Албанскиот премиер Еди Рама упати вистинска вербална шлаканица до официјална Софија и до сите ЕУ членки кои користат билатерални прашања за блокади, на форум во Тирана, организиран од македонската невладина организација „Солуција“. “Зошто ја блокирате Северна Македонија? За да покажете дома колку сте силни!”, порача Рама заклучувајќи дека политиките на блокади се ужасни, одвратни и антиевропски. “Што Ви е поентата? Што сакате да постигнете со блокадата на Северна Македонија? Што мислите дека ќе постигнете? Да падне поддршката во ЕУ, само тоа можете да го постигнете!”, рече тој. “Ова е најантиевропска политика што може да се замисли, ова е најстрашен пристап кон нашата иднина и долгорочно ова е еднакво штетно и опасно и за нив, не само за нас. Ова е лудо! Целосно лудо! Што значи ова? Дека сега за секоја земја која сака да се зачлени, може да се појави друга и да каже – а, не, прво да видиме кој беше овде прв, кога од мајмуни станавме луѓе, дали бевме ние или вие”, порача Рама и продолжи: “Падот на поддршката кон ЕУ е резултат токму на ова ср..е! Национализмот ја киднапираше ЕУ и ЕУ станува жртва на националистичките пориви на земјите, една, па друга. Решението е просто – не може билатералните прашања да блокираат! А ако некоја земја сака да глуми дека некое билатерално прашање е европско, тогаш мора да има барем уште една што ќе ја поддржува. Не може 26 земји да кажат – ова е билатерално прашање, една да тврди дека е европско, и наеднаш тоа да стане европско. Наместо Бугарија да рече, добро ние имаме проблем со Северна Македонија (иако јас не им го разбирам проблемот, искрено), ама ајде да го оставиме настрана, а преговорите и трансформацијата на земјите да течат, тие бојкотираат. Зошто ги блокирате самите преговори? Зошто блокирате реформи? Лудо! Одвратно!”, рече Рама. “Истово се случи со Константинопол, додека Грците се занимаваа дали ангелите имаат секс, султанот ги освои. Така и ние сега, се занимаваме дали ангелите имаат секс, во регион во кој баш и нема ангели, а опасностите се тука”, рече тој. Албанскиот премиер порача дека опасно е кога минатото станува повлијателно од иднината: “Морате да го погледнете минатото со очите на иднината, не обратно. Нашите проблеми во регионот почнаа тогаш кога добивме држави. Претходно тука си имаше луѓе кои живееја заедно, без разлика на своите различности, тераа бизнис заедно, се женеа и мажеа меѓу себе, се разведуваа… Штом добивме држави почнаа проблемите. Па така сега се занимаваме кои се мајката и таткото на Александар, кој е овој, кој е оној… Какви глупости! Мислите дека обичен грчки таксист денес е навистина антички ексклузивен наследник на Платон? Јас не мислам. Ова се тешки глупости и сите ние се занимаваме со ова до точка кога нашата иднината е загрозена”, порача Рама. Шефот на албанската Влада, инаку, се обрати настан организиран во Тирана од Балканскиот центар за конструктивни политики – “Солуција“, во соработка со Белградскиот центар за безбедносни политики и фондациите Рокфелер и Отворено општество. На настанот, заедно со него, зборуваа и Весела Чернева, заменик директорка на Европскиот Совет за надворешни односи, Мајлинда Брегу, генерална секретарка на Советот за регионална соработка и Даниела Шварцер, членка на француско – германската група за реформи на ЕУ, а настанот беше модериран од претседателот на “Солуција”, Никола Димитров. Фото: „Солуција“ Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Од Министерството за внатрешни работи (МВР) денеска соопштија детали за адвокатот кој вчера почина во Граѓанскиот суд во Скопје. Станува збор за лицето Љ.С., кое е на 75-годишна возраст. ПОВРЗАНИ ВЕСТИ Адвокат почина во Граѓанскиот суд во Скопје – На 16. мај (четврток) во 09.25 часот во СВР Скопје од Итната медицинска помош е пријавено дека во Основен граѓански суд, во ходникот на први кат, има починато лице. Од страна полициски службеници е излезено на местото и е констатирано дека станува збор за Љ.С.(75) од Скопје. Лекар констатирал смрт, а по наредба на јавен обвинител телото е дадено за обдукција. Увид бил извршен, соопштија од МВР. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Бесим Красниќи (44) од Косово денеска е екстрадиран во Македонија и е спроведен во затворот Идризово, информираа од Министерството за внатрешни работи. Тој се бараше со меѓународна потерница по наредба на Основен кривичен суд Скопје за издржување на казна затвор за сторени кривични дела разбојништво, тешки дела против општата сигурност и казнување за подготвување во врска со кривично дело тероризам. ПОВРЗАНИ ВЕСТИ И брат му на Агим Красниќи е меѓу уапсените во Косово Агим Красниќи кој е во бегство 4 години уапсен во Косово Фото: Влада Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Воспитувачи, психолози, педагози, дефектолози како и родители учеа од д-р Ранко Рајовиќ за техниките за негување на интелектуалните способности на децата на еднодневниот семинар што го организира Бимилк по повод одбележување на светскиот ден на семејството, информираат од таму. Експертот за детски развој, д-р Рајовиќ пред присутните на семинарот ги изнесе основите на системот за учење NTC (Никола Тесла Центар) со којшто се интегрираат иновативни детски активности и игри дизајнирани да го оптимизираат развојот на мозокот за време на клучниот период од раѓање до околу десет години. Д-р Ранко Рајовиќ го истакна значењето на играта како внатрешен нагон на детето, клучен елемент на програмата NTC, која стимулира сложени моторни активности, фини моторни вештини и когнитивен развој. „Програмата NTC нуди целокупен пристап за негување на детскиот потенцијал. Преку три фази на имплементација, кои опфаќаат еволуциски поддржувачки активности, класификации на мислата и дивергентно и конвергентно размислување, децата се вклучуваат во учење засновано на игра што го подобрува и сензомоторниот и когнитивниот развој,“ истакна д-р Ранко Рајовиќ. Семинарот не само што ја олесни размената на знаење, туку и ја нагласи важноста на колективните напори на една компанија во обликувањето на посветла иднина. За организаторот на настанот, компанијата Бимилк ова е начин да се вложи во вработените, но и во воспитувачите и педагозите, за да создадат средини кои го негуваат потенцијалот на новите генерации. Со здружување на родителите и воспитувачите, Бимилк има за цел да негува мрежа за поддршка посветена на целокупниот развој на децата, отворајќи го патот за просперитетна заедница. „На 15. мај, Меѓународниот ден на семејството, ја славиме основната улога на семејството во нашето општество. Одбележувањето на овој ден треба да ја подигне свеста за значењето на вредностите кои се негуваат и развиваат во рамки на семејството и како тие потоа се рефлектираат на општественото живеење. Прифаќајќи ги иновативните пристапи во образованието, ние вложуваме во нашите вработени кои се родители, но и во воспитувачите од заедницата, за да создадат средини кои го негуваат потенцијалот на новите генерации. Со здружување на родителите и воспитувачите, се надеваме дека ќе поттикнеме соработка и споделување знаење за доброто на нашата заедница. Вработените за нас се семејство, најважната алка во успехот на Бимилк“, изјави Полексена Јанкуловска, регионален маркетинг менаџер во Бимилк. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Новоотворената 52 concept store во трговскиот центар Рамстор во Скопје е комбинацијa на врвни брендови и исклучителен дизајн со кои се влегува во светот на луксузната мода и креативните иновации. Овој внимателно создаден простор ги обединува најпрестижните имиња во модната индустрија, поставувајќи нов стандард за луксузна малопродажба. Во срцето на 52 концепт продавница се наоѓа исклучителна колекција од Dsquared, храбра софистицираност која се среќава со урбаната елеганција. Колекцијата на Dolce & Gabbana е синоним на безвременска префинетост, каде што традицијата и модерноста се спојуваат беспрекорно. Во 52 concept store се изложени сегменти од најновите колекции, а секое парче раскажува приказна за италијанското мајсторство и богатото културно наследство. Од иконските принтови до извонредната кројка, Dolce & Gabbana нуди врвно модно искуство. Во продавницата има внимателно селектирано модно ќоше со рафинирана едноставност на Brunello Cucinelli, а романтичните креации на Valentino додаваат нота на висока модна драма, нудејќи парчиња кои се безвременски и модерни. „Нашата концепт продавница не е само продажен простор, туку дестинација за врвно луксузно шопинг искуство. Со внимателно направената селекција на парчиња од водечките светски брендови, наша цел е на нашите клиенти да им понудиме уникатно и незаборавно шопинг искуство. Соединувајќи ја уметноста, културата и иновацијата, нашата продавница е модна дестинација која го отсликува духот на Париз, Милано и Њујорк и во која високата мода и стил се на пиедестал – велат од менаџментот на 52 concept storе. За модните ентузијасти и сите вљубеници во високата мода, во концепт продавницата на располагање им стои лична стилистка која ќе им помогне да се одлучат меѓу парискиот шик на Saint Laurent, острите и урбан кул дизајни на Alexander Wang, познат по својот невообичаен пристап кон модата, спој на уличен стил со софистицираност, Whimsical и женствените парчиња на Zimmermann додаваат австралиски шарм и лежерната елеганција на Isabel Marant во бохо стил, совршен за модерната жена која бара и удобност и стил. На располагање се и прекрасниот избор на обувки на Le Silla и Giuseppe Zanotti, секој пар е ремек-дело на италијанското мајсторство. Од зашеметувачки високи потпетици до елегантни рамни чевли, овие брендови нудат различни опции кои се бонусот на секој моден изглед. За пролетните свечености и матурските вечери, има неограничени комбинации кои ќе внесат авантура и елеганцијата на свечените фустани кога ќе се искомбинираат со чантите Jacquemus, креирајќи еден свеж и модерен изглед кој ќе остане безвременски 52 concept storе се наоѓа во приземјето на трговскиот центар Рамстор и работи секој ден. ПР-објава Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Модерните агротехнички и вински практики и иновативни модели во лозарството, како и мерки за намалување на влијанието на климатските промени, беа во фокусот на стручното предавање што го организираше Винарската визба „Тиквеш“ во М6 Едукативниот центар, информираат од таму. Ова стручно предавање е дел од Винската летна школа која се одржува во рамки на Регионалната меѓувладина иницијатива за рурална соработка (The Regional Rural Development Standing Working Group in South Eastern Europe – SWG), а се организира со поддршка на ИАК Консалтинг и Универзитетот Газенхајм од Германија. На Винската летна школа учествуваат студенти по лозарство, претприемачи во винската индустрија, владини експерти и професионалци од областа на производството и маркетингот на вино и винскиот туризам од земјава, но и од Албанија, Молдавија, Босна и Херцеговина, Србија, Црна Гора, Република Српска и Косово. За најновите современи практики во управувањето со лозовите насади, вклучувајќи ги и агро-техничките мерки за справување со климатските промени и најсовремените методи за заштита и контрола зборуваше Александра Ристова, раководител на одделот за управување со лозови насади во ВВ „Тиквеш“, споделувајќи ги искуствата на винарницата за воведување на најновите техники за прецизно лозарство и користење на модерни дигитални алатки базирани на вештачка интелигенција, кои значајно влијаат на подигнување на квалитетот на целокупниот процес на создавање врвно вино. Таа посочи дека примената на напредни дигитални решенија е резултат на дологодишната визија за најсовремено менаџирање на лозовите насади која се имплементира со поддршка на водечкиот промотор на иновации во лозарството Џовани Бигот. Енологот Никола Кузмановски на предавањето ги претстави напредните технологии за производство на вино, сегмент во кој ВВ „Тиквеш“ реализираше сериозни инвестиции во нова технологија, а зборуваше и за првото органско вино кое компанијата го произведе на лозовите насади во Лепово. Во рамките на стручното предавање се обрати и Светозар Јаневски, претседател на Управниот одбор на ВВ „Тиквеш“ кој испрати порака до младите учесници дека доколку сакаат да успеат треба да се стремат кон извонредност и да работат со страст. Тој истакна дека е важно да поседуваме визија и постојано да се стремиме да воведуваме промени и да имплементираме нови иновативни решенија, посочувајќи дека „Тиквеш“ ќе продолжи да го споделува своето искуство и знаење за да помогне во зајакнување на перформансите на регионалната винска индустрија. На стручното предавање, учесниците имаа можност да се информираат и за процесот на воведување ЕСГ стандарди во ВВ „Тиквеш“, како и за чекорите што ги презема винарницата за целосна трансформација во зелена винарница, прва во регионот. Покрај стручното предавање, присутните беа во посета и на лозовите насади во Лепово, а ја посетија и ВВ „Тиквеш“ во Кавадарци. Во рамките на Винската летна школа, учесниците ќе се здобијат со знаења од областа на лозарството и винарството, базирани на најновите сознанија, техники и иновации. Предавањата се организирани во два модули: Меѓународен вински маркетинг и промоција на винскиот туризам и Климатски промени во лозарството и енологијата. Винската летна школа се одржува од 14 до 18. мај 2024 година. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Идниот мандатар за составување на влада, претседателот на ВМРО-ДПМНЕ, Христијан Мицкоси најави дека новата влада ќе го репреговара договорот со „Бехтел и Енка“, за изградбата на автопатите од коридорите 8 и 10д. -За договорот со „Бехтел и Енка“ има две опции. Едната е да се раскине договорот и да се оди на арбитража, да платиме стотици милиони евра и да немаме автопат, а втората е да се оптимизира договорот за што веќе имаме почетни разговори, со што би се забрзал и реализирал проектот. Ние сме повеќе за прагматичниот пристап, граѓаните да добијат автопат, но оптимиран, но ваков каков што е, потпишан од оваа влада, за жал, е во одерена мерка неприменлив поради големите правни проблеми, проблеми со експропријација и технички проблеми. Мојата порака е дека како идна влада сакаме да градиме, а не да рушиме, изјави Мицкоски. ПОВРЗАНИ ВЕСТИ Уставен не поведе постапка за прекувремените работни часови за изградба на автопатите кои ги гради „Бехтел и Енка“ (Фото) „Бехтел и Енка“ бара работници со познавање на „северномакедонски јазик“, кој не постои На „Бехтел и Енка“ им фалат работници, колкави се платите? Фото: Влада Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Времето денеска ќе биде сончево и топло со мала до умерена локална облачност. На североистокот ќе има услови за појава на краткотраен дожд. Ќе дува слаб до умерен, а долж Повардарието краткотрајно засилен ветер од југоисточен правец. Минималната температура ќе биде во интервал од 6 до 12, а максималната од 20 до 25 степен. Во Скопје ќе биде сончево и топло со мала до умерена облачност. Ќе дува слаб до умерен ветер од југоисточен правец. Минималната температура ќе се спушти до 11, а максималната ќе достигне 25 степени. Според Управата за хидрометеоролошки работи, утре ќе настапи преодно стабилизирање на времето со позначителен пораст на дневната температура. Од сабота кон крајот на денот повторно се очекува нестабилно време со локален пороен дожд и грмежи, локално во форма на невреме. Повремена претежно попладневна нестабилност со пороен дожд и грмежи, со променлив интензитет, ќе има се до средината на следната недела. