Вечерва на полноќ започна итната седница на Судскиот совет, на која ќе се бара одземање на имунитетот на судијата Наќе Георгиев, кој беше фатен при поткуп од 10.000 евра. На седницата иако беа присутни значителен број на медиуми, сепак членовите одлучија со 10 гласа „за“ да ја исклучат јавноста. Засега не е познато колку ќе трае седницата, и кога би можело да биде објавена одлуката. Инаку, вечерва беа направени претреси на повеќе локации, како и Врховниот суд, канцеларијата која ја користел....

Претседателот на Демократско Движење, Изет Меџити, вечерва гостувајќи во дебатниот магазин „Click Plus“ на ТВ21, рече да треба да избира меѓу Никола Груевски и Зоран Заев, би го избрал Заев. Според него, Заев е храбар лидер, кој донел храбри одлуки за напредок на државата. Одговарајќи на прозивките на Блерим Беџети за “огнената група” и улогата на Меџити, тој рече дека во 2016 имало две групи во ДУИ. Едната била да се продолжи со Груевски на која припаѓал и Беџети, а другата, која ја предводел Меџити била да се прави влада со Зоран Заев. „Тоа било правата одлука затоа што така како држава отидовме напред, влеговме и во НАТО. Помеѓу Груевски и Заев, повторно би го бирал Заев”, рече Меџити....

Претседателот на Демократско Движење, Изет Меџити, вечерва гостувајќи во дебатниот магазин „Click Plus“ на ТВ21, рече да треба да избира меѓу Никола Груевски и Зоран Заев, би го избрал Заев. Според него, Заев е храбар лидер, кој донел храбри одлуки за напредок на државата. Одговарајќи на прозивките на Блерим Беџети за “огнената група” и улогата на Меџити, тој рече дека во 2016 имало две групи во ДУИ. Едната била да се продолжи со Груевски на која припаѓал и Беџети, а другата, која ја предводел Меџити била да се прави влада со Зоран Заев. „Тоа било правата одлука затоа што така како држава отидовме напред, влеговме и во НАТО. Помеѓу Груевски и Заев, повторно би го бирал Заев”, рече Меџити....

Израелскиот премиер Бенјамин Нетанјаху за првпат се огласи по информацијата дека по него ќе биде распишана потерница за злосторства за време на војната против Хамас. Обвинителството на Меѓународниот кривичен суд во Хаг денеска ја објави одлуката за барање за налози за апсење на водачите на Хамас Јахја Синвар, Мухамед Деиф и Исмаил Ханије поради сомнение дека извршиле воени злосторства и злосторства против човештвото, вклучително и земање заложници, убиства и злосторства на сексуално насилство. Исто така, побаран е налог за апсење на израелскиот премиер Бенјамин Нетанјаху и израелскиот министер за одбрана Јоав Галант кои се сомничат дека извршиле воени злосторства и злосторства против човештвото, вклучително и изгладнување како метод на војување, убиства, прогон и истребување. Нетанјаху рече дека одлуката на Карим Кан, главниот обвинител на Меѓународниот кривичен суд (МКС), да побара налог за апсење против него е „апсурдна“ и дека Израел во целост е на мета поради тоа. – Со гадење ја отфрлам споредбата меѓу демократски Израел и масовните убијци на Хамас што ја направи главниот обвинител на судот во Хаг, рече Нетанјаху, пренесува „Тајмс оф Израел“. Израелскиот премиер истакна дека „не сфаќа како Кан го споредува со Хамас, кој убиваше, палеше, колеше, обезглавуваше, силуваше и киднапираше наши браќа и сестри и војниците на ИДФ кои водеа праведна војна“. При нападот на Хамас на израелската погранична област на 7 октомври беа убиени околу 1200 луѓе и земени како заложници повеќе од 250 лица кои беа одведени во Појасот Газа. Реакцијата на Израел беше воена офанзива во Појасот Газа, во која според податоците на Министерството за здравство, контролирано од Хамас, досега загинале повеќе од 35 400 луѓе, главно цивили....

Американскиот врв денеска излезе со остра осуда на одлуката на Меѓународниот кривичен суд за издавање налог за апсење на високи службени лица на Израел. Државниот секретар Ентони Блинкен ја стави под знак прашање „легитимноста и кредибилтетот на истрагата“ на МКС и оценувајќи ја како „срамна“ ја отфрли одлуката соопштена денеска од главниот обвинител на МКС Карим Хан дека побарал налог за апсење на високи службени лица на Израел, меѓу кои и премиерот Бенјамин Нетанјаху. -Ја отфрламе обвинителовата еквиваленција на Израел со Хамас. Тоа е срамно. Хамас е брутална терористичка организација која го изведе најлошиот масакр врз Евреите по Холокаустот и се уште држи десетици невини луѓе како заложници, вклучително и Американци, соопшти Блинкен во изјава. -Финдаментално, одлуката не прави ништо да помогне и може само да ги загрози тековните напори за постигање прекин на огнот што може да ги ослободи заложниците и да ја зголеми хуманитарната помош, цели по кои САД продолжуваат беспоштедно да се стремат, рече Блинкен. Претходно и претседателот на САД Џо Бајден остро ја осуди одлуката на обвинителите на МКС како „скандалозна“ . -Да бидам јасен, на што и да имплицира обвинителот, нема еквивалентност – никаква – помеѓу Израел и хамас, напиша претседателот. Додаде дека „секогаш ќе стоиме со Израел против закантите по неговата безбедност“. МКС денеска побара налози за апсење поради наводни воени злосторства за лидерите на Хамас, но и на Израел....

Судски совет на полноќ ќе одлучува да му го одземе имунитетот на судијата Наќе Георгиев за да може да му биде одредена мерка притвор откако тој денеска беше уапсен од полицијата поради сомневања за примање поткуп. Врховниот судија Георгиев кратко беше член на Судскиот совет, но лани во јули си поднесе оставка од оваа функкција пред официјално да даде заклетва за да може неговиот син да биде избран за судија во Основниот кривичен суд Скопје, како завршен кандидат на Акдемијата за судии и јавни обвинители....

Поранешниот министер за надворешни работи и дипломат Срѓан Керим, зборувајќи за заклетвата на шефицата на државата Гордана Сиљановска Давкова, рече дека „претседател на држава кој полага заклетва пред својот Парламент, пред своите граѓани и пред својот народ не може да направи гаф кога го изговара името на државата Македонија“, посочувајќи дека пораката што таа сакала да ја упати била внатрешно-политичка односно кон мнозинството граѓани што гласаа за неа, а не да се испровоцира Грција или некоја друга земја. – Ако барате порака тогаш јас ја читам како внатрешно – политичка, а не надворешно – политичка затоа што една од основните одлики и карактеристики на демократијата е мнозинството. Госпоѓата Сиљановска Давкова беше избрана со огромен број на гласови на мнозинство на граѓаните на оваа држава и поради тоа тој гест беше наменет на нив, а не да се провоцира ни Грција ни никој друг, рече Керим во тема на денот на ТВ Сител. Ако треба да одговори како дипломат, рече тој, дипломатски е да се седне на маса и да се разговара. -Има причина да разговараме затоа што ако ние провоцираме со тоа што го употребуваме името Македонија што е тогаш употребата на „Скопиа“ цело време од грчка страна кога зборуваат за нашата земја. Нели е и тоа провокација, праша Керим. Се што ќе излезе од Скопје или од Македонија, вели поранешниот министер, подлага на еден диоптер од Брисел и ние треба да бидеме постојано фрустрирани, укочени, да пазиме што зборуваме и што ќе кажеме за тоа да не не одалечи од Брисел....

Српскиот претседател Александар Вучиќ допатува во Њујорк каде на 23 мај ќе присуствува на седницата на Генералното собрание на ОН каде ќе се разгледува предлогот-резолуцијата за Сребреница. Во делегацијата со Вучиќ е и министерот за надворешни работи на Србија Марко Ѓуриќ. Пред заминувањето за Њујорк и учеството на седницата на Генералното собрание на ОН, Вучиќ утрово присуствуваше на богослужба на српскиот патријарх Порфирије. – Одам во Њујорк да се борам со сета сила и срце за иднината на нашата земја, изјави Вучиќ пред патувањето. Генералното собрание на Обединетите нации на 23 мај ќе гласа за резолуцијата за прогласување на 11 јули за Меѓународен ден на сеќавање на геноцидот во Сребреница. За резолуцијата требаше да се расправа на 2 мај, но датумот беше поместен од процедурални причини. Со резолуцијата, исто така, безрезервно се осудува секое негирање на геноцидот во Сребреница и се поттикнуваат државите членки да ги сочуваат утврдените факти преку своите образовни системи со развивање на соодветните програми. Предлагачи на резолуцијата за геноцидот во Сребреница се Германија и Руанда, а Северна Македонија е меѓу повеќето коспонзори на резолуцијата. Масакрот во Сребреница е прогласен за геноцид и од Меѓународниот суд на правдата во Хаг....

Македонската ознака во моменталните околности станува моќно средство на економската дипломатија. Навистина ми е жал кога слушам врвни грчки производители на вино во нашата земја да ни кажуваат дека постојат вина што се појавуваат како македонски и некои клиенти од странство кога говорат за македонски вина да ја имаат на ум Северна Македонија, порача грчкиот премиер Кирјакос Мицотакис од Солун, јави дописничката на МИА од Атина. Во говорот на Генералното собрание на Асоцијацијата на грчки извозници (СЕВЕ), Мицотакис се осврна и на трговската ознака „Macedonia the Great“ за грчките производи, промовирана во ноември 2019 година, токму од конкретната Асоцијација, се потсети дека тогаш присуствуваше на презентацијата изразувајќи целосна поддршка, која ја повтори и вечерва. -Ни требаше време да ја регистрираме (трговската ознака), но на добар пат сме. Тоа е потег што добива и актуелно значење по последните провокативни регресии на нашите северни соседи. Нашата дипломатска реакција треба да биде придружена и со трговски контранапад, во прв план со автентичноста и квалитетот на производите и услуги на нашата Македонија и ова е и во ваши раце да го постигнеме заедно, им порача Мицотакис на присутните на Генералното собрание на СЕВЕ. Освен за трговската ознака, грчкиот премиер се осврна и на Договорот од Преспа и на последните случувања во билатералните односи, уште еднаш порачувајќи дека ЕУ перспективата на Скопје, поминува низ Атина. -Гледајќи го веќе подолго време подемот на национализмот во Скопје, останавме претпазливи во прифаќањето на меморандумите што го придружуваат Договорот. За жал, развојот на настаните ја оправдаа оваа наша претпазливост. Позицијата на новата претседателка и на нејзините поддржувачи таму, за жал, и на мандатарот за премиер е и незаконска и провокативна. Затоа Грција ја отфрла и не ја прифаќа. Соседната држава мора да сфати, и ова мислам дека ги сфаќаат повеќето граѓани на Северна Македонија, дека патот кон Европа и напредокот поминува и низ нашата земја. И таму може да застане, истакна грчкиот премиер. Уште еднаш потсети дека Нова демократија гласаше против Договорот од Преспа, но објаснувајќи дека „не затоа што не сакавме решение на прашањето, туку затоа што конкретниот Договор отстапи националност и јазик, македонска националност и јазик на соседите, поткопувајќи ја на овој начин иднината“. Истакна дека предупредија, уште пред да дојдат на власт во 2019 година, дека ако овој Договор се ратификува, подоцна не може да се смени. – Како нова Влада го почитувавме овој грчки потпис на меѓународен договор, кој надвладува над секој закон, посочи Мицотакис....

