Тајван одби да го пресели своето претставништво во Јужна Африка од Преторија во Јоханесбург 22/10/2024 ВЕСТИ, СВЕТ – Тајван повторно го отфрли барањето на Јужна Африка да го пресели своето претставништво во земјата од главниот град Преторија во Јоханесбург. Портпаролот на тајванското Министерство за надворешни работи, Џеф Лиу, на денешната прес-конференција рече дека барањето за преместување или затворање на канцеларијата целосно го прекршил договорот од 1997 година за локацијата на нивните заеднички претставништва по прекинот на формалните дипломатски односи. – Соочени со ваков вид на неразумно барање, нашата страна не може да прифати вакво барање, рече Лиу. Јужна Африка има канцеларија за врски во главниот град на Тајван, Тајпеј, и двете земји имаат силни трговски односи. Лиу ја повтори изјавата на министерот за надворешни работи Лин Хсиа-лунг, кој во парламентот рече дека Тајван е „подготвен за сите евентуални можности“ во врска со ова прашање. Канцеларијата е во сопственост на Тајван и Тајпеј го задржува правото да ја одреди нејзината локација и статус, рече Лин. Кина, која тврди дека Тајван е нејзина територија која мора да биде припоена со сила доколку е потребно, се обиде да го минимизира меѓународното присуство на Тајван, иако самоуправната островска република одржува силни неофицијални односи со САД и другите големи сили. јт/Фото: Фејсбук . Извор: МИА 2024-10-22 korisnik...