За десетина дена би можел да се знае составот на новата влада
Скопје Инфо - ново
До крајот на идната недела се очекува да се постигне договор околу идната влада, во која би партиципирале ВМРО-ДПМНЕ и партиите од нивната коалиција и коалицијата Вреди. Според првиот човек на Алијансата за Албанците и гостиварски градоначалник Арбен Таравари меѓу нивните работни групи владее позитивна атмосфера. Во понеделник тој очекува тие да излезат во јавноста со заедничка програма, а до петок да имаат завршен договор за нова влада. Првата средба на работните групи на ВМРО-ДПМНЕ и коалицијата Вреди се одржа во четвртокот во седиштето на ВМРО-ДПМНЕ, но нема информации дали тие вчера повторно се сретнале. Во јавноста веќе се лиферуваат неофицијални информации за поделба на министерските ресори, за имињата на новите министри, како и за тоа дека конститутивната седница на Парламентот би можела да се одржи на 27 мај. Во меѓувреме Управниот суд вчера одлучуваше по седумте тужби од Европскиот фронт за решенијата на Државната изборна комисија за прегласување во седум избирачки места. До синоќа до 22 часот Судот одби три од седумте тужби. Доколку има прегласување, тоа би се одржало во среда на 22 мај. Претседателот на ДИК Александар Даштевски и членовите на ДИК Радица Ристеска, Оливер Ристовски, Борис Кондарко, Бобан Стојаноски и Абдуш Демири вчера преку соопштение изразија загриженост за, како што велат, настаните кои во јавноста се продуцирани од изјави на политички партии и носители на високи владини функции, кои се однесуваат на работата на ДИК за постапувањето по приговорите за парламентарните избори. – Ве известуваме дека покрај тоа што сме лично понижувани и навредувани, исто така како членови во највисоката институција за организирање и спроведување на изборите, сме изложени и на неосновани и непримерени јавни политички притисоци и на закани за кривична одговорност поради донесените одлуки на ДИК, се вели во реакцијата. Следејќи го контекстот и интензитетот на нападите, прозивките и навредите, како што наведуваат, исто така сме загрижени и дека е можно да преминат и во лични напади на нашата сигурност. – Ве известуваме дека ДИК во целост професионално, транспаретно и само врз основа на закон ги спроведе изборите што е потврдено од сите домашни и меѓународни фактори. Исто така и покрај сите непријатности кои ги имаме, сепак со највисок степен на интегритет врз основа на јавна проверка на изборниот материјал ДИК ги утврди фактите и одлучуваше по приговори поднесени од различни учесници за 110 избирачки места, од кои врз основа на образложени докази усвои приговори за само 7 избирачки места за кои имаше правен основ, додека сите останати 103 избирачки места, беа одбиени како неосновани и за нив немаше поднесено тужби ниту еден учесник на изборите, стои во реакцијата. Според тоа за ДИК, како што се наведува, се неприфатливи и недопуштени нападите, притисоците и мешањето на одредени политички партии и на поединци од техничката Влада во изборните процедури, како и во работата и одлучувањето на ДИК и на Управниот суд. Посочуваат дека за сето ова на средбата во ДИК била известена и амбасадорката на набљудувачката мисија на ОБСЕ-ОДИХР Џилијан Стирк. Во соопштението до медиумите од ДИК не беше потпишана потпретседателката Дитмире Шеху, која доаѓа од ДУИ. Премиерот на техничката Влада Талат Џафери завчера на прес-конференција соопшти дека имало договор за надгласување во ДИК за прифаќање на одредени приговори за изборните резултати и прегласување и оти на ваков начин се прави обид за изборен инженеринг за менување на бројките во Собранието и изигрување на волјата на граѓаните. Изборниот процес кој беше оценет како кредибилен и демократски, сега е во рацете на Управниот суд, рече Џафери и повика сите институции да постапуваат согласно закон без партиски директиви од која било страна. Претходно работата на ДИК ја критикуваше и Бујар Османи, портпарол на ДУИ и министер за надворешни работи. Лидерот на Алијансата за Албанците Зијадин Села синоќа изјави дека со приговорите до ДИК се прави изборен инженеринг од ВМРО-ДПМНЕ, СДСМ и Вреди за да се намали бројот на пратеници на коалицијата Европски фронт предводена од ДУИ, во која учествува и крилото на партијата АА што тој ја предводи. Според него, треба да се почитува „демографската реалност во Македонија“ и право да состави Влада има мандатарот и победникот на изборите. Народот на 8 мај, како што рече, гласаше за „Европскиот фронт“ да преземе одговорности и да биде на власт, а „за друг гласаше кој да биде во опозиција“. Арбен Таравари од другото крило на Алијансата на Албанците, пак, во вчерашната изјава од Гостивар упати и порака до претседателот на Управниот суд посочувајќи дека вршел притисок врз судиите при одлучувањето во предметите поврзани со изборните нерегуларности. -Јас би му испратил порака на претседателот на судот да размисли дека не е убаво да се врши притисок врз судиите. Времето кога можеа да вршат притисоци веќе помина и ќе има нова влада којашто нема да дозволува вакви притисоци врз одлуките, рече Таравари и појасни дека судот треба да донесе правична одлука. На ова одговори најнапред коалицијата Европски фронт предводена од ДУИ нарекувајќи ја изјавата на Тараваи скандалозна и заканувачка, а потоа и претседателот на Управниот суд Бурим Сејдини. -Европскиот фронт ги регистрираше овие закани и ја извести целата меѓународна заедница и сите локални и меѓународни институции за јавни изјавите со закани како и обидот за изборен инженеринг со надворешно-институционални меѓупартиски договори за гласање и надгласување во Државната изборна комисија како и со партиски притисоци до Управниот суд, посочија тие во соопштението. Претседателот на Управниот суд Сејдини демантираше дека вршел притисок врз судиите во судечките совет кои одлучуваат за тужбите на Коалицијата „Европски фронт“ против решенијата на Државната изборна комисија за парламентарните избори. Тој оцени дека тврдењата на Арбен Таравари од коалицијата „Вреди“ се невистинити, инсинуации и клевети. -Денешното мое појавување во јавноста е во врска со јавните изјави на господинот (Арбен) Таравари дека има сознанија односно информации дека јас како претседател на Судот вршам притисок над судиите кои што ги ценам како комплетни невистини, како инсинуации и клевети врз мојата работа како претседател на Управниот суд, рече Сејдини на прес-конференцијата во Судот. Се огласи и Здружението на судии на РСМ кое изрази загриженост за изјавите на поединци со кои, како што се наведува во соопштението, директно или индиректно се врши притисок врз судиите и судиското постапување и одлучување. Во соопштението се оценува дека обвинувањата кон претседателот на Управниот суд се неосновани и даваат целосна поддршка на колегите од овој суд....
Велешанец тешко повреден на работното место во скопско Ѓорче
Скопје Инфо - пред 38 минути
44-годишник од Велес се повредеил на работното место. - На 16.05.2024 во 13.04 часот во СВР Скопје, од Комплекс клиники „Мајка Тереза“ Скопје било пријавено дека кај нив со тешка телесна повреда бил донесен З.Ѓ.(44) од Велес. Според пријавеното, тој се здобил со повредата при извршување работни задачи во приватна фирма на подрачјето на Ѓорче Петров, информираа од полицијата. Полициски службеници од СВР Скопје излегле на местото, а за настанот бил запознаен и трудов инспектор....
Ја излажале дека внука ѝ прегазила дете - Измамена 76-годишна прилепчанка
Скопје Инфо - пред 1 час
Завчера во 12.30 часот во ОВР Прилеп, 76-годишна жена од Прилеп пријавила дека била измамена од едно машко лице за сума од 380.000 денари. Според пријавеното, на 15.05.2024 лицето телефонски ѝ се јавило и, претставувајќи се како полициски инспектор, ѝ кажало дека нејзината внука во сообраќајна несреќа во Охрид удрила дете-мигрант. Како што е пријавено, тој, исто така, откако ѝ кажал дека родителите на детето барале пари, а доколку не им даде нејзината внука ќе одела во затвор 10 години, таа се согласила и следната вечер во нејзиниот дом дошло женско лице на кое му ги дала парите. Се преземаат мерки за расчистување на случајот....
Се обележуваат пешачките премини пред училиштата и градинките во Карпош
Скопје Инфо - пред 1 час
За поголема безбедност во сообраќајот Општина Карпош започна акција за повторно бележење на пешачките премини пред сите основни училишта и детски градинки кои се наоѓаат на нејзина територија. - Денеска комуналните екипи ја обновија сообраќајната сигнализација пред основното училиште „Братство“, детската градинка „Мајски Цвет“ и пред гимназијата „Нова“ во населбата Тафталиџе 1. Општината сака да го зголеми нивото на безбедност во сообраќајот особено околу воспитно – образовните институции, известија вчера од локалната самоуправа на општината. Притоа, општина Карпош апелира и до лицата кои управуваат со моторни возила, да се однесуваат одговорно и да ги почитуваат пропишаните правила за учество во сообраќајот....
Се обележииваат пешачките премини пред училиштата и градинките во Карпош
Скопје Инфо - пред 1 час
За поголема безбедност во сообраќајот Општина Карпош започна акција за повторно бележење на пешачките премини пред сите основни училишта и детски градинки кои се наоѓаат на нејзина територија. - Денеска комуналните екипи ја обновија сообраќајната сигнализација пред основното училиште „Братство“, детската градинка „Мајски Цвет“ и пред гимназијата „Нова“ во населбата Тафталиџе 1. Општината сака да го зголеми нивото на безбедност во сообраќајот особено околу воспитно – образовните институции, известија вчера од локалната самоуправа на општината. Притоа, општина Карпош апелира и до лицата кои управуваат со моторни возила, да се однесуваат одговорно и да ги почитуваат пропишаните правила за учество во сообраќајот....
Два дена раздвижено на Плоштад Македонија - Еве што се случуваше!
Скопје Инфо - пред 1 час
Градоначалничката на Град Скопје, Данела Арсовска на Плоштад Македонија ја отвори манифестацијата „Саем на средни училишта на Град Скопје“, кој се реализира за првпат со цел промоција на градските средни училишта и презентација на нивните наставни планови и програми. - Горди сме што имаме 23 скопски средни училишта кои продуцираат квалитетни, добри, професионални млади кадри и кои понатаму се успешни во нивниот кариерен развој. Ги охрабруваме учениците, кои се нашата иднина, како и наставниот кадар, професорите, директорите, кои се залагаат нашите средношколци да бидат што е можно подобри, да продолжат со одличната работа и резултати. Нашите скопски средни училишта воведуваат нови, иновативни образовни профили кои се според потребите на пазарот на труд, а во насока на развој и унапредување на образовниот процес за идните млади професионалци. Истовремено, скопските средни стручни училишта се лидери во Македонија во поглед на стручното образование кое е се атрактивно за улениците, порача таа. Во рамките на Саемот, кој се одржува на 17 и 18 мај, идните средношколци и нивните родители имаа одлична можност да остварат непосредна комуникација со наставниот кадар и стручните служби на училиштата, да се запознаат со различните наставни и воннаставни активности, како и со образовните струки и профили кои ги нудат. Во рамки на манифестацијата за посетителите на плоштадот Македонија имаше музичко забавна програма во изведба на талентираните средношколски музички бендови и солисти, како и настап на фолклористите од ДКЦ Карпош....
