција. Палевски се гони за две грабнувања и две убиства на свиреп начин. Осомничени се и тројца соизвршители за овие дела, како и таткото на Вања Ѓорчевска кој се товари за помагање во грабнувањето на девојчето. За помагање во бегството, обвинителството сомничи уште едно лице. Истрагата на Обвинителството беше отворена на 3 декември, откако случајот притви Палевски и останатите осомничени беше отворен по пријавата за исчезнувањето на малолетната Вања на 27 ноември, утрото кога таа не се појави на училиште. Исчезнувањето со денови ја брануваше македонската, но и јавноста во регионот, а медиумите и социјалните мрежи беа преплавени со вести и апели се до 3 декември кога нејзиното тело беше пронајдено во околината на Скопје. Видете и ова: Љупчо Палевски – Палчо со авион екстрадиран во Северна Македонија Истиот ден беше кобен и за семејството на Панче Жежовски бидејќи полицијата соопшти дека неговото тело го пронашле во близина на Велес. Тој бил пријавен за исчезнат три дена пред Вања – на 24 ноември. Палевски беше во бегство во Турција, а избегал во таа земја преку Србија и Бугарија, избега во Турција. Турската полиција успеа да го фати кај градот Балибекир на 5 декември 2023 година. Тој на 15 мај годинава беше екстрадиран во Северна Македонија. Пред затворање на истрагата и поднесување на обвинение, Палевски треба да биде сослушан и во обвинителството. По евентуалното обвинение, тоа ќе оди на оценка во судот и ако добие зелено светло, ќе стартува судски процес. Во меѓувреме тој во притвор се чува под посебни безбедносни мерки. прочитај повеќе мај 17, 2024 Познат политички аналитичар бега од Русија поради обвинувања за антируски активности Александар Сунгуров, претседател на Хуманитарно-политички центар „Стратегија“ Александар Сунгуров, руски политички аналитичар и професор на Високата школа за економија, побегна од Русија откако про-Кремљ режисерот Никита Михалков го обвини за антируски активности, изјави еден од студентите на Сунгуров на 17 мај. Михалков неодамна во својата ТВ емисија изјави дека фондацијата „Стратегија“ предводена од Сунгуров добила финансиска поддршка од странство и мора да биде означена како „странски агент“. Видете и ова: Грузискиот премиер го брани законот за „странски агенти“ Сунгуров поднесе оставка од Вишата економска школа во Санкт Петербург. Неговата страница е отстранета од веб-страницата на универзитетот. Тој од 2005 година е раководител на Катедрата за применети политички науки на тој факултет. Од 1994 година, Сунгуров ја води „Стратегија“ - либерален аналитички центар во Санкт Петербург. Тој работеше и како експерт за Советот на Европа и Европската Унија. прочитај повеќе мај 17, 2024 Судски совет: Судската власт е независна, секое мешање е опасно за демократијата Судски совет Судската власт е самостојна и независна и секое мешање во судството и во судската власт носи со себе сериозна опасност по демократијата, правната сигурност и владеењето на правото, велат од Судскиот совет на најавите на лидерот на ВМРО-ДПМНЕ Христијан Мицкоски дека нивна цел е да го распуштат Судскиот совет и самите судии и обвинители преку тајно гласање да ги избираат своите преставници во Советот. „Судскиот совет не се впуштa во коментирање и оценка на предизборни програми и ветувања на која било политичка партија, затоа што тоа е крајно несоодветно. Единствено, Судскиот совет укажува дека судската власт како една од трите власти, а не трета власт, е самостојна и независна. Овој факт не го користиме како флоскула и одбранбен механизам. Мора да биде јасно и сите да бидат свесни дека секое мешање во судството и генерално во судската власт на кој било од носителите на другите две власти, носи со себе сериозна опасност за едно демократско општество, правната сигурност и владеењето на правото, како вредности, стандарди и врвни приоритети кон кои како држава се стремиме на патот кон ЕУ“, велат од Судскиот совет. Видете и ова: Мицкоски: Мое човеково право е како ќе ја нарекувам мојата држава Оттаму нагласуваат дека се свесни за состојбите во судството, за нивото на доверба и за се она што како недостиг се става на товар на судството. „Критиките ги прифаќаме, меѓутоа, исто така убедени сме дека судството во Република Северна Македонија има капацитет да ги надмине состојбите без реформи и резови за кои никој не може однапред да ги предвиди ефектите кои ќе бидат предизвикани. Реформи заради реформи никому не му се потребни и истите само ќе ги вратат неколку чекори назад процесите и активностите кои Судскиот совет ги превзема во овој период, финансирани и со поддршка на меѓународната заедница преку проекти, а се во насока на подобрување на состојбите во судството и се во напредна фаза“, нагласуваат од Судскиот совет. Лидерот на ВМРО-ДПМНЕ Мицкоски во обраќање на Самитот „Македонија2025“ вчера рече дека главен предизвик на идната влада ќе бидат реформите во Судскиот совет и Советот на јавни обвинители и дека нивна цел е да ги распуштат оние кои довербата во правниот систем ја свеле на едноцифрена бројка проценти и наместо нив, самите судии и обвинители да си ги изберат своите претставници преку тајно гласање. Мицкоски потенцираше дека владата предводена од ВМРО-ДПМНЕ нема намера ниту да поставува и предлага свои луѓе преку измени во законот, ниту пак има намера да се меша во овие две тела. прочитај повеќе мај 17, 2024 Украина објави дека Русија го уништува градот Вовчанск Постара жена евакуирана од областа Вовчанск, 12 мај 2024 година Руските сили почнаа да го „уништуваат“ украинскиот град Вовчанск, а сите освен 200 жители на градот побегнаа од нападот, изјави гувернерот на регионот на 17 мај. Москва минатата недела изврши ненадеен копнен напад врз североисточна Украина, напредувајќи кон неколку населени места, вклучувајќи го и Вовчанск, на само пет километри од границата. „Непријателот почна да го уништува градот. Не само што е опасно да се биде таму, туку е невозможно“, рече гувернерот на Харкивската област Олег Синегубов на брифинг. Тој рече дека руските сили се обидуваат да го опколат градот, кој пред војната имал околу 18.000 жители и дека украинските сили даваат „отпор“. Видете и ова: Зеленски ги одложи патувањата во странство поради „тешката“ ситуација на фронтот Началникот на армијата Олександр Сирски изјави дека Русија ја проширила својата „борбена зона“ за 70 километри и се обидува да ја принуди Украина да ги повлече војниците од своите резерви. „Разбираме дека нè очекуваат тешки битки и дека непријателот се подготвува за тоа“, рече тој. Украина евакуираше речиси 9000 луѓе во текот на неделата, откако руските сили ја преминаа границата на 10 мај, испукувајќи силен артилериски оган врз неколку села. Претставник на украинската полиција во четвртокот ги обвини руските војници дека заробиле десетици цивили во Вовчанск и ги користеле како „човечки штитови“ за одбрана на нивниот команден штаб. АФП не можеше веднаш да го потврди тврдењето. Руските војници претходно беа обвинети за егзекуција на цивили во делови на Украина што ги заробиле и контролирале од инвазијата во февруари 2022 година. Во април 2022 година, телата на десетици цивили, некои со врзани раце, беа пронајдени во киевското предградие Бух по неколкумесечната окупација од страна на руските сили. прочитај повеќе мај 17, 2024 Израел соопшти дека обвинувањата на Јужна Африка за геноцид се неосновани Појасот Газа Израел ја бранеше воената неопходност од својата офанзива во Газа пред Меѓународниот суд на правдата (МПС) на 17 мај, откако Јужна Африка побара од судиите да му наредат да ги прекине операциите во Рафа и целосно да се повлече од палестинските територии. Службеникот на израелското Министерство за правда Гилад Ноам го нарече случајот на Јужна Африка, кој го обвинува Израел за кршење на Конвенцијата за геноцид, „целосно надвор од фактите и околностите“ и рече дека „ја исмејува конвенцијата“. Тој го нарече случајот „безобразна експлоатација на најсветата конвенција“, мислејќи на меѓународниот договор за забрана на геноцид договорен по холокаустот на европските Евреи во Втората светска војна. Конвенцијата бара од сите земји да дејствуваат за да го спречат геноцидот, а МСП, познат и како Светски суд, кој ги разгледува споровите меѓу државите, пресуди дека тоа и дава право на Јужна Африка да го покрене случајот. Во претходните пресуди, судот ги отфрли барањата на Израел да го отфрли случајот и му нареди на Израел да спречи акти на геноцид врз Палестинците, но не му нареди да го запре нападот. Видете и ова: Меѓународниот суд на правдата бара мерки од Израел за решавање на гладот во Газа Пред израелската презентација, неколку десетици про-израелски демонстранти се собраа надвор и ги покажаа фотографиите на заложниците што ги зедоа борците на Хамас на 7 октомври и бараа нивно ослободување. Хамас е прогласена за терористичка организација од САД и ЕУ. Јужноафриканскиот правен тим, кој го претстави својот случај за нови итни мерки претходниот ден, ја прикажа израелската воена операција како дел од геноциден план чија цел е уништување на палестинскиот народ. Амбасадорот на Јужна Африка во Холандија, Вусимузи Мадонсела побара од судот да му нареди на Израел „веднаш, целосно и безусловно да ја повлече израелската армија од целиот Појас Газа“. Видете и ова: САД ја отфрлија можноста Меѓународниот кривичен суд да го истражува Израел Израелскиот официјален претставник Ноам рече дека израелските воени операции не биле насочени кон цивили, туку кон терористите на Хамас кои го користат Рафа како упориште, кои имаат тунелни системи кои можат да се користат за шверцување заложници и милитанти од Газа. Примерите за наводното прекршување на конвенцијата од страна на Израел презентирани од Јужна Африка „не се доказ за политика на незаконско однесување, а не пак за политика на геноцид. Наредбата на Израел да ги повлече своите војници ќе ги осуди на смрт преостанатите заложници во Газа“, рече Ноам. Војната започна кога милитантите на Хамас го нападнаа Израел на 7 октомври, убивајќи 1200 луѓе и киднапирајќи 253 луѓе. Повеќе од 35 000 Палестинци загинаа во израелските напади, според Министерството за здравство во Газа, кое го предводи Хамас. Одлуката за барањето за вонредни мерки се очекува следната недела. прочитај повеќе мај 17, 2024 Северна Кореја истрела балистички ракети откако негираше испорака на оружје за Русија илустрација Северна Кореја истрела неколку сомнителни балистички ракети со краток дострел, неколку часа откако сестрата на севернокорејскиот лидер ги негираше тврдењата дека Пјонгјанг и испорачува оружје на Русија, соопшти Јужна Кореја. Лансирањата се најнови во серијата сè пософистицирани тестови од страна на Северна Кореја, која истрела крстосувачки ракети, тактички ракети и хиперсонично оружје во последниве месеци, што е како што наведува оваа нуклеарно вооружената земја, надградба на нејзините одбранбени способности. Сеул и Вашингтон ја обвинија Северна Кореја за испраќање оружје на Русија, што би прекршило низа санкции на Обединетите Нации за двете земји, а експертите велат дека неодамна тестираното оружје може да биде наменето за употреба на боиштата во Украина. Војската на Јужна Кореја во петок (17 мај) соопшти дека открила лансирање на, како што ги опиша, „неколку летечки објекти за кои се верува дека се балистички ракети со краток дострел“ од областа Вонсан во близина на источниот брег на Северна Кореја. Ракетите патувале околу 300 километри, соопшти генералштабот, додавајќи дека војската „ја зголемила будноста и надзорот како подготовка за дополнителни лансирања“ и споделувала информации со сојузниците САД и Јапонија. Лансирањето дојде само неколку часа откако сестрата на Ким, Ким Јо Јонг, ги обвини Сеул и Вашингтон за „залажување на јавното мислење“ со постојано обвинување дека Пјонгјанг испраќа оружје во Москва за употреба во Украина. Видете и ова: Северна Кореја и испорачала на Русија 7000 контејнери со муниција Тестовите беа одржани додека рускиот претседател Владимир Путин е во дводневна посета на Кина, чија цел е да ја зајакне трговијата со Пекинг (најважниот сојузник на Северна Кореја) и да добие поголема поддршка за неговите воени напори во Украина. Тестовите се случија и еден ден откако напредните јужнокорејски и американски стелт-ловци, вклучително и Ф-22 Рапторс, одржаа заеднички воздушни борбени вежби. Ваквите вежби обично го разбеснуваат Пјонгјанг, кој на нив гледа како на проба за инвазија. Северна Кореја претходно истрела балистички ракети со краток дострел од нејзиниот источен брег на 22 април. Видете и ова: Сеул соопшти дека Пјонгјанг лансирал балистичка ракета кон Јапонско Море Серијата санкции на Обединетите Нации и забрануваат на Северна Кореја да тестира балистичка технологија, но нејзиниот клучен сојузник Русија го искористи ветото на Советот за безбедност на ОН во март за ефективно да го прекине мониторингот на ОН, за што Пјонгјанг конкретно и се заблагодари на Москва. Северна Кореја долго време се обидува да совлада понапредни хиперсонични технологии и технологии на цврсто гориво за да им овозможи на своите ракети да ги неутрализираат јужнокорејско-американските ракетни одбранбени системи и да ги загрозат регионалните воени бази на САД. Хиперсоничните проектили се побрзи и можат да маневрираат при лет, што го отежнува следењето и пресретнувањето, додека ракетите со цврсто гориво не треба да се напојуваат пред лансирањето, што ги отежнува пронаоѓањето и уништувањето и побрзи за употреба. прочитај повеќе мај 17, 2024 По протестите против законот за „странски агенти“, во Тбилиси марш за семејството Марш по повод Денот на семејната чистота, Тбилиси, 17 мај 2024 година Високи свештеници на Грузиската православна црква и конзервативни верски групи денеска (17 мај) го одбележаа новововедениот празник „Ден на семејната чистота“ со марш по централната авенија во Тбилиси, која беше место на неколкунеделни протести поради усвоениот закон за „странски агенти“. Денот на чистотата на семејството е основан од Грузиската православна црква во 2014 година како одговор на Меѓународниот ден против хомофобијата, бифобијата и трансфобијата (IDAHOBIT), кој се одбележува секоја година на 17 мај за да се подигне свеста за кршењето на правата на ЛГБТ ширум светот. Со цел да се избегне конфронтација, не беа закажани собири против законот за „странски агенти“ за време на маршот за Денот на семејната чистота, објави грузискиот сервис на Радио Слободна Европа. Маршот на Денот на семејната чистота, кој оваа година е неработен ден, е поддржан од владејачката партија Грузиски сон, која во март го протурка нацрт-законот за ограничување на правата на ЛГБТ луѓето, само неколку недели пред да го врати законот за „странски агенти“. на парламентарна процедура која наликува на драконски руски закон. Законот за ограничување на правата на ЛГБТ забранува трансродови операции, посвојување деца од истополови двојки, назначување на пол различен од машкиот и женскиот пол во официјалните документи и организирање јавни настани кои се залагаат за истополови врски. Двата закони се сметаат за обиди на Грузискиот сон, основан од милијардерот Бидзина Иванишвили, пријател на Русија, да ја консолидира својата моќ пред изборите закажани за октомври. Embed share Грузијци отпуштени од работа поради протестирање Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:03:00 0:00 Директен линк 240p | 8,6MB 360p | 13,8MB 480p | 22,3MB 720p | 44,5MB 1080p | 66,9MB На 17 мај, претседателот на парламентот Шалва Папуашвили објави честитка на социјалните мрежи, додка официјални лица најавија учество на маршот. Вниманието посветено на настанот се чини дека е обид да се минимизира влијанието на повеќенеделните масовни протести поради контроверзниот закон за „странски агенти“ усвоен од парламентот претходно оваа недела. Прозападната претседателка Саломе Зурабишвили, која е во судир со Грузиски сон, рече дека законот е „неприфатлив“ и „не е во согласност“ со евроатлантската интеграција на земјата. Законот беше критикуван од САД, Европската Унија и организациите за човекови права поради сличностите со рускиот закон што претседателот Владимир Путин го користеше за да ја задуши опозицијата, невладините организации и медиумите. прочитај повеќе мај 17, 2024 Започна испораката на помош за Газа преку понтонскиот мост што го изградија САД илустрација Камиони со неопходна помош за Појасот Газа во петок (17 мај) почнаа да го преминуваат понтонскиот мост изграден од Соединетите Држави, откако израелските ограничувања на граничните премини и тешките борби ја попречија испораката на храна и други залихи за опколената палестинска енклава. Испораките се први во операцијата за која американските воени претставници предвидуваат дека може да се зголеми до 150 камиони дневно што влегуваат во Појасот Газа. Израел во моментов врши притисок врз градот Рафа во јужниот дел на Појасот Газа, каде се наоѓа клучниот граничен премин со Појасот Газа, преку кој се носеше помош, но кој е затворен откако Израел ја презеде контролата над него. На окупираниот Западен Брег, десетици израелски демонстранти нападнаа камион во обид да спречат помошта да стигне до Газа во четвртокот, претепувајќи го неговиот возач и запалувајќи го. Видете и ова: УНРВА: Израелската операција на преминот Рафа ја загрозува испораката на помош за Газа Израелската армија соопшти дека војниците пристигнале подоцна на местото на настанот и се обиделе да ги одвојат напаѓачите од возачот и да пружат медицинска помош. Армијата соопшти дека демонстрантите потоа ги нападнале војниците, при што полесно биле повредени двајца офицери и еден војник. Израелските медиуми јавија дека камионот превезувал обична комерцијална стока, а не помош за Газа. Во седуммесечната војна во Појасот Газа, според здравствените власти во Газа под контрола на Хамас, кој САД и ЕУ ја сметаат за терористичка организација, загинале повеќе од 35 000 луѓе. Војната започна на 7 октомври кога Хамас го нападна јужниот дел на Израел, убивајќи околу 1200 луѓе и земајќи околу 250 заложници, според израелските податоци. прочитај повеќе мај 17, 2024 Во Молдавијa претседателски избори и референдум за членство во ЕУ во октомври Седница на молдавскиот парламент, 16 мај 2024 година Молдавските пратеници го одредија 20 октомври како датум за претседателски избори и референдум за пристапување на земјата во Европската Унија. Прозападната претседателка Маја Санду, чиј прв претседателски мандат завршува на 24 декември, ја објави својата намера да се кандидира за нов мандат, објави молдавскиот сервис на Радио Слободна Европа. Водачите на опозициските социјалисти и комунисти, пријателски настроени кон Москва, изјавија дека водат разговори за предлагање заеднички претседателски кандидат. Видете и ова: Санду: Русија сака да ја дестабилизира Молдавија Санду, која го победи прорускиот кандидат Игор Додон во ноември 2020 година, оттогаш ја сврте Молдавија цврсто кон Западот. Во декември 2023 година, Европската Унија одлучи да ги отвори пристапните преговори за Молдавија, која е една од најсиромашните земји во Европа. прочитај повеќе Вчитај повеќе...

Вести мај 16, 2024 На словачкиот премиер Фицо ќе му биде извршена уште една операција Словачкиот премиер Роберт Фицо Словачкиот премиер Роберт Фицо врз кого вчера (15 мај) беше извршен атентат во градот Хандлови, го чека уште една операција, пишува словачкиот портал Правда. Абдоминалното крварење на Фицо е запрено, но тој се соочува со операција на колкот. Во меѓувреме, полицијата го обвини напаѓачот на премиерот за убиство со предумисла и се соочува со казна од 25 години до доживотен затвор. Како што пренесува порталот, напаѓачот, за кого медиумите пренесуваат дека е 71-годишниот писател Јурај Цинтула, рекол дека е горд на својот чин. РТВС објави дека напаѓачот моментално се наоѓа во ќелијата на Националната агенција за криминал во Нитра. Лекарите во текот на ноќта успеале да ја стабилизираат состојбата на словачкиот премиер по вчерашниот атентат во градот Хандлови, но таа се уште е тешка, соопшти претходно денеска директорката на болницата во Банска Бистрица, Миријам Лапуникова. Видете и ова: Обид за атентат врз словачкиот премиер Фицо - нападот бил „политички мотивиран“ Два медицински тима го оперираа словачкиот премиер пет часа. „Во моментов се преземаат дополнителни активности за подобрување на неговата состојба“, рече словачкиот министер за одбрана Роберт Калињак. Словачкиот министер за внатрешни работи Матус Шутај Ешток денеска побара од вицепремиерот Томаш Тараба да го свика Советот за национална безбедност, а Владата ќе одржи седница. Видете и ова: Кој е Роберт Фицо? Министерот за внатрешни работи информираше дека ќе ја зајакне заштитата на политичарите и одредени медиуми. Напаѓачот пукал пет пати, по што полицијата веднаш го привела, а премиерот веднаш бил префрлен во болницата во Банска Бистрица. прочитај повеќе види ги сите денешни вести мај 17, 2024 Палевски ќе биде спорведен на распит во Кривичниот суд Љупчо Палевски - Палчо, првоосомничен за убиството на Вања Ѓорчевска и Панче Жежовски. Основниот кривичен суд Скопје денеска доби официјално известување од Истражниот затвор Скопје за екстрадицијата на Љупчо Палевски, којшто е првоосомничен за случајот за убиството на 14-годишната Вања Ѓорчевска и велешкиот фризер Панче Жежовски (74). Палевски прво ќе биде спроведен до Кривичниот суд за да се изјасни за мерката притвор која му беше веќе определена, откако на 5 мај со авион беше екстрадиран од Турција во Северна Македонија. Од судот соопштуваат дека денеска добиле и известување и барање за ангажирање на адвокат кој ќе го застапува Палевски во текот на постапката. Според законите во Северна Македонија, судот ги издава сите дозволи поврзани со истражната постапка и ги доставува до предложените адвокати за нивно понатамошно постапување. „Дополнително, судија на претходна постапка во координација со надлежниот Јавен обвинител, ќе издаде наредба за спровод на осомниченото лице за негово произнесување во однос на околностите во предлогот на Јавниот обвинител за определување на мерката притвор, а за донесеното решение јавноста ќе биде известена“, се вели во соопштението од Основен кривичен суд Скопје. Видете и ова: Финишира истрагата за Палчо за убиството на 14-годишната Вања Истрагата за случајот, кој што го води Основното јавно обвинителство (ОЈО) Скопје, е во завршна фаза. Палевски повеќе од пет месеци помина во екстрадициски притвор во Турција, откако беше фатен од турската полиција. Палевски се гони за две грабнувања и две убиства на свиреп начин. Осомничени се и тројца соизвршители за овие дела, како и таткото на Вања Ѓорчевска кој се товари за помагање во грабнувањето на девојчето. За помагање во бегството, обвинителството сомничи уште едно лице. Истрагата на Обвинителството беше отворена на 3 декември, откако случајот притви Палевски и останатите осомничени беше отворен по пријавата за исчезнувањето на малолетната Вања на 27 ноември, утрото кога таа не се појави на училиште. Исчезнувањето со денови ја брануваше македонската, но и јавноста во регионот, а медиумите и социјалните мрежи беа преплавени со вести и апели се до 3 декември кога нејзиното тело беше пронајдено во околината на Скопје. Видете и ова: Љупчо Палевски – Палчо со авион екстрадиран во Северна Македонија Истиот ден беше кобен и за семејството на Панче Жежовски бидејќи полицијата соопшти дека неговото тело го пронашле во близина на Велес. Тој бил пријавен за исчезнат три дена пред Вања – на 24 ноември. Палевски беше во бегство во Турција, а избегал во таа земја преку Србија и Бугарија, избега во Турција. Турската полиција успеа да го фати кај градот Балибекир на 5 декември 2023 година. Тој на 15 мај годинава беше екстрадиран во Северна Македонија. Пред затворање на истрагата и поднесување на обвинение, Палевски треба да биде сослушан и во обвинителството. По евентуалното обвинение, тоа ќе оди на оценка во судот и ако добие зелено светло, ќе стартува судски процес. Во меѓувреме тој во притвор се чува под посебни безбедносни мерки. прочитај повеќе мај 17, 2024 Познат политички аналитичар бега од Русија поради обвинувања за антируски активности Александар Сунгуров, претседател на Хуманитарно-политички центар „Стратегија“ Александар Сунгуров, руски политички аналитичар и професор на Високата школа за економија, побегна од Русија откако про-Кремљ режисерот Никита Михалков го обвини за антируски активности, изјави еден од студентите на Сунгуров на 17 мај. Михалков неодамна во својата ТВ емисија изјави дека фондацијата „Стратегија“ предводена од Сунгуров добила финансиска поддршка од странство и мора да биде означена како „странски агент“. Видете и ова: Грузискиот премиер го брани законот за „странски агенти“ Сунгуров поднесе оставка од Вишата економска школа во Санкт Петербург. Неговата страница е отстранета од веб-страницата на универзитетот. Тој од 2005 година е раководител на Катедрата за применети политички науки на тој факултет. Од 1994 година, Сунгуров ја води „Стратегија“ - либерален аналитички центар во Санкт Петербург. Тој работеше и како експерт за Советот на Европа и Европската Унија. прочитај повеќе мај 17, 2024 Судски совет: Судската власт е независна, секое мешање е опасно за демократијата Судски совет Судската власт е самостојна и независна и секое мешање во судството и во судската власт носи со себе сериозна опасност по демократијата, правната сигурност и владеењето на правото, велат од Судскиот совет на најавите на лидерот на ВМРО-ДПМНЕ Христијан Мицкоски дека нивна цел е да го распуштат Судскиот совет и самите судии и обвинители преку тајно гласање да ги избираат своите преставници во Советот. „Судскиот совет не се впуштa во коментирање и оценка на предизборни програми и ветувања на која било политичка партија, затоа што тоа е крајно несоодветно. Единствено, Судскиот совет укажува дека судската власт како една од трите власти, а не трета власт, е самостојна и независна. Овој факт не го користиме како флоскула и одбранбен механизам. Мора да биде јасно и сите да бидат свесни дека секое мешање во судството и генерално во судската власт на кој било од носителите на другите две власти, носи со себе сериозна опасност за едно демократско општество, правната сигурност и владеењето на правото, како вредности, стандарди и врвни приоритети кон кои како држава се стремиме на патот кон ЕУ“, велат од Судскиот совет. Видете и ова: Мицкоски: Мое човеково право е како ќе ја нарекувам мојата држава Оттаму нагласуваат дека се свесни за состојбите во судството, за нивото на доверба и за се она што како недостиг се става на товар на судството. „Критиките ги прифаќаме, меѓутоа, исто така убедени сме дека судството во Република Северна Македонија има капацитет да ги надмине состојбите без реформи и резови за кои никој не може однапред да ги предвиди ефектите кои ќе бидат предизвикани. Реформи заради реформи никому не му се потребни и истите само ќе ги вратат неколку чекори назад процесите и активностите кои Судскиот совет ги превзема во овој период, финансирани и со поддршка на меѓународната заедница преку проекти, а се во насока на подобрување на состојбите во судството и се во напредна фаза“, нагласуваат од Судскиот совет. Лидерот на ВМРО-ДПМНЕ Мицкоски во обраќање на Самитот „Македонија2025“ вчера рече дека главен предизвик на идната влада ќе бидат реформите во Судскиот совет и Советот на јавни обвинители и дека нивна цел е да ги распуштат оние кои довербата во правниот систем ја свеле на едноцифрена бројка проценти и наместо нив, самите судии и обвинители да си ги изберат своите претставници преку тајно гласање. Мицкоски потенцираше дека владата предводена од ВМРО-ДПМНЕ нема намера ниту да поставува и предлага свои луѓе преку измени во законот, ниту пак има намера да се меша во овие две тела. прочитај повеќе мај 17, 2024 Украина објави дека Русија го уништува градот Вовчанск Постара жена евакуирана од областа Вовчанск, 12 мај 2024 година Руските сили почнаа да го „уништуваат“ украинскиот град Вовчанск, а сите освен 200 жители на градот побегнаа од нападот, изјави гувернерот на регионот на 17 мај. Москва минатата недела изврши ненадеен копнен напад врз североисточна Украина, напредувајќи кон неколку населени места, вклучувајќи го и Вовчанск, на само пет километри од границата. „Непријателот почна да го уништува градот. Не само што е опасно да се биде таму, туку е невозможно“, рече гувернерот на Харкивската област Олег Синегубов на брифинг. Тој рече дека руските сили се обидуваат да го опколат градот, кој пред војната имал околу 18.000 жители и дека украинските сили даваат „отпор“. Видете и ова: Зеленски ги одложи патувањата во странство поради „тешката“ ситуација на фронтот Началникот на армијата Олександр Сирски изјави дека Русија ја проширила својата „борбена зона“ за 70 километри и се обидува да ја принуди Украина да ги повлече војниците од своите резерви. „Разбираме дека нè очекуваат тешки битки и дека непријателот се подготвува за тоа“, рече тој. Украина евакуираше речиси 9000 луѓе во текот на неделата, откако руските сили ја преминаа границата на 10 мај, испукувајќи силен артилериски оган врз неколку села. Претставник на украинската полиција во четвртокот ги обвини руските војници дека заробиле десетици цивили во Вовчанск и ги користеле како „човечки штитови“ за одбрана на нивниот команден штаб. АФП не можеше веднаш да го потврди тврдењето. Руските војници претходно беа обвинети за егзекуција на цивили во делови на Украина што ги заробиле и контролирале од инвазијата во февруари 2022 година. Во април 2022 година, телата на десетици цивили, некои со врзани раце, беа пронајдени во киевското предградие Бух по неколкумесечната окупација од страна на руските сили. прочитај повеќе мај 17, 2024 Израел соопшти дека обвинувањата на Јужна Африка за геноцид се неосновани Појасот Газа Израел ја бранеше воената неопходност од својата офанзива во Газа пред Меѓународниот суд на правдата (МПС) на 17 мај, откако Јужна Африка побара од судиите да му наредат да ги прекине операциите во Рафа и целосно да се повлече од палестинските територии. Службеникот на израелското Министерство за правда Гилад Ноам го нарече случајот на Јужна Африка, кој го обвинува Израел за кршење на Конвенцијата за геноцид, „целосно надвор од фактите и околностите“ и рече дека „ја исмејува конвенцијата“. Тој го нарече случајот „безобразна експлоатација на најсветата конвенција“, мислејќи на меѓународниот договор за забрана на геноцид договорен по холокаустот на европските Евреи во Втората светска војна. Конвенцијата бара од сите земји да дејствуваат за да го спречат геноцидот, а МСП, познат и како Светски суд, кој ги разгледува споровите меѓу државите, пресуди дека тоа и дава право на Јужна Африка да го покрене случајот. Во претходните пресуди, судот ги отфрли барањата на Израел да го отфрли случајот и му нареди на Израел да спречи акти на геноцид врз Палестинците, но не му нареди да го запре нападот. Видете и ова: Меѓународниот суд на правдата бара мерки од Израел за решавање на гладот во Газа Пред израелската презентација, неколку десетици про-израелски демонстранти се собраа надвор и ги покажаа фотографиите на заложниците што ги зедоа борците на Хамас на 7 октомври и бараа нивно ослободување. Хамас е прогласена за терористичка организација од САД и ЕУ. Јужноафриканскиот правен тим, кој го претстави својот случај за нови итни мерки претходниот ден, ја прикажа израелската воена операција како дел од геноциден план чија цел е уништување на палестинскиот народ. Амбасадорот на Јужна Африка во Холандија, Вусимузи Мадонсела побара од судот да му нареди на Израел „веднаш, целосно и безусловно да ја повлече израелската армија од целиот Појас Газа“. Видете и ова: САД ја отфрлија можноста Меѓународниот кривичен суд да го истражува Израел Израелскиот официјален претставник Ноам рече дека израелските воени операции не биле насочени кон цивили, туку кон терористите на Хамас кои го користат Рафа како упориште, кои имаат тунелни системи кои можат да се користат за шверцување заложници и милитанти од Газа. Примерите за наводното прекршување на конвенцијата од страна на Израел презентирани од Јужна Африка „не се доказ за политика на незаконско однесување, а не пак за политика на геноцид. Наредбата на Израел да ги повлече своите војници ќе ги осуди на смрт преостанатите заложници во Газа“, рече Ноам. Војната започна кога милитантите на Хамас го нападнаа Израел на 7 октомври, убивајќи 1200 луѓе и киднапирајќи 253 луѓе. Повеќе од 35 000 Палестинци загинаа во израелските напади, според Министерството за здравство во Газа, кое го предводи Хамас. Одлуката за барањето за вонредни мерки се очекува следната недела. прочитај повеќе мај 17, 2024 Северна Кореја истрела балистички ракети откако негираше испорака на оружје за Русија илустрација Северна Кореја истрела неколку сомнителни балистички ракети со краток дострел, неколку часа откако сестрата на севернокорејскиот лидер ги негираше тврдењата дека Пјонгјанг и испорачува оружје на Русија, соопшти Јужна Кореја. Лансирањата се најнови во серијата сè пософистицирани тестови од страна на Северна Кореја, која истрела крстосувачки ракети, тактички ракети и хиперсонично оружје во последниве месеци, што е како што наведува оваа нуклеарно вооружената земја, надградба на нејзините одбранбени способности. Сеул и Вашингтон ја обвинија Северна Кореја за испраќање оружје на Русија, што би прекршило низа санкции на Обединетите Нации за двете земји, а експертите велат дека неодамна тестираното оружје може да биде наменето за употреба на боиштата во Украина. Војската на Јужна Кореја во петок (17 мај) соопшти дека открила лансирање на, како што ги опиша, „неколку летечки објекти за кои се верува дека се балистички ракети со краток дострел“ од областа Вонсан во близина на источниот брег на Северна Кореја. Ракетите патувале околу 300 километри, соопшти генералштабот, додавајќи дека војската „ја зголемила будноста и надзорот како подготовка за дополнителни лансирања“ и споделувала информации со сојузниците САД и Јапонија. Лансирањето дојде само неколку часа откако сестрата на Ким, Ким Јо Јонг, ги обвини Сеул и Вашингтон за „залажување на јавното мислење“ со постојано обвинување дека Пјонгјанг испраќа оружје во Москва за употреба во Украина. Видете и ова: Северна Кореја и испорачала на Русија 7000 контејнери со муниција Тестовите беа одржани додека рускиот претседател Владимир Путин е во дводневна посета на Кина, чија цел е да ја зајакне трговијата со Пекинг (најважниот сојузник на Северна Кореја) и да добие поголема поддршка за неговите воени напори во Украина. Тестовите се случија и еден ден откако напредните јужнокорејски и американски стелт-ловци, вклучително и Ф-22 Рапторс, одржаа заеднички воздушни борбени вежби. Ваквите вежби обично го разбеснуваат Пјонгјанг, кој на нив гледа како на проба за инвазија. Северна Кореја претходно истрела балистички ракети со краток дострел од нејзиниот источен брег на 22 април. Видете и ова: Сеул соопшти дека Пјонгјанг лансирал балистичка ракета кон Јапонско Море Серијата санкции на Обединетите Нации и забрануваат на Северна Кореја да тестира балистичка технологија, но нејзиниот клучен сојузник Русија го искористи ветото на Советот за безбедност на ОН во март за ефективно да го прекине мониторингот на ОН, за што Пјонгјанг конкретно и се заблагодари на Москва. Северна Кореја долго време се обидува да совлада понапредни хиперсонични технологии и технологии на цврсто гориво за да им овозможи на своите ракети да ги неутрализираат јужнокорејско-американските ракетни одбранбени системи и да ги загрозат регионалните воени бази на САД. Хиперсоничните проектили се побрзи и можат да маневрираат при лет, што го отежнува следењето и пресретнувањето, додека ракетите со цврсто гориво не треба да се напојуваат пред лансирањето, што ги отежнува пронаоѓањето и уништувањето и побрзи за употреба. прочитај повеќе мај 17, 2024 По протестите против законот за „странски агенти“, во Тбилиси марш за семејството Марш по повод Денот на семејната чистота, Тбилиси, 17 мај 2024 година Високи свештеници на Грузиската православна црква и конзервативни верски групи денеска (17 мај) го одбележаа новововедениот празник „Ден на семејната чистота“ со марш по централната авенија во Тбилиси, која беше место на неколкунеделни протести поради усвоениот закон за „странски агенти“. Денот на чистотата на семејството е основан од Грузиската православна црква во 2014 година како одговор на Меѓународниот ден против хомофобијата, бифобијата и трансфобијата (IDAHOBIT), кој се одбележува секоја година на 17 мај за да се подигне свеста за кршењето на правата на ЛГБТ ширум светот. Со цел да се избегне конфронтација, не беа закажани собири против законот за „странски агенти“ за време на маршот за Денот на семејната чистота, објави грузискиот сервис на Радио Слободна Европа. Маршот на Денот на семејната чистота, кој оваа година е неработен ден, е поддржан од владејачката партија Грузиски сон, која во март го протурка нацрт-законот за ограничување на правата на ЛГБТ луѓето, само неколку недели пред да го врати законот за „странски агенти“. на парламентарна процедура која наликува на драконски руски закон. Законот за ограничување на правата на ЛГБТ забранува трансродови операции, посвојување деца од истополови двојки, назначување на пол различен од машкиот и женскиот пол во официјалните документи и организирање јавни настани кои се залагаат за истополови врски. Двата закони се сметаат за обиди на Грузискиот сон, основан од милијардерот Бидзина Иванишвили, пријател на Русија, да ја консолидира својата моќ пред изборите закажани за октомври. Embed share Грузијци отпуштени од работа поради протестирање Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:03:00 0:00 Директен линк 240p | 8,6MB 360p | 13,8MB 480p | 22,3MB 720p | 44,5MB 1080p | 66,9MB На 17 мај, претседателот на парламентот Шалва Папуашвили објави честитка на социјалните мрежи, додка официјални лица најавија учество на маршот. Вниманието посветено на настанот се чини дека е обид да се минимизира влијанието на повеќенеделните масовни протести поради контроверзниот закон за „странски агенти“ усвоен од парламентот претходно оваа недела. Прозападната претседателка Саломе Зурабишвили, која е во судир со Грузиски сон, рече дека законот е „неприфатлив“ и „не е во согласност“ со евроатлантската интеграција на земјата. Законот беше критикуван од САД, Европската Унија и организациите за човекови права поради сличностите со рускиот закон што претседателот Владимир Путин го користеше за да ја задуши опозицијата, невладините организации и медиумите. прочитај повеќе мај 17, 2024 Започна испораката на помош за Газа преку понтонскиот мост што го изградија САД илустрација Камиони со неопходна помош за Појасот Газа во петок (17 мај) почнаа да го преминуваат понтонскиот мост изграден од Соединетите Држави, откако израелските ограничувања на граничните премини и тешките борби ја попречија испораката на храна и други залихи за опколената палестинска енклава. Испораките се први во операцијата за која американските воени претставници предвидуваат дека може да се зголеми до 150 камиони дневно што влегуваат во Појасот Газа. Израел во моментов врши притисок врз градот Рафа во јужниот дел на Појасот Газа, каде се наоѓа клучниот граничен премин со Појасот Газа, преку кој се носеше помош, но кој е затворен откако Израел ја презеде контролата над него. На окупираниот Западен Брег, десетици израелски демонстранти нападнаа камион во обид да спречат помошта да стигне до Газа во четвртокот, претепувајќи го неговиот возач и запалувајќи го. Видете и ова: УНРВА: Израелската операција на преминот Рафа ја загрозува испораката на помош за Газа Израелската армија соопшти дека војниците пристигнале подоцна на местото на настанот и се обиделе да ги одвојат напаѓачите од возачот и да пружат медицинска помош. Армијата соопшти дека демонстрантите потоа ги нападнале војниците, при што полесно биле повредени двајца офицери и еден војник. Израелските медиуми јавија дека камионот превезувал обична комерцијална стока, а не помош за Газа. Во седуммесечната војна во Појасот Газа, според здравствените власти во Газа под контрола на Хамас, кој САД и ЕУ ја сметаат за терористичка организација, загинале повеќе од 35 000 луѓе. Војната започна на 7 октомври кога Хамас го нападна јужниот дел на Израел, убивајќи околу 1200 луѓе и земајќи околу 250 заложници, според израелските податоци. прочитај повеќе мај 17, 2024 Во Молдавијa претседателски избори и референдум за членство во ЕУ во октомври Седница на молдавскиот парламент, 16 мај 2024 година Молдавските пратеници го одредија 20 октомври како датум за претседателски избори и референдум за пристапување на земјата во Европската Унија. Прозападната претседателка Маја Санду, чиј прв претседателски мандат завршува на 24 декември, ја објави својата намера да се кандидира за нов мандат, објави молдавскиот сервис на Радио Слободна Европа. Водачите на опозициските социјалисти и комунисти, пријателски настроени кон Москва, изјавија дека водат разговори за предлагање заеднички претседателски кандидат. Видете и ова: Санду: Русија сака да ја дестабилизира Молдавија Санду, која го победи прорускиот кандидат Игор Додон во ноември 2020 година, оттогаш ја сврте Молдавија цврсто кон Западот. Во декември 2023 година, Европската Унија одлучи да ги отвори пристапните преговори за Молдавија, која е една од најсиромашните земји во Европа. прочитај повеќе мај 17, 2024 Делови од Нова Каледонија надвор од државна контрола Последици од немирите во Нова Каледонија, 16 мај 2024 година Области на пацифичката територија на Нова Каледонија „се надвор“ од државната контрола, изјави денеска претставник на француската влада, најавувајќи нови безбедносни распоредувања по неколкудневното смртоносно насилство. „Ќе пристигне засилување... за да ги контролираме областите што не се под наша контрола во изминатите денови “, изјави на брифинг високиот комесар на Републиката во Нова Каледонија, Луј Ле Фран. Вонредна состојба беше воведена на францускиот архипелаг откако противењето на планот на Париз за промена на правилата за гласање таму прераснаа во подметнување пожар, грабежи и насилство, при што загинаа пет, а стотици беа повредени. Видете и ова: Стотина повредени во немирите во Нова Каледонија, Макрон свика кризен состанок Како дел од вонредната состојба, приведени се околу 200 од околу 5000 „бунтовници“, соопштија француските власти. Едно лице осомничено за убиство им се предаде на властите, рече Ле Фран на денешниот брифинг. Видете и ова: Франција го обвини Азербејџан за вмешаност во немирите на Нова Каледонија Немирите започнаа кога француските пратеници ги одобрија плановите да им се дозволи на оние кои се преселиле на територијата пред најмалку 10 години да гласаат на локалните избори. прочитај повеќе Вчитај повеќе...

Рокот на Управниот суд, во кој треба да одлучи дали се прифаќаат приговорите на ДИК за прегласување во седум избирачки места истeкува во петок на полноќ. Потоа ДИК ќе има задача да утврди дали евентуално прегласувањето ќе придонесе за измена на пратеничките мандати, по што ќе треба да пресече. На две пратенички столчиња се надеваат четворица кандидати за пратеници од три изборни коалиции. Вака изгледа „веселата математика“ на политичките партии по одлуката на Државната изборна комисија да се прегласува во седум избирачки места од две изборни единици, по спроведените парламентарни избори на 8 мај. Во петок на 17 мај, кога истекува рокот за одлучување по доставени жалби до Управниот суд, ќе се знае дали има основ за да се прегласува во седум избирачки места, од кои шест во изборна единица 5 и едно избирачко место во изборна единица 6. Според изборните правила. доколку се прегласува на оние места каде што се запишани околу илјада гласачи, тоа би можело да влијае врз избориот количник. Поранешниот претседател на ДИК Александар Новаковски објаснува дека ако се потврди на Управен суд одлуката на ДИК за прегласување ќе треба да се направи пресметка според Донотовиот модел дали со прегласување во овие избирачки места ќе се предизвика промена во бројот на мандати. „ Ако се потврдат одлуките на ДИК, тогаш ќе има сигурно прегласување, ако некои се прифатат, а некои се одбијат, тогаш се зема вкупниот број на гласачи на тие избирачки места, се проверува дали бројот на избирачи одговара со последните мандати освоени, и се прави рекапитулација. По што ДИК одлучува, по сила на закон, ако има влијание врз бројот и еден глас, мора да дозволи прегласување“, објаснува Новаковски. Видете и ова: ВМРО-ДПМНЕ и „Вреди“ договараат нова Влада, други чекаат покана Право на глас по втор пат на паралментарните избори ќе имаат над четири илјади граѓани, и нивниот избор може да го промени за две пратенички места распоредот на силите во Собранието. Неколку гласа може да се одлучувачки кој ќе добие пратеник На 8 мај, за парламентарните избори од запишаните гласачи во спорните седум избирачки места, својот глас го дале 2584 гласачи. Во петката за ВМРО-ДПМНЕ гласале вкупно 800 луѓе, а за коалицијата предводена од СДСМ вкупно 365. Коалицијата „Европски фронт“ предводена од ДУИ освоила 367 гласа, наспроти 315 гласа освоени од коалицијата Влен. Во Желино кое е дел од шестата изборна единица, каде што се запишани 992 избирачи, на изборите на 8 мај гласале 479 луѓе. Најмногу гласови од нив „легнале“ на сметка на коалицијата Влен, вкупно 332, додека коалицијата преводена од ДУИ освоила 134 гласа, а СДСМ само 4. Во Желино се бара прегласување затоа што 110 гласачи не гласале со проверка на отпечаток од прст во фингер принт уредот, туку само со проверка на матичниот број и скенирање на личната карта. Постојат многу комбинаторики кој би можел да добие или да изгуби пратеник бидејќи некаде разликата е само стотина гласови. Новаковски вели дека во примената на формулата за делење на мандати, на крај може разлика да направат и само неколку гласа. „ На пример во Желино, каде што има 992 избирачи запишани во списокот, шанса за промена на еден пратенички мандат е голема,“ објаснува тој. Според пресметките на партиите, најмногу може да изгуби ДУИ, дури двајца пратеници, а СДСМ може да добие еден плус. Во некои варијанти и,коалицијата предвоена од ВМРО-ДПМНЕ би можело да добие пратеник, до два, но тоа зависи од Донтовиот модел кој може да „пресече“ и за еден глас плус-минус, затоа што разликата во конечниот количник е не повеќе од 200 гласа. Видете и ова: Инфографика: Првични резултати од Парламентарните избори 2024 И ВМРО-ДПМНЕ и ЛДП се надеваат на пратеник плус Од коалицијата „Твоја Македонија“, предводена од ВМРО -ДПМНЕ се надеваат на зголемување на нивните 58 пратенички мандати за плус два на сметка на ДУИ која освои 19 мандати. Тие во петта изборна единица очекуваат еден пратеник плус на нивна сметка. Тоа би значело дека наместо сега веќе избраниот кандидат за пратеник на ДУИ Исмаил Јахоски, татко на сопственикот на Пуцко Петрол, Асмир Јахоски, во собраниското столче ќе може да седне Лазе Јаќимоски кој беше единаесетти на кандидатската листа. Во 5-ката од оваа коалиција засега е сигурно дека во Собрание ќе влезат првите десет кандидати за пратеници. За да го добијат и Јаќимоски во Собрание ќе им биде потребна победа од најмалку 150 гласа разлика. „Може да се смени количникот во изборните резултати во петка и во шестка и да влезе по еден пратеник од нашата коалиција, количниците се многу тесни, прегласување е, не може да се знае со сигурност“, велат од ВМРО-ДПМНЕ. Embed share Што по исходот од претседателските и парламентарните избори? Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:40 0:00 Директен линк 240p | 7,4MB 360p | 11,0MB 480p | 16,9MB 720p | 36,9MB 1080p | 49,9MB Но, шанса за пратеник плус во оваа изборна единица смета дека има и коалицијата предводена од СДСМ, на сметка на Јахоски. Тие се надеваат дека со изборна победа ќе може во новиот паралемтарен состав да влезе пратеникот од ЛДП Боби Мојсовски, кој зад себе има еден пратенички мандат. Според нивните пресметки, на прегласувањето ќе им биде потребни околу 200 гласа повеќе од освоените на 8 мај. И Влен го мерка столчето на Исаки од ДПА Во шестата изборна единица, на пратеничкото столче кое го освои досегашната заменик-министерка за надворешни работи Фатмире Исаки од ДПА, дел од коалицијата Европски фронт на ДУИ, може да седне кандидатката за пратеник од коалицијата Влен, Имрлије Салиу Фетаи. Според јавно достапните податоци Салиу Фетаи во ноември 2022 година била вработена во општина Гостивар како помошник раководител на секторот за поддршка на градоначалникот Арбен Таравари. „Ние очекуваме да има прегласување во Желино, и во едно избирачко место во Гостивар, за кое поднесовме приговор до Управен суд. Со прегласување очекуваме граѓаните да ни дадат поддршка нас во тие избирачки места“, велат од коалицијата Влен. Но, во нивните мандати ќе има помесување дополнително за еден пратеник. Градоначалникот на Тетово Биљал Касами кој што беше носител на листа во шестата изборна единица нема да се откаже од градоначалничката функција. „Во однос на моето решение, самите тетовци покажаа дека во Тетово ме чекаат многу работни места, кои се отворени и кои мора да продолжат и ќе мора одговорно да продолжат. Целата оваа битка не беше индивидуална, туку беше битка за Албанците да ви го вратат достоинството“, рече Касами. ДУИ незадоволна од одлуката за прегласување Тоа значи дека, ако им се исполнат плановите и добијат едно пратеничко место плус на сметка на Исаки од ДПА, во Собранието ќе седне и Аднан Азири, кој од претходното владејачко мнозинство во 2020 година беше назначен за директор на Македонски железници-Транспорт. Од друга страна, пак и коалицијата на ВМРО - ДПМНЕ се надева дека на местото на Исаки, ќе седне Ердоган Сарач, претседател на Движењето за национално единство на Турците во земјава. Европскиот фронт поднесе жалба до Управниот суд за одлуките на Државната изборна комисија која прифати приговори за неправилности на седум избирачки места, на кои може да има повторно гласање. Според Бујар Османи од ДУИ, јавноста била сведок на брутално кршење на процедурите на ДИК и кражба на изборната волја. „Мислам дека Управниот суд треба да ги одбие бидејќи нема фактичка основа. Сите одлуки се донесени со политички договор, со мајоризација која уште еднаш ги потсети Албанците на мајоризацијата од 90-тите. Нема основа за овие одлуки, особено во родното место на лидерот на една од овие опозициски политички партии, каде што победија со 2:1, да обжалите таму каде што мислите дека имате контрола врз гласачкото тело, првин е навреда за оние жители на селото Ларце, дека тие се крадци на гласови, но и второ, дека ги контролирате и во повторното гласање ќе можете да извлечете и ја надминете разликата за да можете да го намалите бројот на пратениците на Фронтот“, изјави Османи. Доколку Управниот суд ги одбие жалбите на Европскиот фронт, Државната изборна комисија ќе треба да одлучи дали ќе има повторно гласање на овие седум избирачки места. Рокот за одлучување истекува во петок ( на 17 мај) навечер. Според првичните изборни резултати, ВМРО-ДПМНЕ осво 58 пратенички места, ДУИ доби 19, додека СДСМ има 18. Од коалицијата Влен во собранискиот состав влегуваат со 13, а партиите Левица и ЗНАМ со по 6 пратеници. Artboard 4 Придружете се на Заедницата на Слободна Европа на Вибер Зорана Гаџовска Спасовска Новинарската кариера ја започна во А1 телевизија. Работела на теми од образование, социјални проблеми, здравство и екологија. Родена е на 23.09.1983 година во Скопје. Од јуни 2009-та година работи како постојан дописник за Радио Слободна Европа од Скопје. Регистрирај се...

Откако слета на македонско тло и беше сместен во затворот „Шутка“, Љупчо Палевски го очекува сослушување во обвинителството. Истрагата, според најавите, ќе заврши наскоро. Во меѓувреме, во затворот „Шутка“ тој е обезбеден во одделна ќелија, со посебни безбедносни мерки. Истрагата за убиството на 14-годишната Вања Ѓорчевска и велешкиот фризер Панче Жежовски (74) се очекува да заврши наскоро. Првоосомничен во случајот е Љупчо Палевски – Палчо кој синоќа (15 мај) со авион беше екстрадиран од Турција во Северна Македонија. Тој директно беше однесен во затворот „Скопје“ во Шуто Оризари бидејќи имаше определен 30-дневен притвор, а од затворот утрово испратиле официјално известување и до Основниот кривичен суд дека Палчо е кај нив. Зависно од времето што ќе го одземат формалните процедури, во текот на денот или наредните денови, осомничениот ќе биде спроведен и до Кривичен суд. Како што објаснуваат оттаму, процедурите налагаат дека судија на претходна постапка во координација со јавниот обвинител ќе го сослуша Палевски. Сослушувањето во судот ќе биде за да му се даде прилика да се изјасни во однос на причините за кои му е одреден притворот додека беше во бегство, во кој и натаму останува. Видете и ова: Љупчо Палевски – Палчо со авион екстрадиран во Северна Македонија Палевски засега сè уште не го известил ниту затворот ниту судот дали се откажува од адвокатот што му бил доделен по службена должност уште со отворање на истрагата. Тој уште не ги известил ниту во затворот ниту во судот дали самиот ангажирал бранител. Тој се гони за две грабнувања и две убиства на свиреп начин. Осомничени се и тројца соизвршители за овие дела, како и таткото на Вања кој се товари за помагање во грабнувањето на девојчето. За помагање во бегството, обвинителството сомничи уште едно лице. Дека истрагата привршува, официјално потврдија и од Основното јавно обвинителство (ОЈО) Скопје. „По екстрадицијата на првиот осомничен од Република Турција, јавниот обвинител продолжува да презема истражни дејствија во предметот за грабнувањето и убиството на Вања Ѓорчевска и Панче Жежовски. За петмина осомничени, од кои тројца соизвршители во тешките кривични дела – две грабнувања и две убиства на свиреп начин, еден осомничен за помагање при грабнувањето на малолетно лице и еден осомничен за помагање по извршеното кривично дело, истрагата е во завршна фаза“, велат од ОЈО Скопје. Истрагата беше отворена на 3 декември, а ваквата изјава од обвинителството значи дека извесно оти нема да се бара пролонгирање на првичниот рок пропишан со Законот за кривична постапка – истрагата да заврши во рок од најмногу шест месеци. Пред нејзино затворање и поднесување на обвинение, Палевски треба да биде сослушан и во обвинителството. По евентуалното обвинение, тоа ќе оди на оценка во судот и ако добие зелено светло, ќе стартува судски процес. Екстрадицијата на Палевски во земјава дојде откако тој преку Србија и Бугарија, избега во Турција. Турската полиција успеа да го фати кај градот Балибекир на 5 декември. Embed share Солзи, цвеќе и свеќи за Вања пред училиштето „Ј.Х.Песталоци“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:31 0:00 Директен линк 240p | 7,1MB 360p | 11,7MB 480p | 21,1MB 720p | 35,7MB 1080p | 61,7MB Посебни безбедносни мерки за Палчо во Шутка Во меѓувреме, во притвор тој се чува под посебни безбедносни мерки. Како што објаснија од затворската управа за Радио Слободна Европа, Палевски е издвоен од останатите притвореници во посебна ќелија. За него се задолжени само одреден дел од затворските чувари што значи дека останатите припадници на затворската полиција ќе немаат пристап до него. Во тој дел од затворот, објаснуваат оттаму, може да се влегува само со електронска картичка. Исто така, осомничениот Палевски ќе има и посебно време кога ќе може сам да излегува во затворскиот двор, ќе посетува посебна бања со придружба на чувари, ќе се проверува храната што ќе ја добива итн. Од исчезнување до двојно убиство Целиот овој случај почна да се развива со пријавата за исчезнувањето на малолетната Вања на 27 ноември, утрото кога таа не се појави на училиште. Исчезнувањето со денови ја брануваше македонската, но и јавноста во регионот. Медиумите и социјалните мрежи беа преплавени со вести и апели се до 3 декември кога нејзиното тело беше пронајдено во околината на Скопје. Истиот ден беше кобен и за семејството на Панче Жежовски бидејќи полицијата соопшти дека неговото тело го пронашле во близина на Велес. Тој бил пријавен за исчезнат три дена пред Вања – на 24 ноември. Повикувајќи се на првичните изјави на тројцата осомничени соизвршители, уште наредниот ден тогашниот министер за внатрешни работи Оливер Спасовски и шефот на ОЈО Скопје Гаврил Бубевски се обидоа пред јавноста да склопат дел од мозаикот – како се поврзани двата случаи. Палчо тогаш веќе беше во бегство. „Според исказите жртвата од Велес имала должничко доверителски односи со еден од осомничените. Му бил сосед и му должел 500 евра и така е избран како жртва за да се земе колата Цитроен, која пак била потребна за грабнување на детето кое се случило подоцна“, рече Бубевски. Видете и ова: Обвинителство не открива што покажала обдукцијата на Вања и Панче Нивните сведочења тогаш отвориле сомнеж кој води и до таткото на убиената Вања. Тие тврделе дека од убиецот дознале кога и каде ќе биде девојчето, а тој пак ова го знаел токму од кажувањата на нејзиниот татко. Наводно вечерта пред грабнувањето веќе ги имале деталите за времето кога Вања ќе оди на училиште и дека таа ќе биде сама. Рано утрото ја пречекале во влезот на нејзината зграда и ја грабнале. Таткото кој првично беше во притвор во Шутка, а сега е во домашен притвор, ги негираше обвинувањата. Тој и неговата одбрана на судските седници за укинување на притворот, тврдеа дека нема факти и докази за да може да се убеди некој дека е сторено кривичното дело. По првичните информации, обвинителството во понатамошната истрага остана воздржано од објавување детали. Шефот на ОЈО Скопје, во една од јавните изјави, на 12 декември, рече дека материјалните докази што се собираат „зборуваат со истиот јазик на кој зборуваа осомничените“. Кој е Љупчо Палевски – Палчо? Името на Палчо не стана познато со убиството. Тој изминатите две децении често и медиумски експониран, но и политички активен. Долго време беше во бизнисот со градежништво, градеше згради во Скопје, дел дивоградби, а најпознатата од нив е зградата позната како „Тифани“. Неговото име за многумина стана „непријатно“ кога се дозна дека е уапсен под сомнение дека тој се крие зад Јутјуб каналот „NikolaTesla“ каде во 2017 година беа пуштани прислушуваните разговори на политичари, новинари, бизнисмени и јавни личности. Тогашното Специјално јавно обвинителство реализираше акција „Тесла“ – беа извршени претреси на неколку локации во и беше осомничен дека ги уценувал жртвите. Одеше дотаму, што јавно на плоштад во Прилеп пушташе дел од разговорите кои ги поседуваше. Видете и ова: Палчо - од сомнителен градежник, нереализиран политичар, до осомничен убиец За него во годините наназад биле поднесувани и повеќе кривични пријави, од злоупотреба на службена положба, даночно затајување, фалсификување исправи, до неовластено прислушување. Но, разрешница досега немаше и тој не одговарал за ниту една пријава. Последните неколку години тој беше активен и на политичкиот терен. Во 2021 година, на негово име беше регистрирано Здружение на граѓани за популаризација на слободната мисла и медиумите – „ДЕСНА РЕПУБЛИКА“. Здружението Палчо го формира со уште 14 лица, а меѓу нив има и дел од сега осомничените за двете убиства. Кон почетокот на минатата година, пак, тоа прерасна во политичката партија Десна чиј политички правец остро се спротивставува на евроатлантските интеграции на Северна Македонија, а се промовираат и дел од идеите за зближување со Русија. Artboard 4 Придружете се на Заедницата на Слободна Европа на Вибер Александар Самарџиски Александар Самарџиски ја започнал новинарската кариера во дневниот весник „Нова Македонија“ во 2014 година. Потоа работел како новинар во порталот „Плусинфо“ и во интернет-изданието на „360 степени“. Од септември 2023 година работи како новинар во Радио Слободна Европа. Регистрирај се...

Вести мај 16, 2024 Самит на лидерите од регионот и ЕУ: „Секој треба да ја заврши својата работа“ Самит на лидерите на Западен Балкан и Европската Унија на 16 мај во Котор, Црна Гора Планот за раст на Западен Балкан претставува јасен сигнал за посветеноста на Европската Унија за економска и демократска трансформација на Западен Балкан, изјави црногорскиот премиер Милојко Спајиќ на Самитот на лидерите на Западен Балкан и Европската Унија во Котор. Советот на ЕУ одобри план од шест милијарди евра за поддршка на земјите од Западен Балкан со цел да се забрзаат реформите и економскиот раст, од кои две милијарди грантови и четири поволни заеми гарантирани од ЕУ. На самитот чиј домаќин е Спајиќ, покрај лидерите од регионот, учествуваат и европскиот комесар за соседство и проширување, Оливер Вархеји и помошникот државен секретар на САД за Европа и Евроазија, Џејмс О'Брајан. Видете и ова: Можно одложување на Планот за раст за Западен Балкан поради неусогласеност во ЕУ О'Брајан рече дека приоритет на Планот за раст за Западен Балкан е да се создаде единствен пазар на циркулација на пари, да се намалат трошоците, да се олесни движењето на пазарот и да се отворат повеќе работни места. „Пораките на Планот се дека за секој учесник пораката е јасна - работете ја вашата работа и не барајте некој друг да направи нешто прво, за вие да го направите вашето“. Вархеји рече дека Планот за раст повеќе не е нацрт, туку патоказ, кој е корисен за регионот пред влезот во ЕУ. „Поради планот за раст и интензитетот на помошта од економскиот и инвестицискиот план, реформската агенда и дополнителната финансиска помош до 2027 година, Балканот ќе биде подготвен или би можел да биде подготвен, или би можел сам да се подготви за влез во ЕУ“. Видете и ова: Претставници на Западен Балкан, ЕУ и САД во Котор ќе разговараат за планот за раст Самитот се организира под слоганот „Еден регион, заедничка визија“. На самитот присуствуваат претставници на Советот за регионална соработка, Европската банка за обнова и развој, Европската инвестициска банка, Светската банка, Атлантската алијанса, енергетската и транспортната заедница, Фондацијата Отворено општество... Ден пред Самитот, на 15 мај, се одржа состанок на министрите за европски прашања и финансии на земјите од Западен Балкан, претставници на Европската комисија и партнерските организации. „Министрите разговараа и за пристапот до единствената платежна зона за евро (SEPA), за олеснување на трговијата и транспортот меѓу земјите од регионот и членките на ЕУ, за подобрување на снабдувањето со критични лекови, Центарот за дигитални иновации и други теми“, соопштија од Министерството за европски прашања од Црна Гора. Претходните месеци министерски состаноци и регионални самити на лидерите од Западен Балкан се одржаа во Скопје и Тирана. прочитај повеќе види ги сите денешни вести мај 17, 2024 Познат политички аналитичар бега од Русија поради обвинувања за антируски активности Александар Сунгуров, претседател на Хуманитарно-политички центар „Стратегија“ Александар Сунгуров, руски политички аналитичар и професор на Високата школа за економија, побегна од Русија откако про-Кремљ режисерот Никита Михалков го обвини за антируски активности, изјави еден од студентите на Сунгуров на 17 мај. Михалков неодамна во својата ТВ емисија изјави дека фондацијата „Стратегија“ предводена од Сунгуров добила финансиска поддршка од странство и мора да биде означена како „странски агент“. Видете и ова: Грузискиот премиер го брани законот за „странски агенти“ Сунгуров поднесе оставка од Вишата економска школа во Санкт Петербург. Неговата страница е отстранета од веб-страницата на универзитетот. Тој од 2005 година е раководител на Катедрата за применети политички науки на тој факултет. Од 1994 година, Сунгуров ја води „Стратегија“ - либерален аналитички центар во Санкт Петербург. Тој работеше и како експерт за Советот на Европа и Европската Унија. прочитај повеќе мај 17, 2024 Судски совет: Судската власт е независна, секое мешање е опасно за демократијата Судски совет Судската власт е самостојна и независна и секое мешање во судството и во судската власт носи со себе сериозна опасност по демократијата, правната сигурност и владеењето на правото, велат од Судскиот совет на најавите на лидерот на ВМРО-ДПМНЕ Христијан Мицкоски дека нивна цел е да го распуштат Судскиот совет и самите судии и обвинители преку тајно гласање да ги избираат своите преставници во Советот. „Судскиот совет не се впуштa во коментирање и оценка на предизборни програми и ветувања на која било политичка партија, затоа што тоа е крајно несоодветно. Единствено, Судскиот совет укажува дека судската власт како една од трите власти, а не трета власт, е самостојна и независна. Овој факт не го користиме како флоскула и одбранбен механизам. Мора да биде јасно и сите да бидат свесни дека секое мешање во судството и генерално во судската власт на кој било од носителите на другите две власти, носи со себе сериозна опасност за едно демократско општество, правната сигурност и владеењето на правото, како вредности, стандарди и врвни приоритети кон кои како држава се стремиме на патот кон ЕУ“, велат од Судскиот совет. Видете и ова: Мицкоски: Мое човеково право е како ќе ја нарекувам мојата држава Оттаму нагласуваат дека се свесни за состојбите во судството, за нивото на доверба и за се она што како недостиг се става на товар на судството. „Критиките ги прифаќаме, меѓутоа, исто така убедени сме дека судството во Република Северна Македонија има капацитет да ги надмине состојбите без реформи и резови за кои никој не може однапред да ги предвиди ефектите кои ќе бидат предизвикани. Реформи заради реформи никому не му се потребни и истите само ќе ги вратат неколку чекори назад процесите и активностите кои Судскиот совет ги превзема во овој период, финансирани и со поддршка на меѓународната заедница преку проекти, а се во насока на подобрување на состојбите во судството и се во напредна фаза“, нагласуваат од Судскиот совет. Лидерот на ВМРО-ДПМНЕ Мицкоски во обраќање на Самитот „Македонија2025“ вчера рече дека главен предизвик на идната влада ќе бидат реформите во Судскиот совет и Советот на јавни обвинители и дека нивна цел е да ги распуштат оние кои довербата во правниот систем ја свеле на едноцифрена бројка проценти и наместо нив, самите судии и обвинители да си ги изберат своите претставници преку тајно гласање. Мицкоски потенцираше дека владата предводена од ВМРО-ДПМНЕ нема намера ниту да поставува и предлага свои луѓе преку измени во законот, ниту пак има намера да се меша во овие две тела. прочитај повеќе мај 17, 2024 Украина објави дека Русија го уништува градот Вовчанск Постара жена евакуирана од областа Вовчанск, 12 мај 2024 година Руските сили почнаа да го „уништуваат“ украинскиот град Вовчанск, а сите освен 200 жители на градот побегнаа од нападот, изјави гувернерот на регионот на 17 мај. Москва минатата недела изврши ненадеен копнен напад врз североисточна Украина, напредувајќи кон неколку населени места, вклучувајќи го и Вовчанск, на само пет километри од границата. „Непријателот почна да го уништува градот. Не само што е опасно да се биде таму, туку е невозможно“, рече гувернерот на Харкивската област Олег Синегубов на брифинг. Тој рече дека руските сили се обидуваат да го опколат градот, кој пред војната имал околу 18.000 жители и дека украинските сили даваат „отпор“. Видете и ова: Зеленски ги одложи патувањата во странство поради „тешката“ ситуација на фронтот Началникот на армијата Олександр Сирски изјави дека Русија ја проширила својата „борбена зона“ за 70 километри и се обидува да ја принуди Украина да ги повлече војниците од своите резерви. „Разбираме дека нè очекуваат тешки битки и дека непријателот се подготвува за тоа“, рече тој. Украина евакуираше речиси 9000 луѓе во текот на неделата, откако руските сили ја преминаа границата на 10 мај, испукувајќи силен артилериски оган врз неколку села. Претставник на украинската полиција во четвртокот ги обвини руските војници дека заробиле десетици цивили во Вовчанск и ги користеле како „човечки штитови“ за одбрана на нивниот команден штаб. АФП не можеше веднаш да го потврди тврдењето. Руските војници претходно беа обвинети за егзекуција на цивили во делови на Украина што ги заробиле и контролирале од инвазијата во февруари 2022 година. Во април 2022 година, телата на десетици цивили, некои со врзани раце, беа пронајдени во киевското предградие Бух по неколкумесечната окупација од страна на руските сили. прочитај повеќе мај 17, 2024 Израел соопшти дека обвинувањата на Јужна Африка за геноцид се неосновани Појасот Газа Израел ја бранеше воената неопходност од својата офанзива во Газа пред Меѓународниот суд на правдата (МПС) на 17 мај, откако Јужна Африка побара од судиите да му наредат да ги прекине операциите во Рафа и целосно да се повлече од палестинските територии. Службеникот на израелското Министерство за правда Гилад Ноам го нарече случајот на Јужна Африка, кој го обвинува Израел за кршење на Конвенцијата за геноцид, „целосно надвор од фактите и околностите“ и рече дека „ја исмејува конвенцијата“. Тој го нарече случајот „безобразна експлоатација на најсветата конвенција“, мислејќи на меѓународниот договор за забрана на геноцид договорен по холокаустот на европските Евреи во Втората светска војна. Конвенцијата бара од сите земји да дејствуваат за да го спречат геноцидот, а МСП, познат и како Светски суд, кој ги разгледува споровите меѓу државите, пресуди дека тоа и дава право на Јужна Африка да го покрене случајот. Во претходните пресуди, судот ги отфрли барањата на Израел да го отфрли случајот и му нареди на Израел да спречи акти на геноцид врз Палестинците, но не му нареди да го запре нападот. Видете и ова: Меѓународниот суд на правдата бара мерки од Израел за решавање на гладот во Газа Пред израелската презентација, неколку десетици про-израелски демонстранти се собраа надвор и ги покажаа фотографиите на заложниците што ги зедоа борците на Хамас на 7 октомври и бараа нивно ослободување. Хамас е прогласена за терористичка организација од САД и ЕУ. Јужноафриканскиот правен тим, кој го претстави својот случај за нови итни мерки претходниот ден, ја прикажа израелската воена операција како дел од геноциден план чија цел е уништување на палестинскиот народ. Амбасадорот на Јужна Африка во Холандија, Вусимузи Мадонсела побара од судот да му нареди на Израел „веднаш, целосно и безусловно да ја повлече израелската армија од целиот Појас Газа“. Видете и ова: САД ја отфрлија можноста Меѓународниот кривичен суд да го истражува Израел Израелскиот официјален претставник Ноам рече дека израелските воени операции не биле насочени кон цивили, туку кон терористите на Хамас кои го користат Рафа како упориште, кои имаат тунелни системи кои можат да се користат за шверцување заложници и милитанти од Газа. Примерите за наводното прекршување на конвенцијата од страна на Израел презентирани од Јужна Африка „не се доказ за политика на незаконско однесување, а не пак за политика на геноцид. Наредбата на Израел да ги повлече своите војници ќе ги осуди на смрт преостанатите заложници во Газа“, рече Ноам. Војната започна кога милитантите на Хамас го нападнаа Израел на 7 октомври, убивајќи 1200 луѓе и киднапирајќи 253 луѓе. Повеќе од 35 000 Палестинци загинаа во израелските напади, според Министерството за здравство во Газа, кое го предводи Хамас. Одлуката за барањето за вонредни мерки се очекува следната недела. прочитај повеќе мај 17, 2024 Северна Кореја истрела балистички ракети откако негираше испорака на оружје за Русија илустрација Северна Кореја истрела неколку сомнителни балистички ракети со краток дострел, неколку часа откако сестрата на севернокорејскиот лидер ги негираше тврдењата дека Пјонгјанг и испорачува оружје на Русија, соопшти Јужна Кореја. Лансирањата се најнови во серијата сè пософистицирани тестови од страна на Северна Кореја, која истрела крстосувачки ракети, тактички ракети и хиперсонично оружје во последниве месеци, што е како што наведува оваа нуклеарно вооружената земја, надградба на нејзините одбранбени способности. Сеул и Вашингтон ја обвинија Северна Кореја за испраќање оружје на Русија, што би прекршило низа санкции на Обединетите Нации за двете земји, а експертите велат дека неодамна тестираното оружје може да биде наменето за употреба на боиштата во Украина. Војската на Јужна Кореја во петок (17 мај) соопшти дека открила лансирање на, како што ги опиша, „неколку летечки објекти за кои се верува дека се балистички ракети со краток дострел“ од областа Вонсан во близина на источниот брег на Северна Кореја. Ракетите патувале околу 300 километри, соопшти генералштабот, додавајќи дека војската „ја зголемила будноста и надзорот како подготовка за дополнителни лансирања“ и споделувала информации со сојузниците САД и Јапонија. Лансирањето дојде само неколку часа откако сестрата на Ким, Ким Јо Јонг, ги обвини Сеул и Вашингтон за „залажување на јавното мислење“ со постојано обвинување дека Пјонгјанг испраќа оружје во Москва за употреба во Украина. Видете и ова: Северна Кореја и испорачала на Русија 7000 контејнери со муниција Тестовите беа одржани додека рускиот претседател Владимир Путин е во дводневна посета на Кина, чија цел е да ја зајакне трговијата со Пекинг (најважниот сојузник на Северна Кореја) и да добие поголема поддршка за неговите воени напори во Украина. Тестовите се случија и еден ден откако напредните јужнокорејски и американски стелт-ловци, вклучително и Ф-22 Рапторс, одржаа заеднички воздушни борбени вежби. Ваквите вежби обично го разбеснуваат Пјонгјанг, кој на нив гледа како на проба за инвазија. Северна Кореја претходно истрела балистички ракети со краток дострел од нејзиниот источен брег на 22 април. Видете и ова: Сеул соопшти дека Пјонгјанг лансирал балистичка ракета кон Јапонско Море Серијата санкции на Обединетите Нации и забрануваат на Северна Кореја да тестира балистичка технологија, но нејзиниот клучен сојузник Русија го искористи ветото на Советот за безбедност на ОН во март за ефективно да го прекине мониторингот на ОН, за што Пјонгјанг конкретно и се заблагодари на Москва. Северна Кореја долго време се обидува да совлада понапредни хиперсонични технологии и технологии на цврсто гориво за да им овозможи на своите ракети да ги неутрализираат јужнокорејско-американските ракетни одбранбени системи и да ги загрозат регионалните воени бази на САД. Хиперсоничните проектили се побрзи и можат да маневрираат при лет, што го отежнува следењето и пресретнувањето, додека ракетите со цврсто гориво не треба да се напојуваат пред лансирањето, што ги отежнува пронаоѓањето и уништувањето и побрзи за употреба. прочитај повеќе мај 17, 2024 По протестите против законот за „странски агенти“, во Тбилиси марш за семејството Марш по повод Денот на семејната чистота, Тбилиси, 17 мај 2024 година Високи свештеници на Грузиската православна црква и конзервативни верски групи денеска (17 мај) го одбележаа новововедениот празник „Ден на семејната чистота“ со марш по централната авенија во Тбилиси, која беше место на неколкунеделни протести поради усвоениот закон за „странски агенти“. Денот на чистотата на семејството е основан од Грузиската православна црква во 2014 година како одговор на Меѓународниот ден против хомофобијата, бифобијата и трансфобијата (IDAHOBIT), кој се одбележува секоја година на 17 мај за да се подигне свеста за кршењето на правата на ЛГБТ ширум светот. Со цел да се избегне конфронтација, не беа закажани собири против законот за „странски агенти“ за време на маршот за Денот на семејната чистота, објави грузискиот сервис на Радио Слободна Европа. Маршот на Денот на семејната чистота, кој оваа година е неработен ден, е поддржан од владејачката партија Грузиски сон, која во март го протурка нацрт-законот за ограничување на правата на ЛГБТ луѓето, само неколку недели пред да го врати законот за „странски агенти“. на парламентарна процедура која наликува на драконски руски закон. Законот за ограничување на правата на ЛГБТ забранува трансродови операции, посвојување деца од истополови двојки, назначување на пол различен од машкиот и женскиот пол во официјалните документи и организирање јавни настани кои се залагаат за истополови врски. Двата закони се сметаат за обиди на Грузискиот сон, основан од милијардерот Бидзина Иванишвили, пријател на Русија, да ја консолидира својата моќ пред изборите закажани за октомври. Embed share Грузијци отпуштени од работа поради протестирање Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:03:00 0:00 Директен линк 240p | 8,6MB 360p | 13,8MB 480p | 22,3MB 720p | 44,5MB 1080p | 66,9MB На 17 мај, претседателот на парламентот Шалва Папуашвили објави честитка на социјалните мрежи, додка официјални лица најавија учество на маршот. Вниманието посветено на настанот се чини дека е обид да се минимизира влијанието на повеќенеделните масовни протести поради контроверзниот закон за „странски агенти“ усвоен од парламентот претходно оваа недела. Прозападната претседателка Саломе Зурабишвили, која е во судир со Грузиски сон, рече дека законот е „неприфатлив“ и „не е во согласност“ со евроатлантската интеграција на земјата. Законот беше критикуван од САД, Европската Унија и организациите за човекови права поради сличностите со рускиот закон што претседателот Владимир Путин го користеше за да ја задуши опозицијата, невладините организации и медиумите. прочитај повеќе мај 17, 2024 Започна испораката на помош за Газа преку понтонскиот мост што го изградија САД илустрација Камиони со неопходна помош за Појасот Газа во петок (17 мај) почнаа да го преминуваат понтонскиот мост изграден од Соединетите Држави, откако израелските ограничувања на граничните премини и тешките борби ја попречија испораката на храна и други залихи за опколената палестинска енклава. Испораките се први во операцијата за која американските воени претставници предвидуваат дека може да се зголеми до 150 камиони дневно што влегуваат во Појасот Газа. Израел во моментов врши притисок врз градот Рафа во јужниот дел на Појасот Газа, каде се наоѓа клучниот граничен премин со Појасот Газа, преку кој се носеше помош, но кој е затворен откако Израел ја презеде контролата над него. На окупираниот Западен Брег, десетици израелски демонстранти нападнаа камион во обид да спречат помошта да стигне до Газа во четвртокот, претепувајќи го неговиот возач и запалувајќи го. Видете и ова: УНРВА: Израелската операција на преминот Рафа ја загрозува испораката на помош за Газа Израелската армија соопшти дека војниците пристигнале подоцна на местото на настанот и се обиделе да ги одвојат напаѓачите од возачот и да пружат медицинска помош. Армијата соопшти дека демонстрантите потоа ги нападнале војниците, при што полесно биле повредени двајца офицери и еден војник. Израелските медиуми јавија дека камионот превезувал обична комерцијална стока, а не помош за Газа. Во седуммесечната војна во Појасот Газа, според здравствените власти во Газа под контрола на Хамас, кој САД и ЕУ ја сметаат за терористичка организација, загинале повеќе од 35 000 луѓе. Војната започна на 7 октомври кога Хамас го нападна јужниот дел на Израел, убивајќи околу 1200 луѓе и земајќи околу 250 заложници, според израелските податоци. прочитај повеќе мај 17, 2024 Во Молдавијa претседателски избори и референдум за членство во ЕУ во октомври Седница на молдавскиот парламент, 16 мај 2024 година Молдавските пратеници го одредија 20 октомври како датум за претседателски избори и референдум за пристапување на земјата во Европската Унија. Прозападната претседателка Маја Санду, чиј прв претседателски мандат завршува на 24 декември, ја објави својата намера да се кандидира за нов мандат, објави молдавскиот сервис на Радио Слободна Европа. Водачите на опозициските социјалисти и комунисти, пријателски настроени кон Москва, изјавија дека водат разговори за предлагање заеднички претседателски кандидат. Видете и ова: Санду: Русија сака да ја дестабилизира Молдавија Санду, која го победи прорускиот кандидат Игор Додон во ноември 2020 година, оттогаш ја сврте Молдавија цврсто кон Западот. Во декември 2023 година, Европската Унија одлучи да ги отвори пристапните преговори за Молдавија, која е една од најсиромашните земји во Европа. прочитај повеќе мај 17, 2024 Делови од Нова Каледонија надвор од државна контрола Последици од немирите во Нова Каледонија, 16 мај 2024 година Области на пацифичката територија на Нова Каледонија „се надвор“ од државната контрола, изјави денеска претставник на француската влада, најавувајќи нови безбедносни распоредувања по неколкудневното смртоносно насилство. „Ќе пристигне засилување... за да ги контролираме областите што не се под наша контрола во изминатите денови “, изјави на брифинг високиот комесар на Републиката во Нова Каледонија, Луј Ле Фран. Вонредна состојба беше воведена на францускиот архипелаг откако противењето на планот на Париз за промена на правилата за гласање таму прераснаа во подметнување пожар, грабежи и насилство, при што загинаа пет, а стотици беа повредени. Видете и ова: Стотина повредени во немирите во Нова Каледонија, Макрон свика кризен состанок Како дел од вонредната состојба, приведени се околу 200 од околу 5000 „бунтовници“, соопштија француските власти. Едно лице осомничено за убиство им се предаде на властите, рече Ле Фран на денешниот брифинг. Видете и ова: Франција го обвини Азербејџан за вмешаност во немирите на Нова Каледонија Немирите започнаа кога француските пратеници ги одобрија плановите да им се дозволи на оние кои се преселиле на територијата пред најмалку 10 години да гласаат на локалните избори. прочитај повеќе мај 17, 2024 Русија тврди дека неутрализирала повеќе од 100 украински дронови во ноќните напади илустрација Министерството за одбрана на Русија соопшти дека повеќе од 100 украински беспилотни летала се уништени или пресретнати ноќеска во напади на југозапад на руската територија и на полуостровот Крим. Министерството соопшти дека армијата неутрализирала 51 дрон над Крим, 44 над регионот Краснодар, шест над регионот Белгород и еден над регионот Курск. Во текот на ноќта, поморската противвоздушна одбрана и патролни бродови на Црноморската флота уништија шест поморски беспилотни летала во водите на Црното Море. Видете и ова: Осуммина повредени во украински напад на Белгород Руската армија редовно објавува дека одбила ноќни напади на украински беспилотни летала, но ретко се наведува толкава бројка, јавија западни медиуми. Гувернерот на Белгородската област, која граничи со Украина, претходно денеска објави дека мајка и четиригодишно дете загинале при напад со беспилотно летало врз селото Октјабарски. прочитај повеќе Вчитај повеќе...

