Претседателот Доналд Трамп во средата ги откри глобалните реципрочни царини за време на настанот во Белата куќа. Инаку, размената на Македонија со САД лани изнесувала нешто над 314 милиони долари, наспроти 320,7 милиони долари во 2023 година, што значи била помала за 2,1 отсто, покажуваат податоците на Државниот завод за статистика. Притоа, извозот од Македонија во САД лани достигнал 118,2 милиони долари, што е за 2,2 пати (220 насто) повеќе од претходната 2023 година кога бил 53,6 милиони долари. Истовремено, лани од САД биле увезени производи за 195,9 милиони долари, за 26,6 отсто помалку од 2023 година кога увозот во Македонија од САД бил 267 милиони долари. Податоците од американскиот Стејт департмент, пак, покажуваат дека „електричните машини и опремата на САД беа особено привлечни за увозниците во Северна Македонија. Главниот извоз во САД е тутун, облека, железо и челик“, стои на интернет страницата на Стејт департментот. Алжир 30% Оман 10% Уругвај 10% Бахамите 10% Лесото 50% Украина 10% Бахреин 10% Катар 10% Маурициус 40% Фиџи 32% Исланд 10% Кенија 10% Лихтенштајн 37% Гвајана 38% Хаити 10% Босна и Херцеговина 35% Нигерија 14% Намибија 21% Брунеи 24% Боливија 10% Панама 10% Венецуела 15% Северна Македонија 33% Етиопија 10% Чана 10% Земја Американски реципрочни царини Кина 34% Европската Унија 20% Виетнам 46% Тајван 32% Јапонија 24% Индија 26% Јужна Кореја 25% Тајланд 36% Швајцарија 31% Индонезија 32% Малезија 24% Камбоџа 49% Обединетото Кралство 10% Јужна Африка 30% Бразил 10% Бангладеш 37% Сингапур 10% Израел 17% Филипини 17% Чиле 10% Австралија 10% Пакистан 29% Турција 10% Шри Ланка 44% Колумбија 10% Земја Американски реципрочни царини Перу 10% Никарагва 18% Норвешка 15% Костарика 10% Јордан 20% Доминиканска Република 10% Обединетите Арапски Емирати 10% Нов Зеланд 10% Аргентина 10% Еквадор 10% Гватемала 10% Хондурас 10% Мадагаскар 47% Мјанмар (Бурма) 44% Тунис 28% Казахстан 27% Србија 37% Египет 10% Саудиска Арабија 10% Ел Салвадор 10% Брегот на Слоновата Коска 21% Лаос 48% Боцвана 37% Тринидад и Тобаго 10% Мароко 10%...

Денеска (02.04.2025) во 15:58 часот, во СВР Скопје од ГОБ „8 Септември“ е пријавено дека кај нив е донесена 68-годишната З.А. од Скопје, која била тешко повредена во сообраќајна несреќа на булевар „Партизански одреди“ во Скопје. Несреќата се случила кога во жената удрило патничко возило „Опел“ со скопски регистарски ознаки, управувано од 26-годишниот В.Ј. од Скопје. На повредената жена и биле констатирани тешки телесни повреди, по што веднаш била префрлена во болница за укажување лекарска помош....

Метју Витакер, поранешен вршител на должноста генерален обвинител во првата администрација на Доналд Трамп, синоќа беше потврден од Сенатот за нов амбасадор на САД во НАТО. За неговата нова функција гласаа 52 сенатори, додека 45 се изјаснија „против“. Иако има ограничено искуство во надворешна политика, Витакер на сослушувањето изјави дека ќе се залага членките на НАТО да ги зголемат своите одбранбени трошоци и ја истакна посветеноста на САД кон алијансата. Тој го поддржа принципот на „мир преку сила“ и рече дека обврската на САД кон НАТО, особено преку Член пет, е „цврста како железо“. Вети дека ќе ги повика сојузниците да трошат најмалку пет отсто од БДП за одбрана и постави прашање дали политичарите даваат вистински обврски или само празни ветувања. Витакер беше номиниран од Трамп по неговата победа во 2024 година, а претходно служеше како шеф на кабинетот на поранешниот генерален обвинител Џеф Сешнс и како федерален обвинител на Ајова....

Данската премиерка Мете Фредериксен вети дека ќе го поддржи Гренланд откако американскиот претседател Доналд Трамп изрази интерес за преземање на данската полуавтономна територија кога таа пристигна во Нук на разговори со новата влада, пренесуваат британските медиуми. Фредериксен го започна тридневното патување на огромниот арктички остров помалку од една недела по посетата на територијата на американскиот потпретседател Џеј-Ди Венс, кој доби ладен прием од властите во Данска и Гренланд. -САД нема да го преземат Гренланд. Гренланд им припаѓа на Гренланѓаните, им рече Фредериксен на новинарите во главниот град на Гренланд, Нук, веднаш по нејзиното пристигнување. Данската лидерка рече дека сака да го поддржи Гренланд „во многу, многу тешката ситуација“. Пред посетата, таа изјави дека нејзината цел е да ги зајакне врските на Копенхаген со островот и ја нагласи важноста на соработката со почитување во време на, како што опиша, „голем притисок врз Гренланд“. Идниот премиер на Гренланд Јенс-Фредерик Нилсен, кој победи на минатомесечните парламентарни избори и ќе формира коалициска влада, го поздрави доаѓањето на премиерката Фредериксен, велејќи дека Данска останува „најблискиот партнер на Гренланд“. Фредериксен вети дека ќе направи се што може за да обезбеди еднакви права за Гренланѓаните и Данците во данското кралство. -Најмногу од сè треба да разговараме за надворешната и безбедносната политика, геополитиката и за тоа како да и пристапиме на оваа многу, многу тешка задача заедно бидејќи тоа е она за што сега се работи, рече таа. Се очекува новата коалиција на Нилсен официјално да ја преземе функцијата на 7 април. Односите меѓу Гренланд и Данска беа затегнати по откритијата во последниве години за историската злоупотреба на Гренланѓаните под колонијална власт. Анкетите покажуваат дека мнозинството од 57.000 жители на Гренланд ја поддржуваат независноста од Данска, но многумина се противат на брзањето да се бара независност, стравувајќи дека нивниот остров може да биде изложен на интересите на САД...

Претседателот на Република Српска (РС) Милорад Додик вечерва се врати во Бања Лука и во моментов е гостин на Радио-телевизија РС (РТРС), каде повтори дека претседателот на Србија, Александар Вучиќ, го известил дека Интерпол одбил да издаде централна потерница против него и претседателот на Парламентот на РС, Ненад Стевандиќ. Тој им се заблагодари на Србија, Унгарија, Црна Гора и Русија и, како што рече, и на некои земји кои побарале од Интерпол да не издава црвена потерница по него, наведувајќи дека барањето на Судот на Босна и Херцеговина за распишување меѓународна потерница по него е политички мотивирано. „Одлуката што ја донесе Интерпол за отфрлање на барањето на неуставниот суд на Босна и Херцеговина за издавање црвена потерница е правилна одлука, која ја очекував“, рече Додик. Тој додаде дека Интерпол „не е во функција на Сараево, кое дознало дека некој секогаш им ги исполнува желбите“. -Тоа е вистинската одлука, ја очекував, бидејќи ако има правда во светот, таа таква треба да биде, рече Додик. Тој понатаму рече дека РС „мора да врати се што уништија од политичко Сараево“. Тој оцени дека целта на обвинувањата на Обвинителството и Судот на Босна и Херцеговина не е тој или лично Стевандиќ, туку се е насочено кон запирање на Република Српска. -Никој не може да ја запре Србија. Јас одлично знам што правам и убеден сум дека сум на вистинскиот пат, рече Додик. Запрашан како се вратил во РС, бидејќи по него има централна потерница во Босна и Херцеговина, тој изјави дека се вратил исто „како што заминал“, со автомобил, преку редовен граничен премин...

САД воведoа нови санкции против Русија, за првпат откако Доналд Трамп влезе во Белата куќа во јануари годинава. На „црната листа“ на американското Министерство за финансии, се додадени три правни лица регистрирани во Русија. Компаниите се дел од мрежа која, со поддршка на Иран, испраќала суровини, оружје и чувствителна стока од Русија до јеменските Хути, се наведува во денешното соопштение на Министерството за финансии на САД. Според процените, обемот на таквите испораки изнесувал десетици милиони долари и, меѓу другото, вклучувал и жито украдено од окупираните територии во Украина. По овие мерки поврзани со поддршка на тероризмот, САД разгледуваат и поагресивни санкции и за руската нафта и нејзината флота во сенка, пренесија синоќа дел од американскте медиуми повикувајќи се на службени лица од Белата куќа...

Претседателот на Република Српска, Милорад Додик, вечерва на социјалната мрежа Х објави дека претседателот на Србија, Александар Вучиќ, го информирал дека Директоратот на Интерпол ја прифатила жалбата на Србија и дека е одбиено барањето на Судот на Босна и Херцеговина за распишување црвена потерница по него и претседателот на Собранието на РС, Ненад Стевандиќ. „Благодарност до претседателот на Србија, Александар Вучиќ за поддршката и јасната и принципиелна комуникација со Интерпол“, напиша Додик. „Благодарам на премиерот на Унгарија, Виктор Орбан, како и на претседателите на сите други земји кои испратија жалба, разбирајќи ја политичката позадина на судскиот прогон на кој сум изложен“, рече Додик....

Израел денеска најави значително проширување на воените операции во Газа, соопштувајќи дека ќе заземе големи области од енклавата и ќе ги додаде во своите безбедносни зони со масовна евакуација на населението. Премиерот Бенјамин Нетанјаху рече дека војниците ја окупирале областа што ја нарече оската Морак, што се однесува на поранешната израелска населба што постоела помеѓу градовите Рафа и Кан Јунис во јужниот дел на Појасот Газа. -Затоа сега го делиме Појасот и постепено го зголемуваме притисокот за да ни ги предадат нашите заложници, рече Нетанјаху во видео пораката. Тој рече дека овој потег, кој ќе го отсече Рафа од Кан Јунис, ќе му даде на Израел контрола на другата оска во јужна Газа покрај таканаречениот коридор Филаделфија, долж границата со Египет, што Израел го смета за клучен за спречување на шверцот на оружје во Газа. Министерот за одбрана Израел Кац претходно денеска најави дека војниците ќе ги прошират своите операции во Газа за да ги отстранат милитантите и нивната инфраструктура „и да заземат големи области кои ќе бидат додадени во безбедносните зони на државата Израел“. Израелската војска веќе издаде предупредувања за евакуација на жителите на Газа кои живеат во некои јужни области, а палестинското радио објави дека областа околу Рафа е речиси целосно испразнета по наредбите за евакуација. Од изјавите на Кац не беше јасно колкава територија има намера да заземе Израел или дали овој потег претставува трајна анексија, што ќе го зголеми притисокот врз населението кое веќе живее во една од најгусто населените области во светот. Според израелската група за човекови права Гиша, уште пред операцијата, Израел веќе окупирал 62 квадратни километри, или околу 17 отсто од вкупната површина на Газа, како дел од тампон зоната околу рабовите на енклавата...

Американскиот претседател Доналд Трамп им рекол на членовите на неговиот кабинет и на други блиски соработници дека Илон Маск, шеф на Одделот за ефикасност на владата на Соединетите Американски Држави ДОГЕ (DOGE), наскоро ќе се повлече од позицијата, објави денеска американскиот портал Политико, повикувајќи се на три извори блиски до Трамп. Според Политико, Трамп и Маск неодамна се договориле милијардерот да се врати на своите приватни бизниси. Во моментов ниту Белата куќа, ниту Маск, не го потврдија пишувањето на порталот. ДОГЕ е основана со цел да се намали трошењето на владините агенции, како и да се распуштат оние чии улоги се покажаа како вишок...

Напаѓаат со сите средства, со тешка артилерија и се надеваат дека ние ќе се криеме и нема да се браниме. За наша среќа, не сме почнале ниту да се браниме, а камоли да напаѓаме, порача Слободан Трендафилов, претседател на Сојузот на синдикати на Македонија (ССМ), во интервју во вечерашната „Топ тема“ на ТВ Телма. Денот кога ќе одлучиме како ќе ги нападнеме, ќе биде денот кога истите овие 300 луѓе, ќе одлучат да го повикаат народот на улица, доколку не нè почитуваат онака како што заслужуваме. Сметаме дека во една демократска држава , во едно демократско општество, една демократски избрана влада, треба да ги почитува претставниците на работниците, без оглед дали сме убави или не сме. Треба да ги почитуваат претставниците на работниците, и покрај топа што не им се допаѓа тоа што го зборуваат, а тоа е потреба од зголемување на платите. Денеска политичари нè напаѓаат, затоа што бараме плата. Се надевам дека нема да биде обратно, ние да ги напаѓаме политичарите. Тоа што е опасно и што е преседан, е што владата се иззема во комплетниот случај од потребата за растна платите и покрај тоа што таа е најголемиот работодавач во државатa“, истакна Трендафилов. „Поединци во ВМРО-ДПМНЕ кажуваат дека со 60.000 денари, претседателот на ССМ се луксузира, не знам што прави. За 60.000 денари си ја ставам главата во торба за борба за подобри плати на работниците. Кога видоа дека нема никаков контраефект, кон ССМ и кон мене како личност, излегоа на телевизија и кажаа да платата ми била 75.000 денари и сум имал некакви приходи од неколку милиони денари, па си ги собираат, за 12, за 18 месеци и слично“, рече Трендафилов. Смета дека Владата, и покрај укажувањата од сите во државата, одлучила да води војна, односно, како што рече, на тоа се одлучиле „поединци во политичката партија ВМРО-ДПМНЕ, во некој таму таен кабинет“. „Одлучија да водат војна против ССМ со објавување на нашите плати и на таков начин сметаат дека ќе го навлечат гневот на работниците“,додаде тој....

Транспарент на кој пишува „Правда за Крешник“, а е испишан на македонски и албански јазик е поставен на надвозник на автопат, а го објави пратеничката на ВМРО-ДПМНЕ, Дафина Стојаноска. Оваа герила акција доаѓа откако Бектеши доби статус на осомничен како ексминистер за економија, а по пожарот во дискотеката „Пулс“ која изминатите години работела и со легална дозвола, иако според обвинителите, не исполнувала никакви услови. “Да ги оставиме институциите да си ја завршат работата. Обвинителството и судот да работат по словото на законот. Правда за Кочани мора да има“, напиша Стојаноска....

