Вести април 02, 2025 Мицкоски и Филипче утре на средба во Владата Влада на Република Северна Македонија, архивска фотографија Премиерот, Христијан Мицкоски и лидерот на опозициската СДСМ, Венко Филипче утре во 14 часот ќе имаат средба во Владата. -Согласно јавната комуникација и упатените иницијативи и демонстрираната подготвеност од двете страни, за утре во 14 часот е закажана средба меѓу премиерот Христијан Мицкоски и претседателот на СДСМ, Венко Филипче – соопшти попладнево владината прес служба.Во изјава за медиумите во Штип, Мицкоски искажа подготвеност за средба со Филипче, кој денеска повика на политички и општествен дијалог.Филипче на прес-конференција рече дека по трагедијата во Кочани граѓаните реагираа со револт и бес, системот не функционира како што треба, а за тоа вина, како што посочи, имаат сите политички партии. Видете и ова: Филипче предлага нов концепт на општествен и политички дијалог Областите каде што треба системски пристап, според Филипче се - образование, здравство, правосудство, животна средина, партизација и политизација.По неговата денешна прес конференција, од Движењето ЗНАМ реагира преку писмено соопштение во кое обвинија дека „СДСМ и Филипче немаат политички кредибилитет, ниту легитимитет да нудат какви било концепти за Македонија овој момен.- Оттука, Венко Филипче и СДСМ не можат да бидат решение на проблемите, бидејќи покажаа дека тие се проблем за секое решение, наведуваат од ЗНАМ.-Дали самопрогласениот лидер на опозицијата со ова бара начин да се факторизира како политички фактор во јавноста и да седне на преговарачка маса, имајќи ја в предвид очајната состојба на неговата партија – се наведува во реакцијата на ЗНАМ.Во меѓувреме, прашан за повикот на Филипче за средба, премиерот Мицкоски кажа дека ова е сериозна тема за која се разговара. Видете и ова: Мицкоски по повикот на Филипче: На располагање сум во секое време за средба „Доколку навистина има план и желба да помогне стојам на располагање во секое време ќе го прераспределам мојот распоред, на полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши“, изјави Мицкоски. ДУИ: Јавноста е згрозена од јавниот флерт на Мицкоски и ФилипчеПо најавата за средба, ДУИ во писмено соопштение изрази силна загриженост, поради како што велат од партијата, „сѐ понагласената моноетничка доминација која Власта ја демонстрираше во првата година од своето владеење“. -Сега веќе на јавна сцена ја вклучува и етничката македонска опозиција во својата намера. Јавноста е просто згрозена од овој јавен флерт на Мицкоски и Филипче, за полноќни средби во политички интимна атмосфера на која ништо помалку туку ќе се крои планот за нов општествен договор за регулација на идните политички текови – велат од ДУИ.Според партијата, Република Северна Македонија претставува „препознатлив модел на функционална мултиетничка демократија со јасно изразена евроатлантска ориентација“.Основниот модел на мултиетничкиот карактер на земјата е системски загрозен, а загрозен а и интегративниот процес на земјата во Европската унија. Тоа се две клучни стратешки основи кои што сериозно ја загрозуваат долгорочната стабилност и просперитет на земјата, и тоа се двата приоритети за кои треба да се отвори суштински политички дијалог – додаваат од ДУИ.Азири: Мицкоски ќе се сретне со претседателот на најголемиот огранок на ВМРО-ДПМНЕ, ФилипчеРеакција пристигна и од потпретседалот на Алијанса за Албанците, Елми Азири:„Претседателот на ВМРО-ДПМНЕ Христијан Мицкоски ќе се сретне со претседателот на најголемиот огранок на ВМРО-ДПМНЕ, Венко Филипче! Откако беше избран за претседател на СДСМ, првата средба му беше со претседателката на државата, г-ѓа Силјановска-Давкова! Последниов веќе неколку години од ВМРО го нарекуваат министер за смрт! Оваа моноетничка средба е практична имплементација на платформата Македонија повторно твоја“, вели Азири. прочитај повеќе види ги сите денешни вести април 02, 2025 Мицкоски по повикот на Филипче: На располагање сум во секое време за средба Христијан Мицкоски, архивска фотографија Премиерот, Христијан Мицкоски вели дека е подготвен на средба со лидерот на опозициската СДСМ, Венко Филипче доколку, како што изјави денеска, навистина има план и желба да помогне.По денешниот повик од Филипче за политички и општествен дијалог Мицкоски одговарајќи на новинарско прашање рече дека стои на располагање во секое време и ќе го усогласи распоредот за да го слушне планот на Филипче и да се види дали во тој план може нешто да се реши.„За мене е малку непристојно да разговараме преку медиуми, реков доколку има план како што најавија, подготвен сум да го примам на средба пртседателот на СДСМ да го образложи планот, да го слушнеме планот бидејќи се сериозни времиња, јас сум сериозен човек, сериозни работи се во прашање и најмалку што треба да се прави е естрада на јавна сцена“, изјави Мицкоски.Тој додаде дека доколку Филипче навистина има план и желба да помогне, тој стои на располагање во секое време ќе го прераспредели својот распоред. Видете и ова: Филипче предлага нов концепт на општествен и политички дијалог „На полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши. Но, доколку планот опфаќа пристап „Стабри“, како што беше во минатото за време на короната тогаш такви планови не можам да прифатам“, посочи Мицкоски за повикот од Филипче и дали ќе има лидерска средба со останатите претставници на партиите.Прашан дали ќе имаат заеднички став со СДСМ околу изборот на в.д градоначалник на Кочани за да нема криза во градот по трагедијата со пожарот и оставката на градоначалникот Љупчо Папазов, рече не разговарале со советниците за потецијалнот кандидат, но оти апсолутно ќе се избере в.д градоначалник и оти тука нема дилема.Претходно, лидерот на СДСМ Венко Филипче рече дека уште денеска или утре (2 и 3 април) ќе побара состанок со премиерот за да се организира таа средба.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада. прочитај повеќе април 02, 2025 Курти почна разговори со малцинските партии за формирање на новата влада Состанок на Курти и Реџепи, 2 април Вршителот на должноста премиер на Косово, како и претседател на Движењето Самоопределување, партијата која победи на парламентарните избори на 9 февруари во земјата, почна состаноци со малцинските политички партии за да се консултира за формирањето на новата влада.Овој процес отпочна по потврдувањто на изборните резултати и почетокот на уставните рокови за формирање на законодавната власт и новата влада, додека претседателката на Косово, Вјоса Османи го одреди 15 април како датум за одржување на конститутивната седница на Собранието на Косово.Косовскиот премиер, Албин Курти, изјави дека се сретнал со претседателката на Новата демократска партија (НДС) од бошњачката заедница, а воедно и вршител на должноста заменик на премиерот, Емилија Реџепи. Видете и ова: Закажана конститутивна седница на Собранието на Косово Според изјавата од канцеларијата на премиерот, Реџепи „ја потврдила својата целосна подготвеност да продолжи да соработува" со Движењето Самоопределување и да го поддржи Курти во неговите напори да формира нова влада.Курти, исто така, се сретна со претседателот на Партијата за слобода, правда и опстанок од српската заедница, кој е и вршител на должноста министер за заедници и враќање, Ненад Рашиќ.За време на разговорите, министерот Рашиќ ја потврди својата поддршка на премиерот Курти за формирање на нова влада и продолжување на соработката - се вели во соопштението од кабинетот на премиерот.Движењето за самоопределување тврди дека може да обезбеди 61 глас потребен за формирање на нова влада во Косово.Во меѓувреме, двете опозициски партии, Демократската лига на Косово и Алијансата за иднината на Косово, ја отфрлија можноста за заедничко владеење со Движењето Самоопределување, додека Демократската партија на Косово и Социјалдемократската иницијатива не поставија црвени линии за коалиции.Ниту една политичка партија нема доволно гласови за да формира нова влада.Движењето Самоопределување, како и трите други албански политички партии зад него, сметаат дека немнозинските заедници имаат десет гарантирани места во собранието. прочитај повеќе април 02, 2025 ‘Науката (за)стана’: Протести во Белград и Нови Сад Белград, Србија - протести Вработени во научноистражувачката дејност денеска (2 април) организираа протести во Белград и Нови Сад на повик на српскиот Синдикат на науката во знак на поддршка на студентите во блокада.Протестите беа организирани под слоганот „Науката (за)стана“.Претставници на Синдикатот на науката и на Мрежата на академска солидарност заедно со група граѓани и студенти се собраа пред платото кај Филозофскиот факултет во Белград.Луѓето на собирот носеа транспаренти на кои меѓу другото пишуваше „Науката ви мавта со дипломите, нашите се вистински, а какви се вашите“ и „За враќање на академското достоинство“.Претставник на неформалната организација Мрежа на академската солидарност, Оливер Тошковиќ, рече дека владата „живее во свет во кој позицијата е пред аргументот".„Факт е дека оваа влада е подготвена да ја уништи и деформира научната активност во оваа земја само за да ни се одмазди лично и да нѐ понижи", рече Тошковиќ. Видете и ова: Протест пред ТВ Информер во Белград поради известување за студентските протести Собраните со 16-минутно молчење им оддадоа почит на загинатите при падот на настрешницата во Нови Сад. По молкот, тие се движеа низ централните улици на Белград до зградата на Владата на Србија.Во Србија, десетици илјади граѓани со месеци излегуваат на улиците со клучно барање да се утврди кривичната и политичката одговорност за несреќата во Нови Сад, во која 15 лица загинаа при пад на настрешницата на главната железничка станица во градот, додека шеснаесеттата жртва им подлегна на повредите повеќе од два месеци подоцна.Во фокусот на протестите се обвинувањата дека корупцијата довела до паѓање на настрешницата. Претставниците на властите ги отфрлија овие обвинувања. прочитај повеќе април 02, 2025 Тројца пациенти од пожарот во Кочани се враќаат од Шведска и Грција Дискотека Пулс, Кочани / архивска фотографија Тројца пациенти од повредените лица од пожарот во Кочани се враќаат во земјава, од кои двајца беа хоспитализирани во Грција и еден пациент во Шведска – соопшти Министерството за здравство денеска (2 април).Согласно протоколите ќе бидат задржани под 24-часовен надзор.Во Србија остануваат хоспитализирани 23 пациенти, Бугарија 14 паценти, Турција 10 пациенти, Грција 8 пациенти, Словенија 4 пациенти, во Унгарија, Хрватска, Шпанија, Австрија и Литванија се хоспитализирани по 3 пациенти, во Италија и Полска по еден пациент.Во Скопје, на Клиниката за токсикологија вчера беше хоспитализиран пациент по враќање од Полска, истиот денеска се пушта на домашно лекување. Видете и ова: Дома се пуштени 93 пациенти од пожарот во Кочани, уште сто се лекуваат На Клиниката за пластична хирургија остануваат двајца пациенти, а во Хируршката клиника Св.Наум Охридски 6 пациенти. Во ГОБ 8 Септември се хоспитализирани пет пациенти, од кои еден е планирано да биде пуштен на домашно лекување, на Клиниката за пулмологија двајца пациенти, а во приватната болница Систина се хоспитализирани тројца пациенти.Ресорниот министер, Арбен Таравари вчера изјави дека засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. прочитај повеќе април 02, 2025 Филипче предлага нов концепт на општествен и политички дијалог Венко Филипче, лидер на СДСМ Лидерот на СДСМ Венко Филипче предложи нов концепт за општествен и политички дијалог. Како што рече на денешната прес-конференција, трагедијата во Кочани покажала дека системот не функционира како што треба, а за тоа како што посочи, вина имале сите политички партии.Во однос на лидерската средба рече дека уште денеска или утре (2 и 3 април) ќе побара состанок со премиерот Христијан Мицкоски, за да се организира таа средба.Според него областите каде што треба системски пристап се - образование, здравство, правосудство, животна средина, партизација и политизација.„По големата трагедија во Кочани, ја видовме реакцијата на граѓаните, револт, на места и бес. Би рекол сосема оправдано, бидејќи тоа што во изминатите три децении, тоа што се нарекува реформи, тоа што се нарекува транзиција, очигледно не го даде посакуваниот резултат. Системот на многу места очигледно не фукционира како што треба. Јавните сервиси немаат перформанс каков што граѓаните заслужуваат. За тоа вина имаме сите политички партии, СДСМ, ВМРО-ДПМНЕ, ДУИ, другите политички партии“, рече Филипче.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада.Во однос на правосудството, предлага неминовно да се донесат реформската агенда во што пократок рок реформските закони во одреден систем во којшто ќе се постигне широк консензус не само политички, туки и други фактори од делот на правосудството на коишто ова навистина им е експертиза.„Тоа што граѓаните најмногу ги иритира а тоа е партизацијата и политизацијата. Мора да ги ослободиме институциите од канџите на политиката и партијата за да младите луѓе имаат навистина добар, компетитивен мерит систем и на тој начин да се вработуваат и напредуваат поради тоа што само на тој начин можеме експертизата да ја издигнеме на соодветно и заслужено ниво“, истакна Филипче, додавајќи дека добро е на овие теми да седнат лидерите на сите партии. Видете и ова: По трагедијата во Кочани, собраниската говорница остана нема Лидерот на СДСМ истакна дека на премиерот Христијан Мицкоски и подетално би му го образложил овој план на средба во следните денови. Во однос дали очекува неговиот предлог за лидерска средба да биде прифатен, тој рече дека уште денеска или утре (2 и 3 април) ќе побара состанок со премиерот Мицкоски, согласно агендите, за да се организира таа средба.„Оставам простор и се надевам дека сега кога политичките партии ќе го слушнат ова ќе ја прифатат таа лидерска средба. Но добро е прво тоа да го поразговараме со премиерот, имајќи предвид дека тој прв подаде рака и на прва одговори дека средбата е прифатлива. Навистина не знам што би било неприфатливо или некој зошто не би сакал да разговара, кога тоа е констатација на секој еден граѓанин во државата“, рече Филипче.На новинарско прашање дали на средбата ќе ја постави темата за евроинтеграции и уставни измени, рече дека најверојатно ќе се зборува и за таа тема. Премиерот Христијан Мицкоски деновиве изјави дека тој е подготвен да разговара со Филипче, додавајќи дека лидерската средба е пресериозна тема за да се разговара преку медиуми. прочитај повеќе април 02, 2025 Мицкоски: Милошоски и Филков имаа лош ден, Владата е стабилна Христијан Мицкоски, премир на РСМ Премиерот Христијан Мицкоски изјави дека владината коалиција е стабилна, а јавното препукување меѓу пратеникот од ВМРО-ДПМЕ Антонијо Милошоски и министерот за правда Игор Филков од коалицискиот партнер ЗНАМ, според него, ќе застане на, како што вели, на овие два лични става.„Владината коалиција е стабила. Пратеникот Антонијо Милошоски е член на Извршниот комитет на партијата, тој е дел од мојот најблизок периметар. Јас соработката со Антонијо Милошоски ја оценувам на највисоко ниво, тој е додадена вредност и во рамки на пратеничката група и во рамки на партијата. Министерот Игор Филков знам со какви проблеми се соочи, знам каква состојба затекна во Министерството за правда, континуирано на дневна основа соработуваме во делот на реформите, кои се многу важни посебно во секторот правда. Но, она што можев да го заклучам, а убеден сум дека сето ова ќе застане на овие два лични става е дека секој има право на лош ден, па така јас мислам дека тој лош ден и за едниот и за другиот завршува“, рече Мицкоски, по пуштањето на фабриката на „Магна мехатроникс“ во ТИРЗ Штип. Прашан дали има проблеми со коалицијата Вреди во која е министерот за здравство Арбен Тараври кој предвои едно од крилата во Алијанса за Албанците, рече дека нема такво чувство и оти имаат исклучителна соработка. „Не, немам такво чувство. Напротив, имаме исклучителна соработка. Граѓаните да бидат сигурни, Владата е стабилна, повеќе од две третини неофицијално, а официјално 78 пратеници ја поддржуваат оваа Влада. Граѓаните, според она што го гледам од анкетите даваат поддршка, огромно е позитивното мислење дека и Македонија се движи во позитивна насока и тоа претставува за нас инспирација да продолжиме понатаму да се движиме и да работиме“, рече Мицкоски. Видете и ова: Апетитите за локалните избори ја зовреа „Вреди“ Пратеникот на ВМРО-ДПМНЕ и потпретседател на Собранието, Антонијо Милошоски вчера во телевизиско гостување рече дека министерот за правда Игор Филков има слаб придонес во областа со која раководи. Посочи дека очекувал досега барем во нацрт верзија до Собранието да бидат доставени Предлог-законот за судови, Предлог-законот за судски буџет, Предлог законот за јавнообвинителската служба, новиот Кривичен законик...Министерот за правда Филков, пак, во реакција на изнесените наводи на Милошоски рече дека „Кусурот на Груевски, познат под прекарот - Џуџето од Небрегово, а јавноста добро го памети по аферите поврзани со АМСМ и семејните бизниси од Кичево, изгледа дека сè уште нема навика да одговара пред граѓаните кои го избрале“.„Бидејќи очигледно е неинформиран и изолиран од партијата, го упатувам во неговата матична партија или пак во Владата-можеби конечно ќе го известат за постапките, роковите и статусот на законите! И, бидејќи изгледа како некој што работи по туѓи наредби, за кого одработува во моментов? Дали се тоа интересите на граѓаните или некои други агенди? Во минатото е познат по Ванчо Михајловистички ставови, многу лаги и невистини. Ова е лош де-фокус на македонската јавност по двонеделниот „одмор“! Да го потсетам дека во парламентот е од 2011 година, откако се повлече од функцијата министер за надворешни работи и активно учествуваше во креирање на „канцерогениот“ правосуден систем. Сега е добар момент да се потсети јавноста дека токму тој директно учествуваше во процесот на донесувањето на штетните измени на КЗ во 2023 година, со што се спаси од одговорност за кривичното дело ,,Моќник”“, наведе Филков, набројувајќи ги законите на кои работел во изминатиот период. прочитај повеќе април 02, 2025 По еднодневна пауза, Русија ги продолжува масовните напади врз Украина Последици од нападот во градот Харкив, Украина, 2 април 2025 година Русија започна нови воздушни напади врз Украина по еднодневна пазуа од напади со дронови. Во регионот Запорожје, едно лице загинало, а две други се повредени, изјави во среда (2 април) на Телеграм регионалниот гувернер Иван Федоров. Петнаесет беспилотни летала, исто така, го нападнале источниот град Харкив, при што биле повредени најмалку осум лица.Украинските сили за цивилна одбрана соопштија дека биле погодени згради кои припаѓаат на цивилни фирми, а исто така била нанесена штета и на станбени области. Откако Украина во вторникот ја доживеа првата ноќ без беспилотни летала во годината, воздушната одбрана на земјата извести дека Русија распоредила 74 дронови и мамки со беспилотни летала во текот на ноќта до среда наутро.Нападите првенствено ги погодиле регионите Харкив, Доњецк и Одеса. Видете и ова: Зеленски: Партнерите на Украина ќе разговараат за распоредување странски војници Во Москва, руското Министерство за одбрана тврдеше дека соборило 93 украински беспилотни летала во текот на ноќта, главно над пограничниот регион Курск.Војувањето со беспилотни летала стана речиси секојдневна тактика во војната, иако размерите на уништување и жртви предизвикани од руските напади го надминуваат влијанието на украинските напади. Украина се брани од руската инвазија повеќе од три години, потпирајќи се во голема мера на поддршката од Западот. прочитај повеќе април 02, 2025 Дурмиши: Секој има право да излезе на улица и да покаже револт Министерот за економија и труд Бесар Дурмиши Живееме во демократија и секој има право да излезе на улица и да протестира и да го каже својот револт, но на синдикатите веќе им истече мандатот и веќе не се репрезентативни, порача денеска (2 април)министерот за економија и труд Бесар Дурмиши.„Како Влада ја формиравме комисијата која треба да ја утврди репрезентативноста на синдикатите и таа комисија веќе работи. Веднаш кога ќе се определи кој синдикат е репрезентативен ќе ја свикам седницата на Економско социјалниот совет (ЕСС). Токму таму синдикатите треба да ги кажат своите барања, а не на улица“, изјави Дурмиши во одговор на новинарско прашање пред почетокот на конференцијата „Реформа на Законот за работни односи – предизвици и насоки“. Видете и ова: Синдикатите утре на протест, барањето за поголем минималец ги „скара“ со Владата Како Влада, нагласи дека се за социјален дијалог. Одговарајќи на прашање рече дека како Влада постапиле според законот и методологијата за минималната плата, со која се усогласени сите засегнати страни, односно и синдикатите и работодавачите, и го објавиле износот на минималната плата на крајот на март.„Според тој правилник минималната плата изнесува 400 евра и е покачена нето платата за 1800 денари. Како надлежен министер за економија и труд јас ја објавив минималната плата по одлука на Владата, рече Дурмиши.Нагласи дека немале согласност од ЕСС за износот на минималната плата поради тоа што нема репрезентативност од синдикатите.„Јас според законот кој е во сила и кој е потпишан и од синдикатите и од работодавачите и по одлука на Влада обврзан сум пред 31 март да ја објавам минималната плата. Од минималната плата потоа се пресметува и просечната плата и другите плати. Ако не ја објавевме до 31 март ќе се блокираше целата држава и сите институции, а приватниот сектор не ќе можеше да пресмета плати за нивните вработени“, истакна Дурмиши.Сојузот на синдикатите на Македонија (ССМ) денеска одржува јавна седница пред зградата на Работничкиот дом на која ќе ги искаже своите ставови за минималната плата. прочитај повеќе април 02, 2025 Советот на јавни обвинители даде негативно мислење за разрешување на Коцевски Државниот јавен обвинител Љупчо Коцевски Советот на јавни обвинители даде негативно мислење по предлогот на Владата за разрешување на државниот јавен обвинител Љупчо Коцевски. За прифаќање на предлогот гласаа тројца, додека шест члена гласа против. Претседателката на Советот на јавни обвинители Душица Димитриеска, рече дека со оглед дека Советот одлуките ги носи со мнозинство, мнозинството дадоа негативно мислење. За прифаќање на предлогот на Владата за разрешување на Коцевски гласаа Кети Петкова, Ардиан Демири и Марјана Илиевска.Советот на јавни обвинители претходно ја исклучи јавноста од точката за разгледување на предлогот за разрешување на државниот јавен обвинител Љупчо Коцевски. Членовите на Советот едногласно го поддржаа предлогот на членот Зорица Павловиќ, која повикувајќи се на член 10 од Законот за совет на јавни обвинители побара да се исклучи јавноста поради, како што кажа, сензитивноста на процесот и за заштита на угледот и интегритетот на јавниот обвинител.Светлана Стојковиќ, го поддржа предлогот, дополнувајќи дека јавноста треба да биде исклучена и поради тоа што во произнесувањето од Коцевски по предлогот за негово разрешување, се изнесени и информации и докази од дисциплинските постапки што се води против двајца јавни обвинители. Расправата, како што нагласија, ќе биде затворена, а јавноста ќе биде вклучена само за гласањето по мислењето за предлогот на Владата за разрешување на Коцевски.Седницата за разгледување на предлогот претходно на два пати беше одложена. Првично беше закажана за 18 март, но беше одложена поради седумдневната жалост по трагедијата во Кочани, а минатата недела, на 26 март беше одложена поради немање на кворум. Согласно законските рокови за разгледување на предлогот за разрешување на Коцевски, Советот треба да го разгледа најдоцна до крајот на неделава, иако Владата објави дека ќе ја прекине постапката. Видете и ова: Предлогот за разрешување на Коцевски на денешната владина седница Портпаролката на Владата Марија Митева, на 26 март годинава, изјави дека Владата ќе ја прекине постапката за разрешување на државниот јавен обвинител Љупчо Коцевски и доколку добие мислење од страна на Советот на ЈО, истото нема да го проследи до Собранието.Премиерот Христијан Мицкоски по трагедијата во Кочани изјави дека постапката за разрешување на јавниот обвинител Коцевски ќе се запре во моментот до таму каде што се наоѓа.Владата на 11 февруари година донесе одлука да поведе постапка за разрешување на државниот јавен обвинител Коцевски кој беше избран на оваа позиција пред една година, а неговиот мандат трае шест години.Министерството за правда, постапувајќи по заклучокот од 50-та седница на Владата, го изготви Предлог-мислењето за разрешување на државниот јавен обвинител. Коцевски, како што велат од Министерството за правда, постапувал во предмети во кои согласно законските одредби постоеле околности кои предизвикуваат сомневање во неговата непристрасност, како и судир на интереси, а за кои околности тој требало да знае и требало да се изземе. Републичкиот обвинител Коцевски го демантира тврдењето дека незаконски постапил посочувајќи дека го следел законот и роковите во него. прочитај повеќе Вчитај повеќе...

Вести април 02, 2025 Мицкоски по повикот на Филипче: На располагање сум во секое време за средба Христијан Мицкоски, архивска фотографија Премиерот, Христијан Мицкоски вели дека е подготвен на средба со лидерот на опозициската СДСМ, Венко Филипче доколку, како што изјави денеска, навистина има план и желба да помогне.По денешниот повик од Филипче за политички и општествен дијалог Мицкоски одговарајќи на новинарско прашање рече дека стои на располагање во секое време и ќе го усогласи распоредот за да го слушне планот на Филипче и да се види дали во тој план може нешто да се реши.„За мене е малку непристојно да разговараме преку медиуми, реков доколку има план како што најавија, подготвен сум да го примам на средба пртседателот на СДСМ да го образложи планот, да го слушнеме планот бидејќи се сериозни времиња, јас сум сериозен човек, сериозни работи се во прашање и најмалку што треба да се прави е естрада на јавна сцена“, изјави Мицкоски.Тој додаде дека доколку Филипче навистина има план и желба да помогне, тој стои на располагање во секое време ќе го прераспредели својот распоред. Видете и ова: Филипче предлага нов концепт на општествен и политички дијалог „На полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши. Но, доколку планот опфаќа пристап „Стабри“, како што беше во минатото за време на короната тогаш такви планови не можам да прифатам“, посочи Мицкоски за повикот од Филипче и дали ќе има лидерска средба со останатите претставници на партиите.Прашан дали ќе имаат заеднички став со СДСМ околу изборот на в.д градоначалник на Кочани за да нема криза во градот по трагедијата со пожарот и оставката на градоначалникот Љупчо Папазов, рече не разговарале со советниците за потецијалнот кандидат, но оти апсолутно ќе се избере в.д градоначалник и оти тука нема дилема.Претходно, лидерот на СДСМ Венко Филипче рече дека уште денеска или утре (2 и 3 април) ќе побара состанок со премиерот за да се организира таа средба.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада. прочитај повеќе види ги сите денешни вести април 02, 2025 Мицкоски и Филипче утре на средба во Владата Влада на Република Северна Македонија, архивска фотографија Премиерот, Христијан Мицкоски и лидерот на опозициската СДСМ, Венко Филипче утре во 14 часот ќе имаат средба во Владата. -Согласно јавната комуникација и упатените иницијативи и демонстрираната подготвеност од двете страни, за утре во 14 часот е закажана средба меѓу премиерот Христијан Мицкоски и претседателот на СДСМ, Венко Филипче – соопшти попладнево владината прес служба.Во изјава за медиумите во Штип, Мицкоски искажа подготвеност за средба со Филипче, кој денеска повика на политички и општествен дијалог.Филипче на прес-конференција рече дека по трагедијата во Кочани граѓаните реагираа со револт и бес, системот не функционира како што треба, а за тоа вина, како што посочи, имаат сите политички партии. Видете и ова: Филипче предлага нов концепт на општествен и политички дијалог Областите каде што треба системски пристап, според Филипче се - образование, здравство, правосудство, животна средина, партизација и политизација.По неговата денешна прес конференција, од Движењето ЗНАМ реагира преку писмено соопштение во кое обвинија дека „СДСМ и Филипче немаат политички кредибилитет, ниту легитимитет да нудат какви било концепти за Македонија овој момен.- Оттука, Венко Филипче и СДСМ не можат да бидат решение на проблемите, бидејќи покажаа дека тие се проблем за секое решение, наведуваат од ЗНАМ.-Дали самопрогласениот лидер на опозицијата со ова бара начин да се факторизира како политички фактор во јавноста и да седне на преговарачка маса, имајќи ја в предвид очајната состојба на неговата партија – се наведува во реакцијата на ЗНАМ.Во меѓувреме, прашан за повикот на Филипче за средба, премиерот Мицкоски кажа дека ова е сериозна тема за која се разговара. Видете и ова: Мицкоски по повикот на Филипче: На располагање сум во секое време за средба „Доколку навистина има план и желба да помогне стојам на располагање во секое време ќе го прераспределам мојот распоред, на полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши“, изјави Мицкоски. ДУИ: Јавноста е згрозена од јавниот флерт на Мицкоски и ФилипчеПо најавата за средба, ДУИ во писмено соопштение изрази силна загриженост, поради како што велат од партијата, „сѐ понагласената моноетничка доминација која Власта ја демонстрираше во првата година од своето владеење“. -Сега веќе на јавна сцена ја вклучува и етничката македонска опозиција во својата намера. Јавноста е просто згрозена од овој јавен флерт на Мицкоски и Филипче, за полноќни средби во политички интимна атмосфера на која ништо помалку туку ќе се крои планот за нов општествен договор за регулација на идните политички текови – велат од ДУИ.Според партијата, Република Северна Македонија претставува „препознатлив модел на функционална мултиетничка демократија со јасно изразена евроатлантска ориентација“.Основниот модел на мултиетничкиот карактер на земјата е системски загрозен, а загрозен а и интегративниот процес на земјата во Европската унија. Тоа се две клучни стратешки основи кои што сериозно ја загрозуваат долгорочната стабилност и просперитет на земјата, и тоа се двата приоритети за кои треба да се отвори суштински политички дијалог – додаваат од ДУИ.Азири: Мицкоски ќе се сретне со претседателот на најголемиот огранок на ВМРО-ДПМНЕ, ФилипчеРеакција пристигна и од потпретседалот на Алијанса за Албанците, Елми Азири:„Претседателот на ВМРО-ДПМНЕ Христијан Мицкоски ќе се сретне со претседателот на најголемиот огранок на ВМРО-ДПМНЕ, Венко Филипче! Откако беше избран за претседател на СДСМ, првата средба му беше со претседателката на државата, г-ѓа Силјановска-Давкова! Последниов веќе неколку години од ВМРО го нарекуваат министер за смрт! Оваа моноетничка средба е практична имплементација на платформата Македонија повторно твоја“, вели Азири. прочитај повеќе април 02, 2025 Курти почна разговори со малцинските партии за формирање на новата влада Состанок на Курти и Реџепи, 2 април Вршителот на должноста премиер на Косово, како и претседател на Движењето Самоопределување, партијата која победи на парламентарните избори на 9 февруари во земјата, почна состаноци со малцинските политички партии за да се консултира за формирањето на новата влада.Овој процес отпочна по потврдувањто на изборните резултати и почетокот на уставните рокови за формирање на законодавната власт и новата влада, додека претседателката на Косово, Вјоса Османи го одреди 15 април како датум за одржување на конститутивната седница на Собранието на Косово.Косовскиот премиер, Албин Курти, изјави дека се сретнал со претседателката на Новата демократска партија (НДС) од бошњачката заедница, а воедно и вршител на должноста заменик на премиерот, Емилија Реџепи. Видете и ова: Закажана конститутивна седница на Собранието на Косово Според изјавата од канцеларијата на премиерот, Реџепи „ја потврдила својата целосна подготвеност да продолжи да соработува" со Движењето Самоопределување и да го поддржи Курти во неговите напори да формира нова влада.Курти, исто така, се сретна со претседателот на Партијата за слобода, правда и опстанок од српската заедница, кој е и вршител на должноста министер за заедници и враќање, Ненад Рашиќ.За време на разговорите, министерот Рашиќ ја потврди својата поддршка на премиерот Курти за формирање на нова влада и продолжување на соработката - се вели во соопштението од кабинетот на премиерот.Движењето за самоопределување тврди дека може да обезбеди 61 глас потребен за формирање на нова влада во Косово.Во меѓувреме, двете опозициски партии, Демократската лига на Косово и Алијансата за иднината на Косово, ја отфрлија можноста за заедничко владеење со Движењето Самоопределување, додека Демократската партија на Косово и Социјалдемократската иницијатива не поставија црвени линии за коалиции.Ниту една политичка партија нема доволно гласови за да формира нова влада.Движењето Самоопределување, како и трите други албански политички партии зад него, сметаат дека немнозинските заедници имаат десет гарантирани места во собранието. прочитај повеќе април 02, 2025 ‘Науката (за)стана’: Протести во Белград и Нови Сад Белград, Србија - протести Вработени во научноистражувачката дејност денеска (2 април) организираа протести во Белград и Нови Сад на повик на српскиот Синдикат на науката во знак на поддршка на студентите во блокада.Протестите беа организирани под слоганот „Науката (за)стана“.Претставници на Синдикатот на науката и на Мрежата на академска солидарност заедно со група граѓани и студенти се собраа пред платото кај Филозофскиот факултет во Белград.Луѓето на собирот носеа транспаренти на кои меѓу другото пишуваше „Науката ви мавта со дипломите, нашите се вистински, а какви се вашите“ и „За враќање на академското достоинство“.Претставник на неформалната организација Мрежа на академската солидарност, Оливер Тошковиќ, рече дека владата „живее во свет во кој позицијата е пред аргументот".„Факт е дека оваа влада е подготвена да ја уништи и деформира научната активност во оваа земја само за да ни се одмазди лично и да нѐ понижи", рече Тошковиќ. Видете и ова: Протест пред ТВ Информер во Белград поради известување за студентските протести Собраните со 16-минутно молчење им оддадоа почит на загинатите при падот на настрешницата во Нови Сад. По молкот, тие се движеа низ централните улици на Белград до зградата на Владата на Србија.Во Србија, десетици илјади граѓани со месеци излегуваат на улиците со клучно барање да се утврди кривичната и политичката одговорност за несреќата во Нови Сад, во која 15 лица загинаа при пад на настрешницата на главната железничка станица во градот, додека шеснаесеттата жртва им подлегна на повредите повеќе од два месеци подоцна.Во фокусот на протестите се обвинувањата дека корупцијата довела до паѓање на настрешницата. Претставниците на властите ги отфрлија овие обвинувања. прочитај повеќе април 02, 2025 Тројца пациенти од пожарот во Кочани се враќаат од Шведска и Грција Дискотека Пулс, Кочани / архивска фотографија Тројца пациенти од повредените лица од пожарот во Кочани се враќаат во земјава, од кои двајца беа хоспитализирани во Грција и еден пациент во Шведска – соопшти Министерството за здравство денеска (2 април).Согласно протоколите ќе бидат задржани под 24-часовен надзор.Во Србија остануваат хоспитализирани 23 пациенти, Бугарија 14 паценти, Турција 10 пациенти, Грција 8 пациенти, Словенија 4 пациенти, во Унгарија, Хрватска, Шпанија, Австрија и Литванија се хоспитализирани по 3 пациенти, во Италија и Полска по еден пациент.Во Скопје, на Клиниката за токсикологија вчера беше хоспитализиран пациент по враќање од Полска, истиот денеска се пушта на домашно лекување. Видете и ова: Дома се пуштени 93 пациенти од пожарот во Кочани, уште сто се лекуваат На Клиниката за пластична хирургија остануваат двајца пациенти, а во Хируршката клиника Св.Наум Охридски 6 пациенти. Во ГОБ 8 Септември се хоспитализирани пет пациенти, од кои еден е планирано да биде пуштен на домашно лекување, на Клиниката за пулмологија двајца пациенти, а во приватната болница Систина се хоспитализирани тројца пациенти.Ресорниот министер, Арбен Таравари вчера изјави дека засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. прочитај повеќе април 02, 2025 Филипче предлага нов концепт на општествен и политички дијалог Венко Филипче, лидер на СДСМ Лидерот на СДСМ Венко Филипче предложи нов концепт за општествен и политички дијалог. Како што рече на денешната прес-конференција, трагедијата во Кочани покажала дека системот не функционира како што треба, а за тоа како што посочи, вина имале сите политички партии.Во однос на лидерската средба рече дека уште денеска или утре (2 и 3 април) ќе побара состанок со премиерот Христијан Мицкоски, за да се организира таа средба.Според него областите каде што треба системски пристап се - образование, здравство, правосудство, животна средина, партизација и политизација.„По големата трагедија во Кочани, ја видовме реакцијата на граѓаните, револт, на места и бес. Би рекол сосема оправдано, бидејќи тоа што во изминатите три децении, тоа што се нарекува реформи, тоа што се нарекува транзиција, очигледно не го даде посакуваниот резултат. Системот на многу места очигледно не фукционира како што треба. Јавните сервиси немаат перформанс каков што граѓаните заслужуваат. За тоа вина имаме сите политички партии, СДСМ, ВМРО-ДПМНЕ, ДУИ, другите политички партии“, рече Филипче.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада.Во однос на правосудството, предлага неминовно да се донесат реформската агенда во што пократок рок реформските закони во одреден систем во којшто ќе се постигне широк консензус не само политички, туки и други фактори од делот на правосудството на коишто ова навистина им е експертиза.„Тоа што граѓаните најмногу ги иритира а тоа е партизацијата и политизацијата. Мора да ги ослободиме институциите од канџите на политиката и партијата за да младите луѓе имаат навистина добар, компетитивен мерит систем и на тој начин да се вработуваат и напредуваат поради тоа што само на тој начин можеме експертизата да ја издигнеме на соодветно и заслужено ниво“, истакна Филипче, додавајќи дека добро е на овие теми да седнат лидерите на сите партии. Видете и ова: По трагедијата во Кочани, собраниската говорница остана нема Лидерот на СДСМ истакна дека на премиерот Христијан Мицкоски и подетално би му го образложил овој план на средба во следните денови. Во однос дали очекува неговиот предлог за лидерска средба да биде прифатен, тој рече дека уште денеска или утре (2 и 3 април) ќе побара состанок со премиерот Мицкоски, согласно агендите, за да се организира таа средба.„Оставам простор и се надевам дека сега кога политичките партии ќе го слушнат ова ќе ја прифатат таа лидерска средба. Но добро е прво тоа да го поразговараме со премиерот, имајќи предвид дека тој прв подаде рака и на прва одговори дека средбата е прифатлива. Навистина не знам што би било неприфатливо или некој зошто не би сакал да разговара, кога тоа е констатација на секој еден граѓанин во државата“, рече Филипче.На новинарско прашање дали на средбата ќе ја постави темата за евроинтеграции и уставни измени, рече дека најверојатно ќе се зборува и за таа тема. Премиерот Христијан Мицкоски деновиве изјави дека тој е подготвен да разговара со Филипче, додавајќи дека лидерската средба е пресериозна тема за да се разговара преку медиуми. прочитај повеќе април 02, 2025 Мицкоски: Милошоски и Филков имаа лош ден, Владата е стабилна Христијан Мицкоски, премир на РСМ Премиерот Христијан Мицкоски изјави дека владината коалиција е стабилна, а јавното препукување меѓу пратеникот од ВМРО-ДПМЕ Антонијо Милошоски и министерот за правда Игор Филков од коалицискиот партнер ЗНАМ, според него, ќе застане на, како што вели, на овие два лични става.„Владината коалиција е стабила. Пратеникот Антонијо Милошоски е член на Извршниот комитет на партијата, тој е дел од мојот најблизок периметар. Јас соработката со Антонијо Милошоски ја оценувам на највисоко ниво, тој е додадена вредност и во рамки на пратеничката група и во рамки на партијата. Министерот Игор Филков знам со какви проблеми се соочи, знам каква состојба затекна во Министерството за правда, континуирано на дневна основа соработуваме во делот на реформите, кои се многу важни посебно во секторот правда. Но, она што можев да го заклучам, а убеден сум дека сето ова ќе застане на овие два лични става е дека секој има право на лош ден, па така јас мислам дека тој лош ден и за едниот и за другиот завршува“, рече Мицкоски, по пуштањето на фабриката на „Магна мехатроникс“ во ТИРЗ Штип. Прашан дали има проблеми со коалицијата Вреди во која е министерот за здравство Арбен Тараври кој предвои едно од крилата во Алијанса за Албанците, рече дека нема такво чувство и оти имаат исклучителна соработка. „Не, немам такво чувство. Напротив, имаме исклучителна соработка. Граѓаните да бидат сигурни, Владата е стабилна, повеќе од две третини неофицијално, а официјално 78 пратеници ја поддржуваат оваа Влада. Граѓаните, според она што го гледам од анкетите даваат поддршка, огромно е позитивното мислење дека и Македонија се движи во позитивна насока и тоа претставува за нас инспирација да продолжиме понатаму да се движиме и да работиме“, рече Мицкоски. Видете и ова: Апетитите за локалните избори ја зовреа „Вреди“ Пратеникот на ВМРО-ДПМНЕ и потпретседател на Собранието, Антонијо Милошоски вчера во телевизиско гостување рече дека министерот за правда Игор Филков има слаб придонес во областа со која раководи. Посочи дека очекувал досега барем во нацрт верзија до Собранието да бидат доставени Предлог-законот за судови, Предлог-законот за судски буџет, Предлог законот за јавнообвинителската служба, новиот Кривичен законик...Министерот за правда Филков, пак, во реакција на изнесените наводи на Милошоски рече дека „Кусурот на Груевски, познат под прекарот - Џуџето од Небрегово, а јавноста добро го памети по аферите поврзани со АМСМ и семејните бизниси од Кичево, изгледа дека сè уште нема навика да одговара пред граѓаните кои го избрале“.„Бидејќи очигледно е неинформиран и изолиран од партијата, го упатувам во неговата матична партија или пак во Владата-можеби конечно ќе го известат за постапките, роковите и статусот на законите! И, бидејќи изгледа како некој што работи по туѓи наредби, за кого одработува во моментов? Дали се тоа интересите на граѓаните или некои други агенди? Во минатото е познат по Ванчо Михајловистички ставови, многу лаги и невистини. Ова е лош де-фокус на македонската јавност по двонеделниот „одмор“! Да го потсетам дека во парламентот е од 2011 година, откако се повлече од функцијата министер за надворешни работи и активно учествуваше во креирање на „канцерогениот“ правосуден систем. Сега е добар момент да се потсети јавноста дека токму тој директно учествуваше во процесот на донесувањето на штетните измени на КЗ во 2023 година, со што се спаси од одговорност за кривичното дело ,,Моќник”“, наведе Филков, набројувајќи ги законите на кои работел во изминатиот период. прочитај повеќе април 02, 2025 По еднодневна пауза, Русија ги продолжува масовните напади врз Украина Последици од нападот во градот Харкив, Украина, 2 април 2025 година Русија започна нови воздушни напади врз Украина по еднодневна пазуа од напади со дронови. Во регионот Запорожје, едно лице загинало, а две други се повредени, изјави во среда (2 април) на Телеграм регионалниот гувернер Иван Федоров. Петнаесет беспилотни летала, исто така, го нападнале источниот град Харкив, при што биле повредени најмалку осум лица.Украинските сили за цивилна одбрана соопштија дека биле погодени згради кои припаѓаат на цивилни фирми, а исто така била нанесена штета и на станбени области. Откако Украина во вторникот ја доживеа првата ноќ без беспилотни летала во годината, воздушната одбрана на земјата извести дека Русија распоредила 74 дронови и мамки со беспилотни летала во текот на ноќта до среда наутро.Нападите првенствено ги погодиле регионите Харкив, Доњецк и Одеса. Видете и ова: Зеленски: Партнерите на Украина ќе разговараат за распоредување странски војници Во Москва, руското Министерство за одбрана тврдеше дека соборило 93 украински беспилотни летала во текот на ноќта, главно над пограничниот регион Курск.Војувањето со беспилотни летала стана речиси секојдневна тактика во војната, иако размерите на уништување и жртви предизвикани од руските напади го надминуваат влијанието на украинските напади. Украина се брани од руската инвазија повеќе од три години, потпирајќи се во голема мера на поддршката од Западот. прочитај повеќе април 02, 2025 Дурмиши: Секој има право да излезе на улица и да покаже револт Министерот за економија и труд Бесар Дурмиши Живееме во демократија и секој има право да излезе на улица и да протестира и да го каже својот револт, но на синдикатите веќе им истече мандатот и веќе не се репрезентативни, порача денеска (2 април)министерот за економија и труд Бесар Дурмиши.„Како Влада ја формиравме комисијата која треба да ја утврди репрезентативноста на синдикатите и таа комисија веќе работи. Веднаш кога ќе се определи кој синдикат е репрезентативен ќе ја свикам седницата на Економско социјалниот совет (ЕСС). Токму таму синдикатите треба да ги кажат своите барања, а не на улица“, изјави Дурмиши во одговор на новинарско прашање пред почетокот на конференцијата „Реформа на Законот за работни односи – предизвици и насоки“. Видете и ова: Синдикатите утре на протест, барањето за поголем минималец ги „скара“ со Владата Како Влада, нагласи дека се за социјален дијалог. Одговарајќи на прашање рече дека како Влада постапиле според законот и методологијата за минималната плата, со која се усогласени сите засегнати страни, односно и синдикатите и работодавачите, и го објавиле износот на минималната плата на крајот на март.„Според тој правилник минималната плата изнесува 400 евра и е покачена нето платата за 1800 денари. Како надлежен министер за економија и труд јас ја објавив минималната плата по одлука на Владата, рече Дурмиши.Нагласи дека немале согласност од ЕСС за износот на минималната плата поради тоа што нема репрезентативност од синдикатите.„Јас според законот кој е во сила и кој е потпишан и од синдикатите и од работодавачите и по одлука на Влада обврзан сум пред 31 март да ја објавам минималната плата. Од минималната плата потоа се пресметува и просечната плата и другите плати. Ако не ја објавевме до 31 март ќе се блокираше целата држава и сите институции, а приватниот сектор не ќе можеше да пресмета плати за нивните вработени“, истакна Дурмиши.Сојузот на синдикатите на Македонија (ССМ) денеска одржува јавна седница пред зградата на Работничкиот дом на која ќе ги искаже своите ставови за минималната плата. прочитај повеќе април 02, 2025 Советот на јавни обвинители даде негативно мислење за разрешување на Коцевски Државниот јавен обвинител Љупчо Коцевски Советот на јавни обвинители даде негативно мислење по предлогот на Владата за разрешување на државниот јавен обвинител Љупчо Коцевски. За прифаќање на предлогот гласаа тројца, додека шест члена гласа против. Претседателката на Советот на јавни обвинители Душица Димитриеска, рече дека со оглед дека Советот одлуките ги носи со мнозинство, мнозинството дадоа негативно мислење. За прифаќање на предлогот на Владата за разрешување на Коцевски гласаа Кети Петкова, Ардиан Демири и Марјана Илиевска.Советот на јавни обвинители претходно ја исклучи јавноста од точката за разгледување на предлогот за разрешување на државниот јавен обвинител Љупчо Коцевски. Членовите на Советот едногласно го поддржаа предлогот на членот Зорица Павловиќ, која повикувајќи се на член 10 од Законот за совет на јавни обвинители побара да се исклучи јавноста поради, како што кажа, сензитивноста на процесот и за заштита на угледот и интегритетот на јавниот обвинител.Светлана Стојковиќ, го поддржа предлогот, дополнувајќи дека јавноста треба да биде исклучена и поради тоа што во произнесувањето од Коцевски по предлогот за негово разрешување, се изнесени и информации и докази од дисциплинските постапки што се води против двајца јавни обвинители. Расправата, како што нагласија, ќе биде затворена, а јавноста ќе биде вклучена само за гласањето по мислењето за предлогот на Владата за разрешување на Коцевски.Седницата за разгледување на предлогот претходно на два пати беше одложена. Првично беше закажана за 18 март, но беше одложена поради седумдневната жалост по трагедијата во Кочани, а минатата недела, на 26 март беше одложена поради немање на кворум. Согласно законските рокови за разгледување на предлогот за разрешување на Коцевски, Советот треба да го разгледа најдоцна до крајот на неделава, иако Владата објави дека ќе ја прекине постапката. Видете и ова: Предлогот за разрешување на Коцевски на денешната владина седница Портпаролката на Владата Марија Митева, на 26 март годинава, изјави дека Владата ќе ја прекине постапката за разрешување на државниот јавен обвинител Љупчо Коцевски и доколку добие мислење од страна на Советот на ЈО, истото нема да го проследи до Собранието.Премиерот Христијан Мицкоски по трагедијата во Кочани изјави дека постапката за разрешување на јавниот обвинител Коцевски ќе се запре во моментот до таму каде што се наоѓа.Владата на 11 февруари година донесе одлука да поведе постапка за разрешување на државниот јавен обвинител Коцевски кој беше избран на оваа позиција пред една година, а неговиот мандат трае шест години.Министерството за правда, постапувајќи по заклучокот од 50-та седница на Владата, го изготви Предлог-мислењето за разрешување на државниот јавен обвинител. Коцевски, како што велат од Министерството за правда, постапувал во предмети во кои согласно законските одредби постоеле околности кои предизвикуваат сомневање во неговата непристрасност, како и судир на интереси, а за кои околности тој требало да знае и требало да се изземе. Републичкиот обвинител Коцевски го демантира тврдењето дека незаконски постапил посочувајќи дека го следел законот и роковите во него. прочитај повеќе Вчитај повеќе...