Вести мај 16, 2024 Западните претставници на протестите против спорниот закон во Грузија Министрите за надворешни работи на Естонија, Литванија и Исланд на протест во Тбилиси, 15 мај 2024 година Илјадници луѓе повторно излегоа на улиците на грузискиот главен град Тбилиси за да протестираат против контроверзниот закон за „странски агенти“ усвоен од парламентот и покрај повеќенеделните демонстрации и предупредувањата на Западот дека законот ја загрозува евроатлантската интеграција на Грузија. На демонстрантите во Тбилиси им се придружија и министрите за надворешни работи на Естонија, Летонија, Литванија и Исланд во маршот кон зградата на парламентот во средата во знак на солидарност со западните аспирации на Грузијците, објави грузискиот сервис на Радио Слободна Европа. Демонстрантите се собраа и на плоштадот на хероите, главната раскрсница во главниот град на Грузија, јавија дописниците на РСЕ од теренот. Законот, кој го усвои парламентот под контрола на владејачката партија Грузиски сон на 14 мај, беше осуден од САД, Европската Унија и групите за права поради неговата сличност со рускиот закон што претседателот Владимир Путин го користи за да ја замолчи опозицијата и да ги задуши независните институции. „Заедно го започнавме ова патување и нашите народи знаат што значи да се биде под притисок од Москва. Никогаш нема да ве оставиме, но сите треба да ја обликуваме судбината на нашите народи“, рече литванскиот министер за надворешни работи Габриелиус Ландсбергис, чија земја, како Грузија и Естонија, беше дел од поранешниот Советски Сојуз. Embed share Што ги предизвика масовните протести во Грузија? Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:01:48 0:00 Директен линк 240p | 5,1MB 360p | 8,6MB 480p | 16,7MB 720p | 27,1MB 1080p | 46,0MB „Вие како народ го одлучивте вашиот пат кон Европа. Ние сите заедно ќе направиме сè за да продолжиме по овој пат“, изјави естонскиот министер за надворешни работи Маргус Кахна. „Јас сум овде денес, вие не сте сами и ја имате нашата почит“, рече министерот за надворешни работи на Исланд, Тордис Колбрун Гилфадотир. На протестниот марш се приклучи и министерка за надворешни работи на Летонија, Баиба Бразе. Четворицата западни претставници претходно се сретнаа со грузиската претседателка Саломе Зурабишвили и одржаа заедничка прес-конференција. Зурабишвили на конференцијата предупреди дека опстанокот на Грузија како држава е во опасност откако парламентот го одобри контроверзниот закон за „странски агенти“ и повтори дека ќе стави вето на законот затоа што владата „не го послуша гласот на својот народ ниту советите на нејзините пријатели, ниту ничие предупредување и тргна по својот пат“. Според законот, медиумските куќи, невладините и другите непрофитни организации ќе мора да се регистрираат дека „работат за интересите на странска сила“ доколку повеќе од 20 проценти од нивното финансирање доаѓа од странство. Зурабишвили, која е во судир со владејачката партија Грузиски сон која го протурка законот во парламентот, има 10 дена да стави вето, но Грузиски сон и неговите партнери во парламентот имаат доволно пратеници за да го отфрлат ветото на претседателот. Американскиот помошник државен секретар Џејмс О'Брајан, кој беше во Тбилиси на 14 мај, рече дека односите на Вашингтон со земјата ќе бидат загрозени и дека американската помош за Грузија ќе биде предмет на ревизија доколку нацрт-законот биде усвоен. прочитај повеќе види ги сите денешни вести мај 17, 2024 Судски совет: Судската власт е независна, секое мешање е опасно за демократијата Судски совет Судската власт е самостојна и независна и секое мешање во судството и во судската власт носи со себе сериозна опасност по демократијата, правната сигурност и владеењето на правото, велат од Судскиот совет на најавите на лидерот на ВМРО-ДПМНЕ Христијан Мицкоски дека нивна цел е да го распуштат Судскиот совет и самите судии и обвинители преку тајно гласање да ги избираат своите преставници во Советот. „Судскиот совет не се впуштa во коментирање и оценка на предизборни програми и ветувања на која било политичка партија, затоа што тоа е крајно несоодветно. Единствено, Судскиот совет укажува дека судската власт како една од трите власти, а не трета власт, е самостојна и независна. Овој факт не го користиме како флоскула и одбранбен механизам. Мора да биде јасно и сите да бидат свесни дека секое мешање во судството и генерално во судската власт на кој било од носителите на другите две власти, носи со себе сериозна опасност за едно демократско општество, правната сигурност и владеењето на правото, како вредности, стандарди и врвни приоритети кон кои како држава се стремиме на патот кон ЕУ“, велат од Судскиот совет. Видете и ова: Мицкоски: Мое човеково право е како ќе ја нарекувам мојата држава Оттаму нагласуваат дека се свесни за состојбите во судството, за нивото на доверба и за се она што како недостиг се става на товар на судството. „Критиките ги прифаќаме, меѓутоа, исто така убедени сме дека судството во Република Северна Македонија има капацитет да ги надмине состојбите без реформи и резови за кои никој не може однапред да ги предвиди ефектите кои ќе бидат предизвикани. Реформи заради реформи никому не му се потребни и истите само ќе ги вратат неколку чекори назад процесите и активностите кои Судскиот совет ги превзема во овој период, финансирани и со поддршка на меѓународната заедница преку проекти, а се во насока на подобрување на состојбите во судството и се во напредна фаза“, нагласуваат од Судскиот совет. Лидерот на ВМРО-ДПМНЕ Мицкоски во обраќање на Самитот „Македонија2025“ вчера рече дека главен предизвик на идната влада ќе бидат реформите во Судскиот совет и Советот на јавни обвинители и дека нивна цел е да ги распуштат оние кои довербата во правниот систем ја свеле на едноцифрена бројка проценти и наместо нив, самите судии и обвинители да си ги изберат своите претставници преку тајно гласање. Мицкоски потенцираше дека владата предводена од ВМРО-ДПМНЕ нема намера ниту да поставува и предлага свои луѓе преку измени во законот, ниту пак има намера да се меша во овие две тела. прочитај повеќе мај 17, 2024 Украина објави дека Русија го уништува градот Вовчанск Постара жена евакуирана од областа Вовчанск, 12 мај 2024 година Руските сили почнаа да го „уништуваат“ украинскиот град Вовчанск, а сите освен 200 жители на градот побегнаа од нападот, изјави гувернерот на регионот на 17 мај. Москва минатата недела изврши ненадеен копнен напад врз североисточна Украина, напредувајќи кон неколку населени места, вклучувајќи го и Вовчанск, на само пет километри од границата. „Непријателот почна да го уништува градот. Не само што е опасно да се биде таму, туку е невозможно“, рече гувернерот на Харкивската област Олег Синегубов на брифинг. Тој рече дека руските сили се обидуваат да го опколат градот, кој пред војната имал околу 18.000 жители и дека украинските сили даваат „отпор“. Видете и ова: Зеленски ги одложи патувањата во странство поради „тешката“ ситуација на фронтот Началникот на армијата Олександр Сирски изјави дека Русија ја проширила својата „борбена зона“ за 70 километри и се обидува да ја принуди Украина да ги повлече војниците од своите резерви. „Разбираме дека нè очекуваат тешки битки и дека непријателот се подготвува за тоа“, рече тој. Украина евакуираше речиси 9000 луѓе во текот на неделата, откако руските сили ја преминаа границата на 10 мај, испукувајќи силен артилериски оган врз неколку села. Претставник на украинската полиција во четвртокот ги обвини руските војници дека заробиле десетици цивили во Вовчанск и ги користеле како „човечки штитови“ за одбрана на нивниот команден штаб. АФП не можеше веднаш да го потврди тврдењето. Руските војници претходно беа обвинети за егзекуција на цивили во делови на Украина што ги заробиле и контролирале од инвазијата во февруари 2022 година. Во април 2022 година, телата на десетици цивили, некои со врзани раце, беа пронајдени во киевското предградие Бух по неколкумесечната окупација од страна на руските сили. прочитај повеќе мај 17, 2024 Израел соопшти дека обвинувањата на Јужна Африка за геноцид се неосновани Појасот Газа Израел ја бранеше воената неопходност од својата офанзива во Газа пред Меѓународниот суд на правдата (МПС) на 17 мај, откако Јужна Африка побара од судиите да му наредат да ги прекине операциите во Рафа и целосно да се повлече од палестинските територии. Службеникот на израелското Министерство за правда Гилад Ноам го нарече случајот на Јужна Африка, кој го обвинува Израел за кршење на Конвенцијата за геноцид, „целосно надвор од фактите и околностите“ и рече дека „ја исмејува конвенцијата“. Тој го нарече случајот „безобразна експлоатација на најсветата конвенција“, мислејќи на меѓународниот договор за забрана на геноцид договорен по холокаустот на европските Евреи во Втората светска војна. Конвенцијата бара од сите земји да дејствуваат за да го спречат геноцидот, а МСП, познат и како Светски суд, кој ги разгледува споровите меѓу државите, пресуди дека тоа и дава право на Јужна Африка да го покрене случајот. Во претходните пресуди, судот ги отфрли барањата на Израел да го отфрли случајот и му нареди на Израел да спречи акти на геноцид врз Палестинците, но не му нареди да го запре нападот. Видете и ова: Меѓународниот суд на правдата бара мерки од Израел за решавање на гладот во Газа Пред израелската презентација, неколку десетици про-израелски демонстранти се собраа надвор и ги покажаа фотографиите на заложниците што ги зедоа борците на Хамас на 7 октомври и бараа нивно ослободување. Хамас е прогласена за терористичка организација од САД и ЕУ. Јужноафриканскиот правен тим, кој го претстави својот случај за нови итни мерки претходниот ден, ја прикажа израелската воена операција како дел од геноциден план чија цел е уништување на палестинскиот народ. Амбасадорот на Јужна Африка во Холандија, Вусимузи Мадонсела побара од судот да му нареди на Израел „веднаш, целосно и безусловно да ја повлече израелската армија од целиот Појас Газа“. Видете и ова: САД ја отфрлија можноста Меѓународниот кривичен суд да го истражува Израел Израелскиот официјален претставник Ноам рече дека израелските воени операции не биле насочени кон цивили, туку кон терористите на Хамас кои го користат Рафа како упориште, кои имаат тунелни системи кои можат да се користат за шверцување заложници и милитанти од Газа. Примерите за наводното прекршување на конвенцијата од страна на Израел презентирани од Јужна Африка „не се доказ за политика на незаконско однесување, а не пак за политика на геноцид. Наредбата на Израел да ги повлече своите војници ќе ги осуди на смрт преостанатите заложници во Газа“, рече Ноам. Војната започна кога милитантите на Хамас го нападнаа Израел на 7 октомври, убивајќи 1200 луѓе и киднапирајќи 253 луѓе. Повеќе од 35 000 Палестинци загинаа во израелските напади, според Министерството за здравство во Газа, кое го предводи Хамас. Одлуката за барањето за вонредни мерки се очекува следната недела. прочитај повеќе мај 17, 2024 Северна Кореја истрела балистички ракети откако негираше испорака на оружје за Русија илустрација Северна Кореја истрела неколку сомнителни балистички ракети со краток дострел, неколку часа откако сестрата на севернокорејскиот лидер ги негираше тврдењата дека Пјонгјанг и испорачува оружје на Русија, соопшти Јужна Кореја. Лансирањата се најнови во серијата сè пософистицирани тестови од страна на Северна Кореја, која истрела крстосувачки ракети, тактички ракети и хиперсонично оружје во последниве месеци, што е како што наведува оваа нуклеарно вооружената земја, надградба на нејзините одбранбени способности. Сеул и Вашингтон ја обвинија Северна Кореја за испраќање оружје на Русија, што би прекршило низа санкции на Обединетите Нации за двете земји, а експертите велат дека неодамна тестираното оружје може да биде наменето за употреба на боиштата во Украина. Војската на Јужна Кореја во петок (17 мај) соопшти дека открила лансирање на, како што ги опиша, „неколку летечки објекти за кои се верува дека се балистички ракети со краток дострел“ од областа Вонсан во близина на источниот брег на Северна Кореја. Ракетите патувале околу 300 километри, соопшти генералштабот, додавајќи дека војската „ја зголемила будноста и надзорот како подготовка за дополнителни лансирања“ и споделувала информации со сојузниците САД и Јапонија. Лансирањето дојде само неколку часа откако сестрата на Ким, Ким Јо Јонг, ги обвини Сеул и Вашингтон за „залажување на јавното мислење“ со постојано обвинување дека Пјонгјанг испраќа оружје во Москва за употреба во Украина. Видете и ова: Северна Кореја и испорачала на Русија 7000 контејнери со муниција Тестовите беа одржани додека рускиот претседател Владимир Путин е во дводневна посета на Кина, чија цел е да ја зајакне трговијата со Пекинг (најважниот сојузник на Северна Кореја) и да добие поголема поддршка за неговите воени напори во Украина. Тестовите се случија и еден ден откако напредните јужнокорејски и американски стелт-ловци, вклучително и Ф-22 Рапторс, одржаа заеднички воздушни борбени вежби. Ваквите вежби обично го разбеснуваат Пјонгјанг, кој на нив гледа како на проба за инвазија. Северна Кореја претходно истрела балистички ракети со краток дострел од нејзиниот источен брег на 22 април. Видете и ова: Сеул соопшти дека Пјонгјанг лансирал балистичка ракета кон Јапонско Море Серијата санкции на Обединетите Нации и забрануваат на Северна Кореја да тестира балистичка технологија, но нејзиниот клучен сојузник Русија го искористи ветото на Советот за безбедност на ОН во март за ефективно да го прекине мониторингот на ОН, за што Пјонгјанг конкретно и се заблагодари на Москва. Северна Кореја долго време се обидува да совлада понапредни хиперсонични технологии и технологии на цврсто гориво за да им овозможи на своите ракети да ги неутрализираат јужнокорејско-американските ракетни одбранбени системи и да ги загрозат регионалните воени бази на САД. Хиперсоничните проектили се побрзи и можат да маневрираат при лет, што го отежнува следењето и пресретнувањето, додека ракетите со цврсто гориво не треба да се напојуваат пред лансирањето, што ги отежнува пронаоѓањето и уништувањето и побрзи за употреба. прочитај повеќе мај 17, 2024 По протестите против законот за „странски агенти“, во Тбилиси марш за семејството Марш по повод Денот на семејната чистота, Тбилиси, 17 мај 2024 година Високи свештеници на Грузиската православна црква и конзервативни верски групи денеска (17 мај) го одбележаа новововедениот празник „Ден на семејната чистота“ со марш по централната авенија во Тбилиси, која беше место на неколкунеделни протести поради усвоениот закон за „странски агенти“. Денот на чистотата на семејството е основан од Грузиската православна црква во 2014 година како одговор на Меѓународниот ден против хомофобијата, бифобијата и трансфобијата (IDAHOBIT), кој се одбележува секоја година на 17 мај за да се подигне свеста за кршењето на правата на ЛГБТ ширум светот. Со цел да се избегне конфронтација, не беа закажани собири против законот за „странски агенти“ за време на маршот за Денот на семејната чистота, објави грузискиот сервис на Радио Слободна Европа. Маршот на Денот на семејната чистота, кој оваа година е неработен ден, е поддржан од владејачката партија Грузиски сон, која во март го протурка нацрт-законот за ограничување на правата на ЛГБТ луѓето, само неколку недели пред да го врати законот за „странски агенти“. на парламентарна процедура која наликува на драконски руски закон. Законот за ограничување на правата на ЛГБТ забранува трансродови операции, посвојување деца од истополови двојки, назначување на пол различен од машкиот и женскиот пол во официјалните документи и организирање јавни настани кои се залагаат за истополови врски. Двата закони се сметаат за обиди на Грузискиот сон, основан од милијардерот Бидзина Иванишвили, пријател на Русија, да ја консолидира својата моќ пред изборите закажани за октомври. Embed share Грузијци отпуштени од работа поради протестирање Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:03:00 0:00 На 17 мај, претседателот на парламентот Шалва Папуашвили објави честитка на социјалните мрежи, додка официјални лица најавија учество на маршот. Вниманието посветено на настанот се чини дека е обид да се минимизира влијанието на повеќенеделните масовни протести поради контроверзниот закон за „странски агенти“ усвоен од парламентот претходно оваа недела. Прозападната претседателка Саломе Зурабишвили, која е во судир со Грузиски сон, рече дека законот е „неприфатлив“ и „не е во согласност“ со евроатлантската интеграција на земјата. Законот беше критикуван од САД, Европската Унија и организациите за човекови права поради сличностите со рускиот закон што претседателот Владимир Путин го користеше за да ја задуши опозицијата, невладините организации и медиумите. прочитај повеќе мај 17, 2024 Започна испораката на помош за Газа преку понтонскиот мост што го изградија САД илустрација Камиони со неопходна помош за Појасот Газа во петок (17 мај) почнаа да го преминуваат понтонскиот мост изграден од Соединетите Држави, откако израелските ограничувања на граничните премини и тешките борби ја попречија испораката на храна и други залихи за опколената палестинска енклава. Испораките се први во операцијата за која американските воени претставници предвидуваат дека може да се зголеми до 150 камиони дневно што влегуваат во Појасот Газа. Израел во моментов врши притисок врз градот Рафа во јужниот дел на Појасот Газа, каде се наоѓа клучниот граничен премин со Појасот Газа, преку кој се носеше помош, но кој е затворен откако Израел ја презеде контролата над него. На окупираниот Западен Брег, десетици израелски демонстранти нападнаа камион во обид да спречат помошта да стигне до Газа во четвртокот, претепувајќи го неговиот возач и запалувајќи го. Видете и ова: УНРВА: Израелската операција на преминот Рафа ја загрозува испораката на помош за Газа Израелската армија соопшти дека војниците пристигнале подоцна на местото на настанот и се обиделе да ги одвојат напаѓачите од возачот и да пружат медицинска помош. Армијата соопшти дека демонстрантите потоа ги нападнале војниците, при што полесно биле повредени двајца офицери и еден војник. Израелските медиуми јавија дека камионот превезувал обична комерцијална стока, а не помош за Газа. Во седуммесечната војна во Појасот Газа, според здравствените власти во Газа под контрола на Хамас, кој САД и ЕУ ја сметаат за терористичка организација, загинале повеќе од 35 000 луѓе. Војната започна на 7 октомври кога Хамас го нападна јужниот дел на Израел, убивајќи околу 1200 луѓе и земајќи околу 250 заложници, според израелските податоци. прочитај повеќе мај 17, 2024 Во Молдавијa претседателски избори и референдум за членство во ЕУ во октомври Седница на молдавскиот парламент, 16 мај 2024 година Молдавските пратеници го одредија 20 октомври како датум за претседателски избори и референдум за пристапување на земјата во Европската Унија. Прозападната претседателка Маја Санду, чиј прв претседателски мандат завршува на 24 декември, ја објави својата намера да се кандидира за нов мандат, објави молдавскиот сервис на Радио Слободна Европа. Водачите на опозициските социјалисти и комунисти, пријателски настроени кон Москва, изјавија дека водат разговори за предлагање заеднички претседателски кандидат. Видете и ова: Санду: Русија сака да ја дестабилизира Молдавија Санду, која го победи прорускиот кандидат Игор Додон во ноември 2020 година, оттогаш ја сврте Молдавија цврсто кон Западот. Во декември 2023 година, Европската Унија одлучи да ги отвори пристапните преговори за Молдавија, која е една од најсиромашните земји во Европа. прочитај повеќе мај 17, 2024 Делови од Нова Каледонија надвор од државна контрола Последици од немирите во Нова Каледонија, 16 мај 2024 година Области на пацифичката територија на Нова Каледонија „се надвор“ од државната контрола, изјави денеска претставник на француската влада, најавувајќи нови безбедносни распоредувања по неколкудневното смртоносно насилство. „Ќе пристигне засилување... за да ги контролираме областите што не се под наша контрола во изминатите денови “, изјави на брифинг високиот комесар на Републиката во Нова Каледонија, Луј Ле Фран. Вонредна состојба беше воведена на францускиот архипелаг откако противењето на планот на Париз за промена на правилата за гласање таму прераснаа во подметнување пожар, грабежи и насилство, при што загинаа пет, а стотици беа повредени. Видете и ова: Стотина повредени во немирите во Нова Каледонија, Макрон свика кризен состанок Како дел од вонредната состојба, приведени се околу 200 од околу 5000 „бунтовници“, соопштија француските власти. Едно лице осомничено за убиство им се предаде на властите, рече Ле Фран на денешниот брифинг. Видете и ова: Франција го обвини Азербејџан за вмешаност во немирите на Нова Каледонија Немирите започнаа кога француските пратеници ги одобрија плановите да им се дозволи на оние кои се преселиле на територијата пред најмалку 10 години да гласаат на локалните избори. прочитај повеќе мај 17, 2024 Русија тврди дека неутрализирала повеќе од 100 украински дронови во ноќните напади илустрација Министерството за одбрана на Русија соопшти дека повеќе од 100 украински беспилотни летала се уништени или пресретнати ноќеска во напади на југозапад на руската територија и на полуостровот Крим. Министерството соопшти дека армијата неутрализирала 51 дрон над Крим, 44 над регионот Краснодар, шест над регионот Белгород и еден над регионот Курск. Во текот на ноќта, поморската противвоздушна одбрана и патролни бродови на Црноморската флота уништија шест поморски беспилотни летала во водите на Црното Море. Видете и ова: Осуммина повредени во украински напад на Белгород Руската армија редовно објавува дека одбила ноќни напади на украински беспилотни летала, но ретко се наведува толкава бројка, јавија западни медиуми. Гувернерот на Белгородската област, која граничи со Украина, претходно денеска објави дека мајка и четиригодишно дете загинале при напад со беспилотно летало врз селото Октјабарски. прочитај повеќе мај 17, 2024 Шпанија не дозволи брод со оружје за Израел да се закотви во Картагена илустрација Шпанија не дозволи брод што носи оружје за Израел да се закотви во југоисточното пристаниште Картагена, изјави синоќа министерот за надворешни работи Хозе Мануел Албарес. Тој потврди дека бродот „Мариана Даница“ (Marianne Danica) кој превезува оружје во Израел побарал дозвола да се закотви во Картагена на 21 мај. Албарес истакна дека забраната за шпанските пристаништа е во согласност со политиката на Мадрид да не го извезува своето оружје во Израел од почетокот на војната во Појасот Газа. Видете и ова: Продолжуваат нападите врз Газа, ОН и Западот го критикуваат планот на Израел за инвазија на Рафа „Одбивме да дадеме дозвола за закотвување и тоа ќе биде конзистентна политика со секој брод што превезува израелско оружје, а сака да се закотви во шпански пристаништа“, посочи Албарес. Шпанскиот весник „Ел Паис“ објави дека бродот превезува речиси 27 тони експлозивен материјал од Мадрас, Индија. прочитај повеќе Вчитај повеќе...

Вести мај 16, 2024 Постигнат договор за коалициска влада во Холандија Речиси шест месеци по изборната победа на неговата партија, холандскиот политичар Герт Вилдерс објави дека е постигнат договор за формирање на десничарска коалициска влада. Тој исто така објави дека нема да биде премиер. „Имаме договор меѓу преговарачите“, рече Вилдерс, кој уште во март се откажа од намерата да биде премиер, наведувајќи ги наводите дека е „исламофоб и противник на ЕУ“. Видете и ова: Проблеми пред почетокот на преговорите за владејачка коалиција во Холандија Договорот е постигнат меѓу четири партии - Партијата за слобода (ПВВ) на Герт Вилдерс, про-земјоделската партија БББ, либералната партија ВВД и новата партија против корупцијата НСЦ. Сè уште не е познато кој ќе ја предводи десничарската владејачка коалиција која ќе го замени Марк Руте. Руте е кандидат за функцијата генерален секретар на НАТО. Крајнодесничарската Партија за слобода, која победи на изборите во Холандија, а чиј лидер е Вилдерс е позната и по тоа што меѓудругото, повикува на забрана на џамиите, Куранот и шамиите, како и референдум за напуштање на Европската Унија. прочитај повеќе види ги сите денешни вести мај 17, 2024 Украина објави дека Русија го уништува градот Вовчанск Постара жена евакуирана од областа Вовчанск, 12 мај 2024 година Руските сили почнаа да го „уништуваат“ украинскиот град Вовчанск, а сите освен 200 жители на градот побегнаа од нападот, изјави гувернерот на регионот на 17 мај. Москва минатата недела изврши ненадеен копнен напад врз североисточна Украина, напредувајќи кон неколку населени места, вклучувајќи го и Вовчанск, на само пет километри од границата. „Непријателот почна да го уништува градот. Не само што е опасно да се биде таму, туку е невозможно“, рече гувернерот на Харкивската област Олег Синегубов на брифинг. Тој рече дека руските сили се обидуваат да го опколат градот, кој пред војната имал околу 18.000 жители и дека украинските сили даваат „отпор“. Видете и ова: Зеленски ги одложи патувањата во странство поради „тешката“ ситуација на фронтот Началникот на армијата Олександр Сирски изјави дека Русија ја проширила својата „борбена зона“ за 70 километри и се обидува да ја принуди Украина да ги повлече војниците од своите резерви. „Разбираме дека нè очекуваат тешки битки и дека непријателот се подготвува за тоа“, рече тој. Украина евакуираше речиси 9000 луѓе во текот на неделата, откако руските сили ја преминаа границата на 10 мај, испукувајќи силен артилериски оган врз неколку села. Претставник на украинската полиција во четвртокот ги обвини руските војници дека заробиле десетици цивили во Вовчанск и ги користеле како „човечки штитови“ за одбрана на нивниот команден штаб. АФП не можеше веднаш да го потврди тврдењето. Руските војници претходно беа обвинети за егзекуција на цивили во делови на Украина што ги заробиле и контролирале од инвазијата во февруари 2022 година. Во април 2022 година, телата на десетици цивили, некои со врзани раце, беа пронајдени во киевското предградие Бух по неколкумесечната окупација од страна на руските сили. прочитај повеќе мај 17, 2024 Израел соопшти дека обвинувањата на Јужна Африка за геноцид се неосновани Појасот Газа Израел ја бранеше воената неопходност од својата офанзива во Газа пред Меѓународниот суд на правдата (МПС) на 17 мај, откако Јужна Африка побара од судиите да му наредат да ги прекине операциите во Рафа и целосно да се повлече од палестинските територии. Службеникот на израелското Министерство за правда Гилад Ноам го нарече случајот на Јужна Африка, кој го обвинува Израел за кршење на Конвенцијата за геноцид, „целосно надвор од фактите и околностите“ и рече дека „ја исмејува конвенцијата“. Тој го нарече случајот „безобразна експлоатација на најсветата конвенција“, мислејќи на меѓународниот договор за забрана на геноцид договорен по холокаустот на европските Евреи во Втората светска војна. Конвенцијата бара од сите земји да дејствуваат за да го спречат геноцидот, а МСП, познат и како Светски суд, кој ги разгледува споровите меѓу државите, пресуди дека тоа и дава право на Јужна Африка да го покрене случајот. Во претходните пресуди, судот ги отфрли барањата на Израел да го отфрли случајот и му нареди на Израел да спречи акти на геноцид врз Палестинците, но не му нареди да го запре нападот. Видете и ова: Меѓународниот суд на правдата бара мерки од Израел за решавање на гладот во Газа Пред израелската презентација, неколку десетици про-израелски демонстранти се собраа надвор и ги покажаа фотографиите на заложниците што ги зедоа борците на Хамас на 7 октомври и бараа нивно ослободување. Хамас е прогласена за терористичка организација од САД и ЕУ. Јужноафриканскиот правен тим, кој го претстави својот случај за нови итни мерки претходниот ден, ја прикажа израелската воена операција како дел од геноциден план чија цел е уништување на палестинскиот народ. Амбасадорот на Јужна Африка во Холандија, Вусимузи Мадонсела побара од судот да му нареди на Израел „веднаш, целосно и безусловно да ја повлече израелската армија од целиот Појас Газа“. Видете и ова: САД ја отфрлија можноста Меѓународниот кривичен суд да го истражува Израел Израелскиот официјален претставник Ноам рече дека израелските воени операции не биле насочени кон цивили, туку кон терористите на Хамас кои го користат Рафа како упориште, кои имаат тунелни системи кои можат да се користат за шверцување заложници и милитанти од Газа. Примерите за наводното прекршување на конвенцијата од страна на Израел презентирани од Јужна Африка „не се доказ за политика на незаконско однесување, а не пак за политика на геноцид. Наредбата на Израел да ги повлече своите војници ќе ги осуди на смрт преостанатите заложници во Газа“, рече Ноам. Војната започна кога милитантите на Хамас го нападнаа Израел на 7 октомври, убивајќи 1200 луѓе и киднапирајќи 253 луѓе. Повеќе од 35 000 Палестинци загинаа во израелските напади, според Министерството за здравство во Газа, кое го предводи Хамас. Одлуката за барањето за вонредни мерки се очекува следната недела. прочитај повеќе мај 17, 2024 Северна Кореја истрела балистички ракети откако негираше испорака на оружје за Русија илустрација Северна Кореја истрела неколку сомнителни балистички ракети со краток дострел, неколку часа откако сестрата на севернокорејскиот лидер ги негираше тврдењата дека Пјонгјанг и испорачува оружје на Русија, соопшти Јужна Кореја. Лансирањата се најнови во серијата сè пософистицирани тестови од страна на Северна Кореја, која истрела крстосувачки ракети, тактички ракети и хиперсонично оружје во последниве месеци, што е како што наведува оваа нуклеарно вооружената земја, надградба на нејзините одбранбени способности. Сеул и Вашингтон ја обвинија Северна Кореја за испраќање оружје на Русија, што би прекршило низа санкции на Обединетите Нации за двете земји, а експертите велат дека неодамна тестираното оружје може да биде наменето за употреба на боиштата во Украина. Војската на Јужна Кореја во петок (17 мај) соопшти дека открила лансирање на, како што ги опиша, „неколку летечки објекти за кои се верува дека се балистички ракети со краток дострел“ од областа Вонсан во близина на источниот брег на Северна Кореја. Ракетите патувале околу 300 километри, соопшти генералштабот, додавајќи дека војската „ја зголемила будноста и надзорот како подготовка за дополнителни лансирања“ и споделувала информации со сојузниците САД и Јапонија. Лансирањето дојде само неколку часа откако сестрата на Ким, Ким Јо Јонг, ги обвини Сеул и Вашингтон за „залажување на јавното мислење“ со постојано обвинување дека Пјонгјанг испраќа оружје во Москва за употреба во Украина. Видете и ова: Северна Кореја и испорачала на Русија 7000 контејнери со муниција Тестовите беа одржани додека рускиот претседател Владимир Путин е во дводневна посета на Кина, чија цел е да ја зајакне трговијата со Пекинг (најважниот сојузник на Северна Кореја) и да добие поголема поддршка за неговите воени напори во Украина. Тестовите се случија и еден ден откако напредните јужнокорејски и американски стелт-ловци, вклучително и Ф-22 Рапторс, одржаа заеднички воздушни борбени вежби. Ваквите вежби обично го разбеснуваат Пјонгјанг, кој на нив гледа како на проба за инвазија. Северна Кореја претходно истрела балистички ракети со краток дострел од нејзиниот источен брег на 22 април. Видете и ова: Сеул соопшти дека Пјонгјанг лансирал балистичка ракета кон Јапонско Море Серијата санкции на Обединетите Нации и забрануваат на Северна Кореја да тестира балистичка технологија, но нејзиниот клучен сојузник Русија го искористи ветото на Советот за безбедност на ОН во март за ефективно да го прекине мониторингот на ОН, за што Пјонгјанг конкретно и се заблагодари на Москва. Северна Кореја долго време се обидува да совлада понапредни хиперсонични технологии и технологии на цврсто гориво за да им овозможи на своите ракети да ги неутрализираат јужнокорејско-американските ракетни одбранбени системи и да ги загрозат регионалните воени бази на САД. Хиперсоничните проектили се побрзи и можат да маневрираат при лет, што го отежнува следењето и пресретнувањето, додека ракетите со цврсто гориво не треба да се напојуваат пред лансирањето, што ги отежнува пронаоѓањето и уништувањето и побрзи за употреба. прочитај повеќе мај 17, 2024 По протестите против законот за „странски агенти“, во Тбилиси марш за семејството Марш по повод Денот на семејната чистота, Тбилиси, 17 мај 2024 година Високи свештеници на Грузиската православна црква и конзервативни верски групи денеска (17 мај) го одбележаа новововедениот празник „Ден на семејната чистота“ со марш по централната авенија во Тбилиси, која беше место на неколкунеделни протести поради усвоениот закон за „странски агенти“. Денот на чистотата на семејството е основан од Грузиската православна црква во 2014 година како одговор на Меѓународниот ден против хомофобијата, бифобијата и трансфобијата (IDAHOBIT), кој се одбележува секоја година на 17 мај за да се подигне свеста за кршењето на правата на ЛГБТ ширум светот. Со цел да се избегне конфронтација, не беа закажани собири против законот за „странски агенти“ за време на маршот за Денот на семејната чистота, објави грузискиот сервис на Радио Слободна Европа. Маршот на Денот на семејната чистота, кој оваа година е неработен ден, е поддржан од владејачката партија Грузиски сон, која во март го протурка нацрт-законот за ограничување на правата на ЛГБТ луѓето, само неколку недели пред да го врати законот за „странски агенти“. на парламентарна процедура која наликува на драконски руски закон. Законот за ограничување на правата на ЛГБТ забранува трансродови операции, посвојување деца од истополови двојки, назначување на пол различен од машкиот и женскиот пол во официјалните документи и организирање јавни настани кои се залагаат за истополови врски. Двата закони се сметаат за обиди на Грузискиот сон, основан од милијардерот Бидзина Иванишвили, пријател на Русија, да ја консолидира својата моќ пред изборите закажани за октомври. Embed share Грузијци отпуштени од работа поради протестирање Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:03:00 0:00 На 17 мај, претседателот на парламентот Шалва Папуашвили објави честитка на социјалните мрежи, додка официјални лица најавија учество на маршот. Вниманието посветено на настанот се чини дека е обид да се минимизира влијанието на повеќенеделните масовни протести поради контроверзниот закон за „странски агенти“ усвоен од парламентот претходно оваа недела. Прозападната претседателка Саломе Зурабишвили, која е во судир со Грузиски сон, рече дека законот е „неприфатлив“ и „не е во согласност“ со евроатлантската интеграција на земјата. Законот беше критикуван од САД, Европската Унија и организациите за човекови права поради сличностите со рускиот закон што претседателот Владимир Путин го користеше за да ја задуши опозицијата, невладините организации и медиумите. прочитај повеќе мај 17, 2024 Започна испораката на помош за Газа преку понтонскиот мост што го изградија САД илустрација Камиони со неопходна помош за Појасот Газа во петок (17 мај) почнаа да го преминуваат понтонскиот мост изграден од Соединетите Држави, откако израелските ограничувања на граничните премини и тешките борби ја попречија испораката на храна и други залихи за опколената палестинска енклава. Испораките се први во операцијата за која американските воени претставници предвидуваат дека може да се зголеми до 150 камиони дневно што влегуваат во Појасот Газа. Израел во моментов врши притисок врз градот Рафа во јужниот дел на Појасот Газа, каде се наоѓа клучниот граничен премин со Појасот Газа, преку кој се носеше помош, но кој е затворен откако Израел ја презеде контролата над него. На окупираниот Западен Брег, десетици израелски демонстранти нападнаа камион во обид да спречат помошта да стигне до Газа во четвртокот, претепувајќи го неговиот возач и запалувајќи го. Видете и ова: УНРВА: Израелската операција на преминот Рафа ја загрозува испораката на помош за Газа Израелската армија соопшти дека војниците пристигнале подоцна на местото на настанот и се обиделе да ги одвојат напаѓачите од возачот и да пружат медицинска помош. Армијата соопшти дека демонстрантите потоа ги нападнале војниците, при што полесно биле повредени двајца офицери и еден војник. Израелските медиуми јавија дека камионот превезувал обична комерцијална стока, а не помош за Газа. Во седуммесечната војна во Појасот Газа, според здравствените власти во Газа под контрола на Хамас, кој САД и ЕУ ја сметаат за терористичка организација, загинале повеќе од 35 000 луѓе. Војната започна на 7 октомври кога Хамас го нападна јужниот дел на Израел, убивајќи околу 1200 луѓе и земајќи околу 250 заложници, според израелските податоци. прочитај повеќе мај 17, 2024 Во Молдавијa претседателски избори и референдум за членство во ЕУ во октомври Седница на молдавскиот парламент, 16 мај 2024 година Молдавските пратеници го одредија 20 октомври како датум за претседателски избори и референдум за пристапување на земјата во Европската Унија. Прозападната претседателка Маја Санду, чиј прв претседателски мандат завршува на 24 декември, ја објави својата намера да се кандидира за нов мандат, објави молдавскиот сервис на Радио Слободна Европа. Водачите на опозициските социјалисти и комунисти, пријателски настроени кон Москва, изјавија дека водат разговори за предлагање заеднички претседателски кандидат. Видете и ова: Санду: Русија сака да ја дестабилизира Молдавија Санду, која го победи прорускиот кандидат Игор Додон во ноември 2020 година, оттогаш ја сврте Молдавија цврсто кон Западот. Во декември 2023 година, Европската Унија одлучи да ги отвори пристапните преговори за Молдавија, која е една од најсиромашните земји во Европа. прочитај повеќе мај 17, 2024 Делови од Нова Каледонија надвор од државна контрола Последици од немирите во Нова Каледонија, 16 мај 2024 година Области на пацифичката територија на Нова Каледонија „се надвор“ од државната контрола, изјави денеска претставник на француската влада, најавувајќи нови безбедносни распоредувања по неколкудневното смртоносно насилство. „Ќе пристигне засилување... за да ги контролираме областите што не се под наша контрола во изминатите денови “, изјави на брифинг високиот комесар на Републиката во Нова Каледонија, Луј Ле Фран. Вонредна состојба беше воведена на францускиот архипелаг откако противењето на планот на Париз за промена на правилата за гласање таму прераснаа во подметнување пожар, грабежи и насилство, при што загинаа пет, а стотици беа повредени. Видете и ова: Стотина повредени во немирите во Нова Каледонија, Макрон свика кризен состанок Како дел од вонредната состојба, приведени се околу 200 од околу 5000 „бунтовници“, соопштија француските власти. Едно лице осомничено за убиство им се предаде на властите, рече Ле Фран на денешниот брифинг. Видете и ова: Франција го обвини Азербејџан за вмешаност во немирите на Нова Каледонија Немирите започнаа кога француските пратеници ги одобрија плановите да им се дозволи на оние кои се преселиле на територијата пред најмалку 10 години да гласаат на локалните избори. прочитај повеќе мај 17, 2024 Русија тврди дека неутрализирала повеќе од 100 украински дронови во ноќните напади илустрација Министерството за одбрана на Русија соопшти дека повеќе од 100 украински беспилотни летала се уништени или пресретнати ноќеска во напади на југозапад на руската територија и на полуостровот Крим. Министерството соопшти дека армијата неутрализирала 51 дрон над Крим, 44 над регионот Краснодар, шест над регионот Белгород и еден над регионот Курск. Во текот на ноќта, поморската противвоздушна одбрана и патролни бродови на Црноморската флота уништија шест поморски беспилотни летала во водите на Црното Море. Видете и ова: Осуммина повредени во украински напад на Белгород Руската армија редовно објавува дека одбила ноќни напади на украински беспилотни летала, но ретко се наведува толкава бројка, јавија западни медиуми. Гувернерот на Белгородската област, која граничи со Украина, претходно денеска објави дека мајка и четиригодишно дете загинале при напад со беспилотно летало врз селото Октјабарски. прочитај повеќе мај 17, 2024 Шпанија не дозволи брод со оружје за Израел да се закотви во Картагена илустрација Шпанија не дозволи брод што носи оружје за Израел да се закотви во југоисточното пристаниште Картагена, изјави синоќа министерот за надворешни работи Хозе Мануел Албарес. Тој потврди дека бродот „Мариана Даница“ (Marianne Danica) кој превезува оружје во Израел побарал дозвола да се закотви во Картагена на 21 мај. Албарес истакна дека забраната за шпанските пристаништа е во согласност со политиката на Мадрид да не го извезува своето оружје во Израел од почетокот на војната во Појасот Газа. Видете и ова: Продолжуваат нападите врз Газа, ОН и Западот го критикуваат планот на Израел за инвазија на Рафа „Одбивме да дадеме дозвола за закотвување и тоа ќе биде конзистентна политика со секој брод што превезува израелско оружје, а сака да се закотви во шпански пристаништа“, посочи Албарес. Шпанскиот весник „Ел Паис“ објави дека бродот превезува речиси 27 тони експлозивен материјал од Мадрас, Индија. прочитај повеќе мај 16, 2024 Новата влада ќе го репреговара договорот со „Бехтел и Енка“ Означување на почетокот на изградбата на автопатиштата од Коридорите 8 и 10д што ги градат „Бехтел и Енка“ За договорот со „Бехтел и Енка“ има две опции - да се раскине или да се репреговара. Едната е да се раскине договорот и да се оди на арбитража, да платиме стотици милиони евра и да немаме автопат, а втората е да се оптимизира договорот за што веќе имаме почетни разговори, со што би се забрзал и реализирал проектот, изјави Христијан Мицкоски, иден мандатар и претседател на ВМРО-ДПМНЕ, на 16 мај. „Ние сме повеќе за прагматичниот пристап, граѓаните да добијат автопат, но оптимиран, но ваков каков што е, потпишан од оваа влада, за жал, е во одерена мерка неприменлив поради големите правни проблеми, проблеми со експропријација и технички проблеми. Мојата порака е дека како идна влада сакаме да градиме, а не да рушиме“ рече Мицкоски. Видете и ова: Уставен суд не поведе постапка за прекувремените работни часови на автопатите со „Бехтел и Енка“ Тој најави и дека во првите сто дена новата влада ќе објави гринфилд инвестиција во енергетиката, вредна 400 - 500 милиони евра. Мицкоски кажа дека станува збор за приватен капитал, „за голем играч со исклучително големи европски финансиски институции во акционерската структура“. Обртот на компанијата би била околу 80 - 100 милиони евра по основа на продадена електрична енергија и истргувани зелени сертификати, а договорот со неа е завршен. Според Мицкоски, ќе се произведува околу еден терават час електрична енергија што е една третина од производството на РЕК Битола. На прашањето дали Унгарија е земјата со која Северна Македонија ќе повлече заем до една милијарда евра, Мицкоски одговори дека се работи за европска држава, која граѓаните многу наскоро ќе ја дознаат. „Заемот до една милијарда евра под исклучително поволни услови, кој би се повлекол со друга држава, на ниво влада со влада, за финансирање на лошите договори на актуелната влада, државите кои ги спомнуваа не се тие“, рече Мицкоски. Проектот за градба на делниците од коридорите 8 и 10Д вклучува седум клучки, 34 мостови, 34 надвозници, 24 подвозници, над 21 милион метри кубни ископ, над 10 милиони метри кубни земјени насипи, 620.000 метри кубни бетон, 2,2 милиони метри куби подлога, 1,1 милион тони асфалт над 6000 и 320 км заштитна ограда. прочитај повеќе Вчитај повеќе...

Вести мај 16, 2024 Косово го информирал Советот на Европа дека подготвува нацрт-статут за формирање на ЗСО Министерката за надворешни работи и дијаспора на Косово, Доника Гервала Министерката за надворешни работи и дијаспора на Косово, Доника Гервала, изјави дека преку писмо го информирала Советот на Европа дека Косово подготвува нацрт статут за формирање „механизам за самоуправување, координација и соработка на општините со српско мнозинство на Косово (ЗСО)“. Овој нацрт ќе биде испратен на толкување до Уставниот суд до крајот на мај. Владата претходно призна дека формирањето на Заедницата на општини со српско мнозинство е поставено како услов за прием на Косово во Советот на Европа. Според Гервала, нацрт-статутот ги задоволува потребите на граѓаните на српската заедница и истовремено ги почитува Уставот на Косово и принципите на Советот на Европа. „Нацртот обезбедува не само целосно почитување на Уставот и законите на Република Косово, туку во исто време спречува неовластени интервенции однадвор, како во општините на Косово, така и низ целата земја“, напиша Гервала на Фејсбук. Гервала изјави дека заедно со конкретизирање на напорите за формирање Заедница на општини со српско мнозинство, Косово очекува Советот на Европа да го исполни својот дел од обврската и да го покани Косово да се приклучи во Советот на Европа без одлагање, бидејќи Приштина ги исполнила сите услови. Видете и ова: Заедницата на општини со српско мнозинство - пречка на патот на Косово кон Советот на Европа Комитетот на министри на Советот на Европа заседава на 16 и 17 мај во Стразбур. Ова тело го дава последниот збор за прифаќање на една земја во членство. Заменик министерот за надворешни работи Крешник Ахмети на 14 мај изјави дека прашањето за прием на Косово во оваа организација за човекови права не е на дневен ред на Комитетот на министри. Џералд Кнаус, од Европската иницијатива за стабилност, го објави на интернет Х, целото писмо кое Гервала го испратила до претседателот на Парламентарното собрание на Советот на Европа, грчкиот пратеник Теодорос Русопулос. Во писмото, чија автентичност за РСЕ ја потврдија од Владата на Косово, се наведува дека нацрт-статутот што Косово го подготвува ќе биде испратен на толкување до Уставниот суд на Косово до крајот на мај. прочитај повеќе види ги сите денешни вести мај 17, 2024 Израел соопшти дека обвинувањата на Јужна Африка за геноцид се неосновани Појасот Газа Израел ја бранеше воената неопходност од својата офанзива во Газа пред Меѓународниот суд на правдата (МПС) на 17 мај, откако Јужна Африка побара од судиите да му наредат да ги прекине операциите во Рафа и целосно да се повлече од палестинските територии. Службеникот на израелското Министерство за правда Гилад Ноам го нарече случајот на Јужна Африка, кој го обвинува Израел за кршење на Конвенцијата за геноцид, „целосно надвор од фактите и околностите“ и рече дека „ја исмејува конвенцијата“. Тој го нарече случајот „безобразна експлоатација на најсветата конвенција“, мислејќи на меѓународниот договор за забрана на геноцид договорен по холокаустот на европските Евреи во Втората светска војна. Конвенцијата бара од сите земји да дејствуваат за да го спречат геноцидот, а МСП, познат и како Светски суд, кој ги разгледува споровите меѓу државите, пресуди дека тоа и дава право на Јужна Африка да го покрене случајот. Во претходните пресуди, судот ги отфрли барањата на Израел да го отфрли случајот и му нареди на Израел да спречи акти на геноцид врз Палестинците, но не му нареди да го запре нападот. Видете и ова: Меѓународниот суд на правдата бара мерки од Израел за решавање на гладот во Газа Пред израелската презентација, неколку десетици про-израелски демонстранти се собраа надвор и ги покажаа фотографиите на заложниците што ги зедоа борците на Хамас на 7 октомври и бараа нивно ослободување. Хамас е прогласена за терористичка организација од САД и ЕУ. Јужноафриканскиот правен тим, кој го претстави својот случај за нови итни мерки претходниот ден, ја прикажа израелската воена операција како дел од геноциден план чија цел е уништување на палестинскиот народ. Амбасадорот на Јужна Африка во Холандија, Вусимузи Мадонсела побара од судот да му нареди на Израел „веднаш, целосно и безусловно да ја повлече израелската армија од целиот Појас Газа“. Видете и ова: САД ја отфрлија можноста Меѓународниот кривичен суд да го истражува Израел Израелскиот официјален претставник Ноам рече дека израелските воени операции не биле насочени кон цивили, туку кон терористите на Хамас кои го користат Рафа како упориште, кои имаат тунелни системи кои можат да се користат за шверцување заложници и милитанти од Газа. Примерите за наводното прекршување на конвенцијата од страна на Израел презентирани од Јужна Африка „не се доказ за политика на незаконско однесување, а не пак за политика на геноцид. Наредбата на Израел да ги повлече своите војници ќе ги осуди на смрт преостанатите заложници во Газа“, рече Ноам. Војната започна кога милитантите на Хамас го нападнаа Израел на 7 октомври, убивајќи 1200 луѓе и киднапирајќи 253 луѓе. Повеќе од 35 000 Палестинци загинаа во израелските напади, според Министерството за здравство во Газа, кое го предводи Хамас. Одлуката за барањето за вонредни мерки се очекува следната недела. прочитај повеќе мај 17, 2024 Северна Кореја истрела балистички ракети откако негираше испорака на оружје за Русија илустрација Северна Кореја истрела неколку сомнителни балистички ракети со краток дострел, неколку часа откако сестрата на севернокорејскиот лидер ги негираше тврдењата дека Пјонгјанг и испорачува оружје на Русија, соопшти Јужна Кореја. Лансирањата се најнови во серијата сè пософистицирани тестови од страна на Северна Кореја, која истрела крстосувачки ракети, тактички ракети и хиперсонично оружје во последниве месеци, што е како што наведува оваа нуклеарно вооружената земја, надградба на нејзините одбранбени способности. Сеул и Вашингтон ја обвинија Северна Кореја за испраќање оружје на Русија, што би прекршило низа санкции на Обединетите Нации за двете земји, а експертите велат дека неодамна тестираното оружје може да биде наменето за употреба на боиштата во Украина. Војската на Јужна Кореја во петок (17 мај) соопшти дека открила лансирање на, како што ги опиша, „неколку летечки објекти за кои се верува дека се балистички ракети со краток дострел“ од областа Вонсан во близина на источниот брег на Северна Кореја. Ракетите патувале околу 300 километри, соопшти генералштабот, додавајќи дека војската „ја зголемила будноста и надзорот како подготовка за дополнителни лансирања“ и споделувала информации со сојузниците САД и Јапонија. Лансирањето дојде само неколку часа откако сестрата на Ким, Ким Јо Јонг, ги обвини Сеул и Вашингтон за „залажување на јавното мислење“ со постојано обвинување дека Пјонгјанг испраќа оружје во Москва за употреба во Украина. Видете и ова: Северна Кореја и испорачала на Русија 7000 контејнери со муниција Тестовите беа одржани додека рускиот претседател Владимир Путин е во дводневна посета на Кина, чија цел е да ја зајакне трговијата со Пекинг (најважниот сојузник на Северна Кореја) и да добие поголема поддршка за неговите воени напори во Украина. Тестовите се случија и еден ден откако напредните јужнокорејски и американски стелт-ловци, вклучително и Ф-22 Рапторс, одржаа заеднички воздушни борбени вежби. Ваквите вежби обично го разбеснуваат Пјонгјанг, кој на нив гледа како на проба за инвазија. Северна Кореја претходно истрела балистички ракети со краток дострел од нејзиниот источен брег на 22 април. Видете и ова: Сеул соопшти дека Пјонгјанг лансирал балистичка ракета кон Јапонско Море Серијата санкции на Обединетите Нации и забрануваат на Северна Кореја да тестира балистичка технологија, но нејзиниот клучен сојузник Русија го искористи ветото на Советот за безбедност на ОН во март за ефективно да го прекине мониторингот на ОН, за што Пјонгјанг конкретно и се заблагодари на Москва. Северна Кореја долго време се обидува да совлада понапредни хиперсонични технологии и технологии на цврсто гориво за да им овозможи на своите ракети да ги неутрализираат јужнокорејско-американските ракетни одбранбени системи и да ги загрозат регионалните воени бази на САД. Хиперсоничните проектили се побрзи и можат да маневрираат при лет, што го отежнува следењето и пресретнувањето, додека ракетите со цврсто гориво не треба да се напојуваат пред лансирањето, што ги отежнува пронаоѓањето и уништувањето и побрзи за употреба. прочитај повеќе мај 17, 2024 По протестите против законот за „странски агенти“, во Тбилиси марш за семејството Марш по повод Денот на семејната чистота, Тбилиси, 17 мај 2024 година Високи свештеници на Грузиската православна црква и конзервативни верски групи денеска (17 мај) го одбележаа новововедениот празник „Ден на семејната чистота“ со марш по централната авенија во Тбилиси, која беше место на неколкунеделни протести поради усвоениот закон за „странски агенти“. Денот на чистотата на семејството е основан од Грузиската православна црква во 2014 година како одговор на Меѓународниот ден против хомофобијата, бифобијата и трансфобијата (IDAHOBIT), кој се одбележува секоја година на 17 мај за да се подигне свеста за кршењето на правата на ЛГБТ ширум светот. Со цел да се избегне конфронтација, не беа закажани собири против законот за „странски агенти“ за време на маршот за Денот на семејната чистота, објави грузискиот сервис на Радио Слободна Европа. Маршот на Денот на семејната чистота, кој оваа година е неработен ден, е поддржан од владејачката партија Грузиски сон, која во март го протурка нацрт-законот за ограничување на правата на ЛГБТ луѓето, само неколку недели пред да го врати законот за „странски агенти“. на парламентарна процедура која наликува на драконски руски закон. Законот за ограничување на правата на ЛГБТ забранува трансродови операции, посвојување деца од истополови двојки, назначување на пол различен од машкиот и женскиот пол во официјалните документи и организирање јавни настани кои се залагаат за истополови врски. Двата закони се сметаат за обиди на Грузискиот сон, основан од милијардерот Бидзина Иванишвили, пријател на Русија, да ја консолидира својата моќ пред изборите закажани за октомври. Embed share Грузијци отпуштени од работа поради протестирање Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:03:00 0:00 На 17 мај, претседателот на парламентот Шалва Папуашвили објави честитка на социјалните мрежи, додка официјални лица најавија учество на маршот. Вниманието посветено на настанот се чини дека е обид да се минимизира влијанието на повеќенеделните масовни протести поради контроверзниот закон за „странски агенти“ усвоен од парламентот претходно оваа недела. Прозападната претседателка Саломе Зурабишвили, која е во судир со Грузиски сон, рече дека законот е „неприфатлив“ и „не е во согласност“ со евроатлантската интеграција на земјата. Законот беше критикуван од САД, Европската Унија и организациите за човекови права поради сличностите со рускиот закон што претседателот Владимир Путин го користеше за да ја задуши опозицијата, невладините организации и медиумите. прочитај повеќе мај 17, 2024 Започна испораката на помош за Газа преку понтонскиот мост што го изградија САД илустрација Камиони со неопходна помош за Појасот Газа во петок (17 мај) почнаа да го преминуваат понтонскиот мост изграден од Соединетите Држави, откако израелските ограничувања на граничните премини и тешките борби ја попречија испораката на храна и други залихи за опколената палестинска енклава. Испораките се први во операцијата за која американските воени претставници предвидуваат дека може да се зголеми до 150 камиони дневно што влегуваат во Појасот Газа. Израел во моментов врши притисок врз градот Рафа во јужниот дел на Појасот Газа, каде се наоѓа клучниот граничен премин со Појасот Газа, преку кој се носеше помош, но кој е затворен откако Израел ја презеде контролата над него. На окупираниот Западен Брег, десетици израелски демонстранти нападнаа камион во обид да спречат помошта да стигне до Газа во четвртокот, претепувајќи го неговиот возач и запалувајќи го. Видете и ова: УНРВА: Израелската операција на преминот Рафа ја загрозува испораката на помош за Газа Израелската армија соопшти дека војниците пристигнале подоцна на местото на настанот и се обиделе да ги одвојат напаѓачите од возачот и да пружат медицинска помош. Армијата соопшти дека демонстрантите потоа ги нападнале војниците, при што полесно биле повредени двајца офицери и еден војник. Израелските медиуми јавија дека камионот превезувал обична комерцијална стока, а не помош за Газа. Во седуммесечната војна во Појасот Газа, според здравствените власти во Газа под контрола на Хамас, кој САД и ЕУ ја сметаат за терористичка организација, загинале повеќе од 35 000 луѓе. Војната започна на 7 октомври кога Хамас го нападна јужниот дел на Израел, убивајќи околу 1200 луѓе и земајќи околу 250 заложници, според израелските податоци. прочитај повеќе мај 17, 2024 Во Молдавијa претседателски избори и референдум за членство во ЕУ во октомври Седница на молдавскиот парламент, 16 мај 2024 година Молдавските пратеници го одредија 20 октомври како датум за претседателски избори и референдум за пристапување на земјата во Европската Унија. Прозападната претседателка Маја Санду, чиј прв претседателски мандат завршува на 24 декември, ја објави својата намера да се кандидира за нов мандат, објави молдавскиот сервис на Радио Слободна Европа. Водачите на опозициските социјалисти и комунисти, пријателски настроени кон Москва, изјавија дека водат разговори за предлагање заеднички претседателски кандидат. Видете и ова: Санду: Русија сака да ја дестабилизира Молдавија Санду, која го победи прорускиот кандидат Игор Додон во ноември 2020 година, оттогаш ја сврте Молдавија цврсто кон Западот. Во декември 2023 година, Европската Унија одлучи да ги отвори пристапните преговори за Молдавија, која е една од најсиромашните земји во Европа. прочитај повеќе мај 17, 2024 Делови од Нова Каледонија надвор од државна контрола Последици од немирите во Нова Каледонија, 16 мај 2024 година Области на пацифичката територија на Нова Каледонија „се надвор“ од државната контрола, изјави денеска претставник на француската влада, најавувајќи нови безбедносни распоредувања по неколкудневното смртоносно насилство. „Ќе пристигне засилување... за да ги контролираме областите што не се под наша контрола во изминатите денови “, изјави на брифинг високиот комесар на Републиката во Нова Каледонија, Луј Ле Фран. Вонредна состојба беше воведена на францускиот архипелаг откако противењето на планот на Париз за промена на правилата за гласање таму прераснаа во подметнување пожар, грабежи и насилство, при што загинаа пет, а стотици беа повредени. Видете и ова: Стотина повредени во немирите во Нова Каледонија, Макрон свика кризен состанок Како дел од вонредната состојба, приведени се околу 200 од околу 5000 „бунтовници“, соопштија француските власти. Едно лице осомничено за убиство им се предаде на властите, рече Ле Фран на денешниот брифинг. Видете и ова: Франција го обвини Азербејџан за вмешаност во немирите на Нова Каледонија Немирите започнаа кога француските пратеници ги одобрија плановите да им се дозволи на оние кои се преселиле на територијата пред најмалку 10 години да гласаат на локалните избори. прочитај повеќе мај 17, 2024 Русија тврди дека неутрализирала повеќе од 100 украински дронови во ноќните напади илустрација Министерството за одбрана на Русија соопшти дека повеќе од 100 украински беспилотни летала се уништени или пресретнати ноќеска во напади на југозапад на руската територија и на полуостровот Крим. Министерството соопшти дека армијата неутрализирала 51 дрон над Крим, 44 над регионот Краснодар, шест над регионот Белгород и еден над регионот Курск. Во текот на ноќта, поморската противвоздушна одбрана и патролни бродови на Црноморската флота уништија шест поморски беспилотни летала во водите на Црното Море. Видете и ова: Осуммина повредени во украински напад на Белгород Руската армија редовно објавува дека одбила ноќни напади на украински беспилотни летала, но ретко се наведува толкава бројка, јавија западни медиуми. Гувернерот на Белгородската област, која граничи со Украина, претходно денеска објави дека мајка и четиригодишно дете загинале при напад со беспилотно летало врз селото Октјабарски. прочитај повеќе мај 17, 2024 Шпанија не дозволи брод со оружје за Израел да се закотви во Картагена илустрација Шпанија не дозволи брод што носи оружје за Израел да се закотви во југоисточното пристаниште Картагена, изјави синоќа министерот за надворешни работи Хозе Мануел Албарес. Тој потврди дека бродот „Мариана Даница“ (Marianne Danica) кој превезува оружје во Израел побарал дозвола да се закотви во Картагена на 21 мај. Албарес истакна дека забраната за шпанските пристаништа е во согласност со политиката на Мадрид да не го извезува своето оружје во Израел од почетокот на војната во Појасот Газа. Видете и ова: Продолжуваат нападите врз Газа, ОН и Западот го критикуваат планот на Израел за инвазија на Рафа „Одбивме да дадеме дозвола за закотвување и тоа ќе биде конзистентна политика со секој брод што превезува израелско оружје, а сака да се закотви во шпански пристаништа“, посочи Албарес. Шпанскиот весник „Ел Паис“ објави дека бродот превезува речиси 27 тони експлозивен материјал од Мадрас, Индија. прочитај повеќе мај 16, 2024 Новата влада ќе го репреговара договорот со „Бехтел и Енка“ Означување на почетокот на изградбата на автопатиштата од Коридорите 8 и 10д што ги градат „Бехтел и Енка“ За договорот со „Бехтел и Енка“ има две опции - да се раскине или да се репреговара. Едната е да се раскине договорот и да се оди на арбитража, да платиме стотици милиони евра и да немаме автопат, а втората е да се оптимизира договорот за што веќе имаме почетни разговори, со што би се забрзал и реализирал проектот, изјави Христијан Мицкоски, иден мандатар и претседател на ВМРО-ДПМНЕ, на 16 мај. „Ние сме повеќе за прагматичниот пристап, граѓаните да добијат автопат, но оптимиран, но ваков каков што е, потпишан од оваа влада, за жал, е во одерена мерка неприменлив поради големите правни проблеми, проблеми со експропријација и технички проблеми. Мојата порака е дека како идна влада сакаме да градиме, а не да рушиме“ рече Мицкоски. Видете и ова: Уставен суд не поведе постапка за прекувремените работни часови на автопатите со „Бехтел и Енка“ Тој најави и дека во првите сто дена новата влада ќе објави гринфилд инвестиција во енергетиката, вредна 400 - 500 милиони евра. Мицкоски кажа дека станува збор за приватен капитал, „за голем играч со исклучително големи европски финансиски институции во акционерската структура“. Обртот на компанијата би била околу 80 - 100 милиони евра по основа на продадена електрична енергија и истргувани зелени сертификати, а договорот со неа е завршен. Според Мицкоски, ќе се произведува околу еден терават час електрична енергија што е една третина од производството на РЕК Битола. На прашањето дали Унгарија е земјата со која Северна Македонија ќе повлече заем до една милијарда евра, Мицкоски одговори дека се работи за европска држава, која граѓаните многу наскоро ќе ја дознаат. „Заемот до една милијарда евра под исклучително поволни услови, кој би се повлекол со друга држава, на ниво влада со влада, за финансирање на лошите договори на актуелната влада, државите кои ги спомнуваа не се тие“, рече Мицкоски. Проектот за градба на делниците од коридорите 8 и 10Д вклучува седум клучки, 34 мостови, 34 надвозници, 24 подвозници, над 21 милион метри кубни ископ, над 10 милиони метри кубни земјени насипи, 620.000 метри кубни бетон, 2,2 милиони метри куби подлога, 1,1 милион тони асфалт над 6000 и 320 км заштитна ограда. прочитај повеќе мај 16, 2024 Јеменските Хути ќе ги таргетираат сите бродови што пловат кон Израел Нафтен танкер погоден од Јеменските Хути Сите бродови кои пловат кон израелските пристаништа ќе бидат цел на јеменските Хути поддржани од Иран, а не само во регионот на Црвеното Море, рече водачот на групата, Абдул Малик ал-Хути, во телевизиски говор на 16 мај. Групата се закани дека ќе ги прошири своите напади врз бродовите кои пловат кон израелските пристаништа на Средоземното Море, во кампања на солидарност со Палестинците за време на израелската војна со милитантната група Хамас, која САД и ЕУ ја прогласија за терористичка организација. Ел Хути ги повика Кина, Русија, азиските и европските земји да не превезуваат стока до израелските пристаништа. Видете и ова: Јеменските Хути оштетија танкер со нафта „поврзан со Русија“ Хутите претходно изјавија дека нивни главни цели се Израел и неговите сојузници САД и Велика Британија. „Секој мора да престане да транспортира до окупираните палестински пристаништа“, рече Ел Хути. Милитантната група што тој ја предводи влезе во војната меѓу Израел и Хамас во декември 2023 година, напаѓајќи бродови на виталните водни патишта и напади со беспилотни летала и проектили кон Израел. Нападите на Хат ги зголемија трошоците за испорака и осигурување со прекин на клучната трговска рута меѓу Азија и Европа, принудувајќи ги бродските компании да се пренасочат кон подолги и поскапи патувања низ јужна Африка. прочитај повеќе Вчитај повеќе...

Вести мај 16, 2024 Путин и Си ги фалат односите како „стабилизирачка“ сила на меѓународната сцена Лидерите на Кина и Русија, Си Џинпинг и Владимир Путин, 16 мај 2024 година Лидерите на Кина и Русија, Си Џинпинг и Владимир Путин, ги претставија односите на нивните земји како стабилизирачка сила во еден хаотичен свет на состанокот во Пекинг, каде што рускиот претседател бара поголема кинеска поддршка за неговите воени напори во Украина и изолираната економија. Си и Путин потпишаа и заедничка изјава за продлабочување на сеопфатното стратешко партнерство меѓу Кина и Русија, објавија кинеските државни медиуми. На прес-конференција Путин рече дека му е „благодарен“ на Пекинг што се обидел да најде решение за војната во Украина и дека ги поздравил растечките економски врски со Кина. „Ќе го информирам претседателот на Народна Република Кина за ситуацијата околу украинската криза. Ние сме им благодарни на нашите кинески пријатели и колеги за иницијативите што ги даваат за решавање на овој проблем“, рече Путин. Кинескиот лидер Си Џинпинг изјави дека тој и рускиот колега Владимир Путин се согласиле за потребата од „политичко решение“ за војната во Украина, по разговорите меѓу двајцата претседатели во Пекинг. „Двете страни се согласуваат дека политичкото решение за украинската криза е правилна насока“, изјави Си за медиумите заедно со Путин на заедничката прес-конференција што ја емитуваше Руската телевизија. Москва тврди дека е отворена за разговори со Украина за завршување на војната, но инсистира дека Киев мора да ја прифати ситуацијата на терен, односно да се согласи со тврдењата на Русија дека ги анектирала регионите Доњецк, Херсон, Луганск и Запорожје. Кина се позиционира како неутрална страна во конфликтот, кој никогаш не го осуди и во кој се обиде да се претстави како посредник. Западните земји велат дека нејасните мировни предлози објавени од Пекинг минатата година ќе и овозможат на Русија да задржи голем дел од територијата што ја зазеде во Украина. Видете и ова: Одбраната во фокус на посетата на Путин на Кина Во Пекинг меѓудругото, Путин ги критикуваше и безбедносните сојузи предводени од Западот во азиско-пацифичкиот регион, што е заедничка грижа и за Москва и за Пекинг. Тој рече дека „затворените воено-политички сојузи“ во регионот се „многу штетни“ и „контрапродуктивни“. Претходно, Си го поздрави Путин на свечената церемонија за добредојде со воени почести пред Големата куќа на народот во Пекинг, на почетокот на дводневната посета на рускиот претседател, која се очекува да ги продлабочи односите меѓу Москва и Пекинг, за кои претходно рекоа дека „ без граници“. Си му рекол на својот „стар пријател“ Путин дека односите меѓу Кина и Русија „водат кон мир“, се вели во соопштението на Министерството за надворешни работи на Пекинг. „Кина е подготвена да соработува со Русија за да ги зачува правичноста и правдата во светот“, додаде Си. Путин, пак, му рекол на Си дека односите на двете земји се „стабилизирачки фактори на меѓународната сцена“. „Односите меѓу Русија и Кина не се опортунистички и не се насочени против никого“, рече Путин, според соопштението на Кремљ. Ова е прво патување на Путин во странство откако тој беше реизбран во март и негово второ за нешто повеќе од шест месеци во Кина, која обезбеди економски спас за Русија откако беше санкционирана од Западот поради нејзината агресија во Украина. Се очекува Путин да разговара за Украина, Азија, енергијата и трговијата со Си - неговиот најмоќен политички поддржувач и колега во геополитичкото ривалство со САД. прочитај повеќе види ги сите денешни вести мај 17, 2024 Започна испораката на помош за Газа преку понтонскиот мост што го изградија САД илустрација Камиони со неопходна помош за Појасот Газа во петок (17 мај) почнаа да го преминуваат понтонскиот мост изграден од Соединетите Држави, откако израелските ограничувања на граничните премини и тешките борби ја попречија испораката на храна и други залихи за опколената палестинска енклава. Испораките се први во операцијата за која американските воени претставници предвидуваат дека може да се зголеми до 150 камиони дневно што влегуваат во Појасот Газа. Израел во моментов врши притисок врз градот Рафа во јужниот дел на Појасот Газа, каде се наоѓа клучниот граничен премин со Појасот Газа, преку кој се носеше помош, но кој е затворен откако Израел ја презеде контролата над него. На окупираниот Западен Брег, десетици израелски демонстранти нападнаа камион во обид да спречат помошта да стигне до Газа во четвртокот, претепувајќи го неговиот возач и запалувајќи го. Видете и ова: УНРВА: Израелската операција на преминот Рафа ја загрозува испораката на помош за Газа Израелската армија соопшти дека војниците пристигнале подоцна на местото на настанот и се обиделе да ги одвојат напаѓачите од возачот и да пружат медицинска помош. Армијата соопшти дека демонстрантите потоа ги нападнале војниците, при што полесно биле повредени двајца офицери и еден војник. Израелските медиуми јавија дека камионот превезувал обична комерцијална стока, а не помош за Газа. Во седуммесечната војна во Појасот Газа, според здравствените власти во Газа под контрола на Хамас, кој САД и ЕУ ја сметаат за терористичка организација, загинале повеќе од 35 000 луѓе. Војната започна на 7 октомври кога Хамас го нападна јужниот дел на Израел, убивајќи околу 1200 луѓе и земајќи околу 250 заложници, според израелските податоци. прочитај повеќе мај 17, 2024 Во Молдавијa претседателски избори и референдум за членство во ЕУ во октомври Седница на молдавскиот парламент, 16 мај 2024 година Молдавските пратеници го одредија 20 октомври како датум за претседателски избори и референдум за пристапување на земјата во Европската Унија. Прозападната претседателка Маја Санду, чиј прв претседателски мандат завршува на 24 декември, ја објави својата намера да се кандидира за нов мандат, објави молдавскиот сервис на Радио Слободна Европа. Водачите на опозициските социјалисти и комунисти, пријателски настроени кон Москва, изјавија дека водат разговори за предлагање заеднички претседателски кандидат. Видете и ова: Санду: Русија сака да ја дестабилизира Молдавија Санду, која го победи прорускиот кандидат Игор Додон во ноември 2020 година, оттогаш ја сврте Молдавија цврсто кон Западот. Во декември 2023 година, Европската Унија одлучи да ги отвори пристапните преговори за Молдавија, која е една од најсиромашните земји во Европа. прочитај повеќе мај 17, 2024 Делови од Нова Каледонија надвор од државна контрола Последици од немирите во Нова Каледонија, 16 мај 2024 година Области на пацифичката територија на Нова Каледонија „се надвор“ од државната контрола, изјави денеска претставник на француската влада, најавувајќи нови безбедносни распоредувања по неколкудневното смртоносно насилство. „Ќе пристигне засилување... за да ги контролираме областите што не се под наша контрола во изминатите денови “, изјави на брифинг високиот комесар на Републиката во Нова Каледонија, Луј Ле Фран. Вонредна состојба беше воведена на францускиот архипелаг откако противењето на планот на Париз за промена на правилата за гласање таму прераснаа во подметнување пожар, грабежи и насилство, при што загинаа пет, а стотици беа повредени. Видете и ова: Стотина повредени во немирите во Нова Каледонија, Макрон свика кризен состанок Како дел од вонредната состојба, приведени се околу 200 од околу 5000 „бунтовници“, соопштија француските власти. Едно лице осомничено за убиство им се предаде на властите, рече Ле Фран на денешниот брифинг. Видете и ова: Франција го обвини Азербејџан за вмешаност во немирите на Нова Каледонија Немирите започнаа кога француските пратеници ги одобрија плановите да им се дозволи на оние кои се преселиле на територијата пред најмалку 10 години да гласаат на локалните избори. прочитај повеќе мај 17, 2024 Русија тврди дека неутрализирала повеќе од 100 украински дронови во ноќните напади илустрација Министерството за одбрана на Русија соопшти дека повеќе од 100 украински беспилотни летала се уништени или пресретнати ноќеска во напади на југозапад на руската територија и на полуостровот Крим. Министерството соопшти дека армијата неутрализирала 51 дрон над Крим, 44 над регионот Краснодар, шест над регионот Белгород и еден над регионот Курск. Во текот на ноќта, поморската противвоздушна одбрана и патролни бродови на Црноморската флота уништија шест поморски беспилотни летала во водите на Црното Море. Видете и ова: Осуммина повредени во украински напад на Белгород Руската армија редовно објавува дека одбила ноќни напади на украински беспилотни летала, но ретко се наведува толкава бројка, јавија западни медиуми. Гувернерот на Белгородската област, која граничи со Украина, претходно денеска објави дека мајка и четиригодишно дете загинале при напад со беспилотно летало врз селото Октјабарски. прочитај повеќе мај 17, 2024 Шпанија не дозволи брод со оружје за Израел да се закотви во Картагена илустрација Шпанија не дозволи брод што носи оружје за Израел да се закотви во југоисточното пристаниште Картагена, изјави синоќа министерот за надворешни работи Хозе Мануел Албарес. Тој потврди дека бродот „Мариана Даница“ (Marianne Danica) кој превезува оружје во Израел побарал дозвола да се закотви во Картагена на 21 мај. Албарес истакна дека забраната за шпанските пристаништа е во согласност со политиката на Мадрид да не го извезува своето оружје во Израел од почетокот на војната во Појасот Газа. Видете и ова: Продолжуваат нападите врз Газа, ОН и Западот го критикуваат планот на Израел за инвазија на Рафа „Одбивме да дадеме дозвола за закотвување и тоа ќе биде конзистентна политика со секој брод што превезува израелско оружје, а сака да се закотви во шпански пристаништа“, посочи Албарес. Шпанскиот весник „Ел Паис“ објави дека бродот превезува речиси 27 тони експлозивен материјал од Мадрас, Индија. прочитај повеќе мај 16, 2024 Новата влада ќе го репреговара договорот со „Бехтел и Енка“ Означување на почетокот на изградбата на автопатиштата од Коридорите 8 и 10д што ги градат „Бехтел и Енка“ За договорот со „Бехтел и Енка“ има две опции - да се раскине или да се репреговара. Едната е да се раскине договорот и да се оди на арбитража, да платиме стотици милиони евра и да немаме автопат, а втората е да се оптимизира договорот за што веќе имаме почетни разговори, со што би се забрзал и реализирал проектот, изјави Христијан Мицкоски, иден мандатар и претседател на ВМРО-ДПМНЕ, на 16 мај. „Ние сме повеќе за прагматичниот пристап, граѓаните да добијат автопат, но оптимиран, но ваков каков што е, потпишан од оваа влада, за жал, е во одерена мерка неприменлив поради големите правни проблеми, проблеми со експропријација и технички проблеми. Мојата порака е дека како идна влада сакаме да градиме, а не да рушиме“ рече Мицкоски. Видете и ова: Уставен суд не поведе постапка за прекувремените работни часови на автопатите со „Бехтел и Енка“ Тој најави и дека во првите сто дена новата влада ќе објави гринфилд инвестиција во енергетиката, вредна 400 - 500 милиони евра. Мицкоски кажа дека станува збор за приватен капитал, „за голем играч со исклучително големи европски финансиски институции во акционерската структура“. Обртот на компанијата би била околу 80 - 100 милиони евра по основа на продадена електрична енергија и истргувани зелени сертификати, а договорот со неа е завршен. Според Мицкоски, ќе се произведува околу еден терават час електрична енергија што е една третина од производството на РЕК Битола. На прашањето дали Унгарија е земјата со која Северна Македонија ќе повлече заем до една милијарда евра, Мицкоски одговори дека се работи за европска држава, која граѓаните многу наскоро ќе ја дознаат. „Заемот до една милијарда евра под исклучително поволни услови, кој би се повлекол со друга држава, на ниво влада со влада, за финансирање на лошите договори на актуелната влада, државите кои ги спомнуваа не се тие“, рече Мицкоски. Проектот за градба на делниците од коридорите 8 и 10Д вклучува седум клучки, 34 мостови, 34 надвозници, 24 подвозници, над 21 милион метри кубни ископ, над 10 милиони метри кубни земјени насипи, 620.000 метри кубни бетон, 2,2 милиони метри куби подлога, 1,1 милион тони асфалт над 6000 и 320 км заштитна ограда. прочитај повеќе мај 16, 2024 Јеменските Хути ќе ги таргетираат сите бродови што пловат кон Израел Нафтен танкер погоден од Јеменските Хути Сите бродови кои пловат кон израелските пристаништа ќе бидат цел на јеменските Хути поддржани од Иран, а не само во регионот на Црвеното Море, рече водачот на групата, Абдул Малик ал-Хути, во телевизиски говор на 16 мај. Групата се закани дека ќе ги прошири своите напади врз бродовите кои пловат кон израелските пристаништа на Средоземното Море, во кампања на солидарност со Палестинците за време на израелската војна со милитантната група Хамас, која САД и ЕУ ја прогласија за терористичка организација. Ел Хути ги повика Кина, Русија, азиските и европските земји да не превезуваат стока до израелските пристаништа. Видете и ова: Јеменските Хути оштетија танкер со нафта „поврзан со Русија“ Хутите претходно изјавија дека нивни главни цели се Израел и неговите сојузници САД и Велика Британија. „Секој мора да престане да транспортира до окупираните палестински пристаништа“, рече Ел Хути. Милитантната група што тој ја предводи влезе во војната меѓу Израел и Хамас во декември 2023 година, напаѓајќи бродови на виталните водни патишта и напади со беспилотни летала и проектили кон Израел. Нападите на Хат ги зголемија трошоците за испорака и осигурување со прекин на клучната трговска рута меѓу Азија и Европа, принудувајќи ги бродските компании да се пренасочат кон подолги и поскапи патувања низ јужна Африка. прочитај повеќе мај 16, 2024 Талат Џафери: Има обиди за изборен инжинеринг Талат Џафери, технички премиер на Република Северна Македонија Имам добиено извештаи од учесниците во изборниот процес за вознемирување во однос на обиди за изборен инжинеринг со вон-институционален меѓупартиски договор за гласање и надгласување во Државната изборна комисија (ДИК), во врска со симптоматичните приговори поднесени од страна на учесниците во изборите, рече техничкиот премиер Талат Џафери на прес-конференција на 16 мај во Владата. „Според извештаите, овие претензии за изборен инжинеринг имаат за цел менување на соодносот на бројките во Собранието, преку политички договор на маса. Кредибилноста на изборите и на демократскиот процес, прифатен и поздравен од сите партии и од меѓународната заедница, сега е во рацете на Управниот суд. Ги поканувам сите институции да постапат согласно законот, без партиски и политички директиви од која било страна и да го штитат кредибилитет на изборниот процес до крај“, рече Џафери на прес конференцијата. Видете и ова: Четворица кандидати за пратеници во битка за две пратенички фотелји На две пратенички столчиња се надеваат четворица кандидати за пратеници од три изборни коалиции, по одлуката на ДИК да се прегласува во седум избирачки места од две изборни единици по спроведените парламентарни избори на 8 мај. На 17 мај, кога истекува рокот за одлучување по доставени жалби до Управниот суд, ќе се знае дали има основ за да се прегласува во седум избирачки места, од кои шест во изборна единица 5 и едно избирачко место во изборна единица 6. Според изборните правила, доколку се прегласува на оние места каде што се запишани околу илјада гласачи, тоа би можело да влијае врз избориот количник. Право на глас по втор пат на паралментарните избори ќе имаат над четири илјади граѓани, и нивниот избор може да го промени за две пратенички места распоредот на силите во Собранието. Коалицијата „Европски фронт“, предводена од ДУИ, поднесе жалба до Управниот суд за одлуките на Државната изборна комисија која прифати приговори за неправилности на седум избирачки места, на кои може да има повторно гласање. Доколку Управниот суд ги одбие жалбите на Европскиот фронт, Државната изборна комисија ќе треба да одлучи дали ќе има повторно гласање на овие седум избирачки места. Според првичните изборни резултати, ВМРО-ДПМНЕ осво 58 пратенички места, ДУИ доби 19, додека СДСМ има 18. Од коалицијата Влен во собранискиот состав влегуваат со 13, а партиите Левица и ЗНАМ со по 6 пратеници. прочитај повеќе мај 16, 2024 Мицкоски: Мое човеково право е како ќе ја нарекувам мојата држава Северна Македонија - Христијан Мицкоски, претседател на ВМРО-ДПМНЕ и Гордана Сиљановска - Давкова, претседателка на Република Северна Македонија Достоинствена беше заклетвата на претседателката Гордана Сиљановска Давкова, очекував честитка од јужниот сосед за убедливиот триумф, но за жал, добивме политички мускули, изјавипретседателот на ВМРО-ДПМНЕ и иден мандатар Христијан Мицкоски на 16 мај. Според Мицкоски, ако Грција смета дека земјава го прекршила Преспанскиот договор, постои Меѓународен суд за правда. Тој потсети и дека нашата држава во целост го има имплементирано Преспанскиот договор, „а кај јужниот сосед не се завршени ни основните три работи“. Видете и ова: Сиљановска и ВМРО-ДПМНЕ не бегаат од Преспанскиот договор, но не се откажуваат од само „Македонија“ „Ако некој очекува од ВМРО-ДПМНЕ да ги повтори грешките од минатото, бидете сигурни дека тоа нема да го направиме. Немаме намера на нивните политички мускули да одговориме со преименување на автопатите и аеродромите или да градиме споменици. Не очекувам односите меѓу двете држави да се темелат на политички мускули, очекувам да имаме одлични меѓусоседски односи. Ценам дека ВМРО-ДПМНЕ и тамошната влада предводена од Нова Демократија имаат свој став поврзан со Преспанскиот договор, бидејќи ниту на едните, ниту на другите ни се допаѓа тој договор“, рече Мицкоски. За разлика од таму, нагласи, Преспанскиот договор тука е дел од македонските институции, од македонскиот Устав и законите. „Многу пати во минатото сме кажале дека тоа е реалност. Комуникацијата во македонските инститиуции останува согласно Уставот и законите, но мое основно човеково право е како ќе ја нарекувам мојата држава. И додека давам изјави или се обраќам, и јас, а очекувам тоа да биде начин на однесување и на Сиљановска, да се користат термините Македонија и придавката „македонски“, бидејќи на тој начин, според нашето толкување на Преспанскиот договор, нема негово прекршување. Ако тие мислат дека сме го прекршиле Преспанскиот договор, постои Меѓународен суд за правда, може да почнат процес па таму ќе ги вкрстиме и едните и другите аргументи. Не би сакал до тоа да дојде. Повикувам на добрососедски и пријателски односи, рече Мицкоски. Тој повика на добрососедски и пријателски односи со Грција и апелира да нема веќе закани, опструкции и враќање назад во минатото, туку двете страни да гледаат кон иднината. Рече и дека наскоро очекува средба со грчкиот премиер со кој би разговарал за економијата, туризмот, образованието... Кога ја даваше свечената заклетва во Собранието, Сиљановска-Давкова употребуваше само Македонија за името на државата, без додавката „северна“. Тоа предизвика реакции од меѓународната заедница и од властите во Грција и во Бугарија. Пораката е дека од почитувањето на Договорот од Преспа постигнат со Грција во 2018, како и Договорот за добрососедство со Бугарија од 2017, зависи и понатамошниот пат на Северна Македонија кон полноправно членство во ЕУ. прочитај повеќе мај 16, 2024 Мицкоски: Успешно консолидиравме 61 пратеник Северна Македонија - Христијан Мицкоски, претседател на ВМРО-ДПМНЕ, Скопје, 8 мај 2024 година Покрај 58 пратеници на коалицијата, имаме консолидирано точно 61 пратеник, изјави лидерот на ВМРО-ДПМНЕ и иден мандатар, Христијан Мицкоски на 16 мај. „Како ВМРО-ДПМНЕ и коалиција „Твоја Македонија“ ги завршуваме разговорите со неколку од пратениците кои не се дел од коалицијата „Твоја Македонија“ и можам да кажам дека во моментов успешно консолидиравме 61 пратеник, не можам да кажам детали“, изјави Мицкоски. Одговарајќи на новинарски прашања пред затворењето на Самитот Македонија 2025, Мицкоски информира дека разговорите со коалицијата„Вреди“ се водат во вистинска насока. „Нашата втора цел е заедно со коалициските партнери да успееме да консолидираме две третини во Собранието. Потребни се затоа што имаме намера да направиме сериозно реструктуирање и реекипирање на владиниот кабинет“, изјави Мицкоски. Видете и ова: ВМРО-ДПМНЕ и „Вреди“ договараат нова Влада, други чекаат покана Претходно се одржа и средба меѓу работните групи на ВМРО-ДПМНЕ и „Вреди“ за преговори за формирање коалиција за нова влада. Пред почетокот на состанокот куса изјава за медиумите даде Азир Алиу од Алијансата за Албанците на Арбен Таравари, кој кажа дека ќе се разговара за методологијата и динамиката на работа на овие групи. Одговарајќи на новинарски прашања Алиу речи дека најверојатно од наредниот состанок на работните групи ќе почнат поконкретните разговори вклучувајќи ги и кадровските решенија. Алиу на состанокот на работните групи во седиштето на ВМРО-ДПМНЕ дојде заедно со другите членови на работната група од оваа коалиција. Според информациите на ВМРО-ДПМНЕ, членови на работната група од нивна страна се потпретседателите на партијата Владо Мисајловски, Александар Николовски, Тимчо Муцунски и Гордана Димитровска Кочовска. Лидерот на ВМРО-ДПМНЕ Христијан Мицкоски заедно со потпретседателите и првите луѓе од партиите од коалицијата Вреди Изет Меџити, Африм Гаши и Арбен Таравари имаа средба во саботата во седиштето на коалицијата “Вреди“ кога и официјално почнаа разговорите за формирање влада. Според роковите во Уставот, Владата би требало да биде предложена најдоцна до крајот на јуни. Таа треба да биде изгласана со мнозинство од 61 пратеник од вкупно 120 во Собранието. Коалицијата на ВМРО-ДПМНЕ освои 436.036 гласови на парламентарните избори на 8 мај, речиси тројно повеќе од коалицијата на СДСМ, кој ја предводеше Владата на Северна Македонија по последните седум години. прочитај повеќе Вчитај повеќе...