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Акционерското друштво за производство на електрична енергија, Електрани на Северна Македонија (ЕСМ), во државна сопственост, Скопје, склучи договор за набавка на светли деривати за сопствените бензиски пумпи на ЕСМ (РЕК Битола), со друштвото за производство, трговија и услуги, Пуцко петрол увоз-извоз ДООЕЛ с.Пласница, Пласница. Договорот е во вредност од 141.600.000 денари или 2.302.439 евра. Сите детали ОВДЕ. ПОВРЗАНИ ВЕСТИ Која е фирмата „Пуцко петрол“, која ја зголеми сопственоста во ОКТА Каков имот поседува семејството кое е сопственик на „Пуцко петрол“, која е во фокусот на јавноста поради конфискацијата на имотот на „Трансмет“ Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Лидерот на ЗНАМ – За наша Македонија, Максим Димитриевски е најомилен, а Али Ахмети, лидерот на ДУИ е најнеомилен политичар во Македонија, покажува последното мултинационално истражување за Западен Балкан од страна на Центарот за анкетни истражувања (CISR) на Меѓународниот републикански институт (ИРИ), спроведено во периодот од 2 февруари до 5. март. За Димитриевски 48% од испитаниците во земјава дале позитиво мислење – 33% се изјасниле дека имаат позитивно мислење, а 15% многу позитивно. За Христијан Мицковски, лидерот на ВМРО-ДПМНЕ, позитивно се изјасниле за 3% помалку испитаници, односно 45%, а 46% имаат негативно или многу негативно мислење. За лидерот на Левица, Димитар Апасиев, 31% се изјасниле позитивно, а 54% од испитаниците имаат негативно или многу негативно мислење за него. За Димитар Ковачевски, лидерот на СДСМ, 23% од анкетираните граѓани имале позитивно мислење, а 68% од испитанците за него искажале негативно или многу негативно мислење. Ахмети има позитивна оценка од 19% – 10% се изјасниле дека имаат многу позитивно мислење, а 9% имаат позитивно мислење, а за Таравари 5% се со многу позитивно и 14% со позитивно мислење. За Ахмети 72% од испитаниците рекле дека имаат негативно или многу негативно мислење за него, а за Таравари 68% рекле дека имаат негативно или многу негативно мислење. Во анкета учествувале 1.220 возрасни испитаници во Македонија. ПОВРЗАНИ ВЕСТИ Ердоган најпопуларен странски политичар во Македонија, по него Путин, трет Бајден: Анкета на ИРИ Фото: ЗНАМ/Илустрација: ИРИ Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Најавата на идниот мандатор за состав на влада, лидерот на ВМРО-ДПМНЕ, Христијан Мицкоски, дека и тој како и македонската претседателка Гордана Силјановска Давкова во изјави и обраќања нема да го користи уставното име, предизвика бура во Грција. ПОВРЗАНИ ВЕСТИ И Мицкоски ќе употребува Македонија, ја повика и Силјановска да продолжи да го прави тоа Според него тоа не е прекршување на Договорот од Преспа, а освен што најави дека ќе користи Македонија и македонски, ја повика и Силјановска Давкова да продолжи да го прави тоа. Мицкоски е топ тема во грчките медиуми, кои оваа најава генерално ја отценуваат како нова провокација, а го пренесуваат и делот во кој тој вели дека ако со тоа Грција смета дека Договорот е прекрешен, работите да се „расчистат“ со аргументи на Меѓународниот суд за правда. ПОВРЗАНИ ВЕСТИ СИРИЗА ги поднесе меморандумите со Македонија, Грција ќе покаже на дело колку го почитува Преспанскиот договор Од грчките власти, кои веќе најави дека чекаат да видат како Мицкоски ќе се однесува кога ќе стане премиер, засега нема реакција, а регираше опозициската СИРИЗА, која категорично го осуди „новото провокативно прекршување на Договорот од Преспа од претседателот на ВМРО, господинот Христијан Мицкоски“ и го повика конечно да се усогласи со меѓународното право. Од таму го потсетуваат Мицкоски, „на принципот на меѓународното право „pacta sunt servanda“ (договорите се обврзувачки и треба да се почитуваат), како и на предвидените санкции што произлегуваат од меѓународното право при континуираното прекршување на Договорот од Преспа“ и дека Договорот е предуслов за членство на Македонија во Европската Унија. ПОВРЗАНИ ВЕСТИ Грција нема да ги ратификува меморандумите со Македонија од Договорот од Преспа (Видео) Нема ни северна, ни јужна, Македонија е една и грчка: Претседател на грчка партија во Парламентот го искина Договорот од Преспа Фото: ВМРО-ДПМНЕ Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Поради недостапноста на Љупчо Палевски Палчо, првоосомничениот за убиството на 14-годишната Вања Ѓорчевска од Скопје и 74-годишниот Панче Жежовски од Велес, истрагата за овој случај се уште не е завршена, па затоа нема ни обвнинение за него. ПОВРЗАНИ ВЕСТИ За Палевски се уште нема обвинение Тој наскоро треба да го даде ствојот прв исказ пред обвинител, а како што е познато откако беше екстрадиран од Турција, каде избега, моментално е во истражниот затвор Скопје, попознат како Шутка. ПОВРЗАНИ ВЕСТИ (Видео) Како беше донесен Палевски во Шутка Од Јавното обвинителство (ЈО) информираа дека истрагата е во завршна фаза. -За петмина осомничени, од кои тројца соизвршители во тешките кривични дела – две грабнувања и две убиства на свиреп начин, еден осомничен за помагање при грабнувањето на малолетно лице и еден осомничен за помагање по извршеното кривично дело, истрагата е во завршна фаза, велат од ЈО. За Палевски се активираше мерката притвор веднаш штом беше екстрадиран во земјава. -Во однос на ова лице, јавниот обвинител презема истражни дејствија на прибавување и анализа на докази кои во оваа фаза на постапката не можат да бидат споделени со јавноста, информираа од ЈО. ПОВРЗАНИ ВЕСТИ (Фото) Палчо во наводно писмо тврди дека тој барал брза екстрадиција: „Министерот Лога лаже“ (Фото) Партијата „Десна“ објави наводно писмо од Палчо, во кое вели дека не киднапирал и убивал деца и старци Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Компаниите од Германија кои работат во Македонија ја оценуваат бизнис климата во земјава како добра, најмногу им фали стручен кадар, што е и една од причните за благ пад на инвестициите на германските компании, покажува традиционалната анкета на Македонско – германското стопанско здружение, спроведена помеѓу меѓу германските инвеститори и компании во земјава. Според истата 37% од нив изјавиле дека имаат намера да ги намалат планираните тековни инвестиции, 33% да ги остават на исто ниво, 30% да ги зголемат, а 69% од компаниите изјавиле дека повторно би инвестирале во државава. Анкетата покажува дека 70% од германските компании во Македонија сметаат дека недостигот на стручни кадри е еден од најголемите ризици, 57% проценти сметаат дека и трошоците на работењето се еден од факторите за ризик, а 47% сметат дека влијае и економско-политичката ситуација. Директорката на АХК Северна Македонија, надлежна и за Албанија и Косово, Антје Ванделт, на презентацијата на резултатите од анкетата, рече и дека Македонија може да профитира од тоа што Германија е во рецесија. – Можеме да кажеме дека едноставно во Германија дојде до рецесијата поради тоа што се префрла производството од Германија, така што директно можеме да кажеме дека Македонија може да профитира од рецесијата во Германија, односно германските компании бараат други пазари каде што можат да ги префрлат своите цели производни процеси. Тоа и се случува. Затоа имаме и големи реинвестиции од страна на скоро сите германски инвеститори коишто се во земјата и сега засега тоа се одвива многу позитивно. Наша проценка е дека тоа и во иднина ќе продолжи така – да се префрла се повеќе производството наваму, рече таа. Во Македонија работат повеќе од 200 германски компании кои вработуваат над 20 илјади вработени. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

И идниот мандатар за состав на нова влада, лидерот на ВМРО-ДПМНЕ, Христијан Мицкоски, во изјави или обраќање нема да го користи уставното име, а ја повика и македонската претседателка Гордана Силјановска Давкова да продолжи тоа да го прави. За него, како што изјави денеска, тоа што Силјановска Давкова не го употребила уставното име на државата за време на заклетвата било достоинствено. „И додека давам изјави и додека се обраќам пред вас новинарите, јас, а очекувам тоа да биде и начин на однесување на претседателката Силјановска, да се користат термините Македонија и придавката македонски, бидејќи на тој начин, според нашето толкување на Преспанскиот договор, немаме прекршување на истиот. Ја користам оваа прилика да испратам порака до нашите пријатели во Грција, да престанеме со закани и со опструкции и со враќање назад во минатото, да гледаме напред во иднината. Ова се документи што се дел од правото. Ако тие мислат дека ние сме го прекршиле Преспанскиот договор, тогаш постои меѓународен суд за правда, може да отпочнат процес, па таму ќе ги вкрстиме и едните и другите аргументи. Не би сакал да дојде до тоа“, рече тој. За употребата на уставното име тој посочи дека комуникацијата во институциите и меѓу институциите останува согласно законот со употребата на уставното име, но како што подвлече негово основно човеково право е како ќе ја нарекува својата држава. Тој рече и дека очекувал од Грција честитка, а наместо тоа „добивме, за жал, политички мускули“. Напомена дека на заканите за вето на Грција, Македонија нема да одговори така што ќе ги повтори грешките од минатото, со менување имиња на автопати и градење споменици, туку ќе одговори со повици за меѓусебна соработка и добрососедски односи. „Ако некој очекува од ВМРО-ДПМНЕ да ги повтори грешките од минататото, Ве уверам дека тоа нема да го направиме. Ние немаме намера на нивните политички мускули да реагираме на начин што ќе ги промениме имињата на автопатите, на аеродромите или да градиме споменици. Ние само би сакале да бидеме среќни, да биде ратификуван протоколот за економска соработка меѓу двете држави. Ги канам грчките компании да инвестираат во Македонија и македонските компании да инвестираат во Грција. Така треба да соработуваат партнери, сакам да видам ваков вид на соработка. За жал, нема втора можност за прв впечаток, а за жал, од првиот впечаток од нашиот сосед, наместо честитика за убедливиот триумф и на ВМРО-ДПМНЕ и на Силјановска, видовме на отворена сцена политички мускули, иако тоа се што е дел од Преспанскиот договор во целост, за жал и отповеќе е имплементирано тука во Македонија, а од тоа што можеме да видиме што се случува кај нашиот јужен сосед, основните три работи кои требале да ги завршат, за жал не ги завршиле“, рече тој. Очекува во најското време да се видат со грчкиот премиер Киријакос Мицотакис и да разговараат за соработка во делот на економијата, туризмот, образованието… ПОВРЗАНИ ВЕСТИ Грција нема да ги ратификува меморандумите со Македонија од Договорот од Преспа СИРИЗА ги поднесе меморандумите со Македонија, Грција ќе покаже на дело колку го почитува Преспанскиот договор Функционерите на ВМРО-ДПМНЕ ќе користат „Северна“ само кога тоа го налага законот Фото: ВМРО-ДПМНЕ Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Претседателот на ВМРО-ДПМНЕ, Христијан Мицкоски, идниот мандатор за состав на нова влада, денеска изјави дека партијата и коалицијата „Твоја Македонија“, кои освоија 58 пратеници на парламентарните избори, има консолидирано 61 пратеник, колку што се потребни за составување на влада. Тој не откри од каде доаѓаат тројцата плус пратеници, но рече дека завршуваат разговорите со нив и тие не се дел од коалицијата „Твоја Македонија“. „Имајќи во предвид дека состојбата е чувствителна, не можам да ги кажам деталите. Ќе ги дознаете денеска. Покрај 58 пратеници кои ги има самата коалиција, а ја чекаме и одлуката на Управниот суд за изборните едници 5 и 6, можам да кажам дека имаме консолидирано 61 пратеник. Тоа нема да не повлече од идните потенцијални коалициони партнери“, рече Мицкоски, кој сака да направи коалиција која ќе има двотретинско мнозинство во македонското Собрание или најмалку 80 пратеници. Денеска прва средба за состав на влада имаа работните групи на ВМРО-ДПМНЕ и коаицијата „Вреди“. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Дигитализацијата, како една од приоритетните области на делување и платформата за забрзан економски раст на Македонија2025, беше една од темите во фокусот на вториот ден од Самитот што се одржува во Скопје. Токму во насока на значително продлабочување на соработката во областа на дигиталната трансформација, во рамки на Самитот беше потпишан Меморандум за соработка помеѓу Македонија2025, Центарот за дигитална трансформација „ГоДигитал“, Швајцарската програма за зголемување на пазарната вработливост (ИМЕ), „ВИЗА Југоисточна Европа“ и „Клириншка куќа – Клириншки интербанкарски системи АД Скопје“ (КИБС). Целта од ова партнерство е да се овозможи конкретна поддршка на домашните мали и средни претпријатија во имплементацијата на нови дигитални технологии и производи. Претседавачот на Одборот на директори на Македонија2025, Мајкл Чкламовски, изрази големо задоволство од воспоставувањето на оваа соработка потенцирајќи дека: „Македонија2025 е целосно посветена на поддршка на Центарот за дигитална трансформација – ГоДигитал. Веруваме дека креирањето на екосистем за дигитална трансформација ќе придонесе кон засилување на конкурентноста и иновативноста на македонската економија”. На официјалното потпишување на меморандумот присуствуваше и амбасадорката на Швајцарија во Северна Македонија Н.