Струга, 20. мај 2024 (ОХРИДПРЕС) – Традицијата продолжува. Компанијата „Набизи“ во Струга, оваа сабота, на 25-ти мај го организира најголемиот и најбараниот саем во Македонија.– Доаѓа најголемиот трговски настан во Македонија. Време е за нашата специјална понуда, која се случува еднаш годишно. Целокупниот асортиман во „Набизи“ со фабрички цени, специјални понуди и промотивен саем со најбогатиот асортиман во земјава, информираат од компанијата.Повеќе информации на нивниот профил на Facebook. (Крај)извор: ОхридПрес фото: архива @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Забележителен успех за студенти од ФТУ Охрид на XI гастрономско-туристички фестивал во Ниш...

Охрид, 20. мај 2024 (ОХРИДПРЕС) – Група студенти од студиската програма по гастрономија при Факултетот за туризам и угостителство (ФТУ) Охрид, во периодот од 16-ти до 19-ти мај 2024 година, предводени од доц. д-р Климент Наумов, оствари забележителен успех на XI гастрономско-туристички фестивал во Ниш, Република Србија во конкуренција од над 20 образовни институции од Србија, Хрватска, Црна Гора, Словенија, Романија и Грција.Станува збор за традиционална гастрономска манифестација од меѓународен натпреварувачки карактер. Настанот е во организација на Здружението на угостителски и туристички работници „Зоран Мирашевиќ“ од Ниш.– Пропозициите на натпреварот се состоеа во подготовка на рибна чорба и рибен паприкаш. Нашиот тим во состав Иво Колески, Благојче Сугарески и Влатко Спасевски, сите од II година на студиската програма по гастрономија, учествуваше во сениорска категорија во подготовка на специјалитети од месо и риба на модерен начин, подготовка на национално јадење во котел на оган и во подготовка на традиционални национални специјалитети. Во голема конкуренција се закитија со златни медали за подготовката на специјалитетите и соодветно беа наградени со златни и сребрени медали и дипломи, како и пехар за освоено прво место во соодветните категории, информираат од ФТУ Охрид.Додаваат дека специфичноста на натпреварот се состоеше во тоа што специјалитетите се подготвуваа во посебни боксови опремени со мијалници, работни маси, рингли и печки. Особена атракција беше подготовката на специјалитети во котел на оган, користејќи котлиња обесени на троножен статив.– Студентот Иво Колески се закити со сребрен медал и диплома за подготовката на модерно јадење (телешки котлет со аспарагус и демиглас сос). Студентот Благојче Сугарески се закити со сребрен медал и диплома во категоријата модерни спецјалитети и подготви свинско каре во су вид послужено со турниран морков и компир и путер сос. Студентите Влатко Спасевски, Благојче Сугарески и Иво Колески тимски подготвија гулаш во котел на оган и за специјалитетот добија сребрени медали и дипломи. Во категоријата традиционални-национални специјалитети истиот тим студенти подготви турли-тава, селско месо, тавче-гравче, традиционална салата со домати и сирење, охридско макало, ајвар, пинџур и леб од кисело тесто. Здружението на угостителски и туристички работници Зоран Мирашевиќ од Ниш, го награди ФТУ Охрид со златна диплома во двете категории за екипно учество. Претседателот на здружението Анчица Димитријевиќ, му врачи благодарница за особен придонес во развојот на гастрономијата, угостителството и туризмот на д-р Климент Наумов. Тој беше удостоен со голема чест да биде дел од претседателството на судискиот одбор заедно со познатиот Стево Карапанџа и Смилјан Стојаниќ, потенцираат од ФТУ Охрид.Во текот на гастрономскиот настан биле остварени средби со официјални претставници од образовните институции од областа на угостителството и туризмот ширум Србија, Хрватска, Словенија и Романија во насока на соработка за евентуални проекти, како и запишување на студенти од Србија и регионот на охридскиот факултет, потенцирајќи ги адутите што ги нудат нашите универзитетски дипломи во областите на гастрономијата, угостителството и туризмот.– Во престојниот период студентите кои активно учествуваат на теоретските и практичните предавања по предметите: Основи на готварство, Национална кујна, Техники на послужување и Кетеринг на ФТУ Охрид ќе имаат можност да учествуваат и на други значајни гастрономски манифестации. По враќањето на екипата во Охрид, деканката на Факултетот за туризам и угостителство-Охрид, проф. д-р Снежана Дичевска ги прими студентите заедно со професорот во својот кабинет и им честита за постигнатиот успех, информираат од ФТУ Охрид. (Крај)извор: ОхридПрес фото: ФТУ Охрид @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Градоначалникот на Кавадарци Митко Јанчев доби извинување од лицето кое му се заканувало: Имал лошо пијанство, во комбинација со лекарствата кои ги пиелСледно Next post: „Набизи“ во сабота го организира најголемиот саем во Македонија: Фабрички цени и специјални понуди на целокупниот асортиман...

Кавадарци, 20. мај 2024 (ОХРИДПРЕС) – Кавадарчанецот кој синоќа во локал му се закануваше на градоначалникот на Кавадарци Митко Јанчев, денеска во неговиот кабинет лично му се извинил со објснување дека се’ било последица на лошо пијанство, во комбинација со лекарствата кои ги пиел.Синоќа полицијата го лишила од слобода, заради агресивното однесување и заканите кон градоначалникот Јанчев.Откако го здогледал автомобилот на градоначалникот, тој влегол во угостителскиот објект, скршил чаша, почнал да удира по масата на која бил Јанчев, да го навредува и да му се заканува.За целиот случај тој денеска изразил длабоко жалење, прво на телефон, а потоа дошол и лично во кабинетот на Јанчев да се извини.Комплетната информација на Канал 5 ОВДЕ. (Крај)извор: Канал 5 фото: Канал 5 @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Холандскиот писател А. ден Долард е главниот „виновник“ заради кој Холанѓаните се најбројни туристи во ОхридСледно Next post: Забележителен успех за студенти од ФТУ Охрид на XI гастрономско-туристички фестивал во Ниш...

Охрид, 20. мај 2024 (ОХРИДПРЕС) – Полициско возило учествуваше во сообраќајната незгода која се случи денеска, нешто по 15:00 часот на улицата „15-ти Корпус“ во Охрид.Според првичните, неофицијални информации, незгодата се случила на потегот каде малата улица од „Хексагон“ и „ИБ Фитнес центар“ се спојува со улицата „15-ти Корпус“.До овој момент нема потврдени информации за причините кои довеле до незгодата, во која е причинета поголема материјална штета. (Крај)извор: ОхридПрес фото: ОхридПрес @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: ОИК: Во среда ќе се прегласува на избирачкото место 1272 во спортската сала на ОУ „Христо Узунов“Следно Next post: Холандскиот писател А. ден Долард е главниот „виновник“ заради кој Холанѓаните се најбројни туристи во Охрид...

Охрид, 20. мај 2024 (ОХРИДПРЕС) – А. ден Долард е голем холандски писател и вљубеник во Охрид и Република Македонија. Преку романите „Ориент Експрес“ и „Свадбата на седумте Цигани“, но и со повеќе статии како новинар, тој им даде поттик на Холанѓаните да ја посетат Македонија со што неговите сонародници со децении се вбројуваат меѓу најбројните посетители на Охрид. Првата група од 138 туристи преку тур-операторот TUI Fly, пристигна утрово на охридскиот аеродром „Св. Апостол Павле“. Преку воздушната линија Амстердам-Охрид-Амстердам, бројни холандски гости и оваа сезона ќе уживаат на брегот на Охридското Езеро, а до крајот на септември, предвидено е TUI Fly да реализира вкупно 62 лета до Охрид. На 12-ти мај 2024 година, со летот Амстердам-Охрид пристигна првата група холандски туристи на компанијата Corendon, а до крајот на септември годинава, Corendon ќе има вкупно 32 лета од Аместердам до и од Охрид. А. ден Долард (A. den Doolaard) е псевдоним за холандскиот писател Корнелис Јоханес Георг (Боб) Спулстра Помладиот (Cornelis Johannes George (Bob) Spoelstra jr.) роден во градот Зволе на 7. февруари 1901 година. Автор е на бројни книги од различен жанр: романи, патописи, раскази, поезија… Ден Долард учел во гимназијата во Хаг. По смртта на татко му работел како сметководител во нафтено претпријатие (1920-1928). Во 1926 година со една стихозбирка го прави своето деби на полето на книжевноста. Во 1928 година ја прекинува работата како сметководител и започнува со долги и чести патувања низ Балканот и Франција, каде што работел како ѕидар, собирач на грозје, земјоделски и пристанишен работник. Кога германската армија ја окупира Холандија во 1940 година, ден Долард заедно со сопругата бегаат на југ во Франција и оттаму по една година пристигнуваат во Англија. Во Лондон останува до крајот на Втората светска војна и работи како спикер на холандското Радио Оранје (Radio Oranje) кое е официјален емитувач на вести на холандската влада во егзил на кралицата Вилхелмина. По војната се враќа во Холандија и од 1954 година со семејството живее во Хундерло. А. ден Долард често ја посетувал и Македонија. Поттикнат од Охрид и убавините на Охридското Езеро, го напишал романот „Свадбата на седумте Цигани“ (De bruiloft der zeven zigeuners), кој за првпат бил објавен во 1939 година, а потоа доживеал многу изданија. Главното дејство во романот се одвива во градот Охрид и затоа оваа книга се смета за пресуден и клучен фактор во претставувањето на Охрид и Македонија кај пошироката читателска јавност во Холандија. А. ден Долард во Македонија нашол инспирација и за следните книги: „Дивјаците на Европа“ (De wilden van Europa, 1932, патопис), „За слобода и смрт“ (Van vrijheid en dood, 1933, патопис), „Четири месеци кај комитите, повластени убијци“ (Quatre mois chez les comitadjis, meurtriers patentés, 1934, репортажа), „Ориент Експрес“ (Oriënt-Express, 1934, роман), „Заедно е двапати сам“ (Samen is twee keer alleen, 1976, роман). Романот „Свадбата на седумте Цигани“ е единствената книга од А. ден Долард, која е преведена на македонски јазик, но авторот и книгата стануваат познати во Македонија и пред книгата да биде преведена. Во суштина, оваа книга претставува љубовна приказна меѓу младата охриѓанка Душка и белосветскиот скитник и женкар, фотографот Бранко, кој по многу години успева да ја најде вистинската жена на својот живот. Најголем познавач на животот и книжевниот опус на ден Долард беше македонскиот писател Мишо Јузмески, кој своевремено изјави дека книгата „Свадбата на седумте Цигани“ ја смета за „повеќе од книга“ и таа книга со право може да се нарече „камен темелник на холандско-македонското пријателство“. По повод 105 години од раѓањето на ден Долард, во 2006 година во Охрид е откриен споменик во чест на писателот на кое откривање присуствуваат и потомците на А. ден Долард од Холандија. Споменикот е дизајниран од македонскиот архитект Владимир Таиќ, според идејата на шефот на Холандско-македонската стопанска комора во Македонија, Петер Џон Босе. По повод 110 години од раѓањето на ден Долард во 2011 година во културниот центар „Култура 365“ во Охрид беше отворена спомен-соба на А. ден Долард со изложба на книги и документи за животот и делото на писателот. Следната, 2012 година Мишо Јузмески ја објави книгата „Нашиот холандски пријател А. ден Долард“, која покрај македонското издание доживеа и превод на англиски и холандски јазик. А. ден Долард починал во Хундерло на 26. јуни 1994 година. (Крај) извор: ОхридПрес фото: архива @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Полициско возило учествуваше во сообраќајна незгода на улицата „15-ти Корпус“Следно Next post: Градоначалникот на Кавадарци Митко Јанчев доби извинување од лицето кое му се заканувало: Имал лошо пијанство, во комбинација со лекарствата кои ги пиел...

Охрид, 20. мај 2024 (ОХРИДПРЕС) – Голема количина на ПЕТ амбалажа и мешан отпад беа собрани во рамки на еколошката акција „Генералка Викенд“ која се одржа во петокот на 17-ти мај 2024 година во Охрид.Акцијата ја реализираа Општина Охрид и ЈП „Охридски Комуналец“ со поддршка Шпаркасе Банка и Kостал Македонија Дооел. Во теренските активности беше опфатен потегот од плажата „Горица“ до поранешната детска болница и хотел „Метропол“ до населба Лагадин и село Пештани. Во акцијата учествуваа и дел од основните училишта и градинката со чистење на дворните места. Учениците од ООУ „Св. Наум Охридски“ од Пештани ја чистеа и плажата во селото.Еколошката акција беше организирана од компанијата „Мен енд маунтен“ со поддршка на „Пивара Скопје“, „Пакомак“ и „НУЛА отпад“.Целта на акцијата е подигнување на еколошката свест за одговорност кон животната средина и природата. (Крај)извор: ОхридПрес фото: архива @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: ОХРИД во 12: Најновите вести од Охрид – понеделник 20.05.2024 година (Видео)Следно Next post: Влада на РМ: Граѓаните да не наседнуваат на измамата, не се испратени СМС и други пораки во кои се нуди надомест...

