Бугарските производители на вино годинава ќе се потпрат на грозје со поголема содржина на шеќер и со многу добар квалитет. Ниската влажност не дозволи да се развијат болести и ја зголеми содржината на шеќер. Високите температури и недостигот на дожд ова лето, кои беа неповолни и уништија многу посеви, се покажаа добри за грозјето. Добиј ги најважните вести, бесплатно на Viber Освен тоа, зголемена е и содржината на шеќер во него, велат од Извршната агенција за вино. Ова е причината поради која жетвата годинава ќе биде поквалитетна, што покажува дека и виното ќе биде подобро. Но, климатските промени не можат да не влијаат на приносот, кој иако е квалитетен, ќе биде помал. И ова ќе доведе до зголемување на цените, пишува „24Часа.бг“. „Грозјето се зголеми за повеќе од 25-26%, така што ќе има поскапување на вината меѓу 7 и 10%. Во секоја визба е различно бидејќи некои лани ја покачија цената, а годинава можеби ќе ја задржат. Но, има и такви за кои годинава поскапувањето е неминовно“, вели Евгени Харамплејски – член на УО на Националната лозарска комора (НЛВК). Винарите од Поморие велат дека оваа година била релативно добра. „Во 2023 година имаше повеќе суши, жетвата беше полоша, а приносот беше под 50%. Сега сме задоволни“, велат тие. Лани преработеното грозје беше – 100.800 тони, а виното – 71,1 милиони литри. Статистиката покажува дека има мало намалување во однос на претходните две години, бидејќи за 2021 година, на пример, преработеното грозје изнесуваше 127.446 тони, а произведеното вино – 89,2 милиони литри....