Менаџерот на Челси, Маурисио Покетино беше воодушевен по успехот од 2-0 во дербито со Тотенхем. Тој призна дека за прв пат од почетокот на сезоната се чувствува среќен, а причината е што неговиот тим конечно сфатил дека мора да се бори со сите сили на своите натпревари. -Имам доверба во играчите, дури и во овие моменти (14 повредени). Тоа беше одлична шанса да покажеме дека веруваме во нашата филозофија. Честитки за тимот, начинот на кој пристапија кон играта во првото полувреме, како се бранеа и се обидуваа да ја наметнат нашата игра. Мислам дека за прв пат во сезоната се чувствувам среќен бидејќи по 10 месеци играчите конечно разбраа дека треба да се бориме до крај. Денеска го направивме токму тоа, изјави Покетино....

Хунтата во Мјанмар соопшти дека го прекинува издавањето дозволи за работа во странство на мажи, неколку недели откако објави дека ќе воведе најмалку две години воена служба, што предизвика илјадници мажи да се обидат да ја напуштат земјата. „Привремено се укинува“ прифаќањето апликации од мажи кои сакаат да работат надвор од границите на Мјанмар, се вели во синоќа објавеното соопштение на Министерството за труд...

Русија ги засилила нападите во правец кон Авдејево, соопшти утринава Генералштабот на вооружените сили на Украина, наведувајќи дека украинските сили во изминатите 24 часа одбиле 50 руски напади на тој дел од фронтот. Руските сили се фокусираа на неколку сектори на фронтот во Донбас, пренесува Униан. Во правец кон Бахмут, украинските сили одбиле 22 руски напади, а во изминатите 24 часа на линијата на фронтот се случиле 134 судири....

Менаџерот на Астон Вила, Унаи Емери, беше доста разочаран од поразот од Олимпијакос со 4:2 во првиот натпревар од полуфиналето на Конференциската лига,а тој призна дека неговиот тим не се претставил на потребното ниво. Сепак, стручњакот останува оптимист дека неговите играчи можат да направат пресврт во реваншот, иако повеќе не се фаворити. -Сега тие се фаворити и ќе мора да се подготвиме на најдобар начин за реваншот. Овој резултат целосно ја менува нашата подготовка за Атина кога заостануваме два гола. Но, сега имаме шанса да покажеме подобро лице, подобро да го контролираме натпреварот отколку денес, можеби ќе успееме да си ја вратиме самодовербата, смета Емери....

Тренерот на Баер Леверкузен, Чаби Алонсо ги пофали своите играчи по победата од 2:0 над Рома во првиот полуфинален натпревар од Лигата на Европа меѓу двата тима. Тој смета дека овој резултат е добар и неговиот тим ќе си оди дома среќен во Германија. Од друга страна, сепак, вели дека треба да се остане претпазлив, бидејќи има уште 90 минути во кои се може да се случи. -Направивме добри контра напади кога тие се отворија и имавме повеќе простори. Посветеноста и дисциплината што ги покажавме беа фантастични. Но, имаме уште еден натпревар за играње. Ја користевме оваа шема и претходно бидејќи имаме играчи кои можат да дејствуваат на различни позиции. Што правиме зависи од натпреварот и од противникот. Сè беше прилично јасно денес. Навистина настапивме на високо ниво. Можевме да постигнеме повеќе голови, но вистината е дека и тие можеа да постигнат гол. Резултатот можеше да биде поинаков, па јас сум среќен. Не ми беше тешко да ги мотивирам играчите, изјави Алонсо по мечот. Она што го прави Баер Леверкузен во текот на сезоната, вели, е неверојатно. -Имаме одлични играчи кои се многу фокусирани. Најтешко е да се задржи конзистентноста. Не сакаме да застанеме, сакаме да продолжиме вака до крајот на сезоната, додаде Шпанецот....

Кина денеска ќе ја лансира лунарната сонда Чанге-6, соопшти кинеската Национална вселенска администрација. Сондата ќе собира примероци од темната страна на Месечината. Тоа ќе биде прва ваква мисија во историјата на човештвото, јавуваат кинеските медиуми. Во тек се последните подготовки за мисијата, која ќе започне од местото за лансирање Венчанг во кинеската провинција Хејнан...

ДКСК да покрене постапка против Битиќи, бара од фирмите на кои им исплаќал државна помош да гласаат за него, им сугерира и број на гласачко ливче. По објавениот документ од кој се гледа како Битиќи бара од компании да го поддржат затоа што им исплаќал државна помош тој требаше да се повлече од политиката. Фактот што Битиќи не само што не се повлече, туку и не се извини, говори како СДС и ДУИ ја заробија државата и како 100тина функционери управуваат со државата како да е нивен личен имот. ДКСК не смее да чека, да отвори случај и да се отвори постапка и пред другите институции. Злоупотребите на институциите мора да запрат. По 8ми мај ќе се стави крај ма ваквите практики, а таквите како Битиќи ќе се соочат со одговорност. Време е да ја вратиме државата на народот. Македонија повторно твоја....

Организацијата на Обединетите нации за образование, култура и наука (УНЕСКО) денеска ја додели својата Светска награда за слобода на медиумите на сите палестински новинари кои известуваат за војната во Појасот Газа од почетокот на конфликтот меѓу израелските сили и палестинското движење Хамас на 7 октомври. „Во овие времиња на темнина и безредие, сакаме да испратиме силна порака за солидарност и признание до палестинските новинари кои ја следат оваа криза во драматични околности“, рече Маурицио Вајбел, претседател на Меѓународното жири на медиумски професионалци. Според него, човештвото им должи огромен долг на палестинските новинари за нивната храброст и посветеност на слободата на изразување. Генералната директорка на УНЕСКО, Одре Азуле, ја истакна „важноста на колективната мобилизација за новинарите, насекаде во светот, да можат да продолжат да ја вршат својата суштинска работа за информирање и истражување“. Според Комитетот за заштита на новинарите (CPJ), организација со седиште во Њујорк, 97 новинари и медиумски работници, од кои 92 Палестинци, се убиени, а 16 се повредени од почетокот на војната меѓу Израел и Хамас на 7 октомври...

На помалку од една недела од двојните избори на 8 мај, кандидатите за претседател на државата, партиите и коалициите имаат уште четири дена за претставување на своите програми и политички понуди пред граѓаните. Додека постизборните коалиции вчера беа во фокусот на политичките партии во рамки на кампањата за парламентарните избори, двајцата претседателски кандидати на социјалните мрежи „се скараа“ околу претседателската дебата на МТВ. Претседателот на СДСМ, Димитар Ковачевски во пресрет на парламентарните избори на 8 мај, вчера порача дека „тој што не може да формира влада изгубил на изборите“ бидејќи, како што рече, влада се формира со минимум 61 пратеник. -Прво, тој што не може да формира влада значи изгубил на изборите бидејќи влада се формира со минимум 61 пратеник. Ќе видиме како ќе бидат финалните резултати на 8 мај, бидејќи изборите уште не се завршени и тогаш ќе може да се разговара во однос на формирање на влада. Јас знам како изгледа формирање на влада, треба да имате 61 пратеник минимум за да формирате влада. Полека, па ние сме во избори конкуренти со ВМРО-ДПМНЕ, 8 мај нека дојде па ќе видиме, рече Ковачевски по средбата со претставниците на раководството на Стопанската комора на северозападна Македонија. Дополни дека овие избори не се за враќање назад кон минатото, туку се за иднината и оти не се за изолација, туку за интеграција во ЕУ бидејќи, нагласи, изолација може да значи изолација и внатре во рамки на етнички заедници што ќе значи изолација и од соседите и што ќе значи изолација финална и на државата од европските процеси. Според Ковачевски, СДСМ останува единствената политичка опција која се бори за мултиетничко општество и за рамноправност на сите граѓани без разлика на нивната припадност по кој било основ и за интеграција на државата во ЕУ. Претседателот на ВМРО-ДПМНЕ Христијан Мицкоски вчера рече дека „ниту размислувам, ниту на памет ми паѓа било каква коалиција со ДУИ по изборите“ и дека на овие избори се покажа дека имаме антивладино расположение и тоа „треба да се почитува и мора да се почитува гласот на народот“. -Тоа што го прави на терен ДУИ не е волја на народот, има притисоци, поткупи. Тоа народот не го сака. За ова има сведоштва. Бројни нерегуларности се поврзани со ДУИ, рече Мицкоски на гостување во телевизија АлсатМ и посочи дека и покрај купувањето гласови и полнење кутии на ДИУ не им бега местото во опозиција. Нагласи дека ДУИ не може да се однесува дека ова е бинационална држава, и додаде дека ова е држава на сите, најавувајќи дека идната влада ќе удри силно по, како што рече, „челото на корупцијата донесена од ДУИ и СДСМ, кои ги крадат и Македонците и Албанците“. -Имаме план, корупцијата за жал во Македонија има пандемиски размери. За жал со измените на оној кривичен законик ограничен е просторот за маневар и за барање на кривично дело кое новата владата во рамките на своите истражни капацитети би можело да бара, рече Мицкоски и најави формирање на антикорупциски фронт без што, додаде, нема да можеме да се развиваме нити во ниеден друг сегмент во општеството, нити во економијата, образованието, здравството. Портпаролот на ДУИ, која го предводи Европскиот фронт, Бујар Османи, вчера на прес-конференција порача дека нема влада без двојното мнозинство - апсолутно мнозинство од 61 пратеник плус Бадентерово мнозинство. На новинарско прашање дека ДУИ не се посочени како потенцијални коалициски партнери од ниту една од двете доминантни партии во македонскиот блок, Османи, кој беше и кандидат за претседател на државата на Европскиот фронт, но не се пласираше во вториот круг, изјави дека никогаш нивна цел не била да бидат посакуван партнер на ВМРО-ДПМНЕ и на СДСМ, туку посакуван партнер и претставник на народот и оцени дека се јалови сите обиди да се потцени второто мнозинство при кои било избори после 2002 година. -Охридскиот рамковен договор доведе до потреба за две мнозинства - 61 пратеник како апсолутно мнозинство и мнозинство по Бадентер. Двете мнозинства се неопходни за стабилна влада и стабилен парламент и затоа забораваме некогаш и се уште размислуваме со концептот пред Рамковниот договор и 2001 кога размислуваме само за едното мнозинство од 61. Едното мнозинство секогаш оди и со второто мнозинство наречено Бадентерово мнозинство. Времето на надгласување, на мајоризација е поминато. За жал ќе треба уште време за да ја сфатиме логиката на Рамковниот договор и механизмите коишто ги наметнува Рамковниот договор со двете мнозинства коишто ги бара 61 и Бадентерово мнозинство, појаснува Османи. Прашан што доколку ДУИ победи во албанскиот блок на 8 мај, а партиите од македонскиот блок победници не ги повикаат, Османи кажа дека тоа го смета за навредливо прашање и посочи дека граѓаните одлучуваат кој ќе ја формира владата и оти не може да се формира влада без Бадентерово мнозинство.СООПШТЕНИЕ: После прес конференцијата на Коалицијата ВЛЕН, каде јасно и прецизно беа изнесени факти за последните тендери за набавка на ВЛТ Терминали за казина како и столици за казина, се ог Коалицијата на албанската опозиција „Влен“, вчера порача „да“ за Влада и Бадентер, без ДУИ и Левица, порачувајќи дека „не може и не смее одењето во опозиција ДУИ да го претставува како проблем за опстанокот на државата“ и дека „не е крај на светот ако отидат во опозиција“. -ДУИ ги напушти вредностите за кои се залагаше во 2001 кога наместо за албанската кауза почна да се грижи единствено за џебовите на нивното раководство и ним блиските роднини. Сега кога доаѓа време за одговорност за коруптивните скандали се обидуваат како штит да го користат целиот Албанскиот народ и помалите етнички заедници кои ги користат како заложници. Тие веќе видени трикови не поминуваат. После 8-ми мај ќе има и Влада со ВЛЕН како единствен легитимен политички репрезент на Албанците, ќе има и Бадинтерово мнозинство, ќе бидат обезбедени и фундаментите на Охридскиот рамковен договор и ќе има одговорност за сите што се огрешиле пред законите, стои во соопштението од Влен. Претседателот на Движењето „За наша Македонија“, Максим Димитриевски вчера порача дека ЗНАМ ќе се води од националните и државни интереси во идните коалиции за влада и најави дека очекува уште поголема поддршка на парламентарните избори од страна на граѓаните. -Мојата политика, заедно со мојот тим, ќе ја градам врз база на принципи и доколку Македонија е во ситуација во која треба да се обезбеди стабилност, тогаш партиските интереси ќе бидат во втор план, а националните и државните интереси во прв план. Уште еднаш повтори дека ДУИ е непосакуван партнер и дека според него, ДУИ треба да се казни со отсуство од власта за доброто на сите граѓани, нагласувајќи дека казнувањето на ДУИ не значи казна на Албанците. -Коалицијата со ВМРО-ДПМНЕ ќе зависи од ставовите по изборите. Првично да се преброиме. Одлуките ќе ги донесат органите и телата на ЗНАМ, а дополнително, ние не бркаме власт по секоја цена и можна е опцијата да останеме и во опозиција, рече Димитриевски. Претседателската дебата на МТВ ги скара кандидатите на социјалните мрежи Кандидатката за претседателка на ВМРО-ДПМНЕ, Гордана Сиљановска-Давкова, вчера објави дека ќе дебатира со празно столче на третата претседателска дебата на МТВ, на што нејзиниот противкандидат Стево Пендаровски реагираше дека терминот за дебатата на МТВ никогаш не бил договорен. Сиљановска Давкова, на социјалните мрежи, објави фотографија на која е сама во студиото на МТВ, како најава за како што пишува „третата претседателска дебата“, по што Пендаровски, во објава на Фејсбук и одговори дека „единствен начин да излезе како победник во тие јавни соочувања е да организира разговор со „празно столче““. Претходно, Давкова на социјалната мрежа X, објави дека ќе дебатира со празно столче на МТВ. - Вчудоневидувачки е како во најзначајната претседателска дебата пред националниот сервис, Македонската телевизија, јас ќе дебатирам со празно столче. Не разбирам зошто мојот противкандидат (@SPendarovski) им оневозможи на граѓаните повторно да ги соочиме нашите програми и ставови, напиша Давкова. Според Пендаровски ТВ дуел на јавниот сервис никогаш не бил договорен, порачувајќи дека тоа е единствениот начин Силјановска Давкова да победи во некаква дебата. -До сега имаше три дуели меѓу мене и госпоѓата Давкова и се разбира и останатите кандидати во првиот круг и сега попладнево со партискиот сервис МТВ, кој сите ние го плаќаме, организирале дебата во која госпоѓата дебатира самата со себе и како што велат празно столче од другата страна. Знаете зошто го велат тоа? Прво, да ви кажам, дека договор за термин немаше. Последна дебата која е договорена, од трите во вториот круг, ќе биде на 6 мај на Канал 5, а ова мораа да го направат, затоа што е тоа единствен начин Гордана Силјановска - Давкова да излезе како победник во дуел, нагласи Пендаровски. Од МТВ, во соопштение до медиумите, ги отфрлија информациите дека Гордана Силјановска-Давкова сама си договорила дуел, нагласувајќи дека Македонската телевизија, на 26 април 2024 година, упатила покани за предизборно соочување до кабинетите на кандидатите кои влегоа во вториот круг од претседтелските избори, Стево Пендаровски и Гордана Силјановска-Давкова. - Јавниот сеервис како датуми ги предложи - 1 мај (среда), 2 мај (четврток) и 6 мај (понеделник). Од тимот на Гордана Силјановска Давкова, следниот ден, 27 април, известија дека го прифаќаат 2 мај-четврток како термин за дуел со можност за снимање во попладневен термин. Од тимот на Пендаровски немаше одговор до вчера, 1 мај. Јавниот сервис испрати порака до тимот на Пендаровски да се изјаснат за дуелот, а во одговорот стоеше дека не можат му организираат агендата и дека не можат да успеат. Во духот на професионалноста, јавниот сервис понуди и одделни интервјуа за двајцата кандидати, но од тимот на Пендаровски известија дека нема простор ни за тоа иако јавниот сервис во телефонски разговор остави можност за кој било од наредните денови до изборниот молк, се вели во соопштението од МТВ. Кампањата за парламентарните избори и вториот круг на претседателските избори завршува во понеделник, 6 мај, на полноќ, кога почнува предизборниот молк. Двојните избори се в среда на 8 мај. Претседателот на Државната изборна комисија Александар Даштевски, порача дека ДИК е подготвена за претстојните избори, најавувајќи дека денеска и утре ќе се дели доверливиот изборен материјал кој општинските изборни комисии се должни да го предадат во вторник, додека првичните резултати се очекува да бидат објавени на 8 мај пред полноќ...

Претседателот на САД, Џо Бајден синоќа во Северна Каролина се сретна со семејствата на четирите полицајци кои беа убиени за време на службена акција. Средбата доаѓа само една недела по сличната посета на најблиски на двајца убиени полицајци во северниот дел на сојузна држава Њујорк. Патувањето беше со цел да ја оствари оваа посета, но во приватна атмосфера, без многу камери и зад затворени врати. -Целата нација жали со овие семејства, изјави тој по следното застанување на кампањската турнеја во Вилмингтон, Северна Каролина, каде објави нови мерки за отстранување на оловните цевки од водоводниот систем на САД. Toj потоа се обрати во Воздухопловната национална база на Северна Каролина каде локалните служби за безбедност можеа да дојдат без многу патување и во време кога сеуште се опоравуваат од смртта на нивните колеги, но кои помогнаа во обезбедувањето на претседателот. -Мажи и жени од службите за безбедност, вие го претставувате најдоброто во нас, изјави Бајден од подиум во базата. Тој уште еднаш повика на порестриктивни мерки за поседување оружје и повеќе пари за полицијата која е во првите борбени редови. Минатата недела во Северна Каролина беа убиени четири полицајци откако лице кое требаше да го уапсат поради поседување оружје како поранешен осуденик отвори оган во нив од полуавтоматска пушка АР-15. За време на акцијата уште четири службени лица беа повредени. Осомничениот беше убиен...