УЈП ги потсетува граѓаните да ги проверат своите годишни даночни пријави за 2023
Скопје Инфо - пред 1 час
Управата за јавни приходи ги потсетува граѓаните да направат увид во Годишните даночни пријави (ДЛД ГДП), кои веќе се поставени на системот а се однесуваат за остварени приходи во 2023 година. Секој кој е регистриран на системот ППД – (ujp.gov.mk) има обврска во својот кориснички профил, најдоцна до 31.05.2024 година, да ја потврди или доколку истата не ја прикажува точната слика за износот на остварен доход и платени даноци, да ја коригира пријавата! По истекот на овој законски рок, потврдените и Годишните даночни пријави кои не се потврдени, ниту се коригирани ќе се сметаат за конечни, додека коригираните даночни пријави ќе треба да се одобрат од страна на службено лице од Управата за јавни приходи. Доколку службеното лице не ја одобри коригираната даночна пријава, Управата за јавни приходи ќе донесе решение за утврдување на данокот на личен доход за 2023 година. Кај обврзниците во чија ДЛД ГДП се појавува обврска за доплата на данок, по истекот на рокот за потврдување и коригирање, ќе се генерира налог за доплата со фолио број и истиот ќе биде содржан на третата страна во печатењето на даночна пријава(PDF документот). Обврзниците во чија ГДП се појавува повеќе платен данок, имаат можност во самата пријава да искажат барање за враќање на данокот. Управата за јавни приходи, апелира до граѓаните кои оствариле доход во земјава или странство во вид на пари, хартии од вредност, натура или друг вид на доход и се уште не се регистрирани на системот е – Даночни услуги, за да ги исполнат своите обврски за пријавување и плаќање на данок, истото да го сторат во најкраток можен рок. За дополнителни информации околу исполнувањето на обврските за пријавување на доход , плаќање и поврат на данок можете да се обратите на [email protected]....
Денеска бесплатен влез во музеите
Скопје Инфо - пред 1 час
„Музеи за едукација и истражување“ е мотото под кое денеска ќе се одбележи Меѓународниот ден на музеите, 18 Мај, датум кој музејските институции низ светот со разновидни активности го одбележуваат од 1977 година. На овој ден, музеите во земјава традиционално ги отворат своите врати и овозможуваат бесплатен влез за посетителите кои можат да ги видат актуелните изложби и да се запознаат со движното културно богатство. Музеите, освен својот придонес како платформа за размена на идеи и знаења, имаат значајна улога во образованието и се афирматори на темите што денес силно го засегаат светот, а кои чекаат да бидат истражени и споделени. Музејските институции ги поттикнуваат идните генерации на креативен, динамичен и интересен начин да се осврнат на комплексните општествени предизвици на денешницата, да се информираат за причините и последиците од човековото влијание врз природата и да развијат критичко размислување и лична одговорност неопходна за градење одржливо општество. Меѓународниот ден на музеите традиционално се одбележува секоја година на 18 мај со цел промоција на значењето на музејските институции во современото општество. Денот посветен на музеите е востановен од Меѓународниот совет на музеите – ИКОМ со седиште во Париз....
Инцидент во „Идризово“: Претепан осуденик од други две лица
Скопје Инфо - пред 1 час
Завчера во 10.00 часот во СВР Скопје било пријавено дека во Казнено – поправната установа Затвор Идризово, осуденикот А.Б.(35) од Скопје бил физички нападнат од осудениците З.Р. и К.Л.. Се преземаат мерки за расчистување на случајот....
Времето денеска: Ќе има сонце, но и невреме попладне
Скопје Инфо - пред 1 час
Времето денес ќе биде сончево и топло со мала до умерена облачност. Ќе дува слаб до умерен ветер од јужен правец. Попладне наместа, особено во северните делови ќе биде нестабилно со пороен дожд и грмежи, а ќе има и услови за краткотрајно невреме со силен ветер и изолирана појава на град. Во Скопје сончево и топло со мала до умерена облачност. Попладне во делови од котлината ќе биде нестабилно со пороен дожд и грмежи, а ќе има и услови за краткотрајно невреме. Минималната температура ќе се спушти до 10, а максималната ќе достигне до 27 степени....
Починат скопјанец пронајден во својот дом во Центар
Скопје Инфо - пред 1 час
Завчера во 13.30 часот во СВР Скопје било пријавено дека во домот на подрачјето на Центар во Скопје бил пронајден починат В.М.(65) од Скопје. Лекар од Итна медицинска помош констатирал смрт, а по наредба на јавен обвинител телото на починатиот било предадено на обдукција....
Хорор се случувал во битолската училница: Таткото се заканувал на соученик на детето дека ќе го убие
Скопје Инфо - пред 18 часа
Основното јавно обвинителство Битола поведе постапка против две лица – маж и жена кои се осомничени дека во група извршиле грубо насилство врз дете родено 2009 година, со што сториле кривично дело – Насилство согласно член 386 став 2 во врска со став 1 од Кривичниот законик. Двајцата сопружници, на 15 мај, влегле во основно училиште во Битола, при што таткото физички ја оттурнал наставничката и директно нападнал еден од учениците, соученик на нивното дете, заканувајќи му се дека ќе го убие. Го фатил детето за уво, го стапнал на ногата и го тегнел, а за тоа време неговата сопруга ја држела наставничката за да не може да му помогне и да го одбрани ученикот. Со насилството двајцата предизвикале чувство на несигурност и вознемиреност кај другите ученици, кои од страв кога заминале осомничените барале наставничката да ги заклучи во училницата за да не се вратат. Надлежниот јавен обвинител до судијата на претходна постапка достави предлог за определување куќен притвор за осомничениот татко. Предлогот беше прифатен и на осомничениот му е определена притворска мерка....
Неколку скопски улици попладнево без вода
Скопје Инфо - пред 18 часа
Од ЈП Водовод и канализација-Скопје известуваат дека попладнево поради дефект на шибер ф 200 мм на ул.Скендер Бег Кастриоти , прекинато водоснабдување ќе имаат корисниците од улиците Иван Хаџиниколов, Ромен Ролан, Скендер Бег Кастриоти, Дреновска Клисура и дел од Димитар Гуштанов. Прекинот е од 14:55 часот до санирање на дефектот....
Хорор се случувал во битолска училница: Таткото се заканувал на соученик на детето дека ќе го убие
Скопје Инфо - пред 18 часа
Основното јавно обвинителство Битола поведе постапка против две лица – маж и жена кои се осомничени дека во група извршиле грубо насилство врз дете родено 2009 година, со што сториле кривично дело – Насилство согласно член 386 став 2 во врска со став 1 од Кривичниот законик. Двајцата сопружници, на 15 мај, влегле во основно училиште во Битола, при што таткото физички ја оттурнал наставничката и директно нападнал еден од учениците, соученик на нивното дете, заканувајќи му се дека ќе го убие. Го фатил детето за уво, го стапнал на ногата и го тегнел, а за тоа време неговата сопруга ја држела наставничката за да не може да му помогне и да го одбрани ученикот. Со насилството двајцата предизвикале чувство на несигурност и вознемиреност кај другите ученици, кои од страв кога заминале осомничените барале наставничката да ги заклучи во училницата за да не се вратат. Надлежниот јавен обвинител до судијата на претходна постапка достави предлог за определување куќен притвор за осомничениот татко. Предлогот беше прифатен и на осомничениот му е определена притворска мерка....
Велковски: Добросостојбата на нашите деца е и ќе биде наша највисока цел
Скопје Инфо - пред 18 часа
Министерот за труд и социјална политика, Ѓоко Велковски, заедно со претставникот на УНИЦЕФ, Патриција ди Џовани, и градоначалникот на општина Илинден, Александар Георгиевски, денeска, во детската градинка „Гоце Делчев“ во општина Илинден присуствуваше на промоција на проектот „Градење здрави навики во исхраната кај децата од предучилишна возраст”. „Добросостојбата на нашите деца е и ќе биде наша највисока национална, општествена и лична цел“, потенцира Велковски и додаде дека здравата и безбедна храна е неопходност за подобар раст и развој на децата, особено во првите години од животот. Во рамките на соработката со УНИЦЕФ почна реализацијата на проектот „Градење здрави навики во исхраната кај децата од предучилишна возраст”, во партнерство со асоцијацијата ЕДУЛЕНД, а активно учество во проектот зеде и Здружението за одржлив развој АРЕТЕ. „Како резултат на овој проект произлегоа едукативни обуки, кои почнуваме да ги пилотираме првично во 4 градинки за вработените во предучилишните установи, а понатаму во план е да опфатиме уште 30 градинки во целата држава. Она што ме радува е дека на овие обуки учесници се вработените во детските градинки: директор, стручни работници и соработници, воспитувачи, негуватели и вработени во кујните во кои се приготвува храната за децата. Исто така, се изработи и прирачник со насоки за здрава исхрана“, рече министерот за труд и социјална политика. Министерот Велковски додаде дека воспитувачите и негувателите од раното детство имаат клучна улога во обликувањето на здравите прехранбени навики на децата не само преку храната што ја нудат во градинките туку и, како што рече, преку однесувањето што го моделираат, нивните интеракции со децата за време на оброците, дискусиите и активностите што ги преземаат со децата. „Од овие причини практичното унапредување на нивните професионални компетенции има големо значење“, потенцира министерот Велковски....
Градоначалникот на Струга и уште три лица ќе одговараат за фалсификат документи
Скопје Инфо - пред 18 часа
Основното јавно обвинителство Струга поднесе два обвинителни предлога за кривични дела несовесно работење во службата од 353-в и продолжено кривично дело фалсификување исправа според член 378 од Кривичниот законик, а поврзани со работата на училишта на територијата на општина Струга. Во првиот предмет обвинети се четири лица. Првообвинетата – наставник по француски јазик во основното училиште во Велешта – употребила три лажни јавни исправи како вистинити, кои ги искористила за полагање стручен испит во Државниот испитен центар. Другите тројца – градоначалникот на општина Струга, директорот и помошник-директорот на училиштето – ги прифатиле фалсификуваните документи во постапката за полагање стручен испит, вработување како наставник, но и за назначување на првоосомничената за в.д. директор на училиштето во периодот од 19.4.2022 до 6.9.2023 година. Во вториот предмет обвинет е градоначалникот на општина Струга за кривично дело несовесно работење во службата од 353-в бидејќи донел решение со кое за в.д директор на основното училиште во селото Подгорци именувал лице што не ги исполнувало условите, односно немало работно искуство од најмалку пет години во воспитно-образовна работа, како што е предвидено во Законот за основното образование. Иако не ги исполнувало условите, лицето ја извршувало директорската функција во периодот од 11.11.2022 до 25.4.2023 година....
(Видео) Полуматуранти славејќи предизвикаа пожар на училиште, штетите се големи
Скопје Инфо - пред 19 часа
Матурската прослава на деветоодделенците од основното училиште „Владо Милиќ“ во Долна Горица денеска тргна наопаку кога децата ја запалија училишната зграда додека палеле факел. Во пожарот, за среќа, нема повредени. Директорката на училиштето „Владо Милиќ“, Ивана Милиќ, за црногорските медиуми изјави дека, освен големата штета, која допрва треба да се утврдува, во пожарот во училиштето нема повредени. „Штетата допрва ќе се утврдува“, кусо коментира Милиќ за „Вјести“. Таа за новинарите пред училиштето изјави дека инцидентот се случил околу 10 часот. View this post on Instagram A post shared by Vijesti.me (@vijesti.me) „Во палењето на факелот учествуваа сите ученици од деветто одделение“, рече Милиќ коментирајќи ги причините за избувнувањето на пожарот. Како што може да се види на неколку видеа што кружат на социјалните мрежи, децата панично бегале што подалеку од училиштето додека пламените јазици го зафатиле покривот на образовната институција. Според видеото, најисплашени биле учениците од пониските одделенија, кои при евакуацијата со неверување гледале во чадот што се протегал на неколку метри до небото. Вршителот на должноста командант на Службата за заштита и спасување на Подгорица, Здравко Блечиќ, за новинарите изјави дека на местото на настанот излегле пет екипи со 15 пожарникари. „Огнот зафатил дел од покривот и површина од 40 до 50 квадратни метри. Пожарникарите имаа проблеми со приближувањето и пристапот до овој дел од училиштето, но со помош на чуварот, кој беше многу брз, успеаја“, рече Блечиќ. Тој рече дека штетите во училиштето се големи. „Влагата и употребената вода може да предизвикаат штети и во училниците.“, рече Блечиќ....