Мајкл Коен, некогашниот личен адвокат на Доналд Трамп и клучен сведок на обвинителството, се враќа денеска да сведочи на судењето на поранешниот американски претседател. Трамп е првиот претседател на САД кој некогаш се соочил со кривична пријава, и судијата предложи завршница на судењето идната недела. Коен е соочен со уште неколку часа прашања од адвокатот на одбраната, и уште една серија распити од обвинителството. Претходното судско рочиште беше минатата недела во четвртокот. Коен тогаш призна дека во изминатите години многупати лажел во полза на Трамп. Но вели и дека лажел за „да го заштитам своето семејство“. Тој го обвини својот поранешен клиент дека напаравил многу лоши работи во неговиот приватен живот. На денешното сведочење тој призна и дека крадел пари од компанијата на Трамп „Организација Трамп“. Во серија од прашања адвокатот на одбраната, Тод Бланш, се обиде да прикаже дека Коен во суштина е измамник, некого кому не може да се верува. Случајот се фокусира на уплатата од 130.000 долари што Коен ја извршил од свој џеб на актерката за филмови за ворзасни Сторми Даниелс непосредно пред изборите во 2016 година, за таа да молчи за средба со Трамп една деценија претходно. Средбата завршила во хотелска соба. Доказите во судскиот процес покажуваат дека Трамп му ги вратил парите на Коен во 2017 година, откако тој стана претседател, при што Трамп е обвинет за фалсификување на неговите деловни книги тврдејќи дека отплатата на Коен била за адвокатски услуги. Коен пред обвинителството сведочеше дека отплатата била за парите за молчење што и ги платил на Даниелс, а не за правна работа, и дека Трамп двапати ја одобрил шемата, вклучително еднаш во кула Трамп во Њујорк, пред да стане претседател кога рекол „ако ме изберат случајот ќе го заташкаме, ако не, на никој нема да му биде гајле“. И вторпат во кабинетот на претседателот на САД во Белата куќа.. Трамп ги отфрли тврдењата на Даниелс дека имал врска со неа и целата кривична пријава. Коен е последниот од 19-те сведоци на обвинителството против Трамп, кој служеше еден мандат како претседател на САД од 2017 до 2021 година и сега е најверојатен републикански претседателски кандидат за изборите во ноември против претседателот Џо Бајден, демократот кој го победи во 2020 година. Како што завршува случајот на обвинителството, тимот на одбраната на Трамп речиси сигурно ќе побара од судијата на Врховниот суд на Њујорк, Хуан Мерчан, да го отфрли обвинението против Трамп од 34 точки, барање што ретко се одобрува во американските кривични судења. Ако Мерчан не го отфрли случајот против Трамп, неговата одбрана би можела да повика свои сведоци во негово име, но не даде сигурни индикации дека тоа ќе се случи. Трамп рече дека сака да сведочи во своја одбрана, но од обвинетите не се бара тоа, а американските правни аналитичари велат дека тоа е малку веројатно затоа што обвинетите често си наштетуваат себеси со своето сведочење наместо да си помагаат. Затоа адвокатите го советуваат тој да не сведочи во свој полза. Ако Трамп сведочи, Мерчан веќе донесе одлука дека на обвинителите ќе им биде дозволено да го прашаат за два граѓански случаи што ги загуби во последните неколку месеци и му беше наредено да плати отштета од стотици милиони долари. Едниот вклучуваше деловна измама во „Организација Трамп“, а другиот клевета на писателка од Њујорк која доби одлука за исплата на оштета за сексуален напад. Под претпоставка Трамп не сведочи и неговите бранители да презентираат само уште еден или двајца, или ниту еден сведок, Мерчан им кажа на адвокатите дека заклучните излагања во овој судски процес би можеле да се закажат идната недела од 28 мај, по државниот празник Денот на сеќавањата....

Играчот од средниот ред на Реал Мадрид, Аурелиен Чуамени ќе го пропушти финалето во Лигата на шампионите поради повреда, објави новинарот Хозе Феликс Дијаз. На 24-годишниот Французин му била дијагностицирана повреда на левата нога. Според изворот, играчот од средниот ред нема да има време да се опорави навреме за финалето од Лигата на шампионите. Чуамени оваа сезона одигра 38 натпревари за Реал во сите натпреварувања, постигнувајќи 3 гола и 1 асистенција. Реал Мадрид во финалето на Лигата на шампионите ќе игра против Борусија Дортмунд. Одлучувачката средба ќе се одржи на 1 јуни на стадионот „Вембли“ во Лондон....

Коалицијата предводена од ДУИ, Европски фронт не исклучува ниту еден од демократските начини да се спасат од опозиција, односно да се изборат до крај да бидат дел од владината коалиција. Иако преговорите за Влада помеѓу ВМРО-ДПМНЕ и „Вреди“ се во тек, ДУИ и натаму смета дека овој сооднос не е во ред за формирање Влада, односно победникот мора да коалицира со победникот. Скендер Реџепи Зејди, вели дека постојат демократски механизми за да ги спречат. Тој не ја исклучува можноста и за протести по улиците. „Европскиот фронт ниту размислува да остане во опозиција. Не дека имаме комплекси за да останеме во опозиција но факт е дека легитимноста почнува и извира од народот. Доколку народот ти го дава гласот тогаш треба да ги претставиш во сите државни институции“, вели Скендер Реџепи – Зејди, пренесува ТВ 21. Прашан на кој начин ќе се борат, дали преку протести, тој рече дека има повеќе демократски начини да се изрази револтот, но и да се докаже волјата на граѓаните. Работните групи на ВМРО-ДПМНЕ и ВРЕДИ и денеска ги продолжија преговорите за формирање на нова Влада, односно усогласување на програмите и поделба на ресорите. Претседателот на БЕСА, од коалицијата ВРЕДИ, Биљал Касами, вели дека се на добар пат и зборуваат за сериозна Влада. „Продолжуваат разговорите, ние сме на добар пат и поради коректност се согласивме кога ќе имаме конечен договор заедно да излеземе и тоа да го претставиме пред јавноста. Не би сакал да навлезам во детали, но сме на добар пат и имаме коректна комуникација во правец на поделбата на одговорностите. Тоа што е важно за да се истакне е дека зборуваме за амбициозна влада која ќе има предвид квалитетно претставување по разните ресори. Многу време е изгубено порано со неквалитетен кадар. Ние бараме во сите ресори да има стручен кадар“, вели Биљал Касами. Инаку, во среда ќе има прегласување во петтата и шестата изборна единица, и доколку резултатите излезат поинакви, може да се прераспределат силите во Собранието....

Многу луѓе на почетокот на годината најавуваат дека ќе започнат со тренинзи пред почетокот на летото за да изгледаат одлично и да бидат во добра форма на плажа. Иако кај некои е така и почнуваат да тренираат веќе во првите месеци од годината, родените во овие два хороскопски знаци секогаш најавуваат дека ќе почнат да вежбаат со цел да изгледаат одлично во текот на летото, но тоа никогаш не го прават. СкорпијаИако се познати како одлучен и амбициозен знак, тоа не е случај со Скорпиите кога станува збор за вежбање. Тие сакаат да ги постигнат целите, особено пред летото, но често немаат мотивација и доследност да ги исполнат своите цели. Наместо да вежбаат, Скорпиите ќе се потрудат да најдат разни изговори или да се препуштат на моменти на уживање во храната наместо всушност да вежбаат. РакРаковите се сочувствителни и се грижат за другите луѓе, но понекогаш забораваат да се грижат за себе. Токму таков е случајот кога се работи за вежбање пред лето. Тие секогаш им кажуваат на сите дека ќе тренираат, но другите обврски или предизвици со кои се соочуваат ги спречуваат да вежбаат. Тие ќе претпочитаат да задоволуваат туѓи потреби и да бидат морална поддршка на другите додека вежбаат, а ќе го запостават тренингот и ќе се чувствуваат лошо што не ги исполнуваат своите цели....

Здравата исхрана е важна за управување со тежината. A пак, појадокот, во таа смисла, важи за најважниот оброк во денот, којшто влијае на човековиот метаболизам и нивото на енергија. За луѓето со над 40 години, високо-протеинска, а ниско-калорична храна наутро може да биде особено корисна. Протеините се клучни за градењето мускули и губењето маснотии, бидејќи поттикнуваат ситост, обновување и зајакнување на мускулите и помагаат за здрав метаболизам. Д-р Рејчел Лоу од Лондон, Велика Британија, говорејќи за женското списание „Шифајндс“ (SheFinds), посочи три одлични опции за појадок за оние во петтото десетлетие од својот живот, па нагоре, коишто може да придонесат за губење на тежината и поцврсто мускулно ткиво. 1. Процедениот јогурт е моќен појадок што нуди приближно 10 грама висококвалитетни протеини на порција од 100 грама. – Тој, исто така, е богат со калциум и пробиотици, коишто се клучни за добро здравје на цревата. За да ги подобриме придобивките од сѐ тоа, можеме да го мешаме со свежо овошје како што се бобинки, јаткасти плодови или семиња за да додадеме влакна и здрави масти, вели Лоу. 2. Јајцата се одличен извор на протеини, со околу шест грама во големо јајце. – Јајцата се многу богати со витамини и минерали, како што се витамините Б и холин, а тие се неопходни за мускулната функција и метаболизмот. Без разлика дали ги сакаме изматени, пржени или варени, јајцата се фантастичен начин да го почнете денот, објаснува Лоу. 3. Свежото сирење е уште еден млечен производ богат со протеини – содржи околу 11 грама протеини на 100 грама сирење. Има мал дел масти и висок удел на казеин-протеинот што се вари полека, поради што нѐ држи сити подолго време. Лоу предлага овие намирници да се комбинираат со овошје или тост од цело житно зрно за урамнотежен оброк....

Хеликоптерот, во кој патуваа претседателот на Иран, Ебрахим Раиси, и министерот за надворешни работи, Хосеин Амир Абдолахиан, не го вклучил сигналниот систем или воопшто немал таков систем, соопшти денеска министерот за транспорт и инфраструктура на Турција, Абдулакадир Уралоглу. Уралоглу изјави пред новинарите дека, бидејќи Иран спаѓа во подрачјето на Турција за реакција при вонредни ситуации, властите провериле дали има сигнал од хеликоптерот откако ја слушнале веста за неговото уривање. – Прво проверивме дали хеликоптерот испратил сигнал или не. За жал, се покажа дека системот за сигнализација бил исклучен или хеликоптерот не го поседувал овој сигнален систем, истакна тој. Според Њујорк Тајмс, кој се повикува на ирански медиуми, неофицијално, причина за падот на хеликоптерот е „технички проблем“. Иранскиот претседател Ебрахим Раиси и министерот за надворешни работи Хосеин Амир Абдолахиан се меѓу деветте жртви на вчерашната хеликоптерска несреќа во планинскиот регион во северозападниот дел на Иран....

Рускиот претседател Владимир Путин го назначи Олег Савељов за заменик министер за одбрана – началник на штабот на министерот за одбрана. Со друг указ, рускиот лидер го разреши од таа функција досегашниот заменик, генерал-полковник Јуриј Садовенко. Савељов претходно ги извршуваше должностите ревизор на Управата за пресметка и плаќања, а во периодот 2012-2013 г. Во 2010 година ја извршуваше функцијата заменик министер за одбрана Андреј Белоусов во Министерството за економски развој....

Се очекува американската министерка за финансии Џенет Јелен да ги повика Европа и САД да застанат заедно против руската агресија и иранската „поддршка за тероризмот“, вклучително и со изнаоѓање начин за користење на замрзнатите руски суверени средства за помош на Украина. Ова го објавија Ројтерс и Блумберг, повикувајќи се на белешки за говор посветен на трансатлантската унија, што Јелен ќе го одржи утре во Франкфурт, пренесе БТА. Американската министерка за финансии утре ќе пристигне во Франкфурт за да добие почесен докторат од Франкфуртската школа за финансии и менаџмент. На настанот се очекува да учествуваат претседателката на Европската централна банка (ЕЦБ), Кристин Лагард и германскиот министер за финансии Кристијан Линднер. Во белешките за утрешниот говор на Јелен, објавени денеска, се вели дека поддршката на САД и Европа е суштинска за украинскиот отпор кон руската инвазија. -И дозволете ми да бидам јасна. Ова е исто така клучно за безбедноста на американскиот и европскиот народ… Ако стоиме настрана додека диктаторите го нарушуваат територијалниот интегритет и го нарушуваат меѓународниот поредок заснован на правила, тие немаат причина да запрат кога ќе ги постигнат своите првични цели, се очекува да рече Јелен. Таа, исто така, ќе зборува за потребата да се сузбие затајувањето на руските санкции и да и се обезбеди на Украина финансирање за опремување на нејзината војска, финансирање на клучните владини служби и на крајот обнова на постконфликтот. -Затоа верувам дека е од витално значење и итно колективно да најдеме начин да ја отклучиме вредноста на руските суверени средства заклучени во нашите јурисдикции за доброто на Украина. Ова ќе биде клучна тема за време на состаноците на Г7 оваа недела, се вели во белешките. Министрите за финансии на Г7 ќе се сретнат во Стреса, Италија, од 23 до 25 мај. Јелен, исто така, се очекува да каже дека Европа и САД постапиле „одлучно“ за да воведат санкции кон Иран поради неговата „поддршка на тероризмот“ на Блискиот Исток и ширењето на беспилотни летала и ракети користени во конфликтите во Газа и Украина. Тие треба да продолжат на ист начин и во иднина, смета американската министерка за финансии....

