Кандидатот за претседател Стево Пендаровски пред граѓаните на населеното место Велебрдо денеска истакна дека само политичка опција од која тој е дел, може да понуди Македонија да биде пристојно место за живеење, затоа што изминативе години, некој пат со мали чекори, но сепак одевме напред. Според Пендаровски, опозициската партија со себе носи опасност да ја врати државата назад во времињата на поделби, тензии и дискриминации. -Од страна на опозицијата претстои опасност, Македонија да се враќа назад, а таа опасност е уште пореална, затоа што гледаме дека се здружуваат луѓе кои имаат други планови за државата. Не зборувам за нова војна, зборувам за квалитет на живот. За жал, овие што сега сакаат да дојдат на власт, се истите од пред седум – осум години, а сите знаете дека во тој случај, шанси за вработување шанси за напредување во кариерите ќе има само за нивни членови. Тогаш во државата имаше две категории граѓани, нивни членови и сите останати. А јас отсекогаш сум тврдел, дури и кога не сум бил во политика, дека или ќе бидеме сите рамноправни или нема да има среќа за никого, рече Пендаровски. Пред присутните посочи дека во изминатите години и тој и другите членови од власта покажале, низ примери што значи вистинска грижа за сите граѓани, без разлика каква била нивната определба. -Никој не бил дискриминиран по ниту еден основ, ниту од мене ниту од кој било друг, премиер, министер, градоначалник. Во нивно време беше поинаку и сега сакаат да ја вратат таа стара политика. Затоа ве повикувам, на осми мај повторно со заокружување на бројот еден, да ја потврдите победата од првиот круг во ова населено место, а потоа и да ја донесеме победата во целата држава, рече Пендаровски. Кандидатот за претседател поддржан од СДСМ вечерва имаше средба и со жителите на општина Маврово – Ростуше....

Движењето ЗНАМ – За наша Македонија сеуште нема договорено коалиција со поголемите партии во однос на гласовите за претстојните претседателски избори, изјави за МИА претседателот на партијата Максим Димитриевски, повикувајќи на масовна излезност на изборите на 8 мај. Тој го повтори ставот од предизборниот период, дека за гласовите добиени на негово име нема морално, ниту етичко право да бара да се гласа за некој од кандидатите. – Имаше куртоазни честитки на тие кои добија најголема поддршка, од моја страна и на професорката Давкова, па и на господинот Мицкоски. Нема договорено во овој момент ниту една коалиција. Како ќе одлучи партиското раководство на партијата, така и ќе постапиме, рече Димитриевски. Барајќи ја поддршката од граѓаните за кандидатската листа на ЗНАМ посочи дека тој како личност ќе даде поддршка и за претседателските избори. -Но притоа секако во одреден момент ќе го искажам својот став како што претходно кажав дека ќе излезам на избори и масовно повикувам да се излезе на избори и ќе го кажам својот став како јас лично како граѓанин, Максим Димитриевски ќе гласам на претстојните претседателски избори. А за парламентарните се подразбира не само што ќе гласам за ЗНАМ, туку барам и граѓанската поддршка да се даде на ЗНАМ, изјави Димитриевски од Струга. Димитриевски барајќи ја поддршката за листата на пратеници во Изборната единица 5 на ЗНАМ предводена од Весна Бендевска, најави продолжување на патот во евроинтегративниот процес, изнаоѓање на соодветни решенија со редефинирање на преговарачката рамка, надминување на проблемите со соседна Бугарија и целосна интеграција на Македонија во ЕУ, но притоа заштита на националните македонски интереси, сопствен идентитет, јазик, самобитност, континуитет… Тој во Струга оствари средби со граѓани во струшката чаршија, по кејот на реката Црн Дрим, како и со пензионери и други граѓани низ градските плажи од каде посочи дека приоритет на неговата партија е изработка на национална декларација, за дефинирање, како што подвлече, после 33 години на националните интереси на Македонците, но и директно работење на реален соживот. Барајќи ја довербата од стружани на претстојните парламентарни избори тој вети анализа на целата состојба во државата, реална борба против корупцијата, со стратегија и борба против политичка корупција, која, според Димитриевски, се наоѓа во највисоките ешалони на политичките субјекти. – Нашата програма не е како останатите. Ние во нашата програма имаме конкретни мерки коишто се реално остварливи, а таму каде што до сега имавме и се уште имаме власт, тоа е на ниво на локална самоуправа, го потврдуваме кажаното дека зборот за нас се уште е збор. Тоа значи, тоа што ќе се вети, тоа и ќе се реализира. Но ниту во еден момент, како партија во зачетоци која што се потврди на последните избори, нема да дозволиме да бидеме пион за поткусурување на сметките на големите, туку имаме намера да се стекнеме со целосната поддршка на граѓаните, и да преземеме во иднина одговорност за менаџирање на оваа држава, рече Димитриевски. Најави нови програми и во делот на развојот на туризмот, земјоделието и сите стопански гранки за да се постигне самоодржливоста на Македонија како држава. -Нашата програма е реална, и ние ќе бидеме стожерот и на уставноста, и заштитник на граѓаните, бидејќи знаеме дека останатите политички субјекти се под знакот еднаквост во континуитет последните 30 години. Потребно е да се обезбеди поголемо поддршка за новиот политички субјект ЗНАМ кој ќе биде стожер на граѓаните во следниот законодавен дом, нагласи лидерот на партијата. Носителката на листата на пратеници на движењето ЗНАМ во петтата Изборна единица Весна Бендевска, ги повика стружани на 8 мај да гласаат, за како што рече, новата политичка опција, која, според неа, ја формираат граѓаните. – Граѓаните на 24 април покажаа и докажаа дека умеат да ја препознаат новата опција. ЗНАМ е единствената опција која се темели на интегритет, вредност и на принцип. Така и нашата програма не случајно е наречена „Проглас за достоинствена Македонија“. И народот тоа го препозна на 24 април со огромната поддршка на нашиот претседател и претседателски кандидат Максим Димитриевски. Се случи чудо. Се случи народ. Движење ЗНАМ последниве три дена, после првиот изборен круг доживува навистина неверојатно придружување од страна на граѓаните, рече Бендевска. Повика на масовна излезност на парламентарните избори, нагласувајќи дека редно е граѓаните да ја земат работата во свои раце. – И редно е на партиските машинерии кои 30 години се менуваат, да им се каже доста е. Сепак народот дава, народот зема власт, додаде Бендевска. Претседателот на движењето ЗНАМ за нашата Македонија Димитриевски и ностиелката на листата на Изборна единица 5 Бендевска претходно имаа средби со граѓани во Крушево и Кичево, а средбите вечерва ќе продолжат и во Охрид....

Претседателот на СДСМ, Димитар Ковачевски денеска разговараше со граѓаните од Аеродром за потребата за целосна и активна мобилизација на демократските сили за да се осигура понатамошниот прогрес на државата. „Сѐ уште не е доцна да се смени правецот. СДСМ е единствената партија која е подготвена да се бори за граѓаните и за иднината на државата. Обединети сме и силни, сме издржале и време и невреме, и добро и лошо и секогаш сме биле на браникот на татковината. СДСМ е партија направена од цврст материјал. Откажувањето не е опција за нас. Подаваме рака и ги повикуваме сите прогресивни сили на 8 мај, да гласаат ЗА прогресивна Македонија. Заеднички да не дозволиме да ни се врати заробената држава и режимското минато, времето на внатрешни конфликти и поделби“ порача Ковачевски....

Приведени двајца крадци, расчистени 7 кривични дела, украдените велосипеди вратени на сопствениците Единицата за внатрешни работи Аеродром и Драчево при СВР Скопје поднесе кривична пријава против Љ.Г.(21) и А.К.(42), двајцата од Р.Србија. Тие се сомничат дека во изминатиот период извршиле 6 кривични дела „тешка кражба” и едно кривично дело „кражба” на велосипеди на подрачјето на општина Аеродром. Двете лица се лишени од слобода, а украдените велосипеди се пронајдени кај пријавените и вратени на сопствениците....

Претседателот на огранокот на ВМРО-ДПМНЕ од Маврово и Ростуше, Харис Ибраими ги навредувал полициските службеници на граничен премин, додека траеле проверките и бил приведен, пренесе Локално. Тој ги дал документите за провека, но почнал да се расправа со полициските службеници дека предолго траат граничните проверки, а од вербална расправија реториката прераснала во омаловажувачка реторика кон полицискиот службеник. Поради тоа, лицето било приведено со цел преземање на понатамошни мерки и документирање на фактичка состојба и било утврдено дека тој сторил прекршок. На почетокот на месецов со омаловажувачки и навреднички однос кон полициските службеници се однесуваше и пејачот од кампањата на ВМРО-ДПМНЕ Спасен Силјановски, кој се заканувал дека по 8 мај ќе одлучува за нивните судбини. „Ќе видите што ќе ви се случи после 8 мај, патари ќе ве пуштам…сега ќе му се јавам на министерот за внатрешни работи, каде и да ве најдам цивил, ќе видите што ќе ви се случи“ се заканувал пејачот кон полицајците...

Се промовира ли Тошковски во војвода од 21 век што ќе го ослободува Солун? Нека оди да ја пее таа песна тој лично во Солун, а не да злоупотребува и поттикнува тука млади момчиња на национализам. Дали молчешкум гледаме во цунамито на нацизмот, пардон, национализмот? Медиумите како да се одушевени од тоа што новите полицајци на промоцијата „громогласно“ ја Запејаа „Бисер балкански“ и никој не ги поставува овие прашања: 1. Зар навистина „во чест на Тошкосвки“ ја пееја таа песна? Кој ги поттикнал? Дали ВМРО на голема врата се врати во МВРО? Еве го одговорот за кој треба еден или два телефонски разговора за да ги потврдите информациите од два извора. Според извори на Рацин.мк во МВР, за овој чин биле „врбувани“ десеттина питомци од новата генерација полицајци на кои им сугерирале да ја запеат песната кога на црвениот тепих ќе се појави министерот Тошковски. И тие така постапија. Песната по инерција, веројатно ја прифатиле и уште еден дел од новопромовираните полицајци, но нема сомневање дека станува збор за претходно договрено сценарио. Само наивен може да верува дека сето тоа било спонтано. 2. Дали сите 508 нови полицајци се Македонци? Не, меѓу нив има сериозна бројка припадници на другите етнички заедници, Албанци, Роми, Турци, Власи и други. На таа избалансираност се внимаваше во последните седум години, особено. 3. Има ли меѓу нив Албанци, Турци, Роми….? Како се чувствуваа тие кога се пееше „сплоти ти егејски со бистри води вардарски“? Само можете да замислите ако се чувствувале на тој спонтанитет. Само чудо, или Господ, кој како сака, спречи поголем инцидент 4. Зарем тоа не им дава за право и Албанците, и другите, да ги запеат своите песни и каде тоа ќе не одведе? Тоа може многу добро да се претпостави. Секој национализам го предизвикува другиот, а потоа каде ќе заврши сето тоа го знаеме. И денес некои ги посакуваат да се повторат сликите од 2001 година или од некои други години кога се соочувавме и се справувавме со такви ситуации. Сега ВМРО-ДПМНЕ повторни ги провоцира. 5. Се сеќаваме ли како реагиравме кога грчките војници во Солун маршираа и ги пееја нивните националистички песни? Секако дека се сеќаваме и ги осудувавме. Сега треба само да се соочиме со последиците кога во Грција ќе реагираат на стиховите „сплоти ти егејски со бистри води вардарски“. Се промовира ли Тошковски во војвода од 21 век што ќе го ослободува Солун? Нека оди да ја пее таа песна тој лично во Солун, а не да поттикнува тука млади момчиња. 6. Дали молчешкум гледаме во цунамито на на нацизмот? Според поголем дел од медиумите, кои како најважна вест го издвоија токму тој дел од настанот во МВР, изгледа дека со молчење, сега засега го гледаме цунамито на нацизмот, пардон, национализмот. Овие прашања заслужуваат одговори за кои треба сериозно да се размисли и да се рационализираат. Да не биде предоцна утре. П.С. За волја на вистината, како што дознава Рацин.мк. тој обичај, да се запее песна кога завршува обуката на новите полицајци, се практикувала и досега. НО, тоа се случувало само откако ќе завршела официјалната церемонија и вон очите на јавноста, кога дел од новите полицајци го спуштале знамето на нивната генерација и тој чин бил придружен со по некоја патриотска песна. Но, уште едно НО, овој пат, тој обичај го злоупотребиле инсталациите на ВМРО во МВР за да го направат овој опасен скандал и преседан кој треба да се осуди и никогаш да не се повтори. Зоран Бојаровски Зоран Бојаровски e долгодишен новинар, уредник, аналитичар и продуцент кој во својата кариера работел во повеќе телевизиски, печатени и онлајн медиуми (МТВ, А1 ТВ, Форум, Кирилица. Мк, ТВ Алфа) На Високата школа за новинарство и односи со јавноста на МИМ, беше предавач по предметите Вовед во новинарството, Извори на информирање, а на Едногодишната школа за новинари на Македонскиот институт за медиуми, покрај овие два, предаваше и Онлајн новинарство и мултимедиа. Бојаровски е редовен соработник на проекти за проверка на факти и за дебанкирање на дезинформзциите. Бојаровски е предавач и тренер на бројни обуки и соработувал со ОБСЕ, УНИЦЕФ, Европската делегација во Скопје, ИФЕС, ФООМ и други организации на теми како што се политика, политичка комуникација, човекови права. Коавтор е на голем број публикации. Уредник е на зборникот новинарски лекции „Кон одговорно новинарство“ во издание на Фондацијата Метаморфозис. Од 2017 до 2022 година работеше и во Секторот за односи со јавноста на Владата на Северна Македонија. извор: Рацин...

Срамот и предавството на албанската опозиција денеска го откри и потврди Христијан Мицкоски, а тие не кажуваат ниту збор, што докажува колку се сервилни и потчинети. Ова е дел од реакцијата на Алијанса за Албанците, партија која е дел од „Европскиот фронт“ предводен од ДУИ, откако лидерот на ВМРО-ДПМНЕ денеска изјави дека дел од новата влада по изборите ќе биде и коалицијата „Вреди“ на опозициските партии на Албанците. Од АА оценија оти опозиционерите од албанскиот блок се подготвени да направат каков било компромис, дури и да се откажат од условувањето за усвојување на уставните измени, само за да му се допаднат на Мицкоски. „Мицкоски денеска го потврди срамот на албанската опозиција, која е подготвена да направи секаков компромис со судбината на граѓаните, само за да му се допадне на Мицкоски. За да се постигне тоа, тие се откажаа и од условувањето за уставни измени, што значи откажување од членството на земјата во Европската Унија. Тие се подготвени да ја вратат државата во изолација само за да бидат сервилни на ВМРО и Мицкоски, а со ова ги потчинуваат Албанците, Турците, Ромите, Бошњаците и сите граѓани за нивните интереси“,пишуваат од Алијанса за Албанците во писмената реакција. Од Алијанса додаваат оти партиите од „Европскиот фронт“ нема да дозволат вакво сценарио и оти со поддршка од граѓаните ќе го остварат европскиот сон. Реакцијата на Алијанса за Албанците, која е дел од коалицијата предводена од ДУИ, следува откако претходно денеска лидерот на ВМРО-ДПМНЕ, Христијан Мицкоски, рече дека идната владина коалиција ќе ја предводи неговата партија, а во неа ќе биде и коалицијата „Вреди“ на опозициските партии на Албанците. Ахмети ми праќа емисари и сака да влезе во владина коалиција со ВМРО-ДПМНЕ, но во неа ќе биде „Влен“, вели Мицкоски Во емисијата „Топ Тема“ на ТВ Телма од пред два дена, Башким Бакиу и Крешник Бектеши – претставници на коалицијата „Вреди“ и на „Европскиот фронт“ – меѓу другото, ги кажаа и црвените линии, односно условите на своите коалиции околу нивно евентуално учество во новата влада по парламентарните избори на 8 мај. Во преговорите за учество во која и да било идна влада, како што рече Бакиу од „Вреди“, услов ќе бидат усвојување на уставните измени и укинување на формулацијата „јазикот што го говори 20 отсто од населението“. Бектеши од „Европскиот фронт“, пак, потсети дека постои потпишан документ меѓу лидерите на партиите на Албанците оти по изборите нема да коалицираат со партија која нема да ги спроведе промените на Уставот....

Со присуство на над 400 делегати и гости, денеска се одржа 7-от Конгрес на Дeмократскиот Сојуз, на кој во своето обраќање, Павле Трајанов, нагласи: „На претстојните претседателски и парламентарни избори се одлучува за тоа дали ќе опстоиме како самостојна, суверена и независна држава и дали ќе се случат промени кои значат градење на демократска и европска држава или ќе тонеме во корупција, деструкција и разградување на темелните вредности.“. „Демократскиот сојуз е витална политичка партија која не прави компромис кога се во прашање нашите национални, државни и стратешки интереси и не сме подготвени да соработуваме со профитери и разграбувачи на државата. Демократскиот сојуз и јас како претседател ја отворивме политичката борба против недопирливите од ДУИ, партија која ги поткопа темелите на македонската држава, со криминал, деструкција и антимакедонска надворешна политика, и сигурен сум дека оваа партија треба да се делегитимира и испрати во опозиција. На тие што на Плоштадот Македонија, извикуваа УЧК, местото им е во ХАГ, а не во власта. – Advertisements – По дуизацијата и криминализацијата на државата, сега водството на ДУИ најавува дестабилизација доколку не биде вклучена во власта, но од ваквите најави никој не се плаши затоа што граѓаните на Македонија без разлика на нивната етничка и верска припадност цврсто се решени да живеат заедно и да ја градат заедничката држава, Македонија“, рече Трајанов. Трајанов зборуваше и за приоритетите на Демократскиот сојуз, меѓу кои посебно ги посочи следните: „Прво, коренити уставни промени односно нов Устав, поради тоа што Уставот и амандманите на истиот, го блокираат развојот, демократијата и ја промовира партизацијата и неодговорноста. Тука пред се, се неопходни реформи во судскиот систем, бришење на правилото на Бадентер, Балансерот итн. Второ, донесување на нова стратегија за борба против тешките облици на криминал и високата корупција и донесување на Законот за формирање на независна Агенција за борба против овој вид на криминал. Трето, деблокирање на евроинтеграциските процеси преку градење на широк политички и граѓански консензус околу следните работи: – Македонскиот јазик да биде официјален по приемот на Македонија во ЕУ – Образовните, историските и идентитетските прашања да не можат да бидат основа за блокада на евроинтеграциските процеси, и – Да се обезбеди реципроцитет со Бугарија со признавање на Македонското малцинство во Бугарија. Четврто, системот за безбедност да се реформира, да поминат сите вработени преку „сито“, да се обезбеди континуирана обука и да се зголемат двојно платите. Не е во ред, ниту може да се очекуваат резултати доколку и натаму главен инспектор прима плата од 45 илјади денари, а јавен обвинител од 130 илјади денари. Надворешна политика треба да биде во функција на нашите стратешки и национални интереси и усогласена со политиките на ЕУ и стратешките партнери, пред се на САД, треба да продолжиме со реформите во областа на одбраната како членка на НАТО. Сме за слободна пазарна економија, бесплатно здравство и образование и создавање услови за младите да останат во Македонија. Предлагаме во советите на општините и Парламентот младите до 30 годишна возраст да бидат застапени со најмалку 30 проценти. Нашата соработка со другите партии е на принципиелни основи. Држиме до постигнатиот договор и дадениот збор и не сме подготвени на компромиси по секоја цена само за да бидеме дел од власта. Демократскиот сојуз пред повеќе од година дена се повлече од парламентарното мнозинство поради тоа што ДУИ и СДСМ ја движеа државата во погрешна насока (крив правец), и веднаш потоа објавивме дека сме за градење на национално единство и заеднички настап на изборите со сите партии кои не се согласуваат со власта предводена од СДСМ и ДУИ. Инаку разговаравме за сите прашања многу отворено и со господинот Зоран Заев и со господинот Димитар Ковачевски, посебно околу евроинтеграциските процеси, и предлагавме за таканаречениот Француски предлог да се обезбеди поширок политички консензус при што ВМРО-ДПМНЕ беше подготвен за компромис, но СДСМ сакаше да има монопол над овие процеси и не беше подготвен за соработка. Укажувавме и на непринципиелната коалиција со која се наруши уставното начело за соодветна и правична застапеност на сите етнички заедници во власта, вклучително и во Владата, но и за ова прашање немаше разбирање. Често пати јавно укажувавме дека само со бројот на пратеници не може да опстои Владата доколку спроведува политики кои што ги загрозуваат националните, државните и стратешките интереси на државата и граѓаните. Ова се покажа како пресудно за натамошното опстојување на оваа власт предводена од ДУИ и СДСМ, и тоа го покажаа изборните резултати од 24 април. Сега сме како држава исправени пред сериозен предизвик. Дали ќе успееме да ги промениме работите. Тоа не може да се случи без силна поддршка од граѓаните. Во овие исклучително критични моменти, треба сите да знаеме дека се работи за опстојување на Македонија како самостојна, независна и суверена држава и затоа државните интереси мора да бидат пред партиските и лични интереси. Мораме да обезбедиме национално единство и сплотеност и да го јакнеме унитарниот карактер на државата. Ние друга држава немаме, и мораме сите заедно да живееме во неа, да ја градиме и чуваме. Конгресот усвои повик до граѓаните да се вклучат во промените, во кои меѓу другото стои: „Македонија е заглавена во политичко мочуриште, неопходни се темелни реформи и кадровска обнова доколку сакаме да се придвижат напред сите процеси. На овие избори се одлучува за тоа дали ќе се вградат во системот вредности кои независно од власта ќе гарантираат изградба на пристојна и модерна европска држава, држава на слободни и креативни граѓани, горди на самите себе и на државата на која и припаѓаат и ја градат. Македонија мора да успее, тоа е наша должност и завет пред идните генерации. Да се биде или не, за тоа одлучувате Вие граѓаните! Излезете на гласање и определете ја иднината на Македонија, демократска, слободна, силна и почитувана од сите“ рече Трајанов. Павле Трајанов ги повика делегатите на конгресот, членовите и симпатизерите на Демократскиот сојуз, како и сите граѓани да излезат масовно на 8 Мај и да гласаат за претседателскиот кандидат Гордана Сиљановска Давкова, и за кандидатите за пратеници од коалицијата ТВОЈА МАКЕДОНИЈА, предводена од ВМРО-ДПМНЕ....

