Ани Ригсанг избра номадски начин на живот во земјата на белите облаци. Будистичката калуѓерка се чувствуваше затворена во Ласа, и затоа денес тргна на патот повторно да се поврзе со духовните традиции на нејзината земја, кои сега се загрозени од брзата модернизација и зајакнувањето на кинеската контрола врз регионот. Од снежни планини до зелени долини, од манастир до манастир, овој документарец ја придружува Ани додека таа го пробива својот пат низ Тибет. Трогателно сведоштво кое ги спојува вековните традиции и легенди, овој филм нè води низ прекрасни пејзажи, откривајќи ни спротивен Тибет, преплавен од модернизацијата и пресвртите на неговата света географија. https://www.zed.fr/en/catalog/tibet-the-path-to-wisdom/screening_room/1839 © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Што е тоа човек? „Хомо“ прикажува шест лица, шест состојби во луцидно поврзани епизоди проткаени со црн хумор. Безнадежните ликови случајно се среќаваат во модерната метропола, при бескрајни обиди да опстанат и најдат малку среќа. Невработениот дипломец станува гробар, ужалената вдовица – монахиња, свештениците се коцкаат, а со судовите владеат гангстери. И кога изгледа дека надежта е мртва, едно осамено момче успева да пронајде љубов. Глумци: Наташа Петровиќ, Игор Ангелов, Оливер Митковски, Јелена Јованова, Сашко Коцев Режија: Игор Иванов – Изи © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Арканзас е американски крими-трилер филм од 2020 година. Главните ликови во филмот Кајл и Свин немаат право на избор за тоа како ќе го живеат својот живот. Тие живеат според правилата на кралот на дрогата од Арканзас по име Фрог. Кајл и Свин чекорат по “својот” пат кон врвот…но за нив врвот крие други планови. Кога договорот ќе тргне во погрешна насока, последиците се смртоносни. Но дали постои надеж за Кајн и Свин да се откажат од договорот и конечно да добијат право на избор? © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

„Незавршена песна“ или „Песна за Марион“, е комична драма што се случува во Лондон. За срамежливиот, намќорест пензионер Артур кој е неволно инспириран од неговата сакана сопруга Мерион да се приклучи на многу неконвенционален локален хор. Во судир со неговиот син Џејмс, на харизматичната директорка на хорот Елизабет и е препуштено да се обиде да го убеди Артур дека може да научи да го прифаќа животот. Артур мора да се соочи со тајните струи на сопствената личност која негодува додека тргнува на урнебесно, животно патување на музичко себеоткривање. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Во 1970 година, Симас Кудирка литванскиот морнар скокна од својот брод и се упати кон американска крајбрежна стража, барајќи азил. Неговиот скок за слобода предизвика хаотична серија настани. Тој создаде арена за најголемите политички препукувања за време на студената војна. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Магарето Русарио го придружува познатиот Дон Кихот, чии слуги, Санчо Панса и Рос Росинате ги придружуваат до големиот град, каде што Витезот на Белата Месечина сака да се бори со Дон Кихот. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Пино Гамбаси е дете кое боледува од хемофилија поттикнато од нескротлива желба за слобода и безгранична храброст: тој одлучува да ја започне својата авантура во светот и да им покаже на сите дека може да го живее својот живот како нормално дете. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Едно морско прасе ја раскажува приказната за Емилија од основно училиште, која открива дека има тајни супермоќи откако ја каснало нејзиното милениче – заморче. Суперсилите ѝ доаѓаат кога ќе побара од морско прасе да им помогне на харингите и да го спаси загаденото Балтичко Море. Покрај тоа, Емилија го решава случајот со малтретирањето на нејзиниот најдобар пријател Сајмон на училиште. Во нејзините предизвикувачки задачи, Емилија добива помош од искусно и мудро џиновско заморче. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Кандидатката за претседател Гордана Силјановска-Давкова присуствуваше на трибина во Кавадарци посветена на економијата. Ветува дека еден од нејзините приоритети како претседателка ќе биде заедно со Владата да поднесат барање за итен влез во единствениот европски пазар. На тој начин, македонската економија, компаниите и институциите ќе ги уживаат сите придобивки на европскиот економски простор, рекла Силјановска. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Ако сега, на осми мај ја згрешиме работата во изборот, понатаму ќе направат режим број два и нема да имаме слобода на избор, години и години нанапред, порача вечерва во Куманово кандидатот за претседател Стево Пендаровски. Во одговор на прашање на граѓанин, Пендаровски истакна за тоа како ВМРО-ДПМНЕ организираше избори потсетувајќи на изборите од 2008 година кога таа партија убедливо победи, а правеше листи со имиња и презимиња на тогашните носители од опозиција. „Во десетте години на Груевски ние немавме слободни избори, а народот не беше слободен да ја искаже својата волја. Од 1990 година сите избори кои ги организирала СДСМ како власт, биле фер и слободни, немало фалсификат, со нив, со ВМРО-ДПМНЕ тоа скоро секогаш е правило, освен со еден исклучок, како изборите 2002 година. Тоа се политички измамници, особено кога ќе им дојде крајот на мандатот, а уште немаат докрадено од народот“ порача Пендаровски. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Фармацевтската компанија АстраЗенека призна дека нејзината вакцина против ковид-19 во ретки случаи може да предизвика несакани ефекти како згрутчување на крвта и низок број на црвени крвни зрнца пренесува британски телеграф повикувајки се на судцки документи. Во извештајот се наведува дека вакцината може да предизвика згрутчување на крвта ,низок број на тромбоцити што во некои случаеви може сериозно да наштети на здравјето или да предизвика смрт кај лицата вакцинирани со Астра Зенека. До сега против Астра Зенека е поднесена 51 тужба каде што жртвите или роднини на жртвите бараат оштета од 126 милион евра. Џејми Скот ,еден од тужителите тврди дека од вакцината се здобил со трајно оштетување на мозокот како последица на крвното згротчување откако ја примил вакцината во 2021 година. „КовиШилд“ е развиена од британско-шведската компанија Астра Зенека во соработка со Универзитетот во Оксфорд и Велика Британија, а ја произведуваше индиската компанија Серум институт од Индија, еден од најголемите производители на лекови во светот. Вакцината се користеше во повеќе од 150 земји, вклучувајќи ги Велика Британија и Индија. Некои истражувања спроведени за време на пандемијата покажаа дека вакцината е 60 до 80 проценти ефикасна во заштитата од Ковид-19. Сепак, истражувањето покажа дека вакцината „КовиШилд“може да предизвика згрутчување на крвта кај некои луѓе, што може да биде опасно по живот. И Светската здравствена организација (СЗО) потврди дека „КовиШилд“ може да предизвика несакани ефекти опасни по живот. Aстра Зенека во судските документи, кои беа поднесени до Вишиот суд на Велика Британија во февруари, вели дека „вакцината АZ може, во многу ретки случаи, да предизвика непосакувани ефекти. Во исто време, Aстра Зенека инсистира дека достапните податоци покажуваат дека лекот има „прифатлив безбедносен профил“ и дека „регулаторите ширум светот постојано наведуваат дека придобивките од вакцинацијата ги надминуваат ризиците од исклучително ретки потенцијални несакани ефекти“. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Една од првите работи на идната влада ќе биде нов закон за тутун за да се подобри стандардот на тутунопрозиводителите, порача носителот на изборната едница 4, Александар Николовски. СДСМ, пак со критика од изборна едница 2, преку Фатмир Битиќи обвини дека за власт претендираат Наследниците на режимот и нивната шовинистичка политика која повторно надвиснува над Македонија. ДУИ, пак реагира на големиот број дивоградби во општина Чаир. Сметаат дека поради непотизам, злоупотреба и корупција, жителите на оваа општина немаат тротоари, паркинзи, паркови, игралишта, па дури и водовод и канализација. Во денешнтот претставување на изборнтие програми, Левица и Нова Алтернатива се осврнаа на пензиоенрите, кандидат за пратнеик до ЗНАМ ветува поволни кредити за новоформираните компании, а коалцијата ВЛЕН ќе се жали пред урпавне суд за гласањето на изборно место во општина Липково, каде откако бил отворен избирачкиот материјал недостасувале две гласачки ливчиња. Еве дел од изјавите на кандидатие за пратеници. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Сузбивање на корупцијата, независно судство, реформа на администрацијата и доброто владеење е дел од понудата на партиите за освојување на власта. Колку се слични, а колку различни нивните понуди како да се стигне до “ветената земја”. Може ли напишаното да стане реалност или ќе заврши само како добри политички намери на хартија. Во Топ Тема дебата со Миша Поповиќ од Институт за демократија, Неда Малеска Сачмароска од ЦУП и Милан Стефаноски, политички аналитичар. Топ Тема на Телма со Тамара Грнчароска. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Министерот за внатрешни работи Панче Тошковски попладнево изјави дека во најкраток рок ќе биде екстрадиран Љупчо Палевски, осомничен за убиството на Вања и Панче, откако денеска Министерството за правда соопшти дека е одобрена екстрадицијата од Турција. Во текот на денешниот ден добивме информација од Секторот за меѓународна полициска соработка дека е одобрена екстрадицијата за предметното лице, со тоа што нашите полициски службеници се во комуникација со турските колеги и се очекува во наредниот период да утврдат се што е потребно од аспект предметното лице кое е прогонето од страна на Обвинителството на РМ, да биде изнесено пред лицето на правда, изјави Тошковски. Министерот за внатрешни работи рече дека нема конкретен рок, но дека Палевски ќе биде екстрадиран најбрзо што може. Министерството за правда денеска соопшти дека е добиено официјално известување дека екстрадицијата на Љупчо Палевски е дозволена. Палевски е првоосомничен за две кривични дела „грабнување“ и „убиство на свиреп начин“ на Вања Ѓорчевска и Панче Жежовски. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Утрово во 05:42 часот земјотрес со јачина од 4,3 степени според Рихтеровата скала со епицентар во селото Текија е регистриран во регионот на Кладово, а се почуствувал и во Ниш, Зајечар,Неготин, Долни Милановац ,Бор и во другите градови во источниот дел на Србија , соопшти Републичкиот сеизмолошки завод. Земјотресите со ваков интензитет можат да предизвикаат помали оштетувања на зградите во епицентралното подрачје, јавуваат српските медиуми. Засега нема извештаи за евентуална штета. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Сузбивање на корупцијата, независно судство, реформа на администрацијата и доброто владеење е дел од понудата на партиите за освојување на власта. Колку се слични, а колку различни нивните понуди како да се стигне до “ветената земја”. Може ли напишаното да стане реалност или ќе заврши само како добри политички намери на хартија. Вечерва во Топ Тема дебата со Миша Поповиќ од Институт за демократија, Неда Малеска Сачмароска од ЦУП и Милан Стефаноски, политички аналитичар. Внатре во политичките програми правосудството е во фокусот, поради ниската доверба и слабиот перформанс на оној циклус борба против корупција, каде што од детекција би се стигнало до казнување, генерално борбата против неказнивоста. Нема големи изненадувања во понудата на политичките партии, се дебатира за она што е нотирано изминатите години, како предлози, идеи за борба против корупција, иако излегоа некои неколку предлози. Она што недостасува во програмите е една рефлексија за тоа кој се ресурси се потребни за да се стигне до целта за тие да се остварат. Малку се зборува за проблемот со човечкиот капитал во институциите и тоа што фокусот го доби правосудството некако се заборави на останатите сектори, каде видовме проблеми со корупција во изминатиот период, истакна во вечерашната Топ Тема, Миша Поповиќ од Институт за демократија. Неда Малеска Сачмароска од Центар за управување со промени, повикувајќи се на анализата на ЦУП во 11 области истакна дека целта била не само граѓанскиот сектор да се информира туку и да им ги приближиме на граѓаните, а институциите да бидат поотчетни и поодговорни. Главниот фокус во кампањата на политичките партии е на правосудството и на јавното обвинителство, меѓутоа за да можеме да имаме институции кои што ќе спроведуваат истраги и ќе изрекуваат казни, тие мора да бидат ослободени од политичките влијанија. Според мене недостасува оној дел на извршната власт како ќе ги ослободат институциите од овие влијанија, односно како ќе ги професионализираат највисоките раководни структури, истакна во Топ Тема, Неда Малеска Сачмароска од Центар за управување со промени. Таа потсети дека пред само неколку месеци во Собрание помина патоказот којшто го подготви Секретаријатот на европски праша заедно со другите институции, помина на комисија за европски прашања, „во него е една од клучните работи е деполитизација на овие највисоки функции, кои сега исчезнаа од фокусот на политичките партии“, потенцираше Малеска Сачмароска. Политичките партии се најмалку релевантни да разговараат за корупција, бидејќи се најмногу виновни за високата корупција, политичката корупција нотирана од сите меѓународни релевантни институции. Загрижува неказнивоста и тоа е мотив, знаејќи ја шемата секоја политичка парти кога ќе дојде на власт да почне да функционира во таа системска корупција. Во Македонија корупцијата е еден феномен, најверојатно ќе биде потребен некој „лекс специјалис“, бидејќи индексот на мерење на корупцијата во Македонија не е релевантен, бидејќи е многу подлабока, рече Милан Стефаноски, политички аналитичар. Целата Топ Тема на линкот подолу © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Европската унија очекува властите во Приштина без одлагање да ја формираат Заедницата на српски општини, изјави денеска портпаролот на ЕУ, Петер Стано. -Го повикуваме Косово без натамошно одлагање да продолжи со формирањето на Заедницата на српски општини во согласност со Нацрт-статутот на ЕУ, кажа Стано за Радио Слободна Европа (РСЕ). Тој апелираше до Белград и Приштина да се воздржат од еднострани дејствија кои не придонесуваат за создавање поволна средина за разговори за нормализација на односите и да се заложат за решавање на сите отворени прашања во дијалогот. Стано посочи дека ЕУ поддржува единствен институционален и административен аранжман во Косово. -Сите досегашни договори за дијалог се целосно усогласени со овој принцип и ја следат правната и институционалната рамка на Косово, што беше потврдено со заклучоците на Европскиот совет, изјави Стано за РСЕ. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Вкупно 58 лица се приведени во различни делови на Турција, откако е утврдено дека се вмешани во подготовка на провокации по повод Денот на трудот – 1. Мај, објави турскиот министер за внатрешни работи Али Јерликаја на Икс. Тие се уапсени за време на полициската акција „Боздоган-33“, спроведена во вкупно 11 турски окрузи – Истанбул, Дијарбекир, Адана, Анталија, Билеџик, Мардин, Батман, Мугла, Муш, Шанлиурфа и Ван. Во акциите во Анталија и во Измир, уапсени се четворица осомничени, за кои е утврдено дека преку нивните профили на социјалните мрежи вршеле пропаганда во корист на левичарски терористички организации. Нема да дозволиме да се толерира ниту еден терорист. Со континуираните напори на нашите безбедносни сили ќе продолжиме со нашата решителна борба сè додека не се неутрализира и последниот терорист во име на мирот, единството и солидарноста на нашиот народ, истакна Јерликаја. Министерот за внатрешни работи вчера соопшти дека властите забрануваат организирање демонстрации по повод 1. Мај на централниот плоштад Таксим во Истанбул. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Претседателот на Германија Франк-Валтер Штајнмаер, претседателот на Чешката Република Петр Павел и чешкиот премиер Петр Фијала на денешната конференција во Прага по повод 20-годишнината од проширувањето на Европска унија повикаа Западен Балкан да не се остава долго да чека пред портите на Унијата бидејќи не смее „да остане сива зона за руското деструктивно влијание“. – После 20 години, 10 земји повторно се во процес на влез во ЕУ. Путин ќе го примени своето деструктивно влијание каде што може. Балканот не смее да остане сива зона за тоа. Земјите од Западен Балкан, Украина припаѓаат на нашиот простор, рече Штајнмаер. Германскиот претседател рече дека нападот на Русија не е само врз Украина, туку и врз сите историски лекции што Германија и Чешка и цела Европа ги научиле од двете светски војни. – Со рускиот напад врз Украина, војната се врати во Европа. Подмолниот напад врз нашиот сосед е истовремено и напад на идејата за мирољубив соседски живот во Европа, кршење на меѓународното право со последици далеку надвор од границите на Украина, кои не засегаат сите нас, рече Штајнмаер. Германскиот претседател во текот на својот говор неколку пати потенцираше дека ЕУ е историски најголемиот мировен проект кој треба да се брани бидејќи не се подразбира сам по себе и не е неуништлив, пренесе Бета. – Би го цитирал (поранешниот) чешки претседател Вацлав Хавел во врска со интервенцијата во Косово дека „има моменти кога треба да се каже доста“. Тоа не е само чин на солидарност, туку и на самоодржување. Руската агресија е напад на сите лекции што ги научивме во Германија и Европа од двете светски војни. На тој напад можеме да одговориме на единствен начин – со поддршка на Украина како составен дел на Европа и идна членка на ЕУ“, рече Штајнмаер. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Во болница во Лондон почина 13-годишно момче кое беше меѓу петтемина повредени кои изутрината беа нападнати од маж со мачета во источниот дел на градот. Ова го соопшти полицијата која го уапсила напаѓачот и засега ја отфрли можноста да се работи за терористички чин. Еден сведок изјави дека напаѓачот неколку пати и викал на полицијата: „Верувате ли во Господ?“. Останатите четворица повредени од кои двајца полицајци, не се во животна опасност, а во болница останале само двајца. Полицијата била повикана во североисточниот дел на Лондон околу 7:00 часот, каде граѓаните пријавиле напад и набрзо уапсила 36-годишен маж со мачета, кој очигледно дејствувал сам. Британскиот премиерот Риши Сунак го осуди нападот. Маж со мачета нападнал луѓе во североисточен Лондон © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Љупчо Палевски Палчо ќе биде вратен во Македонија откако сите административни процедури и потписите на турските министри за правда и за надворешни работи се ставени врз барањето за екстрадицијата на осомничениот за две убиства кои на крајот на ноември ја згрозија Македонија. Палевски е осомничен за убиствата на ученичката Вања Ѓорчевска и пензионерот Панче Жежовски. Министерот за правда Кренар Лога преку обраќање на Фејсбук потврди дека ја добил информацијата. Ве информирам дека денес со официјална информација од Република Турција добивме одобрение за екстрадиција на лицето Љупчо Палевски. Позитивниот исход на постапката произлегува после сите максимално преземени мерки и активности од делокругот на надлежности на Министерството за правда, стои во ФБ статусот на Кренар Лога, министер за правда. Единствено што се уште не е јавно објавено и потврдено е кога Палевски ќе биде донесен од Турција во Македонија. Ниту од јавното обвинителство немаат такви детали, но соопштија дека веднаш ќе биде спроведен во затворот во Шутка. Јавното обвинителство тукушто е известено дека Министерството за правда добило официјална информација од Република Турција дека се одобрува екстрадицијата на лице осомничено за две кривични дела грабнување, како и за две убиства на свиреп начин. Постапката за екстрадиција ќе биде спроведена преку МВР. По предлог на Основното јавно обвинителство Скопје на осомничениот веќе му е определена мерка притвор која треба да започне да се применува веднаш по неговото испорачување, соопшти Обвинителството. На 22-ри ноември лани во Велес исчезна Панче Жежовски, со неговиот автомобил. Неколку дена подоцна исчезна и основката Вања Ѓорчевска, а истиот 27-ми ноември на падините на Скопска Црна Гора беше откриен запалениот автомобил на Жежовски. Неколку лица беа уапсени на 1-ви декември, а полициската истрага кулминираше со откривање на закопаните тела на двете жртви кои биле ликвидирани со куршум во глава. Првоосмничениот Палевски уште тогаш беше избеган, а турската полиција го откри и уапси по меѓународна потерница во градот Баликесир. Оттогаш, 5 месеци е во екстрадициски притвор во турски затвор. Уште 4 лица се осомничени за двете убиства и грабнувањата, а меѓу нив е и таткото на Вања, Александар Ѓорчевски кој од затворски е префрлен во домашен притвор. Миомир Серафиновиќ Министерот за правда Кренар Лога потврди дека е дозволена екстрадиција на Палевски © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

„Мајските оперски вечери“ ќе бидат отворени на 9 мај, со премиера на операта Трубадур, од Џузепе Верди. Режијата ја потпишува Иван Поповски, наш режисер, кој со успех работи во Русија и низ Европа. Во насловната улога на трубадурот Манрик настапува тенорот Зоран Сотир, кој со оваа улога слави 25 години кариера. А, новитет на годинашните „ Мајските оперски вечери“, е настапот на Камерниот музички театар од Љубљана, со акапелата „ Свадба“. Борба на највозвишеното и најниското во човекот. Вака режисерот Иван Поповски, накусо ја опишува операта „ Трубадур“ од Џузепе Верди, со чија премиерна изведба во негова режија, под диригентство на Енрико Довико, ќе започнат 52 „Мајските оперски вечери“ , на 9 мај. Во кариерата на овој наш истакнат режисер , кој претежно работи во Русија, но и низ Европа, „ Трубадур“ е 11 поставено оперско дело, а прво во Македонија. Тоа што е над љубовта и над сѐ во оваа опера, мислам дека е борбата на највозвишеното и најниското во човекот. Така мислам кратко, ако се формулира. Заради тоа што има многу линии, многу интересни работи, кажа режисерот Поповски. Љубовта, љубомората, омразата и братоубиството , се клучните теми во операта Трубадур. Насловната улога – Манрик, му е доверена на тенорот Зоран Сотиров, кој со неа прославува 25 години солистичка кариера. Улогата бара една содржина, конструкција на гласот, малку зрела. И дали ќе ја добие со текот на времето, што не значи ако не ја пее, дека е помалку или повеќе добар тенор, туку тоа е до природата, кажа Сотиров за улогата на Манрик. За разлика од домашната постава солисти на 9, на репризата на „ Трубадур“ на 11 мај, ќе настапат странски солисти. Меѓу нив е и Канаѓанката Криста Де Силва во ликот на Леонора, љубената на Манрик. Многу е интензивен. Таа употребува многу различни емоции. И јас го сакам тој предизвик , сигурно, рече Де Силва за ликот на Леонора. Автор на сценографијата е познатиот српски сценограф Миодраг Табачки. Неговото решение (на замокот, каде се случува дејствието) , го опишува како поетски реализам. Реалистично е во смисла на фактот дека е претставен на ѕидот, скулпторски. Значи , би рекол еден поетски реализам, кажа сценографот Миодраг Табачки . Табачки се јавував и како автор на сценографијата и костимите за нашиот балет „ Заспаната убавица“, кој ќе се игра на МОВ.На програмата се и „ Валкири“ од Вагнер, во продукција на Софиската опера и балет, „ Тоска“ од Пучини, акапелата „ Свадба“ на Камерниот музички театар од Љубљана, што е новитет на програмата. А, со „ Аида“ од Верди“, традиционално на 31 мај завршуваат МОВ. Сотир Трајков © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Министерот за правда Кренар Лога потврди дека е дозволена екстрадиција на Палевски. На Фејсбук статус Лога напиша: „Ве информирам дека денес со официјална информација од Република Турција добивме одобрение за екстрадиција на лицето Љупчо Палевски. Позитивниот исход на постапката произлегува после сите максимално преземени мерки и активности од делокругот на надлежности на Министерството за правда.