Денеска во Собранието беа доделени државните награди „Гоце Делчев“ за особено значајни достигнувања во областа на науката. Професорите Роберт Хадсон и Иван Додевски ја примија наградата за нивното дело „Долга транзиција на Македонија: од независноста до Преспанскиот договор и потоа“. Ана Мартиноска и Жарко Иванов се наградени за монографијата „Тажачки песни од скопскиот земјотрес во 1963 година“. Во неа се собрани песните што етномузиколог и фолклорист Васил Хаџиманов ги снимал со касетофон на погребите на загинатите во земјотресот, а потоа нотно и текстуално ги запишувал. Овие белешки и снимки стоеле долго во архивата на МАНУ, каде што ги однел неговиот син Зафир. ДЕДО МИ ЗАПИШАЛ 8.000 НАРОДНИ ПЕСНИ, А АРХИВАТА СТОИ НЕИСТРАЖЕНА, РЕЧЕ ВАСИЛ ХАЏИМАНОВ НА ПРОМОЦИЈАТА НА МОНОГРАФИЈАТА „ТАЖАЧКИ ПЕСНИ ОД СКОПСКИОТ ЗЕМЈОТРЕС ВО 1963“ ОД МАРТИНОВСКА И ИВАНОВ Наградата „Гоце Делчев“ се доделува од 1949 година....

Шеесет и шестгодишен маж вчера се изгубил на планината Плачковица, но бил спасен по неколкучасовна потрага. Вчера во 18 часот, на единствениот број за итни случаи 112 во Центарот за управување со кризи беше пријавено дека е исчезнато лице на 66-годишна возраст. Тој заедно со негов пријател дента тргнале по пешачка патека кон езерото Дивичев Вир на Плачковица. Но, при крајот на денот, пријателот се вратил дома, а 66-годишникот не, бидејќи се изгубил во планината. Случајот бил веднаш пријавен во Полициската станица Кочани. „Во потрагата прво се вклучиле членови на неговото потесно семејство. За итниот случај биле известени Дирекцијата за заштита и спасување од Кочани и Горската служба, а на потрагата се приклучиле и други субјекти од локалната самоуправа. Околу 22:50 часот изгубениот маж е пронајден жив и во добра состојба од страна на членови на Доброволната планинска спасувачка служба ‘Осогово‘ од Кочани“, велат од ЦУК. Поради подолгиот престој на студено време во планината, 66-годишникот прво бил згрижен и затоплен, а потоа и безбедно спуштен до селото Зрновци, каде што имало возила на полиција и Брза помош....

Улицата Ленинова во скопско Дебар Маало попладнево е затворена за сообраќај поради паднато дрво. На крстосницата на Ленинова со улицата Орце Николов во делот кај кружниот тек се скршило дрво, односно голема гранка, која е падната на самата улица. Во моментов на самото место се неколку полицајци кои го пренасочуваат сообраќајот и чекаат да дојдат екипи од ЈП „Паркови и зеленило“ да го отстранат дрвото....

На Часив Јар му се заканува судбината на Северодоњецк, Соледар, Бахмут и Авдиивка, откако овој стратешки важен град во источна Украина стана нова мета на руските сили. (Фото: АП) Новите снимки од дрон покажуваат огромни уништувања во градот во регионот Доњецк, во кој веќе нема недопрени приватни и деловни објекти, а речиси целото некогашно население од 12.500 жители е иселено. Според регионалниот гувернер Вадим Филашкин, во градот се останати 632 жители, кои живеат во многу тешки услови и немаат пристап до хуманитарна помош. (Фото: АП) Часив Јар со месеци е изложен на руските напади. Сместен на висорамнина, градот и околината сѐ уште се под целосна контрола на Украинците, но тие се жалат дека им снемува муниција. Ако Часив Јар падне во рацете на Русите, тие потоа ќе имаат отворен пат кон последните големи украински упоришта во Доњецк, Краматорск и Славјанск, што би можело да доведе до поширока руска офанзива, што Киев ја очекува во следниот период....

Кинескиот претседател Шји Џинпинг ќе ја посети Европа следната недела за првпат во последните пет години, а турнејата ќе ги опфати Франција, Унгарија и Србија. Посетата доаѓа додека Кина се обидува да избегне трговска војна со Европската Унија, чиј однос кон Пекинг се заостри поради бројните шпионски скандали и кинеската поддршка на Русија во војната со Украина. Првата станица на Шји ќе биде Париз, каде што в понеделник ќе се сретне со Емануел Макрон и со претседателката на Европската комисија, Урсула фон дер Лајен. Во септември, Фон дер Лајен изјави дека светските пазари се преплавени со евтини кинески електрични автомобили чии цени вештачки се одржуваат ниски благодарение на големите државни субвенции, а пред два дена, Европската комисија најави дека во јуни би можеле да бидат воведени тарифи за кинеските електрични автомобили. „Кина не може да си дозволи нови ограничувања на европскиот пазар, но во исто време, нема понуда за Европа“, изјави аналитичарката Абигејл Васелие. Минатата година, ЕУ увезла електрични возила од Кина во вредност од 11,5 милијарди евра, па тарифите би биле голем проблем за Пекинг. Шји ќе го посети и еден од своите најголеми сојузници во Европа, Виктор Орбан. Унгарија е најголемата база на „Хуавеи“ надвор од Кина, а таму наскоро ќе се гради и првата европска фабрика на кинеските автомобили „BYD“. Посетата на Србија е повеќе симболична и се случува на 25-годишнината од бомбардирањето на кинеската амбасада во Белград од страна на НАТО....

Мексиканските власти пронајдоа три тела во областа на Долна Калифорнија, каде што исчезнаа тројца туристи од Австралија и САД. ФБИ кажа дека телата се пронајдени во зафрлена карпеста област кај градот Санто Томас и засега не се идентификувани. Браќата Џејк (30) и Калум Робинсон (33) од Перт и 30-годишниот Американец Џек Картер Роуд биле на сурфање близу популарниот туристички град Енсенада, кога исчезнале на 27 април. Претходно се пронајдени напуштени шатори, изгорен бел пикап и телефон поврзани со исчезнатите туристи. Долна Калифорнија е една од најнасилните сојузни држави во Мексико, каде што локалните наркобанди водат меѓусебни војни, но одличните услови за сурфање во Енсенада, оддалечен само 90 километри од американската граница, долго време привлекуваат туристи од САД. Семејството изгубило контакт со браќата Робинсон минатата сабота, кога тие планирале да кампуваат близу плажа, а потоа требало да престојуваат во приватно сместување во Росарио. Но, тие никогаш не се пријавиле таму. Тројца мексикански државјани, двајца мажи и една жена, се уапсени во врска со нивното исчезнување....

Јавното обвинителство почна истрага против три лица меѓу кои и полицаец за грабнување и уценување. Во соопштението од Обвинителството се вели дека две лица се осомничени оти на 23 април противправно лишиле од слобода едно лице, така што го повикале да излезе со изговор дека им е потребна помош, а потоа присилно го внеле во автомобил и се упатиле кон мостот на улицата Беласица во Скопје. Со возилото управувало трето лице кое е полицаец и против кого постапката е издвоена и ќе ја води Одделението за гонење кривични дела сторени од лица со полициски овластувања и припадници на затворската полиција при Основното јавно обвинителство за гонење на организиран криминал и корупција. „Додека полицискиот службеник возел, двајцата други осомничени му се заканувале на оштетениот и му нанеле убодни рани со нож во ногата и во рамото. Кога стигнале под мостот, насилно го извадиле од автомобилот и сите тројца физички го нападнале со удари со клоци и тупаници по целото тело, нанесувајќи му тешки повреди. Му одзеле околу 8.000 денари колку што имал оштетениот со себе во моментот, а потоа го пуштиле да си оди со закана дека доколку до 1 мај не им исплати 10.000 евра ќе го убијат и него и неговиот татко“, велат од Обвинителството. Основното јавно обвинителство Скопје до Основниот кривичен суд Скопје достави предлог за определување мерка притвор за двајцата осомничени против кои постапува. Едниот од нив е во бегство и притворската мерка ќе започне да се применува од неговото пронаоѓање и лишување од слобода....

ЈСП „Скопје“ склучи нов договор за надградба на системот за автоматска локација на автобусите и за евиденција на патници во реално време, Договорот во висина од 2,3 милиони евра е склучен со друштвото за производство, трговија и услуги „Аитоникс“ од Скопје и е во траење од две години. Фирмата „Аитоникс“, според одредбите од договорот објавен на страната на Бирото за јавни набавки, треба да го одржува и подобри системот за следење на автобусите и плаќање билети со мобилен телефон. „Фирмата треба да обезбеди и одржува комуникациска инфраструктура и е-калуд платформа за непречено, стабилно и постојано функционирање на системот за контрола и управување на јавниот превоз и електронска наплата на билети, со вклучена поддршка за плаќање со мобилен телефон во период од две години. Исто така, треба да изврши надградба на постоечкиот систем за контрола и управување со јавниот превоз и системот за електронска наплата на билети“, стои во договорот, склучен минатиот месец. Во дел од автобусите од јавниот превоз во Скопје од минатиот месец не работат валидаторите и граѓаните не можат да платат билет. Не може да се плати со картичката „Скопска“, ниту со мобилен телефон. Од ЈСП „Скопје“ тогаш рекоа дека се врши надградба на системот за наплата. „Надградба се врши во изминативе неколку дена и поради тоа, регистрирани се инцидентни технички проблеми кај одреден број корисници при валидирање со мобилен телефон (185) или со мобилната апликација ‘Скопска‘“, рекоа од ЈСП „Скопје“. ЈСП „Скопје“ секоја година добива субвенции од Град Скопје за функционирање на АВЛ-системот и смарт тикетингот. Годинава за оваа намена се дадени еден милион евра. А. АНТЕВСКА...

Американскиот конгресмен Хенри Квељар и неговата сопруга се обвинети дека примиле мито од 600.000 долари, објави министерството за правда. Тие наводно ги добиле парите од азербејџанска државна нафтена компанија и од банка од Мексико. Демократот од Тексас ги негира обвинувањата, но доколку бидат прогласени за виновни, тие би можеле да поминат неколку децении зад решетки. „Сакам да бидам јасен дека јас и мојата сопруга сме целосно невини“, изјави 68-годишниот Квељар. Хенри и Имелда Квељар се обвинети за заговор, поткуп, перење пари и за дејствување како агенти на странска организација. Министерството за правда кажа дека тие примале мито од 2014 до 2021 преку серија лажни консултантски договори. Во замена за парите, Квељар се согласил да влијае врз надворешната политика на САД во полза на Азербејџан и да поттикнува мерки од кои корист би имала банката од Мексико. И покрај обвинувањата, Квељар кажа дека ќе ја продолжи кампањата за повторен избор во Конгресот во ноември. Со слични обвинувања претходно се соочија и сенаторот од Њу Џерси, Роберт Менендес и неговата сопруга....

Утрово без интернет остана дел од Општина Карпош откако куче ги изгризало оптичките кабли на „Македонски Телеком“. Како што информираат од Центарот за управување со кризи, кучето паднало во шахта и додека било во неа ги изгризало оптичките кабли, па интернет покрај граѓаните снемале и поликлиника „Букурешт“ и приватната болница „Филип Втори“. „Вработените од ‘Телеком‘ по пријава дека нема интернет во тој реон откако го лоцирале и пронашле проблемот, не се осмелувале да слезат во шахтата, каде што било и кучето. Околу 15 часот се јавиле на бројот за итни случаи 112. Дежурните во ЦУК веднаш почнале да вртат во ЈП ‘Лајка‘, но оттаму никој не се јавувал на телефон и никако не успеале да стапат во контакт со нив за да им се помогне во извлекувањето на кучето. Потоа успеале да ги добијат активистите на граѓанска иницијатива ‘Кане Корзо‘ кои за кратко време дошле на местото и заедно со вработените од ‘Телеком‘ безбедно го извадиле кучето од шахтата“, велат од ЦУК. Вработените од „Телеком“ потоа го санирале дефектот, а активистите го згрижиле кучето....

Голем број екипи на Брзата помош интервенираа во четвртокот на аеродромот во Франкфурт откако на дел од патниците им се слошило на летот од Маурициус на авиокомпанијата „Кондор“. Во авионот имало 290 патници, а дури 70 од нив се пожалиле на мачнини, гадење и почнале да повраќаат. Откако екипажот ja известил контролата на летање дека дел од патниците не се чувствуваат добро, на аеродромот дошле голем број комбиња за итна помош. Авионот Ербас А330нео слетал на аеродромот во 17.33 часот па што лекарските екипи им дале медицинска помош на неколку патници кои повраќале за време на летот. На местото имало околу 15 возила на итна помош, но извори на ДПА велат дека повеќето си заминале откако било утврдено дека не се потребни. Ниту еден член на екипажот на летот не се пожалил на симптомите кои ги пријавиле патниците. „Екипажот е обучен за специјални ситуации како оваа и продолжи со работа на летот“, рекоа од авиокомпанијата „Кондор“. Од авиокомпанијата соопштија дека е покренала истрага, но не кажаа ништо кои се можните причини за инцидентот....

Германската министерка за одбрана Аналена Бербок изјави дека Германија ја обвинува руската Служба за воено разузнавање ГРУ за ланскиот сајбернапад врз владејачката Социјалдемократска партија (СПД). „Руските државни хакери ја нападнаа Германија во сајберпросторот“, изјави Бербок, додавајќи дека немало последици. Во јуни 2023, најголемата партија во владејачката коалиција СПД соопшти дека нејзините мејлови биле мета на сајбернапад порано таа година. „Не можеме да ја исклучиме можноста дека имало протечени податоци“, кажаа од партијата. Бербок кажа дека истрагата што ја водеше министерството за надворешни работи сега е затворена. „Со сигурност можеме да го припишеме овој напад на групата ‘АПТ28‘, која е под контрола на ГРУ. Тоа е целосно неприфатливо и нема да помине без последици“, рече таа....

Орангутан во Индонезија е снимен како си става паста направена од растенија за да залечи голема рана на образот, кажаа научниците. Ова е првпат да е снимено животно во дивина како си третира рана со користење на лековита билка. Откако научниците го забележале ова, раната се затворила и излекувала за еден месец. Тие сметаат дека ваквото однесување потекнува од заеднички предок на луѓето и големите мајмуни. „Тие се нашите најблиски роднини и ова покажува дека сме послични со нив одошто различни“, вели биологот Изабела Лаумер од германскиот институт „Макс Планк“, која го водеше истражувањето. Овој настан е снимен во националниот парк Гунунг Леусер. Истражувачите веруваат дека раната настанала при борба со ривалски орангутан. Тие го виделе ранетиот орангутан наречен Ракус како ги џвака стеблото и листовите од акар кунинг, антиинфламаторно и антибактериско растение, кое локалните жители го користат и за лекување на маларија и дијабетес. Ракус постојано ја нанесувал течноста на образот седум минути. Потоа ја мачкал раната со џваканите листови додека не била целосно покриена. Пет дена подоцна, немало знаци на инфекција и раната била затворена, а по еден месец Ракус целосно бил излекуван. Научниците заклучиле дека Ракус знаел дека нанесува лек зашто орангутаните ретко го јадат ова растение. Тие потоа забележале дека Ракус се одмора подолго од вообичаено, повеќе од пола ден и веруваат дека се обидувал да заздрави од повредата....