Вести април 02, 2025 Курти почна разговори со малцинските партии за формирање на новата влада Состанок на Курти и Реџепи, 2 април Вршителот на должноста премиер на Косово, како и претседател на Движењето Самоопределување, партијата која победи на парламентарните избори на 9 февруари во земјата, почна состаноци со малцинските политички партии за да се консултира за формирањето на новата влада.Овој процес отпочна по потврдувањто на изборните резултати и почетокот на уставните рокови за формирање на законодавната власт и новата влада, додека претседателката на Косово, Вјоса Османи го одреди 15 април како датум за одржување на конститутивната седница на Собранието на Косово.Косовскиот премиер, Албин Курти, изјави дека се сретнал со претседателката на Новата демократска партија (НДС) од бошњачката заедница, а воедно и вршител на должноста заменик на премиерот, Емилија Реџепи. Видете и ова: Закажана конститутивна седница на Собранието на Косово Според изјавата од канцеларијата на премиерот, Реџепи „ја потврдила својата целосна подготвеност да продолжи да соработува" со Движењето Самоопределување и да го поддржи Курти во неговите напори да формира нова влада.Курти, исто така, се сретна со претседателот на Партијата за слобода, правда и опстанок од српската заедница, кој е и вршител на должноста министер за заедници и враќање, Ненад Рашиќ.За време на разговорите, министерот Рашиќ ја потврди својата поддршка на премиерот Курти за формирање на нова влада и продолжување на соработката - се вели во соопштението од кабинетот на премиерот.Движењето за самоопределување тврди дека може да обезбеди 61 глас потребен за формирање на нова влада во Косово.Во меѓувреме, двете опозициски партии, Демократската лига на Косово и Алијансата за иднината на Косово, ја отфрлија можноста за заедничко владеење со Движењето Самоопределување, додека Демократската партија на Косово и Социјалдемократската иницијатива не поставија црвени линии за коалиции.Ниту една политичка партија нема доволно гласови за да формира нова влада.Движењето Самоопределување, како и трите други албански политички партии зад него, сметаат дека немнозинските заедници имаат десет гарантирани места во собранието. прочитај повеќе види ги сите денешни вести април 02, 2025 Мицкоски и Филипче утре на средба во Владата Влада на Република Северна Македонија, архивска фотографија Премиерот, Христијан Мицкоски и лидерот на опозициската СДСМ, Венко Филипче утре во 14 часот ќе имаат средба во Владата. -Согласно јавната комуникација и упатените иницијативи и демонстрираната подготвеност од двете страни, за утре во 14 часот е закажана средба меѓу премиерот Христијан Мицкоски и претседателот на СДСМ, Венко Филипче – соопшти попладнево владината прес служба.Во изјава за медиумите во Штип, Мицкоски искажа подготвеност за средба со Филипче, кој денеска повика на политички и општествен дијалог.Филипче на прес-конференција рече дека по трагедијата во Кочани граѓаните реагираа со револт и бес, системот не функционира како што треба, а за тоа вина, како што посочи, имаат сите политички партии. Видете и ова: Филипче предлага нов концепт на општествен и политички дијалог Областите каде што треба системски пристап, според Филипче се - образование, здравство, правосудство, животна средина, партизација и политизација.По неговата денешна прес конференција, од Движењето ЗНАМ реагира преку писмено соопштение во кое обвинија дека „СДСМ и Филипче немаат политички кредибилитет, ниту легитимитет да нудат какви било концепти за Македонија овој момен.- Оттука, Венко Филипче и СДСМ не можат да бидат решение на проблемите, бидејќи покажаа дека тие се проблем за секое решение, наведуваат од ЗНАМ.-Дали самопрогласениот лидер на опозицијата со ова бара начин да се факторизира како политички фактор во јавноста и да седне на преговарачка маса, имајќи ја в предвид очајната состојба на неговата партија – се наведува во реакцијата на ЗНАМ.Во меѓувреме, прашан за повикот на Филипче за средба, премиерот Мицкоски кажа дека ова е сериозна тема за која се разговара. Видете и ова: Мицкоски по повикот на Филипче: На располагање сум во секое време за средба „Доколку навистина има план и желба да помогне стојам на располагање во секое време ќе го прераспределам мојот распоред, на полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши“, изјави Мицкоски. ДУИ: Јавноста е згрозена од јавниот флерт на Мицкоски и ФилипчеПо најавата за средба, ДУИ во писмено соопштение изрази силна загриженост, поради како што велат од партијата, „сѐ понагласената моноетничка доминација која Власта ја демонстрираше во првата година од своето владеење“. -Сега веќе на јавна сцена ја вклучува и етничката македонска опозиција во својата намера. Јавноста е просто згрозена од овој јавен флерт на Мицкоски и Филипче, за полноќни средби во политички интимна атмосфера на која ништо помалку туку ќе се крои планот за нов општествен договор за регулација на идните политички текови – велат од ДУИ.Според партијата, Република Северна Македонија претставува „препознатлив модел на функционална мултиетничка демократија со јасно изразена евроатлантска ориентација“.Основниот модел на мултиетничкиот карактер на земјата е системски загрозен, а загрозен а и интегративниот процес на земјата во Европската унија. Тоа се две клучни стратешки основи кои што сериозно ја загрозуваат долгорочната стабилност и просперитет на земјата, и тоа се двата приоритети за кои треба да се отвори суштински политички дијалог – додаваат од ДУИ.Азири: Мицкоски ќе се сретне со претседателот на најголемиот огранок на ВМРО-ДПМНЕ, ФилипчеРеакција пристигна и од потпретседалот на Алијанса за Албанците, Елми Азири:„Претседателот на ВМРО-ДПМНЕ Христијан Мицкоски ќе се сретне со претседателот на најголемиот огранок на ВМРО-ДПМНЕ, Венко Филипче! Откако беше избран за претседател на СДСМ, првата средба му беше со претседателката на државата, г-ѓа Силјановска-Давкова! Последниов веќе неколку години од ВМРО го нарекуваат министер за смрт! Оваа моноетничка средба е практична имплементација на платформата Македонија повторно твоја“, вели Азири. прочитај повеќе април 02, 2025 Мицкоски по повикот на Филипче: На располагање сум во секое време за средба Христијан Мицкоски, архивска фотографија Премиерот, Христијан Мицкоски вели дека е подготвен на средба со лидерот на опозициската СДСМ, Венко Филипче доколку, како што изјави денеска, навистина има план и желба да помогне.По денешниот повик од Филипче за политички и општествен дијалог Мицкоски одговарајќи на новинарско прашање рече дека стои на располагање во секое време и ќе го усогласи распоредот за да го слушне планот на Филипче и да се види дали во тој план може нешто да се реши.„За мене е малку непристојно да разговараме преку медиуми, реков доколку има план како што најавија, подготвен сум да го примам на средба пртседателот на СДСМ да го образложи планот, да го слушнеме планот бидејќи се сериозни времиња, јас сум сериозен човек, сериозни работи се во прашање и најмалку што треба да се прави е естрада на јавна сцена“, изјави Мицкоски.Тој додаде дека доколку Филипче навистина има план и желба да помогне, тој стои на располагање во секое време ќе го прераспредели својот распоред. Видете и ова: Филипче предлага нов концепт на општествен и политички дијалог „На полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши. Но, доколку планот опфаќа пристап „Стабри“, како што беше во минатото за време на короната тогаш такви планови не можам да прифатам“, посочи Мицкоски за повикот од Филипче и дали ќе има лидерска средба со останатите претставници на партиите.Прашан дали ќе имаат заеднички став со СДСМ околу изборот на в.д градоначалник на Кочани за да нема криза во градот по трагедијата со пожарот и оставката на градоначалникот Љупчо Папазов, рече не разговарале со советниците за потецијалнот кандидат, но оти апсолутно ќе се избере в.д градоначалник и оти тука нема дилема.Претходно, лидерот на СДСМ Венко Филипче рече дека уште денеска или утре (2 и 3 април) ќе побара состанок со премиерот за да се организира таа средба.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада. прочитај повеќе април 02, 2025 ‘Науката (за)стана’: Протести во Белград и Нови Сад Белград, Србија - протести Вработени во научноистражувачката дејност денеска (2 април) организираа протести во Белград и Нови Сад на повик на српскиот Синдикат на науката во знак на поддршка на студентите во блокада.Протестите беа организирани под слоганот „Науката (за)стана“.Претставници на Синдикатот на науката и на Мрежата на академска солидарност заедно со група граѓани и студенти се собраа пред платото кај Филозофскиот факултет во Белград.Луѓето на собирот носеа транспаренти на кои меѓу другото пишуваше „Науката ви мавта со дипломите, нашите се вистински, а какви се вашите“ и „За враќање на академското достоинство“.Претставник на неформалната организација Мрежа на академската солидарност, Оливер Тошковиќ, рече дека владата „живее во свет во кој позицијата е пред аргументот".„Факт е дека оваа влада е подготвена да ја уништи и деформира научната активност во оваа земја само за да ни се одмазди лично и да нѐ понижи", рече Тошковиќ. Видете и ова: Протест пред ТВ Информер во Белград поради известување за студентските протести Собраните со 16-минутно молчење им оддадоа почит на загинатите при падот на настрешницата во Нови Сад. По молкот, тие се движеа низ централните улици на Белград до зградата на Владата на Србија.Во Србија, десетици илјади граѓани со месеци излегуваат на улиците со клучно барање да се утврди кривичната и политичката одговорност за несреќата во Нови Сад, во која 15 лица загинаа при пад на настрешницата на главната железничка станица во градот, додека шеснаесеттата жртва им подлегна на повредите повеќе од два месеци подоцна.Во фокусот на протестите се обвинувањата дека корупцијата довела до паѓање на настрешницата. Претставниците на властите ги отфрлија овие обвинувања. прочитај повеќе април 02, 2025 Тројца пациенти од пожарот во Кочани се враќаат од Шведска и Грција Дискотека Пулс, Кочани / архивска фотографија Тројца пациенти од повредените лица од пожарот во Кочани се враќаат во земјава, од кои двајца беа хоспитализирани во Грција и еден пациент во Шведска – соопшти Министерството за здравство денеска (2 април).Согласно протоколите ќе бидат задржани под 24-часовен надзор.Во Србија остануваат хоспитализирани 23 пациенти, Бугарија 14 паценти, Турција 10 пациенти, Грција 8 пациенти, Словенија 4 пациенти, во Унгарија, Хрватска, Шпанија, Австрија и Литванија се хоспитализирани по 3 пациенти, во Италија и Полска по еден пациент.Во Скопје, на Клиниката за токсикологија вчера беше хоспитализиран пациент по враќање од Полска, истиот денеска се пушта на домашно лекување. Видете и ова: Дома се пуштени 93 пациенти од пожарот во Кочани, уште сто се лекуваат На Клиниката за пластична хирургија остануваат двајца пациенти, а во Хируршката клиника Св.Наум Охридски 6 пациенти. Во ГОБ 8 Септември се хоспитализирани пет пациенти, од кои еден е планирано да биде пуштен на домашно лекување, на Клиниката за пулмологија двајца пациенти, а во приватната болница Систина се хоспитализирани тројца пациенти.Ресорниот министер, Арбен Таравари вчера изјави дека засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. прочитај повеќе април 02, 2025 Филипче предлага нов концепт на општествен и политички дијалог Венко Филипче, лидер на СДСМ Лидерот на СДСМ Венко Филипче предложи нов концепт за општествен и политички дијалог. Како што рече на денешната прес-конференција, трагедијата во Кочани покажала дека системот не функционира како што треба, а за тоа како што посочи, вина имале сите политички партии.Во однос на лидерската средба рече дека уште денеска или утре (2 и 3 април) ќе побара состанок со премиерот Христијан Мицкоски, за да се организира таа средба.Според него областите каде што треба системски пристап се - образование, здравство, правосудство, животна средина, партизација и политизација.„По големата трагедија во Кочани, ја видовме реакцијата на граѓаните, револт, на места и бес. Би рекол сосема оправдано, бидејќи тоа што во изминатите три децении, тоа што се нарекува реформи, тоа што се нарекува транзиција, очигледно не го даде посакуваниот резултат. Системот на многу места очигледно не фукционира како што треба. Јавните сервиси немаат перформанс каков што граѓаните заслужуваат. За тоа вина имаме сите политички партии, СДСМ, ВМРО-ДПМНЕ, ДУИ, другите политички партии“, рече Филипче.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада.Во однос на правосудството, предлага неминовно да се донесат реформската агенда во што пократок рок реформските закони во одреден систем во којшто ќе се постигне широк консензус не само политички, туки и други фактори од делот на правосудството на коишто ова навистина им е експертиза.„Тоа што граѓаните најмногу ги иритира а тоа е партизацијата и политизацијата. Мора да ги ослободиме институциите од канџите на политиката и партијата за да младите луѓе имаат навистина добар, компетитивен мерит систем и на тој начин да се вработуваат и напредуваат поради тоа што само на тој начин можеме експертизата да ја издигнеме на соодветно и заслужено ниво“, истакна Филипче, додавајќи дека добро е на овие теми да седнат лидерите на сите партии. Видете и ова: По трагедијата во Кочани, собраниската говорница остана нема Лидерот на СДСМ истакна дека на премиерот Христијан Мицкоски и подетално би му го образложил овој план на средба во следните денови. Во однос дали очекува неговиот предлог за лидерска средба да биде прифатен, тој рече дека уште денеска или утре (2 и 3 април) ќе побара состанок со премиерот Мицкоски, согласно агендите, за да се организира таа средба.„Оставам простор и се надевам дека сега кога политичките партии ќе го слушнат ова ќе ја прифатат таа лидерска средба. Но добро е прво тоа да го поразговараме со премиерот, имајќи предвид дека тој прв подаде рака и на прва одговори дека средбата е прифатлива. Навистина не знам што би било неприфатливо или некој зошто не би сакал да разговара, кога тоа е констатација на секој еден граѓанин во државата“, рече Филипче.На новинарско прашање дали на средбата ќе ја постави темата за евроинтеграции и уставни измени, рече дека најверојатно ќе се зборува и за таа тема. Премиерот Христијан Мицкоски деновиве изјави дека тој е подготвен да разговара со Филипче, додавајќи дека лидерската средба е пресериозна тема за да се разговара преку медиуми. прочитај повеќе април 02, 2025 Мицкоски: Милошоски и Филков имаа лош ден, Владата е стабилна Христијан Мицкоски, премир на РСМ Премиерот Христијан Мицкоски изјави дека владината коалиција е стабилна, а јавното препукување меѓу пратеникот од ВМРО-ДПМЕ Антонијо Милошоски и министерот за правда Игор Филков од коалицискиот партнер ЗНАМ, според него, ќе застане на, како што вели, на овие два лични става.„Владината коалиција е стабила. Пратеникот Антонијо Милошоски е член на Извршниот комитет на партијата, тој е дел од мојот најблизок периметар. Јас соработката со Антонијо Милошоски ја оценувам на највисоко ниво, тој е додадена вредност и во рамки на пратеничката група и во рамки на партијата. Министерот Игор Филков знам со какви проблеми се соочи, знам каква состојба затекна во Министерството за правда, континуирано на дневна основа соработуваме во делот на реформите, кои се многу важни посебно во секторот правда. Но, она што можев да го заклучам, а убеден сум дека сето ова ќе застане на овие два лични става е дека секој има право на лош ден, па така јас мислам дека тој лош ден и за едниот и за другиот завршува“, рече Мицкоски, по пуштањето на фабриката на „Магна мехатроникс“ во ТИРЗ Штип. Прашан дали има проблеми со коалицијата Вреди во која е министерот за здравство Арбен Тараври кој предвои едно од крилата во Алијанса за Албанците, рече дека нема такво чувство и оти имаат исклучителна соработка. „Не, немам такво чувство. Напротив, имаме исклучителна соработка. Граѓаните да бидат сигурни, Владата е стабилна, повеќе од две третини неофицијално, а официјално 78 пратеници ја поддржуваат оваа Влада. Граѓаните, според она што го гледам од анкетите даваат поддршка, огромно е позитивното мислење дека и Македонија се движи во позитивна насока и тоа претставува за нас инспирација да продолжиме понатаму да се движиме и да работиме“, рече Мицкоски. Видете и ова: Апетитите за локалните избори ја зовреа „Вреди“ Пратеникот на ВМРО-ДПМНЕ и потпретседател на Собранието, Антонијо Милошоски вчера во телевизиско гостување рече дека министерот за правда Игор Филков има слаб придонес во областа со која раководи. Посочи дека очекувал досега барем во нацрт верзија до Собранието да бидат доставени Предлог-законот за судови, Предлог-законот за судски буџет, Предлог законот за јавнообвинителската служба, новиот Кривичен законик...Министерот за правда Филков, пак, во реакција на изнесените наводи на Милошоски рече дека „Кусурот на Груевски, познат под прекарот - Џуџето од Небрегово, а јавноста добро го памети по аферите поврзани со АМСМ и семејните бизниси од Кичево, изгледа дека сè уште нема навика да одговара пред граѓаните кои го избрале“.„Бидејќи очигледно е неинформиран и изолиран од партијата, го упатувам во неговата матична партија или пак во Владата-можеби конечно ќе го известат за постапките, роковите и статусот на законите! И, бидејќи изгледа како некој што работи по туѓи наредби, за кого одработува во моментов? Дали се тоа интересите на граѓаните или некои други агенди? Во минатото е познат по Ванчо Михајловистички ставови, многу лаги и невистини. Ова е лош де-фокус на македонската јавност по двонеделниот „одмор“! Да го потсетам дека во парламентот е од 2011 година, откако се повлече од функцијата министер за надворешни работи и активно учествуваше во креирање на „канцерогениот“ правосуден систем. Сега е добар момент да се потсети јавноста дека токму тој директно учествуваше во процесот на донесувањето на штетните измени на КЗ во 2023 година, со што се спаси од одговорност за кривичното дело ,,Моќник”“, наведе Филков, набројувајќи ги законите на кои работел во изминатиот период. прочитај повеќе април 02, 2025 По еднодневна пауза, Русија ги продолжува масовните напади врз Украина Последици од нападот во градот Харкив, Украина, 2 април 2025 година Русија започна нови воздушни напади врз Украина по еднодневна пазуа од напади со дронови. Во регионот Запорожје, едно лице загинало, а две други се повредени, изјави во среда (2 април) на Телеграм регионалниот гувернер Иван Федоров. Петнаесет беспилотни летала, исто така, го нападнале источниот град Харкив, при што биле повредени најмалку осум лица.Украинските сили за цивилна одбрана соопштија дека биле погодени згради кои припаѓаат на цивилни фирми, а исто така била нанесена штета и на станбени области. Откако Украина во вторникот ја доживеа првата ноќ без беспилотни летала во годината, воздушната одбрана на земјата извести дека Русија распоредила 74 дронови и мамки со беспилотни летала во текот на ноќта до среда наутро.Нападите првенствено ги погодиле регионите Харкив, Доњецк и Одеса. Видете и ова: Зеленски: Партнерите на Украина ќе разговараат за распоредување странски војници Во Москва, руското Министерство за одбрана тврдеше дека соборило 93 украински беспилотни летала во текот на ноќта, главно над пограничниот регион Курск.Војувањето со беспилотни летала стана речиси секојдневна тактика во војната, иако размерите на уништување и жртви предизвикани од руските напади го надминуваат влијанието на украинските напади. Украина се брани од руската инвазија повеќе од три години, потпирајќи се во голема мера на поддршката од Западот. прочитај повеќе април 02, 2025 Дурмиши: Секој има право да излезе на улица и да покаже револт Министерот за економија и труд Бесар Дурмиши Живееме во демократија и секој има право да излезе на улица и да протестира и да го каже својот револт, но на синдикатите веќе им истече мандатот и веќе не се репрезентативни, порача денеска (2 април)министерот за економија и труд Бесар Дурмиши.„Како Влада ја формиравме комисијата која треба да ја утврди репрезентативноста на синдикатите и таа комисија веќе работи. Веднаш кога ќе се определи кој синдикат е репрезентативен ќе ја свикам седницата на Економско социјалниот совет (ЕСС). Токму таму синдикатите треба да ги кажат своите барања, а не на улица“, изјави Дурмиши во одговор на новинарско прашање пред почетокот на конференцијата „Реформа на Законот за работни односи – предизвици и насоки“. Видете и ова: Синдикатите утре на протест, барањето за поголем минималец ги „скара“ со Владата Како Влада, нагласи дека се за социјален дијалог. Одговарајќи на прашање рече дека како Влада постапиле според законот и методологијата за минималната плата, со која се усогласени сите засегнати страни, односно и синдикатите и работодавачите, и го објавиле износот на минималната плата на крајот на март.„Според тој правилник минималната плата изнесува 400 евра и е покачена нето платата за 1800 денари. Како надлежен министер за економија и труд јас ја објавив минималната плата по одлука на Владата, рече Дурмиши.Нагласи дека немале согласност од ЕСС за износот на минималната плата поради тоа што нема репрезентативност од синдикатите.„Јас според законот кој е во сила и кој е потпишан и од синдикатите и од работодавачите и по одлука на Влада обврзан сум пред 31 март да ја објавам минималната плата. Од минималната плата потоа се пресметува и просечната плата и другите плати. Ако не ја објавевме до 31 март ќе се блокираше целата држава и сите институции, а приватниот сектор не ќе можеше да пресмета плати за нивните вработени“, истакна Дурмиши.Сојузот на синдикатите на Македонија (ССМ) денеска одржува јавна седница пред зградата на Работничкиот дом на која ќе ги искаже своите ставови за минималната плата. прочитај повеќе април 02, 2025 Советот на јавни обвинители даде негативно мислење за разрешување на Коцевски Државниот јавен обвинител Љупчо Коцевски Советот на јавни обвинители даде негативно мислење по предлогот на Владата за разрешување на државниот јавен обвинител Љупчо Коцевски. За прифаќање на предлогот гласаа тројца, додека шест члена гласа против. Претседателката на Советот на јавни обвинители Душица Димитриеска, рече дека со оглед дека Советот одлуките ги носи со мнозинство, мнозинството дадоа негативно мислење. За прифаќање на предлогот на Владата за разрешување на Коцевски гласаа Кети Петкова, Ардиан Демири и Марјана Илиевска.Советот на јавни обвинители претходно ја исклучи јавноста од точката за разгледување на предлогот за разрешување на државниот јавен обвинител Љупчо Коцевски. Членовите на Советот едногласно го поддржаа предлогот на членот Зорица Павловиќ, која повикувајќи се на член 10 од Законот за совет на јавни обвинители побара да се исклучи јавноста поради, како што кажа, сензитивноста на процесот и за заштита на угледот и интегритетот на јавниот обвинител.Светлана Стојковиќ, го поддржа предлогот, дополнувајќи дека јавноста треба да биде исклучена и поради тоа што во произнесувањето од Коцевски по предлогот за негово разрешување, се изнесени и информации и докази од дисциплинските постапки што се води против двајца јавни обвинители. Расправата, како што нагласија, ќе биде затворена, а јавноста ќе биде вклучена само за гласањето по мислењето за предлогот на Владата за разрешување на Коцевски.Седницата за разгледување на предлогот претходно на два пати беше одложена. Првично беше закажана за 18 март, но беше одложена поради седумдневната жалост по трагедијата во Кочани, а минатата недела, на 26 март беше одложена поради немање на кворум. Согласно законските рокови за разгледување на предлогот за разрешување на Коцевски, Советот треба да го разгледа најдоцна до крајот на неделава, иако Владата објави дека ќе ја прекине постапката. Видете и ова: Предлогот за разрешување на Коцевски на денешната владина седница Портпаролката на Владата Марија Митева, на 26 март годинава, изјави дека Владата ќе ја прекине постапката за разрешување на државниот јавен обвинител Љупчо Коцевски и доколку добие мислење од страна на Советот на ЈО, истото нема да го проследи до Собранието.Премиерот Христијан Мицкоски по трагедијата во Кочани изјави дека постапката за разрешување на јавниот обвинител Коцевски ќе се запре во моментот до таму каде што се наоѓа.Владата на 11 февруари година донесе одлука да поведе постапка за разрешување на државниот јавен обвинител Коцевски кој беше избран на оваа позиција пред една година, а неговиот мандат трае шест години.Министерството за правда, постапувајќи по заклучокот од 50-та седница на Владата, го изготви Предлог-мислењето за разрешување на државниот јавен обвинител. Коцевски, како што велат од Министерството за правда, постапувал во предмети во кои согласно законските одредби постоеле околности кои предизвикуваат сомневање во неговата непристрасност, како и судир на интереси, а за кои околности тој требало да знае и требало да се изземе. Републичкиот обвинител Коцевски го демантира тврдењето дека незаконски постапил посочувајќи дека го следел законот и роковите во него. прочитај повеќе Вчитај повеќе...

Вести април 02, 2025 ‘Науката (за)стана’: Протести во Белград и Нови Сад Белград, Србија - протести Вработени во научноистражувачката дејност денеска (2 април) организираа протести во Белград и Нови Сад на повик на српскиот Синдикат на науката во знак на поддршка на студентите во блокада.Протестите беа организирани под слоганот „Науката (за)стана“.Претставници на Синдикатот на науката и на Мрежата на академска солидарност заедно со група граѓани и студенти се собраа пред платото кај Филозофскиот факултет во Белград.Луѓето на собирот носеа транспаренти на кои меѓу другото пишуваше „Науката ви мавта со дипломите, нашите се вистински, а какви се вашите“ и „За враќање на академското достоинство“.Претставник на неформалната организација Мрежа на академската солидарност, Оливер Тошковиќ, рече дека владата „живее во свет во кој позицијата е пред аргументот".„Факт е дека оваа влада е подготвена да ја уништи и деформира научната активност во оваа земја само за да ни се одмазди лично и да нѐ понижи", рече Тошковиќ. Видете и ова: Протест пред ТВ Информер во Белград поради известување за студентските протести Собраните со 16-минутно молчење им оддадоа почит на загинатите при падот на настрешницата во Нови Сад. По молкот, тие се движеа низ централните улици на Белград до зградата на Владата на Србија.Во Србија, десетици илјади граѓани со месеци излегуваат на улиците со клучно барање да се утврди кривичната и политичката одговорност за несреќата во Нови Сад, во која 15 лица загинаа при пад на настрешницата на главната железничка станица во градот, додека шеснаесеттата жртва им подлегна на повредите повеќе од два месеци подоцна.Во фокусот на протестите се обвинувањата дека корупцијата довела до паѓање на настрешницата. Претставниците на властите ги отфрлија овие обвинувања. прочитај повеќе види ги сите денешни вести април 02, 2025 Мицкоски и Филипче утре на средба во Владата Влада на Република Северна Македонија, архивска фотографија Премиерот, Христијан Мицкоски и лидерот на опозициската СДСМ, Венко Филипче утре во 14 часот ќе имаат средба во Владата. -Согласно јавната комуникација и упатените иницијативи и демонстрираната подготвеност од двете страни, за утре во 14 часот е закажана средба меѓу премиерот Христијан Мицкоски и претседателот на СДСМ, Венко Филипче – соопшти попладнево владината прес служба.Во изјава за медиумите во Штип, Мицкоски искажа подготвеност за средба со Филипче, кој денеска повика на политички и општествен дијалог.Филипче на прес-конференција рече дека по трагедијата во Кочани граѓаните реагираа со револт и бес, системот не функционира како што треба, а за тоа вина, како што посочи, имаат сите политички партии. Видете и ова: Филипче предлага нов концепт на општествен и политички дијалог Областите каде што треба системски пристап, според Филипче се - образование, здравство, правосудство, животна средина, партизација и политизација.По неговата денешна прес конференција, од Движењето ЗНАМ реагира преку писмено соопштение во кое обвинија дека „СДСМ и Филипче немаат политички кредибилитет, ниту легитимитет да нудат какви било концепти за Македонија овој момен.- Оттука, Венко Филипче и СДСМ не можат да бидат решение на проблемите, бидејќи покажаа дека тие се проблем за секое решение, наведуваат од ЗНАМ.-Дали самопрогласениот лидер на опозицијата со ова бара начин да се факторизира како политички фактор во јавноста и да седне на преговарачка маса, имајќи ја в предвид очајната состојба на неговата партија – се наведува во реакцијата на ЗНАМ.Во меѓувреме, прашан за повикот на Филипче за средба, премиерот Мицкоски кажа дека ова е сериозна тема за која се разговара. Видете и ова: Мицкоски по повикот на Филипче: На располагање сум во секое време за средба „Доколку навистина има план и желба да помогне стојам на располагање во секое време ќе го прераспределам мојот распоред, на полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши“, изјави Мицкоски. ДУИ: Јавноста е згрозена од јавниот флерт на Мицкоски и ФилипчеПо најавата за средба, ДУИ во писмено соопштение изрази силна загриженост, поради како што велат од партијата, „сѐ понагласената моноетничка доминација која Власта ја демонстрираше во првата година од своето владеење“. -Сега веќе на јавна сцена ја вклучува и етничката македонска опозиција во својата намера. Јавноста е просто згрозена од овој јавен флерт на Мицкоски и Филипче, за полноќни средби во политички интимна атмосфера на која ништо помалку туку ќе се крои планот за нов општествен договор за регулација на идните политички текови – велат од ДУИ.Според партијата, Република Северна Македонија претставува „препознатлив модел на функционална мултиетничка демократија со јасно изразена евроатлантска ориентација“.Основниот модел на мултиетничкиот карактер на земјата е системски загрозен, а загрозен а и интегративниот процес на земјата во Европската унија. Тоа се две клучни стратешки основи кои што сериозно ја загрозуваат долгорочната стабилност и просперитет на земјата, и тоа се двата приоритети за кои треба да се отвори суштински политички дијалог – додаваат од ДУИ.Азири: Мицкоски ќе се сретне со претседателот на најголемиот огранок на ВМРО-ДПМНЕ, ФилипчеРеакција пристигна и од потпретседалот на Алијанса за Албанците, Елми Азири:„Претседателот на ВМРО-ДПМНЕ Христијан Мицкоски ќе се сретне со претседателот на најголемиот огранок на ВМРО-ДПМНЕ, Венко Филипче! Откако беше избран за претседател на СДСМ, првата средба му беше со претседателката на државата, г-ѓа Силјановска-Давкова! Последниов веќе неколку години од ВМРО го нарекуваат министер за смрт! Оваа моноетничка средба е практична имплементација на платформата Македонија повторно твоја“, вели Азири. прочитај повеќе април 02, 2025 Мицкоски по повикот на Филипче: На располагање сум во секое време за средба Христијан Мицкоски, архивска фотографија Премиерот, Христијан Мицкоски вели дека е подготвен на средба со лидерот на опозициската СДСМ, Венко Филипче доколку, како што изјави денеска, навистина има план и желба да помогне.По денешниот повик од Филипче за политички и општествен дијалог Мицкоски одговарајќи на новинарско прашање рече дека стои на располагање во секое време и ќе го усогласи распоредот за да го слушне планот на Филипче и да се види дали во тој план може нешто да се реши.„За мене е малку непристојно да разговараме преку медиуми, реков доколку има план како што најавија, подготвен сум да го примам на средба пртседателот на СДСМ да го образложи планот, да го слушнеме планот бидејќи се сериозни времиња, јас сум сериозен човек, сериозни работи се во прашање и најмалку што треба да се прави е естрада на јавна сцена“, изјави Мицкоски.Тој додаде дека доколку Филипче навистина има план и желба да помогне, тој стои на располагање во секое време ќе го прераспредели својот распоред. Видете и ова: Филипче предлага нов концепт на општествен и политички дијалог „На полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши. Но, доколку планот опфаќа пристап „Стабри“, како што беше во минатото за време на короната тогаш такви планови не можам да прифатам“, посочи Мицкоски за повикот од Филипче и дали ќе има лидерска средба со останатите претставници на партиите.Прашан дали ќе имаат заеднички став со СДСМ околу изборот на в.д градоначалник на Кочани за да нема криза во градот по трагедијата со пожарот и оставката на градоначалникот Љупчо Папазов, рече не разговарале со советниците за потецијалнот кандидат, но оти апсолутно ќе се избере в.д градоначалник и оти тука нема дилема.Претходно, лидерот на СДСМ Венко Филипче рече дека уште денеска или утре (2 и 3 април) ќе побара состанок со премиерот за да се организира таа средба.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада. прочитај повеќе април 02, 2025 Курти почна разговори со малцинските партии за формирање на новата влада Состанок на Курти и Реџепи, 2 април Вршителот на должноста премиер на Косово, како и претседател на Движењето Самоопределување, партијата која победи на парламентарните избори на 9 февруари во земјата, почна состаноци со малцинските политички партии за да се консултира за формирањето на новата влада.Овој процес отпочна по потврдувањто на изборните резултати и почетокот на уставните рокови за формирање на законодавната власт и новата влада, додека претседателката на Косово, Вјоса Османи го одреди 15 април како датум за одржување на конститутивната седница на Собранието на Косово.Косовскиот премиер, Албин Курти, изјави дека се сретнал со претседателката на Новата демократска партија (НДС) од бошњачката заедница, а воедно и вршител на должноста заменик на премиерот, Емилија Реџепи. Видете и ова: Закажана конститутивна седница на Собранието на Косово Според изјавата од канцеларијата на премиерот, Реџепи „ја потврдила својата целосна подготвеност да продолжи да соработува" со Движењето Самоопределување и да го поддржи Курти во неговите напори да формира нова влада.Курти, исто така, се сретна со претседателот на Партијата за слобода, правда и опстанок од српската заедница, кој е и вршител на должноста министер за заедници и враќање, Ненад Рашиќ.За време на разговорите, министерот Рашиќ ја потврди својата поддршка на премиерот Курти за формирање на нова влада и продолжување на соработката - се вели во соопштението од кабинетот на премиерот.Движењето за самоопределување тврди дека може да обезбеди 61 глас потребен за формирање на нова влада во Косово.Во меѓувреме, двете опозициски партии, Демократската лига на Косово и Алијансата за иднината на Косово, ја отфрлија можноста за заедничко владеење со Движењето Самоопределување, додека Демократската партија на Косово и Социјалдемократската иницијатива не поставија црвени линии за коалиции.Ниту една политичка партија нема доволно гласови за да формира нова влада.Движењето Самоопределување, како и трите други албански политички партии зад него, сметаат дека немнозинските заедници имаат десет гарантирани места во собранието. прочитај повеќе април 02, 2025 Тројца пациенти од пожарот во Кочани се враќаат од Шведска и Грција Дискотека Пулс, Кочани / архивска фотографија Тројца пациенти од повредените лица од пожарот во Кочани се враќаат во земјава, од кои двајца беа хоспитализирани во Грција и еден пациент во Шведска – соопшти Министерството за здравство денеска (2 април).Согласно протоколите ќе бидат задржани под 24-часовен надзор.Во Србија остануваат хоспитализирани 23 пациенти, Бугарија 14 паценти, Турција 10 пациенти, Грција 8 пациенти, Словенија 4 пациенти, во Унгарија, Хрватска, Шпанија, Австрија и Литванија се хоспитализирани по 3 пациенти, во Италија и Полска по еден пациент.Во Скопје, на Клиниката за токсикологија вчера беше хоспитализиран пациент по враќање од Полска, истиот денеска се пушта на домашно лекување. Видете и ова: Дома се пуштени 93 пациенти од пожарот во Кочани, уште сто се лекуваат На Клиниката за пластична хирургија остануваат двајца пациенти, а во Хируршката клиника Св.Наум Охридски 6 пациенти. Во ГОБ 8 Септември се хоспитализирани пет пациенти, од кои еден е планирано да биде пуштен на домашно лекување, на Клиниката за пулмологија двајца пациенти, а во приватната болница Систина се хоспитализирани тројца пациенти.Ресорниот министер, Арбен Таравари вчера изјави дека засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. прочитај повеќе април 02, 2025 Филипче предлага нов концепт на општествен и политички дијалог Венко Филипче, лидер на СДСМ Лидерот на СДСМ Венко Филипче предложи нов концепт за општествен и политички дијалог. Како што рече на денешната прес-конференција, трагедијата во Кочани покажала дека системот не функционира како што треба, а за тоа како што посочи, вина имале сите политички партии.Во однос на лидерската средба рече дека уште денеска или утре (2 и 3 април) ќе побара состанок со премиерот Христијан Мицкоски, за да се организира таа средба.Според него областите каде што треба системски пристап се - образование, здравство, правосудство, животна средина, партизација и политизација.„По големата трагедија во Кочани, ја видовме реакцијата на граѓаните, револт, на места и бес. Би рекол сосема оправдано, бидејќи тоа што во изминатите три децении, тоа што се нарекува реформи, тоа што се нарекува транзиција, очигледно не го даде посакуваниот резултат. Системот на многу места очигледно не фукционира како што треба. Јавните сервиси немаат перформанс каков што граѓаните заслужуваат. За тоа вина имаме сите политички партии, СДСМ, ВМРО-ДПМНЕ, ДУИ, другите политички партии“, рече Филипче.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада.Во однос на правосудството, предлага неминовно да се донесат реформската агенда во што пократок рок реформските закони во одреден систем во којшто ќе се постигне широк консензус не само политички, туки и други фактори од делот на правосудството на коишто ова навистина им е експертиза.„Тоа што граѓаните најмногу ги иритира а тоа е партизацијата и политизацијата. Мора да ги ослободиме институциите од канџите на политиката и партијата за да младите луѓе имаат навистина добар, компетитивен мерит систем и на тој начин да се вработуваат и напредуваат поради тоа што само на тој начин можеме експертизата да ја издигнеме на соодветно и заслужено ниво“, истакна Филипче, додавајќи дека добро е на овие теми да седнат лидерите на сите партии. Видете и ова: По трагедијата во Кочани, собраниската говорница остана нема Лидерот на СДСМ истакна дека на премиерот Христијан Мицкоски и подетално би му го образложил овој план на средба во следните денови. Во однос дали очекува неговиот предлог за лидерска средба да биде прифатен, тој рече дека уште денеска или утре (2 и 3 април) ќе побара состанок со премиерот Мицкоски, согласно агендите, за да се организира таа средба.„Оставам простор и се надевам дека сега кога политичките партии ќе го слушнат ова ќе ја прифатат таа лидерска средба. Но добро е прво тоа да го поразговараме со премиерот, имајќи предвид дека тој прв подаде рака и на прва одговори дека средбата е прифатлива. Навистина не знам што би било неприфатливо или некој зошто не би сакал да разговара, кога тоа е констатација на секој еден граѓанин во државата“, рече Филипче.На новинарско прашање дали на средбата ќе ја постави темата за евроинтеграции и уставни измени, рече дека најверојатно ќе се зборува и за таа тема. Премиерот Христијан Мицкоски деновиве изјави дека тој е подготвен да разговара со Филипче, додавајќи дека лидерската средба е пресериозна тема за да се разговара преку медиуми. прочитај повеќе април 02, 2025 Мицкоски: Милошоски и Филков имаа лош ден, Владата е стабилна Христијан Мицкоски, премир на РСМ Премиерот Христијан Мицкоски изјави дека владината коалиција е стабилна, а јавното препукување меѓу пратеникот од ВМРО-ДПМЕ Антонијо Милошоски и министерот за правда Игор Филков од коалицискиот партнер ЗНАМ, според него, ќе застане на, како што вели, на овие два лични става.„Владината коалиција е стабила. Пратеникот Антонијо Милошоски е член на Извршниот комитет на партијата, тој е дел од мојот најблизок периметар. Јас соработката со Антонијо Милошоски ја оценувам на највисоко ниво, тој е додадена вредност и во рамки на пратеничката група и во рамки на партијата. Министерот Игор Филков знам со какви проблеми се соочи, знам каква состојба затекна во Министерството за правда, континуирано на дневна основа соработуваме во делот на реформите, кои се многу важни посебно во секторот правда. Но, она што можев да го заклучам, а убеден сум дека сето ова ќе застане на овие два лични става е дека секој има право на лош ден, па така јас мислам дека тој лош ден и за едниот и за другиот завршува“, рече Мицкоски, по пуштањето на фабриката на „Магна мехатроникс“ во ТИРЗ Штип. Прашан дали има проблеми со коалицијата Вреди во која е министерот за здравство Арбен Тараври кој предвои едно од крилата во Алијанса за Албанците, рече дека нема такво чувство и оти имаат исклучителна соработка. „Не, немам такво чувство. Напротив, имаме исклучителна соработка. Граѓаните да бидат сигурни, Владата е стабилна, повеќе од две третини неофицијално, а официјално 78 пратеници ја поддржуваат оваа Влада. Граѓаните, според она што го гледам од анкетите даваат поддршка, огромно е позитивното мислење дека и Македонија се движи во позитивна насока и тоа претставува за нас инспирација да продолжиме понатаму да се движиме и да работиме“, рече Мицкоски. Видете и ова: Апетитите за локалните избори ја зовреа „Вреди“ Пратеникот на ВМРО-ДПМНЕ и потпретседател на Собранието, Антонијо Милошоски вчера во телевизиско гостување рече дека министерот за правда Игор Филков има слаб придонес во областа со која раководи. Посочи дека очекувал досега барем во нацрт верзија до Собранието да бидат доставени Предлог-законот за судови, Предлог-законот за судски буџет, Предлог законот за јавнообвинителската служба, новиот Кривичен законик...Министерот за правда Филков, пак, во реакција на изнесените наводи на Милошоски рече дека „Кусурот на Груевски, познат под прекарот - Џуџето од Небрегово, а јавноста добро го памети по аферите поврзани со АМСМ и семејните бизниси од Кичево, изгледа дека сè уште нема навика да одговара пред граѓаните кои го избрале“.„Бидејќи очигледно е неинформиран и изолиран од партијата, го упатувам во неговата матична партија или пак во Владата-можеби конечно ќе го известат за постапките, роковите и статусот на законите! И, бидејќи изгледа како некој што работи по туѓи наредби, за кого одработува во моментов? Дали се тоа интересите на граѓаните или некои други агенди? Во минатото е познат по Ванчо Михајловистички ставови, многу лаги и невистини. Ова е лош де-фокус на македонската јавност по двонеделниот „одмор“! Да го потсетам дека во парламентот е од 2011 година, откако се повлече од функцијата министер за надворешни работи и активно учествуваше во креирање на „канцерогениот“ правосуден систем. Сега е добар момент да се потсети јавноста дека токму тој директно учествуваше во процесот на донесувањето на штетните измени на КЗ во 2023 година, со што се спаси од одговорност за кривичното дело ,,Моќник”“, наведе Филков, набројувајќи ги законите на кои работел во изминатиот период. прочитај повеќе април 02, 2025 По еднодневна пауза, Русија ги продолжува масовните напади врз Украина Последици од нападот во градот Харкив, Украина, 2 април 2025 година Русија започна нови воздушни напади врз Украина по еднодневна пазуа од напади со дронови. Во регионот Запорожје, едно лице загинало, а две други се повредени, изјави во среда (2 април) на Телеграм регионалниот гувернер Иван Федоров. Петнаесет беспилотни летала, исто така, го нападнале источниот град Харкив, при што биле повредени најмалку осум лица.Украинските сили за цивилна одбрана соопштија дека биле погодени згради кои припаѓаат на цивилни фирми, а исто така била нанесена штета и на станбени области. Откако Украина во вторникот ја доживеа првата ноќ без беспилотни летала во годината, воздушната одбрана на земјата извести дека Русија распоредила 74 дронови и мамки со беспилотни летала во текот на ноќта до среда наутро.Нападите првенствено ги погодиле регионите Харкив, Доњецк и Одеса. Видете и ова: Зеленски: Партнерите на Украина ќе разговараат за распоредување странски војници Во Москва, руското Министерство за одбрана тврдеше дека соборило 93 украински беспилотни летала во текот на ноќта, главно над пограничниот регион Курск.Војувањето со беспилотни летала стана речиси секојдневна тактика во војната, иако размерите на уништување и жртви предизвикани од руските напади го надминуваат влијанието на украинските напади. Украина се брани од руската инвазија повеќе од три години, потпирајќи се во голема мера на поддршката од Западот. прочитај повеќе април 02, 2025 Дурмиши: Секој има право да излезе на улица и да покаже револт Министерот за економија и труд Бесар Дурмиши Живееме во демократија и секој има право да излезе на улица и да протестира и да го каже својот револт, но на синдикатите веќе им истече мандатот и веќе не се репрезентативни, порача денеска (2 април)министерот за економија и труд Бесар Дурмиши.„Како Влада ја формиравме комисијата која треба да ја утврди репрезентативноста на синдикатите и таа комисија веќе работи. Веднаш кога ќе се определи кој синдикат е репрезентативен ќе ја свикам седницата на Економско социјалниот совет (ЕСС). Токму таму синдикатите треба да ги кажат своите барања, а не на улица“, изјави Дурмиши во одговор на новинарско прашање пред почетокот на конференцијата „Реформа на Законот за работни односи – предизвици и насоки“. Видете и ова: Синдикатите утре на протест, барањето за поголем минималец ги „скара“ со Владата Како Влада, нагласи дека се за социјален дијалог. Одговарајќи на прашање рече дека како Влада постапиле според законот и методологијата за минималната плата, со која се усогласени сите засегнати страни, односно и синдикатите и работодавачите, и го објавиле износот на минималната плата на крајот на март.„Според тој правилник минималната плата изнесува 400 евра и е покачена нето платата за 1800 денари. Како надлежен министер за економија и труд јас ја објавив минималната плата по одлука на Владата, рече Дурмиши.Нагласи дека немале согласност од ЕСС за износот на минималната плата поради тоа што нема репрезентативност од синдикатите.„Јас според законот кој е во сила и кој е потпишан и од синдикатите и од работодавачите и по одлука на Влада обврзан сум пред 31 март да ја објавам минималната плата. Од минималната плата потоа се пресметува и просечната плата и другите плати. Ако не ја објавевме до 31 март ќе се блокираше целата држава и сите институции, а приватниот сектор не ќе можеше да пресмета плати за нивните вработени“, истакна Дурмиши.Сојузот на синдикатите на Македонија (ССМ) денеска одржува јавна седница пред зградата на Работничкиот дом на која ќе ги искаже своите ставови за минималната плата. прочитај повеќе април 02, 2025 Советот на јавни обвинители даде негативно мислење за разрешување на Коцевски Државниот јавен обвинител Љупчо Коцевски Советот на јавни обвинители даде негативно мислење по предлогот на Владата за разрешување на државниот јавен обвинител Љупчо Коцевски. За прифаќање на предлогот гласаа тројца, додека шест члена гласа против. Претседателката на Советот на јавни обвинители Душица Димитриеска, рече дека со оглед дека Советот одлуките ги носи со мнозинство, мнозинството дадоа негативно мислење. За прифаќање на предлогот на Владата за разрешување на Коцевски гласаа Кети Петкова, Ардиан Демири и Марјана Илиевска.Советот на јавни обвинители претходно ја исклучи јавноста од точката за разгледување на предлогот за разрешување на државниот јавен обвинител Љупчо Коцевски. Членовите на Советот едногласно го поддржаа предлогот на членот Зорица Павловиќ, која повикувајќи се на член 10 од Законот за совет на јавни обвинители побара да се исклучи јавноста поради, како што кажа, сензитивноста на процесот и за заштита на угледот и интегритетот на јавниот обвинител.Светлана Стојковиќ, го поддржа предлогот, дополнувајќи дека јавноста треба да биде исклучена и поради тоа што во произнесувањето од Коцевски по предлогот за негово разрешување, се изнесени и информации и докази од дисциплинските постапки што се води против двајца јавни обвинители. Расправата, како што нагласија, ќе биде затворена, а јавноста ќе биде вклучена само за гласањето по мислењето за предлогот на Владата за разрешување на Коцевски.Седницата за разгледување на предлогот претходно на два пати беше одложена. Првично беше закажана за 18 март, но беше одложена поради седумдневната жалост по трагедијата во Кочани, а минатата недела, на 26 март беше одложена поради немање на кворум. Согласно законските рокови за разгледување на предлогот за разрешување на Коцевски, Советот треба да го разгледа најдоцна до крајот на неделава, иако Владата објави дека ќе ја прекине постапката. Видете и ова: Предлогот за разрешување на Коцевски на денешната владина седница Портпаролката на Владата Марија Митева, на 26 март годинава, изјави дека Владата ќе ја прекине постапката за разрешување на државниот јавен обвинител Љупчо Коцевски и доколку добие мислење од страна на Советот на ЈО, истото нема да го проследи до Собранието.Премиерот Христијан Мицкоски по трагедијата во Кочани изјави дека постапката за разрешување на јавниот обвинител Коцевски ќе се запре во моментот до таму каде што се наоѓа.Владата на 11 февруари година донесе одлука да поведе постапка за разрешување на државниот јавен обвинител Коцевски кој беше избран на оваа позиција пред една година, а неговиот мандат трае шест години.Министерството за правда, постапувајќи по заклучокот од 50-та седница на Владата, го изготви Предлог-мислењето за разрешување на државниот јавен обвинител. Коцевски, како што велат од Министерството за правда, постапувал во предмети во кои согласно законските одредби постоеле околности кои предизвикуваат сомневање во неговата непристрасност, како и судир на интереси, а за кои околности тој требало да знае и требало да се изземе. Републичкиот обвинител Коцевски го демантира тврдењето дека незаконски постапил посочувајќи дека го следел законот и роковите во него. прочитај повеќе Вчитај повеќе...