Потпретседателот на Алијанса за Албанците, Елми Азири на својот Фејсбук профил се јави со реакција по повод утрешната средба меѓу премиерот Христијан Мицкоски и лидерот на СДСМ, Венко Филипче. “Претседателот на ВМРО-ДПМНЕ Христијан Мицковски ќе се сретне со претседателот на најголемиот огранок на ВМРО-ДПМНЕ, Венко Филипче! Откако беше избран за претседател на СДСМ, првата средба му беше со претседателката на државата, г-ѓа Силјановска-Давкова! Последниов веќе неколку години од ВМРО го нарекуваат министер за смрт! Оваа моноетничка средба е практична имплементација на платформата Македонија повторно твоја!“, вели Азири...

Ѓоко Поповски, експомошникот на министерот за јавни набавки во МВР, излегува на слобода. Со одлуката за делумно помилување, потпишана од македонската претседателка, Гордана Силановска Давкова, осудениот за „Триста“ и „Тенк“ во предметите на СЈО е после 9 години на слобода. Делумно се ослободуваат од понатамошно извршување на неиздржан дел од казната затвор осудените …. Ѓоко Поповски“, стои во одлуката за помилување. „Мерцедесот“ за кој беше осуден Поповски и натаму го поседува Службата за општи и заеднички работи при Владата. Претходната Влада на СДСМ ветуваше дека ќе се продаде оти е луксузен и скап за одржување, но тоа не го стори....

0 „Изразуваме силна загриженост поради сѐ понагласената моноетничка доминација која Власта ја демонстрираше во првата година од своето владеење, а сега веќе на јавна сцена ја вклучува и етничката македонска опозиција во својата намера. Јавноста е просто згрозена од овој јавен флерт на Мицковски и Филипче, за полноќни средби во политички интимна атмосфера на која ништо помалку туку ќе се крои планот за нов општествен договор за регулација на идните политички текови“ соопштија попладнево од опозициската ДУИ. Од партијата велат „Република Северна Македонија претставува препознатлив модел на функционална мултиетничка демократија со јасно изразена евроатлантска ориентација. Овој систем на вредности е внимателно вткаен во трите темелни документи на земјата како што се Охридскиот Рамковен Договор, Преспанскиот договор, и Договорот за пријателство со Република Бугарија, зад чие спроведување како гаранција стојат нашите стратешки партнери ЕУ и САД“. „На Република Северна Македонија ѝ е насушно потребен суштински политички дијалог, но не на интимни полноќни средби, туку во пристоен политички формат, со јасно изразена репрезентативност на сите граѓани, и во кој ќе се отворат суштинските прашања од значење за земјата. Основниот модел на мултиетничкиот карактер на земјата е системски загрозен, а загрозен а и интегративниот процес на земјата во Европската унија. Тоа се две клучни стратешки основи кои што сериозно ја загрозуваат долгорочната стабилност и просперитет на земјата, и тоа се двата приоритети за кои треба да се отвори суштински политички дијалог“ е ставот на ДУИ....

Кривична пријава е поднесена против А.М., полициски службеник во ПСОН Охрид при СВР Охрид, осомничен за кривично дело „неовластено производство и пуштање во промет на наркотични дроги, психотропни супстанции и прекурзори“. Како што информира Министерството за внатрешни работи, кривичната пријава до надлежното Основно јавно обвинителство Охрид ја поднел Одделот за внатрешна контрола, криминалистички истраги и професионални стандарди при МВР. Министерството соопшти дека во работната просторија – стражарска куќарка каде што А.М работел на обезбедување на вила „Бела“, сопственост на МВР, била пронајдена бела прашкаста материја. -Во временскиот период кога полицискиот службеник А.М. бил предвиден за работа и извршувал работни задачи на обезбедување на вила Бела (поранешна вила Македонија), сопственост на Министерството за внатрешни работи, од страна на вработени во Одделот за внатрешна контрола, криминалистички истраги и професионални стандарди бил извршен преглед врз А.М. и работната просторија – стражарската куќарка, при што од прегледот во работната просторија, на работната маса била затекната метална лажица во која имало бела прашкаста материја, хартиена салфетка во која имало бела прашкаста материја и мало пластично шише со нн течност, со импровизирана цевка од банкнота од 10 денари, затворено со алуминиумска фолија на отворот на шишето, на која имало остатоци од нн материја, информира МВР. Вработени од Одделот за внатрешна контрола, криминалистички истраги и професионални стандарди го известиле А.М. дека е потребно да му се направи испитување за присуство на матаболити од наркотични средства во урината во Институтот за судска медицина во Скопје. А.М. одбил да соработува со вработените на Одделот и да се подложи на испитување иако, како што наведува МВР, доктор на Итна медицинска помош Охрид утврдил дека тој е во добра општа состојба и може да патува во Скопје. -Против А.М. од страна на Одделот за внатрешна контрола, криминалистички истраги и професионални стандарди веќе е покрената дисциплинска постапка и задолжителна мерка за отстранување од работното место – суспензија од работното место, соопшти Министерството за внатрешни работи....

Шефот на француската дипломатија Жан-Ноел Баро денеска изјави дека ништо не го оправдува американскиот притисок врз Данска поради Гренланд. -Не може да се преговара за границите на Европа, како и за територијалниот интегритет на земјите од НАТО, рече Баро. Тензиите меѓу САД и Данска настанаа по посетата на американскиот потпретседател Џеј-Ди Венс во петокот на американската воена база во Гренланд, автономна покраина Данска. Венс, десната рака на американскиот претседател Доналд Трамп, жестоко ја критикуваше наводната неактивност на Данска во оваа територија, обвинувајќи ја дека „не инвестира доволно во безбедноста на таа неверојатна и прекрасна земја“. Притисокот на САД врз Данска е „неоправдан особено во однос на безбедноста, бидејќи забораваме да споменеме дека САД имаа 17 воени бази на Гренланд“, рече Баро, додавајќи дека САД сега имаат само една воена база. Францускиот министер потсети дека со својот дански колега во вторникот потпишал „стратешко партнерство кое ја потврдува посветеноста на територијалниот интегритет и суверенитет на Данска“, благодарение на што ќе се зајакнат билатералните односи, особено во областа на одбраната. Договорот беше потпишан за време на дводневната државна посета на данскиот крал Фредерик Десетти и неговата сопруга Марија на Франција, која завршува денеска....

Премиерот Христијан Мицкоски и лидерот на опозициската СДСМ Венко Филипче утре во 14 часот ќе имаат средба во Владата. -Согласно јавната комуникација и упатените иницијативи и демонстрираната подготвеност од двете страни, за утре во 14 часот е закажана средба меѓу премиерот Христијан Мицкоски и претседателот на СДСМ, Венко Филипче, посочуваат од Владата. Во изјава за медиумите во Штип, Мицкоски искажа подготвеност за средба со Филипче, кој денеска повика на политички и општествен дијалог. Филипче на прес-конференција рече дека по трагедијата во Кочани граѓаните реагираа со револт и бес, системот не функционира како што треба, а за тоа вина, како што посочи, имаат сите политички партии. Областите каде што треба системски пристап, според Филипче се – образование, здравство, правосудство, животна средина, партизација и политизација. Премиерот Мицкоски, пак, кажа дека ова е сериозна тема за која се разговара. – Доколку има план како што најавија, подготвен сум да го примам на средба пртседателот на СДСМ да го образложи планот, да го слушнеме планот бидејќи се сериозни времиња, јас сум сериозен човек, сериозни работи се во прашање и најмалку што треба да се прави е естрада на јавна сцена. Доколку навистина има план и желба да помогне стојам на располагање во секое време ќе го прераспределам мојот распоред, на полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши. Но, доколку планот опфаќа пристап „Стабри“, како што беше во минатото за време на короната тогаш такви планови не можам да прифатам, изјави Мицкоски....

Хрватската десничарска партија Дом и национален собир (ДОМиНО) најавија дека ќе бараат укинување на одбележувањето на Денот на антифашистичката борба. ДОМиНО најави дека ќе бара да се избрише 22 јуни – Денот на антифашистичката борна од календарот на државни празници во Хрватска. На најавата се спротивставија пратениците од опозициската Социјалдемократската партија (СДП) и од Истарскиот демократски собор (ИДС). – Обидите за бришење на Денот на антифашистичката борба ја негира борбата на нашите предци за слобода, демократија и човекови права. Што е следно, уште еден обид на екстремната десница да ги велича усташите низ историјата во училиштата, меѓу другото да ги научи нашите деца дека Јасеновац е позитивна историска приказна и да ја врати Хрватска во среден век, истакна Сања Радуловиќ од СДП. Таа додаде дека Хрватска го слави Денот на Европа како потсетување на заедничките вредности на мирот, единството и солидарноста кои произлегоа од победата над фашизмот. Радуловиќ упати апел до сите пратеници во Саборот јасно да кажат „не“ на ревизионизмот и да продолжат да ги негуваат антифашистичките достигнувања. Далибор Паус од ИДС посочи дека „сè додека има вакви иницијативи, антифашистичката борба продолжува. – Антифашизмот не е минато, тој е жива вредност, која стои како штит против секој облик на ревизионизам и обиди да се намалат правата и слободите што ги освоивме како општество. Обидите на оние кои сакаат да го омаловажат тој ден и се што тој претставува, ја покажуваат нивната неспособност да разберат што навистина значи борбата за слобода, правда и човекови права, наведе Паус. ДОМиНО е формирана од отцепениот дел на Татковинското движење, и е партнер во Владата на ХДЗ на премиерот Андреј Пленковиќ...

Велика Британија не поддржува проширување на израелските воени операции во Појасот Газа, соопшти денеска британското МНР. – Велика Британија не го поддржува проширувањето на израелските воени операции. Продолжувањето на борбите и крвопролевањето не се во ничиј интерес. Сите страни, вклучително и Израел, мора да го почитуваат меѓународното хуманитарно право, изјави високиот претставник на британското Министерство за надворешни работи, Хамиш Фалконер. Израелските власти денеска најавија проширување на воените операции за заземање големи области на Појасот Газа, каде во бомбардирањето загинаа околу 30 луѓе, вклучително и во објект на ОН. На 18 март Израел го прекина двомесечниот прекин на огнот во Појасот Газа во обид да го принуди палестинското движење Хамас да ги ослободи преостанатите заложници...

Собирот за поддршка на лидерката на екстремната десница во Франција, Марин Ле Пен, планиран за недела во Париз, „не е демонстрација на сила“, туку мобилизација „за демократија“, изјави денеска претседателот на француската крајнодесничарска партија Национален собир Жордан Бардела во Европскиот парламент во Стразбур. – Тоа не е демонстрација на сила, напротив, тоа е многу јасна и длабока одбрана на владеењето на правото и француската демократија. Тоа е всушност мобилизација, не против, туку за француската демократија, им рече на новинарите Бардела, пратеник во на ЕП, во врска со собирот што неговата партија го најави по пресудата за Марин Ле Пен, со која пет години е спречена да извршува јавна функција. На 31 март, Ле Пен и осум членови на Национален собир беа прогласени за виновни за проневера на јавни средства. Пресудата ќе ја спречи Марин Ле Пен да се кандидира за претседателските избори закажани за 2027 година. – Ни се чинеше неопходно да можеме директно да му се обратиме на францускиот народ преку говорите што во недела ќе ги одржат сите наши лидери, нашите пратеници и нашите активисти, рече Бардела. Од изрекувањето на пресудата, Ле Пен и нејзината партија го осудија „демократскиот скандал, мешањето на судиите и маневрите на системот“. Францускиот претседател Емануел Макрон, од своја страна, рече дека судството во земјата е независно и дека судиите треба да бидат заштитени....

Осумдесет студенти и членови на академска заедница во Србија тргнуваат утре од кампусот на Универзитетот во Нови Сад до седиштето на Советот на Европа во Стразбур, во обид да го свртат вниманието на европските претставници на студентските барања и актуелната ситуација во државата, јави дописникот на МИА од Белград. Најголем дел од нив се студенти, а меѓу 80-те велосипедисти има од четири универзитети во Србија – Нови Сад, Белград, Ниш и Крагуевац, беше истакнато на денешната прес-конференција во зградата на Ректоратот на Универзитетот во Нови Сад. Беше нагласено дека подготовките биле успешни, а поддршката од дијаспората исклучителна. Велосипедистите тргнуваат во осум часот наутро на траса низ Унгарија, Словачка, Австрија, Германија и Франција. „Нашата иницијатива е насочена кон две важни европски институции – Советот на Европа и Европската унија, организации што играат клучна улога во поддршката на демократијата, човековите права и владеењето на правото“, велат тие. Тие претходно се обратија до ПССЕ, Комесарот за човекови права, Директоратот за човекови права и достоинство и Комитетот на министри, пред Европскиот парламент и Европската комисија и очекуваат нивното патување да предизвика реакција кај високи претставници на ЕУ. „Се обидуваме да допреме до поголем број луѓе во странство, за да слушнат повеќе за нас и да добијат поддршка однадвор затоа што сè уште ни е потребна. Бидејќи ја пропатувавме цела Србија, веруваме дека беше клучно луѓето лично да не запознаат и да ја разберат нашата мисија и цел, па веруваме дека и таму ќе не сфатат сериозно откако решивме да започнеме на овој начин“, изјавија тие. Трасата е поделена на неколку етапи, од кои секоја е долга приближно 100 километри. Првата е утре, Нови Сад – Суботица, а последна е Карлсруе – Стразбур, каде треба да пристигнат на 15 април околу 14 часот. Вечерва во кампусот на Универзитетот во Нови Сад од 18 часот има донаторски настан организиран од фармери и моторџии, на кој ќе се собираат средства за патувањето....