Интегрален текст од соопштение за јавност на ВМРО-ДПМНЕ: Време е ДУИ да оди во опозиција, порача Антонијо Милошоски член на ИК на ВМРО-ДПМНЕ во вечерашното гостување во емисијата За или против на ТВ Алфа. Милошоски ги искоментира изјавите на лидерот на ДУИ Али Ахмети дека со прегласување на одредени избирачки места се врши изборен инжинеринг потенцирајќи дека ДУИ вршеше изборен инжинеринг со обидот за бојкот на претседателските избори во вториот круг. Да говори за изборен инжинеринг човек кој што на вториот круг на гласање за претседателските избори денот го започнаа како структура во ДУИ со организиран бојкот за да се наруши цензусот тоа е веќе изборен инжињеринг, истакна тој и додаде: Се гледа дека ДУИ веќе го изгуби компасот и очигледно е дека Ахмети веројатно во последните неколку години е повеќе под влијание на Артан Груби, Бујар Осамни и на некои други луѓе од тоа бизнис крило, отколку што е под влијание на порационалните луѓе во ДУИ кои што спроведуваат конвенционална политика. Според Милошоски ДУИ го прекршил правилото коалицирање победник со победник, укажувајќи дека ДУИ и Ахмети треба да се спремаат за една мирна и цивилизирана транзиција како во секоја европска држава. Самите принципи кои ги наметна ДУИ во 2016тата година односно самите принципи кои ги прекрши сега нема право ДУИ да се повикува на било што, и затоа сметам дека е добро да се спремаат за една мирна, цивилизирана транзиција како во секоја европска држава, изјави тој. На прашањето дека претседателот на ВМРО-ДПМНЕ Христијан Мицкоски објавил дека ВМРО-ДПМНЕ има 61 пратеник, Милошоски нагласи дека во моментот партијата има 61 пратеник, но со прегласувањето во изборната единица 5 очекуваат да имаат 11 пратеници, со што бројката ќе изнесува 62 пратеници. Да точна е изјавата на претседателот Мицкоски дека во овој момент ВМРО-ДПМНЕ има консолидирано 61 пратеник. Со прегласувањето во среда и реалната шанса во 5тата изборна единица да го добиеме 11тиот пратеник, ВМРО-ДПМНЕ веќе ќе има консолидирано 62 пратеници. Потоа продолжуваат преговорите со коалицијата ВРЕДИ, која има 13 пратеници, можно е да го освојат и 14тиот. И кога ќе завршат тие преговори, сметам дека ќе се отвори можноста и за разговори со политичката партија ЗНАМ, вели Милошоски....

Судијата од Врховниот суд, Наке Георгиев денеска е уапсен за примање мито. Денеска (20.05.2024) лишен од слобода е судија од Врховен суд поради постоење на основи на сомнение за сторено кривично дело `Примање награда за против законито влијание`. Судијата е лишен од слобода на лице место при извршување на кривичното дело. Се чекаат понатамошни насоки од надлежен јавен обвинител, соопштиjа од МВР. Георгиев минатата година се кандидираше за член на Судскиот совет, но си поднесе оставка бидејќи неговиот син беше избран за судија. Оставката следуваше по неколкудневни кавги во Судски совет дека не е законски тој како член на Судскиот совет да го бира неговиот син за судија. Наке Георгиев се кандидираше за член на Судскиот совет како единствен кандидат од Врховен суд, а поддржувачите од Советот, му ја запреа постапката за разрешување. За истата работа за која беше претставката, тројца апелациони судии од Штип беа разрешени, но тој се спаси. Врховниот судија полицијата го уапсила по пријава дека тргувал со влијание односно побарал мито 10 илјади евра да влијае во предмет....

Полициски извори за Телма потврдија дека денеска со истрага бил опфатен врховен судија поради сомнеж за барање мито и за поткуп. Според информациите на Телма, судијата бил фатен со 10.000 евра. Во моментот се во тек активности поврзани со судискиот имунитет. За имунитетот на судиите е задолжен Судскиот совет, а при истраги за судии, сите мерки кои се бараат од страна на надлежните органи за истражување треба да бидат одобрени од Судскиот Совет кој треба да биде известен за тоа. Според последните информации станува збор за судија со иницијали Н.Г. Од обвинителството за Телма кратко одговорија дека немаат информации. Истрагата за случајот ја спроведува МВР....

Косовската полиција влегла во Трезорот на банката „Поштенска штедилница“ и во нејзините пет други филијали во Северна Митровица, Лепосавиќ, Звечан и Зубин Поток, објавија локалните медиуми. Според пишувањата на медиумите, косовската полиција соопштила дека за оваа акција има одобрение од Обвинителството и дека „врши контрола на работењето“. На самото место се и припадници на ЕУЛЕКС и КФОР. Заменик-командантот на косовската полиција за северниот регион, Ветон Ељшани за порталот KoSSev изјави дека на местото на настанот била присутна и даночната служба...

Според написите во повеќе медиуми и информации од ВМРО-ДПМНЕ веќе се познати имињата на министрите од редовите на партијата предводена од Христијан Мицкоски. Неофицијално, министерски места се резервирани за потпретседателите на партијта и тоа: Александар Николоски – министер за внатрешни работи, Владо Мисајловски – министер за транспорт и врски, Тимчо Муцунски министер за надворешни работи, Гордана Димитиревска Кочовска, министерка за финансии. Нов министер за одбрана можно е да биде Антонијо Милошоски (иако постои можност за рокада со Муцунски), додека ресорот правда би му припаднал на Панче Тошкоски. Како што 24инфо.мк и претходно пишуваше, Ѓоко Велковски, Стефан Андоновски и Цветан Трипуновски би останале на досегашните ресори, односно, труд и социјална политика, информатичко општество и администрација и земјоелство. Ако ветувањата на Мицкоски се исполнат и се воведат и нови министерства, тогаш Министерството за енергетика и рударство би го водела Сања Божиновска, додека министерството за спорт екс ракометниот голман Борко Ристовски. Според извори во ВРЕДИ, оваа коалиција би добила прв вицепремиер, министри за култура, образование, здравство и локална самоуправа, и по се изгледа и претседател на Собранието....

Во светот на астрологијата, постојат хороскопски знаци чиј шарм и харизма се толку силни што е речиси невозможно да не се заљубите во нив. Нивните уникатни карактеристики, топлина и привлечност ги прават неодоливи за многумина. Лав Лавот е огнен знак со кој владее Сонцето, симбол на животот, енергијата и виталноста. Родените во овој знак се познати по својата харизма, самодоверба и дарежливост. Лавовите се природни лидери кои со своето присуство ја осветлуваат секоја просторија во која ќе влезат. Луѓето лесно се заљубуваат во Лавовите бидејќи се исклучително шармантни и топли. Нивната дарежливост и способност вистински да се грижат за другите ги прави неодоливи. Лавовите сакаат да бидат во центарот на вниманието, но во исто време знаат да направат партнерите да се чувствуваат посебно и сакано. Нивната страст за животот и неуморната енергија ги привлекуваат луѓето како магнет, создавајќи длабоки и интензивни врски. Вага Вагата е воздушен знак со кој владее Венера, планетата на љубовта, убавината и хармонијата. Родените во овој знак се познати по својата дипломатска природа, шарм и чувство за естетика. Вагите се вистински уметници на хармонија, кои секогаш се стремат кон рамнотежа и мир во нивните односи. Луѓето лесно се заљубуваат во Вагите поради нивната љубезност, шарм и исклучителна способност да ги разбираат и задоволуваат другите. Вагите се познати по нивната емпатија и способност да се стават во кожата на другите луѓе, што ги прави одлични партнери. Нивната склоност кон романтика и убавина создава магична атмосфера во нивните врски, правејќи ги привлечни и незаборавни. Вагите знаат да направат баланс меѓу љубовта и пријателството, што ги прави совршени животни партнери. Риби Рибите се воден знак со кој владее Нептун, планетата на соништата, имагинацијата и духовноста. Луѓето родени во овој знак се познати по нивната чувствителност, емпатија и длабоко емотивна природа. Рибите се вистински сонувачи и романтичари, кои секогаш бараат подлабоко значење и поврзаност во нивните врски. Луѓето лесно се заљубуваат во Рибите поради нивната нежност, сочувство и способност да создаваат длабоки емотивни врски. Рибите се исклучително интуитивни и честопати можат да ги почувствуваат потребите и желбите на своите партнери пред тие самите да бидат свесни за нив. Нивната имагинативна природа и склоност кон романтични гестови создаваат посебен свет во кој нивните партнери се чувствуваат сакани и ценети. Рибите се лојални и посветени партнери, секогаш подготвени да пружат поддршка и љубов....

Првиот заменик претседател на Владата задолжен за европски прашања Бојан Маричиќ се сретна со амбасадорот на Франција Сирил Бомгартнер и новата француска експертка за ЕУ интеграции, Миа Матковиќ. „Евроинтеграцијата е основа за стабилен и социоекономски развој на државата. Започнатите процеси во преговорите со ЕУ треба да продолжат да ја исполнуваат стратешката цел за полноправно членство, имплементација на Планот за раст на Европската Комисија со големи придобивки за сите граѓани на државата, регионот и Европа.“ На средбата присутните се согласија дека продолжува француската поддршка за Северна Македонија на патот кон ЕУ, потврдувајќи ја посветеноста на Франција за ЕУ интеграција на земјите од Западен Балкан. Средбата имаше за цел да ја претстави новата француска експертка за ЕУ интеграции која се приклучи на Секретаријатот за европски прашања во април....

Метео анализа на Славчо Попоски: Во следните часови, односно попладне и вечерва, повторно во Македонија Атмосферата значително ќе се дестабилизира, па така на многу места ќе има развој на нестабилна облачност, проследена со пороен дожд, грмежи и засилен ветер. Нашата алатка НОТАС, за рано предупредување од појава на невреме, за денес предвидува ниво 3, локално и 4 од највисокото ниво 5. Тоа значи дека ќе имаме засилен, до опасен ризик од појава на невреме во Македонија, проследено со обилен пороен дожд за кратко време кој би можел да предизвика поројни поплави, силен ветер, силни и чести електрични празнења, како и појава на град кој би можел да биде и по крупен. Според НОТАС, и во Скопскиот регион е можно невреме. Препорачуваме голема внимателност во случај на појава на невреме и силни електрични празнења. Многу нестабилното време со чести врнежи, грмежи и временски непогоди во Македонија, но и во регионот ќе се заржи до самиот крај на овој и на почетокот на јуни месец....

Полициски извори за Телма потврдија дека денеска со истрага бил опфатен врховен судија поради сомнеж за барање мито и за поткуп. Според информациите на Телма, судијата бил фатен со 10.000 евра. Во моментот се во тек активности поврзани со судискиот имунитет. За имунитетот на судиите е задолжен Судскиот совет, а при истраги за судии, сите мерки кои се бараат од страна на надлежните органи за истражување треба да бидат одобрени од Судскиот Совет кој треба да биде известен за тоа. Според последните информации станува збор за судија со иницијали Н.Г. Од обвинителството за Телма кратко одговорија дека немаат информации. Истрагата за случајот ја спроведува МВР....

Претседателката Гордана Сиљановска Давкова денеска го прими амбасадорот на Република Австрија, Мартин Памер. На средбата се разговараше за севкупните билатерални односи, при што беше оценето дека двете држави негуваат пријателски и партнерски односи, преку нивен развој во повеќе сфери од заемен интерес и во таа насока претседателката Сиљановска Давкова ја истакна својата подготвеност за време на нејзиниот мандат да придонесе за нивно натамошно унапредување, како на политички, така и на економски план. Претседателката Сиљановска Давкова ја нагласи важноста на австриската поддршка за македонските аспирации за членство во Европската Унија. Таа посочи на очекувањето за непречено продолжување на евроинтегративниот пат, преку праведно евалуирање на пристапувањето, врз основа на Копенхашките критериуми. Претседателката Сиљановска Давкова ја истакна подготвеноста да придонесе во обезбедувањето на национален консензус за забрзување на реформската агенда во сите критични области посочени во извештаите на Европската Комисија. Aмбасадорот Памер упати честитки до претседателката Сиљановска Давкова по повод стапувањето на функцијата....

