Изборите поминаа, сега мора обединување на политиката и стопанствот. Само така економијата ќе добие вистински приоритет. Акцент да се стави на поефикасна реализација на капитални инвестиции и засилена борба против сивата економија. Бизнисмените од Стопанската комора и од Организацијата Македонија 2025 порачаа дека земјава има капацитет, искуство и знаење како да се стаса до солиден економски раст. – Бараме да се остане на тоа што е, значи воглавном тие три диспаритети за кои што ние зборуваме а едниот е тој континуитет на правни прописи при изборите кои што се донесени претставуваат фундаментално право за бизнисите во македонија. А тоа се односот на капиталот и трудот, односот на активното издржавантно население и токму ова прашање трето за кое што зборувавме тоа ја дава предвидливоста за бисзнисот и е многу значајно. – изјави претседателот на Стопанската комора на Северна македониа Бранко Азески. Бизнисмените потенцираа дека без јавни инвестиции не е можно да оди државата напред. Визијата на стопанствениците е со самото подобрување на бизнис камбиентот, ќе се зголемат и инвестициите на компаниите а тоа ќе значи подобрување на деловното окружување, раст на платите и зголемување на вработеноста. „Не е важно колкав е долгот на државата важно е за што се трошат парите, ако тоа се праи кои што ќе се употребат за иднината, за инвестиции, нешто кое ќе го подобри деловното опкружување, инфраструктурата, ќе овозможи дали на компаниите повеќе да работат, дали образовниот систем да се подобри сето тоа е добро.“ – вели Никица Мојсовска Блажевски. Планот на бизнисмените е економијата во периодот што следи да испорача раст од најмалку пет отсто. Во моментов македонската економија е на самото дно од државите во регионот. Но, ваквата состојба се очекува да се подобрува бидејќи полека кризата со инфлацијата поминува а за д нас се веќе и изборите кои секако го кочат бизнисот....

Реакцијата на „Европскиот фронт“ предводен од ДУИ следува откако лидерот на ВМРО-ДПМНЕ вчера изјави дека за договорот со „Бехтел и Енка“ има две опции – или да се раскине или да се репреговара. „Ваквиот став е обид да се минимизира големата работа и најголемиот проект во историјата на државата што досега прогресивната и проевропската влада го реализираше“, оценува „Фронтот“. Според изјавата на Мицкоски, поизвесно е дека договорот со американско-турскиот конзорциум би се репреговарал бидејќи во сегашната форма е речиси неприменлив поради големите правни проблеми, проблеми со експропријацијата и техничките проблеми....

Српските компании вработиле 3.300 луѓе преку отворениот пазарот на труд „Отворeн Балкан“, но тоа не е доволно и затоа Србија планира увоз на работници и од други земји. Ова го соопшти српскиот претседател Алексaндар Вучиќ на Самитот на лидерите од Западен Балкан што се одржува во Црна Гора. – Договорот за формирање заеднички пазар на труд во рамките на иницијативата Отворен Балкан има добар ефект врз Србија, бидејќи досега 3.300 луѓе ја искористиле оваа можност и се вработиле во Србија – рече Вучиќ. Тој изјави дека Србија има недостиг од работна сила, иако формално сè уште има стапка на невработеност од 8,9 или 9%. – Ќе мораме во наредниот период максимално да увезуваме работна сила од сите делови на светот, доколку сакаме да ја зачуваме нашата економска перспектива со стапка на раст и побрз напредок – рече Вучиќ....

Претпазливата монетарна политика и макропрудентата политика, како и зголемената транспарентност на Народната банка одиграа клучна улога во одржувањето на макроекономската стабилност. Во првиот квартал од оваа година, инфлацијата беше сведена на едноцифрено ниво од 3,4%, девизните резерви и натаму се зголемуваат достигнувајќи ниво коешто е повисоко за 30% во однос на периодот пред пандемијата, а финансиската стабилност беше дополнително зајакната. Ова беше посочено на средбата помеѓу гувернерката на Народната банка, Анита Ангеловска-Бежоска и директорот на Меѓународниот монетарен фонд (ММФ) за Европа, Алфред Камер, на маргините на Конференцијата од високо ниво во организација на централната банка на Словенија и ММФ, којашто се одржува во Порторож, Словенија. Камер истакна дека претпазливите политики на Народната банка беа клучни за соодветно надминување на кризниот период и важно е да се продолжи на тој начин. Ова ја нагласува важноста од зачувување на независноста на централната банка. Гувернерката посочи дека, во период од една година, инфлацијата петкратно се намали и се сведе на пониски едноцифрени стапки, додека јазот помеѓу домашната и инфлацијата во еврозоната значително се намали. Истовремено, и покрај затегнувањето на монетарната политика, стабилноста на домашниот банкарски сектор беше зачувана, а истовремено беше зголемена отпорноста со преземањето на макропрудентните мерки од страна на централната банка. Во изминатите неколку кризни години, показателите покажуваат дека адекватноста на капиталот е на највисоко ниво во изминатите 17 години, додека нефункционалните кредити се блиску до историски најниското ниво. Кредитната активност, иако во еден период забави, и натаму претставува значителна поддршка за домаќинствата и за корпоративниот сектор. Гувернерката Ангеловска-Бежоска изрази благодарност до г. Камер за значајната поддршка којашто ММФ ѝ ја дава на Народната банка во справувањето со неодамнешните незапаметени шокови....

Владата пред заминување нè задолжи со нови речиси 35 милиони евра преку котација на двегодишна и петнаесетгодишна обврзница, соопшти Македонска берза. Станува збор за две обврзници со рок на доспевање за две односно 15 години со вкупна вредност од 34,8 милиони евра. За двегодишните обврзници ќе плаќаме камата од 3,85% додека за 15 годишните 5,6%....

Управата за јавни приходи ги потсетува граѓаните да направат увид во Годишните даночни пријави (ДЛД ГДП), кои веќе се поставени на системот а се однесуваат за остварени приходи во 2023 година. Секој кој е регистриран на системот ППД – (ujp.gov.mk) има обврска во својот кориснички профил, најдоцна до 31.05.2024 година, да ја потврди или доколку истата не ја прикажува точната слика за износот на остварен доход и платени даноци, да ја коригира пријавата! Управата за јавни приходи ги потсетува граѓаните да направат увид во Годишните даночни пријави (ДЛД ГДП), кои веќе се поставени на системот а се однесуваат за остварени приходи во 2023 година. Секој кој е регистриран на системот ППД – (ujp.gov.mk) има обврска во својот кориснички профил, најдоцна до 31.05.2024 година, да ја потврди или доколку истата не ја прикажува точната слика за износот на остварен доход и платени даноци, да ја коригира пријавата! По истекот на овој законски рок, потврдените и Годишните даночни пријави кои не се потврдени, ниту се коригирани ќе се сметаат за конечни, додека коригираните даночни пријави ќе треба да се одобрат од страна на службено лице од Управата за јавни приходи. Доколку службеното лице не ја одобри коригираната даночна пријава, Управата за јавни приходи ќе донесе решение за утврдување на данокот на личен доход за 2023 година. Кај обврзниците во чија ДЛД ГДП се појавува обврска за доплата на данок, по истекот на рокот за потврдување и коригирање, ќе се генерира налог за доплата со фолио број и истиот ќе биде содржан на третата страна во печатењето на даночна пријава(PDF документот). Обврзниците во чија ГДП се појавува повеќе платен данок, имаат можност во самата пријава да искажат барање за враќање на данокот. Управата за јавни приходи, апелира до граѓаните кои оствариле доход во земјава или странство во вид на пари, хартии од вредност, натура или друг вид на доход и се уште не се регистрирани на системот е – Даночни услуги, за да ги исполнат своите обврски за пријавување и плаќање на данок, истото да го сторат во најкраток можен рок. За дополнителни информации околу исполнувањето на обврските за пријавување на доход , плаќање и поврат на данок можете да се обратите на [email protected]....

Пратениците на широката коалиција ДПМНЕ-СДС-ДУИ како и „Албанската опозиција“ само во 2023 година сложно имаат украдено од народниот буџет 366 ИЛЈАДИ ЕВРА во име на фамозните „патни трошоци“. Наспроти нив, пратениците од редовите на Левица, Борислав Крмов и Димитар Апасиев, во својот мандат заедно имаат земено 0 ДЕНАРИ за патни трошоци. ,,На вакви плати нема никаков основ да се исплаќаат средства за патни трошоци. Тоа е и програмска заложба на Левица – патните трошоци да бидат укинати”, изјави пратеникот Борислав Крмов за ТВ Стар. За потсетување, Левица уште во 2021 година предложи Закон за драстично намалување на патните трошоци на „народните избраници“. Овој предлог – закон беше експресно одбиен од страна на широката коалиција ДПМНЕ-СДС. Пратениците на Левица најавуваат дека и во овој мандат нема да земат ниту денар за патни трошоци.”, велат од Левица....

Почна пријавувањето за субвенционирање на земјоделството за 2024 година. На сметките на земјоделците треба да се најдат скоро 6 милијарди денари. Најголем дел од вкупната финансиска поддршка е предвидена за растителното производство. Поднесувањето на барањата е до 1-ви јули … Со 2 милијарди денари годинава ќе се субвенционира растителното производство, а со помал дел сточарството. Право на државна помош земјоделците ќе имаат и за премии за осигурување склучени од 1-ви август 2023 до 31-ви јули 2024 година со максимален износ на поддршка од 150.000 денари по корисник. За заштита на земјоделско земјиште е обезбедена финансиска поддршка за анализа на физичките и хемиските својства на почвата за стопанствата кои направиле агрохемиски или педолошки анализи годинава, а ќе се покриваат 80 проценти од трошоците, но не повеќе од 12.000 денари. Остануваат и досегашните мерки за складирање на пченицата, субвенцијата за зелената нафта со која се покриваат 100 проценти од трошоците за набавка на дизел гориво за земјоделска механизација, но не повеќе од 100.000 денари по земјоделско стопанство. Барањата се поднесуваат електронскиот, а пријавувањето е од 10-ти мај до 1-ви јули годинава....

Бизнис климата во Македонија е оценета како добра или многу добра од страна на германските компании кои дејствуваат кај нас. Според анкетата за деловна клима на германското стопанство во државава сепак околу 70% од германските инвеститори реагираат дека има недостиг од квалификувана работна сила која директно влијае на тековното производство. За новогодишни желби иако е прилично рано, германските инвеститори до Владата апелираат продолжување на отворениот дијалог, консултации пред да се донесат законски измени кои би влијаеле врз нивното работење, зголемување на ефикасноста на администрацијата и завршување на инфраструктурните проекти. Инвеститорите досега не пријавиле никаков случај за мито и корупција, акцентот го ставаат на административните процеси кои се пролонгираат. Некои процеси многу се пролонгираат, како на пример вадењето работни дозволи за странци, други типови на дозволи кои се потребни за компаниии, каде без конкретен одговор не знаеме зошто одлуката е донесена, не знаеме зошто сме одбиени, не знаеме зошто тој проес трае и нема решение. Затоа она што го посакуваме и препорачуваме е зголема дигитализација заради зголемена транспарентност. Кога процесите се транспарентни, тогаш тоа е првиот клуч да се избегне корупција. Минатата година, Германија и Македонија имале трговска размена во висина од 5,13 милијарди евра или зголемување од речиси 7% во споредба со 2022 година. За зголемениот раст на ивестициите одговорни се германските инвеститори кои реинвестирале. Најголемиот предизвик е демографскиот развој во Македонија, ние во Македонија немаме веќе млади луѓе. Многу малку деца се раѓаат, тие што се образовани ја напуштаат земјата, почнаа и необразовани кадри да ја напуштаат земјава. Тој егзодус на луѓе, таа бела чума е најсериозен проблем и нешто што ќе мора да се адресира од било која Влада во Македонија. Од целокупното истражување и спроведената анкета целиот регион е атрактивен, но сепак Северна Африка станува поатрактивен регион за инвестиции. Додека пак, рецесијата во Германија за Македонија и за другите земји влијае позитивно, така што производниот процес се префрла тука и Македонија како и останатите земји можат да профитираат. Проценката е дека и во иднина производството ќе продолжи да се насочува на овие простори....

Се зголемува економската зависност на земјата од Кина. Економски притисоци се забележани во трговијата, капиталните инвестиции и надворешниот јавен долг. Ова се наодите од објавувањето на извештајот подготвен од надворешни и локални експерти. Претседателот на организацијата „ЕСТИМА“, Ана Крстиновска, рече дека судирот на Кина со ЕУ и САД и нивниот однос со Русија нè доведоа до крстопат меѓу светските сили, а како резултат на политичките проблеми нашата земја го забави економски развој. Нашиот извоз кон Кина не е стабилен и од година во година се намалува. Суровините како што се феролегурите и минералите што ги продаваме во Кина немаат големо влијание врз развојот на нашата локална економија. Кај капиталните инвестиции се издвојува изградбата на автопатот Кичово-Охрид. Мекото кинеско влијание во земјава се води преку Институтот „Конфучие“ каде 8 илјади луѓе се дел од културните програми, рече Марко Трошановски. Македонија увезува кинески стоки 17 пати повеќе отколку што извезува од Република Кина. Во извештајот се наведува дека Кина ја наградува Србија со големи инвестиции бидејќи таа ги поддржува кинеските интереси во геополитичките стратегии на Западен Балкан....

Esprit Europe и шест други германски фирми на модната групација Esprit Holdings со седиште во Хонг Конг поднесоа барање за несолвентност под самоуправување. Од одлуката директно ќе бидат засегнати околу 1.500 вработени. Се работи за шесте фирми – Esprit Europe Services GmbH, Esprit Wholesale GmbH, Esprit Card Services GmbH, Esprit Design & Product Development GmbH, Esprit Global Image GmbH и генералниот партнер на Esprit Retail B.V. & CO. KG. Групацијата, со седиште во Холандија и во Њујорк, САД, се обидува да го реструктуира својот европски бизнис и поднесе барање за банкрот во Белгија и Швајцарија во март оваа година. Причините наведени од групата за одлуката беа екстремно високите трошоци со кои се соочуваат подружниците, каматните стапки и цените на енергијата, последователните ефекти од пандемијата Ковид-19 и последиците од меѓународните конфликти, а сето тоа ја ослабе финансиската состојба на подружниците ....

Резервите на нафта, бензин и други нафтени деривати во САД се намалиле многу повеќе од очекуваното во неделата заклучно 10 мај, соопштија денеска од Агенцијата за информација во енергетиката (ЕИА). Во меѓувреме, најновиот извешаj за инфлацијата е поповолен од очекуваното што предизвика раст на акциите на главните берзи на Волстрит. Резервите на нафта се намалиле за 2.5 милиони барели до 457 милиони барели, соопштија од ЕИА. Резервите на бензин се намалиле за 235,000 барели до 227.8 милиони барели, а резервите на деривати се намалиле за 45,000 барели до 116.4 милиони барел. Аналитичарите очекуваа резервите на нафта да се намалат за 543,000 додека резервите на бензин да се зголемат за 537,000 барели, а на деривати до 824.000 барели, се вели во најновиот извештај на ЕИА. Во меѓувреме, берзите во САД се во подем денеска откако клучниот показател за инфлацијата се покажа послаб од очекувањата, засилувајќи ги надежите за намалување на каматните стапки во 2024 година од страна на Федералните резерви. Потрошувачките цени во САД во април пораснале само за 0.3 отсто, соопшти денеска Министерството за труд, додека аналитичарите очекуваа раст од 0.4 отсто....