Охрид, 20. мај 2024 (ОХРИДПРЕС) – Во среда, на 22-ти мај 2024 година, на избирачкото место 1272 во Охрид ќе се врши прегласување, информираат од Општинската изборна комисија (ОИК) од Охрид.– Избирачкото место ќе биде лоцирано во училишната спортска сала која е во рамки на ОУ „Христо Узунов“. Гласачкото место ќе биде отворено од 07:00 часот до 19:00 часот, информираат од ОИК.Со избирачкото место 1272 се опфатени жителите чија адресна на живеење, според важечка лична карта им е улицата „Мирче Ацев“. (Крај)извор: ОхридПрес фото: ОхридПрес @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Бурно деноноќие во Охрид и Струга: Кражба, сообраќајна незгода, тешко повреден охриѓанец, агресивно однесување кон сопругата во домот…Следно Next post: Полициско возило учествуваше во сообраќајна незгода на улицата „15-ти Корпус“...

Охрид/Струга, 20. мај 2024 (ОХРИДПРЕС) – Кражба, сообраќајна незгода, тешко повреден охриѓанец, агресивно однесување кон сопругата во домот… Информациите поместени во денешното издание на полицискиот Билтен посочуваат на бурно деноноќие во регионот на Охрид и Струга.– На 19-ти мај 2024 година, во 23:20 часот на улица „Ирина Мирка Гинова“ во Охрид, полициски службеници од СВР Охрид лишија од слобода 36-годишно лице од Охрид. Тој бил затекнат при извршување кражба во продажен објект на истата улица, при што одзел повеќе производи. Одземеното е пронајдено и вратено на сопственикот. Лицето е здржано во Полициска станица и по целосно документирање на случајот против него ќе биде поднесена соодветна пријава.– На 19-ти мај 2024 година, во 21:20 часот во ОВР Струга, пријавено е дека на регионалниот пат Струга-Дебар, во близина на Струга, мотоцикл марка „Кавасаки“ со струшки регистарски ознаки, управуван од страна на 26-годишно лице од Струга, излетал од патот. Во несреќата, мотоциклистот се здобил со тешки телесни повреди, констатирани во Општата болница во Струга. Увид на местото извршила екипа од ОВР Струга.– На 19-ти мај 2024 година, во СВР Охрид е пријавено дека во Општата болница во Охрид со тешки телесни повреди било донесено лице од Охрид. Се преземаат мерки за целосно расветлување на настанот, по што ќе биде поднесена соодветна пријава.– На 20-ти мај 2024 година, во 01:15 часот во СВР Охрид е пријавено дека лице од Охрид се однесувал агресивно кон неговата сопруга. По документирање на случајот против него ќе биде поднесена соодветна пријава. (Крај)извор: СВР Охрид фото: ОхридПрес @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Јанкулоски: Противпожарен пловен објект и натаму болна точка за Охрид, да се набави што поскороСледно Next post: ОИК: Во среда ќе се прегласува на избирачкото место 1272 во спортската сала на ОУ „Христо Узунов“...

Охрид, 20. мај 2024 (ОХРИДПРЕС) – Справувањето со евентуална огнена стихија на потегот кон Св. Наум и во стариот дел на градот и понатаму е болна точка за Охрид како туристички град, особено во текот на летните месеци.На ова поле засега нема ништо ново, а е важен сегмент во целокупното работење на охридската Територијална противпожарна единица (ТППЕ). Командирот на ТППЕ Охрид, Борко Јанкулоски вели дека набавка на пловен објект можеби е од најголема итност.– Знаеме дека Охрид не ист во текот на сезона и вон сезона. Имаме голем проблем особено потегот кон Св. Наум во одредени интервали од денот имаме отежнат, речиси никакаков пристап во случај на пожари и сообраќајни незгоди што се случуваат. Пловниот објект можеби е од најголема итност, првенствено и за безбедноста на граѓаните и туристите. Би требало да се изработи некој проект, надлежните малку повеќе да се ангажираат на тоа поле со цел да успееме во нашите намери, рече Јанкулоски.За да не се доведеме во ситуација да се случат насакани настани, па дури потоа да почне посериозно да се размислува на оваа тема, надлежните посериозно да ја разгледаат потребата од набавка на вакво пловило за Охрид како сериозна туристичка дестинација.Со дефиле низ охридските улици и показна вежба за извлекување на повредени лица во сообраќајна незгода, Охридската територијална противпожарна единица, по традиција, денес го одбележа 20-ти мај, Денот на пожарникарите и пожарникарството. (Крај)извор: ОхридПрес фото: ОхридПрес @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Првите контури на противпожарно делување во Охрид датираат од 1886 годинаСледно Next post: Бурно деноноќие во Охрид и Струга: Кражба, сообраќајна незгода, тешко повреден охриѓанец, агресивно однесување кон сопругата во домот…...

Охрид, 20. мај 2024 (ОХРИДПРЕС) – Во Охрид првите контури на противпожарно делување датираат уште од 1886 година, кога се создадени маалски организации во реонот Варош, во црквите „Св. Никола Геракомија“, подоцна „Св. Климент“ и „Св. Богородица Каменско“.Во овој период се создава интерес за набавка на опрема со што од народот се собрани финансиски средства за да се набават пумпи. Со првите средства набавена е пумпа од австриско производство, околу 60 метри црева и една млазница. Набавката на оваа пумпа, по кажувањата на поп Наум Маленко, датира од 1904 година.Првото доброволно друштво во Охрид е формирано во 1933 година предводено од доктор Башчанџија. Од 1937 година издејствува и патничко возило шевролет да се пренамени во противпожарна. Во 1938 друштвото добива и униформи за поактивните членови.По ослободувањето на Охрид друштвото продолжува со работа и во тој период се формирани и други доброволно друштва во Велгошти, Пештани и Љубаништа во 1948 година и подоцна во селата Велестово Рамне, Трпејца, Коњско, Елшани и други.Противпожарниот дом во кој и денес е сместена Територијалната противпожарна единица е започнат со градење во 1953 година, а пуштен е во функција во 1958 година. (Крај)извор: ОхридПрес фото: Државен архив – подрачно одделение Охрид @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Охридските пожарникари свечено го одбележаа 20-ти мај, Денот на пожарникарите (Фото/Видео)Следно Next post: Јанкулоски: Противпожарен пловен објект и натаму болна точка за Охрид, да се набави што поскоро...

Охрид, 20. мај 2024 (ОХРИДПРЕС) – Со дефиле низ охридските улици и показна вежба за извлекување на повредени лица во сообраќајна незгода, Охридската територијална противпожарна единица, по традиција, денес го одбележа 20-ти мај, Денот на пожарникарите и пожарникарството.Пожарникарството е комплексна професија не е само пожар, тука се технички интервенции, сообраќајни незгоди, земјотреси, поплави… Тврдам дека нашата единица е една од најекспедитивните, скоро најдобро опремена во Република Македонија и подготвена во секое време да интервенира, изјави на свеченоста командирот на Територијална противпожарна единица Охрид (ТППЕ) Борко Јанкулоски.– Пожарникарите се хероите на градот кои деноноќно се борат со секаков тип на интервенции. Од почетокот на оваа година имаме вкупно 202 интервенции, од кои 152 се пожари (на објекти, отворен простор и на сообраќајни средства), остатокот од 50 се технички интервенции, како сообраќајни незгоди, елементарни непогоди и други активности. ТППЕ моментално брои 39 пожарникари. Има недостиг од пожарникари, за брзо време ќе имаме пензионирање по основ на новиот закон што треба да се имплементира. Апелирам и до надлежните што поскоро да водат сметка, да се примат млади пожарникари за да може поискусните колеги да ги обучуваат. Имаме 7 возила, сите во исправна состојба, но се од застарен тип, просечна старост е 40 години. До крај на оваа година планирана е набавка на противпожарна цистерна од 8 тони преку Југозападниот плански регион се издвоени средства, она што недостига ќе надополни Општина Охрид. Покрај тоа во процедура е и проект со Јапонската амбасада за набавка на мало возило за шумски интервенции што би се користело и во тесните улички низ стариот дел на градот, па се надевам дека за скоро време ќе имаме позитивен одговор, истакна Јанкулоски.Командирот ја потенцира важноста и на доброволното противпожарно друштво „Ентузијаст“, што брои 23 членови, дел оперативци, дел учествуваат дирекно со ТППЕ, исклучиво на пожари на отворен простор и елементарни непогоди и слични интервенции. Додаде дека во иднина локалната самоуправа треба да посвети малку повеќе внимание со цел овие друштва да можат да напредуваат.На настанот присуствуваше и градоначалникот на Охрид, д-р Кирил Пецаков, кој упати голема благодарност и честитки до пожарникарите за нивната пожртвуваност во извршување на работните задачи и потенцираше дека Локалната самоуправа во континуитет работи на подобрување на условите за работа на службата, набавка на дополнителна опрема и возила. – Упатувам голема благодарност и честитки до пожарникарите за нивната професионалност, хуманост и пожартвуваност во извршување на работните задачи. Оваа благородна професија е достојна за голема почит и вреднување, затоа што пожарникарите со своето делување при кризни и опасни ситуации, ги изложуваат на ризик сопствените животи. Општина Охрид континиурано е посветена на обезбедување на подобри услови за работа и зголемување на капацитетот на противпожарната единица. Во текот на изминатиот период беа издвоени значителни средства за набавка на нова опрема за пожарникарите и ваквите активности ќе продолжат и во иднина, истакна Пецаков. Инаку, противпожарната заштита на Балканот е започната во Битола, на 20-ти мај 1836 година во време на Румелискиот пашалак, кога е формирана првата организирана противпожарна единица, после голем пожар што го зафатил градот. Па, оттогаш 20-ти мај се одбележува како Ден на пожарникарите. (Крај)извор: ОхридПрес фото/видео: ОхридПрес @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: МТСП: Четврток, Националниот ден на Власите, е неработен ден за припадниците на влашката заедница во Република МакедонијаСледно Next post: Првите контури на противпожарно делување во Охрид датираат од 1886 година...

Скопје, 20. мај 2024 (ОХРИДПРЕС) – Од Владата на Република Македонија информираат дека немаат испратено пораки за надомест, граѓаните да не наседнуваат на измамата и да не внесуваат лични податоци на веб страната.– Ја информираме јавноста дека Владата НЕМА испратено СМС и други пораки во кои нуди надомест. Во конкретниот случај кој се појави во изминатите часови (прикажан на сликите подолу), станува збор за смишинг и фишинг измама која е пријавена и по која соодветните служби веќе постапуваат. Доколку граѓаните добијат или веќе добиле порака со ваква или слична содржина во која се посочува Владата како испраќач, истата треба да ја сметаат за лажна и да не кликаат ниту на дадените линкови, ниту да одговараат на пораките кои ги добиле, потенцираат од македонската Влада.Апелираат до граѓаните да не наседнуваат на лажни пораки од странски телефонски броеви и мејлови и да не ги даваат личните податоци.– Граѓаните треба да бидат внимателни и одговорни околу своите лични податоци, односно да не ги споделуваат и разменуваат со непознати лица, како и со лица на кои не може однапред да им се утврди идентитетот, стои во информацијата. (Крај)извор: ОхридПрес фото: архива @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Успешно издание на еколошката акција „Генералка Викенд 2024“Следно Next post: МТСП: Четврток, Националниот ден на Власите, е неработен ден за припадниците на влашката заедница во Република Македонија...

Скопје, 20. мај 2024 (ОХРИДПРЕС) – Министерството за труд и социјална политика соопштува дека согласно со Законот за празниците на РМ („Службен весник на РМ“ бр.21/98 и 18/07), четврток, 23-ти мај 2024 година, Националниот ден на Власите, е неработен ден за граѓаните припадници на влашката заедница во Република Македонија.Од Министерството за труд и социјална политика на граѓаните припадници на влашката заедница во Република Македонија им го честитаат Националниот ден на Власите. (Крај)извор: ОхридПрес фото: ОхридПрес @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Влада на РМ: Граѓаните да не наседнуваат на измамата, не се испратени СМС и други пораки во кои се нуди надоместСледно Next post: Охридските пожарникари свечено го одбележаа 20-ти мај, Денот на пожарникарите (Фото/Видео)...

Охрид, 20. мај 2024 (ОХРИДПРЕС) – Најновите вести од Охрид понеделник 20-ти мај 2024 година на OhridPress. OhridPress – Брзо, точно, проверено…Следете не на Facebook, Instagram, Twitter и YouTube.извор: ОхридПрес фото/видео: ОхридПрес @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: SUPER Fresh Music: Twocolors & Roe Byrne – StereoСледно Next post: Успешно издание на еколошката акција „Генералка Викенд 2024“...

Охрид, 20. мај 2024 (ОХРИДПРЕС) – Сензационалното Dj дуо од Берлин – Twocolors го претстави експлозивниот сингл „Stereo“ за оној чудесен момент на средбата и љубовта на прв поглед.Заразниот денс-ритам особено го зачинува младиот ирски автор во подем Roe Byrne со неговите автентични вокали и звуци на гитара.Благодарение на ремиксите за светски познатите музичари, како и оригиналните песни, Twocolors го достигнаа статусот на еден од омилените електронски музички проекти во Европа, додека Roe Byrne е еден од најперспективните ирски музичари, чии висококвалитетни текстови придружени од гитарата веќе го привлекуваат вниманието на публиката на самиот почеток на неговата кариера.Спојот на емотивниот вокал и реномираната диско продукција несомнено ќе го најде својот пат не само до подиумот за танцување, туку и до срцата на слушателите. Апсолутно најдобриот музички избор го имате секојдневно, 24 часа на Број 1 медиумот во регионот, охридското Супер радио. Уживајте во музичкиот избор на еден од нашите дигитални канали – Happy radio: Cafe, Greatest Hits, Top 40 Hits, Македонски хитови, Ex Yu, Dance, Hip Hop, Balkan Mix, Lounge, Мак Класик, Love Songs и Smooth Jazz. Ако музиката е одговорот, прашањето е: Што ќе слушаме денес? Се’ што сакам да слушам на едно место – Клик PLAY и УЖИВАЈ! (Крај)извор: ОхридПрес фото: архива @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Пристигна првата група холандски гости преку тур-операторот TUI Fly (Фото)Следно Next post: ОХРИД во 12: Најновите вести од Охрид – понеделник 20.05.2024 година (Видео)...