Турските власти ги прекинаа трговските односи со Израел, бидејќи веќе го ограничија извозот во таа земја во април, соопшти турското Министерство за трговија. „Извозот и увозот со Израел се прекинати“, се вели во соопштението на Министерството. Се додава дека Турција ќе ги применува овие нови мерки „додека израелската влада не одобри непречен проток на хуманитарна помош во Појасот Газа...

Олимписките игри не се само спортско натпреварување, туку и платформа за промена и влијание. Во текот на годините, се работи на постигнување на родова еднаквост на овие престижни настани. Годинашните Олимписки игри во Париз ќе бидат историски, бидејќи за прв пат ќе има еднаков број на жени и мажи натпреварувачи. Пулексенија Јованоска, дванаесеткратен државен шампион во карате и претставничка на Северна Македонија на Летните Олимписки игри во Токио во 2020 вели дека иако има напредок во изедначувањето на родовите на олимписките терени, сѐ уште треба да се работи за да се обезбеди еднаква поддршка и можности за спортистките. Во интервјуто, што е спроведено во рамки на проектот „Зајакнување на девојки преку спорт“ на „Спорт Соушал Солушн“, поддржан од Францускиот културен центар и Амбасадата на Франција во земјава, Јованоска го споделува своето олимписко искуство и предизвиците со кои се соочила како жена на Олимписките игри. Таа се залага за позитивни промени и верува во моќта на спортот да ги вoздигне девојките и жените, наведувајќи ги да веруваат во себе и да се борат за своите цели. - Олимписките игри ми оставија белег како круна на целата моја кариера и на сите мои успеси. Воедно, голема и силна беше тежината на мојот настап, затоа што Македонија за првпат доби шанса, како карате спорт, да настапи на Олимписки игри. Каратето за првпат доби шанса и јас бев единствената претставничка таму, вели таа. Според неа, предизвикот да се учествува на ОИ е огромен, имајќи ја предвид конкуренцијата и желбата на останатите земји да освојат висок пласман. Во однос на предизвиците во делот на родова еднаквост на ОИ, Јованоска вели дека сѐ уште недостига ист број на тренери, на раководни лица кои ги водат тимовите. - Од моето лично искуство можам да зборувам дека бевме 20 наспроти 80 проценти жени кои патувавме на ОИ во Токио. Мене и тогаш, а и денес, ме загрижува фактот што не се менува, не одиме на некое подобро утре во тој дел, заради тоа што едноставно сметам дека сѐ уште постои тоа табу, таа дупка во спортот дека мажите се подобри и подобро ги водат тие ракводни функции, вели таа. Нагласува дека меѓусебната поддршка на жените и соодветен број на жени во тимот игра важна улога во перформансот на натпреварувачките. - Да се биде жена физиотерапевт, тренер, помошник партнер во однос на подготовките во процесот, значи многу. Исто како кај момците на кои им одговара тренинг партнер од нивниот пол, така и на девојките за тренер партнер секако е подобро кога имаме женска личност од другата страна, за подготовка, и, ете, нели, за последните тренинзи што се случуваат токму во Олимпиското село или на Олимпијадата, вели Јованоска. Според неа, тоа ја менува самата помисла и самодовербата кај девојките да се борат и да бидат посигурни во себе кога се веќе на таков голем настан, бидејќи самите ОИ како настан, како што дополнува, носат голем притисок, тежина и одговорност. Јованоска вели дека од дома спортистките не тргнуваат рамноправно како и спортистите. Ги споменува нееднаквите стипендии и нагласува дека слухот за каратето и олимпизмот кај нас и не е толку голем. - Не тргнуваме рамнопоравно. Да не бидам сурова, сметам дека во Токио се постигна и се почувствува тоа како веќе почнуваме да се приближуваме преку спортот да бидеме еднакви со еднакви права и можности. Но, сепак, ако ги гледаме фактите и ако погледнеме на вистината во очи, тогаш ќе знаеме од самиот старт, ако олимписките стипендии за олимпијките се пониски, а за олимпијците се повисоки, тогаш знаеме дека на самиот старт ние сме поразени, вели таа. За Олимписките игри вели дека ѝ оставиле белег и огромна мотивација за да работи на создавање на платформи каде што ќе ја покрене пред сѐ свеста кај младите девојки. - Тие девојки, ако сакаме да ги зајакнеме, ако сакаме утре тие девојки да го подигнат својот глас, мора да бидат со контакти, со комуникациски вештини кои подоцна ќе можат да одекнат, да го кренат својот глас и со факти и аргументи да се спротивстават на системот, којшто, ете, знаеме дека е лош. И за да може да направиме промена, треба да вложуваме во младите во освестување за тоа што значи Олимписки Игри, што значи да си претставник таму. За мене пред сѐ е благодет што се освестувам во кое поле треба да вложувам и каде треба да ја насочам енергијата во она кое што го исцрпив како искуство од ОИ, вели таа. Нејзината порака до идните олимпијки е да веруваат во себе и да ги искористат сите шанси што им се дадени. - Ако е дадена шанса да се бранат боите на нашата држава, и ако се блиску до тоа, да загризаат, бидејќи ОИ се навистина сон на секоја спортиска, а во исто време, мене лично ми отворија многу врати на коишто денес работам, многу контакти со кои соработувам, многу видици. И, ете, можам слободно да кажам дека мене Олимпијадата ме промени, а сметам дека доколку сакаат да го остварат сонот, може да очекуваат само позитивна промена, вели Јованоска....

Новинарите и медиумските работници секојдневно храбро ја практикуваат својата слобода на изразување, често под голем личен ризик, при што независното новинарство засновано на факти помага да се заштитат нашите демократии преку разоткривање на неправдите, барање на одговорност од лидерите и овозможување граѓаните да носат одлуки базирани на информации, истакна високиот претставник на ЕУ за надворешна политика и безбедност Жосеп Борел во пораката по повод Светскиот ден на слободата на медиумите – 3 мај. - Во 2024 година, кога се одржуваат избори во над 60 земји ширум светот, работата на новинарите е позначајна од кога било. На овој Светски ден на слободата на медиумите, ја почитуваме нивната работа и храброст. Како наши очи и уши, новинарите мора да бидат заштитени во секое време и насекаде, наведе Борел во изјавата дадена во име на Европската Унија. Тој нагласува дека ЕУ цврсто ги осудува сите акти на насилство, вклучително и заканите, врз новинарите при вршење на нивната професија, без разлика дали потекнуваат од држави, организирани групи или поединци. - Не смее да има неказнивост за ваквите злосторства, без разлика каде се случуваат, дециден е Борел. Според него, новинарите и медиумските работници кои известуваат од вооружени конфликти мора да бидат заштитени во согласност со меѓународното хуманитарно право. - ЕУ изразува жалење за драматичното зголемување на бројот на убиени или повредени новинари додека известуваат за разорните последици од војната. Премногу новинари ги загубија животите во последните месеци додека ни ги пренесуваа вестите од Газа. Новинарите, исто така, продолжуваат да се изложени на ризик на дневна основа додека известуваат за руската агресивна војна против Украина, како и од конфликтите во Мјанмар, Судан и на други места, се додава во изјавата. Борел натаму посочува и дека ЕУ изразува сериозна загриженост поради праксата за оневозможување на пристап на независните медиуми до конфликтните зони како начин за контрола на информативниот простор и ограничување на пристапот на јавноста до објективно известување базирано на факти. - Ширум светот, независните медиуми се соочуваат со голем број егзистенцијални закани. Повеќе од кога било, ние мора да преземеме решителна акција за да обезбедиме дека медиумите можат да работат во остварливи политички, економски и правни услови, потенцира Борел. Тој нагласува дека ЕУ направи значаен чекор во тој правец со усвојувањето на Европскиот закон за слобода на медиумите, кој има за цел да ја подобри уредувачката независност, да ги заштити изворите на информации на новинарите и да ја подобри транспарентноста околу сопственичката структура на медиумите во Унијата. - ЕУ останува цврсто посветена на својата заложба за заштита на слободата на медиумите и плурализмот ширум светот. Во одбраната на слободата на медиумите, ние го штитиме не само нашето право да знаеме, туку и нашата способност да ја обликуваме иднината водена од вистината и одговорноста, додава Борел во пораката по повод Светскиот ден на слободата на медиумите...

Повеќе од 30 лица го загубија животот во поплавите во јужен Бразил, 60 лица се водат како исчезнати, а околу 15.000 жители се евакуирани. Брана на хидроелектрана во бразилската држава Рио Гранде до Сул се урна поради поплавите предизвикани од неколкудневните обилни дождови, а најмалку 500.000 луѓе останаа без струја и чиста вода, јавува Би-Би-Си. Во акцијата за пребарување и спасување беа вклучени и хеликоптери, а во некои населби жителите се качија на покривите на нивните поплавени домови....

Земјите членки на НАТО изразуваат длабока загриженост поради хибридните акции на Русија, кои претставуваат закана за нивната безбедност, но порачуваат дека ваквите руски активности нема да ги одвратат од намерата да продолжат да ја поддржуваат Украина, се наведува во изјавата на Северноатлантскиот совет (НАК) во врска со неодамнешните руски хибридни закани. - Сојузниците на НАТО се длабоко загрижени за неодамнешните злонамерни активности на сојузничката територија, вклучително и оние што резултираа со истрага и обвинение против повеќе поединци во врска со непријателските државни активности против Чешка, Естонија, Германија, Летонија, Литванија, Полска и Обединетото Кралство, се наведува во изјавата. НАК нагласува дека овие инциденти се дел од интензивираната кампања на активности што Русија продолжува да ги спроведува низ евроатлантската област, вклучително и на територијата на Алијансата, што вклучува ширење лажни вести, саботажи, акти на насилство, кибер и електронско мешање, спроведување кампањи на дезинформации и други форми на хибридни закани. - Ги поддржуваме и изразуваме солидарноста со погодените сојузници. Ќе дејствуваме индивидуално и колективно за да се справиме со овие акции и ќе продолжиме тесно да се координираме, потенцира Советот. Во изјавата натаму се посочува дека НАТО ќе продолжи да ја зајакнува својата отпорност и да ги применува и унапредува инструментите што му се на располагање за да се спротивстави на руските хибридни акции и ќе се погрижи Алијансата во целина и земјите членки да бидат подготвени да се бранат и да ги одвратат овие хибридни активности или напади. - Го осудуваме ваквото руско однесување и ја повикуваме Русија да ги исполни своите меѓународни обврски, како што ги прават НАТО сојузници, се додава во изјавата на Северноатлантскиот совет....