1 На пет дена до парламентарните избори и вториот круг претседателски избори, ми се чини беспредметно да се анализира кој што кажал на митинзите, кој како се однесувал во кампањата и кој што одговорил во предизборните дуели. Имам чувство дека досега веќе сите имаат одлучено за кого ќе гласаат и дали воопшто ќе гласаат. Мене единствено ме интересира, кој сето ова ќе го плати? Вака, така, се собраа комај две цели неработни недели, што државен, што верски празник, што неработна среда за избори, па уште и пролетен школски распуст баш оваа година решија да воведат како реформа во образованието, па слободен ден, па лански одмор… Од каде пари? 2 Слушам, СДСМ ќе ги зголемува платите. ВМРО-ДПМНЕ ќе ги зголемува пензиите. Ене ги уште лицитираат со бројки. И бруто домашниот производ ќе расте. И тоа многу ќе расте. Дај нека кажат на кое дрво растат парите, па и ние да одиме да набереме. Да не знаеш со кого си имаш работа, ќе си речеш овие заслужиле со двете раце да ги гласаш. Ама, ги знаеме. Сите ликови што ги гледаме како ветуваат на митинзите немаат некоја историја на домаќинско трошење на парите на даночните обврзници. А многумина од нив не знаат ни што значи да ги заработиш. Башка, и да ветат дека помалку ќе крадат, сетики некој ќе мора да го заработи и нивниот дел. Прашањето: Од каде пари?, е сосем нормално во светот на возрасните. Особено во држава во која што партиите негуваат клиентелизам и на избори гледаат да им удоволат на своите гласачи што ги напикале во државна администрација. Никој не знае ни колкумина се – кој привремено, кој стално, кој за плата, кој за хонорар, кој и без договор само грее столче за секој случај, да не дојде друга партија на власт, па друг да му го земе столчето, со измислени позиции „помошник на референтот за реферирање“… Па уште и со Синдикатите шуруваат, со сите што се на државна плата. Ним да им ги покачат платите за да ги гласаат, а ние што треба да ги заработиме и нашите и нивните плати треба да бидеме среќни ако не ни го згрешат името во изводот на родени. Кој ќе им го направи растот на бруто домашниот производ што го ветуваат? Администрацијата ли? Со грешките што ги прави и никому ништо не му фали? Или со неодењето на работа? 3 Не е дека не го знам одговорот на прашањето кој сето ова ќе го плати? Ќе платиме ние, даночните обврзници. Ама, праша ли некој, можеме ли? До кога? Ни таа администрација нема да има од што да живее, ако нема кој да им ги заработи платите. Треба да се заработи сегашната плата, идната зголемена плата, идната зголемена пензија, платените денови кога администрацијата не оди на работа, врзаните празници, да се отплаќаат долговите на државата и плус приватните бизниси треба да инвестираат да ја зголемат профитабилноста за да го остварат замислениот раст на политичарите. Е тоа, очигледно уште не им е дојдено на ум на партискиве елити. За волја на вистината, ни на голем број од гласачите. Затоа и вакви ветувања што се неодржливи се повторуваат и поминуваат. Кога гласачите ќе бидат доволно свесни да прашаат: А кој сето ова ќе го плати?, тогаш и политичките лидери барем два пати ќе помислат пред да ги изнапишат сите тие ветувања. 4 Се гледаме на 8 мај. По 9 мај ќе му ја мислиме. Среќни празници. Без грижа, по Велигден, еве каде е и 24 мај, па и Задушница ни доаѓа идниот месец. Ова економскиов раст многу напорен бил, да одмориме уште малку. Па после, ќе се фатиме за работа. Ќе треба да им се платат и деновите кога ќе си раскажуваат кај биле и како си поминале на празниците. АУДИО ВЕРЗИЈА – AUDIO PODCAST Sakam Da Kazam · ДРВО СО ПАРИ (DRVO SO PARI) – 03 05 2024 Добивајте ја колумната директно во Вашето сандаче Внесете ја Вашата е-маил адреса... * Се согласувам со политиката на приватност Внесете валидна е-маил адресаЕмаил адресата е веќе регистрирана!The security code entered was incorrectЛинкот за потврда на регистрацијата е испратен на Вашата е-маил адреса......

Голем број граѓани со католичка вероисповест учествуваа во Крсниот пат што традиционално го организираат младите од струмичко Радово, во соработка со селската црква „Свети пророк Илија“. Станува збор за приказ на последниот пат на Исус Христос во должина од 748 метри по селските улици во Радово, при што на 14 постојки граѓаните застануваат и се молат. Ова се прави на Велики Петок во пресрет на Велигден, а традицијата потекнува од 2008, кога група млади верници сакала автентично да ги пренесе последните мигови на Исус Христос. Католиците од струмичко го слават Велигден според Јулијанскиот календар како што го слават и македонските православни верници. Со церемонијата чиноначалствуваше монсињор Киро Стојанов, бискупот скопски и струмичко-скопски епарх за католиците од византиски обред во Македонија. Тој потекнува токму од Радово, каде, според последниот попис, има 804 жители, од кои 96% се католици. Церемонија се одвива во должина од 748 метри по селските улици во Радово (Фото: СДК.МК) Крсниот пат започна од селската црква, при што напред се упатија младите. Едни беа облечени како византиски војници, а до нив беше Понтиј Пилат, други беа жители на Галилеја, а предничеше мајката на Исус. Исус го глумеше момче од Радово. На 14-те постојки низ Радово тие ги презентираа чинот на ставање на венецот од трње, давањето на светиот крст, паѓањето на Исус со крстот, обидот на граѓани да му помогнат и распнувањето. Се прикажува и чинот на распнувањето на Исус (Фото: СДК.МК) „Денеска е Велики Петок, кога жалиме за Исусовата смрт, а од друга страна, ја славиме смртта, бидејќи човештвото е спасено. Во животот имаме и подеми и падови и треба да знаеме секогаш да се воздигнеме. Тоа е пораката на овој крстен пат: да знаеме да подадеме рака, да бидеме хумани и да се почитуваме и сакаме, бидејќи сите ние сме како едно семејство“, истакна отец Илија Стојанов од парохијата на католичката црква „Св. Илија“ во Радово. В. ТРАЈКОВ...

Националниот авиопревозник на Латвија „ЕрБалтик“ од денеска почна да лета од Скопје до Рига. Сезонска авиолинија од Скопје за Рига ќе има од мај до септември, двапати неделно, односно во петок и понеделник, со авион од типот „ербас А220“. Во летната сезона, покрај редовните, ќе има и сезонски чартер летови до Анталија, Бодрум, Хургада, Енфида, Џерба и Монастир. До Охридскиот аеродром ќе има чартер летови од Катовице, Варшава, Амстердам и Манчестер, а авиокомпанијата „Ер Србија“ ќе почне да лета на релацијата Белград-Охрид-Белград. Со летниот ред на летање, одобрен од Агенцијата за цивилно воздухопловство, на Меѓународниот аеродром Скопје во летната сезона ќе има 59 дестинации на 22 авиокомпании. „Виз ер“ почна да сообраќа до Салцбург, „Кроација ерлајнс“ и „Норвиџан ершатл“ ќе продолжат со сезонските летови од Скопскиот аеродром до Сплит и Осло. Грчката „Ејџијан ерлајнс“ летово ќе воведе авиолинија од Скопје до грчкиот остров Крф....

САД ја обвинија Русија дека користи хемиски оружја на бојното поле во Украина, чија употреба е забранета со меѓународните договори. Функционери од Стејт департментот кажаа дека руската војска го користи средството за гушење хлоропикрин за да напредува на фронтот, додавајќи дека не станува збор за изолиран инцидент. Рускиот министер за одбрана Сергеј Шојгу денеска изјави дека руските трупи оваа година освоиле територија од 547 квадратни километри. Русија, која е една од 193 потписници на Конвенцијата за хемиски оружја, ги отфрли обвинувањата како неосновани, додавајќи дека се придржува до обврските кои произлегуваат од неа. САД велат дека руските сили користат хлоропикрин за да ги истераат Украинците од нивните утврдени позиции. Станува збор за мрсна супстанца која наголемо се користела во Првата светска војна и предизвикува иритација на белите дробови, очите и кожата, мачнина, повраќање и пролив. Вашингтон вели дека руските сили често користат и солзавец во војната. Украина кажа дека нејзините трупи се соочуваа со хемиски напади во изминатите месеци и дека Русија фрлала бомби со солзавец. Еден извештај вели дека околу 500 украински војници биле лекувани по изложеност на отровен гас, а еден и починал....

Вчера попладне, во околината на Велес падна град кој го уништи пролетниот род. Настрада пред сè раниот зеленчук во селото Караслари, додека градот кој падна во Горно Оризари оштети фолии. „Уништен е родот на спанаќот, марулата, младиот кромид и младиот лук, но и на овошките, цреши, вишни, кајсии. Сета мака која ја вложивме ни отиде“, велат жителите од Караслари кои продаваат на Градскиот пазар во Велес. Врнежи од град беа забележани и во селото Кочилари, каде има овошни насади. Градот кој го зафати Велешко ја побеле почвата како снег. Последиците по градинарските производи ќе се чувствуваат наредниот период на велешкиот пазар. Праксата вели дека по продолжениот празничен викенд ќе започне пријавата, па потоа проценката на штетите, кои подоцна треба да минат во Советот, за на крај, во некое догледно време да бидат прифатени од Владата и земјоделците да бидат обесштетени со одреден процент. П. ПЕЧКОВ...

Под мотото „Будење“, Србија денеска одбележува една година од масакрот во основното училиште „Владислав Рибникар“ во Белград, кога 13-годишниот ученик Коста Кецмановиќ уби деветмина негови врсници и еден чувар. Родителите на убиените деца и бројни роднини и пријатели се собраа пред училиштето во 8:41 часот, време кога Кецмановиќ го почнал својот крвав поход, каков што не е забележан во регионот. Во 8:41 часот, сите медиуми во земјата ја прекинаа програмата за да им оддадат почит на жртвите со една минута молк. Родителите на убиените деца и бројни роднини и пријатели утрово се собраа пред училиштето (Фото: Нова.рс) На влезот во училиштето е поставена просторно-ликовна инсталација „Вел на плачот“, на која се испишани имињата на жртвите, а граѓаните во текот на денот ќе можат да поминат низ таканаречениот „простор на тишината“, кој зафаќа неколку улици и дел од Ташмајданскиот парк. Колони од луѓе од утрово во тишина доаѓаат до училиштето, палат свеќи и оставаат цвеќиња. Граѓаните се повикуваат да дојдат на целодневниот форум во Ташмајданскиот парк и да разговараат со членовите на тимот за воспоставување меморијален центар за жртвите на ова масовно убиство. Убиецот Коста Кецмановиќ една година е во ментална установа, а поради возраста не може да се смета за кривично одговорен за злосторството што го изврши. Во јануари почна судењето на неговите родители, кои се обвинети за сериозен чин против општата безбедност затоа што не ги заштитиле оружјето и муницијата употребени во пукањето, чиј мотив останува непознат....

На споменикот на македонските бранители, штипјани денеска им оддадоа почит на загинатите војници Димитар Двојаковски и Влатко Петров кои на трети мај 2001 беа убиени кај селото Ваксинце во заседа од УЧК. Цвеќе положија најблиските од нивните семејства и претставниците на Општината и АРМ. На одбележувањето на 23-годишнината од нивното убиство, беше речено дека Двојаковски и Петров се движеле со воениот транспортер кон селото Ваксинце, Општина Липково, каде наишле на заседа па без никакво предупредување повеќе од 70 припадници на тогашната УЧК отвориле непрекинати рафали од сите страни и ги убиле војниците кои ја бранеле државата. „Првично тие биле убедени дека го убиле високиот офицер на АРМ, полковникот Јане Двојаковски, татко на Димитар. Помладиот Двојаковски еден ден пред убиството се јавил на својата сопруга и едногодишниот син во Штип и им кажал дека утре ќе оди дома на викенд. Тоа биле последните зборови на Двојаковски кој бил член на специјалната единица ‘скорпиони’. Слично сторил и младиот војник Петров, кој им рекол на своите дека наскоро кога ќе се врати ќе прави свадба“, беше речено пред нивното спомен-обележје во паркот Кртеќе во Штип. Т. ЈОВАНОВСКИ...

Бившиот британски премиер Борис Џонсон бил вратен од своето гласачко место на вчерашните локални избори во Англија зашто заборавил да понесе лична карта или друг документ за идентификација. Британските медиуми известија дека Џонсон подоцна се вратил со потребниот личен документ, по што гласал од втор обид. Во 2022, кога Џонсон беше премиер, британската влада донесе закон според кој од граѓаните се бара да покажат документ за идентификација при гласање, што има за цел да се спречат изборни измами. Дотогаш, на гласачите им беше доволно да кажат име и презиме и адреса на живеење за да можат да гласаат. Минатогодишните локални избори беа првите на кои што гласачите мораа да покажат документ за идентификација. Според изборната комисија, околу 14.000 луѓе тогаш не можеле да гласаат поради новото правило....

Мерил Стрип ќе ја добие почесната Златна палма на 77. Кански фестивал, што се отвора на 14 мај. Стрип ќе се врати во Кан по 35 години од освојувањето на наградата за најдобра женска улога за „Злобните ангели“, нејзиното единствено појавување на фестивалот досега. „Сите ние имаме нешто во нас од Мерил Стрип!“, велат директорите на Канскиот фестивал Ирис Ноблох и Тиери Фремо. „Сите ние имаме нешто во нас од ‘Крамер против Крамер’, ‘Изборот на Софија’, ‘Надвор од Африка’, ‘Мостовите на округот Медисон’, ‘Ѓаволот носи прада’ и ‘Мама Миа!’. Бидејќи таа опфаќа речиси 50 години филм и отелотвори безброј ремек-дела, Мерил Стрип е дел од нашата колективна имагинација, нашата заедничка љубов кон филмот“. Во импресивната кариера, оскаровката Стрип играла и во „Мали жени“ на режисерката Грета Гервиг, која годинава е претседателка на жирито за Златната палма во Кан. Во жирито се и турската сценаристка и фотографка Ебру Џејлан, американската актерка Лили Гледстон, француската актерка Ева Грин, либанската режисерка и сценаристка Надин Лабаки, шпанскиот режисер и сценарист Ј. Бајона, италијанскиот актер Пјерфранциско Фавино, јапонскиот режисер Хироказу Коре-еда и францускиот актер и продуцент Омар Си. Во конкуренцијата за Златна палма се неколку култни филмаџии, меѓу кои Френсис Форд Копола со „Мегалополис“, Џорџ Милер со „Фуриоза“, Пол Шредер со „Ох, Канада“, како и Џорџ Лукас кој ќе добие почесна Златна палма. Во конкуренцијата се и Кевин Костнер со „Хоризонт, американска сага“, „Видови на добрина“ на Јоргос Лантимос, Жак Одијар со „Емилија Перез“, „Партенопа“ на Паоло Сорентино и „Покров“ на Дејвид Кроненберг. Фестивалот завршува на 25 мај....

Од вчера, пуштени се за сообраќај сите четири летни на мостот „Беласица“ во Скопје, кој беше опожарен на 12 мај лани. Иако мостот е пуштен целосно за сообраќај, од Град Скопје нема никакво соопштение за јавноста и информација за состојбата на мостот и што покажале резултатите од пробното товарење. Како што дознава САКАМДАКАЖАМ.МК, драфт-верзијата на извештајот од пробното товарење е готова, но не е испратена до ЕСМ и Град Скопје, па нема официјален документ врз основа на кој е одлучено да се пушти мостот. Според нашите информации, извештајот покажува дека мостот е безбеден, односно по пробното товарење резултатите се сосем исти како оние од 2005, кога беше изграден и пуштен во употреба. Експертизата за мостот „Беласица“ ја правеше професорот Михаил Гаревски од приватниот Институт за сеизмички отпорни градби и климатски промени. Пред десет дена, тимот на Гаревски правеше пробно товарање на мостот, при што беа поставени шест камиони со вкупна тежина од 216 тони. Тогаш Гаревски на својот фејсбук профил напиша дека „битката за мостот ‘Беласица‘ падна, мостот не падна“. Извештајот, кој беше направен од Гаревски, покажа дека мостот нема сериозни оштетувања и треба да се направи лесна санација. „Драфт-верзијата е предадена во Градот. Степенот на оштетување, според квалификациите прифатени во светот, спаѓа во лесни. Има позабележително опаѓање на бетон, но каблите не се откриени, ниту оштетени. На мостот не му е потребно зајакнување, бидејќи од визуелната слика, што ја добивме од дрон, се гледа дека каблите за преднапрегање не се оштетени, односно не се здобиле со висока температира. Оштетен е само бетонот и треба на долната плоча да се постави заштитен бетон”, кажа лани во јуни Гаревски. Градоначалничката Арсовска после пожарот на мостот се скара со деканот на Градежниот факултет Горан Марковски, откако тој предупреди дека се потребни сериозни испитувања и дека мостот ќе биде затворен најмалку една година. Арсовска рече дека Марковски е самонаречен експерт кој по пижами од дома давал анализи за мостот. АРСОВСКА ПУШТИ ЗА СООБРАЌАЈ ДВЕ ЛЕНТИ ОД ОПОЖАРЕНИОТ МОСТ „БЕЛАСИЦА“, ВЕЛИ ЕСМ ЌЕ ГО САНИРА КОГА ЌЕ СТАВА НОВИ ЦЕВКИ А. АНТЕВСКА...