Поддршка со која се набавува нова механизација Успехот постигнат со ИПАРД 2 програмата преку целосно искористување на средстваата, нас како држава не направи лидери во регионот и земја која денес своето исуство го споделува со други држави. Како земја лидер први во регионот започнавме со реализација на ИПАРД 3 програмата, распишувајќи го на 1 септември 2023 година првиот повик за мерките 1 и 7, и за многу кратко време од само неколку месеци, веќе ги гледаме првите резултати. Тоа се првите 44 договри што министерот Николовски и директорот на АФПЗРР Бачовски ги доделија денеска, за мерките 1 и 7, односно 35 договори за мерката 1 и 9 договори за мерката 7. „Со овие нови договори добиваме нови инвестиции во земјоделското производство со вкупна вредност од околу 30 милиони евра, пари што ќе остануваат дома. Поддршка со која се набавува нова механизација, ќе се развијат нови мали бизниси во рурални средини, ќе се вработат нови луѓе и сите ќе имаат голем бенефит. И инвеститорите и граѓаните и руралната заедница во која ќе никне нова табла дека инвестицијата е реализирана со поддршка на ЕУ и ИПАРД програмата“, истакна министерот Љупчо Николовски. ИПАРД програмата е нашата гордост, наш историски успех. Толку голем што Европската комисија за 62% ја зголеми поддршката, како награда за нашата држава во успешната примена на ИПАРД програмата. Сега имаме на располагање 97 милиони евра европски средства, а вкупната програма што ја имаме на располагање достигнува над 200 милиони евра. Со новата ИПАРД 3 програма предвидуваме и авансна исплата на 50% од поддршката, веднаш по потпишувањето на договорот, што е една новост која уште повеќе ќе ви помогне во реалзиација на вашата бизнис идеја, истакна министерот Николовски. Министерот Николовски во своето обраќање изрази благодарност за добро завршена работа до директорот на АФПЗРР Бабовски, вработените во Платежната Агенција и секторот ИПАРД при министерството, за одлично менаџирање и доближување на ИПАРД програмата до секој заинтересиран корисник, постигнувајќи успех кој искрено од душа сакам да се повтори и со ИПАРД 3. Честитајќи им на корисниците министерот Николовски им посака среќа и бериќет во во реализација на планираните бизнис идеи за кои е добиена поддршка од ИПАРД програмата, и тоа овде дома....

Јапонската економија се намали побрзо од очекуваното во првиот квартал бидејќи слабиот јен продолжи да ги погодува потрошувачите, што претставува нов предизвик за притисокот на централната банка врз каматните стапки. Прелиминарните податоци за бруто домашниот производ (БДП) од кабинетот во четвртокот покажаа дека јапонската економија се намали за 2,0 отсто на годишна основа во периодот јануари-март во споредба со претходниот квартал, што е побрзо од падот од 1,5 отсто забележан во анкетата на Ројтерс. Јапонската економија забележа пад во првиот квартал од 2024 година, продолжувајќи го грубиот дел и сигнализирајќи дека инфлацијата поттикната од слабиот јен ја повредува побарувачката на потрошувачите. Вкупните перформанси на економијата се во контраст со робусната заработка која неодамна ја објавија врвните јапонски извозници како Тојота Мотор и растот на берзата во изминатата година. Падот на јенот, кој неодамна се тргуваше на најниско ниво во последните 34 години во однос на доларот, им помага на конкурентноста на извозниците и има тенденција да ги зголемат нивните профити. Податоците, кои беа ревидирани надолу, покажаа дека БДП едвај се зголемил во четвртиот квартал од 2023 година, поради намалувањето на проценките за капиталните расходи. Иако прелиминарните податоци за капиталните трошоци често се предмет на големи ревизии во последното издание, сеопфатните падови на сите компоненти на БДП сугерираат дека јапонската економија немала значителен двигател на растот во првиот квартал, пренесува Ројтерс. Тоа може да создаде извесно двоумење за Банката на Јапонија, која ги зголеми каматните стапки во март за прв пат од 2007 година и оттогаш ја сигнализира својата намера да продолжи со затегнување на политиката. „Можно е тајмингот на зголемувањето на каматните стапки да се врати назад во зависност од тоа како БДП би можел да закрепне во тековниот квартал“, рече Јошимаса Маруџама, главен пазарен економист во SMBC Nikko Securities. Јошимаса рече дека економијата сигурно ќе закрепне во тековниот квартал поради растот на платите, но останува неизвесноста за трошењето во услужниот сектор, пренесува „Телеграф“. Најавата дека Индија ќе ја престигне Јапонија по номинален бруто-домашен производ во долари во 2025 година, го шокираше Токио. До 2010 година, Јапонија беше неприкосновената втора по големина економија во светот, но сега е на работ да се лизне на петтото место. Во проценките објавени кон крајот на април, Меѓународниот монетарен фонд посочи дека номиналниот БДП на Индија ќе достигне 4,34 трилиони долари (4,03 трилиони евра) во 2025 година, надминувајќи го јапонскиот 4,31 трилиони долари. Времето на скокот на Индија на четвртото место доаѓа една година порано од последната проценка на ММФ, што во голема мера се должи на слабоста на јапонскиот јен. Падот на Јапонија во глобалниот економски пласман следи по потврдата на владата дека нацијата се лизнала зад Германија во 2023 година. Шокот што Индија веројатно ќе ја надмине Јапонија следната година е споредлив со 2010 година, кога засилената Кина ја замени Јапонија како втора по големина економија во светот....

За договорот со „Бехтел и Енка“ има две опции – или да се раскине или да се репреговара. Едната е договорот да се раскине и да се оди на арбитража, да платиме стотици милиони евра и да немаме автопат, а втората е договорот да се оптимизира за што веќе имаме почетни разговори, со што би се забрзал и реализирал проектот, изјави денеска лидерот на ВМРО-ДПМНЕ и иден мандатар, Христијан Мицкоски. „Ние сме повеќе за прагматичниот пристап, граѓаните да добијат автопат, но оптимиран, но ваков каков што е, потпишан од оваа влада, за жал, е во одредена мерка неприменлив поради големите правни проблеми, проблеми со експропријација и технички проблеми. Како идна влада сакаме да градиме, а не да рушиме“ рече Мицкоски одговарајќи на новинарски прашања пред затворењето на Самитот Македонија 2025. На прашањето дали Унгарија е земјата со која нашата држава ќе повлече заем до една милијарда евра, Мицкоски одговори дека се работи за европска држава, која граѓаните многу наскоро ќе ја дознаат. „Заемот до една милијарда евра под исклучително поволни услови, кој би се повлекол со друга држава, на ниво влада со влада, за финансирање на лошите договори на актуелната влада, државите кои ги спомнуваа не се тие. Се работи за европска држава, која граѓаните многу наскоро ќе ја дознаат“ рече Мицкоски....

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши намалување на малопродажните цени на нафтените деривати во просек за 0,49 % во однос на одлуката од 13.5.2024 година. Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 1,480%, кај дизелот за 0,771%, кај екстра лесното масло за 1,229% и кај мазутот намалувањето е за 2,886%. Курсот на денарот во однос на доларот во изминатиот период по кој беа формирани цените со претходната пресметка е понизок за 0,386% Од 17.5.2024 година од 00:01 часот максималните цени на нафтените деривати ќе изнесуваат: Моторен бензин ЕУРОСУПЕР БС – 95 84,50 (денари/литар) Моторен бензин ЕУРОСУПЕР БС – 98 86,50 (денари/литар) Дизел гориво ЕУРОДИЗЕЛ БС (Д-Е V) 74,00 (денари/литар) Масло за горење Екстра лесно 1 (ЕЛ-1) 73,50 (денари/литар) Мазут М-1 НС 42,935 (денари/килограм) Малопродажната цена на Мазутот М-1 НС се намалува за 1,072 ден/кг и сега ќе изнесува 42,935 ден/кг. Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) не се менуваат. Напоменуваме дека ова се максималните цени на нафтените деривати од 00:01 часот на 17.5.2024 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени....

За милијарда евра, кредит по договор “влада со влада”, лидерот на ВМРО-ДПМНЕ Христијан Мицкоски тврди дека не станува збор ниту за пари од Унгарија ниту за пари од Азија. Тој го најави овој финансиаки пакет по победата на изборите кога рече дека ќе биде под поволни услови и со ниска камата. Се лицитираше со повеќе земји како можни кредитори на милијардата како Кина, Обединети Арапски Емирати или владата на Прбан во Унгарија, но Мицкоски тврди дека тие дестинации не се точни. На директно прашање на Телма дали Унгарија е земјата со која нашата држава ќе повлече заем до една милијарда евра, Мицкоски одговори дека се работи за европска држава, која граѓаните многу наскоро ќе ја дознаат. -Заемот до една милијарда евра под исклучително поволни услови, кој би се повлекол со друга држава, на ниво влада со влада, за финансирање на лошите договори на актуелната влада, државите кои ги спомнуваа не се тие. Се работи за европска држава, која граѓаните многу наскоро ќе ја дознаат, одговори Мицкоски. Според информации кои Телма веќе ги објави, главен преговарач за пакетот бил Зоран Ставревски, поранешниот министер за финансии и поранешен вицепремиер во владите на Никола Груевски, бегалец со азил во Унгарија. Пакетот бил преговаран во време на изборната кампања. Досега нема објаснување дали парите ќе се користат за инвестиции и проекти или пак за сервисирање на постоечките долгови на државата. Мицкоски појасни и дека за договорот со “Бехтел и Енка” има две солуции затоа што постоечкиот договор за Коридорите не е ефикасен....

Според едно истражување, оние кои со велосипед одат на работа имаат 45 отсто помал ризик од рак и 46 отсто помал ризик од кардиоваскуларни болести. Сè повеќе градови на Стариот континент имаат стимулации за користење велосипеди за да стигнат до работа. Жителите на Холандија возат велосипед во просек по 2,6 километри дневно. Ако тоа беше случај во светот, како што исто така е утврдено со една студија, годишните глобални емисии на јаглерод би биле 686 милиони тони помалку, што е повеќе од целокупните емисии на јаглерод на Велика Британија, пишува Кликс.ба. Постои стимул за велосипедистите во Холандија во вид на додаток за километражата. Имено, од 2006 година компаниите на вработените им даваат по 0,19 евра по изминат километар. Работниците едноставно можат да ги стават во џеб овие пари. Така, вработен кој во текот на пет работни дена ќе помине 10 километри дневно со велосипед може да заработи дополнителни 450 евра. Сличен поттик има и во Белгија, каде што е можно да се добијат 0,24 евра по километар. Како што пишува Брисел Тајмс, секој петти вработен во малите и средни компании го добил овој надоместок во првата половина на 2022 година. Француските работници можат да добијат 0,25 евра по километар на пат од дома до работа, а годишниот максимум за овој вид стимулација е 200 евра. Во пилот фазата беа вклучени 18 компании кои даваа ваков тип на стимулација, а во таа прилика беше утврдено дека бројот на активни велосипедисти е зголемен за цели 50 проценти....

Во Србија има повеќе од 2.000 републички и локални даноци и такси што ги плаќаат граѓаните и бизнисите. Душан Васиљевиќ, директор на Одделот за конкурентност и инвестиции на Налед, вели дека не се целосно оправдани сите овие неданочни давачки и дека честопати треба да платите два даноци за иста управна постапка. Затоа, посочува, неопходна е реформа и воведување единствена база на неданочни давачки. Васиљевиќ наведува дека само на национално ниво има 1.200 неданочни давачки, но дека има и локални и провинциски даноци. „Тоа е регулирано преку 500 различни закони и подзаконски акти, па можете да замислите со каква шума треба да се запознаат бизнисмените само за да ги исполнат своите обврски во однос на даноците и таксите, неданочните давачки на републичко ниво. Но, кога ќе се земе предвид дека имаме и ниво на локална самоуправа и ниво на провинција кои имаат свои даноци и такси, можеме да бидеме сигурни дека бројката е многу поголема. Засега не ни знаеме колкава е таа бројка на локално ниво, но можеме да бидеме прилично сигурни дека тие локални даноци и такси и републиката изнесуваат повеќе од 2.000 даноци и такси“, вели Васиљевиќ за РТС. Тоа укажува дека не се целосно оправдани сите давачки и давачки и дека не се пресметани доволно правилно за да ги одразат трошоците на државните органи за давање услуги, но некои се парафискални давачки. Затоа, посочува, има многу причини зошто треба да се реформираат неданочните и парафискалните давачки, пренесува Каматица....

Геополитичките тензии и несигурноста на политиките во годината во која има многу избори во светот претставуваат ризици за финансиската стабилност на еврозоната, предупреди денеска Европската централна банка (ЕЦБ). Во својот полугодишен преглед на финансиската стабилност, ЕЦБ нагласи дека условите се подобрени од нејзината последна проценка. „Краткорочниот ризик од длабока рецесија придружена со зголемена невработеност – главен извор на загриженост пред шест месеци – е многу помал од денешна перспектива“, рече потпретседателот на ЕЦБ, Луис де Гуиндос. Институцијата со седиште во Франкфурт соопшти дека економската перспектива била помогната од падот на инфлацијата, која во април изнесуваше 2,4 отсто, не далеку од нејзината цел од два отсто. Очекувањата дека ЕЦБ наскоро ќе започне со намалување на каматните стапки, исто така, ја зголеми довербата на инвеститорите, соопшти централната банка за 20-те земји кои го користат еврото. Но, Де Гиндос предупреди дека изгледите остануваат „кревки“. „Геополитичките тензии се значаен извор на ризик не само за финансиската стабилност на еврозоната, туку и за глобалната финансиска стабилност“, рече тој....

Во периодот јануари – март годинава вкупната вредност на договорените градежни работи во странство изнесува 158 247 000 денари, што е за 10,8 проценти повеќе во споредба со истиот период од претходната година, објави Државниот завод за статистика. Во наведениот период, градежната оператива од државава во странство извршила градежни работи во вкупна вредност од 49 822 000 денари, што е за 16,4 проценти повеќе во споредба со истиот период од претходната година. Во првиот квартал годинава македонските градежници бележат договориле и вршеле работа во Германија, Црна Гора, Бугарија,БиХ и Албанија....