Велипеток е денот на Христовите страданија. Тие започнуваат уште ноќта, во Гетсиманија. Затоа гетсиманските настани ги вбројуваме во Велипеток. Тие се случувале доцна во ноќта – по полноќ. Според европското мерење на времето – во петок. Патем, од собата на Тајната вечера до Гетсиманија, Христос продолжил со Прошталната беседа и ги поучувал апостолите (Јован 15 и 16 глава). За да биде поуката разбрана и запометена, го посочил примерот со лозата и лозовата прачка која дава плод, ако е на лозата, а не кога е отсечена од неа. И рекол: „Без Мене не можете да направите ништо“, но „ако Мене Ме гонеа, и вас ќе ве гонат“, а утехата е во „Утешителот, Кого што ќе ви Го испратам Јас од Отецот, Духот на вистината...“. „Во светот ќе имате маки; само не бојте се, зашто Јас го победив светот.“ По овие зборови, Христос завршил со поуката и ја започнал Молитвата во Гетсиманија. Страдањата од Велики Петок почнуваат во Гетсиманија. Гетсиманија – молитва и страданија Господ Исус Христос вообичаено се молел насамо, давајќи ни пример и нам за индивидуалната, лична молитва. Многу е значајна Неговата молитва во Гетсиманија пред да биде фатен и изведен на суд, а потоа, неправедно осуден на смрт, измачуван и распнат (Марко 14,32-42; Матеј 26,36-46; Лука 22,39-46; Јован 17 глава). Он, бидејќи Бог, знаел сè што ќе се случува, но затоа што бил и вистински човек, Неговата човечка природа, во Гетсиманија, ја преживеала Голгота. Спасението на човечкиот род не би било извршено без Неговата молитва во Гетсиманија, во која кулминирале Неговите душевни страдања за нас и место нас; страдања предизвикани само од нашите гревови и претрпени заради нашите гревови – за гревовите на сите луѓе од сите времиња, а кои Он како Богочовек доброволно ги примил врз Себе. Пред жртвениот подвиг на Голгота, Спасителот бил во неискажливи маки во Гетсиманија. Таму жалел со жалостите и умирал со смртта на сите луѓе, молејќи Му се на Отецот, и тоа пред Своите тројца најверни ученици: Петар, Јаков и Јован, како што предвидувал Законот – двајца или тројца сведоци (5. Мој. 19,15). Тие биле сведоци за Неговите искупителни, душевни страдања, а пред нив Он и се преобразил (Матеј 17,1-2) и во нивно присуство ја воскреснал Јаировата ќерка (Лука 8,51). Христовото тагување и страдање во Гетсиманија е израз на човечката природа во Богочовекот. Неизмерни биле Христовите страдања во Гетсиманија, бидејќи неизмерна била и грешноста на луѓето, која Он ја зел врз Себе и Му предизвикала големи болки. Големи биле Неговите гетсимански маки, бидејќи во Него и преку Него плачела и барала спасение целата човечка природа. Вообичаено, во Христово време, на Исток, а особено меѓу Евреите, луѓето се молеле стоејќи, со подигнати раце кон небото (1.Тим. 2,8; Лука 18,11 и 13). Овде се вели, Господ Исус Христос „падна на земја и се молеше“. Молитвите и молењата со приклонети колена на земја, биле израз на духовна тежина и внатрешна борба и тие биле ретко практикувани (спореди: 4. Мој. 16,22). Евангелистот Лука ја покажува психолошката-духовна борба и реакцијата на телото со изобилство на пот и капки крв, како израз на тешката душевна борба. Дека Спасителот во Гетсиманија многу пострадал заради гревот на сиот човечки род и тоа со страданија какви што не страдал никој, сведочи и евангелскиот опис дека „потта Му била како капки крв“. Тоа го предизвикала човечката природа во Христа, која сосема природно реагирала во моментот на предавството, фаќањето, врзувањето, бичувањето, плукањето, страдањето и смртта. Сето ова било појако изразено во Неговата човечка природа, зашто Господ Исус Христос знаел сè што Го чека, а тоа и го предрекол пред Своите апостоли (Марко 10,32-34). Он знаел за сето тоа и за сè што ќе се случи од Гетсиманија до Голгота – до Неговиот последен крик на крстот: „Се сврши!“ (Јован 19,30). Со истите зборови и во Гетсиманија рекол: „Свршено е, дојде часот; еве, се предава Синот Човечки во рацете на грешници“ (Марко 14,41). Предавникот бил сосема близу. Хрисос рекол: „Станете да одиме! Еве, наближи оној што Ме предава.“ Тоа не значи да бегаме, туку да се сретнеме со непријателите; да тргнеме по долгиот пат; да одиме по патот на страданијата – до Голгота! Христа Го фаќаат во Гетсиманија Јуда излегол од Тајната вечера, се откажал од Христа и од апостолството и отишол да Го предаде својот Учител. Штом дознал каде ќе ја поминат ноќта, веднаш заминал, за да им каже на оние што сакале да Го фатат Исуса. Кај нив почекал некое време, додека дојдат Христос и апостолите на договореното место, а можеби чекал и да настапи длабока ноќ, кога апостолите би заспале и не би можеле да дадат отпор. Такво е лукавството, „зашто синовите на овој свет во својот род се подосетливи од синовите на светлината“ (Лука 16,8). Јуда со себе повел и многу народ со мечеви и стапови, испратени од првосвештениците и книжниците. Значи, со него била една вооружена чета, од таканаречената полиција на храмот, која ја сочинувале одредени помошници во храмот: млади свештеници и штитеници на јудејските старешини и книжници. Велиме дека имало и млади свештеници или помошници на првосвештеникот, иако во евангелскиот текст тоа не е речено така, но заклучуваме од зборовите дека луѓето биле вооружени „со мечеви и со стапови“, а на првосвештениците и на нивните слуги не им било допуштено да носат мечеви и, во буквална смисла на зборот, им било забрането да пролеваат крв. Тоа значи дека тие биле оние – вооружените со стапови, бидејќи не смееле да носат мечеви, како другите. Збунува и тоа дека Јуда допуштил овие луѓе да доаѓаат вооружени со „мечеви и стапови“ за да Го фатат кроткиот Господ Исус Христос. Но, тој ја знаел ревноста на апостолите и очекувал да Го бранат својот Учител и Господ. За тоа сведочи и реакцијата на светиот апостол Петар, кој извадил нож и им се спротиставил (види: Јован 18,10-11; Матеј 26,50-51; Марко 14,47). Затоа, Јуда навреме обезбедил вооружени луѓе кои непречено ќе Го фатат Господа Исуса Христа. Се погрижил и за тоа, да не се случи недоразбирање и да не фатат погрешен човек, во ноќната темнина. Затоа, договорено било жртвата да им ја покаже со целив и со поздрав на својот Учител, велејќи Му „Радувај се, Рави“. Тоа бил вообичаен однос и поздрав меѓу учениците и Учителот. А бакнежот бил сметан за целив на мирот. „А Исус му рече: ,Пријателе, зошто си дошол?‘ “ Ова се Христовите последни предупредувачки зборови кон Јуда за да се покае и затоа му вели: „Пријателе“. Јуда, пак, со своето духовно слепило и безумие, сакал преку целивот да ја сокрие од Господа својата намера, лажно, претставувајќи се како пријател. Но, „ти, ако си пријател, зошто доаѓаш со непријатели“, вели блажени Теофилакт. Неговото лукавство е бесмислено. Тој не сфаќал со каква вечна осуда се осудил себе си, за тоа што токму знакот на љубовта – целивот го употребил за предавство. Ова претставува најгрубо искривоколчување на најголемата добродетел – љубовта. Ова е демонско применување на доброто за зло. Знакот на љубовта Јуда го употребил за да ја затвори вратата на рајот, место да ја отвори. Навистина збунува тоа, како било можно Јуда три и пол години да биде апостол и близок „ученик Христов“, еден од дванаесетте, кој постојано ги слушал зборовите Господови и ги следал Неговите чуда, а на крајот, да се оттргне и да Го предаде. Ова предавство на Господа се повторува многупати низ времињата и после Јуда, од многумина христијани. Секое отстапување од Христа, претставува предавство и христоодрекување. Затоа, и ние треба да се запрашаме како апостолите, кога Исус им рекол: „еден од вас ќе Ме предаде“, па да велиме: „да не сум јас?“ (Марко 14,18-19). Ноќта Христос бил фатен, врзан и одведен на суд пред Јудејското собрание (Марко 14,43-49; Матеј 26,47-56; Лука 22,47-53; Јован 18,3-12). Апостолите се разбегале Исплашени од случајот во Гетсиманија и збунети затоа што Господ Исус Христо не дал отпор, светите апостоли се разбегале (Марко 14,50-52). Помислиле дека може и тие да бидат фатени и измачувани, та, ако Го фатиле и не можел да се одбрани Оној Кој направил толку многу чуда пред нивните очи, тогаш како би се одбраниле тие. А Христовиот совет, пак, кон нив за таквите случаи гласел: „Ако ве падат од еден град, бегајте во друг“ (Матеј 10,23). Тие така и постапиле. Се разбегале. Но, покрај стравот и сеќавањето на ваквата порака, сепак, разбегувањето на апостолите значело и исполнување на Христовите зборови: „Сите ќе се соблазните заради Мене во оваа ноќ; зашто е напишано: Ќе го поразам пастирот и ќе се разбегаат овците.“ (Марко 14,27; Зах. 13,7). Ова претставува и голема болка за Господа Исуса Христа, зашто Он никогаш не ги оставил Своите апостоли кога биле во опасност, а тие Него, ете, Го напуштиле. Во библискиот јазик, изразот „соблазнување заради Христа“ значи дека некој не е способен да го разбере Христовото учење и дело и дека го нема во себе духовниот клуч за да влезе во тајните Божји, ниту име светло кое ќе го расветли патот Божји по кој треба да врви до вечното царство. А тоа се добива како дар од Светиот Дух. Тоа го добиле и апостолите при слегувањето на Светиот Дух врз нив на Педесетница (Дела 2-ра глава). И оттогаш, јасно, точно и правилно го разбирале Христовото учење и дело. Испрашувањето кај првосвештеникот Ана Прво Го одвеле кај претходниот првосвештеник Ана, којшто му бил дедо на актуелниот првосвештеник Кајафа. Ним им било важно што мисли и претходникот, а за Кајафа веќе знеле дека е против Христа. Тој и пред нив рекол „дека е подобро да умре еден човек за народот“ (Јован 18,15). Таму Христос добил шлаканица по образот, од слугата на првосвештеникот. Притоа, не го завртел и другиот образ, а ја побарал вистината и се противставил со прашањето: „Ако реков лошо, докажи го лошото; ако ли, пак, добро – зошто Ме биеш?“ (Јован 18,23). На суд пред Синедрионот кај Кајафа (Матеј 26,57-68; Марко 14,53-65; Лука 22,54 и 63-71; Јован 18,12-15 и 19.27) Синедрионот бил Собранието – Парламентот на Евреите, а истовремено претставувал конечен, Врховен суд, Големиот суд кој решавал за најтешки обвиненија, како што се: идолопоклонство, престап против израилскиот народ, лажно пророштво, навреда на првосвештениците и др. Собранието го сочинувале седумдесет и еден член и тоа: првосвештеници, старешини и книжници, односно, видни луѓе. Судскиот процес во Синедрионот бил јавен и усмен, а за доказ на обвиненијата биле повикувани и 2-3 сведоци. Исто така, се користела и заклетвата како форма на доказ. Обвинетиот немал право на свој бранител. Ако, пак, обвинетиот сам ја признаел вината, тоа не било доволно за да биде прогласен за виновен, туку се барале и сведоци. Синедрионот не судел во сабота и во празнични денови. Судскиот процес морал да почне денски и да заврши додека има дневна светлина. Ако обвинетиот бил прогласен за невин, тогаш одлуката на судот била веднаш соопштувана, а ако за обвинетиот била изречена смртна казна, тогаш таа одлука морала да се преиспита уште еднаш во наредниот ден, па дури тогаш да се донесе конечната одлука. Ова биле основните кодексни правила според кои се раководел Синедрионот. При судењето на Господа Исуса Христа, Синедрионот отстапил од овие основни правила и драстично ги прекршил во четири форми: 1. Господа Исуса Христа Го прогласил за виновен заради хула на Бога, а врз основа на Неговото лично признание дека е Син Божји; 2. Судската постапка за изрекување смртна казна била водена ноќе, а не преку ден; 3. Пресудата била изречена истиот ден, а не наредниот; 4. Ноќната седница на Синедрионот била вонредна и на неа не присуствувале некои членови од Синедрионот (како на пример, Никодим). Тоа значи дека на таа седница селективно биле повикани оние што се знаело дека се сигурно против Христа. Синедрионот правел сè за да Го осуди Христа. Тие, иако уште порано веќе имале одлучено дека Исуса треба да Го убијат, според, за нив, доволни прекршоци и причини, сепак, имале потреба од судско обвинение и судска постапка, преку која ќе се оправда порано изречената смрт за Него. Затоа, синедрионците овојпат правеле сè да ги пронајдат сите факти за да го решат ова прашање како што одлучиле уште порано. Тие се потрудиле да најдат сведоци против Исуса, но, се вели дека сите сведоци биле со лажни сведоштва и без законска основа. Сведочењата биле дури и меѓусебно противречни. Но, синедрионците, кои биле луѓе на гревот и осудата, луѓе достојни за осудување, тие – таквите го сочинувале судот и сакале да донесат смртна пресуда и да Го убијат Христа. Поимот лажен сведок и лажно сведочење е познат и во правото и во Старозаветниот закон, каде што јасно се вели: „Не сведочи лажно против својот ближен.“ Тоа деветата Божја заповед од Декалогот (2. Мој. 20,16). И се додава: „Не примај лажни изјави; не мешај се со неправедни, за да сведочиш криво“ (2. Мој. 23,1). Првосвештениците пронашле, односно поткупиле повеќе лажни сведоци кои, како Јуда, за пари го помагале злото. Но, се забележувало дека лажните сведоци, со исконструирани лаги, биле доведувани од повеќемина синедрионци и тие зборувале различно, па дури и си противречеле еден на друг. Тоа потврдува дека и со најдобри зборови, и со најсилна речитост, и со многу сведоци, тешко може лагата да се докаже како вистина и да се одбрани. Синедрионот се нашол во непријатност, бидејќи и покрај многуте лажни сведоци и обвиненија, не можеле да ја оправдаат пресудата за смрт, а Христос молчел. Потоа, првосвештеникот Му поставил директно прашање: „Ти ли си Христос, Синот на Благословениот“ или, пак, обичен човек? Прашањето: дали Господ Исус Христос е Син Божји или е обичен човек, се поставува постојано, уште оттогаш, па до денес – од судницата на Синедрионот, па до ден – денешен! Првосвештеникот повторно Го прашува Господа Исуса Христа, но не со цел да ја дознае вистината и да поверува, туку за да дојде до нешто со што би Го осудил. Господ Исус Христос, ако одречел, тогаш би приличел на лажен Учител и недостоинствен во зборовите и делата, а ако потврдел дека е Син Божји, веднаш ќе бил обвинет за богохулство. Овојпат јасно и достоинствено одговорил: „Јас сум“ и, знаејќи што ќе следи по ваквата изјава, Он покажал подготвеност за страдање и смрт на крстот. Сепак, овде е најважно дека Господ Исус Христос искажал Самосведоштво за Себе си и рекол дека е Син Божји, Месија и Спасител на светот. Он знаел дека тие нема да Му поверуваат на Неговите зборови и нема да прифатат дека е Он „Христос, Синот Божји“, но сакал, предсмртно, свесен за сите последици, јасно за сите луѓе да каже Кој е. Христос тоа го кажал во најголемиот еврејски суд – во Синедрионот, пред најбитните личности, за да не можат подоцна истите да речат, а и никој да не може да рече: „Ако бевме чуле од Него сведоштво за Самиот Себеси дека е Христос и Син Божји, ќе поверувавме!“ Токму затоа и осудата ќе биде голема и кон нив, и кон сите, коишто и по ваквата јавна, лична изјава на Господа Исуса Христа, не верувале во Него. Со ваквиот одговор, Господ Исус Христос покажал дека е Син Божји и дека е Бог вистински од вистинскиот Бог. Кај еврејскиот народ, пак, употребата на Божјото име била забранета и тоа се сметало за голем грев – хула на Бога. Тврдењето дека е Он „Христос, Синот на Благословениот“, за членовите на Синедрионот претставувало неподносливо светогрдие и хула, а за такво хулење Синедрионот можел да изрече и смртна казна. Токму затоа ова обвинение било земено како основа – како основно обвинение за Синедрионската одлука: „Осуден на смрт“. Господ Исус Христос пред Јудејците и порано сведочел и велел дека е Он Син Божји и тие Го обвинувале дека хули на Бога, па земале „камења да Го убијат“ (Јован 10,31). Он секогаш тврдел дека е Син Божји и знаел каков гнев предизвикувале таквите Негови зборови и дека Јудејците биле готови за тоа „да Го убијат“. Покрај Својот директен одговор со зборовите: „Јас сум“, Господ Исус Христос додава дообјаснувања и вели: „Ќе Го видите Синот Човечки како седи од десната страна на силата и како иде на облаците небески“ (Марко 14,62). Со овие зборови, сакал на синедрионците да им рече: – Вие сега Мене Ме судите неправедно, но Јас сум Оној што ќе ви суди праведно, вам и на сиот човечки род! Овде се изречени и двете пресуди: Тие Го осудија Христа, а Господ Исус Христос ги осуди нив. Овие Негово зборови се пресудата на еврејските првосвештеници, книжници, старешини, фарисеи, садукеи и лицемери. Христа Го распнаа веднаш и ја извршија пресудата, а Божјата пресуда врз нив се исполнила во времето на страшните страдања, за време на разрушувањето на Ерусалим, кога првосвештениците биле убивани во олтарот додека принесувале жртва. Сепак, тие страдања се најава и праслика на вечните страдања кога ќе се изврши целосната пресуда врз нив и врз нас. Синедрионот ја донел пресудата: „Исус од Назарет, заслужува смртна казна заради хулење“! Кога синедрионците Го осудиле Христа на смрт, иако според судската практика и правило, требало таа пресуда да биде уште еднаш потврдена, тие веднаш им дозволиле на нивните слуги да се однесуваат кон Него како кон осуденик на смрт и да Го удираат. Тоа го правеле и „некои“ од синедрионците. Измачувачите, терајќи Го Христа да прорече кој Го удира, сакале што е можно повеќе да Го потценат и навредат. Сакале да се подбиваат со Неговите зборови дека Он е Христос, Син Божји и Месија, а како таков би требало да биде и пророк и повеќе од тоа, па да им погодува кој Го удира. + + + Потоа, следат останатите настани од Велики Петок, сè до распнувањето, смртта и погребението на Господа Исуса Христа. (За МИА подготви проф. д-р Ратомир Грозданоски)...

Со скок од 19 места и позиционирање на 38-то место, според минатогодишниот извештај на Репортери без граници, но и со плати под просечните, небезбедни услови за работа и случаи на закани и насилство врз новинарите, Северна Македонија денеска го одбележува 3 Мај, Денот на слободата на медиумите. Дали ќе ја задржи 38 позиција и ќе оди нагоре или надолу ќе покаже новиот извештај, но иако во сите релевантни меѓународни мерења е забележан одреден напредок во медиумската сфера, сепак забелешките и загриженоста циркулираат околу високата корупција и неефикасниот правосуден систем, кои продираат во сите општествени сфери, па така го дестабилизираат и амбиентот на целокупното функционирање на медиумите. Репортери без граници лани ја рангираше земјава на 38 позиција од вкупно 180 земји во светот според Глобалниот индекс за слободата на медиумите и таа стана најдобро позиционирана во регионот на Западен Балкан, пред Црна Гора (39), Хрватска (42), Косово (56), Босна и Херцеговина (64) и Србија (91) и Албанија (96). Но сепак „Репортери без граници“ забележа дека иако новинарите не работат во непријателско опкружување, раширените дезинформации и недостигот на професионализам придонесуваат за опаѓање на довербата на општеството во медиумите, што ги изложува независните медиуми на закани и напади. Беше потенцирано и дека продолжува и тенденцијата владините функционери да имаат лоши и понижувачки ставови кон новинарите. Албанија е на 96. место, а потоа следат Босна и Херцеговина (64), Косово (56), Црна Гора (39) и Северна Македонија (38). Хрватска е 42-ра по редослед на листата. Во однос на политичкиот контекст Репортери без граници лани напомена дека целокупната средина останува поволна за слободата на медиумите и дозволува критичко известување, иако транспарентноста на институциите е прилично слаба. Поради силната политичка поларизација, забележува Репортери брз граници, медиумите можат да бидат подложени на притисок од страна на властите, политичарите и бизнисмените. Во извештајот беше наведено и двете најголеми партии (на власт и во опозиција) создале паралелни медиумски системи врз кои го вршат своето политичко и економско влијание, а оценија дека јавниот радиодифузен сервис нема уредувачка и финансиска независност. Стејт департментот, пак во Извештајот за состојбата за човековите права за 2023 година нотираше ограничена слобода на изразувањето за Северна Македонија, која била поткопана од неефикасноста на правосудниот систем, недостиг на транспарентност во однос на медиумското рекламирање од страна на државните институции, несоодветното однесување во име на јавните службеници во нивната интеракција со новинарите, притисокот врз новинарите кои истражуваат корупција, дезинформациите, говорот на омраза во онлајн и социјалните медиуми и самоцензура. Извештајот на Стејт департментот се осврна и на законската регулатива која може да ја влоши медиумската корупција, односно стравувањата на новинарските здруженија во врска со измените со кои се враќаат државните кампањи во медиумите. Европската комисија, пак во последниот извештај за напредокот на земјава, оцени дека таа се наоѓа меѓу одредено и умерено ниво на подготвеност во однос на слободата на изразување. Општо гледано, има направено ограничен напредок, општиот контекст е погоден за медиумската слобода и дозволува критичко известување од страна на медиумите. Измените во Кривичниот законик и Законот за граѓанска одговорност во однос на клеветата го зголемиле степенот на правна заштита на новинарите. Сепак, забележани се голем број напади, закани и одредено застрашување на новинари, нотира ЕК. Се уште важат препораките на Комисијата од минатата година, па така во текот на оваа година Северна Македонија треба да ја ревидира законодавната рамка поврзана со медиумите и истата да се усогласи со европското законодавство и европските стандарди, особено во однос на правилата за конкуренција и државна помош, правата на интелектуална сопственост, што претставува дел од заедничниот пазар на ЕУ, да го засили спроведувањето на стратегијата за реформа на јавниот радиодифузер и да се финализираат назначувањата во Програмскиот совет на јавниот радиодифузен сервис и Советот на медиумскиот регулатор, како и да се продолжи со итно адресирање на сите закани и чинови на насилство против новинари и да се овозможи сите сторители да се доведат пред лицето на правдата. Седумдесет проценти од медиумските работници во земјава со потпросечни плати Претседателот на Самостојниот синдикат на новинари и медиумски работници (ССНМ) Павле Беловски вчера на прес-конференција истакна дека новинарите се соочуваат со многу проблеми, но дека со сплотеност и храброст може да се надминат. -Го одбележуваме 3 мај Светскиот ден на слободата на медиумите, меѓутоа секогаш кога зборуваме за слободата се присетуваме на овој ден што јас неволно сакам да констатирам дека е премалку во еден ден да се собереме и пожалиме. Затоа денеска оттука треба да испратиме неколку пораки, а тоа е поврзувано со слободата на медиумите, слободата на изразување и правото на слобода на говор, рече Беловски. Нагласи дека кога се зборува за слободата на говор не треба да се заборави дека слободата на медиумите се темели на здраво работно место и слобода на изразување. -Оттука треба да си го поставиме прашањето дали ние работиме во такви услови? За да одговориме на ова прашање треба да констатираме дека 70 проценти од вработените или над 2 000 медиумски работници се со плати под просекот во државата и ист толкав број сакаат да ја напуштат оваа професија, порача Беловски. Драган Секуловски, извршен директор на Здружението на новинари на Макеоднија (ЗНМ) порача дека новинарите се уште работат во небезбедни услови и се предмет на заплашување и насилство. -3 Мај служи како потсетник за ризиците со кои се соочуваат новинарите во потрагата по вистината во име на граѓаните. Слободата на медиумите е многу често поврзана со правото на пристап на информации, а овој ден се залага за слободата на информациите како основно човеково право клучно за информирано општество и за носење одлуки за функционирањето на една демократија. Мали чекори во подобрувањето не се секогаш доволни и може да се направи многу повеќе посебно во период како изборниот во кој се наоѓа нашата земја, рече Секуловски. Слободните медуми клуч за демократијата, особено во момент кога во светот се одржуваат избори во 40 земји Светскиот ден за слобода на медиумите е воспоставен од Генералното Собрание на ОН со цел да се зголеми свеста за значењето на слободата на медиумите и да се потсетат владите на нивната должност да ја почитуваат и да го поттикнуваат слободното изразување. По правило најслободни се медиумите во нордиските земји, па така во минатогодишниот извештај на Репортери без граници, најдобро рангирани беа Норвешка, Данска, Шведска, Ирска, Финска, додека некои од азиските земји се на дното на скалата. Лани тоа беа Туркмениста, Иран, Виетнам, Кина и Северна Кореја. А слободните медиуми се особено важни во изборните процеси и зацврстување на демократијата во светот, а оваа година освен кај нас каде се одржуваат двојни избори и претседателски и парламентарни, избори се одржаа или ќе се одржат во околу 40 земји во кои живеат повеќе од половина од светското население, а меѓу нив се и изборите за Европскиот парламент (од 6 до 9 јуни) и САД (5 ноември). Повеќе од четири милијарди луѓе од почетокот на годината излегле или ќе излезат на гласање и ќе го одредат патот по кој ќе движат државите во кои живеат. Генералната секретарка на Советот на Европа (СЕ), Марија Пејчиновиќ Буриќ вчера во пресрет на Светскиот ден на слободата на медиумите ја истакна важноста од заштитата на новинарите, особено во клучната изборна 2024 година, со цел зачувување на демократијата. -Додека милиони граѓани во Европа и другите континенти гласаат на клучните избори во 2024 година, мора да се потсетиме на критичната улога што ја играат новинарите и квалитетните медиуми во обезбедувањето пристап до плуралистички и веродостојни информации и разновидни мислења и идеи, за да можеме да носиме информирани одлуки за остварување на демократските права, рече Пејчиновиќ Буриќ, соопшти СЕ. Без разновидни, слободни и независни медиуми и новинари, се додава, „вистинската демократија пропаѓа и може да пропадне“. -Тие се столб на демократијата и никогаш не треба да заборавиме дека нивната слобода е и наша, се вели во оопштението. Пејчиновиќ Буриќ изјави дека „слободата на медиумите сè уште е нападната во Европа“, додавајќи дека овие закани вклучуваат незаконска употреба на шпионски софтвер, тужби против новинари, физички напади, заплашување, притворања и рестриктивни закони. Според неа, за медиумите и новинарите да ја одиграат својата суштинска демократска улога, мора да бидат способни да работат во безбедна средина...