Вести мај 16, 2024 Франција го обвини Азербејџан за вмешаност во немирите на Нова Каледонија Протести против промени во изборниот закон, Нова Каледонија, 15 мај 2024 Францускиот министер за внатрешни работи Жералд Дарманин денеска го обвини Азербејџан за мешање во политиката на пацифичката територија Нова Каледонија. „Ова не е фантазија … Жалам што некои од сепаратистите се договорија со Азербејџан … дури и ако има обиди за мешање … Франција е суверена на својот сопствена територија“, истакна Дарман. Немирите на Нова Каледонија почнаа на 13 мај поради уставната реформа, која предвидува промени на изборниот закон на француската територија. Националното собрание во Париз ја усвои реформата со 351 глас „за“ и 153 „против“, со која на илјадници француски граѓани на јужниот пацифички архипелаг ќе им се даде право на глас, а со тоа и поголемо политичко влијание. Видете и ова: Стотина повредени во немирите во Нова Каледонија, Макрон свика кризен состанок Во немирите во Нова Каледонија едно лице е застрелано, а повредени се стотици луѓе, вклучувајќи околу 100 полицајци и жандарми. Десетици домови и деловни објекти биле запалени за време на немирите, а повеќе од 130 лица се приведени. Премиерот на Франција, Габриел Атал вчера изјави дека на Нова Каледонија ќе бидат распоредени дополнителни полициски сили. прочитај повеќе види ги сите денешни вести мај 17, 2024 Северна Кореја истрела балистички ракети откако негираше испорака на оружје за Русија илустрација Северна Кореја истрела неколку сомнителни балистички ракети со краток дострел, неколку часа откако сестрата на севернокорејскиот лидер ги негираше тврдењата дека Пјонгјанг и испорачува оружје на Русија, соопшти Јужна Кореја. Лансирањата се најнови во серијата сè пософистицирани тестови од страна на Северна Кореја, која истрела крстосувачки ракети, тактички ракети и хиперсонично оружје во последниве месеци, што е како што наведува оваа нуклеарно вооружената земја, надградба на нејзините одбранбени способности. Сеул и Вашингтон ја обвинија Северна Кореја за испраќање оружје на Русија, што би прекршило низа санкции на Обединетите Нации за двете земји, а експертите велат дека неодамна тестираното оружје може да биде наменето за употреба на боиштата во Украина. Војската на Јужна Кореја во петок (17 мај) соопшти дека открила лансирање на, како што ги опиша, „неколку летечки објекти за кои се верува дека се балистички ракети со краток дострел“ од областа Вонсан во близина на источниот брег на Северна Кореја. Ракетите патувале околу 300 километри, соопшти генералштабот, додавајќи дека војската „ја зголемила будноста и надзорот како подготовка за дополнителни лансирања“ и споделувала информации со сојузниците САД и Јапонија. Лансирањето дојде само неколку часа откако сестрата на Ким, Ким Јо Јонг, ги обвини Сеул и Вашингтон за „залажување на јавното мислење“ со постојано обвинување дека Пјонгјанг испраќа оружје во Москва за употреба во Украина. Видете и ова: Северна Кореја и испорачала на Русија 7000 контејнери со муниција Тестовите беа одржани додека рускиот претседател Владимир Путин е во дводневна посета на Кина, чија цел е да ја зајакне трговијата со Пекинг (најважниот сојузник на Северна Кореја) и да добие поголема поддршка за неговите воени напори во Украина. Тестовите се случија и еден ден откако напредните јужнокорејски и американски стелт-ловци, вклучително и Ф-22 Рапторс, одржаа заеднички воздушни борбени вежби. Ваквите вежби обично го разбеснуваат Пјонгјанг, кој на нив гледа како на проба за инвазија. Северна Кореја претходно истрела балистички ракети со краток дострел од нејзиниот источен брег на 22 април. Видете и ова: Сеул соопшти дека Пјонгјанг лансирал балистичка ракета кон Јапонско Море Серијата санкции на Обединетите Нации и забрануваат на Северна Кореја да тестира балистичка технологија, но нејзиниот клучен сојузник Русија го искористи ветото на Советот за безбедност на ОН во март за ефективно да го прекине мониторингот на ОН, за што Пјонгјанг конкретно и се заблагодари на Москва. Северна Кореја долго време се обидува да совлада понапредни хиперсонични технологии и технологии на цврсто гориво за да им овозможи на своите ракети да ги неутрализираат јужнокорејско-американските ракетни одбранбени системи и да ги загрозат регионалните воени бази на САД. Хиперсоничните проектили се побрзи и можат да маневрираат при лет, што го отежнува следењето и пресретнувањето, додека ракетите со цврсто гориво не треба да се напојуваат пред лансирањето, што ги отежнува пронаоѓањето и уништувањето и побрзи за употреба. прочитај повеќе мај 17, 2024 По протестите против законот за „странски агенти“, во Тбилиси марш за семејството Марш по повод Денот на семејната чистота, Тбилиси, 17 мај 2024 година Високи свештеници на Грузиската православна црква и конзервативни верски групи денеска (17 мај) го одбележаа новововедениот празник „Ден на семејната чистота“ со марш по централната авенија во Тбилиси, која беше место на неколкунеделни протести поради усвоениот закон за „странски агенти“. Денот на чистотата на семејството е основан од Грузиската православна црква во 2014 година како одговор на Меѓународниот ден против хомофобијата, бифобијата и трансфобијата (IDAHOBIT), кој се одбележува секоја година на 17 мај за да се подигне свеста за кршењето на правата на ЛГБТ ширум светот. Со цел да се избегне конфронтација, не беа закажани собири против законот за „странски агенти“ за време на маршот за Денот на семејната чистота, објави грузискиот сервис на Радио Слободна Европа. Маршот на Денот на семејната чистота, кој оваа година е неработен ден, е поддржан од владејачката партија Грузиски сон, која во март го протурка нацрт-законот за ограничување на правата на ЛГБТ луѓето, само неколку недели пред да го врати законот за „странски агенти“. на парламентарна процедура која наликува на драконски руски закон. Законот за ограничување на правата на ЛГБТ забранува трансродови операции, посвојување деца од истополови двојки, назначување на пол различен од машкиот и женскиот пол во официјалните документи и организирање јавни настани кои се залагаат за истополови врски. Двата закони се сметаат за обиди на Грузискиот сон, основан од милијардерот Бидзина Иванишвили, пријател на Русија, да ја консолидира својата моќ пред изборите закажани за октомври. Embed share Грузијци отпуштени од работа поради протестирање Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:03:00 0:00 На 17 мај, претседателот на парламентот Шалва Папуашвили објави честитка на социјалните мрежи, додка официјални лица најавија учество на маршот. Вниманието посветено на настанот се чини дека е обид да се минимизира влијанието на повеќенеделните масовни протести поради контроверзниот закон за „странски агенти“ усвоен од парламентот претходно оваа недела. Прозападната претседателка Саломе Зурабишвили, која е во судир со Грузиски сон, рече дека законот е „неприфатлив“ и „не е во согласност“ со евроатлантската интеграција на земјата. Законот беше критикуван од САД, Европската Унија и организациите за човекови права поради сличностите со рускиот закон што претседателот Владимир Путин го користеше за да ја задуши опозицијата, невладините организации и медиумите. прочитај повеќе мај 17, 2024 Започна испораката на помош за Газа преку понтонскиот мост што го изградија САД илустрација Камиони со неопходна помош за Појасот Газа во петок (17 мај) почнаа да го преминуваат понтонскиот мост изграден од Соединетите Држави, откако израелските ограничувања на граничните премини и тешките борби ја попречија испораката на храна и други залихи за опколената палестинска енклава. Испораките се први во операцијата за која американските воени претставници предвидуваат дека може да се зголеми до 150 камиони дневно што влегуваат во Појасот Газа. Израел во моментов врши притисок врз градот Рафа во јужниот дел на Појасот Газа, каде се наоѓа клучниот граничен премин со Појасот Газа, преку кој се носеше помош, но кој е затворен откако Израел ја презеде контролата над него. На окупираниот Западен Брег, десетици израелски демонстранти нападнаа камион во обид да спречат помошта да стигне до Газа во четвртокот, претепувајќи го неговиот возач и запалувајќи го. Видете и ова: УНРВА: Израелската операција на преминот Рафа ја загрозува испораката на помош за Газа Израелската армија соопшти дека војниците пристигнале подоцна на местото на настанот и се обиделе да ги одвојат напаѓачите од возачот и да пружат медицинска помош. Армијата соопшти дека демонстрантите потоа ги нападнале војниците, при што полесно биле повредени двајца офицери и еден војник. Израелските медиуми јавија дека камионот превезувал обична комерцијална стока, а не помош за Газа. Во седуммесечната војна во Појасот Газа, според здравствените власти во Газа под контрола на Хамас, кој САД и ЕУ ја сметаат за терористичка организација, загинале повеќе од 35 000 луѓе. Војната започна на 7 октомври кога Хамас го нападна јужниот дел на Израел, убивајќи околу 1200 луѓе и земајќи околу 250 заложници, според израелските податоци. прочитај повеќе мај 17, 2024 Во Молдавијa претседателски избори и референдум за членство во ЕУ во октомври Седница на молдавскиот парламент, 16 мај 2024 година Молдавските пратеници го одредија 20 октомври како датум за претседателски избори и референдум за пристапување на земјата во Европската Унија. Прозападната претседателка Маја Санду, чиј прв претседателски мандат завршува на 24 декември, ја објави својата намера да се кандидира за нов мандат, објави молдавскиот сервис на Радио Слободна Европа. Водачите на опозициските социјалисти и комунисти, пријателски настроени кон Москва, изјавија дека водат разговори за предлагање заеднички претседателски кандидат. Видете и ова: Санду: Русија сака да ја дестабилизира Молдавија Санду, која го победи прорускиот кандидат Игор Додон во ноември 2020 година, оттогаш ја сврте Молдавија цврсто кон Западот. Во декември 2023 година, Европската Унија одлучи да ги отвори пристапните преговори за Молдавија, која е една од најсиромашните земји во Европа. прочитај повеќе мај 17, 2024 Делови од Нова Каледонија надвор од државна контрола Последици од немирите во Нова Каледонија, 16 мај 2024 година Области на пацифичката територија на Нова Каледонија „се надвор“ од државната контрола, изјави денеска претставник на француската влада, најавувајќи нови безбедносни распоредувања по неколкудневното смртоносно насилство. „Ќе пристигне засилување... за да ги контролираме областите што не се под наша контрола во изминатите денови “, изјави на брифинг високиот комесар на Републиката во Нова Каледонија, Луј Ле Фран. Вонредна состојба беше воведена на францускиот архипелаг откако противењето на планот на Париз за промена на правилата за гласање таму прераснаа во подметнување пожар, грабежи и насилство, при што загинаа пет, а стотици беа повредени. Видете и ова: Стотина повредени во немирите во Нова Каледонија, Макрон свика кризен состанок Како дел од вонредната состојба, приведени се околу 200 од околу 5000 „бунтовници“, соопштија француските власти. Едно лице осомничено за убиство им се предаде на властите, рече Ле Фран на денешниот брифинг. Видете и ова: Франција го обвини Азербејџан за вмешаност во немирите на Нова Каледонија Немирите започнаа кога француските пратеници ги одобрија плановите да им се дозволи на оние кои се преселиле на територијата пред најмалку 10 години да гласаат на локалните избори. прочитај повеќе мај 17, 2024 Русија тврди дека неутрализирала повеќе од 100 украински дронови во ноќните напади илустрација Министерството за одбрана на Русија соопшти дека повеќе од 100 украински беспилотни летала се уништени или пресретнати ноќеска во напади на југозапад на руската територија и на полуостровот Крим. Министерството соопшти дека армијата неутрализирала 51 дрон над Крим, 44 над регионот Краснодар, шест над регионот Белгород и еден над регионот Курск. Во текот на ноќта, поморската противвоздушна одбрана и патролни бродови на Црноморската флота уништија шест поморски беспилотни летала во водите на Црното Море. Видете и ова: Осуммина повредени во украински напад на Белгород Руската армија редовно објавува дека одбила ноќни напади на украински беспилотни летала, но ретко се наведува толкава бројка, јавија западни медиуми. Гувернерот на Белгородската област, која граничи со Украина, претходно денеска објави дека мајка и четиригодишно дете загинале при напад со беспилотно летало врз селото Октјабарски. прочитај повеќе мај 17, 2024 Шпанија не дозволи брод со оружје за Израел да се закотви во Картагена илустрација Шпанија не дозволи брод што носи оружје за Израел да се закотви во југоисточното пристаниште Картагена, изјави синоќа министерот за надворешни работи Хозе Мануел Албарес. Тој потврди дека бродот „Мариана Даница“ (Marianne Danica) кој превезува оружје во Израел побарал дозвола да се закотви во Картагена на 21 мај. Албарес истакна дека забраната за шпанските пристаништа е во согласност со политиката на Мадрид да не го извезува своето оружје во Израел од почетокот на војната во Појасот Газа. Видете и ова: Продолжуваат нападите врз Газа, ОН и Западот го критикуваат планот на Израел за инвазија на Рафа „Одбивме да дадеме дозвола за закотвување и тоа ќе биде конзистентна политика со секој брод што превезува израелско оружје, а сака да се закотви во шпански пристаништа“, посочи Албарес. Шпанскиот весник „Ел Паис“ објави дека бродот превезува речиси 27 тони експлозивен материјал од Мадрас, Индија. прочитај повеќе мај 16, 2024 Новата влада ќе го репреговара договорот со „Бехтел и Енка“ Означување на почетокот на изградбата на автопатиштата од Коридорите 8 и 10д што ги градат „Бехтел и Енка“ За договорот со „Бехтел и Енка“ има две опции - да се раскине или да се репреговара. Едната е да се раскине договорот и да се оди на арбитража, да платиме стотици милиони евра и да немаме автопат, а втората е да се оптимизира договорот за што веќе имаме почетни разговори, со што би се забрзал и реализирал проектот, изјави Христијан Мицкоски, иден мандатар и претседател на ВМРО-ДПМНЕ, на 16 мај. „Ние сме повеќе за прагматичниот пристап, граѓаните да добијат автопат, но оптимиран, но ваков каков што е, потпишан од оваа влада, за жал, е во одерена мерка неприменлив поради големите правни проблеми, проблеми со експропријација и технички проблеми. Мојата порака е дека како идна влада сакаме да градиме, а не да рушиме“ рече Мицкоски. Видете и ова: Уставен суд не поведе постапка за прекувремените работни часови на автопатите со „Бехтел и Енка“ Тој најави и дека во првите сто дена новата влада ќе објави гринфилд инвестиција во енергетиката, вредна 400 - 500 милиони евра. Мицкоски кажа дека станува збор за приватен капитал, „за голем играч со исклучително големи европски финансиски институции во акционерската структура“. Обртот на компанијата би била околу 80 - 100 милиони евра по основа на продадена електрична енергија и истргувани зелени сертификати, а договорот со неа е завршен. Според Мицкоски, ќе се произведува околу еден терават час електрична енергија што е една третина од производството на РЕК Битола. На прашањето дали Унгарија е земјата со која Северна Македонија ќе повлече заем до една милијарда евра, Мицкоски одговори дека се работи за европска држава, која граѓаните многу наскоро ќе ја дознаат. „Заемот до една милијарда евра под исклучително поволни услови, кој би се повлекол со друга држава, на ниво влада со влада, за финансирање на лошите договори на актуелната влада, државите кои ги спомнуваа не се тие“, рече Мицкоски. Проектот за градба на делниците од коридорите 8 и 10Д вклучува седум клучки, 34 мостови, 34 надвозници, 24 подвозници, над 21 милион метри кубни ископ, над 10 милиони метри кубни земјени насипи, 620.000 метри кубни бетон, 2,2 милиони метри куби подлога, 1,1 милион тони асфалт над 6000 и 320 км заштитна ограда. прочитај повеќе мај 16, 2024 Јеменските Хути ќе ги таргетираат сите бродови што пловат кон Израел Нафтен танкер погоден од Јеменските Хути Сите бродови кои пловат кон израелските пристаништа ќе бидат цел на јеменските Хути поддржани од Иран, а не само во регионот на Црвеното Море, рече водачот на групата, Абдул Малик ал-Хути, во телевизиски говор на 16 мај. Групата се закани дека ќе ги прошири своите напади врз бродовите кои пловат кон израелските пристаништа на Средоземното Море, во кампања на солидарност со Палестинците за време на израелската војна со милитантната група Хамас, која САД и ЕУ ја прогласија за терористичка организација. Ел Хути ги повика Кина, Русија, азиските и европските земји да не превезуваат стока до израелските пристаништа. Видете и ова: Јеменските Хути оштетија танкер со нафта „поврзан со Русија“ Хутите претходно изјавија дека нивни главни цели се Израел и неговите сојузници САД и Велика Британија. „Секој мора да престане да транспортира до окупираните палестински пристаништа“, рече Ел Хути. Милитантната група што тој ја предводи влезе во војната меѓу Израел и Хамас во декември 2023 година, напаѓајќи бродови на виталните водни патишта и напади со беспилотни летала и проектили кон Израел. Нападите на Хат ги зголемија трошоците за испорака и осигурување со прекин на клучната трговска рута меѓу Азија и Европа, принудувајќи ги бродските компании да се пренасочат кон подолги и поскапи патувања низ јужна Африка. прочитај повеќе мај 16, 2024 Талат Џафери: Има обиди за изборен инжинеринг Талат Џафери, технички премиер на Република Северна Македонија Имам добиено извештаи од учесниците во изборниот процес за вознемирување во однос на обиди за изборен инжинеринг со вон-институционален меѓупартиски договор за гласање и надгласување во Државната изборна комисија (ДИК), во врска со симптоматичните приговори поднесени од страна на учесниците во изборите, рече техничкиот премиер Талат Џафери на прес-конференција на 16 мај во Владата. „Според извештаите, овие претензии за изборен инжинеринг имаат за цел менување на соодносот на бројките во Собранието, преку политички договор на маса. Кредибилноста на изборите и на демократскиот процес, прифатен и поздравен од сите партии и од меѓународната заедница, сега е во рацете на Управниот суд. Ги поканувам сите институции да постапат согласно законот, без партиски и политички директиви од која било страна и да го штитат кредибилитет на изборниот процес до крај“, рече Џафери на прес конференцијата. Видете и ова: Четворица кандидати за пратеници во битка за две пратенички фотелји На две пратенички столчиња се надеваат четворица кандидати за пратеници од три изборни коалиции, по одлуката на ДИК да се прегласува во седум избирачки места од две изборни единици по спроведените парламентарни избори на 8 мај. На 17 мај, кога истекува рокот за одлучување по доставени жалби до Управниот суд, ќе се знае дали има основ за да се прегласува во седум избирачки места, од кои шест во изборна единица 5 и едно избирачко место во изборна единица 6. Според изборните правила, доколку се прегласува на оние места каде што се запишани околу илјада гласачи, тоа би можело да влијае врз избориот количник. Право на глас по втор пат на паралментарните избори ќе имаат над четири илјади граѓани, и нивниот избор може да го промени за две пратенички места распоредот на силите во Собранието. Коалицијата „Европски фронт“, предводена од ДУИ, поднесе жалба до Управниот суд за одлуките на Државната изборна комисија која прифати приговори за неправилности на седум избирачки места, на кои може да има повторно гласање. Доколку Управниот суд ги одбие жалбите на Европскиот фронт, Државната изборна комисија ќе треба да одлучи дали ќе има повторно гласање на овие седум избирачки места. Според првичните изборни резултати, ВМРО-ДПМНЕ осво 58 пратенички места, ДУИ доби 19, додека СДСМ има 18. Од коалицијата Влен во собранискиот состав влегуваат со 13, а партиите Левица и ЗНАМ со по 6 пратеници. прочитај повеќе Вчитај повеќе...

Како е да се биде уапсен од иранската полиција за морал? Достапни линкови Оди на содржината Оди на главната навигација Премини на пребарување Следно Затворете Претходно Следно Оваа фотографија може да биде вознемирувачка за некого Кликни за да ја отвориш Print Options: Images Multimedia Embedded Content Comments Откажи се Печати линкот е копиран рубрики Македонија Свет Визуелно Вести Нова генерација Насловна #ВашТаг #ШтоСеГледа Моја порака Иноватори Што треба да знаете Пријави се за њузлетер Подкаст Зошто? Следете не РСЕ веб страници Барај Барај Претходно Следно Breaking News Свет Како е да се биде уапсен од иранската полиција за морал? мај 16, 2024 Роја Малеки ФотоJuan Carlos Herrera (RFE/RL) Сподели Како е да се биде уапсен од иранската полиција за морал? share Печати Голем број жени беа приведени во Иран во последниве недели затоа што не ја носеа задолжителната исламска марама на главата, додека властите го интензивираат спроведувањето на контроверзниот закон за хиџаб во земјата и се борат против наводните прекршувачи. Тоа е прашање што беше во срцето на невидените протести што го потресоа Иран во 2022 година. Хома (не е нејзиното вистинско име), 42-годишна мајка на две деца, зборуваше за Радио Фарда на РСЕ за тоа како е да се биде зафатен во репресијата. Ова е нејзината приказна. „Ме турнаа внатре“ „Се враќав од домот на мајка ми и пазарев. Во едната рака ги држев торбите за пазарење, а во другата клучевите за да си ја отворам вратата. Мојата шамија се лизна надолу. [Еден човек] на мотор помина и рече: „Госпоѓо, вратете ја шамијата на главата“. Реков, „не“, праша повторно, но јас го игнорирав. Потоа го извади телефонот и ме фотографираше. Веднаш застана полициско комбе за морал. Мотоциклистот, возачот на комбето и две жени дојдоа кон мене. Ги замолив барем да ми дозволат да ги оставам торбите внатре, но ми рекоа да земам се со мене. Им реков дека не е како да сте фатиле крадец. Ако не влезев во комбето, најверојатно ќе ме вовлекоа насила. Мислам дека во комбето имаше осум луѓе, меѓу кои и јас. Немаше простор, па седнав на потпирач за раце. Покрај мене и уште една жена која исто така имаше над 40 години, сите други беа млади. Имаше мајка и ќерка кои рекоа дека јаделе во ресторан кога биле приведени. Ним не им било дозволено ниту да го завршат оброкот. „Се обидуваат да не заплашат“ Не одведоа во полициска станица. Се симнавме од комбето и бевме придружувани во сала каде што сите нѐ наредија до ѕид. Тие направија групна фотографија и ни рекоа да седиме и да чекаме надвор. Во меѓувреме, неколку студентки плачеа. [Еден офицер] им рекол да не се грижат бидејќи притворот нема да се појави во нивното криминално досие. Во собата, тројца мажи и една жена седеа зад бирото. Ми дадоа документ да потпишам. Им кажав дека сакам прво да го прочитам. Во формуларот пишуваше дека ја отстранив шамијата на главата и дејствував против јавната скромност. Го прочитав со презир, се насмеав, го потпишав и ставив печат со мојот отпечаток од прст. Потоа рекоа дека ми треба гарант. Реков дека сум доволно возрасна и можам да гарантирам за себе. Тие одбија и инсистираа мојот сопруг, татко, мајка или член на семејството да мора да дојдат до станицата. Рекоа и дека морам да ги предадам документите за идентификација и да се појавам на суд следниот ден. Сите полицајци беа саркастични и се обидуваа да не исплашат. Имаше една девојка која побара да ја види фотографијата што ја направија од неа [кога беше приведена]. Еден офицер се сврте и со потсмев рече: „Ќе ја направиме твојата слика на профилот [во нашиот систем.]“ Сите полицајци беа помлади од 30 години. „Веројатно пак ќе го сторам истото“ Отидовме на суд. Таму имаше многу луѓе кои беа приведени претходниот ден. Имаше околу 15 жени. Многумина беа таму бидејќи нивните автомобили беа одземени [како казна] затоа што не носеа хиџаб. Мојот автомобил два пати е привремено задржан. Долго чекавме во ходникот [пред да влеземе во судницата]. Персоналот се смееше. Сите млади студенти беа исплашени. Откако досието на едно лице беше внесено во системот, им беше дадена шифра и беше испратена да се види со судијата. Беше преполно надвор од просторијата на судијата. Некои од жените се жалеа дека процесот трае премногу долго. Секретарот на судијата самиот процесуираше некои од случаите. Во некои случаи, секретарот на судијата сам ги пополнуваше формуларите на луѓето. Тој напиша фрази како „Се каам и нема да го повторам тоа“, и им рече на [жените] само да го потпишат. И реков на секретарката на судијата да не пишува дека се каам затоа што не сум бил и веројатно ќе го повторам. Не сум казнета. Но, на студентите им беше даден друг документ за потпишување. Погледнав и ја видов цифрата од 5.000.000 риали [8 долари]. „Репресијата се интензивира“ Притисокот се засилува. Ги тераат татковците, браќата, целото семејство, дури и мајките, да ги тераат жените да носат хиџаб. Една пријателка ми кажа дека побарала од еден нејзин пријател од органите на редот да објасни како продолжила да добива парични казни и покрај тоа што живеела и работи на место без безбедносни камери. Пријателот на полицијата рече дека имаат луѓе на улиците кои, кога ќе забележат жена без марама, ја следат до нејзиниот автомобил и го запишуваат бројот на табличката. *Оваа сторија е уредена поради должина и јасност. Напишано од Киан Шарифи врз основа на интервјуто на Роја Малеки од Радио Фарда на РСЕ. Илустрирано од Хуан Карлос Херера. ​ Препорачано Грузијци отпуштени од работа поради протестирање Врати се најгоре Следете не Инфо страница Пријави се За нас Контакт Линкови Нова генерација Визуелно Што треба да знаете Истражуваме Интервју Моја порака Поткаст Зошто? Радио Слободна Европа / Радио Слобода. Сите права се резервирани XS SM MD LG...

Вести мај 16, 2024 Украина тврди дека го запрела напредувањето на Русија во некои области кај Харкив Харкив, Украина Украинската армија денеска (16 мај) објави дека го запрела руското напредување во некои области на североисточниот регион Харкив, каде Русија започна нова офанзива минатата недела. „Ситуацијата во регионот Харкив сè уште е комплицирана, но се развива на динамичен начин. Нашите одбранбени сили делумно ја стабилизираа ситуацијата. Напредувањето на непријателот во одредени зони и локалитети е запрено“, рече портпаролот на армијата. Портпаролот на армијата рече дека руските сили „секогаш се обидуваат да создадат услови за нов напредок“ и додаде дека украинските војници „се обидуваат да ја стабилизираат ситуацијата, да нанесат штета и да го спречат непријателот да ја окупира територијата“. Видете и ова: Зеленски ги одложи патувањата во странство поради „тешката“ ситуација на фронтот Предупредување за воздушен напад беше прогласено рано во четвртокот во Киев и неколку украински региони, при што украинските воздухопловни сили предупредуваа на закана од балистички ракети истрелани од Русија. Руските сили редовно напаѓаат цивили во регионите на Украина, со бројни фатални жртви, меѓу кои и деца, како и огромни штети на цивилната и енергетската инфраструктура, јави украинскиот сервис на Радио Слободна Европа. Во средата две лица загинаа во руски артилериски напад во Днепар, соопштија локалните власти. прочитај повеќе види ги сите денешни вести мај 17, 2024 Започна испораката на помош за Газа преку понтонскиот мост што го изградија САД илустрација Камиони со неопходна помош за Појасот Газа во петок (17 мај) почнаа да го преминуваат понтонскиот мост изграден од Соединетите Држави, откако израелските ограничувања на граничните премини и тешките борби ја попречија испораката на храна и други залихи за опколената палестинска енклава. Испораките се први во операцијата за која американските воени претставници предвидуваат дека може да се зголеми до 150 камиони дневно што влегуваат во Појасот Газа. Израел во моментов врши притисок врз градот Рафа во јужниот дел на Појасот Газа, каде се наоѓа клучниот граничен премин со Појасот Газа, преку кој се носеше помош, но кој е затворен откако Израел ја презеде контролата над него. На окупираниот Западен Брег, десетици израелски демонстранти нападнаа камион во обид да спречат помошта да стигне до Газа во четвртокот, претепувајќи го неговиот возач и запалувајќи го. Видете и ова: УНРВА: Израелската операција на преминот Рафа ја загрозува испораката на помош за Газа Израелската армија соопшти дека војниците пристигнале подоцна на местото на настанот и се обиделе да ги одвојат напаѓачите од возачот и да пружат медицинска помош. Армијата соопшти дека демонстрантите потоа ги нападнале војниците, при што полесно биле повредени двајца офицери и еден војник. Израелските медиуми јавија дека камионот превезувал обична комерцијална стока, а не помош за Газа. Во седуммесечната војна во Појасот Газа, според здравствените власти во Газа под контрола на Хамас, кој САД и ЕУ ја сметаат за терористичка организација, загинале повеќе од 35 000 луѓе. Војната започна на 7 октомври кога Хамас го нападна јужниот дел на Израел, убивајќи околу 1200 луѓе и земајќи околу 250 заложници, според израелските податоци. прочитај повеќе мај 17, 2024 Во Молдавијa претседателски избори и референдум за членство во ЕУ во октомври Седница на молдавскиот парламент, 16 мај 2024 година Молдавските пратеници го одредија 20 октомври како датум за претседателски избори и референдум за пристапување на земјата во Европската Унија. Прозападната претседателка Маја Санду, чиј прв претседателски мандат завршува на 24 декември, ја објави својата намера да се кандидира за нов мандат, објави молдавскиот сервис на Радио Слободна Европа. Водачите на опозициските социјалисти и комунисти, пријателски настроени кон Москва, изјавија дека водат разговори за предлагање заеднички претседателски кандидат. Видете и ова: Санду: Русија сака да ја дестабилизира Молдавија Санду, која го победи прорускиот кандидат Игор Додон во ноември 2020 година, оттогаш ја сврте Молдавија цврсто кон Западот. Во декември 2023 година, Европската Унија одлучи да ги отвори пристапните преговори за Молдавија, која е една од најсиромашните земји во Европа. прочитај повеќе мај 17, 2024 Делови од Нова Каледонија надвор од државна контрола Последици од немирите во Нова Каледонија, 16 мај 2024 година Области на пацифичката територија на Нова Каледонија „се надвор“ од државната контрола, изјави денеска претставник на француската влада, најавувајќи нови безбедносни распоредувања по неколкудневното смртоносно насилство. „Ќе пристигне засилување... за да ги контролираме областите што не се под наша контрола во изминатите денови “, изјави на брифинг високиот комесар на Републиката во Нова Каледонија, Луј Ле Фран. Вонредна состојба беше воведена на францускиот архипелаг откако противењето на планот на Париз за промена на правилата за гласање таму прераснаа во подметнување пожар, грабежи и насилство, при што загинаа пет, а стотици беа повредени. Видете и ова: Стотина повредени во немирите во Нова Каледонија, Макрон свика кризен состанок Како дел од вонредната состојба, приведени се околу 200 од околу 5000 „бунтовници“, соопштија француските власти. Едно лице осомничено за убиство им се предаде на властите, рече Ле Фран на денешниот брифинг. Видете и ова: Франција го обвини Азербејџан за вмешаност во немирите на Нова Каледонија Немирите започнаа кога француските пратеници ги одобрија плановите да им се дозволи на оние кои се преселиле на територијата пред најмалку 10 години да гласаат на локалните избори. прочитај повеќе мај 17, 2024 Русија тврди дека неутрализирала повеќе од 100 украински дронови во ноќните напади илустрација Министерството за одбрана на Русија соопшти дека повеќе од 100 украински беспилотни летала се уништени или пресретнати ноќеска во напади на југозапад на руската територија и на полуостровот Крим. Министерството соопшти дека армијата неутрализирала 51 дрон над Крим, 44 над регионот Краснодар, шест над регионот Белгород и еден над регионот Курск. Во текот на ноќта, поморската противвоздушна одбрана и патролни бродови на Црноморската флота уништија шест поморски беспилотни летала во водите на Црното Море. Видете и ова: Осуммина повредени во украински напад на Белгород Руската армија редовно објавува дека одбила ноќни напади на украински беспилотни летала, но ретко се наведува толкава бројка, јавија западни медиуми. Гувернерот на Белгородската област, која граничи со Украина, претходно денеска објави дека мајка и четиригодишно дете загинале при напад со беспилотно летало врз селото Октјабарски. прочитај повеќе мај 17, 2024 Шпанија не дозволи брод со оружје за Израел да се закотви во Картагена илустрација Шпанија не дозволи брод што носи оружје за Израел да се закотви во југоисточното пристаниште Картагена, изјави синоќа министерот за надворешни работи Хозе Мануел Албарес. Тој потврди дека бродот „Мариана Даница“ (Marianne Danica) кој превезува оружје во Израел побарал дозвола да се закотви во Картагена на 21 мај. Албарес истакна дека забраната за шпанските пристаништа е во согласност со политиката на Мадрид да не го извезува своето оружје во Израел од почетокот на војната во Појасот Газа. Видете и ова: Продолжуваат нападите врз Газа, ОН и Западот го критикуваат планот на Израел за инвазија на Рафа „Одбивме да дадеме дозвола за закотвување и тоа ќе биде конзистентна политика со секој брод што превезува израелско оружје, а сака да се закотви во шпански пристаништа“, посочи Албарес. Шпанскиот весник „Ел Паис“ објави дека бродот превезува речиси 27 тони експлозивен материјал од Мадрас, Индија. прочитај повеќе мај 16, 2024 Новата влада ќе го репреговара договорот со „Бехтел и Енка“ Означување на почетокот на изградбата на автопатиштата од Коридорите 8 и 10д што ги градат „Бехтел и Енка“ За договорот со „Бехтел и Енка“ има две опции - да се раскине или да се репреговара. Едната е да се раскине договорот и да се оди на арбитража, да платиме стотици милиони евра и да немаме автопат, а втората е да се оптимизира договорот за што веќе имаме почетни разговори, со што би се забрзал и реализирал проектот, изјави Христијан Мицкоски, иден мандатар и претседател на ВМРО-ДПМНЕ, на 16 мај. „Ние сме повеќе за прагматичниот пристап, граѓаните да добијат автопат, но оптимиран, но ваков каков што е, потпишан од оваа влада, за жал, е во одерена мерка неприменлив поради големите правни проблеми, проблеми со експропријација и технички проблеми. Мојата порака е дека како идна влада сакаме да градиме, а не да рушиме“ рече Мицкоски. Видете и ова: Уставен суд не поведе постапка за прекувремените работни часови на автопатите со „Бехтел и Енка“ Тој најави и дека во првите сто дена новата влада ќе објави гринфилд инвестиција во енергетиката, вредна 400 - 500 милиони евра. Мицкоски кажа дека станува збор за приватен капитал, „за голем играч со исклучително големи европски финансиски институции во акционерската структура“. Обртот на компанијата би била околу 80 - 100 милиони евра по основа на продадена електрична енергија и истргувани зелени сертификати, а договорот со неа е завршен. Според Мицкоски, ќе се произведува околу еден терават час електрична енергија што е една третина од производството на РЕК Битола. На прашањето дали Унгарија е земјата со која Северна Македонија ќе повлече заем до една милијарда евра, Мицкоски одговори дека се работи за европска држава, која граѓаните многу наскоро ќе ја дознаат. „Заемот до една милијарда евра под исклучително поволни услови, кој би се повлекол со друга држава, на ниво влада со влада, за финансирање на лошите договори на актуелната влада, државите кои ги спомнуваа не се тие“, рече Мицкоски. Проектот за градба на делниците од коридорите 8 и 10Д вклучува седум клучки, 34 мостови, 34 надвозници, 24 подвозници, над 21 милион метри кубни ископ, над 10 милиони метри кубни земјени насипи, 620.000 метри кубни бетон, 2,2 милиони метри куби подлога, 1,1 милион тони асфалт над 6000 и 320 км заштитна ограда. прочитај повеќе мај 16, 2024 Јеменските Хути ќе ги таргетираат сите бродови што пловат кон Израел Нафтен танкер погоден од Јеменските Хути Сите бродови кои пловат кон израелските пристаништа ќе бидат цел на јеменските Хути поддржани од Иран, а не само во регионот на Црвеното Море, рече водачот на групата, Абдул Малик ал-Хути, во телевизиски говор на 16 мај. Групата се закани дека ќе ги прошири своите напади врз бродовите кои пловат кон израелските пристаништа на Средоземното Море, во кампања на солидарност со Палестинците за време на израелската војна со милитантната група Хамас, која САД и ЕУ ја прогласија за терористичка организација. Ел Хути ги повика Кина, Русија, азиските и европските земји да не превезуваат стока до израелските пристаништа. Видете и ова: Јеменските Хути оштетија танкер со нафта „поврзан со Русија“ Хутите претходно изјавија дека нивни главни цели се Израел и неговите сојузници САД и Велика Британија. „Секој мора да престане да транспортира до окупираните палестински пристаништа“, рече Ел Хути. Милитантната група што тој ја предводи влезе во војната меѓу Израел и Хамас во декември 2023 година, напаѓајќи бродови на виталните водни патишта и напади со беспилотни летала и проектили кон Израел. Нападите на Хат ги зголемија трошоците за испорака и осигурување со прекин на клучната трговска рута меѓу Азија и Европа, принудувајќи ги бродските компании да се пренасочат кон подолги и поскапи патувања низ јужна Африка. прочитај повеќе мај 16, 2024 Талат Џафери: Има обиди за изборен инжинеринг Талат Џафери, технички премиер на Република Северна Македонија Имам добиено извештаи од учесниците во изборниот процес за вознемирување во однос на обиди за изборен инжинеринг со вон-институционален меѓупартиски договор за гласање и надгласување во Државната изборна комисија (ДИК), во врска со симптоматичните приговори поднесени од страна на учесниците во изборите, рече техничкиот премиер Талат Џафери на прес-конференција на 16 мај во Владата. „Според извештаите, овие претензии за изборен инжинеринг имаат за цел менување на соодносот на бројките во Собранието, преку политички договор на маса. Кредибилноста на изборите и на демократскиот процес, прифатен и поздравен од сите партии и од меѓународната заедница, сега е во рацете на Управниот суд. Ги поканувам сите институции да постапат согласно законот, без партиски и политички директиви од која било страна и да го штитат кредибилитет на изборниот процес до крај“, рече Џафери на прес конференцијата. Видете и ова: Четворица кандидати за пратеници во битка за две пратенички фотелји На две пратенички столчиња се надеваат четворица кандидати за пратеници од три изборни коалиции, по одлуката на ДИК да се прегласува во седум избирачки места од две изборни единици по спроведените парламентарни избори на 8 мај. На 17 мај, кога истекува рокот за одлучување по доставени жалби до Управниот суд, ќе се знае дали има основ за да се прегласува во седум избирачки места, од кои шест во изборна единица 5 и едно избирачко место во изборна единица 6. Според изборните правила, доколку се прегласува на оние места каде што се запишани околу илјада гласачи, тоа би можело да влијае врз избориот количник. Право на глас по втор пат на паралментарните избори ќе имаат над четири илјади граѓани, и нивниот избор може да го промени за две пратенички места распоредот на силите во Собранието. Коалицијата „Европски фронт“, предводена од ДУИ, поднесе жалба до Управниот суд за одлуките на Државната изборна комисија која прифати приговори за неправилности на седум избирачки места, на кои може да има повторно гласање. Доколку Управниот суд ги одбие жалбите на Европскиот фронт, Државната изборна комисија ќе треба да одлучи дали ќе има повторно гласање на овие седум избирачки места. Според првичните изборни резултати, ВМРО-ДПМНЕ осво 58 пратенички места, ДУИ доби 19, додека СДСМ има 18. Од коалицијата Влен во собранискиот состав влегуваат со 13, а партиите Левица и ЗНАМ со по 6 пратеници. прочитај повеќе мај 16, 2024 Мицкоски: Мое човеково право е како ќе ја нарекувам мојата држава Северна Македонија - Христијан Мицкоски, претседател на ВМРО-ДПМНЕ и Гордана Сиљановска - Давкова, претседателка на Република Северна Македонија Достоинствена беше заклетвата на претседателката Гордана Сиљановска Давкова, очекував честитка од јужниот сосед за убедливиот триумф, но за жал, добивме политички мускули, изјавипретседателот на ВМРО-ДПМНЕ и иден мандатар Христијан Мицкоски на 16 мај. Според Мицкоски, ако Грција смета дека земјава го прекршила Преспанскиот договор, постои Меѓународен суд за правда. Тој потсети и дека нашата држава во целост го има имплементирано Преспанскиот договор, „а кај јужниот сосед не се завршени ни основните три работи“. Видете и ова: Сиљановска и ВМРО-ДПМНЕ не бегаат од Преспанскиот договор, но не се откажуваат од само „Македонија“ „Ако некој очекува од ВМРО-ДПМНЕ да ги повтори грешките од минатото, бидете сигурни дека тоа нема да го направиме. Немаме намера на нивните политички мускули да одговориме со преименување на автопатите и аеродромите или да градиме споменици. Не очекувам односите меѓу двете држави да се темелат на политички мускули, очекувам да имаме одлични меѓусоседски односи. Ценам дека ВМРО-ДПМНЕ и тамошната влада предводена од Нова Демократија имаат свој став поврзан со Преспанскиот договор, бидејќи ниту на едните, ниту на другите ни се допаѓа тој договор“, рече Мицкоски. За разлика од таму, нагласи, Преспанскиот договор тука е дел од македонските институции, од македонскиот Устав и законите. „Многу пати во минатото сме кажале дека тоа е реалност. Комуникацијата во македонските инститиуции останува согласно Уставот и законите, но мое основно човеково право е како ќе ја нарекувам мојата држава. И додека давам изјави или се обраќам, и јас, а очекувам тоа да биде начин на однесување и на Сиљановска, да се користат термините Македонија и придавката „македонски“, бидејќи на тој начин, според нашето толкување на Преспанскиот договор, нема негово прекршување. Ако тие мислат дека сме го прекршиле Преспанскиот договор, постои Меѓународен суд за правда, може да почнат процес па таму ќе ги вкрстиме и едните и другите аргументи. Не би сакал до тоа да дојде. Повикувам на добрососедски и пријателски односи, рече Мицкоски. Тој повика на добрососедски и пријателски односи со Грција и апелира да нема веќе закани, опструкции и враќање назад во минатото, туку двете страни да гледаат кон иднината. Рече и дека наскоро очекува средба со грчкиот премиер со кој би разговарал за економијата, туризмот, образованието... Кога ја даваше свечената заклетва во Собранието, Сиљановска-Давкова употребуваше само Македонија за името на државата, без додавката „северна“. Тоа предизвика реакции од меѓународната заедница и од властите во Грција и во Бугарија. Пораката е дека од почитувањето на Договорот од Преспа постигнат со Грција во 2018, како и Договорот за добрососедство со Бугарија од 2017, зависи и понатамошниот пат на Северна Македонија кон полноправно членство во ЕУ. прочитај повеќе мај 16, 2024 Мицкоски: Успешно консолидиравме 61 пратеник Северна Македонија - Христијан Мицкоски, претседател на ВМРО-ДПМНЕ, Скопје, 8 мај 2024 година Покрај 58 пратеници на коалицијата, имаме консолидирано точно 61 пратеник, изјави лидерот на ВМРО-ДПМНЕ и иден мандатар, Христијан Мицкоски на 16 мај. „Како ВМРО-ДПМНЕ и коалиција „Твоја Македонија“ ги завршуваме разговорите со неколку од пратениците кои не се дел од коалицијата „Твоја Македонија“ и можам да кажам дека во моментов успешно консолидиравме 61 пратеник, не можам да кажам детали“, изјави Мицкоски. Одговарајќи на новинарски прашања пред затворењето на Самитот Македонија 2025, Мицкоски информира дека разговорите со коалицијата„Вреди“ се водат во вистинска насока. „Нашата втора цел е заедно со коалициските партнери да успееме да консолидираме две третини во Собранието. Потребни се затоа што имаме намера да направиме сериозно реструктуирање и реекипирање на владиниот кабинет“, изјави Мицкоски. Видете и ова: ВМРО-ДПМНЕ и „Вреди“ договараат нова Влада, други чекаат покана Претходно се одржа и средба меѓу работните групи на ВМРО-ДПМНЕ и „Вреди“ за преговори за формирање коалиција за нова влада. Пред почетокот на состанокот куса изјава за медиумите даде Азир Алиу од Алијансата за Албанците на Арбен Таравари, кој кажа дека ќе се разговара за методологијата и динамиката на работа на овие групи. Одговарајќи на новинарски прашања Алиу речи дека најверојатно од наредниот состанок на работните групи ќе почнат поконкретните разговори вклучувајќи ги и кадровските решенија. Алиу на состанокот на работните групи во седиштето на ВМРО-ДПМНЕ дојде заедно со другите членови на работната група од оваа коалиција. Според информациите на ВМРО-ДПМНЕ, членови на работната група од нивна страна се потпретседателите на партијата Владо Мисајловски, Александар Николовски, Тимчо Муцунски и Гордана Димитровска Кочовска. Лидерот на ВМРО-ДПМНЕ Христијан Мицкоски заедно со потпретседателите и првите луѓе од партиите од коалицијата Вреди Изет Меџити, Африм Гаши и Арбен Таравари имаа средба во саботата во седиштето на коалицијата “Вреди“ кога и официјално почнаа разговорите за формирање влада. Според роковите во Уставот, Владата би требало да биде предложена најдоцна до крајот на јуни. Таа треба да биде изгласана со мнозинство од 61 пратеник од вкупно 120 во Собранието. Коалицијата на ВМРО-ДПМНЕ освои 436.036 гласови на парламентарните избори на 8 мај, речиси тројно повеќе од коалицијата на СДСМ, кој ја предводеше Владата на Северна Македонија по последните седум години. прочитај повеќе Вчитај повеќе...

Рускиот претседател Владимир Путин оди во дводневна посета на Кина, каде што ќе го притисне кинескиот лидер Си Џинпинг за поголема поддршка за одржување на економијата и воената машина на неговата земја, која е погодена од санкциите поради војната во Украина. Посетата на 16-17 мај е прва дипломатска посета на Путин откако пред една недела тој положи заклетва за петтиот претседателски мандат и доаѓа во време кога Пекинг продолжува да и дава на Москва клучен економски спас за да помогне во амортизирањето на ударот од западните економски санкции кои го ограничија пристапот на Русија на глобалните синџири на снабдување и меѓународните пазари. Соединетите Држави ги засилија предупредувањата во последниве месеци за клучната улога на Кина во помагањето на Русија на бојното поле, помагајќи и на нејзината одбранбена индустрија со снабдување на несмртоносни, но воено корисни производи за двојна употреба. Аналитичарите велат дека главната цел на патувањето на Путин ќе биде да се најде начин да се заобиколат американските ограничувања кои го намалија кинескиот извоз во Русија во март и април по проширувањето на протокот на производи за широка потрошувачка и стоки за двојна употреба од инвазијата на Москва на Украина во февруари 2022 година, пишува Слободна Европа (РСЕ) на англиски јазик. Видете и ова: Гасоводот „Сибир-2“ во фокус на Путиновата посета на Кина Американскиот државен секретар Антони Блинкен и министерката за финансии Џенет Јелен го предупредија Пекинг за време на посетата на Кина во април дека кинеските компании и финансиски институции може да се соочат со секундарни санкции за снабдување на московската одбранбена индустрија. „Постојат јасни сигнали дека економската компонента на војната ќе биде клучен дел од посетата. Кина секој месец извезува во Русија повеќе од 300 милиони долари за производи за двојна употреба и тоа не го крие. Постојат неколку причини зошто тие сега треба да престанат“, рече за РСЕ Натаниел Шер, аналитичар за Карнеги Кина. Анализата на Шер на податоците од кинеската царина покажува дека извозот на Кина во Русија се зголемил за повеќе од 60 отсто од инвазијата на Украина и дека во 2023 година, околу 90 отсто од производите од „висок приоритет“ , односно стоките за двојна употреба што се користат во руското производство на оружје биле увезени од Кина. Вкупниот трговски обем на Кина со Русија, исто така, се зголеми за 26 отсто во 2023 година на рекордни 240 милијарди долари. Важноста на рускиот одбранбен сектор за патувањето на Путин во Кина е зацврстена со реконструкцијата на Кремљ, што доведе до назначување на технократскиот економист Андреј Белоусов за министер за одбрана на 12 мај. Трошоците за одбрана во Русија се зголемени и експертите велат дека назначувањето на Белоусов е дел од напорите да се подготви воено производство за војната во Украина за повеќегодишна кампања. Белоусов, кој имаше неколку економски улоги на високо ниво во изминатата деценија, исто така има огромно искуство во работа со Кина. И Си и Путин за време на посетата ќе се сретнат со политички тимови специјализирани за трговија, енергетска и безбедносна соработка, а Александар Габујев, директор на Центарот Карнеги Русија за Евроазија, вели дека од државната посета на Си на Москва во 2023 година, и Пекинг и Москва имаат „направено сериозен напор високите функционери од двете страни добро да се запознаат. „Додека Пекинг и Москва ја прошируваат соработката на полето на одбранбената индустрија, Путин именува професионалци од висок калибар со кинеско искуство“, напиша Габуев на платформата X. Средба на „стари пријатели“ По објавувањето на „безграничното“ партнерство меѓу Русија и Кина во февруари 2022 година, проследено само неколку дена подоцна со руската инвазија на Украина, земјите се зближија и покрај санкциите и политичкиот притисок од Западот. Видете и ова: Џинпинг доаѓа во Европа барајќи поголема кинеска улога во Украина Во известувањето за посетата, Кремљ соопшти дека Путин и Си „детално ќе разговараат за цела низа прашања во нивното сеопфатно партнерство и стратешки односи“. Двајцата лидери, исто така, ќе потпишат заедничка изјава и ќе учествуваат на настанот по повод 75-годишнината од дипломатските односи меѓу Кина и Советскиот Сојуз, додаде Кремљ. Путин ќе се сретне и со кинескиот премиер Ли Џианг за да разговараат за трговските и хуманитарните прашања, соопшти Кремљ, а потоа ќе го посети североисточниот кинески град Харбин за да отвори два билатерални трговски настани. Државната посета е 43-та средба меѓу Путин и Си. Во интервју за кинеската државна новинска агенција Ксинхуа на 15 мај, рускиот лидер го пофали Си како „стар пријател“ и рече дека кинеско-руските врски достигнаа нови височини бидејќи двете земји „ја зајакнуваат координацијата на надворешната политика во интерес на градење праведен мултиполарен поредок“. Аличја Бачулска, експерт за кинеска политика во Европскиот совет за надворешни работи, вели дека клучното прашање е кога ќе се одржи посетата, бидејќи таа следи по турнејата на Си во Франција, Србија и Унгарија. „Оптиката сугерира дека двајцата лидери ќе разговараат за клучните чекори на Кина од состаноците на Си во Европа, од кои многу се однесуваа на ситуацијата во Украина“, рече Бачулска. Двете земји служат како важна геополитичка противтежа на ривалството со САД. Москва ги засили воените вежби во Источното Кинеско Море со Пекинг, предупредија американските разузнавачи во мај, велејќи дека Русија и Кина тесно соработуваат за воени прашања, вклучително и потенцијална инвазија на Тајван. Во меѓувреме, среде изолацијата на Русија од Западот, Кина ја замени Европската Унија како најголем трговски партнер на Русија и стана главен пазар за руската нафта и гас.нНо, ова исто така го зголеми ризикот Русија да стане економски зависна од Кина, оставајќи ја со помала моќ во преговорите за виталниот енергетски сектор. Русија се надева дека Кина ќе ја замени Европа како главен пазар за нејзиниот извоз на гас, но двете земји допрва треба да постигнат договор за гасоводот „Моќта на Сибир-2“, кој би ја снабдувал Кина со гас од наоѓалиштата кои претходно служеле на европските пазари. Тестирање на „партнерството без граници“ Овој ризик од прекумерно потпирање е исто така фактор кој влијае на протокот на стоки за двојна употреба од Кина во Русија, вели Денис Вајлдер, поранешен директор за Кина во Советот за национална безбедност на САД. „Се чини дека Путин е задоволен од она што го добива од кинеската одбранбена индустрија. Мислам дека тој не чувствува дека треба да добие смртоносно оружје од нив, затоа што сака, Русија да го направи тоа оружје. Така е поевтино“, изјави Вајлдер за РСЕ. Вајлдер, научен соработник на Универзитетот Џорџтаун, рече дека Кремљ се надева дека ќе го задржи протокот на стоки за двојна употреба за да ја обнови својата одбранбена индустрија, која во моментов се бори да го зголеми производството на оружје и муниција додека војната во Украина влегува во третата година. Северна Кореја, исто така, и достави на Русија милиони артилериски гранати за војната во Украина и пренесе балистички ракети и друго оружје во замена за храна и суровини за производство на оружје. Јужна Кореја и Соединетите Држави оттогаш ги обвинија Северна Кореја и Русија за трговија со оружје што ги прекршува санкциите на Обединетите Нации и изразија загриженост дека Москва би можела да му обезбеди на Пјонгјанг понапредна воена технологија. Иако ниту една посета не е потврдена, Путин изрази подготвеност да оди во Северна Кореја во јануари по покана од лидерот Ким Џонг Ун, а некои експерти шпекулираат дека Путин може да го посети Пјонгјанг по неговото патување во Кина. „Елементот на Северна Кореја е важна ставка во овој однос и претпоставувам дека за тоа ќе се разговара и во Пекинг. Северна Кореја може воено да и помогне на Русија онаму каде што Кина не може, но овој нов однос со Путин и Ким ги загрижува Кинезите бидејќи може дополнително да ги дестабилизира работите на корејскиот полуостров“, рече Вајлдер. Artboard 4 Придружете се на Заедницата на Слободна Европа на Вибер...

Вести мај 16, 2024 Заседание на Воениот комитет на НАТО- во фокусот Украина и одбранбените планови на Алијансата илустрација Поддршката за Украина, имплементацијата на концептот за операции и на одбранбените планови, подготовките за јулскиот Самит на НАТО, како и прашања од стратешко значење за сојузниците, ќе бидат темите на денешното заседание на Воениот комитет на Алијансата на ниво на началници за генералштабови на земјите членки на Пактот во Брисел. Со заседанието ќе претседава претседателот на Воениот комитет, адмирал Роб Бауер, а на почетокот на собирот ќе се обрати и генералниот секретар на НАТО Јенс Столтенберг, кој, според најавите, ќе се осврне на клучните приоритети и предизвици на Алијансата. Во рамките на првата сесија на заседанието, началниците ќе се фокусираат на имплементација на концептот за операции во повеќе домени и на Агендата за развој на војувањето, која го надополнува Планот за воената трансформација на НАТО за следните дваесет години. Видете и ова: Столтенберг во посета на Киев, Зеленски повика на побрза испорака на оружје Предвидени се и поопсежни дискусии во врска со усогласувањето на операциите и планирањето на одбраната во рамките на Процесот на одбранбено планирање на НАТО. Како дел од заседанието ќе се одржи и состанок на Советот НАТО-Украина на ниво на началници на генералштабови, на кој е предвидено присуството и на началникот на Генералштабот на украинските Вооружени сили. Советот ќе расправа за ситуацијата на теренот поврзана со руската агресија врз Украина, како и за поддршката на државата од страна на НАТО и неговите земји членки. На посебна сесија, врховниот командант на Силите на НАТО во Европа, генерал Кристофер Каволи ќе ги информира началниците за напредокот постигнат во имплементацијата на плановите од Концептот за одвраќање и одбрана на евроатлантската област (ДДА), што беа усвоени на ланскиот Самит на Алијансата во Вилнус, а во рамки на подготовките за претстојната средба на врвот во Вашингтон. Во рамките на оваа сесија предвидено е да се одржат и дискусии за воената способност, интегрирана воздушна и ракетна одбрана, капацитетите на одбранбената индустрија и за општествената отпорност. прочитај повеќе види ги сите денешни вести мај 17, 2024 Во Молдавија во октомври претседателски избори и референдум за членство во ЕУ Седница на молдавскиот парламент, 16 мај 2024 година Молдавските пратеници го одредија 20 октомври како датум за претседателски избори и референдум за пристапување на земјата во Европската Унија. Прозападната претседателка Маја Санду, чиј прв претседателски мандат завршува на 24 декември, ја објави својата намера да се кандидира за нов мандат, објави молдавскиот сервис на Радио Слободна Европа. Водачите на опозициските социјалисти и комунисти, пријателски настроени кон Москва, изјавија дека водат разговори за предлагање заеднички претседателски кандидат. Видете и ова: Санду: Русија сака да ја дестабилизира Молдавија Санду, која го победи прорускиот кандидат Игор Додон во ноември 2020 година, оттогаш ја сврте Молдавија цврсто кон Западот. Во декември 2023 година, Европската Унија одлучи да ги отвори пристапните преговори за Молдавија, која е една од најсиромашните земји во Европа. прочитај повеќе мај 17, 2024 Делови од Нова Каледонија надвор од државна контрола Последици од немирите во Нова Каледонија, 16 мај 2024 година Области на пацифичката територија на Нова Каледонија „се надвор“ од државната контрола, изјави денеска претставник на француската влада, најавувајќи нови безбедносни распоредувања по неколкудневното смртоносно насилство. „Ќе пристигне засилување... за да ги контролираме областите што не се под наша контрола во изминатите денови “, изјави на брифинг високиот комесар на Републиката во Нова Каледонија, Луј Ле Фран. Вонредна состојба беше воведена на францускиот архипелаг откако противењето на планот на Париз за промена на правилата за гласање таму прераснаа во подметнување пожар, грабежи и насилство, при што загинаа пет, а стотици беа повредени. Видете и ова: Стотина повредени во немирите во Нова Каледонија, Макрон свика кризен состанок Како дел од вонредната состојба, приведени се околу 200 од околу 5000 „бунтовници“, соопштија француските власти. Едно лице осомничено за убиство им се предаде на властите, рече Ле Фран на денешниот брифинг. Видете и ова: Франција го обвини Азербејџан за вмешаност во немирите на Нова Каледонија Немирите започнаа кога француските пратеници ги одобрија плановите да им се дозволи на оние кои се преселиле на територијата пред најмалку 10 години да гласаат на локалните избори. прочитај повеќе мај 17, 2024 Русија тврди дека неутрализирала повеќе од 100 украински дронови во ноќните напади илустрација Министерството за одбрана на Русија соопшти дека повеќе од 100 украински беспилотни летала се уништени или пресретнати ноќеска во напади на југозапад на руската територија и на полуостровот Крим. Министерството соопшти дека армијата неутрализирала 51 дрон над Крим, 44 над регионот Краснодар, шест над регионот Белгород и еден над регионот Курск. Во текот на ноќта, поморската противвоздушна одбрана и патролни бродови на Црноморската флота уништија шест поморски беспилотни летала во водите на Црното Море. Видете и ова: Осуммина повредени во украински напад на Белгород Руската армија редовно објавува дека одбила ноќни напади на украински беспилотни летала, но ретко се наведува толкава бројка, јавија западни медиуми. Гувернерот на Белгородската област, која граничи со Украина, претходно денеска објави дека мајка и четиригодишно дете загинале при напад со беспилотно летало врз селото Октјабарски. прочитај повеќе мај 17, 2024 Шпанија не дозволи брод со оружје за Израел да се закотви во Картагена илустрација Шпанија не дозволи брод што носи оружје за Израел да се закотви во југоисточното пристаниште Картагена, изјави синоќа министерот за надворешни работи Хозе Мануел Албарес. Тој потврди дека бродот „Мариана Даница“ (Marianne Danica) кој превезува оружје во Израел побарал дозвола да се закотви во Картагена на 21 мај. Албарес истакна дека забраната за шпанските пристаништа е во согласност со политиката на Мадрид да не го извезува своето оружје во Израел од почетокот на војната во Појасот Газа. Видете и ова: Продолжуваат нападите врз Газа, ОН и Западот го критикуваат планот на Израел за инвазија на Рафа „Одбивме да дадеме дозвола за закотвување и тоа ќе биде конзистентна политика со секој брод што превезува израелско оружје, а сака да се закотви во шпански пристаништа“, посочи Албарес. Шпанскиот весник „Ел Паис“ објави дека бродот превезува речиси 27 тони експлозивен материјал од Мадрас, Индија. прочитај повеќе мај 16, 2024 Новата влада ќе го репреговара договорот со „Бехтел и Енка“ Означување на почетокот на изградбата на автопатиштата од Коридорите 8 и 10д што ги градат „Бехтел и Енка“ За договорот со „Бехтел и Енка“ има две опции - да се раскине или да се репреговара. Едната е да се раскине договорот и да се оди на арбитража, да платиме стотици милиони евра и да немаме автопат, а втората е да се оптимизира договорот за што веќе имаме почетни разговори, со што би се забрзал и реализирал проектот, изјави Христијан Мицкоски, иден мандатар и претседател на ВМРО-ДПМНЕ, на 16 мај. „Ние сме повеќе за прагматичниот пристап, граѓаните да добијат автопат, но оптимиран, но ваков каков што е, потпишан од оваа влада, за жал, е во одерена мерка неприменлив поради големите правни проблеми, проблеми со експропријација и технички проблеми. Мојата порака е дека како идна влада сакаме да градиме, а не да рушиме“ рече Мицкоски. Видете и ова: Уставен суд не поведе постапка за прекувремените работни часови на автопатите со „Бехтел и Енка“ Тој најави и дека во првите сто дена новата влада ќе објави гринфилд инвестиција во енергетиката, вредна 400 - 500 милиони евра. Мицкоски кажа дека станува збор за приватен капитал, „за голем играч со исклучително големи европски финансиски институции во акционерската структура“. Обртот на компанијата би била околу 80 - 100 милиони евра по основа на продадена електрична енергија и истргувани зелени сертификати, а договорот со неа е завршен. Според Мицкоски, ќе се произведува околу еден терават час електрична енергија што е една третина од производството на РЕК Битола. На прашањето дали Унгарија е земјата со која Северна Македонија ќе повлече заем до една милијарда евра, Мицкоски одговори дека се работи за европска држава, која граѓаните многу наскоро ќе ја дознаат. „Заемот до една милијарда евра под исклучително поволни услови, кој би се повлекол со друга држава, на ниво влада со влада, за финансирање на лошите договори на актуелната влада, државите кои ги спомнуваа не се тие“, рече Мицкоски. Проектот за градба на делниците од коридорите 8 и 10Д вклучува седум клучки, 34 мостови, 34 надвозници, 24 подвозници, над 21 милион метри кубни ископ, над 10 милиони метри кубни земјени насипи, 620.000 метри кубни бетон, 2,2 милиони метри куби подлога, 1,1 милион тони асфалт над 6000 и 320 км заштитна ограда. прочитај повеќе мај 16, 2024 Јеменските Хути ќе ги таргетираат сите бродови што пловат кон Израел Нафтен танкер погоден од Јеменските Хути Сите бродови кои пловат кон израелските пристаништа ќе бидат цел на јеменските Хути поддржани од Иран, а не само во регионот на Црвеното Море, рече водачот на групата, Абдул Малик ал-Хути, во телевизиски говор на 16 мај. Групата се закани дека ќе ги прошири своите напади врз бродовите кои пловат кон израелските пристаништа на Средоземното Море, во кампања на солидарност со Палестинците за време на израелската војна со милитантната група Хамас, која САД и ЕУ ја прогласија за терористичка организација. Ел Хути ги повика Кина, Русија, азиските и европските земји да не превезуваат стока до израелските пристаништа. Видете и ова: Јеменските Хути оштетија танкер со нафта „поврзан со Русија“ Хутите претходно изјавија дека нивни главни цели се Израел и неговите сојузници САД и Велика Британија. „Секој мора да престане да транспортира до окупираните палестински пристаништа“, рече Ел Хути. Милитантната група што тој ја предводи влезе во војната меѓу Израел и Хамас во декември 2023 година, напаѓајќи бродови на виталните водни патишта и напади со беспилотни летала и проектили кон Израел. Нападите на Хат ги зголемија трошоците за испорака и осигурување со прекин на клучната трговска рута меѓу Азија и Европа, принудувајќи ги бродските компании да се пренасочат кон подолги и поскапи патувања низ јужна Африка. прочитај повеќе мај 16, 2024 Талат Џафери: Има обиди за изборен инжинеринг Талат Џафери, технички премиер на Република Северна Македонија Имам добиено извештаи од учесниците во изборниот процес за вознемирување во однос на обиди за изборен инжинеринг со вон-институционален меѓупартиски договор за гласање и надгласување во Државната изборна комисија (ДИК), во врска со симптоматичните приговори поднесени од страна на учесниците во изборите, рече техничкиот премиер Талат Џафери на прес-конференција на 16 мај во Владата. „Според извештаите, овие претензии за изборен инжинеринг имаат за цел менување на соодносот на бројките во Собранието, преку политички договор на маса. Кредибилноста на изборите и на демократскиот процес, прифатен и поздравен од сите партии и од меѓународната заедница, сега е во рацете на Управниот суд. Ги поканувам сите институции да постапат согласно законот, без партиски и политички директиви од која било страна и да го штитат кредибилитет на изборниот процес до крај“, рече Џафери на прес конференцијата. Видете и ова: Четворица кандидати за пратеници во битка за две пратенички фотелји На две пратенички столчиња се надеваат четворица кандидати за пратеници од три изборни коалиции, по одлуката на ДИК да се прегласува во седум избирачки места од две изборни единици по спроведените парламентарни избори на 8 мај. На 17 мај, кога истекува рокот за одлучување по доставени жалби до Управниот суд, ќе се знае дали има основ за да се прегласува во седум избирачки места, од кои шест во изборна единица 5 и едно избирачко место во изборна единица 6. Според изборните правила, доколку се прегласува на оние места каде што се запишани околу илјада гласачи, тоа би можело да влијае врз избориот количник. Право на глас по втор пат на паралментарните избори ќе имаат над четири илјади граѓани, и нивниот избор може да го промени за две пратенички места распоредот на силите во Собранието. Коалицијата „Европски фронт“, предводена од ДУИ, поднесе жалба до Управниот суд за одлуките на Државната изборна комисија која прифати приговори за неправилности на седум избирачки места, на кои може да има повторно гласање. Доколку Управниот суд ги одбие жалбите на Европскиот фронт, Државната изборна комисија ќе треба да одлучи дали ќе има повторно гласање на овие седум избирачки места. Според првичните изборни резултати, ВМРО-ДПМНЕ осво 58 пратенички места, ДУИ доби 19, додека СДСМ има 18. Од коалицијата Влен во собранискиот состав влегуваат со 13, а партиите Левица и ЗНАМ со по 6 пратеници. прочитај повеќе мај 16, 2024 Мицкоски: Мое човеково право е како ќе ја нарекувам мојата држава Северна Македонија - Христијан Мицкоски, претседател на ВМРО-ДПМНЕ и Гордана Сиљановска - Давкова, претседателка на Република Северна Македонија Достоинствена беше заклетвата на претседателката Гордана Сиљановска Давкова, очекував честитка од јужниот сосед за убедливиот триумф, но за жал, добивме политички мускули, изјавипретседателот на ВМРО-ДПМНЕ и иден мандатар Христијан Мицкоски на 16 мај. Според Мицкоски, ако Грција смета дека земјава го прекршила Преспанскиот договор, постои Меѓународен суд за правда. Тој потсети и дека нашата држава во целост го има имплементирано Преспанскиот договор, „а кај јужниот сосед не се завршени ни основните три работи“. Видете и ова: Сиљановска и ВМРО-ДПМНЕ не бегаат од Преспанскиот договор, но не се откажуваат од само „Македонија“ „Ако некој очекува од ВМРО-ДПМНЕ да ги повтори грешките од минатото, бидете сигурни дека тоа нема да го направиме. Немаме намера на нивните политички мускули да одговориме со преименување на автопатите и аеродромите или да градиме споменици. Не очекувам односите меѓу двете држави да се темелат на политички мускули, очекувам да имаме одлични меѓусоседски односи. Ценам дека ВМРО-ДПМНЕ и тамошната влада предводена од Нова Демократија имаат свој став поврзан со Преспанскиот договор, бидејќи ниту на едните, ниту на другите ни се допаѓа тој договор“, рече Мицкоски. За разлика од таму, нагласи, Преспанскиот договор тука е дел од македонските институции, од македонскиот Устав и законите. „Многу пати во минатото сме кажале дека тоа е реалност. Комуникацијата во македонските инститиуции останува согласно Уставот и законите, но мое основно човеково право е како ќе ја нарекувам мојата држава. И додека давам изјави или се обраќам, и јас, а очекувам тоа да биде начин на однесување и на Сиљановска, да се користат термините Македонија и придавката „македонски“, бидејќи на тој начин, според нашето толкување на Преспанскиот договор, нема негово прекршување. Ако тие мислат дека сме го прекршиле Преспанскиот договор, постои Меѓународен суд за правда, може да почнат процес па таму ќе ги вкрстиме и едните и другите аргументи. Не би сакал до тоа да дојде. Повикувам на добрососедски и пријателски односи, рече Мицкоски. Тој повика на добрососедски и пријателски односи со Грција и апелира да нема веќе закани, опструкции и враќање назад во минатото, туку двете страни да гледаат кон иднината. Рече и дека наскоро очекува средба со грчкиот премиер со кој би разговарал за економијата, туризмот, образованието... Кога ја даваше свечената заклетва во Собранието, Сиљановска-Давкова употребуваше само Македонија за името на државата, без додавката „северна“. Тоа предизвика реакции од меѓународната заедница и од властите во Грција и во Бугарија. Пораката е дека од почитувањето на Договорот од Преспа постигнат со Грција во 2018, како и Договорот за добрососедство со Бугарија од 2017, зависи и понатамошниот пат на Северна Македонија кон полноправно членство во ЕУ. прочитај повеќе мај 16, 2024 Мицкоски: Успешно консолидиравме 61 пратеник Северна Македонија - Христијан Мицкоски, претседател на ВМРО-ДПМНЕ, Скопје, 8 мај 2024 година Покрај 58 пратеници на коалицијата, имаме консолидирано точно 61 пратеник, изјави лидерот на ВМРО-ДПМНЕ и иден мандатар, Христијан Мицкоски на 16 мај. „Како ВМРО-ДПМНЕ и коалиција „Твоја Македонија“ ги завршуваме разговорите со неколку од пратениците кои не се дел од коалицијата „Твоја Македонија“ и можам да кажам дека во моментов успешно консолидиравме 61 пратеник, не можам да кажам детали“, изјави Мицкоски. Одговарајќи на новинарски прашања пред затворењето на Самитот Македонија 2025, Мицкоски информира дека разговорите со коалицијата„Вреди“ се водат во вистинска насока. „Нашата втора цел е заедно со коалициските партнери да успееме да консолидираме две третини во Собранието. Потребни се затоа што имаме намера да направиме сериозно реструктуирање и реекипирање на владиниот кабинет“, изјави Мицкоски. Видете и ова: ВМРО-ДПМНЕ и „Вреди“ договараат нова Влада, други чекаат покана Претходно се одржа и средба меѓу работните групи на ВМРО-ДПМНЕ и „Вреди“ за преговори за формирање коалиција за нова влада. Пред почетокот на состанокот куса изјава за медиумите даде Азир Алиу од Алијансата за Албанците на Арбен Таравари, кој кажа дека ќе се разговара за методологијата и динамиката на работа на овие групи. Одговарајќи на новинарски прашања Алиу речи дека најверојатно од наредниот состанок на работните групи ќе почнат поконкретните разговори вклучувајќи ги и кадровските решенија. Алиу на состанокот на работните групи во седиштето на ВМРО-ДПМНЕ дојде заедно со другите членови на работната група од оваа коалиција. Според информациите на ВМРО-ДПМНЕ, членови на работната група од нивна страна се потпретседателите на партијата Владо Мисајловски, Александар Николовски, Тимчо Муцунски и Гордана Димитровска Кочовска. Лидерот на ВМРО-ДПМНЕ Христијан Мицкоски заедно со потпретседателите и првите луѓе од партиите од коалицијата Вреди Изет Меџити, Африм Гаши и Арбен Таравари имаа средба во саботата во седиштето на коалицијата “Вреди“ кога и официјално почнаа разговорите за формирање влада. Според роковите во Уставот, Владата би требало да биде предложена најдоцна до крајот на јуни. Таа треба да биде изгласана со мнозинство од 61 пратеник од вкупно 120 во Собранието. Коалицијата на ВМРО-ДПМНЕ освои 436.036 гласови на парламентарните избори на 8 мај, речиси тројно повеќе од коалицијата на СДСМ, кој ја предводеше Владата на Северна Македонија по последните седум години. прочитај повеќе мај 16, 2024 Грција e против логиката на Сиљановска-Давкова за употреба на уставното име формално, но не и во јавни настапи Северна Македонија - Инаугурација на Гордана Сиљановска-Давкова, претседателка на Северна Македонија, Скопје, 12 мај 2024 година Неприфатлива за Грција е логиката на Гордана Сиљановска-Давкова, претседателка на Северна Македонија, да го употребува уставното име во формална комуникација, но не и во јавни настапи, рече Павлос Маринакис, портпарол на грчката влада, пренесе МИА. Маринакис рече дека кога станува збор за највисоката позиција, за позицијата претседател на државата, „за еден од столбовите на демократијата на една земја, не можеме да говориме за двоен јазик и лично право“. „Мислам дека е лицемерно ова да се кажува и да се слуша. За некои работи, каде што треба, ќе бидеме формални, а во нашите јавни настапи ќе го правиме она што сакаме или затоа што веруваме во тоа или затоа што ѝ служиме на нашата публика. Ова не може да биде прифатено од Грција, ниту од која било друга сериозна земја. Кога велиме дека треба да се согласиме дека треба да се почитува еден договор, затоа што таква е нашата обврска од фактот што е ратификуван овој договор, да го правиме тоа во сите наши формулации“, рече Маринакис. Видете и ова: ЕУ: Новата претседателка Сиљановска Давкова имаше несреќен настап За трите меморандуми за соработка кои СИРИЗА вчера ги достави во грчкиот Парламент, владиниот портпарол рече дека е „еден од најнесфатливите потези на опозицијата“, „Ниту еден грчки граѓанин не сфаќа на што му служи оваа постапка, зошто такво брзање. Од моментот кога претседателката на Северна Македонија не ја прифаќа основната, првата точка од Договорот, главната опозиција во Грција сака ние сè да направиме, сè да изгласаме“, рече Маринакис и додаде дека доколку видат соодветна позиција од новата Влада, тогаш ќе влезат во конкретната дискусија. Кога ја даваше свечената заклетва во Собранието, Сиљановска-Давкова употребуваше само Македонија за името на државата, без додавката „северна“. Тоа предизвика реакции од меѓународната заедница и од властите во Грција и во Бугарија. Пораката е дека од почитувањето на Договорот од Преспа постигнат со Грција во 2018, како и Договорот за добрососедство со Бугарија од 2017, зависи и понатамошниот пат на Северна Македонија кон полноправно членство во ЕУ. прочитај повеќе Вчитај повеќе...