CME Group, најголемата светска берза за фјучерси, планира да го вклучи Биткоинот во своите трговски операции. Главната цел е да се искористи зголемениот интерес на менаџерите за пари на Вол Стрит во секторот за виртуелни пари. Групата со седиште во Чикаго е во разговори со трговци кои сакаат да ја купат и продаваат криптовалутата на регулиран пазар, рекоа луѓе запознаени со разговорите. Планот, кој допрва треба да биде финализиран, ќе биде следната фаза од налетот на Вол Стрит во секторот на дигитални средства, откако Комисијата за хартии од вредност на САД одобри фондови со кои се тргува преку размена кои инвестираат директно во Биткоин во јануари. Воведувањето на „спот“ тргување со криптовалутата (ед. – купување и продавање со непосреден превод на фиксен датум) на CME, на кое веќе се вршат трансакции со фјучерс договори во Биткоин, ќе им овозможи на инвеститорите полесен пристап до т.н. -т.н. „основни комерцијални трансакции“. Ова е вообичаена стратегија на професионалните трговци на виртуелната монета, изградена врз основа на разликата помеѓу понудената цена на соодветното средство и цената на неговите фјучерс договори, чиј рок е два или повеќе месеци. Идејата е да се профитира од малата разлика во нивните цени. Тој е исто така главен производ на пазарот на државни финансии на САД, чија основна трговија во голема мера се врши на CME. Некои од најголемите финансиски институции се претворија од скептици во поддржувачи на Биткоин по метеорскиот пораст на виртуелната монета од најниските во 2022 година на овогодинешните рекордни максимални вредности и активностите на регулаторните органи против нелегалните пазарни операции. Иако криптовалутата изгуби 20% од нејзината врвна пазарна вреднување од над 73.000 долари. долар, кој го достигна во март, фондовите што се тргуваат со размена (ETF) поврзани со него се најбрзо растечките во историјата на оваа ниша. Хеџ-фондовите, вклучувајќи го и Bracebridge Capital, и пензиските фондови како што е Инвестицискиот одбор на Висконсин се меѓу најголемите инвеститори, со 10 милијарди долари. долари во компании управувани од менаџери на средства, вклучувајќи ги Black Rock, Fidelity и Arc. Во март, извршниот директор на Блек Рок, Лари Финк, рече дека очекува биткоинот да порасне на долг рок. CME беше меѓу најактивните корисници на бранот на обновен институционален интерес во виртуелниот сектор, престигнувајќи го Binance како најголем светски пазар за фјучерси на Bitcoin благодарение на жедта на играчите да профитираат од високата нестабилност на дигиталната валута. Берзата во Чикаго, која се грижи првенствено за хеџ фондови и сопственички трговци, има околу 26.000 отворени позиции во вредност од речиси 8,5 милијарди долари. долари на нејзиниот пазар во Чикаго – повеќе од двојно од пред една година. Нејзиниот потенцијален спот бизнис ќе се води преку нејзината платформа за тргување со валути со седиште во Швајцарија, EBS, која е под строга регулаторна контрола и врз тргувањето и врз чувањето на крипто-средствата, велат добро информираните извори. Големите традиционални оператори за размена имаат измешано искуство во тргувањето со криптовалути. Германската Deutsche Börse отвори свој пазар за дигитални средства оваа година. Додека „градскиот“ ривал на CME – CBOE Global Markets, во април најави дека ќе го прекине овој бизнис поради немањето јасна регулатива во САД. Трговците во индустријата се прашуваат дали CME ќе може да добие значителен удел на пазарот ако нејзиниот бизнис со Bitcoin се врши на две места – во Чикаго и во EBS во Швајцарија. Според експертите, најважниот услов кој работи во корист на плановите на CME е дека големите регулирани берзи создадоа попогодна инфраструктура за тргување со дигитални средства, на пример – за безбедно складирање на криптовалути. Што значи дека во блиска иднина би можеле да прифатат и колатерал за виртуелните средства за да обезбедат повисока и сигурна пазарна ликвидност. Цитатите за биткоин во утринското тргување на 16 мај беа над 66.000 долари. долар....

Европската централна банка врши притисок врз преостанатите кредитни институции во Русија да го забрзаат нивното излегување. Вкупниот број на вработени во петте банки на Европската унија со најголеми операции во Русија е намален за само 3% од инвазијата, а профитот е тројно зголемен, благодарение на големите каматни стапки што ги добиваат на нивните средства. Две години по целосната инвазија на Украина од Русија, големите европски кредитори продолжуваат да работат со моќни, се попрофитабилни банки во земјата, и покрај јавните ветувања дека ќе ги затворат, пренесува Блумберг, цитиран од „Фокус“. Вкупниот број на вработени во петте банки на Европската унија со најголеми операции во Русија опадна за само 3% од инвазијата, а профитот е тројно зголемен, благодарение на големите каматни стапки што ги добиваат на нивните средства оставени во земјата. Бавното темпо ја поттикна Европската централна банка да изврши притисок врз останатите да го забрзаат нивното излегување. Една загриженост е дека континуираното присуство во Русија ризикува да ги изложи банките на американски санкции и високи казни, според лице запознаено со ова прашање, кое зборуваше под услов да остане анонимно бидејќи информациите се приватни. Набљудувачката организација побара од сите банки со значителен бизнис во Русија „да ги забрзаат напорите за намалување на ризикот со поставување на јасен патоказ за намалување и излез“, им рече Клаудија Бух, највисокиот надзорен функционер на централната банка, на министрите за финансии на еврозоната во мај....

Од стапувањето во сила на забраната за руската нафта од 5 февруари минатата година до крајот на февруари годинава, Европската унија увезла повеќе од 5 милиони тони нафтени деривати во вредност од над 3 милијарди евра од три турски пристаништа – Џејхан, Мармара Ереглиси и Мерсин. Тоа е според анализата на Центарот за проучување на демократијата и Центарот за истражување на енергија и чист воздух (CREA). Постои силно сомневање дека поголемиот дел од овие рафинирани производи најверојатно се од руско потекло, бидејќи 86% од увозот на пристаништата во истиот период доаѓа од Русија. Минатата година Турција зеде 18 отсто од вкупниот руски извоз на нафтени деривати. Ова е петкратно зголемување за една деценија, а во годината откако беше воведено ембаргото за увоз на руски горива во ЕУ и земјите од Г-7, Турција увезла руски нафтени деривати во вредност од 17,6 милијарди евра. Тоа е 81 отсто од вкупниот увоз на рафинирани производи во земјава. 5,4 милијарди евра за Кремљ Овој увоз генерира 5,4 милијарди евра даночен приход за воената каса на Кремљ, продолжувајќи и овозможувајќи ја војната на Москва против Украина, се наведува во анализата. Русија, исто така, стана вториот најголем трговски партнер на Турција, извезувајќи главно нафта, гас и јаглен во неа – во вредност од повеќе од 42 милијарди евра минатата година. „Треба да се преземат истраги од агенциите за спроведување на законот на ЕУ за да се осигура дека реекспортираните руски нафтени производи во земјите како Турција не влегуваат во земјите што ги санкционираат. Слабата легислатива на ЕУ дозволува мешаната руска нафта да гори автомобили и авиони во Европа“, коментира тој , Раководител на Тимот за анализа на политиката и енергијата Европа-Русија во CREA. Турција – клучна станица за ЕУ ​​Се верува дека турските складишта последователно станаа клучна станица за руските нафтени деривати на нивниот пат кон глобалната трговија, вклучително и за санкционирани региони како што се Велика Британија, САД и ЕУ. А особено за клучните купувачи во Грција, Италија, Шпанија, Романија и Холандија, се вели и во анализата. „Конечната продажба на пазарот на ЕУ, каде што цените се многу повисоки поради недостигот на снабдување, значи значителни профитни маргини за секој дополнителен барел што го продава Русија. Цените на турскиот извоз во ЕУ се за 24% повисоки од увозот од Русија. Најголемиот дел од овој профит е направено од трговски посредници на големи руски нафтени компании кои работат на пазарот на ЕУ. Aвторите на анализата, ги повикуваат надлежните органи на ЕУ да извршат соодветни проверки за потеклото на увезената нафта во заедницата и да забранат мешање на руски производи со неруско потекло....

Кинескиот министер за надворешни работи Ванг Ји го критикуваше Вашингтон, нарекувајќи ја мерката „најтипична форма на вознемирување“. Одлуката на САД да ги зголемат царините за увоз на кинески стоки е знак на слабост, а не на сила и Пекинг соодветно ќе одговори, изјави министерот за надворешни работи на азискиот гигант Ванг Ји, пренесе БНР. Ванг Ји ја критикуваше одлуката на Вашингтон, нарекувајќи ја „најтипична форма на вознемирување“ во модерното време. Според неговите зборови, одлуката е неразумна и само ја покажува желбата на некои луѓе во САД „да ја зачуваат својата униполарна хегемонија“. „Наместо да го попречува развојот на Кина, потегот на САД ќе ги инспирира нашите речиси една и пол милијарда граѓани да работат понапорно“, рече кинескиот министер за надворешни работи, повикувајќи ја меѓународната заедница да го предупреди Вашингтон да не му создава нови проблеми на светот во оваа ситуација. критичен момент на глобалното економско закрепнување“. Потсетувам дека вчера американскиот претседател Џо Бајден најави нагло зголемување на царините за кинески увоз, вклучително и тарифи за батерии за електрични возила, компјутерски чипови и медицински производи. Минатата недела, Кина, исто така, се спротивстави на одлуката на САД да додаде 37 кинески фирми на листата на трговски ограничувања поради загриженоста за националната безбедност....

По јубилеен 20-ти пат Комерцијална банка е наградена од Европската банка за обнова и развој за „Most Active Issuing Bank in 2023 in North Macedonia“. Оваа награда од ЕБОР, која Комерцијална банка ја добива 20 години по ред, е признание за тоа што е најактивна банка во земјава во областа на меѓународните инструменти за финансирање на меѓународната трговија. Со ова Комерцијална банка придонесува за ефикасни меѓународни бизнис трансакции и за развој на меѓународната трговија, што е од клучно значење за одржливост, раст и развој на домашните компании. Наградата е неприкосновено признание за тимот за документарно работење на Комерцијална банка, кој со својата експертиза и професионално искуство е препознаен не само од клиентите, туку и од меѓународните финансиски институции....

Естонија, Кипар, Летонија, Литванија, Малта, Полска, Словачка, Словенија, Унгарија и Чешка – забележаа раст на куповната моќ изразена во БДП по глава на жител од 51% од просекот на 14-те „стари членки“ во 2004 година на 79% во 2023 година. Десет земји кои станаа членки на ЕУ пред 20 години изминативе две децении се развиваа многу побрзо од просекот на Унијата и успеаја речиси двојно да го зголемат својот БДП по глава на жител, покажуваат податоците на Европската комисија. Естонија, Кипар, Летонија, Литванија, Малта, Полска, Словачка, Словенија, Унгарија и Чешка – забележаа раст на куповната моќ изразена во БДП по глава на жител од 51% од просекот на 14-те „стари членки“ во 2004 година на 79% во 2023 година. – Врз основа на нашите 10-годишни проекции, овие 10 земји членки треба дополнително да го намалат јазот во приходите со „старите“ членки во следната деценија. Во 2033 година, нивните просечни нивоа на приход треба да се искачат на 92 отсто од оние на ЕУ14 – изјави еврокомесарот за економија Паоло Џетилони презентирајќи ги пролетните економски перспективи на Унијата за 2024 и 2025 година. Тој додаде дека ваквите податоци се многу добра вест за земјите од Западниот Балкан, како и за Грузија, Молдавија и Украина, кои „работат на пристапување кон ЕУ“. Во однос на економските предвидувања за наредниот период на ниво на цела ЕУ, Џентилони порача дека „по тешката 2023 година“ економската активност зајакна во првото тримесечје од годинава, по што во наредните квартали се очекува „забрзување на економскиот моментум“, што ќе доведе до годишна стапка на раст на ниво на ЕУ од еден отсто во оваа и 1,6% во 2025 година. Според него, благодарение на силниот пазар на трудот и растот на реалните плати во ЕУ, се очекува приватната потрошувачка да го поттикне економското закрепнување и да ја зајакне куповната моќ. – Инфлацијата дополнително се намали од почетокот на годината и треба да продолжи да се намалува, достигнувајќи ја целта на ЕЦБ во текот на 2025 година. Коефициентот на буџетскиот дефицит во ЕУ треба да продолжи да опаѓа во 2024 година, додека стапката на долгот малку ќе се зголеми во 2025 година – рече еврокомесарот за економија. Во првиот овогодишен квартал намалувањето на стапката на инфлација беше поголемо од очекуваното и достигна 2,6%, за дополнително да падне на 2,4% на крајот на април. Така, прогнозите за ЕУ се инфлацијата од ланските 6,4 да се намали на 2,7% на крајот на годинава и на 2,2% во декември 2025 година. На ниво на Еврозоната се очекува стапката на инфлација од ланските 5,4% да се намали на 2,5% следната и на 2,1% на крајот на 2025 година. Кога станува збор за буџетскиот дефицит, по неговото значителното намалување во текот на 2022 година, тој лани порасна од 3,4 на 3,5% од БДП, како последица на влошените економски услови и растот на трошоците за камати. За оваа година, според Џентилони, се предвидува буџетскиот дефицит да се намали на 3,0% од БДП, а следната година на 2,9% од БДП. По рекордното ниво на долгот од 92% од БДП во 2020 година, лани тој се сведе на 83%, по што се очекува да остане на исто ниво и во текот на годинава, по што би уследил негов мал раст во текот на 2025-та на 83,4% од БДП, како резултат на повисоките трошоци за негово сервисирање и очекуваниот понизок номинален економски раст. Неодамнешното намалување на каматните стапки на глобално ниво се очекува да резултира и со олабавување на монетарната политика на ЕУ, па така почнувајќи од јуни се предвидува постепено намалување на основната камати од сегашните 4 на 3,2% до крајот на годинава, за потоа да следи нејзин дополнителен пад до 2,6% до крајот на 2025 година. Пролетната прогноза на ЕУ предвидува и глобален економски раст од ланските 3,1%, на 3,2 % годинава, па до 3,3% во 2025 година. Сепак, според Џентилони, и покрај очекуваните позитивни економски резултати и „подобрувањето на сликата за европската економија во следните две години“, негативните ризици и несигурноста остануваат зголемени, пред се поради војните крај „границите на ЕУ“ и на Блискиот Исток. Џентилони нагласи дека ескалацијата на конфликтот на Блискиот Исток предизвика нестабилност на цените на нафтата од почетокот на годината, а врз нивниот раст дополнителни влијание имаше и овогодишниот економски раст на Кина и на САД, што беа поголеми од очекуваните. Од друга страна, цените на гасот беа само маргинално повисоки од оние во текот на зимата и многу под нивното есенско ниво, додека цените на бензините се очекува да растат во просек на 31 евро за мегават час во 2024 и 35 евра за мегават час во 2025. – Како такви, цените на енергијата не се очекува да бидат силната дезинфлациска сила каква што беа во блиското минато – заклучи Џентилони....

Тринаесеттото издание на дводневниот Самит Македонија 2025 денеска ќе биде заокружено со панели за справување со корупцијата, за стратегии за привлекување странски инвестиции и за градење прилагодливи синџири за снабдување, за искористување на дигиталните здравствени иновации за подобри медицински услуги во регионот…. Активностите почнуваат со обраќање на амбасадорката на САД во државава Анџела Агелер, по што ќе почне првиот панел насловен „Чувари на интегритетот: Справување со владината корупција за просперитетна иднина“. Во рамки на Самитот на Македонија2025, Фондацијата „Центар за дигитална трансформација Го Дигитал Скопје“ денеска ќе потпише меморандум за соработка со партнерите кои го поддржуваат Центарот: МАКЕДОНИЈА 2025, Швајцарска програма за зголемување на пазарната вработливост (ИМЕ), Виза Југоисточна Европа и Клириншка куќа-Клириншки интербанкарски системи АД Скопје. Фондацијата „Центар за дигитална трансформација Го Дигитал Скопје“ е новоформирана фондација која ќе работи на креирање екосистем за дигитална трансформација на македонските микро, мали и средни претпријатиј . Од организацијата Македонија 2025 на отворањето на Самитот вчера порачаа дека е потребна интензивна и темелна акција во наредниот период со вклучување на сите реурси со оглед на бавниот напредок и заостанувањето на државава на повеќето меѓународни рангирања и извештаи. Истакнаа дека дијаспората подава рака и оти треба да се фокусираме на дигитализацијата, борбата против корупцијата, подобра регулатива и стабилни институции. Самитот е регионална платформа за размена на искуства, зајакнување на соработката и вмрежување на компаниите од регионот и дијаспората....

Германската банка „Commerzbank“ во средата објави подобар од очекуваниот пораст од 29% на нето добивката во првиот квартал – нејзин најсилен квартален профит во последната деценија. Кредиторот, исто така, ја зголеми својата перспектива за нето приходите од камати за годината. Нето добивката се зголеми на 747 милиони евра во кварталот од 580 милиони евра една година порано. Аналитичарите во просек очекуваа профит од 652 милиони евра, според консензусната проценка од април објавена од „Commerzbank“. Германската банка има корист од повисоките каматни стапки и профитот што го создава. Нето приходите од камати се зголемија за 9,2% во првиот квартал на 2,126 милијарди евра – надминувајќи ги очекувањата за 2,096 милијарди евра. Банката ја зголеми годишната прогноза за нето каматниот приход на 8,1 милијарди евра од 7,9 милијарди евра претходно. „Commerzbank“, една од најпознатите германски банки и делумно во сопственост на владата по спасувачкиот пакет пред повеќе од една деценија, презеде огромно реструктуирање во последниве години, намалувајќи ја својата работна сила и мрежата на филијали за да ја врати профитабилноста. „Имаме многу добар почеток оваа година. Нашата цел е да ја зголемиме профитабилноста во 2024-та година“, изјави извршниот директор Манфред Ноф. „Значајно подобрената јачина на заработката и високиот коефициент „CET1“ го поткрепуваат нашиот план за дополнително зголемување на коефициентот на исплати“, се вели во соопштението на главниот финансиски директор Бетина Орлоп. „CET1“, мерка за капитална сила, се зголеми на 14,9% на крајот на кварталот. Провизиите беа рамни во првиот квартал и останаа многу помал придонес во приходите од заемите. Приходите се зголемени за 3% до 2,75 милијарди евра. Задолжителните придонеси се за околу 65% пониски од претходната година, главно поради значителното намалување на давачката од европските банки....