„Главни говорници на Шарената револуција беа активисти, граѓански организации и различни луѓе важни од нашето општество. За сето ова време не беше лесно затоа што режимот ја користеше режимската полиција, тие уапсија многу луѓе, затворија, им се закануваат на децата на семејствата и беше навистина страшно, но имајќи ги предвид сите дискусии овде имаме една многу голема среќата ја најдовме пукнатината на режимот и ја искористивме за борба против режимот, продолжувајќи со алатки за ненасилство, со многу трпение, со блокади на сите улици на главниот град на Северна Македонија, Скопје, но и низ целата земја, а пукнатината беше ние заедно со неколку многу храбри луѓе најдовме нелегални материјали за снимање околу 20 илјади луѓе во државата“рече поранешниот премиер Зоран Заев во своето обраќање на настанот во организација на невладината организација Канвас. Тој додаде по отривањето на нелегалните материјали во јавноста се објавуваа политички бомби, секој трет или секој четврти ден. „Успеавме да ја ставиме владата на преговори тогаш и тие ги прифатија сите наши услови што значат, нов јавен обвинител, нов менаџмент на јавниот радиодифузен сервис, нашата национална телевизија, техничкиот министер за внатрешни работи кога ќе се случат избори сто дена пред тоа, технички министер. доаѓаат од опозицијата и од организациите заедно, исто така министер за социјална заштита и 3 заменици министри за земјоделство, администрација и финансии. Да имаме шанса да контролираме и да имаме шанса да се бориме против режимот на демократски начин преку избори и ние да успееме. Во 2016 година имаше избори, ние победуваме на овие избори и секако дека имаме мнозинство за промена на власта“, заклучи Заев....

Близу 60% од граѓаните ќе гласаат на парламентарните избори, покажува последното истражување на 59,8% јавното мислење кое за Детектор го спроведе Институтот за политички истражувања – Скопје. Според него, 59,8% од граѓаните рекле дека ќе гласаат на изборите, додека 20,5% се решиле да останат дома. Очекувано, најмал интерес за гласање има кај најмладите, особено кај оние под 30 години каде на гласање рекле дека ќе излезат 43,9% од анкетираните додека меѓу граѓаните постари од 60 години, дека ќе гласаат рекле над 78% Нема некои разлики во одговорите според етничката структура на испитаниците. И Македонците и етничките Албанци во идентична бројка од околу 60% рекле дека ќе гласаат на изборите 46,8% од анкетираните велат дека на парламентарните избори ќе гласаат за истата партија за која гласале и на претходните избори додека дури 33,2% планираат гласот да го дадат за партија за која не гласале на претходните избори. Споредбата со резултатите од анкетата која ја направивме во 2020 година покажуваа дека на овие избори се намалил бројот на граѓани кои ќе гласаат за иста партија од 55,7% во 2020 на 46,8%сега. За сметка на тоа значително пораснал бројот на граѓани кои ќе сменат партија, од 19,3% во 2020 на 32,4% на последното истражување. Мнозинството граѓани не им верува ветувањата кои политичките партии ги даваат за време на изборните кампањи. Ваков став имаат 55,8% од граѓаните додека 41,6% веруваат во ветувањата на политичарите. Бројките со нашата анкета од 2020 година на ова прашање се речи си идентични. Оттука, не изненадува податокот дека 69% од анкетираните велат дека предизборните кампањи немаат влијание на нивната одлука за тоа за кого ќе гласаат, додека 29% чувствуваат влијание од кампањата. Во поглед на политичката понуда на овие избори, 48,5% од граѓаните рекле дека се задоволни од неа, додека 46,2% дека не се. Интересно е што етничките Албанци се значително поздоволни од политичката понуда на изборите. Кај оваа етничка група, 64% од испитаниците изразиле задоволство од понудата, додека само 32,4% рекле дека не се задоволни. Кај Македонците ситуацијата е обратна. Мнозинството 50,1% рекле дека не се задоволни од понудата, додека нешто под 44% рекле дека се задоволни. За граѓаните најважно прашање кое идната влада треба да го реши е подобрување на животниот стандард. Ваков избор направиле 30% од анкетирани. 14% се решиле за борба со корупцијата, 10% за зголемување на платите и пензиите. Само 3,4% сметаат дека приоритет треба да биде враќање на уставното име, додека само 6% промена на Уставот поради интеграција во ЕУ. 43% од граѓаните сметаат дека нашите политичари се далеку од нивото на европските политичари, додека само 6% сметаат дека се исти. Анкетата за Детектор ја спроведе Институтот за политички истражувања Скопје врз репрезентативен примерок од 1079 испитаници во периодот од 16 до 20 април оваа година....

Драган Ковачки во дебата на национална телевизија ја повтори „по стоти пат“ невистината дека актуелниот претседател Стево Пендаровски, којшто е и кандидат на претседателските избори 2024 година, изјавил дека Гоце Делчев е Бугарин Фото: Принтскрин Пратеникот на ВМРО-ДПМНЕ и носител на листа во Изборна единица 3 на претстојните избори Драган Ковачки во дебата на национална телевизија ја повтори „по стоти пат“ невистината дека актуелниот претседател Стево Пендаровски, којшто е и кандидат на претседателските избори 2024 година, изјавил дека Гоце Делчев е Бугарин. Оттука, оваа рецензија носи наслов „по стоти пат“ дека Пендаровски такво нешто никогаш не рекол, пишува Вистиномер. Текстот го пренесуваме во целост: Драган Ковачки, од ВМРО-ДПМНЕ, пратеник и носител на листа за парламентарните избори 2024 година, во дебата во емисија на телевизија со национална концесија изрече невистина: Дали вашиот претседател што го викате нашиот претседател кажа дека Гоце (Делчев) е Бугарин? ДА. [Извор: Канал 5 ТВ – Само вистина/Драган Ковачки (15.30 мин.): датум – 25.04.2024] Образложение: Кандидатот за пратеник од ВМРО-ДПМНЕ Драган Ковачки во дуелот со носителката на листа од СДСМ Сања Лукаревска, а зборувајќи за тоа како бил прифатен „францускиот предлог“ и како не биле усвоени уставните измени, како и за тоа кој е поголем Македонец, во еден момент изрече невистина во врска со изјава на претседателот Стево Пендаровски и неговиот став за Гоце Делчев. Ковачки, „по стоти пат“, не тој лично, туку и од неговата партија и пошироко тврдат дека Пендаровски изјавил дека Гоце Делчeв бил Бугарин. Оттука, „по стоти пат“ треба да се повтори прецизниот исказ на Пендаровски во интервју за 360 Степени во јуни 2019 година: Неспорна историска вистина е, за сите што имаат малку сознанија од тој историски период, дека Гоце Делчев се изјаснувал како Бугарин. Но, дали не е историска вистина, стопроцентна, дека Гоце Делчев се борел за македонска држава, автономија, независна држава, па дури и на крајот оставил аманет неговите коски да почиваат во независна Македонија. Не постои ниеден документ кој вели дека Гоце Делчев се борел за голема Бугарија или Санстефанска Бугарија, изјави или став дека се борел за припојување на тогашната провинција во Османлиското царство Македонија, кон Бугарија. Значи неспорна историска вистина е дека се изјаснувал како Бугарин, во тој историски контекст, како што е неспорнa историска вистина и факт дека се борел за македонска држава – вели Пендаровски во интервјуто. Ваквото тврдење на Ковачевски и од ВМРО-ДПМНЕ повеќепати било оценувано и како невистина и како спин од страна на „Вистиномер“, затоа што е неспорно дека идејата е преку константно и упорно повторување невистината да ја претворат во вистина. Извори: Канал 5 – Само вистина/Ковачки – [проверено на 26.04.2024] 360 Степени – Интервју Пендаровски– [проверено на 26.04.2024] Вистиномер – Контраспин 2020/Контраспин 2024 -– [проверено на 26.04.2024] Оцени:Теофил Блажевски извор: Вистиномер...

„Откако ја примивме пораката од граѓаните, се мобилизиравме, ги зацврстуваме редовите и го шириме добриот глас за европска Македонија. Доаѓаме во секое маало, секое село, град и општината. Подаваме рака кон секоја заедници, кон секој еден кој сака европска Македонија. Во коалиција сме со граѓаните. Нема да дозволиме Македонија повторно да биде заробена држава“, порача ко-носителот на листата на кандидати за пратеници на Коалицијата за европска иднина од Изборна единица 2, на денешните средби со жителите на скопската општина Ѓорче Петров. Тој посочи дека реториката на ВМРО-ДПМНЕ и ксенофобијата на Гордана Силјановска нема да донесат позитивни промени за државата, затоа што кај нив нема место за различните од нив, за оние кои веруваат во европска Македонија, во која ќе има достоинствено место за секој еден. „Нашата одговорност кон идните генерации не обврзува да не дозволиме да се случи некој нов 27-ми април или 24-ти декември. Не смееме да дадеме повторно политичка шанса за масовно прислушување, тефтерчиња со судии, за полиција која тепа студенти по библиотеки. Нашите деца не заслужуваат да бидат изложени на пресметки поради нивни различни мислења или ставови. Со гласот за број 1 на 8-ми мај ќе ги заштитиме од закани и уцени“, порача до жителите на Ѓорче Петров, потпретседателот на СДСМ, Битиќи. Тој посочи, политичките амбиции за тоа како гледа на Македонија ВМРО-ДПМНЕ ги разоткри со влегувањето во техничка влада, со преземањето на раководењето на МВР. „Си имаме работа со истото ВМРО-ДПМНЕ од времето на режимот на Груевски, кога вршеа упади по медиуми и затвораа новинари. Одма се обидоа медиумите да ги направат плен на нивните политички игри. Погледнете го случајот со новинарот Фуркан Салиу, со пендрек се обидоа да го замолчат. Сега е тој, но ќе бидат уште многу повеќе новинари доколку им се даде шанса, а тоа може да им го ускратиме само со мобилизирање на неопределените, на разочараните, на прогресивните граѓани “, рече Битиќи...

Русин е уапсен под сомнение дека убил двајца Украинци со нож во германскиот град Мурнау. Киев Индипендент јавува дека ова злосторство се случило во саботата. Германската полиција соопшти дека мажите на возраст од 23 и 36 години биле пронајдени со убодни рани по телото во реонот на трговскиот центар. Се наведува дека еден од нив поради тежината на повредите веднаш починал таму, додека другиот синоќа починал во болница. Осомничениот, 57-годишен државјанин на Русија, е уапсен во неговиот дом, соопшти полицијата. Обвинителите побараа осомничениот да биде задржан во притвор во текот на истрагата....

Мотор и автомобил се судрија во Карпош 4, во близина на „Сити мол“ односно на булеварот „Партизански одреди“. Според првичните информации има повредени лица, но детали не се познати, пишува Скопје 1 На помош притрчале случајни минувачи за возачите и патниците. Автомобилот од силината на ударот, се свртел во спротивна насока. Несреќата е случена на потегот од Партизански одреди каде има обележан пешачки премин, а истовремено, се вози над дозволената брзина и неретко има трки. На ова место пред неколку денови имаше и протест со барање да се стават семафори, бидејќи често има жртви. Засега не е позната причината за несреќата. Полицијата го обезбедува местото и се очекува да започне увид. Повеќе детали се очекуваат од МВР. Фото: Скопје 1...

Без учество на вистинска конкуренција неодамна Владата го заврши повикот за избор на универзален снабдувач, пишува А1он. Од Владата соопштија дека била избрана најповолна понуда и како што додаваат, во „соодветната постапка е избрана понудата доставена од групата понудувачи ЕВН Македонија“. Сепак, деталите за тоа зошто останатите две компании кои доставија понуди на повикот од декември не биле вклучени во трката, засега остануваат непознати, пишува а1он.мк Најголема конкуренција на ЕВН Хоум претставуваше ЕДС, зад која стои државната грчка компанија ППС, која остварува годишен обрт од над десет милијарди евра. Поради доброто салдо на грчката компанија, се очекувало ЕДС на негативното наддавање да понуди далеку пониска маржа од ЕВН. Според неофицијални извори, воопшто не постоеле основани правни околности со кои може да се оправда исклучувањето од учество на јавната аукција на ЕДС. Ваквата владина одлука единствено ќе се одрази на грбот на потрошувачите. Досега ЕВН Хоум ги снабдуваше домаќинствата и малите потрошувачи со струја со профитна маржа од 11,5 отсто. Неофицијално, за наредните пет години оваа профитна маржа ќе изнесува 9,9%, а од друга страна, конкурентите што се пријавиле на огласот биле подготвени да понудат двојно помала маржа. Според грубите пресметки на експертите, поради недостигот на вистинска конкуренција во натпреварот за универзалниот снабдувач граѓаните во наредниот период ќе плаќаат стотици милиони евра повеќе за сметки за струја. Да постои вистинска и здрава конкуренција, не би биле држава во која домаќинствата плаќаат најскапа струја во регионот. А дека плаќаме најскапо, во своите анализи потврди и европската статистика. Затоа експертите се согласни дека треба и тоа како да има конкуренција при изборот на Универзален снабдувач на електрична енергија за домаќинствата и малите потрошувачи. Во сета оваа борба и конкуренција, на крај најголем интерес имаат крајните потрошувачите. Граѓаните како најранлива категорија треба да добијат пониски цени на струјата, а не да бидат оставени во рацете на монопол кој е премногу комотен. Кај некои земји од регионот на пример, граѓаните дури имаат и избор од која компанија ќе добијат електрична енергија. Во Бугарија граѓаните се снабдуваат од три компании кои се поделени по региони. „ЦЕЗ Бугарија“ ги снабдува граѓаните во западна Бугарија, „Енерго-Про“ во североисточниот дел на земјата, а „ЕВН“ ги снабдува со енергија граѓаните во јужноисточна Бугарија. Хрватска има вкупно седум компании што се снабдувачи со струја и меѓу нив секогаш има разлика во цената. Словенечкиот пазар е целосно либерализиран и има пет компании што имаат лиценци за снабдувачи, што исто така влијае позитивно врз понудата, односно граѓаните добиваат пониски сметки. Во Македонија граѓаните се на регулираниот пазар, односно електрична енергија добиваат од Универзалниот снабдувач, затоа од исклучително значење е да има вистинска, а не привидна конкуренција при изборот на компанија која ќе понуди најниска профитна маржа. Инаку, во тек е подготовка на нов Закон за енергетика, кој предвидува отворање на пазарот за електрична енергија и воведување конкуренција меѓу различни понудувачи. Ако новиот закон за енергетика овозможи зголемување на бројот на учесници на пазарот на електрична енергија и зголемување на количествата на истргуваната струја, тогаш конкуренцијата помеѓу учесниците на пазарот на електрична енергија ќе предизвика намалување на цената на струјата – појаснуваат експертите....

Лидерот на ДУИ побара од граѓаните поддршка и рече дека ќе ја запечател големата победа за Македонија да одела напред. “Денеска дојдов со една цел, да ви се заблагодарам за големата поддршка овде во Струга, за тековната мисија. Механизмот што ги распостранува содржајните зраци на платформите се челниците на штабовите, мобилизирачката гарда за да се продре до целта. Платформата “Да за Европа, Не за Русија” беше наша, опозицијата сакаше само уништување на ДУИ, ги разбирам и двете затоа што им удри сонцето, но народот одлучува дали ДУИ ќе се уништи или не, 24 април го докажа тоа и потврди дека ДУИ не се распаѓа, но сега оваа ДУИ работи и делува, и со неа има уште 8 субјекти и овој Фронт на 24 април се соочи со опозицијата “ВРЕДИ”, а на 8 мај се соочуваме и со ВМРО. Нашата мисија продолжува, сакаме земјата да биде полноправна членка на ЕУ, бидејќи немаме друга алтернатива, на земјата и треба повеќе мир, безбедност, стабилност бидејќи недалеку од нас има големи војни и Европа е загрижена и покрена мобилизација на воената технологија. На 8 мај мора да победи субјектот чија мисија е членството на земјата во ЕУ, бидејќи успешно го завршивме членството во НАТО, од кое корист имаат сите граѓани”, рече Ахмети...

На 27.04.2024 во 05.00 часот на подрачјето на Кисела Вода полициски службеници од СВР Скопје ги привеле К.Т.Ц.(27), А.Ј.М.(25), Д.М.(24) и М.А.Ј.(24), сите од САД, поради тоа што го нарушиле јавниот ред и мир со вербална расправија која преминала во физичка пресметка, а дел од нив агресивно се однесувале и кон полициски службеници кои извршувале службени дејствија, велат од МВР. По целосно документирање на случајот ќе следува соодветен поднесок...