Вести април 02, 2025 Тројца пациенти од пожарот во Кочани се враќаат од Шведска и Грција Дискотека Пулс, Кочани / архивска фотографија Тројца пациенти од повредените лица од пожарот во Кочани се враќаат во земјава, од кои двајца беа хоспитализирани во Грција и еден пациент во Шведска – соопшти Министерството за здравство денеска (2 април).Согласно протоколите ќе бидат задржани под 24-часовен надзор.Во Србија остануваат хоспитализирани 23 пациенти, Бугарија 14 паценти, Турција 10 пациенти, Грција 8 пациенти, Словенија 4 пациенти, во Унгарија, Хрватска, Шпанија, Австрија и Литванија се хоспитализирани по 3 пациенти, во Италија и Полска по еден пациент.Во Скопје, на Клиниката за токсикологија вчера беше хоспитализиран пациент по враќање од Полска, истиот денеска се пушта на домашно лекување. Видете и ова: Дома се пуштени 93 пациенти од пожарот во Кочани, уште сто се лекуваат На Клиниката за пластична хирургија остануваат двајца пациенти, а во Хируршката клиника Св.Наум Охридски 6 пациенти. Во ГОБ 8 Септември се хоспитализирани пет пациенти, од кои еден е планирано да биде пуштен на домашно лекување, на Клиниката за пулмологија двајца пациенти, а во приватната болница Систина се хоспитализирани тројца пациенти.Ресорниот министер, Арбен Таравари вчера изјави дека засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. прочитај повеќе види ги сите денешни вести април 02, 2025 Мицкоски и Филипче утре на средба во Владата Влада на Република Северна Македонија, архивска фотографија Премиерот, Христијан Мицкоски и лидерот на опозициската СДСМ, Венко Филипче утре во 14 часот ќе имаат средба во Владата. -Согласно јавната комуникација и упатените иницијативи и демонстрираната подготвеност од двете страни, за утре во 14 часот е закажана средба меѓу премиерот Христијан Мицкоски и претседателот на СДСМ, Венко Филипче – соопшти попладнево владината прес служба.Во изјава за медиумите во Штип, Мицкоски искажа подготвеност за средба со Филипче, кој денеска повика на политички и општествен дијалог.Филипче на прес-конференција рече дека по трагедијата во Кочани граѓаните реагираа со револт и бес, системот не функционира како што треба, а за тоа вина, како што посочи, имаат сите политички партии. Видете и ова: Филипче предлага нов концепт на општествен и политички дијалог Областите каде што треба системски пристап, според Филипче се - образование, здравство, правосудство, животна средина, партизација и политизација.По неговата денешна прес конференција, од Движењето ЗНАМ реагира преку писмено соопштение во кое обвинија дека „СДСМ и Филипче немаат политички кредибилитет, ниту легитимитет да нудат какви било концепти за Македонија овој момен.- Оттука, Венко Филипче и СДСМ не можат да бидат решение на проблемите, бидејќи покажаа дека тие се проблем за секое решение, наведуваат од ЗНАМ.-Дали самопрогласениот лидер на опозицијата со ова бара начин да се факторизира како политички фактор во јавноста и да седне на преговарачка маса, имајќи ја в предвид очајната состојба на неговата партија – се наведува во реакцијата на ЗНАМ.Во меѓувреме, прашан за повикот на Филипче за средба, премиерот Мицкоски кажа дека ова е сериозна тема за која се разговара. Видете и ова: Мицкоски по повикот на Филипче: На располагање сум во секое време за средба „Доколку навистина има план и желба да помогне стојам на располагање во секое време ќе го прераспределам мојот распоред, на полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши“, изјави Мицкоски. ДУИ: Јавноста е згрозена од јавниот флерт на Мицкоски и ФилипчеПо најавата за средба, ДУИ во писмено соопштение изрази силна загриженост, поради како што велат од партијата, „сѐ понагласената моноетничка доминација која Власта ја демонстрираше во првата година од своето владеење“. -Сега веќе на јавна сцена ја вклучува и етничката македонска опозиција во својата намера. Јавноста е просто згрозена од овој јавен флерт на Мицкоски и Филипче, за полноќни средби во политички интимна атмосфера на која ништо помалку туку ќе се крои планот за нов општествен договор за регулација на идните политички текови – велат од ДУИ.Според партијата, Република Северна Македонија претставува „препознатлив модел на функционална мултиетничка демократија со јасно изразена евроатлантска ориентација“.Основниот модел на мултиетничкиот карактер на земјата е системски загрозен, а загрозен а и интегративниот процес на земјата во Европската унија. Тоа се две клучни стратешки основи кои што сериозно ја загрозуваат долгорочната стабилност и просперитет на земјата, и тоа се двата приоритети за кои треба да се отвори суштински политички дијалог – додаваат од ДУИ.Азири: Мицкоски ќе се сретне со претседателот на најголемиот огранок на ВМРО-ДПМНЕ, ФилипчеРеакција пристигна и од потпретседалот на Алијанса за Албанците, Елми Азири:„Претседателот на ВМРО-ДПМНЕ Христијан Мицкоски ќе се сретне со претседателот на најголемиот огранок на ВМРО-ДПМНЕ, Венко Филипче! Откако беше избран за претседател на СДСМ, првата средба му беше со претседателката на државата, г-ѓа Силјановска-Давкова! Последниов веќе неколку години од ВМРО го нарекуваат министер за смрт! Оваа моноетничка средба е практична имплементација на платформата Македонија повторно твоја“, вели Азири. прочитај повеќе април 02, 2025 Мицкоски по повикот на Филипче: На располагање сум во секое време за средба Христијан Мицкоски, архивска фотографија Премиерот, Христијан Мицкоски вели дека е подготвен на средба со лидерот на опозициската СДСМ, Венко Филипче доколку, како што изјави денеска, навистина има план и желба да помогне.По денешниот повик од Филипче за политички и општествен дијалог Мицкоски одговарајќи на новинарско прашање рече дека стои на располагање во секое време и ќе го усогласи распоредот за да го слушне планот на Филипче и да се види дали во тој план може нешто да се реши.„За мене е малку непристојно да разговараме преку медиуми, реков доколку има план како што најавија, подготвен сум да го примам на средба пртседателот на СДСМ да го образложи планот, да го слушнеме планот бидејќи се сериозни времиња, јас сум сериозен човек, сериозни работи се во прашање и најмалку што треба да се прави е естрада на јавна сцена“, изјави Мицкоски.Тој додаде дека доколку Филипче навистина има план и желба да помогне, тој стои на располагање во секое време ќе го прераспредели својот распоред. Видете и ова: Филипче предлага нов концепт на општествен и политички дијалог „На полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши. Но, доколку планот опфаќа пристап „Стабри“, како што беше во минатото за време на короната тогаш такви планови не можам да прифатам“, посочи Мицкоски за повикот од Филипче и дали ќе има лидерска средба со останатите претставници на партиите.Прашан дали ќе имаат заеднички став со СДСМ околу изборот на в.д градоначалник на Кочани за да нема криза во градот по трагедијата со пожарот и оставката на градоначалникот Љупчо Папазов, рече не разговарале со советниците за потецијалнот кандидат, но оти апсолутно ќе се избере в.д градоначалник и оти тука нема дилема.Претходно, лидерот на СДСМ Венко Филипче рече дека уште денеска или утре (2 и 3 април) ќе побара состанок со премиерот за да се организира таа средба.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада. прочитај повеќе април 02, 2025 Курти почна разговори со малцинските партии за формирање на новата влада Состанок на Курти и Реџепи, 2 април Вршителот на должноста премиер на Косово, како и претседател на Движењето Самоопределување, партијата која победи на парламентарните избори на 9 февруари во земјата, почна состаноци со малцинските политички партии за да се консултира за формирањето на новата влада.Овој процес отпочна по потврдувањто на изборните резултати и почетокот на уставните рокови за формирање на законодавната власт и новата влада, додека претседателката на Косово, Вјоса Османи го одреди 15 април како датум за одржување на конститутивната седница на Собранието на Косово.Косовскиот премиер, Албин Курти, изјави дека се сретнал со претседателката на Новата демократска партија (НДС) од бошњачката заедница, а воедно и вршител на должноста заменик на премиерот, Емилија Реџепи. Видете и ова: Закажана конститутивна седница на Собранието на Косово Според изјавата од канцеларијата на премиерот, Реџепи „ја потврдила својата целосна подготвеност да продолжи да соработува" со Движењето Самоопределување и да го поддржи Курти во неговите напори да формира нова влада.Курти, исто така, се сретна со претседателот на Партијата за слобода, правда и опстанок од српската заедница, кој е и вршител на должноста министер за заедници и враќање, Ненад Рашиќ.За време на разговорите, министерот Рашиќ ја потврди својата поддршка на премиерот Курти за формирање на нова влада и продолжување на соработката - се вели во соопштението од кабинетот на премиерот.Движењето за самоопределување тврди дека може да обезбеди 61 глас потребен за формирање на нова влада во Косово.Во меѓувреме, двете опозициски партии, Демократската лига на Косово и Алијансата за иднината на Косово, ја отфрлија можноста за заедничко владеење со Движењето Самоопределување, додека Демократската партија на Косово и Социјалдемократската иницијатива не поставија црвени линии за коалиции.Ниту една политичка партија нема доволно гласови за да формира нова влада.Движењето Самоопределување, како и трите други албански политички партии зад него, сметаат дека немнозинските заедници имаат десет гарантирани места во собранието. прочитај повеќе април 02, 2025 ‘Науката (за)стана’: Протести во Белград и Нови Сад Белград, Србија - протести Вработени во научноистражувачката дејност денеска (2 април) организираа протести во Белград и Нови Сад на повик на српскиот Синдикат на науката во знак на поддршка на студентите во блокада.Протестите беа организирани под слоганот „Науката (за)стана“.Претставници на Синдикатот на науката и на Мрежата на академска солидарност заедно со група граѓани и студенти се собраа пред платото кај Филозофскиот факултет во Белград.Луѓето на собирот носеа транспаренти на кои меѓу другото пишуваше „Науката ви мавта со дипломите, нашите се вистински, а какви се вашите“ и „За враќање на академското достоинство“.Претставник на неформалната организација Мрежа на академската солидарност, Оливер Тошковиќ, рече дека владата „живее во свет во кој позицијата е пред аргументот".„Факт е дека оваа влада е подготвена да ја уништи и деформира научната активност во оваа земја само за да ни се одмазди лично и да нѐ понижи", рече Тошковиќ. Видете и ова: Протест пред ТВ Информер во Белград поради известување за студентските протести Собраните со 16-минутно молчење им оддадоа почит на загинатите при падот на настрешницата во Нови Сад. По молкот, тие се движеа низ централните улици на Белград до зградата на Владата на Србија.Во Србија, десетици илјади граѓани со месеци излегуваат на улиците со клучно барање да се утврди кривичната и политичката одговорност за несреќата во Нови Сад, во која 15 лица загинаа при пад на настрешницата на главната железничка станица во градот, додека шеснаесеттата жртва им подлегна на повредите повеќе од два месеци подоцна.Во фокусот на протестите се обвинувањата дека корупцијата довела до паѓање на настрешницата. Претставниците на властите ги отфрлија овие обвинувања. прочитај повеќе април 02, 2025 Филипче предлага нов концепт на општествен и политички дијалог Венко Филипче, лидер на СДСМ Лидерот на СДСМ Венко Филипче предложи нов концепт за општествен и политички дијалог. Како што рече на денешната прес-конференција, трагедијата во Кочани покажала дека системот не функционира како што треба, а за тоа како што посочи, вина имале сите политички партии.Во однос на лидерската средба рече дека уште денеска или утре (2 и 3 април) ќе побара состанок со премиерот Христијан Мицкоски, за да се организира таа средба.Според него областите каде што треба системски пристап се - образование, здравство, правосудство, животна средина, партизација и политизација.„По големата трагедија во Кочани, ја видовме реакцијата на граѓаните, револт, на места и бес. Би рекол сосема оправдано, бидејќи тоа што во изминатите три децении, тоа што се нарекува реформи, тоа што се нарекува транзиција, очигледно не го даде посакуваниот резултат. Системот на многу места очигледно не фукционира како што треба. Јавните сервиси немаат перформанс каков што граѓаните заслужуваат. За тоа вина имаме сите политички партии, СДСМ, ВМРО-ДПМНЕ, ДУИ, другите политички партии“, рече Филипче.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада.Во однос на правосудството, предлага неминовно да се донесат реформската агенда во што пократок рок реформските закони во одреден систем во којшто ќе се постигне широк консензус не само политички, туки и други фактори од делот на правосудството на коишто ова навистина им е експертиза.„Тоа што граѓаните најмногу ги иритира а тоа е партизацијата и политизацијата. Мора да ги ослободиме институциите од канџите на политиката и партијата за да младите луѓе имаат навистина добар, компетитивен мерит систем и на тој начин да се вработуваат и напредуваат поради тоа што само на тој начин можеме експертизата да ја издигнеме на соодветно и заслужено ниво“, истакна Филипче, додавајќи дека добро е на овие теми да седнат лидерите на сите партии. Видете и ова: По трагедијата во Кочани, собраниската говорница остана нема Лидерот на СДСМ истакна дека на премиерот Христијан Мицкоски и подетално би му го образложил овој план на средба во следните денови. Во однос дали очекува неговиот предлог за лидерска средба да биде прифатен, тој рече дека уште денеска или утре (2 и 3 април) ќе побара состанок со премиерот Мицкоски, согласно агендите, за да се организира таа средба.„Оставам простор и се надевам дека сега кога политичките партии ќе го слушнат ова ќе ја прифатат таа лидерска средба. Но добро е прво тоа да го поразговараме со премиерот, имајќи предвид дека тој прв подаде рака и на прва одговори дека средбата е прифатлива. Навистина не знам што би било неприфатливо или некој зошто не би сакал да разговара, кога тоа е констатација на секој еден граѓанин во државата“, рече Филипче.На новинарско прашање дали на средбата ќе ја постави темата за евроинтеграции и уставни измени, рече дека најверојатно ќе се зборува и за таа тема. Премиерот Христијан Мицкоски деновиве изјави дека тој е подготвен да разговара со Филипче, додавајќи дека лидерската средба е пресериозна тема за да се разговара преку медиуми. прочитај повеќе април 02, 2025 Мицкоски: Милошоски и Филков имаа лош ден, Владата е стабилна Христијан Мицкоски, премир на РСМ Премиерот Христијан Мицкоски изјави дека владината коалиција е стабилна, а јавното препукување меѓу пратеникот од ВМРО-ДПМЕ Антонијо Милошоски и министерот за правда Игор Филков од коалицискиот партнер ЗНАМ, според него, ќе застане на, како што вели, на овие два лични става.„Владината коалиција е стабила. Пратеникот Антонијо Милошоски е член на Извршниот комитет на партијата, тој е дел од мојот најблизок периметар. Јас соработката со Антонијо Милошоски ја оценувам на највисоко ниво, тој е додадена вредност и во рамки на пратеничката група и во рамки на партијата. Министерот Игор Филков знам со какви проблеми се соочи, знам каква состојба затекна во Министерството за правда, континуирано на дневна основа соработуваме во делот на реформите, кои се многу важни посебно во секторот правда. Но, она што можев да го заклучам, а убеден сум дека сето ова ќе застане на овие два лични става е дека секој има право на лош ден, па така јас мислам дека тој лош ден и за едниот и за другиот завршува“, рече Мицкоски, по пуштањето на фабриката на „Магна мехатроникс“ во ТИРЗ Штип. Прашан дали има проблеми со коалицијата Вреди во која е министерот за здравство Арбен Тараври кој предвои едно од крилата во Алијанса за Албанците, рече дека нема такво чувство и оти имаат исклучителна соработка. „Не, немам такво чувство. Напротив, имаме исклучителна соработка. Граѓаните да бидат сигурни, Владата е стабилна, повеќе од две третини неофицијално, а официјално 78 пратеници ја поддржуваат оваа Влада. Граѓаните, според она што го гледам од анкетите даваат поддршка, огромно е позитивното мислење дека и Македонија се движи во позитивна насока и тоа претставува за нас инспирација да продолжиме понатаму да се движиме и да работиме“, рече Мицкоски. Видете и ова: Апетитите за локалните избори ја зовреа „Вреди“ Пратеникот на ВМРО-ДПМНЕ и потпретседател на Собранието, Антонијо Милошоски вчера во телевизиско гостување рече дека министерот за правда Игор Филков има слаб придонес во областа со која раководи. Посочи дека очекувал досега барем во нацрт верзија до Собранието да бидат доставени Предлог-законот за судови, Предлог-законот за судски буџет, Предлог законот за јавнообвинителската служба, новиот Кривичен законик...Министерот за правда Филков, пак, во реакција на изнесените наводи на Милошоски рече дека „Кусурот на Груевски, познат под прекарот - Џуџето од Небрегово, а јавноста добро го памети по аферите поврзани со АМСМ и семејните бизниси од Кичево, изгледа дека сè уште нема навика да одговара пред граѓаните кои го избрале“.„Бидејќи очигледно е неинформиран и изолиран од партијата, го упатувам во неговата матична партија или пак во Владата-можеби конечно ќе го известат за постапките, роковите и статусот на законите! И, бидејќи изгледа како некој што работи по туѓи наредби, за кого одработува во моментов? Дали се тоа интересите на граѓаните или некои други агенди? Во минатото е познат по Ванчо Михајловистички ставови, многу лаги и невистини. Ова е лош де-фокус на македонската јавност по двонеделниот „одмор“! Да го потсетам дека во парламентот е од 2011 година, откако се повлече од функцијата министер за надворешни работи и активно учествуваше во креирање на „канцерогениот“ правосуден систем. Сега е добар момент да се потсети јавноста дека токму тој директно учествуваше во процесот на донесувањето на штетните измени на КЗ во 2023 година, со што се спаси од одговорност за кривичното дело ,,Моќник”“, наведе Филков, набројувајќи ги законите на кои работел во изминатиот период. прочитај повеќе април 02, 2025 По еднодневна пауза, Русија ги продолжува масовните напади врз Украина Последици од нападот во градот Харкив, Украина, 2 април 2025 година Русија започна нови воздушни напади врз Украина по еднодневна пазуа од напади со дронови. Во регионот Запорожје, едно лице загинало, а две други се повредени, изјави во среда (2 април) на Телеграм регионалниот гувернер Иван Федоров. Петнаесет беспилотни летала, исто така, го нападнале источниот град Харкив, при што биле повредени најмалку осум лица.Украинските сили за цивилна одбрана соопштија дека биле погодени згради кои припаѓаат на цивилни фирми, а исто така била нанесена штета и на станбени области. Откако Украина во вторникот ја доживеа првата ноќ без беспилотни летала во годината, воздушната одбрана на земјата извести дека Русија распоредила 74 дронови и мамки со беспилотни летала во текот на ноќта до среда наутро.Нападите првенствено ги погодиле регионите Харкив, Доњецк и Одеса. Видете и ова: Зеленски: Партнерите на Украина ќе разговараат за распоредување странски војници Во Москва, руското Министерство за одбрана тврдеше дека соборило 93 украински беспилотни летала во текот на ноќта, главно над пограничниот регион Курск.Војувањето со беспилотни летала стана речиси секојдневна тактика во војната, иако размерите на уништување и жртви предизвикани од руските напади го надминуваат влијанието на украинските напади. Украина се брани од руската инвазија повеќе од три години, потпирајќи се во голема мера на поддршката од Западот. прочитај повеќе април 02, 2025 Дурмиши: Секој има право да излезе на улица и да покаже револт Министерот за економија и труд Бесар Дурмиши Живееме во демократија и секој има право да излезе на улица и да протестира и да го каже својот револт, но на синдикатите веќе им истече мандатот и веќе не се репрезентативни, порача денеска (2 април)министерот за економија и труд Бесар Дурмиши.„Како Влада ја формиравме комисијата која треба да ја утврди репрезентативноста на синдикатите и таа комисија веќе работи. Веднаш кога ќе се определи кој синдикат е репрезентативен ќе ја свикам седницата на Економско социјалниот совет (ЕСС). Токму таму синдикатите треба да ги кажат своите барања, а не на улица“, изјави Дурмиши во одговор на новинарско прашање пред почетокот на конференцијата „Реформа на Законот за работни односи – предизвици и насоки“. Видете и ова: Синдикатите утре на протест, барањето за поголем минималец ги „скара“ со Владата Како Влада, нагласи дека се за социјален дијалог. Одговарајќи на прашање рече дека како Влада постапиле според законот и методологијата за минималната плата, со која се усогласени сите засегнати страни, односно и синдикатите и работодавачите, и го објавиле износот на минималната плата на крајот на март.„Според тој правилник минималната плата изнесува 400 евра и е покачена нето платата за 1800 денари. Како надлежен министер за економија и труд јас ја објавив минималната плата по одлука на Владата, рече Дурмиши.Нагласи дека немале согласност од ЕСС за износот на минималната плата поради тоа што нема репрезентативност од синдикатите.„Јас според законот кој е во сила и кој е потпишан и од синдикатите и од работодавачите и по одлука на Влада обврзан сум пред 31 март да ја објавам минималната плата. Од минималната плата потоа се пресметува и просечната плата и другите плати. Ако не ја објавевме до 31 март ќе се блокираше целата држава и сите институции, а приватниот сектор не ќе можеше да пресмета плати за нивните вработени“, истакна Дурмиши.Сојузот на синдикатите на Македонија (ССМ) денеска одржува јавна седница пред зградата на Работничкиот дом на која ќе ги искаже своите ставови за минималната плата. прочитај повеќе април 02, 2025 Советот на јавни обвинители даде негативно мислење за разрешување на Коцевски Државниот јавен обвинител Љупчо Коцевски Советот на јавни обвинители даде негативно мислење по предлогот на Владата за разрешување на државниот јавен обвинител Љупчо Коцевски. За прифаќање на предлогот гласаа тројца, додека шест члена гласа против. Претседателката на Советот на јавни обвинители Душица Димитриеска, рече дека со оглед дека Советот одлуките ги носи со мнозинство, мнозинството дадоа негативно мислење. За прифаќање на предлогот на Владата за разрешување на Коцевски гласаа Кети Петкова, Ардиан Демири и Марјана Илиевска.Советот на јавни обвинители претходно ја исклучи јавноста од точката за разгледување на предлогот за разрешување на државниот јавен обвинител Љупчо Коцевски. Членовите на Советот едногласно го поддржаа предлогот на членот Зорица Павловиќ, која повикувајќи се на член 10 од Законот за совет на јавни обвинители побара да се исклучи јавноста поради, како што кажа, сензитивноста на процесот и за заштита на угледот и интегритетот на јавниот обвинител.Светлана Стојковиќ, го поддржа предлогот, дополнувајќи дека јавноста треба да биде исклучена и поради тоа што во произнесувањето од Коцевски по предлогот за негово разрешување, се изнесени и информации и докази од дисциплинските постапки што се води против двајца јавни обвинители. Расправата, како што нагласија, ќе биде затворена, а јавноста ќе биде вклучена само за гласањето по мислењето за предлогот на Владата за разрешување на Коцевски.Седницата за разгледување на предлогот претходно на два пати беше одложена. Првично беше закажана за 18 март, но беше одложена поради седумдневната жалост по трагедијата во Кочани, а минатата недела, на 26 март беше одложена поради немање на кворум. Согласно законските рокови за разгледување на предлогот за разрешување на Коцевски, Советот треба да го разгледа најдоцна до крајот на неделава, иако Владата објави дека ќе ја прекине постапката. Видете и ова: Предлогот за разрешување на Коцевски на денешната владина седница Портпаролката на Владата Марија Митева, на 26 март годинава, изјави дека Владата ќе ја прекине постапката за разрешување на државниот јавен обвинител Љупчо Коцевски и доколку добие мислење од страна на Советот на ЈО, истото нема да го проследи до Собранието.Премиерот Христијан Мицкоски по трагедијата во Кочани изјави дека постапката за разрешување на јавниот обвинител Коцевски ќе се запре во моментот до таму каде што се наоѓа.Владата на 11 февруари година донесе одлука да поведе постапка за разрешување на државниот јавен обвинител Коцевски кој беше избран на оваа позиција пред една година, а неговиот мандат трае шест години.Министерството за правда, постапувајќи по заклучокот од 50-та седница на Владата, го изготви Предлог-мислењето за разрешување на државниот јавен обвинител. Коцевски, како што велат од Министерството за правда, постапувал во предмети во кои согласно законските одредби постоеле околности кои предизвикуваат сомневање во неговата непристрасност, како и судир на интереси, а за кои околности тој требало да знае и требало да се изземе. Републичкиот обвинител Коцевски го демантира тврдењето дека незаконски постапил посочувајќи дека го следел законот и роковите во него. прочитај повеќе Вчитај повеќе...

Протест како синдикална јавна седница за поголем минималец одржа денеска Сојузот на синдикати. Бараат минималната плата да изнесува 30.000 денари, наместо предложените 24.300, а дотогаш пратениците и функционерите да земаат минималец. Владата за прв пат ја одреди висината на минималецот без согласност на синдикатите. Точно во 12часот и 5 минути Сојузот на синдикати на Македонија (ССМ) пред зградата на Собранието ја почна, како што ја нарече, јавната седница на која учествуваа членови на раководните синдикални тела. Причина е несогласувањето со Владата за зголемувањето на минималната плата.Додека одлуката на Владата е таа да биде 24.300 денари, Синдикатот бара 30. 000 денари. Трите точки од дневниот ред беа насочени кон три различни институции.Пред Собранието беше упатена порака, “Не може да има за пратениците, а да нема за работниците!“.Пред Стопанската комора на Македонија синдикатот имаше порака до работодавачите:„Подадената рака од работникот денес може да стане стисната тупаница утре!“Како што рече претседателот на ССМ , Слободан Трендафилов најбитна е онаа упатена кон Владата:„Не може да се одлучува за нас работниците, без нас работниците!“, рече Трендафилов.Оваа порака беше испратена од пред Владата истакнувајќи дека таа е првата во историјата на државата која носи одлука без согласност на синдикат што е противзаконски. Побараа од пратениците и функционерите да земаат минимална плата се до нејзиното наредно зголемување.„Спречете ја незаконската одлука за утврдување на висината за минималната плата, намалете си ги вашите плати на минимална плата, па да почувствувате макар и една година колку им е тешко на работниците. Не ве биравме да водите кооперација, туку да водите држава“, порача Трендафилов од пред зградата на Владата. „Јавна седница„ пред седиштето на ССМ, Скопје, 4 април 2025 Првите синдикалци се заканија дека доколку не се усвои одлуката за која гласаа, а тоа е минималната плата да изнесува 500 евра, тогаш ќе бараат сите функционери, кои според синдикатот се 1 080, да се стават на минималец.За ова како што рекоа се подготвени да организираат генерален штрајк на ниво на цела држава, и поголеми протести на кои ќе го повикаат целото членство од 30 илјади луѓе да излезе на улица, а не како што тоа беше денес само членовите на органите на ССМ.Минималецот донесен без синдикат, министерот вели морал да потпишеДодека Сојузот на синдикати на Македонија (ССМ) протестира и постојано бара минималецот да се зголеми на 30.000 денари, а владејачката ВМРО-ДПМНЕ постојано ги напаѓа синдикалните лидери, Владата објави одлука за новата минимална палта.Според законските решенија, пресметка се прави во март секоја година. Така е и сега, па според одлуката на Владата од минатата недела минималецот се зголеми за околу 1.800 денари нето и сега изнесува 24.379 денари.Одлуката ја објави министерот за економија и труд, Бесар Дурмиши, но за оваа пресметка нема согласност од Економско-социјалниот совет (ЕСС) бидејќи тој не е комплетен со оглед дека владата се уште не утврдила кој е репрезентативен синдикат. Видете и ова: Инфлацијата и натаму го јаде стандардот Синдикатот заедно со работодавците и владата е една од трите страни учесници во Економско - социјалниот совет. Ако не ја објавел одлуката Дурмиши вели, ќе се блокирале институциите.„Согласност (од ЕСС) нема поради тоа што нема репрезентативност од синдикатите така што јас според законот кој е во сила обврзан сум, и по одлука на Влада, пред 31 март да ја објавам минималната плата. Знаеме дека од минималната потоа ќе се пресметува и просечната плата и другите плати. Замислете ако не ја објавевме ние до 31 март? Ќе се блокираше целата држава, целите институции и приватниот сектор немаше да може да пресмета плати за нивните вработени“, изјави Дурмиши. Видете и ова: Минималната плата ќе се зголеми за 1.812 денари Денеска кога ССМ излезе на улица министерот организираше конференција за реформа на Законот за работни односи и оттаму, во одговор до новинарите го повтори владиниот став – ако синдикатите и работниците се договорат, Владата ќе излезе во пресрет. Но, го прозва и ССМ дека не е репрезентативен.„Нормално дека живееме во демократија има право секој да излезе на улици и да го каже својот револт, но јас ќе кажувам пак, дека синдикатите им истече мандатот и веќе не се репрезентативни. Ние како Влада формиравме комисија која треба да утврди репрезентативност на синдикатите и таа работи. Зависи кој синдикат ќе биде репрезентативен, кога ќе се определи јас веднаш ќе ја свикам седницата на ЕСС и синдикатите таму треба да ги кажат своите барања, а не на улица“, рече Дурмиши.Се уште се решава кој е репрезентативен синдикатЕкономско социјалниот совет (ЕСС) нема одржано седница и ќе продолжи со работа кога комисијата ќе заврши со проверката на списоците со активни членови на ССМ.Откако се отвори прашањето за битка за поголема минимална плата, се отвори и прашањето за статусот на Сојузот на синдикати и дали тој е репрезентативен синдикат. Токму тоа е и причината поради која сега се проверуваат списоци и нема седница на советот.Услов за ССМ да биде репрезентативен е ако има најмалку 10% од вкупниот број на вработени во државата, со што ќе се потврди дека ја има најголемата синдикална организација.„Вие сте прва влада која смислено ја одзема репрезентативноста на ССМ само за да нема Економско социјален совет. Првата влада која реши 129 илјади вработени во јавен сектор кои зависат од минимална плата да ги остави да ги изедат газдите од приватниот сектор“, рече потпретседателот на ССМ, Иван Пешевски. Видете и ова: Синдикална војна среде битка за повисок минималец Прозивките во јавноста во текот на изминатите месеци доаѓаа од владејачката ВМРО-ДПМНЕ која обвинува оваа синдикална организација одработува за опозициските СДСМ, Левица и ДУИ. На масата за преговори бараше да седне и Конфедерацијата на слободни синдикати (КСС) која тврди дека неоправдано била исклучена изминатите неколку години.Денеска претседателот на Конфедерација на слободни синдикати, Благоја Ралковски, во гостување на радио емисија рече дека не гледа причина за протестирање.„Работите се тргнати од нула и многу е направено во овие 9 месеци. Нема проблем тие што им ветуваат 500 евра нека им дадат 500 евра, има начин како да се издејствуваат тие 500 евра“, изјави Ралковски.Во моментов, минималната плата изнесува 22.567, додека просечната во јануари изнесуваше 43.050 денари што во споредба со декември е намалување од околу 530 денари.Филипче: Со политичка интервенција може да се зголеми минималецотЛидерот на СДСМ, Венко Филипче, на денот на протестите отфрли каква било поврзаност со организацијата, но рече дека ги поддржуваат синдикатите во барањата.„Апелирам Владата да излезе во пресрет на барањата на работниците, платите се ниски, цените се надвор од контрола, луѓето едноставно не може да преживеат рационално. Реално е барањето минималната плата да биде 30.000 денари, има како да се воспостави. Точно е дека методологија, меѓутоа секогаш со политичка интервенција може и законот да се смени со цел да им се излезе во пресрет на барањата“, рече Филипче.Тој потсети и оти СДСМ поднел неколку предлози за зголемување на платите во јавниот сектор, како и на минималецот во приватниот сектор со тоа што предложиле работодавците да се растеретат така што ќе бидат ослободени од дополнителните давачки за придонеси, но власта ништо до тоа не прифатила.За ваквиот предлог, претходно премиерот Христијан Мицкоски изјави дека нема пари во буџетот за Владата да ги субвенционира придонесите за повисок минималец. Artboard 4 Придружете се на Заедницата на Слободна Европа на Вибер Билјана Николовска Билјана Николовска како новинар започнува да работи во локална радио станица, а кариерата ја продолжува во националната ТВ Телма од 2006 – 2023 год. Добитник е на награда за најдобар дописнички прилог, и на повеќе награди за истражувачки стории доделени од домашни новинарски организации како и од Европската Унија. Автор е на документарен филм и серија стории кои откриваат корупција, организиран криминал и нарушување на човековите права. Како истражувачки новинар за Радио Слободна Европа започна да работи во мај 2023 година. nikolovskab@rferl.org Регистрирај се Александар Самарџиски Александар Самарџиски ја започнал новинарската кариера во дневниот весник „Нова Македонија“ во 2014 година. Потоа работел како новинар во порталот „Плусинфо“ и во интернет-изданието на „360 степени“. Од септември 2023 година работи како новинар во Радио Слободна Европа. Регистрирај се...