Вести мај 16, 2024 Претставници на Западен Балкан, ЕУ и САД во Котор ќе разговараат за планот за раст Котор, Црна Гора Црна Гора денеска (16 мај) ќе ги собере лидерите од Западен Балкан и претставници на Европската Унија и САД на самит на кој ќе разговараат за планот за раст на ЕУ за Западен Балкан. Домаќин на самитот во Котор, под слоганот „Еден регион, заедничка визија“ ќе биде премиерот на Црна Гора, Милојко Спајиќ. На состанокот ќе учествуваат и европскиот комесар за соседство и проширување Оливер Вархеј и помошникот државен секретар на САД за Европа и Евроазија Џејмс О'Брајан. Стејт департментот соопшти дека О'Брајан и другите учесници на самитот во Котор ќе се фокусираат на регионалната економска интеграција и можностите за раст понудени од Планот за раст на Западен Балкан и ќе ја зајакнат силната американска поддршка за патот на Западен Балкан кон членство во ЕУ. Заедно со лидерите и министрите на земјите од регионот, во Котор беа поканети и партнерски организации, како што се Советот за регионална соработка, Европската банка за обнова и развој, Европската инвестициска банка, Светската банка, Транспортната заедница, Атлантска алијанса, Енергетска заедница, Фондација Отворено општество, РеСПА, ГИЗ. Видете и ова: Европскиот парламент го одобри Планот за раст за Западен Балкан Планот за раст на Западен Балкан, што Европската комисија го усвои во ноември, а ЕУ пред две недели, предвидува финансиска поддршка од шест милијарди евра, од кои две милијарди се грантови, а четири милијарди се поволни заеми обезбедени од ЕУ. Услов за добивање средства е спроведување на реформите, пред се во делот на почитување на демократските механизми, владеењето на правото и основните права. Планот го опфаќа периодот од 2024 до 2027 година и предвидува секоја влада од Западен Балкан шест да добива одредена сума пари на секои шест месеци, во зависност од реформите што ги спроведувала во тој период. прочитај повеќе види ги сите денешни вести мај 17, 2024 Делови од Нова Каледонија надвор од државна контрола Последици од немирите во Нова Каледонија, 16 мај 2024 година Области на пацифичката територија на Нова Каледонија „се надвор“ од државната контрола, изјави денеска претставник на француската влада, најавувајќи нови безбедносни распоредувања по неколкудневното смртоносно насилство. „Ќе пристигне засилување... за да ги контролираме областите што не се под наша контрола во изминатите денови “, изјави на брифинг високиот комесар на Републиката во Нова Каледонија, Луј Ле Фран. Вонредна состојба беше воведена на францускиот архипелаг откако противењето на планот на Париз за промена на правилата за гласање таму прераснаа во подметнување пожар, грабежи и насилство, при што загинаа пет, а стотици беа повредени. Видете и ова: Стотина повредени во немирите во Нова Каледонија, Макрон свика кризен состанок Како дел од вонредната состојба, приведени се околу 200 од околу 5000 „бунтовници“, соопштија француските власти. Едно лице осомничено за убиство им се предаде на властите, рече Ле Фран на денешниот брифинг. Видете и ова: Франција го обвини Азербејџан за вмешаност во немирите на Нова Каледонија Немирите започнаа кога француските пратеници ги одобрија плановите да им се дозволи на оние кои се преселиле на територијата пред најмалку 10 години да гласаат на локалните избори. прочитај повеќе мај 17, 2024 Русија тврди дека неутрализирала повеќе од 100 украински дронови во ноќните напади илустрација Министерството за одбрана на Русија соопшти дека повеќе од 100 украински беспилотни летала се уништени или пресретнати ноќеска во напади на југозапад на руската територија и на полуостровот Крим. Министерството соопшти дека армијата неутрализирала 51 дрон над Крим, 44 над регионот Краснодар, шест над регионот Белгород и еден над регионот Курск. Во текот на ноќта, поморската противвоздушна одбрана и патролни бродови на Црноморската флота уништија шест поморски беспилотни летала во водите на Црното Море. Видете и ова: Осуммина повредени во украински напад на Белгород Руската армија редовно објавува дека одбила ноќни напади на украински беспилотни летала, но ретко се наведува толкава бројка, јавија западни медиуми. Гувернерот на Белгородската област, која граничи со Украина, претходно денеска објави дека мајка и четиригодишно дете загинале при напад со беспилотно летало врз селото Октјабарски. прочитај повеќе мај 17, 2024 Шпанија не дозволи брод со оружје за Израел да се закотви во Картагена илустрација Шпанија не дозволи брод што носи оружје за Израел да се закотви во југоисточното пристаниште Картагена, изјави синоќа министерот за надворешни работи Хозе Мануел Албарес. Тој потврди дека бродот „Мариана Даница“ (Marianne Danica) кој превезува оружје во Израел побарал дозвола да се закотви во Картагена на 21 мај. Албарес истакна дека забраната за шпанските пристаништа е во согласност со политиката на Мадрид да не го извезува своето оружје во Израел од почетокот на војната во Појасот Газа. Видете и ова: Продолжуваат нападите врз Газа, ОН и Западот го критикуваат планот на Израел за инвазија на Рафа „Одбивме да дадеме дозвола за закотвување и тоа ќе биде конзистентна политика со секој брод што превезува израелско оружје, а сака да се закотви во шпански пристаништа“, посочи Албарес. Шпанскиот весник „Ел Паис“ објави дека бродот превезува речиси 27 тони експлозивен материјал од Мадрас, Индија. прочитај повеќе мај 16, 2024 Новата влада ќе го репреговара договорот со „Бехтел и Енка“ Означување на почетокот на изградбата на автопатиштата од Коридорите 8 и 10д што ги градат „Бехтел и Енка“ За договорот со „Бехтел и Енка“ има две опции - да се раскине или да се репреговара. Едната е да се раскине договорот и да се оди на арбитража, да платиме стотици милиони евра и да немаме автопат, а втората е да се оптимизира договорот за што веќе имаме почетни разговори, со што би се забрзал и реализирал проектот, изјави Христијан Мицкоски, иден мандатар и претседател на ВМРО-ДПМНЕ, на 16 мај. „Ние сме повеќе за прагматичниот пристап, граѓаните да добијат автопат, но оптимиран, но ваков каков што е, потпишан од оваа влада, за жал, е во одерена мерка неприменлив поради големите правни проблеми, проблеми со експропријација и технички проблеми. Мојата порака е дека како идна влада сакаме да градиме, а не да рушиме“ рече Мицкоски. Видете и ова: Уставен суд не поведе постапка за прекувремените работни часови на автопатите со „Бехтел и Енка“ Тој најави и дека во првите сто дена новата влада ќе објави гринфилд инвестиција во енергетиката, вредна 400 - 500 милиони евра. Мицкоски кажа дека станува збор за приватен капитал, „за голем играч со исклучително големи европски финансиски институции во акционерската структура“. Обртот на компанијата би била околу 80 - 100 милиони евра по основа на продадена електрична енергија и истргувани зелени сертификати, а договорот со неа е завршен. Според Мицкоски, ќе се произведува околу еден терават час електрична енергија што е една третина од производството на РЕК Битола. На прашањето дали Унгарија е земјата со која Северна Македонија ќе повлече заем до една милијарда евра, Мицкоски одговори дека се работи за европска држава, која граѓаните многу наскоро ќе ја дознаат. „Заемот до една милијарда евра под исклучително поволни услови, кој би се повлекол со друга држава, на ниво влада со влада, за финансирање на лошите договори на актуелната влада, државите кои ги спомнуваа не се тие“, рече Мицкоски. Проектот за градба на делниците од коридорите 8 и 10Д вклучува седум клучки, 34 мостови, 34 надвозници, 24 подвозници, над 21 милион метри кубни ископ, над 10 милиони метри кубни земјени насипи, 620.000 метри кубни бетон, 2,2 милиони метри куби подлога, 1,1 милион тони асфалт над 6000 и 320 км заштитна ограда. прочитај повеќе мај 16, 2024 Јеменските Хути ќе ги таргетираат сите бродови што пловат кон Израел Нафтен танкер погоден од Јеменските Хути Сите бродови кои пловат кон израелските пристаништа ќе бидат цел на јеменските Хути поддржани од Иран, а не само во регионот на Црвеното Море, рече водачот на групата, Абдул Малик ал-Хути, во телевизиски говор на 16 мај. Групата се закани дека ќе ги прошири своите напади врз бродовите кои пловат кон израелските пристаништа на Средоземното Море, во кампања на солидарност со Палестинците за време на израелската војна со милитантната група Хамас, која САД и ЕУ ја прогласија за терористичка организација. Ел Хути ги повика Кина, Русија, азиските и европските земји да не превезуваат стока до израелските пристаништа. Видете и ова: Јеменските Хути оштетија танкер со нафта „поврзан со Русија“ Хутите претходно изјавија дека нивни главни цели се Израел и неговите сојузници САД и Велика Британија. „Секој мора да престане да транспортира до окупираните палестински пристаништа“, рече Ел Хути. Милитантната група што тој ја предводи влезе во војната меѓу Израел и Хамас во декември 2023 година, напаѓајќи бродови на виталните водни патишта и напади со беспилотни летала и проектили кон Израел. Нападите на Хат ги зголемија трошоците за испорака и осигурување со прекин на клучната трговска рута меѓу Азија и Европа, принудувајќи ги бродските компании да се пренасочат кон подолги и поскапи патувања низ јужна Африка. прочитај повеќе мај 16, 2024 Талат Џафери: Има обиди за изборен инжинеринг Талат Џафери, технички премиер на Република Северна Македонија Имам добиено извештаи од учесниците во изборниот процес за вознемирување во однос на обиди за изборен инжинеринг со вон-институционален меѓупартиски договор за гласање и надгласување во Државната изборна комисија (ДИК), во врска со симптоматичните приговори поднесени од страна на учесниците во изборите, рече техничкиот премиер Талат Џафери на прес-конференција на 16 мај во Владата. „Според извештаите, овие претензии за изборен инжинеринг имаат за цел менување на соодносот на бројките во Собранието, преку политички договор на маса. Кредибилноста на изборите и на демократскиот процес, прифатен и поздравен од сите партии и од меѓународната заедница, сега е во рацете на Управниот суд. Ги поканувам сите институции да постапат согласно законот, без партиски и политички директиви од која било страна и да го штитат кредибилитет на изборниот процес до крај“, рече Џафери на прес конференцијата. Видете и ова: Четворица кандидати за пратеници во битка за две пратенички фотелји На две пратенички столчиња се надеваат четворица кандидати за пратеници од три изборни коалиции, по одлуката на ДИК да се прегласува во седум избирачки места од две изборни единици по спроведените парламентарни избори на 8 мај. На 17 мај, кога истекува рокот за одлучување по доставени жалби до Управниот суд, ќе се знае дали има основ за да се прегласува во седум избирачки места, од кои шест во изборна единица 5 и едно избирачко место во изборна единица 6. Според изборните правила, доколку се прегласува на оние места каде што се запишани околу илјада гласачи, тоа би можело да влијае врз избориот количник. Право на глас по втор пат на паралментарните избори ќе имаат над четири илјади граѓани, и нивниот избор може да го промени за две пратенички места распоредот на силите во Собранието. Коалицијата „Европски фронт“, предводена од ДУИ, поднесе жалба до Управниот суд за одлуките на Државната изборна комисија која прифати приговори за неправилности на седум избирачки места, на кои може да има повторно гласање. Доколку Управниот суд ги одбие жалбите на Европскиот фронт, Државната изборна комисија ќе треба да одлучи дали ќе има повторно гласање на овие седум избирачки места. Според првичните изборни резултати, ВМРО-ДПМНЕ осво 58 пратенички места, ДУИ доби 19, додека СДСМ има 18. Од коалицијата Влен во собранискиот состав влегуваат со 13, а партиите Левица и ЗНАМ со по 6 пратеници. прочитај повеќе мај 16, 2024 Мицкоски: Мое човеково право е како ќе ја нарекувам мојата држава Северна Македонија - Христијан Мицкоски, претседател на ВМРО-ДПМНЕ и Гордана Сиљановска - Давкова, претседателка на Република Северна Македонија Достоинствена беше заклетвата на претседателката Гордана Сиљановска Давкова, очекував честитка од јужниот сосед за убедливиот триумф, но за жал, добивме политички мускули, изјавипретседателот на ВМРО-ДПМНЕ и иден мандатар Христијан Мицкоски на 16 мај. Според Мицкоски, ако Грција смета дека земјава го прекршила Преспанскиот договор, постои Меѓународен суд за правда. Тој потсети и дека нашата држава во целост го има имплементирано Преспанскиот договор, „а кај јужниот сосед не се завршени ни основните три работи“. Видете и ова: Сиљановска и ВМРО-ДПМНЕ не бегаат од Преспанскиот договор, но не се откажуваат од само „Македонија“ „Ако некој очекува од ВМРО-ДПМНЕ да ги повтори грешките од минатото, бидете сигурни дека тоа нема да го направиме. Немаме намера на нивните политички мускули да одговориме со преименување на автопатите и аеродромите или да градиме споменици. Не очекувам односите меѓу двете држави да се темелат на политички мускули, очекувам да имаме одлични меѓусоседски односи. Ценам дека ВМРО-ДПМНЕ и тамошната влада предводена од Нова Демократија имаат свој став поврзан со Преспанскиот договор, бидејќи ниту на едните, ниту на другите ни се допаѓа тој договор“, рече Мицкоски. За разлика од таму, нагласи, Преспанскиот договор тука е дел од македонските институции, од македонскиот Устав и законите. „Многу пати во минатото сме кажале дека тоа е реалност. Комуникацијата во македонските инститиуции останува согласно Уставот и законите, но мое основно човеково право е како ќе ја нарекувам мојата држава. И додека давам изјави или се обраќам, и јас, а очекувам тоа да биде начин на однесување и на Сиљановска, да се користат термините Македонија и придавката „македонски“, бидејќи на тој начин, според нашето толкување на Преспанскиот договор, нема негово прекршување. Ако тие мислат дека сме го прекршиле Преспанскиот договор, постои Меѓународен суд за правда, може да почнат процес па таму ќе ги вкрстиме и едните и другите аргументи. Не би сакал до тоа да дојде. Повикувам на добрососедски и пријателски односи, рече Мицкоски. Тој повика на добрососедски и пријателски односи со Грција и апелира да нема веќе закани, опструкции и враќање назад во минатото, туку двете страни да гледаат кон иднината. Рече и дека наскоро очекува средба со грчкиот премиер со кој би разговарал за економијата, туризмот, образованието... Кога ја даваше свечената заклетва во Собранието, Сиљановска-Давкова употребуваше само Македонија за името на државата, без додавката „северна“. Тоа предизвика реакции од меѓународната заедница и од властите во Грција и во Бугарија. Пораката е дека од почитувањето на Договорот од Преспа постигнат со Грција во 2018, како и Договорот за добрососедство со Бугарија од 2017, зависи и понатамошниот пат на Северна Македонија кон полноправно членство во ЕУ. прочитај повеќе мај 16, 2024 Мицкоски: Успешно консолидиравме 61 пратеник Северна Македонија - Христијан Мицкоски, претседател на ВМРО-ДПМНЕ, Скопје, 8 мај 2024 година Покрај 58 пратеници на коалицијата, имаме консолидирано точно 61 пратеник, изјави лидерот на ВМРО-ДПМНЕ и иден мандатар, Христијан Мицкоски на 16 мај. „Како ВМРО-ДПМНЕ и коалиција „Твоја Македонија“ ги завршуваме разговорите со неколку од пратениците кои не се дел од коалицијата „Твоја Македонија“ и можам да кажам дека во моментов успешно консолидиравме 61 пратеник, не можам да кажам детали“, изјави Мицкоски. Одговарајќи на новинарски прашања пред затворењето на Самитот Македонија 2025, Мицкоски информира дека разговорите со коалицијата„Вреди“ се водат во вистинска насока. „Нашата втора цел е заедно со коалициските партнери да успееме да консолидираме две третини во Собранието. Потребни се затоа што имаме намера да направиме сериозно реструктуирање и реекипирање на владиниот кабинет“, изјави Мицкоски. Видете и ова: ВМРО-ДПМНЕ и „Вреди“ договараат нова Влада, други чекаат покана Претходно се одржа и средба меѓу работните групи на ВМРО-ДПМНЕ и „Вреди“ за преговори за формирање коалиција за нова влада. Пред почетокот на состанокот куса изјава за медиумите даде Азир Алиу од Алијансата за Албанците на Арбен Таравари, кој кажа дека ќе се разговара за методологијата и динамиката на работа на овие групи. Одговарајќи на новинарски прашања Алиу речи дека најверојатно од наредниот состанок на работните групи ќе почнат поконкретните разговори вклучувајќи ги и кадровските решенија. Алиу на состанокот на работните групи во седиштето на ВМРО-ДПМНЕ дојде заедно со другите членови на работната група од оваа коалиција. Според информациите на ВМРО-ДПМНЕ, членови на работната група од нивна страна се потпретседателите на партијата Владо Мисајловски, Александар Николовски, Тимчо Муцунски и Гордана Димитровска Кочовска. Лидерот на ВМРО-ДПМНЕ Христијан Мицкоски заедно со потпретседателите и првите луѓе од партиите од коалицијата Вреди Изет Меџити, Африм Гаши и Арбен Таравари имаа средба во саботата во седиштето на коалицијата “Вреди“ кога и официјално почнаа разговорите за формирање влада. Според роковите во Уставот, Владата би требало да биде предложена најдоцна до крајот на јуни. Таа треба да биде изгласана со мнозинство од 61 пратеник од вкупно 120 во Собранието. Коалицијата на ВМРО-ДПМНЕ освои 436.036 гласови на парламентарните избори на 8 мај, речиси тројно повеќе од коалицијата на СДСМ, кој ја предводеше Владата на Северна Македонија по последните седум години. прочитај повеќе мај 16, 2024 Грција e против логиката на Сиљановска-Давкова за употреба на уставното име формално, но не и во јавни настапи Северна Македонија - Инаугурација на Гордана Сиљановска-Давкова, претседателка на Северна Македонија, Скопје, 12 мај 2024 година Неприфатлива за Грција е логиката на Гордана Сиљановска-Давкова, претседателка на Северна Македонија, да го употребува уставното име во формална комуникација, но не и во јавни настапи, рече Павлос Маринакис, портпарол на грчката влада, пренесе МИА. Маринакис рече дека кога станува збор за највисоката позиција, за позицијата претседател на државата, „за еден од столбовите на демократијата на една земја, не можеме да говориме за двоен јазик и лично право“. „Мислам дека е лицемерно ова да се кажува и да се слуша. За некои работи, каде што треба, ќе бидеме формални, а во нашите јавни настапи ќе го правиме она што сакаме или затоа што веруваме во тоа или затоа што ѝ служиме на нашата публика. Ова не може да биде прифатено од Грција, ниту од која било друга сериозна земја. Кога велиме дека треба да се согласиме дека треба да се почитува еден договор, затоа што таква е нашата обврска од фактот што е ратификуван овој договор, да го правиме тоа во сите наши формулации“, рече Маринакис. Видете и ова: ЕУ: Новата претседателка Сиљановска Давкова имаше несреќен настап За трите меморандуми за соработка кои СИРИЗА вчера ги достави во грчкиот Парламент, владиниот портпарол рече дека е „еден од најнесфатливите потези на опозицијата“, „Ниту еден грчки граѓанин не сфаќа на што му служи оваа постапка, зошто такво брзање. Од моментот кога претседателката на Северна Македонија не ја прифаќа основната, првата точка од Договорот, главната опозиција во Грција сака ние сè да направиме, сè да изгласаме“, рече Маринакис и додаде дека доколку видат соодветна позиција од новата Влада, тогаш ќе влезат во конкретната дискусија. Кога ја даваше свечената заклетва во Собранието, Сиљановска-Давкова употребуваше само Македонија за името на државата, без додавката „северна“. Тоа предизвика реакции од меѓународната заедница и од властите во Грција и во Бугарија. Пораката е дека од почитувањето на Договорот од Преспа постигнат со Грција во 2018, како и Договорот за добрососедство со Бугарија од 2017, зависи и понатамошниот пат на Северна Македонија кон полноправно членство во ЕУ. прочитај повеќе мај 16, 2024 Уапсен маж во Србија кој му се заканувал на Вучиќ Србија - Александар Вучиќ, претседател на Србија, 8 мај 2024 година Маж во Србија е уапсен поради закана за загрозување на безбедноста на претседателот на Србија, Александар Вучиќ. Министерот за внатрешни работи на Србија, Ивица Дачиќ, на 16 мај изјави дека е уапсен Д.М. од Сомбор. „Полицијата доби наредба да му биде задржан 48 часа“, рече Дачиќ. Од Министерството за внатрешни работи на Србија не кажаа повеќе детали. Видете и ова: Загриженост и осуда од европските лидери по пукањето кон Фицо Радио-телевизијата на Србија (РТС) објави дека под објавата на претседателот на Србија на мрежата Икс (поранешен Твитер) се појавиле заканувачки пораки до Вучиќ откако тој изјави дека е шокиран од обидот за атентат врз словачкиот премиер Роберт Фиц. Вучиќ кажа дека жителот на Сомбор, кој беше уапсен поради закани преку социјалните мрежи, претходно извршил околу 50 кривични дела, меѓу кои и разбојништва и тешки кражби. „Тој човек ги правеше најтешките злосторства секој ден од својот живот - од грабеж до тешка кражба“, изјави Вучиќ за новинарите во Котор, каде што учествуваше на самитот за Планот за раст на ЕУ за Западен Балкан, пренесе агенцијата Бета. Според пишувањата на медиумите, полицијата во јануари уапсила и Борчанец кој преку социјалната мрежа Икс му се заканувал на претседателот на Србија. прочитај повеќе Вчитај повеќе...

Вести мај 15, 2024 Љупчо Палевски – Палчо со авион екстрадиран во Северна Македонија Љупчо Палевски - Палчо беше уапсен во Турција на 5 декември. Првоосомничениот за убиството на малолетното девојче Вања Ѓорчевска и велешанецот Панче Жежовски, вечерва (15 мај) со авионски лет е екстрадиран во Северна Македонија од Турција. Од скопскиот аеродром, со полициска придружба, тој директно беше транспортиран во затворот „Скопје“ во Шуто Оризари бидејќи веќе има решение за 30-дневен притвор. „Полициски службеници од Секторот за меѓународна полициска соработка на МВР во соработка со турската полиција го завршија процесот на екстрадиција од Република Турција на Љупчо Палевски (59) од Скопје, за кого беше распишана меѓународна потерница“, наведоа од Министерството за внатрешни работи. Видете и ова: Турција одобри екстрадиција на Љупчо Палески- Палчо Министерот за правда, Кренар Лога, се заблагодари на брзата реакција и соработката од Турција за екстрадиција на Палевски која, оцени, била завршена во релативен краток период за околу пет месеци. Ова следува откако на 30 април македонските власти добија официјално известување од турска страна дека е одобрена екстрадицијата. По одобрувањето, екстрадицијата се спроведе во организација на Министерството за внатрешни работи. Во притвор во „Шутка“ веќе се наоѓаат тројца осомничени соизвршители за грабнувањата и свирепите убиства на двете жртви. Од безбедносни причини, од затворската управа за Радио Слободна Европа посочија дека Палевски ќе биде издвоен од останатите притвореници во посебна ќелија. За него ќе бидат задолжени само одреден дел од затворските чувари што значи дека останатите припадници на затворската полиција ќе немаат пристап до него. Во тој дел од затворот, објаснуваат оттаму, може да се влегува само со електронска партичка. Исто така, велат од затворот за РСЕ, за осомничениот ќе се определи посебно време кога ќе може сам да излегува во затворскиот двор, ќе посетува посебна бања со придружба на чувари, ќе се проверува храната што ќе ја добива итн. Палевски, како првоосомничен, избега од Северна Македонија преку Србија и Бугарија и стигна до Турција. На 5 декември турската полиција го уапси во градот Балибекир. Видете и ова: Обвинителство не открива што покажала обдукцијата на Вања и Панче Кривичните дела за кој е осомничен се „грабнување“ и „убиство на свиреп начин“. Предметот е се уште во фаза на истрага, но се очекува наскоро таа да заврши и да биде поднесено обвинение. Двете жртви, 14-годишната Вања и велешкиот фризер Панче, беа пријавени за исчезнати на 24 и 27 ноември лани. Нивните тела беа пронајдени мртви во близина на Велес и Скопје на 3 декември. Во овој случај како петоосомничен се јавува и таткото на Вања. Тој се гони за помагање во делото грабнување. Тој во моментов се наоѓа во домашен притвор. За помагање во бегството на Палчо, пак, е осомничено едно лице кое се наоѓаше во притвор, но на 12 март по барање на обвинителството му беше укината оваа мерка и наместо неа му беа определени мерки на претпазливост – забрана за напуштање на живеалиште, одземање патна исправа и обврска за јавување во суд. прочитај повеќе види ги сите денешни вести мај 17, 2024 Делови од Нова Каледонија надвор од државна контрола Последици од немирите во Нова Каледонија, 16 мај 2024 година Области на пацифичката територија на Нова Каледонија „се надвор“ од државната контрола, изјави денеска претставник на француската влада, најавувајќи нови безбедносни распоредувања по неколкудневното смртоносно насилство. „Ќе пристигне засилување... за да ги контролираме областите што не се под наша контрола во изминатите денови “, изјави на брифинг високиот комесар на Републиката во Нова Каледонија, Луј Ле Фран. Вонредна состојба беше воведена на францускиот архипелаг откако противењето на планот на Париз за промена на правилата за гласање таму прераснаа во подметнување пожар, грабежи и насилство, при што загинаа пет, а стотици беа повредени. Видете и ова: Стотина повредени во немирите во Нова Каледонија, Макрон свика кризен состанок Како дел од вонредната состојба, приведени се околу 200 од околу 5000 „бунтовници“, соопштија француските власти. Едно лице осомничено за убиство им се предаде на властите, рече Ле Фран на денешниот брифинг. Видете и ова: Франција го обвини Азербејџан за вмешаност во немирите на Нова Каледонија Немирите започнаа кога француските пратеници ги одобрија плановите да им се дозволи на оние кои се преселиле на територијата пред најмалку 10 години да гласаат на локалните избори. прочитај повеќе мај 17, 2024 Русија тврди дека неутрализирала повеќе од 100 украински дронови во ноќните напади илустрација Министерството за одбрана на Русија соопшти дека повеќе од 100 украински беспилотни летала се уништени или пресретнати ноќеска во напади на југозапад на руската територија и на полуостровот Крим. Министерството соопшти дека армијата неутрализирала 51 дрон над Крим, 44 над регионот Краснодар, шест над регионот Белгород и еден над регионот Курск. Во текот на ноќта, поморската противвоздушна одбрана и патролни бродови на Црноморската флота уништија шест поморски беспилотни летала во водите на Црното Море. Видете и ова: Осуммина повредени во украински напад на Белгород Руската армија редовно објавува дека одбила ноќни напади на украински беспилотни летала, но ретко се наведува толкава бројка, јавија западни медиуми. Гувернерот на Белгородската област, која граничи со Украина, претходно денеска објави дека мајка и четиригодишно дете загинале при напад со беспилотно летало врз селото Октјабарски. прочитај повеќе мај 17, 2024 Шпанија не дозволи брод со оружје за Израел да се закотви во Картагена илустрација Шпанија не дозволи брод што носи оружје за Израел да се закотви во југоисточното пристаниште Картагена, изјави синоќа министерот за надворешни работи Хозе Мануел Албарес. Тој потврди дека бродот „Мариана Даница“ (Marianne Danica) кој превезува оружје во Израел побарал дозвола да се закотви во Картагена на 21 мај. Албарес истакна дека забраната за шпанските пристаништа е во согласност со политиката на Мадрид да не го извезува своето оружје во Израел од почетокот на војната во Појасот Газа. Видете и ова: Продолжуваат нападите врз Газа, ОН и Западот го критикуваат планот на Израел за инвазија на Рафа „Одбивме да дадеме дозвола за закотвување и тоа ќе биде конзистентна политика со секој брод што превезува израелско оружје, а сака да се закотви во шпански пристаништа“, посочи Албарес. Шпанскиот весник „Ел Паис“ објави дека бродот превезува речиси 27 тони експлозивен материјал од Мадрас, Индија. прочитај повеќе мај 16, 2024 Новата влада ќе го репреговара договорот со „Бехтел и Енка“ Означување на почетокот на изградбата на автопатиштата од Коридорите 8 и 10д што ги градат „Бехтел и Енка“ За договорот со „Бехтел и Енка“ има две опции - да се раскине или да се репреговара. Едната е да се раскине договорот и да се оди на арбитража, да платиме стотици милиони евра и да немаме автопат, а втората е да се оптимизира договорот за што веќе имаме почетни разговори, со што би се забрзал и реализирал проектот, изјави Христијан Мицкоски, иден мандатар и претседател на ВМРО-ДПМНЕ, на 16 мај. „Ние сме повеќе за прагматичниот пристап, граѓаните да добијат автопат, но оптимиран, но ваков каков што е, потпишан од оваа влада, за жал, е во одерена мерка неприменлив поради големите правни проблеми, проблеми со експропријација и технички проблеми. Мојата порака е дека како идна влада сакаме да градиме, а не да рушиме“ рече Мицкоски. Видете и ова: Уставен суд не поведе постапка за прекувремените работни часови на автопатите со „Бехтел и Енка“ Тој најави и дека во првите сто дена новата влада ќе објави гринфилд инвестиција во енергетиката, вредна 400 - 500 милиони евра. Мицкоски кажа дека станува збор за приватен капитал, „за голем играч со исклучително големи европски финансиски институции во акционерската структура“. Обртот на компанијата би била околу 80 - 100 милиони евра по основа на продадена електрична енергија и истргувани зелени сертификати, а договорот со неа е завршен. Според Мицкоски, ќе се произведува околу еден терават час електрична енергија што е една третина од производството на РЕК Битола. На прашањето дали Унгарија е земјата со која Северна Македонија ќе повлече заем до една милијарда евра, Мицкоски одговори дека се работи за европска држава, која граѓаните многу наскоро ќе ја дознаат. „Заемот до една милијарда евра под исклучително поволни услови, кој би се повлекол со друга држава, на ниво влада со влада, за финансирање на лошите договори на актуелната влада, државите кои ги спомнуваа не се тие“, рече Мицкоски. Проектот за градба на делниците од коридорите 8 и 10Д вклучува седум клучки, 34 мостови, 34 надвозници, 24 подвозници, над 21 милион метри кубни ископ, над 10 милиони метри кубни земјени насипи, 620.000 метри кубни бетон, 2,2 милиони метри куби подлога, 1,1 милион тони асфалт над 6000 и 320 км заштитна ограда. прочитај повеќе мај 16, 2024 Јеменските Хути ќе ги таргетираат сите бродови што пловат кон Израел Нафтен танкер погоден од Јеменските Хути Сите бродови кои пловат кон израелските пристаништа ќе бидат цел на јеменските Хути поддржани од Иран, а не само во регионот на Црвеното Море, рече водачот на групата, Абдул Малик ал-Хути, во телевизиски говор на 16 мај. Групата се закани дека ќе ги прошири своите напади врз бродовите кои пловат кон израелските пристаништа на Средоземното Море, во кампања на солидарност со Палестинците за време на израелската војна со милитантната група Хамас, која САД и ЕУ ја прогласија за терористичка организација. Ел Хути ги повика Кина, Русија, азиските и европските земји да не превезуваат стока до израелските пристаништа. Видете и ова: Јеменските Хути оштетија танкер со нафта „поврзан со Русија“ Хутите претходно изјавија дека нивни главни цели се Израел и неговите сојузници САД и Велика Британија. „Секој мора да престане да транспортира до окупираните палестински пристаништа“, рече Ел Хути. Милитантната група што тој ја предводи влезе во војната меѓу Израел и Хамас во декември 2023 година, напаѓајќи бродови на виталните водни патишта и напади со беспилотни летала и проектили кон Израел. Нападите на Хат ги зголемија трошоците за испорака и осигурување со прекин на клучната трговска рута меѓу Азија и Европа, принудувајќи ги бродските компании да се пренасочат кон подолги и поскапи патувања низ јужна Африка. прочитај повеќе мај 16, 2024 Талат Џафери: Има обиди за изборен инжинеринг Талат Џафери, технички премиер на Република Северна Македонија Имам добиено извештаи од учесниците во изборниот процес за вознемирување во однос на обиди за изборен инжинеринг со вон-институционален меѓупартиски договор за гласање и надгласување во Државната изборна комисија (ДИК), во врска со симптоматичните приговори поднесени од страна на учесниците во изборите, рече техничкиот премиер Талат Џафери на прес-конференција на 16 мај во Владата. „Според извештаите, овие претензии за изборен инжинеринг имаат за цел менување на соодносот на бројките во Собранието, преку политички договор на маса. Кредибилноста на изборите и на демократскиот процес, прифатен и поздравен од сите партии и од меѓународната заедница, сега е во рацете на Управниот суд. Ги поканувам сите институции да постапат согласно законот, без партиски и политички директиви од која било страна и да го штитат кредибилитет на изборниот процес до крај“, рече Џафери на прес конференцијата. Видете и ова: Четворица кандидати за пратеници во битка за две пратенички фотелји На две пратенички столчиња се надеваат четворица кандидати за пратеници од три изборни коалиции, по одлуката на ДИК да се прегласува во седум избирачки места од две изборни единици по спроведените парламентарни избори на 8 мај. На 17 мај, кога истекува рокот за одлучување по доставени жалби до Управниот суд, ќе се знае дали има основ за да се прегласува во седум избирачки места, од кои шест во изборна единица 5 и едно избирачко место во изборна единица 6. Според изборните правила, доколку се прегласува на оние места каде што се запишани околу илјада гласачи, тоа би можело да влијае врз избориот количник. Право на глас по втор пат на паралментарните избори ќе имаат над четири илјади граѓани, и нивниот избор може да го промени за две пратенички места распоредот на силите во Собранието. Коалицијата „Европски фронт“, предводена од ДУИ, поднесе жалба до Управниот суд за одлуките на Државната изборна комисија која прифати приговори за неправилности на седум избирачки места, на кои може да има повторно гласање. Доколку Управниот суд ги одбие жалбите на Европскиот фронт, Државната изборна комисија ќе треба да одлучи дали ќе има повторно гласање на овие седум избирачки места. Според првичните изборни резултати, ВМРО-ДПМНЕ осво 58 пратенички места, ДУИ доби 19, додека СДСМ има 18. Од коалицијата Влен во собранискиот состав влегуваат со 13, а партиите Левица и ЗНАМ со по 6 пратеници. прочитај повеќе мај 16, 2024 Мицкоски: Мое човеково право е како ќе ја нарекувам мојата држава Северна Македонија - Христијан Мицкоски, претседател на ВМРО-ДПМНЕ и Гордана Сиљановска - Давкова, претседателка на Република Северна Македонија Достоинствена беше заклетвата на претседателката Гордана Сиљановска Давкова, очекував честитка од јужниот сосед за убедливиот триумф, но за жал, добивме политички мускули, изјавипретседателот на ВМРО-ДПМНЕ и иден мандатар Христијан Мицкоски на 16 мај. Според Мицкоски, ако Грција смета дека земјава го прекршила Преспанскиот договор, постои Меѓународен суд за правда. Тој потсети и дека нашата држава во целост го има имплементирано Преспанскиот договор, „а кај јужниот сосед не се завршени ни основните три работи“. Видете и ова: Сиљановска и ВМРО-ДПМНЕ не бегаат од Преспанскиот договор, но не се откажуваат од само „Македонија“ „Ако некој очекува од ВМРО-ДПМНЕ да ги повтори грешките од минатото, бидете сигурни дека тоа нема да го направиме. Немаме намера на нивните политички мускули да одговориме со преименување на автопатите и аеродромите или да градиме споменици. Не очекувам односите меѓу двете држави да се темелат на политички мускули, очекувам да имаме одлични меѓусоседски односи. Ценам дека ВМРО-ДПМНЕ и тамошната влада предводена од Нова Демократија имаат свој став поврзан со Преспанскиот договор, бидејќи ниту на едните, ниту на другите ни се допаѓа тој договор“, рече Мицкоски. За разлика од таму, нагласи, Преспанскиот договор тука е дел од македонските институции, од македонскиот Устав и законите. „Многу пати во минатото сме кажале дека тоа е реалност. Комуникацијата во македонските инститиуции останува согласно Уставот и законите, но мое основно човеково право е како ќе ја нарекувам мојата држава. И додека давам изјави или се обраќам, и јас, а очекувам тоа да биде начин на однесување и на Сиљановска, да се користат термините Македонија и придавката „македонски“, бидејќи на тој начин, според нашето толкување на Преспанскиот договор, нема негово прекршување. Ако тие мислат дека сме го прекршиле Преспанскиот договор, постои Меѓународен суд за правда, може да почнат процес па таму ќе ги вкрстиме и едните и другите аргументи. Не би сакал до тоа да дојде. Повикувам на добрососедски и пријателски односи, рече Мицкоски. Тој повика на добрососедски и пријателски односи со Грција и апелира да нема веќе закани, опструкции и враќање назад во минатото, туку двете страни да гледаат кон иднината. Рече и дека наскоро очекува средба со грчкиот премиер со кој би разговарал за економијата, туризмот, образованието... Кога ја даваше свечената заклетва во Собранието, Сиљановска-Давкова употребуваше само Македонија за името на државата, без додавката „северна“. Тоа предизвика реакции од меѓународната заедница и од властите во Грција и во Бугарија. Пораката е дека од почитувањето на Договорот од Преспа постигнат со Грција во 2018, како и Договорот за добрососедство со Бугарија од 2017, зависи и понатамошниот пат на Северна Македонија кон полноправно членство во ЕУ. прочитај повеќе мај 16, 2024 Мицкоски: Успешно консолидиравме 61 пратеник Северна Македонија - Христијан Мицкоски, претседател на ВМРО-ДПМНЕ, Скопје, 8 мај 2024 година Покрај 58 пратеници на коалицијата, имаме консолидирано точно 61 пратеник, изјави лидерот на ВМРО-ДПМНЕ и иден мандатар, Христијан Мицкоски на 16 мај. „Како ВМРО-ДПМНЕ и коалиција „Твоја Македонија“ ги завршуваме разговорите со неколку од пратениците кои не се дел од коалицијата „Твоја Македонија“ и можам да кажам дека во моментов успешно консолидиравме 61 пратеник, не можам да кажам детали“, изјави Мицкоски. Одговарајќи на новинарски прашања пред затворењето на Самитот Македонија 2025, Мицкоски информира дека разговорите со коалицијата„Вреди“ се водат во вистинска насока. „Нашата втора цел е заедно со коалициските партнери да успееме да консолидираме две третини во Собранието. Потребни се затоа што имаме намера да направиме сериозно реструктуирање и реекипирање на владиниот кабинет“, изјави Мицкоски. Видете и ова: ВМРО-ДПМНЕ и „Вреди“ договараат нова Влада, други чекаат покана Претходно се одржа и средба меѓу работните групи на ВМРО-ДПМНЕ и „Вреди“ за преговори за формирање коалиција за нова влада. Пред почетокот на состанокот куса изјава за медиумите даде Азир Алиу од Алијансата за Албанците на Арбен Таравари, кој кажа дека ќе се разговара за методологијата и динамиката на работа на овие групи. Одговарајќи на новинарски прашања Алиу речи дека најверојатно од наредниот состанок на работните групи ќе почнат поконкретните разговори вклучувајќи ги и кадровските решенија. Алиу на состанокот на работните групи во седиштето на ВМРО-ДПМНЕ дојде заедно со другите членови на работната група од оваа коалиција. Според информациите на ВМРО-ДПМНЕ, членови на работната група од нивна страна се потпретседателите на партијата Владо Мисајловски, Александар Николовски, Тимчо Муцунски и Гордана Димитровска Кочовска. Лидерот на ВМРО-ДПМНЕ Христијан Мицкоски заедно со потпретседателите и првите луѓе од партиите од коалицијата Вреди Изет Меџити, Африм Гаши и Арбен Таравари имаа средба во саботата во седиштето на коалицијата “Вреди“ кога и официјално почнаа разговорите за формирање влада. Според роковите во Уставот, Владата би требало да биде предложена најдоцна до крајот на јуни. Таа треба да биде изгласана со мнозинство од 61 пратеник од вкупно 120 во Собранието. Коалицијата на ВМРО-ДПМНЕ освои 436.036 гласови на парламентарните избори на 8 мај, речиси тројно повеќе од коалицијата на СДСМ, кој ја предводеше Владата на Северна Македонија по последните седум години. прочитај повеќе мај 16, 2024 Грција e против логиката на Сиљановска-Давкова за употреба на уставното име формално, но не и во јавни настапи Северна Македонија - Инаугурација на Гордана Сиљановска-Давкова, претседателка на Северна Македонија, Скопје, 12 мај 2024 година Неприфатлива за Грција е логиката на Гордана Сиљановска-Давкова, претседателка на Северна Македонија, да го употребува уставното име во формална комуникација, но не и во јавни настапи, рече Павлос Маринакис, портпарол на грчката влада, пренесе МИА. Маринакис рече дека кога станува збор за највисоката позиција, за позицијата претседател на државата, „за еден од столбовите на демократијата на една земја, не можеме да говориме за двоен јазик и лично право“. „Мислам дека е лицемерно ова да се кажува и да се слуша. За некои работи, каде што треба, ќе бидеме формални, а во нашите јавни настапи ќе го правиме она што сакаме или затоа што веруваме во тоа или затоа што ѝ служиме на нашата публика. Ова не може да биде прифатено од Грција, ниту од која било друга сериозна земја. Кога велиме дека треба да се согласиме дека треба да се почитува еден договор, затоа што таква е нашата обврска од фактот што е ратификуван овој договор, да го правиме тоа во сите наши формулации“, рече Маринакис. Видете и ова: ЕУ: Новата претседателка Сиљановска Давкова имаше несреќен настап За трите меморандуми за соработка кои СИРИЗА вчера ги достави во грчкиот Парламент, владиниот портпарол рече дека е „еден од најнесфатливите потези на опозицијата“, „Ниту еден грчки граѓанин не сфаќа на што му служи оваа постапка, зошто такво брзање. Од моментот кога претседателката на Северна Македонија не ја прифаќа основната, првата точка од Договорот, главната опозиција во Грција сака ние сè да направиме, сè да изгласаме“, рече Маринакис и додаде дека доколку видат соодветна позиција од новата Влада, тогаш ќе влезат во конкретната дискусија. Кога ја даваше свечената заклетва во Собранието, Сиљановска-Давкова употребуваше само Македонија за името на државата, без додавката „северна“. Тоа предизвика реакции од меѓународната заедница и од властите во Грција и во Бугарија. Пораката е дека од почитувањето на Договорот од Преспа постигнат со Грција во 2018, како и Договорот за добрососедство со Бугарија од 2017, зависи и понатамошниот пат на Северна Македонија кон полноправно членство во ЕУ. прочитај повеќе мај 16, 2024 Уапсен маж во Србија кој му се заканувал на Вучиќ Србија - Александар Вучиќ, претседател на Србија, 8 мај 2024 година Маж во Србија е уапсен поради закана за загрозување на безбедноста на претседателот на Србија, Александар Вучиќ. Министерот за внатрешни работи на Србија, Ивица Дачиќ, на 16 мај изјави дека е уапсен Д.М. од Сомбор. „Полицијата доби наредба да му биде задржан 48 часа“, рече Дачиќ. Од Министерството за внатрешни работи на Србија не кажаа повеќе детали. Видете и ова: Загриженост и осуда од европските лидери по пукањето кон Фицо Радио-телевизијата на Србија (РТС) објави дека под објавата на претседателот на Србија на мрежата Икс (поранешен Твитер) се појавиле заканувачки пораки до Вучиќ откако тој изјави дека е шокиран од обидот за атентат врз словачкиот премиер Роберт Фиц. Вучиќ кажа дека жителот на Сомбор, кој беше уапсен поради закани преку социјалните мрежи, претходно извршил околу 50 кривични дела, меѓу кои и разбојништва и тешки кражби. „Тој човек ги правеше најтешките злосторства секој ден од својот живот - од грабеж до тешка кражба“, изјави Вучиќ за новинарите во Котор, каде што учествуваше на самитот за Планот за раст на ЕУ за Западен Балкан, пренесе агенцијата Бета. Според пишувањата на медиумите, полицијата во јануари уапсила и Борчанец кој преку социјалната мрежа Икс му се заканувал на претседателот на Србија. прочитај повеќе Вчитај повеќе...

Вести мај 15, 2024 Пропадна и последната рунда преговори за динарот меѓу Косово и Србија За употребата на динарот досега се одржаа седум средви помеѓу Белград и Приштина Без договор за прашањето за употребата на српскиот динар заврши и денешната (15 мај), седма по ред средба во Брисел меѓу главните преговарачи на Косово и Србија. Косовскиот главен преговарач рече дека ќе нема повеќе средби во рамките на дијалогот на оваа тема. Европската унија потврди дека нема волја на страните да постигнат компромисно решение. „Средбата пропадна затоа што немаше подготвеност од српската страна да се разговара за предлогот на (Мирослав) Лајчак [европскиот пратеник за дијалог]. Нивната позиција денес назадувала во споредба со претходните три состаноци“, изјави косовскиот преговарач Бесник Бислими на крајот од состанокот кој траеше повеќе од осум часа. Видете и ова: Средба меѓу Косово и Србија за динарот во среда во Брисел Главниот преговарач на Србија, Петар Петковиќ, одговорноста за неуспехот на преговорите за динарот ја префрли на косовската страна. Но, призна и дека Србија дошла со нови предлози. „Иако нашата страна повторно беше конструктивна, иако излеговме со нови предлози, покажавме дека сакаме договор. Излеговме со шест нови предлози“, рече Петковиќ. На средбата, Косово и Србија требаше да се договорат за компромисниот предлог што го даде европскиот претставник Мирослав Лајчак. Петковиќ рече дека Белград не ја затворил вратата за понатамошни разговори, бидејќи Србија, како што посочи, сака решение зашто без него „на Србите на Косово им е потешко“. Ова беше седма средба за динарот која пропадна бидејќи Приштина и Белград не успеаја да најдат заеднички јазик. Целта на овие состаноци беше да се постигне привремено решение за примена на регулативата на Централната банка на Косово, според која од 1 февруари годинава еврото е единствената валута за готовинско плаќање во Косово. ЕУ жали за исходот од состанокот „ЕУ жали што денес не беше можно да се постигне договор. ЕУ оценува дека нема подготвеност да се најде компромисен договор во иднина“, се вели во изјавата на портпаролот на Унијата по средбата на преговарачите од Србија и Косово. Во изјавата од ЕУ, се потврдува подготвеноста на Брисел да свика нова средба на оваа тема, „штом страните покажат волја за изнаоѓање заемно прифатливо решение“. Како што се наведува во соопштението на ЕУ, меѓу предлозите што ги дала европската страна бил и договор за формирање на нов деловен субјект според косовскиот закон, кој би имал задача привремено да ја распределува финансиската помош за косовските Срби што ја дава Србија. Видете и ова: ЕУ: Поради недостаток на дијалог, Србија и Косово со ризик да останат без пари од Планот за раст Сепак, како што соопшти прес-службата на ЕУ, и покрај тоа што Унијата доставила компромисен предлог, страните не можеле да се договорат за неколку клучни прашања, вклучувајќи го и вкупниот обем на активности што би ги имал тој нов субјект, опфатот на корисници на овој субјект и обемот на финансиска помош од Србија. „Отсуството на договорен пат за напредок има негативни последици врз секојдневниот живот на косовските Срби и другите заедници низ Косово и е постојан извор на загриженост“, се заклучува во соопштението од ЕУ. Меѓународната заедница претходно побара од Косово да го одложи спроведувањето на уредбата на Централната банка на Косово и да најде краткорочно преодно решение, бидејќи декретот има влијание врз локалното население на северот на Косово, кое со години прима исплати во динари од буџетот на соседна Србија. прочитај повеќе види ги сите денешни вести мај 17, 2024 Русија тврди дека неутрализирала повеќе од 100 украински дронови во ноќните напади илустрација Министерството за одбрана на Русија соопшти дека повеќе од 100 украински беспилотни летала се уништени или пресретнати ноќеска во напади на југозапад на руската територија и на полуостровот Крим. Министерството соопшти дека армијата неутрализирала 51 дрон над Крим, 44 над регионот Краснодар, шест над регионот Белгород и еден над регионот Курск. Во текот на ноќта, поморската противвоздушна одбрана и патролни бродови на Црноморската флота уништија шест поморски беспилотни летала во водите на Црното Море. Видете и ова: Осуммина повредени во украински напад на Белгород Руската армија редовно објавува дека одбила ноќни напади на украински беспилотни летала, но ретко се наведува толкава бројка, јавија западни медиуми. Гувернерот на Белгородската област, која граничи со Украина, претходно денеска објави дека мајка и четиригодишно дете загинале при напад со беспилотно летало врз селото Октјабарски. прочитај повеќе мај 17, 2024 Шпанија не дозволи брод со оружје за Израел да се закотви во Картагена илустрација Шпанија не дозволи брод што носи оружје за Израел да се закотви во југоисточното пристаниште Картагена, изјави синоќа министерот за надворешни работи Хозе Мануел Албарес. Тој потврди дека бродот „Мариана Даница“ (Marianne Danica) кој превезува оружје во Израел побарал дозвола да се закотви во Картагена на 21 мај. Албарес истакна дека забраната за шпанските пристаништа е во согласност со политиката на Мадрид да не го извезува своето оружје во Израел од почетокот на војната во Појасот Газа. Видете и ова: Продолжуваат нападите врз Газа, ОН и Западот го критикуваат планот на Израел за инвазија на Рафа „Одбивме да дадеме дозвола за закотвување и тоа ќе биде конзистентна политика со секој брод што превезува израелско оружје, а сака да се закотви во шпански пристаништа“, посочи Албарес. Шпанскиот весник „Ел Паис“ објави дека бродот превезува речиси 27 тони експлозивен материјал од Мадрас, Индија. прочитај повеќе мај 16, 2024 Новата влада ќе го репреговара договорот со „Бехтел и Енка“ Означување на почетокот на изградбата на автопатиштата од Коридорите 8 и 10д што ги градат „Бехтел и Енка“ За договорот со „Бехтел и Енка“ има две опции - да се раскине или да се репреговара. Едната е да се раскине договорот и да се оди на арбитража, да платиме стотици милиони евра и да немаме автопат, а втората е да се оптимизира договорот за што веќе имаме почетни разговори, со што би се забрзал и реализирал проектот, изјави Христијан Мицкоски, иден мандатар и претседател на ВМРО-ДПМНЕ, на 16 мај. „Ние сме повеќе за прагматичниот пристап, граѓаните да добијат автопат, но оптимиран, но ваков каков што е, потпишан од оваа влада, за жал, е во одерена мерка неприменлив поради големите правни проблеми, проблеми со експропријација и технички проблеми. Мојата порака е дека како идна влада сакаме да градиме, а не да рушиме“ рече Мицкоски. Видете и ова: Уставен суд не поведе постапка за прекувремените работни часови на автопатите со „Бехтел и Енка“ Тој најави и дека во првите сто дена новата влада ќе објави гринфилд инвестиција во енергетиката, вредна 400 - 500 милиони евра. Мицкоски кажа дека станува збор за приватен капитал, „за голем играч со исклучително големи европски финансиски институции во акционерската структура“. Обртот на компанијата би била околу 80 - 100 милиони евра по основа на продадена електрична енергија и истргувани зелени сертификати, а договорот со неа е завршен. Според Мицкоски, ќе се произведува околу еден терават час електрична енергија што е една третина од производството на РЕК Битола. На прашањето дали Унгарија е земјата со која Северна Македонија ќе повлече заем до една милијарда евра, Мицкоски одговори дека се работи за европска држава, која граѓаните многу наскоро ќе ја дознаат. „Заемот до една милијарда евра под исклучително поволни услови, кој би се повлекол со друга држава, на ниво влада со влада, за финансирање на лошите договори на актуелната влада, државите кои ги спомнуваа не се тие“, рече Мицкоски. Проектот за градба на делниците од коридорите 8 и 10Д вклучува седум клучки, 34 мостови, 34 надвозници, 24 подвозници, над 21 милион метри кубни ископ, над 10 милиони метри кубни земјени насипи, 620.000 метри кубни бетон, 2,2 милиони метри куби подлога, 1,1 милион тони асфалт над 6000 и 320 км заштитна ограда. прочитај повеќе мај 16, 2024 Јеменските Хути ќе ги таргетираат сите бродови што пловат кон Израел Нафтен танкер погоден од Јеменските Хути Сите бродови кои пловат кон израелските пристаништа ќе бидат цел на јеменските Хути поддржани од Иран, а не само во регионот на Црвеното Море, рече водачот на групата, Абдул Малик ал-Хути, во телевизиски говор на 16 мај. Групата се закани дека ќе ги прошири своите напади врз бродовите кои пловат кон израелските пристаништа на Средоземното Море, во кампања на солидарност со Палестинците за време на израелската војна со милитантната група Хамас, која САД и ЕУ ја прогласија за терористичка организација. Ел Хути ги повика Кина, Русија, азиските и европските земји да не превезуваат стока до израелските пристаништа. Видете и ова: Јеменските Хути оштетија танкер со нафта „поврзан со Русија“ Хутите претходно изјавија дека нивни главни цели се Израел и неговите сојузници САД и Велика Британија. „Секој мора да престане да транспортира до окупираните палестински пристаништа“, рече Ел Хути. Милитантната група што тој ја предводи влезе во војната меѓу Израел и Хамас во декември 2023 година, напаѓајќи бродови на виталните водни патишта и напади со беспилотни летала и проектили кон Израел. Нападите на Хат ги зголемија трошоците за испорака и осигурување со прекин на клучната трговска рута меѓу Азија и Европа, принудувајќи ги бродските компании да се пренасочат кон подолги и поскапи патувања низ јужна Африка. прочитај повеќе мај 16, 2024 Талат Џафери: Има обиди за изборен инжинеринг Талат Џафери, технички премиер на Република Северна Македонија Имам добиено извештаи од учесниците во изборниот процес за вознемирување во однос на обиди за изборен инжинеринг со вон-институционален меѓупартиски договор за гласање и надгласување во Државната изборна комисија (ДИК), во врска со симптоматичните приговори поднесени од страна на учесниците во изборите, рече техничкиот премиер Талат Џафери на прес-конференција на 16 мај во Владата. „Според извештаите, овие претензии за изборен инжинеринг имаат за цел менување на соодносот на бројките во Собранието, преку политички договор на маса. Кредибилноста на изборите и на демократскиот процес, прифатен и поздравен од сите партии и од меѓународната заедница, сега е во рацете на Управниот суд. Ги поканувам сите институции да постапат согласно законот, без партиски и политички директиви од која било страна и да го штитат кредибилитет на изборниот процес до крај“, рече Џафери на прес конференцијата. Видете и ова: Четворица кандидати за пратеници во битка за две пратенички фотелји На две пратенички столчиња се надеваат четворица кандидати за пратеници од три изборни коалиции, по одлуката на ДИК да се прегласува во седум избирачки места од две изборни единици по спроведените парламентарни избори на 8 мај. На 17 мај, кога истекува рокот за одлучување по доставени жалби до Управниот суд, ќе се знае дали има основ за да се прегласува во седум избирачки места, од кои шест во изборна единица 5 и едно избирачко место во изборна единица 6. Според изборните правила, доколку се прегласува на оние места каде што се запишани околу илјада гласачи, тоа би можело да влијае врз избориот количник. Право на глас по втор пат на паралментарните избори ќе имаат над четири илјади граѓани, и нивниот избор може да го промени за две пратенички места распоредот на силите во Собранието. Коалицијата „Европски фронт“, предводена од ДУИ, поднесе жалба до Управниот суд за одлуките на Државната изборна комисија која прифати приговори за неправилности на седум избирачки места, на кои може да има повторно гласање. Доколку Управниот суд ги одбие жалбите на Европскиот фронт, Државната изборна комисија ќе треба да одлучи дали ќе има повторно гласање на овие седум избирачки места. Според првичните изборни резултати, ВМРО-ДПМНЕ осво 58 пратенички места, ДУИ доби 19, додека СДСМ има 18. Од коалицијата Влен во собранискиот состав влегуваат со 13, а партиите Левица и ЗНАМ со по 6 пратеници. прочитај повеќе мај 16, 2024 Мицкоски: Мое човеково право е како ќе ја нарекувам мојата држава Северна Македонија - Христијан Мицкоски, претседател на ВМРО-ДПМНЕ и Гордана Сиљановска - Давкова, претседателка на Република Северна Македонија Достоинствена беше заклетвата на претседателката Гордана Сиљановска Давкова, очекував честитка од јужниот сосед за убедливиот триумф, но за жал, добивме политички мускули, изјавипретседателот на ВМРО-ДПМНЕ и иден мандатар Христијан Мицкоски на 16 мај. Според Мицкоски, ако Грција смета дека земјава го прекршила Преспанскиот договор, постои Меѓународен суд за правда. Тој потсети и дека нашата држава во целост го има имплементирано Преспанскиот договор, „а кај јужниот сосед не се завршени ни основните три работи“. Видете и ова: Сиљановска и ВМРО-ДПМНЕ не бегаат од Преспанскиот договор, но не се откажуваат од само „Македонија“ „Ако некој очекува од ВМРО-ДПМНЕ да ги повтори грешките од минатото, бидете сигурни дека тоа нема да го направиме. Немаме намера на нивните политички мускули да одговориме со преименување на автопатите и аеродромите или да градиме споменици. Не очекувам односите меѓу двете држави да се темелат на политички мускули, очекувам да имаме одлични меѓусоседски односи. Ценам дека ВМРО-ДПМНЕ и тамошната влада предводена од Нова Демократија имаат свој став поврзан со Преспанскиот договор, бидејќи ниту на едните, ниту на другите ни се допаѓа тој договор“, рече Мицкоски. За разлика од таму, нагласи, Преспанскиот договор тука е дел од македонските институции, од македонскиот Устав и законите. „Многу пати во минатото сме кажале дека тоа е реалност. Комуникацијата во македонските инститиуции останува согласно Уставот и законите, но мое основно човеково право е како ќе ја нарекувам мојата држава. И додека давам изјави или се обраќам, и јас, а очекувам тоа да биде начин на однесување и на Сиљановска, да се користат термините Македонија и придавката „македонски“, бидејќи на тој начин, според нашето толкување на Преспанскиот договор, нема негово прекршување. Ако тие мислат дека сме го прекршиле Преспанскиот договор, постои Меѓународен суд за правда, може да почнат процес па таму ќе ги вкрстиме и едните и другите аргументи. Не би сакал до тоа да дојде. Повикувам на добрососедски и пријателски односи, рече Мицкоски. Тој повика на добрососедски и пријателски односи со Грција и апелира да нема веќе закани, опструкции и враќање назад во минатото, туку двете страни да гледаат кон иднината. Рече и дека наскоро очекува средба со грчкиот премиер со кој би разговарал за економијата, туризмот, образованието... Кога ја даваше свечената заклетва во Собранието, Сиљановска-Давкова употребуваше само Македонија за името на државата, без додавката „северна“. Тоа предизвика реакции од меѓународната заедница и од властите во Грција и во Бугарија. Пораката е дека од почитувањето на Договорот од Преспа постигнат со Грција во 2018, како и Договорот за добрососедство со Бугарија од 2017, зависи и понатамошниот пат на Северна Македонија кон полноправно членство во ЕУ. прочитај повеќе мај 16, 2024 Мицкоски: Успешно консолидиравме 61 пратеник Северна Македонија - Христијан Мицкоски, претседател на ВМРО-ДПМНЕ, Скопје, 8 мај 2024 година Покрај 58 пратеници на коалицијата, имаме консолидирано точно 61 пратеник, изјави лидерот на ВМРО-ДПМНЕ и иден мандатар, Христијан Мицкоски на 16 мај. „Како ВМРО-ДПМНЕ и коалиција „Твоја Македонија“ ги завршуваме разговорите со неколку од пратениците кои не се дел од коалицијата „Твоја Македонија“ и можам да кажам дека во моментов успешно консолидиравме 61 пратеник, не можам да кажам детали“, изјави Мицкоски. Одговарајќи на новинарски прашања пред затворењето на Самитот Македонија 2025, Мицкоски информира дека разговорите со коалицијата„Вреди“ се водат во вистинска насока. „Нашата втора цел е заедно со коалициските партнери да успееме да консолидираме две третини во Собранието. Потребни се затоа што имаме намера да направиме сериозно реструктуирање и реекипирање на владиниот кабинет“, изјави Мицкоски. Видете и ова: ВМРО-ДПМНЕ и „Вреди“ договараат нова Влада, други чекаат покана Претходно се одржа и средба меѓу работните групи на ВМРО-ДПМНЕ и „Вреди“ за преговори за формирање коалиција за нова влада. Пред почетокот на состанокот куса изјава за медиумите даде Азир Алиу од Алијансата за Албанците на Арбен Таравари, кој кажа дека ќе се разговара за методологијата и динамиката на работа на овие групи. Одговарајќи на новинарски прашања Алиу речи дека најверојатно од наредниот состанок на работните групи ќе почнат поконкретните разговори вклучувајќи ги и кадровските решенија. Алиу на состанокот на работните групи во седиштето на ВМРО-ДПМНЕ дојде заедно со другите членови на работната група од оваа коалиција. Според информациите на ВМРО-ДПМНЕ, членови на работната група од нивна страна се потпретседателите на партијата Владо Мисајловски, Александар Николовски, Тимчо Муцунски и Гордана Димитровска Кочовска. Лидерот на ВМРО-ДПМНЕ Христијан Мицкоски заедно со потпретседателите и првите луѓе од партиите од коалицијата Вреди Изет Меџити, Африм Гаши и Арбен Таравари имаа средба во саботата во седиштето на коалицијата “Вреди“ кога и официјално почнаа разговорите за формирање влада. Според роковите во Уставот, Владата би требало да биде предложена најдоцна до крајот на јуни. Таа треба да биде изгласана со мнозинство од 61 пратеник од вкупно 120 во Собранието. Коалицијата на ВМРО-ДПМНЕ освои 436.036 гласови на парламентарните избори на 8 мај, речиси тројно повеќе од коалицијата на СДСМ, кој ја предводеше Владата на Северна Македонија по последните седум години. прочитај повеќе мај 16, 2024 Грција e против логиката на Сиљановска-Давкова за употреба на уставното име формално, но не и во јавни настапи Северна Македонија - Инаугурација на Гордана Сиљановска-Давкова, претседателка на Северна Македонија, Скопје, 12 мај 2024 година Неприфатлива за Грција е логиката на Гордана Сиљановска-Давкова, претседателка на Северна Македонија, да го употребува уставното име во формална комуникација, но не и во јавни настапи, рече Павлос Маринакис, портпарол на грчката влада, пренесе МИА. Маринакис рече дека кога станува збор за највисоката позиција, за позицијата претседател на државата, „за еден од столбовите на демократијата на една земја, не можеме да говориме за двоен јазик и лично право“. „Мислам дека е лицемерно ова да се кажува и да се слуша. За некои работи, каде што треба, ќе бидеме формални, а во нашите јавни настапи ќе го правиме она што сакаме или затоа што веруваме во тоа или затоа што ѝ служиме на нашата публика. Ова не може да биде прифатено од Грција, ниту од која било друга сериозна земја. Кога велиме дека треба да се согласиме дека треба да се почитува еден договор, затоа што таква е нашата обврска од фактот што е ратификуван овој договор, да го правиме тоа во сите наши формулации“, рече Маринакис. Видете и ова: ЕУ: Новата претседателка Сиљановска Давкова имаше несреќен настап За трите меморандуми за соработка кои СИРИЗА вчера ги достави во грчкиот Парламент, владиниот портпарол рече дека е „еден од најнесфатливите потези на опозицијата“, „Ниту еден грчки граѓанин не сфаќа на што му служи оваа постапка, зошто такво брзање. Од моментот кога претседателката на Северна Македонија не ја прифаќа основната, првата точка од Договорот, главната опозиција во Грција сака ние сè да направиме, сè да изгласаме“, рече Маринакис и додаде дека доколку видат соодветна позиција од новата Влада, тогаш ќе влезат во конкретната дискусија. Кога ја даваше свечената заклетва во Собранието, Сиљановска-Давкова употребуваше само Македонија за името на државата, без додавката „северна“. Тоа предизвика реакции од меѓународната заедница и од властите во Грција и во Бугарија. Пораката е дека од почитувањето на Договорот од Преспа постигнат со Грција во 2018, како и Договорот за добрососедство со Бугарија од 2017, зависи и понатамошниот пат на Северна Македонија кон полноправно членство во ЕУ. прочитај повеќе мај 16, 2024 Уапсен маж во Србија кој му се заканувал на Вучиќ Србија - Александар Вучиќ, претседател на Србија, 8 мај 2024 година Маж во Србија е уапсен поради закана за загрозување на безбедноста на претседателот на Србија, Александар Вучиќ. Министерот за внатрешни работи на Србија, Ивица Дачиќ, на 16 мај изјави дека е уапсен Д.М. од Сомбор. „Полицијата доби наредба да му биде задржан 48 часа“, рече Дачиќ. Од Министерството за внатрешни работи на Србија не кажаа повеќе детали. Видете и ова: Загриженост и осуда од европските лидери по пукањето кон Фицо Радио-телевизијата на Србија (РТС) објави дека под објавата на претседателот на Србија на мрежата Икс (поранешен Твитер) се појавиле заканувачки пораки до Вучиќ откако тој изјави дека е шокиран од обидот за атентат врз словачкиот премиер Роберт Фиц. Вучиќ кажа дека жителот на Сомбор, кој беше уапсен поради закани преку социјалните мрежи, претходно извршил околу 50 кривични дела, меѓу кои и разбојништва и тешки кражби. „Тој човек ги правеше најтешките злосторства секој ден од својот живот - од грабеж до тешка кражба“, изјави Вучиќ за новинарите во Котор, каде што учествуваше на самитот за Планот за раст на ЕУ за Западен Балкан, пренесе агенцијата Бета. Според пишувањата на медиумите, полицијата во јануари уапсила и Борчанец кој преку социјалната мрежа Икс му се заканувал на претседателот на Србија. прочитај повеќе мај 16, 2024 Зеленски: Ситуацијата во североисточниот регион Харкив е „исклучително тешка“ Украинскиот претседател Володомир Зеленски Украинскиот претседател Володимир Зеленски изјави дека воената ситуација во североисточниот регион Харкив е „исклучително тешка“, но сепак „под контрола“. Изјавата ја даде по состанокот со неговите воени началници во близина на линијата на фронтот. „Ситуацијата во регионот Харкив е генерално под контрола, а нашите војници му нанесуваат значителни загуби на окупаторот. Сепак, ситуацијата во областа останува исклучително тешка“, напиша тој во објавата на Телеграм, откако ги слушнал извештаите од неговите команданти во Харкив, регионален главен град на 30 километри од руската граница. Видете и ова: САД најавија пакет помош за Украина вреден 400 милиони долари Претходно денеска, украинската армија објави дека го запрела руското напредување во некои области на североисточниот регион Харкив, каде Русија започна нова офанзива минатата недела. „Ситуацијата во регионот Харкив сè уште е комплицирана, но се развива на динамичен начин. Нашите одбранбени сили делумно ја стабилизираа ситуацијата. Напредувањето на непријателот во одредени зони и локалитети е запрено“, рече портпаролот на армијата утрото на 16 мај. Предупредување за воздушен напад беше прогласено рано во четвртокот и во Киев и во неколку украински региони, при што украинските воздухопловни сили предупредуваа на закана од балистички ракети истрелани од Русија. прочитај повеќе Вчитај повеќе...

Вести мај 15, 2024 Министрите од регионот во Котор разговараа за Планот за раст Состанок на министерите за европски прашања во Котор, 15 мај 2024 г. Министрите за европски прашања и за финансии на земјите од регионот и претставниците на Европската комисија на 15 мај во Котор разговараа за спроведувањето на Планот за раст на Европската унија за Западен Балкан, „тежок“ шест милијарди евра. Средбата беше организирана во пресрет на почетокот на Самитот на ЕУ и лидерите на земјите од регионот, што ќе се одржи во Котор утре (16 мај), а чиј домаќин ќе биде црногорскиот премиер Милојко Спајиќ. Министрите разговараа и за пристапот до единствената зона за плаќање во евра (СЕПА), за подобрување на трговските и транспортните капацитети меѓу земјите од регионот и членките на ЕУ, како и за подобрување на снабдувањето со критични лекови и за Центарот за дигитални иновации, соопшти Министерството за европски прашања на Црна Гора. Видете и ова: Европскиот парламент го одобри Планот за раст за Западен Балкан На министерскиот состанок учествуваше и генералниот директор за соседство и преговори за проширување на Европската комисија, Герт Јан Купман. Црногорската министерка за европски прашања Маида Горчевиќ рече дека приоритет на нивната Влада во рамки на Планот за раст се 44 инфраструктурни проекти во областа на образованието, како и забрзување на развојот на инфраструктурата во областа на транспортот и енергетиката. Нејзината колешка од Србија, Тања Мишчевиќ, посочи дека се благодарни на Брисел за сумата што ја издвојува преку Планот за раст, нагласувајќи дека „парите се помалку важни во споредба со тоа што ќе се забрзаат европските интеграции“. „Западен Балкан оди во вистинска насока“, рече Мишчевиќ. Албанскиот министер и главен преговарач, Мајлинда Дука, смета дека е важно граѓаните и економијата да ги разберат придобивките од овој процес, со цел да се зголеми поддршката за европската интеграција. „Сакаме зборовите на хартија да се преточат во дело. Затоа ни е потребна синергија, на национално, регионално и ниво на ЕУ“, рече Дука. Видете и ова: Вархеји: Планот за раст може да ги удвои на економиите на Западен Балкан За нејзиниот колега, министерот за финансии Ервин Мета, видлив е напредокот на земјите од регионот во процесот на донесување регулативи и приближување кон единствениот европски пазар. Од Северна Македонија на состанокот учествуваа вицепремиерот за европски прашања Бојан Маричиќ и заменик-министерот за финансии Филип Николовски. Маричиќ посочи дека смета оти постои високо ниво на посветеност на реформите. „Планот за раст нема да биде само уште една убава идеја, туку ќе имаме реални придобивки, а граѓаните ќе ги почувствуваат придобивките уште пред формалното членство во ЕУ“, рече Маричиќ. Николовски, пак, порача дека Планот за раст е значајна алатка и сите земји треба да вложат максимални напори да го искористат. На средбата присуствуваа и заменик-министерот за финансии, труд и трансфер на Косово, Авни Зогиани и советникот на министерот за финансии и трезор на Босна и Херцеговина, Жељко Јањетовиќ. Присутни беа и претставници на Секретаријатот на Централноевропскиот договор за слободна трговија, Транспортната заедница, Енергетската заедница, Светската банка, Европската банка за обнова и развој, Европската инвестициска банка… Видете и ова: Многу пари, но и многу услови во европскиот план за Западен Балкан Планот за раст за Западен Балкан ќе биде тема на самитот на лидерите на земјите од регионот и претставниците на ЕУ и САД закажан за утре. Најавено е присуство на еврокомесарот за проширување Оливер Вархеји и помошникот државен секретар на САД за европски и евроазиски прашања, Џејмс О’Брајан. Претходно овој месец, Советот на ЕУ одобри план вреден шест милијарди евра за поддршка на земјите од Западен Балкан, чија цел е да се забрзаат реформите и економскиот раст во регионот. Од таа сума, две милијарди евра ќе бидат во форма грантови, а четири милијарди како поволни заеми гарантирани од ЕУ. Претходните самити на лидерите од Западен Балкан и ЕУ се одржаа во Скопје и Тирана. прочитај повеќе види ги сите денешни вести мај 16, 2024 Новата влада ќе го репреговара договорот со „Бехтел и Енка“ Означување на почетокот на изградбата на автопатиштата од Коридорите 8 и 10д што ги градат „Бехтел и Енка“ За договорот со „Бехтел и Енка“ има две опции - да се раскине или да се репреговара. Едната е да се раскине договорот и да се оди на арбитража, да платиме стотици милиони евра и да немаме автопат, а втората е да се оптимизира договорот за што веќе имаме почетни разговори, со што би се забрзал и реализирал проектот, изјави Христијан Мицкоски, иден мандатар и претседател на ВМРО-ДПМНЕ, на 16 мај. „Ние сме повеќе за прагматичниот пристап, граѓаните да добијат автопат, но оптимиран, но ваков каков што е, потпишан од оваа влада, за жал, е во одерена мерка неприменлив поради големите правни проблеми, проблеми со експропријација и технички проблеми. Мојата порака е дека како идна влада сакаме да градиме, а не да рушиме“ рече Мицкоски. Видете и ова: Уставен суд не поведе постапка за прекувремените работни часови на автопатите со „Бехтел и Енка“ Тој најави и дека во првите сто дена новата влада ќе објави гринфилд инвестиција во енергетиката, вредна 400 - 500 милиони евра. Мицкоски кажа дека станува збор за приватен капитал, „за голем играч со исклучително големи европски финансиски институции во акционерската структура“. Обртот на компанијата би била околу 80 - 100 милиони евра по основа на продадена електрична енергија и истргувани зелени сертификати, а договорот со неа е завршен. Според Мицкоски, ќе се произведува околу еден терават час електрична енергија што е една третина од производството на РЕК Битола. На прашањето дали Унгарија е земјата со која Северна Македонија ќе повлече заем до една милијарда евра, Мицкоски одговори дека се работи за европска држава, која граѓаните многу наскоро ќе ја дознаат. „Заемот до една милијарда евра под исклучително поволни услови, кој би се повлекол со друга држава, на ниво влада со влада, за финансирање на лошите договори на актуелната влада, државите кои ги спомнуваа не се тие“, рече Мицкоски. Проектот за градба на делниците од коридорите 8 и 10Д вклучува седум клучки, 34 мостови, 34 надвозници, 24 подвозници, над 21 милион метри кубни ископ, над 10 милиони метри кубни земјени насипи, 620.000 метри кубни бетон, 2,2 милиони метри куби подлога, 1,1 милион тони асфалт над 6000 и 320 км заштитна ограда. прочитај повеќе мај 16, 2024 Јеменските Хути ќе ги таргетираат сите бродови што пловат кон Израел Нафтен танкер погоден од Јеменските Хути Сите бродови кои пловат кон израелските пристаништа ќе бидат цел на јеменските Хути поддржани од Иран, а не само во регионот на Црвеното Море, рече водачот на групата, Абдул Малик ал-Хути, во телевизиски говор на 16 мај. Групата се закани дека ќе ги прошири своите напади врз бродовите кои пловат кон израелските пристаништа на Средоземното Море, во кампања на солидарност со Палестинците за време на израелската војна со милитантната група Хамас, која САД и ЕУ ја прогласија за терористичка организација. Ел Хути ги повика Кина, Русија, азиските и европските земји да не превезуваат стока до израелските пристаништа. Видете и ова: Јеменските Хути оштетија танкер со нафта „поврзан со Русија“ Хутите претходно изјавија дека нивни главни цели се Израел и неговите сојузници САД и Велика Британија. „Секој мора да престане да транспортира до окупираните палестински пристаништа“, рече Ел Хути. Милитантната група што тој ја предводи влезе во војната меѓу Израел и Хамас во декември 2023 година, напаѓајќи бродови на виталните водни патишта и напади со беспилотни летала и проектили кон Израел. Нападите на Хат ги зголемија трошоците за испорака и осигурување со прекин на клучната трговска рута меѓу Азија и Европа, принудувајќи ги бродските компании да се пренасочат кон подолги и поскапи патувања низ јужна Африка. прочитај повеќе мај 16, 2024 Талат Џафери: Има обиди за изборен инжинеринг Талат Џафери, технички премиер на Република Северна Македонија Имам добиено извештаи од учесниците во изборниот процес за вознемирување во однос на обиди за изборен инжинеринг со вон-институционален меѓупартиски договор за гласање и надгласување во Државната изборна комисија (ДИК), во врска со симптоматичните приговори поднесени од страна на учесниците во изборите, рече техничкиот премиер Талат Џафери на прес-конференција на 16 мај во Владата. „Според извештаите, овие претензии за изборен инжинеринг имаат за цел менување на соодносот на бројките во Собранието, преку политички договор на маса. Кредибилноста на изборите и на демократскиот процес, прифатен и поздравен од сите партии и од меѓународната заедница, сега е во рацете на Управниот суд. Ги поканувам сите институции да постапат согласно законот, без партиски и политички директиви од која било страна и да го штитат кредибилитет на изборниот процес до крај“, рече Џафери на прес конференцијата. Видете и ова: Четворица кандидати за пратеници во битка за две пратенички фотелји На две пратенички столчиња се надеваат четворица кандидати за пратеници од три изборни коалиции, по одлуката на ДИК да се прегласува во седум избирачки места од две изборни единици по спроведените парламентарни избори на 8 мај. На 17 мај, кога истекува рокот за одлучување по доставени жалби до Управниот суд, ќе се знае дали има основ за да се прегласува во седум избирачки места, од кои шест во изборна единица 5 и едно избирачко место во изборна единица 6. Според изборните правила, доколку се прегласува на оние места каде што се запишани околу илјада гласачи, тоа би можело да влијае врз избориот количник. Право на глас по втор пат на паралментарните избори ќе имаат над четири илјади граѓани, и нивниот избор може да го промени за две пратенички места распоредот на силите во Собранието. Коалицијата „Европски фронт“, предводена од ДУИ, поднесе жалба до Управниот суд за одлуките на Државната изборна комисија која прифати приговори за неправилности на седум избирачки места, на кои може да има повторно гласање. Доколку Управниот суд ги одбие жалбите на Европскиот фронт, Државната изборна комисија ќе треба да одлучи дали ќе има повторно гласање на овие седум избирачки места. Според првичните изборни резултати, ВМРО-ДПМНЕ осво 58 пратенички места, ДУИ доби 19, додека СДСМ има 18. Од коалицијата Влен во собранискиот состав влегуваат со 13, а партиите Левица и ЗНАМ со по 6 пратеници. прочитај повеќе мај 16, 2024 Мицкоски: Мое човеково право е како ќе ја нарекувам мојата држава Северна Македонија - Христијан Мицкоски, претседател на ВМРО-ДПМНЕ и Гордана Сиљановска - Давкова, претседателка на Република Северна Македонија Достоинствена беше заклетвата на претседателката Гордана Сиљановска Давкова, очекував честитка од јужниот сосед за убедливиот триумф, но за жал, добивме политички мускули, изјавипретседателот на ВМРО-ДПМНЕ и иден мандатар Христијан Мицкоски на 16 мај. Според Мицкоски, ако Грција смета дека земјава го прекршила Преспанскиот договор, постои Меѓународен суд за правда. Тој потсети и дека нашата држава во целост го има имплементирано Преспанскиот договор, „а кај јужниот сосед не се завршени ни основните три работи“. Видете и ова: Сиљановска и ВМРО-ДПМНЕ не бегаат од Преспанскиот договор, но не се откажуваат од само „Македонија“ „Ако некој очекува од ВМРО-ДПМНЕ да ги повтори грешките од минатото, бидете сигурни дека тоа нема да го направиме. Немаме намера на нивните политички мускули да одговориме со преименување на автопатите и аеродромите или да градиме споменици. Не очекувам односите меѓу двете држави да се темелат на политички мускули, очекувам да имаме одлични меѓусоседски односи. Ценам дека ВМРО-ДПМНЕ и тамошната влада предводена од Нова Демократија имаат свој став поврзан со Преспанскиот договор, бидејќи ниту на едните, ниту на другите ни се допаѓа тој договор“, рече Мицкоски. За разлика од таму, нагласи, Преспанскиот договор тука е дел од македонските институции, од македонскиот Устав и законите. „Многу пати во минатото сме кажале дека тоа е реалност. Комуникацијата во македонските инститиуции останува согласно Уставот и законите, но мое основно човеково право е како ќе ја нарекувам мојата држава. И додека давам изјави или се обраќам, и јас, а очекувам тоа да биде начин на однесување и на Сиљановска, да се користат термините Македонија и придавката „македонски“, бидејќи на тој начин, според нашето толкување на Преспанскиот договор, нема негово прекршување. Ако тие мислат дека сме го прекршиле Преспанскиот договор, постои Меѓународен суд за правда, може да почнат процес па таму ќе ги вкрстиме и едните и другите аргументи. Не би сакал до тоа да дојде. Повикувам на добрососедски и пријателски односи, рече Мицкоски. Тој повика на добрососедски и пријателски односи со Грција и апелира да нема веќе закани, опструкции и враќање назад во минатото, туку двете страни да гледаат кон иднината. Рече и дека наскоро очекува средба со грчкиот премиер со кој би разговарал за економијата, туризмот, образованието... Кога ја даваше свечената заклетва во Собранието, Сиљановска-Давкова употребуваше само Македонија за името на државата, без додавката „северна“. Тоа предизвика реакции од меѓународната заедница и од властите во Грција и во Бугарија. Пораката е дека од почитувањето на Договорот од Преспа постигнат со Грција во 2018, како и Договорот за добрососедство со Бугарија од 2017, зависи и понатамошниот пат на Северна Македонија кон полноправно членство во ЕУ. прочитај повеќе мај 16, 2024 Мицкоски: Успешно консолидиравме 61 пратеник Северна Македонија - Христијан Мицкоски, претседател на ВМРО-ДПМНЕ, Скопје, 8 мај 2024 година Покрај 58 пратеници на коалицијата, имаме консолидирано точно 61 пратеник, изјави лидерот на ВМРО-ДПМНЕ и иден мандатар, Христијан Мицкоски на 16 мај. „Како ВМРО-ДПМНЕ и коалиција „Твоја Македонија“ ги завршуваме разговорите со неколку од пратениците кои не се дел од коалицијата „Твоја Македонија“ и можам да кажам дека во моментов успешно консолидиравме 61 пратеник, не можам да кажам детали“, изјави Мицкоски. Одговарајќи на новинарски прашања пред затворењето на Самитот Македонија 2025, Мицкоски информира дека разговорите со коалицијата„Вреди“ се водат во вистинска насока. „Нашата втора цел е заедно со коалициските партнери да успееме да консолидираме две третини во Собранието. Потребни се затоа што имаме намера да направиме сериозно реструктуирање и реекипирање на владиниот кабинет“, изјави Мицкоски. Видете и ова: ВМРО-ДПМНЕ и „Вреди“ договараат нова Влада, други чекаат покана Претходно се одржа и средба меѓу работните групи на ВМРО-ДПМНЕ и „Вреди“ за преговори за формирање коалиција за нова влада. Пред почетокот на состанокот куса изјава за медиумите даде Азир Алиу од Алијансата за Албанците на Арбен Таравари, кој кажа дека ќе се разговара за методологијата и динамиката на работа на овие групи. Одговарајќи на новинарски прашања Алиу речи дека најверојатно од наредниот состанок на работните групи ќе почнат поконкретните разговори вклучувајќи ги и кадровските решенија. Алиу на состанокот на работните групи во седиштето на ВМРО-ДПМНЕ дојде заедно со другите членови на работната група од оваа коалиција. Според информациите на ВМРО-ДПМНЕ, членови на работната група од нивна страна се потпретседателите на партијата Владо Мисајловски, Александар Николовски, Тимчо Муцунски и Гордана Димитровска Кочовска. Лидерот на ВМРО-ДПМНЕ Христијан Мицкоски заедно со потпретседателите и првите луѓе од партиите од коалицијата Вреди Изет Меџити, Африм Гаши и Арбен Таравари имаа средба во саботата во седиштето на коалицијата “Вреди“ кога и официјално почнаа разговорите за формирање влада. Според роковите во Уставот, Владата би требало да биде предложена најдоцна до крајот на јуни. Таа треба да биде изгласана со мнозинство од 61 пратеник од вкупно 120 во Собранието. Коалицијата на ВМРО-ДПМНЕ освои 436.036 гласови на парламентарните избори на 8 мај, речиси тројно повеќе од коалицијата на СДСМ, кој ја предводеше Владата на Северна Македонија по последните седум години. прочитај повеќе мај 16, 2024 Грција e против логиката на Сиљановска-Давкова за употреба на уставното име формално, но не и во јавни настапи Северна Македонија - Инаугурација на Гордана Сиљановска-Давкова, претседателка на Северна Македонија, Скопје, 12 мај 2024 година Неприфатлива за Грција е логиката на Гордана Сиљановска-Давкова, претседателка на Северна Македонија, да го употребува уставното име во формална комуникација, но не и во јавни настапи, рече Павлос Маринакис, портпарол на грчката влада, пренесе МИА. Маринакис рече дека кога станува збор за највисоката позиција, за позицијата претседател на државата, „за еден од столбовите на демократијата на една земја, не можеме да говориме за двоен јазик и лично право“. „Мислам дека е лицемерно ова да се кажува и да се слуша. За некои работи, каде што треба, ќе бидеме формални, а во нашите јавни настапи ќе го правиме она што сакаме или затоа што веруваме во тоа или затоа што ѝ служиме на нашата публика. Ова не може да биде прифатено од Грција, ниту од која било друга сериозна земја. Кога велиме дека треба да се согласиме дека треба да се почитува еден договор, затоа што таква е нашата обврска од фактот што е ратификуван овој договор, да го правиме тоа во сите наши формулации“, рече Маринакис. Видете и ова: ЕУ: Новата претседателка Сиљановска Давкова имаше несреќен настап За трите меморандуми за соработка кои СИРИЗА вчера ги достави во грчкиот Парламент, владиниот портпарол рече дека е „еден од најнесфатливите потези на опозицијата“, „Ниту еден грчки граѓанин не сфаќа на што му служи оваа постапка, зошто такво брзање. Од моментот кога претседателката на Северна Македонија не ја прифаќа основната, првата точка од Договорот, главната опозиција во Грција сака ние сè да направиме, сè да изгласаме“, рече Маринакис и додаде дека доколку видат соодветна позиција од новата Влада, тогаш ќе влезат во конкретната дискусија. Кога ја даваше свечената заклетва во Собранието, Сиљановска-Давкова употребуваше само Македонија за името на државата, без додавката „северна“. Тоа предизвика реакции од меѓународната заедница и од властите во Грција и во Бугарија. Пораката е дека од почитувањето на Договорот од Преспа постигнат со Грција во 2018, како и Договорот за добрососедство со Бугарија од 2017, зависи и понатамошниот пат на Северна Македонија кон полноправно членство во ЕУ. прочитај повеќе мај 16, 2024 Уапсен маж во Србија кој му се заканувал на Вучиќ Србија - Александар Вучиќ, претседател на Србија, 8 мај 2024 година Маж во Србија е уапсен поради закана за загрозување на безбедноста на претседателот на Србија, Александар Вучиќ. Министерот за внатрешни работи на Србија, Ивица Дачиќ, на 16 мај изјави дека е уапсен Д.М. од Сомбор. „Полицијата доби наредба да му биде задржан 48 часа“, рече Дачиќ. Од Министерството за внатрешни работи на Србија не кажаа повеќе детали. Видете и ова: Загриженост и осуда од европските лидери по пукањето кон Фицо Радио-телевизијата на Србија (РТС) објави дека под објавата на претседателот на Србија на мрежата Икс (поранешен Твитер) се појавиле заканувачки пораки до Вучиќ откако тој изјави дека е шокиран од обидот за атентат врз словачкиот премиер Роберт Фиц. Вучиќ кажа дека жителот на Сомбор, кој беше уапсен поради закани преку социјалните мрежи, претходно извршил околу 50 кривични дела, меѓу кои и разбојништва и тешки кражби. „Тој човек ги правеше најтешките злосторства секој ден од својот живот - од грабеж до тешка кражба“, изјави Вучиќ за новинарите во Котор, каде што учествуваше на самитот за Планот за раст на ЕУ за Западен Балкан, пренесе агенцијата Бета. Според пишувањата на медиумите, полицијата во јануари уапсила и Борчанец кој преку социјалната мрежа Икс му се заканувал на претседателот на Србија. прочитај повеќе мај 16, 2024 Зеленски: Ситуацијата во североисточниот регион Харкив е „исклучително тешка“ Украинскиот претседател Володомир Зеленски Украинскиот претседател Володимир Зеленски изјави дека воената ситуација во североисточниот регион Харкив е „исклучително тешка“, но сепак „под контрола“. Изјавата ја даде по состанокот со неговите воени началници во близина на линијата на фронтот. „Ситуацијата во регионот Харкив е генерално под контрола, а нашите војници му нанесуваат значителни загуби на окупаторот. Сепак, ситуацијата во областа останува исклучително тешка“, напиша тој во објавата на Телеграм, откако ги слушнал извештаите од неговите команданти во Харкив, регионален главен град на 30 километри од руската граница. Видете и ова: САД најавија пакет помош за Украина вреден 400 милиони долари Претходно денеска, украинската армија објави дека го запрела руското напредување во некои области на североисточниот регион Харкив, каде Русија започна нова офанзива минатата недела. „Ситуацијата во регионот Харкив сè уште е комплицирана, но се развива на динамичен начин. Нашите одбранбени сили делумно ја стабилизираа ситуацијата. Напредувањето на непријателот во одредени зони и локалитети е запрено“, рече портпаролот на армијата утрото на 16 мај. Предупредување за воздушен напад беше прогласено рано во четвртокот и во Киев и во неколку украински региони, при што украинските воздухопловни сили предупредуваа на закана од балистички ракети истрелани од Русија. прочитај повеќе мај 16, 2024 На словачкиот премиер Фицо ќе му биде извршена уште една операција Словачкиот премиер Роберт Фицо Словачкиот премиер Роберт Фицо врз кого вчера (15 мај) беше извршен атентат во градот Хандлови, го чека уште една операција, пишува словачкиот портал Правда. Абдоминалното крварење на Фицо е запрено, но тој се соочува со операција на колкот. Во меѓувреме, полицијата го обвини напаѓачот на премиерот за убиство со предумисла и се соочува со казна од 25 години до доживотен затвор. Како што пренесува порталот, напаѓачот, за кого медиумите пренесуваат дека е 71-годишниот писател Јурај Цинтула, рекол дека е горд на својот чин. РТВС објави дека напаѓачот моментално се наоѓа во ќелијата на Националната агенција за криминал во Нитра. Лекарите во текот на ноќта успеале да ја стабилизираат состојбата на словачкиот премиер по вчерашниот атентат во градот Хандлови, но таа се уште е тешка, соопшти претходно денеска директорката на болницата во Банска Бистрица, Миријам Лапуникова. Видете и ова: Обид за атентат врз словачкиот премиер Фицо - нападот бил „политички мотивиран“ Два медицински тима го оперираа словачкиот премиер пет часа. „Во моментов се преземаат дополнителни активности за подобрување на неговата состојба“, рече словачкиот министер за одбрана Роберт Калињак. Словачкиот министер за внатрешни работи Матус Шутај Ешток денеска побара од вицепремиерот Томаш Тараба да го свика Советот за национална безбедност, а Владата ќе одржи седница. Видете и ова: Кој е Роберт Фицо? Министерот за внатрешни работи информираше дека ќе ја зајакне заштитата на политичарите и одредени медиуми. Напаѓачот пукал пет пати, по што полицијата веднаш го привела, а премиерот веднаш бил префрлен во болницата во Банска Бистрица. прочитај повеќе мај 16, 2024 Самит на лидерите од регионот и ЕУ: „Секој треба да ја заврши својата работа“ Самит на лидерите на Западен Балкан и Европската Унија на 16 мај во Котор, Црна Гора Планот за раст на Западен Балкан претставува јасен сигнал за посветеноста на Европската Унија за економска и демократска трансформација на Западен Балкан, изјави црногорскиот премиер Милојко Спајиќ на Самитот на лидерите на Западен Балкан и Европската Унија во Котор. Советот на ЕУ одобри план од шест милијарди евра за поддршка на земјите од Западен Балкан со цел да се забрзаат реформите и економскиот раст, од кои две милијарди грантови и четири поволни заеми гарантирани од ЕУ. На самитот чиј домаќин е Спајиќ, покрај лидерите од регионот, учествуваат и европскиот комесар за соседство и проширување, Оливер Вархеји и помошникот државен секретар на САД за Европа и Евроазија, Џејмс О'Брајан. Видете и ова: Можно одложување на Планот за раст за Западен Балкан поради неусогласеност во ЕУ О'Брајан рече дека приоритет на Планот за раст за Западен Балкан е да се создаде единствен пазар на циркулација на пари, да се намалат трошоците, да се олесни движењето на пазарот и да се отворат повеќе работни места. „Пораките на Планот се дека за секој учесник пораката е јасна - работете ја вашата работа и не барајте некој друг да направи нешто прво, за вие да го направите вашето“. Вархеји рече дека Планот за раст повеќе не е нацрт, туку патоказ, кој е корисен за регионот пред влезот во ЕУ. „Поради планот за раст и интензитетот на помошта од економскиот и инвестицискиот план, реформската агенда и дополнителната финансиска помош до 2027 година, Балканот ќе биде подготвен или би можел да биде подготвен, или би можел сам да се подготви за влез во ЕУ“. Видете и ова: Претставници на Западен Балкан, ЕУ и САД во Котор ќе разговараат за планот за раст Самитот се организира под слоганот „Еден регион, заедничка визија“. На самитот присуствуваат претставници на Советот за регионална соработка, Европската банка за обнова и развој, Европската инвестициска банка, Светската банка, Атлантската алијанса, енергетската и транспортната заедница, Фондацијата Отворено општество... Ден пред Самитот, на 15 мај, се одржа состанок на министрите за европски прашања и финансии на земјите од Западен Балкан, претставници на Европската комисија и партнерските организации. „Министрите разговараа и за пристапот до единствената платежна зона за евро (SEPA), за олеснување на трговијата и транспортот меѓу земјите од регионот и членките на ЕУ, за подобрување на снабдувањето со критични лекови, Центарот за дигитални иновации и други теми“, соопштија од Министерството за европски прашања од Црна Гора. Претходните месеци министерски состаноци и регионални самити на лидерите од Западен Балкан се одржаа во Скопје и Тирана. прочитај повеќе Вчитај повеќе...