Министерот за надворешни работи на Србија, Ивица Дачиќ изјави дека предлог – резолуцијата за Сребреница во Генералното собрание на Обединетите нации е „непромислен гест“ со цел да се изврши притисок врз Србија, објави Н1. Во гостување на ТВ Прва, тој рече дека креаторите на резолуцијата не очекувале дека Србија толку силно ќе се спротивстави и дека коспонзорите на таа резолуција сигурно нема да се откажат и дека гласањето сигурно нема да биде одржано на 2 мај, но, како што рече, „ќе видиме кога“. „Очекуваа да го негираме злосторството, наместо тоа ние отидовме процедурално, констатиравме дека е прекршен членот 12 од Повелбата на ОН, дека нема консензус во Босна и Херцеговина и во земјите од регионот. Не само што немаше консензус во светот, регионот и Босна и Херцеговина, туку никој не ја ни информираше Србија дека (предложената резолуција) се подготвува, и тоа е причината што таа беше примена од некои членки на ОН. Разговарав на телефон со 69 министри за надворешни работи, еден дел од нив беше против, а еден воздржан“,рече Дачиќ. Тој додаде дека ако сакаат резолуцијата да ја стават на гласање, резултатот ќе биде далеку од посакуваниот и дека нема врска со помирување, туку само ќе ги продлабочи поделбите. Дачиќ рече дека Русија побарала итна седница на Советот за безбедност на ОН за БиХ и дека таа е закажана за 30 април и дека на неа преку интернет ќе се обрати српската членка на Претседателството на БиХ, Жељка Цвијановиќ. Дачиќ потсети дека кон средината на мај ќе има редовна седница на Советот за безбедност за БиХ и дека српскиот претседател Александар Вучиќ ќе одлучи кој ќе оди таму за да ја претставува Србија....

Претседателот на ВМРО-ДПМНЕ, Христијан Мицкоски денеска во одговор на новинарско прашање рече дека идната владина коалиција ќе ја предводи неговата партија, а во неа ќе биде и коалицијата „Влен“. Тој беше на увид во градежни активности во скопската Општина Аеродром каде кажа дека треба да се почитува волјата на граѓаните, а граѓаните одлучилe. „Ако го анализирате изборниот резултат, ќе дојдете до следниот заклучок, дека владините кандидати Стево Пендаровски и Бујар Османи освоија вкупно 300 000 гласа. Ако го гледате резултатот кој го одлучија граѓаните, а тоа е резултатот на Гордана Силјановска-Давкова, идниот претседател, и градоначалникот на Гостивар, Арбен Таравари, тоа е близу 450 000 гласа што значи за еден и пол пати повеќе“, смета Мицкоски. Мицкоски рече дека ДУИ сака да влезе во владина коалиција со ВМРО-ДПМНЕ, но го критикуваше лидерот Али Ахмети дека е опкружен со луѓе кои го злоупотребуваат. „Јас жалам што Али Ахмети во јавноста сака да се претстави како идеолог и многу силен, а во позадина ни праќа емисари и би рекол безусловно сака да влезе во идна коалиција со ВМРО-ДПМНЕ и со коалицијата ‘Твоја Македонија’. Жалам што Али Ахмети се опкружи со луѓе кои и него го злоупотребуваат за да прават, условно кажано, криминал и да ја ограбуваат Македонија и жалам што Али Ахмети опкружувајќи се со овие луѓе наместо да заврши како политички пензионер и да биде идеолог, тој ќе заврши како соучесник во криминалот на неговите блиски соработници кои набргу од денеска, македонската јавност, сите граѓани во Македонија, без разлика на етничката припадност, ќе бидат сведоци, а за што имаме голем број докази“,вели Мицкоски...

Лидерот на најголемата опозициска партија, ВМРО-ДПМНЕ рече дека се слушнал со претседателот на ЗНАМ, Максим Димитриевски. Тој очекува поддршка во вториот круг од Димитриевски, за кандидатката на ВМРО-ДПМНЕ Гордана Силјановска Давкова 8-ми мај. „Се слушнавме и со Димитриевски. Знаете дека ние сме во коалиција во Куманово каде што тој е градоначалник. Очекуваме поддршка за нашиот кандидат од Максим Димитриевски, треба да го прашате да ви даде одговор“, рече Мицкоски. Тој предупреди дека Македонија била заложник на неколкумина кои во политиката влегле како „голтари, а станале милионери“. „Јас ги повикувам сите гласачи, на сите кандидати кои не влегоа во вториот круг да ја поддржат Силјановска Давкова и на тој начин Македонија ќе биде повторно горда и нема да биде понижена. Нема да тонеме во политичкото мочуриште, да не бидеме заложници на некои кои стана милиониери, а влегоа како голтари“, рече претседателот на ВМРО-ДПМНЕ....

Семејството на 92 годишна британка Милка Шормаз (92) тврди дека таа била измамена и изгубила 800.000 фунти (934 илјади евра) во имотна измама што наводно се случила во Белград. Велат дека ќе го однесат случајот и до Европскиот суд за човекови права, пишува српски Телеграф. Милка Шормаз се преселила во Бирмингем во 1958 година. Често патувала во Србија и каде останала бидејќи ја затекнала пандемијата. Нејзиното семејство тврди дека се спријателила со таксист и неговата сопруга во Белград. Тие велат дека таа станала „лесен плен“ бидејќи била многу стара и покажувала знаци на деменција. Само неколку месеци по средбата со парот, Милка наводно била принудена да потпише сложени правни документи. Нејзиното семејство тврди дека таа со потпишувањето на документите да двојката и го префрлила правото да располага со нејзиниот недвижен имот. Променет бил и нејзиниот тестамент, а за главен наследник бил именуван таксистот, кому со тоа му припаднала и куќа за гости во Бирмингем. Милка, која немала деца, починала во октомври 2021 година. Нејзиното семејство откри дека станот со три спални соби, четири продавници и три гаражи, вклучително и мерцедесот, кој таа го поседувала во Белград, бил продаден во 2018 година по цена од околу 20 отсто од нивната вредност. „Имаме огромен список на докази кои го поддржуваат нашиот случај и докажуваат дека нашата тетка – која беше многу стара и ранлива – беше жртва на огромна неправда. Доколку Уставниот суд на Србија го отфрли нашето право да презентираме докази ќе се обратиме до Европскиот суд за човекови права, изјавил роднина за „Бирмингем лајв...

Министерот за правда и генерален секретар на Алијанса за Албанците, Кренар Лога му возврати на Драган Ковачки од ВМРО-ДПМНЕ, кој го обвини дека поткупува гласачи во третата изборна единица. „Ја примив Вашата порака. Го знам Вашиот интелектуален капацитет нереформиран кадар кој за среќа, во земја членка на НАТО нема преспектива и нема можност за добивање безбедносен сертификат, што за Ваша несреќа долгосонуваната позиција Министер за одбрана станува неостварлива. Оваа закана чувајте ја за себе. Во исто време Ви благодарам што нè мотиварате дополнително. Овие бесмислици од минатиот век, народски речено, не држат вода кај нас. Ќе ме имате секој ден во секој дел на оваа заедничка држава. Мојата Македонија е побогата од Вашата. Европска Македонија е далеку поубава и поперспективна за разлика од Вашата Македонија, која е регресивна, изолирана, и е со тефтерче против своите граѓани. Неспособен полковнику, како Европски Фронт тука сме како гаранција дека оваа држава ќе се движи напред и дека оваа држава е на сите граѓани, како на македонците така и на сите останати од третата изборна единица… – 9308 Роми; – 8628 Албанци; – 5590 Турци; – 5199 Бошњаци; или вкупно 28725 гласачи незастапени во Собранието на Северна Македонија. И за крај коригирајте се, нема да има еден пратеник туку минимум три, бидејќи носител е проф. д-р Сулејман Баки (горд турчин на оваа држава), а втор на листата е Џевдет Садику (горд Албанец од вашата Северна Македонија)“ му порача Лога на Ковачки...

Златен џебен часовник кој му припаѓал на најбогатиот патник на Титаник, Џон Џејкоб Астор IV, е продаден на аукција за 1,2 милиони фунти. Џебниот часовник од 14 каратно злато „Voltham“ го колекционер од САД кој ка понудил највисоката сума досега за кој било предмет од Титаник, пишува „Гардијан“. Часовникот изгравиран со иницијалите JJA (ЏЏА) е пронајден со телото на Џон Џејкоб Астор IV, неколку дена откако Титаник потона. „Астор е добро познат како најбогатиот патник на Титаник и се сметаше дека е меѓу најбогатите луѓе во светот во тоа време, со богатство од приближно 87 милиони долари, што е еквивалентно на неколку милијарди долари денес“, соопшти аукциската куќа „Henry Aldridge & Sun“....

Мурал посветен на Бобан Трајковски, еден од загинатите припадници на безбедносните сили во настаните кај Вејце 2001 година денеска беше откриен во Куманово. Трајковски беше еден од осумте припадници на македонските безбедносни сили кои загинаа на денешен ден 2001 година. Организатор на денешниот настан е здружението „Слобода, искреност, лојалност, акција-СИЛА“ и колегите од единицата „Волци“. -Во 2001 година се случи еден настан во текот на борбените дејства при одбрана на државата каде што загинаа осум припадници на безбедносните сили, четворица од армијата, од специјалната единица „Волци“ меѓу кои и Трајковски Бобан-Другарчики. Тој учествуваше во таа акција и го даде својот живот за нашата Македонија. За жал, 23 години само за овој човек колку што имам информација барем за оваа случка никој нема направено апсолутно ништо. Јас како негов другар, сосед, претпоставен, бидејќи и јас тогаш бев вработен во „Волци“ како старешина, сега пензионер, си зедов за обврска заедно со единицата „Волци“ да направиме свечена манифестација каде што ќе го обележиме настанот, бидејќи 23 години никој ниту на централно, ниту на локално ниво не успеа да направи нешто, изјави Антонио Станковски, од здружението „СИЛА“. Муралот го изработија уметниците од „Форма“ кои се сограѓани на кумановецот Трајковски. Од здружението се надеваат дека општината ќе именува улица или друг објект во чест на припадникот на безбедносните сили кој го даде животот за државата. -Ова можеби е само почеток. Немаме ниедна улица, објект, јавен во градот којшто би требало да го носи неговото име, тука треба општината да донесе одредени одлуки, каде што никој нема да се налути, бидејќи го градиме мултиетничкото општество, но постои начин. Овие луѓе биле во легална институција, законски поставувале, го дале животот и мислам дека никој не треба да се навреди ако има какво било обележје во градот, дали име на школо, улица, објект, итн. Немавме никакви проблеми од граѓаните на зградата, бидејќи требаше да имаме нивна согласност. Тие сите и дуќаните и станарите апсолутно не правеа проблем, рекоа цртајте сè што мислите ако ова е во интерес на државата и на ликот на Бобан Трајковски, кажа Станковски. На настанот присуствуваа членови на семејството, колеги, припадници на безбедносните сили, кумановци. На 28 април 2001 година, во 17:45 часот, се случи масакрот во Вејце, кога осум припадници на специјалната единица Волци и полицајци од посебната единица беа начекани во подмолна заседа и беа убиени. Тој дена беа убиени Роберт Петковски (27), Игор Костески (26), Миле Јаневски (30), Бобан Трајковски (28), Марјан Божиновски (27), Илче Стојановски (24), Бошко Најдовски (25) и Кире Костадиновски (24)....

Изјава на Сања Лукаревска, носителка на листата на СДСМ во третата изборна единица “Прогресивните граѓани знаат дека со СДСМ има слобода, има демократија и сигурна иднина, и токму тие граѓани се и наши најдобронамерни критичари, затоа што се демократи и затоа што имаат изградено граѓанска свест, за да биде подобро. Но во суштина тоа сме НИЕ, истите тие, што ја сакаме државата слободна, демократска, отворена, модерна, развиена. Исти вредности споделуваме, тие вредности секогаш не обединувале, и кога било најтешко и кога е најважно. Да не го потцениме моментот, сега е најважно. Важно е на 8 мај да покажеме дека сме обединети и дека заедно и подобро ќе продолжиме да работиме”, рече Сања Лукаревска, носителка во третата изборна единица. СДСМ е одговорна партија. Ние не манипулираме, не продаваме бесперспективни илузии кои ја разградуваат државата од внатре, и и ја ослабуваат позицијата надвор. Тоа нема да го дозволиме и затоа ја бараме вашата поддршка на 8 мај, рече Лукаревска. “Да не дозволиме она што го изградивме заедно, да се урне за само еден ден, да се вратиме назад – на поделбите на наши и ваши, на привилегирани и на казнети, на поттикнати внатрешни конфликти, а всушност сите изманипулирани, зашто тој концепт не нуди иднина. Се е јасно, се е веќе видено и чуено и тоа ни дава уште поголема верба дека сме на исправниот пат. И затоа не се откажуваме, веруваме во социјалдемократските вредности, веруваме во погресивните граѓани и веруваме дека на 8 мај можеме да продолжиме заедно”....

Делегација на Левица денеска во тетовско Вејце им оддаде почит на осумте припадници на Армијата и полицијата кои беа убиени на 28 април 2001 година на тоа место. Делегација ја предводеше потпретседателот Реџеп Исмаил, како и носителот на кандидатската листа во шеста изборна единица Игор Димески. Денес се навршуваат 23 години од масакрот кај Вејце, каде осум наши бранители го загубија својот живот, бранејќи ја Република Македонија. Исто така има и повредени од овој немил настан. Левица е тука да им оддаде почит на тие жртви, и на повредените, изјави Игор Димески...

Министерот за надворешни работи на Србија Ивица Дачиќ денеска изјави дека на 16 и 17 мај е состанокот на Комитетот на министри на Советот на Европа за прием на Косово во таа организација, а дека најверојатно ќе се гласа на 17 мај. Шефот на српската дипломатија во гостувањето на ТВ Прва рече дека не е извесно што ќе се случи и дека Србија „ќе се бори“. Исто така, рече дека Франција и Италија изразиле резерви, а Унгарија е против, пренесува Бета. „Посветивме максимално политичко внимание на тоа прашање“, рече српскиот министер. Тие го притискаат (косовскиот премиер Албин) Курти да го испрати Статутот на ЗСО (Заедница на општини со српско мнозинство) до Уставниот суд на Косово, и додека Французите велат дека е потребен одговор на судот, некои велат дека е доволно само да се испрати барање“, рече Дачиќ. Тој смета дека Косово е вештачки политички „пропаднат проект“, наведувајќи дека еднострано прогласи независност во 2008 година и дека во 2024 година сè уште не постигнало целосно признавање. Дачиќ оцени дека тоа е „дебакл на западната политика...

Началникот на Генералштабот на полската армија, генерал Вислав Кукула, изјави дека во текот на следните две до три години, неговата земја ќе ја реформира и ќе ја зајакне својата војска, така што ќе биде подготвена за „крвава и долга војна“. „Денес сме убедени дека евентуалната војна би била долга и крвава, а мнозинството професионални војници не би издржале до крај. Резервистите ќе бидат главни и тие ќе ја завршат војната. Мораме да го промениме начинот на размислување, така што резервистите бројчано ќе влезат во вооружените сили, ќе бидат опремени како професионални војници и обучени на истите курсеви“, рече генералот Кукула за јавното полско радио. Полските генерали во реформата на војската се угледуваат на моделот на Финска, каде вооружените сили имаат само 31.500 професионални војници, но во секој момент нивните редови можат да ги пополнат 280.000 добро обучени резервисти. Полска планира да ја зајакне армијата на 300.000 војници, меѓу кои ќе има професионални војници, потоа Полјаци кои доброволно го отслужиле воениот рок и Војска за територијална одбрана, а покрај тоа и активни резервисти, кои до 2039 година треба да изнесуваат 150.000. „Доброволното служење воен рок и територијалната одбрана се покажаа како успех, не затоа што беа генијално замислени, туку затоа што едноставно ги погодивме очекувањата во општеството. Голем дел од нашето општество сака да биде подготвено и да научи професионално да се бори“, рече началникот на Генералштабот. Полска почна брзо да ја модернизира армијата уште пред рускиот напад на Украина, а продолжува да купува оружје и новата проевропска влада, која се обврза да издвојува четири отсто од БДП годишно за одбрана, што е највисоко во НАТО. Стравот дека нема гаранции дека Русија ќе застане доколку ја победи Украина и дека Полска нема да биде следната цел, барем додека Москва не ја врати својата сфера на влијание од времето на Студената војна, јавно го изразуваат и официјалните лица и опозиција.. „Можете ли да ми гарантирате дека (рускиот претседател Владимир) Путин нема да нападне ниту една земја на НАТО“, го праша полскиот министер за надворешни работи Радослав Шикорски новинарот во интервјуто за новиот број на германскиот весник „Билд“. Тој изјави дека „со оглед на тоа колку пати во историјата Русија ја нападнала Полска“, Полјаците ни сега не би биле изненадени од таков напад , а дека доколку Путин стигне до границите на Полска, ќе го направи истото што го направи Хитлер пред. Втората светска војна со Чешка....

Кандидатката за претседател на САД од редовите на Зелената партија Џил Стајн уапсена е на пропалестински демонстрации на Универзитетот Вашингтон во Сент Луис. Портпаролот на нејзината кампања рече дека не се запознаени со обвиненијата. Стајн беше на демонстрациите за да ги поддржи студентите кои поставија камп и кои порачаа дека нема да се разотидат се додека Универзитетот Вашингтон не се одвои од Боинг. Меѓу нивните барања се и бојкотирање на израелските академски институции. Во видеото снимено пред нејзиното апсење и објавено на мрежата Икс, кандидатката на Партијата на Зелените рече дека ги поддржува студентите и нивните уставни права на слобода на говор. „Ќе стоиме овде во линија со студентите кои се залагаат за демократија, за човекови права и се залагаат за ставање крај на геноцидот“, рече Стајн. Дејвид Швајб, директорот за комуникации на Џил Стајн во претседателската трка, рече дека таа се обидела да ја деескалира ситуацијата меѓу демонстрантите и полицијата во саботата попладне по локално време, но дека полицијата „не реагирала“ и веднаш потоа почнала да апси. „Како што рече д-р Стајн, срамно е универзитетските администрации да одобруваат употреба на сила против сопствените студенти кои едноставно повикуваат на мир, човекови права и крај на геноцидот од кој американскиот народ се згрозува“, рече Шваб. Уапсени се и шефот на кампањата на Стајн и неговиот заменик. Повеќе од 80 лица се уапсени на Универзитетот Вашингтон во Сент Луис во контекст на тековните пропалестински демонстрации, се вели во соопштението на Универзитетот. Групата демонстранти, во која имаше студенти, вработени и поединци кои не се поврзани со универзитетот, маршираа на повеќе локации во кампусот каде што „подигнаа шатори и покажаа дека немаат намера да заминат“, соопшти универзитетот....

Бригадите Ал-Касам, вооруженото крило на Хамас, објавија видео на кое се гледаат двајца заложници заробени на 7 октомври, кои бараат од израелската влада предводена од Бенјамин Нетанјаху да најде начин да ги ослободи. Видеото содржи разговор со Кит Сегал (64) и Омри Миран (47), кои зборуваат за тешките услови што ги доживеале при израелското бомбардирање во Појасот Газа, пренесува Анадолија. Објавена и изјавата на израелскиот премиер Нетанјаху, кој рече: Само континуираниот воен притисок ќе доведе до ослободување на сите заложници. Цитирана е и изјавата на министерот за одбрана Јоав Галант, кој изјави: Колку повеќе се зголемува воениот притисок, толку се поголеми шансите да дојдеме до вашите најблиски. Бригадите Ал-Касам во видеото велат дека воениот притисок што го изврши Израел доведе до смрт на десетици заложници во Газа, а останатите ги лиши од прославата на еврејската Пасха со нивните семејства. „Вашите нацистички водачи не се грижат за судбината на вашите заробени синови и нивните чувства. Сфатете го ова пред да биде предоцна“, се заканија припадниците на Хамас, организација која е прогласена за терористичка во ЕУ и во САД....

На 27.04.2024 во 21.32 часот во Полициско одделение Македонска Каменица било пријавено дека на раскрсницата од ул.„Церска“ со ул.„Тапеѓовска“ во Македонска Каменица, патничко возило „опел астра“ со штипски регистарски ознаки, управувано од М.Д.(19) од Крива Паланка, излетало од коловозот. Во несреќата со тешки телесни повреди се здобиле малолетен сопатник од Македонска Каменица и Д.Ц.(18) од Крива Паланка, а со телесни повреди се здобиле уште еден малолетен сопатник и М.Д.(19), двајцата од Крива Паланка, констатирани во Клиничката болница Штип. Извршен бил увид од увидна екипа од ОВР Делчево....