Е. Вероник Улман, која во оваа прилика изјави: „Швајцарија е силно посветена на поддршката на земјата во нејзиниот пат кон одржлив економски развој. Преку нашата развојна програма ги поддржуваме процесите на дигитална трансформација на микро, малите и средни претпријатија, со фокус на агробизнисот и одржливиот активен туризам. Го поддржуваме и ИКТ секторот и веруваме дека ова ново партнерство создава нови деловни можности за ИКТ компаниите во земјата”. За Горан Анастасовски од КИБС „оваа иницијатива претставува значајна можност за едукација на кадарот во малите и средни претпријатија, а се надеваме и јавната администрација“, со што реално ќе се поттикне процесот на дигитализација во земјата. Потсетувајќи дека формирањето и поддршката за „ГоДигитал“ од страна на Македонија2025 е дел од стратешката определба на организацијата за нејзино поголемо вклучување во процесот на дигитализација на општеството, со посебен акцент на малите и средни претпријатија, членот на Одборот на директори на Македонија2025 Васко Кроневски истакна: „Целата поддршка која ја дава Македонија2025, преку ресурси и експертиза, е насочена иницијално да го постави и да го креира екосистемот на консултанти и компании кои ќе нудат иновативни решенија, кои ќе овозможат дигитализација на компаниите каде што тие ќе бидат имплементирани, истовремено работејќи сето тоа да биде одржливо на долг рок“. Искажувајќи задоволство од воспоставувањето на новото партнерство, извршната директорка на Македонија2025, проф. Никица Мојсоска Блажевски оцени дека „со здружување на нашите ресурси и напори заедно ќе придонесеме кон побрза дигитализација барем во еден дел од општеството, конкретно на бизнисите“. Таа најави дека набрзо очекува приклучување и на други организации и компании кон оваа иницијатива. Инаку, покрај дигитализацијата, во фокусот на вториот ден од годинешниот Самит на Македонија2025 беше и темата за начините за справување со корупцијата како еден од предусловите за забрзан развој, а значајно внимание привлече и панел-сесијата за ефикасните стратегии за привлекување инвестиции во новата глобална ера. На вториот ден од Самитот, на сесијата посветена на демократија и слобода на говор се обрати Крис Павловски, основач на „Рамбл“ и член на Одборот на директори на МК2025, еден од најуспешните Македонци во дијаспората, со големи инвестиции во домашната економија. Дискусиите во овој дел од Самитот се насочени и кон креирање на нови стратегии за градење прилагодливи синџири за снабдување во услови на глобални нарушувања, околу предизвиците и перспективите за натамошен раст на автомобилската индустрија, за начините на искористување на дигиталните здравствени иновации за подобри медицински услуги во Југоисточна Европа, како и за значењето на податоците и нивната анализа во успехот на бизнисите. Конференцискиот дел од годинешниот Самит на Македонија 2025, на кој учество зедоа над 50 говорници во 12 панел-сесии и на кој присуствуваа над 500 претставници од домашни, регионални и компании од дијаспората, експерти и лидери, ќе биде затворен со обраќање на потенцијалниот мандатар за состав на новата влада Христијан Мицкоски. ПОВРЗАНИ ВЕСТИ Самит Македонија2025: Успешни приказни за семејни бизниси Самит Македонија 2025: 90 лица од дијаспората им помагаат на македонските компании да го зголемат извозот Самит Македонија 2025: Раст од 5% на БДП, за Македонија да фати економски чекор со останатите Фото: Македонија2025 Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Државниот завод за статистика информираше дека во првите три месеци од годинава вкупната вредност на договорените градежни работи во странство изнесува 158.247.000 денари, што е за 10,8 проценти повеќе во споредба со истиот период лани. Градежната оператива од Македонија во овој период во странство извршила градежни работи во вкупна вредност од 49.822.000 денари, што е за 16,4 проценти повеќе во споредба со истиот период лани. Македонските градежници договориле и вршеле работа во Германија, Црна Гора, Бугарија, Босна и Херцеговина и Албанија. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Најстариот запис за семеен бизнис датира од Јапонија, имено градежната компанија „Куто думо“ е основана 566 година и се уште работи. Постои 1.500 години, и има 40 генерации на директори од иста фамилија. Започнала со изградба на будистички храмови. Со оваа импресивна приказна за успешен јапонски семеен бизнис, започна панелот посветен на семејните бизниси во рамки на Самит Македонија2025. Приказните за семејните бизниси, на овој панел ги раскажаа Алтан Малиќи, Глигор Цветанов, Кирк Зафировски и Владислав Лалиќ. Никој не треба да ти даде, туку треба сам да си земеш Алтан Маличи од Маличи груп е втората генерација од водењето на семејниот бизнис. Според Маличи, најважно за семејниот бизнис е да се задржат работите кои се важни како за семејството така и за бизнисот, и во комбинација со старото да се воведат нови работи и иновации. Според него, не било лесно 10 компании со различна структура да се спојат во една. Тој вели дека важен дел од тој процес биле вработените кои се со долгогодишно работно искуство, како и помошта од експертите. „Не сакавме веднаш да почнеме да растеме, сакавме да видиме до каде сме, што е потребно да се направи, каде ни е силата, каде сме слаби и да направиме добар план. Се обидовме да го земеме најдоброто од првата генерација и да го комбинираме со втората генерација и со новите трендови. Потребно е егото да се остави, и оттука побаравме помош од професионалци кои ќе ни помогнат да ја унапредиме компанијата. Потребни се добри луѓе, експерти кои сакаат да работат, професионалци кои ја познаваат индустријата. Немав храброст да ја превземам менаџерската улога во некој од бизнисите, туку побарав да учам од подобриот, да учам од луѓе кои се поискусни. Им веруваме на луѓето со кои работиме, не гледам на тоа дали ни се семејство. Сите се членови на семејството, без разлика на крвно сродство. Повеќе време поминуваме со колегите отколку со семејството,“ изјави Маличи. Тој вели дека секоја генерација си има друг пристап во работењето, бидејќи времињата се менуваат. „Тесно соработуваме меѓу себе, транспарентни сме, водиме политика на отворени врати. Кога имаме различни мислења, се сослушуваме и го земаме најдоброто. Според мене, неуспехот е најголемиот учител. Потребно е да бидеме покрај третата генерација, кога ќе имаат одговорност за да донесат тешки одлуки, да сме блиску до нив. Тоа е подобро, отколку да не им дозволите да грешат,“ вели Маличи. Неговата филозофија е дека никој не може да ти даде, туку треба сам да земеш и да видиш што сакаш да работи. „Во една прилика кога го прашав татко ми, што да работам, ми одговори, што сакаш. Оттука сфатив дека никој не може да ти даде, туку треба сам да си земеш,“ раскажува Маличи. Според него, важен е менталитетот на луѓето во компанијата, како и корпоративната култура. „Имаме устав на компанијата и се обидуваме да се држиме до него. Потребно е луѓето да делуваат не како поединци, туку како групи, како семејство,“ дополнува Малоичи. Не е нужно директорите да се од семејството Генералниот директор на една од најуспешните македонски компании „Макпрогрес“, Глигор Цветанов изјави дека компанијата постои 34 години, а тој е во неа 13 години. Тој вели дека ги поминал сите внатрешни процеси, и со неговиот татко имаат заеднички видувања за компанијата. Цветанов го загрижува фактот што статистиката покажува дека 70% од семејните бизниси не ја преживуваат втората генерација и не постојат институции кои работат на генерациски трансфер во компаниите. „Процесот на семејна транзиција не е лесен, бидејќи или компанијата не е подготвена или основачот не е подготвен да ја предаде моќта на наследникот или пак наследникот не е подготвен да ја превземе таа одговорност. За среќа транзицијата во втората генерација ја преживеавме. Мојот син е веќе во компанијата, почнува од пониските позиции. Не секогаш е нужно сопствениците да се и директори. Децата, ако не се подготвени подобро е да не бидат менаџери. За секоја семејна компанија, важно е да има семеен устав, кој на членовите на семејството ќе им даде насоки и секој да си го знае своето место во компаниите. На тој начин ќе биде појасно во која насока компанијата треба да се движи,“ додаде Цветанов. Тој вели за овие 30 години работа со татко му, тие се мешавина од неговото искуство и мудрост и неговата страст и волја за нови технологии и нов начин на размислување. „Сфативме дека не можеме сами, најпрво создадовме добра структура на професионални менаџери. Иако сме семејна компанија, менаџерите се однадвор. Компанијата брои 700 луѓе и потребно е да ја водат професионалци,“ додаде Цветанов. Кирк Зафировски од Заф груп, син на Мајк Зафировски истакна дека во нивната семејна компанија исто така има устав, според кој се водат во кој правец ќе се одвива бизнисот. „Учиме од грешките, бараме ментори за развој на стратегии. Основата ја поставивме, но не знаеме како сето тоа ќе се одвива во наредните 5 до 10 години. Но она што треба да се истакне е што нашата организација, е филантропски настроена. Една од целите е 10% од нето-вредноста да вложуваме во нешта што за нас се важни,“ изјави Зафировски. Владислав Лалиќ, кој исто така беше дел од говорниците, не доаѓа од семејна компанија, но го раскажа драгоценото искуство кое го стекнал од работата во Икеа, која е семејна компанија. Според него, најголем дел од успехот на оваа компанија и она што таа денес претставува е што имала одлична корпоративна култура, како и тоа што нејзиниот сопственик откако се повлекол и ја оставил компанијата на професионалци, таа ја зголемила својата вредност, профитабилност, по број на продавници за тројно. ПОВРЗАНИ ВЕСТИ Самит Македонија 2025: 90 лица од дијаспората им помагаат на македонските компании да го зголемат извозот Самит Македонија 2025: Раст од 5% на БДП, за Македонија да фати економски чекор со останатите Фото: Македонија 2025 Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Адвокат на возраст од 68-70 години денеска починал во Граѓанскиот суд во Скопје. Информацијата на Фејсбук ја сподели адвокатот Јанаки Митровски. „Бев сведок на исклучително непријатна ситуација. Чекајќи судење на прв спрат во скопскиот граѓански суд во девет наутро, одеднаш се слушна силен тресок, и колега адвокат падна на земја пред мои очи. Притрчавме повеќе луѓе, го полија со вода но колегата помодре на ликот и не даваше значи на живот. Друг колега не можеше да му најде пулс. Викнаа брза помош која, секоја чест, дојде за шест минути, но за жал не успеаа да го реанимираат и човекот си почина на работното место. Лесна му земја“, напиша тој и алармира дека се работи за исклучително стресна професија која секојдневно го зема данокот. „Навистина сакам да алармирам, мимо сите гнусни стереотипи околу адвокатурата, дека се работи за исклучително стресна професија која секојдневно зема данок. Баталете ги предрасудите дека отвараш канцеларија и пари врнат, реалноста е дијаметрално спротивна и адвокатскиот леб е многу горчлив. Воедно сакам и да апелирам на постарите колеги и колешки (починатиот колега имаше 68-70 години) дека нема потреба да се работи до смрт. Лично немам никаква намера да работам адвокатура после моите педесет и две-три години. Премногу се вознемирив, и се уште сум, вечна му слава на колегата и сочуство до семејството“, напиша меѓудругото Митровски. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Охрид беше домаќин на 20-тото издание на Меѓународната регулаторна конференција за телекомуникации во организација на Агенцијата за електронски комуникации (АЕК). Под насловот „Премостување на јазот – влез во новата дигитална ера“, присутните на Конференцијата добија можност да дознаат повеќе за современите предизвици во телекомуникацискиот свет и безбедното навигирање низ него. Според однапред предвидената агенда, на конференцијата се одржаа три панели посветени на управување со спектарот и мониторинг, сајбер безбедноста, регулаторните прашања и пристап до широкопојасен интернет, кои се во контекст на најновите инспиративни области во електронските комуникации. Дополнително, беа истакнати и нови анализи и заклучоци за состојбата во полето на телекомуникациите во земјата кои покажуваат интересни трендови. Постојаните инвестиции на домашните оператори кон подобрување на инфраструктурата и на целосната услуга придонесоа за зацврстување на мрежата и приклучок кон глобалните стандарди и мрежни брзини. Директорот на АЕК, Јетон Акику, напомена дека Македонија поставува пример за прифаќање и успешна имплементација на новите технологии, што го потврдува и фактот дека нашата 5G мрежа е најдобра во регионот и една од најдобрите на континентот. Мерењата покажаа дека двата најголеми оператори во земјата достигнуваат максимални 5G брзини од 1 гигабит во секунда и просек од 240 мегабити во секунда во градовите и 100 мегабити во секунда на патиштата во нашата земја, што ја рангира нашата национална 5G мрежа пред оние во Србија, Хрватска, Албанија, Бугарија, Косово… Што се однесува до општиот перформанс на мобилната мрежа, мерењата покажаа дека домашните оператори стабилно напредуваат и на ова поле. Анализата на АЕК ја оцени мрежата на Македонски Телеком со вкупно 637,7 индексни поени, што е највисокиот резултат помеѓу операторите во земјата, следен од А1 Македонија со 618,8 индекс поени. Оценувањето се врши според глобално прифатениот стандард Network Performance Score (NPS), која претставува метрика што го мери целокупниот перформанс на мрежата. Слична ситуација покажуваат и мерењата на перформансот на мобилниот интернет. На патиштата, Македонски Телеком има оцена од 40 наспроти 36 на А1 Македонија, потоа кај малите општини е 100,9 за Македонски Телеком наспроти 92 на А1 Македонија, а кај големите општини мобилниот интернет на Телеком е оценет со 158,7, додека А1 Македонија забележа 142,9 индекс поени. Минатата година сме имале 1.920.403 активни корисници во мобилна телефонија. Кај интернет услугите има раст, и тоа како на мобилните, така и на вкупните. Вкупниот број на корисници со пристап до интернет (без да се вклучат тие со пристап преку мобилен телефон) е 521.918, или околу 20.000 повеќе отколку во 2022 година. Заедно со пристапот до интернет и преку мобилни телефони, бројката достигнува до 1.489.288. Како и да е, оваа бројка е за седумдесетина илјади поголема отколку во 2022 година. Во пракса, имаме сѐ помасовно користење паметни телефони и телекомуникациски пакети коишто по автоматизам вклучуваат интернет. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Отворен настан во Градски Парк за децата, младите, родителите и за сите што сакаат да се спротивстават на врсничкото насилство в сабота (18. мај) ќе се одржи во рамки на општествено одговорната кампања на „Макпетрол“, информираат од таму. Со почеток од 11 часот, на зеленилото популарно познато како „Вембли“ (до езерцето спроти стадионот), позитивната енергија ќе биде одговор на горливиот проблем со булингот. Диџеј Боно, Сашко Коцев, „Биби и Боби“, Лозано, Пајак, Весна Петрушевска со децата од нејзината актерска школа, како и други гости, ќе бидат дел од програмата на оваа забавна дружба што е дел од кампањата „Крени глас против врсничко насилство“. Најмладите, исто така, ќе можат да уживаат и во низа интерактивни содржини и популарни игри. – Пресреќни сме што во текот на оваа наша општествено одговорна активност добивме толку многу поддржувачи. Почнувајќи од децата и младите, од кои добивме впечаток дека им е навистина мило што, конечно, така отворено и толку гласно, се зборува за проблем со којшто тие секојдневно се соочуваат. Секако, тука се и општините, кои ја препознаа вредноста на нашата идеја и активно се вклучија во обезбедувањето услови за учениците да се здобијат со знаења за булингот. Наставниците, стручните служби, како и родителите, исто така, застанаа зад кампањата и помогнаа фокусот на јавноста да се сврти кон врсничкото насилство. За да се реши проблемот со булингот потребна е уште работа и посветеност, но веруваме дека и со позитивната енергија од нашиот настан, ќе придонесеме да се придвижиме во вистинска насока – вели Марија Јосифовска-Спасовска, член на Управен одбор и директор во „Макпетрол“. На „Крени глас против врсничко насилство“ досега се приклучија 24 општини. Претходните месеци, од почетокот на 2024, Берово, Свети Николе, Ново Село, Струга, Кавадарци, Валандово, Дојран, Кочани, Охрид, Виница, Битола, Штип, Бутел, Петровец и Чучер-Сандево станаа дел од општествено одговорната кампања на „Макпетрол“. Во 2023 година, пак, компанијата потпиша меморандуми за соработка и со Центар, Аеродром, Гази Баба, Гевгелија, Демир Капија, Куманово, Карпош, Кисела Вода, како и Ѓорче Петров. За сите 24 општини „Макпетрол“ обезбеди едукативни материјали и работилници предводени од психолог со долгогодишно искуство со проблемот со булингот. Десетици училишта со неколку илјади ученици беа дел од овие образовни средби, а во останатите истите се во тек. Физичкото, вербалното, психичкото, социјалното и сајбер-насилството се најчестите форми на булинг, а токму со нив децата и младите се запознаваат во текот на едукативните средби. Општествено одговорната кампања на „Макпетрол“ ќе биде активна и во следниот период. Сите објавени комуникациски материјали, како едукативни спотови, епизоди од анимираната серија „Биби и Боби“, брошури наменети за деца, родители и за наставници и понатаму ќе бидат достапни на социјалните мрежи, како и на вебсајтот kreniglas.mk. На оваа платформа и натаму, секој што имал некакво искуство со булингот, ќе има простор анонимно да ја сподели личната приказна. Дополнително, преку интерактивни тестови, сите можат да препознаат дали биле сторители, жртви или набљудувачи на врсничкото насилство. Стратешкиот приоритет за општествена одговорност „Макпетрол“ го исполнува со кампањата „Крени глас против врсничко насилство“. Изминативе години, компанијата се јавува како иницијатор или учесник во активности за поддршка на заедницата, посочуваат од таму. Централен интерес на кампањата „Стоп за булинг“ се младите, односно преку неа се создава поткрепа во соочувањето со проблемот со врсничкото насилство. Значаен дел од општествено одговорните активности „Макпетрол“ и во иднина ќе биде креирањето услови за развој и реализација на потенцијалите на младите генерации. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