(Видео) Полуматуранти славејќи предизивикаа пожар на училиште, штетите се големи
Скопје Инфо - пред 19 часа
Матурската прослава на деветоодделенците од основното училиште „Владо Милиќ“ во Долна Горица денеска тргна наопаку кога децата ја запалија училишната зграда додека палеле факел. Во пожарот, за среќа, нема повредени. Директорката на училиштето „Владо Милиќ“, Ивана Милиќ, за црногорските медиуми изјави дека, освен големата штета, која допрва треба да се утврдува, во пожарот во училиштето нема повредени. „Штетата допрва ќе се утврдува“, кусо коментира Милиќ за „Вјести“. Таа за новинарите пред училиштето изјави дека инцидентот се случил околу 10 часот. View this post on Instagram A post shared by Vijesti.me (@vijesti.me) „Во палењето на факелот учествуваа сите ученици од деветто одделение“, рече Милиќ коментирајќи ги причините за избувнувањето на пожарот. Како што може да се види на неколку видеа што кружат на социјалните мрежи, децата панично бегале што подалеку од училиштето додека пламените јазици го зафатиле покривот на образовната институција. Според видеото, најисплашени биле учениците од пониските одделенија, кои при евакуацијата со неверување гледале во чадот што се протегал на неколку метри до небото. Вршителот на должноста командант на Службата за заштита и спасување на Подгорица, Здравко Блечиќ, за новинарите изјави дека на местото на настанот излегле пет екипи со 15 пожарникари. „Огнот зафатил дел од покривот и површина од 40 до 50 квадратни метри. Пожарникарите имаа проблеми со приближувањето и пристапот до овој дел од училиштето, но со помош на чуварот, кој беше многу брз, успеаја“, рече Блечиќ. Тој рече дека штетите во училиштето се големи. „Влагата и употребената вода може да предизвикаат штети и во училниците.“, рече Блечиќ....
Кривичен суд го добил барањето од Палевски за адвокат
Скопје Инфо - пред 19 часа
Кривичниот суд го добил барањето од Истражниот затвор „Скопје“ во Шуто Оризари за ангажирање адвокат што ќе го застапува осомничениот Љупчо Палевски во процесот за убиството на Вања Ѓорчевска и Панче Жежовски. Од судот информираа дека од Истражниот затвор „Скопје“ во Шуто Оризари до Основниот кривичен суд Скопје е доставно официјално известување за екстрадицијата на осомничениот за кој веќе е определна мерка притвор од неговото пронаоѓање, односно лишување од слобода, како и барање за ангажирање адвокат, кој ќе го застапува во текот на постапката. „Судот во рамките на законските одредби ги издава сите дозволи поврзани со истражната постапка, која е во надлежност на Основното јавно обвинитeлство – Скопје и добиените барања ги доставува до предложените адвокати за нивно понатамошно постапување“, информираа од Кривичниот суд. Дополнително, судија на претходна постапка во координација со надлежниот јавен обвинител ќе издаде наредба за спровод на осомниченото лице за негово произнесување во однос на околностите во предлогот на јавниот обвинител за определување на мерката притвор, а за донесеното решение јавноста ќе биде благовремено известена....
Викенд хороскоп: 17-19 мај
Скопје Инфо - пред 19 часа
Што ни носи викендот? Photo by Josh Hild on Unsplash Овен Подготвени сте да пробате нешто различно? Време е самоуверено да истражувате нови опции, Овен. Ова може да варира од вашиот вкус за храна, облека, домашен мебел и украси до начини на кои можеби сакате да го зголемите вашиот приход. Размислувањето на поинаков начин може да се покаже како здив на свеж воздух. И ако сте доволно слободоумни за да се нурнете во целосно ново искуство, ќе си поминете одлично. Сегашниот фокус го нагласува преземањето жесток пристап кон финансиските работи, додека моќната врска Сонцето/Јупитер може да обезбеди моќни перспективи. Бидете внимателни за можностите кои помагаат да го зголемите вашиот приход или да ви помогнат да го решите она што изгледаше неостварливо досега. Бик Ви треба пауза од рутината? Сè што го оттргнува вашето внимание од секојдневните задолженија може да помогне. Можен е и интензивен разговор кој ќе ве измести од рутината. Можеби сте свесни за областите во вашиот живот кои треба да се променат пред да можете да продолжите со нови можности. Сегашната експлозија на планетарна позитивна енергија, додека зрачењето Сонце се усогласува со веселиот Јупитер, може да ви го даде потребниот поттик и да не ве остави без сомнеж за тоа што треба да направите понатаму. Тоа може да значи преземање нов чекор, поолема верба, но имајте на ум дека вашата идна среќа и успех зависат од тоа. Близнаци Сонот може да ви го привлече вниманието поради неговата надреална содржина и може навистина да ве маѓепса. Но, дали може да има повеќе од тоа? Додека Венера и будниот Уран се спојуваат во вашиот сектор на размислување, тоа може да ви укажува на проблем во врската или да иницира проток на креативни идеи. Сакате да остварите некаков план или романса но не сте подготвени? Можеби не е толку лесно. Ова може да биде време за размислување, но изгледа дека е многу наградувачко. Подготвени сте да можете директно да влијаете на вашата внатрешна игра, а тоа наскоро би можело да ве најде самоуверено да го живеете својот полн потенцијал. Денешниот храбар и динамичен аспект може да ви овозможи да се стремите високо и да уживате во секоја шанса што можеби ќе ја имате да ги ставите на тест вашите природни вештини и способности. Покажете му на светот што можете да направите! Рак Разговорот би можел да открие некои изненадувачки и возбудливи вести или да ви помогне да го видите проблемот на начин што на кој не сте успеале тоа да го направите досега. Нечиј придонес може да дејствува како катализатор ако го префрли вашето гледиште од несигурно во позитивно и ве охрабрува да дејствувате. Дали имате план за викендот? Неочекуваната средба може да промени сè и да доведе до фасцинантни нови случувања. Последните денови можеби изгледаа оптимистички, со пријатен фокус на вашиот социјален сектор. На друга белешка, ова може да биде можност да се донесе повисока надеж во реалност, и онаа за која можеби сте размислувале некое време. Нешто може да се разбуди во вас што ќе ве инспирира да направите потег. Дури и ако ги немате потребните ресурси, тие ќе се појават откако ќе се обврзете. Лав Случајност или пресврт на судбината може да биде пресвртницата која ви е потребна и онаа која води до нова работа, договор, унапредување или зачеток на деловна идеја. Желбата да се истражи нова можност може да се потврди како вистински избор. Со привлечната планета Венера во нагласена зона уште неколку недели, ова е одлично време за дружење со соработниците, организирање интервјуа или разговори со влијателни луѓе. Со фокусирање на кариерата и клучните амбиции, овој викенд може да испадне како еден од најдобрите за напредување на вашите цели. Тековната мапа на ѕвезди ве охрабрува да продолжите напред и да започнете со вашите најдобри планови. Со поврзувањето на Сонцето со планетата на изобилството, Јупитер, во наредните денови може да се види како нишане високо и чекор напред кон својата цел. Нема потреба да се преиспитувате, само повелете, Лео! Девица Можеби гледате во иднината и сакате да истражувате нови можности. Ова може да варира од обиди за курс кој има креативна или технолошка пристрасност до разгледување на предизвик што ве вклучува вас или ако имате еден ваш партнер. Сè додека ова е новитет, ќе уживате во него, Девица. Одите на патување? Можно е некој да ви се допадне и тоа многу. Вашата потрага по нови откритија продолжува со темпо и може да ве најде желни да продолжите со можностите што длабоко ве инспирирале. Фокусот на динамична зона ја подобрува вашата мотивација и во текот на овој викенд, можеби ќе бидете подготвени да прифатите нова фаза во тандем со ова возбудливо време. Ова би било прекрасно време да резервирате одмор или онлајн курс. Вага Можеби гледате на некое прашање од различни агли, но со некои интензивни влијанија во движење, сегашната небесна карта ве поттикнува да копате длабоко. Дали минатите искуства ве спречуваат да продолжите со вашите планови? Ако тие се поврзани со финансиите или врската, тогаш разговорот со пријател, тренер или советник може да помогне да се разоткријат сите нервозни чувства. Подготвени сте да го исфрлите старото и да го прифатите новото? Ако сте желни за нов почеток, тогаш сте на патеката Вага и во склад со космичките сили кои ве поттикнуваат напред и нагоре. Моќните енергии ве поттикнуваат да се ослободите од ситуациите кои повеќе не функционираат, а овој тренд ќе се засили во текот на следните недели. Но, исто така е време да се направи следниот чекор кон нова иднина. Шкорпија Некој што го познавате, но не сте го виделе некое време, може да се појави на вашиот радар и може да добиете изненадување кога ќе го видите. А сепак, разговорот може да се покаже толку инспиративен што можеби ќе сакате да се поврзувате почесто. Нешто што тие го споделуваат со вас може да биде одговор на проблем на кој работите веќе некое време. Ако останете во контакт, понатамошните состаноци со нив би можеле да бидат од голема корист. Постојаниот фокус на вашиот сектор на врски ве охрабрува да соработувате и да соработувате со другите за да постигнете многу работи, но особено оние што можат да го движат вашиот живот напред. Денешната врска Сонце/Јупитер би можела да биде почетна точка за нови потфати кои би можеле да имаат многу позитивен елемент за нив. Всушност, некои врски може да се покажат навистина среќни - ако верувате. Стрелец Сакате да експериментирате со нови активности? Можеби е време да ги преуредите вашите планови и распоредот. Што и да сакате да создадете или изразите, пренесувањето на вашата порака до пријателите, семејството и светот воопшто, може да биде забавно. Исто така, може да ви донесе дополнителни пари. Развојната врска сугерира дека профитабилните можности се на астралните картички. Плус, некој може да има нов рецепт во кој ќе уживате, Арчер. Можеби сте спремни да се откажете од работа или договор што се чини дека го завршил својот тек и да прифатите нова понуда или можност што може да биде повеќе во согласност со вашите дарби и таленти. И покрај тоа, сега можете да бидете на половина пат. Потребни ви се нови начини? Имајте верба во универзумот. Јарец Следните денови може да ве воодушеват од нова можност или можеби нова врска, но и малку претпазливи за тоа што може да биде вклучено. Можеби сте подготвени да прифатите нешто ново, а сепак се двоумите да го сторите тоа, бидејќи стравовите или сомнежите би можеле да ви пречат. Во право сте да ги преиспитувате вашите чувства, но ако имате чувство на исчекување, размислете да продолжите понатаму. Подигнувачки збир на енергии може да го направи ова позитивно време за напредување. Вашиот сектор на самоизразување е нагласен, а со прекрасна врска Сонце/Јупитер, еден од најдобрите астролози, наредните денови може да ве инспирираат да донесете големи одлуки кои би можеле да бидат во ваша корист. Еден од нив може да биде да се откажете од некој проект или дури и романтична врска што не функционира, за да можете да преминете во побогата фаза. Водолија Можеби ќе најдете некој кој е многу привлечен, дури и ако штотуку сте го запознале. Магнетното влијание значи дека ќе уживате да ги слушате и можеби ќе сакате да помогнете во каузата што тие ја поддржуваат. Ако чувствувате дека оваа личност е сроден дух, тогаш може да изгледа најприродно нешто да сакате да останете во контакт. Ако има нешто на што би можеле да работите заедно, тоа би можело да ве зближи уште повеќе. Може да почувствувате наплив на енергија и добро чувство во врска со ситуација поврзана со семејството или имотот, а тоа може да навести за пробив. Денешната постава која вклучува експанзивен Јупитер, може да ве види подготвени да се ослободите од минатото и да прифатите нови опции. Може активно да ги барате или тие едноставно да се појават. Во секој случај, колку побрзо сте подготвени да прифатите нови опции, толку подобро! Риби Сакате да следите идеи и можности? Добро време е да преземете иницијатива со сите што ве оставаат возбудени. Разговорите би можеле да ве поттикнат да се поврзете со други кои природно ве привлекуваат и чии идеи и погледи би можеле да го размрдаат вашиот живот на добар начин. Дали има одредени работи што имате тенденција да ги избегнувате? Пробајте ги, можеби ќе откриете дека и вам навистина ви се допаѓаат. Можеби ќе видите јасно зошто промената на начинот на размислување може да биде клучна за создавање моќна промена во вашиот живот. Клучните влијанија би можеле да инспирираат нова перспектива, а тоа може да ве натера да донесувате одлуки кои ќе донесат вистинска промена. Ќе почувствувате дека има светлина на крајот од тунелот. Ако сте поминале низ непријатен период, веројатно ќе забележите дека конечно ја контролирате ситуацијата, Риби....
