Од сите млади во Југоисточна Европа, нашите најмногу сакаат да се отселат: Анкета на „Фридрих Еберт“
Слободен Печат - пред 15 часа
И покрај големата невработеност, младинската невработеност и понатаму останува голема, а уште поголем проблем е што младите до 29 години имаат голема желба да се отселат од државава. Тоа го покажуваат многубројни студии, меѓу кои и новата анкета на „Фридрих Еберт“ според која во 2024 година дури 45,09 проценти изразиле желба да мигрираат во странство. Во анкетата пред 6 години, интересот на младите за заминување во странство бил многу помал – тогаш потврдно одговориле 33,77 отсто од анкетираните. Добиј ги најважните вести, бесплатно на Viber Според презентираните податоци, колку што сега нашите млади имаат желба да си заминат во странство, нема никој од младите во Југоисточна Европа. Нашата стапка е највисока, а зад нас е Албанија каде што 32,58 отсто од младите изразиле желба за мигрирање, па младите од Косово со 32,33 проценти, додека во Турција е 30,72 и зад неа е Босна и Херцеговина каде што тој процент е 30,11. Потоа, процентот нагло се слизнува, па младите од Романија во 20,09 отсто имаат интерес да заминат во странство. Интересно е што и од Словенија речиси секој петти млад човек од анкетираните се изјаснил дека сака да се исели, односно таму процентот е 19,92 отсто и е повисок од Хрватска каде што таква изјава дале 18,41 отсто од анкетираните. Во Грција процентот е 15,69, а најнизок е во Црна Гора – 14,08 проценти. Интересен факт е и што од сите овие земји, само во Романија и во Македонија има зголемување на процентот на млади што сакаат да заминат во странство во однос на 2018 година. Меѓутоа, како што наведуваат авторите на истражувањето, податоци за 2018 година нема за Турција и за Грција. „Корупцијата и несигурноста на работните места се најголемата грижа на младите во Југоисточна Европа. Многу од испитаниците се надеваат дека нивните земји ќе влезат во ЕУ. Сепак, една посебна грижа значително се зголеми. На прашањето за нивната загриженост за иднината на нивните земји, младите од Југоисточна Европа ги издвоија корупцијата и невработеноста. Ова е резултат на репрезентативна студија за младите од Југоисточна Европа 2024 година, изработена од Фондацијата ‘Фридрих Еберт’, која ги истражува ставовите, надежите и грижите на младите во 12 земји од регионот“, велат во соопштението од Фондацијата. Податоците како младите го перципираат опкружувањето се повеќе од разочарувачки: 61 отсто од испитаниците веруваат дека оценките и испитите на институциите и на универзитетите во нивните земји можат да се купат. Друго значајно прашање во целиот регион е несигурноста при вработување, која се карактеризира со нестабилни договори, како доминантен облик на вработување на младите. „Во земји како Босна и Херцеговина и Северна Македонија, повеќе од 40 отсто од младите се песимисти за наоѓање стабилно вработување. Кога станува збор за испитување на загриженоста, стравот од војна, насилство, болести, но и од загадување на животната средина и климатските промени е во пораст“, велат авторите на извештајот. Миле Бошков од Бизнис-конфедерацијата на Северна Македонија вели дека младите кај нас имаат недоверба во приватниот сектор. – Јас не сум сигурен дека младите на возраст до 29 години сакаат да најдат работат тука. Генерално постои негативна перцепција кон приватниот сектор, која не е резултат на фактичката состојба. Сепак, во приватниот сектор работат 539.000 луѓе. Она што можеме да го слушнеме од нашите членки е дека на огласите за вработувања се јавуваат луѓе што не бараат да се вработат за првпат, туку кои веќе имаат работа, но бараат нова работа за повисока плата – вели Бошков. На неодамнешната Конференција што се одржа во Скопје „Од Словенија до Северна Македонија: Синергија на образованието и бизнисот во Северна Македонија“ меѓу многубројните фактори за миграција што ги набројаа нашите студенти во Словенија, се и ниските почетни плати што се даваат при вработување во Македонија. – Во Македонија на завршените кадри им се нудат почетни многу ниски плати. Во однос на студентската работа, еден час работа во Словенија е еднаков на овдешна дневница за цел ден – рече Кристијан Поповски, претседател на Македонската студентска организација во Словенија. И во есенската проекција за економскиот раст на Западен Балкан, Светска банка особено се осврна на невработеноста кај младите и на миграцијата. – Некогаш можноста за заработка е и трипати поголема отколку дома. Но, треба да се земе предвид и дека трошоците за живот се поголеми, на пример дека киријата е седумпати поголема. За да се намали миграција, препорачуваме и подобрување на образованието и на грижата за здравствена заштита, исто и на владеењето на правото, борба против корупцијата, подобар пристап до јавни услуги. Исто така, кога се оди надвор, таму има поголеми стапки на вработеност и постојат поголеми шанси за работа – рече Сања Маџаревиќ-Шујстер, виш економист од Светска банка. Во извештајот на Светска банка беше посочено дека речиси секој четврти човек од Западен Балкан престојува во странство. „Денес околу 5 милиони луѓе што се родени во земјите од Западен Балкан живеат во странство. Околу еден од пет државјани од Косово и од Северна Македонија, исто така живеат во странство“, нотира Светска банка....