Ирачката ТикТок ѕвезда, позната на стотици илјади онлајн следбеници како Ом Фахад, беше убиена во напад доцна во ноќта пред нејзиниот дом во источен Багдад. Надзорните камери го снимија нападот, кој се случи во петокот, на кој се гледа како напаѓачот, облечен во темна облека и со кацига, се симнува од својот мотоцикл, оди кон црн џип и пука во ТикТокерката, која седела внатре. Според Ал Џезира, Министерството за внатрешни работи соопштило дека формирало тим за испитување на околностите на убиството. Ом Фахад, чие вистинско име е Гуфран Савади, беше популарна на ТикТок и имаше речиси половина милион следбеници и споделуваше видеа на кои танцува на поп музика. Во февруари 2023 година, судот ја осуди на шест месеци затвор бидејќи беше откриено дека нејзините видеа содржат „непристоен говор што ја поткопува скромноста и јавниот морал“, а некои од нејзините видеа имаа повеќе од милион прегледи. Пет други креатори на онлајн содржини исто така беа осудени на до две години затвор во тоа време, а против другите беа покренати истраги. Тоа дојде откако ирачкото Министерство за внатрешни работи формираше комитет во јануари 2023 година за да открие „непристојна и понижувачка содржина“ објавена на интернет од влијателни луѓе како Фахад. Според ирачкото Министерство за внатрешни работи, ова ќе ги зачува „моралот и семејната традиција“ во ирачкото општество....

Со полагање букети свежо цвеќе пред споменикот „Ангел” кај градскиот часовник и спомен обележјето пред Секторот за внатрешни работи, денес, во Битола беа одбележани 23 години од загинувањето на македонските бранители кои загинаа во конфликтот во 2001 година кај тетовското село Вејце. Нашата татковина опстојува благодарение на храброста, непокорот и пожртвуваноста на нашите херои бранители-рече на денешното чествување во Битола, Митко Бојмацалиев, дополнителен заменик министер за внатрешни работи. „За мирот и спокојот што денеска го имаме им должиме ним и им се поклонивме пред спомениците во Битола. Тие се великани коишто ја променија историјата и оставија светол пример за идните генерации. Нивните имиња остануваат вечно врежани во колективната меморија на македонскиот народ. Нивните херојски дела оставија траен белег врз нашите животи за што денеска со гордост се сеќаваме и со пиетет зборуваме. Како син на воено лице во пензија кое во 2001 година учествуваше во овие настани, сега како претставник на Министерството за внатрешни работи сакам да им оддадам признание и да им кажам на фамилиите дека никогаш нема да бидат заборавени а Македонија ќе биде вечна-рече на одбележувањето дополнителниот заменик министер за внатрешни работи“, Митко Бојмацалиев. Искажувајќи сочувство до семејствата на загинатите бранители, градоначалникот на Битола, Тони Коњановски рече дека Битола како мултиетнички центар треба достојно да го задржи споменот на загинатите бранители, тие да не бидат заборавени, и ваквите настани никогаш повеќе да не се повторат. „Тука сме да го зачуваме споменот за овие македонски херои и да оддадеме почит и никогаш да не ги заборавиме. Денес навршуваат 23 тажни години од денот на загинувањето на битолските херои, и со ова чествување искажуваме огромна почит кон нивното дело, да не остане заборавено и да биде една голема опомена до сите нас ваквите настани никогаш повеќе да не се повторат. Сведоци сме дека во предизборието повторно се слушаат националистички изливи, апсолутно тоа треба да биде едно минато. Битола е град на мултикултурата и претставува мултиетнички центар и треба достојно на нашите бранители да им оддадеме почит и да го задржиме споменот-рече на одбележувањето на 23 годишнината години од загинувањето на битолските бранители во конфликтот од 2001 градоначалникот на Битола“, Тони Коњановски....

Муниција експлодираше во воена база во Камбоџа, а во инцидентот загинаа 20 војници, додека неколку други се ранети. Сѐ уште не е позната причината за страшната експлозија More than 30 soldiers lost their life in a explosion at the ammunition depot in #Cambodia pic.twitter.com/SfqzZBWi7F — Amitabh Chaudhary (@MithilaWaala) April 28, 2024 Во експлозија на муниција во база во југозападна Камбоџа загинаа 20, а беа ранети неколку војници, објави премиерот Хун Манет, пренесе дневник.хр. Во објава на Фејсбук, Манет напиша дека бил длабоко шокиран кога вчера попладнето ја добил веста за експлозијата во базата во провинцијата Кампонг Спеу. Засега не е јасно што ја предизвикало експлозијата. Сликите од местото на настанот покажуваат неколку тешко оштетени згради кои сè уште тлеат, а војниците се лекуваат во болница. Други фотографии покажаат куќи со дупки на покривите, објави Асошиејтед прес. Уништени се четири згради, три за складирање и една за работа, а оштетени се и неколку воени возила, изјави полковникот Јунг Сохон. Тој додаде дека оштетени се и 25 локални куќи. Меѓу повредените има и деца. Камбоџа, како и многу други земји во југоисточна Азија, страда од продолжен топлотен бран, а провинцијата каде што се случи експлозијата забележа максимална температура од 39 степени целзиусови. Иако високите температури обично не можат да активираат муниција, тие можат да ја намалат стабилноста на експлозивот во одреден временски период, со ризик дека една мала експлозија може да предизвика пожар и верижна реакција. Кирипост, онлајн сервис за вести на англиски јазик, цитираше локален жител кој вели дека се случила голема експлозија околу 14 часот и 30 минути, проследена со помали експлозии кои продолжиле уште еден час. Еден локален жител кој живее во близина на воената база Пенг Кимнеанг изјави дека прозорците на блиската фабрика биле скршени, а куќите оддалечени од еден километар претрпеле помали оштетувања...

Денеска се навршуваат 23 години од заседата кај шарпланинското село Вејце во која загинаа осумина припадници на македонските безбедносни сили – четворица припадници на спацијалната единица „Волци“ и четворица припадници на посебната единица на полицијата од Битола. На 28 април 2001 година беа убиени Роберт Петковски (27), Игор Костески (26), Миле Јаневски (30), Бобан Трајковски (28), Марјан Божиновски (27), Илче Стојановски (24), Бошко Најдовски (25) и Кире Костадиновски (24). Масакрот се случил во 17:45 часот откако од заседа биле убиени, а потоа масакрирани и живи запалени осуммината припадници на безбедносните сили....

Повеќе од 800 луѓе се заразиле со норовирус (стомачен грип) на пролетниот фестивал во Штутгарт, град во југозападна Германија, јави Би-Би-Си. Не е познато како се шири вирусот, но бројот на заразени значително се зголеми во текот на неделата. Претставниците на властите во Штутгарт веруваат дека изворот на инфекцијата не е храната и пијалоците кои се служат во фестивалскиот шатор, бидејќи анализираните примероци биле негативни. Тестирани се и персоналот, како и садовите и водата што се користат за миење. Градскиот здравствен институт смета дека вирусот се пренесувал од човек на човек, преку капки, иако не се знае кој го донел вирусот – посетител или вработен. Посетителите набрзо се пожалиле на повраќање, дијареа и гадење. Градските здравствени власти објавија дека до петок, 26 април, биле заразени 815 лица. Пролетниот фестивал на падините на реката Некар започна на 20 април и ќе трае 23 дена....

Спротивно на изјавите на португалскиот претседател Марсело Ребело де Соуза, Владата на Португалија денеска соопшти дека одбива да започне каков било процес на исплата на репарации за злосторствата извршени за време на трансатлантската ропска и колонијална ера. Од 15 до 19 век, шест милиони Африканци биле киднапирани и насилно транспортирани преку Атлантикот со португалски бродови и продадени во ропство, главно во Бразил. Ребело де Соуза изјави и дека Португалија може да користи неколку методи за плаќање репарации, како што се отпишување на долговите кон поранешните колонии и обезбедување финансиска поддршка. Сепак, португалската Влада соопшти дека сака „подлабоко подобрување на меѓусебните односи, почитување на историската вистина и сè поинтензивна и блиска соработка, заснована на помирување на братските народи“ и додаде дека не постои „процес или програма за конкретни акции за исплата на репарации“, истакнувајќи дека оваа политичка линија ја следеле и претходните влади. Владата во Лисабон оцени дека односите со поранешните колонии се „навистина извонредни“, особено во областите како што се образование, јазик, култура, здравство, но и во доменот на финансиската и економската соработка....

Од утре до 6 мај, учениците од основните и средните училишта ќе бидат на пролетен распуст. Пролетниот распуст е воведен првпат во оваа учебна година, па затоа има промена и во календарот за настава. Па така, учебната 2023/2024 година за основците ќе заврши на 17 јуни, а за средношколците, како и во минатите години – на 10 јуни. Училиштата нема да работат на 8 мај (среда) кога ќе се одржуваат вториот круг од Претседателските избори и Парламентарните избори 2024. Ден претходно, односно на 7 мај, вторник, во училиштата каде што ќе се организира гласањето, ќе имаат скратени часови и работно време до 11 часот. Неработните денови поради изборите ќе бидат одработени во работни денови со подолг престој на учениците во училиштата за да се реализираат дополнителни часови. Учениците во Скопје треба да надоместат и за пропуштената наставата на 30 ноември лани кога во главниот град беше организиран Советот на министри на ОБСЕ. За планирањето и организирањето на дополнителните часови, Министерството за образование и наука ги задолжи директорите на училиштата...

Идниот мандатар мора најпрво да разговора со нас, за државата е најдобро во новата влада да има и претставник на Албанците, а ќе направиме се да се убедиме заедно со идниот партнер да влеземе во процес на уставни измени, вели во интервју за МИА Африм Гаши, претседател на политичката партија Алтернатива и носител на кандидатската листа на коалицијата „Вреди“ во Втората изборна единица за претстојните парламентарни избори. Во коментар на резултатите од првиот изборен круг од претседателските избори според кои нивниот кандидат Арбен Таравари освои 83.393 или 9,20 отсто, а во Гостивар 75 гласови повеќе од Бујар Османи од Европскиот фронт на владејачката ДУИ, кој, пак, освои 121.088 гласови или 13,37 отсто, вели дека Албанците долго време немаат култура за поголемо излегување на претседателски избори. Гаши објаснува дека има голема разлика во културата за гласање на претседателски, локални и на парламентарни избори, а како пример го наведува случајот со различниот број на гласови што ги доби Имер Селмани во 2009 година како претседателски кандидат и како лидер на партија на тогашните двојни претседателски и локални избори. -Ќе ви дадам најпластичен пример од 2009 година кога истовремено имаше претседателски и локални избори, на истиот ден Имер Селмани, кој беше претседателски кандидат истовремено беше и претседател на Нова демократија. Како претседателски кандидат на тој ден на изборите освои 150 000 гласа, а како партија околу 50 000 гласа. Различно гласаат луѓето за разни избори. Вториот аргумент е тоа што затоа што не е веројатно дека Албанец ќе стане претседател во непосредни избори. Албанците долго време немаат култура на поголемо излегување на претседателски избори. Многу е битно дека на парламентарни избори кога ќе има поголема излезеност ќе се покаже таа волја. Додека сите гласачи на ДУИ кои тие ги контролираат клиентелистички, најголемиот број ги поткупуваат, или им се закануваат, нашите гласачи по своја волја или излегуваат или не излегуваат на гласање. Нашата перцепција е дека на 8 мај ќе биде поголема излезеноста и ќе видите дека ќе има голема разлика и во Тетово и во Гостивар, Чаир и во сите градови, вели Гаши. И тој ја демантира информацијата за средба на Таравари со лидерот на ДУИ Али Ахмети. Таквата објава излегла, како што вели, затоа што максимата на Ахмети била раздели и владеј, но и за да создаде недоверба меѓу коалициските партнери. -Нашата доверба помеѓу сите коалициски партнери е многу голема, господинот Таравари немаше никаква средба ниту со него, ниту со некој друг од ДУИ, немаше никаква понуда, така што тоа е тотално лажно. Навистина е срамно како еден многу сериозен медиум од Албанија и една таква политичка партија која сака да го добие уште еднаш гласот на Албанците на таков начин манипулира со граѓаните. Тотална лага е тоа што беше изнесено во јавноста, посочува Гаши, во врска со објавата на албанската „Топ Ченел“, во која беше наведено дека вечерта на 24 април Таравари тајно се сретнал и добил понуда од Ахмети. Според него, главните столбови од изборната програма на „Вреди“ се базираат на најголемите потреби на граѓаните. За првиот приоритет – европската интеграција подвлекува дека ќе направат се „да се убедиме заедно со идниот партнер да влеземе во процес на уставни измени“. -Нашиот прв приоритет секако ќе биде европската интеграција, ќе направиме се да се убедиме заедно со идниот наш партнер да влеземе во процес на уставни измени. Ќе разговараме со меѓународниот фактор, ќе направиме се да влеземе во процес во кој ќе ги отпочнеме и практично поглавјата за да ги затвориме што побргу и Македонија да стане член на ЕУ. Тоа е наш прв приоритет, посочува Гаши. Како што појаснува, станува збор за многу сложен процес, во кој се согласува да се настапи заедно за одбраната на јазичниот и културниот идентитет на Македонците и за притисок врз Бугарија. –Тоа е многу сложен процес. Во вакви сложени процеси каде имате соседна држава, ЕУ со сите држави, Содинетите Американски Држави треба да имате пред се подготвеност за главните приоритети што сакате да ги одбраните. Треба да ги знаете целите на државата. Сакаме да бидеме дел од Европа. Тоа е првиот критериум. Вториот критериум, ако е одбраната на јазилчниот и културниот идентитет на Македонците, тука сме сложни дека во овој дел можеме заедно да настапиме. Од друга страна, ќе видиме што можеме заедно да направиме како притисок врз Бугарија, да ги убедиме меѓународните фактори, да разговараме со нив. Очекуваме нова политичка клима и во Бугарија. Политиката е тежок процес, треба преговарање, треба компромиси и ако имате волја и ако сакате тој процес да го терате ќе треба на тој начин да вложите се што имате како политички капитал. Мислам дека сите заедно во државата, најголемиот број политичките партии, се сложни околу нашата стратешка ориентација дека сакаме да бидеме дел од ЕУ и ќе треба во тој процес да одиме заедно, вели Гаши. Со реформскиот концепт во економијата како втор столб од програмата ветува зголемување на минималната плата за четири години на износ од најмалку 800 евра, намалување на цените, деловна клима за инвестиции, привлекување на дијаспората да инвестира во државава. Го истакнува третиот столб – борбата против криминалот и корупцијата, како неопходен зашто според него неказнивоста во државава веќе станала феномен. Во тој контекст потсетува на предлогот на Алтернатива кога беше дел од Владата, а со кој се предвидуваше со уставен амандман политичката корупција да не застарува како кривично дело. Ќе се залагаат и за нов концепт на образование, со зголемување на квалитетот на знаење на учениците, со целосно подобрување на образовен систем, во согласност со потребите на модерното време. Нивни клучни столбови се и здравството, социјалните проблеми, децентрализацијата. Гаши смета дека нивните гласачи имаат висок степен на политичка култура и свест и затоа не можат да им влијаат за кого да ја дадат поддршката во вториот круг од претседателските избори. Нашите гласачи, посочува, се свесни, нема да им кажуваме што да прават, тие точно знаат што треба да направат и јас сум убеден дека ќе направат тоа што е најдобро за нив и за државата. Очекувањата од парламентарните избори ги темели на обединувањето во албанскиот блок, добрата програма, човечките ресурси на листите, како и тоа дека, како што вели, граѓаните веќе знаат што ги очекува ако го изберат нашиот противкандидат. -Единствено може да очекуваат подобрување и промена ако не гласаат нас. Јас сум убеден дека граѓаните овојпат ќе се одлучат за промени и бидете убедени дека на 8 мај тоа ќе се случи, вели Гаши. Во однос на тоа дали се гледаат како иден коалициски партнер на претседателот на ВМРО-ДПМНЕ Христијан Мицкоски кој исто така вели дека е уверен во победа, лидерот на Алтернатива посочува дека со резултатите од претседателските избори се навестува како може да изгледа идната влада. Според Гаши, „Вреди“ е единствениот легитимен претставник на Албанците, идниот мандатар мора првин да разговора со нив, а за државата е најдобро во новата влада да има и претставник на Албанците. Најавува и дека за постизборно коалицирање ќе инсистираат најголемиот процент од ветувањата во програмата со кои бараат поддршка од гласачите да станат дел од заедничката владина програма. Не би сакал да прејудицирам ништо во овој процес, но веќе некои резултати од претседателските избори навестуваат како може да изгледа идната влада. Прво, нам ни е многу битно да добиеме што повеќе гласови кај Албанците. Второ што е битно е што ние како коалиција сме единствени кои имаат легитимитет да ги претставуваат Албанците. За жал, ДУИ го напушти овој концепт, тие имаат коалиција со други осум- девет политички партии со другите етнички заедници, тоа е сосема во ред, но тоа е веќе битно во делот што го прават со СДСМ и ВМРО-ДПМНЕ. Тие така и настапија, рекоа дека не се во битка со нас, туку со ВМРО-ДПМНЕ и со СДСМ, ќе видите дека ќе изгубат од нив, ќе видиме каков ќе биде резултатот. Но, што се однесува до правење нова влада, од 90-та година немало влада без Албанците или легитимни претставници на Албанците. Затоа идната влада или идниот мандатар мора првенствено да разговара со нашата коалиција, а ако ние не прифатиме тогаш доаѓаат во предвид бројките, демократијата, 61 пратеник, но пред непишаното правило – навистина и заради стабилноста на државата и заради се, добро е во владата да има освен еден главен македонски политички субјект и во албанскиот дел да има партија која ќе ги претставува Албанците, вели Гаши. Отфрла можност за коалиција со Левица, а прифатливо е коалицирање со ЗНАМ со кои ја истакнува успешната соработка во локалната власт во Куманово. -Левица во овој момент не доаѓа предвид додека тие имаат такви различни ставови за многу битни прашања, како што е стратешката ориентација на државата, во однос на Албанците и ориентацијата на Албанците итн. Екстремната Левица, а често имаат екстремно десни ставови, значи во овој момент Левица не претставува субјект со кој можеме да разговараме и да соработуваме, додека со партијата на Максим Димитриевски не е проблем да соработуваме. Впрочем ние како Алтернатива и Алијанса за Албанците во Куманово сме во локалната власт со господинот Димитриевски и сме задоволни од соработката што ја имаме во Куманово, истакнува претседателот на Алтернатива. Се осврнува и на поддршката од косовско Самоопределување, кое, како што вели се случило, поради тоа што Албанците во државава кои имале симпатија кон Самоопределување сакале да бидат дел од коалиција „Вреди“ заради промени во албанскиот дел. -Самоопределување во Македонија е повеќе автентично отколку што мислам дека се креираше перцепција дека е вмешување однадвор. Ги знаете нашите релации со Албанците од Косово, сме живееле во иста држава долго време, семејни врски итн,. Еден дел од Албанците во Македонија политички се определени и имаат симпатија кон Самоопределување. Затоа што се повеќето опозициски настроени, сакаат да бидат дел од нашата коалиција за промени во албанскиот дел, така што немаше некакво очекување од Самоопределување наспроти нас. Тие гласови или тие Албанци во Македонија кои имаат симпатии кон Самоопрределување се со нас, нашите очекувања се целосно исполнети, задоволни сме со тоа што ни се приклучија во овој многу битен обединувачки процес за политичка ротација во албанскиот блок, вели Гаши. Според него, изборната кампања навидум изгледа добро, но, како што потенцира, ако навлезете само малку подлабоко ќе видите дека тоа што ДУИ го прави не е во согласност со елементарните принципи на демократија и на изборите. Најголемиот број на гласачите кои тие ги носат, наведува Гаши, „се со принуда, со купување, направени преку нивните коруптивни зделки, преку казината, преку купување на трговски центри, проекти како што е Коридорот 8, преку изнудување проценти со кои купуваат гласачи“. -Им се закануваат, ги принудуваат на излегување на избори, што воопшто не е во согласност со демократските принципи. Но, граѓаните се исплашени и не знаат каде и како да пријават. Имавме еден пример во Куманово на 24 април кога е виден активист на ДУИ како купува гласачи, пријавен е во полиција, а полицијата доаѓа кај пријавувачот и бара да го приведат за лажно пријавување. Замислете во каква ситуација се денес Албанците, забалежува Гаши. Очекува, како што истакна, ДУИ да продолжат „во овој дух во борба за секој глас“. – Сега веќе имаат јасна слика кој гласал за нас и ќе направат се тие наши гласачи да ги поткупат, да им се заканат, да направат се да го намалат бројот на нашите гласачи, но ќе видите дека тоа нема да се исплати. Убеден сум и ги повикувам сите органи во државава и Обвинителството и полицијата овој пат да креираат навистина услови на фер избори. Никој нема право на таков начин да го злоупотреби државниот апарат на сметка на некоја политичка партија за да има повеќе гласови, вели претседателот на Алтернатива, Африм Гаши. Во продолжение видеоинтервјуто во целост:...