Вести април 02, 2025 Филипче предлага нов концепт на општествен и политички дијалог Венко Филипче, лидер на СДСМ Лидерот на СДСМ Венко Филипче предложи нов концепт за општествен и политички дијалог. Како што рече на денешната прес-конференција, трагедијата во Кочани покажала дека системот не функционира како што треба, а за тоа како што посочи, вина имале сите политички партии.Во однос на лидерската средба рече дека уште денеска или утре (2 и 3 април) ќе побара состанок со премиерот Христијан Мицкоски, за да се организира таа средба.Според него областите каде што треба системски пристап се - образование, здравство, правосудство, животна средина, партизација и политизација.„По големата трагедија во Кочани, ја видовме реакцијата на граѓаните, револт, на места и бес. Би рекол сосема оправдано, бидејќи тоа што во изминатите три децении, тоа што се нарекува реформи, тоа што се нарекува транзиција, очигледно не го даде посакуваниот резултат. Системот на многу места очигледно не фукционира како што треба. Јавните сервиси немаат перформанс каков што граѓаните заслужуваат. За тоа вина имаме сите политички партии, СДСМ, ВМРО-ДПМНЕ, ДУИ, другите политички партии“, рече Филипче.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада.Во однос на правосудството, предлага неминовно да се донесат реформската агенда во што пократок рок реформските закони во одреден систем во којшто ќе се постигне широк консензус не само политички, туки и други фактори од делот на правосудството на коишто ова навистина им е експертиза.„Тоа што граѓаните најмногу ги иритира а тоа е партизацијата и политизацијата. Мора да ги ослободиме институциите од канџите на политиката и партијата за да младите луѓе имаат навистина добар, компетитивен мерит систем и на тој начин да се вработуваат и напредуваат поради тоа што само на тој начин можеме експертизата да ја издигнеме на соодветно и заслужено ниво“, истакна Филипче, додавајќи дека добро е на овие теми да седнат лидерите на сите партии. Видете и ова: По трагедијата во Кочани, собраниската говорница остана нема Лидерот на СДСМ истакна дека на премиерот Христијан Мицкоски и подетално би му го образложил овој план на средба во следните денови. Во однос дали очекува неговиот предлог за лидерска средба да биде прифатен, тој рече дека уште денеска или утре (2 и 3 април) ќе побара состанок со премиерот Мицкоски, согласно агендите, за да се организира таа средба.„Оставам простор и се надевам дека сега кога политичките партии ќе го слушнат ова ќе ја прифатат таа лидерска средба. Но добро е прво тоа да го поразговараме со премиерот, имајќи предвид дека тој прв подаде рака и на прва одговори дека средбата е прифатлива. Навистина не знам што би било неприфатливо или некој зошто не би сакал да разговара, кога тоа е констатација на секој еден граѓанин во државата“, рече Филипче.На новинарско прашање дали на средбата ќе ја постави темата за евроинтеграции и уставни измени, рече дека најверојатно ќе се зборува и за таа тема. Премиерот Христијан Мицкоски деновиве изјави дека тој е подготвен да разговара со Филипче, додавајќи дека лидерската средба е пресериозна тема за да се разговара преку медиуми. прочитај повеќе види ги сите денешни вести април 02, 2025 Мицкоски и Филипче утре на средба во Владата Влада на Република Северна Македонија, архивска фотографија Премиерот, Христијан Мицкоски и лидерот на опозициската СДСМ, Венко Филипче утре во 14 часот ќе имаат средба во Владата. -Согласно јавната комуникација и упатените иницијативи и демонстрираната подготвеност од двете страни, за утре во 14 часот е закажана средба меѓу премиерот Христијан Мицкоски и претседателот на СДСМ, Венко Филипче – соопшти попладнево владината прес служба.Во изјава за медиумите во Штип, Мицкоски искажа подготвеност за средба со Филипче, кој денеска повика на политички и општествен дијалог.Филипче на прес-конференција рече дека по трагедијата во Кочани граѓаните реагираа со револт и бес, системот не функционира како што треба, а за тоа вина, како што посочи, имаат сите политички партии. Видете и ова: Филипче предлага нов концепт на општествен и политички дијалог Областите каде што треба системски пристап, според Филипче се - образование, здравство, правосудство, животна средина, партизација и политизација.По неговата денешна прес конференција, од Движењето ЗНАМ реагира преку писмено соопштение во кое обвинија дека „СДСМ и Филипче немаат политички кредибилитет, ниту легитимитет да нудат какви било концепти за Македонија овој момен.- Оттука, Венко Филипче и СДСМ не можат да бидат решение на проблемите, бидејќи покажаа дека тие се проблем за секое решение, наведуваат од ЗНАМ.-Дали самопрогласениот лидер на опозицијата со ова бара начин да се факторизира како политички фактор во јавноста и да седне на преговарачка маса, имајќи ја в предвид очајната состојба на неговата партија – се наведува во реакцијата на ЗНАМ.Во меѓувреме, прашан за повикот на Филипче за средба, премиерот Мицкоски кажа дека ова е сериозна тема за која се разговара. Видете и ова: Мицкоски по повикот на Филипче: На располагање сум во секое време за средба „Доколку навистина има план и желба да помогне стојам на располагање во секое време ќе го прераспределам мојот распоред, на полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши“, изјави Мицкоски. ДУИ: Јавноста е згрозена од јавниот флерт на Мицкоски и ФилипчеПо најавата за средба, ДУИ во писмено соопштение изрази силна загриженост, поради како што велат од партијата, „сѐ понагласената моноетничка доминација која Власта ја демонстрираше во првата година од своето владеење“. -Сега веќе на јавна сцена ја вклучува и етничката македонска опозиција во својата намера. Јавноста е просто згрозена од овој јавен флерт на Мицкоски и Филипче, за полноќни средби во политички интимна атмосфера на која ништо помалку туку ќе се крои планот за нов општествен договор за регулација на идните политички текови – велат од ДУИ.Според партијата, Република Северна Македонија претставува „препознатлив модел на функционална мултиетничка демократија со јасно изразена евроатлантска ориентација“.Основниот модел на мултиетничкиот карактер на земјата е системски загрозен, а загрозен а и интегративниот процес на земјата во Европската унија. Тоа се две клучни стратешки основи кои што сериозно ја загрозуваат долгорочната стабилност и просперитет на земјата, и тоа се двата приоритети за кои треба да се отвори суштински политички дијалог – додаваат од ДУИ.Азири: Мицкоски ќе се сретне со претседателот на најголемиот огранок на ВМРО-ДПМНЕ, ФилипчеРеакција пристигна и од потпретседалот на Алијанса за Албанците, Елми Азири:„Претседателот на ВМРО-ДПМНЕ Христијан Мицкоски ќе се сретне со претседателот на најголемиот огранок на ВМРО-ДПМНЕ, Венко Филипче! Откако беше избран за претседател на СДСМ, првата средба му беше со претседателката на државата, г-ѓа Силјановска-Давкова! Последниов веќе неколку години од ВМРО го нарекуваат министер за смрт! Оваа моноетничка средба е практична имплементација на платформата Македонија повторно твоја“, вели Азири. прочитај повеќе април 02, 2025 Мицкоски по повикот на Филипче: На располагање сум во секое време за средба Христијан Мицкоски, архивска фотографија Премиерот, Христијан Мицкоски вели дека е подготвен на средба со лидерот на опозициската СДСМ, Венко Филипче доколку, како што изјави денеска, навистина има план и желба да помогне.По денешниот повик од Филипче за политички и општествен дијалог Мицкоски одговарајќи на новинарско прашање рече дека стои на располагање во секое време и ќе го усогласи распоредот за да го слушне планот на Филипче и да се види дали во тој план може нешто да се реши.„За мене е малку непристојно да разговараме преку медиуми, реков доколку има план како што најавија, подготвен сум да го примам на средба пртседателот на СДСМ да го образложи планот, да го слушнеме планот бидејќи се сериозни времиња, јас сум сериозен човек, сериозни работи се во прашање и најмалку што треба да се прави е естрада на јавна сцена“, изјави Мицкоски.Тој додаде дека доколку Филипче навистина има план и желба да помогне, тој стои на располагање во секое време ќе го прераспредели својот распоред. Видете и ова: Филипче предлага нов концепт на општествен и политички дијалог „На полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши. Но, доколку планот опфаќа пристап „Стабри“, како што беше во минатото за време на короната тогаш такви планови не можам да прифатам“, посочи Мицкоски за повикот од Филипче и дали ќе има лидерска средба со останатите претставници на партиите.Прашан дали ќе имаат заеднички став со СДСМ околу изборот на в.д градоначалник на Кочани за да нема криза во градот по трагедијата со пожарот и оставката на градоначалникот Љупчо Папазов, рече не разговарале со советниците за потецијалнот кандидат, но оти апсолутно ќе се избере в.д градоначалник и оти тука нема дилема.Претходно, лидерот на СДСМ Венко Филипче рече дека уште денеска или утре (2 и 3 април) ќе побара состанок со премиерот за да се организира таа средба.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада. прочитај повеќе април 02, 2025 Курти почна разговори со малцинските партии за формирање на новата влада Состанок на Курти и Реџепи, 2 април Вршителот на должноста премиер на Косово, како и претседател на Движењето Самоопределување, партијата која победи на парламентарните избори на 9 февруари во земјата, почна состаноци со малцинските политички партии за да се консултира за формирањето на новата влада.Овој процес отпочна по потврдувањто на изборните резултати и почетокот на уставните рокови за формирање на законодавната власт и новата влада, додека претседателката на Косово, Вјоса Османи го одреди 15 април како датум за одржување на конститутивната седница на Собранието на Косово.Косовскиот премиер, Албин Курти, изјави дека се сретнал со претседателката на Новата демократска партија (НДС) од бошњачката заедница, а воедно и вршител на должноста заменик на премиерот, Емилија Реџепи. Видете и ова: Закажана конститутивна седница на Собранието на Косово Според изјавата од канцеларијата на премиерот, Реџепи „ја потврдила својата целосна подготвеност да продолжи да соработува" со Движењето Самоопределување и да го поддржи Курти во неговите напори да формира нова влада.Курти, исто така, се сретна со претседателот на Партијата за слобода, правда и опстанок од српската заедница, кој е и вршител на должноста министер за заедници и враќање, Ненад Рашиќ.За време на разговорите, министерот Рашиќ ја потврди својата поддршка на премиерот Курти за формирање на нова влада и продолжување на соработката - се вели во соопштението од кабинетот на премиерот.Движењето за самоопределување тврди дека може да обезбеди 61 глас потребен за формирање на нова влада во Косово.Во меѓувреме, двете опозициски партии, Демократската лига на Косово и Алијансата за иднината на Косово, ја отфрлија можноста за заедничко владеење со Движењето Самоопределување, додека Демократската партија на Косово и Социјалдемократската иницијатива не поставија црвени линии за коалиции.Ниту една политичка партија нема доволно гласови за да формира нова влада.Движењето Самоопределување, како и трите други албански политички партии зад него, сметаат дека немнозинските заедници имаат десет гарантирани места во собранието. прочитај повеќе април 02, 2025 ‘Науката (за)стана’: Протести во Белград и Нови Сад Белград, Србија - протести Вработени во научноистражувачката дејност денеска (2 април) организираа протести во Белград и Нови Сад на повик на српскиот Синдикат на науката во знак на поддршка на студентите во блокада.Протестите беа организирани под слоганот „Науката (за)стана“.Претставници на Синдикатот на науката и на Мрежата на академска солидарност заедно со група граѓани и студенти се собраа пред платото кај Филозофскиот факултет во Белград.Луѓето на собирот носеа транспаренти на кои меѓу другото пишуваше „Науката ви мавта со дипломите, нашите се вистински, а какви се вашите“ и „За враќање на академското достоинство“.Претставник на неформалната организација Мрежа на академската солидарност, Оливер Тошковиќ, рече дека владата „живее во свет во кој позицијата е пред аргументот".„Факт е дека оваа влада е подготвена да ја уништи и деформира научната активност во оваа земја само за да ни се одмазди лично и да нѐ понижи", рече Тошковиќ. Видете и ова: Протест пред ТВ Информер во Белград поради известување за студентските протести Собраните со 16-минутно молчење им оддадоа почит на загинатите при падот на настрешницата во Нови Сад. По молкот, тие се движеа низ централните улици на Белград до зградата на Владата на Србија.Во Србија, десетици илјади граѓани со месеци излегуваат на улиците со клучно барање да се утврди кривичната и политичката одговорност за несреќата во Нови Сад, во која 15 лица загинаа при пад на настрешницата на главната железничка станица во градот, додека шеснаесеттата жртва им подлегна на повредите повеќе од два месеци подоцна.Во фокусот на протестите се обвинувањата дека корупцијата довела до паѓање на настрешницата. Претставниците на властите ги отфрлија овие обвинувања. прочитај повеќе април 02, 2025 Тројца пациенти од пожарот во Кочани се враќаат од Шведска и Грција Дискотека Пулс, Кочани / архивска фотографија Тројца пациенти од повредените лица од пожарот во Кочани се враќаат во земјава, од кои двајца беа хоспитализирани во Грција и еден пациент во Шведска – соопшти Министерството за здравство денеска (2 април).Согласно протоколите ќе бидат задржани под 24-часовен надзор.Во Србија остануваат хоспитализирани 23 пациенти, Бугарија 14 паценти, Турција 10 пациенти, Грција 8 пациенти, Словенија 4 пациенти, во Унгарија, Хрватска, Шпанија, Австрија и Литванија се хоспитализирани по 3 пациенти, во Италија и Полска по еден пациент.Во Скопје, на Клиниката за токсикологија вчера беше хоспитализиран пациент по враќање од Полска, истиот денеска се пушта на домашно лекување. Видете и ова: Дома се пуштени 93 пациенти од пожарот во Кочани, уште сто се лекуваат На Клиниката за пластична хирургија остануваат двајца пациенти, а во Хируршката клиника Св.Наум Охридски 6 пациенти. Во ГОБ 8 Септември се хоспитализирани пет пациенти, од кои еден е планирано да биде пуштен на домашно лекување, на Клиниката за пулмологија двајца пациенти, а во приватната болница Систина се хоспитализирани тројца пациенти.Ресорниот министер, Арбен Таравари вчера изјави дека засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. прочитај повеќе април 02, 2025 Мицкоски: Милошоски и Филков имаа лош ден, Владата е стабилна Христијан Мицкоски, премир на РСМ Премиерот Христијан Мицкоски изјави дека владината коалиција е стабилна, а јавното препукување меѓу пратеникот од ВМРО-ДПМЕ Антонијо Милошоски и министерот за правда Игор Филков од коалицискиот партнер ЗНАМ, според него, ќе застане на, како што вели, на овие два лични става.„Владината коалиција е стабила. Пратеникот Антонијо Милошоски е член на Извршниот комитет на партијата, тој е дел од мојот најблизок периметар. Јас соработката со Антонијо Милошоски ја оценувам на највисоко ниво, тој е додадена вредност и во рамки на пратеничката група и во рамки на партијата. Министерот Игор Филков знам со какви проблеми се соочи, знам каква состојба затекна во Министерството за правда, континуирано на дневна основа соработуваме во делот на реформите, кои се многу важни посебно во секторот правда. Но, она што можев да го заклучам, а убеден сум дека сето ова ќе застане на овие два лични става е дека секој има право на лош ден, па така јас мислам дека тој лош ден и за едниот и за другиот завршува“, рече Мицкоски, по пуштањето на фабриката на „Магна мехатроникс“ во ТИРЗ Штип. Прашан дали има проблеми со коалицијата Вреди во која е министерот за здравство Арбен Тараври кој предвои едно од крилата во Алијанса за Албанците, рече дека нема такво чувство и оти имаат исклучителна соработка. „Не, немам такво чувство. Напротив, имаме исклучителна соработка. Граѓаните да бидат сигурни, Владата е стабилна, повеќе од две третини неофицијално, а официјално 78 пратеници ја поддржуваат оваа Влада. Граѓаните, според она што го гледам од анкетите даваат поддршка, огромно е позитивното мислење дека и Македонија се движи во позитивна насока и тоа претставува за нас инспирација да продолжиме понатаму да се движиме и да работиме“, рече Мицкоски. Видете и ова: Апетитите за локалните избори ја зовреа „Вреди“ Пратеникот на ВМРО-ДПМНЕ и потпретседател на Собранието, Антонијо Милошоски вчера во телевизиско гостување рече дека министерот за правда Игор Филков има слаб придонес во областа со која раководи. Посочи дека очекувал досега барем во нацрт верзија до Собранието да бидат доставени Предлог-законот за судови, Предлог-законот за судски буџет, Предлог законот за јавнообвинителската служба, новиот Кривичен законик...Министерот за правда Филков, пак, во реакција на изнесените наводи на Милошоски рече дека „Кусурот на Груевски, познат под прекарот - Џуџето од Небрегово, а јавноста добро го памети по аферите поврзани со АМСМ и семејните бизниси од Кичево, изгледа дека сè уште нема навика да одговара пред граѓаните кои го избрале“.„Бидејќи очигледно е неинформиран и изолиран од партијата, го упатувам во неговата матична партија или пак во Владата-можеби конечно ќе го известат за постапките, роковите и статусот на законите! И, бидејќи изгледа како некој што работи по туѓи наредби, за кого одработува во моментов? Дали се тоа интересите на граѓаните или некои други агенди? Во минатото е познат по Ванчо Михајловистички ставови, многу лаги и невистини. Ова е лош де-фокус на македонската јавност по двонеделниот „одмор“! Да го потсетам дека во парламентот е од 2011 година, откако се повлече од функцијата министер за надворешни работи и активно учествуваше во креирање на „канцерогениот“ правосуден систем. Сега е добар момент да се потсети јавноста дека токму тој директно учествуваше во процесот на донесувањето на штетните измени на КЗ во 2023 година, со што се спаси од одговорност за кривичното дело ,,Моќник”“, наведе Филков, набројувајќи ги законите на кои работел во изминатиот период. прочитај повеќе април 02, 2025 По еднодневна пауза, Русија ги продолжува масовните напади врз Украина Последици од нападот во градот Харкив, Украина, 2 април 2025 година Русија започна нови воздушни напади врз Украина по еднодневна пазуа од напади со дронови. Во регионот Запорожје, едно лице загинало, а две други се повредени, изјави во среда (2 април) на Телеграм регионалниот гувернер Иван Федоров. Петнаесет беспилотни летала, исто така, го нападнале источниот град Харкив, при што биле повредени најмалку осум лица.Украинските сили за цивилна одбрана соопштија дека биле погодени згради кои припаѓаат на цивилни фирми, а исто така била нанесена штета и на станбени области. Откако Украина во вторникот ја доживеа првата ноќ без беспилотни летала во годината, воздушната одбрана на земјата извести дека Русија распоредила 74 дронови и мамки со беспилотни летала во текот на ноќта до среда наутро.Нападите првенствено ги погодиле регионите Харкив, Доњецк и Одеса. Видете и ова: Зеленски: Партнерите на Украина ќе разговараат за распоредување странски војници Во Москва, руското Министерство за одбрана тврдеше дека соборило 93 украински беспилотни летала во текот на ноќта, главно над пограничниот регион Курск.Војувањето со беспилотни летала стана речиси секојдневна тактика во војната, иако размерите на уништување и жртви предизвикани од руските напади го надминуваат влијанието на украинските напади. Украина се брани од руската инвазија повеќе од три години, потпирајќи се во голема мера на поддршката од Западот. прочитај повеќе април 02, 2025 Дурмиши: Секој има право да излезе на улица и да покаже револт Министерот за економија и труд Бесар Дурмиши Живееме во демократија и секој има право да излезе на улица и да протестира и да го каже својот револт, но на синдикатите веќе им истече мандатот и веќе не се репрезентативни, порача денеска (2 април)министерот за економија и труд Бесар Дурмиши.„Како Влада ја формиравме комисијата која треба да ја утврди репрезентативноста на синдикатите и таа комисија веќе работи. Веднаш кога ќе се определи кој синдикат е репрезентативен ќе ја свикам седницата на Економско социјалниот совет (ЕСС). Токму таму синдикатите треба да ги кажат своите барања, а не на улица“, изјави Дурмиши во одговор на новинарско прашање пред почетокот на конференцијата „Реформа на Законот за работни односи – предизвици и насоки“. Видете и ова: Синдикатите утре на протест, барањето за поголем минималец ги „скара“ со Владата Како Влада, нагласи дека се за социјален дијалог. Одговарајќи на прашање рече дека како Влада постапиле според законот и методологијата за минималната плата, со која се усогласени сите засегнати страни, односно и синдикатите и работодавачите, и го објавиле износот на минималната плата на крајот на март.„Според тој правилник минималната плата изнесува 400 евра и е покачена нето платата за 1800 денари. Како надлежен министер за економија и труд јас ја објавив минималната плата по одлука на Владата, рече Дурмиши.Нагласи дека немале согласност од ЕСС за износот на минималната плата поради тоа што нема репрезентативност од синдикатите.„Јас според законот кој е во сила и кој е потпишан и од синдикатите и од работодавачите и по одлука на Влада обврзан сум пред 31 март да ја објавам минималната плата. Од минималната плата потоа се пресметува и просечната плата и другите плати. Ако не ја објавевме до 31 март ќе се блокираше целата држава и сите институции, а приватниот сектор не ќе можеше да пресмета плати за нивните вработени“, истакна Дурмиши.Сојузот на синдикатите на Македонија (ССМ) денеска одржува јавна седница пред зградата на Работничкиот дом на која ќе ги искаже своите ставови за минималната плата. прочитај повеќе април 02, 2025 Советот на јавни обвинители даде негативно мислење за разрешување на Коцевски Државниот јавен обвинител Љупчо Коцевски Советот на јавни обвинители даде негативно мислење по предлогот на Владата за разрешување на државниот јавен обвинител Љупчо Коцевски. За прифаќање на предлогот гласаа тројца, додека шест члена гласа против. Претседателката на Советот на јавни обвинители Душица Димитриеска, рече дека со оглед дека Советот одлуките ги носи со мнозинство, мнозинството дадоа негативно мислење. За прифаќање на предлогот на Владата за разрешување на Коцевски гласаа Кети Петкова, Ардиан Демири и Марјана Илиевска.Советот на јавни обвинители претходно ја исклучи јавноста од точката за разгледување на предлогот за разрешување на државниот јавен обвинител Љупчо Коцевски. Членовите на Советот едногласно го поддржаа предлогот на членот Зорица Павловиќ, која повикувајќи се на член 10 од Законот за совет на јавни обвинители побара да се исклучи јавноста поради, како што кажа, сензитивноста на процесот и за заштита на угледот и интегритетот на јавниот обвинител.Светлана Стојковиќ, го поддржа предлогот, дополнувајќи дека јавноста треба да биде исклучена и поради тоа што во произнесувањето од Коцевски по предлогот за негово разрешување, се изнесени и информации и докази од дисциплинските постапки што се води против двајца јавни обвинители. Расправата, како што нагласија, ќе биде затворена, а јавноста ќе биде вклучена само за гласањето по мислењето за предлогот на Владата за разрешување на Коцевски.Седницата за разгледување на предлогот претходно на два пати беше одложена. Првично беше закажана за 18 март, но беше одложена поради седумдневната жалост по трагедијата во Кочани, а минатата недела, на 26 март беше одложена поради немање на кворум. Согласно законските рокови за разгледување на предлогот за разрешување на Коцевски, Советот треба да го разгледа најдоцна до крајот на неделава, иако Владата објави дека ќе ја прекине постапката. Видете и ова: Предлогот за разрешување на Коцевски на денешната владина седница Портпаролката на Владата Марија Митева, на 26 март годинава, изјави дека Владата ќе ја прекине постапката за разрешување на државниот јавен обвинител Љупчо Коцевски и доколку добие мислење од страна на Советот на ЈО, истото нема да го проследи до Собранието.Премиерот Христијан Мицкоски по трагедијата во Кочани изјави дека постапката за разрешување на јавниот обвинител Коцевски ќе се запре во моментот до таму каде што се наоѓа.Владата на 11 февруари година донесе одлука да поведе постапка за разрешување на државниот јавен обвинител Коцевски кој беше избран на оваа позиција пред една година, а неговиот мандат трае шест години.Министерството за правда, постапувајќи по заклучокот од 50-та седница на Владата, го изготви Предлог-мислењето за разрешување на државниот јавен обвинител. Коцевски, како што велат од Министерството за правда, постапувал во предмети во кои согласно законските одредби постоеле околности кои предизвикуваат сомневање во неговата непристрасност, како и судир на интереси, а за кои околности тој требало да знае и требало да се изземе. Републичкиот обвинител Коцевски го демантира тврдењето дека незаконски постапил посочувајќи дека го следел законот и роковите во него. прочитај повеќе Вчитај повеќе...

Вести април 02, 2025 Мицкоски: Милошоски и Филков имаа лош ден, Владата е стабилна Христијан Мицкоски, премир на РСМ Премиерот Христијан Мицкоски изјави дека владината коалиција е стабилна, а јавното препукување меѓу пратеникот од ВМРО-ДПМЕ Антонијо Милошоски и министерот за правда Игор Филков од коалицискиот партнер ЗНАМ, според него, ќе застане на, како што вели, на овие два лични става.„Владината коалиција е стабила. Пратеникот Антонијо Милошоски е член на Извршниот комитет на партијата, тој е дел од мојот најблизок периметар. Јас соработката со Антонијо Милошоски ја оценувам на највисоко ниво, тој е додадена вредност и во рамки на пратеничката група и во рамки на партијата. Министерот Игор Филков знам со какви проблеми се соочи, знам каква состојба затекна во Министерството за правда, континуирано на дневна основа соработуваме во делот на реформите, кои се многу важни посебно во секторот правда. Но, она што можев да го заклучам, а убеден сум дека сето ова ќе застане на овие два лични става е дека секој има право на лош ден, па така јас мислам дека тој лош ден и за едниот и за другиот завршува“, рече Мицкоски, по пуштањето на фабриката на „Магна мехатроникс“ во ТИРЗ Штип. Прашан дали има проблеми со коалицијата Вреди во која е министерот за здравство Арбен Тараври кој предвои едно од крилата во Алијанса за Албанците, рече дека нема такво чувство и оти имаат исклучителна соработка. „Не, немам такво чувство. Напротив, имаме исклучителна соработка. Граѓаните да бидат сигурни, Владата е стабилна, повеќе од две третини неофицијално, а официјално 78 пратеници ја поддржуваат оваа Влада. Граѓаните, според она што го гледам од анкетите даваат поддршка, огромно е позитивното мислење дека и Македонија се движи во позитивна насока и тоа претставува за нас инспирација да продолжиме понатаму да се движиме и да работиме“, рече Мицкоски. Видете и ова: Апетитите за локалните избори ја зовреа „Вреди“ Пратеникот на ВМРО-ДПМНЕ и потпретседател на Собранието, Антонијо Милошоски вчера во телевизиско гостување рече дека министерот за правда Игор Филков има слаб придонес во областа со која раководи. Посочи дека очекувал досега барем во нацрт верзија до Собранието да бидат доставени Предлог-законот за судови, Предлог-законот за судски буџет, Предлог законот за јавнообвинителската служба, новиот Кривичен законик...Министерот за правда Филков, пак, во реакција на изнесените наводи на Милошоски рече дека „Кусурот на Груевски, познат под прекарот - Џуџето од Небрегово, а јавноста добро го памети по аферите поврзани со АМСМ и семејните бизниси од Кичево, изгледа дека сè уште нема навика да одговара пред граѓаните кои го избрале“.„Бидејќи очигледно е неинформиран и изолиран од партијата, го упатувам во неговата матична партија или пак во Владата-можеби конечно ќе го известат за постапките, роковите и статусот на законите! И, бидејќи изгледа како некој што работи по туѓи наредби, за кого одработува во моментов? Дали се тоа интересите на граѓаните или некои други агенди? Во минатото е познат по Ванчо Михајловистички ставови, многу лаги и невистини. Ова е лош де-фокус на македонската јавност по двонеделниот „одмор“! Да го потсетам дека во парламентот е од 2011 година, откако се повлече од функцијата министер за надворешни работи и активно учествуваше во креирање на „канцерогениот“ правосуден систем. Сега е добар момент да се потсети јавноста дека токму тој директно учествуваше во процесот на донесувањето на штетните измени на КЗ во 2023 година, со што се спаси од одговорност за кривичното дело ,,Моќник”“, наведе Филков, набројувајќи ги законите на кои работел во изминатиот период. прочитај повеќе види ги сите денешни вести април 02, 2025 Мицкоски и Филипче утре на средба во Владата Влада на Република Северна Македонија, архивска фотографија Премиерот, Христијан Мицкоски и лидерот на опозициската СДСМ, Венко Филипче утре во 14 часот ќе имаат средба во Владата. -Согласно јавната комуникација и упатените иницијативи и демонстрираната подготвеност од двете страни, за утре во 14 часот е закажана средба меѓу премиерот Христијан Мицкоски и претседателот на СДСМ, Венко Филипче – соопшти попладнево владината прес служба.Во изјава за медиумите во Штип, Мицкоски искажа подготвеност за средба со Филипче, кој денеска повика на политички и општествен дијалог.Филипче на прес-конференција рече дека по трагедијата во Кочани граѓаните реагираа со револт и бес, системот не функционира како што треба, а за тоа вина, како што посочи, имаат сите политички партии. Видете и ова: Филипче предлага нов концепт на општествен и политички дијалог Областите каде што треба системски пристап, според Филипче се - образование, здравство, правосудство, животна средина, партизација и политизација.По неговата денешна прес конференција, од Движењето ЗНАМ реагира преку писмено соопштение во кое обвинија дека „СДСМ и Филипче немаат политички кредибилитет, ниту легитимитет да нудат какви било концепти за Македонија овој момен.- Оттука, Венко Филипче и СДСМ не можат да бидат решение на проблемите, бидејќи покажаа дека тие се проблем за секое решение, наведуваат од ЗНАМ.-Дали самопрогласениот лидер на опозицијата со ова бара начин да се факторизира како политички фактор во јавноста и да седне на преговарачка маса, имајќи ја в предвид очајната состојба на неговата партија – се наведува во реакцијата на ЗНАМ.Во меѓувреме, прашан за повикот на Филипче за средба, премиерот Мицкоски кажа дека ова е сериозна тема за која се разговара. Видете и ова: Мицкоски по повикот на Филипче: На располагање сум во секое време за средба „Доколку навистина има план и желба да помогне стојам на располагање во секое време ќе го прераспределам мојот распоред, на полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши“, изјави Мицкоски. ДУИ: Јавноста е згрозена од јавниот флерт на Мицкоски и ФилипчеПо најавата за средба, ДУИ во писмено соопштение изрази силна загриженост, поради како што велат од партијата, „сѐ понагласената моноетничка доминација која Власта ја демонстрираше во првата година од своето владеење“. -Сега веќе на јавна сцена ја вклучува и етничката македонска опозиција во својата намера. Јавноста е просто згрозена од овој јавен флерт на Мицкоски и Филипче, за полноќни средби во политички интимна атмосфера на која ништо помалку туку ќе се крои планот за нов општествен договор за регулација на идните политички текови – велат од ДУИ.Според партијата, Република Северна Македонија претставува „препознатлив модел на функционална мултиетничка демократија со јасно изразена евроатлантска ориентација“.Основниот модел на мултиетничкиот карактер на земјата е системски загрозен, а загрозен а и интегративниот процес на земјата во Европската унија. Тоа се две клучни стратешки основи кои што сериозно ја загрозуваат долгорочната стабилност и просперитет на земјата, и тоа се двата приоритети за кои треба да се отвори суштински политички дијалог – додаваат од ДУИ.Азири: Мицкоски ќе се сретне со претседателот на најголемиот огранок на ВМРО-ДПМНЕ, ФилипчеРеакција пристигна и од потпретседалот на Алијанса за Албанците, Елми Азири:„Претседателот на ВМРО-ДПМНЕ Христијан Мицкоски ќе се сретне со претседателот на најголемиот огранок на ВМРО-ДПМНЕ, Венко Филипче! Откако беше избран за претседател на СДСМ, првата средба му беше со претседателката на државата, г-ѓа Силјановска-Давкова! Последниов веќе неколку години од ВМРО го нарекуваат министер за смрт! Оваа моноетничка средба е практична имплементација на платформата Македонија повторно твоја“, вели Азири. прочитај повеќе април 02, 2025 Мицкоски по повикот на Филипче: На располагање сум во секое време за средба Христијан Мицкоски, архивска фотографија Премиерот, Христијан Мицкоски вели дека е подготвен на средба со лидерот на опозициската СДСМ, Венко Филипче доколку, како што изјави денеска, навистина има план и желба да помогне.По денешниот повик од Филипче за политички и општествен дијалог Мицкоски одговарајќи на новинарско прашање рече дека стои на располагање во секое време и ќе го усогласи распоредот за да го слушне планот на Филипче и да се види дали во тој план може нешто да се реши.„За мене е малку непристојно да разговараме преку медиуми, реков доколку има план како што најавија, подготвен сум да го примам на средба пртседателот на СДСМ да го образложи планот, да го слушнеме планот бидејќи се сериозни времиња, јас сум сериозен човек, сериозни работи се во прашање и најмалку што треба да се прави е естрада на јавна сцена“, изјави Мицкоски.Тој додаде дека доколку Филипче навистина има план и желба да помогне, тој стои на располагање во секое време ќе го прераспредели својот распоред. Видете и ова: Филипче предлага нов концепт на општествен и политички дијалог „На полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши. Но, доколку планот опфаќа пристап „Стабри“, како што беше во минатото за време на короната тогаш такви планови не можам да прифатам“, посочи Мицкоски за повикот од Филипче и дали ќе има лидерска средба со останатите претставници на партиите.Прашан дали ќе имаат заеднички став со СДСМ околу изборот на в.д градоначалник на Кочани за да нема криза во градот по трагедијата со пожарот и оставката на градоначалникот Љупчо Папазов, рече не разговарале со советниците за потецијалнот кандидат, но оти апсолутно ќе се избере в.д градоначалник и оти тука нема дилема.Претходно, лидерот на СДСМ Венко Филипче рече дека уште денеска или утре (2 и 3 април) ќе побара состанок со премиерот за да се организира таа средба.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада. прочитај повеќе април 02, 2025 Курти почна разговори со малцинските партии за формирање на новата влада Состанок на Курти и Реџепи, 2 април Вршителот на должноста премиер на Косово, како и претседател на Движењето Самоопределување, партијата која победи на парламентарните избори на 9 февруари во земјата, почна состаноци со малцинските политички партии за да се консултира за формирањето на новата влада.Овој процес отпочна по потврдувањто на изборните резултати и почетокот на уставните рокови за формирање на законодавната власт и новата влада, додека претседателката на Косово, Вјоса Османи го одреди 15 април како датум за одржување на конститутивната седница на Собранието на Косово.Косовскиот премиер, Албин Курти, изјави дека се сретнал со претседателката на Новата демократска партија (НДС) од бошњачката заедница, а воедно и вршител на должноста заменик на премиерот, Емилија Реџепи. Видете и ова: Закажана конститутивна седница на Собранието на Косово Според изјавата од канцеларијата на премиерот, Реџепи „ја потврдила својата целосна подготвеност да продолжи да соработува" со Движењето Самоопределување и да го поддржи Курти во неговите напори да формира нова влада.Курти, исто така, се сретна со претседателот на Партијата за слобода, правда и опстанок од српската заедница, кој е и вршител на должноста министер за заедници и враќање, Ненад Рашиќ.За време на разговорите, министерот Рашиќ ја потврди својата поддршка на премиерот Курти за формирање на нова влада и продолжување на соработката - се вели во соопштението од кабинетот на премиерот.Движењето за самоопределување тврди дека може да обезбеди 61 глас потребен за формирање на нова влада во Косово.Во меѓувреме, двете опозициски партии, Демократската лига на Косово и Алијансата за иднината на Косово, ја отфрлија можноста за заедничко владеење со Движењето Самоопределување, додека Демократската партија на Косово и Социјалдемократската иницијатива не поставија црвени линии за коалиции.Ниту една политичка партија нема доволно гласови за да формира нова влада.Движењето Самоопределување, како и трите други албански политички партии зад него, сметаат дека немнозинските заедници имаат десет гарантирани места во собранието. прочитај повеќе април 02, 2025 ‘Науката (за)стана’: Протести во Белград и Нови Сад Белград, Србија - протести Вработени во научноистражувачката дејност денеска (2 април) организираа протести во Белград и Нови Сад на повик на српскиот Синдикат на науката во знак на поддршка на студентите во блокада.Протестите беа организирани под слоганот „Науката (за)стана“.Претставници на Синдикатот на науката и на Мрежата на академска солидарност заедно со група граѓани и студенти се собраа пред платото кај Филозофскиот факултет во Белград.Луѓето на собирот носеа транспаренти на кои меѓу другото пишуваше „Науката ви мавта со дипломите, нашите се вистински, а какви се вашите“ и „За враќање на академското достоинство“.Претставник на неформалната организација Мрежа на академската солидарност, Оливер Тошковиќ, рече дека владата „живее во свет во кој позицијата е пред аргументот".„Факт е дека оваа влада е подготвена да ја уништи и деформира научната активност во оваа земја само за да ни се одмазди лично и да нѐ понижи", рече Тошковиќ. Видете и ова: Протест пред ТВ Информер во Белград поради известување за студентските протести Собраните со 16-минутно молчење им оддадоа почит на загинатите при падот на настрешницата во Нови Сад. По молкот, тие се движеа низ централните улици на Белград до зградата на Владата на Србија.Во Србија, десетици илјади граѓани со месеци излегуваат на улиците со клучно барање да се утврди кривичната и политичката одговорност за несреќата во Нови Сад, во која 15 лица загинаа при пад на настрешницата на главната железничка станица во градот, додека шеснаесеттата жртва им подлегна на повредите повеќе од два месеци подоцна.Во фокусот на протестите се обвинувањата дека корупцијата довела до паѓање на настрешницата. Претставниците на властите ги отфрлија овие обвинувања. прочитај повеќе април 02, 2025 Тројца пациенти од пожарот во Кочани се враќаат од Шведска и Грција Дискотека Пулс, Кочани / архивска фотографија Тројца пациенти од повредените лица од пожарот во Кочани се враќаат во земјава, од кои двајца беа хоспитализирани во Грција и еден пациент во Шведска – соопшти Министерството за здравство денеска (2 април).Согласно протоколите ќе бидат задржани под 24-часовен надзор.Во Србија остануваат хоспитализирани 23 пациенти, Бугарија 14 паценти, Турција 10 пациенти, Грција 8 пациенти, Словенија 4 пациенти, во Унгарија, Хрватска, Шпанија, Австрија и Литванија се хоспитализирани по 3 пациенти, во Италија и Полска по еден пациент.Во Скопје, на Клиниката за токсикологија вчера беше хоспитализиран пациент по враќање од Полска, истиот денеска се пушта на домашно лекување. Видете и ова: Дома се пуштени 93 пациенти од пожарот во Кочани, уште сто се лекуваат На Клиниката за пластична хирургија остануваат двајца пациенти, а во Хируршката клиника Св.Наум Охридски 6 пациенти. Во ГОБ 8 Септември се хоспитализирани пет пациенти, од кои еден е планирано да биде пуштен на домашно лекување, на Клиниката за пулмологија двајца пациенти, а во приватната болница Систина се хоспитализирани тројца пациенти.Ресорниот министер, Арбен Таравари вчера изјави дека засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. прочитај повеќе април 02, 2025 Филипче предлага нов концепт на општествен и политички дијалог Венко Филипче, лидер на СДСМ Лидерот на СДСМ Венко Филипче предложи нов концепт за општествен и политички дијалог. Како што рече на денешната прес-конференција, трагедијата во Кочани покажала дека системот не функционира како што треба, а за тоа како што посочи, вина имале сите политички партии.Во однос на лидерската средба рече дека уште денеска или утре (2 и 3 април) ќе побара состанок со премиерот Христијан Мицкоски, за да се организира таа средба.Според него областите каде што треба системски пристап се - образование, здравство, правосудство, животна средина, партизација и политизација.„По големата трагедија во Кочани, ја видовме реакцијата на граѓаните, револт, на места и бес. Би рекол сосема оправдано, бидејќи тоа што во изминатите три децении, тоа што се нарекува реформи, тоа што се нарекува транзиција, очигледно не го даде посакуваниот резултат. Системот на многу места очигледно не фукционира како што треба. Јавните сервиси немаат перформанс каков што граѓаните заслужуваат. За тоа вина имаме сите политички партии, СДСМ, ВМРО-ДПМНЕ, ДУИ, другите политички партии“, рече Филипче.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада.Во однос на правосудството, предлага неминовно да се донесат реформската агенда во што пократок рок реформските закони во одреден систем во којшто ќе се постигне широк консензус не само политички, туки и други фактори од делот на правосудството на коишто ова навистина им е експертиза.„Тоа што граѓаните најмногу ги иритира а тоа е партизацијата и политизацијата. Мора да ги ослободиме институциите од канџите на политиката и партијата за да младите луѓе имаат навистина добар, компетитивен мерит систем и на тој начин да се вработуваат и напредуваат поради тоа што само на тој начин можеме експертизата да ја издигнеме на соодветно и заслужено ниво“, истакна Филипче, додавајќи дека добро е на овие теми да седнат лидерите на сите партии. Видете и ова: По трагедијата во Кочани, собраниската говорница остана нема Лидерот на СДСМ истакна дека на премиерот Христијан Мицкоски и подетално би му го образложил овој план на средба во следните денови. Во однос дали очекува неговиот предлог за лидерска средба да биде прифатен, тој рече дека уште денеска или утре (2 и 3 април) ќе побара состанок со премиерот Мицкоски, согласно агендите, за да се организира таа средба.„Оставам простор и се надевам дека сега кога политичките партии ќе го слушнат ова ќе ја прифатат таа лидерска средба. Но добро е прво тоа да го поразговараме со премиерот, имајќи предвид дека тој прв подаде рака и на прва одговори дека средбата е прифатлива. Навистина не знам што би било неприфатливо или некој зошто не би сакал да разговара, кога тоа е констатација на секој еден граѓанин во државата“, рече Филипче.На новинарско прашање дали на средбата ќе ја постави темата за евроинтеграции и уставни измени, рече дека најверојатно ќе се зборува и за таа тема. Премиерот Христијан Мицкоски деновиве изјави дека тој е подготвен да разговара со Филипче, додавајќи дека лидерската средба е пресериозна тема за да се разговара преку медиуми. прочитај повеќе април 02, 2025 По еднодневна пауза, Русија ги продолжува масовните напади врз Украина Последици од нападот во градот Харкив, Украина, 2 април 2025 година Русија започна нови воздушни напади врз Украина по еднодневна пазуа од напади со дронови. Во регионот Запорожје, едно лице загинало, а две други се повредени, изјави во среда (2 април) на Телеграм регионалниот гувернер Иван Федоров. Петнаесет беспилотни летала, исто така, го нападнале источниот град Харкив, при што биле повредени најмалку осум лица.Украинските сили за цивилна одбрана соопштија дека биле погодени згради кои припаѓаат на цивилни фирми, а исто така била нанесена штета и на станбени области. Откако Украина во вторникот ја доживеа првата ноќ без беспилотни летала во годината, воздушната одбрана на земјата извести дека Русија распоредила 74 дронови и мамки со беспилотни летала во текот на ноќта до среда наутро.Нападите првенствено ги погодиле регионите Харкив, Доњецк и Одеса. Видете и ова: Зеленски: Партнерите на Украина ќе разговараат за распоредување странски војници Во Москва, руското Министерство за одбрана тврдеше дека соборило 93 украински беспилотни летала во текот на ноќта, главно над пограничниот регион Курск.Војувањето со беспилотни летала стана речиси секојдневна тактика во војната, иако размерите на уништување и жртви предизвикани од руските напади го надминуваат влијанието на украинските напади. Украина се брани од руската инвазија повеќе од три години, потпирајќи се во голема мера на поддршката од Западот. прочитај повеќе април 02, 2025 Дурмиши: Секој има право да излезе на улица и да покаже револт Министерот за економија и труд Бесар Дурмиши Живееме во демократија и секој има право да излезе на улица и да протестира и да го каже својот револт, но на синдикатите веќе им истече мандатот и веќе не се репрезентативни, порача денеска (2 април)министерот за економија и труд Бесар Дурмиши.„Како Влада ја формиравме комисијата која треба да ја утврди репрезентативноста на синдикатите и таа комисија веќе работи. Веднаш кога ќе се определи кој синдикат е репрезентативен ќе ја свикам седницата на Економско социјалниот совет (ЕСС). Токму таму синдикатите треба да ги кажат своите барања, а не на улица“, изјави Дурмиши во одговор на новинарско прашање пред почетокот на конференцијата „Реформа на Законот за работни односи – предизвици и насоки“. Видете и ова: Синдикатите утре на протест, барањето за поголем минималец ги „скара“ со Владата Како Влада, нагласи дека се за социјален дијалог. Одговарајќи на прашање рече дека како Влада постапиле според законот и методологијата за минималната плата, со која се усогласени сите засегнати страни, односно и синдикатите и работодавачите, и го објавиле износот на минималната плата на крајот на март.„Според тој правилник минималната плата изнесува 400 евра и е покачена нето платата за 1800 денари. Како надлежен министер за економија и труд јас ја објавив минималната плата по одлука на Владата, рече Дурмиши.Нагласи дека немале согласност од ЕСС за износот на минималната плата поради тоа што нема репрезентативност од синдикатите.„Јас според законот кој е во сила и кој е потпишан и од синдикатите и од работодавачите и по одлука на Влада обврзан сум пред 31 март да ја објавам минималната плата. Од минималната плата потоа се пресметува и просечната плата и другите плати. Ако не ја објавевме до 31 март ќе се блокираше целата држава и сите институции, а приватниот сектор не ќе можеше да пресмета плати за нивните вработени“, истакна Дурмиши.Сојузот на синдикатите на Македонија (ССМ) денеска одржува јавна седница пред зградата на Работничкиот дом на која ќе ги искаже своите ставови за минималната плата. прочитај повеќе април 02, 2025 Советот на јавни обвинители даде негативно мислење за разрешување на Коцевски Државниот јавен обвинител Љупчо Коцевски Советот на јавни обвинители даде негативно мислење по предлогот на Владата за разрешување на државниот јавен обвинител Љупчо Коцевски. За прифаќање на предлогот гласаа тројца, додека шест члена гласа против. Претседателката на Советот на јавни обвинители Душица Димитриеска, рече дека со оглед дека Советот одлуките ги носи со мнозинство, мнозинството дадоа негативно мислење. За прифаќање на предлогот на Владата за разрешување на Коцевски гласаа Кети Петкова, Ардиан Демири и Марјана Илиевска.Советот на јавни обвинители претходно ја исклучи јавноста од точката за разгледување на предлогот за разрешување на државниот јавен обвинител Љупчо Коцевски. Членовите на Советот едногласно го поддржаа предлогот на членот Зорица Павловиќ, која повикувајќи се на член 10 од Законот за совет на јавни обвинители побара да се исклучи јавноста поради, како што кажа, сензитивноста на процесот и за заштита на угледот и интегритетот на јавниот обвинител.Светлана Стојковиќ, го поддржа предлогот, дополнувајќи дека јавноста треба да биде исклучена и поради тоа што во произнесувањето од Коцевски по предлогот за негово разрешување, се изнесени и информации и докази од дисциплинските постапки што се води против двајца јавни обвинители. Расправата, како што нагласија, ќе биде затворена, а јавноста ќе биде вклучена само за гласањето по мислењето за предлогот на Владата за разрешување на Коцевски.Седницата за разгледување на предлогот претходно на два пати беше одложена. Првично беше закажана за 18 март, но беше одложена поради седумдневната жалост по трагедијата во Кочани, а минатата недела, на 26 март беше одложена поради немање на кворум. Согласно законските рокови за разгледување на предлогот за разрешување на Коцевски, Советот треба да го разгледа најдоцна до крајот на неделава, иако Владата објави дека ќе ја прекине постапката. Видете и ова: Предлогот за разрешување на Коцевски на денешната владина седница Портпаролката на Владата Марија Митева, на 26 март годинава, изјави дека Владата ќе ја прекине постапката за разрешување на државниот јавен обвинител Љупчо Коцевски и доколку добие мислење од страна на Советот на ЈО, истото нема да го проследи до Собранието.Премиерот Христијан Мицкоски по трагедијата во Кочани изјави дека постапката за разрешување на јавниот обвинител Коцевски ќе се запре во моментот до таму каде што се наоѓа.Владата на 11 февруари година донесе одлука да поведе постапка за разрешување на државниот јавен обвинител Коцевски кој беше избран на оваа позиција пред една година, а неговиот мандат трае шест години.Министерството за правда, постапувајќи по заклучокот од 50-та седница на Владата, го изготви Предлог-мислењето за разрешување на државниот јавен обвинител. Коцевски, како што велат од Министерството за правда, постапувал во предмети во кои согласно законските одредби постоеле околности кои предизвикуваат сомневање во неговата непристрасност, како и судир на интереси, а за кои околности тој требало да знае и требало да се изземе. Републичкиот обвинител Коцевски го демантира тврдењето дека незаконски постапил посочувајќи дека го следел законот и роковите во него. прочитај повеќе Вчитај повеќе...