Вести мај 15, 2024 И САД го осудија нападот на словачкиот премиер Фицо Американската амбасада е подготвена да помогне, вели американскиот претседател Џо Бајден (фотоархива) Соединетите Американски Држави (САД) го осудуваат нападот врз словачкиот премиер Роберт Фицо, изјави американскиот претседател Џо Бајден. Тој порача дека нивната амбасада во Братислава е подготвена да и помогне на Владата на Словачка. Бајден во изјавата објавена на веб-страницата на Стејт департментот наведува дека е вознемирен од веста за нападот. Видете и ова: Загриженост и осуда од европските лидери по пукањето кон Фицо „(Првата дама на САД) Џил и јас се молиме за негово брзо закрепнување, а нашите мисли се со неговото семејство и народот на Словачка. Го осудуваме овој ужасен чин на насилство“, рече Бајден. „Американската амбасада е во близок контакт со Владата на Словачка и тие се подготвени да помогнат“, додава американскиот претседател. Покрај од САД, реакции со осуди стигнаа и од лидерите на НАТО и ЕУ, како и бројни европски држави. Видете и ова: Обид за атентат врз словачкиот премиер Фицо - нападот бил „политички мотивиран“ Животот на Фичо е во опасност откако беше застрелан со огнено оружје. Инцидентот се случи во градот Хандлова, пред тамошниот Дом на културата, каде Фицо имаше закажано средба со симпатизери. Полицијата го приведе осомничениот. прочитај повеќе види ги сите денешни вести мај 16, 2024 Јеменските Хути ќе ги таргетираат сите бродови што пловат кон Израел Нафтен танкер погоден од Јеменските Хути Сите бродови кои пловат кон израелските пристаништа ќе бидат цел на јеменските Хути поддржани од Иран, а не само во регионот на Црвеното Море, рече водачот на групата, Абдул Малик ал-Хути, во телевизиски говор на 16 мај. Групата се закани дека ќе ги прошири своите напади врз бродовите кои пловат кон израелските пристаништа на Средоземното Море, во кампања на солидарност со Палестинците за време на израелската војна со милитантната група Хамас, која САД и ЕУ ја прогласија за терористичка организација. Ел Хути ги повика Кина, Русија, азиските и европските земји да не превезуваат стока до израелските пристаништа. Видете и ова: Јеменските Хути оштетија танкер со нафта „поврзан со Русија“ Хутите претходно изјавија дека нивни главни цели се Израел и неговите сојузници САД и Велика Британија. „Секој мора да престане да транспортира до окупираните палестински пристаништа“, рече Ел Хути. Милитантната група што тој ја предводи влезе во војната меѓу Израел и Хамас во декември 2023 година, напаѓајќи бродови на виталните водни патишта и напади со беспилотни летала и проектили кон Израел. Нападите на Хат ги зголемија трошоците за испорака и осигурување со прекин на клучната трговска рута меѓу Азија и Европа, принудувајќи ги бродските компании да се пренасочат кон подолги и поскапи патувања низ јужна Африка. прочитај повеќе мај 16, 2024 Талат Џафери: Има обиди за изборен инжинеринг Талат Џафери, технички премиер на Република Северна Македонија Имам добиено извештаи од учесниците во изборниот процес за вознемирување во однос на обиди за изборен инжинеринг со вон-институционален меѓупартиски договор за гласање и надгласување во Државната изборна комисија (ДИК), во врска со симптоматичните приговори поднесени од страна на учесниците во изборите, рече техничкиот премиер Талат Џафери на прес-конференција на 16 мај во Владата. „Според извештаите, овие претензии за изборен инжинеринг имаат за цел менување на соодносот на бројките во Собранието, преку политички договор на маса. Кредибилноста на изборите и на демократскиот процес, прифатен и поздравен од сите партии и од меѓународната заедница, сега е во рацете на Управниот суд. Ги поканувам сите институции да постапат согласно законот, без партиски и политички директиви од која било страна и да го штитат кредибилитет на изборниот процес до крај“, рече Џафери на прес конференцијата. Видете и ова: Четворица кандидати за пратеници во битка за две пратенички фотелји На две пратенички столчиња се надеваат четворица кандидати за пратеници од три изборни коалиции, по одлуката на ДИК да се прегласува во седум избирачки места од две изборни единици по спроведените парламентарни избори на 8 мај. На 17 мај, кога истекува рокот за одлучување по доставени жалби до Управниот суд, ќе се знае дали има основ за да се прегласува во седум избирачки места, од кои шест во изборна единица 5 и едно избирачко место во изборна единица 6. Според изборните правила, доколку се прегласува на оние места каде што се запишани околу илјада гласачи, тоа би можело да влијае врз избориот количник. Право на глас по втор пат на паралментарните избори ќе имаат над четири илјади граѓани, и нивниот избор може да го промени за две пратенички места распоредот на силите во Собранието. Коалицијата „Европски фронт“, предводена од ДУИ, поднесе жалба до Управниот суд за одлуките на Државната изборна комисија која прифати приговори за неправилности на седум избирачки места, на кои може да има повторно гласање. Доколку Управниот суд ги одбие жалбите на Европскиот фронт, Државната изборна комисија ќе треба да одлучи дали ќе има повторно гласање на овие седум избирачки места. Според првичните изборни резултати, ВМРО-ДПМНЕ осво 58 пратенички места, ДУИ доби 19, додека СДСМ има 18. Од коалицијата Влен во собранискиот состав влегуваат со 13, а партиите Левица и ЗНАМ со по 6 пратеници. прочитај повеќе мај 16, 2024 Мицкоски: Мое човеково право е како ќе ја нарекувам мојата држава Северна Македонија - Христијан Мицкоски, претседател на ВМРО-ДПМНЕ и Гордана Сиљановска - Давкова, претседателка на Република Северна Македонија Достоинствена беше заклетвата на претседателката Гордана Сиљановска Давкова, очекував честитка од јужниот сосед за убедливиот триумф, но за жал, добивме политички мускули, изјавипретседателот на ВМРО-ДПМНЕ и иден мандатар Христијан Мицкоски на 16 мај. Според Мицкоски, ако Грција смета дека земјава го прекршила Преспанскиот договор, постои Меѓународен суд за правда. Тој потсети и дека нашата држава во целост го има имплементирано Преспанскиот договор, „а кај јужниот сосед не се завршени ни основните три работи“. Видете и ова: Сиљановска и ВМРО-ДПМНЕ не бегаат од Преспанскиот договор, но не се откажуваат од само „Македонија“ „Ако некој очекува од ВМРО-ДПМНЕ да ги повтори грешките од минатото, бидете сигурни дека тоа нема да го направиме. Немаме намера на нивните политички мускули да одговориме со преименување на автопатите и аеродромите или да градиме споменици. Не очекувам односите меѓу двете држави да се темелат на политички мускули, очекувам да имаме одлични меѓусоседски односи. Ценам дека ВМРО-ДПМНЕ и тамошната влада предводена од Нова Демократија имаат свој став поврзан со Преспанскиот договор, бидејќи ниту на едните, ниту на другите ни се допаѓа тој договор“, рече Мицкоски. За разлика од таму, нагласи, Преспанскиот договор тука е дел од македонските институции, од македонскиот Устав и законите. „Многу пати во минатото сме кажале дека тоа е реалност. Комуникацијата во македонските инститиуции останува согласно Уставот и законите, но мое основно човеково право е како ќе ја нарекувам мојата држава. И додека давам изјави или се обраќам, и јас, а очекувам тоа да биде начин на однесување и на Сиљановска, да се користат термините Македонија и придавката „македонски“, бидејќи на тој начин, според нашето толкување на Преспанскиот договор, нема негово прекршување. Ако тие мислат дека сме го прекршиле Преспанскиот договор, постои Меѓународен суд за правда, може да почнат процес па таму ќе ги вкрстиме и едните и другите аргументи. Не би сакал до тоа да дојде. Повикувам на добрососедски и пријателски односи, рече Мицкоски. Тој повика на добрососедски и пријателски односи со Грција и апелира да нема веќе закани, опструкции и враќање назад во минатото, туку двете страни да гледаат кон иднината. Рече и дека наскоро очекува средба со грчкиот премиер со кој би разговарал за економијата, туризмот, образованието... Кога ја даваше свечената заклетва во Собранието, Сиљановска-Давкова употребуваше само Македонија за името на државата, без додавката „северна“. Тоа предизвика реакции од меѓународната заедница и од властите во Грција и во Бугарија. Пораката е дека од почитувањето на Договорот од Преспа постигнат со Грција во 2018, како и Договорот за добрососедство со Бугарија од 2017, зависи и понатамошниот пат на Северна Македонија кон полноправно членство во ЕУ. прочитај повеќе мај 16, 2024 Мицкоски: Успешно консолидиравме 61 пратеник Северна Македонија - Христијан Мицкоски, претседател на ВМРО-ДПМНЕ, Скопје, 8 мај 2024 година Покрај 58 пратеници на коалицијата, имаме консолидирано точно 61 пратеник, изјави лидерот на ВМРО-ДПМНЕ и иден мандатар, Христијан Мицкоски на 16 мај. „Како ВМРО-ДПМНЕ и коалиција „Твоја Македонија“ ги завршуваме разговорите со неколку од пратениците кои не се дел од коалицијата „Твоја Македонија“ и можам да кажам дека во моментов успешно консолидиравме 61 пратеник, не можам да кажам детали“, изјави Мицкоски. Одговарајќи на новинарски прашања пред затворењето на Самитот Македонија 2025, Мицкоски информира дека разговорите со коалицијата„Вреди“ се водат во вистинска насока. „Нашата втора цел е заедно со коалициските партнери да успееме да консолидираме две третини во Собранието. Потребни се затоа што имаме намера да направиме сериозно реструктуирање и реекипирање на владиниот кабинет“, изјави Мицкоски. Видете и ова: ВМРО-ДПМНЕ и „Вреди“ договараат нова Влада, други чекаат покана Претходно се одржа и средба меѓу работните групи на ВМРО-ДПМНЕ и „Вреди“ за преговори за формирање коалиција за нова влада. Пред почетокот на состанокот куса изјава за медиумите даде Азир Алиу од Алијансата за Албанците на Арбен Таравари, кој кажа дека ќе се разговара за методологијата и динамиката на работа на овие групи. Одговарајќи на новинарски прашања Алиу речи дека најверојатно од наредниот состанок на работните групи ќе почнат поконкретните разговори вклучувајќи ги и кадровските решенија. Алиу на состанокот на работните групи во седиштето на ВМРО-ДПМНЕ дојде заедно со другите членови на работната група од оваа коалиција. Според информациите на ВМРО-ДПМНЕ, членови на работната група од нивна страна се потпретседателите на партијата Владо Мисајловски, Александар Николовски, Тимчо Муцунски и Гордана Димитровска Кочовска. Лидерот на ВМРО-ДПМНЕ Христијан Мицкоски заедно со потпретседателите и првите луѓе од партиите од коалицијата Вреди Изет Меџити, Африм Гаши и Арбен Таравари имаа средба во саботата во седиштето на коалицијата “Вреди“ кога и официјално почнаа разговорите за формирање влада. Според роковите во Уставот, Владата би требало да биде предложена најдоцна до крајот на јуни. Таа треба да биде изгласана со мнозинство од 61 пратеник од вкупно 120 во Собранието. Коалицијата на ВМРО-ДПМНЕ освои 436.036 гласови на парламентарните избори на 8 мај, речиси тројно повеќе од коалицијата на СДСМ, кој ја предводеше Владата на Северна Македонија по последните седум години. прочитај повеќе мај 16, 2024 Грција e против логиката на Сиљановска-Давкова за употреба на уставното име формално, но не и во јавни настапи Северна Македонија - Инаугурација на Гордана Сиљановска-Давкова, претседателка на Северна Македонија, Скопје, 12 мај 2024 година Неприфатлива за Грција е логиката на Гордана Сиљановска-Давкова, претседателка на Северна Македонија, да го употребува уставното име во формална комуникација, но не и во јавни настапи, рече Павлос Маринакис, портпарол на грчката влада, пренесе МИА. Маринакис рече дека кога станува збор за највисоката позиција, за позицијата претседател на државата, „за еден од столбовите на демократијата на една земја, не можеме да говориме за двоен јазик и лично право“. „Мислам дека е лицемерно ова да се кажува и да се слуша. За некои работи, каде што треба, ќе бидеме формални, а во нашите јавни настапи ќе го правиме она што сакаме или затоа што веруваме во тоа или затоа што ѝ служиме на нашата публика. Ова не може да биде прифатено од Грција, ниту од која било друга сериозна земја. Кога велиме дека треба да се согласиме дека треба да се почитува еден договор, затоа што таква е нашата обврска од фактот што е ратификуван овој договор, да го правиме тоа во сите наши формулации“, рече Маринакис. Видете и ова: ЕУ: Новата претседателка Сиљановска Давкова имаше несреќен настап За трите меморандуми за соработка кои СИРИЗА вчера ги достави во грчкиот Парламент, владиниот портпарол рече дека е „еден од најнесфатливите потези на опозицијата“, „Ниту еден грчки граѓанин не сфаќа на што му служи оваа постапка, зошто такво брзање. Од моментот кога претседателката на Северна Македонија не ја прифаќа основната, првата точка од Договорот, главната опозиција во Грција сака ние сè да направиме, сè да изгласаме“, рече Маринакис и додаде дека доколку видат соодветна позиција од новата Влада, тогаш ќе влезат во конкретната дискусија. Кога ја даваше свечената заклетва во Собранието, Сиљановска-Давкова употребуваше само Македонија за името на државата, без додавката „северна“. Тоа предизвика реакции од меѓународната заедница и од властите во Грција и во Бугарија. Пораката е дека од почитувањето на Договорот од Преспа постигнат со Грција во 2018, како и Договорот за добрососедство со Бугарија од 2017, зависи и понатамошниот пат на Северна Македонија кон полноправно членство во ЕУ. прочитај повеќе мај 16, 2024 Уапсен маж во Србија кој му се заканувал на Вучиќ Србија - Александар Вучиќ, претседател на Србија, 8 мај 2024 година Маж во Србија е уапсен поради закана за загрозување на безбедноста на претседателот на Србија, Александар Вучиќ. Министерот за внатрешни работи на Србија, Ивица Дачиќ, на 16 мај изјави дека е уапсен Д.М. од Сомбор. „Полицијата доби наредба да му биде задржан 48 часа“, рече Дачиќ. Од Министерството за внатрешни работи на Србија не кажаа повеќе детали. Видете и ова: Загриженост и осуда од европските лидери по пукањето кон Фицо Радио-телевизијата на Србија (РТС) објави дека под објавата на претседателот на Србија на мрежата Икс (поранешен Твитер) се појавиле заканувачки пораки до Вучиќ откако тој изјави дека е шокиран од обидот за атентат врз словачкиот премиер Роберт Фиц. Вучиќ кажа дека жителот на Сомбор, кој беше уапсен поради закани преку социјалните мрежи, претходно извршил околу 50 кривични дела, меѓу кои и разбојништва и тешки кражби. „Тој човек ги правеше најтешките злосторства секој ден од својот живот - од грабеж до тешка кражба“, изјави Вучиќ за новинарите во Котор, каде што учествуваше на самитот за Планот за раст на ЕУ за Западен Балкан, пренесе агенцијата Бета. Според пишувањата на медиумите, полицијата во јануари уапсила и Борчанец кој преку социјалната мрежа Икс му се заканувал на претседателот на Србија. прочитај повеќе мај 16, 2024 Зеленски: Ситуацијата во североисточниот регион Харкив е „исклучително тешка“ Украинскиот претседател Володомир Зеленски Украинскиот претседател Володимир Зеленски изјави дека воената ситуација во североисточниот регион Харкив е „исклучително тешка“, но сепак „под контрола“. Изјавата ја даде по состанокот со неговите воени началници во близина на линијата на фронтот. „Ситуацијата во регионот Харкив е генерално под контрола, а нашите војници му нанесуваат значителни загуби на окупаторот. Сепак, ситуацијата во областа останува исклучително тешка“, напиша тој во објавата на Телеграм, откако ги слушнал извештаите од неговите команданти во Харкив, регионален главен град на 30 километри од руската граница. Видете и ова: САД најавија пакет помош за Украина вреден 400 милиони долари Претходно денеска, украинската армија објави дека го запрела руското напредување во некои области на североисточниот регион Харкив, каде Русија започна нова офанзива минатата недела. „Ситуацијата во регионот Харкив сè уште е комплицирана, но се развива на динамичен начин. Нашите одбранбени сили делумно ја стабилизираа ситуацијата. Напредувањето на непријателот во одредени зони и локалитети е запрено“, рече портпаролот на армијата утрото на 16 мај. Предупредување за воздушен напад беше прогласено рано во четвртокот и во Киев и во неколку украински региони, при што украинските воздухопловни сили предупредуваа на закана од балистички ракети истрелани од Русија. прочитај повеќе мај 16, 2024 На словачкиот премиер Фицо ќе му биде извршена уште една операција Словачкиот премиер Роберт Фицо Словачкиот премиер Роберт Фицо врз кого вчера (15 мај) беше извршен атентат во градот Хандлови, го чека уште една операција, пишува словачкиот портал Правда. Абдоминалното крварење на Фицо е запрено, но тој се соочува со операција на колкот. Во меѓувреме, полицијата го обвини напаѓачот на премиерот за убиство со предумисла и се соочува со казна од 25 години до доживотен затвор. Како што пренесува порталот, напаѓачот, за кого медиумите пренесуваат дека е 71-годишниот писател Јурај Цинтула, рекол дека е горд на својот чин. РТВС објави дека напаѓачот моментално се наоѓа во ќелијата на Националната агенција за криминал во Нитра. Лекарите во текот на ноќта успеале да ја стабилизираат состојбата на словачкиот премиер по вчерашниот атентат во градот Хандлови, но таа се уште е тешка, соопшти претходно денеска директорката на болницата во Банска Бистрица, Миријам Лапуникова. Видете и ова: Обид за атентат врз словачкиот премиер Фицо - нападот бил „политички мотивиран“ Два медицински тима го оперираа словачкиот премиер пет часа. „Во моментов се преземаат дополнителни активности за подобрување на неговата состојба“, рече словачкиот министер за одбрана Роберт Калињак. Словачкиот министер за внатрешни работи Матус Шутај Ешток денеска побара од вицепремиерот Томаш Тараба да го свика Советот за национална безбедност, а Владата ќе одржи седница. Видете и ова: Кој е Роберт Фицо? Министерот за внатрешни работи информираше дека ќе ја зајакне заштитата на политичарите и одредени медиуми. Напаѓачот пукал пет пати, по што полицијата веднаш го привела, а премиерот веднаш бил префрлен во болницата во Банска Бистрица. прочитај повеќе мај 16, 2024 Самит на лидерите од регионот и ЕУ: „Секој треба да ја заврши својата работа“ Самит на лидерите на Западен Балкан и Европската Унија на 16 мај во Котор, Црна Гора Планот за раст на Западен Балкан претставува јасен сигнал за посветеноста на Европската Унија за економска и демократска трансформација на Западен Балкан, изјави црногорскиот премиер Милојко Спајиќ на Самитот на лидерите на Западен Балкан и Европската Унија во Котор. Советот на ЕУ одобри план од шест милијарди евра за поддршка на земјите од Западен Балкан со цел да се забрзаат реформите и економскиот раст, од кои две милијарди грантови и четири поволни заеми гарантирани од ЕУ. На самитот чиј домаќин е Спајиќ, покрај лидерите од регионот, учествуваат и европскиот комесар за соседство и проширување, Оливер Вархеји и помошникот државен секретар на САД за Европа и Евроазија, Џејмс О'Брајан. Видете и ова: Можно одложување на Планот за раст за Западен Балкан поради неусогласеност во ЕУ О'Брајан рече дека приоритет на Планот за раст за Западен Балкан е да се создаде единствен пазар на циркулација на пари, да се намалат трошоците, да се олесни движењето на пазарот и да се отворат повеќе работни места. „Пораките на Планот се дека за секој учесник пораката е јасна - работете ја вашата работа и не барајте некој друг да направи нешто прво, за вие да го направите вашето“. Вархеји рече дека Планот за раст повеќе не е нацрт, туку патоказ, кој е корисен за регионот пред влезот во ЕУ. „Поради планот за раст и интензитетот на помошта од економскиот и инвестицискиот план, реформската агенда и дополнителната финансиска помош до 2027 година, Балканот ќе биде подготвен или би можел да биде подготвен, или би можел сам да се подготви за влез во ЕУ“. Видете и ова: Претставници на Западен Балкан, ЕУ и САД во Котор ќе разговараат за планот за раст Самитот се организира под слоганот „Еден регион, заедничка визија“. На самитот присуствуваат претставници на Советот за регионална соработка, Европската банка за обнова и развој, Европската инвестициска банка, Светската банка, Атлантската алијанса, енергетската и транспортната заедница, Фондацијата Отворено општество... Ден пред Самитот, на 15 мај, се одржа состанок на министрите за европски прашања и финансии на земјите од Западен Балкан, претставници на Европската комисија и партнерските организации. „Министрите разговараа и за пристапот до единствената платежна зона за евро (SEPA), за олеснување на трговијата и транспортот меѓу земјите од регионот и членките на ЕУ, за подобрување на снабдувањето со критични лекови, Центарот за дигитални иновации и други теми“, соопштија од Министерството за европски прашања од Црна Гора. Претходните месеци министерски состаноци и регионални самити на лидерите од Западен Балкан се одржаа во Скопје и Тирана. прочитај повеќе мај 16, 2024 Западните претставници на протестите против спорниот закон во Грузија Министрите за надворешни работи на Естонија, Литванија и Исланд на протест во Тбилиси, 15 мај 2024 година Илјадници луѓе повторно излегоа на улиците на грузискиот главен град Тбилиси за да протестираат против контроверзниот закон за „странски агенти“ усвоен од парламентот и покрај повеќенеделните демонстрации и предупредувањата на Западот дека законот ја загрозува евроатлантската интеграција на Грузија. На демонстрантите во Тбилиси им се придружија и министрите за надворешни работи на Естонија, Летонија, Литванија и Исланд во маршот кон зградата на парламентот во средата во знак на солидарност со западните аспирации на Грузијците, објави грузискиот сервис на Радио Слободна Европа. Демонстрантите се собраа и на плоштадот на хероите, главната раскрсница во главниот град на Грузија, јавија дописниците на РСЕ од теренот. Законот, кој го усвои парламентот под контрола на владејачката партија Грузиски сон на 14 мај, беше осуден од САД, Европската Унија и групите за права поради неговата сличност со рускиот закон што претседателот Владимир Путин го користи за да ја замолчи опозицијата и да ги задуши независните институции. „Заедно го започнавме ова патување и нашите народи знаат што значи да се биде под притисок од Москва. Никогаш нема да ве оставиме, но сите треба да ја обликуваме судбината на нашите народи“, рече литванскиот министер за надворешни работи Габриелиус Ландсбергис, чија земја, како Грузија и Естонија, беше дел од поранешниот Советски Сојуз. Embed share Што ги предизвика масовните протести во Грузија? Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:01:48 0:00 Директен линк 240p | 5,1MB 360p | 8,6MB 480p | 16,7MB 720p | 27,1MB 1080p | 46,0MB „Вие како народ го одлучивте вашиот пат кон Европа. Ние сите заедно ќе направиме сè за да продолжиме по овој пат“, изјави естонскиот министер за надворешни работи Маргус Кахна. „Јас сум овде денес, вие не сте сами и ја имате нашата почит“, рече министерот за надворешни работи на Исланд, Тордис Колбрун Гилфадотир. На протестниот марш се приклучи и министерка за надворешни работи на Летонија, Баиба Бразе. Четворицата западни претставници претходно се сретнаа со грузиската претседателка Саломе Зурабишвили и одржаа заедничка прес-конференција. Зурабишвили на конференцијата предупреди дека опстанокот на Грузија како држава е во опасност откако парламентот го одобри контроверзниот закон за „странски агенти“ и повтори дека ќе стави вето на законот затоа што владата „не го послуша гласот на својот народ ниту советите на нејзините пријатели, ниту ничие предупредување и тргна по својот пат“. Според законот, медиумските куќи, невладините и другите непрофитни организации ќе мора да се регистрираат дека „работат за интересите на странска сила“ доколку повеќе од 20 проценти од нивното финансирање доаѓа од странство. Зурабишвили, која е во судир со владејачката партија Грузиски сон која го протурка законот во парламентот, има 10 дена да стави вето, но Грузиски сон и неговите партнери во парламентот имаат доволно пратеници за да го отфрлат ветото на претседателот. Американскиот помошник државен секретар Џејмс О'Брајан, кој беше во Тбилиси на 14 мај, рече дека односите на Вашингтон со земјата ќе бидат загрозени и дека американската помош за Грузија ќе биде предмет на ревизија доколку нацрт-законот биде усвоен. прочитај повеќе Вчитај повеќе...

Вести мај 15, 2024 Блинкен најавува транша од 2 милијарди долари воена помош за Украина Блинкен на прес-конференција во Киев на 15 мај. САД брзаат да стигне воена помош од 2 милијарди долари за украинските сили додека тие се борат да го запрат рускиот напредок во севоисточкиот регион Харкив, вели американскиот државен секретар Ентони Блинкен. Блинкен, кој ова го изјави на заедничка прес-конференција украинскиот министер за надворешни работи на Украина Дмитро Кулеб на 15 мај во Киев, рече дека средствата се наменети за обезбедување оружје за украински војници. Тие се дел од неодамна одобрениот пакет американска воена помош за Киев од 61 милијарда долари. Пакетот беше одобрен пред неколку недели по повеќемесечни одложувања поради политичките расправии во американскиот Конгрес. Видете и ова: Како украински функционери од ерата на Јанукович истурија милиони во недвижности во Дубаи Најавата на Блинкен дојде откако претходниот ден украинскиот претседател Володимир Зеленски повика да се забрза испораката на очајно потребните системи за воздушна одбрана Патриот, особено во и околу Харкив. „Ние брзаме со муниција, оклопни возила, проектили и противвоздушна одбрана со цел тие да стигнат до првите борбени линии“, рече Блинкен, додавајќи: „За секој кој е во искушение да се обложи против Украина, немојте. Тоа ќе биде голема грешка“. Блинкен, кој посети локална пицерија и настапуваше како гитарист во подрумски бар во главниот град, рече дека билатералниот безбедносен договор со Украина би можел да биде потпишан во наредните недели бидејќи повеќето од, како што рече, „напорната работа“ во преговорите веќе била завршена. „Заедно поминавме низ времиња на искушенија, целосно сум уверен дека заедно ќе ги надминеме и овие тешки моменти“, рече Блинкен. Високиот американски дипломат рече дека претседателот Џо Бајден би можел да се сретне со Зеленски за неколку недели и изрази силна американска поддршка за мировната конференција во Швајцарија што треба да се одржи следниот месец. Блинкен рече дека иако САД не се за тоа Украина да користи американско оружје за напади внатре во Русија, тоа на крај од денот е одлука на Киев. Ние не охрабрувавме ниту овозможивме напади надвор од Украина, но на крајот Украина треба да донесе одлуки за тоа како да се бори“, рече Блинкен. Поради тешкотиите со кои се соочуваат украинските сили на бојното поле поради недостаток на оружје и муниција, Зеленски ги одложи сите свои закажани патувања во странство. Видете и ова: Зеленски ги одложи патувањата во странство поради „тешката“ ситуација на фронтот Тој требаше да ги посети Шпанија и Португалија и да потпише билатерален безбедносен договор во Мадрид со шпанскиот премиер Педро Санчез на 17 мај. Требаше да се сретне и со шпанскиот крал Фелипе. На бојното поле, пак, Русија се пробива кон северот на регионот Харкив, а украинската војска на 15 мај соопшти дека презема чекори за да ги спречи руските сили да влезат во северниот дел на градот Вовчанск, кој е на само 5 километри од руската граница. Вовчанск стана фокус на најновата руска офанзива додека силите на Кремљ се обидуваат да заземат квартови источно од Харкив, вториот по големина град во Украина, со население кое пред војната броеше околу 1,4 милиони. Московските трупи влегоа во регионот Харкив на 10 мај, отворајќи нов североисточен фронт. Напредокот на руските сили може да доведе до повлекување на дел од ослабените сили на Киев од исток, каде што Русија полека напредува. Аналитичарите велат дека Русија се обидува да добие максимален импулс на бојното поле пред да пристигне новиот бран воена помош за Киев од САД и европските сојузници. Градоначалникот на Харкив, Ихор Терехов, на 15 мај за украинската телевизија изјави дека и покрај постојаното руско гранатирање, во моментов нема планови за евакуација на градот. Сепак, Министерството за вонредни ситуации на Украина објави дека околу 8.000 луѓе се евакуирани од областа. Во меѓувреме, две лица загинаа во руски напад на градот Днипро во Днепропетровската област 15 мај, објави на Телеграм шефот на регионалната администрација Серхиј Лисак. Исто така, Михаил Развозаев, гувернер на Крим, назначен од Русија, рече дека бил одбиен „масовен“ украински ракетен напад над градот Севастопол рано наутро на 15 мај. Видете и ова: Русија тврди дека одбила „масовен“ украински напад врз Крим Развозаев посочи дека неколку проектили биле соборени над морето и во областа на аеродромот Белбек. Нема податоци за жртви. Руското Министерство за одбрана соопшти дека воздушната одбрана соборила 10 ракети со долг дострел над Крим. Ваквите тврдења, засега не може да се потврдат од независни избори. Во последните недели, Москва без да посочи докази ја обвинува Украина, дека почнала да користи американски тактички ракетни системи. прочитај повеќе види ги сите денешни вести мај 16, 2024 Талат Џафери: Добив извештаи за обиди за изборен инжинеринг Талат Џафери, технички премиер на Република Северна Македонија Имам добиено извештаи од учесниците во изборниот процес за вознемирување во однос на обиди за изборен инжинеринг со вон-институционален меѓупартиски договор за гласање и надгласување во Државната изборна комисија (ДИК), во врска со симптоматичните приговори поднесени од страна на учесниците во изборите, рече техничкиот премиер Талат Џафери на прес-конференција на 16 мај во Владата. „Според извештаите, овие претензии за изборен инжинеринг имаат за цел менување на соодносот на бројките во Собранието, преку политички договор на маса. Кредибилноста на изборите и на демократскиот процес, прифатен и поздравен од сите партии и од меѓународната заедница, сега е во рацете на Управниот суд. Ги поканувам сите институции да постапат согласно законот, без партиски и политички директиви од која било страна и да го штитат кредибилитет на изборниот процес до крај“, рече Џафери на прес конференцијата. Видете и ова: Четворица кандидати за пратеници во битка за две пратенички фотелји На две пратенички столчиња се надеваат четворица кандидати за пратеници од три изборни коалиции, по одлуката на ДИК да се прегласува во седум избирачки места од две изборни единици по спроведените парламентарни избори на 8 мај. На 17 мај, кога истекува рокот за одлучување по доставени жалби до Управниот суд, ќе се знае дали има основ за да се прегласува во седум избирачки места, од кои шест во изборна единица 5 и едно избирачко место во изборна единица 6. Според изборните правила, доколку се прегласува на оние места каде што се запишани околу илјада гласачи, тоа би можело да влијае врз избориот количник. Право на глас по втор пат на паралментарните избори ќе имаат над четири илјади граѓани, и нивниот избор може да го промени за две пратенички места распоредот на силите во Собранието. Коалицијата „Европски фронт“, предводена од ДУИ, поднесе жалба до Управниот суд за одлуките на Државната изборна комисија која прифати приговори за неправилности на седум избирачки места, на кои може да има повторно гласање. Доколку Управниот суд ги одбие жалбите на Европскиот фронт, Државната изборна комисија ќе треба да одлучи дали ќе има повторно гласање на овие седум избирачки места. Според првичните изборни резултати, ВМРО-ДПМНЕ осво 58 пратенички места, ДУИ доби 19, додека СДСМ има 18. Од коалицијата Влен во собранискиот состав влегуваат со 13, а партиите Левица и ЗНАМ со по 6 пратеници. прочитај повеќе мај 16, 2024 Мицкоски: Мое човеково право е како ќе ја нарекувам мојата држава Северна Македонија - Христијан Мицкоски, претседател на ВМРО-ДПМНЕ и Гордана Сиљановска - Давкова, претседателка на Република Северна Македонија Достоинствена беше заклетвата на претседателката Гордана Сиљановска Давкова, очекував честитка од јужниот сосед за убедливиот триумф, но за жал, добивме политички мускули, изјавипретседателот на ВМРО-ДПМНЕ и иден мандатар Христијан Мицкоски на 16 мај. Според Мицкоски, ако Грција смета дека земјава го прекршила Преспанскиот договор, постои Меѓународен суд за правда. Тој потсети и дека нашата држава во целост го има имплементирано Преспанскиот договор, „а кај јужниот сосед не се завршени ни основните три работи“. Видете и ова: Сиљановска и ВМРО-ДПМНЕ не бегаат од Преспанскиот договор, но не се откажуваат од само „Македонија“ „Ако некој очекува од ВМРО-ДПМНЕ да ги повтори грешките од минатото, бидете сигурни дека тоа нема да го направиме. Немаме намера на нивните политички мускули да одговориме со преименување на автопатите и аеродромите или да градиме споменици. Не очекувам односите меѓу двете држави да се темелат на политички мускули, очекувам да имаме одлични меѓусоседски односи. Ценам дека ВМРО-ДПМНЕ и тамошната влада предводена од Нова Демократија имаат свој став поврзан со Преспанскиот договор, бидејќи ниту на едните, ниту на другите ни се допаѓа тој договор“, рече Мицкоски. За разлика од таму, нагласи, Преспанскиот договор тука е дел од македонските институции, од македонскиот Устав и законите. „Многу пати во минатото сме кажале дека тоа е реалност. Комуникацијата во македонските инститиуции останува согласно Уставот и законите, но мое основно човеково право е како ќе ја нарекувам мојата држава. И додека давам изјави или се обраќам, и јас, а очекувам тоа да биде начин на однесување и на Сиљановска, да се користат термините Македонија и придавката „македонски“, бидејќи на тој начин, според нашето толкување на Преспанскиот договор, нема негово прекршување. Ако тие мислат дека сме го прекршиле Преспанскиот договор, постои Меѓународен суд за правда, може да почнат процес па таму ќе ги вкрстиме и едните и другите аргументи. Не би сакал до тоа да дојде. Повикувам на добрососедски и пријателски односи, рече Мицкоски. Тој повика на добрососедски и пријателски односи со Грција и апелира да нема веќе закани, опструкции и враќање назад во минатото, туку двете страни да гледаат кон иднината. Рече и дека наскоро очекува средба со грчкиот премиер со кој би разговарал за економијата, туризмот, образованието... Кога ја даваше свечената заклетва во Собранието, Сиљановска-Давкова употребуваше само Македонија за името на државата, без додавката „северна“. Тоа предизвика реакции од меѓународната заедница и од властите во Грција и во Бугарија. Пораката е дека од почитувањето на Договорот од Преспа постигнат со Грција во 2018, како и Договорот за добрососедство со Бугарија од 2017, зависи и понатамошниот пат на Северна Македонија кон полноправно членство во ЕУ. прочитај повеќе мај 16, 2024 Мицкоски: Успешно консолидиравме 61 пратеник Северна Македонија - Христијан Мицкоски, претседател на ВМРО-ДПМНЕ, Скопје, 8 мај 2024 година Покрај 58 пратеници на коалицијата, имаме консолидирано точно 61 пратеник, изјави лидерот на ВМРО-ДПМНЕ и иден мандатар, Христијан Мицкоски на 16 мај. „Како ВМРО-ДПМНЕ и коалиција „Твоја Македонија“ ги завршуваме разговорите со неколку од пратениците кои не се дел од коалицијата „Твоја Македонија“ и можам да кажам дека во моментов успешно консолидиравме 61 пратеник, не можам да кажам детали“, изјави Мицкоски. Одговарајќи на новинарски прашања пред затворењето на Самитот Македонија 2025, Мицкоски информира дека разговорите со коалицијата„Вреди“ се водат во вистинска насока. „Нашата втора цел е заедно со коалициските партнери да успееме да консолидираме две третини во Собранието. Потребни се затоа што имаме намера да направиме сериозно реструктуирање и реекипирање на владиниот кабинет“, изјави Мицкоски. Видете и ова: ВМРО-ДПМНЕ и „Вреди“ договараат нова Влада, други чекаат покана Претходно се одржа и средба меѓу работните групи на ВМРО-ДПМНЕ и „Вреди“ за преговори за формирање коалиција за нова влада. Пред почетокот на состанокот куса изјава за медиумите даде Азир Алиу од Алијансата за Албанците на Арбен Таравари, кој кажа дека ќе се разговара за методологијата и динамиката на работа на овие групи. Одговарајќи на новинарски прашања Алиу речи дека најверојатно од наредниот состанок на работните групи ќе почнат поконкретните разговори вклучувајќи ги и кадровските решенија. Алиу на состанокот на работните групи во седиштето на ВМРО-ДПМНЕ дојде заедно со другите членови на работната група од оваа коалиција. Според информациите на ВМРО-ДПМНЕ, членови на работната група од нивна страна се потпретседателите на партијата Владо Мисајловски, Александар Николовски, Тимчо Муцунски и Гордана Димитровска Кочовска. Лидерот на ВМРО-ДПМНЕ Христијан Мицкоски заедно со потпретседателите и првите луѓе од партиите од коалицијата Вреди Изет Меџити, Африм Гаши и Арбен Таравари имаа средба во саботата во седиштето на коалицијата “Вреди“ кога и официјално почнаа разговорите за формирање влада. Според роковите во Уставот, Владата би требало да биде предложена најдоцна до крајот на јуни. Таа треба да биде изгласана со мнозинство од 61 пратеник од вкупно 120 во Собранието. Коалицијата на ВМРО-ДПМНЕ освои 436.036 гласови на парламентарните избори на 8 мај, речиси тројно повеќе од коалицијата на СДСМ, кој ја предводеше Владата на Северна Македонија по последните седум години. прочитај повеќе мај 16, 2024 Грција e против логиката на Сиљановска-Давкова за употреба на уставното име формално, но не и во јавни настапи Северна Македонија - Инаугурација на Гордана Сиљановска-Давкова, претседателка на Северна Македонија, Скопје, 12 мај 2024 година Неприфатлива за Грција е логиката на Гордана Сиљановска-Давкова, претседателка на Северна Македонија, да го употребува уставното име во формална комуникација, но не и во јавни настапи, рече Павлос Маринакис, портпарол на грчката влада, пренесе МИА. Маринакис рече дека кога станува збор за највисоката позиција, за позицијата претседател на државата, „за еден од столбовите на демократијата на една земја, не можеме да говориме за двоен јазик и лично право“. „Мислам дека е лицемерно ова да се кажува и да се слуша. За некои работи, каде што треба, ќе бидеме формални, а во нашите јавни настапи ќе го правиме она што сакаме или затоа што веруваме во тоа или затоа што ѝ служиме на нашата публика. Ова не може да биде прифатено од Грција, ниту од која било друга сериозна земја. Кога велиме дека треба да се согласиме дека треба да се почитува еден договор, затоа што таква е нашата обврска од фактот што е ратификуван овој договор, да го правиме тоа во сите наши формулации“, рече Маринакис. Видете и ова: ЕУ: Новата претседателка Сиљановска Давкова имаше несреќен настап За трите меморандуми за соработка кои СИРИЗА вчера ги достави во грчкиот Парламент, владиниот портпарол рече дека е „еден од најнесфатливите потези на опозицијата“, „Ниту еден грчки граѓанин не сфаќа на што му служи оваа постапка, зошто такво брзање. Од моментот кога претседателката на Северна Македонија не ја прифаќа основната, првата точка од Договорот, главната опозиција во Грција сака ние сè да направиме, сè да изгласаме“, рече Маринакис и додаде дека доколку видат соодветна позиција од новата Влада, тогаш ќе влезат во конкретната дискусија. Кога ја даваше свечената заклетва во Собранието, Сиљановска-Давкова употребуваше само Македонија за името на државата, без додавката „северна“. Тоа предизвика реакции од меѓународната заедница и од властите во Грција и во Бугарија. Пораката е дека од почитувањето на Договорот од Преспа постигнат со Грција во 2018, како и Договорот за добрососедство со Бугарија од 2017, зависи и понатамошниот пат на Северна Македонија кон полноправно членство во ЕУ. прочитај повеќе мај 16, 2024 Уапсен маж во Србија кој му се заканувал на Вучиќ Србија - Александар Вучиќ, претседател на Србија, 8 мај 2024 година Маж во Србија е уапсен поради закана за загрозување на безбедноста на претседателот на Србија, Александар Вучиќ. Министерот за внатрешни работи на Србија, Ивица Дачиќ, на 16 мај изјави дека е уапсен Д.М. од Сомбор. „Полицијата доби наредба да му биде задржан 48 часа“, рече Дачиќ. Од Министерството за внатрешни работи на Србија не кажаа повеќе детали. Видете и ова: Загриженост и осуда од европските лидери по пукањето кон Фицо Радио-телевизијата на Србија (РТС) објави дека под објавата на претседателот на Србија на мрежата Икс (поранешен Твитер) се појавиле заканувачки пораки до Вучиќ откако тој изјави дека е шокиран од обидот за атентат врз словачкиот премиер Роберт Фиц. Вучиќ кажа дека жителот на Сомбор, кој беше уапсен поради закани преку социјалните мрежи, претходно извршил околу 50 кривични дела, меѓу кои и разбојништва и тешки кражби. „Тој човек ги правеше најтешките злосторства секој ден од својот живот - од грабеж до тешка кражба“, изјави Вучиќ за новинарите во Котор, каде што учествуваше на самитот за Планот за раст на ЕУ за Западен Балкан, пренесе агенцијата Бета. Според пишувањата на медиумите, полицијата во јануари уапсила и Борчанец кој преку социјалната мрежа Икс му се заканувал на претседателот на Србија. прочитај повеќе мај 16, 2024 Зеленски: Ситуацијата во североисточниот регион Харкив е „исклучително тешка“ Украинскиот претседател Володомир Зеленски Украинскиот претседател Володимир Зеленски изјави дека воената ситуација во североисточниот регион Харкив е „исклучително тешка“, но сепак „под контрола“. Изјавата ја даде по состанокот со неговите воени началници во близина на линијата на фронтот. „Ситуацијата во регионот Харкив е генерално под контрола, а нашите војници му нанесуваат значителни загуби на окупаторот. Сепак, ситуацијата во областа останува исклучително тешка“, напиша тој во објавата на Телеграм, откако ги слушнал извештаите од неговите команданти во Харкив, регионален главен град на 30 километри од руската граница. Видете и ова: САД најавија пакет помош за Украина вреден 400 милиони долари Претходно денеска, украинската армија објави дека го запрела руското напредување во некои области на североисточниот регион Харкив, каде Русија започна нова офанзива минатата недела. „Ситуацијата во регионот Харкив сè уште е комплицирана, но се развива на динамичен начин. Нашите одбранбени сили делумно ја стабилизираа ситуацијата. Напредувањето на непријателот во одредени зони и локалитети е запрено“, рече портпаролот на армијата утрото на 16 мај. Предупредување за воздушен напад беше прогласено рано во четвртокот и во Киев и во неколку украински региони, при што украинските воздухопловни сили предупредуваа на закана од балистички ракети истрелани од Русија. прочитај повеќе мај 16, 2024 На словачкиот премиер Фицо ќе му биде извршена уште една операција Словачкиот премиер Роберт Фицо Словачкиот премиер Роберт Фицо врз кого вчера (15 мај) беше извршен атентат во градот Хандлови, го чека уште една операција, пишува словачкиот портал Правда. Абдоминалното крварење на Фицо е запрено, но тој се соочува со операција на колкот. Во меѓувреме, полицијата го обвини напаѓачот на премиерот за убиство со предумисла и се соочува со казна од 25 години до доживотен затвор. Како што пренесува порталот, напаѓачот, за кого медиумите пренесуваат дека е 71-годишниот писател Јурај Цинтула, рекол дека е горд на својот чин. РТВС објави дека напаѓачот моментално се наоѓа во ќелијата на Националната агенција за криминал во Нитра. Лекарите во текот на ноќта успеале да ја стабилизираат состојбата на словачкиот премиер по вчерашниот атентат во градот Хандлови, но таа се уште е тешка, соопшти претходно денеска директорката на болницата во Банска Бистрица, Миријам Лапуникова. Видете и ова: Обид за атентат врз словачкиот премиер Фицо - нападот бил „политички мотивиран“ Два медицински тима го оперираа словачкиот премиер пет часа. „Во моментов се преземаат дополнителни активности за подобрување на неговата состојба“, рече словачкиот министер за одбрана Роберт Калињак. Словачкиот министер за внатрешни работи Матус Шутај Ешток денеска побара од вицепремиерот Томаш Тараба да го свика Советот за национална безбедност, а Владата ќе одржи седница. Видете и ова: Кој е Роберт Фицо? Министерот за внатрешни работи информираше дека ќе ја зајакне заштитата на политичарите и одредени медиуми. Напаѓачот пукал пет пати, по што полицијата веднаш го привела, а премиерот веднаш бил префрлен во болницата во Банска Бистрица. прочитај повеќе мај 16, 2024 Самит на лидерите од регионот и ЕУ: „Секој треба да ја заврши својата работа“ Самит на лидерите на Западен Балкан и Европската Унија на 16 мај во Котор, Црна Гора Планот за раст на Западен Балкан претставува јасен сигнал за посветеноста на Европската Унија за економска и демократска трансформација на Западен Балкан, изјави црногорскиот премиер Милојко Спајиќ на Самитот на лидерите на Западен Балкан и Европската Унија во Котор. Советот на ЕУ одобри план од шест милијарди евра за поддршка на земјите од Западен Балкан со цел да се забрзаат реформите и економскиот раст, од кои две милијарди грантови и четири поволни заеми гарантирани од ЕУ. На самитот чиј домаќин е Спајиќ, покрај лидерите од регионот, учествуваат и европскиот комесар за соседство и проширување, Оливер Вархеји и помошникот државен секретар на САД за Европа и Евроазија, Џејмс О'Брајан. Видете и ова: Можно одложување на Планот за раст за Западен Балкан поради неусогласеност во ЕУ О'Брајан рече дека приоритет на Планот за раст за Западен Балкан е да се создаде единствен пазар на циркулација на пари, да се намалат трошоците, да се олесни движењето на пазарот и да се отворат повеќе работни места. „Пораките на Планот се дека за секој учесник пораката е јасна - работете ја вашата работа и не барајте некој друг да направи нешто прво, за вие да го направите вашето“. Вархеји рече дека Планот за раст повеќе не е нацрт, туку патоказ, кој е корисен за регионот пред влезот во ЕУ. „Поради планот за раст и интензитетот на помошта од економскиот и инвестицискиот план, реформската агенда и дополнителната финансиска помош до 2027 година, Балканот ќе биде подготвен или би можел да биде подготвен, или би можел сам да се подготви за влез во ЕУ“. Видете и ова: Претставници на Западен Балкан, ЕУ и САД во Котор ќе разговараат за планот за раст Самитот се организира под слоганот „Еден регион, заедничка визија“. На самитот присуствуваат претставници на Советот за регионална соработка, Европската банка за обнова и развој, Европската инвестициска банка, Светската банка, Атлантската алијанса, енергетската и транспортната заедница, Фондацијата Отворено општество... Ден пред Самитот, на 15 мај, се одржа состанок на министрите за европски прашања и финансии на земјите од Западен Балкан, претставници на Европската комисија и партнерските организации. „Министрите разговараа и за пристапот до единствената платежна зона за евро (SEPA), за олеснување на трговијата и транспортот меѓу земјите од регионот и членките на ЕУ, за подобрување на снабдувањето со критични лекови, Центарот за дигитални иновации и други теми“, соопштија од Министерството за европски прашања од Црна Гора. Претходните месеци министерски состаноци и регионални самити на лидерите од Западен Балкан се одржаа во Скопје и Тирана. прочитај повеќе мај 16, 2024 Западните претставници на протестите против спорниот закон во Грузија Министрите за надворешни работи на Естонија, Литванија и Исланд на протест во Тбилиси, 15 мај 2024 година Илјадници луѓе повторно излегоа на улиците на грузискиот главен град Тбилиси за да протестираат против контроверзниот закон за „странски агенти“ усвоен од парламентот и покрај повеќенеделните демонстрации и предупредувањата на Западот дека законот ја загрозува евроатлантската интеграција на Грузија. На демонстрантите во Тбилиси им се придружија и министрите за надворешни работи на Естонија, Летонија, Литванија и Исланд во маршот кон зградата на парламентот во средата во знак на солидарност со западните аспирации на Грузијците, објави грузискиот сервис на Радио Слободна Европа. Демонстрантите се собраа и на плоштадот на хероите, главната раскрсница во главниот град на Грузија, јавија дописниците на РСЕ од теренот. Законот, кој го усвои парламентот под контрола на владејачката партија Грузиски сон на 14 мај, беше осуден од САД, Европската Унија и групите за права поради неговата сличност со рускиот закон што претседателот Владимир Путин го користи за да ја замолчи опозицијата и да ги задуши независните институции. „Заедно го започнавме ова патување и нашите народи знаат што значи да се биде под притисок од Москва. Никогаш нема да ве оставиме, но сите треба да ја обликуваме судбината на нашите народи“, рече литванскиот министер за надворешни работи Габриелиус Ландсбергис, чија земја, како Грузија и Естонија, беше дел од поранешниот Советски Сојуз. Embed share Што ги предизвика масовните протести во Грузија? Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:01:48 0:00 Директен линк 240p | 5,1MB 360p | 8,6MB 480p | 16,7MB 720p | 27,1MB 1080p | 46,0MB „Вие како народ го одлучивте вашиот пат кон Европа. Ние сите заедно ќе направиме сè за да продолжиме по овој пат“, изјави естонскиот министер за надворешни работи Маргус Кахна. „Јас сум овде денес, вие не сте сами и ја имате нашата почит“, рече министерот за надворешни работи на Исланд, Тордис Колбрун Гилфадотир. На протестниот марш се приклучи и министерка за надворешни работи на Летонија, Баиба Бразе. Четворицата западни претставници претходно се сретнаа со грузиската претседателка Саломе Зурабишвили и одржаа заедничка прес-конференција. Зурабишвили на конференцијата предупреди дека опстанокот на Грузија како држава е во опасност откако парламентот го одобри контроверзниот закон за „странски агенти“ и повтори дека ќе стави вето на законот затоа што владата „не го послуша гласот на својот народ ниту советите на нејзините пријатели, ниту ничие предупредување и тргна по својот пат“. Според законот, медиумските куќи, невладините и другите непрофитни организации ќе мора да се регистрираат дека „работат за интересите на странска сила“ доколку повеќе од 20 проценти од нивното финансирање доаѓа од странство. Зурабишвили, која е во судир со владејачката партија Грузиски сон која го протурка законот во парламентот, има 10 дена да стави вето, но Грузиски сон и неговите партнери во парламентот имаат доволно пратеници за да го отфрлат ветото на претседателот. Американскиот помошник државен секретар Џејмс О'Брајан, кој беше во Тбилиси на 14 мај, рече дека односите на Вашингтон со земјата ќе бидат загрозени и дека американската помош за Грузија ќе биде предмет на ревизија доколку нацрт-законот биде усвоен. прочитај повеќе мај 16, 2024 Постигнат договор за коалициска влада во Холандија Речиси шест месеци по изборната победа на неговата партија, холандскиот политичар Герт Вилдерс објави дека е постигнат договор за формирање на десничарска коалициска влада. Тој исто така објави дека нема да биде премиер. „Имаме договор меѓу преговарачите“, рече Вилдерс, кој уште во март се откажа од намерата да биде премиер, наведувајќи ги наводите дека е „исламофоб и противник на ЕУ“. Видете и ова: Проблеми пред почетокот на преговорите за владејачка коалиција во Холандија Договорот е постигнат меѓу четири партии - Партијата за слобода (ПВВ) на Герт Вилдерс, про-земјоделската партија БББ, либералната партија ВВД и новата партија против корупцијата НСЦ. Сè уште не е познато кој ќе ја предводи десничарската владејачка коалиција која ќе го замени Марк Руте. Руте е кандидат за функцијата генерален секретар на НАТО. Крајнодесничарската Партија за слобода, која победи на изборите во Холандија, а чиј лидер е Вилдерс е позната и по тоа што меѓудругото, повикува на забрана на џамиите, Куранот и шамиите, како и референдум за напуштање на Европската Унија. прочитај повеќе Вчитај повеќе...

Беше премиер од 2006 до 2010, па потоа и од 2012 до 2018 година. на власт се врати во 2023. Важи за популистички премиер и за словачки политичар со најдолг премиерски стаж во историјата на Словачка. Роберт Фицо на 15 мај 2024 беше ранет „при обид за атентат“. Словачкиот премиер Роберт Фицо (59) е во критична состојба откако беше ранет во пукање по политички митинг во средата попладне (15-ти мај). Тој се врати на власт во 2023 година. Од 2006 до 2010 година и повторно од 2012 до 2018 година, Фицо е шеф на владата со најдолг стаж во историјата на Словачка. Тој и неговата партија Смер (Насока) најчесто се опишуваат како леви популисти, иако го споредуваат и со десничарски политичари како унгарскиот националистички премиер Виктор Орбан, а тој исто така ја прекина воената помош за Украина, пренесува АП. Роберт Фицо е роден на 15 септември 1964 година во Топољчани. Студирал право и почнал да се занимава со политика веднаш по падот на комунистичкиот режим во 1989 година. Тој беше член на Комунистичката партија на Словачка, која се трансформираше во Партија на Демократската левица (СДЛ) во 1990 година. Тој ја напушти во 1999 година, основајќи ја сопствената партија Смер. Пред 1989 година, Фицо работел во словачкото Министерство за правда. Од 1994 година ја претставуваше Словачка пред Европската комисија за човекови права, а потоа и пред Европскиот суд за човекови права. Иако долго време се чинеше дека неговата позиција е несомнена, тој мораше да ја напушти премиерската функција во март 2018 година по убиството на новинарот Јан Куцијак. Видете и ова: Обид за атентат врз словачкиот премиер Фицо - нападот бил „политички мотивиран“ Основање на Смер во 1999 година Како член на Демократската левица во 1990-тите, тој ги критикуваше недемократските политики на владата на Владимир Мечиар. По парламентарните избори во 1998 година, кога владата беше формирана од либерална проевропска коалиција против Мечијар на чело со Микулас Ѓуринда, Фицо не извршуваше некоја значајна функција и отворено го критикуваше учеството на унгарската коалициска партија во владата, пишува Novinky.cz од Прага. Како најпопуларен политичар на партијата Демократска левица, кој не доби министерска функција, тој ја напушти партијата во 1999 година и го основа Смер со поддршка на деловните кругови. Фицо успеа постепено да ја обедини словачката левица. Партијата Смер ја апсорбира и Демократската левица. По обединувањето со Социјалдемократската партија на Словачка, чиј член беше Александар Дубчек (лидерот на Комунистичката партија на Чехословачка во времето на Прашката пролет во 1968 година, кој беше соборен по советската воена интервенција), оваа партија го промени своето име во Смер-социјалдемократија. „За мој најголем успех го сметам обединувањето на словачката левица“, изјави потоа Фицо. Embed share Словачкиот премиер Фицо ранет по владина седница Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:00:38 0:00 Директен линк 240p | 1,5MB 360p | 2,7MB 480p | 5,2MB 720p | 10,1MB 1080p | 14,6MB Доаѓање на власт во 2006 година Втората влада на Микулаш Ѓуринда се впушти во неопходни, но непопуларни економски реформи. Фицо главно го критикуваше намалувањето на социјалните бенефиции. Во 2004 година, сепак, тој го поддржа влезот на Словачка во Европската унија. И покрај успехот на економските реформи, коалицијата на Ѓуринда ја изгуби поддршката од народот додека популарноста на Дирекцијата на Фиц растеше. Тој убедливо победи на изборите во 2006 година и успеа да формира влада. Преговараше со сите партии кои го поминаа прагот од пет проценти за влез во парламентот. На крајот, тој ги избра за коалициски партнери Владимир Мечиар, чија политика жестоко ја критикуваше во минатото, и контроверзниот лидер на словачките националисти, Јан Слота. Оваа коалиција предизвика остри критики во странство, па Смер на Фиц беше привремено суспендиран од Партијата на европските социјалисти. Учеството на Словачката национална партија (СНС) во владата ги влоши односите на Словачка со Унгарија. Врз основа на коалицискиот договор, СНС го доби, на пример, Министерството за образование, чии потези Унгарците кои живеат на југот на Словачка размислуваа за ограничување на правата на националните малцинства. Сепак, партијата на Фиц остана популарна, меѓу другото, поради укинувањето на партиципацијата во здравството и преземањето други чекори кои наидоа на одобрување од населението. На почетокот на 2009 година, Фицо успеа да ги убеди Словаците во предностите од воведувањето на еврото и потоа успешно да ја реши таканаречената гасна криза. Фото галерија: Ранувањето на словачкиот премиер Роберт Фицо Словачкиот популистички премиер Роберт Фицо беше ранет во пукање на 15 мај и пренесен во болница. Инцидентот се случил во градот Хандлова, на околу 150 километри североисточно од главниот град, јавија словачките медиуми. Сподели на Фејсбук Сподели на Твитер Испрати на пријател Расправии со Унгарија и новинарите Покрај прифаќањето на антиунгарската реторика од коалиционите партнери, Фицо често се судри со новинарите. Во март 2008 година, весниците во Словачка беа објавени со празни насловни страници во знак на протест против законот за печат кој бара од уредниците да ги објавуваат реакциите на незадоволните читатели на вистинити и лажни изјави. Доколку уредниците одбијат, им се заканува парична казна. Напуштање на власта и покрај победата на изборите во 2010 година Иако на изборите во јуни 2010 година Смер на Фицо освои најмногу гласови, односно 35 отсто, не најде партнери за формирање влада. Партијата на Јан Слота освои само пет отсто од гласовите, а ХЗДС на Мечиар воопшто не влезе во парламентот. Квартет десничарски и центристички партии веќе се договорија за коалиција која ја избра Ивета Радичова за премиер. Само неколку недели подоцна, сојузникот на Фиц во Чешка, Јиржи Парубек, чии социјалдемократи исто така победија на изборите, но немаа партнери за мнозинската коалиција, мораше да ја напушти премиерската опозиција. Сепак, за разлика од Пароубек, Фицо не се повлече од раководството на партијата. Видете и ова: Сојузникот на прорускиот премиер е нов претседател на Словачка Вториот мандат на Фицо во 2012 година По вонредните парламентарни избори во 2012 година, на кои партијата Смер-СД победи со уште поголема разлика од претходните избори, повторно формираше влада на чело со Роберт Фицо. Во кабинетот беа членови на оваа партија и непартиски кандидати. Неуспешна претседателска кандидатура во 2014 година. И покрај тоа што Фицо ја извршуваше премиерската функција, тој ја најави својата кандидатура за претседател на Република Словачка во говорот на 18 декември 2013 година. Не победи иако беше голем фаворит. Во првиот круг од изборите на 15 март 2014 година тој доби најмногу гласови - 28 отсто. Сепак, тој загуби во вториот круг од Андреј Киск, познат словачки бизнисмен и филантроп, кој освои 59 отсто од гласовите. Embed share Дали ќе има последици за Украина од новиот проруски претседател на Словачка? Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:03:15 0:00 Директен линк 240p | 8,4MB 360p | 12,4MB 480p | 19,8MB 720p | 49,2MB 1080p | 63,1MB Третата влада на Фицо во 2016 година На парламентарните избори во 2016 година, Смер-СД на Фиц повторно победи, но партијата го загуби претходното мнозинство, освојувајќи 49 мандати, односно 34 помалку од 2012 година. Тој успеа да формира нова влада во коалиција со СНС, Мост-Хид и Сиет. По кризата во најмалата коалициска партија Сиет, преостанатите партии на 1 септември потпишаа нов коалициски договор, па Фицо остана на премиерската позиција. Падот на Фицо по убиството на новинар во 2018 година Иако Фицо преживеа неколку удари за време на неговото владеење, убиството на новинарот Јан Куцијак и неговата девојка Мартина Кушнирова кон крајот на февруари 2018 година конечно го принуди да се повлече од премиерската функција. Куцијак се обидел да ги открие активностите на италијанската мафија во источна Словачка. По неговото истражување се појавија сомнежи за поврзаноста на мафијата со државните структури. Убиството предизвика серија демонстрации низ Словачка, каде граѓаните побараа политичка одговорност од кабинетот на Фицо. Словаците кои живеат во странство исто така демонстрираа, вклучително и во Прага. Покрај демонстрантите, оставка од Фицо побара и словачката опозиција, а на промена на власта повика и словачкиот претседател Андреј Киска. Но, тој неколку недели ги одбиваше овие покани, но ниту оставката на неговиот најблизок соработник Роберт Калињак од функцијата министер за внатрешни работи не му помогна да остане на премиерската функција. На 14 март Фицо најави оставка. Сепак, тој одби да распише нови избори, наместо тоа бара постојната коалиција да продолжи да владее до регуларни избори. Следниот ден, претседателот Киска го назначи Петр Пелегрини, вториот најмоќен член на Смер, за премиер. Фицо по оставката беше активен во опозицијата. Видете и ова: Новата словачка влада го отфрли пакетот воена помош за Украина Изборната 2020 година Во 2020 година, Пелегрини се раздели со либералната фракција од Смер и ја основа партијата ХЛАС-СД. На изборите таа година победи движењето ОАНО на Игор Матовиќ. Смер-СД заврши на второто место и загуби на изборите за прв пат од 2006 година. Критиките на Фицо за вакцинацијата против Ковид 19 За време на пандемијата на корона вирусот, Фицо остро се спротивстави на вакцинацијата, која ја нарече фармацевтска дејност. Тој исто така одбил да носи маска за лице и користел пластичен штит. Тој, исто така, организираше антивладини протести критикувајќи ја владата и тривијализирајќи го Ковид 19. Поради тоа, словачките членови на Европскиот парламент жестоко го критикуваа. Подоцна во медиумите протече видео во кое Фицо вели дека се заразил со корона вирусот додека бил на одмор на Крит. Дури и се онесвестил и бил хоспитализиран. Полицијата го приведе Фицо поради кршење на правилата за карантин и забрана за собири со организирање на антивладин протест во Братислава. По неколку часа бил пуштен, а полицијата подоцна се откажала од потера. Меѓутоа, во 2022 година повторно беше обвинет, овој пат за основање криминална група. Обвинението треба да се однесува на случајот Чистилиште, односно наводното преземање на полицијата од група околу бизнисменот Норберт Бедор. На крајот на 2020 година полицијата приведе поранешни високи полициски функционери. На крајот на 2022 година обвинителството се откажа од гонењето на Фицо. Видете и ова: Роберт Фицо по четврти пат именуван за премиер на Словачка Враќање на власт По пет години во опозиција, партијата на Фиц победи на парламентарните избори минатата година на проруска и антиамериканска платформа. Тој вети дека ќе ја прекине воената поддршка за Украина во борбата против руската инвазија, тврдејќи дека НАТО и САД ја испровоцирале Москва да ја започне војната. Неговата влада веднаш ја прекина испораката на оружје за Украина. Илјадници граѓани постојано протестираа ширум Словачка против проруската и другите политики на Фицо, вклучително и плановите за измена на кривичниот законик за елиминирање на специјалниот обвинител за борба против корупцијата и преземање контрола врз јавните медиуми. Враќањето на Фиц на власт предизвика загриженост кај неговите критичари дека тој и неговата партија - долго време потресена од скандали - ќе ја оддалечат Словачка од нејзиниот прозападен курс. Тој вети дека ќе води „суверена“ надворешна политика, зазеде остар став против миграцијата и невладините организации и води кампања против правата на ЛГБТК+. Artboard 4 Придружете се на Заедницата на Слободна Европа на Вибер...

Словачкиот премиер Фицо ранет по владина седница Достапни линкови Оди на содржината Оди на главната навигација Премини на пребарување линкот е копиран рубрики Македонија Свет Визуелно Вести Нова генерација Насловна #ВашТаг #ШтоСеГледа Моја порака Иноватори Што треба да знаете Пријави се за њузлетер Подкаст Зошто? Следете не РСЕ веб страници Барај Барај Претходно Следно Breaking News Видео Словачкиот премиер Фицо ранет по владина седница мај 15, 2024 Емил Златков Embed Словачкиот премиер Фицо ранет по владина седница Embed The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:00:38 0:00 Директен линк 240p | 1,5MB 360p | 2,7MB 480p | 5,2MB 720p | 10,1MB 1080p | 14,6MB Словачкиот премиер Роберт Фицо беше застрелан на 15 мај додека се движеше меѓу толпата по состанокот на владата надвор од Братислава во, како што Министерството за внатрешни работи на земјата го нарече „обид за атентат“. Осомничениот очигледно бил уапсен на местото на настанот Сподели Словачкиот премиер Фицо ранет по владина седница share Категории Македонија Мила Србиноска - со љубов кон танцот до европски и светски успеси Македонски тим на кошаркари во колички: „Инвалидитетот не е пречка да спортуваме“ Што по исходот од претседателските и парламентарните избори? Повеќе Свет Грузијци отпуштени од работа поради протестирање Тепање и протести - Грузискиот Парламент го усвои законот за „странски агенти“ Украински пензионери кои побегнаа од окупирани територии Повеќе ТВ Тема на неделата Од зима во лето - што ни направија климатските промени? Гранатиран живот: Една година од руската инвазија во Украина Пчелите исчезнуваат, ќе нема што да јадеме? Повеќе ТВ Тема на денот Македонски тим на кошаркари во колички: „Инвалидитетот не е пречка да спортуваме“ Што по исходот од претседателските и парламентарните избори? Гласање без проблеми: „Кој и да победи, нека има мир“ Повеќе Во 90 секунди Грузијци отпуштени од работа поради протестирање Што е заднината на апсењето на рускиот заменик министер за одбрана? Сериозни здравствени ризици од палењето стари гуми во Црна Гора Повеќе Радио програми ​ Врати се најгоре Следете не Инфо страница Пријави се За нас Контакт Линкови Нова генерација Визуелно Што треба да знаете Истражуваме Интервју Моја порака Поткаст Зошто? Радио Слободна Европа / Радио Слобода. Сите права се резервирани XS SM MD LG...