Охрид, 20. мај 2024 (ОХРИДПРЕС) – Првата група од 138 туристи преку тур-операторот TUI Fly, пристигна утрово на охридскиот аеродром „Св. Апостол Павле“.Преку воздушната линија Амстердам-Охрид-Амстердам, бројни холандски гости и оваа сезона ќе уживаат на брегот на Охридското Езеро, а до крајот на септември, предвидено е TUI Fly да реализира вкупно 62 лета до Охрид.На 12-ти мај 2024 година, со летот Амстердам-Охрид пристигна првата група холандски туристи, а до крајот на септември годинава, Corendon ќе има вкупно 32 лета од Аместердам до и од Охрид.Охрид и Република Македонија долго години се меѓу омилените дестинации за холандските туристи. Еден од главните „виновници“ за тоа е писателот Корнелиус Боб Спелстра, познат под псевдонимот А. Ден Доолаард, кој во книгата „Свадбата на седумте цигани“ ја опишува нашата држава како место кое не смее да се пропушти и мора да се посети, пред се’ поради богатата историја, убавините и културното наследство. (Крај)извор: ОхридПрес фото: ОхридПрес @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: The Libertines го објавија четвртиот студиски албум „All Quiet On The Eastern Esplanade“Следно Next post: SUPER Fresh Music: Twocolors & Roe Byrne – Stereo...

Охрид, 20. мај 2024 (ОХРИДПРЕС) – По деветгодишна пауза, рок бендот The Libertines го објави четвртиот студиски албум „All Quiet On The Eastern Esplanade“, со песни кои ја носат софистицираната лиричност, толку карактеристична за нив.– Овој албум за прв пат создаде чувство дека сме всушност на исто место и во исто време како бенд, дека работиме со иста брзина и дека сме навистина поврзани, изјави пејачот и гитарист Carl Barât.Тој, заедно со Peter Doherty, John Hassall и Gary Powell полни 22 години создаваат музика, а нивно најпопуларно издание, кое ги катапултираше до ѕвездите беше албумот „The Libertines“ од 2004 година.Бендот годинава го очекува и турнеја низ Англија и Ирска, која е веќе распродадена. Апсолутно најдобриот музички избор го имате секојдневно, 24 часа на Број 1 медиумот во регионот, охридското Супер радио. Уживајте во музичкиот избор на еден од нашите дигитални канали – Happy radio: Cafe, Greatest Hits, Top 40 Hits, Македонски хитови, Ex Yu, Dance, Hip Hop, Balkan Mix, Lounge, Мак Класик, Love Songs и Smooth Jazz. Ако музиката е одговорот, прашањето е: Што ќе слушаме денес? Се’ што сакам да слушам на едно место – Клик PLAY и УЖИВАЈ! (Крај)извор: ОхридПрес фото: архива @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Ламбе Алабаковски во петок на 24-ти мај во клубот OMNIA во ОхридСледно Next post: Пристигна првата група холандски гости преку тур-операторот TUI Fly (Фото)...

Охрид, 20. мај 2024 (ОХРИДПРЕС) – Миленикот на македонската публика Ламбе Алабаковски, во петок на 24-ти мај ќе има настап во Охрид, во клубот OMNIA.– Дојдете и уживајте во врвна забава и неговите најголеми хитови во живо. Викендот го започнуваме уште во четврток со Dj Gec и во петок со Balkan party со Dj Che.Во петок по 23.30 часот, сите во OMNIA со Ламбе Алабаковски, влез 200 денари. Билети во претпродажба во центарот на градот, на тезга „Аждер“.Резервации на 075/334-777 и 076/288-698. (Крај)извор: ОхридПрес фото: архива @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Клубот „Хваранг Фист“ со два бронзени медали се враќа од Астерикс Теквондо купот во НишСледно Next post: The Libertines го објавија четвртиот студиски албум „All Quiet On The Eastern Esplanade“...

Охрид, 20. мај 2024 (ОХРИДПРЕС) – Охридскиот Таеквондо клуб „Хваранг Фист“ со два бронзени медали се враќа од Астерикс Теквондо купот, кој на 18-ти и 19-ти мај се одржа во Ниш, Република Србија.– Учествуваа 1.700 натпреварувачи од 20 земји. Со тројца натпреварувачи имавме добро птретставување и освоивме 2 бронзени медали. Сестрите Спироска Јана и Миа, секоја во својата категорија беа сопрени во полуфиналето од претставниците на Чешка, односно Грција, информираат од клубот.Додаваат дека следната натпреварувачка станица е Корио Опен во Скопје. (Крај)извор: ОхридПрес фото: архива @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Култното место за излегување во Охрид, Диско „Палас“ денеска и во „Охрид најубав“Следно Next post: Ламбе Алабаковски во петок на 24-ти мај во клубот OMNIA во Охрид...

Охрид, 20. мај 2024 (ОХРИДПРЕС) – Диско „Палас“ и подоцна „Парадизо“ се едни од најзначајните места во ноќниот живот во Охрид низ годините и се лоцирани во центарот на градот во склоп на некогашниот хотел „Палас“. Facebook страната Охрид најубав/Ohrid najubav која објавува дневни фотографии од преубавиот Охрид, денешната фотографија ја посвети и ја сними утрово, токму пред локацијата на некогашната култна дискотека ПАЛАС.Охриѓанецот Љупчо Стојкоски- Лепи, на неговиот профил на Facebook минатата година објави три ретки видеа од забави во култната дискотека – Диско „Палас“ во Охрид. Првото е од 1992, второто од 1993 година, а третото, според датумот на видеото е од забава која се одржала на 12-ти ноември 1992 година.– Ноќниот живот во Охрид пред 30 години. Забава со жива свирка на некои музички групи од тој период во Охрид, модна ревија и Stand-up комедија, коментираше Лепи тогаш на неговата објава. Многумина ќе се пронајдат во видеото, кое е снимено пред повеќе од 30 години и е редок и прекрасен доказ на едно убаво време. (Крај)извор: ОхридПрес фото: ОхридПрес видео: Љупчо Стојкоски- Лепи @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Здравје: Храната како дрога, пицата создава најголема зависност, краставиците најмалаСледно Next post: Клубот „Хваранг Фист“ со два бронзени медали се враќа од Астерикс Теквондо купот во Ниш...

Охрид, 20. мај 2024 (ОХРИДПРЕС) – Зависноста од одредена храна значи дека често од истата се прејадувате до таа мерка што ви станува лошо, а освен што се појавуваат тегоби со варењето, исто така чести се главоболката и раздразнетоста.Последиците на зависноста од храната не се нималку безопасни, дури зависноста може да предизвика тешки и хронични болести, како прекумерна дебелина, тегоби со варењето, срцеви проблеми, но може да резултира и со депресија, изолација и ниска самодоверба.Научниците во новата студија откриваат кои производи создаваат зависност откако анкетирале 504 лица.Храна која предизвикува најголема зависност: помфрит, сладолед, колачи, чипс, чоколада, пица. Пицата се наоѓа на највисокото место на скалата со зависности од храна.Храна која предизвикува најмала зависност: краставица, морков, грав, јаболко, кафеав ориз, брокула. Краставицата предизвикува најмала зависност. (Крај)извор: ОхридПрес фото: архива @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: На полноќ започнува предизборниот молк, во среда ќе се прегласува и на избирачкото место 1272 во ООУ „Христо Узунов“ во ОхридСледно Next post: Култното место за излегување во Охрид, Диско „Палас“ денеска и во „Охрид најубав“...

Охрид, 20. мај 2024 (ОХРИДПРЕС) – На Facebook страницата Македонија во боја – Macedonia in color објавена е ретка колорозирана фотографија од црквата „Св. Софија“ за која е наведено дека датира од 1863 година.– Од серијата најстари фотографии од Македонија, Охрид 1863 година. Поглед кон црквата „Св. Софија“, стои во објавата.Прекрасната фотографија е вистинска „временска машина“ и не враќа во едно прекрасно време. (Крај)извор: ОхридПрес фото: Македонија во боја – Macedonia in color @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Внимателно на потегот кон Пожарната: Се изведуваат градежни работи на малиот пристапен пат (Фото)Следно Next post: На полноќ започнува предизборниот молк, во среда ќе се прегласува и на избирачкото место 1272 во ООУ „Христо Узунов“ во Охрид...

Скопје/Охрид, 20. мај 2024 (ОХРИДПРЕС) – Од ноќеска на полноќ почнува предизборен молк поради одлуката да се прегласува за парламентарните избори на неколку избирчки места во ИЕ5 и ИЕ6, бидејќи таму според ДИК, но и одлуката на Управен суд регистрирани беа низа нерегуларности за време на изборите на 8-ми мај.Ќе се прегласува на избирачки места во Долнени, Крушево, Струга Охрид и во Желино. Кампањата за повторното гласање ќе трае до крајот на денешниот ден.Притоа, ќе важат истите листи за болни и немоќни лица, ќе нема можност да се пријавуваат нови. Според ДИК, има можност за измени и предлози за овластени претставници на кандидати. Тоа важи и за членовите на избирачките одбори кои се предложени од политичките партии.Во Изборната единица (ИЕ) пет на избирачките места 1470/1 и 1470 во Општина Долнени, 1194 и 1202 во Општина Крушево, 1844 во Општина Струга и 1272 во Општина Охрид, како и во ИЕ 6 на избирачкото место 2101 во Општина Желино.Гласањето ќе се одржи во среда на 22-ри мај 2024 година.Избирачкото место 1272 се наоѓа во склоп на ООУ „Христо Узунов“, на улицата „Питу Гули“ број 128 во Охрид. На ова избирачко место има вкупно 711 избирачи, од кои на парламентарните избори кои се одржаа на 8-ми мај 2024 година гласаа 433, односно 60,90% од избирачкото тело.Избирачкото место 1844 се наоѓа во склоп на ООУ „Јосип Броз Тито“, на улицата „Димче Ковачески“ број 64 во Струга. На ова избирачко место има вкупно 753 избирачи, од кои на парламентарните избори кои се одржаа на 8-ми мај 2024 година гласаа 489, односно 64,94% од избирачкото тело.ДИК на последната седница ги разреши и претседателите на избирачките одбори, членовите и нивните заменици во избирачките места 1470/1 и 1470 во Општина Долнени, 1194 и 1202 во Општина Крушево, 1844 во Општина Струга, 1272 во Општина Охрид и 2101 во Општина Желино.Со оглед дека се кратки роковите за избор на нови избирачки одбори, за да биде регуларно прегласувањето, општинските изборни комисии (ОИК) ќе треба да ангажираат некои од веќе постојните избирачки одбори, или од најблиските избирачки места или некои други, и за тоа ќе треба да достават известување до ДИК.Кампањата за повторното гласање ќе трае до денеска на полноќ. Притоа, ќе важат истите листи за болни и немоќни лица, ќе нема можност да се пријавуваат нови. Според ДИК, има можност за измени и предлози за овластени претставници на кандидати. Тоа важи и за членовите на избирачките одбори кои се предложени од политичките партии. ДИК, претходно, во рамки на седницата, ги соопшти освоените мандати за пратеници во новиот парламентарен состав. (Крај)извор: ОхридПрес фото: ОхридПрес @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Охрид некогаш: Поглед кон црквата „Св. Софија“ од 1863 годинаСледно Next post: Здравје: Храната како дрога, пицата создава најголема зависност, краставиците најмала...

Охрид, 20. мај 2024 (ОХРИДПРЕС) – Утрово продолжија градежните работи на малиот пристапен пат до зградите наспроти охридската Пожарната.Поради изградба на нова зграда, на овој дел од градот се изведуваат засилени градежни работи, што го отежнува движењето, особено со автомобили. Полициската и пожарната станица, како и пунктот за вадење документи, во комбинација со навиката за паркирање на овој потег, го прави овој дел вистинско тесно грло, а во делови од денот е скоро невозможно нормално да се функционира.Жителите апелираат на итно завршување на работите и овозможување на нормален пристап до домовите. (Крај)извор: ОхридПрес фото: ОхридПрес @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Охрид најубав: 20. мај 2024 годинаСледно Next post: Охрид некогаш: Поглед кон црквата „Св. Софија“ од 1863 година...

Охрид, 20. мај 2024 (ОХРИДПРЕС) – Facebook страната Охрид најубав/Ohrid najubav објавува дневни фотографии од преубавиот Охрид, кој како и секогаш, блеска со својата безвременска убавина.Денешната фотографија е направена утрово пред некогашната култна дискотека ПАЛАС. (Крај)извор: ОхридПрес фото: Охрид најубав/Ohrid najubav @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: ООУ „Ванчо Николески“ успешно ја заврши втората образовна мобилност од Еразмус+ проектот „Нашите приказни се наши мостови“Следно Next post: Внимателно на потегот кон Пожарната: Се изведуваат градежни работи на малиот пристапен пат (Фото)...