Од вчера, пуштени се за сообраќај сите четири летни на мостот „Беласица“ во Скопје, кој беше опожарен на 12 мај лани. Иако мостот е пуштен целосно за сообраќај, од Град Скопје нема никакво соопштение за јавноста и информација за состојбата на мостот и што покажале резултатите од пробното товарење. Како што дознава САКАМДАКАЖАМ.МК, драфт верзијата на извештајот од пробното товарење е готова, но не е испратена до ЕСМ и Град Скопје, па нема официјален документ врз основа на кој е одлучено да се пушти мостот. Според нашите информации, извештајот покажува дека мостот е безбеден, односно по пробното товарење резултатите се потпоплно исти како оние од 2005 година, кога беше изграден и пуштен во употреба. Експертизата за мостот „Беласица“ ја правеше професорот Михаил Гаревски од приватниот Институт за сеизмички отпорни градби и климатски промени. Пред десет дена тимот на Гаревски правеше пробно товарање на мостот, при што беа поставени шест камиони со вкупна тежина од 216 тони. Тогаш Гаревски на својот фејсбук профил напиша дека „битката за мостот ‘Беласица‘ падна, мостот не падна“. Извештајот, кој беше направен од Гаревски, покажа дека мостот нема сериозни оштетувања и треба да се направи лесна санација. „Драфт верзијата е предадена во Градот. Степенот на оштетување, според квалификациите прифатени во светот, спаѓа во лесни. Има позабележително опаѓање на бетон, но каблите не се откриени, ниту оштетени. На мостот не му е потребно зајакнување, бидејќи од визуелната слика, што ја добивме од дрон, се гледа дека каблите за преднапрегање не се оштетени, односно не се здобиле со висока температира. Оштетен е само бетонот и треба на долната плоча да се постави заштитен бетон”, кажа лани во јуни Гаревски. Градоначалничката Арсовска после пожарот на мостот се скара со деканот на Градежниот факултет Горан Марковски, откако тој предупреди дека се потребни сериозни испитувања и дека мостот ќе биде затворен најмалку една година. Арсовска рече дека Марковски е самонаречен експерт кој по пижами од дома давал анализи за мостот. АРСОВСКА ПУШТИ ЗА СООБРАЌАЈ ДВЕ ЛЕНТИ ОД ОПОЖАРЕНИОТ МОСТ „БЕЛАСИЦА“, ВЕЛИ ЕСМ ЌЕ ГО САНИРА КОГА ЌЕ СТАВА НОВИ ЦЕВКИ А. АНТЕВСКА...

По повеќе од три децении, Народниот театар од Битола (НТБ) се враќа во натпреварувачката конкуренција на познатиот театарски фестивал Стеријино позорје во Нови Сад, Србија. НТБ е дел од 69. издание на фестивалот, каде ќе гостуваат еминентни театари од Србија, Хрватска, Словенија и Босна и Херцеговина. Битолскиот театар, кој во официјална конкуренција ќе учествува на 29 мај, е единствениот претстaвник од Македонија по повеќе од 20 години, а ќе ја игра претставата „Брод за кукли“ на Милена Марковиќ, во режија на Кокан Младеновиќ. Последен пат Битолскиот народен театар гостуваше на Стеријино позорје во 1991 со „Подземна република“ на Јордан Плевнеш, во режија на Владо Цветановски, и освои повеќе награди. Гостувањето се случува токму во годината кога Народниот театар слави 80 години постоење. На 14 ноември 1944 била прикажана првата театарска претстава на македонски јазик во Македонија, едночинката „Ѓоре Магаревски” од Владо Малески. Јубилејот ќе го прослави со повеќе гостувања надвор од Македонија, но НТБ ќе биде домаќин и на театри од Балканот. „Деновиве, Театарот гостуваше со претставата ‘Бакхи- краток преглед на распадот’ во режија на Игор Вук Торбица на Игорови дани во Нови Сад. Потоа, ќе гостуваме повторно во Нови Сад на Стеријино позорје на 29 мај. Ова е гостување на театар од Македонија после повеќе од 20 години во официјална конкуренција на Стеријино позорје, еден од најзначајните фестивали во регионот. Народниот театар од Битола последен пат таму беше во 1991. Во средината на јуни нѐ очекува гостување и на фестивалот Инфант во Нови Сад со претставата ‘Хамлет денот на убиствата’ во режија на Марјан Неќак“, изјави директорот на НТБ Иван Јерчиќ. Селекторката на програмата на Стеријино позорје, Ана Тасиќ, за претставата „Брод за кукли“ пишува дека ансамблот на Битолскиот театар суверено го изведува стилизираното дејствие, во драмски и музички делови, во заводливи песни, во целото естетски заокружено обликување на трагичната положба на жената во апокалиптичната патријархалност. Ж. ЗДРАВКОВСКА...

Во Велес заврши пролетното теренско третирање од земја против ларви од комарци. Се изврши на територија од седум хектари покрај вода и водни површини кои се мапирани како лежишта на комарци, а посебно внимание се посвети на површините со неистечена вода каде комарците имаат идеални услови за размножување. „Третманот се изврши со биолошки ларвицид за комарци во вид на гранули, кој се наоѓа на листата на биоцидни производи и се положува во застоени водени површини. Истото не е штетно за луѓето, пчелите, ниту за домашните миленици“, соопштија од Општина Велес. Ларвицидното третирање е општа мерка за заштита на населението од заразни болести и е предвидено во Програмата за активности на Општина Велес во областа на здравствената заштита во 2024 година. Беа третирани локации во Велешко како крајбрежјето на езерото Младост, езерото Јарбош, Градски парк, Градски стадион, Младински парк, течението на Вардар, реонот на Дервенскиот поток и градските фонтани. Согласно програмата, се врши и есенско ларвицидно теренско третирање од земја против ларви од комарци. Општина Велес е една од осумтте во земјава која врши две третирања против комарци, и од воздух и по земја. Кон крајот на овој месец ќе следуваат и авионските прскања. П. ПЕЧКОВ...

Руски воен персонал влегол во воздушна база во Нигер во која се стационирани американски трупи, потврди функционер од Пентагон, што следува откако хунтата донесе одлука за протерување на американските сили од земјата. Воените офицери кои ја водат западноафриканската држава му кажаа на Вашингтон да ги повлече своите илјада војници од земјата, која до ланскиот воен пуч беше клучен партнер на САД во борбите против локалните бунтовници и џихадистите. „Руските сили не се мешаат со американските, туку се сместени во посебен хангар во базата, која се наоѓа близу меѓународниот аеродром во главниот град Нијамеј“, изјави американски функционер. Потегот на Нигер ги стави американските и руските трупи во непосредна близина во времето кога двете земји се во тензични односи поради војната во Украина. „Ситуацијата не е добра, но може да се држи под контрола на краток рок“, кажаа од Пентагон. Американскиот министер за одбрана Лојд Остин изјави дека не постои никаков ризик за американските трупи, ниту пак руските сили би можеле да дојдат блиску до американска воена опрема. Во изминатиот период, американските трупи беа принудени да се повлечат и од Чад, додека француските сили беа протерани од Мали и Буркина Фасо....

Иако со послаба општа оценка од лани, Македонија се качи за две места, од 38 на 36, во Индексот за слобода на медиумите на Репортери без граници (РСФ), затоа што се полоши оценките на другите земји во регионот. Класификацијата на РСФ опфаќа 180 држави од цел свет. Во општата оценка за Македонија се вели: „Иако новинарите не работат во непријателско опкружување, раширените дезинформации и недостатокот на професионализам придонесуваат за опаѓање на довербата на општеството во медиумите, што ги изложува независните медиуми на закани и напади. Понатаму, владините функционери имаат тенденција да имаат лоши и понижувачки ставови кон новинарите“. Во однос на лани, Македнија има пад во 4 од 5 индикатори. Најголем пад од 5.35 поени има во политичкиот показател, од 1.82 поени во показателот правна рамка, од 3.05 поени во социјалниот индикатор, а пораст има само во показателот за безбедност од 8.16 поени. Во показателот правна рамка се заклучува: „Додека уставот ја гарантира слободата на говорот и забранува цензура, земјата бавно го усогласува законодавството за медиумите со стандардите на Европската унија, на која има намера да ѝ се придружи. Процедурите на SLAPP тужбите служат како инструменти за заплашување и притисок врз независните медиуми. Осудувањето за клевета на медиумот ИРЛ во 2023 година за неговото истражување од општ интерес постави опасен преседан. Новиот закон со кој повторно се овластуваат националните и локалните власти да се рекламираат во медиумите во приватна сопственост, ја зголеми загриженоста за можното ширење на влијание поврзано со тоа“. Во показателот политички контекст се вели: „Целокупното опкружување останува поволно за слободата на медиумите, но владините агенции не се многу транспарентни и критичкото новинарство е сè повеќе подложно на напади. Поради силната политичка поларизација, медиумите можат да бидат под притисок на властите, политичарите и бизнисмените и на национално и на локално ниво. Двете најголеми партии (на власт и во опозиција) создадоа паралелни медиумски системи врз кои го вршат своето политичко и економско влијание. Јавниот радиодифузен сервис нема уредувачка и финансиска независност“. Во сите шест земји од Западен Балкан, слободата на медиумите е влошена и вкупната оценка бележи пад од 4,14 поени од лани. „Намалувањето е најзначајно во Косово (оценка -8,19 поени) паѓајќи за 19 места на Индексот. Падот во оценката е најмал во Македонија (оценка -0,57 поени), единствената земја од Западен Балкан што се качи (2 места) оваа година, а причината е поголемото влошување на оценките во другите земји. Србија и Албанија ги сменија категориите на картата, преминувајќи од „проблематичната“ (трета категорија од 5) во „тешката“ зона (четврта категорија) за слобода на медиумите. Двете се рангирани на последното место од сите земји-членки и кандидати за ЕУ. Дури и во двете земји со најдобри резултати во регионот, Македонија и Црна Гора, слободата на печатот беше поткопана во 2023 година со политички и судски притисоци врз медиумите“, изјави Павол Салај, шеф на канцеларијата на Репортери без граници за ЕУ/Балкан и додава: „Санкционирањето на злосторствата извршени врз новинарите и нивната заштита од страна на судскиот систем останува главен предизвик за сите земји. Веродостојното информирање во Западен Балкан е исто така загрозено од руската пропаганда, додека интеграцијата во Европската унија – која сега го има Европскиот закон за слобода на медиумите – останува можност за позитивен развој“, Од РСФ, организација со седиште во Париз, велат дека слободата на медиумите ширум светот е загрозена од самите оние кои треба да бидат нејзини гаранти – политичките власти. Ова е јасно од најновиот годишен Индекс за слободата на медиумите во светот, велат од Репортери без граници. Овој наод се заснова на фактот дека, од петте показатели што се користат за составување на рангирањето, најголем пад има кај политичкиот показател, со глобален просечен пад од 7,6 поени. Ситуацијата претрпе севкупен пад во Источна Европа и Централна Азија, каде слободата на медиумите не е загарантирана и медиумите сè повеќе се користат како преносни појаси за кампањи за дезинформација. „Сè поголем број влади и политички власти не ја исполнуваат својата улога како гаранти на најдобрата можна средина за новинарството и за правото на јавноста за веродостојни, независни и разновидни вести и информации. РСФ забележува загрижувачки пад во поддршката и почитувањето на медиумската автономија и зголемување на притисокот од државата или други политичките актери. Во Источна Европа и Централна Азија, медиумската цензура се засили со неверојатна мимикрија на руските репресивни методи, особено во Белорусија (пад од 10 места на 167 место), Грузија (103-то), Киргистан (120-то) и Азербејџан (пад од 13 места на 164-то). Влијанието на Кремљ стигна до Србија (пад од седум места на 98-мо), каде што провладините медиуми пренесуваат руска пропаганда и властите им се закануваат на руските новинари во егзил. Русија (162-ро), каде Владимир Путин неизненадувачки беше реизбран во 2024 година, продолжува да води војна во Украина (61-во) што имаше големо влијание врз медиумскиот екосистем и безбедноста на новинарите“, велат од РСФ. Дури и триото на врвот на Индексот за слобода на медиумите придонесе за падот на севкупниот политички индикатор. И покрај тоа што ја задржа својата позиција бр. 1, Норвешка е меѓу земјите што претрпе пад на својот политички резултат. Ирска (8-ма), каде што политичарите ги подложија медиумите на судско заплашување, ја отстапи својата позиција како лидер во Европската унија на Данска (втора), а потоа следи Шведска (трета). Трите азиски земји на дното на минатогодишниот индекс – Виетнам, Кина и Северна Кореја – ги отстапија своите позиции на три земји чии политички резултати имаат пад. Тоа се Авганистан (пад од 44 места во политичкото рангирање), кој има непрестајно прогонувани новинари откако Талибанците ја вратија контролата; Сирија (пад од осум политички места); и Еритреја (пад од девет политички места), која сега е последна во политичкото и во општото рангирање. Последните две земји се беззаконски зони за медиумите, со рекорден број новинари кои се приведени, исчезнати или држени како заложници. Во извештајот на РСФ се вели дека на Запад, во Европската унија, политичарите се обидуваат да го намалат просторот за независно новинарство. Во првите редови на овој опасен тренд се унгарскиот про-Кремљ премиер Виктор Орбан и неговиот колега во Словачка (29-то место) Роберт Фицо. Слободата на медиумите е ставена на тест од владејачките партии во Унгарија (67-мо место), Малта (73-то) и Грција (88-мо), трите од ЕУ најлошо рангирани земји. Италија на Џорџа Мелони (46-то) исто така падна пет места. Политичките интереси го задушуваат новинарството во неколку земји кандидати за ЕУ – Босна и Херцеговина (81-во), Србија и Албанија (99-то). Турција (158-мо) продолжува да ги затвора новинарите и да ги поткопува медиумите со помош на онлајн цензура и контролата врз судството....

Осигурителните компании велат дека со денешната одлука на Комисијата за автомобилска одговорност за намалување на цените на осигурувањето од автоодговорност се воспоставува 100% државна контрола над цените за автоодговорност и на тој начин земјата се оддалечува и од принципите на Европската Унија и од правилата на пазарната економија. Комисијата за автомобилска одговорност при Министерството за финансии денеска препорача, а Владата прифати и донесе одлука цените на задолжителното осигурување од автоодговорност да се вратат на нивото од пред 25 април, кога поскапеа за 15,44 отсто. ВЛАДАТА ОДЛУЧИ ДА СЕ ВРАТАТ СТАРИТЕ ЦЕНИ НА ОСИГУРУВАЊЕ ОД АВТООДГОВОРНОСТ Осигурителните компании сметаат дека ваквата одлука „претставува директна закана за финансиската стабилност на осигурителниот сектор, поставување во целост на регулаторно ограничување во ценовните политики што е спротивно на препораките на ЕК во извештајот за напредокот на нашата земја, кое може сериозно да ја доведе во прашање грижата за осигурениците“. Исто така, тие велат дека одлуката се должи базира единствено на непрофесионални квалификации доставени од регулаторот, Агенцијата за супервизија на осигурувањето (АСО) „Осигурителната индустрија оваа анализа не ја прифаќа и смета дека е погрешно поставена и пристрасно изработена со цел докажување на однапред определено мислење и намалување на цената за автоодговорност. Неточноста на анализата се базирана на следните факти Анализата е направена комбинирано за автоодговорност, Зелена Карта и Гранично осигурување а не само за автоодговорност – која е предмет на промените. Анализата се фокусира на докажување на издржливоста/доволноста на техничката премија, а не на делот за вршење на дејност – кој е предмет на промените Анализата не ги зема во предвид резервираните штети и не прави проекција на инфлаторното влијание врз истите во наредните години – што е клучно за бизнис со долга опашка односно сервисирање на нематеријаните штети на долг рок. Анализата не го зема воопшто во предвид делот за вршење дејност и е непоткрепена со актуарски пресметки и проекции за трошоците. Анализата содржи паушални интерпретативни одредби и тврдења базирани на мислење, а не на факти“, се вели во соопштението на осигурителните компании. Понатаму, осигурителните компании сметаат дека АСО, преку презентирање на неточни анализи и давање на квалификации за индустријата и начинот на нејзиното работење, директно го нарушува угледот на сите осигурителни компании, и нивните “мајки” странските компании. „Регулаторот треба да работи во насока на зацврстување на осигурителната индустрија преку поддршка на нивните напори да ги заштитат осигурениците, преку креирање на солидно ниво на солвентност и ликвидност кое секако доаѓа само преку профитабилно работење. Во спротивност, се создаваат услови за нестабилност во финансискиот сектор – нешто што никој не го посакува“, велат осигурителните компании....

