Со почетокот на AТП Челинџер турнирот Македонија Опен беше одржана и прес конференција за турнирот кој е од рангот Челинџер 75 за запознавање на јавноста со тенисерите кои овие седум дена ќе бидат дел од тениските случувања на терените на ТК Југ во Градски парк. Минатата година ветивме и на тоа остануваме, па така и оваа година организираме престижен АТП Челинџер турнир, со награден фонд од 82.000 долари. Наша замисла е овој турнир да биде дел од македонската традиција. Согласно правилата за организација на ваков турнир, федерацијата прави огромни напори, но секако потребна е голема поддршка и помош и од државата како и учество на приватниот сектор преку спонзорства за покривање на сите трошоци. Исто како и минатата година, турнирот се одржува на една недела пред Грен слем турнирот Роланд Гарос. Сметаме дека тоа е исправна одлука особено што на турнирот има играчи кои имаат за цел да направат скок на АТП листата, па така рангот на тенисерите е од 230-300.то место, а нивна цел е пласман во ТОП 100. Ланскиот случај со финалистот Франциско Комесана е најдобар пример, сега е на 87.место на АТП листата. Настап имаат и играчи кои имале добар ранг, но поради повреди сега имаат нешто послаб ранг. Тука пред се мислам на Италијанецот Марко Чечинато, кој има победа и против Новак Ѓоковиќ на Роланд Гарос, а беше и на 16.место на АТП ранг листата (најдобар ранг), тука е и Јиржи Весели од Чешка, кој пак има две победи (нема пораз) над Ѓоковиќ, а бил и високо рангиран. Секако во кругот на тие играчи е и Николоз Басилашвили од Грузија, финалист на Мастерс 1000 турнирот во Индијан Велс, како и победник на пет АТП турнири (три од серијата АТП 500 и два од серијата АТП 250). Од младите тенисери тука е најдобриот јуниор на светската листа во моментов Жоел Шверцлар од Австрија, потоа Федерико Чина, како и хрватските тенисери Матеј Додиг и Лука Микрут, истакна претседателот на федерацијата Александар Ивановски. Носителите настапот во Скопје ќе го искористат за подобрување на својот ранг особено што покрај паричната награда добиваат и 75 поени, а финалистот 44. Прв носител е Чун Сенг, кој има 22 години, а во 2018 година беше најдобар јуниор и со најдобар ранг на 82.то место. На турнирот ќе настапат и играчи кои се во добра серија на резултати: Ерги Киркин, кој има победа на еден челинџер турнир и на два фјучрси (оваа пролет), потоа Романецот Филип Кристиан Жиану – четири победи на фјучрс турнири, Готие Онслиен, кој има триумф на челинџер турнир во Прага (финалист Јиржи Весели). Секако нема да заборавиме и на турнирот во двојки кој ќе биде исклучително атрактивен особено што од 16 комбинации дури 13 настапуваат исклучиво во двојки. Македонските тенисери (Димитар Грабул, Берк Бугариќ, Шендрит Деари и Амар Хусеиновиќ) настапија во квалификациите, каде беа елиминирани, а тројца од нив ќе играат и во двојки: Грабул и Бугариќ заедно, додека Хусеиновиќ ќе настапи со Федерико Чина, изјави Горан Шевченко, директорот на турнирот. На турнирот во двете конкуренции настапуваат 67 играчи од 33 држави, а најмногу има од Италија – 7, од Индија има 5, а од Франција, Полска, Чешка и Македонија – 4. Од 18 држави има по еден тенисер. Полуфиналните мечеви во двете конкуренции се играат во петок на 24.мај, додека во сабота на 25.мај е финалето во двете конкуренции....

По освоеното 6-то место на Европското првенство во кајак (диви води), Ангел Петрушев денес беше примен од страна на претседателот на МОК, Даниел Димевски кој му го честиташе овој извонреден успех на најдобриот македонски кајакар во последните години. На оваа средба беше договорено Ангел Петрушев да биде стипендист на МОК, во периодот 2024-2028 и да биде дел од Олимписките планови и програми на МОК за периодот 2024-2032. Претседателот на Кајакарската федерација на Македонија (КФМ), Дрилон Леши се заблагодари за сета досегашна поддршка на МОК во однос на кајакот, спорт кој е подржуван од страна на МОК од самото постоење на КФМ.Заклучок на сите е дека пред Ангел доаѓа време во кое тој ќе покаже и докаже дека македонскиот кајак е во самиот Европски и светски врв и дека во нашите заеднички планови тој секако се наоѓа заслужено, знаејќи дека неговото најдобро допрва претстои. Aнгелче Петрушев шести на ЕП во кајак (ВИДЕО)...

Полека привршува сезоната во младинските кошаркарски лиги во Македонија. Екипите на Вардар и Водно Санс ќе се борат за шампионскиот трофеј во машката јуниорска конкуренција (У18). Ова е исходот по одиграните полуфинални натпревари на завршниот „фајнал-фор’ турнир чиј домаќин е Гевгелија. Во полуфиналните дуели. Вардар го совлада домашниот состав на Кожув 97:74. Лукановски оствари дабл-дабл ефект со 27 поени и 19 скока, а Марјановиќ на 20-те поени додаде 8 асистенции и 7 скока. Одличен учинок имаа и Трајковски со 17 поени и 8 скока, како и Младеновски кој даде 15 поени. Во домашната (поразената) екипа, Ичев постигна 19, Букрлишев 16, а Кузманов 13 поени. Екипата на Водно Санс беше подобра во полуфиналето со Феникс со 84:78. Комплетната прва петорка на Водно санс заврши со двоцифрен број на поени. Ќириловски постигна 18, Д.Бутемер 16, Димитриев и Трајанов реализираа по 13, а Митев додаде 10 поени. Кај поразената екипа на Феникс прв стрелец беше Стојковиќ со 25, а Петровиќ постигна 21 поен. Завршните два натпревари за медали ќе се играта утре (вторник). Од 16 часот за бронзата ќе се борат Кожув и Феникс, а финалето, мечот за шампионски трофеј, меѓу Вардар и Водно Санс ќе почне од 19 часот....

Од Фудбалската Федерација на Македонија информираа дека во продажба се пуштени картите за финалето на Купот на Македонија. Влезниците може да се купат по цена од 200 денари преку продажната мрежа на „МКТickets“. Во среда од 19 часот на Националната арена „Тодор Проески“ во Скопје, екипите на Тиквеш и Воска Спорт ќе се соочат во 31-вото финале во Купот на Македонија. За првпат на финалниот натпревар се пласираа екипи кои досега никогаш не играле финале. Воедно тоа е шанса прв пат двете екипи да излезат на европската сцена, односно победникот ќе игра во квалификациите за Конференциската Лига. Патот до финалето во Купот на Македонија: ТИКВЕШ1/16 ФИНАЛЕ: АРСИМИ – ТИКВЕШ 1:21/8 ФИНАЛЕ: ПЕЛИСТЕР – ТИКВЕШ 0:11/4 ФИНАЛЕ: ТИКВЕШ – БРЕРА 1:1 (6:5 пенали)1/2 ФИНАЛЕ: ШКУПИ – ТИКВЕШ 0:0, 0:0 (3:5 пенали) ВОСКА СПОРТ1/16 ФИНАЛЕ: КАРБИНЦИ – ВОСКА СПОРТ 0:101/8 ФИНАЛЕ: ВОСКА СПОРТ – СТРУГА ТЛ 0:0 (4:1 пенали)1/4 ФИНАЛЕ: БРЕГАЛНИЦА – ВОСКА СПОРТ 0:11/2 ФИНАЛЕ: ВОСКА СПОРТ – МАКЕДОНИЈА ЃП 2:0, 1:2 Картите за натпреварот освен преку МКТickets, ќе се продаваат на уште три локации Во Кавадарци поддржувачите на Тиквеш можат да купат билети во „Street Café“, додека оние на Воска, може да ги набават во Т.А. „Вис Пој“. На денот на натпреварот, карти ќе може да се купат и на билетарата на Националната арена „Тодор Проески“....

Во „Куќа на фудбалот“ беа одредени паровите за пополнување на Прва и Втора МФЛ за натпреварувачка сезона 2024/2025. За место во прволигашката конкуренција ќе се борат скопски Вардар и радовишкиот Детонит Плачковица. Натпреварот ќе се игра во Струмица на стадион „Благој Истатов, во недела со почеток од 17 часот. Во истиот термин (17 часот), но ден порано ќе се играат трите натпревари за пополнување на Втората лига. Во нив ќе играат: Вардарски – Крраби (стадион „Борис Трајковски“, Маџари), Победа Прилеп – Куманово (стадион „Ѓорче Петров, Скопје) Влазрими – Борец (стадион „Петар Милошевски“, Битола). Ќе се игра еден натпревар, а во случај на нерешен резултат, веднаш се пристапува кон изведување пенали....

Репрезентацијата на Хрватска со проверени сили ќе патува на ЕУРО 2024 во Германија. Селекторот Златко Далиќ ќе патува со најсилен состав и ќе атакува висок пласман после бронзата добиена во Катар пред 2 години. Капитенот Лука Модриќ во неговото последно европско првенство ќе ги предводи „коцкестите” во нов поход кон успех на големата сцена. ПОШИРОК СОСТАВ НА ХРВАТСКА ЗА ЕУРО 2024 ГОЛМАНИ: Доминик Ливаковиќ, Ивица Ивушиќ, Недиљко ЛабровиќОДБРАНА: Домагој Вида, Јосип Јурановиќ, Јошко Гвардиол, Борна Соса, Јосип Станишиќ, Јосип Шутало, Мартин Ерлиќ, Марин ПонграчиќСРЕДЕН РЕД: Лука Модриќ, Матео Ковачиќ, Марцело Брозовиќ, Марио Пашалиќ, Никола Влашиќ, Ловро Мајер, Лука Иванушец, Лука Сучиќ, Мартин БатуринаНАПАД: Иван Перишиќ, Андреј Крамариќ, Бруно Петковиќ, Марко Пјаца, Анте Будимир, Марко Пашалиќ На стенд бај повикани се: Борна Баришиќ, Дује Чалета-Цар, Кристијан Јакиќ, Доминик Котарски, Тони Фрук, Марин Љубичиќ, Игор Матановиќ, Бико Кристиан Сигур, Петар Сучиќ. 💥 Here it is! 💥#Croatia head coach @DalicZlatko presents the preliminary #Croatia squad for the upcoming #EURO2024! 🇭🇷🤩#Family #Vatreni❤️‍🔥 pic.twitter.com/xDkEOEwVm9— HNS (@HNS_CFF) May 20, 2024 Селекторот Златко Далиќ ќе има задача да ги оправда хрватските надежи во „групата на смрта” на ЕУРО 2024. Хрватска ќе проба да се избори за место против актуелниот европски првак Италија, репрезентацијата на Шпанија и против Албанија која никако не смее да се потцени. Хрватите се надеваат на голем успех како големо испраќање за нивниот голем капитен Лука Модриќ. Како дел од подготовките Хрватите ќе одиграат и контролен натпревар против репрезентацијата на Македонија, на 3 јуни 2024 во Риека. ХРВАТСКА – МАКЕДОНИЈА | Пријателска...

Понеделнички вообичаени се објавуваат најновите тениски рангирања. Во пресрет на вториот овосезонски Гренд слем „Роланд Гарос“ неколку промени во ТОП-10. Лидер и натаму останува Новак Ѓоковиќ, Србинот ја започна 426-та недела на врвот и продолжи да го зголемува сопствениот рекорд. Зад него се Јаник Синер и Карлос Алкараз. Сега на 4,место е Алексндер Зверев. Германецот со триумфот во Рим, го мина симна за едно место Русинот, Данил Медведев. Пести и седми остануваат Андреј Рубљев и Каспер Руд. Промена има на осмата позиција на која сега е Хуберт Хuркач на сметка на Стефанос Циципас, а ТОП-10 го комплетира Григор Димитров. Отвореното првенство на Франција официјално почнува на 29 мај, а денеска стартуваат квалификациите....

Кошаркарите на Милесота се вториот финалист во Западната конференција од НБА плејофот. Ова откако „Волците“ го добија решавачкиот семи натпревар и тпоа на госто кај шампионот Деневер. Популарните „Тимбервулфс“ имаа негатива од 20 поени на стартот на второто полувреме, но се вратија во игра во третата четвртина. Во последната направија комплетен пресврт и славеа со 98-90, за конечни 4:3 во победи и пласман во финалето на западот. Бадијала остана даб-дабл ефектот на Никола Јокиќ 34 поени и 19 скокови, како и 35-те поени на Мареј. Во победничката екипа дури шестмина кошаркари имаа двоцифрен број на поени. По 23 постигнаа Џејден Мекданиелс и Карл-Ентони Таунс кој додаде и 12 скока. Минесота за противник во финалето на западот ќе го има Далас, а во серијата подобар до четири победи ќе ја има и предност на домашниот терен....

