Основачот на “Рамбл”, македонецот Крис Павловски е новиот почесен доктор на универзитетот Еуропа Прима
Алфа - пред 15 часа
HomeВестиМакедонијаОсновачот на “Рамбл”, македонецот Крис Павловски е новиот почесен доктор на универзитетот Еуропа ПримаТВ АЛФАмај 17, 2024 Основачот на видеоплатформата “Рамбл”, македонецот Крис Павловски е новиот почесен доктор (doctor honoris causa) на интернационалниот универзитет Еуропа Прима. Плакетата му ја додели претседателот Јордан Плевнеш кој му порача да остане бранител на слободната мисла и таа да владее во светот. КАТЕГОРИИ TопВестиМакедонија Споделете ja веста...
Бизнисмени: Македонија не смее да има раст под 5 проценти
Алфа - пред 15 часа
HomeВестиМакедонијаБизнисмени: Македонија не смее да има раст под 5 процентиКристина Алексиескамај 17, 2024 Македонија не смее да има раст под пет проценти е клучната порака од средбата помеѓу Стопанската комора и раководството на организацијата „ Македонија 20 25 “. Според Претседателот на комората , најголемата грешка за ситуацијата во која е македонската економија е тоа што во изминатиот период државата цело време се потпира на надворешни решенија. Зајакнување на правната држава, вложување во човечки ресурси, запирање на сивата економија и зајакнување на правната држава мора да бидат императив Македонија грешеше во тоа што цело време се ослонуваше на надворешни решенија, мора да биде самоуверена дка може да стане држава од светски тип во интерес на компаниите и треба обединувачка платформа на сите субјекти . Мора да се работи итно на воведување на правната држава , таму каде не можеме да побараме поддршка, да се работи на пазарните принципи и секој да се однесува одговорно на своите активности, порача Азески. Според основачите на „Македонија 20 25 “ мора што побрзо да се зајакне животниот стандард. Македонија има ресурси и искуство но многу е важно да се промени начинот на размислување за нивно правилно искористување и менаџирање. Црна Гора, Грција, Бугарија, Косово се позиционирани подобро од што сме ние и растат побрзо од ние . Прашањето дали е можно да оствариме раст е грешно, треба да поставиме прашање зошто не можеме, нивото на раст е многу многу ниско, имаме одлични луѓе овде, и луѓе кои ја напуштаат државата и просперираат. Никој не сака да остане каде што сме ние, има 50 милиони начини како да се оствари раст, но што ќе ставите како приоритет и како ќе ги искористите ресурсите, Мајк Зафировски коосновач на Македонија 2025 Македонија може да се задолжува ако тоа е потребно, а сите пари наменети за стопанството се добродојдени е коментарот на Азески за најавениот заем од друга држава во вредност од една милијарда евра. Господ да е напомош на сите што ќе овозможат да се донесат нови пари во Македонија. Но тие пари мора да бидат употребени за продуктивни нешта. Тоа е ставот на Стопанската комора како најголема бизнис асоцијација. Значи, можат и може државата да се задолжува во наредниот период, но само за продуктивни цели. Овие искуства што ги имавме досега нè обврзуваат и зборуваат дека на тоа треба да се опстане, рече Азески . Инаку, Македонија ја заврши 2023 година со економски раст од 1 отсто, а проекциите на НБРМ за годинава се 2,6 отсо, а за 2025 година 3,6 % КАТЕГОРИИ TопВестиЕкономијаМакедонија Споделете ja веста...
Детската кардиохирургија во Македонија е успешна приказна
Алфа - пред 16 часа
HomeВестиМакедонијаДетската кардиохирургија во Македонија е успешна приказнаТВ АЛФАмај 17, 2024 Во Македонија, нема листа на чекање за операции на деца кои имаат срцеви аномалии. Годишно се оперираат околу 150 деца. Дополнително бројот се зголеми откако Македонија, стана еден од регионалните центри на Балканот, за извршување на ваков тип на операции, вели единствениот лиценциран кардиохирург за деца д-р Владимир Чадиковски. „Во моментот бројката на операции зависи од бројот на новородени деца и се движиме со операции на околу 150 деца годишно. Сега почнавме и регионално и бројката се зголеми и од Косово имаме повеќе од стотина бебиња оперирано. Ваков тип на центри има само во Белград, Атина и Софија. Значи, регионално ги решаваме проблемите кога се работи за деца„ изјави д-р Владимир Чадиковски, супспецијалист по детска кардиохиругија. За разлика од пред десетина години кога се поставуваа темелите на детската кардиохиргија имавме дефицит од кадар, за денеска да се пофалиме со тим од околу седумдесетина експерти кои секојдневно водат борба за да спасат детски живот, посочи Чадиковски. „Проблемот што го имаме пред се е капацитетот. Треба прво да ги згрижиме нашите деца, бидејќи бројката е статична. Во моментот имаме 12 бебиња оперирани и едноставно треба да се ослободат места па да се примат други. Приоритетни се нашите деца, па потоа ги третираме децата од регионот. Тоа е став којшто го имаме„ рече Чадиковски. Денеска во Штип, во организација на студентите на Факултетот за медицински науки при Универзитетот „Гоце Делчев„ беше организиран третиот Студентски когрес на општа медицина. Голем број на еминенти професори и лекари пред студентите одржаа мотивирачки говор и ги споделија своите долгогодишни искуства. Александра Ристовска КАТЕГОРИИ ВестиМакедонијаПрилози Споделете ja веста...
Правници експерти: Институциите не функционираат, неопходни се итни реформи во правосудството и администрацијата
Алфа - пред 16 часа
HomeВестиМакедонијаПравници експерти: Институциите не функционираат, неопходни се итни реформи во правосудството и администрацијатаТВ АЛФАмај 17, 2024 Правните експерти очекуваат од идната влада веднаш по формирањето,уште во првите 6 месеци од мандатот да се наосочи кон реформи на правосудниот систем и јавната администрација.До сега нити една македонска влада не смогна сили да се справи со беззаконието, правосудството го допре дното, што резултираше со заробени институции и блокада на целиот систем-ценат еминетните универзитетски професори. „Гледате судскиот совет како рогови во вреќа, обвинителскиот совет па го нема никаде, непрепознатливи се, а тие треба да бидат стожерот, контролор, трета власта да биде.Треба комплет да се преиспита улогата и на судскиот совет и улогата на обвинителскот совет и улогата на академијата на судии, дали таа академија ги оствари очекувањата”, вели професор д-р Борче Давитковски. „Очигледно е дека институциите не функционираат и штом не фукционираат, резултатот е тој затоа треба да се направат коренити промени и во судство и во обвинителство”, вели пензионираниот професор Арсен Јаневски. До сега не постеше политичка воља да се направат суштински реформи, наместо тоа доминираше влијанието на политиката врз судството што резултираше со непостоење на правна држава,носење на бирократски закони и појава на корупција против која идната влада треба да се бори. „Доколку таа борба биде само фиктивна со носење на закони каде што имаме на некој начин амнестија, тоа претставува атентат на самиот правен систем како она што се случи со намалување на казнивите дела последниот пат со укинување на одредени кривични дела што укажува порака дека имаме неказнивост и дека можеби тоа ќе се случи понатаму и во иднина”, Ангел Ристов,универзитетски професор Кога станува збор за реформи во јавната администрација,Македонија во септември ќе го добие нацрниот извештај испорачан во последниве 20 години,бидејќи претходната влада 4- те закони кои требаше да ги донесе до крајот на 2023-та не ги донесе,укажуваат правните експерти.Нашите власти велат, треба да знаат дека реформи не правиме за да влеземе во ЕУ туку за да се подобри животот и стандардот на македонските граѓани. Ако направиме вистински реформи како во правосудството така во јавната администација и ако граѓаните ги почувствуваат тие бенетифи,тогаш можеме да аплицираме кон Европа. Росица Голабоска КАТЕГОРИИ ВестиМакедонијаПрилози Споделете ja веста...
Домашен притвор за родителот што натепа наставничка и ученик во Битола
Алфа - пред 16 часа
HomeВестиХроникаДомашен притвор за родителот што натепа наставничка и ученик во БитолаТВ АЛФАмај 17, 2024 Во домашен притвор е родителот од Битола, кој пред два дена во училница на среде настава натепа ученик и наставничка. Причината за ваквото насилство бил нетрпеливиот однос меѓу две деца, а наставничката наводно настрадала бранејќи го нападнатото дете.Официјално, инцидентот се случи во ОУ „Даме Груев“ Битола, кога според извештајот на полицијата, двајца родители физички нападнале соученик на нивното дете и наставничка додека одржувала час. Од СВР Битола потврдуваат дека на „родителот Р.Л. му е одреден домашен притвор од 8 дена. Родителот се сомничи за кривично дело „насилство“, а постапката ја води ОЈО од Битола. КАТЕГОРИИ ВестиМакедонијаХроника Споделете ja веста...
Kисела Вода ги дигитализира услугите
Алфа - пред 16 часа
HomeВестиМакедонијаKисела Вода ги дигитализира услугитеТВ АЛФАмај 17, 2024 Кисела Вода од денеска стартува нова платформа со која ги дигитализира поголемиот дел од услугите кои ги нуди општината. Запишување на деца во градинка, пријави до инспекциските служби, барање за парична помош и уште многу други услуги сега граѓаните ќе ги добијат онлајн. КАТЕГОРИИ ВестиМакедонија Споделете ja веста...
Врие на југот за Македонија – за Мицкоски човеково право, за Грција жестока провокација
Алфа - пред 17 часа
HomeTопВрие на југот за Македонија – за Мицкоски човеково право, за Грција жестока провокацијаАдријана Алексиескамај 17, 2024 “Провокација, жесток национализам, непочитување на Преспанскиот договор” – врие на југот за враќањето во усна употреба името Македонија. Грција лута и на претседателката и на извесниот мандатар Христијан Мицкоски. Закани за раскинување на Преспанскиот договор и коментари дека провоцирал оти рече „Ќе ја нарекувам мојата земја како што сакам“. Во Грција реагираат и власта и опозицијата. Нови предупредувања стигнаа од грчкиот министер за надворешни работи побара од Македонија и идната влада да го имплементирале целосно Договорот од Преспа и какво било прекршување не можело да се толерира. Уште еден министер во Владата на Мицотакис, оној за здравство – Адонис Георгиадис се закани дека ако лидерот на ВМРО-ДПМНЕ станел премиер и продолжел со ваквите изјави, нивниот премиер ќе го поништел Договорот од Преспа. Реагираше и опозициската СИРИЗА – сакале да го потсетат Христијан Мицкоски да го почитувал меѓународното право. За упатените, овие реакции од Грција се очекувани, бидејќи соседите долго време биле навикнати, официјалните лица во Македонија да ја наведнат главата, да замолчат и само слепо да спроведуваат. Прераната и изнасилена употреба на придавката „Северна“ и во моменти кога била непотребна, ја навикна Грција на слепата послушност. Сега, според експертите конечно Македонија покажала цврст став, и воопшто не го прекршува договорот од Нивици. Редно време беше да покажеме дека имаме свое јас,бидејќи до сега Македонија имаше предавничка и капитулантска политика. Не е прекршен Договорот од Преспа бидејќи и таму е наведено дека може да се употребува „Македонија“ и придавката „македонски“. Ова се должи на досегашната политика бидејќи ги навикнавме да попуштаме. Клучно во сето ова е што тие кои се повикуваат на Меѓународните договори, не ги почитуваат. Сега реагираат, во време кога наводно биле загрозени некои нивни интереси. Оваа ситуација е резултат на нашето недолично однесување сите овие години – вели поранешниот амбасадор Ристо Никовски. Не само што Македонија не го прекршува Преспанскиот договор, туку има спроведено и повеќе од тоа што требаше во текот на изминатите години, додека пак Грција, нема речиси ништо – го коментира Никовски односот Скопје-Атина во поглед на преземените обврски на двете земји. По стапките на Силјановска Давкова, и Христијан Мицкоски цврсто стои на употребата на „Македонија“. И покрај тензиите околу Договоротсо Грција, лидерот на ВМРО-ДПМНЕ се залага за меѓусебна соработка и економски врски. Најави дека во скоро време очекува средба со грчкиот премиер Кирјакос Мицотакис. Во врска со името на земјава, Мицкоски рече дека во комуникацијата во институциите и меѓу институциите ќе се користи уставното име но како тој ќе ја нарекува државата е негово човеково право и ги повика Грците кои се жалат на прекршување на Преспанскиот договор, да одат до Меѓународниот суд. КАТЕГОРИИ TопВестиМакедонија Споделете ja веста...
Со 61 пратеник ВМРО-ДПМНЕ влегува во привилегирана позиција во преговорите за формирање Влада
Алфа - пред 18 часа
HomeTопСо 61 пратеник ВМРО-ДПМНЕ влегува во привилегирана позиција во преговорите за формирање ВладаМатеја Петровскимај 17, 2024 Со 61 пратеник ВМРО-ДПМНЕ влегува во привилегирана позиција во преговорите за формирање Влада. Според познавачите, Христијан Мицкоски има простор да ги одлучува правците на работа на следната власт, како и распределбата на ресорите. Политичкиот аналитичар Александар Ристевски за Алфа вели дека Мицкоски, во преговорите за коалицирање, влегува со цел да добие што е можно посилно мнозинство во Сорбанието. -Дефинитивно тој што составува Влада и тој што веќе има искажано мнозинство во Собранието и основа за да формира Влада, е во одредена своевидна привилегирана позиција и со можност да кажеме тој да ги определува правците, па и ресорите и местата како би се составувала идната Влада. Повеќе од евидентно е дека мандатарот на идната Влада, Христијан Мицкоски има желба и тенденција таа да се прошири, да се исполни условот и за бадинтерово мнозинство, вели Ристевски. Според политичкиот аналитичар Синиша Пекевски, коалицијата меѓу ВМРО-ДПМНЕ и „Вреди“ начелно била договорена уште пред изборите и не очекува да има тешки преговори за формирање Влада. -Нивната коалиција со „Вреди“ беше договорена многу претходно. И ако сакаме да имаме здрави односи во Владата, здрави односи веќе конечно во Македонија треба да се почитуваат тие договори што претходно ги направиле, без разлика што резултатите за едната партија излегоа неочекувано за нив многу добри, вели Пекевски. Во актуелната власт ДУИ ги имаше речиси сите клучни ресори, како надворешни работи, финансии, економија, образование, а ја имаа и позицијата прв вицепремиер, која беше измислена по нивно барање. Ристевски вели дека албанскиот политички блок ќе мора да се задоволи со многу помалку, односно распределба на ресори кои ќе ја искажат реалната политичка моќ. -Ова што како моќ го имаше ДУИ во актуелната власт, во изминатите четири години, мислам дека беше една претерана отстапка на СДСМ и токму поради тоа СДСМ потона на ниво да биде помалку или повеќе со ист број на пратеници со ДУИ. Мислам дека бројките кои ВЛЕН ќе ги има во идната Влада, ќе бидат поразумни, ќе бидат еден своевиден пресек, реално претставување на нивната сила и учество во идната Влада, изјави Ристевски. Пекевски вели дека не е важно која партија кој сектор ќе го добие, туку на позиции да бидат поставени квалитетни луѓе. -Битно е само да донесат квалитетни луѓе и да се видат резултати, значи треба да престанеме да гледаме дали е тоа маж, жена, дали е Албанец, Македонец, туку најбитно е на позициите да се постават квалитетни и способни луѓе, кои на крајот на денот воопшто не мора да бидат партиски личности, туку да бидат експерти во својата област, изјави Пекевски. Работните групи на ВМРО-ДПМНЕ и коалицијата „Вреди“ вчера ја одржаа првата средба за договарање на новата Влада. Таму било заклучено дека потребно е да се задржат програмските определби за кои добиле поддршка од граѓаните, како и да се запзат договорените принципи за идно делување. Матеја Петровски КАТЕГОРИИ TопВестиМакедонијаПрилози Споделете ja веста...
Светскиот инвестициски форум на бизнис ангели и Школата на млади лидери на поранешниот претседател Иванов со заеднички проект
Алфа - пред 18 часа
HomeМакедонијаСветскиот инвестициски форум на бизнис ангели и Школата на млади лидери на поранешниот претседател Иванов со заеднички проектАнастасија Илиевскамај 17, 2024 Светскиот инвестициски форум на бизнис ангели ќе ги обучува младите лидери во Македонија, како да започнат свој стартап, како да привлечат инвеститори и како успешно да ја реализираат својата бизнис идеја од почеток до крај. Извршниот претседавач на Светскиот инвестициски форум на бизнис ангели Бајбарс Алтунташ и поранешниот претседател на Македонија, д-р Ѓорѓе Иванов преку Меѓународен центар алијанса на цивилизации и Иванов школата за млади лидери создадоа глобално партнерство за зајакнување на идните лидери со потпишување на договор за партнерство и соработка. -Светскиот бизнис форум ќе организира специјална и екслузивна програма во чест на 15 годишнината од соновањето на Иванов школата за млади лидери. Ова е сведоштво на нашата заеднича визија за создавање на посветла иднина, вели Алтунташ. Стотина внимателно одбрани млади учесници и алумнисти на Школата за млади лидери во текот на 4 недели ќе имаат можност преку менторство од експерти да ги подобрат своите финансиски вештини и знаења преку специјално направена прогрма „Mастеркласови на за претприемачка извонредност“. – Од самите почетоци, Школата ја создадовме за да креира иднина за младите но и млади за иднината. Затоа многу дисциплини и вештини поминаа низ 15-те генерации на Школата за млади лидери и преки 550 млади луѓе од Македонија и светот ги воведовме во тековите на модерните процеси што се случуваат во светот и дека е неопходно постојано да се надоградуваат нивните знаења , особено вештините, објаснува поранешниот претседател Ѓорѓе Иванов. Ова е еден од проектите со кои се одбележуваат 15 години од постоење на Иванов школата за млади лидери која и годинава во Охрид ќе биде домаќин на десетици предавачи и млади од Македонија и светот. Школата во 2018 година е прогласена за најдобар општествено одговорен проект во Европа во 2017 година од Светскиот инвестициски форум на бизнис ангели. КАТЕГОРИИ Македонија Споделете ja веста...
Различни цени на различни пазари во Македонија
Алфа - пред 18 часа
HomeTопРазлични цени на различни пазари во МакедонијаЉубиша Владимировмај 17, 2024 Прекупците и препродавачите заработуваат на грбот и на земјоделците и на граѓаните. Додека зеленчукот и овошјето стгинат од нива до трпеза нивната цена се зголемува и неколку кратно. Земјоделците добиваат едвај 20 до 30% од крајната цена, а најголемиот ќар оди кај трговците. „Алфа“ направи обиколка и на кванташкиот пазар и на зелениот пазар во центарот на Скопје. Забележлива е драстична разлика. На кванташки килограм пиперка може да се купи за 70 денари, на зелениот пазар достигнува цена и до 120 денари. Пиперките на едно место се 40, а на друго дури 120. Истото е и со патлиџанот – 40 денари на кванташки, 120 на зелен. Продавачите на пазарот на големо не беа расположени да зборуваат пред камера, објаснуваат дека робата која не е од увоз ја купуваат директно од земјоделците, не сакаа да кажат колку им е заработката. Продавачите на Зелен пазар, пак, не сакаа ни да кажат од каде и за колку ја набавуваат робата и колкав ќар имаат. Тврдат дека цените биле реални. Граѓаните пак како да се навикнаа на поскапувањата, велат мора да се јаде. Инаку минималната потрошувачка кошничка и натаму урива рекорди и во април ја надмина психолошката граница од 60.000 денари. Синдикатот пресметал дка за едно четиричлено семејство да го протурка месецот биле потребни 60.212 денари и тоа доколку не плаќа ќирија, односно има сопствен стан. Љубиша Владимиров КАТЕГОРИИ TопВестиЕкономијаМакедонијаПрилози Споделете ja веста...
СПМ: СДСМ со Заев и Ковачевски со катастрофалните политики ја доведоа државата во подредена состојба
Алфа - пред 18 часа
HomeВестиМакедонијаСПМ: СДСМ со Заев и Ковачевски со катастрофалните политики ја доведоа државата во подредена состојбаТВ АЛФАмај 17, 2024 „Социјалистичката партија на Македонија како национално и државнички определена партија и натаму принципиелно ќе се залага и ќе се бори за јанење на Македонските интереси и идентитетски обележја кои ги признава огромниот број држави во светот членки на ООН“ – велат од СПМ. Социјалистичката партија на Македонија укажува на огромните последици што ги предизвикаа владите на СДС на чело со Заев и Ковачевски со уценувачките и предавнички договори и протоколи со соседите. Со катастрофалните политики тие ја подредија државата и ги продадоа името, јазикот и Македонските идентитетски обележја за лични интереси, велат од СПМ. -Уцените и заканите што доаѓаат од првите луѓе на јужниот и источниот сосед на Македонија се срамните последици што ги трпат граѓаните и државата на својот европски пат од нејзини изроди и предавници. Македонскиот народ на изборите со право ги казни овие предавници и нивните медиумски слуги кои се трудат да ги одбранат од срамот и навредите што им ги приредија на граѓаните. Промените се случија и победничката Коалиција „Твоја Македонија“ охрабрена од народната воља ќе стори се што е можно за да ги отстрани штетните последици кои се долгорочни, се наведува во партиското соопштение. „Социјалистичката партија на Македонија како национално и државнички определена партија и натаму принципиелно ќе се залага и ќе се бори за јанење на Македонските интереси и идентитетски обележја кои ги признава огромниот број држави во светот членки на ООН“ – велат од СПМ. КАТЕГОРИИ ВестиМакедонија Споделете ja веста...
