Нефункционалноста на апаратот за идентификација е причина гласањето на две избирачки места во Општина Тетово да почне со стариот метод со кој се зема отпечаток од прст на графитно перниче, па се остава отпечаток во избирачки список, а се користат спреј и УВ-ламба за проверка. Добиј ги најважните вести, бесплатно на Viber – Во едно избирачко место во ОУ „Лирија“ во Тетово гласањето почна во 8.40 часот откако беше утврдено дека не функционира апаратот за идентификација. Со одлука на Државната изборна комисија (ДИК) се користи стариот метод со отпечаток од прст и УВ ламба. Истото е направено во едно избирачко место во село Бозовце каде гласањето почна во 9.22 часот, информираше Зулќуфли Реџепи, претседател на ОИК Тетово Во Општина Тетово за парламентарните избори право на глас имаат 86.550 граѓани, додека за вториот круг за избор на претседател на државата може да гласаат вкупно 86.405 луѓе. Од вкупнте бројки, вчера имаа можност да гласаат 54 затвореници, како и 181 лице пријавени за болни и немоќни со право на глас....

Денеска на 3480 гласачки места во 80 општеини на територијата на Македонија право на глас имаат 1814317 гласачи, за претседателските избори, а за парламентарните избори 181535о гласачи. Добиј ги најважните вести, бесплатно на Viber -До 9 часот од пристигнатите податоци за излезност на гласачите за претседателските избори од 1009 ИМ од вкупно запишани 547041 гласачи на овие избирачки места гласале 22797 лица, односно 4,17%. Најголема излезност за претседателските избори има во Пробиштип – 8, 85%, а најмала излезност е во Боговиње 0,57%. Споредбено со вториот круг од претседателските избори од 2019 година имаме намалување на излезноста од 1,99 на овие избори, соопшти претседателот на ДИК Александар Даштевски. До 9 часот пристигнати се податоци за излезноста на парламентарните избори од 1033 избирачки места, од вкупно запишани 564780 гласачи. На овие избирачки места гласале 25132 односно 4, 45%. Најголема излезност во моментов за парламентарните избори има во Кривигаштани 9,46%, а најмала излезност за парламентарните избори е во Боговиње 1,43%. -Споредено со парламентарните избори во 2020 година имаме намалување од 0,74% на овие избори. Излезноста на парламентарните избори по изборни единици на овие избори е следна: ИЕ1 – 4,85% ИЕ2 -3,64%, ИЕ3 – 6,26%, ИЕ4 – 5,52%, ИЕ5 – 4,41% и ИЕ6 – 2,24%, рече Даштевски. Претседателот на ДИК нагласи дека имало технички проблеми во одредени изборни места по што гласањето таму продолжило без фингерпринт опремата туку по стариот начин со УВ лампа и спреј....

Од Египет, следна дестинација Израел. Првиот човек на ЦИА ќе се сретне со премиерот на Израел. Добиј ги најважните вести, бесплатно на Viber Лондонски Гардијан напиша дека сите пет делегации кои вчера учествуваа во разговорите во во Каиро – Хамас, Израел, САД, Египет и Катар – го поддржаа обновувањето на преговорите. Два извора од египетската делегација потврдија дека се очекува преговорите да продолжат и денеска. Портпаролот на Белата куќа, Џон Кирби, синоќа изјави дека Хамас претставил изменет предлог и дека новиот текст укажува дека преостанатите разлики можат апсолутно да се надминат. Тој, меѓутоа, одби да открие други детали од преговорите. Израел во понеделникот соопшти дека предлогот за трифазен прекин на огнот, прифатен од Хамас, е неприфатлив за нив бидејќи „условите се ублажени“...

Џон Свини е избран за премиер на Шкотска, откако освои мнозинство гласови во Парламентот. Свини вчера беше избран за нов лидер на СНП, пренесе N1, дополнувајќи дека тој и претходно беше на чело на партијата, од 2000 до 2004 година. Добиј ги најважните вести, бесплатно на Viber -Бидејќи мнозинството пратеници гласаа за Џон Свини, во име на Парламентот му честитам за неговата кандидатура за премиерската функција, изјави по гласањето претседателката на шкотскиот Парламент, Алисон Џонстон. Премиерот на Шкотска го избираат пратениците во парламентот, а Свини е избран на функцијата иако на неговата партија и недостигаат два гласа во парламентот за апсолутно мнозинство. СНП, инаку, е најголемата партија во Шкотска со 63 од 129 пратенички места во парламентот....

Денешниот ден, од аспект на безбедносната состојба е стабилен. Министерството за внатрешни работи постапува согласно надлежностите што ги има, изјави денеска техничкиот министер за внатрешни работи Панче Тошковски по гласањето за изборите во ООУ „Јохан Хајнрих Песталоци“ во општина Центар. Добиј ги најважните вести, бесплатно на Viber – Согласно информациите што ги имам од утринава, сите избирачки места се стабилни, отворени. Граѓаните можат да си го остварат своето право на глас во една мирна, фер и демократска атмосфера, рече Тошковски. Тој упати порака до граѓаните во текот на денешниот ден масовно да си го остварат своето право на глас и да не дозволат, како што рече, нивната волја да биде киднапирана од страна на било кој субјект и на било каков начин. – Секој македонски граѓанин може да го оствари своето право на глас и е должен да го оствари своето право на глас на еден таен начин, а зад параванот никој не може да знае за кого во едни фер и демократски услови секој македонски граѓанин ќе го даде своето право на глас, нагласи Тошковски. Повика на масовна излезност заради тоа што, како што рече, само така можеме да имаме европски избори кои ќе однесат таму каде што и заслужуваме да бидеме. Тошковски изрази благодарност до новинарите, до нашите меѓународни пријатели и до сите набљудувачи кои ќе го следат овој изборен ден. – МВР ги има сите човечки капацитети, технички ресурси потребни за да гарантираме еден фер и демократски изборен процес и притоа македонскиот граѓанин слободно, врз основа на сопствено убедување си го оствари своето право на глас, а секој еден кој ќе се обиде на незаконит начин да влијае било како во рамки на овој изборен ден треба да му биде јасно дека МВР во координација со надлежен јавен обвинител и судот ќе делуваат бескомпромисно. Секое незаконито дејствие од страна на секој еден поединец ќе има име и презиме и ќе одговараат пред законот, изјави Тошковски....

Синоптичарите за денеска најавуваат променливо облачно време, попладне и во вечерните часови на повеќе места ќе биде нестабилно со пороен дожд и грмежи. Локално, процесите ќе бидат во форма на невреме со пообилен пороен дожд за кратко време, силни електрични празнења, засилен ветер и појава на град. Добиј ги најважните вести, бесплатно на Viber Максималната температура ќе биде во интервал од 20 до 26 степени. Во Скопје променливо облачно. Попладне и во вечерните часови ќе биде нестабилно со пороен дожд, грмежи и засилен ветер. Во делови од котлината ќе има услови за појава на краткотрајно невреме. Максималната температура ќе достигне 25 степени....

Во палатата Србија започна собирот на граѓани за пречек на кинескиот претседател Си Џинпинг. Бранковиот мост е блокиран и ќе го надлетуваат хеликоптери, пренесе Данас. Добиј ги најважните вести, бесплатно на Viber фото: НОВА Кинескиот лидер беше пречекан од претседателот на Србија, Александар Вучиќ , а по повод оваа важна посета се беше организирано на највисоко ниво. Авионот на кинескиот претседател беше придружуван од ловци МиГ-29 од моментот кога влезе во воздушниот простор на Србија, а на белградскиот аеродром во негова чест беа построени гардата на војската на Србија и фолклорен ансамбл. Кинескиот претседател пристигнува во Белград/фото: ЕПА Си Џинпинг синоќа пристигна во Белград, а за неговата безбедност се одговорни речиси седум илјади полицајци. Кинескиот претседател пристигнува во Белград/фото: ЕПА По церемонијата на пречекот, предвиден е разговор меѓу двајцата претседатели, а потоа пленарна средба на делегациите на Србија и Кина, потпишување на заедничка изјава и размена на потпишани билатерални документи и договори. Кинескиот претседател пристигнува во Белград/фото: ЕПА Кинеската делегација брои околу 400 членови, а за време на посетата се планира да бидат потпишани над 30 договори. Посетата на Кси Џинпинг на Србија е втора во последните осум години. Кинескиот претседател пристигнува во Белград/фото: ЕПА Во 10 часот ќе се одржи и свечениот пречек во Палата Србија. Граѓаните веќе се собираат, се слуша кинеска музика, и има премногу метеж, јавуваат српските медиуми. Погледнете го видеото тука. Си за време на посетата на Белград ќе се вози во својот автомобил „Хонгки седан“ . Овој рачно изработен луксузен автомобил, со кодно име N701 , чини 700.000 долари, направен е од ракетен оклоп, отпорен на куршуми, а содржи и систем кој штити од хемиско и биолошко оружје....

Во канцеларијата на Народниот правобранител, од 7 до 19 часот граѓаните ќе можат да пријават каква било повреда на избирачкото право на бесплатната телефонска линија 0800 54321. Добиј ги најважните вести, бесплатно на Viber Како што информираат денеска од канцеларијата на Народниот правобранител, освен на бесплатната телефонска линијата, граѓаните ќе можат да пријават повреди на избирачкото право и лично во главната канцеларија во Скопје, што се наоѓа на улицата „Македонија“ бр.19 во зградата на ТД „Макошпед“ (спроти Спомен куќата на Мајка Тереза). -Исто така, на денот на изборите дежурства ќе има и во подрачните канцеларии во Струмица на тел.бр.(034)329-996, Кичево на тел. бр (045).228-586, Тетово на тел. бр.(044) 344-082, Битола на тел. бр.(047) 242-310, Штип на тел. бр. (032) 389-701 и во Куманово на тел. бр .(031) 431-488, се вели во денешното соопштение од Народниот правобранител. Народниот правобранител, нагласуваат оттаму, со цел заштита на избирачкото право на граѓаните ќе презема итни мерки за ефективно постапување од странa на надлежните органи во изборниот процес и другите институции кои се должни да им обезбедат заштита на граѓаните остварување на нивното загарантирано избирачко право....

Понекогаш е лесно да ги игнорираме нашите лични здравствени потреби и да ги ставиме на последно место. Но, според онколозите, без разлика колку сме зафатени, важно е да се даде приоритет на нашето лично здравје. Би било погрешно да размислуваме за здравјето само кога ни е потребна медицинска интервенција, пишува „Парејд“. Добиј ги најважните вести, бесплатно на Viber Постои еден ран симптом на рак кој често се занемарува бидејќи многумина од нас се „премногу зафатени“ за да го забележат. Според имунологот д-р Сузан Грир, овој често незабележан знак е игнорирање или отфрлање на промените во нашето тело. „Генерално, раните предупредувачки знаци за сите видови рак се промени во вашето тело кои се различни од она што е нормално за вас“, изјавила таа. Таа посочува дека специфичните рани предупредувачки знаци вклучуваат, но не се ограничени на: замор, дигестивни промени, рани кои нема да зараснат, невообичаени грутки, отежнато дишење, кашлица, засипнатост, необјаснето губење на тежината, хронично варење. Промените во телото треба да се сфатат како сигнал дека треба да посетиме лекар. Онкологот д-р Алфред Варгас се согласува со д-р Грир, велејќи дека некои специфични промени на кои треба да се внимава се необјаснети промени во тежината, замор, грутки на кожата и рани на кожата или устата. За жените, онкологот д-р Кели Рат додава дека неможноста да се јаде целосен оброк, крв во урината или столицата, абнормални кожни лезии, тумор на дојката, отежнато дишење или кашлање, отечени лимфни јазли, меѓу другите симптоми, може да бидат знаци на рак. Сепак, тоа не значи дека ако одеднаш почнеме да се чувствуваме уморни или имаме потешкотии со варењето, веднаш треба да претпоставиме дека имаме рак. Тоа едноставно значи дека не треба да ги игнорираме сите промени што ги забележуваме во нашето тело, туку да ги земеме како сигнал дека треба да го посетиме нашиот лекар....

Германскиот пазар за труд станува подостапен за Западен Балкан – земјата донесе одлука да го зголеми бројот на работни визи за жителите на Западен Балкан на 50.000 лица, со што германскиот пазар на труд ќе стане подостапен. Добиј ги најважните вести, бесплатно на Viber Оваа одлука важи за граѓаните на Македонија, како и за Србија, Албанија, БИХ и Црна Гора. Регистрацијата за работна виза за Германија се отвори вчера, а завршува на 14. мај 2024 година. Оние кои ќе бидат избрани со системот за лотарија ќе бидат известени од германските власти и потоа ќе можат да аплицираат за виза....

Во општините Струга и Вевчани сите избирачки места се отворени навреме, точно во 7 часот и гласањето за парламентарните и вториот круг од претседателските избори тече нормално, информираат за МИА претседателите на општинските изборни комисии Минир Жута и Менка Кукоска. Добиј ги најважните вести, бесплатно на Viber – На територија на општина Струга сите 101 избирачко место се отворени на време и процесот на гласање тече нормално, изјави Жута. Гласањето почнало на време и се било во најдобар ред и на трите избирачки места во Вевчани, каде право на глас во единствениот избирачки список имаат 2.072 лица. Во Струга и струшко вчера во домашни услови гласале 267 болни и изнемоштени лица за вториот круг од претседателските избори и 281 за парламентарните, додека во Вевчани деветмина го оствариле гласачкото право за избор на претседател на државата и за пратеници....

Денеска заедно со вториот круг од претседателските избори се одржуваат и единаесетите парламентарни избори. Добиј ги најважните вести, бесплатно на Viber Избирачите ќе може да гласаат со заокружување на еден од редните броеви пред 17-те листи на кандидатите за пратеници. Листи за кандидати за пратеници имаат Коалицијата за европска иднина предводена од СДСМ, Коалицијата „Твоја Македонија“ на ВМРО-ДПМНЕ, Коалиција Храбро за Македонија предводена од ГРОМ, Коалиција Европски фронт на ДУИ, политичката партија Левица, Коалицијата од албанскиот опозициски блок „Вреди“, политичката партија Движење ЗНАМ – За наша Македонија, Единствена Македонија, Нова алтернатива Скопје, АВАЈА, Европско граѓанско движење, Македонска ера трета/Македонски независни листи – Суверенисти, Твоја партија, Родина Македонија, Десна, Демократи Скопје и Работничка партија. Се гласа во шест изборни единици, а дел од коалициите и партиите имаат листи само за одредени изборни единици. На изборите има 1755 кандидати од кои 1002 мажи и 753 жени. Во Собранието се избираат од 120 до 123 пратеници, од кои 120 пратеници се избираат според пропорционалниот модел, при што територијата на Републиката е поделена на шест изборни единици. Во секоја се избираат по 20 пратеници, а тројца пратеници се избираат според пропорционалниот модел во една изборна единица која ги опфаќа Европа, Африка, Северна и Јужна Америка, Австралија и Азија. На овие избори нема гласање во дијаспората така што бројот на пратеници што ќе се избира ќе биде 120. Од 10 парламентарни избори најголема излезност имало во 1990 година кога во првиот круг излегле 86.4% од избирачите додека пак во вториот круг излезноста била 76.8%. Во првиот круг најмногу гласови освоила дотогаш единствената и владејачка партија СКМ-ПДП, додека ви вториот круг најмногу гласови освоила ВМРО-ДПМНЕ. Инфографик: Парламентарни избори 2024/„Слободен печат“, Елисавета Бејкова Вторите парламентарни избори или први по осамостојувањео на Македонија се одржаа во 1994 година на кои излегле 77.7% од вкупниот број на избирачи во првиот круг односно 57.5% во вториот круг. Граѓаните со право на глас имаа можност да избираат помеѓу 38 политички партии и 283 независни кандидати. На овие избори победи СДСМ. Инфографик: Парламентарни избори 2024/„Слободен печат“, Елисавета Бејкова Парламентарните избори во 1998 биле специфични. Дотогашниот изборен систем беше променет од мнозински со два круга во мешовите паралелен изборен систем. 85 мандати се распределуваа во едно-мандатни изборни единици, а останатите 35 мандати-преку пропорционалниот Донтов систем, при што целата држава беше една изборна единица. За пропорционалните листи беше воведен изборен праг од 5%. Одзивот за гласањето за партиските листи бил 72.9 отсто до дека пак мнозинската листа 69.4 отсто. Инфографик: Парламентарни избори 2024/„Слободен печат“, Елисавета Бејкова Во 2002 година се одржани четвртите парламентарни избори. Во поствоениот период на гласање излегле 73.4% од избирачите а за прв пат се гласал по модел како денешниов односно државата била поделена во шест изборни единици. Инфографик: Парламентарни избори 2024/„Слободен печат“, Елисавета Бејкова На петите парламентарни избори одржани на 5 јули 2006 година излегле 55,98% од избирачите. На изборите имало 33 кандидатски листи. Инфографик: Парламентарни избори 2024/„Слободен печат“, Елисавета Бејкова Две години подоцна, во 2008-ма Македонија гласаше на предвремени парламентарни избори. На изборите излегле 57.06% од избирачите а во Собранието влегоа 17 политички партии од кои 10 со по еден пратеник. Инфографик: Парламентарни избори 2024/„Слободен печат“, Елисавета Бејкова Во 2011 се одржаа осмите парламентарни избори, од кои втори предвремени. На овие избори за првпат биле македонските државјани во странство избрале свои посебни пратеници . Излезноста на овие избори била 36,48% а најмногу пратеници освои ВМРО-ДПМНЕ (63). Инфографик: Парламентарни избори 2024/„Слободен печат“, Елисавета Бејкова Во 2014 се одржаа третите по ред предвремени парламентарни избори. На изборите учествуваа 51 политичка партија, 9 самостојно а 42 во некоја од коалициите. На овие избори повторно победи ВМРО-ДПМНЕ и освои 61 пратеник. Инфографик: Парламентарни избори 2024/„Слободен печат“, Елисавета Бејкова 66.79% од избирачите излегле на гласање на предвремените парламентарни избори во 2016 година. На овие избори победи ВМРО-ДПМНЕ но со далеку послаб резултат од 2014 година. ВМРО-ДПМНЕ и коалицијата освоија 51 пратеник или 10 помалку од 2014 година а таквиот резултат се должеше на објавените аудио-снимки од страна на СДСМ. ВМРО-ДПМНЕ не успеа да состави Влада па претседателот Ѓорѓе Иванов го предаде мандатот за составување Влада на Зоран Заев. Инфографик: Парламентарни избори 2024/„Слободен печат“, Елисавета Бејкова Следните парламентарни избори се одржаа на 15 јули 2020 година. 52.02% од гласачите излегоа на денот на изборите а најголем број на пратеници освои СДСМ (46) и тие формираа Влада. Инфографик: Парламентарни избори 2024/„Слободен печат“, Елисавета Бејкова Гласањето и за парламентарните и за вториот круг од претседателските избори започнува во 7 часот и трае до 19 часот. Граѓаните во текот на денот ќе можат само еднаш да дојдат на избирачкото место и да гласаат за двата вида избори или пак, само за претседателските или само за парламентарните избори. Идентификацијата на гласачите ќе се врши со т.н. фингерпринт апарати. Записниците и другиот изборен материјал, избирачкиот одбир ги доставува до ОИК во рок од пет часа по завршување на гласањето. По спроведените избори за пратеници, ОИК ги сумира резултатите од гласањето на листата на кандидати, составува записник и заедно со целокупниот изборен материјал го доставува до ДИК веднаш, а најдоцна до 12 часа од завршување на гласањето. Првичните резултати од изборите добиени по електронски пат, Државната изборна комисија ги објавува сукцесивно, а резултатите врз основа на податоците од записниците од ОИК во рок од 12 часа по завршувањето на изборите. Конечните резултати, Државната изборна комисија ги објавува најдоцна во рок од 24 часа од денот на нивната конечност....