Над 130 компании од Северна Македонија денеска беа запознаени со можностите за соработка со Лидл. Овој тип на соработка со локални компании е еден од основните постулати на Лидл во секоја земја каде работи. „Основната идеја на Лидл во сите земји во кои е присутен, претставува развој на локалните производствени капацитети и заеднички раст и развој со нашите локални партнери, и иако Лидл Северна Македонија се уште не е целосно оперативен, овој процес веќе активно функционира. Во октомври минатата година започнавме со проект за промоција на македонски традиционални производи во Лидл Србија и Лидл Бугарија, каде ги претставивме македонскиот ајвар, пастрмајлијата, кочанскиот ориз, тиквешкото вино, македонското јагне и многу други производи. Извозот кој ќе го реализираме преку Лидл Северна Македонија до крајот на 2024 година само во овие две земји е во вредност повеќе од 2.000.000 евра или раст од четири пати во однос на минатата година. Вкусот на македонското овошје и зеленчук го направивме достапен до потрошувачите на Лидл во Србија, Бугарија, Романија, Полска, Чешка, Словачка и Германија. Од април 2023 до март 2024 година беа извезени преку 3 600 палети овошје и зеленчук. Во рамките на календарската 2024 година со нашите локални добавувачи планираме извозот на овошје и зеленчук да достигне 4 500 палети. Наведените примери и резултати се мотивација за нас и движечка сила за понатамошен успех”, изјави Стефан Георгиев, директор на секторот за набавка во Лидл Северна Македонија. „Брендот на Лидл е присутен во 31 земја, каде ги задоволуваме потребите на голем број домаќинства. Како лидери во сегментот на секојдневно пазарување поставуваме стандарди кои ќе го зголемат квалитетот на понудата, а во исто време ќе бидеме ценовно конкурентни на пазарот. Но, основно за нас е да се соработува со локалните компании”, додаде Рубријан Хаџиев, генерален директор на Лидл Северна Македонија. Лидл е дел од групацијата Шварц, присутен во 31 земја, со промет од 114 милијарди евра, 12 200 маркети и над 380 000 вработени. Во Северна Македонија, Лидл започна со инвестиција – изградба на логистички центар во Куманово....

Вкупниот промет во индустријата во март годинава во однос на истиот месец лани е намален за 10 отсто, покажуваат податоците на Државниот завод за статистика. Според главните индустриски групи, вкупниот промет во индустријата во март 2024 година, во однос на март 2023 година, бележи опаѓање кај Интермедијарни производи, освен енергија за 9.2 %, Капитални производи за 12.7 %, Tрајни производи за широка потрошувачка за 8.6 % и Нетрајни производи за широка потрошувачка за 5.3 %. Индексот на прометот во индустријата, вкупно, во март 2024 година, во однос на февруари 2024 година, изнесува 105.9, додека во периодот јануари – март 2024 година, во однос на периодот јануари – март 2023 година, изнесува 90.9. Прометот во индустријата на домашниот пазар, во март 2024, во однос на март 2023 година, е намален за 3.4 %. Според главните индустриски групи, се бележи опаѓање кај Интермедијарни производи, освен енергија за 2.9 %, Tрајни производи за широка потрошувачка за 18.3 % и Нетрајни производи за широка потрошувачка за 5.2 %, додека пораст бележи кај Капитални производи за 19.2 %....

Во Македонија недостасуваат вистински консултанти и експерти кои можат да го убрзаат процесот на дигитализација. Потребни се луѓе со дигитални вештини кои ќе помогнат на малите и средни претпријатија. Но потребна е и поголема свесност кај стопанствениците за развој на компаниите се со цел подобрување нја нивната конкурентност. Но, за комплетна целина мора и владата да помогне со мерки, како фирмите би дошле свеж капитал и подобри услови за бизнис. Организацијата Македонија 2025 смета дека дигиталната трансформација на целокупното општество ќе донесе значителни придобивки за приватниот сектор. „Недостасува свесност кај малите и средни претпријатија, кај претприемачите, за придобивките од дигитализацијата и како тоа ќе ги направи поконкурентни на странските пазари, и ќе ги направи поимуни од дигитализацијата на домашниот пазар“, вели Васко Кроневски од Одбор на директори на Македонија 2025. Стопанствениците уште еднаш им порачаа на политичарите, потребно е да се подобрат условите за водење бизнис. Бизнисмените велат дека се подготвени за нови инвестиции, само и тие си имаат свои барања. „Ако сите ние во сегментот на своето работење не се охрабриме и дополнително да внесеме енергија и ресурси и од наша страна и помогнати со една клима добра со раст и развој многу тешко ќе биде тоа. Но акп секој во своето делување даде еден екстра ангажман јас сум убеден дека имаме ресурски и знаење“, вели Живко Мукаетов од Одбор на директори на Македонија 2025. На странските пазари Македонија како држава мора да биде бренд. Државата треба да биде претставувана како место каде може да се просперира, и на тој начин ќе се намали проблемот со недостатокот на работна сила, а ќе се зголеми и бројот на странски инвестиции. „Како луѓето ќе ја препознаваат Македонија во светот, дали како бизнис дестинација, дали како држава со одлични образовни институции? Подаваме рака во моментов за две клучни области, а тоа се дигитализација и конкурентност“, вели Никица Мојсовска Блажески директорка на Македонија 2025. Организацијата Македонија 2025 подготви и платформа за побрз економски раст кој веќе го претстави на политичките партии. Според нив, потребно е нулта толеранција за корупција, транспарентност, систем базиран на заслуги и лична одговорност, зголемени инвестиции во образованието, деловни реформи, поддршка на извозот и намалување на сивата економија. Доколку ова се оствари на терен стапката на раст на економијата во периодот што следи ќе биде најмалку пет отсто....

Вкупното производство на шумски производи во државните шуми во првото тримесечје од 2024 година е намалено за 13,3 отсто во однос на првото тримесечје од 2023 година, а продажбата на шумски сортименти изнесува 22 933 метри кубни и бележи намалување за 19,2 процента. Според податоците од Државниот завод за статистика, зголемување на шумското производство е забележано кај трупците од иглолисни видови и кај огревното дрво од листопадни видови, а намалување кај повеќето видови шумски сортименти....

Откупот и продажбата на земјоделски производи во првото тримесечје од 2024 година изнесува 9.916.622.000 денари и во однос на истиот период плани се зголемени за 216,2 отсто, покажуваат податоците на Државниот завод за статистика. Кај откупот на земјоделски производи од индивидуалните производители е забележано зголемување за 495,2 отсто, додека кај продажбата на земјоделски производи од сопствено производство e забележано намалување за 13,2 процента. Значително зголемување е забелeжано кај поледелството, особено кај тутунот, поради одложениот откуп минатата година. Кај рибата и другите производи има исто така зголемување, а кај млечните производи е забележано намалување....

Во базата на Регистарот на цени и закупнини лани се внесени 32.971 трансакција, од кои 23.545 купопродажби на недвижности и 9.426 закупи на недвижен имот. Купопродажбите во Регистарот на цени и закупнини во 2023 година се намалени за четири проценти споредено со тие во 2022 година, а закупите се зголемени за девет проценти покажува Годишниот извештај за работата на Агенцијата за катастар на недвижности во периодот јануари-декември 2023 година. Вредноста на регистрираните купопродажби со недвижности во 2023 година изнесува 910 милиони евра. Минатата година најмногу купопродажби се регистрирани во март, 2.464, а најмалку. 1.722 имало во април, покажува Годишниот извештај за работата на Агенцијата за катастар на недвижности. Регистрирани се 19.093 продажби во вредност од 670 милиони евра, 3712 купопродажби од инвеститор од 226 милиони евра, 683 откупи од страна на државата со вредност од шест милиони евра, како и 54 продажби на лицитација во вредност од 57 милиони евра. Според типот на недвижностите, лани биле направени купопродажби на 7.518 станови во вредност од 431 милион евра, 2.810 куќи во вредност од 148 милиони евра, 1005 деловни простории од 139 милиони евра. Исто така, регистрирани се 8492 купопродажби на земјоделско земјиште со вредност од 77 милиони евра, 2.490 на градежно земјиште од 70 милиони евра, 78 во индустријата од 11 милиони евра, 708 гаражи со вредност од четири милиони евра… Месечната закупнина за евидентираните 9426 закупи во 2023 година била во вредност од 4,284 милиони евра. Лани имало 3011 закупи на станови, 1417 закупи на куќи, 3206 на државни парцели, 1222 на земјоделско земјиште и шуми, 225 на градежно земјиште, 199 закупи на индустриски објекти, 50 закупи на гаражи…...

Фјучерсите за бакар достигнаа рекордно високо ниво во средата, бидејќи побарувачката за основниот метал останува силна во услови на лудило во изградбата на центрите за податоци и континуираната електрификација на глобалната економија. Цените на бакарот на NYMEX достигнаа 5,02 долари за фунта, според податоците на FactSet. Металот досега оваа година доби повеќе од 25%. Побарувачката на бакар генерално се смета за замена за економското здравје, а металот е критичен за екосистемот за енергетска транзиција. Тоа е составен дел од производството на електрични возила, електрични мрежи и турбини на ветер, особено кога глобалната економија се електрифицира. Според прогнозите на Банката на Америка, побарувачката за бакар од електричните возила и од целокупниот транспортен сектор ќе се зголеми за околу 5% оваа година. Бакарот е исто така критичен материјал за каблите што се користат во центрите за податоци, чиј раст ја поттикна побарувачката за црвениот метал, особено бидејќи бумот на вештачката интелигенција создава зголемена потреба за центри за податоци. „Како што побарувачката за електрични возила продолжува да расте, иако со побавно темпо, фокусот се префрли на бакарот потребен за изградба на центри за податоци“, се додава во белешката на Банката на Америка. Центрите за податоци се потпираат на бакар за различни електрични апликации – електрични конектори, автобуси, кабли за напојување. Меѓународната агенција за енергетика очекува дека побарувачката за енергија од центарот за податоци ќе се зголеми повеќе од двојно, на повеќе од 1.000 терават-часови (TWh) во 2026 година од 460 TWh во 2022 година. Меѓународната група за проучување на бакар (ICSG) ги намали прогнозите за суфицит на металот оваа година поради помалото производство од очекуваното. Прогнозата за раст на производството на бакар за 2024 година беше намалена на 0,5% во споредба со растот од 3,7% проценет од ICSG минатиот октомври 2023 година. Ова главно се должи на побавниот раст на производството од очекуваниот, доцнењето во пуштањето во работа на проектот и ревидираните упатства за производство од големите производители. Минатиот ноември, First Quantum Minerals го запре производството во Кобре Панама, еден од најголемите рудници за бакар во светот, по пресудата на Врховниот суд и националните протести поради загриженоста за животната средина. Англо Американ, голем производител, рече дека ќе го намали производството на бакар во 2024 и 2025 година бидејќи се обидува да ги намали трошоците. „Гледаме дека бакарот се искачува до 10.500 долари/t во блиска иднина бидејки знаците на очекувано физичко намалување го одржува моментумот на закрепнување во последните месеци“, напиша Citi во извештајот. Тримесечниот договор за бакар се тргува за 10.185,5 долари за тон на лондонската берза за метали....

Натамошно забавување на инфлацијата, при што на среден рок ќе се врати кон историскиот просек од 2% Гувернерката Анита Ангеловска-Бежоска ги претстави најновите макроекономски проекции на Народната банка пред дипломатскиот кор и пред претставниците на меѓународните институции. На настанот, којшто се организира редовно, по секој нов циклус макроекономски проекции на Народната банка, присуствуваа претставници на Меѓународниот монетарен фонд (ММФ), Светската банка (СБ), Делегацијата на ЕУ (ДЕУ), Обединетите нации (ОН), Програмата за развој на Обединетите нации (УНДП), како и на дипломатските претставништва на Бугарија, Кина, Косово, САД, Словачка, Унгарија, Холандија, Швајцарија, Шпанија и Шведска. Во презентацијата беше наведено дека се предвидува натамошно забавување на инфлацијата, којашто минатата година се сведе на едноцифрено ниво, во согласност со остварувањата во првиот квартал оваа година, со просечна годишна стапка од 3,4%, коишто се пониски од октомвриските проекции. Се предвидува дека просечната инфлација за 2024 година ќе забави сведувајќи се на 3,5%, од 9,4% минатата година, одразувајќи го натамошниот пад на цените на нафтата и храната на светските пазари, забавувањето на странската ефективна инфлација, како и затегнатите финансиски услови. На среден рок, се очекува натамошно забавување на инфлацијата и нејзино сведување на историскиот просек од околу 2%. Сепак, ризиците околу инфлацијата сѐ уште постојат и се поврзани главно со цените на примарните производи, промените на регулираните цени, како и со политиките на страната на побарувачката. Притоа, гувернерката истакна дека засега е задржана определбата за претпазливост во монетарната политика, а идните промени ќе зависат од трендовите на девизниот пазар и движењето на инфлацијата и инфлациските очекувања, како и од поставеноста на ЕЦБ. Осврнувајќи се на останатите макроекономски показатели, гувернерката посочи дека при раст на глобалната економија, а особено на нашите трговски партнери, се очекува дека македонската економија ќе расте со стапка од 2,6% оваа година и 3,6% во следната година, а потоа растот умерено ќе забрза на среден рок. При проектирани солидни нето-приливи на финансиската сметка, коишто би го надминале умерениот дефицит на тековната сметка, се очекува натамошен раст на девизните резерви, како гаранција за стабилноста на девизниот курс. Глобалните услови и натаму се неизвесни и непредвидливи, што создава ризици за економскиот раст, инфлацијата и екстерната позиција, нагласувајќи ја потребата за водење претпазливи домашни макроекономски и структурни политики. Народната банка внимателно, на дневна основа, и натаму ќе ги следи макроекономските податоци и ризиците и како и досега, ќе ги презема сите неопходни мерки, користејќи ги сите расположливи инструменти, заради одржување на стабилноста на девизниот курс и стабилизирање на инфлацијата на среден рок....

Со шампионски настап и освоено прво место во генералниот пласман КБ тимот ги заврши Банкарските спортски игри во Охрид. Тимскиот дух, пожртвуваноста и желбата за успех, како постојани вредности, беа клучните фактори кои изминатиот викенд им донесоа серија победи на вработените на Комерцијална банка во пресметките со тимовите од другите банки во земјава. Комерцијална банка имаше свои натпреварувачи во сите дисциплини, а собра пет златни медали и тоа во одбојка мажи, одбојка жени, куглање мажи, куглање жени, пикадо жени, како и еден сребрен во тенис женска конкуренција и еден бронзен во шах. Со тоа нашиот тим успеа да освои најголем број поени во генералниот пласман и да се искачи на првото место. Горди на КБ тимот, им посакуваме на колегите секогаш да бидат водени од нивната сплотеност и од желба за нови подвизи затоа што Полесно е заедно до заедничкиот успех....