Вести update мај 15, 2024 Загриженост и осуда од европските лидери по пукањето кон Фицо Словачкиот премиер беше застрелан во градот Хандлова Бројни реакции на загриженост и осуда за вооружениот напад врз словачкиот премиер Роберт Фицо, стигнаа од европските лидери. Фицо денеска (14 мај) попладне беше застрелан со неколку куршуми во словачкиот град Хандлова, каде имаше средба со симпатизери. Тој во моментов се бори за живот, а Министерството за внатрешни работи нападот го квалификуваше како „обид за атендат“. Меѓу првите кои реагираа беа претседателот на Европскиот совет Шарл Мишел и претседателката на Европската комисија Урсула фон дер Лајен. „Ништо никогаш не може да го оправда насилството или вакви напади“, напиша Мишел на мрежата Икс кој посочи дека е шокиран од веста. „Моите мисли се со премиерот и неговото семејство“, додаде претседателот на Европскиот совет. Видете и ова: Обид за атентат врз словачкиот премиер Фицо - нападот бил „политички мотивиран“ Фон дер Лајен порача дека силно го осудува напад. „Ваквите акти на насилство немаат место во нашето општество и ја поткопуваат демократијата, нашето најскапоцено општо добро“, наведе претседателката на ЕК. Генералниот секретар на НАТО, Јенс Столтенберг, исто така, рече оти е шокиран и згрозен од нападот. „Му посакувам сила за брзо закрепнување. Моите мисли се со Роберт Фицо, неговите сакани и народот во Словачка“, напиша Столтенберг на мрежата Икс. Германскиот канцелар Олаф Шолц во реакција на мрежата Икс рече дека е „длабоко шокиран од веста за кукавичкиот напад“. „Насилството не смее да постои во европската политика. Во овие часови моите мисли се со Роберт Фицо, неговото семејство и граѓаните на Словачка“, напиша германскиот канцелар. Видете и ова: Кој е Роберт Фицо? Украинскиот претседател Володимир Зеленски порача дека Украина силно го осудува чинот на насилство против шефот на соседната партнерска држава. „Треба да се нарпави сè за да се осигура дека насилството нема да стане правило во ниту една држава или област“, рече Зеленски. И премиерот на Полска, Доналд Туск рече дека веста е „шокантна“ и неговите мисли се со Фицо. Шефот на унгарската влада, Виктор Орбан, исто така, е меѓу првите кои реагираа. „Длабоко сум шокиран од грозоморниот напад врз мојот пријател, премиерот Роберт Фицо. Се молиме за неговото здравје и брзо закрепнување! Бог да го благослови него и неговата земја!“, напиша унгарскиот премиер Виктор Орбан. Фото галерија: Ранувањето на словачкиот премиер Роберт Фицо Словачкиот популистички премиер Роберт Фицо беше ранет во пукање на 15 мај и пренесен во болница. Инцидентот се случил во градот Хандлова, на околу 150 километри североисточно од главниот град, јавија словачките медиуми. Сподели на Фејсбук Сподели на Твитер Испрати на пријател Како шокантна, веста за пукањето ја оцени и чешкиот премиер Петр Фиала. „Посакувам премиерот да оздрави што побрзо. Не смееме да толерираме насилство, тоа не смее да има место во општеството“, изјави Фиала. Шпанија е згрозена и огорчена поради нападот на Фицо, рече и шпанскиот премиер Педро Санчез. „Шпанија е со Роберт Фицо, неговото семејство и словачкиот народ во ова исклучително тешко време. Ништо не може да го оправда насилство“, напиша Санчез на мрежата Икс. Реакции и од Западен Балкан Осуда стигна и од земјите од регионот на Западен Балкан. Српскиот претседател Александар Вучиќ наведе дека е шокиран од атентатот над Фицо. Тој додаде дека станува збор за негов, но и голем пријател на Србија. Брзо закрепнување посака и косовскиот премиер Албин Курти. „Мислите ни се со неговото семејство и народот на Словачка. Нема место за насилство во демократијата“, вели Курти. Од Северна Македонија засега се огласи лидерот на ВМРО-ДПМНЕ и извесен мандатар за формирање на новата влада Христијан Мицкоски, кој порача дека „силно го осудува ужасниот обид за атентат“. „Ваквите акти на насилство се напад врз демократските вредности што ги негуваме и никогаш не смеат да бидат толерирани“, порача Мицкоски. Премиерот Фицо веднаш по пукањето беше однесен во болницата во Хандлова од каде со хеликоптер е пренесен во болница во Банска Бистрица, град во централна Словачка. Во објава на неговиот официјален профил на Фејсбук беше посочено дека животот му е во опасност откако бил погоден со неколку куршуми. прочитај повеќе види ги сите денешни вести мај 16, 2024 Мицкоски: Мое човеково право е како ќе ја нарекувам мојата држава Северна Македонија - Христијан Мицкоски, претседател на ВМРО-ДПМНЕ и Гордана Сиљановска - Давкова, претседателка на Република Северна Македонија Достоинствена беше заклетвата на претседателката Гордана Сиљановска Давкова, очекував честитка од јужниот сосед за убедливиот триумф, но за жал, добивме политички мускули, изјавипретседателот на ВМРО-ДПМНЕ и иден мандатар Христијан Мицкоски на 16 мај. Според Мицкоски, ако Грција смета дека земјава го прекршила Преспанскиот договор, постои Меѓународен суд за правда. Тој потсети и дека нашата држава во целост го има имплементирано Преспанскиот договор, „а кај јужниот сосед не се завршени ни основните три работи“. Видете и ова: Сиљановска и ВМРО-ДПМНЕ не бегаат од Преспанскиот договор, но не се откажуваат од само „Македонија“ „Ако некој очекува од ВМРО-ДПМНЕ да ги повтори грешките од минатото, бидете сигурни дека тоа нема да го направиме. Немаме намера на нивните политички мускули да одговориме со преименување на автопатите и аеродромите или да градиме споменици. Не очекувам односите меѓу двете држави да се темелат на политички мускули, очекувам да имаме одлични меѓусоседски односи. Ценам дека ВМРО-ДПМНЕ и тамошната влада предводена од Нова Демократија имаат свој став поврзан со Преспанскиот договор, бидејќи ниту на едните, ниту на другите ни се допаѓа тој договор“, рече Мицкоски. За разлика од таму, нагласи, Преспанскиот договор тука е дел од македонските институции, од македонскиот Устав и законите. „Многу пати во минатото сме кажале дека тоа е реалност. Комуникацијата во македонските инститиуции останува согласно Уставот и законите, но мое основно човеково право е како ќе ја нарекувам мојата држава. И додека давам изјави или се обраќам, и јас, а очекувам тоа да биде начин на однесување и на Сиљановска, да се користат термините Македонија и придавката „македонски“, бидејќи на тој начин, според нашето толкување на Преспанскиот договор, нема негово прекршување. Ако тие мислат дека сме го прекршиле Преспанскиот договор, постои Меѓународен суд за правда, може да почнат процес па таму ќе ги вкрстиме и едните и другите аргументи. Не би сакал до тоа да дојде. Повикувам на добрососедски и пријателски односи, рече Мицкоски. Тој повика на добрососедски и пријателски односи со Грција и апелира да нема веќе закани, опструкции и враќање назад во минатото, туку двете страни да гледаат кон иднината. Рече и дека наскоро очекува средба со грчкиот премиер со кој би разговарал за економијата, туризмот, образованието... Кога ја даваше свечената заклетва во Собранието, Сиљановска-Давкова употребуваше само Македонија за името на државата, без додавката „северна“. Тоа предизвика реакции од меѓународната заедница и од властите во Грција и во Бугарија. Пораката е дека од почитувањето на Договорот од Преспа постигнат со Грција во 2018, како и Договорот за добрососедство со Бугарија од 2017, зависи и понатамошниот пат на Северна Македонија кон полноправно членство во ЕУ. прочитај повеќе мај 16, 2024 Мицкоски: Успешно консолидиравме 61 пратеник Северна Македонија - Христијан Мицкоски, претседател на ВМРО-ДПМНЕ, Скопје, 8 мај 2024 година Покрај 58 пратеници на коалицијата, имаме консолидирано точно 61 пратеник, изјави лидерот на ВМРО-ДПМНЕ и иден мандатар, Христијан Мицкоски на 16 мај. „Како ВМРО-ДПМНЕ и коалиција „Твоја Македонија“ ги завршуваме разговорите со неколку од пратениците кои не се дел од коалицијата „Твоја Македонија“ и можам да кажам дека во моментов успешно консолидиравме 61 пратеник, не можам да кажам детали“, изјави Мицкоски. Одговарајќи на новинарски прашања пред затворењето на Самитот Македонија 2025, Мицкоски информира дека разговорите со коалицијата„Вреди“ се водат во вистинска насока. „Нашата втора цел е заедно со коалициските партнери да успееме да консолидираме две третини во Собранието. Потребни се затоа што имаме намера да направиме сериозно реструктуирање и реекипирање на владиниот кабинет“, изјави Мицкоски. Видете и ова: ВМРО-ДПМНЕ и „Вреди“ договараат нова Влада, други чекаат покана Претходно се одржа и средба меѓу работните групи на ВМРО-ДПМНЕ и „Вреди“ за преговори за формирање коалиција за нова влада. Пред почетокот на состанокот куса изјава за медиумите даде Азир Алиу од Алијансата за Албанците на Арбен Таравари, кој кажа дека ќе се разговара за методологијата и динамиката на работа на овие групи. Одговарајќи на новинарски прашања Алиу речи дека најверојатно од наредниот состанок на работните групи ќе почнат поконкретните разговори вклучувајќи ги и кадровските решенија. Алиу на состанокот на работните групи во седиштето на ВМРО-ДПМНЕ дојде заедно со другите членови на работната група од оваа коалиција. Според информациите на ВМРО-ДПМНЕ, членови на работната група од нивна страна се потпретседателите на партијата Владо Мисајловски, Александар Николовски, Тимчо Муцунски и Гордана Димитровска Кочовска. Лидерот на ВМРО-ДПМНЕ Христијан Мицкоски заедно со потпретседателите и првите луѓе од партиите од коалицијата Вреди Изет Меџити, Африм Гаши и Арбен Таравари имаа средба во саботата во седиштето на коалицијата “Вреди“ кога и официјално почнаа разговорите за формирање влада. Според роковите во Уставот, Владата би требало да биде предложена најдоцна до крајот на јуни. Таа треба да биде изгласана со мнозинство од 61 пратеник од вкупно 120 во Собранието. Коалицијата на ВМРО-ДПМНЕ освои 436.036 гласови на парламентарните избори на 8 мај, речиси тројно повеќе од коалицијата на СДСМ, кој ја предводеше Владата на Северна Македонија по последните седум години. прочитај повеќе мај 16, 2024 Грција e против логиката на Сиљановска-Давкова за употреба на уставното име формално, но не и во јавни настапи Северна Македонија - Инаугурација на Гордана Сиљановска-Давкова, претседателка на Северна Македонија, Скопје, 12 мај 2024 година Неприфатлива за Грција е логиката на Гордана Сиљановска-Давкова, претседателка на Северна Македонија, да го употребува уставното име во формална комуникација, но не и во јавни настапи, рече Павлос Маринакис, портпарол на грчката влада, пренесе МИА. Маринакис рече дека кога станува збор за највисоката позиција, за позицијата претседател на државата, „за еден од столбовите на демократијата на една земја, не можеме да говориме за двоен јазик и лично право“. „Мислам дека е лицемерно ова да се кажува и да се слуша. За некои работи, каде што треба, ќе бидеме формални, а во нашите јавни настапи ќе го правиме она што сакаме или затоа што веруваме во тоа или затоа што ѝ служиме на нашата публика. Ова не може да биде прифатено од Грција, ниту од која било друга сериозна земја. Кога велиме дека треба да се согласиме дека треба да се почитува еден договор, затоа што таква е нашата обврска од фактот што е ратификуван овој договор, да го правиме тоа во сите наши формулации“, рече Маринакис. Видете и ова: ЕУ: Новата претседателка Сиљановска Давкова имаше несреќен настап За трите меморандуми за соработка кои СИРИЗА вчера ги достави во грчкиот Парламент, владиниот портпарол рече дека е „еден од најнесфатливите потези на опозицијата“, „Ниту еден грчки граѓанин не сфаќа на што му служи оваа постапка, зошто такво брзање. Од моментот кога претседателката на Северна Македонија не ја прифаќа основната, првата точка од Договорот, главната опозиција во Грција сака ние сè да направиме, сè да изгласаме“, рече Маринакис и додаде дека доколку видат соодветна позиција од новата Влада, тогаш ќе влезат во конкретната дискусија. Кога ја даваше свечената заклетва во Собранието, Сиљановска-Давкова употребуваше само Македонија за името на државата, без додавката „северна“. Тоа предизвика реакции од меѓународната заедница и од властите во Грција и во Бугарија. Пораката е дека од почитувањето на Договорот од Преспа постигнат со Грција во 2018, како и Договорот за добрососедство со Бугарија од 2017, зависи и понатамошниот пат на Северна Македонија кон полноправно членство во ЕУ. прочитај повеќе мај 16, 2024 Уапсен маж во Србија кој му се заканувал на Вучиќ Србија - Александар Вучиќ, претседател на Србија, 8 мај 2024 година Маж во Србија е уапсен поради закана за загрозување на безбедноста на претседателот на Србија, Александар Вучиќ. Министерот за внатрешни работи на Србија, Ивица Дачиќ, на 16 мај изјави дека е уапсен Д.М. од Сомбор. „Полицијата доби наредба да му биде задржан 48 часа“, рече Дачиќ. Од Министерството за внатрешни работи на Србија не кажаа повеќе детали. Видете и ова: Загриженост и осуда од европските лидери по пукањето кон Фицо Радио-телевизијата на Србија (РТС) објави дека под објавата на претседателот на Србија на мрежата Икс (поранешен Твитер) се појавиле заканувачки пораки до Вучиќ откако тој изјави дека е шокиран од обидот за атентат врз словачкиот премиер Роберт Фиц. Вучиќ кажа дека жителот на Сомбор, кој беше уапсен поради закани преку социјалните мрежи, претходно извршил околу 50 кривични дела, меѓу кои и разбојништва и тешки кражби. „Тој човек ги правеше најтешките злосторства секој ден од својот живот - од грабеж до тешка кражба“, изјави Вучиќ за новинарите во Котор, каде што учествуваше на самитот за Планот за раст на ЕУ за Западен Балкан, пренесе агенцијата Бета. Според пишувањата на медиумите, полицијата во јануари уапсила и Борчанец кој преку социјалната мрежа Икс му се заканувал на претседателот на Србија. прочитај повеќе мај 16, 2024 Зеленски: Ситуацијата во североисточниот регион Харкив е „исклучително тешка“ Украинскиот претседател Володомир Зеленски Украинскиот претседател Володимир Зеленски изјави дека воената ситуација во североисточниот регион Харкив е „исклучително тешка“, но сепак „под контрола“. Изјавата ја даде по состанокот со неговите воени началници во близина на линијата на фронтот. „Ситуацијата во регионот Харкив е генерално под контрола, а нашите војници му нанесуваат значителни загуби на окупаторот. Сепак, ситуацијата во областа останува исклучително тешка“, напиша тој во објавата на Телеграм, откако ги слушнал извештаите од неговите команданти во Харкив, регионален главен град на 30 километри од руската граница. Видете и ова: САД најавија пакет помош за Украина вреден 400 милиони долари Претходно денеска, украинската армија објави дека го запрела руското напредување во некои области на североисточниот регион Харкив, каде Русија започна нова офанзива минатата недела. „Ситуацијата во регионот Харкив сè уште е комплицирана, но се развива на динамичен начин. Нашите одбранбени сили делумно ја стабилизираа ситуацијата. Напредувањето на непријателот во одредени зони и локалитети е запрено“, рече портпаролот на армијата утрото на 16 мај. Предупредување за воздушен напад беше прогласено рано во четвртокот и во Киев и во неколку украински региони, при што украинските воздухопловни сили предупредуваа на закана од балистички ракети истрелани од Русија. прочитај повеќе мај 16, 2024 На словачкиот премиер Фицо ќе му биде извршена уште една операција Словачкиот премиер Роберт Фицо Словачкиот премиер Роберт Фицо врз кого вчера (15 мај) беше извршен атентат во градот Хандлови, го чека уште една операција, пишува словачкиот портал Правда. Абдоминалното крварење на Фицо е запрено, но тој се соочува со операција на колкот. Во меѓувреме, полицијата го обвини напаѓачот на премиерот за убиство со предумисла и се соочува со казна од 25 години до доживотен затвор. Како што пренесува порталот, напаѓачот, за кого медиумите пренесуваат дека е 71-годишниот писател Јурај Цинтула, рекол дека е горд на својот чин. РТВС објави дека напаѓачот моментално се наоѓа во ќелијата на Националната агенција за криминал во Нитра. Лекарите во текот на ноќта успеале да ја стабилизираат состојбата на словачкиот премиер по вчерашниот атентат во градот Хандлови, но таа се уште е тешка, соопшти претходно денеска директорката на болницата во Банска Бистрица, Миријам Лапуникова. Видете и ова: Обид за атентат врз словачкиот премиер Фицо - нападот бил „политички мотивиран“ Два медицински тима го оперираа словачкиот премиер пет часа. „Во моментов се преземаат дополнителни активности за подобрување на неговата состојба“, рече словачкиот министер за одбрана Роберт Калињак. Словачкиот министер за внатрешни работи Матус Шутај Ешток денеска побара од вицепремиерот Томаш Тараба да го свика Советот за национална безбедност, а Владата ќе одржи седница. Видете и ова: Кој е Роберт Фицо? Министерот за внатрешни работи информираше дека ќе ја зајакне заштитата на политичарите и одредени медиуми. Напаѓачот пукал пет пати, по што полицијата веднаш го привела, а премиерот веднаш бил префрлен во болницата во Банска Бистрица. прочитај повеќе мај 16, 2024 Самит на лидерите од регионот и ЕУ: „Секој треба да ја заврши својата работа“ Самит на лидерите на Западен Балкан и Европската Унија на 16 мај во Котор, Црна Гора Планот за раст на Западен Балкан претставува јасен сигнал за посветеноста на Европската Унија за економска и демократска трансформација на Западен Балкан, изјави црногорскиот премиер Милојко Спајиќ на Самитот на лидерите на Западен Балкан и Европската Унија во Котор. Советот на ЕУ одобри план од шест милијарди евра за поддршка на земјите од Западен Балкан со цел да се забрзаат реформите и економскиот раст, од кои две милијарди грантови и четири поволни заеми гарантирани од ЕУ. На самитот чиј домаќин е Спајиќ, покрај лидерите од регионот, учествуваат и европскиот комесар за соседство и проширување, Оливер Вархеји и помошникот државен секретар на САД за Европа и Евроазија, Џејмс О'Брајан. Видете и ова: Можно одложување на Планот за раст за Западен Балкан поради неусогласеност во ЕУ О'Брајан рече дека приоритет на Планот за раст за Западен Балкан е да се создаде единствен пазар на циркулација на пари, да се намалат трошоците, да се олесни движењето на пазарот и да се отворат повеќе работни места. „Пораките на Планот се дека за секој учесник пораката е јасна - работете ја вашата работа и не барајте некој друг да направи нешто прво, за вие да го направите вашето“. Вархеји рече дека Планот за раст повеќе не е нацрт, туку патоказ, кој е корисен за регионот пред влезот во ЕУ. „Поради планот за раст и интензитетот на помошта од економскиот и инвестицискиот план, реформската агенда и дополнителната финансиска помош до 2027 година, Балканот ќе биде подготвен или би можел да биде подготвен, или би можел сам да се подготви за влез во ЕУ“. Видете и ова: Претставници на Западен Балкан, ЕУ и САД во Котор ќе разговараат за планот за раст Самитот се организира под слоганот „Еден регион, заедничка визија“. На самитот присуствуваат претставници на Советот за регионална соработка, Европската банка за обнова и развој, Европската инвестициска банка, Светската банка, Атлантската алијанса, енергетската и транспортната заедница, Фондацијата Отворено општество... Ден пред Самитот, на 15 мај, се одржа состанок на министрите за европски прашања и финансии на земјите од Западен Балкан, претставници на Европската комисија и партнерските организации. „Министрите разговараа и за пристапот до единствената платежна зона за евро (SEPA), за олеснување на трговијата и транспортот меѓу земјите од регионот и членките на ЕУ, за подобрување на снабдувањето со критични лекови, Центарот за дигитални иновации и други теми“, соопштија од Министерството за европски прашања од Црна Гора. Претходните месеци министерски состаноци и регионални самити на лидерите од Западен Балкан се одржаа во Скопје и Тирана. прочитај повеќе мај 16, 2024 Западните претставници на протестите против спорниот закон во Грузија Министрите за надворешни работи на Естонија, Литванија и Исланд на протест во Тбилиси, 15 мај 2024 година Илјадници луѓе повторно излегоа на улиците на грузискиот главен град Тбилиси за да протестираат против контроверзниот закон за „странски агенти“ усвоен од парламентот и покрај повеќенеделните демонстрации и предупредувањата на Западот дека законот ја загрозува евроатлантската интеграција на Грузија. На демонстрантите во Тбилиси им се придружија и министрите за надворешни работи на Естонија, Летонија, Литванија и Исланд во маршот кон зградата на парламентот во средата во знак на солидарност со западните аспирации на Грузијците, објави грузискиот сервис на Радио Слободна Европа. Демонстрантите се собраа и на плоштадот на хероите, главната раскрсница во главниот град на Грузија, јавија дописниците на РСЕ од теренот. Законот, кој го усвои парламентот под контрола на владејачката партија Грузиски сон на 14 мај, беше осуден од САД, Европската Унија и групите за права поради неговата сличност со рускиот закон што претседателот Владимир Путин го користи за да ја замолчи опозицијата и да ги задуши независните институции. „Заедно го започнавме ова патување и нашите народи знаат што значи да се биде под притисок од Москва. Никогаш нема да ве оставиме, но сите треба да ја обликуваме судбината на нашите народи“, рече литванскиот министер за надворешни работи Габриелиус Ландсбергис, чија земја, како Грузија и Естонија, беше дел од поранешниот Советски Сојуз. Embed share Што ги предизвика масовните протести во Грузија? Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:01:48 0:00 Директен линк 240p | 5,1MB 360p | 8,6MB 480p | 16,7MB 720p | 27,1MB 1080p | 46,0MB „Вие како народ го одлучивте вашиот пат кон Европа. Ние сите заедно ќе направиме сè за да продолжиме по овој пат“, изјави естонскиот министер за надворешни работи Маргус Кахна. „Јас сум овде денес, вие не сте сами и ја имате нашата почит“, рече министерот за надворешни работи на Исланд, Тордис Колбрун Гилфадотир. На протестниот марш се приклучи и министерка за надворешни работи на Летонија, Баиба Бразе. Четворицата западни претставници претходно се сретнаа со грузиската претседателка Саломе Зурабишвили и одржаа заедничка прес-конференција. Зурабишвили на конференцијата предупреди дека опстанокот на Грузија како држава е во опасност откако парламентот го одобри контроверзниот закон за „странски агенти“ и повтори дека ќе стави вето на законот затоа што владата „не го послуша гласот на својот народ ниту советите на нејзините пријатели, ниту ничие предупредување и тргна по својот пат“. Според законот, медиумските куќи, невладините и другите непрофитни организации ќе мора да се регистрираат дека „работат за интересите на странска сила“ доколку повеќе од 20 проценти од нивното финансирање доаѓа од странство. Зурабишвили, која е во судир со владејачката партија Грузиски сон која го протурка законот во парламентот, има 10 дена да стави вето, но Грузиски сон и неговите партнери во парламентот имаат доволно пратеници за да го отфрлат ветото на претседателот. Американскиот помошник државен секретар Џејмс О'Брајан, кој беше во Тбилиси на 14 мај, рече дека односите на Вашингтон со земјата ќе бидат загрозени и дека американската помош за Грузија ќе биде предмет на ревизија доколку нацрт-законот биде усвоен. прочитај повеќе мај 16, 2024 Постигнат договор за коалициска влада во Холандија Речиси шест месеци по изборната победа на неговата партија, холандскиот политичар Герт Вилдерс објави дека е постигнат договор за формирање на десничарска коалициска влада. Тој исто така објави дека нема да биде премиер. „Имаме договор меѓу преговарачите“, рече Вилдерс, кој уште во март се откажа од намерата да биде премиер, наведувајќи ги наводите дека е „исламофоб и противник на ЕУ“. Видете и ова: Проблеми пред почетокот на преговорите за владејачка коалиција во Холандија Договорот е постигнат меѓу четири партии - Партијата за слобода (ПВВ) на Герт Вилдерс, про-земјоделската партија БББ, либералната партија ВВД и новата партија против корупцијата НСЦ. Сè уште не е познато кој ќе ја предводи десничарската владејачка коалиција која ќе го замени Марк Руте. Руте е кандидат за функцијата генерален секретар на НАТО. Крајнодесничарската Партија за слобода, која победи на изборите во Холандија, а чиј лидер е Вилдерс е позната и по тоа што меѓудругото, повикува на забрана на џамиите, Куранот и шамиите, како и референдум за напуштање на Европската Унија. прочитај повеќе мај 16, 2024 Косово го информирал Советот на Европа дека подготвува нацрт-статут за формирање на ЗСО Министерката за надворешни работи и дијаспора на Косово, Доника Гервала Министерката за надворешни работи и дијаспора на Косово, Доника Гервала, изјави дека преку писмо го информирала Советот на Европа дека Косово подготвува нацрт статут за формирање „механизам за самоуправување, координација и соработка на општините со српско мнозинство на Косово (ЗСО)“. Овој нацрт ќе биде испратен на толкување до Уставниот суд до крајот на мај. Владата претходно призна дека формирањето на Заедницата на општини со српско мнозинство е поставено како услов за прием на Косово во Советот на Европа. Според Гервала, нацрт-статутот ги задоволува потребите на граѓаните на српската заедница и истовремено ги почитува Уставот на Косово и принципите на Советот на Европа. „Нацртот обезбедува не само целосно почитување на Уставот и законите на Република Косово, туку во исто време спречува неовластени интервенции однадвор, како во општините на Косово, така и низ целата земја“, напиша Гервала на Фејсбук. Гервала изјави дека заедно со конкретизирање на напорите за формирање Заедница на општини со српско мнозинство, Косово очекува Советот на Европа да го исполни својот дел од обврската и да го покани Косово да се приклучи во Советот на Европа без одлагање, бидејќи Приштина ги исполнила сите услови. Видете и ова: Заедницата на општини со српско мнозинство - пречка на патот на Косово кон Советот на Европа Комитетот на министри на Советот на Европа заседава на 16 и 17 мај во Стразбур. Ова тело го дава последниот збор за прифаќање на една земја во членство. Заменик министерот за надворешни работи Крешник Ахмети на 14 мај изјави дека прашањето за прием на Косово во оваа организација за човекови права не е на дневен ред на Комитетот на министри. Џералд Кнаус, од Европската иницијатива за стабилност, го објави на интернет Х, целото писмо кое Гервала го испратила до претседателот на Парламентарното собрание на Советот на Европа, грчкиот пратеник Теодорос Русопулос. Во писмото, чија автентичност за РСЕ ја потврдија од Владата на Косово, се наведува дека нацрт-статутот што Косово го подготвува ќе биде испратен на толкување до Уставниот суд на Косово до крајот на мај. прочитај повеќе Вчитај повеќе...

Вести мај 15, 2024 Израел ја отфрла одлуката на Генералното собрание на ОН за палестинска државност Израелскиот премиер Бенјамин Нетанјаху (фотоархива) Израелската влада едногласно ја отфрли одлуката на Генералното собрание на Обединетите нации за признавање на палестинската држава, соопшти кабинетот на израелскиот премиер Бенјамин Нетанјаху. „Нема да им дозволиме да формираат терористичка држава од која ќе можат да не нападнат уште повеќе“, рече Нетанјаху. Како што јави Ројтерс, тој порачува дека никој нема да го спречи Израел да го искористи своето основно право да се брани. „Ниту Генералното собрание на ОН, ниту кој било друг ентитет“, додаде израелскиот премиер. Видете и ова: Генералното собрание на ОН ја поддржа палестинската кандидатура за членство На 10 мај, Генералното собрание на Обединетите нации (ОН) со 143 гласа „за“, девет „против“ и 25 „воздржани“, гласаше дека Палестина е подобна за членство и му препорача на Советот за безбедност „поволно повторно да го разгледа ова прашање“. Гласањето беше глобален тест за поддршката на палестинскиот обид за полноправно членство во ОН – тоа би значело и признавање на палестинската држава откако САД ставија вето за истото прашање во Советот за безбедност на ОН минатиот месец. Палестинскиот притисок за полноправно членство во ОН доаѓа по седум месеци војна во Појасот Газа меѓу Израел и палестинските милитанти од Хамас, кои САД, ЕУ и некои други земји го сметаат за терористичка организација, како и во период кога Израел ги проширува населбите на окупираниот Западен Брег, што ОН ги сметаат за незаконски. Резолуцијата која на 10 мај беше усвоена во Генералното собрание им дава на Палестинците некои дополнителни права и привилегии од септември 2024 година, како што е место меѓу членките на ОН во собраниската сала, но не и право на глас. Палестинците во моментов се „држава набљудувач што не е членка“, што е де факто признавање на државноста доделена од Генералното собрание на ОН во 2012 година, пишуваше АП. Еден ден пред гласањето, Палестинската мисија во ОН во Њујорк во писмо до земјите-членки на ОН наведе дека усвојувањето на Резолуцијата за поддршка на полноправното членство во ОН ќе биде инвестиција во зачувување на долго бараното решение за две држави. Видете и ова: Блинкен со остра критика за воените планови на Израел Со мисијата во ОН раководи палестинската власт, која има ограничена самоуправа на Западниот Брег. Хамас, кој е прогласен за терористичка организација од САД и ЕУ, ја собори палестинската власт во Газа во 2007 година и усвои своја повелба која повикува на уништување на Израел. Оваа милитантна група, изврши напад врз Израел на 7 октомври по што следуваше израелската офанзива врз Газа. Обединетите нации долго време ја поддржуваат визијата за две држави кои опстојуваат една до друга во безбедни и признати граници. Палестинците сакаат своја држава на Западниот Брег, Источен Ерусалим и Појасот Газа, сите територии што Израел ги освои во војната со соседните арапски држави во 1967 година. Мисијата на САД во Обединетите нации, пак, претходно соопшти дека „останува ставот дека патот до државност за палестинскиот народ е преку директни преговори“. прочитај повеќе види ги сите денешни вести мај 16, 2024 Мицкоски: Успешно консолидиравме 61 пратеник Северна Македонија - Христијан Мицкоски, претседател на ВМРО-ДПМНЕ, Скопје, 8 мај 2024 година Покрај 58 пратеници на коалицијата, имаме консолидирано точно 61 пратеник, изјави лидерот на ВМРО-ДПМНЕ и иден мандатар, Христијан Мицкоски на 16 мај. „Како ВМРО-ДПМНЕ и коалиција „Твоја Македонија“ ги завршуваме разговорите со неколку од пратениците кои не се дел од коалицијата „Твоја Македонија“ и можам да кажам дека во моментов успешно консолидиравме 61 пратеник, не можам да кажам детали“, изјави Мицкоски. Одговарајќи на новинарски прашања пред затворењето на Самитот Македонија 2025, Мицкоски информира дека разговорите со коалицијата„Вреди“ се водат во вистинска насока. „Нашата втора цел е заедно со коалициските партнери да успееме да консолидираме две третини во Собранието. Потребни се затоа што имаме намера да направиме сериозно реструктуирање и реекипирање на владиниот кабинет“, изјави Мицкоски. Видете и ова: ВМРО-ДПМНЕ и „Вреди“ договараат нова Влада, други чекаат покана Претходно се одржа и средба меѓу работните групи на ВМРО-ДПМНЕ и „Вреди“ за преговори за формирање коалиција за нова влада. Пред почетокот на состанокот куса изјава за медиумите даде Азир Алиу од Алијансата за Албанците на Арбен Таравари, кој кажа дека ќе се разговара за методологијата и динамиката на работа на овие групи. Одговарајќи на новинарски прашања Алиу речи дека најверојатно од наредниот состанок на работните групи ќе почнат поконкретните разговори вклучувајќи ги и кадровските решенија. Алиу на состанокот на работните групи во седиштето на ВМРО-ДПМНЕ дојде заедно со другите членови на работната група од оваа коалиција. Според информациите на ВМРО-ДПМНЕ, членови на работната група од нивна страна се потпретседателите на партијата Владо Мисајловски, Александар Николовски, Тимчо Муцунски и Гордана Димитровска Кочовска. Лидерот на ВМРО-ДПМНЕ Христијан Мицкоски заедно со потпретседателите и првите луѓе од партиите од коалицијата Вреди Изет Меџити, Африм Гаши и Арбен Таравари имаа средба во саботата во седиштето на коалицијата “Вреди“ кога и официјално почнаа разговорите за формирање влада. Според роковите во Уставот, Владата би требало да биде предложена најдоцна до крајот на јуни. Таа треба да биде изгласана со мнозинство од 61 пратеник од вкупно 120 во Собранието. Коалицијата на ВМРО-ДПМНЕ освои 436.036 гласови на парламентарните избори на 8 мај, речиси тројно повеќе од коалицијата на СДСМ, кој ја предводеше Владата на Северна Македонија по последните седум години. прочитај повеќе мај 16, 2024 Грција e против логиката на Сиљановска-Давкова за употреба на уставното име формално, но не и во јавни настапи Северна Македонија - Инаугурација на Гордана Сиљановска-Давкова, претседателка на Северна Македонија, Скопје, 12 мај 2024 година Неприфатлива за Грција е логиката на Гордана Сиљановска-Давкова, претседателка на Северна Македонија, да го употребува уставното име во формална комуникација, но не и во јавни настапи, рече Павлос Маринакис, портпарол на грчката влада, пренесе МИА. Маринакис рече дека кога станува збор за највисоката позиција, за позицијата претседател на државата, „за еден од столбовите на демократијата на една земја, не можеме да говориме за двоен јазик и лично право“. „Мислам дека е лицемерно ова да се кажува и да се слуша. За некои работи, каде што треба, ќе бидеме формални, а во нашите јавни настапи ќе го правиме она што сакаме или затоа што веруваме во тоа или затоа што ѝ служиме на нашата публика. Ова не може да биде прифатено од Грција, ниту од која било друга сериозна земја. Кога велиме дека треба да се согласиме дека треба да се почитува еден договор, затоа што таква е нашата обврска од фактот што е ратификуван овој договор, да го правиме тоа во сите наши формулации“, рече Маринакис. Видете и ова: ЕУ: Новата претседателка Сиљановска Давкова имаше несреќен настап За трите меморандуми за соработка кои СИРИЗА вчера ги достави во грчкиот Парламент, владиниот портпарол рече дека е „еден од најнесфатливите потези на опозицијата“, „Ниту еден грчки граѓанин не сфаќа на што му служи оваа постапка, зошто такво брзање. Од моментот кога претседателката на Северна Македонија не ја прифаќа основната, првата точка од Договорот, главната опозиција во Грција сака ние сè да направиме, сè да изгласаме“, рече Маринакис и додаде дека доколку видат соодветна позиција од новата Влада, тогаш ќе влезат во конкретната дискусија. Кога ја даваше свечената заклетва во Собранието, Сиљановска-Давкова употребуваше само Македонија за името на државата, без додавката „северна“. Тоа предизвика реакции од мешунаросната заедница и од властите во Грција и во Бугарија. Пораката е дека од почитувањето на Договорот од Преспа постигнат со Грција во 2018, како и Договорот за добрососедство со Бугарија од 2017, зависи и понатамошниот пат на Северна Македонија кон полноправно членство во ЕУ. прочитај повеќе мај 16, 2024 Уапсен маж во Србија кој му се заканувал на Вучиќ Србија - Александар Вучиќ, претседател на Србија, 8 мај 2024 година Маж во Србија е уапсен поради закана за загрозување на безбедноста на претседателот на Србија, Александар Вучиќ. Министерот за внатрешни работи на Србија, Ивица Дачиќ, на 16 мај изјави дека е уапсен Д.М. од Сомбор. „Полицијата доби наредба да му биде задржан 48 часа“, рече Дачиќ. Од Министерството за внатрешни работи на Србија не кажаа повеќе детали. Видете и ова: Загриженост и осуда од европските лидери по пукањето кон Фицо Радио-телевизијата на Србија (РТС) објави дека под објавата на претседателот на Србија на мрежата Икс (поранешен Твитер) се појавиле заканувачки пораки до Вучиќ откако тој изјави дека е шокиран од обидот за атентат врз словачкиот премиер Роберт Фиц. Вучиќ кажа дека жителот на Сомбор, кој беше уапсен поради закани преку социјалните мрежи, претходно извршил околу 50 кривични дела, меѓу кои и разбојништва и тешки кражби. „Тој човек ги правеше најтешките злосторства секој ден од својот живот - од грабеж до тешка кражба“, изјави Вучиќ за новинарите во Котор, каде што учествуваше на самитот за Планот за раст на ЕУ за Западен Балкан, пренесе агенцијата Бета. Според пишувањата на медиумите, полицијата во јануари уапсила и Борчанец кој преку социјалната мрежа Икс му се заканувал на претседателот на Србија. прочитај повеќе мај 16, 2024 Зеленски: Ситуацијата во североисточниот регион Харкив е „исклучително тешка“ Украинскиот претседател Володомир Зеленски Украинскиот претседател Володимир Зеленски изјави дека воената ситуација во североисточниот регион Харкив е „исклучително тешка“, но сепак „под контрола“. Изјавата ја даде по состанокот со неговите воени началници во близина на линијата на фронтот. „Ситуацијата во регионот Харкив е генерално под контрола, а нашите војници му нанесуваат значителни загуби на окупаторот. Сепак, ситуацијата во областа останува исклучително тешка“, напиша тој во објавата на Телеграм, откако ги слушнал извештаите од неговите команданти во Харкив, регионален главен град на 30 километри од руската граница. Видете и ова: САД најавија пакет помош за Украина вреден 400 милиони долари Претходно денеска, украинската армија објави дека го запрела руското напредување во некои области на североисточниот регион Харкив, каде Русија започна нова офанзива минатата недела. „Ситуацијата во регионот Харкив сè уште е комплицирана, но се развива на динамичен начин. Нашите одбранбени сили делумно ја стабилизираа ситуацијата. Напредувањето на непријателот во одредени зони и локалитети е запрено“, рече портпаролот на армијата утрото на 16 мај. Предупредување за воздушен напад беше прогласено рано во четвртокот и во Киев и во неколку украински региони, при што украинските воздухопловни сили предупредуваа на закана од балистички ракети истрелани од Русија. прочитај повеќе мај 16, 2024 На словачкиот премиер Фицо ќе му биде извршена уште една операција Словачкиот премиер Роберт Фицо Словачкиот премиер Роберт Фицо врз кого вчера (15 мај) беше извршен атентат во градот Хандлови, го чека уште една операција, пишува словачкиот портал Правда. Абдоминалното крварење на Фицо е запрено, но тој се соочува со операција на колкот. Во меѓувреме, полицијата го обвини напаѓачот на премиерот за убиство со предумисла и се соочува со казна од 25 години до доживотен затвор. Како што пренесува порталот, напаѓачот, за кого медиумите пренесуваат дека е 71-годишниот писател Јурај Цинтула, рекол дека е горд на својот чин. РТВС објави дека напаѓачот моментално се наоѓа во ќелијата на Националната агенција за криминал во Нитра. Лекарите во текот на ноќта успеале да ја стабилизираат состојбата на словачкиот премиер по вчерашниот атентат во градот Хандлови, но таа се уште е тешка, соопшти претходно денеска директорката на болницата во Банска Бистрица, Миријам Лапуникова. Видете и ова: Обид за атентат врз словачкиот премиер Фицо - нападот бил „политички мотивиран“ Два медицински тима го оперираа словачкиот премиер пет часа. „Во моментов се преземаат дополнителни активности за подобрување на неговата состојба“, рече словачкиот министер за одбрана Роберт Калињак. Словачкиот министер за внатрешни работи Матус Шутај Ешток денеска побара од вицепремиерот Томаш Тараба да го свика Советот за национална безбедност, а Владата ќе одржи седница. Видете и ова: Кој е Роберт Фицо? Министерот за внатрешни работи информираше дека ќе ја зајакне заштитата на политичарите и одредени медиуми. Напаѓачот пукал пет пати, по што полицијата веднаш го привела, а премиерот веднаш бил префрлен во болницата во Банска Бистрица. прочитај повеќе мај 16, 2024 Самит на лидерите од регионот и ЕУ: „Секој треба да ја заврши својата работа“ Самит на лидерите на Западен Балкан и Европската Унија на 16 мај во Котор, Црна Гора Планот за раст на Западен Балкан претставува јасен сигнал за посветеноста на Европската Унија за економска и демократска трансформација на Западен Балкан, изјави црногорскиот премиер Милојко Спајиќ на Самитот на лидерите на Западен Балкан и Европската Унија во Котор. Советот на ЕУ одобри план од шест милијарди евра за поддршка на земјите од Западен Балкан со цел да се забрзаат реформите и економскиот раст, од кои две милијарди грантови и четири поволни заеми гарантирани од ЕУ. На самитот чиј домаќин е Спајиќ, покрај лидерите од регионот, учествуваат и европскиот комесар за соседство и проширување, Оливер Вархеји и помошникот државен секретар на САД за Европа и Евроазија, Џејмс О'Брајан. Видете и ова: Можно одложување на Планот за раст за Западен Балкан поради неусогласеност во ЕУ О'Брајан рече дека приоритет на Планот за раст за Западен Балкан е да се создаде единствен пазар на циркулација на пари, да се намалат трошоците, да се олесни движењето на пазарот и да се отворат повеќе работни места. „Пораките на Планот се дека за секој учесник пораката е јасна - работете ја вашата работа и не барајте некој друг да направи нешто прво, за вие да го направите вашето“. Вархеји рече дека Планот за раст повеќе не е нацрт, туку патоказ, кој е корисен за регионот пред влезот во ЕУ. „Поради планот за раст и интензитетот на помошта од економскиот и инвестицискиот план, реформската агенда и дополнителната финансиска помош до 2027 година, Балканот ќе биде подготвен или би можел да биде подготвен, или би можел сам да се подготви за влез во ЕУ“. Видете и ова: Претставници на Западен Балкан, ЕУ и САД во Котор ќе разговараат за планот за раст Самитот се организира под слоганот „Еден регион, заедничка визија“. На самитот присуствуваат претставници на Советот за регионална соработка, Европската банка за обнова и развој, Европската инвестициска банка, Светската банка, Атлантската алијанса, енергетската и транспортната заедница, Фондацијата Отворено општество... Ден пред Самитот, на 15 мај, се одржа состанок на министрите за европски прашања и финансии на земјите од Западен Балкан, претставници на Европската комисија и партнерските организации. „Министрите разговараа и за пристапот до единствената платежна зона за евро (SEPA), за олеснување на трговијата и транспортот меѓу земјите од регионот и членките на ЕУ, за подобрување на снабдувањето со критични лекови, Центарот за дигитални иновации и други теми“, соопштија од Министерството за европски прашања од Црна Гора. Претходните месеци министерски состаноци и регионални самити на лидерите од Западен Балкан се одржаа во Скопје и Тирана. прочитај повеќе мај 16, 2024 Западните претставници на протестите против спорниот закон во Грузија Министрите за надворешни работи на Естонија, Литванија и Исланд на протест во Тбилиси, 15 мај 2024 година Илјадници луѓе повторно излегоа на улиците на грузискиот главен град Тбилиси за да протестираат против контроверзниот закон за „странски агенти“ усвоен од парламентот и покрај повеќенеделните демонстрации и предупредувањата на Западот дека законот ја загрозува евроатлантската интеграција на Грузија. На демонстрантите во Тбилиси им се придружија и министрите за надворешни работи на Естонија, Летонија, Литванија и Исланд во маршот кон зградата на парламентот во средата во знак на солидарност со западните аспирации на Грузијците, објави грузискиот сервис на Радио Слободна Европа. Демонстрантите се собраа и на плоштадот на хероите, главната раскрсница во главниот град на Грузија, јавија дописниците на РСЕ од теренот. Законот, кој го усвои парламентот под контрола на владејачката партија Грузиски сон на 14 мај, беше осуден од САД, Европската Унија и групите за права поради неговата сличност со рускиот закон што претседателот Владимир Путин го користи за да ја замолчи опозицијата и да ги задуши независните институции. „Заедно го започнавме ова патување и нашите народи знаат што значи да се биде под притисок од Москва. Никогаш нема да ве оставиме, но сите треба да ја обликуваме судбината на нашите народи“, рече литванскиот министер за надворешни работи Габриелиус Ландсбергис, чија земја, како Грузија и Естонија, беше дел од поранешниот Советски Сојуз. Embed share Што ги предизвика масовните протести во Грузија? Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:01:48 0:00 Директен линк 240p | 5,1MB 360p | 8,6MB 480p | 16,7MB 720p | 27,1MB 1080p | 46,0MB „Вие како народ го одлучивте вашиот пат кон Европа. Ние сите заедно ќе направиме сè за да продолжиме по овој пат“, изјави естонскиот министер за надворешни работи Маргус Кахна. „Јас сум овде денес, вие не сте сами и ја имате нашата почит“, рече министерот за надворешни работи на Исланд, Тордис Колбрун Гилфадотир. На протестниот марш се приклучи и министерка за надворешни работи на Летонија, Баиба Бразе. Четворицата западни претставници претходно се сретнаа со грузиската претседателка Саломе Зурабишвили и одржаа заедничка прес-конференција. Зурабишвили на конференцијата предупреди дека опстанокот на Грузија како држава е во опасност откако парламентот го одобри контроверзниот закон за „странски агенти“ и повтори дека ќе стави вето на законот затоа што владата „не го послуша гласот на својот народ ниту советите на нејзините пријатели, ниту ничие предупредување и тргна по својот пат“. Според законот, медиумските куќи, невладините и другите непрофитни организации ќе мора да се регистрираат дека „работат за интересите на странска сила“ доколку повеќе од 20 проценти од нивното финансирање доаѓа од странство. Зурабишвили, која е во судир со владејачката партија Грузиски сон која го протурка законот во парламентот, има 10 дена да стави вето, но Грузиски сон и неговите партнери во парламентот имаат доволно пратеници за да го отфрлат ветото на претседателот. Американскиот помошник државен секретар Џејмс О'Брајан, кој беше во Тбилиси на 14 мај, рече дека односите на Вашингтон со земјата ќе бидат загрозени и дека американската помош за Грузија ќе биде предмет на ревизија доколку нацрт-законот биде усвоен. прочитај повеќе мај 16, 2024 Постигнат договор за коалициска влада во Холандија Речиси шест месеци по изборната победа на неговата партија, холандскиот политичар Герт Вилдерс објави дека е постигнат договор за формирање на десничарска коалициска влада. Тој исто така објави дека нема да биде премиер. „Имаме договор меѓу преговарачите“, рече Вилдерс, кој уште во март се откажа од намерата да биде премиер, наведувајќи ги наводите дека е „исламофоб и противник на ЕУ“. Видете и ова: Проблеми пред почетокот на преговорите за владејачка коалиција во Холандија Договорот е постигнат меѓу четири партии - Партијата за слобода (ПВВ) на Герт Вилдерс, про-земјоделската партија БББ, либералната партија ВВД и новата партија против корупцијата НСЦ. Сè уште не е познато кој ќе ја предводи десничарската владејачка коалиција која ќе го замени Марк Руте. Руте е кандидат за функцијата генерален секретар на НАТО. Крајнодесничарската Партија за слобода, која победи на изборите во Холандија, а чиј лидер е Вилдерс е позната и по тоа што меѓудругото, повикува на забрана на џамиите, Куранот и шамиите, како и референдум за напуштање на Европската Унија. прочитај повеќе мај 16, 2024 Косово го информирал Советот на Европа дека подготвува нацрт-статут за формирање на ЗСО Министерката за надворешни работи и дијаспора на Косово, Доника Гервала Министерката за надворешни работи и дијаспора на Косово, Доника Гервала, изјави дека преку писмо го информирала Советот на Европа дека Косово подготвува нацрт статут за формирање „механизам за самоуправување, координација и соработка на општините со српско мнозинство на Косово (ЗСО)“. Овој нацрт ќе биде испратен на толкување до Уставниот суд до крајот на мај. Владата претходно призна дека формирањето на Заедницата на општини со српско мнозинство е поставено како услов за прием на Косово во Советот на Европа. Според Гервала, нацрт-статутот ги задоволува потребите на граѓаните на српската заедница и истовремено ги почитува Уставот на Косово и принципите на Советот на Европа. „Нацртот обезбедува не само целосно почитување на Уставот и законите на Република Косово, туку во исто време спречува неовластени интервенции однадвор, како во општините на Косово, така и низ целата земја“, напиша Гервала на Фејсбук. Гервала изјави дека заедно со конкретизирање на напорите за формирање Заедница на општини со српско мнозинство, Косово очекува Советот на Европа да го исполни својот дел од обврската и да го покани Косово да се приклучи во Советот на Европа без одлагање, бидејќи Приштина ги исполнила сите услови. Видете и ова: Заедницата на општини со српско мнозинство - пречка на патот на Косово кон Советот на Европа Комитетот на министри на Советот на Европа заседава на 16 и 17 мај во Стразбур. Ова тело го дава последниот збор за прифаќање на една земја во членство. Заменик министерот за надворешни работи Крешник Ахмети на 14 мај изјави дека прашањето за прием на Косово во оваа организација за човекови права не е на дневен ред на Комитетот на министри. Џералд Кнаус, од Европската иницијатива за стабилност, го објави на интернет Х, целото писмо кое Гервала го испратила до претседателот на Парламентарното собрание на Советот на Европа, грчкиот пратеник Теодорос Русопулос. Во писмото, чија автентичност за РСЕ ја потврдија од Владата на Косово, се наведува дека нацрт-статутот што Косово го подготвува ќе биде испратен на толкување до Уставниот суд на Косово до крајот на мај. прочитај повеќе мај 16, 2024 Франција го обвини Азербејџан за вмешаност во немирите на Нова Каледонија Протести против промени во изборниот закон, Нова Каледонија, 15 мај 2024 Францускиот министер за внатрешни работи Жералд Дарманин денеска го обвини Азербејџан за мешање во политиката на пацифичката територија Нова Каледонија. „Ова не е фантазија … Жалам што некои од сепаратистите се договорија со Азербејџан … дури и ако има обиди за мешање … Франција е суверена на својот сопствена територија“, истакна Дарман. Немирите на Нова Каледонија почнаа на 13 мај поради уставната реформа, која предвидува промени на изборниот закон на француската територија. Националното собрание во Париз ја усвои реформата со 351 глас „за“ и 153 „против“, со која на илјадници француски граѓани на јужниот пацифички архипелаг ќе им се даде право на глас, а со тоа и поголемо политичко влијание. Видете и ова: Стотина повредени во немирите во Нова Каледонија, Макрон свика кризен состанок Во немирите во Нова Каледонија едно лице е застрелано, а повредени се стотици луѓе, вклучувајќи околу 100 полицајци и жандарми. Десетици домови и деловни објекти биле запалени за време на немирите, а повеќе од 130 лица се приведени. Премиерот на Франција, Габриел Атал вчера изјави дека на Нова Каледонија ќе бидат распоредени дополнителни полициски сили. прочитај повеќе Вчитај повеќе...

По обидот за атентат, Фицо веднаш беше пренесен во болница. Операцијата траеше неколку часа, а вицепремиерот доцна вечерта во средата изјави дека Фицо повеќе не е во опасност. Министрите за внатрешни работи и за одбрана изјавија дека привчната истрага покажува оти нападот бил „политички мотивиран“. Словачкиот премиер Роберт Фицо бил застрелан додека се движел меѓу толпа луѓе во градот Хандлова откако претходно бил одржан состанок на владата, објавија локалните медиуми на 15 мај. Итно беше однесен во болница. Тој беше погоден со неколку куршими. По првичните информации дека е во животна опасност, доцна вечерта во средата (15 мај) вицепремиерот во словачката влада Томаш Тараба рече дека очекува Фицо да преживее по операцијата која траеше неколку часа. Во изјава за „Би-би-си“ тој кажа оти животот на Фицо повеќе не е во опасност. „Операцијата помина добро и претпоставувам дека ќе преживее. Во овој момент животот не му е во опасност. Тој беше тешко ранет – едниот куршум поминал низ стомакот, другиот во зглоб“, рече Тараба. Embed share Словачкиот премиер Фицо ранет по владина седница Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:00:38 0:00 Директен линк 240p | 1,5MB 360p | 2,7MB 480p | 5,2MB 720p | 10,1MB 1080p | 14,6MB Инцидентот со пукањето се случил пред Дом на културата во градот Хандлова, на околу 150 километри од главниот град, каде премиерот имал средба со симпатизерите. Министерството за внатрешни работи инцидентот го квалификуваше како „обид за атентат“. Прелиминарната истрага за нападот врз Фицо покажала дека нападот бил „јасно политички мотивиран“, изјави словачкиот министер за внатрешни работи, Матуш Шутај Ешток, пренесува „Асошиејтед прес“. Ешток пред новинарските собрани пред болницата во Банска Бистрица, додека лекарите го оперираа Фицо, изјави дека осомничениот за атентатот е уапсен. На неговата изјава се надоврза министерот за одбрана Калинак велејќи дека „нема сомнеж“ оти нападот бил политички мотивиран. Фото галерија: Ранувањето на словачкиот премиер Роберт Фицо Словачкиот популистички премиер Роберт Фицо беше ранет во пукање на 15 мај и пренесен во болница. Инцидентот се случил во градот Хандлова, на околу 150 километри североисточно од главниот град, јавија словачките медиуми. Сподели на Фејсбук Сподели на Твитер Испрати на пријател По ранувањето претходно во текот на денот, Фицо првично бил пренсен во болницата во Хандлова од каде со хеликоптер е пренесен во болница во Банска Бистрица, град во централна Словачка. Очевидци раскажуваа дека слушнале четири или пет истрели. Веднаш по нападот, Фицо беше пренесен во болница со автомобил што може да се види и од видеата објавени по настанот. На фотографии се гледа и како полицијата апси едно лице за кое се претпоставува дека е осомничениот. Роберт Фицо во октомври беше именуван за премиер по четврти пат Претседателката на Словачка, Зузана Чапутова, го осуди пукањето како „брутален и безмилосен напад“ над премиерот Фицо и потврди дека осомичениот е приведен. Посочи дека надлежните институции ќе дадат повеќе информации кога тоа ќе биде возможно. „Сите сме шокирани од ужасниот и подол напад над премиерот Роберт Фицо.Можеби се уште не ја сфаќаме во целост сериозноста на она што се случи денеска“, рече претседателката во изјава на мрежата Икс. „Насилството е апсолутно недозволиво. Говорот на омраза и реториката полна со омраза, на која сведочиме во општеството, доведува до дела од омраза. Дозволете ни да го спречиме ова“, вели Чапутова посакувајќи му брзо закрепнување на премиерот. Нападот го осудија и бројни европски лидери и САД. Видете и ова: Загриженост и осуда од европските лидери по пукањето кон Фицо Поларизација на словачкото општество Вршителот на должноста претседател на словачкиот парламент, Петер Жига, рече дека тоа е напад „на принципите на словачката демократија“. „Таков ужасен чин никогаш не се случил во словачката историја. Сметам дека е резултат на вознемирени страсти и поделбата на словачкото општество на два непомирливи табора“, додаде тој. Политикологот Мирослав Радек во изјава за словачкиот јавен сервис рече дека нападот е „врвот на поларизацијата на општеството“. „Емоциите во општеството се влошија по претседателските избори“, рече тој. Видете и ова: Сојузникот на прорускиот премиер е нов претседател на Словачка Како Фицо дојде на власт? Фицо во октомври 2023 по четврти пат беше именувам за премиер за Словачка откако во предизборната кампања ветуваше дека ќе ја прекине воената поддршка за Украина и ги критикуваше санкциите кон Русија. Обвинувајќи ја либералната претседателка во заминување, Зузана Чапутова, за „либерален фашизам“ успеа да ги убеди граѓаните дека миграцијата и правата ЛГБТИ популацијата сè поголема закана за Словачка од масовната корупција, поради која мораше да се повлече во 2018 година. Видете и ова: Кој е Роберт Фицо? Тој имаше и пофали зборови за премиерот на соседна Унгарија, Виктор Орбан, како политичар кој ги брани интересите на својата земја. Од друга страна, и покрај стравувањата на Брисел и Вашингтон, Фицо во повеќе наврати посочи дека не планира земјата со 5,5 милиони жители да ја извлече од ЕУ или НАТО. Artboard 4 Придружете се на Заедницата на Слободна Европа на Вибер...

Кризата на Клиниката за Токсикологија прерасна во политичка и етничка битка меѓу докторите од една страна и министерот за здравство од друга страна. Министерот Илир Демири во изјава за РСЕ тврди дека за разрешување на медицинскиот директор Данил Петровски чекал да завршат изборите. Наместо да се реши, се продлабочува проблемот на Клиниката за токсикологија, откако министерот за здравство Илир Демири вчера го разреши медицинскиот директор Данил Петровски, и ја остави на функција организациската директорка Бесија Илјази. Министерот за здравство Демири за Радио Слободна Европа тврди дека отказното решение не сакал да му го врачи на Петровски пред изборите, за да, како што вели, нема импликации. „Сега изборите се завршени и ние треба да се вратиме во реалноста, полека да се смират страстите и да се врати професионализмот“ изјави Демири. За случувањата на Токсикологија, вели дека се политички инсинуирани, без притоа да наведе кој има интерес од такви политички поенти, додавајќи дека целта била 18 луѓе да останат без плата. „ Па, на чија воденица иде водава, тоа може лесно да се изанализира“, кусо објасни тој. Тој не ја разреши организациската директорка Илјази за која мнозинството лекарски колегиум во минатиот период обвинуваше дека не знае македонски јазик, комуницира само на албански јазик и форсира да се вработат 18 лица на позиции кои не се потребни на клиниката, а не дозволува вработување на двајца биолози и еден болничар, како и дека не склучила договор за осигурување на болницата. Embed share Демири: Изборите завршија, да се вратиме во реалноста Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:05:58 0:00 Директен линк 240p | 11,9MB 360p | 16,7MB 480p | 26,0MB 720p | 89,8MB 1080p | 100,2MB Демири за неа вели дека ќе ја разреши само доколку се утврди дека има прекршување во нејзиното работење. „Од каде знаете дека не знае македонски јазик, јас имам друга информација комуницира на македонски јазик, можеби се устручава, оти елоквентно изразување на македонски јазик е едно, друго е изразување пред медиуми на македонски јазик. Јас немам сретнато образован Албанец кој живее во Северна Македонија кој не комуницира на македонски јазик“, додава Демири. Во однос на тие 18 лица, Државниот санитарен и здравствен инспекторат и Трудовиот инспекторат донесоа решенија дека не треба да се во просториите на Клиниката бидејќи договорите им се истечени на 31 јануари 2023 година. Министерот тврди дека 18 семејства се оставени без плата, Беќаровски бара извинување Д-р Данил Петровски беше разрешен од позицијата медицински директор на Клиниката за токсикологија поради несовесно работење во целиот изминат период. Иако имал согласности за продолжување на договорите за работа на 18 лица, тој не постапил. „Ангажираните оделе на работа без договор и без плата за нивниот труд. 18 семејства ги остави без плата! Во неговиот мандат, Клиниката беше поплавена и неосигурана, а ангажираните секојдневно трпеа закани и омаловажувања на национална основа“, пишува во објавата од Министерството за здравство. Министерот Демири смета дека новинарите треба да прашаат како тие луѓе се останати без плата, а не како одат на работа, иако не смеат според одлуката на здравствениот инпекторат. Видете и ова: Поплава на Клиниката за токсикологија, се чека решение за хаосот Министерството на својата ФБ страница објави изјава од наводните вработени на клиниката, со потписи и без имиња, кои обвинуваат дека д-р Нико Беќаровски, кој работи на истата клиника и беше дел од докторите што се побунија, дека тој на национална основа им се заканувал и ги навредувал Албанците што чекаат вработување на клиниката. „На 26.2.2024 (понеделник) после предавање на ноќна смена во салата за состаноци професорот се симнува на главна визита, и после визита професорот кога ги видел вработените Албанци во работното место почнал со неговите навреди: додека бевме на времето на Тито, Македонија си беше убаво место на живеење, па после се симнаа овие од планина и се измеша целата држава“, пишува во објавената изјава на Министерството за здравство. По оваа објава, д-р Беќаровски му се обрати на министерот за здравство, Илир Демири и најави тужба. „Искрено се надевам дека објавата е без Ваше знаење и одобрение, бидејќи со истата ми нанесовте несогледлива штета на мојот углед, базирана на лажни изјави, на незаконски архивиран документ, на кој не стои ниту едно име, за која ќе следува соодветна судска тужба кон инволвираните. Инпутирање на било какви национални навреди е најблаго речено дегутантно. И јас, впрочем како и Вие, секогаш сум бил исклучиво поборник за максимален професионализам, базиран на квалитет и мерит систем, без никакви други предрасуди. Најколегијално, Ве замолувам во следните 24 часа јавно да се оградите од оваа несреќна објава на сајтот и да ми се извините за нанесената повреда на мојата чест и углед“, напиша Беќаровски. Министерот Демири вели дека не гледа причина да му се извини на Беќаровски, затоа што, тој само пренесува став на луѓето кои се пожалиле од него. Мнозинството доктори застанаа зад Беќаровски Зад д-р Беќаровски застана мнозинството доктори на Токсикологија, кои ја демантираа изјавата што ја објави Министерството за здравство. Во нивното обраќање до јавноста, докторите се потпишани со цело име и презиме. „Должни сме на јавноста да ѝ појасниме дека какви било навреди или притисоци на Албанци кои претходно беа ангажирани со договор на дело од страна на проф.д-р Нико Беќаровски не се упатени. Д-р Беќаровски е врвен професионалец кој повеќе од 30 години работи ургентна медицина и спасува човечки животи без разлика на етничка припадност или партија.“, пишува во демантот од лекарите. Извори од Клиниката за РСЕ велат дека Изјавата што ја објави Министерството за здравство е од 26 април, дури четири дена подоцна откако Демири најави дека ќе го разреши медицинскиот директор Петровски (22 април). Тие се сомневаат дека некој отпосле ги терал ангажираните со договор на дело да потпишуваат ваква изјава за да се оправда разрешувањето. Невработените сестри и болничари и покрај забраната доаѓале на работа Претходно, здравствените инспектори утврдиле дека 18 луѓе доаѓале на работа на Клиниката за токсикологија, а договорт на дело им истекол заклучно со 31 јануари 2023 година. Станува збор за пет медицински сестри, тројца болничари, двајца биолози и еден лаборант. Според решението на здравствениот инспекторат( ДСЗИ) од 2 мај годинава на здравствените работници кои немаат договор за работа на Клиниката за токсикологија им е забранет пристап на Клиниката. Ваквиот чекор на ДСЗИ следуваше откако менаџментот на Клиниката не постапил по издаденото решение за опомена со наложени инспекциски мерки. Видете и ова: ДСЗИ: Забрана за пристап на Токсикологија за здравствените работници без договор за работа Инаку доктори од Клиниката за токсикологија неодамна на прес-конференција алармираа дека во оваа здравствена установа се случува хаос особено, како што велат, од назначувањето на организациската директорка Бесија Иљази на средината на февруари. Два месеци болницата е без договор за осигурување Тие посочија и дека новата организациска директорка Иљази не ја исполнила законската обврска да склучи договор за осигурување на болницата од штети. Осигурувањето имот и опрема и осигурување за професионална одговорност лекарска грешка истекло во март годинава, и нов договор не е потпишан се уште, покажуваат податоците од Бирото за јавни набавки. Тоа значи дека штета настаната од последната поплава во април не може да се наплати од осигурителна компанија, туку ќе треба државата сама да си ја плати. Законот ги обврзува економските директори, односно организациските директори на клиниките секоја година да се грижат за осигурувањето на болниците. Демири тврди дека за непотпишувањето на договорот бил виновен медицинскиот директор, а не организацискиот директор Илјази, затоа што спорно било транспарентноста во тендерскиот договор, колкав процент ќе добие брокерската куќа. Илјази беше назначена на ден пред формирање техничка влада Бесија Иљази за организациска директорка е назначена на 14 февруари, од страна на актуелниот министер Демири. По назначувањето на Демири, нови организациски директори добија и клиниките за токсикологија, неврологија, ендокринологија, стоматологија и други, иако неговиот претходник Фатмир Меџити изјави дека во Владата е договорено по Нова година(2024) да се укинат економските директори како непродуктивен трошок во здравствениот систем. На клиниките има околу 30 организациски директори. Нивната задача е да ја менаџираат работата, но и парите во клиниките. Исто така и да контролираат и како работат медицинските директори, поради што има врзан потпис- не може едниот да спроведе нешто ако не потпише и другиот. Во пракса, чести се несогласувањата меѓу првиот и вториот директор, особено ако се од различни партии. Ако организациски директор зема по околу 1.500 евра месечна плата, само за плати годишно се трошат нешто повеќе од половина милион евра. Или, ако државата ги укинеше вторите директори во клиниките пред шест години, кога беше првата најава од тогаш на владејачката СДСМ, досега ќе заштедеше над 3 милиони евра. Економските директори во клиниките беа воведени пред 17 години. Во 2006 година, откако ВМРО-ДПМНЕ дојде на власт, скопскиот Клинички центар беше поделен на 32 клиники, со 56 директори и 142 члена на управни одбори. Artboard 4 Придружете се на Заедницата на Слободна Европа на Вибер...

Словачкиот премиер Роберт Фицо бил застрелан додека се движел меѓу толпа луѓе во градот Хандлова откако претходно бил одржан состанок на владата во Братислава, објавија локалните медиуми на 15 мај. Инцидентот се случил пред Дом на културата во Хандлова каде премиерот имал средба со симпатизерите. Фицо е пренесен во болница, објави новинската агенција ТАСР повикувајќи се на информација од потпретседателот на парламентот Лубос Блаха. Министерството за внатрешни работи инцидентот го квалификуваше како „обид за атентат“. Премиерот на Слованчка, Роберт Фицо Засега нема информации колку се сериозни раните на Фицо. Новинарите кои беа на местото на настанот рекоа дека се слушнале неколку истрели од пиштол пред да настане метеж околу премиерот. Видете и ова: Словачка избира претседател во услови на длабоки поделби за војната во Украина Тие додадоа дека безбедносните службеници брзо втурнале лице во автомобил и заминале. Се смета дека лицето е осомничениот напаѓач иако засега нема потврда од полицијата. Засега нема коментар за ова ниту од кабинетот на премиерот. Претседателката на Словачка, Зузана Чапутова, го осуди пукањето како „брутален и безмилосен напад“ над премиерот Фицо. „Шокирана сум“, напиша таа на мрежата Икс и му посака брзо закрепнување. Местото на нападот врз словачкиот премиер Претседателката на Европската комисија (ЕК) Урсула Фон дер Лајен, рече дека за вакви акти на насилство „нема место во нашето општество“. Шефот на ЕУ, Шарл Мишел реагираше дека ништо не може да го оправда насилството и ваквите напади. Фицо во октомври 2023 по четврти пат беше именувам за премиер за Словачка откако во предизборната кампања ветуваше дека ќе ја прекине воената поддршка за Украина и ги критикуваше санкциите кон Русија. Обвинувајќи ја либералната претседателка во заминување, Зузана Чапутова, за „либерален фашизам“ успеа да ги убеди граѓаните дека миграцијата и правата ЛГБТИ популацијата се поголема закана за Словачка од масовната корупција, поради која мораше да се повлече во 2018 година. Видете и ова: Сојузникот на прорускиот премиер е нов претседател на Словачка Тој имаше и пофали зборови за премиерот на соседна Унгарија, Виктор Орбан, како политичар кој ги брани интересите на својата земја. Од друга страна, и покрај стравувањата на Брисел и Вашингтон, Фицо во повеќе наврати посочи дека не планира земјата со 5,5 милиони жители да ја извлече од ЕУ или НАТО....

Вести мај 15, 2024 Закани кон претседателката на Уставниот суд, Добрила Кацарска Добрила Кацарска пред да стане судијка во Уставен, судеше во Основниот кривичен суд Скопје Импровизиран кревет и забоден нож биле пронајдени во подземна гаража кај паркинг местото на претседателката на Уставниот суд Добрила Кацарска. Случајот е пријавен во полициска станица, а потврда стигна и од Уставен. „На 14.05.2024 во СВР Скопје од страна на Д.К. било пријавено дека на подрачјето на Центар во подземни гаражи, во нејзино гаражно место, биле пронајдени импровизиран кревет и кујнски нож кој бил забоден на прекинувачот за светло“, велат од МВР. За случајот известен е и јавен обвинител, а подигнати се и предмети за вештачење. Портпаролката на Уставниот суд, Христина Беловска, попладнето на 15 мај посочи дека Кацарска вчера пријавила евентуално загрозување на сигурноста, но дали станува збор за закана или нешто друго, рече, треба да утврдат надлежните. „Она што можам да го потврдам е нејзината пријава со оглед дека на нејзиното паркинг место во подземна гаража од затворен тип, во која има околу 50 други автомобили наоколу, е пронајден забоден нож во прекинувачот за струја кој се употребува за да се осветли делот над нејзиниот автомобил“, рече Беловска. Видете и ова: Агелер - Мора да престанат притисоците врз судството Ова не била единствената закана за Кацарска. Беловска посочи дека досега имало повеќе непријатности во континуитет или како што рече, „некои ситни инциденти и закани на социјалните мрежи упатени лично кон судијката коишто закани сè уште се достапни“. „Меѓутоа, претседателката не сакаше да се реагира за ниту еден од тие инциденти се до моментот од вчера кога беше пронајден нож на нејзиниот личен имот“, рече портпаролката на Уставен. Во изминатите 24 часа, полицијата регистрираше уште еден инцидент на паркинг место во Скопје. Во текот на ноќта било запалено возило во сопственост на затворот „Идризово“ што го користел директорот на установата, Зоран Јовановски. „На 15.05.2024 околу 03.35 часот во полициска станица било пријавено дека на подрачје на Кисела Вода било опожарено паркирано патничко возило ’фолксваген пасат‘, сопственост на Казнено – поправната установа Затвор Идризово, кое било паркирано од З.Ј. Од пожарот бил зафатен и дел од фасада на зграда и предмети на балкони на долните катови од зградата. Пожарот бил изгаснат од противпожарна екипа, а повредени лица нема. Се преземаат мерки за расчистување на случајот“, соопштија од МВР. Видете и ова: Одбраната на осудените за „27 април“ бара да се укине пресудата Кацарска пред да стане судијка и претседателка на Уставен, беше судијка во Основниот кривичен суд Скопје каде судеше неколку предмети кои изминатите години беа во фокусот на јавноста. Меѓу нив, неколку иницирани од поранешното Специјално јавно обвинителство (СЈО), како и најмасовниот случај со упадот во Собранието на 27 април 2017 година во кој за терористичко загрозување на уставниот поредок и безбедноста беше донесена осудителна пресуда за 16 лица – повеќето осудени над 10 години затвор. Јовановски, пак, пред да стане директор, беше судија поротник, а „27 април“ е еден од предметите во кои тој беше дел од поротата. На новинарско прашање до Уставен, дали има индиции дека заканите кон Кацарска и запалениот автомобил на Јовановски се поврзани, портпаролката на судот рече дека од нејзината позиција „не може да даде таква паралела“ и „прашањето треба да се упати на друга адреса“. прочитај повеќе види ги сите денешни вести мај 16, 2024 Маринакис: Грција e против логиката на Сиљановска-Давкова за употреба на уставното име формално, но не и во јавни настапи Северна Македонија - Инаугурација на Гордана Сиљановска-Давкова, претседателка на Северна Македонија, Скопје, 12 мај 2024 година Неприфатлива за Грција е логиката на Гордана Сиљановска-Давкова, претседателка на Северна Македонија, да го употребува уставното име во формална комуникација, но не и во јавни настапи, рече Павлос Маринакис, портпарол на грчката влада, пренесе МИА. Маринакис рече дека кога станува збор за највисоката позиција, за позицијата претседател на државата, „за еден од столбовите на демократијата на една земја, не можеме да говориме за двоен јазик и лично право“. „Мислам дека е лицемерно ова да се кажува и да се слуша. За некои работи, каде што треба, ќе бидеме формални, а во нашите јавни настапи ќе го правиме она што сакаме или затоа што веруваме во тоа или затоа што ѝ служиме на нашата публика. Ова не може да биде прифатено од Грција, ниту од која било друга сериозна земја. Кога велиме дека треба да се согласиме дека треба да се почитува еден договор, затоа што таква е нашата обврска од фактот што е ратификуван овој договор, да го правиме тоа во сите наши формулации“, рече Маринакис. Видете и ова: ЕУ: Новата претседателка Сиљановска Давкова имаше несреќен настап За трите меморандуми за соработка кои СИРИЗА вчера ги достави во грчкиот Парламент, владиниот портпарол рече дека е „еден од најнесфатливите потези на опозицијата“, „Ниту еден грчки граѓанин не сфаќа на што му служи оваа постапка, зошто такво брзање. Од моментот кога претседателката на Северна Македонија не ја прифаќа основната, првата точка од Договорот, главната опозиција во Грција сака ние сè да направиме, сè да изгласаме“, рече Маринакис и додаде дека доколку видат соодветна позиција од новата Влада, тогаш ќе влезат во конкретната дискусија. Кога ја даваше свечената заклетва во Собранието, Сиљановска-Давкова употребуваше само Македонија за името на државата, без додавката „северна“. Тоа предизвика реакции од мешунаросната заедница и од властите во Грција и во Бугарија. Пораката е дека од почитувањето на Договорот од Преспа постигнат со Грција во 2018, како и Договорот за добрососедство со Бугарија од 2017, зависи и понатамошниот пат на Северна Македонија кон полноправно членство во ЕУ. прочитај повеќе мај 16, 2024 Уапсен маж во Србија кој му се заканувал на Вучиќ Србија - Александар Вучиќ, претседател на Србија, 8 мај 2024 година Маж во Србија е уапсен поради закана за загрозување на безбедноста на претседателот на Србија, Александар Вучиќ. Министерот за внатрешни работи на Србија, Ивица Дачиќ, на 16 мај изјави дека е уапсен Д.М. од Сомбор. „Полицијата доби наредба да му биде задржан 48 часа“, рече Дачиќ. Од Министерството за внатрешни работи на Србија не кажаа повеќе детали. Видете и ова: Загриженост и осуда од европските лидери по пукањето кон Фицо Радио-телевизијата на Србија (РТС) објави дека под објавата на претседателот на Србија на мрежата Икс (поранешен Твитер) се појавиле заканувачки пораки до Вучиќ откако тој изјави дека е шокиран од обидот за атентат врз словачкиот премиер Роберт Фиц. Вучиќ кажа дека жителот на Сомбор, кој беше уапсен поради закани преку социјалните мрежи, претходно извршил околу 50 кривични дела, меѓу кои и разбојништва и тешки кражби. „Тој човек ги правеше најтешките злосторства секој ден од својот живот - од грабеж до тешка кражба“, изјави Вучиќ за новинарите во Котор, каде што учествуваше на самитот за Планот за раст на ЕУ за Западен Балкан, пренесе агенцијата Бета. Според пишувањата на медиумите, полицијата во јануари уапсила и Борчанец кој преку социјалната мрежа Икс му се заканувал на претседателот на Србија. прочитај повеќе мај 16, 2024 Зеленски: Ситуацијата во североисточниот регион Харкив е „исклучително тешка“ Украинскиот претседател Володомир Зеленски Украинскиот претседател Володимир Зеленски изјави дека воената ситуација во североисточниот регион Харкив е „исклучително тешка“, но сепак „под контрола“. Изјавата ја даде по состанокот со неговите воени началници во близина на линијата на фронтот. „Ситуацијата во регионот Харкив е генерално под контрола, а нашите војници му нанесуваат значителни загуби на окупаторот. Сепак, ситуацијата во областа останува исклучително тешка“, напиша тој во објавата на Телеграм, откако ги слушнал извештаите од неговите команданти во Харкив, регионален главен град на 30 километри од руската граница. Видете и ова: САД најавија пакет помош за Украина вреден 400 милиони долари Претходно денеска, украинската армија објави дека го запрела руското напредување во некои области на североисточниот регион Харкив, каде Русија започна нова офанзива минатата недела. „Ситуацијата во регионот Харкив сè уште е комплицирана, но се развива на динамичен начин. Нашите одбранбени сили делумно ја стабилизираа ситуацијата. Напредувањето на непријателот во одредени зони и локалитети е запрено“, рече портпаролот на армијата утрото на 16 мај. Предупредување за воздушен напад беше прогласено рано во четвртокот и во Киев и во неколку украински региони, при што украинските воздухопловни сили предупредуваа на закана од балистички ракети истрелани од Русија. прочитај повеќе мај 16, 2024 На словачкиот премиер Фицо ќе му биде извршена уште една операција Словачкиот премиер Роберт Фицо Словачкиот премиер Роберт Фицо врз кого вчера (15 мај) беше извршен атентат во градот Хандлови, го чека уште една операција, пишува словачкиот портал Правда. Абдоминалното крварење на Фицо е запрено, но тој се соочува со операција на колкот. Во меѓувреме, полицијата го обвини напаѓачот на премиерот за убиство со предумисла и се соочува со казна од 25 години до доживотен затвор. Како што пренесува порталот, напаѓачот, за кого медиумите пренесуваат дека е 71-годишниот писател Јурај Цинтула, рекол дека е горд на својот чин. РТВС објави дека напаѓачот моментално се наоѓа во ќелијата на Националната агенција за криминал во Нитра. Лекарите во текот на ноќта успеале да ја стабилизираат состојбата на словачкиот премиер по вчерашниот атентат во градот Хандлови, но таа се уште е тешка, соопшти претходно денеска директорката на болницата во Банска Бистрица, Миријам Лапуникова. Видете и ова: Обид за атентат врз словачкиот премиер Фицо - нападот бил „политички мотивиран“ Два медицински тима го оперираа словачкиот премиер пет часа. „Во моментов се преземаат дополнителни активности за подобрување на неговата состојба“, рече словачкиот министер за одбрана Роберт Калињак. Словачкиот министер за внатрешни работи Матус Шутај Ешток денеска побара од вицепремиерот Томаш Тараба да го свика Советот за национална безбедност, а Владата ќе одржи седница. Видете и ова: Кој е Роберт Фицо? Министерот за внатрешни работи информираше дека ќе ја зајакне заштитата на политичарите и одредени медиуми. Напаѓачот пукал пет пати, по што полицијата веднаш го привела, а премиерот веднаш бил префрлен во болницата во Банска Бистрица. прочитај повеќе мај 16, 2024 Самит на лидерите од регионот и ЕУ: „Секој треба да ја заврши својата работа“ Самит на лидерите на Западен Балкан и Европската Унија на 16 мај во Котор, Црна Гора Планот за раст на Западен Балкан претставува јасен сигнал за посветеноста на Европската Унија за економска и демократска трансформација на Западен Балкан, изјави црногорскиот премиер Милојко Спајиќ на Самитот на лидерите на Западен Балкан и Европската Унија во Котор. Советот на ЕУ одобри план од шест милијарди евра за поддршка на земјите од Западен Балкан со цел да се забрзаат реформите и економскиот раст, од кои две милијарди грантови и четири поволни заеми гарантирани од ЕУ. На самитот чиј домаќин е Спајиќ, покрај лидерите од регионот, учествуваат и европскиот комесар за соседство и проширување, Оливер Вархеји и помошникот државен секретар на САД за Европа и Евроазија, Џејмс О'Брајан. Видете и ова: Можно одложување на Планот за раст за Западен Балкан поради неусогласеност во ЕУ О'Брајан рече дека приоритет на Планот за раст за Западен Балкан е да се создаде единствен пазар на циркулација на пари, да се намалат трошоците, да се олесни движењето на пазарот и да се отворат повеќе работни места. „Пораките на Планот се дека за секој учесник пораката е јасна - работете ја вашата работа и не барајте некој друг да направи нешто прво, за вие да го направите вашето“. Вархеји рече дека Планот за раст повеќе не е нацрт, туку патоказ, кој е корисен за регионот пред влезот во ЕУ. „Поради планот за раст и интензитетот на помошта од економскиот и инвестицискиот план, реформската агенда и дополнителната финансиска помош до 2027 година, Балканот ќе биде подготвен или би можел да биде подготвен, или би можел сам да се подготви за влез во ЕУ“. Видете и ова: Претставници на Западен Балкан, ЕУ и САД во Котор ќе разговараат за планот за раст Самитот се организира под слоганот „Еден регион, заедничка визија“. На самитот присуствуваат претставници на Советот за регионална соработка, Европската банка за обнова и развој, Европската инвестициска банка, Светската банка, Атлантската алијанса, енергетската и транспортната заедница, Фондацијата Отворено општество... Ден пред Самитот, на 15 мај, се одржа состанок на министрите за европски прашања и финансии на земјите од Западен Балкан, претставници на Европската комисија и партнерските организации. „Министрите разговараа и за пристапот до единствената платежна зона за евро (SEPA), за олеснување на трговијата и транспортот меѓу земјите од регионот и членките на ЕУ, за подобрување на снабдувањето со критични лекови, Центарот за дигитални иновации и други теми“, соопштија од Министерството за европски прашања од Црна Гора. Претходните месеци министерски состаноци и регионални самити на лидерите од Западен Балкан се одржаа во Скопје и Тирана. прочитај повеќе мај 16, 2024 Западните претставници на протестите против спорниот закон во Грузија Министрите за надворешни работи на Естонија, Литванија и Исланд на протест во Тбилиси, 15 мај 2024 година Илјадници луѓе повторно излегоа на улиците на грузискиот главен град Тбилиси за да протестираат против контроверзниот закон за „странски агенти“ усвоен од парламентот и покрај повеќенеделните демонстрации и предупредувањата на Западот дека законот ја загрозува евроатлантската интеграција на Грузија. На демонстрантите во Тбилиси им се придружија и министрите за надворешни работи на Естонија, Летонија, Литванија и Исланд во маршот кон зградата на парламентот во средата во знак на солидарност со западните аспирации на Грузијците, објави грузискиот сервис на Радио Слободна Европа. Демонстрантите се собраа и на плоштадот на хероите, главната раскрсница во главниот град на Грузија, јавија дописниците на РСЕ од теренот. Законот, кој го усвои парламентот под контрола на владејачката партија Грузиски сон на 14 мај, беше осуден од САД, Европската Унија и групите за права поради неговата сличност со рускиот закон што претседателот Владимир Путин го користи за да ја замолчи опозицијата и да ги задуши независните институции. „Заедно го започнавме ова патување и нашите народи знаат што значи да се биде под притисок од Москва. Никогаш нема да ве оставиме, но сите треба да ја обликуваме судбината на нашите народи“, рече литванскиот министер за надворешни работи Габриелиус Ландсбергис, чија земја, како Грузија и Естонија, беше дел од поранешниот Советски Сојуз. Embed share Што ги предизвика масовните протести во Грузија? Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:01:48 0:00 Директен линк 240p | 5,1MB 360p | 8,6MB 480p | 16,7MB 720p | 27,1MB 1080p | 46,0MB „Вие како народ го одлучивте вашиот пат кон Европа. Ние сите заедно ќе направиме сè за да продолжиме по овој пат“, изјави естонскиот министер за надворешни работи Маргус Кахна. „Јас сум овде денес, вие не сте сами и ја имате нашата почит“, рече министерот за надворешни работи на Исланд, Тордис Колбрун Гилфадотир. На протестниот марш се приклучи и министерка за надворешни работи на Летонија, Баиба Бразе. Четворицата западни претставници претходно се сретнаа со грузиската претседателка Саломе Зурабишвили и одржаа заедничка прес-конференција. Зурабишвили на конференцијата предупреди дека опстанокот на Грузија како држава е во опасност откако парламентот го одобри контроверзниот закон за „странски агенти“ и повтори дека ќе стави вето на законот затоа што владата „не го послуша гласот на својот народ ниту советите на нејзините пријатели, ниту ничие предупредување и тргна по својот пат“. Според законот, медиумските куќи, невладините и другите непрофитни организации ќе мора да се регистрираат дека „работат за интересите на странска сила“ доколку повеќе од 20 проценти од нивното финансирање доаѓа од странство. Зурабишвили, која е во судир со владејачката партија Грузиски сон која го протурка законот во парламентот, има 10 дена да стави вето, но Грузиски сон и неговите партнери во парламентот имаат доволно пратеници за да го отфрлат ветото на претседателот. Американскиот помошник државен секретар Џејмс О'Брајан, кој беше во Тбилиси на 14 мај, рече дека односите на Вашингтон со земјата ќе бидат загрозени и дека американската помош за Грузија ќе биде предмет на ревизија доколку нацрт-законот биде усвоен. прочитај повеќе мај 16, 2024 Постигнат договор за коалициска влада во Холандија Речиси шест месеци по изборната победа на неговата партија, холандскиот политичар Герт Вилдерс објави дека е постигнат договор за формирање на десничарска коалициска влада. Тој исто така објави дека нема да биде премиер. „Имаме договор меѓу преговарачите“, рече Вилдерс, кој уште во март се откажа од намерата да биде премиер, наведувајќи ги наводите дека е „исламофоб и противник на ЕУ“. Видете и ова: Проблеми пред почетокот на преговорите за владејачка коалиција во Холандија Договорот е постигнат меѓу четири партии - Партијата за слобода (ПВВ) на Герт Вилдерс, про-земјоделската партија БББ, либералната партија ВВД и новата партија против корупцијата НСЦ. Сè уште не е познато кој ќе ја предводи десничарската владејачка коалиција која ќе го замени Марк Руте. Руте е кандидат за функцијата генерален секретар на НАТО. Крајнодесничарската Партија за слобода, која победи на изборите во Холандија, а чиј лидер е Вилдерс е позната и по тоа што меѓудругото, повикува на забрана на џамиите, Куранот и шамиите, како и референдум за напуштање на Европската Унија. прочитај повеќе мај 16, 2024 Косово го информирал Советот на Европа дека подготвува нацрт-статут за формирање на ЗСО Министерката за надворешни работи и дијаспора на Косово, Доника Гервала Министерката за надворешни работи и дијаспора на Косово, Доника Гервала, изјави дека преку писмо го информирала Советот на Европа дека Косово подготвува нацрт статут за формирање „механизам за самоуправување, координација и соработка на општините со српско мнозинство на Косово (ЗСО)“. Овој нацрт ќе биде испратен на толкување до Уставниот суд до крајот на мај. Владата претходно призна дека формирањето на Заедницата на општини со српско мнозинство е поставено како услов за прием на Косово во Советот на Европа. Според Гервала, нацрт-статутот ги задоволува потребите на граѓаните на српската заедница и истовремено ги почитува Уставот на Косово и принципите на Советот на Европа. „Нацртот обезбедува не само целосно почитување на Уставот и законите на Република Косово, туку во исто време спречува неовластени интервенции однадвор, како во општините на Косово, така и низ целата земја“, напиша Гервала на Фејсбук. Гервала изјави дека заедно со конкретизирање на напорите за формирање Заедница на општини со српско мнозинство, Косово очекува Советот на Европа да го исполни својот дел од обврската и да го покани Косово да се приклучи во Советот на Европа без одлагање, бидејќи Приштина ги исполнила сите услови. Видете и ова: Заедницата на општини со српско мнозинство - пречка на патот на Косово кон Советот на Европа Комитетот на министри на Советот на Европа заседава на 16 и 17 мај во Стразбур. Ова тело го дава последниот збор за прифаќање на една земја во членство. Заменик министерот за надворешни работи Крешник Ахмети на 14 мај изјави дека прашањето за прием на Косово во оваа организација за човекови права не е на дневен ред на Комитетот на министри. Џералд Кнаус, од Европската иницијатива за стабилност, го објави на интернет Х, целото писмо кое Гервала го испратила до претседателот на Парламентарното собрание на Советот на Европа, грчкиот пратеник Теодорос Русопулос. Во писмото, чија автентичност за РСЕ ја потврдија од Владата на Косово, се наведува дека нацрт-статутот што Косово го подготвува ќе биде испратен на толкување до Уставниот суд на Косово до крајот на мај. прочитај повеќе мај 16, 2024 Франција го обвини Азербејџан за вмешаност во немирите на Нова Каледонија Протести против промени во изборниот закон, Нова Каледонија, 15 мај 2024 Францускиот министер за внатрешни работи Жералд Дарманин денеска го обвини Азербејџан за мешање во политиката на пацифичката територија Нова Каледонија. „Ова не е фантазија … Жалам што некои од сепаратистите се договорија со Азербејџан … дури и ако има обиди за мешање … Франција е суверена на својот сопствена територија“, истакна Дарман. Немирите на Нова Каледонија почнаа на 13 мај поради уставната реформа, која предвидува промени на изборниот закон на француската територија. Националното собрание во Париз ја усвои реформата со 351 глас „за“ и 153 „против“, со која на илјадници француски граѓани на јужниот пацифички архипелаг ќе им се даде право на глас, а со тоа и поголемо политичко влијание. Видете и ова: Стотина повредени во немирите во Нова Каледонија, Макрон свика кризен состанок Во немирите во Нова Каледонија едно лице е застрелано, а повредени се стотици луѓе, вклучувајќи околу 100 полицајци и жандарми. Десетици домови и деловни објекти биле запалени за време на немирите, а повеќе од 130 лица се приведени. Премиерот на Франција, Габриел Атал вчера изјави дека на Нова Каледонија ќе бидат распоредени дополнителни полициски сили. прочитај повеќе мај 16, 2024 Путин и Си ги фалат односите како „стабилизирачка“ сила на меѓународната сцена Лидерите на Кина и Русија, Си Џинпинг и Владимир Путин, 16 мај 2024 година Лидерите на Кина и Русија, Си Џинпинг и Владимир Путин, ги претставија односите на нивните земји како стабилизирачка сила во еден хаотичен свет на состанокот во Пекинг, каде што рускиот претседател бара поголема кинеска поддршка за неговите воени напори во Украина и изолираната економија. Си и Путин потпишаа и заедничка изјава за продлабочување на сеопфатното стратешко партнерство меѓу Кина и Русија, објавија кинеските државни медиуми. На прес-конференција Путин рече дека му е „благодарен“ на Пекинг што се обидел да најде решение за војната во Украина и дека ги поздравил растечките економски врски со Кина. „Ќе го информирам претседателот на Народна Република Кина за ситуацијата околу украинската криза. Ние сме им благодарни на нашите кинески пријатели и колеги за иницијативите што ги даваат за решавање на овој проблем“, рече Путин. Кинескиот лидер Си Џинпинг изјави дека тој и рускиот колега Владимир Путин се согласиле за потребата од „политичко решение“ за војната во Украина, по разговорите меѓу двајцата претседатели во Пекинг. „Двете страни се согласуваат дека политичкото решение за украинската криза е правилна насока“, изјави Си за медиумите заедно со Путин на заедничката прес-конференција што ја емитуваше Руската телевизија. Москва тврди дека е отворена за разговори со Украина за завршување на војната, но инсистира дека Киев мора да ја прифати ситуацијата на терен, односно да се согласи со тврдењата на Русија дека ги анектирала регионите Доњецк, Херсон, Луганск и Запорожје. Кина се позиционира како неутрална страна во конфликтот, кој никогаш не го осуди и во кој се обиде да се претстави како посредник. Западните земји велат дека нејасните мировни предлози објавени од Пекинг минатата година ќе и овозможат на Русија да задржи голем дел од територијата што ја зазеде во Украина. Видете и ова: Одбраната во фокус на посетата на Путин на Кина Во Пекинг меѓудругото, Путин ги критикуваше и безбедносните сојузи предводени од Западот во азиско-пацифичкиот регион, што е заедничка грижа и за Москва и за Пекинг. Тој рече дека „затворените воено-политички сојузи“ во регионот се „многу штетни“ и „контрапродуктивни“. Претходно, Си го поздрави Путин на свечената церемонија за добредојде со воени почести пред Големата куќа на народот во Пекинг, на почетокот на дводневната посета на рускиот претседател, која се очекува да ги продлабочи односите меѓу Москва и Пекинг, за кои претходно рекоа дека „ без граници“. Си му рекол на својот „стар пријател“ Путин дека односите меѓу Кина и Русија „водат кон мир“, се вели во соопштението на Министерството за надворешни работи на Пекинг. „Кина е подготвена да соработува со Русија за да ги зачува правичноста и правдата во светот“, додаде Си. Путин, пак, му рекол на Си дека односите на двете земји се „стабилизирачки фактори на меѓународната сцена“. „Односите меѓу Русија и Кина не се опортунистички и не се насочени против никого“, рече Путин, според соопштението на Кремљ. Ова е прво патување на Путин во странство откако тој беше реизбран во март и негово второ за нешто повеќе од шест месеци во Кина, која обезбеди економски спас за Русија откако беше санкционирана од Западот поради нејзината агресија во Украина. Се очекува Путин да разговара за Украина, Азија, енергијата и трговијата со Си - неговиот најмоќен политички поддржувач и колега во геополитичкото ривалство со САД. прочитај повеќе Вчитај повеќе...