Вработените во болницата за белодробни заболувања во Лешок се кренаа против одлуката да се припојат кон тетовската болница
Алфа - пред 18 часа
HomeTопВработените во болницата за белодробни заболувања во Лешок се кренаа против одлуката да се припојат кон тетовската болницаНикола Цветкоскимај 17, 2024 Болницата за белодробни заболувања во тетовски Лешок, која досега функцираше самостојно, сега заминува под капата на тетовскиот клинички центар. Владата во заминување реши во последен момент да прави реорганизација на оваа здравствена установа, со цел таа да дојде под контрола од тетовската болница. Сомнежите во јавноста се дека со овој потег ќе овозможи полесно вработување под партиски клуч и со етнички мотиви. Вработените се спротивставија на оваа одлука и побараа техничката влада, која не сноси политичка одговорност, да не одлучува за нивните судбини. „Зошто Министерството за здравство со сите свои министри до сега не направија план за вработување на кадри, специјалисти, не дадоа дозволи за специјализации и програма, иако секоја година добиваа извештаи? Бараме да се донесе кадар, доктори, специјалисти, за да продолжи нормално функционирање на болницата. Барањето од министерот Демири, поврзано со нашата болница итно да се поништи, да не се даде на следна владина седница. Бидејќи за 8 години, ако не се најде решение, ќе се најде за две недели? Вработените не се согласуваат било која одлука со која ќе биде на штета на болницата. Оваа болница работи 50 години самостојно. Не треба да се приклопуваме кон ниту една болница.“ – Порача Валентина Зафировска од синдикат на болница за белодробни заболувања во Лешок. Во телефонски разговор за Алфа, директорот на болницата во Лешок, Исмаил Ваити, вели дека им недостасуваат доктори специјалисти. Тврди дека имаат буџет за нови вработувања но не добиваат амин од Влада за тие да се спроведат. Тој побарал решение за овој проблем, а од Министерството за здравство очигледно сметаат дека преку спојувањето со клиничкиот центар во Тетово ќе го надминат овој проблем. Министерот за здравство Илир Демири, вчера на новинарско прашање ја правдаше одлуката, вели дека ако ова не се случи, вработените во лешочката болница ќе останат без плата. Никола Цветкоски КАТЕГОРИИ TопВестиМакедонијаПрилози Споделете ja веста...
Љупчо Палевски – Палчо си бара адвокати, Менкиновски не е заинтересиран да го брани, Страшевски не коментира шпекулации
Алфа - пред 18 часа
HomeUncategorizedЉупчо Палевски – Палчо си бара адвокати, Менкиновски не е заинтересиран да го брани, Страшевски не коментира шпекулацииТВ АЛФАмај 17, 2024 Љупчо Палевски – Палчо сака да ангажира тим од најмалку тројца адвокати како негова одбрана во судскиот процес кој му следува како првоосомничен за убиството на Вања Ѓорчевска и Панче Жежовски. Палчо до Кривичен испратил барање за да го застапуваат тројца адвокати, а кои судот ќе ги препрати до бранителите кои ги бара. „Од Истражниот затвор Скопје до Основниот кривичен суд Скопје е доставно официјално известување за екстрадицијата на осомничениот за кој веќе е определна мерка притвор од негово пронаоѓање односно лишување од слобода, како и барање за ангажирање на адвокат кој ќе го застапува во текот на постапката“ велат од Кривичниот суд. Се шпекулира дека тоа се адвокатите Тони Менкиновски, Јовица Страшевски и Славко Секулов. Менкиновски тврди дека до него нема стигнато такво барање. „До мене не е стигнато такво барање. И да стигне, не сум заинтересиран. Службено сум отсутен“ рече Менкиновски во кратката изјава за Алфа. Јовица Страшевски е вториот адвокат на кого Палевски сака да му поклони доверба. „Официјално барање не сум добил и не би коментирал шпекулации“, вели Страшевски за Алфа. Правото на одбрана е законски загарантирано, за сите, па и за Палевски. Тој веќе реши сам да побара адвокатски тим, доколку не го направеше тоа или доколку правниците кои тој ги бара не прифатат да го застапуваат, ќе добие адвокат по службена должност. Таков адвокат беше Алмир Алиспахиќ кој го застапуваше во судот додека Палчо беше во бегство во притвор во Турција, односно на 4-ти декември кога Кривичен му одреди 30-дневен притвор во отсуство. Според законските процедури тој наскоро треба да биде изведен пред обвинител во скопското обвинтелство и да ја каже својата врзија за двојното убиство. Кога ќе се случи тоа, обвинителите не откриваат, а од судот велат наскоро ќе има наредба од судија на претходна постапка за негово спроведување во однос на неговиот притвор. Палчо веќе втор ден е сместен во посебна ќелија во притворското одделение во Шутка и нема контакт со останатите притвореници поради безбедносни причини. Се однесувал ладнокрвно, не се жалел на никој и за ништо, а со себе ги носел работите кои што ги имал при бегството. Дури и храната која ја јаде поминува посебни протоколи. КАТЕГОРИИ UncategorizedВестиМакедонија Споделете ja веста...
ДСЗИ во понеделник ќе ја чешла работата на Токсикологија, „со еден потпис не е законски да се вработува кадар“
Алфа - пред 18 часа
HomeTопДСЗИ во понеделник ќе ја чешла работата на Токсикологија, „со еден потпис не е законски да се вработува кадар“Ања Лукаровамај 17, 2024 Министерството за здравство и Клиниката за Токсикологија работат незаконски, алармираат од Државниот здравствен и санитарен инспекторат. Од таму велат дека Клиниката не смее да вработува луѓе само со еден потпис. Но спротивно на законот, Бесија Иљази им дала решенија за работа на 18-те луѓе. Од нив 17 се етнички Албанци. Дел се административно –технички, но има и медицински кадар. Меѓу нив е и болничарот кој јавно призна дека прашал дали може да се врши замена на материјали за урина и наместо со наркотици, примерокот да биде чист. Медицинскиот директор Данил Петровски кој пред три дена го разреши министерот за здравство додека е на годишен одмор, и тоа е против законски велат од ДСЗИ. Според правилата, додека вработениот е на годишен одмор не смее да биде избркан. Здравствените инспектори после овие скандали, најавуваат дека следната недела повторно влегуваат на Токсикологија. “Следната недела ќе направиме вонредна контрола на Клиниката за Токсикологија. Организациската дирекорка Бесија Иљази не смее со еден потпис да им даде решенија за вработувања на овие 18 луѓе. А Mинистерството за здравство не смее да го разреши од директорска функција директорот Данил Петровски додека е на годишен одмор” велат од ДСЗИ, за Алфа. Ситуацијата на Клиниката за Токсикологија се “разгори” и со обвинувањата за еден од најстарите професори Нико Беќаровски.Тој од овие нововработени беше обвинет дека ги навредувал на етничка основа. Беќаровски остро демантираше и побара да се повлече објавата или да се извини министерот Демири за како што вели лажните обвинувања за него, кој му го нарушиле угледот. Професорот најави и тужби против сите лица потпишани на изјавата објавена преку министерството за здравство. И по 48 часа од министерот Демири нема никаков збор. Ниту се извини, ниту го повлече напишаното. Ања Лукарова КАТЕГОРИИ TопВестиМакедонија Споделете ja веста...
Врие на југот за Македонија – за Мицкоски човеково право, за Грција жестока провокација
Алфа - пред 19 часа
HomeTопВрие на југот за Македонија – за Мицкоски човеково право, за Грција жестока провокацијаАдријана Алексиескамај 17, 2024 “Провокација, жесток национализам, непочитување на Преспанскиот договор” – врие на југот за враќањето во усна употреба името Македонија. Грција лута и на претседателката и на извесниот мандатар Христијан Мицкоски. Закани за раскинување на Преспанскиот договор и коментари дека провоцирал оти рече „Ќе ја нарекувам мојата земја како што сакам“. Во Грција реагираат и власта и опозицијата. Нови предупредувања стигнаа од грчкиот министер за надворешни работи побара од Македонија и идната влада да го имплементирале целосно Договорот од Преспа и какво било прекршување не можело да се толерира. Уште еден министер во Владата на Мицотакис, оној за здравство – Адонис Георгиадис се закани дека ако лидерот на ВМРО-ДПМНЕ станел премиер и продолжел со ваквите изјави, нивниот премиер ќе го поништел Договорот од Преспа. Реагираше и опозициската СИРИЗА – сакале да го потсетат Христијан Мицкоски да го почитувал меѓународното право. За упатените, овие реакции од Грција се очекувани, бидејќи соседите долго време биле навикнати, официјалните лица во Македонија да ја наведнат главата, да замолчат и само слепо да спроведуваат. Прераната и изнасилена употреба на придавката „Северна“ и во моменти кога била непотребна, ја навикна Грција на слепата послушност. Сега, според експертите конечно Македонија покажала цврст став, и воопшто не го прекршува договорот од Нивици. Редно време беше да покажеме дека имаме свое јас,бидејќи до сега Македонија имаше предавничка и капитулантска политика. Не е прекршен Договорот од Преспа бидејќи и таму е наведено дека може да се употребува „Македонија“ и придавката „македонски“. Ова се должи на досегашната политика бидејќи ги навикнавме да попуштаме. Клучно во сето ова е што тие кои се повикуваат на Меѓународните договори, не ги почитуваат. Сега реагираат, во време кога наводно биле загрозени некои нивни интереси. Оваа ситуација е резултат на нашето недолично однесување сите овие години – вели поранешниот амбасадор Ристо Никовски. Не само што Македонија не го прекршува Преспанскиот договор, туку има спроведено и повеќе од тоа што требаше во текот на изминатите години, додека пак Грција, нема речиси ништо – го коментира Никовски односот Скопје-Атина во поглед на преземените обврски на двете земји. По стапките на Силјановска Давкова, и Христијан Мицкоски цврсто стои на употребата на „Македонија“. И покрај тензиите околу Договоротсо Грција, лидерот на ВМРО-ДПМНЕ се залага за меѓусебна соработка и економски врски. Најави дека во скоро време очекува средба со грчкиот премиер Кирјакос Мицотакис. Во врска со името на земјава, Мицкоски рече дека во комуникацијата во институциите и меѓу институциите ќе се користи уставното име но како тој ќе ја нарекува државата е негово човеково право и ги повика Грците кои се жалат на прекршување на Преспанскиот договор, да одат до Меѓународниот суд. КАТЕГОРИИ TопВестиМакедонија Споделете ja веста...
Нова Космо продавница во Ист Гејт: Голем број акции до 19-ти мај
Алфа - пред 1 ден
HomeTопНова Космо продавница во Ист Гејт: Голем број акции до 19-ти мајМатеја Петровскимај 16, 2024 Денес, 15-ти мај, се отворија вратите на Cosmo продавницата на нова локација вотрговскиот центар East Gate Mall. Со изразена смисла за стил и елеганција, новата продавница ви нуди уникатно и префинето место за убавина. Очекувајте го вашето омилено место со широк асортиман од преку 10 000 производи од светски познати брендови, вклучувајќи ги омилените брендови на парфеми, како: Rabanne, Versace, Givenchy, Carolina Herrera, Jean Paul Gaultier, Hugo Boss, Gucci, Calvin Klein, Burberry, Elie Saab, Moschino, Dsquared2, Ferragamo, Philip Plein, Michael Kors, Narciso Rodriguez, Mont Blanc, Jimmy Choo, Nina Ricci, Kenzo, Rochas, Zadig & Voltaire, Guerlain, Pepe Jeans и Karl Lagerfeld, селективна и декоративна козметика, меѓу кои: Estee Lauder, Shiseido, Saint Laurent, Clinique, Shiseido, Payot, Elemis, Lancome, Max Factor, Bourjois, Artdeco, Make Up Factory, L’oreal, Pierre Cardin, Maybelline, Catrice, Deborah Milano, Seventeen, Essence, Bell и Aura како и високо селективни Niche брендови, како: Tiziana Terenzi, V Canto, Xjeroff, илиRoja,Casamorati,Bond,Juliette has a Gun,Montale,Mancera,Atkinsons, Atelier des Ors, The House of Our, Cherigan, Les Bains Guerbois, Olfactive Studio, Moncler,Van Cleef&Arpels, Fragrance du Bois, Dr. Vranjes, Tom Ford, Trussardi, Costume National, Ramos Monegal, Etro и Acqua di Parma. По повод отворање на Cosmo на нова локација во East Gate Mall подготвени се многу акции кои важат од 15.05 до 19.05.2024 година. Не ја пропуштајте можноста да ја посетите новата продавница и да уживате вонајдоброто што го нуди во светот на убавината. КАТЕГОРИИ TопВестиМакедонијаПрилози Споделете ja веста...
Економската директорка Иљази наспроти укажувањата на ДСЗИ вработила 18 лица со истечени договори
Алфа - пред 1 ден
HomeTопЕкономската директорка Иљази наспроти укажувањата на ДСЗИ вработила 18 лица со истечени договориАња Лукаровамај 16, 2024 Хаосот продолжува на Клиниката за токсикологија.Орагнизациската директорка Бесија Иљази ставила потпис за враќање на 18-те луѓе кои работеа со договор на дело до крајот на 2023 година. Тие денеска се појавиле на работа. Министерот за здравство Илир Демири повторно во одбрана на Иљази. Меѓу вработените е болничарот кој јавно пред камера призна дека побарал „услуга“ од лаборантот која не му била завршена, а тоа е да замени резултат од урина во која имало наркотици со чиста урина. На списокот на вработени има и тројца кои се со несоодветно образование. Примени се петмина административци. Една од примените медицински сестри е во блиска релација со вработен во Клиниката. Токсиколиогија веќе неколку недели е во центарот на вниманието со бројни скандали и неправди, врз дел од вработените. Еден од најстарите професори на Клиниката, Нико Беќаровски беше директно обвинет од страна на Министерството за здравство за наводни тврдења на дел од вработените кои сега имаат продолжен договор, дека професорот им се заканувал и ги навредувал на етничка основа. Беќаровски негира и најави тужби.А во негова одбрана застанаа колегите доктори и речиси целиот персонал. Тој се обрати и лично до министерот Демири и побара да се огради од објавата. Министерот пред два дена го разреши само медицинскиот директор Петровски, но ја остави организациската директорка Бесија Иљази која на единствената прес конференција не зборуваше македонски и понатаму да директорува, иако стручниот колегиум и најголем дел од вработените алармираа дека таа со нејзиното однесување е виновна за хаосот на Клиниката. Ања Лукарова КАТЕГОРИИ TопВестиМакедонија Споделете ja веста...
Летна наградна авантура со Веро, 400.000 денари за најсреќниот купувач
Алфа - пред 1 ден
HomeTопЛетна наградна авантура со Веро, 400.000 денари за најсреќниот купувачАња Лукаровамај 16, 2024 Почнува голема летна авантура во Веро во која најсреќниот купувач ќе освои многу вредна награда – паричен ваучер од 400.000 денари. Наградната игра „Ура за летна авантура“ трае од 15 мај до 28 јуни и е наменета за сите купувачи во Веро маркетите кои ќе направат сметка од над 350 денари од означените промотивни производи. Секоја таква сметка носи по еден купон со кој се стекнува право на учество во наградната игра. Купоните треба да се пополнат со лични податоци и да се остават во означените кутии кои се поставени во сите Веро маркети. Во рамки на наградната игра, секоја сабота од пристигнатите купони ќе се извлекуваат добитници на вредносни ваучери. Вкупно ќе бидат доделени 138 ваучери во вредност од 3.000, 5.000, 10.000, 15.000 и 30.000 денари. Сите извлекувања ќе се одржуваат јавно во Веро центар, секоја сабота од 12 часот. Извлекувањето на главната награда е закажано за 29 јуни, кога од сите пристигнати купони во наградната игра ќе се извлече името на најсреќниот купувач, добитник на вредносниот ваучер од 400.000 денари за пазарување во Веро маркетите. Имињата на среќните добитници ќе се објавуваат тековно на профилите на социјалните мрежи на Веро маркети, а информации за добитниците може да се добијат и во самите маркети. Сите добитници задолжително треба да ја чуваат фискалната сметка со која учествувале во наградната игра бидејќи во спротивно, нема да можат да ја подигнат наградата. Веро им посакува среќа на сите учесници во наградната игра. Ура за летна авантура! КАТЕГОРИИ TопЖивотЗабавниЗанимливостиМагазинМакедонија Споделете ja веста...
АЛФА ЕКСКЛУЗИВНО: ВМРО-ДПМНЕ и „Вреди“ преговараат со четворица пратеници на „Европскиот фронт“ на ДУИ
Алфа - пред 1 ден
HomeTопАЛФА ЕКСКЛУЗИВНО: ВМРО-ДПМНЕ и „Вреди“ преговараат со четворица пратеници на „Европскиот фронт“ на ДУИМатеја Петровскимај 16, 2024 ВМРО-ДПМНЕ и „Вреди“ преговараат со четири пратеници од коалицијата на ДУИ, да преминат на нивна страна, открива за Алфа првиот човек на Демократско движење, Изет Меџити. Трансферот би требало да се случи уште пред формирањето на новата Влада, а потоа според него, можно и други пратеници од Европскиот фронт да се приклучат кон новата власт. -Има информации дека четворица други од Европскиот фронт веќе преговараат, некои со нас, некои со другата коалиција, така да може да паднат и на 13, пред формирање на Владата. По формирање на Владата може да се преполови бројката пак во Европскиот фронт, бидејќи тие не се идеолошки поврзани, немаат ништо заедничко, изјави Меџити. Можноста за преминување на пратеници од Европскиот фронт на другата страна е и повеќе од логична, бидејќи од 19-те пратеници кои засега ги има коалицијата на ДУИ, дури девет се од други партии. Договорот за формирање Влада меѓу ВМРО-ДПМНЕ и коалицијата „Вреди“ е се поблиску. Меџити вели дека во моментов се договораат темелните вредности на кои ќе работи новата Влада, а за поделбата на ресорите ќе се зборува подоцна. -И коалицијата „Влен“ и коалицијата која што ја предводи ВМРО-ДПМНЕ, во принцип ги делат истите вредности, истите принципи за новата Влада, борба против корупцијата, враќање на правната држава. Фокусот ќе биде на економскиот развој и животниот на граѓаните, изјави Меџити. Коалицијата „Вреди“ сега ретерира – нема да инстира на уставни измени по секоја цена како што најавуваше пред изборите. Изет Меџити вели дека ќе се внимава на чувствата на Македонците и ќе се бараат гаранции од Европската Унија за сигурна интеграција на Македонија. -Измените зависат првично од поголемата заедница, т.е. од Македонците во оваа држава. Ние во ниеден случај не сакаме да се чувствуваат загрозени, оставени сами на себе. Напротив, сакаме заедно да најдеме заеднички пат кон интеграција, која што е единствена аспирација за сите граѓани на државата, изјави Меџити. Во моментов коалицијата предводена од ВМРО-ДПМНЕ има 58, а „Вреди“ има 13. Бројките може да се зголемат за два пратеника со прегласувањето но и за уште најмалку 4 со евентуалното преминување од коалициите предводени од ДУИ но и СДСМ. Матеја Петровски КАТЕГОРИИ TопВестиМакедонијаПрилози Споделете ja веста...
На прагот сме на граѓанска војна – предупреди словачкиот министер за внатрешни работи по атентатот врз Фицо
Алфа - пред 1 ден
HomeTопНа прагот сме на граѓанска војна – предупреди словачкиот министер за внатрешни работи по атентатот врз ФицоТВ АЛФАмај 16, 2024 „Престанете да ширите омраза и поделби, на прагот на граѓанска војна сме“, предупреди словачкиот министер за внатрешни работи, Матуш Шутај Ешток откако премиерот Роберт Фицо преживеа атентат. Ова следи по бројните меѓусебни обвинувања на политичари и партии за тоа, по чија вина е атентатот, а со тоа расте тензијата во оваа централно-европска држава. Граѓаните пред болницата „Банска Бистрица“, каде се лекува премиерот, велат дека ова е ужасно, бидејќи едно е некој да фрли јајце или домат по политичар, а друго е да го застрела. „Нема потреба да се прават такви работи. Слободно фрлете му домат или јајце или карајте го дека „ти си крадец или убиец“. Но, не доаѓај со пиштол и пукај. Жал ми е што такви работи се случуваат во Словачка, револтирана сум поради тоа и секако се плашам дека таквите напади ќе се повторат. Ова е ужасно, такви сурови работи не треба да се случуваат во овој век.“ – Порачаа минувачите. По настанот кој ја потресе нацијата, тамошната јавност е дополнително поларизирана и поделена, а државните функкционери постојано повикуваат за крај на говорот на омраза и воздражност на новинарите и политичките актери. „Да излеземе од маѓепсаниот круг на омраза и меѓусебни обвинувања. Тоа што се случи вчера беше индивидуален чин, но тензичната атмосфера на омраза беше наша колективна работа.“ – Порача Претседателката на Словачка, Сузана Чапатова. Хирурзите со часови се обидуваа да му го спасат животот на 59 годишниот словачки премиер Роберт Фицо. Министерот за одбрана и заменик премиер, пред болницата изјави дека здравствената состојба засега му е стабилна. „Во текот на ноќта лекарите успеаја да ја стабилизираат состојбата на пациентот. За жал состојбата се уште е многу сериозна бидејќи повредите се комплицирани. – Изјави министерот за одбрана и заменик премиер на Словачка, Роберт Калинак. Премиерот Фицо беше неколкупати застрелан за време на средба со граѓани.Напаѓачот е 71-годишниот Јурај Чинтула, писател и основач на литературен клуб. Мотивот му бил политички, вели дека не се согласувал со политиката на владата против слободата на медиумите. Тој во моментов се соочува со 25 годиншна или доживотна казна затвор. Тамошните медиуми го поврзуваат со про-руски организации, додека пак словачката опозицијата целосно се огради од него. Никола Цветкоски КАТЕГОРИИ TопВестиПрилозиСвет Споделете ja веста...