Пет лица загинаа во торнадото што вчера ја зафати јужната кинеска метропола Гуангжу. Новинската агенција Ксинхуа денеска објави дека уште 33 лица се повредени во невремето, пренесе дневник.хр. Според официјалните податоци, невремето оштетило 141 фабричка зграда, но ниту една станбена зграда не е уништена. Како што јави Ксинхуа, спасувачите веќе во голема мера ја завршиле својата работа. По торнадото, метеоролошката станица во областа Баијун во Гуангжу забележа брзина на ветер од повеќе од 20 метри во секунда. Пред само една недела, обилни дождови го погодија Гуангжу и околната провинција Гуангдонг, при што загинаа најмалку четири лица, а беа принудени да се евакуираат над 100 000 жители. Гуангжу има над 18 милиони жители. Главниот град на провинцијата е еден од најважните економски центри во Кина....

Поддршката за американскиот претседател Џо Бајден во просек изнесуваше 38,7 отсто во текот на неговиот 13-ти квартал на функцијата, според неодамнешното истражување на јавното мислење на Галуп. Во првиот квартал од 2024 година, Бајден (81) доби поддршка од 38,7 отсто од анкетираните, три отсто помалку од поддршката што ја имаше претседателот Џорџ Буш постариот. во истиот период од неговиот мандат, пренесува „Њујорк пост“. „Околу шест месеци пред изборите, Бајден е во послаба позиција од кој било претходен претседател“, заклучија анкетарите на Галуп. Истото истражување покажува дека поранешниот претседател Доналд Трамп, кој се натпреварува со Бајден за втор мандат во Белата куќа, добил поддршка од 46,8 отсто од анкетираните. Њујоршкиот дневен весник наведува дека и двајцата (непопуларни) претседатели Никсон и Картер имале поголема поддршка од Бајден, со 53,7 отсто, односно 47,7 отсто, додека претседателот Двајт Ајзенхауер имал најголема поддршка во последните 70 години со дури 73,2 отсто. Резултатите од анкетите на Галуп за јавна поддршка на американските претседатели, кои се спроведуваат од почетокот на мандатот на Ајзенхауер во 1952 година, се силен показател за успех за кандидатите кои сакаат да добијат втор мандат во Белата куќа, според „Њујорк Пост“. Историски гледано, секој претседател во изминатите седум децении со поддршка над 50 отсто успеал да добие втор мандат, освен Барак Обама кој победи во 2012 година со 46 отсто поддршка на шест месеци пред изборите...

15 години затвор се заканува на оние кои се во истополови врски и на трансродовите лица. Парламентот на Ирак донесе Закон со кој се криминализираат овие односи. Претходно парламентот сакаше да воведе смртна казна, но реагираше меѓународната невладина организација Амнести интернешенел, која го критикуваше „кршењето на основните човекови права“. Новиот закон предвидува казни од десет до 15 години затвор за хомосексуални односи, како и за размена на сексуални партнери (свинг) во хетеросексуални односи. Американскиот Стејт департмент објави дека законот усвоен од ирачкиот парламент со кој се криминализираат истополовите врски е закана за човековите права и слободи и ќе ја ослабне способноста на Ирак да ја диверзифицира својата економија и да привлече странски инвестиции. „Овој амандман им се заканува на оние кои се најзагрозени во ирачкото општество. Може да се искористи за да се попречи во слободата на говорот и изразувањето и да се спречи работата на невладините организации низ Ирак“, се вели во соопштението на Стејт департментот...

Шефот на Агенцијата на ОН за помош на палестинските бегалци (УНРВА), Филипе Лазарини, изјави дека во Појасот Газа во последните шест месеци биле убиени повеќе деца отколку во сите светски конфликти во последните четири години. – За шест месеци се убиени повеќе од 30.000 луѓе. Знаеме дека меѓу нив има 13.000 деца. Знаеме дека во Газа за шест месеци се убиени повеќе деца отколку во сите конфликти во светот во последните четири години. Затоа е без преседан и според обемот, како и по степенот на уништување, вели Лазарини во интервју за ТАСС. Тој додаде дека вкупно 180 работници на УНРВА се убиени во енклавата од почетокот на конфликтот меѓу Израел и палестинската милитантна група Хамас и дека не ја исклучува можноста правдата да се бара пред Меѓународниот кривичен суд за смртта на вработените....

Актуелната претседателка на Европската комисија, Урсула фон дер Лајен и натаму е речиси сигурен кандидат за реизбор на функцијата. Во нејзин прилог оди тоа што таа е официјален „шпиценкандидат“ на десноцентристичката Европска народна партија (ЕПП) на претстојните избори за членови на Европскиот парламент, што во превод значи дека таа е кандидат на оваа група на демохристијански и умерени конзервативни партии за прв човек на Европската комисија. Дополнителен ветер во грбот на Фон дер Лајен даваат анкетите на јавното мислење кои укажуваат дека ЕПП ќе освои најмногу европратенички мандати, а по традиција најмоќната партиска група во Европарламентот, го номинира кандидатот за претседател на Европската комисија. Но, политички кругови во Брисел, пред се оние кои имаат критики за работата на Фон дер Лајен, потсетуваат на случајот при нејзиниот избор во 2019 година. Имено, на тогашните избори „шпиценкандидат“ на ЕПП беше актуелниот претседател на партијата Манфред Вебер, кој доаѓа од редовите на баварската Христијанско социјална унија (ЦСУ). Но, по изборите дел од членовите на Европскиот совет не се согласија со номинацијата на Вебер, сметајќи го за „премногу конзервативен“, и така Фон дер Лајен, чија матична партија е германската Христијанско демократска унија (ЦДУ), дојде на сегашната функција како „втор избор“ на ЕПП. Од таму, „Политико“ состави листа на можни кандидати што би ја „замениле“ Фон дер Лајен, доколку се повтори сценариото од 2019 година и некои од актуелните шефови на држави или влади на членките на ЕУ решат „да стават вето“ на нејзиниот реизбор. Како прв можен кандидат за нов претседател на Еврокомисијата, изданието го посочува поранешниот италијански премиер и екс-претседател на Европската централна банка (ЕЦБ), 76-годишниот Марио Драги. Во прилог на Драги оди тоа што тој важи за човек способен за постигнување компромиси, имајќи пред вид дека раководеше со владина коалиција составена од десничари, популисти, социјалдемократи, конзервативци, демохристијани, центристи, либерали и зелени. Идејата за враќање на Драги на европската политичка сцена не е нова, но тој досега се споменуваше како кандидат за претседател на Советот на ЕУ, односно за наследник на Шарл Мишел. Во негов прилог оди тоа што тој доби задолжение од Европската комисија да изработи план за зајакнување на конкурентноста на европската економија, што треба да го презентира по евроизборите, кога ќе почнат и преговорите за новите носители на највисоките функции во ЕУ. Дополнително, како предност на Драги се посочува и тоа што тој важи за близок до францускиот претседател Емануел Макрон. Она што би можело да му донесе негативни поени на Драги е тоа што тој не е член на ниту една политичка партија, па тешко е да се претпостави дека водечките партиски групи, пред се ЕПП, би се согласиле моќната функција на претседател на Европската комисија да ја преземе кандидат на чија политичка лојалност не би можело целосно да се смета. Шансите на Драги за нов претседател на ЕК, „Политико“ ги оценува со „два од пет“. Како втор потенцијал кандидат за оваа функција се посочува актуелната претседателка на Европскиот парламент, Роберта Мецола. Вршејќи ја оваа должност, Мецола се докажа како некој кој успева да остане над политичките расправии, а покажа и лидерство во надворешната политика, особено со тоа што беше прв лидер од ЕУ што го посети Киев по почетокот на руската инвазија врз Украина во февруари 2022 година. Во прилог на Мецола би можело да оди и тоа што таа е од Малта, па евентуалниот нејзин избор би значело дека блокот земји од јужна Европа би добиле една од водечките функции во ЕУ. Мецола на социјалните мрежи зачестено објавува фотографии на кои е во друштво со лидери на членки на ЕУ, како неодамнешните со премиерите на Грција и Полска, Киријакос Мицотакис и Доналд Туск, што може да се толкува како обид да покаже дека има поддршка од носителите на високи функции во Унијата. Политичката припадност, што се смета за „слабост“ на Драги, оди во прилог на Мецола која доаѓа од малтешката Национална партија, членка на ЕПП. На овој начин, ЕПП би го дала кандидатот за претседател на ЕК, со што би се задоволиле амбициите на групата. Но, пречка за Мецола би можело да биде тоа што доаѓа од најмалата земја во ЕУ и по население и по површина, како и фактот што освен сегашното, нема други искуства со раководни позиции, вклучително ниту во родната Малта. Сепак, „Политико“ на Мецола и дава исти шанси за функцијата претседател на ЕК, како и на Драги со „два од пет“. Трет можен кандидат за раководител на извршното тело на ЕУ е претседателката на Европската централна банка (ЕЦБ) и поранешна директорка на Меѓународниот монетарен фонд (ММФ), Кристин Лагард. Таа би била многу сериозен кандидат за функцијата доколку Макрон инсистира на тоа место да се најде „француски кадар“. Во нејзин прилог оди и искуството како министер во неколку конзервативни влади на Франција, а фактот што пред да замине на должноста во ММФ, беше член на сега веќе непостоечката Унија на народното движење (УМП), која беше дел од ЕПП, би можело да ја промовирана како кадар на Европската народна партија. Но, како недостатоци и се посочуваат тоа што Лагард не е многу популарна меѓу вработените во ЕЦБ, а нема ниту навестувања дека таа би била подготвена да ја напушти сегашната функција чиј мандат истекува на крајот на октомври 2027 година, ниту дека Париз сериозно размислува за нејзина номинација. Оттаму, нејзините шанси да стане претседателка на ЕК се проценети на „еден од пет“. Во игра за функцијата се споменува и романскиот претседател Клаус Јоханис. Тој важи за „миленик“ на европските лидери, пред се на оние од конзервативните кругови, но позитивен став кон него имаат и либералот Макрон и германскиот канцелар, социјалдемократот Олаф Шолц, поради неговите прозападни и проевропски политики и јасното опстојување во проукраинскиот камп по руската инвазија врз Украина. Со своите ставови тој изгради репутација на „проевропски тимски играч“, што секако оди во негов прилог, а дополнителен „ветер во неговиот грб“ може да претставува идејата дека „можеби е дојдено време источноевропеец да ја води ЕУ“. Во прилог може да му оди и неговото германско етничко потекло, како и припадноста на романската Национална либерална партија (ПНЛ), која е дел од семејството на ЕПП. Дури и самата одлука на ЕПП да го одржи својот последен Конгрес во Букурешт се врзува со влијанието на Јоханис во партијата. Но, како „минус“ на неговата кандидатура се посочува амбицијата на Јоханис и за функцијата генерален секретар на НАТО, позиција на која според многумина речиси сигурно ќе се најаде актуелниот холандски премиер Марк Руте, чија номинација наиде на широка поддршка меѓу лидерите на земјите членки на Алијансата. Токму, со обидот „да му го украде лидерското место“ на Руте во НАТО, според дипломатски извори, Јоханис „изнервирал некои западноевропски лидери“. Актуелниот претседателски мандат на Јоханис истекува во декември годинава, па амбициите за раководните места во ЕУ и НАТО се толкуваат како негов обид по секоја цена да си „најде работа во странство“. Сепак, „Политико“ шансите на Јоханис за месото прв човек на ЕК ги проценува на „три од пет“. Ист „коефициент“ му се дава на уште еден „источноевропеец“, хрватскиот премиер Андреј Пленковиќ, кој со неговата Хрватска демократска заедница (ХДЗ), исто така, е член на ЕПП. Изборот на Пленковиќ на чело на ЕК би се протолкувал и како позитивен сигнал до земјите кандидати за членство во ЕУ, пред се оние од регионот на Западниот Балкан. Во прилог на неговата можна кандидатура оди најавата дека Пленковиќ ќе ја предводи кандидатската листа на ХДЗ на европските избори, што е протолкувано како негова амбиција да ја напушти домашната политичка сцена и да премине на некоја европска функција. Тој има развиено добра мрежа на односи со останатите европски лидери имајќи предвид дека на премиерската функција се наоѓа од 2016 година. Пленковиќ ги отфрли гласините дека би можел да ја замени Фон дер Лајен, што, според „Политико“, може да се смета како показател дека тој е заинтересиран за таа функција. Последен на листата „можни наследници“ на Фон дер Лајен, според бриселскиот портал, е актуелниот еврокомесар за внатрешен пазар Тјери Бретон. Бретон, како и Фон дер Лајен, во 2019 година беше „втор пик“ за член на Европската комисија, откако првиот избор за француски еврокомесар, тогашната вицегувернерка на Банката на Франција и поранешна министерка за одбрана Силви Гулар „не помина“ во Европскиот парламент. Бретон би бил добар избор имајќи го неговото претходно искуство и како менаџер и како министер за финансии, економија и индустрија, што би можело да има важна улога во заложбите за зајакнување на конкурентноста на европската индустрија. Бретон беше еден од главните критичари на Фон дер Лајен поради именувањето на нејзиниот сопартиец Маркус Пипер за претставник на Еврокомисијата за мали и средни претпријатија, а големо внимание во јавноста предизвика и неговата објава на Икс по изборот Фон дер Лајен за „шпиценкандидат“ на ЕПП дека таа баш и нема целосно поддршка од партијата за реизбор на функцијата. Освен што повеќе не е дел на семејството на ЕПП, туку се приклони на либералниот блок и партијата Ренесанса на Макрон, како „негативна референца“ за Бретон се посочува и тоа што важи за човек што не е многу омилен во Еврокомисијата поради обидите за „дрска самопромоција“, како и тоа што „можеби има повеќе непријатели отколку пријатели во највисоките кругови на ЕУ“. Францускиот весник „Атлантико“ неодамна дури го оцени како „најлошиот француски еврокомесар во последните 30 години“, а неповолни по неговата евентуална кандидатура би можеле да бидат и контроверзите околу раководењето со француската технолошка компанија „Атос“. И шансите на Бретон за наследник на Фон дер Лајен се проценуваат на „два од пет“. Исти шанси за претседател на ЕК, „Политико“ дава и на кандидатот „изненадување“, посочувајќи дека преговорите и тргувањата меѓу политичките партии по изборите за водечките европски функции не ретко давале неочекувани и изненадувачки кандидати. – Пред изборите во 2019 никој не се обложуваше дека Фон дер Лајен ќе стане претседателка на Комисијата, наведува „Политико“, додавајќи дека Брисел би можел да биде изненаден од кандидат за функцијата кој не бил споменуван во ниту една комбинација....

Судот во Басман во Москва му одреди двомесечен притвор на продуцентот на новинската агенција Ројтерс, Константин Габов, соопшти прес-службата на судовите во главниот град. „Судот определи мерка превенција во вид на притвор во траење од два месеци, односно до 27 јуни 2024 година. Продуцентот на новинската агенција Ројтерс беше обвинет за сторено кривично дело според дел 2 од член 282.1 од Кривичниот законик на Руската Федерација „Учество во екстремистичка организација“, се вели во судскиот документ објавен на Телеграм. Габов е осомничен дека учествувал во подготовка на фото и видео материјал за објавување на Јутјуб каналот НавалниЛајв, сопственост на Фондацијата за борба против корупцијата (ФБК). Фондација е ставена на списокот на странски агенти и екстремистички организации, чии активности се забранети во Русија...

Русија и Украина беа блиску до постигнување мировен договор во пролетта 2022 година, пренесува „Велт“ повикувајќи се на нацрт-договорот. Според „Велт“, Украина тогаш се обврзала на „постојана неутралност“ без присуство на странско оружје или војници, како и да не „прима, произведува или стекнува“ нуклеарно оружје. Киев, наводно, гарантирал и дека нема да одржува воени вежби со други земји. За возврат, Русија се обврза да не ја напаѓа Украина, а Киев можеше да добие безбедносни гаранции од САД, Велика Британија, Франција и Кина. Доколку Украина биде нападната, нејзините гаранти ќе го поддржат нејзиното право на самоодбрана во рок од три дена, со ратификација на соодветните договори од секоја држава учесничка, што ќе ги направи правно обврзувачки. … Повеќе...

Во киното на Железничка зграда денеска од 12 часот ќе се одржи настанот „Каков Град“, кој претставува интервенција во јавен простор развиена во рамки на едукативната платформа „Градот како сцена: Изведување на јавниот простор“ на организацијата „Факултет за работи што не се учат“ – ФРУ, Скопје. Како што информираат организаторите, главниот фокус на платформата е активирање на просторот на киното во Железничката зграда, како потенцијален заеднички простор кој треба да го користи пошироката заедница на граѓани. Во таа насока, настанот иницира идеи како ова кино да стане активен простор за заедницата, користејќи веќе постоечки ресурси да се изгради/осмисли просторна инсталација која треба да зборува за можностите на овој јавен простор. Учесници на настанот ќе бидат студенти од Архитектонскиот факултет во Скопје, млади архитекти и визуелни уметници. Ментор на проектот е Филип Јовановски...

Времето денеска ќе биде сончево и релативно топло со мала до умерена локална облачност. Ќе дува слаб до умерен ветер претежно од североисточен правец. Минималната температура ќе биде во интервал од 3 до 10, а максималната ќе достигне од 21 до 27 степени Целзиусови. Во Скопје ќе биде сончево и релативно топло со мала облачност и со слаб североисточен ветер. Минималната температура ќе се спушти до 8, а максималната ќе достигне до 26 степени. Според најавите од Управата за хидрометеоролошки работи (УХМР), следува период на сончево и релативно топло време со мала до умерена облачност. Локална појава на попладневна нестабилност со пороен дожд и грмежи се очекува кон средината на следната седмица...