Вести мај 15, 2024 Зеленски ги одложи патувањата во странство поради „тешката“ ситуација на фронтот илустрација Украинскиот претседател Володимир Зеленски ги одложи сите претстојни патувања во странство, што е знак за тешкотиите со кои се соочуваат украинските сили додека се борат да го спречат рускиот напредок во североисточниот регион Харкив. Зеленски требаше да ги посети Шпанија и Португалија во наредните денови и да потпише билатерален безбедносен договор во Мадрид со шпанскиот премиер Педро Санчез на 17 мај. Тој требаше да се сретне и со шпанскиот крал Фелипе. „Володимир Зеленски наложи да се одложат сите меѓународни настани со него, закажани за наредните денови и да се координираат новите датуми. Благодарни сме на нашите партнери за нивното разбирање“, напиша на 15 мај на Фејсбук секретарот за печат на Зеленски, Серхи Никифоров. Не беше наведена конкретна причина за одложувањето, но Никифоров напиша дека Зеленски на 15 мај одржал состанок со неговите воени команданти, вклучително и главниот командант, генерал полковник Олександар Сирски, на кој се разговарало за ситуацијата во регионот Харкив. Русија притиска напред кон северот на регионот Харкив, а украинската војска на 15 мај соопшти дека презема чекори за да ги спречи руските сили да се движат во северниот дел на спорниот град Вовчанск, кој се наоѓа на само 5 километри од руската граница. Вовчанск стана фокусна точка на најновата руска офанзива бидејќи силите на Кремљ се обидуваат да заземат населби источно од Харкив - вториот по големина град во Украина, со население од околу 1,4 милиони луѓе пред војната. Московските трупи влегоа во регионот Харкив на 10 мај, отворајќи нов североисточен фронт. Видете и ова: Во напад на Харкив двајца повредени, изгорени неколку куќи Напредокот може да повлече дел од исцрпените сили на Киев од исток, каде што Русија полека напредува. Аналитичарите велат дека Русија се обидува да добие максимален импулс на бојното поле пред да пристигне новиот бран воена помош за Киев од САД и европските сојузници на Киев во наредните недели. Руското Министерство за одбрана на 14 мај соопшти дека го зазело пограничното село Бухруватка, но тврдењето не може да биде независно потврдено. Градоначалникот на Харкив, Ихор Терехов, на 15 мај изјави дека и покрај постојаното руско гранатирање, во моментов нема планови за евакуација на градот. прочитај повеќе види ги сите денешни вести мај 16, 2024 Уапсен маж во Србија кој му се заканувал на Вучиќ Србија - Александар Вучиќ, претседател на Србија, 8 мај 2024 година Маж во Србија е уапсен поради закана за загрозување на безбедноста на претседателот на Србија, Александар Вучиќ. Министерот за внатрешни работи на Србија, Ивица Дачиќ, на 16 мај изјави дека е уапсен Д.М. од Сомбор. „Полицијата доби наредба да му биде задржан 48 часа“, рече Дачиќ. Од Министерството за внатрешни работи на Србија не кажаа повеќе детали. Видете и ова: Загриженост и осуда од европските лидери по пукањето кон Фицо Радио-телевизијата на Србија (РТС) објави дека под објавата на претседателот на Србија на мрежата Икс (поранешен Твитер) се појавиле заканувачки пораки до Вучиќ откако тој изјави дека е шокиран од обидот за атентат врз словачкиот премиер Роберт Фиц. Вучиќ кажа дека жителот на Сомбор, кој беше уапсен поради закани преку социјалните мрежи, претходно извршил околу 50 кривични дела, меѓу кои и разбојништва и тешки кражби. „Тој човек ги правеше најтешките злосторства секој ден од својот живот - од грабеж до тешка кражба“, изјави Вучиќ за новинарите во Котор, каде што учествуваше на самитот за Планот за раст на ЕУ за Западен Балкан, пренесе агенцијата Бета. Според пишувањата на медиумите, полицијата во јануари уапсила и Борчанец кој преку социјалната мрежа Икс му се заканувал на претседателот на Србија. прочитај повеќе мај 16, 2024 Зеленски: Ситуацијата во североисточниот регион Харкив е „исклучително тешка“ Украинскиот претседател Володомир Зеленски Украинскиот претседател Володимир Зеленски изјави дека воената ситуација во североисточниот регион Харкив е „исклучително тешка“, но сепак „под контрола“. Изјавата ја даде по состанокот со неговите воени началници во близина на линијата на фронтот. „Ситуацијата во регионот Харкив е генерално под контрола, а нашите војници му нанесуваат значителни загуби на окупаторот. Сепак, ситуацијата во областа останува исклучително тешка“, напиша тој во објавата на Телеграм, откако ги слушнал извештаите од неговите команданти во Харкив, регионален главен град на 30 километри од руската граница. Видете и ова: САД најавија пакет помош за Украина вреден 400 милиони долари Претходно денеска, украинската армија објави дека го запрела руското напредување во некои области на североисточниот регион Харкив, каде Русија започна нова офанзива минатата недела. „Ситуацијата во регионот Харкив сè уште е комплицирана, но се развива на динамичен начин. Нашите одбранбени сили делумно ја стабилизираа ситуацијата. Напредувањето на непријателот во одредени зони и локалитети е запрено“, рече портпаролот на армијата утрото на 16 мај. Предупредување за воздушен напад беше прогласено рано во четвртокот и во Киев и во неколку украински региони, при што украинските воздухопловни сили предупредуваа на закана од балистички ракети истрелани од Русија. прочитај повеќе мај 16, 2024 На словачкиот премиер Фицо ќе му биде извршена уште една операција Словачкиот премиер Роберт Фицо Словачкиот премиер Роберт Фицо врз кого вчера (15 мај) беше извршен атентат во градот Хандлови, го чека уште една операција, пишува словачкиот портал Правда. Абдоминалното крварење на Фицо е запрено, но тој се соочува со операција на колкот. Во меѓувреме, полицијата го обвини напаѓачот на премиерот за убиство со предумисла и се соочува со казна од 25 години до доживотен затвор. Како што пренесува порталот, напаѓачот, за кого медиумите пренесуваат дека е 71-годишниот писател Јурај Цинтула, рекол дека е горд на својот чин. РТВС објави дека напаѓачот моментално се наоѓа во ќелијата на Националната агенција за криминал во Нитра. Лекарите во текот на ноќта успеале да ја стабилизираат состојбата на словачкиот премиер по вчерашниот атентат во градот Хандлови, но таа се уште е тешка, соопшти претходно денеска директорката на болницата во Банска Бистрица, Миријам Лапуникова. Видете и ова: Обид за атентат врз словачкиот премиер Фицо - нападот бил „политички мотивиран“ Два медицински тима го оперираа словачкиот премиер пет часа. „Во моментов се преземаат дополнителни активности за подобрување на неговата состојба“, рече словачкиот министер за одбрана Роберт Калињак. Словачкиот министер за внатрешни работи Матус Шутај Ешток денеска побара од вицепремиерот Томаш Тараба да го свика Советот за национална безбедност, а Владата ќе одржи седница. Видете и ова: Кој е Роберт Фицо? Министерот за внатрешни работи информираше дека ќе ја зајакне заштитата на политичарите и одредени медиуми. Напаѓачот пукал пет пати, по што полицијата веднаш го привела, а премиерот веднаш бил префрлен во болницата во Банска Бистрица. прочитај повеќе мај 16, 2024 Самит на лидерите од регионот и ЕУ: „Секој треба да ја заврши својата работа“ Самит на лидерите на Западен Балкан и Европската Унија на 16 мај во Котор, Црна Гора Планот за раст на Западен Балкан претставува јасен сигнал за посветеноста на Европската Унија за економска и демократска трансформација на Западен Балкан, изјави црногорскиот премиер Милојко Спајиќ на Самитот на лидерите на Западен Балкан и Европската Унија во Котор. Советот на ЕУ одобри план од шест милијарди евра за поддршка на земјите од Западен Балкан со цел да се забрзаат реформите и економскиот раст, од кои две милијарди грантови и четири поволни заеми гарантирани од ЕУ. На самитот чиј домаќин е Спајиќ, покрај лидерите од регионот, учествуваат и европскиот комесар за соседство и проширување, Оливер Вархеји и помошникот државен секретар на САД за Европа и Евроазија, Џејмс О'Брајан. Видете и ова: Можно одложување на Планот за раст за Западен Балкан поради неусогласеност во ЕУ О'Брајан рече дека приоритет на Планот за раст за Западен Балкан е да се создаде единствен пазар на циркулација на пари, да се намалат трошоците, да се олесни движењето на пазарот и да се отворат повеќе работни места. „Пораките на Планот се дека за секој учесник пораката е јасна - работете ја вашата работа и не барајте некој друг да направи нешто прво, за вие да го направите вашето“. Вархеји рече дека Планот за раст повеќе не е нацрт, туку патоказ, кој е корисен за регионот пред влезот во ЕУ. „Поради планот за раст и интензитетот на помошта од економскиот и инвестицискиот план, реформската агенда и дополнителната финансиска помош до 2027 година, Балканот ќе биде подготвен или би можел да биде подготвен, или би можел сам да се подготви за влез во ЕУ“. Видете и ова: Претставници на Западен Балкан, ЕУ и САД во Котор ќе разговараат за планот за раст Самитот се организира под слоганот „Еден регион, заедничка визија“. На самитот присуствуваат претставници на Советот за регионална соработка, Европската банка за обнова и развој, Европската инвестициска банка, Светската банка, Атлантската алијанса, енергетската и транспортната заедница, Фондацијата Отворено општество... Ден пред Самитот, на 15 мај, се одржа состанок на министрите за европски прашања и финансии на земјите од Западен Балкан, претставници на Европската комисија и партнерските организации. „Министрите разговараа и за пристапот до единствената платежна зона за евро (SEPA), за олеснување на трговијата и транспортот меѓу земјите од регионот и членките на ЕУ, за подобрување на снабдувањето со критични лекови, Центарот за дигитални иновации и други теми“, соопштија од Министерството за европски прашања од Црна Гора. Претходните месеци министерски состаноци и регионални самити на лидерите од Западен Балкан се одржаа во Скопје и Тирана. прочитај повеќе мај 16, 2024 Западните претставници на протестите против спорниот закон во Грузија Министрите за надворешни работи на Естонија, Литванија и Исланд на протест во Тбилиси, 15 мај 2024 година Илјадници луѓе повторно излегоа на улиците на грузискиот главен град Тбилиси за да протестираат против контроверзниот закон за „странски агенти“ усвоен од парламентот и покрај повеќенеделните демонстрации и предупредувањата на Западот дека законот ја загрозува евроатлантската интеграција на Грузија. На демонстрантите во Тбилиси им се придружија и министрите за надворешни работи на Естонија, Летонија, Литванија и Исланд во маршот кон зградата на парламентот во средата во знак на солидарност со западните аспирации на Грузијците, објави грузискиот сервис на Радио Слободна Европа. Демонстрантите се собраа и на плоштадот на хероите, главната раскрсница во главниот град на Грузија, јавија дописниците на РСЕ од теренот. Законот, кој го усвои парламентот под контрола на владејачката партија Грузиски сон на 14 мај, беше осуден од САД, Европската Унија и групите за права поради неговата сличност со рускиот закон што претседателот Владимир Путин го користи за да ја замолчи опозицијата и да ги задуши независните институции. „Заедно го започнавме ова патување и нашите народи знаат што значи да се биде под притисок од Москва. Никогаш нема да ве оставиме, но сите треба да ја обликуваме судбината на нашите народи“, рече литванскиот министер за надворешни работи Габриелиус Ландсбергис, чија земја, како Грузија и Естонија, беше дел од поранешниот Советски Сојуз. Embed share Што ги предизвика масовните протести во Грузија? Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:01:48 0:00 Директен линк 240p | 5,1MB 360p | 8,6MB 480p | 16,7MB 720p | 27,1MB 1080p | 46,0MB „Вие како народ го одлучивте вашиот пат кон Европа. Ние сите заедно ќе направиме сè за да продолжиме по овој пат“, изјави естонскиот министер за надворешни работи Маргус Кахна. „Јас сум овде денес, вие не сте сами и ја имате нашата почит“, рече министерот за надворешни работи на Исланд, Тордис Колбрун Гилфадотир. На протестниот марш се приклучи и министерка за надворешни работи на Летонија, Баиба Бразе. Четворицата западни претставници претходно се сретнаа со грузиската претседателка Саломе Зурабишвили и одржаа заедничка прес-конференција. Зурабишвили на конференцијата предупреди дека опстанокот на Грузија како држава е во опасност откако парламентот го одобри контроверзниот закон за „странски агенти“ и повтори дека ќе стави вето на законот затоа што владата „не го послуша гласот на својот народ ниту советите на нејзините пријатели, ниту ничие предупредување и тргна по својот пат“. Според законот, медиумските куќи, невладините и другите непрофитни организации ќе мора да се регистрираат дека „работат за интересите на странска сила“ доколку повеќе од 20 проценти од нивното финансирање доаѓа од странство. Зурабишвили, која е во судир со владејачката партија Грузиски сон која го протурка законот во парламентот, има 10 дена да стави вето, но Грузиски сон и неговите партнери во парламентот имаат доволно пратеници за да го отфрлат ветото на претседателот. Американскиот помошник државен секретар Џејмс О'Брајан, кој беше во Тбилиси на 14 мај, рече дека односите на Вашингтон со земјата ќе бидат загрозени и дека американската помош за Грузија ќе биде предмет на ревизија доколку нацрт-законот биде усвоен. прочитај повеќе мај 16, 2024 Постигнат договор за коалициска влада во Холандија Речиси шест месеци по изборната победа на неговата партија, холандскиот политичар Герт Вилдерс објави дека е постигнат договор за формирање на десничарска коалициска влада. Тој исто така објави дека нема да биде премиер. „Имаме договор меѓу преговарачите“, рече Вилдерс, кој уште во март се откажа од намерата да биде премиер, наведувајќи ги наводите дека е „исламофоб и противник на ЕУ“. Видете и ова: Проблеми пред почетокот на преговорите за владејачка коалиција во Холандија Договорот е постигнат меѓу четири партии - Партијата за слобода (ПВВ) на Герт Вилдерс, про-земјоделската партија БББ, либералната партија ВВД и новата партија против корупцијата НСЦ. Сè уште не е познато кој ќе ја предводи десничарската владејачка коалиција која ќе го замени Марк Руте. Руте е кандидат за функцијата генерален секретар на НАТО. Крајнодесничарската Партија за слобода, која победи на изборите во Холандија, а чиј лидер е Вилдерс е позната и по тоа што меѓудругото, повикува на забрана на џамиите, Куранот и шамиите, како и референдум за напуштање на Европската Унија. прочитај повеќе мај 16, 2024 Косово го информирал Советот на Европа дека подготвува нацрт-статут за формирање на ЗСО Министерката за надворешни работи и дијаспора на Косово, Доника Гервала Министерката за надворешни работи и дијаспора на Косово, Доника Гервала, изјави дека преку писмо го информирала Советот на Европа дека Косово подготвува нацрт статут за формирање „механизам за самоуправување, координација и соработка на општините со српско мнозинство на Косово (ЗСО)“. Овој нацрт ќе биде испратен на толкување до Уставниот суд до крајот на мај. Владата претходно призна дека формирањето на Заедницата на општини со српско мнозинство е поставено како услов за прием на Косово во Советот на Европа. Според Гервала, нацрт-статутот ги задоволува потребите на граѓаните на српската заедница и истовремено ги почитува Уставот на Косово и принципите на Советот на Европа. „Нацртот обезбедува не само целосно почитување на Уставот и законите на Република Косово, туку во исто време спречува неовластени интервенции однадвор, како во општините на Косово, така и низ целата земја“, напиша Гервала на Фејсбук. Гервала изјави дека заедно со конкретизирање на напорите за формирање Заедница на општини со српско мнозинство, Косово очекува Советот на Европа да го исполни својот дел од обврската и да го покани Косово да се приклучи во Советот на Европа без одлагање, бидејќи Приштина ги исполнила сите услови. Видете и ова: Заедницата на општини со српско мнозинство - пречка на патот на Косово кон Советот на Европа Комитетот на министри на Советот на Европа заседава на 16 и 17 мај во Стразбур. Ова тело го дава последниот збор за прифаќање на една земја во членство. Заменик министерот за надворешни работи Крешник Ахмети на 14 мај изјави дека прашањето за прием на Косово во оваа организација за човекови права не е на дневен ред на Комитетот на министри. Џералд Кнаус, од Европската иницијатива за стабилност, го објави на интернет Х, целото писмо кое Гервала го испратила до претседателот на Парламентарното собрание на Советот на Европа, грчкиот пратеник Теодорос Русопулос. Во писмото, чија автентичност за РСЕ ја потврдија од Владата на Косово, се наведува дека нацрт-статутот што Косово го подготвува ќе биде испратен на толкување до Уставниот суд на Косово до крајот на мај. прочитај повеќе мај 16, 2024 Франција го обвини Азербејџан за вмешаност во немирите на Нова Каледонија Протести против промени во изборниот закон, Нова Каледонија, 15 мај 2024 Францускиот министер за внатрешни работи Жералд Дарманин денеска го обвини Азербејџан за мешање во политиката на пацифичката територија Нова Каледонија. „Ова не е фантазија … Жалам што некои од сепаратистите се договорија со Азербејџан … дури и ако има обиди за мешање … Франција е суверена на својот сопствена територија“, истакна Дарман. Немирите на Нова Каледонија почнаа на 13 мај поради уставната реформа, која предвидува промени на изборниот закон на француската територија. Националното собрание во Париз ја усвои реформата со 351 глас „за“ и 153 „против“, со која на илјадници француски граѓани на јужниот пацифички архипелаг ќе им се даде право на глас, а со тоа и поголемо политичко влијание. Видете и ова: Стотина повредени во немирите во Нова Каледонија, Макрон свика кризен состанок Во немирите во Нова Каледонија едно лице е застрелано, а повредени се стотици луѓе, вклучувајќи околу 100 полицајци и жандарми. Десетици домови и деловни објекти биле запалени за време на немирите, а повеќе од 130 лица се приведени. Премиерот на Франција, Габриел Атал вчера изјави дека на Нова Каледонија ќе бидат распоредени дополнителни полициски сили. прочитај повеќе мај 16, 2024 Путин и Си ги фалат односите како „стабилизирачка“ сила на меѓународната сцена Лидерите на Кина и Русија, Си Џинпинг и Владимир Путин, 16 мај 2024 година Лидерите на Кина и Русија, Си Џинпинг и Владимир Путин, ги претставија односите на нивните земји како стабилизирачка сила во еден хаотичен свет на состанокот во Пекинг, каде што рускиот претседател бара поголема кинеска поддршка за неговите воени напори во Украина и изолираната економија. Си и Путин потпишаа и заедничка изјава за продлабочување на сеопфатното стратешко партнерство меѓу Кина и Русија, објавија кинеските државни медиуми. На прес-конференција Путин рече дека му е „благодарен“ на Пекинг што се обидел да најде решение за војната во Украина и дека ги поздравил растечките економски врски со Кина. „Ќе го информирам претседателот на Народна Република Кина за ситуацијата околу украинската криза. Ние сме им благодарни на нашите кинески пријатели и колеги за иницијативите што ги даваат за решавање на овој проблем“, рече Путин. Кинескиот лидер Си Џинпинг изјави дека тој и рускиот колега Владимир Путин се согласиле за потребата од „политичко решение“ за војната во Украина, по разговорите меѓу двајцата претседатели во Пекинг. „Двете страни се согласуваат дека политичкото решение за украинската криза е правилна насока“, изјави Си за медиумите заедно со Путин на заедничката прес-конференција што ја емитуваше Руската телевизија. Москва тврди дека е отворена за разговори со Украина за завршување на војната, но инсистира дека Киев мора да ја прифати ситуацијата на терен, односно да се согласи со тврдењата на Русија дека ги анектирала регионите Доњецк, Херсон, Луганск и Запорожје. Кина се позиционира како неутрална страна во конфликтот, кој никогаш не го осуди и во кој се обиде да се претстави како посредник. Западните земји велат дека нејасните мировни предлози објавени од Пекинг минатата година ќе и овозможат на Русија да задржи голем дел од територијата што ја зазеде во Украина. Видете и ова: Одбраната во фокус на посетата на Путин на Кина Во Пекинг меѓудругото, Путин ги критикуваше и безбедносните сојузи предводени од Западот во азиско-пацифичкиот регион, што е заедничка грижа и за Москва и за Пекинг. Тој рече дека „затворените воено-политички сојузи“ во регионот се „многу штетни“ и „контрапродуктивни“. Претходно, Си го поздрави Путин на свечената церемонија за добредојде со воени почести пред Големата куќа на народот во Пекинг, на почетокот на дводневната посета на рускиот претседател, која се очекува да ги продлабочи односите меѓу Москва и Пекинг, за кои претходно рекоа дека „ без граници“. Си му рекол на својот „стар пријател“ Путин дека односите меѓу Кина и Русија „водат кон мир“, се вели во соопштението на Министерството за надворешни работи на Пекинг. „Кина е подготвена да соработува со Русија за да ги зачува правичноста и правдата во светот“, додаде Си. Путин, пак, му рекол на Си дека односите на двете земји се „стабилизирачки фактори на меѓународната сцена“. „Односите меѓу Русија и Кина не се опортунистички и не се насочени против никого“, рече Путин, според соопштението на Кремљ. Ова е прво патување на Путин во странство откако тој беше реизбран во март и негово второ за нешто повеќе од шест месеци во Кина, која обезбеди економски спас за Русија откако беше санкционирана од Западот поради нејзината агресија во Украина. Се очекува Путин да разговара за Украина, Азија, енергијата и трговијата со Си - неговиот најмоќен политички поддржувач и колега во геополитичкото ривалство со САД. прочитај повеќе мај 16, 2024 Украина тврди дека го запрела напредувањето на Русија во некои области кај Харкив Харкив, Украина Украинската армија денеска (16 мај) објави дека го запрела руското напредување во некои области на североисточниот регион Харкив, каде Русија започна нова офанзива минатата недела. „Ситуацијата во регионот Харкив сè уште е комплицирана, но се развива на динамичен начин. Нашите одбранбени сили делумно ја стабилизираа ситуацијата. Напредувањето на непријателот во одредени зони и локалитети е запрено“, рече портпаролот на армијата. Портпаролот на армијата рече дека руските сили „секогаш се обидуваат да создадат услови за нов напредок“ и додаде дека украинските војници „се обидуваат да ја стабилизираат ситуацијата, да нанесат штета и да го спречат непријателот да ја окупира територијата“. Видете и ова: Зеленски ги одложи патувањата во странство поради „тешката“ ситуација на фронтот Предупредување за воздушен напад беше прогласено рано во четвртокот во Киев и неколку украински региони, при што украинските воздухопловни сили предупредуваа на закана од балистички ракети истрелани од Русија. Руските сили редовно напаѓаат цивили во регионите на Украина, со бројни фатални жртви, меѓу кои и деца, како и огромни штети на цивилната и енергетската инфраструктура, јави украинскиот сервис на Радио Слободна Европа. Во средата две лица загинаа во руски артилериски напад во Днепар, соопштија локалните власти. прочитај повеќе Вчитај повеќе...

Вести мај 15, 2024 Петмина кандидати за членови на Судскиот совет Судски совет Судскиот совет ги утврди кандидатските листи за членови на судски совет од Врховниот суд и од Апелационото подрачје Битола. На двете листи има вкупно пет судии. Со шест гласа за и 5 против, Судскиот совет ја утврди кандидатската листа за член од Врховниот суд на која се кандидатите Цветанка Периќ и Исамедин Лимани. На кандидатската листа за избор на член на Советот од апелационо подрачје Битола беа утврдени кандидатите Александар Камбовски, Александра Поп Стефанија и Татјана Сусулеска. Видете и ова: Судски совет најавува спроведување на препораките на оценската мисија на ЕУ Советот на денешната седница расправаше за уставноста за утврдувањето и потенцијалниот избор на кандидатот Лимани. Според дел од членовите, постои уставна пречка тој да биде член на Советот бидејќи ќе се наруши правичната застапеност во Судскиот совет. Според оние кои гласаа за, националната припадност не е пречка за кандидатите да се кандидираат на огласот и со одбивање на истите се дава пример за поделби и директна дискриминација. прочитај повеќе види ги сите денешни вести мај 16, 2024 Зеленски: Ситуацијата во североисточниот регион Харкив е „исклучително тешка“ Украинскиот претседател Володомир Зеленски Украинскиот претседател Володимир Зеленски изјави дека воената ситуација во североисточниот регион Харкив е „исклучително тешка“, но сепак „под контрола“. Изјавата ја даде по состанокот со неговите воени началници во близина на линијата на фронтот. „Ситуацијата во регионот Харкив е генерално под контрола, а нашите војници му нанесуваат значителни загуби на окупаторот. Сепак, ситуацијата во областа останува исклучително тешка“, напиша тој во објавата на Телеграм, откако ги слушнал извештаите од неговите команданти во Харкив, регионален главен град на 30 километри од руската граница. Видете и ова: САД најавија пакет помош за Украина вреден 400 милиони долари Претходно денеска, украинската армија објави дека го запрела руското напредување во некои области на североисточниот регион Харкив, каде Русија започна нова офанзива минатата недела. „Ситуацијата во регионот Харкив сè уште е комплицирана, но се развива на динамичен начин. Нашите одбранбени сили делумно ја стабилизираа ситуацијата. Напредувањето на непријателот во одредени зони и локалитети е запрено“, рече портпаролот на армијата утрото на 16 мај. Предупредување за воздушен напад беше прогласено рано во четвртокот и во Киев и во неколку украински региони, при што украинските воздухопловни сили предупредуваа на закана од балистички ракети истрелани од Русија. прочитај повеќе мај 16, 2024 На словачкиот премиер Фицо ќе му биде извршена уште една операција Словачкиот премиер Роберт Фицо Словачкиот премиер Роберт Фицо врз кого вчера (15 мај) беше извршен атентат во градот Хандлови, го чека уште една операција, пишува словачкиот портал Правда. Абдоминалното крварење на Фицо е запрено, но тој се соочува со операција на колкот. Во меѓувреме, полицијата го обвини напаѓачот на премиерот за убиство со предумисла и се соочува со казна од 25 години до доживотен затвор. Како што пренесува порталот, напаѓачот, за кого медиумите пренесуваат дека е 71-годишниот писател Јурај Цинтула, рекол дека е горд на својот чин. РТВС објави дека напаѓачот моментално се наоѓа во ќелијата на Националната агенција за криминал во Нитра. Лекарите во текот на ноќта успеале да ја стабилизираат состојбата на словачкиот премиер по вчерашниот атентат во градот Хандлови, но таа се уште е тешка, соопшти претходно денеска директорката на болницата во Банска Бистрица, Миријам Лапуникова. Видете и ова: Обид за атентат врз словачкиот премиер Фицо - нападот бил „политички мотивиран“ Два медицински тима го оперираа словачкиот премиер пет часа. „Во моментов се преземаат дополнителни активности за подобрување на неговата состојба“, рече словачкиот министер за одбрана Роберт Калињак. Словачкиот министер за внатрешни работи Матус Шутај Ешток денеска побара од вицепремиерот Томаш Тараба да го свика Советот за национална безбедност, а Владата ќе одржи седница. Видете и ова: Кој е Роберт Фицо? Министерот за внатрешни работи информираше дека ќе ја зајакне заштитата на политичарите и одредени медиуми. Напаѓачот пукал пет пати, по што полицијата веднаш го привела, а премиерот веднаш бил префрлен во болницата во Банска Бистрица. прочитај повеќе мај 16, 2024 Самит на лидерите од регионот и ЕУ: „Секој треба да ја заврши својата работа“ Самит на лидерите на Западен Балкан и Европската Унија на 16 мај во Котор, Црна Гора Планот за раст на Западен Балкан претставува јасен сигнал за посветеноста на Европската Унија за економска и демократска трансформација на Западен Балкан, изјави црногорскиот премиер Милојко Спајиќ на Самитот на лидерите на Западен Балкан и Европската Унија во Котор. Советот на ЕУ одобри план од шест милијарди евра за поддршка на земјите од Западен Балкан со цел да се забрзаат реформите и економскиот раст, од кои две милијарди грантови и четири поволни заеми гарантирани од ЕУ. На самитот чиј домаќин е Спајиќ, покрај лидерите од регионот, учествуваат и европскиот комесар за соседство и проширување, Оливер Вархеји и помошникот државен секретар на САД за Европа и Евроазија, Џејмс О'Брајан. Видете и ова: Можно одложување на Планот за раст за Западен Балкан поради неусогласеност во ЕУ О'Брајан рече дека приоритет на Планот за раст за Западен Балкан е да се создаде единствен пазар на циркулација на пари, да се намалат трошоците, да се олесни движењето на пазарот и да се отворат повеќе работни места. „Пораките на Планот се дека за секој учесник пораката е јасна - работете ја вашата работа и не барајте некој друг да направи нешто прво, за вие да го направите вашето“. Вархеји рече дека Планот за раст повеќе не е нацрт, туку патоказ, кој е корисен за регионот пред влезот во ЕУ. „Поради планот за раст и интензитетот на помошта од економскиот и инвестицискиот план, реформската агенда и дополнителната финансиска помош до 2027 година, Балканот ќе биде подготвен или би можел да биде подготвен, или би можел сам да се подготви за влез во ЕУ“. Видете и ова: Претставници на Западен Балкан, ЕУ и САД во Котор ќе разговараат за планот за раст Самитот се организира под слоганот „Еден регион, заедничка визија“. На самитот присуствуваат претставници на Советот за регионална соработка, Европската банка за обнова и развој, Европската инвестициска банка, Светската банка, Атлантската алијанса, енергетската и транспортната заедница, Фондацијата Отворено општество... Ден пред Самитот, на 15 мај, се одржа состанок на министрите за европски прашања и финансии на земјите од Западен Балкан, претставници на Европската комисија и партнерските организации. „Министрите разговараа и за пристапот до единствената платежна зона за евро (SEPA), за олеснување на трговијата и транспортот меѓу земјите од регионот и членките на ЕУ, за подобрување на снабдувањето со критични лекови, Центарот за дигитални иновации и други теми“, соопштија од Министерството за европски прашања од Црна Гора. Претходните месеци министерски состаноци и регионални самити на лидерите од Западен Балкан се одржаа во Скопје и Тирана. прочитај повеќе мај 16, 2024 Западните претставници на протестите против спорниот закон во Грузија Министрите за надворешни работи на Естонија, Литванија и Исланд на протест во Тбилиси, 15 мај 2024 година Илјадници луѓе повторно излегоа на улиците на грузискиот главен град Тбилиси за да протестираат против контроверзниот закон за „странски агенти“ усвоен од парламентот и покрај повеќенеделните демонстрации и предупредувањата на Западот дека законот ја загрозува евроатлантската интеграција на Грузија. На демонстрантите во Тбилиси им се придружија и министрите за надворешни работи на Естонија, Летонија, Литванија и Исланд во маршот кон зградата на парламентот во средата во знак на солидарност со западните аспирации на Грузијците, објави грузискиот сервис на Радио Слободна Европа. Демонстрантите се собраа и на плоштадот на хероите, главната раскрсница во главниот град на Грузија, јавија дописниците на РСЕ од теренот. Законот, кој го усвои парламентот под контрола на владејачката партија Грузиски сон на 14 мај, беше осуден од САД, Европската Унија и групите за права поради неговата сличност со рускиот закон што претседателот Владимир Путин го користи за да ја замолчи опозицијата и да ги задуши независните институции. „Заедно го започнавме ова патување и нашите народи знаат што значи да се биде под притисок од Москва. Никогаш нема да ве оставиме, но сите треба да ја обликуваме судбината на нашите народи“, рече литванскиот министер за надворешни работи Габриелиус Ландсбергис, чија земја, како Грузија и Естонија, беше дел од поранешниот Советски Сојуз. Embed share Што ги предизвика масовните протести во Грузија? Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:01:48 0:00 Директен линк 240p | 5,1MB 360p | 8,6MB 480p | 16,7MB 720p | 27,1MB 1080p | 46,0MB „Вие како народ го одлучивте вашиот пат кон Европа. Ние сите заедно ќе направиме сè за да продолжиме по овој пат“, изјави естонскиот министер за надворешни работи Маргус Кахна. „Јас сум овде денес, вие не сте сами и ја имате нашата почит“, рече министерот за надворешни работи на Исланд, Тордис Колбрун Гилфадотир. На протестниот марш се приклучи и министерка за надворешни работи на Летонија, Баиба Бразе. Четворицата западни претставници претходно се сретнаа со грузиската претседателка Саломе Зурабишвили и одржаа заедничка прес-конференција. Зурабишвили на конференцијата предупреди дека опстанокот на Грузија како држава е во опасност откако парламентот го одобри контроверзниот закон за „странски агенти“ и повтори дека ќе стави вето на законот затоа што владата „не го послуша гласот на својот народ ниту советите на нејзините пријатели, ниту ничие предупредување и тргна по својот пат“. Според законот, медиумските куќи, невладините и другите непрофитни организации ќе мора да се регистрираат дека „работат за интересите на странска сила“ доколку повеќе од 20 проценти од нивното финансирање доаѓа од странство. Зурабишвили, која е во судир со владејачката партија Грузиски сон која го протурка законот во парламентот, има 10 дена да стави вето, но Грузиски сон и неговите партнери во парламентот имаат доволно пратеници за да го отфрлат ветото на претседателот. Американскиот помошник државен секретар Џејмс О'Брајан, кој беше во Тбилиси на 14 мај, рече дека односите на Вашингтон со земјата ќе бидат загрозени и дека американската помош за Грузија ќе биде предмет на ревизија доколку нацрт-законот биде усвоен. прочитај повеќе мај 16, 2024 Постигнат договор за коалициска влада во Холандија Речиси шест месеци по изборната победа на неговата партија, холандскиот политичар Герт Вилдерс објави дека е постигнат договор за формирање на десничарска коалициска влада. Тој исто така објави дека нема да биде премиер. „Имаме договор меѓу преговарачите“, рече Вилдерс, кој уште во март се откажа од намерата да биде премиер, наведувајќи ги наводите дека е „исламофоб и противник на ЕУ“. Видете и ова: Проблеми пред почетокот на преговорите за владејачка коалиција во Холандија Договорот е постигнат меѓу четири партии - Партијата за слобода (ПВВ) на Герт Вилдерс, про-земјоделската партија БББ, либералната партија ВВД и новата партија против корупцијата НСЦ. Сè уште не е познато кој ќе ја предводи десничарската владејачка коалиција која ќе го замени Марк Руте. Руте е кандидат за функцијата генерален секретар на НАТО. Крајнодесничарската Партија за слобода, која победи на изборите во Холандија, а чиј лидер е Вилдерс е позната и по тоа што меѓудругото, повикува на забрана на џамиите, Куранот и шамиите, како и референдум за напуштање на Европската Унија. прочитај повеќе мај 16, 2024 Косово го информирал Советот на Европа дека подготвува нацрт-статут за формирање на ЗСО Министерката за надворешни работи и дијаспора на Косово, Доника Гервала Министерката за надворешни работи и дијаспора на Косово, Доника Гервала, изјави дека преку писмо го информирала Советот на Европа дека Косово подготвува нацрт статут за формирање „механизам за самоуправување, координација и соработка на општините со српско мнозинство на Косово (ЗСО)“. Овој нацрт ќе биде испратен на толкување до Уставниот суд до крајот на мај. Владата претходно призна дека формирањето на Заедницата на општини со српско мнозинство е поставено како услов за прием на Косово во Советот на Европа. Според Гервала, нацрт-статутот ги задоволува потребите на граѓаните на српската заедница и истовремено ги почитува Уставот на Косово и принципите на Советот на Европа. „Нацртот обезбедува не само целосно почитување на Уставот и законите на Република Косово, туку во исто време спречува неовластени интервенции однадвор, како во општините на Косово, така и низ целата земја“, напиша Гервала на Фејсбук. Гервала изјави дека заедно со конкретизирање на напорите за формирање Заедница на општини со српско мнозинство, Косово очекува Советот на Европа да го исполни својот дел од обврската и да го покани Косово да се приклучи во Советот на Европа без одлагање, бидејќи Приштина ги исполнила сите услови. Видете и ова: Заедницата на општини со српско мнозинство - пречка на патот на Косово кон Советот на Европа Комитетот на министри на Советот на Европа заседава на 16 и 17 мај во Стразбур. Ова тело го дава последниот збор за прифаќање на една земја во членство. Заменик министерот за надворешни работи Крешник Ахмети на 14 мај изјави дека прашањето за прием на Косово во оваа организација за човекови права не е на дневен ред на Комитетот на министри. Џералд Кнаус, од Европската иницијатива за стабилност, го објави на интернет Х, целото писмо кое Гервала го испратила до претседателот на Парламентарното собрание на Советот на Европа, грчкиот пратеник Теодорос Русопулос. Во писмото, чија автентичност за РСЕ ја потврдија од Владата на Косово, се наведува дека нацрт-статутот што Косово го подготвува ќе биде испратен на толкување до Уставниот суд на Косово до крајот на мај. прочитај повеќе мај 16, 2024 Франција го обвини Азербејџан за вмешаност во немирите на Нова Каледонија Протести против промени во изборниот закон, Нова Каледонија, 15 мај 2024 Францускиот министер за внатрешни работи Жералд Дарманин денеска го обвини Азербејџан за мешање во политиката на пацифичката територија Нова Каледонија. „Ова не е фантазија … Жалам што некои од сепаратистите се договорија со Азербејџан … дури и ако има обиди за мешање … Франција е суверена на својот сопствена територија“, истакна Дарман. Немирите на Нова Каледонија почнаа на 13 мај поради уставната реформа, која предвидува промени на изборниот закон на француската територија. Националното собрание во Париз ја усвои реформата со 351 глас „за“ и 153 „против“, со која на илјадници француски граѓани на јужниот пацифички архипелаг ќе им се даде право на глас, а со тоа и поголемо политичко влијание. Видете и ова: Стотина повредени во немирите во Нова Каледонија, Макрон свика кризен состанок Во немирите во Нова Каледонија едно лице е застрелано, а повредени се стотици луѓе, вклучувајќи околу 100 полицајци и жандарми. Десетици домови и деловни објекти биле запалени за време на немирите, а повеќе од 130 лица се приведени. Премиерот на Франција, Габриел Атал вчера изјави дека на Нова Каледонија ќе бидат распоредени дополнителни полициски сили. прочитај повеќе мај 16, 2024 Путин и Си ги фалат односите како „стабилизирачка“ сила на меѓународната сцена Лидерите на Кина и Русија, Си Џинпинг и Владимир Путин, 16 мај 2024 година Лидерите на Кина и Русија, Си Џинпинг и Владимир Путин, ги претставија односите на нивните земји како стабилизирачка сила во еден хаотичен свет на состанокот во Пекинг, каде што рускиот претседател бара поголема кинеска поддршка за неговите воени напори во Украина и изолираната економија. Си и Путин потпишаа и заедничка изјава за продлабочување на сеопфатното стратешко партнерство меѓу Кина и Русија, објавија кинеските државни медиуми. На прес-конференција Путин рече дека му е „благодарен“ на Пекинг што се обидел да најде решение за војната во Украина и дека ги поздравил растечките економски врски со Кина. „Ќе го информирам претседателот на Народна Република Кина за ситуацијата околу украинската криза. Ние сме им благодарни на нашите кинески пријатели и колеги за иницијативите што ги даваат за решавање на овој проблем“, рече Путин. Кинескиот лидер Си Џинпинг изјави дека тој и рускиот колега Владимир Путин се согласиле за потребата од „политичко решение“ за војната во Украина, по разговорите меѓу двајцата претседатели во Пекинг. „Двете страни се согласуваат дека политичкото решение за украинската криза е правилна насока“, изјави Си за медиумите заедно со Путин на заедничката прес-конференција што ја емитуваше Руската телевизија. Москва тврди дека е отворена за разговори со Украина за завршување на војната, но инсистира дека Киев мора да ја прифати ситуацијата на терен, односно да се согласи со тврдењата на Русија дека ги анектирала регионите Доњецк, Херсон, Луганск и Запорожје. Кина се позиционира како неутрална страна во конфликтот, кој никогаш не го осуди и во кој се обиде да се претстави како посредник. Западните земји велат дека нејасните мировни предлози објавени од Пекинг минатата година ќе и овозможат на Русија да задржи голем дел од територијата што ја зазеде во Украина. Видете и ова: Одбраната во фокус на посетата на Путин на Кина Во Пекинг меѓудругото, Путин ги критикуваше и безбедносните сојузи предводени од Западот во азиско-пацифичкиот регион, што е заедничка грижа и за Москва и за Пекинг. Тој рече дека „затворените воено-политички сојузи“ во регионот се „многу штетни“ и „контрапродуктивни“. Претходно, Си го поздрави Путин на свечената церемонија за добредојде со воени почести пред Големата куќа на народот во Пекинг, на почетокот на дводневната посета на рускиот претседател, која се очекува да ги продлабочи односите меѓу Москва и Пекинг, за кои претходно рекоа дека „ без граници“. Си му рекол на својот „стар пријател“ Путин дека односите меѓу Кина и Русија „водат кон мир“, се вели во соопштението на Министерството за надворешни работи на Пекинг. „Кина е подготвена да соработува со Русија за да ги зачува правичноста и правдата во светот“, додаде Си. Путин, пак, му рекол на Си дека односите на двете земји се „стабилизирачки фактори на меѓународната сцена“. „Односите меѓу Русија и Кина не се опортунистички и не се насочени против никого“, рече Путин, според соопштението на Кремљ. Ова е прво патување на Путин во странство откако тој беше реизбран во март и негово второ за нешто повеќе од шест месеци во Кина, која обезбеди економски спас за Русија откако беше санкционирана од Западот поради нејзината агресија во Украина. Се очекува Путин да разговара за Украина, Азија, енергијата и трговијата со Си - неговиот најмоќен политички поддржувач и колега во геополитичкото ривалство со САД. прочитај повеќе мај 16, 2024 Украина тврди дека го запрела напредувањето на Русија во некои области кај Харкив Харкив, Украина Украинската армија денеска (16 мај) објави дека го запрела руското напредување во некои области на североисточниот регион Харкив, каде Русија започна нова офанзива минатата недела. „Ситуацијата во регионот Харкив сè уште е комплицирана, но се развива на динамичен начин. Нашите одбранбени сили делумно ја стабилизираа ситуацијата. Напредувањето на непријателот во одредени зони и локалитети е запрено“, рече портпаролот на армијата. Портпаролот на армијата рече дека руските сили „секогаш се обидуваат да создадат услови за нов напредок“ и додаде дека украинските војници „се обидуваат да ја стабилизираат ситуацијата, да нанесат штета и да го спречат непријателот да ја окупира територијата“. Видете и ова: Зеленски ги одложи патувањата во странство поради „тешката“ ситуација на фронтот Предупредување за воздушен напад беше прогласено рано во четвртокот во Киев и неколку украински региони, при што украинските воздухопловни сили предупредуваа на закана од балистички ракети истрелани од Русија. Руските сили редовно напаѓаат цивили во регионите на Украина, со бројни фатални жртви, меѓу кои и деца, како и огромни штети на цивилната и енергетската инфраструктура, јави украинскиот сервис на Радио Слободна Европа. Во средата две лица загинаа во руски артилериски напад во Днепар, соопштија локалните власти. прочитај повеќе мај 16, 2024 Заседание на Воениот комитет на НАТО- во фокусот Украина и одбранбените планови на Алијансата илустрација Поддршката за Украина, имплементацијата на концептот за операции и на одбранбените планови, подготовките за јулскиот Самит на НАТО, како и прашања од стратешко значење за сојузниците, ќе бидат темите на денешното заседание на Воениот комитет на Алијансата на ниво на началници за генералштабови на земјите членки на Пактот во Брисел. Со заседанието ќе претседава претседателот на Воениот комитет, адмирал Роб Бауер, а на почетокот на собирот ќе се обрати и генералниот секретар на НАТО Јенс Столтенберг, кој, според најавите, ќе се осврне на клучните приоритети и предизвици на Алијансата. Во рамките на првата сесија на заседанието, началниците ќе се фокусираат на имплементација на концептот за операции во повеќе домени и на Агендата за развој на војувањето, која го надополнува Планот за воената трансформација на НАТО за следните дваесет години. Видете и ова: Столтенберг во посета на Киев, Зеленски повика на побрза испорака на оружје Предвидени се и поопсежни дискусии во врска со усогласувањето на операциите и планирањето на одбраната во рамките на Процесот на одбранбено планирање на НАТО. Како дел од заседанието ќе се одржи и состанок на Советот НАТО-Украина на ниво на началници на генералштабови, на кој е предвидено присуството и на началникот на Генералштабот на украинските Вооружени сили. Советот ќе расправа за ситуацијата на теренот поврзана со руската агресија врз Украина, како и за поддршката на државата од страна на НАТО и неговите земји членки. На посебна сесија, врховниот командант на Силите на НАТО во Европа, генерал Кристофер Каволи ќе ги информира началниците за напредокот постигнат во имплементацијата на плановите од Концептот за одвраќање и одбрана на евроатлантската област (ДДА), што беа усвоени на ланскиот Самит на Алијансата во Вилнус, а во рамки на подготовките за претстојната средба на врвот во Вашингтон. Во рамките на оваа сесија предвидено е да се одржат и дискусии за воената способност, интегрирана воздушна и ракетна одбрана, капацитетите на одбранбената индустрија и за општествената отпорност. прочитај повеќе Вчитај повеќе...

Вести мај 15, 2024 Османи и Штајнмаер разговарале за членството на Косово во Советот на Европа Косовската претседателка Вјоса Османи и германскиот претседател Франк Валтер-Штајнмаер Претседателката на Косово, Вјоса Османи, објави дека телефонски разговарала со претседателот на Германија, Франк Валтер-Штајнмаер, на кој станало збор за апликацијата на Косово за членство во Советот на Европа. Османи преку платформата „Х“, информриа дека во вчерашниот разговор го нагласила значењето на членството на Косово во таа институција, не само за државата, туку и за европскиот континент. „Вчера разговарав со претседателот на Германија, Франк-Валтер Штајнмаер, за да дискутираме за членството на Косово во Советот на Европа. Ја истакнав критичната важност за успешно завршување на овој процес, да обезбедиме што поскоро корист за сите наши граѓани од инструментите на Советот. Нашето членство не само што би било победа на човековите права во Косово, туку и победа на нашиот континент и на вредностите на кои тој цврсто стои“, напиша Османи. Видете и ова: Заедницата на општини со српско мнозинство - пречка на патот на Косово кон Советот на Европа Германија и Франција се две од земјите кои го условија членството на Косово во Советот на Европа со испраќање до Уставениот суд на нацрт-статутот на Заедницата на општини со српско мнозинство. Комитетот на министри на Советот на Европа ќе се состане утре и задутре, 16 и 17 мај, додека гласањето за членство на Косово сé уште не е на дневен ред. Косово треба да го помине уште ова гласање за да се приклучи на Советот на Европа. прочитај повеќе види ги сите денешни вести мај 16, 2024 На словачкиот премиер Фицо ќе му биде извршена уште една операција Словачкиот премиер Роберт Фицо Словачкиот премиер Роберт Фицо врз кого вчера (15 мај) беше извршен атентат во градот Хандлови, го чека уште една операција, пишува словачкиот портал Правда. Абдоминалното крварење на Фицо е запрено, но тој се соочува со операција на колкот. Во меѓувреме, полицијата го обвини напаѓачот на премиерот за убиство со предумисла и се соочува со казна од 25 години до доживотен затвор. Како што пренесува порталот, напаѓачот, за кого медиумите пренесуваат дека е 71-годишниот писател Јурај Цинтула, рекол дека е горд на својот чин. РТВС објави дека напаѓачот моментално се наоѓа во ќелијата на Националната агенција за криминал во Нитра. Лекарите во текот на ноќта успеале да ја стабилизираат состојбата на словачкиот премиер по вчерашниот атентат во градот Хандлови, но таа се уште е тешка, соопшти претходно денеска директорката на болницата во Банска Бистрица, Миријам Лапуникова. Видете и ова: Обид за атентат врз словачкиот премиер Фицо - нападот бил „политички мотивиран“ Два медицински тима го оперираа словачкиот премиер пет часа. „Во моментов се преземаат дополнителни активности за подобрување на неговата состојба“, рече словачкиот министер за одбрана Роберт Калињак. Словачкиот министер за внатрешни работи Матус Шутај Ешток денеска побара од вицепремиерот Томаш Тараба да го свика Советот за национална безбедност, а Владата ќе одржи седница. Видете и ова: Кој е Роберт Фицо? Министерот за внатрешни работи информираше дека ќе ја зајакне заштитата на политичарите и одредени медиуми. Напаѓачот пукал пет пати, по што полицијата веднаш го привела, а премиерот веднаш бил префрлен во болницата во Банска Бистрица. прочитај повеќе мај 16, 2024 Самит на лидерите од регионот и ЕУ: „Секој треба да ја заврши својата работа“ Самит на лидерите на Западен Балкан и Европската Унија на 16 мај во Котор, Црна Гора Планот за раст на Западен Балкан претставува јасен сигнал за посветеноста на Европската Унија за економска и демократска трансформација на Западен Балкан, изјави црногорскиот премиер Милојко Спајиќ на Самитот на лидерите на Западен Балкан и Европската Унија во Котор. Советот на ЕУ одобри план од шест милијарди евра за поддршка на земјите од Западен Балкан со цел да се забрзаат реформите и економскиот раст, од кои две милијарди грантови и четири поволни заеми гарантирани од ЕУ. На самитот чиј домаќин е Спајиќ, покрај лидерите од регионот, учествуваат и европскиот комесар за соседство и проширување, Оливер Вархеји и помошникот државен секретар на САД за Европа и Евроазија, Џејмс О'Брајан. Видете и ова: Можно одложување на Планот за раст за Западен Балкан поради неусогласеност во ЕУ О'Брајан рече дека приоритет на Планот за раст за Западен Балкан е да се создаде единствен пазар на циркулација на пари, да се намалат трошоците, да се олесни движењето на пазарот и да се отворат повеќе работни места. „Пораките на Планот се дека за секој учесник пораката е јасна - работете ја вашата работа и не барајте некој друг да направи нешто прво, за вие да го направите вашето“. Вархеји рече дека Планот за раст повеќе не е нацрт, туку патоказ, кој е корисен за регионот пред влезот во ЕУ. „Поради планот за раст и интензитетот на помошта од економскиот и инвестицискиот план, реформската агенда и дополнителната финансиска помош до 2027 година, Балканот ќе биде подготвен или би можел да биде подготвен, или би можел сам да се подготви за влез во ЕУ“. Видете и ова: Претставници на Западен Балкан, ЕУ и САД во Котор ќе разговараат за планот за раст Самитот се организира под слоганот „Еден регион, заедничка визија“. На самитот присуствуваат претставници на Советот за регионална соработка, Европската банка за обнова и развој, Европската инвестициска банка, Светската банка, Атлантската алијанса, енергетската и транспортната заедница, Фондацијата Отворено општество... Ден пред Самитот, на 15 мај, се одржа состанок на министрите за европски прашања и финансии на земјите од Западен Балкан, претставници на Европската комисија и партнерските организации. „Министрите разговараа и за пристапот до единствената платежна зона за евро (SEPA), за олеснување на трговијата и транспортот меѓу земјите од регионот и членките на ЕУ, за подобрување на снабдувањето со критични лекови, Центарот за дигитални иновации и други теми“, соопштија од Министерството за европски прашања од Црна Гора. Претходните месеци министерски состаноци и регионални самити на лидерите од Западен Балкан се одржаа во Скопје и Тирана. прочитај повеќе мај 16, 2024 Западните претставници на протестите против спорниот закон во Грузија Министрите за надворешни работи на Естонија, Литванија и Исланд на протест во Тбилиси, 15 мај 2024 година Илјадници луѓе повторно излегоа на улиците на грузискиот главен град Тбилиси за да протестираат против контроверзниот закон за „странски агенти“ усвоен од парламентот и покрај повеќенеделните демонстрации и предупредувањата на Западот дека законот ја загрозува евроатлантската интеграција на Грузија. На демонстрантите во Тбилиси им се придружија и министрите за надворешни работи на Естонија, Летонија, Литванија и Исланд во маршот кон зградата на парламентот во средата во знак на солидарност со западните аспирации на Грузијците, објави грузискиот сервис на Радио Слободна Европа. Демонстрантите се собраа и на плоштадот на хероите, главната раскрсница во главниот град на Грузија, јавија дописниците на РСЕ од теренот. Законот, кој го усвои парламентот под контрола на владејачката партија Грузиски сон на 14 мај, беше осуден од САД, Европската Унија и групите за права поради неговата сличност со рускиот закон што претседателот Владимир Путин го користи за да ја замолчи опозицијата и да ги задуши независните институции. „Заедно го започнавме ова патување и нашите народи знаат што значи да се биде под притисок од Москва. Никогаш нема да ве оставиме, но сите треба да ја обликуваме судбината на нашите народи“, рече литванскиот министер за надворешни работи Габриелиус Ландсбергис, чија земја, како Грузија и Естонија, беше дел од поранешниот Советски Сојуз. Embed share Што ги предизвика масовните протести во Грузија? Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:01:48 0:00 Директен линк 240p | 5,1MB 360p | 8,6MB 480p | 16,7MB 720p | 27,1MB 1080p | 46,0MB „Вие како народ го одлучивте вашиот пат кон Европа. Ние сите заедно ќе направиме сè за да продолжиме по овој пат“, изјави естонскиот министер за надворешни работи Маргус Кахна. „Јас сум овде денес, вие не сте сами и ја имате нашата почит“, рече министерот за надворешни работи на Исланд, Тордис Колбрун Гилфадотир. На протестниот марш се приклучи и министерка за надворешни работи на Летонија, Баиба Бразе. Четворицата западни претставници претходно се сретнаа со грузиската претседателка Саломе Зурабишвили и одржаа заедничка прес-конференција. Зурабишвили на конференцијата предупреди дека опстанокот на Грузија како држава е во опасност откако парламентот го одобри контроверзниот закон за „странски агенти“ и повтори дека ќе стави вето на законот затоа што владата „не го послуша гласот на својот народ ниту советите на нејзините пријатели, ниту ничие предупредување и тргна по својот пат“. Според законот, медиумските куќи, невладините и другите непрофитни организации ќе мора да се регистрираат дека „работат за интересите на странска сила“ доколку повеќе од 20 проценти од нивното финансирање доаѓа од странство. Зурабишвили, која е во судир со владејачката партија Грузиски сон која го протурка законот во парламентот, има 10 дена да стави вето, но Грузиски сон и неговите партнери во парламентот имаат доволно пратеници за да го отфрлат ветото на претседателот. Американскиот помошник државен секретар Џејмс О'Брајан, кој беше во Тбилиси на 14 мај, рече дека односите на Вашингтон со земјата ќе бидат загрозени и дека американската помош за Грузија ќе биде предмет на ревизија доколку нацрт-законот биде усвоен. прочитај повеќе мај 16, 2024 Постигнат договор за коалициска влада во Холандија Речиси шест месеци по изборната победа на неговата партија, холандскиот политичар Герт Вилдерс објави дека е постигнат договор за формирање на десничарска коалициска влада. Тој исто така објави дека нема да биде премиер. „Имаме договор меѓу преговарачите“, рече Вилдерс, кој уште во март се откажа од намерата да биде премиер, наведувајќи ги наводите дека е „исламофоб и противник на ЕУ“. Видете и ова: Проблеми пред почетокот на преговорите за владејачка коалиција во Холандија Договорот е постигнат меѓу четири партии - Партијата за слобода (ПВВ) на Герт Вилдерс, про-земјоделската партија БББ, либералната партија ВВД и новата партија против корупцијата НСЦ. Сè уште не е познато кој ќе ја предводи десничарската владејачка коалиција која ќе го замени Марк Руте. Руте е кандидат за функцијата генерален секретар на НАТО. Крајнодесничарската Партија за слобода, која победи на изборите во Холандија, а чиј лидер е Вилдерс е позната и по тоа што меѓудругото, повикува на забрана на џамиите, Куранот и шамиите, како и референдум за напуштање на Европската Унија. прочитај повеќе мај 16, 2024 Косово го информирал Советот на Европа дека подготвува нацрт-статут за формирање на ЗСО Министерката за надворешни работи и дијаспора на Косово, Доника Гервала Министерката за надворешни работи и дијаспора на Косово, Доника Гервала, изјави дека преку писмо го информирала Советот на Европа дека Косово подготвува нацрт статут за формирање „механизам за самоуправување, координација и соработка на општините со српско мнозинство на Косово (ЗСО)“. Овој нацрт ќе биде испратен на толкување до Уставниот суд до крајот на мај. Владата претходно призна дека формирањето на Заедницата на општини со српско мнозинство е поставено како услов за прием на Косово во Советот на Европа. Според Гервала, нацрт-статутот ги задоволува потребите на граѓаните на српската заедница и истовремено ги почитува Уставот на Косово и принципите на Советот на Европа. „Нацртот обезбедува не само целосно почитување на Уставот и законите на Република Косово, туку во исто време спречува неовластени интервенции однадвор, како во општините на Косово, така и низ целата земја“, напиша Гервала на Фејсбук. Гервала изјави дека заедно со конкретизирање на напорите за формирање Заедница на општини со српско мнозинство, Косово очекува Советот на Европа да го исполни својот дел од обврската и да го покани Косово да се приклучи во Советот на Европа без одлагање, бидејќи Приштина ги исполнила сите услови. Видете и ова: Заедницата на општини со српско мнозинство - пречка на патот на Косово кон Советот на Европа Комитетот на министри на Советот на Европа заседава на 16 и 17 мај во Стразбур. Ова тело го дава последниот збор за прифаќање на една земја во членство. Заменик министерот за надворешни работи Крешник Ахмети на 14 мај изјави дека прашањето за прием на Косово во оваа организација за човекови права не е на дневен ред на Комитетот на министри. Џералд Кнаус, од Европската иницијатива за стабилност, го објави на интернет Х, целото писмо кое Гервала го испратила до претседателот на Парламентарното собрание на Советот на Европа, грчкиот пратеник Теодорос Русопулос. Во писмото, чија автентичност за РСЕ ја потврдија од Владата на Косово, се наведува дека нацрт-статутот што Косово го подготвува ќе биде испратен на толкување до Уставниот суд на Косово до крајот на мај. прочитај повеќе мај 16, 2024 Франција го обвини Азербејџан за вмешаност во немирите на Нова Каледонија Протести против промени во изборниот закон, Нова Каледонија, 15 мај 2024 Францускиот министер за внатрешни работи Жералд Дарманин денеска го обвини Азербејџан за мешање во политиката на пацифичката територија Нова Каледонија. „Ова не е фантазија … Жалам што некои од сепаратистите се договорија со Азербејџан … дури и ако има обиди за мешање … Франција е суверена на својот сопствена територија“, истакна Дарман. Немирите на Нова Каледонија почнаа на 13 мај поради уставната реформа, која предвидува промени на изборниот закон на француската територија. Националното собрание во Париз ја усвои реформата со 351 глас „за“ и 153 „против“, со која на илјадници француски граѓани на јужниот пацифички архипелаг ќе им се даде право на глас, а со тоа и поголемо политичко влијание. Видете и ова: Стотина повредени во немирите во Нова Каледонија, Макрон свика кризен состанок Во немирите во Нова Каледонија едно лице е застрелано, а повредени се стотици луѓе, вклучувајќи околу 100 полицајци и жандарми. Десетици домови и деловни објекти биле запалени за време на немирите, а повеќе од 130 лица се приведени. Премиерот на Франција, Габриел Атал вчера изјави дека на Нова Каледонија ќе бидат распоредени дополнителни полициски сили. прочитај повеќе мај 16, 2024 Путин и Си ги фалат односите како „стабилизирачка“ сила на меѓународната сцена Лидерите на Кина и Русија, Си Џинпинг и Владимир Путин, 16 мај 2024 година Лидерите на Кина и Русија, Си Џинпинг и Владимир Путин, ги претставија односите на нивните земји како стабилизирачка сила во еден хаотичен свет на состанокот во Пекинг, каде што рускиот претседател бара поголема кинеска поддршка за неговите воени напори во Украина и изолираната економија. Си и Путин потпишаа и заедничка изјава за продлабочување на сеопфатното стратешко партнерство меѓу Кина и Русија, објавија кинеските државни медиуми. На прес-конференција Путин рече дека му е „благодарен“ на Пекинг што се обидел да најде решение за војната во Украина и дека ги поздравил растечките економски врски со Кина. „Ќе го информирам претседателот на Народна Република Кина за ситуацијата околу украинската криза. Ние сме им благодарни на нашите кинески пријатели и колеги за иницијативите што ги даваат за решавање на овој проблем“, рече Путин. Кинескиот лидер Си Џинпинг изјави дека тој и рускиот колега Владимир Путин се согласиле за потребата од „политичко решение“ за војната во Украина, по разговорите меѓу двајцата претседатели во Пекинг. „Двете страни се согласуваат дека политичкото решение за украинската криза е правилна насока“, изјави Си за медиумите заедно со Путин на заедничката прес-конференција што ја емитуваше Руската телевизија. Москва тврди дека е отворена за разговори со Украина за завршување на војната, но инсистира дека Киев мора да ја прифати ситуацијата на терен, односно да се согласи со тврдењата на Русија дека ги анектирала регионите Доњецк, Херсон, Луганск и Запорожје. Кина се позиционира како неутрална страна во конфликтот, кој никогаш не го осуди и во кој се обиде да се претстави како посредник. Западните земји велат дека нејасните мировни предлози објавени од Пекинг минатата година ќе и овозможат на Русија да задржи голем дел од територијата што ја зазеде во Украина. Видете и ова: Одбраната во фокус на посетата на Путин на Кина Во Пекинг меѓудругото, Путин ги критикуваше и безбедносните сојузи предводени од Западот во азиско-пацифичкиот регион, што е заедничка грижа и за Москва и за Пекинг. Тој рече дека „затворените воено-политички сојузи“ во регионот се „многу штетни“ и „контрапродуктивни“. Претходно, Си го поздрави Путин на свечената церемонија за добредојде со воени почести пред Големата куќа на народот во Пекинг, на почетокот на дводневната посета на рускиот претседател, која се очекува да ги продлабочи односите меѓу Москва и Пекинг, за кои претходно рекоа дека „ без граници“. Си му рекол на својот „стар пријател“ Путин дека односите меѓу Кина и Русија „водат кон мир“, се вели во соопштението на Министерството за надворешни работи на Пекинг. „Кина е подготвена да соработува со Русија за да ги зачува правичноста и правдата во светот“, додаде Си. Путин, пак, му рекол на Си дека односите на двете земји се „стабилизирачки фактори на меѓународната сцена“. „Односите меѓу Русија и Кина не се опортунистички и не се насочени против никого“, рече Путин, според соопштението на Кремљ. Ова е прво патување на Путин во странство откако тој беше реизбран во март и негово второ за нешто повеќе од шест месеци во Кина, која обезбеди економски спас за Русија откако беше санкционирана од Западот поради нејзината агресија во Украина. Се очекува Путин да разговара за Украина, Азија, енергијата и трговијата со Си - неговиот најмоќен политички поддржувач и колега во геополитичкото ривалство со САД. прочитај повеќе мај 16, 2024 Украина тврди дека го запрела напредувањето на Русија во некои области кај Харкив Харкив, Украина Украинската армија денеска (16 мај) објави дека го запрела руското напредување во некои области на североисточниот регион Харкив, каде Русија започна нова офанзива минатата недела. „Ситуацијата во регионот Харкив сè уште е комплицирана, но се развива на динамичен начин. Нашите одбранбени сили делумно ја стабилизираа ситуацијата. Напредувањето на непријателот во одредени зони и локалитети е запрено“, рече портпаролот на армијата. Портпаролот на армијата рече дека руските сили „секогаш се обидуваат да создадат услови за нов напредок“ и додаде дека украинските војници „се обидуваат да ја стабилизираат ситуацијата, да нанесат штета и да го спречат непријателот да ја окупира територијата“. Видете и ова: Зеленски ги одложи патувањата во странство поради „тешката“ ситуација на фронтот Предупредување за воздушен напад беше прогласено рано во четвртокот во Киев и неколку украински региони, при што украинските воздухопловни сили предупредуваа на закана од балистички ракети истрелани од Русија. Руските сили редовно напаѓаат цивили во регионите на Украина, со бројни фатални жртви, меѓу кои и деца, како и огромни штети на цивилната и енергетската инфраструктура, јави украинскиот сервис на Радио Слободна Европа. Во средата две лица загинаа во руски артилериски напад во Днепар, соопштија локалните власти. прочитај повеќе мај 16, 2024 Заседание на Воениот комитет на НАТО- во фокусот Украина и одбранбените планови на Алијансата илустрација Поддршката за Украина, имплементацијата на концептот за операции и на одбранбените планови, подготовките за јулскиот Самит на НАТО, како и прашања од стратешко значење за сојузниците, ќе бидат темите на денешното заседание на Воениот комитет на Алијансата на ниво на началници за генералштабови на земјите членки на Пактот во Брисел. Со заседанието ќе претседава претседателот на Воениот комитет, адмирал Роб Бауер, а на почетокот на собирот ќе се обрати и генералниот секретар на НАТО Јенс Столтенберг, кој, според најавите, ќе се осврне на клучните приоритети и предизвици на Алијансата. Во рамките на првата сесија на заседанието, началниците ќе се фокусираат на имплементација на концептот за операции во повеќе домени и на Агендата за развој на војувањето, која го надополнува Планот за воената трансформација на НАТО за следните дваесет години. Видете и ова: Столтенберг во посета на Киев, Зеленски повика на побрза испорака на оружје Предвидени се и поопсежни дискусии во врска со усогласувањето на операциите и планирањето на одбраната во рамките на Процесот на одбранбено планирање на НАТО. Како дел од заседанието ќе се одржи и состанок на Советот НАТО-Украина на ниво на началници на генералштабови, на кој е предвидено присуството и на началникот на Генералштабот на украинските Вооружени сили. Советот ќе расправа за ситуацијата на теренот поврзана со руската агресија врз Украина, како и за поддршката на државата од страна на НАТО и неговите земји членки. На посебна сесија, врховниот командант на Силите на НАТО во Европа, генерал Кристофер Каволи ќе ги информира началниците за напредокот постигнат во имплементацијата на плановите од Концептот за одвраќање и одбрана на евроатлантската област (ДДА), што беа усвоени на ланскиот Самит на Алијансата во Вилнус, а во рамки на подготовките за претстојната средба на врвот во Вашингтон. Во рамките на оваа сесија предвидено е да се одржат и дискусии за воената способност, интегрирана воздушна и ракетна одбрана, капацитетите на одбранбената индустрија и за општествената отпорност. прочитај повеќе мај 16, 2024 Претставници на Западен Балкан, ЕУ и САД во Котор ќе разговараат за планот за раст Котор, Црна Гора Црна Гора денеска (16 мај) ќе ги собере лидерите од Западен Балкан и претставници на Европската Унија и САД на самит на кој ќе разговараат за планот за раст на ЕУ за Западен Балкан. Домаќин на самитот во Котор, под слоганот „Еден регион, заедничка визија“ ќе биде премиерот на Црна Гора, Милојко Спајиќ. На состанокот ќе учествуваат и европскиот комесар за соседство и проширување Оливер Вархеј и помошникот државен секретар на САД за Европа и Евроазија Џејмс О'Брајан. Стејт департментот соопшти дека О'Брајан и другите учесници на самитот во Котор ќе се фокусираат на регионалната економска интеграција и можностите за раст понудени од Планот за раст на Западен Балкан и ќе ја зајакнат силната американска поддршка за патот на Западен Балкан кон членство во ЕУ. Заедно со лидерите и министрите на земјите од регионот, во Котор беа поканети и партнерски организации, како што се Советот за регионална соработка, Европската банка за обнова и развој, Европската инвестициска банка, Светската банка, Транспортната заедница, Атлантска алијанса, Енергетска заедница, Фондација Отворено општество, РеСПА, ГИЗ. Видете и ова: Европскиот парламент го одобри Планот за раст за Западен Балкан Планот за раст на Западен Балкан, што Европската комисија го усвои во ноември, а ЕУ пред две недели, предвидува финансиска поддршка од шест милијарди евра, од кои две милијарди се грантови, а четири милијарди се поволни заеми обезбедени од ЕУ. Услов за добивање средства е спроведување на реформите, пред се во делот на почитување на демократските механизми, владеењето на правото и основните права. Планот го опфаќа периодот од 2024 до 2027 година и предвидува секоја влада од Западен Балкан шест да добива одредена сума пари на секои шест месеци, во зависност од реформите што ги спроведувала во тој период. прочитај повеќе Вчитај повеќе...

Скопјанка, која била посвоена на три години, ја доби првата пресуда против државата во Стразбур затоа што не можеше да ги дознае информациите за своето потекло и медицинската историја. Дали конечно Северна Македонија ќе го промени законот според кој податоците за посвојувањето уште се службена тајна Отсекогаш се сомневав дека сум посвоена. Потајно посакував тоа да не е вистина, го потиснував во себе. Се борев со самата себе бидејќи не сакав да ги повредам моите родители (луѓето што ме посвоиле). Кога одлучив гласно да прашам која сум и од каде сум, наидов на револт од посвоителите. Не сакаа или не знаеја ништо да ми кажат. Ми рекоа дека сум посвоена и толку. Иако бев и мајка и жена, толку многу ме погоди тоа. Од целиот стрес доживеав и мозочен удар. Како целиот живот да ми беше лага. Ова се зборовите на скопјанката Мирјана Митревска која за Радио Слободна Европа (РСЕ) ја раскажа својата животна приказна за потрагата по своето биолошкото потекло. Нејзината борба кулминираше вчера (14 мај) кога Европскиот суд за човекови права (ЕСЧП) во Стразбур објави пресуда во нејзина корист. Констатираше дека државата го повредила членот 8 од Европска конвенција за заштита на човекови права со кој се гарантира правото на почитување на приватен и семеен живот. Видете и ова: Помалку деца, повеќе барања за посвојување Ова е прва пресуда против Северна Македонија за случај поврзан со правата на посвоените лица да го знаат своето минато. Во иднина, извесно е дека тоа ќе иницира промена на судската пракса во земјава, но и на законската регулатива која во моментов предвидува дека „податоците за посвојувањето се службена тајна“ (член 123-а од Законот за семејство). „Одев по трнлив пат на кој се надевам дека сега му дојде крајот“, раскажува Мирјана која денес има 46 години. „Како повторно да бев оставена сама“ „Сакам да ја знам вистината, пред сè, поради медицинската историја. Многу млада имав мозочен удар и каде и да појдам ме прашуваат дали имало некој друг во фамилијата. Но, сакам да знам и заради моите деца, за да не дојде до инцест“, вели нашата соговорничка. Митревска од 2017 година ја започнала институционалната битка во Северна Македонија, по што во 2021 година се обратила и пред ЕСЧП Таа била посвоена на три години. Дотогаш, се водела под поранешниот дом за деца и младинци „25 мај“ во Скопје, а ја чувало згрижувачко семејство. „Желбата да ја дознаам вистината постоеше отсекогаш ама не беше многу јака бидејќи имав љубов од посвоителите, а тоа го посакува секое дете – да расте со љубов. Желбата ми се зголеми кога го родив мојот син и помислив колку би требало да биде јака причината да се остави своето дете. Тогаш почнав потајно да барам“, раскажува Мирјана. Гласно одлучила да го праша семејството на свои 30 години. Институционалната битка ја почнала во 2017. Но, поради законската регулатива наидувала на затворени врати сегде – Центарот за социјални грижи, Комисијата за посвојување при Министерството за труд и социјална политика, Управниот суд, Вишиот управен суд… Информации барала на сите можни начини. „Имав осуди од околината, од роднините, само затоа што ја барав вистината. Но, со некои луѓе кои ги најдов во групите за посвоени деца одев по трнливиот пат. Доаѓав до разни приказни и тоа многу ме болеше“, вели нашата соговорничка. Одела во болницата каде е родена, го пронашла и загрижувачкото семејство кај кое била сместена до посвојувањето, но никој ниту тие не знаеле ништо да и кажат. „После неуспешната потрага како повторно да бев оставена сама“, вели Мирјана. Судот за човекови права во Стразбур Сега по пресудата од Стразбур, се надева, конечно ќе се промени законот и таа и сите посвоени лица ќе успеа да ги дознаат информациите за своето биолошко потекло. Што по одлуката од Стразбур? За слични случаи како нејзиниот, Европскиот суд досега донел одлуки и против Франција и Италија. Затоа, Мирјана и нејзината адвокатка Павлина Зефиќ очекувале позитивен исход. „На тие случаи се повикавме и ние во нашата жалба. Судот во Стразбур го проблематизира членот 123-а од Законот за семејство па верувам дека во иднина проблемите на посвоените деца ќе треба да се решаваат преку системско менување и дополнување на Законот за семејство. Во меѓувреме домашните органи и судови можат во ваков вид на случаи директно да ја применуваат праксата на судот со цел да не се случуваат повреди на правата од Конвенцијата во иднина“, посочува Зефиќ за РСЕ. Видете и ова: Никој не сака да посвои болно дете Постапката пред ЕСЧП тие ја поведоа заедно со Македонското здружение на млади правници (МЗМП). Како што констатираат и тие, Стразбур во случајот со Мирјана констатира дека законската одредба дека информациите за посвојувањето се службена тајна, се прешироко поставени во македонското законодавство. „На овој начин Судот со пресудата потврдува дека индивидуалните околности на апликантката да го знае нејзиното потекло, особено нејзиниот интерес да добие информации поврзани со нејзиното здравје, не се земени предвид од страна на македонските власти“, велат од Здружението. И во соопштението кое го објави ЕСЧП се наведува дека во вакви случаи треба да постои балансирање во зависност од случаите – „да се мери интересот на посвоеното дете да ги дознае информациите за својот личен живот наспроти општиот интерес осносно очекувањата на биолошките мајки дека информациите за нив нема да бидат откриени“. Пресудата од Стразбур, објавена на 14 мај, ќе стане правосилна за околу три месеци. Потоа, властите во Северна Македонија ќе имаат период од шест месеци да достават акционен план кои чекори ќе ги преземат согласно пресудата. По првичното читање на пресудата, Даница Џонова, правниот застапник на државата за РСЕ вели дека она на што таа како владин агент смета дека ќе треба прво да се работи е на промена на праксата на домашните институции и судови за да не дојде до нови постапки против државата пред Стразбур. Второ, вели Џонова, е да се предложи промена на законската регулатива, процес кој ќе трае подолго ако се има предвид промената на власта во државата. Нова иницијатива и подготвеност за промени Меѓутоа, иницијативи и дебати за промена за законските регулативи за ова прашање во Северна Македонија досега имало неколку во изминатите години. Маргарета Куртиќ Талески беше дел од една таква иницијатива која во 2017 година до Министерството за труд и социјална политика (МТСП) поднесе предлог-измени со барање да се смени Законот за семејство и посвоените деца во одредени случаи да имаат право да знаат кои им се родители. По таа иницијатива досега не се одлучуваше. „Здружението 'Куќа на среќата' повторно ќе ја поднесе иницијативата. Посвоените деца треба да имаат право на такви информации, под услови и во постапка регулирана со закон. За тоа има реална потреба и интерес, особено кога станува збор за медицински причини“, вели Куртиќ Талески за РСЕ. Видете и ова: Интерес за посвојување Ова прашање досега се разгледувало и во Министерството за труд и социјала, а техничкиот министер од редовите на ВМРО-ДПМНЕ, Ѓоко Велковски, во краток разговор со РСЕ вели таму има подготвеност и расположение и се надева дека по формирањето на новата влада ќе се отвори ова прашање, без разлика кој ќе биде на чело на овој ресор. Тоа го очекува и нашата соговорничка од почетокот на приказната, чија судбина ја делат стотици други посвоени деца. „Мојата порака до сите деца, родители и посвоители е дека не е срамота да бидеш посвоен ниту да посвоиш. Но, вистината е една и секогаш ќе излегува на виделина“, вели Мирјана. Во Северна Македонија нема информација колку деца трагаат по биолошкото потекло. Бидејќи законите ги ограничуваат во потрагата, тие се организираат во групи на социјалните мрежи. На тој начин, неколку посвоени деца ги најдоа своите родители и неколку мајки ги најдоа своите одамна оставени деца. Artboard 4 Придружете се на Заедницата на Слободна Европа на Вибер Александар Самарџиски Александар Самарџиски ја започнал новинарската кариера во дневниот весник „Нова Македонија“ во 2014 година. Потоа работел како новинар во порталот „Плусинфо“ и во интернет-изданието на „360 степени“. Од септември 2023 година работи како новинар во Радио Слободна Европа. Регистрирај се...