По повод одбележувањето на Светскиот ден на семејството, 15. мај, компанијата Бимилк, организираше еднодневен голем настан на кој зборуваше познатиот експерт за детски развој д-р Ранко Рајовиќ, информираат од таму. На семинарот, на кој присуствуваа родители од Бимилк, воспитувачи, психолози, педагози и дефектолози беше прикажана стручноста на д-р Рајовиќ за негување на интелектуалните способности на децата преку познатиот систем за учење NTC (Никола Тесла Центар). Вкоренета во најновите откритија на невронауката, програмата за учење NTC интегрира иновативни детски активности и игри дизајнирани да го оптимизираат развојот на мозокот за време на клучниот период од раѓање до околу десет години. Д-р Ранко Рајовиќ го истакна значењето на играта како внатрешен нагон на детето, клучен елемент на програмата NTC, која стимулира сложени моторни активности, фини моторни вештини и когнитивен развој. „Програмата NTC нуди целокупен пристап за негување на детскиот потенцијал. Преку три фази на имплементација, кои опфаќаат еволуциски поддржувачки активности, класификации на мислата и дивергентно и конвергентно размислување, децата се вклучуваат во учење засновано на игра што го подобрува и сензомоторниот и когнитивниот развој,“ истакна д-р Ранко Рајовиќ. Од своето основање во 2008 година, програмата NTC доби признание во светот, со имплементација во 17 европски земји и акредитација од страна на министерствата за образование во седум држави. Неговата експанзија ја нагласува нејзината ефикасност во поттикнувањето на интелектуалниот раст на децата и е пофалена од едукаторите ширум светот. „На 15 мај, Меѓународниот ден на семејството, ја славиме основната улога на семејството во нашето општество. Одбележувањето на овој ден треба да ја подигне свеста за значењето на вредностите кои се негуваат и развиваат во рамки на семејството и како тие потоа се рефлектираат на општественото живеење. Прифаќајќи ги иновативните пристапи во образованието, ние вложуваме во нашите вработени кои се родители, но и во воспитувачите од заедницата, за да создадат средини кои го негуваат потенцијалот на новите генерации. Со здружување на родителите и воспитувачите, се надеваме дека ќе поттикнеме соработка и споделување знаење за доброто на нашата заедница. Вработените за нас се семејство, најважната алка во успехот на Бимилк,“ изјави Полексена Јанкуловска, регионален маркетинг менаџер во Бимилк. Семинарот не само што ја олесни размената на знаење, туку и ја нагласи важноста на колективните напори на една компанија во обликувањето на посветла иднина. Со здружување на родителите и воспитувачите, Бимилк има за цел да негува мрежа за поддршка посветена на целокупниот развој на децата, отворајќи го патот за просперитетна заедница. Бимилк како општествено одговорна компанија, ја зема предвид и улогата во едукацијата и развојот на вработените и младите, во пренесување на знаење и вредности и на тој начин активно учествува во создавање здрава, едуцирана и одговорна младина. Ова е дел од проектите кои Бимилк ги создава под платформата „Растеме заедно“ и континуирано ќе продолжи да едуцира за подобра иднина на младите, посочуваат од таму. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Грижата за вработените и постојаното унапредување на условите за работа, како клучни стратешки цели на „Алкалоид“, се препознаени и афирмирани и од стручните здруженија од областа на безбедноста и здравјето при работа. По повод одбележувањето на Светскиот ден за безбедност и здравје при работа, 28 април, под мотото „БЗР од мали нозе – за идните генерации“, „Алкалоид“ се здоби со две признанија, и тоа за најдобар правен субјект кој реално и стручно придонел во сопствениот развој инвестирајќи/имплементирајќи добри практики во безбедни и здрави работни места за своите вработени и за правен субјект кој најмногу инвестирал во безбедноста и здравјето на своите вработени, информираат од таму. Во рамките на настанот, кој беше организиран под покровителство на стручните здруженија од областа на безбедноста и здравјето при работа (Здружението за заштита при работа на Општина Битола, Здружението за безбедност при работа „28 Април“ – Скопје и Здружението на инженери за заштита ТУТЕЛА – Скопје), свое обраќање имаше и членот на Управниот одбор на „Алкалоид“, Ќире Ицев: „Добиените признанија се најдобар доказ за напорите што ги вложува ’Алкалоид’ во градењето безбедна и здрава работна средина. Ова за нас претставува мотив повеќе и во иднина да продолжиме со напорна работа и со надминување на предизвиците преку континуирано унапредување на воспоставениот систем за безбедност и здравје при работа и преку примена на светски етаблираните практики, кои се со цел заштита на вработените“, истакна Ицев. „Алкалоид“ како компанија во чиј фокус се луѓето пред сѐ останува посветена на процесот на континуирана надградба на безбедна и здрава работна средина за сите вработени, изведувачи и посетители. Системот за управување со безбедноста и здравјето при работа, како и примената на највисоките стандарди се вградени во изведувањето на секојдневните операции и активности. Континуираното вложување во унапредување, осовременување и во примена на етаблираните светски практики има цел превенција, намалување и отстранување на ризиците на секое работно место, посочуваат од таму. ПОВРЗАНИ ВЕСТИ „Алкалоид“ најпосакуван работодавач за 2023 година – апсолутен победник според „Вработување.ком“ Зошто Алкалоид е најпосакуван работодавач, какви бенефиции имаат вработените Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Во кумановскиот затвор К`шање се обесил осомничениот за убиството на сестра му и внукот, Д. Ѓ. (67) од кумановското село Габреш, објави порталот Сакам да кажам. Тој беше осомничен и за обид за убиство и на друг внук. Се обесил со чаршаф кој го врзал за кревет на кат, додека во притворската ќелија имало уште еден притвореник кој спиел. Самоубиството се случило во понеделник околу 17 часот, а неговото тело го пронашол командирот кој вршел редовна обикола. Од МВР за порталот го потврдиле случајот, но не дале повеќе информации, со образложение дека станува збор за самоубиство. ПОВРЗАНИ ВЕСТИ Брат во кумановско Габреш си ја убил сестрата и нејзиниот син, другиот внук е ранет Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Агенцијата Мета објави дека лани за патните трошоци на македонските пратеници биле потрошени 366 илјади евра, а пратеници од актуелниот пратенички состав за таа цел добивале и по 1.000 евра месечно. Најмногу пари за гориво и патарини според Мета лани и биле исплатени на Јадранка Поцкова, пратеничка од Струмица од ВМРО-ДПМНЕ. Таа добила 751.777 денари или 12.200 евра, што значи месечно на платата што ја добивала, на сметката ѝ легнувале уште дополнителни 1.000 евра. На пратеникот од ВМРО-ДПМНЕ, Дајанчо Ефтимов од Струмица, лани на сметката му легнале 708.016 денари или 11.512 евра, додека пратеничката од СДСМ, Љубица Спасова од Струмица за гориво и патарини добила 696.712 денари или 11.328 евра. Пратеникот од СДСМ, пак, Миле Талевски од Прилеп за патни трошоци зел 10.637 евра, а Драгица Ѓавочанова од СДСМ, од Прилеп – 9.663 евра. Во 2022 година, пак, на Поцкова за патни трошоци ѝ биле исплатени над 14.000 евра, што е највисока сума од сите пратеници, пишува Мета. Високо котира и Жаклина Лазаревска од СДСМ, од Охрид, на која ѝ биле исплатени 13.500 евра, додека Мирче Аџиоски од Струга, пратеник од редовите на ВМРО-ДПМНЕ, зел 14.400 евра. Мета објави и инфографик, кој можете да го погледнете ОВДЕ. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Грција, како што најави грчкиот премиер Киријакос Мицотакис повторно нема да ги ратификува трите меморандуми со Македонија, кои се дел од Договорот од Преспа. Станува збор за меморандуми кои се однесуваат на процесот на пристапување на Македонија во Европската Унија, економска соработка меѓу Грција и Македонија и надзор над воздушниот простор. ПОВРЗАНИ ВЕСТИ СИРИЗА ги поднесе меморандумите со Македонија, Грција ќе покаже на дело колку го почитува Преспанскиот договор Истите вчера по вторпат, шест години од потпишувањето на Договорот, повторно се на дневен ред во грчкиот Парламент, а истите во форма на предлог закони ги достави опозициската СИРИЗА. „Жал ми е што господинот Каселакис ги усвојува најлошите навики на неговиот претходник. Ги истакнав проблемите од Договорот од Преспа, бидејќи договорот ги утврдува термините „македонски“ и „македонски јазик“. Ја предупредив и новата влада во Скопје со јасна изјава дека секое отстапување од Договорот од Преспа ќе има сериозни последици и во односот со нас и во однос на патот кон Европа. Во однос на меморандумите, СИРИЗА сега бара да ги ратификуваме меморандумите и да го откажеме најосновното оружје што го имаме за почитување и спроведување на договорот. Она што СИРИЗА од нас го бара е чин кој ги достигнува границите на апсурдноста, изјави Мицотакис во интервју за грчката провладина телевизија Скај.. ПОВРЗАНИ ВЕСТИ (Видео) Нема ни северна, ни јужна, Македонија е една и грчка: Претседател на грчка партија во Парламентот го искина Договорот од Преспа Тој беше прашан и за кинењето на Договорот во грчкиот Парламент од страна на претседателот на грчката партија „Грчко решение“, која има 12 пратеници, Кирјакос Велопулос. Мицотакис одговори дека не сака да ги коментира „патриотските испади на Велопулос, кој има направено кариера врз овие прашања“ и рече дека граѓаните сфаќаат што значи „одговорен патриотизам и кои се патриоти во пракса“. ПОВРЗАНИ ВЕСТИ Силјановска Давкова грубо го крши Договорот од Преспа, реагираат од грчко МНР Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

На 14. мај, Ragusa Rooftop – 360 беше центар на светот за убавина за повеќе од 200 посетители кои ја почувствуваа моќта на инспирацијата и научија многу нови tips&tricks за нега и убавина! Најголемиот европски дрогериски ланец dm drogerie markt со Школа за убавина Арт организираше незаборавен beauty настан кој беше наменет за сите оние на кои dm им е омилено место за пазарување, релаксација и забава, но и за makeup љубителите кои сакаа да научат нешто повеќе за шминката. Со цел да ги израдува своите верни купувачи, но и на едно место да ги собере бројните соработници, инфлуенсери и стручни лица, со овој настан dm го прикажа makeup светот од еден сосема друг агол. Во изминатите два месеца пред настанот, 12 вработени од dm посетуваа обука преку која се стекнаа со сертификати за професионални шминкери. Со стекнувањето на овој стручно едуциран кадар, dm воведе нова услуга во одредени дрогерии: Професионално шминкање и beauty советување кое го вршат dm советничките за убавина. Со сметка над 1.900 ден. за шминки и додатоци за шминкање купувачите добиваат купон со кој може да закажат термин за бесплатно професионално шминкање секоја среда, петок и сабота. Дополнително, во истите дрогерии може комплетно бесплатно, секој вторник и четврток, советничките за убавина да го одредат типот на вашата кожа и да ве советуваат како соодветно да се негувате. Листата на дрогерии каде може да ја пронајдете оваа услуга, може да ја погледнете тука: Советници за убавина | dm Македонија Започнувајќи од 15:30 часот, посетителите на самиот влез на настанот добиваа специјални ,,часовници“ со богатата агенда која ги очекуваше во текот на попладнето. На три beauty корнери имаше мастер класови каде беа презентирани различни техники за шминкање со детално обаснување за сите чекори во текот на креирањето на изгледот: Fresh look – daily glam; From day to night makeup; Smokey eye glam; Marilyn Monroe Iconic makeup look. На главниот мастер глас кој го одржа професионален едукатор од Школа за убавина Арт, присутните ја погледнаа комплетната демонстрација за како да се постигне Prom makeup. Сето ова беше придружено со вкусни dmBio закуски и освежителни коктели, фото-корнери каде се правеа креативни фотографии, Ring for makeup катче за подароци. Забавата беше неизоставен дел, па така настанот го заокружи DJ Панчо од DNK со одлична музика. Едно е сигурно, dm Beauty o’clock беше едно уникатно искуство, комбинација од интерактивни активности, едукативни мастер класови и добра забава – настан од кој посетителите си заминаа со безброј убави импресии, подготвени за уште многу изненадувања кои dm ги подготвува во наредниот период. ПР-објава Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Известувач од Љубљана, за еМагазин.