Според написите во повеќе медиуми и информации од ВМРО-ДПМНЕ веќе се познати имињата на министрите од редовите на партијата предводена од Христијан Мицкоски. Неофицијално, министерски места се резервирани за потпретседателите на партијта и тоа: Александар Николоски – министер за внатрешни работи, Владо Мисајловски – министер за транспорт и врски, Тимчо Муцунски министер за надворешни работи, Гордана Димитиревска Кочовска, министерка за финансии. Нов министер за одбрана можно е да биде Антонијо Милошоски (иако постои можност за рокада со Муцунски), додека ресорот правда би му припаднал на Панче Тошкоски. Како што 24инфо.мк и претходно пишуваше, Ѓоко Велковски, Стефан Андоновски и Цветан Трипуновски би останале на досегашните ресори, односно, труд и социјална политика, информатичко општество и администрација и земјоелство. Ако ветувањата на Мицкоски се исполнат и се воведат и нови министерства, тогаш Министерството за енергетика и рударство би го водела Сања Божиновска, додека министерството за спорт екс ракометниот голман Борко Ристовски. Според извори во ВРЕДИ, оваа коалиција би добила прв вицепремиер, министри за култура, образование, здравство и локална самоуправа, и по се изгледа и претседател на Собранието....

Аеродромските работници во Париз најавија штрајк и итно бараат нов план за вработување и преговори за плата, јавува „Гласот на Европа“. „Катар њуз“ пренесува дека синдикатите повикуваат на утрешен штрајк со цел да се реши недостигот од кадар, да се договори ревалоризација на платите и униформни бонуси за вработените кои ќе работат за време на Олимписките игри. Синдикатите CGT, CFDT, FO и Unsa укажуваат дека немаат соодветен персонал за да се справат со зголемениот сообраќај на патници и зголемените барања за квалитет на услугите. Тие бараат бонус за сите вработени во АДП кои ќе работат од 8 јули до 15 септември за време на Олимписките и Параолимписките игри. Штрајкот се совпаѓа со генералното собрание на АДП, кое ќе одлучува за необновување на мандатот на извршниот директор Аугустин де Романо. Синдикатите ги критикуваат акционерите, вклучително и француската држава, дека им даваат приоритет на дивидендите пред благосостојбата на вработените и иднината на АДП....

Јапонскиот производител на пијалоци Кирин холдинг лансира електрифицирана лажица за која научниците тврдат дека промовира поздрава исхрана преку подобрување на вкусови без додавање сол. Лансирањето на производот во понеделник е првата комерцијализација на технологијата што ја доби минатогодишната Нобелова награда за необична наука. Кирин ќе продаде само 200 електрични лажици онлајн за цена од околу 117 евра и ограничена количина во јапонска продавница во јуни, но на крајот се надева дека ќе продаде еден милион примероци ширум светот за пет години. Продажбата во странство ќе започне следната година. Пластичната и металната лажица е развиена во соработка со професорот од Универзитетот Меиџи, Хомеи Мијашита, кој претходно покажа како електричните стапчиња за јадење ги подобруваат вкусовите, во овој случај впечатокот на соленост. Кирин, компанија која се обидува да влезе во полето на здравјето од продажба на пијалоци, тврди дека оваа технологија е особено важна за Јапонија бидејќи таму возрасен човек во просек консумира 10 грама сол дневно, што е двојно повеќе од препорачаното од Светска здравствена организација. Прекумерното консумирање сол е поврзано со висок крвен притисок, мозочни удари и други болести. „Јапонија има кујна која ги фаворизира солените вкусови“, вели истражувачот на Кирин, Аи Сато. Јапонците како целина треба да го намалат внесот на сол, но може да биде тешко да ги напуштиме нашите навики во исхраната. Тоа нè наведе да ја развиеме оваа електрична лажица“, рече таа. Лажичката тежи околу 60 грама и работи на литиумска батерија што се полни....

Папата Франциск вчера ги коментираше претседателските избори во САД во ретко телевизиско интервју, нарекувајќи ги строгите антиимигрантски ставови „лудило“ и критикувајќи ги десничарските католички достоинственици за премногу конзервативни ставови. Зборувајќи повеќе од еден час на својот мајчин шпански, папата Франциск за „60 минути“ на Си-Би-Ес изјави дека е апсурдно што државата Тексас затворила католичка добротворна организација која нуди хуманитарна помош. „Тоа е лудост. Чисто лудило. Да се ​​затвори границата и да се остават таму е лудило. Мигрантот мора да биде прифатен“, рече Папата. „Потоа, видете како ќе се грижите за него. Можеби треба да го вратите назад. Не знам, но секој случај треба да се разгледува хумано“, вели Франциск. Рекорден број мигранти се обидуваат да влезат во Соединетите Држави, главно од Централна Америка и Венецуела, бегајќи од сиромаштијата, насилството и катастрофите влошени од климатските промени. Прашањето се наметна како главно политичко прашање за американските избори во ноември, а на тоа инсистираше главниот противник на претседателот Џо Бајден, поранешниот републикански претседател Доналд Трамп. „Глобализацијата на рамнодушноста“ кога станува збор за мигрантите, рече Франциск, „е многу грда болест“. 87-годишниот Франсис упати и критики од конзервативните американски бискупи кои се противат на неговите напори да преиспита одредени делови од науката и традицијата. „Конзервативец е некој кој се држи до нешто и не сака да види подалеку од тоа“, одговори тој на прашање за епископите, додавајќи дека тоа е „самоубиствен став“. Откако беше избран за папа во 2013 година, Франциск инсистираше на важноста Црквата да биде отворена за сите, вклучително и за членовите на ЛГБТ заедницата, но се соочи со силно противење од конзервативните католици. Особено силна реакција имаше кога минатата година ја отвори вратата за благослов на хомосексуалните парови, особено во африканските земји. Нарекувајќи ги хомосексуалците „човечки факт“, Фрањо во едно интервју рече: „Благослови го секој човек, зошто да не? Тоа е благослов за сите“....

Хеликоптерот со иранскиот претседател Ебрахим Раиси и министерот за надворешни работи Хосеин Амир Абдолахиан немал сигнален систем или не бил вклучен, соопшти денеска турскиот министер за транспорт Абдулкадир Уралоглу. Тој им рече на новинарите дека Иран спаѓа во областа на одговорност на Турција за итен одговор, поради што турските власти проверуваа дали има сигнал по извештаите за соборениот авион. „Но, за жал, (мислиме) дека најверојатно сигналниот систем бил исклучен или хеликоптерот го немал тој систем, бидејќи во спротивно сигналите би биле забележани“, рече Уралоглу. Хеликоптерот со претседателот Раиси и Абдолахиан се урна вчера во северозападниот дел на Иран, во областа Верзеган, а покрај двајцата загинаа уште шест лица,...

Сашо Мијалков в четврток излегува од затвор под услов до 25 април 2025 година да не стори кривично дело, одлучи Апелациониот суд во Скопје. Како што соопштија денеска од Апелациониот суд Скопје, ова решение е по жалбата на Мијалков на одлуката на Основен Кривичен суд Скопје, а го донеле на нејавна седница одржана на 14 мај годинава. – Апелациониот суд Скопје во интерес на јавноста и медиумите информира дека постапувајќи по кривичниот предмет КР-84/24, на нејавна седница на ден 14.05.2024 година, донесе решение со кое ја уважи жалбата на осудениот С.М. од С. и решението на Основниот кривичен суд Скопје го преиначи така што осудениот се отпушта на ден 23.05.2024 година од издржување на казната затвор, под услов до истекот на условниот отпуст -25.04.2025 година, да не стори ново кривично дело, стои во соопштението од Апелација. Жалбата на Мијалков е на решението на Основниот кривичен суд Скопје со кое Судот донесе одлука за условен отпуст на поранешниот шеф на УБК со која тој требаше да излезе од КПД Струга на 25 декември годинава, а условниот отпуст му се смета до 25 април 2025 година. Мијалков издржува казна во затворот во Струга, откако по признанието на вина беше осуден на три години затвор во предметот „Империја“....

Поранешниот спортски директор на Ница, Флоран Гизолфи, ќе стане нов спортски директор на Рома, изјави претседателот на францускиот фудбалски клуб Жан-Пјер Ривер, пренесуваат француските медиуми. -Гизолфи не напушта, се сели во Рома и ние сме среќни поради него. Поминавме неколку добри месеци заедно, тој е добар човек и тоа многу го цениме. Му посакуваме се најдобро. Тој побара да замине и ние прифативме – изјави Ривер. Француските медиуми пренесуваат дека Гизолфи со меѓусебен договор ќе го раскине договорот со Ница, што значи дека Рома нема да мора да плаќа отштета. Ница ја заврши сезоната во францускиот шампионат на петтото место на табелата со 55 бодови. Гизолфи на местото спортски директор на Рома ќе го замени Тиаго Пинто, кој поднесе оставка на почетокот на годината....

Маж во САД вчераутро украл полициско патролно возило во Лос Анџелес додека внатре била полицајка, а потоа удрил во неколку автомобили на раскрсница во центарот на градот, пишува НБЦ њуз. Околу 3 часот и 30 минути, напаѓачот скокнал во патролен теренец и почнал да вози. Полицаецајката во одреден момент била исфрлен од возилото, информираат од полицијата. Мажот потоа при кратка бркотница удрил во неколку автомобили и скутери, а потоа го оставил возилото и побегнал. Набргу потоа бил уапсен. За време на инцидентот повредени се најмалку три лица, меѓу кои и една полицајка, но никој од нив не е во животна опасност. Како дел од обезбедувањето, полицајката патролирала околу празни облакодери, познати како „Кули на графити“, кои биле нападнати од вандали....

Здравјето е важно, особено здравјето на мозокот. „Тоа е нешто за кое мораме да размислуваме во секоја фаза од животот. Навиките кои помагаат во одржувањето на здравјето на мозокот не само што го намалуваат ризикот од Алцхајмерова болест и други форми на деменција во староста, туку и ја зачувуваат независноста, гарантираат подобар квалитет на живот, промовираат општо добро и долговечност“, вели Dawn C. Carr, професор по социологија и ко-директор на Истражување за стареење на Универзитетот во Флорида. Еве неколку чекори кои експертите ги препорачуваат за да го заштитите вашиот мозок и да го одржувате што е можно подолго остар. Вежбајте го мозокот Игрите како загатки, крстозбори и пребарување зборови се како кревање тегови за мозокот. Зошто? Бидејќи тие помагаат во стимулирање на нервните врски и го одржуваат мозокот остар. Клучот е да научите нови работи и постојано да се предизвикувате себеси на нови начини, што може да се постигне преку активности како читање или свирење инструмент. Студија од 2022 година покажа дека крстозборите се особено ефикасни за подобрување на меморијата и спречување на намалување на мозокот кај луѓето со благо когнитивно оштетување. Следете ја медитеранската исхрана Како и остатокот од телото, на мозокот му се потребни хранливи материи за оптимално да функционира. Истражувањата покажуваат дека луѓето кои следат медитеранска исхрана, која се состои главно од риба, овошје, зеленчук, маслиново масло и цели зрна, имаат помали шанси да развијат Алцхајмерова болест. Не е лошо да се ограничи внесувањето на преработена храна, слатки и заситени масти бидејќи тие можат негативно да влијаат на здравјето на мозокот. Исто така, важно е да се намали или целосно да се елиминира консумацијата на алкохол, што е поврзано со предвремено стареење на мозокот. Движете се Истражувањата покажуваат дека физичката активност го намалува ризикот од деменција. Целете на најмалку 150 минути аеробни вежби со умерен интензитет неделно, заедно со тренинг за сила. Вежбањето го зголемува протокот на крв во мозокот, го стимулира растот на нови неврони и ја подобрува когнитивната функција. Контролирајте го вашиот крвен притисок Неконтролираното висок крвен притисок може да го оштети мозокот, намалувајќи го или блокирајќи го протокот на крв и ограничувајќи го неговото снабдување со кислород. Ако вашиот крвен притисок е висок, разговарајте со вашиот лекар за начини да го намалите. Останете хидрирани Водата сочинува 75 проценти од масата на мозокот, па логично е дека дехидрацијата може да го попречи неговото функционирање. Студија од 2023 година покажа дека дехидрацијата ја намалува когнитивната функција кај дебелите возрасни во период од две години. Според Националната академија за медицина (НАМ), дневната препорака е девет чаши или вкупно 2,2 литри вода дневно за жени и 13 чаши или вкупно 3 литри за мажи. Спијте добро Има причина зошто се чувствувате неорганизирано и исцрпено кога сте имале лош сон. Тоа е затоа што спиењето е клучно за здравјето на мозокот. Имено, спиењето навистина го храни мозокот и може значително да влијае на здравјето на мозокот. Целта се седум до девет часа квалитетен сон секоја вечер. Останете друштвени Едно големо истражување од 2023 година, со над 12.000 учесници, покажа дека осаменоста и изолацијата можат да го зголемат ризикот од деменција за повеќе од 40 проценти. Контролирајте го стресот Се подразбира дека стресот не е добар за мозокот, ниту за кој било друг дел од телото. Движењето, како што е брзо одење во природа, добар сон и вежбање вежби за релаксација како длабоко дишење и медитација се некои начини за намалување на нивото на стрес. Ослободете се од непријатните миризби од фрижидерот Иако редовно го чистиме, се случува нашиот фрижидер да не мириса многу пријатно. Дознајте како засекогаш да се ослободите од тој лош мирис. Сода бикарбона е незаменлива за ова, исто како и лавандата. Потребен ви е алуминиумски сад со капак кој има дупки во него. Приближно наполнете го садот со сода бикарбона. Втријте ја лавандата меѓу прстите за да се ослободи мирисот и ставете ја во сад над сода бикарбоната. Садот ставете го во фрижидер во агол каде што нема да ве вознемирува. Променете ги состојките на секои неколку месеци. За да не се случат вакви ситуации, редовно „чистете го“ фрижидерот и фрлајте ја старата храна или овошје и зеленчук и темелно измијте го со комбинација од вода и оцет. Освен што ги отстранува непријатните мириси, оцетот е одлично средство за дезинфекција....