За бадијала метафора и удирање во гради кога народот е гладен и незадоволен, што направи ДУИ после 20 години власт. Видете ги условите за живот во тетовски села, порача претседателот на ВМРО-ДПМНЕ од Тетово, на митинг во рамки на парламентарната кампања „Македонија повторно твоја! Промените во твои раце“ ВМРО-ДПМНЕ и коалицијата. Според Мицкоски сега државата е управувана од стотина луѓе кои ги запоседнале институциите и грубо ги злоупотребуваат, порачувајќи дека „колку повеќе зборат за права и за положбата на Албанците, толку овие неколкумина од раководството на ДУИ крадат“. - Секое мое кажување на вистината тие го извртуваат како напад врз Албанците. Јас сум прецизен и точно имам против оние кои го крадат народот и немам против ниту еден народ. Имам против оние кои ја ограбија Македонија, а со тоа ги ограбија и Македонците и Албанците и Турците и Србите и Ромите и Власите и сите останати. Артан, Бујар и Талат се власт во Македонија затоа што СДСМ одбраа да бидат измеќари на овие тројца и на тој начин одржуваат власт плаќајќи скапа цена, истакна Христијан Мицкоски од Тетово. Тој најави дека по победата и формирањето на влада значаен процент од буџетот ќе оди за развој и решавање на децениските инфраструктурни проекти на Тетово, Гостивар, Кичево, Струга, Дебар и повеќе други општини од западна Македонија„ -Се обврзувам дека во рамките на проектот за 250 милиони евра за инфраструктурен развој на општините дел ќе се инвестира и на овие места овде. Подеднакво ќе градиме и работиме за развој на штипско Ново село, но и за тетовско Теарце, за струмички Куклиш, но и за тетовско Одри. Живееме под едно небо, делиме исти проблеми, исти предизвици. Маката ни е иста, и копнееме по заеднички работи. Денес Македонија е држава каде управуваат стотина души кои ги запоседнале институциите и грубо ги злоупотребуваат. Секој тендер поминува низ нивни раце, за секој бизнис процентот на добивка го определуваат истите луѓе. Тој артаноиден систем стана синоним за корупција и неказнет криминал. Систем на искривени вредности и непринципиелност која државата ја носи во пропаст“, истакна претседателот на ВМРО-ДПМНЕ, Христијан Мицкоски од митингот во Тетово. Мицкоски рече дека на народот му е доста од удирање на гради зборење за права, а во реалноста сето тоа да се сведе на крадење и тендери. Реално и со дела да се менува животот на луѓето и тоа идната Влада предводена од ВМРО-ДПМНЕ ќе го направи. -За да се случи ова што ви го зборувам, на 8-ми мај мора да се заврши започнатата работа. Цунамито е кренато. Тоа цунами треба да удри на денот на изборите и да ја оддува забрефтаната од криминал власт. Решението против сите сценарија кои ги прават од СДСМ и ДУИ е излезноста“, порача Мицкоски. Носителката на кандидатската листа со пратеници Дафина Стојаноска од Тетово посочи дека народот на ДУИ и СДС им порачува дека им е преку глава од нивниот криминал. -На Стево и на Таче им се случи народ. Им се случи казна за нивната неработа и за нивното молчење пред криминалите на Али и Артан Груби. Затоа, од срце му честитам на Тетово за победата на 24 април и сум убедена дека на 8 мај ќе се случи уште повеќе народ и уште поголема победа за ВМРО-ДПМНЕ за коалицијата Твоја Македонија и за професорката Гордана Силјановска Давкова, изјави носителката од ВМРО-ДПМНЕ во изборната единица шест, Дафина Стојаноска на митингот во Тетово. Таа истакна дека СДС и ДУИ седум години наназад имаа слух само за себе и за своите, никогаш не го слушаа народот, кој потоа излезе да ги казни...

Во емисијата „24 отворено“ на ТВ24 гостуваше кандидатот за пратеник во ИЕ2 од ВМРО-ДПМНЕ, Бране Петрушевски кој што истакна дека ВМРО -ДПМНЕ очекува уште поголема победа во вториот круг со цел стабилна влада и брза реализација на проектите од програмата. „Наши партнери кои ги преферираме ќе бидат опозициските партии затоа што ни е потребен опозициски фронт со кој што ќе можеме да ја срушиме оваа ненародна власт. Што се однесува до бројките ние излеговме со бројки пред изборите со бројка од над 100 илјади гласа разлика за нашиот претседателски кандидат очигледно сме погрешиле затоа што разликата беше 180 000 гласа, сега очекуваме над 55 пратеници меѓутоа можни се уште поголеми бројки на бранот на ова што се случува. Од една страна имаме позиција која што е буквално декласирана, демотивирана, поделена а од друга страна победничкиот бран е кај ВМРО-ДПМНЕ и сметаме дека можеме со уште поголем број на пратеници да имаме една покомотна постабилна влада која ќе ни овозможи побрза реализација на овие проекти кои што ги ветуваме во програмата“, кажа Петрушевски и додаде: Врз база на желби и политичка пракса не очекуваме пресликување на резултатите, очекуваме уште поголеми бројки на контото на ВМРО-ДПМНЕ и на претседателскиот кандидат Гордана Силјановска Давкова и слободно запишете 500 илјади гласови за Гордана Силјановска Давкова и 55 пратеници за ВМРО-ДПМНЕ на парламентарните избори. Петрушевски посочи и дека СДСМ заборавија на младите а трендот на иселување продолжи и покрај тоа што редеа чевли пред владата кога дојдоа на власт буквално заборавија на младите. „Жално е што СДСМ касно се сетија дека се иселуваат младите, а кога СДСМ беа опозиција редеа чевли пред владата и ветуваа справување со овој проблем и ова е уште еден доказ дека СДСМ воопшто не ја примиле пораката на граѓаните, како што воопшто не ја примиле пораката на граѓаните во 2020 година кога тогашниот премиер Заев ветуваше метли, па правеа перформанси на нивните митинзи, потоа воопшто не ја примиле пораката во 2021 кога доживеаја дебакл на локалните избори па исто така укажуваа дека ја примиле пораката од граѓаните меѓутоа не ја примиле пораката. Во нашата програма 1198 ги имаме сите проекти и политики кои што се потребни за справување и со овој проблем на иселувањето и во делот на подобар животен стандард фронт против корупција итн.“, истакна Петрушевски....

Македонија се наоѓа пред сериозна одлука а изборите кои следат во себе не го носат изборот која партија ќе победи, туку каква иднина ќе се одбере, за себе и за своите семејства. Главниот проблем, е што државата е одземена од рацете на народот. Контролата е во стотина души кои управуваат со се во земјава, без одговорност, со многу криминал и корупција, изјави претседателот на ВМРО-ДПМНЕ, Христијан Мицкоски од митингот во Гостивар. Мицкоски додаде дека нема поголем тендер од кој артановци, бујаровци, и зечевци не собираат процент. - Тука во Гостивар на пола пат од Тетово се сликаа со лопатите, наместија бини, сечеа ленти за нови автопати дел од коридорите 8 и 10д, еве помина година дена, дупка не ископаа, не па автопат да изградат. Повеќе од 300 милиони евра исплатија во ветар. Таму подизведувач е омилената фирма на ДУИ, бидејќи ДУИ управува со државата наместо народот, потенцираше Мицкоски. Мицкоски нагласи дека Артан, Бујар и Талат си се послужуваат со Македонија, затоа што имаме слаб СДСМ кој дозволувајќи го тоа скапо си ја купува власта, и деновите поминати во фотелја. И овие денови ги слушам оние обвинувања кои се редовен декор секогаш кога ДУИ е нападнато, поради криминал и корупција. Нападното е затоа што се фатени како ја ограбуваат Македонија. И не ги ограбуваат само Македонците. Ги ограбуваат сите, и Македонците и Албанците и Турците и Србите и Власите и Бошњаците, ја ограбуваат Македонија. Фатени во грабеж, обвинуваат дека сме имале против Албанците и затоа сме ги напаѓале, изјави Мицкоски. Мицкоски посочи дека има против ДУИ кои ги злоупотребуваат, меѓудругото и Албанците и нивната мака. - ДУИ која врз митот права за Албанците, и Артан, и Али направија милиони евра за себе, имаат имот како шеици од Саудиска Арабија, додека албанскиот народ гладува и се сели од Македонија. Најголемата злоупотреба овие дваесет години е состојбата со правата на Албанците кои овие криминалци од ДУИ се обидуваат кога се фатени во криминал да ја наметнат како тема. Секогаш кога тие зборат за ова, на своето конто си редат по уште еден милион народни пари, нагласи Мицкоски. Мицкоски посочи дека ДУИ тоа го прават затоа што се исплашени и знаат дека им доаѓа крајот на своето владеење. - Ќе одат во опозиција, а таму ќе мора најпрвин да одговараат за криминалот, а потоа да се реформираат, рече Мицкоски. Мицкоски нагласи дека бранот е создаден, иако работата не е завршена, мора да се излезе на гласање во вториот круг за да се победат сите сценарија на СДСМ и ДУИ заедно и дека таквите сценарија се победуваат само со голема излезност....

Екипата на Баер Леверкузен направи сериозен чекор кон финалето на Лига Европа. „Аспирините“ ја совлада Рома со 2:0 како гостин во првиот полуфинален натпревар меѓу двата тима. Флоријан Вирц ги доведе „аспирините“ во водство со гол во 28. минута, а конечниот резултат го оформи Роберт Андрич со прекрасен гол во вториот дел. Така избраниците на Чаби Алонсо имаат солидно водство пред реваншот во Германија на 9 мај. Екипите на Марсеј и Аталанта одиграа со резултат 1:1 во првиот полуфинален натпревар меѓу двата тима. Така, исходот останува за реваншот кој ќе се одигра на 9 мај во Бергамо. Двата гола на натпреварот беа постигнати во првото полувреме. Во 11. минута Копмајнерс нафрли на Џанлука Скамака, а напаѓачот со удар во долниот лев агол го совлада противничкиот голман. Во 20. минута Кондогбија го пронајде Шансел Мбема кој постигна одличен гол со удар од далечина. Топката удри и во левата странична статива пред да заврши во мрежата на италијанците. Во вториот дел немаше голови и натпреварот заврши нерешено...

Времето ќе биде променливо облачно и нестабилно со пороен дожд и грмежи, особено во источните делови. Локално процесите ќе бидат во форма на краткотрајно невреме со засилен ветер и услови за изолирана појава на град. Минималната температура ќе биде во интервал од 7 до 12, а максималната ќе достигне од 14 до 22 степени. Во Скопје променливо облачно и нестабилно со пороен дожд и грмежи. Во делови од котлината ќе има услови за краткотрајно невреме со засилен ветер и изолирана појава на град. Минималната температура ќе се спушти до 10, а максималната ќе достигне до 21 степен. Продолжува периодот на променливо облачно време со повремени локални врнежи од дожд, освен во недела кога ќе биде претежно стабилно и потопло. Утре, особено во источните делови на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град. Во сабота ќе дува засилен северен ветер....

Рускиот претседател Владимир Путин денеска им додели ордени на тројца тинејџери кои учествувале во спасувањето луѓе за време на терористичкиот напад во Крокус Сити Хол. - За храбри и решителни дејствија при спасување луѓе во екстремни услови им се доделува орден „За спасување на жртвите“ на Артјом Александрович Донсков, Никита Михајлович Иванов, Ислам Бахтерович Халилов, се вели во одлуката објавена на официјалната веб-страница за правни информации. Средношколците, кои хонорарно работеле како гардеробери во концертната сала, успеале да исфрлат околу стотина луѓе од зградата, а по нив преку истиот излез побегнале уште неколку стотици гледачи. Во терористичкиот напад на 22 март во Крокус Сити Хол во Красногорск, предградие на Москва, загинаа 145 луѓе. Рускиот истражен комитет соопшти дека се уапсени 12 лица осомничени за нападот, меѓу кои и четворица државјани на Таџикистан, кои биле директни извршители на терористичкиот напад. Освен тоа, во Дагестан се приведени четворица странци кои учествувале во финансирање и обезбедување оружје на терористите...

Илјадници демонстранти вечерва блокираа клучна сообраќајница во Тбилиси, протестирајќи против усвојувањето на законот за „странски агенти“ во Грузија. Тие го блокираа Плоштадот на хероите низ кој се одвива најголемиот бран сообраќај низ градот. Грузискиот парламент вчера го усвои предлог-законот за „странски агенти“ во второто читање, со кој се бара од организациите кои добиваат повеќе од 20 отсто од своето финансирање од странство да бидат регистрирани како „агенти за странски интереси“. Денешната пленарна седница на парламентот беше откажана откако демонстрантите кои протестираа против законот за странски агенти вчера се обидоа да упаднат во зградата на парламентот. Протестите против предложениот закон во Тбилиси траат со денови, а ЕУ и ОН ја повикуваат грузиската влада да го повлече од процедура нацрт-законот за странски агенти, кој предизвикува поделби и масовни протести....

Паркинг простор во близина на Вонделпарк, најголемата зелена површина во Амстердам, се продава за речиси половина милион евра, што е шокантна цена дури и за Холандија, каде што цените енормно се зголемија поради тешката станбена криза. Местото огласено за 495.000 евра е со површина од 18 квадратни метри и се наоѓа, според агенцијата за недвижности J. Heule, во затворен комплекс и „на најпознатата и ексклузивна шопинг улица во Холандија“. Исто така може да се изнајми за 750 евра месечно. Огласот ја шокираше Холандија, која е погодена од тешка станбена криза. Бараната цена на паркингот е повисока од просечната цена на стан во Холандија, која според извештајот објавен на крајот на 2023 година изнесува 430.000 евра. Покрај скокот на цените, холандски РТЛ истакнува дека во Холандија се затворени многу паркинзи во центрите на градовите за да бидат помалку атрактивни за автомобилите....

На овие избори не одлучуваме само кој ќе ја води државата, туку одлучуваме и каде ќе оди нашата држава. Дали ќе продолжи цврсто да гази по европскиот пат или сите заедно повторно ќе станеме заложници на авторитарна држава водена од белата криминална палата, рече лидерот на СДСМ, Димитар Ковачевски на вечерашниот митинг во Радовиш на Коалицијата за европска иднина. Додаде дека имало пропусти во нивната работа во изминатите тешки седум години. -Знам дека граѓаните се незадоволни од инфлацијата, од борбата против корупцијата, од самоволието на одредени политичари членови на нашата коалиција кои од партиска и етничка припадност направија своја лична професија и со тоа го рушеа угледот на Владата. Казната за тоа стигна на 24 април, казна што јас и моите другари од СДСМ и Коалицијата за европска иднина ја прифативме достоинствено и без негодување, бидејќи граѓаните имаат право да испратат силна порака и тоа го направија. Но, апелирам и повикувам секој од вас убаво да раззмисли како ќе гласа на 8 мај, истакна Ковачевски. Според него основните цели на нивната програма се брзи, ефикасни и успешни преговори со ЕУ, бидејќи само така можело да се обезбеди многу повисок животен стандард за граѓаните, многу поефикасна борба со корупцијата и криминалот и многу подобро образование и здравство. -Затоа ветуваме повисоки плати и пензии, многу поволности за нашите млади кои ќе имаат поддршка во своите средношколски и факултетски денови. Ветуваме и ќе оствариме поддршка од 1,35 милијарди евра за земјоделците. Радовиш е земјоделски крај, вреден крај и знам дека тука има вредни тутунари кои ќе се сетат дека во времето на ВМРО-ДПМНЕ цената на еден киограм тутун беше 100 до 150 денари, а денес цената е 450 денари, четири пати поголема сума. Така се вреднува трудот на земјоделците, посочи Ковачевски. Тој смета дека десничарска Влада на чело со ВМРО ДПМНЕ може лесно да ги наруши меѓуетничките односи во државата. -Во предизборната кампања Мицкоски и Силјановска Давкова наместо во натпревар на идеи и проекти ја поретворија во националистички скандирања и препукувања со лидерот на ДУИ, Али Ахмети. Испратете им јасна порака и на Ахмети и на Мицкоски и на Силјановска Давкова, и на едните и на другите, дека ниту еден граѓанин не сака повеќе да се враќа 20 години назад, дека не сакаме повторно да се распалуваат меѓуетничките тензии, Испратете им ја оваа порака на 8 мај, зашто само така ќе им покажеме дека Македонија има прогресивни и умни луѓе, кои сакаат европска иднина,а не враќање во минатото на конфликти и војни и спасување на кариерите на Али Ахмети и Христијан Мицкоски и Силјановска Давкова, рече претседателот на СДСМ, Димитар Ковачевски. Носителот на изборната листа во четвртата изборна единица, Венко Филипче, им порача на членовите на СДСМ дека сега повеќе од било кога е потребно единство. -Во овој момент не е клучното прашање дали СДСМ ќе оди во опозиција. Клучното прашање е што е на другата страна, која е алтернативата, дали Македонија може да остане на стратешкиот колосек со нив? Ниту една грешка на СДСМ не е толку голема за да го оставиме ВМРО-ДПМНЕ да нè враќа назад како држава. Ниту една грешка не е толку голема да ги оставиме да нè понижуваат и потценуваат. Затоа, апелирам до секој од вас да смогнете сила, заедно да одработиме за достоинствен изборен резултат, истакна Филипче. Коносителот на изборната листа во четвртата изборна единица, Јованка Тренчевска, истакна дека европската перспектива на државата била нивна водилка и побара од граѓаните да не ја казнуваат државата заради одредени функционери кои биле нечесни и грешеле. -Нашите постигнувања со 330 отсто поголема социјална помош, 53 отсто повиоска пензија, 180 отсто повисока минимална плата, 40 илјади денари просечна плата се нашите резултати и знам дека тоа можеби не е доволно, но затоа вечерва стојам тука пред вас не како политичарка, туку како жена, ваша пријателка, другарка, соседка, која работеше со интегритет и посветеност и која од вас бара масовна поддршка за број 1 на 8 мај, рече Тренчевска. На митингот во Радовиш говореа и кандидатката за пратеничка Симона Цветановски и Енес Ибртахим, претседател на ПДТ...