Од утринава во израелските напади во Појасот Газа се убиени најмалку 57 Палестинци, соопштија медицински извори. Најмалку 22 лица, меѓу кои и деца и жени, загинаа во напад на здравствена установа во Џабала, соопштија локалните власти, пренесе Ал Џезира. Еден од најсериозните напади беше нападот на куќа во Кан Јунис, на југот на Газа, каде беа убиени најмалку 12 Палестинци. Тие луѓе погинаа во напад во североисточниот дел на Рафа, каде што израелската армија соопшти дека спроведува офанзива од големи размери за заземање „големи области“. Израелскиот министер за одбрана Израел Кац денеска најави значително проширување на воената операција во Газа и рече дека големи области од палестинската енклава ќе бидат окупирани и додадени во безбедносните зони на Израел. Министерот во соопштение најави дека ќе има голема евакуација на населението од областа на борбените операции, пренесуваат британските медиуми.сд...

Американски сојузен судија денеска го отфрли случајот за корупција на градоначалникот на Њујорк, Ерик Адамс, согласувајќи се со вонредното барање на американското Министерство за правда за отфрлање на кривичните обвиненија, за Адамс да му се помогне на претседателот Доналд Трамп да се справи со имиграцијата. Случајот беше инициран за време на администрацијата на претседателот Џо Бајден, а судењето требаше да почне месецов сè додека Министерството за правда не одлучи да го поништи. Адамс се изјасни дела не е виновен за корупција и другите обвиненија откако минатата година беше обвинет дека примал незаконски пари за кампањата, добивал попусти за патувања од турски претставник во замена да дозволи Турција да отвори дипломатска зграда без дозвола од противпожарната инспекција. Адамс, пензиониран полициски капетан и поранешен државен пратеник и функционер во Бруклин, е избран во 2021 година за градоначалник на Њујорк. Но, по обвинението во септември, Адамс почна да негува подобри односи со Трамп, одбивајќи јавно да го критикува....

Секторот за односи со јавност на Општина Битола попладнево информира дека при инспекциски надзор од страна на одделението за градежна инспекција, за три објекти утврдени се неправилности и преземени се соодветни мерки. Два од објектите се наоѓаат на патот за населеното место Нижеполе, а еден кај населбата Довлеџик, посочија од локалната самоуправа. -Кај еден објект констатирани се работни активности за монтажа на настрешница, челична конструкција, без претходно обезбедено одобрение за монтажа од Општина Битола. Изготвен е записник за констатираната состојба, а градбата е стопирана. На патот за населеното место Ниже поле, при вонреден инспекциски надзор, констатирано е дека се гради објект од челични профили и покривка од панели, а исто така на друг дел од парцелата се изведува конструкција од бетонски столбови, кровна конструкција од челични профили и покривка од панели, без претходно прибавено одобрение за градење издадено од градоначалникот на Општина Битола. Од страна на субјектот на надзор укажано е дека освен приложениот имотен лист, не поседува никаква друга документација за градбите. Врз основа на констатираното, согласно изготвниот записник, за нелегалните градби ќе следува решение за рушење, информираа од Општина Битола. Во соопштението за јавност се посочува дека и на објект на излезот од Битола, согласно инспекцискиот надзор, ќе бидат преземени истите мерки бидејќи констатирано е дека објектот е дивоградба, а истиот бил изграден пред десетина години, како хала од челична конструкција покриен со панели и приклучен на електрична мрежа. -Во изминатите три години, општинскиот инспекторат, бележи значително зголемен број на постапувања на терен, вклучувајќи ги и постапувањата при отстранувањето на нелегално поставените објекти – диви гаражи и хаварисани возила на јавни површини. Покрај ваквото делување, во 2022 година, во Сектор општински инспекторат е постапувано по вкупно 1751 претставки, пријави и барања и тоа во одделението за комунална инспекција, инспекција за животна средина и инспекција за домување постапувано е по 1178 предмети, градежна инспекција, инспекција за патен сообраќај и патишта, постапуваала по 450 предмети, претставки дописи и слично, а во одделението за инспекција за приходи, туризам, угостителство, образование и спорт, постапувано е по 123 предмети, соопштија од Општина Битола. Според прегледот на секторот за односи со јавност, во 2023 година, постапено е по 1870 претставки, пријави и барања од кои одделението за комунална инспекција и инспекција за животна средина имало 1285 предмети, градежна инспекција, инспекција за патен сообраќај и патишта 503, а инспекцијата за туризам, угостителство, образование и спорт, постапила по 82 предмети. Во 2024 година, Секторот општински инспекторат постапил по вкупно 1559 претставки и барања, од кои одделението за комунална инспекција и инспекција за животна средина постапило по 1038 предмети, градежна инспекција, инспекција за патен сообраќај и патишта по 347, а инспекцијата за приходи, туризам, угостителство, образование и спорт по 174 предмети. Зголемените контроли, продолжуваат и оваа година, со зголемена транспарентност и информирање на граѓаните, соопштија од Општина Битола....

Отворена е првата книжарница на издавачката куќа „Бата прес”! Се наоѓа во деловниот центар „Алуминка”, на бул. „Партизански одреди” број 70, локал 9, во Карпош 3, во близина на „Сити мол” и „Лептокарија”. Книжарницата е отворена од понеделник до петок, од 8:00 до 16:00 часот....

62-годишен жител на Струмица доби кривична пријава за обид за убиство откако, по расправија, избол сограѓанин со нож, соопшти МВР. „СВР Струмица поднесе кривична пријава против Т.Г.(62) од Струмица поради постоење основи на сомнение за сторено кривично дело ,,убиство“ во обид. На 18.02.2025 во Струмица, по претходна расправија, пријавениот со остар предмет му нанел убодна рана на М.М. од Струмица“, пишува во полициското соопштение...

Терапија објавува дека ќе биде дел од Muse-X Експофест Тирана 2025, уникатен фестивал кој ќе се одржи од 11 до 13 април 2025 година. -Благодарение на оваа соработка, добиваме простор да ја претставиме нашата работа, да се вмрежиме со водечките имиња во индустријата и да станеме дел од една револуционерна музичка и уметничка платформа – велат од Терапија. Muse-X не е само фестивал, туку експофест што комбинира професионална изложба, живи настапи и програма за развој на уметници. Терапија ќе биде таму за да ја презентира својата визија, да ги сподели своите искуства и да учествува во креирањето на една нова музичка ера на Балканот. Овој настан ги обединува хип-хоп, електронската и рок сцената, создавајќи простор каде што музиката и уметноста се спојуваат на уникатен начин. Фестивалот нуди многу повеќе од сцени за настапи – интерактивни уметнички инсталации, културни активности и можности за поврзување со музички професионалци, компании и институции. Muse-X не само што отвора врати за нови можности, туку и создава средина што ја негува креативноста, поттикнува раст на индустријата и ја поврзува локалната сцена со глобалниот пазар. Целта на Muse-X е да ја обедини балканската музичка сцена, да создаде платформа за соработка и иновација и да ги поврзе локалните уметници со глобалната музичка индустрија. Терапија е дел од оваа визија – нашата мисија е да ја поддржиме културната размена, да ја промовираме урбаната музичка сцена и да придонесеме за еволуцијата на музичките настани во регионот. Оваа иницијатива се реализира во соработка со Liber Legis Musica Universalis, со заедничка цел да се создаде платформа што ги поврзува уметниците, продуцентите и музичките ентузијасти низ целиот Балкан. Со нетрпение очекуваме да бидеме дел од Muse-X и да го споделиме ова искуство со сите љубители на музиката и уметноста. Не пропуштајте – 11-13 април 2025, Тирана. Терапија и Muse-X, заедно ја обликуваме иднината на музиката и уметноста...

Телеком Србија денеска ги презеде Нет ТВ Плус, која емитува програма за пазарот на дијаспората, како и сателитската телевизија Тотал ТВ во Србија и Северна Македонија од Јунајтед Груп. Извршниот директор на Телеком Србија Владимир Лучиќ рече дека компанијата со тоа ја потврди својата водечка позиција во дистрибуцијата на мултимедијални содржини како во Србија и регионот, така и во дијаспората. – Сите корисници кои гледаа телевизиски програми преку Тотал ТВ во Србија и Северна Македонија или преку НЕТ ТВ ширум светот, сега ќе имаат на располагање значително поголем број канали, а особено би ги истакнал оние кои нудат најдобра програма за спорт и серии, Арена Спорт и Суперстар, информира Лучиќ...

Тие сакаат да продолжат „да ја водат земјата“ исто како и до сега: со економски порази, државно спонзориран криминал и корупција, исклучувајќи ги несистемските Македонци и Албанци од економијата и политиката. На кусо, флертот на Филипче и Мицкоски е само обид за официјализирање на договорањето меѓу Заев, Мицкоски и олигархијата во скопска „Автокоманда“ од 2022/23. И на тоа мора да се спротивставиме особено ние Македонците. Во основата на овој договор е задржување на економска и политичка „самоуправна“ администрација од југословенско Скопје во име на Белград: до 1991 во име на Југославија, од 2018 во име на „српскиот свет“ преку припадност кон „Отворен Балкан“. „Во духот на“ вториот дел од „референдумското прашање од 1991“. Барањето за „нов рамковен (економски) договор беше најавен со две фамозни „дебати“ на поранешниот премиер и претседател на Републиката, Црвенковски, еднаш (посредно) во МАНУ и потоа директно во „Клубот на пратениците“, во друштво на Костов и Азески. Дебати од кои не се оградија СДСМ како тогашна власт и ВМРО-ДПМНЕ како тогашна опозиција, но дебати од кои се огради македонскиот народ. Затоа што „новиот (економски) рамковен договор“ беше препознат како официјализирање на економската како чекор до фактичката поделба на Северна Македонија: – за (неформално) исцртување на економско-политичкиот ентитет „Република Македонска“ во коридор на „српскиот свет“ и оската Белград-Бањалука-Будимпешта под московска контрола кон Егејското Море – под системска, економска и политичка контрола на југо-советската тајкунерија по Повардарието и источниот дел на Северна Македонија. За Скопско и Пелагониско „ќе преговараме“. Всушност, тоа е продолжување на дискусиите на Милошевиќ од 1992 за „решавање на македонското прашање“ низ поделба – директно одбиено од Грција и потоа и од Бугарија и од Албанија и од Турција. Затоа контролираните медиуми на македонски јазик постојано им го потпикнуваа „сепаратизмот“ на Албанците – за Косово да не може да ја оствари својата независност, а Македонците да останат антагонизирани со (рамноправноста на) Албанците и да бидат упатени на заштита од СРЈ/Србија. Омилената дестинација на шверц-композициите и шлеперите кои ја хранеа воената машинерија на Милошевиќ. Оттука и неволното признавање на косовската независност од тогашната Влада – затоа што независноста на Косово и (Северна) Македонија се поврзани со ослободување од претензиите на српството наспроти националната идеја на србијанството кои денес се судираат низ протестите во Србија. „Седи тука“ Ви текнува на првата средба по изборите на Мицкоски со Азески? Во моментот кога претседателот на СКСМ го седна како „прваче“ новиот премиер, ВМРО-ДПМНЕ потврди дека до изборите ги адресирало гласачите, а по изборите – работи за тајкуните. Што направи Филипче по 30. Конгрес на неговата партија? Отиде на средба со Силјановска-Давкова и изрази разбирање за ВМРО-ДПМНЕ во одлагање на уставните промени и „барање подобро решение“. Кога Брисел, Софија, Атина, Приштина и Тирана не пружаат ниту причина ниту повод за расправии со Скопје, СДСМ и ВМРО-ДПМНЕ како партиско-медиумски промотори на изронетата „олигархија“ – се упатени на соработка. Вака гледано, не е изненадувачки зошто Филипче сега мора да ја спасува премиерската позиција на Мицкоски, во услови на: – недостаток на пари кои ЕУ ќе ги истура за пополнување на буџетските дупки во РСМ, – условеност на економскиот напредок од европските интеграции, – турбуленции во владината коалиција меѓу ВМРО-ДПМНЕ и СДСМ на Црвенковски (ЗНАМ) – пукање на системот кој постои за да ги брани организираниот криминал и корупцијата и – пукање на коалицијата ВЛЕН најавена за промена на политичките односи кај Албанците паралелно на европскиот пат на Северна Македонија – а сега сведена на суштинска непретставеност на Албанците. Затоа што ВМРО-ДПМНЕ и СДСМ формирани по модел на југословенски граѓанизам и етно-супремацизам – немаат друг начин да преживеат во досегашниот формат освен ако не се спојат функционално, во една влада. Прво во „експертска“, потоа во „Пржинска“, сега во „Струмичка“ – за да се затскријат трагите на неуспехот што треба да им се припише на „идеалистите“, „либералите“, ДУИ, Албанците, Бугарите, Грците… на сите освен на (извршителите на) југословенските тајкуни, нивните медиуми, невладини организации и партии кои орбитираат околу нив – ВМРО-ДПМНЕ и СДСМ. Затоа Филипче нуди прво тет-а-тет средба со Мицкоски, чии заклучоци потоа треба да им се понудат на ДУИ и она што ќе остане од ВЛЕН: За „од оваа и онаа страна на Групчин“ се да продолжи по старо, само да не се оди кон ЕУ. Или барем тоа да потрае додека не се сокријат трагите од валканиот капитал. За таа цел е потребно што повеќе да се одложуваат дополнувањата на Преамбулата, да се избегнуваат сите воено-технички договори за соработка Ивон Величковски...

Се очекува Унгарија за време на посетата на премиерот Бенјамин Нетанјаху оваа недела да објави дека се повлекува од Меѓународниот кривичен суд, дознава „Тајмс оф Израел“. Тоа ќе биде прво патување на Нетанјаху во Европа откако МКС минатата година издаде налог за апсење за него и за тогашниот министер за одбрана Јоав Галант за наводни воени злосторства во Појасот Газа, што значи дека земјите-членки на Римскиот статут – меѓу кои е и Унгарија – ќе бидат обврзани да го уапсат. Нетанјаху утре ќе се сретне со унгарскиот премиер Виктор Орбан, кој во ноември ја отфрли одлуката на МКС да се бара апсење на Нетанјаху и го покани да оствари официјална посета без страв дека ќе биде приведен. Ниту Израел, ниту САД не се страни во судот, а налогот нема механизам за извршување, при што МКС наместо тоа се потпира на соработката од своите земји-членки. Од земјите-членки на МКС се бара да постапат по налогот за апсење на судот, но тоа не го правеле секогаш, потсетува израелскиот портал...