мк, Силвана Жежова Во новата амбициозна деловна стратегија на НЛБ Групацијата, која беше претставена на вториот по ред „НЛБ Ден на инвеститорите“ во Љубљана, голем акцент е ставен и на дигитализацијата и вештачката интелигенција. Една од стратешките цели е, учеството на мобилните плаќања да надмине 80 проценти, во чија реализација НЛБ Групацијата има намера да инвестира меѓу 170 и 200 милиони евра во наредните пет години. Дигитализацијата најповеќе ќе биде насочена кон поддршка на малите и средни претпријатија. Ќе се инвестира во силни мобилни канали преку кои малите компании ќе ги извршуваат своите дневни плаќања. Членот на Управниот одбор (УО), Антонио Аргир на панелот посветен на дигитализацијата, истакна дека транзицијата на пари од готовина преку дигитални канали се повеќе е присутна последните години, бидејќи постојат иновативни решенија кои што им овозможуваат на клиентите да плаќаат онлајн. Користењето на готовина од 50%, се намалило на 10%. „Освен развојот на технологијата која што ги овозможува тие дигитални плаќања, мора да се работи и на финансиската писменост, воведување на дополнителни услуги при плаќања со картички. Финансиската писменост на граѓаните ќе им помогне подобро да ги разберат своите лични финансии, за во иднина да се зголемат приходите, но воедно да се овозможи и борбата против сивата економија и корупцијата,“ истакна Аргир. Тој додаде дека Банката ќе се обиде повеќе да се поврзе со начинот на работење на трговците, малите претпријатија, при што, ќе се креираат дигитални услуги прилагодени на нивните потреби. Дигитализацијата ќе има позитивно влијание врз нивната финансиска стабилност, ќе имаат подобар пристап до финансиски услуги кои ќе водат кон подобар развој на бизнисот. „Ќе наведам еден пример, фитнес центар кој работи само со кеш, има можност за големи грешки во работењето, не пријавува приходи, не плаќа данок. Ако се дигитализира, ќе има можност за подобро планирање на своето работење, ќе се намали можноста за грешки, а дигитализацијата ќе му овозможи на тој мал бизнис да ѝ ги докаже на банката резултатите во работењето, и во иднина, банката да ги поддржи инвестициските планови,“ додаде Аргир. Членот на УО, Хедвика Усеник истакна дека, иако се планира 80% дигитализација, сепак експозитурите ќе останат за опслужување на граѓани. Експозитурите нема да се фокусираат на малите услуги, туку ќе даваат услуги со дополнителна вредност, ќе може да даваат совети за управување со личните финансии на клиентите. „Личниот банкар го гледаме како „лекар“ за сите финансиски работи кои граѓаните ги имаат во банката, кредит, штедење, осигурување. Тој треба да ги советува, да им ги понуди вистинските производи за нивните потреби,“ додаде Усеник. На конференцијата беше истакнато, дека до 2018 година мобилно банкарство користеле 1/3 од корисниците и најголем дел од плаќањата се одвивале во експозитурите. Сега во Словенија 62% од корисниците се со активно мобилно банкарство. ПОВРЗАНИ ВЕСТИ Стратегијата на НЛБ Групацијата ќе придонесе за побрз економски раст на регионот и подобрување на животниот стандард Повеќе од три милиони клиенти, двојно поголем биланс и една милијарда евра добивка до 2030 година: Новата деловна стратегија на НЛБ Групацијата претставена на „Денот на инвеститорите“ во Љубљана НЛБ Групацијата работи на влез на хрватскиот пазар, прв чекор преку лизинг Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Екстрадицијата на Љупчо Палевски Палчо од Турција, кој е првоосомничениот за убиството и киднапирањето на 14-годишната Вања Ѓорчевска од Скопје и 74-годишниот Панче Жежовски од Велес е топ тема во земјава. ПОВРЗАНИ ВЕСТИ За Палевски се уште нема обвинение Тој синоќа беше екстрадиран во Македонија, а телевизијата ТВ 21 објави снимки од неговото спроведување во затворот Скопје, попознат како Шутка, каде беше донесен со четири необележани возила, а Палевски имаше и куфер. ПОВРЗАНИ ВЕСТИ (Фото) Палчо во наводно писмо тврди дека тој барал брза екстрадиција: „Министерот Лога лаже“ (Фото) Партијата „Десна“ објави наводно писмо од Палчо, во кое вели дека не киднапирал и убивал деца и старци Видео: ТВ 21/фото: Влада Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Речиси 250 студентки по технички науки, од кои 14 од Македонија, беа дел од првиот заеднички состанок што се одржа во Истанбул во рамки на иницијативата Global Engineer Girls (GEG), која ја спроведува Групацијата Лимак, информираат од таму. Покрај од земјава, на заедничкиот состанок беа присутни и студентки од различни градови од Турција, Косово и Саудиска Арабија, а целта на состанокот беше вмрежување, споделување на искуства и запознавање со инспиративни примери на успешни професионалци и инженери. Иницијативата Global Engineer Girls (GEG) има за цел да ги унапреди едукацијата и вработувањето на жените во СТЕМ-областа (наука, технологија, инженерство и математика), каде тие сѐ уште се помалку застапени. Оваа иницијатива ја спроведува Групацијата Лимак, предводена од Ебру Оздемир, претседателка на Управниот одбор. „Навистина е неверојатно да се видат луѓе од различни географски области и култури тука во Истанбул. Студентките од четирите региони на GEG во Турција, Северна Македонија, Косово и Саудиска Арабија се обединети преку нашата заложба за диверзитет и родова еднаквост. Среќна сум што сме сите тука заедно на оваа голема средба. Од сите мега проекти што ги има Лимак, Global Engineer Girls ми е омилен, а нашето семејство се зголемува секоја година“, изјави Ебру Оздемир, додавајќи: „Ја започнав оваа иницијатива затоа што од лично искуство знаев колку може да биде тешко за една жена да добие пристап и да успее во индустрија во која доминираат мажите. Целта ни е да помогнеме во зголемувањето на застапеноста на жените во СТЕМ-областа. Оттука, гордо можам да кажам дека нашата програма досега има поддржано повеќе од илјада студентки и задоволна сум што ќе продолжиме да обезбедуваме едукација, поддршка и да охрабруваме уште повеќе девојки“. Во рамки на програмата на глобалната средба се одржаа бројни панел-сесии на кои во улога на говорници учествуваа и Чаглар Ертугрул, познат актер и инженер, Феријал Озел, професорка по астрофизика, Гамзе Сарачоглу, модна дизајнерка, Тамер Атабарут, угледен академик и експерт за одржливост, Бану Китиш Дагистан, експерт за комуникации и писателка, како и активистката, писателка и претприемач Шудуфхаѕо Мусида, претседателката на Асоцијацијата на жени во технологија Зехра Онеј и претседателот на Агенцијата 4129, Алемшах Озтурк. Средбата заврши со работилници и поединечни состаноци, како и изведба на џез пејачката Селен Бејтекин и светски познатиот оперски пејач и основач на Филхармонискиот оркестар Лимак, Мурат Карахан. Global Engineer Girls е меѓународна филантропска иницијатива која започна да се спроведува во 2015 година во Турција, а потоа се прошири и во Македонија, Косово и Саудиска Арабија. Главна инспирација за нејзиното покренување беше организациската култура на Групацијата Лимак и личните заложби на претседателката на групацијата, Ебру Оздемир, за зголемување на застапеноста на жените во СТЕМ-областа. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Од Институтот за јавно здравје (ИЈЗ) посочуваат дека македонските граѓани внесуваат за 2,4 пати повеќе сол од максималниот препорачан дневен внес. Препорачано е да не се внесува повеќе од пет грама сол на ден, а кај нас според ИЈЗ просечен дневен внес на сол е 12,1 грама. Три четвртини од „скриената“ сол – натриум во исхраната доаѓа од ултра-преработена и преработена храна, како што се леб, сосови и преливи, крекери и колачиња, готови оброци, преработки од месо и сирења. Педесет и еден отсто од препорачаниот дневен внес на сол се внесува преку лебот. Од ИЈЗ препорачуваат добро да се гледаат етикетите на производи пред да се купат, за да се одберат оние со помалку сол, да се отстрани соларникот од трпеза, да се користат природни билки и зачини како замена со цел да се подобри вкусот на храната, да се пие доволно вода, како и да се избегнува преработена храна. Фото: Унсплеш/Илустрација: ИЈЗ Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Словачкиот премиер Роберт Фицо (59), кој вчера беше застрелан со неколку куршуми и се бореше за живот, не е повеќе во животна опасност, информираше словачкиот вицепремиер Томаш Тараба. ПОВРЗАНИ ВЕСТИ Објавена снимка од атентатот на словачкиот премиер, напаѓачот е 71-годишен писател Тој соопшти дека операцијата поминала добро. Според словачкиот министер за одбрана Роберт Калинак, операцијата траела неколку часа, а словачкиот министер за внатрешни работи Матуш Шутај-Ешток, за кој нападот е политички мотивиран, информираше дека Фицо со еден куршум бил погоден во стомакот, а со друг во зглоб. ПОВРЗАНИ ВЕСТИ По атентатот словачкиот премиер се бори за живот Објавена снимка од евакуацијата на словачкиот премиер откако беше застрелан (Видео) Пукано во словачкиот премиер, ранет е и е префрлен во болница Фото: Фицо/Фејсбук Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

И по речиси шест години од потпишувањето на Договорот од Преспа, Грција се уште не ги усвои трите меморандуми со Македонија. Вчера истите во облик на предлог закони за гласање во грчкиот Парламент ги поднесе опозициската СИРИЗА. Тие веќе еднаш се најдоа во грчкиот Парламент пред речиси четири години кога ги достави владата на Нова демократија. И сега истите се со иста содржина. Се работи за меморандуми што се однесуваат на европската перспектива на Македонија, на економската соработка меѓу двете земји и воздушниот надзор. Истите прво ќе се разгледуваат во надлежната Комисија за национална безбедност и надворешни прашања, а ако членовите дадат зелено светло, тие одат на гласање. Досега грчките власти неколку пати повторија дека истите ќе бидат донесени, кога тие ќе проценат дека тоа е најдобро за грчките национални интереси. ПОВРЗАНИ ВЕСТИ Грција нема да ги ратификува меморандумите со Македонија од Договорот од Преспа (Видео) Нема ни северна, ни јужна, Македонија е една и грчка: Претседател на грчка партија во Парламентот го искина Договорот од Преспа Силјановска Давкова грубо го крши Договорот од Преспа, реагираат од грчко МНР Фото: Влада Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Синоќа во Македонија од Турција беше екстрадиран Љупчо Палевски Палчо, кој е осомничен за убиството и киднапирањето на 14-годишната Вања Ѓорчевска од Скопје и 74-годишниот Панче Жежовски од Велес. ПОВРЗАНИ ВЕСТИ Екстрадиран Љупчо Палевски, пренесен е во затворот во Шутка Палевски од скопскиот аеродром беше префрлен во затворот Скопје, познат како Шутка. Тој е првоосомничен во овој случај, за кој поради неговото бегство од земјава и недостапноста за македонските органи, се уште нема обвинение. Се очекува истото да биде подигнато следниот месец, по што треба да стартува и неговото судење. ПОВРЗАНИ ВЕСТИ (Фото) Палчо во наводно писмо тврди дека тој барал брза екстрадиција: „Министерот Лога лаже“ (Фото) Партијата „Десна“ објави наводно писмо од Палчо, во кое вели дека не киднапирал и убивал деца и старци Фото: Унсплеш Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Разрешувањето на медицинскиот директор на Клиниката за токсикологија, Д-р Данил Петровски и случувањата на Клиниката се во фокусот на јавноста. ПОВРЗАНИ ВЕСТИ Разрешен директорот на Токсикологија, Петровски, економската директорка која незнае македонски не Од Министерството за здравство информираа дека тој бил разрешен поради несовесно работење. ПОВРЗАНИ ВЕСТИ Директорот на Токсикологија, Петровски, бил разрешен поради несовесно работење, велат од Министерството за здравство еМагазин го разгледа неговиот анкетен лист кој го доставил до Антикорупциската комисија кога станал в.д. директор на Клиниката. Каков имот пријавил На свое име пријавил деловен простор во скопско Драчево, како и две куќи, кои се подарок. Вози Ауди и Тојота, а пријавил и приходи од рента. Како заеднички имот пријавил уште две куќи во Драчево, од кои едната е подарок. ПОВРЗАНИ ВЕСТИ Мистерија е образованието на директорката на Токсикологија, Бесија Иљази, која незнае македонски јазик Никогаш не упатил навреди кон колегите Албанци, вработени од Токсикологија во одбрана на Беќаровски Докторот Беќаровски од МЗ обвинет дека навредувал етнички Албанци, најави тужба Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Првоосомничениот за убиството и киднапирањето на 14-годишната Вања Ѓорчевска од Скопје и 74-годишниот Панче Жежовски од Велес, Љупчо Палевски Палчо, од Турција вечерва е екстрадиран во Македонија, потврдија од Министерството за внатрешни работи (МВР). Тој е пренесено во КПУ Затвор Скопје. Фото: Палевски/Фејсбук Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Објавена е снимка од моментот на атентатот врз словачкиот премиер Роберт Фиц (59), кој е ранет со неколку куршуми и е во животнозагрижувачка состојба. 🇸🇰 Video of the moment shots were fired at Slovakian Prime Minister Robert Fico earlier today. pic.twitter.com/AcEb2RW2SX — DD Geopolitics (@DD_Geopolitics) May 15, 2024 Напаѓачот е уапсен, а како што објави локалните медиуми станува збор за 71-годишниот писател Јурај Цинтула. Официјално е потврдено дека Фиц е ранет во стомакот, а нападот се случи во градот Хандлова, на околу 150 километри од Братислава. ПОВРЗАНИ ВЕСТИ По атентатот словачкиот премиер се бори за живот Објавена снимка од евакуацијата на словачкиот премиер откако беше застрелан (Видео) Пукано во словачкиот премиер, ранет е и е префрлен во болница Видео: RTV Prievidza/Твитер/DD Geopolitics Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Првоосомничениот за убиството и киднапирањето на 14-годишната Вања Ѓорчевска од Скопје и 74-годишниот Панче Жежовски од Велес, Љупчо Палевски Палчо, вечерва од Турција ќе биде екстрадиран во Македонија, објави порталот 24info.mk. Тој ќе слета на скопскиот аеродром од каде директно ќе биде спроведен во Истражниот Затвор Скопје (Шутка). ПОВРЗАНИ ВЕСТИ Во прашање се денови за испорачување на Палевски во Македонија, тврди Лога Фото: Палевски/Фејсбук Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Откако денеска беше пукано во словачкиот премиер Роберт Фицо (59), од неговиот Кабинет информираа дека неговата состојба е животнозагрижувачка и се бори за живот. Нема детали дали е ранет само во стомакот и од колку точно куршуми. ПОВРЗАНИ ВЕСТИ Објавена снимка од евакуацијата на словачкиот премиер откако беше застрелан (Видео) Пукано во словачкиот премиер, ранет е и е префрлен во болница Фото: Фејсбук/Фицо Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Дијаспората помага, но треба да се канализира поддршката. Со градење на силни институции дијаспората уште повеќе ќе се вклучи во економскиот и демографскиот развој на Македонија, изјави извршната директорка на Македонија 2025 Никица Мојсоска Блажевски на Самитот Македонија 2025. „Инвестициите од дијаспората одат рака под рака со странските директни инвестциии. Дали странците или дијаспората ќе инвестираат, важат истите услови, тоа се стабилни и силни институции, да нема корупција, и да постои економски можности за инвестирање. Повеќето од присутните на Самитот инвестираат во Македонија. Поважно е што работат со домашните бизниси, а тоа е, го трасираат патот да работат и да извезуваат во цел свет. Преку нашата посебна програма Поврзете се со Македонија, голем дел, односно 90 лица од дијаспората се вклучени во менторирање и работа со домашни компании за да им помогнат и да го зголемат извозот,“ изјави Мојсоска Блажевски. ПОВРЗАНИ ВЕСТИ Самит Македонија 2025: Раст од 5% на БДП, за Македонија да фати економски чекор со останатите Фото: Самит 2025 Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Објавена е снимка од евакуацијата на словачкиот премиер Роберт Фицо (59), кој денеска беше застрелан, по што е префрлен во болница. ПОВРЗАНИ ВЕСТИ По атентатот словачкиот премиер се бори за живот 🇸🇰 BREAKING! Footage of Slovakian PM Robert Fico being evacuated right after the assassination attempt! pic.twitter.com/G9tLWlClql — DD Geopolitics (@DD_Geopolitics) May 15, 2024 Засега нема официјални информации за неговата состојба, освен дека е ранет во стомакот. ПОВРЗАНИ ВЕСТИ (Видео) Пукано во словачкиот премиер, ранет е и е префрлен во болница Фото: Фејсбук/Фицо/видео: Твитер/DD Geopolitics Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Словачкиот премиер Роберт Фицо (59) е ранет и е пренесен во болница, откако било пукано во него. ПОВРЗАНИ ВЕСТИ По атентатот словачкиот премиер се бори за живот Објавена снимка од евакуацијата на словачкиот премиер откако беше застрелан 🇸🇰 Scenes from the assassination attempt on Slovakian PM Robert Fico! There is currently no information on Fico's condition. pic.twitter.com/l0Pm3wJP5B — DD Geopolitics (@DD_Geopolitics) May 15, 2024 Нема детали каква е неговата состојба, а познато е дека е ранет во стомакот, а напаѓачот е уапсен. Инцидентот се случил во градот Хандлова, кој е на околу 150 километри од главниот град Братислава. Фото: Фејсбук/Фицо/видео: BBC News/Твитер/DD Geopolitics Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Македонски Телеком ја организираше втората Т Бизнис конференција под мотото – „За нови дигитални перспективи“, информираат од таму. Конференцијата се одржа во Велес, со фокус на мали и средни компании од источна, централна и западна Македонија, како и на институционални корисници. Целта останува иста: да се промовира помасовно користење на дигиталните решенија, што ќе придонесе за забрзување на дигиталната трансформација на општеството. Експерти од Македонски Телеком презентираа и отворија дискусија на темите: сајбер безбедност, клаудификација, дигитална канцеларија, дигитални управувани услуги и паметни ИКТ решенија. „Дигиталната трансформација денес е неопходна за бизнисите. Наша задача како технолошки лидер и доверлив партнер е да го поттикнеме и забрзаме тој дигитален премин, што е уникатна можност за економски раст и развој на целото општество. Токму затоа веруваме дека знаењата и решенијата за дигитализација треба да се споделат со што е можно повеќе компании низ цела Македонија, за сите заедно да можеме да одговориме на предизвиците на модерното време“, изјави Марјан Богатиновски, главен директор за деловни корисници на Македонски Телеком. Решенијата коишто беа презентирани се дел од портфолиото на Македонски Телеком, а освен постојните, се презентираше и ново оригинално решение за управување со електрична енергија, коешто екреирано и произведено од Македонски Телеком. Се најави и продолжување на развојот на иновативно решение за телемедицина, коешто ќе направи целосен пресврт во медицината во времето што доаѓа. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Над 130 компании од Македонија денеска беа запознаени со можностите за соработка со Лидл, информираат од таму. Овој тип на соработка со локални компании е еден од основните постулати на Лидл во секоја земја каде работи. „Основната идеја на Лидл во сите земји во кои е присутен, претставува развој на локалните производствени капацитети и заеднички раст и развој со нашите локални партнери, и иако Лидл Северна Македонија се уште не е целосно оперативен, овој процес веќе активно функционира. Во октомври минатата година започнавме со проект за промоција на македонски традиционални производи во Лидл Србија и Лидл Бугарија, каде ги претставивме македонскиот ајвар, пастрмајлијата, кочанскиот ориз, тиквешкото вино, македонското јагне и многу други производи. Извозот кој ќе го реализираме преку Лидл Северна Македонија до крајот на 2024 година само во овие две земји е во вредност повеќе од 2.000.000 евра или раст од четири пати во однос на минатата година. Вкусот на македонското овошје и зеленчук го направивме достапен до потрошувачите на Лидл во Србија, Бугарија, Романија, Полска, Чешка, Словачка и Германија. Од април 2023 до март 2024 година беа извезени преку 3 600 палети овошје и зеленчук. Во рамките на календарската 2024 година со нашите локални добавувачи планираме извозот на овошје и зеленчук да достигне 4 500 палети. Наведените примери и резултати се мотивација за нас и движечка сила за понатамошен успех”, изјави Стефан Георгиев, директор на секторот за набавка во Лидл Северна Македонија. Рубријан Хаџиев, генерален директор на Лидл Северна Македонија изјави дека брендот на Лидл е присутен во 31 земја, каде ги задоволуваме потребите на голем број домаќинства. „Како лидери во сегментот на секојдневно пазарување поставуваме стандарди кои ќе го зголемат квалитетот на понудата, а во исто време ќе бидеме ценовно конкурентни на пазарот. Но, основно за нас е да се соработува со локалните компании”, додаде Хаџиев. Лидл е дел од групацијата Шварц, присутен во 31 земја, со промет од 114 милијарди евра, 12.200 маркети и над 380.000 вработени. Во Македонија, Лидл започна со инвестиција – изградба на логистички центар во Куманово. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Претседателот на грчката партија “Грчко решение“, Кирјакос Велопулос, која има 12 пратеници, денеска во грчкиот Парламент го искина Договорот од Преспа. -Не постои ни северна, ни јужна Македонија, Македонија е една и е Грција и го кажувавте тоа на протестите. Сега ја нарекувате Северна Македонија. Нашиот проблем не е претседателката на Скопје, проблемот е начинот на кој ја учат нивната историја, логиката со која самиот народ избира. Кого? Комитите. ВМРО е најлошото што би можело да го избере еден народ. Фашистичка и нацистичка партија, регуларна нацистичка партија, рече меѓудруго Велопулос. Повика и грчката Влада да ги стави на гласање во Парламентот и трите меморандуми со Македонија, кои Грција и по шест години од потпишување на Преспанскиот договор се уште не ги ратификувала, за да сите гласеле против. -Донесете ги меморандумите за соработка со Скопје, сите да гласаме против, бидејќи тие го поништија Договорот, а не ние, рече Велопулос. Фото: Фејсбук/ Велопулос/видео: Pronews TV Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Претседателката на Уставен суд, Добрила Кацарска во Министерството за внатрешни работи (МВР) пријавила дека на нејзиното паркинг место во подземна гаража во скопски Центар пронашла импровизиран кревет и кујнски нож. – На 14.05.2024 година во СВР Скопје од страна на Д.К. било пријавено дека на подрачјето на Центар во подземни гаражи, во нејзино гаражно место, биле пронајдени импровизиран кревет и кујнски нож кој бил забоден на прекинувачот за светло, информираа од МВР. За инцидентот е известен јавен обвинител, предметите се подигнати за вештачење и се преземаат мерки за расчистување на случајот, велат од таму. Фото: Уставен суд/Фејсбук Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Факултетот за земјоделски науки и храна (ФЗНХ) отвора нова студиска програма по Дигитално земјоделство, информираат од таму. Програмата има мултидисциплинарен пристап и се реализира во тесна соработка со Факултетот за информатички науки и компјутерско инженерство – ФИНКИ, Факултетот за електротехника и информациски технологии – ФЕИТ и Машинскиот факултет – МФ, сите во состав на Универзитетот „Св. Кирил и Методиј“ во Скопје. Акцентот на студиската програма е ставен на применетиот аспект на знаења и вештини што ги стекнуваат студентите, односно покрај познавање од земјоделските науки и храната, идните студенти ќе се стекнат и со експертиза во областа на информатичките технологии и дигитализацијата. Новата студиска програма ќе одговори на секојдневните предизвици во земјоделството и во производството на храна и претставува резултат на барањата и потребите на стопанството да се осовременат студиските програми на ФЗНХ, велат од таму. Во таа насока, Факултетот со новите акредитации воведува и задолжителен предмет Стручна пракса која ќе се реализира во соработка со стопанството. Исто така, ќе продолжи да оформува академски профили, кои со својата стручност ќе бидат способни да одговорат на барањата на современото земјоделско производство. Новите кадри ќе треба да го одржат и развијат домашниот земјоделски сектор. „Студиската програма по дигитално земјоделство има цел да создаде дипломирани земјоделски инженери кои треба во следните години да го прилагодат земјоделскиот сектор во нашата држава кон новите модерни трендови и примената на дигиталните технологии, со што ќе придонесат за поефикасно и профитабилно земјоделско производство, конкурентно не само на нашиот, туку и на меѓународниот пазар. Оваа студиска програма ќе помогне во изградбата на нова генерација висококвалификувани млади професионалци со мултидисциплинарни знаења и вештини, способни за воведување применливи решенија и иновации во оваа значајна индустрија, но и во согласност со целите на стратегијата за паметна специјализација”, вели поранешниот декан и еден од иницијаторите за креирање на оваа програма, професор д-р Вјекослав Танасковиќ. Преку оваа студиска програма се очекува да се продлабочи соработката меѓу академијата и бизнисот и да се развие човечкиот капитал со вештини за иновации во земјоделскиот сектор. Вклученоста на бизнис секторот во оваа студиска програма е клучна за нејзиниот успешен развој, поради што ФЗНХ и нуди различни начини за соработка со бизнис заедницата. Според проф. Танасковиќ, соработката со домашните стопанственици ќе помогне да се искористи потенцијалот на оваа студиска програма и да го претворат дигиталното земјоделство во реалност. Инаку, за успешното реализирање на програмата, заедно со поддршката од неколку меѓународни соработки (IME, GIZ и SWG RRD) отворена е и нова Лабораторија за дигитално земјоделство. Оваа лабораторија е клучна за наставата на новата студиска програма по Дигитално земјоделство, но ќе се користи и за потребите на истражувачката дејност, како во функција на соработката со бизнис секторот и институциите, вели професорот Танасковиќ. Факултетот ги поканува матурантите да се запознаат со новите и постојните студиски програми на ФЗНХ и преку упис да станат дел од иднината на одржливото производство на храна и заштитата на природните ресурси. Новата студиската програма за Дигитално земјоделство на Факултетот за земјоделски науки и храна во состав на Универзитетот „Св. Кирил и Методиј“ во Скопје е развиена со поддршка од Владата на Швајцарија преку Програмата за зголемување на пазарната вработливост (ИМЕ) спроведена од групацијата Паладиум, Германското друштво за меѓународна соработка (ГИЗ) и Постојаната работна група за регионален рурален развој (ПРГ РРР). На следниот линк може да се дојде до видео со објаснување за програмата за Дигитално земјоделство: fznh.ukim.edu.mk. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Се нижат барањата до Уставен суд да поведе постапка за оценување на Законот за измена на Законот за облигациони односи (ЗОО), пишува pari.mk. Откако на седницата во јануари годинава Уставен реши да не поведува постапка за оценување дали измените, со кои извршувањето на долговите застарува за 10 години, се во согласност со највисокиот правен акт во државава, до Судот пристигна ново, трето барање за оценка. Овој пат иницијативата е поднесена од лицето Доне Лазаревски, сопственик на фирма, кој бара да се укине членот 2 од Законот за измени и дополнувања на ЗОО каде е наведено дека членот 368 се менува. Лазаревски смета дека наведените законски измени негативно влијаат на понатамошното работење на фирмите, со оглед дека стоките уредно се испорачувани, а не можат да се наплатат со овие законски измени. Исто така, Лазаревски наведува во најновата иницијатива дека овие измени ги доведуваат бизнисмените во положба дека е подобар избор да не се работи и да не се вложува во стопанството, отколку да се соочат со загуба на сопственоста поради законска заштита на должниците кои не го подмируваат долгот. „Со донесување на законските измени за застареноста јас како сопственик на микропретпријатие повеќе од триесет години, кое уредно плаќам даноци, придонеси и други потребни давачки кон државата, сум принуден да престанам со работа, поради непостоењето на правната заштита на сопственоста и непостоењето на правната сигурност“, наведува Лазаревски во најновата трета иницијатива за оценка Уставноста на измените на ЗОО. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Денеска започна 13. издание на Самит Македонија 2025, до сега најголемо издание, со над 500 гости, 15 панели, над 50 говорници. Главната извршна директорка на Македонија 2025, Никица Мојсоска Блажевски изјави дека најважено е да се пренесат вистинските пораки, да се покажат успесите, да се покаже дека имаме одлични компании, лидери во Македонија и да научиме од светот. „Сакаме да го искористиме потенцијалот на дијаспората. Голем дел од заедницата на дијаспората е овде, ќе излеземе со јасни пораки кои може да допрат до граѓаните, бзинисите, политичарите,“ изјави Мојсоска Блажевски. Генералниот директор и претседател на Управниот одбор на Алкалоид АД Скопје и член на Одборот на директори на Македонија 2025, Живко Мукаетов изјави дека темите на Самитот се важни од аспект на бизнис заедница и од аспект како државата да оди напред. Тој ги спомена меритократијата, борбата против корупција, потребата за инфраструктура која како држава ќе не направи конкурентни во однос на соседните земји. „Тука секако е како извозот да порасне, образовниот систем да биде подобар и се заедно да придонесе кон најмалку 5% годишен раст на БДП за да државата да фати економски приклучок со сите останати,“ изјави Муакетов. Васил Кроневски, член на Одборот на директори на Македонија 2025 изјави дека за да се постигне економски раст од 5%, потребни се иновации и нови технологии, и затоа добар дел од темите на Самитот ќе бидат посветени на тоа. Фото: Македонија 2025 Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Откако Министерството за здравство го обвини докторот Нико Беќаровски од Клиниката за токсикологија, за наводни навреди кон вработени етнички Албанци, со реакција се јавија и негови колеги од Клиниката. ПОВРЗАНИ ВЕСТИ Докторот Беќаровски од МЗ обвинет дека навредувал етнички Албанци, најави тужба „Ние, Вработените од УК за токсикологија со редовен заснован работен однос на неопределено време во целост ги демантираме наводите изнесени со Изјава од 26.04.2024 година на група лица без статус на вработени во клиниката, а кои се однесуваат за наводно кажани навреди против Албанци од проф Д-р Нико Беќаровски. Најостро реагираме и ги демантирамо информациите изјавени во неколку медиуми од Министерство за здравство и сме должни на јавноста да појасниме дека било какви навреди или притисоци на Албанци кои претходно беа ангажирани со договор за дело од страни на проф.Д-р Нико Беќаровски не се упатени. Доктор Нико Беќаровски е врвен професиналец кој повеќе од 10 години работи ургентна медицина и спасува човечки животи без разлика на етничката припадност или припадност на политичка партии, па поврзувањето неговото име со вакви невистини за политички цели е скандалозно и некоректно и поттикнува нетрпение по национална основа“, стои во реакцијата. ПОВРЗАНИ ВЕСТИ Директорот на Токсикологија, Петровски, бил разрешен поради несовесно работење, велат од Министерството за здравство Мистерија е образованието на директорката на Токсикологија, Бесија Иљази, која незнае македонски јазик Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Почнува голема летна авантура во Веро во која најсреќниот купувач ќе освои многу вредна награда – паричен ваучер од 400.000 денари. Наградната игра „Ура за летна авантура“ трае од 15 мај до 28. јуни и е наменета за сите купувачи во Веро маркетите кои ќе направат сметка од над 350 денари од означените промотивни производи. Секоја таква сметка носи по еден купон со кој се стекнува право на учество во наградната игра. Купоните треба да се пополнат со лични податоци и да се остават во означените кутии кои се поставени во сите Веро маркети. Во рамки на наградната игра, секоја сабота од пристигнатите купони ќе се извлекуваат добитници на вредносни ваучери. Вкупно ќе бидат доделени 138 ваучери во вредност од 3.000, 5.000, 10.000, 15.000 и 30.000 денари. Сите извлекувања ќе се одржуваат јавно во Веро центар, секоја сабота од 12 часот. Извлекувањето на главната награда е закажано за 29. јуни, кога од сите пристигнати купони во наградната игра ќе се извлече името на најсреќниот купувач, добитник на вредносниот ваучер од 400.000 денари за пазарување во Веро маркетите. Имињата на среќните добитници ќе се објавуваат тековно на профилите на социјалните мрежи на Веро маркети, а информации за добитниците може да се добијат и во самите маркети. Сите добитници задолжително треба да ја чуваат фискалната сметка со која учествувале во наградната игра бидејќи во спротивно, нема да можат да ја подигнат наградата. Веро им посакува среќа на сите учесници во наградната игра. Ура за летна авантура! ПР-објава Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Известувач од Љубљана, за еМагазин.