Земјите од Западен Балкан се строго поделени меѓу Западот и Русија, а некогаш силната поддршка за пристапување во Европската Унија сега се намалува, покажува неодамнешната анкета на Меѓународниот републикански институт (ИРИ), пренесува Гласот на Америка на македонски јазик. Резултатите од анкетата февруари-март, која истражувачката група со седиште во Вашингтон ја спроведе во Албанија, Босна и Херцеговина, Косово, Црна Гора, Северна Македонија и Србија, доаѓаат во време кога регионот се соочува со обновени етнички тензии во услови на забавување на проширувањето на ЕУ и пораст на проруски чувства. Анкетата покажа дека огромно мнозинство во Албанија и Косово сакаат нивните земји да следат недвосмислено проевропска унија и прозападен курс, додека само 10 отсто од испитаниците во Србија го дале истиот одговор. Мнозинството од анкетираните Срби посочија дека сакаат Србија или да ги задржи врските со Русија или да води проруска надворешна политика. Анкетата покажа дека 39 отсто од Босанците, 36 отсто од Црногорците и 31 отсто од Македонците поддржуваат недвосмислено прозападен курс. „Генерално, прозападниот тренд во регионот е силен, со неколку забележителни исклучоци“, изјави Пол Мекарти, директор на Меѓународниот републикански институт за Европа, за Гласот на Америка. „Србија оди спротивно од другите пет земји во регионот; таа е повеќе проруска, го обвинува Западот за конфликтот во Украина, има многу низок рејтинг за приклучување кон Европската Унија“. Мекарти рече дека прозападните тенденции се омекнати и во Црна Гора и Северна Македонија, и покрај тоа што станаа членки на НАТО, како и во Босна, каде Турција ги замени САД како клучен сојузник на босанските муслимани. И Србите се против членството во НАТО: само 3 отсто од испитаниците во Србија рекоа дека го поддржуваат. „Луѓето го губат трпението со чекањето за влез во Европската Унија. Дел од ова се објаснува и со фактот дека Украина е поканета и други земји, додека во повеќето случаи земјите од Западен Балкан чекаат повеќе од две децении во редот за влез во Европската Унија“, рече Мекарти. „Поддршката за пристапувањето во ЕУ почнува да омекнува во оние земји каде што беше многу, многу силна“. Сепак, анкетата на ИРИ покажа дека, со исклучок на Србија, големо мнозинство во петте балкански земји сепак ќе гласаат за пристапување во ЕУ. Во Србија, 40 отсто од испитаниците во анкетата рекле дека ќе гласаат за членство во ЕУ, додека 34 отсто би гласале против, а 17 отсто нема да гласаат. Мекарти рече дека анти-ЕУ ставот во Србија ја поттикнува нејзината влада, која ги користи медиумите за да ги охрабри луѓето да ги напуштат надежите за членство во ЕУ и „да ги нагласи односите со странските авторитарни актери како Русија и Кина“. Геополитичките поделби на Западен Балкан беа очигледни и во анкетата за ставовите на испитаниците кон руската инвазија на Украина. Анкетата покажа дека 43 отсто од Србите, 27 отсто од Македонците и 25 отсто од Црногорците го обвинуваат Западот за војната меѓу Русија и Украина. Мнозинството од испитаниците во Албанија, Косово, Црна Гора и Северна Македонија рекоа дека акциите на Русија во Украина се „донекаде“ или „целосно“ неоправдани, став што го делат 37 отсто од испитаниците во Србија. Кој се смета за сојузник, а кој за непријател? Долгогодишните несогласувања и етнички спорови продолжуваат да фрлаат сенка врз Западен Балкан повеќе од три децении откако распадот на Југославија доведе до крвави војни. Осумдесет и три отсто од Косовците ја гледаат Србија, која ја отфрла независноста на Косово, како закана, додека 68 отсто од Албанците во Албанија ги сметаат Србија и Русија како главна опасност за нивната земја. Мнозинството во Косово и Албанија ги гледаат САД, кои се заслужни за водењето на 78-дневната интервенција на НАТО во 1998-1999 година за да се запре етничкото чистење на Србија на албанското мнозинство во Косово, како клучен сојузник на нивните земји. Во Босна, Турција се смета за најголем сојузник, а Србија како најголема закана, додека 34 отсто од Македонците ја гледаат Србија како свој главен сојузник, додека Бугарија, која го блокираше пристапот на Македонија во ЕУ, ја гледаат како нивен главен непријател. Во Црна Гора, 32 отсто од испитаниците во анкетата на ИРИ ја навеле Србија како најважен сојузник на нивната земја, додека 19 отсто ги навеле САД како најголема закана. Во Србија, 36 отсто од испитаниците ги навеле САД како главна закана на земјата и Русија како нејзин клучен сојузник....

Реал Мадрид има најмногу фудбалери номинирани за идеалниот тим на сезоната во Ла Лига, кој го избираат навивачите. Осум играчи на идниот шампион беа наградени меѓу најзаслужните за своите позиции - Андриј Лунин, Даниел Карвахал, Антонио Ридигер, Тони Крос, Федерико Валверде, Џуд Белингем, Родриго и Винисиус Јуниор. Во исто време има шест претставници на Барселона - Роналд Араухо, Жоао Кансело, Френки де Јонг, Илкај Гундоган, Роберт Левандовски и Ламин Јамал. Шест се на сензацијата на Жирона. На веб-страницата на лигата, секој поддржувач може слободно да гласа за најдобрите 11 по позиции до 5 мај, а потребна е бесплатна регистрација...

К.Б.(34) од Скопје вчера во 7:40 часот во Полициската станица Аеродром пријавил дека ноќта меѓу 24 и 25 април годинава околу 1:30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач. Како што информира МВР, според пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле. Се преземаат мерки за расчистување на случајот....

Мора да се обелоденат сите криминали и скандали и да бидеме гласни, а криминалот е тој што треба да биде замолчен, порача носителката на листата за 6 Изборна единица предводена од ВМРО ДПМНЕ, Дафина Стојаноска од народниот собир во Гостивар и од гостиварци побара, како што рече да се обединат и да го зададат последниот удар. - Не смее да дозволиме малцинство од криминалци да владее со мнозинството. Мафијата стана синоним за ДУИ и за СДСМ. Мафијата царува, додека народот пати. Време е за победа над мафијата. Не им се плашете, казнете ги, порача Стојаноска во нејзиното обраќање. Таа напомена дека обединувањето околу ВМРО ДПМНЕ е важно и да се гласа за бројот два за да нема, како што потенцира, изгубени гласови во 6-та изборна единица кои, како што рече, помагаат исклучиво за пратеник повеќе од ДУИ. Стојаноска од гостиварци ја побара поддршката за Гордана Силјановска - Гласајте за професорката Силјановска Давкова и за листата на ВМРО-ДПМНЕ и коалицијата „Твоја Македонија“. Бидете учесници во историската победа над криминалот и корупцијата, и да си ја вратиме Македонија во рацете на луѓето. Кандидатот за пратеник од редовите на Демократското движење на турците во Македонија, Ердоган Сарач, кој се обрати на мајчиниот турски јазик, и посочи дека коалицијата „За твоја Македонија“ и ВМРО ДПМНЕ не се албанофоби како што ги претставуваат од ДУИ. Тој ја побара поддршката од гласачите од турската заедница и како што рече сите Турци да гласаат за бројот 2. Мицкоски во обраќањето напомена дека ДУИ ги злоупотребува Албанците, врз митот за права и при тоа, како што рече, направија милиони, но ќе одат во опозиција и ќе одговараат за криминалот. - ДУИ која врз митот права за Албанците, и Артан, и Али направија милиони евра за себе, додека албанскиот народ гладува и се сели од Македонија. Најголемата злоупотреба овие дваесет години е состојбата со правата на Албанците кои овие криминалци од ДУИ се обидуваат кога се фатени во криминал да ја наметнат како тема. Секогаш кога тие зборуваат за ова, на своето конто си редат по уште еден милион народни пари, нагласи Мицкоски. Според Мицкоски, иако работата не е завршена, мора да се излезе на гласање во вториот круг за да се победат сите сценарија на СДСМ и ДУИ заедно и дека таквите сценарија се победуваат само со голема излезност. Мицковски наброја и неколку делови од програмата во која, како што рече, се предвидени дополнителни средства за општините и реализирани на локални проекти и за жените мајки кои ќе добиваат дополнителни надоместоци...

Од американската банка JPMorgan изјавија дека нејзините активи во Русија може да бидат конфискувани по барањата за блокирање на средства поднесени во руски и американски судови. Банката се судира со правни притисоци поради тоа што сè уште води бизнис во Русија откако САД и европските земји воведоа економски санкции против Русија а поради нејзината инвазија во Украина. Висината на средствата што можат да бидат блокирани ја надминува вредноста на имотот на JPMorgan во Русија. Руски суд минатиот месец донесе одлука за блокирање на средствата на руски сметки на подружницата на JPMorgan во Русија откако руската државна банка ВТБ поднесе барање за враќање на своите средства блокирани во странство што таа ги оценува во вредност од 439,5 милиони долари. Од JPMorgan изјавија дека според американските закони таа не смее да предава средства на компании кои се под санкции. ВТБ е внесена во списокот санкции на САД во февруари 2022 година...

Државната изборна комисија е подготвена за претстојните избори, утре и задутре ќе се дели доверливиот изборен материјал кој општинските изборни комисии се должни да го предадат во вторник, а првичните резултати се очекува да бидат објавени на 8 мај пред полноќ, изјави претседателот на ДИК, Александар Даштевски. Во вечерашното гостување на Сител Телевизија, Даштевски појасни дека на претстојните двојни избори, гласачите ќе можат да се појават на гласачкото место само еднаш. На прашањето дали се крши приватноста со тоа што гласачите ќе бидат прашани дали се дојдени да гласаат за парламентарни или претседателски избори пред набљудувачите присутни на гласачкото место, Даштевски одговори дека тоа не е во делот на тајност. - Јас за тоа не можам да одговорам бидејќи ние се занимаваме за спроведување на избори а не со притисок. Упатството е донесено повеќе од месец дена. Беше тоа сериозна дебата и се заклучи така. Тоа што се заклучило мора да се спроведе, рече тој. Дополни дека очекува овој пат одбројувањето на гласовите да се одвива побрзо, а првичните резултати да бидат објавени пред полноќ. - Ќе се одвива брзо, побрзо од првиот круг, но, ќе се објавува побавно бидејќи има две броења во кои ќе учествуваат сите заедно, рече тој....

Лидерите на партиите кои се дел од Европскиот фронт на денешната средба во Струга заклучија дека првиот круг од претседателските избори на 24 април помина во мирна, фер и демократска атмосфера, а победата на д-р Бујар Осман од 40.000 гласа над Арбен Таравари - кандидат на опозицијата, тоа е победа која уште повеќе ќе се продлабочи на 8 мај, на парламентарните избори кога Европскиот фронт ќе ја одбележи својата историска победа. Во овој случај, бидејќи Европскиот фронт повеќе не е дел од претседателската трка во вториот круг од претседателските избори и бидејќи гласот на граѓаните за нас е свет и нивно право, Европскиот фронт наведува дека тоа е ексклузивна волја на граѓаните како што сакаат да го искористат ова право. Европски фронт...

Владата на денешната 19-та седница ја разгледа и усвои Информацијата со Предлог- измени и дополнувања на Тарифата на премии за осигурување на сопствениците на моторни возила од одговорност за штети предизвикани на трети лица со што цената на осигурувањето се враќа на ниво од пред 25 април годинава. -Усвоените измени и дополнувања од страна на Владата, се по предлог на Комисијата за осигурување од автомобилска одговорност при Министерството за финансии и со нив се утврдува опсег од 15 до 30 отсто, во којшто друштвата за осигурување можат да го определат делот на премијата за вршење дејност на осигурување од автомобилска одговорност. За износ на трошоците над 30 отсто, предвидено е, друштвата за осигурување, да побараат претходна согласност од Агенцијата за супервизија на осигурување, информираат од Владат аи нагласуваат дека денешната одлука на Владата значи враќање на цената на осигурувањето од автоодговорност на ниво од пред 25 април 2024 година. Дополнително е утврдено дека Комисијата за осигурување од автомобилска одговорност, најдоцна до 30 септември, секоја година, до Владата доставува предлог за минимална и максимална стапка на техничка премија за осигурување за следната година. Владата на денешната седница ја разгледа и утврди и Нацрт Реформската агенда 2024-2027 година во рамки на Планот за раст за земјите од Западен Балкан, со статус 30.04.2024 година и ги прифати сите технички корекции на реформските цели и следните чекори, по што се испраќа до Европската комисија. Реформската агенда, согласно предвидената процедура, треба да биде усвоена од Европската комисија, со што ќе се отвори можноста за потпишување Договор за инструментот за реформи и раст и Договор за заем, како и поднесување Барање за повлекување на првата транша, односно за авансот во висина од 7 отсто од алокацијата за земјава....

Истражувањето „Студентска кошничка на студентите на Економскиот, Филолошкиот и Медицинскиот факултет“ сега е објавено. Истражувачите на Форумот за Образовни Промени ги идентификуваа и анализираа најголем дел од трошоците што ги имаат студентите за цела академска година. Нашата цел е да создадеме јасна слика за трошоците на студентите. Затоа што кога институциите во земјата креираат финансиски политики кои се фокусираат на младите луѓе, треба да се информирани за студентските трошоци. Преку интервјуа со студенти на Економскиот, Филолошкиот и Медицинскиот факултет ги истражувавме и анализиравме трошоците што овие студенти ги имаат во текот на еден семестар. Што велат податоците за Економскиот факултет, Универзитет „Свети Кирил и Методиј“? Студентите на Економскиот факултет со самофинансирање плаќаат 12.321 денари за еден семестар и 2.150 денари за други трошоци (ИКСА и административни). Просечните трошоци за секој студент посебно за еден семестар се како што следува: За литература 3.520 ден. За потрошни материјали: 1.400 денар. За превоз: 9.348 денари. За домување: 26.400 ден. За храна: 12.650 ден. За рекреација: 14.202 ден. Просечни трошоци за секој студент посебно за еден семестар: 81.335 денари (1.317 евра) Просечни трошоци за секој студент посебно за една академска година: 162.670 денари (2.634 евра) До завршување на додипломските студии: 650.680 денари (10.535 евра) Што велат податоците за Филолошкиот факултет, Универзитет „Свети Кирил и Методиј“? Студентите на Филолошкиот факултет со самофинансирање плаќаат 12.321 денари за еден семестар и 1.250 денари за други трошоци (ИКСА и административни). Просечните трошоци за секој студент посебно за еден семестар се како што следува: За литература 2.012 ден. За потрошни материјали: 760 ден. За превоз: 10.340 денари. За домување: 21.875 ден. За храна: 12.958 ден. За рекреација: 11.758 ден. Просечни трошоци за секој студент посебно за еден семестар: 72.618 денари (1.176 евра) Просечни трошоци за секој студент посебно за една академска година: 145.236 денари (2.352 евра) До завршување на додипломските студии: 580.944 денари (9.406 евра) Што велат податоците за Факултетот за медицински науки, Универзитетот во Тетово? Студентите на Факултетот за медицински науки со самофинансирање плаќаат 12.321 денари за еден семестар и 750 денари за други трошоци (ИКСА и административни). Просечните трошоци за секој студент посебно за еден семестар се како што следува: За литература 6.579 денари. За потрошни материјал: 2.476 ден. За превоз: 6.541 ден. За домување: 14.809 ден. За храна: 15.589 ден. За рекреација: 11.360 ден. Просечни трошоци за секој студент посебно за еден семестар: 69.850 денари (1.131 евра) Просечни трошоци за секој студент посебно за една академска година: 139.700 денари (2.262 евра) До завршување на додипломските студии: 698.500 денари (11.309 евра) Перцепција на граѓаните: Студентите и цените, евтино или скапо? Во вториот дел од истражувањето „Студенска Кошничка на студенти на Економскиот, Филолошкиот и Медицинскиот Факултет“ анкетиравме онлајн (преку Интернет) вкупно 185 лица за да ја научиме општата перцепција на граѓаните во однос на цените во однос на студентите. Одговорите се следни: 85,4% од испитаниците сметаат дека цените на основните прехранбени производи се скапи. 80% од испитаниците сметаат дека цените на основните прехранбени производи не се прифатливи за студентите. 81,1% од испитаниците сметаат дека помошта на државните институции за студентите не е доволна. 79,5% од испитаниците сметаат дека државните универзитети не обезбедуваат доволно помош/стипендии за студентите. 80% од испитаниците сметаат дека сумата од 140 денари дневно што им се доделува на студентите не е доволна. 57,3% од испитаниците сметаат дека цената од 3.410 денари за студентски дом не е прифатлива за студентите. 53,5% од испитаниците сметаат дека цената на студиите/семестарот на државните универзитети е висока. 62,2% од испитаниците сметаат дека цените на книгите и другите материјали за трошење се не прифатливи за студентите. 62,2% од испитаниците сметаат дека студентите немаат финансиски можности за културни, спортски и туристички активности. 83,8% од испитаниците сметаат дека студентите не можат да си ги дозволат месечните трошоци без да бидат вработени. 66,5% од испитаниците сметаат дека во следните 12 месеци економската состојба и животниот стандард на студентите ќе се влоши. По ова истражување, Форумот за Oбразовни Промени препорачува да има бесплатно јавно образование за сите студенти, да се дигитализираат административните услуги, да се зголеми износот на државните стипендии и да се прошири листата на факултети со највисоки стипендии, да се прошири листата на категории студенти кои добиваат државни стипендии, да се прошири листата на категории студенти кои се ослободени од учество. Прочитајте ги другите препораки на крајот од истражувањето. Автор и уредник на ова истражување е Ардит Рамадани , истражувачи се Сабрије Тефики, Кристијан Стефановски и Иван Трајковски. Истражувањето го преведе Бехаре Касами, а дизајнираше Виган Демири. Форум за образовни промени...