Германските компании со список на желеби за новата македонска Влада – Да се подобри бизнис климата
Алфа - пред 1 ден
HomeTопГерманските компании со список на желеби за новата македонска Влада – Да се подобри бизнис климатаКристина Алексиескамај 16, 2024 Одливот на квалификуван кадар, корупцијата, нефукнционалната администрација се главните ризици за германските инвеститори во Македонија. 31 отсто од нив не би инвестирале повторно, додека 69 отсто би го сториле тоа. Анкетата за деловната клима на делегацијата на германското стопанство во Македонија покажува дека државата е оценета под просекот во одредени области како борбата против корупцијата, правната сигурност и ефикасноста на јавната администрација. Голем предизвик за компаниите е и трошокот за персонал, односно краткото време за прилагодување на промената на висина на платите. Германските инвеститори доставија и таканаречен список на желби до новата Влада. Споредено со претходната година само 6 отсто од анкетираните компании ги оценуваат економските перспективи за годинава како подобри, а 37 отсто како полоши. 57 проценти од анкетираните ги сметаат како задоволителни. Оние кои не би се вратиле во Македонија да инвестираат е заради што би одбрале друга држава .Се поатрактивна станува Северна Африка. За оние кои остануваат тука најголемиот проблем е демографската слика – во Македонија нема кој да работи Во Македонија има повеќе од 200 германски компании кои вработуваат повеќе од 20 илјади вработени. Германија е најголемиот трговски партнер на Македонија, според Државната статистика лани размената надминала 4.8 милијарди евра, извозот бил три пати поголем од увозот и достигнал 3.6 милијарди евра. КАТЕГОРИИ TопВестиЕкономијаМакедонијаПрилози Споделете ja веста...
Аналитичари: Поцврст став и проактивна дипломатија ги штитат државните интереси и вистински ги решаваат проблемите
Алфа - пред 1 ден
HomeВестиМакедонијаАналитичари: Поцврст став и проактивна дипломатија ги штитат државните интереси и вистински ги решаваат проблемитеАдријана Алексиескамај 16, 2024 Еден неизговорен збор од претседателката Силјановска Давкова го разбуди од зимски сон грчкиот премиер Мицотакис, а предизвика реакции и кај грчката опозиција. Ако до сега соседите беа навикнати на сервилна дипломатија и прифаќање на секакви услови, уцени и навреди, еден поразличен став на шефицата на државава ја затресе политичката сцена во Грција. Меморандумите за Македонија се најновата причина за недоразбирање меѓу власта и опозицијата кај јужниот сосед. Откако опозициската Сириза поднесе барање за ратификација на меморандумите, кои неколку години чекаа да влезат во процедура во Парламентот, грчкиот премиер Мицотакис со ултиматум – ќе ги прифателе кога македонската страна ќе го почитувала Преспанскиот договор. Според упатените, последните случувања во Грција се знак дека во Македонија зема замав една проактивна дипломатија која ќе ги штити интересите на државата. Oчигледно дека доаѓа време на една проактивна дипломатија, претседателката покажа еден поинакoв однос не само по името на државата туку и односот кон Меѓународната заедница, од она со години го трпиме со дипломатија која беше сервилна и полтронска исполнувајќи си сите желби на меѓународната заедница не доведе до оваа ситуација да треба да го смениме односот и да покажеме дека имаме дипломатија која ќе биде проактивна и поагресивна и во промоција на заборвените националните интереси, вели универзитетскиот професор Звонимир Јанкуловски. За Јанкуловски, не е за изненадување овој став на претседателката бидејќи како човек кој доаѓа од академската фела, секогаш ги бранела националните интереси. Гледате каква е реакцијата во меѓународната заедница во дипломатијата се мерат сите тие чекори како ќе се однесува претседателката се работи за човек кој доаѓа од академска фела со личен став за одрдени прашањеа не напуштајќи го наицоналниот интерес посебно поради тоа што ја поддржаа толку многу луѓе и затоа таа треба да го чува интересот на сите тие луѓе, додава Јанкуловски. Грчкиот премиер вели оти предупредил дека секое отстапување од Договроот од Преспа би имало сериозни последици. Инаку трите меморандуми кои произлегоа од Договорот од Преспа и се потпишани од грчкото МНР и МО уште во 2019 година, останаа да се ратификуваат во грчкиот парламент и потоа да се спроведат: Меморандум за забрзување на процесот на интеграција на Македонија во ЕУ, Меморандум за формирање на Координативен комитет за економска соработка и Техничка спогодба за надгледување на небото. СИРИЗА вчера најави дека разгледуваат можностите за поднесување на овие три меморандуми и веројатно тоа ќе биде во форма на законска иницијатива. Тие претходно обвинија деа Мицотакис избегнува да ги донесе во парламентот од внатрепартиски причини и за да ја одржи рамнотежата во самата Влада“. КАТЕГОРИИ TопВестиМакедонија Споделете ja веста...
Љупчо Палевски – Палчо ја помина првата ноќ во затворот во Шутка
Алфа - пред 1 ден
HomeМакедонијаЉупчо Палевски – Палчо ја помина првата ноќ во затворот во ШуткаТВ АЛФАмај 16, 2024 Одделна ќелија до која се доаѓа преку посебен ходник, посебна храна, немање контакт со други притвореници. Ова се само дел од мерките кои управата на Казнено поправната установа затвор Скопје ги презеде откако вчера од Турција во Македонија беше екстрадиран осомничениот убиец Љупчо Палевски – Палчо. Целта е да се обезбеди максимална безбедност за време на неговиот 30-дневен притвор во овој затвор, велат од управата за затворот. Зголемено е и затворско обезбедување кое го надгледува секое негово движење а видео надзорот се спроведува со неколку камери. Палевски пристигна на аеродромот во скопје со редовниот лет од истанбул, под посебни протоколи и во тајност, одвоен од другите патници, со посебно организирано обезбедување од турската полиција. Веднаш по слетувањето со полициска придружба тој директно беше пренесен во Шутка, каде му стапи на сила мерката 30-дневен притвор. Како што е познато, кривичниот суд му ја определи оваа мерка како прво-обвинет за свирепото убиство на 14 годишната Вања Ѓорчевска и велешанецот Панче Жежовски, монструозен чин кој ја шокираше македонската, но и балканската јавност. Палевски е обвинет за две тешки кривични дела: „киднапирање„ и „брутално убиство„. Откако беше идентификуван како главен организатор на киднапирањето и извршител на убиството, Палевски избега од Македонија во Србија, па оттаму преку Бугарија, во Турција, каде и беше уапсен во декмври минатата година. За истите дела како негови соучесници во притвор веќе се наоѓаат и Велибор Манев, Влатко Кешишов и Боре Видевски, додека таткото на Вања, Александар Ѓорчевски, минатиот месец со одлука на врховниот суд, од затворот во Шутка беше пренесен во домашен притвор. КАТЕГОРИИ TопМакедонијаХроника Споделете ja веста...
Словачкиот премиер Фицо веќе не е во животна опасност по вчерашниот атентат
Алфа - пред 1 ден
HomeTопСловачкиот премиер Фицо веќе не е во животна опасност по вчерашниот атентатТВ АЛФАмај 16, 2024 Словачкиот премиер Роберт Фицо веќе не е во животна опасност откако вчера беше застрелан неколкупати во обид за атентат, изјави вицепремиерот Томаш Тараба. „ Операцијата помина добро и се очекува на крајот Фицо да преживее“, изјави Тараба. Фицо го оперираа неколку часа по пукањето во малиот град Хандлова и дека тој се бори за живот. Министерот за внатрешни работи Матуш Шутај-Ешток го опиша нападот како политички мотивиран и ги обвини медиумите и социјалните мрежи за ширење говор на омраза, што довело до атентатот.„Премиерот беше застрелан одблиску. Еден куршум му поминал низ стомакот, а вториот погодил зглоб“, кажа Тараба.Напаѓачот е познатиот словачки писател Јурај Цинтула, кој тврди дека пукал во Фицо бидејќи не се согласувал со политиката на владата. Според словачките медиуми, Цинтула легално го поседува пиштолот со кој пукал во Фицо. Цинтула живее во градот Левице, а е еден од основачите на литературниот клуб „Дух“, во кој е активен од 2005 година. Фицо се врати на власт по изборите во септември. Ова е неговиот четврти премиерски мандат досега. КАТЕГОРИИ TопСвет Споделете ja веста...
Реорганизација на ресорите во новата Влада – се најавуваат две нови министерства
Алфа - пред 2 дена
HomeUncategorizedРеорганизација на ресорите во новата Влада – се најавуваат две нови министерстваВикторија Митковамај 15, 2024 Две нови министерства – за енергетика рударство и минерални суровини и за спорт најавува ВМРО-ДПМНЕ како идна владејачка партија најавува. Енергетика и рударство го воведуваат бидејќи досега тоа бил еден сектор во Министерството за економија кое многу слабо ја вршел работата. Планот е и досегашната Агенција за млади и спорт да биде трансформирана во Министерство за спорт, а секторот млади да влезе во Социјална политика, демографија и млади. Ресорот труд да влезе во Министерство за економија и труд, а оттаму да се издвои туризмот и да биде дел од Министерството за култура. „Политиките кои се однесуваат на енергетиката се спорадични, ад хок, без системски решенија, и заради тоа сметавме дека производството на квалитетна електрична енергија, со која ќе направиме енергетски стабилна држава, но и грижата за животната средина и за климата, треба да бидат усредоточени во едно министерство кое што целиот фокус ќе го има на енергетиката. Што ги извлекуваме секторите од Министерството за економија и дополнително ова министерство ќе има надлежност над сите јавни претпријатија за енергетика “ вели Стефан Андоновски – Дополнителен – заменик министер за МИОА За реализација на плановите на ВМРО-ДПМНЕ ќе му биде потребно двотретинско мнозинство во Парламентот. Дополнителниот –заменик министер Андоновски, посочува дека станува збор за национален проект, а не на една политичка партија па оттука очекува сите политички страни да се вклучат во носење на законските измени. „Прв закон кој што треба да се менува и е 2/3 закон е законот за организација и работа на државната управа. Јас кажувам дека тоа треба да е национален проект, не може да биде проект на една политичка партија. И затоа начинот на кој ќе се носи во Собрание нема да биде едностран. Ние како предлагачи, бидејќи се од нашата програма, можеме да изработиме една драфт верзија…“ посочува Андоновски. Идејата на ВМРО-ДПМНЕ е да не се зголемува бројот на вработените, но ќе има реорганизација се со цел новите институции да бидат пофлексибилни и максимално да им служат на граѓаните. „Знаете во моментов, има отприлика 10-тина иституции кои што се занимаваат со управување на некакви спортски објекти и овие вработени секако можат да бидат преземени во новото Министерство за спорт, како што ќе бидат и јавните претпријатија под една капа на Министерството. Сличен е и случајот за енергетиката. Јас повеќе би рекол не е проблем превработеноста како таква, туку превработеноста на едни, а дифицитарноста на други места “ вели Андоновски. ВМРО-ДПМНЕ во програмата 1198, објави дека има во план намалување од 10% бројот на јавни институции, се предвидува укинување на позицијата заменик директор, како и намалување на управните и надзорни одбори и бројот на учесници во нив, за да се намали бесполезното трошење на народни пари. https://youtu.be/A7b_jlaiARE КАТЕГОРИИ UncategorizedЕкономијаМакедонија Споделете ja веста...
Во Македонија има повеќе бранители на „Северна„ отколку што има во Грција
Алфа - пред 2 дена
HomeВестиМакедонијаВо Македонија има повеќе бранители на „Северна„ отколку што има во ГрцијаНикола Цветкоскимај 15, 2024 Во Македонија никнаа повеќе бранители на терминот „Северна“, а се очекуваше многу повеќе да „скокнат“ во Грција. По инаугурацијата на претседателката Гордана Сиљановска Давкова, таканаречени политички аналитичари и коментатори, блиски до власта, па и провладини новинари, отидоа дотаму што дури и повикуваат на казни за оние кои се против „Северна“. Оркестрирано „удрија“ со жестока дезинформативна кампања, ширење лажни вести, па дури и повици до САД и Брисел да ја санкционираат претседателката, бидејќи не ја изговорила кованицата. Новинарот кој не ја крие својата близина кон СДСМ, Зоран Иванов, јавно ги повика Вашингтон и Брисел со насилие да и се спротистават на претседателката Давкова. „…како почна, како инагуративно се промовираше, ако вака предзборно продолжи, ако Калето и Брисел бргу не и’ мавнат по две три заушки во стилот професорке доста беше фолирање…“ – Објави новинарот Зоран Иванов. Освен како прва жена претседателка на Северна Макеоднија, Гордана Силјановска Давкова ќе биде запаметена и како прва на оваа функција којашто уште првиот ден постапи спротивно на Уставот на државата. Професорка по уставно право. – Напиша новинарот Зоран Бојаровски. Реториката на провладините новинари ја продолжија и ред ботови и скриени профили на социјалните мрежи, со повици за санкции. „Секој што работи пртив Преспанскиот договор оди на црна листа на САД. Амбасадорке @USAmbNMacedonia сега е време да докажете дали се тоа празни зборови или Силљановска ќе лета на црна листа.“ – Пишува скриен профил на Твитер. Новинарот Бранко Геровски вели дека домашните медиумите и аналитичарите блиски до СДСМ, мора да се помират со фактот дека во Македонија дојде до промена на водењето на надворешната политика, а ако тоа не можат да го прифатат, помалку саркастично вели им останува уште на митинзи за поддршка на „Северна“ да излезат. „Сега можеби треба да очекуваме еден сенароден митинг, во кој поддржувачите на екстензивнита употреба на придавката „Северна“. Можеби ќе има транспаренти „Само северна“. Тие мора да го прифатат ноторниот факт или да го докажат спротивното, дека претседателката Гордана Силјановска-Давкова не го прекрши преспанскиот договор.“ – Изјави новинарот Бранко Геровски. Тој додава дека вакви повици за санкции и барања користење на кованици „Северна“, нема да престане додека поддржувачите на СДСМ не ја прифатат новата реалност. Пропагандата отиде дотаму, што некои и со лажни вести се обидоа да ја манипулираат јавноста. „Се враќаме денеска од плажа (на втор крак) и колата ја најдовме ваква… Кој и зошто ги напиздил Грците, до вчера беа многу љубезни?“ – Се споделуваше на Твитер. Со само кратко интернет пребарување, помже лесно да се докаже дека оваа слика, објавена од скриен профил на Твитер, е невистинита, односно дека доаѓа од веб страна за сервисирање на автомобили. Никола Цветкоски КАТЕГОРИИ TопВестиМакедонијаПрилози Споделете ja веста...
Почна Самитот „Македонија 2025“
Алфа - пред 2 дена
HomeTопПочна Самитот „Македонија 2025“Љубиша Владимировмај 15, 2024 Само преку странски инвестиции, иновации и нови технологии, Македонија може да постигне раст од најмалку пет проценти кои реално би ја подобрил состојбата на економијата и стандардот на граѓаните. Никица Мојсовска Блажевски рече дека потребна е интезивна и темелна акција во наредниот период и дека Македонија досега слабо напредувала во поглед на економските реформи и битката против корупцијата. „Значи ние државата ја гледаме како партнер, меѓутоа ние како организација сакаме да покажеме наш успех и да почнеме да работиме на тој пат на дигитализација, која што ја разбираме многу широко. Дигитализација за владини услуги за граѓани, дигитализација на владини услуги за компании, дигитална писменост на граѓаните и дигитални бизниси. Почнуваме да работиме во областа на дигитализација на бизниси, меѓутоа исто така ќе најавиме партнерство со неколку организации, ќе најавиме и големо партнерство со Стопанската комора на Македонија, а се надевам и со владата, заедно да им помогнеме на бизнисите да се трансформираат дигитално“, рече Никица Мојсовска Блажевски – извршен директор на Македонија 2025 Долгата транзиција и отсуството на значаен напредок ги попречуваат исто така способноста на претприемачите да размислуваат долгорочно. Сегашните геополитички случувања исто така дополнително ги усложнуваат и создаваат неизвесност на целокупното окружување и не оставале многу простор за реформи. „Темите кои се за нас важни од аспект на бизнис заедници и од аспект на тоа како државата да оди напред, веќе отпочнаа и на првите панели. Тоа се меритократијата, борбата против корупцијата, тоа е потребата за една инфраструктура, која ќе не направи како држава конкурентни во однос на она што е соседни земји и каде оди Европа и светот. Тука е како извозот да порасне, како до образовниот систем биде подобар“, рече Живко Мукаетов генерален директор на „Алкалоид“. „Македонија 2025“ го одржува 13-от самит во Скопје. Непрофитната организација беше формирана пред 17 години со цел Македонија до 2025 година да стане развиена земја, членка на евроатлантските интеграции, односно на НАТО и ЕУ. Љубиша Владимиров КАТЕГОРИИ TопВестиЕкономијаМакедонијаПрилози Споделете ja веста...
ДУИ како да исчезна: Али Ахмети во страв да не остане со само 10 пратеници?!
Алфа - пред 2 дена
HomeTопДУИ како да исчезна: Али Ахмети во страв да не остане со само 10 пратеници?!Матеја Петровскимај 15, 2024 ДУИ како да исчезна по изборите. Алфа неофицијални дознава дека интегративците се зафатени со внатрепартиски проблеми и обид да ги задржат сите 19 пратеници кои ги доби коалицијата „Европски форнт“. Според познавачите ваквата ситуација е очекувана, бидејќи се појасно е дека ДУИ заминува во опозиција, што целосно може да ја промени состојбата како во коалицијата, така и внатре во партијата. -Реално во ДУИ можно е во овие денови откако ќе преминат во опозиција да има внатрепартиски превирања, бидејќи не можат да се помират и не очекуваат да бидат опозоција и покрај тоа што според нив победија во албанскиот блок. Албанската опозиција е гладна за власт, ДУИ се испијанија од власт и мислам дека ќе им биде добро ако останат во опозиција и да се реформираат, ќе биде добро за нив и за државата, изјави Џенур Исени. Новинарот Џенур Исени смета дека кај Али Ахмети постои и страв дека неговата коалиција ќе биде ослабена во наредниот период односно дека дел од пратениците од другите партии ќе преминат на страна на власта. Од 19-те пратеници кои засега ги има Европскиот фронт, дури не се од ДУИ. -Можно е после изборите кога ќе преминат во опозиција кога ќе преминат во опозиција и се шпекулира во партиските кулоари дека некои коалициони партнери од помалите заедници можат да побегнат, односно да се трансферираат кај партијата на Мицкоски. Сеедно ќе му биде на Мицкоски дали ќе им се придружат некои пратеници од ДУИ или не, но тоа е проблем за ДУИ, не е за Мицкоски, изјави Исени. Последниве денови реториката на ДУИ и европскиот фронт е жалење поради одлуката на ДИК да се прегласува на седум избирачки места, за што на Фејсбук пишува и Бујар Османи, во објава дека имал средба со амбасадори. -Се сретнав со амбасадорите на САД, Германија, Обединетото Кралство и Холандија. Изразив загриженост за компромитирање на изборниот процес со самоволните одлуки на Државната изборна комисија (ДИК) со цел да се украде изборната волја со правење политички инженеринг со одлуките за прегласување, напиша Османи. Алфа запраша неколкумина од пратениците од коалиционите партнери, дали планираат во Собранието да продолжат заедно со ДУИ или можеби како независни. Одговори добивме од Бејџан Илјаз и Сали Мурати, кои велат дека остануваат дел од Европскиот фронт и не размислуваат за независен настап во Собранието. Матеја Петровски КАТЕГОРИИ TопВестиМакедонијаПрилози Споделете ja веста...