Потенцијалното патување на американскиот претседател Доналд Трамп во Саудиска Арабија, кое би можело да се случи во следните неколку недели, нема „никаква врска“ со рускиот претседател Владимир Путин, изјави денеска портпаролот на Кремљ, Дмитриј Песков. „Во оваа фаза не е планирана средба меѓу двајцата лидери“, додаде Песков. Пред два дена, Трамп рече дека можеби ќе ја посети Саудиска Арабија, што ќе биде негово прво патување во странство откако се врати во Белата куќа во јануари. Во февруари, Трамп посочи дека најверојатно ќе се сретне со Владимир Путин во Саудиска Арабија, без да наведе конкретен датум. Оттогаш, Саудиска Арабија е домаќин и на разговори во врска со војната во Украина. „Рускиот претседател во моментов нема планови за таква средба. Ништо не е јасно утврдено – ниту датумот, ниту местото за евентуална средба меѓу Путин и Трамп. Продолжуваме да одржуваме контакти на различни нивоа и преку различни канали“, додаде Песков...

Вардар денеска во Велес ги поплави двете страни од кејот, а под вода се дрвјата покрај реката во Градскиот парк. За опасноста од излевање на Вардар, како што изјави директорот на ЦУК Стојанче Ангелов, веќе има дојава до кон Општина Велес и е побарано веднаш да излезат на терен и да извршат правилно и видливо обележување на опасноста Како што појасни Ангелов, бидејќи се работи за речен тек во урбана средина, надлежноста и обврската во и околу речното корито е на Општина Велес. Вардар денеска во Велес ги поплави двете страни од кејот, а под вода се дрвјата покрај реката во Градскиот парк. Инаку во Градскиот парк во Велес, споредено со вчера, Вардар е драстично пораснат, потврдија за МИА велешките кајакари, кои и денеска забрзано се подготвуваат за претстојното Европско првенство. Кајакарот Благојче Гугинов за МИА изјави дека споредено со вчера Вардар во Градскиот парк во Велес е пораснат за околу метар, видливо е дека се поплавени дрвјата на брегот, а и реката денеска е многу побрза од вчера. Инаку вчера Вардар во Велес кај Стар Мост според мерењата на УХМР бил 160, а утрото бил 170 антиметри. Споредено со изминатата недела кога Вардар во Велес беше 86 сантиметри, вчера и денеска нивото на реката е двојно и повеќе пораснато. Како потврда на тоа дека Вардар споредено со вчера е драстичо пораснат говори и податакот од УХМР дека вчера кај Демир Капија, Вардар бил 191, а денеска е на 249 сантиметри...

Проблемот на работниците може да се реши системски и со вистински пристап, велат од Владата откако денеска раководството на Сојузот на синдикати на Македонија побара зголемување на минималната плата на 500 евра или избраните и именуваните лица да земат минимална плата. – Со обиди за компарации на плати и популистички изливи на агресија само се докажува партиската позадина на дел од раководството на синдикатот. Кога прават компарација на плати, да ги потсетиме дека ние како влада бевме против кога платите на функционерите се зголемуваа, а синдикатот тогаш молчеше за своите партиски миленици од СДСМ и ДУИ. Како што молчеа со години додека СДСМ беше на власт, а државата ја уништуваа, ограбуваа и продаваа. Но тоа е зад нас. Ние на овој проблем гледаме како на проблем на тешката и сложена социоекономска состојба во државата, а не на персоналните политички амбиции на дел од раководството на синдикатот. Нивото на дискусија да ги спуштиме сите платите – за нас не е проблем и да ги спуштиме платите, но на работниците тоа нема да им го реши проблемот. Притоа, да потсетиме дека ова е прва влада која донесе одлука за замрзнување на платите на функционерите, се наведува во соопштението од Владата. Оттаму велат дека за премиерот да има иста плата со претседател на синдикат, треба претседателот на синдикатот да победи на првите наредни парламентарни избори, а пред тоа, како што посочуваат, да има договор да се најде на листите на СДСМ. – Со сила и со ваква очигледна партиска мотивираност и со малициозен и неразумен пристап, ништо нема да постигнат, велат од Владата. Членовите на највисоките тела на Сојузот на синдикати на Македонија денеска одржаа јавна седница пред законодавниот дом, Владата и Стопанската комора на Северна Македонија од каде побараа повлекување на одлуката за зголемување на минималната плата за 1.800 денари и намалување на платите на избраните и именуваните лица на ниво на минимална плата. ССМ бара зголемување на минималната плата на 500 евра и зголемување на останатите плати во државата, во спротивно најавува генерален штрајк и протест. Според синдиактот, донесената одлука за зголемување на минималната плата за 1.800 денари е противзаконска затоа што не е помината на седница на Економско-социјалниот совет каде членуваат трите социјални партнери. Ова, според ССМ, се случува првпат откако е донесен Законот за минимална плата. Од Владата, пак, остануваат на ставот дека зголемувањето на минималната плата е законско. Министерот за економија и труд Бесар Дурмиши денеска во изјава за медиумите рече дека демократско право е на секого да протестира, но дека зголемувањето на минималната плата е направено согласно законските критериуми....

Инспектори од повеќе од 30 земји разбиле огромна педофилска мрежа со речиси два милиони корисници ширум светот и уапсиле 79 лица, соопшти денеска полициската агенција на ЕУ, Европол. Како што пренесе ДПА, 79-те лица не само што се осомничени дека гледале или преземале видеа со сексуална злоупотреба на деца, туку и некои од нив се осомничени дека активно учествувале во злоставување. Околу 1.400 осомничени се идентификувани ширум светот. Платформата, позната како Кидфликс, била отстранета од интернет под раководство на властите во Баварија. Според Европол, ова била една од најголемите светски педофилски мрежи и ја означува најобемната операција против сексуална злоупотреба на деца во Европа досега. Серверите на платформата со над 70.000 видеа биле затворени од германските и холандските власти на почетокот на март. Истрагата почнала во 2022 година, но неодамна се интензивирала. Властите од 10 до 23 март конфискуваа илјадници електронски уреди и над 91.000 видеа. Европол соопшти дека Кидфликс била основана од кибер-криминалци во 2021 година и станала една од најпопуларните платформи за педофили. На неа корисниците можеле да преземаат и емитуваат видеа кои прикажуваат сексуална злоупотреба на деца за одредена сума...

Унгарската влада сака да воведе можност за привремено одземање на унгарското државјанство на одредени двојни државјани. Соодветниот предлог-закон синоќа до Парламентот го поднесе владејачката партија на Виктор Орбан. Предлог-законот, кој се очекува да биде усвоен, има за цел да им го одземе државјанството на луѓето кои се окарактеризирани како закана за државата. Според нацрт-законот, одземањето на унгарското државјанство може да важи само за двојни државјани чие второ државјанство не е на земја од ЕУ, Швајцарија, Лихтенштајн, Норвешка или Исланд. Одземањето на државјанството треба да биде можно, меѓу другото, доколку некое лице „дејствува во интерес на странска сила или странска организација, ги следи целите на странска сила или странска организација“ и на тој начин претставува „закана за јавниот ред и безбедност“ на земјата. Предвиденото одземање државјанство за најмногу десет години не е вообичаено. Државјанството обично може трајно да се одземе....

Соопштение на СДСМ По објавата на општината за еколошкиот инцидент во Крива Паланка, сите оние несоодветни реакции на Државниот инспекторат и Министерството за животна средина и сите нивни штури изјави на Фејсбук, јасно укажуваа дека некој имаше намера ова да го скрие од јавноста, рече градоначалникот на Крива Паланка, Сашко Митовски, на гостувањето во дебатата на ТВ24. Тој се осврна на институционалното непостапување поврзано за случајот со рудникот „Тораница”, еколошкиот инцидент и загадувањето на Крива Река со цијанид и други опасни токсични материи. – Според резултатите од анализите на водата на Крива Река, вредноста на оловото е зголемена за 10 пати повеќе од дозволеното, а вредноста на цијанид е зголемена за 0,014, од дозволените 0,001. Факт е дека ова некој сакаше да го скрие од јавноста. И по 17 дена сè уште немам добиено официјално соопштение од рудникот „Булмак 2016″ за да ги информира граѓаните на Крива Паланка за што станува збор. Немаше јавно и транспарентно прикажување на сите записници од инспекцискиот наод и ова отвора сомнеж дека некој сака да го скрие. И најверојатно тоа е Државниот инспекторат и Булмак во заедничка корелација. Друго објаснување нема, рече Митовски. Тој посочи дека неговата одлуката за правење на анализите на водата се заснова единствено врз потребата на заштита на граѓаните. – Во една таква ситуација, како прв човек на општината, кога гледате дека системот и државните институции не функционираат, неопходно и неминовно беше да застанам во одбрана на моите сограѓани. Во соопштението од Државниот инспекторат за животна средина беше наведено дека се работи за технолошки води, но без соодветни анализи. И во целата постапка не се земени предвид сите инспекциски методи, а институциите директно излегоа во одбрана и заштита на рудникот Булмак 2016″. Сметаме дека државниот инспекторат е застанат директно во одбрана на приватната компанија, рече Митовски. Тој рече дека општина ги превзема сите превентивни мерки, со достава на соодветна кривична пријава до ОЈО, до бирото за јавна безбедност каде покрај сите членови од кривичниот записник, ќе се бара и целокупна кривична одговорност...

Последниот скандал со припадникот на обезбедувањето на премиерот Мицкоски, кој од просториите на СВР Велес изнел службени документи со доверлив карактер, е само уште една потврда за длабоко вкоренетата корупција во редовите на МВР. Ова не е изолиран инцидент, туку дел од поширок проблем што со години ја разорува безбедносната на државата. Ова го велат денеска од ЛЕВИЦА преку соопштение кое ви го пренесуваме во целост. Овој случај повторно сведочи за постоењето на “кртови” во полицијата, кои наместо да ја штитат безбедноста на граѓаните, соработуваат со криминални структури. Потсетуваме дека неодамна, кога Обвинителството се обидуваше да го разбие нарко-картелот „Грчец“, акцијата со кодно име „Планина” беше пробиена од корумпирани структури, овозможувајќи им на криминалните групи да се дадат во бегство. Исто така, сѐ уште нема никаква информација за поранешниот вицепремиер Артан Груби, кој “исчезна“ без никаква реакција од институциите. Владата останува немоќна или незаинтересирана да објасни како Груби навремено успеал да избега, што дополнително го засилува сомнежот за системско потпомагање на криминалот од највисоките ешалони на власта. Дополнително загрижувачки е фактот што МВР обзнани за случајот со оддавање службена тајна дури откако јавноста и медиумите веќе го разоткрија, а дотогаш, немаше никаква трага ниту во Дневните билтени на МВР за обезбедувањето на Мицкоски. Индикативно е и што функционери и од претходната и од сегашната власт не ретко се фотографирани во друштво со лица од криминалното подземје. Па така и актуелниот премиер Мицкоски е фотографиран на гоштевање во Грчец со нарко-босови, што фрла сериозна сенка врз кредибилитетот на институциите во борбата против организираниот криминал. Дополнително сомневање предизвикува и фактот дека информациите биле изнесени токму од СВР Велес, каде претходно разоткривме сериозни случаи на роднинско влијание од министерот Тошковски. До нас постојано пристигнуваат нови информации за непотизам и злоупотреби во оваа институција, што укажува на систематско вградување на лојални кадри кои не одговараат на законот, туку на партиските и криминалните структури. Доколку власта навистина сака да покаже дека правдата и безбедноста е над партиските и личните интереси, тогаш Левица ги повикува веднаш да пристапат кон ветинг во МВР. Само темелна проверка и чистење на редовите на полицијата може да ја врати довербата во институциите и да обезбеди ефикасна борба против криминалот...

Љупчо Палевски – Палчо, првообвинет во случајот со грабнувањата и убиствата на Панче Жежовски и Вања Ѓорчевска, се врати во судница, откако беше отстранет на барање на адвокатот на Влатко Кешишев, поради тоа што неговиот клиент, како што кажа, немало да може да ја зборува вистината ако Палчо бил во судница. Подоцна Палчо беше вратен во судница, кога судијата го читаше исказот на Кешишев од претходно, а Палчо запишуваше. „Полека диктирај, се да запишам“, рече Палчо на судијата. Кешишев на денешниот исказ кажа дека го видел Палчо како држи пиштол при убиството на Вања, и дека не знае оти Панче бил убиен, бидејќи не бил на местото. Кажа дека заедно со Манев ја копале дупката во Велес, но мислел оти барале злато. Во неговиот телефон Палчо му бил запишан како „Царот“, и во судница призна дека го слушал Палевски се што ќе му нареди (tv21)...

Матурантите ќе ја полагаат државната матура во своите училишта под услов тие да ги исполнуваат потребните стандарди за спроведување на испитите. За училиштата кои немаат просторни услови, Државниот испитен центар (ДИЦ) ќе овозможи алтернативни простории врз основа на барања што ќе им ги достават засегнатите училишта. Сојузот на средношколци соопшти дека било прифатено нивното барање матурата да се полага во училишните простории наместо во амфитеатрите на факултетите, освен за оние што немаат услови. Тоа денеска го соопштија претседателот на Сојузот на средношколци, Берин Мухамед, и директорката на ДИЦ, Даниела Јовчевска-Михајловска. -Сите училишта кои ги исполнуваат просторните можности, согласно Правилникот за организирање државна матура, што значи метар и половина растојание пред и зад ученикот и од страна, имаат можност да полагаат во големите простории коишто ги имаат во училиштата, а тоа се фискултурните сали или холовите. За останатите училишта, коишто немаат такви можности или не ги исполнуваат просторните услови, државната матура ќе се организира на други локации, поточно на факултетите, изјави Јовчевска-Михајловска. Посочи дека од директорите односно од училишните матурски одбори побарале да ги анализираат просторните услови и да достават до ДИЦ барање доколку не се во можност во своите училишта да организираат матура според Правилникот. За оние кои веќе се изјасниле дека немаат услови, ДИЦ пристапил кон барање решенија за организирање на матурата на факултетите. Како што рече, такви училишта има повеќе во државата, но за разлика од минатите години кога за полагање на матурата во спортски сали на други училишта, тие самите обезбедувале и дотаму превезувале клупи и столчиња, оваа година ќе им бидат обезбедени услови на факултетите каде што се ќе им биде наместено. Рече дека и во оваа година се уште нема да може да се реализира идејата за поставување блокатори за мобилни телефони и за други електронски уреди, но дека како опција останува за во иднина. Средношколскиот лидер Берин Мухамед изјави дека полагањето во амфитеатрите на факултетите ќе важи за сите училишта што немаат просторни услови, а не само од некои градови бидејќи, рече, се шират такви нејаснотии меѓу средношколците. -Затоа сакаме да ги информираме подобро средношколците. Побаравме средба со МОН и ДИЦ и по состанокот дознавме дека на сите училишта им се дава можноста да полагаат во нивните простории ако ги исполнуваат условите за полагање, а за оние кои не можат да ги исполнат условите, може од ДИЦ да побараат простори, додаде Мухамед. Двата екстерни испита од државната матура 2024/2025 година ќе се полагаат на 31 мај и 11 јуни. За полагање се пријавени околу 15 000 матуранти. Овој месец матурантите ја работат проектната задача која, заедно со екстерните и интерните испити, е дел од државната матура. ДИЦ веќе ги почнал подготовките за завршниот испит – објавени се тестови од минатите години заедно со точни одговори што им помага на матурантите како подготвителен материјал. Со донесувањето на новиот Закон за средно образование, кој е во собраниска процедура, се очекуваат и новини во полагањето на државна матура односно модели согласно видот на образование (гимназиско, стручно и уметничко)....