МВР поднесе кривична против тројца дилери на кокаин и марихуана
Скопје Инфо - пред 19 часа
Денеска, Одделот за сузбивање на организиран и сериозен криминал - Сектор за криминалистички истраги - Единица за недозволена трговија со дрога до Основното јавно обвинителство за гонење на организиран криминал и корупција поднесе кривична пријава против три лица од Кавадарци и Неготино, поради постоење на основи на сомнение дека сториле кривичното дело „неовластено производство и пуштање во промет наркотични дроги, психотропни супстанци и прекурзори” по член 215 од Кривичниот законик. Имено, во периодот од јануари до април 2024 година лицата се здружиле заради неовластена продажба и пуштање во промет на марихуана и кокаин и за таа цел купувале, држеле, пренесувале, продавале и посредувале во неовластена продажба на дрога. За време на спроведувањето на криминалистичкото истражување обезбедени се материјални докази и утврдено е дека во наведениот период пријавените пуштиле во промет поголема количина на кокаин и марихуана. Лицата ќе бидат спроведени пред судија за претходна постапка, известија од МВР....
Утре бесплатен влез во музеите
Скопје Инфо - пред 19 часа
„Музеи за едукација и истражување“ е мотото под кое утре ќе се одбележи Меѓународниот ден на музеите, 18 Мај, датум кој музејските институции низ светот со разновидни активности го одбележуваат од 1977 година. На овој ден, музеите во земјава традиционално ги отворат своите врати и овозможуваат бесплатен влез за посетителите кои можат да ги видат актуелните изложби и да се запознаат со движното културно богатство. Музеите, освен својот придонес како платформа за размена на идеи и знаења, имаат значајна улога во образованието и се афирматори на темите што денес силно го засегаат светот, а кои чекаат да бидат истражени и споделени. Музејските институции ги поттикнуваат идните генерации на креативен, динамичен и интересен начин да се осврнат на комплексните општествени предизвици на денешницата, да се информираат за причините и последиците од човековото влијание врз природата и да развијат критичко размислување и лична одговорност неопходна за градење одржливо општество. Меѓународниот ден на музеите традиционално се одбележува секоја година на 18 мај со цел промоција на значењето на музејските институции во современото општество. Денот посветен на музеите е востановен од Меѓународниот совет на музеите – ИКОМ со седиште во Париз....
Премиера на претставата „Парови“ во Драмски театар Скопје
Скопје Инфо - пред 19 часа
Премиера на претставата „Парови“ ќе се одржи утре на 18 мај во 20 часот на сцената „Ристо Стефановски“ во Драмски театар Скопје. На прес конференцијата за претставата говореше режисерката Ивана Ангеловска, авторката Ана Ристоска-Трпеноскаи и дел од актерската екипа. Сценограф на претставата е Костантин Трпеноски, изборот на костимите се на костимографите Раде Василев и Ратка Џамбазовска Коцев, дизајнот на постер е изработен од Дамјан Момировски, а фотограф е Стефан Стамандов. Улогите ги играат актерите на Драмски театар Скопје: Ирена Ристиќ, Игор Ангелов, Игор Стојчевски, Димитрија Доксевски, Јасмина Василева, Стефан Вујисиќ, Ивана Павлаковиќ, Ања Митиќ, Лазар Христов и Нина Елзесер. Директорката на Драмски театар Скопје Викторија Рангелова Петровска на прес конференцијата направи осврт на традицијата на Драмски во поддршката на текстови на македонските автори со што Драмски се издвојува и го држи приматот на национална куќа која дава најискрена поддршка со поставување на претставите на домашните автори. Таа истакна дека: „Новата премиера на Драмски театар која е воедно и праизведба на драмскиот текст Парови од авторката Ана Ристоска Трпеноска. Должна сум да посочам на улогата на Драмски театар во промоција на македонски драмски автори и на македонското драмско писмо. Драмски театар од самиот свој почеток, во сите три негови развојни фази од Куклено детски театар, преку Младинско детски театар и на крај Драсмски театар во програмската политика искрено се залагал за промоција на македонски автори и домашното драмско творештво. На самиот почеток репертоарот на куклено детската сцена период од 1946 до 1960 година се поставуваат дела создадени од Петре Прличко кој се потпишува под оригинални детски пиеси и прави театарски адаптации на Дизниевите филмови за деца како авторите кои одбележаа значаен дел од македонската книжевност како Славко Јаневски (Шумска дружба, Шеќерното дете), Ванчо Николовски (Горски суд) и Александар Алексиев (Немирници). Во периодот 1960 до 1970 следи интензивна промоција на битовата драмтургија претставена преку Ристо Крле (Парите се отепувачка), Васил Иљоски (Бегалка, Свадба), за да продолжи со промоција на поствоени автори кои од докажани прозаисти добиваат можност на сцената на Драмски театар да го преточат својот театарски обид во успешна театарска приказна, а тоа се авторите: Томе Арсовски (Александра, Бумеранг), Коле Чашуле (Партитура за еден Мирон), Милан Ѓурчинов (Богомилска балада), Симон Дракул (Немирна рудина), Петре М Андреевски (Богунемили), Оливера Николова (Земја во која не се стигнува), Георги Сталев (Болен Дојчин), Богомил Ѓузел (Адам , Ева и Јов). Од 1970 започнува златниот период на Драмски театар кој исклучиво се должи на претставите работени на домашни автори како Горан Стефановски со Јане Задрогаз, Диво месо, Дупло дно, Тетовирани души, Кула Вавилонска, Чернодрински се враќа дома, Демонот од Дебар маало, Огнени јазици итн) Јордан Плевнеш (Еригон, Р, Југословенска антитеза, Слободен лов, Последниот маж, последната жена), Русомир Богдановски (Пангуриј, Чудото на СВ. Ѓоргија) и комедиографот Миле Поповски (Солунски патрдии, Викенд на мртовци), кои соработуваат како тандеми со режисерите Слободан Унковски, Љубиша Георгиевски и Коле Ангеловски. Од 1990 година покрај овие веќе етаблирани автори кои театарот ја продолжува соработката и во годините кои следат, Драмски театар ја отвара вратата и се залага за промоција на новата генерација на драмски автори и драматурзи како Жанина Мирчевска (Шуави ап, Есперанца ), Сашко Насев (Чија си, Грев или шприцер), Југослав Петровски (Вазна од порцелан), Дејан Дуковски (Друга страна) и Венко Андоновски (Словенски ковчег, Кандид во земјата на чудата) Во последните децении Драмски театар на театарската сцена ги поставува исклучиво дела на млади македонски драмски авторки како Жанина Мирчевска (Ждрело), Благица Секуловска (Безљубни), Миа Николовска (Така зборуваше Гертруда) како и адаптации и драматизации испишани од жени драматурзи, работени по прозни дела на македонски авторки како што е случајот со Мојот маж од Румена Бужаровска. Праизведбите и соработката на Драмски театар во последниве години не е тенденциозно условена во соработка со жени автори, таа е природно поставена. Не занам дали ви е познато но последните генерации на школувани драматурзи се исклучиво жени. Женскиот драмски ракопис е доминантен. Зошто ја правам оваа историска ретроспектива на улогата на Драмски театар во дефинирање на македоската драматургија, ја правам за да ја потенцирам улогата на Драмски театар во одржување на континуитетот на македонското драмско писмо и тоа со праизведби со што ја докажува вербата во новите автори. Ја потенцирам улогата на Драмски театар преку кој се дефинираат театарките животи на најголемите македонски драмски автори. Драмски театар е институцијата која отвара врата и искрено и несебично вложува во промоција на македонското драмско творештво и во македоските автори. Девизата на Ристо Стефановски дека без македонска драма нема театар, беше и остана една од примарните задачи на повеќе или помалку секој раководител на Драмски театар. За таа цел од оваа година Драмски театар започнува со реализација на конкурс за најдобар драмски текст од млад автор до 30 години а наградата го носи името Горан Стефановски. И таа доминација на жените автори и денес е тука и е претставена преку Ана Ристоска Трпеноска со чие дело Парови во сабота навечер ќе се претстави пред македонската публика. Во реализација на нејзиното дело се вклиучија режисерката Ивана Ангеловска, сценографот Костадин Трпеноски, композиторот Ади Имери, изборот на костими го изготвија Раде Василев и Ратка Џамбазовска Коцев и актерската екипа составена од искусни актери на Драмски и новата снага и тоа: Игор Ангелов, Игор Стојчевски, Димитрија Доксевски, Јасмина Василева, Стефан Вујисиќ, Ивана Павлаковиќ, Нина Елзесер, Ања Митиќ, Лазар Христов и Ирена Ристиќ која се извинува за неприсуството и е отсутна од оправдани причини. Оваа актерска екипа е заслужна за заокружување на театарскиот проект во целина, без нивната комплетна посветеност заокружувањето на процесот ќе беше неможен. Со тоа како и многупати до сега уште еднаш се потврдува дека актерскиот ансамбл на Драмски театар е неверојатна движечка сила“. Авторката Ана Ристоска-Трпеноска во драмскиот текст промислува на современ јазик и го поставува прашањето: „Постои ли вистински успешна врска, совршен брак или партнерите се стремат да постигнат невозможен концепт, нешто што е конструкт на општеството? Животот во заедница е различен од онаа идеализирана љубов што партнерите очекуваат дека треба да се случи и да трае, и од сликата за заедница која доминира во дигиталниот свет. Со „Парови“ сакав да напишам драма за партнери заглавени во трагикомичното секојдневие на заедничкиот живот. Мене секогаш повеќе ме интересира да го прикажам тоа што не се гледа, да пишувам за осаменоста и за проблемите со кои партнерите се соочуваат, но ги чуваат меѓу четири ѕида. Борба за доминација, его, токсични машко-женски односи, партнери на кои им е поважен професионалниот успех и социјалниот статус, партнери што посакуваат никогаш да не се сретнеле, се изневеруваат, бракови што станале рутина, партнери кои имаат различни очекувања, доживуваат разочарувања и се комични во нивната немоќ. Драмата „Парови“ прикажува неколку парови партнери во различни ситуации и фази од нивните животи. Сите нив ги поврзува потребата за љубов и немоќта да ги променат работите“....