Екипата на Минесота го комплетира списокот на четирите екипи колку останаа во плејофот на НБА лигата. Следуваат финалните серии по конференции, по кои ќе ги дознаеме кои екипи ќе се борат за шампионскиот трофејот. Во финалето на Источната конференција, ќе играат најдобриот тим во регуларниот дел од сезоната Бостон и екипата на Индија. Предноста на домаќниот терен во серијата што се игра до четири победи по принципот 2-2-1-1-1, ќе ја имаат „Селтикси“. Серијата ќе почне со два натпревари во „ТД Гарден“ и тоа во среда во 2 часот по полноќ. БОСТОН – ИНДИЈАНА среда,22 мај (2:00, ESPN ТV)петок, 24 мај (2:00, ESPN)недела, 26 мај (2:30, АBC)вторник, 28 мај (2:00, ESPN)четврток, 30 мај (2: 00, ESPN)*сабота, 1 јуни (2:00, ESPN)*понеделник, 3 јуни (2:00, ESPN)* На западот. Она што го посакуваа љубителите на кошарката на Балканот, но туку и ширум светот, нема да го добија. Дуелот на двајцата најдобри играчи во моментов, Никола Јокиќ против Лука Дончиќ, нема да се случи. За тоа се погрижи Минесота која го елиминира шампионот Денвер, и закажа финале со Далас на Дончиќ. Серијата ќе почне во Минесота, на теренот на „Тимбервулфс“ во четврток од 2.30 по полноќ. МИНЕСОТА – ДАЛАС четврток, 23 мај (2:30, TNT TV)сабота, 25 мај (2:30, TNT)понеделник, 27 мај (2:00, TNT)среда, 29 мај (2:30, TNT)петок, 31 мај (2:30, TNT)недела, 2 јуни (2:30, TNT)вторник, 4 јуни (2:30, TNT)*...

Кошаркарите на Индијана ја собија „мајсторката“ со Њујорк и се пласираа во финлето на Источната конференција во НБА плејофот. На решавачкиот седми натпревар во „Медисон Сквер Гарден“ тимот на Индијана славеше со 130-109 над Њујорк ја затвори серијата. Освен во воведните две минути, останатиот текот од натпревар „Пејсерси“ ја контролираше играта и резултатот. Домаќинот имаше и „хендикеп“ со неколкумина повредени играчи, меѓунив и најдобриот Џејлен Брансон, кој најверојатно ја скрши раката. Немаа едноставно шанси „Никси“ да ја искористат предноста на домашниот терен, па четврти пат мораа да признаат пораз. Тројца играчи кај Индијана имаа 20+ поени. Хилбартон постигна 26, Сиакам и Хембхард по 20, а со еден помалку Најсмит, а Тарнер додаде 17. Бадијала се покажаа 39-те поени на Де Виченцо кој погоди 9 тројки. Индијана по пауза од 10 години повторно обезбеди пласман во конференциското финале. Во него „Пејсерси“ за противник ќе го имаат најдобриот тим на истокот, Бостон. Серијата подобар до четири победи (2-2-1-1-1) ќе стартува во Бостон во среда во 2 часот по полноќ. Ноќеска, ќе го дознаеме и противникот на Далас во финалето на Западната конференција. Решавачки седми натпревар ќе играат Денвер и екипата на Минесота. Шампионот Денвер ќе биде домаќин на овој меч што ќе почне во 2 часот по полноќ....

Екипата на Црвена Звезда е шампион во АБА кошаркарската лига за сезоната 2023/2024. Црвено-белите со максимални 3:0 во победи ја добија финалната серија против лутиот ривал Партизан. И во третиот натпревар од финалето на плејофот, Црвена Звезда славеше со 82:76. Звезда беше подобра во три четвртини. Само еднаш му дозволија на противникот да израмни и еднаш да води со два разлика. Сето останато време црвено-белите беа во предност, која само еднаш беше двоцифрена (+10). Намаа решпение Обрадович и неговите избраници, па на крајот Црвена Звезда заслужено се радуваше на победата и титулата. За Црвена Звезда ова е седма титула шампион на АБА лигата, со што се израмни со лутиот ривал Партизан кој лани беше шампион....

Машката македонска одбојкарска репрезентација на Македонија го претрпе вториот пораз во новото издание на Европската Златна лига. На првиот турнир што се играше во Струмица, македонските одбојкари вечерва се поразени од Чешка со 3:0. Противникот постојано ја контролираше играта и резултатот. Рано во првиот сет создадоа седум поени предност Чесите, а истиот го добија со 25-16. Рамноправни беа македонските одбојкари само до 7-7 во вториот сет. Следуваше серија на Чешка која се одлепи ма пет разлика, а потоа и до +10 го доби сетот 25-15. Ниту третиот сет не мина ништо по различно, па противникот го доби и него со 25-16, за конечни 3:0. Така Ќесите со две победи и без загубен сет ги добија првите два меча, во првиот од трите круга во новиот формат на натпреварување. На следниот втор турнир што ќе се игра во Беверен, Белгија, македонските одбојкари за противници покрај домаќинот ќе ја имаат и селекцијата на Азербејџан. Натпреварите ќе се играта следниот викенд, 25 и 26 мај....

Предпоследното коло во Шпанската Ла Лига донесе многу возбудувања. Многу натпревари решаваа за конечните пласмани. Реал Сосиедад беше една од екипите која си го потврди пласманот во Лига Европа. Баскиската екипа дојде до триумф над директниот конкурент Реал Бетис со 2:0. Стрелци на головите беа Браис Мендес во 5-та минута и Микел Мерино во 42-та минута. Мајорка си го обезбеди опстанокот иако одигра со реми од 2:2 против Алмерија. Стрелци на головите Кајл Ларин во 29.та и Сержи Дадер во 83-та за Мајорка, а головите на Алмерија ги постигнаа Серхио Арибас во 41-та и Бруно Ланга во 66-та минута . Кадиз е последната екипа која ќе патува во Секунда бидејќи неуспеа да триумфира против Лас Палмас. Задачата на Кадиз стана потешка бидејќи Виктор Чуст доби црвен картон во 74-та минута. Атракција имаше на „Ла Керамика” каде што Виљареал и Реал Мадрид одиграа 4:4. На Виљареал им беше потребен триумф за борба за Конференциска лига, но до тој не дојдоа. Александер Серлот беше стрелец на сите 4 гола за Виљареал (39, 48, 52 и 56.минута). Кај Реал Мадрид 2 гола постигна Арда Ѓулер (14 и 47 од првиот дел) и по еден гол постигнаа Хоселу (30) и Лукас Васкез (40 минута). Standings provided by Sofascore...

Прв трофеј за ракометарите на Алкалоид, кои во финалето на Купот на Македонија го совладаа тимот на Еурофарм Пелистер по изведувањето на пеналите со 3:1, откако во регуларниот дел дуелот заврши 22:22. За екипата на Алкалоид ова е голем успех и резултат што во своето прво финале во Купот на Македонија го освоија вредниот трофеј. Почетокот на натпреварот беше во знакот на Алкалоид и екипата на Кирил Лазаров водеше со 10:7, но со серија од 4-0 ракометарите на актуелниот првак Еурофарм Пелистер на полувреме заминаа со гол предност 11:10. Битолчани продолжија со добрата игра и на стартот од вториот дел и во два наврати имаа предност од + 3 (14:11 и 15:12). Потоа водството го презеде Алкалоид и водеше со 18:16, а по 19:19 до конечните 22:22 резултатот беше нерешен, а Алкалоид имаше водство. Серафимов погоди за 22:21, а Кузмановски изедначи со гол од седмерец. Во клучните минути вистински „џокер“ во играта на Алкалоид беше Кристијан Симоновски, кој постигна пет голови на натпреварот и беше најдобар стрелец на својот тим. Во серијата пенали, Лесјак кој во финишот на дуелот одбрани два седмерци, го запре ударот на Серафимов. Но, веднаш Галевски го одбрани ударот на Ф.Кузмановски. Симоновски донесе водство за Алкалоид од 1:0, а изедначи Цветан Кузманоски на 1:1. Марко Митев погоди за водство од 2:1 за Алкалоид, а Радивојевиќ ја погоди стативата. Дамјан Митев го следеше неговиот пример и погоди во пречката, а Галевски одбрани нов седмерец по ударот на Ѓоргоски. Решавачкиот гол го постигна Џонов. Пехарот за освојувачот на Купот на Македонија, Алкалоид го предаде претседателот на РФМ Живко Мукаетов....

Манчестер Сити четврта сезона по ред е шампион во англиската Премиер лига. Неизвесната завршница во Премиер лигата повторно успешно мина за екипата на Пеп Гвардиола. „Граѓаните“ на домашен терен го совладаа Вест Хем со 3:1 и ќе го креваат пехарот по деветти пат во 21-тиот век односно деветти пат во последните 14 години. Арсенал и Микел Артета прекрасната сезона во Премиер лигата ја завршуваат на второто место и покрај борбата до последното коло. „Топџиите“ залудно го совладаа Евертон со 2:1 бидејќи им беше потребно Сити да изигра нерешено за да ја освојат титулата. Ливерпул и покрај победата над Волвс од 2:0 не си заминува задоволен од „Енфилд“ бидејќи останаа без „кормиларот“ Јурген Клоп, кој ги предводеше „редсите“ во својот последен натпревар како тренер на овој клуб. Астон Вила избори пласман во Лигата на шампионите по прв пат од 1982/83 година, а денеска загуби со неверојатни 5:0 од Кристал Палас кој игра во страшна форма. Тотенхем како 5-то пласиран го совлада последнопласираниот Шефилд Јунајтед со убедливи 3:0 и си обезбеди место ви Лигата на Европа следната сезона. Челзи пак сјајната серија ја продолжува со победа на Борнмут на домашен терен од 2:1 и ќе игра во Конференциската лига. Њукасл и Манчестер Јунајтед извисија за пласман во Европа, но обезбедија победи над Брентфорд (4:2) и Брајтон (2:0). Борбата за опстанок е решена уште во минатото коло. Шефилд е на дното на Премиер лигата со само 16 освоени бодови. Заедно со Шефилд во Чемпионшип следната сезона ќе играат: Лутон, кој денеска загуби 2:4 од Фулам на домашен терен, и Барнли, кој загуби од Нотингем Форест со 1:2. 🏆 MAN CITY ARE CHAMPIONS! 🏆 pic.twitter.com/I84b66E2AG— Premier League (@premierleague) May 19, 2024...

Најдобрата македонска тенисерка Лина Ѓорческа во следната недела ја очекува настап на квалификациите на Ролан Гарос. На денешната ждепка за квалификациите македонската тенисерка за противничка во првото квалификациско коло ја доби домашната тенисерка Французинката Марго Рувруа. Рувруа има 23.години и се наоѓа на 277.место на ВТА листата и во квалификациите настапува со вајлд карта. Нејзиниот најдобар пласман во кариерата е на 231.то место остварен на 15.јаниари 2024 година. Ова е втор настап на Грен слем турнир оваа година за Ѓорческа откако претходно беше дел од квалификациите на Австралија Опен во Мелбурн. Нашата тенисерка веќе неколку дена се наоѓа во Париз и тренира не терените на Ролан Гарос. Мечот Ѓорческа – Рувруа ќе се игра во вторник....

Ракометарките на Ѓорче Петров со два трофеи ќе ја заокружат годинашната сезона. Ѓорче Петров е нов освојувач на Купот на Македонија. Во финалето „Лавиците“ од Ѓорче го победија тимот на Чаир со 36:24. Двете екипи влегоа мотивирано во натпреварот па во првите неколку минути од натпреварот се играше израмнето. Чаир во неколку наврати успеваше да создаде минимална предност но, Ѓорче веднаш израснуваше. Ѓорче во 16-та минута успеаја да поведат со +2 (11:9). „Лавиците“ постепено ја зголемуваа предноста, па со серија 4-1 успеаја поведат со 17:13. На полувреме Ѓорче замина со позитива од +5 (19:14). Во втората половина актуелните шампиони само ја зголемуваа предноста. Па во 36-тата минута поведоа со +7 (22:15). Чаир во неколку обиди се обиде да ја намали негативата но, Ѓорче не дозволија и успешно ја одржуваа предноста. „Лавиците“ во 47-та минута успеаја да поведат со 28:18. Чаир повеќе немаа никакви шанси бидејќи Ѓорче беше незапирлив и само ја зголемуваше предноста. Крајниот резултат беше 36:24. Најефикасна од Ѓорче беше Николовска Анастасија со седум погодоци, додека од Чаир Бојана Диневска. Марија Јанкуловска беше прогласена за најдобра ракометарка на завршниот турнир (МВП). Ленора Рахмани од Чаир е прогласена за најдобар стрелец, а нејзината клупска колешка Магдалена Којовиќ за најдобра голманка. За ракометарките на Ѓорче Петров ова е вкупно 17-ти трофеј во Купот на Македонија. Вечерва од 19 часот ќе се игра машкото финале, во кое за трофејот ќе се борат шампионот Еурофарм Пелистер и актуелниот вицепрвак Алкалоид. Ивона Кимовска...