Министерот за администразација организирал „гезме“ работилница со државни пари во семејна кафеана
Алфа - пред 2 дена
HomeUncategorizedМинистерот за администразација организирал „гезме“ работилница со државни пари во семејна кафеанаВикторија Митковамај 15, 2024 За работилница долга 18 минути министерот за информатичко општество, Наим Бајрами во 10 наутро потрошил цели 48 илјади и 500 денари или околу 800 евра. И не било каде, туку во фамилијарен ресторан сместен во главниот град. На средбата закажана за 10 часот, за помалку од 20 минути присустните нарачале дури 60 кафиња, над 100 сокови, телешки чорби и ордевери. Се јадело и салата со морски плодови. ПОКАНА: До вас, на ден 27ри Март 2024 година за учество во работилница која ќе биде одржана во салата на правното лице Унистил Скопје, со почеток од 10:00 часот која е планирано да трае во периодот до 28.03.2024 година. „ЕСПРЕСО 60*70ДЕНАРИ = 4.200 КОКА КОЛА 40*80 ДЕНАРИ = 3.200 ПРШУТА ПОРЦИЈА 30*350=10.500 ЧОРБА ТЕЛЕШКА 40*150=6.000 РОСА 330 МЛ 40*70=2.800 СОК НЕГАЗИРАН 200 МЛ 44*100=4.400 САЛАТА СО МОРСКИ ПЛОДОВИ 30*100=3.000“ Бајрами тврди дека нема ништо спорно во изборот на ресторанот и дека се било во интерес на средбата која што била закажана. За подетални информации не упати да побараме од неговиот кабинет. И службите во министерскиот кабинет, не дадоа конкретен одговор како за толку кратко време била направена сметката и зошто токму овој ресторан бил избран. Велат дека бројот на присутни гости не можеле да го предвидат, а за секоја средба имало одреден лимит кој не можело да се надмине. „Се предлага се прифаќа или не се прифаќа местото. А за 18 минути порано или подоцна, не можам да ви го разберам прашањето, бидејќи вообичаено за таков вид на активности имаме одобрени лимити како вредност, бидејќи не знаеме колку од повиканите гости ќе пристигнат, нема да пристигнат, ниту да се прекорачи, ниту да се скрати било што од замислената организација “посочува Александар Дракулевски – Советник во Кабинет на министерот на МИОА. Работилницата од Министерството била закажана на 27-ми март, во 10 часот во посочениот ресторан, а фактурата издадена 18 минути подоцна. Темата на која се дискутирало била унапредување на работните процеси согласно реформата за државната администрација. КАТЕГОРИИ UncategorizedМакедонија Споделете ja веста...
„ИЗДРИЗОВО„ дефинитно се претвори во „Див Запад“: Запален службениот автомобил на директорот
Алфа - пред 2 дена
HomeTоп„ИЗДРИЗОВО„ дефинитно се претвори во „Див Запад“: Запален службениот автомобил на директоротПаула Костадиноскамај 15, 2024 Продолжува хаосот во затворот Идризово. Синоќа му го запалија службеното возило на директорот на затворот Идризово Зоран Јовановски на паркинг во Кисела Вода зад економското училиште. Засега не се знаат мотивите, ниту дали директорот имал закани од некого и некакви информации за пожарот. Тој одбива да даде коментар за пожарот пред неговата зграда. Од МВР излегоа со штури информации. Велат дека се работи на расчистување на случајот.Немаме нови информации. Екипи на МВР направија увид и работат на расветлување на случајот. Засега нема да споделуваме информации што точно се презема, но доколку има нешто ново коешто може да се сподели со јавноста, ќе информираме, велат од МВР. Засега полицијата знае само дека синоќа три часа после полноќ било запалено службеното возило на директорт Јовановски кој го паркирал пред својот дом. Во пожарот бил зафатен и дел од фасадата на зградата и алат на балконите од долните катови. Пожарот бил изгаснат од екипа на Противпожарната бригада на Скопје и нема повредени. Не е првпат да се опожаруваат возила на вработени во Идризово. Ланската година повеќе од 40 командири и чувари од Идризово си заминале поради закани и уцени и заплажувања со опожарувања на возила. Алфа неодамна објави дека во најголемиот затвор во државата има дефицит на кадар бидејќи вработените си заминуваат незадоволни од условите за работа. Дел од нив тврдат дека никој не ги заштитувал, а постојано се соочувале со закани по живот. Минатиот месец, седумнаесет припадници на затворската полиција се уапсени во голема полициска акција на Обвинителството за гонење организиран криминал и корупција.Шестмина од нив се во притвор, а останатите останаа без пасоши. За хаосот во Идризово сведочат и двата тунели за бегство коишто беа за време на редовна контрола во затворот. Вториот тунел беше откриен пред повеќе од еден месец при претрес на обвинителството за други кривични дела. Најверојатно, во Идризово се спремало и големо бегство како во сценариото на филмот бегството во Шошенк. Властите најавија дека тунелите ќе бидат бетонирани. Повеќе од една година Обвинителството и МВР истражуваат кој стои зад копањето и дали се изведувало со знаење на затворскиот персонал. Засега нема информации до каде е истрагата за тунелите. КАТЕГОРИИ TопВестиМакедонијаПрилозиХроника Споделете ja веста...
Заклетвата без „Северна„ е добар дипломатски потег со кој Македонија после 7 години влезе во офанзива
Алфа - пред 2 дена
HomeTопЗаклетвата без „Северна„ е добар дипломатски потег со кој Македонија после 7 години влезе во офанзиваАдријана Алексиескамај 15, 2024 Прв пат после долго време Македонија наместо во дефанзива е во офанзива. Меѓународната заедница седум години беше навикната на попустливост, веднење на главата, молк од досегашната власт. „Македонија“ на претседателката очигледно ги „здрма“ и соседите и другите земји-членки на ЕУ, дека владејачката гарнитура која доаѓа заедно со Силјановска Давкова нема да бидат неми послушници. Наместо тоа, ќе стават дипломатски ракавици и ќе ги бранат позициите на Македонија без никој да го понижува народот. Според поранешниот вицепремиер за евроинтеграции претседателката не го прекрши Преспанскиот договор, туку покажа принципиелност и цврсти позиции. За жал минатите години, Владата на СДСМ создаде една практика на попустливост и кон соседите и кон други инстанци од Меѓународната заедница притоа не водејќи сметка за суШтинските интерси на Македонија особено во прашањата кои се однесуваат на нашиот идентитет, јазик, култура и слични области. Гордана Силјановска Давкова и ВМРО – ДПМНЕ ќе имаат еден различен став, особено кога се работи за позициите за заштита на националните интеереси на меѓународен и регионален план во однос на отворените прашања со соседите. Очекувам оваа принципиелна позиција да продолжи понатаму имајќи ги секогаш во приоритет интересите на Македонија зА разлика од порано, ние сега ќе бидеме сведоци на едни поцврсти ставови, потврди позиции кога се работи за односите со соседите почитувајќи ги сите норми на меѓународното право, во делот на заштитатана човекотиве права парво на самоопределување и се она што значи заштита на националниот идентитет, вели поранешниот вицепремиер за евроинтеграции и универзитетски професор Васко Наумовски. Попустливоста за која зборува Наумовски многу пати до сега на дело ја покажаа функционерите од СДСМ. Менувавме имиња на институции предвреме, брусевме шахти, менувавме називи на споменици. Власта изнасилено во секоја прилика ја употребуваше придавката „Северна“. Тоа и даде за право на Грција да се однесува супериорно. Надменоста на грчките власти одеше и до таму што пред инаугурацијата најавуваа дека „будно ќе следеле“ како претседателката ќе ја нарече Македонија. Често пати кога некои од нашите соседи се повикуваат на почитување на меѓународното право забораваат дека меѓу основните човекови права кои се заштитени со меѓународните конвеции е и правото на самоопределување, кога се работи за малцинствата, тоа е исто така дел од почитување на меѓународното право, да се почитуваат и билатералните договори но и да се почитуваат и малцинските права. Во поглед на Преспанскиот договор, имаме една ситуација што самиот договор дава време за употреба на името и тоа треба да оди согласно отворањето на поглавјата. Ние немаме отворено ниту едно поглавје, а се е сменето предвреме, тоа значи дека документите кои се однесуваат на одредена област, треба да бидат променети во рок од пет години од отворањето на соодветното поглавје. Немало потреба да се менуваат сите тие документи.за жал праксата од претходната влада со предвременото додавање на придавката сега не доведе до ситуација, да не обвинуваат дека не го почитуваме, вели поранешниот вицепремиер за евроинтеграции и универзитетски професор Васко Наумовски. Лекцијата со Грција не ја научија па во односот со Бугарија тотално го изгубија достоинството. Со источниот сосед не бевме ниту во дефанзива. Со анемичната дипломатија, досегашната власт демонстрираше потчитеност – се извинуваа за спортски натпревари и кафеански тепачки. Зоран Заев во една прилика се извини и дека Илинденското востание го нарекол македонско, а пак Бујар Османи, од позиција на министер за надворешни го посети охриѓанецот Пендиков кој се декларира како Бугарин откако учествуваше во тепачка во ресторан. КАТЕГОРИИ TопВестиМакедонија Споделете ja веста...
Отровни стрели ја загадија Tоксикологија: Судирот се претвори во „шпанска сапуница“
Алфа - пред 2 дена
HomeTопОтровни стрели ја загадија Tоксикологија: Судирот се претвори во „шпанска сапуница“Ања Лукаровамај 15, 2024 Клиниката за Токсикологија станува се’ по токсична. ”Фрчат” разрешувања,обвинувања, клевети и тужби помеѓу министерот за здравство и медицинскиот персонал на клиниката. Доктор Нико Беќаровски ќе го тужи министерот за здравство Илир Демири доколку за 24 часа не добие јавно извинување.Смета дека обвинувањата од страна на Министерството за здравство дека наводно ги навредувал вработените по национална основа се неосновани и лажни. Беќаровски ги демантира наводите за поткревање на меѓуетнички тензии и се закани со кривични пријави за сите кои што ставиле потпис на документот каде тој е обвинет. “Почитуван министер Демири, се надевам дека објавата е без Ваше знаење и одобрение, бидејќи со истата ми нанесовте несогледлива штета на мојот углед, базирана на лажни изјави, на незаконски архивиран документ, на кој не стои ниту едно име, за која ќе следува соодветна судска тужба кон инволвираните.Најколегијално, Ве замолувам во следните 24 часа јавно да се оградите од оваа објава на сајтот и да ми се извините за нанесената повреда на мојата чест и углед” му напиша Беќаровски на министерот Демири на Фејсбук. И вработените на Токсикологија кои работниот век го поминале со Беќаровски се кренаа на нозе.Тие застанаа во одбрана на докторот. “Д-р Беќаровски е врвен професиналец кој повеќе од 10 години работи ургентна медицина и спасува човечки животи без разлика на етничката припадност или припадност на политичка партии, па поврзувањето неговото име со вакви невистини за политички цели е скандалозно и некоректно и поттикнува нетрпение по национална основа“, стои во потпишаната изјава од вработените на Клиниката. Ситуацијата на Tоксикологија ја подгреа разрешувањето на медицинскиот директор Данил Петровски од страна на министерот Демири.На клиниката изминативе месеци беа констатирани низа неправилности, за кој одговорност требаше да сноси организациската директорка Бесија Илјази. Поради нејзиниот потпис клиниката не е осигурана, а неодамна имаше поплава. Забелешки за нејзината работа имаа и инспекциите бидејќи дозволувала 18 лица со месеци да се шетаат низ клиниката и да работат со пациенти без никаков договор. Во меѓувреме беше доведена во прашање валидноста на резултатите во токсиколошката лабораторија зошто биологот нема решение, а имало и обид за замаена на урина со наркотици со чист примерок од страна на еден од договорците кои Бесија Илјази сака да ги вработи. Ања Лукарова КАТЕГОРИИ TопВестиМакедонија Споделете ja веста...
Објавена новелата „До_адната книга“ од Стефан Марковски
Алфа - пред 2 дена
HomeВестиМакедонијаОбјавена новелата „До_адната книга“ од Стефан МарковскиТВ АЛФАмај 15, 2024 Деновиве беше издадено новото прозно остварување на македонскиот писател Стефан Марковски, новелата „До_адната книга“ на 157 страници во издание на Современост – Скопје. Дејството во новелата е динамично, со разгранета, сложена и нелинеарно структурирана композиција, подлегнувајќи на постојани и тешко предвидливи пресврти, кои освен што ја одразуваат повеќеслојноста на самата реалност, ја наоѓаат својата улога и како дел од експериментот кој е и централна тема. Една од главните области на овој истражувачки експеримент е развивањето спефицични облици на вештачкоинтелигентна технологија чијашто цел, покрај другото, е и проучувањето на досадата, наспроти афинитетите и допаѓањата, со цел подлабинско и посеопфатно разбирање на човекот и човечкото. За книгата, драмската авторка м-р Катерина Момева во освртот пишува: „Преку ироничен дискурс, Марковски ни го претставува демократскиот систем изобличувајќи го до степен на апсурд, еуфоријата од револуцијата како извор на декаденција каде што причините за истата немаат значење – револуцијата не ги јаде своите деца, децата не се ни раѓаат. Важноста на ова книжевно остварување е во постапките со кои целото е создадено, кои се крајно инвентивни и невообичани, во обид да се прекршат некои постулати во книжевноста, а сепак доследно и консеквентно, искреирано со крајно истанчен вкус, со интелектуална префинетост која предизвикува оригинални естетички толкувања. Ова е дело кое во себе ја содржи постапката на расплетување, следејќи ја свеста и процесите што се случуваат кога ти е наметнатa вина, бидејќи наметнатата вина предизвикува понекогаш поголемо страдање од самата вина, докажувањето на невиноста е исто така макотрпен процес. Притоа темата која ја одбира и разработува е многу актуелна, бидејќи во последно време одредени движења за родова еднаквост се фокусирани на жртвата на жената и го исклучуваат мажот како можна жртва, особено на некои општествени движења. Отсликувањето на светот и неговите различни слоеви е изведено преку разни начини на разигрување на егото, суперегото и идот на централниот лик, и самите екстериоризирани во различни облици – еднаш како доктори, другпат како раскажувачи и револуционери по урнекот на Робеспјер, Дантон и Мара. Тој е во полусвесна состојба, па и во несвесна во дел од приказната и нему му е имплантиран чип кој има за цел да ги истражува неговите емоции, а со помош на кој на крајот и ќе ја докаже невиноста. Затоа авторот си дава слобода преку централниот лик и неговата задумност да ја критикува апсурдноста на човековите вредности за животот во секојдневието. Меѓу редовите што ги читаме, авторот исто така се посветил да ги истражи тие методи на напредната наука која во целост сака да има контрола на човековиот ум, но Марковски едновремено преку сите тие научни методи реферира на здравиот разум, односно на последиците од сите тие абнормални процеси на вивисекција на човековата душа и го поставува прашањето дали во желбата да се достигне совршенството треба да отидеме до тие крајности. Секогаш оригинален во аспектите од кои го толкува придонесот на човековата егзистенција во крајно несовршениот свет, Марковски одново нè соочува со слабостите и доблестите на индивидуата и нејзините размисли за подобро суштествување.“„До_адната книга“ е дваесетта книга, но и прва новела на Марковски. Според меѓународната стандардизација, прозните дела кои се составени од помалку од 40 000 зборови спаѓаат во оваа книжевна категорија. КАТЕГОРИИ ВестиМакедонија Споделете ja веста...
Ќе има прегласување: Висат двајца пратеници на ДУИ, може скапо да ги чини „бугарскиот воз“
Алфа - пред 3 дена
HomeTопЌе има прегласување: Висат двајца пратеници на ДУИ, може скапо да ги чини „бугарскиот воз“Матеја Петровскимај 14, 2024 Висат двајца пратеници на ДУИ. ДИК одлучи да се прегласува на седум места, шест во петка, едно во шестата изборна единица. И во двете изборни единици ДУИ е блиску да изгуби пратеничко место. Според познавачите интегративците речиси сигурно ќе паднат од 19 на 17 пратеници, бидејќи после овие избори и се поизвесното заминување во опозиција веќе ја немаат моќта да ги уценуваат граѓаните. -Реално сега треба да се искаже реалната волја на народот, бидејќи веќе диктатурата падна. И сега народот треба јавно да излезе да гласа според нивната волја и нивните размислувања. Но мислам дека ДУИ веќе нема капацитет да врши притисок, закани и поткуп врз на гласови, јас мислам дека реално ако излезат тие гласачи на тие изборни места ДУИ ќе изгуби по еден пратеник, вели за Алфа политичкиот аналитичар Љулзим Фаризи. Љулзим Фаризи очекува и сите политички фактори заедно да се здружат со цел ДУИ да ги загуби двете пратенички места. -Мислам дека сите ќе се обединат заедно ДУИ да изгуби еден пратеник во петка и во шестка. Така што реално лека полека таа кула составена од криминал, корупција и поткуп секогаш на гласови од 2002-ра година, мислам еднаш засекогаш… и ќе се искаже реалниот капацитет и реалната волја на граѓаните во некои избирачки места што се организираат, изјави Фаризи. Албанската опозиција „Вреди“ реагираат дека со одлуките на ДИК се докажало дека ДУИ добиле гласови со изборна кражба. -Т.Н. Европски фронт злоупотребувајќи ги сите механизми на власта незаконски ги нарушил и искривил волјата на граѓаните, споредувајќи го бугарскиот воз во Липково е Ларце. Слуачи веќе потврдени со одлука на ДИК, како и со броење на неважечки гласови во корист на фронтот и ДУИ, изјави Фатмир Сабриу од коалицијата „Вреди“. Од ДУИ пак велат дека со прифаќањето на приговорите се обидува да се промени волјата на граѓаните изразена на фер и демократски избори. -Откакос е утврди дека Европскиот фронт е втора политичка сила во државата, истите политички сили прават се да го оспорат легитимитетот кој Евроспкиот фронт го доби на осми мај од носителот на сувереноста, каде што им покажавме дека се натпреварувавме фер и демократски, каде што пак излеговме победници како и на 24 април, изјави Елми Азири од Европскиот фронт. Од ВМРО-ДПМНЕ сметаат дека со прегласувањето можно е и тие да добијат пратеник повеќе. -ВМРО-ДПМНЕ може да добие дополнителен број пратеници од овие избирачки места. Секако доколку граѓаните сметаат дека треба да ја дадат довербата во овие избирачки места, на еден фер процес, кој што ќе биде набљудуван, сега со очите на цела македонска јавност ќе биде набљудувани овие четири до пет, не знам уште колку ќе поминат избирачки места. И се надевам дека тоа ќе значи дека ќе имаме фер и кредибилен процес во овие избирачки местам, изјави Стефан Андоновски. Дали дефинитивно ќе има прегласвуање ќе одлучи Управниот суд. Тие имаат право да ги променат и одлуките на ДИК, но и евентуално да прифатат дел од приговорите кои беа одбиени од страна на Државната изборна комисија. Матеја Петровски КАТЕГОРИИ TопВестиМакедонијаПрилози Споделете ja веста...
Почина седуммесечно бебе од Вевчани откако паднало од кревет
Алфа - пред 3 дена
HomeTопПочина седуммесечно бебе од Вевчани откако паднало од креветТВ АЛФАмај 14, 2024 Трагедија го потресе струшко Вевчани, почина седуммесечно бебе кое вчера неговата мајка го донела во Специјалната болница Свети Еразмо,каде било и оперирано. Никој од докторите од Специјалната болница Свети Еразмо не сакаат да зборуваат пред камера за немилиот настан,се потпираат на соопштението од полицијата во кое се вели дека бебето било днесено во болницата со хематом на главата и мозочно крварење,поради што бил извршен хируршки зафат, но за жал тоа починало. Го контактиравме и директорот на Здравствениот дом во Вевчани,тој кажа дека мајката го однесла бебето на лекар во оваа здравствена установа. ” Детенцето е донесено во Здравствен дом Вевчани во текот на вчерашниот ден,го прегледала докторка во итна медицинска помош.Од мајката и било кажано дека паднало или било удрено.Докторката не констатирала никакви повреди и дала насоки дека во случај на евентуално влошување на здравствената состојба да се јави повторно во здравствениот дом и заминала мајката”, изјави Јован Стојковски-директор на Здравствен дом Вевчани: Мајката повеќе не се појавила во Здравствениот дом во Вевчани, неофиционално дознаваме дека таа го однела кај матичниот лекар во Струга, па потоа во струшката општа болница, за на крај во попладневните часови да заврши во болницата Свети Еразмо каде и починало.Во соопштението од полицијата стои дека бебето било примено во болницата со хематом на главата и по констатирано мозочно крварење, веднаш била извршена операција. Според изјавата на неговата мајка, повредите настанале по пад од импровизиран кревет во семејниот дом во Вевчани. Неофицијално се станува збор за дисфукционално семејство на кое ова им било прва рожба.По насока на Јавен обвинител, телото ќе биде пренесено до Судска медицина во Битола каде ќе се изврши обдукција. Новинар Росица Голабоска Снимател,монтажа Златко Маневски КАТЕГОРИИ TопВестиМакедонијаПрилози Споделете ja веста...
