Лош крај на одличната сезона на Иско
Топ Спорт - пред 16 минути
Најдобриот играч на Бетис, Иско, ја заврши сезоната. Во текот на вчерашниот натпревар против Лас Палмас, тој здоби со фрактура на дијафизата на фибулата на левата нога. Повредата на иско ја потврди клубот. Иско заработи повреда на гостувањето кај Лас Палмас во 36. коло од Ла Лига. Во 39. минута Шпанецот мораше да го напушти теренот. Натпреварот заврши без победник 2:2 (1:1). Повредата значи дека 32-годишниот фудбалер нема да биде во комбинација за настап на Европското првенство во Германија. „Тешко е“, беше краток и јасен Иско во обраќањето пред новинарите веднаш по лекарскиот преглед. ❌ Isco, en muletas El malagueño ha parecido así para realizarse las pruebas médicas tras el golpe sufrido ante Las Palmas. 📌 Tiene muy difícil jugar contra la Real Sociedad. 🎥 @samuelsonsilva pic.twitter.com/ovmNatPWzh — Relevo (@relevo) May 17, 2024 За „зелените“ од Севилја одигра 29 натпревари (2.339 минути) во домашното првенство, при што постигна осум гола и забележа пет асистенции. Во Лига Европа настапи на сите шест натпревари во групата Ц, постигна еден гол и запиша две асистенции. Во следното коло Бетис во недела од 19 часот го пречекува Реал Сосиедад. Ќе биде ова директна борба за шестата позиција која гарантира пласман во плеј-офот за Лига Европа. Сосиедад има бод повеќе од Бетис....
Ван Перси ќе го предводи Херенвен
Топ Спорт - пред 49 минути
Робин Ван Перси е назначен за шеф на стручниот штаб на Херенвен, соопшти холандскиот клуб. Ван Перси (47) е најдобриот стрелец во Историјата на овој клуб. Тој со Херенвен потпиша двегодишен договор. Инаку, ова му е прво работно место на кое ќе работи како главен тренер, а претходно работеше како советник, специјалист и тренер на младинците во Феенорд. „Тренерската професија е сеопфатна и предизвикувачка, а јас ја работам со голема страст и задоволство. Би сакал да продолжам да се развивам во таа насока, а работата главен тренер е идеална можност за тоа. Презадоволен сум од тоа и благодарен за шансата што ми ја даде Херенвен. Тоа е многу убав клуб со богата традиција и верни навивачи. „Фантастичен предизвик е да се придонесе за спортските амбиции и развојот на клубот“, рече Ван Перси. Ван Перси имаше извонредна кариера во која ги носеше дресовите на Феенорд, Арсенал, Манчестер јунајтед и Фенербахче....
Алегри го напушти Јувентус?
Топ Спорт - пред 1 час
Тренерот на Јувентус, Масимилијано Алегри пред крајот на денешниот тренинг го напуштил тренинг центарот на клубот, што предизвика големо внимание и полемики во италијанската јавност. Тој излетал од „Континаса“ со своето „фиќо“, а снимката експресно се појави на социјалните мрежи. Многумина сметаат дека неговото заминување од Јувентус е веќе завршена работа, а ова видео само го потврдува тоа. „Старата дама“ во средата го освои Купот на Италија, со минималната победа над Аталанта. Стрелец на единствениот гол на мечот беше Душан Влаховиќ. Инаку, Алегри во финишот на натпреарот изведе перформанс кога го фрли палтото и вратоврската, за мелку ќе ја искинеше и кошулата поради што доби црвен картон, а по натпреварот имаше вербална пресметка со локалните новинари, кои со месеци го критикуваа. Сепак, и покрај овој освоен трофеј, никој не е убеден дека Алегри наредната сезона ќе го предводи Јувентус....
Францuзите поради Ембид останале без Мајк Џејмс
Топ Спорт - пред 2 часа
Французите во пресрет на Олимписките игри поради Џоел Ембид останале без Мајк Џејмс. Кошаркарскиот сојуз долго време го чекаше Ембид, кој доби пасош, но на крајот реши да игра за САД. Чекајќи го Ембид им пропадна можноста да го нагажират најдобриот стрелец во историјата на Евролигата. Кошаркарскиот сојуз на Франција потврди дека бекот на Монако сакал да игра за „триколорите“. Како што пренесува „Лекип“, претставници на Џејмс се обратиле до КС на Франција со прашањето дали може да игра за Франција. Французите ја разгледувале можноста, но процесот беше одложен поради верувањето дека Џоел Ембид ќе ја избере Франција, а не Америка. Откако Ембид ја донесе одлуката, Французите немаа време да реагираат, па на најголемиот спортски настан ќе настапат со домашни кошаркари. Во меѓувреме, тренерот Винсент Коле го објави списокот за Олимписките игри на кој се: Ендру Албиси, Метју Стразел, Тео Маледон, Килијан Хејс, Френк Нтиликина, Нандо де Коло, Еван Фурние, Билал Кулибали, Николас Батум, Исаја Кординие, Ели Окобо, Усман Диенг, Надир Ифи, Гершон Јабуселе, Руди Гобер, Виктор Вембањама, Матијас Лесор, Џејлен Хорд....
Тухел дефинитивно заминува од Баерн
Топ Спорт - пред 2 часа
Томас Тухел дефинитивно ќе го напушти Баерн на крајот од сезоната. Клубот преговараше со тренерот откако неколкуте кандидати одбија да го преземат Баерн. Баерн со месеци безуспешно бара нов тренер, испратија понуди до Чаби Алонсо, Јулијан Нагелсман и Ралф Рагник, но сите рекоа „Не“. Поради ова, чените луѓе на Баерн влего во преговори со Тухел. Сепак, како што потврди на денешната прес-конференција, неговата мисија во Минхен е при крај. Очигледно двете страни не успеале да постигнат договор. Меѓу другото, тренерот побарал повеќегодишен договор, а не да биде преодно решенија за следната сезона. „Ова е мојата последна прес-конференција на клупата на Баерн. Точно е дека имаше разговори меѓу нас, но не беше постигнат договор“, изјави Тухел. Германецот веројатно ќе се врати во Премиер лигата, според шпекулациите тој е најсериозниот кандидат да го замени Ерик тен Хаг на клупата на Манчестер Јунајтед....
Премиер лигата ќе се игра само во Англија: Горди сме што сме различни
Топ Спорт - пред 3 часа
ФИФА покрена иницијатива да дозволи натпреварите од националните првенства да се играат на неутрален терен. Пред се, ова се однесува на натпреварите на популарните клубови кои би оделе за големи пари и би играле натпревари во САД и Азија. Првиот човек на шпанската Примера, Хавиер Тебас веќе најави дека шпанските клубови ќе ја прифатат оваа иницијатива, но во Премиер лигата немаат намера да се впуштат во ваква авантура. „Играњето надвор од нашата земја не е во план. Не размислуваме на таа тема. Она што го слушаме од нашите играчи е дека се игра многу фудбал и дека се зголемува бројот на натпревари. Премиер лигата не го промени својот формат. Она што се промени во текот на изминатите неколку децении е обемот на меѓународни натпревари“, рече Мастерс, додавајќи „Ние во Англија сме горди што сме различни. Имаме уште две куп натпреварувања. Сè уште веруваме дека наше е да одлучиме како ќе изгледа нашето натпреварување и колку клубови ќе имаме во лигата. Ако ја дополните чашата која е пона се ќе се истури, заврши Мастерс....
Ливерпул објави дека се раздели со двајца фудбалери
Топ Спорт - пред 3 часа
Ливерпул во новата сезона ќе влезе без Јирген Клоп, но и без неколку играчи. Клубот досега ги потврди се заминувањата на Жоел Матип и Тиаго Алкантара. Жоел Матип (32) летово ќе се прости од Ливерпул по осум сезони. Дефанзивецот беше меѓу првите засилувања во ерата на Јирген Клоп, кој го донесе Камерунецот од Шалке. Тој забележа 201 настап, постигна 11 гола, освои седум трофеи. „Не сум сигурен дека би било можно да се каже нешто лошо за него. Прекрасен професионалец, прекрасен фудбалер и прекрасно човечко суштество, бевме благословени што го имаме со нас толку долго, а сега се што можеме да направиме е да му посакаме најдобро во неговиот нов предизвик“, изјави Клоп. Покрај Матип, заминува и шпанскиот играч за врска Тиаго Алкантара. Тој помина четири сезони во клубот, поради повредите одигра само 98 натпревари, постигна шест гола. „Пред да дојде во Ливерпул, верував дека ако навистина го сакате фудбалот, ќе има смисла да гледате како игра Тиаго Алкантара“, изјави Јирген Клоп. „Технички, тој е толку, толку добар. Талент кој може да игра во која било екипа во светот и беше привилегија да го имаме со нас“, додаде Германецот....
Реал одбил 45 милиони евра за Арда Гулер
Топ Спорт - пред 4 часа
Арда Гулер, минатото лето за 20 милиони евра пристигна во Реал од Фенербахче. На почетокот се мачеше со повредите, на крајот забележа 11 настапи, мина на теренот 350 минути, тоа му беше доволно да постигне четири гола и да придонесе за 36. титула на Реал. Гулер доби шанса од Карло Анчелоти да биде стартер во финишот на сеозната, кога Реал ја обезбеди титулата. Се шпекулираше дека наредната сезона би може да биде позајмен во друг клуб за да стекне искуство, а шпанските медиу и тврдат дека Арсенал испратиле понуда од 45 милиони евра за да го откупат неговиот договор. „Арда дефинитивно ќе биде овде и следната сезона“, изјави Анчелоти отфрлајќи секаква можност за продажба на Турчинот. „Навистина ми се допаѓа како играч. Сите знаеме дека е со врвен квалитет и талент. Тој е малку ограничен во играта без топка. Таму мора да се подобри и тоа е она што го прави”, изјави претходно Анчелоти по еден натпревар. По завршувањето на сезоната Арда Гулер ќе им се приклучи на колегите од турската репрезентација која ќе настапи на Европското првенство во Германија....
Крај на сезоната за Едерсон – Херојот Ортега ќе брани во последното коло
Топ Спорт - пред 4 часа
Голманот на Манчестер сити, Едерсон, нема да може да им помогне на соиграчите во наредниот период поради мала фрактура што ја заработи на натпреварот со Тотенхем. Бразилецот беше заменет по судир со стоперот на противничката екипа Кристијан Ромеро. Во моментот кога беше заменер, Едерсон го искажа своето незадоволство од одлуката на тренерот Пеп Гвардиола. Едерсон ја напушти играта во 69. минута, му го препушти местото Стефан Ортега, кој блескаше во преостанатиот дел од натпреварот и имаше голем придонес за победата на Сити. Избраниците на Пеп Гвардиола го зазедоа првото место на табелата откако го совладаа Тотенхем со 2:0. Ортега, два пати го запре Дејан Кулушевски, а во 84.минута веројатно ја имаше одбраната на сезоната кога го запре ударот на Хјунг-Мин Сон во ситуација еден на еден при резултат 0:1. Сити во последното коло ќе влезе со два бода повеќе од Арсенал. Во недела Сити ќе го пречека Вест Хем, а Арсенал ќе игра против Евертон....