Охрид, 20. мај 2024 (ОХРИДПРЕС) – Успешно беше завршена и втората образовна мобилност од Еразмус+ проектот „Нашите приказни се наши мостови“/„Our stories are our bridges“, каде нашето училиште е главен координатор, информираат од ООУ „Ванчо Николески“ од Лескоец, Охрид.Истата се реализираше на прекрасниот хрватски остров Корчула, а домаќин беше ОШ „Анте Цурач-Пињац“ од Жрново.– Во овој проект освен нашето училиште, се вклучени училишта од Корчула, Република Хрватска и од Република Словенија. Целта на овој проект е да се истакне важноста на приказните во наставата и преку истите учесниците да се запознаат со културата, традицијата и обичаите од другите народи. Сметаме дека преку креативно прераскажување автентични приказни, кај учениците од различни земји се развиваат позитивни вредности, меѓусебно се зближуваат, а разликите им служат како мост за поврзување. Во рамки на оваа мобилност се запознавме со застапеноста на приказните во хрватскиот образовен курикулум, додека учениците имаа интерактивни работилници за обработка на приказни поврзани со историјата, културата и традицијата на островот Корчула, вклучувајќи и посети на значајни институции, места и локалитети. Исто така, имавме можност да претставиме наша автентична приказна, а и да ги слушнеме оригиналните приказни од останатите земји учесници. Во текот на нашиот престој таму ги посетивме: островот Бадија, националниот парк „Kočje“, градската библиотека „Ivan Vidali Korčula“, локален Eтно музеј, значајните места во градот Корчула, а исто така учениците уживаа во традиционалниот витешки танц „Moreška“, изведен од локални професионалци. Имавме можност да ја проследиме и театарска претстава за деца „Vjetropirka“, во локалниот театар „Kod Pauleta“, информираат од училиштето.Додаваат дека преку низата одлично организирани интерактивни активности поврзани со раскажување и слушање приказни, учесниците на оваа мобилност се запознале со другите култури, ги согледаа сличностите и „градеа мостови“ на соработка и заедништво.– Третата и последна образовна мобилност од овој проект ќе се реализира во септември 2024 година, кога нашето училиште „Ванчо Николески“ е домаќин. Ова е шести Еразмус+ проект што го реализира училиштето. Претходно се успешно и целосно имплементирани пет Еразмус+ проекти од клучна акција КА 229, потенцираат од ООУ „Ванчо Николески“ од Лескоец, Охрид. (Крај)извор: ОхридПрес фото: архива @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Cleanex Professional – Сервис за хигиена од Охрид распишува оглас за вработувањеСледно Next post: Охрид најубав: 20. мај 2024 година...

Охрид, 20. мај 2024 (ОХРИДПРЕС) – Охридската компанија Cleanex Professional – Сервис за хигиена, распишува оглас за вработување.Потребни се двајца општи работници со задолжителна возачка со Б категорија.Бараме:• Брзина и ефикасност во вршење на работните задачи, • Одговорност и посветеност на работата, • Способност за тимска работа, • Педантност во работата и • Лојалност и чесност.Нудиме:• Флексибилно работно време, • Конкурентни месечни примања • дополнителни К-15 од 18.000 денари и • Можности за напредок и бонуси.Сите заинтересирани кандидати можат да се обратат на 075/984-482, [email protected] или на нивната Facebook страница. (Крај)извор: ОхридПрес фото: ОхридПрес @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Денеска пристигнува првата група холандски гости преку тур-операторот TUI FlyСледно Next post: ООУ „Ванчо Николески“ успешно ја заврши втората образовна мобилност од Еразмус+ проектот „Нашите приказни се наши мостови“...

Охрид, 20. мај 2024 (ОХРИДПРЕС) – Преку воздушната линија Амстердам-Охрид-Амстердам, бројни холандски гости и оваа сезона ќе уживаат на брегот на Охридското Езеро.Првата група туристи преку тур-операторот TUI Fly, на охридскиот аеродром „Св. Апостол Павле“ ќе пристигне денеска, понеделник, 20-ти мај 2024 година.– До крајот на септември, предвидено е TUI Fly да реализира вкупно 62 лета до Охрид, порачаа од ТАВ Македонија.На 12-ти мај 2024 година, со летот Амстердам-Охрид пристигна првата група холандски туристи, а до крајот на септември годинава, Corendon ќе има вкупно 32 лета од Аместердам до и од Охрид.Охрид и Република Македонија долго години се меѓу омилените дестинации за холандските туристи. Еден од главните „виновници“ за тоа е писателот Корнелиус Боб Спелстра, познат под псевдонимот А. Ден Доолаард, кој во книгата „Свадбата на седумте цигани“ ја опишува нашата држава како место кое не смее да се пропушти и мора да се посети, пред се’ поради богатата историја, убавините и културното наследство. (Крај)извор: ОхридПрес фото: МИА @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Со дефиле по охридските улици, ТППЕ Охрид ќе го одбележи Денот на ПожарникаритеСледно Next post: Cleanex Professional – Сервис за хигиена од Охрид распишува оглас за вработување...

Охрид, 20. мај 2024 (ОХРИДПРЕС) – По повод 20-ти мај, Денот на Пожарникарите, ТППЕ Охрид ќе дефилира низ охридските улици со три возила, со звучна и светлосна сигнализација.– Правецот на движење на возилата ќе биде од противпожарниот дом, преку булевар „Македонски просветители“, булевар „Туристичка“, АСНОМ“, улиците „Карпош Војвода“, „Сирма Војвода“, „Марко Цепенков“, „Ристо Чадо“, „Железничка“, „Егејска“, „7-ми Ноември“ и булевар „Македонски просветители“, информираат од ТППЕ Охрид.Додаваат дека дефилето ќе започне во 11:00 часот и апелираат на разбирање од граѓаните. (Крај)извор: ОхридПрес фото: ОхридПрес @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: „Го сакам Охрид“: Билборд, отисоци од ѕид од папје-маше на Јулиа ЕхлерСледно Next post: Денеска пристигнува првата група холандски гости преку тур-операторот TUI Fly...

Охрид, 20. мај 2024 (ОХРИДПРЕС) – Авторката Јулиа Ехлер го создаде делото „Го сакам Охрид“, како дел од проектот кофинансиран од програмата Креативна Европа на Европската Унија, како и од македонското Министерство за култура.Се работи за билборд, отисоци од ѕид од папје-маше.За време на својот престој во Охрид Јулија Ехлер работеше во напуштени згради каде земаше отисоци од траги кои ги оставило времето или од човечки интервенции на архитектонски елементи со употреба на папје-маше.Нејзиното дело е огромно љубовно писмо за Охрид со малку камена позадина. (Крај)извор: trn.mk фото: trn.mk @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: На денешен ден во Охрид е роден војводата Методија ПатчевСледно Next post: Со дефиле по охридските улици, ТППЕ Охрид ќе го одбележи Денот на Пожарникарите...

Охрид, 20. мај 2024 (ОХРИДПРЕС) – На денешен ден во 1875 година во Охрид е роден Методија Патчев, македонски војвода, еден од најпознатите револуционери од пред Илинденското востание на македонскиот народ.Делото на ТМРО му било над се’, а со своите постапки секогаш бил правичен и бескомпромисен.Неговите родители, Јаќим и Марија биле сиромашна рибарска фамилија. Јаќим не сакал неговите деца да го наследат занаетот, па затоа Коста и Сандре ги дал да го учат ќуркчискиот (кожарски) занает, а синот Никола не сакал да чиракува, велел дека душата ќе му смрди на штавени кожи. Методија како најмал го дал да учи, а ќерка му Вета ја оставил дома за да и помага на мајка си, бидејќи во куќата биле пет мажи.Методија завршил основно училиште и четири класа класно училиште во Охрид. Бидејќи родителите биле сиромашни, не можеле да го испратат на школување надвор од Охрид, иако за тоа и тој и тие мечтаеле. Затоа извесно време работел во ќуркчиските дуќани, а и како рибар му помагал на татка си. Кога заштедил малку пари, во почетокот на 1886 година го напуштил родниот град, заминал во Солун, па во Софија, а потоа во Самоков отпочнал курс во специјалното училиште, каде се изучувале повеќе занаети. Таму бил активен и ученичкиот кружок, кој бил посетуван од раководителите на ВМРО, меѓу кои и Гоце Делчев.Во 1896 година се вратил во Охрид и се занимавал со учителска дејност во основното училиште „Св. Кирил и Методи“. Во истото училиште за учител бил назначен и неговиот сограѓанин Христо Узунов. Истата година влегол во ТМОРО. Во 1894 година, само една година по формирањето на ВМРО во Солун, се формирала и охридската револуционерна организација. До 1900 година во револуционерниот комитет влегле Христо Узунов, Методија Патче, Кирил Прличев, Лука Групче, Климе Заро, Анастас Каневче и други. Узунов и Патче многу придонеле за омасовување на револуционерното движење во Охридско. Често пати Узунов, за да не биде забележан од турските власти, по куќите каде што требало одел облечен како поп, а Методија Патче му го носел како клисар котлето со „светена вода“.Поради ликвидација на кодош во Охрид, иако немало сведоци, Патчев бил уапсен од турската власт и осуден на 15 години робија во битолскиот затвор, а во 1901 година бил амнестиран.По излегување од затворот, во учебната 1901/1902 година Методија Патче бил назначен за учител во Прилеп. Но, турската власт му забранила да работи како учител, па преминал во илегала и се приклучил на четата на Марко Лерински (Георги И. Ѓуров). Тој бил бугарски офицер кој, придобиен од Гоце Делчев и Ѓорче Петров во 1900 година, станал член и војвода на МРО. Со неговата официрска подготовка, и организациски способности, придонел за обука на македонските револуционери и војводи, меѓу кои бил и учителот Патче. Во октомври 1901 година, Методија Патче бил назначен за војвода на чета во Прилепско. Со намера да привлече и зачлени поголем број комити во Организацијата, патувал низ прилепскиот регион и за кусо време дошле до израз неговите организаторски способности.Последната битка во Кадино СелоОткако на 6-ти април 1902 година, на селската слава Благоец, војводата Патчев дошол со шестмина комити во прилепско Кадино Село, за да покрсти нови членови за организацијата, бил предаден и опкружен од турскиот аскер и башибозук. Додека војводата со четата биле сместени во старата кула, а народот за тоа време бил во црква, околу пладне во селото дошле околу 500 вооружени луѓе, меѓу кои аскер од Битола.Претходно четата не била известена за движењето на силниот аскер кон Кадино Село и немала ниту време и можност да се извлечат од кулата и селото. Од сите страни опколени, четата се забрикадирала во кулата. Започнала нерама јуначка борба која траела до наредниот ден (7-ми април 1902 година), до моментот кога на четата им снемало муниција. На Патче и комитите не им преостанало ништо друго освен да се предадат или да умрат. На повикот од аскерот да се предадат одговориле дека „македонски борци не се предаваат“. Со песна, после 24-часовна борба, Методи Патчев и неговите соборци со последните куршуми извршиле колективно самоубиство. Откако стивнала пукотницата, Турците влегле во кулата, а глетката била потресна. Со прострелни рани комитите како да и оддавале последен поздрав на својата мајка земја и на својата татковина Македонија. Тогаш командантот, потпоручникот Нијази-бег, кој подоцна бил еден од истакнатите членови на Младотурската револуција, покажувајќи на положените тела на комитите, пред аскерот изјавил: „Тоа се херои. Гледајте како се бореа за својата идеја. Сами се убија“. И, по негова заповед, со плотун преку мртвите тела, Турците им оддале почит на македонските јунаци. За војводата Методија Патче се испеани повеќе песни, а една од нив е и „Јас Методи Патче од Охрида“. (Крај)извор: Денешен/ОхридПрес фото: архива @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Календар на МПЦ: Спомен на јавувањето на Чесниот Крст во ЕрусалимСледно Next post: „Го сакам Охрид“: Билборд, отисоци од ѕид од папје-маше на Јулиа Ехлер...

Охрид, 20. мај 2024 (ОХРИДПРЕС) – Православните христијани денес го одбележуваат споменот на јавувањето на Чесниот Крст во Ерусалим.Во времето на царот Констанс, синот на свети Константин, кога беше патријарх Кирил Ерусалимски, во девет часот наутро, над Голгота се појави Чесниот Крст и се простираше до небото над Елеонската Гора. Тој Крст беше посветол од сонцето и поубав од најубавото виножито. Сиот народ, и верните и неверните, ги оставија своите работи и во страв и со восхит гледаа во небесниот знак.Мнозина неверници се обратија во верата Христова, а исто така и многумина еретици-аријанци ја оставија својата злобна ерес и се вратија во Православието. За овој знак, патријархот Кирил му пиша на царот Констанс, којшто и самиот клонеше кон аријанството. Тоа се случи на 7-ми мај 357 година.И во таа прилика се покажа дека христијанската вера не е во светските мудрувања според сетилниот човечки разум, туку во силата Божја, објавена низ чуда и знаци многубројни.ТропарЛикот на Твојот Крст како сонце засветли, од Гората Света простирајќи се до лобното место. И во него, Спасе, Твоето за нас закрепнување го објасни, со Него сила и на нашите верни цареви им подари: со Него, Христе Спасе, спасувај нe и нас и светот по молитвите на Пресвета Богородица. (Крај)извор: mpc.org.mk фото: архива @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: АМСМ: Сообраќајот на државните патишта се одвива непречено, пo наместа влажни коловозиСледно Next post: На денешен ден во Охрид е роден војводата Методија Патчев...