Возачот на Ред Бул, Макс Верстапен, стигна до нова победа во Формула 1 првенството. Холанѓанецот славеше на трката за ГН на Реџо Емилија, на легендарната Имола на седмата трка од овогодинешниот шампионат во Формула 1. За Макс ова беше трета победа на оваа делница односно петта во сезоната за 59-та во кариерата. Сепак не беше така доминантна оваа победа на Верстапен бидејќи веднаш до него заврши Ландо Норис од Мекларен, кој направи драма во финишот. Но Верстапен не дозволи претекнување и на крајот со една секунда предност заврши прв пред британецот. Место на подиумот имаше и за најдобриот во тренинзите возачот на Ферари, Шарл Леклер. Бодови освоија уште и Пијастри, Саинц, Хамилтон, Расел, Перез, Строл и Цунода. Верстапен води со 161 бода пред Леклер со 113, Перез со 107 и Норис со 101 бод. Следата трка се вози следниот викенд на 26 мај низ улиците на Монако за ГН на Монте Карло....

На терените на ТК Југ во Градски парк, денеска стартуваа мечевите на годинашново издание на ATP Challenger 75 турнирот Macedonian Open 2024. Во првото квалификациско коло настапија и четири македонски тенисери, кои се елиминирани. Најискусниот играч на турнирот македонскиот тенисер Димитар Грабул одигра меч против младиот хравтски тенисер Лука Микрут од кого загуби со 2-0 во сетови (6:3, 6:4). Мечот траеше 88 минути, притоа дури 8 гема беше решени на разлика, а во вкупниот број поени биланост беше 77:65 за Микрут, а само еден гем заврши на „0“ и го освои Грабул. Неизвесен прв сет одигра и Берк Бугариќ, против Жером Ким од Швајцарија, откако ривалот поведе со 5:2 во гемови Бугариќ успеа да изедначи на 5:5, а потоа двата гема ги освои Ким, кој беше сигурен во вториот сет и го освои без загубен гем. Буграиќ загуби со 2-0 во сетови (7:5 6:0). Шендрите Деари го загуби ечот од Лука Павловиќ од Франција со 2-0 во сетови (6:3 6:4), притоа неговиот ривал ги искористи можностите и го доби мечот. Четвртиот македонски тенисер кој настапи во квалификациите беше младиот Амар Хусеиновиќ, кој загуби од Константин Битон Козмин од Франција со 2-0 во сетови (6:0 6:1). РЕЗУЛТАТИ НА МЕЧЕВИТЕ ПО ТЕРЕНИ – ДЕН 1: ЦЕНТРАЛЕН ТЕРЕН 1 Никола Милојевиќ (Србија) – Џералд Мелцер (Австрија) 0-2 (16 46) 2 Марсело Зорман (Бразил) – Николос Басилашвили (Грузија) 0-2 (16 16) 3 Жером Ким (Швајцарија) – Берк Бугариќ (Македонија) 2-0 (75 60) 4 Калум Путерџил (Австралија) – Рајан Сигерман (САД) 0-2 (57 06) ТЕРЕН БРОЈ 5: Константин Битон Козмин (Франција) – Амар Хусеиновиќ (Македонија) 2-0 (60 61) Шендрит Деари (Македонија) – Лука Павловиќ (Франција) 0-2 (36 46) Димитар Грабул (Македонија) – Лука Микрут (Хрватска) 0-2 (36 46) ТЕРЕН БРОЈ 6: Хуан Карлос Прадо Анхело (Боливија) – Сергеј Фомин (Узбекистан) 1-2 (26 62 26) Рајан Нибоер (Холандија) – Џорџ Голдхоф (САД) 2-0 (63 62) ТЕРЕН БРОЈ 8: Александер Донски (Бугарија) – Неил Оберлејтнер (Австрија) 0-2 (46 36) Дан Адед (Франција) – Џон Никлес (Швајцарија) / Адед предаде...

Македонските одбојкари вечерва ќе го играат вториот натпревар во Европската Златна лига. Поразот од Естонија во петокот се веќе минато и сите мисли само сега се насочени кој мечот со Чешка. Чесите вчера ја декласираа Естонија во три сета и потврдија дека се во одлична форма. „Ова е познат противник за нас. Тоа е репрезентација со стил на игра којшто не ни одговара, но ќе се обидеме да го дадеме нашиот максимум во овој момент и да извлечеме што подобар резултат. За разлика од минатата година кога игравме со нив, во составот има неколку промени, но тоа не значи дека можеме да се опуштиме, ниту пак да ги прецениме. Со желба и со мотивација, може да играме со нив“, изјави искусниот Владо Милев. Средниот блокер Филип Савовски, смета дека тимот мора да одигра поконцентрирано, константно и без осцилации, доколку сака да се надева на добар резултат. „Имавме доста осцилации на приемот и грешевме на сервис против Естонија. Се надевам дека денеска ќе го поправиме тоа против Чешка и со тие два елемента ќе имаме добра игра и позитивен резултат“, вели Савовски. Кај Чешка се само четворица одбојкари од ланската пресметка со нас на Европското првенство во Скопје. Сепак Чесите има силен тим и затоа важат за фаворити ви вечерашниот дуел. Мечот Македонија – Чешка, што ќе се игра во салата „Парк“ во Струмица, ќе почне од 20.15 часот....

Откако доби отказ од Рома на средината на месец јануари, португалскиот стратег е без работа. Но тоа од следната сезона нема да биде така откако ,,Специјалниот,, доби понуда од клуб надвор од Европа. Се шпекулираше дека ќе биде нов селектор на Португалија за да ја предводи селекцијата на Еуро 2024, но од тоа нема да биде ништо. Мурињо најверојатно ќе ја прифати работата во клубот за кого никој не очекуваше дека ќе биде негов нов ангажман во професионалната тренерска кариера. Според турските медиуми, тој ќе биде нов тренер на Бешикташ, за договорена годишна плата од неверојатни 16 милиони евра. Потпретседателот на Бешикташ имал средба со Мурињо пред месец дена на која му рекол дека клубот го сака во своите редови. Португалецот му рекол дека ќе размисли за дадената понуда и му најавил нова средба во Италија. Работиме на спонзорствата за идните сезони и на добар пат сме да исполниме потребни бројки за доаѓање на Жозе, порача потпретседателот на клубот, Хусеин Јуцел....

Далас Маверикс стигна до голема победа со пресврт против Оклахома Сити Тандер од 117-116 за конечни 4-2 во 1/2 финалето на Западната конференција. Вистинска драма се одвиваше во последните неколку минути каде и двете екипи се менуваа во водството. Сепак домаќините беа посреќни и на крајот ја добија драмата за пласман во финалето на Западот. Оклахома Сити беше далеку подобра екипа во првото полувреме, кое го доби со 17 поени разлика, но Далас не се откажа до крајот и со голем пресврт одигра за своите навивачи и во тоа успеа на крајот. Словенецот Лука Дончиќ трет натпревар во низа стигна до трипл-дабл учинок со 29 поени, 10 скока и асистенции. Погоди девет од 15 удари од поле, вклучувајќи четири тројки во шест обиди. Тој имаше одлична поддршка од Кајри Ирвинг и Дерик Џонс Јуниор, кои додадоа по 22 поени. Сепак, натпреварот го реши Пи Џеј Вашингтон од линијата за слободни фрлања во возбудливата завршница. Во составот на Оклахома најдобар беше Гилџус Александер со 36 поени. Далас во финалето ќе игра со подобриот од дуелот меѓу Денвер и Минесота кој вечерва ја играат мајсторката....

Ракометните возбудувања на домашната сцена продолжуваат со завршницата на Купот на Македонија, а во финалето и борбата за првиот трофеј оваа сезона ќе играат актуелниот првак Еурофарм Пелистер и вицешампионот Алкалоид. Битолчани во оваа сезона влегоа со големи амбиции пред се за освојување на двојната круна, а сега се на чекор до првиот трофеј и од тоа ги дели само еден натпревар. Но, така секако не размислуваат во таборот на Алкалоид кои со истите мисли ќе влезат во финалниот натпревар – уште една победа до првиот трофеј во клупската историја. Е.Пелистер пак посакува и освојување на Куп пехарот по пауза од 19 години или последниот го освоија во 2005 година, кога имаа двојна круна. Финалистите сезонава одиграа еден натпревар и во салата во Автокоманда победа од 35:25 славеа ракометарите на Е.Пелистер, додека вториот дуел е на програмата во последното коло од шампионатот. Во полуфиналните дуели Е.Пелистер на периоди имаше проблеми со амбициозниот тим на Тиквеш, но сепак славеше победа со 33:29, додека Алкалоид во драматична завршница славеше минимална победа од 25:24 против ланскиот освојувач на купот Вардар со одбраната на седмерец на голманот Иван Галевски во последната секунда. Продажната цена на блок дневните влезници е 200 денари. Почетокот на натпреварот е во 19 часот, а официјални лица се Сашо Кркачев и Ѓоко Колевски (судии) и Драган Начевски и Ацо Николовски (делегати)....

Во борба за Куп пехарот кај жените попладнево ќе играат тимовите на Чаир и на Ѓорче Петров. За Ѓорче Петров ова финале ќе биде шанса да се освои 17-та титула во ова натпреварување. Натпреварот е закажан со почеток од 16:00 часот во спортската сала ,,Борис Трајковски”. Судии на дуелот се: Александар Вукашиновски и Марко Трајковски, додека делегати се: Лери Мирчевски и Љупчо Јаневски. Во првото полуфинале Ѓорче Петров за противник го имаше тимот на Куманово. Ракометарките на Ѓорче Петров максимално влегоа во натпреварот и не му оставија никакви шанси на противникот и лесно дојдоа до победа со максимални 31:14. Чаир во полуфиналето успеа да го совлада тимот на Вардар со 32:28. Чаирчанки во текот на целиот натпревар имаа предност и без проблем успеаја да стигне до финалето. За екипата на Чаир ова ќе е доплнителна мотивација бидејќи ова е нивно прво финале во Купот. За сите љубители на ракометот кои би сакале да го гледаат натпреварот во живо цена на картата е 200 денари. ИВОНА КИМОВСКА...

Олександр Усик е новиот апсолутен шампион во бокс во тепка категорија. На спектаклот во Ријад, Саудиска Арабија, настанот именуван како „Огнениот ринг“, Усик го совлада Фјури со поделена одлука на судиите. Во борбата која траеше максимални 12 рунди двајцата боксери имаа свои добри периоди на бокс. Во финишот на деветтата рунда, Усик со серија на удари и комбинација, го раздрма Фјури кој се најде во нок-даун, а судискиот гонг го спаси Британецот. Украинецот продолжи да напаѓа и доминира и во следната 10-та рунда, задавајќи низа на удари. 36-годишниот Фјури, се обиде во последната рунда да го надомести загубеното, но беше предоцна и го загуби шампионскиот појас во „ВБЦ“ верзијата. Популарниот „Џипски Кинг“ го претрпе првиот пораз во 35-ата борба, од кои дури 24 досега ги решил предвреме со нокаут. Од другата страна, 37-годишиот Украинец, Усик, кој веќе беше шампион во четири верзии (ВБА, ИБФ, ВБО и Ринг), остана не поразен. За Усик ова е 22-ра борба, а од нив 14 ги има добиено со нокаут. Фјури најави дека ќе има и ри-меч, на што Украинецот, по кратко размислување одговори – „Подготвен сум за реванш, ќе биде тоа уште една одлична борба за мене“. На спектаклот во Ријад присуствуваа огромен број на јавни светски личности меѓу нив: екс шампионите Владимир Кличко и Ивендар Холифилд, фудбалерот Кристијано Роналдо кој беше во друштво на Ентони Џошуа. Токму Џошуа се очекува да биде следниот противник на шампионот Усик. 1 од 16...