Израелската армија денеска соопшти дека нејзини воени авиони синоќа нападнале воени објекти на либанскиот Хезболах. На платформата „Икс“ беа објавени видеа и список на нападнатите области „Кфар Кила, Ајте ал Шаб, Киама и Марун Ел Раса“. Добиј ги најважните вести, бесплатно на Viber Погодена е и инфраструктурата во областите на југот на Либан, како што се наведува, со цел „да се отстранат заканите во Таир Харфа и Џибејн“. Израел и проиранскиот шиитски Хезболах, сојузник на палестинскиот Хамас, редовно разменуваат оган од 7 октомври минатата година, кога палестинските екстремисти предводени од Хамас ја нападнаа јужната израелска територија, по што почна војната во Газа....

Центарот за управување со кризи (ЦУК) информира дека имало вкупно 1 951 повици на Единствениот повикувачки број за итни случаи 112 во ЦУК во последното деноноќие, од коишто „реални“ повици биле 61,76%, а 38,24% биле за други потреби на граѓаните што не биле итни. Кон Полиција биле упатени 61,46%, кон Итната медицинска помош 30,90%, а кон пожарникарите 3,47% од реалните повици кон 112 во ЦУК. Инаку, имало 758 повика за итни случаи на 112 за во ЦУК, што се вкупен збир од тие што биле за комбинирано решавање од „реалните“ повици (4,17%) и на тие што се именувани како „неитни повици“(38,24%). Сите тие биле предмет на примање, на обработка во ЦУК, а и на директно координирање за нивно решавање со институции и служби во Системот за управување со кризи (СУК). Добиј ги најважните вести, бесплатно на Viber Три пожари на отворено биле евидентирани во последното деноноќие. Регионалниот ЦУК Скопје, известува дека пожарникарите од БППЗ на Град Скопје од 11.25 до 12.15 часот, со два пожарникара и едно ПП возило гаснеле запалено ѓубре на површина од околу 1.000 m2 на ул. „Скупи“, кај “Агромеханика“ во Општина Карпош. Регионалниот ЦУК Тетово, известува дека пожарникарите од ТППЕ Тетово со едно ПП возило и два пожарникара гаснеле запалено ѓубре во с.Долно Палчиште, Општина Боговиње. Регионалниот ЦУК Куманово, известува дека пожарникарите од ТППЕ Куманово од 17.25 до 18.10 часот, со едно ПП возило и четири пожарникари , гаснеле запалена шума и ниска вегетација во с. Орашац, Опш. Куманово. Според метеоролозите, денеска, ќе има локална појава на нестабилност, пороен дожд и грмежи, при што локално некаде процесите има можност да бидат поинтензивни и во форма на невреме со пообилни врнежи и засилен ветер. Препорачуваме и потсетуваме за голема внимателност при појавата на грмежите и молњите, односно силните електрични празнења, да не се престојува на отворен простор и под осамени дрвја. Сите итни случаи се пријавуваат на Единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации. Истовремено, ЦУК информира дека е потребно и е корисно да се следат препораките и информациите од медиумите за превенција, а и за реагирање при итни случаи....

Општинската изборна комисија Тетово информира дека во едно избирачко место од вкупно 117 не е почнато навремено гласањето во 7 часот поради нефункционалност на апаратот за идентификација. Добиј ги најважните вести, бесплатно на Viber Според информациите на Зулќуфли Реџепи, претседател на ОИК Тетово, до 8 часот и 15 минути со гласањето не било почнало, а за тоа како ќе се продолжи, рече дека е пријавено и чека решение од Државната изборна комисија. Во Општина Тетово за парламентарните избори право на глас имаат 86.550 граѓани, додека за вториот круг за избор на претседател ќе може да изберат вкупно 86.405 луѓе. Од тие бројки вчера имаа прилика да гласаат имаат 54 затвореници, како и 181 лице, како болни и немоќни лица со право на глас....

Извршната директорка на меѓународната хуманитарна организација„Лекари без граници“ (MSF), Аврил Беноа, денеска изјави дека израелскиот воен напад врз градот Рафа, во јужниот дел на Појасот Газа, каде што повеќе од 1,5 милиони цивили, жители и раселени лица, се заробени на мало парче земја, ризикува тоа место да се претвори во гробишта. Добиј ги најважните вести, бесплатно на Viber „Седум месеци бевме сведоци на неселективно убивање на цивили, напади врз хуманитарни работници – вклучувајќи го и нашиот персонал – уништување на медицински установи и опструкција на помошта за спасување животи. Не можеме да замислиме што би значело натамошната ескалација на овој конфликт за луѓето кои веќе страдаа толку многу во оваа војна без правила“, напиша Беноа на нејзиниот профил на мрежата X . Таа го повика Израел веднаш да ги прекине своите напади, додавајќи дека натамошната воена ескалација ќе биде директен напад врз „заробената популација“. „Воената ескалација во Рафа би ја задушила и онака кревката хуманитарна реакција во време кога растат здравствените и хуманитарните потреби“, изјави извршната директорка на „Лекари без граници“....

Кандидати за нов претседател на државата во вториот круг од претседателските избори се Гордана Сиљановска Давкова, поддржана од коалицијата на ВМРО-ДПМНЕ и Стево Пендаровски, поддржан од СДСМ. Добиј ги најважните вести, бесплатно на Viber За претседател е избран кандидатот кој ќе добие мнозинство гласови од избирачите кои гласале, доколку гласале повеќе од 40 проценти од избирачите. Доколку и во вториот круг на гласање ниту еден од кандидатите не го добие потребното мнозинство гласови, се повторува целата изборна постапка. Доколку биде исполнет цензусот и биде избран претседател на државата, неговата инаугурација треба да биде на 12 мај. На 24 април, на првиот круг од изборите, Сиљановска Давкова освои 363.085 гласови, а Пендаровски доби 180.499 гласа. На изборите имаше вкупно седдумина кандидати. Излезноста на гласачите на првиот круг од претседателските избори беше 48,38 отсто односно на гласање излегоа 828.402 гласачи од вкупно запишаните 1.814.317 во Избирачкиот список. Според Изборниот законик, ако во првиот круг од изборите ниту еден кандидат за претседател на Републиката не го добил потребното мнозинство гласови, во вториот круг се гласа за двајца кандидати кои во првиот круг добиле најмногу гласови. Вториот круг на гласање се одржува во рок од 14 дена од завршувањето на првиот круг на гласањето. Пред преземањето на должноста, како што е наведено во Изборниот законик, најдоцна во рок од десет дена од денот на објавувањето на конечните резултати, но не порано од денот на престанок на мандатот на претходниот претседател, претседателот на Републиката дава и потпишува свечена изјава пред Собранието, која гласи: „Изјавувам дека функцијата претседател на Република Македонија ќе ја вршам совесно и одговорно, ќе го почитувам Уставот и законите и ќе го штитам суверенитетот, територијалниот интегритет и независноста на Република Македонија.” Гласачите ќе можат само еднаш да одат на избирачкото место и да се изјаснат за двата вида избори или да гласаат само за претседателските или за парламентарните избори. Идентификацијата ќе се врши со т.н. фингерпринт апарати. Ова е вторпат Сиљановска Давкова и Пендаровски да бидат противкандидати на избори за претседател на државата. На минатите претседателски избори во вториот круг од изборите победи Пендаровски....

Бамби Таг (Bambie Thug) со песната „Doomsday Blue“ ја претставуваше Ирска во првата полуфинална вечер на Евровизија. Добиј ги најважните вести, бесплатно на Viber Бамби е небинарен уметник со интересен изглед и е еден од фаворитите, а пред настапот беше на петтото место во обложувалниците. Но, многумина не се ентузијасти за изгледот на уметникот, како и песната и настапот. По снимките од генералните проби многу фанови на натпреварувањето се огласија да се пожалат дека настапот е страшен и сатанистички. Своите мислења и впечатоци за перформансот ги споделија на популарната социјална мрежа Икс. It’d be best for Ireland if this mentally-ill degenerate doesn’t make it to the Final. I’d be happy. My Catholic bros would be happy. Rich Trinity kids with their Keffiyehs would be happy. It’s a win-win situation.#BambieThug https://t.co/p2vab7Ma6w — Jiminy O’Integrity (@SeamieMacTrue) May 7, 2024 „Сатанистички“; „Ѓаволот е очигледно нормална работа денес“; „Ако вака сака Европа, немаме светла иднина“; „Се надевам дека ова нема да победи“; „Нема ни da гледам бидејќи ова ќе победи“; „Имам кошмари од ова“, се само дел од незадоволните коментари упатени до младата пејачка. Jesus wept #Eurovision is a complete freak show, I thought Irelands entry #BambiThug Creepy 😳 pic.twitter.com/it4qgX1OKr — Joey (Yes It’s My Real Name 😏) (@noshyteplease) February 5, 2024 Бамби вели дека се занимава со вештерство и посочува дека тоа е позната паганска ирска традиција. Песната на Ирска припаѓа на новиот измислен жанр на музика, кој го создадоа „Ouija-Pop“ затоа што не сакаа да се ограничат само на еден звук. Инаку, Ирска влезе во финалето, покрај Србија, Португалија, Словенија, Украина, Литванија, Финска, Кипар, Хрватска и Луксембург. Me right now #Ireland #Eurovision2024 pic.twitter.com/0O8pGmlJb8 — Emily O’Callaghan 🐝🤙🏼🐾🤍 (@ocallaghanemily) May 7, 2024 Just answered a call so muted tv. Eurovision with no sound is so weird. Now I’ve put sound back on it’s another level #Eurovision2024 pic.twitter.com/XYQVeZsAdQ — Laura jones (@Miss_laura_82) May 7, 2024...

Новинарите на „Слободен печат“ и во новата сезона на информативната емисија „Слободен печат“ редовно ве информираат за најновите случувања во земјата и во светот. Добиј ги најважните вести, бесплатно на Viber Во емисијата дебатираме и анализираме со нашите соговорници за најгорливите теми во македонското општество, а ви нудиме и интересни гости од сферата на спортот, културата, уметноста и забавата. Следете вести, извештаи, репортажи и анкети во рамки на емисијата, како и јавувања во живо од терен, навремено, брзо и точно ве информираме за сите настани кои се во фокусот на македонската јавност. Водител низ содржините на емисијата е Александра Вуксановиќ. Следете ја емисијата во живо од студиото на Слободен печат, секој работен ден во живо од 9.00 часот на YouTube каналот Слободен Печат ТВ и официјалниот фејсбук-профил на Слободен печат. Во студиото на „Слободен печат“ гости се: Проф. д-р Трајан Гоцевски – член на советот за безбедност, Свето Стаменов – новинар и Борјана Божиновска – доктор по дентална медицина....

Покрај за пратеници, денес Македонија гласа и за претседател на државата. На вториот круг од претседателските избори гласачите ќе можат да се определат за Гордана Силјановска Давкова поддржана од ВМРО-ДПМНЕ која во првиот круг од изборите на 24 април освои 363. 085 гласови, и Стево Пендаровски, кој доби 180.499 гласа. Добиј ги најважните вести, бесплатно на Viber Од осамостојувањето на државата, на претседателската фотелја досега седнаа петмина претседатели. Првиот претседател Киро Глигоров и Ѓорге Иванов претседателската функција ја вршеа во два мандати, а по еден мандат имаа Борис Трајковски и Бранко Црвенковски, како и Стево Пендаровски, кој повторно се кандидира за шеф на државата. Првиот мандат на претседателот Киро Глигоров беше даден врз основа на избор од страна на Собранието на Република Македонија, согласно тогашните уставни решенија, а неговите наследници беа бирани на непосредни избори. Првите претседателски избори во Република Македонија се одржани на 16 октомври 1994 година, истовремено со парламентарните избори. На изборите учествуваа двајца кандидати, а победи во првиот круг Киро Глигоров со освоени 715.087 гласови односно 78,4 проценти, како кандидат на коалицијата предводена од СДСМ. Неговиот противкандидат Љубиша Георгиевски поддржан од ВМРО-ДПМНЕ освои 197.109 гласови, односно 21,6 проценти. Претседателски избори/ Инфографик: „Слободен печат“, Елисавета Бејкова Вторите претседателски избори во независна Република Македонија се одржаа во 1999 година. Дотогашниот претседател Киро Глигоров не се кандидираше на овие избори, а победи Борис Трајковски, кандидат на ВМРО-ДПМНЕ. Во првиот круг на учествуваа кандидатите – Муарем Неџипи, Васил Тупурковски, Мухамед Халили, Тито Петковски, Стојан Андов и Борис Трајковски. Во вториот круг победи Борис Трајковски со 582.808 гласови, а Тито Петковски освои 513.614 гласови, или 52,40 проценти наспроти 46,18 проценти. Претседателски избори/ Инфографик: „Слободен печат“, Елисавета Бејкова Третите претседателски избори во 2004 година се одржаа предвреме поради смртта на претседателот Борис Трајковски. Првиот круг се одржа на 14 април 2004 година, а вториот на 28 април 2004 година. На изборите учествуваа четворица кандидати – Бранко Црвенковски поддржан од СДСМ, Сашко Кедев од ВМРО-ДПМНЕ, Гзим Острени од ДУИ, Зуди Џелили од ДПА. На овие избори победи Бранко Црвенковски со освоени 550.317 гласови или 62,6 отсто, наспроти Сашко Кедев со 329.179 гласови или 37,4 проценти. Претседателски избори/ Инфографик: „Слободен печат“, Елисавета Бејкова Четвртите претседателски избори се одржаа на 22 март и на 5 април 2009, во исто време со изборите за локална самоуправа. На изборите учествува седум кандидати – Ѓорѓе Иванов поддржан од ВМРО-ДПМНЕ, Љубомир Фрчкоски од СДСМ, Имер Селмани од Нова Демократија, Љубе Бошкоски како независен кандидат, Агрон Буџаку од ДУИ, Нано Ружин од ЛДП и Мируше Хоџа од ДПА. На овие претседателски избори победи Ѓорѓе Иванов со 453.616 гласови или 63,14 проценти. Претседателски избори/ Инфографик: „Слободен печат“, Елисавета Бејкова Петтите претседателски избори беа редовни, а се одржаа на 13 април и 27 април 2014 година. Истовремено со вториот круг на претседателските избори беа одржани и предвремени парламентарни избори. Вториот круг беше на 27 април 2014 година. Во него се пласираа кандидатите Ѓорѓе Иванов и Стево Пендаровски. На овие петти претседателски избори победи кандидатот на ВМРО-ДПНМЕ Ѓорѓе Иванов со освоени 534.910 гласови наспроти кандидатот на СДСМ Стево Пендаровски со 398.077 гласови. На овие претседателски избори освен Пендаровски и Иванов, учествуваа и Зоран Попоски поддржан од ГРОМ и Илјаз Халими од ДПА. Претседателски избори/ Инфографик: „Слободен печат“, Елисавета Бејкова Шестите претседателски избори се одржаа на 21 април и 5 мај 2019 година, на кои победи Стево Пендаровски со освоени 435.656 гласови или 53.59 проценти. Ова беа првите избори по стапување во сила на Преспанскиот договор со кој беше решен спорот за името со Грција и земјата го доби името Република Северна Македонија. На овие претседателски избори, покрај Стево Пендаровски, учествуваа и Гордана Силјановска Давкова од ВМРО-ДПМНЕ и Блерим Река поддржан од Алијансата за Албанците и Движењето БЕСА. Претседателски избори/ Инфографик: „Слободен печат“, Елисавета Бејкова...