Продолжуваат средбите со граѓани и митинзи во повеќе региони од државава на која лидерите на партиите, заедно со носителите на листи, како и кандидатите за претседател, ги презентираат своите изборни програми за претстојните парламентарни и претседателски избори. Остануваат уште девет дена за кампања во која учесниците на изборите ќе можат да се претстават. Кандидатот за претседател поддржан од Социјалдемократскиот Сојуз на Македонија, Стево Пендаровски, денеска ќе оствари средба со жителите на село Велебрдо и со жителите на општина Маврово. Гордана Силјановска Давкова, кандидатката на ВМРО ДПМНЕ, исто така ќе биде на средби со граѓани, додека коалицијата што ја поддржува предводена од ВМРО-ДПМНЕ ќе ја презентира програмата за парламентарните избори пред граѓаните во Могила, Ресен, Демир Хисар и Битола. Претседателот на Движењето ЗНАМ – За наша Македонија, Максим Димитриевски, ќе оствари средби со граѓаните на Крушево, Кичево, Струга и Охрид, додека, во Штип на народен собир ќе се обрати претседателот на Левица, Димитар Апасиев. Лидерот на ДУИ, Али Ахмети, ќе се сретне со граѓаните на Струга и Дебар, а првиот човек на Демократското движење, Изет Меџити, дел од Коалицијата „Вреди“ во рамките на изборните активности ќе даде изјава за медиумите во 12 часот во близина на „Веро“ во Чаир. Амбасадорот на Европската унија во земјава, Дејвид Гир, вчера изјави дека првиот круг од изборите помина во генерално мирна и демократска атмосфера и изрази надеж дека така ќе биде и за време на кампањата од вториот круг од претседателските избори и за парламентарните избори. – Мисијата на ОБСЕ/ОДИХР веќе го издаде прелиминарниот извештај од Првиот круг на изборите. Изборите се одвиваа во генерално мирна и демократска атмосфера и навистина се надеваме дека во вториот круг на претседателските избори и во кампањата за парламентарните избори тие ќе се надградат во овој позитивен замаец што ќе овозможи целиот процес да заврши со позитивни пораки и со позитивно чувство, изјави евроамбасадорот, Дејвид Гир, кој вчера присуствуваше на одбележувањето на Европската недела на имунизација во Градски парк. Двајцата претседателски кандидати вчера продолжија со средбите со граѓаните низ државава на кои зборуваа за своите заложби, ветувања, очекувања и цели. Во рамки на кампањата пред вториот круг од претседателските избори, Пендаровски вчера имаше средба со граѓани на Охрид. Пред охриѓани тој зборуваше за концептот за кој се залага и ја побара нивната доверба за европската иднина на земјата, наспроти регресивната политика на опозицијата што, според него, ќе ја однесе земјата во изолација. Во однос на резултатите од првиот круг, Пендаровски рече дека гласовите на кандидатите што отпаднаа се блиски со концептот за кој тој се залага. Потсети дека неговиот концепт е за Македонија во која сите се рамноправни, без намерно и вештачки продуцирани делби. – Само изборот за бројот 1 е рецептот за успех на државата, се друго е рецепт за продолжена агонија, за враќање на режимот кога еден човек, една фамилија, една партија решаваа за судбината за 1,8 милиони луѓе, рече Пендаровски. Претходно, Пендаровски имаше средба со граѓаните на Пештани, каде, исто така, зборуваше за настаните од 27 април и за амнестијата што ја нуди неговата противкандидатка за оние кои упаднаа во парламентот. Кандидатката за претседател на ВМРО-ДПМНЕ, Гордана Силјановска Давкова, вчера беше во посета на Дебар и Ростуше, каде што изјави дека е уверена дека граѓаните ќе гласаат, како што рече, „за подобрите“. – Ние не агитираме, не ви велиме дека мора да гласате за нас, ама знаеме за кого ќе гласате. Ќе гласате за подобрите, ќе гласате за оние кои носат промени, а не за оние кои велат дека грешеле ама сега ќе се обидат тоа што го згрешиле да го поправат, бидејќи тоа е невозможно, изјави Давкова во Дебар. На средбата таа вети дека ќе биде претседателка за сите. – Можеби ова е добар момент да кажам дека ќе бидам претседателка на сите, ќе се однесувам натпартиски, ќе се однесувам со почит кон граѓаните без оглед на етничката, верска или каква било друга припадност, бидејќи претседателите, а особено претседателките, треба да обединуваат, а не да разединуваат. Ќе функционирам посветено одговорно како дома, бидејќи Македонија е мојата многубројна фамилија. Само така ќе си ја вратиме гордоста, а Македонија ќе има на што да биде горда, порача таа. На средбите што ги имаше во Ростуше искажа убеденост дека победата на 8 мај ќе биде уште поголема. Уште девет дена кампања за парламентарни избори и за вториот круг од претседателските избори Во повеќе региони од државава вчера со кампања за парламентарните избори продолжија и политичките партии. Лидерот на СДСМ, Димитар Ковачевски, имаше митинг во Гостивар, додека, лидерот на ВМРО ДПМНЕ, Христијан Мицкоски, беше во Чешиново-Облешево, Зрновци, Виница и Кочани. Претседателот на Демократската унија за интеграција – ДУИ, Али Ахмети, ги продолжи средбите со граѓаните во Кичево, Крушево и Долнени, а Коалицијата „Вреди“ ја презентираше својата изборна програма во Тетово. Лидерот на Движењето ЗНАМ – За наша Македонија, Максим Димитриевски, беше во Кавадарци, а претседателот на Левица, Димитар Апасиев, на народен собир во Прилеп. Ковачевски од Гостивар порача дека СДСМ никогаш нема да се откаже од своите вредности. – СДСМ секогаш била рамо до рамо со граѓаните и за време на сите економски, здравствени и енергетски кризи. Се согласувам дека грешките повеќе ги паметиме. Знам дека ниту на вас граѓаните не ви беше лесно во последните години. Но, ние во ниту еден момент не се откажавме од вас и успеавме да се избориме со енергетската и економската криза. Затоа вечерва барам вие да не се откажете од нас, рече Ковачевски. Нагласи дека заедно со граѓаните успеале да го срушат режимот на ВМРО-ДПМНЕ и, како што рече, „да ја ослободиме државата од канџите на ВМРО после 11 години изолација“. – Со ваша поддршка ја внесовме Македонија во НАТО и донесовме тешки одлуки по 30 години да почнеме преговори со ЕУ. И СДСМ е единствената политичка сила која знае како да го направи тоа. Затоа бидете сигурни дека заедно со граѓаните со гордо крената глава на 8 мај повторно ќе излеземе на избори и повторно ќе кажеме – да, ние сме тие кои сме за прогресивна, напредна европска Македонија, посочи Ковачевски. Мицкоски во Кочани истакна дека однесувањето на СДСМ и ДУИ ја подрива европската идеја, и народот не ги идентификува со Европа. Најавувајќи дел од програмските определби за идната влада на ВМРО-ДПМНЕ, тој нагласи дека таа силно ќе се посвети и ќе работи на подобрување на неповолната демографска состојба во државата. – Демографската слика ни е многу важна, семејството ни е многу важно затоа што сето ова што заедно со народот го правиме и ќе го правиме, ако нема дечиња кои што се раѓаат во градовите и селата, ќе нема кому да му го оставиме и чуму тогаш да го работиме, рече тој. Дополни дека во нивната платформа предвидуваат до шест бесплатни инвитро интервенции за младите мајки, а за секоја мајка и првородено дете ќе има поврат на данокот кој што е платен на доход во рок од една година. Лидерот на ДУИ, Али Ахмети, на средбата со граѓани во Кичево, истакна дека Европскиот фронт е долгорочен и не е за една употреба. – Да дејствуваме до полноправно членство на земјата во ЕУ, како единствена алтернатива бидејќи немаме друг пат, додека не и кажеме ДА на Европа, нашата определба да бидеме членка на ЕУ за неколку години, како единствено решение за луѓето да не бараат подобар стандард надвор од земјата, изјави Ахмети во Кичево. Тој се сретна и со граѓаните на Крушево и населените места Дебреше, Житоше и Борин од општина Долнени каде што посочи дека Европскиот фронт е направен за стабилност во регионот. Коалицијата „Вреди“ во Тетово ја презентираше програмата „План 2030“. Тие ветуваат нов устав со Албанците како второ мнозинство во државата, прекугранична економска зона со Албанија и Косово, инвестиции од 500 милиони евра за инфраструктура во албанските општини и 800 евра минимална плата. Дел од десетте точки на нивната изборна програма се и забрана за коцкање и брзи заеми, ослободување на затвореници од монтирани случаи и нивно обесштетување, слободни економски зони за печалбари и за млади, зголемување на пензии, социјална помош и субвенции, како и капитални инвестиции да достигнат до 150 евра по глава на жител. Претседателот на Движењето ЗНАМ – За наша Македонија, Максим Димитриевски, во Кавадарци порача дека се роди нова политичка опција, трета опција во државата. – Можам да ветам дека никогаш повеќе во државата нештата нема да бидат исти. Дадете поддршка на третата опција, на Движењето ЗНАМ За наша Македонија, што ќе биде контролор на идната власт и на идната опозиција, дополнително да се зголеми улогата на граѓаните и никогаш повеќе нема да се дозволи власта да аздисува како досега, без разлика кој ќе ја составува, истакна тој. Апасиев во Прилеп рече дека очекуваат над 80.000 гласови и двоцифрен број пратеници за да може во идниот парламент, како што рече, „да спречиме многу штетни политики“. -Очекуваме во Изборната единица 4 да влезат минимум двајца, а може и трет пратеник. Резултатот од првиот круг, реално, беше очекуван, ако споредиме со изминатите парламентарни избори кога имавме 37.000, а сега имаме 42.000 гласови. Очекуваме над 80.000 гласови на парламентарните избори што би донело 8 до 10 пратеници. Во програмата имаме 13 поглавја кои го опфаќаат секој аспект од општественото живеење. Главната порака до граѓаните е да го заокружат бројот 5 на гласачкото ливче и да дозволат млади неподмитливи луѓе да ги застапуваат, бидејќи доста ни е од веќе видени пратеници и од веќе видено гласање за помалото зло. На тој начин ќе спречиме многу штетни политики, рече Апасиев....

Вечерва немам намера да ви држам говори полни со демагогии и лажни ветувања, а уште помалку со лажен патриотизам и национализам, рече носителската на изборната листа на СДСМ и коалицијата во Изборната единица шест, Славјанка Петровска. „Во времињата кога лажниот патриотизам владееше, од Македонија над 70.000 граѓани земаа бугарски пасоши. Во тие времиња студентите беа тепани, а новинарите апсени. Вечерва ќе зборувам за иднината, а тој пат е тежок и макотрпен, но друг пат нема. Секој што ќе ви вети брз и пократок пат, знајте дека ве носи во бездна, ве враќа во минатото, а не кон иднината” порача Петровска. Таа се обрати до опозицијата да каже која и каква е алтернативата. „Ќе излезете од НАТО? Ќе прекинете преговори со ЕУ? Ќе затворите граници со соседите? Ќе седите дома, додека децата ни бегаат преку граница, а вие ќе ја фатите старата песна, да изградите уште една бела палата, додека на народот му се заканувате со меѓуетничка војна? Ова е таа друга опција, почитувани. Нашата опција, пак, е јасно зацртана. Ние не бегаме од тешките прашања и не ги негираме грешките. И ние сме луѓе од крв и месо, и нас не болат неправдите кои доаѓаат однадвор, сите тешки одлуки – и за името и за односите со соседите. Сето тоа и нам ни тежи на душа… Но ние немаме право да Ве лажеме дека има успех без цена, за нашата Македонија да дојде таму кај што природно припаѓа, во цивилизирано, европско семејство” порача Петровска....

Резултатот од првиот круг реално беше очекуван, а сега очекуваме над 80.000 гласови и двоцифрен број пратеници за да може во идниот парламент да спречиме многу штетни политики, рече претседателот на партијата Левица на вечерашниот Народен собир во прилепското кино „Мис Стон“. -Очекуваме во изборната единица 4 да влезат минимум двајца, а може и трет пратеник. Резултатот од првиот круг, реално, беше очекуван, ако споредиме со изминатите парламентарни избори кога имавме 37.000, а сега имаме 42.000 гласови. Очекуваме над 80.000 гласови на парламентарните избори што би донело 8 до 10 пратеници. Во програмата имаме 13 поглавја кои го опфаќаат секој аспект од општественото живеење. Главната порака до граѓаните е да го заокружат бројот 5 на гласачкото ливче и да дозволат млади неподмитливи луѓе да ги застапуваат, бидејќи доста ни е од веќе видени пратеници и од веќе видено гласање за помалото зло. На тој начин ќе спречиме многу штетни политики, рече Апасиев. Носителот на кандидатската листа на пратеници во четвртата изборна единица Сашко Јанчев рече дека главните негови заложби се насочени во земјоделството и стопанството, заговарајќи договорно, сигурно земјоделско производство и отворање државни профитабилни фирми. Се нудат реални, но радикални мерки зашто без нив нема промени. -Земјоделството мора да биде планско. Планираме да се пополнуваат стоковите државни резерви строго со домашно производство, со однапред склучени договори за земјоделците да имаат некаква сигурност во производството. Планираме фиксни откупни цени, државни откупни центри за да не можат прекупците да ја местат цената како што ним им одговара, ладилници за складирање на произведената храна од кои ќе се снабдуваат Армијата, градинките, училиштата, болниците. Мерките, генерално ни се насочени кон државна интервенција во земјоделството, а не да биде оставено стихијно. Во стопанството планираме рестартирање или отворање државни профитабилни фирми во секоја стратешка стопанска гранка, рече Јанчев при претставувањето во Прилеп....

Кандидатот за претседател Стево Пендаровски вечерва во Охрид зборуваше за концептот за европската иднина на земјата за кој се залага, наспроти регресивната политика на опозицијата за која рече дека ќе ја однесе земјата во изолација. Пендаровски потсети на упадот во Собранието на 27 април 2017 година и рече дека тогаш биле нападнати од истите луѓе што сега претендираат да ја водат државата. Фото: фејсбук-профил на Стево Пендаровски „Три века наназад во ниту еден европски парламент не е забележано да се направи насилен упад, да се спречи мирен трансфер на власта на оние кои ја добиле довербата на граѓаните. Тоа е една од главните работи по што оваа гарнитура се разликува од нив, дека откако ќе се изгубат изборите еден ден, да организираме насилници кои ќе тепаат колеги за да спречиме заминување од власта. Тоа е нивна карактеристика, особено што седум години од тој чин не најдоа сила, не беа доблесни да се извинат -рече Пендаровски. Дополни дека кандидатката за претседател поддржана од ВМРО-ДПМНЕ сега најавува амнестија за тие луѓе велејќи дека тоа биле луѓе кои го бранеле Уставот и државата и највисоката државна институција, а останатите биле насилници. Пендаровски рече дека нема основа за малодушност, разочараност или анемичност по резултатите од првиот круг од претседателските избори. „За првпат имаше седум кандидати за претседател, од кои само јас бев претендент да добијам гласови од сите етнички заедници. Сите останати претендираа да добијат гласови само од нивната етничка заедница. Оние што отпаднаа имаа вкупно околу 330 илјади гласови. Не велам дека по автоматизам ќе дојдат кај мене, но верувам дека огромна бројка од нив е многу блиска и го поддржува концептот за кој се залагам“ рече тој. Потсети дека неговиот концепт е за Македонија во која сите се рамноправни, без намерно и вештачки продуцирани делби. „Само изборот за бројот 1 е рецептот за успех на државата, сѐ друго е рецепт за продолжена агонија, за враќање на режимот кога еден човек, една фамилија, една партија решаваа за судбината за 1,8 милиони луѓе“ рече Пендаровски. Претходно Пендаровски имаше средба со граѓаните на Пештани каде, исто така, зборуваше за настаните од 27 април и за амнестијата што ја нуди неговата противкандидатка за оние кои упаднаа во парламентот....

Претседателот Стево Пендаровски, кандидатот за претседател на владејачкиот СДСМ во рамки на кампањата пред вториот круг од претседателските избори вечерва имаше средба со граѓани на Охрид, пред кои зборуваше за концептот за кој се залага и ја бара нивната доверба, за европската иднина на земјата, наспроти регресивната политика на опозицијата што, според него, ќе ја однесе земјата во изолација. Тој ја искористи можноста да потсети на годишината од случувањата во македонскиот Парламент, и упадот пред седум години во кој, како што рече, бевме нападнати од истите луѓе што претендираат да ја водат државата,… -Три века наназад во ниту еден европски парламент не е забележано да се направи насилен упад да се спречи мирен трансфер на власта на оние кои ја добиле довербата на граѓаните,…Тоа е една од главните работи по што оваа гарнитура се разликува од нив, дека откако ќе се изгубат изборите еден ден, да организираме насилници кои ќе тепаат колеги за да спречиме заминување од власта. Тоа е нивна карактеристика, особено што седум години од тој чин не најдоа сила не беа доблесни да се извинат, рече Пендаровски. Напротив, како што рече, нивната кандидатка за претседател сега најавува амнестија за тие луѓе, дека тоа биле луѓе кои го бранеле Уставот и државата и највисоката државна институција, а останатите биле насилници. Пендаровски рече дека овие луѓе од опозицијата кои бараат мандат, се истите луѓе со истите идеи, кои мислат да владеат на ист начин како до пред седум години. -После првиот круг резултатите се тие, според мое скромно убедување, нема основа за малодушност, разочараност, анемичност,… За првпат имаше седум кандидати за претседател, од кои само јас бев претендент да добијам гласови од сите етнички заедници. Сите останати претендираа да добијат гласови само од нинвата етничка заедница. Оние што отпаднаа имаа вкупно околу 330 илјади гласови,…Не велам дека по автоматизам ќе дојдат кај мене, но верувам дека огромна бројка од нив е многу блиска и го поддржува концептот за кој се залагам, рече меѓу другото тој. Потсети дека неговиот концепт е за Македонија во која сите се рамноправни, без намерно и вештачки продуцирани делби. -Само изборот за бројот 1 е рецептот за успех на државата, се друго е рецепт за продолжена агонија, за враќање на режимот кога еден човек, една фамилија, една партија решаваа за судбината за 1,8 милиони луѓе, рече Пендаровски. Претходно Пендаровски имаше средба со граѓаните на Пештани каде, исто така, зборуваше за настаните од 27 април и за амнестијата што ја нуди неговата противкандидатка за оние кои упаднаа во Парламентот. -Јас разбирам да кажеш криви биле тие и тие, по име и по презиме и да речеш дека многу им се високи казните или во име на некакво национално помирување да им простиме дел од казната, да си одат дома, било што било. Но ништо од тоа не се случува, само се најавува амнестија. Според мене тоа е јасен индикатор дека на таков начин, ако дојдат на власт и ќе се владее, додаде Пендаровски денеска во Пештани....