Претседателката не го погази ветеното, но и не го прекрши Преспанскиот договор
Алфа - пред 3 дена
HomeTопПретседателката не го погази ветеното, но и не го прекрши Преспанскиот договорАдријана Алексиескамај 14, 2024 Користењето на старото име на земјава не е ништо ново. Претседателката која како пратеничка во Собранието не ја користеше кованицата „Северна“, само ја продолжи традицијата. Ист е случајот и со сите функционери од ВМРО-ДПМНЕ -технички министри, пратеници, градоначалници. Познавачите се децидни – не може Преспанскиот договор да се прекрши ако официјални лица усно кажале „Македонија“ бидеќи одредбите од овој документ се веќе имплементирани, сите документи се со новото уставно име, променети се имиња на институции, знаменитости, улици. Договорот од Нивици никого не обврзува да го изговара новото официјално име на Македонија наместо историското. Дури и сред Атина македонски фунцкионер да каже „Македонија“ тоа не може да предизвика реални последици. Ништо ново не се случи бидејќи Македонија си е Македонија, често пати официјалните лица на САД велат „Стејтс“, наместо САД, како и Русија која вели Русија наместо Руска Федерација. И претседателката и идната Влада добро знаат кои се меѓународните обврски, не гледам ниту една најава дека немаат намера да ги почитуваат. Македонија со претходната влада не ја почитуваше Венецијанската комисија која кажуваше дека не треба двојазичност, па Заев имаше неуспешен референдум, и сепак го смени името. Реакциите се такви бидејќи сакаат да направат еден притисок на старт, да не заборавиме дека таа има огромно политичко искуство, има многу големо знаење. Ниту Грција ниту Бугарија не ги спроведуваат меѓународни обврски, обврските спрема Македонија, Бугарја има пресуди на Судот за човекови права кои се однесуваат на Македонците, Грција нема исполнето ни една ставка од договорот од Преспа, мислам дека вештачки се гради оваа хистерија, нема реален основ, не знаеме кој стои позади тоа. Претседателката има голем број на гласови, кредибилитет, автоиритет, стручност и немам грижа дека ќе се случи било какво загрозување на меѓународните обврски по било кој основ, вели новинарот Драган Павловиќ – Латас. Како новата претседателка ја кажа заклетвата беше чувство на самоопределување и идентификација коментира новинарот Дарко Јаневски. Не претставува прекршување, самата кажа дека е чувство на самоопределување и идентификација и никој не може да употребува име спротивно на неговите убедувања тоа е исто како на Грците да им забраните да се нарекуваат Грци, туку Хелени. Не се издржани овие критики, меѓутоа беа очекувани реакциите од меѓународната заедница, малце зачудуваат реакциите внатре, иако се неиздржани, но веќе тоа е нормална политичка пропаганда – вели новинарот Дарко Јаневски. Реакциите кои ја брануваат и македонската и грчката јавност веројатно се поради тоа што пет години се навикнавме досегашните функционери постојано да ја форсираат Северна и да покажуваат сервилност кон соседите. Сепак, дури и функционерите во заминување за време на изборната кампања заборавија на додавката Северна, веројатно во обид да ќарат глас повеќе, а за тоа немаше реакции. Поранешниот претседател Стево Пендаровски пред крајот на мандатот се освести и прашан зошто во кампањата не ја користи придавката „Северна“ рече дека тоа не е во спротивност со Преспанскиот договор. Инаку Преспанскиот Договор прецизно ги набројува сите елементи на употреба на новото име: во државјанството, во документите, во сите меѓународни и и регионални организиации, институции и фоурми, во билатералните односи со членките на ООН, но никаде не е наведено дека устно мора да се користи придавката „Северна“. КАТЕГОРИИ TопВестиМакедонија Споделете ja веста...
Грчки министер за надворешни: Грција не моли, бара спроведување на договорот
Алфа - пред 3 дена
HomeTопГрчки министер за надворешни: Грција не моли, бара спроведување на договоротКристина Алексиескамај 14, 2024 Грција бара, а не дава – Грчките власти се повикуваат на Преспанскиот договор и бараат негово почитување за употребата на името, но не гледаме исполнета обврска од нивна страна. Грчкиот министер за надворешни работи Герапетритис по заклетвата на претседателката Силјаноска Давкова побара почитување на спогодбата. Но, кога станува збор за меморандумите коишто Грција треба да ги ратификува, министерот вели ќе ги ратификувале кога ќе дојдел вистинскиот момент . Ниту една од двете држави не може еднострано да го ревидира овој договор. Значи, дури и кога не се согласува со она што е вклучено во договорот, мора да го спроведе. Сакам особено да укажам на различниот институционален третман во двете држави“./ „Ќе ги донесеме во собранието, повеќепати сум кажал, кога ќе биде клучното политичко време, односно кога грчката страна ќе се увери дека има целосна усогласеност. Затоа што сите знаеме дека има точки што соседната земја не ги почитувала, рече Јоргос Герапетритис Поранешната грчка министерка за надворешни работи Дора Бакојани, пак е на ставот дека трите меморандими кои произлегуваат од Преспанскиот договор, требало да се изгласаат порано. Таа повика дека на одговорност во Владата во однос на несогласувањата околу гласањето на меморандумите кои се однесуваат за забрзување на процесот на интеграција на Македонија во ЕУ, за формирање на координативен комитет за економска соработка и техничка спогодба за надгледување на летовите. „Мораме да гласаме за меморандумите за соработка. Можевме да го направиме тоа порано. Да се прифати оваа критика. Кога ќе се формира влада во Скопје, реалноста ќе им падне на глава и ќе сфатат дека се што кажале пред избори е свеж воздух, рече Дора Бакојани. Додека Македонија беше „послушна“ и ги исполнуваше сите желби на Грција , тие не исполнија речиси ништо. Владата на Заев почна со преименување на сите инстуции. Веќе нема Македонска филхармонија, Македонска опера и балет, Македонска пошта, Електрани на Македонија. Власта во заминување брзаше да го имплементира договорот, иако во него роковите кои се наведени предвидуваат нивна имплементација, ама откако Македонија ќе отпочне да ги отвора соодветните поглавја во преговрите со Европската Унија. Една од обостраните оврски на Договорот од Нивици е дека двете страни ќе ги подобрат и модернизираат постоечките гранични премини, а дека исто така ќе градат и нови гранични премини. Обврската за отворањето на граничниот премин кај Преспа, Маркова нога – Герман требаше да е завршена до сега со цел поттикнување на туристичка и трговска размена меѓу државите. Македонија го исполни ветувањето, до граничниот премин води пат кој е во добра кондиција , но од грчка страна нема абер за оваа обврска. КАТЕГОРИИ TопВестиМакедонија Споделете ja веста...
ЕКСПЕРТИ: Новата власт да се зафати со коренити реформи во судско-обвинителски систем
Алфа - пред 3 дена
HomeTопЕКСПЕРТИ: Новата власт да се зафати со коренити реформи во судско-обвинителски системПаула Костадиноскамај 14, 2024 Да се ремонтираат клучните институции во правосудниот систем, судскиот и обвинителскиот совет и Академијата за судии и обвинители со носење на нови закони во Собранието. Ова се пораките на поранешниот антикорупционер Ѓорги Сламков кој го коментира извештајот на Антикорупциска за ланската година. Само 13 % од акивностите на Националната стратегија за борба против корупција 2021-2025 се имлементирани поради тоа што институциите не покажале соработка, а ниту законодавниот дом ги донел потребните законски решенија, стои во Извештајот. Сламков е за коренити промени почнувајќи од главата на правосудството. Да се донесе и нов закон за обвинителството за организиран криминал и корупција по хрватскиот терк за да имаме ефикасно обвинителствот што ќе ја сузбие корупцијата, смета Сламков. Податоците за 2023 година говорат дека исто како и во минатата 2022 година, најголем број на поднесени пријави до Антикорупциска се за сомнеж за коруптивно однесување на службени лица. Од добиените извештаи утврдено е дека од вкупно 166 предвидени активности за 2023 година, само 22 се реализирани, 89 не се реализирани, додека пак 55 активности се во тек на реализација.. Во ИЗвештајот како причини за ваквите состојби е недоволната посветеност на институциите за навремено извршување на доделените активности, но и неефикасноста на Собранието во носењето на закони. Голем број закони кои треба да се изменат, веќе подолго време се во Собраниска процедура. Меѓународната заедница веќе подолго време апелира до властите дека во Македонија царува корупција за која потребна е вистинска политичка волја за нејзино искоренување. Лидерот на ВМРО ДПМНЕ и новиот мандатар на Владата, Христијан Мицкоски неодамна порача дека потребно е распуштање на судскиот и обвинителскиот совети и челници во правосудство самите да си се изберат на непосредни избори. КАТЕГОРИИ TопВестиМакедонијаПрилози Споделете ja веста...
Нема никаков епилог и по четири месеци од упадот во контролната кула на М-НАВ
Алфа - пред 3 дена
HomeUncategorizedНема никаков епилог и по четири месеци од упадот во контролната кула на М-НАВТВ АЛФАмај 14, 2024 Четири месеци по упадот во македонската навигација, Обвинителството уште прибира документација, испитува сведоци, а докази бара и од меѓународни институции. Тепачи уште одат на работа, само не пијат кафе со тепаните. Нема епилог ниту од дисциплинските постапки, барем од информациите што се познати. Против сите осум осомничени имало мерки на претпазливост велат од ОЈО. „Предметот е во фаза на истрага против осум лица. Во досегашната постапка испитани се осомничените и повеќе сведоци, прибавена е документација и извештајот од Агенцијата за цивилно воздухопловство за настанот. Постапката продолжува со прибирање други докази од домашни и меѓународни институции. Со одлука на судот, против сите осум осомничени лица на сила се мерки на претпазливост“ велат од Основното јавно обвинителство. Според наши информации, обезбедувањето односно приватната фирма која го обезбедуваше објектот на македонската навигација продолжила со работа и по индицентот кој се случи на почетокот на оваа година.Според договорот кој што бил склучен, М-НАВ ќе треба да плаќа пенали ако го раскине. Прв помеѓу обвинетите е Беким Незири кој во кампањата беше главен промотор Бујар Османи како претседателски кандидат на ДУИ и промоција на матичната партија. И по инцидентот тој остана на претседател на чаирскиот огранок, а беше и во првите редови заедно со функционерите на Интегративците. Кривичен откако се корегира во одлуката, па наместо само мерки за претпазливост им одреди домашен притвор на напаѓачите во македонската навигација, за повторно, судиите на барање на обвинителството да ги пуштија на слобода. Наместо во притвор, судот им ги одзема само пасошите и им забрани да го напуштаат градот во кои живеат. Инцидентот во М-НАВ се случи на 4 јануари годинава, кога осум лица упаднаа во канцелариите на Македонска навигација на аеродромот во Скопје и нападнаа контролор на летање, откако Синдикатот на контролорите на летање се кренаа на нозе поради несоодветна селекција на кандидати на оглас за нови вработувања и обвиненија за партизација. КАТЕГОРИИ UncategorizedМакедонија Споделете ja веста...
ИСТРАЖУВАЊЕ НА ИРИ: Врвни приоритети на Владата да бидат инфлацијата и корупцијата
Алфа - пред 3 дена
HomeTопИСТРАЖУВАЊЕ НА ИРИ: Врвни приоритети на Владата да бидат инфлацијата и корупцијатаАња Лукаровамај 14, 2024 Економијата, скапиот живот, невработеноста и корупцијата треба да бидат главните задачи на идната влада, според истражувањето на Меѓународниот републикански институт. Ова се најголемите проблеми на македонските граѓани. 25 отсто од испитаниците во Македонија одговориле дека високите цени и трошоците за живот треба да бидат приоритет на владата, а потоа следуваат корупцијата со 22 отсто и невработеноста со 10 отсто. Во однос на Европскат аунија и интеграцијата на Македонија, само еден отсто од граѓаните рекле дека тоа треба да биде приоритет. 34 отсто од испитаниците сметаат дека ЕУ е сериозна во намерата да им понуди членство на земјите од Западен Балкан, наспроти 47 отсто кои сметаат дека не е сериозна.19 отсто не знаат или не одговориле. На прашањето дали би го поддржале приклучувањето кон ЕУ доколку денес се одржи референдум- 68 отсто од граѓаните би гласале „за“, додека 13% би биле „против“. „Постои силна желба низ Балканот за зајакнување на врските со западните економии и за приклучување кон ЕУ. Оваа широка поддршка покажува дека луѓето од целиот регион веруваат дека понатамошната интеграција во ЕУ може да помогне за постигнување одржлив просперитет“,се вели во извештајот на ИРИ. Македонските испитаници сметаат и дека членството во НАТО има многу позитивен импакт врз земјата (32%), додека 8 отсто имаат сосема спротивно мислење. Во однос на институциите, македонските жители (25%) најмногу им веруваат на верските институции и армијата (16%). Најмала доверба имаат во политичките партии, парламентот и судовите. Во Македонија, 76 отсто сметаат дека судството нема волја или желба да се бори против корупцијата, што ги одразува масовните скандали што го потресоа судството во изминатите неколку години. Според ИРИ, Бугарија е најголема закана, а Србија најголем сојузник за македонските граѓани. Податоците за истражувањето се собрани од 2 февруари до 5 март од 1.220 возрасни испитаници во Македонија. Истражувањето е направено во сите земји од Западен Балкан. Ања Лукарова КАТЕГОРИИ TопВестиМакедонија Споделете ja веста...
Јавноста ќе знае кога е екстрадиран Палeвски Палчо откако ќе биде спроведен во Шуто Оризари
Алфа - пред 3 дена
HomeTопЈавноста ќе знае кога е екстрадиран Палeвски Палчо откако ќе биде спроведен во Шуто ОризариПаула Костадиноскамај 14, 2024 Министерството за правда веќе ја заврши целата работа и чека на МВР да ја договори и спроведе екстрадицијата на Љупчо Палевски Палчо од Република Турција, брифираат оттаму за Алфа. Според досегашните информации споведувањето на палевски палчо до истражниот затвор во шутка каде ќе лежи 30 дневен притвор ќе се обави во тајност и далеку од очите на јавноста, по барање на турските власти. Од МВР за Алфа велат дека јавноста ќе ја информираат откако бегалецот ќе биде трнспортиран директно во притвор согласно протоколите на интерпол. Министерот Кренар Лога неодамна изјави дека наскоро Палевски Палчо ќе биде екстрадиран само се чека македонското и турското Минситерство за внатрешни да го договорат транспортот. КАТЕГОРИИ TопВестиМакедонија Споделете ja веста...
Клековски: Отсуството на Пендаровски на инаугурација на Силјановска Давкова е за секаква критика
Алфа - пред 3 дена
HomeTопКлековски: Отсуството на Пендаровски на инаугурација на Силјановска Давкова е за секаква критикаТВ АЛФАмај 14, 2024 Во емисијата „Заспиј ако можеш“ на Алфа ТВ гостуваше членот на ИК на ВМРО-ДПМНЕ, Сашо Клековски кој што го осуди отсуството на поранешниот претседател Стево Пендаровски на инаугурацијата на Гордана Силјановска Давкова. „Една битна разлика во нашето општество и нашата држава, кога губиме го губиме спортскиот дух и не можеме да прифатиме пораз а не прифаќањето на пораз понатаму води до непромислени потези. Отсуството на поранешниот претседател Стево Пендаровски е за секоја критика, негова и наша одлика е да го почитуваме чинот на избор и институцијата претседател на Републиката“ кажа Клековски. Клековски во однос на состојбата во СДСМ по поразот истакна дека очекува Димитар Ковачевски да се повлече. „Не би сакал да коментирам развој во СДСМ во овој момент меѓутоа од мое лично искуство претседатели на партија однадвор тешко се вкоренуваат. Генерално еден од проблемите на Димитар Ковачевски е што неговиот стаж во самата партија со тоа неговиот социјален капитал во самата партија беше тенок. Бидејќи тој беше експресно промовиран во новата функција. Претседател на партија е некој што треба да има одредено партиско искуство, да е присутен во партијата, да учествува во работата на различни партиски тела, така да моето очекување е дека ќе се повлече“ истакна Клековски. Во однос на говорот при инаугурацијата на Силјановска, Клековски истакна дека имала одличен говор во секој поглед и сите теми кои се суштествено важни за Македонија. „Гордана Силјановска Давкова имаше еден нов невообичаен пристап во обраќањето во Собранието, за мене беше тој свеж, поинаков, беше многу добар, одличен пристап од сите можни елементи кои заслужуваат целосна поддршка, како претседателка на сите, и на лево и на десно, како поддршка на систем на заслуги, мерит систем, владеење на правото, како родова еднаквост, или жени на врвни позиции во политиката ниту еден од овие делови не наиде на коментар а сите се суштествено важни за Македонија“ нагласи Клековски. КАТЕГОРИИ TопМакедонија Споделете ja веста...
Силјановска Давкова на средби со евроамбасадорот Гир и италијанскиот амбасадор Силвестри
Алфа - пред 3 дена
HomeTопСилјановска Давкова на средби со евроамбасадорот Гир и италијанскиот амбасадор СилвестриТВ АЛФАмај 14, 2024 Претседателката Гордана Силјановска Давкова, денеска 14 мај 2024 година, вторник, ќе има важни средби во Вила Водно. Таа ќе ги прими амбасадорот на Италијанската Република, Андреа Силвестри во 12:00 часот и шефот на делегацијата на Европската Унија, амбасадорот Дејвид Гир во 13:30 часот. КАТЕГОРИИ TопМакедонија Споделете ja веста...
САД повикуваат да продолжи македонско бугарскиот дијалог
Алфа - пред 3 дена
HomeМакедонијаСАД повикуваат да продолжи македонско бугарскиот дијалогТВ АЛФАмај 14, 2024 САД со нетрпение го очекуваат формирањето на новиот состав на собранието и неговиот избор на идниот премиер. Ваква порака испрати официјален Вашингтон во очекување на формирање на новата македонска влада. Од Стејт департментот за Гласот на Америка на македонски јазик изјавиле дека заедничките цели за безбедност, просперитет и целосна евроатланска интеграција остануваат, и САД ќе продолжат да ја поддржуваат македонија во исполнувањето на тие аспирации“. „И честитаме на избраната претседателка Гордана Сиљановска-Давкова, првата жена претседател на државата, и со нетрпение го очекуваме формирањето на новиот состав на собранието и неговиот избор на идниот премиер“ САД во исто време повикуваат да продолжи македонско бугарскиот дијалог кој велат е вкоренет во заедничката заложба за иднината на македонија како полноправна членка во ЕУ“ САД повикуваат на континуирани напори и реформи неопходни да се постигне напредок во пристапот и полноправно членство на Македонија во Европската унија изјавиле за Гласот на Америка на македонски јазик од прес-службата на Стејт департментот. КАТЕГОРИИ TопМакедонија Споделете ja веста...
ДIK: Прегласување ќе има во Охрид, Крушево и Желино
Алфа - пред 3 дена
HomeМакедонијаДIK: Прегласување ќе има во Охрид, Крушево и ЖелиноТВ АЛФАмај 14, 2024 Државната изборна комисија усвои три приговори на ВМРО-ДПМНЕ и еден на коалицијата Влен. Прегласување ќе има во Охрид, во Крушево и во Желино. По извршеното пребројување за избирачкото место во охрид, било утврдено дека записникот не е правилно пополнет, а имало и корекција во делот на гласачите внесени рачно.Во Крушево, приговорите за двете избирачки места се усвоени поради несовпаѓање на бројките од записникот со оние од уредот за биометриска идентификација. Во избирачко место во Желино пак, ДИК утврдила дека 110 гласачи кои го оствариле избирачкото право немале отпечаток од прст во уредот, туку гласале само со матичен број и со скенирање на личната карта.Вториот приговор поднесен од влен кој беше одбиен, се однесуваше на избирачкото место 1953 во Тетово – шестата изборна единица. А, како што пишува во приговорот, тој е поднесен бидејќи 125 граѓани кои го оствариле избирачкото право немале отпечаток од прст во фингер принт уредот, туку тие гласале само по матичниот број и скенирање на личната карта.Против одлуката на ДИК може да се поднесе тужба до управниот суд, во рок од 24 часа од приемот на решението. Управниот суд на република северна македонија, пак, по жалбата е должен да донесе одлука во рок од 48 часа по нејзиниот прием.За изборните резултати до дик беа поднесени 27 приговори – девет од коалицијата „Вреди“, осум од ВМРО-ДПМНЕ, пет од СДСМ и четири од Левица. КАТЕГОРИИ TопМакедонија Споделете ja веста...