На денешните претседателски и парламентарни избори можат да гласаат и граѓаните на кои по кој било основ, по сила на закон или по рок на важност им истекле личните документи на 24 јули 2023 година до 24 април. Согласно преодната одредба од измените на Изборниот законик која ќе се применува само за изборите оваа година, избирачите ќе може да гласаат со лична карта или со патна исправа чија што важност истекла во периодот од девет месеци до денот на одржување на изборите. Добиј ги најважните вести, бесплатно на Viber Оваа одредба од Изборниот законик е составен дел на Упатството на Државната изборна комисија за начинот на утврдување на идентитетот на гласачите. Собранието на 7 март во рамки на 147. седница по скратена постапка без расправа ги изгласа измените и дополнувањата на Изборниот законик. Како што појаснија предлагачите, целта на овие измени беше да се допрецизира постојната правна рамка и да се доуредат одредбите од постојното законско решение во насока на инклузивен изборен процес за сите учесници на изборите....

Автоматизираниот систем за контрола на пасошите повторно работи на аеродромите во Велика Британија, јавија британските медиуми, цитирајќи го Министерството за внатрешни работи. Добиј ги најважните вести, бесплатно на Viber Како што наведуваат од Министерството, проблемите со системот биле отстранети по полноќ. Нема знаци за кибер напад и не е нарушена граничната безбедност. Претходно, телевизијата „Скај њуз“ објави дека имало голем дефект во системот за гранична контрола на аеродромите во Велика Британија. Аеродромите „Станстед“, „Гетвик“, „Хитроу“ и „Манчестер“ потврдија дека имаат проблеми со системот....

Федералниот суд во Флорида го одложи, без да одреди датум за продолжување, почетокот на судскиот процес против поранешниот американски претседател Доналд Трамп поради несовесно постапување со документи класифицирани како тајни. Добиј ги најважните вести, бесплатно на Viber Тоа е едно од четирите процеси што се водат против Трамп, а требаше да започне на 20 мај, но федералниот суд оцени дека тој рок е неодржлив поради бројните претходни претставки поднесени до судот. Ајлин Кенон, судијката назначена од поранешниот претседател, не одреди нов датум. На републиканскиот претседателски кандидат во моментов му се суди во Њујорк за сомнителни исплати пред претседателските избори во 2016 година. Во судскиот процес против него во Флорида, Трамп е обвинет, заедно со двајца лични секретари, дека однеле доверливи документи во приватна резиденција во Мар-а-Лаго по напуштањето на Белата куќа во јануари 2021 година. Според обвинението, Трамп со чувањето на овие документи ја загрозил националната безбедност. Меѓу нив имало и воени планови како и информации за нуклеарно оружје, кои во согласност со законот требало да ги врати во Националниот архив. Тој беше обвинет и за обид за уништување докази. Најсериозните обвиненија може да му донесат затворска казна од десет години. Неговите адвокати направија се за да се одложи судењето....

За вториот круг од претседателските избори и парламентарните избори акредитирани се вкупно 1.999 набљудувачи, преведувачи и странски новинари. Најмногу акредитирани се домашни набљудувачи – 1.078. Изборите ќе ги следат и 770 странски набљудувачи за чии потреби се ангажирани и 85 преведувачи. За известување од изборите, според податоците на Државната изборна комисија, акредитирани се 66 странски новинари. Добиј ги најважните вести, бесплатно на Viber Најмногу домашни набљудувачи акредитирало Здружението за развој на општествено – социјални иновации „ВАКЕ УП“ Скопје – 752, потоа Фондација Ромите за демократија – 151, Цивил – 82, Центарот за безбедносни истражувања – 46, Институтот за меѓународни односи и стратегии Охрид – 20, Националниот ромски центар Куманово – 14, Здружението за промоција и развој инклузива Куманово – 12 и Македонскиот центар за културен развој – еден набљудувач. Специјалната мисија за проценка на изборите на ОБСЕ/ОДИХР има акредитирано 410 набљудувачи, 14 експерти и 31 преведувач, најмногу од странските набљудувачи. Парламентарното собрание на ОБСЕ (OSCE PA) има акредитирано 138 набљудувачи, Амбасадата на Соединетите американски држави во Скопје – 68 набљудувачи и 33 преведувачи, Парламентарното собрание на Советот на Европа – ад хок комисијата за набљудување на претседателските избори во Република Северна Македонија – 33 набљудувачи и 20 преведувачи, Иницијативата за дијалог и демократија Силба 30, Централната изборна комисија – Република Косово – 13, Европскиот парламент – 12 и други. За информирање од изборите се акредитирани и 66 новинари и медиумски работници од најголемите балкански и регионални медиуми, но и од Ројтерс, Асошиејтед прес, Ал Џезира, Франс прес… Првиот круг од претседателските избори на 24 април го набљудуваа 1.601 набљудувач односно 915 домашни и 544 странски набљудувачи, како и 84 преведувачи и 58 странски новинари....

Британско-шведската фармацевтска компанија „АстраЗенека“ објави дека ја повлекува вакцината против Ковид-19 неколку месеци откако пред судот во Лондон призна дека вакцината може да предизвика ретки и опасни несакани ефекти. Добиј ги најважните вести, бесплатно на Viber Вакцината повеќе не може да се користи во Европската унија, откако компанијата доброволно го повлече одобрението за ставање во промет. Барањето за повлекување на вакцината беше поднесено на 5 март и стапи на сила во вторник. Слични пријави ќе бидат направени во наредните месеци во Велика Британија и други земји кои ја одобриле вакцината, позната како „Вакзеврија“. „АстраЗенека“ соопшти дека вакцината е отстранета од пазарот од комерцијални причини и дека повеќе не се произведува или испорачува, бидејќи е заменета со ажурирани вакцини кои се ефикасни против новите соеви на Ковид-19, пренесува британски „Телеграф“. „Ваксеврија“ е под интензивна контрола во последниве месеци поради многу редок несакан ефект, кој предизвикува згрутчување на крвта и низок број на тромбоцити во крвта. рп/...

Ви го претставуваме дневниот хороскоп за 8 мај, погледнете што ви предвидуваат ѕвездите за денес. Добиј ги најважните вести, бесплатно на Viber Овен Денеска ќе остварите сѐ што ќе замислите. Сепак, би било убаво ако ги сослушате мислењата и реакциите на соработниците. Вашата сакана личност ќе направи сѐ за да бидете среќни. Ценете го тоа и возвратете ѝ на ист начин. На крајот од денот, опуштете се на начин којшто најмногу ви одговара. Бик Бикови, денеска ќе добиете нови предлози за деловна соработка. Ќе ја доведете во прашање меѓусебната доверба и вашите професионални способности. Не му ја ускратувајте можноста на партнерот да се забавува. Треба да имате повеќе разбирање за неговите интереси. Близнаци Вие ќе бидете способни да воспоставите добра деловна контрола и да ги насочите настаните во насока што носи практични резултати. Иако на моменти ќе делувате таинствено, вашиот партнер ќе нема волја да ги дешифрира вашите мисли и постапки. Не е време за пасивна агресија. Рак Вам ќе ви биде важно да се претставите што е можно подобро во деловниот свет и да се изборите за што е можно подобро место во кругот на влијателните соработници. Вашиот партнер ќе ви постави кратки и логични прашања, но вие ќе му дадете неубедливи одговори. Бидете посигурни во себе. Лав Денеска ќе биде особено важно да ги употребите своите дипломатски манири во средбата со деловните партнери. Ќе се соочите со раздор во односот со саканата личност. Таа ќе бара поголемо разбирање, а вие ќе немате волја за такво нешто. Бидете внимателни, таквите нешта ја уништуваат врската. Девица Девици, денес ќе се најдете во деловна ситуација од која ќе научите важна лекција. Не само што сте вреден работник, вие сте и голем креативец. Активирајте ја вашата љубопитност. Постои голема веројатност дека ќе се скарате со партнерот, затоа внимавајте да не му кажете нешто во афект. Вага Никој не е совршен, затоа не го доживувајте деловниот успех како крај на светот. Како и да е, ќе излезете од таа ситуација со уште едно животно искуство. Кога последен пат сте имале забавна средба со саканата личност? Време е за романтичен состанок! Скорпија Денеска ќе се чувствувате прилично амбициозно и ќе имате потреба да си дадете големи деловни предизвици. Ако постои личност која веќе некое време ви остава впечаток дека ѝ се допаѓате, време е да ѝ дадете шанса и да ја запознаете. Можеби, пред вас е љубовта на вашиот живот. Стрелец Останете смирени и не верувајте во информациите кои ќе ги добиете од луѓе во кои немате доверба. Не дозволувајте тоа да влијае врз вашата мотивираност и желба да работа. Ќе имате емотивна дилема во врска со партнерот, послушајте ја вашата интуиција. Не е сѐ така како што изгледа. Јарец Иако сте голем индивидуалец и сметате дека се способни самостојно да постигнете успех, дајте им шанса на колегите и на нивната желба за соработка. Денес ќе се соочите со низа замерки од страна на партнерот. Нема да ви се допадне тоа што тој долго време ги ставал работите „под тепих“. Водолија Водолии, денес ќе бидете способни да извршите повеќе работни задачи истовремено. Тоа ќе се случи благодарение на вашата способност за добра организација. Иако вам ви е убаво во врската, вашиот партнер ќе пројави желба за одредени промени во вашиот однос. Послушајте го. Риби Ако сте во можност, избегнувајте ги оние обврски за кои сте свесни дека ќе ве исцрпат – и психички и физички. За среќа, вие имате одлични колеги кои ќе ви излезат во пресрет. Кога станува збор за љубовта, вие ќе се чувствувате вознемирено бидејќи сметате дека партнерот не е ваше „емотивно засолниште“....

На Денот на сеќавањето и победата над нацизмот во Втората светска војна, нацистичкиот Путин изврши масовен ракетен напад врз Украина“, напиша утринава украинскиот претседател Володомир Зеленски на мрежата Х. Добиј ги најважните вести, бесплатно на Viber Според Зеленски, над 50 ракети и повеќе од 20 беспилотни летала Шахед утринава ја гаѓаа инфраструктурата во областите Лавов, Виница, Киев, Полтава, Кировохрад, Запорожје и Ивано-Франковск. „Сите неопходни служби веќе работат на ублажување на последиците од рускиот терор“, додаде тој. „Цел свет мора да разбере кој е кој. Светот не смее да му даде шанса на новиот нацизам“, напиша Зеленски на мрежата Х. On Remembrance and Victory over Nazism in World War II Day, Nazi Putin launched a massive missile attack on Ukraine. Over 50 missiles and more than 20 "Shahed" drones targeted infrastructure in Lviv, Vinnytsia, Kyiv, Poltava, Kirovohrad, Zaporizhzhia, and Ivano-Frankivsk… pic.twitter.com/f2yN0gH8Og — Volodymyr Zelenskyy / Володимир Зеленський (@ZelenskyyUa) May 8, 2024...

Јавниот превоз во Скопје денеска ќе вози по неделен возен ред, а жичницата нема да работи, соопштија денеска од Одделението за односи со јавност во ЈСП Скопје . Добиј ги најважните вести, бесплатно на Viber Дежурни од 7 до 14 часот ќе бидат билетарниците на Транспортен центар и таа во Ѓорче Петров....

Во 7 часот почна гласањето на вториот круг од претседателските избори и на парламентарните избори. Добиј ги најважните вести, бесплатно на Viber Од ДИК за МИА информираат дека досега нема пријавено никакви проблеми со отворањето на избирачките места. Со право на глас на Претседателските избори 2024 во Избирачкиот список се запишани вкупно 1.814.317 гласачи, а во избирачкиот список за Парламентарните избори се запишани 1.815.350 гласачи. Ден пред изборите, вчера први гласаа болните и изнемоштените, затворениците, лицата во старските домови и пријавените од дијаспората, но само за претседателските избори. ДИК информираше дека вкупната излезеност од гласањето во странство за претседателските избори до 19 часот изнесува 652 гласачи, односно 25.38 отсто. Напоменуваат дека во оваа излезност поради временската зона не се вклучени седум избирачки места каде се уште трае гласањето. Во дијаспората не се спроведе гласање за парламентарните избори поради неисполнетост на минималниот број гласачи пријавени за гласање за да може да се спроведе гласањето. На вкупно 14-те гласачки места во казнено-поправни установи вчера своето гласачко право можеа да го остварат 2.147 гласачи за претседателските избори и 2.140 гласачи за избор на пратеници во Собранието. – Гласањето таму течеше без проблеми, а до 19 часот, според информациите од избирачките одбори, гласаа 1298 гласачи или 60.46 отсто од запишаните за претседателските избори, односно 1397 гласачи или 68.72 отсто за парламентарните избори, се вели во соопштението од ДИК. Во текот на вчерашниот ден своето гласачко право во единствениот центар за внатрешно раселени лица можеле да го остварат и двајца гласачи кои се водат како внатрешно раселени. Овие лица го оствариле своето право и за двата вида на избори. -Гласачкото место во центарот за раселени лица е затворено. Вкупно 534 гласачи кои се сместени во 20 центри за вонсемејна грижа имаа можност да го остварат своето право на глас во центарот каде што се сместени за претседателските и парламентарните избори. Од вкупно 534 гласачи од 20 центри, гласале 401 гласач или 75.09 отсто за претседател на државата, односно 400 гласачи од 20 центри или 74.91 отсто гласале за избор на пратеници, информира ДИК. Според информациите од општинските изборни комисии, гласале 8926 односно 80.45 отсто болни или немоќни лица за претседател на државата, односно 10036 или 92.04 отсто за пратеници во законодавниот дом. Државната изборна комисија досега издаде акредитации за набљудување на двата вида на избори на 1303 домашни, 860 меѓународни набљудувачи и 83 странски новинари....

Граѓаните на Естонија во иднина ќе можат да гласаат на избори преку мобилен телефон, откако Парламентот во Талин го одобри законот предложен од Владата. Добиј ги најважните вести, бесплатно на Viber Според предлог-законот, електронското гласање нема да биде можно само на компјутери, туку и преку специјални апликации за заеднички оперативни системи на мобилни уреди. Техничките услови ги утврдува избирачкиот одбор пред секои избори. Измената на законот треба да стапи на сила во октомври, па опцијата за гласање со мобилен телефон се уште нема да може да се користи на изборите за Европскиот парламент во јуни. Според естонскиот министер за економија и ИТ, Тиит Риисал, новиот закон има за цел да ја земе предвид промената во однесувањето на граѓаните. „Значителен дел од секојдневните дигитални активности на луѓето се префрли од компјутери на паметни уреди, а е-Естонија мора да биде достапна за сите на овие нови и широко распространети платформи“, рече министерот. Во 2005 година, Естонија беше првата земја во Европа што овозможи онлајн гласање на политички избори. Во балтичката држава, која сака да се нарекува себеси е-Естонија, на парламентарните избори во март 2023 година повеќе од половина од сите гласови беа дигитално дадени. Граѓаните на таа балтичка држава, исто така, можат да прават речиси сè онлајн во секојдневниот живот. Естонија се смета за пионер на дигитализацијата и електронската управа во Европа....

Новиот лидер на владејачката Шкотска национална партија (СНП), Џон Свини, денеска и официјално е избран за премиер на Шкотска, откако освои мнозинство гласови во Парламентот. Добиј ги најважните вести, бесплатно на Viber Свини вчера беше избран за нов лидер на СНП, пренесе N1, дополнувајќи дека тој и претходно беше на чело на партијата, од 2000 до 2004 година. -Бидејќи мнозинството пратеници гласаа за Џон Свини, во име на Парламентот му честитам за неговата кандидатура за премиерската функција, изјави по гласањето претседателката на шкотскиот Парламент, Алисон Џонстон. Премиерот на Шкотска го избираат пратениците во парламентот, а Свини е избран на функцијата иако на неговата партија и недостигаат два гласа во парламентот за апсолутно мнозинство. СНП, инаку, е најголемата партија во Шкотска со 63 од 129 пратенички места во парламентот....