Нутриционистите откриваат два од најдобрите зачини за кафе кои можат да ви помогнат да ги ослободите вишокот килограми. Кафето е повеќе од утринско засилување на енергијата. Правилно збогатен, може да помогне да се забрза метаболизмот. Шери Бергер, диететичар и консултант за исхрана во Consumer Health Digest и Лиза Ричардс, диететичар, споделуваат начини како да го зајакнете кафето и да го поддржите метаболизмот. Експертите посочуваат на два зачини кои кога ќе се додадат во кафето, не само што ќе го подобрат неговиот вкус, туку и ќе ги поддржат метаболичките процеси. Дознајте што се овие зачини и како да ги користите за да добиете најмногу придобивки. Како циметот влијае на метаболизмот? Познат по својата топла и слатка арома, циметот е зачин кој често се додава во кафето ширум светот. Неговиот мирис може да го збогати вкусот на вашата утринска шолја. Понатаму, циметот може позитивно да влијае на вашиот метаболизам. Лиза Ричардс објаснува дека циметот може да го поттикне метаболизмот преку неколку механизми. Ја подобрува чувствителноста на инсулин, што му овозможува на телото поефикасно да го регулира нивото на шеќер во крвта. Како резултат на тоа, ризикот од складирање маснотии се намалува и гликозата подобро се користи како извор на енергија. Покрај тоа, циметот може да има термогено дејство, што значи дека може малку да ја зголеми стапката на метаболизмот со зголемување на производството на топлина во телото откако ќе се конзумира. Како куркумата влијае на слабеењето? Куркумата станува сè попопуларна како додаток на кафето, иако не е традиционална комбинација. Овој зачин не само што додава уникатен вкус на пијалокот, туку може да помогне и во зајакнување на метаболизмот благодарение на неговата содржина на куркумин, активно соединение со потенцијални својства за промовирање на здравјето. Истражувањата покажуваат дека куркуминот може да го намали обемот на половината, индексот на телесна маса и телесната тежина. Додавањето куркума во кафето може да биде уште еден чекор кон поддршка на метаболичките процеси. Како да го збогатите кафето со зачини за слабеење? За да го добиете целосниот потенцијал на овие зачини, обрнете внимание на тоа како ги додавате во вашето кафе. Лиза Ричардс предлага да се додаде цимет директно во свареното кафе или да се меша со мелени зрна кафе пред да се подготви. Во случај на куркума, експертите препорачуваат да се меша со прстофат црн пипер. Биберот е клучот за подобра апсорпција на куркуминот во телото, а некои студии сугерираат дека може да ја зголеми апсорпцијата до 2.000 проценти. Додавањето куркума и бибер во кафето може значително да ги зголеми неговите својства за промовирање на здравјето (nezavisen.mk)...

Министерството за здравство информира дека тројца пациенти од повредените лица од пожарот во Кочани се враќаат во земјава, од кои двајца беа хоспитализирани во Грција и еден пациент во Шведска. Согласно протоколите ќе бидат задржани под 24-часовен надзор. Како што наведуваат оттаму, во Србија остануваат хоспитализирани 23 пациенти, Бугарија 14 паценти, Турција 10 пациенти, Грција 8 пациенти, Словенија 4 пациенти, во Унгарија, Хрватска, Шпанија, Австрија и Литванија се хоспитализирани по 3 пациенти, во Италија и Полска по еден пациент. -Во Скопје, на Клиниката за токсикологија вчера беше хоспитализиран пациент по враќање од Полска, истиот денеска се пушта на домашно лекување. На Клиниката за пластична хирургија остануваат двајца пациенти, а во Хируршката клиника Св.Наум Охридски 6 пациенти, стои во соопштението. Се додава дека во ГОБ 8 Септември се хоспитализирани пет пациенти, од кои еден е планирано да биде пуштен на домашно лекување, на Клиниката за пулмологија двајца пациенти, а во приватната болница Систина се хоспитализирани тројца пациенти. -Министерството за здравство внимателно ја следи состојбата на повредените пациенти и останува во постојана комуникација со медицинските тимови во земјата и странство, посветено на обезбедување најдобра можна нега за повредените од несреќата во Кочани, наведуваат од Министерството за здравство...

Вчера полициски службеници од СВР Охрид го лишиле од слобода А.И. од Охрид, постапувајќи по претходна пријава од страна на маж од Охрид, заради постоење сомнение за сторени кривични дела „противправно лишување од слобода“ (чл. 140 ст.1 од КЗ) и „изнуда“ (чл.258, ст.1 од КЗ). Според пријавителот, инаку во роднинска врска со пријавениот, на 31.03. 2025 околу 21 часот А.И. дошол во домот на пријавителот и со пиштол, под закана го држел и физички го нападнал, барајќи од него да му препише во сопственост патничко возило и да добие вработување во фирмата на пријавителот. При тоа, консумирал и бела прашкаста материја. Откако пријавителот ветил дека ќе ги исполни барањата на А.И., заедно се упатиле кон фирмата на пријавителот, при што тој успеал да побегне и случајот го пријавил во полиција. А.И. е лишен од слобода, а бил извршен и претрес во стан и други простории кои тој ги користи, при што се пронајдени пиштол, кеси со семки од канабис, остатоци од канабис, една дробилка. предмети со остатоци од бела прашкаста материја и друго. По целосно расчистување на случајот ќе следува соодветен поднесок...

Познатата оскаровка Хелен Мирен во интервју за The Standard зборуваше за франшизата за Џејмс Бонд, особени за аспектот на „длабок сексизам“. Мирен вели дека на современата публика и требаат филмови кои ќе ги прикажуваат вистинските приказни на храбрите жени во светот на шпионажата. Жените од самиот почеток биле неверојатно важен дел од Тајната служба, објасни таа. -Никогаш не сум бил голем обожавател на ликот на Џемс Бонд. Јас сум обожавателка на Пирс Броснан. Тој е еден од најубавите луѓе со кои некогаш ќе имате задоволство да работите. И Даниел Крег.. Исто така, многу убав и љубезен човек, признала Мирен. Актерката отворено го изрази своето незадоволство од начинот на кој жените беа прикажани во филмовите за Бонд. Таа нагласи дека целиот концепт на Џејмс Бонд е роден од длабок сексизам кој се уште е присутен од него. Наместо женска верзија на Бонд, Мирен се залага за филмови кои ќе прикажуваат вистински приказни за храбри жени од светот на шпионажата, особено истакнувајќи го примерот на жените од француското движење на отпорот....

Обвинетиот Влатко Кешишев за случајот со убиствата на Вања и Панче денеска одговараше на прашања на јавниот обвинител кои се фокусираа на комуникациите со сообвинетите, мотивите и свесноста на обвинетиот за сериозноста на ситуацијата. Кешишев призна дека бил под влијание на Љупчо Палевски, но тврди дека не бил целосно свесен за своите дејствија. Прашан дали е логично, ако не оделе да убиваат некого да го остават телефонот во Скопје за да не се открие нивното движење, тој одговори дека имале мотороли и како што рече, „никој никогаш не правеше муабет за убиства“. Прашан дали му било логично откако се вратиле другите да не разговараат ништо и да не праша што се случило со телото на лицето, одговори дека не знае. -Не знам дали е логично ,но никој не разговараше. Кога стигнавме во штабот направив кафе и сокови и тогаш се напомена дека е убиен, рече тој. Во однос на прашањето дека од негова страна немало никаква реакција дека се случило убиство на 22.11.2024 во Велес, одговори дека не пријавил никаде бидејќи, како што рече „прво бев збунет, потоа не можев да го напуштам штабот“. Судењето за убиството на Вања и Панче продолжува денеска во Основен Кривичен суд Скопје со сведочење на обвинетиот Влатко Кешишев. На изминатото рочиште беше сослушуван обвинетиот Боре Видевс На прашањето од обвинителката дека во неговиот мобилен телефон Љупчо Палевски е мемориран како „Царот“, односно дали тоа значи дека слуша сѐ што ќе му каже и нареди Љупчо Палевски, Кешишев одговори потврдно. Согласно вештачењето, праша обвинителката, вие сте здрава личност, дали тоа значи дека свесно и доброволно сте ги презеле сите дејствија? -Не баш свесно, по навика што му бев послушен бидејќи ми кажа да не зборам многу, да ќутам, да седам на страна, ќе бидам на страна, рече тој. На прашањата дали се бришени комуникациите со Љупчо Палевски и останатите обвинети, одговори дека не ги бришел тој бидејќи не знае како се бришат. Прашан дали му било познато дека учествувал во настан во кој треба да се уништат сите траги, одговори да. -Свесно или не свесно не можев него да го предадам пред сѐ и уште не ми беше јасно што се случи и како, не бев свесен за целата состојба, потенцираше Кешишев. – Јас не сум човек. Кажа еден лош збор. Штом сум во ова и јас имам учество. Полека се кршеше човекот… Кажа дека оделе со Палчо во Бразда за некој објект што го градел. Реков, ќе не однесеш Тој посочи дека сѐ што се гледа на сликите од обвинителството е точно. Прашањата околу конкретни детали за убиството на Вања не ги одговори, посочувајќи дека не видел. Откако обвинителството заврши со прашањата, судењето продолжи со читање на исказот на Кешишев од страна на судијата Ивица Стефановски, со цел обвинетиот Љупчо Палевски, кој претходно беше отстранет од судењето поради сомневање за влијание на исказот на Кешишев, да се запознае со исказот. Потоа прашања треба да поставува одбраната на обвинетите. Кешишев, претходно изјави дека Панче и Вања прв пат ги видел по објавите на Фејсбук за нивното исчезнување. Тој денеска сведочеше за нивните грабнувања при што според неговите одговори за истите во главно имал улога да чува стража. Според најавеното, по сослушувањето на Кешишев, треба да сведочат таткото на Вања, Александар Ѓорчевски и Љупчо Палевски. Во обвинението стои дека Љупчо Палевски, Боре Видевски, Велибор Манев, Влатко Кешишов и Александар Ѓорчевски, заедно испланирале грабнување на 14-годишната Вања со цел да присилат член на нејзиното потесно семејство да даде парични средства за откуп. Грабнувањето на оштетениот Панче Жежовски во Велес, пак, според обвинението, било со намера да го присилат да им го даде сопственото возило „Цитроен“ за да го користат за грабнување на детето во Скопје. Малолетната Вања и велешанецот Панче, беа пријавени за исчезнати на 27 и 24 ноември, а на 3 декември 2023 година беа пронајдени мртви во близина на Скопје и Велес...

Социјалдемократскиот сојуз (СДСМ) не стои зад протестите на синдикатите, но ги поддржувања барањата на работниците, рече на денешната прес-конференција лидерот на СДСМ, Венко Филипче, одговарајќи на новинарско прашање за обвинувањата дека СДСМ ги организира денешните протести на Сојузот на синдикатите на Македонија (ССМ). „Протестите на синдикатите ги поддржуваме. Не стоиме зад нив, ниту сме организатори. Очигледно е дека тоа се автентични протести на работниците, имајќи ги предвид нивните барања“рече тој. Посочи дека изминатиот период излегле со неколку предлози, кои Владата досега не ги прифатила, како предлог-закон за зголемување на минималната плата во јавниот сектор, за зголемување на платите во приватниот сектор, преку системот на ослободување од дополнителните давачки на платите, со цел да се растоварат работодавачите во приватниот сектор. „Апелирам Владата да излезе во пресрет на барањата на работниците. Платите се ниски, цените се надвор од контрола. Луѓето едноставно не можат да преживеат. Рационално и реално е барањето да минималната плата биде 30 илјади денари. Точно дека има методологија, но со политичка интервенција може и законот да се смени со цел да се излезе во пресрет на барањата“ кажа лидерот на СДСМ...

Американскиот актер Вал Килмер, кој глумеше во филмовите „Топ Ган“, „Дорс“ и „Бетмен засекогаш“, почина на 65-годишна возраст. Фотографија: Jason Merritt/AFP Според неговата ќерка, Мерцедес Килмер, причина за неговата смрт е пневмонија. Човекот кој Холивуд љубеше да го мрази Роден во Лос Анџелес на 31 декември 1959 година, Килмер, на 17 години, стана најмладиот ученик примен во драмскиот оддел на познатото училиште Џулијард во Њујорк. Килмер како Џим Морисон во филмот на Оливер Стоун, „Дорс“Фотографија: Mary Evans Picture Library/picture-alliance Своето филмско деби го имаше во шпионската комедија „Топ тајна!“ (1984), а се прослави како Ајсмен во „Топ Ган“ (1986) пред да го портретира Џим Морисон во „Дорс“ (1991) и Бетмен во „Бетмен засекогаш“ (1995). Како главна ѕвезда во 90-тите години, неговата кариера беше под влијание на судирите на сетовите и разочарувањата на благајните. Во 1996 година, Ентертејмент викли го нарече „Човекот кој Холивуд љуби да го мрази“. Бетмен и Робин: Вал Килмер и Крис О’ДонелФотографија: picture-alliance / Mary Evans Picture Library Џон Франкенхајмер, кој го режираше филмот „Островот на д-р Моро“ од 1996 година, еднаш славно рече дека „никогаш повеќе нема да работи со Вал Килмер. Нема доволно пари во светот за тоа“. Килмер, добро свесен за својата репутација, изјави за весникот Регистер на округот Оринџ во 2003 година – „Верувам дека сум проблематичен, не сум претенциозен и не се извинувам за тоа“. Враќање како „Ајсмен“ Во 2014 година му беше дијагностициран рак на грлото, пред да се опорави и да продолжи да глуми. Речиси правејќи цел круг, последната улога на Килмер беше камео во „Топ Ган: Маверик“ (2022). Килмер се прослави со улогата на „Ајсмен“ во филмскиот хит „Топ Ган“Фотографија: IMAGO/United Archives Entertainment Килмер, исто така, објави две книги поезија и беше номиниран за Греми во 2012 година за снимка од говорен материјал за „Белегот на Зоро“. Тој се ожени и се разведе со актерката Џоан Вели, а од бракот има две деца Мерцедес и Џек (dw)...