Корупцијата главна причина зошто Македонија е слаба во делот со справување на еколошкиот криминал
Алфа - пред 4 дена
HomeTопКорупцијата главна причина зошто Македонија е слаба во делот со справување на еколошкиот криминалЉубиша Владимировмај 13, 2024 Корупцијата е главна причина зошто Македонија е многу слаба во делот со справувањето со еколошкиот криминал. Легислативата во сферата на заштита на животната средина е исклучително добро пресликана, согласно европската легислатива, но проблем се јавува во неговата примена. Дарко Блинков од државниот инспекторрат за животна средина, вели дека казни за сторителите на ваквите еколошки кривични дела има, но тие се недоволни. „Случајот еве со Основниот суд Гостивар со таа депонија што изгоре, казната беше само 100 евра и 1000 денари само за судски трошоци. А трошоците и комплетно деградацијата на животна средина беше непроценлива. И никогаш, иако во законодаството за животната средина е неусогласено со законот за прекршоци, навистина се високи санкциите до 240.000 евра, никогаш нема да бидат адекватни, доколку ги ставите на вага, она што е уништено повеќекратно во споредба со она што ќе биде платено“, рече Дарко Блинков од Државен инспекторат за животна средина. Познавачите велат дека кога Македонија ќе ги почне преговорите со ЕУ, поглавјето за животната средина ќе биде едно од најскапите и тогаш нема да може да имаме фабрики што на толку лесен начин ќе може да ја загадуваат животната средина. Нема да можат во реките и водите да се слеваат отпадни води како што тоа се прави сега. Тие излегоа и со свој сет од предлози и мерки за тоа како може да се подобрат работите во наредниот период. „Ние како Факултет за безбедност многу одамна се залагаме да се формира посебен сектор во Министерството за внатрешни работи кој што ќе се занимава исклучително и само со сузбивање на еколошкиот криминал“, рече Марина Малиш Саздовска од Факултетот за безбедност Скопје Од јавното обвинителство велат дека засега не можат да се пофалат со многу решени случаи на еколошки криминал. „Ние како обвинителство имаме многу малку реализирано случаи, посебно немаме некој капитален случај што би бил за гордост на обвинителството. Нашето обвинителство доаѓа во контакт со овој вид на кривични дела најчесто затоа што ваквите кривични дела, 99,99%, не може да се направат без да има тука вклученост на корупција. Корупцијата е она што најтешко се докажува“, рече јавниот обвинител Сузана Мирческа Кузмановска. Инаку државниот инспекторат за животна средина во втората половина на минатата година изготвил 244 решенија за утврдени неправилности и покренал прекршочни постапки против правни и физички лица во износ од над 300 илјади евра, а поднел и две кривични пријави против непознат сторител. Љубиша Владимиров КАТЕГОРИИ TопВестиМакедонијаПрилози Споделете ja веста...
„Северна“ ја нема во свечената изјава, правни експерти: Право на самоопределување!
Алфа - пред 4 дена
HomeUncategorized„Северна“ ја нема во свечената изјава, правни експерти: Право на самоопределување!ТВ АЛФАмај 13, 2024 Ниту Уставот, ниту Договорот од Преспа се прекршени со името Македонија изговорено од новата претседателка Силјановска Давкова, за време на заклетвата во Собрание. Во свечената изјава напишана во Изборниот законик стои старото уставно име односно Република Македонија, додека во највисокиот правен акт, членот 81 предвидува ново избраниот шеф на државата да даде ветување во Домот на демократијата, дека ќе ги почитува Уставот и законите. Во текстот таму, никаде не стои обврска да се каже државното име. Во своите јавни настапи, македонската претседателка има право да го употребува името Македонија, како чин на лично право на самоопределување и самоидентификација, почитувајќи ги основните човекови права и слободи, и согласно европските вредности и начела, велат од кабинетот на претседателката во Вила Водно. „Претседателката Гордана Сиљановска Давкова ќе се придржува до официјалната примена на уставното име. Согласно Уставот, како што беше подготвена од службите на Собранието, свечената заклетва беше потпишана со користење на уставното име. Македонските институции во последниве 5 години речиси целосно ги исполнија обврските од Преспанскиот договор и претседателката очекува сите македонски партнери да ги почитуваат билатералните и мултилатерални обврски кои ги презеле кон земјата“ велат од Кабинетот на претседателката во Вила Водно. Во истата насока, правници и универзитетски професори не гледаат ништо спорно во дадената изјава на Силјановска Давкова, со оглед на правото на самоопределување на народите како темелна вредност. „Не можам да дадам конректни забелешки затоа што не сум од дипломатскиот кор, нели и не е моја задача да ги коментирам, но нели секој пат треба да се почитува волјата на народот, и да земе предвид правото на самоопределување на народите, затоа што тоа е принцип темелник на меѓународниот поредок на кој се засноваат сите земји“ рече АНА НИКОДИНОВСКА КРСТЕВСКА – УГД ШТИП. Со оглед дека Силјановска Давкова го испочитувала изборниот законик, останува неодговорено и прашањето од каде претседателот на Собранието Јован Митрески го црпеше текстот на свечената изјава во која тој го наведе и зборот „северна“. ДУИ први се пуштија во обвинувања зошто новата претседателка не го кажала новото уставно име, но заборавија како даваше заклетва Талат Џафери во 2020 при неговото назначување за претседател на Собранието. „Ќе ги почитувам Уставот и законите на Република Македонија“ рече Талат во август 2020-та. Власта брзаше да го имплементира договор од Преспа, иако во него роковите кои се наведени предвидуваат нивна имплементација, ама откако Македонија ќе отпочне да ги отвора поглавјата со Европската Унија. „Издавањето на ваквите документи и материјали… ќе започне при отворањето на секое поглавје на релевантното поле во преговорите со Европската Унија и ќе биде финализирано во рок од пет години оттогаш“ стои во Член 1 Став 10 од Преспанскиот Договор. „Дали сте за членство во ЕУ и НАТО преку поддршка на договорот помеѓу Република Македонија и Република Грција?“. Вака гласеше референдумското прашање, но засега нема ништо ниту од ЕУ, но ни од Република Македонија. КАТЕГОРИИ TопUncategorizedВестиМакедонија Споделете ja веста...
Во Скопје никна уште една „џунгла“ освен тревникот околу Влада и Градски парк
Алфа - пред 4 дена
HomeTопВо Скопје никна уште една „џунгла“ освен тревникот околу Влада и Градски паркНикола Цветкоскимај 13, 2024 Скопје доби уште една градска џунгла. Градски парк веројатно е во натпревар со тревникот околу владината зграда, за тоа, кој ќе создаде поголема опасност од влечуги и инсекти. Освен фрекфентните локации, околу дискотеките, кафулињата и спортските игралишта, каде што ги затекнавме службите на претпријатието за паркови и зеленило, остатокот од паркот како да е оставен на забот на времето. Посетителите кои ги затекнавме пак, велат дека се разочарани од градските власти, не само поради неискосените тревници, туку и поради тоа што мораат тие самите да го собираат ѓубрето низ паркот. Алфа ТВ праша колку често се коси во Градски парк. Но, ниту од градското претпријатие за паркови и зеленило, ниту од градот Скопје, не добивме одговор. Ако скопјани решат да се одморат во тревниците на Градски парк, постои зголем ризик од крлежи и други инсекти поради неискосената трева. Додека пак предизборно, градоначалничката Арсовска ветуваше повеќе вакви, мега паркови. Грижата за тревниците беше и причина за политички конфликт меѓу техничкиот премиер Талат Џафери и градоначалничката Арсовска, за тоа, во чија надлежност е косењето на тревата. Во меѓувреме, во јавноста одекнуваат повиците за оставка на градоначалничката Арсовска, откако на парламентарните избори, во првата изборна единица, каде и ја управува локалната самоуправа, имаше поразителни резултати. Нејзината партија, “Нова алтернатива” доби едвај 1600 гласови. Овие бројки веројатно се отрезнувачка реалност за Арсовска, но и неверојатен удар за нејзиниот статус како политичар и градоначалник, чиј мандат беше одбележан со раздори, конфликти и незадоволство. Никола Цветкоски КАТЕГОРИИ TопВестиМакедонијаПрилози Споделете ja веста...
НБРМ: Годинава економијата ќе порасне за 2,6%, додека следната ќе забележи раст од 3,6%
Алфа - пред 4 дена
HomeTопНБРМ: Годинава економијата ќе порасне за 2,6%, додека следната ќе забележи раст од 3,6%Кристина Алексиескамај 13, 2024 Слабата реализација на капиталните инцвестиции и слабите економски перформанси во последната година од власта на СДСМ и ДУИ ги влошија проекциите на Народната банка. Македонската економија ќе расте, но но побавно од она што е потребно. Според проекциуите на Народната банка годинава ќе ја завршиме со раст од 2,6 отсто, а наредната за 3,6%. Овие проекции на монетарната власт се различни од оние на Владата кои за годинава се позиционирани на 3,4%, но и пониски од есенските проекции на Народната банка за раст од 3%. Послабиот раст минатата година особено послабите реализации на инвестиции при кои беше регистриран пад од 16,7 отсто , понатаму послаби остварувања во првиот квартал, од оваа година надолна ревзија на растот на нашите најзначајни трговски партнери и побавна реализација на јавните инфраструктурни проекти, Анита Бежовска Ангеловска – гувернер на Народна банка Според пролетните проекции, инфлацијата ќе го задржи трендот на намалување, па за 2024 година се очекуива стапка од 3,5 отсто, а на среден рок односно во 2025-2026 се очекува да се сведе на историскиот просек од 2 отсто. Ризиците во економијата сеуште постојат, а тоа се во најголема мера геополитичките случувања, цените на енергенсите како и регулацијата на маржите. Кај нас се речиси двојно повисоки од пред пандемискиот период од нивото на светските цени на храната. Од меѓународните финансиски институции се проектира натамошен пад на цените на храната . На среден рок се очекува враќање од околу 2 отсо на историскиот просек, Ризиците се уште постојат, коментираше Анита Бежовска Ангеловска Реалзиацијата на странските директни инвестиции во минатата година биле на ниво од 4, 4 отсто од БДП, а за годинава се проектираат 3,6 отсто. Олабавување на монетарната политика, НБРМ отвора можност да се случи во втората половина од годината доколку условите останат позитивни. Што се однесува на глобално ниво, економскиот раст ќе се движи на ниво од 3,2 отсто што е под историските стапки пред пандемискиот период. Се очекува закрепнување на странската побарувачка и пад на цените на енергенсите и храната. КАТЕГОРИИ TопВестиЕкономијаМакедонијаПрилози Споделете ja веста...
ЕКСПЕРТСКА АНАЛИЗА: Давкова испрати силни обединувачки пораки во говорот, нагласувајќи дека секогаш кога треба ќе го користи ветото
Алфа - пред 4 дена
HomeTопЕКСПЕРТСКА АНАЛИЗА: Давкова испрати силни обединувачки пораки во говорот, нагласувајќи дека секогаш кога треба ќе го користи ветотоПаула Костадиноскамај 13, 2024 Претседателка на левите и десните, на Македонците и на сите националности, на мажите и жените, пораката за единство на новата шефица на државата Гордана Силјановска Дафкова влева сигурност кај граѓаните и ја оддава нејзината самостојност со која ќе носи државнички одлуки, коментира професорот по меѓународни односи при Штипскиот универзитет, Дејан Маролов. Како и во кампањата, таа уште еднаш даде ветување дека ќе биде претседателка на сите без разлика на партиските, националните и половите разлики. Тој вели дека овие зборови на Силјановска влеваат надеж и сигурност кај граѓаните. Во нејзиниот моќен говор од собраниската говорница Силјановска Давкова не пропушти да напомене дека ќе го користи правото на вето, самоуверено и по свое убедување секогаш кога таа самата ќе го процени дека треба да го стори тоа. Овие пораки на Силјановска значат дека новата претседателка ќе биде шеф на сите и самостојно ќе ја извршува функцијата без никакви политички влијанија. За дел од аналитичарите, ова е главната порака во првиот претседателски говор на Силјановска. Зборувајќи пред пратениците, Силјановска Давкова им упати силна порака на жените во Македонија. Зад секоја успешна жена, стои прекрасен маж, вели претседателката и уверува дека во Македонија има умни и посветени жени кои се потребни во политиката и на раководни државнички функции. КАТЕГОРИИ TопВестиМакедонија Споделете ja веста...
Mасовна средба на Mакедонците од Eгејот, се одржаа третите „Беломорски видувања“
Алфа - пред 5 дена
HomeTопMасовна средба на Mакедонците од Eгејот, се одржаа третите „Беломорски видувања“Љубиша Владимировмај 12, 2024 Да не се заборави она што се случи пред 75 години, да покажеме дека постоиме и дека нас никој не не измислил, ова се пораките на Македонците од Егејот кои денеска се собраа на „Беломорските средби“, од каде испратија порака за обединување и посветла иднина на Македонија. Порачаа егзодусот никогаш да не се заборави и никогаш никаде во светот да не се повтори. „Обврската на нас следната генерација, да ја предадеме палката на овие помладите, гледам ги има многу, да ја задржиме основната цел да не се заборави она што се случи пред сега веќе 75 и шест години. Да покажеме дека постоиме, дека нас никој не не измислил и дека заедно со останатите во Република Македонија се стремиме кон што подобра држава“, рече Сотир Лукровски, координатор на Македонците од Егејскиот или Беломорскиот дел на Македонија. Егејците велат дека работите за нив не се променети ни по потпишувањето на Преспанскиот договор и дека некои од нив и до ден денес имаат проблем и забрана да влезат во Грција и да си ги посетат своите родни огништа. „Ние за жал и ден денес имаме проблем да дел од овие луѓе тука што се позади мене, се уште имаат забрана за влез во Република Грција, од не многу објаснети причини, едноставно не можат да влезат, некои да ги видат своите родни огништа, а некои родните огништа на своите предци“, рече Лукровски. На собирот се слушна традиционалната македонски музика, се играа ора, се пееа македонски песни. Заигра и техничкиот министер за внатрешни работи Панче Тошковски (атмосфера).. П рисуствуваа и лидерот на ВМРО ДПМНЕ Христијан Мицковски и поглаварот на Македонската православна црква- охридска архиепископија, господин господин Стефан. Во граѓанската војна во Грција која траела од 1946 година до 1949 година биле прогонети повеќе од 50.000 Македонци. Од нив најголем дел заминале во Југославија и во источноевропските земји. Првиот собир на децата бегалци од егејскиот дел на Македонија се одржал во Скопје на 30 јуни 1988 година. На Македонците кои ги напуштија своите родни огништа во Егејска Македонија, до денес Грција не им ги вратила имотите. Љубиша Владимиров КАТЕГОРИИ TопВестиМакедонијаПрилози Споделете ja веста...
Која е Гордана Силјановска- Давкова ?
Алфа - пред 5 дена
HomeTопКоја е Гордана Силјановска- Давкова ?Кристина Алексиескамај 12, 2024 Максимално посветена на правните науки, чувар на Уставот и законите со нејзината експертиза, еден од најгласните пратеници – која е првата жена претседател на Македонија? Гордана Силјаноска Давкова е родена во Охрид на 11-ти мај 1953 година, мажена и мајка на две деца. Позади себе има широка биографија проткаена со обемен ангажман како општествено – политички чинител .Таа е редовна професорка во пензија по уставно право и политички систем, а основно, средно и високо образование завршила во Скопје, а докторира на правниот факултет во Љубљана. Нејзиниот општествен ангажман опфаќа значајни позиции. Во стариот пратенички состав беше еден од нагласните говорници и со факти и аргументи ги побиваше погрешните политики на власта. Ова мене ми личи на преудицирана амнестија за потенцијалните сторители, можеби нивните имиња и презимиња не ги знаеме, меѓутоа областите каде што се случуваат овие кривични дела, институциите фондовите итн. секој ден ги слушаме, иако веќе не можеме да ги запомнеме колешке, се срамам што сум правничка, изјави Силјановска Давкова во собранието при расправата за измените на кривичниот законик. Кариерата во Собранието ја започнува во 90-тите. Беше член на уставната комисија од 1991 до 1992 година, а до 1994 беше министерка без ресор во Владата. Од 1999 до 2002 претседателствува со македонскиот национален комитет за родова еднаквост, Таа е експерт за избори на ООН и потпретседател на групата Независни експерти за локална самоуправа при Советот на Европа, а исто така член е и на Венецијанската комисија. Во нејзината богата биографија се впишува дека е и еден од основачите на институтот евро-балкан. Нејзините коментари околу актуелните случувања во државата секогаш се потпираа на правото. Критичар беше на промената на името со неуспешен референдум со што се прекрши волјата на граѓаните Уставот беше сменет наспроти неуспешниот референдум. И каков сакаат нека го именуваат референдумот, задолжителен, консултативен. Иако е многу чудно да ме консултирате откако ќе постигнете некаков договор. Мора да знаеме дека тој не успеа, изјави во едно гостување во емисија на Алфа, професорката Гордана Силјановска Давкова. Инаку новиот претседател на Македонија во вила Водно ги носи и многуте награди вклучително и за придонес кон владеење на правото од мисијата на ОБСЕ во Скопје. Гордана Силјаноска Давкова е автор или коавтор на повеќе од 200 наслови од областа на правото, политичкиот систем и уставното право. Во политичката биографија запишува и дека во 2019 година беше кандидат за претседател поддржана од ВМРО – ДПМНЕ и коалицијата, а на предвремените парламентарни избори во 2020 година, беше носителка на кандидатската листа за пратеници на ВМРО-ДПМНЕ И коалицијата во изборна единица 1. КАТЕГОРИИ TопВестиМакедонијаПрилози Споделете ja веста...
Ограбена канцеларијата на матичната служба во Прилеп
Алфа - пред 5 дена
HomeTопОграбена канцеларијата на матичната служба во ПрилепТВ АЛФАмај 12, 2024 Украдени шест компјутерски монитори и еден хард-диск, оштетени Матични книги, одземена или уништена документација, како и причинета друга материјална штета која дополнително ќе се утврдува, е резултатот од вчерашната кражба во просториите на прилепската Матична служба. Според раководителот на Службата, провалата случајно била откриена вчера во претпладневните часови, кога една од вработените матичарки дошла во Службата за да земе Матична книга заради претходно закажани регистрации, а кои се одвиваат во општинскатата зграда. „По однос на оштетувањето на Матичните книги и на другата украдена документација, допрва ќе треба да кажат вработените што и дали нешто недостасува. Базата на личните податоци е заштитена и граѓаните можат да бидат спокојни. Со оглед на тоа што е викенд, Службата најверојатно нема да работи в понеделник, со цел да се утврди што точно недостига“, ни рекоа за Алфа од Подрачното одделение за Матична евиденција во Прилеп. И од СВР Битола, ни ја потврдија кражбата. „На 11.05. во ОВР Прилеп било пријавено дека во период од 10.05 до 11.05. од страна на непознат сторител било влезено во канцелариските простории на Управата за водење матични книги, подрачно одделение Прилеп на ул. „Димо Наредникот“ при што одзел документација, оштетил дел од документацијата и одзел монитори и куќишта од компјутери. Се преземаат мерки за расчистување на случајот“, – стои во соопштението од СВР Битола. Подрачното Матично одделние во Прилеп се наоѓа во центарот на градот, во непосредна близина на Полицијата и е сместено во сутеренски простории од станбена зграда. Според исказите на некои од станатрите во зградата, наводно некакво тропање и кршење се слушнало вчера во утрото, нешто после 9 часот. Инаку, Управата за водење на Матични книги работи под капата на Министертсвото за првада, а на чие чело се уште се наоѓа министерот Кренар Лога, кадар на Алијансата за Албанците од крилото на Зијадин Села, кое на последните избори настапи како коалиционен партнер на ДУИ во т.н. „Европски фронт“. Каролина Дурло КАТЕГОРИИ TопВестиМакедонијаПрилози Споделете ja веста...
Aграрот на колена земјоделците пред социјален колапс
Алфа - пред 5 дена
HomeTопAграрот на колена земјоделците пред социјален колапсТВ АЛФАмај 12, 2024 Аграрот на колена, а земјоделците пред социјален колапс. Ваквата состојба e резултат на лошите политики кои ги водеше досегашната власт. Без итна владина поддршка Македонија, ќе се соочи со недостаток на храна, алармираат од Националната мрежа на земјоделци. Предупредуваат дека работат со загуба и се на работ на егзистенција. Слаб пласман, ниска откупна цена, немање на кадар, се само дел од проблемите со кои се соочуват македонските земјоделци. „ Имаме и друг проблем. Оваа година имаме околу 10.000земјоделци кои не можеа да ги остварат правата за дополнителни субвенции, поради некои административни бариери кои ги имаше наметнато поранешната Влада. Мора некако да се барат решенија, да се седне, да се разговара, за да се усогласиме, во спротивно, вака ако продолжиме ние како земјоделци ќе пропаднеме, но ќе се соочиме со страшен дефицит, односно недостаток на храна, скапа храна, неквалитетна, така што ситуацијата е многу тешка„ изјави Ѓорѓи Каракашев, од Националната мрежа на земјоделци. Неизвестност и пред стартот на новата жетва на пченица. Како една од мерките за спас на домашното лебно зрно земјоделците, предлагаат да се запре увозот на странско жито, а за таа сметка да се стимулира домашното производство. „Ако се задржат минатогодишните цени ние ќе бидеме длабоко во загуба. Евентуално, ако дојде до корекции и цената на пченицата биде над 20денари можеме да зборуваме за некоја економска рентабилност. Под 20денари е апсолутна загуба„ објаснува Каракешев. Пролетните врнежи од дожд благопријатно ќе се одразат на посеаните житни култури. За оваа година се очекуват просечни приноси, но со добар квалитет. Иако Македонија важи за земјоделска земја, годишното производство не ги задоволува потребите за пченица кои се од 310 до 330 илјади тони, па затоа се увезува, најмногу од Србија. Александра Ристевска КАТЕГОРИИ TопВестиМакедонијаПрилози Споделете ja веста...