На терените на ТК Југ во Градски парк во Скопје утре стартува новото издание на Macedonian Open 2024. Според програмата ќе се играат 12 меча од првата рунда од квалификациите, каде и четири македонски тенисери ќе имаат свој настап. Димитар Грабул во првото коло од квалификациите за ривал го доби хравтскиот тенисер Лука Микрут (502.место АТП), кој е рангиран како 8 носител во квалификациите. Шендрит Деари за ривал го има Лука Павловиќ од Франција (515.место АТП – 9.носител во квалификации). Берг Бугариќ за противник го има 401-иот тенисер на АТП листата и 5.ти носител во квалификациите Жером Ким од Швајцарија, додека Амар Хусеиновиќ ќе игра против Константин Битон Козмин од Франција (484.место АТП – 6.носител во квалификации). Инаку во „главниот ждреб“ прв носител е Чун-Хсин Ценг од Тајпех, кој е рангиран на 248.то место на АТП листата, а втор носител е Ерги Киркин од Турција (251.место АТП). СИТЕ МЕЧЕВИ МОЖЕ ДА ГО ГЛЕДАТЕ ВО ЖИВО ОВДЕ (линк) РАСПОРЕД НА МЕЧЕВИТЕ ПО ТЕРЕНИ – ДЕН 1: ЦЕНТРАЛЕН ТЕРЕН 1 Никола Милојевиќ (Србија) – Џералд Мелцер (Австрија) почеток 10:30 часот 2 Марсело Зорман (Бразил) – Николос Басилашвили (Грузија) 3 Жером Ким (Швајцарија) – Берк Бугариќ (Македонија) 4 Калум Путерџил (Австралија) – Рајан Сигерман (САД) – почеток не пред 15 часот ТЕРЕН БРОЈ 5: Константин Битон Козмин (Франција) – Амар Хусеиновиќ (Македонија) почеток 10:30 часот Шендрит Деари (Македонија) – Лука Павловиќ (Франција) Димитар Грабул (Македонија) – Лука Микрут (Хрватска) ТЕРЕН БРОЈ 6: Хуан Карлос Прадо Анхело (Боливија) – Сергеј Фомин (Узбекистан) почеток 10:30 часот Рајан Нибоер (Холандија) – Џорџ Голдхоф (САД) ТЕРЕН БРОЈ 8: Матеј Додиг (Хрватска) – Реј Хо (Тајпех) Александер Донски (Бугарија) – Неил Оберлејтнер (Австрија) Дан Адед (ФРанција) – Џон Никлес (Швајцарија). РАСПОРЕД НА МЕЧЕВИ НЕДЕЛА – 19.МАЈ. КВАЛИФИКАЦИИ – ЖДРЕБ ГЛАВЕН ТУРНИР – ЖДРЕБ...

Кошаркарите на Работнички славеа победа во дуелот со трт, за третата позиција во конечниот поредок сезонава во мак-баксетот. На натпреварот одиграв во СЦ „Кале“, тимот на Работнички славеше со 85-74 за водство од 1:0 во победи во серијата прв до три. Првото полувреме го доби ТФТ со 42:35, а во второто Работнички одигра подобро. Тимот од „Градски парк“ за шест минути направи 20-6), и го врати водството (55:48). „Бело-црвените“ имаа подобар почеток и на последната четвртина за четири минути направија 10-4 за водство од 75:61). Тоа с епокажа како повеќе од доволно за конеленн триумф со 85-74.. Петмина играчи на Работнички завршија со десет или повеќе поени. Рикиќ имаше дабл-дабл ефект со 17 поени и 13 скока, Ѓуроски реализираше 16, Декоузи и Ефремоски по 15, а Трајс 12 (и девет додавања). Најефикасен кај ТФТ и на натпреварот беше за Вирц со 20 поени. Во екипата на ТФТ Моцарт, поентерски се одвоија Верц, со 20.поени, додека по 13. уфрлија Ташовски и Зафиров....

Екипата на Алкалоид е новиот освојувач на трофејот во кадетската лига. Алкалоид во финалето го совлада Еурофарм Пелистер 2 со 31:22. Во првите десетина минути од натпреварот се играше нерешено и изедначено. Алкалоид со серија 4-0 успеа во 18-тата минута да поведе со 13:6. Па така тие успешно ја одржуваа оваа предност до крајот на првата половина. На полувреме Алкалоид замина со позитива од 18:9. Второто полувреме беше формалност со оглед на позитивата која ја имаше создадено Алкалоид. Домаќинот во во 38-та минута стигна и до најголемата предноста +10 (23:13), за на крајот да слави со 31:22. АЛКАЛОИД ЛЕНСО ДО ШАМПИОНСКИОТ ТРОФЕЈ Кога во прашање е распределбата на шампионските трофеи во младинскиот македонски ракомет, сезонава екипите од Автокоманда доминираат. Пред кадетите, со злато се закити и пионерската екипа на Алкалоид, а кај младинците триумфираше Мулти Есенс. Третото место го освои екипата на Струга откако го победи Бисинов со 35:33. Претходно во полуфиналето Алкалоид го совлада тимот на Струга со 26:15. Во второто полуфинале Еурофарм Пелистер 2 и Бисинов одиграа интересен и неизвесен натпревар кој беше решен во последната секунда. Пелистерци се радуваа со 27:26. ГОЛ ОД ЦЕНТАР на 3.СЕКУНДИ ПРЕД КРАЈОТ, ЗА ПОБЕДА НА Е.ПЕЛИСТЕР Ивона Кимовска...

Бранителот на шампионскиот трофеј во кошаркарското првенство на Македонија, тимот на МЗТ Скопје Аеродром, со победа ја отвори финалната серија против Пелистер. Аеродромци во првиот меч, пред својата публика во „Јане Сандански“, го совладаа Пелистер со 82-77 и поведоа со 1:0 во победи. Шампонот подобро го отвори натпреварот. Имаше МЗТ и десет поени предност, а првата четвртина ја заврши со +5 (28-23). Иста слика и во вториот период. Домаќините постојано во предност меѓу 5 и 10 поени, а со толку заминаа и на одмор (50-40). Во второто полувреме, битолчани успеаја да ја надополнат негативата. Во 26-минута по втор пат на натпреварот поведоа со 54-56. Сепак, во завршната четвртина влегоа со два поени заостанување (65-63). Во последниот период зелено-белите постојано бркаа негатива, имаа шанси и за израмнување, ни тоа не го искористија. На крајот МЗТ заслужено славеше со конечни 82-77. Четворица кошаркари кај МЗТ беа двоцифрени, а капитенот Дамјан Стојановски со 16 поени беше најефикасниот. Два помалку постигна Танасковиќ, а по 11 реализираа Војдан Стојановски и Гилон. Инаку, Војдан на почетокот на последната четвртина се пожали на повреда и до крајот не влезе во игра. Кај пелистерци двоцифрени беа: Планиниќ (19 поени и 8 скокови), а по 16 имаа Костовски и Маслинко (и 8 скокови). И вториот натпревар во серијата подобар до три победи ќе се игра во „Јане Сандански“ во среда....

Очите на светската спортска јавност, пред се љубителите на боксот, се насочени кон Ријад, Саудиска Арабија. Таму вечерва за обединување на титулите во тешка категорија ќе се борат Тајсон Фјури и Олександр Усик. Сите со нетрпение го очекуваат мечот по кој ќе го дознаеме апсолутниот шампион во тешка категорија. Но, како вовед на главната борба досега, видоа љубителите на боксот, видео спектакуларни мечеви. Дури пет завршија пред време со класични нокаути. Ова е одлична увертира на она што ќе следува вечерва, а што ќе може да го гледате ВО ЖИВО ОВДЕ....

Со одигрувањето на шесте денешни натпревар од 33.коло заврши сезоната во Првата фудбалска лига на Македонија. Екипата на Струга Трим Лум втор пат во низа го крена шампионскиот трофеј. Стружани пред своите симпатизери беа поразени со 1-2 од Шкупи. Сепак, пирова беше оваа победа за чирчани кои долго време беа во игра за трофејот, останаа и без настап на европската сцена. Таму покрај шампионот, Македонија ќе ја претставува и тетовска Шкендија. Тетовци славеа на гостувањето кај Работнички и како втори ја завршија сезоната. Првата лига ќе ја напуштат Македонија Ѓорче Петров и Брегалница, а следната сезона во ова друштво ќе бидат Беса и Пелистер. Вардар пак ќе треба да обезбеди опстанок преку баражот со радовишката екипа Детонит Плачковица. Покрај баражот за пополнување на Првата лига, во мак-фудбалот сезонава 0останува да се одигра и финалето на Купот. Во него за трофејот ќе се борат Тиквеш и охридски Воска спорт. ПРВА ЛИГА – ПОСЛЕДНО 33.КОЛОСТРУГА Т.Л. – ШКУПИ 1-2РАБОТНИЧКИ – ШКЕНДИЈА 0-2БРЕРА СТРУМИЦА – МАКЕДОНИЈА ЃП 5-3БРЕГАЛНИЦА – СИЛЕКС 1-1ВАРДАР – ТИКВЕШ 2-2ВОСКА СПОРТ – ГОСТИВАР 1-1 Standings provided by Sofascore...

Холандскиот Ф1 пилот Макс Верстапен стигна до седмата пол-позиција оваа сезона во седмата Ф1 трка што се вози во Италија на патеката Емилија Ромања. Макс беше побрз од двајцата возачи на Мекларен Пјастри и Норис за 74 односно 91 илјадити делови од секундата. Ред Бул имаше доста проблеми на тренинзите, но во квалификациите токму шампионот покажа зошто е трикратен светски првак. Верстапен со оваа победа во квалификациите се израмни со легендарниот Сена на осум пол позиции по ред во кој имаше најдобро време. Иако на тренинзите беа најдобри, сепак во квалификациите разочаа пилотит на Ферари. Леклер заврши на четвртото, а Карлос Саниц на петтото место. Шестти заврши Џорџ Разел од (Мерцедес), па следуваат Јуки Цунода (РБ), Луис Хамилтон (Мерцедес), Даниел Рикардо (РБ) и Нико Хулкенберг (Хас). Разочараа исто така Фернандо Алонсо и Серхио Перез. Тие утре ќе стартуваа од 19-то односно од 11-то место. Утре со почеток од 15 часот е трката за ГН на Емилија Ромања во Италија....

Standings provided by Sofascore...

Македонскиот кајакар, Ангелче Петрушев имаше фантастичен настап на Европското првенство на диви води, што се одржува на во Љубљана. Тој настапи во дисциплината К1 мажи, во кој имаше вкупно 60 натпреварувачи, а само 12-мина од нив се квалификуваа во финалната трка. Петрушев на крајот заврши како шесто пласирал. За младиот (20 г.) Петрушев ова е одличен успех во силната сениорска конкуренција. Инаку на шампионатот покрај Петрушев боите на Македонија ги бранеа и Кристијан Смилев кој беше 50-то односно Стефан Рибарски кој заврши на 59-тото место....

Вечерва во Ријад, Саудиска Арабија, ќе се случи долго очекуваниот боксерски спектакл. На настанот именуван како „Огнениот ринг“, ракавиците ќе ги вкрстат шампионите Тајсон Фјури и Олександр Усик. Долго очекуваниот меч за обединување на шампионските титули во тешка категорија конечно ќе се случи. Борбата требаше да одржи во февруари, но беше одложена откако Фјури заработи расекотина на лицето за време на една подготвителна (спаринг) борба, па беше принуден да го одложи мечот. 36-годишпниот Британец, Фјури, е актуелен шампон во „ВБЦ“ верзијата. Популарниот „Џипски Кинг“ досега е не поразен. Од 34-те борби дури 24 ги решил предвреме со нокаут. Од другата страна, 37-годипиот Украинец, Усик, кој е шампионот според во четири верзии (ВБА, ИБФ, ВБО и Ринг), исто така досега е не поразен. Тој зад себе има 21 борба од кои 14 ги реши со нокаут. Влогот во вечерашната борба е огромен. Победникот ќе биде апсолутен шампион во тешка категорија, односно ќе ги обедини сите титули. Тоа претходно му успеа на Ленокс Луис во пред 25 години (1999) кога го совлада Ивандер Холифилд. Спектаклот во Ријад ќе почне од 18 часот, со повеќе пред борби во останатите категории. Главниот меч меѓу Фјури и Усик според најавата е на полноќ....