Во Република Северна Македонија денеска се одржува вториот круг од седмите претседателски избори. На претседателската фотелја досега седнаа петмина претседатели. Првиот претседател Киро Глигоров и Ѓорге Иванов претседателската функција ја вршеа во два мандата, а по еден мандат имаа Борис Трајковски и Бранко Црвенковски, како и Стево Пендаровски, кој повторно се кандидира за шеф на државата. Добиј ги најважните вести, бесплатно на Viber Првиот мандат на претседателот Киро Глигоров беше даден врз основа на избор од страна на Собранието на Република Македонија, согласно тогашните уставни решенија, а неговите наследници без бирани на непосредни избори. Првите претседателски избори во Република Македонија се одржани на 16 октомври 1994 година, истовремено со парламентарните избори. На изборите учествуваа двајца кандидати, а победи во првиот круг Киро Глигоров со освоени 715.087 гласови односно 78,4 проценти, како кандидат на коалицијата предводена од СДСМ. Неговиот противкандидат Љубиша Георгиевски поддржан од ВМРО-ДПМНЕ освои 197.109 гласови, односно 21,6 проценти. Вторите претседателски избори во независна Република Македонија се одржаа во 1999 година. Дотогашниот претседател Киро Глигоров не се кандидираше на овие избори, а победи Борис Трајковски, кандидат на ВМРО-ДПМНЕ. Во првиот круг учествуваа кандидатите – Муарем Неџипи, Васил Тупурковски, Мухамед Халили, Тито Петковски, Стојан Андов и Борис Трајковски. Во вториот круг победи Борис Трајковски со 582.808 гласови, а Тито Петковски освои 513.614 гласови, или 52,40 проценти наспроти 46,18 проценти. Третите претседателски избори во 2004 година се одржаа предвреме поради смртта на претседателот Борис Трајковски. Првиот круг се одржа на 14 април 2004 година, а вториот на 28 април 2004 година. На изборите учествуваа четворица кандидати – Бранко Црвенковски поддржан од СДСМ, Сашко Кедев од ВМРО-ДПМНЕ, Гзим Острени од ДУИ, Зуди Џелили од ДПА. На овие избори победи Бранко Црвенковски со освоени 550.317 гласови или 62,6 отсто, наспроти Сашко Кедев со 329.179 гласови или 37,4 проценти. Четвртите претседателски избори се одржаа на 22 март и на 5 април 2009, во исто време со изборите за локална самоуправа. На изборите учествува седум кандидати – Ѓорѓе Иванов поддржан од ВМРО-ДПМНЕ, Љубомир Фрчкоски од СДСМ, Имер Селмани од Нова Демократија, Љубе Бошкоски како независен кандидат, Агрон Буџаку од ДУИ, Нано Ружин од ЛДП и Мируше Хоџа од ДПА. На овие претседателски избори победи Ѓорѓе Иванов со 453.616 гласови или 63,14 проценти. Петтите претседателски избори беа редовни, а се одржаа на 13 април и 27 април 2014 година. Истовремено со вториот круг на претседателските избори беа одржани и предвремени парламентарни избори. Вториот круг беше на 27 април 2014 година. Во него се пласираа кандидатите Ѓорѓе Иванов и Стево Пендаровски. На овие петти претседателски избори победи кандидатот на ВМРО-ДПМНЕ Ѓорѓе Иванов со освоени 534.910 гласови наспроти кандидатот на СДСМ Стево Пендаровски со 398.077 гласови. На овие претседателски избори освен Пендаровски и Иванов, учествуваа и Зоран Попоски поддржан од ГРОМ и Илјаз Халими од ДПА. Шестите претседателски избори се одржаа на 21 април и 5 мај 2019 година, на кои победи Стево Пендаровски со освоени 435.656 гласови или 53.59 проценти. Ова беа првите избори по стапување во сила на Преспанскиот договор со кој беше решен спорот за името со Грција и земјата го доби името Република Северна Македонија. На овие претседателски избори, покрај Стево Пендаровски, учествуваа и Гордана Силјановска Давкова, поддржана од ВМРО-ДПМНЕ и Блерим Река поддржан од Алијансата за Албанците и Движењето БЕСА. На првиот круг од седмите претседателските избори, кој се одржа на 24 април граѓаните можеа да изберат меѓу седумте кандидати Стево Пендаровски, Гордана Силјановска Давкова, Стевчо Јакимовски, Бујар Османи, Билјана Ванковска, Арбен Таравари и Максим Димитревски. Во трката за претседател, чиј втор круг се одржува денеска влегоа Гордана Силјановска Давкова со освоени 363.085 гласови и Стево Пендаровски со освоени 180.499 гласови. Киро Глигоров, прв претседател на РМ (1991-1999) Првиот претседател на независна Република Македонија, Киро Глигоров е роден на 3 мај 1917 година во Штип. За претседател на Република Македонија Глигоров беше избран на 27 јануари 1991 година од македонското Собрание, кога доби поддршка од 114 од вкупно присутните 119 пратеници, а по втор пат беше избран на првите непосредни претседателските избори одржани во октомври 1994 година. На изборите учествуваа двајца кандидати, тогашниот актуелен претседател Киро Глигоров кој освои 52,4 отсто (715.087 гласа) од гласовите на вкупниот број избирачи запишани во Избирачкиот список, додека неговиот против-кандидат Љубиша Георгиевски 21,6 отсто (197.109 гласа). За време на неговиот мандат како шеф на државата се случија некои од најважните настани од современата историја на Република Македонија. На референдум одржан на 8 септември 1991 година беше прогласена независноста на земјата, а Македонија беше и единствената од поранешните југословенски републики која се осамостои по мирен пат. На 17 ноември 1991 беше донесен новиот Устав, а на 8 април 1993 година Република Македонија стана 181 членка на Обединетите Нации. На 3 октомври 1995 година врз претседателот Глигоров беше извршен атентат. Тој го преживеа атентатот со тешки повреди во пределот на главата. Нападот беше извршен со автомобил-бомба на улицата „Македонија“ во Скопје, кога Глигоров со службено возило се движеше од неговата резиденција на работното место во Собранието на Република Македонија. Досега не се откриени ни нарачателите, ниту извршителите на атентатот. По пензионирањето Киро Глигоров е активен како публицист. Тој е автор на неколку дела, главно пишувани по завршувањето на неговиот мандат како претседател – „Македонија е сè што имаме“ (2001), „Атентат – ден потоа“ (2002), „Виорни времиња: Република Македонија реалност на Балканот“ (2004) и „Сите југословенски (стопански) реформи“ (2006). Тој е основач и на фондацијата „Киро Глигоров“ што поддржува проекти од културата и уметноста. Киро Глигоров беше најстариот македонски политички функционер. На 19 ноември 1999 година, кога заврши неговиот втор претседателски мандат, тој имаше 82 години, а во 2000 година Гинисовата книга на рекорди го забележа Глигоров како најстар претседател на држава во светот. Претседателот Глигоров почина на 1 јануари 2012 година во својот дом во Скопје. Првиот претседател на Република Македонија, Киро Глигорв се обраќа на македонската јавност / 29 јануари 1991 / Фото: EPA/GEORGI LICOVSKI Борис Трајковски, втор претседател на РМ (1999-2004) Борис Трајковски, вториот претседател на Република Македонија, е роден на 25 јуни 1956 година во Струмица. Во 1980 година дипломирал на Правниот факултет во Скопје, по што специјализирал деловно право и право на работни односи. Во 1997 е именуван за шеф на Кабинетот на градоначалникот на општина Кисела Вода, а во 1998-та е избран за заменик-министер за надворешни работи на Македонија. Трајковски беше инаугуриран како втор по ред претседател на Македонија на 15-ти декември 1999 година. Првиот круг на претседателските избори се одржа на 31 октомври, а вториот на 14 ноември 1999 година. Поради констатирани нерегуларности изборниот процес од вториот круг беше повторен на 5 декември 1999 година. Негови противкандидати на изборите во првиот круг беа Тито Петковски, Васил Тупурковски, Муарем Неџипи, Стојан Андов и Мухамед Халили. Во вториот круг од изборите учествуваа кандидатите Тито Петковски и Борис Трајковски. По одржаниот втор круг и по прегласувањето во одредени избирачки места, Борис Трајковски освои 53,2 отсто од гласовите (582.808 гласа), а Тито Петковски 46,8 отсто (513.614 гласа). На гласањето во вториот круг излегоа вкупно 1.096 422 избирачи или 68,08 отсто од регистрираните гласачи. Борис Трајковски ја извршуваше функцијата претседател на Република Македонија од 15 декември 1999 до 26 февруари 2004 година, кога загина трагично во авионска несреќа заедно со осуммина соработници во близина на Мостар, Босна и Херцеговина. Тој имаше 47 години. Според Уставот на Република Македонија, привремено во периодот од 26 февруари до 12 мај 2004, на чело на државата застана Љупчо Јордановски, тогашен носител на функцијата претседател на Собранието на РМ. За време на неговиот мандат во Македонија во 2001 година имаше вооружен конфликт што заврши со потпишување на Охридскиот рамковен договор во август истата година. На претседателот Трајковски светот гледаше како на млад лидер со прозападна ориентација, како миротворец кој избегна граѓанска војна во Македонија. Фото: EPA PHOTO BELGA/GERARD CERLES/fob Бранко Црвенковски, трет претседател на РМ (2004-2009) Бранко Црвенковски е третиот претседател на Република Македонија. Роден е на 12 октомври 1962 во Сараево, Босна и Херцеговина. Во 1990 година, на првите повеќе партиски избори во Македонија, која сé уште се наоѓаше во рамките на СФР Југославија, беше избран за пратеник во првиот состав на Собранието. Во април 1991 година Црвенковски беше избран за претседател на Социјалдемократскиот Сојуз на Македонија. На 5 септември 1992, стана вториот премиер на Република Македонија по нејзиното осамостојување од Југославија. Со 29 години, тој беше најмладиот премиер во Европа во тој период. Вториот премиерски мандат го добил по изборите во декември 1994 година. На третите вонредни претседателски избори во Република Македонија, одржани по загинувањето на претседателот Борис Трајковски, во вториот круг одржан на 28 април 2004 година Бранко Црвенковски беше избран за шеф на државата. На третите вонредни претседателски избори во април 2004 година, Бранко Црвенковски како кандидат на СДСМ, победува и застанува на чело на државата до 2009 година. Граѓаните во првиот изборен круг одржан на 14 април 2004 година, избираа помеѓу четворица предложени кандидати: Бранко Црвенковски од СДСМ, Гзим Острени од Демократската унија за интеграција, Зуди Џелили од Демократската партија на Албанците и Сашко Кедев од ВМРО-ДПМНЕ. Во вториот изборен круг одржан на 28 април 2004 година мнозинството гласови ги освои Бранко Црвенковски. Тој ја доби довербата од 550.317 гласачи, односно 62,6 отсто од вкупниот број гласови, наспроти Сашко Кедев кој беше поддржан со 329.179 гласови, односно 37,4 отсто од вкупниот број важечки гласачки ливчиња. На 12 мај 2004 ја Црвенковски ја презема функцијата претседател и се повлече од премиерската должност и од претседателската функција во партијата. Бранко Црвенковски ја извршуваше функцијата претседател на Република Македонија од 12 мај 2004 до 12 мај 2009 година. За време на претседателскиот мандат на Црвенковски, Република Македонија стана земја-кандидат за прием во Европската Унија. Бранко Црвенковски / Фото: EPA/OLIVIER HOSLET Ѓорге Иванов, четврти претседател на РМ (2009- 2019) Ѓорге Иванов е четвртиот претседател на Република Македонија. Роден е роден на 2 мај 1960 година во Валандово. Во 1995 е избран за асистент на Правниот факултет во Скопје, а во 1998 за доцент на предметите Политички теории и Политичка филозофија. Од 2001 година е раководител на Политичките студии при Правниот факултет во Скопје. Во 2002 е избран за вонреден, а во 2008 и за редовен професор. Од 2004 до 2008 е продекан на Правниот факултет. Од 2008 година е претседател е на Одборот за акредитација на високото образование на Република Македонија. Иванов беше избран на претседателски избори одржани на 22 март и 5 април 2009 година. На овие избори во првиот круг учествуваа седум кандидати за претседател на државата. Покрај Ѓорге Иванов во изборната трка за претседател учествуваа и Љубомир Фрчкоски како кандидат на СДСМ, Имер Селмани од Нова демократија, Љубе Бошкоски како независен кандидат, Агрон Буџаку од ДУИ, Нано Ружин од ЛДП и за првпат жена кандидат поддржана од ДПА, Мируше Хоџа. Вториот изборен круг се одржа на 5 април 2009 година, Ѓорге Иванов освои 63,14 отсто, односно 453.616 од вкупниот број важечки гласачки ливчиња додека претседателскиот кандитат Љубомир Фрчкоски ја заврши изборната трка со освоени 36,86 отсто од вкупниот број гласови, односно 264.828 гласа. На петтите по ред претседателски избори одржани во април 2014 година, претседателот Иванов како кандидат на ВМРО-ДПМНЕ беше повторно избран и доби нов петгодишен мандат. Ѓорге Иванов како кандидат на ВМРО-ДПМНЕ освои 55,28 отсто, односно 534.910 од вкупниот број важечки гласачки ливчиња, додека претседателскиот кандитат на СДСМ, Стево Пендаровски 41,14 отсто од вкупниот број гласови, односно 398.076 гласа. Во претседателската трка покрај Иванов и Пендаровски учествуваа и Зоран Поповски од ГРОМ и Илијаз Халими од ДПА. Истовремено со вториот круг на претседателските избори се одржаа и предвремени парламентарни избори. За првпат на овие претседателски избори македонските државјани кои живеат или работат во странство имаа право да гласаат во странство. Последната година од вториот мандат на претседателот Ѓорге Иванов, меѓу другото, ќе ја обележи непотпишувањето на Законот за употреба на јазиците и на указот за ратификација на договорот со Грција, како и потпишувањето на Законот за амнестија за обвинетите во настаните во Собранието на РМ од 27 април 2017 година. Стево Пендаровски, петти претседател на РСМ (2019 – 2024) Претседателот Стево Пендаровски е роден на 3 април 1963 година во Скопје. Дипломирал во 1987 година на Факултетот за правни и политички науки, при Универзитетот Св. Кирил и Методиј – Скопје, а магистрирал и докторирал на Институтот за социолошки и политичко-правни истражувања при Универзитетот Св. Кирил и Методиј – Скопје. Во изминатите 11 години бил професор на Универзитетот Американ Колеџ Скопје каде што ги предавал предметите Меѓународна безбедност, Меѓународни односи, Вовед во Политика, Глобализација, Геополитика, Надворешната политика на САД, Надворешната и безбедносна политика на ЕУ и малите држави во светската политика. Во периодот 1998-2001 бил началник на Управата за аналитика и истражување во Министерството за внатрешни работи и портпарол на министерството. Стево Пендаровски – претседател на Македонија / Фото: ,,Слободен печат” / Драган Митрески Од 2001 до 2004 година бил советник за национална безбедност на Претседателот на Република Македонија. Од 2004 до 2005 година бил претседател на Државната изборна комисија. Од 2005 до 2009 година бил советник за надворешна политика на Претседателот на Република Македонија. Од 2016 до 2017 година бил пратеник во Собранието на Република Македонија. Од декември 2017 година до мај 2019 година бил национален координатор за подготовка на Република Северна Македонија за влез во НАТО. На 12. мај 2019 година, со давањето свечена изјава во Собранието на Република Северна Македонија, Стево Пендаровски официјално ја презеде функцијата претседател на државата. Денеска се одржува вториот круг од седмите претседателските избори. Право на глас имаат 1.814.317 избирачи. Вчера, ден пред изборите, први гласаа болните и изнемоштените, затворениците, лицата во старските домови и, пријавените од дијаспората....

Американските власти минатата недела одложија пратка бомби за Израел, откако еврејската држава не одговори на „загриженоста“ на Вашингтон за најавената офанзива во Рафа, во јужниот дел на Појасот Газа, изјави доцна синоќа неименуван високо позициониран американски функционер. Добиј ги најважните вести, бесплатно на Viber -Минатата недела прекинавме испорака на пратка со оружје. Таа се состоеше од 1.800 бомби од 907 килограми и 1.700 бомби од 226 килограми. Не донесовме конечна одлука дали таа пратка ќе биде испорачана, рече претставникот. Одлуката била донесена затоа што Вашингтон се противи на голема офанзива што ја подготвуваат израелските војници во Рафа. Вашингтон јасно стави до знаење дека не поддржува офанзива без кредибилен план за заштита на тамошните цивили. Американскиот претседател Џо Бајден го повтори овој став пред два дена во телефонскиот разговор со израелскиот премиер Бенјамин Нетанјаху. -Израелските и американските официјални лица разговараа за алтернативите, дискусиите се во тек и сè уште не се целосно решени нашите грижи, додаде американскиот функционер. Израелската армија вчераутро распореди тенкови во Рафа, ја презеде контролата на граничниот премин со Египет и затвори две главни пристапни точки за хуманитарна помош, мерка што САД ја сметаат за „неприфатлива...

Судијата во кривичната постапка против Доналд Трамп во вторникот го одби барањето за поништување на судењето на адвокатот на Трамп, Тод Бланш, кој тврдеше дека сведочењето на порно ѕвездата Сторми Даниелс за нивната наводна афера во 2006 година е ирелевантно и само ќе ги разгори страстите на поротата. Добиј ги најважните вести, бесплатно на Viber „Како можеме да излеземе од ова на начин што е фер за претседателот Трамп“, рече Бланш. Судијата Хуан Мерчан рече дека се согласува дека има елементи во нејзиното сведочење што би било подобро да не се кажат. „Мислам дека беше малку тешко да се контролира сведокот. Мислам дека не сме во фаза кога поништувањето на судењето е оправдано“, рече Мерчан. Предлогот беше поднесен неколку часа по нејзиното сведочење. Таа пред поротата кажа за нејзината наводна врска со Трамп и митото од 130.000 долари што го добила за да молчи кога тој се кандидираше за претседател во 2016 година. Даниелс (45) рече дека одлучила тој инцидентот да остане приватен откако добила закана на паркинг во 2011 година, но се предомислила за време на кампањата во 2016 година, кога биле изнесени неколку обвинувања за сексуален напад против Трамп. „Мојата мотивација не беа парите, сакав да ја раскажам приказната“, вели таа. Трамп (77) се изјасни дека не е виновен за фалсификување деловни книги за да се прикрие давање мито на Даниелс. Тој негира дека имал секс со Даниелс, а неговите адвокати тврдат дека таа го измислила затоа што сакала да се појави во шоуто на Трамп „The Apprentice“. Даниелс потврди дека се надевала дека Трамп ќе ја ангажира во шоуто по нивниот однос....

На вториот круг од претседателските избори право на глас имаат 1.814.317 избирачи, додека на парламентарните избори 1.815.350 избирачи. Разликата во гласовите е 1.033, генерално поради граѓани кои стекнуваат полнолетство. Добиј ги најважните вести, бесплатно на Viber На претседателските избори право на глас имаат 1.814.317 гласачи. Од нив, во изводите од Избирачкиот список за гласање во државата се запишани 1.713.758 избирачи. Во посебните изводи од Избирачкиот список за лица кои поднеле пријава за гласање во дипломатско конзуларните претставништва или конзуларни канцеларии се запишани 2.569 избирачи, а во затворите или во притвор 2.147 избирачи. Запишани се и 534 избирачи згрижени во установите за вон семејно згрижување, а во Избирачкиот список запишани се и две внатрешно раселени лица. На парламентарните избори право на глас имаат 1.815.350 избирачи. Во изводите од Избирачкиот список за гласање запишани се 1.716.664 избирачи, додека во посебниот извод од Избирачкиот список за лицата кои согласно евиденцијата на надлежен орган се на привремена работа или престој во странство се запишани 96 010 избирачи. Гласање за парламентарните избори во дијаспората не се спроведе бидејќи немаше доволен број пријавени наши државјани. Парламентарни избори 2024/„Слободен печат“, Елисавета Бејкова На еден ден пред изборите, вчера гласаа болните и изнемоштените чии пријави беа прифатени од општинските изборни комисии, како и затворениците и лицата во притвор чиј што број според посебниот извод во Избирачкиот список изнесува 2140, како и лицата во установи за вон семејна грижа – 534 избирачи и две внатрешно раселени лица. Гласањето на седмите претседателски избори и единаесеттите парламентарни избори се спроведува на 3.480 избирачки места во државата. На првиот круг од изборите на 24 април на 120 избирачки места имаше помалку од десет гласачи кои беа упатени правото на глас да го остварат во најблиското избирачко место....