Владата наскоро ќе понуди решение за раст на платите и во здравството (ВИДЕО)
Работник - пред 10 часа
МакедонијаНовостиСиндикат Владата наскоро ќе понуди решение за раст на платите и во здравството (ВИДЕО) 22/10/202422/10/2024 Бобан М. Илијевски Author Recent Posts Бобан М. ИлијевскиНовинар за работни односи, кариера и човечки ресурси Latest posts by Бобан М. Илијевски (see all) Владата наскоро ќе понуди решение за раст на платите и во здравството (ВИДЕО) - 22/10/2024 НАД 40 % ОД МЛАДИТЕ ВО МАКЕДОНИЈА НЕ ВЕРУВААТ ДЕКА ЌЕ НАЈДАТ СТАБИЛНА РАБОТА – ПОРАСНА ПРОЦНЕТОТ НА ОНИЕ КОИ БИ СЕ ИСЕЛИЛЕ ВЕДНАШ - 21/10/2024 Слободни денови за ментално здравје – На запад реалност, кај нас мисловна именка - 11/10/2024 Време за читање помалку од минута Зголемните плати во образованието, зголемувањето на платите во здравството и економските мерки на Министерството за економија и труд беа теми на разговор на денешниот Извршен одбор на Конфедерацијата на слободни синдикати на Македонија на кој учествуваше и заменик министерот за економија и труд, Марјан Ристески. Повеќе во видеото: Facebook Twitter LinkedIn...
НАД 40 % ОД МЛАДИТЕ ВО МАКЕДОНИЈА НЕ ВЕРУВААТ ДЕКА ЌЕ НАЈДАТ СТАБИЛНА РАБОТА – ПОРАСНА ПРОЦНЕТОТ НА ОНИЕ КОИ БИ СЕ ИСЕЛИЛЕ ВЕДНАШ
Работник - пред 1 ден
НовостиСветот на работникот НАД 40 % ОД МЛАДИТЕ ВО МАКЕДОНИЈА НЕ ВЕРУВААТ ДЕКА ЌЕ НАЈДАТ СТАБИЛНА РАБОТА – ПОРАСНА ПРОЦНЕТОТ НА ОНИЕ КОИ БИ СЕ ИСЕЛИЛЕ ВЕДНАШ 21/10/202421/10/2024 Бобан М. Илијевски Содржина Toggle Корупцијата и несигурноста на работните места како најголема грижаМожноста за членство во ЕУ буди надеж Author Recent Posts Бобан М. ИлијевскиНовинар за работни односи, кариера и човечки ресурси Latest posts by Бобан М. Илијевски (see all) Владата наскоро ќе понуди решение за раст на платите и во здравството (ВИДЕО) - 22/10/2024 НАД 40 % ОД МЛАДИТЕ ВО МАКЕДОНИЈА НЕ ВЕРУВААТ ДЕКА ЌЕ НАЈДАТ СТАБИЛНА РАБОТА – ПОРАСНА ПРОЦНЕТОТ НА ОНИЕ КОИ БИ СЕ ИСЕЛИЛЕ ВЕДНАШ - 21/10/2024 Слободни денови за ментално здравје – На запад реалност, кај нас мисловна именка - 11/10/2024 Време за читање 3 минути Корупцијата и несигурните работни места се најголема грижа на младите во Југоисточна Европа, покажува студијата на Фондацијата Фридирх Еберт. Многу од испитаниците се надеваат дека нивните земји ќе се приклучат кон ЕУ. Меѓутоа, една особена грижа значајно пораснала. На прашањето за грижите кои ги окупираат во врска со иднината на своите земји, младите во Југоисточна Европа ги издвоиле корупцијата и невработеноста. Ова е резултатот на репрезнтативната студија за младите во Југоисточна Европа 2024, која ја изработи Фондацијата Фридрих Еберт и која ги истражува ставовите, надежите и грижите на младите луѓе во 12 земји од регионот. Корупцијата и несигурноста на работните места како најголема грижа За 62 % од испитаниците корупцијата е најголем проблем со која нивните земји ќе се соочат во наредната деценија, по што следуваат невработеноста и емиграцијата. Младите луѓе често за првпат се соочуваат со корупцијата во образовниот систем: 61 % од испитаниците сметаат дека оценките и испитите можат да се купат од институциите и универзитетите. Уште едно значајно прашање во целиот регион се несигурните работни места, кои ги карактеризираат нестабилни договори за вработувње, како доминатен облик за вработување на младите. Во земјите како Босна и Херцеговина и Република Македонија повеќе од 40 % од младите се песимисти во поглед на пронаоѓање на стабилно вработување. Кога е во прашање испитувањето на грижите, во пораст се и стравот од војни, насилство, болести, но и од загадување на животната средина и климатските промени. Можноста за членство во ЕУ буди надеж Довербата во демократијата како политички систем е во пад ширум регионот, но младите и понатаму во голема мера ги поддржуваат демократските вредности. Младите кои живеат во земји кои не се членки на Европската унија дури покажуваат поголем одѕив кога е во прашање гласањето на избори во однос на своите врсници во земјите членки на ЕУ. Можното членство во ЕУ и понатаму буди оптимизам во државите од регионот кои не се членки, а многу млади токму ЕУ ја поврзуваат со подобра иднина. Спротивно на ова, младите внатре во ЕУ државите стануваат се‘ поголеми песимисти кога се во прашање моменталната економска состојба и пазарот на труд во нивните земји. Како резултат на тоа, младите од целиот регион и понатаму сакаат да емигрираат, првенствено од економски причини. Во продолжение графикон за тоа колкава е желбата на младите од регионот да емигираат. Според истиот, може да се заклучи дека за 5 години процнетот на млади од Македонија кои имаат силна намера да се иселат пораснал од 17,2 % на 22,6%. Репрезентативното истражување го спровел ИПСОС во период од 9.2.2024 до 25.3.2024 низ 8,943 интервјуа со млади на возраст од 14 до 29 години во Албанија, БиХ, Бугарија, Хрватска, Косово, Македонија, Црна Гора, Романија, Србија, Словенија, Грција и Турција. Facebook Twitter LinkedIn...