Екстрадиран Бесим Красниќи
Скопје Инфо - пред 19 часа
Министерството за внатрешни работи ја известува јавноста дека денеска (17.05.2024) полициски службеници од Секторот за меѓународна полициска соработка при МВР и Единицата за интервентна полиција на СВР Скопје го завршија процесот на екстрадиција од Косово во Република Северна Македонија на Бесим Красниќи (44), кој се бараше со меѓународна потерница по наредба на Основен кривичен суд Скопје за издржување на казна затвор за сторени кривични дела разбојништво, тешки дела против општата сигурност и казнување за подготвување во врска со кривично дело тероризам. Лицето е спроведено во КПУ Идризово....
„Паркови и зеленило“ почна со уредување на цветните површини низ Скопје
Скопје Инфо - пред 20 часа
Со повеќе видови на нов сезонски расад започнавме уредување на цветните површини низ зеленилото во градот, известија денеска од ЈП Паркови и зеленило-Скопје - Подготовка, како и целосно пролетното цветно уредување направивме на жардиниерите во реон Кале, скверот на булевар Јане Сандански и во парк Македонија, информираа од претпријатието....
Бекутанова работилница за родители: Секој маж може да стане родител, но не може секој да биде ТАТО
Скопје Инфо - пред 20 часа
Се ближи крајот на виолетовото лето – мистериозниот вкус на WTFanta ќе биде откриен утре на Школка...
Викенд временска прогноза: Потопло, но ќе има и дожд
Скопје Инфо - пред 20 часа
Во следните денови времето ќе биде значително потопло, но во попладневните часови наместа нестабилно со пороен дожд и грмежи, јавува УХМР. Од Управата прогнозираат дека локално ќе има услови процесите да бидат поинтензивни во форма на краткотрајно невреме, со силен ветер, интензивен пороен дожд и изолирана појава на град. Во Скопје во следните дена сончево и топло, во попладневните часови во делови од котлината нестабилно со пороен дожд и грмежи и со услови за краткотрајно невреме. УХМР препорачува поголема внимателност во случај на појава на електрични празнења, да не се престојува на отворен простор и под осамени дрвја....
Домашен притвор за родителот што натепа наставничка и ученик во Битола
Скопје Инфо - пред 20 часа
Во домашен притвор е родителот од Битола, кој пред два дена во училница на среде настава натепа ученик и наставничка. Причината за ваквото насилство бил нетрпеливиот однос меѓу две деца, а наставничката наводно настрадала бранејќи го нападнатото дете. Официјално, инцидентот се случи во ОУ „Даме Груев“ Битола, кога според извештајот на полицијата, двајца родители физички нападнале соученик на нивното дете и наставничка додека одржувала час. Пред два дена во СВР Битола, родителот на натепаниот ученик Р.М. (48) од Битола пријавил дека за време на настава во основно училиште во Битола, неговиот малолетен син бил физички нападнат од сега притворениот Р.Л. и неговата сопруга Н.Л., родители на соученик на неговото дете. Истиот ден и М.Т. (44) од Битола, наставничка во истото одделение, пријавила дека за време на настава била физички нападната од двајцата родители....
Oтворена 52 Концепт - продавницата што ја редефинира високата мода
Скопје Инфо - пред 21 часа
Се ближи крајот на виолетовото лето – мистериозниот вкус на WTFanta ќе биде откриен утре на Школка...
„Голф“ излета од автопат, две лица се повредени
Скопје Инфо - пред 21 часа
Две лица од Кочани се повредени откако „голф“ излета од пат во близина на клучката „Коњари“. Како што соопшти полицијата вчера во 12.00 часот во СВР Скопје било пријавено дека на автопатот Штип – Скопје, во близина на клучка „Коњари“, патничко возило „фолксваген голф“ со кичевски регистарски ознаки, управувано од З.Ј.(39) од Кочани, излетало од коловозот. Во несреќата со тешки телесни повреди се здобила сопатничката Л.Ј.(60) од Кочани, додека другиот сопатник Г.Ј.(64) од Кочани се здобил со телесни повреди констатирани во Комплексот клиники „Мајка Тереза“. Извршен бил увид од увидна екипа од СВР Скопје....
Училиштето „Ѓорче Петров" во истоимената општина денеска слави шест децении постоење
Скопје Инфо - пред 21 часа
Основното училиште „Ѓорче Петров" во истоимената скопска општина денеска слави јубилеј - 6 децении постоење. - Основното училиште „Ѓорче Петров“ е синоним за успешни генерации кои низ годините дадоа важен придонес во развој на општеството. Денеска ова училиште го одбележа својот патронат кој беше проследен со одлично подготвена програма од страна на наставниот кадар и децата, порача денеска оттаму првиот човек на општината Александар Стојкоски. - Училиштето кое го носи името на нашата општина од 1964 година е образовна институција во која и денеска учат дечиња што се наша гордост. Општина Ѓорче Петров постојано вложува и ќе продолжи да работи во насока на подобрување на условите за настава во училиштето, но и на инфраструктурата која носи подобар квалитет во образовниот процес, додаде тој упатувајќи честитки за патрониот празник ООУ „Ѓорче Петров“....
23-годишна девојка од Кочани истепала и ограбила повозрасна жена од Штип
Скопје Инфо - пред 21 часа
Вчера во 16.00 часот на улицата „Христијан Карпош“ во Штип, полициски службеници од Отсекот за општ криминал и Полициската станица Штип при СВР Штип ја лишиле од слобода 23-годишната Џ.С. од Кочани, извести МВР. „Таа се сомничи дека на 15.05.2024 извршила кривично дело „разбојништво“ над Л.М.(69) од Штип, при што физички ја нападнала и ѝ ја одзела чантата со пари и документи“, соопшти МВР. Џ.С. била задржана во Полициската станица и во службен разговор го признала делото. Одземените предмети биле пронајдени и вратени на сопственичката. По целосно документирање на случајот, против Џ.С. ќе биде поднесена соодветна пријава....
Повеќе скопски улици од утрово без вода
Скопје Инфо - пред 22 часа
Од ЈП Водовод и канализација-Скопје известуваат дека денеска поради водоводен приклучок од ф 80мм на ул. Милан Марковиќ бр 7 прекинато водоснабдување ќе имаат корисниците од ул. Милан Марковиќ, ул. Копачка, ул. Пијанец, ул. Крчин, дел од ул. Козле и дел од ул. Леринска. Водоснабдувањето е прекинато од 09:00 часот утрово и ќе трае до завршување на интервенцијата....
Отсега деца во градинка може да се запишуваат електронски - Општина Кисела Вода со низа нови дигитални услуги
Скопје Инфо - пред 22 часа
Запишување на децата во градинка по електронски пат, пријава за инспекциски служби, поставување директни прашања до градоначалникот или до советниците се едни од 20 нови дигитални услуги што Општината Кисела Вода ги воведе денеска. Овие услуги се достапни на новата општинска интернет-страница и со ова продолжува дигитализацијата на Општината почната пред речиси две години. „Дигитализацијата на Општината претставува значаен чекор кон подобрување на транспарентноста, отвореноста и ефикасноста на локалната самоуправа. Воведувањето дигитални услуги овозможува значително олеснување на процедурите за граѓаните и бизнис-заедницата и истовремено го намалува ризикот од коруптивни дејства. Овие промени ја поставуваат основата за една модерна, ефективна и отворена општина, која е насочена кон потребите на своите граѓани“, изјави градоначалникот на Кисела Вода, Орце Ѓорѓиевски. Со новите услуги ќе биде овозможено следење на системот на јавни набавки, плаќање на такси поврзани со Општината. „Нема да има повеќе уписи преку врски во градинки. Родителот од дома ќе може да аплицира, да наведе за која градинка е заинтересиран и за неа да аплицира. Со тоа и ние како локална самоуправа точно ќе знаеме во секој момент колкав број деца има за упис, каде има потреба од отворање дополнителни капацитети. Преку апликациите ‘Прашај го градоначалникот’ и ‘Прашај го својот советник’ нашите жители ќе може да комуницираат во прво лице со лицата што ги избрале да ги решаваат нивните проблеми“, додаде Ѓорѓиевски....
Грчкиот министер за надворешни работи: Преспанскиот договор е текст со огромни проблеми
Скопје Инфо - пред 22 часа
Грчкиот министер за надворешни работи, Јоргос Герапетритис, негира дека тој или неговата правна канцеларија го подготвиле или учествувале во изготвувањето на договорот од Преспа,. Од говорницата во Собранието тој изрази несогласување со договорот од Преспа велејќи дека се работи за правен текст со огромни проблеми што се појавуваат со текот на времето, пренесуваат грчките медиуми. „Јас не само што немав учествувано во договорот, туку дополнително не можев да имам никакво учество од едноставна причина што суштински не се согласувам со договорот од Преспа, кој е правен текст со огромни проблеми што се појавуваат со текот на времето“, нагласи министерот за надворешни работи. Герапетритис сепак додаде дека договорот со сите проблеми претставува меѓународно право, кое мора да го почитуваат бидејќи во согласност со Уставот е над секоја друга законска одредба. Ја пофали грчката дипломатија, која издејствувала брза реакција на европските институции по инаугирацијата на Гордана Силјановска-Давкова, која на свеченоста го употрби името Македонија....
Османи во Стразбур: Мултилатерализмот останува единствен ефикасен одговор кон предизвиците
Скопје Инфо - пред 22 часа
Mинистерот за надворешни работи, Бујар Османи се обрати на 133-тата сесија на Комитетот на Министри на Совет на Европа во Стразбур, при што ја подвлече улогата на мултилатерализмот при справување со тековните многубројни предизвици. „Покрај сите свои пропусти, мултилатерализмот останува единствениот начин да се мобилизира колективен одговор кон војни, кризи, вонредни ситуации и неспоредливи предизвици од различна природа. Советот на Европа останува суштински столб во тој поглед. Сепак, ние, земјите-членки ја носиме одговорноста за неговата ефикасност” истакна Османи. На 75-годишнината од постоење, Советот на Европа со нејзините норми и стандарди придонесе за подобрување на животот на граѓаните, чување на човековите права и негување на демократијата и владеењето на правото, рече Османи и го поздрави денешното усвојување на Рамковната конвенција за вештачка интелигенција, човекови права, демократија и владеење на правото, како прв меѓународен инструмент во оваа област. “Блиската соработка со другите меѓународни организации, особено со ЕУ, ОН и ОБСЕ при решавање на заедничките проблеми е од особено значење” додаде Османи. За време на престојот во Стразбур, Османи ќе оствари и бројни средби со негови колеги од различни земји....
Уапсен кавадарчанец по распишана централна потерница
Скопје Инфо - пред 22 часа
Денеска, во 1.10 часот, во Кавадарци, полициски службеници од ОВР Кавадарци го лишиле од слобода 36-годишниот Д. А. од Кавадарци, извести МВР. „Тој бил баран по централна потерница издадена врз основа на судска наредба за издржување затворска казна во времетраење од две години“, соопшти МВР. Лицето било спроведено во Казнено-поправната установа „Затвор Гевгелија“ за издржување на казната....
Сообраќајка кај „Веро Џамбо“, автомобил се заби во метален столб
Скопје Инфо - пред 23 часа
Поради сообраќајна несреќа на крстосницата кај Веро Џамбо, сообраќајот се одвива отежнато. Формирана е долга колона на возила и сообраќаен метеж. На терен е полицијата која врши увид на лице место, по сударот меѓу две возила. Едното возило завршило надвор од коловозната лента и удрило во метален столб при што причинета е значителна материјална штета. Фото: Плус Инфо...