“ Палевски е осомничен за двете убиства на Вања Ѓорчевска и Панчо Жежовски. Во Бегство е од крајот на ноември. Двете убиства ја згрозија јавноста. Убиството на 14-годишната Вања Ѓорчевска беше извршено по нејзино грабнување додека одела во школо. Таа беше ликвидирана во близина на Скопје. За убиствата се осомничени уште 4 лица меѓу кои и таткото на убиената Вања, кој минатата недела беше пуштен во домашен притвор. НАЈНОВА ВЕСТ: Дозволена екстрадиција на Љупчо Палевски-Палчо © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Извори од Министерството за правда за Телма потврдија дека турските власти ја одобриле екстрадицијата на Љупчо Палевски-Палчо осомничен за двојното убиство на Вања Ѓорчевска и Панче Жежовски. Информацијата дека есктрадицијата е одобрена била доставена денеска. Министерот за правда Кренар Лога потврди дека е дозволена екстрадиција на Палевски © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Приватните специјализанти не се откажуваат од нивните барања. Како што и претходно ветија секој вторник во 11 часот за време на паузата ќе се собираат во паркот кај Интерните клиники за да ги потсетат надлежните дека нивната ситуација останува непроменета. „Тие сè уште немаат здравствено осигурување и сè уште Министерството за здравство не излезе со конкретни мерки и планови за подобрување на состојбата, но и решавање на горливиот проблем во однос на покачување на платите и трајни вработувања“, вели Александра Георгиева, претседателката на Здружението на лекари специјализанти. Специјализантите велат дека ќе одат на нивните работни места за доброто на граѓаните се до формирање на идната Влада. А потоа му порачаа на идниот министер за здравство да се сретне со нив за да се реши нивниот проблем. Велат дека половина од дежурните лекари за време на празниците сега ќе бидат токму приватните специјализанти. Овој пат во нивна поддршка на мирниот протест дојде и нивна професорка која побара од идниот министер за здравство да има слух за проблемот. „Овој проблем мора да се реши. Решението според мене е следното укинување на приватните специјализации веднаш, решавање на сегашните специјализанти, а особено кадровска политика. Мора да има Национална програма за здравство да се произведуваат толку доктори коишто по статистиките ќе и бидат потребни на нашата медицина“, изјави Маргарета Балабанова-Стефанова- универзитетски професор на медицинскиот факултет. Приватните специјализанти кои сега добиваат надомест од 26 илјади денари, бараат вработување со просечна плата, а сегашниот министер им вети решавање на проблемот по изборите. Тамара Марковска © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Македонците создаваат помалку ѓубре од европскиот просек, но за разлика од земјите од ЕУ, каде што скоро половина од отпадот се рециклира, во земјава речиси целиот завршува на депонија. Податоците на Државниот завод за статистика покажуваат дека во 2023 година во земјава биле создадени по 503 килограми комунален отпад по жител. Според Евростат, жителите на Европската унија во 2022 година создале по 513 килограми ѓубре по жител. Но, во ЕУ се рециклира 48 отсто од собраниот отпад, а во земјава помалку од 1 процент. Најмалку отпад во ЕУ создаваат жителите на Романија – 301 килограми по жител, а најмногу жителите на Австрија – 835 килограми по жител. Еколозите велат дека е потребна политичка волја, намалување на административните бариери, зголемување на јавната свест и зголемување на капацитетите на институциите. „Овие системи што ги зборувам во себе вклучуваат и доделување на канти на граѓаните, набавка на возила и потребна опрема, сето тоа може да се направи, но мора државата да го поттикне и да го поддржи овој процес во иднина за да оди многу побрзо. Многу бавно ни се случува ова, уште од 2010 ги зборуваме овие регионални системи за управување со отпад коишто треба да ни ги решат проблемите со комуналниот отпад, но поради немање доволно политичка волја, административни бариери, недоволни капацитети на администрацијата, ние немаме реализација на овие мерки. Дури имаме европски пари коишто стојат така, не може да се искористат зашто е потребно да се сменат одредени работи, особено административно“, вели Блаже Јосифовски од невладината организација Гоу грин. Податоците од државната статистика покажуваат создадениот отпад во земјава се зголемува секоја година. Една третина од создаденото ѓубре во Македонија не се собира од комуналните служби, туку завршува на селски буништа и други диви депонии, кои во земјава ги има над 1000. Срѓан Стојанчов © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Осигурителните компании си го истераа своето. Не ги вратија старите пониски цени на полисите за возилата, како што им предложија од министерството за финансии. Првичните информации беа дека ако фирмите до крајот на вчерашниот ден не го сторат тоа , во финансии ќе има нов состанок за доставување на предлог до владата за формирање на нов тарифник со кои дирекно би се влијаело на намалување на цените. Но, дали имало средба, официјална информација од финансии нема. Нема ниту најава за владина седница која вообичаено се одржува секој вторник. Граѓаните пак реагираат на поскапувањето, тоа дирекно ќе ги зголеми трошоците за регистрација. Вчера пак по двочасовниот состанок во финансии на кои присуствуваа претставници од министерството, од Агенцијата за супервизија на осигурениците, но и првиот човек на Националното биро, на фирмите од осигурителниот бизнис им беше предложено да ја замрзнат одлуката за поскапување и да ги вратат старите цени на полисите, од пред 25 април. Од Агенцијата за супервизија на осигурениците се побара да направи анализа дали има простор за вакво покачување, иако од Агенцијата претходно се изјаснија дека поскапувањето е неосновано. Минатата недела осигурителните компании донесоа одлука да ја зголемат цената на задолжителната осигурителна полиса за 15, 4 проценти, со образложение дека повеќе од 10 години не е променета, а трошоците во овој бизнис пораснале. Според, податоците пак минатата година на продавачите на полиси осигурителните компании за провизии исплатиле 11, 5 милиони евра. Оваа полиса за возила е задолжителна, со регулирана цена која ја утврдува државата, па од тука се поставува прашањето зошто овие фирми имаат потреба од вакви посредници кои ги чинат милиони. Ако останат новите цени за возило од 44 до 55 киловати, полисата наместо 5,453 денари ќе чини 6.292 денари. Поскапувањето е пропорционално во зависност од зафатнината на моторот кој е вграден во возилото. Ирена Чачкова © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Денес на предупредувачки протест, а за еден месец генерален штрајк во Фондот за здравствено осигурување. Вработените не отстапуваат од главните барања. Бараат повисоки плати, разрешување на актуелните членови на Управниот одбор и целосно нов состав на истиот. Ова тело коешто управува со Фондот, на претходна седница ја одложи точката за усогласување на платите со растот на минималната плата, по завршување на изборите. Денес, претседателот на синдикатот во ФЗО упати јасна порака. „Последната седница на УО беше во петокот и нашата точка за усогласување согласно минималната плата е одложена за после изборите. Тоа значи дека може да се случи и никогаш да не се донесе. Нашите барања се едноставни – значи усогласување согласно минималната плата, а тоа е 2392 денари од лице, ништо повеќе. Потоа, останување на сегашните плати и да се донесе нов бод од 1 јуни“, вели Бранко Аџигогов, претседател на синдикатот на ФЗО. Вработените и синдикатот поставија рок – до 15 мај да се решат проблемите. Во спротивно, ќе започнат со секојдневни предупредувачки протести во секој град од по еден до два часа, пред да се донесе одлука за генерален штрајк и целосна блокада на институцијата. „Да си го загреат столчето. Видоа што се случи во февруари месец кога ФЗО штрајкуваше само два дена. Ги повикувам сите одговорни – да не дозволиме овие вработени позади нас да ги затворат вратите. Бидејќи ако ги затворат вратите, ќе патат само граѓаните. Знаете какви услуги се даваат од страна на ФЗО. Помагаме и работиме за најлошите случаи во државата“, вели Трпе Деаноски, претседател на УПОЗ. Вработените во Фондот за здравствено осигурување штрајкуваа и пред три месеци. Тогаш штрајкот беше ставен во мирување, по одлуката да не им се намалат платите на работниците. Петар Догов © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Обвинителен предлог против актуелниот директор на Агенцијата за млади и спорт Наумче Мојсоски, неговиот претходник на функцијата Дарко Каевски, како и за првиот човек на Македонскиот олимписки комитет Даниел Димевски и за уште 9 лица е поднесен во врска со доделувањето на таканаречените спортски ваучери. Мојсоски и Каевски се обвинети за злоупотреба на службена положба, а Димевски и останатите обвинети за несовесно работење. „Постапувајќи по поднесената иницијатива од Државната комисија за спречување на корупцијата, надлежниот јавен обвинител поднел обвинителен предлог против 12 лица за кривични дела – Злоупотреба на службена положба и Несовесно работење. За осомничените до Основниот кривичен суд Скопје е доставен предлог за определување мерки на претпазливост“, соопштија од ОЈО. Федерациите, клубовите и спортистите добиваа ваучери, а одредена фирма се согласува да го реализира под услов дел од парите да ги добие назад преку даночно ослободување. Иницијативата на Антикорупциска беше поднесена во февруари, минатата година за доделување на ваучерите во периодот од 2020 до 2022 година. Каевски беше директор на агенцијата до октомври 2020 година, а сега е пратеник во Собранието од редовите на СДСМ. Димевски во тоа време беше претседател на Централната комисија за доделување на ваучерите. „Непочитувајќи ги критериумите за доделување средства по ваучер-системот, постојат сомнежи дека Централната комисија во континуитет од 2020 година досега врши незаконска распределба, односно доделување ваучери на повластени корисници, федерации и клубови, согласно интересот на поединци и групи, можеби и политички партии и ги ставиле во неповолна положба оние спортски субјекти кои не добиле соодветни средства, иако тоа право законски им припаѓало“, беше наведено во иницијативата на ДКСК. По иницијативата на ДКСК следеа низа обвинувања меѓу Агенцијата за млади и спорт и Македонскиот олимписки комитет. Од Владата беше побарано да го разреши Мојсоски, поради незаконско работење. Мојсоски тогаш најави тужба против ДКСК, а од агенцијата реагираа дека наводите се тенденциозни и целосно неточни. Марија Митевска © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Сериозна владина корупција и политички унапредувања во судството и обвинителството, кои беа забележани во извештајот на Стејт Департментот, се најматен корупциски настан во месец април, според редовната месечна анализа „Бистро-матно“ на Транспаренси Интернешнл – Македонија. Во матните настани се и извештајот на „Фридом хаус“ за назадување во владеењето на правото и борбата против корупцијата, потоа двете одлуки на Управниот суд за конкурсот во Академијата за судии и обвинители и за поништување на над 3.000 вработувања и унапредувања во државната администрација. Во матните настани е и жалбата на граѓаните до Омбудсманот поради одолжување на предистражни кривични истраги и застарување на тие дела. Измените на Кривичниот законик во септември и натаму се на врвот на матното и според странските извештаи и според домашните антикорупциски набљудувачи. Во септември 2023-та година, Владата усвои измени на Кривичниот законик, значително намалувајќи ги казните за кривичните дела поврзани со корупција. Анкетите покажуваат дека јавноста не верува во судството. Унапредувања проследени со политичко влијание, без заслуга и транспарентност се случуваат во судовите и во обвинителството”, соопштија во извештајот Транспаренси Интернешнл – Македонија. Сепак покрај ваквите матни настани, според месечното истражување, постојат и бистри случувања, како што се апсењето на 17-те припадници на затворската полиција, поврзани со бегството на