Основачот на грчката крајнодесничарска партија Златна зора, Никос Михалолаикос, излезе од затвор на условна слобода, кажаа од полицијата. Шеесет и шестгодишниот Михалолаикос и други членови на Златна зора беа осудени на затворски казни во 2020 откако по петгодишното судење беа прогласени за виновни за водење криминална банда и за злосторства од омраза. Михалолаикос, кој беше осуден на 13 години, повремено се лекувал во болница во изминатите месеци, по што се враќал во затвор. Тој нема да смее да патува надвор од поширокиот регион на Атина и редовно ќе мора да се пријавува во локална полициска станица. Златна зора, која усвои нацистички симболи, влезе во парламентот во 2012 на врвот на должничката криза во Грција, но не успеа да освои ниедно пратеничко место на изборите во 2019. Партијата дојде на лош глас откако еден нејзин поддржувач го уби левичарскиот рапер Павлос Фисас. На партии како Златна зора не им беше дозволено да учествуваат на ланските избори....

Владата на денешната седница донесе одлука цената на осигурувањето од автоодговорност да се врати на ниво од пред 25 април 2024 година. На 25 април, цената на полисата за задолжителното авто осигурување поскапе за 15,44 отсто за возила со моќност од над 44 киловати. Поскапувањето е од 840 до 1.600 денари, во зависност од моќноста на возилото. „Усвоените измени и дополнувања од страна на Владата, се по предлог на Комисијата за осигурување од автомобилска одговорност при Министерството за финансии и со нив се утврдува опсег од 15% до 30%, во којшто друштвата за осигурување можат да го определат делот на премијата за вршење дејност на осигурување од автомобилска одговорност. За износ на трошоците над 30%, предвидено е, друштвата за осигурување, да побараат претходна согласност од Агенцијата за супервизија на осигурување. Денешната одлука на Владата значи враќање на цената на осигурувањето од автоодговорност на ниво од пред 25 април 2024 година”, се вели во владиното соопштение. Од Националното биро за осигурување (НБО) велат дека поскапувањето на цената на полисата за задолжителното авто осигурување за 15 отсто се должи на актуелните пазарни услови, или поконкретно: континуираниот раст на цените на реосигурувањето, автомобилите, порастот на цената на резервните делови, порастот на платите и постојаната голема инфлациона тенденција. Истовремено, велат од НБО, цената за осигурување од автомобилска одговорност не е променета веќе 15 години и е единствената категорија во Македонија која не претрпела зголемување на цена, додавајќи дека цената на осигурување од автоодговорност во Македонија е најниска во регионот....

Владата на денешната седница донесе одлука цената на осигурувањето од автоодговорност да се врати на ниво од пред 25 април 2024 година. На 25 април, цената на полисата за задолжителното авто осигурување поскапе за 15,44 отсто за возила со моќност од над 44 киловати. Поскапувањето е од 840 до 1.600 денари, во зависност од моќноста на возилото. „Усвоените измени и дополнувања од страна на Владата, се по предлог на Комисијата за осигурување од автомобилска одговорност при Министерството за финансии и со нив се утврдува опсег од 15% до 30%, во којшто друштвата за осигурување можат да го определат делот на премијата за вршење дејност на осигурување од автомобилска одговорност. За износ на трошоците над 30%, предвидено е, друштвата за осигурување, да побараат претходна согласност од Агенцијата за супервизија на осигурување. Денешната одлука на Владата значи враќање на цената на осигурувањето од автоодговорност на ниво од пред 25 април 2024 година”, се вели во владиното соопштение. Од Националното биро за осигурување (НБО) велат дека поскапувањето на цената на полисата за задолжителното авто осигурување за 15 отсто се должи на актуелните пазарни услови, или поконкретно: континуираниот раст на цените на реосигурувањето, автомобилите, порастот на цената на резервните делови, порастот на платите и постојаната голема инфлациона тенденција. Истовремено, велат од НБО, цената за осигурување од автомобилска одговорност не е променета веќе 15 години и е единствената категорија во Македонија која не претрпела зголемување на цена, додавајќи дека цената на осигурување од автоодговорност во Македонија е најниска во регионот....

Со 152 гласа „за“ и 61 „против“, српските пратеници денеска ја изгласаа новата влада на Србија, четири и пол месеци по одржувањето на изборите. Владата ќе ја предводи лидерот на Српската напредна партија (СНС), Милош Вучевиќ, а ќе има 31 министер. Новиот премиер Вучевиќ досега беше потпретседател на владата и министер за одбрана. Претходно, од 2012 до 2022 беше градоначалник на Нови Сад, по што го замени Александар Вучиќ на чело на СНС. Додека го водеше Нови Сад, Вучевиќ сакаше да го урне спортскиот центар „СПЕНС“, еден од симболите на градот и по примерот на Белград, да спроведе проект „Нови Сад на вода“, вреден пола милијарди евра. Во декември 2019 поднесе пријава против претседателот Вучиќ и неговиот брат Андрија, барајќи да се покрене истрага за да се утврди нивната вмешаност во една голема афера во Србија....

Државниот санитарен и здравствен инспекторат (ДСЗИ) ќе издаде решение со кое на здравствените работници кои немаат договор за работа на Клиниката за токсикологија ќе им биде забранет пристап на Клиниката, кажа денеска директорката на ДСЗИ, Рената Младеновска, објави МИА. Ова следи откако менаџментот на Клиниката не постапил по издаденото решение за опомена со наложени инспекциски мерки. „ДСЗИ изврши контролен инспекциски надзор на Клиниката за токсикологија по издадено решение за опомена со наложени инспекциски мерки кои истото беа должни во рок од три дена да испратат писмено известување дали е постапено по истото решение, меѓутоа такво писмено известување не добивме. Со оглед на фактот дека на самиот надзор присуствуваа двајцата директори и медицинскиот и организацискиот беше доставена документација во однос на листи од електронска евиденција на работно време и контрола на пристап во просториите од истите документи ДСЗИ го констатираше следново: По точка 1 и 2 од решението издадено за опомена не се постапува, односно здравствените работници соработници коишто немаат договор за вработување, односно договорот им истекол на 31.12.2023 година истите се евидентираат и понатаму на Клиниката за токсикологија што значи дека под точка 1 и 2 не е постапено од решението“, рече Младеновска. Ако не се постапи и по ова решение, Младеновска рече дека следуваат парични казни за организацискиот и за медицинскиот директор, како и за самата Клиника. На новинарско прашање како е можно да се појавуваат на работа лица кои немаат договор за работа, Младеновска упати одговорот да се бара кај менаџментот на Клиниката и кај Министерството за здравство. Со организациската директорка, како што изјави, разговарале со преведувач бидејќи таа не зборува македонски јазик. На 22 април, д-р Нико Беќаровски, раководител на Одделението за интензивна нега на Клиниката рече дека економската директорка на Клиниката за токсикологија Бесија Иљази не дозволува да се вработат двајца дипломирани биолози и еден болничар, а упорно бутка да се вработат 18 лица на кои им истекоа договорите за дело на 31.12.2023. Меѓу нив има и прекрасни лица, но има и лица кои немаат соодветно образование за тука, рече тој. За тие 18 лица на кои им се истечени договорите, д-р Беќаровски кажа дека иако немаат никаква обврска, доаѓаат на работа, облекуваат мантили и доаѓаат и на визита. „Ние работиме со пациенти на кои им е битна приватноста и доверливоста. Навистина не е пријатно да зборувам на визита за пациентот пред лица на кои не им е тука местото. За шест години се сменија и министри и 5 директори. Секој си носеше свои кадри и стигнавме до 7-8 административци и 2-3 секретарки“, кажа д-р Беќаровски на 22 април. ПОПЛАВЕНА ТОКСИКОЛОГИЈА ОД ПУКНАТА ЦЕВКА ОД ПАРНО, КЛИНИКАТА НЕ Е ОСИГУРАНА ДИРЕКТОРОТ НА ТОКСИКОЛОГИЈА ПЕТРОВСКИ УШТЕ НЕ ДОБИЛ РЕШЕНИЕ ЗА РАЗРЕШУВАЊЕ, ЗДРАВСТВЕНИТЕ ИНСПЕКТОРИ УТВРДИЈА ДЕКА 11 ЛИЦА БЕСПРАВНО РАБОТЕЛЕ 4 МЕСЕЦИ МИНИСТЕРОТ ЗА ЗДРАВСТВО ЌЕ ГО РАЗРЕШИ МЕДИЦИНСКИОТ ДИРЕКТОР ПЕТРОВСКИ ОД ТОКСИКОЛОГИЈА, ЗА ЕКОНОМСКАТА ДИРЕКТОРКА ИЉАЗИ НЕМА СОЗНАНИЈА ЗА ПРЕКРШОК ДИРЕКТОРКАТА ИЉАЗИ УПОРНО САКА ДА ВРАБОТИ 18 ЛИЦА СО ИСТЕЧЕНИ ДОГОВОРИ ЗА ДЕЛО, НЕ МОЖЕМЕ ДА СЕ РАЗБЕРЕМЕ СО НЕА ОТИ НЕ ЗНАЕ МАКEДОНСКИ, РЕКОА ЛЕКАРИТЕ ОД ТОКСИКОЛОГИЈА ЕКОНОМСКАТА ДИРЕКТОРКА НА ТОКСИКОЛОГИЈА ИЉАЗИ ГО ЗГОЛЕМИ ДОЛГОТ НА КЛИНИКАТА, РАБОТИ ПО ЧЕТИРИ И ПОЛ ЧАСА, НЕ ПОТПИШУВА КЛУЧНИ ДОКУМЕНТИ И НЕ ЗНАЕ МАКЕДОНСКИ, РЕАГИРААТ ВРАБОТЕНИТЕ...

Бројни туристи претежно од соседните држави, но и домашни посетители пристигнаа во Охрид за да ги прослават велигденските и првомајските празници. Помали групи туристи има и од Словенија, Турција и Полска. За продолжениот празничен викенд претежно се наполни приватното сместување, а голем дел од посетителите имаат и свои станови. Од Асоцијацијата на хотелиери (ХОТАМ) велат дека хотелите на охридско-струшката ривиера останаа со половична исполнетост. „Бројката е нешто помала од очекуваната, хотелите се исполнети околу 60 отсто, но сепак сме задоволни зашто домашните гости, поради слободните денови кои повеќето ги споија со денот на гласањето, одлучија да отпатуваат надвор “, вели претседателот на ХОТАМ, Крсте Блажески. По традиција, првомајските празници се репер за успешноста на претстојната туристичка сезона. Туристичките работници велат дека поголема посетеност се очекува пред и за време на сезоната. „Очекуваме многу подобра туристичка сезона според најавите кои ги имаме. Најави има од Турција, Холандија, Полска но и од други земји“, вели Блажески. Цените во туристичко-угостителскиот сектор бележат зголемување, но според туристичките работници, Охрид и натаму е најевтина дестинација во регионот. „Мислам дека понудата еволуира како и туристите што еволуираат, би рекол дека има една стандардизирана форма на понуда која што се збогатува. Не може Охрид радикално да ја промени својата понуда, бидејќи она што го имаме сепак се светски вредности, но добро е дека ја прошируваме. Генерално бројот на туристи укажува дека сме на добар пат и секогаш има простор за подобрување”, вели професорот Сашо Коруноски. Охрид годинава е украсен во знакот на Велигден. На плоштадот „Свети Климент Охридски“ поставено е велигденско украсно јајце со христијанскиот поздрав Христос воскресе, како и реквизити за најмладите. „Локалната самоуправа, секоја година ќе обезбедува нови реквизити и украси кои ќе го красат градот за време на велигденските празници. Целта е секој кој ќе се фотографира пред наведените украси со себе да понесе фотографија за спомен на нашиот Ерусалим на Балканот“, велат од Општината. Во знакот на празникот се организира и хуманитарен велигденски базар на кој учествуваат занаетчии, слаткари, пекари, уметници и производители на охридски и македонски традиционални јадења. Собраните средства од продажба на производите ќе бидат наменети за ранливите категории граѓани. С. ВРЕНЦОВСКА...

Францускиот претседател Емануел Макрон не ја отфрли можноста за испраќање копнени трупи во Украина ако Русија ги пробие украинските одбранбени линии и Киев испрати такво барање. Во интервјуто за „Економист“, Макрон ги потврди своите претходни уверувања за поддршка на Украина, додека Русија напредува на фронтот. „Ако Русите ги пробијат одбранбените линии и ако Украина го побара тоа, што моментално не е случај, легитимно ќе мора да си го поставиме тоа прашање“, кажа Макрон. Запрашан дали тоа значи испраќање западни трупи во Украина, Макрон одговори: „Апсолутно. Не отфрлам ништо затоа што се соочуваме со некој кој ништо не отфрла. Европските земји мора да се штитат себеси. Русија агресивно го дестабилизира регионот“. Тој нагласи дека Русија не смее да победи во Украина. „Ако Русија победи, нема да има безбедност во Европа. Кој може да тврди дека Русија нема да продолжи кон Полска, Молдавија, Романија и Литванија, меѓу другите“, рече Макрон. Ова не е првпат Макрон да дава вакви изјави, но САД и Германија децидно кажаа дека нема да испраќаат свои војници во Украина....

Џошуа Дин, еден од првите свиркачи кој укажа на производствени дефекти на авионите „боинг 737 макс“, почина на 45 години по борба со ненадејна брзоширечка инфекција. Неговото семејство објави дека Дин починал откако две недели бил во критична состојба. Дин е вториот свиркач поврзан со „Боинг“ кој почина оваа година. Преходно, свиркачот Џон Барнет беше пронајден мртов во март и неговата смрт беше прогласена за самоубиство. Дин работел како ревизор на квалитет во компанијата „Спирит аеросистемс“ од Вичита, Канзас, која е добавувач на „Боинг“. Тој ја обвини „Спирит“ дека игнорирала производствени проблеми на авионите „737 макс“. Во својата тужба против „Спирит“ поднесена во Федералната управа за авијација, Дин укажал на „сериозно недолично однесување на високото раководство за квалитет кон производната линија на ‘737‘“. „Спирит“ го отпуштил Дин во април 2023, за што тој поднесе жалба, тврдејќи дека отказот го добил како одмазда. Американската компанија за производство на авиони се соочува со криза и засилени проверки од федералните служби откако во јануари годинава на еден од авионите од линијата „737 макс“ во САД му отпадна дел од трупот каде што е излезот за итна евакуација. Во инцидентот немаше повредени, но настанот ги разгоре сомнежите за пропусти во квалитетот на синџирот на добавувачи....

Бројни туристи претежно од соседните држави, но и домашни посетители пристигнаа во Охрид за да ги прослават велигденските и првомајските празници. Помали групи туристи има и од Словенија, Турција и Полска. За продолжениот празничен викенд претежно се наполни приватното сместување, а голем дел од посетителите имаат и свои станови. Од Асоцијацијата на хотелиери (ХОТАМ) велат дека хотелите на охридско-струшката ривиера останаа со половична исполнетост. „Бројката е нешто помала од очекуваната, хотелите се исполнети околу 60 отсто, но сепак сме задоволни зашто домашните гости, поради слободните денови кои повеќето ги споија со денот на гласањето, одлучија да отпатуваат надвор “, вели претседателот на ХОТАМ, Крсте Блажески. По традиција, првомајските празници се репер за успешноста на претстојната туристичка сезона. Туристичките работници велат дека поголема посетеност се очекува пред и за време на сезоната. „Очекуваме многу подобра туристичка сезона според најавите кои ги имаме. Најави има од Турција, Холандија, Полска но и од други земји“, вели Блажески. Цените во туристичко-угостителскиот сектор бележат зголемување, но според туристичките работници, Охрид и натаму е најевтина дестинација во регионот. „Мислам дека понудата еволуира како и туристите што еволуираат, би рекол дека има една стандардизирана форма на понуда која што се збогатува. Не може Охрид радикално да ја промени својата понуда, бидејќи она што го имаме сепак се светски вредности, но добро е дека ја прошируваме. Генерално бројот на туристи укажува дека сме на добар пат и секогаш има простор за подобрување”, вели професорот Сашо Коруноски. Охрид годинава е украсен во знакот на Велигден. На плоштадот „Свети Климент Охридски“ поставено е велигденско украсно јајце со христијанскиот поздрав Христос воскресе, како и реквизити за најмладите. „Локалната самоуправа, секоја година ќе обезбедува нови реквизити и украси кои ќе го красат градот за време на велигденските празници. Целта е секој кој ќе се фотографира пред наведените украси со себе да понесе фотографија за спомен на нашиот Ерусалим на Балканот“, велат од Општината. Во знакот на празникот се организира и хуманитарен велигденски базар на кој учествуваат занаетчии, слаткари, пекари, уметници и производители на охридски и македонски традиционални јадења. Собраните средства од продажба на производите ќе бидат наменети за ранливите категории граѓани. С. ВРЕНЦОВСКА...