Вести април 02, 2025 По еднодневна пауза, Русија ги продолжува масовните напади врз Украина Последици од нападот во градот Харкив, Украина, 2 април 2025 година Русија започна нови воздушни напади врз Украина по еднодневна пазуа од напади со дронови. Во регионот Запорожје, едно лице загинало, а две други се повредени, изјави во среда (2 април) на Телеграм регионалниот гувернер Иван Федоров. Петнаесет беспилотни летала, исто така, го нападнале источниот град Харкив, при што биле повредени најмалку осум лица.Украинските сили за цивилна одбрана соопштија дека биле погодени згради кои припаѓаат на цивилни фирми, а исто така била нанесена штета и на станбени области. Откако Украина во вторникот ја доживеа првата ноќ без беспилотни летала во годината, воздушната одбрана на земјата извести дека Русија распоредила 74 дронови и мамки со беспилотни летала во текот на ноќта до среда наутро.Нападите првенствено ги погодиле регионите Харкив, Доњецк и Одеса. Видете и ова: Зеленски: Партнерите на Украина ќе разговараат за распоредување странски војници Во Москва, руското Министерство за одбрана тврдеше дека соборило 93 украински беспилотни летала во текот на ноќта, главно над пограничниот регион Курск.Војувањето со беспилотни летала стана речиси секојдневна тактика во војната, иако размерите на уништување и жртви предизвикани од руските напади го надминуваат влијанието на украинските напади. Украина се брани од руската инвазија повеќе од три години, потпирајќи се во голема мера на поддршката од Западот. прочитај повеќе види ги сите денешни вести април 02, 2025 Мицкоски и Филипче утре на средба во Владата Влада на Република Северна Македонија, архивска фотографија Премиерот, Христијан Мицкоски и лидерот на опозициската СДСМ, Венко Филипче утре во 14 часот ќе имаат средба во Владата. -Согласно јавната комуникација и упатените иницијативи и демонстрираната подготвеност од двете страни, за утре во 14 часот е закажана средба меѓу премиерот Христијан Мицкоски и претседателот на СДСМ, Венко Филипче – соопшти попладнево владината прес служба.Во изјава за медиумите во Штип, Мицкоски искажа подготвеност за средба со Филипче, кој денеска повика на политички и општествен дијалог.Филипче на прес-конференција рече дека по трагедијата во Кочани граѓаните реагираа со револт и бес, системот не функционира како што треба, а за тоа вина, како што посочи, имаат сите политички партии. Видете и ова: Филипче предлага нов концепт на општествен и политички дијалог Областите каде што треба системски пристап, според Филипче се - образование, здравство, правосудство, животна средина, партизација и политизација.По неговата денешна прес конференција, од Движењето ЗНАМ реагира преку писмено соопштение во кое обвинија дека „СДСМ и Филипче немаат политички кредибилитет, ниту легитимитет да нудат какви било концепти за Македонија овој момен.- Оттука, Венко Филипче и СДСМ не можат да бидат решение на проблемите, бидејќи покажаа дека тие се проблем за секое решение, наведуваат од ЗНАМ.-Дали самопрогласениот лидер на опозицијата со ова бара начин да се факторизира како политички фактор во јавноста и да седне на преговарачка маса, имајќи ја в предвид очајната состојба на неговата партија – се наведува во реакцијата на ЗНАМ.Во меѓувреме, прашан за повикот на Филипче за средба, премиерот Мицкоски кажа дека ова е сериозна тема за која се разговара. Видете и ова: Мицкоски по повикот на Филипче: На располагање сум во секое време за средба „Доколку навистина има план и желба да помогне стојам на располагање во секое време ќе го прераспределам мојот распоред, на полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши“, изјави Мицкоски. ДУИ: Јавноста е згрозена од јавниот флерт на Мицкоски и ФилипчеПо најавата за средба, ДУИ во писмено соопштение изрази силна загриженост, поради како што велат од партијата, „сѐ понагласената моноетничка доминација која Власта ја демонстрираше во првата година од своето владеење“. -Сега веќе на јавна сцена ја вклучува и етничката македонска опозиција во својата намера. Јавноста е просто згрозена од овој јавен флерт на Мицкоски и Филипче, за полноќни средби во политички интимна атмосфера на која ништо помалку туку ќе се крои планот за нов општествен договор за регулација на идните политички текови – велат од ДУИ.Според партијата, Република Северна Македонија претставува „препознатлив модел на функционална мултиетничка демократија со јасно изразена евроатлантска ориентација“.Основниот модел на мултиетничкиот карактер на земјата е системски загрозен, а загрозен а и интегративниот процес на земјата во Европската унија. Тоа се две клучни стратешки основи кои што сериозно ја загрозуваат долгорочната стабилност и просперитет на земјата, и тоа се двата приоритети за кои треба да се отвори суштински политички дијалог – додаваат од ДУИ.Азири: Мицкоски ќе се сретне со претседателот на најголемиот огранок на ВМРО-ДПМНЕ, ФилипчеРеакција пристигна и од потпретседалот на Алијанса за Албанците, Елми Азири:„Претседателот на ВМРО-ДПМНЕ Христијан Мицкоски ќе се сретне со претседателот на најголемиот огранок на ВМРО-ДПМНЕ, Венко Филипче! Откако беше избран за претседател на СДСМ, првата средба му беше со претседателката на државата, г-ѓа Силјановска-Давкова! Последниов веќе неколку години од ВМРО го нарекуваат министер за смрт! Оваа моноетничка средба е практична имплементација на платформата Македонија повторно твоја“, вели Азири. прочитај повеќе април 02, 2025 Мицкоски по повикот на Филипче: На располагање сум во секое време за средба Христијан Мицкоски, архивска фотографија Премиерот, Христијан Мицкоски вели дека е подготвен на средба со лидерот на опозициската СДСМ, Венко Филипче доколку, како што изјави денеска, навистина има план и желба да помогне.По денешниот повик од Филипче за политички и општествен дијалог Мицкоски одговарајќи на новинарско прашање рече дека стои на располагање во секое време и ќе го усогласи распоредот за да го слушне планот на Филипче и да се види дали во тој план може нешто да се реши.„За мене е малку непристојно да разговараме преку медиуми, реков доколку има план како што најавија, подготвен сум да го примам на средба пртседателот на СДСМ да го образложи планот, да го слушнеме планот бидејќи се сериозни времиња, јас сум сериозен човек, сериозни работи се во прашање и најмалку што треба да се прави е естрада на јавна сцена“, изјави Мицкоски.Тој додаде дека доколку Филипче навистина има план и желба да помогне, тој стои на располагање во секое време ќе го прераспредели својот распоред. Видете и ова: Филипче предлага нов концепт на општествен и политички дијалог „На полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши. Но, доколку планот опфаќа пристап „Стабри“, како што беше во минатото за време на короната тогаш такви планови не можам да прифатам“, посочи Мицкоски за повикот од Филипче и дали ќе има лидерска средба со останатите претставници на партиите.Прашан дали ќе имаат заеднички став со СДСМ околу изборот на в.д градоначалник на Кочани за да нема криза во градот по трагедијата со пожарот и оставката на градоначалникот Љупчо Папазов, рече не разговарале со советниците за потецијалнот кандидат, но оти апсолутно ќе се избере в.д градоначалник и оти тука нема дилема.Претходно, лидерот на СДСМ Венко Филипче рече дека уште денеска или утре (2 и 3 април) ќе побара состанок со премиерот за да се организира таа средба.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада. прочитај повеќе април 02, 2025 Курти почна разговори со малцинските партии за формирање на новата влада Состанок на Курти и Реџепи, 2 април Вршителот на должноста премиер на Косово, како и претседател на Движењето Самоопределување, партијата која победи на парламентарните избори на 9 февруари во земјата, почна состаноци со малцинските политички партии за да се консултира за формирањето на новата влада.Овој процес отпочна по потврдувањто на изборните резултати и почетокот на уставните рокови за формирање на законодавната власт и новата влада, додека претседателката на Косово, Вјоса Османи го одреди 15 април како датум за одржување на конститутивната седница на Собранието на Косово.Косовскиот премиер, Албин Курти, изјави дека се сретнал со претседателката на Новата демократска партија (НДС) од бошњачката заедница, а воедно и вршител на должноста заменик на премиерот, Емилија Реџепи. Видете и ова: Закажана конститутивна седница на Собранието на Косово Според изјавата од канцеларијата на премиерот, Реџепи „ја потврдила својата целосна подготвеност да продолжи да соработува" со Движењето Самоопределување и да го поддржи Курти во неговите напори да формира нова влада.Курти, исто така, се сретна со претседателот на Партијата за слобода, правда и опстанок од српската заедница, кој е и вршител на должноста министер за заедници и враќање, Ненад Рашиќ.За време на разговорите, министерот Рашиќ ја потврди својата поддршка на премиерот Курти за формирање на нова влада и продолжување на соработката - се вели во соопштението од кабинетот на премиерот.Движењето за самоопределување тврди дека може да обезбеди 61 глас потребен за формирање на нова влада во Косово.Во меѓувреме, двете опозициски партии, Демократската лига на Косово и Алијансата за иднината на Косово, ја отфрлија можноста за заедничко владеење со Движењето Самоопределување, додека Демократската партија на Косово и Социјалдемократската иницијатива не поставија црвени линии за коалиции.Ниту една политичка партија нема доволно гласови за да формира нова влада.Движењето Самоопределување, како и трите други албански политички партии зад него, сметаат дека немнозинските заедници имаат десет гарантирани места во собранието. прочитај повеќе април 02, 2025 ‘Науката (за)стана’: Протести во Белград и Нови Сад Белград, Србија - протести Вработени во научноистражувачката дејност денеска (2 април) организираа протести во Белград и Нови Сад на повик на српскиот Синдикат на науката во знак на поддршка на студентите во блокада.Протестите беа организирани под слоганот „Науката (за)стана“.Претставници на Синдикатот на науката и на Мрежата на академска солидарност заедно со група граѓани и студенти се собраа пред платото кај Филозофскиот факултет во Белград.Луѓето на собирот носеа транспаренти на кои меѓу другото пишуваше „Науката ви мавта со дипломите, нашите се вистински, а какви се вашите“ и „За враќање на академското достоинство“.Претставник на неформалната организација Мрежа на академската солидарност, Оливер Тошковиќ, рече дека владата „живее во свет во кој позицијата е пред аргументот".„Факт е дека оваа влада е подготвена да ја уништи и деформира научната активност во оваа земја само за да ни се одмазди лично и да нѐ понижи", рече Тошковиќ. Видете и ова: Протест пред ТВ Информер во Белград поради известување за студентските протести Собраните со 16-минутно молчење им оддадоа почит на загинатите при падот на настрешницата во Нови Сад. По молкот, тие се движеа низ централните улици на Белград до зградата на Владата на Србија.Во Србија, десетици илјади граѓани со месеци излегуваат на улиците со клучно барање да се утврди кривичната и политичката одговорност за несреќата во Нови Сад, во која 15 лица загинаа при пад на настрешницата на главната железничка станица во градот, додека шеснаесеттата жртва им подлегна на повредите повеќе од два месеци подоцна.Во фокусот на протестите се обвинувањата дека корупцијата довела до паѓање на настрешницата. Претставниците на властите ги отфрлија овие обвинувања. прочитај повеќе април 02, 2025 Тројца пациенти од пожарот во Кочани се враќаат од Шведска и Грција Дискотека Пулс, Кочани / архивска фотографија Тројца пациенти од повредените лица од пожарот во Кочани се враќаат во земјава, од кои двајца беа хоспитализирани во Грција и еден пациент во Шведска – соопшти Министерството за здравство денеска (2 април).Согласно протоколите ќе бидат задржани под 24-часовен надзор.Во Србија остануваат хоспитализирани 23 пациенти, Бугарија 14 паценти, Турција 10 пациенти, Грција 8 пациенти, Словенија 4 пациенти, во Унгарија, Хрватска, Шпанија, Австрија и Литванија се хоспитализирани по 3 пациенти, во Италија и Полска по еден пациент.Во Скопје, на Клиниката за токсикологија вчера беше хоспитализиран пациент по враќање од Полска, истиот денеска се пушта на домашно лекување. Видете и ова: Дома се пуштени 93 пациенти од пожарот во Кочани, уште сто се лекуваат На Клиниката за пластична хирургија остануваат двајца пациенти, а во Хируршката клиника Св.Наум Охридски 6 пациенти. Во ГОБ 8 Септември се хоспитализирани пет пациенти, од кои еден е планирано да биде пуштен на домашно лекување, на Клиниката за пулмологија двајца пациенти, а во приватната болница Систина се хоспитализирани тројца пациенти.Ресорниот министер, Арбен Таравари вчера изјави дека засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. прочитај повеќе април 02, 2025 Филипче предлага нов концепт на општествен и политички дијалог Венко Филипче, лидер на СДСМ Лидерот на СДСМ Венко Филипче предложи нов концепт за општествен и политички дијалог. Како што рече на денешната прес-конференција, трагедијата во Кочани покажала дека системот не функционира како што треба, а за тоа како што посочи, вина имале сите политички партии.Во однос на лидерската средба рече дека уште денеска или утре (2 и 3 април) ќе побара состанок со премиерот Христијан Мицкоски, за да се организира таа средба.Според него областите каде што треба системски пристап се - образование, здравство, правосудство, животна средина, партизација и политизација.„По големата трагедија во Кочани, ја видовме реакцијата на граѓаните, револт, на места и бес. Би рекол сосема оправдано, бидејќи тоа што во изминатите три децении, тоа што се нарекува реформи, тоа што се нарекува транзиција, очигледно не го даде посакуваниот резултат. Системот на многу места очигледно не фукционира како што треба. Јавните сервиси немаат перформанс каков што граѓаните заслужуваат. За тоа вина имаме сите политички партии, СДСМ, ВМРО-ДПМНЕ, ДУИ, другите политички партии“, рече Филипче.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада.Во однос на правосудството, предлага неминовно да се донесат реформската агенда во што пократок рок реформските закони во одреден систем во којшто ќе се постигне широк консензус не само политички, туки и други фактори од делот на правосудството на коишто ова навистина им е експертиза.„Тоа што граѓаните најмногу ги иритира а тоа е партизацијата и политизацијата. Мора да ги ослободиме институциите од канџите на политиката и партијата за да младите луѓе имаат навистина добар, компетитивен мерит систем и на тој начин да се вработуваат и напредуваат поради тоа што само на тој начин можеме експертизата да ја издигнеме на соодветно и заслужено ниво“, истакна Филипче, додавајќи дека добро е на овие теми да седнат лидерите на сите партии. Видете и ова: По трагедијата во Кочани, собраниската говорница остана нема Лидерот на СДСМ истакна дека на премиерот Христијан Мицкоски и подетално би му го образложил овој план на средба во следните денови. Во однос дали очекува неговиот предлог за лидерска средба да биде прифатен, тој рече дека уште денеска или утре (2 и 3 април) ќе побара состанок со премиерот Мицкоски, согласно агендите, за да се организира таа средба.„Оставам простор и се надевам дека сега кога политичките партии ќе го слушнат ова ќе ја прифатат таа лидерска средба. Но добро е прво тоа да го поразговараме со премиерот, имајќи предвид дека тој прв подаде рака и на прва одговори дека средбата е прифатлива. Навистина не знам што би било неприфатливо или некој зошто не би сакал да разговара, кога тоа е констатација на секој еден граѓанин во државата“, рече Филипче.На новинарско прашање дали на средбата ќе ја постави темата за евроинтеграции и уставни измени, рече дека најверојатно ќе се зборува и за таа тема. Премиерот Христијан Мицкоски деновиве изјави дека тој е подготвен да разговара со Филипче, додавајќи дека лидерската средба е пресериозна тема за да се разговара преку медиуми. прочитај повеќе април 02, 2025 Мицкоски: Милошоски и Филков имаа лош ден, Владата е стабилна Христијан Мицкоски, премир на РСМ Премиерот Христијан Мицкоски изјави дека владината коалиција е стабилна, а јавното препукување меѓу пратеникот од ВМРО-ДПМЕ Антонијо Милошоски и министерот за правда Игор Филков од коалицискиот партнер ЗНАМ, според него, ќе застане на, како што вели, на овие два лични става.„Владината коалиција е стабила. Пратеникот Антонијо Милошоски е член на Извршниот комитет на партијата, тој е дел од мојот најблизок периметар. Јас соработката со Антонијо Милошоски ја оценувам на највисоко ниво, тој е додадена вредност и во рамки на пратеничката група и во рамки на партијата. Министерот Игор Филков знам со какви проблеми се соочи, знам каква состојба затекна во Министерството за правда, континуирано на дневна основа соработуваме во делот на реформите, кои се многу важни посебно во секторот правда. Но, она што можев да го заклучам, а убеден сум дека сето ова ќе застане на овие два лични става е дека секој има право на лош ден, па така јас мислам дека тој лош ден и за едниот и за другиот завршува“, рече Мицкоски, по пуштањето на фабриката на „Магна мехатроникс“ во ТИРЗ Штип. Прашан дали има проблеми со коалицијата Вреди во која е министерот за здравство Арбен Тараври кој предвои едно од крилата во Алијанса за Албанците, рече дека нема такво чувство и оти имаат исклучителна соработка. „Не, немам такво чувство. Напротив, имаме исклучителна соработка. Граѓаните да бидат сигурни, Владата е стабилна, повеќе од две третини неофицијално, а официјално 78 пратеници ја поддржуваат оваа Влада. Граѓаните, според она што го гледам од анкетите даваат поддршка, огромно е позитивното мислење дека и Македонија се движи во позитивна насока и тоа претставува за нас инспирација да продолжиме понатаму да се движиме и да работиме“, рече Мицкоски. Видете и ова: Апетитите за локалните избори ја зовреа „Вреди“ Пратеникот на ВМРО-ДПМНЕ и потпретседател на Собранието, Антонијо Милошоски вчера во телевизиско гостување рече дека министерот за правда Игор Филков има слаб придонес во областа со која раководи. Посочи дека очекувал досега барем во нацрт верзија до Собранието да бидат доставени Предлог-законот за судови, Предлог-законот за судски буџет, Предлог законот за јавнообвинителската служба, новиот Кривичен законик...Министерот за правда Филков, пак, во реакција на изнесените наводи на Милошоски рече дека „Кусурот на Груевски, познат под прекарот - Џуџето од Небрегово, а јавноста добро го памети по аферите поврзани со АМСМ и семејните бизниси од Кичево, изгледа дека сè уште нема навика да одговара пред граѓаните кои го избрале“.„Бидејќи очигледно е неинформиран и изолиран од партијата, го упатувам во неговата матична партија или пак во Владата-можеби конечно ќе го известат за постапките, роковите и статусот на законите! И, бидејќи изгледа како некој што работи по туѓи наредби, за кого одработува во моментов? Дали се тоа интересите на граѓаните или некои други агенди? Во минатото е познат по Ванчо Михајловистички ставови, многу лаги и невистини. Ова е лош де-фокус на македонската јавност по двонеделниот „одмор“! Да го потсетам дека во парламентот е од 2011 година, откако се повлече од функцијата министер за надворешни работи и активно учествуваше во креирање на „канцерогениот“ правосуден систем. Сега е добар момент да се потсети јавноста дека токму тој директно учествуваше во процесот на донесувањето на штетните измени на КЗ во 2023 година, со што се спаси од одговорност за кривичното дело ,,Моќник”“, наведе Филков, набројувајќи ги законите на кои работел во изминатиот период. прочитај повеќе април 02, 2025 Дурмиши: Секој има право да излезе на улица и да покаже револт Министерот за економија и труд Бесар Дурмиши Живееме во демократија и секој има право да излезе на улица и да протестира и да го каже својот револт, но на синдикатите веќе им истече мандатот и веќе не се репрезентативни, порача денеска (2 април)министерот за економија и труд Бесар Дурмиши.„Како Влада ја формиравме комисијата која треба да ја утврди репрезентативноста на синдикатите и таа комисија веќе работи. Веднаш кога ќе се определи кој синдикат е репрезентативен ќе ја свикам седницата на Економско социјалниот совет (ЕСС). Токму таму синдикатите треба да ги кажат своите барања, а не на улица“, изјави Дурмиши во одговор на новинарско прашање пред почетокот на конференцијата „Реформа на Законот за работни односи – предизвици и насоки“. Видете и ова: Синдикатите утре на протест, барањето за поголем минималец ги „скара“ со Владата Како Влада, нагласи дека се за социјален дијалог. Одговарајќи на прашање рече дека како Влада постапиле според законот и методологијата за минималната плата, со која се усогласени сите засегнати страни, односно и синдикатите и работодавачите, и го објавиле износот на минималната плата на крајот на март.„Според тој правилник минималната плата изнесува 400 евра и е покачена нето платата за 1800 денари. Како надлежен министер за економија и труд јас ја објавив минималната плата по одлука на Владата, рече Дурмиши.Нагласи дека немале согласност од ЕСС за износот на минималната плата поради тоа што нема репрезентативност од синдикатите.„Јас според законот кој е во сила и кој е потпишан и од синдикатите и од работодавачите и по одлука на Влада обврзан сум пред 31 март да ја објавам минималната плата. Од минималната плата потоа се пресметува и просечната плата и другите плати. Ако не ја објавевме до 31 март ќе се блокираше целата држава и сите институции, а приватниот сектор не ќе можеше да пресмета плати за нивните вработени“, истакна Дурмиши.Сојузот на синдикатите на Македонија (ССМ) денеска одржува јавна седница пред зградата на Работничкиот дом на која ќе ги искаже своите ставови за минималната плата. прочитај повеќе април 02, 2025 Советот на јавни обвинители даде негативно мислење за разрешување на Коцевски Државниот јавен обвинител Љупчо Коцевски Советот на јавни обвинители даде негативно мислење по предлогот на Владата за разрешување на државниот јавен обвинител Љупчо Коцевски. За прифаќање на предлогот гласаа тројца, додека шест члена гласа против. Претседателката на Советот на јавни обвинители Душица Димитриеска, рече дека со оглед дека Советот одлуките ги носи со мнозинство, мнозинството дадоа негативно мислење. За прифаќање на предлогот на Владата за разрешување на Коцевски гласаа Кети Петкова, Ардиан Демири и Марјана Илиевска.Советот на јавни обвинители претходно ја исклучи јавноста од точката за разгледување на предлогот за разрешување на државниот јавен обвинител Љупчо Коцевски. Членовите на Советот едногласно го поддржаа предлогот на членот Зорица Павловиќ, која повикувајќи се на член 10 од Законот за совет на јавни обвинители побара да се исклучи јавноста поради, како што кажа, сензитивноста на процесот и за заштита на угледот и интегритетот на јавниот обвинител.Светлана Стојковиќ, го поддржа предлогот, дополнувајќи дека јавноста треба да биде исклучена и поради тоа што во произнесувањето од Коцевски по предлогот за негово разрешување, се изнесени и информации и докази од дисциплинските постапки што се води против двајца јавни обвинители. Расправата, како што нагласија, ќе биде затворена, а јавноста ќе биде вклучена само за гласањето по мислењето за предлогот на Владата за разрешување на Коцевски.Седницата за разгледување на предлогот претходно на два пати беше одложена. Првично беше закажана за 18 март, но беше одложена поради седумдневната жалост по трагедијата во Кочани, а минатата недела, на 26 март беше одложена поради немање на кворум. Согласно законските рокови за разгледување на предлогот за разрешување на Коцевски, Советот треба да го разгледа најдоцна до крајот на неделава, иако Владата објави дека ќе ја прекине постапката. Видете и ова: Предлогот за разрешување на Коцевски на денешната владина седница Портпаролката на Владата Марија Митева, на 26 март годинава, изјави дека Владата ќе ја прекине постапката за разрешување на државниот јавен обвинител Љупчо Коцевски и доколку добие мислење од страна на Советот на ЈО, истото нема да го проследи до Собранието.Премиерот Христијан Мицкоски по трагедијата во Кочани изјави дека постапката за разрешување на јавниот обвинител Коцевски ќе се запре во моментот до таму каде што се наоѓа.Владата на 11 февруари година донесе одлука да поведе постапка за разрешување на државниот јавен обвинител Коцевски кој беше избран на оваа позиција пред една година, а неговиот мандат трае шест години.Министерството за правда, постапувајќи по заклучокот од 50-та седница на Владата, го изготви Предлог-мислењето за разрешување на државниот јавен обвинител. Коцевски, како што велат од Министерството за правда, постапувал во предмети во кои согласно законските одредби постоеле околности кои предизвикуваат сомневање во неговата непристрасност, како и судир на интереси, а за кои околности тој требало да знае и требало да се изземе. Републичкиот обвинител Коцевски го демантира тврдењето дека незаконски постапил посочувајќи дека го следел законот и роковите во него. прочитај повеќе Вчитај повеќе...

Вести април 02, 2025 Советот на јавни обвинители даде негативно мислење за разрешување на Коцевски Државниот јавен обвинител Љупчо Коцевски Советот на јавни обвинители даде негативно мислење по предлогот на Владата за разрешување на државниот јавен обвинител Љупчо Коцевски. За прифаќање на предлогот гласаа тројца, додека шест члена гласа против. Претседателката на Советот на јавни обвинители Душица Димитриеска, рече дека со оглед дека Советот одлуките ги носи со мнозинство, мнозинството дадоа негативно мислење. За прифаќање на предлогот на Владата за разрешување на Коцевски гласаа Кети Петкова, Ардиан Демири и Марјана Илиевска.Советот на јавни обвинители претходно ја исклучи јавноста од точката за разгледување на предлогот за разрешување на државниот јавен обвинител Љупчо Коцевски. Членовите на Советот едногласно го поддржаа предлогот на членот Зорица Павловиќ, која повикувајќи се на член 10 од Законот за совет на јавни обвинители побара да се исклучи јавноста поради, како што кажа, сензитивноста на процесот и за заштита на угледот и интегритетот на јавниот обвинител.Светлана Стојковиќ, го поддржа предлогот, дополнувајќи дека јавноста треба да биде исклучена и поради тоа што во произнесувањето од Коцевски по предлогот за негово разрешување, се изнесени и информации и докази од дисциплинските постапки што се води против двајца јавни обвинители. Расправата, како што нагласија, ќе биде затворена, а јавноста ќе биде вклучена само за гласањето по мислењето за предлогот на Владата за разрешување на Коцевски.Седницата за разгледување на предлогот претходно на два пати беше одложена. Првично беше закажана за 18 март, но беше одложена поради седумдневната жалост по трагедијата во Кочани, а минатата недела, на 26 март беше одложена поради немање на кворум. Согласно законските рокови за разгледување на предлогот за разрешување на Коцевски, Советот треба да го разгледа најдоцна до крајот на неделава, иако Владата објави дека ќе ја прекине постапката. Видете и ова: Предлогот за разрешување на Коцевски на денешната владина седница Портпаролката на Владата Марија Митева, на 26 март годинава, изјави дека Владата ќе ја прекине постапката за разрешување на државниот јавен обвинител Љупчо Коцевски и доколку добие мислење од страна на Советот на ЈО, истото нема да го проследи до Собранието.Премиерот Христијан Мицкоски по трагедијата во Кочани изјави дека постапката за разрешување на јавниот обвинител Коцевски ќе се запре во моментот до таму каде што се наоѓа.Владата на 11 февруари година донесе одлука да поведе постапка за разрешување на државниот јавен обвинител Коцевски кој беше избран на оваа позиција пред една година, а неговиот мандат трае шест години.Министерството за правда, постапувајќи по заклучокот од 50-та седница на Владата, го изготви Предлог-мислењето за разрешување на државниот јавен обвинител. Коцевски, како што велат од Министерството за правда, постапувал во предмети во кои согласно законските одредби постоеле околности кои предизвикуваат сомневање во неговата непристрасност, како и судир на интереси, а за кои околности тој требало да знае и требало да се изземе. Републичкиот обвинител Коцевски го демантира тврдењето дека незаконски постапил посочувајќи дека го следел законот и роковите во него. прочитај повеќе види ги сите денешни вести април 02, 2025 Мицкоски и Филипче утре на средба во Владата Влада на Република Северна Македонија, архивска фотографија Премиерот, Христијан Мицкоски и лидерот на опозициската СДСМ, Венко Филипче утре во 14 часот ќе имаат средба во Владата. -Согласно јавната комуникација и упатените иницијативи и демонстрираната подготвеност од двете страни, за утре во 14 часот е закажана средба меѓу премиерот Христијан Мицкоски и претседателот на СДСМ, Венко Филипче – соопшти попладнево владината прес служба.Во изјава за медиумите во Штип, Мицкоски искажа подготвеност за средба со Филипче, кој денеска повика на политички и општествен дијалог.Филипче на прес-конференција рече дека по трагедијата во Кочани граѓаните реагираа со револт и бес, системот не функционира како што треба, а за тоа вина, како што посочи, имаат сите политички партии. Видете и ова: Филипче предлага нов концепт на општествен и политички дијалог Областите каде што треба системски пристап, според Филипче се - образование, здравство, правосудство, животна средина, партизација и политизација.По неговата денешна прес конференција, од Движењето ЗНАМ реагира преку писмено соопштение во кое обвинија дека „СДСМ и Филипче немаат политички кредибилитет, ниту легитимитет да нудат какви било концепти за Македонија овој момен.- Оттука, Венко Филипче и СДСМ не можат да бидат решение на проблемите, бидејќи покажаа дека тие се проблем за секое решение, наведуваат од ЗНАМ.-Дали самопрогласениот лидер на опозицијата со ова бара начин да се факторизира како политички фактор во јавноста и да седне на преговарачка маса, имајќи ја в предвид очајната состојба на неговата партија – се наведува во реакцијата на ЗНАМ.Во меѓувреме, прашан за повикот на Филипче за средба, премиерот Мицкоски кажа дека ова е сериозна тема за која се разговара. Видете и ова: Мицкоски по повикот на Филипче: На располагање сум во секое време за средба „Доколку навистина има план и желба да помогне стојам на располагање во секое време ќе го прераспределам мојот распоред, на полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши“, изјави Мицкоски. ДУИ: Јавноста е згрозена од јавниот флерт на Мицкоски и ФилипчеПо најавата за средба, ДУИ во писмено соопштение изрази силна загриженост, поради како што велат од партијата, „сѐ понагласената моноетничка доминација која Власта ја демонстрираше во првата година од своето владеење“. -Сега веќе на јавна сцена ја вклучува и етничката македонска опозиција во својата намера. Јавноста е просто згрозена од овој јавен флерт на Мицкоски и Филипче, за полноќни средби во политички интимна атмосфера на која ништо помалку туку ќе се крои планот за нов општествен договор за регулација на идните политички текови – велат од ДУИ.Според партијата, Република Северна Македонија претставува „препознатлив модел на функционална мултиетничка демократија со јасно изразена евроатлантска ориентација“.Основниот модел на мултиетничкиот карактер на земјата е системски загрозен, а загрозен а и интегративниот процес на земјата во Европската унија. Тоа се две клучни стратешки основи кои што сериозно ја загрозуваат долгорочната стабилност и просперитет на земјата, и тоа се двата приоритети за кои треба да се отвори суштински политички дијалог – додаваат од ДУИ.Азири: Мицкоски ќе се сретне со претседателот на најголемиот огранок на ВМРО-ДПМНЕ, ФилипчеРеакција пристигна и од потпретседалот на Алијанса за Албанците, Елми Азири:„Претседателот на ВМРО-ДПМНЕ Христијан Мицкоски ќе се сретне со претседателот на најголемиот огранок на ВМРО-ДПМНЕ, Венко Филипче! Откако беше избран за претседател на СДСМ, првата средба му беше со претседателката на државата, г-ѓа Силјановска-Давкова! Последниов веќе неколку години од ВМРО го нарекуваат министер за смрт! Оваа моноетничка средба е практична имплементација на платформата Македонија повторно твоја“, вели Азири. прочитај повеќе април 02, 2025 Мицкоски по повикот на Филипче: На располагање сум во секое време за средба Христијан Мицкоски, архивска фотографија Премиерот, Христијан Мицкоски вели дека е подготвен на средба со лидерот на опозициската СДСМ, Венко Филипче доколку, како што изјави денеска, навистина има план и желба да помогне.По денешниот повик од Филипче за политички и општествен дијалог Мицкоски одговарајќи на новинарско прашање рече дека стои на располагање во секое време и ќе го усогласи распоредот за да го слушне планот на Филипче и да се види дали во тој план може нешто да се реши.„За мене е малку непристојно да разговараме преку медиуми, реков доколку има план како што најавија, подготвен сум да го примам на средба пртседателот на СДСМ да го образложи планот, да го слушнеме планот бидејќи се сериозни времиња, јас сум сериозен човек, сериозни работи се во прашање и најмалку што треба да се прави е естрада на јавна сцена“, изјави Мицкоски.Тој додаде дека доколку Филипче навистина има план и желба да помогне, тој стои на располагање во секое време ќе го прераспредели својот распоред. Видете и ова: Филипче предлага нов концепт на општествен и политички дијалог „На полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши. Но, доколку планот опфаќа пристап „Стабри“, како што беше во минатото за време на короната тогаш такви планови не можам да прифатам“, посочи Мицкоски за повикот од Филипче и дали ќе има лидерска средба со останатите претставници на партиите.Прашан дали ќе имаат заеднички став со СДСМ околу изборот на в.д градоначалник на Кочани за да нема криза во градот по трагедијата со пожарот и оставката на градоначалникот Љупчо Папазов, рече не разговарале со советниците за потецијалнот кандидат, но оти апсолутно ќе се избере в.д градоначалник и оти тука нема дилема.Претходно, лидерот на СДСМ Венко Филипче рече дека уште денеска или утре (2 и 3 април) ќе побара состанок со премиерот за да се организира таа средба.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада. прочитај повеќе април 02, 2025 Курти почна разговори со малцинските партии за формирање на новата влада Состанок на Курти и Реџепи, 2 април Вршителот на должноста премиер на Косово, како и претседател на Движењето Самоопределување, партијата која победи на парламентарните избори на 9 февруари во земјата, почна состаноци со малцинските политички партии за да се консултира за формирањето на новата влада.Овој процес отпочна по потврдувањто на изборните резултати и почетокот на уставните рокови за формирање на законодавната власт и новата влада, додека претседателката на Косово, Вјоса Османи го одреди 15 април како датум за одржување на конститутивната седница на Собранието на Косово.Косовскиот премиер, Албин Курти, изјави дека се сретнал со претседателката на Новата демократска партија (НДС) од бошњачката заедница, а воедно и вршител на должноста заменик на премиерот, Емилија Реџепи. Видете и ова: Закажана конститутивна седница на Собранието на Косово Според изјавата од канцеларијата на премиерот, Реџепи „ја потврдила својата целосна подготвеност да продолжи да соработува" со Движењето Самоопределување и да го поддржи Курти во неговите напори да формира нова влада.Курти, исто така, се сретна со претседателот на Партијата за слобода, правда и опстанок од српската заедница, кој е и вршител на должноста министер за заедници и враќање, Ненад Рашиќ.За време на разговорите, министерот Рашиќ ја потврди својата поддршка на премиерот Курти за формирање на нова влада и продолжување на соработката - се вели во соопштението од кабинетот на премиерот.Движењето за самоопределување тврди дека може да обезбеди 61 глас потребен за формирање на нова влада во Косово.Во меѓувреме, двете опозициски партии, Демократската лига на Косово и Алијансата за иднината на Косово, ја отфрлија можноста за заедничко владеење со Движењето Самоопределување, додека Демократската партија на Косово и Социјалдемократската иницијатива не поставија црвени линии за коалиции.Ниту една политичка партија нема доволно гласови за да формира нова влада.Движењето Самоопределување, како и трите други албански политички партии зад него, сметаат дека немнозинските заедници имаат десет гарантирани места во собранието. прочитај повеќе април 02, 2025 ‘Науката (за)стана’: Протести во Белград и Нови Сад Белград, Србија - протести Вработени во научноистражувачката дејност денеска (2 април) организираа протести во Белград и Нови Сад на повик на српскиот Синдикат на науката во знак на поддршка на студентите во блокада.Протестите беа организирани под слоганот „Науката (за)стана“.Претставници на Синдикатот на науката и на Мрежата на академска солидарност заедно со група граѓани и студенти се собраа пред платото кај Филозофскиот факултет во Белград.Луѓето на собирот носеа транспаренти на кои меѓу другото пишуваше „Науката ви мавта со дипломите, нашите се вистински, а какви се вашите“ и „За враќање на академското достоинство“.Претставник на неформалната организација Мрежа на академската солидарност, Оливер Тошковиќ, рече дека владата „живее во свет во кој позицијата е пред аргументот".„Факт е дека оваа влада е подготвена да ја уништи и деформира научната активност во оваа земја само за да ни се одмазди лично и да нѐ понижи", рече Тошковиќ. Видете и ова: Протест пред ТВ Информер во Белград поради известување за студентските протести Собраните со 16-минутно молчење им оддадоа почит на загинатите при падот на настрешницата во Нови Сад. По молкот, тие се движеа низ централните улици на Белград до зградата на Владата на Србија.Во Србија, десетици илјади граѓани со месеци излегуваат на улиците со клучно барање да се утврди кривичната и политичката одговорност за несреќата во Нови Сад, во која 15 лица загинаа при пад на настрешницата на главната железничка станица во градот, додека шеснаесеттата жртва им подлегна на повредите повеќе од два месеци подоцна.Во фокусот на протестите се обвинувањата дека корупцијата довела до паѓање на настрешницата. Претставниците на властите ги отфрлија овие обвинувања. прочитај повеќе април 02, 2025 Тројца пациенти од пожарот во Кочани се враќаат од Шведска и Грција Дискотека Пулс, Кочани / архивска фотографија Тројца пациенти од повредените лица од пожарот во Кочани се враќаат во земјава, од кои двајца беа хоспитализирани во Грција и еден пациент во Шведска – соопшти Министерството за здравство денеска (2 април).Согласно протоколите ќе бидат задржани под 24-часовен надзор.Во Србија остануваат хоспитализирани 23 пациенти, Бугарија 14 паценти, Турција 10 пациенти, Грција 8 пациенти, Словенија 4 пациенти, во Унгарија, Хрватска, Шпанија, Австрија и Литванија се хоспитализирани по 3 пациенти, во Италија и Полска по еден пациент.Во Скопје, на Клиниката за токсикологија вчера беше хоспитализиран пациент по враќање од Полска, истиот денеска се пушта на домашно лекување. Видете и ова: Дома се пуштени 93 пациенти од пожарот во Кочани, уште сто се лекуваат На Клиниката за пластична хирургија остануваат двајца пациенти, а во Хируршката клиника Св.Наум Охридски 6 пациенти. Во ГОБ 8 Септември се хоспитализирани пет пациенти, од кои еден е планирано да биде пуштен на домашно лекување, на Клиниката за пулмологија двајца пациенти, а во приватната болница Систина се хоспитализирани тројца пациенти.Ресорниот министер, Арбен Таравари вчера изјави дека засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. прочитај повеќе април 02, 2025 Филипче предлага нов концепт на општествен и политички дијалог Венко Филипче, лидер на СДСМ Лидерот на СДСМ Венко Филипче предложи нов концепт за општествен и политички дијалог. Како што рече на денешната прес-конференција, трагедијата во Кочани покажала дека системот не функционира како што треба, а за тоа како што посочи, вина имале сите политички партии.Во однос на лидерската средба рече дека уште денеска или утре (2 и 3 април) ќе побара состанок со премиерот Христијан Мицкоски, за да се организира таа средба.Според него областите каде што треба системски пристап се - образование, здравство, правосудство, животна средина, партизација и политизација.„По големата трагедија во Кочани, ја видовме реакцијата на граѓаните, револт, на места и бес. Би рекол сосема оправдано, бидејќи тоа што во изминатите три децении, тоа што се нарекува реформи, тоа што се нарекува транзиција, очигледно не го даде посакуваниот резултат. Системот на многу места очигледно не фукционира како што треба. Јавните сервиси немаат перформанс каков што граѓаните заслужуваат. За тоа вина имаме сите политички партии, СДСМ, ВМРО-ДПМНЕ, ДУИ, другите политички партии“, рече Филипче.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада.Во однос на правосудството, предлага неминовно да се донесат реформската агенда во што пократок рок реформските закони во одреден систем во којшто ќе се постигне широк консензус не само политички, туки и други фактори од делот на правосудството на коишто ова навистина им е експертиза.„Тоа што граѓаните најмногу ги иритира а тоа е партизацијата и политизацијата. Мора да ги ослободиме институциите од канџите на политиката и партијата за да младите луѓе имаат навистина добар, компетитивен мерит систем и на тој начин да се вработуваат и напредуваат поради тоа што само на тој начин можеме експертизата да ја издигнеме на соодветно и заслужено ниво“, истакна Филипче, додавајќи дека добро е на овие теми да седнат лидерите на сите партии. Видете и ова: По трагедијата во Кочани, собраниската говорница остана нема Лидерот на СДСМ истакна дека на премиерот Христијан Мицкоски и подетално би му го образложил овој план на средба во следните денови. Во однос дали очекува неговиот предлог за лидерска средба да биде прифатен, тој рече дека уште денеска или утре (2 и 3 април) ќе побара состанок со премиерот Мицкоски, согласно агендите, за да се организира таа средба.„Оставам простор и се надевам дека сега кога политичките партии ќе го слушнат ова ќе ја прифатат таа лидерска средба. Но добро е прво тоа да го поразговараме со премиерот, имајќи предвид дека тој прв подаде рака и на прва одговори дека средбата е прифатлива. Навистина не знам што би било неприфатливо или некој зошто не би сакал да разговара, кога тоа е констатација на секој еден граѓанин во државата“, рече Филипче.На новинарско прашање дали на средбата ќе ја постави темата за евроинтеграции и уставни измени, рече дека најверојатно ќе се зборува и за таа тема. Премиерот Христијан Мицкоски деновиве изјави дека тој е подготвен да разговара со Филипче, додавајќи дека лидерската средба е пресериозна тема за да се разговара преку медиуми. прочитај повеќе април 02, 2025 Мицкоски: Милошоски и Филков имаа лош ден, Владата е стабилна Христијан Мицкоски, премир на РСМ Премиерот Христијан Мицкоски изјави дека владината коалиција е стабилна, а јавното препукување меѓу пратеникот од ВМРО-ДПМЕ Антонијо Милошоски и министерот за правда Игор Филков од коалицискиот партнер ЗНАМ, според него, ќе застане на, како што вели, на овие два лични става.„Владината коалиција е стабила. Пратеникот Антонијо Милошоски е член на Извршниот комитет на партијата, тој е дел од мојот најблизок периметар. Јас соработката со Антонијо Милошоски ја оценувам на највисоко ниво, тој е додадена вредност и во рамки на пратеничката група и во рамки на партијата. Министерот Игор Филков знам со какви проблеми се соочи, знам каква состојба затекна во Министерството за правда, континуирано на дневна основа соработуваме во делот на реформите, кои се многу важни посебно во секторот правда. Но, она што можев да го заклучам, а убеден сум дека сето ова ќе застане на овие два лични става е дека секој има право на лош ден, па така јас мислам дека тој лош ден и за едниот и за другиот завршува“, рече Мицкоски, по пуштањето на фабриката на „Магна мехатроникс“ во ТИРЗ Штип. Прашан дали има проблеми со коалицијата Вреди во која е министерот за здравство Арбен Тараври кој предвои едно од крилата во Алијанса за Албанците, рече дека нема такво чувство и оти имаат исклучителна соработка. „Не, немам такво чувство. Напротив, имаме исклучителна соработка. Граѓаните да бидат сигурни, Владата е стабилна, повеќе од две третини неофицијално, а официјално 78 пратеници ја поддржуваат оваа Влада. Граѓаните, според она што го гледам од анкетите даваат поддршка, огромно е позитивното мислење дека и Македонија се движи во позитивна насока и тоа претставува за нас инспирација да продолжиме понатаму да се движиме и да работиме“, рече Мицкоски. Видете и ова: Апетитите за локалните избори ја зовреа „Вреди“ Пратеникот на ВМРО-ДПМНЕ и потпретседател на Собранието, Антонијо Милошоски вчера во телевизиско гостување рече дека министерот за правда Игор Филков има слаб придонес во областа со која раководи. Посочи дека очекувал досега барем во нацрт верзија до Собранието да бидат доставени Предлог-законот за судови, Предлог-законот за судски буџет, Предлог законот за јавнообвинителската служба, новиот Кривичен законик...Министерот за правда Филков, пак, во реакција на изнесените наводи на Милошоски рече дека „Кусурот на Груевски, познат под прекарот - Џуџето од Небрегово, а јавноста добро го памети по аферите поврзани со АМСМ и семејните бизниси од Кичево, изгледа дека сè уште нема навика да одговара пред граѓаните кои го избрале“.„Бидејќи очигледно е неинформиран и изолиран од партијата, го упатувам во неговата матична партија или пак во Владата-можеби конечно ќе го известат за постапките, роковите и статусот на законите! И, бидејќи изгледа како некој што работи по туѓи наредби, за кого одработува во моментов? Дали се тоа интересите на граѓаните или некои други агенди? Во минатото е познат по Ванчо Михајловистички ставови, многу лаги и невистини. Ова е лош де-фокус на македонската јавност по двонеделниот „одмор“! Да го потсетам дека во парламентот е од 2011 година, откако се повлече од функцијата министер за надворешни работи и активно учествуваше во креирање на „канцерогениот“ правосуден систем. Сега е добар момент да се потсети јавноста дека токму тој директно учествуваше во процесот на донесувањето на штетните измени на КЗ во 2023 година, со што се спаси од одговорност за кривичното дело ,,Моќник”“, наведе Филков, набројувајќи ги законите на кои работел во изминатиот период. прочитај повеќе април 02, 2025 По еднодневна пауза, Русија ги продолжува масовните напади врз Украина Последици од нападот во градот Харкив, Украина, 2 април 2025 година Русија започна нови воздушни напади врз Украина по еднодневна пазуа од напади со дронови. Во регионот Запорожје, едно лице загинало, а две други се повредени, изјави во среда (2 април) на Телеграм регионалниот гувернер Иван Федоров. Петнаесет беспилотни летала, исто така, го нападнале источниот град Харкив, при што биле повредени најмалку осум лица.Украинските сили за цивилна одбрана соопштија дека биле погодени згради кои припаѓаат на цивилни фирми, а исто така била нанесена штета и на станбени области. Откако Украина во вторникот ја доживеа првата ноќ без беспилотни летала во годината, воздушната одбрана на земјата извести дека Русија распоредила 74 дронови и мамки со беспилотни летала во текот на ноќта до среда наутро.Нападите првенствено ги погодиле регионите Харкив, Доњецк и Одеса. Видете и ова: Зеленски: Партнерите на Украина ќе разговараат за распоредување странски војници Во Москва, руското Министерство за одбрана тврдеше дека соборило 93 украински беспилотни летала во текот на ноќта, главно над пограничниот регион Курск.Војувањето со беспилотни летала стана речиси секојдневна тактика во војната, иако размерите на уништување и жртви предизвикани од руските напади го надминуваат влијанието на украинските напади. Украина се брани од руската инвазија повеќе од три години, потпирајќи се во голема мера на поддршката од Западот. прочитај повеќе април 02, 2025 Дурмиши: Секој има право да излезе на улица и да покаже револт Министерот за економија и труд Бесар Дурмиши Живееме во демократија и секој има право да излезе на улица и да протестира и да го каже својот револт, но на синдикатите веќе им истече мандатот и веќе не се репрезентативни, порача денеска (2 април)министерот за економија и труд Бесар Дурмиши.„Како Влада ја формиравме комисијата која треба да ја утврди репрезентативноста на синдикатите и таа комисија веќе работи. Веднаш кога ќе се определи кој синдикат е репрезентативен ќе ја свикам седницата на Економско социјалниот совет (ЕСС). Токму таму синдикатите треба да ги кажат своите барања, а не на улица“, изјави Дурмиши во одговор на новинарско прашање пред почетокот на конференцијата „Реформа на Законот за работни односи – предизвици и насоки“. Видете и ова: Синдикатите утре на протест, барањето за поголем минималец ги „скара“ со Владата Како Влада, нагласи дека се за социјален дијалог. Одговарајќи на прашање рече дека како Влада постапиле според законот и методологијата за минималната плата, со која се усогласени сите засегнати страни, односно и синдикатите и работодавачите, и го објавиле износот на минималната плата на крајот на март.„Според тој правилник минималната плата изнесува 400 евра и е покачена нето платата за 1800 денари. Како надлежен министер за економија и труд јас ја објавив минималната плата по одлука на Владата, рече Дурмиши.Нагласи дека немале согласност од ЕСС за износот на минималната плата поради тоа што нема репрезентативност од синдикатите.„Јас според законот кој е во сила и кој е потпишан и од синдикатите и од работодавачите и по одлука на Влада обврзан сум пред 31 март да ја објавам минималната плата. Од минималната плата потоа се пресметува и просечната плата и другите плати. Ако не ја објавевме до 31 март ќе се блокираше целата држава и сите институции, а приватниот сектор не ќе можеше да пресмета плати за нивните вработени“, истакна Дурмиши.Сојузот на синдикатите на Македонија (ССМ) денеска одржува јавна седница пред зградата на Работничкиот дом на која ќе ги искаже своите ставови за минималната плата. прочитај повеќе Вчитај повеќе...