затвореникот од Идризово и пријавите на МВР за малите прекршоци, кои се случија при гласањето на Претседателските избори. Следењето на овие настани има голем одзив во јавноста. Со текот на времето истражувањето прерасна во потреба за граѓаните преку барометар на корупција, да ја увидат волјата на државата и како таа се справува со овој проблем. Теа Димковска © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Сериозна владина корупција и политички унапредувања во судството и обвинителството, кои беа забележани во извештајот на Стејт Департментот, се најматен корупциски настан во месец април, според редовната месечна анализа „Бистро-матно“ на Транспаренси Интернешнл – Македонија. Во матните настани се и извештајот на „Фридом хаус“ за назадување во владеењето на правото и борбата против корупцијата, потоа двете одлуки на Управниот суд за конкурсот во Академијата за судии и обвинители и за поништување на над 3.000 вработувања и унапредувања во државната администрација. Во матните настани е и жалбата на граѓаните до Омбудсманот поради одолжување на предистражни кривични истраги и застарување на тие дела. Измените на Кривичниот законик во септември и натаму се на врвот на матното и според странските извештаи и според домашните антикорупциски набљудувачи. Во септември 2023-та година, Владата усвои измени на Кривичниот законик, значително намалувајќи ги казните за кривичните дела поврзани со корупција. Анкетите покажуваат дека јавноста не верува во судството. Унапредувања проследени со политичко влијание, без заслуга и транспарентност се случуваат во судовите и во обвинителството”, соопштија во извештајот Транспаренси Интернешнл – Македонија. Сепак покрај ваквите матни настани, според месечното истражување, постојат и бистри случувања, како што се апсењето на 17-те припадници на затворската полиција, поврзани со бегството на затвореникот од Идризово и пријавите на МВР за малите прекршоци, кои се случија при гласањето на Претседателските избори. Следењето на овие настани има голем одзив во јавноста. Со текот на времето истражувањето прерасна во потреба за граѓаните преку барометар на корупција, да ја увидат волјата на државата и како таа се справува со овој проблем. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Двовластието на Токсикологија продолжува. Медицинскиот директор потпишува забрана за медицински лица на кои им престанал договорот да доаѓаат на работа, организациската директорка не става потпис и праќа приговор, велат извори на Телма, откако утринава државниот санитарен и здравствен инспекторат повторно влезе во клиниката за да провери дали 11 лица незаконски извршуваат работни задачи. Молк и денеска од кабинетот на Бесија Иљази, Данил Петровски пак тврди дека ќе побара од управниот одбор да ги спровде законските одредби на инспекторатот. „Во увид им е доставена целосна документација меѓу кои и задолжување од медицинскиот директор до главната медицинска сестра да им забрани на сите лица кои немаат било каков договор со клиниката, влез во медицински простории како и болнички соби а истовремено се задолжува техничкиот работник да ги избрише од евиденција нивните токени“, вели Данил Петровски медицински директор на Клиника за Токсикологија. Што констатираше државниот санитарен и здравствен инспекторат, одговори најавија за во четврток. Вонредниот состанок на управниот одбор на Токсикологија сепак остана да се одржи во четврток . Клиниката за само еден месец ја тресеа неколку скандали. Од обиди за лажирања на резултати, преку зголемување на долговите, до закани за рарешувања на медицинскиот директор. Се поплави и Токсикологија а се уште нема одговори кој е одговорен и зошто клиниката немала осигурување како што тврдеа дел од лекарите. Симона Петровска © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Отворањето на Уставот за внесување на Бугарите се наметна како клучна тема во преговорите за евентуалната коалиција доколку ВМРО-ДПМНЕ победи на претстојните парламентарни избори. Мицкоски е дециден уцени и закани околу уставни измени нема да прифати а неговиот „прв пик“ за коалицирање – коалицијата „Вреди“ го омекнува ставот и од „приоритет“ уставните измени станаа срамежливо „што е можно побрзо“. Вториот посакуван коалициски партнер – „ЗНАМ“ денес испорача услов до ВМРО-ДПМНЕ за коалицирање, а тоа е запирање на тајни преговори со екс премиерот Зоран Заев. Опозициските ВМРО-ДПМНЕ и коалицијата „Вреди“ велат дека ќе седнат на маса и ќе го пеглаат ставот низ разговори и дека сега фокусот е на кампањата и што е можно подобар резултат и освоени пратенички мандати. Меџити е дециден дека Коалицијата „Вреди“ ќе биде дел од проевропска Влада а за уставните измени без тајминг или листа на приоритети. Разговори по изборите е пораката која денес ја испрати Мицкоски до Коалицијата „Вреди“ Претседателот на „ЗНАМ“, Максим Димитриевски, кажа дека измени под т.н. „бугарски диктат“ и никаква соработка со ДУИ се заеднички ставови кои ЗНАМ први ги соопштиле, но дилемата е околу тајна соработка со екс премиерот Заев и неговите кандидати на листите за пратеници во СДСМ за обезбедување евентуално двотретинско мнозинство. ДУИ останува цврсто на ставот дека мајскиот договор, односно коалицирање победник со победник, мора да се испочитува и да се примени и по овие избори, бидејќи тој е основата на консензуалната демократија а се останато, според ДУИ, е политичка авантура која може да повлече реперкусии. Мицкоски пак дециден дека ДУИ ќе оди во опозиција по изборите на 8 мај и дека тие веќе го прекршиле договорот при коалицирањето со СДСМ, како и дека ВМРО-ДПМНЕ никогаш нема да коалицира со нив бидејќи немаат доверба. Огнен Чанчаревиќ © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

На бензинската станица на „Макпетрол“ во Визбегово од денес е во употреба брз полнач за електрични возила. Овој уред е прв од десетте нови брзи полначи што во партнерство со ЕВН ќе бидат поставени на фреквентни локации ширум Македонија. – ЕВН ги направи најраните напори за развојот на електромобилноста во Македонија. Во последните седум години поставивме околу 40 полначи за електрични возила на јавни површини во 17 градови низ земјата. Нашите напори продолжуваат со силен фокус на брзото полнење, како главен предуслов за олеснета мобилност на електричните возила на подолги дестинации. Соработката со „Макпетрол“ ни е многу важна – споделуваме сродни вредности, а преку нивната широко распространета мрежа на пумпи низ државата успеваме да се приближиме поблиску до корисниците – изјави Волфганг Маиер, Претседател на Управниот одбор на ЕВН Македонија. Во 2022 година, на бензинската станица на „Макпетрол“ близу граничниот премин „Богородица“ беше поставен полнач за електрични возила, исто така, во соработка со ЕВН. На оваа локација веќе е поставена и фотонапонска централа што произведува електрична енергија од обновливи извори. – Грижата за животната средина е меѓу стратешките цели на „Макпетрол“ и е вклучена во нашиот годишен план преку „Зелената агенда“. Во рамки на овие активности, друштвото на различни начини ќе инвестира во заштита на околината. Поставувањето 10 брзи полначи ќе придонесе во развојот на електромобилноста во земјава и ќе нè приближи до модерните форми на транспорт. Особено е значајно што овој проект го реализираме партнерски, заедно со ЕВН. Ваквите соработки се исклучително значајни, ако не и пресудни, за реализирање на зелената иднина на Македонија – вели Андреја Јосифовски, Претседател на Управниот одбор на „Макпетрол“. Полначите се со DC конектори од типот CCS со моќност од 150kW и се наменети за брзо полнење на едно или две електрични возила. Моделот е меѓу најефикасните во својата класа, овозможува брзо и лесно полнење со времетраење од 30-40 минути во зависност од типот на возилото. ЕВН и „Макпетрол“ својата грижа за животнта околина ја демонстрираат во конкретни инвестиции во доменот на „зелената“ енергија. И двете компании, покрај проектите за електромобилност, поставуваат и фотоволтаични централи за потребите на сопствените објекти. ЕВН ја надградува флотата со електрични возила и инвестира во производство на обновлива енергија, а „Макпетрол“ ќе продолжи да ја проширува мрежата за автоплин и метан (КПГ) преку вложување во малопродажни објекти. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Европската комисија отвори формална постапка со цел да процени дали социјалните мрежи „Фејсбук” и „Инстаграм“, кои се под компанијата „Мета“, го прекршиле Законот за дигитални услуги на ЕУ, во делот на заштита на граѓаните од ширењето на дезинформации и малицизиозни вести. Со спроведување на ваквата постапка треба да се испитаат политиките и практиките на „Мета“ за да се спречат манипулативните реклами и негативните политички содржини. Комисијата се сомнева дека механизмите за означување „нелегални содржини“ и за заштита на корисниците не се во согласност со барањата на Законот за дигитални услуги, како и дека постојат недостатоци во пристапот на истражувачите до податоците на „Мета“. Постапката е отворена врз основа на прелиминарна анализа на Извештајот за проценка на ризикот доставен од „Мета“ во септември 2023 година. Во пресрет на изборите во Европскиот парламент, повеќе земји членки на ЕУ, согласно Законот, бара од „Мета“ воспоставување алатка за ефикасна јавна контрола за следење на содржините објавени на нејзините платформи. Доколку се потврдат сите сомнежи на ЕК, тоа би претставувало прекршување на девет членови по 13 ставови од Законот за дигитални услуги. Врз основа на резултатите од постапката, ЕК ќе донесе одлука за следните чекори. На 25 април минатата година „Фејсбук“ и „Инстаграм“, заедно со уште 17 други социјални мрежи, пребарувачи, сајтови и страници за е-трговија, беа прогласени за „многу големи онлајн платформи“, бидејќи имаат повеќе од 45 милиони месечни активни корисници во ЕУ, по што до крајот на август мора да се усогласуваат со низа обврски утврдени во Законот за дигитални услуги. Дополнително, статус на „многу големи онлајн платформи“ им беше доделен на уште четири интернет страници. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Кумановскиот градоначалник и лидер на ЗНАМ Максим Димитриевски денеска ги соопшти своите барања до најголемите партии од власта и опозицијата за евентуална соработка во постизборна коалиција за состав на влада по изборите. Барањето до неговата поранешна партија СДСМ се состои од повеќе услови меѓу кои и оставка на раководството во рок од 24 часа, а на членовите на СДСМ им порача. -Срцето ме боли кога Ве гледам вака исплашени од раководството на мојата поранешна политичка партија како ве држи во заложништво и како сте гневни на сите нив и молчите. Гневен сум и јас. Сметам дека е етички исправно да направам обид заедно да ги спасиме и вратиме крушевските и асномските леви вредности и принципи, истакна Димитриевски на прес конференција, по што ги наведе кумулативните услови до СДСМ. Тој побара од раководството на СДСМ во наредните 24 часа да си поднесе оставки од сите можни функции во партијата, потоа сите носители и коносители на кандидатските листи на СДСМ да дадат нотарски изјави дека се откажуваат од пратеничките мандати и да се обврзаат дека ниту јавно ниту јавно ќе се договараат со сегашното раководство на ДУИ. Тој тврди дека ЗНАМ има работни групи кои се подготвени да преговараат со некое техничко или привремено раководство на СДСМ. Димитриевски упати барање до ВМРО-ДПМНЕ во кое тврди дека програмските определби за неприфаќање на бугарски диктат и несоработување со ДУИ, први биле промовирани од ЗНАМ и дека се согласува со нив. -Барам да потврдите дека не е точно дека дел од раководството на ВМРО-ДПМНЕ заговара јавна или тајна соработка со поранешниот премиер Зоран Заев преку неговите фикс кандидати за пратеници како што е Венко Филипче и други за обезбедување евентуално двотретинско мнозинство во новиот собраниски услов со што се имплицира дека селективна правда ќе има во наредната влада, рече Димитриевски. Во зависност од одговорите, Димитриевски и ЗНАМ ќе одлучат со кого да преговараат за состав на влада. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Канцеларијата на Обединетите нации за координација на хуманитарни прашања (ОЦА) соопшти дека отстранувањето на бомбите и другите видови неексплодирани убојни средства во Газа може да потрае 14 години. Според проценките на ОН, за време на војната низ Газа биле создадени 37,5 милиони тони урнатини, од кои повеќето биле од бомби и други видови муниција кои не експлодирале. ОЦА наведува дека околу два милиона луѓе или половина од населението на Газа нашле засолниште во Рафа. Тие имаат потешкотии да пристапат до основните потреби, како што се здравствената заштита, чиста вода и санитарни јазли. Во извештајот на OЦA се додава соопштение од водоводните претпријатија од крајбрежните општини во Газа, во кое се предупредува дека водоводните и канализациските системи се блиску до целосен колапс. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Посредниците во преговорите меѓу Израел и Хамас со оптимисти дека последниот документ со предлози кој бил составен за време на последната рунда преговори во Каиро, нуди добра основа за прекин на борбите во Газа. Американскиот државен секретар Ентони Блинкен отиде дотаму што го повика Хамас да ја прифати оваа „исклучително великодушна“ понуда од Израел. Според него, Хамас во моментов е единствената пречка за примирјето во Газа. Изминативе денови имаше нов напредок во разговорите, и во моментов фокусот е врз Хамас. Имаат договор на маса и треба да го прифатат. Сметаме дека треба да се направи секаков напор за да се убеди Хамас веднаш да го прифати предлогот, рече портпаролката на Белата куќа Карин Жан Пјер. Во последниот предлог, кој предвидува прогласување на 40 дневно примирје, Израел има направено повеќе отстапки, особено во делот на заложниците, каде бројот на заложници кои треба да бидат ослободени од 40 е намален на 33, во замена за стотици Палестинци од израелските затвори. Исто така, направени се одредени промени и во фразите кои се користат во предлогот, кои одат во насока на задоволување на барањето на Хамас за прекин на израелската операција во Газа пред ослободувањето на заложниците. Израел исто така ќе ја повлече својата армија од одредени делови на појасот и ќе им дозволи на Палестинците да се вратат на северниот дел од појасот. Водството на Хамас сака некаква гаранција дека Израел нема да ја окупира Газа, и да заземе повеќе територија во Појасот Газа. Сака одредени гаранции за евакуација на дел од нивните лидери, иако Израел вети дека ќе ги убие сите одговорни за нападот на 7 октомври, рече Брајан Катулис од Институтот за блискиот исток. Најважно од се за моменталната ситуација во Газа е што последниот предлог предвидува откажување на планираната израелска офанзива во Рафа, поради која Израел е под силен притисок од меѓународната заедница, која стравува од последиците кои таквата воена операција ќе ги има врз речиси милион цивили кои се засолнуваат во градот. Игор Трајков © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Продолжија протестите на студентите на универзитетите во САД, чии барања се прекин на соработката на Универзитетот со Израел и компаниите кои соработуваат со таа земја, и поради, како што тврдат демонстрантите, геноцидот врз палестинскиот народ во Газа, а почнаа и суспензиите на студентите кои одбија да си одат од кампусот. Студентите денеска упаднаа во зградата на Хамилтон Хол на приватниот универзитет Колумбија, го забарикадираа влезот и го раширија палестинското знаме. Тие беа предупредени дека ќе бидат суспендирани доколку не го напуштат кампусот до понеделник до 14 часот. Портпаролот на Универзитетот, Бен Ченг, рече дека студентските суспензии започнале, но не даде детали. Хамилтон Хол е една од неколкуте згради блокирани од студенти за време на протестите за граѓански права и протестите против американската војна во Виетнам во 1968 година. Студентите кои одбија да ги отстранат своите шатори од кампусот беа уапсени на универзитет во Тексас, а универзитетот соопшти дека повеќето од демонстрантите „не се поврзани со универзитетот“. Исклучок од овие студентски протести е Универзитетот Нортвестерн во Чикаго, кој постигна договор со студентите да дозволи мирни протести до 1 јуни, а студентите се согласија да ги отстранат сите шатори. Околу 1.000 демонстранти беа уапсени на универзитетите низ САД, а протестите се проширија на неколку кампуси во Канада и Франција. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Околу седум часот утрово, маж почнал да напаѓа луѓе со мачета во североисточен Лондон. Пред тоа со автомобилот удрил во куќа. Лондонската служба за брза помош соопшти дека пет лица биле избодени со нож и пренесени во болници. Меѓу нападнатите наводно имало и двајца полицајци. Денеска околу 7 часот добивме пријава дека возило удрило во куќа во областа Тарлоу Гарденс. Имаше извештаи за избодени луѓе. Во овој момент знаеме дека осомничениот продолжил да напаѓа други припадници на јавноста и двајца полицајци, соопштија од полицијата. Триесет и штестгодишниот напаѓач е уапсен, соопшти полицијата. Оттаму додаваат дека не веруваат дека напаѓачот имал помагачи, а истрагата за мотивите на нападот е во тек. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Народната банка информира дека во март годинава просечната каматна стапка на вкупните кредити изнесува 5,50 проценти и бележи месечно намалување од 0,02 п.п., додека на годишно ниво е зголемена за 0,46 п.п. Просечната каматна стапка на вкупните депозити, пак, изнесувала 1,80 проценти и забележала месечно и годишно зголемување за 0,04 п.п. и 0,69 п.п., соодветно. Податоците што ги сподели денеска централната банка покажуваат дека просечната каматна стапка на новоодобрените кредити во март, изнесувала 4,98 проценти и забележала месечно и годишно намалување од 0,37 п.п. и 0,28 п.п., соодветно. Просечната каматна стапка на новопримените депозити, пак, остварила месечен и годишен раст од 0,15 п.п. и 0,42 п.п., соодветно и изнесувала 2,46 проценти. Просечната каматна стапка на новоодобрените кредити на домаќинствата, овој месец, изнесува 5,40 проценти и на месечна основа е намалена за 0,05 п.п. Надолната промена е резултат на намалените каматни стапки на денарските кредити со валутна клаузула и на кредитите во странска валута (за 0,12 п.п. и 0,07 п.п., соодветно), при раст на денарските кредити без валутна клаузула (за 0,10 п.п.). На годишно ниво, каматната стапка на новоодобрените кредити на домаќинствата е зголемена за 0,17 п.п, соопшти НБ. Оттаму дополнуваат дека каматната стапка на вкупните депозити на домаќинствата, во март, изнесува 1,76 проценти и оствари месечно зголемување од 0,03 п.п. Промената се должи на растот на каматните стапки на денарските депозити без валутна клаузула (за 0,03 п.п.) и на каматните стапки на депозитите во странска валута (за 0,02 п.п.), додека каматните стапки на денарските депозити со валутна клаузула се намалени (за 0,01 п.п.) На годишна основа, оваа каматна стапка е повисока за 0,72 п.п. Овој месец, каматната стапка на новопримените депозити на домаќинствата6 оствари месечен раст од 0,07 п.п. и изнесува 2,42 проценти. Нагорната промена целосно произлегува од растот на каматните стапки на новопримените депозити во странска валута (за 0,19 п.п.), во услови кога каматните стапки на денарските депозити без валутна клаузула се непроменети. Овој месец банките и штедилниците не евидентирале новопримени денарски депозити со валутна клаузула. Во однос на март претходната година, каматната стапка на новопримените депозити на домаќинствата е зголемена за 0,15 п.п, информира централната банка. Во март, просечната каматна стапка на вкупните кредити на корпоративниот сектор изнесува 5,35 проценти и е намалена за 0,05 п.п. на месечно ниво. Надолната промена се должи на падот на сите компоненти, и тоа: каматните стапки на кредитите во странска валута (за 0,09 п.п.) и каматните стапки на денарските кредити со и без валутна клаузула (за 0,05 п.п. и 0,03 п.п., соодветно). На годишна основа, каматната стапка на вкупните кредити на корпоративниот сектор забележа раст од 0,65 п.п. Од НБ истакнуваат дека во март каматната стапка на новоодобрените кредити на корпоративниот сектор, оствари месечно намалување од 0,52 п.п. и изнесува 4,73 проценти. Анализирано по валута, промената е резултат на намалувањето на каматните стапки на сите компоненти, и тоа: денарските кредити со и без валутна клаузула (за 0,60 п.п. и 0,54 п.п., соодветно) и кредитите во странска валута (за 0,24 п.п.). Споредено на годишно ниво, оваа каматна стапка е намалена за 0,54 п.п. Кај просечната каматна стапка на вкупните депозити на корпоративниот сектор, во март, е забележано месечно зголемување од 0,04 п.п. и изнесува 2,12 проценти. Притоа, промената се должи на зголемените каматни стапки на депозитите во странска валута (за 0,17 п.п.) и на каматните стапки на денарските депозити со и без валутна клаузула (за 0,14 п.п. и 0,01 п.п., соодветно). Во споредба со март минатата година, оваа каматна стапка е повисока за 0,38 п.п. Овој месец, кај каматната стапка на новопримените депозити4 на корпоративниот сектор е забележан месечен раст од 0,33 п.п. и изнесува 2,52 проценти. Растот е резултат на зголемените каматни стапки на депозитите без валутна клаузула и на каматните стапки на депозитите во странска валута (за 0,55 п.п. и 0,09 п.п., соодветно), при намалени каматни стапки на денарските депозити со валутна клаузула (за 1,52 п.п.). Споредено на годишна основа, оваа каматна стапка бележи раст од 1,42 п.п, соопшти Народната банка. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Вработените во Фондот за здравствено осигурување денеска одржуваат предупредувачки протест со барање за усогласување на платите со растот на минималната плата. На протестот пред Фондот за здравство беше порачано дека доколку не им се исполни барањето од 1 јуни ќе стапат во генерален штрајк. Бранко Аџигогов, претседател на Синдикалната организација на ФЗОМ, рече дека доколку до 15 мај не се преземе ништо првенствено ќе започнат секој ден во сите градови од еден до два часа со предупредувачки протести. На минатата седница од петокот нашата точка за усогласување на нашите плати согласно Законот за минимална плата беше одложена на неопределено време односно после изборите, како што знаете во изминатиот период, вработените штрајкуваа со цел да им остане иста платата, применетата одлука од Владата после штрајкот се однесува на тоа дека платите ни остануваат исти до 31 мај, времето се ситни и остануваат само уште 30 дена додека дознаеме колку ќе имаме ние плата, појасни Аџигогов. Додаде дека станува збор за усогласување од 2 392 денари по лице и дека иако навидум делуваат како малку пари, се работи за законска обврска која мора да биде исполнета. Дополнително, бараат да се донесе и вредносен бод, за да се зачуваат тие плати што ги имаат. Велат дека се разочарани од односот на управниот одбор на Фондот, бидејќи членовите според нив, не сакале да изгласаат порамнување на платата на состанок кој се одржал при крај на минатата недела, кога точката за усогласување на платите била отстранета од дневниот ред и оставена за после изборите. Ние сакаме да го предупредиме овој состав на управниот одбор да седне да си ја сработи својата работа и да ја донесе одлуката, да не не држи во неизвесност. Со оглед на тоа дека изјавиле дека немаат намера до формирање на нова влада да донесат одлука останува прашањето зошто управниот одбор воопшто постои, би било поетички да си дадат отказ и да дојдат лица кои ќе си ја сработат работата, посочи Аџигогов. Вработените во ФЗОМ, исто така бараат Управниот Одбор на Фондот да биде целосно разрешен и да биде поставен нов, затоа што тројца од членовите биле пензионери и со истечени мандати. Пред три месеци, Фондот за здравство стапи во штрајк поради опасноста дека платите ќе им се намалат за 21 процент, меѓутоа владата донесе одлука тие да останат непроменети по што штрајкот беше прекинат. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Од Брисел, новиот министер Ранжел изјави дека Европската Унија треба да даде многу јасен политички сигнал за идните членки на Европската Унија. ,,Мораме да создадеме услови и во државите кои сакаат да станат членки на ЕУ, со цел проширувањето да може да се случи што е можно побрзо.”, заклучи Ранжел. Тој истакна дека има „многу позитивни очекувања” од процесот на проширување на ЕУ, иако, како што рече „Tоа е тешко прашање кога станува збор за преговорите“. Според Ранжел, потребно е да се зголеми повеќегодишната буџетска рамка на Европската Унија со цел да се обезбедат средства за покривање на трошоците за процесот на проширување, но и за зајакнување на одбраната. ,,Мислиме дека треба да има зголемување на Буџетот, со оглед на ситуацијата во која се наоѓа Европската Унија, за да можеме да одговориме на тројната транзиција – дигитална, еколошка и социјална, но и на прашањето за одбраната и прашањето за проширување и конкурентност.”, рече Ранжел по учеството на годишната конференција на Европската комисија во Брисел посветена на буџетот на Европската Унија. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Безживотно тело на почината 26 годишна девојка од Кавадарци, било откриено во куќа во близина на Градската црква „Св Никола“во Штип. Неофицијално девојката била почината пред неколку дена, а според првичните информации таа во куќата живеела под кирија. Од СВР Штип повеќе детали за настанот најавија за денес. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Осигурителните компании останаа глуви на барањето од финансии- до крајот на вчерашниот ден дтие не ги вратија старите цени на полисите за возилата како што им беше предложено. Поради тоа, денеска во Министерството за финансии ќе има нов состанок на кој ќе се одлучува за доставување на предлог до владата за формирање на нов тарифник, со кој дирекно ќе се влијае на намалувањето на цените за овие полиси. Денеска има нова владина седница но се уште нема официјална инофмрација дали овој предлогот за новиот тарифник би се разгледувал. На средбата повторно ќе присуствуваат претставници од финансии, од Агенција за супервизија на осигурениците и од Националното биро. По вчерашниот двочасовен состанок финансии побара осигирителните компании да ги вратат старите цени на полисите, а АСО во меѓувреме да направи анализа дали е опавдано да се зголемат. Но, од Агенцијата и пред неколку дена се изјаснија дека ваквата одлука за зголемување на цената е неоправдана. Инаку, минатата недела осигирителните компании донесоа одлука да ги покачат цените за полисата за возилата за 15, 4 отсто, со образложение дека не се променети повеќе од 10 години, а трошоците им се пораснати. Според, податоците минатата година за продавачи на овие полиси како провизија осигурителните компании платите 11, 5 милиони евра. Со оглед на тоа што оваа полиса е задолжителна, со регулирана цена која ја утврдува државата, се поставува прашањето зошто на овие компании им се потребни посредници кои ги чинат милиони за да ги продадат овие полиси. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Поранешен скопски градоначалник заработи кривична пријава под сомнеж дека го злоупотребил буџетот на општината за речиси 11 илјади евра, средства кои му биле исплатени на избраниот економски оператор за реконструкцијата на спортско игралиште во средно училиште. Министерството за внатрешни работи, преку соопштение, информира дека Одделот за криминалистичка полиција спровел предистражни дејствија бидејќи како што рекоа за осомниченото лице, за коe постои сомнеж дека извршил кривично дело злоупотреба на службената положба и овластување. Според информациите на МВР лицето иако не било надлежно предвидло реконструкција и на спортско игралиште во средно училиште, притоа знаејќи дека средните училишта, согласно Законот за средното образование, се во надлежност на градот Скопје. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Вработените во Фондот за здравство денеска точно во 11 часот излегуваат на протест. Главната причина за незадоволството кај работниците е неусогласувањето на платите со растот на минималецот. Управниот одбор на Фондот имал состанок во петокот на кој требало да се донесе одлука за зголемување на платите за 2.600 денари, како и досегашниот бод за пресметка на плата да важи и од 1-ви јуни. Но, одборот решил да ја одложи седницата за после изборите. Бараат разрешување на Управниот одбор, усогласување на платите со минималната и задржување на вредноста на бодот. Даваат рок од еден месец за исполнување на нивните барања, во спротивно се заканија дека на 1-ви јуни ќе стапат во геренален штрајк. Вработените во Фондот штрајкуваа три дена во февруари и ги работеа само итните случаи. Штрајкот беше ставен во мирување откако падна договор до крајот на мај платите да останат исти, односно да се пресметуваат по истиот бод како во декември лани, до крајот на мај годинава. Сега треба да се донесе нова одлука оти старата истекува, а ако не се донесе, никој не знае по кој бод ќе се пресмета платата и дали над 830 вработени воопшто ќе добијат плата. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

На полноќ истекува рокот за пријавување на избирачите кои се болни или немоќни за да може да бидат посетени во своите домови на 7 мај и да гласаат на парламентарните избори. Пријавувањето е во Општинските изборни комисии и се однесува само за парламентарните избори, додека прифатените барања на болните и немоќни лица за гласање на претседателските избори на 24 април се важечки и за вториот круг од претседателските избори. -Избирачот кој не е во можност да гласа на гласачкото место (немоќно или болно лице), а сака да гласа за тоа ќе ја извести ОИК најдоцна 7 дена пред денот определен за гласање односно до 30 април на полноќ, стои во Роковникот за парламентарните избори на Државната изборна комисија. За лицата кои се болни или немоќни а сакаат да гласаат исто така до ОИК треба да биде доставена соодвтена медицинска документација. На 4 мај истекува рокот за барања за гласање на лица кои се во домашен притвор. Болните и немоќните, затворениците, лицата во домашен притвор и лицата во старските домови гласаат еден ден пред изборите и тоа на 7 мај. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Променливо облачно и топло со слаб ветер од јужен правец. Попладне ќе има локална појава на краткотраен пороен дожд и ретки грмежи. Во Скопје променливо облачно, попладне со услови за дожд. Ќе дува слаб до умерен ветер од јужен правец. Минималната температура ќе се движи во интервал од 5 до 11°C, а максималната од 19 до 27°C. Информација од утрово: Минимална температура (во °C) 2 Лазарополе, Попова Шапка, 4 Берово, Маврови Анови, 6 Скопје-Петровец, Битола, Претор, Тетово, Крушево, 7 Крива Паланка, 8 Скопје-Зајчев Рид, Охрид, Демир Капија, Велес, 9 Штип, Куманово, Дебар, Струмица, Кавадарци, Прилеп, 11 Гевгелија, 12 Виница, Дојран. Температура на вода, измерена во 7:30 часот (во °C) Охридско Езеро 13.0, Преспанско Езеро 10.5, Дојранско Езеро 17.8. Деталите во Телма МЕТЕО со Ирена Лазарова – Димитровска, во соработка со УХМР! e-mail: [email protected] https://www.instagram.com/telmameteo/ © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

„Али Ахмети прави голема грешка со скандирањата УЧК на предизборните митинзи на ДУИ. Тој знае дека тие скандирања никому не носат добро и единствено што може да направат е разгорување меѓуетничка нетрпеливост во државата“, порача претседателот на СДСМ, Димитар Ковачевски, на митингот на Коалицијата за европска иднина во Неготино. Ковачевски го повика Ахмети да се воздржи од реторика која не е соодветна за актуелната сегашност, во која Македонија се стреми да стане рамноправна членка на Европската Унија. „Господине Ахмети, членови и симпатизери на ДУИ, да не дозволиме да се вратиме назад во темните делови од поновата македонска историја. Имаме голема одговорност пред граѓаните, а нашите гласачи кои очекуваат да обезбедиме подобра иднина, да се препукуваме со идеи и концепти за иднината, наместо со закани и плашење. Ние мора да им испорачаме иднина на граѓаните, а не да ги заплашуваме со повици од минатото”, – рече Ковачевски. Пред жителите на Неготино, Ковачевски говореше од потребата сите граѓани во државата да се обединат околу идејата за европска Македонија без разлика на нивната етничка, религиска, партиска или каква било друга припадност. Порача дека европските вредности ќе ги достигнеме само со инклузија, а не со дневно-политички квази-национализам. „Да не дозволиме некој да си игра со нашата иднина и иднината на нашите деца. Немаме право да им го ускратуваме она што го имаат нивните врсници низ Европа. Имаме морална обврска да им ги обезбедиме најдобрите можни услови за живот и со реални и издржани политики да ги поттикнеме да си ја бараат среќата дома, во европска Македонија, рече поранешниот премиер Ковачевски. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Граѓаните ќе се сетат, кога се смени власта во градот Скопје и кога дојдоа ВМРО-ДПМНЕ исто како што дојде и во Неготино со нивните градоначалници, беше под сериозна закана да останеме без нормални услуги во општините. Го гледам овој плоштад во Неготино, целиот искршен. Што градоначалник е тоа што не може три плочки да поправи, а се фалат ќе поправале цела држава. Ова го истакна вечерва од Неготино, претседателот на СДСМ Димитар Ковачевски на граѓански митинг. Свесен сум, дека нашата инклузивност и концептот на едно општество за сите, често беше злоупотребувана од одредени политички сили и структури во земјата, за лична корист. Ковачевски потсети дека со СДСМ Македонија стана земја кандидат за членство во ЕУ. СДСМ заедно со граѓаните го сруши режимот на Груевски. Режим кој ја блокираше целата наша иднина. СДСМ е заслужен што Македонија стана рамноправна земја членка на НАТО, а ефектите ги чувствуваме денес. Ви гарантирам, СДСМ заедно со вас, со граѓаните ќе ја внесе земјата и во ЕУ и од тоа нема да се откажеме. И јас, но и сите ние во СДСМ, можеби ја плаќаме цената на тешките одлуки, но тоа не смее да не одврати од идејата за прогрес и за суштински напредок на државата. Македонија мора да биде европска земја и нема друг начин како да се направат вистински и опипливи промени дома, истакна Ковачевски. Оние граѓани што избраа да не излегуваат на избори на 24 април, рече дека ги поттикнуваат да излезат сега и да го дадат својот глас за европската иднина. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Посакувам на 8 мај кога ќе заокружувате, да се чувствувате пријатно и гордо знаејќи дека оние на кои ќе им ја дадете довербата, нема да ве изневерат!, истакна Гордана Силјановска Давкова од Јeгуновце. -Извонреден избор сте направиле за локацијава, игралиште. Првиот натпревар го добивме и тоа со инспиративен резултат за нас, а за нив погубен. Јас сум убедена дека вториот натпревар на 8 мај ќе биде уште поуспешен. Вие сте судиите, непогрешливи и мојата благодарност е до вас. Ви изразувам длабока почит, ви верувам, знам дека ќе го направите вистинскиот избор, избор што ќе значи нови чекори на ова прекрасно семејство, чекори што не ќе може никој да ги запре, чекори заедно со владата, ама мислејќи на децата и на оние надвор, кои ќе докажуваат дека Македонија мора да биде твоја, ваша. Кога велам јас народ мислам на шаренилото од мојот народ, ама се разбира дека не може да си ги заборавам фамилијата, семејството, а тоа сте вие! Она што е најважно е дека ние ќе играме по уставните и законските правила, ние ќе играме праведно, правично и етички. Ние нема да мамиме, нема од политиката да правиме пазар, туку од политиката ќе правиме уметност на можното, на убавината, изјави Силјановска. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Државите членки на НАТО не го испорачаа навреме она што и го ветија на Украина, изјави генералниот секретар на Алијансата, Јенс Столтенрег при денешната ненајавена посета на Киев. Тоа, според него, значи руско искористување на предноста на терен додека исцрпените украински сили чекаат на западните воени резерви. Столтенберг нагласи оти „сериозните одложувања на САД и европските сојузници, довеле до сериозни последици на фронтот“, мислејќи меѓудругото, и на последното украинско повлекување од неколку села во источниот дел на земјата. Руската државна телевизија емитуваше снимка од подготовките за изложба на запленета западна опрема во Украина, вклучувајќи ги и германските тенкови „Леопард“. Пред јавноста е најавен примерок и од американскиот тенк Абрамс. Јавноста можеше да види како тешките оклопни возила се довезуваат со камиони, но и се креваат со кранови за нивно поставување во Паркот на победата во Москва. Изложбата е планирана да биде отворена на 1 мај, со околу 30 воени експонати, секој со знамето на земјата која го испорачала, меѓу кои не е македонското, со оглед дека и нашата земја испорача тенкови за Киев. Сашко Димовски © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Кандидатот за претседател Стево Пендаровски во рамки на изборниот караван низ земјава денеска имаше средби со граѓаните во Желино и во Тетово. Тој на граѓаните им порача да не ги обесхрабруваат бројките од првиот круг на претседателските избори, потенцирајќи дека станува збор за дијаметрално спротивни понуди од двајцата кандидати за претседател. -Значи станува збор за дилема која е суштинска, нашите концепти не се разликуваат во нијанси, нашите концепти се драстично различни. Тие предлагаат ревизија на сите документи врз кој почива државата, стабилноста безбедноста и нејзиниот економски просперитет и тие предлагаат ревизија на сите документи кои нè направија членка на НАТО, и земја која преговара со ЕУ. По сите основи, нашите меѓуетнички односи интеграцијата во евроатлантските структури, ние нудиме концепт кој е проверен, досега гледате каде стигнавме. Дали тоа беше со задоволително темпо? Се разбира дека не беше, знаете дека имаше надворешни блокатори од нашите соседи, сопки на секој чекор, сопки и од внатрешната опозиција, политичка опозиција олицетворена во најголемата опозициска партија, рече Пендаровски во Тетово. Тој порача граѓаните да не подлегнуваат на политичките манипулации. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Попладнево нова сообраќајна несреќа меѓу автомобил и мотоцикл во Скопје. Фотографијата е снимена во центарот на главниот град во близина на постојката Рекорд. Мотоциклот е речиси под автомобилот со кој претходно се судриле. Полициско возило со вклучена ротација е зад автомобилот кој учествувал во сообраќајката. Сообраќајот во правец од Рекорд кон Собрание се одвива во една лента додека се врши увидот. Тешка сообраќајна несреќа со автомобил и мотор имаше и вчера на Партизанска во Карпош 4, кога беа повредени двајцата возачи. ФОТО/ВИДЕО: Двајца повредени во тешка сообраќајна несреќа на мотор и автомобил на Партизанска © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Во рамки на парламентарната кампања „Македонија повторно твоја! Промените во твои раце“ ВМРО-ДПМНЕ одржа митинг во Јанчиште, Општина Јегуновце и во тетовска Брвеница. Претседателот Христијан Мицкоски, носителката на кандидатската листа за шестата изборна единица Дафина Стојаноска како и кандидатката за претседател Гордана Сиљановска Давкова се обратиjа пред присутните граѓани. Мицкоски, од Јанчиште, изјави дека очекувале до 150 илјади гласови во првиот круг од претседателските избори, но има разлика од 180 илјади гласови, што според него значи дека ВМРО-ДПМНЕ заедно со народот прави историски резултати. -Сега следната наша цел повторно историска е за првпат некоја коалиција предводена од ВМРО-ДПМНЕ од опозиција, да освои мнозинство во македонскиот Парламент. Потребно е мнозинство во македонскиот Парламент и идниот претседател да биде Гордана Силјановска Давкова.Јас сум убеден гледајќи го тоа што се случува овие пет дена од кога заврши првиот круг на претседателски избори дека и тоа ќе се случи. Ни остана помалку од една недела до денот на изборите и убеден сум од оваа енергија и емоција која што ја чувствувам од народот македонски дека и тоа ќе се случи, истакна Мицкоски. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Осигурителните компании да ги вратат старите цени за полисите до крајот на денот, ова било предложено на денешниот состанок во финансии кои следи откако фирмите од овој бизнис пред неколку дена одлучија да ја поскапат полисата за возилата. На средбата освен од финансии присутни беа и од АСО, но и првиот човек на Националното биро, Латиновски. Но, дали за осигурителните компании e прифатливо враќањето на старите цени, одговор од Националното биро не успеавме да добиеме затоа што од министерството наместо од главниот си заминаа од споредниот излез. За она што се случувало на двочасовната средба, допис достави финансии. Пред состанок пак , Латиновски кусо кажа дека по средбата компаниите ќе го кажат нивниот став и дека ништо повеќе не може да додаде. Според, неофицијални информации, ако осигурителните компании не ја вратат старата пониска цена на полисите, утре на Влада ќе биде доставен предлог за носење на нов тарифник со кој дирекно ќе се намалат. Освен враќање на цените, во дописот од финансии се вели дека и Агенцијата за супервизија на осигурувањето треба да направи анализа дали е оправдано да поскапи оваа полиса, иако од Агенцијата претходно реагираа дека тоа е неосновано. Минатата недела осигурителните компании одлучија да ја зголемат цената за задолжителната осигурителна полиса за 15, 4 проценти. Образложението беше дека оваа цена не е променета повеќе од 10 години, а трошоците во овој бизнис се пораснати. На ова експресно реагираа од АСО, но се побара и од Комисијата за заштита на конкуренцијата да провери дали ова е фер однос на пазарот од страна на осигурителните компании. Инаку, според податоците минатата година за провизии за продавачи кои ги ангажираат компаниите за осигурување исплатени се 11, 5 милиони евра. Ова осигурување е задолжително, неговата цена е регулирана и ја утврдува државата, па се поставува прашањето зошто компаниите од овој бизнис имаат потреба од вакви посредници кои ги плаќаат. Ирена Чачкова © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Двајца Македонци осудени на по пет години затвор во Грција. Биле уапсени со 599 фалсификувани бланко европски документи. Не кажале ни од каде ги носат, ни кому биле наменети документите. Кај нив биле пронајдени лични карти, возачки дозволи и дозволи за престој од Грција, Франција, Белгија, Романија, Бугарија, Швајцарија, Норвешка, Латвија, Литванија, Шведска. Документите биле празни за во нов дополнително да се внесат податоци од луѓе. Според информациите се работело за копии, верни на оригиналните документи, со водени жигови, знамиња и имиња на државите. Документите биле испратени на лабораториска анализа. Грчките медиуми објавија дека Македонците биле уапсени викендов во обид со автомобил да влезат во Грција на граничниот премин Дојран. При претресот, во поставата на јакната на 26-годишниот возач биле пронајдени 440 празни европски документи. Останатите 159 документи биле пронајдени во багажникот на возилото. Судот во Кукуш ги осудил возачот и 43-годишниот совозач на по пет години затвор за фалсификување и здружување заради финансиска корист. Двајцата обвинети на судењето не откриле детали за нивните активности и се бранеле со молчење. Срѓан Стојанчов © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Шпанскиот премиер Педро Санчез денеска соопшти дека ќе продолжи да ја извршува функцијата по неколкудневно размислување, откако против неговата сопруга беше поднесена кривична пријава за корупција од страна на крајната десница во земјата. Минатата недела премиерот Санчез ја шокираше шпанската јавност, објавувајќи дека ќе ги откаже сите активности и пет денови воопшто нема да доаѓа на работа, период кој според него му беше потребен да размисли дали сака и понатаму да ја извршува функцијата. Кривичната пријава против неговата сопруга Бегоња Гомез која беше поднесена од крајно десничарската правна платформа „Чисти раце“, подоцна беше повлечена и поднесувачите признаа дека биле погрешно наведени да поверуваат во вистинитоста на обвинувањата. Ова е втор мандат на Санчез како премиер на Шпанија. Првата влада ја формираше во 2018 година, а минатата година доби втор мандат откако во ноември успеа да формира ново мнозинство. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Ветувањата на политичките партии во предизборието ќе бидат забележани на посебна платформа која ќе ја следи транспарентноста на реализацијата на политиките од идната Влада. Станува збор за нова алатка финансирана од Британската амбасада, чија цел е зголемување на отчетноста на политичките чинители за рационално трошење на јавните пари. Партиите ветуваат многу во предизборието. Потоа еден дел од нив се губи во планирањата, а друг во нивната реализациј,а вели Искра Белчева Ристовска од Центарот за управување со промени. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Шкотскиот премиер Хумза Јусаф поднесе оставка, наместо да се соочи со гласањето доверба во шкотскиот парламент, откако неговата одлука да се откаже од коалицискиот договор со Зелените доведе до владина криза. Одлуката за поднесување оставка Јусаф ја донесе поради неможноста да договори коалиција со националистичка партија која има само еден пратеник во парламентот, но кој сепак ќе му беше доволен да формира мнозинство. Без изгледи дека ќе успееше да ја добие довербата од парламентарците, Јусаф одлучи да се повлече наместо да се соочи со нив на седницата која требаше да се одржи оваа недела. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Министерката за труд и социјална заштита на Црна Гора, Наида Нишиќ денеска најави дека до крајот на годината во Црна Гора може да се очекува воведување седумчасовно работно време. Таа за Радио Црна Гора изјави дека социјалните бенефиции во иднина ќе бидат поправедни, како и дека нема да има укинување на Фондот на ПИО, туку дека ќе се реформира, пренесува РТЦГ. Нишиќ рече дека сите анализи покажале дека најголемата неправда им е нанесена на пензионерите кои својот работен век го поминале во различни земји и дека околу 3.500 пензионери од земјите од поранешна Југославија добиваат пензии кои кога ќе се соберат се пониски од просекот. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Стомачни вируси, горнореспираторни инфекции, воспаление на крајници. Ова се само дел од причините за преполните ординации периодов. Матичните лекари информираат дека имаат „полни раце“ работа. Половина од пациентите кои затропале на врата и побарале лекарска помош или совет, се со некаков вирус. Во просек, еден од тројца пациенти се со форма на стомачен вирус. Дел од нив мораат и до болница. „Еден од тројца или четворица има проблеми со надувување на стомакот, дијареа, повраќање,. некои дури и стигаат до состојба на дехидрирање, тие мораат да одат во болница. обично доаѓаат на преглед со високи температури кои не се намалуваат со денови. на дел од нив им даваме антибиотска терапија, а на дел од нив само витамини“, вели Д-р Љупчо Стефановски – Матичен лекар. Пациентите се третираат со витаминска терапија, антибиотици и терапија за дехидратација, вели доктор Стефановски во телефонскиот разговор за Телма. Нема посебен начин за превенција и остануват главните препораки за одржување хигиена и често проветрување. Пролетниот распуст на учениците дава надеж дека ланецот на зараза барем малку ќе се прекине, се надеваат матичните лекари. Тамара Марковска © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Стомачни вируси, горнореспираторни инфекции, воспаление на крајници. Ова се само дел од причините за преполните ординации периодов. Матичните лекари информираат дека имаат „полни раце“ работа периодов. Половина од пациентите кои затропале на врата и побарале лекарска помош или совет, се со некаков вирус. Во просек, еден од тројца пациенти се со форма на стомачен вирус. Дел од нив мораат и до болница. Пациентите се третираат со витаминска терапија, антибиотици и терапија за дехидратација, вели доктор Стефановски во телефонскиот разговор за Телма. Нема посебен начин за превенција и остануват главните препораки за одржување хигиена и често проветрување. Пролетниот распуст на учениците дава надеж