Министерството за здравство информира дека тројца пациенти од повредените лица од пожарот во Кочани се враќаат во земјава, од кои двајца беа хоспитализирани во Грција и еден пациент во Шведска. Согласно протоколите ќе бидат задржани под 24-часовен надзор. Во Србија остануваат хоспитализирани 23 пациенти, Бугарија 14 паценти, Турција 10 пациенти, Грција 8 пациенти, Словенија 4 пациенти, во Унгарија, Хрватска, Шпанија, Австрија и Литванија се хоспитализирани по 3 пациенти, во Италија и Полска по еден пациент. Во Скопје, на Клиниката за токсикологија вчера беше хоспитализиран пациент по враќање од Полска, истиот денеска се пушта на домашно лекување. На Клиниката за пластична хирургија остануваат двајца пациенти, а во Хируршката клиника Св.Наум Охридски 6 пациенти. Во ГОБ 8 Септември се хоспитализирани 5 пациенти, од кои еден е планирано да биде пуштен на домашно лекување, на Клиниката за пулмологија двајца пациенти, а во приватната болница Систина се хоспитализирани тројца пациенти. Министерството за здравство внимателно ја следи состојбата на повредените пациенти и останува во постојана комуникација со медицинските тимови во земјата и странство, посветено на обезбедување најдобра можна нега за повредените од несреќата во Кочани...

Криминалното однесување ќе се санкционира, па дури и да се најблиските околу мене, порача денеска претседателот на Владата на Република Северна Македонија, Христијан Мицкоски, кој денеска во Штип одговораше на новинарско прашање за приведувањето на Ангел Сарамаков кој беше негов телехранител, против кого Обвинителството отвори истражна постапка, поради сомнение дека од користољубие сторил кривично дело „оддавање службена тајна“. -Морате да признаете дека тоа никогаш не било случај во минатото се сеќаваме за многу такви јунаци, коишто беа во близина на претседателите на Влада, коишто палеа и жареа низ Македонија и беа страв и трепет. Јавна тајна беше дека тие се оние коишто во сенка ги вршеа нечистите работи за тогашните претседатели на Влада, не треба да ги споменувам имињата, јавноста ги знае. Јас само како човек сакам да испратам порака до граѓаните дека кој и да е јас во една прилика кажав и брат и сестра да ми е, и Свети ВМРО да е, доколку ја изневери довербата на граѓаните, ја наштети честа и на ВМРО-ДПМНЕ на политичката партија од којашто доаѓам јас, а пред се на Владата и државата ќе биде најжестоко и најостро санкциониран, кој и да е, изјави Мицкоски. Обвинителство вчера отвори истражна постапка против самостоен инспектор, припадник на Единицата за лично обезбедување на премиерот Христијан Мицкоски, осомничен дека од користољубие сторил кривично дело „оддавање службена тајна“. Тој се сомничи дека сторил достапни службени документи што претставуваат службена тајна, со цел да прибави паричен износ од 50.000 евра од лицето за кое се однесувале документите. Основното јавно обвинителство за гонење на организиран криминал и корупција – ОЈО ГОКК, укажува дека ниту лицата, ниту документите во овој предмет, не се поврзани со лицата и групата од Грчец, како што во текот на вчерашниот и денешниот ден објавија дел од медиумите. Kryeministri Hristijan Mickoski tha se është i gatshëm për takim me liderin e LSDM-së opozitare, Venko Filipçe derisa, siç deklaroi sot, me të vërtetë ka plan dhe dëshirë të ndihmojë. Од ЈОРСМ, информираа дека јавен обвинител од Специјализираното одделение за гонење на кривични дела сторени од лица со полициски овластувања и припадници на затворска полиција при ОЈО ГОКК донело наредба за спроведување на истражна постапка против самостоен инспектор припадник на Единицата за лично обезбедување на претседателот на Владата, осомничен дека од користољубие сторил кривично дело „оддавање службена тајна“, за кое по член 360 од КЗ е предвидена затворска казна од најмалку една година. -Осомничениот како службено лице, вечерта на 30.3.2025 година на паркинг просторот пред хотел во Велес се сретнал со неповикано лице – сведок во постапката и му покажал службени документи на МВР, што претставуваат службена тајна. Притоа му дозволил на сведокот истите да ги снима, кажувајќи му кој документ за што се однесува. На овој начин, осомничениот од користољубие, а со цел да бидат објавени на социјалните мрежи, сторил достапни службени документи што претставуваат службена тајна, со цел да прибави паричен износ од 50.000 евра од лицето за кое се однесувале документите, информираа од ЈОРСМ. Ценејќи ги околностите јавниот обвинител утврди дека се исполнети условите, па на судијата на претходна постапка при Основен кривичен суд Скопје му предложи на осомничениот да му определи мерка притвор во траење од 30 дена, кој предлог, како што информираат, бил прифатен од судот. МВР завчера соопшти дека на 30 март по претходно добиени сознанија за сторено кривично дело „оддавање службена тајна“ по член 360 од Кривичниот законик, од страна на полициски службеници од Одделот за внатрешна контрола, криминалистички истраги и професионални стандарди во координација со ОЈО ГОКК спроведена е координирана полициска акција и реализирани се истражни дејствија за претрес на дом, возила и лица на подрачјето на СВР Велес. – При спроведувањето на полициската акција и преземените мерки и активности, на паркинг просторот пред хотел во Велес, во возило “бмв” затекнати се А.С., полициски службеник во Одделот за заштита на определени личности и објекти и Б.К., а при извршен претрес во возилото пронајден е ранец со службени материјали од МВР и од лицата се одземени мобилни телефони, по што се лишени од слобода, наведоа од МВР. Сарамаков се наоѓа во притвор во КПУ Затвор Скопје, потврди за МИА вчера директорот на установата, Бобан Утковски, откако Кривичен му одредил 30 дневен притвор. По апсењето, од Владата нагласија дека истрагата треба да утврди што се случило и потенцираа дека безбедноста на премиерот не е загрозена....

Инспекцијата од Дирекцијата за заштита и спасување ги затвори големата сала во Центарот за култура „Марко Цепенков“ и киното „Мис Стон“ кое е во состав на објектот. Салата и киното се затворени за секаков вид манифестации и приредби се додека не се отстранат сите недостатоци од заштитата. Центарот решението го доби во текот на вчерашниот ден. -Го добивме решението во кое, меѓу другото, се вели дека нема хидрант, односно тој никогаш комплетно не бил доопремен, нема громобран, не е функционален алармниот систем за пожари, резервниот извор – агрегатот за напојување со струја не е во функција, како и електромоторот за подигнување и спуштање на завесата на сцената во големата сала од „Марко Цепенков“. Освен тоа, инспекторатот констатирал дека некои од излезите од сцената за евакуација се отвораат обратно, изјавила за Прес24 Марија Попова Јованоска, директорка на Центарот за култура „Марко Цепенков“. Салите ќе останат затворени додека не се отстранат недостатоците. Инаку Центарот за култура непречено може да одржува изложби, концерти и настапи во ликовната галерија и во фоајето. Неодамна, по инспекциската контрола вон употреба е ставена зградата на Народниот театар „Војдан Чернодрински“, каде се најдени 15 безбедносни недоследности и пропусти. Со години Ансамблот и градот бараат да се изгради нов театар. Центарот за култура „Марко Цепенков“ во употреба е ставен во 1979 година...

Од недела нè очекува пад на температурите и врнежи од снег на планините, информира УХМР. До сабота ќе има локална појава на нестабилност со пороен дожд, грмежи и засилен ветер. Вo недела, поради продор на студена воздушна маса од север, ќе има врнежи од дожд, на планините снег. Температурите значително ќе опаднат и врнежи од снег се очекуваат и на повисоките места. Времето денеска ќе биде променливо облачно со повремени локални врнежи од дожд. Ќе дува слаб до умерен, а наместа по должината на Повардарието повремено засилен ветер од северен правец. Максималната температура ќе биде во интервал од 11 до 18 степени...

Израелскиот министер за одбрана Јоав Галант изјави дека израелската армија ќе ги прошири операциите во Појасот Газа и ќе заземе големи области на палестинската територија. Како што посочи, целта на проширената операција е „да се уништи и исчисти областа од терористи и терористичка инфраструктура“. Галант додаде дека окупираните области ќе бидат вклучени во израелските безбедносни зони. Тој исто така рече дека тоа ќе бара масовна евакуација на Палестинците и го повика населението да го елиминира Хамас и да ги врати израелските заложници. Тоа, според Галант, е единствениот начин да се стави крај на војната. Според извештаите, израелските копнени сили во текот на ноќта започнале операција во градот Рафах. Изјавата на Галант доаѓа една недела откако тој објави дека војската наскоро ќе оперира „со полна сила“ во дополнителни делови на Газа. Израел ја обнови својата офанзива врз Газа на 18 март, обвинувајќи го Хамас дека го отфрлил новиот американски предлог за продолжување на примирјето и ослободување на преостанатите 59 заложници кои се уште се држат во Газа. Од друга страна, Хамас го обвини Израел дека го прекршил првичниот договор постигнат во јануари. Хуманитарната ситуација во Газа драматично се влоши во последните неколку недели, а Израел не дозволи хуманитарна помош да влезе во Појасот Газа од 2 март – најдолгата блокада за помош од почетокот на војната. ОН минатиот месец објавија дека ги намалуваат своите операции во Газа, еден ден откако израелските сили убиле осум палестински медицински лица, шест членови на цивилната одбрана и еден работник на ОН во јужниот дел на појасот. Израелската војска започна кампања за уништување на Хамас по нападот без преседан на 7 октомври 2023 година, во кој беа убиени околу 1 200 луѓе, а 251 лице беа земени како заложници. Министерството за здравство со кое раководи Хамас тврди дека оттогаш во Газа се убиени повеќе од 50 399 луѓе...

Бројот на загинати од силниот земјотрес во Мјанмар се искачи на 2.886, според владејачката воена хунта, при што повеќе од 4.600 луѓе се повредени, а околу 370 се уште се водат како исчезнати по пет дена. Водачот на Хунтата Мин Аунг Хлаинг денеска изјави дека надежите за пронаоѓање на уште преживеани под урнатините се намалуваат. Дваесет и шестгодишник беше пронајден жив во урнатините на хотел во главниот град Најпидав, а во неговото опоравување наводно биле вклучени турски спасувачки тимови. Вчера една жена беше извлечена од урнатините по повеќе од 90 часа. Хуманитарните организации предупредуваат дека вистинскиот број на исчезнати луѓе може да биде многу поголем отколку што сугерираат официјалните бројки. Лекарите без граници соопштија дека тековниот конфликт, неуспесите во комуникацијата и ограничувањата за пристап го отежнуваат проценувањето на целосниот обем на катастрофата и медицинските потреби, особено во оддалечените области. Земјотресот со јачина од 7,7 степени според Рихтеровата скала го потресе вториот по големина град во Мјанмар, Мандалај, како и регионот Сагаинг и Најпидау во петокот. Потресите биле почувствувани дури и во Бангкок, оддалечен преку 1.000 километри....

Претседателот на СДСМ, Венко Филипче, на денешната прес-конференција, порача дека СДСМ дава поддршка на институциите да ја завршат истрагата за трагедијата во Кочани професионално и транспарентно, но дека целиот процес се води селективно. Филипче потенцираше СДСМ во следниот период ќе следи како се одвива истрагата и ќе реагира доколку продолжи со истата тенденција на селективност. „Најодговорните во МВР коишто имале ингеренции и на денот на случување на трагедијата и на самото место, не преземале одредени дејства кои требало и можело да ги преземат. Вчера на Извршниот одбор на СДСМ донесовме заклучок дека ќе ја следиме истрагата, ќе го пратиме процесот како се води, и доколку оваа тенденција продолжи ќе побараме и Анкетна комисија и сите други механизми кои што ќе бидат на располагање“, рече Филипче. При тоа тој нагласи дека во оваа во оваа фаза кога истрагата се уште не е завршена, СДСМ укажува на одредени работи за кои што смета дека е водење на селективна правда и дека таа верига на настани како што ја нарекува Владата, не може да се запре само со поранешните функционери. Филипче посочи дека токму механизмите како анкетната комисија може да бидат инструмент што ќе даде резултат во водењето на транспарентна и професионална истрага. „Истрагата се уште трае и можеби нешто во следниот временски период ќе има некаква интервенција во насока на тоа што ние заедно со правници го констатираме, дека треба да бидат пфатени и други лица со истрагата“, рече Филипче. Одговарајќи на новинарско прашање, во врска со независен кандидат за градоначалник на Кочани, Филипче појасни дека тоа е нешто за што треба да се разговара, но дека во ниту еден момент од трагедијата во Кочани не треба политички да се профитира и затоа предлогот е во таа насока....