Охрид, 20. мај 2024 (ОХРИДПРЕС) – Во Охрид денес променливо облачно време со повремени локални врнежи од дожд. Ќе дува слаб до умерен ветер од југоисточен правец.Максималната температура ќе се искачи до 24. степени.– До среда ќе се задржи нестабилно време, претежно во попладневните часови со локален пороен дожд и грмежи. Наместа процесите ќе бидат поинтензивни во форма на краткотрајно невреме, со засилен ветер, обилен пороен дожд за кратко време и изолирана појава на град. Во четврток ќе има услови за краткотраен дожд, претежно во планинските подрачја, а преодно стабилизирање на времето се очекува во петок. Температурите ќе бидат без значителна промена, информираат од Управата за хидрометеоролошки работи на Република Македонија (УХМР). (Крај)извор: УХМР фото: ОхридПрес @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Нашите боксери супер успешни на турнирот „Лах Нимани“ во Приштина, охриѓанецот Наум Стојаноски се враќа со бронзаСледно Next post: АМСМ: Сообраќајот на државните патишта се одвива непречено, пo наместа влажни коловози...

Охрид, 20. мај 2024 (ОХРИДПРЕС) – Сообраќајот на државните патишта се одвива непречено, пo наместа влажни коловози, информираат од Авто мото сојузот на Република Македонија (АМСМ).Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.Од АМСМ препорачуваат прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово-Велес, Маврово-Дебар-Струга, Виница-Берово и Кочани-Делчево.Патниот правец Охрид-Ресен преку националниот парк Галичица од 01.04.2024 година е пуштен за сообраќај за сите видови возила со вкупна тежина до 3.5 тони.Работи на пат во регионот:** На патниот правец Кичево-Охрид, поради градежни работи на повеќе делници, сообраќајот се одвива со девијации. Поставена е соодветна сообраќајна сигнализација и затоа препорачуваме строго почитување на истата и прилагодена брзина на движење.** Oд 24.10.2023 година ќе се започне со реконструкција на регионалниот пат 1301 (Охрид-Свети Наум). Сообраќајот ќе се одвива непречено и ќе биде регулиран со содветна сообраќајна сигнализација. (Крај)извор: АМСМ фото: архива @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: УХМР: Во Охрид денес променливо облачно време со повремен дожд и температура до 24. степениСледно Next post: Календар на МПЦ: Спомен на јавувањето на Чесниот Крст во Ерусалим...

Охрид/Приштина, 19. мај 2024 (ОХРИДПРЕС) – Најдобрите македонски боксери со два златни медал, две втори и две трети места се враќаат од традиционалниот Меѓународен боксерски турнир „Лах Нимани“, кој во организација на Косовската боксерска федерација, се одржа викендов во Приштина.Златни медали освоија Лиси Коџаџику (86 кг) и Ери Хани (80 кг), сребрени Ардијан Рустемовски (57 кг) и Еди Насуфи (+92 кг), а бронзени Наум Стојаноски (71 кг) од клубот „Алексо Огненовски“ од Охрид и Ендри Хани (80 кг). Нашите боксери ги водеа тренерите Фисник Хани и Јасин Лама.На турнирот настапија боксери од Косово, Република Македонија, Бугарија, Полска, Украина, Албанија и Црна Гора. (Крај)извор: ОхридПрес/ipon.mk фото: ipon.mk @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Лице од Непал се оддалечило од привременото престојувалиште во ОхридСледно Next post: УХМР: Во Охрид денес променливо облачно време со повремен дожд и температура до 24. степени...

Охрид, 19. мај 2024 (ОХРИДПРЕС) – На 18-ти мај 2024 година, во 08:00 часот, 53-годишен охриѓанец, пријавил во СВР Охрид дека од привременото престојувалиште во Охрид се оддалечило 44-годишно лице од Непал.– Се преземаат мерки за пронаоѓање на лицето, информираат од МВР. (Крај)извор: МВР фото: ОхридПрес @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Жена од Скопје касната од куче скитник на стариот пат Охрид-СтругаСледно Next post: Нашите боксери супер успешни на турнирот „Лах Нимани“ во Приштина, охриѓанецот Наум Стојаноски се враќа со бронза...

Охрид, 19. мај 2024 (ОХРИДПРЕС) – На 18-ти мај 2024 година, 58-годишшна жена од Скопје пријавила дека била касната од куче скитник.– Инцидентот се случил во 17:20 часот на стариот пат Охрид-Струга, информираат од МВР. (Крај)извор: МВР фото: архива @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Ноќеска санкционирани 2 возачи во Охрид и 3 во Струга кои управувале возила под дејство на алкохолСледно Next post: Лице од Непал се оддалечило од привременото престојувалиште во Охрид...

Охрид, 19. мај 2024 (ОХРИДПРЕС) – На 18-ти и 19-ти мај 2024 година, во периодот од 22:00 до 04:00 часот на подрачјето на СВР Охрид се реализирани засилени сообраќајни контроли.– Притоа, полициските службеници затекнале 11 возачи кои управувале моторни возила под дејство на алкохол, од кои 2 во Охрид, 3 во Струга, 5 во Кичево и 1 во Дебар. Тие биле веднаш исклучени од сообраќај, одземени им се возачките документи и поднесени им се соодветни платни налози, информираат од МВР. (Крај)извор: МВР фото: архива @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Вила „Билјана“: Таинствена и со малку информации за неа, а сепак една од најголемите атракции во Охрид (Фото/Видео)Следно Next post: Жена од Скопје касната од куче скитник на стариот пат Охрид-Струга...

Охрид, 19. мај 2024 (ОХРИДПРЕС) – Со одлична местоположба и прекрасен поглед кон Охрид и Охридското Езеро, вилата „Билјана“ своевремено беше една од тајните и официјални летни резиденции на Јосип Броз Тито, лидер на поранешна Југославија, во периодот од 1945 година, па се’ до неговата смрт во 1980 година.За жал, многу малку официјални информации се достапни овој објект, како и кога бил изграден (веројатно во доцните 50-ти и раните 60-ти години), кој архитект ја дизајнирал или колку време точно поминал Тито тука.Она што се знае со сигурност е дека тој престојувал во вилата за време на официјалната посета на Охридскиот регион во 1967 година, настан кој бил и детално документиран. Куќата е изградена како израз на традиционалниот македонски народен архитектонски стил, користејќи природен камен со бели ѕидови од гипс, покрив со црвени плочки и испакнатини на горното ниво.Во периодот по Југословенската ера, вилата „Билјана“ започнаа да ја користат и македонските политичари. Денес, таа е во сопственост на Владата и Претседателот на Република Македонија, чии државници ја користат како летна резиденција. Тука често доаѓаат и високи дипломатски претставници, поради што пристапот е строго забранет за јавноста и вилата е деноноќно чувана.Пред вилата има приватната плажа со ситен песок, до која се стигнува само преку вода, или од самата вила, преку скали и внатрешен лифт. И денес важи за една од најголемите атракции, но може да се види само со брод од езерото, скриена во густата шума. (Крај)извор: ОхридПрес фото: ОхридПрес @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Мироцветна порака и песна во Охрид и Струга со хорот „Вања Лазарова“Следно Next post: Ноќеска санкционирани 2 возачи во Охрид и 3 во Струга кои управувале возила под дејство на алкохол...

Струга/Охрид, 19. мај 2024 (ОХРИДПРЕС) – „Со мироцвеќе и песна по љубовниот пат на јагулата“, вака е насловен денешниот настан кој ќе се одржи во Струга и Охрид, во организација на уметникот Живко Поповски Цветин, Македонското здружение за култура обичаи и традиции „Гороцвет“ и Хорот на Ансамблот „Вања Лазарова“ од Скопје.Настанот ќе се содржи мироцветни цртежи, песна и поезија, и ќе се одвива во Паркот на поезијата во Струга и на Дрвениот мост, каде ќе се читаат познати стихови од славни учесници на Струшките вечери на поезијата: Ален Гинсберг, Томас Шапкот, Влада Урошевиќ, Матеја Матевски, Хјусто Хорхе Падрон, Десанка Максимовиќ, Булат Окуџава, Блаже Конески, Гилвик, Андреј Вознесенски, Генадиј Ајги и други…Во пресрет на празникот на сесловенските просветители, на 24-ти мај, кој се слави во Охрид како патронат на градот, поезија и песна ќе се изведат и на брегот на Охридското Езеро покрај спомениците на Браќата Кирил и Методиј, Свети Климент Охридски и Григор Прличев.Педесеттина златни грла од Хорот на ансамблот „Вања Лазарова“ ќе одекнат, пеејќи познати македонски традиционални песни „Ја излези Ѓурѓо“ на Стража, „На Струга дуќан да имам“ во Струга, „По пат одам“, „Железар“, „Брала мома капини“ и други во Охрид. Хорот е под диригентство на маестро Лазо Трпковски Ласко. (Крај)извор: МИА фото: МИА @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Во среда ќе се прегласува на избирачкото место 1272 во ООУ „Христо Узунов“ во Охрид и 1844 во СтругаСледно Next post: Вила „Билјана“: Таинствена и со малку информации за неа, а сепак една од најголемите атракции во Охрид (Фото/Видео)...

Охрид/Струга, 19. мај 2024 (ОХРИДПРЕС) – Започнаа подготовките за прегласување, откако Државната изборна комисија (ДИК) вчера, на 105. седница, едногласно го усвои предлогот да се повтори гласањето на 7. избирачки места, меѓу кои по едно во Охрид и Струга.Во Изборната единица (ИЕ) пет на избирачките места 1470/1 и 1470 во Општина Долнени, 1194 и 1202 во Општина Крушево, 1844 во Општина Струга и 1272 во Општина Охрид, како и во ИЕ 6 на избирачкото место 2101 во Општина Желино.Гласањето ќе се одржи во среда на 22-ри мај 2024 година.Избирачкото место 1272 се наоѓа во склоп на ООУ „Христо Узунов“, на улицата „Питу Гули“ број 128 во Охрид. На ова избирачко место има вкупно 711 избирачи, од кои на парламентарните избори кои се одржаа на 8-ми мај 2024 година гласаа 433, односно 60,90% од избирачкото тело.Избирачкото место 1844 се наоѓа во склоп на ООУ „Јосип Броз Тито“, на улицата „Димче Ковачески“ број 64 во Струга. На ова избирачко место има вкупно 753 избирачи, од кои на парламентарните избори кои се одржаа на 8-ми мај 2024 година гласаа 489, односно 64,94% од избирачкото тело.ДИК на седницата ги разреши и претседателите на избирачките одбори, членовите и нивните заменици во избирачките места 1470/1 и 1470 во Општина Долнени, 1194 и 1202 во Општина Крушево, 1844 во Општина Струга, 1272 во Општина Охрид и 2101 во Општина Желино.Со оглед дека се кратки роковите за избор на нови избирачки одбори, за да биде регуларно прегласувањето, општинските изборни комисии (ОИК) ќе треба да ангажираат некои од веќе постојните избирачки одбори, или од најблиските избирачки места или некои други, и за тоа ќе треба да достават известување до ДИК.Кампањата за повторното гласање ќе трае до понеделник на полноќ. Притоа, ќе важат истите листи за болни и немоќни лица, ќе нема можност да се пријавуваат нови. Според ДИК, има можност за измени и предлози за овластени претставници на кандидати. Тоа важи и за членовите на избирачките одбори кои се предложени од политичките партии. ДИК, претходно, во рамки на седницата, ги соопшти освоените мандати за пратеници во новиот парламентарен состав. (Крај)извор: ОхридПрес фото: ОхридПрес @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Силниот дожд предизвика поплавување на подруми и гаража на две куќи на улицата „Стив Наумов“ во ОхридСледно Next post: Мироцветна порака и песна во Охрид и Струга со хорот „Вања Лазарова“...

Охрид, 19. мај 2024 (ОХРИДПРЕС) – По поројните дождови во регионот на Охрид, каде наврна најмногу дожд на територијата на државата, 38 литри на м2, од регионалниот Центар за управување со кризи во Охрид, известуваат дека добиле пријави од граѓани.– Станува збор за поплавување на подруми и гаража на две куќи на улицата „Стив Наумов“ во Охрид. Oд страна на Општина Охрид било контактирано со ЈП „Нискоградба“ и ЈП „Колекторски систем“ дека колекторскиот систем не можел да ја прими во целост количината на вода поради обилните врнежи од дожд. За кратко време состојбата беше санирана, информираат од ЦУК.Додаваат дека сите итни случаи треба да се пријавуваат на Единствениот повикувачки број за итни случаи 112, особено кога граѓаните имаат животозагрозувачки ситуации. Истовремено, ЦУК информира дека е потребно и е корисно да се следат препораките и информациите од медиумите за превенција, а и за реагирање при итни случаи. (Крај)извор: Скопје 1/ОхридПрес фото: ОхридПрес @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Охрид некогаш: Колоризирана фотографија од Св. Наум од 30-тите години од ХХ векСледно Next post: Во среда ќе се прегласува на избирачкото место 1272 во ООУ „Христо Узунов“ во Охрид и 1844 во Струга...

Охрид, 19. мај 2024 (ОХРИДПРЕС) – На Facebook страницата Македонија во боја – Macedonia in color објавена е ретка колорозирана фотографија од Св. Наум за која е наведено дека датира од 30-тите години од ХХ век.– Св. Наум во 30-тите години од ХХ век, стои во објавата.Прекрасната фотографија е вистинска „временска машина“ и не враќа во едно прекрасно време. (Крај)извор: ОхридПрес фото: Македонија во боја – Macedonia in color @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Изминатите 24 часа најмногу дожд наврна во Охрид, 38 литри на м2Следно Next post: Силниот дожд предизвика поплавување на подруми и гаража на две куќи на улицата „Стив Наумов“ во Охрид...