ФИФА најави ВАР револуција
Топ Спорт - пред 5 часа
Џани Инфантино, претседателот на ФИФА најави големи промени на конгресот на светската фудбалска федерација во Бангкок. „Ќе го развиеме и подобриме ВАР. Тој систем го користат 65 национални асоцијации, но сега ќе го подобриме. Создадовме базна технологија со помалку камери и без судии да одлучуваат, така што ќе биде достапен за секого и полесен ќе се имплементира. Тој систем веќе се тестира. Ќе функционира така што тренерот на секоја екипа ќе има право двапати по натпревар да бара помош од ВАР. Доколку првичната одлука на судијата се смени по таквата барана проверка, тимот што ја побарал проверката повотрно ќе има право на две проверки. Доколку, пак, по ваквата барана проверка, ВАР ја потврди одлуката на судијата на теренот, тогаш екипата која ја побарала го губи правото на една проверка“....
„Тајната шопинг листа“ на Баерн вредна 323 милиони евра
Топ Спорт - пред 5 часа
Германскиот великан, Баерн Минхен за прв пат по 12 години заврши сезона без освоен трофеј. Баер Леверкузен стави крај на 11-годишната доминација на Баварците во германскиот шампионат. Во осминафиналето на Купот на Германија, Баерн, шокантно беше елиминиран од третолигашот Сарбрикен, додека Реал Мадрид го исфрли во полуфиналето на Лигата на шампионите. Челниците на клубот од Минхен преговараат за останување на Томас Тухел, кој требаше да си замине на крајот од сезоната, но стана прва опција откако Чаби Алонсо, ЈулијанНагелсман и Ралф Рангник одбија да го преземат клубот. Баерн според угледот што го има не смее да си дозволи уште една лоша сезона. „Билд“ пишува дека клубот ќе се обиде во летниот преоден рок да донсе седум фудбалери. Списокот на играчи кои Баерн ги сака во летниот преоден рок, според „Билд“, и нивните вредности на „Трансфермаркт“: 1. Стопер: Џонатан Тах (28), Баер Леверкузен, 30 милиони евра 2. Лев бек: Тео Ернандез (26), Милан, 60 милиони евра 3. Централен играч за врска Френки де Јонг (27), Барселона, 70 милиони евра 4. Централен играч за врска Асан Уедраого (18), Шалке, 8 милиони евра 5. Централен играч за врска Амаду Онана (22), Евертон, 50 милиони евра 6. Крило: Крис Фирих (26), Штутгарт, 25 милиони евра 7. Офанзивен играч за врска Чави Симонс (21), ПСЖ, 80 милиони евра „Трансфермаркт“, веб-страница специјализирана за проценка на вредноста на фудбалерите, проценува дека споменатата листа на играчи вреди вкупно 323 милиони евра. Секако, тоа не значи дека Баерн треба да плати токму толку за нив, туку зависи од преговори, клаузули и многу други работи. Спортските директори на Баварците, Макс Еберл и Кристоф Фројнд, наводно ја составиле оваа листа, а „Билд“ исто така истакнува дека тоа не значи дека сите ќе дојдат бидејќи желбите зависат од тренерот, но и од евентуална продажба на сопствените играчи....
(Видео) Жестока тепачка на натпревар на јуниорски екипи во Белград
Топ Спорт - пред 5 часа
Скандалозна тепачка, во Белград, го одбележа натпреварот помеѓу јуниорите на КК Реал и КК Визура. Во конфликтот учествувал и тренерот на Реал, Милан Гуровиќ, кој без маица влегол на теренот за да ги раздвои „завојуваните“ страни, а потоа и тој се вклучил во тепачката. Се уште не е познато што ја предизвикало ситуацијата, која брзо ескалирала, а потоа во центарот на скандалот се најде Гуровиќ. Поранешниот светски првак од никаде влета на теренот без маица, на почетокот ги раздвојувал играчите и луѓето кои во тој момент биле на теренот, но се чини дека потоа и поранешната кошаркарска ѕвезда влезе во конфликт со некого. Инаку, ова беше натпревар на завршниот турнир од јуниорската лига, одигран во СЦ „Милан Гуровиќ“. Реал на Гуровиќ ја победи Визура со 74:73, а по мечот дојде до масовна тепачка. igraci kosarkaskog kluba milana gurovica su se pobili sa igracika vizureBEZ MAJICE ULECE GUROVIC U TUCU pic.twitter.com/066gTWDCEl — . (@idusaitelo) May 16, 2024 AHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHA ALI GUROVIĆ pic.twitter.com/VIXDrNVfc7 — sara (@dantes_circles) May 16, 2024...
Дешам изненади со спискот за ЕП – Во репрезентацијата го врати Канте
Топ Спорт - пред 6 часа
Селекторот на Франција, Дидие Дешам изненади со списокот на играчи за Европското првенство. На спискот има двајца повратници и неколку повредени играчи, но забележливо е отсуството на голем број млади асови кои играа одлично оваа сезона. Левиот бек на Реал, Ферланд Менди и играчот од средниот ред на Ал Итихад, Н’Голо Канте (33) се вратија во националниот тим. Еден од хероите во походот на светската титула во 2018 година, Канте, не играше ниту за националниот тим цели две години. Селекторот Дешам ги повика Аурелиен Чуамени, Мајк Мењан и Кингсли Коман и покрај тоа што тие се повредени. Но, навивачите на Франција и спортската јавност, забележаа дека Дешам не покани голем број на млади играчи со одлични сезони зад себе: Мајкл Олизе, Мало Густо, Мо Симакан, Жан Клер Тодибо, Аксел Дисаси, Жан-Филип Матета, Муса Дијаби… Франција е еден од најголемите фаворити за освојување на ЕП. Во групата е со Холандија, Полска и Австрија. Спискот на Франција за ЕУРО 2024: Голмани: Алфонс Ареола (Вест Хем), Мајк Мењан (Милан), Брис Самба (Ленс) Одбрана: Жонатан Клаус (Марсеј), Тео Ернандез (Милан), Ибрахима Конате (Ливерпул), Жил Кунде (Барселона), Ферланд Менди (Реал Мадрид), Бенжаман Павард (Интер), Вилијам Салиба (Арсенал), Дајот Упамекано ( Баерн Минхен) Играчи од средниот ред: Едуардо Камавинга (Реал Мадрид), Јусуф Фофана (Монако), Антоан Гризман (Атлетико Мадрид), Н’Голо Канте (Ал-Наср), Адриен Рабио (Јувентус), Аурелиен Чоамени (Реал Мадрид), Ворен Заир-Емери ( ПСЖ) Напаѓачи: Бредли Баркола (ПСЖ), Кингсли Коман (Баерн Минхен), Усман Дембеле (ПСЖ), Оливие Жиру (Милан), Рандал Коло Муани (ПСЖ), Килијан Мбапе (ПСЖ), Маркус Тирам (Интер)....
АС: Чави ќе добие отказ, со една изјава ги налутил клупските челници
Топ Спорт - пред 6 часа
Чави во јануари објави дека ќе ја напушти Барселона, но неколку месеци подоцна постигна договор со претседателотнна клубот да го предводи тимот и наредната сезона. Сепак, како што тврдат шпанските медиуми, Лапорта ќе го избрка тренерот. Чави на прес-конференцијата пред неважниот првенствен натпревар со последнопласираната Алмерија, како што пишува „Марка“ започнал цунами во клубот, додека „АС“ е многу поконкретен и пишува дека лутиот претседател Лапорта наредил спортскиот директор Деко да започне потрага по нов тренер. „Кадена СЕР“, најслушаната радио станица, се согласува со овие пишувања: „Раководството на Барселона врши голем притисок врз Лапорта да го отпушти Чави. Од тренерот и неговиот персонал е побарано да го напуштат клубот“. Во изјавата со која си го потпиша отказот, Чави кажа дека Барселона нема пари да се натпреварува со Реал и дека се неопходни засилувања за да се обиде, а ги потсети навивачите дека оваа Барселона нема никаква врска со онаа од трофејното минато: „Навивачите мора да разберат дека оваа Барселона не е онаа од пред 25 години. Во минатото тренерот на Барселона ќе му кажеше да претседателот: „Го сакам овој играч, а може да го донесеме и овој“. Тоа повеќе не е така. Но, мораме да го засилиме тимот ако не сакаме се да остане како што е сега. Во спротивно ќе ни биде многу тешко да се бориме против Реал и во Европа. Не можете да напредувате ако нема одредени промени во тимот. Ќе се обидеме да се справиме со Реал. Сепак, мислам дека навивачите на Барселона мора да сфатат дека ситуацијата е многу тешка, особено на економски план. Не сме на исто ниво со другите врвни клубови. Тоа треба да го сфатат навивачите. Тоа не значи дека нема да се бориме, но ситуацијата е таква што ни треба стабилност и време. Ќе се обидеме со се за да се справиме со Реал следната сезона“. „АС“, пишува дека челниците на Барселона полудела по оваа изјава на тренерот. Не само затоа што легендата и тренерот на клубот испраќа толку очајна порака на песимизам, три месеци пред стартот на новата сезона, туку затоа што „Чави зборувал сосема поинаку на состанокот во куќата на Лапорта кога го убедија да остане. Неговата презентација била полна со верба во тимот и ресурсите што ги има и тогаш истакнал дека се потребни само неколку лесно остварливи промени за тимот да стане уште подобар. „Јавно искажаната радикална промена во неговиот настап предизвикала толкава огорченост кај Лапорта и Деко, што тие решиле да не патуваат во Алемрија“. Чави минатата сезона ја предводеше Барселона до титулата во Ла Лига, но оваа сезона не успеа да ја одбрани против Реал. Најголемиот ривал го повбеди и во финалето во Суперкупот на Шпанија, а во Купот на кралот, Барселона беше елиминирана во четвртфиналето. Во оваа фаза Барселона доживеа елиминација и во Лигата на шампионите....
(Видео) Јокиќ и Денвер на -45 во Минеаполис – Минесота избори мајсторка
Топ Спорт - пред 6 часа
Минесота го декласира Денвер со 115:70 во шестиот натпревар од полуфиналната серија на Западот. Резултатот во серијата е 3:3, мајсторката во Денвер ќе се одигра во понеделник наутро по средноевропско време. Натпреварот во „Таргет центар“ во Минеаполис беше решен во првата четвртина, кога по водството ан Денвер 2:9, Минесота направи неверојатна серија 27:2. Четвртината „волците“ ја добија со 31.14. На полувреме Минесота имаше водство 59:40. Јокиќ постигна 16 поени во првиот дел, погоди седум од 14 обиди од поле, но остатокот од тимот шутираше 7-30. Во победничкиот тим се истакна Едвардс со 27 поени, МекДаниелс додаде 21, Конли 13, а Таунс и Рид по 10 поени. Никола Јокиќ имаше солидна партија, постигна 22 поени, девет скока и 9-19 од поле, но ова едноставно не беше вечер на неговиот тим. Џамал Мареј потфрли со само 4-18 од поле, не прослави ниту Портер јуниор со 3-9, односно Џексон со 0-6 и Холидеј со 0-5....
Навивачите дивееја и го прекинаа мечот меѓу Будуќност и Сутјеска
Топ Спорт - пред 18 часа
Црногорските спортови се занимаваат со скандали, а нов беше виден во плејофот од локалниот шампионат меѓу Сутјеска и Будучќост. Тој меч вечерва беше прекинат поради тепачка на навивачите во втората четвртина. Будуќност водеше со 36:26, кога популарните „Варвари“ влегоа на теренот преку официјалниот влез и почнаа да ги провоцираат домашните навивачи. Како што пренесува порталот „РТЦГ“, навивачите на Сутјеска одговориле со фрлање столчиња. Дури потоа реагираше полицијата и ги избрка гостинските навивачи од салата. Имаше план да излезе и домашната „Војвода“, но Сутјеска одби да го продолжи мечот без своите поддржувачи. Натпреварот нема да продолжи вечерва, а се уште не се знае каква ќе биде одлуката на Кошаркарскиот сојуз на Црна Гора....