мк, Силвана Жежова НЛБ Групацијата работи на влез на хрватскиот пазар, но најпрво тоа би се случило преку нудење на лизинг услуги, а потоа банкарски. Ова беше истакнато на конференцијата во Љубљана, на која беше претставена деловната Стратегија на НЛБ Групацијата. Претседателот на Управниот одбор на НЛБ банка, Блаж Бродњак изјави дека кога ќе се влезе на хрватскиот пазар, НЛБ Групацијата ќе го комплетира своето работење во регионот. „Работиме на пробивање на хрватскиот пазар. Решаваме прашања кои сме ги наследиле од Југославија, и пречките мора да ги отстраниме. Посветено работиме веќе 10 години, ако треба ќе чекаме уште пет. Очекуваме одлука за влез на хрватскиот пазар со нудење на лизинг услуги, а потоа и со банкарски услуги,“ изјави Бродњак. ПОВРЗАНИ ВЕСТИ Стратегијата на НЛБ Групацијата ќе придонесе за побрз економски раст на регионот и подобрување на животниот стандард Повеќе од три милиони клиенти, двојно поголем биланс и една милијарда евра добивка до 2030 година: Новата деловна стратегија на НЛБ Групацијата претставена на „Денот на инвеститорите“ во Љубљана НЛБ Групацијата ги објави победниците на регионалниот проект „Рамка за помош“ Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Преку статус на Фејсбук, од Министерството за здравство (МЗ) го обвинија докторот од Клиниката за токсикологија, Нико Беќаровски за наводни навреди на вработени етнички Албанци. Објавата на МЗ од вчера се уште стои, а за истата на Фејсбук се огласи и Беќаровски, кој побара извинување и најави кривична пријава за министерот за здравство, Илир Демири, кадар на поделената Алијанса за Албанците, од крилото на Зијадин Села. Во неговиот пост директно му се обраќа на Демири: -Искрено се надевам дека објавата е без Ваше знаење и одобрение, бидејќи со истата ми нанесовте несогледлива штета на мојот углед, базирана на лажни изјави, на незаконски архивиран документ, на кој не стои ниту едно име, за која ќе следува соодветна судска тужба кон инволвираните. Инпутирање на било какви национални навреди е најблаго речено дегутантно. И јас, впрочем како и Вие, секогаш сум бил исклучиво поборник за максимален професионализам, базиран на квалитет и мерит систем, без никакви други предрасуди. Најколегијално, Ве замолувам во следните 24 часа јавно да се оградите од оваа несреќна објава на сајтот и да ми се извините за нанесената повреда на мојата чест и углед. Воедно Ве поканувам во текот на идната недела да ја посетите УК токсикологија и да остварите состанок со Стручниот колегиум на Клиниката, за заедно да ги продискутираме наталожените проблеми кои сериозно влијаат на квалитетот на здравствените услуги“, пишува Беќаровски. ПОВРЗАНИ ВЕСТИ Директорот на Токсикологија, Петровски, бил разрешен поради несовесно работење, велат од Министерството за здравство Мистерија е образованието на директорката на Токсикологија, Бесија Иљази, која незнае македонски јазик Фото: Фејсбук/Беќаровски Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Известувач од Љубљана, за еМагазин.мк, Силвана Жежова Новата амбициозна деловна стратегија на НЛБ Групацијата, која беше претставена на вториот по ред „НЛБ Ден на инвеститорите“ во Љубљана, се базира на силата која ја имаме како банка, добрата ликвидност и капитал, рече на претставувањето на Стратегијата, Блаж Бродњак, претседател на Управниот одбор на НЛБ. Стратегијате предвидува дека НЛБ Групацијата до 2030 година ќе стане водечка банкарска Групација во регионот, со повеќе од три милиони клиенти, двојно поголем биланс и добивка од една милијарда евра. Според Бродњак, преку Стратегијата банката ќе продолжи да ги следи вредностите на работење, а клучните цели се трансформација, одржлив раст, соработка со клиенти, нивна поддршка на долг рок. „Со Стратегијата се обврзуваме да бидеме подобри со клиентите, да бидеме подобри во нудењето на услуги. На сите пазари дејствуваме како одличен тим, не водат исти вредности, делиме иста филозофија, учиме едни од други, одредени решенија кои се создаваат во еден центар, ги применуваме на пазарите на кои делуваме. Во Стратегијате ќе го зајакнеме се она што до сега добро сме го работеле, истото да го забрзаме, а добрите пракси да ги унапредиме и да ги споделиме. Преку неа сакаме да придонесеме кон забрзан раст и развој на регионот, “ изјави Бродњак. Развиена како одговор на променливото банкарско опкружување, претстојните предизвици, но и новите можности, Стратегијата предвидува до 2030 година НЛБ Групацијата да стане лидер во сегментот на мали и средни претпријатија, истовремено играјќи водечка улога во областа на финансирањето на енергетската транзиција, каде обемот на ваквите заеми ќе изнесува 3,2 милијарди евра. Претседателот на УО на НЛБ Банка Скопје, Бранко Грегановиќ, за еМагазин.мк изјави дека Стратегијата говори за сериозни и амбициозни планови кои се реални, имајќи ја предвид посветеноста и фокусот на Југоисточна Европа. „Изминатата недела на наше задоволство ја имавме честа да бидеме дел од второто издание на „НЛБ Ден на инвеститорите“, во Љубљана и пред повеќе од 200 странски инвеститори, финансиски експерти, аналитичари, претставници на клучни регионални компании и медиуми да ја претставиме новата групациска стратегија и силна решителност дополнително да ја зацврстиме нашата позиција како водечка банкарска Групација во регионот. Беше задоволство да се слушнат ставовите и размислувањата на клучните фигури во рамки на нашата Групација, кои ни ги доближија стратешките цели, со предвидувања до 2030 година да станеме лидер во сегментот на мали и средни претпријатија на сите пазари, истовремено играјќи водечка улога во областа на финансирањето на енергетската транзиција, каде обемот на ваквите заеми ќе изнесува 3,2 милијарди евра,“ изјави Греагановиќ. Членовите на Управниот одбор на НЛБ на претставувањето на Стратегијата, акцентот го ставија на забрзан економски развој на регионот, како и подобрување на животниот стандард на граѓаните. Бродњак истакна дека БДП на регионот денес побрзо расте отколку во некои развиени земји, посебно што некои од нив имаа и негативен раст. „Реално, доаѓаат уште поголеми инвестиции, изградба на патишта, инфраструктура, производство на енергија од обновливи извори, посебно во контекстот на приклучување кон ЕУ. Верувам во регионот и идејата на ЕУ за отворен пазар за таленти, роба и капитал. Сите мора да работиме на тоа, лидерите во регионот да ги одржат мирот и стабилноста. Повторуваме дека, апсолутно никако не доаѓа предвид да се повторат некои времиња, сакаме сите да гледаме во иднината, младите да останат овде да останат, и да има со кој да работи,“ порача Бродњак. НЛБ како најголема банкарска Групација со седиште и ексклузивен стратешки фокус на Југоисточна Европа, го препознава големиот потенцијал на овој регион. „Стандардот на граѓаните од една страна ќе се подобри со поддршка на економските проекти кои одат во правец на одржливост, поттикнување на потрошувачка на енергија од обновливи извори, изградба на инфраструктура која дава поволна логистика, а од друга страна со подобрување на квалитетот на искуството на клиентите кога ги користат нашите услуги. Кога воведуваме apple pay, паметни терминали за плаќање, од почеток до крај дигитализиран процес на нудење услуги за да не е потребно да дојдете во експозитура туку можете да го правите од некоја друга страна на планетата, на тој начин исто така го подобруваме животниот стандард,“ додаде Бродњак. Стратегијата предвидува, освен во банкарски услуги, банката да ги зајакне услугите во делот на осигурувањето, инвестиционите фондови, зелени инвестиции, поддршка на изградба на станови за решавање на станбеното прашање на младите, помош на компаниите во меѓународното работење. На конференцијата присуствуваа и бизнисмени од Македонија, од повеќе успешни компании. ПОВРЗАНИ ВЕСТИ НЛБ Групацијата работи на влез на хрватскиот пазар, прв чекор преку лизинг Повеќе од три милиони клиенти, двојно поголем биланс и една милијарда евра добивка до 2030 година: Новата деловна стратегија на НЛБ Групацијата претставена на „Денот на инвеститорите“ во Љубљана НЛБ Групацијата ги објави победниците на регионалниот проект „Рамка за помош“ Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

67-годишниот маж од Стајковци вчера го убил братот и сопругата на друг брат кој бил починат. ПОВРЗАНИ ВЕСТИ Двојно убиство во Стајковци Од Јавното обвинителство информираа дека мажот е хоспитализиран, бидејќи како што информираа од Министерството за внатрешни работи тој имал убодни рани, а имал и здравствени проблеми. Засега нема официјални информации за причините за двојното убиство, а телата на починатите се дадени на обдукција. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Управата за јавни приходи (УЈП) ја објави Листата на должници за мај, која се однесува за долгови доспеани до 31.01.2024 и неплатени до 30.04.2024 година по основ на ДДВ, данок на добивка, персонален данок на доход, придонеси од задолжително социјално осигурување, акцизи и царини, за кои вкупниот износ на долгот е повисок од 120.000 денари за физичките лица и самостојни вршители на дејност и повисок од 300.000 денари за правните лица. ПОВРЗАНИ ВЕСТИ Кои се најголемите должници на новата Листа на УЈП На Листата се објавени 1.918 должници – правни лица (повеќе за 87 од претходната листа) и 3.790 физички лица (повеќе за 111 од претходната листа). Вкупно објавениот нето долг изнесува 10.610.197.639 денари, (повеќе за 233.714.679 денари од претходната листа). Нето-долгот за даноци и придонеси изнесува 10.431.812.675 денари, (повеќе за 215.683.559 од претходната листа), додека долгот за царински давачки е 178.384.964 денари (повеќе за 18.031.120 денари од претходната листа). Целата листа ОВДЕ. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Рано изутрина е запалено службеното возило на директорот на Казнено – поправната установа Затвор Идризово, Зоран Јовановски. Инцидентот, како што информираа од Министерството за внатрешни работи (МВР), бил пријавен околу 03.35 часот во Полициската станица Кисела Вода во Скопје. Станува збор за возило „фолксваген пасат“. Од пожарот бил зафатен и дел од фасадата на зградата каде што живее и предмети на балкони на долните катови од зградата. Пожарот бил изгаснат од екипа на Бригадата за противпожарна заштита Скопје, а повредени лица нема, велат од МВР. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Турскиот претседател Таип Реџеп Ердоган е најпопуларен странски политичар во Македонија, но и во Албанија, Босна и Херцеговина и Црна Гора, покажува последното мултинационално истражување за Западен Балкан од страна на Центарот за анкетни истражувања (CISR) на Меѓународниот републикански институт (ИРИ), спроведено во периодот од 2 февруари до 5. март. Втор по популарност во Македонија е рускиот претседател Владимир Путин, кој е најпопуларен во Србија, а трет американскиот претседател Џо Бајден, кој е најпопуларен во Косово. Интересно е дека ниту во една од шестте земји каде е спроведено истражувањето, на првите четири места нема политичар од Европската Унија. Фото: ИРИ/Ердоган/Фејсбук Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Македонската пејачка Андријана Јаневска стана доктор на науки, а како што информираше на социјалните мрежи на нејзиниот докторски труд работела девет години и успеала да заштити над 150 македонски народни песни во регионите Мала Преспа, Голо Брдо и Гора. На прогласувањето за доктор на науки на Универзитетот „Кирил и Методиј“ во Скопје, беше и нејзиниот сопруг, гитаристот Драган Гиновски – Гино. Таа е професор по солфеж и соло пеење на Катедрата за популарни жанрови на Факултетот за музичка уметност и е виолинистка во Национална опера и балет. ПОВРЗАНИ ВЕСТИ Андријана Јаневска одбила да ја преставува Македонија на Евровизија Фото: Јаневска/Фејсбук/Инстаграм Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Македонската група Меморија деновиве ја објави новата песна „Македонски бисери„, која е колаж од рефрените на познатите македонски песни „Едно име имаме“, „За многу години Македонци“, „Заветна“ и „Налеј, налеј“. Аранжманот е на Петар Георгиевски – Камиказа, Давор Јордановски и Мите Димовски, во чие студио студио „Тра ла ла“ е снимена песната, а како продуценти на истата се јавуваат Мите Димовски и Давор Јордановски. Извршен продуцент на проектот е Камиказа. На 1. јуни Меморија ќе има концерт во „Дом на млади“ во Штип, а на истиот како специјален гостин ќе се појави познатиот македонски пејач Трајче Манев. Билетите можат да се набават во самиот „Дом на Млади“, секој работен ден од 08:00-16:00 часот или на означените продажни места низ Штип и онлајн на tickets.domnamladi.mk. Од таму најавуваат дека нови песни на бендот ќе излегуваат една по една во етерот, се’ до големиот скопски концерт на 16. ноември во арената „Борис Трајковски“. ПОВРЗАНИ ВЕСТИ (Видео) Меморија по 30 години објави нова песна „За тебе“ Фото/видео: Меморија Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Медицинскиот директор на Клиниката за токсикологија, Д-р Данил Петровски бил разрешен поради несовесно работење, велат од Министерството за здравство. ПОВРЗАНИ ВЕСТИ Разрешен директорот на Токсикологија, Петровски, економската директорка која незнае македонски не Според Министерството тој иако имал согласност за продолжување на договори за работа на 18 лица, не постапил по тоа, а и омаловажувал на национална основа. -Ангажираните оделе на работа без договор и без плата за нивниот труд. 18 семејства ги остави без плата! Во неговиот мандат, Клиниката беше поплавена и неосигурана, а ангажираните секојдневно трпеа закани и омаловажувања на национална основа, стои во објавата на Министерството за здравство на Фејсбук. ПОВРЗАНИ ВЕСТИ Докторот Беќаровски од МЗ обвинет дека навредувал етнички Албанци, најави тужба Од таму велат и дека не бил разрешен пред изборите за да не се поттикнало нетрпение по национална основа. ПОВРЗАНИ ВЕСТИ Мистерија е образованието на директорката на Токсикологија, Бесија Иљази, која незнае македонски јазик Сестри, болничари, биолози, лаборант незаконски и без образование, работеле на Клиниката за токсикологија Поплавена Клиника за токсикологија, која не е осигурана Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Управата за јавни приходи (УЈП) ја објави новата Листа на должници, а оваа се десетте најголеми должници во мај: ПОВРЗАНИ ВЕСТИ Расте бројот на должници на Листа на УЈП Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Државната изборна комисија (ДИК) прифати седум од вкупно 27 приговори за парламентарните избори. Треба да се прегласува во Желино, избирачко место (ИМ) 2101, приговор поднесен од коалицијата „Вреди“, во Охрид, ИМ 1272, приговор поднесен од коалицијата „Твоја Македонија“, Крушево, ИМ 