Некогашната касарна во Охрид ќе стане дом на полицијата
Алфа - пред 5 дена
HomeTопНекогашната касарна во Охрид ќе стане дом на полицијатаТВ АЛФАмај 12, 2024 Просторот на некогашната касарна во Охрид кој повеќе од деценија беше целосно запуштен, добива нов лик. Во еден од поранешните објекти со најспецифична архитектура кој датира од 1959-та година, ќе се вдоми полицијата. Локалната власт и министерството за внатрешни работи ги препознаа потенцијалите на историскиот комплекс кој беше еден од најголемите во Македонија,но зјаеше празен откако во 2011-та година се исели и последнот војник. Во 2022-ра година на МВР и се доделени дел од објектите во касарната кои не се користат. “Министерството за внатрешни работи ќе ги преземе сите потребни чекори за да го стави во фунција како што доликува, заради тоа што овој капацитет како таков во рамки на моменталната состојба која што е и тоа како задоволува одредени услови од аспект на технички карактеристики и со обезбедени финансиски сретства од идната влада на Република Македонија, ќе може да го ставиме во фукција како што доликува“, вели Панче Тошковски, министер за внатрешни работи Послан на површина од 23 хектари,денешниот процент на изграденост во комплексот на касарната е само 4,5%.Затоа локалната власт планира да го заживее овој дел од градот кој се наоѓа на 2 километри од центарот,а е буквално мртов. На дел од парцелите веќе се прави најголемиот авантуристички парк во Југоисточна Европа. И додека касарната добива нови содржини, напоредно со дислокација на полицијата,допрва ќе се бара соодветно решение за преместување и на затворот како и на пожарната. “Кога и да се разговара и логички да се гледаат работите, повеќе гужва се создава таму каде што пожарната, полицијата а и затворското одделение се наоѓаат како подрачје отколку што тие реално можат да функционираат”, вели Кирил Пецаков, градоначалник на Охрид Со дислокација на овие три објекти кои се наоѓаат едно до друго во строгиот центар на градот, сеослободуваат најатрактивните локации.Според најавите на министерот Тошковски, засега планирано е на местото на полицијата да се направи убав парк и подземна гаража,нешто што за градот исто така е насушна потреба. Росица Голабоска КАТЕГОРИИ TопВестиМакедонијаПрилози Споделете ja веста...
„Северна“ не постои за претседателката – грчката амбасадорка во знак на протест ја напушти салата
Алфа - пред 5 дена
HomeTоп„Северна“ не постои за претседателката – грчката амбасадорка во знак на протест ја напушти салатаАдријана Алексиескамај 12, 2024 Со највисоки државни и воени почести, гардата пред Вила Водно и досегашниот шеф на државата ја дочекаа новата претседателка и врховна командатка Гордана Силјановска Давкова. По заклетвата во Собранието Силјановска-Давкова на официјална церемонија ја презеде функцијата од Стево Педаровски. Имаа тет-а-тет средба, а потоа првата жена претседател на Македонија, го испрати својот претходник. Гордана Силјановска Давкова реакциите за нејзиниот говор ќе ги слуше од нејзиниот нов дом претседателската Вила на Водно. Првите стигнаа од Грција. Откако Силјановска Давкова во заклетвата семјата ја нарече „Македонија“, како што впрочем вети за време на кампањата, без да ја употреби кованицата „Северна“, бурни реакции од југот. Амбасадорката ја напушти галеријата на собраниската сала за време на говорот на претседателката. Грчките медиуми пренесуваат дека Софија Филипиду ја напуштила свечената седница „во знак на протест“. Од амбасадата пак велат дека Филипиду ја напуштила салата по инструкции на грчкото МНР, веднаш по заклетвата. Не присуствуваше за време на говорот на Силјановска Давкова. Од партиите во законодавниот дом, единствено реакција имаше од ДУИ. А интегративците продолжија со нападите. И замерија на Силјановска Давкова бидејќи не ги спомнала Рамковниот, Преспанскиот и Договорот за добрососедство. Според нив, го прекршила уставот дека ја нарече државата „Македонија“. Првиот човек на ВМРО-ДПМНЕ Христијан Мицкоски за Алфа кратко изјави дека говорот бил државнички и достоинствен. Говор на претседател кој што ја доби довербата од граѓаните, достоинствен говор, си остана на зборот, на она што го зборуваше во кампањата – рече Мицкоски. Изразуваме жалење за говорот на претседателката на државата Гордана Силјановска Давкова. Го згази Уставот уште на прва реченица неспомнувајќи Република, ниту Република Северна Македонија, со сите импликации кои ги има тоа. Рече време е за единство, а спомна само двајца лидери од македонскиот блок, исклучувајќи ги сите останати – нагласи Aрбр Адеми, координатор на пратеничка група на ДУИ. На фотелјата во Вила Водно до сега седеле пет претседатели.Првиот претседател Киро Глигоров и Ѓорге Иванов претседателската функција ја вршеа во два мандата, а по еден мандат имаа Борис Трајковски, Бранко Црвенковски и Стево Пендаровски. Андријана Алексиеска КАТЕГОРИИ TопВестиМакедонија Споделете ja веста...
Заклетва на Гордана Силјановска Давкова без претседателката да го спомне уставното име- се осврна на улогата на жените во политика
Алфа - пред 5 дена
HomeПрилозиЗаклетва на Гордана Силјановска Давкова без претседателката да го спомне уставното име- се осврна на улогата на жените во политикаКристина Алексиескамај 12, 2024 Македонија го доби шестиот и првата жена претседател на државата. Без да ја спомне „ Северна“ , Гордана Силјаноска Давкова даде заклетва пред стариот пратенички состав дека ќе го почитува Уставот и законите на Македонија, ќе го штити суверенитетот, територијалниот интегритет и независноста на Македонија. Илјадниците граѓани кои ја дадоа довербата за да ја преземе вила Водно за Силјаноска – Давкова се најголемата обврска која ја добила во животот. Во првиот говор во Собранието, кој го посвети на жените, таа вети дека ќе биде претседателка на сите граѓани, на левата и на десната страна во собранието, ќе биде коректор и ќе реагира во Парламентот кога ќе биде потребно дури и со вето. Силјановска Давкова од собраниската говорница му се заблагодари на Христијан Мицкоски бидејќи само тој верувал во таква голама, убедлива победа со над 500 илјади гласови, кога и таа самата не верувала дека такво нешто може да се случи. „Ќе го почитувам овој Парламент, ќе ги заборавам лошите моменти, ќе ги паметам само добрите. Ќе бидам претседателка и на левата и на десната страна. Ќе бидам претседателка на сите граѓани, нема да правам разлика меѓу нив. Ќе се обидам да ги оправдам овие илјадници гласови, кои се најголемата обврска која сум ја имала во животот. Ќе сторам се за да ја оправдам. Време е за единство“, рече Силјановска-Давкова. Ако можам да сум јас претседателка – можете и вие – Минутите од собраниската говорница Давкова ги искористи да ги инспирира жените, затоа што речиси и да ги нема во политиката, а силните жени можат на поинаков начин да ги решат проблемите. Желбата на новата претседателка е во новиот парламентарен состав да има повеќе жени . Давкова повика на единство кое во моментов е потребно повеќе од било кога затоа што Македонија има многу тешка лекција. За жал жените ги нема во политиката, затоа сум среќна што ќе инспирирам други жени. Ако јас можам да бидам претседателка, можете и вие! Запомнете / Никогаш не ни било потребно поголемо единство, со нас жените ќе се менувате и вие мажите . Ајдете да исчекориме, лекција имаме, многу тешка лекција . Инаугурацијата во Собранието се одвиваше пред пратеници, функционери, поглавари на верските заедници, дипломатскиот кор. Присуствуваше поранешниот претседател Ѓорѓе Иванов, а изостанаа поранешните претседатели Бранко Црвенковски и Стево Пендаровски. КАТЕГОРИИ TопВестиМакедонијаПрилози Споделете ja веста...
– Продолжуваат маките на жителите од прилепско Оревоец со минирањата и ископите на тампон-материјали за потребите на „Бехтел и Енка“ –
Алфа - пред 6 дена
HomeTоп– Продолжуваат маките на жителите од прилепско Оревоец со минирањата и ископите на тампон-материјали за потребите на „Бехтел и Енка“ – ТВ АЛФАмај 11, 2024 Ако во рок од осум работни дена не добиеме валидни документи со кои ќе не’ уверат дека минирањата и ископите во атарот не селото Оревоец не ги загрозуваат единствените четири природни градски извори на вода, ние секојдневно ќе го блокираме патот и правдата ќе ја бараме на суд“. Ова е денешното предупредување на жителите од елитното село Оревоец каде си имаат изградено луксузни куќи и вили, вредни и по неколку стотици илјади евра, до „Бехтел и Енка“ и до ЈПДП, а кои веќе еден месец овде вршат минирања за ископ на тампон-материјали за изградба на Коридорите 8 и 10Д. „Овие веќе ја исекоа шумата и дојдоа на само стотина метри од селото за да отворат нов рудник. Како што тргнале и в село ќе ни влезат. Се’ ќe уништат, и извори, и животински, и растителен свет. Ова, уште им е само подготовка, екоцидот ќе следува допрва. Испративме писма и до ЈПДП и до „Бехтел и Енка“, бараме објаснувања, бараме цврсти гаранции дека ова не е и еколошко, и културно, и материјално уништување и на природата, но и наше. На одговорот чекаме се’ уште, па си ангажиравме и адвокат“ – вели Рубин Рујаноски. Од ЈП за ДП, пак се правдаат дека се’ било законски. „Ископот во близина на с. Оревоец се врши врз основа на добиена концесија за експлоатација на минерални суровини, технички градежен камен за потребите на двата Коридори, како Паневропски патни коридори од стратешки интерес, согласно чл.40-а од Законот за минерални суровини. Сите работи во врска со ископот се вршат после добиени лиценци и одобренија, и експлоатацијата ќе се врши до завршувањето на изградбата на Коридорите“, – стои во соопштението од ЈП за ДП. Ореовчани својот глас го кренаа уште пред десетина дена, блокирајќи ги патот до градилиштето и тешката механизација. „Единствените четири извори од кои нашиот град се напојува со вода се наоѓаат во пазувите на оваа Бабуна планина. Ние не знаеме кој им потпишал, но ние знаеме дека некој ни чепка во водата што ја имаме за пиење“, – кажа Ѓорѓи Ѓорѓиески, член на Комитетот за заштита на природното и културно наследство на Македонија. Инаку, ова не е прв бунт на месно население против базните ископи на „Бехтел и Енка“. Пред неколку месеци, на протест излегоа и жителите од селото Беровци кои тврдеа дека на нивните имоти требало да никнат асфалтни и бетонски бази. После протестите, ископите на базите, овде засега се стопирани. Каролина Дурло КАТЕГОРИИ TопВестиМакедонија Споделете ja веста...
Нападот врз Израел и војната во Газа доведоа до драматично зголемување на антисемитизмот во светот
Алфа - пред 6 дена
HomeTопНападот врз Израел и војната во Газа доведоа до драматично зголемување на антисемитизмот во светотТВ АЛФАмај 11, 2024 „Оваа античка омраза кон Евреите не започна со холокаустот – не заврши ниту со холокаустот“, рече Бајден. На годишната церемонија на сеќавање во Меморијалниот музеј на Холокаустот во Вашингтон, претседателот Џо Бајден имаше порака за американските Евреи и Израел. „Дозволете ми да ве уверам, како ваш претседател, не сте сами. Секогаш ја имате и ќе ја имате мојата посветеност за безбедноста на еврејскиот народ, безбедноста на Израел и неговото право да постои како независен Еврејската држава која е цврста, дури и кога не се согласуваме“, рече Бајден. Светскиот извештај за антисемитизам за 2023 година, објавен во неделата од Лигата за борба против клевета и Универзитетот во Тел Авив, откри 103 отсто зголемување во однос на претходната година во актите на насилство, вандализам и вознемирување насочени кон американските Евреи. „Невидени нивоа на антисемитизам ги зафатија еврејските заедници во главните градови низ целата планета. Тоа беше најлошата година за антиеврејска омраза во Америка што некогаш сме ја виделе откако почнавме да се занимаваме со оваа работа пред 45 години“, рече Џонатан Гринблат, извршен директор на Лигата против клеветата. Според извештајот, речиси три четвртини од студентите на американскиот универзитет биле сведоци на инцидент во некоја форма од почетокот на академската година. ((end courtesy)) Многу пропалестински демонстранти, сепак, тврдат дека не се антисемитисти. „Имаме многу еврејски студенти меѓу нас, меѓу организаторите овде. Не станува збор за антисемитизам. Станува збор за тоа да се биде цврсто антиционист затоа што има луѓе кои се раселени од нивната земја и истребени со пари од даночните обврзници на САД“, вели пропалестинската демонстрантка Жо Раген. Ноа Тишби, коавтор на новата книга „Непријатни разговори со Евреин“, вели дека терминот „ционизам“, кој едноставно укажува на правото на Евреите на сопствен дом во земјата на Израел, бил киднапиран и демонизиран. „Нема ништо лошо во критикувањето на политиките на израелската влада. Тоа не е она што се случува на кампусите во Америка во моментов. Тие буквално велат: „Отпорот е неопходен со сите средства.“ Тие го оправдуваат 7-ми октомври. Овие луѓе повикуваат да се урне единствената еврејска држава во светот“, рече Ноа Тишби, коавторка на „Непријатни разговори со Евреин“. Тишби вели дека иако цврстата поддршка на Бајден ја прави заедницата да се чувствува побезбедна, тоа не и го одзема убедувањето дека може повторно да се случи уште еден Холокауст доколку не се контролираат трендовите на омраза. „За еврејската заедница 7-ми октомври беше како повторување на Холокаустот, кога ги слушнавме истите приказни за мајки кои ги гушкаат своите деца додека ги палат живи, деца и тинејџери кои се кријат во своите домови, обезглавување, осакатување и силувања. Тоа го нарекувам злосторствата на 7-ми октомври и злосторствата на 8-ми октомври, бидејќи тоа се случи на 7-ми октомври, а на антиционистичките и антиизраелските организации им требаа нешто помалку од два часа за да почнат да се фалат со тоа“, додава таа. Таа вели дека антисемитизмот, исто така, често е показател за присуството на подлабоки проблеми во едно општество и дека барањето жртвено јагне нема да остане само во една група. Јованчо Наумоски, Глас на Америка – Вашингтон КАТЕГОРИИ TопВестиСвет Споделете ja веста...
Намaлен бројот на првачиња на истокот од државата
Алфа - пред 6 дена
HomeВестиМакедонијаНамaлен бројот на првачиња на истокот од државатаТВ АЛФАмај 11, 2024 Во континуитет паѓа бројот на првачиња во Штип. Ако минатата година требаше да се запишат 580, на овие уписи согласно податоците добиени од СВР, во училишните клупи ќе има 21прваче помалку. Уште позагрижува фактот, што и овој број нема да се исполни во целост. Тоа е резултат на масовното иселување. „ За жал оваа бројка не се исполнува. Од различни причини, едноставно луѓето мигрираат. Се селат во друга држава или град , па децата ги запишуваат во странство„ изјави Снежана Санева, од одделението за образование при Општина Штип. Сериозен проблем во Штип, кој и оваа година при уписот на 559 првачиња треба да се надмине е реонизацијата. Токму во училиштето „Гоце Делчев„ во кое повеќе од 60% од учениците се Роми, има најголем број на барања за трансфер на првачиња во други училишта. Низ годините имаше и случаи кога родителите ја менуваа и адресата на живење само да не ги запишат децата во тоа училиште. „ Ова прашање е навистина голем проблем за нашата општина. Го знаете и проблемот со сегрегацијата што се случи. Се надевам дека оваа година ќе има почитување на реонизацијата и сите ученици ќе бидат запишани во училиштата коишто спаѓаат во реонот„ изјави Снежана Санева, од одделението за образование при Општина Штип. Сликата празни училишни клупи не ги заобиколува и останатите градови во државата. Белата чума го погоди крајниот Исток, каде голем дел од првачињата наместо дома, се запишуваат во училиштата во Италија, Германија или Шведска. Александра Ристевска КАТЕГОРИИ ВестиМакедонија Споделете ja веста...
Стоп за прекумерна урбанизација и загадување на Охридското Езеро
Алфа - пред 6 дена
HomeTопСтоп за прекумерна урбанизација и загадување на Охридското ЕзероТВ АЛФАмај 11, 2024 Стоп за прекумерната урбанизација на крајбрежјето и загадување на Охридското езеро со отпадни води-доколку под итно не се превземат мерки, за помалку од една деценија ќе нема спас за едно од 12-те најстари езера во светот,а тоа е Охридското,алармираат врвни домашни и странски природонаучници. ” Големата урбанизација, значи тоа е еден од клучните проблеми на Охридското езеро и недостатокот на правилен менаџмент на отпадните води дали се тоа комунални или индустриски. Значи ако продолжиме со вакво темпо на загрозување на езерото, некои проценки се дека за 10-тина години би можеле да очекуваме постепено исчезнување на одредени видови” –вели проф. Златко Левков-Природно математички факултет, Скопје Со исчезнувањето на ендемичните растителни и животински видови, состојбата на Охридското езеро ќе стане драматична.Негрижата на државата со децении наназад е недозвлива и погубна за овој значаен екосистем. “Државата треба да има јасна визија и јаснo поставени граници кои не смеат да се преминат зошто тоа ќе доведе до уништување на Охридското езеро, живиот свет во него и целата околина”-вели проф. Марија Глигора Удовиќ – Природно-математички факултет,Загреб Стареењето на езерата е природен прцес,но несовесно однесување на човекот и запоставеноста на државата ќе го докрајчат едно од најзачајните екосистеми во светски рамки. “Секое природно езеро поминува низ сукцесивен процес и секое езеро во одреден период ќе се претвори во ливада.Тоа е тешко да се прифати,но човекот го забрзува тој процес.Од друга страна секоја држава треба да ги заштити своите водни екоситеми кои се значаен извор за целата човечка популација” – вели проф.Јелена Кризманиќ, Биолошки факултет-Белград За да не садиме пиперки, намето да пливаме во езерото, двете држави и Македонија и Албанија мора да соработуваат со научниците и сериозно да ги сфати препораките на Унеско и да се спротивстават на секоја сулуда идеја како онаа за организирање на трка со формули на вода на Охридското езери,укажуваат нашите соговорници. Новинар Росица Голабоска Снимател,монтажа Златко Маневски КАТЕГОРИИ TопВестиМакедонија Споделете ja веста...
Прв чекор- ВМРО-ДПМНЕ и „ВРЕДИ“ ги договорија општите начела за идната влада
Алфа - пред 6 дена
HomeTопПрв чекор- ВМРО-ДПМНЕ и „ВРЕДИ“ ги договорија општите начела за идната владаАдријана Алексиескамај 11, 2024 Насмеани и расположени, првите луѓе на ВМРО-ДПМНЕ и Коалицијата „Вреди“ за прв пат седнаа на иста маса и ги потврдија позициите за соработка и состав на новата македонска Влада. Двете опозициски партии ги спремаат куферите за на „Илинденска“.Економски развој, евроинтеграции, борба против криминалот и корупцијата се меѓу постулатите на кои ќе се заснова владината коалиција. Христијан Мицкоски кој пред почетокот на состанокот даде кратка изјава, кога си одеше од штабот на „Вреди“, одби да соопшти детали пред камерите но не го криеше задоволството од постигнатото. Новинарите: Господине Мицкоски, ако може кратка изјава, во која насока одат разворите?„Во правилна насока“, одговори низ насмевка Мицкоски. Покрај Мицкоски, присутни беа и Александар Николоски, Владо Мисајловски, Тимчо Муцунски и Гордана Кочоска Димитриеска, како и шефот на кабинет на претседателот Владимир Нелоски. Нивни домаќини беа Арбен Таравари, Изет Меџити, Биљал Касами и Африм Гаши. Договорени се општите начела на соработка за идната влада, која ќе се базира на три постулати: евроинтеграции, забрзан економски развој, борба против криминалот и корупцијата и владеење на правото. Заклучено е дека двете страни ќе формираат работни групи, на кое ниво ќе продолжат разговорите до нивно финализирање, информираа од ВМРО-ДПМНЕ. Коалицијата „Вреди“ со оценка дека разговорите оделе во правилна насока. Арбен Таравари, Изет Меџити, Биљал Касами и Африм Гаши денеска остварија средба со претставници од ВМРО-ДПМНЕ. Разговорите одат во правилна насока. Од понеделник ќе формираме работни групи – изјави Башким Бакиу, портпарол на „Вреди“. Пред состанокот со „Вреди“ Христијан Мицкоски вчера се сретна со партиите кои се дел од Коалицијата „Твоја Македонија“ – пораката од таму беше дека оствариле успешен и историски кој носи одговорност за остварување на ветеното. На парламентарните избори ВМРО-ДПМНЕ освои 58 пратенички мандати, а „Вреди“ 13 – вака владејачкото мнозинство би изнесувало 71 пратеник. Сепак, Мицкоски има и друга математика – тој очекува до 28 мај – денот кога треба да се одржи првата конститутивна седница, да консолидира до 61 пратеник бидејќи поединци од други коалиции „испратиле сигнали“ дека сакаат да се приклонат кон ВМРО-ДПМНЕ. КАТЕГОРИИ TопВестиМакедонија Споделете ja веста...