СДСМ е силна партија и ако некој мисли дека туку така ќе се откажеме тогаш или не не познава или не потценува. Нашата историска традиција и нашиот пркос, но и нашата одлучност за евроатлантска иднина на Македонија се најдобар доказ дека ние не се откажуваме и нема да се откажеме, порача лидерот на СДСМ Димитар Ковачевски од вечерашниот митинг во Гостивар. -Ви порачувам дека СДСМ никогаш нема да се откаже од своите вредности. СДСМ секогаш била рамо до рамо со граѓаните и за време на сите економски, здравствени и енергетски кризи. Се согласувам дека грешките повеќе ги паметиме. Знам дека ниту на вас граѓаните не ви беше лесно во последните години. Но, ние во ниту еден момент не се откажавме од вас и успеавме да се избориме со енергетската и економската криза. Затоа вечерва барам вие да не се откажете од нас, рече Ковачевски. Нагласи дека заедно со граѓаните успеале да го срушат режимот на ВМРО-ДПМНЕ и, како што рече, да ја ослободиме државата од канџите на ВМРО после 11 години изолација. -Со ваша поддршка ја внесовме Македонија во НАТО и донесовме тешки одлуки по 30 години да отпочнеме преговори со ЕУ. И СДСМ е единствената политичка сила која знае како да го направи тоа. Затоа бидете сигурни дека заедно со граѓаните со гордо крената глава на 8 мај повторно ќе излеземе на избори и повторно ќе кажеме – да, ние сме тие кои сме за прогресивна, напредна европска Македонија, посочи Ковачевски. Во средата на првиот круг од претседателските избори, додаде, граѓаните ни испратија силна порака. ADVERTISING -Таа порака ја слушнавме, ја прифаќаме одговорноста и свесен сум и јас, но треба да биде свесен секој член на СДСМ, секој функционер кој ја претставувал партијата во изминатите седум години дека е ова оценка за сите. Ова е оценка за однесувањето на сите, ова е оценка за тоа како работеле и ова е оценка за тоа како се однесувале и кон своите соседи и кон своите пријатели и кон пошироката јавност, … Нас ни е совршено јасно дека партијата треба да се менува за да ја вратиме довербата на граѓаните. Како човек кој во животот и во кариерата се соочил со многу победи и со порази, добро знам дека првиот чекор кон промена е прифаќање на сопствените грешки, истакна Ковачевски. Изборите на 8 мај, потенцира, ќе бидат многу тешки за сите. -Но, ние сме ја имале вашата поддршка и кога било најтешко и ве потсетувам дека резултатот сè уште не е одлучен. Порешителни и пообединети од кога било ќе продолжиме да се бориме и да ја оствариме нашата заложба да ја видиме Македонија во ЕУ, потенцира Ковачевски. Славјанка Петровска, носител на листата во ИЕ6 порача дека не бегаат од тешките прашања, но и не ги негираат ни грешките. -И ние сме луѓе од крв и месо и нас не болат неправдите кои доаѓаат однадвор и сите тешки одлуки и за името, и за односите со соседите. И сето тоа и нам ни тежи на душа, но ние немаме право да ве лажеме дека има успех без цена за нашата Македонија да дојде таму каде што природно припаѓа – во цивилизирано, европско семејство со висок стандард, со плати со кои ќе може да се живее нормално, а не да се преживува. Со еден збор, за човек кој легнува и се буди среќен и задоволен што живее во оваа земја не ковајќи планови да замине од неа, рече Петровска. За сето ова, нагласи, потребно е да не губите надеж во единствената опција која ова јасно го кажува – Гостивар, Македонија за неколку години да станат дел од ЕУ и заедно да растат и стандардот и платите и нашите деца и нашите внуци покрај нас. -Од тука ќе ја испратам пораката до оние кои себеси се нарекуваат патриоти, а истовремено мјаукаат. Патриотизам не е да го избришете Македонија од вашиот статут, патриотизам не е да не знаете како се вика вашата држава. Тоа е кукавичлук. Тоа е предавство и затоа уште повеќе ќе се борам за Македонија да биде и членка на ЕУ и да бидеме горди на сето тоа што сме го постигнале досега, рече Петровска.Ема Нешковска, кандидат за пратеник од Гостивар порача дека на изборите на 24 април СДСМ ја прими пораката од граѓаните и го слушна нивното размислување. -Ги прифаќаме грешките од минатото и не се изземаме од одговорноста за нив. Сведоци сме и гледаме дека наши доскорешни сопартијци и другари се приклучуваат кон политичко движење кое очигледно му помага на ДПМНЕ да ги оствари своите интереси и цели. Истите со кои заедно крваревме и со кои се боревме за слобода, во тоа нема идеологија, нема визија и нема план за иднина. На 8 мај почнуваме од нула, а секој глас даден за СДСМ и за коалицијата „За европска иднина“ значи спречување на авторитарна власт и спречување на нов силен режим во државата, посочи Нешковска....

За сите оние социјалдемократи, денеска 27 април ги прашувам – ќе се вратиме на режим? Ние, вие и нашиот Социјалдемократски сојуз на Македонија го прифативме резултатот од првиот круг, но нашиот слоган што вели? Не се откажуваме од иднината, рече Агрон Демири, коносителот во изборната единица со број шест Европскиот караван на СДСМ и Коалицијата за европска иднина во Гостивар. -Веруваме во визијата на овие четири букви СДСМ. Тие се букви коишто ја направија земјата-членка на НАТО. Тие се буквите кои ги започнаа преговорите со ЕУ, слободата на изразување во општеството. Тоа се букви кои ги зголемија платите, пензиите и што се соочија со многу кризи како економската, енергетската, пандемијата и многу повеќе работи коишто во минатото не беа ни во план за дискусија, а камо ли за нивна реализација. Тие букви ќе ја внесат земјата во ЕУ, а не Дафина од Гостивар. Тоа ќе го оствари Славјанка Петровска со мене, Ема и сите други- рече Демири. Тој додаде дека СДСМ ги слуша и ги прифаќа забелешките на граѓаните. -Сите коишто мислат дека во Македонија се уште има надеж, тие сме ние младите и сите останати во општеството, како пензионерите и сите други другари наши. Затоа ве замолувам седнете и разговорајте со сите и земете ја програмата на СДСМ. Имате простор за кандидати за пратеници во Гостивар и бидете сигурни дека иднината е во ваши раце – потенцираше Демири. Тој заклучи дека од вчера СДСМ почна од нула, а на 8 мај ќе има многу поубави резултати...

Додека се колнат во ЕУ, ја купуваат Соравија, додека зборат за правда делат шамари во контролата на летање во Скопје. Додека народот гладува тие си слават родендени во државни институции. Додека зборат за стандарди, на онкологија ги крадат болните од рак. И треба да знаете дека ниту една лекција не ја научија. СДСМ не се огради од криминаот на ДУИ, ниту пак има намера. А од ДУИ го употребуваат истиот наратив дека биле европска партија, во исто време кога џебовите им се полни со Европски пари, кажа претседателот на ВМРО-ДПМНЕ, Христијан Мицкоски на вечерашниот митинг во Виница. Мицкоски упати и прашање до ДУИ, а и Ковачевски. “Дали кога Али Ахмети викаше среде Скопје УЧК, УЧК е европски чин? Дали тоа доликува на европскиот фронт на ДУИ СДСМ?” праша тој....

И по десет дена откако се насука, бродот за превоз на стока сѐ уште е на истото место во Рашкиот Залив, на хрватскиот дел од полуостровот Истра, објави дневник.хр. Египетскиот екипаж бил извлечен на копно, но бродот што пловел под знамето на Танзанија тоне. Локалните жители за Дневник.хр велат дека во бродот навлегува вода. „Има голема дупка под моторот, долу во моторот, моторот е покриен со вода и затоа не можат ништо да направат, мора да се завари… Така рекоа“вели Роберто Варешко. Ова не е првпат ваква несреќа да се случи на речиси исто место. А тврдат дека штетата е голема. „Има голема дупка на десниот крај веднаш под моторот. Секој ден поминувам таму, блиску до него, сè уште стои исправен, ништо не виси, ништо, но е блиску до крај”,додаде тој. Варешко, кој е локален нуркач, вели дека опасноста од оваа хаварија демне секојдневно. Во бродот има гориво, како и замастена вода. „Постои страв дека, не дај Боже, може да дојде до некое големо загадување, би било добро тоа да се санира што поскоро, да се осигуриме дека нема да има поголемо загадување на морето“ изјави нуркачот Варешко. Неодамна беа поставени заштитни брани околу бродот, кога временските услови го дозволија тоа. Силниот ветер со денови не дозволувал ниту да се приближат до бродот. Од Капетанијата во Пула истакнаа дека направиле сѐ што можеле, а состојбата се следи секојдневно. „Дадовме соодветен рок бидејќи знаеме дека извлекувањето брод во ваква состојба е многу комплицирана ситуација, треба да се прават планови. Сè мора да биде детално напишано“вели Долорес Бренко Шкерјанц, директорка на Капетанијата во Пула. Планот за извлекување беше усвоен по неколку контроли од овластени нуркачи. Но, ќе мора да почека. Оштетувањето на бродот ја комплицира ситуацијата. Работите околу осигурувањето дека бродот нема да се поместува и отстранувањето на дизел горивото, како и замастената вода треба да се завршат во следните десет дена, додека самото извлекување се очекува во следните триесет дена. Според Министерството за море, сообраќај и инфраструктура, засега нема загадување. Забрането е приближување до заглавениот брод во радиус од 500 метри. Причината за насукувањето сѐ уште не е позната....

Колкав гнев е истурен врз Пендаровски? Незначителен. Да, факт е дека разликата во однос на Силјановска е дупла. Но, во капацитирани гласачи, отприлика станува збор за 1/5 од вкупен број, и уште поважно, во услови кога седумстотини илјади жители не излегле да гласаат. Да повторам приближно околу 700.000 илјади (повеќе од 50% од гласачкото тело) не се анимирани од никого. Додека во рамките на тие што гласале окл. 30.000 се неважечки ливчиња Според тоа сите, буквално сите, политички субјекти се на некој начин лузери. Се надевам дека овој громогласен бојкот ќе го земат сите сериозно предвид во следните чекори на сите политички партии. И никој нема право според ова да го монополизира поимот на народот во својата наратопропагандна програма. Нејсе, иако немам никакви информации од “високи извори”, сепак општа логика и перцепцијата сугерира неколку можни и извесни сценарија за 8-ми мај. За веројатностите од нив немам мерлива единица, но вреди да ги имаме пред очи како можност. 1. Пендаровски, но и СДСМ ако изгубат добиеме некој хибрид од апсолутна власт на комбо од тврд македонски национализам предводен од Вмро и Максо, кои сега имаат понуда кон Влен. Но, последниве, освен што имаат структурни проблеми и немаат силна инфраструктура компарирано со ДУИ веројатно дека ќе бидат лабаво кооптирани подоцна од овие посилниве. Да не зборам за проблемите врзани за принципите на кои се темелат нивните позиции, а тие се следниве: услов е коалиција со некој што е спремен за уставни измени и ЕУ интеграција. Па така, господинот Касами (оној кој зборуваше за киднапирање на негов сопартиец во една критична состојба за земјава; т.е. оној што имплицираше великоалбанска фолклористична провокација во Тетово; и тој што ….Албин го алиментира на своето конто. Е, токму тој, на некој начин индицира дека Мицкоски му ги ветил Уставните Измени? И обратно, Мицкоски тврди дека се чул со Таравари за нешто таму (се прашувам што?) Прашањето во оваа опција – победничка за ВМРО е како би коалицирал со ВЛЕН, кога, Христијан веќе 2 години вели НЕ за уставните измени? Зарем е можно? Што ќе се случува со нотарските изјави? Ветувањата пред граѓаните? Јавноста бара одговори. Па, Касами, ако веќе сугерира вакви коалициони работи, нека каже што се ветил Мицковски, инаку, дијаболично опасно е да не ни соопшти и дали нешто друго ветил Мицкоски, освен Уставни, а и какви точно Уставни измени ветил? Слично, Бектеши (од ДУИ) вели дека Таравари потпишал документ со кој се обрврзал дека нема да коалицира со некој кој е против уставните измени? Ја молим те? Хартија све трпи, нели? Ама и сила бога не моли, исто така, што би рекол Пендаровски. Епа како е можно тогаш во ВЛЕН истовремено да се согласуваат за нужноста од уставни измени а да се лиферуваат инфоси за Мицко дека и он прифатил, кога најтврдокорниот фраер за анти уставни измени уште тврди дека нема шанса на измените? Малце чудна и дијаболична ситуација.. Затоа ова сценарио е длабински фалично, но сепак е сервирано на масата, додуше со еден куп непознати side ефекти. Конечно, оваа опција е комплетно девастирачка за најнормалниот Претседател што сме го имале до сега; иако истовремено е можност за комплетно рестартирање и освежување на СДСМ и нејзина консолидација (доколку се случи пораз). Слично, ова е особено супер можност за ВМРО да дојде до sид, и да се соочи со себе, своите гласачи, со институциите и со граѓаните и конечно со ОДГОВОРНОСТА ДА ПРЕЗЕМЕ ОДЛУКИ, т.е. да излезе од комфор зоната и комоцијата на верглање, а ништо да не преземаат. Албанскиот блок исто – ќе мора да се соочи со себе и својата одговорност во управувањето со државата. Сепак, оваа опција ми се чини дека за кратко ќе колабира од некапацитираност, па шанса е да видиме стварно како ќе продолжи да се преговара со ЕУ? Што се ќе треба ВМРО да голтне од сервата на ВЛЕН / подоцна и од ДУИ? Со кои Бугари ќе разговара (Мултигруп можеби?), а притоа ќе ја заобиколи ЕУ ? ….и други прашања, поризични… многу поризични кои ќе произлезат од мобилизираните етнонационализми. Со еден збор: опцијава е overrated. 2. Другата опција е: бојкот и немање цензус за избор на претседател, но приреден од албанските партии. По што би уследилa криза, но и повторување на циклуси на избори, до недоглед, кои може да завршат сепак со избор на Претседател во Собрание, а по пат на претходни пржински преговарања. Главниот ризик овде е од раст на нов бран на етнонацонализам. Поточно, етнонацизам. Намерно велам нацизам зашто ова ќе биде една уште порадикализирана интервенција како во нарацијата, така и во мобилизацијата. Ризик јак, но сепак можно е. Според некои гласови, ова е нов посибилизам и за странски упади ако е вон контрола. Ако ова го вечераме, многу деликатно треба да е сервирањето. 3. Трета опција е албанските гласови организирано да одат на конто на Пендаровски, и да устоличат конкретен човек што не е ниту расист ниту ксенофоб, и кој веќе помина 3 кризни циклуси успешно. Па во евентуална криза, и случај да се формира владата во погорен состав, добро ќе биде да има еден ко-хабитационен и особено рационален елемент па дури и претседател како коректор – ако мнозинството е сугестивно националистичко и авторитарно. Во оваа варијанта, нема мачови со острици за државата и се намалуват ризиците од заокружена авторитарност и етнопоулизам кои би биле и провокативни за безбедноста (во услови на дестабилизациски трендови во Европа). Партиите тука ќе треба малку да дадат за државата, а помалку да земат за себе, како не би влегле во спиралата на малигните интервенции од трети страни. Затоа ова го сметам за модерирачко или умирувачко сценарио. Има и други сценарија, но овие ми се чинат како најартикулирани. Ете, поедноставено, што имаме на маса. И на сите политички субјекти им чукна часот да си земат комплетна одговорност, за иднината на земјата, но и на нас граѓаните, бога ми нема да ни е лесно, затоа што она што го издробивме и сервираме на масата, и ние како гласачи и они како политичари, тоа ќе си сркаме после сите заедно. Битно да не се попариме. Bon appetit! Ана Чупеска...

Во 15-годишната истрага за практиката на давање седативи на луѓе за време на апсења во САД, и поддржана од експерти за спроведување на законот, покажа дека стратегијата, наменета за намалување на насилството и спасување животи, доведе до многу смртни случаи кои можеле да се избегнат. Најмалку 94 луѓе умреле од 2012 до 2021 година, откако полицијата им давала седативи обидувајќи се да ги задржи, а околу половина од жртвите биле црнци, според наодите на АП во соработка со Фронтлајн ПБС и Хауард Центарот за истражувачко новинарство, јавија американските медиоуми. Главната причина за толку многу црни жртви е спорната наводна медицинска состојба наречена „возбуден делириум“. Критичарите велат дека нејзините наводни симптоми, кои вклучуваат „натчовечка сила“ и висока толеранција на болка, се во овнова во расистичките стереотипи за црнците и водат до пристрасни одлуки за тоа кому треба да му се даде седатив. Беше невозможно да се одреди улогата на седативи во секоја од 94-те смртни случаи бидејќи многу од случаите вклучуваа употреба на потенцијално опасна сила врз луѓе кои биле дрогирани или пијани и затоа што истрагата обично се фокусирала на дејствијата на полицајците, а не на медицинските лица кои им помагаат. АП пронашла докази за луѓе кои биле насилно држени на стомак од полицијата, многумина со лисици на рацете додека полицајци седеле на нивните грбови, а кои се мачеле да дишат и се обидувале да се ослободат. Повикувајќи на отпор при апсење, болничарите им давале седативи, што дополнително го забавувало нивното дишење. Срцевиот и респираторниот застој често се случувале во рок од неколку минути....

Властите на Латвија, балтичка земја што е соседна со Русија, денеска ги повикаа граѓаните да ги претворат своите подруми во засолништа за воздушни напади, по повод традиционалниот национален ден на чистење во земјата. “Апелираме до сите – при големото чистење, но и потоа – подрумите да можат да се користат како засолништа во случај на потреба “, изјави градоначалникот на Рига, Вилнис Кирсис. Градоначалникот додаде дека општинските службеници ќе се грижат за шпдарумите што му припаѓаат на градот. Комисијата за цивилна одбрана во Рига објави дека „подрумите на јавните згради, училиштата, пензионерските домови, болниците и другите градски простории ќе бидат проверени од надлежните органи и ќе бидат подготвени како засолништа во случај на напад“. „Имаме намера секој месец до крајот на годината да подготвуваме околу 100 засолништа“, соопштија од комисијата....

Претседателот Стево Пендаровски, кандидатот за претседател на владејачкиот СДСМ во рамки на кампањата пред вториот круг од претседателските избори вечерва имаше средба со граѓани на Охрид, пред кои зборуваше за концептот за кој се залага и ја бара нивната доверба, за европската иднина на земјата, наспроти регресивната политика на опозицијата што, според него, ќе ја однесе земјата во изолација. Тој ја искористи можноста да потсети на годишината од случувањата во македонскиот Парламент, и упадот пред седум години во кој, како што рече, бевме нападнати од истите луѓе што претендираат да ја водат државата,… -Три века наназад во ниту еден европски парламент не е забележано да се направи насилен упад да се спречи мирен трансфер на власта на оние кои ја добиле довербата на граѓаните,…Тоа е една од главните работи по што оваа гарнитура се разликува од нив, дека откако ќе се изгубат изборите еден ден, да организираме насилници кои ќе тепаат колеги за да спречиме заминување од власта. Тоа е нивна карактеристика, особено што седум години од тој чин не најдоа сила не беа доблесни да се извинат, рече Пендаровски. Напротив, како што рече, нивната кандидатка за претседател сега најавува амнестија за тие луѓе, дека тоа биле луѓе кои го бранеле Уставот и државата и највисоката државна институција, а останатите биле насилници. Пендаровски рече дека овие луѓе од опозицијата кои бараат мандат, се истите луѓе со истите идеи, кои мислат да владеат на ист начин како до пред седум години. -После првиот круг резултатите се тие, според мое скромно убедување, нема основа за малодушност, разочараност, анемичност,… За првпат имаше седум кандидати за претседател, од кои само јас бев претендент да добијам гласови од сите етнички заедници. Сите останати претендираа да добијат гласови само од нинвата етничка заедница. Оние што отпаднаа имаа вкупно околу 330 илјади гласови,…Не велам дека по автоматизам ќе дојдат кај мене, но верувам дека огромна бројка од нив е многу блиска и го поддржува концептот за кој се залагам, рече меѓу другото тој. Потсети дека неговиот концепт е за Македонија во која сите се рамноправни, без намерно и вештачки продуцирани делби. -Само изборот за бројот 1 е рецептот за успех на државата, се друго е рецепт за продолжена агонија, за враќање на режимот кога еден човек, една фамилија, една партија решаваа за судбината за 1,8 милиони луѓе, рече Пендаровски. Претходно Пендаровски имаше средба со граѓаните на Пештани каде, исто така, зборуваше за настаните од 27 април и за амнестијата што ја нуди неговата противкандидатка за оние кои упаднаа во Парламентот. -Јас разбирам да кажеш криви биле тие и тие, по име и по презиме и да речеш дека многу им се високи казните или во име на некакво национално помирување да им простиме дел од казната, да си одат дома, било што било. Но ништо од тоа не се случува, само се најавува амнестија. Според мене тоа е јасен индикатор дека на таков начин, ако дојдат на власт и ќе се владее, додаде Пендаровски денеска во Пештани....

Во 15-годишната истрага за практиката на давање седативи на луѓе за време на апсења во САД, и поддржана од експерти за спроведување на законот, покажа дека стратегијата, наменета за намалување на насилството и спасување животи, доведе до многу смртни случаи кои можеле да се избегнат. Најмалку 94 луѓе умреле од 2012 до 2021 година, откако полицијата им давала седативи обидувајќи се да ги задржи, а околу половина од жртвите биле црнци, според наодите на АП во соработка со Фронтлајн ПБС и Хауард Центарот за истражувачко новинарство, јавија американските медиоуми. Главната причина за толку многу црни жртви е спорната наводна медицинска состојба наречена „возбуден делириум“. Критичарите велат дека нејзините наводни симптоми, кои вклучуваат „натчовечка сила“ и висока толеранција на болка, се во овнова во расистичките стереотипи за црнците и водат до пристрасни одлуки за тоа кому треба да му се даде седатив. Беше невозможно да се одреди улогата на седативи во секоја од 94-те смртни случаи бидејќи многу од случаите вклучуваа употреба на потенцијално опасна сила врз луѓе кои биле дрогирани или пијани и затоа што истрагата обично се фокусирала на дејствијата на полицајците, а не на медицинските лица кои им помагаат. АП пронашла докази за луѓе кои биле насилно држени на стомак од полицијата, многумина со лисици на рацете додека полицајци седеле на нивните грбови, а кои се мачеле да дишат и се обидувале да се ослободат. Повикувајќи на отпор при апсење, болничарите им давале седативи, што дополнително го забавувало нивното дишење. Срцевиот и респираторниот застој често се случувале во рок од неколку минути....