Државниот санитарен и здравствен инспекторат (ДСЗИ) ќе издаде решение со кое на здравствените работници кои немаат договор за работа на Клиниката за токсикологија ќе им биде забранет пристап на Клиниката, кажа денеска директорката на ДСЗИ, Рената Младеновска, објави МИА. Ова следи откако менаџментот на Клиниката не постапил по издаденото решение за опомена со наложени инспекциски мерки. „ДСЗИ изврши контролен инспекциски надзор на Клиниката за токсикологија по издадено решение за опомена со наложени инспекциски мерки кои истото беа должни во рок од три дена да испратат писмено известување дали е постапено по истото решение, меѓутоа такво писмено известување не добивме. Со оглед на фактот дека на самиот надзор присуствуваа двајцата директори и медицинскиот и организацискиот беше доставена документација во однос на листи од електронска евиденција на работно време и контрола на пристап во просториите од истите документи ДСЗИ го констатираше следново: По точка 1 и 2 од решението издадено за опомена не се постапува, односно здравствените работници соработници коишто немаат договор за вработување, односно договорот им истекол на 31.12.2023 година истите се евидентираат и понатаму на Клиниката за токсикологија што значи дека под точка 1 и 2 не е постапено од решението“, рече Младеновска. Ако не се постапи и по ова решение, Младеновска рече дека следуваат парични казни за организацискиот и за медицинскиот директор, како и за самата Клиника. На новинарско прашање како е можно да се појавуваат на работа лица кои немаат договор за работа, Младеновска упати одговорот да се бара кај менаџментот на Клиниката и кај Министерството за здравство. Со организациската директорка, како што изјави, разговарале со преведувач бидејќи таа зборува македонски јазик. На 22 април, д-р Нико Беќаровски, раководител на Одделението за интензивна нега на Клиниката рече дека економската директорка на Клиниката за токсикологија Бесија Иљази не дозволува да се вработат двајца дипломирани биолози и еден болничар, а упорно бутка да се вработат 18 лица на кои им истекоа договорите за дело на 31.12.2023. Меѓу нив има и прекрасни лица, но има и лица кои немаат соодветно образование за тука, рече тој. За тие 18 лица на кои им се истечени договорите, д-р Беќаровски кажа дека иако немаат никаква обврска, доаѓаат на работа, облекуваат мантили и доаѓаат и на визита. „Ние работиме со пациенти на кои им е битна приватноста и доверливоста. Навистина не е пријатно да зборувам на визита за пациентот пред лица на кои не им е тука местото. За шест години се сменија и министри и 5 директори. Секој си носеше свои кадри и стигнавме до 7-8 административци и 2-3 секретарки“, кажа д-р Беќаровски на 22 април. ПОПЛАВЕНА ТОКСИКОЛОГИЈА ОД ПУКНАТА ЦЕВКА ОД ПАРНО, КЛИНИКАТА НЕ Е ОСИГУРАНА ДИРЕКТОРОТ НА ТОКСИКОЛОГИЈА ПЕТРОВСКИ УШТЕ НЕ ДОБИЛ РЕШЕНИЕ ЗА РАЗРЕШУВАЊЕ, ЗДРАВСТВЕНИТЕ ИНСПЕКТОРИ УТВРДИЈА ДЕКА 11 ЛИЦА БЕСПРАВНО РАБОТЕЛЕ 4 МЕСЕЦИ МИНИСТЕРОТ ЗА ЗДРАВСТВО ЌЕ ГО РАЗРЕШИ МЕДИЦИНСКИОТ ДИРЕКТОР ПЕТРОВСКИ ОД ТОКСИКОЛОГИЈА, ЗА ЕКОНОМСКАТА ДИРЕКТОРКА ИЉАЗИ НЕМА СОЗНАНИЈА ЗА ПРЕКРШОК ДИРЕКТОРКАТА ИЉАЗИ УПОРНО САКА ДА ВРАБОТИ 18 ЛИЦА СО ИСТЕЧЕНИ ДОГОВОРИ ЗА ДЕЛО, НЕ МОЖЕМЕ ДА СЕ РАЗБЕРЕМЕ СО НЕА ОТИ НЕ ЗНАЕ МАКEДОНСКИ, РЕКОА ЛЕКАРИТЕ ОД ТОКСИКОЛОГИЈА ЕКОНОМСКАТА ДИРЕКТОРКА НА ТОКСИКОЛОГИЈА ИЉАЗИ ГО ЗГОЛЕМИ ДОЛГОТ НА КЛИНИКАТА, РАБОТИ ПО ЧЕТИРИ И ПОЛ ЧАСА, НЕ ПОТПИШУВА КЛУЧНИ ДОКУМЕНТИ И НЕ ЗНАЕ МАКЕДОНСКИ, РЕАГИРААТ ВРАБОТЕНИТЕ...

По тешко боледување, денеска во Крушево почина Никола Проески, таткото на Тоше Проески, потврдија за САКАМДАКАЖАМ.МК пријатели на семејството Проески. Како што ни рекоа пријателите на Проески, последниве месеци, тој се лечел во приватна болница во Скопје. Веста за смрта на Никола Проески на социјалните мрежи ја објави неговата ќерка Дора, со слика од од татко ѝ, заедно со брат ѝ Тоше. Никола Проески беше чест гостин на концертите на Тоше, најмногу во Скопје. По смртта на поп-ѕвездата, тој и неговата сопруга Домника се повлекоа од јавноста. Тоше Проески загина во сообраќајна несреќа на 16 октомври во 2007 кај Нова Градишка во Хрватска. Неговиот внук, Кристијан Ристески кој е исто така музичар сними неколку песни, а во 2008 излезе и дуетот на Кристијан и на Тоше, „Мое малечко“ (My Little One). Дора Проеска и Славен Ристески имаат уште еден помал син, Никола. М. ЏАРОВСКА...

Најмалку 48 луѓе загинаа откако пропадна дел од автопат во планинска област во јужна Кина, при што повеќе од 20 автомобили паднаа низ стрмната падина. Официјални лица од градот Меижу кажаа дека три лица и натаму не се идентификувани, но нејасно е дали тие загинале, со што бројот на жртви би бил и поголем. Уште 30 луѓе се повредени, но не се во животна опасност, објавија кинеските медиуми. Спасувачките напори се попречени од дождот кој не престанува да врне и од ризичниот терен. Автопатот се урна во средата наутро по локално време кога во Кина почна еден од најголемите празници, кога вообичаено има многу возила на патиштата. Државните медиуми објавија дека станува збор за природна геолошка катастрофа која се случила под влијание на постојаните поројни дождови. Властите кажаа дека пропаднала секција долга 18 метри, а во калливата јама досега се пронајдени 23 автомобили. Еден очевидец изјави дека слушнал звук налик на силна експлозија пред автомобилите да паднат....

Научниците создадоа неверојатна реконструкција на лице на неандерталска жена, покажувајќи како таа изгледала кога била жива пред 75.000 години. Реконструкцијата е заснована врз искршени остатоци од череп, чии коски биле толку меки кога биле ископани што имале конзистенција на „добро натопен бисквит“. Истражувачите прво морале да ги зајакнат парчињата пред да ги спојат, по што бил создаден 3-Д модел. Ова е дел од документарната серија на Би-Би-Си, „Тајните на Неандерталците“, снимена за „Нетфликс“, која истражува колку знаеме за нашиот древен роднина, кој исчезнал пред 40.000 години. Оваа реконструкција им дава лице на тие луѓе. Черепот врз кој беше направен моделот бил пронајден во пештерата Шанидар во ирачки Курдистан. Во 1950-тите таму биле пронајдени остатоци од најмалку десет неандерталски мажи, жени и деца. Кога британски тим добил покана да се врати, тој наишол на нов скелет наречен Шанидар 3, кој се состоел од поголем дел од горниот дел на телото, вклучувајќи ги рбетот, рамената, рацете и нозете. Тие го нашле и черепот, но смачкан во слој дебел два сантиметри, откако врз него веројатно паднала карпа од пештерата. „Черепот беше рамен како пица. Потоа имавме неверојатно патување до она што го имаме денес“, изјави археологот Грем Бејкер, кој ги водеше новите ископувања во Шанидар. Со дозвола од локалните власти, парчињата череп биле донесени во Велика Британија, по што биле подложени на сложен процес на стабилизирање и составување, што траело повеќе од една година. Обновениот череп бил површински скениран, по што холандските уметници Адри и Алфонс Кенис го создале 3-Д моделот....

Комисијата за автомобилска одговорност од 2008 година наваму ниту еднаш нема доставено предлог до Владата за корекции во минималната и максималната стапка на техничката премија, иако според член 46 од Законот за задолжително осигурување во сообраќај, еднаш годишно треба да доставува до Владата предлог за утврдување на минимална и максимална стапка на техничка премија за осигурување од автоодговорност. Според законот, врз основа на тој предлог, Владата еднаш годишно ја утврдува минималната и максималната стапка на техничка премија. Ваквото законско решение е предвидено со цел да се земат превид инфлаторните и дефлаторните влијанија кои директно влијаат врз одржливоста на премијата. Комисијата за автомобилска одговорност е именувана од страна на Владата согласно Законот за задолжително осигурување во сообраќајот и ја сочинуваат членови од Министерството за финансии (МФ), Националното биро за осигурување (НБО) и Агенцијата за супервизија на осигурувањето (АСО). И покрај овие законски одредби, техничката премија не е променета 15 години, откако последната одлука за утврдување на минимална и максимална стапка на техничка премија за осигурување од автомобилска одговорност е донесена на 9 септември 2008 година од страна на Владата. Со таа одлука стапката на техничка премија за осигурување од автомобилска одговорност е намалена за 30 отсто. Во 15-те години оттогаш не се носени годишни одлуки за ревидирање на минималната и максималната стапка на техничка премија и не постои друга одлука на Влада по тоа прашање.. Во овој 15-годишен период, општиот пораст на цените изнесува 61,5 отсто, а кумулативната годишна инфлација изнесува 52 отсто. Дополнително, ако се направи споредба помеѓу цените во 2006 година, кога е последната највисока цена пред намалувањето во 2008 година, и новите покачени цени во 2024 година, се гледа дека новите цени се сè уште пониски од цените во 2006 година. Па така, за возило од 44 до 55 киловати во 2006 година се плаќало 6.583 денари, во 2008 година се плаќало 5.453 денари, додека со новото покачување во 2024 година се плаќа 6.292 денари, што е за 291 денар пониско од 2006 година. Со оглед на општиот пораст на цените и високата инфлација, нејасно е зошто комисијата ниту еднаш во овој период нема доставено предлог до Владата за корекции во минималната и максималната стапка на техничка премија, согласно законот и се поставува прашањето дали со неносењето годишни одлуки директно се оштетени осигурителните компаниите. На 25 април, цената на полисата за задолжителното авто осигурување поскапе за 15,44 отсто за возила со моќност од над 44 киловати. Поскапувањето е од 840 до 1.600 денари, во зависност од моќноста на возилото. На 29 април, Комисијата за автомобилска одговорност им препорача на Националното биро за осигурување и на регулаторот Агенцијата за супервизија на осигурувањето да им предложат на друштвата за осигурување да ги стават во мирување одлуките за зголемување на трошоците и да ги вратат на ниво од пред 25 април....

Сенатот на Аризона гласаше за укинување на законот од 1864 година со кој целосно се забранува абортусот. И двајца републиканци им се придружија на демократите во Сенатот во изгласувањето на одлуката, која минатата недела тесно помина и во Претставничкиот дом на Аризона. Гувернерката Кејти Хобс го поздрави резултатот на гласањето и најави дека ќе го поддржи отстранувањето на законот. Законот кој потекнува од времето кога Аризона сѐ уште не била сојузна држава на САД го забранува абортусот од моментот на зачнувањето, без исклучоци како силување или инцест. Тој беше оживеан минатиот месец откако највисокиот суд на Аризона пресуди дека забраната може да се спроведува по поништувањето на националното право на абортус од страна на Врховниот суд на САД во 2022. Од оваа одлука се дистанцираа и некои водечки републиканци, како Доналд Трамп и бившиот гувернер на Аризона, Даг Дјуси. Двајцата локални сенатори кои гласаа за поништувањето на законот беа критикувани од нивни колеги и од национални активисти против абортусот, обвинувајќи ги дека гласале за смрт....

98-годишна жена од Украина, која избега од територијата окупирана од Русија пешачејќи речиси 10 километри сама, облечена во влечки и поткрепена со бастун, повторно се обедини со своето семејство неколку дена откако тие беа разделени додека бегаа на безбедно место. Лидија Степанивна Ломиковска и нејзиното семејство минатата недела одлучија да го напуштат градот Очеретин, во источниот регион Доњецк, на линијата на фронтот, откако руските трупи влегоа во него и се интензивираа борбите. Русите напредуваат во областа, напаѓајќи ги со артилерија, беспилотни летала и бомби исцрпените сили на Киев кои останаа без муниција. „Се разбудив опкружена со пукање наоколу – толку страшно“, рече Ломиковска во видео интервјуто објавено од Националната полиција на регионот Доњецк. Опишувајќи го своето патешествие, Ломиковска рече дека паднала двапати и во неколку наврати морала да застане за да се одмори, дури и да заспие на патот пред да се разбуди и да продолжи да оди. (Фото: АП) Во хаосот на заминувањето, Ломиковска се разделила од синот и двете снаи, меѓу кои и едната повредена од шрапнели неколку дена претходно. Помладите членови на семејството тргнаа по странични патишта, но Лидија сакала да остане на главниот пат. Со бастун во едната рака и со отцепено парче дрво во другата за да држи рамнотежа, таа одела цел ден без храна и вода за да стигне до украинските линии. Опишувајќи го своето патешествие, Ломиковска рече дека паднала двапати и во неколку наврати морала да застане за да се одмори, дури и да заспие на патот пред да се разбуди и да продолжи да оди. „Еднаш изгубив рамнотежа и паднав во плевел. Заспав малку и продолжив да одам. И тогаш, по вторпат, пак, паднав. Но, тогаш станав и си помислив: Треба да продолжам да одам, малку по малку“, рече Ломиковска. Павло Диаченко, вршител на должноста портпарол на Националната полиција на Украина во регионот Доњецк, рече дека Ломиковска била спасена кога украинските војници вечерта ја забележале како оди по патот. Тие ја предале на „Белите ангели“, полициска група која ги евакуира граѓаните што живеат на линијата на фронтот, кои потоа ја однеле во засолниште за евакуирани и контактирале со нејзината роднина. „Ја преживеав таа војна“, рече таа мислејќи на Втората светска војна. „И јас морав да ја поминам оваа војна и на крајот останав без ништо. Таа војна не беше како оваа. Ја видов таа војна. Ниту една куќа не изгоре. Но, сега – сè е во пламен“, му рече таа на својот спасувач. Во најновиот пресврт на приказната, главниот извршен директор на една од најголемите украински банки во вторникот на својот канал Телеграм објави дека банката ќе купи куќа за пензионерката. „Монобанк ќе ѝ купи куќа на Лидија Степанивна и таа сигурно ќе живее во неа до моментот кога оваа гнасотија ќе исчезне од нашата земја“, рече Олех Хороховски....

Западни тенкови и други парчиња воена опрема заробени од руските сили во Украина се изложени во Москва, со цел да се покаже дека западната помош нема да ја сопре Русија да победи во војната. Долги редици луѓе се формираа на влезот на изложбата насловена „Трофеите на руската војска“, што се одржува пред музејот кој ја слави советската победа над нацистичката Германија во 1945. Оштетен американски тенк „абрамс М1“ заробен во источна Украина (Фото: Би-Би-Си) „Историјата се повторува. Силата е во вистината. Секогаш било така. И во 1943 и денес. Овие воени трофеи ја отсликуваат нашата сила. Никаква западна воена опрема нема да ја промени ситуацијата на бојното поле“, соопшти руското министерство за одбрана. На изложбата можат да се видат повеќе од 30 заробени оклопни возила, што вклучува британско возило за тактичка поддршка „хаски“, оштетен американски тенк „абрамс М1“ и германски тенк „леопард“. Изложени се и парчиња воена опрема произведени во Турција, Шведска, Австрија, Финска, Јужна Африка, Австралија и Чешка. Ова се случува додека Украина чека нова воена помош од западот, а во пресрет на 9 мај, кога Русија го слави Денот на победата над фашизмот во Втората светска војна....