Арсовска откри за што ќе се користат куќарките на плоштадот Македонија
Скопје Инфо - пред 23 часа
Откако куќарките изминатите денови повторно се поставија на плоштадот во центарот на Скопје, градоначалничката на Град Скопје Данела Арсовска откри за која намена ќе се користат. - Куќарките не се на градот туку на Јавното претпријатие Паркови и зеленила, а се во функција за „Отворените денови на 23 скопски средни училишта“ кои во следните неколку дена на Плоштадот Македонија ги запознаваат полуматурантите од градот и земјата со образовните програми и профили кои ги нудат, вели Арсовска во објава на својот официјален фејсбук профил. - Куќарките не се новогодишни, еве сега се поставени во пролет дали тоа ги прави пролетни? - праша таа во објавата, откако дел од медиумите објавија дека токму овие, како што ги нарекоа „новогодишни“ куќарки, се враќаат на плоштадот....
Вирална објава на Фејсбук: Денес за погреб преку „месенџер“, спуштаме роленти и се правиме штракнати!
Скопје Инфо - пред 23 часа
Што вели Изборниот законик - во право ли е Силјановска Давкова со тоа што го изостави зборот Северна?...
Мицкоски: Во моментот ВМРО-ДПМНЕ има консолидирано точно 61 пратеник
Скопје Инфо - пред 23 часа
Претседателот на ВМРО-ДПМНЕ Христијан Мицкоски одговарајќи на новинарско прашање во однос на тоа дали има доволен број пратеници за формирање на влада истакна дека во моментот ВМРО-ДПМНЕ има консолидирано 61 пратеник но и продолжуваат разговорите со потенцијалните идни коалициони партнери како што е коалицијата Вреди. - Па да, можам да кажам дека како ВМРО-ДПМНЕ и коалицијата „Твоја Македонија“ ги завршуваме разговорите со неколку од пратениците кои што не се дел од коалицијата „Твоја Македонија“ и можам да кажам дека во моментот успешно консолидиравме 61 пратеник, кажа Мицкоски и додаде: - Не можам да зборувам во однос на деталите, но многу скоро од денеска ќе ги дознаете деталите имајќи предвид дека состојбата е чувствителна, но она што можам да кажам е дека како коалиција „Твоја Македонија“ предводена од ВМРО-ДПМНЕ во парламентот покрај 58 пратеници кои што ги има автентично самата коалиција и очекуваме одлука на управниот суд да видиме што ќе се случува со изборната единица 5 и 6 можам со задоволство да кажам дека имаме консолидирано точно 61 пратеник но тоа нема да не повлече од разговорите со идните потенцијални коалициони партнери како што е коалицијата Вреди, истакна Мицкоски....
Беровци пронашле граната, па ја однеле во полициска станица - ЦУК со апел
Скопје Инфо - пред 23 часа
Во полициската станица во Берово, како што соопшти Центарот за управување со кризи – ЦУК, вчера било донесено „неексплодирано убојно средство“. Потоа ја презел пиротехничар. ЦУК алармира дека експлозивни средства не се допираат ниту носат со себе, туку се пријавува на бројот 112. Во соопштението на ЦУК се вели дека вчера во 12.30 часот во полициската станица во Берово е донесено неексплодирано убојно средство, кое потоа било преземено од пиротехничар на Дирекцијата за заштита и спасување од градот. Се претпоставува дека потекнува од Првата светска војна. - Ваквата постапка навидум изгледа правилна, но е несоодветна, односно опасна по личната и општа безбедност. Граѓаните треба да постапуваат согласно безбедносните препораки при вакви случаи. Кога ќе пронајдат какви било неексплодирани убојни средства граѓаните да не ги допираат и поместуваат туку да се јават на телефонскиот број 112 во ЦУК, а потоа веднаш ќе се постапи според стандардните оперативни процедури за вакви случаи од страна на професионалци – пиротехничари. Така е најбезбедно, се вели во соопштението на ЦУК....
Малолетник нападнат во Гази Баба, напаѓачите му барале пари
Скопје Инфо - пред 1 ден
Малолетник бил физички нападнат од три лица на подрачјето на Гази Баба. - На 15.05.2024 во 22.45 часот во СВР Скопје, С.Ј. од Скопје пријавила дека околу 21.15 часот на подрачјето на Гази Баба, нејзиниот малолетен внук бил физички нападнат од три лица, кои претходно му побарале пари, соопштија од полицијата во дневниот билтен. Се преземаат мерки за расчистување на случајот....
Малолетник од Тетово тешко повреден откако негови врсници го фрлиле во височина, а тој паднал
Скопје Инфо - пред 1 ден
СВР Тетово поднесе кривична пријава против тројца малолетници од Тетово, поради постоење основи на сомнение за сторено кривично дело „тешка телесна повреда“. - На 01.04.2024 во основно училиште во Тетово, пријавените фрлиле во височина друг малолетник, кој при падот се здобил со тешки телесни повреди, соопштија од полицијата....
Кисела Вода од денеска започнува пријавување за бесплатно подигнување на кабаст отпад
Скопје Инфо - пред 1 ден
Од денеска, петок започнува пријавување за бесплатно подигнување на кабаст отпад во сите населби во Кисела Вода - Нова акција за собирање на кабаст отпад ќе се одржи во општина Кисела Вода. Како дел од бројните активности за заштита на животната средина, во периодот од 27 мај до 07 јуни во сите месни и урбани заедници на територија на општината, ќе бидат ангажирани одговорни лица и сезонски работници кои секојдневно бесплатно ќе го подигаат кабастиот отпад од пред домаќинствата или колективните згради, инфформираа од локалната самоуправа. Пријавувањето започнува од петок, 17 мај, и ќе трае една седмица, односно до 23 мај 2024. Секој жител на општина Кисела Вода кој поседува кабаст отпад и сака истиот да биде подигнат и депониран на соодветна локација, ќе може да закаже термин на телефонскиот број 02/2785-427 секој работен ден од 09:00 до 15:00 часот. Кабастиот отпад треба да биде поставен пред објектот кој е претходно договорен, на безбедна локација со што не би се загрозила безбедноста на пешаците, велосипедистите и останатите учесници во сообраќајот, кои ќе се движат во тој период. - Само со одговорно однесување на секој поединец заеднички ќе можеме да ја одржуваме Кисела Вода чиста и уредна. Зачувувањето на природата и животната средина е наша заедничка обврска и одговорност. Затоа апелираме до сите граѓани да се приклучат на оваа акција. Поддршката и заедничката ангажираност се од суштинско значење за нашата заедница, порачаа од општина Кисела Вода....
Познат идентитетот на мажот кој вчера почина во Основен граѓански суд-Скопје
Скопје Инфо - пред 1 ден
Од полицијата се огласија во врска со смртниот случај за кој вчера објави адвокатот Јанаки Митровски во Граѓанскиот суд во Скопје. - На 16. мај (четврток) во 09.25 часот во СВР Скопје од Итната медицинска помош е пријавено дека во Основен граѓански суд, во ходникот на први кат, има починато лице. Од страна полициски службеници е излезено на местото и е констатирано дека станува збор за Љ.С.(75) од Скопје. Лекар констатирал смрт, а по наредба на јавен обвинител телото е дадено за обдукција. Увид бил извршен, соопштија од полицијата. Митровски претхоно преку објава на својот фејсбук профил сподели за страшното искуство на кое посведочил....
Сообраќајците и вчера на терен - Казнети над 100 возачи во Скопје
Скопје Инфо - пред 1 ден
Секторот за внатрешни работи Скопје во текот на вчерашниот ден продолжи со контролите во областа на сообраќајот. „На територија на град Скопје изречени се вкупно 108 мерки, меѓу кои девет мерки за возење без возачка дозвола, четири санкции за минување на затворен сигнал – црвено светло, седум мерки за користење на мобилен телефон при возење, осум санкции за некористење на сигурносен појас…“, извести МВР. Од таму додаваат дека сообраќајните контроли продолжуваат и во наредните денови....
Утре ќе се прска против комарци во Скопје
Скопје Инфо - пред 1 ден
Од Град Скопје најавија дека утре (сабота) ќе се прска против комарци. - По неоснованите напади и лажните вести за дезинсекцијата во Скопје граѓаните да бидат спокојни бидејќи истата се реализира согласно можноста и временските услови на 18.мај, информираа вчера преку соопштение од Град Скопје. - Иако сме меѓу првите кои спроведуваат прскање против комарци годинава, сепак има оркестриран напад врз Скопје, а за сите други општини се молчи иако дел сеуште ни постапки немаат отпочнато. Прилог доказ кога вршеле прво прскање останатите општини во Македонија и тоа јули до спетември, а никој јавно и медиумски не креирал хистерија. Градот Скопје спроведува мерки во согласност и рамки на роковите предвидени со Закон, наведуваат во соопштението. Како што известија оттаму, утре (сабота) во раните утрински часови ќе се реализира авионска дезинсекција на подрачјето на градот Скопје против лаври од комарци. Доколку временските услови не го дозволуваат вршењето на дезинсекцијата, истата ќе се изврши првиот нареден ден, кога ќе бидат поволни временските услови, во истиот термин. - Градот Скопје е меѓу првите во Македонија кои навремено ја врши дезинсекцијата во согласност со тоа кога го дозволуваат временските услови за истото бидејќи кога времето е нестабилно и врнежливо истото не се спроведува, потенцираат од кабинетот на Арсовска....
И денеска дожд, од утре со кратки сончеви периоди
Скопје Инфо - пред 1 ден
Променливо облачно со повремени локални врнежи од дожд, прогонозираат за денеска метеолозите. Во јужните делови ќе има услови врнежите повремено да бидат поројни, проследени со појава на грмежи. Ќе дува слаб до умерен, а наместа повремено засилен ветер од северен и североисточен правец. Времето утре променливо облачно и потопло со сончеви периоди. Попладне ќе има локален слаб дожд. Ќе дува слаб до умерен ветер од северен правец. Минималната температура ќе биде во интервал од 4 до 11, а максималната ќе достигне од 20 до 26 степени. Во Скопје променливо облачно и потопло со сончеви периоди. Ќе дува слаб до умерен ветер од северен правец. Минималната температура ќе се спушти до 9, а максималната ќе достигне до 24 степени. Во следните денови времето ќе биде променливо облачно со сончеви периоди. Во попладневните часови ќе има локална појава на нестабилност со пороен дожд и грмежи, особено во вторник....
Делови од Илинден и Кисела Вода денеска без струја
Скопје Инфо - пред 1 ден
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електро дистрибутивната мрежа, денеска, без електрична енергија ќе останат делови од општините Илинден и Кисела Вода. Од 08:30 – 09:30 часот, корисниците од улицата бр. 34 во населба Илинден, општина Илинден ќе немаат струја. Без електрична енергија од 09:00 – 13:00 часот, ќе бидат корисниците од дел од улицата Востаничка во општина Кисела Вода....
Каква е состојбата на граничните премини и патиштата утрово?
Скопје Инфо - пред 1 ден
Сообраќајот на државните патишта се одвива непречено, по наместа влажни коловози, извести АМСМ. Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево....
Мицкоски: Во моментот ВМРО-ДПМНЕ има консолидирано точно 61 пратеник
Скопје Инфо - пред 1 ден
При денешното обраќање во рамки на Самитот Македонија 2025 којшто се одржува во хотел Мериот во Скопје претседателот на ВМРО-ДПМНЕ Христијан Мицкоски одговарајќи на новинарско прашање во однос на тоа дали има доволен број пратеници за формирање на влада истакна дека во моментот ВМРО-ДПМНЕ има консолидирано 61 пратеник но и продолжуваат разговорите со потенцијалните идни коалициони партнери како што е коалицијата Вреди. „Па да, можам да кажам дека како ВМРО-ДПМНЕ и коалицијата „Твоја Македонија“ ги завршуваме разговорите со неколку од пратениците кои што не се дел од коалицијата „Твоја Македонија“ и можам да кажам дека во моментот успешно консолидиравме 61 пратеник“, кажа Мицкоски и додаде: „Не можам да зборувам во однос на деталите, но многу скоро од денеска ќе ги дознаете деталите имајќи предвид дека состојбата е чувствителна, но она што можам да кажам е дека како коалиција „Твоја Македонија“ предводена од ВМРО-ДПМНЕ во парламентот покрај 58 пратеници кои што ги има автентично самата коалиција и очекуваме одлука на управниот суд да видиме што ќе се случува со изборната единица 5 и 6 можам со задоволство да кажам дека имаме консолидирано точно 61 пратеник но тоа нема да не повлече од разговорите со идните потенцијални коалициони партнери како што е коалицијата Вреди“, истакна Мицкоски....