Крај на уште една фудбалска љубов, Хесус Навас ја напушта Севиља
Топ Спорт - пред 21 часа
Фудбалскиот клуб Севиља денеска соопшти дека капитенот на тимот, Хесус Навас, ќе го напушти клубот по крајот на сезоната. „Хесус Навас ќе ја напушти Севиља на крајот на сезоната 2023/24 и тоа им го соопшти на клубот, соиграчите и раководството на утринскиот тренинг“, се вели во соопштението на клубот. Навас помина вкупно 17 години во Севиља, со што доби статус на клупска легенда. 38-годишниот фудбалер одигра 688 натпревари за Севиља во сите натпреварувања и освои четири Лига Европа, два Копа дел Реј, Суперкупот на Европа и Суперкупот на Шпанија. Хесус Навас прво помина десет години во Севиља, од 2003 до 2013 година, пред да се пресели во Манчестер Сити со кој ја освои Премиер лигата и два Лига купа, пред да се врати во Андалузија во 2017 година. Со шпанската репрезентација беше светски првак во 2010 година и европски првак во 2012 година, а во 2023 година ја освои Лигата на нации....
Роналдо далеку пред конкуренцијата, најмногу заработил во последните 12 месеци
Топ Спорт - пред 23 часа
Магазинот „Форбс“ ја објави листата на најплатени спортисти на која доминира Португалецот Кристијано Роналдо со неговиот неверојатен договор во Саудиска Арабија. Кристијано Роналдо е неприкосновен со 260 милиони долари годишно, 200 милиони добива од Ал-Наср, а останатите 60 милиони се од спонзорските договори. Португалецот по четврти пат во кариерата е лидер на листата на најплатени спортисти во светот, овојпат најубедливо благодарение на дарежливите Саудијци. Втор на листата е голферот Џон Рам (218 милиони), трет Лионел Меси (135 милиони), четврти Леброн Џејмс (128,2 милиони). На петтото место е предводникот на Милвоки Бакс, Јанис Антетокунмпо, кој во последните 12 месеци инкасира 111 милиони долари, од кои 46 милиони се од договорот со Бакс, а останатите од спонзори. Во првите десет играчи кои најмногу заработиле во последните 12 месеци се и Килијан Мбапе (110 милиони), Нејмар (108 милиони), Карим Бензема (106 милиони). Интересно, трикратниот МВП на НБА лигата, Никола Јокиќ се наоѓа на 32. на оваа листа. Заработил 56,1 милиони долари, од кои најголем дел се од договорот со Денвер (48,1), додека остатокот е од спонзорства. Најдобриот и најтрофеен тенисер во историјата Новак Ѓоковиќ очекувано овојпат не е ни воТтоп 50 бидејќи го ограничи бројот на турнири на кои учествуваше, а и таму каде што играше не се прослави. Лука Дончиќ е 34-ти на листата со заработка од 55,1 милиони долари. Пред Јокиќ и Дончиќ се Џоел Ембиид (30 место – 57,7 милиони) и Џими Батлер (31 место – 57,5 милиони). Комплетната листа на „Форбс“ на најплатените спортисти во изминатите 12 месеци можете да ја погледнете ТУКА....
Николов и Начевски ќе го судат финалето во ЛШ
Топ Спорт - пред 1 ден
Славе Николов и Ѓорѓи Начевски ќе го судат финалето на завршниот турнир во ракометната Лига на шампиони. Завршниот турнир ќе се одржи во Келн на 8. и 9.јуни. На завршниот турнир, во првото полуфинале ќе играат бранителот на трофејот Магдебург и Олборг, а во второто Барселона и Кил. Финалето е на програмата на 9.јуни од 18 часот, три часа претходно ќе се одигра натпреварот за третото место. Со делегирањето за ова финале, Николов и Начевски го „затворија кругот“, бидејќи претходно судеа финалиња на Европко и Светско првенство односно Олимписки игри....
Генијален план стои зад одлуката на Валверде да го замени голманот во 61.минута
Топ Спорт - пред 1 ден
Атлетик Билбао, синоќа доживеа пораз од Селат во Виго со 2:1. Клубот од Баскија наредната сеозна ќе игра во Лига Европа, откако пред три недели го освои Купот на Шпанија. Селта со овој триумф речиси обезбеди опстанок во лигата, а Билбао остана не позицијата број пет. Покрај голот од корнер на Алкес Беренгер во 23.минута и 20-годишниот Алварез кој асистираше за првиот и го постигна вториот гол за својот тим, натпреварот го обележа и измената која Ернесто Валверде ја направи во 61.минута, кога од игра го повлече голманот Унаи Симон. Наместо него влезе Агирезабала. Симон не се повреди, а зад овој потег на Валверде стои јасен план. Имено, сите во клубот сакаат Симон да го освои трофејот Замора, кој му се доделува на голманот со најмал број примени голови. Симон има коефициент од 0,94 примени голови по натпревар. Во 35 кола во Ла Лига прими 33 гола. Тој е во водство пред Ремиро од Реал Сосиедад и Тер Штеген од Барселона. Главен услов за наградата е да се одиграат минимум 28 натпревари од по 60 минути. Затоа Валверде го повлече Симон во 61. минута кога Атлетик водеше со 1:0. На крајот Атлетик прими два гола, но Симон ја сочува мрежата. „Би направил се што можам за да им помогнам на играчите да ги постигнат своите цели“, изјави тренерот Валверде. Според Трансфермаркт, Симон вреди 25 милиони евра, за шпанската репрезентација има забележано 39 настапи....
Списокот на Нагелсман за ЕП – Само двајца од Дортмунд, отпаднаа Гнабри и Горецка
Топ Спорт - пред 1 ден
Селекторот на германската репрезентација Јулијан Нагелсман го објави поширокиот список на играчи на кои смета за претстојното Еверопско првенство. На списокот го нема квартетот финалисти во Лигата на шампионите, Борусија Дортмунд, меѓу најзаслужните за големиот резултат на „милионерите“ сезонава: Матс Хумелс, Јулијан Бранд, Карим Адејеми и Никлас Суле. На списокот ги нема и фудбалрите на Баерн Серж Гнабри и Леон Горецка, како и Тимо Вернер. Од шампионскиот тим на Баер Леверкузен има четворица играчи. Во ростерот на Нагелсман има 27 играчи, што значи дека ќе мора да се откаже од уште еден играч за ЕП. Голмани: Оливер Бауман (Хофенхајм), Мануел Ноер (Баерн), Александар Нибел (Штутгарт), Марк-Андре тер Штеген (Барселона) Одбрана: Валдемар Антон (Штутгарт), Бенџамин Хенрикс (Лајпциг), Џошуа Кимих (Баерн), Робин Кох (Ајнтрахт Франкфурт), Максимилијан Мителштад (Штутгарт), Давид Раум (Лајпциг), Антонио Ридигер (Реал Мадрид), Нико Шлотербек (Борусија Дортмунд Дортмунд), Џонатан Тах (Баер Леверкузен). Среден ред: Роберт Андрих (Баер Леверкузен), Крис Фиерих (Штутгарт), Паскал Грос (Брајтон), Илкај Гиндоган (Барселона), Тони Крос (Реал Мадрид), Џамал Мусиала (Баерн), Александар Павловиќ (Баерн), Лерој Сане (Баерн), Флоријан Вирц (Баер Леверкузен) Напад: Максимилијан Бејер (Хофенхајм), Никлас Филкриг (Борусија Дортмунд), Каи Хаверц (Арсенал), Томас Милер (Баерн), Дениз Ундав (Штутгарт)....
ПАО ги распродаде сезонските билети
Топ Спорт - пред 1 ден
Кошаркарите на Панатинаикос се вратија во врвот на Евролигата. Зелените, минатото лето доживеаја целосен ремонт откако клубот имаше неколку разочарувачки сезона во Евролигата. ПАО, под водство на Ергин Атаман, успеа да избори пласман на завршниот турнир во Берлина. За пласман во финалето ќе играат на 24 мај против Фенербахче. Избраниците на турскиот стручњак во борбата за финалето ќе играат против Фенербахче. Во исчекување на завршниот турнир во Евролигата, од Грција стигнуваат информации дека ПАО ги распродаде сите сезонски билети за сезоната 2024/2025 за помалку од 24 часа. Според информациите, продадени се 11.200 сезонски билети колку што е капацитетот на ОАКА арената. View this post on Instagram A post shared by Eurohoops.net (@eurohoops_official)...
Покетино: ВАР треба да им помогне на судиите
Топ Спорт - пред 1 ден
Во моментов најсериозната дискусија во англискиот фудбал се води околу ВАР системот. Ќе се гласа дали тој систем ќе остане или ќе се укине. Преставници на клубовите од англиската Премиер лига следниот месец ќе гласаат за укинување на ВАР, објави вчера „Атлетик“. За да се укине ВАР потребно е најмалку две третини од клубовите да гласаат за таа опција. Во случајот со Премиер лигата, тоа значи 14 од 20 клубови. ВАР, беше воведен во Премиер лигата во 2019 година, но беше предмет на бројни контроверзии. Во кои случаи може да се вклучи и какви одлуки се носат со негово користење се постојани прашања во англискиот фудбал. Предлогот е направен на иницијатива на Вулверхемптон. Свое мислење за него се изјасни и тренерот на Челзи, Маурисио Покетино. „За мене не се работи за добрите или лошите страни, туку за подобрување на неговата употреба. Може да биде одлично ако се користи на правилен начин. Тоа може да биде фантастична алатка за да им помогне и на судиите и сите нас. Следната сезона треба да видиме како да го подобриме“, изјави Покетино....
Алегри нападнал новинар: Гом.о, пишувај ја вистината
Топ Спорт - пред 1 ден
Јувентус го освои Купот на Италија, а Масимилијано Алегри конечно го симна проклетството на вториот мандат. Тренерот на Јувентус го обележа финишот на натпреварот, кога направи шоу незадоволен од една судиска одлука. Пред да биде исклучен го фрли палтото и ја изведи вратоврската и за малку ќе ја искинеше кошулата. Новинарот на „Тутоспорт“ Гвидо Вакаџо откри дека по финалето Алегри почнал да го навредува и да му се заканува. „Ќе ти ги скинам ушите, гом.о новинарско. Пишувај ја вистината, а не она што ти го кажуваат клубовите“, наводно рекол Алегри....
Јунајтед го контактирале тренерот на Ипсвич
Топ Спорт - пред 1 ден
Манчестер јунајтед интензивно бара замена за менаџерот Ерик тен Хаг. Холанѓанецот не бележи резултати какви што се очекуваа. Медиумите шпекулитаа со имињата на неговиот наследник Изненадувачки, според англиските медиуми фаворит е Киеран Мекена, 38-годишниот менаџер на Ипсвич, тимот кој со голем стил го внесе во Премиер лигата. Островските медиуми пренесуваат дека челниците на Манчестер јунајтед деновиве стапиле во контакт со менаџерот на младиот стручњак. Интересно е што Мекена беше дел од стручниот штаб на Манчестер јунајтед во периодот од 2016 до 2021 година, од каде замина да работи во Ипсвич. Оттогаш бележи само одлични резултати, Ипсвич за само две години успеа од третиот ранг да стигне до Премиер лигата. Желбата на Ипсвич е дефинитивно да го задржи селекторот од Северна Ирска. Исто така, Мекена се поврзува и со Брајтон, во случај Роберто де Зерби да го напушти клубот....