Хрватскиот претседател Зоран Милановиќ ја налути Софија откако изјави дека Бугарија е дното на Европската Унија. Сфаќајќи го ова како дипломатски скандал, Бугарија ја повика на разговор хрватската амбасадорка во Софија, Јасна Огњановац, за да изрази негодување од изјавата на Милановиќ, дадена на 27 април. „Кога станува збор за управувањето со европските пари, Хрватска е на дното на Европската Унија. Единствено Бугарија е полоша. И секој ден се молиме да остане така и ништо да не ѝ се случи, зашто во тој случај Хрватска би била последна“, кажа Милановиќ. Од бугарското министерство за надворешни работи изјавија дека се длабоко разочарани од Милановиќ. „Таквата изјава е неприфатлива за Бугарија и не соодветствува со одличните билатерални односи помеѓу двете земји. Се надеваме дека хрватската влада ќе се огради од ваквите изјави. Од почит кон премиерот Пленковиќ нема пожестоко да протестираме“, соопшти бугарското МНР....

Серија украински напади со дронови врз нафтени рафинерии длабоко на руската територија ја натераа Русија да мора да ја брани земјата, додека истовремено ја продолжува војната против соседот. Но, овие удари го постигнаа незамисливото: ја оставија Русија без доволно бензин, пишува „Политико“. Цените на дизелот за руските потрошувачи пораснаа за речиси 10% само минатата недела, велат владини податоци, додека цената на бензинот е највисока во последните шест месеци и тој сега е поскап за повеќе од 20% во однос на почетокот на годината. Поради украинските напади, сѐ повеќе рафинерии го суспендираат производството. Минатата среда сериозно беа оштетени две складишта на енергетскиот гигант „Роснефт“ оддалечени 500 километри од границата со Украина. Повеќе од десет рафинерии во девет руски региони беа погодени во напади со дронови оваа година, додека украинските власти велат дека нафтената индустрија е легитимна воена цел. Како резултат на ова, Москва го намалила извозот на гориво до речиси рекордно ниско ниво, па минатата недела биле испорачани 712.000 тони дизел и бензин, во споредба со 844.000 тони во истиот период лани. Зборувајќи за локалните медиуми оваа недела, аналитичарот на рускиот Национален фонд за енергетска безбедност Игор Јушков кажа дека цените веројатно нема да паднат во скоро време и дека Русија можеби ќе мора да увезе гориво од резервите складирани во Белорусија....

ЕУ денес веројатно веќе го нема духот на заедницата кој беше толку силен во годините по 1999 година, решеноста да се направи нешто навистина големо. Единството е многу послабо, вели поранешниот комесар за проширувањето на ЕУ Гинтер Ферхојген во интервју за Дојче веле. „Но, тоа не е вина на новите членки. Имаме националистички, популистички бран кој исто така создава и искористува силни анти-ЕУ чувства. Тоа го имаме сега во речиси сите земји-членки и овој бран можеби сè уште не го достигнал врвот. Многу сум загрижен за внатрешната кохезија на нашата заедница.Многу е тешко да се предвиди што ќе се случи со политиката на проширување, не само во однос на Украина. Пред сѐ, тука е Западен Балкан, кој има ветување за пристап од 1999 година. Потоа ги имаме Кавказ, Грузија и еден ден можеби Ерменија како кандидати… Но, пред следниот голем круг на проширување, потребна ни е реформа на нашите институционални темели. Такви какви што се сега, не можат да функционираат со 37 или повеќе членови.Како замислувате Комисија со повеќе од 37 членови, од кои седум се од поранешна Југославија и еден од Франција? Дали би се прифатило – тоа е голем знак прашалник за мене“, вели 80-годишниот Ферхојген. Тој е поранешен политичар од СПД и беше одговорен за проширувањето на ЕУ како комесар во Европската комисија под Роман Проди од 1999, а потоа беше комесар на ЕУ за претпријатија и индустрија од 2004-2010. Ферхојген смета дека традиционалната германско-француска оска одамна не е доволна за одржување на стабилна ЕУ и нејзино унапредување. „Полска е апсолутно неопходна за тоа. Јас сум оптимист за Полска. Пред се, фактот дека со Доналд Туск сега на чело на владата е човек кој има исклучително искуство во европската политика и кој знае подобро од кој било како функционира интеракцијата меѓу владите и политичките сили во ЕУ. Меѓутоа, во Полска ќе треба да размислат – кој е поблиску до нив, ЕУ или САД. Помалку сум оптимист за германско-француските односи. Тука недостасува интензитетот и нивото на меѓусебно разбирање што е неопходно. Двоецот Шолц – Макрон очигледно не функционира. Но, ниту Макрон-Меркел не функционираа добро“, вели Ферхојген....

Од новата влада бараме 450 евра минимална плата и враќање на трошоците за храна и превоз, рекоа на денешниот Првомајски протест од Сојузот за синдикати на Македонија (ССМ). Протестот почна пред зградата на Работничкиот дом (ССМ) во Скопје од каде продолжи пред Собранието и Владата. „Нашите барања се зголемување на платите на работниците оти видовме дека функционерите не можат да преживеат со 78 отсто поголема плата. Бараме 450 минимална плата уште во првите 100 дена на новата влада, како и враќање на трошоците за храна и превоз. Ако знаеме дека функционерите со 2.500 евра тешко преживуваат денеска, ние работниците тешко преживуваме со 25.000 и 35.000 денари. Денеска работниците се излезени за да кажат дека не се задоволни со тоа што се случуваше изминатиот период. Прво треба да се задоволат работниците, а потоа самите себе“, кажа Слободан Трендафилов, претседател на ССМ. На протестот работниците кажаа дека даваат црвен картон на судот поради тоа што направил обид да изврши притисок врз синдикатите за да ги уништи. „Судот дозволи функционерска чизма на вратот на работниците за да молчат, да бидат понизни, тоа што го направија денеска го гледаме на дело. Ние синдикатите, ние работниците, ние граѓаните, пензионерите сме сите тука денеска за да покажеме дека колку повеќе нè напаѓаат посилни нè прават и колку повеќе пробуваат да ги уништат синдикатите ние сè повеќе сме силни“, додаде Трендафилов. А. АНТЕВСКА...

Tенорот од Националната опера и балет (НОБ) Зоран Сотиров ќе одбележи 25 години кариера со насловната улога од операта „Трубадур“, со која на 9 мај ќе се отвори 52. издание на Мајските оперски вечери (МОВ). Сотиров вели дека токму на овој фестивал, гледајќи претстава во 1984, донел одлука операта да биде негова професија, а на Мајските оперски вечери и дебитирал во 1999, во „Боеми“. „Секој тенор кога ќе почне да се занимава со опера сонува за оваа улога. А дали ќе се оствари зависи дали има зрела конструкција на гласот, каква што бара оваа улога, но и дали ќе има прилика да настапи во таа опера, дали таа ќе биде поставена на сцената. Можеби ја добив подоцна оваа улога, но сум среќен и ќе дадам сѐ од себе“, рече Сотиров. Операта „Трубадур“, опишана како „симфонија на љубовта, одмаздата и судбината“, ја режира Иван Поповски, диригент е Енрико Довико од Италија, сценограф Миодраг Табачки од Србија. Костимите се на Марија Пупучевска, а кореографијата на Саша Евтимова. Улогата на Ацучена ќе ја пее мецосопранот Сања Анастасија од Србија, првенка во Народно позориште во Белград. Таа по третпат учествува на Мајските оперски вечери. „Ацучена е сериозна и комплексна улога, одговорна за заплетот во целата приказната во која се судираат две емоции – љубовта и омразата“, рече Анастасија, додавајќи дека оваа улога ја пеела над 200 пати. Во „Трубадур“ ќе учествуваат и Марјан Јованоски, Сандра Митровска, Владимир Саздовски, Дејан Стоев, Ана Ројдева, Тихомир Јакимовски, Јане Дунимаглоски, како и Хорот и Оркестарот на НОБ. Според уметничкиот директор на Операта, Орце Ицковски, премиерата е распродадена, а репризата е на 11 мај, со диригентот Иван Еминовиќ и солисти од Канада и Чиле. Б. НЕСТОРОСКА...

Српскиот претседател Александар Вучиќ ја отфрли можноста во Србија да се воведе седумчасовно работно време, откако вакво нешто беше најавено во Црна Гора. „Додека јас сум претседател и имам некакво влијание во Српската напредна партија можете да заборавите на тоа. Уште малку, па воопшто нема да се работи. Сите се доближивме до тоа. Видете колку одмор имаме“, кажа Вучиќ. Според него, луѓето треба да работат и повеќе од 40 часа неделно. „За среќа, мојот мандат набрзо истекува, па вие изберете ги тие паметни луѓе кои не сакаат ништо да работат, а сакаат земјата да оди напред. Како е можно за 35 часа да се одработи исто колку за 40 часа? Мислам дека работното време од 40 часа е малку и гајле ми е што мислеле работниците во Чикаго. Луѓето мора да работат повеќе“, кажа Вучиќ. Тој прогнозираше дека трендот на намалување на работното време ќе продолжи, па на крајот ќе се работи само 24 часа неделно. „Како можете за 24 часа да наберете исто јагоди како за 40? Јас нема да го поддржам тоа. Никој ништо не би работел, а сите сакаат да живеат убаво и да летуваат на Малдиви и Сејшели“, кажа Вучиќ....

Наградуваниот американски романсиер Пол Остер почина на 77 години од компликации предизвикани од рак на белите дробови. Остер, кој е роден во САД, но прославен ширум светот, почина синоќа во својот дом во Бруклин, Њујорк. Остер, водечка фигура во неговата генерација постмодерни американски писатели, објави 34 книги во текот на својата кариера, кои привлекоа голема и посветена публика. Неговите романи се занимаваа со егзистенцијални прашања за идентитетот, јазикот и литературата и создаваа мистерии кои покренуваа повеќе прашања отколку што даваа одговори. Роден е на 3 февруари 1947 во Њуарк, Њу Џерси од родители со австриско еврејско потекло. Работел како преведувач во Париз неколку години, а за тоа време се запознал со ирскиот писател Семјуел Бекет, кој имал огромно влијание врз неговото пишување. Но, сопствената писателска кариера на Остер имаше нерамномерен почеток. По враќањето во САД во 1974, тој напиша драми и објави томови поезија кои не успеаја да најдат широка публика. Во најдобар случај, доби пофалби од критиката во 1982 за мемоарите „Изумот на осаменоста“. За да заработи за живот, Остер предаваше на Универзитетот Колумбија, а подоцна и на Универзитетот Принстон, а работеше и преведуваше и објавуваше француски автори, меѓу кои го и Жан Пол Сартр. Тој го испратил ракописот на романот „Град од стакло“ до 17 издавачи и сите го одбија исто како и следните два романа „Духови“ (1986) и „Заклучена соба“ (1986). Тие три книги ја формираат „Њујоршката трилогија“ на Остер, во која сите започнуваат како класични детективски приказни, но потоа развиваат заплети кои поставуваат егзистенцијални прашања. Тие му донесоа на Остер репутација на тешкаш во современата американска литература. Многу од книгите на Остер се случуваат во Њујорк каде што живеел и тие често се однесуваат на настани од реалниот живот, како што се војните во Виетнам или Ирак, или кризата со недвижности во 2007, што доведе до финансиска пропаст. Книгите на Остер се преведени на повеќе од 30 јазици и освоија бројни награди, меѓу кои и престижната шпанска награда Принцот од Астуриас во 2006. Неговите дела се многу попопуларни во Европа отколку во САД и често се шпекулираше дека може да добие Нобелова награда за литература. Остер го напиша и сценариото за филмот „Чад“ во режија на Вејн Ванг, кој ја освои Сребрената мечка на Берлинскиот филмски фестивал во 1995, а режираше и неколку филмови меѓу кои и „Внатрешниот живот на Мартин Фрост“ во 2007....

Во Младинскиот парк во Велес поставени се десетина тезги со рачни изработки од различни материјали, кои се дел од содржините на Велигденскиот базар. Тој е на оваа локација десетина дена. „Купувајќи ракотворби ги поддржуваме локалните ракотворци и нивните вредни раце кои изработуваат уникатни предмети“, велат од локалната власт која е организатор на базарот. „Предметите ги изработувам со голем мерак, со голема желба. Започнав со изработка на предмети од конец, волна за моето внуче. Имаше интерес за таа моја изработка, тоа беше кученце, и продолжив активно да се бавам. Потребни ми се час, час и половина за помалите изработки и повеќе за поголемите. Куклите ги работам по една седмица. Ги работам на делови, па ги составувам“, кажа Лидија Стојанова. За изминатите денови додека беа изложени ракотворбите, велешани покажаа голем интерес. „Ова го работам 15 години, изработувам накит од монисто. За оваа пригода и велигденски волшепства. Базарот е вистински погодок за Велес оти му е потребен, а и на нас ракотворците да покажеме што изработуваме и на граѓаните кои може да набават декорации, предмети, накит кои им е потребен“, ни рече Софија Лепојевиќ. Учесничките се задоволни од базарот, бидејќи излегоа пред јавноста, која може да ги запознае, да види што изработуваат. (Фото: СДК.МК) „Една година се занимавам со изработка на кукли. Бевме четири деца и како дете немав можност да имам кукла и затоа сега ги работам. Првата ја добив на седум-осум години и ја чував, не си играв со неа. Куклата ми е драг спомен од детството и тоа ме инспирира да ја изработувам“, вели Родна Тасевска. Имаше Новогодишен базар, па за 8 Март и сега за Велигден. Со секоја нова пригода, бројот на учеснички се зголемува. Сите што изложуваат се жени. Иако има и мажи кои изработуваат ракотворби, тие немаат храброст да се пријават. „Ова мое хоби беше одамна, но со професијата со која се бавев немав можност многу да се посветам. Сега откако сум во пензија, тоа ме исполнува, слободното време кое го имам сега е пополнето“, кажа Марина Бојаџиева, која целиот работен век го има како секратарка на сите велешки градоначалници. Таа изработува предмети од гипс, декорирани со различни други материјали. Базарот го организира локалната власт. (Фото: СДК.МК) На 26 април им се придружија учениците од училиштата и децата од градинките со нивните изработки. „Учениците работеа на слободна тема, беа изработени различни изработки. На вакви настани ученците можат да го искажат својот талент, да се афирмираат. Но можат да го видат повратниот одговор од граѓаните, како тие работат, колку се успешни и да се подобруват во нивната работа“, кажа Жанет Јанев-Сарагиновски од гимназијата „Кочо Рацин“. „Изработките се на децата во соработка со нивните родители. Тоа се најразлични експонати, пригодни за велигденските празници. Има зајачиња, кошнички, кокошки, венчиња, кои се дело на имагинацијата на децата, изработени од различен материјал. Тие имаа период од десетина дена да ги изработат овие ракотворби“, рече Катерина Вујиновиќ од градинката „Димче Мирчев“. П. ПЕЧКОВ...

Австралија ќе потроши речиси 1 милијарда австралиски долари (600 милиони американски долари) за помош на жртви на семејно насилство и ќе воведе нови мерки за надзор на порнографија и насилството на интернет, како одговор на она што владата го нарекува „национална криза“ на родово насилство. Илјадници луѓе излегоа на улиците во саботата за да протестираат против насилството врз жените кое, како што вели владата, оваа година убива по една жена на секои четири дена. Пет жени беа убиени за време на масовно прободување со нож во април, а истиот месец во високопрофилен судски случај судот пресуди дека се случило силување во парламентот. Говорејќи по вонредниот состанок на државните и федералните лидери за решавање на ова прашање, премиерот Ентони Албанезе најави 925,2 милиони австралиски долари за да се направи постојана програма за финансиска поддршка за оние што ќе избегаат од семејно насилство. „Денес е за тоа кои сме ние како нација и како општество. Ова е прашање за целото општество, не само за владите. Тоа е прашање за граѓанското општество, тоа е прашање за медиумите, тоа е прашање за сите нас“, рече тој. Австралија ќе воведе и закон за забрана за создавање и неконсензуална дистрибуција на дипфејк порнографија, каде што луѓе дигитално менуваат порнографски слики за да личат на некој друг. Триесет и четири жени беа убиени од интимен партнер во Австралија во годината што завршува на 30 јуни, што е скок од 28 отсто во однос на претходната година, и покрај само 4 отсто пораст на вкупните убиства. Напаѓајќи ги „токсичните машки екстремистички“ ставови на интернет, премиерот Албанезе објави и низа мерки за надзор на порно на Интернет и за промовирање поздрави ставови кон жените. Пилот од 6,5 милиони австралиски долари ќе тестира начини да ги спречи децата да пристапуваат до несоодветна содржина на интернет, а од резултатите ќе произлезат новите правила за интернет компаниите што ги развива регулаторот за безбедност на интернет. Но, како знак за тоа колку тешка ќе биде имплементацијата, комесарот за е-безбедност веќе е вмешан во судска битка за платформата X да ги отстрани објавите на кои се гледа дека австралиски бискуп бил избоден за време на проповед. Сопственикот на Х Илон Маск најави дека ќе се бори против овој потег, кој тој го нарече цензура....