Ѓорѓиевски и Ганиу на пријателско кафе во Старата скопска чаршија
Скопје Инфо - пред 1 ден
Првиот човек на ЗЕЛС и градоначалник на општина Кисела Вода, Орце Ѓорѓиевски, оствари средба со градоначалникот на општина Чаир, Висар Ганиу. - Пријателско кафе во срцето на Скопје и средба со мојот драг пријател и колега, Висар Ганиу. Сакам да изразам огромна благодарност за прекрасниот пречек во Старата скопска чаршија. Секогаш уживам тука бидејќи има посебен дух. Чаршијата го сочува мултикултурното наследство на различни цивилизации која ги обединува и Македонци, Албанци, Турци и сите во нашето прекрасно Скопје. Благодарам на кафето и прекрасната домашна баклава, истакна Ѓорѓиевски. Тој како претседател на ЗЕЛС со Ганиу разговараше за неговата досегашна успешна работа во изминатите две години, но и за проблемите со кои се соочуваат граѓаните на Скопје. - Како и секоја општина на територијата на град Скопје, така и општина Чаир се соочува со проблеми, но и со опструкции од страна актуелното раководство на градот. Потребна е целосна реконструкција на булеварот „Цветан Димов” и улицата „Џон Кенеди”, потребно е решавање на сообраќајниот хаос со изградба на катни гаражи итн за што сум убеден дека Висар ќе најде начин да ги реши овие работи. Без разлика на сѐ ние заеднички ќе изнајдеме решенија за општинските и градските проблеми. И покрај немањето слух од страна на градот проблемите заеднички ќе ги надминеме бидејќи Скопје и сите општини ќе имаат вистински партнер во новата Влада предводена од ВМРО-ДПМНЕ, а оној игнорантски однос во изминатите години заминува во минатото. Висар и неговиот прекрасен тим со кој имав чест да разговарам на повеќе теми, се длабоко посветени за да обезбедат подобри услови за жителите на Чаир. Морам да им честитам за нивната работа и посветеност за подобро утре, истакна Ѓорѓиевски. Ова е втора средба од почетокот на средбите со градоначалниците што во периодот што следува сѐ со цел да се најде решение за граѓаните на Скопје. - Ќе ги посетиме општините, ќе ги детектираме проблемите и изготвиме решенија за што побрзо решавање на истите бидејќи градот Скопје и општините не смеат да чекаат. Скопје заслужува да биде повторно горд град, истакна тој....
На сите им се смачи од дождот - „Надвор, документарен филм - Зима во Чехословачка“
Скопје Инфо - пред 1 ден
По неколку дена влажен бран, утре ќе настапи преодно стабилизирање на времето со позначителен пораст на дневната температура, а од сабота кон крајот на денот повторно се очекува нестабилно време со локален пороен дожд и грмежи, локално во форма на невреме, соопшти УХМР. Повремена претежно попладневна нестабилност со пороен дожд и грмежи, со променлив интензитет, ќе има се до средината на следната недела. На социјалните мрежи граѓаните со досетливи коментари на тема „есенско време“ среде пролет! надвор, документарен филм "зима во чехословачка" — Тантара Пантара (@TantaraPantara) May 16, 20 U redu je,dožd ušte denes pa za vikend...... pic.twitter.com/noQ3uCrNY6 — Игор Перковски (@igorperkovski) May 16, 2024 Што мислите за времево? Баш ме интересира вашето мислење — 100Marki (@100deutschemark) May 16, 2024...
23-годишен скопјанец и уште едно лице каснати од кучиња-скитници
Скопје Инфо - пред 1 ден
Две лица од Скопје вчера пријавиле дека биле каснати од бездомни кучиња. На 15.05.2024 во 11.30 часот во Полициската станица Карпош, С.С.(59) од село Кучевиште, скопско, пријавила дека на ул.„Иван Цанкар“ во Скопје била касната од куче скитник, На 15.05.2024 во 20.30 часот во Полициската станица Чаир, Д.Г.(23) од Скопје пријавил дека на ул.„Петар Манџуков“ во Скопје бил каснат од куче скитник....
Родители од Битола во училница ги нападнале соученикот и наставничката на нивното дете
Скопје Инфо - пред 1 ден
Ученик и наставничка биле нападнати од родители на дете-ученик во битолско училиште. - На 15.05.2024 во СВР Битола, Р.М.(48) од Битола пријавил дека за време на настава во основно училиште во Битола, неговиот малолетен син бил физички нападнат од Р.Л. и Н.Л., родители на негов соученик. Истиот ден, М.Т. (44) од Битола, наставничка во истото одделение, пријавила дека за време на настава била физички нападната од Р.Л. и Н.Л.. Полицијата постапува за случајот....
Торказ се сретна со Џафери и повика на почитување на меѓународните договори од сите страни
Скопје Инфо - пред 1 ден
На маргините на лидерскиот состанок за планот за раст, кој се одржува во Котор, Црна Гора, претседателот на Владата на Република Северна Македонија, Талат Џафери, имаше билатерална средба со специјалниот пратеник за Западен Балкан на Франција, Рене Троказ. „На средбата се разговараше за важноста од продолжување на европскиот пат на Република Северна Македонија во пресрет на формирањето на новата влада. Троказ ја истакна натамошната француска поддршка на европската интеграција на Северна Македонија во ЕУ и повика на почитување на меѓународно преземените договори од сите политички фактори. Премиерот Џафери изрази надеж дека земјата ќе ги заокружи неопходните чекори за продолжување на европската агенда. Во таа насока ја сподели загриженоста од непочитувањето на уставното име од страна на новоизбраната претседателка на државата и повика на почитување на меморандумот потпишан пред изборите од страна на политичките партии во поглед на предусловите за нашето интегрирање во Европската Унија“, соопштија од кабинетот на Џафери. Џафери и во Котор нагласи дека за него не е приоритет кој ќе ја сочинува новата влада, туку исполнувањето на европската агенда како пат кон иднината, на кој ќе продолжи да работи во кое било својство и функција....
Гест за почит: Бејби Лазања се откажа од 50.000 евра, понуди да се донираат за болните на онкологија
Скопје Инфо - пред 1 ден
Премиерот Андреј Пленковиќ денеска објави дека на владина седница е одлучено Марко Пуришиќ, попознат како Бејби Лазања, кој земјата ја претставуваше на годинешната Евровизија, да добие парична награда од 50.000 евра. Но, тој нема да ја прифати. Вели дека има многумина на кои тоа им треба повеќе одошто нему, а напиша и кому би сакал да му ги донираат парите. „Ѝ благодарам на хрватската влада за паричната награда во износ од 50.000 евра. Сепак, не можам да ги прифатам тие пари. Би можел да дадам многу причини зошто, но првата, најважна и доволна е дека има многу други поединци и организации на кои овие пари ќе им помогнат многу повеќе“, напиша тој на „Инстаграм“....
Димовски со реакција за заканата од Мицотакис: Чудно, нели?
Скопје Инфо - пред 1 ден
Илија Димовски од ВМРО ДПМНЕ со реакција откако грчкиот премиер Кирјакос Мицотакис се закани дека нема да се ратификуваат протоколите за соработка со Република Македонија. - Тие секако чекаат од 2020 година (во случај ако на новите опозиционери им текне да ја критикуваат новата сеуште невоспоставена власт)... Еден од тие протоколи се однесува на процесот на пристапување на Република Македонија кон ЕУ... Без тој грчки протокол, и со неколку бугарски вета, ЕУ бара од нас да веруваме во нејзината посветеност за брзо пристапување на регионот во ЕУ... Чудно, нели? Попатно ќе побараат да се откажеме уште од некоја своја историска или идентитетска карактеристика, и онака веќе почнавме...објави Димовски на својот фејсбук профил. Да почекаме да видиме дали денес ќе има приближно исти реакции за Мицотакис, како што имаше за Силјановска... вели на крајот од објавата Димовски....
Адвокат утрово почина во Граѓанскиот суд во Скопје
Скопје Инфо - пред 1 ден
Адвокатот Јанаки Митровски на својот фејсбук профил сподели дека негов колега, адвокат, починал денеска во Граѓанскиот суд во Скопје. - Бев сведок на исклучително непријатна ситуација. Чекајки судење на прв спрат во скопскиот Граѓански суд во девет наутро, одеднаш се слушна силен тресок, и колега адвокат падна на земја пред мои очи. Притрчавме повеќе луѓе, го полија со вода, но колегата помодре на ликот и не даваше значи на живот. Друг колега не можеше да му најде пулс. Викнаа брза помош која, секоја чест, дојде за шест минути, но за жал не успеаа да го реанимираат и човекот си почина на работното место. Лесна му земја, порача Митровски. - Навистина сакам да алармирам, мимо сите гнусни стереотипи околу адвокатурата, дека се работи за исклучително стресна професија која секојдневно зема данок. Баталете ги предрасудите дека отвараш канцеларија и пари врнат, реалноста е дијаметрално спротивна и адвокатскиот леб е многу горчлив. Воедно сакам и да апелирам на постарите колеги и колешки (починатиот колега имаше 68-70 години) дека нема потреба да се работи до смрт. Лично немам никаква намера да работам адвокатура после моите педесет и две-три години, додава Митровски. Додаде дека премногу се вознемирил, и упати сочуство до семејството на починатиот колега....
Лајка со акција „Вдоми повозрасно куче“
Скопје Инфо - пред 1 ден
Од ЈП Лајка со акција „Вдоми повозрасно куче“. - Тие сѐ уште имаат многу љубов и верност за давање. Чинот на вдомување на повозрасно куче е уникатно искуство на чиста љубов, хуманост и добрина што ќе го имате во животот. Тоа е единствена можност целосно да го отворите своето срце и да му посакате добредојде на животно кое животот можеби и не го галел претходно; прекрасен придружник кој ќе стори се да се вклопи во вашиот живот, лојален и бескрајно благодарен член на вашето семејство, велат од Лајка. Постои идеално возрасно куче за секого, куче кое веднаш би се вклопило во различни ситуации - без разлика дали се работи за семејство со деца или самец кој работи, пензиониран пар или студент. Без разлика на контекстот, сè што сака едно повозрасно куче е да биде видено, сакано, издвоено и препознаено токму тоа како лојален придружник и другар, дел од семејството. Возрасните животни се лесни за адаптирање, нема да поминете низ долги фази на адаптација за стекнување навики, ниту ќе останете без омилените обувки, зошто му растат заби на вашето кутре. Знаат што значи не, знаат да одат на поводник; можете веднаш да креирате заеднички авантури, да патувате со автомобил, да планирате одмор, наведуваат од претпријатието задолжено за благосостојба на животните. - Прекрасни се и инспиративни приказните на вдомени постари кучиња. Бидете и вие пример со некоја таква приказна, со некој од прекрасните сениори од Лајка. Дојдете и посетете не, бројни се шармантните сениори во нашиот стационар, а некој од нив чека токму на вас, се вели во нивната порака....
Вандализам во скопски Карпош: Искорнати дрвјата кои беа засадени деновиве
Скопје Инфо - пред 1 ден
Пуштен во употреба новиот парк на булеварот „Февруарски поход“ во Аеродром...