Реал Мадрид урна еден клупски рекорд и израмни уште еден
Топ Спорт - пред 1 ден
Реал Мадрид со победа од 5:0 постави клупски рекорд по бројот на одиграни натпревари без примен гол во натпреварот од 36. коло на шпанскиот шампионат. До крајот на сезоната има уште два првенствени натпревари, а со тоа и можност рекордот да биде подобрен. Исто така, играчите на Реал го израмнија рекордот по број на последователни првенствени натпревари без пораз. Досегашниот рекорд на 122-годишниот европски гигант беше 19 првенствени натпревари без примен гол. Толку пати играчите и голманите на Реал ја зачуваа својата мрежа во сезоните 1986/87, 1987/88. и 2019/20. На две кола пред крајот Реал има скор од 29 победи, шест нерешени и еден пораз. Тој пораз од 1:3 беше претрпен на почетокот на сезоната од Атлетико Мадрид во септември. Потоа врза 30 натпревари без пораз. Реал последен пат имаше ваква серија во 1989 година. Тој во моментов е во серија која беше изградена на 24 победи и шест нерешени која беше клучна за 36-та титула на Реал во шпанската лига....
Сензација во Купот на Романија – Второлигашот го освои трофејот
Топ Спорт - пред 1 ден
Романскиот второлигаш Корвинул Хунедоара е сензационален освојувач на Купот на таа земја и следната сезона ќе игра во квалификациите за Лига Европа. Корвинул во финалето го совлада Оцелул Галати од првата лига по подобро изведување пенали (3:2). Во регуларниот дел од натпреварот резултатот беше 2:2. Два гола за Оцелул постигна Aнес Рушевиќ во 27. и 58. минута од пенал, и двата пати за водство на фаворитот. Сепак, упорните играчи на Корвинул одбија да го кренат белото знаме, Коман израмни на 1:1, па Манолас на 2:2. Овој клуб е основан во 1921 година, четири пати во својата историја бил првак во втора лига, најдобар резултат во романскиот шампионат му е третото место во 1982 година, а сега е сопственик на првиот трофеј. Успехот во купот на Корвинул му донесе пласман во Лига Европа. Корвинул следната сезона ќе игра во првата лига, откако во последното коло од второлигашкиот плеј-оф успеа да избори место во највисокиот ранг на романскиот фудбал....
Руни: Јунајтед да го задржи Бруно и младите, а останатите да ги избрка од клубот
Топ Спорт - пред 1 ден
Манчестер јунајтед одигра уште една лоша сезона. Расположението може малку да го поправи евентуалната победа над Манчестер сити во финалето на ФА Купот. Доколку тоа не се случи великанот од „Олд Трафорд“ уште една сезона ќе заврши без трофеј. Најдобриот стрелец во историјата на клубот Вејн Руни (253 гола) откри што би направил за да му ја врати славата на клубот. „Тимот треба да се изгради околу Бруно Фернандеш. Тој е квалитетен и борбен. Што се однесува до другите играчи, тие треба да заминат. Бруно и младите треба да се задржат. Мора да има огромна чистка. Тоа не може да се направи во агодина, но тоа може да се случи во годините што доаѓаат“, рече Руни. „За да се натпреварувате во оваа лига, ви требаат добри играчи. Не ме сфаќајте погрешно, овие се добри. За да се борите со Манчестер сити, Арсенал и Ливерпул, потребни ви се подобри“, додаде легендата на клубот, освојувач на 16 трофеи со Јунајтед....
Селтик ја одбрани титулата во Шкотска
Топ Спорт - пред 1 ден
Фудбалерите на Селтик во претпоследното коло ја обезбедија шампионска титула откако славеа на гости кај Килмарнок од 5:0. Во последното коло Селтик ќе влезе со шест бода повеќе од големиот ривал Ренџерс. Селтик ја освои 54. шампионската титула во клупската историја и сега има само една помалку од Ренџерс. Во последните сезони, Селтик доминираше во шкотскиата Премиер лига, ја освоија третата шампионска титула во низа. Во последните 13 години, Селтик 12 пати беа шампиони. По само 12 минути игра на гостувањето кај Килмарнок, Селтик имаше 2:0 со головите на Ајдахо и Маеда. Во првото полувреме стрелец беше Форест во 35. минута, додека О’Рајли постигна два гола во продолжението од дуелот за конечни 5:0....
Баерн сака да го задржи Томас Тухел
Топ Спорт - пред 1 ден
По многубројните неуспешни преговори со другите тренери, челниците на Баерн Минхен се решија на радикален потег. Според „Скај спорт Германија“, тие ги започнале преговори со Томас Тухел. Баерн и Тухер на 21 февруари се договорија тренерот да го напушти клубот по завршувањето на сезоната. Темпераментниот стратег наводно е подготвен да остане на „Алијанц Арена“ и покрај турбулентните недели. Овој извор пишува дека се уште нема целосен договор од сите страни и дека потенцијалниот договор би можел да пропадне. Главен проблем е договорот на Томас Тухел, кој има важност до 30 јуни 2025 година. Менаџерот на тренерот на Баерн бараат нов договор кој би важел најмногу до летото 2026 година. Според „Скај спорт“, клупските функционери Макс Еберл и Кристоф Фројнд, како и клучните играчи во соблекувалната, како Мануел Ноер, Томас Милер, Хари Кејн, Лерој Сане и Џамал Мусиала, застанале во одбрана на Тухел. Во претходните недели раководството на Баерн водеше неуспешни преговори со Ралф Рангник и Ханси Флик, претходно беа одбиени и од Чаби Алонсо и Јулијан Нагелсман. Томас Тухел го презеде Баерн во март минатата година, кога го наследи Јулијан Нагелсман....
(Видео) Крос призна дека Баерн бил оштетен во Мадрид
Топ Спорт - пред 1 ден
Драматичниот реванш во полуфиналето од Лигата на шампионите помеѓу Реал и Баерн (2:1) минатата недела го одбележа судиска грешка на штета на гостите во финишот на натпреварот. Полскиот судија Шимон Марчинијак во судиското надополнување ја прифати одлуката на помошникот кој сигнализираше офсајд. Сметаше дека Мазрауи е во недозволена позиција, иако десното крило на Баерн не беше во офсајд. Фудбалерите и навивачите на Баерн лути на оваа одлука се уште тврдат дека им е украден чист гол за 2:2. Една недела по оваа одлука и натпреварот се огласи и Тони Крос. Легендата на Реал, но и на Баерн тврди дека неговиот поранешен тим бил оштетен на „Сантијаго Бернабеу“. „Тоа беше лоша одлука. Мораме да оставиме играта да продолжи и да заврши акцијата“, изјави Крос во подкастот што го води со неговиот брат Феликс и дополни. „Мислам дека грешката е на помошниот судија, бидејќи ако го подигне знамето, судијата му верува и смета дека се е јасно. Поточно, дека станува збор за офсајд“. So beIN Sport footage shows Bayern's Mazraoui was onside vs Real Madrid. In a such a tight call why raise his flag so early? I have seen players miles offside & the assistant referee kept his flag down then go to VAR if they score. Sorry is not enough. pic.twitter.com/Di3O3JMezL — Kyama (@ElijahKyama_) May 9, 2024 Крос продолжува: „Гневот на Баерн е оправдан бидејќи мораме да се соочиме со ситуацијата до крај. Не знам дали сите престанаа да играат бидејќи свирежот се слушна уште пред ударот на Де Лигт да заврши во голот. Можеше да се види дека оние од обраната малку застанаа“. Во секој случај, Реал победи се пласира во финалето на Лигата на шампионите против Борусија Дортмунд на 1 јуни на Вембли. Il gol del 2-1 del Real era fuorigioco del crossatore Rudiger mentre il gol del pareggio del Bayern, segnato da De Ligt👇 ,a gioco fermato dall'assistente nonostante abbiano consigliato di far finire l'azione,non era fuorigioco. Un po' è il Real,un po' il cu di Ancelotti.#RMABAY pic.twitter.com/Can2f7IPwz — karel (@karel2899451321) May 8, 2024...
(Видео) Дончиќ со трипл-дабл, брејк на Далас во Оклахома – Бостон избори место во финалето на Истокот
Топ Спорт - пред 1 ден
Кошаркарите на Далас славеа во Оклахома со 104:92 и поведоа со 3:2 во полуфиналето од плејофот на Западната конференција на НБА. На Истокот, Бостон Селтикс со 4:1 ја решија серијата против Кливленд Кавалирс. Далас до победата го предводеше Лука Дончиќ, кој забележа трипл-дабл со 31 поен (12/22 од поле, 5/11 за три), 11 асистенции и 10 скока. Словенецот ја имаше и клупната блокада 55 секунди до крајот на мечот против Шеј Гилџес-Александар. Кај Оклахома најефикасен беше токму Александер со 30 поени. Кошаркарите на Далас во втората четвртина стигнаа до 15 поени предност, на полувремето имаа 54:44, а на почетокот на последниот период ја зголемија предноста на плус 18 и не дозволија Оклахома да се доближи. Следниот натпревар од оваа серија се игра ноќта меѓу сабота кон недела, а домаќин ќе биде Далас. Бостон со 113:98 славеше во петтиот меч против Кливленд и се пласира во финалето на Истокот. Кливленд без најдобриот играч Дован Мичел се држеа три четвртини. Во последната Селтикс ја направија клучната серија 13:2. Џејсон Тејтум постигна 25 поени, имаше и 10 скока, ветеранот Ал Хорфорд блескаше со 22 поени, 15 скока, пет асистенции, постигна шест тројки од вкупно 19-те на неговиот тим....
(Видео) Хет-трик на Гризман за место во ЛШ, пресврт на Селта за опстанок во Примера
Топ Спорт - пред 1 ден
Фудбалерите на Атлетико Мадрид славеа на гости кај градскиот ривал Хетафе, додека Селта како домаќин во Виго забележа победа над Атлетик Билбао во натпреварите од 36. коло на шпанската Примера. Тимот на Чоло Симеоне го победи Хетафе со 3:0 Хет-трик постигна Антоан Гризман. Со овие три бода мадридските црвено-бели го потврдија четвртото место и пласман во Лигата на шампионите следната сезона. Тоа стана јасно и математички бидејќи во исто време Атлетик Билбао беше поразен во Виго од Селта со 2:1. Баскијците поведоа преку Алекс Беренгер во 23. минута, но светло сините го свртеа резултатот во вториот дел. Јунак на победата беше 20-годишниот Уго Алварез. Тој влезе во игра во паузата меѓу двете полувремиња и најпрво му асистираше на Швеѓанецот Вилиот Сведберг за израмнување во 68.минута, а три минути подцна постигна убав гол за 2:1. Селта сега има пет бода повеќе од Кадиз, кој се наоѓа на 18.место на табелата. ...
(Видео) Челзи на чекор до Лига Европа, Јунајтед подобар од Њукасл
Топ Спорт - пред 1 ден
Фудбалерите на Челзи направија значаен чекор кон Лига Европа со победата од 2:1 (1:0) во Брајтон, додека Манчестер Јунајтед на домашен терен го победи Њукасл со 3:2 (1:0). Со нови три бода, избраниците на Маурисио Покетино ја задржаа предноста од три бода пред Њукасл и Манчестер Јунајтед. На југот на Англија, Челзи поведе со голот на Кол Палмер во 34. минута, за Кристијан Нкунку во 64. да зголеми на 0:2. Рис Џејмс заработи црвен картон во 88. минута, а Челзи до крајот играше со десет играчи, а во осмата минута од судиското надополнување, Дени Велбек успеа само да го ублажи поразот на Брајтон. Многу возбудувања имаше на „Олд Трафорд“, на крајот славеше домаќинот. Во 31. минута Коби Мајну погоди за водство на Манчестер Јунајтед, а Арон Гордон по брз контранапад во 48. минута успеа да израмни на 1:1. Во 57. минута Амад Диало со одличен удар од далечина зголеми на 2:1, а потоа Ерик тен Хаг направи три измени пред крајот на натпреварот. Тој во 83. минута ги внесе Расмус Хојлунд, Маркус Рашфорд и Лисандро Мартинез, а само минута подоцна беше постигнат третиот гол за домашните. Хојлунд, го постигна 15. гол во сезоната. Во судиското надополнување, Луис Хол во 92. минута намали на 3:2, но не можеше целосно да го избегне поразот. Во последното коло Њукасл гостува кај Брентфорд, Манчестер Јунајтед кај Брајтон, додека Челзи го пречекува тимот на Бурнмут....