Сонита Фејзовска (23) од Битола е една од малкуте Ромки во земјава кои завршиле факултет и тоа со висок просек. На патот кон дипломата ѝ се испречиле беспарицата и верувањето на средината дека жените Ромки не треба да учат. Семејството ја испишало од факултет, но таа се вратила и го завршила Педагошкиот факултет во Битола со просек 9,8. Денес е социјален и рехабилитациски педагог со солидно искуство за работа со деца со попречености. Но, државата не успеа да ѝ најде работа овде, па работи во Дом за деца со попречености во Германија. „Мојата желба за студирање се роди уште како дете иако не знaев што точно значи зборот студент. Бев свесна за препреките што ме чекаат, но бев упорна затоа што не сакав да живам во сиромаштија. Тоа секогаш ме мотивираше да се борам за подобра иднина за мене и за моето идно семејство. За мене, образованието е важно колку и храната, облеката и засолништето. Сметам дека ниту едно човечко суштество не може да води достоен живот без образование“, вели Фејзовска. Таа кажува дека пораснала во семејство кое не е образовано, па нејзините потреби за учење не биле доволно сфатени. Во основно училиште била повлечена и тивка зашто условите дома не ѝ биле најдобри за учење. Дел од учебниците се купувале, а родителите не можеле да ѝ ги овозможат, па тоа бил тежок период. За среќа, соучениците ѝ помагале на секаков начин, ја делеле дури и облеката со неа. Во средно била одлична ученичка, а поголеми дел од времето го поминала во Градската библиотека учејќи таму за да не биде критикувана дома. Како средношколка работела како бебиситерка, за да може со парите да си дозволи изучување на нов странски јазик. Така, се појавила силната емпатија за работа со деца, па се запишала на Педагошкиот факултет. „Кога дојде време да се запишам на факултет, моето семејство не ми дозволи пред сé од финансиски причини и причини поврзани со традицијата. Јас се запишав и бев примена. Моите родители ме испишаа и ги зедоа докуметите, затоа што сметаа дека девојките Ромки не треба да се образоваат. Тоа беше навистина тежок период за мене како млад човек и се чувствував повредено“, вели Фејзовска. Фејзовска четири години помагала во Центарот за лица со интелектуална попреченост „Порака“ од Битола, три години била ангажирана како ромски образовен медијатор за ученици од основно и средно и преку медијаторството помогнала што повеќе ромски деца да седат на училишните клупи. (Фото: Приватна архива) Иако без поддршка од најблиските, не се откажала од сонот да студира. Ја поддржале здружението Сумнал и активистката за права на Ромите, Фатма Бајрам-Аземовска, другар ѝ Денис Арслановски, а добила и стипендија од РЕФ (Roma Education Fund). Оваа стипендија, за жал, денес повеќе ја нема како можност за студентите. „Никогаш не се откажувајте од вашите соништа без разлика колку ви било тешко и колку луѓе не ви дозволуваат да го правите тоа што го сакате“, апелира Фејзовска. Додека студирала таа и волонтирала, надоградувајќи го знаењето на неформален начин. Цели четири години помагала во Центарот за лица со интелектуална попреченост „Порака“ од Битола. Три години била ангажирана како ромски образовен медијатор за ученици од основно и средно. Преку медијаторството помогнала што повеќе ромски деца да седат на училишните клупи. За време на ковид пандемијата работела хонорарно во Домот за доенчиња и мали деца. „Работата ме исполнуваше затоа што можев да им пружам љубов и грижа на дечињата кои имаа потреба од тоа. Поради тоа што не бев партиски определена не добив работен договор, за разлика од други ангажирани, но и луѓе без никакво претходно работно искуство. За мене беше големо разочарување од нашиот ‘функционален’ партиски вработувачки пат. Претходно, мислев дека во институциите се ценат и бара знаење и квалитет во работењето, но, за жал, увидов дека тоа не било така“, вели Фејзовска. По еден месец од дипломирањето во 2022, добила понуда за работа како социјален и рехабилитациски педагог во Дом за деца со попреченост во Германија. Прифатила затоа што сметала дека никогаш нема да биде вработена со професијата во Македонија. „Почетокот беше тежок, буквално сама во друга држава без никого да познавам, но денес сум среќна што донесов одлука да започнам одново. Таму сум почитувана пред сѐ како човек, а потоа и како квалитетен работник“, вели таа. Бројот на високообразовани Роми во земјава е многу мал, но од година во година, младите коишто завршуваат средно образование имат желба да продолжат понатаму со образованието. „Посебно ги мотивирам младите девојки да завршуваат средно образование, но исто така и да запишат студии за да можат да го гледат светот како едно подруго место за живеење и да не бидат зависни од никого. Да знаат да се борат за своите права, да не се плашат, да се силни и самоувееени. Преку образованието да си го изградат својот сопствен идентитет“, вели Фејсовска. Ж. ЗДРАВКОВСКА...

Со буџет од 25 милиони евра почна реконструкцијата на студентскиот дом „Кузман Јосифовски-Питу“ во Скопје и треба да заврши за 18 месеци. Објектот во центарот на Скопје е изграден пред 66 години, според проектот на професорот Јован Ранковиќ. Како што велат од Министерството за образование и наука (МОН), проектот се реализира со заем од Германската развојна банка (KtW) од 20 милиони евра и грант од 5 милиони евра преку Програмата за регионална енергетска ефикасност за Западен Балкан на Европската Унија. Реконструкцијата ја врши австриската компанија „Штрабаг“. „Предвидена е промена на водоводната инсталација, отстранување на причините за појава на влага во објектите, промена на комплетната електрична инсталација и поставување на енергетски ефикасни ЛЕД светилки, промена на инсталацијата за греење, комплетна промена на санитаријата, изработка на енергетски ефикасни фасади на објектите, поставување на фотоволтаици за производство на електрична енергија, а ќе се опремуваат и соби за студенти со посебни потреби“, велат од МОН. Оттаму додаваат дека ова е прва фаза од проектот за енергетски ефикасна рехабилитација на државните студентски домови во земјава. Наскоро ќе започне и реконструкцијата на „Стив Наумов“ во Скопје, а потоа, во следните две фази ќе се реконструираат уште 7 други студентски домови во Скопје, Прилеп, Битола, Штип и Охрид. Б. НЕСТОРОСКА...

Грузиската полиција употреби солзавец и водени топови за да ја растера толпата која протестираше против нов закон за кој опозицијата вели дека е насочен против слободата на медиумите. Демонстрантите фрлаа јајца и шишиња кон полицијата пред зградата на парламентот во Тбилиси, а откако се повлекоа, судирите продолжија на главниот булевар во градот. Медиумите објавија дека има повредени и уапсени. Леван Хабеишвили, лидерот на главната опозициска партија Обединето национално движење, бил сериозно претепан и однесен во болница. Очевидци изјавија дека полицијата физички ги нападнала демонстрантите. На 17 април, пратениците дадоа првична поддршка за законот за странски агенти, предложен од владејачката партија Грузиски сон. Според овој закон, сите невладини организации и независни медиуми кои примаат повеќе од 20% од своите средства од странски донатори ќе бидат регистрирани како организации кои спроведуваат интереси на странски сили. Тие ќе бидат следени од министерството за правда и ќе мора да споделуваат чувствителни информации или ќе добијат парични казни до 9.400 долари. Опозицијата бара од владата да го повлече законот, тврдејќи дека е инспириран од авторитарното законодавство што Русија го користи за задушување на сите кои му се спротивставуваат на Кремљ....

Во Штип пред 100 години се случил еден од првите првомајски протести на Балканот. Протестот бил 38 години по првиот првомајски бунт во светот што крваво бил задушен во Чикаго 1886 година. Режимите во тогашните балкански земји воопшто не дозволувале какво било работничко или интелектуално организирање. Кога на овие простори доаѓаат нови прогресивни сили заживува и народниот отпор и работничкиот бунт против неправди и борбата за човекови права. Работничките движења во Македонија почнуваат уште во 1923, но биле брзо задушени од тогашните власти. Сепак, наредната година во неколку поголеми градови во Македонија биле одржани првомајски протести Така, и таа 1924 година во Штип, првиот првомајски протест по главните штипски улици поминал без инцициденти и без некаква посебна интервенција на тогашните власти на Кралството на СХС. Според податоците од Штипскиот музеј, првата синдикална организација била формирана една година порано. Уште во 1923, синдикално-работничкото раководство во Штип веднаш се зафатило со организирање колективни акции против работодавачите и тогашниот систем на своински односи. Тогашната синдикална организација обединила повеќе подружници, па во синдикалните секции влегле шивачите, берберите, чевларите, столарите, пекарите и другите занатетчии. Прв претседател на синдикалната организација бил штипјанецот Тодор Аџи-Томов, а седиштето на организацијата била близу хотелот „Гранд “ во Штип. Еден век подоцна, на 16 април 2024, од печат излезе книгата „100 години синдикално движење во Штип“ од професорите Андон Мајхошев и Оливер Цацков. Мајхошев беше еден од последните синдикални водачи во Штип и Македонија во таканаречното социјалистичко време, пред неговата плуралистичка трансформација по која голем број компании и помали фирми пропаднаа или се приватизираа, а работниците останаа без своите фабрики што со години ги создавале. Во книгата, авторите истражуваат и констатираат дека напоредно со сеопштите промени, соодветни трансформации доживува и синдикалното движење. За илустрација е земено синдикалното живеење во Штип кое во неговите најдобри денови било организирано со 133 основни синдикални организации, во кои од вкупно 22.500 вработени во синдикатот членувале 22.000 работници или 95 проценти од вкупно вработените. Според стручните анализи на долгодишниот синдикален истражувач, Мајхошев заклучува дека денес синдикалното опстојување постои само на хартија. па така за неколку години синдикалното членство е сведено за десет пати помалку или само 2.200 членови. Но, во практиката работнички синдикат речиси и да нема, освен што во последно време некакво синдикално раздвижување организира невладината организација „Гласен текстилец“ која веќе ги добила сертификатите и дозволите за синдикално организирање, тврдат штипските професори. „Инаку, опостојните разни синдикални организации на ниво на држава испаѓа дека постојат само формално. Ниту една од нив не се сети да го одбележи со една минута или со една реченица јубилејот 100 години синдикално движење на овие македонски простори. Тие останаа неми“, констатира професосор Мајхошев. Тој и неговиот колега Цацков со повеќе конкретни примери, во книгата наведуваат голем број синдикални протести. Посебно се задржуваат на работничките штрајкови од 1960-тите до 1990-тите години. Акцент даваат на големите работнички штрајкови во тогашните водечки фабрики како што се „Македонка“, фабриката за светилки „Селена“ или во фабриката „Метална“ каде ден денеска стои работничката табла, но од фабриката нема ниту трага, целата е во руина. Велат дека и во трите компании на времето водачи на работничките штрајкови биле работничките, иако мажите биле и со 90 насто застапеност. „И од други фабрики во нашиот синдикат доѓаа жени кои најавуваа дека ќе штрајкуваат за поголеми плати и работнички права. Јавно образлагаа дека се приморани на ова затоа што нивните колеги мажи се пострашливи. Но, кога им укажавме дека во нивното синдикално движење треба да зачленат што повеќе мажи, дури тогаш нивните активности и штрајкови беа помасовни и со далеку поголемо предупредувачко ехо до директорите и работодвачите од тоа време“, вели Мајхошев. И двајцата универзитетски професори врз основа на нивното синдикално искуство денес ги предводат синдикалните асоцијации на Универзитетот „Гоце Делчев“ (УГД) како високообразовна институција во Штип, па по нивна иницијатива деновите се склучи моморандум за соработка со вработените на останатите државни универзитети за заедничко дејствување кога се во прашања платите на вработените и севкупните нивни права. Т. ЈОВАНОВСКИ...

Новата српска влада ќе го вклучи и поранешниот шеф на разузнавањето Александар Вулин, кој одржуваше блиски врски со Русија и се најде под американските санкции. Мандатарот Милош Вучевиќ, кој е претседател на Српската напредна партија, денеска ги објави предлозите за идните членови на владата и во неа се најде место и за Вулин, кој ќе биде еден од потпретседателите. Владата ќе брои 31 член и се очекува да биде изгласана во следните денови. „Србија веќе номинално не е на европскиот пат. Номинацијата на Вулин најавува меѓународна изолација на Србија, конфликти во регионот, врски со Русија и воведување забрани за граѓански слободи во нашата земја“, реагираше опозициското Движење на слободни граѓани. САД воведоа санкции против Вулин во јули минатата година, обвинувајќи го за вмешаност во шверц на оружје и за злоупотреба на јавна функција. Вулин потоа поднесе оставка на својата функција, а неодамна прими две одликувања од Русија. Идниот премиер Вучевиќ досега беше министер за одбрана, што сега ќе биде Братислав Гашиќ. Ивица Дачиќ останува на функцијата министер за надворешни работи....

Турција дозволи екстрадиција на осомничениот убиец Љупчо Палевски од Скопје, кој со пиштол во ноември 2023 ги уби 14-годишната Вања Ѓорчевска и 74-годишниот Панче Жежовски, соопшти Министерството за правда. Сè уште нема датум за испорачувањето на Палевски од Турција. „Постапката за екстрадиција ќе биде спроведена преку МВР“, соопшто Јавното обвинителство на Скопје. Палевски доби мерка притвор од 30 дена која ќе се спроведе веднаш по неговата екстрадиција од Турција во Македонија, а а осомничен е за две кривични дела грабнување, како и за две убиства на свиреп начин. Палевски на 5 декември беше уапсен во Турција за убиството на Вања Ѓорчевска, и се наоѓа во екстрадиционен притвор во Беликесир. Љупчо Палевски со прекар Палчо, е првоосомничен во групата дека ги организирал грабнувањата и дека лично со пиштол ги убил Вања Ѓорчевска од Скопје на 27 ноември и Панче Жежовски од Велес на 22 ноември. Ѓорчевска е убиена па закопана близу Скопје, а Жежовски близу Велес. Тоа утро, Ѓорчевска била грабната на излегување од дома, во влезот на зградата, ѝ биле врзани рацете и нозете, била ставена во вреќа за спиење и ставена во гепек. Киднаперите претходно вечерта од таткото биле информирани дека Ѓорчевска ќе оди на училиште сама и кога ќе излезе. Девојчето било киднапирано со цел да се изнудат пари од нејзината мајка, а набрзо потоа била убиена со пиштол. За Палевски е побарана екстрадиција за истрага за кривични дела Грабнување и Убиство, која ја води Скопското обвинителство. За двата свирепи случаја се осомничени уште 5 лица. Тројца од нив (В. М., В. К. и Б. В.) се осомничени за двете убиства и киднапирања, таткото на Ѓорчевска е осомничен за киднапирање на ќерка си, додека С. Д. е осомничен дека му помогнал во бегството на првоосомничениот Љупчо Палевски. Тројца од нив се во притвор. На 25 април, Врховниот суд му ја преиначи мерката притвор во куќен притвор на таткото на убиената Вања Ѓорчевска, Александар Ѓорчевски. Палевски има низа кривични пријави во периодот од 2000 до 2020 година. Меѓу другите пријави, против Палевски во 2019 е поднесена кривична пријава за неовластено прислушкување и тонско снимање, а исто така има и кривични пројави за нелеално носење оружје, даночно затајување, лажно пријавување кривично дело и други. Во 2017 година беше уапсен поради сомнеж дека објавува нелегални прислушувани разговори, откако во 2016 на јутјуб-каналот „Никола Тесла“ почнаа да протекуваат прислушувани, главно приватни, разговори на високопрофилни лица. СЈО отвори предистражна постапка, но таа никогаш не беше завршена. Палевски во 1990-тите години со својата градежна фирма УПА Ентерпрајс ги изгради првите висококатници во скопско Дебар Маало, со што всушност почна напливот на дивоградбите во центарот, а најпозната е зградата Тифани во строгиот центар на градот. Пред повеќе од две децении беше претседател на градската организација на СДСМ, како и сопственик на неделникот „Старт“ и на телевизијата ТВ Скопје. Имаше и политичко движење Трета кое пред неколку години се спои со партијата Глас за Македонија на Солза Грчева откако таа го напушти СДСМ. С. К. ДЕЛЕВСКА...