Вести април 02, 2025 Дурмиши: Секој има право да излезе на улица и да покаже револт Министерот за економија и труд Бесар Дурмиши Живееме во демократија и секој има право да излезе на улица и да протестира и да го каже својот револт, но на синдикатите веќе им истече мандатот и веќе не се репрезентативни, порача денеска (2 април)министерот за економија и труд Бесар Дурмиши.„Како Влада ја формиравме комисијата која треба да ја утврди репрезентативноста на синдикатите и таа комисија веќе работи. Веднаш кога ќе се определи кој синдикат е репрезентативен ќе ја свикам седницата на Економско социјалниот совет (ЕСС). Токму таму синдикатите треба да ги кажат своите барања, а не на улица“, изјави Дурмиши во одговор на новинарско прашање пред почетокот на конференцијата „Реформа на Законот за работни односи – предизвици и насоки“. Видете и ова: Синдикатите утре на протест, барањето за поголем минималец ги „скара“ со Владата Како Влада, нагласи дека се за социјален дијалог. Одговарајќи на прашање рече дека како Влада постапиле според законот и методологијата за минималната плата, со која се усогласени сите засегнати страни, односно и синдикатите и работодавачите, и го објавиле износот на минималната плата на крајот на март.„Според тој правилник минималната плата изнесува 400 евра и е покачена нето платата за 1800 денари. Како надлежен министер за економија и труд јас ја објавив минималната плата по одлука на Владата, рече Дурмиши.Нагласи дека немале согласност од ЕСС за износот на минималната плата поради тоа што нема репрезентативност од синдикатите.„Јас според законот кој е во сила и кој е потпишан и од синдикатите и од работодавачите и по одлука на Влада обврзан сум пред 31 март да ја објавам минималната плата. Од минималната плата потоа се пресметува и просечната плата и другите плати. Ако не ја објавевме до 31 март ќе се блокираше целата држава и сите институции, а приватниот сектор не ќе можеше да пресмета плати за нивните вработени“, истакна Дурмиши.Сојузот на синдикатите на Македонија (ССМ) денеска одржува јавна седница пред зградата на Работничкиот дом на која ќе ги искаже своите ставови за минималната плата. прочитај повеќе види ги сите денешни вести април 02, 2025 Мицкоски и Филипче утре на средба во Владата Влада на Република Северна Македонија, архивска фотографија Премиерот, Христијан Мицкоски и лидерот на опозициската СДСМ, Венко Филипче утре во 14 часот ќе имаат средба во Владата. -Согласно јавната комуникација и упатените иницијативи и демонстрираната подготвеност од двете страни, за утре во 14 часот е закажана средба меѓу премиерот Христијан Мицкоски и претседателот на СДСМ, Венко Филипче – соопшти попладнево владината прес служба.Во изјава за медиумите во Штип, Мицкоски искажа подготвеност за средба со Филипче, кој денеска повика на политички и општествен дијалог.Филипче на прес-конференција рече дека по трагедијата во Кочани граѓаните реагираа со револт и бес, системот не функционира како што треба, а за тоа вина, како што посочи, имаат сите политички партии. Видете и ова: Филипче предлага нов концепт на општествен и политички дијалог Областите каде што треба системски пристап, според Филипче се - образование, здравство, правосудство, животна средина, партизација и политизација.По неговата денешна прес конференција, од Движењето ЗНАМ реагира преку писмено соопштение во кое обвинија дека „СДСМ и Филипче немаат политички кредибилитет, ниту легитимитет да нудат какви било концепти за Македонија овој момен.- Оттука, Венко Филипче и СДСМ не можат да бидат решение на проблемите, бидејќи покажаа дека тие се проблем за секое решение, наведуваат од ЗНАМ.-Дали самопрогласениот лидер на опозицијата со ова бара начин да се факторизира како политички фактор во јавноста и да седне на преговарачка маса, имајќи ја в предвид очајната состојба на неговата партија – се наведува во реакцијата на ЗНАМ.Во меѓувреме, прашан за повикот на Филипче за средба, премиерот Мицкоски кажа дека ова е сериозна тема за која се разговара. Видете и ова: Мицкоски по повикот на Филипче: На располагање сум во секое време за средба „Доколку навистина има план и желба да помогне стојам на располагање во секое време ќе го прераспределам мојот распоред, на полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши“, изјави Мицкоски. ДУИ: Јавноста е згрозена од јавниот флерт на Мицкоски и ФилипчеПо најавата за средба, ДУИ во писмено соопштение изрази силна загриженост, поради како што велат од партијата, „сѐ понагласената моноетничка доминација која Власта ја демонстрираше во првата година од своето владеење“. -Сега веќе на јавна сцена ја вклучува и етничката македонска опозиција во својата намера. Јавноста е просто згрозена од овој јавен флерт на Мицкоски и Филипче, за полноќни средби во политички интимна атмосфера на која ништо помалку туку ќе се крои планот за нов општествен договор за регулација на идните политички текови – велат од ДУИ.Според партијата, Република Северна Македонија претставува „препознатлив модел на функционална мултиетничка демократија со јасно изразена евроатлантска ориентација“.Основниот модел на мултиетничкиот карактер на земјата е системски загрозен, а загрозен а и интегративниот процес на земјата во Европската унија. Тоа се две клучни стратешки основи кои што сериозно ја загрозуваат долгорочната стабилност и просперитет на земјата, и тоа се двата приоритети за кои треба да се отвори суштински политички дијалог – додаваат од ДУИ.Азири: Мицкоски ќе се сретне со претседателот на најголемиот огранок на ВМРО-ДПМНЕ, ФилипчеРеакција пристигна и од потпретседалот на Алијанса за Албанците, Елми Азири:„Претседателот на ВМРО-ДПМНЕ Христијан Мицкоски ќе се сретне со претседателот на најголемиот огранок на ВМРО-ДПМНЕ, Венко Филипче! Откако беше избран за претседател на СДСМ, првата средба му беше со претседателката на државата, г-ѓа Силјановска-Давкова! Последниов веќе неколку години од ВМРО го нарекуваат министер за смрт! Оваа моноетничка средба е практична имплементација на платформата Македонија повторно твоја“, вели Азири. прочитај повеќе април 02, 2025 Мицкоски по повикот на Филипче: На располагање сум во секое време за средба Христијан Мицкоски, архивска фотографија Премиерот, Христијан Мицкоски вели дека е подготвен на средба со лидерот на опозициската СДСМ, Венко Филипче доколку, како што изјави денеска, навистина има план и желба да помогне.По денешниот повик од Филипче за политички и општествен дијалог Мицкоски одговарајќи на новинарско прашање рече дека стои на располагање во секое време и ќе го усогласи распоредот за да го слушне планот на Филипче и да се види дали во тој план може нешто да се реши.„За мене е малку непристојно да разговараме преку медиуми, реков доколку има план како што најавија, подготвен сум да го примам на средба пртседателот на СДСМ да го образложи планот, да го слушнеме планот бидејќи се сериозни времиња, јас сум сериозен човек, сериозни работи се во прашање и најмалку што треба да се прави е естрада на јавна сцена“, изјави Мицкоски.Тој додаде дека доколку Филипче навистина има план и желба да помогне, тој стои на располагање во секое време ќе го прераспредели својот распоред. Видете и ова: Филипче предлага нов концепт на општествен и политички дијалог „На полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши. Но, доколку планот опфаќа пристап „Стабри“, како што беше во минатото за време на короната тогаш такви планови не можам да прифатам“, посочи Мицкоски за повикот од Филипче и дали ќе има лидерска средба со останатите претставници на партиите.Прашан дали ќе имаат заеднички став со СДСМ околу изборот на в.д градоначалник на Кочани за да нема криза во градот по трагедијата со пожарот и оставката на градоначалникот Љупчо Папазов, рече не разговарале со советниците за потецијалнот кандидат, но оти апсолутно ќе се избере в.д градоначалник и оти тука нема дилема.Претходно, лидерот на СДСМ Венко Филипче рече дека уште денеска или утре (2 и 3 април) ќе побара состанок со премиерот за да се организира таа средба.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада. прочитај повеќе април 02, 2025 Курти почна разговори со малцинските партии за формирање на новата влада Состанок на Курти и Реџепи, 2 април Вршителот на должноста премиер на Косово, како и претседател на Движењето Самоопределување, партијата која победи на парламентарните избори на 9 февруари во земјата, почна состаноци со малцинските политички партии за да се консултира за формирањето на новата влада.Овој процес отпочна по потврдувањто на изборните резултати и почетокот на уставните рокови за формирање на законодавната власт и новата влада, додека претседателката на Косово, Вјоса Османи го одреди 15 април како датум за одржување на конститутивната седница на Собранието на Косово.Косовскиот премиер, Албин Курти, изјави дека се сретнал со претседателката на Новата демократска партија (НДС) од бошњачката заедница, а воедно и вршител на должноста заменик на премиерот, Емилија Реџепи. Видете и ова: Закажана конститутивна седница на Собранието на Косово Според изјавата од канцеларијата на премиерот, Реџепи „ја потврдила својата целосна подготвеност да продолжи да соработува" со Движењето Самоопределување и да го поддржи Курти во неговите напори да формира нова влада.Курти, исто така, се сретна со претседателот на Партијата за слобода, правда и опстанок од српската заедница, кој е и вршител на должноста министер за заедници и враќање, Ненад Рашиќ.За време на разговорите, министерот Рашиќ ја потврди својата поддршка на премиерот Курти за формирање на нова влада и продолжување на соработката - се вели во соопштението од кабинетот на премиерот.Движењето за самоопределување тврди дека може да обезбеди 61 глас потребен за формирање на нова влада во Косово.Во меѓувреме, двете опозициски партии, Демократската лига на Косово и Алијансата за иднината на Косово, ја отфрлија можноста за заедничко владеење со Движењето Самоопределување, додека Демократската партија на Косово и Социјалдемократската иницијатива не поставија црвени линии за коалиции.Ниту една политичка партија нема доволно гласови за да формира нова влада.Движењето Самоопределување, како и трите други албански политички партии зад него, сметаат дека немнозинските заедници имаат десет гарантирани места во собранието. прочитај повеќе април 02, 2025 ‘Науката (за)стана’: Протести во Белград и Нови Сад Белград, Србија - протести Вработени во научноистражувачката дејност денеска (2 април) организираа протести во Белград и Нови Сад на повик на српскиот Синдикат на науката во знак на поддршка на студентите во блокада.Протестите беа организирани под слоганот „Науката (за)стана“.Претставници на Синдикатот на науката и на Мрежата на академска солидарност заедно со група граѓани и студенти се собраа пред платото кај Филозофскиот факултет во Белград.Луѓето на собирот носеа транспаренти на кои меѓу другото пишуваше „Науката ви мавта со дипломите, нашите се вистински, а какви се вашите“ и „За враќање на академското достоинство“.Претставник на неформалната организација Мрежа на академската солидарност, Оливер Тошковиќ, рече дека владата „живее во свет во кој позицијата е пред аргументот".„Факт е дека оваа влада е подготвена да ја уништи и деформира научната активност во оваа земја само за да ни се одмазди лично и да нѐ понижи", рече Тошковиќ. Видете и ова: Протест пред ТВ Информер во Белград поради известување за студентските протести Собраните со 16-минутно молчење им оддадоа почит на загинатите при падот на настрешницата во Нови Сад. По молкот, тие се движеа низ централните улици на Белград до зградата на Владата на Србија.Во Србија, десетици илјади граѓани со месеци излегуваат на улиците со клучно барање да се утврди кривичната и политичката одговорност за несреќата во Нови Сад, во која 15 лица загинаа при пад на настрешницата на главната железничка станица во градот, додека шеснаесеттата жртва им подлегна на повредите повеќе од два месеци подоцна.Во фокусот на протестите се обвинувањата дека корупцијата довела до паѓање на настрешницата. Претставниците на властите ги отфрлија овие обвинувања. прочитај повеќе април 02, 2025 Тројца пациенти од пожарот во Кочани се враќаат од Шведска и Грција Дискотека Пулс, Кочани / архивска фотографија Тројца пациенти од повредените лица од пожарот во Кочани се враќаат во земјава, од кои двајца беа хоспитализирани во Грција и еден пациент во Шведска – соопшти Министерството за здравство денеска (2 април).Согласно протоколите ќе бидат задржани под 24-часовен надзор.Во Србија остануваат хоспитализирани 23 пациенти, Бугарија 14 паценти, Турција 10 пациенти, Грција 8 пациенти, Словенија 4 пациенти, во Унгарија, Хрватска, Шпанија, Австрија и Литванија се хоспитализирани по 3 пациенти, во Италија и Полска по еден пациент.Во Скопје, на Клиниката за токсикологија вчера беше хоспитализиран пациент по враќање од Полска, истиот денеска се пушта на домашно лекување. Видете и ова: Дома се пуштени 93 пациенти од пожарот во Кочани, уште сто се лекуваат На Клиниката за пластична хирургија остануваат двајца пациенти, а во Хируршката клиника Св.Наум Охридски 6 пациенти. Во ГОБ 8 Септември се хоспитализирани пет пациенти, од кои еден е планирано да биде пуштен на домашно лекување, на Клиниката за пулмологија двајца пациенти, а во приватната болница Систина се хоспитализирани тројца пациенти.Ресорниот министер, Арбен Таравари вчера изјави дека засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. прочитај повеќе април 02, 2025 Филипче предлага нов концепт на општествен и политички дијалог Венко Филипче, лидер на СДСМ Лидерот на СДСМ Венко Филипче предложи нов концепт за општествен и политички дијалог. Како што рече на денешната прес-конференција, трагедијата во Кочани покажала дека системот не функционира како што треба, а за тоа како што посочи, вина имале сите политички партии.Во однос на лидерската средба рече дека уште денеска или утре (2 и 3 април) ќе побара состанок со премиерот Христијан Мицкоски, за да се организира таа средба.Според него областите каде што треба системски пристап се - образование, здравство, правосудство, животна средина, партизација и политизација.„По големата трагедија во Кочани, ја видовме реакцијата на граѓаните, револт, на места и бес. Би рекол сосема оправдано, бидејќи тоа што во изминатите три децении, тоа што се нарекува реформи, тоа што се нарекува транзиција, очигледно не го даде посакуваниот резултат. Системот на многу места очигледно не фукционира како што треба. Јавните сервиси немаат перформанс каков што граѓаните заслужуваат. За тоа вина имаме сите политички партии, СДСМ, ВМРО-ДПМНЕ, ДУИ, другите политички партии“, рече Филипче.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада.Во однос на правосудството, предлага неминовно да се донесат реформската агенда во што пократок рок реформските закони во одреден систем во којшто ќе се постигне широк консензус не само политички, туки и други фактори од делот на правосудството на коишто ова навистина им е експертиза.„Тоа што граѓаните најмногу ги иритира а тоа е партизацијата и политизацијата. Мора да ги ослободиме институциите од канџите на политиката и партијата за да младите луѓе имаат навистина добар, компетитивен мерит систем и на тој начин да се вработуваат и напредуваат поради тоа што само на тој начин можеме експертизата да ја издигнеме на соодветно и заслужено ниво“, истакна Филипче, додавајќи дека добро е на овие теми да седнат лидерите на сите партии. Видете и ова: По трагедијата во Кочани, собраниската говорница остана нема Лидерот на СДСМ истакна дека на премиерот Христијан Мицкоски и подетално би му го образложил овој план на средба во следните денови. Во однос дали очекува неговиот предлог за лидерска средба да биде прифатен, тој рече дека уште денеска или утре (2 и 3 април) ќе побара состанок со премиерот Мицкоски, согласно агендите, за да се организира таа средба.„Оставам простор и се надевам дека сега кога политичките партии ќе го слушнат ова ќе ја прифатат таа лидерска средба. Но добро е прво тоа да го поразговараме со премиерот, имајќи предвид дека тој прв подаде рака и на прва одговори дека средбата е прифатлива. Навистина не знам што би било неприфатливо или некој зошто не би сакал да разговара, кога тоа е констатација на секој еден граѓанин во државата“, рече Филипче.На новинарско прашање дали на средбата ќе ја постави темата за евроинтеграции и уставни измени, рече дека најверојатно ќе се зборува и за таа тема. Премиерот Христијан Мицкоски деновиве изјави дека тој е подготвен да разговара со Филипче, додавајќи дека лидерската средба е пресериозна тема за да се разговара преку медиуми. прочитај повеќе април 02, 2025 Мицкоски: Милошоски и Филков имаа лош ден, Владата е стабилна Христијан Мицкоски, премир на РСМ Премиерот Христијан Мицкоски изјави дека владината коалиција е стабилна, а јавното препукување меѓу пратеникот од ВМРО-ДПМЕ Антонијо Милошоски и министерот за правда Игор Филков од коалицискиот партнер ЗНАМ, според него, ќе застане на, како што вели, на овие два лични става.„Владината коалиција е стабила. Пратеникот Антонијо Милошоски е член на Извршниот комитет на партијата, тој е дел од мојот најблизок периметар. Јас соработката со Антонијо Милошоски ја оценувам на највисоко ниво, тој е додадена вредност и во рамки на пратеничката група и во рамки на партијата. Министерот Игор Филков знам со какви проблеми се соочи, знам каква состојба затекна во Министерството за правда, континуирано на дневна основа соработуваме во делот на реформите, кои се многу важни посебно во секторот правда. Но, она што можев да го заклучам, а убеден сум дека сето ова ќе застане на овие два лични става е дека секој има право на лош ден, па така јас мислам дека тој лош ден и за едниот и за другиот завршува“, рече Мицкоски, по пуштањето на фабриката на „Магна мехатроникс“ во ТИРЗ Штип. Прашан дали има проблеми со коалицијата Вреди во која е министерот за здравство Арбен Тараври кој предвои едно од крилата во Алијанса за Албанците, рече дека нема такво чувство и оти имаат исклучителна соработка. „Не, немам такво чувство. Напротив, имаме исклучителна соработка. Граѓаните да бидат сигурни, Владата е стабилна, повеќе од две третини неофицијално, а официјално 78 пратеници ја поддржуваат оваа Влада. Граѓаните, според она што го гледам од анкетите даваат поддршка, огромно е позитивното мислење дека и Македонија се движи во позитивна насока и тоа претставува за нас инспирација да продолжиме понатаму да се движиме и да работиме“, рече Мицкоски. Видете и ова: Апетитите за локалните избори ја зовреа „Вреди“ Пратеникот на ВМРО-ДПМНЕ и потпретседател на Собранието, Антонијо Милошоски вчера во телевизиско гостување рече дека министерот за правда Игор Филков има слаб придонес во областа со која раководи. Посочи дека очекувал досега барем во нацрт верзија до Собранието да бидат доставени Предлог-законот за судови, Предлог-законот за судски буџет, Предлог законот за јавнообвинителската служба, новиот Кривичен законик...Министерот за правда Филков, пак, во реакција на изнесените наводи на Милошоски рече дека „Кусурот на Груевски, познат под прекарот - Џуџето од Небрегово, а јавноста добро го памети по аферите поврзани со АМСМ и семејните бизниси од Кичево, изгледа дека сè уште нема навика да одговара пред граѓаните кои го избрале“.„Бидејќи очигледно е неинформиран и изолиран од партијата, го упатувам во неговата матична партија или пак во Владата-можеби конечно ќе го известат за постапките, роковите и статусот на законите! И, бидејќи изгледа како некој што работи по туѓи наредби, за кого одработува во моментов? Дали се тоа интересите на граѓаните или некои други агенди? Во минатото е познат по Ванчо Михајловистички ставови, многу лаги и невистини. Ова е лош де-фокус на македонската јавност по двонеделниот „одмор“! Да го потсетам дека во парламентот е од 2011 година, откако се повлече од функцијата министер за надворешни работи и активно учествуваше во креирање на „канцерогениот“ правосуден систем. Сега е добар момент да се потсети јавноста дека токму тој директно учествуваше во процесот на донесувањето на штетните измени на КЗ во 2023 година, со што се спаси од одговорност за кривичното дело ,,Моќник”“, наведе Филков, набројувајќи ги законите на кои работел во изминатиот период. прочитај повеќе април 02, 2025 По еднодневна пауза, Русија ги продолжува масовните напади врз Украина Последици од нападот во градот Харкив, Украина, 2 април 2025 година Русија започна нови воздушни напади врз Украина по еднодневна пазуа од напади со дронови. Во регионот Запорожје, едно лице загинало, а две други се повредени, изјави во среда (2 април) на Телеграм регионалниот гувернер Иван Федоров. Петнаесет беспилотни летала, исто така, го нападнале источниот град Харкив, при што биле повредени најмалку осум лица.Украинските сили за цивилна одбрана соопштија дека биле погодени згради кои припаѓаат на цивилни фирми, а исто така била нанесена штета и на станбени области. Откако Украина во вторникот ја доживеа првата ноќ без беспилотни летала во годината, воздушната одбрана на земјата извести дека Русија распоредила 74 дронови и мамки со беспилотни летала во текот на ноќта до среда наутро.Нападите првенствено ги погодиле регионите Харкив, Доњецк и Одеса. Видете и ова: Зеленски: Партнерите на Украина ќе разговараат за распоредување странски војници Во Москва, руското Министерство за одбрана тврдеше дека соборило 93 украински беспилотни летала во текот на ноќта, главно над пограничниот регион Курск.Војувањето со беспилотни летала стана речиси секојдневна тактика во војната, иако размерите на уништување и жртви предизвикани од руските напади го надминуваат влијанието на украинските напади. Украина се брани од руската инвазија повеќе од три години, потпирајќи се во голема мера на поддршката од Западот. прочитај повеќе април 02, 2025 Советот на јавни обвинители даде негативно мислење за разрешување на Коцевски Државниот јавен обвинител Љупчо Коцевски Советот на јавни обвинители даде негативно мислење по предлогот на Владата за разрешување на државниот јавен обвинител Љупчо Коцевски. За прифаќање на предлогот гласаа тројца, додека шест члена гласа против. Претседателката на Советот на јавни обвинители Душица Димитриеска, рече дека со оглед дека Советот одлуките ги носи со мнозинство, мнозинството дадоа негативно мислење. За прифаќање на предлогот на Владата за разрешување на Коцевски гласаа Кети Петкова, Ардиан Демири и Марјана Илиевска.Советот на јавни обвинители претходно ја исклучи јавноста од точката за разгледување на предлогот за разрешување на државниот јавен обвинител Љупчо Коцевски. Членовите на Советот едногласно го поддржаа предлогот на членот Зорица Павловиќ, која повикувајќи се на член 10 од Законот за совет на јавни обвинители побара да се исклучи јавноста поради, како што кажа, сензитивноста на процесот и за заштита на угледот и интегритетот на јавниот обвинител.Светлана Стојковиќ, го поддржа предлогот, дополнувајќи дека јавноста треба да биде исклучена и поради тоа што во произнесувањето од Коцевски по предлогот за негово разрешување, се изнесени и информации и докази од дисциплинските постапки што се води против двајца јавни обвинители. Расправата, како што нагласија, ќе биде затворена, а јавноста ќе биде вклучена само за гласањето по мислењето за предлогот на Владата за разрешување на Коцевски.Седницата за разгледување на предлогот претходно на два пати беше одложена. Првично беше закажана за 18 март, но беше одложена поради седумдневната жалост по трагедијата во Кочани, а минатата недела, на 26 март беше одложена поради немање на кворум. Согласно законските рокови за разгледување на предлогот за разрешување на Коцевски, Советот треба да го разгледа најдоцна до крајот на неделава, иако Владата објави дека ќе ја прекине постапката. Видете и ова: Предлогот за разрешување на Коцевски на денешната владина седница Портпаролката на Владата Марија Митева, на 26 март годинава, изјави дека Владата ќе ја прекине постапката за разрешување на државниот јавен обвинител Љупчо Коцевски и доколку добие мислење од страна на Советот на ЈО, истото нема да го проследи до Собранието.Премиерот Христијан Мицкоски по трагедијата во Кочани изјави дека постапката за разрешување на јавниот обвинител Коцевски ќе се запре во моментот до таму каде што се наоѓа.Владата на 11 февруари година донесе одлука да поведе постапка за разрешување на државниот јавен обвинител Коцевски кој беше избран на оваа позиција пред една година, а неговиот мандат трае шест години.Министерството за правда, постапувајќи по заклучокот од 50-та седница на Владата, го изготви Предлог-мислењето за разрешување на државниот јавен обвинител. Коцевски, како што велат од Министерството за правда, постапувал во предмети во кои согласно законските одредби постоеле околности кои предизвикуваат сомневање во неговата непристрасност, како и судир на интереси, а за кои околности тој требало да знае и требало да се изземе. Републичкиот обвинител Коцевски го демантира тврдењето дека незаконски постапил посочувајќи дека го следел законот и роковите во него. прочитај повеќе Вчитај повеќе...

Вести април 02, 2025 Данската премиерка во посета на Гренланд Данската премиерка Мете Фредериксен Данската премиерка Мете Фредериксен денеска (2 април) ќе отпатува во Гренланд, каде што ќе се сретне со претставници на новата влада на полуавтономниот остров, во време кога американскиот претседател Доналд Трамп продолжува да изразува интерес за анексија на територијата.Фредериксен го започнува своето тридневно патување помалку од една недела по посетата на американскиот потпретседател Џеј Ди Венс, кој беше пречекан со воздржаност од страна на данските и гренландските власти.Идниот премиер на островот, Јенс-Фредерик Нилсен, кој ја предводеше победничката коалиција на неодамнешните избори, истакна дека го поздравува доаѓањето на Фредериксен и нагласи дека Данска останува „најблизок партнер на Гренланд“. Видете и ова: Замрзнати амбиции: Долгото американско настојување за Гренланд Односите меѓу Гренланд и Данска се затегнати поради откритијата за малтретирање на гренландското население за време на колонијалниот период. Меѓутоа, интересот на Трамп за контролирање на островот како дел од геополитичката трка за Арктикот ја поттикна Данска да ги интензивира напорите за подобрување на врските со Гренланд.Во понеделникот, Нилсен изјави дека Гренланд ќе ги зајакне односите со Копенхаген, додека постепено работи на остварување на својата цел – независност.„Разговорите за анексија и непочитување на суверенитетот се знак на непочитување. Ајде да започнеме со взаемна почит и да изградиме подобро партнерство“, порача Нилсен.Фредериксен, пак, оцени дека народот на Гренланд сам треба да ја одреди својата иднина и ги нарече забелешките на Венс за Данска „неправични“. прочитај повеќе види ги сите денешни вести април 02, 2025 Мицкоски и Филипче утре на средба во Владата Влада на Република Северна Македонија, архивска фотографија Премиерот, Христијан Мицкоски и лидерот на опозициската СДСМ, Венко Филипче утре во 14 часот ќе имаат средба во Владата. -Согласно јавната комуникација и упатените иницијативи и демонстрираната подготвеност од двете страни, за утре во 14 часот е закажана средба меѓу премиерот Христијан Мицкоски и претседателот на СДСМ, Венко Филипче – соопшти попладнево владината прес служба.Во изјава за медиумите во Штип, Мицкоски искажа подготвеност за средба со Филипче, кој денеска повика на политички и општествен дијалог.Филипче на прес-конференција рече дека по трагедијата во Кочани граѓаните реагираа со револт и бес, системот не функционира како што треба, а за тоа вина, како што посочи, имаат сите политички партии. Видете и ова: Филипче предлага нов концепт на општествен и политички дијалог Областите каде што треба системски пристап, според Филипче се - образование, здравство, правосудство, животна средина, партизација и политизација.По неговата денешна прес конференција, од Движењето ЗНАМ реагира преку писмено соопштение во кое обвинија дека „СДСМ и Филипче немаат политички кредибилитет, ниту легитимитет да нудат какви било концепти за Македонија овој момен.- Оттука, Венко Филипче и СДСМ не можат да бидат решение на проблемите, бидејќи покажаа дека тие се проблем за секое решение, наведуваат од ЗНАМ.-Дали самопрогласениот лидер на опозицијата со ова бара начин да се факторизира како политички фактор во јавноста и да седне на преговарачка маса, имајќи ја в предвид очајната состојба на неговата партија – се наведува во реакцијата на ЗНАМ.Во меѓувреме, прашан за повикот на Филипче за средба, премиерот Мицкоски кажа дека ова е сериозна тема за која се разговара. Видете и ова: Мицкоски по повикот на Филипче: На располагање сум во секое време за средба „Доколку навистина има план и желба да помогне стојам на располагање во секое време ќе го прераспределам мојот распоред, на полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши“, изјави Мицкоски. ДУИ: Јавноста е згрозена од јавниот флерт на Мицкоски и ФилипчеПо најавата за средба, ДУИ во писмено соопштение изрази силна загриженост, поради како што велат од партијата, „сѐ понагласената моноетничка доминација која Власта ја демонстрираше во првата година од своето владеење“. -Сега веќе на јавна сцена ја вклучува и етничката македонска опозиција во својата намера. Јавноста е просто згрозена од овој јавен флерт на Мицкоски и Филипче, за полноќни средби во политички интимна атмосфера на која ништо помалку туку ќе се крои планот за нов општествен договор за регулација на идните политички текови – велат од ДУИ.Според партијата, Република Северна Македонија претставува „препознатлив модел на функционална мултиетничка демократија со јасно изразена евроатлантска ориентација“.Основниот модел на мултиетничкиот карактер на земјата е системски загрозен, а загрозен а и интегративниот процес на земјата во Европската унија. Тоа се две клучни стратешки основи кои што сериозно ја загрозуваат долгорочната стабилност и просперитет на земјата, и тоа се двата приоритети за кои треба да се отвори суштински политички дијалог – додаваат од ДУИ.Азири: Мицкоски ќе се сретне со претседателот на најголемиот огранок на ВМРО-ДПМНЕ, ФилипчеРеакција пристигна и од потпретседалот на Алијанса за Албанците, Елми Азири:„Претседателот на ВМРО-ДПМНЕ Христијан Мицкоски ќе се сретне со претседателот на најголемиот огранок на ВМРО-ДПМНЕ, Венко Филипче! Откако беше избран за претседател на СДСМ, првата средба му беше со претседателката на државата, г-ѓа Силјановска-Давкова! Последниов веќе неколку години од ВМРО го нарекуваат министер за смрт! Оваа моноетничка средба е практична имплементација на платформата Македонија повторно твоја“, вели Азири. прочитај повеќе април 02, 2025 Мицкоски по повикот на Филипче: На располагање сум во секое време за средба Христијан Мицкоски, архивска фотографија Премиерот, Христијан Мицкоски вели дека е подготвен на средба со лидерот на опозициската СДСМ, Венко Филипче доколку, како што изјави денеска, навистина има план и желба да помогне.По денешниот повик од Филипче за политички и општествен дијалог Мицкоски одговарајќи на новинарско прашање рече дека стои на располагање во секое време и ќе го усогласи распоредот за да го слушне планот на Филипче и да се види дали во тој план може нешто да се реши.„За мене е малку непристојно да разговараме преку медиуми, реков доколку има план како што најавија, подготвен сум да го примам на средба пртседателот на СДСМ да го образложи планот, да го слушнеме планот бидејќи се сериозни времиња, јас сум сериозен човек, сериозни работи се во прашање и најмалку што треба да се прави е естрада на јавна сцена“, изјави Мицкоски.Тој додаде дека доколку Филипче навистина има план и желба да помогне, тој стои на располагање во секое време ќе го прераспредели својот распоред. Видете и ова: Филипче предлага нов концепт на општествен и политички дијалог „На полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши. Но, доколку планот опфаќа пристап „Стабри“, како што беше во минатото за време на короната тогаш такви планови не можам да прифатам“, посочи Мицкоски за повикот од Филипче и дали ќе има лидерска средба со останатите претставници на партиите.Прашан дали ќе имаат заеднички став со СДСМ околу изборот на в.д градоначалник на Кочани за да нема криза во градот по трагедијата со пожарот и оставката на градоначалникот Љупчо Папазов, рече не разговарале со советниците за потецијалнот кандидат, но оти апсолутно ќе се избере в.д градоначалник и оти тука нема дилема.Претходно, лидерот на СДСМ Венко Филипче рече дека уште денеска или утре (2 и 3 април) ќе побара состанок со премиерот за да се организира таа средба.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада. прочитај повеќе април 02, 2025 Курти почна разговори со малцинските партии за формирање на новата влада Состанок на Курти и Реџепи, 2 април Вршителот на должноста премиер на Косово, како и претседател на Движењето Самоопределување, партијата која победи на парламентарните избори на 9 февруари во земјата, почна состаноци со малцинските политички партии за да се консултира за формирањето на новата влада.Овој процес отпочна по потврдувањто на изборните резултати и почетокот на уставните рокови за формирање на законодавната власт и новата влада, додека претседателката на Косово, Вјоса Османи го одреди 15 април како датум за одржување на конститутивната седница на Собранието на Косово.Косовскиот премиер, Албин Курти, изјави дека се сретнал со претседателката на Новата демократска партија (НДС) од бошњачката заедница, а воедно и вршител на должноста заменик на премиерот, Емилија Реџепи. Видете и ова: Закажана конститутивна седница на Собранието на Косово Според изјавата од канцеларијата на премиерот, Реџепи „ја потврдила својата целосна подготвеност да продолжи да соработува" со Движењето Самоопределување и да го поддржи Курти во неговите напори да формира нова влада.Курти, исто така, се сретна со претседателот на Партијата за слобода, правда и опстанок од српската заедница, кој е и вршител на должноста министер за заедници и враќање, Ненад Рашиќ.За време на разговорите, министерот Рашиќ ја потврди својата поддршка на премиерот Курти за формирање на нова влада и продолжување на соработката - се вели во соопштението од кабинетот на премиерот.Движењето за самоопределување тврди дека може да обезбеди 61 глас потребен за формирање на нова влада во Косово.Во меѓувреме, двете опозициски партии, Демократската лига на Косово и Алијансата за иднината на Косово, ја отфрлија можноста за заедничко владеење со Движењето Самоопределување, додека Демократската партија на Косово и Социјалдемократската иницијатива не поставија црвени линии за коалиции.Ниту една политичка партија нема доволно гласови за да формира нова влада.Движењето Самоопределување, како и трите други албански политички партии зад него, сметаат дека немнозинските заедници имаат десет гарантирани места во собранието. прочитај повеќе април 02, 2025 ‘Науката (за)стана’: Протести во Белград и Нови Сад Белград, Србија - протести Вработени во научноистражувачката дејност денеска (2 април) организираа протести во Белград и Нови Сад на повик на српскиот Синдикат на науката во знак на поддршка на студентите во блокада.Протестите беа организирани под слоганот „Науката (за)стана“.Претставници на Синдикатот на науката и на Мрежата на академска солидарност заедно со група граѓани и студенти се собраа пред платото кај Филозофскиот факултет во Белград.Луѓето на собирот носеа транспаренти на кои меѓу другото пишуваше „Науката ви мавта со дипломите, нашите се вистински, а какви се вашите“ и „За враќање на академското достоинство“.Претставник на неформалната организација Мрежа на академската солидарност, Оливер Тошковиќ, рече дека владата „живее во свет во кој позицијата е пред аргументот".„Факт е дека оваа влада е подготвена да ја уништи и деформира научната активност во оваа земја само за да ни се одмазди лично и да нѐ понижи", рече Тошковиќ. Видете и ова: Протест пред ТВ Информер во Белград поради известување за студентските протести Собраните со 16-минутно молчење им оддадоа почит на загинатите при падот на настрешницата во Нови Сад. По молкот, тие се движеа низ централните улици на Белград до зградата на Владата на Србија.Во Србија, десетици илјади граѓани со месеци излегуваат на улиците со клучно барање да се утврди кривичната и политичката одговорност за несреќата во Нови Сад, во која 15 лица загинаа при пад на настрешницата на главната железничка станица во градот, додека шеснаесеттата жртва им подлегна на повредите повеќе од два месеци подоцна.Во фокусот на протестите се обвинувањата дека корупцијата довела до паѓање на настрешницата. Претставниците на властите ги отфрлија овие обвинувања. прочитај повеќе април 02, 2025 Тројца пациенти од пожарот во Кочани се враќаат од Шведска и Грција Дискотека Пулс, Кочани / архивска фотографија Тројца пациенти од повредените лица од пожарот во Кочани се враќаат во земјава, од кои двајца беа хоспитализирани во Грција и еден пациент во Шведска – соопшти Министерството за здравство денеска (2 април).Согласно протоколите ќе бидат задржани под 24-часовен надзор.Во Србија остануваат хоспитализирани 23 пациенти, Бугарија 14 паценти, Турција 10 пациенти, Грција 8 пациенти, Словенија 4 пациенти, во Унгарија, Хрватска, Шпанија, Австрија и Литванија се хоспитализирани по 3 пациенти, во Италија и Полска по еден пациент.Во Скопје, на Клиниката за токсикологија вчера беше хоспитализиран пациент по враќање од Полска, истиот денеска се пушта на домашно лекување. Видете и ова: Дома се пуштени 93 пациенти од пожарот во Кочани, уште сто се лекуваат На Клиниката за пластична хирургија остануваат двајца пациенти, а во Хируршката клиника Св.Наум Охридски 6 пациенти. Во ГОБ 8 Септември се хоспитализирани пет пациенти, од кои еден е планирано да биде пуштен на домашно лекување, на Клиниката за пулмологија двајца пациенти, а во приватната болница Систина се хоспитализирани тројца пациенти.Ресорниот министер, Арбен Таравари вчера изјави дека засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. прочитај повеќе април 02, 2025 Филипче предлага нов концепт на општествен и политички дијалог Венко Филипче, лидер на СДСМ Лидерот на СДСМ Венко Филипче предложи нов концепт за општествен и политички дијалог. Како што рече на денешната прес-конференција, трагедијата во Кочани покажала дека системот не функционира како што треба, а за тоа како што посочи, вина имале сите политички партии.Во однос на лидерската средба рече дека уште денеска или утре (2 и 3 април) ќе побара состанок со премиерот Христијан Мицкоски, за да се организира таа средба.Според него областите каде што треба системски пристап се - образование, здравство, правосудство, животна средина, партизација и политизација.„По големата трагедија во Кочани, ја видовме реакцијата на граѓаните, револт, на места и бес. Би рекол сосема оправдано, бидејќи тоа што во изминатите три децении, тоа што се нарекува реформи, тоа што се нарекува транзиција, очигледно не го даде посакуваниот резултат. Системот на многу места очигледно не фукционира како што треба. Јавните сервиси немаат перформанс каков што граѓаните заслужуваат. За тоа вина имаме сите политички партии, СДСМ, ВМРО-ДПМНЕ, ДУИ, другите политички партии“, рече Филипче.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада.Во однос на правосудството, предлага неминовно да се донесат реформската агенда во што пократок рок реформските закони во одреден систем во којшто ќе се постигне широк консензус не само политички, туки и други фактори од делот на правосудството на коишто ова навистина им е експертиза.„Тоа што граѓаните најмногу ги иритира а тоа е партизацијата и политизацијата. Мора да ги ослободиме институциите од канџите на политиката и партијата за да младите луѓе имаат навистина добар, компетитивен мерит систем и на тој начин да се вработуваат и напредуваат поради тоа што само на тој начин можеме експертизата да ја издигнеме на соодветно и заслужено ниво“, истакна Филипче, додавајќи дека добро е на овие теми да седнат лидерите на сите партии. Видете и ова: По трагедијата во Кочани, собраниската говорница остана нема Лидерот на СДСМ истакна дека на премиерот Христијан Мицкоски и подетално би му го образложил овој план на средба во следните денови. Во однос дали очекува неговиот предлог за лидерска средба да биде прифатен, тој рече дека уште денеска или утре (2 и 3 април) ќе побара состанок со премиерот Мицкоски, согласно агендите, за да се организира таа средба.„Оставам простор и се надевам дека сега кога политичките партии ќе го слушнат ова ќе ја прифатат таа лидерска средба. Но добро е прво тоа да го поразговараме со премиерот, имајќи предвид дека тој прв подаде рака и на прва одговори дека средбата е прифатлива. Навистина не знам што би било неприфатливо или некој зошто не би сакал да разговара, кога тоа е констатација на секој еден граѓанин во државата“, рече Филипче.На новинарско прашање дали на средбата ќе ја постави темата за евроинтеграции и уставни измени, рече дека најверојатно ќе се зборува и за таа тема. Премиерот Христијан Мицкоски деновиве изјави дека тој е подготвен да разговара со Филипче, додавајќи дека лидерската средба е пресериозна тема за да се разговара преку медиуми. прочитај повеќе април 02, 2025 Мицкоски: Милошоски и Филков имаа лош ден, Владата е стабилна Христијан Мицкоски, премир на РСМ Премиерот Христијан Мицкоски изјави дека владината коалиција е стабилна, а јавното препукување меѓу пратеникот од ВМРО-ДПМЕ Антонијо Милошоски и министерот за правда Игор Филков од коалицискиот партнер ЗНАМ, според него, ќе застане на, како што вели, на овие два лични става.„Владината коалиција е стабила. Пратеникот Антонијо Милошоски е член на Извршниот комитет на партијата, тој е дел од мојот најблизок периметар. Јас соработката со Антонијо Милошоски ја оценувам на највисоко ниво, тој е додадена вредност и во рамки на пратеничката група и во рамки на партијата. Министерот Игор Филков знам со какви проблеми се соочи, знам каква состојба затекна во Министерството за правда, континуирано на дневна основа соработуваме во делот на реформите, кои се многу важни посебно во секторот правда. Но, она што можев да го заклучам, а убеден сум дека сето ова ќе застане на овие два лични става е дека секој има право на лош ден, па така јас мислам дека тој лош ден и за едниот и за другиот завршува“, рече Мицкоски, по пуштањето на фабриката на „Магна мехатроникс“ во ТИРЗ Штип. Прашан дали има проблеми со коалицијата Вреди во која е министерот за здравство Арбен Тараври кој предвои едно од крилата во Алијанса за Албанците, рече дека нема такво чувство и оти имаат исклучителна соработка. „Не, немам такво чувство. Напротив, имаме исклучителна соработка. Граѓаните да бидат сигурни, Владата е стабилна, повеќе од две третини неофицијално, а официјално 78 пратеници ја поддржуваат оваа Влада. Граѓаните, според она што го гледам од анкетите даваат поддршка, огромно е позитивното мислење дека и Македонија се движи во позитивна насока и тоа претставува за нас инспирација да продолжиме понатаму да се движиме и да работиме“, рече Мицкоски. Видете и ова: Апетитите за локалните избори ја зовреа „Вреди“ Пратеникот на ВМРО-ДПМНЕ и потпретседател на Собранието, Антонијо Милошоски вчера во телевизиско гостување рече дека министерот за правда Игор Филков има слаб придонес во областа со која раководи. Посочи дека очекувал досега барем во нацрт верзија до Собранието да бидат доставени Предлог-законот за судови, Предлог-законот за судски буџет, Предлог законот за јавнообвинителската служба, новиот Кривичен законик...Министерот за правда Филков, пак, во реакција на изнесените наводи на Милошоски рече дека „Кусурот на Груевски, познат под прекарот - Џуџето од Небрегово, а јавноста добро го памети по аферите поврзани со АМСМ и семејните бизниси од Кичево, изгледа дека сè уште нема навика да одговара пред граѓаните кои го избрале“.„Бидејќи очигледно е неинформиран и изолиран од партијата, го упатувам во неговата матична партија или пак во Владата-можеби конечно ќе го известат за постапките, роковите и статусот на законите! И, бидејќи изгледа како некој што работи по туѓи наредби, за кого одработува во моментов? Дали се тоа интересите на граѓаните или некои други агенди? Во минатото е познат по Ванчо Михајловистички ставови, многу лаги и невистини. Ова е лош де-фокус на македонската јавност по двонеделниот „одмор“! Да го потсетам дека во парламентот е од 2011 година, откако се повлече од функцијата министер за надворешни работи и активно учествуваше во креирање на „канцерогениот“ правосуден систем. Сега е добар момент да се потсети јавноста дека токму тој директно учествуваше во процесот на донесувањето на штетните измени на КЗ во 2023 година, со што се спаси од одговорност за кривичното дело ,,Моќник”“, наведе Филков, набројувајќи ги законите на кои работел во изминатиот период. прочитај повеќе април 02, 2025 По еднодневна пауза, Русија ги продолжува масовните напади врз Украина Последици од нападот во градот Харкив, Украина, 2 април 2025 година Русија започна нови воздушни напади врз Украина по еднодневна пазуа од напади со дронови. Во регионот Запорожје, едно лице загинало, а две други се повредени, изјави во среда (2 април) на Телеграм регионалниот гувернер Иван Федоров. Петнаесет беспилотни летала, исто така, го нападнале источниот град Харкив, при што биле повредени најмалку осум лица.Украинските сили за цивилна одбрана соопштија дека биле погодени згради кои припаѓаат на цивилни фирми, а исто така била нанесена штета и на станбени области. Откако Украина во вторникот ја доживеа првата ноќ без беспилотни летала во годината, воздушната одбрана на земјата извести дека Русија распоредила 74 дронови и мамки со беспилотни летала во текот на ноќта до среда наутро.Нападите првенствено ги погодиле регионите Харкив, Доњецк и Одеса. Видете и ова: Зеленски: Партнерите на Украина ќе разговараат за распоредување странски војници Во Москва, руското Министерство за одбрана тврдеше дека соборило 93 украински беспилотни летала во текот на ноќта, главно над пограничниот регион Курск.Војувањето со беспилотни летала стана речиси секојдневна тактика во војната, иако размерите на уништување и жртви предизвикани од руските напади го надминуваат влијанието на украинските напади. Украина се брани од руската инвазија повеќе од три години, потпирајќи се во голема мера на поддршката од Западот. прочитај повеќе април 02, 2025 Дурмиши: Секој има право да излезе на улица и да покаже револт Министерот за економија и труд Бесар Дурмиши Живееме во демократија и секој има право да излезе на улица и да протестира и да го каже својот револт, но на синдикатите веќе им истече мандатот и веќе не се репрезентативни, порача денеска (2 април)министерот за економија и труд Бесар Дурмиши.„Како Влада ја формиравме комисијата која треба да ја утврди репрезентативноста на синдикатите и таа комисија веќе работи. Веднаш кога ќе се определи кој синдикат е репрезентативен ќе ја свикам седницата на Економско социјалниот совет (ЕСС). Токму таму синдикатите треба да ги кажат своите барања, а не на улица“, изјави Дурмиши во одговор на новинарско прашање пред почетокот на конференцијата „Реформа на Законот за работни односи – предизвици и насоки“. Видете и ова: Синдикатите утре на протест, барањето за поголем минималец ги „скара“ со Владата Како Влада, нагласи дека се за социјален дијалог. Одговарајќи на прашање рече дека како Влада постапиле според законот и методологијата за минималната плата, со која се усогласени сите засегнати страни, односно и синдикатите и работодавачите, и го објавиле износот на минималната плата на крајот на март.„Според тој правилник минималната плата изнесува 400 евра и е покачена нето платата за 1800 денари. Како надлежен министер за економија и труд јас ја објавив минималната плата по одлука на Владата, рече Дурмиши.Нагласи дека немале согласност од ЕСС за износот на минималната плата поради тоа што нема репрезентативност од синдикатите.„Јас според законот кој е во сила и кој е потпишан и од синдикатите и од работодавачите и по одлука на Влада обврзан сум пред 31 март да ја објавам минималната плата. Од минималната плата потоа се пресметува и просечната плата и другите плати. Ако не ја објавевме до 31 март ќе се блокираше целата држава и сите институции, а приватниот сектор не ќе можеше да пресмета плати за нивните вработени“, истакна Дурмиши.Сојузот на синдикатите на Македонија (ССМ) денеска одржува јавна седница пред зградата на Работничкиот дом на која ќе ги искаже своите ставови за минималната плата. прочитај повеќе април 02, 2025 Советот на јавни обвинители даде негативно мислење за разрешување на Коцевски Државниот јавен обвинител Љупчо Коцевски Советот на јавни обвинители даде негативно мислење по предлогот на Владата за разрешување на државниот јавен обвинител Љупчо Коцевски. За прифаќање на предлогот гласаа тројца, додека шест члена гласа против. Претседателката на Советот на јавни обвинители Душица Димитриеска, рече дека со оглед дека Советот одлуките ги носи со мнозинство, мнозинството дадоа негативно мислење. За прифаќање на предлогот на Владата за разрешување на Коцевски гласаа Кети Петкова, Ардиан Демири и Марјана Илиевска.Советот на јавни обвинители претходно ја исклучи јавноста од точката за разгледување на предлогот за разрешување на државниот јавен обвинител Љупчо Коцевски. Членовите на Советот едногласно го поддржаа предлогот на членот Зорица Павловиќ, која повикувајќи се на член 10 од Законот за совет на јавни обвинители побара да се исклучи јавноста поради, како што кажа, сензитивноста на процесот и за заштита на угледот и интегритетот на јавниот обвинител.Светлана Стојковиќ, го поддржа предлогот, дополнувајќи дека јавноста треба да биде исклучена и поради тоа што во произнесувањето од Коцевски по предлогот за негово разрешување, се изнесени и информации и докази од дисциплинските постапки што се води против двајца јавни обвинители. Расправата, како што нагласија, ќе биде затворена, а јавноста ќе биде вклучена само за гласањето по мислењето за предлогот на Владата за разрешување на Коцевски.Седницата за разгледување на предлогот претходно на два пати беше одложена. Првично беше закажана за 18 март, но беше одложена поради седумдневната жалост по трагедијата во Кочани, а минатата недела, на 26 март беше одложена поради немање на кворум. Согласно законските рокови за разгледување на предлогот за разрешување на Коцевски, Советот треба да го разгледа најдоцна до крајот на неделава, иако Владата објави дека ќе ја прекине постапката. Видете и ова: Предлогот за разрешување на Коцевски на денешната владина седница Портпаролката на Владата Марија Митева, на 26 март годинава, изјави дека Владата ќе ја прекине постапката за разрешување на државниот јавен обвинител Љупчо Коцевски и доколку добие мислење од страна на Советот на ЈО, истото нема да го проследи до Собранието.Премиерот Христијан Мицкоски по трагедијата во Кочани изјави дека постапката за разрешување на јавниот обвинител Коцевски ќе се запре во моментот до таму каде што се наоѓа.Владата на 11 февруари година донесе одлука да поведе постапка за разрешување на државниот јавен обвинител Коцевски кој беше избран на оваа позиција пред една година, а неговиот мандат трае шест години.Министерството за правда, постапувајќи по заклучокот од 50-та седница на Владата, го изготви Предлог-мислењето за разрешување на државниот јавен обвинител. Коцевски, како што велат од Министерството за правда, постапувал во предмети во кои согласно законските одредби постоеле околности кои предизвикуваат сомневање во неговата непристрасност, како и судир на интереси, а за кои околности тој требало да знае и требало да се изземе. Републичкиот обвинител Коцевски го демантира тврдењето дека незаконски постапил посочувајќи дека го следел законот и роковите во него. прочитај повеќе Вчитај повеќе...