(Видео) Рајо обезбеди опстанок, Димитриевски стана клупска легенда
Топ Спорт - пред 1 ден
Фудбалерите на Рајо Ваљекано на две кола до крајот на сезоната обездени опстанок во шпанската Примера. Рајо во 37.коло ја победи Гранада со 2:1 и покрај тоа што од петтата минута играше со фудбалер помалку. Трехо доби црвен картон. Лежен погоди за домашните во 23.минута, а во 80. предноста ја зголеми Де Фрутос. Почесниот гол за Гранада го постигна Боје во претпоследната минута. На оовј натпревар македонскиот репрезентативец Столе Димитриевски влезе во историјата на рајо Ваљекано. Тој го одигра 190. натпревар и стана голман со најмногу натпревари во клупската историја....
(Видео) Јувентус го освои Купот на Италија
Топ Спорт - пред 1 ден
Фудбалерите на Јувентус го освоија Купот на Италија. Во финалето, Јувентус ја победи Аталанта со 1:0. Единствениот гол го постигна Душан Влаховиќ во четвртата минута. Финалето беше решено во четвртата минута, српскиот напаѓач Душан Влаховиќ избегна офсајд и рутински од 12 метри го совлада Карнесеки. Потоа играчите на Јувентус одигра фантастично тактички до крајот на натпреварот. До крајот на првото полувреме речиси и да немаше поголеми возбудувања. Се обиде да го промени ритамот на мечот со измени на Гасперини, сите пет измени ги направи до 65. минута. Но, тоа не му помогна многу. Напротив, Влаховиќ за малку ќе го реши победникот во 54. минута, но судијата Мареска не сметаше дека треба да досуди пенал. 11 минути подоцна, ВАР го поништи голот на Влаховиќ. Аталанта можеше да изедначи во 78.минута но ударот на Лукман заврши во стативата. Потоа рамката од голот се затресе на другата страна, во 84. минута Мирети силно шутираше од десетина метри и ја погоди гредата. Во четвртата минута од судиското надополнување, Едерсон имаше голема шанса да израмни, но Перин фантастично реагираше. Потоа на сцена стапи Масимилијано Алегри, кој имаше што да им каже на судиите, доби и црвен картон, го фрли палтото и вратоврската, за малку ќе ја искинеше кошулата. Но, очигледно знаеше што прави, со оглед на тоа малку подоцна судијата означи крај на натпреварот....
Црвена звезда на чекор до трофејот во АБА лигата
Топ Спорт - пред 1 ден
Кошаркарите на Црвена звезда поведоа во финалната серија од АБА лигата со 2-0. Избраниците на Јанис Сферопулос го победија „вечниот“ ривал Партизан во салата „Александар Николиќ“ со резултат 80:73. Видовме уште еден тензичен натпревар, но немаше резултатска неизвесност. Црвена звезда беше тимот во водство повеќе од 30 минути. Клучен човек на Звезда беше Немања Недовиќ, кој одигра неверојатно прво полувреме во кое за 17 минути на теренот постигна дури 21 поен, остатокот од тимот уфрли 17 поени. Во вториот дел не поентираше, но немаше потреба затоа што Партизан едноставно немаше решенија во нападот за да се врати во мечот. Џоел Боломбој имаше 10 поени (4/4 од поле) и 4 скока, а капитенот Бранко Лазиќ додаде 10 поени (2/4 од поле, 5/6 пенали). Јаго Дос Сантос постигна 8 поени, 5 скока и 4 асистенции, а Дејан Давидовац додаде 7 поени и 4 скока. Кај Партизан Џејлин Смит постигна 12 поени (4/8 од поле), а Зек Ледеј, Бруно Кабокло и Пи Џеј Даузер по 11 поени. Кабоколо имаше и 6 скока. Потфрли најефикасниот од првиот меч Џејмс Нанели со само два поени од линијата за слободни фрлања и Кевин Пантер кој постигна седум поени. Ова е петта победа на Црвена звезда во дуелите со Партизан во 2024 година . Звезда во тековната година го победи Партизан еднаш во Евролигата, еднаш во регуларниот дел од АБА лигата, еднаш во Купот Радивој Кораќ и сега двапати во финалната серија од плејофот на АБА лигата. Третиот натпревар од серијата се игра во недела од 20.30 часот, домаќин ќе биде Партизан....
Премиер лигата ќе гласа за укинување на ВАР од следната сезона
Топ Спорт - пред 1 ден
Преставници на клубовите од англиската Премиер лига следниот месец ќе гласаат за укинување на ВАР, пишува The Athletic. За да се укине ВАР потребно е најмалку две третини од клубовите да гласаат за таа опција. Во случајот со Премиер лигата, тоа значи 14 од 20 клубови. ВАР (Видео помошник судија) беше воведен во Премиер лигата во 2019 година, но беше предмет на бројни контроверзии. Во кои случаи може да се вклучи и какви одлуки се носат со негово користење се постојани прашања во англискиот фудбал. Предлогот е направен на иницијатива на Вулверхемптон. Видео проверките ја успорија играта, па често се трошеше многу време за проверка и цртање линии. Сето тоа предизвикува фрустрации кај навивачите и затоа се предлага да се укине ВАР. Исто така, ВАР не ги елиминираше судиските грешки бидејќи лошите одлуки се носат и по прегледување на видеата....
Првиот асистент на Клоп ќе го предводи Салцбург
Топ Спорт - пред 1 ден
Тренерот на Ливерпул, Јирген Клоп заедно со своите соработници го напушта клубот. В недела последен пат Клоп со својот стручен штаб ќе ги води „црвените“. Јирген Клоп по девет години на „Енфилд“ реши да паузаира една сезона. За разлика од него, неговиот прв асистент Пеп Лајндерс веќе знае каде ќе биде наредната сезона. Лајндерс денеска потпиша тригодишен договор со Ред Бул Салцбург. 41-годишниот Холанѓанецот пристигна во Ливерпул во 2018 година и со клубот ги освои сите можни трофеи. Лајндерс е четврти тренер на Салцбург за само една година. На крајот од претходниот шампионат клубот се раздели со Матијас Џејсли, диригентската палка ја презеде Герхард Штрубер, но по слабите резултати во првенството (три бода помалку од Штурм) си замина, па сезоната ќе ја заврши Онур Цинел....
Еден од клучните играчи го напушта Баер Леверкузен
Топ Спорт - пред 1 ден
Шампионот на Германија Баер Леверкузен успеа да го задржи тренерот Чаби Алонсо, вундеркиндот Флоријан Вирц, но по се изгледа ќе остане без еден од клучените играчи. Десниот бек Џереми Фримпонг има неверојатна сезона. На 44 натпревари постигна 13 гола и забележа 12 асистенции. Неговата откупна клаузула е 40 милиони евра и тој автоматски ќе биде слободен доколку некој клуб ја активира. За холандскиот репрезентативец има голем интерес. Прв во редот Манчестер јунајтед, а 40 милиони се подготвени да потрошат и Арсенал, Баерн и ПСЖ....
Џирона мора да реши еден проблем доколку сака да игра во ЛШ
Топ Спорт - пред 1 ден
Конзорциумот „Сити Фудбал Груп“, кој е сопственик на Манчестер сити, ќе мора да го намали својот удел во шпанскиот прволигаш Џирона со цел каталонскиот клуб следната сезона да се натпреварува во Лигата на шампионите за прв пат во својата историја, објави УЕФА. Џирона, 47 отсто во сопственост на „Сити Груп“ од 2017 година. На почетокот на сезоната во Џирона беа убедени дека ги следат правилата на УЕФА бидејќи конзорциумот од Емиратите нема мнозински удел. Но, според писмото од Телото за финансиска контрола на клубовите (ЦФЦБ) на УЕФА, доволно е субјектот „да поседува 30 проценти или повеќе од капиталот на клубот или правата на глас“, или дури и само 10 проценти ако е негов главен акционер. За да можат Манчестер Сити и Џирона да се натпреваруваат заедно во Лигата на шампионите, „Сити Груп“ ќе мора да го намали својот удел во каталонскиот клуб до 3 јуни, крајниот рок што го постави УЕФА. Со цел да се избегне избрзана продажба на акции, што би била и економски неповолна, писмото на ЦФЦБ сепак им нуди на клубовите привремена опција, ограничена на претстојната сезона: трансфер на акции во фонд за доверба без права на инспекција, под контрола на УЕФА. Минатата година, истото правило за повеќекратна сопственост доведе до три случаи против Тулуз и Милан, Астон Вила и португалскиот клуб Виторија, како и Брајтон (Англија) и Унион Сент Жилоа (Белгија). УЕФА конечно ги затвори трите досиеја по „значајните промени“ во тие клубови за да го ограничи влијанието на нивните инвеститори....
Дончиќ му испрати патики на играч на Црвена звезда пред мечот со Партизан
Топ Спорт - пред 2 дена
Лука Дончиќ реши да ги израдува кошаркарот на Црвена звезда, негов поранешен соиграч во Реал Мадрид, Треј Томпкинс. Дончиќ на Томпкинс му испрати патики, за кои вели дека ќе му служат на Американецот во финалната серија на ABA лигата. Томпкинс преку Инстаграм му се заблагодари на својот поранешен соиграч кој инаку е голем фан на црвено-белите. „Го ценам ова. Овие ќе ми изгледаат добро во финалето на АБА лигата“, напиша Томпкинс. Вечерва од 19:30 часот на „Пионир“ играат Црвена звезда и Партизан. По првиот натпревар црвено-белите водат во серијата со 1:0....
Ферстапен: Мерцедес? Среќен сум во Ред Бул
Топ Спорт - пред 2 дена
Макс Ферстапен, трикратниот светски шампион и лидер во актуелниот шампионат во Формула 1, истакна дека речиси и да нема шанси да се пресели во тимот на Мерцедес. Во последно време тие гласини ги подгреа Тото Волф, првиот човек на Мерцедес, кој неколку пати изјави дека Холанѓанецот му е прва желба, а ова го поддржа и Џорџ Расел, кој рече дека не би имал ништо против да биде во ист тим со и Макс. Сепак, асот на Ред Бул јасно стави до знаење дека таа опција не го интересира. „Ваквите одлуки не се носат лесно, а јас сум многу среќен во мојот сегашен тим. Сакам да го имам најдобриот автомобил и тоа е се што барам. Тоа сега го имам и ќе се обидеме да го задржиме исто и во годините што доаѓаат“, изјави Ферстапен. Холандскиот ас истакна дека нема голема желба за нов предизвик. „Зошто да го напуштам тимот со кој сум во најдобра позиција и за кој верувам дека може долго да доминира“, изјави Ферстапен. Формула 1 шампионатот продолжува овој викенд во Имола....