На Соединетите Американски Држави (САД) „веќе не може да им се верува“ дека ќе се придржуваат до воените или економските договори, се вели во новиот канадски извештај објавен во вторникот. „Соединетите Американски Држави, под претседателот Доналд Трамп, станаа несигурен партнер, до точка на непријателство“, се вели во извештајот подготвен од Експертската група за односи меѓу Канада и САД. Тие наведуваат дека „нивниот долгогодишен сојузник повеќе не може да биде сигурен дека Америка ќе ги почитува своите обврски да ги брани или ќе ги почитува своите економски договори“. „Ова особено важи за Канада. Американскиот претседател одлучи да ја нападне нашата земја“, објавија тие. Извештајот, составен од канадски експерти за надворешни работи и бизниси, идентификува конкретни мерки за ублажување на ризикот на Канада да стане зависна од сојузниците, трговските партнери и соседите „кои станаа несигурни“. Извештајот ја охрабрува канадската влада да создаде наменска „соба за ситуации“ предводена од Кабинетот за решавање и анализирање на проблемите, координирање на одговорите, добивање информации од 10 провинции и три територии, како и од приватниот сектор. Групата ќе предложи решенија за „последователните кризи со кои Канада ќе биде принудена да се бори за време на претседателствувањето на Трамп“. Извештајот ја предупредува канадската влада да не брза во трговските преговори. „Зголемениот притисок од јавноста, бизнисот и Волстрит за откажување од царините и другите барања на Трамп ќе ја зајакнат нашата преговарачка позиција“, наведуваат авторите на извештајот. Експертската група за односи меѓу Канада и САД е финансирана од Одделот за внатрешни работи на Универзитетот Карлтон во Онтарио...

Членовите на највисоките тела на Сојузот на синдикати на Македонија пред Владата побараа повлекување на одлуката за зголемување на минималната плата за 1.800 денари и намалување на платите на избраните и именуваните лица на ниво на минимална плата. Од ССМ побараа да запрат и нападите врз синдикатите. – Денеска сме тука да ви упатиме последна порака – не може да се одлучува за нас, без нас. ССМ пред две години организираше генерален штрајк во цеиот јавен сектор. На чекор сме до генерален штрајк во целата држава. Денеска бараме од вас да бидете луѓе онака како што сме ве избрале. Да не се однесувате кон работникот, како кон луѓе од трета категорија и да бидете на ниво на задачата. Денеска сме тука пред Владата како најголем работодавач да побараме да се почитуваат колективните договори и да се зголемат платите во јавниот сектор, рече претседателот на ССМ, Слободан Трендафилов. Упати предлог до премиерот Христијан Мицкоски заедно да земаат минимална плата од 500 евра, а да се зголемат останатите плати за 100 евра. Доколку не се зголеми минималната плата, раководството на ССМ најавува генерален штрајк, а доколку не се зголемат платите на работниците, најавуваат протест. – Не сме тука да ја рушиме Владата, туку да ги зголемиме платите, рече Трендафилов. Претседателот на Синдикатот на УПОЗ Трпе Деаноски истакна дека за првпат е донесена одлука за зголемување на минималната плата без консултација на синдикатот. – Првата Влада која смислено ја одзема репрезентативноста на ССМ само за да нема Економско-социјален совет. Прва Влада во историјата на Македонија која реши 129 илјади вработени во јавниот сектор кои зависат од минимална плата да ги остави да ги изедат газдите од приватниот сектор. Со 1.890 денари во управа и правосудство 58 отсто моментално се под просек. Не се плашиме, ниту ќе се плашиме. Ве чекаме да не викнете, ако не, сами ќе си дојдеме, рече Деаноски пред Владата. Претходно, раководството на ССМ пред Собранието побара од пратениците да изгласаат одлука за зголемување на минималната плата на 500 евра, а во спротивно да ги намалат нивните плати на ниво од минимална плата. Членовите на највисоките тела на ССМ упатија и порака до работодавачите барајќи од нив да ги зголемат платите на работниците за да не бидат виновни за иселувањето на работничката сила. – И ненормалното стана нормално во оваа држава. Ако секоја година се иселуваат 10.000 млади работници, сакаме да им кажеме на работодавачите дека повеќе нема да работиме за мизерни плати, порача претседателот на Синдикатот на СИЕР, Игор Герасов. Според Владата, висината на минималната плата е легитимна и утврдена согласно критериумите во Законот за минимална плата. Министерот за економија и труд Бесар Дурмиши денеска изјави дека одлуката за зголемување на минималната плата од 1.800 денари е донесена согласно законот....

Денко Малески Imagine. Замислете лидерска средба на која партиите во Македонија отворено би рекле дека пљачкосувањето и личната промоција, во една или во друга форма, се својствени за поголемиот број луѓе, а особено поголемиот број политичари. Замислете средба на која тие би се согласиле јавно дека политичарите кои се спремни да го стават општествениот пред личниот интерес се толку ретки што политичкиот систем мора да се дизајнира така за да може да им се спротистави на алчните. Замислете, барем на тој состанок, лидерите да престанат меѓусебно да се обвинуват и да изјават, како некогаш татковците – основачи на американската република, дека нивната задача е колосална: треба да се создаде доблесен систем во отсуство на доблесни луѓе. Замислете некој да го спомeне Тукидид кој рекол дека внатрешните сили кои го мотивираат човековото поведение се личната безбедност, личниот профит и личната чест. И бидејќи и други индивидуи го сакаат истото, патот за остварување на овие три егоситички цели е борбата за моќ. Нема ВМРО-ДПМНЕ, нема СДСМ, нема ДУИ, нема ВЛЕН… На оваа средба го има само фројдовото видување на човекот како амбицозна sвер. Замислете лидерска средба на која сите би се согласиле целокупната организација на власта, да ја постават врз ваквата претпоставка на човековата природа. И да се фатат за работа да создадат ситеми на взаемна контрола на работата на сите што располагаат со некаква општествена моќ: од градоначалниците и станбените управители задолжени за противпожарните хидранти и цревата до пратениците задолжеени за собраниска контрола на работата на тајната полиција. Сега, замислете ги како после паузата за ручек ја отвораат темата за моралот. И кажат дека без морални кочници во себе и институционални кочници во системот, ослободениот човек само му дава целосна слобода на својот егоизам. Да се повикаат на Кант и да кажат дека критериумот за моралноста е јавноста. Зашто, за да може еден политички став или дејство, јавно да ја оствари својата цел, тој мора да биде во согласност со универзалната вредност на луѓето – среќата. Во спротивно таквиот став не би бил прифатен, зашто вистинската задача на политиката е да излегува во јавност со решенија кои ќе ги направат граѓаните задоволни со својата состојба. И некој да каже дека бидејќи политиката е неминовно поврзана со желбата да се управува со судбината на други човечки суштества, многу е важно личноста на носителот на политичката или друга функција да се држи под лупата на јавноста. Особено, дали ги почитуваат и колку посветено работат на изградбата на двата столба на правдата: неповредливоста на индивидуалните права и идејата дека, иако е неминовен еден степен на нееднаквост, апсолутен приоритет треба да им се даде на социјално загрозените (Роулс). А граѓанинот, има ли и тој некаква одговорност? Како одговор, еве еден вистинит настан. Мала продавница спроти Обединетите нации во Њујорк во 1995 година. Продавачот ги поминува продуктите преку автоматот кој, со карактеристично пискавиот звук, ги регистрира цените. Шишето вино го трга на страна и учтиво му укажува на човекот кој стои пред мене дека алкохолни пијалоци се продаваат дури после 12 часот на пладне. „That is the law “ („Тоа е законот“) вели лежерно и без извинување. Купувачот мирно плаќа за другите производи и заминува со поздрав. Погледнувам на часовникот. Покажува – 20 минути до 12! Му ја раскажувам научената лекција за „правната држава“на познајник – Американец и констатирам дека темелите на владеењето на правото се во поведението на луѓето кои ги почитуваат законите на својата држава. Се согласува, но предупредува дека ваквото поведение е произвиод на „добрите времиња“ во кои живее американскиот народ. „Паметам“, вели „лоши времиња, времиња на нервозни и нерасположени луѓе подготвени да ги кршат законите. Алудираше на шеесеттите, на Виетнам, на студентските антивоени протести и на борбата на „обоеното“ население за човекови права. Замислете лидерска средба на која некој ќе укаже на фактот дека предолго граѓаните на Македонија живеат во лоши времиња, дека се нервозни, нерасположени и подготвени да ги кршат законите. И да каже дека тоа не значи дека го следи некаква зла судбина или дека, од памтивека до денес, се родени губитници. Токму спротивното, да каже дека по ништо не се разликуваме од другите народи и другите општества кои запаѓале вои кризи, излегувале од нив или – пропаѓале. И дека, за да не ни се случи второво треба да сме свесни за корените на нашите неволји....

Сојузот на синдикати на Македонија ја почна јавната седница на највисоките тела пред Собранието каде упати порака до пратениците да донесат одлука за зголемување на минималната плата на 500 евра. Пред Собранието беше донесена одлука пратениците да земаат минимална плата се до наредното зголемување на минималната плата. – Вашите сега 79 отсто зголемени плати не ги заслужувате и затоа дојдовме тука поради фактот што вие не одлучувате за нас, ние ќе одлучиме за вас. Почитувани работници, да донесеме одлука пратениците да бидат на минимална плата до наредното зголемување на минималната плата, рече претседателот на ССМ, Слободан Трендафилов. Седницата продолжува пред Стопанската комора на Северна Македонија, а треба да заврши пред Владата. На почетокот пред Работничкиот дом во Скопје, работниците со едноминутно молчење им одадоа почит на трагично загинатите во трагедијата во Кочани. Претходно, денеска во изјава за медиумите министерот за економија и труд Бесар Дурмиши рече дека одлуката за зголемување на минималната плата од 1.800 денари е донесена согласно законот....

Во Кривичен суд продолжува судењето за убиствата на Вања и Панче. Сведочеше еден од обвинетите Влатко Кешишев, кој одговараше најпрво на прашања на својот адвокат, а потоа и на прашања на обвинителството. Кешишев рече дека му бил послушен на Палчо. Тој во својот исказ кажа дека никогаш не се зборувало за убиства, туку само за грабнување. Рече дека не знаел дека Панче бил убиен, и дека не знаел за Вања, иако видел како Палчо држи пиштол и пука. За Вања, вели, дознал кога се вратиле во партија и кога отворил социјални мрежи кога видел дека се трага по девојче од таа зграда, но Палчо ништо не му одговорил. Кешишев рече дека во неговиот мобилен телефон, Палчо му бил мемориран како „Царот“. (tv21.mk)...

Ветеринарите во Центарот „Корона“ за итни случаи за животни во Калифорнија (САД), неодамна извадиле 44 одделни предмети од стомакот на куче. Од нив, 24 биле чорапи, пишува „Ел-еј тајмс“ (LA Times). Сопственикот на седуммесечното женско планинско куче Луна, забележале дека таа не се чувствува добро, па ја однеле во ветеринарниот центар. На 16 февруари, ветеринарите во Ургентниот центар ѝ извршиле абдоминална операција на кучката. Освен чорапите, лекарите извадиле и: шал, две ленти за коса, влошка за чевли и неколку други платнени предмети. „Доколку се сомневате дека вашето куче проголтало нешто необично, не чекајте и побрзајте да повикате ветеринар“, нагласија вработените во „Корона“. По операцијата, Луна е вратена дома. Ветеринарите велат дека имала среќа што преживеала ваква тешка и сериозна процедура, пренесува „Дневни аваз“ (Dnevni avaz). Семејството на кучето веќе има и план за превенција на идни вакви несакани појави. Тој вклучува надзор на кучето и работа со тренер, коишто треба да ѝ помогне на Луна да го надмине јадењето нејадливи предмети и да развие добри навики...

Претседателот на СДСМ, Венко Филипче повика премиерот Христијан Мицкоски на тет-а-тет средба, а потоа и на лидерска средба. Мицкоски пак, му одговори дека е спремен да се сретнат ако треба и на полноќ. Филипче смета дека треба да разговараат по трагедијата во Кочани, бидејќи, според него, системот на многу места не функционира и јавните сервиси немаат перформанс каков граѓаните засложуваат. „Јас ќе побарам состанок уште денеска или утре согласно агендите да ја организираме таа средба. Сега дадов малку подетално објаснување и се надевам дека кога политичките партии ќе го слушнат ова навистина ќе ја прифатат таа лидерска средба, но добро е прво тоа да го разговараме со премиерот имајќи предвид дека тој прв подаде рака и одговори дека средбата е прифатлива. Навистина не знам што од она што го кажувам како концепт би било неприфатливо или некој не би сакал да разговара кога тоа е констатација на секој еден граѓанин во државата“, рече Филипче. На ова, одговори Мицкоски. „Јас во една моја изјава кажав дека ова сериозна тема, а за сериозна тема се седнува и се разговара. Непристојно е преку медиуми да се разговара. Ако има план, подготвен сум да го примам на средба претседателот на СДСМ, за да го образложи планот. Ќе го прераспределам мојот распоред, на полноќ на полноќ, кога треба.. Ако планот има пристап ‘стабри’ (фантом фирма за која ВМРО-ДПМНЕ тврдеше дека била планирана од Заев и Филипче за книжење провизии од кинеските вакцини), тогаш таков план не можам да прифатам“, врати Мицкоски. Филипче ги оправда револтот и бесот на граѓаните бидејќи, како што рече, она што се нарекуваат реформи и транзиција очигледно не го дале посакуваниот резултат повеќе од три деении наназад...

Пратеникот на ВМРО-ДПМНЕ, Антониo Милошоски и министерот за правда, Игор Филков, вчера имале лош ден. Се надевам дека тој лош ден заврши и за едниот и за другиот, рече Христијан Мицкоски, откако тие двајца вчера јавно се искараа. „Милошоски е дел од мојот најблизок периметар, тој е додадена вредност во рамките на партијата. Соработката со Милошоски ја оценувам на највисоко ниво“, рече Мицкоски и додаде: „Знам со какви проблеми се соочил министерот Игор Филков и знам каква состојба затекнал. На дневна основа се координираме и соработуваме во делот на реформите. Можам да заклучам и се надевам дека ќе застане на два лични ставови е дека секој има право на лош ден и се надевам дека тој лош ден заврши и за едниот и за другиот“....