Вести април 02, 2025 Османи предложи Косово и Британија да склучат договори за одбрана и економија Косовската претседателка Вјоса Османи денеска (2 април) му предложи на британскиот министер за надворешни работи Дејвид Лами да склучи договори за одбрана и економија меѓу двете земји.Лами е во официјална посета на Косово, како дел од турнејата низ Западен Балкан, чија цел, како што соопшти Владата на Обединетото Кралство, има за цел зајакнување на соработката во борбата против нерегуларната имиграција и организираниот криминал.На заедничката прес-конференција со Лами, Османи рече дека со шефот на британската дипломатија разговарала за „стратешкото продлабочување на соработката“ меѓу Косово и Обединетото Кралство, што, според неа, „особено ќе ги опфати областа на одбраната и економијата“.Таа истакна дека имала „долг“ разговор со Лами, кој ја поздравил идејата за зајакнување на соработката. Османи рече дека косовските власти се посветени на соработка со Британците на обликување на договорот, така што тој треба да биде потпишан што е можно поскоро. Османи повика и на поактивно присуство на Обединетото Кралство на Косово.Лами рече дека Балканот е регион кој е важен за Британија денес, како што беше и за време на мандатот на тогашниот премиер Тони Блер. Тој додаде дека Британија „ќе продолжи да ја игра улогата на клучен пријател и партнер“ на Косово.Шефот на британската дипломатија рече дека неговата земја сака „стабилна и мирна нормализација“ меѓу Косово и Србија и ги повика косовските власти да се вклучат со целосна енергија во дијалогот со Србија со посредство на Европската Унија.Османи рече дека „Косово останува конструктивна страна, посветена на мирот и стабилноста и покрај тоа што постојано се соочуваме со опструкции и провокации од Србија, вклучително и повторени напади кои почнаа пред неколку години и продолжуваат сега, за што сакам повторно да нагласам дека е императив да има одговорност и Србија да ги изведе одговорните пред лицето на правдата“. Embed share Од Косово до Украина: Може ли мисија како КФОР да помогне? Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:47 0:00 Директен линк 240p | 7,8MB 360p | 12,5MB 480p | 21,1MB 720p | 41,2MB 1080p | 64,5MB Лами рече дека Британија дава важен придонес во мировната мисија на НАТО на Косово (КФОР), што, според него, е „апсолутно клучно“ за безбедноста на Косово.Британскиот дипломат во вторникот вечерта во Приштина беше примен од вршителот на должноста премиер на Косово, Албин Курти и министрите од неговата влада. Курти со Лами разговарал, меѓу другото, за актуелната состојба во регионот и геополитиката во Европа, како и за безбедносните прашања, соопштија од кабинетот на премиерот.Вршителот на должноста шеф на косовската извршна власт „го истакна фактот дека сè уште нема правда и одговорност за терористичкиот напад во Бањска, додека Милан Радоичиќ оди слободно и заштитен од српскиот државен апарат“, се вели во соопштението на премиерот. Видете и ова: Прават ли Албанија, Хрватска и Косово воен сојуз? Во септември минатата година, Специјалното обвинителство на Косово покрена обвинение против 45 лица, меѓу кои и Милан Радоичиќ, за вооружен напад врз косовската полиција во Бањска на 24 септември 2023 година, кога беше убиен наредникот Африм Буњаку.Властите во Србија одбиваат да го екстрадираат Радоичиќ на Косово и велат дека ќе му судат „српски судови“, додека властите во Косово велат дека му понудиле заштита. Курти додаде дека Радоичиќ „треба да биде екстрадиран на Косово каде што ќе му се суди праведно за неговите постапки“.Обединетото Кралство оваа есен ќе биде домаќин на состанокот на лидерите од Западен Балкан во Лондон во рамки на самитот во Берлинскиот процес, кој, меѓу другото, има за цел да ја поддржи стабилноста, безбедноста и економската соработка меѓу земјите од регионот. прочитај повеќе види ги сите денешни вести април 02, 2025 Мицкоски и Филипче утре на средба во Владата Влада на Република Северна Македонија, архивска фотографија Премиерот, Христијан Мицкоски и лидерот на опозициската СДСМ, Венко Филипче утре во 14 часот ќе имаат средба во Владата. -Согласно јавната комуникација и упатените иницијативи и демонстрираната подготвеност од двете страни, за утре во 14 часот е закажана средба меѓу премиерот Христијан Мицкоски и претседателот на СДСМ, Венко Филипче – соопшти попладнево владината прес служба.Во изјава за медиумите во Штип, Мицкоски искажа подготвеност за средба со Филипче, кој денеска повика на политички и општествен дијалог.Филипче на прес-конференција рече дека по трагедијата во Кочани граѓаните реагираа со револт и бес, системот не функционира како што треба, а за тоа вина, како што посочи, имаат сите политички партии. Видете и ова: Филипче предлага нов концепт на општествен и политички дијалог Областите каде што треба системски пристап, според Филипче се - образование, здравство, правосудство, животна средина, партизација и политизација.По неговата денешна прес конференција, од Движењето ЗНАМ реагира преку писмено соопштение во кое обвинија дека „СДСМ и Филипче немаат политички кредибилитет, ниту легитимитет да нудат какви било концепти за Македонија овој момен.- Оттука, Венко Филипче и СДСМ не можат да бидат решение на проблемите, бидејќи покажаа дека тие се проблем за секое решение, наведуваат од ЗНАМ.-Дали самопрогласениот лидер на опозицијата со ова бара начин да се факторизира како политички фактор во јавноста и да седне на преговарачка маса, имајќи ја в предвид очајната состојба на неговата партија – се наведува во реакцијата на ЗНАМ.Во меѓувреме, прашан за повикот на Филипче за средба, премиерот Мицкоски кажа дека ова е сериозна тема за која се разговара. Видете и ова: Мицкоски по повикот на Филипче: На располагање сум во секое време за средба „Доколку навистина има план и желба да помогне стојам на располагање во секое време ќе го прераспределам мојот распоред, на полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши“, изјави Мицкоски. ДУИ: Јавноста е згрозена од јавниот флерт на Мицкоски и ФилипчеПо најавата за средба, ДУИ во писмено соопштение изрази силна загриженост, поради како што велат од партијата, „сѐ понагласената моноетничка доминација која Власта ја демонстрираше во првата година од своето владеење“. -Сега веќе на јавна сцена ја вклучува и етничката македонска опозиција во својата намера. Јавноста е просто згрозена од овој јавен флерт на Мицкоски и Филипче, за полноќни средби во политички интимна атмосфера на која ништо помалку туку ќе се крои планот за нов општествен договор за регулација на идните политички текови – велат од ДУИ.Според партијата, Република Северна Македонија претставува „препознатлив модел на функционална мултиетничка демократија со јасно изразена евроатлантска ориентација“.Основниот модел на мултиетничкиот карактер на земјата е системски загрозен, а загрозен а и интегративниот процес на земјата во Европската унија. Тоа се две клучни стратешки основи кои што сериозно ја загрозуваат долгорочната стабилност и просперитет на земјата, и тоа се двата приоритети за кои треба да се отвори суштински политички дијалог – додаваат од ДУИ.Азири: Мицкоски ќе се сретне со претседателот на најголемиот огранок на ВМРО-ДПМНЕ, ФилипчеРеакција пристигна и од потпретседалот на Алијанса за Албанците, Елми Азири:„Претседателот на ВМРО-ДПМНЕ Христијан Мицкоски ќе се сретне со претседателот на најголемиот огранок на ВМРО-ДПМНЕ, Венко Филипче! Откако беше избран за претседател на СДСМ, првата средба му беше со претседателката на државата, г-ѓа Силјановска-Давкова! Последниов веќе неколку години од ВМРО го нарекуваат министер за смрт! Оваа моноетничка средба е практична имплементација на платформата Македонија повторно твоја“, вели Азири. прочитај повеќе април 02, 2025 Мицкоски по повикот на Филипче: На располагање сум во секое време за средба Христијан Мицкоски, архивска фотографија Премиерот, Христијан Мицкоски вели дека е подготвен на средба со лидерот на опозициската СДСМ, Венко Филипче доколку, како што изјави денеска, навистина има план и желба да помогне.По денешниот повик од Филипче за политички и општествен дијалог Мицкоски одговарајќи на новинарско прашање рече дека стои на располагање во секое време и ќе го усогласи распоредот за да го слушне планот на Филипче и да се види дали во тој план може нешто да се реши.„За мене е малку непристојно да разговараме преку медиуми, реков доколку има план како што најавија, подготвен сум да го примам на средба пртседателот на СДСМ да го образложи планот, да го слушнеме планот бидејќи се сериозни времиња, јас сум сериозен човек, сериозни работи се во прашање и најмалку што треба да се прави е естрада на јавна сцена“, изјави Мицкоски.Тој додаде дека доколку Филипче навистина има план и желба да помогне, тој стои на располагање во секое време ќе го прераспредели својот распоред. Видете и ова: Филипче предлага нов концепт на општествен и политички дијалог „На полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши. Но, доколку планот опфаќа пристап „Стабри“, како што беше во минатото за време на короната тогаш такви планови не можам да прифатам“, посочи Мицкоски за повикот од Филипче и дали ќе има лидерска средба со останатите претставници на партиите.Прашан дали ќе имаат заеднички став со СДСМ околу изборот на в.д градоначалник на Кочани за да нема криза во градот по трагедијата со пожарот и оставката на градоначалникот Љупчо Папазов, рече не разговарале со советниците за потецијалнот кандидат, но оти апсолутно ќе се избере в.д градоначалник и оти тука нема дилема.Претходно, лидерот на СДСМ Венко Филипче рече дека уште денеска или утре (2 и 3 април) ќе побара состанок со премиерот за да се организира таа средба.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада. прочитај повеќе април 02, 2025 Курти почна разговори со малцинските партии за формирање на новата влада Состанок на Курти и Реџепи, 2 април Вршителот на должноста премиер на Косово, како и претседател на Движењето Самоопределување, партијата која победи на парламентарните избори на 9 февруари во земјата, почна состаноци со малцинските политички партии за да се консултира за формирањето на новата влада.Овој процес отпочна по потврдувањто на изборните резултати и почетокот на уставните рокови за формирање на законодавната власт и новата влада, додека претседателката на Косово, Вјоса Османи го одреди 15 април како датум за одржување на конститутивната седница на Собранието на Косово.Косовскиот премиер, Албин Курти, изјави дека се сретнал со претседателката на Новата демократска партија (НДС) од бошњачката заедница, а воедно и вршител на должноста заменик на премиерот, Емилија Реџепи. Видете и ова: Закажана конститутивна седница на Собранието на Косово Според изјавата од канцеларијата на премиерот, Реџепи „ја потврдила својата целосна подготвеност да продолжи да соработува" со Движењето Самоопределување и да го поддржи Курти во неговите напори да формира нова влада.Курти, исто така, се сретна со претседателот на Партијата за слобода, правда и опстанок од српската заедница, кој е и вршител на должноста министер за заедници и враќање, Ненад Рашиќ.За време на разговорите, министерот Рашиќ ја потврди својата поддршка на премиерот Курти за формирање на нова влада и продолжување на соработката - се вели во соопштението од кабинетот на премиерот.Движењето за самоопределување тврди дека може да обезбеди 61 глас потребен за формирање на нова влада во Косово.Во меѓувреме, двете опозициски партии, Демократската лига на Косово и Алијансата за иднината на Косово, ја отфрлија можноста за заедничко владеење со Движењето Самоопределување, додека Демократската партија на Косово и Социјалдемократската иницијатива не поставија црвени линии за коалиции.Ниту една политичка партија нема доволно гласови за да формира нова влада.Движењето Самоопределување, како и трите други албански политички партии зад него, сметаат дека немнозинските заедници имаат десет гарантирани места во собранието. прочитај повеќе април 02, 2025 ‘Науката (за)стана’: Протести во Белград и Нови Сад Белград, Србија - протести Вработени во научноистражувачката дејност денеска (2 април) организираа протести во Белград и Нови Сад на повик на српскиот Синдикат на науката во знак на поддршка на студентите во блокада.Протестите беа организирани под слоганот „Науката (за)стана“.Претставници на Синдикатот на науката и на Мрежата на академска солидарност заедно со група граѓани и студенти се собраа пред платото кај Филозофскиот факултет во Белград.Луѓето на собирот носеа транспаренти на кои меѓу другото пишуваше „Науката ви мавта со дипломите, нашите се вистински, а какви се вашите“ и „За враќање на академското достоинство“.Претставник на неформалната организација Мрежа на академската солидарност, Оливер Тошковиќ, рече дека владата „живее во свет во кој позицијата е пред аргументот".„Факт е дека оваа влада е подготвена да ја уништи и деформира научната активност во оваа земја само за да ни се одмазди лично и да нѐ понижи", рече Тошковиќ. Видете и ова: Протест пред ТВ Информер во Белград поради известување за студентските протести Собраните со 16-минутно молчење им оддадоа почит на загинатите при падот на настрешницата во Нови Сад. По молкот, тие се движеа низ централните улици на Белград до зградата на Владата на Србија.Во Србија, десетици илјади граѓани со месеци излегуваат на улиците со клучно барање да се утврди кривичната и политичката одговорност за несреќата во Нови Сад, во која 15 лица загинаа при пад на настрешницата на главната железничка станица во градот, додека шеснаесеттата жртва им подлегна на повредите повеќе од два месеци подоцна.Во фокусот на протестите се обвинувањата дека корупцијата довела до паѓање на настрешницата. Претставниците на властите ги отфрлија овие обвинувања. прочитај повеќе април 02, 2025 Тројца пациенти од пожарот во Кочани се враќаат од Шведска и Грција Дискотека Пулс, Кочани / архивска фотографија Тројца пациенти од повредените лица од пожарот во Кочани се враќаат во земјава, од кои двајца беа хоспитализирани во Грција и еден пациент во Шведска – соопшти Министерството за здравство денеска (2 април).Согласно протоколите ќе бидат задржани под 24-часовен надзор.Во Србија остануваат хоспитализирани 23 пациенти, Бугарија 14 паценти, Турција 10 пациенти, Грција 8 пациенти, Словенија 4 пациенти, во Унгарија, Хрватска, Шпанија, Австрија и Литванија се хоспитализирани по 3 пациенти, во Италија и Полска по еден пациент.Во Скопје, на Клиниката за токсикологија вчера беше хоспитализиран пациент по враќање од Полска, истиот денеска се пушта на домашно лекување. Видете и ова: Дома се пуштени 93 пациенти од пожарот во Кочани, уште сто се лекуваат На Клиниката за пластична хирургија остануваат двајца пациенти, а во Хируршката клиника Св.Наум Охридски 6 пациенти. Во ГОБ 8 Септември се хоспитализирани пет пациенти, од кои еден е планирано да биде пуштен на домашно лекување, на Клиниката за пулмологија двајца пациенти, а во приватната болница Систина се хоспитализирани тројца пациенти.Ресорниот министер, Арбен Таравари вчера изјави дека засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. прочитај повеќе април 02, 2025 Филипче предлага нов концепт на општествен и политички дијалог Венко Филипче, лидер на СДСМ Лидерот на СДСМ Венко Филипче предложи нов концепт за општествен и политички дијалог. Како што рече на денешната прес-конференција, трагедијата во Кочани покажала дека системот не функционира како што треба, а за тоа како што посочи, вина имале сите политички партии.Во однос на лидерската средба рече дека уште денеска или утре (2 и 3 април) ќе побара состанок со премиерот Христијан Мицкоски, за да се организира таа средба.Според него областите каде што треба системски пристап се - образование, здравство, правосудство, животна средина, партизација и политизација.„По големата трагедија во Кочани, ја видовме реакцијата на граѓаните, револт, на места и бес. Би рекол сосема оправдано, бидејќи тоа што во изминатите три децении, тоа што се нарекува реформи, тоа што се нарекува транзиција, очигледно не го даде посакуваниот резултат. Системот на многу места очигледно не фукционира како што треба. Јавните сервиси немаат перформанс каков што граѓаните заслужуваат. За тоа вина имаме сите политички партии, СДСМ, ВМРО-ДПМНЕ, ДУИ, другите политички партии“, рече Филипче.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада.Во однос на правосудството, предлага неминовно да се донесат реформската агенда во што пократок рок реформските закони во одреден систем во којшто ќе се постигне широк консензус не само политички, туки и други фактори од делот на правосудството на коишто ова навистина им е експертиза.„Тоа што граѓаните најмногу ги иритира а тоа е партизацијата и политизацијата. Мора да ги ослободиме институциите од канџите на политиката и партијата за да младите луѓе имаат навистина добар, компетитивен мерит систем и на тој начин да се вработуваат и напредуваат поради тоа што само на тој начин можеме експертизата да ја издигнеме на соодветно и заслужено ниво“, истакна Филипче, додавајќи дека добро е на овие теми да седнат лидерите на сите партии. Видете и ова: По трагедијата во Кочани, собраниската говорница остана нема Лидерот на СДСМ истакна дека на премиерот Христијан Мицкоски и подетално би му го образложил овој план на средба во следните денови. Во однос дали очекува неговиот предлог за лидерска средба да биде прифатен, тој рече дека уште денеска или утре (2 и 3 април) ќе побара состанок со премиерот Мицкоски, согласно агендите, за да се организира таа средба.„Оставам простор и се надевам дека сега кога политичките партии ќе го слушнат ова ќе ја прифатат таа лидерска средба. Но добро е прво тоа да го поразговараме со премиерот, имајќи предвид дека тој прв подаде рака и на прва одговори дека средбата е прифатлива. Навистина не знам што би било неприфатливо или некој зошто не би сакал да разговара, кога тоа е констатација на секој еден граѓанин во државата“, рече Филипче.На новинарско прашање дали на средбата ќе ја постави темата за евроинтеграции и уставни измени, рече дека најверојатно ќе се зборува и за таа тема. Премиерот Христијан Мицкоски деновиве изјави дека тој е подготвен да разговара со Филипче, додавајќи дека лидерската средба е пресериозна тема за да се разговара преку медиуми. прочитај повеќе април 02, 2025 Мицкоски: Милошоски и Филков имаа лош ден, Владата е стабилна Христијан Мицкоски, премир на РСМ Премиерот Христијан Мицкоски изјави дека владината коалиција е стабилна, а јавното препукување меѓу пратеникот од ВМРО-ДПМЕ Антонијо Милошоски и министерот за правда Игор Филков од коалицискиот партнер ЗНАМ, според него, ќе застане на, како што вели, на овие два лични става.„Владината коалиција е стабила. Пратеникот Антонијо Милошоски е член на Извршниот комитет на партијата, тој е дел од мојот најблизок периметар. Јас соработката со Антонијо Милошоски ја оценувам на највисоко ниво, тој е додадена вредност и во рамки на пратеничката група и во рамки на партијата. Министерот Игор Филков знам со какви проблеми се соочи, знам каква состојба затекна во Министерството за правда, континуирано на дневна основа соработуваме во делот на реформите, кои се многу важни посебно во секторот правда. Но, она што можев да го заклучам, а убеден сум дека сето ова ќе застане на овие два лични става е дека секој има право на лош ден, па така јас мислам дека тој лош ден и за едниот и за другиот завршува“, рече Мицкоски, по пуштањето на фабриката на „Магна мехатроникс“ во ТИРЗ Штип. Прашан дали има проблеми со коалицијата Вреди во која е министерот за здравство Арбен Тараври кој предвои едно од крилата во Алијанса за Албанците, рече дека нема такво чувство и оти имаат исклучителна соработка. „Не, немам такво чувство. Напротив, имаме исклучителна соработка. Граѓаните да бидат сигурни, Владата е стабилна, повеќе од две третини неофицијално, а официјално 78 пратеници ја поддржуваат оваа Влада. Граѓаните, според она што го гледам од анкетите даваат поддршка, огромно е позитивното мислење дека и Македонија се движи во позитивна насока и тоа претставува за нас инспирација да продолжиме понатаму да се движиме и да работиме“, рече Мицкоски. Видете и ова: Апетитите за локалните избори ја зовреа „Вреди“ Пратеникот на ВМРО-ДПМНЕ и потпретседател на Собранието, Антонијо Милошоски вчера во телевизиско гостување рече дека министерот за правда Игор Филков има слаб придонес во областа со која раководи. Посочи дека очекувал досега барем во нацрт верзија до Собранието да бидат доставени Предлог-законот за судови, Предлог-законот за судски буџет, Предлог законот за јавнообвинителската служба, новиот Кривичен законик...Министерот за правда Филков, пак, во реакција на изнесените наводи на Милошоски рече дека „Кусурот на Груевски, познат под прекарот - Џуџето од Небрегово, а јавноста добро го памети по аферите поврзани со АМСМ и семејните бизниси од Кичево, изгледа дека сè уште нема навика да одговара пред граѓаните кои го избрале“.„Бидејќи очигледно е неинформиран и изолиран од партијата, го упатувам во неговата матична партија или пак во Владата-можеби конечно ќе го известат за постапките, роковите и статусот на законите! И, бидејќи изгледа како некој што работи по туѓи наредби, за кого одработува во моментов? Дали се тоа интересите на граѓаните или некои други агенди? Во минатото е познат по Ванчо Михајловистички ставови, многу лаги и невистини. Ова е лош де-фокус на македонската јавност по двонеделниот „одмор“! Да го потсетам дека во парламентот е од 2011 година, откако се повлече од функцијата министер за надворешни работи и активно учествуваше во креирање на „канцерогениот“ правосуден систем. Сега е добар момент да се потсети јавноста дека токму тој директно учествуваше во процесот на донесувањето на штетните измени на КЗ во 2023 година, со што се спаси од одговорност за кривичното дело ,,Моќник”“, наведе Филков, набројувајќи ги законите на кои работел во изминатиот период. прочитај повеќе април 02, 2025 По еднодневна пауза, Русија ги продолжува масовните напади врз Украина Последици од нападот во градот Харкив, Украина, 2 април 2025 година Русија започна нови воздушни напади врз Украина по еднодневна пазуа од напади со дронови. Во регионот Запорожје, едно лице загинало, а две други се повредени, изјави во среда (2 април) на Телеграм регионалниот гувернер Иван Федоров. Петнаесет беспилотни летала, исто така, го нападнале источниот град Харкив, при што биле повредени најмалку осум лица.Украинските сили за цивилна одбрана соопштија дека биле погодени згради кои припаѓаат на цивилни фирми, а исто така била нанесена штета и на станбени области. Откако Украина во вторникот ја доживеа првата ноќ без беспилотни летала во годината, воздушната одбрана на земјата извести дека Русија распоредила 74 дронови и мамки со беспилотни летала во текот на ноќта до среда наутро.Нападите првенствено ги погодиле регионите Харкив, Доњецк и Одеса. Видете и ова: Зеленски: Партнерите на Украина ќе разговараат за распоредување странски војници Во Москва, руското Министерство за одбрана тврдеше дека соборило 93 украински беспилотни летала во текот на ноќта, главно над пограничниот регион Курск.Војувањето со беспилотни летала стана речиси секојдневна тактика во војната, иако размерите на уништување и жртви предизвикани од руските напади го надминуваат влијанието на украинските напади. Украина се брани од руската инвазија повеќе од три години, потпирајќи се во голема мера на поддршката од Западот. прочитај повеќе април 02, 2025 Дурмиши: Секој има право да излезе на улица и да покаже револт Министерот за економија и труд Бесар Дурмиши Живееме во демократија и секој има право да излезе на улица и да протестира и да го каже својот револт, но на синдикатите веќе им истече мандатот и веќе не се репрезентативни, порача денеска (2 април)министерот за економија и труд Бесар Дурмиши.„Како Влада ја формиравме комисијата која треба да ја утврди репрезентативноста на синдикатите и таа комисија веќе работи. Веднаш кога ќе се определи кој синдикат е репрезентативен ќе ја свикам седницата на Економско социјалниот совет (ЕСС). Токму таму синдикатите треба да ги кажат своите барања, а не на улица“, изјави Дурмиши во одговор на новинарско прашање пред почетокот на конференцијата „Реформа на Законот за работни односи – предизвици и насоки“. Видете и ова: Синдикатите утре на протест, барањето за поголем минималец ги „скара“ со Владата Како Влада, нагласи дека се за социјален дијалог. Одговарајќи на прашање рече дека како Влада постапиле според законот и методологијата за минималната плата, со која се усогласени сите засегнати страни, односно и синдикатите и работодавачите, и го објавиле износот на минималната плата на крајот на март.„Според тој правилник минималната плата изнесува 400 евра и е покачена нето платата за 1800 денари. Како надлежен министер за економија и труд јас ја објавив минималната плата по одлука на Владата, рече Дурмиши.Нагласи дека немале согласност од ЕСС за износот на минималната плата поради тоа што нема репрезентативност од синдикатите.„Јас според законот кој е во сила и кој е потпишан и од синдикатите и од работодавачите и по одлука на Влада обврзан сум пред 31 март да ја објавам минималната плата. Од минималната плата потоа се пресметува и просечната плата и другите плати. Ако не ја објавевме до 31 март ќе се блокираше целата држава и сите институции, а приватниот сектор не ќе можеше да пресмета плати за нивните вработени“, истакна Дурмиши.Сојузот на синдикатите на Македонија (ССМ) денеска одржува јавна седница пред зградата на Работничкиот дом на која ќе ги искаже своите ставови за минималната плата. прочитај повеќе април 02, 2025 Советот на јавни обвинители даде негативно мислење за разрешување на Коцевски Државниот јавен обвинител Љупчо Коцевски Советот на јавни обвинители даде негативно мислење по предлогот на Владата за разрешување на државниот јавен обвинител Љупчо Коцевски. За прифаќање на предлогот гласаа тројца, додека шест члена гласа против. Претседателката на Советот на јавни обвинители Душица Димитриеска, рече дека со оглед дека Советот одлуките ги носи со мнозинство, мнозинството дадоа негативно мислење. За прифаќање на предлогот на Владата за разрешување на Коцевски гласаа Кети Петкова, Ардиан Демири и Марјана Илиевска.Советот на јавни обвинители претходно ја исклучи јавноста од точката за разгледување на предлогот за разрешување на државниот јавен обвинител Љупчо Коцевски. Членовите на Советот едногласно го поддржаа предлогот на членот Зорица Павловиќ, која повикувајќи се на член 10 од Законот за совет на јавни обвинители побара да се исклучи јавноста поради, како што кажа, сензитивноста на процесот и за заштита на угледот и интегритетот на јавниот обвинител.Светлана Стојковиќ, го поддржа предлогот, дополнувајќи дека јавноста треба да биде исклучена и поради тоа што во произнесувањето од Коцевски по предлогот за негово разрешување, се изнесени и информации и докази од дисциплинските постапки што се води против двајца јавни обвинители. Расправата, како што нагласија, ќе биде затворена, а јавноста ќе биде вклучена само за гласањето по мислењето за предлогот на Владата за разрешување на Коцевски.Седницата за разгледување на предлогот претходно на два пати беше одложена. Првично беше закажана за 18 март, но беше одложена поради седумдневната жалост по трагедијата во Кочани, а минатата недела, на 26 март беше одложена поради немање на кворум. Согласно законските рокови за разгледување на предлогот за разрешување на Коцевски, Советот треба да го разгледа најдоцна до крајот на неделава, иако Владата објави дека ќе ја прекине постапката. Видете и ова: Предлогот за разрешување на Коцевски на денешната владина седница Портпаролката на Владата Марија Митева, на 26 март годинава, изјави дека Владата ќе ја прекине постапката за разрешување на државниот јавен обвинител Љупчо Коцевски и доколку добие мислење од страна на Советот на ЈО, истото нема да го проследи до Собранието.Премиерот Христијан Мицкоски по трагедијата во Кочани изјави дека постапката за разрешување на јавниот обвинител Коцевски ќе се запре во моментот до таму каде што се наоѓа.Владата на 11 февруари година донесе одлука да поведе постапка за разрешување на државниот јавен обвинител Коцевски кој беше избран на оваа позиција пред една година, а неговиот мандат трае шест години.Министерството за правда, постапувајќи по заклучокот од 50-та седница на Владата, го изготви Предлог-мислењето за разрешување на државниот јавен обвинител. Коцевски, како што велат од Министерството за правда, постапувал во предмети во кои согласно законските одредби постоеле околности кои предизвикуваат сомневање во неговата непристрасност, како и судир на интереси, а за кои околности тој требало да знае и требало да се изземе. Републичкиот обвинител Коцевски го демантира тврдењето дека незаконски постапил посочувајќи дека го следел законот и роковите во него. прочитај повеќе Вчитај повеќе...

Е-дневник и на телефон - како функционира апликацијата? Достапни линкови Оди на содржината Оди на главната навигација Премини на пребарување линкот е копиран рубрики Македонија Свет Визуелно Вести Што треба да знаете Пријави се за њузлетер Подкаст Зошто? Нова генерација Следете не РСЕ веб страници Барај Барај Претходно Следно Breaking News Видео Е-дневник и на телефон - како функционира апликацијата? април 02, 2025 Марија Тумановска Embed Е-дневник и на телефон - како функционира апликацијата? Embed The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:35 0:00 Директен линк 240p | 4,7MB 360p | 6,0MB 480p | 8,4MB 720p | 24,5MB 1080p | 19,6MB Од неодамна Министерството за образование ја воведе е-дневник мобилната апликација за електронско следење на образовниот процес и напредок на учениците. Преку оваа апликација, надлежните ветуваат подобрен пристап до информациите и подобрена комуникација меѓу родителите, учениците, наставниците и училиштето. Сподели Е-дневник и на телефон - како функционира апликацијата? share Категории Македонија Македонија тагува Беџети: Не знам каде е Груби и немам комуникација со него Расте бројот на гладни, редиците пред народните кујни сѐ подолги Повеќе Свет По три години, се зголемуваат доказите за руските воени злосторства во Украина „Зеленски е подготвен за преговори“ - изјави Трамп во Конгресот Пиротехника во српскиот Парламент Повеќе ТВ Тема на неделата Од зима во лето - што ни направија климатските промени? Гранатиран живот: Една година од руската инвазија во Украина Пчелите исчезнуваат, ќе нема што да јадеме? Повеќе ТВ Тема на денот Реакции на Русите и на Украинците на предлогот за 30 дневно примирје По три години, се зголемуваат доказите за руските воени злосторства во Украина „Зеленски е подготвен за преговори“ - изјави Трамп во Конгресот Повеќе Во 90 секунди Ексклузивно: Снимки од дрон за размерите на загинатите во војната во Украина Протести на поддржувачите на забранетиот романски кандидат за претседател, Георгеску Колку се важни информациите на американското разузнавање за воените напори на Украина? Повеќе Радио програми ​ Следете не Инфо страница Пријави се За нас Контакт Линкови Нова генерација Визуелно Што треба да знаете Истражуваме Интервју Моја порака Поткаст Зошто? Радио Слободна Европа / Радио Слобода. Сите права се резервирани XS SM MD LG...

Вести април 02, 2025 Израел ги проширува копнените операции во Газа „за да го уништи“ Хамас Појас Газа Израелскиот министер за одбрана Израел Кац најави големо проширување на операциите на војската во Појасот Газа, чија цел е да се „разбие и исчисти областа од терористи и терористичка инфраструктура“.Министерот во средата рече дека операцијата „ќе заземе големи области кои ќе бидат додадени во израелските безбедносни зони“, без да даде дополнителни детали. Војската распореди дополнителна единица за проширување на операциите во јужниот дел на Газа, според извештаите на медиумите. Кац ги повика жителите на крајбрежниот појас „да дејствуваат сега за да го отстранат Хамас и да ги вратат сите заложници“.„Ова е единствениот начин да се стави крај на војната“, рече Кац. Во средината на март, Израел продолжи со масовните воздушни напади откако не беше постигнат договор со Хамас за условите за продолжување на примирјето. Видете и ова: Израел продолжи со напади врз Газа, Египет има нов мировен предлог Оттогаш, Израел, исто така, започна копнени операции против палестинските милитанти во Рафа, а во саботата, наводно, ја проширил офанзивата на второто соседство. „Целта на новата копнена офанзива исто така е да се воспостави тампон зона долж границите на крајбрежната област“, рече Израел. Војната избувна откако Хамас и други екстремистички групи го нападнаа Израел на 7 октомври 2023 година, при што беа убиени околу 1200 луѓе и заробени повеќе од 250 заложници. Според здравствените власти во Газа под контрола на Хамас, досега се убиени повеќе од 50100 луѓе, од кои една третина деца и млади луѓе.Бројките не можат да се потврдат независно. Меѓутоа, меѓународните организации како што се ОН ги сметаат за веродостојни. прочитај повеќе види ги сите денешни вести април 02, 2025 Мицкоски и Филипче утре на средба во Владата Влада на Република Северна Македонија, архивска фотографија Премиерот, Христијан Мицкоски и лидерот на опозициската СДСМ, Венко Филипче утре во 14 часот ќе имаат средба во Владата. -Согласно јавната комуникација и упатените иницијативи и демонстрираната подготвеност од двете страни, за утре во 14 часот е закажана средба меѓу премиерот Христијан Мицкоски и претседателот на СДСМ, Венко Филипче – соопшти попладнево владината прес служба.Во изјава за медиумите во Штип, Мицкоски искажа подготвеност за средба со Филипче, кој денеска повика на политички и општествен дијалог.Филипче на прес-конференција рече дека по трагедијата во Кочани граѓаните реагираа со револт и бес, системот не функционира како што треба, а за тоа вина, како што посочи, имаат сите политички партии. Видете и ова: Филипче предлага нов концепт на општествен и политички дијалог Областите каде што треба системски пристап, според Филипче се - образование, здравство, правосудство, животна средина, партизација и политизација.По неговата денешна прес конференција, од Движењето ЗНАМ реагира преку писмено соопштение во кое обвинија дека „СДСМ и Филипче немаат политички кредибилитет, ниту легитимитет да нудат какви било концепти за Македонија овој момен.- Оттука, Венко Филипче и СДСМ не можат да бидат решение на проблемите, бидејќи покажаа дека тие се проблем за секое решение, наведуваат од ЗНАМ.-Дали самопрогласениот лидер на опозицијата со ова бара начин да се факторизира како политички фактор во јавноста и да седне на преговарачка маса, имајќи ја в предвид очајната состојба на неговата партија – се наведува во реакцијата на ЗНАМ.Во меѓувреме, прашан за повикот на Филипче за средба, премиерот Мицкоски кажа дека ова е сериозна тема за која се разговара. Видете и ова: Мицкоски по повикот на Филипче: На располагање сум во секое време за средба „Доколку навистина има план и желба да помогне стојам на располагање во секое време ќе го прераспределам мојот распоред, на полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши“, изјави Мицкоски. ДУИ: Јавноста е згрозена од јавниот флерт на Мицкоски и ФилипчеПо најавата за средба, ДУИ во писмено соопштение изрази силна загриженост, поради како што велат од партијата, „сѐ понагласената моноетничка доминација која Власта ја демонстрираше во првата година од своето владеење“. -Сега веќе на јавна сцена ја вклучува и етничката македонска опозиција во својата намера. Јавноста е просто згрозена од овој јавен флерт на Мицкоски и Филипче, за полноќни средби во политички интимна атмосфера на која ништо помалку туку ќе се крои планот за нов општествен договор за регулација на идните политички текови – велат од ДУИ.Според партијата, Република Северна Македонија претставува „препознатлив модел на функционална мултиетничка демократија со јасно изразена евроатлантска ориентација“.Основниот модел на мултиетничкиот карактер на земјата е системски загрозен, а загрозен а и интегративниот процес на земјата во Европската унија. Тоа се две клучни стратешки основи кои што сериозно ја загрозуваат долгорочната стабилност и просперитет на земјата, и тоа се двата приоритети за кои треба да се отвори суштински политички дијалог – додаваат од ДУИ.Азири: Мицкоски ќе се сретне со претседателот на најголемиот огранок на ВМРО-ДПМНЕ, ФилипчеРеакција пристигна и од потпретседалот на Алијанса за Албанците, Елми Азири:„Претседателот на ВМРО-ДПМНЕ Христијан Мицкоски ќе се сретне со претседателот на најголемиот огранок на ВМРО-ДПМНЕ, Венко Филипче! Откако беше избран за претседател на СДСМ, првата средба му беше со претседателката на државата, г-ѓа Силјановска-Давкова! Последниов веќе неколку години од ВМРО го нарекуваат министер за смрт! Оваа моноетничка средба е практична имплементација на платформата Македонија повторно твоја“, вели Азири. прочитај повеќе април 02, 2025 Мицкоски по повикот на Филипче: На располагање сум во секое време за средба Христијан Мицкоски, архивска фотографија Премиерот, Христијан Мицкоски вели дека е подготвен на средба со лидерот на опозициската СДСМ, Венко Филипче доколку, како што изјави денеска, навистина има план и желба да помогне.По денешниот повик од Филипче за политички и општествен дијалог Мицкоски одговарајќи на новинарско прашање рече дека стои на располагање во секое време и ќе го усогласи распоредот за да го слушне планот на Филипче и да се види дали во тој план може нешто да се реши.„За мене е малку непристојно да разговараме преку медиуми, реков доколку има план како што најавија, подготвен сум да го примам на средба пртседателот на СДСМ да го образложи планот, да го слушнеме планот бидејќи се сериозни времиња, јас сум сериозен човек, сериозни работи се во прашање и најмалку што треба да се прави е естрада на јавна сцена“, изјави Мицкоски.Тој додаде дека доколку Филипче навистина има план и желба да помогне, тој стои на располагање во секое време ќе го прераспредели својот распоред. Видете и ова: Филипче предлага нов концепт на општествен и политички дијалог „На полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши. Но, доколку планот опфаќа пристап „Стабри“, како што беше во минатото за време на короната тогаш такви планови не можам да прифатам“, посочи Мицкоски за повикот од Филипче и дали ќе има лидерска средба со останатите претставници на партиите.Прашан дали ќе имаат заеднички став со СДСМ околу изборот на в.д градоначалник на Кочани за да нема криза во градот по трагедијата со пожарот и оставката на градоначалникот Љупчо Папазов, рече не разговарале со советниците за потецијалнот кандидат, но оти апсолутно ќе се избере в.д градоначалник и оти тука нема дилема.Претходно, лидерот на СДСМ Венко Филипче рече дека уште денеска или утре (2 и 3 април) ќе побара состанок со премиерот за да се организира таа средба.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада. прочитај повеќе април 02, 2025 Курти почна разговори со малцинските партии за формирање на новата влада Состанок на Курти и Реџепи, 2 април Вршителот на должноста премиер на Косово, како и претседател на Движењето Самоопределување, партијата која победи на парламентарните избори на 9 февруари во земјата, почна состаноци со малцинските политички партии за да се консултира за формирањето на новата влада.Овој процес отпочна по потврдувањто на изборните резултати и почетокот на уставните рокови за формирање на законодавната власт и новата влада, додека претседателката на Косово, Вјоса Османи го одреди 15 април како датум за одржување на конститутивната седница на Собранието на Косово.Косовскиот премиер, Албин Курти, изјави дека се сретнал со претседателката на Новата демократска партија (НДС) од бошњачката заедница, а воедно и вршител на должноста заменик на премиерот, Емилија Реџепи. Видете и ова: Закажана конститутивна седница на Собранието на Косово Според изјавата од канцеларијата на премиерот, Реџепи „ја потврдила својата целосна подготвеност да продолжи да соработува" со Движењето Самоопределување и да го поддржи Курти во неговите напори да формира нова влада.Курти, исто така, се сретна со претседателот на Партијата за слобода, правда и опстанок од српската заедница, кој е и вршител на должноста министер за заедници и враќање, Ненад Рашиќ.За време на разговорите, министерот Рашиќ ја потврди својата поддршка на премиерот Курти за формирање на нова влада и продолжување на соработката - се вели во соопштението од кабинетот на премиерот.Движењето за самоопределување тврди дека може да обезбеди 61 глас потребен за формирање на нова влада во Косово.Во меѓувреме, двете опозициски партии, Демократската лига на Косово и Алијансата за иднината на Косово, ја отфрлија можноста за заедничко владеење со Движењето Самоопределување, додека Демократската партија на Косово и Социјалдемократската иницијатива не поставија црвени линии за коалиции.Ниту една политичка партија нема доволно гласови за да формира нова влада.Движењето Самоопределување, како и трите други албански политички партии зад него, сметаат дека немнозинските заедници имаат десет гарантирани места во собранието. прочитај повеќе април 02, 2025 ‘Науката (за)стана’: Протести во Белград и Нови Сад Белград, Србија - протести Вработени во научноистражувачката дејност денеска (2 април) организираа протести во Белград и Нови Сад на повик на српскиот Синдикат на науката во знак на поддршка на студентите во блокада.Протестите беа организирани под слоганот „Науката (за)стана“.Претставници на Синдикатот на науката и на Мрежата на академска солидарност заедно со група граѓани и студенти се собраа пред платото кај Филозофскиот факултет во Белград.Луѓето на собирот носеа транспаренти на кои меѓу другото пишуваше „Науката ви мавта со дипломите, нашите се вистински, а какви се вашите“ и „За враќање на академското достоинство“.Претставник на неформалната организација Мрежа на академската солидарност, Оливер Тошковиќ, рече дека владата „живее во свет во кој позицијата е пред аргументот".„Факт е дека оваа влада е подготвена да ја уништи и деформира научната активност во оваа земја само за да ни се одмазди лично и да нѐ понижи", рече Тошковиќ. Видете и ова: Протест пред ТВ Информер во Белград поради известување за студентските протести Собраните со 16-минутно молчење им оддадоа почит на загинатите при падот на настрешницата во Нови Сад. По молкот, тие се движеа низ централните улици на Белград до зградата на Владата на Србија.Во Србија, десетици илјади граѓани со месеци излегуваат на улиците со клучно барање да се утврди кривичната и политичката одговорност за несреќата во Нови Сад, во која 15 лица загинаа при пад на настрешницата на главната железничка станица во градот, додека шеснаесеттата жртва им подлегна на повредите повеќе од два месеци подоцна.Во фокусот на протестите се обвинувањата дека корупцијата довела до паѓање на настрешницата. Претставниците на властите ги отфрлија овие обвинувања. прочитај повеќе април 02, 2025 Тројца пациенти од пожарот во Кочани се враќаат од Шведска и Грција Дискотека Пулс, Кочани / архивска фотографија Тројца пациенти од повредените лица од пожарот во Кочани се враќаат во земјава, од кои двајца беа хоспитализирани во Грција и еден пациент во Шведска – соопшти Министерството за здравство денеска (2 април).Согласно протоколите ќе бидат задржани под 24-часовен надзор.Во Србија остануваат хоспитализирани 23 пациенти, Бугарија 14 паценти, Турција 10 пациенти, Грција 8 пациенти, Словенија 4 пациенти, во Унгарија, Хрватска, Шпанија, Австрија и Литванија се хоспитализирани по 3 пациенти, во Италија и Полска по еден пациент.Во Скопје, на Клиниката за токсикологија вчера беше хоспитализиран пациент по враќање од Полска, истиот денеска се пушта на домашно лекување. Видете и ова: Дома се пуштени 93 пациенти од пожарот во Кочани, уште сто се лекуваат На Клиниката за пластична хирургија остануваат двајца пациенти, а во Хируршката клиника Св.Наум Охридски 6 пациенти. Во ГОБ 8 Септември се хоспитализирани пет пациенти, од кои еден е планирано да биде пуштен на домашно лекување, на Клиниката за пулмологија двајца пациенти, а во приватната болница Систина се хоспитализирани тројца пациенти.Ресорниот министер, Арбен Таравари вчера изјави дека засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. прочитај повеќе април 02, 2025 Филипче предлага нов концепт на општествен и политички дијалог Венко Филипче, лидер на СДСМ Лидерот на СДСМ Венко Филипче предложи нов концепт за општествен и политички дијалог. Како што рече на денешната прес-конференција, трагедијата во Кочани покажала дека системот не функционира како што треба, а за тоа како што посочи, вина имале сите политички партии.Во однос на лидерската средба рече дека уште денеска или утре (2 и 3 април) ќе побара состанок со премиерот Христијан Мицкоски, за да се организира таа средба.Според него областите каде што треба системски пристап се - образование, здравство, правосудство, животна средина, партизација и политизација.„По големата трагедија во Кочани, ја видовме реакцијата на граѓаните, револт, на места и бес. Би рекол сосема оправдано, бидејќи тоа што во изминатите три децении, тоа што се нарекува реформи, тоа што се нарекува транзиција, очигледно не го даде посакуваниот резултат. Системот на многу места очигледно не фукционира како што треба. Јавните сервиси немаат перформанс каков што граѓаните заслужуваат. За тоа вина имаме сите политички партии, СДСМ, ВМРО-ДПМНЕ, ДУИ, другите политички партии“, рече Филипче.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада.Во однос на правосудството, предлага неминовно да се донесат реформската агенда во што пократок рок реформските закони во одреден систем во којшто ќе се постигне широк консензус не само политички, туки и други фактори од делот на правосудството на коишто ова навистина им е експертиза.„Тоа што граѓаните најмногу ги иритира а тоа е партизацијата и политизацијата. Мора да ги ослободиме институциите од канџите на политиката и партијата за да младите луѓе имаат навистина добар, компетитивен мерит систем и на тој начин да се вработуваат и напредуваат поради тоа што само на тој начин можеме експертизата да ја издигнеме на соодветно и заслужено ниво“, истакна Филипче, додавајќи дека добро е на овие теми да седнат лидерите на сите партии. Видете и ова: По трагедијата во Кочани, собраниската говорница остана нема Лидерот на СДСМ истакна дека на премиерот Христијан Мицкоски и подетално би му го образложил овој план на средба во следните денови. Во однос дали очекува неговиот предлог за лидерска средба да биде прифатен, тој рече дека уште денеска или утре (2 и 3 април) ќе побара состанок со премиерот Мицкоски, согласно агендите, за да се организира таа средба.„Оставам простор и се надевам дека сега кога политичките партии ќе го слушнат ова ќе ја прифатат таа лидерска средба. Но добро е прво тоа да го поразговараме со премиерот, имајќи предвид дека тој прв подаде рака и на прва одговори дека средбата е прифатлива. Навистина не знам што би било неприфатливо или некој зошто не би сакал да разговара, кога тоа е констатација на секој еден граѓанин во државата“, рече Филипче.На новинарско прашање дали на средбата ќе ја постави темата за евроинтеграции и уставни измени, рече дека најверојатно ќе се зборува и за таа тема. Премиерот Христијан Мицкоски деновиве изјави дека тој е подготвен да разговара со Филипче, додавајќи дека лидерската средба е пресериозна тема за да се разговара преку медиуми. прочитај повеќе април 02, 2025 Мицкоски: Милошоски и Филков имаа лош ден, Владата е стабилна Христијан Мицкоски, премир на РСМ Премиерот Христијан Мицкоски изјави дека владината коалиција е стабилна, а јавното препукување меѓу пратеникот од ВМРО-ДПМЕ Антонијо Милошоски и министерот за правда Игор Филков од коалицискиот партнер ЗНАМ, според него, ќе застане на, како што вели, на овие два лични става.„Владината коалиција е стабила. Пратеникот Антонијо Милошоски е член на Извршниот комитет на партијата, тој е дел од мојот најблизок периметар. Јас соработката со Антонијо Милошоски ја оценувам на највисоко ниво, тој е додадена вредност и во рамки на пратеничката група и во рамки на партијата. Министерот Игор Филков знам со какви проблеми се соочи, знам каква состојба затекна во Министерството за правда, континуирано на дневна основа соработуваме во делот на реформите, кои се многу важни посебно во секторот правда. Но, она што можев да го заклучам, а убеден сум дека сето ова ќе застане на овие два лични става е дека секој има право на лош ден, па така јас мислам дека тој лош ден и за едниот и за другиот завршува“, рече Мицкоски, по пуштањето на фабриката на „Магна мехатроникс“ во ТИРЗ Штип. Прашан дали има проблеми со коалицијата Вреди во која е министерот за здравство Арбен Тараври кој предвои едно од крилата во Алијанса за Албанците, рече дека нема такво чувство и оти имаат исклучителна соработка. „Не, немам такво чувство. Напротив, имаме исклучителна соработка. Граѓаните да бидат сигурни, Владата е стабилна, повеќе од две третини неофицијално, а официјално 78 пратеници ја поддржуваат оваа Влада. Граѓаните, според она што го гледам од анкетите даваат поддршка, огромно е позитивното мислење дека и Македонија се движи во позитивна насока и тоа претставува за нас инспирација да продолжиме понатаму да се движиме и да работиме“, рече Мицкоски. Видете и ова: Апетитите за локалните избори ја зовреа „Вреди“ Пратеникот на ВМРО-ДПМНЕ и потпретседател на Собранието, Антонијо Милошоски вчера во телевизиско гостување рече дека министерот за правда Игор Филков има слаб придонес во областа со која раководи. Посочи дека очекувал досега барем во нацрт верзија до Собранието да бидат доставени Предлог-законот за судови, Предлог-законот за судски буџет, Предлог законот за јавнообвинителската служба, новиот Кривичен законик...Министерот за правда Филков, пак, во реакција на изнесените наводи на Милошоски рече дека „Кусурот на Груевски, познат под прекарот - Џуџето од Небрегово, а јавноста добро го памети по аферите поврзани со АМСМ и семејните бизниси од Кичево, изгледа дека сè уште нема навика да одговара пред граѓаните кои го избрале“.„Бидејќи очигледно е неинформиран и изолиран од партијата, го упатувам во неговата матична партија или пак во Владата-можеби конечно ќе го известат за постапките, роковите и статусот на законите! И, бидејќи изгледа како некој што работи по туѓи наредби, за кого одработува во моментов? Дали се тоа интересите на граѓаните или некои други агенди? Во минатото е познат по Ванчо Михајловистички ставови, многу лаги и невистини. Ова е лош де-фокус на македонската јавност по двонеделниот „одмор“! Да го потсетам дека во парламентот е од 2011 година, откако се повлече од функцијата министер за надворешни работи и активно учествуваше во креирање на „канцерогениот“ правосуден систем. Сега е добар момент да се потсети јавноста дека токму тој директно учествуваше во процесот на донесувањето на штетните измени на КЗ во 2023 година, со што се спаси од одговорност за кривичното дело ,,Моќник”“, наведе Филков, набројувајќи ги законите на кои работел во изминатиот период. прочитај повеќе април 02, 2025 По еднодневна пауза, Русија ги продолжува масовните напади врз Украина Последици од нападот во градот Харкив, Украина, 2 април 2025 година Русија започна нови воздушни напади врз Украина по еднодневна пазуа од напади со дронови. Во регионот Запорожје, едно лице загинало, а две други се повредени, изјави во среда (2 април) на Телеграм регионалниот гувернер Иван Федоров. Петнаесет беспилотни летала, исто така, го нападнале источниот град Харкив, при што биле повредени најмалку осум лица.Украинските сили за цивилна одбрана соопштија дека биле погодени згради кои припаѓаат на цивилни фирми, а исто така била нанесена штета и на станбени области. Откако Украина во вторникот ја доживеа првата ноќ без беспилотни летала во годината, воздушната одбрана на земјата извести дека Русија распоредила 74 дронови и мамки со беспилотни летала во текот на ноќта до среда наутро.Нападите првенствено ги погодиле регионите Харкив, Доњецк и Одеса. Видете и ова: Зеленски: Партнерите на Украина ќе разговараат за распоредување странски војници Во Москва, руското Министерство за одбрана тврдеше дека соборило 93 украински беспилотни летала во текот на ноќта, главно над пограничниот регион Курск.Војувањето со беспилотни летала стана речиси секојдневна тактика во војната, иако размерите на уништување и жртви предизвикани од руските напади го надминуваат влијанието на украинските напади. Украина се брани од руската инвазија повеќе од три години, потпирајќи се во голема мера на поддршката од Западот. прочитај повеќе април 02, 2025 Дурмиши: Секој има право да излезе на улица и да покаже револт Министерот за економија и труд Бесар Дурмиши Живееме во демократија и секој има право да излезе на улица и да протестира и да го каже својот револт, но на синдикатите веќе им истече мандатот и веќе не се репрезентативни, порача денеска (2 април)министерот за економија и труд Бесар Дурмиши.„Како Влада ја формиравме комисијата која треба да ја утврди репрезентативноста на синдикатите и таа комисија веќе работи. Веднаш кога ќе се определи кој синдикат е репрезентативен ќе ја свикам седницата на Економско социјалниот совет (ЕСС). Токму таму синдикатите треба да ги кажат своите барања, а не на улица“, изјави Дурмиши во одговор на новинарско прашање пред почетокот на конференцијата „Реформа на Законот за работни односи – предизвици и насоки“. Видете и ова: Синдикатите утре на протест, барањето за поголем минималец ги „скара“ со Владата Како Влада, нагласи дека се за социјален дијалог. Одговарајќи на прашање рече дека како Влада постапиле според законот и методологијата за минималната плата, со која се усогласени сите засегнати страни, односно и синдикатите и работодавачите, и го објавиле износот на минималната плата на крајот на март.„Според тој правилник минималната плата изнесува 400 евра и е покачена нето платата за 1800 денари. Како надлежен министер за економија и труд јас ја објавив минималната плата по одлука на Владата, рече Дурмиши.Нагласи дека немале согласност од ЕСС за износот на минималната плата поради тоа што нема репрезентативност од синдикатите.„Јас според законот кој е во сила и кој е потпишан и од синдикатите и од работодавачите и по одлука на Влада обврзан сум пред 31 март да ја објавам минималната плата. Од минималната плата потоа се пресметува и просечната плата и другите плати. Ако не ја објавевме до 31 март ќе се блокираше целата држава и сите институции, а приватниот сектор не ќе можеше да пресмета плати за нивните вработени“, истакна Дурмиши.Сојузот на синдикатите на Македонија (ССМ) денеска одржува јавна седница пред зградата на Работничкиот дом на која ќе ги искаже своите ставови за минималната плата. прочитај повеќе април 02, 2025 Советот на јавни обвинители даде негативно мислење за разрешување на Коцевски Државниот јавен обвинител Љупчо Коцевски Советот на јавни обвинители даде негативно мислење по предлогот на Владата за разрешување на државниот јавен обвинител Љупчо Коцевски. За прифаќање на предлогот гласаа тројца, додека шест члена гласа против. Претседателката на Советот на јавни обвинители Душица Димитриеска, рече дека со оглед дека Советот одлуките ги носи со мнозинство, мнозинството дадоа негативно мислење. За прифаќање на предлогот на Владата за разрешување на Коцевски гласаа Кети Петкова, Ардиан Демири и Марјана Илиевска.Советот на јавни обвинители претходно ја исклучи јавноста од точката за разгледување на предлогот за разрешување на државниот јавен обвинител Љупчо Коцевски. Членовите на Советот едногласно го поддржаа предлогот на членот Зорица Павловиќ, која повикувајќи се на член 10 од Законот за совет на јавни обвинители побара да се исклучи јавноста поради, како што кажа, сензитивноста на процесот и за заштита на угледот и интегритетот на јавниот обвинител.Светлана Стојковиќ, го поддржа предлогот, дополнувајќи дека јавноста треба да биде исклучена и поради тоа што во произнесувањето од Коцевски по предлогот за негово разрешување, се изнесени и информации и докази од дисциплинските постапки што се води против двајца јавни обвинители. Расправата, како што нагласија, ќе биде затворена, а јавноста ќе биде вклучена само за гласањето по мислењето за предлогот на Владата за разрешување на Коцевски.Седницата за разгледување на предлогот претходно на два пати беше одложена. Првично беше закажана за 18 март, но беше одложена поради седумдневната жалост по трагедијата во Кочани, а минатата недела, на 26 март беше одложена поради немање на кворум. Согласно законските рокови за разгледување на предлогот за разрешување на Коцевски, Советот треба да го разгледа најдоцна до крајот на неделава, иако Владата објави дека ќе ја прекине постапката. Видете и ова: Предлогот за разрешување на Коцевски на денешната владина седница Портпаролката на Владата Марија Митева, на 26 март годинава, изјави дека Владата ќе ја прекине постапката за разрешување на државниот јавен обвинител Љупчо Коцевски и доколку добие мислење од страна на Советот на ЈО, истото нема да го проследи до Собранието.Премиерот Христијан Мицкоски по трагедијата во Кочани изјави дека постапката за разрешување на јавниот обвинител Коцевски ќе се запре во моментот до таму каде што се наоѓа.Владата на 11 февруари година донесе одлука да поведе постапка за разрешување на државниот јавен обвинител Коцевски кој беше избран на оваа позиција пред една година, а неговиот мандат трае шест години.Министерството за правда, постапувајќи по заклучокот од 50-та седница на Владата, го изготви Предлог-мислењето за разрешување на државниот јавен обвинител. Коцевски, како што велат од Министерството за правда, постапувал во предмети во кои согласно законските одредби постоеле околности кои предизвикуваат сомневање во неговата непристрасност, како и судир на интереси, а за кои околности тој требало да знае и требало да се изземе. Републичкиот обвинител Коцевски го демантира тврдењето дека незаконски постапил посочувајќи дека го следел законот и роковите во него. прочитај повеќе Вчитај повеќе...