Охрид, 19. мај 2024 (ОХРИДРПЕС) – Во текот на изминатите 24 часа, најмногу дожд наврна во Охрид, 38 литри на метар квадратен, соопштија од Управата за хидрометеоролшки работи на Република Македонија (УХМР).Според мерењата направени утрово во 08:30 часот, 27 литри на метар квадратен наврнале во Маврови Анови, 23 во Крушево, 17 во Лазарополе, 16 во Штип и Пожаране, 15 во Виница, 14 во Попова Шапка, 13 во Битола и Прилеп, 12 во Дебар, 10 во Куманово, Тетово и Крива Паланка, девет во Скопје-Петровец и Претор, осум во Скопје-Зајчев Рид и Демир Капија, седум во Велес, шест во Кавадарци, пет во Пожар, четири во Струмица и Берово и три литра во Дојран и Гевгелија.УХМР за денеска прогнозира променливо облачно време со повремени врнежи од дожд. Попладне ќе има локална нестабилност со пороен дожд, грмежи и услови за појава на краткотрајно невреме со интензивен пороен дожд, силен ветер и изолирана појава на град.Максималната температура во Охрид ќе се искачи до 23 степени. (Крај)извор: ОхридПрес фото: ОхридПрес @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Здравје: Три десерти што можете да ги јадете често без да се грижите дека ќе се здебелитеСледно Next post: Охрид некогаш: Колоризирана фотографија од Св. Наум од 30-тите години од ХХ век...

Охрид, 19. мај 2024 (ОХРИДПРЕС) – Добри вести ако сте од оние лица кои едноставно не можат без благо – уживањето во оваа храна не мора секогаш да и’ штети на вашата линија.Здравите десерти се одлични за задоволување на овие слатки желби додека одржуваме рамнотежа во исхраната. Ваквите задоволства обично се прават од хранливи состојки како што се овошје, цели зрна, јаткасти плодови и природни засладувачи.Со внесување на состојки богати со хранливи материи и внимателна контрола на порциите, можеме да уживаме во вкусовите што ги сакаме, без чувство на вина. Диететичката Michelle Saari и експертот за слабеење, Joanna Wen, препорачуваат три такви здрави слатки задоволства кои можеме често да ги јадеме без грижа дека ќе се здебелиме.1. Темно чоколадоТемното чоколадо се издвојува како слатка опција за задоволување на желбата за благо, без да се грижите за вишокот килограми. За разлика од млечното чоколадо, темното чоколадо содржи поголем дел какао и помалку шеќер.– Темното чоколадо содржи влакна и здрави масти кои придонесуваат за чувството на ситост и задоволство, помагаат да се намали желбата и да се спречи прејадување. Дополнително, горчината на темното чоколадо може да помогне да се задоволат слатките желби во помали порции, што го олеснува уживањето без претерување.2. Урми полнети со путер од бадемУрмите се природно слатки и богати со растителни влакна. Обезбедуваат здрава основа за ова задоволство, а истовремено нудат и основни хранливи материи како калиум и магнезиум. Исполнети со путер од бадем, тие се извор на здрави масти и протеини и даваат совршена рамнотежа на слатки и солени вкусови.– Урмите полнети со путер од бадем се здрави, помагаат при слабеење и имаат ниска содржина на шеќер. Урмите се богати со влакна, го стимулираат варењето и го продолжуваат чувството на ситост, додека путерот од бадем обезбедува протеини и здрави масти, важни за одржување на ситост и спречување на прејадување, вели Saari.Тој препорачува да ги вклучиме во нашата неделна исхрана така што ќе ги јадеме како ужина или после тренинг. Сепак, клучно е да се консумираат умерено.3. Печени јаболкаПечените јаболка се хранливо слатко задоволство кое може да придонесе за губење на тежината. Оваа едноставна опција нуди природна сладост која е преполна со влакна и есенцијални хранливи материи. Процесот на печење го подобрува нивниот вкус, создавајќи одличен десерт или закуска.– Печените јаболка се одличен десерт за слабеење. Јаболката се природно богати со влакна и вода, што придонесува за чувството на ситост. Кога се печат, нивните природни шеќери се зголемуваат, обезбедувајќи сладок вкус без потреба од дополнителен шеќер. Додавањето цимет може да го подобри вкусот и да помогне во регулирањето на нивото на шеќер во крвта, заклучува Saari. (Крај)извор: ОхридПрес фото: архива @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Авионот и понатаму останува „украс“ на охридскиот канал (Фото)Следно Next post: Изминатите 24 часа најмногу дожд наврна во Охрид, 38 литри на м2...

Охрид, 19. мај 2024 (ОХРИДПРЕС) – Популарната Калиопи ја најави промоцијата на новиот албум со песни на македонски јазик, кој изминатиов период го работеше во Македонија и во Швајцарија, со продуцентот Ромео Грил.За една од песните од албумот, таа ќе снима спот во Охрид, во вторник, на 21-ви мај. На социјалните мрежи, таа ги повика охриѓани да ѝ се придружат на снимањето, а сите заинтересирани можат да се пријават на Инстаграм профилот Калиопи менаџмент. Промоцијата на албумот е закажана за среда, 29-ти мај напладне во Скопје, јави порталот сдк.мк.Калиопи најави одржи два концерти во Македонија. Првиот ќе се одржи во Битола на 20-ти јули на Херкалеа, а вториот во Скопје во салата „Борис Трајковски“ на 19-ти октомври 2024 година. (Крај)извор: сдк.мк фото: архива @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Во недела на OhridPress: ТОП вести на неделатаСледно Next post: Охрид најубав: 19. мај 2024 година...

Охрид, 19. мај 2024 (ОХРИДПРЕС) – Facebook страната Охрид најубав/Ohrid najubav објавува дневни фотографии од преубавиот Охрид, кој како и секогаш, блеска со својата безвременска убавина.Денешната фотографија е направена утрово на кеј „Македонија“. (Крај)извор: ОхридПрес фото: Охрид најубав/Ohrid najubav @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Калиопи ги повика охриѓани во вторник заеднички да го снимат спотот за новата песнаСледно Next post: Авионот и понатаму останува „украс“ на охридскиот канал (Фото)...

Охрид, 19. мај 2024 (ОХРИДПРЕС) – Покрај стандардната глетка од кајчиња, помали бродови и глисери, охридскиот канал го „краси“ и авионот кој се наоѓа од десната страна, на делот кон Центарот за обука на вода на АРМ во Охрид, кој периодов се реновира во делот на сидриштето „Билјанини извори“.Станува збор за постаро воено летало од типот North American F-86 Sabre, нарекуван и Sabrejet, кој порано ја красеше охридската касарна.Дел од охридските нуркачи своевремено излегоа со предлог леталото да склопи, да се исчисти од сите масла и растворливи бои, надлежните институции и екологисти да го проверат дека е прифатливо за околината, и да се потопи на одредена локација на езерото за да се направи вештачка подводна атракција.Вакви примери имаме повеќе во светот и сето тоа значително придонесло во развивањето на туризмот, посебно на нуркачкиот, кој секоја година е се` попопуларен во Охрид. (Крај)извор: ОхридПрес фото: ОхридПрес @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Охрид најубав: 19. мај 2024 годинаСледно Next post: Здравје: Три десерти што можете да ги јадете често без да се грижите дека ќе се здебелите...

Охрид, 19. мај 2024 (ОХРИДПРЕС) – Секоја недела на Вашиот Број 1 локален информатор – интернет порталот OhridPress Ви нудиме избор од ТОП вестите кои ја одбележаа неделата која е зад нас.Од нив, најголемиот дел се авторски вести на нашата редакција, но поместен е и избор од настаните кои оставија белег на седмицата која е зад нас.Погледнете од вистинскиот агол: „Срцето на Охрид“ и оваа пролет плени со својата убавинаОстрошкиот манастир денес, за големиот празник на Свети Василиј Острошки (Фото/Видео)На охридскиот аеродром пристигна првиот авион со 120 туристи од ХоландијаСиљановска Давкова: Време е за единство, ќе бидам претседателка и на левата и на десната странаПродолжува реконструкцијата регионалниот пат Охрид-Св. Наум (Фото)Со секое доаѓање е се’ поубав и поубав, Св. Наум денеска (Фото)Македонија во март ја посетиле над 40 илјади странски туристи, најбројни од Турција и ГрцијаРасте езерскиот водостој, моментално е за 8 сантиметри над мајскиот просекПроф. д-р Трајковски: Моментната состојба со аутизмологијата во Македонија е незадоволителна, без регистар и национална стратегија, потребни се џиновски чекори напред од страна на сите чинителиСе санира објектот „Маларична“, ќе се обезбедат подобри услови за пациентите и медицинскиот персоналМицкоски: Автопатот кон Охрид треба да биде завршен до крајот на 2026 годинаВо Охрид годинава има за 94 првачиња помалку од ланиОхрид е жив, Охрид има иднина, младост и убавина на едно место (Фото)Во понеделник пристигнува првата група холандски гости преку тур-операторот TUI FlyКанал „Студенчишта“: Еден брод потона, еден во опасност од потонување (Фото/Видео)Сабота, 25. степени, сонце, вода, убавина: Повелете во Охрид (Фото)Протојереј-ставрофор Александар Димоски, парох Струшки за Слободен печат: Спасе и Спаса Вишенски се впишаа во Диптихот на светиитеизвор: ОхридПрес фото: архива @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Календар на МПЦ: Свети праведен и многустрадален ЈовСледно Next post: Калиопи ги повика охриѓани во вторник заеднички да го снимат спотот за новата песна...

Охрид, 19. мај 2024 (ОХРИДПРЕС) – Православните христијани денес го одбележуваат споменот на Свети праведен и многустрадален Јов.Јов беше потомок на Исав, внукот Авраамов и живееше во Арабија околу 2000 години пред Христа. Татко му е Зарет, а мајка Восора, а неговото цело име беше Јовав. Беше човек чесен, богобојазлив и многу богат. Но, во седумдесет и деветтата година од неговиот живот Бог допушти тешки искушенија врз него преку сатаната, сè како што е подробно опишано во Книгата Јов.И во еден ден Јов го изгуби сиот свој имот, сите синови и ќерки свои. Потоа врз него падна тешка болест од којашто целото тело му се покри со рани од темето до стопалата и лежеше Јов на ѓубриштето надвор од градот и со парче ќерамида си го вадеше гнојот од раните. Но, не заропта на Господа, туку стрпливо докрај ги поднесе сите оние маки. Затоа Бог му го врати здравјето и му даде многу поголемо богатство од претходното и пак му се родија седум синови и три ќерки, колку што ги имаше порано. Поживеа уште двесте четириесет и осум години, постојано славејќи и фалејќи Го Бога.Јов се смета за пример на трпеливо поднесување на секое страдање коешто Бог ни го испраќа и за предобраз на страдалниот Господ Исус.Тропар„Благословено да е името Господово“ – восклик на победа во маките твои, о Јове свет, кои во радости се претворија, бидејќи душата твоја знаеше Кој е Творецот нејзин, а разумот со благодат исполнет Го виде Дарителот на сe, така да срцето само трпеливо Го чекаше Оној Кој се оддалечи, за да повторно се всели. Нему Му пееме по молитвите твои свети: Господи, слава Ти.КондакКако вистинољубив и праведен, благочестив, непорочен и осветен се покажа ти, сеславен Божји угоднику, и во твоето трпение ја просветли вселената, најтрпеливе и најдоблесен. Затоа сите ние, богомудри, твојот спомен го воспеваме. (Крај)извор: mpc.org.mk фото: архива @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: АМСМ: Сообраќајот на државните патишта се одвива непречено, пo наместа влажни коловозиСледно Next post: Во недела на OhridPress: ТОП вести на неделата...

Охрид, 19. мај 2024 (ОХРИДПРЕС) – Во Охрид денес променливо облачно и нестабилно време со пороен дожд и грмежи. Ќе дува слаб до умерен ветер од југоисточен правец.Максималната температура ќе се искачи до 23. степени.– Во следните денови ќе се задржи топло време, а во попладневните часови наместа ќе биде нестабилно со пороен дожд и грмежи. Локално ќе има услови процесите да бидат поинтензивни во форма на краткотрајно невреме со интензивен пороен дожд, силен ветер и изолирана појава на град, информираат од Управата за хидрометеоролошки работи на Република Македонија (УХМР). (Крај)извор: УХМР фото: ОхридПрес @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Во Охрид се одржа трибина за состојбите со аутизмот во Република МакедонијаСледно Next post: АМСМ: Сообраќајот на државните патишта се одвива непречено, пo наместа влажни коловози...

Охрид, 19. мај 2024 (ОХРИДПРЕС) – Сообраќајот на државните патишта се одвива непречено, пo наместа влажни коловози, информираат од Авто мото сојузот на Република Македонија (АМСМ).Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.Од АМСМ препорачуваат прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово-Велес, Маврово-Дебар-Струга, Виница-Берово и Кочани-Делчево.Патниот правец Охрид-Ресен преку националниот парк Галичица од 01.04.2024 година е пуштен за сообраќај за сите видови возила со вкупна тежина до 3.5 тони.Работи на пат во регионот:** На патниот правец Кичево-Охрид, поради градежни работи на повеќе делници, сообраќајот се одвива со девијации. Поставена е соодветна сообраќајна сигнализација и затоа препорачуваме строго почитување на истата и прилагодена брзина на движење.** Oд 24.10.2023 година ќе се започне со реконструкција на регионалниот пат 1301 (Охрид-Свети Наум). Сообраќајот ќе се одвива непречено и ќе биде регулиран со содветна сообраќајна сигнализација. (Крај)извор: АМСМ фото: архива @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: УХМР: Во Охрид денес променливо облачно време со услови за локален дожд и температура до 23. степениСледно Next post: Календар на МПЦ: Свети праведен и многустрадален Јов...