Претседателот на Управниот одбор на Клиниката за токсикологија во Скопје, согласно решението од Државниот санитарен и здравствен инспекторат (ДСЗИ), напиша допис до главната сестра, донесен е заклучок веднаш да се примени забраната за влегување на невработени лица на Клиниката во медицински простории и болнички соби, изјавија попладнево за МИА од оваа установа. - Денеска во 10 часот се одржа онлајн состанок на Управниот одбор на Токсикологија. На дневен ред беа две точки. Едната од организациската директорка за промена на брокер за осигурување на Клиниката, што беше усвоена. Втора точка од медицинскиот директор, за примена на решението од ДСЗИ, чие неприменување беше укажано од вонредниот инспекциски надзор од 30 април, од организациската директорка, иако од медицинскиот директор има допис до главната сестра да забрани влегување на лица кои немаат никаков договор за работа во медицински и болнички простории, како и до сметководство да укине регистрација од токени. Од инспекцијата беше посочено дека ова решение од Комисијата, мора да се почитува, велат од Клиниката. Како што тврдат, овој записник бил уредно прочитан од комисијата, но, не бил потпишан од организациската директорка, исто како и првиот записник од 5 април. Претходно денеска, директорката на ДСЗИ, Рената Младеновска информираше дека поради делумно постапување по решението со опомена на ЈЗУ Универзитетска клиника за токсикологија во Скопје според закон и понатамошното евидентирано присуство на оваа клиника на здравствени работници и здравствени соработници без договори за вработување, ќе биде издадено решение за забрана на нивно присуство, согласно законските правила. На 30 април, извршен бил контролен инспекциски надзор на оваа клиника, по изминати рокови за постапување од наложените мерки со решение издадено од Државниот санитарен и здравствен инспекторат на 5 април. Имало увид во документи од страна на медицинскиот директор и организацискиот директор и исписот од електронскиот систем за евиденција на работното време и контрола на пристап до просториите, односно присуство во просториите на јавните здравствени установи во периодот по приемот на решението, од 19 април до денот на контролниот инспекциски надзор 30 април. Единаесет здравствени работници и соработници во решението од ДСЗИ кои биле без никаков договор за вработување, откако договорите им истекле на 31 декември лани и понатаму се евидентирале во електронскиот систем за евиденција на работното време и контрола на пристап до просториите. Со евиденцијата на присуство во просториите на јавните здравствени установи не било постапено по точка 1 од решението. Постапено било само по точка 4 - медицинскиот директор на Клиниката побарал од претседателот на УО да свика состанок, тој ги поканил членовите и денеска била закажана седница. - Првото решение беше решение за опомена, ова сега ќе биде решение за забрана. Доколку не ја почитуваат забраната ќе одиме со казни. Казните треба да ги провериме во Законот колку изнесуваат, тие ќе бидат секако парични казни коишто ќе се однесуваат и на медицинскиот и на организацискиот директор и на установата, појасни Младеновска, одговарајќи на новинарски прашања. Министерот за здравство Илир Демири на 22 април на прес-конференција најави дека ќе го разреши медицинскиот директор на Токсикологија, Данил Петровски. Тој рече дека пред извесен период бил прашан од новинар за состојбата на Клиниката за токсикологија каде, како што му било кажано, 18 вработени не примиле плата четири месеци и дека во истата институција има за жал и навреди на национална основа. Демири посочи дека тој ден потпишал решение со кое бара длабоко истражување од надлежните институции во врска со вработувањата во јавното здравство. Истиот ден, претходно, лекари алармираа за хаос што се случува на Токсикологија, особено, како што рекоа, откако била назначена организациската директорка. Доктор Нико Беќаровски тогаш истакна дека Клиниката веќе неколку години е на маргините, во рок за шест години се сменети пет директори, додавајќи дека од 12 февруари, клиниката има нова организациска директорка, дипломиран економист, со која се соочувале со отпор и несоработка. На новинарско прашање, тој одговори дека меѓу 18-те лица за кои директорката Бесија Иљази барала да се вработат со договор на дело, имало и болничар кој пред неполн месец вршел притисок кај лаборант да замени урина во која имало наркотици, со чиста урина. Беќаровски подвлече дека немаат комуникација со директорката, бидејќи, како што рече, таа не го знаела македонскиот јазик. Тој рече дека имал обиди со неа да разговара на англиски. Комуникацијата, додаде Беќаровски, била преку преведувач, кој бил дел од тие 18 лица, па докторот рече дека не знаат дали точно се пренесувало тоа што го зборувале и обратно, дали точно им се преведува нејзиното говорење. Организациската директорка на клиниката даде изјава за медиуми истиот ден, но, само на албански јазик. На прашањето зошто организациската директорка на Токсикологија не даде изјава на македонски јазик, туку само на албански, додека новинарите беа на Клиниката за токсикологија, министерот за здравство кажа дека самиот рекол да не се даваат изјави. - Оти ако ме забележувате, колку сум воздржан во тоа што го кажувам. Ако има потреба, ќе даде и со преведувачи, одговори Демири на новинарско прашање. На 26 април, тој рече дека не се точни наводите дека организациската директорка доаѓала на работа четири часа. - Според моите сознанија, економската директорка оди на работа и не се паркира на влезот на Клиниката. Проверено е, рече Демири...

Ниту размислувам, ниту на памет ми паѓа било каква коалиција со ДУИ по изборите наш иден партнер е условно кажано албанската опозиција во Македонија, рече Христијан Мицкоски, претседател на ВМРО-ДПМНЕ на гостување во телевизија АлсатМ. Според него народот е јасно против политиките на оваа влада во која се СДСМ и ДУИ. „На овие избори се покажа дека имаме антивладино расположение и тоа треба да се почитува и мора да се почитува гласот на народот“, кажа Мицкоски. Мицкоски укажа дека ДУИ не може ДУИ да се однесува дека ова е бинационална држава, и додаде дека ова е држава на сите. Претседателот Мицкоски информира и за какви информации има за однесувањето на ДУИ на терен. „Дополнително тоа што го прави на терен ДУИ не е волја на народот, има притисоци, поткупи. Тоа народот не го сака. За ова има сведоштва. Мора да го споменам случајот и со општина Липково во едно избирачко место за каде има и пресуда од Управен суд за неправилности. За што има сомневање за други места, дека тоа се случува и во Гостивар, Тетово. Бројни нерегуларности се поврзани со ДУИ“, заклучи Мицкоски....

Во вечерашното интервју на телевизија Алсат, кандидатот за претседател Стево Пендаровски, меѓу другото, зборуваше и за национализмот, за кој рече дека е опасно да се користи во секојдневната реторика, затоа што граѓаните не се свесни дека политичарите го говорат тоа само за да добијат политички поени. „Што по изборите? Што со раздорот којшто веќе е направен поради вашата реторика меѓу обичните граѓани? Тие не се политичари да знаат дека вие често пати свесно манипулирате. Иако, во конкретниов случај воопшто не сум убеден дека Силјановска Давкова манипулира со овој речник затоа што би сакала да добие повеќе гласови. Не. Таа, прво, воопшто не смета на гласовите на Албанците и на другите етнички заедници, а особено на Албанците и второ, таа верува во тоа. Не можете од 2001-ва до денес четврт век да бидете против сите овие документи и акти кои ја направија Македонија стабилна и членка на НАТО, а да ви биде тоа само за изборни цели“, потенцираше Пендаровски....

„На овие избори всушност македонските граѓаните се обединија против сето зло што се случуваше во изминативе осум години. Самите резултати всушност покажуваат дека кандидатот за претседател од СДСМ, Стево Пендаровски победи само во 2 мали општини, во Крушево и Маврово Ростуше. Додека Гордана Силјановска Давкова, кандидатот на ВМРО-ДПМНЕ победи во 60 општини, од кои што 60 општини во 17 општини се градоначалници на актуелната власт“, истакна Жаклина Пешевска, кандидат за пратеник во изборна единица 2 од ВМРО-ДПМНЕ во емисијата „Само вистина“ на Канал 5 телевизија. „Секаде каде што имаат носители на пратеничките листи, всушност имаат губеше во првиот круг од претседателски избори. Вклучително господинот Битиќи во своето избирачко место каде што има изгубено 82 спрема 64 за Гордана Силјановска Давкова“, нагласи таа. Пешевска додаде дека СДСМ во првиот круг од претседателски избори изгубија и во места каде што претежно добивале на изминатите избори. СДСМ изгубија во Куманово, во Струмица, дури и во Муртино од каде што потекнува нивниот претходен премиер. Тоа е јасен показател дека на осми мај ќе се случи потоп на СДСМ. „Се трудиме оваа кампања да биде максимално позитивна и мотивирачка, и тоа граѓаните го препознаваат, и многумина велат дека им се допаѓа кампањата на ВМРО-ДПМНЕ. Граѓаните се презаситени од негативни кампањи“, заклучи Пешевска. „Државата на граѓаните ќе им се врати преку владеење на правото, да се скроти криминалот и корупцијата, да се работи на БДП, да се отвораат работни места, да се подобри здравство и образованието, итн.“, порача таа. Таа посочи дека актуелната власт не спроведе „Р“ од реформи. Идната Влада на ВМРО-ДПМНЕ ќе работи во интерес на граѓаните и Македонија....

Менаџерот на Манчестер Јунајтед, Ерик тен Хаг изјави дека се надева дека тимот ќе се пласира на европските турнири. Според него, тоа ќе се одрази на буџетот, но не и на летната селекција. -Како и обично, ни претстои многу работа. Знаеме дека сè уште сме под нивото што се очекува од Манчестер Јунајтед и мораме да фатиме чекор. Ова ќе биде мојот петти преоден рок - два од нив беа добри, два пропуштивме. Мораме да го подобриме составот, но има многу добра основа, коментира Тен Хаг. Запрашан дали ќе има големи промени во тимот, Холанѓанецот рече: „Тоа е лудо. Откако сум тука, секое лето, секој прозорец имавме интерес за 200 играчи и го продадовме целиот тим. Така правите наслови. Најдете си добар извор“...

Имаме план, корупцијата за жал во Македонија има пандемиски размери. Во овие 6 и половина година достигна такви размери што слободно можам да кажам дека е на ниво на пандемија, истакна претседателот на ВМРО-ДПМНЕ Христијан Мицкоски во гостување во Алсат-М. „За жал со измените на оној кривичен законик ограничен е просторот за маневар и за барање на кривично дело кое новата владата во рамките на своите истражни капацитети би можело да бара, но без да имаме резолутна борба и офанзива против криминалот и корупцијата, нешто што ние го најавуваме а тоа е формирање на антикорупциски фронт нема да можеме да се развиваме нити во ниеден друг сегмент во општеството, нити во економијата, образованието, здравството буквално во ниту еден друг сегмент ако не се удри во чело корупцијата и криминалот и да нема етничка, партиска припадност иако како што кажав во последните 6 и половина години таа е на ниво на пандемија“, вели Мицкоски. Претседателот Мицкоски продолжи и додаде: „Вие не можете сега малку да крадете од Македонците, па малку ќе крадеме од Албанците, па малку од Турците, малку од Србите. Или сте криминалец или не сте криминалец, јас тоа го зборувам во оваа кампања насекаде и ценам дека по мене оваа Влада на СДС и ДУИ е длабоко, длабоко во сржта криминализирана за што говорат и голем број на сведоштва на луѓе кои се жртва на таа корупција. Знаете луѓето посебно после првиот круг на 24 април се ослободуваат, доаѓаат кај мене, бараат состаноци, носат докази, кажуваат, пренесуваат сведоштва. Така што ценам дека има за што да бидат уплашени овие од власта“, дециден е Мицкоски....

Претседателскиот кандидат Стево Пендаровски вечерва во интервју за телевизија Алсат истакна дека е можен пресврт во вториот круг на изборите на 8 мај, бидејќи како што рече, убеден е дека мнозинството од граѓаните во Македонија ќе го поддржат концептот кој го застапувал и во изминатите пет години како претседател, односно концепт на заедништво, почит кон луѓето кои обединуваат, реализација на стратешките интереси за државата, подобар живот, демократија и почитување на човековите слободи и права. „Ќе се обраќам на сите гласачи, на сите етнички заедници. И гласачите на албанските политички партии и гласачите на ЗНАМ и на сите други, и на овие две други политички партии кои имаа кандидати, а испаднаа во првиот круг. Меѓутоа како на граѓани. Нема да се обраќам и нема да правам заткулисни некои лидерски преговори или под маса, да ми дадете вие толку гласови, оние толку гласови. Јавно, транспарентно им кажувам на сите – ова е мојот концепт, јас се залагам за ова и мојот концепт е драстично различен од концептот кој го нуди Гордана Силјановска Давкова. Тоа мислам и кај многу Македонци и кај многу Албанци ќе значи. Но, повторувам – се обраќав до сега и ќе се обраќам од сега на граѓаните, независно за кого гласале во првиот круг и независно на која етничка заедница припаѓаат“, потенцираше Пендаровски. Во интервјуто тој се осврна и на повиците од ВМРО – ДПМНЕ за бојкот на вториот круг од претседателските избори, истакнувајќи дека со бојкот не се решава проблемот и не се победува, напротив со бојкот се губи. „Очекувам да се постигне цензусот, особено зошто имаме двојни избори, многу луѓе ќе излегуваат и да поддржат некои од политичките партии, има многу партиски листи. Сите кои ме поддржаа во првиот круг, 15 политички партии и оние од кои очекувам поддршка во вториот изборен круг никогаш нема од мене да слушнат, ниту досега, ниту од сега, да се бојкотираат изборите. Конечно, клучното прашање е што добивате со бојкот на изборите. Тоа не значи дека воопшто ќе немате претседател на државата. Тоа ќе значи дека за месец ипол два, повторно ќе одиме на избори. И тогаш ако нема, ќе одиме трет пат, четврти. Државата мора да ја има пополнето највисоката политичка, државна функција“, подвлече Пендаровски....

Претседателската дебата на МТВ ги скара кандидатите на социјалните мрежи. Кандидатката за претседателка на ВМРО-ДПМНЕ, Гордана Сиљановска-Давкова, објави дека ќе дебатира со празно столче на третата претседателска дебата на МТВ, на што нејзиниот противкандидат Стево Пендаровски и реагираше дека терминот за дебатата на МТВ никогаш не бил договорен. Сиљановска Давкова, на социјалните мрежи, објави фотографија на која е сама во студиото на МТВ, како најава за како што пишува „третата претседателска дебата“, по што Пендаровски, во објава на Фејсбук и одговори дека „единствен начин да излезе како победник во тие јавни соочувања е да организира разговор со „празно столче““. - После јавната бламажа на трите досегашни ТВ дуели, Гордана Силјановска Давкова сфати дека единствен начин да излезе како победник во тие јавни соочувања е да организира разговор со „празно столче“ во договор со јавниот сервис чии генерален директор со месеци е ангажиран во партиска кампања на ВМРО-ДПМНЕ. Инаку, терминот за дебатата на МТВ никогаш не беше договорен меѓу двата кандидати. Дебатата во понеделник на 6 мај, на телевизија Канал 5, е последна која е потврдена од двете страни, објави Пендаровски на Фејсбук. Претходно, Давкова на социјалната мрежа X, објави дека ќе дебатира со празно столче на МТВ. - Вчудоневидувачки е како во најзначајната претседателска дебата пред националниот сервис, Македонската телевизија, јас ќе дебатирам со празно столче. Не разбирам зошто мојот противкандидат (@SPendarovski) им оневозможи на граѓаните повторно да ги соочиме нашите програми и ставови, напиша Давкова...