дека ланецот на зараза барем малку ќе се прекине, се надеваат матичните лекари. Марковска Тамара © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Повикот за коалицирање испратен од ВМРО – ДПМНЕ влијаеше врз цврстите ставови на лидерите во Коалицијата „Вреди“ околу отворање на Уставот и внесување на Бугарите. Ако првично во нивните обраќања можеше да се чуе дека е приоритет откако ќе влезат во идната Влада сега описот за временскиот рок е „што е можно побрзо“. Лидерот на „Алтернатива“ Африм Гаши, денес соопшти дека Уставните измени остануваат приоритет но бидејќи станува збор за комплексен процес нема да лицитира со датуми или месеци и временски рок. Дали Коалицијата „Вреди“ ќе бара во ист пакет да бидат и измените на формулацијата за 20 проценти за албанскиот јазик. Гаши нагласи дека Коалицијата „Вреди“ ќе биде дел од идната Влада и ќе бара нивни кадри да раководат со институции во секторот за внатрешни работи за да има поефикасна борба против корупцијата и криминалот. Претседателскиот кандидат на ДУИ, Бујар Османи, смета дека е понижувачки партиите да договараат коалиции пред одржувањето на парламентарните избори. Волјата на народот мора да се почитува, а разговорите за коалиции пред да се слушне волјата на граѓаните, според него, е омаловажувачки. Победник во албанскиот кампус ќе биде Коалицијата „Вреди“ дециден е еден од лидерите Изет Меџити бидејќи коалицијата на ДУИ ги собира гласовите и на Турците, Бошњаците и Ромите. Тој смета дека ДУИ веќе го прекршила правилото победник со победник за владина коалиција во 2016 година. Меџити не прецизираше кои ќе бидат условите кои ќе се испорачаат до Мицкоски за коалицирање по изборите, додаде дека сега треба да се фокусираат на кампања и добар резултат и нагласи дека не би коалицирале само со партијата „Левица“ поради нивниот антиевропски став и курс. Огнен Чанчаревиќ © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

До утре на полноќ е пријавувањето на болни и немоќни лица, кои сакаат да гласаат во домашни услови на 7 мај за вториот круг на претседателски и парламентарните избори. Претседателот на Општинската изборна комисија (ОИК)-Штип, Виктор Вацев денеска изјави дека за двојните избори дополнително се имаат пријавено 17 лица. Општинските изборни комисии во земјава утревечер ќе имаат и дежурства за примање на пријавите за болни и немоќни лица, а нивните семејства можат тоа да го сторат и по електронски пат. На 23 април за првиот круг на претседателските избори своето право на глас во домашни услови го искористија околу 7.000 болни и немоќи лица. На 7 мај ќе гласаат и осудентите лица низ Затворите во земјава, за кои гласачките места се отвараат во 7 а се затвараат во 19 часот. Општинските изборни комисии го чекаат и доверливиот материјал за двојните избори на 8 мај, на кои ќе се изберат нови пратеници и претседател на државата. Викторија Димитрова Јованова © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Една канцеларија вон употреба и низа прашања останаа да сведочат по скандалите на Токсикологија. Штетата по поплавата на Клиниката се уште се утврдува, а на вонреден состанок управниот одбор ќе дискутира за хаосот кој настана. Извори на Телма брифираат дека тој би се одржал утре евентуално во четврток. Но тоа не е единствен случај, на Токсикологија се редеа низа скандали. Дел од лекарите алармираа дека вработени на кои им истекол договорот доаѓале на работа, државниот санитарен и здравствен инспекторат констатираше дека 11 лица незаконски работеле со пациенти и давале здравствени услуги.. Решението е испратено и чекаме од Клиниката за Токсикологија да го добијат и да дадат писмен одговор, а потоа ние ќе одиме во контрола. Се надеваме дека ќе биде неделава, велат од ДСЗИ. Медицинскиот директор за Телма тврди дека напишал забрана за работа на овие лица, но не добил потпис и од организациската директорка па затоа се уште не е испратено барањето до ДСЗИ. За овие лица да бидат вработени инсистираа и организациската директорка и министерот за здравство, а тие пак сметаат дека заслужиле работна позиција и тврдат дека доаѓале на работа но не извршувале работни задачи. Со договор на дело ова ми е трета година. – Н: Дали имате потпишано дека нема да ги извршувате обврските додека не ви се продолжи договорот? .. Ние имаме напишано изјава бидејќи на крајот на денот да не излезе дека ние не сакаме да работиме, тоа е дадено наредба од горе што ние фактиќки пак немаме документ да не работиме. Затоа ние сами си побаравме, зборевме и со директорот и напишавме изјава сите вработени дадовме потписи за да имаме да се покриеме дека не работиме и зошто не работиме. – Н: Сега не ги извршувате работните обврски? .. Сега не работиме, доаѓаме само вака на работа. Не држат, не шетаат и да видиме што како додека да се заврши оваа процедура, вели Амит Зеќири Вработен на Клиниката на кој му е истечен договорот (22.04.2024) Јавноста ја вознемири и веста дека на оваа клиника вработен вршел притисок на колега лаборант урина со наркотици да замени со чиста.. Вработениот тврдеше дека само прашал, а лаборантот дека не прифатил да го стори тоа знаејќи дека е кривично дело. Министерот за здравство по тврдењата на дел од лекарите за проблемите на клиниката најави разрешување на медицинскиот директор,но дали по инспекцискиот надзор ќе ја разреши и организациската директорка Бесија Иљази која е на ова место назначена на ден пред формирање на техничката Влада и на работа оди со преведувачка, надлежното министерството со став дека во време на избори не може да има разрешувања. Симона Петровска © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Судот во белгискиот град Лиеж закажа рочиште на 17 мај оваа година. Во негови рамки предвидено е да се одржи сослушување за истрагата која се води во врска со нелегалните набавки за вакцини против вирусот Ковид-19 од американската компанија „Фајзер“ од страна на ЕУ. Во медиумите случајот „Фајзергејт“, се поврзува со актуелната претседателка на Европската комисија, но и главна фаворитка за реизбор на истата. Случајот го обелодени „Њујорк Тајмс“ во април 2021 година, објавувајќи дека набавката на 1,8 милијарди дози вакцини против Ковид-19 за ЕУ, Фон дер Лајен ја договарала лично во разговор преку мобилен телефон со извршниот директор на „Фајзер“, Алберт Бурла. Врз основа на овие наводи, белгискиот активист и лобист специјализиран за трговски односи Фредерик Балдан, лани во април поднесе тужба против Фон дер Лајен, пред Судот во Лиеж обвинувајќи ја за „злоупотреба на функцијата и звањето“, „уништување на јавни документи“ и „незаконско богатење и корупција“. Дополнително кон тужбата се приклучија и десетина организации и поединци, но и две земји членки на ЕУ – Унгарија и Полска, кои во тоа време беа во спор со Фон дер Лајен, поради одлуката на Европската комисија да ја замрзне исплатата на средства од еврофондовите за нив. Истрагата веднаш ја презеде Европското јавно обвинителство со образложение дека во негова надлежност се „нанесувањето штета на буџетот на ЕУ, процеси кои веројатно ќе влијаат на угледот на институциите на ЕУ и довербата на граѓаните“. Спротивно е мислењето на белгиски истражен судија, кој смета дека случајот треба да остане во надлежност на Јавното обвинителство на Белгија, па со тоа и иницираше паралелна истрага по наводите на национално ниво. Согласно правилата на ЕУ, во случај на судски спор на институција на Унијата со земја членка „За одредување на јурисдикцијата треба да одлучат надлежните национални органи“. Тоа во конкретниот случај значи дека Судот во Лиеж ќе треба да одлучи во чија надлежност ќе биде истрагата во понатамошната постапка на ЕППО или белгиското Јавно обвинителство. Се очекува на сослушувањето двете страни да изнесат аргументира која од нив треба да биде надлежна за истрагата. По ова, Судот ќе треба да оцени која од двете истраги е законска и треба да продолжи, а која треба да биде прекината. Сослушувањето во Судот во Лиеж доаѓа на 20-тина дена пред изборите за членови на Европскиот парламент, на кои Фон дер Лајен е т.н. „шпиценкандидат“ на Европската народна партија (ЕПП), односно кандидат за втор мандат на чело на Еврокомисијата. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Шпанската полиција минатата недела откри кинеска група која произвле околу милион евра во лажни монети од по две евра. Кинеската група имала посебни машини за правење фалсификувани монети кои шпанската полиција ги откри во градот Толедо. Таму се најдени над 400 илјади фалсификувани монети од по 2 евра. Полицијата која во соработка со Европол ја реализираше акцијата „Двојна ѕвезда“ уапси 10 кинески државјани и објави дека најмалку 100 илјади монети досега се употребени и се во оптек. Шпанската полиција преку видео и фотографии објави информации како да бидат препознаени лажните евра. Тие немаат доволно детали и нарези на работ на монетите како вистинските евра, а како најлесен начин за проверка е употреба на магнет. Вистинските монети се демагнетизирани и не може да се фатат и залепат на магнет, додека лажните раегираат на привлекувањето на магнетот. Монетите биле уфрлани преку кинески работници и студенти во Шпанија кои разменувале банкноти за монети евра, а најчесто се употребуваат за плаќање патарини, за купување во трафики и на туристички штандови, како и на отворени пазари. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Културата е патот преку кој Бугарија и Македонија можат да се сплотат, вели истакнатата бугарска режисерка со европска кариера, Диана Добрева. Таа, денеска и утре одржува работилници во Велешкиот театар, со цел да избере актери од Македонија за претставата „ Без крв“, која е дел од меѓународниот проект „ Манифест“, во кој покрај театарот од Велес, учествува и Драмскиот театар од Пловдив- Бугарија. Премиерата на претставата е планирана за 10 септември на фестивалот „ Сцена на крстопат“ во Пловдив, а потоа ќе се игра во Македонија. По претставата „ Едвард Втори“, минатата година, Народниот театар „ Јордан Хаџи Константинов- Џинот“ од Велес , од денеска ги започнува подготовките за претставата „ Без крв“, со која го продолжува двегодишниот меѓународен проект „ Манифест“, во кој како копродуцент е вклучен и Драмскиот театар од Пловдив- Бугарија. Подготовките денеска и утре ќе бидат преку работилници за избор на 5 актери од Македонија. А, селекцијата ќе ја напрви истакнатата бугарска режисерка со европска кариера, Диана Добрева. Таа и е позната на скопската публика по постановката на Шекспировиот „ Магбет“ во Албанскиот театар, пред 9 години. Сметам дека таа културна размена е многу важна за нашите држави, за Бугарија и за Македонија. Зашто сметам дека културата, поточно театарот, е патот по кој најбргу, најсрдечно и најсилно двете држави можат да се обединат и да се сплотат, што е редно да се случи, вели режисерката Диана Добрева. Целта на проектот „ Манифест“, е преку два афтентични ракописи на исклучителни театарски режисери, да се обидеме да ја поставиме парадигмата за она, што денес нам ни значи современиот театар, вели Сашо Димоски, директор на НТ „ Јордан Хаџи Константинов- Џинот“ од Велес. Претставата „ Без крв“ ќе биде изведена според текстот на долгогодишниот соработник на Добрева , Александар Секулов. Тој го напишал по мотиви од истоимениот роман на италијанскиот писател Алесандро Барико. Но, ако во романот, простувањето за бруталното убиство на таткото и братот е еден од мотивите на главниот женски лик, во претставата тоа е љубовта, вели Секулов. Простувањето е пасивна состојба, љубовта е активна состојба. Така што, основната цел и основната мисла која што ќе биде следена при работата по текстот, е дека само љубовта ги затвора раните и не ја повторува болката, иако има белег, вели Александар Секулов, автор на текстот. Покрај петмината актери, целиот авторски тим за претставата е од Македонија. Пробите ќе се одржат во Пловдив, а премиерата е планирана за 10 септември, на тамошниот меѓународен театарски фестивал „ Сцена на крстопат“. Потоа претставата ќе се игра во Македонија. Сотир Трајков © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....