Четворица македонски тенисери денеска ќе бидат дел од учесниците во извлекувањето за „костурот“ од квалификациите на „Македонија Опен 2024“. Нив ќе ги предводи искусниот Димитар Грабул актуелниот македонски првак. Утре во првото квалификациско коло ќе се појават и Шендрит Деари, ланскиот финалист од државното првенство и младите Берк Бугариќ и Амар Хусеиновиќ. Ова пред се за Хусеиновиќ треба да биде одлична можност да почувствува настап на еден турнир од повисок ранг. Во квалификациите ќе се појават вкупно 24 тенисери. По двете одиграни кола во недела и понеделник, шестмина од нив ќе изборат пласман во главниот турнир. Што се однесува до главниот турнир ќе настапат 32 тенисери во поединечна конкуренција, како и 16 двојки на турнирот во парови. Попладнево ќе биде познат костурот за квалификациите и распоредот на мечевите за првиот ден (недела 19 мај)....

МЗТ Скопје по 11-тиот, Пелистер по првиот трофеј Кулминацијата во Првата машка кошаркарска лига дојде до самиот финиш. Денеска започнува финалната серија во 32-рата сезона. За трофејот ќе се борат кошаркарите на МЗТ Скопје Аеродром и Пелистер. Ова е веќе трета сезона во низа во која овие два тима ќе играат во финалето. Изминатите две завршуваа со радост на МЗТ Скопје, за кој ова ќе биде вкупно 18-то финале. Аеродромци ќе атакуваат на својата 11-та титула, откако на претходните 11 финалиња во низа, загуби само еднаш, во 2018 година од Работнички (0:3). Пелистерци само трет пат се во завршната, финална, серија, а го бркаат првиот клупски трофеј. Сезонава две екипи одиграа четири меѓусебни дуели (2:2 во победи) Се почна со македонското дерби во АБА2 лигата, дуел кој шампионот МЗТ Скопје го доби со 91-78. Домашниот терен и не беше некоја предност кога во прашање се првенствените натпревари, но и оној во финалето на Купот на Македонија. Откако зелено-белите славеа во Битола (81-71), а потоа победија и во Скопје (72-66), во финалето на Купот загубија во Битола. Драматичниот меч кој го доби шампионот со 62-60 на МЗТ му го денес вториот трофеј сезонава, која ја полна со освојување на Супер купот. Ќе се игра во три добиени натпревари (2-2-1) Актуелниот шампион сега ќе ја има „предноста“ на домашниот терен, бидејќи првите два натпревари ќе се играта во СЦ „Јане Сандански“. Ќе следуваат два во Битола, но под услов Пелистер да победи најмалку на еден од воведните три дуели. Токму три победи се потребни за една од екипите да стигне до посакуваниот шампионски трофеј. Серијата стартува вечерва од 19.15 часот, а комплетниот распоред на сите натпревари ќе може да го видите овде, а воедно и да ГЛЕДАТЕ ВО ЖИВО сите натпревари. ИСТОРИЈА НА ФИНАЛНИТЕ СЕРИИ 1992/1993 Работнички – МЗТ Скопје 3:01993/1994: Работнички – Кочани Деликатес 3:21994/1995: Работнички – Кочани Деликатес 4:31995/1996: Работнички – МЗТ Скопје 3:01996/1997: Работнички – Жито Вардар 4:21997/1998: Работнички – МЗТ Скопје 3:21998/1999: Работнички – МЗТ Скопје 3:21999/2000: Никол Ферт – Работнички 3:22000/2001: Работнички – МЗТ Скопје 3:02001/2002: Работнички – Куманово 4:22002/2003: Работнички – Поло Трејд 3:02003/2004: Работнички – МЗТ Скопје 4:12004/2005: Работнички – Вардар 4:22005/2006: Работнички – Вардар 4:12006/2007: Струмица – Работнички 4:12007/2008: Фени Индустри – Струмица 4:32008/2009: Работнички – Фени Индустри 4:22009/2010: Фени Индустри – Вардар Осигурување 4:32010/2011: Фени Индустри – Работнички 4:12011/2012: МЗТ Скопје Аеродром – Фени Индустри 4:12012/2013: МЗТ Скопје Аеродром – Кожув 4:02013/2014: МЗТ Скопје Аеродром – Работнички 3:12014/2015: МЗТ Скопје Аеродром – Куманово 3:02015/2016: МЗТ Скопје Аеродром – Куманово 3:12016/2017: МЗТ Скопје Аеродром – Карпош Соколи 3:22017/2018: Работнички – МЗТ Скопје Аеродром 3:02018/2019: МЗТ Скопје Аеродром – Работнички 3:02019/2020: поради Ковид-199 не се одигра завршницата и немаше шампион2020/2021: МЗТ Скопје Аеродром – Еуро Никел 2005 3:02021/2022: МЗТ Скопје Аеродром – Пелистер 3:12022/2023: МЗТ Скопје Аеродром – Пелистер 3:02023/2024: МЗТ Скопје Аеродром – Пелистер ???...

Попладнево во Првата македонска фудбалска лига ќе се одиграат натпреварите од последното 33.коло во оваа сезона. Екипата на Струга Трим Лум, по втор пат ќе се радува на шампионскиот трофеј. Стружани пред своите симпатизери ќе ја имаат втората шампионска промоција. Тоа ќе се случи во дербито со екипата на Шкупи. За домаќините овој натпревар е од ревијален карактер, но за скопјани од голема важност. Имено чаирчани се на третото место на табелата со два бода помалку од второ пласираната Шкендија. Втората позиција значи излез на европската сцена, па јасно е дека чаирчани ќе сакаат да ги освојат трите бода во дуелот со шампионот. Но, покрај овој, потребен е уште еден услов тие да завршат на втората позиција. За тоа ќе мора да се погрижат фудбалерите на Работнички кои треба да ја победат победат Шкендија. На тетовци доволен им е и нерешен резултат да останат на второто место. Тоа се единствените натпревари кои имаат значење во оваа последна рунда. Останатите четири нема да сменат ништо. Така Вардар ќе игра бараж да опстанок во Првата лига, која пак ќе ја напуштат Македонија Ѓорче Петров и Брегалница. ПРВА ЛИГА ПОСЛЕДНО 33.КОЛОсабота (17 часот)СТРУГА Т.Л. – ШКУПИРАБОТНИЧКИ – ШКЕНДИЈАБРЕРА СТРУМИЦА – МАКЕДОНИЈА ЃПБРЕГАЛНИЦА – СИЛЕКСВАРДАР – ТИКВЕШВОСКА СПОРТ – ГОСТИВАР Standings provided by Sofascore...

Во исчекување за финалните дуели во Купот на Македонија во сениорска конкуренција, што ќе се играат утре, денеска, во салата „Автокоманда“, младински ракомет. Имено од 11 часот започнува програмата на „фајнал-форот“ во кадетска конкуренција, на кој четирите екипи ќе се борат за шампионскиот трофеј. Домаќинот на турнирот Алкалоид со дуелот против Струга ќе ја отворат програмата. Веднаш потоа следува дуелот меѓу велешки Бисинов Фруитленд и битолски Еурофарм Пелистер. Победниците ќе играат во големото финале за шампионскиот трофеј, а поразените за третото место. Кога во прашање е распределбата на шампионските трофеи во младинскиот македонски ракомет, сезонава екипите од Автокоманда доминираат. во пионерската конкуренција шампион е Алкалоид, а кај младинците триумфираше Мулти Есенс. Ќе остане ли и трофејот во кадетска конкуренција во Автокоманда, може да ги следите во живо, низ натпреварите што може да ги гледате овде (подолу во објавата). КАДЕТСКА МАШКА ЛИГА – (18. мај САБОТА)ПОЛУФИНАЛЕ11:00 часот РК СТРУГА – РК АЛКАЛОИД13:30 часот РК БИСИНОВ ФРУИТ ЛЕНД – РК ЕУРОФАРМ ПЕЛИСТЕР 2 за 3-то МЕСТО17:00 часотФИНАЛЕ19:30 часот...

Кошаркарите на Индијана се изборија за решавачки седми натпревар против Њујорк во полуфиналето на Источната конференција од НБА плејофот. Ова откако ноќеска „Пејсерси“ пред своите симпатизери во Индијанаполис, го надигра Њујорк со 116-103. Со овој триумф Индијана го израмни резултатот на 3:2 во победи, па „мајсторката“ че решава за место во финалето. По израмнетата прва четвртина, во која за нијанса подобри беа гостите 29-30, во втората домашниот тим стигна до двоцифрена предност 61-51. Во вториот дел денешниот тим само ја зголемуваше разликата. Имаа „Персерси“ и 23 поени предност за на крајот да слават со 13. Иако Џејлен Брансон со 31 поен беше најефикасниот на натпреварот, тоа не ми помогна на Њујорк за избегне пораз. Паскал Сиакам беше прво име во победничката екипа со 25 поени и седум сокови. Кој ќе биде противникот на Бостон во финалето на истокот, ќе дознаеме во недела (22 часот), по дуелот што ќе се игра во Њујорк....

Во првиот натпревар од претпоследното, 37.коло во Серија А, Фиорентина Наполи одиграа без побендик 2:2. Брилијантно започна за Наполи, кој поведе во осмата минута од натпреварот. Политано изведе корнер од левата страна, а во шеснаесетникот на домашните Рахмани со прецизен удар со глава го совлада погоди за 0:1 . Во самиот финиш на првиот дел Фиорентина направи целосен пресврт. Се играше 40.минута кога со феноменалниот гол од слободен удар Бираги израмни на 1:1. Само што го прославија овој еврогол, домашните постигнаа уште еден. Конфузијата во одбранбената линија на гостите ја искористи Нзола за 2:1 за виолетовите. Во вториот дел, односно 57.минута Кварацкелија на мајсторски начин израмни на 2:2. Крајот на мечот го одбележа и спорна ситуација во гостинскиот шеснаесетник, кога најпрво беше досуден пенал за Фиорентина при соборувањето на Белоти. Но по интервенцијата на ВАР просторијата и прегледаните снимки, судијата Маркети го поништи таа одлука. Со „ремито“ Фиорентина остана на осмата позиција, која води во Конференциската лига. Наполи остана деветти со два бода помалку и натпревар повеќе, па речиси сигурно е дека „Наполитанците“ нема да играат во европските натпреварувања....

Машката одбојкарска репрезентација на Македонија, со пораз го почна настапот во Европската Златна лига. Во воведниот меч од првиот турнир чии средби се играат во Струмица, Македонија беше поразена во четири сета од Естонија со 1:3. Во раната фаза од првиот сет Естонците создадоа шест поени предност (7-13). Црвено-жолтите не се предадоа и во финишот стигнаа до израмнување 23-23. Сепак немаа сили за комплетен пресврт, па противникот го доби сетот со 23-25. Во вториот сосема поинаква слика. Македонските одбојкари одиграа на посакуваното ниво. Беа подобро во секој сегмент на играта. Оттаму дојде у убедливиот резултат 25-14 за израмнување на 1:1 во сетови. Третиот сет налик на првиот. Естонците беа оние кои го диктираа темпото, за да го добијат сетот со 19-25 за водство од 1:2. Голема битка се водеше за секој поен во третиот сет. Имавме ние предност од три поени 10-7. Водеа нашите одбојкари до 16-15, по што гостите со серија се одлепија на 16-19. Возвратија црвено-жолтите за ново водство со 20-19. Но, немаа доволно сили напите одбојкари да го приведат сетот во своја полза. Им припадна тој на противникот со 25-23 за конечни 3:1 во сетови за Естонците. Утре ќе се игра вториот меч на овој турнир, а во него Естонија за противник ја има Чешка. Токму Чесите ќе бидат следниот противник на Македонија во недела од 20.15 часот. 1 од 14...

Ракометарите на Алкалоид се изборија за првото куп финале откако во второто полуфинале одиграно вечерва го совладаа ланскиот победник на Купот на Македонија Вардар со 25:24. Почетокот на дуелот беше во знак на Вардар кој имаше минимална предност. Кон средина на првиот дел Алкалоид успеа да израмни и на полувреме имаше предност. Во вториот дел избраниците на Кирил Лазаров постојано имаа водство, а во неколку наврати и од три разлика. Сепак во неизвесна завршница најпрво голманот на Алкалоид Галевски имаше две врзани одбрани, а потоа одбрани и Томовски. Во последната минута нападот на Алкалоид траеше долго и пасивно, а Томовски одбрани уште еднаш при водство на Алкалоид од 25:24. Вардар имаше 16 секунди за изедначување во напад 7 на 6. Косуоке избори удар од 7 метри. Галевски го одбрани седмерецот на Срдановиќ за победа на Алкалоид 25:24. Во неделното финале Алкалоид ќе игра против Еурофарм Пелистер со почеток од 19 часот....