Вести мај 15, 2024 Борел ја повика Грузија да го повлече законот за „странски агенти“ Шефот за надворешна политика на ЕУ, Жозеп Борел Шефот за надворешна политика на ЕУ, Жозеп Борел денеска ја критикуваше Грузија за усвојување на закон за „странско влијание“ насочен кон невладините организации финансирани од странство и за потиснување на масовните протести, повикувајќи го Тбилиси да го смени курсот. „Усвојувањето на овој закон негативно влијае на напредокот на Грузија на патот кон ЕУ... Ги повикуваме грузиските власти да го повлечат законот“, рече Борел во заедничка изјава со еврокомесарот за проширување Оливер Вархеји. И грузиската претседателка Саломе Зурабишвили предупреди дека опстанокот на Грузија како држава е во опасност откако парламентот го одобри спорниот закон и покрај неколкунеделните народни протести и предупредувањата од Западот дека овој потег ги загрозува евроатлантските аспирации на Грузија. Говорејќи на прес-конференција во Тбилиси со министрите за надворешни работи на Латвија, Литванија, Естонија и Исланд на 15 мај, Зурабишвили повтори дека ќе стави вето на законодавството одобрено еден ден претходно, бидејќи владата „не го послуша гласот на својот народ , ниту на советите на своите пријатели, ниту ничие предупредување и тргна по својот пат“. Embed share Што ги предизвика масовните протести во Грузија? Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:01:48 0:00 Директен линк 240p | 5,1MB 360p | 8,6MB 480p | 16,7MB 720p | 27,1MB 1080p | 46,0MB „Прашањето за опстанокот на Грузија денес е во прашање. Им кажав на нашите пријатели за нашите планови за иднината, за тоа што треба да биде европска платформа на која работам веќе неколку недели и која официјално ќе ја претставам пред нашите луѓе“, рече Зурабишвили, додавајќи дека нејзината платформа е наменета за да ги мобилизира Грузијците пред изборите подоцна оваа година. Законот беше критикуван од Соединетите Држави, Европската Унија и активистите за човекови права за носење на закон сличен на рускиот на претседателот Владимир Путин за уништување на неистомислениците и задушување на независните институции. Портпаролот на НАТО на 15 мај го нарече законодавството „чекор во погрешна насока“ што ја оддалечува Грузија „подалеку од европската и евроатлантската интеграција“. прочитај повеќе види ги сите денешни вести мај 16, 2024 Самит на лидерите од регионот и ЕУ: „Секој треба да ја заврши својата работа“ Самит на лидерите на Западен Балкан и Европската Унија на 16 мај во Котор, Црна Гора Планот за раст на Западен Балкан претставува јасен сигнал за посветеноста на Европската Унија за економска и демократска трансформација на Западен Балкан, изјави црногорскиот премиер Милојко Спајиќ на Самитот на лидерите на Западен Балкан и Европската Унија во Котор. Советот на ЕУ одобри план од шест милијарди евра за поддршка на земјите од Западен Балкан со цел да се забрзаат реформите и економскиот раст, од кои две милијарди грантови и четири поволни заеми гарантирани од ЕУ. На самитот чиј домаќин е Спајиќ, покрај лидерите од регионот, учествуваат и европскиот комесар за соседство и проширување, Оливер Вархеји и помошникот државен секретар на САД за Европа и Евроазија, Џејмс О'Брајан. Видете и ова: Можно одложување на Планот за раст за Западен Балкан поради неусогласеност во ЕУ О'Брајан рече дека приоритет на Планот за раст за Западен Балкан е да се создаде единствен пазар на циркулација на пари, да се намалат трошоците, да се олесни движењето на пазарот и да се отворат повеќе работни места. „Пораките на Планот се дека за секој учесник пораката е јасна - работете ја вашата работа и не барајте некој друг да направи нешто прво, за вие да го направите вашето“. Вархеји рече дека Планот за раст повеќе не е нацрт, туку патоказ, кој е корисен за регионот пред влезот во ЕУ. „Поради планот за раст и интензитетот на помошта од економскиот и инвестицискиот план, реформската агенда и дополнителната финансиска помош до 2027 година, Балканот ќе биде подготвен или би можел да биде подготвен, или би можел сам да се подготви за влез во ЕУ“. Видете и ова: Претставници на Западен Балкан, ЕУ и САД во Котор ќе разговараат за планот за раст Самитот се организира под слоганот „Еден регион, заедничка визија“. На самитот присуствуваат претставници на Советот за регионална соработка, Европската банка за обнова и развој, Европската инвестициска банка, Светската банка, Атлантската алијанса, енергетската и транспортната заедница, Фондацијата Отворено општество... Ден пред Самитот, на 15 мај, се одржа состанок на министрите за европски прашања и финансии на земјите од Западен Балкан, претставници на Европската комисија и партнерските организации. „Министрите разговараа и за пристапот до единствената платежна зона за евро (SEPA), за олеснување на трговијата и транспортот меѓу земјите од регионот и членките на ЕУ, за подобрување на снабдувањето со критични лекови, Центарот за дигитални иновации и други теми“, соопштија од Министерството за европски прашања од Црна Гора. Претходните месеци министерски состаноци и регионални самити на лидерите од Западен Балкан се одржаа во Скопје и Тирана. прочитај повеќе мај 16, 2024 Западните претставници на протестите против спорниот закон во Грузија Министрите за надворешни работи на Естонија, Литванија и Исланд на протест во Тбилиси, 15 мај 2024 година Илјадници луѓе повторно излегоа на улиците на грузискиот главен град Тбилиси за да протестираат против контроверзниот закон за „странски агенти“ усвоен од парламентот и покрај повеќенеделните демонстрации и предупредувањата на Западот дека законот ја загрозува евроатлантската интеграција на Грузија. На демонстрантите во Тбилиси им се придружија и министрите за надворешни работи на Естонија, Летонија, Литванија и Исланд во маршот кон зградата на парламентот во средата во знак на солидарност со западните аспирации на Грузијците, објави грузискиот сервис на Радио Слободна Европа. Демонстрантите се собраа и на плоштадот на хероите, главната раскрсница во главниот град на Грузија, јавија дописниците на РСЕ од теренот. Законот, кој го усвои парламентот под контрола на владејачката партија Грузиски сон на 14 мај, беше осуден од САД, Европската Унија и групите за права поради неговата сличност со рускиот закон што претседателот Владимир Путин го користи за да ја замолчи опозицијата и да ги задуши независните институции. „Заедно го започнавме ова патување и нашите народи знаат што значи да се биде под притисок од Москва. Никогаш нема да ве оставиме, но сите треба да ја обликуваме судбината на нашите народи“, рече литванскиот министер за надворешни работи Габриелиус Ландсбергис, чија земја, како Грузија и Естонија, беше дел од поранешниот Советски Сојуз. Embed share Што ги предизвика масовните протести во Грузија? Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:01:48 0:00 Директен линк 240p | 5,1MB 360p | 8,6MB 480p | 16,7MB 720p | 27,1MB 1080p | 46,0MB „Вие како народ го одлучивте вашиот пат кон Европа. Ние сите заедно ќе направиме сè за да продолжиме по овој пат“, изјави естонскиот министер за надворешни работи Маргус Кахна. „Јас сум овде денес, вие не сте сами и ја имате нашата почит“, рече министерот за надворешни работи на Исланд, Тордис Колбрун Гилфадотир. На протестниот марш се приклучи и министерка за надворешни работи на Летонија, Баиба Бразе. Четворицата западни претставници претходно се сретнаа со грузиската претседателка Саломе Зурабишвили и одржаа заедничка прес-конференција. Зурабишвили на конференцијата предупреди дека опстанокот на Грузија како држава е во опасност откако парламентот го одобри контроверзниот закон за „странски агенти“ и повтори дека ќе стави вето на законот затоа што владата „не го послуша гласот на својот народ ниту советите на нејзините пријатели, ниту ничие предупредување и тргна по својот пат“. Според законот, медиумските куќи, невладините и другите непрофитни организации ќе мора да се регистрираат дека „работат за интересите на странска сила“ доколку повеќе од 20 проценти од нивното финансирање доаѓа од странство. Зурабишвили, која е во судир со владејачката партија Грузиски сон која го протурка законот во парламентот, има 10 дена да стави вето, но Грузиски сон и неговите партнери во парламентот имаат доволно пратеници за да го отфрлат ветото на претседателот. Американскиот помошник државен секретар Џејмс О'Брајан, кој беше во Тбилиси на 14 мај, рече дека односите на Вашингтон со земјата ќе бидат загрозени и дека американската помош за Грузија ќе биде предмет на ревизија доколку нацрт-законот биде усвоен. прочитај повеќе мај 16, 2024 Постигнат договор за коалициска влада во Холандија Речиси шест месеци по изборната победа на неговата партија, холандскиот политичар Герт Вилдерс објави дека е постигнат договор за формирање на десничарска коалициска влада. Тој исто така објави дека нема да биде премиер. „Имаме договор меѓу преговарачите“, рече Вилдерс, кој уште во март се откажа од намерата да биде премиер, наведувајќи ги наводите дека е „исламофоб и противник на ЕУ“. Видете и ова: Проблеми пред почетокот на преговорите за владејачка коалиција во Холандија Договорот е постигнат меѓу четири партии - Партијата за слобода (ПВВ) на Герт Вилдерс, про-земјоделската партија БББ, либералната партија ВВД и новата партија против корупцијата НСЦ. Сè уште не е познато кој ќе ја предводи десничарската владејачка коалиција која ќе го замени Марк Руте. Руте е кандидат за функцијата генерален секретар на НАТО. Крајнодесничарската Партија за слобода, која победи на изборите во Холандија, а чиј лидер е Вилдерс е позната и по тоа што меѓудругото, повикува на забрана на џамиите, Куранот и шамиите, како и референдум за напуштање на Европската Унија. прочитај повеќе мај 16, 2024 Косово го информирал Советот на Европа дека подготвува нацрт-статут за формирање на ЗСО Министерката за надворешни работи и дијаспора на Косово, Доника Гервала Министерката за надворешни работи и дијаспора на Косово, Доника Гервала, изјави дека преку писмо го информирала Советот на Европа дека Косово подготвува нацрт статут за формирање „механизам за самоуправување, координација и соработка на општините со српско мнозинство на Косово (ЗСО)“. Овој нацрт ќе биде испратен на толкување до Уставниот суд до крајот на мај. Владата претходно призна дека формирањето на Заедницата на општини со српско мнозинство е поставено како услов за прием на Косово во Советот на Европа. Според Гервала, нацрт-статутот ги задоволува потребите на граѓаните на српската заедница и истовремено ги почитува Уставот на Косово и принципите на Советот на Европа. „Нацртот обезбедува не само целосно почитување на Уставот и законите на Република Косово, туку во исто време спречува неовластени интервенции однадвор, како во општините на Косово, така и низ целата земја“, напиша Гервала на Фејсбук. Гервала изјави дека заедно со конкретизирање на напорите за формирање Заедница на општини со српско мнозинство, Косово очекува Советот на Европа да го исполни својот дел од обврската и да го покани Косово да се приклучи во Советот на Европа без одлагање, бидејќи Приштина ги исполнила сите услови. Видете и ова: Заедницата на општини со српско мнозинство - пречка на патот на Косово кон Советот на Европа Комитетот на министри на Советот на Европа заседава на 16 и 17 мај во Стразбур. Ова тело го дава последниот збор за прифаќање на една земја во членство. Заменик министерот за надворешни работи Крешник Ахмети на 14 мај изјави дека прашањето за прием на Косово во оваа организација за човекови права не е на дневен ред на Комитетот на министри. Џералд Кнаус, од Европската иницијатива за стабилност, го објави на интернет Х, целото писмо кое Гервала го испратила до претседателот на Парламентарното собрание на Советот на Европа, грчкиот пратеник Теодорос Русопулос. Во писмото, чија автентичност за РСЕ ја потврдија од Владата на Косово, се наведува дека нацрт-статутот што Косово го подготвува ќе биде испратен на толкување до Уставниот суд на Косово до крајот на мај. прочитај повеќе мај 16, 2024 Франција го обвини Азербејџан за вмешаност во немирите на Нова Каледонија Протести против промени во изборниот закон, Нова Каледонија, 15 мај 2024 Францускиот министер за внатрешни работи Жералд Дарманин денеска го обвини Азербејџан за мешање во политиката на пацифичката територија Нова Каледонија. „Ова не е фантазија … Жалам што некои од сепаратистите се договорија со Азербејџан … дури и ако има обиди за мешање … Франција е суверена на својот сопствена територија“, истакна Дарман. Немирите на Нова Каледонија почнаа на 13 мај поради уставната реформа, која предвидува промени на изборниот закон на француската територија. Националното собрание во Париз ја усвои реформата со 351 глас „за“ и 153 „против“, со која на илјадници француски граѓани на јужниот пацифички архипелаг ќе им се даде право на глас, а со тоа и поголемо политичко влијание. Видете и ова: Стотина повредени во немирите во Нова Каледонија, Макрон свика кризен состанок Во немирите во Нова Каледонија едно лице е застрелано, а повредени се стотици луѓе, вклучувајќи околу 100 полицајци и жандарми. Десетици домови и деловни објекти биле запалени за време на немирите, а повеќе од 130 лица се приведени. Премиерот на Франција, Габриел Атал вчера изјави дека на Нова Каледонија ќе бидат распоредени дополнителни полициски сили. прочитај повеќе мај 16, 2024 Путин и Си ги фалат односите како „стабилизирачка“ сила на меѓународната сцена Лидерите на Кина и Русија, Си Џинпинг и Владимир Путин, 16 мај 2024 година Лидерите на Кина и Русија, Си Џинпинг и Владимир Путин, ги претставија односите на нивните земји како стабилизирачка сила во еден хаотичен свет на состанокот во Пекинг, каде што рускиот претседател бара поголема кинеска поддршка за неговите воени напори во Украина и изолираната економија. Си и Путин потпишаа и заедничка изјава за продлабочување на сеопфатното стратешко партнерство меѓу Кина и Русија, објавија кинеските државни медиуми. На прес-конференција Путин рече дека му е „благодарен“ на Пекинг што се обидел да најде решение за војната во Украина и дека ги поздравил растечките економски врски со Кина. „Ќе го информирам претседателот на Народна Република Кина за ситуацијата околу украинската криза. Ние сме им благодарни на нашите кинески пријатели и колеги за иницијативите што ги даваат за решавање на овој проблем“, рече Путин. Кинескиот лидер Си Џинпинг изјави дека тој и рускиот колега Владимир Путин се согласиле за потребата од „политичко решение“ за војната во Украина, по разговорите меѓу двајцата претседатели во Пекинг. „Двете страни се согласуваат дека политичкото решение за украинската криза е правилна насока“, изјави Си за медиумите заедно со Путин на заедничката прес-конференција што ја емитуваше Руската телевизија. Москва тврди дека е отворена за разговори со Украина за завршување на војната, но инсистира дека Киев мора да ја прифати ситуацијата на терен, односно да се согласи со тврдењата на Русија дека ги анектирала регионите Доњецк, Херсон, Луганск и Запорожје. Кина се позиционира како неутрална страна во конфликтот, кој никогаш не го осуди и во кој се обиде да се претстави како посредник. Западните земји велат дека нејасните мировни предлози објавени од Пекинг минатата година ќе и овозможат на Русија да задржи голем дел од територијата што ја зазеде во Украина. Видете и ова: Одбраната во фокус на посетата на Путин на Кина Во Пекинг меѓудругото, Путин ги критикуваше и безбедносните сојузи предводени од Западот во азиско-пацифичкиот регион, што е заедничка грижа и за Москва и за Пекинг. Тој рече дека „затворените воено-политички сојузи“ во регионот се „многу штетни“ и „контрапродуктивни“. Претходно, Си го поздрави Путин на свечената церемонија за добредојде со воени почести пред Големата куќа на народот во Пекинг, на почетокот на дводневната посета на рускиот претседател, која се очекува да ги продлабочи односите меѓу Москва и Пекинг, за кои претходно рекоа дека „ без граници“. Си му рекол на својот „стар пријател“ Путин дека односите меѓу Кина и Русија „водат кон мир“, се вели во соопштението на Министерството за надворешни работи на Пекинг. „Кина е подготвена да соработува со Русија за да ги зачува правичноста и правдата во светот“, додаде Си. Путин, пак, му рекол на Си дека односите на двете земји се „стабилизирачки фактори на меѓународната сцена“. „Односите меѓу Русија и Кина не се опортунистички и не се насочени против никого“, рече Путин, според соопштението на Кремљ. Ова е прво патување на Путин во странство откако тој беше реизбран во март и негово второ за нешто повеќе од шест месеци во Кина, која обезбеди економски спас за Русија откако беше санкционирана од Западот поради нејзината агресија во Украина. Се очекува Путин да разговара за Украина, Азија, енергијата и трговијата со Си - неговиот најмоќен политички поддржувач и колега во геополитичкото ривалство со САД. прочитај повеќе мај 16, 2024 Украина тврди дека го запрела напредувањето на Русија во некои области кај Харкив Харкив, Украина Украинската армија денеска (16 мај) објави дека го запрела руското напредување во некои области на североисточниот регион Харкив, каде Русија започна нова офанзива минатата недела. „Ситуацијата во регионот Харкив сè уште е комплицирана, но се развива на динамичен начин. Нашите одбранбени сили делумно ја стабилизираа ситуацијата. Напредувањето на непријателот во одредени зони и локалитети е запрено“, рече портпаролот на армијата. Портпаролот на армијата рече дека руските сили „секогаш се обидуваат да создадат услови за нов напредок“ и додаде дека украинските војници „се обидуваат да ја стабилизираат ситуацијата, да нанесат штета и да го спречат непријателот да ја окупира територијата“. Видете и ова: Зеленски ги одложи патувањата во странство поради „тешката“ ситуација на фронтот Предупредување за воздушен напад беше прогласено рано во четвртокот во Киев и неколку украински региони, при што украинските воздухопловни сили предупредуваа на закана од балистички ракети истрелани од Русија. Руските сили редовно напаѓаат цивили во регионите на Украина, со бројни фатални жртви, меѓу кои и деца, како и огромни штети на цивилната и енергетската инфраструктура, јави украинскиот сервис на Радио Слободна Европа. Во средата две лица загинаа во руски артилериски напад во Днепар, соопштија локалните власти. прочитај повеќе мај 16, 2024 Заседание на Воениот комитет на НАТО- во фокусот Украина и одбранбените планови на Алијансата илустрација Поддршката за Украина, имплементацијата на концептот за операции и на одбранбените планови, подготовките за јулскиот Самит на НАТО, како и прашања од стратешко значење за сојузниците, ќе бидат темите на денешното заседание на Воениот комитет на Алијансата на ниво на началници за генералштабови на земјите членки на Пактот во Брисел. Со заседанието ќе претседава претседателот на Воениот комитет, адмирал Роб Бауер, а на почетокот на собирот ќе се обрати и генералниот секретар на НАТО Јенс Столтенберг, кој, според најавите, ќе се осврне на клучните приоритети и предизвици на Алијансата. Во рамките на првата сесија на заседанието, началниците ќе се фокусираат на имплементација на концептот за операции во повеќе домени и на Агендата за развој на војувањето, која го надополнува Планот за воената трансформација на НАТО за следните дваесет години. Видете и ова: Столтенберг во посета на Киев, Зеленски повика на побрза испорака на оружје Предвидени се и поопсежни дискусии во врска со усогласувањето на операциите и планирањето на одбраната во рамките на Процесот на одбранбено планирање на НАТО. Како дел од заседанието ќе се одржи и состанок на Советот НАТО-Украина на ниво на началници на генералштабови, на кој е предвидено присуството и на началникот на Генералштабот на украинските Вооружени сили. Советот ќе расправа за ситуацијата на теренот поврзана со руската агресија врз Украина, како и за поддршката на државата од страна на НАТО и неговите земји членки. На посебна сесија, врховниот командант на Силите на НАТО во Европа, генерал Кристофер Каволи ќе ги информира началниците за напредокот постигнат во имплементацијата на плановите од Концептот за одвраќање и одбрана на евроатлантската област (ДДА), што беа усвоени на ланскиот Самит на Алијансата во Вилнус, а во рамки на подготовките за претстојната средба на врвот во Вашингтон. Во рамките на оваа сесија предвидено е да се одржат и дискусии за воената способност, интегрирана воздушна и ракетна одбрана, капацитетите на одбранбената индустрија и за општествената отпорност. прочитај повеќе мај 16, 2024 Претставници на Западен Балкан, ЕУ и САД во Котор ќе разговараат за планот за раст Котор, Црна Гора Црна Гора денеска (16 мај) ќе ги собере лидерите од Западен Балкан и претставници на Европската Унија и САД на самит на кој ќе разговараат за планот за раст на ЕУ за Западен Балкан. Домаќин на самитот во Котор, под слоганот „Еден регион, заедничка визија“ ќе биде премиерот на Црна Гора, Милојко Спајиќ. На состанокот ќе учествуваат и европскиот комесар за соседство и проширување Оливер Вархеј и помошникот државен секретар на САД за Европа и Евроазија Џејмс О'Брајан. Стејт департментот соопшти дека О'Брајан и другите учесници на самитот во Котор ќе се фокусираат на регионалната економска интеграција и можностите за раст понудени од Планот за раст на Западен Балкан и ќе ја зајакнат силната американска поддршка за патот на Западен Балкан кон членство во ЕУ. Заедно со лидерите и министрите на земјите од регионот, во Котор беа поканети и партнерски организации, како што се Советот за регионална соработка, Европската банка за обнова и развој, Европската инвестициска банка, Светската банка, Транспортната заедница, Атлантска алијанса, Енергетска заедница, Фондација Отворено општество, РеСПА, ГИЗ. Видете и ова: Европскиот парламент го одобри Планот за раст за Западен Балкан Планот за раст на Западен Балкан, што Европската комисија го усвои во ноември, а ЕУ пред две недели, предвидува финансиска поддршка од шест милијарди евра, од кои две милијарди се грантови, а четири милијарди се поволни заеми обезбедени од ЕУ. Услов за добивање средства е спроведување на реформите, пред се во делот на почитување на демократските механизми, владеењето на правото и основните права. Планот го опфаќа периодот од 2024 до 2027 година и предвидува секоја влада од Западен Балкан шест да добива одредена сума пари на секои шест месеци, во зависност од реформите што ги спроведувала во тој период. прочитај повеќе мај 15, 2024 Љупчо Палевски – Палчо со авион екстрадиран во Северна Македонија Љупчо Палевски - Палчо беше уапсен во Турција на 5 декември. Првоосомничениот за убиството на малолетното девојче Вања Ѓорчевска и велешанецот Панче Жежовски, вечерва (15 мај) со авионски лет е екстрадиран во Северна Македонија од Турција. Од скопскиот аеродром, со полициска придружба, тој директно беше транспортиран во затворот „Скопје“ во Шуто Оризари бидејќи веќе има решение за 30-дневен притвор. „Полициски службеници од Секторот за меѓународна полициска соработка на МВР во соработка со турската полиција го завршија процесот на екстрадиција од Република Турција на Љупчо Палевски (59) од Скопје, за кого беше распишана меѓународна потерница“, наведоа од Министерството за внатрешни работи. Видете и ова: Турција одобри екстрадиција на Љупчо Палески- Палчо Министерот за правда, Кренар Лога, се заблагодари на брзата реакција и соработката од Турција за екстрадиција на Палевски која, оцени, била завршена во релативен краток период за околу пет месеци. Ова следува откако на 30 април македонските власти добија официјално известување од турска страна дека е одобрена екстрадицијата. По одобрувањето, екстрадицијата се спроведе во организација на Министерството за внатрешни работи. Во притвор во „Шутка“ веќе се наоѓаат тројца осомничени соизвршители за грабнувањата и свирепите убиства на двете жртви. Од безбедносни причини, од затворската управа за Радио Слободна Европа посочија дека Палевски ќе биде издвоен од останатите притвореници во посебна ќелија. За него ќе бидат задолжени само одреден дел од затворските чувари што значи дека останатите припадници на затворската полиција ќе немаат пристап до него. Во тој дел од затворот, објаснуваат оттаму, може да се влегува само со електронска партичка. Исто така, велат од затворот за РСЕ, за осомничениот ќе се определи посебно време кога ќе може сам да излегува во затворскиот двор, ќе посетува посебна бања со придружба на чувари, ќе се проверува храната што ќе ја добива итн. Палевски, како првоосомничен, избега од Северна Македонија преку Србија и Бугарија и стигна до Турција. На 5 декември турската полиција го уапси во градот Балибекир. Видете и ова: Обвинителство не открива што покажала обдукцијата на Вања и Панче Кривичните дела за кој е осомничен се „грабнување“ и „убиство на свиреп начин“. Предметот е се уште во фаза на истрага, но се очекува наскоро таа да заврши и да биде поднесено обвинение. Двете жртви, 14-годишната Вања и велешкиот фризер Панче, беа пријавени за исчезнати на 24 и 27 ноември лани. Нивните тела беа пронајдени мртви во близина на Велес и Скопје на 3 декември. Во овој случај како петоосомничен се јавува и таткото на Вања. Тој се гони за помагање во делото грабнување. Тој во моментов се наоѓа во домашен притвор. За помагање во бегството на Палчо, пак, е осомничено едно лице кое се наоѓаше во притвор, но на 12 март по барање на обвинителството му беше укината оваа мерка и наместо неа му беа определени мерки на претпазливост – забрана за напуштање на живеалиште, одземање патна исправа и обврска за јавување во суд. прочитај повеќе Вчитај повеќе...

Вести мај 15, 2024 Русија ја предупреди ЕУ на остар одговор ако воведе ограничувања за руските медиуми Портпаролката на руското Министерство за надворешни работи, Марија Захарова Русија ја предупреди Европската Унија дека доколку Брисел воведе ограничувања за руските медиуми, западните известувачи во Русија ќе почувствуваат брз, остар и болен одговор од руската држава. Потпретседателката на Европската Комисија, Вера Јоурова, изјави дека ЕУ ќе го санкционира „Гласот на Европа“, заедно со рускиот весник „Риа Новости“ и „Известија“, објави Блумберг на 6 мај. Портпаролката на руското Министерство за надворешни работи Марија Захарова изјави дека западните новинари во Москва ќе го почувствуваат одговорот доколку Европската Унија преземе мерки против руските медиуми. „Ако овие мерки се преземат против руските медиуми, руските новинари, тогаш, и покрај тоа што западните дописници нема да го сакаат тоа, тие исто така ќе мора да ги почувствуваат нашите одмазднички мерки“, порача Захарова. Во Русија, заедно со затворањето на независните медиуми, странските медиумски куќи се најдоа под притисок, додека двајца странски новинари беа затворени. Станува збор за американско-руската новинарка на Радио Слободна Европа, Алсу Кумаршева и дописникот на The Wall Street Journal, Еван Гершкович, за обвиненијата кои ги отфрлаат. „Порано ја чувствуваа нашата љубов, но сега ќе мора да го почувствуваат одговорот. Ќе одговориме со молскавична брзина и крајно болно“, рече Захарова. Европската Унија веќе ги забрани руските медиуми РТ (порано познати како Русија денес) и Спутник како пропагандни алатки како дел од санкциите наметнати на Москва поради нејзината агресија врз Украина. Видете и ова: Бајден повика на ослободување на затворените новинари Захарова рече дека секој потег за ограничување на кој било руски медиум веднаш ќе доведе до одговор во Русија против западните дописници. „Ако само еден руски медиум е подложен на неоправдани ограничувања, тогаш тоа ќе се одрази на нивните колеги овде во Русија, мислам, на западните новинари“, рече Захарова. Комитетот за заштита на новинарите (CPJ) во извештајот во јануари рече дека Русија ги засилила своите напори да го потисне слободното известување. Видете и ова: Европратениците гласаа за резолуција со која се бара ослободување на новинарите Курмашева и Гершкович Покрај Кумаршева и Гершкович, во руски затвор се и десет други новинари од Украина, од кои пет се кримски Татари. Во февруари Русија го означи Радио Слободна Европа како „непожелна организација“, која ги изложи на кривични пријави своите новинари, соработници, донатори или оние што ги интервјуираше. Во март 2022 година, неколку недели по почетокот на руската инвазија, веб-страниците на неколку медиуми беа блокирани во Русија, меѓу кои РСЕ, Би-Би-Си и Дојче веле. прочитај повеќе види ги сите денешни вести мај 16, 2024 Самит на лидерите од регионот и ЕУ: „Секој треба да ја заврши својата работа“ Самит на лидерите на Западен Балкан и Европската Унија на 16 мај во Котор, Црна Гора Планот за раст на Западен Балкан претставува јасен сигнал за посветеноста на Европската Унија за економска и демократска трансформација на Западен Балкан, изјави црногорскиот премиер Милојко Спајиќ на Самитот на лидерите на Западен Балкан и Европската Унија во Котор. Советот на ЕУ одобри план од шест милијарди евра за поддршка на земјите од Западен Балкан со цел да се забрзаат реформите и економскиот раст, од кои две милијарди грантови и четири поволни заеми гарантирани од ЕУ. На самитот чиј домаќин е Спајиќ, покрај лидерите од регионот, учествуваат и европскиот комесар за соседство и проширување, Оливер Вархеји и помошникот државен секретар на САД за Европа и Евроазија, Џејмс О'Брајан. Видете и ова: Можно одложување на Планот за раст за Западен Балкан поради неусогласеност во ЕУ О'Брајан рече дека приоритет на Планот за раст за Западен Балкан е да се создаде единствен пазар на циркулација на пари, да се намалат трошоците, да се олесни движењето на пазарот и да се отворат повеќе работни места. „Пораките на Планот се дека за секој учесник пораката е јасна - работете ја вашата работа и не барајте некој друг да направи нешто прво, за вие да го направите вашето“. Вархеји рече дека Планот за раст повеќе не е нацрт, туку патоказ, кој е корисен за регионот пред влезот во ЕУ. „Поради планот за раст и интензитетот на помошта од економскиот и инвестицискиот план, реформската агенда и дополнителната финансиска помош до 2027 година, Балканот ќе биде подготвен или би можел да биде подготвен, или би можел сам да се подготви за влез во ЕУ“. Видете и ова: Претставници на Западен Балкан, ЕУ и САД во Котор ќе разговараат за планот за раст Самитот се организира под слоганот „Еден регион, заедничка визија“. На самитот присуствуваат претставници на Советот за регионална соработка, Европската банка за обнова и развој, Европската инвестициска банка, Светската банка, Атлантската алијанса, енергетската и транспортната заедница, Фондацијата Отворено општество... Ден пред Самитот, на 15 мај, се одржа состанок на министрите за европски прашања и финансии на земјите од Западен Балкан, претставници на Европската комисија и партнерските организации. „Министрите разговараа и за пристапот до единствената платежна зона за евро (SEPA), за олеснување на трговијата и транспортот меѓу земјите од регионот и членките на ЕУ, за подобрување на снабдувањето со критични лекови, Центарот за дигитални иновации и други теми“, соопштија од Министерството за европски прашања од Црна Гора. Претходните месеци министерски состаноци и регионални самити на лидерите од Западен Балкан се одржаа во Скопје и Тирана. прочитај повеќе мај 16, 2024 Западните претставници на протестите против спорниот закон во Грузија Министрите за надворешни работи на Естонија, Литванија и Исланд на протест во Тбилиси, 15 мај 2024 година Илјадници луѓе повторно излегоа на улиците на грузискиот главен град Тбилиси за да протестираат против контроверзниот закон за „странски агенти“ усвоен од парламентот и покрај повеќенеделните демонстрации и предупредувањата на Западот дека законот ја загрозува евроатлантската интеграција на Грузија. На демонстрантите во Тбилиси им се придружија и министрите за надворешни работи на Естонија, Летонија, Литванија и Исланд во маршот кон зградата на парламентот во средата во знак на солидарност со западните аспирации на Грузијците, објави грузискиот сервис на Радио Слободна Европа. Демонстрантите се собраа и на плоштадот на хероите, главната раскрсница во главниот град на Грузија, јавија дописниците на РСЕ од теренот. Законот, кој го усвои парламентот под контрола на владејачката партија Грузиски сон на 14 мај, беше осуден од САД, Европската Унија и групите за права поради неговата сличност со рускиот закон што претседателот Владимир Путин го користи за да ја замолчи опозицијата и да ги задуши независните институции. „Заедно го започнавме ова патување и нашите народи знаат што значи да се биде под притисок од Москва. Никогаш нема да ве оставиме, но сите треба да ја обликуваме судбината на нашите народи“, рече литванскиот министер за надворешни работи Габриелиус Ландсбергис, чија земја, како Грузија и Естонија, беше дел од поранешниот Советски Сојуз. Embed share Што ги предизвика масовните протести во Грузија? Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:01:48 0:00 Директен линк 240p | 5,1MB 360p | 8,6MB 480p | 16,7MB 720p | 27,1MB 1080p | 46,0MB „Вие како народ го одлучивте вашиот пат кон Европа. Ние сите заедно ќе направиме сè за да продолжиме по овој пат“, изјави естонскиот министер за надворешни работи Маргус Кахна. „Јас сум овде денес, вие не сте сами и ја имате нашата почит“, рече министерот за надворешни работи на Исланд, Тордис Колбрун Гилфадотир. На протестниот марш се приклучи и министерка за надворешни работи на Летонија, Баиба Бразе. Четворицата западни претставници претходно се сретнаа со грузиската претседателка Саломе Зурабишвили и одржаа заедничка прес-конференција. Зурабишвили на конференцијата предупреди дека опстанокот на Грузија како држава е во опасност откако парламентот го одобри контроверзниот закон за „странски агенти“ и повтори дека ќе стави вето на законот затоа што владата „не го послуша гласот на својот народ ниту советите на нејзините пријатели, ниту ничие предупредување и тргна по својот пат“. Според законот, медиумските куќи, невладините и другите непрофитни организации ќе мора да се регистрираат дека „работат за интересите на странска сила“ доколку повеќе од 20 проценти од нивното финансирање доаѓа од странство. Зурабишвили, која е во судир со владејачката партија Грузиски сон која го протурка законот во парламентот, има 10 дена да стави вето, но Грузиски сон и неговите партнери во парламентот имаат доволно пратеници за да го отфрлат ветото на претседателот. Американскиот помошник државен секретар Џејмс О'Брајан, кој беше во Тбилиси на 14 мај, рече дека односите на Вашингтон со земјата ќе бидат загрозени и дека американската помош за Грузија ќе биде предмет на ревизија доколку нацрт-законот биде усвоен. прочитај повеќе мај 16, 2024 Постигнат договор за коалициска влада во Холандија Речиси шест месеци по изборната победа на неговата партија, холандскиот политичар Герт Вилдерс објави дека е постигнат договор за формирање на десничарска коалициска влада. Тој исто така објави дека нема да биде премиер. „Имаме договор меѓу преговарачите“, рече Вилдерс, кој уште во март се откажа од намерата да биде премиер, наведувајќи ги наводите дека е „исламофоб и противник на ЕУ“. Видете и ова: Проблеми пред почетокот на преговорите за владејачка коалиција во Холандија Договорот е постигнат меѓу четири партии - Партијата за слобода (ПВВ) на Герт Вилдерс, про-земјоделската партија БББ, либералната партија ВВД и новата партија против корупцијата НСЦ. Сè уште не е познато кој ќе ја предводи десничарската владејачка коалиција која ќе го замени Марк Руте. Руте е кандидат за функцијата генерален секретар на НАТО. Крајнодесничарската Партија за слобода, која победи на изборите во Холандија, а чиј лидер е Вилдерс е позната и по тоа што меѓудругото, повикува на забрана на џамиите, Куранот и шамиите, како и референдум за напуштање на Европската Унија. прочитај повеќе мај 16, 2024 Косово го информирал Советот на Европа дека подготвува нацрт-статут за формирање на ЗСО Министерката за надворешни работи и дијаспора на Косово, Доника Гервала Министерката за надворешни работи и дијаспора на Косово, Доника Гервала, изјави дека преку писмо го информирала Советот на Европа дека Косово подготвува нацрт статут за формирање „механизам за самоуправување, координација и соработка на општините со српско мнозинство на Косово (ЗСО)“. Овој нацрт ќе биде испратен на толкување до Уставниот суд до крајот на мај. Владата претходно призна дека формирањето на Заедницата на општини со српско мнозинство е поставено како услов за прием на Косово во Советот на Европа. Според Гервала, нацрт-статутот ги задоволува потребите на граѓаните на српската заедница и истовремено ги почитува Уставот на Косово и принципите на Советот на Европа. „Нацртот обезбедува не само целосно почитување на Уставот и законите на Република Косово, туку во исто време спречува неовластени интервенции однадвор, како во општините на Косово, така и низ целата земја“, напиша Гервала на Фејсбук. Гервала изјави дека заедно со конкретизирање на напорите за формирање Заедница на општини со српско мнозинство, Косово очекува Советот на Европа да го исполни својот дел од обврската и да го покани Косово да се приклучи во Советот на Европа без одлагање, бидејќи Приштина ги исполнила сите услови. Видете и ова: Заедницата на општини со српско мнозинство - пречка на патот на Косово кон Советот на Европа Комитетот на министри на Советот на Европа заседава на 16 и 17 мај во Стразбур. Ова тело го дава последниот збор за прифаќање на една земја во членство. Заменик министерот за надворешни работи Крешник Ахмети на 14 мај изјави дека прашањето за прием на Косово во оваа организација за човекови права не е на дневен ред на Комитетот на министри. Џералд Кнаус, од Европската иницијатива за стабилност, го објави на интернет Х, целото писмо кое Гервала го испратила до претседателот на Парламентарното собрание на Советот на Европа, грчкиот пратеник Теодорос Русопулос. Во писмото, чија автентичност за РСЕ ја потврдија од Владата на Косово, се наведува дека нацрт-статутот што Косово го подготвува ќе биде испратен на толкување до Уставниот суд на Косово до крајот на мај. прочитај повеќе мај 16, 2024 Франција го обвини Азербејџан за вмешаност во немирите на Нова Каледонија Протести против промени во изборниот закон, Нова Каледонија, 15 мај 2024 Францускиот министер за внатрешни работи Жералд Дарманин денеска го обвини Азербејџан за мешање во политиката на пацифичката територија Нова Каледонија. „Ова не е фантазија … Жалам што некои од сепаратистите се договорија со Азербејџан … дури и ако има обиди за мешање … Франција е суверена на својот сопствена територија“, истакна Дарман. Немирите на Нова Каледонија почнаа на 13 мај поради уставната реформа, која предвидува промени на изборниот закон на француската територија. Националното собрание во Париз ја усвои реформата со 351 глас „за“ и 153 „против“, со која на илјадници француски граѓани на јужниот пацифички архипелаг ќе им се даде право на глас, а со тоа и поголемо политичко влијание. Видете и ова: Стотина повредени во немирите во Нова Каледонија, Макрон свика кризен состанок Во немирите во Нова Каледонија едно лице е застрелано, а повредени се стотици луѓе, вклучувајќи околу 100 полицајци и жандарми. Десетици домови и деловни објекти биле запалени за време на немирите, а повеќе од 130 лица се приведени. Премиерот на Франција, Габриел Атал вчера изјави дека на Нова Каледонија ќе бидат распоредени дополнителни полициски сили. прочитај повеќе мај 16, 2024 Путин и Си ги фалат односите како „стабилизирачка“ сила на меѓународната сцена Лидерите на Кина и Русија, Си Џинпинг и Владимир Путин, 16 мај 2024 година Лидерите на Кина и Русија, Си Џинпинг и Владимир Путин, ги претставија односите на нивните земји како стабилизирачка сила во еден хаотичен свет на состанокот во Пекинг, каде што рускиот претседател бара поголема кинеска поддршка за неговите воени напори во Украина и изолираната економија. Си и Путин потпишаа и заедничка изјава за продлабочување на сеопфатното стратешко партнерство меѓу Кина и Русија, објавија кинеските државни медиуми. На прес-конференција Путин рече дека му е „благодарен“ на Пекинг што се обидел да најде решение за војната во Украина и дека ги поздравил растечките економски врски со Кина. „Ќе го информирам претседателот на Народна Република Кина за ситуацијата околу украинската криза. Ние сме им благодарни на нашите кинески пријатели и колеги за иницијативите што ги даваат за решавање на овој проблем“, рече Путин. Кинескиот лидер Си Џинпинг изјави дека тој и рускиот колега Владимир Путин се согласиле за потребата од „политичко решение“ за војната во Украина, по разговорите меѓу двајцата претседатели во Пекинг. „Двете страни се согласуваат дека политичкото решение за украинската криза е правилна насока“, изјави Си за медиумите заедно со Путин на заедничката прес-конференција што ја емитуваше Руската телевизија. Москва тврди дека е отворена за разговори со Украина за завршување на војната, но инсистира дека Киев мора да ја прифати ситуацијата на терен, односно да се согласи со тврдењата на Русија дека ги анектирала регионите Доњецк, Херсон, Луганск и Запорожје. Кина се позиционира како неутрална страна во конфликтот, кој никогаш не го осуди и во кој се обиде да се претстави како посредник. Западните земји велат дека нејасните мировни предлози објавени од Пекинг минатата година ќе и овозможат на Русија да задржи голем дел од територијата што ја зазеде во Украина. Видете и ова: Одбраната во фокус на посетата на Путин на Кина Во Пекинг меѓудругото, Путин ги критикуваше и безбедносните сојузи предводени од Западот во азиско-пацифичкиот регион, што е заедничка грижа и за Москва и за Пекинг. Тој рече дека „затворените воено-политички сојузи“ во регионот се „многу штетни“ и „контрапродуктивни“. Претходно, Си го поздрави Путин на свечената церемонија за добредојде со воени почести пред Големата куќа на народот во Пекинг, на почетокот на дводневната посета на рускиот претседател, која се очекува да ги продлабочи односите меѓу Москва и Пекинг, за кои претходно рекоа дека „ без граници“. Си му рекол на својот „стар пријател“ Путин дека односите меѓу Кина и Русија „водат кон мир“, се вели во соопштението на Министерството за надворешни работи на Пекинг. „Кина е подготвена да соработува со Русија за да ги зачува правичноста и правдата во светот“, додаде Си. Путин, пак, му рекол на Си дека односите на двете земји се „стабилизирачки фактори на меѓународната сцена“. „Односите меѓу Русија и Кина не се опортунистички и не се насочени против никого“, рече Путин, според соопштението на Кремљ. Ова е прво патување на Путин во странство откако тој беше реизбран во март и негово второ за нешто повеќе од шест месеци во Кина, која обезбеди економски спас за Русија откако беше санкционирана од Западот поради нејзината агресија во Украина. Се очекува Путин да разговара за Украина, Азија, енергијата и трговијата со Си - неговиот најмоќен политички поддржувач и колега во геополитичкото ривалство со САД. прочитај повеќе мај 16, 2024 Украина тврди дека го запрела напредувањето на Русија во некои области кај Харкив Харкив, Украина Украинската армија денеска (16 мај) објави дека го запрела руското напредување во некои области на североисточниот регион Харкив, каде Русија започна нова офанзива минатата недела. „Ситуацијата во регионот Харкив сè уште е комплицирана, но се развива на динамичен начин. Нашите одбранбени сили делумно ја стабилизираа ситуацијата. Напредувањето на непријателот во одредени зони и локалитети е запрено“, рече портпаролот на армијата. Портпаролот на армијата рече дека руските сили „секогаш се обидуваат да создадат услови за нов напредок“ и додаде дека украинските војници „се обидуваат да ја стабилизираат ситуацијата, да нанесат штета и да го спречат непријателот да ја окупира територијата“. Видете и ова: Зеленски ги одложи патувањата во странство поради „тешката“ ситуација на фронтот Предупредување за воздушен напад беше прогласено рано во четвртокот во Киев и неколку украински региони, при што украинските воздухопловни сили предупредуваа на закана од балистички ракети истрелани од Русија. Руските сили редовно напаѓаат цивили во регионите на Украина, со бројни фатални жртви, меѓу кои и деца, како и огромни штети на цивилната и енергетската инфраструктура, јави украинскиот сервис на Радио Слободна Европа. Во средата две лица загинаа во руски артилериски напад во Днепар, соопштија локалните власти. прочитај повеќе мај 16, 2024 Заседание на Воениот комитет на НАТО- во фокусот Украина и одбранбените планови на Алијансата илустрација Поддршката за Украина, имплементацијата на концептот за операции и на одбранбените планови, подготовките за јулскиот Самит на НАТО, како и прашања од стратешко значење за сојузниците, ќе бидат темите на денешното заседание на Воениот комитет на Алијансата на ниво на началници за генералштабови на земјите членки на Пактот во Брисел. Со заседанието ќе претседава претседателот на Воениот комитет, адмирал Роб Бауер, а на почетокот на собирот ќе се обрати и генералниот секретар на НАТО Јенс Столтенберг, кој, според најавите, ќе се осврне на клучните приоритети и предизвици на Алијансата. Во рамките на првата сесија на заседанието, началниците ќе се фокусираат на имплементација на концептот за операции во повеќе домени и на Агендата за развој на војувањето, која го надополнува Планот за воената трансформација на НАТО за следните дваесет години. Видете и ова: Столтенберг во посета на Киев, Зеленски повика на побрза испорака на оружје Предвидени се и поопсежни дискусии во врска со усогласувањето на операциите и планирањето на одбраната во рамките на Процесот на одбранбено планирање на НАТО. Како дел од заседанието ќе се одржи и состанок на Советот НАТО-Украина на ниво на началници на генералштабови, на кој е предвидено присуството и на началникот на Генералштабот на украинските Вооружени сили. Советот ќе расправа за ситуацијата на теренот поврзана со руската агресија врз Украина, како и за поддршката на државата од страна на НАТО и неговите земји членки. На посебна сесија, врховниот командант на Силите на НАТО во Европа, генерал Кристофер Каволи ќе ги информира началниците за напредокот постигнат во имплементацијата на плановите од Концептот за одвраќање и одбрана на евроатлантската област (ДДА), што беа усвоени на ланскиот Самит на Алијансата во Вилнус, а во рамки на подготовките за претстојната средба на врвот во Вашингтон. Во рамките на оваа сесија предвидено е да се одржат и дискусии за воената способност, интегрирана воздушна и ракетна одбрана, капацитетите на одбранбената индустрија и за општествената отпорност. прочитај повеќе мај 16, 2024 Претставници на Западен Балкан, ЕУ и САД во Котор ќе разговараат за планот за раст Котор, Црна Гора Црна Гора денеска (16 мај) ќе ги собере лидерите од Западен Балкан и претставници на Европската Унија и САД на самит на кој ќе разговараат за планот за раст на ЕУ за Западен Балкан. Домаќин на самитот во Котор, под слоганот „Еден регион, заедничка визија“ ќе биде премиерот на Црна Гора, Милојко Спајиќ. На состанокот ќе учествуваат и европскиот комесар за соседство и проширување Оливер Вархеј и помошникот државен секретар на САД за Европа и Евроазија Џејмс О'Брајан. Стејт департментот соопшти дека О'Брајан и другите учесници на самитот во Котор ќе се фокусираат на регионалната економска интеграција и можностите за раст понудени од Планот за раст на Западен Балкан и ќе ја зајакнат силната американска поддршка за патот на Западен Балкан кон членство во ЕУ. Заедно со лидерите и министрите на земјите од регионот, во Котор беа поканети и партнерски организации, како што се Советот за регионална соработка, Европската банка за обнова и развој, Европската инвестициска банка, Светската банка, Транспортната заедница, Атлантска алијанса, Енергетска заедница, Фондација Отворено општество, РеСПА, ГИЗ. Видете и ова: Европскиот парламент го одобри Планот за раст за Западен Балкан Планот за раст на Западен Балкан, што Европската комисија го усвои во ноември, а ЕУ пред две недели, предвидува финансиска поддршка од шест милијарди евра, од кои две милијарди се грантови, а четири милијарди се поволни заеми обезбедени од ЕУ. Услов за добивање средства е спроведување на реформите, пред се во делот на почитување на демократските механизми, владеењето на правото и основните права. Планот го опфаќа периодот од 2024 до 2027 година и предвидува секоја влада од Западен Балкан шест да добива одредена сума пари на секои шест месеци, во зависност од реформите што ги спроведувала во тој период. прочитај повеќе мај 15, 2024 Љупчо Палевски – Палчо со авион екстрадиран во Северна Македонија Љупчо Палевски - Палчо беше уапсен во Турција на 5 декември. Првоосомничениот за убиството на малолетното девојче Вања Ѓорчевска и велешанецот Панче Жежовски, вечерва (15 мај) со авионски лет е екстрадиран во Северна Македонија од Турција. Од скопскиот аеродром, со полициска придружба, тој директно беше транспортиран во затворот „Скопје“ во Шуто Оризари бидејќи веќе има решение за 30-дневен притвор. „Полициски службеници од Секторот за меѓународна полициска соработка на МВР во соработка со турската полиција го завршија процесот на екстрадиција од Република Турција на Љупчо Палевски (59) од Скопје, за кого беше распишана меѓународна потерница“, наведоа од Министерството за внатрешни работи. Видете и ова: Турција одобри екстрадиција на Љупчо Палески- Палчо Министерот за правда, Кренар Лога, се заблагодари на брзата реакција и соработката од Турција за екстрадиција на Палевски која, оцени, била завршена во релативен краток период за околу пет месеци. Ова следува откако на 30 април македонските власти добија официјално известување од турска страна дека е одобрена екстрадицијата. По одобрувањето, екстрадицијата се спроведе во организација на Министерството за внатрешни работи. Во притвор во „Шутка“ веќе се наоѓаат тројца осомничени соизвршители за грабнувањата и свирепите убиства на двете жртви. Од безбедносни причини, од затворската управа за Радио Слободна Европа посочија дека Палевски ќе биде издвоен од останатите притвореници во посебна ќелија. За него ќе бидат задолжени само одреден дел од затворските чувари што значи дека останатите припадници на затворската полиција ќе немаат пристап до него. Во тој дел од затворот, објаснуваат оттаму, може да се влегува само со електронска партичка. Исто така, велат од затворот за РСЕ, за осомничениот ќе се определи посебно време кога ќе може сам да излегува во затворскиот двор, ќе посетува посебна бања со придружба на чувари, ќе се проверува храната што ќе ја добива итн. Палевски, како првоосомничен, избега од Северна Македонија преку Србија и Бугарија и стигна до Турција. На 5 декември турската полиција го уапси во градот Балибекир. Видете и ова: Обвинителство не открива што покажала обдукцијата на Вања и Панче Кривичните дела за кој е осомничен се „грабнување“ и „убиство на свиреп начин“. Предметот е се уште во фаза на истрага, но се очекува наскоро таа да заврши и да биде поднесено обвинение. Двете жртви, 14-годишната Вања и велешкиот фризер Панче, беа пријавени за исчезнати на 24 и 27 ноември лани. Нивните тела беа пронајдени мртви во близина на Велес и Скопје на 3 декември. Во овој случај како петоосомничен се јавува и таткото на Вања. Тој се гони за помагање во делото грабнување. Тој во моментов се наоѓа во домашен притвор. За помагање во бегството на Палчо, пак, е осомничено едно лице кое се наоѓаше во притвор, но на 12 март по барање на обвинителството му беше укината оваа мерка и наместо неа му беа определени мерки на претпазливост – забрана за напуштање на живеалиште, одземање патна исправа и обврска за јавување во суд. прочитај повеќе Вчитај повеќе...

Течат преговорите меѓу ВМРО-ДПМНЕ и „Вреди“ за состав на Влада иако добар дел од програмите им се спротивставени за важни национални теми - на прво место, уставните измени. Од „Вреди“ калкулираат со рок од 6 до 9 месеци за тие да се направат, а во меѓувреме да завршат изборите и во Бугарија и за Европскиот парламент Соединетите Американски Држави (САД) охрабруваат продолжување на дијалогот меѓу Скопје и Софија, изјавија од Стејт департментот на 13 мај, откако новата претседателка Гордана Сиљановска-Давкова го употреби името Македонија без додавката „северна“ кога даде свечена заклетва во Собранието. „Го охрабруваме продолжувањето на дијалогот меѓу Северна Македонија и Бугарија, во рамките на заедничките заложби за идното полноправно членство на Северна Македонија во ЕУ“, велат од Стејт департментот. Коалициите на ВМРО-ДПМНЕ и на „Вреди“(„Влен“) кои сега преговараат да ја состават новата Влада, очекуваат нови моменти меѓу Скопје и Софија откако во јуни ќе се одржат парламентарни избори и во Бугарија. Затоа, од „Вреди“ калкулираат со рок од шест, најдоцна девет месеци(по Нова година) за да се направат уставните измени, најважното прашање што треба да се реши за Северна Македонија да го продолжи патот кон Европската унија(ЕУ). Видете и ова: Прва средба меѓу ВМРО-ДПМНЕ и „Вреди“, работни групи ќе преговараат за евентуална коалиција Но, двете коалиции имаат различни ставови за ова прашање. ВМРО-ДПМНЕ во изборната кампања беше против менување на Уставот „под бугарски диктат“, додека од „Вреди“ велат дека тие се гаранција оти уставните промени ќе се случат. „Одложената примена на уставните измени претставува валидна алтернатива која е целосно во согласност со досегашната практика на сите држави, кои пред самиот чин на нивно пристапување во полноправно членство вообичаено ги прават неопходните или условени уставни измени, или во таа фаза истите влегуваат во сила“, пишува во програмата на ВМРО-ДПМНЕ. Лидерот на ВМРО-ДПМНЕ Христијан Мицкоски веднаш по изборите изјави дека ќе чека да се избере нова влада во Софија. „Веќе е одлучено, уставните измени ќе бидат прв приоритет на новата Влада. Уште пред да се формираат работни групи, коалициите се имаат договорено за рок во кој треба да се донесат уставните измени“, изјави Башким Хасани, шеф на изборниот штаб на коалицијата „Вреди“, за Радио Слободна Европа(РСЕ). Таравари: Ќе помогнат и олеснувачи од ЕУ Прво да се формира новата Влада на Северна Македонија, потоа да се формира влада во Бугарија, каде во јуни ќе има парламентарни избори, и на крај да поминат изборите во Европскиот парламент, исто така закажани за јуни. Кога сето тоа ќе заврши, ВМРО-ДПМНЕ и „Вреди“ ќе сумираат како понатаму со уставните измени. Embed share Таравари - Нема друга алтернатива за европскиот пат, освен уставни измени Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:14:02 0:00 Директен линк 240p | 26,2MB 360p | 38,5MB 480p | 61,5MB 720p | 212,5MB 1080p | 249,4MB Арбен Таравари, кој беше претседателски кандидат на „Вреди“, најави дека доколку уставните измени не се донесат по Нова година, ќе го преиспитаат учеството во идната Влада. Во интервју за телевизија Телма, Таравари рече дека и од ВМРО-ДПМНЕ има волја да се реши проблемот и да почнат преговорите. Посочи дека има предлози и од двете страни за европскиот пат на државата, но и сугестии од меѓународни експерти кои се надева дека во периодот што следи ќе бидат многу активни меѓу Скопје и Софија. „Европскиот пат на Македонија е да се смени Уставот, да се направат одредени уставни промени. Оставивме да разговараме уште еднаш бидејќи во јуни имаме избори во Бугарија, да видиме дали ќе имаме стабилна влада во Бугарија, што е многу важно за понатаму. Имаме и олеснувачи кои ќе помогнат во овој период...Има олеснувачи и од ЕУ“ рече Таравари во интервју за Телма на 13 мај. Порталот „Независен“ објави дека станува збор за Белгиецот Питер Ванхојте, кој по „иницијатива на белгиското претседателство со ЕУ добил мандат да биде медијатор олеснувач на бугарско-македонскиот спор, т.е да спроведе проект со кој ќе се отвори патот за уставните измени и ќе се обезбедат гаранции дека на патот на Македонија до членство нема веќе да има сопки од Бугарија или нови проблеми“. „Мојата главна цел ќе биде да се осигура дека процесот на пристапување на Македонија кон ЕУ нема веќе да се блокира“, најави Ванхојте за „Независен“, со порака дека „е отворен за сите опции, ќе ги сослуша сите барања и ќе се обиде да најде решенија“. Работните групи на двете коалиции денеска ќе ја одржат првата средба во преговорите за евентуална заедничка Влада, откако Христијан Мицкоски, мандатар и претседател на ВМРО-ДПМНЕ се сретна со лидерите на партиите во „Вреди“. Од ВМРО-ДПМНЕ соопштија дека соработката ќе се базира на три постулати - евроинтеграции, забрзан економски развој, борба против криминалот и корупцијата и владеење на правото. Бугарски аналитичари: Изгледите не се добри Со наслови дека националистите ја презедоа власта во Северна Македонија со антиевропски и антибугарски пораки во кампањата, медиумите во Бугарија известија за победата на ВМРО-ДПМНЕ на парламентарните избори во Северна Македонија на 8 мај. Во исто време, вршителот на должноста премиер Димитар Главчев и претседателот Румен Радев порачаа дека „Бугарија нема повеќе да прави отстапки за Северна Македонија“. Видете и ова: Радев: Наскоро ќе стане јасно дали Северна Македонија сака да оди во Европа Според Весела Чернева, директорка на канцеларијата на Европскиот совет за надворешна политика во Софија, „се зависи од тоа каков тон ќе одлучи да усвои владата на Скопје во иднина“. „Направија кампања што се базирашe на негирање на договорите и со Грција и Бугарија. Сега се поставува прашањето дали ќе сакаат да го отворат предлогот на ЕУ за почеток на преговори дури по измените на македонскиот Устав“, рече Чернева за бугарскиот сервис на РСЕ. Видете и ова: Трошановски - Немаме дипломатски капитал за промена на преговарачката рамка Марко Трошановски, претседател на Институтот за демократија „Социетас цивилис“ не верува дека може да дојде до промена во Преговарачката рамка со ЕУ. „Евентуално некакви гаранции коишто би дошле од страна на Европскиот парламент, би биле добри и посакувани, како и нови заклучоци од следниот совет на ЕУ, што би алудирале дека злоупотребата на билатералните договори е неприфатливо. Меѓутоа и тоа е тешко.“, рече Трошановски во интервју за РСЕ. Како дојдовме до тука? Поранешните премиери на Северна Македонија и на Бугарија, Зоран Заев и Бојко Борисов, го потпишаа договорот за добрососедство во 2017 година. Софија почна да ја блокира македонската европска интеграција во 2020 година, најпрво со инсистирање на теми поврзани со историјата и јазикот. Подоцна претседателот на Бугарија, Румен Радев почна се посилно да инсистира и на правата на македонските Бугари. Видете и ова: Ескобар: Дијалогот меѓу Северна Македонија и Бугарија да остане врз основа на факти За надминување на спорот меѓу Македонија и Бугарија, ЕУ понуди таканаречен „француски предлог“. Потоа, на 19 јули 2022, Северна Македонија ги почна преговорите за членство во Европската унија, барем формално. Се одржа првата меѓувладина конференција, почна скринингот, но не беше отворено ниедно поглавје. Преговорите по поглавја ќе почнат кога во македонскиот Устав ќе бидат внесени и Бугарите, меѓу други заедници. Иако почна собраниска седница за промена на Уставот, највисокиот правен акт досега не е сменет за да се внесат и Бугарите во него. За уставни измени треба да гласаат две третини од 120 пратеници, но се противеше ВМРО-ДПМНЕ, тогаш најголемата опозициска партија. Сега, ВМРО-ДПМНЕ прави влада, како победничка партија на парламентарните избори од 8 мај. Коалицијата што ја предводеше, „Твоја Македонија“, освои 436.036 гласови, речиси трипати повеќе од „коалицијата за европска иднина“ на чело со СДСМ, досегашната владеачка партија. Законските рокови налагаат дека Северна Македонија треба да добие нова Влада до крајот на јуни. Партиските очекувања се дека тоа може да се случи и порано, од 2 до 5 јуни. Artboard 4 Придружете се на Заедницата на Слободна Европа на Вибер...

Вести мај 15, 2024 САД ја предупредија Рајфајзен банка дека пристапот до финансии може да и биде ограничен илустрација Американското Министерство за финансии писмено ја извести Рајфајзен Банк Интернационал (РБИ) дека може да и биде ограничен пристапот до американскиот финансиски систем поради нејзините операции во Русија, изјави за Ројтерс лице кое ја видело преписката. Заменик-министерот за финансии Воли Адежемо испрати писмо до РБИ на 6 мај, во кое изрази загриженост за проширувањето на РБИ во Русија, како и за договорот од 1,5 милијарди долари со санкциониран руски тајкун што банката во меѓувреме го прекина, рече лицето кое побара да биде анонимно. Иако Рајфајзен се повлече од договорот со тајкунот Олег Дерипаска неколку дена по пристигнувањето на писмото, изворот рече дека загриженоста на американското Министерство за финансии за бизнисот на Рајфајзен во Русија, останува. Тоа е најсилното предупредување досега до најголемата западна банка во Русија и по неколкумесечниот притисок од Вашингтон, кој повеќе од една година го истражува работењето на австриската банка во земјата под санкции поради инвазијата на Украина. Портпаролот на Рајфајзен изјави дека банката се откажала од договорот во врска со градежната компанија Страбаг. Портпаролот рече дека РБИ „значително ги намалила“ своите активности во Русија и презела широки мерки за да го ублажи ризикот од санкции. „РБИ ќе продолжи да работи на деконсолидација на својата руска подружница“, изјави портпаролот за Ројтерс. Видете и ова: Ерменските банки нема да примаат руски картички поради закана од американски санкции Во писмото, Адежемо, вториот највисок функционер во американското Министерство за финансии, вели дека продолжувањето на Рајфајзен би било во спротивност со уверувањата на гаранциите што РБИ му ги дала на Министерството за финансии дека се обидува да се повлече од Русија, рече изворот. Адежемо предупреди дека активностите на РБИ го зголемуваат ризикот дека Министерството за финансии ќе мора да преземе акција за да го ограничи пристапот на банката до финансискиот систем на САД, со оглед на загриженоста дека нејзиното однесување ја доведува во опасност националната безбедност на САД. САД се најмоќниот регулатор во светот, главно затоа што може да го прекине пристапот на банката до доларот, што е основа на меѓународните финансии. Губењето на пристапот до доларот веројатно би ја турнал секоја банка во криза. Предупредувањето врши поголем притисок врз Рајфајзен банка, која е клучен финансиски мост за руските поединци и компании кон Запад, давајќи им пристап до евра и долари. прочитај повеќе види ги сите денешни вести мај 16, 2024 Постигнат договор за коалициска влада во Холандија Речиси шест месеци по изборната победа на неговата партија, холандскиот политичар Герт Вилдерс објави дека е постигнат договор за формирање на десничарска коалициска влада. Тој исто така објави дека нема да биде премиер. „Имаме договор меѓу преговарачите“, рече Вилдерс, кој уште во март се откажа од намерата да биде премиер, наведувајќи ги наводите дека е „исламофоб и противник на ЕУ“. Видете и ова: Проблеми пред почетокот на преговорите за владејачка коалиција во Холандија Договорот е постигнат меѓу четири партии - Партијата за слобода (ПВВ) на Герт Вилдерс, про-земјоделската партија БББ, либералната партија ВВД и новата партија против корупцијата НСЦ. Сè уште не е познато кој ќе ја предводи десничарската владејачка коалиција која ќе го замени Марк Руте. Руте е кандидат за функцијата генерален секретар на НАТО. Крајнодесничарската Партија за слобода, која победи на изборите во Холандија, а чиј лидер е Вилдерс е позната и по тоа што меѓудругото, повикува на забрана на џамиите, Куранот и шамиите, како и референдум за напуштање на Европската Унија. прочитај повеќе мај 16, 2024 Косово го информирал Советот на Европа дека подготвува нацрт-статут за формирање на ЗСО Министерката за надворешни работи и дијаспора на Косово, Доника Гервала Министерката за надворешни работи и дијаспора на Косово, Доника Гервала, изјави дека преку писмо го информирала Советот на Европа дека Косово подготвува нацрт статут за формирање „механизам за самоуправување, координација и соработка на општините со српско мнозинство на Косово (ЗСО)“. Овој нацрт ќе биде испратен на толкување до Уставниот суд до крајот на мај. Владата претходно призна дека формирањето на Заедницата на општини со српско мнозинство е поставено како услов за прием на Косово во Советот на Европа. Според Гервала, нацрт-статутот ги задоволува потребите на граѓаните на српската заедница и истовремено ги почитува Уставот на Косово и принципите на Советот на Европа. „Нацртот обезбедува не само целосно почитување на Уставот и законите на Република Косово, туку во исто време спречува неовластени интервенции однадвор, како во општините на Косово, така и низ целата земја“, напиша Гервала на Фејсбук. Гервала изјави дека заедно со конкретизирање на напорите за формирање Заедница на општини со српско мнозинство, Косово очекува Советот на Европа да го исполни својот дел од обврската и да го покани Косово да се приклучи во Советот на Европа без одлагање, бидејќи Приштина ги исполнила сите услови. Видете и ова: Заедницата на општини со српско мнозинство - пречка на патот на Косово кон Советот на Европа Комитетот на министри на Советот на Европа заседава на 16 и 17 мај во Стразбур. Ова тело го дава последниот збор за прифаќање на една земја во членство. Заменик министерот за надворешни работи Крешник Ахмети на 14 мај изјави дека прашањето за прием на Косово во оваа организација за човекови права не е на дневен ред на Комитетот на министри. Џералд Кнаус, од Европската иницијатива за стабилност, го објави на интернет Х, целото писмо кое Гервала го испратила до претседателот на Парламентарното собрание на Советот на Европа, грчкиот пратеник Теодорос Русопулос. Во писмото, чија автентичност за РСЕ ја потврдија од Владата на Косово, се наведува дека нацрт-статутот што Косово го подготвува ќе биде испратен на толкување до Уставниот суд на Косово до крајот на мај. прочитај повеќе мај 16, 2024 Франција го обвини Азербејџан за вмешаност во немирите на Нова Каледонија Протести против промени во изборниот закон, Нова Каледонија, 15 мај 2024 Францускиот министер за внатрешни работи Жералд Дарманин денеска го обвини Азербејџан за мешање во политиката на пацифичката територија Нова Каледонија. „Ова не е фантазија … Жалам што некои од сепаратистите се договорија со Азербејџан … дури и ако има обиди за мешање … Франција е суверена на својот сопствена територија“, истакна Дарман. Немирите на Нова Каледонија почнаа на 13 мај поради уставната реформа, која предвидува промени на изборниот закон на француската територија. Националното собрание во Париз ја усвои реформата со 351 глас „за“ и 153 „против“, со која на илјадници француски граѓани на јужниот пацифички архипелаг ќе им се даде право на глас, а со тоа и поголемо политичко влијание. Видете и ова: Стотина повредени во немирите во Нова Каледонија, Макрон свика кризен состанок Во немирите во Нова Каледонија едно лице е застрелано, а повредени се стотици луѓе, вклучувајќи околу 100 полицајци и жандарми. Десетици домови и деловни објекти биле запалени за време на немирите, а повеќе од 130 лица се приведени. Премиерот на Франција, Габриел Атал вчера изјави дека на Нова Каледонија ќе бидат распоредени дополнителни полициски сили. прочитај повеќе мај 16, 2024 Путин и Си ги фалат односите како „стабилизирачка“ сила на меѓународната сцена Лидерите на Кина и Русија, Си Џинпинг и Владимир Путин, 16 мај 2024 година Лидерите на Кина и Русија, Си Џинпинг и Владимир Путин, ги претставија односите на нивните земји како стабилизирачка сила во еден хаотичен свет на состанокот во Пекинг, каде што рускиот претседател бара поголема кинеска поддршка за неговите воени напори во Украина и изолираната економија. Си и Путин потпишаа и заедничка изјава за продлабочување на сеопфатното стратешко партнерство меѓу Кина и Русија, објавија кинеските државни медиуми. На прес-конференција Путин рече дека му е „благодарен“ на Пекинг што се обидел да најде решение за војната во Украина и дека ги поздравил растечките економски врски со Кина. „Ќе го информирам претседателот на Народна Република Кина за ситуацијата околу украинската криза. Ние сме им благодарни на нашите кинески пријатели и колеги за иницијативите што ги даваат за решавање на овој проблем“, рече Путин. Кинескиот лидер Си Џинпинг изјави дека тој и рускиот колега Владимир Путин се согласиле за потребата од „политичко решение“ за војната во Украина, по разговорите меѓу двајцата претседатели во Пекинг. „Двете страни се согласуваат дека политичкото решение за украинската криза е правилна насока“, изјави Си за медиумите заедно со Путин на заедничката прес-конференција што ја емитуваше Руската телевизија. Москва тврди дека е отворена за разговори со Украина за завршување на војната, но инсистира дека Киев мора да ја прифати ситуацијата на терен, односно да се согласи со тврдењата на Русија дека ги анектирала регионите Доњецк, Херсон, Луганск и Запорожје. Кина се позиционира како неутрална страна во конфликтот, кој никогаш не го осуди и во кој се обиде да се претстави како посредник. Западните земји велат дека нејасните мировни предлози објавени од Пекинг минатата година ќе и овозможат на Русија да задржи голем дел од територијата што ја зазеде во Украина. Видете и ова: Одбраната во фокус на посетата на Путин на Кина Во Пекинг меѓудругото, Путин ги критикуваше и безбедносните сојузи предводени од Западот во азиско-пацифичкиот регион, што е заедничка грижа и за Москва и за Пекинг. Тој рече дека „затворените воено-политички сојузи“ во регионот се „многу штетни“ и „контрапродуктивни“. Претходно, Си го поздрави Путин на свечената церемонија за добредојде со воени почести пред Големата куќа на народот во Пекинг, на почетокот на дводневната посета на рускиот претседател, која се очекува да ги продлабочи односите меѓу Москва и Пекинг, за кои претходно рекоа дека „ без граници“. Си му рекол на својот „стар пријател“ Путин дека односите меѓу Кина и Русија „водат кон мир“, се вели во соопштението на Министерството за надворешни работи на Пекинг. „Кина е подготвена да соработува со Русија за да ги зачува правичноста и правдата во светот“, додаде Си. Путин, пак, му рекол на Си дека односите на двете земји се „стабилизирачки фактори на меѓународната сцена“. „Односите меѓу Русија и Кина не се опортунистички и не се насочени против никого“, рече Путин, според соопштението на Кремљ. Ова е прво патување на Путин во странство откако тој беше реизбран во март и негово второ за нешто повеќе од шест месеци во Кина, која обезбеди економски спас за Русија откако беше санкционирана од Западот поради нејзината агресија во Украина. Се очекува Путин да разговара за Украина, Азија, енергијата и трговијата со Си - неговиот најмоќен политички поддржувач и колега во геополитичкото ривалство со САД. прочитај повеќе мај 16, 2024 Украина тврди дека го запрела напредувањето на Русија во некои области кај Харкив Харкив, Украина Украинската армија денеска (16 мај) објави дека го запрела руското напредување во некои области на североисточниот регион Харкив, каде Русија започна нова офанзива минатата недела. „Ситуацијата во регионот Харкив сè уште е комплицирана, но се развива на динамичен начин. Нашите одбранбени сили делумно ја стабилизираа ситуацијата. Напредувањето на непријателот во одредени зони и локалитети е запрено“, рече портпаролот на армијата. Портпаролот на армијата рече дека руските сили „секогаш се обидуваат да создадат услови за нов напредок“ и додаде дека украинските војници „се обидуваат да ја стабилизираат ситуацијата, да нанесат штета и да го спречат непријателот да ја окупира територијата“. Видете и ова: Зеленски ги одложи патувањата во странство поради „тешката“ ситуација на фронтот Предупредување за воздушен напад беше прогласено рано во четвртокот во Киев и неколку украински региони, при што украинските воздухопловни сили предупредуваа на закана од балистички ракети истрелани од Русија. Руските сили редовно напаѓаат цивили во регионите на Украина, со бројни фатални жртви, меѓу кои и деца, како и огромни штети на цивилната и енергетската инфраструктура, јави украинскиот сервис на Радио Слободна Европа. Во средата две лица загинаа во руски артилериски напад во Днепар, соопштија локалните власти. прочитај повеќе мај 16, 2024 Заседание на Воениот комитет на НАТО- во фокусот Украина и одбранбените планови на Алијансата илустрација Поддршката за Украина, имплементацијата на концептот за операции и на одбранбените планови, подготовките за јулскиот Самит на НАТО, како и прашања од стратешко значење за сојузниците, ќе бидат темите на денешното заседание на Воениот комитет на Алијансата на ниво на началници за генералштабови на земјите членки на Пактот во Брисел. Со заседанието ќе претседава претседателот на Воениот комитет, адмирал Роб Бауер, а на почетокот на собирот ќе се обрати и генералниот секретар на НАТО Јенс Столтенберг, кој, според најавите, ќе се осврне на клучните приоритети и предизвици на Алијансата. Во рамките на првата сесија на заседанието, началниците ќе се фокусираат на имплементација на концептот за операции во повеќе домени и на Агендата за развој на војувањето, која го надополнува Планот за воената трансформација на НАТО за следните дваесет години. Видете и ова: Столтенберг во посета на Киев, Зеленски повика на побрза испорака на оружје Предвидени се и поопсежни дискусии во врска со усогласувањето на операциите и планирањето на одбраната во рамките на Процесот на одбранбено планирање на НАТО. Како дел од заседанието ќе се одржи и состанок на Советот НАТО-Украина на ниво на началници на генералштабови, на кој е предвидено присуството и на началникот на Генералштабот на украинските Вооружени сили. Советот ќе расправа за ситуацијата на теренот поврзана со руската агресија врз Украина, како и за поддршката на државата од страна на НАТО и неговите земји членки. На посебна сесија, врховниот командант на Силите на НАТО во Европа, генерал Кристофер Каволи ќе ги информира началниците за напредокот постигнат во имплементацијата на плановите од Концептот за одвраќање и одбрана на евроатлантската област (ДДА), што беа усвоени на ланскиот Самит на Алијансата во Вилнус, а во рамки на подготовките за претстојната средба на врвот во Вашингтон. Во рамките на оваа сесија предвидено е да се одржат и дискусии за воената способност, интегрирана воздушна и ракетна одбрана, капацитетите на одбранбената индустрија и за општествената отпорност. прочитај повеќе мај 16, 2024 Претставници на Западен Балкан, ЕУ и САД во Котор ќе разговараат за планот за раст Котор, Црна Гора Црна Гора денеска (16 мај) ќе ги собере лидерите од Западен Балкан и претставници на Европската Унија и САД на самит на кој ќе разговараат за планот за раст на ЕУ за Западен Балкан. Домаќин на самитот во Котор, под слоганот „Еден регион, заедничка визија“ ќе биде премиерот на Црна Гора, Милојко Спајиќ. На состанокот ќе учествуваат и европскиот комесар за соседство и проширување Оливер Вархеј и помошникот државен секретар на САД за Европа и Евроазија Џејмс О'Брајан. Стејт департментот соопшти дека О'Брајан и другите учесници на самитот во Котор ќе се фокусираат на регионалната економска интеграција и можностите за раст понудени од Планот за раст на Западен Балкан и ќе ја зајакнат силната американска поддршка за патот на Западен Балкан кон членство во ЕУ. Заедно со лидерите и министрите на земјите од регионот, во Котор беа поканети и партнерски организации, како што се Советот за регионална соработка, Европската банка за обнова и развој, Европската инвестициска банка, Светската банка, Транспортната заедница, Атлантска алијанса, Енергетска заедница, Фондација Отворено општество, РеСПА, ГИЗ. Видете и ова: Европскиот парламент го одобри Планот за раст за Западен Балкан Планот за раст на Западен Балкан, што Европската комисија го усвои во ноември, а ЕУ пред две недели, предвидува финансиска поддршка од шест милијарди евра, од кои две милијарди се грантови, а четири милијарди се поволни заеми обезбедени од ЕУ. Услов за добивање средства е спроведување на реформите, пред се во делот на почитување на демократските механизми, владеењето на правото и основните права. Планот го опфаќа периодот од 2024 до 2027 година и предвидува секоја влада од Западен Балкан шест да добива одредена сума пари на секои шест месеци, во зависност од реформите што ги спроведувала во тој период. прочитај повеќе мај 15, 2024 Љупчо Палевски – Палчо со авион екстрадиран во Северна Македонија Љупчо Палевски - Палчо беше уапсен во Турција на 5 декември. Првоосомничениот за убиството на малолетното девојче Вања Ѓорчевска и велешанецот Панче Жежовски, вечерва (15 мај) со авионски лет е екстрадиран во Северна Македонија од Турција. Од скопскиот аеродром, со полициска придружба, тој директно беше транспортиран во затворот „Скопје“ во Шуто Оризари бидејќи веќе има решение за 30-дневен притвор. „Полициски службеници од Секторот за меѓународна полициска соработка на МВР во соработка со турската полиција го завршија процесот на екстрадиција од Република Турција на Љупчо Палевски (59) од Скопје, за кого беше распишана меѓународна потерница“, наведоа од Министерството за внатрешни работи. Видете и ова: Турција одобри екстрадиција на Љупчо Палески- Палчо Министерот за правда, Кренар Лога, се заблагодари на брзата реакција и соработката од Турција за екстрадиција на Палевски која, оцени, била завршена во релативен краток период за околу пет месеци. Ова следува откако на 30 април македонските власти добија официјално известување од турска страна дека е одобрена екстрадицијата. По одобрувањето, екстрадицијата се спроведе во организација на Министерството за внатрешни работи. Во притвор во „Шутка“ веќе се наоѓаат тројца осомничени соизвршители за грабнувањата и свирепите убиства на двете жртви. Од безбедносни причини, од затворската управа за Радио Слободна Европа посочија дека Палевски ќе биде издвоен од останатите притвореници во посебна ќелија. За него ќе бидат задолжени само одреден дел од затворските чувари што значи дека останатите припадници на затворската полиција ќе немаат пристап до него. Во тој дел од затворот, објаснуваат оттаму, може да се влегува само со електронска партичка. Исто така, велат од затворот за РСЕ, за осомничениот ќе се определи посебно време кога ќе може сам да излегува во затворскиот двор, ќе посетува посебна бања со придружба на чувари, ќе се проверува храната што ќе ја добива итн. Палевски, како првоосомничен, избега од Северна Македонија преку Србија и Бугарија и стигна до Турција. На 5 декември турската полиција го уапси во градот Балибекир. Видете и ова: Обвинителство не открива што покажала обдукцијата на Вања и Панче Кривичните дела за кој е осомничен се „грабнување“ и „убиство на свиреп начин“. Предметот е се уште во фаза на истрага, но се очекува наскоро таа да заврши и да биде поднесено обвинение. Двете жртви, 14-годишната Вања и велешкиот фризер Панче, беа пријавени за исчезнати на 24 и 27 ноември лани. Нивните тела беа пронајдени мртви во близина на Велес и Скопје на 3 декември. Во овој случај како петоосомничен се јавува и таткото на Вања. Тој се гони за помагање во делото грабнување. Тој во моментов се наоѓа во домашен притвор. За помагање во бегството на Палчо, пак, е осомничено едно лице кое се наоѓаше во притвор, но на 12 март по барање на обвинителството му беше укината оваа мерка и наместо неа му беа определени мерки на претпазливост – забрана за напуштање на живеалиште, одземање патна исправа и обврска за јавување во суд. прочитај повеќе мај 15, 2024 Пропадна и последната рунда преговори за динарот меѓу Косово и Србија За употребата на динарот досега се одржаа седум средви помеѓу Белград и Приштина Без договор за прашањето за употребата на српскиот динар заврши и денешната (15 мај), седма по ред средба во Брисел меѓу главните преговарачи на Косово и Србија. Косовскиот главен преговарач рече дека ќе нема повеќе средби во рамките на дијалогот на оваа тема. Европската унија потврди дека нема волја на страните да постигнат компромисно решение. „Средбата пропадна затоа што немаше подготвеност од српската страна да се разговара за предлогот на (Мирослав) Лајчак [европскиот пратеник за дијалог]. Нивната позиција денес назадувала во споредба со претходните три состаноци“, изјави косовскиот преговарач Бесник Бислими на крајот од состанокот кој траеше повеќе од осум часа. Видете и ова: Средба меѓу Косово и Србија за динарот во среда во Брисел Главниот преговарач на Србија, Петар Петковиќ, одговорноста за неуспехот на преговорите за динарот ја префрли на косовската страна. Но, призна и дека Србија дошла со нови предлози. „Иако нашата страна повторно беше конструктивна, иако излеговме со нови предлози, покажавме дека сакаме договор. Излеговме со шест нови предлози“, рече Петковиќ. На средбата, Косово и Србија требаше да се договорат за компромисниот предлог што го даде европскиот претставник Мирослав Лајчак. Петковиќ рече дека Белград не ја затворил вратата за понатамошни разговори, бидејќи Србија, како што посочи, сака решение зашто без него „на Србите на Косово им е потешко“. Ова беше седма средба за динарот која пропадна бидејќи Приштина и Белград не успеаја да најдат заеднички јазик. Целта на овие состаноци беше да се постигне привремено решение за примена на регулативата на Централната банка на Косово, според која од 1 февруари годинава еврото е единствената валута за готовинско плаќање во Косово. ЕУ жали за исходот од состанокот „ЕУ жали што денес не беше можно да се постигне договор. ЕУ оценува дека нема подготвеност да се најде компромисен договор во иднина“, се вели во изјавата на портпаролот на Унијата по средбата на преговарачите од Србија и Косово. Во изјавата од ЕУ, се потврдува подготвеноста на Брисел да свика нова средба на оваа тема, „штом страните покажат волја за изнаоѓање заемно прифатливо решение“. Како што се наведува во соопштението на ЕУ, меѓу предлозите што ги дала европската страна бил и договор за формирање на нов деловен субјект според косовскиот закон, кој би имал задача привремено да ја распределува финансиската помош за косовските Срби што ја дава Србија. Видете и ова: ЕУ: Поради недостаток на дијалог, Србија и Косово со ризик да останат без пари од Планот за раст Сепак, како што соопшти прес-службата на ЕУ, и покрај тоа што Унијата доставила компромисен предлог, страните не можеле да се договорат за неколку клучни прашања, вклучувајќи го и вкупниот обем на активности што би ги имал тој нов субјект, опфатот на корисници на овој субјект и обемот на финансиска помош од Србија. „Отсуството на договорен пат за напредок има негативни последици врз секојдневниот живот на косовските Срби и другите заедници низ Косово и е постојан извор на загриженост“, се заклучува во соопштението од ЕУ. Меѓународната заедница претходно побара од Косово да го одложи спроведувањето на уредбата на Централната банка на Косово и да најде краткорочно преодно решение, бидејќи декретот има влијание врз локалното население на северот на Косово, кое со години прима исплати во динари од буџетот на соседна Србија. прочитај повеќе мај 15, 2024 Министрите од регионот во Котор разговараа за Планот за раст Состанок на министерите за европски прашања во Котор, 15 мај 2024 г. Министрите за европски прашања и за финансии на земјите од регионот и претставниците на Европската комисија на 15 мај во Котор разговараа за спроведувањето на Планот за раст на Европската унија за Западен Балкан, „тежок“ шест милијарди евра. Средбата беше организирана во пресрет на почетокот на Самитот на ЕУ и лидерите на земјите од регионот, што ќе се одржи во Котор утре (16 мај), а чиј домаќин ќе биде црногорскиот премиер Милојко Спајиќ. Министрите разговараа и за пристапот до единствената зона за плаќање во евра (СЕПА), за подобрување на трговските и транспортните капацитети меѓу земјите од регионот и членките на ЕУ, како и за подобрување на снабдувањето со критични лекови и за Центарот за дигитални иновации, соопшти Министерството за европски прашања на Црна Гора. Видете и ова: Европскиот парламент го одобри Планот за раст за Западен Балкан На министерскиот состанок учествуваше и генералниот директор за соседство и преговори за проширување на Европската комисија, Герт Јан Купман. Црногорската министерка за европски прашања Маида Горчевиќ рече дека приоритет на нивната Влада во рамки на Планот за раст се 44 инфраструктурни проекти во областа на образованието, како и забрзување на развојот на инфраструктурата во областа на транспортот и енергетиката. Нејзината колешка од Србија, Тања Мишчевиќ, посочи дека се благодарни на Брисел за сумата што ја издвојува преку Планот за раст, нагласувајќи дека „парите се помалку важни во споредба со тоа што ќе се забрзаат европските интеграции“. „Западен Балкан оди во вистинска насока“, рече Мишчевиќ. Албанскиот министер и главен преговарач, Мајлинда Дука, смета дека е важно граѓаните и економијата да ги разберат придобивките од овој процес, со цел да се зголеми поддршката за европската интеграција. „Сакаме зборовите на хартија да се преточат во дело. Затоа ни е потребна синергија, на национално, регионално и ниво на ЕУ“, рече Дука. Видете и ова: Вархеји: Планот за раст може да ги удвои на економиите на Западен Балкан За нејзиниот колега, министерот за финансии Ервин Мета, видлив е напредокот на земјите од регионот во процесот на донесување регулативи и приближување кон единствениот европски пазар. Од Северна Македонија на состанокот учествуваа вицепремиерот за европски прашања Бојан Маричиќ и заменик-министерот за финансии Филип Николовски. Маричиќ посочи дека смета оти постои високо ниво на посветеност на реформите. „Планот за раст нема да биде само уште една убава идеја, туку ќе имаме реални придобивки, а граѓаните ќе ги почувствуваат придобивките уште пред формалното членство во ЕУ“, рече Маричиќ. Николовски, пак, порача дека Планот за раст е значајна алатка и сите земји треба да вложат максимални напори да го искористат. На средбата присуствуваа и заменик-министерот за финансии, труд и трансфер на Косово, Авни Зогиани и советникот на министерот за финансии и трезор на Босна и Херцеговина, Жељко Јањетовиќ. Присутни беа и претставници на Секретаријатот на Централноевропскиот договор за слободна трговија, Транспортната заедница, Енергетската заедница, Светската банка, Европската банка за обнова и развој, Европската инвестициска банка… Видете и ова: Многу пари, но и многу услови во европскиот план за Западен Балкан Планот за раст за Западен Балкан ќе биде тема на самитот на лидерите на земјите од регионот и претставниците на ЕУ и САД закажан за утре. Најавено е присуство на еврокомесарот за проширување Оливер Вархеји и помошникот државен секретар на САД за европски и евроазиски прашања, Џејмс О’Брајан. Претходно овој месец, Советот на ЕУ одобри план вреден шест милијарди евра за поддршка на земјите од Западен Балкан, чија цел е да се забрзаат реформите и економскиот раст во регионот. Од таа сума, две милијарди евра ќе бидат во форма грантови, а четири милијарди како поволни заеми гарантирани од ЕУ. Претходните самити на лидерите од Западен Балкан и ЕУ се одржаа во Скопје и Тирана. прочитај повеќе Вчитај повеќе...

Мила Србиноска - со љубов кон танцот до европски и светски успеси Достапни линкови Оди на содржината Оди на главната навигација Премини на пребарување линкот е копиран рубрики Македонија Свет Визуелно Вести Нова генерација Насловна #ВашТаг #ШтоСеГледа Моја порака Иноватори Што треба да знаете Пријави се за њузлетер Подкаст Зошто? Следете не РСЕ веб страници Барај Барај Претходно Следно Breaking News Моја порака Мила Србиноска - со љубов кон танцот до европски и светски успеси мај 15, 2024 Емилија Бунтеска Нацоска Embed Мила Србиноска - со љубов кон танцот до европски и светски успеси Embed The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:42 0:00 Директен линк 240p | 7,6MB 360p | 12,7MB 480p | 22,6MB 720p | 43,1MB 1080p | 65,9MB Мила Србиноска на само 3 години стана државен првак во хип хоп. На 6 години - европска шампионка и трета во свет. Сега има 13 години и медали за над 70 први места добиени на меѓународни натпревари по хип хоп. Нејзина цел е да стане светска шампионка во категорија јуниори. Сака да биде добар пример за помладите од неа и да им го пренесе своето знаење во иднина. Сподели Мила Србиноска - со љубов кон танцот до европски и светски успеси share Поврзано Моја порака Танчарот Анди: Вие кои не верувавте во мене, видете каде сум сега Моја порака „Не мора сите да сме по фудбал или кошарка, некој може и да танцува“ Моја порака „Сакам да танцувам во холивудски филм“ Категории Македонија Македонски тим на кошаркари во колички: „Инвалидитетот не е пречка да спортуваме“ Што по исходот од претседателските и парламентарните избори? Гласање без проблеми: „Кој и да победи, нека има мир“ Повеќе Свет Грузијци отпуштени од работа поради протестирање Видео: Словачкиот премиер Фицо ранет по владина седница Тепање и протести - Грузискиот Парламент го усвои законот за „странски агенти“ Повеќе ТВ Тема на неделата Од зима во лето - што ни направија климатските промени? Гранатиран живот: Една година од руската инвазија во Украина Пчелите исчезнуваат, ќе нема што да јадеме? Повеќе ТВ Тема на денот Македонски тим на кошаркари во колички: „Инвалидитетот не е пречка да спортуваме“ Што по исходот од претседателските и парламентарните избори? Гласање без проблеми: „Кој и да победи, нека има мир“ Повеќе Во 90 секунди Грузијци отпуштени од работа поради протестирање Што е заднината на апсењето на рускиот заменик министер за одбрана? Сериозни здравствени ризици од палењето стари гуми во Црна Гора Повеќе Радио програми ​ Врати се најгоре Следете не Инфо страница Пријави се За нас Контакт Линкови Нова генерација Визуелно Што треба да знаете Истражуваме Интервју Моја порака Поткаст Зошто? Радио Слободна Европа / Радио Слобода. Сите права се резервирани XS SM MD LG...