Идната влада во Република Македонија, предводена од ВМРО-ДПМНЕ на чело со Христијан Мицкоски, како премиер ќе донесе нови инвестиции, подобрување на инфраструктурата, ќе имаме подобро образование, ќе има повеќе и за пензионерите, рече генералниот секретар на ВМРО-ДПМНЕ и носител на листата за пратеници во петтата изборна единица, Ѓорѓија Сајкоски, на митингот во Ростуше, седиште на општина Маврово и Ростуше. Затоа, додаде Сајкоски, повикуваме да ја поддржите програмата „Платфрома 1198“, бидејќи тука има за пензионерите, бидејќи со неа се обврзуваме дека во рок од три месеци по формирањето на владата ќе има зголемување од пет илјади денари за секој пензионер или во текот на целата година ќе добиваат плус 60 илјади денари. -Но, кажуваме дека ќе има покачување и на платите, дека ќе ја завршиме инфраструктурата во Македонија, бидејќи останаа недозавршени и Градско – Прилеп, остана незавршен и патот Извор – Бошков Мост, автопатот Кичево – Охрид и многу други работи останаа незавршени. Но, ние ветуваме и се обврзуваме дека ќе ја завршиме патната инфраструктура. Ќе го изградиме патот Букојчани – Кичево, ќе го завршиме патот Гостивар – Кичево, ќе направиме да има побрз проток на стоки и услуги со што ќе се даде можност на новите инвеститори да вложуваат во Република Македонија, рече Сајкоски. Додаде дека Македонија мора да ја ресетираме, институциите да ги реорганизираме, да станеме репрезент во регионот, бидејќи, како што кажа, „денес сме срам во регионот, а тоа можеме да го направи само ако добиеме силна и недвосмислена поддршка и ако сите, масовно излеземе на овие избори“. -Излезете сите и масовно гласајте за Македонија да биде економски просперитетна, да биде правна држава, да ги искорениме криминалот и корупцијата. За да имаме правна држава, за да имаме економски просперитетна Македонија треба да имаме влада која што може да испорача за сите и која што нема да биде уценувана од никого, а тоа зависи од вас. Да направиме Македонија да не биде уценувана, да излеземе во што поголем број, да ги победиме со пенкало овие криминалци на власт и да донесеме влада предводена од ВМРО-ДПМНЕ, што ќе донесе раст, развој и правна држава, порача Сајкоски. Пред граѓаните на оваа и соседните општини Дебар и Центар Жупа се обрати и лидерот на партијата Христијан Мицкоски, кој порача дека по 8 мај започнува трансформација на Македонија со новата Влада предводена од ВМРО-ДПМНЕ. -Според оваа емоција што ја чувствувам овде и онаа емоција и енергија што ја чувствувам насекаде низ Македонија значи дека на 8 мај ќе ни донесе историски резултат, подобар од оној кој што се случи на првиот круг на претседателските избори. Сепак 2:1 резултат во однос на освоени гласови помеѓу идниот претседател професорката Гордана Силјановска Давкова и досегашниот, сега и веќе поранешен претседател, Стево Пендаровски е нешто кое што за првпат се случува во македонската демократска историја, рече Мицкоски. Многу работи се изнаслушав овие шест години откако сум претседател на партијата, додаде и нагласи дека и „многу работи како што тие ги замислиле не излегоа како што тие ги кажуваа“. - Можам слободно да кажам дека ништо не излезе така како што тие кажуваа, рече Мицкоски говорејќи дека на СДСМ прогнозите не им излегоа како што тие замислуваа. Тој додаде дека на СДСМ ништо нема да им се оствари бидејќи граѓаните гледаат кој и мисли добро на Македонија. По 8 мај, убеден е тој, ќе победи Гордана Силјановска Давкова и ВМРО-ДПМНЕ -Сепак 183.000 гласови е нешто што испишува историја. Последниве години ВМРО-ДПМНЕ заедно со народот испишува историја. Така беше и пред две и пол години на локалните избори, кога за првпат една коалиција, политичка партија во независна Македонија од позиција на опозиција заедно со народот успеа да победи во мнозинството општини во Македонија и да освои мнозинство градоначалници, потсети тој. Посочи дека таа историја од локалните избори продолжи да се испишува и во првиот круг на претседателски избори и така ќе продолжи и на 8 мај. - По 8 мај ќе отвориме нова страница за Македонија и ќе ја направиме Македонија онаква каква што нашите генерации сонуваа да биде. Ќе започне процесот на трансформација на Македонија. Доста беа порази, понижувања и грабеж. Ќе отпочне Македонија со својот развој, да бидеме лидери во регионот, да се вратиме во првите пет во Европа, порача Мицкоски. Тој истакна дека подобри времиња за Македонија доаѓаат со новата Влада предводена од ВМРО-ДПМНЕ...

Американските берзански индекси покажаа уверен раст на почетокот на тргувањето денеска откако Федералните резерви (американската Централна банка) ги зачува досегашните каматни стапки и притоа ја намали загриженоста од нивно покачување. Инвеститорите очекуваат уште податоци од извештаите на крупните компании денеска и од официјалната статистика за невработеноста утре. Во меѓувреме пораснаа и фјучерсите. - Инфлацијата сè уште е многу висока. Не можеме да гарантираме прогрес во нејзино снижување, а понатамошните перспективи се неодредени, изјави претседателот на Фед Џером Пауел. И покрај неодреденоста во тековната економска ситуација истакна дека е малку веројатно покачувањето на каматите. Следен извештај на регулаторите што го очекуваат инвеститорите е клучната статистика на трудот во САД што ќе биде објавена утре, а која може да даде појасна претстава за состојбата со пазарот на трудот и понатамошната траекторија на каматните стапки. Фјучерсите на Dow до 15 часот централноевропско време пораснаа за 0,53 отсто, на S&P на 0,72 отсто, на Nasdaq 100 дојдоа до 0,9 отсто....

Додека Хамас тврди дека ги проучува најновите израелски предлози за прекин на огнот во „позитивен дух“, израелскиот премиер го повтори своето ветување дека без оглед на тоа ќе почне копнена инвазија на Рафа во јужна Газа. - Ќе направиме сè што е потребно за да ги победиме нашите непријатели, вклучително и Рафа, соопшти кабинетот на Нетанјаху. - Имаше разлики во мислењата меѓу нас во врска со операциите на блиските и далечните боишта. Но, на крајот од дискусијата донесов одлука и таа беше прифатена, ја пренесува Ал Џезира изјавата на израелскиот претседател...

Агенцијата за аудио и аудиовизуелни медиумски услуги денес го објави извештајот за начинот на известување на радиодифузерите во првиот круг од изборната кампања за Претседателските избори, во периодот од 4 до 22 април 2024 година. Со мониторингот беа опфатени 13 програмски сервиси – националните комерцијални телевизии Алсат-М, Алфа, Канал 5, Сител, Телма, 24 Вести, 21-М, Шења, Клан Македонија и Сонце и програмските канали на Јавниот сервис – МРТ 1, МРТ 2 и Собранискиот канал. Наодите од мониторингот покажаа дека речиси сите телевизии во вестите го почитуваа принципот за еднаков третман при изборното медиумско претставување на кандидатите за претседател на државата. Активностите за претседателската кампања кај сите телевизии беа одвоени во посебна информативна рубрика каде што се прикажуваа поенти извлечени од обраќањата на кандидатите пред гласачите. Само Првиот програмски сервис на Македонската радио телевизија и ТВ 24 Вести направија интервјуа со сите седуммина кандидата за претседател на државата. Во однос на дебатите, единствено МРТ 1 успеа да организира дебатно соочување на кое присуствуваа сите седуммина кандидати за претседател на државата. Од аспект на аудиовизуелниот квалитет на известувањето за претседателската кампања, поради недостиг од ажурна дописничка мрежа, екипирана со воедначени продукциски стандарди, редакциите беа принудени да адаптираат аудиовизуелен изборен материјал доставен или од комуникациските/маркетиншките тимови на кандидатите за претседател на државата или од нивните официјални профили на социјалните мрежи што беше очигледно од применетиот начин на снимање/кадрирање, од сценографската/амбиенталната поставка за изборното претставување и од дополнителната графичка обработка на медиумски презентираниот аудиовизуелен материјал. Со исклучок на ТВ Клан Мацедониа која спротивно на Изборниот законик не обезбеди информирање за изборниот процес во формат достапен за лицата со попреченост, сите програмските сервиси опфатени со мониторингот обезбедија секојдневно едно издание на централните ТВ дневници и неделно едно издание на актуелно-информативна емисија со титлување или со превод на знаковен јазик за лицата со сетилна попреченост. Извештајот за начинот на известување на радиодифузерите во првиот круг од изборната кампања за Претседателските избори 2024 година е достапен на линкот....

Членките на НАТО се длабоко загрижени поради неодамнешните зголемени злонамерни хибридни напади на Русија на територијата на земјите од Алијансата, кои претставуваат безбедносна закана, соопшти денеска Алијансата. Тоа, според соопштението објавено на веб-страницата на НАТО, вклучува напади кои резултираа со истрага и обвинение против повеќе лица во врска со непријателски активности кои ги засегаат Чешка, Естонија, Германија, Летонија, Литванија, Полска и Велика Британија. НАТО го осуди однесувањето на Русија и ја повика да ги почитува нејзините меѓународни обврски, велејќи дека постапките на Москва нема да ги одвратат членките на Алијансата да продолжат да ја поддржуваат Украина. Во соопштението се наведува дека овие инциденти се дел од „интензивната кампања на Русија која продолжува да ја спроведува на целата територија на земјите членки на НАТО“. Се наведува дека овие инциденти вклучуваат саботажа, акти на насилство, кибер и електронско попречување, кампањи за дезинформација и други хибридни операции. НАТО ја нагласува солидарноста со земјите-членки погодени од руските хибридни напади и истакнува дека ќе дејствува колективно за да ги реши таквите акции. Се нагласува дека Алијансата ќе продолжи да се спротивставува на руските хибридни напади...

Полскиот претседател Анджеј Дуда поднесе до парламентот нацрт-закон за зајакнување на одбранбената готовност, поради новите форми на закани од Русија, соопшти денеска Националната служба за безбедност (ББН). Според предлогот, генералната и оперативната воена команда ќе се спојат во едно тело. Нацртот предвидува и нови постојани одбранбени планови кои обезбедуваат способност на војската веднаш да одговори на ненадејни закани и има за цел да го подобри протокот на информации и координацијата меѓу цивилните и воените власти на Полска. - Предлогот предвидува воведување промени во воените и невоените области, зајакнување на способноста за спротивставување на хибридните закани и директна вооружена агресија, се наведува во соопштението на ББН. Се додава дека предлозите се „одговор на промените во безбедносното опкружување, вклучително и новите форми на закани од Руската Федерација насочени против Полска и другите земји од Европската унија и НАТО“. Руската амбасада во Полска соопшти дека не е во можност да го коментира соопштението на ББН бидејќи не е запознаена со тоа на какви „нови“ и „стари“ облици на наводни закани од Руската Федерација насочени против Полска и други земји од ЕУ и НАТО се мисли. Полска ги зголеми своите воени трошоци на над четири отсто од бруто домашниот производ, што е повеќе од препораките на НАТО....

Поранешниот напаѓач Златан Ибрахимовиќ зборуваше за подкастот на „АБТалкс“ каде што разговараше за неговото пензионирање од фудбалот, неговото враќање во Милан како главен советник на сопственикот на клубот и за смртта на неговиот агент Мино Раиола. -Добро сум, така ме третира животот. Секако, се повлеков од фудбалот пред повеќе од осум месеци, така што мојот живот сега е поинаков. Прифатив да се откажам од фудбалот, што беше тешка работа поради моето его и начинот на кој се доживував себеси. Мислам дека сум најдобар и сè уште сум таков. Можев да продолжам, но решив да престанам. Зошто? Сакам само добар живот за моето семејство. Сакав да правам работи со моите синови, а пред тоа не беше можно бидејќи имав проблеми со едното колено. Така го прифатив тоа и дојде момент кога си реков: „Во ред е, откажи се и отвори ново поглавје од твојот живот, вели популарниот Ибра. Потоа, неколку месеци подоцна, го запознава Гери Кардинале, кој го надгледува фондот „РедБрд“ што го купи Милан. -Ми даде понуда што не можев да ја одбијам. Така почнав да работам со Милан, откако бев во клубот три-четири месеци. Добро се однесуваат со мене таму, морам да признаам. Кога почина мојот агент Мино Раиола, тоа беше голем удар за мене. Многу плачев. Сè уште не е исчезнато чувството, бидејќи спомените постојано ми се враќаат. Скршен сум затоа што многу ми недостига. Секој што го познава знае колку бевме блиски. Да можам би му напишал: „Ми недостигаш“, сподели Ибрахимовиќ...

Премиерот на техничката влада на Хрватска и лидер на ХДЗ, Андреј Пленковиќ, денеска изјави дека преговорите за постизборна коалиција и формирање на парламентарното мнозинство продолжуваат и дека веќе имаат повеќе од 76 заменици. Пленковиќ пред новинарите во Чаковец изјави дека начелно обезбедиле 76 пратеници и повеќе, без малцинските партии. -Теоретски, ако ме прашате колку раце имам, ќе ви кажам имам 83, рече Пленковиќ. Запрашан за коментар за одбивањето на Татковинското движење да вклучи претставници на СДСС во владата, Пленковиќ изјави дека тоа не била единствената тема на преговорите. -Кога велам дека ги приближуваме позициите, се обидуваме во нормален дијалог да ги идентификуваме и разбереме позициите, рече лидерот на ХДЗ. На прашањето дали ХДЗ е подготвена да се откаже од соработката со СДСС, Пленковиќ кратко одговори: „Ние разговараме“. Тој објасни дека преговорите се во тек и телефонски и физички. Постојано се разговара, вели тој. Пленковиќ верува дека Татковинското движење ќе ја повлече кривичната пријава што претходно ја има поднесено против него, јави загрепската телевизија N1....

Познатата американска актерка Мерил Стрип (74) ќе добие почесна Златна палма за време на церемонијата на отворањето на овогодишниот Меѓународен филмски фестивал во Кан на 14 мај, соопштија денеска организаторите. Холивудската актерка со рекордни 21 номинација за престижниот Оскар само еднаш била на Канскиот фестивал. Тоа беше пред 35 години кога филмот „Плач во темнината“ во кој играше, доби една од наградите на Канскиот фестивал. Мерил Стрип освои три Оскари за улогите во филмовите „Крамер против Крамер“ (1980), „Изборот на Софија“ (1983) и „Челичната дама“ во 2012 година. Актерката се прослави во филмовите „Лов на елени“, „Жената на францускиот поручник“, „Мојата Африка“, „Мостовите на округот Медисон“, „Сомнеж“ и „Заљубување“. Почесна Златна палма годинава ќе добијат креаторот на серијата „Војна на ѕвездите“, Џорџ Лукас и колективно Студио Гибли на јапонскиот режисер за анимација Хајао Мијазаки. Канскиот фестивал ќе се одржи од 14 до 25 мај, а за Златната палма се натпреваруваат повеќе од 20 филмови, меѓу кои и новиот филм на Френсис Форд Копола „Мегалополис“...

За западните демократии е срамно и скандалозно што екстремно десничарските движења во некои европски земји добиваат поддршка од државата, рече во Анкара турскиот претседател Реџеп Таип Ердоган. „Денес, неонацистичкиот тероризам, поттикнат од омразата кон Турците и сите муслимани, достигна ниво што ја загрозува животната и имотната безбедност на нашиот народ“, тврди турскиот лидер. Говорејќи дека случаите на исламофобични и расистички напади не ја добиле истата чувствителност како антисемитските дејствија, Ердоган порача дека „оние кои мавтаат со лево-десни извештаи за човековите права, тивко ја набљудувале смртта на 35.000 Палестинци, од кои 15.000 се деца“. Тој рече дека речиси ниту еден западен лидер не одговорил на оваа бруталност, освен „неколку совесни државници“, додавајќи дека „ниту една храбра душа не се појавила да му каже на Израел: „Доста е“....

Барселона планира да го ангажира 22-годишниот Пау Виктор од Жирона на лето по успешната сезона на десно крило како позајмен во вториот тим на клубот. Каталонскиот гигант има опција да го купи шпанскиот фудбалер за 3 милиони евра, кои имаат намера да ги искористат, пишува шпанскиот весник „Мундо Депортиво“, но додаваат дека клубот се уште не е запознаен со какви средства ќе има за трансфери на лето. Пау Виктор е водечки стрелец за Барселона Атлетик и беше повикан на пет од натпреварите на првиот состав предводен од главниот тренер Чави Ернандез. Тој не забележа минутажа во првиот тим, останувајќи на клупата....

Претседателот на Наполи, Аурелио Де Лаурентис уште еднаш се истакна себеси како фудбалски шеф, додека пак го нападна поранешниот спортски директор на клубот, Кристијано Џунтоли, кој сега работи во Јувентус. -Отсекогаш се однесував како претприемач. Вложувам пари, љубов и интелигенција. Мојата работа ја доживувам како обврска. Не знаев ништо за фудбалот, но потпишав со некои од најважните играчи во историјата на Наполи. Ниту Лучијано Спалети не беше донесен од спортскиот директор (Џунтоли). Отсекогаш ми се допаѓал овој тренер поради неговиот карактер, прокоментира Де Лаурентис на прес-конференција поврзана со неговиот филмски проект....

Жозе Мурињо именуваше три селекции за кои верува дека можат да го освојат претстојното Европско првенство во Германија. 61-годишниот тренер е без работа од јануари кога доби отказ од Рома. -Според мене, трофејот ќе го освои некој помеѓу Португалија, Франција или Англија. Ова се трите најсилни селекции. Можни се изненадувања, да. Гледајќи ги квалитетите на играчите, мислам дека Португалија може да оди во финалето со идеја да замине со златото, изјави португалскиот стручњак. Тој неодамна откри дека двапати ја одбил понудата да ја преземе репрезентацијата на својата земја. -Вратата на Португалија ми беше отворена двапати. Првиот пат беше кога бев во Реал Мадрид. Тогаш претседателот Флорентино Перез ми рече дека е невозможно да заминам, па јас го прифатив тоа. Вториот пат беше неодамна кога сè уште бев во Рома. Дали се каам за вториот случај? Не, не ми е жал. Не ми е жал поради причината што не прифаќам. Сега ќе играме на ЕП со селектор (Роберто Мартинез) кој заврши одлична работа и има одлична генерација играчи, додаде Мурињо...

