Повик за финансирање на рибарството
Банкометар - пред 1 ден
Привршува јавниот повик за субвенции во рибарството. Парите се наменети за изградба на нови или проширување и модернизација на постојните капацитети. Финансиската поддршка се исплаќа со ко-финансирање на завршени и исплатени инвестиции. Повикот трае до 23-ти октомври… Право за користење на финансиската поддршка за инвестиции во бизнисот со рибарството имаат фирмите регистрирани за оваа дејност кои имаат или користат имот на кој ќе градат рибници и дозвола за користење на вода во зоните предвидени за аквакултура. Парите се наменети за изградба на нови или проширување и модернизација на постојните капацитети. Вкупно за оваа намена се предвидени 3,7 милиони, а еден корисник може да добие најмногу до 720 илјади денари. Финансиската поддршка се исплаќа со ко-финансирање на завршени и исплатени инвестиции во висина на 50 проценти на прифатливите трошоци. Ко-финансирањето се зголемува и до 65 отсто кога барателите се млади или жени и доколку земјоделското стопанство се наоѓа во ридско-планинско рурално подрачје. Добиената финансиска поддршка е неповратна. Барателите не смеат да ја почнат инвестицијата пред да потпишат договор со Платежната агенција. Крајниот рок за аплицирање е до 23-ти октомври....
Нови пари за рибниците
Банкометар - пред 12 часа
Со програмата за рибарство и годинава ќе се субвенционира опремата и изградбата на нови капацитети за преработка на рибите. Предвидената финансиската поддршка е 3 милиони денари. Заинтересираните можат да се јават на повик кој трае до 23 октомври… Со овие пари може да се градат нови капацитети и набавка на опрема за доработка, преработка, складирање и пакување на рибите. Корисници се микро, мали и средни претпријатија регистрирани за дејноста аквакултура кои имаат или користат недвижен имот. За оваа намена се предвидени 3 милиони, а еден корисник може да добие најмногу до 1 и пол милиони денари. Исплатата на средствата ќе се врши одобрени барања од страна на платежната Агенцијата. Парите ќе се исплаќаат авансно, до 40 проценти од вкупната вредност на одобрениот износ. Барателите не смеат да ја почнат инвестицијата пред да потпишат договор за ко-финансирање со платежната Агенција. Крајниот рок за поднесување на барањата е до 23 октомври. До овој датум трае и пријавувањето за субвенции за изградба и реконструкција на рибници. Аквакултурата претставува одгледување, репродукција и исхрана на риби во рибници, полурибници, кафези, оризишта и други одгледувалишта на риба....