Охрид, 18. мај 2024 (ОХРИДПРЕС) – Во организација на Македонско научно здружение за аутизам (МНЗА), денеска во Охрид се одржа трибина на тема „Aутизмот во Македонија – ‘лет во место’ или прогрес?“.– Драго ми е што имам можност да се обратам на оваа трибина, посветена на една многу значајна тема. Денеска, сме овде со една цел, да дадеме јавна поддршка на лицата со аутизам и нивните семејства и да зборуваме гласно, како ние, како општество, можеме да направиме позитивни промени во нивниот живот. Лицата со аутизам и нивните семејства се соочуваат со низа предизвици. Многу е важно да ги разбереме нивните потреби и да обезбедиме соодветна помош. Пред сè, неопходно е да ја подигнеме свесноста за аутизмот. Многу луѓе сè уште имаат предрасуди или недоволно разбирање за тоа што значи да се живее со аутизам. Образованието и информирањето на јавноста се од особено значење, па поради тоа потребно е да се организираат едукативни кампањи, работилници и вакви настани, кои ќе ги едуцираат граѓаните за тоа како да ги разберат и поддржат лицата со аутизам. Исто така, институциите мора да обезбедат соодветни услови, а тоа вклучува пристап до психолози, логопеди и други професионалци кои можат да помогнат во развојот и рехабилитацијата на лицата со аутизам. Секако тука не смееме да ја заборавиме и поддршката за семејствата во нивното секојдневие. Би сакал да споменам дека Општина Охрид има преземено значајни чекори во насока на подобрување на условите во нашата средина. Даваме поддршка на Центарот за аутизам „Мојот свет”, а исто така обезбедуваме и ангажирање на образовни асистенти во училиштата. Како дел од програмата за образование и социјална заштита обезбедуваме и стипендии за ученици и студенти со посебни потреби и ретки болести, помеѓу кои се опфатени и лицата со аутизам. Се надевам дека оваа поддршка ќе биде уште поголема во иднина. Упатувам благодарност до Македонското научно здружение за аутизам МНЗА за организацијата на оваа трибина и на сите вас кои имате одреден придонес во вакви активности и проекти. Верувам дека само преку заедничка соработка можеме да обезбедиме поддршка и разбирање за лицата со аутизам и нивните семејства. Само со заеднички напори можеме да изградиме инклузивно општество, кое ги прифаќа и вреднува сите свои членови, истакна во името на Локалната самоуправа заменик градоначалникот на Општина Охрид, Перчо Божиновски.За моменталната состојба со аутизмот во Македонија на трибината говореше проф. д-р Владимир Трајкоски, професор на Институтот за дефектологија на Филозофскиот факултет при УКИМ и претседател на Македонското научно здружение за аутизам, а Валентина Павловска Златановска го сподели искуството и лавиринтите низ кои поминала како родител на дете со аутизам.Модератор на трибината беше Александра Сабрас Апостолова, дефектолог во Општа болница Охрид, со долгогодишно работно искуство на полето на проблематиката со аутизмот.– Од моето искуство, 18 години работам со оваа проблематика, расте бројот на деца со аутизам, немаме регистар, нема точна дијагноза, ги ставаат во друга категорија состојби. Нема систем на поврзаност, овие деца не се рано откриени, дијагностицирани, родителите лутаат низ други институции и потоа се губат и тоа е голем проблем. Проблем станува и кога ќе одат кај матичните лекари или во училиште, тие деца мора да се вклучат, има асистенти што им се дадени на децата. Треба повеќе реформи во образованието да се направат или посебни програми да се искористи потенцијалот на тие деца, да не е траума за детето, родителите, семејството, вели Апостолова. (Крај)извор: ОхридПрес фото: архива @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Дуодрамата „За нас почнува живот“ во четврток пред охриѓаниСледно Next post: УХМР: Во Охрид денес променливо облачно време со услови за локален дожд и температура до 23. степени...

Охрид, 18. мај 2024 (ОХРИДПРЕС) – На репертоарот на НУЦК „Григор Прличев“ од Охрид, во четврток, на 23-ти мај 2024 година ќе се прикажува дуодрамата „За нас почнува живот“, во режија на Дејан Пројковски и по текст на Ѓеорг Шпиро.– Маж и жена се борат и лутаат низ животните патишта и никако не успеваат да ја искачат својата животна планина, да ги победат своите проблеми и таму горе на врвот да уживаат во најубавото изгрејсонце со поглед на море. И токму кога мислат дека угоре е високо, а удолу длабоко добиваат милиони на лото. И како сега понатаму… Претставата е со многу трагикомични ситуации и дијалози кои не потсетуваат дека животот е убав и без добивка на лото. Во што се претвори денес современиот човек, во што верува, на што се надева, има ли љубов во себе. Претставата се занимава со големите прашања за смислата на животот на малиот човек. Шпиро пишува како модерен Чехов, повторно за малиот човек со големи соништа. Современиот човек живее постојано со истите проблеми, очекувања и прашања. Можна ли е инстант среќа. Можно ли е еден ден да се разбудиме и во огледалото конечно да го погледнеме идеалниот човек, победникот, бесмртниот, најубавиот… Има ли начин конечно жабата да се погледне во огледало и да види дека е принц, стои во режисерката белешка за претставата.Се додава дека оваа претстава е бурно трагикомично патување низ душата на малиот човек.– Претставата е смешна бидејќи таков е животот, но таа е и тажна бидејќи како што знаеме таков е животот. Претставата не се занимава со општите и глобални теми. Светот одамна го заборави човекот. Светот престана да го бара човечкото во човекот. Секој човек е мал универзум, а ние заборавивме да зборуваме за тој мал универзум, заборавивме да се запрашаме што се случува со човекот. „За нас почнува живот“ е претстава за човекот, за оној мал човек што го сретнуваме на улица секој ден , кој работи со нас или ни е роднина, за оној мал човек што го гледаме секое утро во огледалото, порачуваат организаторите.Дуодрамата со Биљана Драгиќевиќ Пројковска и Нино Леви ќе се игра со почеток во 20:30 часот, а билети по цена од 250 денари можат да се купат во билетарата при Центарот за култура „Григор Прличев“ во Охрид. (Крај)извор: ОхридПрес фото: архива @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: ДИК: Во среда ќе се прегласува на 7. избирачки места, меѓу кои по едно во Охрид и СтругаСледно Next post: Во Охрид се одржа трибина за состојбите со аутизмот во Република Македонија...

Скопје/Охрид, 18. мај 2024 (ОХРИДПРЕС) – Државната изборна комисија (ДИК) денеска, на 105. седница, едногласно го усвои предлогот да се повтори гласањето во Изборната единица (ИЕ) пет на избирачките места 1470/1 и 1470 во Општина Долнени, 1194 и 1202 во Општина Крушево, 1844 во Општина Струга и 1272 во Општина Охрид, како и во ИЕ 6 на избирачкото место 2101 во Општина Желино. Гласањето ќе се одржи во среда на 22-ри мај 2024 година.Избирачкото место 1272 се наоѓа во склоп на ООУ „Христо Узунов“ во Охрид. На ова избирачко место има вкупно 711 избирачи, од кои на парламентарните избори кои се одржаа на 8-ми мај 2024 година гласаа 433, односно 60,90% од избирачкото тело.ДИК на седницата ги разреши и претседателите на избирачките одбори, членовите и нивните заменици во избирачките места 1470/1 и 1470 во Општина Долнени, 1194 и 1202 во Општина Крушево, 1844 во Општина Струга, 1272 во Општина Охрид и 2101 во Општина Желино.Со оглед дека се кратки роковите за избор на нови избирачки одбори, за да биде регуларно прегласувањето, општинските изборни комисии (ОИК) ќе треба да ангажираат некои од веќе постојните избирачки одбори, или од најблиските избирачки места или некои други, и за тоа ќе треба да достават известување до ДИК.Кампањата за повторното гласање ќе трае до понеделник на полноќ. Притоа, ќе важат истите листи за болни и немоќни лица, ќе нема можност да се пријавуваат нови. Според ДИК, има можност за измени и предлози за овластени претставници на кандидати. Тоа важи и за членовите на избирачките одбори кои се предложени од политичките партии. ДИК, претходно, во рамки на седницата, ги соопшти освоените мандати за пратеници во новиот парламентарен состав.Членот на Комисијата, Борис Кондарко го искажа ставот на ДИК во врска со синоќешните одлуки на Управниот суд. ДИК, рече Кондарко, го потврди своето професинално однесување и работење, докажа дека независно од изборните резулти, целосно ги почитува и правилно ги применува сите законските процедури.– Со одлуките на Управиот суд со кои целосно се потврдија решенијата на ДИК за поништување на гласањето, уште еднаш се докажа дека независно од изборните резултати, ДИК постапувала законски и врз основа на увид во целокупниот изборен материјал. И покрај сите непријатности кои се уште ги имаме, ДИК докажа дека независно од изборните резулти на кои не може да влијае и кои не зависат од неа, целосно ги почитува и правилно ги применува сите законските процедури и дејсвта во изборниот процес. На тој начин, го задржа интегритетот и продонесе за почитување на правото и правната сигурност како основа на демократијата и слика за угледот на државта. Пораката е дека и покрај дневната политика, институциите постапуваат само според законските надлежности и материјалните докази со кои располагаат, подвлече Кондарко. (Крај)извор: МИА фото: МИА @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Билтен на СВР Охрид: Полицијата синоќа пронајде марихуана кај лице од Охрид на булеварот „АСНОМ“Следно Next post: Дуодрамата „За нас почнува живот“ во четврток пред охриѓани...

Охрид, 18. мај 2024 (ОХРИДПРЕС) – На 17-ти мај 2024 година, во СВР Охрид било пријавено дека во 08:10 часот во Општа болница во Охрид починало деветмесечно бебе, кое претходно со Итна медицинска помош било донесено во неконтактибилна состојба.– Увид бил извршен, а по наредба на јавен обвиниел телото е дадено на обдукција, информираат од СВР Охрид. (Крај)извор: СВР Охрид фото: ОхридПрес @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Поради големиот интерес, акцијата во Кармен Бауцентар продолжува и денескаСледно Next post: Билтен на СВР Охрид: Полицијата синоќа пронајде марихуана кај лице од Охрид на булеварот „АСНОМ“...

Охрид, 18. мај 2024 (ОХРИДПРЕС) – На 17-ти мај 2024 година, во 23:50 часот на булеварот „АСНОМ“ во Охрид, полициски службеници од СВР Охрид лишија од слобода 46-годишно лице од Охрид, кај кое била пронајдена и одземена марихуана.– По документирање на случајот ќе следува соодветен поднесок, информираат од СВР Охрид. (Крај)извор: СВР Охрид фото: ОхридПрес @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Во охридската болница починало деветмесечно бебе кое претходно било донесено во неконтактибилна состојбаСледно Next post: ДИК: Во среда ќе се прегласува на 7. избирачки места, меѓу кои по едно во Охрид и Струга...

Охрид, 18. мај 2024 (ОХРИДПРЕС) – Поради зголемен интерес и на барање на потрошувачите, продолжува акцијата во Кармен Бауцентар.– Поради зголемен интерес и на Ваше барање, Ви овозможуваме уште еден акциски ден во Кармен Бауцентар Охрид. Денеска, 18-ти мај 2024 година, сабота, уживајте во попустите и промоциите на најдобрите брендови. Сите Вие кои не успеавте да дојдете вчера и денес, Ве очекуваме утре во салонот на улицата „Железничка“ број 3, информираат од компанијата.Дополнителни информации можете да добиете на телефонот 046/258-285. (Крај)извор: ОхридПрес фото: архива @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Протојереј-ставрофор Александар Димоски, парох Струшки за Слободен печат: Спасе и Спаса Вишенски се впишаа во Диптихот на светиитеСледно Next post: Во охридската болница починало деветмесечно бебе кое претходно било донесено во неконтактибилна состојба...

Скопје/Охрид, 18. мај 2024 (ОХРИДПРЕС) – Управниот суд синоќа ги одби како неосновани сите седум тужби од коалицијата „Европски фронт“ против решенијата на Државната изборна комисија (ДИК) за прегласување на парламентарните избори 2024 година.Со одлуките на Управниот суд се потврдуваат решенијата на ДИК за прегласување во шест избирачки места во петтата изборна единица и едно во шестата изборна единица. Државната изборна комисија по претходно поднесени приговори утврди нерегуларности за текот на гласањето и броењето гласови во Желино, Битола, Струга, Охрид, Кичево, Крушево, Ресен, Демир Хисар и Долнени, на дел од овие избирачки места ќе има прегласување, што ќе значи и можност за различна распределба на мандатите од првичните официјални резултати во изборната единица пет. Во Изборната единица 5 беа прифатени приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен беше еден приговор за избирачкото место 2102 во Желино.Според Изборниот законик, доколку одлуката за прегласување на едно избирачко место може да влијае на конечните резулатите од изборите, ДИК ќе организира повторно гласање 14 дена од одржувањето на изборите, односно на 22-ри мај. (Крај)извор: МИА фото: Бриф @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Сабота, 25. степени, сонце, вода, убавина: Повелете во Охрид (Фото)Следно Next post: Протојереј-ставрофор Александар Димоски, парох Струшки за Слободен печат: Спасе и Спаса Вишенски се впишаа во Диптихот на светиите...