Кинескиот гигант „Alibaba Group Holding“ објави пораст на приходите од 6,6 отсто, бидејќи неговиот главен бизнис со онлајн трговија и облак услуги забележа само скромен раст, објави „Bloomberg“. Приходите за трите месеци до крајот на март се зголемија на 221,9 милијарди јуани (30,7 милијарди долари), додека аналитичарите очекуваа 219,8 милијарди јуани. Нето-добивката падна повеќе од очекуваното – за 86%, откако ќе се земат предвид загубите на единиците со кои јавно се тргува. Цената на акциите на компанијата падна за 4% пред почетокот на трговската сесија. Инвеститорите внимателно ги следат резултатите на „Alibaba“, барометар на расположението на кинеските потрошувачи, во услови на долготрајни грижи за губење на бизнисот од ривалите, од „PDD Holdings“ до „ByteDance“. Закоченото економско закрепнување тежи и на компанијата додека се обидува да го оживее растот по години регулаторни мерки што го погодија кинескиот приватен сектор. Компанијата објави дека ќе исплати 4 милијарди долари дивиденда во оваа фискална година. „Alibaba“ и „Tencent Holding“ ги претставија своите резултати во рок од еден ден. „Alibaba“, која поседува удели во јавните компании како „SenseTime Group“ и „Sun Art Retail Group“, не откри кои конкретни загуби влијаеле на нејзината нето добивка, која е под очекуваното. Нејзината основна трговска единица во Кина забележа раст на приходите од само 4%, а нејзината единица за облак само 3%. Извршниот директор на „Alibaba“, Еди Ву и претседателот Џо Цаи, зборуваат за враќање на успехот на пионерот во е-трговија, при што нивниот фокус е првенствено ставен на она што тие го нарекуваат искуство и иновација на клиентите. Еди Ву ја презеде компанијата по период на невиден превирања во „Alibaba“, која се соочи со кризата со Ковид-19, репресијата на Пекинг врз секторот, а потоа и со економскиот пад на Кина. Во редок меморандум наменет за зајакнување на моралот кај над 200.000 вработени во компанијата, основачот Џек Ма зборуваше за турбуленциите. Тој укажа на враќањето на компанијата кон раст и покрај неодамнешните предизвици, притоа признавајќи ги грешките од минатото. Оваа година, Ву директно го презеде раководството на одделот за е-трговија и облак услуги на компанијата. И двајцата се под притисок по серија погрешни чекори и регулаторна контрола....

Шефовите на Банката на Англија (BoE) стравуваат дека Британија е многу изложена на уште еден пад на финансискиот пазар, предизвикан од несигурноста во клучниот сектор кој станува сè поважен – и се повеќе изложен на ризик – во последниве години, пренесува Каматица. Дали Британија се соочува со финансиски крах? Стравовите се фокусираат на индустријата за „небанкарско финансиско посредување“ – поим што опфаќа секаков вид големи инвеститори што не се банка, како што се хеџ фондови, пензиски фондови, осигурителни компании или приватен капитал. Финансиските службеници ширум светот се обидуваат да го стават под контрола овој малку разбран сектор – но со четири опасни „небанкарски“ настани во исто толку години што ја доведоа британската економија опасно блиску до имплозија, многу креатори на политики веруваат дека на Британија и треба поитен пристап. Превирањата на пазарот што би можеле да предизвикаат голем колапс во овој сектор не е прашање што ги почитува националните граници и веќе се издадени предупредувања од официјални лица во ЕУ, САД и пошироко, но за Лондон тоа е особено итен проблем бидејќи британските бизниси сега се потпираат на „небанки“ за половина од своето финансирање, пишува „Политико“. Поради ова, секоја криза или превирања не само што би создале проблеми во градот Лондон, туку и веднаш би се одразиле на илјадници работни места....

Овоштарите можат да поднесуваат барања за дополнителни субвенции за јаболка предадени кај регистрирани откупувачи или во преработувачки капацитети во период од 15-ти септември 2023 година до 15-ти јануари 2024. Субвенцијата изнесува 2 денари по килограм… Производителите на јаболка од 10-ти мај 2024 година можат до Платежната агенција да поднесуваат барања за дополнителни директни плаќања за предадениот род кај регистрирани откупувачи или регистрирани преработувачки капацитети. Корисници на оваа подмерка се земјоделски стопанства кои се пријавиле за финансиска поддршка во земјоделството за 2023 година за одржување на постоечки јаболкови насади и ако производство е продадено кај регистриран откупувач од 15-ти септември 2023 до 15-ти јануари 2024 година. Максималното количество на јаболко прифатливо за финансиска поддршка е 60.000 кг по хектар што ќе се пресметува врз основа на големина на пријавената површина во 2023 година за одржување на овоштарникот. Висината на директните плаќања изнесува 2 денари по килограм. Земјоделското стопанство барањата ги поднесува електронски до Агенцијата а доколку има потреба од помош можат да се обрати во подрачните единици на Министерството за земјоделство. Со барањето се доставува и потврда за преземените количества издадена од страна на откупувачот....

Изборот на Комерцијална банка за „Најдобра банка во Северна Македонија за 2024 година“ од угледниот магазин Global Finance по 13-ти пат е уште една потврда на посветеноста на Банката на потребите на клиентите. Банката е особено горда на оваа награда, која е признание и за успешното работење и за одличните финансиски резултати. Признанијата и постигнатите деловни резултати, пак, се епилог на постојаната посветеност на Комерцијална банката на своите клиенти, на кои им нуди широка палета на производи и услуги, како и на континуираните иновации со кои на најефикасен начин ги задоволува нивните потреби. Наградата „Најдобра банка за 2024 година“ значи припадност на Комерцијална банка во друштвото на најдобрите банки во над 150 држави во светот, избрани во рамките на 31-то издание на годишните награди на Global Finance. Според Global Finance, традиционално победници се банките кои внимателно ги следеле потребите на клиентите, постигнале силни резултати и управувале со своите средства и обврски на разумен начин во услови на брзо менливи каматни стапки. Комерцијална банка во последните пет години редовно е добитник на признание за најдобра банка во земјава од страна на угледни меѓународни магазини, како што се The Banker, Euromoney и Global Finance. Тие се признание за лидерството и успехот што ги покажува Банката во сите сегменти од своето работење....

Брзата храна станува се поскапа и некои потрошувачи сега ги менуваат своите навики поради тоа. Од 2019 до 2023 година цените во синџирите за брза храна во САД се зголемени за дури 28 отсто, а во „вистинските“ ресторани за 24 отсто. Во истиот период, индексот на потрошувачки цени е зголемен за 19 отсто. Од друга страна, на ниво на една деценија, цените во рестораните за брза храна се повисоки за дури 46 отсто, објави тпортал.хр. „Прво имаше пораст на цените на стоките, но полека почна да се стабилизира. Но, она што сè уште е над историскиот просек е растот на трошоците за работна сила во рестораните“, изјави аналитичарот Џим Салер за ЦНБЦ. Синџирите за брза храна како Вингстоп и Чипотле ги пренесуваат тие трошоци на клиентите, особено во држави како Калифорнија, каде минималната плата се искачи на 20 долари на час. За овие два синџири за брза храна, трошоците за храна, пијалоци и пакување се зголемија за само една година (од 2022 до 2023 година) за 11 отсто. Според Дејвид Хенкес од консултантската фирма Техномикс, трошоците за работна сила сочинуваат една третина од цената на производот на менито. Пандемијата го направи својот данок, а во 2022 година во САД, бројот на вработени во категоријата ресторани за брза храна беше сè уште помал од 2019 година. Во истиот период, бројот на такви ресторани порасна за четири проценти. Од декември 2023 година до февруари 2024 година, просечната сметка за ресторани за брза храна во САД беше околу 18 долари, што е за 4,5 отсто повеќе од истиот период претходната година. А во рестораните со целосна услуга, просечната сметка беше „само“ за 2,7 до три проценти поскапа, што сега се обидуваат да го искористат. Сепак, и покрај тоа што цените на храната се повисоки, МекДоналд’с, Венди’с и Јам Брандс, кои ги поседуваат KФС, Taко Бел и Пица Хат, имале дваесет проценти подобри приходи во 2023 година во споредба со 2019 година....

Цената на кафето на светските пазари вртоклаво расте. Официјалните податоци велат дека цената на сировото кафе на берзите од почетокот на годината се зголеми за 70 отсто. Во однос на истиот период лани цената е зголемена за 50 отсто. Дел од трговците на кафе во земјава брифираат дека ова на глобално ниво се случува поради ограничените залихи на кафе, зголемената побарувачка како и прекумерните суши во Бразил, држава која е втора во светот по производството на кафе но и зголемениот извоз за 50 отсто од Виетнам каде најмногу во светот се произведува овој пијалак. Очекувањата се дека овој тренд на поскапување ке се почувствува и во земјава, за колку засега не се знае. Дел од граѓаните кои ги анкетиравме велат дека поскапувањето на производите веќе им станало секојдневие. „Најмногу по две кафиња пијам, едно наутро едно попладне, од нашето македонското. Се влиае на потрошувачката, како што сме со малку пари, со мали пензии се влиае. Секој денар е драгоцен. “ „Мојата сопруга конзумира, 50 денари, а ако се зголеми цената 30 отсто тоа е многу.“ „Јас да ви кажам по две кафиња во денот консумирам, најмогу го користам еспресото. Така да сега ако се поскапи како за сите така и за мене. “ Според информациите машинското кафе, или она кое е потребноза кафе баровите каде се подготвува еспресо, макијатото или капучино само во последниве меколку месеци еден килограм кој чинел 1200 денари сега истот се продава по цена од 1600 денари. Поразговаравме и со младите кои се најредовни во угостителските објекти. „На кафе одам два пати неделно, пијам нескафе кое чини 120 денари и сметам дека тоа не е скапо за млад човеќ.“ „Цената на кафето е од 100 до 120 денари, повеќе од 200 денари тоа е веќе скапо кафе.“ Светските медиуми пренесуваат дека на глобално ниво цените на кафето оваа година ќе достигнат рекордно ниво, а во текот на следната година се очекува стабилизирање на цената. Во земјава најмногу се троши или најмногу граѓаните го купуваат она традиционално македонско домашно кафе кое што е во пакување од 200 грама. Пред пандемијата доколку цената на тоа кафе од 200 грама беше 68 денари денеска тоа не може да се најде или евентуално на некоја промоција би било под 100 денари. Инаку, многу поголеми турбуленции на пазарот се случуваат со какаото. Ако лани еден тон чинеше 1600 долари, денеска тон какао чини 12 илјади долари. Поради ваквите цени чоколадите и сите останати кондиторски производи во последниов период драстично поскапеа....

Помалиот економски развој во постпандемискиот период го вклучи алармот на економските експерти. Прогнозите на Народна банка на Македонија дека годинашниот раст нема да биде поголем од 2,6 отсто се дури и оптимистички во однос на прогнозите на Светска банка и Меѓународниот монетарен фонд. Професорот Абил Бауш рече дека овој бавен раст е резултат на недостигот на капитални инвестиции, недостигот на работна сила, што, доведе до пад на продуктивноста на трудот, куповната моќ и намалување на потрошувачката. „Немаме јасна стратегија за капитални инвестиции, првo. Второ, не правиме одредени реформи во секторите кои подобро би ги реализирале овие капитални инвестиции и трето владеење на правото. Ако се одолговлечат процедурите, нема да имаме ниту странски ниту домашни инвестиции. По 2020 година и во европските земји ќе има недостиг на работна сила и таму почна да оди нашиот стручен кадар. Ќе направи двојна штета и во однос на БДП како производител и во однос на потрошувачката, што ќе го намали производството на државата“, вели Бауш. Народна банка вчера упати критики до властите дека не го регулираат пазарот на храна. Во светот, ефектите од пандемијата и војната се минимизирани, додека кај нас цените на истите производи остануваат за околу 48% повисоки отколку пред пандемијата. Оваа состојба ги осиромашува граѓаните. Според официјалните податоци на Народната банка, на глобално ниво цените и понатаму се повисоки за 18 отсто во однос на пред пандемијата. Кај нас двапати! „Во последните макроекономски прогнози се очекува економски раст од 2,6% оваа година и 3,6% следната година. Просечната инфлација во првиот квартал годинава изнесува 3,4%, за цела 2024 година се предвидува да биде 3,5%, што е значително намалување во однос на минатата година кога изнесуваше 9,4%. Сепак, очекувањата за раст на БДП се намалени како резултат на минатогодишниот послаб раст, особено кај инвестициите, кои забележаа намалување од 16,7%. Влијание имаше и глобалниот пад на нашите главни трговски партнери“, наведуваат од НБРМ. Најнизок економски раст во историјата на земјата е во периодот на пандемијата, поточно со рецесија од -1,9 отсто на годишно ниво. Буџетот за 2024 година е за 5,8% повисок од лани и изнесува 5,5 милијарди евра....

Дневен паркинг во хрватскиот град Дубровник чини и до 200 евра. Во екот на сезоната дневниот билет чини 199,10 евра, а претходно чинеше 106,20 евра. Во втората зона дневниот билет е 132,70 евра, а во третата 17,30 евра. Цените варираат во зависност од зоната и месецот во кој го посетувате Дубровник. Во нултата зона за еден час паркирање во сезоната (од мај до септември) гостите плаќаат 10 евра. Во првата и третата зона е 1,30 евра, наместо досегашните 0,70 евра. Во втората зона еден час чини 6,60 евра. Повеќечасовен билет во првата зона чини 17,25 евра, а во втората 132,70 евра. Пред еден месец беше 53,09 евра. Дубровник и Сплит повеќепати досега беа високо рангирани на различни листи во поглед на туризам....