Израелскиот премиер Бенјамин Нетанјаху синоќа изјави дека не е задоволен од новиот предлог на Хамас за прекин на огнот, а Хамас предупреди дека нема да има договор доколку продолжи израелската агресија врз Појасот Газа. Добиј ги најважните вести, бесплатно на Viber Нетанјаху кажа дека новиот предлог на Хамас за прекин на огнот е далеку од основните барања на Израел, додавајќи дека сè уште е неопходен воен притисок за ослободување на заложниците што Хамас ги држи во Појасот Газа. Израелските сили вчера рано утрината ја окупираа палестинската страна на граничниот премин во Рафа, што Нетанјаху го оцени како „многу значаен чекор кон уништување на преостанатите воени капацитети на Хамас“. Со оваа воена операција е прекинат клучниот пат за помош до Појасот Газа, што веќе е на работ на глад. Официјалниот претставник на Хамас, Осама Хамдан, вчера предупреди дека нема да има прекин на огнот доколку продолжи израелската агресија врз Појасот Газа. Хамдан ова го изјави на прес-конференција во Бејрут, а делегацијата на Хамас во меѓувреме пристигна од Доха во Каиро за да ги продолжи преговорите за прекин на огнот, соопшти Хамас. -Тврдиме дека воената операција во Рафа нема да биде пикник за (израелската) армија, рече Хамдан. „Топката е во теренот на Нетанјаху“, додаде тој. Тој посочи дека новиот предлог за прекин на огнот со кој се согласи Хамас е „минимумот што одговара на барањата на нивниот народ и неговиот отпор“. -Преминот Рафа беше и ќе остане исклучиво египетско-палестински премин, рече Хамдан....

Денеска македонските државјани гласаат на парламентарните избори, како и во вториот круг на изборите за претседател на државата. Добиј ги најважните вести, бесплатно на Viber Во продолжемие можете да ги следите ги најновите информации од минута во минута. Избори 2024 8 мај, 2024 10:09 Во Куманово навреме отворени сите гласачки места Во Куманово навреме се отворени сите гласачки места освен гласачко место 1100 во село Умин Дол, каде што поради технички проблеми со апаратот за биометриска идентификација гласањето почнало во 8.45 часот. Како што соопшти претседателката на Општинската изборна комисија Куманово, Елизабета Стојковска, за проблемот била известена Државната изборна комисија и по официјално барање на ОИК добиена е дозвола од ДИК гласањето да продолжи со УВ-ламба и УВ-спреј. Според податоците на ОИК, во Куманово право на глас за Претседателските избори имаат 93.508 избирачи, а за Парламентарни избори 93.635 избирачи кои гласаат на 167 места. 8 мај, 2024 10:08 ДИК: Излезноста до 9 часот намалена во однос на претходните избори за претседател и пратеници До 9 часот од пристигнатите податоци за излезност на гласачите за претседателските избори од 1009 ИМ од вкупно запишани 547041 гласачи на овие избирачки места гласале 22797 лица, односно 4,17%. Најголема излезност за претседателските избори има во Пробиштип – 8, 85%, а најмала излезност е во Боговиње 0,57%. Споредбено со вториот круг од претседателските избори од 2019 година имаме намалување на излезноста од 1,99 на овие избори, соопшти претседателот на ДИК Александар Даштевски. >> Прочитај повеќе 8 мај, 2024 10:07 На две избирачки места во Тетово се гласа со стариот метод Нефункционалноста на апаратот за идентификација е причина гласањето на две избирачки места во Општина Тетово да почне со стариот метод со кој се зема отпечаток од прст на графитно перниче, па се остава отпечаток во избирачки список, а се користат спреј и УВ-ламба за проверка. - Во едно избирачко место во ОУ „Лирија“ во Тетово гласањето почна во 8.40 часот откако беше утврдено дека не функционира апаратот за идентификација. Со одлука на Државната изборна комисија (ДИК) се користи стариот метод со отпечаток од прст и УВ ламба. Истото е направено во едно избирачко место во село Бозовце каде гласањето почна во 9.22 часот, информираше Зулќуфли Реџепи, претседател на ОИК Тетово Во Општина Тетово за парламентарните избори право на глас имаат 86.550 граѓани, додека за вториот круг за избор на претседател на државата може да гласаат вкупно 86.405 луѓе. Од вкупнте бројки, вчера имаа можност да гласаат 54 затвореници, како и 181 лице пријавени за болни и немоќни со право на глас. 8 мај, 2024 10:00 Кавадарци со 6.22 отсто излезност до девет часот, Росоман со 5.4 проценти Кавадарци има 6.22 отсто излезност до девет часот, во Росоман 5.4 проценти, информираа од општинските изборни комисии. Во Кавадарци се гласа на 60 гласачки места, се гласа за претседател на државата и пратенички мандати, информираше претседателката на Општинската изборна комисија, Емилија Петровска. Запишани се вкупно 31.982 избирачи за парламентарните избори, 31.926 за претседателските, со право на глас во Кавадарци. 8 мај, 2024 09:59 Тошковски за стартот на изборниот ден: Безбедносната состојба стабилна, МВР постапува согласно надлежностите Денешниот ден, од аспект на безбедносната состојба е стабилен. Министерството за внатрешни работи постапува согласно надлежностите што ги има, изјави денеска техничкиот министер за внатрешни работи Панче Тошковски по гласањето за изборите во ООУ „Јохан Хајнрих Песталоци“ во општина Центар. - Согласно информациите што ги имам од утринава, сите избирачки места се стабилни, отворени. Граѓаните можат да си го остварат своето право на глас во една мирна, фер и демократска атмосфера, рече Тошковски. Тој упати порака до граѓаните во текот на денешниот ден масовно да си го остварат своето право на глас и да не дозволат, како што рече, нивната волја да биде киднапирана од страна на било кој субјект и на било каков начин. 8 мај, 2024 09:58 Во Велес до 9 часот гласале 6,36 проценти за претседател и 6,29 проценти за пратеници Во Велес и Велешко на сите 84 избирачки места до 9 часот на гласање во вториот круг за избор на претседател од запишани 44 858 на Единствениот избирачки список до 9 часот гласале 2 794 граѓани, односно 6,36 проценти. На Единствениот избирачки список од запишани 44 954 за избор на пратеници во Парламентот до 9 часот гласале нешто помалку односно 2763 или 6,29 проценти, информира за МИА Ребека Бајдевска Ѓошева член на ОИК Велес. На сите избирачки места гласањето се одвива според сите избирачки правила и во најдобар ред и од ОИК Велес информираат дека се во постојан контакт со избирачките одбори и ја следат нивната работа околу регуларноста и текот на изборите. 8 мај, 2024 09:48 ВИДЕО | Прва прес-конференција на ДИК 8 мај, 2024 09:46 Граѓаните можат да пријават повреда на избирачкото право на бесплатна телефонска линија Во канцеларијата на Народниот правобранител, од 7 до 19 часот граѓаните ќе можат да пријават каква било повреда на избирачкото право на бесплатната телефонска линија 0800 54321. Како што информираат денеска од канцеларијата на Народниот правобранител, освен на бесплатната телефонска линијата, граѓаните ќе можат да пријават повреди на избирачкото право и лично во главната канцеларија во Скопје, што се наоѓа на улицата „Македонија“ бр.19 во зградата на ТД „Макошпед“ (спроти Спомен куќата на Мајка Тереза). >> Прочитај повеќе 8 мај, 2024 09:40 Во Демир Капија 10,42 отсто излезност до девет часот Во Демир Капија 10.42 отсто е излезноста до девет часот, за двата вида избори, во Неготино за претседателски 6,77, за парламентарни 6,73 проценти. За ова информираа од општинските изборни комисии. Во Неготино се гласа на 28 избирачки места, информираше претседателката на Општинска изборна комисија, Елизабета Камчева. Таа потсети дека вкупно 165 болни и немоќни лица гласаа вчера во Неготино, од вкупно 175 пријавени за втор круг претседателски и парламентарните избори. - Гласаа 71 маж и 94 жени, 11 лица не гласале. Имаше пријавено едно лице кое гласаше во куќен притвор за втор круг претседателски и парламентарните избори, појасни Камчева. Согласно на законот, овие лица гласаа вчера, ден пред изборите што се одржуваат во текот на денешниот ден. Во Демир Капија, 66 лица беа пријавени за гласање во текот на вчерашниот ден, информираше Благој Јовановски, претседател на ОИК. Денеска, се гласа на 11 избирачки места. 8 мај, 2024 09:31 Во Велес и велешко утрово отворени сите 84 избирачки места Во Велес и Велешко утрово во 7 часот се отворени сите 84 избирачки места каде се гласа за претседател на државата и за пратеници во идниот состав на Собранието. Правото на глас денеска ќе го остварат 44 858 граѓани запишани на Единствениот избирачки список за избор на претседател и нешто повеќе односно 44 954 граѓани кои ќе гласаат меѓу кандидатите за идни пратеници, инфпрмира за МИА Андреј Ќамилов, претседател на ОИК Велес. Тој појаснува дека граѓаните мирно и достоинствено го остваруваат своето право на глас, а нивните членови на ОИК Велес се во постојан контакт со избирачките одбори. Воедно тој ги повикува сите граѓани денеска да излезат на избирачките места и да го остварат своето уставно право на глас до 19 часот. Инаку вчера во Велес и велешко од 234 пријавени болни и изнемоштени во нивните домови гласале 221 граѓанин, а од 33 затвореници во велешкиот затвор гласале 27. 8 мај, 2024 09:26 Навремено и без проблеми почна изборниот процес во Прилеп Гласањето во Прилеп почна навреме и тече непречено и без проблеми, потврдуваат од општинската изборна комисија. Своето право на глас денеска може да го остварат 62 169 избирачи за претседателските избори и 62 271 гласач на парламентарните избори. -Точно во 7 часот се отворени 142-те избирачки места во Прилеп. Изборниот процес почна без проблеми. Гласачкиот материјал изборачките одбори навреме го подигнаа, изјави Валентин Божиноски, претседател на ОИК Прилеп. Според првичните информации од комисиите, гласањето почна навремено и во Кривогаштани, Долнении во Крушево. Во Крушево денеска може да гласаат 7 775 граѓани со прави на глас на претседателските или 7 795 избирачи на парламентарните избори кои гласачкото право може да го остварат на 22 гласачки места. Во Кривогаштани на 13 избирачки места своето право на глас го остваруваат 4 428 гласачи за претседателските, а 4 434 избирачи се запишани во единствениот избирачки список за парламентарните избори. Во Долнени денеска може да гласаат 11 730 жители со право на глас за претседателските, а 11 748 избирачи за парламентарните избори. Се гласа на 40 избирачки места. 8 мај, 2024 09:25 Отворени избирачките места во Охрид и Дебрца, гласањето се одвива непречено Во општините Охрид и Дебрца сите избирачки места се отворени, а гласањето и изборниот процес се одвива непречено и без какви било нерегуларности. Според информациите од ОИК во Охрид, отворени се сите 87 избирачки места, така што граѓаните можат непречено да го дадат својот глас за еден од двајцата кандидати за претседател на државата, како и за некоја од листите за пратеници во Парламентот. Според ОИК, задоцнување во отворањето на гласањето имало само на едно избирачко место и тоа поради технички причини. Откако биле отстранети причините изборниот процес се одвива непречено. Како што информираат од ОИК Дебрца, отворени се и сите 23 гласачки места во атарот на Општината, а гласањето се одвива непречено. Во главниот избирачки список за денешните Парламентарни избори во Охрид се запишани 51.865 избирачи додека за вториот круг од Претседателските 51.717 избирачи, информираат од ОИК. Разликата во бројката на запишани избирачи е поради тоа што 148 од првиот круг од Претседателските избори стекнaлe полнолетство и тие имаат право да гласаат само на Парламентарните избори. Што се однесува на гласањето вчера, правото не го искористиле едеинаесет од вкупно пријавените 239 избирачи. Според главниот избирачки список, за Парламентарните избори во Дебрца е запишани 4.001 избирач, додека за вториот круг од Претседателските избори 4.009. Во текот на вчерашниот ден своето право на глас го искористиле 33 од 34-те пријавени изнемоштени и лица со посебни потреби од Дебрца. 8 мај, 2024 09:24 Во Гостивар сите избирачки места отворени навреме Во општина Гостивар изборниот процес за редовните парламентарни избори и втор круг од претседателските избори започна навреме и првиот час од отворањето на избирачките места се одвива без проблеми, информираат од ОИК Гостивар. Правото на глас денеска ќе го искористат 81 517 запишани избирачи за претседателските избори и за претставници во Собранието, 81 612 граѓани. Околу 9:30 часот се очекува и првиот пресек за излезноста на гласачките места. 8 мај, 2024 09:23 Во Струга и Вевчани навреме отворени сите избирачки места, гласањето тече непречено Во општините Струга и Вевчани сите избирачки места се отворени навреме, точно во 7 часот и гласањето за парламентарните и вториот круг од претседателските избори тече нормално, информираат за МИА претседателите на општинските изборни комисии Минир Жута и Менка Кукоска. - На територија на општина Струга сите 101 избирачко место се отворени на време и процесот на гласање тече нормално, изјави Жута. Гласањето почнало на време и се било во најдобар ред и на трите избирачки места во Вевчани, каде право на глас во единствениот избирачки список имаат 2.072 лица. Во Струга и струшко вчера во домашни услови гласале 267 болни и изнемоштени лица за вториот круг од претседателските избори и 281 за парламентарните, додека во Вевчани деветмина го оствариле гласачкото право за избор на претседател на државата и за пратеници. 8 мај, 2024 09:05 Навреме отворени избирачките места во Делчево, гласањето тече во најдобар ред о Делчево навреме отворени 36 избирачки места на кои денес можност имаат да гласаат 14.515 евидентирани избирачи за вториот круг од претседателските избори и 14.569 граѓани кои своето право на глас можат да го остварат на парламентарните избори 2024. - Се наоѓаме на избирачко место 583/1 започнавме точно во 7 часот, имаме вкупно 682 гласачи на ова избирачко место, а во 8:30 часот излегле 39 гласачи, истакнаа претставници на избирачкото место 583/1. 8 мај, 2024 09:04 Навреме отворени гласачките места во Липково и Старо Нагоричане Навреме се отворени гласачките места во Липково и во Старо Нагоричане. Во Липково, за претседателските избори евидентирани се 26.030 гласачи, за парламентарните 26.024 гласачи кои гласаат на 36 избирачки места соопштија од ОИК Липково. - Навреме отворени се сите места, изјави претседателката на ОИК, Ајше Демири. Во Старо Нагоричане има 3.043 гласачи за претседателски, а за парламентарни 3.046 кои гласаат на кои гласаат на 38 избирачки места од кои две се споени, односно ги опслужуваат 36 избирачки одбори. - Навреме се отворени сите места, имаше незначителни технички проблеми кои веднаш се надминаа, изјави претседателот на ОИК Старо Нагоричане, Марјан Даиловски. 8 мај, 2024 09:03 Во Тетово на едно место не е почнато навреме гласањето поради апаратот за идентификација Општинската изборна комисија Тетово информира дека во едно избирачко место од вкупно 117 не е почнато навремено гласањето во 7 часот поради нефункционалност на апаратот за идентификација. Според информациите на Зулќуфли Реџепи, претседател на ОИК Тетово, до 8 часот и 15 минути со гласањето не било почнало, а за тоа како ќе се продолжи, рече дека е пријавено и чека решение од Државната изборна комисија. Во Општина Тетово за парламентарните избори право на глас имаат 86.550 граѓани, додека за вториот круг за избор на претседател ќе може да изберат вкупно 86.405 луѓе. Од тие бројки вчера имаа прилика да гласаат имаат 54 затвореници, како и 181 лице, како болни и немоќни лица со право на глас. 8 мај, 2024 08:55 Граѓаните избираат шеф на државата Кандидати за нов претседател на државата во вториот круг од претседателските избори се Гордана Сиљановска Давкова, поддржана од коалицијата на ВМРО-ДПМНЕ и Стево Пендаровски, поддржан од СДСМ. За претседател е избран кандидатот кој ќе добие мнозинство гласови од избирачите кои гласале, доколку гласале повеќе од 40 проценти од избирачите. Доколку и во вториот круг на гласање ниту еден од кандидатите не го добие потребното мнозинство гласови, се повторува целата изборна постапка. Доколку биде исполнет цензусот и биде избран претседател на државата, неговата инаугурација треба да биде на 12 мај. 8 мај, 2024 08:32 Во Штип двојните избори почнаа на 74 избирачки места Вториот круг од претседателските и парламентарните избори утрово во 7 часот почнаа на територијата на Општина Штип. Претседателот на Општинската изборна комисија (ОИК), Виктор Вацев изјави дека на двата избирачки списоци има по 41 379 избирачи, кои своето демократско право ќе можат да го искористат на 74 избирачки места. Посочува дека сите избирачки места се отворени точно навреме и засега се се одвива во најдобар ред, но се уште е рано да се зборува за некоја процентуално излезност, зашто првите податоци до комисијата ќе пристигнат после 9 часот. МИА утринава беше на гласачкото место лоцирано во Центарот за култура „Ацо Шопов“. Претседателот на Избирачкиот одбор 22 99, Столе Хаџи-Николов вели дека гласачкото место навреме е отворено. Своето право на глас на оваа избирачко место можат да го остварат 655 избирачи за претседателските избори, а за парламентарни еден гласач повеќе, 656. Вчера гласаа болните и изнемоштени лица во домашни услови. Од пријавените и одобрени 208 барања, гласале 187 за парламентарни и 186 за втор круг претседателски избори. Според податоците на ОИК, ваква разлика меѓу пријавени и оние кои го исполниле правото на глас во текот на вчерашниот ден е што 21 лице од пријавените починале помеѓу двата изборни круга. Вчера се гласаше и во КПУ- Затвор- Штип, каде од 203 регистрирани избирачи од 40 македонски општини, правото на глас го искористиле 146 осудени лица или 72 проценти, што е скоро идентично со првиот круг за избор на претседател. 8 мај, 2024 08:30 Двојните избори ги следат околу 2.000 домашни и странски набљудувачи и новинари За вториот круг од претседателските избори и парламентарните избори акредитирани се вкупно 1.999 набљудувачи, преведувачи и странски новинари. Најмногу акредитирани се домашни набљудувачи – 1.078. Изборите ќе ги следат и 770 странски набљудувачи за чии потреби се ангажирани и 85 преведувачи. За известување од изборите, според податоците на Државната изборна комисија, акредитирани се 66 странски новинари. >> Прочитај повеќе 8 мај, 2024 08:29 Може да гласаат и граѓаните кои имаат истечени лични документи На денешните претседателски и парламентарни избори можат да гласаат и граѓаните на кои по кој било основ, по сила на закон или по рок на важност им истекле личните документи на 24 јули 2023 година до 24 април. Согласно преодната одредба од измените на Изборниот законик која ќе се применува само за изборите оваа година, избирачите ќе може да гласаат со лична карта или со патна исправа чија што важност истекла во периодот од девет месеци до денот на одржување на изборите. >> Прочитај повеќе 8 мај, 2024 08:18 Започна гласањето во општина Маврово и Ростуше Во општина Маврово и Ростуше утрово започнаа редовните парламентарни избори и втор круг од претседателските избори. Според претседателот на ОИК, Абдулреџеп Агаи сите 39 избирачки места се отворени на време и гласањето е во тек. На избирачкиот список за претседател запишани се 10.343, а избор на пратеници 10.353 граѓани. Вчера, од пријавени 68, правото на глас го искористиле 67 граѓани кои претходно доставија барања до ОИК. 8 мај, 2024 08:10 Во Неготино и Демир Капија стартуваше гласањето за претседател на државата и пратеници Во Неготино и Демир Капија изутринава стартуваше гласањето на претседателските избори. Од општинските изборни комисии информираа дека навреме се отворени сите избирачки места. -Сите 28 избирачки места навреме се отворени, успешно стартуваше изборниот процес за претседателските избори и изборот за пратеници во Парламентот, информираше утринава, претседателката на Општинска изборна комисија (ОИК) Неготино, Елизабета Камчева. Таа потсети дека вкупно 165 болни и немоќни лица гласаа вчера во Неготино, од вкупно 175 пријавени за втор круг претседателски и парламентарните избори. - Гласаа 71 маж и 94 жени, 1 лица не гласале. Имаше пријавено едно лице кое гласаше во куќен притвор за втор круг претседателски и парламентарните избори, појасни Камчева. Во Демир Капија, 66 лица беа пријавени за гласање во текот на вчерашниот ден, информираше Благој Јовановски, претседател на ОИК. Денеска, се гласа на 11 избирачки места. 8 мај, 2024 08:08 Во општините Дебар и Центар Жупа избирачките места отворени навреме Во општините Дебар и Центар Жупа, сите 43 избрачки места се отворени навреме, во 7 часот и гласањето се одвива тековно. - Гласањето во општина Дебар се спроведува во 27 избирачки места од кои 22 се во градот, две во село Могорче и по едно во селата Џепиште, Горно и Долно Косоврасти. Право на глас имаат 19.269 за претседателските и 19.311 гласачи за парламентарните избори. Вчера своето граѓанско право го остварија 68 болни и изнемоштени лица, од кои 46 гласаа и за претседателските и за парламентарни избори, додека 22 само за парламентарни избори, изјави за МИА, Рилинд Хаса, претседател на Општинската изборна комисија (ОИК) во Дебар. Според Неџип Илјаз, претседател на ОИК-Центар Жупа и во оваа општина избрачките места се отворени точно навреме. -Се гласа на 16 избрачки места, 9 се во Центар Жупа, по едно во населените места Броштица, Новак, Еленци, Брештани, Праленик, Коџаџик, Долгаш. Право на глас имаат 7.368 за претседателските и 7.383 гласачи за парламентарните избори. Вчера правото на глас го искористија 10 болни и изнемоштени лице, сите гласаа и за претседателските и за парламентарните изори, рече Илјаз за МИА. На 24 април, во првиот круг од претседателските избори во општина Дебар правото на глас го остварија 6379 или околу 35 отсто од вкупно запишаните 19.334 лица, додека во општина Центар Жупа 1279 или 17,36 отсто од 7.383 колку што беа запишани во единствениот избрачки список. 8 мај, 2024 07:58 Во Кавадарци и Росоман навреме отворени гласачките места Во Кавадарци утринава навреме беа отворени 60 гласачки места, на кои се гласа за претседател на државата и пратенички мандати, информираше претседателката на Општинската изборна комисија (ОИК), Емилија Петровска. Запишани се вкупно 31.982 избирачи за парламентарните избори, 31.926 за претседателските, со право на глас во Кавадарци. Ден пред претседателските и парламентарните избори вчера за гласање беа пријавени вкупно 155 лица во домашни услови, болни и немоќни, како и дванаесетина од дом за стари лица, појасни Петровска. И во Росоман стартуваше гласањето на претседателските и парламентарните избори, а од општинската изборна комисија информираа дека навреме се отворени сите избирачки места. - Се гласа на десет избирачки места. За потсетување, вчера, ден пред изборите, согласно на законот, гласаа 69 немоќни лица, соопшти претседателот на општинската изборна комисија, Зоран Костов. Вкупно 3.300 избирачи се евидентирани во списокот за гласање на денешните избори во општината Росоман. 8 мај, 2024 07:57 ЈСП вози по неделен возен ред Јавниот превоз во Скопје денеска ќе вози по неделен возен ред, а жичницата нема да работи, соопштија денеска од Одделението за односи со јавност во ЈСП Скопје. 8 мај, 2024 07:49 Гласањето започна Во 7 часот почна гласањето на вториот круг од претседателските избори и на парламентарните избори. Од ДИК за МИА информираат дека досега нема пријавено никакви проблеми со отворањето на избирачките места. 8 мај, 2024 07:31 Кои се сите досегашни претседатели на Македонија? Во Република Северна Македонија денеска се одржува вториот круг од седмите претседателски избори. На претседателската фотелја досега седнаа петмина претседатели. Првиот претседател Киро Глигоров и Ѓорге Иванов претседателската функција ја вршеа во два мандата, а по еден мандат имаа Борис Трајковски и Бранко Црвенковски, како и Стево Пендаровски, кој повторно се кандидира за шеф на државата. >> Прочитај повеќе 8 мај, 2024 07:28 Кои луѓе гласаа вчера? Во посебните изводи од Избирачкиот список за лица кои поднеле пријава за гласање во дипломатско конзуларните претставништва или конзуларни канцеларии се запишани 2.569 избирачи, а во затворите или во притвор 2.147 избирачи. Запишани се и 534 избирачи згрижени во установите за вон семејно згрижување, а во Избирачкиот список запишани се и две внатрешно раселени лица. На еден ден пред изборите, вчера гласаа болните и изнемоштените чии пријави беа прифатени од општинските изборни комисии, како и затворениците и лицата во притвор чиј што број според посебниот извод во Избирачкиот список изнесува 2140, како и лицата во установи за вон семејна грижа – 534 избирачи и две внатрешно раселени лица. >> Прочитај повеќе 8 мај, 2024 07:13 Парламентарни избори, што знаеме досега? Во Македонија денеска се одржуваат вториот круг од седмите претседателски избори и единаесеттите парламентарни избори. На парламентарните избори гласачите ќе можат да се определат за една од 17 листи на кандидати. Листи за кандидати за пратеници имаат Коалицијата за европска иднина предводена од СДСМ, Коалицијата „Твоја Македонија“ на ВМРО-ДПМНЕ, Коалиција Храбро за Македонија предводена од ГРОМ, Коалиција Европски фронт на ДУИ, политичката партија Левица, Коалицијата од албанскиот опозициски блок „Вреди“, политичката партија Движење ЗНАМ – За наша Македонија, Единствена Македонија, Нова алтернатива Скопје, АВАЈА, Европско граѓанско движење, Македонска ера трета/Македонски независни листи – Суверенисти, Твоја партија, Родина Македонија, Десна, Демократи Скопје и Работничка партија. Земјата е поделена во шест изборни единици, а дел од коалициите и партиите имаат листи само за некои од изборните единици. >> Прочитај повеќе 8 мај, 2024 07:11 Втор круг претседателски избори, што знаеме досега? Во Македонија денеска се одржуваат вториот круг од седмите претседателски избори и единаесеттите парламентарни избори. На вториот круг од претседателските избори гласачите ќе можат да се определат за Гордана Силјановска Давкова поддржана од ВМРО-ДПМНЕ која во првиот круг од изборите на 24 април освои 363. 085 гласови, и Стево Пендаровски, кој доби 180.499 гласа. 8 мај, 2024 07:07 ДИК со упатство за гласање на двојните избори Гласањето на претседателските и парламентарните избори кои се одржуваат денеска се врши лично на гласачките места во државава. Во однос на процесот на гласање, од Државната изборна комисија потсетуваат дека избирачкиот одбор задолжително го прашува гласачот дали сака да гласа за двата вида на избори или сака да гласа само за еден вид на избори, односно дали сака да гласа дали за претседателски или за парламентарни и за двата избори одеднаш. Притоа, им го објаснува начинот на гласање и им овозможува на гласачите да гласаат. Гласачот може само еднаш да се појави на гласачкото место за остварување на своето избирачко право. Притоа, гласачот го приложува документот за лична идентификација, важечка лична карта или патна исправа, односно за претседателски избори 2024 година лична карта или патна исправа чија важност истекла од 24 јули 2023 година до 24 април 2024 година, а за парламентарните избори гласачот ќе може да гласа со лична карта или со патна исправа чија важност истекла во периодот од 8 август 2023 година до 8 мај 2024 година. >> Прочитај повеќе...