Челси се уште заработува од договорот на Азар со Реал
Топ Спорт - пред 2 дена
Трансферот на Еден Азар вреден 115 милиони евра е најлошиот во историјата на Реал Мадрид. Белгиецот по завршувањето на минатата сезона го напушти Реал, а пред седум месеци обајви крај на кариерата. Азар во Реал дојде како еден од најдобрите фудбалери во светот, но повредите го спречија да ги оправда парите вложени во неговиот трансфер. Интересно и покрај тоа што е во пензија Реал ќе треба да му плати на Челси пет милиони фунти. Шпанските медиуми пишуваат дека од договорот на Азар во сила останале бонусите и клаузулите, а поради пласманот во финалето на Лигата на шампионите, Реал сега треба да му платат на Челзи пет милиони фунти и покрај тоа што Азар не беше ни член на овој тим....
Заниоло го пропушта Европското првенство
Топ Спорт - пред 2 дена
Николо Заниоло нема да игра за репрезентацијата на Италија на Европското првенство во Германија од 14 јуни до 14 јули. Фудбалерот на Астон Вила го повреди стапалото на натпреварот од претпоследното коло од Премиер лигата против Ливерпул. Италијанецот влезе во игра во 65. минута, а беше заменет 14 минути подоцна. Медицинските прегледи покажаа дека се работи за тешка повреда, поради која мора да отсуствува од терените најмалку еден месец. Интересно, Заниоло го пропушти и претходното Европско првенство кога Италија ја освои титулата поради повреда на коленото. Италија е во групата Б заедно со Шпанија, Хрватска и Албанија....
Албон ќе остане уште многу години во Вилијамс
Топ Спорт - пред 2 дена
Алекс Албон потпиша повеќегодишен договор со Вилијамс Рејсинг. Тајланѓанецот ќе биде возач на славниот тим во новата ера на Формула 1. Во редовите на британскиот тим дојде во 2022 година. „Неверојатно сум среќен што останав дел од Вилијамс и што ќе продолжам да работам со оваа група на талентирани и посветени луѓе“, изјави Албон. Интересно е што во оваа сезона Албон се уште нема освоено ниту еден бод. Формула 1 шампионатот продолжува оваа недела со трка во Имола....
Јокиќ: Јас сум чудо на природата
Топ Спорт - пред 2 дена
Никола Јокиќ, најдобриот играч на Денвер Нагетс, на шега ги прокоментира атрактивните потези против Минесота во петтиот натпревар од полуфиналната серија на Западот. Нагетс победија на домашен терен со 112:97 и го презедео водството во серијата 3:2. Пред натпреварот, на Јокиќ му беше врачена наградата МВП, трета во неговата кариера. „Тоа беше момент кој ќе го паметам до крајот на мојот живот. Ја почувствував љубовта на публиката, соиграчите и тренерите и тоа е она што е најважно“, изјави Јокиќ. Тимбервулвс се обидоа да го спречат, но не успеаја, во петтио меч Јокиќ имаше учинок од 40 поени, седум скока и 13 асистенции, без загубена топка. „Не ме чуваше само Гобер. Тројца се менуваа против мене, ако го проите и Андерсон тоа се четворица. Само се обидував да бидам агресивен и да ја читам нивната игра. Успеав во тоа вечерва“. Ги коментираше своите забивања и одличните додавања. „Јас сум чудо на природата! Зошто да не ги покажам своите неверојатни спортски способности”. Мајк Мелоун и Џамал Мареј го пофалија по натпреварот. „Претеруваат. Јас не сум ниту генијалец, ниту член на Менса. Интересно“, истакна Никола. Следниот натпревар се игра ноќта меѓу четврток и петок во 02.30 часот....
Сари меѓу кандидатите за тренер на Болоња
Топ Спорт - пред 2 дена
Маурицио Сари е кандидат за тренер на Болоња, доколку Тиаго Мота го напушти клубот на крајот од сезоната, објавија италијанските медиуми. Договорот на Мота истекува на крајот на јуни, а најголем интерес за него покажува Јувентус. Како што пренесува „Газета дело Спорт“, бројни извори тврдат дека Јувентус е сериозно заинтересиран, но и дека Мота се уште не разговарал со челниците на Болоња која сака да го задржи тренерот кој успеа со тимот да избори пласман Лигата на шампионите. Според овој извор, Болоња има четворица кандидати за тренер доколку Мота замине, а најсериозен е Маурицио Сари. Сари неодамна замина од Лацио и со задоволство би работел во тим со напаѓачки менталитет воведен од Мота, но би бил привлечен и со учество во Лигата на шампионите. Меѓу кандидатите се и Еузебио ди Франческо, Рафаеле Паладино и Винченцо Италијано....
Савиќ откри кој стадион е најтежок за играње
Топ Спорт - пред 2 дена
Стефан Савиќ (33) е еден од симболите на Атлетико Мадрид во изминатата деценија. Црногорецот во Атлетико пристигна во 2015 година од Фиорентина за 12 милиони евра. Стефан Савиќ низ кариерата за Атлетико одигра 296 натпревари. Има договор со Атлетико до 2025 година, но како што стојат работите ќе го напушти клубот на крајот од сезоната. Дефанзивецот низ кариерата со Атлетико играше на многу стадиони низ Европа, во едно интервју истакна кое гостување е најтешко. „Би рекол дека е најтешко да се игра во Билбао. Малкумина го имаат тоа чувство колку е тешко да се игра таму. Нивните навивачи се феноменални и секогаш ни е тешко да играме во Билбао. Тешко е да се игра против Реал и Барса, но што се однесува до самата атмосфера, најтешко е да се игра во Билбао, а во последните години би ја вклучил и Севлјља, каде што исто така атмосферата е жешка“, изјави Савиќ. Црногорскиот репрезентативец, според „Трансфермаркт“ во моментов вреди три милиони евра. Атлетико нема да му пречи доколку сака да го напушти клубот. Наводно добил конкретна понуда од Саудиска Арабија, претходно се поврзуваше со Бешикташ, а италијанските медиуми тврдат дека интерес за него покажале Фиорентина и Лацио....
Тен Хаг: Бруно е важен играч за Јунајтед, сакаме да остане
Топ Спорт - пред 2 дена
Фудбалерите на Манчестер јунајтед ќе го имаат последниот натпревар сезонава на „Олд Трафорд“. Противник на „црвените ѓаволи“ ќе им биде Њукасл, директен ривал во битката за пласман во Конференциската лига. Менаџерот Тен Хаг на прес-конференцијата мораше да одговори прашања околу ростерот за наредната сезона. Познато е дека клубот го напушта Рафаел Варан, истото ќе се случи и со Касемиро, а се погласни се шпекулациите дека од наредната сезона во тимот ќе го нема и капитенот Бруно Фернандеш. Иако Фернандеш има уште две години од договорот со клубот, се појавија информации дека Барселона е заинтересирана, но Тен Хаг е јасен за намерата да го задржи. „Истото прашање како минатата недела. И истиот одговор. Цела оваа година играше исклучително добро, беше важен играч за Манчестер јунајтед, создаде многу шанси во Премиер лигата. Многу асистенции, голови. Јасно е дека тој е многу важен играч за нас“, вели Тен Хаг. Тој го поддржа и младиот напаѓач Расмус Хојлунд за кого деновиве се пишуваше дека играчите не сакаат да му ја подаваат топката бидејќи немаат доверба во него....
Жестоко обраќање на разочараниот тренер на Тотенхем
Топ Спорт - пред 2 дена
Тренерот на Тотенхем, Ангелос Постекоглу, вчера по поразот од Манчестер сити и изјави дека темелите на клубот што го предводи се „многу кревки“. Минатата година Антонио Конте мораше да го напушти Тотенхем поради слична, но многу пожестока изјава. На Тотенхем му беше потребна победа против Сити за да ги задржи шансите за настап во Лигата на шампионите следната сезона. Поразот ја одзеде таа шанса, а Постекоглу беше разочаран и од навивачите на клубот бидејќи во еден момент некои од нив навиваа за Сити, се со цел омразениот ривал Арсенал да остане без шанси во борбата за шампионската титула. „Темелите се многу кревки. Во тоа се уверив во последните два дена. Внатре во клубот и надвор од него, насекаде. Така го гледам тоа. Се разбира, атмосферата на стадионот влијае на играчите. Јас тука ништо не можам да направам“, рече Постекоглу. Постекоглу во текот на натпреварот имаше конферзација со навивач на Тотенхем кој гласмо навивал за Сити. „На чија страна си? Сега знам кој си, го покажа своето вистинско лице”, луто му се обрати менаџерот на навивачот. Да потсетиме, минатата година, откако примија два гола против Саутемптон во последните минути, што беше повод за отказот, Антонио Конте ги нападна играчите, а индиректно и клупската политика. Претходно и Жозе Мурињо, но во поблага форма го критикуваше клубот....
Часовниците на Шумахер продадени за повеќе од четири милиони долари
Топ Спорт - пред 2 дена
Осум часовници кои му припаѓаат на великанот на Формула 1, Михаел Шумахер се продадени за речиси четири милиони швајцарски франци (4,4 милиони долари) на аукција во Женева. Највредниот часовник на аукцијата, организирана од семејството на Шумахер, е часовникот кој на легендарниот Германец му го подарил поранешниот извршен директор на Ферари, Жан Тод, на Божик 2004 година. Продаден е за 1,5 милиони франци. Шумахер, кој се повлече од Формула 1 во 2012 година, го дели рекордот за најмногу титули со британскиот возач Луис Хамилтон. Во декември 2013 година, Шумахер имаше тешка несреќа на скијање на француските Алпи. Откако беше префрлен од болница во септември 2014 година, за него се грижи семејството во Швајцарија....
(Видео) Њујорк дојдоа до меч топка – Брансон ја декласира Индијана
Топ Спорт - пред 2 дена
Њујорк Никс дојдоа на чекор до пласман во финалето на Истокот, прво за нив по 2000 година. Никс поведоа со 3:2 во серијата против Индијана Пејсерс, откако во петтиот меч го декласираа противникот со 121:91. Најзаслужен за тоа беше Џејлен Брансон, кој постигна 44 поени. Петти пат во плеј-офот леворакиот кошаркар постигна 40+ поени. „Сè уште ни треба една победа за да не можам да се возбудувам премногу. Мора да разбереме дека не е готово, да останеме фокусирани на исполнувањето на целта. Ако летате малку во оваа лига, ќе бидете исфрлени“, резервиран остана тренерот на Никс, Тим Тибодо. Шестиот натпревар е закажан за ноќта меѓу четврток и петок во Индијанаполис, а евентуалниот седми натпревар би се играл во недела навечер, по наше време, во „Медисон Сквер Гарден“. Џош Харт постигна 18 поени и 11 скока, Алек Буркс имаше и 18 поени, додека сигурно решение се покажа Дис Мекбрајд кој го замени замени повредениот О-Џи Ануноби во стартната петорка, тој постигна 17 поени. Индиспонираните Пејсерс повторно не ги добија очекуваните бројки од нивниот лидер Тајрис Халибартон, кој во овој плеј-оф наизменично пружа фантастични и просечни партии. Овој пат беше далеку под своето ниво: 13 поени, два скока и пет асистенции. Најефикасен кај Пејсерс беше Паскал Сијакам со 22 поени, осум скока и две асистенции....