Претседателката Гордана Сиљановска Давкова денеска го прими амбасадорот на Обединетото Кралство на Велика Британија и Северна Ирска, Метју Лосон. На средбата беа разменети мислења за севкупните билатерални односи меѓу двете држави, при што претседателката Сиљановска Давкова истакна дека нашата држава придава особено значење на развојот на пријателските односи и соработката со Обединетото Кралство, вклучувајќи го сојузништвото во НАТО алијансата. Претседателката Сиљановска Давкова посочи на нејзината подготвеност за натамошно унапредување на билатералната соработка со Обединетото Кралство во сите сфери од заемен интерес. Претседателката Сиљановска Давкова истакна дека како држава особено ја цениме британската поддршка во исполнувањето на стратешката цел – членство во Европската Унија, која продолжи и по Брегзит. Амбасадорот Лосон на претседателката Сиљановска Давкова и предаде честитка од Кралот Чарлс Трети по повод нејзиното стапување на функцијата, во која упатува најискрени честитки за нејзиниот избор. „Уверен сум дека ќе го вложите целиот Ваш капацитет за време на Вашиот мандат како Претседател за справување со големите предизвици на нашето време, почнувајќи од справувањето со климатските промени до продлабочувањето на евроатлантската интеграција на Северна Македонија. Многу сум задоволен што нашите две земји имаат воспоставено цврсти трговски и безбедносни односи. Оттука, се надевам дека за време на Вашиот мандат како Претседател односите, кои се веќе толку блиски, уште повеќе ќе се продлабочат”, се вели во честитката од Кралот Чарлс Трети....

Израелските власти ја осудија најавата на Меѓународниот кривичен суд (МКС) дека главниот обвинител побарал налози за апсење на премиерот и министерот за одбрана, нарекувајќи го „злосторство од историски размери“ и „скандалозен“ потег. Главниот обвинител на МКС, Карим Кан, побара од судиите на МКС да одобрат налози за апсење на тројца лидери на Хамас и двајца израелски лидери за воени злосторства и злосторства против човештвото извршени за време на седуммесечната војна во Газа, објави во понеделникот судот. Израелскиот министер за надворешни работи Израел Кац го нарече потегот на МКС „скандалозен“ и нагласи дека ниту една сила на земјата нема да го спречи Израел да ги врати заложниците и да го собори Хамас. Тој рече дека отворил „специјална воена соба“ за да се спротивстави на потегот на МКС. Министерот за воен кабинет на Израел, Бени Ганц рече дека ова е „злосторство од историски размери“. „Да се ​​повлече паралела меѓу лидерите на една демократска земја решена да се брани од одвратниот терор на водачите на крволочната терористичка организација (Хамас) е длабока перверзија на правдата и очигледен морален пад“, рече Ганц. Лидерот на израелската опозиција Јаир Лапид ја осуди најавата на МКС како „катастрофа“ и изрази надеж дека американскиот Конгрес ќе го осуди потегот на судот. Висок функционер на Хамас рече дека одлуката на судот да побара налог за апсење на тројцата водечки милитанти на Хамас „ги изедначува жртвата и сторителот“. Сами Абу Зухри рече дека МКС го поддржува Израел да продолжи со својата „војна за истребување“ во Газа. Главниот обвинител на МКС, Карим Кан, рече дека Нетанјаху и Галант се обвинети за „поттикнување истребување, поттикнување гладување како метод на војна, вклучително и блокирање на хуманитарна помош и намерно таргетирање на цивили во конфликтот“. Лидерите на Хамас, Јахја Синвар, Мохамед Деиф и Исмаил Ханије се обвинети за истребување, убиства, земање заложници, силување и сексуален напад....

Се уште актуелната министерка за одбрана,Славјанка Петровска, во изјава за „Фокус“ вели дека размислува да влезе во трка за нов претседател на СДСМ, откако Димитар Ковачевски најави внатрешни избори после изборниот неуспех. –Размислувам да се кандидирам за претседател на СДСМ, но конечната одлука ќе ја донесам откако ќе биде започната постапката –изјави Петровска за Фокус. Инаку, според информации од СДСМ, од утре треба да почнат состаноци на партиското раководство и на партиските органи, по кои треба да се закаже отчетниот Конгрес на партијата, а потоа и да се спроведат внатрепартиските избори....

Кога принцот Хари, со насмевка на лицето, ги нарече нигериските кралеви свои „законски роднини“, публиката се насмеа. „Ќе го прескокнам протоколот бидејќи сите веќе сме семејство“, додаде војводата од Сасекс за време на посетата на Нигерија, предизвикувајќи уште поголема смеа. Сепак, можеби тоа не беше толку безопасна шега. И покрај тоа што британското кралско семејство ги прекина врските со Хари и неговата сопруга Меган Маркл, во Лагос, богатите владетели, носејќи подароци и титули, практично се лицитираа за прифаќање на Меган во нивното кралско семејство. Местото каде што, како што опиша еден гостин, Меган беше „неформално крунисана“, беше раскошен ресторан на петтиот кат од најновиот бутик хотел во крајбрежниот мегаград. Во Нигерија, различните региони сè уште имаат свои монарси, само сега со церемонијални улоги, наместо со уставни овластувања, кои ги претставуваат етничките групи што постоеле пред колонизацијата. Кралското семејство во Нигерија отсекогаш било опкружено со тајни, интриги и контроверзии. Оба Аканби е само уште еден лик во овој комплексен мозаик и истиот е братучед на Меган Маркл. И покрај неговото минато, Оба Аканби стана познат по своето харизматично лидерство и стана 16-ти Олуво од Иволанд во ноември 2015 година. Неговото владеење беше обележано со различни контроверзии, но и со напори да ја подобри својата заедница и да ја промовира културата меѓу својот народ....

Хрватскиот фудбалски селектор, Златко Далиќ, го објави списокот со 26 играчи на кои ќе смета за престојното Европско првенство кое ќе се одржи во Германија од 14 јуни до 14 јули годинава. Покрај списокот со 26 фудбалери, Далиќ објави и дополнителен список со девет играчи кои ќе чекаат шанса доколку некој се повреди пред да бидат заклучени списоците за ЕП. Голмани: Доминик Ливаковиќ (Фенербахче), Ивица Ивушиќ (Пафос), Недељко Лабровиќ (Риека) Одбрана: Јосип Јурановиќ (Унион Берлин), Јосип Станишиќ (Баер Леверкузен), Мартин Ерлиќ (Сасуоло), Јосип Шутало (Ајакс), Домагој Вида (АЕК), Марин Понграчиќ (Лече), Јошко Гвардиол (Манчестер Сити), Борна Соса (Ајакс) Среден ред: Лука Модриќ (Реал Мадрид), Марсело Брозовиќ (Ал Наср), Матео Ковачиќ (Манчестер Сити), Ловро Мајер (Волфсбург), Марио Пашалиќ (Аталанта), Лука Иванушец (Феенорд), Мартин Батурина (Динамо), Лука Сушиќ (Салцбург), Никола Влашиќ (Торино) Напад: Анте Будимир (Осасуна), Андреј Крамариќ (Хофенхајм), Бруно Петковиќ (Динамо), Иван Перишиќ (Хајдук), Марко Пјаца (Риека), Марко Пашалиќ (Риека) На чекање: Борна Баришиќ (Ренџерс), Дује Чалета Цар (Лион), Кристијан Јакиќ (Аугсбург), Доминик Котарски (ПАОК), Тони Фрук (Риека), Марин Љубичиќ (ЛАСК), Игор Матановиќ (Карлсруе), Нико Кристиан Сигур (Хајдук), Петар Сушиќ (Динамо)...

– Британската Национална здравствена служба (НХС) денеска го објави извештајот по петгодишната истрага во кој се наведува дека лекарите, владата и НХС го прикривале скандалот со заразената крв и свесно ги изложиле жртвите на неприфатливи ризици. Во периодот од 1970 до 1991 година повеќе од 30. 000 луѓе биле заразени со хепатитис Це и ХИВ со откако примиле крвни продукти и трансфузии. Оттогаш починале околу 3. 000 луѓе. Се претпоставува дека се разболеле поголем број пациенти, но дел од нив не се регистрирани. Дел од инфицираната крв и крвни продукти биле увезени од САД, а им биле давани на пациенти на кои им требала трансфузија за време на операција или на лицата кои страдаат од хемофилија. Британската Влада веќе исплати 100. 000 фунти како привремена компензација на некои жртви, од вкупно 400 милиони фунти според препораките што следеа по истрагата во 2022 година....

Три лица, од кои две деца, се убиени во Тузла во Босна и Херцеговина, а човекот кој е веројатниот сторител на тоа злосторство потоа се самоубил, објавија во понеделник локалните медиуми. Полицијата интервенирала во неделата вечерта по пријава дека маж скокнал од балкон на станбена зграда во населбата Ступине во Тузла. На местото го пронашле безживотно тело на мажот и почнале истрага, а дури во понеделникот влегле во станот во кој било утврдено дека тој престојува и таму ја нашле мртвата сопруга и двете деца. Повикувајќи се на неофицијални извори, порталот tuzlanski.ba наведува дека се работи за сопругата и децата на мажот кој се фрлил од балконот. Полицијата под надзор на обвинител води истрага за утврдување на сите околности на оваа трагедија....

Министерството за труд и социјална политика соопштува дека согласно со Законот за празниците на РМ („Службен весник на РМ” бр.21/98 и 18/07), 24 мај 2024 година (петок), „Св. Кирил и Методиј”- Денот на сесловенските просветители е неработен ден за сите граѓани на Република Северна Македонија. Министерството за труд и социјална политика на сите граѓани во Република Северна Македонија им го честита празникот „Св.Кирил и Методиј”- Денот на сесловенските просветители....