На 74-тиот Конгрес на Светската фудбалска организација (ФИФА), беше донесена одлука Светското првенство за жени во 2027 година да се одржи во Бразил. Изборот на домаќин на Светското првенство за жени беше најважната точка на дневниот ред на Конгресот на ФИФА што се одржа во Бангкок. Земјите членки на ФИФА одлучија домаќинот да му го доделат на Бразил, кој со 119 гласа победи пред кандидатурата на Белгија, Германија и Холандија кои добија поддршка од 78 земји. Десеттото издание на женското светско првенство за првпат ќе се одржи во Јужна Америка, а титулата светски првак ќе ја брани репрезентацијата на Шпанија. Конгресот го усвои и годишниот извештај за 2023 година, предлог-буџетот за 2025 година и измените на Статутот на ФИФА. „ФИФА го финансира фудбалот ширум светот. Приходите што ги генерираме не одат за одреден број клубови, туку одат во сите 211 земји членки. Нашата мисија е да го развиваме фудбалот ширум светот, бидејќи 70 отсто од земјите членки не би имале доволен приход без придонес на ФИФА“, истакна претседателот на ФИФА, Џани Инфантино. Делегацијата на ФФМ, ја предводеше претседателот Муамед Сејдини, потпретседателот Лазар Ракиџиев и генералниот секретар Наталија Божиновска Илиевска....

Екипите на Ѓорче Петров и Чаир ќе се борат за трофејот во ракометниот Куп на Македонија во женска конкуренција. Ова е исходот по денешниот втор полуфинален меч во кој Чаир го победи Вардар. На завршницата што се игра во СЦ „Борис Трајковски“ во Скопје, ракометарките на Чаир ги поразија ланските финалистки вардарки со 32-28. Првите десетина минути минаа рамноправно, па затоа и резултатот беше израмнет 5-5. Следуваа минути на подобра игра на Чаир кој направо низа од пет гола и поведе до 10-5. Пред крајот на полувремето вардарки успеаја да стигнат до израмнување (13-13), но на одмор имаа гол негатива (13-14). Во вториот дел, екипата на Чаир постојано ја одржуваше предноста, која повторно во финишот дојде до пет гола. Вардарки немаа сини ниту време за нов „кам-бек“ па Чаир славеше со конечни 32-28. Љеонора Рахмани со 8 голови беше најефикасната ракометарка во победничката екипа за која Амела Џакмиќ постигна шест. Во редовите на Вардар прв стрелец беше Симона Василева со 7 гола, а еден помалку постигна Борјана Коцева. Така Чаир во недела од 16 часот во женското финале на пехарот во Купот ќе се бори со Ѓорче Петров. Потсетување дека актуелниот шампион, вчера во првото полуфинале го совлада минатогодишниот победник во купот, тимот на Куманово. Прв финалист кај мажите е Еурофарм Пелистер кој беше подобар од Тиквеш вчеравечер. Кој ќе биде противник на битолчани во неделното финале ќе дознаеме вечерва. За место во финалето (од 19.30 часот) ќе се борат бранителот на трофејот Вардар и актуелниот вицепрвак Алкалоид....

Ракометарките на Чаир по една година повторно се пласираше на завршниот турнир од Купот на Македонија. Вечерва чаирчанки ќе се игра полуфиналето против Вардар и Чаир. Бојана Диневска заменик капитенот на тимот на Чаир тврди дека со сплотеност и упорност шансите се големи, дури и за освојување на трофејот. ,,Купот е предизвик за секој тим, во купот учествуваат најдобрите клубови, во кои кои играат докажани ракометни играчи, повеќето од нив и мои тимски соиграчки долги години и само мотивацијата и упорноста го носат лидерот на тронот. Моите очекувања се доколку сме сплотени и мотивирани ќе го имаме пехарот во наши раце”, изјави Диневска. Чаир иако има неколку повредени играчи во тимот ќе го даде својот максимум за пласман во финалето. ,,Вардар како клуб е составен од борбени млади ракометарки со голем ентузијазам за победа. Во мојот клуб Чаир има голема амбиција која е поткована на долгогодишно искуство на моите соиграчки и моите тренери. Секако ова е предност, но во ракометот никогаш нема правила, топката е тркалезна и понекогаш има и други околности кои влијаат на добрата или лошата игра. Ова особено што во втората сезона имаме повредени ракометарки, квалитетни и клучни во играта, кои се сеуште надвор од тренинзите”, посочи Диневска. Желбата е огромна но, поддршката од публиката ќе има голема улога на овој натпревар. ,,Желбата да се освои купот е кај нас огромна, но и кај нашите противнички клубови. Секако ни треба огромната поддршка од нашите фанови и сите обожаватели на ракометот, да ја дадат поддршката и воедно ги поканувам во за полуфиналето да бидат дел од оваа убава манифестација која се случува во градот Скопје”, повика Бојана. Дуелот меѓу Вардар и Чаир ќе почне од 17.30 часот, а победникот во финалето в недела за противник ќе го има Ѓорче Петров кој во полуфиналето го победи Куманово. Ивона Кимовска...

Ракометарките на Вардар во дуелот против Чаир бркаат ново финале во Купот на Македонија. Екипата на Вардар минатата година успеа да се пласираат во финалето по што завршија на второто место. Двете екипи се квалитетни и се очекува да одиграат интересен натпревар до борба до последната минута. Коцева смета дека Чаир е сериозен противник но, со добра игра имаат шанса за финале. Бојана Коцева е една од клучните играчи во тимот на Вардар. Како долгогодишен член на тимот, таа знае како да се бори на теренот и да победува. ,,Многу сме среќни што се пласиравме и оваа година на Ф-4 на Куп на Македонија. Прва пречка ни е екипата на Чаир, која е сериозен противник, но со добра игра имаме шанси за финале, се надеваме на успех. Ги поканувам сите љубители на ракометот да дојдат и да дадат поддршка на двете екипи и во добра атмосфера да започне овогодинешниот Куп на Македонија”, изјави Коцева. Полуфиналето меѓу екипите на Чаир и Вардар е закажан со почеток од 17:00 часот во ,,Борис Трајковски”. Првиот финалист е веќе познат откако Ѓорче го победи Куманово со 31:14. Ивона Кимовска...

Втор ден натпревари на завршниот турнир во ракометниот Куп на Македонија, што се подржува во СЦ „Борис Трајковски“ во Скопје. И денеска на програмата се по еден полуфинален натпревар во двете конкуренции (жени и мажи). Вчера своите полуфинални обврски си ги завршија актуелните шампиони Ѓорче Петров и Еурофарм Пелистер со победи над Куманово и Тиквеш. Кои ќе бидат нивните противници во финалето закажано за во недела ќе дознаеме денеска. 17:00 ЖРК ВАРДАР – ЖРК ЧАИР Во првиот натпревар од денешната програма ќе играат ракометарките на Вардар и Чаир.Вардарки бркаат ново финале. Ќе се обидат како и лани во Охрид, да изборат натпревар во кој ќе атакуваат на седмиот куп трофеј. Од друга страна, за екипата на Чаир ова е „кам-бек“ на завршниот турнир, откако минатата година не настапи во Охрид. Полуфиналниот дуел меѓу ракометарките на Вардар и Чаир ќе почне во терминот од 17 часот. 19.30 ВАРДАР – АЛКАЛОИД Ракометарите на Алкалоид ќе го предизвикаат бранителот на трофејот Вардар. И минатата година во Охрид, овие две екипи играа во полуфиналето, кое го доби Вардар 31:22, а потоа црвено-црните стигнаа и до трофејот. Вардарци се најуспешните во ова натпреварување, со 16 освоени Куп трофеи. Алкалоид пак кој е актуелен вицепрвак, ќе се обиде за прв пат во кратката клупска историја, да стигне до финалето. Почетокот на натпреварот меѓу е закажан од 19.30 часот, Сите натпревари во годинашното 31-во издание на ракометниот Куп на Македонија, ќе можете да ги гледате овде. РАКОМЕТ | КУП НА МАКЕДОНИЈА 2024 ▶🔴 ГЛЕДАЈ ВО ЖИВО...

Машка одбојкарска репрезентација на Македонија, вечерва го почнува новиот настап во Европската Златна лига. Со изменет и подмладен состав, како и нов селектор, Македонија втор пат ќе биде ден од ова натпреварување. Целта на настапот во Златната лига е репрезентацијата да се подготвува за августовските квалификации за Европскиот шампионат. Преку нив, одбојкарите сакаат да го продолжат континуитетот на настапи на континенталните натпреварувања. Во Златната лига, Македонија ќе одигра четири натпревари, по два на трите предвидени турнири. Првиот се игра во Струмица. „Ние ќе дадеме максимум и тоа е најважно за нас. Естонците и Чесите ги променија составите, но и ние сме подмладени, така што ќе играме барем за една победа. Овој турнир ќе биде на наш терен и се надевам дека со помош на струмичката публика ќе успееме да направиме добар резултат во двата натпревара. Многу ќе ни значи навивачите да ја наполнат салата и да бидат наш седми играч“, изјави селекторот Хари Наковски. Вечерва од 20.15 часот Македонија ќе го почне мечот против Естонија, а во недела против Чешка, во истиот термин, ќе го одигра вториот натпревар ЗЛАТНА ЛИГА – ОДБОЈКА (МАЖИ)...

НБА шампионот Денвер претрпе дебакл на гостувањето кај Минесота. Во шестиот натпревар од полуфиналето на западната конференција Минесота славеше со дури 45 поени разлика 115:70. Тимбервулфс изданија на 3:3 во победи, па мајсторка ќе решава за место во финалето. Најдобриот играл на шампионот, Никола Јокиќ не го криеше разочарувањето. Јокиќ на прес-конференцијата изјави дека тоа е голем удар за Денвер. „Мораме да разбереме дека ова е голем пораз. Не уништија. На почетокот поведовме со 9-2. Тие не изгледа добро во тој момент. Но, оттогаш имаше само еден тим на теренот ќе го сфатам ова како голем пораз. Не разнесоа. Беа подобри од нас во секој сегмент од играта“, изјави Јокиќ. Јокиќ натпреварот го заврши со 22 поени и девет скока, само две асистенции, но Џамал Мареј постигна само 10. Кај победникот, повторно прво име беше Ентони Едвардс кој постигна 27 поени. Решавачкиот седми натпревар ќе се игра во Денвер во недела од 22 часот....

Ракометарите на Еурофарм Пелистер се првите што обезбедија пласман во финалето на Купот на Македонија. Во празната арената „Борис Трајковски“ во Скопје, битолчани го победија Тиквеш со 33-29 и в неделна ќе се борат за трофејот. Иако беше најавувано присуство на двете навивачки групи од Битола и Кавадарци, сепак од тоа ништо. Глетката во арената беше жална, па ова куп полуфинале се одигра пред без малку празни трибини. Што се однесува до натпреварот. Пелистерци ја потврдија фаворитската улога и во ниту еден момент не му дозволија на противникот да има предност. Најголемата предност која ја имаше шампионот во првото полувреме изнесуваше три голови во неколку наврати. Така беше и на истекот на 30-тата минута (16-13). Со двата врзани гола на стартот на вториот дел Пелистер ги имаше најголемите +5 (18-13). Но, кавадарчани не се предадоа и успеаја да стигнат до израмнување 20-20, па дури препуштија напад и за водство, Тоа како да го разбуди шампионот, па Пелистер повторно ја презеде контролата на играта и резултатот. Немаа сили ракометарите на Тиквеш за нов „кам-бек“ па Пелистер славеше со 33-29. Богдан Радивојевиќ со 10 гола беше прв стрелец во победничката екипа, за која Филип Кузмановски постигна пет. На спротивната страна, Страхиња Симиќ и Срџан Мијатовиќ постигнаа по пет гола за Тиквеш. Еурофарм Пелистер в недела ќе игра ново финале, а кој ќе биде противникот ќе дознае утре. Во вториот полуфинален меч (19 часот) ќе играат бранителот на трофејот Вардар и актуелниот вицепрвак Алкалоид. Претходно, (17 часот) на програмата е второто женско полуфинале. Победникот од дуелот меѓу Вардар и Чаир ќе го даде противникот на Ѓорче Петров во финалето. „Лавиците“ во полуфиналната рунда го совладаа бранителот на Купот од лани, тимот на Куманово....