Собранието на Србија вечерва ја избра новата Влада на Србија на чело со претседателот Милош Вучевиќ, јави дописникот на МИА од Белград. За новата влада од 250 пратеници колку што има српското собрание, за владата гласаа 152 од 213 присутни пратеници, а 61 беа против. Воздржани немаше, а отсутни беа 37 пратеници. Новата Влада на Србија ќе брои 31 член, од кои пет се министри без ресор. Новата влада има третина од новите имиња во однос на претходната Влада на Србија предводена од Ана Брнабиќ. Премиерот на новата српска влада Милош Вучевиќ во експозето на собраниската седница вчера најави дека владата ќе биде континуитет на политиката на досегашните влади и на претседателот Александар Вучиќ. За Северна Македонија кажа дека е држава која во Србија секогаш може да најде партнер и повеќе од тоа. Во новата влада Синиша Мали ќе биде вицепремиер и министер за финансии, Ивица Дачиќ-министер за внатрешни работи и вицепремиер, Александар Вулин-вицепремиер, Ирена Вујовиќ-вицепремиер и министер за заштита на животната средина, Братислав Гашиќ-министер за одбрана, Марко Ѓуриќ-министер за надворешни работи, Тања Мишчевиќ-министер за евроинтеграции, Горан Весиќ, министер за градежништво, транспорт и инфраструктура, Дубравка Ѓедовиќ-министерка за рударство и енергетика, Златибор Лончар-министер за здравство, Томислав Момировиќ-министер за внатрешна и надворешна трговија, Маја Поповиќ-министер за правда, Славица Ѓукиќ Дејановиќ-министер за образование, Немања Старовиќ-министер за вработување, труд, ветерани и социјални прашања, Милица Ѓурѓевиќ Стаменковски, министер за семејна грижа и демографија, Никола Селаковиќ, министер за култура, Андријана Месаровиќ, министер за економија, Јелена Жариќ Ковачевиќ, министер за администрација и локална самоуправа, Јелена Беговиќ-наука и иновации и Хусеин Мемиќ министер за туризам. Милан Кркобабиќ е министер за грижа на селото, Дејан Ристиќ е министер за информации и телекомуникации, Дарко Глишиќ министер за јавни инвестиции, Новица Тончев, Усаме Зукурлиќ, Ненад Поповиќ и Татјана Мацура се министри без ресор...

Државната изборна комисија на денешната седница донесе заклучок за конечност на разултати за избор на претседател на Република Северна Македонија, прв круг. Според заклучокот, за изборите одржани на 24.4.2024 година, вкупен број на избирачи запишани во избирачки список имало 1 814 317 гласачи од кои гласале 905 622. Неупотребени гласачки ливчиња биле 908 720, важечки ливчиња 881 040, а неважечки ливчиња 24 560. Конечните резултати покажуваат дека кандидатот за претседател Стево Пендаровски добил 180 499, Гордана Силјановска Давкова 363 085, Стевчо Јакимовски 8 121, Бујар Османи 120 811, Билјана Ванковска 41 331, Арбен Таравари 83 337 и Максим Димитревски 83 855. Во вториот круг на избори за претседател што треба да се одржат на 8 мај ќе се гласа за кандидатите за претседател Стево Пендаровски и Гордана Силјановска Давкова. За претстојните избори за претседател, до Државната изборна комисија пристигнале акредитации од 52 домашни набљудувачи, 11 меѓународни и пет странски новинари, истите доставиле барање и за изборите за пратеници во Собранието, соопштија на денешната седница на ДИК. На денешната седница ДИК ги усвои и записниците од 97 и 98 седница. а...

„Според оваа емоција што ја чувствувам овде и онаа емоција и енергија што ја чувствувам насекаде низ Македонија значи дека на 8-ми мај ќе ни донесе историски резултат, подобар од оној кој што се случи на првиот круг на претседателски избори. Сепак 2:1 резултат во однос на освоени гласови помеѓу идниот претседател професорката Гордана Силјановска Давкова и досегашниот сега и веќе поранешен претседател, Стево Пендаровски е нешто кое што за првпат се случува во македонската демократска историја , истакна претседателот на ВМРО-ДПМНЕ, Христијан Мицкоски од митингот во Маврово Ростуше. „Многу работи се изнаслушав овие шест години откако сум претседател на партијата, и многу работи како што тие ги замислиле не излегоа како што тие ги кажуваа. Можам да кажам слободно дека ништо не излезе така како што тие кажуваа“, рече Мицкоски говорејќи дека на СДСМ прогнозите не им излегоа како што тие замислуваа. Мицкоски додаде на СДСМ ништо нема да им се оствари бидејќи граѓаните гледаат кој мисли добро на Македонија. По осми мај ќе победи Гордана Силјановска Давкова и ВМРО-ДПМНЕ. „Сепак 183.000 гласови е нешто што испишува историја. Последниве години ВМРО-ДПМНЕ заедно со народот испишува историја. Така беше и пред две и половина години на локалните избори кога за првпат една коалиција, политичка партија во независна Македонија од позиција на опозиција заедно со народот успеа да победи во мнозинството општини во Македонија и да освои мнозинство градоначалници“, потсети тој. Тој посочи дека таа историја од локалните избори продолжи да се испишува и во првиот круг на претседателски избори и така ќе продолжи и на осми мај. „По осми мај ќе отвориме нова страница за Македонија и ќе ја направиме Македонија онаква каква што нашите генерации сонуваа да биде. Ќе започне процесот на трансформација на Македонија. Доста беа порази, понижувања и грабеж. Ќе отпочне Македонија со својот развој, да бидеме лидери во регионот, да се вратиме во првите пет во Европа“, порача Мицкоски. Тој истакна дека подобри времиња за Македонија доаѓаат со новата Влада предводена од ВМРО-ДПМНЕ...

Американскиот претседател Џозеф Бајден денеска изјави дека правото на протест е загарантирано демократско право, но истакна дека поредокот мора да надвладее по судирите меѓу полицијата и студентите кои протестираа во универзитетските кампуси низ САД поради војната во Појасот Газа. Бајден во Белата куќа рече дека изразувањето различно мислење е од суштинско значење за демократијата, но нагласи дека правото на протест никогаш не смее да доведе до нереди. Тој додаде дека студентските протести не го натерале да го преиспита својот пристап кон војната во Појасот Газа. Пред повеќе од една недела американскиот претседател ги осуди „антисемитските протести“ на американските универзитети и, како што наведе, „оние кои не сфаќаат што се случува со Палестинците“. Портпаролката на Белата куќа, Карин Жан-Пјер, вчера рече дека Бајден „будно ја следи ситуацијата“ и оти некои универзитетски демонстрации ја преминале границата што ја дели слободата на говорот од незаконското однесување, наведувајќи го примерот на Универзитетот Колумбија каде, според неа, студентите насилно ја зазеле зградата....

Сандро Тонали беше суспендиран од фудбалот на два месеци. Нему му пресуди Независната регулаторна комисија откако призна дека учествувал во забрането обложување. Покрај тоа, тој е казнет со 20.000 фунти и предупреден за понатамошно однесување. Суспензијата е таква што Тонали нема да може да се врати на терените до крајот на сезоната, до кога ќе истече десетмесечната казна што му ја изрече Италијанската фудбалска федерација на 27 октомври 2023 година. Доколку не го повтори истиот прекршок до крајот на сезоната, нема да мора да ја одлежи оваа двомесечна суспензија. Фудбалскиот сојуз и Регулаторната комисија оценија дека Тонали соработувал и признал се за што е обвинет „на исклучителен и досега неевидентиран начин“. Тонали целосно ги признал сите свои прекршоци, а тоа го направил во ситуација кога доказите практично не постоеле. Тој продолжува да оди на терапија и едукативни програми на кои е должен да присуствува со целосна поддршка од клубот и продолжува да тренира со екипата....

Фудбалскиот клуб Челси наводно испратил исклучително примамлива понуда до Антонио Конте со надеж дека ќе го убеди да се врати на „Стемфорд Бриџ“ за да го замени Маурисио Покетино, пренесуваат италијанските медиуми. „Сините“ се во исклучително тешка позиција. Тие го заземаат деветтото место и немаат шанси да фатат чекор за учество во Лигата на шампионите. Единствено што можат да обезбедат до крајот на сезоната е евентуално учество во Конференциската лига. Затоа менаџментот размислува за раскинување на соработката со Аргентинецот. Една од целите на Челси беше Тиаго Мота, кој сезонава бележи фантастични резултати со Болоња. Сепак, се верува дека Италијанецот е многу поблиску до останување во Италија и клупата на Јувентус отколку до заминување во Премиер лигата. „Ла Република“ објави дека лондонскиот клуб е сериозно заинтересиран за враќање на Конте. Италијанецот им ја донесе последната титула во Премиер лигата на „сините“ и управата верува дека би можел да го повтори тој успех. Сепак, Конте е желба и на Милан и Наполи. Искусниот стратег е без работа во март 2023 година кога ја напушти клупата на Тотенхем. Во моментот на неговото заминување, „мамузите“ беа елиминирани од ФА Купот и Лигата на шампионите, додека беа на четвртата позиција во англискиот шампионат...

Носителката на кандидатската листа на СДСМ за ИЕ6, Славјанка Петровска во Тетово денеска го посети зелениот пазар каде во разговор со тамошните продавачи ги најави и мерките кои се предвидуваат за унапредување во состојбите во земјоделството. -Во новиот мандат предвидуваме рекордни 1,35 милијарди евра поддршка за земјоделците. За над 50 проценти ги зголемуваме грантовите за младите земјоделци и жените земјоделки. Веќе во првата година од мандатот го градиме и пуштаме во употреба новиот откупно-дистрибутивен центар во Скопје, а потоа и следните во Струмица и Ресен, истакна Петровска. Таа посочи дека нивна заложба е обезбедување на зголемено домашно производство на храна, сигурен пласман и подобри услови за работа на македонските земјоделци...

Директорката на американската Национална разузнавачка служба, Аврил Хејнс денеска оцени дека војната во Украина нема наскоро да заврши, а развојот на ситуацијата на домашен и меѓународен план оди во корист на рускиот претседател Владимир Путин. Хејнс пред Комитетот за вооружени сили при Сенатот изјави дека Русија ги интензивирала нападите врз украинската инфраструктура за да ја намали способноста на Киев да распоредува војници и оружје, да го забави военото производство и да ја принуди Украина да ги разгледа преговорите. „Сè поагресивните тактики на Путин против Украина, како што се ударите врз енергетската инфраструктура на Украина, имаат за цел да создадат впечаток во Украина дека продолжувањето на борбите само ќе ја зголеми штетата на Украина и нема да понуди пат до победата“, рече Хејнс....

Најмалку 21 лице се приведени во Германија, Албанија, Босна и Херцеговина, Косово и во Либан, во полициската акција „Пандора“, која беше спроведена со поддршка на Европол, во текот на разбивање мрежа на 12 кол-центри осомничени за измама на илјадници луѓе, соопшти денеска Европол. Во соопштението се наведува дека во акцијата „Пандора“, спроведена на 18 април, затворени се 12 кол-центри осомничени за измама, а одземени им се документите и имотот. Како што се посочува, измамите опфаќале лажни полициски повици, инвестициски измами и „љубовни“ измами, а работата на кол-центрите ја организирале 39 лица....

Ова писмо е доказ за злоупотреба на позицијата вицепремиер и државните ресурси во политичка кампања од страна на СДС. Имено Фатмир Битиќи, коносител во ИЕ 2 на 29 април 2024 година испраќа писмо злоупотребувајќи ја својата позиција како вицепремиер, и неговата обврска да работи за компаниите и бизнис секторот. Битиќи упатува апел и директно вели, цитирам: Го барам вашиот глас, а притоа потенцира дека го водел секторот, кој помогнал со финансиска поддршка од над 100 милиони евра. Потенцира дека за да продолжат овие позитивни политики за поддршка на бизнисот и во иднина, цитира дел од партиската програма за изборите, во која ветува зголемување на на овие средства во износ од 180 милиони евра. Битиќи директно во ова писмо бара лична поддршка гласајќи за СДС и за Коалицијата Европска иднина наведувајќи го и редниот број на гласачкото ливче. Ова претставува злоупотреба на службената положба и овластување согласно член 353. Имено според овој член е наведено дека службено лице кое со искористување на својата службена положба или овластување, ќе прибави за себе или за друг некаква корист, во овој случај тоа е политичка корист преку директно барање на поддршка за број на гласачко ливче под кое се наоѓа коалицијата од која самиот Битиќи е дел. Битиќи извршил злоупотреба на службената положба, затоа што како вицепремиер, кој одлучувал за доделување на помошта за компаниите им се обраќа истите да го дадат гласот за него, поради помошта која им е исплатена од негова страна, како вицепремиер на владата и дека истата ќе се зголеми доколку се добие поддршката. Дали со ваквиот чин, Битиќи создава притисок на компаниите кои добиле државна помош, и заради истата тој бара тие да гласаат за него. Ова е преседан од невидени размери, за што очекуваме не само извинување од Битиќи и СДС, туку и ДКСК да покрене случај против ова. Времето на злоупотребите на државните позиции и условувањето на компаниите и граѓаните завршува на 8 мај. Компаниите да не се плашат, и да не подлегнуваат на притисоците на СДС и ДУИ, по 8 мај сите кои вршеле притисоци ќе се соочат со одговорност. Ова време завршува! Време е Македонија да ја вратиме на народот. Време е Македонија да биде повторно твоја....

Ние градевме фабрики, носевме инвестиции, градевме инфраструктура, го подобрувавме образованието, вложувавме во државата, а тие се криминалци, кои ден по големата наша победа ќе мора да одговараат за штетите што ги направија во сите сектори, порача од митингот во Дебар, Ѓорѓија Сајкоски, носител на кандидатската листа за пратеници на ВМРО-ДПМНЕ и коалицијата во 5. Изборна единица. Владата на СДСМ и ДУИ, ја обвини, како што рече за неизградбата на автопатот Кичево-Охрид, патот Извор-Бошков Мост, додавајќи дека „потрошија стотици милиони евра наши пари, на народот, украдоа стотици милиони евра, но да знаат дека тие пари ќе ги вратат“. -Државава на направија најзадолжена држава, во моментот долгот е 65 отсто од БДП. Сите влади во Република Македонија ја задолжија држава со 4,5 милијарди до 2016 година, ова влада за само 7 години ја задолжи државата со 4 милијарди евра. Затоа мора да ги казниме, да ги казниме со пенкало, на 8 мај со масовна излезеност и даден глас за ВМРО-ДПМНЕ и коалицијата и за Гордана Силјановска-Давкова за претседател, рече тој. При тоа ги повика сите жители во поширокиот дебарски регион, Македонци, Албанци, Турци, Роми да се обединат, зашто обединети, како што рече, „можеме да го победиме криминалот, да ја победиме корупцијата и обединети ќе ја градиме државата“. Искажа убеденост во големата победа на ВМРО-ДПМНЕ и коалицијата и почеток на промените. -На 8 мај ќе ја забележиме најголемата победа во историјата, бидејќи ве имаме вас, најголемите поддржувачи, истрајни борци, луѓе коишто низ годините покажаа дека не се плашат. Не се плашат да го кренат гласот против криминалот, не се плашат да зборуваат против корупцијата, не се плашат да излезат и на улица, меѓутоа не се плашат да излезат и на избирачко место и да гласаат за онаа опција во која се убедени дека ќе донесе подобар живот, а тоа е ВМРО-ДПМНЕ и коалицијата, рече меѓу другото Сајкоски. Пред граѓаните на Дебар, Центар Жупа и од подрачјето на Река се обратија и доктор Мевмед Џафери и Леон Мерсоски, кои се на кандидатската листа за пратеници...

Апостолскиот нунциј во земјава монсињор Лучано Суријани, придружуван од првиот советник во нунцијатурата монсињор Џорџо Кеца, вчера во бискупската резиденција на Водно лично му ја предаде честитката од папата Фрањо на бискупот скопски и епарх струмичко-скопски Киро Стојанов по повод неговиот 25-годишен јубилеј од хиротонијата. - Наполнуваш дваесет и пет години од твојата епископска хиротонија. Ви го честитаме овој јубилеј и пастирската служба која грижливо ја извршуваше. Тоа всушност е служба на постојано проповедање на Евангелието и посветено толкување на христијанската вистина. Преку застапништво на Пресвета Богородица, која се вознесе на небо, Го молиме Господа за ведрина на духот и добро здравје. Исто така упатуваме благослов до Тебе и твоето стадо, со понизна молба да упатувате молитви, па така – зајакнати со верата, надежта и љубовта – посветено да ја извршуваме петровата служба, се наведува во честитката....

Повеќе од половина од украинските бегалци во странство и натаму планираат да се вратат во Украина, иако нивниот удел е намален за повеќе од 20 отсто во споредба со минатата година, покажа истражувањето на агенцијата за истражување на јавното мислење „Инфо Сапиенс“. Така, 26,2 отсто од украинските бегалци се убедени дека ќе се вратат дома, а уште 26,3 отсто веројатно планираат да го сторат тоа, објави Униан. Меѓу нив, 61 отсто планираат да се преселат во Украина по завршувањето на војната. За споредба, во ноември 2022 година, истражувањето покажа дека 49,7 отсто од украинските бегалци дефинитивно планираат да се вратат дома. Од нив 24,3 отсто се изјасниле дека планираат да го сторат тоа. Уделот на возрасните кои планираат да се вратат дома е поголем. Кај децата овој процент е помал, 22 отсто од нив дефинитивно сакаат да се вратат, а 25 отсто веројатно сакаат. Повеќето од оние кои сакаат да се вратат се деца на возраст од 6 до 14 години и оние кои учат во украински училишта. Во исто време, расте бројот на Украинци кои претпочитаат да живеат во странство отколку во Украина. Очекувано, подолгиот престој во странство е проследен со високо ниво на адаптација кон новиот живот...

Директорот на владината канцеларија за Косово и Метохија, Петар Петковиќ, денеска на средба со амбасадорите на земјите од Квинтата во Белград изјави дека Србија го поддржува процесот за формирање на Заедницата на српските општини (ЗСО) на специјалниот претставник на Европската унија за дијалогот меѓу Белград и Приштина, Мирослав Лајчак. На средбата на која присуствуваа српскиот амбасадор во Америка, Марко Ѓуриќ и претставникот на Делегацијата на Европската Унија, беше разгледана неопходноста од формирање на ЗСО, последната рунда од дијалогот меѓу Белград и Приштина, која неодамна се одржа во Брисел, како и политичко-безбедносната ситуација во Косово. Петковиќ ја пренесе јасната порака од Белград за неопходноста од формирање на ЗСО, на која Србите на Косово чекаат 11 години. Петковиќ и Ѓуриќ го повторија ставот на Белград дека нацрт-статутот на ЗСО изготвен од ЕУ, кој се однесува на јурисдикцијата и структурата на ЗСО, како што стои во договорите во 2013 и 2015 година, може да биде добра основа за продолжување на дискусиите и договорите за конечен статут на ЗСО....