Асоцијацијата за е-трговија на Македонија – АЕТМ ги анализира објавените податоци од Народната Банка на Република Северна Македонија за 2023 во согласност со кои Македонците со своите платежни картички во странство потрошиле 573,4 милиони евра, а од тие дури 34 %, односно 195,6 милиони евра ги потрошиле онлајн купувајќи производи и услуги, особено поврзани со патувања и трансакции за авиобилети и резервации на хотели онлајн. Во однос на 2022 година, Македонците за купување производи и услуги со платежни картички кон странски е-трговци во 2023 година потрошиле 25,3 % повеќе. Бројот на е-трансакциите кон странските земји изнесува 4,6 милиони, а просечната трансакција 43 евра. 72 % од вредноста и 80 % од бројот на направените трансакции се во Холандија, Обединето Кралство, Унгарија, Ирска, САД, Луксембург, Грција и во Германија. Mакедонците во 2023 година потрошиле најмногу пари во Холандија (27,5 милиони евра), а во Луксембург направиле најголем број трансакции (890 илјади). Највисока просечна вредност на е-трансакција Македонците оставриле во Унгарија, односно 144,3 евра, а во Луксембург, Македонците направиле најниска просечна трансакција и таа изнесува 11,7 евра. Најмногу Македонците направиле трансакции кон Холандија, Обединето Кралство и Унгарија и оствариле вредност од 77 милиони евра, што преставува 39 % од вкупно остварената вредност онлајн во странство. Ова е очекувано ако се има предвид дека од овие земји потекнуваат Booking.com (Холандија), Amazon UK, ASOS (Велика Британија) и WizzAir (Унгарија), а највисокиот оставерн број трансакции од Македонци во Луксембург се должи на тоа што во Луксембург се регистрирани европските филијали на Amazon и АliExpress преку кои се одвиваат трансакциите за најголемиот дел од европските земји, без Велика Британија. „Растот остварен во 2023 година во однос на минатата година изнесува 25 % наспроти 46 % во 2022 година спрема претходната. Притоа минатата година спрема земјите од каде што се букираат патувања и хотели имаше висок пораст, на пример, кон Холандија (114 %) и Унгарија (82,4 %), а во 2023 година тој е забавен и изнесува 41,5 % и 21,6 % соодветно во однос на 2022 година. Најголем пораст во 2023 година од земјите што сочинуваат 72 % од вкупната вредност остварена со македонски картички кон странски е-трговци е остварен кон Грција (81,6 %). Онлајн-купувањето кон странски платформи, без разлика дали е тоа за производи или за резеравции во хотели, може да влијае позитивно и за домашните е-трговци, со оглед дека се работи за менување навики и зголемено користење на онлјан-купувањето воопшто. Од друга страна, зголемената побарувачка ќе ги стимулира домашните трговци да ги зголемуваат и унапредуваат понудата и целокупното онлајн-искуство за купувачите“, вели претседателката на Асоцијацијата за е-трговија на Македонија, Нина Ангеловска. Во согласност со објавените податоци од НБРСМ, странските иматели на платежни картички за купување производи и услуги од македонски е-трговци во 2023 година потрошиле 26,8 милиони евра, што во однос на минатата година претставува пораст од речиси 23 %. Остварената вредност странските онлајн-купувачи ја направиле во 852,3 илјади трансакции или просечно потрошиле 31,4 евро од трансакција. Од вредноста на вкупно направените трансакции од странци кон македонски е-трговци во 2023 година, 50 % припаѓаат на иматели на платежни картички од 8 земји. Речиси 4 милиони евра или 18,5 % од вредноста на трансакциите се направени од иматели на платежни картички издадени во САД, потоа 2,6 милиони евра или 9,7 % од Швајцарија и 1,7 милион евра или 6,2 % од Обединетото Кралство. Потоа следуваат германските иматели на картички, кои направиле 5,6 % од онлајн-трансакциите, Турција со 4 % и Ирска и Бугарија со 3 % од вредноста на онлајн-трансакциите. Понатамошната анализа на бројот и вредноста на направените трансакции од странство кон македонските е-трговци е направена подетаљно за земјите што остваруваат 50 % од вкупно направената вредност. На фотографијата во продолжение прикажани се бројот, вредноста, просечната вредност од трансакција и остварениот пораст во 2023 година во однос на претходната на овие 7 земји и остатокот од светот. Најголем пораст на бројот, како и на вредноста на направените онлајн-трансакции од странски иматели на платежни картички во 2023 година во однос на претходната година е остварен од Ирска, а највисока просечна трансакција е направена од Бугарија во износ од 43 евра....

Светската банка очекува цените на енергијата да се намалат за еден процент во 2024 година, бидејќи пониските цени на природниот гас и јагленот ги компензираат повисоките цени на нафтата, по што ќе следи дополнителен пад од четири проценти во 2025 година, пренесува „Обсервер“. Цените на суровата нафта од типот „брент“ надминаа 91 долар за барел на почетокот на април, поттикнати од ескалацијата на геополитичките тензии и дополнителното намалување на производството од ОПЕК плус. Цените на природниот гас паднаа во првиот квартал од 2024 година на речиси 40 отсто пониски од претходната година. Европската референтна вредност се намали за 35 отсто, со што се променија добивките во претходниот квартал....

Стратешко лидерство во ера на брзи промени и иновации, дигитална трансформација и поголема регионална соработка како основа за создавање на просперитетни економии, се темите во фокусот на годинешното дводневно издание на Самитот Македонија 2025, кој ќе се одржи на 15 и 16 мај 2024 година. Покрај промените што ги носи дигиталната трансформација во општествата и во водењето на бизнисите, на Самитот ќе се дискутира и за моќта и потенцијалите на вештачката интелигенција и искористување на дигиталните здравствени иновации за унапредување на медицинските услуги во Југоисточна Европа. Демократијата, слободата на говорот во ера на дигитализација исто така ќе бидат дел од темите на Самитот Македонија 2025, како и многу други теми поврзани со бизнис моделите и стратегиите за брза и успешна трансформација. Самитот Македонија 2025 чија главна цел е поврзување и споделување на знаења и искуства помеѓу професионалците од различни земји и области, во функција на раст, годинава ќе биде домаќин на преку 50 експерти од бизнис и научната заедница од повеќе земји во светот. На отворањето на Самитот Македонија 2025 ќе се обратат и претседателот на државата Гордана Сиљановска Давкова, Никица Мојсовска Блажевски, извршен директор на Македонија 2025 и Мајкл Чкламовски претседател на Одборот на директори на организацијата. На затворањето на Самитот Македонија 2025 ќе се обрати претседателот на ВМРО-ДПМНЕ Христијан Мицкоски. Голем е интересот за присуство на Самитот Македонија 2025, кој годинава се одржува по 13 пат. Според некои информации, на самитот ќе учествуваат над 450 учесници. Покрај тоа, во рамките на Самитот ќе има одлична можност за вмрежување и остварување нови партнерства и соработка со потенцијални инвеститори. Самитот на Македонија 2025 е во организација на меѓународната невладина организација Македонија 2025, чија главна мисија е креирање и унапредување на динамична платформа за споделување знаења од областа на бизнисот, економијата, технологијата, лидерството и иновациите, во насока на поттикнување на економски развој и одржливост....

САД ги зголемуваат царините на електричните возила од Кина од 25% на 100%, соопшти денес Белата куќа, после низата остри мерки со кои администрацијата на Џо Бајден сака да го ограничи увозот од Кина. Новите царини ќе се применуваат не само на електричните возила, туку и на батериите и на соларните панели, полупроводниците, дигалките и на некои медицински производи, меѓу кои заштитните маски. „Денешната објава е одрз на преданоста на претседателот Џо Бајден на грижата за американските работници. Кога сме соочени со непочитување на правилата на конкурентност и непочитување на праксите од странство, претседателот ќе употреби се што му е на располагање за да ги заштити американските работници и индустријата“ велат од Белата куќа. Оттаму додаваат дека овие мерки се потребни затоа што Кина ги преплавила светските пазари со вештачки создаден евтин увоз и Бајден реагира и покрај тоа што настојува да ги стабилизира односите со Пекинг. Како што тврдат, Бајден го посетил своето родно место Скрентон во Пенсилванија и со сопствени очи се уверил ѓто се случува кога производството ќе се префрли во други земји и затоа сака да осигура чесна конкуренција. „Битно ни е да преземеме нешто пред новиот порсат на кинескиот извоз и нивниот континуиран притисок на цените, кои ја отеѓнуваат конкурентноста на американските челичарници“ изјави Бајден. Илон Маск, извршен директор на компанијата за производство на електрични автомобили Tesla, исто така постојано предупредува дека кинеските производители имаат нечесна предност. Според податоците на американската влада, овие мерки ќе влијаат на извозот од Кина, кој изнесува 18 милијарди долари. Се очекува дека Пекинг ќе возврати со контрамерки....

Помеѓу 12 и 16 отсто од Бугарите постари од 15 години немаат банкарска сметка, открива студијата на бриселскиот тинк-тенк Финас Воч. Слична е сликата во Унгарија, а најекстремна – во Романија, каде три од секои десет луѓе над 15 години немаат банкарска сметка. Авторите на извештајот коментираат дека една од главните причини се високите банкарски провизии, кои предизвикуваат особено посиромашните луѓе да ги избегнуваат услугите на финансиските институции. Ниту европската регулатива која ја создаде таканаречената основна банкарска сметка не помага. Тоа е факт и во Бугарија, но неговата употреба е занемарлива, забележува Eкономик.бг. Во Германија трошокот за основна уплата е 27,83 евра месечно. Во Данска и Финска е поевтино – околу 13-10 евра. Во Шпанија, одржувањето сметка за основните операции е дури и бесплатно за посиромашните домаќинства (со приход помал од 25.200 евра годишно). Кај нас основната уплатна сметка беше ослободена од такси – под услов да се користи за примање плата, пензија, стипендија, анализира „Сега.бг.њус“. Меѓутоа, како што стана јасно, во Бугарија секоја банка измислува некои дополнителни критериуми и услови, поради што малку Бугари имаат корист од олеснувањата. Според податоците на Министерството за финансии од септември, кога се укинаа давачките, на почетокот на годината отворените сметки за основниот платен промет биле само 1.000-2.000. Високиот процент на луѓе без банкарска сметка во некои земји се објаснува и со размерите на сивата економија, а тоа е случај со Романија, Бугарија и Унгарија....

Инфлацијата се намали од 19,8% на 4%, како резулат на монетарното затегнување и нормализацијата на цените на храната и енергијата, се наведува во заклучоците од овогодишниот економски и финансиски дијалог на Европската Унија со земјите од Западен Балкан, Турција, Грузија, Молдавија и Украина. Европската комисија ги нотира мерките кои Народната банка ги превзема во изминатиот период, со цел да ја стабилизира инфлацијата, инфлациските очекувања и да ја поттикне денаризацијата. Во заклучоците се наведува дека банкарскиот сектор остана стабилен, со поволни показатели за адекватноста на капиталот и ликвидноста, како и ниски нивоа на нефункционални кредити. Европската комисија препорачува монетарната политика да остане затегната, онолку колку што е потребно, за да се закотват инфлациските очекувања на ниво кое ќе осигура стабилност на цените и на девизниот курс. Се наведува и дека е неопходно да се заштити независноста на централната банка во извршувањето на нејзините клучни законски задачи. Во рамките на економскиот и финансискиот дијалог на Европската Унија со земјите од Западен Балкан, Турција, Грузија, Молдавија и Украина, којшто се води врз основа на поднесената Програма за економски реформи 2024 ‒ 2026 година од страна на земјите кандидатки, институциите на ЕУ даваат осврт и оцена на политиките и реформите во различни сфери на економијата и финансискиот систем, додека носителите на политиките даваат свој осврт и очекувања за идниот период. Вицегувернерката Емилија Нацевска ја претставуваше Народната банка на дијалогот со ЕУ. Во своето излагање, таа истакна дека Народната банка ќе продолжи да води претпазлива монетарна политика, се додека со сигурност може да се каже дека процесот на дезинфлацијата е одржлив и дека на среден рок ќе се осигура ценовната стабилност. Таа посочи и дека Народната банка ќе продолжи преку мерки и регулаторни барања да ја зајакнува отпорноста на банкарскиот систем и да ги унапредува сопствените институционални капацитети за подобро справување со светските трендови и предизвици. Вицегувернерката Нацевска ја истакна и заложбата на Народната банка во изминатиот период за спроведување на реформскиот процес за зајакнување на регулаторната рамка и приближување до стандардите на ЕУ. Таа посочи дека Планот за раст за Западен Балкан, дава можност за побрза интеграција на регионот во Единствената платежна област во евра (СЕПА). Народната банка веќе поднесе пред-апликација за влез во СЕПА и е подготвена да работи на затворање на евентуалните регулаторни јазови како предуслов за влез во СЕПА, што би донело повеќекратни предности за потрошувачите, компаниите и финансиските институции. Во своето излагање вицегувернерката се осврна и на придонесот на Народната банка кон зелената транзиција и подготвките на банкарскиот систем за овој процес. Народната банка го усвои првиот Среднорочен план во областа на управувањето со климатските промени за периодот 2023 ‒ 2025 година, кој предвидува активности за регулирање и надзор на климатските ризици, вклучително и стрес-тестирања на банките поврзани со климатски промени, а беа усвоени и Насоки за управување со климатските ризици за банките. Во согласност со светските трендови, Народната банка веќе ги направи и првите чекори за „зазеленување“ на своето инвестициско портфолио во рамки на управувањето со девизните резерви....

Тоа значи дека приближно секој 24-ти жител на овој град со 8,26 милиони жители има седумцифрена нето вредност. Извештајот откри дека Њујорк е дом на 60 милијардери и 744 луѓе кои можат да инвестираат повеќе од 100 милиони долари, според Блумберг. Бумот на финансиските пазари во последните години поттикна раст во најбогатите градови во светот, вели Јерг Штефен, извршен директор на Henley&Partners. Меѓутоа, тоа не е секаде, а Лондон изгуби 10 отсто од своето милионерско население во последната деценија, делумно поради одлуката на Велика Британија да ја напушти Европската унија. Хонг Конг забележа пад од 4 отсто на своите милионери, бидејќи богатите иселеници се собраа во Сингапур поради строгите ограничувања во Кина за време на пандемијата „Ковид-19“. Некои градови во пораст го вклучуваат кинескиот Шенжен, каде што бројот на милионери пораснал за 140 отсто во изминатата деценија. Популацијата на милионери се удвои во Бенгалуру, Индија, Хо Ши Мин Сити, Виетнам и Скотсдејл, Аризона. Дубаи е најбогат град на Блискиот Исток, а на 21 место во светот. Врз основа на богатството по глава на жител, Монако е на првото место во светот, каде што повеќе од 40 отсто од неговите жители се милионери, а Њујорк е втор....

Пазарите во развој на Централна и Југоисточна Европа се очекува да го предводат економското закрепнување. И покрај високите стапки на инфлација во последниве години, релативниот стандард на живеење во регионот се зголеми. Потрошувачите на „позрелите“ пазари доживуваат губење на куповната моќ. Пандемијата, придружена со високи стапки на инфлација, ја промени куповната моќ низ Европа. Неодамна, објавените податоци на „Еуростат“ покажуваат дека повеќето зрели економии на западниот и северниот дел на континентот доживеале релативен пад на животниот стандард во последните две години. Спротивно на тоа, јужниот, централниот и источниот дел на Европа релативно добро ги помина економските превирања. Многу пазари во развој забележаа зголемување на паритетот на куповната моќ. Врз основа на БДП по глава на жител, овој индикатор е општо прифатен како релативна мерка за севкупниот економски просперитет. Придружната табела илустрира како последните две години ги поделија европските региони на победници и губитници. Во долниот лев квадрант се балтичките економии, со животниот стандард под просекот на ЕУ-27, кои од крајот на 2021 година до крајот на 2023 година забележаа зголемен јаз со нивните европски пандани. Во горниот лев квадрант, нордиските земји, како и големите, позрели западни економии како Германија, Франција и Холандија, забележаа пад на нивниот животен стандард. Австрија беше единствената земја во ЕУ, која забележа подобрување на индикаторот, дури и од високото почетно ниво. Спротивно на тоа, во долниот десен квадрант, потпросечните економии во развој како што се Полска, Романија, Хрватска, Унгарија, Словенија и Бугарија покажуваат највисоки стапки на раст на животниот стандард во Европската унија. Португалија, Шпанија и Грција, на долниот дел од развиените економии, исто така може да ја подобрат својата позиција во однос на другите развиени пазари. Изгледите за пазарите во Централна и Источна Европа остануваат позитивни. Пазарите во развој ќе го поттикнат закрепнувањето на Европа во 2024 година, според новата светска економска перспектива на Меѓународниот монетарен фонд (ММФ) објавена во април. Меѓу економиите на Европската унија се очекува да предводи Полска со реален раст на БДП од 3,1% оваа година, потоа Хрватска со 3,0%, Романија со 2,8%, Бугарија со 2,7%. Големите зрели економии како Германија и Франција се на дното на рангирањето. Реалниот БДП на Франција по глава на жител се очекува да порасне за само 0,7% оваа година, додека Германија е претпоследна со прогноза од 0,2% Извор: Instore.mk...

„Премостување на јазот – влез во новата ера“ е насловена годинашната Меѓународна регулаторна конференција што ќе се одржи денеска и утре во Охрид во организација на Агенцијата за електронски комуникации на Република Северна Македонија. Според агендата, на конференцијата ќе се одржат три панели посветени на управување со спектарот и мониторинг, сајбер безбедноста, регулаторните прашања и пристапт до широкопојасен интернет, а кои се во контекст на најновите инспиративни области во електронските комуникации. На конференцијата поканети се претставници од Меѓународната унија за телекомуникации, регулаторните тела и од Европската Унија, како и претставници од академската фела, оператори и останати компании и чинители на глобалниот комуникациски пазар....