Актуелниот шампион на Ѓорче Петров очекувано е првиот финалист во женска конкуренција, во Купот на Македонија. Во првиот полуфинален дуел на завршниот турнир што се игра во СЦ „Борис Трајковски“ во Скопје, „Лавиците“ од Ѓорче во полуфиналето го надиграа бранителот на трофејот од минатата година Куманово и обезбедија финале. Кумановки беа рамноправни само во воведните десетина минути, кога имаа само гол негатива. Шампионките со серија од четири гола се одлепија и поведоа со 8-4, а на одмор заминаа со +6 (11-5). Вториот дел мина во апсолутна доминација на Ѓорче Петров тим кој на крајот славеше со убедливи 31-14 Пет ракометарки во победничката екипа постигнаа по четири голови, а еден повеќе од нив имаше Сузана Зечевиќ за Куманово, која беше најефикасна на натпреварот. Ѓорче Петров обезбеди ново финале во кое ќе атакуваат на 17-тата титула. Кој ќе биде нивни противник во финалето закажано за во недела (16 часот) ќе дознаеме утре. Имено за утре е закажан вториот полуфинален меч кај дамите во кој од 17 часот ќе играат Вардар и Чаир. А, од 19.30 часот почна првото полуфинале во машка конкуренција. Во него играат актуелниот шампион Еурофарм Пелистер и кавадаречки Тиквеш. Утре во истиот термин, ќе се игра второто полуфинале, Во него бранителот на трофејот и рекордер во ова натпреварување Вардар за противник ќе го има Алкалоид. Машкото финале на програмата е во недела од 19 часот....

Најдобрите ракометни македонски судии Славе Николов и Ѓорѓи Начевски добија уште едно големо признание. Денеска Европската ракометна федерација објави дека, Македонците ќе ја делат правдата во финалето на Лигата на шампионите. Николов на својот Фејсбук профил напиша „КОНЕЧНО“… Тој алудира дека, ЕХФ конечно се реши токму нив да ги делегира за мечот што ќе решава за шампионскиот трофеј во елитното натпреварување. Тие зад себе имаат бројни финалиња, на Светските и Европски првенства, но и Олимписки игри, а летово повторно ќе бидат дел од арбитрите на Олимпијадата во Париз. „Фајнал-форот“ во машката ракометна Лига на шампиони традиционално се игра во „Ланксес Арената“ во Келн. Натпреварите на програмата се на 8 и 9 јуни....

Македонската машка одбојкарска репрезентација, со нетрпение го очекуваат стартот на новото издание на Европската Златна лига. Тие ги прават последните подготовки пред стартот на првиот турнир, чии натпревари ќе се играат во салата „Парк“ во Струмица. Капитенот Никола Ѓорѓиев вели дека тимот е подготвен да дадат 200% од своите можности и дека ќе се борат за секоја топка. Дали тоа ќе биде доволно за победи, Ѓорѓиев не може да вети. Атмосфера е одлична, со нетрпение го очекуваме натпреварот во петок. Тренираме добро, фала му на Бога малите повреди кои што ни се случија се зад нас. Нашиот медицински став одлично работи на тоа. Ние постарите повторно ќе треба да повлечеме малку повеќе, се надевам дека сите заедно ќе успееме да направиме еден добар викенд овде во Струмица Ќе дадеме 200% од нашите можности, ќе изгинеме на теренот за секоја топка, ќе се бориме максимум. Не можам да ветам победа, но можам да ветам дека ќе го дадеме максимум од себе, ќе изгинеме за оваа публика за Македонија, бидејќи таа е нашето лице на секој натпревар. Ова е нов почеток, некои нови момци, некоја нова енергија, а амбиции остануваат Европско првенство во 2026 и сето ова е со цел токму за тоа“, изјави капитенот Ѓорѓиев. Турнирот стартува утре со дуелот меѓу Македонија и Естонија со почеток од 20.15 часот. Во сабота ќе играат Естонија и Чешка, а в недела на програмата е дуелот Македонија – Чешка. ЗЛАТНА ЛИГА – ОДБОЈКА (МАЖИ) КОМПЛЕТЕН РАСПОРЕД НА НАТПРЕВАРИТЕ ВО ЕВРОПСКАТА ЗЛАТНА ЛИГА...

Екипите на Атлетико Мадрид и Атлетик Билбао ди ги потврдија местата во Лига на шампиони и Лига Европа. Атлетико Мадрид со триумф над Гетафе од 3:0 го зазема последното 4.то место и ги испрати Атлетик Билбао во Лига Европа. Баскијците пак загубија од Селта де Виго со 2:1. Атлетико Мадрид натпреварот го реши во првото полувреме. Гризман со головите во 27.та и 42.та ги испрати на полувреме со 2:0. Гризман го комплетираше својот хет-трик со гол за 3:0 во 51.та минута. Атлетик Билбао пак загуби од Селта де Виго со 2:1. Атлетик Билбао прв поведе во 23.та минута Алекс Беренгуер. Селта де Виго направи пресврт во вториот дел со головите во 68.та и 71.та минута со головите на Вилиот Сведберг и Уго Алварез. Атлетико Мадрид со 73 бода на 36 кола завери Лига на Шампиони. Атлетик Билбао со 62 бода завери Лига Европа и 5.то место. Гетафе се наоѓа на 10.та позиција, а Селта Виго се искачи на 15.та позиција....

Од денеска до недела во Скопје ќе се игра завршниот турнир во ракометниот Куп на Македонија во двете конкуренции. Осум екипи, во СЦ „Борис Трајковски“, ќе се борат за трофејот во ова натпреварување. Новитет годинава е што во еден ден ќе се игра по еден полуфинален натпревар кај дамите и кај мажите. На овој новитет, реагираше шампионот Еурофарм Пелистер. По предлог на Вардар, кој го прифати и Алкалоид, РФМ речи да го промени редоследот на натпреварите. Така денеска покрај дуелот во женското полуфинале, на терен ќе излезат и ракометарите на Еурофарм Пелистер и Тиквеш. 17:00 КУМАНОВО – ЃОРЧЕ ПЕТРОВ Во првиот меч обранителките на трофејот од минатата година, ЖРК Куманово ќе игра против старо-новиот шампион Ѓорче Петров. На кумановки ќе им биде исклучително тешко да се изборат за ново финале во кое евентуално би атакувале на четвртиот куп трофеј. „Лавиците“ од Ѓорче, важат за апсолутни фаворитки, не само во полуфиналето, туку и за освојување на трофејот. Тие лани беа елиминирани во полуфиналето од Вардар, па годинава сакаат сезоната да ја заокружат со двојна круна. Ѓорчепетровки досега го имаат освојувано Купот вкупно 16 пати. Разбирливо сметајќи го и периодот кога клубот го носеше името Кометал Ѓорче Петров. (Видео): Драмата во Охрид за ЖРК Куманово, гол за победа на 8 секунди до крајот Ракометарите на Вардар го одбранија Куп трофејот – вкупно 16.ти во 30.то финале 19:30 ТИКВЕШ – ЕУРОФАРМ ПЕЛИСТЕР Во првото машко полуфинале, денеска ќе играат шампионот Еурофарм Пелистер и Тиквеш. Актуелниот првак Е. Пелистер кој е блиску до освојување на шампионската титула, посакува двојна круна. Но битолчани одамна се немаат израдувани на Куп трофејот. Последен пат зелено-белите Куп пехарот го одвоија пред девет години (2005-та). Пелистерци лани беа поразени од Вардар во финалниот натпревар. Од друга страна кавадарчани „сонуваат“ за првиот трофеј и јасно е дека ќе дадат се од себе за да дојдат барем до шанса за тоа, односно да се пласираат во финалето. За утре (петок) во истите термини 17.00 и 19.30 часот закажани се останатите два полуфинални натпревари.Во нив ќе играат Вардар – Чаир (жени) и Вардар – Алкалоид (мажи), а дуелите за трофејот (финале) ќе се играат во недела. Сите натпревари во годинашното 31-во издание на ракометниот Куп на Македонија, ќе можете да ги гледате овде. РАКОМЕТ | КУП НА МАКЕДОНИЈА 2024 ▶🔴 ГЛЕДАЈ ВО ЖИВО...

Најдобриот тим во регуларниот дел на сезоната на истокот во НБА лигата, Бостон е првиот што обезбеди конфенциско финале. Селтик го доби петтиот натпревар против Кливленд со 113-98 и со 4:1 во победи да затвори полуфиналната серија. Во најголемиот дел од првото полувреме натпреварот во „ТД Грден“ беше израмнет. Во вториот дел, домаќините полека ја зголемуваа предноста. Селтикс беа шутерски расположени и реализитрраа 19 тројки, на кои гостите немаа одговор. Ветеранот Ал Хорфорд погоди 6 тројки и натпреварот го заврши со 22 поени на кои додаде и 15 скокови. Двоен ефект имаше и Џејсон Тејтјум со 25 поени и 10 скокови. Така бадијала беа 33-те поени на Бобли и 25-те на Маркис Морис, кога Кавс го загубија натпреварат и серијата. Бостон сега го чека исходот од дуелот меѓу Њујорк и Индијана во кој Никс имаат предност од 3:2 во победи. Првата шанса за финале Њујорк ќе ја има во сабота (01.00 часот) пред својата публика во „Медисон Сквер Гарден“....

Кошаркарите на Далас славеа победа на гостувањето кај Оклахома Сити со што го израмнија резултатот на 2:2 во победи. Во четвртиот натпревар од полуфиналето на Западната конференција „Маверикс“ славеа кај “Тандерс“ со 104-92. Лука Дончиќ повторно беше во свој елемент. Словенецот го заврши натпреварот со трипл-дабл, подигнувајќи 31 поен, на кои додаде 11 асистенции и 10 скокови. Голема поддршка сега имаше од Дерик Џонс кој реализира 19 поени, додека Кајри Ирвинг овојпат беше по скромен со 12 поени. На спротивната страна, Шаи Џилгеус Александер постигна 30 поени, а имаше у осум успешни додавања, во поразениот тим. Следниот, петти натпревар ќе се игра во Далас во недела во 2.30 часот по полноќ....

Екипата на Јувентус е освојувач на трофејот во Купот на Италија. Во своето 22-ро финале, Јувентус славеше над Аталанта со 1:0 На натпреварот одигран на „Олимпико“ во Рим, единствениот гол го постигна Душан Влаховиќ уште во четвртата минута. Србинот го искористи одличното додавање на Камбиасо и лошата офсајд стапица на противникот, па рутински го совлада Карнесеки за 1-0. Се обидуваше тимот од Бергамно да стигне до израмнување, напаѓаше Аталанта, но сето тоа беше без завршница. Во 72.минута Влаховиќ повторно ја затресе мрежата на Аталанта, но поради офсајд голот не беше признат. И среќата им го сврте грбот на фудбалерите на Аталанта. Во 80-тата минута, ударот на Лукман заврши во стативата од голот на Јувентус. На спротивната страна во 84-тата Фабио Мирети ја затресе гредата. Јувентус е најтрофејниот тим во „Копа Италија“, а ова е 15-тата титула за популарната „стара дама“. Аталанта која го играше шесто финале, трето во последните четири години, остана на единствениот трофеј освоен во далечната 1963 година. На Аталанта и останува уште една шанса за трофеј сезонава и тоа во Лигата на Европа во која во финалето ќе игра со германскиот шампион, несовладливиот Баер Леверкузен....

Екипата на Челзи го совлада Брајтон на гостински терен со 2:1 и е на чекор до пласман во Конференциската лига следната сезона. Избраниците на Маурицио Покетино имаат и прилика за Лига Европа. За тоа да се случи Тотенхем мора да загуби од испаднатиот Шефилд Јунајтед, а Челзи да го победи Борнмут. Кол Палмер го отвори натпреварот завршувајќи ја прекрасната акција на Челзи во 34-тата минута и со својот 22 погодок во Премиер лигата оваа сезона му донесе водство на својот тим од 1:0. На 2:0 зголеми нововлезениот Кристофер Нкунку, а црвениот картон на Рис Џејмс во 88-та минута го направи натпреварот поинтересен. Имено, Дани Велбек во во 8-та минута од судиското надополнување намали на 2:1 за неизвесен финиш. Но, одличната одбрана на гостите им донесе нови три бода. Манчестер Јунајтед на својот „Олд Трафорд“ го совлада Њукасл со 3:2. Стрелци на головите за домаќините беа Коби Маино, Амад Диало и Расмус Хојлунд. За гостите головите ги постигнаа Ентони Гордон и Луис Хол. „Црвените ѓаволи“ и покрај победата немаат математички шанси за пласман во Европа следната година, додека Њукасл сеуште е во игра. По ова коло, Челзи е на 6-тата позиција со 60 бодови, 3 помалку од Јунајтед и Њукасл, но поради подобра гол разлика само екипата на Еди Хоу има шанси за пласман....