Во Македонија денеска се одржуваат вториот круг од седмите претседателски избори и единаесеттите парламентарни избори. Добиј ги најважните вести, бесплатно на Viber На вториот круг од претседателските избори гласачите ќе можат да се определат за Гордана Силјановска Давкова поддржана од ВМРО-ДПМНЕ која во првиот круг од изборите на 24 април освои 363. 085 гласови, и Стево Пендаровски, кој доби 180.499 гласа. Инфографик: Претседателски избори 2024/„Слободен печат“, Елисавета Бејкова На парламентарните избори гласачите ќе можат да се определат за една од 17 листи на кандидати. Листи за кандидати за пратеници имаат Коалицијата за европска иднина предводена од СДСМ, Коалицијата „Твоја Македонија“ на ВМРО-ДПМНЕ, Коалиција Храбро за Македонија предводена од ГРОМ, Коалиција Европски фронт на ДУИ, политичката партија Левица, Коалицијата од албанскиот опозициски блок „Вреди“, политичката партија Движење ЗНАМ – За наша Македонија, Единствена Македонија, Нова алтернатива Скопје, АВАЈА, Европско граѓанско движење, Македонска ера трета/Македонски независни листи – Суверенисти, Твоја партија, Родина Македонија, Десна, Демократи Скопје и Работничка партија. Земјата е поделена во шест изборни единици, а дел од коалициите и партиите имаат листи само за некои од изборните единици. Инфографик: Парламентарни избори 2024/„Слободен печат“, Елисавета Бејкова На вториот круг од претседателските избори право на глас имаат 1.814.317 избирачи, додека на парламентарните избори 1.815.350 избирачи. Разликата во гласовите е 1033, генерално поради граѓани кои стекнуваат полнолетство. Гласачките места се отворени од 7 часот, а ќе се затворат во 19 часот. Се гласа на 3.480 избирачки места, а избирачите во текот на денот ќе можат само еднаш да го посетат избирачкото место и да гласаат. Идентификацијата на гласачите ќе се врши со т.н. фингерпринт апарати....

Гласањето на претседателските и парламентарните избори кои се одржуваат денеска се врши лично на гласачките места во државава. Добиј ги најважните вести, бесплатно на Viber Во однос на процесот на гласање, од Државната изборна комисија потсетуваат дека избирачкиот одбор задолжително го прашува гласачот дали сака да гласа за двата вида на избори или сака да гласа само за еден вид на избори, односно дали сака да гласа дали за претседателски или за парламентарни и за двата избори одеднаш. Притоа, им го објаснува начинот на гласање и им овозможува на гласачите да гласаат. Гласачот може само еднаш да се појави на гласачкото место за остварување на своето избирачко право. Притоа, гласачот го приложува документот за лична идентификација, важечка лична карта или патна исправа, односно за претседателски избори 2024 година лична карта или патна исправа чија важност истекла од 24 јули 2023 година до 24 април 2024 година, а за парламентарните избори гласачот ќе може да гласа со лична карта или со патна исправа чија важност истекла во периодот од 8 август 2023 година до 8 мај 2024 година. Гласачот добива два гласачки ливчиња доколку се одлучи да гласа за двата вида на избори или едно гласачко ливче за изборите за кој се одлучил да гласа и се потпишува во соодветниот извод од избирачкиот список. Гласачот гласа сам тајно зад гласачкиот параван. Гласачот гласањето го врши на тој начин што го заокружува редниот број пред називот, името на листата или редниот број на кандидатот со хемиско пенкало во сина боја. Превитканото гласачко ливче го става во соодветната гласачка кутија, бидејќи утре имаме двојни избори на секое избирачко место ќе има две гласачки кутии соодветно обележани. Притоа, секој гласач се задржува во избирачкото место онолку време колку што му е потребно за да го оствари своето право на глас без притоа да направи каков било застој во истото. На крај гласачот го подигнува документот за лична идентификација и го напушта гласачкото место, истакна тој. ДИК апелира до избирачките одбори и ОИК да продолжат да ги почитуваат законите и Изборниот законик, упатствата и правилниците донесени од страна на ДИК со цел успешно спроведување на двојните избори....

Според курсната листа на НБРСМ средниот курс на еврото денеска изнесува 61.4950 денари, а на американскиот долар 57.1196 денари. Средниот курс на британската фунта изнесува 71.6683 денари. Добиј ги најважните вести, бесплатно на Viber...

Малиот Трпе ја прашува учителката: – Учителке, од кај знаете дека доaѓа пролет? – Трпе, штом панталоните купени лани можам да ги закопчам, поминала зимата. Добиј ги најважните вести, бесплатно на Viber...

Времето денеска ќе биде променливо облачно, а попладне на повеќе места нестабилно со пороен дожд и грмежи. Локално процесите ќе бидат во форма на невреме со обилен пороен дожд за кратко време и засилен ветер. Добиј ги најважните вести, бесплатно на Viber Во Скопје променливо облачно, а попладне нестабилно со пороен дожд и грмежи. Ќе дува слаб до умерен ветер од јужен правец. Во следните три дена под влијание на нов влажен бран во поголем дел од земјава во попладневните часови ќе има пороен дожд и грмежи. Локално процесите ќе бидат поинтензивни во форма на невреме со пообилни врнежи и засилен ветер. Во деновите од викендот условите за нестабилност ќе се намалат....

Му беше сопатник и помошник на апостолот Петар, којшто во своето Прво послание го нарекува син свој, не син по тело туку по дух. Кога Марко беше во Рим со Петар, верните го замолија да им ја запише спасоносната наука на Господ Исус, Неговите чуда и Неговиот живот. Така го напиша Светото Евангелие, коешто го виде и го посведочи за вистинито и самиот апостол Петар. Тој го постави Марко за епископ и го испрати на проповед во Египет. Така тој беше првиот проповедник на Евангелието и првиот епископ во Египет. Египет беше сиот притиснат од густиот мрак на незнабоштвото, гатањето и злобата. Со Божја помош Свети Марко успеа да го посее семето на Христовата наука низ Либија, Амоникија и Пентапол. Од Пентапол, воден од Духот Божји, дојде во Александрија. Таму успеа да ја заснова Црквата Божја, да постави епископ, свештеници и ѓакони и сè добро да утврди во благочестивата вера. Својата проповед ја потврдуваше со големи и многубројни чуда. Кога незнабошците подигнаа обвиненија против него, како против разорувач на нивната идолопоклонска вера, а градоначалникот почна да трага по него, тој побегна повторно во Пентапол и таму продолжи да го утврдува своето поранешно дело. После две години, Свети Марко, на голема радост на верните чијшто број во меѓувреме се умножи, се врати во Александрија. Тогаш го фатија незнабошците, цврсто го врзаа и почнаа да го влечат по калдрмите викајќи: „Да го повлечеме волот во оборот!“ Сиот ранет и искрвавен го фрлија во затвор. Овде најнапред му се јави Ангел небесен и го храбреше и го крепеше. Потоа му се јави Самиот Господ Исус и му рече: „Мир на тебе, евангелисту Мој!“ А Марко Му одговори: „И на тебе, Господи мој, Исусе Христе!“ Утредента злочестивите луѓе го извлекоа од затворот и повторно го влечеа по улиците, извикувајќи го истото: „Да го повлечеме волот во оборот!“ Сиот измачен и истоштен Свети Марко изусти: „Во Твоите раце, Господи, го предавам мојот дух!“ и издивна. Неговите свети мошти беа чесно погребани од христијаните. Низ вековите им даваат исцеленија на луѓето од маките и од болестите. Добиј ги најважните вести, бесплатно на Viber...