Aли Aхмети ја прочита декларацијата која наводно ја потпишале со „Вреди“, но не ја покажа на јавноста
Алфа - пред 6 дена
HomeTопAли Aхмети ја прочита декларацијата која наводно ја потпишале со „Вреди“, но не ја покажа на јавностаЉубиша Владимировмај 11, 2024 Ја прочита, но јавно не ја покажа. Лидерот на ДУИ Али Ахмети ги собра денеска лидерите од Европскиот фронт на средба, на која ги наброја имињата на потписниците на декларацијата со која наводно Таравари, Меџити, Касами и Гаши уште на 13 јануари се заложиле дека ќе ги поддржат уставните измени. На неа, според Ахмети стои дека нема да прават коалиција со партија која нема да се согласи да бидат вметнати Бугарите во уставот.„Сега и во иднина да соработуваме и владееме само со оние политички партии кои се согласуваат да ги поддржат уставните измени како услов за продолжување на процесот на интеграција на земјата во Европската Унија. Потписи на партиските претставници, Арбен Таравари, Африм Гаши, Али Ахмети, Биљал Касами, Изет Меџити“, рече Али Ахмети. Без да прецизира, Ахмети вели декларацијата е потпишана по направени консултации, посочувајќи дека Европскиот фронт ќе биде столб за мирот и стабилноста на земјава, бидејќи како што рече, местото Македонија е во Европската Унија. Претседателот на Демократско движење и еден од лидерите на коалицијата Вреди, Изет Меџити тврди дека Вреди нема потпишано никаква платформа со ДУИ за барање на албанските политички партии од секоја нова влада да спроведат уставни измени како услов за коалицирање со партија од македонскиот блок. „Во неколку наврати јас одговорив и на Ахмети и на Груби и на Османи, доколку има такво писмо да го објават пред јавноста во рок од 24 или 48 часа, во спротивно даваат неточни информации, да не кажам ја лажат јавноста“, рече Изет МеџитиАхмети никако да се освести дека заминуваат во опозиција. Ни денеска не кажа прецизно како партијатата и коалиционите партнери ќе се однесуваат во иднина и дали ќе бидат конструктивна опозиција, или можеби ќе се повтори сценариото од 2006 до 2008 година кога притискаа да влезат во владата. Централното претседателство на ДУИ вчера се собра во седиштето во Мала Речица за да разговара за последните политички случувања во земјата создадени по изборите на 8 мај. Од таму ги предупредија ВМРО-ДПМНЕ да не си игра со Албанците и да не ја потценува волјата на мнозинството Албанци како втора по големина заедница во државата. Љубиша Владимиров КАТЕГОРИИ TопВестиМакедонијаПрилози Споделете ja веста...
Силјановска го доби уверението од ДИК дека е избрана за претседател
Алфа - пред 6 дена
HomeTопСилјановска го доби уверението од ДИК дека е избрана за претседателКристина Алексиескамај 11, 2024 Гордана Силјаноска Давкова официјално стана првата жена претседател на Македонија. На денот на нејзиниот роденден, Државната изборна комисија и го издаде Уверението за избран претседател согласно резултатите од вториот круг на претседателските избори кои се одржаа на 8- ми мај. Универзитетската професорка, според конечните резултати го победи Стево Пендаровски со над 300 илјади гласови . Уверението на Сиљановска Давкова ѝ го врачи претседателот на ДИК Александар Даштевски и во име на Комисијата ѝ посака успешен мандат. За изборните резултати за Претседател до ДИК немаше поднесено приговори Државната изборна комисија утврди дека вкупниот број на запишани избирачи за претседателските избори кои биле запишани во Избирачкиот список изнесува 1.814.317, вкупниот број на избирачи кои гласале бил 861.218, вкупниот број на неупотребени гласачки ливчиња 953.121, вкупниот број на важечки ливчиња 812.899, вкупниот број на неважечки ливчиња 48.289 а процентот на избирачи кои гласале е 47.47%, соопшти Александар Даштевски претседател на Државна изборна комисија Откако Државната изборна комисија достави извештај до Собранието, Парламентот ја закажа седницата за инаугурацијата. Силјаноска Давкова ќе даде заклетва пред стариот парламентарен состав утре напладне по што започнува да тече нејзиниот мандат , а утре истекува и мандатот на актуелниот претседател Стево Пендаровски. Инаку, Гордана Силјановска-Давкова се вселува во Вила Водно како шести претседател на Македонија, а со тоа Македонија стана седма европска држава со жена претседател. Главните ветувања на универзитетската професорка за време на кампањата беа дека ќе ја врати почитта на позицијата претседател на државата, а за разлика од досегашниот Пендаровски одлуките ќе ги носи со државен консензус. Најави и дека ќе биде коректор на централната власт и нејзин критичар доколку тоа е потребно и претседателска на сите граѓани. КАТЕГОРИИ TопВестиМакедонијаПрилози Споделете ja веста...
Катастрофални резултати за Данела Арсовска изборите, дали ќе одважи да си поднесе оставка од функцијата градоначалник на Скопје
Алфа - пред 6 дена
HomeTопКатастрофални резултати за Данела Арсовска изборите, дали ќе одважи да си поднесе оставка од функцијата градоначалник на СкопјеКристина Алексиескамај 11, 2024 Ни 2000 гласа не освои мајката на главниот град во изборната единица 1 каде беше носител . Партијата на градоначалничката Данела Арсовска, „ Твоја Алтернатива“ на парламентарните избори освои само 3516 гласа, од кои 1.645 гласа во првата изборна единица каде има општини од градот Скопје , или 0,85 отсто од гласовите. Во втората изборна единица, каде исто се впишуваат општини од Град Скопје, „ Нова Алтернтива“ освои 1113 гласа Изборна единица Политичка партија „ Нова Алтернатива“ 1 1645 – 0,85 % 2 1113 – 0,63 % 3 410 – 0.25% 4 348 – 0,20% Дали дебаклот на Арсовска во градот кој го предводи е доволна причина да си замине од функцијата градоначалник на Град Скопје засега нема одговор од нејзиниот кабинет. Скопје да се врати на скопјани повика актуелниот градоначалник на Гази Баба, Бобан Стефковски Бројките велат дека во 2021 година Данела Арсовска е избрана за градоначалник на градот Скопје со гласовите на 118.545 скопјани, а сега Данела Арсовска преку нејзината партија во општините Гази Баба, Ѓорче Петров, Бутел, Чаир, Кисела Вода, Аеродром, Центар, Сарај и Шуто Оризари освои вкупно 2584 гласови. По ваквиот резултат јасно е дека Данела Арсовска го загуби кредибилитетот да продолжи да го води градот Скопје, напиша градоначалникот на Општина Гази Баба Бобан Стефковски „Има луѓе професионалци, што знаат како се управува со градот“ – беше главната порака на Арсовска, но мандатот и го одбележуваат скандали и конфликти. Последен во низата е се уште неразјаснатата дилема кој треба да ја искоси тревата околу Влада. Нема епилог од кавгата со техничкиот премиер Талат Џафери кога тој ја повика Арсовска да ја среди џунлата во дворот на Владата , а таа му врати дека сам треба да си го среди дворот. Арсовска во две ипол години, смени десетици директори на градски претпријатија, отпушти десетици вработени. Прв пат од осамостујувањето на Македонија, Скопје остана без градски превоз, а среде лето и доживеавме слика на главен град со ѓубре колку планина, поради штрајкот на комуналните работници. Од ветувањето за бесплатен јавен превоз, скопјани добија електрични тротинети кои се плаќаат и автобуси кои доцнат или се преполни. Резултатот на изборите не е поразителен само за Арсовска, уште еден градоначалник доживеа дебакл. Стевчо Јакимовски откако испадна од претседателската трка, коалицијата преводена од неговата ГРОМ на парламентарните избори освои вкупно, 4.522 гласа, а во скопски Карпош каде е градоначалник доби 841 глас. Победата на локалните избори во 2021 ја доби со доверба од 14,838 карпошани. КАТЕГОРИИ TопВестиМакедонијаПрилози Споделете ja веста...
„Аџибадем Систина“ додели благодарници и награди за најхуманите медицински сестри
Алфа - пред 6 дена
HomeЗдравје„Аџибадем Систина“ додели благодарници и награди за најхуманите медицински сестриТВ АЛФАмај 11, 2024 По повод Светската недела на медицинските сестри и акушерки, Клиничката болница „АџибадемСистина“ ги награди најхуманите медицински сестри, кои со својот придонес, професионалност итимски дух придонесоа за развојот и унапредувањето на сестринството. За големината на оваа хумана професија зборуваа медицинскиот директор на болницата, проф. д-р Игор Кафтанџиев, како и главната медицинска сестра, Билјана Дилевска, кои со поздравен говор го отворија настанот. Награди и признанија добија 33 медицински сестри и акушерки од болницата, во неколкукатегории, кои во изминатата година покажале значајни резултати во својата работа и придонелеза позитивна работна атмосфера. „Клиничката болница ‘Аџибадем Систина’ со голем број активности ја одбележа Светската неделана медицински сестри. Со цел да ја унапредиме професијата и да им оддадеме почит на нашитевработени, доделивме признанија и награди, кои се мотив за колективот, од една страна, но оддруга страна, сакаме да дадеме и пример како треба да се сака и цени професијата, бидејќинашата професија, пред сѐ, има хумана димензија“, вели Билјана Дилевска, главна медицинскасестра во „Аџибадем Систина“. Клиничката болница „Аџибадем Систина“, како најголема приватна болница, има голема улога воразвојот на сестринството како професија. Грижата за вработените е еден од нашите главниприоритети, а потврда за тоа е и признанието за најдобар работодавец, кое болницата го добивавтора година по ред. КАТЕГОРИИ ЗдравјеПромо Споделете ja веста...
Најголем историски дебакл: Како и зошто СДСМ стана трета политичка сила во Македонија?!
Алфа - пред 7 дена
HomeTопНајголем историски дебакл: Како и зошто СДСМ стана трета политичка сила во Македонија?!Матеја Петровскимај 10, 2024 Од 500.000 во 2002-ра до 155.000 во 2024-та. Како СДСМ од некогаш најмоќна партија дојде до маргините, стана трета политичка сила во Македонија? Според бројките падот на социјалдемократите започна со доаѓањето на власт на Зоран Заев. Во 2016-та добија 49 пратеници, четири години подоцна поминаа полошо. Во 2020-та и со помош на Беса бројката им падна на 46, за пред два дена да доживеат историски дебакл, добивајќи само 18 пратеници. Се започна кога Заев реши да влезе во партнерство со ДУИ и да погази речиси се она што го ветуваше. Само два месеци откако стана премиер со Бојко Борисов го потпишаа договорот за добрососедство со Бугарија. -Го трасиравме патот на пријателството, добрососедството и соработката меѓу нашите две земји. Република Македонија и Република Бугарија направија историски чекор напред, порача Заев. Само една година подоцна на 17-ти јуни 2018-та дојде и Преспанскиот договор, со кој Македонија ја доби кованицата Северна и тоа по неуспешен референдум. -Да живее Македонија. Да живее Република Северна Македонија, ни порача Заев. Со промената на името Македонија доби членство во НАТО, а ветуван беше и брз напредок кон Европската Унија. Но, дојдоа блокадите, прво од Франција, потоа од Бугарија, која на основ на договорот за добрососедство, испорача уште повеќе услови кон државава. Потоа беше прифатен и францускиот предлог и двата протоколи, сите по вкус на Бугарија, а на штета на Македонија. Таму политичарите се договорија дека историчарите треба да преговараат за Гоце Делчев и целото Илинденско востание, знаејќи ги ставовите на Бугарите по ова прашање, односно дека нашиот најголем револуционер според нив бил Бугарин. Поранешниот премиер Ковачевски првично барем декларативно го одби, пред камери одлучни кажа „не“ среде Брисел. -Предлогот во ваква форма каква што е во моментов е неприфатлив за мене, за претседателот на државата, за коалиционите партнери и за граѓаните на Република Северна Македонија, изјави Ковачевски на 23 јуни 2022-ра. Цврстиот став на Ковачевски се скрши за само седум дена. На први јули 2022-ра дојде нов, но во суштина тој беше истиот стар предлог. Ковачевски тогаш без никакви консултации со опозицијата, отиде контра граѓаните и експертите. Тврдеше дека бил добро решение и почна да го турка по секоја цена во што на крајот и успеа. -Од овде и од денес па натаму одиме напред со забрзан чекор за да се приклучиме кон европското семејство, во кое многу скоро и официјално ќе се чуе нашиот македонски јазик, кажа Ковачевски на први јули 2022-ра. Покрај промената на името, договорот со Бугарија, прифатениот француски предлог, власта на СДСМ низ последните седум години со својата реторика ги рушеше македонските позиции во однос на историските прашања. -(Зад нас е Гоце Делчев, народната гимназија се вика Јане Сандански, претпоставувам дека голем број на улиците се именувани сега по општи, македонски херои или бугарски?) Според мене тоа се личности од нашата заедничка историја, кои што може да не поврзуваат само и апсолутно треба да се радуваме на тоа што не поврзуваат, никогаш да не гледаме на такви работи да не разделуваат, изјави Заев во интервјуто емитувано на 17-ти ноември 2017-та. Доказ за големиот пад на СДСМ е и што изгубија и во бастионот на социјалдемократите, во Струмица на Заев, а порази доживеаја и во други општини кои важеа за нивни бастиони, како Центар и Карпош. Матеја Петровски КАТЕГОРИИ TопВестиМакедонијаПрилози Споделете ja веста...
ДУИ би можела да изгуби два пратеника
Алфа - пред 7 дена
HomeTопДУИ би можела да изгуби два пратеникаТВ АЛФАмај 10, 2024 Ова не е крајниот резултат на изборите, ДУИ може да изгубат двајца пратеници, поради неправилности во процесот – вели за ТВ Алфа Изет Меџити од коалицијата „Вреди“, кој додава дека во изборните единици 2 и 6 разликата помеѓу нивниот резултат и оној на ДУИ е многу мала, а дел од резултатите не се поклупуваат. „Ова не е крајниот резултат бидејќи на многу места за малку се губи или се добива пратеник. Така што, треба да почекаме до крајниот резултат. Во 6та изборна единица, ако се исправи грешката, од само 80 гласови, резултатот ќе биде наместо 9/7, 8/8. Очекуваме и во 2та изборна единица, на ивица е нашиот 4ти пратеник. Има и некои други детали, но со тоа се занимаваат од правниот сектор.“ – Изјави Изет Меџити од „Вреди“ Според извори на Алфа, приговори се очекуваат и од СДСМ, кои во дел од изборните единици имаат мала разлика со ДУИ, но и покрај нашите телефонските јавувања , оттаму не потврдија дали ќе поднесат приговори или не. Таков е случајот во петта изборна единица, каде што социјал-демократите добиле 16,42% од гласовите, додека пак интегративците 16,49%, односно вкупно 0,7% разлика помеѓу двете партии. Оваа ситуација става под знак прашалник дури 3 пратеници на европскиот фронт, предводен од ДУИ. Но, дури и да не се прифатат приговорите кои доправа треба да се поднесат до државната изборна комисија, пратеничката група на ДУИ е на стаклени нозе, бидејќи дел од 8те партнери кои се во коалицијата на ДУИ, веќе испраќаат сигнали дека постои можност тие да преминат во владечката коалиција. Во телефонски разговор, за Алфа ТВ претседателот на државната изборна комисија, Александар Даштевски, вели дека досега до нив нема пристигнато ниту еден приговор. Рокот за приговори за изборите истекува денес во 23:30 часот. Никола Цветкоски КАТЕГОРИИ TопВестиМакедонијаПрилози Споделете ja веста...
Распуштање на обвинителскиот и судскиот совет – Правниците позитивно гледаат на предлогот на ВМРО ДПМНЕ
Алфа - пред 7 дена
HomeВестиМакедонијаРаспуштање на обвинителскиот и судскиот совет – Правниците позитивно гледаат на предлогот на ВМРО ДПМНЕПаула Костадиноскамај 10, 2024 Судски совет и Советот на јавни обвинители да се самораспуштат и самите да си се изберат на непосредни избори. Дел од правната фела вака ја толкува пораката на лидерот на вмро дпмне Христијан Мицкоски и очигледно новиот мандатар на Владата. Тој најави реформирање на двете клучни институции во кои седат главите на правосудството, судскиот совет и советот на јавни обвинители и вршат избор, оценувања и разрешувања на судиите и обвинителите. Претседателот на Транспаренси Интернешнл благоја пандовски вели дека Христијан Мицскоски апелира до членовите на судскиот освет и советот на обвинители самите да си ги решат проблемите, а на власта не и е на крај памет да се меша и да вметнува свои луѓе во правосудниот систем. Членовите на овие клучни правосудни институции се пристрасни при оценката на своите колеги бидејќи доаѓаат од редовите на судиите, коментира Пандовски во однос на поставеноста на членовите на судскиот и обвиниетлскиот совет. тој предлага нови законскји решенија. Rаботата на правосудните институции го допреа дното откако според анкетите довербата во судскиот систем пана на статистичка грешка од 2 %. Судскиот совет изминативе години работи со голем број скандали и е критикуван за несовесно работење од претставниците на межунаародната заедница кај нас. Оценската мисија на ЕУ која влезе во советот по избивањето на скандалот со разрешувањето на претстедателката Весна Дамева даде 40 препораки ова тело самото да се реформира. Последниот извештај на ЕК говори за нетрансрентноста на Советот на обвинители при изборот на членови како и за партиски влијанија и непотизам при избори на судии во Судскиот совет. Според познавачите корените во борбата со корупцијата почнува токму од тука, од врвот на најбитните институции во судскиот систем. КАТЕГОРИИ TопВестиМакедонијаПрилози Споделете ja веста...
Oд 19 пратеници на Европскиот фронт – само 10 се на ДУИ, Мицкоски очекува мнозинство од 61 пратеник
Алфа - пред 7 дена
HomeВестиМакедонијаOд 19 пратеници на Европскиот фронт – само 10 се на ДУИ, Мицкоски очекува мнозинство од 61 пратеникМери Симоновскамај 10, 2024 ВМРО-ДПМНЕ очекува приклучување на уште минимум тројца пратеници од другите коалции во нивната Твоја Македонија. Со тоа да планира ја засили неговата моќ во собранието и да има 61 пратеник пред да започне со официјалните преговори со другите опозициски коалции. Првиот човек на ВМРО-ДПМНЕ, вели дека се обидува да консолидира просто мнозинство до 28 мај, посочи дека добива сигнали од помалите партии од другите коалции. Веќе има најави од новите пратеници кои планираат да ја поддржат новата влада. Очекувам до 28 мај да консолидирам како претседател на партијата 61 пратеник. Вие споменавте 58 пратеници или нешто повеќе од 436.000 гласови нешто што до сега е не запаметено на толкава излезеност и на толкав процент на освоени гласови од позиција на опозиција. И ценам дека овој историски резултат можеби многу тешко понатаму би се повторил – рече Мицкоски. Во таа комбинаторика може да се очекува кон Коалицијата „Твоја Македонија“ во Собранието да се приклучат и малцинските партии кои на парламентарните избори освоија пратенички места во коалиција со Европскиот фронт предводен од ДУИ, како и од Коалцијата за европска иднина предводена од СДСМ. Што значи дека со тоа се засилува моќта на ВМРО-ДПМНЕ, а коалциите на ДУИ и онаа на СДСМ може да изгубат секоја по два, односно еден пратеник. Дека се поверојатно е дел од пратениците кои ги освои коалцијата на ДУИ да преминат во коалцијата на ВМРО-ДПМНЕ зборува фактот што од 19 освоени пратеници, 9 или 10 пратеници не се изворно од ДУИ, туку се дел од други партии, како оние на Ромите, Турците, Бошњаците, како и албански партии кои беа опозиција па преминаа во коалцијата на интегративиците. Иако ДУИ се само прогласија за втора политчка сила во Македонија, бројките и мандатите кои ги освоија тие како политичка партија не се такви. Во изборна едница 2 , од освоени 4 маднати, два се на ДУИ, а два на коалционите партнери. Во ИЕ 5 од четри пратеника, 1 им припаѓа другите партии. Во 6ката коалцијата Европски фронт има освоено 9 мандати, но 6 се на другите партии , двајца пратеници во „шестката“ се од редовите на Алијанса за Албанците, а исто толку има и од ДПА, по еден пратеник ќе им припадне на Демократската партија на Турците и на Движењето на Турците во Македонија за правда и демократија. Ваквата разноликост во коалцијата на ДУИ покажува дека интегративиците не контото немаат толку пртеници колку што покажуваат, туку безмалку половина им припаѓаат на коалционите партнери и со тоа ќе биде тешко да ги имаат сите пратеници под конторла. Со тоа може да се очекува и лесно пребегување на дел од пратениците на коалцијата Европски фронт кон париите на власта. КАТЕГОРИИ ВестиМакедонија Споделете ja веста...