Екипата на Црвена Звезда ја дели една победа до одвојување на шампионската титула во кошаркарската АБА лига. Црвено-белите по втор пат го совладаа лутиот ривал Партизан во финалето на плејофот. Црвена Звезда славеше со 80-73 и поведе со 2:0 во победи во серијата подобар до три. Уште еден интересен и неизвесен натпревар одиграа овие две екипи. Во првото полувреме двата тима добија по една четвртина, со кош разлика, па на паузата се замина со израмнети 38-38. Кон средината на третиот период црвено-белите дојдоа до девет поени предност, но Партизан намали на -4 на крајот на периодот (61-57). Се што стори Партизан е да дојде до поен негатива, но не и да го сврти резултатот во своја полза. Немаа сили, црно-белите за такво нешто, но и противникот со својата одбрана не им даде шанса за тоа. Немања Недовиќ беше прво име на натпреварот постигнувајќи 21 поен. Покрај него единствени двоцифренни во победничката екипа беа Боломбој и Лазиќ со по 10 поени. Првата шанса за освојување на шампионскиот трофеј, Црвена Звезда ќе ја има во недела (20.30 часот) за кога е закажан третиот натпревар. Доколку црвено-белите го сторат тоа ќе стигнат до седмата шампионска титула и ќе се израмнат со Партизан кој засега е лидер на вечната листа....

Кошаркарите на Пелистер повторно ќе играат во финалето на шампионатот на Македонија. Пелистерци пред својата публика го совладаа Работнички со 88-80 и со 3:1 во победи ја добија полуфиналната серија во плејофот. Домаќините одлично го отворија натпреварот и веќе во четвртата минута имаа девет поени предност 15-6. Во деветтата минута за прв пат зелено-белите имаа двоцифрена предност 29-18. Првиот период го добија пелистерци со 22-20. Така беше и во втората четвртина, која во 19.минута Пелистер имаше +13 (48-35), а на одмор замина со 11 поени предност 48-37. По пет минути игра, во второто полувреме, со серијата тројки, домаќините дојдоа и до +17 (64-47). Сепак брзо ја стопија гостите таа предност и на стартот на последната четвртина дојдоа до -4 (66-62). Но, тоа беше се што сторија црвените од „Градски парк“. Пелистер не им дозволи гостите од Скопје, да направат комплетен пресврт и да заминат со победа и да се изборат за „мајсторка“. Битолчани знаеја како да ја сочуваат предноста и на крајот да слават со конечни 88-80. Јуре Планиниќ со двоен ефект со 21 поени 12 скокови, заедно со македонскиот репрезентативец Андреј Маслинко кој постигна 20 поени, беа првите стрелци во победничката екипа. Кај гостите Американецот, Декоси и Хрватот, Рикиќ постигнаа по 18 поени. Така повторно, како и изминатите две сезони, ќе гледаме финале на две исти екипи. Пелистер ќе го предизвика шампионот МЗТ Скопје Аеродром кој со чисти 3:0 го совлада ТФТ....

Кошаркарките на Баскет Кам се радуваа на победа против Вардар во првиот финален меч од плејофот, на Првата женска сениорска лига. Пред своите симпатизери во Македонска Каменица, актуелните шампионки славеа со 65:59. Клучна беше првата четвртина во која избраничките на Жаклина Стојановска направија предност од девет поени. Тоа се покажа решавачки момент бидејќи скопјанки постојано ја бркаа негативата. По два периоди добија двата тима, а на првото полувреме домашната екипа замина со предност со 38:30. Во вториот дел вардарки постојано го напаѓаа тоа водство, не не успеаја да направат и резултатски пресврт. Баскет Кам на крајот заслужено славеше со шест разлика 65:59. Во победничката екипа најефикасна беше Зубац со 20 поени, додека Димова постигна два помалку (18), а Кметовска додаде 15 поени. Во гостинската екипа, Димитријевиќ и Матие имаа по 14, а најискусната на теренот Славица Наков постигна 13 поени. Вториот натпревар од финалната серија ќе се игра викендов, повторно во салата „Кирил и Методиј“ во Македонска Каменица. Шампионската титула ќе ја освои екипата која прва ќе стигне до три победи....

Смо два дена остануваа до стартот на натпреварите од одбојкарската Европска Златна лига. Македонската машка селекција, која минатото лето не израдува со одличниот настап на Европскиот шампионат, по втор пат ќе настапува во Златната лига. Натпреварите во ова натпреварување, ќе бидат своевидно загревање за главното што претстои летово. Тоа ќе бидат мечевите во квалификациите за Европското првенство, преку кои македонските одбојкари ќе се обидат да го продолжат континуитетот на настапи. Првиот турнир од Европската златна лига е во Струмица од петок до недела (17-19 мај), а ќе се игра по еден натпревар дневно. Одбојкарската федерација реши цената на картите да биде симболични 100 денари кога игра Македонија, а в сабота влезот е слободен. На првиот меч, в петок, Македонија ќе игра против Естонија, а во недела против Чешка. Натпреварите ќе почнуваат од 20.15 часот. Комплетниот распоред на натпреварите во Златната лига и квалификациите за ЕП може да ги видите во продолжение. ЗЛАТНА ЛИГА – ОДБОЈКА (МАЖИ)...

Екипа на Љуботен е победник во годинашното издание на фудбалскиот Куп на Македонија во женска конкуренција. Во финалето одиграно во Велес, фудбалерките на Љуботен минимално со 1:0 го совладаа големиот ривал Каменица Саса. Единствениот гол на натпреварот го постигна Александра Марковска во втората минута од судиското дополнение (90+2). Ова практично беше реприза на минатогодишното финале, во кое тетовската екипа стигна до првиот, а сега го освои вториот трофеј во Купот. 1 од 7...

Македонскиот атлетичар Андреас Трајковски го освои 1.место во скок во далечина на митинг “Филатхлитикос Калитхеас“ што денеска се одржа во Грција. Трајковски доскокна до границата од 7.84 метри што е негово најдобро остарување сезонава. Неговиот и македонски рекорд изнесува 7.91 метар. Овој митинг е од серијата бронзени митинзи под капата на Светска Атлетика. Со победата и скок Андреас се очекува да скокне на Европската ранг листа. Со тоа останува во игра за пласман на Европското првенство што од 7 до 12 јуни ќе се одржи во Рим, Италија. Следен натпревар за Андреас ќе биде во сабота во Скопје на Национаното Сениорско првенство....

„Сапунската серија“ наречена „термини за Куп ракометните натпревари“ продолжува. Шампионот Еурофарм Пелистер има „најнови“ барања за одигрување на натпреварите. Утринава од Вардар предложија промена на термините, како би му се „удоволило“ на шампионот. Алкалоид, но и РФМ го прифатија таквиот предлог, па ги применија деновите на одигрување на натпреварите. Сепак, сагата да продолжи, пелистерци сега излегуваат со ново барање (предлог). Соопштението на РК Еурофарм Пелистер во го пренесуваме интегрално: Почитувани љубители на ракометот и спортот Со големо внимание ги прочитавме денешните соопштенија на РК Вардар 1961 и РК Алкалоид (се појавија во медиумите во временска разлика од 2 минути), и надоврзано на тоа Известувањето за медиумите од РФМ. Во насока на овие соопштенија и известување до медиумите би сакале да го изнесеме нашиот став. Најпрво сакаме да ја искажеме голема благодарност на спортските колективи РК Вардар 1961 и РК Алкалоид што поаѓајќи од спортски побуди и начелото на фер плеј, согледувајќи ја незаконската и штетна одлука за спортот донесена од страна на РФМ, одлучија да помогнат во надминување на непријатната ситуација во која се најдовме сите ние. Посебно сме благодарни на РК Вардар 1961 кои претходно со ништо не придонесоа сите ние да се најдеме во ваква ситуација (ние во нашите соопштенија внимателно кога споменувавме спортски колективи користевме еднина). Во однос на Известувањето до медиумите од страна на РФМ (за кое претходно не бевме информирани, уште помалку прашани за согласност) истото го прифаќеме само како барање на алиби и начин да се излезе од ситуацијата а без притоа да се признае дека е направена груба грешка и донесена е погрешна одлука. Според нас тоа не е начин на исправно делување. Ние милост не побаравме од никого. Ние побаравме нашата “борба” да се разбере исклучиво како “борба” за правда и почитување на законските одредби. Следствено на тоа за нас во овој момент тотално е неприфатливо нашата екипа усилено и однапред смислено да стане “повластена”. Според нас, во овој момент можни се две решенија:1. Да се почитува првичниот извлечен распоред.2. И двете полуфинални средби да се играат во четврток 16.5.2024 или петок 17.5.2024. Што се однесува до термините за одигрување ние сме согласни доколку има потреба (за да го испочитуваме и терминот за женските полуфинални натпревари) и во двата предложени датуми да играме од 14 часот. Само во ваков случај ќе биде испочитуван Правилникот донесен од страна на РФМ и ќе се почитува начелото на фер плеј и рамноправност. Се разбира дека очекуваме од страна на РФМ да слушнеме јавно извинување за ненамерно направената грешка и за својата одлука прво да бидат известени клубовите. Доколку има јавно извинување од страна на РФМ за направената грешка истото од наша страна ќе биде целосно прифатено како ненамерно и јавно ќе дадеме согласност воопшто да нема никаква промена во направениот распоред после несреќно донесената одлука од страна на РФМ. Почитувани, време е за врвен ракомет кој ќе биде на големо задоволство на сите љубители на овој спорт, време е да се се најдат сили да се надмине ситуацијата која настана заради донесување на непромислена и избрзана одлука штетна за спортот. РФМ им ,,удоволи” на пелистерци Вардар предложи полуфиналето со Алкалоид да го игра ден подоцна од предвиденото...

Ракометна федерација на Македонија (РФМ) направи промена на редоследот на одигрување на полуфиналните натпревари во Купот на Македонија. Од РФМ, на своевиден начин ги ,,удоволија” барањата на Еурофарм Пелистер. Битолчани реагираа дека ќе имале помалку време за одмор за финалето. Така сега зелено-белите се тие кој би имале ден повеќе за одмор, нормално под услов да го минат Тиквеш во полуфиналето. Соопштението на РФМ ви го пренесуваме во целост. Почитувани, Натпреварувачката комисија при РФМ постапувајќи по доставените дописи од страна на РК Вардар 1961 и РК Алкалоид се согласија до го отстапат предвидениот термин четврток за одигрување на полуфиналниот натпревар од Ракометниот Куп на Македонија 2024, на инсистирање на РК Е. Пелистер. Допис за промена на терминот има доставено и од ГРК Тиквеш 2014. Термини за одигрување на полуфиналните натпревари во рамки на ракометниот Куп на Македонија 2024 : Натпревар : РК Еурофарм Пелистер – ГРК Тиквеш 2014 Ден и час : четврток (16.05.2024 г.) со почеток во 19.30 часот. Натпревар : РК Вардар 1961 – РК Алкалоид Ден и час : петок (17.05.2024 г.) со почеток во 19.30 часот. Финален натпревар : Недела (19.05.2024 г.) со почеток во 19.00 часот. Спортското витештво се демонстрира на терен, а се гради вон терен, нека победи подобриот....

Женското кошаркарско првенство влегува во најинтересниот дел, финалето, односно битката за шампионскиот трофеј. Прв пат, еден против друг за пехарот ќе се борат екипите на Баскет Кам и Вардар. Серија се игра во три добиени натпревари. Тоа ќе биде дуел на двете најдобри екипи од регуларниот дел на сезоната. Мала предност, поради играњето на домашен терен, особено во првите два натпревари ќе има актуелниот шампион Баскет Кам. Сезонава, двата финалисти одиграа три натпревари. На два од нив победи Баскет кам 2011. Прво во регуларниот дел, на свој терен славеше со (77:58), а потоа и во рамките на т.н.„Оролоџо“, со резултат (68:63). Вардарки победија на свој терен, со минимални (64:62). Првиот финален меч на програмата е попладнево од 16.30 часот, во салата „Кирил и Методиј“ во Македонска Каменица....

Доаѓа самата завршница на ракометната сезона во Македонија. Во недела ќе биде познат освојувачот на првиот трофеј, победникот во Купот. Две рунди остануваат и во првенството во кои актуелниот првак Еурофарм Пелистер влегува со два бода повеќе од „лутиот“ ривал Вардар. Влогот секако е голем, но и желбата на навивачите на клубовите, нивниот тим да стигне до посакуваните трофеи. Битолската навивачка група „Чкембари“ полека се „мобилизира“ за пристојната завршница во Купот на Македонија што ќе се игра во Скопје. Битолчани најавуваат „инвазија“ во главниот град, со цел да им помогнат на ракометарите да стигнат до пехарот. Спремни сме за уште еден поход, за уште една експлозија во нивниот град. Одиме против сите неправди кои ни беа нанесени години уназад. Одиме да си ги наплатиме долгојте и да си го земиме то шо ни припаѓа. Скопје го чека втора експлозија. Биди во тек, прати ги сите информации и бери ја екипата, цела битолска авангарда е спремна. ТИК ТАК…. View this post on Instagram A post shared by Ckembari Bitola (@ckembari1985)...