По 8 мај ќе бидеме дел од владината коалиција, порача денеска од Тетово носителот на листата во шестата изборна единица од коалицијата „Вреди“, Биљал Касами Коалицијата „Вреди“ денеска во Тетово ја претстави својата изборна програма „План 2030“ во која една од главните точки е донесување нов Устав со кој Албанците би биле второ мнозинство во државата. Во програмата се предвидува и забрана за коцкање и брзи заеми, ослободување на затвореници од монтирани случаи, слободни економски зони за печалбари и за млади, зголемување пензии, социјална помош и субвенции, а капиталните инвестиции да достигнат до 150 евра по жител...

Насилниот упад во македонското Собрание на 27 април 2017 година е најсрамниот чин во современата македонска историја, напиша денеска на својот фејсбук-профил кандидатот за претседател поддржан од СДСМ, Стево Пендаровски. Тој смета дека таа кобна вечер Македонија била на раб на граѓанска војна, состојба за која вели дека била предизвикана исклучиво од ВМРО-ДПМНЕ. Пендаровски напиша дека при упадот биле напаѓани, тепани и заплашувани пратеници и новинари кои ја вршеле својата должност. „Сегашниот лидер на ВМРО-ДПМНЕ, Мицкоски беше меѓу толпата што насилно упадна во Собранието, а потпретседателот Николоски заедно со Груевски ги даваа наредбите за нападите таа вечер кукавички криејќи се во Виена. Со тоа овие подли кукавици ги жртвуваа дури и своите луѓе кои упаднаа во Собранието“вели Пендаровски. Потенцира дека функционерите на главната опозициска партија ВМРО-ДМПНЕ, кои биле дел од насилството во Собранието, никогаш не им се извиниле на сите граѓани за ужасот што го направиле. „Не им се извинија ни на луѓето кои ги поттикнуваа на насилство против своите сограѓани, само за да ги зачуваат своите фотелји затоа што не сакаа мирно да ја предадат власта, туку повеќе беа подготвени да ја жртуваат државата. Сега планираат да дојдат на власт и да ги помилуваат насилниците кои тие ги натераа на упад во Собранието мислејќи дека така ќе ја исчистат својата совест и лажно тврдеа дека тепачите на сопствениот народ го бранеле Уставот“,смета тој. Според Пендаровски, уставобранители не се луѓе кои имаат за цел напад и агресија. Патриотите не го напаѓаат сопствениот народ со тупаници, туку ја бранат сопствената држава со чесна работа, без да ги делат граѓаните“,потенцира тој....

Поранешниот претседател на Хрватска, Стјепан Месиќ, изјави дека никогаш повеќе не може да се направи голема Србија, додавајќи дека во Србија „сè уште има луѓе како криминалецот Слободан Милошевиќ кои имаат за цел српска експанзија“, јави дописникот на МИА од Приштина. Месиќ на манифестацијата „Паналбанско-меѓубалканска-евроатлантска средба“ во Приштина, по повод 25-годишнината од војната на Ослободителната војска на Косово и НАТО против српските сили и ослободувањето на Косово, рече дека поранешниот српски претседател, Милошевиќ е главниот одговорен за жртвите на војните во Хрватска, Босна и Херцеговина и Косово во 90-тите години од минатиот век. „Многу ви благодарам што сум тука за 25-годишнината од независноста на Косово. Кога отидов во Белград (во доцните 80-ти) тогаш бев претседател на Претседателството на Југославија. Смеам да кажам дека јас ќе бидам последниот претседател на Југославија. Милошевиќ не можеше да се согласи со она што го предложивме: да се направи конфедерација. Тој не го прифати нашиот совет и тргна во друга насока. Мојата иницијатива беше секоја земја да тргне по својот пат. Милошевиќ и неговите луѓе не можеа да го прифатат овој модел кој би бил без војна, без жртви и во интерес на целиот народ, рече поранешниот хрватски претседател. На сите оние „кои мислат дека Србија може да стане голема држава“, Месиќ им порача дека таа е само „мала држава на Балканот“. „Сите видовме како заврши оваа работа и со колку жртви. За жал, сè уште има такви како Милошевиќ кои имаат за цел да ја направат Србија голема, но јас ви велам дека тоа не може да се направи. За сите оние кои мислат дека Србија може да стане голема држава, ви кажувам дека Србија е мала држава на Балканот“, рече Месиќ. На „Паналбанско-меѓубалканска-евроатлантската средба“ во Приштина, на тема: Историја-Идентитет-Интеграција“, организирана во рамките на 25-годишнината од последната војна на ОВК и НАТО против Србија и тогашна СР Југославија и ослободувањето на Косово, присуствуваа над 600 почесни гости...

Претседателот на ДУИ, Али Ахмети, во рамки на активностите за кампањата за парламентарните избори, ги продолжи средбите со граѓаните во општина Кичево. Пред присутните истакна дека куќата не се одржува со кредит и дека тие што мислат дека можат да држи куќа со кредит, резултатот го видоа на 24 април. Вие сте прва гарда за брза интервенција, вие сте прва гарда за брза акција, не е мала задача 8 спрема 2. За понатаму знаете дали правите 9 спрема 1, тоа е во ваши раце. Некој мисли да одржува куќа со кредити, ние сме тие што работиме и си обезбедуваме леб, тие што размислуваат со кредити, не можат да чуваат куќа и резултатот се виде на 24 април. Ја имавме платформата и фронтот, имавме за кого да работиме, Албанците се обединија во Фронт по 22 години по ред. Фатмир ми е сведок како доаѓа албански партии во Шипковица и континуирано работевме да настапуваме заедно, подобро доцна отколку никогаш. Фронтот обедини генерации и луѓе кои имаа разлики и овој фронт е долгорочен и не е за една употреба. Да дејствуваме до полноправно членство на земјата во ЕУ, како единствена алтернатива бидејќи немаме друг пат, додека не и кажеме ДА на Европа, нашата определба да бидеме членка на ЕУ за неколку години, како единствено решение за да луѓето не бараат пидобар стандард надвор од земјата, изјави првиот човек на ДУИ Али Ахмети во Кичево. Кандидатот за пратеник Муса Џафери, пред присутните изјави дека на овие избори победник ќе биде Европскиот фронт, а во петтата изборна единица ќе има над 30.000 гласови. Никогаш не сме се сомневале дека Кичево и околината ќе и дадат поддршка на ДУИ бидејќи ДУИ тоа со работа го докажа и не дозволи да се презира и прекрши албанскиот глас. Не се сомневаме дека ќе бидеме победници и дека другата страна не може да не победи. Легитимитетот го дава народот, гласачот, вие давате легитимитет кој ќе управува со државата и тоа не е во рацете на лидерите на другите политички партии кои се обидуваат да водат психолошка војна и тоа не треба да не засега. Да бидеме единствени и ние во зона 5 ќе имаме 30.000 гласови и Европскиот фронт ќе биде втора партија во конкуренција на ниво на зона, рече Џафери. Градоначалникот на општина Кичево како и шеф на изборниот штаб, Фатмир Дехари, оцени дека Европскиот фронт е многу доброприфатена опција не само во Кичево туку и во целата држава. Нашата кампања ја темелиме на три столба, нашиот глас и гласот на Европскиот фронт, кој е добредојден во нашиот град, е прифатливс идеја низ целата земја и ние сме ви благодарни што заедно продолжуваме да ги обновуваме бројките не само во нашиот град, но и на национално ниво. Во гласот што не успевма да го добиеме и во гласот на граѓаните кои гласаа за опозицијата и од икс причини душата им е кај ДУИ. И со ова ве покануваме, како и секогаш, активисти дали сте уморени вие активисти? Претседателе, ние ја продолжуваме работата напред, нагласи Дехари....

Кандидатката за претседател Гордана Силјановска-Давкова попладнево беше во посета на Дебар и Ростуше, каде што имаше средби со граѓани, на кои им се заблагодари за поддршката и порача дека на 8 мај вечерта заедно ќе ја слават победата. -Ја заслуживте мојата благодарност за поддршката во првиот круг, без вашите гласови сигурно дека немаше да биде ваков резултатот каков што е многу инспиративен, не само за мене, не само за ВМРО-ДПМНЕ, туку за сите граѓани. Ние не агитираме, не ви велиме дека мора да гласате за нас, ама знаеме за кого ќе гласате. Ќе гласате за подобрите, ќе гласате за оние кои носат промени, а не оние кои велат дека грешеле ама сега ќе се обидат тоа што го згрешиле да го поправат, бидејќи тоа е невозможно, изјави Давкова во Дебар. Не е точно, додаде, дека стартуваме од нула, нагласувајќи дека „ние не шутираме пенали, а тие ги промашија на празен гол“. -Продолжувам онаму каде што застанавме таму каде што вие ни рековте дека треба да застанеме зашто гласовите се ваши, гласовите се на граѓаните и ние тоа нема да го заборавиме. Ако реков дека во првиот круг очекувам политички земјотрес, тој се случи, дури и со поголема разорна сила, која го допре СДСМ ама на 8 мај очекувам политички вулкан, бидејќи некои процеси можат да се насетат и не можат да се избегнат. Неминовен е поразот на СДСМ, на ДУИ, на коалицијата и неминовна е победата на ВМРО-ДПМНЕ и коалицијата. Неминовен е поразот на господинот Пендаровски и се насетува мојата победа. Тоа е јасно. Ова власт мора да си оди, рече меѓу другото таа. Испочитувајќи го езанот на дебарските имами таа за кусо ја прекина изјавата, породлжувајќи со ветување дека ќе биде претседателка на сите. Можеби ова е добар момент да кажам дека ќе бидам претседателка на сите, ќе се однесувам натпартиски, ќе се однесувам со почит кон граѓаните без оглед на етничката, верска или било каква друга припадност, бидејќи претседателите, а особено претседателките треба да обединуваат, а не да разединуваат. Ќе функционирам посветено одговорно како дома, бидејќи Македонија е мојата многубројна фамилија. Само така ќе си ја вратиме гордоста ,а Македонија ќе има на што да биде горда, порача Давкова од Дебар. На средбите што ги имаше во Ростуше искажа убеденост дека победата на 8 мај ќе биде уште поголема. -Шанса за опоравување кај нив нема, ама кај нас еве потсетете ме, на 9 или на 8 мај вечерта, има шанса за уште поголема победа, заедно со парламентарните избори и ВМРО-ДПМНЕ бидејќи претседателот и премиерот се две глави на извршната власт мислам дека уште посилни ќе бидеме, рече меѓу другото кандидатката за претседател во Ростуше. Фото: МИА ТАГОВИ силјановска дебар пораз пендаровски МОЖНО Е И ОВА ДА ТИ СЕ ДОПАЃА Во Берово се проширува и модернизира уличното осветлување ПРЕТСЕДАТЕЛСКИ ИЗБОРИ 2024 Во Берово се проширува и модернизира уличното осветлување Таравари: „Вреди“ единствена албанска опција на 8 мај, промената доаѓа ПРЕТСЕДАТЕЛСКИ ИЗБОРИ 2024 Таравари: „Вреди“ единствена албанска опција на 8 мај, промената доаѓа Најмладите од Дебарско и Река со каланда го возвестија Лазаревото воскресение ПРЕТСЕДАТЕЛСКИ ИЗБОРИ 2024 Најмладите од Дебарско и Река со каланда го возвестија Лазаревото воскресение Коалицијата „Вреди“ во Тетово ја презентираше програмата „План 2030“, ветуваат минимална плата од 800 евра ПРЕТСЕДАТЕЛСКИ ИЗБОРИ 2024 Коалицијата „Вреди“ во Тетово ја презентираше програмата „План 2030“, ветуваат минимална плата од 800 евра Битиќи од Бутел: Резултатот е нула-нула, a на 8 мај заеднички одлучуваме за победникот ПРЕТСЕДАТЕЛСКИ ИЗБОРИ 2024 Битиќи од Бутел: Резултатот е нула-нула, a на 8 мај заеднички одлучуваме за победникот Серафимовски:ЗНАМ ќе ги поддржи младите во отворањето на сопствени бизниси ПРЕТСЕДАТЕЛСКИ ИЗБОРИ 2024 Серафимовски:ЗНАМ ќе ги поддржи младите во отворањето на сопствени бизниси Европска недела на имунизација: Се зголемува опфатот на вакцинирани деца, ама се уште е под препорачаниот праг ПРЕТСЕДАТЕЛСКИ ИЗБОРИ 2024 Европска недела на имунизација: Се зголемува опфатот на вакцинирани деца, ама се уште е под препорачаниот праг Филипче од Прилеп: Отворам канцеларии за комуникација со граѓаните во Прилеп, Кавадарци и Струмица ПРЕТСЕДАТЕЛСКИ ИЗБОРИ 2024 Филипче од Прилеп: Отворам канцеларии за комуникација со граѓаните во Прилеп, Кавадарци и Струмица ИЗБОР НА УРЕДНИКОТ Гир: Првиот круг од изборите мина генерално мирно и демократски ПАРЛАМЕНТАРНИ ИЗБОРИ 2024 Гир: Првиот круг од изборите мина генерално мирно и демократски Од Елизабета 13:31, 27 април, 2024 Полиграфот – можен инструмент во борбата против корупцијата или само уште една алатка за партизација на институциите Полиграфот – можен инстру… Од Виолета 09:52, 27 април, 2024 Села за МИА: Или ги прифаќаш уставните измени или треба да кажеш дека не си за членство во ЕУ Села за МИА: Или ги прифа… Од Билјана 09:36, 27 април, 2024 Зајкова за МИА: Убедена сум во победата на Коалицијата за европска иднина и во заокружување на евроинтеграција до 2030 година Зајкова за МИА: Убедена с… Од Виолета 09:41, 26 април, 2024 ОСТАНИ ПОВРЗАН Facebook Youtube Twitter Wiki Instagram За Миа Импресум Маркетинг Јавни набавки Инфо од јавен карактер Оглас Услови на користење Изјава за приватност Политика ISO Политика Дописници Оргинални текстови Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Медиумска информативна агенција. Секој упад и злоупотреба на интернет-страницата на МИА е казнив по членовите 251 и 251a од КЗ на Република Северна Македонија. Правен консултант и застапник: адвокат Милена Велјаноска – Стоиловска. Изработено од Кјуб Системи © 2022 Медиумска информативна агенција...

Претседателот на Алијансата за Албанците, Арбен Таравари, денеска од Тетово порача дека изборната програма „План 2030“ на Коалицијата „Вреди“, вреди за луѓето, и дека единствената албанска опција за изборите на 8 мај е Коалицијата „Вреди“. На презентацијата на програмата во Тетово, Таравари истакна дека сегашниот Устав има недостатоци и не ја претставува реалноста во државата. – Убедени сме дека сегашниот Устав има недостатоци, ограничен е и во многу делови не ја претставува денешната политичка, социјална и етничка реалност во државата, рече Таравари. Таравари потенцира дека промената е неопходна, додека, заедно со промената мора да се смени и Уставот за да почнат преговорите со ЕУ. – Ќе започнеме голема дебата и ќе изградиме консензус за нов, подемократски и модерен Устав, кој ќе ја редефинира државата како рамноправна држава на две мнозински заедници, рече Таравари. Помеѓу десетте точки од програмата на „Вреди“ која беше презентирана денеска се нов Устав со Албанците како второ мнозинство во државата, прекугранична економска зона со Албанија и Косово, инвестиции од 500 милиони евра за инфраструктура во албанските општини и 800 евра минимална плата. Со неа се предвидува и забрана за коцкање и брзи заеми, ослободување на затвореници од монтирани случаи и нивно обесштетување, слободни економски зони за печалбари и за млади, зголемување на пензии, социјална помош и субвенции, како и капитални инвестиции да достигнат до 150 евра по глава на жител...

„Моето име е Горан Герасимовски, неговото Горан Стефановски. Навистина сум среќен што денес, заедно со вас, во маалото каде што и двајцата сме растеле, уште еднаш ќе го прославиме роденденот на великанот на македонската драматургија“, вака градоначалникот на Општина Центар Горан Герасимовски го отвори културно-музичкиот настан „Прослава на животот на Горан Стефановски“ по повод роденденот на најпознатиот македонски драматург. Во Дебар Маало денеска повторно се слушаше гласот на Стефановски преку неговите аудио драми кои ги пушташе платформата „Самоглас“. Присутните ја проследија промоцијата на книгата „Пофалба на обратноста и други есеи” од проф- др. Иван Додовски, и уживаа во изведба на култните песни на „Леб и сол” во изведба на бендот Сешн Селекшн. Градоначалникот Герасимовски на синот Игор Стефановски му врачи карикатура со ликот на Горан Стефановски во чест на неговите безвременски дела со кои пренесуваше универзални пораки за сите граѓани. „Во чест на денот на раѓањето на бардот на македонската драма Горан Стефановски денеска повторно уживавме во неговите драми. За потсетување на сите нас и за оставање траен белег на едно прекрасно време, Општина Центар и јас како Градоначалник, сакавме да оставиме видлива трага преку создавање мини културни простори под ведро небо што ќе се користат за промоција на младите и неафирмирани уметници. Овие културни сцени што ќе никнуваат низ Центар, збогатени со мурали и графити, ги изразуваат поддршката и трудот што Општината ги вложува во областа на културата. Чест ми е што првото центарско ќоше ќе го носи токму името на легендата од Дебар Маало – Горан Стефановски. Кога ќе поминеме низ Боемска улица, верувам дека секој еден ќе го сврти погледот и ќе се потсети на славните реплики од неговите драми. Можеби овој агол е мал, во споредба со големината на целокупното негово творештво, ама сигурен сум дека ќе влијае врз уметноста во нашето Скопје.“, рече денеска Герасимовски. На настанот граѓаните можеа да го видат и надополнетиот мурал на Горан Стефановски со најпознатиот рефрен на песната „Скопје“ од Леб и сол „Насмевни се, не бери гајле, намигни ми, ајде на здравје, Скопје, нацртан од уметниците Драш и Мачка. Со овој настан, со кој Општина Центар им оддава признание на најдобрите меѓу најдобрите, нека биде поттик за сите, заедно да создаваме трајни културни вредности што ќе станат нераскинлив дел од нашиот културен идентитет....

Студентите кои протестираат против војната меѓу Израел и Хамас на универзитетите низ САД денеска ветија дека ќе продолжат со демонстрациите, а професорите ги осудија претседателите на универзитетите кои повикаа полиција да ги отстрани демонстрантите од кампусите. Додека Универзитетот Колумбија продолжува да преговара со пропалестинските демонстранти, советот на универзитетот во петокот усвои резолуција за формирање работна група за истрага на раководството на администрацијата, која минатата недела ја повика полицијата да ги евакуира студентите, што резултираше со застој и повеќе од 100 приведени. Полицијата привела околу 100 луѓе денеска наутро во обид да го расчистат пропалестинскиот протестен камп на Нортистерн Универзитетот во Бостон поради антисемитски навреди, соопштија од НВУ. Акцијата беше преземена откако демонстрантите кои прибегнаа кон „вирулентни антисемитски навреди, вклучително и „Убиј ги Евреите“, ја преминаа границата“, се вели во соопштението на универзитетот на Х. Иако универзитетот постојано поставуваше, а потоа ги одложуваше роковите за отстранување на кампот поставен од демонстрантите, универзитетот испрати е-пошта до студентите во петокот вечерта во која се вели дека враќањето на полицијата во кампусот во овој момент би било контрапродуктивно, јавија американсккте медиуми....