ВМРО-ДПМНЕ и Вреди ги продолжуваат разговорите за нова влада
Скопје Инфо - пред 1 ден
Работни групи на ВМРО-ДПМНЕ и коалицијата Вреди денеска ќе ги продолжат разговорите за состав на нова влада. Оттаму ја потврдуваат средбата, но нема официјална информација за што ќе се разговара денеска и каде. Од ВМРО-ДПМНЕ за МИА посочуваат дека има тековни разговори на ниво на работни групи и оти ќе известат за каков било евентуален договор. Правата официјална средба помеѓу претставници на ВМРО-ДПМНЕ и Вреди се одржа во саботата на 14 мај. Тогаш беше соопштено дека нивната соработка ќе се базира на три постулати – евроинтеграции, забрзан економски развој, борба против криминалот и корупцијата и владеење на правото. Заклучено е дека двете страни ќе формираат работни групи, на кое ниво ќе продолжат разговорите до нивно финализирање, соопштија тогаш од ВМРО-ДПМНЕ. На средбата во саботата присуствуваа лидерот на ВМРО-ДПМНЕ Христијан Мицкоски со партиските потпретседатели и лидерите од партиите во Коалицијата „Влен“ – Арбен Таравари, Изет Меџити, Биљал Касами и Африм Гаши. Од коалицијата „Влен“ по средбата оценија дека преговорите се одвиваат во позитивна и вистинска насока. Според првичните официјални резултати за парламентарите избори што ги објави ДИК, Коалицијата Твоја Македонија предводена од ВМРО-ДПМНЕ освоено најмногу пратенички мандати, 58, по што следуваат Коалицијата Европски фронт предводена од ДУИ со 19 пратенички мандати, Коалицијата за европска иднина предводена од СДСМ, 18, Коалицијата ВЛЕН, 13, а Движење ЗНАМ за наша Македонија и Левица по шест пратенички мандати....
Започнува седумнаесеттото издание на Фестивалот за современа музика МОДОАРС
Скопје Инфо - пред 1 ден
На отварањето на фестивалот МОДОАРС 2024 на 17.05.2024 во Даут Пашин Амам во 20 часот ќе настапат тројца пијанисти: Ервин Леитер (Унгарија/Грција), Леонид Петрески и Стефанија Јонческа – Тонски. На програмата ќе се изведат дела од класичната и современа литература, меѓу кои Моцартовиот „Турски марш“, Бетовен „Ероика варијации“ и Шопен – скерзо бр. 4. Следуваат концертите на гитаристите Дејан Несторов и Александра Кировска и пијанистката Ангела Николовска кои ќе настапат на 30.05.2024 во галеријата Даут Пашин Амам во 20 часот. На 15-ти јуни, во Даут Пашин Амам ќе се одржи и концерт за деца на кој ќе настапат учениците од Пијано академијата Модоарс. На затварањето на фестивалот ќе настапи пијанистката Ема Попивода со концертот кој воедно е промоција и на нејзиниот нов албум „Суперсоник & Акустик електроникс“. Фестивалот Модоарс донесува нова свежина на скопската културна сцена, а публиката со сигурност ќе има можност да ужива во концертите со несекојдневна музичка програма и изведба на извонредни музички ументици. Фестивалот е поддржан од Министерството за култура на Р.С.Македонија и Општина Центар....
Уапсени 11 лица од Непал на граничниот премин „Богородица“
Скопје Инфо - пред 1 ден
Вчеравечер, во 22.50 часот, полициски службеници Полициската станица за гранични проверки и граничен надзор Богородица при Регионалниот центар за гранични работи Југ затекнале 11 лица државјани на Непал при обид за илегално преминување на државната граница од Република Северна Македонија во Република Грција. Лицата се приведени во Полициската станица за гранични проверки и граничен надзор Богородица, известен е дежурен судија од Основен суд Гевгелија и по негови насоки ним им се дадени решенија за напуштање на територијата на државата, известија од полицијата....
Тешка сообраќајка во кумановско, повредени се три лица
Скопје Инфо - пред 1 ден
Три лица се повредени во сообраќна несреќа што се случила вчера во кумановско. - На 15.05.2024 во 06.25 часот во СВР Куманово било пријавено дека на локалниот пат Куманово-село Макреш, во атар на истото село, општина Старо Нагоричане, се случила сообраќајна несреќа помеѓу патничко возило „сеат кордоба“, управувано од Ј.С.(45) од Куманово и патничко возило „рено меган“, управувано од А.С.(36) од село Канарево, кумановско, двете со кумановски регистарски ознаки. Во несреќата со тешки телесни повреди се здобил возачот Ј.С., додека неговиот сопатник С.А. и другиот возач А.С. се здобиле се телесни повреди, констатирани во Општата болница Куманово, соопштија денеска од полицијата во дневниот билтен. Извршен бил увид од увидна екипа од СВР Куманово....
Затвореник се обеси во кумановскиот затвор, се сомничи за убиство на сестра си и внукот
Скопје Инфо - пред 1 ден
67- годишниот Д. Ѓ. од кумановското село Габреш, кој е осомничен за двојно убиството сестра си и внукот и обид за убиство на другиот внук, бил пронајден мртов во притворското одделение во Казнено-поправната установ Куманово – затвор К`шање. Д. Ѓ. се обесил, откако со чаршаф се врзал за кревет на кат, додека во притворската келија имало уште еден притвореник кој спиел. Според извори од истрагата, самоубиството се случило завчера околу 17 часот, а безживотното тело го пронашол командирот кој вршел редовна обикола во Одделението. Од МВР го потврдија случајот, но не сакаа да дадат повеќе информации, со образложение дека станува збор за самоубиство. Од Основното јавно обвинителство (ОЈО) во Куманово, велат дека тие ги презеле потребните дејствија, откако од затворот К’шање било пријавено дека притворено лице си го одзело животот. „Јавен обвинител изврши увид во ќелијата, сослушано е лице кое било со него, како и управните служби на затворот, прегледани се камерите, а телото е предадено на обдукција. Сега го чекаме обдукцискиот наод и врз основа на него ќе следат другите дејствија“, изјави обвинителката Теута Рамандани од ОЈО Куманово. Д. Ѓ. во притвор го чекал судењето за двојно убиството и обид за убиство, кое требало да започне откако ќе заврши истрагата, бидејќи се работело за обемен предмет. Двојното убиство кое го изврши Д. Ѓ. се случи на 21 февруари годинава во селото Габреш, кога по расправија со двајцата внуци и сестрата извадил пиштол кој го поседувал со дозвола пукал кон нив. Во пукањето се убиени мајката и едниот син, а тешко бил повреден другиот син. „Во 12.25 часот полициски службеници од СВР го лишиле од слобода Д. Ѓ. (67) затоа што во село Габреш, Кумановско, поради нерасчистени имотно-правни односи пукал од огнено оружје кон неговата сестра Д. Р. (63), и нејзините синови Ж. Р. (36) и Т. Р. (38). Итна медицинска помош констатирала смрт кај Д. Р. и Т. Р., додека Ж. Р.со повреди е пренесен во Општа болница Куманово. Увидот е во тек“, соопшти тогаш СВР Куманово....
Обвинителството анализира докази за Палчо кои не може да бидат споделени со јавноста
Скопје Инфо - пред 1 ден
По екстрадицијата на првиот осомничен од Република Турција, јавниот обвинител од Основното јавно обвинителство Скопје продолжува да презема истражни дејствија во предметот за грабнувањето и убиството на Вања Ѓорчевска и Панче Жежовски. За петмина осомничени, од кои тројца соизвршители во тешките кривични дела – две грабнувања и две убиства на свиреп начин, еден осомничен за помагање при грабнувањето на малолетно лице и еден осомничен за помагање по извршеното кривично дело, истрагата е во завршна фаза. Врз основа на меѓународна потерница издадена по наредба на Основното јавно обвинителство Скопје, Република Турција вчера го екстрадираше првиот осомничен за кривичните дела. По барање на јавниот обвинител, за него веќе е определена мерка притвор која веднаш започна да се применува. Во однос на ова лице, јавниот обвинител презема истражни дејствија на прибавување и анализа на докази кои во оваа фаза на постапката не можат да бидат споделени со јавноста....
„Алкалоид“ со две признанија за придонес во безбедноста и здравјето на своите вработени
Скопје Инфо - пред 1 ден
Грижата за вработените и постојаното унапредување на условите за работа, како клучни стратешки цели на „Алкалоид“, се препознаени и афирмирани и од стручните здруженија од областа на безбедноста и здравјето при работа. По повод одбележувањето на Светскиот ден за безбедност и здравје при работа, 28 април, под мотото „БЗР од мали нозе – за идните генерации“, „Алкалоид“ се здоби со две признанија, и тоа за најдобар правен субјект кој реално и стручно придонел во сопствениот развој инвестирајќи/имплементирајќи добри практики во безбедни и здрави работни места за своите вработени и за правен субјект кој најмногу инвестирал во безбедноста и здравјето на своите вработени. Во рамките на настанот, кој беше организиран под покровителство на стручните здруженија од областа на безбедноста и здравјето при работа (Здружението за заштита при работа на Општина Битола, Здружението за безбедност при работа „28 Април“ – Скопје и Здружението на инженери за заштита ТУТЕЛА – Скопје), свое обраќање имаше и членот на УО на „Алкалоид“, Ќире Ицев: „Добиените признанија се најдобар доказ за напорите што ги вложува ’Алкалоид’ во градењето безбедна и здрава работна средина. Ова за нас претставува мотив повеќе и во иднина да продолжиме со напорна работа и со надминување на предизвиците преку континуирано унапредување на воспоставениот систем за безбедност и здравје при работа и преку примена на светски етаблираните практики, кои се со цел заштита на вработените“, истакна Ицев. „Алкалоид“ како компанија во чиј фокус се луѓето пред сѐ останува посветена на процесот на континуирана надградба на безбедна и здрава работна средина за сите вработени, изведувачи и посетители. Системот за управување со безбедноста и здравјето при работа, како и примената на највисоките стандарди се вградени во изведувањето на секојдневните операции и активности. Континуираното вложување во унапредување, осовременување и во примена на етаблираните светски практики има цел превенција, намалување и отстранување на ризиците на секое работно место....
Неексплодирани убојни средства од Првата светска војна пронајдени во прилепскиот регион
Скопје Инфо - пред 1 ден
Регионалниот центар за управување со кризи – Битола информира дека вчера, по дојава на граѓани, од атарот на село Канатларци во општина Прилеп, безбедно се подигнати и отстранети една артилериска граната 155мм една мина од монофрлач 75мм и една рачна бомба. – Сите неексплодирани убојни средства се од Првата светска војна. Истите безбедно се пренесени во магацинот на ДЗС во Битола и со нив ќе се постапува според стандардните оперативни процедури за вакви случаи. Кога ќе пронајдат какви било неексплодирани убојни средства или остатоци од минатите војни, препорака до граѓаните е да не ги фаќаат и поместуваат, туку да се јават на 112 во ЦУК, потенцираат надлежните. Од ЦУК и денеска алармираат за внимателност при грмежи и молњи, да не се престојува на отворен простор и под осамени дрвја. Да се вози внимателно, особено на патиштата низ котлините, речните долини и клисурите, каде има можност од појава на помали одрони. – Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево, нагласуваат од ЦУК. Изминатите 24 часа имало вкупно 1.677 повици на единствениот повикувачки број за итни случаи – 112 во ЦУК. – „Реални“ повици биле 56,59 отсто, а 43,41 проценти за други потреби на граѓаните што не биле итни. Кон полицијата биле упатени 64,43 проценти, кон Итната медицинска помош – 30,04 отсто, а кон пожарникарите – 1,58 проценти од реалните повици, додаваат од ЦУК....