(Видео) Реакцијата на Гвардиола кога Ортега го одбрани ударот на Сон
Топ Спорт - пред 2 дена
Манчестер сити го совлада Тотенхем со 2:0 и се врати на челната позиција во Премиер лигата. Во последното коло, за да ја одбрани титулата ќе треба да го победи Вест Хем. На стадионот на Тотенхем, Сити доби неочекуван херој, Стефан Ортега. Поранешниот голман на Арминија, во 69.минува го замени Едерсон. Две минути подцна го запред Кулушевски, осум минути подцна му одбрани уште еден удар на шведскиот репрезенентативец, а во 86.минута при резултат 0:1 ја имаше одбраната која веројатно ќе му ја донесе титулата на Манчестер сити. Ортега го одбрани ударот на Сон во ситуација „еден на еден“. Колку беше важна таа одбрана покажа реакцијата на Пеп Гвардиола кој следеше што се случува на теренот. Кога Ортега го направи потегот што му ја донесе наградата за играч на натпреварот, менаџерот на Сити за момент се фрли на теренот. Stefan Ortega Moreno. Phenomenal. pic.twitter.com/0QOPtAsRR7 — Manchester City (@ManCity) May 14, 2024...
Наследниците на Марадона: Тој трофеј е украден не може да оди на аукција
Топ Спорт - пред 2 дена
Наследниците на Диего Марадона ќе поднесат тужба за да се обидат да ја запрат аукцијата на „Златната топка“, која легендарниот аргентински фудбалер ја доби на Светското првенство во Мексико во 1986 година, изјави денеска нивниот адвокат. Овој трофеј беше изгубен со децении, но неодамна се појави и треба да се најде на аукција во Париз во јуни, објави минатата недела аукциската куќа Агит. Марадона, кој почина во 2020 година на 60-годишна возраст, ја освои „Златната топка“, трофејот за најдобар играч на Светското првенство, во 1986 година бидејќи ја предводеше Аргентина до победата над Западна Германија со 3-2 во финалето во Мексико Сити. . На тој турнир постигна нерегуларен, но сепак признат гол со рака („Божја рака“), како и „Гол на векот“ кога со соло акција ги мина англиските фудбалери. Наследниците на Марадона велат дека трофејот е украден и тврдат дека сегашниот сопственик нема право да го продаде. Адвокатот Жил Мор изјави за АП дека ќе поднесе итно барање до претседателот на судот во Нантер (близу Париз) за повлекување на „Златната топка“ од аукцијата. Тој изјави дека ќе побара и судско одземање на трофејот и ќе поднесе пријава за кражба. Марадона го доби тој трофеј на церемонија во кабарето Лидо на Шанзелизе во 1986 година. Трофејот подоцна исчезна и за него кружеа разни гласини. Некои рекоа дека Марадона го изгубил во покер или дека го продал за да ги исплати долговите, соопшти аукциската куќа. Се шпекулираше и дека Марадона го чувал во банка во Неапол, која била ограбена од локални гангстери во 1989 година, кога тој играл за Наполи. Наследниците на Марадона веруваат дека е украден од банка. Адвокатот Мор, кој застапува две од ќерките на Марадона, рече дека наследниците дури неодамна дознале дека трофејот бил украден. Според адвокатите, семејството на Марадона сака да се забрани продажбата бидејќи веруваат дека „Златната топка“ му припаѓа на семејството. Аргументот на аукциската куќа е дека тој што го купил трофејот пред многу години не знаел дека е украден. Од Агит, на објавувањето на аукцијата објави дека очекува трофејот „да донесе милиони поради неговата уникатност“, изјави за АП дека се извршени сите потребни проверки кај француските и италијанските власти. „Резултатот е дека до денес нема докази за оспорување на добрата волја и сопственоста на нашиот продавач“, додаваат од аукциската куќа. Продажбата е закажана за 6 јуни, а купувачите за учество на лицитацијата ќе треба да уплатат 150.000 евра....
(Видео) Јокиќ го доби МВП трофејот па со 40 поени ја растури Минесота
Топ Спорт - пред 2 дена
Денвер Нагетс ја победија Минесота Тимбервулфс со 112:97 и поведоа со 3:2 во полуфиналето на Западната конференција. Никола Јокиќ пред почетокот на натпреварот го доби МВП пехарот кој го носи името на Мајкл Џордан, а потоа ги растури „Волците“. Our MV3 gets his hardware 🏆 pic.twitter.com/kWMXFT2aRR — Denver Nuggets (@nuggets) May 15, 2024 Јокиќ мечот го заврши натпреварот со 40 поени, седум скока, 13 асистенции, две украдени топки и без загубена топка. Актуелниот трикратен МВП стрелаше со неверојатни 15-22, постигнувајќи најголем дел од своите поени против четирикратниот одбранбен играч на годината во НБА, Руди Гобер. Гордон постигна 18 поени за Нагетс, Поуп и Мареј додадоа 16, а Браун 10 поени. Во поразениот тим потфрли Ентони Едвардс со 18 поени, но само 5-15 од поле. Таунс беше најефикасен кај Волвс со 23 поени, а Гобер постигна 18. Следниот натпревар се игра ноќта меѓу четврток и петок во 02.30 часот, во Минеаполис. Денвер ќе ја има првата меч топка за пласман во финалето на Западот....
Клубот кој на светот му го даде Вембањама прогласи банкрот
Топ Спорт - пред 2 дена
Францускиот кошаркарски клуб Булоњ Метрополитанс од Париз официјално прогласи банкрот и ќе престане да постои 17 години по основањето. „Во договор со партнерите, одлучено е клубот да не аплицира за регистрација во францускиот Про Б шампионат за следната сезона“, се вели во клупското соопштение. На крајот од регуларниот тек на француската елита клубот испадна во понизок ранг, но поради финансиски проблеми не само што не ги достави документите за лиценца и играње во Втората лига, туку беше донесена одлука да прогласи стечај и да се повлече од сите натпреварувања. Метрополитанс е основан во 2007 година како наследник на легендарниот клуб Париз Баскет Рејсинг, кој згасна во 2006 година. Под новото име, Метрополитанс го освоија Купот на Франција во 2013 година, дури четири пати играа во Еврокупот во периодот од 2014 до 2022 година, но челниците на клубот не успеаја да ги решат насобраните финансиски проблеми, па се решија на најрадикалниот потег. Во сезоната 2022/23, за клубот играше Виктор Вембањама, првиот пик од минатогодишниот драфт и најдоба дебитант во НБА лигата оваа сезона....
(Видео) Халанд и Ортега го доближија Сити до шампионската титула
Топ Спорт - пред 2 дена
Фудбалерите на Манчестер сити 90 минути ги делат од одбрана на шампионската титула. Вечерва, во Лондон, Сити го победи Тотенхем со 2:0. Херои на Сити се стрелецот на двата гола Халанд и голманот Ортега кој во вториот дел имаше три брлијинатни интервенции. Сити во пресрет на последното коло има два бода повеќе од Арсенал. Манчестер сити ги издржа налетите на Тотенхем во последните 30 минути и дојде на чекор до четвртата шампионска титула во низа, подвиг каков што не направил ниту еден тим во Премиер лигата. По релативно мирното прво полувреме, во кое двата тима имаа по една шанса, во вториот дел играчите првата акција ја крунисаа со гол. Асистенцијата на Де Брујне во 51.минута во гол ја претвори Халанд. Од тој момент Сити се определи да ја чува предноста, а играчите на Тотенхем редеа напади пред голот на противникот. Едерсон излезе од игра во 69.минута. Гвардиола оцени дека неговиот фголман не може да продолжи откако Бразилецот доби удар во главата од Ромеро. Влегувањето на Ортега можеби беше клучниот потег на натпреварот. Резервниот голман најпрвин два пати му одбрани на Кулижевски во 71. и 79.минута, а во 86.минута ја доби битката и со Сон во ситуација „еден на еден“. Точка на мечот стави Халанд од пенал во 91.минута. Во последното коло Манчестер сити ќе го пречека Вест Хем, а Арсенал на домашен терен ќе игра против Евертон....
Четири години подоцна „Франс Фудбал“ сака да му ја додели „Златната топка“ на Левандовски
Топ Спорт - пред 2 дена
Во 2020 година, магазинот „Франс Фудбал“ ја пропушти можноста да ја додели наградата „Златна топка“ за најдобар фудбалер. Поради пандемијата на коронавирус и се што се случуваше, наградата не беше доделена, но неправдата, пред се, кон Роберт Левандовски може да биде исправена, пренесува „Мундо Депортиво“. Пред неколку месеци во Франција беше отворена истрага за доделување на „Златната топка“ за 2021 година. Според тгласините, ПСЖ вршел притисок врз уредниците на „Франс Фудбал“ да му ја доделат наградата на Аргентинецот Лео Меси. Левандовски заврши на второто место и наградата уште еднаш му побегна. Но, со оглед на тоа што угледот на магазинот и самата награда се загрозени од истрагата, сега се разгледува можноста за ретроактивно доделување на наградата за 2020 година. На овој начин би се исправила неправдата кон Левандовски кој блескаше таа година. Полјакот таа година постигна 55 гола на 47 натпревари. „Во 2020 и 2021 година ги имав двете најдобри години во кариерата. Неодамна еден пријател ми ја покажа статистиката, на 85 натпревари постигнав 100 голови. Секако дека би сакал еден ден да ја освојам „Златната топка“. Лут сум и тажен што сè уште ја немам, но чувствувам дека можев да ја освојам во една од тие две години да кажам вака, ако ја освојам наградата за 2020 година, четири години подоцна би ми било голема чест и би го прифатил“, изјави Левандовски неодамна во интервју за „Билд“. Има шанси да се случи такво нешто, но се ќе зависи од одлуката на луѓето од „Франс Фудбал“....
Лука Модриќ го напушта Реал Мадрид
Топ Спорт - пред 2 дена
Лука Модриќ ќе го напушти Реал Мадрид на крајот од оваа сезона! Неколку извори од Шпанија денеска открија дека Реал верува дека сега е вистинското време да се збогува со играчот со најмногу трофеи во историјата на клубот. Модриќ ги испиша најмногу златните страници во историјата на Реал Мадрид, откако пристигна во летото 2012 година од Тотенхем за 40 милиони евра. Флорентино Перез смета дека е време да се збогува и Реал да се сврти кон помладите играчи. Модриќ има совршена можност да се збогува на најдобар можен начин со освојување на Лигата на шампионите, заедно со Ла Лига. На 25 мај навивачите на Реал Мадрид и на „кралскиот“ клуб ќе можат величествено да се збогуваат со Лука Модриќ. Лука Модриќ е најкорисниот играч на Реал Мадрид со 25 освоени трофеи и дефинитивно ќе замине како една од најголемите легенди на „кралскиот“ клуб....
Капело: Де Зерби е трета лига, за него се зборува затоа што Гвардиола му е спонзор
Топ Спорт - пред 2 дена
Роберто Де Зерби (44) од 18 септември 2022 година го води Брајтон. На 87 натпревари на клупата на тој клуб има 38 победи, 20 нерешени и 29 порази, а минатата сезона се пласираше во Лига Европа. Де Зерби негува атрактивен и напаѓачки фудбал, поради што е ценет кај колегите. Пеп Гвардиола често зборува за него во суперлативи. Сепак, легендарниот италијански тренер Фабио Капело (77) смета дека Де Зерби е преценет. „За мене Де Зерби е третокласен тренер. Тој не спаѓа во елитната група на тренери, но не и во втората класа. Според мене спаѓа во третиот ешалон. За него многу се зборува само затоа што Гвардиола го спонзорира, но оваа сезона покажа што може да направи. Сега е десетти со Брајтон Ајде да погледнеме во неговото „Си-ви“, тој има освоено само еден Куп со Шахтјор и тоа е тоа“, изјави Капело и дополни. „Тој е школуван тренер кој ги покажува своите идеи преку тимовите што ги води, но сепак треба да се докажува. Го поврзуваат со толку многу клубови, а никој досега не контактирал со него. Го имаме и Брајтон, со кој има клаузула од 15 милиони евра во неговиот договор, а тоа не е мала сума кога се работи за тренер“. Де Зерби во кариерата ги водеше Фоџа, Палермо, Беневенто, Сасуоло и Шахтјор. По 36 кола во Премиер лигата, Брајтон има 12 победи, 12 нерешени и 12 порази и се наоѓа на десеттото место. Испадна од Лига Европа, ФА Купот и Лига Купот....