Гејл Дин (72) од Сиднеј е баба на 10 внуци, но нејзиниот најголем подвиг е пет пати преживеан рак и отстранување на 11 органи, а таа се уште е жива. Лекарите велат дека тоа е вистинско „медицинско чудо“. -Многу лекари ми кажаа дека не познаваат никој кој имал пет различни многу сериозни карциноми и ги преживеал. „Благодарен сум што сум жива“, рече Гејл. Оваа баба на 38 години се сретнала со својата прва непријатна болест, ракот на дојката, кој го открила сосема случајно при превентивен преглед. – Денеска се бесплатни мамографите. Никогаш порано не сме слушнале за нив. Мислевме дека може да биде забавно – се присетува бабата на својата реакција кога ја здогледала таблата за превентивни прегледи, на кои таа и нејзината пријателка отишле сосема случајно и кога и била дијагностицирана првата страшна дијагноза. Самохрана мајка Докторот ја известил дека има малигнен тумор од четири сантиметри во левата града, поради што Гејл била шокирана. -Имав 38 години, се чувствував добро. Никогаш не сум имал поголем медицински проблем од каков било вид, но сепак тоа беше. Но, тоа е природата на ракот. Подмолно е – објасни таа и рече дека веднаш помислила на трите деца бидејќи е самохрана мајка. Нејзината главна мотивација биле децата и нејзината прва реакција била „како да се победи оваа злобна болест – пренесува News.com.au. Откриен уште еден рак По операцијата, г-ѓа Дин поминала низ шест месеци „многу тешка“ хемотерапија, поради што ја изгубила косата. Дури и по операцијата, помислата за друга дијагноза на рак сè уште остана во умот на г-ѓа Дин. Пет години подоцна, во 1996 година, за време на мамограм, лекарите и рекле дека има рак на другата дојка. Овојпат барем знаеше со што си има работа. – По првиот рак влегов во режим на борба. Отсекогаш сум го гледал ракот како непријател кој треба да се победи. Не го гледав како убиец или нешто од што треба да се плашам. „Ќе преболам“, објасни Гејл. Но, хемотерапијата од неколку години претходно го направи својот данок и ги „измеша нејзините системи“. Само три години по вториот рак дојде и третата дијагноза. Отстранување на матката Гејл отишла на гинеколог откако доживеала вагинално крварење за да се увери дека се е во ред. – Докторот седеше на креветот и имаше солзи во очите. Потоа ми кажа дека целата матка ми ја „изедена“ од рак – рекла Гејл и додала дека набрзо била оперирана за отстранување на матката. По третата операција, Гејл била во мир 16 години во кои навистина уживала, патувала и се заљубила во сегашниот сопруг. Меѓутоа, во 2015 година, за време на редовна колоноскопија, беше откриено дека има рак на карлицата со големина на тениско топче. Тој период по операцијата и бил најлошиот во животот. „Деветте најлоши недели“ ги поминала во кревет, немала мотивација да живее. Стана предмет на истражување за рак Третманот бил успешен, но со себе морала да носи торба за колостомија. Минатата година, кога отишла на рутински преглед поради блокада на дебелото црево со нејзината торба за колостомија, лекарите откриле рак на нејзиниот лев бубрег. – Тоа беше голем шок, но мојот специјалист рече дека тоа не е проблематично и дека ќе ми го извади бубрегот – објасни таа. Откако го преживеала ракот и и биле отстранети повеќе органи, вклучувајќи ги градите, 26 лимфни јазли, матката, јајцеводите, јајниците, жолчното кесе и левиот бубрег, 72-годишната се надева дека ракот нема да се врати. Во 2017 година, таа одлучи да се тестира за мутација на генот BRCA, која се врати позитивно и ги објасни нејзините први два рак на дојка. Таа сега им помага на другите откако се согласи да биде предмет на истражување за рак и ги повикува сите да направат скрининг за да имаат време да реагираат доколку им биде дијагностицирана оваа ужасна болест....

Основното јавно обвинителство Велес поведе постапка против лице од селото Раштани за кое постои сомнение дека сторило кривично дело – Загрозување на сигурноста според член 144 став 3 во врска со став 2 и став 1 од Кривичниот законик. Осомничениот, при вршење семејно насилство, ја загрозил сигурноста на неговиот татко, со сериозна закана дека ќе нападне по неговиот живот. На 18 мај, осомничениот влегол во кујната и побарал 3.000 денари од неговата мајка, кажувајќи и дека мора да ги најде парите. На тоа реагирал таткото кој му забележал дека е срамота постојано да бара пари од нив, по што осомничениот зел кујнски нож и му се заканил на таткото дека ќе го убие ако се меша. Со тоа кај оштетениот предизвикал чувство на несигурност, загрозување и страв. Имајќи предвид дека ваквото однесување на осомничениот се повторувало и претходно, меѓутоа родителите не пријавувале во полиција, јавниот обвинител одлучи до судијата на претходна постапка од Основниот суд во Велес да поднесе предлог за определување мерка притвор. Судот го прифати предлогот и на осомничениот му определи притвор во траење од 8 дена....

Високиот суд во Лондон денеска му одобри на основачот на Викиликс Џулијан Асанж право на жалба против екстрадицијата во САД. Асанж денеска не се појави на суд поради неговата здравствена состојба, но неговите адвокати рекоа дека тој не треба да биде екстрадиран во САД, кои го сомничат за масовно протекување на доверливи документи, што потенцијално би го загрозило неговото право на слобода на говор.Двајцата судии треба да одлучат дали се задоволни од гаранциите на САД дека Асанж (52) може да се потпре на Првиот амандман на американскиот Устав, кој ја гарантира слободата на говорот, додека му се суди за шпионажа, објави Ројтерс. Адвокатскиот тим на Асанж вели дека тој би можел да биде во авион за САД во рок од 24 часа по одлуката на судиите, но би можел да биде ослободен од затвор или повторно во затвор додека трае правната битка. Адвокатот на Асанж, Едвард Фицџералд, рече дека судиите не треба да ги прифатат гаранциите на американските обвинители дека Асанж може да се обиде да се повика на неговите права и заштита од Првиот амандман, бидејќи американскиот суд не е обврзан да го стори тоа. „Ние велиме дека ова е јасно несоодветна гаранција“, рече Фицџералд пред судот. На судењето сопругата на Асанж Стела се појави со неговиот брат и таткото, но Асанж не се појави поради здравствени причини, рече Фицџералд. Демонстрантите рано утринава се собраа пред судот во Лондон, држејќи транспаренти и извикувајќи „Слобода за Џулијан Асанж“. На еден транспарент упатен до американскиот претседател Џо Бајден пишува „Пушти го, Џо“.Викиликс објави стотици илјади доверливи американски воени документи за американските војни во Авганистан и Ирак, како и голем број дипломатски телеграми, поради што американското обвинителство го товари Асанж за кршење на Законот за шпионажа. Многубројните поддржувачи на Асанж ширум светот сметаат дека тужбата против него е напад врз новинарството и слободата на говорот и одмазда. Бројни групи за човекови права, како и политичари, меѓу кои и австралискиот премиер Ентони Албанес, побараа ослободување на Асанж....

Првиот заменик-претседател на Владата задолжен за европски прашања, Бојан Маричиќ, се сретна со амбасадорот на Франција, Сирил Бомгартнер, и со новата француска експертка за ЕУ-интеграции, Миа Матковиќ. „Евроинтеграцијата е основа за стабилен и социоекономски развој на државата. Почнатите процеси во преговорите со ЕУ треба да продолжат да ја исполнуваат стратешката цел за полноправно членство, имплементација на планот за раст на Европската комисија со големи придобивки за сите граѓани на државата, регионот и Европа“. На средбата присутните се согласија дека продолжува француската поддршка за Северна Македонија на патот кон ЕУ потврдувајќи ја посветеноста на Франција за ЕУ интеграција на земјите од Западен Балкан. Средбата имаше цел да ја претстави новата француска експертка за ЕУ-интеграции, која се приклучи на Секретаријатот за европски прашања во април....

Претседателот на ВМРО-ДПМНЕ Христијан Мицкоски заедно со потпретседателот Тимчо Муцунски, денеска оствари средба со амбасадорката на Сојузна Република Германија, Петра Дрекслер.На средбата претседателот Мицкоски ги презентираше заложбите кои ВМРО-ДПМНЕ како идна влада ќе ги има, а тоа се евроинтеграциите, забрзан економски развој и борбата против криминалот и корупцијата.Потребно е Македонија да се стави на брза трака кон ЕУ, но и засилено да се забрза економскиот развој и да се подобри животниот стандард на граѓаните.Борбата против криминалот и корупцијата се клучни, бидејќи владата на СДС и ДУИ ја деградираше државата по сите основи, а најмногу на тоа поле.ВМРО-ДПМНЕ ќе работи за сите граѓани на државата, а не како до сега СДС и ДУИ....

Малопродажната цена на бензинот ЕУРОСУПЕР БС-95 од полноќ се намалува за 1,50 денари, а на ЕУРОСУПЕР БС-98, ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) за 1,00 денар по литар, соопшти Регулаторната комисија за енергетика. Новата цена на ЕУРОСУПЕР БС 95 ќе биде 83,00 денари, ЕУРОСУПЕР БС – 98 ќе се продава за 85,50, ЕУРОДИЗЕЛ БС (Д-Е V) за 73,00, а Екстра лесното 1 (ЕЛ-1) за 72,50 денари за литар. За 0,306 денари поевтинува Мазутот М-1 НС и еден килограм ќе чини 42,629 денари....

Провалници упаднале во станот на италијанскиот вицепремиер и министер за транспорт Матео Салвини во неделата вечерта, соопшти денеска полицијата. Разбојниците не успеале да го отворат сефот во домот на Салвини во Рим, изјавиле извори за Анса. Се уште не се знае дали успеале да украдат други предмети....

Израел има намера да ја прошири воената операција во Рафа, изјави денеска министерот за одбрана Јоав Галант на советникот на американскиот претседател Џо Бајден, кој предупреди на поголема акција во градот на југот на Појасот Газа, што може да доведе до масовни цивилни жртви. Израел го опишува Рафа, град на границата на крајбрежната енклава со египетскиот Синај, како последно засолниште на исламистичкото движење Хамас, чиишто управување и борбени способности се обидува да ги оневозможи за време на повеќе од седуммесечната војна. По неколку недели јавно несогласување со Вашингтон во врска со планирањето на нападот на Рафа, на 6 мај, Израел им нареди на палестинските цивили да евакуираат делови од градот и израелските војници и тенкови ја започнаа операцијата. „Ние сме посветени на проширување на копнената операција во Рафа за да го завршиме отстранувањето на Хамас и враќањето на заложниците“, му рекол Галант на советникот за национална безбедност на Белата куќа Џејк Саливан, се вели во соопштението од неговата канцеларија. Израел верува дека Хамас држи десетици заложници во Рафа откако го нападна јужен Израел на 7 октомври. Западните сили и Египет изразија загриженост за судбината на стотици илјади раселени Палестинци кои се засолниле таму и покрај израелските гаранции за нивната безбедност. Во соопштението за печатот од канцеларијата на Галант се истакнува дека тој „на советникот Саливан му ги претставил мерките спроведени од Израел за евакуација на населението од областа Рафа и обезбедување соодветен хуманитарен одговор“....

Како што јавува Би-Би-Си, имамот Мохамад Али Ал-Хашем, кој бил во хеликоптерот со претседателот на Иран Раиси, ја преживеал несреќата и се обидел да повика помош. Според шефот на иранската агенција за управување со кризи, Мохамад Нами, Ал-Хашем преживеал цел час по несреќата. Тој дури се обидел да стапи во контакт со кабинетот на претседателот, додава Би-Би-Си. Нами, исто така, рече дека не е потребна ДНК анализа за да се идентификуваат патниците. Во хеликоптерската несреќа загинаа вкупно девет лица, вклучително и екипажот на летот....

Центарот за истражување и информирање за животната средина Еко-свест Скопје денеска испрати писмо со предлози за новата влада, кои како што велат, ќе придонесат кон видно подобрување на квалитетот на живот и благосостојба на луѓето и мора да станат главен приоритет за новата Влада. – Здравата и чиста животна средина, која е уставно загарантирано право на секој граѓанин на Македонија, зачувувањето на природата и подобрувањето на еколошките стандарди, како и амбициозните мерки за климатска акција кои ќе придонесат кон видно подобрување на квалитетот на живот и благосостојба на луѓето мора да станат главен приоритет за новата Влада, се вели во соопштението. Еко-свест, како што наведуваат, го дава својот приднес кон програмата на новата Влада и ги образложува мерките за секоја од компонентите за заштита и унапредување на животната средина. Како приоритети ги наведува важноста за преземање мерки и активности насочени кон декарбонизација и климатска акција, обезбедување на „паметна“ енергија за сите, расчистување на историските жешки точки, подобрување на квалитетот на воздух, обезбедување на соодветна заштита за природата и водите и реализација на проектите кои ќе овозможат развој на циркуларната економија во земјата. Според нив, граѓаните во последната деценија станаа видно загрижени за состојбите со животната средина бидејќи тие влијаат врз нивното здравје. Потребно е во новата Влада, како што нагласуваат, фокусот да се стави на заштитата на човекото здравје преку заштита и унапредување на животната средина, како и зголемување на стандардите кои ќе придонесат кон превенција на загадувањето на природата. – Секоја политика и одлука која влијае врз животната средина, е политика која влијае на нашето здравје. Носењето одлуки во интерес на заштитата на здравјето на граѓаните на Македонија треба да е врвен приоритет на новата Влада која ќе се формира по Парламентарните избори 2024 година, се вели во писмената изјава на Ана Чоловиќ Лешоска, извршна директорка на Еко-свест. Од Здружението Еко-свест додаваат дека со своите стручни познавања стекнати во текот на 22 години работа на полето на заштита на животната средина и климатска акција се отворени за дискусија и помош во имплементација на најдобрите политики и мерки во овие области....