Струга/Скопје, 18. мај 2024 (ОХРИДПРЕС) – Светиот архијерејски синод на Македонската Правсолавна Црква – Охридска Архиепископија, исповедниците и праведни Спасе и Cпaса Вишенски ги вброи во редот на светиите.На 8-ми и 9-ти јуни 2024 година, во струшкото село Вишни и во Охрид ќе се случи свечениот чин на канонизација, односно ќе се круниса или заврши еден процес што е започнат пред речиси еден век, со откривањето на моштите на света Спаса. По повод овој голем настан за православните верници, разговараме со протојереј – ставрофор Александар Димоски.Што опфаќа процесот на канонизација?Помеѓу телата со кои раководи Светиот Архиерејски Синод, постои и Комисија за канонизација на нови светители. Комисијата брои четири члена. Кога Црквата препознава посебна почит од своите верни чеда кон некој кој се истакнал со својот христијански живот и подвиг, тогаш комисијата почнува да собира материјал за таа личност. Прво и најважно, се гледа култот и почитта што народот почнува да ги гради кон некого. Потоа, се испитува животот на тој човек, дали правилно ја исповедал верата Христова, дали била дел од официјалната Црква, каква била неговата смрт, и дали после неговото упокојување се забележуваат чуда и чудесни настани, по неговите молитвени застапништва. Неретко се случува после смртта, телата на светите луѓе да останат цели и нераспаднати, од нив да се шири благопријатен мирис, коските да добијат не бела, туку чудесна златеста боја, каков што е случајот и со света Спаса. Сите тие знаци ни покажуваат дека Светиот Дух живеел во тие луѓе и дека Бог се прославил преку нив. Откако комисијата ќе собере доволно материјал, и добро ќе го испита животот на новиот светител, ќе собере сведоштва за неговата светост и ќе се увери дека истиот е почитуван од православниот народ, подготвува богослужба (Вечерна и Утрена), акатис и изработува икона за новиот светител, одредува датум за негово прославување, што најчесто е денот на смртта, а доколку тој не е познат, тогаш датум што има некаква поврзаност со неговото житие, и тоа го доставува до Светиот Архиерејски Синод, во форма на предлог за канонизација на нов светител. Синодот во полн состав, со согласност на сите архиереи, одлучува по тој предлог, по што донесува одлука за канонизација на нов светител. Таа одлука се обзнанува пред верниот народ, на соборна Литургија, при што се пее службата и се претставува иконата на новиот светител, што всушност денес го претставува самиот чин на канонизација.Комплетното интервју на Слободен печат ОВДЕ. (Крај)извор: Слободен печат фото: Слободен печат @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Управен суд ги одби како неосновани сите седум тужби од „Европскиот фронт“ на ДУИ, ќе се прегласува и на избирачкото место 1272 во ОхридСледно Next post: Поради големиот интерес, акцијата во Кармен Бауцентар продолжува и денеска...

Охрид, 18. мај 2024 (ОХРИДПРЕС) – Втората половина од мај, туристички Охрид ја дочекува облеан во сонце и со најава за температура до 25. степени.Утрово беше раздвижено по Градскиот кеј, каде бројни групи гости, организирано ги посетуваа убавините на градот и уживаа во кафе-разговори на терасите, а голем беше и бројот на оние кои шетаа по Кејот и пешачката патека.Метеоролозите за денес најавуваат сончево време со умерена облачност. Максималната температура во Охрид ќе се искачи до 25. степени.– Во следните денови ќе се задржи топло време, но во попладневните часови наместа ќе биде нестабилно со пороен дожд и грмежи. Локално ќе има услови процесите да бидат поинтензивни во форма на краткотрајно невреме, со силен ветер, интензивен пороен дожд и изолирана појава на град, информираат од УХМР Македонија. (Крај)извор: ОхридПрес фото: ОхридПрес @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Реакцијата на Vocal Coach на „Зајди, зајди“ на Тоше Проески: Тој е еден од најдобрите пејачи кои сум ги слушнал во живототСледно Next post: Управен суд ги одби како неосновани сите седум тужби од „Европскиот фронт“ на ДУИ, ќе се прегласува и на избирачкото место 1272 во Охрид...

Охрид, 18. мај 2024 (ОХРИДПРЕС) – Тој е еден од најдобрите пејачи кои воопшто сум ги слушнал во животот.– Тоа не го велам само така. Пее повеќе жанрови, на повеќе јазици. Навистина е жално што загина на само 26-годишна возраст, по што целиот регион и целиот Балкан беше во солзи, порача во видеото Vocal Coach кој стои зад YouTube каналот H of The Stage, со над 254 илјади следачи. Станува збор за концепт каде тој ги снима своите реакции на некоја песна која му ја предлагаат неговите следачи од целиот свет. (Крај)извор: ОхридПрес фото/видео: Vocal Coach @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Се поставуваат дрвените колци во сидриштето „Билјанини извори“ во каналот „Студенчишта“ (Фото/Видео)Следно Next post: Сабота, 25. степени, сонце, вода, убавина: Повелете во Охрид (Фото)...

Охрид, 18. мај 2024 (ОХРИДПРЕС) – Продолжува санацијата на сидриштето „Билјанини извори“ во каналот „Студенчишта“, кај Центарот за обука на вода во Охрид.Се поставуваат дрвените колци, претходно е бетониран оградниот дел кон каналот, а паралелно се уредува и зелениот дел кон Центарот и пристапните патеки. Министерството за одбрана, сектор за логистика склучи договор за реконструкција на сидриштето „Билјанини извори“ во Охрид, со друштвото за промет и услуги „ЕМ груп електрометал“, друштво со ограничена одговорност увоз извоз од Скопје. Вредноста на договорот е 29.271.339 денари или 475.957 илјади евра.Според точките во истиот предвидено е расчистување на теренот околу просторот и во каналот, негова адаптација за градежни работи и слично. Треба да се постават дрвени колови и дрвена платформа, парапетен бетонски ѕид покрај пешачката патека и друго. (Крај)извор: ОхридПрес фото/видео: ОхридПрес @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Охрид најубав: 18. мај 2024 годинаСледно Next post: Реакцијата на Vocal Coach на „Зајди, зајди“ на Тоше Проески: Тој е еден од најдобрите пејачи кои сум ги слушнал во животот...

Охрид, 18. мај 2024 (ОХРИДПРЕС) – Facebook страната Охрид најубав/Ohrid najubav објавува дневни фотографии од преубавиот Охрид, кој како и секогаш, блеска со својата безвременска убавина.Денешната фотографија е направена утрово кај „Мазија“. (Крај)извор: ОхридПрес фото: Охрид најубав/Ohrid najubav @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Канал „Студенчишта“: Еден брод потона, еден во опасност од потонување (Фото/Видео)Следно Next post: Се поставуваат дрвените колци во сидриштето „Билјанини извори“ во каналот „Студенчишта“ (Фото/Видео)...

Охрид, 18. мај 2024 (ОХРИДПРЕС) – Еден помал брод кој е потонат и еден кој е во опасност од потонување во каналот „Студенчишта“ во Охрид.Оваа тажна слика може да се види не потегот кај малиот хангар на крајот на каналот, на потегот пред Хидробиолошкиот завод. – Еден од бродовите е потоан, едниот е сериозно наведнат. Вчера беше уште повеќе. Да се контактираат сопствениците додека не се направи поголема штета, велат рибарите за OhridPress.Во каналот има и повеќе помали кајчиња кои се веќе во вода, па реакцијата е повеќе од неопходна. (Крај)извор: ОхридПрес фото/видео: ОхридПрес @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Охрид е СУПЕР… секој ден 18.05.2024 година Сараиште – ОХРИД, Република МАКЕДОНИЈАСледно Next post: Охрид најубав: 18. мај 2024 година...

Охрид, 18. мај 2024 (ОХРИДПРЕС) – Охрид е СУПЕР… секој ден 18.05.2024 година – Сараиште – ОХРИД, Република МАКЕДОНИЈА @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Николче Мицевски вечерва настапува во Public Room, специјален гостин нашиот Дамјан ПејчиноскиСледно Next post: Канал „Студенчишта“: Еден брод потона, еден во опасност од потонување (Фото/Видео)...

Охрид, 18. мај 2024 (ОХРИДПРЕС) – Преку воздушната линија Амстердам-Охрид-Амстердам, бројни холандски гости и оваа сезона ќе уживаат на брегот на Охридското Езеро.Првата група туристи преку тур-операторот TUI Fly, на охридскиот аеродром „Св. Апостол Павле“ ќе пристигне во понеделник, на 20-ти мај 2024 година.– До крајот на септември, предвидено е TUI Fly да реализира вкупно 62 лета до Охрид, порачаа од ТАВ Македонија.На 12-ти мај 2024 година, со летот Амстердам-Охрид пристигна првата група холандски туристи, а до крајот на септември годинава, Corendon ќе има вкупно 32 лета од Аместердам до и од Охрид.Охрид и Република Македонија долго години се меѓу омилените дестинации за холандските туристи. Еден од главните „виновници“ за тоа е писателот Корнелиус Боб Спелстра, познат под псевдонимот А. Ден Доолаард, кој во книгата „Свадбата на седумте цигани“ ја опишува нашата држава како место кое не смее да се пропушти и мора да се посети, пред се’ поради богатата историја, убавините и културното наследство. (Крај)извор: ОхридПрес фото: МИА @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Бесплатен влез на археолошките локалитети и во музејските објекти во чест на Меѓународниот ден на музеитеСледно Next post: Николче Мицевски вечерва настапува во Public Room, специјален гостин нашиот Дамјан Пејчиноски...

Охрид, 18, мај 2024 (ОХРИДПРЕС) – Врвниот македонски гитарист, охриѓанецот Дамјан Пејчиноски вечерва ќе биде специјален гостин на настапот на Николче Мицевски во Public Room во Скопје.– Секогаш е чест и задоволство да се свири со Николче Мицевски. Се гледаме во Public Room во Скопје на 18-ти мај, порача Дамјан на неговите профили на социјалните мрежи.Мицевски вели дека заедно со Пејчиноски ќе ја изведат неговата тема „Time“ и уште неколку други композиции кои ги подготвуваат специјално за овој настан. – Ве очекуваме, сите заедно да ја уживаме музичката приказна „New Era“, порача Мицевски. (Крај)извор: ОхридПрес фото: архива @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Во понеделник пристигнува првата група холандски гости преку тур-операторот TUI FlyСледно Next post: Охрид е СУПЕР… секој ден 18.05.2024 година Сараиште – ОХРИД, Република МАКЕДОНИЈА...

Охрид, 18. мај 2024 (ОХРИДПРЕС) – По повод 18-ти мај, Меѓународниот ден на музеите, денеска бесплатен влез на археолошките локалитети и во музејските објекти во Охрид.– По повод 18-ти мај, Меѓународниот ден на музеите, денеска, 18-ти мај 2024 година, на археолошките локалитети и во музејските објекти Самуилова тврдина, Музеј на вода Градиште, Куќа на Робевци и Галерија на икони, влезот за сите посетители ќе биде бесплатен, информираат од Завод за заштита на спомениците на културата и Музеј Охрид. (Крај)извор: ОхридПрес фото: архива @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Трибина во Охрид: „Аутизмот во Македонија – ‘лет во место’ или прогрес“Следно Next post: Во понеделник пристигнува првата група холандски гости преку тур-операторот TUI Fly...

Охрид, 18. мај 2024 (ОХРИДПРЕС) – Денеска напладне во Општина Охрид ќе се одржи трибината „Аутизмот во Македонија – ‘лет во место’ или прогрес“.Александра Сабрас Апостолова, вработена како дефектолог во Општа болница Охрид во изјава за Супер радио и OhridPress вели дека расте бројката на деца со аутизам, немаме регистар и точна дијагноза, па овие деца се ставаат во друга категорија состојби.– Од мое искуство, 18 години работам со оваа проблематика, расте бројот на деца со аутизам, немаме регистар, нема точна дијагноза, ги ставаат во друга категорија состојби. Нема систем на поврзаност, овие деца не се рано откриени, дијагностицирани, родителите лутаат низ други институции и потоа се губат и тоа е голем проблем. Проблем станува и кога ќе одат кај матичните лекари или во училиште, тие деца мора да се вклучат, има асистенти што им се дадени на децата. Треба повеќе реформи во образованието да се направат или посебни програми да се искористи потенцијалот на тие деца, да не е траума за детето, родителите, семејството, вели Апостолова.За моменталната состојба со аутизмот во Македонија на трибината ќе говори проф. д-р Владимир Трајкоски, професор на Институтот за дефектологија на Филозофскиот факултет при УКИМ и претседател на Македонското научно здружение за аутизам, а Валентина Павловска Златановска ќе го сподели искуството и лавиринтите низ кои поминала како родител на дете со аутизам.Проф. д-р Трајковски во неодамнешното интервју за Супер радио и OhridPress моментната состојба на полето на аутизмологијата во Република Македонија ја процени како незадоволителна, без национален регистар на лица со аутизам и без национална стратегија по ова прашање. Додаде дека искуствата во светот на полето на аутизмологијата од ден на ден растат, додека македонската медицина обременета со политичко-партиски проблеми, нема чувство за решавање на проблемите на оваа популација деца и возрасни лица. (Крај)извор: ОхридПрес фото: архива @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука Навигација на напис Претходно Previous post: Календар на МПЦ: Света великомаченичка ИринаСледно Next post: Бесплатен влез на археолошките локалитети и во музејските објекти во чест на Меѓународниот ден на музеите...