Втори април – Светскиот ден за подигање на свеста за аутизмот е ден посветен на подигање на свеста, поттикнување, разбирање, прифаќање и чествување на животите и придонесите на лицата со АСН. Денес, ние ја осветлуваме убавината на различноста, важноста на прифаќањето и моќта на вклучувањето во општеството, наведува во писмената изјава претседателот на Македонското научно здружение за аутизам (МНЗА), Владимир Трајковски. – Аутистичниот спектар на нарушување е невроразвојна состојба што влијае на тоа како поединците го перцепираат светот и како комуницираат со другите. Се проценува дека 1 од 32 луѓе во САД се во спектарот – бројка што нагласува како аутизмот е суштински дел од нашата глобална заедница. Аутизмот не е нешто што треба да се „поправа“ или „излечи“, туку, тоа е поинаков начин на доживување на светот – доказ за богатството на човековата различност, нагласува Трајковски. Тој додава дека Светскиот ден за подигање на свеста за аутизмот не е само подигање на свеста, туку се работи за нивно прифаќање и силно општествено дејствување. – Предолго, стереотипите и недоразбирањата ги обликуваа наративите околу аутизмот, создавајќи бариери за поединците од спектарот. Денеска и секој ден, мора да се посветиме на рушење на овие бариери. Станува збор за препознавање на уникатните способности, таленти и перспективи, што луѓето со аутизам ги носат со себе. Ние сме инспирирани од поединци со АСН кои се истакнуваат во нивните определби – без разлика дали се во академската заедница, уметностите, технологијата или како првенци во застапувањето и претприемништвото. Овие лица нè потсетуваат дека аутизмот не е ограничување, туку тоа е спектар на неограничен потенцијал. Нивните успеси се доказ за тоа што може да се постигне кога има разбирање, можности и поддршка, истакнува Трајковски. Тој потенцира дека ние не можеме да ги игнорираме предизвиците што сè уште постојат. – Многу семејства се соочуваат со пречки при навигација во образовните системи, пристап до здравствена заштита и пронаоѓање инклузивни работни места. Аутизмот не е состојба што одговара на сите. Потребите на поединците многу варираат, а нашите системи мора да го одразуваат тоа, со што ќе бидат прилагодливи, инклузивни и сочувствителни, додава претседателот на МНЗА. Тој се осврнува и на улогата на заедницата. – Градењето на навистина инклузивно општество бара сите нас – доктори по медицина, специјални едукатори и рехабилитатори, психолози, социјални работници, креатори на политики, работодавци, здравствени работници и другите членови на заедницата, да работиме заедно. Родителите и старателите неуморно се залагаат за своите најблиски. Наставниците и терапевтите со својата посветеност им помагаат на учениците со аутизам да го откријат својот потенцијал. Работодавците кои го ценат невродиверзитетот даваат пример на другите, создавајќи средини каде секој може да напредува. Но, вклученоста не застанува на училиштата или на работните места. Започнува во нашите домови, населби и пошироки општествени кругови. Треба да обезбедиме дека секој поединец, без оглед на неговите способности, треба да има чувство на припадност и почит од страна на заедницата. Вклучувањето значи препознавање на вредноста на различните перспективи и нивно прифаќање како силни страни, истакнува Трајковски. Тој ја нагласува важноста на дејствувањето. Вели дека секој од нас има своја улога. – Додека размислуваме за овогодинешната тема – Унапредување на невродиверзитетот и целите за одржлив развој на ОН – нека нè инспирира да преземеме акциони чекори. Во образованието: да ги поддржиме едукаторите во разбирањето на аутизмот и опремувањето на училниците со алатки за задоволување на различни потреби. На работното место: да се залагаме за невроразновидни практики за вработување, разбивање на заблуди за аутизмот и поттикнување иновации. Во услугите за истражување и поддршка: да се заложиме за поголеми инвестиции во истражување за подобро да го разбереме аутизмот и да развиеме интервенции засновани на докази, што го подобруваат квалитетот на животот. Во нашиот секојдневен живот: да им пристапиме на поединците со АСН со отворени умови и срца, подготвени да слушаат, да научат и да ги прифатат нивните уникатни искуства, додава Трајковски. Исто така, потенцира тој, од витално значење е да се подигне гласот на лицата со АСН во секој разговор. Нивните искуства и приказни не се само вредни, како што нагласува Трајковски, „туку тие се од суштинско значење за обликување на политики, практики и ставови“. – На лицата со аутизам да им порачаме: видени сте. Вие сте ценети. Вие внесувате неверојатна длабочина и перспектива на нашиот свет. Вашите придонеси се важни, а ние сме посветени на создавање општество каде што ќе бидете почитувани и поддржани за да ги остварите вашите соништа. За семејствата и старателите, вие сте хероите на ова патување. Вашите љубов, трпение и истрајност нè инспирираат сите нас. Знајте дека вашите напори прават длабока разлика во животите на вашите најблиски и во нашите заедници. За застапниците и сојузниците, вашите гласови го засилуваат повикот за вклучување и еднаквост. Да ја продолжиме оваа работа заедно, знаејќи дека промената е можна и дека сме посилни кога стоиме обединети, додава Трајковски. Додека го осветлуваме светот во сино денеска, истакнува, да се потсетиме дека свесноста е само почеток. Вистинскиот напредок, нагласува, лежи во разбирањето, прифаќањето и преземањето значајни активности за да се отстранат бариерите и да се создадат нови можности. – Дозволете ни да се обврземе да го направиме секој ден – можност да изградиме општество што ги слави разликите, ја негува различноста и им дава моќ на сите да напредуваат, истакнува Трајковски....

На 01.04.2025 во 18.25 часот, полициски службеници од ОВР Крива Паланка ги лишиле од слобода З.Ф. (24), С. Ф. (19) и С.Ф.(44) од село Луке, кривопаланечко. Тие се сомничат дека го убиле Љ.С. (84) од село Луке, кој на 29.03.2025 бил пријавен за исчезнат. Телото на Љ.С. било пронајдено закопано во непосредна близина на неговата куќа во с. Луке, а увид извршила екипа од СВР Куманово. По насока на јавен обвинител, телото е предадено за обдукција, а по целосно расчистување и документирање на случајот ќе биде поднесена соодветна пријава....

Има моменти кога сите се потсетуваме на изминатите денови – мирисот на домашно готвење од детството, одморите со семејството, старите љубови или едноставно времето кога сè изгледаше поедноставно Сепак, некои хороскопски знаци се особено склони кон задржување на минатото. За нив носталгијата не е само повремено чувство, туку речиси секојдневен придружник. Во продолжение дознаваме кои знаци од Зодијакот најчесто живеат во минатото и што толку ги врзува за преживеаните моменти. Рак Раковите се незаменливи кралеви на носталгијата. Тие се емотивно врзани за луѓе, места и чувства, а луѓето родени во овој знак често гледаат стари фотографии, слушаат музика која ги потсетува на нивното детство или чуваат мали нешта кои имаат сентиментална вредност за нив. Минатото им обезбедува удобност, сигурност и чувство на припадност, па не е ни чудо што често се враќаат на она што некогаш им ја стоплило душата. Рибите Рибите имаат жива имагинација, но и длабока емотивна поврзаност со минатите искуства. Можат да поминат часови размислувајќи што ќе се случело доколку во одредени моменти постапиле поинаку. Сакаат да се присетуваат на старите љубови, разговори и моменти кои го обликувале нивниот поглед на светот. Нивната носталгија не мора да биде нужно тажна – понекогаш им служи како инспирација да создаваат, фантазираат и да избегаат од суровата реалност. Јарец Иако изгледаат рационални и ориентирани кон целта, Јарците често размислуваат за минатото. За нив носталгијата не е поттикната од емоциите, туку од лекциите што ги научиле. Понекогаш можат да бидат премногу критични кон себе поради старите грешки, но исто толку често со гордост гледаат на она што го постигнале и колку пораснале со текот на годините. Вага На Вагите им е тешко да се променат. Секогаш има дел од нивниот ум што останува во некои стари времиња – без разлика дали се работи за минати врски, пријателства или моменти кога се чувствувале целосно исполнети. Нивната носталгија често се појавува кога сегашноста не носи доволно мир и хармонија, па се свртуваат кон минати моменти во потрага по удобност....

Претседателот на СДСМ Венко Филипче на прес конференција ги соопшти темите кои треба да бидат на масата на лидерската средба. Мотивот за лидерската, како што рече Филипче, е алармот на граѓаните дека е потребно да се направи нов систем за политички и општествен дијалог за да се изготват стратешки документ за да функционира државата надвор од мандатот на една влада предводена од една било која политичка коалиција. „Реакцијата на граѓаните сосема оправдана, транзицијата и реформите не дадоа резултати, јавните сервиси не ги исполнија очекуваните на граѓаните“, рече Филипче. Тој ги наведе областите на кои би се посветило вниманието на лидерската средба, на која, како што рече тој, предлогот е да се направи заеднички прифатлива агенда на која ќе се посветат сите политички партии застапени во парламентот, со широка поддршка на јавноста. Филипче ги издвои образованието како област која бара ефикасни системски решенијание, затоа што, како што рече тој, државата нема веќе деца што треба да ги губиме. Здравството е следниот приоритет на кој треба да се повети лидерската, затоа што, рече Филипле, не може само да посакуваме да бидеме здрави туку тоа мора да стане реалност и да го тргнеме од дневно-политичките пресметки, надмудрувања и математики. Во правосудството, посочи Филипче, неминовно е да се донесат во што пократок период реформските со шпирок консензус, не само политички, туку и од факторите со сериозни капацитети во правосудната екпертиза. Заслужувам да живееме во чиста животна средина, да дишеме чист воздух, а за огромните природни богатства мораме да најдеме начин да ги заштитиме, истакна претседателот на СДСМ. Филипче посебно ја издвои партизацијата како проблем, како што рече тој, што најмногу ги иритира граѓаните. „Да ги ослободиме институциите и системот од канџите на политика и партиите за младите луѓе да имаат компетитивен мерит систем и да веруваат во него, да се вработуваат и напредуваат со експертизата што поседуваат“, рече Филипче, на прес конференцијата на која ги образложи причините кои го поттикнаа да се организира лидерска средба за овие прашања....

Соопштение на ДУИ Демократската унија за интеграција (ДУИ) прашува – кој се плаши од формирање на анкетна комисија во Собранието со учество на сите политички партии и меѓународно набљудување од ОБСЕ, САД и Европската Унија? Трагедијата во Кочани ја разоткри вистината за целосното заробување на државата. Владата не само што не превенираше катастрофа која цела година била позната на надлежните институции, туку и го злоупотреби системот за да ги заштити одговорните. Прво со политички притисок врз обвинителството – преку заплашување на обвинителот со партиски активисти на улица, потоа со иницијатива за негова смена, за на крај да му биде ветено останување на функцијата доколку игра по диктираните правила. Освен тоа, владата ги притисна медиумите, граѓанското општество и сите критички гласови, претворајќи ја државата во партиска алатка за амнестирање на виновниците. По трагедијата, наместо институционален одговор, сведочиме на селективна правда – обид да се префрли одговорноста на други, без истрага за оние кои навистина беа одговорни за превенција. Две недели по трагедијата, Собранието не собра сила ниту да одржи комеморативна седница, бидејќи партиската контрола врз институциите е посилна од моралната и општествената одговорност. Затоа, ги повикуваме пратениците да ја послушаат сопствената совест, да размислат за семејствата на жртвите, за довербата во системот, и да го потпишат барањето на Европскиот фронт за формирање на анкетна комисија во Собранието. Селективната правда ќе биде извор на огромна недоверба и деформација на системот во иднина. ДУИ останува посветена на вистината, транспарентноста и правдата – и нема да дозволиме оваа трагедија да се затвори без целосна истрага со меѓународно набљудување. Демократската унија за интеграција...

Тарифите од САД ќе го погодат италијанскиот фармацевтски сектор, извозот на храна и многу важната модна индустрија во земјата, изјави Емануеле Орсини, шеф на главната индустриска организација во Италија, јави Би-Би-Си. Тој повикува на намалување на каматните стапки за да се неутрализираат овие ефекти, но на подолг рок, тој вели дека трговијата во Европа треба да се зголеми, како и со земји како Индија и Мексико. Политичките лидери во Европа и на други места сè уште одлучуваат како да одговорат на очекуваните мерки на Доналд Трамп – дали да возвратат со сопствени царини или да продолжат со обидите да постигнат некаков договор...

Сојузот на синдикати на Македонија одржува јавна седница на највисоките тела на Синдикатот пред законодавниот дом....

Влатко Кешишев, обвинет во случајот со грабнувањата и убиствата на Панче Жежовски и на Вања Ѓорчевска, дава исказ пред судот на денешното рочиште. Кешишев кажа дека не знаел да убиството на Панче, дека го дознал кога се вратиле во партија, пренесе тв21. „Целта беше првично да се најде возило, да се најде човек кој живее сам и кој нема многу пари за да бидат полесни околностите“, рече Кешишев на прашање на неговиот адвокат Дејан Ефремов. „Јас бидејќи чекав подолу, не знаев дека Панче е убиен и фрлен во дупката. Јас тоа го дознав кога се вративме во партија“, рече Кешишев. Ефремов: Дали ти ја знаеше личноста која треба да биде грабната? Кешишев: Не, видов отпосле кога видов се на Фејсбук. Ефремов: Кога за прв пат видовте дека станува збор за девојче? Кешишев: Откако се се заврши, истиот ден кога видовме на Фејсбук. Грабнувањето беше за уцена за пари. Ефремов: Дали знаете колку пари требаше да се земат и кој требаше да ги земе? Кешишев: Не. Еднаш му кажав на Палчо, мислам дека тоа беше пред со Панче да се случи, дека невозоможни се такви работи и дека не се потребни. Тој ми кажа да молчам, да седам на страна и да не се мешам. Ова може и тој да го потврди, бидејќи така беше. Панчо и Вељо беа во таков договор. Договараа што и како да биде, тој муабет се правеше подолго време. Ефремов: Чија беше идејата да се грабне личноста од таа зграда? Кешишев: Палчо го правеше планот да се грабне жена од таа зграда. Мојата улога беше само да ја донесам колата без зграда и да го отворам гепекот. И потоа да седнам на совозачко седиште. … Повеќе...

Министерот за економија и труд, Бесар Дурмиши ја потпишал владината Одлука за законското усогласување на минималецот, без согласност од синдикатите за да не се предизвикала блокада во исплатата на платите во државата. -Замислете што ќе се случеше ако не ја потпишев Одлуката. Законски мораше да се знае сумата до 31 март, бидејќи ќе се предизвикаше блокада на сите институции и на работодавачите. Немаше согласност од синдикатите, бидејќи им е истечена репрезентативноста. Постапивме според законот – рече Дурмиши...