Во понеделникот Европската унија го продолжи бесцаринскиот увоз на земјоделски производи од Украина за уште една година, со можност за автоматско воведување царини за некои производи во случај на поголемо нарушување на пазарот. На 23 април, Европскиот парламент гласаше за продолжување на увозот без царина, а Советот ја донесе конечната одлука во понеделникот, пренесува Хина. Во јуни 2022 година, ЕУ ги суспендираше царините за украинските земјоделски производи за да и помогне на земјата да се одбрани од руската агресија. Сега бесцаринскиот режим е продолжен до 5 јуни следната година, со воведени одредени ограничувања. Новата регулатива воведува безбедносен механизам кој ќе и овозможи на Комисијата да дејствува брзо во случај на големи нарушувања на пазарот на една или повеќе земји-членки. Доколку увозот на одредени производи како живина, јајца, шеќер, гриз, пченка и мед го достигне просекот за периодот од 1 јули 2021 до 31 декември 2023 година, автоматски ќе се воведат царините. Ограничувањата беа воведени како одговор на незадоволството на земјоделците во Европа....

Вештачката интелигенција го погодува глобалниот пазар на труд „како цунами“, изјави за „Reuters“ извршната директорка на Меѓународниот монетарен фонд, Кристалина Георгиева. „Технологијата најверојатно ќе влијае на 60% од работните места во развиените економии и 40% од позициите во светот во следните две години“, коментира Георгиева на настан во Цирих. „Имаме многу малку време да ги подготвиме луѓето за ова, бизнисите да бидат подготвени за ова“, истакна таа на настанот организиран од Швајцарскиот институт за меѓународни студии, поврзан со Универзитетот во Цирих. „Таа (вештачката интелигенција) може да доведе до огромни зголемувања на продуктивноста ако добро управуваме со неа, но исто така може да доведе до повеќе дезинформации и, се разбира, поголема нееднаквост во нашето општество“, додава таа. Георгиева рече дека глобалната економија станала поподложна на шокови во последните години, мислејќи на пандемијата во 2020-та година, како и на војната во Украина. „Иако очекуваше повеќе шокови, особено поради климатските промени, економијата остана неверојатно еластична“, рече шефот на ММФ. „Не сме во глобална рецесија“, рече Георгиева, која беше нападната од демонстранти кои повикуваа на акција за климатските промени и справување со долговите на светот во развој. „Минатата година имаше стравувања дека повеќето економии ќе влезат во рецесија, но тоа не се случи. Инфлацијата, која не погоди многу тешко, слабее речиси насекаде“, додаде таа....

Дали верувате во животно осигурување? Сигурно знаете дека постои, и веројатно сте слушнале многумина како се прашуваат „што тоа обезбедува, дали ми е потребно“… но дали истото важи и за вас? Животното осигурување постои за да им обезбеди финансиска поддршка на луѓето кои најмногу ви значат, во случај нешто лошо да ви се случи на вас. Затоа, сега е добар момент да размислите за неговите бенефити и да дознаете за начините како тоа може да ви помогне да се заштитите, но истовремено и да заштедите драгоцени средства. Многу често, кога зборуваме за животно осигурување помислуваме на најлошото… Но, тоа е многу повеќе од само одредена сума пари која се добива по фатален случај на осигуреникот. Со животното осигурување го обезбедувате сопствениот живот, со што им давате и сигурност и на вашите најблиски во случај на несреќа, но тоа исто така претставува и можност за создавање капитал за времето кога приходите ќе ви се намалат – без разлика дали се работи за престан на редовниот работен однос, заминување во пензија или некоја трета причина. Во последните неколку години, се’ повеќе луѓе стануваат свесни за важноста на сопствениот живот и финансискиот товар кој тој го носи, па решаваат да склучат осигурителна полиса. Всушност, показател за тоа се и податоците од земјава, кои велат дека во 2023 година има над 300.000 лица кои имаат осигурување живот, а вложувањата во осигурување живот лани се на ниво од 40 милиони евра што е 3,4 милиони евра повеќе од 2022 година. На кого му е тоа потребно? Постојат два типа на луѓе на кои НЕ им е потребно животно осигурување. Првите се млади, малолетни лица кои немаат финансиски примања и семејни обврски; а вторите се пензионери кои имаат заработено доволно за мирна старост и поради тоа не гледаат потреба од животно осигурување. Ако вие не се препознавте во ниту една од овие групи, тогаш сметајте дека ви е потребно животно осигурување. Мирната и безбедна сегашност е најдобрата платформа за среќна иднина. Инвестирањето во животно осигурување ќе ви даде можност спокојно да ги планирате деновите кои доаѓаат, неоптоварени од сите оние потенцијални начини на кои нешто може да тргне наопаку. А доколку се’ помине добро во предвидениот рок на осигурувањето, по истекот на истото, кај продуктите со штедна компонента на корисникот на осигурување ќе му бидат исплатени парични средства од осигурувањето, кои пак ќе отворат нови можности за инвестирање. Кога ќе бидете сигурни дека е вистинско време за животно осигурување, време е да ја одберете вистинската понуда. Друштвата за осигурување нудат различни продукти за животното осигурување, како на пример традиционалните полиси за животното осигурување, осигурување поврзано со инвестициски фондови, осигурување во случај на загуба на живот и други. Полисата за животно осигурување може да се адаптира на сечии индивидуални потребни, во зависност од возраста, полот, но и индивидуалните желби и барања. Тоа ви остава простор на вас како осигуреник да одберете како и колку сакате да се осигурате, да ги вложите парите во вас и вашите најблиски и да создадете капитал за во иднина, на алтернативен начин. Има уште една работа околу животното осигурување: колку подолго чекате да го купите, толку поскапо тоа станува. Затоа, не ги одложувајте работите, разговарајте со професионалец и донесете ја најдобрата можна одлука за вашата иднина....

Најнови светски истражувања на Linkedin и Microsoft Најновите истражувања на Linkedin и Microsoft се дел од анкетата што ја спровеле кај 31 илјада луѓе во 31 земја во светот. Резултатите покажаа дека во 2024 година, околу 46 отсто од вработените сакаат да ги напуштат своите работни места и да дадат отказ,а трите причини за откажување се: „прегорување“ на работа, недостаток на професионална обука и вештачка интелигенција. За споредба, тој процент во 2021 година бил околу 40 проценти. Речиси 50 отсто од луѓето планираат да ги напуштат своите работни места во 2024 година, покажуваат најновите истражувања на Linkedin и Microsoft. Анкетата што ја спровеле опфатила 31 илјада луѓе во 31 земја во светот. Резултатите покажаа дека во 2024 година, околу 46 отсто од вработените сакаат да ги напуштат своите работни места и да дадат отказ. За споредба, тој процент во 2021 година бил околу 40 проценти. И покрај тоа што многу работодавчи веруваа дека „трендот“ на оставки ќе се стабилизира годинава и дека работодавците ќе ја преземат контролата на пазарот на трудот, со ова истражување се негира тоа. Анализите ја потврдуваат и големата загриженост што има сериозен недостиг на работна сила на глобалниот пазар. Според истражувањата, трите причини за откажување се: „прегорување“ на работа, недостаток на професионална обука и вештачка интелигенција. Околу 59 отсто од работниците во САД прегоруваат на работа, а останатите се чувствуваат исцрпени. Знаците на прегореност вклучуваат исцрпеност, непродуктивност и чувство дека работата што се прави нема цел. -Исцрпеноста е чест проблем со кој се соочуваат многу луѓе на современото работно место. Тоа може да биде предизвикано од различни фактори, вклучувајќи долги работни часови, високи нивоа на стрес и недостаток на контрола врз работната средина. Ако не се контролира, исцрпеноста може да доведе до бројни негативни последици, вклучувајќи намалена продуктивност, зголемено отсуство од работа, па дури и физички и ментални здравствени проблеми, покажуваат најновите истражувања на Linkedin и Microsoft. Кога станува збор за компаниите кои работат во областа на културата, анализите велат дека тие имаат позадоволни вработени, бидејќи имаат поголеми шанси да напредуваат во кариерата. – Мотивацијата во работната средина е многу важна не само за вработените, туку и за развојот на компанијата. Денес, мотивацијата не мора да се реализира само преку парични бенефиции, туку и на други начини, како награди, пофалби и признанија, патувања, образование… Сепак, малку компании се свесни за тоа денес. Организацијата е пред се флуиден систем кој се менува секој ден, па затоа е неопходно да се биде во тек со неговите потреби, трендови и промени- покажало истражувањето. Исто така истражувањето покажало дека повеќето вработени сакаат да добијат можност да научат како да користат вештачка интелигенција, оти на таков начун можат да ги подобрат своите вештини....

Како што објави Данас, најголемиот дел од таквите инвестиции во 2023 година се од Европската унија, а тоа е нешто помалку од половина од вкупниот број, односно околу 2,2 милијарди евра. Минатата година во Србија влегле повеќе од 4,5 милијарди евра директни странски инвестиции, покажуваат податоците на Народната банка на Србија (НБС). Тоа е за околу 100 милиони евра повеќе од 2022 година, кога нивната вредност беше 4,4 милијарди. Како што објави Данас, најголемиот дел од таквите инвестиции во 2023 година се од Европската унија, а тоа е нешто помалку од половина од вкупниот број, односно околу 2,2 милијарди евра. Тоа не беше случај пред една година.Тогаш од ЕУ пристигнаа значително помалку директни странски инвестиции, за околу 800 милиони евра, бидејќи нивната вкупна вредност беше околу 1,4 милијарди, наведува весникот. Поединечно по земји, убедливо најголемиот прилив на странски директни инвестиции во Србија доаѓа од Кина, од каде лани се слеале околу 1,4 милијарди евра.Кина ја постигна истата вредност на овие инвестиции во 2022 година. На второ место е Холандија, од каде во Србија во 2023 година пристигнале над 738 милиони евра, додека вредноста на тие инвестиции само една година претходно била нешто повеќе од 148 милиони евра.Зад неа, со речиси двојно повеќе странски директни инвестиции, е Велика Британија со вложени 383 милиони евра. Русија се најде на шестото место со придонес од нешто повеќе од 162 милиони евра во странски директни инвестиции.Ова е значителна промена во однос на претходната година кога странските директни инвестиции од оваа земја изнесуваа 464 милиони евра.Убедливо најголем број странски директни инвестиции доаѓаат од преработувачката индустрија, нешто помалку од 1,2 милијарди евра.Од тоа лани најмногу пари донело производството на производи од гума и пластика, 476 милиони евра. На второ место се најде производството на моторни возила, приколки и полуприколки, што донесе странски директни инвестиции во вредност од 288 милиони евра.Втората дејност по бројот на овие инвестиции е градежништвото, чија вредност во 2023 година изнесува 853 милиони евра....

Гувернерката на Народната банка Анита Ангеловска-Бежоска денеска најави можен почеток на монетарно олабавување во втората половина од годината, но само ако и натаму, како што рече, останат поволни клучните фактори. -Ризиците постојат, пред се е тука глобалниот контекст, ги гледаме геополитичките тензии, секако има и домашни фактори кои упатуваат на потреба за одредена внимателност и од овие причини ние се уште не сме почнале со монетарно олабавување. Гледано перспективно, со оглед на нашата стратегија за одржување стабилен девизен курс на денарот, два клучни фактора ќе го детерминираат моментот кога би почнале со циклусот на олабавување: нивото на девизни резерви (движењето на девизниот пазар кои заега се поволни), но и инфлациските очекувања. Третиот фактор е секако, однесувањето на Европската централна банка. Генерално, со оглед дека трендовите во клучните пунктови кои го детерминираат просторот на монетарната политика засега се поволни, ако овие трендови продолжат без да има некоја поголема материјализација на ризици, во втората половина од годината постои простор за почеток на монетарно олабавување, рече Ангеловска-Бежоска, одговорајќи на новинарски прашања по презентацијата на најновите макроекономски проекции. Во врска со јавниот долг и буџетскиот дефицит, гувернерката уште еднаш ја нагласи потребата од продолжување на фискалната консолидација. -Евидентно е дека дојде до значајно зголемување на буџетскиот дефицит и на јавниот долг особено во пандемиската 2020 година. Според последните податоци, јавниот долг минатата година е над 60 отсто од БДП. Клучно во ваква ситуација е фискална консолидација, а за таа да се направи еден од клучните фактори е намалување на буџетскиот дефицит. Гледаме одредена патека на намалување на буџетскиот дефицит, а согласно среднорочната фискална стратегија предвидено е тоа да продолжи и дефицитот да се сведе на нешто под три проценти. Според нас, клучно е да продолжи фискалната консолидација, истакна Ангеловска-Бежоска. Осврнувајќи се на макроекономската стабилност, треба да се види, напомена, и која е визјата на новата влада за фискалната патека на среден рок....

Добрата вест што ја соопшти гувернерката е дека кај енергенсите и кај храната се очекува посилен пад на цените оваа година. Таа посочи и дека ќе има натамошно забавување на инфлацијата на 3,5 проценти оваа година и на 2,5 проценти наредната година. Надолна корекција за економскиот раст направи Народната банка во однос на октомвриските очекување. Во пролетниот извештај што беше презентиран вчера, економскиот раст за годинава е предвиден на 2,6 проценти, а за наредната година предвидувањата се 3,6 проценти. Се очекува оваа година инфлацијата да биде 3,5 проценти, да закрепне странската побарувачка, да има зголемен раст на увозот и на извозот. – Во однос на економскиот раст, и натаму се очекува постепено забрзување во следниот период, но малку побавно во однос на октомвриските проекции. Овие оцени ги одразуваат послабите остварувања во 2023 година, како и оцените за малку понеповолно надворешно окружување и одложено влијание на домашните фактори, односно побавно спроведување на градежните активности поврзани со новите инфраструктурни проекти – рече гувернерката на Народната банка Анита Ангеловска-Бежоска објаснувајќи зошто надолу е коригиран планот од октомври кога растот на БДП беше предвиден за 3 проценти годинава и за 4 проценти во наредната година. Таа потенцираше дека и понатаму опстојуваат ризиците за кои се зборуваше и во октомвриското сценарио. Добрата вест што ја соопшти гувернерката е дека кај енергенсите и кај храната се очекува посилен пад на цените оваа година. Но, таа исто така рече дека кај увозната инфлација е извршена мала нагорна ревизија во тековната година, а за наредната година, таа е непроменета. – Она што е важно е натамошно забавување на инфлацијата на 3,5 проценти оваа година и на 2,5 проценти наредната година. Кај металите се очекува претежно посилен пад за оваа година, но малку подобри движења за наредната година. Севкупно во однос на октомвриските макроекономски проекции ова упатува на умерено поповолни услови за размена, особено во сегментот храна и енергенси, но сепак би потенцирала дека неизвесноста и понатаму постои и бара внимателност – рече гувернерката. Нашата земја има отворена економија и цените во голема мера зависат од надворешни цени. Гувернерката Ангеловска-Бежоска објасни дека инфлацијата сè уште се одржува над историски просек во најголем дел од земјите во светот. Ризиците од геополитички тензии се зголемија, лани се воведоа 3.000 трговски бариери, трипати повеќе од пандемискиот период. – Во основа ММФ ги оценува глобалните ризици за инфлацијата како балансирани. Негативни ризици се евентуално нов ценовен шок во услови на сè уште присутни геополитички тензии, послабо забавување на базичната инфлација и подолго задржување на затегнатите финансиски услови, послаб раст на кинеската економија што има значајно влијание на глобалните текови, посилна фискална консолидација со неповолни ефекти, повеќе трговски ограничувања и посилна геоекономска фрагментација. Како позитивни елементи во ова сценарио ги споменуваат следните: побавна фискална консолидација, посилно забавување на базичната инфлација, побрзо олабавување на монетарните политики, зголемување на продуктивноста и примена на вештачка интелигенција – рече гувернерката. Од Народната банка констатираат и дека и натаму се очекува закрепнување на странската побарувачка, но со послаба динамика од октомвриските проекции. Предвидувањата се и дека ќе продолжи фискална консолидација на среден рок и дека ќе се забрзаат инфраструктурните проекти во втората половина од годинава. По забавувањето во 2023 година, се очекува постепено забрзување на кредитната активност во следниот тригодишен период. – Во услови на стабилен и сигурен банкарски систем и постепено ослабување на ризиците за економијата, се очекува дека кредитниот раст умерено ќе забрза во 2024 година, односно ќе изнесува 6,1 проценти – посочија од Народната банка....