По иницијатива на Антикорупциската комисија од претходниот состав, Скопското обвинителство поднесе обвинителен предлог до Кривичниот суд Скопје против 12 лица од Агенцијата за млади и спорт, неофицијално на чело со Наумче Мојсовски, но и против лица од Македонскиот олимписки комитет, за злоупотреба на службената положба и за Несовесно работење. Штетата на Буџетот, за која Обвинителството обезбедило докази, неофицијално, засега е околу 5 милиони евра. „За осомничените до Основниот кривичен суд Скопје доставен е предлог за определување мерки на претпазливост“, соопшти кратко ОЈО Скопје. Се претпоставува дека меѓу обвинетите се и членовите на Централната комисија на Агенцијата за млади и спорт. На трети февруари ДКСК соопшти дека се сомнева оти претседателот на Агенцијата за млади и спорт Наумче Мојсовски и членовите на Централната комисија во 2020, 2021 и 2022 година, по пат на искористување на службената положба и несовесно работење, заобиколувајќи ги законските процедури, извршиле распределба на пари, со што го оштетиле Буџетот на државата, но и лицата што имале законско право на вакви средства, а не им биле доделени. Антикорупциска рече ќе достави и иницијатива до Владата за утврдување одговорност кај нив, а до Управата за јавни приходи (УЈП) ќе иницира да изврши надзор на сите спортски објекти од аспект на користење на средствата што им се доделени по пат на ваучер-системот во периодот од 2020, 2021 и 2022 година. Според анализите на ДКСК, годишно на овој начин се трошат околу една милијарда денари, кои се вложуваат во спортот по разни основи, но АМС нема никаква отчетност како ги доделува и како се трошат овие средства. ДКСК тогаш кажа дека не е против доделување средства на клубовите, туку нивно доделување според праведен систем и без фаворизирање. Комисијата исто така укажа и на тоа дека поради законските измени од јануари 2023 година, членовите на Централната комисија на Агенцијата за млади и спорт се именуваат по предлог на Владата, без утврдени критериуми за нивниот избор. С. К. ДЕЛЕВСКА...

Имигрант од Лаос кој се бори со рак го освои џекпотот од 1,3 милијарди долари на американската лотарија Пауербол. Официјални лица кажаа дека 46-годишниот Ченг Сефан го купил во Портланд добитниот тикет за извлекувањето на 7 април. Тој избра да му бидат исплатени 422 милиони долари по одбиените даноци, што рамномерно ќе ги подели со сопругата и пријател. „Животот ми се промени. Сега можам да си го благословам семејството и да најдам добар лекар за мене“, изјави Сефан, додавајќи дека ќе продолжи да игра Пауербол. „Можеби повторно ќе имам среќа“, рече тој. Сефан, кој прима хемотерапија во последните осум години, кажа дека тој, неговата сопруга и еден пријател се здружиле за да купат повеќе од 20 тикети за 7 април. За тоа потрошиле 100 долари. Тие го освоија четвртиот најголем џекпот во историјата на Пауербол. Сефан е роден во Лаос, во 1987 се преселил во Тајланд, а во САД емигрирал во 1994 и оттогаш живее во Портланд....

Вработените во Фондот за здравствено осигурување (ФЗОМ) денеска со предупредувачки протест бараа усогласување на платите со растот на минималната плата, и најавија дека доколку не им се исполни барањето од 1 јуни ќе стапат во генерален штрајк. Претседателот на Синдикалната организација на ФЗОМ, Бранко Аџигогов, кажа дека доколку до 15 мај не се преземе ништо првенствено ќе започнат секој ден во сите градови од еден до два часа со предупредувачки протести. „На минатата седница од петокот нашата точка за усогласување на нашите плати согласно Законот за минимална плата беше одложена на неопределено време односно после изборите, како што знаете во изминатиот период, вработените штрајкуваа со цел да им остане иста платата, применетата одлука од Владата после штрајкот се однесува на тоа дека платите ни остануваат исти до 31 мај, времето се ситни и остануваат само уште 30 дена додека дознаеме колку ќе имаме ние плата“, рече Аџигогов. Вработените во ФЗОМ, исто така бараат Управниот одбор на Фондот да биде целосно разрешен и да биде поставен нов, затоа што тројца од членовите биле пензионери и со истечени мандати. Во февруари, вработените во Фондот за здравство три дена штрајкуваа поради опасноста дека платите ќе им се намалат за 21 процент, меѓутоа владата донесе одлука тие да останат непроменети по што штрајкот беше прекинат. ВО МИРУВАЊЕ Е ШТРАЈКОТ ВО ФОНДОТ ЗА ЗДРАВСТВО, ВРАБОТЕНИТЕ ЌЕ ЗЕМАААТ ПОГОЛЕМИ ПЛАТИ ЗА 15 ОТСТО ДО 31 МАЈ...

Тринаесетгодишно момче почина, а уште четири лица се ранети во денешниот напад во североисточниот дел на Лондон, што го изврши 36-годишен маж кој носел меч. Полицијата кажа дека нападот не е поврзан со тероризам и дека напаѓачот е уапсен. Очевидците кажаа дека напаѓачот носел голем самурајски меч и дека слушнале вресоци. Петмина луѓе беа превезени во болница по нападот, а дополнително беше објавено дека 13-годишник им подлегнал на повредите. Во нападот се избодени и двајца полицајци, чии повреди се опишани како сериозни, но не и опасни по живот. „Напаѓачот беше онеспособен со електричен пиштол и уапсен 20 минути откако го добивме првиот повик. Веруваме дека жртвите биле случајно избрани“, изјави шефот на локалната полиција Стјуарт Бел....

Реномираниот театарски режисер со светска кариера Иван Поповски за првпат режира опера во Македонија, и вели не е дека не бил поканет досега, но оти еднаш се откажал поради хонорар. Поповски речиси 30 години живее во Русија, во врвот на културната елита и постави театарски и оперски претстави кои беа оценувани со најпозитивни рецензии. Режирал опери во Бољшој театарот во Москва, а гостувал и во Метрополитен во Њујорк. Претставите на Поповски, кои руската критика ги оценува како спектакли, ги имаат добиено престижните награди „Кристален турандот“, „Музичкото срце на Русија“ и „Златен витез“ и медалот „Пушкин“. Последниве години предава и оперска режија во Москва. На денешната прес-конференција за премиерата на „Трубадур“ од Верди за отворањето на 52. Мајски оперски вечери (МОВ) на 9 мај во Националната опера и балет (НОБ), Поповски кажа дека за првпат ја режира „Трубадур“. Ова е негова 11-та режија на опера. На новинарско прашање зошто за првпат режира во матичната земја, Поповски рече: „Требаше да ја поставам ‘Евгениј Онегин’, но се откажав поради хонорарот. Вторпат во животот. Никогаш не се откажувам за хонорар. И сега требаше, да не беа толку упорни Орце Ицковски ( уметнички раководител на Операта, н. з.) и Васо Ристов (генерален директор на НОБ, н. з.). Тогаш беше момент кога имаше толку многу коњи низ градот. И мислев дека не може мојот хонорар да биде помалку од едно копито на коњ. И затоа решив да се откажам. А многу сакав ‘Евгениј Онегин’ да ја работам и ќе ја работам. Не постои такво нешто дека не ме сакаат и дека не ме викаат. Сега бев фасициниран од упорноста на дирекцијата дека за таков краток период ќе успеам да ја поставам“, кажа Поповски. Со операта „Евгениј Онегин“ во 2016 беа отворени 44. Мајски оперски вечери, во режија на Дејан Пројковски. Директор на Македонската опера тогаш беше оперскиот пејач Игор Дурловски. За премиерата на „Трубадур“ на 9 мај диригент ќе биде Енрико Довико (Италија). Сценографијата е на Миодраг Табачки од Србија, костимите Марија Пупучевска, а кореографијата Саша Евтимова. Во операта „Трубадур“ ќе учествуваат Зоран Сотиров, Марјан Јованоски, Сандра Митровска, Сања Анастасиа (Србија), Владимир Саздовски, Дејан Стоев, Ана Ројдева, Тихомир Јакимовски, Јане Дунимаглоски, како и Хорот и Оркестарот на НОБ. Репризата е на 11 мај, со диригентот Иван Еминовиќ. ИВАН ПОПОВСКИ ЈА РЕЖИРА „ТРУБАДУР“ ЗА ОТВОРАЊЕТО НА МАЈСКИТЕ ОПЕРСКИ ВЕЧЕРИ Б. НЕСТОРОСКА...

Државната изборна комисија донесе упатство со кое им кажа на гласачите дека на 8 мај, кога се гласа за претседателски (втор круг) и за парламентарни избори во ист ден, на гласање ќе може да излезат само еднаш. Претседателот на Државната изборна комисија (ДИК) Александар Даштевски во интервју за МИА кажа дека граѓаните имаат право да гласаат за двата вида избори или пак само за парламентарни или само за претседателски избори, по желба. Тоа, вели, треба добро да се објасни бидејќи за претседателските избори има цензус од 40 отсто. „Упатството кажува дека фактички граѓанинот на 8 мај ќе може да дојде само еднаш да гласа за двата избора. Кога ќе дојде, прво ја дава личната карта да се види дека е тој, потоа оди на биометриска идентификација, па го бараат во списокот да го заокружат и му даваат ливчиња. И после оди гласа. Е сега кога ќе дојде и кога ќе го праша овој што е на уредот, ќе го праша дали сакате да гласате за едни, односно за првите за претседателските или за парламентарните или сакате да гласате за двата и за претседателските и за парламентарните, бидејќи тоа после нема да можете да го направите. И претпоставувам дека најмногу ќе гласаат за двата, а може да се случи и само за парламентарните бидејќи знаеме дека излезноста и интересот таму е многу поголем. Но не смее да се доведе гласачот во заблуда, бидејќи ако ве прашаат прво дали сте за едните па за другите вие може да кажете па јас сум за парламентарни, значи треба добро да се објасни за да има цензус нели, значи треба добро да се објасни дали сте за претседателски, дали сте за парламентарните и дали сте за двата, за човекот да не помисли дека поважни му се едните од другите туку да знае дека има право да гласа и за двата избори и така да направиме и цензус“, вели Даштевски во интервјуто. За гласањето за претседателските избори во дијаспората, каде имаше мал број пријавени, а гласаа уште помалку, претседателот на ДИК кажа дека тоа треба да се реши во согласност на најголемите политички партии и да се реши во органите каде што треба – во Министерството за правда и во Собранието....

Секое попладне владее хаос на улицата Боемска 2 во Дебар Маало во центарот на Скопје. Бидејќи улицата не е затворена за возила, на сите страни не само што се движат коли туку и се паркираат кај ќе стасаат. Тротоарите од улицата се зафатени со масите и столиците од кафеаните, па пешаците немаат каде да се движат. Мора да одат по улицата, а низ неа возат коли. Екипа на САКАМДАКАЖАМ.МК неколку дена по ред беше на Боемска улица и после 17 часот не само што е хаос, туку е и небезбедно движењето на пешаците. Деца со точаци и тротинети се движат на улицата по која се стигнува до Градскиот парк, а од друга страна коли возат покрај нив. Од кафеаните ечи музика, гости влегуваат и излегуваат, а дел од нив со своите коли се паркираат на самата улица. Забележавме и пајак возило, но наместо да крене и казни некоја од паркираните коли, тоа само си помина низ улицата. Колите не ги собира ниту пајакот. (Фото: СДК.МК) Вработените во околните кафеани ни рекоа дека летно време кога си доаѓаат иселениците на Боемска не може да се помине од коли. Со најнови коли вртат кругови низ Дебар Маало и без проблем ги оставаат на самата улица. Затворање на Боемска за коли се најавуваше уште во време на ексградоначалникот Саша Богдановиќ, но тоа не се случи. И актуелниот градоначалник Горан Герасимовски вели дека на улицата ќе се забрани движење на коли, но после две и пол години од неговиот мандат тоа не се случи. Од Општина Центар сега велат дека работат на проектот за затворање на возила на Боемска 2 и чекаат да ги добијат потребните дозволи за да се спроведе решението. „Општина Центар направи сообраќајно решение со цел затворање на Боемска 2. За реализација на оваa цел, потребно е дел од дворот на Градежниот факултет да се отстапи и пренамени во тротоар. Еден дел од улицата завршува слепо и треба да се изведе свртница. Во комуникација и средби сме со Градежниот и Архитектонски факултет за да се помести оградата и да се прошири улицата. Со овој зафат планираме да ја зголемиме безбедноста на учениците што одат во ‘Коле Неделковски’“, велат од Општина Центар. Од Општина Центар велат дека работат на сообраќајно решение за затворање на Боемска за коли. (Фото: СДК.МК) Од таму додаваат дека нивните инспекции се постојано на терен и казнуваат за узурпирање на јавна површина. „Спроведена е контрола на улиците Наум Наумовски-Борче, Михаил Цоков и Боемска 2, Ленинова, по пријави дека има поставена урбана опрема на јавна површина, со што е спречено движењето на граѓаните. Издадени се повеќе решенија, а казнети се околу 10 локали.Сумата за прекршокот изнесува од 1.000 до 2.000 евра за правното лице и 300 евра за одговорното лице во правното лице“, велат од Општината. Изградбата на Боемската улица 2 чинеше 1.1 милион евра и беше направена во 2016 година во мандат на ексградоначалникот Андреј Жерновски. ДЕБАР МААЛО ПАК БЛОКИРАНО ОД ЛЕТНИ ТЕРАСИ, ГЕРАСИМОВСКИ ЌЕ ЈА ЗАТВОРА БОЕМСКА УЛИЦА И ЌЕ НОСИ НОВ ПРАВИЛНИК КАКОВ ШТО БАРААТ КАФЕАНЏИИТЕ ЏАБЕ И ЖАРДИНИЕРИТЕ НА ГЕРАСИМОВСКИ, БОЕМСКАТА УЛИЦА ВО ДЕБАР МААЛО ПАК ПОЛНА СО ПАРКИРАНИ КОЛИ ПАРКИНГ Е ЦЕЛА БОЕМСКА УЛИЦА ВО СКОПСКО ДЕБАР МААЛО А. АНТЕВСКА...

Откако лани му излезе дебитантскиот игран филм „Бизнисот на задоволството“, режисерот и сценарист Гоце Цветановски оваа година вистински ќе се запише во историјата на домашната кинематографија како автор на првиот македонски долгометражен анимиран филм „Јон Вардар против галаксијата“. Подкастот со Гоце Цветановски можете да го гледате тука: Правењето на филмот беше патешествие, траеше девет години, иако Цветановски вели дека идејата се родила и порано, додека сѐ уште живееше во Париз. Ковид кризата, постојана потрага по финансии, немање доволно обучен кадар, сето ова влијаело работата да се одолжи подолго од сите очекувања и планови. Цветановски признава дека имало моменти кога бил на чекор да го стопира проектот. Една таква ситуација решил така што продал свој стан за да може да ја исплати екипата. Со буџет од над милион евра, „Јон Вардар“ ќе биде копродукција на Македонија, Унгарија, Бугарија и Хрватска и додека чека одговор од некои големи фестивали за светска премиера, Цветановски најавува дека во македонските кина треба да игра наесен. Г. КОНЕВ...

Режисерот Андреј Волкашин почна да го снима дебитанскиот долгометражен игран филм „Слатката горчина на зрелите калинки”, соопшти продукцијата „Веда филм“ од Скопје. Филмот е копродукција на Македонија, Хрватска и Бугарија, со поддршка од Холандија и Еуримаж, а беше поддржан со 19 милиони денари (310 илјади евра) на конкурсот на Агенцијата за филм во првиот рок во 2020, како и од националните фондови на земјите-копродуценти. Снимањето ќе трае до крајот на мај на локации во општините Гевгелија и Демир Капија. „Филмот ја следи приказната на Дора, која се осмелува да се препушти на сопствената природа и да ги оспори границите на општеството, обликувано од патријархалното и традиционалното. Улогите ги играат четири жени од различни генерации: Зорица Нушева, Долорес Поповиќ-Лео, Ана Костовска и Јана Никодиновска“, соопшти продуцентката Елена Станишева. Снимањето ќе трае до крајот на мај на локации во општините Гевгелија и Демир Капија (Фото: Веда филм) „Слатката горчина на зрелите калинки” е единствениот македонски филм развиван во рамките на европската програма „Торино филм лаб“. Сценариото го напиша Андреј Волкашин, директор на фотографија е Кирил Проданов, сценографијата е на Бојана Бачварова и Влатко Чачоровски, костимограф е Илина Чолак, маска и шминка се на Симона Ристевска, а кастинг директорка е Киријана А. Николовска. Продуцентка на филмот е Елена Станишева, а копродуценти се Павлина Ангелова, Николај Тодоров и Звонимир Муниврана....