– Противпожарната бригада на Град Скопје, денеска го одбележа Денот на македонските пожарникари, каде свои обраќања имаа градоначалничката на Град Скопје, Данела Арсовска, како и командантот на Противпожарната бригада на Град Скопје, Ѕвонко Томевски. Арсовска во своето обраќање посочи дека условите во кои работат пожарникарите не се на највисоко ниво и упати апел до новата Влада која што ќе биде формирана, да направи промена на условите со кои се исплаќаат пожарникарите, односно со нов пропис да ги отстрани бодовите кои ги ограничуваат средствата што можат да ги добиваат како надомест за нивната работа. – Нашите пожарникари треба да имаат промена во условите од кои што можат да бидат платени. Тие се лимитирани и средствата кои што ги добиваат како надомест за нивната работа се навистина ниски. Тоа го утврдува законот и за жал, ние како локална самоуправа не можеме да одиме над тоа кое што е утврдено со законските рамки. Затоа апелот е, лимитираните услови кои со нивните бодови ги ограничуваат, да бидат меѓу првите нешта кои што ќе бидат отстранети со нов пропис, рече Арсовска. Пожарникарите од скопската протипожарна бригада, вели Арсовска, поради бирократски процедури петнаесет години не може да им се овозможи добивање на нови униформи, затоа, побара од централната власт усогласување на критериумите за аплицирање на опрема со меѓународните стандарди. – Единствениот критериум за аплицирање на каков и да е тип на опрема што им е потребна, да бидат меѓународните стандарди. Петнаесет години поради бирократски процедури да не им се овозможи на овие луѓе, да може соодветно да бидат опремени и да работат, навистина сметам дека е нешто кое што не би смеело да се дозволи. Затоа уште еден апел до централната власт, иако две години говориме за ова, се надеваме дека ќе бидат меѓу првите прописи кои што ќе бидат поништени или кои што ќе бидат променети, рече Арсовска. Пожарникари од Противпожарната бригада на Град Скопје на одбележување на Денот на македонските пожарникари – 20 мај Командантот на Противпожарната бригада на Град Скопје, Томевски во своето обраќање укажа на предизвиците со кои се соочуваат пожарникарите и упати благодарност до нив за нивната работа во услови кои не се на највисоко ниво. – Бригадата за противпожарна заштита брои 180 пожарникари, за жал од предвидените 384 пожарникари кои секојдневно ги завршуваат своите работни задачи и одговараат на потребите на граѓаните на Град Скопје. Во периодот од минатогодишното одбележување на 20 мај до денес, Бригадата за протипожарна заштита бележи над 2000 интервенции кои беа успешно реализирани, благодарение на пожртвуваноста на вработените. Сакам да им се заблагодарам на моите колеги и колешки кои иако работат во услови на недоволна пополнетост, како и недоволна опременост, бележат успеси на своите работни задачи, истакна Томевски....

Денеска во основно училиште во централна Кина 45-годишна жена уби две лица со нож, а рани уште четворица, јави државната телевизија ЦЦТВ, повикувајќи се на информации од локалната полиција. Нападот се случил околу пладне во градот Гуикси, во провинцијата Џиангси. И покрај интервенцијата на итната помош, две лица починаа, а четири се повредени, но нивните животи не се во животна опасност. Шест од нив поминале со „ситни гребаници“. ЦЦТВ не ја објави возраста на жртвите. Полицијата ја уапсила 45-годишната осомничена и против неа отворила истрага, јавува истиот извор. Во Кина, земја која им забрани на своите граѓани да поседуваат огнено оружје, масовните злосторства се ретки, но во последните години имаше голем број напади со нож. На почетокот на мај две лица загинаа, а 21 беа повредени во напад со нож во болница во провинцијата Јунан на југозападот на земјата. Во август 2023 година, во истата провинција, две лица беа убиени, а седум беа ранети во напад со нож извршен од човек претходно познат како лице со ментално растројство....

Во аулата на Ректоратот на УКИМ, денеска беа доделени награди на најдобро дипломирани студенти за учебната 2022/2023 година, а во рамки на свеченостите по повод патрониот ден и одбележување 75 години од постоење на Универзитетот. На редовни студенти од завршниот семестар во прв циклус студии кои покажале особени резултати во студиите, им беше врачена наградата „26 јули“ од Фондацијата „Франк Манинг“ од Велика Британија. Наградите ги врачи ректорката на УКИМ, професор доктор Биљана Ангелова, а од Александар Стамболиев беше доделена наградата од Фондацијата „Стамболиев“. Најдобриот студент на Медицинскиот факултет, Леонид Рене Томас Караџинов во изјава за МИА рече дека планот му е да остане во нашата држава. – Одлуката ја темелам врз тоа што генерално целото семејство и поддршка ми се тука, не гледам причина да одам во странство. Во моментов цврсто сум убеден дека тука ќе ги барам моите почетоци за кариерата. Понатаму, ништо не е исклучено за во иднина. Но, се надевам дека тука ќе останам и понатаму за да придонесувам во здравството и во развој на целата здравствена грижа, изјави тој за МИА. Една од наградените, Ана Софеска пред присутните рече дека времето што го поминале овде ги опремило со знаење, вештини и со самодоверба за да дадат значаен придонес во нашата татковина. – Им честитам на моите колеги и знам дека иднината ќе биде светла, затоа што секој од нас ќе продолжи силно да блеска во своите полиња, кажа Софеска, која се обрати во име на сите добитници. Награда за најдобро дипломиран студент добија Ангела Мешкова, Матеа Ташковска, Дејан Радуловски, Деспина Буцевска, Руфија Идризовска, Ана Софеска, Леонид Рене Томас Караџинов, Благоја Атанасоски, Виктор Мегленовски, Кристина Стоилковска, Габриела Козарова, Теодора Мазнева, Виктор Игнов, Марко Милчевски, Ања Митиќ, Марија Митевска, Ања Филипова, Теа Костадинова, Акса Зулбеари, Егзона Муртезани, Мергим Фера, Јана Панчевска, Ева Зовиќ, Иван Станишковски и Дамјан Наумовски. Добитници на наградата „26 јули“ се Давид Стојаноски, Дејан Радуловски, Ана Софеска, Габриела Козарова, Кристина Стоилковска, Ања Филипова и Ева Зовиќ. Наградата од Фондацијата „Стамболиев“ му припадна на Виктор Игнов. Покрај наградените и членови на нивните семејства, на свеченоста присуствуваа и проректорите на Универзитетот, генералниот секретар, претседателот на Универзитетскиот сенат, деканите на факултетите. На настанот беше кажано дека Универзитетот „Свети Кирил и Методиј“ во Скопје и понатаму ќе биде отворен за сите идни достигнувања на студентите. бд/aa/Фото: МИА . Извор: МИА Во аулата на Ректоратот на УКИМ, денеска беа доделени награди на најдобро дипломирани студенти за учебната 2022/2023 година, а во рамки на свеченостите по повод патрониот ден и одбележување 75 години од постоење на Универзитетот. На редовни студенти од завршниот семестар во прв циклус студии кои покажале особени резултати во студиите, им беше врачена наградата „26 јули“ од Фондацијата „Франк Манинг“ од Велика Британија. Наградите ги врачи ректорката на УКИМ, професор доктор Биљана Ангелова, а од Александар Стамболиев беше доделена наградата од Фондацијата „Стамболиев“. Најдобриот студент на Медицинскиот факултет, Леонид Рене Томас Караџинов во изјава за МИА рече дека планот му е да остане во нашата држава. – Одлуката ја темелам врз тоа што генерално целото семејство и поддршка ми се тука, не гледам причина да одам во странство. Во моментов цврсто сум убеден дека тука ќе ги барам моите почетоци за кариерата. Понатаму, ништо не е исклучено за во иднина. Но, се надевам дека тука ќе останам и понатаму за да придонесувам во здравството и во развој на целата здравствена грижа, изјави тој за МИА. Една од наградените, Ана Софеска пред присутните рече дека времето што го поминале овде ги опремило со знаење, вештини и со самодоверба за да дадат значаен придонес во нашата татковина. – Им честитам на моите колеги и знам дека иднината ќе биде светла, затоа што секој од нас ќе продолжи силно да блеска во своите полиња, кажа Софеска, која се обрати во име на сите добитници. Награда за најдобро дипломиран студент добија Ангела Мешкова, Матеа Ташковска, Дејан Радуловски, Деспина Буцевска, Руфија Идризовска, Ана Софеска, Леонид Рене Томас Караџинов, Благоја Атанасоски, Виктор Мегленовски, Кристина Стоилковска, Габриела Козарова, Теодора Мазнева, Виктор Игнов, Марко Милчевски, Ања Митиќ, Марија Митевска, Ања Филипова, Теа Костадинова, Акса Зулбеари, Егзона Муртезани, Мергим Фера, Јана Панчевска, Ева Зовиќ, Иван Станишковски и Дамјан Наумовски. Добитници на наградата „26 јули“ се Давид Стојаноски, Дејан Радуловски, Ана Софеска, Габриела Козарова, Кристина Стоилковска, Ања Филипова и Ева Зовиќ. Наградата од Фондацијата „Стамболиев“ му припадна на Виктор Игнов. Покрај наградените и членови на нивните семејства, на свеченоста присуствуваа и проректорите на Универзитетот, генералниот секретар, претседателот на Универзитетскиот сенат, деканите на факултетите. На настанот беше кажано дека Универзитетот „Свети Кирил и Методиј“ во Скопје и понатаму ќе биде отворен за сите идни достигнувања на студентите....

Меѓународниот кривичен суд побара налози за апсење на водачот на Хамас Јахја Синвар и израелскиот премиер Бенјамин Нетанјаху под обвинение за воени злосторства и злосторства против човештвото поради нападот врз Израел на 7 октомври и последователната војна во Газа, изјави главниот обвинител на судот Карим Кан во ексклузивно интервју со Кристијан Аманпур од Си-ен-ен. Кан рече дека Меѓународниот кривичен суд бара и налози за израелскиот министер за одбрана Јоав Галант, како и за двајца други врвни водачи на Хамас – Мохамед Диаб Ибрахим ал-Масри, шеф на бригадите Ал Касем и познат како Мохамед Деиф и Исмаил Ханије, политичкиот лидер на Хамас. Ова е првпат овој суд да издаде налог за апсење на близок сојузник на САД. Одлуката го става Нетанјаху во друштво на рускиот претседател Владимир Путин, кој има налог за апсење издаден од МКС поради војната на Русија против Украина....

Полицијата приведе триесет и петгодишен кавадарчанец кој му се заканувал на градоначалникот Митко Јанчев, оваа информација денеска ја потврдија од МВР за МИА. – Синоќа во 23.35 часот во Кавадарци, полициски службеници од Полициската станица Кавадарци го лишиле од слобода П.Н.(35) од Кавадарци. Лицето агресивно се однесувал кон М.Ј.(43) од Кавадарци и му упатил закани. Тој е задржан во полициска станица и по целосно документирање на случајот против него ќе биде поднесена соодветна пријава, е официјалната информација од СВР Велес. Заканите биле упатени во угостителски објект....

Владата на Република Северна Македонија ја информира јавноста дека НЕМА испратено СМС и други пораки во кои нуди надомест. Во конкретниот случај кој се појави во изминатите часови (прикажан на сликите подолу), станува збор за смишинг и фишинг измама која е пријавена и по која соодветните служби веќе постапуваат. Доколку граѓаните добијат или веќе добиле порака со ваква или слична содржина во која се посочува Владата како испраќач, истата треба да ја сметаат за лажна и да не кликаат ниту на дадените линкови, ниту да одговараат на пораките кои ги добиле. Апелираме до граѓаните да не наседнуваат на лажни пораки од странски телефонски броеви и мејлови и да не ги даваат личните податоци. Граѓаните треба да бидат внимателни и одговорни околу своите лични податоци, односно да не ги споделуваат и разменуваат со непознати лица, како и со лица на кои не може однапред да им се утврди идентитетот....