За ефикасна борба против еколошкиот криминал потребен е посебен сектор во МВР, сметаат експертите. Законската рамка генерално е добра, бидејќи е воведено кривично дело екоцид, но потребно е многу работа на терен и имплементација. Корупцијата исто така е проблем кога станува збор за кривични дела во областа на екологијата, а државата ќе мора да потроши огромни средства кога ќе го отвори поглавјето за заштита на животната средина за да ги исполни условите на ЕУ, сметаат експертите на денешната дебата за криминалистички истраги за еколошки кривични дела која се одржа н Факултетот за безбедност. Со воведување на екоцидот како кривично дело, се подобрува законската рамка кога станува збор за кривични дела, во областа на екологијата. Потребна е имплементација на терен и посебен сектор во МВР за сузбивање на еколошкиот криминал и обука на обвинители и судии, сметаат експертите на денешната дебата за криминалистички истраги за еколошки кривични дела кој се одржа на факултетот за безбедност. ,,КАДЕ ЌЕ СЕ ПОЗИЦИОНИРА ОВОЈ СЕКТОР ВО РАМКИТЕ НА МВР СЕУШТЕ СЕ РАЗМИСЛУВА И СЕ ПЛАНИРА НО МОРА ДА ИМА ЗНАЧАЈНИ РЕСУРСИ БИДЕЈЌИ ЕКОЦИДОТ Е ПОВРЗАН И СО КОРУПЦИЈАТА”, СМЕТА МАРИНА МАЛИШ САЗДОВСКА, ФАКУЛТЕТ ЗА БЕЗБЕДНОСТ. ,,КАЗНИТЕ МОРА ДА БИДАТ ПОСТРОГИ И ДА ИМА ПОВИСОКА ГЛОБА ЗА ДА СЕ ОДВРАТАТ СТОРИТЕЛИТЕ НА ЕКОЛОШКИ КРИМИНАЛ” ИЗЈАВИ БАЖЕ ДИМИТРИОВСКИ, БЈБ. “КАКО ПРИМЕР ЗА ЛОШО ЗАКОНСКО РЕШЕНИЕ БЕШЕ НАВЕДЕНА ГЛОБАТА ЗА БЕСПРАВНА СЕЧА НА ДРВА КАДЕ ЗА ФИЗИЧКО ЛИЦЕ МАКСИМАЛНАТА КАЗНА Е 250 ЕВРА БЕЗ РАЗЛИКА НА КОЛИЧИНАТА БЕСПРАВНО ИСЕЧЕНО ДРВО” ДОДАДЕ ДАРКО БЛИНКОВ, ДРЖАВЕН ИНСПЕКТОРАТ ЗА ЖИВОТНА СРЕДИНА. Заштита на животната средина е едно од поглавјата во преговорите со ЕУ каде има стриктни правила и поглавје за кое што државата треба да потроши многу средства за да се исполнат условите на ЕУ, вели судија Осман Шабани. Во средното училиште „Марија Кири Склодовска“ е формирана првата генерација на ученици кои изучуваат предмети и вештини неопходни за професијата еко форензичар....

Американскиот претседател Џо Бајден се очекува утре да објави нови трговски мерки против Кина. Новите царини ќе влијаат, меѓу другото, и на електричните автомобили, пишува Wall Street Journal и додава дека во моментов се плаќа царина од 25% за кинеските ЕВ, како и дополнителни 2,5% како за сите увезени автомобили. Од утре, пак, тарифата ќе биде четири пати повисока – на кинеските електрични автомобили ќе биде 100%, што очигледно ќе ги направи кинеските автомобили неконкурентни на пазарот. Новите високи такси ќе важат и за суровини, полупроводници, батерии и производи поврзани со соларни панели, рекоа луѓе запознаени со ова прашање. Белата куќа одби да го коментира ова, а преку политиката на тарифи, САД успеаја да ги задржат кинеските електрични автомобили на дистанца, што не е баш случај во Европа. Неколку странски производители на автомобили, вклучувајќи го и кинескиот Polestar, сè повеќе бараат да го локализираат своето производство за американскиот пазар, па производството на моделот Polestar 3 ќе се одвива локално во САД од средината на оваа година....

Гувернерката на Народната банка Анита Ангеловска-Бежоска очекува да продолжи падот на цените на храната во текот на годинта и нивни стабилизирање во следната година. Таа објаснува дека ако се спореди нивото на цените на храната со предпандемискиот период, тие се речиси двојно повисоки од нивото на светските цени на храната. Гувернерката е оптимист дека ќе се случи постепено забрзување на економскиот и забавување на ценовниот раст....

Од ноќеска на полноќ малопродажните цени на бензините ЕУРОСУПЕР БС-95 и ЕУРОСУПЕР БС-98 се намалуваат за 1,50 денари за литар, а малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) се намалуваат за половина денар за литар. Како што сооопшти Регулаторната комисија за енергетика, водни услуги и услуги за управување со комунален отпад, малопродажната цена на Мазутот М-1 НС се намалува за 0,602 ден/кг и сега ќе изнесува 44,007 ден/кг. Од ноќеска на полноќ максималните цени на нафтените деривати ќе изнесуваат: – моторен бензин ЕУРОСУПЕР БС – 95 84,50 (денари/литар) – моторен бензин ЕУРОСУПЕР БС – 98 86,50 (денари/литар) – дизел гориво ЕУРОДИЗЕЛ БС (Д-Е V) 74,00 (денари/литар) – масло за горење Екстра лесно 1 (ЕЛ-1) 73,50 (денари/литар) – Мазут М-1 НС 44,007 (денари/килограм) Од РКЕ напоменуваат дека ова се максималните цени на нафтените деривати од 00:01 часот на 14 мај 2024 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени....

Комплетирани се дигиталните катастарски планови во државава откако во централната база се внесени податоците за последната катастарска општина – К.О. Тетово 2. и е создадена платформа за систем на географски информации засновани на интернет (WEB GIS). Агенцијата за катастар на недвижности информира дека со оваа платформа се врши размена и дистрибуција на податоци и таа овозможува целосна покриеност на територијата на државата со основни сетови на дигитални просторни податоци. Исто така, посочува АКН, таа овозможува и дополнителен развој на политики за стратегијата за Национална инфраструктура на просторни податоци и ќе помогне при исполнувањето на условите и критериумите на директивата ИНСПИРЕ на Европската Унија. -Дигитализацијата на катастарските планови претставуваше процес на усогласување на графичката со алфа-нумеричката база на податоци и прочистување на техничките грешки кои се резултат од одржување на катастарот на недвижности во две засебни бази на податоци, наведува АКН во објава на својата веб страница. Крајната цел на проектот за дигитализација беше интеграцијата на графичката база на податоци на дигиталните катастарски планови, со алфа-нумеричката база на податоци во една единствена централизирана база на податоци и тоа за сите катастарски општини на територија на државата. -Како завршница на овој долготраен и комплициран процес на дигитализација на катастарските планови на територијата на целата држава, на 16.4.2024 година во централната база на податоци се внесени податоците за последната катастарска општина – К.О. Тетово 2. Сега и од оваа катастарска општина ќе може да се обезбедат податоците, како што се извод од катастарски план и имотен лист, преку веб страницата на Агенцијата за катастар на недвижности, во делот на ОССП дистрибутивниот геопортал, објаснува Катастарот....

Францускиот претседател Емануел Макрон по средбата наречена „Избери ја Франција“ со странски деловни претставници соопшти дека земјата ќе добие странски инвестиции во висина од над 15 милијарди евра. „Мајкрософт“ (Microsoft) вчера најави дека ќе инвестира четири милијарди евра во центри за обработка на податоци. Предвидено е нов центар за податоци да се изгради во источна Франција, додека постоечките локации во регионот на Париз и во Марсеј ќе се прошират. Претходно, „Амазон“ (Amazon) најави дека ќе инвестира повеќе од 1,2 милијарди евра во Франција и ќе отвори над 3.000 работни места. Исто така и неколку фармацевтски компании, меѓу кои американската групација „Фајзер“ (Pfizer) и британската „АстраЗенека“ (AstraZeneca) најавија дека ќе инвестираат повеќе од една милијарда евра повеќе во францускиот здравствен сектор. Најголемиот индустриски проект најавен досега е фабрика за ѓубрива, која би можела значително да ги намали емисиите на јаглерод диоксид....

Советот на Народната банка одржа редовна седница на која беше разгледан и усвоен најновиот Квартален извештај во чии рамки се вклучени и макроекономските проекции на Народната банка. По усвојувањето на Извештајот, гувернерката ги претстави макроекономските проекции пред јавноста, на конференцијата за печатот. Макроекономските проекции за периодот 2024 − 2026 година упатуваат главно на слична макроекономска слика како и во октомвриските проекции. Во однос на економскиот раст, и натаму се очекува постепено забрзување во следниот период, но малку побавно во однос на октомвриските проекции. Овие оцени ги одразуваат послабите остварувања во 2023 година, како и оцените за малку понеповолно надворешно окружување и одложено влијание на домашните фактори, односно побавно спроведување на градежните активности поврзани со новите инфраструктурни проекти. Се очекува дека стапките на раст на БДП ќе изнесуваат 2,6% во 2024 година и 3,6% во 2025 година, наспроти октомвриските очекувања за 3% и 4% во 2024 и 2025 година, соодветно. За 2026 година се очекува умерено забрзување на растот, во услови на поповолно надворешно окружување, постабилен амбиент и поголема склоност за потрошувачка и инвестиции. Инфлацијата и во овој циклус би ја задржала патеката на надолно приспособување до крајот на периодот на проекциите. Проекциите за 2024 година покажуваат забавување на ценовниот раст и просечна стапка на инфлација од 3,5%, што е на долната граница на интервалот очекуван во октомври (3,5 − 4%). На среден рок очекувањата се непроменети, односно во периодот 2025 − 2026 година инфлацијата ќе се сведе на историскиот просек од 2%. Надворешната позиција на домашната економија и во рамките на најновите проекции се оценува како поволна, при подобри остварувања во 2023 година од очекувањата (остварен суфицит во тековната сметка), главно заради значителното намалување на увозот. Постепената нормализација на увозот на суровини и материјали, по падот во претходната година, во услови на стабилно енергетско салдо, ќе биде главниот фактор за остварување умерен дефицит на тековната сметка од 2,4% од БДП во 2024 година. Во наредниот период, посилното влијание од извозната побарувачка, во услови на стабилизација на цените на енергијата и на примарните производи, ќе придонесе за одредено намалување на дефицитот кај тековните трансакции на нивото од 2,1% од БДП во 2025 − 2026 година. Во целиот период на проекцијата се очекуваат солидни нето-приливи на финансиската сметка, со што девизните резерви и натаму ќе растат и ќе се одржуваат на соодветното ниво, гарантирајќи ја стабилноста на девизниот курс. По забавувањето во 2023 година, се очекува постепено забрзување на кредитната активност во следниот тригодишен период (2024 − 2026 година). Во услови на стабилен и сигурен банкарски систем и постепено ослабување на ризиците за економијата, се очекува дека кредитниот раст умерено ќе забрза во 2024 година, односно ќе изнесува 6,1%. Со постепеното забрзување на економскиот раст и стабилизирањето на очекувањата, се очекува забрзување на активноста на кредитниот пазар во наредниот период, при што растот за периодот 2025 ‒ 2026 година би изнесувал 6,8%, во просек. Кредитната активност ќе биде поддржана и од растот на вкупните депозити, којшто на крајот на 2024 година би изнесувал 7,4% и би забрзал на 7,6% во периодот 2025 ‒ 2026 година. Ризиците за основното макроекономско сценарио, и од надворешното, и од домашното окружување, опстојуваат и главно се слични со октомвриските проекции. Притоа, неопходно е следење и на политиките коишто влијаат врз агрегатната побарувачка во домашната економија и поголема претпазливост, вклучително и од аспект на пазарот на труд. Во првото тримесечје на 2024 година, Народната банка ја задржа прудентноста на монетарната политика, соодветно на условите во економијата. Народната банка и натаму внимателно ќе ги следи макроекономските податоци и ризиците и како и досега, ќе ги презема сите неопходни мерки, користејќи ги сите расположливи инструменти, заради задржување на стабилноста на девизниот курс и стабилизирање на инфлацијата на среден рок....

Претседателот на Стопанската комора на Северна македонија, Бранко Азески, денеска порача дека по завршувањето на изборите потребно е економијата повтроно да биде приоритет, како и градењето на правната држава и систем на пазарни вредности. Во соопштение до медиумите, честитајчи им на победниците, тој посочува дека на седмите по ред претседателски и единаесетти по ред парламентарни избори македонскиот народ покажал висока демократска зрелост и дека припаѓа на друштвото со европски вредности и дека јасно е определен да истрае на истите. „Сѐ на сѐ, кога сѐ добро ќе се заврши не треба и многу да се коментира. Сега е сѐ јасно. Во наредните 10 години економијата како приоритет, градењето правна држава и систем на пазарни вредности како определена цел. Во сите случаи одговорноста и имплементацијата се најважните алатки во работењето на сите избрани личности, органи и тела. Тоа го бараше бизнисот. На тоа ќе истрае и јавно ќе критикува секоја појава која не е во согласност со овие постулати. Нашата држава е на сериозен испит, може или не може да опстои како модерен чинител на регионалната и европската сцена“, вели Азески. Тој најави дека од утре раководствот на комората почнува со темпото на работа од пред изборите, додавајќи дека првите неколку активности оваа недела ќе бидат посетата на компанијата „Бехтел и Енка“, средбата со врвното раководството на мултинационалната компанија „Костал“ од Германија, учеството на Самитот во Котор, каде ќе се состанат шесте претседатели на Влади и на Комори на земјите од Западен Балкан, а во петок во Комората ќе го прими раководството на „Македонија 2025“ кое одржува токму овие денови самит во Скопје. „Ако на тоа ги надоврземе и редовните активности кои неделава се одвиваат во Комората со Советот на странски инвеститори и Центарот за циркуларна економија, јасно е дека време за чекање нема. Бизнисот бара враќање на редовните колосеци бидејќи приликите во регионот и во Европа се прилично неизвесни и проблематични“, вели Азески. Тој нагласува дека на најавените настани фокусот мора да биде на нови модерни и свежи идеи во согласност со условите и приликите. Посетата на „Бехтел и Енка“, водечката инвестиција кај нас во наредните години, треба да е поттик за сите вработени во Комората да ги посетат фирмите и да видат што се случува таму. Разговорите со врвното раководство на „Костал“ мора да бидат прецизни и јасни за нивните очекувања од нас, затоа што странските инвеститори се значаен чинител во Комората и нивните оценки се од суштинска важност за нас. Самитот во Котор, на кој ќе се разгледува планот за новиот економски раст на ЕУ, мора во јавноста да не истакне како луѓе кои не губат време по разно-разни собири, туку изнесуваат свои предлози произлезени од компаниите за поддршката што треба да ја добијат од државите. „Не, ‘ќе се залагаме за’, туку предлагаме ‘тоа и тоа’, треба да биде промената со која ќе го направиме нашиот метод на работа сосема поинаков“, вели Азески, додавајќи дека активностите ќе се интензивираат до летните одмори, со цел да се надомести времето кое што го потроши долгата изборна кампања....