Хаос во престолнината на Грција – судир на пропалестински демонстранти и полицијата, пренесе „Катимерини“. Немирите се случиле кога некои од околу 1.000 демонстранти се обиделе да се качат на оградата на египетската амбасада, на плоштадот Синтагма во Aтина. Добиј ги најважните вести, бесплатно на Viber Police use tear gas against pro-Palestinian protesters in Athens Pro-Palestinian protesters gathered at Syntagma Square in Athens to condemn the Israeli army's attack on civilians in Rafah were attacked by the police. Police used tear gas against the peacefully gathered… pic.twitter.com/EvcztsSL11 — Vedat Yeler (@vedatyeler_) May 7, 2024 Полицијата користела пендреци, солзавец и шок-бомби за да ги потисне демонстрантите и формирала кордон пред амбасадата. Breaking News: There is an incident of rioters trying to break into a hotel in Athens, Greece where a group of Israelis are staying. The local police forces are trying to take over. @GreeceMFA @Athens #rioters #Israelis @antisemitism #jewhatred @AntiIsraelHate pic.twitter.com/6EaQUhSLju — The Jewish Voice (@TJVNEWS) May 7, 2024...

Започна израелската офанзива врз Рафа, најјужниот град во Појасот Газа. Израелските сили ја преземаа контролата над граничниот премин во Рафа. На снимките кои ги објавија Израелските одбранбени сили (ИДФ) се гледаат тенкови со големи израелски знамиња како го кршат бетонскиот натпис „Ја сакам Газа“. Добиј ги најважните вести, бесплатно на Viber IDF controls the Rafah crossing pic.twitter.com/85XAiAGosN — נועה מגיד | Noa magid (@NoaMagid) May 7, 2024 Израелскиот министер за одбрана Јоав Галант кажа дека офанзивата ќе продолжи сè додека трупите на Хамас во Рафа „и целиот Појас Газа“ не бидат „елиминирани“ или додека исламистичката група не почне да ги ослободува израелските заложници. ALL EYES ON RAFAH 🇵🇸 🇮🇱 – Dokumen rahasia yang bocor menunjukkan sebuah tank Israel di sisi Gaza di perlintasan Rafah pagi ini.Ada atau tidak "perjanjian perdamaian" IDF tetap masuk Rafah. pic.twitter.com/rBfdDyCl60 — Narasi (@Narasi_winda) May 7, 2024 Израелскиот министер за одбрана Јоав Галант кажа дека офанзивата ќе продолжи сè додека трупите на Хамас во Рафа „и целиот Појас Газа“ не бидат „елиминирани“ или додека исламистичката група не почне да ги ослободува израелските заложници....

Посредници од Катар, САД и Египет имаат средба во Каиро со делегација на Хамас во најнови напори за примирје во Газа, јавија египетски државни медиуми вечерва. Добиј ги најважните вести, бесплатно на Viber „Катарската и американската делегација ги продолжуваат разговорите со египетската делегација и со онаа на Хамас“, јави Ал Кахера њуз, сајт поврзан со египетските разузнавачки служби, цитирајќи „висок функционер“. Во извештајот не се споменува учество на Израел во разговорите, пренесоа француските медиуми....

Како што и се најавуваше, тоа и се оствари, пуштени се рефлекторите на стадионот „Петар Милошевски“ во Битола. Добиј ги најважните вести, бесплатно на Viber Оваа убава вест на својата фејсбук страница ја сподели фудбалскиот клуб Пелистер кој патем следната сезона се враќа во Првата македонска фудбалска лига. Со пуштањето на рефлекторите се очекува и на овој стадион во иднина да се играат вечерни натпревари на клупски, но и на репрезентативен план. Како што беше и објавено пред два месеци, инвеститор на фазата за поставување на рефлекторите на стадионот „Петар Милошевски“ е Фудбалската федерација на Македонија (ФФМ)....

Вечерва започна 68. издание на Изборот на песна за Евровизија, кое се одржува во шведскиот град Малме. Шведска како земја-домаќин ѝ приреди одлично шоу на публиката во првата полуфинална вечер, но и на милионската публика ширум Европа. Добиј ги најважните вести, бесплатно на Viber За титулата најдобра песна во Европа се натпреваруваат претставници од 37 земји, чии настапи се поделени во две полуфиналиња. Во првото полуфинале настапија 15 земји кои се бореа за своето место во финалето: Кипар, Литванија, Ирска, Украина, Полска, Хрватска, Исланд, Србија, Словенија, Финска, Молдавија, Азербејџан, Австралија, Португалија и Луксембург. За жал, само 10 од нив ќе ги видиме повторно во саботната вечер. Вечерашните финалисти се: Србија, Португалија, Словенија, Украина, Литванија, Финска, Кипар, Хрватска, Ирска и Луксембург. Според обложувалниците, фаворит за победа на годинашното издание на Евровизија е Хрватска со песната „Rim Tim Tagi Dim“ на Бејби Лазања. Хрватска е најголем фаворит за победа на Евровизија: Бејби Лазања се искачи на првото место на обложувалниците...

Државниот секретар на САД, Блинкен ја предводи американската делегација на состанокот во Гватемала на регионална конференција за проблемот со миграцијата. Тој порача дека Вашингтон ги удвојува напорите да ги попречи миграциските рути кои водат до САД, особено со чартер летови до Централна Америка, пренесе МИА. Добиј ги најважните вести, бесплатно на Viber „САД ги засилија напорите против оние што ги ловат ранливите мигранти“, особено оние што пренсуваат луѓе од Азија, Африка и од други места во Централна Америка, рече Блинкен. Во февруари, Вашингтон објави нова политика за ограничување на визниот режим што ги таргетира „поединците кои свесно обезбедуваат превоз на оние кои имаат намера нелегално да мигрираат во САД, вклучително и преку чартер летови кои пристигнуваат во Никарагва“, рече Блинкен. Вчера САД воведоа визни ограничувања за колумбиските поморски миграциони директори кои ја олеснуваат нерегуларната миграција, додаде Блинкен. „Ние ги удвојуваме нашите напори за заштита на работниците мигранти од експлоатација“, рече тој. Претседателите на САД и на Гватемала, Џо Бајден и Бернардо Аревало се сретнаа во март кога беше објавена и американска помош од 170 милиони долари. Месец претходно, Гватемала, исто така, се согласи на тринасочна соработка со САД и Мексико за миграцијата. Во говорот на регионалниот состанок, Аревало повика на „безбедна, уредна, хумана и регулирана миграција“. Рекорден број мигранти се обидуваат да влезат во САД, главно од Централна Америка и Венецуела, бидејќи бегаат од сиромаштијата, насилството и катастрофите влошени од климатските промени. Речиси 130.000 Гватемалци илегално ја преминале американско-мексиканската граница од октомври до февруари, меѓу вкупно 1,15 милиони мигранти пресретнати во тој период, според американската гранична патрола. Аревало ја презеде функцијата во јануари....

Фудбалерите на Борусија Дортмунд и на реваншот од полуфиналето во Лигата на шампионите со ист резултат 1:0 триумфираа против ПСЖ овојпат на „Паркот на принцовите“. Добиј ги најважните вести, бесплатно на Viber Стрелец на единствениот гол за „милионерите“ на теренот во Париз беше Матс Хумелс во 50 минута по асистенцијата на Јулијан Брандт и така со вкупни 2:0 во двомечот Германците обезбедија пласман во финалето. Од друга страна, францускиот првак и натаму останува без титулата во елитното клупско натпреварување, има само едно финале во 2020 година. За Борусија Дортмунд ова ќе биде трето финале во ЛШ, последен пат играше во сезоната 2012/2013 кога загуби на „Вембли“ од Баерн Минхен. Претходно дојде до трофејот во сезоната 1996/1997 кога во Минхен го совлада Јувентус. Интересно, Дортмунд по 11 годни се враќа во финалето на ЛШ, и повторно ќе се бори за шампионскиот пехар на „Вембли“ во Лондон. Противник на Борусија Дортмунд во финалето на 1 јуни ќе биде подобриот од вториот полуфинален двомеч помеѓу Баерн Минхен и Реал Мадрид каде по 90 минути резултат е 2:2....

Социјалните мрежи можат да имаат исклучително штетен ефект на децата и адолесцентите, предупредуваат експертите – причината е тоа што се еден од главните двигатели на социјалната криза кај најмладите. Иако овие мрежи имаат и позитивни аспекти како поврзување на младите, комуникација и развивање нови вештини, нивната злоупотреба може да има опасни последици. Добиј ги најважните вести, бесплатно на Viber „Проблемот е и со лажните информации, денес секој може да сподели се, ги распострануваат теориите, неразумни теориги, секој може да стави свое мислење што малите луѓе го читаат и го земаат здраво за готово, ветуваат во тоа. Лажните профили исто така, младите луѓе се лесна мета за секаква злоупотреба од секаков вид. Да се сретнат со некои луѓе, продавање на наркотици, трговија со луѓе, мора да ги учиме младите луѓе да им покажеме како игледа тоа користење на социјални мрежи бидејќи тоа може да предизвика и булинг, емоционална злоупотреба“, вели во изјава за Алфа телевизија, универзитетската професорка, психолог, Мирјана Јовановска Стојановска. Децата лесно можат да изгубат допир со реалноста и премногу да навлезат во виртуелниот свет, предупредуваат упатените. Така може да го изгубат емоционалниот 2контакт, да станат асоцијални, затворени и депресивни. Истражувањата покажуваат дека младите кои подолго ги користат социјалните мрежи се соочуваат со ментални, психо-емоционални и физички здравствени последици, депресија и анксиозност. „Социјалните мрежи се дел од нашата реалност. Би било погрешно да ги изолираме младите, бидејќи имаат и корисни страни, вештачката интелигенција итн. Но ако не им ги укажеме опасностите, како да ги користат и како да ги имаат за нивно добро, и тогаш одиме во друга насока. Тие мрежи влијаат на нивната реалност и не е во ред таа реалност да стане виртуелна бидејќи го губат допирот со реалноста, учењето, социјализацијата, училиштта се тие работи кои се многу важни за да се изгради една одговорна,зрела личност. После, можат да изгубат емоционален контакт, недоволно обрнување внимание премногу оставање детето да остане на мреќите, може да има последици. Опасноста е тоа што децата нема да градат „копинг механизми“ како да жовеат во општеството како да се поврзуиваат како да ги решаааат нивните социјални веѓтини ќе остаат осакатени во огромен дел не же можат да најдат пријатели, тоа е една од огромните опасности“, додава проф. Јовановска Стојановска....

Младата келнерка Кортни Крафорд од Америка, неодамна ја преплавиле емоции кога непознатa гостинкa во кафуле ѝ оставилa бакшиш од 200 долари и трогателна порака, пишува „Дејли мејл“. Добиј ги најважните вести, бесплатно на Viber Таа работи во „Старбакс“, но и во барот „Литл Рок“, Арканзас, кој бил омилено место на нејзината покојна мајка Тами, која починала од рак. По овој гест на гостинката, Кортни одучила преку видео на ТикТок да ја раскаже својата трогателна приказна, која ѝ го променила нејзиниот живот. „Тоа утро бев среќна, а жената која влезе ми се чинеше како нешто да ја мачи. Затоа решив да ја насмеам“, вели Кортни во видеото. Кратко откако го испила кафето, гостинката му пришла на менаџерот на локалот и му дала порака за Кортни. Пораката гласела: „Многу патувам поради работа, рано тргнувам и доцна се враќам. Јас сум тука два дена и ти си единствената личност што ја запознав и која е искрено љубезна. Навистина ми го разубави денот“. Непознатата жена оставила и голем бакшиш со пораката, со оглед на тоа дека порачала само кафе. На келнерката ѝ рекла „да се почести со нешто убаво, затоа што го заслужува тоа“. Кортни раскажува дека била изненадена кога ја видела сумата на пари и во видеото ѝ се обрати на дарежливата гостинка. „Ви благодарам што ми го промени животот и направивте нешто што никогаш нема да го заборавам. Работам хонорарно во ‘Старбакс’, покрај работата со полно работно време, бидејќи морам да плаќам сметки и долгови што ги наследив. Парите што ми ги дадовте ќе ги потрошам за да купам урна за да ги донесам посмртните останки на мајка ми дома“, објасни таа. Кортни додала дека сака да го направи тоа пред Денот на мајката, 12 мај, и дека немала средства да заврши се на време. „Овие пари ми дозволуваат да го поминам празникот со мајка ми и затоа Ве ценам неизмерно. Значи, ако сте на ТикТок, сакам да Ви се заблагодарам од сè срце“, рече таа низ солзи. Нејзиното видео привлече 3,6 милиони прегледи и предизвика лавина коментари на поддршка и благодарност за дарежливоста на непозната жена. @dopaqueen715 Tik tok! Help me get this message to her! #mysterykindness #goodsamaritan ♬ original sound – Shnortney...

Кинескиот претседател Си Џинпинг пристигна вечерва во Србија во јавија кинеските државни медиуми. Тоа е негова „втора станица“ од европска турнеја по државната посета на Франција. Добиј ги најважните вести, бесплатно на Viber Кинеската државна телевизија CCTV јави дека Си „пристигнал во Белград со специјален авион со цел да престојува во државна посета на Србија, на покана на претседателот Александар Вучиќ“ Си пред посетата на Србија со критики до НАТО за бомбардирањето на Белград во 1999 година...

Кошаркарите на Црвена звезда вечерва се пласираа во финалето на АБА лигата, кои во вториот натпревар од полуфиналната серија во српската пресметка ја совладаа Мега со 94:69 (19:26, 28:11, 29:16, 18:16). Добиј ги најважните вести, бесплатно на Viber Белградските „црвено-бели до победата беа предводени од Рокас Гидраитис со 20, Фреди Гилеспи со 16, Јаго Дос Сантос со 13 и Лука Митровиќ со 10 поени. Кај Мега подобри од другите беа Илија Милијашевиќ и Богољуб Марковиќ со по 13 и Никола Ѓуришиќ со 12 поени. Мега подобро влезе во натпреварот и имаше седум поени предност по првиот дел, но Звезда одигра поцврсто во продолжението и по три минути игра успеа да направи пресврт и да поведе со 30:28. Звезда продолжи со подобра игра и до крајот на полувремето стигна до двоцифрена предност 47:37. „Црвено-белите“ продолжија со многу подобра игра, а на средината на третата четвртина стигнаа до 20 поени предност, а во последната четвртина влегоа со „плус 23“ и веќе во тие моменти го решија прашањето на победникот. Црвена звезда во финалето ќе игра против подобриот од бранителот на титулата Партизан и Будуќност од Подгорица. До сега Црвена звезда шест пати го освои регионалното натпреварување, последната титула ја освои во 2022 година....

Црногорските градови Плевља и Бјело Поље се најдоа на првото, односно на шестото место на листата на најзагадени градови во Европа, објавено е на страната Ворлд оф статистикс. Веднаш по Бјело Поље е Струмица на седмото место. Тетово пак е на деветтото. Добиј ги најважните вести, бесплатно на Viber И Тузла во Босна и Херцеговина е меѓу најзагадените, односно на трето место....

Голем успех за македонскиот боксер Ален Рустемовски кој дојде до прво место на меѓународниот турнир „Златен Гонг“ во Скопје кој се одржа по 53 пат во периодот од 3 до 7 мај. Добиј ги најважните вести, бесплатно на Viber Рустемовски се закити со златниот медал откако триумфираше во три борби и запишани три победи на традиционалниот „Златен Гонг“. Во категоријата 57 кг. во СЦ „Борис Трајковски“ Рустемовски во четвртфиналето со 5:0 го совлада Башким Бајоку од Косово. Со истиот резултат во полуфиналето Рустемовски го совлада и Јапонецот Шудаи Харада, а во финалето славеше против Луар Алиу од Косово. Покрај Македонија, на турнирот имаше и натпреварувачи од Албанија, Бангладеш, Босна и Херцеговина, Бугарија, Германија, Грција, Унгарија, Индија, Јапонија, Казахстан, Косово, Молдавија, Црна Гора, Полска, Романија, Србија, Словенија, Шведска и Велс. Трофеите за најдобрите боксери на турнирот завршија во рацете на Сандра Драбик од Полска и Кирил Глобенко, исто така од Полска....

Европската комисија се надева дека Мкедонија ќе ги започне пристапните преговори со ЕУ што е можно поскоро. Tие предупредуваат дека билатералните спорови не треба да го одложуваат пристапниот процес. Добиј ги најважните вести, бесплатно на Viber Портпаролот на Комисијата, Ана Писонеро, ги повтори овие позиции на Комисијата на прес-конференцијата. Таа се осврна и на барањето на Бугарија Македонија да го вметне постоењето на бугарско малцинство во уставот. Порпаролката смета дека „сегашната влада е посветена на измена на Уставот на Северна Македонија“, објави „еКатимерини“. Опозицијата во Северна Македонија, која е фаворизирана да победи на претседателските и парламентарните избори во среда, ја осуди „капитулацијата“ на владата пред барањето на Бугарија. Само 3.506 луѓе од 1.836.713 население во Македонија се опишале како Бугари на пописот во 2021 година, пишува медиумот. Северна Македонија ќе ја спроведе својата заложба за усвојување на уставните измени во согласност со нејзините внатрешни процедури, како што е наведено во Заклучоците на Советот од јули 2022 година. Советот ја повикува земјава да го забрза усвојувањето на овие измени, по што е подготвен да го отвори првиот преговарачки кластер што е можно поскоро, согласно Преговарачката рамка. – Се надевам дека и Северна Македонија и Албанија ќе може да ги отворат преговорите по Првиот кластер – Основни права, што е можно поскоро. Одлуката за тоа кога ќе бидат свикани следните Меѓувладини конференции сега е во рацете на земјите членки, додаде Писонеро....