Здравствената состојба на словачкиот премиер Роберт Фицо е стабилна по минатонеделниот обид за атентат. Премиерот закрепнува, објави во понеделникот на социјалните мрежи болницата Рузвелт во Банска Бистрица, додавајќи дека Фицо комуницира. „Неговите воспалителни маркери полека се намалуваат. Господинот премиер се уште е под наша грижа“, напишаа од болницата....

Министерството за труд и социјална политика соопштува дека согласно со Законот за празниците на РМ („Службен весник на РМ” бр.21/98 и 18/07), 23 мај 2024 година (четврток), Националниот ден на Власите, е неработен ден за граѓаните припадници на влашката заедница во Република Северна Македонија. Министерството за труд и социјална политика на граѓаните припадници на влашката заедница во Република Северна Македонија им го честита Националниот ден на Власите....

Израел објави дека не е вмешан во смртта на иранскиот претседател Ебрахим Раиси во хеликоптерска несреќа во која загинаа и неколку членови на неговата придружба. Иранскиот претседател Ебрахим Раиси и министерот за надворешни работи Хосеин Амир Абдолахиан загинаа кога нивниот хеликоптер се урнал додека минувале планински терен во густа магла, потврди иранскиот потпретседател. Иранската влада свика итен состанок за денеска по смртта на иранскиот претседател Ебрахим Раиси и министерот за надворешни работи на земјата Хосеин Амир Абдолахиан во хеликоптерска несреќа, јави иранската државна новинска агенција ИРНА. Иранската новинска агенција Тасним јавува дека погребот на претседателот Ебрахим Раиси ќе се одржи утре во Табриз – градот во кој отпатува во неделата. Агенцијата наведува дека ќе бидат одржани погреби и за другите осум лица кои загинаа во несреќата, мислејќи на официјални лица во иранската провинција Источен Азербејџан. Телата најпрво ќе бидат однесени во форензичкиот оддел во Табриз. Врховниот водач на Иран, ајатолахот Али Хамнеи, исто така, издаде официјална изјава во која прогласи петдневна јавна жалост за претседателот Раиси....

Ѕвездата на култната серија Сексот и градот и нејзиниот спин-оф And Just Like That, на актерката Синтија Никсон не и пречат негативните коментари што гледачите ги даваат за спин-офот на социјалните мрежи. „Луѓето отсекогаш биле страстни за Сексот и градот, а сега и за And Just Like That“, изјави таа за Page Six на доделувањето на 90th Annual Drama League Awards во петокот. Таа додаде дека серијата била многу критикувана кога за прв пат била емитувана во 1998 година. „Се чувствувам дека „Сексот и градот“ се толку вкоренети во меморијата и сентименталноста сега, но луѓето на почетокот не мразеа. Тие велеа: Ова не се вистински жени, овие геј мажи се преправаат. Жените не зборуваат вака. Жените не зборуваат за секс вака. Мислам дека тоа е нешто добро и за And Just Like That. Фактот дека ги поместуваме границите. Нема да ги правиме старите работи кои некогаш беа шокантни, а сега сте навикнати на нив“, рече таа....

На седум избирачки места, во петтата и шестата изборна единица, в среда ќе има прегласување за парламентарните избори. Државната изборна комисија (ДИК) одлуката за прегласување ја донесе откако Управниот суд ги одби како неосновани сите седум тужби поднесени од коалицијата „Европски фронт“ поднесени против решенијата на ДИК поврзани со изборите одржани на 8 мај. Вечер на полноќ почнува изборниот молк. По направената симулација на Државната изборна комисија, ќе се прегласува на по две избирачки места во општините Крушево и Долнени, и на по едно во Охрид, Струга и во општина Желино. Притоа, ќе важат истите листи за болни и немоќни лица, ќе нема можност да се пријавуваат нови. Според ДИК, има можност за измени и предлози за овластени претставници на кандидати. Тоа важи и за членовите на избирачките одбори кои се предложени од политичките партии. Можно е да дојде и до промена во распределбата на два мандати за пратеници. Според пресметките на партиите, со прегласувањето најмногу може да загуби ДУИ, двајца пратеници – по еден во петката и шестката. Во шестата изборна единица, Европскиот фронт освои 9 мандати наспроти 7 на коалицијата ВЛЕН. Доколку разликата на ова избирачко место се зголеми за дополнителни 80 гласа, тогаш резултатот ќе биде 8:8. Во ИЕ5, поништено е гласањето во 6 избирачки места. Таму ВМРО-ДПМНЕ доби 10 пратеници, Европски фронт 4 и СДСМ тројца, но по прегласувањето може да се случи СДСМ да освои еден повеќе, а има и опција коалицијата Твоја Македонија, предводена од ВМРО ДПМНЕ да добие еден или двајца пратеници, во зависност од пресметката со Донтовиот модел. Во меѓувреме, ВМРО-ДПМНЕ и ВЛЕН се блиску до конечното распределување на ресорите, иако се држат во тајност разговорите откако ги утврдија принципите на делување на новата Влада. Со прегласувањето в среда, лидерот на ВМРО-ДПМНЕ, Христијан Мицкоски, се надева на уште еден пратеник во петката и како што вели ќе бидат обезбедени 62 пратеници во Собранието. Следната цел како што рече е две третини во Парламентот. Еден од лидерите на ВЛЕН, Арбен Таравари оптимистички гледа на формирањето влада со став дека нив би требало да им припаднат шест министерски места, како и претседателското место во Собранието....

Авион на „Ер Индија“ со 179 патници и членови на екипажот бил принуден итно да слета откако избил пожар во еден од моторите на авионот. Како што објави „Дејлимејл“, се работи за лет од Бангалор до Кочи, а инцидентот се случил минатиот викенд. Набрзо по полетувањето избил пожар на еден од моторите на авионот. Никој не бил повреден при овој инцидент. За проблемот била известена контролата на летање, била издадена тревога и пожарот бил изгаснат 20-тина минути по неговото избувнување. На социјалните мрежи е објавен клип снимен од еден од патниците во авионот, кој седел на десната страна. Во позадина се слушаат гласовите на преплашените патници. Air India Express plane engine catches fire, forcing emergency landing at Bangalore airport https://t.co/euO2LZmftt— FOX Business (@FoxBusiness) May 20, 2024 „Ве молам, останете на вашите места. Сè е под контрола“, се слушаше преку системот за јавно обраќање откако некои од преплашените патници се обидоа да го напуштат запалениот авион. Набрзо бил активиран и воден топ, кој брзо го изгаснал пожарот. „Сите бевме исплашени. Плачевме. Персоналот беше професионален, ни помогна и бевме безбедни за една минута. Многу сме им благодарни”, рекол еден неименуван патник. Во соопштението на „Ер Индија“ се наведува дека пожарот го зафатил десниот мотор на авионот, поради што е извршено итно слетување, при што соодветните служби за итни случаи го изгаснале пожарот и ги евакуирале патниците: Жалиме за предизвиканите непријатности и работиме на алтернативни аранжмани за нашите клиенти што поскоро да стигнат до својата дестинација“, се вели во соопштението....

На 19.05.2024 во 22.00 часот во Прилеп, полициски службеници од ОВР Прилеп ги лишиле од слобода Б.С.(27) и Д.Д.(22), двајцата од Прилеп. Тие биле затекнати при извршување на „тешка кражба” од плац на правно лице од Прилеп. Притоа, тие физички нападнале полициски службеник кој не бил на работа, а го пријавил настанот.Тие биле задржани во полициска станица и по целосно документирање на случајот против нив ќе следува соодветна пријава....

Руска нафтена рафинерија во Славјанск, во Краснодарската област, беше оштетена по напад со беспилотно летало кон крајот на минатата недела, објави денеска државната новинска агенција Тасс, цитирајќи претставник на компанијата за безбедност. Шест беспилотни летала погодија област на нафтена рафинерија во Славјанск во јужниот дел на Русија Краснодар во раните утрински часови, според локалните власти. Новинската агенција Интерфакс објави дека рафинеријата престанала да работи по нападот. „Причинета е штета. Ќе се утврдат нејзината големина и опсег“, ја цитира Тасс изјавата на безбедносниот претставник Едуард Труднев во понеделникот. Рафинеријата во Славјанск е приватна постројка со капацитет од околу 100.000 барели дневно. Произведува гориво за домашни потреби и за извоз....

Министерството за трговија на Кина денеска објави дека на некои американски компании ќе им забрани увоз и извоз на активности поврзани со Кина, вклучително и продажба на оружје на Тајван, и ќе им забрани да прават нови инвестиции во Кина. Министерството го стави General Atomics Aeronautical Systems на својата листа на недоверливи ентитети бидејќи компанијата продавала оружје на Тајван, се вели во соопштението. Вклучена е и General Dynamics Land Systems. Според државните медиуми, Boeing Defense, Space & Security е исто така на црната листа. На директорите на сите три компании им е забранет влез во Кина, додека нивните работни дозволи ќе бидат укинати, како и статусот на посетител и престој, а сродните барања што ги поднесуваат нема да бидат одобрени, се вели во соопштението за печатот на министерството, како што информираат од новинската агенција Ксинхуа. Кина, исто така, започна антидампинг истрага против одредени производители на хемикалии од Европската унија, САД, Јапонија и Тајван, објави во неделата Министерството за трговија. Предметните хемикалии се „кополимеризиран параформалдехид“, кој може „делумно да го замени бакарот, цинкот, калајот, олово и други метални материјали“ и се користат во автомобилски делови, електрични апарати и индустриски машини. Експертите ги гледаат мерките на кинеската влада како реакција на последните случувања во трговскиот спор со Западот. Меѓу другото, минатата недела американскиот претседател Џо Бајден воведе специјални царини од 100 отсто за увоз на електрични автомобили од Кина....

Логистичката база е клучен елемент во справувањето со предизвиците како еден од главните столбови на Армијата на Република Северна Македонија, истакна заменик-министерот за одбрана Тирон Јајага честитајќи го 20 Мај – денот на Единицата на воената свеченост во касарната „Илинден“ во Скопје. На свеченоста на највисоката единица од доменот на логистиката во Армијата на кој присуствуваа началникот на Генералштабот, генерал-потполковник Васко Ѓурчиновски, армиски генерали, претставници од Министерството за одбрана и Генералштабот, команданти на команди и единици на Армијата и други гости, Јајага го потенцира придонесот на Логистичката база како важен сегмент во Армијата. -Логистичката база и нејзиниот персонал активно придонесува во секоја активност на припадниците на Армијата во и вон границите на нашата држава, било тоа да е вежбовна активност или пак континуирано обезбедување на логистичка поддршка на составите кои се упатуваат во мировни мисии и во обезбедување на јужната граница, но и логистичка поддршка на сите вежбовни активности и транзит на силите на НАТО и партнерските наши земји. Придонесот кој го дава оваа база е круцијален во насока на успешно справување со предизвиците, а ние граѓаните тоа многу добро го знаеме. Секогаш кога е потребно припадниците на нашата Армија се први во поддршка на населението и на останатите институции во земјата, било тоа да се кризни состојби или состојби настаните од природни непогоди или креаирани од човекот. За жал би констатирал дека светот денеска живее во време кога овие вториве се се повеќе актуелни, каде голем број човечки животи се загрозени и каде за жал има голем број жртви директно од борбени дејствија, рече Јајага. Во изминатите години вие припадниците на Логистичката база ја покажавте вашата професионалност и подготвеност со пружање на логистичка пооддршка на единиците на Армијата. -Од ова место да ви порачам да продолжите со вашиот професионализам затоа што успехот на вашата единица поддразбира успех на нашата цела Армија, а ние ќе продолжиме да придонесуваме во обебзеудваме на сите потребни ресурси за ваше беспрекорно функционирање, порача заменик-министерот за одбрана Јајага честитајќи го денот на Единицата. Честитки по повод Денот на Единицата упатија и началникот на Генералштабот, генерал-потполковник Васко Ѓурчиновски, како и командантот на Логистичка база полковник Мухарем Мухареми. За Денот на единицата, согласно програмата,по пригодните обраќања беа доделени стимулативни мерки за припадници на единицата. Логистичката база го прославува 20 мај, во спомен на денот кога во 1876 година почнало Разловечкото востание и првите логистички подготовки за неговото отпочнување....