Мајк Џејмс МВП на сезоната
Топ Спорт - пред 2 дена
Кошаркарот на Монако, Мајк Џејмс е најдобар играч на Евролигата за сезоната 2023/24. Џејмс е првиот Амриканец по пауза од 19 години кој ја добива престижната награда. Ентони Паркер во 2005 и 2006 година беше МВП. Како и за сите други награди во Евролигата, за наградата МВП на сезоната одлучуваат гласовите на навивачите, новинарите, капитените и тренерите на клубовите од Евролигата. Монако трета година по ред стигна до плеј-офот, но оваа сезона во четвртфиналето загуби со 3-2 од Фенербахче и не успеа да се пласира на завршниот турнир. Мајк Џејмс сезонава одигра 39 натпревари во Евролигата и само во еден немаше двоцифрен број на поени. Имаше просек од 17,9 поени, 5,1 асистенции, 4,1 скока, 1,2 украдени топки и просечен индекс на корисност од 19,4.по натпревар. Патем стана и најдобар стрелец во историјата на Евролигата, во дуелот на Монако со Црвена звезда го престигна Василис Спанулис. Списокот на играчи кои ја добија наградата за МВП на сезоната започнува со Тони Паркер (2005 и 2006 година) и продолжува со Тео Папалукас, Рамунас Шишкаускас, Хуан Карлос Наваро, Милош Теодосиќ, Димитрис Дијамантидис, Андреј Кирилемко, Василис Спанулис, Серхио Родригез, Немања Бјелица, Нандо де Коло, Серхио Љуљ, Лука Дончиќ, Јан Весели, Василије Мициќ, Никола Миротиќ и Саша Везенков, кој беше МВП минатата сезона....
Мбапе играч на годината во Франција
Топ Спорт - пред 3 дена
Килијан Мбапе е прогласен за најдобар фудбалер на француската Лига 1. Напаѓачот на Пари Сен Жермен ја доби престижната награда петти пат по ред. Одлуката ја донесоа членовите на Здружението на француски фудбалери. Во текот на сезоната, Мбапе постигна 44 гола во сите натпреварувања. Лига 1 е единствената лига во која сум играл досега во кариерата и зазема многу важно место во мојот живот. Сигурно ќе ми недостига, но време е за ново поглавје во мојот живот“, изјави Мбапе на церемонијата на доделувањето на наградата што му ја врачи Мари-Жозе Пере, поранешна олимписка шампионка во атлетика. Брилијантниот напаѓач неодамна го одигра последниот натпревар за Пари Сен Жермен против Тулуз, а следната сезона треба да игра за Реал Мадрид, иако тоа никаде официјално го нема потврдено....
Лекарите нема да му дозволат на Синер да настапи на Ролан Гарос
Топ Спорт - пред 3 дена
Италијанскиот тенисер Јаник Синер веројатно нема да учествува на Ролан Гарос, објави „Газета дело Спорт“. Синер поради повреда не учествува на Мастерсот во Рим, а прашање е дали ќе игра на Ролан Гарос. Одлуката треба да биде позната оваа недела. Синер се наоѓа во Торино во клиниката што ја користи Јувентус и според првите информации играњето на Ролан Гарос може да му создаде долгорочен проблем на младиот Италијанец. Според италијанските медиуми, се очекува тој да биде на теренот во среда кога ќе биде донесена одлуката дали ќе настапи на вториот грен слем во сезоната. Италијанецот веќе изјави дека нема да ја загрози кариерата поради еден турнир и дека се чини дека повредата на колкот може да биде посериозна. Според „Газета дело Спортt“, лекарите се многу блиску до одлуката да му забранат учество бидејќи тоа долгорочно би го загрозило неговото здравје....
Рафаел Варан заминува од Манчестер јунајтед
Топ Спорт - пред 3 дена
Францускиот фудбалер Рафаел Варан (31) по крајот на сезоната ќе го напушти Манчестер јунајтед. Клубот објави дека нема да го продолжи договорот со Варан и дека фудбалеро може веднаш да преговара со други клубови. Во 2021 година, Варан пристигна на „Олд Трафорд“ од Реал Мадрид за 34 милиони фунти и во меѓувреме одигра 93 натпревари за англискиот тим. Со Јунајтед освои еден трофеј, Лига купот во 2023 година. „Сите во клубот му се заблагодаруваат на Рафа за неговиот придонес и му посакуваат се најдобро во иднина“, соопшти клубот. Варан пристигна во Јунајтед по серијата големи успеси со Реал, три трофеи во Ла Лига и четири во Лигата на шампионите. Во 2018 година ја освои титулата светски шампион со Франција на Светското првенство во Русија. Тој се повлече од репрезентацијата во февруари 2023 година. Последниот натпревар за Јунајтед го одигра во април во поразот од Челзи 3:4, а оттогаш не игра поради повреда....
ЕУРО 2024: Само еден играч ќе може да разговара со судиите
Топ Спорт - пред 3 дена
Европската фудбалска унија (УЕФА), донесе одлука која многу ќе им помогне на судиите посмирено да си ја вршат работата на претстојното Европско првенство во Германија. На состанокот на судиските органи на УЕФА, одлучено е само капитените на тимовите да можат да комуницираат со судиите, додека сите други актери на натпреварот ќе бидат санкционирани доколку го сторат тоа. Оваа промена ја потврди и претседателот на Судиската организација при УЕФА, Роберто Росети. Судиската организација УЕФА веќе испрати писмо до сите репрезентации во кое ги информира дека само капитените ќе можат да им се обратат на судиите. „Побаравме од сите тимови да се погрижат само капитените да комуницираат со судијата за време на натпреварот. навремено и со почит Капитенот е должен да се погрижи неговите соиграчи да го почитуваат судијата, да држат дистанца и да не го опкружуваат“, објасни Росети. Поранешниот италијански судија додаде дека секој играч, освен капитенот, кој ќе влезе во комуникација на судијата ќе биде санкциониран со жолт картон. Исклучок ќе биде доколку капитенот е голман. Во тој случај, улогата на главен „преговарач“ со судијата ќе ја преземе неговиот заменик....
Херојот на Дортмунд нема да игра на ЕУРО 2024
Топ Спорт - пред 3 дена
Матс Хумелс (35) игра одлична сезона во Борусија Дортмунд. Тој е еден од најзаслужните за пласманот во финалето на Лигата на шампионите. Хумелс оваа сезона на 38 настапи има четири гола и асистенција во 2.752 минути игра. И покрај добрата форма, Хумелс нема да игра за Германија на претстојното Европско првенство. Еден месец пред почетокот на турнирот, Фабрицио Романо дека селекторот Јулијан Нагелсман решил да го изостави од спискот светскиот шампион од 2014. Наместо Хумелс, на списокот е играчот на Ајнтрахт, Робин Кох. Хумелс има 78 настапи и пет гола за националниот тим. Последен пат за Германија настапи на 21 ноември 2023 година во поразот од Австрија со 2:0 во пријателски натпревар. Германија го отвора ЕУРО 2024 против Шкотска на 14 јуни, а во групата се уште и Швајцарија и Унгарија....
Гаљардо кандидат за нов тренер на Милан
Топ Спорт - пред 3 дена
Аргентинецот Марсело Гаљардо би можел да го преземе тимот на Милан на крајот од сезоната, пренесуваат италијанските медиуми. Медиумите од Апенините веќе со денови пишуваат дека актуелниот тренер на Милан, Стефано Пиоли ќе го напушти клубот на крајот на сезоната, па управата е во потрага по неговиот наследник. Пиоли го презеде Милан во 2019 година, на клубот му ја донесе титулата во Серија А во сезоната 2021/2022. На две кола пред крајот на првенството „росонерите“ се на второто место на табелата во Серија А со 18 бодови помалку од првопласираниот Интер, кој и математички ја обезбеди титулата пред неколку кола. Гаљардо, го водеше Ал Итихад оваа сезона, но беше отпуштен по серијата слаби резултати во професионалната лига на Саудиска Арабија. Италијанските медиуми тврдат дека бил контактиран од Милан....
Монеке удри по Евролигата, Ларкин ироночно се смее, а Џејмс бара навивачите да не учествуваат во гласањето
Топ Спорт - пред 3 дена
Во понеделникот Евролигата ги обајви двете најдобри петорки за сезоната 2023/2024. Во изборот со по 25 отсто учествуваа тренерите, играчите, новинарите и навивалите. Изборот предизвика лавина реакции, особено од кошаркарите кои играа сезонава во Евролигата. За потсетување во првата петорка се: Факундо Кампацо (Реал Мадрид), Мајк Џејмс (Монако), Кендрик Нан (Панатинаикос), Најџел Хејс-Дејвис (Фенербахче) и Матијас Лесор (Панатинаикос). Втората најдобра петорка ја сочинуваат: Костас Слукас (Панатинаикос), Марио Хезоња (Реал Мадрид), Валтер Таварес (Реал Мадрид), Вејд Болдвин (Макаби) и Лоренцо Браун (Макаби). Изнанедувачки е што во овие петорки нема место за најдобриот стрелец сезнава (Маркус Хауард од Басконија) и најдобриот дефанзивец (Томас Вокап од Олимпијакос). Незадоволен од изборот на кошаркари за двете најдобри пет од елитното натпреварување се огласиЧима Монеке, кошаркарот на Басконија. „Треба да му биде срам на оној кој ги составл овие тимови“, напиша Монеке. Реагираше и Антониус Кливленд од Макаби. „Го нема Вејд Болдвин во првиот тим, па тоа е лудо“, напиша тој. За многумина е чудно што во изборот го нема најдобриот играч на Анадолу Ефес, Шејн Ларкин. Американец со турски пасош се огласи со едно смајли на социјалната мрежа „Х“. Реагираше и кошаркарот на Монако, Мајк Џејмс. Американецот е избран во првата петорка и според многумина е најсериозниот кандидат за МВП наградата. „Се извинувам, но навивачите не треба да имаат право на глас во изборот на најдобрите тимови во Евролигата. Навивачите ќе гласаат за своите тимови и омилени играчи. Не е нивна работа да бидат непристрасни. Тие се пристрасни. Мислам дека нивните гласови создадоа конфузија“, напиша Џејмс....
Мурињо од следната сезона на Фенербахче?
Топ Спорт - пред 3 дена
Фенербахче ќе испрати понуда до Жозе Мурињо. Турските медиуми пишуваат дека великанот од Истанбул тргнал во офанзива за да го донесе на својата клупа славниот португалски тренер. „Нексус Спорт“, пишува дека се е договорено и дека Мурињо веќе наводно испратил список со играчи кои сака да ги доведе следната сезона за конечно да му ја врати на Фенер шампионската титула во Турција. Мурињо беше отпуштен од Рома во средината на јануари оваа година и оттогаш е без работа. Со Римјаните ја освои Конференциската лига во 2022 година, а лани го загуби финалето на Лига Европа од Севиља. Португалецот со своите тимови двапати ја освои Лигата на шампионите, со Порто во 2004 година и со Интер во 2010 година. Во кариерата од клупата ги водеше и Челзи, Реал Мадрид, Манчестер Јунајтед и Тотенхем....