Милијардерот Умар Камани, основач на брендот „Прити литл тинг“ (Pretty Little Thing) и манекенката Нада Адел направија неверојатна свадба на југот на Франција која долго ќе се памети. Со прослава која траеше четири дена и чинеше 20 милиони евра, не е ни чудо што ова беше наречена „венчавка на годината“, пренесуваат странските медиуми. Добиј ги најважните вести, бесплатно на Viber Фото: German Larkin / Shutterstock Editorial / Profimedia Сè започна во четврток, 2 мај, со гламурозна забава за добредојде на гостите, а продолжи во петок, 3 мај, со церемонија на која присуствуваа бројни познати личности. Саботата беше за традиционална индиска венчавка, додека неделата беше резервирана за опуштена скара. Фото: German Larkin / Shutterstock Editorial / Profimedia На свадбениот викенд присуствуваа светски познати личности меѓу кои Наоми Кембел, Кристијана Милијан, Теса Томпсон, Тамара Калиниќ, а настапија и Андреа Бочели и Мараја Кери. Нада блесна во венчаницата на француската куќа „Диор“, креирана од Марија Грација Чиури, нагласувајќи ја едноставноста и елеганцијата. Церемонијата ја заокружи Андреа Бочели со неговата незаборавна изведба на песната „The Prayer“. Фото: German Larkin / Shutterstock Editorial / Profimedia Овој спектакл не би бил целосен без романтичниот момент на свршувачката што се случи во 2021 година, кога Умар изнајми опера во Монте Карло и ја изненади својата идна сопруга со 10 илјади бели рози и свеќи. Фото: German Larkin / Shutterstock Editorial / Profimedia Оваа свадба, која беше тема на голем број медиуми, ќе остане снимена како раскошен настан кој воодушеви многумина со својата грандиозност и елеганција....

Канцеларијата на јавниот обвинител на Украина откри дека приближно половина од севернокорејските ракети истрелани од Русија кон Украина од декември до февруари 2024 година детонирале во атмосферата. Добиј ги најважните вести, бесплатно на Viber Истрагата, спроведена од Украина, анализираше остатоци од 21 од 50-те севернокорејски балистички ракети лансирани од Русија во период од два месеци, со цел да се процени заканата од соработката на Москва со Пјонгјанг. „Приближно половина од севернокорејските ракети отстапија од нивните програмирани траектории и експлодираа во воздух; во такви случаи, шутот не бил извлечен“, се вели во одговорот на обвинителството на истрагата на агенцијата. Последната евидентирана употреба на руските ракети „КН-23“ (Хвасонг-11) беше на 27 февруари. Од 30 декември 2023 година вкупно 24 лица ги загубија животите, а 115 други се повредени како резултат на ракетните напади врз Украина. Канцеларијата на јавниот обвинител не прецизираше дали некој од проектилите бил пресретнат од системи за противвоздушна одбрана. На 1 мај, Центарот за стратешки комуникации и информациска безбедност на „Телеграм“ потврди дека Русија спроведува тестирања на проектили произведени од Северна Кореја во Украина. „Русија тестира севернокорејски ракети во Украина исто како што ги тестираше ракетите Шахаб за Иран пред да бидат употребени против Израел“, се вели во соопштението. На почетокот на јануари, Џон Кирби, портпарол на Советот за национална безбедност на САД соопшти дека Русија извршила напади врз Украина користејќи севернокорејски балистички ракети на 30 декември 2023 година, како и на 2 и 6 јануари 2024 година. На 6 јануари, според Белата куќа, Русија уште еднаш истрелала неколку севернокорејски ракети кон Украина. Претставникот на Јужна Кореја во ОН, Хванг Џун Кук, тврди дека Северна Кореја ја користи Украина како „терен за тестирање“ на балистички ракети способни да носат нуклеарни боеви глави. Главниот обвинител на Украина, Андриј Костин, на 11 јануари објави дека Канцеларијата на јавниот обвинител прибавила првични докази за руската употреба на севернокорејски ракети. Северна Кореја ги отфрли обвинувањата на САД за снабдување на Русија со балистички ракети за војната против Украина како „неосновани“....

Моштите на „Свети Георгиј Победоносец“, чудотворната икона на светецот и Крнинската икона на Богородица, ја осветија Струга. Добиј ги најважните вести, бесплатно на Viber Традиционално, на 7 мај, моштите и чудотворните икони носени граѓани, предводени од локалното свештенство и братството и сестринството од Бигорски, манастирите во Рајчица и Пречиста, по вечерната служба тргнаа од храмот „Свети Георгиј“ и поминаа низ струшките улици, покрај кејот на реката Црн Дрим, низ Чаршијата придружувани од голем број верници, пренесе МИА. И годинава поворката ја води церемонијално полициско возило, кое на симболичен начин ќе го одбележи чествувањето на свети великомаченик Георгиј, како покровител на полициските и безбедносни сили. Меѓу возилото и литијата дефилира коњаник, облечен во римска трибунска воена облека, изработена од автентични материјали, којашто е верна копија на оригиналните воени оклопи од тоа време, дело на познат италијански експерт за историјата на древната Римска империја. Коњаникот, кој во раката држи палмова гранка како симбол на мирот, има улога на посебен редар и најавувач на процесијата. Верничка, учесничка на литијата, вели дека посакува секој Македонец, секој христијанин да биде дел од овој ден кога Свети Георгиј чекори по струшките улици. Сестра Ефимија од женскиот манастир Рајчица вели дека пораката за Христовото воскресение, за Христовата победа над сите состојби, кои од дамнина го измачуваат човештвото, како што може да се види во Струга се уште е многу свежа и силна. – Ова торжество што се случува денеска тука културолошки најавтентично ја изразува традицијата, духот и идентитетот на нашата православна црква и на нашата држава пред целиот свет е едно од најбогатите сведоштва за таа победа. Силно посакувам оваа пасхална радост, оваа убавина да биде перманентен израз на македонскиот народ, порачува сестра Ефимија....

Ако Киев нападне со британско оружје, имаме право да ги нападнеме британските објекти во Украина и надвор од границите – предупредува портпаролката на руското МНР Захарова. Според неа неконтролираното присуство на западно оружје на територијата на Украина ќе доведе до катастрофални последици за Европа. Добиј ги најважните вести, бесплатно на Viber „Никој не знае каде е и во колкави количини е оружјето“, истакна портпаролката на руското Министерство за надворешни работи, Марија Захарова. Според неа никој не знае каде и кому режимот во Киев го доставува ова оружје, бидејќи очигледно веќе се појавува во различни делови на светот, вклучително и во Западна Европа. Таа исто така изјавила дека доколку Украина нападни цели во Русија со британско оружје, Москва има право да нападне воени објекти во Велика Британија. „Во случај Киев да изврши напади со британско оружје на територијата на Русија, Москва има право да ги нападне британските објекти во Украина и надвор од нејзините граници“, изјави портпаролката на руското Министерство за надворешни работи, Марија Захарова....

За в среда од 21.00 часот е закажана нова епизода од големата европска класика помеѓу Реал Мадрид и Баерн Минхен. Овој пат во реваншот од полуфиналето во фудбалската Лигата на шампионите на „Сантијаго Бернабеу“. Добиј ги најважните вести, бесплатно на Viber На првиот меч во Минхен беше 2:2, Реал го дочекува овој натпревар како новокрунисан шампион на Шпанија, додека Баерн ја загуби титулата во Бундеслигата по една деценија доминација. Тренерот на „кралевите“, Карло Анчелоти е полн со почит кон баварскиот гигант. – Мислам дека нашите клубови се слични. Тоа се клубови со длабока традиција, кои имаат многу историја во фудбалот. Мора да ги почитувате противниците, особено во оваа фаза, а особено оној како Баерн. Ова се натпреварите кои не сакате да ги пропуштите – изјави Анчелоти. Тој откри дека и покрај враќањето на голманот Тибо Куртоа, местото меѓу стативите најверојатно ќе застане Андреј Лунин. – Доколку не се предомислам, Лунин ќе биде на голманската позиција. Планот со Куртоа е да му даде повеќе време преку тренинзите – вели стратегот на шпанскиот клуб. Најискусните како Лука Модриќ, Тони Крос, Дани Карвахал и понатаму имаат место во составот, иако со намалена минутажа. – Времето минува и понекогаш е потребно играчите да менуваат клубови. Сепак, јасно е дека клучот за успехот сите овие години е тоа што имаме играчи како Модриќ, Карвахал, Начо, кои сè уште се тука. Тие навистина помогнаа успешно да се спроведе смената на генерации – рече Анчелоти....

Четири милијарди и 329 милиони евра на крајот на април изнесувале девизните резерви и во однос на претходниот месец бележат зголемување за 41,9 милиони евра, соопшти Народна банка. Добиј ги најважните вести, бесплатно на Viber Најголем дел од девизните резерви се пласирани во хартии од вредност (58,7%), по што следуваат валутите и депозитите (30,1%) и монетарното злато (11,1%)....

Четири милијарди и 329 милиони евра на крајот на април изнесувале девизните резерви и во однос на претходниот месец бележат зголемување за 41,9 милиони евра, соопшти Народна банка. Добиј ги најважните вести, бесплатно на Viber Најголем дел од девизните резерви се пласирани во хартии од вредност (58,7%), по што следуваат валутите и депозитите (30,1%) и монетарното злато (11,1%)....

Принцот Хари пристигна во Велика Британија, а странските медиуми ја пренесоа веста дека и покрај позитивните прогнози за помирување со кралското семејство, тој нема да го види својот болен татко, кралот Чарлс. Хари исто така нема да се сретне со Вилијам и Кејт, па се чини дека воспоставувањето добри семејни односи не е поблиску од порано. Добиј ги најважните вести, бесплатно на Viber Војводата од Сасекс пристигна во Лондон Калифорнија, без сопругата и децата, за да присуствува на 10-годишнината од настанот „Инвиктус гејм“ чиј основач е тој. Хари верувал дека за време на оваа посета на Велика Британија ќе се сретне со својот татко, со кого веќе извесно време е во затегнати односи, но овој план нема да се оствари бидејќи кралот Чарлс има „полн распоред“ со ангажмани. Работите да бидат уште полоши, Хари присуствуваше на настан на место помалку од пет километри оддалечено од резиденцијата на Чарлс. „Одговорот на многуте прашања и тековните шпекулации за тоа дали војводата ќе се сретне со својот татко додека е во Велика Британија оваа недела е дека, за жал, тоа нема да биде можно поради презафатениот распоред на неговото височество. Војводата, се разбира, ги разбира обврските и распоредот на неговиот татко и разни други приоритети и се надева дека ќе го види наскоро“, изјави денеска портпаролот на Хари. Реагирајќи на веста, кралскиот експерт Ричард Палмер рече: „Изненадувачки е ако кралот и Хари воопшто не се состанат и можеби е знак за тоа колку уште треба да се изгради мост меѓу нив“. Да потсетиме, Хари и Чарлс последен пат се видоа накратко во февруари оваа година, по шокантното сознание дека кралот боледува од рак. ВИДЕО | Се шири снимка на интернет: Меган Маркл избрка жена која сакаше да застане до принцот Хари...

Вашингтон одложи неколку испораки на оружје за Израел во изминатите две недели, изјави денеска неименуван извор за Политико. Добиј ги најважните вести, бесплатно на Viber Изворот близок до администрацијата тврди дека Вашингтон на тој начин сака да испрати политичка порака до Тел Авив. Белата куќа, се вели, не може да поддржи израелска офанзива врз градот Рафах во јужниот дел на Појасот Газа без соодветен и веродостоен хуманитарен план. Одложените пратки вклучуваат опрема за наведувани бомби направени од Боинг, дизајнирани да бидат попрецизни. Администрацијата, исто така, ставила во мирување неколку тековни директни комерцијални продажби за Израел. Иако администрацијата на Бајден формално не ја негираше потенцијалната продажба, таа во суштина презема акција преку неактивност – задржување на одобренијата и другите аспекти од процесот на трансфер на оружје – за да испрати порака до Израел, изјави за Политико официјален претставник на американската администрација запознаен со процесот. Политико наведува дека се чини дека ова е првпат американската администрација да одложи потенцијална продажба на оружје за Израел откако Хамас нападна во Израел на 7 октомври. Претседателот Џо Бајден е под притисок од некои во неговата партија да постави услови за помош на Израел по израелските бомбардирања во Газа каде има големи жртви меѓу цивилите, а откако Израел погоди хуманитарни конвои штодоставуваат помош до енклавата....

Во вториот полуфинален натпревар од Првата македонска кошаркарска лига, екипата на MЗТ Скопје Аеродром не остави простор за изненадување, и убедливо го победи ТФТ Моцарт (91:67) за 2:0 во серијата. Добиј ги најважните вести, бесплатно на Viber МЗТ и ТФТ го одиграа вториот меч од полуфиналната серија во СЦ „Јане Сандански“. Сосема поразличен од првиот, затоа што во овие 40 минути, шампионот беше доминантен, и дојде на чекор од влез во финалето пред следниот меч кој ќе се игра во СРЦ „Кале“. Одлично издание за МЗТ имаше Делалиќ, кој постигна 20 поени, Војдан Стојановски застана на ефект од 15 поени и пет асистенции, додека Робев и Гилон забележаа по 11 поени. Кај ТФТ Вертц реализираше 18 поени, а Луис и Зафиров по 10 поени. Својот трет меч од серијата, екипите на Пелистер и на Работнички ќе го одиграат на 9 мај (петок), со почеток од 18.30 часот, во салата „Борис Чурлевски“ во Битола. Резултатот во оваа серија е нерешен (1:1). ПРВА ЛИГА-МАЖИ-ПЛЕЈ-ОФ – ПОЛУФИНАЛЕ РЕЗУЛТАТИ – ВТОР НАТПРЕВАР МЗТ Скопје Аеродром – ТФТ Моцарт 91:67 (2-0) Работнички – Пелистер 76:69 (1-1) *Сите серии во плеј-офот, се играат според принципот: „подобар од пет натпревари“ и системот „2-2-1“....

Кошаркарите на Будуќност триумфираа на домашен терен против Партизан со резултат 74:73 и така дојдоа до израмнување на 1:1 во полуфиналната серија на АБА лигата. Добиј ги најважните вести, бесплатно на Viber Белградските „црно-бели“ славеа во првиот натпревар во Белград, имаа можност во „Морача“ да обезбедат финале, но клубот од Подгорица кој ја имаше поддршката од трибините остана во игра за понатамошен пласман. За црногорската екипа најефикасен беше Ферел со 13 поени, следен од Камењаш со 12. Во редовите на српскиот претставник доминираше Пантер со 17 поени, седум помалку запиша Дозиер. Серијата се враќа во Белград, а мајсторката во полуфиналето ќе се игра в петок на 10 мај....

Нов импулс во процесот на проширување е одлуката на Европскиот совет со која е одобрен планот за Западен Балкан – помош од шест милијарди евра – смета албанскиот премиер Еди Рама, пренесе МИА. Добиј ги најважните вести, бесплатно на Viber Во објава на Платформата „Х“, Рама наведува дека неговата земја е подготвена да има корист од Планот за раст за Западен Балкан што е „нов инструмент за поддршка на реформите поврзани со ЕУ и економскиот раст во регионот“. -Ова е историски момент и важна пресвртница, која му претходи на почетокот на неговата имплементација, за што сме целосно подготвени и ентузијасти. Албанија претстави исклучително амбициозна реформска агенда која ќе се спроведува во следните три години. Оваа агенда има за цел да ја приближи земјата кон иднината како составен дел од европското семејство. Со нетрпение ги очекувам дискусиите на следниот Самит во средината на мај во живописната Црна Гора, напиша Рама, објави Ора њуз. Според него планот за раст се фокусира на продлабочување на реформите за зајакнување на владеењето на правото, каде, како што наведува, Албанија изминала долг пат за да стигне до точката каде што е денес „пред вратата на ЕУ“ -Планот за раст внесува нов момент во процесот на проширување, со посебен акцент на клучните области како што се владеењето на правото, транспарентноста и реформите. Понатаму, воведува нови финансиски средства за земјите од Западен Балкан, во зависност од нивните перформанси. Фантастично е да се види во реалноста она што долго време се обидувате да се случи. Ви благодариме на сите вклучени во ова, посочува Рама. Планот за раст е за периодот од 2024 до 2027 година и се очекува да обезбеди до 2 милијарди евра грантови и 4 милијарди евра заеми за шесте партнери на ЕУ од Западен Балкан во наредните години. -Општите предуслови што Европската унија им ги наметна на земјите од Западен Балкан вклучуваат повеќепартиски парламентарен систем, слободни и фер избори, независен правосуден систем и почитување на човековите права. Плаќањата ќе се вршат двапати годишно, додека доколку не се исполнат условите, ЕУ може да одлучи да ги суспендира средствата, наведува Ора њуз....

Руското обвинителство соопшти дека ја прогласило американската невладина организација Фридом хаус за „непожелна“ во Русија. Таа одлука е еднаква на забрана и може да го изложи на ризик од казнување на секој кој работи или соработува со ФХ. Добиј ги најважните вести, бесплатно на Viber Во својот извештај за 2024 година, Фридом Хаус ја оцени Русија како „неслободна“, доделувајќи и само 13 поени од можни 100 на Глобалниот индекс на слободата. „Откако режимот започна целосна инвазија на Украина во февруари 2022 година, властите ги зајакнаа ограничувањата на индивидуалните права и слободи за да го задушат домашното несогласување“, се вели во извештајот. Рускиот јавен обвинител Игор Краснов на својот канал Телеграм рече дека Фридом Хаус е вклучена во промовирањето на таканаречената доминантна улога на САД во светот, ја дискредитира руската војска и се залага за помош на Украина и воведување санкции против Русија. Претходно денеска, московскиот суд и одреди двомесечен притвор на руската новинарка Надежда Кеворкова (65), поради сомневање дека „оправдува тероризам“. Кеворкова е воен дописник, авторка на бројни извештаи од Блискиот исток, како и на голем број книги за Палестинските територии. Таа била приведена вчера при претрес во нејзиниот дом....