1194 и ИМ1202, приговори поднесени од коалицијата „Твоја Македонија“, Струга, ИМ 1844, приговор поднесен од коалицијата „Твоја Македонија“ и коалицијата „За Европска иднина“ и Долнени, ИМ 1470 и ИМ 1470/1, приговор поднесен од коалицијата „Твоја Македонија“. Останатите приговори за избирачки места во Битола, Ресен, Гостивар, Долнени, Струга, Кичево, Демир Хисар, Чаир, Гази Баба, се одбиени или повлечени. Фото: Игор Бансколиев Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Македонската претседателката Гордана Силјановска Давкова денеска имаше средба со шефот на делегацијата на Европската Унија (ЕУ), евоамбасадорот Дејвид Гир. Како што информираа од нејзиниот Кабинет, таа изразила подготвеност за целосна соработка со делегацијата на Европската Унија во Скопје во однос на пристапниот процес на државата, истакнувајќи ја значајноста на делегацијата како своевиден координатор на активностите на ЕУ во земјава. Таа посочила на потребата за напредок во процесот кон членство во ЕУ, како стратешка цел на државата и определба на мнозинството од македонските граѓани. Нашата иднина, според претседателката Силјановска Давкова, несомнено е во Европската Унија, а местото на нашата држава е на иста маса со европските земји со кои нѐ обединуваат историски, културни и морални традиции и вредности, стои во соопштението. Претседателката посочила на нејзината подготвеност да придонесе во градењето единство за прашања од национален и државен интерес и да придонесе кон обезбедувањето на политички и општествен консензус по однос на реформската агенда и усвојувањето на закони за кои е предвидено европско знаменце, со цел да се избегне неговата злоупотреба, што беше нотирано и од самата ЕУ во изминатиот период. Претседателката истакнала дека и покрај високото ниво на подготвеност на македонската администрација и насобраното искуство, напредокот во исполнувањето на критериумите трпи поради политички околности и потези за кои се одговорни и одредени земји – членки на ЕУ. Во тој контекст, таа посочила на потребата од враќање на вербата во мериторен процес на интеграција, со фокус на исполнување на копенхашките критериуми. За средбата на социјалната мрежа Х (Твитер) се огласи и Гир, кој вели дека меѓудругото било разговарано и за спроведување на постоечките договори и добрососедските односи. Pleased to meet with President Siljanovska-Davkova. We discussed the process of 🇪🇺 integration, good-neighbourly relation, including the implementation of existing treaties and foreign policy and security matters. Looking forward to advancing all these issues together. pic.twitter.com/YFDxnG50kU — EU Ambassador David Geer (@AmbassadorEU) May 14, 2024 „Задоволство од средбата со претседателката Силјановска Давкова. Разговаравме за процесот на интеграција во ЕУ, добрососедските односи, вклучително и спроведувањето на постоечките договори и прашањата за надворешната политика и безбедноста. Со нетрпение очекуваме да ги унапредиме сите овие прашања заедно“, напиша Гир. ПОВРЗАНИ ВЕСТИ Македонија има обврска да го почитува Преспанскиот договор, велат од германското МНР САД повикува на почитување на Преспанскиот договор и охрабрува продолжување на дијалогот меѓу Скопје и Софија Фото: Кабинет на претседателката Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Од Министерството за внатрешни работи информираа дека денеска во 12.30 часот во СВР Скопје било пријавено дека во селото Стајковци, скопско, на тераса и на скали во домот со повреди на главата биле пронајдени 57-годишната С.К. и нејзиниот сопруг, 64-годишниот В.К.. – Лекар од Итна медицинска помош на местото констатирал смрт кај С.К., додека В.К. со повреди бил пренесен во Комплексот клиники „Мајка Тереза“ каде што во 14.00 часот починал. Полициски службеници од Полициската станица Гази Баба и Единицата за интервентна полиција при СВР Скопје со убодни рани го пронашле и Љ.К .(67), брат на В.К., кој имал здравствени проблеми и за кој постои сомнение дека е сторител на убиството. Тој, исто така, е пренесен во медицинска установа за укажување помош“, велат од МВР. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Асоцијацијата за здравствена едукација го отвори првиот ММ – Центар за советување и поддршка на момчиња и мажи. Центарот ќе нуди бесплатни советувања кои ќе ги спроведуваат психотерапевти и психолози. Советувањата ќе се спроведуваат со физичко присуство или преку виртуелни канали на македонски и албански јазик. Центарот ќе биде отворен за советувања вторник, среда и четврток од 10 до 17 часот. Термините треба да се закажат на следниов телефoнски број 070/299-026, или на email- [email protected], како и на Инстаграм профилот man.mind.skopje. Програмската раководителка од ХЕРА, Весна Матевска вели дека ваков тип на центри се неопходни во системот за што укажуваат и сите податоци и истражувања направени во изминатите неколку години. „Родовата еднаквост се однесува на девојките и момчињата и на жените и мажите. Родовата еднаквост значи и поддршка и грижа за ментално и физичко здравје за момчињата и мажите. Молкот не е одговор кога момчињата немаат сила да се справат со предизвиците. Токму на тоа укажуваат наодите од меѓународната ХБСЦ студијата посочуваат дека насилството меѓу момчињата во Македонија најчесто се случува во или меѓу групите врсници,“ изјави Матевска. Дури 24 % од момчињата (наспроти 8 % од девојчињата од паралелки на македонски наставен јазик), и 21 % од момчињата (наспроти 2% од девојчиња од паралелки на албански наставен јазик) учествувале во тепачки, два или повеќе пати во изминатите 12 месеци. „Момчињата се далеку понасилни од девојчињата пред се поради отворената поддршка на таквото однесување, кое се доживува како начин на „машко“ растење, чија последица може да биде повредување на другите или самоповредување. Дополнително, резултатите од неодамнешното истражување на Националниот младински совет на Македонија, покажувааат дека младите имаат сериозни предизвици со менталното здравје. Податоците од ова истражување се поразителни – дури 58% од младите се борат со анксиозност, а 64% се чувствуваат депресивно,“ вели Матевска. Истражувањето пак на Реактор кажува дека мажите се најголем дел од жртвите на насилни злосторства, како што се тешки напади и убиства, а кои ги вршат други мажи. Понатаму, мажите имаат поголеми изгледи за самоубиство. Според истото истражување – младите момчиња и мажи, кои се соочуваат со анксиозност или депресија, чувствуваат страв за споделување на тоа што го мислат или чувствуваат, односно сметаат дека доколку ги споделат проблемите кои им го отежнуваат секојдневието, тоа би ги направило во очите на другите „слаби мажи”. Матевска истакна дека ако ова се податоците кои ја опишуваат сликата за менталното здравје на момчињата и мажите кај нас, тогаш јасно е зашто ни е потребен ваков центар за поддршка. Овој центар ќе овозможи безбедна и пријатна средина во која момчињата и мажите отворено ќе зборуваат за своите потреби и ќе побараат поддршка без некој при тоа да ги етикетира. Тие сега ќе имаат свое место во кое отворено ќе може побараат решение за предизвиците и место во кое ќе може момчињата и мажите да добијат поддршка за емоционален раст и развој. Психотерапевтите ќе работат по моделот на Австриското здружение Verein Für Männer- und Geschlechterthemen Steiermark, Austria, а со финансиска поддршка од Сојузното министерство за социјални прашања, здравство, грижа и заштита на потрошувачите на Австрија. На отварањето се обрати Кирил Тројачанец, кој е психолог и експерт за стрес, кој укажа дека општествените очекувања ги притискаат момчињата од најмала возраст да не ги покажуваат своите емоции, што е причина за постојан стрес и ранливо ментално здравје. Тројачанец упати директна порака до момчињата дека молкот не е одговор кога се соочуваат со врсничко насилство. Ленче Алексовска Величковска, спортски психолог, истакна дека очекувањата што тренерите, соиграчите и навивачите ги поставуваат врз спортистите од една страна може да послужат како мотивирачка сила, поттикнувајќи ги да го постигнат најдоброто од себе, меѓутоа кога очекувањата се преголеми, тие доведуваат до зголемен стрес и анксиозност и насилно однесување. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Поранешниот претседател Стево Пендаровски нема да користи државна пензија, која му следува по закон и ќе продолжи да работи како професор на Американ Колеџ, објави државната агенција МИА. Тој и понтаму ќе биде обезбедуван од припадници на Министерството за внатрешни работи, согласно со безбедносните проценки што ги прават. Ќе користи и канцеларија со тројца вработени од неговиот поранешен Кабинет. -Во однос на административната и логостичка поддршка која му е потребна за средбите со поранешни и актуелни државници и за учество на меѓународни конференции претседателот Пендаровски побара од државните институции повремено да користи канцеларија, но, бидејќи таква пракса и законски основ не постои, Пендаровски во иднина ќе го искористи правото да отвори канцеларија, каде што тројца од сегашните вработени во Кабинетот, ќе бидат ангажирани во поддршка на тие активности на поранешниот претседател, велат од неговиот тим за МИА. ПОВРЗАНИ ВЕСТИ (Фото) Силјановска Давкова се всели, Пендаровски се исели од „Вила Водно“ Кој донирал за претседателската кампања на Стево Пендаровски Фото: Пендаровски/Фејсбук Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Доктор Сашко Кедев го искачи врвот Лотсе (8.516) на 13. мај, осум дена по искачувањето на врвот Макалу (8.485) на 5. мај, информираат од Imagine Nepal. Ова претставува втор врв над 8.000 метри надморска височина, искачен оваа сезона. Со искачувањето на Лотсе, тој комплетираше 10 од 14 искачени врвови повисоки од 8.000 метри надморска височина. Во историскиот успех на Кедев се запишани и врвовите Монт Еверест (8.848), К2 (8.611), Далагири (8.167), Манаслу (8.163), Броуд пик (8.051), Анапурна (8.091 метри), Cho Oyu (8.201), Нанга Парбат (8.126), Макалу (8.485)., кој е негов девети врв искачен над 8.000 метри. Од Imagine Nepal велат дека следни врвови за искачување се Kanchenjunga (8.586), Gasherbrum I (8.068), Gasherbrum II (8.035), Sishapangma (8.013). ПОВРЗАНИ ВЕСТИ Кедев го искачи Макалу 8.485, неговиот девети врв над 8.000 метри надморска височина (Галерија) Кедев за искачувањето на петте врвови над 8.000 метри: Во животот најмногу учиме од неуспесите, низ тешкотиите растеме Фото: Приватна архива Сашко Кедев Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Разрешен е медицинскиот директор на Клиниката за токсикологија, д-р Данил Петровски, но не и економската директорка, Бесија Иљази, која освен што не знае македонски јазик, ја остави Клиниката и без биолог и без осигурување, објави Слободен печат. Петровски е разрешен од министерот за здравство во заминување, Илир Демири, кадар на поделената Алијанса за Албанците од крилото на Зијадин Села. За работењето на Иљази, која за кратко време го зголеми и долгот на Клиниката, а дозволила незаконски да работи и кадар без образование, неодамна регираа и професори и доктори од Клиниката, а докторот Нико Беќаровски најави оставка. ПОВРЗАНИ ВЕСТИ Поплавена Клиника за токсикологија, која не е осигурана Мистерија е образованието на директорката на Токсикологија, Бесија Иљази, која незнае македонски јазик Сестри, болничари, биолози, лаборант незаконски и без образование, работеле на Клиниката за токсикологија Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Платформата за родова еднаквост смета дека со изборот на Гордана Силјановска Давкова за претседатл, се направи значаен чекор кон остварување на долгогодишните заложби на Платформата за родова еднаквост за што поголемо вклучување на жените на највисоките позиции на одлучување и владеење. „Во оваа прилика уште еднаш потсетуваме дека нема недостаток од квалификувани и искусни жени кои би можеле да преземат политички функции, туку истите се соочуваат со општествени и структурни бариери за нивно вклучување, па така се обесхрабрени да остварат потполно политичко учество. Во нашата држава, родовата нееднаквост во политичкото учество на жените е видлива на речиси сите нивоа на владеење. На локално ниво, само две (или 2.5%) од 81 општини избрале жени за градоначалници. Дополнително, кога станува збор за извршната власт, од вкупно 16 министерства, само 5 (или 25%) се предводени од жени. Доколку во овие бројки се факторираат и жените од немнозинските групи, оваа статистика е уште поалармантна. Дополнително, Собранието во над 30 години самостојност на државата сѐ уште немало претседателка на Собранието,“ се вели во соопштението. Од таму сметаат дека со цел да се постигне значајно и релевантно политичко учество потребна е минимум застапеност од 40% на жените и мажите во политичкиот и јавниот живот. „Но, со актуелното темпо на напредок, не можеме да очекуваме вистинска родова еднаквост во националните законодавни тела уште најмалку 4 децении, или до 2063 година. Да не заборавиме и на поразителниот факт што поголемата бројност на мажите на политичката сцена често пати ги охрабрувало да упатуваат навреди кон своите колешки и отворено да подгреваат атмосфера на мизогинија. Затоа, се надеваме дека изборот на првата жена за претседателка на државата ќе биде пример и мотивација за други жени и девојчиња да земат учество во политиката на сите нивоа и ќе придонесе кон што поголемо вклучување и прифаќање на жените во политиката, каде тие ќе бидат заштитени и третирани со должна почит на рамноправни креаторки на политиката,“ се додава во соопштението. Од Платформата ја повикаа Силјановска Давкова да ги одржи своите ветувања и да покаже заложба за родова еднаквост во пракса, работејќи кон зајакнување на позицијата на жената во различни сегменти на општественото дејствување, како и пружајќи поддршка во борбата против антиродовите движења. „Дополнително, повикуваме на директно партнерство и исполнување на целите и правните заложби на кои нашата држава се обврзала во рамки на националното и меѓународното право и потпишаните и ратификувани повелби и конвенции. Предизвиците и бариерите со кои се соочуваат жените во јавниот, приватниот и политичкиот живот се бројни, а поддршката од сите политички актери, вклучително и од Претседателката на државата, е клучна за унапредување на женските права,“ велат од Платформата за родова еднаквост. Од таму потсетуваат на приоритетите кои ги дефинирале како патоказ за политичарите во поглед на мерки кои што можат да доведат до унапредување на родовата еднаквост во нашата држава. Тие бараат неограничен пристап до безбеден и легален медицински абортус во секоја општина, еднаква плата за еднаква работа, постапување со должно внимание на институциите задолжени за превенирање и заштита од родово базирано насилство, трансформација на статусот на жените работнички во културата кои со години наназад се соочуваат со неизвесност во однос на нивниот работен статус, 50% застапеност на жените на позициите на моќ, систематско решение за пристап до платено породилно отсуство и боледување за жените земјоделки, системски решенија за грижа за деца и стари лица, борба против митото и корупцијата кои несразмерно ги погодуваат жените и се главна причина за заминување на младите луѓе од земјата. Фото: Собрание Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....