Вести април 02, 2025 Почина холивудскиот актер Вал Килмер Вал Килмер Вал Килмер, холивудскиот актер кој се прослави како Џим Морисон и Бетмен и често играше позначајни споредни улоги, почина во Лос Анџелес на 65-годишна возраст. Причината за смртта е пневмонија, соопшти неговото семејство.Неговата професионална кариера започна во театарот, а своето филмско деби го имаше во 1984 година во пародијата „Top Secret“, каде ја играше рок ѕвездата Ник Риверс.Во 1980-тите, тој стана сè попознат по неговите улоги во филмови како што се Top Gun (1986) и Willow (1988).Својот вистински пробив го постигна во 1991 година со улогата на Џим Морисон во биографскиот филм за Оливер Стоун, „The Doors“. Неговиот настап беше пофален за неговата исклучителна автентичност, бидејќи тој самиот ги испеа сите песни во настапот.Во текот на 1990-тите Килмер имаше голем број значајни улоги, вклучувајќи ги: Док Холидеј во вестерн филмот „Tombstone“ (1993), Бетмен/Брус Вејн во „Бетмен засекогаш“ (1995) и Крис Шихерлис во култниот криминален трилер „Heat“ (1995). прочитај повеќе види ги сите денешни вести април 02, 2025 Мицкоски и Филипче утре на средба во Владата Влада на Република Северна Македонија, архивска фотографија Премиерот, Христијан Мицкоски и лидерот на опозициската СДСМ, Венко Филипче утре во 14 часот ќе имаат средба во Владата. -Согласно јавната комуникација и упатените иницијативи и демонстрираната подготвеност од двете страни, за утре во 14 часот е закажана средба меѓу премиерот Христијан Мицкоски и претседателот на СДСМ, Венко Филипче – соопшти попладнево владината прес служба.Во изјава за медиумите во Штип, Мицкоски искажа подготвеност за средба со Филипче, кој денеска повика на политички и општествен дијалог.Филипче на прес-конференција рече дека по трагедијата во Кочани граѓаните реагираа со револт и бес, системот не функционира како што треба, а за тоа вина, како што посочи, имаат сите политички партии. Видете и ова: Филипче предлага нов концепт на општествен и политички дијалог Областите каде што треба системски пристап, според Филипче се - образование, здравство, правосудство, животна средина, партизација и политизација.По неговата денешна прес конференција, од Движењето ЗНАМ реагира преку писмено соопштение во кое обвинија дека „СДСМ и Филипче немаат политички кредибилитет, ниту легитимитет да нудат какви било концепти за Македонија овој момен.- Оттука, Венко Филипче и СДСМ не можат да бидат решение на проблемите, бидејќи покажаа дека тие се проблем за секое решение, наведуваат од ЗНАМ.-Дали самопрогласениот лидер на опозицијата со ова бара начин да се факторизира како политички фактор во јавноста и да седне на преговарачка маса, имајќи ја в предвид очајната состојба на неговата партија – се наведува во реакцијата на ЗНАМ.Во меѓувреме, прашан за повикот на Филипче за средба, премиерот Мицкоски кажа дека ова е сериозна тема за која се разговара. Видете и ова: Мицкоски по повикот на Филипче: На располагање сум во секое време за средба „Доколку навистина има план и желба да помогне стојам на располагање во секое време ќе го прераспределам мојот распоред, на полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши“, изјави Мицкоски. ДУИ: Јавноста е згрозена од јавниот флерт на Мицкоски и ФилипчеПо најавата за средба, ДУИ во писмено соопштение изрази силна загриженост, поради како што велат од партијата, „сѐ понагласената моноетничка доминација која Власта ја демонстрираше во првата година од своето владеење“. -Сега веќе на јавна сцена ја вклучува и етничката македонска опозиција во својата намера. Јавноста е просто згрозена од овој јавен флерт на Мицкоски и Филипче, за полноќни средби во политички интимна атмосфера на која ништо помалку туку ќе се крои планот за нов општествен договор за регулација на идните политички текови – велат од ДУИ.Според партијата, Република Северна Македонија претставува „препознатлив модел на функционална мултиетничка демократија со јасно изразена евроатлантска ориентација“.Основниот модел на мултиетничкиот карактер на земјата е системски загрозен, а загрозен а и интегративниот процес на земјата во Европската унија. Тоа се две клучни стратешки основи кои што сериозно ја загрозуваат долгорочната стабилност и просперитет на земјата, и тоа се двата приоритети за кои треба да се отвори суштински политички дијалог – додаваат од ДУИ.Азири: Мицкоски ќе се сретне со претседателот на најголемиот огранок на ВМРО-ДПМНЕ, ФилипчеРеакција пристигна и од потпретседалот на Алијанса за Албанците, Елми Азири:„Претседателот на ВМРО-ДПМНЕ Христијан Мицкоски ќе се сретне со претседателот на најголемиот огранок на ВМРО-ДПМНЕ, Венко Филипче! Откако беше избран за претседател на СДСМ, првата средба му беше со претседателката на државата, г-ѓа Силјановска-Давкова! Последниов веќе неколку години од ВМРО го нарекуваат министер за смрт! Оваа моноетничка средба е практична имплементација на платформата Македонија повторно твоја“, вели Азири. прочитај повеќе април 02, 2025 Мицкоски по повикот на Филипче: На располагање сум во секое време за средба Христијан Мицкоски, архивска фотографија Премиерот, Христијан Мицкоски вели дека е подготвен на средба со лидерот на опозициската СДСМ, Венко Филипче доколку, како што изјави денеска, навистина има план и желба да помогне.По денешниот повик од Филипче за политички и општествен дијалог Мицкоски одговарајќи на новинарско прашање рече дека стои на располагање во секое време и ќе го усогласи распоредот за да го слушне планот на Филипче и да се види дали во тој план може нешто да се реши.„За мене е малку непристојно да разговараме преку медиуми, реков доколку има план како што најавија, подготвен сум да го примам на средба пртседателот на СДСМ да го образложи планот, да го слушнеме планот бидејќи се сериозни времиња, јас сум сериозен човек, сериозни работи се во прашање и најмалку што треба да се прави е естрада на јавна сцена“, изјави Мицкоски.Тој додаде дека доколку Филипче навистина има план и желба да помогне, тој стои на располагање во секое време ќе го прераспредели својот распоред. Видете и ова: Филипче предлага нов концепт на општествен и политички дијалог „На полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши. Но, доколку планот опфаќа пристап „Стабри“, како што беше во минатото за време на короната тогаш такви планови не можам да прифатам“, посочи Мицкоски за повикот од Филипче и дали ќе има лидерска средба со останатите претставници на партиите.Прашан дали ќе имаат заеднички став со СДСМ околу изборот на в.д градоначалник на Кочани за да нема криза во градот по трагедијата со пожарот и оставката на градоначалникот Љупчо Папазов, рече не разговарале со советниците за потецијалнот кандидат, но оти апсолутно ќе се избере в.д градоначалник и оти тука нема дилема.Претходно, лидерот на СДСМ Венко Филипче рече дека уште денеска или утре (2 и 3 април) ќе побара состанок со премиерот за да се организира таа средба.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада. прочитај повеќе април 02, 2025 Курти почна разговори со малцинските партии за формирање на новата влада Состанок на Курти и Реџепи, 2 април Вршителот на должноста премиер на Косово, како и претседател на Движењето Самоопределување, партијата која победи на парламентарните избори на 9 февруари во земјата, почна состаноци со малцинските политички партии за да се консултира за формирањето на новата влада.Овој процес отпочна по потврдувањто на изборните резултати и почетокот на уставните рокови за формирање на законодавната власт и новата влада, додека претседателката на Косово, Вјоса Османи го одреди 15 април како датум за одржување на конститутивната седница на Собранието на Косово.Косовскиот премиер, Албин Курти, изјави дека се сретнал со претседателката на Новата демократска партија (НДС) од бошњачката заедница, а воедно и вршител на должноста заменик на премиерот, Емилија Реџепи. Видете и ова: Закажана конститутивна седница на Собранието на Косово Според изјавата од канцеларијата на премиерот, Реџепи „ја потврдила својата целосна подготвеност да продолжи да соработува" со Движењето Самоопределување и да го поддржи Курти во неговите напори да формира нова влада.Курти, исто така, се сретна со претседателот на Партијата за слобода, правда и опстанок од српската заедница, кој е и вршител на должноста министер за заедници и враќање, Ненад Рашиќ.За време на разговорите, министерот Рашиќ ја потврди својата поддршка на премиерот Курти за формирање на нова влада и продолжување на соработката - се вели во соопштението од кабинетот на премиерот.Движењето за самоопределување тврди дека може да обезбеди 61 глас потребен за формирање на нова влада во Косово.Во меѓувреме, двете опозициски партии, Демократската лига на Косово и Алијансата за иднината на Косово, ја отфрлија можноста за заедничко владеење со Движењето Самоопределување, додека Демократската партија на Косово и Социјалдемократската иницијатива не поставија црвени линии за коалиции.Ниту една политичка партија нема доволно гласови за да формира нова влада.Движењето Самоопределување, како и трите други албански политички партии зад него, сметаат дека немнозинските заедници имаат десет гарантирани места во собранието. прочитај повеќе април 02, 2025 ‘Науката (за)стана’: Протести во Белград и Нови Сад Белград, Србија - протести Вработени во научноистражувачката дејност денеска (2 април) организираа протести во Белград и Нови Сад на повик на српскиот Синдикат на науката во знак на поддршка на студентите во блокада.Протестите беа организирани под слоганот „Науката (за)стана“.Претставници на Синдикатот на науката и на Мрежата на академска солидарност заедно со група граѓани и студенти се собраа пред платото кај Филозофскиот факултет во Белград.Луѓето на собирот носеа транспаренти на кои меѓу другото пишуваше „Науката ви мавта со дипломите, нашите се вистински, а какви се вашите“ и „За враќање на академското достоинство“.Претставник на неформалната организација Мрежа на академската солидарност, Оливер Тошковиќ, рече дека владата „живее во свет во кој позицијата е пред аргументот".„Факт е дека оваа влада е подготвена да ја уништи и деформира научната активност во оваа земја само за да ни се одмазди лично и да нѐ понижи", рече Тошковиќ. Видете и ова: Протест пред ТВ Информер во Белград поради известување за студентските протести Собраните со 16-минутно молчење им оддадоа почит на загинатите при падот на настрешницата во Нови Сад. По молкот, тие се движеа низ централните улици на Белград до зградата на Владата на Србија.Во Србија, десетици илјади граѓани со месеци излегуваат на улиците со клучно барање да се утврди кривичната и политичката одговорност за несреќата во Нови Сад, во која 15 лица загинаа при пад на настрешницата на главната железничка станица во градот, додека шеснаесеттата жртва им подлегна на повредите повеќе од два месеци подоцна.Во фокусот на протестите се обвинувањата дека корупцијата довела до паѓање на настрешницата. Претставниците на властите ги отфрлија овие обвинувања. прочитај повеќе април 02, 2025 Тројца пациенти од пожарот во Кочани се враќаат од Шведска и Грција Дискотека Пулс, Кочани / архивска фотографија Тројца пациенти од повредените лица од пожарот во Кочани се враќаат во земјава, од кои двајца беа хоспитализирани во Грција и еден пациент во Шведска – соопшти Министерството за здравство денеска (2 април).Согласно протоколите ќе бидат задржани под 24-часовен надзор.Во Србија остануваат хоспитализирани 23 пациенти, Бугарија 14 паценти, Турција 10 пациенти, Грција 8 пациенти, Словенија 4 пациенти, во Унгарија, Хрватска, Шпанија, Австрија и Литванија се хоспитализирани по 3 пациенти, во Италија и Полска по еден пациент.Во Скопје, на Клиниката за токсикологија вчера беше хоспитализиран пациент по враќање од Полска, истиот денеска се пушта на домашно лекување. Видете и ова: Дома се пуштени 93 пациенти од пожарот во Кочани, уште сто се лекуваат На Клиниката за пластична хирургија остануваат двајца пациенти, а во Хируршката клиника Св.Наум Охридски 6 пациенти. Во ГОБ 8 Септември се хоспитализирани пет пациенти, од кои еден е планирано да биде пуштен на домашно лекување, на Клиниката за пулмологија двајца пациенти, а во приватната болница Систина се хоспитализирани тројца пациенти.Ресорниот министер, Арбен Таравари вчера изјави дека засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. прочитај повеќе април 02, 2025 Филипче предлага нов концепт на општествен и политички дијалог Венко Филипче, лидер на СДСМ Лидерот на СДСМ Венко Филипче предложи нов концепт за општествен и политички дијалог. Како што рече на денешната прес-конференција, трагедијата во Кочани покажала дека системот не функционира како што треба, а за тоа како што посочи, вина имале сите политички партии.Во однос на лидерската средба рече дека уште денеска или утре (2 и 3 април) ќе побара состанок со премиерот Христијан Мицкоски, за да се организира таа средба.Според него областите каде што треба системски пристап се - образование, здравство, правосудство, животна средина, партизација и политизација.„По големата трагедија во Кочани, ја видовме реакцијата на граѓаните, револт, на места и бес. Би рекол сосема оправдано, бидејќи тоа што во изминатите три децении, тоа што се нарекува реформи, тоа што се нарекува транзиција, очигледно не го даде посакуваниот резултат. Системот на многу места очигледно не фукционира како што треба. Јавните сервиси немаат перформанс каков што граѓаните заслужуваат. За тоа вина имаме сите политички партии, СДСМ, ВМРО-ДПМНЕ, ДУИ, другите политички партии“, рече Филипче.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада.Во однос на правосудството, предлага неминовно да се донесат реформската агенда во што пократок рок реформските закони во одреден систем во којшто ќе се постигне широк консензус не само политички, туки и други фактори од делот на правосудството на коишто ова навистина им е експертиза.„Тоа што граѓаните најмногу ги иритира а тоа е партизацијата и политизацијата. Мора да ги ослободиме институциите од канџите на политиката и партијата за да младите луѓе имаат навистина добар, компетитивен мерит систем и на тој начин да се вработуваат и напредуваат поради тоа што само на тој начин можеме експертизата да ја издигнеме на соодветно и заслужено ниво“, истакна Филипче, додавајќи дека добро е на овие теми да седнат лидерите на сите партии. Видете и ова: По трагедијата во Кочани, собраниската говорница остана нема Лидерот на СДСМ истакна дека на премиерот Христијан Мицкоски и подетално би му го образложил овој план на средба во следните денови. Во однос дали очекува неговиот предлог за лидерска средба да биде прифатен, тој рече дека уште денеска или утре (2 и 3 април) ќе побара состанок со премиерот Мицкоски, согласно агендите, за да се организира таа средба.„Оставам простор и се надевам дека сега кога политичките партии ќе го слушнат ова ќе ја прифатат таа лидерска средба. Но добро е прво тоа да го поразговараме со премиерот, имајќи предвид дека тој прв подаде рака и на прва одговори дека средбата е прифатлива. Навистина не знам што би било неприфатливо или некој зошто не би сакал да разговара, кога тоа е констатација на секој еден граѓанин во државата“, рече Филипче.На новинарско прашање дали на средбата ќе ја постави темата за евроинтеграции и уставни измени, рече дека најверојатно ќе се зборува и за таа тема. Премиерот Христијан Мицкоски деновиве изјави дека тој е подготвен да разговара со Филипче, додавајќи дека лидерската средба е пресериозна тема за да се разговара преку медиуми. прочитај повеќе април 02, 2025 Мицкоски: Милошоски и Филков имаа лош ден, Владата е стабилна Христијан Мицкоски, премир на РСМ Премиерот Христијан Мицкоски изјави дека владината коалиција е стабилна, а јавното препукување меѓу пратеникот од ВМРО-ДПМЕ Антонијо Милошоски и министерот за правда Игор Филков од коалицискиот партнер ЗНАМ, според него, ќе застане на, како што вели, на овие два лични става.„Владината коалиција е стабила. Пратеникот Антонијо Милошоски е член на Извршниот комитет на партијата, тој е дел од мојот најблизок периметар. Јас соработката со Антонијо Милошоски ја оценувам на највисоко ниво, тој е додадена вредност и во рамки на пратеничката група и во рамки на партијата. Министерот Игор Филков знам со какви проблеми се соочи, знам каква состојба затекна во Министерството за правда, континуирано на дневна основа соработуваме во делот на реформите, кои се многу важни посебно во секторот правда. Но, она што можев да го заклучам, а убеден сум дека сето ова ќе застане на овие два лични става е дека секој има право на лош ден, па така јас мислам дека тој лош ден и за едниот и за другиот завршува“, рече Мицкоски, по пуштањето на фабриката на „Магна мехатроникс“ во ТИРЗ Штип. Прашан дали има проблеми со коалицијата Вреди во која е министерот за здравство Арбен Тараври кој предвои едно од крилата во Алијанса за Албанците, рече дека нема такво чувство и оти имаат исклучителна соработка. „Не, немам такво чувство. Напротив, имаме исклучителна соработка. Граѓаните да бидат сигурни, Владата е стабилна, повеќе од две третини неофицијално, а официјално 78 пратеници ја поддржуваат оваа Влада. Граѓаните, според она што го гледам од анкетите даваат поддршка, огромно е позитивното мислење дека и Македонија се движи во позитивна насока и тоа претставува за нас инспирација да продолжиме понатаму да се движиме и да работиме“, рече Мицкоски. Видете и ова: Апетитите за локалните избори ја зовреа „Вреди“ Пратеникот на ВМРО-ДПМНЕ и потпретседател на Собранието, Антонијо Милошоски вчера во телевизиско гостување рече дека министерот за правда Игор Филков има слаб придонес во областа со која раководи. Посочи дека очекувал досега барем во нацрт верзија до Собранието да бидат доставени Предлог-законот за судови, Предлог-законот за судски буџет, Предлог законот за јавнообвинителската служба, новиот Кривичен законик...Министерот за правда Филков, пак, во реакција на изнесените наводи на Милошоски рече дека „Кусурот на Груевски, познат под прекарот - Џуџето од Небрегово, а јавноста добро го памети по аферите поврзани со АМСМ и семејните бизниси од Кичево, изгледа дека сè уште нема навика да одговара пред граѓаните кои го избрале“.„Бидејќи очигледно е неинформиран и изолиран од партијата, го упатувам во неговата матична партија или пак во Владата-можеби конечно ќе го известат за постапките, роковите и статусот на законите! И, бидејќи изгледа како некој што работи по туѓи наредби, за кого одработува во моментов? Дали се тоа интересите на граѓаните или некои други агенди? Во минатото е познат по Ванчо Михајловистички ставови, многу лаги и невистини. Ова е лош де-фокус на македонската јавност по двонеделниот „одмор“! Да го потсетам дека во парламентот е од 2011 година, откако се повлече од функцијата министер за надворешни работи и активно учествуваше во креирање на „канцерогениот“ правосуден систем. Сега е добар момент да се потсети јавноста дека токму тој директно учествуваше во процесот на донесувањето на штетните измени на КЗ во 2023 година, со што се спаси од одговорност за кривичното дело ,,Моќник”“, наведе Филков, набројувајќи ги законите на кои работел во изминатиот период. прочитај повеќе април 02, 2025 По еднодневна пауза, Русија ги продолжува масовните напади врз Украина Последици од нападот во градот Харкив, Украина, 2 април 2025 година Русија започна нови воздушни напади врз Украина по еднодневна пазуа од напади со дронови. Во регионот Запорожје, едно лице загинало, а две други се повредени, изјави во среда (2 април) на Телеграм регионалниот гувернер Иван Федоров. Петнаесет беспилотни летала, исто така, го нападнале источниот град Харкив, при што биле повредени најмалку осум лица.Украинските сили за цивилна одбрана соопштија дека биле погодени згради кои припаѓаат на цивилни фирми, а исто така била нанесена штета и на станбени области. Откако Украина во вторникот ја доживеа првата ноќ без беспилотни летала во годината, воздушната одбрана на земјата извести дека Русија распоредила 74 дронови и мамки со беспилотни летала во текот на ноќта до среда наутро.Нападите првенствено ги погодиле регионите Харкив, Доњецк и Одеса. Видете и ова: Зеленски: Партнерите на Украина ќе разговараат за распоредување странски војници Во Москва, руското Министерство за одбрана тврдеше дека соборило 93 украински беспилотни летала во текот на ноќта, главно над пограничниот регион Курск.Војувањето со беспилотни летала стана речиси секојдневна тактика во војната, иако размерите на уништување и жртви предизвикани од руските напади го надминуваат влијанието на украинските напади. Украина се брани од руската инвазија повеќе од три години, потпирајќи се во голема мера на поддршката од Западот. прочитај повеќе април 02, 2025 Дурмиши: Секој има право да излезе на улица и да покаже револт Министерот за економија и труд Бесар Дурмиши Живееме во демократија и секој има право да излезе на улица и да протестира и да го каже својот револт, но на синдикатите веќе им истече мандатот и веќе не се репрезентативни, порача денеска (2 април)министерот за економија и труд Бесар Дурмиши.„Како Влада ја формиравме комисијата која треба да ја утврди репрезентативноста на синдикатите и таа комисија веќе работи. Веднаш кога ќе се определи кој синдикат е репрезентативен ќе ја свикам седницата на Економско социјалниот совет (ЕСС). Токму таму синдикатите треба да ги кажат своите барања, а не на улица“, изјави Дурмиши во одговор на новинарско прашање пред почетокот на конференцијата „Реформа на Законот за работни односи – предизвици и насоки“. Видете и ова: Синдикатите утре на протест, барањето за поголем минималец ги „скара“ со Владата Како Влада, нагласи дека се за социјален дијалог. Одговарајќи на прашање рече дека како Влада постапиле според законот и методологијата за минималната плата, со која се усогласени сите засегнати страни, односно и синдикатите и работодавачите, и го објавиле износот на минималната плата на крајот на март.„Според тој правилник минималната плата изнесува 400 евра и е покачена нето платата за 1800 денари. Како надлежен министер за економија и труд јас ја објавив минималната плата по одлука на Владата, рече Дурмиши.Нагласи дека немале согласност од ЕСС за износот на минималната плата поради тоа што нема репрезентативност од синдикатите.„Јас според законот кој е во сила и кој е потпишан и од синдикатите и од работодавачите и по одлука на Влада обврзан сум пред 31 март да ја објавам минималната плата. Од минималната плата потоа се пресметува и просечната плата и другите плати. Ако не ја објавевме до 31 март ќе се блокираше целата држава и сите институции, а приватниот сектор не ќе можеше да пресмета плати за нивните вработени“, истакна Дурмиши.Сојузот на синдикатите на Македонија (ССМ) денеска одржува јавна седница пред зградата на Работничкиот дом на која ќе ги искаже своите ставови за минималната плата. прочитај повеќе април 02, 2025 Советот на јавни обвинители даде негативно мислење за разрешување на Коцевски Државниот јавен обвинител Љупчо Коцевски Советот на јавни обвинители даде негативно мислење по предлогот на Владата за разрешување на државниот јавен обвинител Љупчо Коцевски. За прифаќање на предлогот гласаа тројца, додека шест члена гласа против. Претседателката на Советот на јавни обвинители Душица Димитриеска, рече дека со оглед дека Советот одлуките ги носи со мнозинство, мнозинството дадоа негативно мислење. За прифаќање на предлогот на Владата за разрешување на Коцевски гласаа Кети Петкова, Ардиан Демири и Марјана Илиевска.Советот на јавни обвинители претходно ја исклучи јавноста од точката за разгледување на предлогот за разрешување на државниот јавен обвинител Љупчо Коцевски. Членовите на Советот едногласно го поддржаа предлогот на членот Зорица Павловиќ, која повикувајќи се на член 10 од Законот за совет на јавни обвинители побара да се исклучи јавноста поради, како што кажа, сензитивноста на процесот и за заштита на угледот и интегритетот на јавниот обвинител.Светлана Стојковиќ, го поддржа предлогот, дополнувајќи дека јавноста треба да биде исклучена и поради тоа што во произнесувањето од Коцевски по предлогот за негово разрешување, се изнесени и информации и докази од дисциплинските постапки што се води против двајца јавни обвинители. Расправата, како што нагласија, ќе биде затворена, а јавноста ќе биде вклучена само за гласањето по мислењето за предлогот на Владата за разрешување на Коцевски.Седницата за разгледување на предлогот претходно на два пати беше одложена. Првично беше закажана за 18 март, но беше одложена поради седумдневната жалост по трагедијата во Кочани, а минатата недела, на 26 март беше одложена поради немање на кворум. Согласно законските рокови за разгледување на предлогот за разрешување на Коцевски, Советот треба да го разгледа најдоцна до крајот на неделава, иако Владата објави дека ќе ја прекине постапката. Видете и ова: Предлогот за разрешување на Коцевски на денешната владина седница Портпаролката на Владата Марија Митева, на 26 март годинава, изјави дека Владата ќе ја прекине постапката за разрешување на државниот јавен обвинител Љупчо Коцевски и доколку добие мислење од страна на Советот на ЈО, истото нема да го проследи до Собранието.Премиерот Христијан Мицкоски по трагедијата во Кочани изјави дека постапката за разрешување на јавниот обвинител Коцевски ќе се запре во моментот до таму каде што се наоѓа.Владата на 11 февруари година донесе одлука да поведе постапка за разрешување на државниот јавен обвинител Коцевски кој беше избран на оваа позиција пред една година, а неговиот мандат трае шест години.Министерството за правда, постапувајќи по заклучокот од 50-та седница на Владата, го изготви Предлог-мислењето за разрешување на државниот јавен обвинител. Коцевски, како што велат од Министерството за правда, постапувал во предмети во кои согласно законските одредби постоеле околности кои предизвикуваат сомневање во неговата непристрасност, како и судир на интереси, а за кои околности тој требало да знае и требало да се изземе. Републичкиот обвинител Коцевски го демантира тврдењето дека незаконски постапил посочувајќи дека го следел законот и роковите во него. прочитај повеќе Вчитај повеќе...

На полиците во една од многуте продавници во кинеска сопственост овде во вториот по големина град во Србија, Нови Сад има слушалки спакувани во бела картонска кутија на која пишува „iPod“.На прв поглед, потрошувачите би можеле да помислат дека купуваат производ од американскиот технолошки гигант „Apple“. Меѓутоа, повнимателните набљудувачи, освен екстремно ниската цена - помалку од два долари - за слушалките кои вообичаено чинат околу 20 долари во Србија, можат да забележат и нешто друго необично.На полето пишува „Apple Earphone“ - во еднина, наместо во множина. Исто така, пишува дека производот е „made in Califomia“ – со буквата „m“ наместо „rn“ на името на државата во која се наоѓа седиштето на компанијата „Apple“.Овие слушалки се дел од напливот кинески производи претставени како познати западни брендови кои го преплавија Балканот и ги зазедоа полиците на продавниците во сопственост на кинески имигранти.Нема точни податоци за вкупната количина на ваква кинеска стока која пристигнува на Балканот. Покрај лажната електроника на Apple, има и патики, облека и други предмети кои се продаваат под името на светските брендови како Најк, Томи Хилфигер, Адидас, Хуго Бос, Армани, Гучи и Луј Витон.Но, податоците од царината сугерираат дека бројот изнесува најмалку стотици илјади единици годишно, а балканскиот сревис на РСЕ утврди барем една рута преку која овие производи стигнуваат до полиците на балканските продавници - вклучително и застанување во италијанско пристаниште со озлогласени мафијашки врски. Видете и ова: Заканите на Трамп за нови царини се лоша вест за европската автомобилска индустрија Кинески бизнисмен со седиште во Србија, кој до неодамна беше активен во увозно-извозниот бизнис, рече дека околу 85 отсто од оваа стока што пристигнува во Србија се испраќа од пристаништето Нингбо на источниот брег на Кина.Еден контејнер во кој се транспортира стока може да содржи до 2000 артикли, што ја оневозможува контролата на секој поединечен производ, вели бизнисменот, кој се согласи да разговара со РСЕ под услов да остане анонимен поради можни правни последици.„Царината не може да го провери секој контејнер и секој производ“, рече тој.„Групното“ купување на овие фалсификувани предмети обично се врши во готово и меѓу страни кои меѓусебно се познаваат и имаат долгогодишни деловни односи, додаде тој.Бизнисменот вели дека стоката се испраќа од Нингбо до италијанското пристаниште Џоја Тауро во Италија. Оттаму, како што објаснува, оваа стока се транспортира со помали бродови до пристаништата во Риека, Хрватска, Бар, Црна Гора и Копер, Словенија.Балканскиот сервис на РСЕ ја потврди оваа рута со царинските органи во Србија, Хрватска, Црна Гора и Италија.„По пристигнувањето во Словенија, Хрватска или Црна Гора, фалсификуваната стока потоа по пат и железница се транспортира во Србија“, изјавија за РСЕ од Царинската управа на Србија. Кинески производи што се рекламираат онлајн Агенцијата соопшти дека само минатата година нејзините службеници заплениле 104000 различни производи поради сомневање за кршење на правата на интелектуална сопственост, додека повеќе од 61 000 предмети биле уништени - главно текстил.Хрватските цариници за РСЕ изјавија дека годишно постапуваат по околу 600 случаи на сомнителни случаи на прекршување на интелектуална сопственост, пред се на пристаништата во Риека и Плочe, но и на граничниот премин Бајаково со Србија. Околу 85 отсто од овие стоки доаѓаат од Кина, а поголемиот дел од стоките се фалсификувани брендови на ЕУ и САД, велат тие.Црногорската Царинска управа за РСЕ изјави дека Кина останува клучна земја на потекло за сите видови фалсификувани стоки. Црногорските цариници минатата година заплениле 5274 фалсификувани предмети од Кина минатата година, што е повеќе од 3303 претходната година, се вели во соопштението.Кинеската врскаБалканскиот регион стана стратешки важен за Кина, која инвестираше во огромни инфраструктурни проекти таму и потпиша договор за слободна трговија со Србија, кој е во сила од јули 2024 година.Мнозинството од балканските земји не се членки на Европската Унија, но се дел од Кинеската иницијатива „Појас и пат“, глобална стратегија за развој на инфраструктурата, започната од Пекинг во 2013 година, за која некои западни влади предупредуваат дека може да доведе до прекумерен долг кон Кина.Кинескиот извоз во Србија се зголеми во просек за 16,7 отсто на годишно ниво од 2018 до 2023 година, скокајќи од 1,8 милијарди долари на речиси 4 милијарди долари во тој период, според најновите податоци од Опсерваторија за економска сложеност - платформа за трговски податоци.Помеѓу десетиците кинески компании кои ги нудат своите производи на балканскиот пазар преку локални српски компании е и Shenzhen VBO Industrial Co., произведувач на слушалки што изгледаат идентични со оние во фалсификуваната кутија на Apple во продавницата во Нови Сад, што ги посетија новинарите. Видете и ова: Црна Гора почнува нов кинески проект и покрај претходните контроверзи за долгот кон Кина Компанијата не одговори на барањето за коментар за нејзините производи кои се продаваат под брендот Apple.Со седиште во сајбер индустрискиот парк Тианан во градот Шенжен во југоисточна Кина, фабриката зафаќа 6000 квадратни метри и е специјализирана за производство на аудио опрема. Цената за слушалките што новинарите ги купија во продавницата во Нови Сад е 0,69-0,99 долари, а се продаваат во кутија без етикета на Apple. Не е јасно дали слушалките што новинарите ги пронајдоа во Нови Сад се купени директно од кинеската фирма или од посредници во Србија.Во соседна Босна и Херцеговина, Балканскиот сервис на РСЕ ги посети продавниците во кинеска сопственост и забележа други фалсификувани американски брендови, вклучително и патики Најк за 20 долари и кошули Томи Хилфигер за 11 долари, што е значително поевтино од оригиналите. Лажни производи во кинеска продавница во Босна и Херцеговина, февруари 2025 година. „Низок ризик, висок профит“Балканскиот сервис на РСЕ побара коментар од италијанската финансиска полиција(Guardia di Finanza) за улогата на Италија како место за фалсификувани кинески стоки што се испраќаат на Балканот.Тамошните власти одговорија со соопштение за печатот од октомври 2023 година, во кое ја опишуваат „нелегална лента за произведување“ на фалсификувани производи во кои е вклучен италијанскиот и кинескиот организиран криминал и укажуваат дека фалсификуваните етикети и пакувања се додаваат на некои од овие стоки по пристигнувањето од Кина.Италијанската финансиска полиција не одговори на конкретни прашања за Џоја Тауро, пристаништето во италијанската провинција Калабрија, кое кинескиот бизнисмен со седиште во Србија го нарече клучна станица за фалсификувани стоки кои доаѓаат на Балканот од Кина.Но, пристаништето Џоја Тауро е познато како центар за шверц на дрога наводно, поврзан со озлогласениот италијански криминален синдикат познат како „Ндрангета“.Италијанските власти во 2022 и 2024 година соопштија дека откриле „криминални мрежи поврзани со Ндрангета кои се осомничени за шверц на кокаин во Европа во вредност од стотици милиони евра токму преку ова италијанско пристанише, операција во која наводно биле вклучени корумпирани вработени во пристаништето.Руџеро Скатуро, висок аналитичар во швајцарската невладина организација Глобална иницијатива, го опиша Џоја Тауро како место каде што легалното и нелегалното се испреплетуваат, додека се под цврста контрола на „Ндрангета“.„Во суштина, Џоја Тауро функционира во двојна реалност: голем трговски центар каде што секој може теоретски да тргува, но каде правилата за пристап до недозволени стоки се диктирани од „Ндрангета“, рече за РСЕ, Скатуро, чија организација го следи глобалниот организиран криминал ширум светот.Тој подвлече дека меѓу Азија, Блискиот Исток и ЕУ, балканскиот регион функционира како природна порта за стоките што се движат кон запад и дека останува клучна точка за дистрибуција.„Трговијата со фалсификувана стока ретко е изолирана работа, но често е управувана од истите криминални мрежи кои контролираат други недозволени бизниси“, вели Скатуро.„Апелот е јасен: додека шверцот со дрога носи тешки правни последици, шверцот со фалсификати останува релативно низок ризик со висок профит, што го прави профитабилна споредна работа за сите овие групи“, додаде тој. Artboard 4 Придружете се на Заедницата на Слободна Европа на Вибер...

Вести април 02, 2025 Зеленски: Партнерите на Украина ќе разговараат за распоредување странски војници Украинскиот претседател Володомир Зеленски Западните воени лидери ќе разговараат за можното распоредување на војници во Украина кои би го надгледувале потенцијалниот прекин на огнот во конфликтот со Русија и ќе бидат дел од новата безбедносна структура на земјата, изјави украинскиот претседател Володимир Зеленски во своето ноќно видео обраќање (1 апил).„Ова е нашата почетна точка: украинската армија мора да биде доволно силна и на оваа основа е изградена целата безбедносна архитектура. Ќе се одржи состанок за само неколку дена, во петок (4 април) со претставници на нашите земји партнери - тоа ќе бидат воени претставници“, рече Зеленски.Зеленски се состана во Киев на 1 април со германската министерка за надворешни работи во заминување Аналена Бербок, велејќи дека „тесен круг земји“ е подготвен да испрати контингенти.Украинскиот лидер на заедничката прес-конференција со Бербок рече дека чека „поконкретни“ одговори од сојузниците за нивната подготвеност да учествуваат.Франција и Велика Британија изразија подготвеност да испратат војници како дел од таканаречената коалиција на подготвени да го надгледуваат потенцијалниот прекин на огнот. Но, Русија силно се спротивстави на какво било распоредување на странски трупи во Украина.Во своето видео обраќање, Зеленски исто така рече дека Украина сега ги споделила „сите потребни информации во врска со прекршувањата на Русија во енергетскиот сектор“ со своите американски партнери. Тој рече дека имало напади на 1 април во Херсон, вклучително и руско беспилотно летало кое цели на енергетски објект и опрема „целосно намерно и намерно“ и дел од градот останал без електрична енергија.„Ние инсистираме дека секое такво прекршување мора да биде документирано и да добиеме одговор од нашите партнери. Токму овие мали детали придонесуваат за големите одложувања на Русија во дипломатскиот процес“, рече тој. Видете и ова: Што Украина може да научи од мировната мисија на НАТО во Косово? Зеленски се осврна на договорот меѓу Киев и Москва да не напаѓаат едни со други енергетски капацитети. Договорот беше објавен од Белата куќа на 25 март заедно со прекин на огнот за да се овозможи пловидба по Црното Море.Киев рече дека договорот за енергетските капацитети ќе стапи на сила веднаш. Москва, сепак, соопшти дека ќе следи делумно укинување на санкциите кои се однесуваат на руските компании и банки вклучени во меѓународната трговија со храна.Германија објави обврска за дополнителни 130 милиони евра (140 милиони долари) во хуманитарна помош и фондови за стабилизација за време на посетата на Бербок. „Пакетот ќе ја донесе германската помош од почетокот на руската инвазија во Украина до 7 милијарди евра, рече Зеленски. Видете и ова: Зеленски во Минхен повика на создавање „вооружени сили на Европа“ Зеленски и се заблагодари на Германија што се погрижи нејзината поддршка за Украина да остане предвидлива и систематска. Стабилноста на поддршката е еден од клучните фактори во одбраната од руската агресија, рече тој.„Тоа се прекините во снабдувањето, несогласувањата меѓу партнерите и сите знаци на нестабилност на кои рускиот претседател Владимир Путин многу смета“, рече тој.Руските трупи извршија масовен напад со беспилотни летала врз Харкив ноќта на 1 април. Градоначалникот Ихор Терехов рече дека 13 дронови „Шахед“ го погодиле градот, а четири лица се повредени. прочитај повеќе види ги сите денешни вести април 02, 2025 Мицкоски и Филипче утре на средба во Владата Влада на Република Северна Македонија, архивска фотографија Премиерот, Христијан Мицкоски и лидерот на опозициската СДСМ, Венко Филипче утре во 14 часот ќе имаат средба во Владата. -Согласно јавната комуникација и упатените иницијативи и демонстрираната подготвеност од двете страни, за утре во 14 часот е закажана средба меѓу премиерот Христијан Мицкоски и претседателот на СДСМ, Венко Филипче – соопшти попладнево владината прес служба.Во изјава за медиумите во Штип, Мицкоски искажа подготвеност за средба со Филипче, кој денеска повика на политички и општествен дијалог.Филипче на прес-конференција рече дека по трагедијата во Кочани граѓаните реагираа со револт и бес, системот не функционира како што треба, а за тоа вина, како што посочи, имаат сите политички партии. Видете и ова: Филипче предлага нов концепт на општествен и политички дијалог Областите каде што треба системски пристап, според Филипче се - образование, здравство, правосудство, животна средина, партизација и политизација.По неговата денешна прес конференција, од Движењето ЗНАМ реагира преку писмено соопштение во кое обвинија дека „СДСМ и Филипче немаат политички кредибилитет, ниту легитимитет да нудат какви било концепти за Македонија овој момен.- Оттука, Венко Филипче и СДСМ не можат да бидат решение на проблемите, бидејќи покажаа дека тие се проблем за секое решение, наведуваат од ЗНАМ.-Дали самопрогласениот лидер на опозицијата со ова бара начин да се факторизира како политички фактор во јавноста и да седне на преговарачка маса, имајќи ја в предвид очајната состојба на неговата партија – се наведува во реакцијата на ЗНАМ.Во меѓувреме, прашан за повикот на Филипче за средба, премиерот Мицкоски кажа дека ова е сериозна тема за која се разговара. Видете и ова: Мицкоски по повикот на Филипче: На располагање сум во секое време за средба „Доколку навистина има план и желба да помогне стојам на располагање во секое време ќе го прераспределам мојот распоред, на полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши“, изјави Мицкоски. ДУИ: Јавноста е згрозена од јавниот флерт на Мицкоски и ФилипчеПо најавата за средба, ДУИ во писмено соопштение изрази силна загриженост, поради како што велат од партијата, „сѐ понагласената моноетничка доминација која Власта ја демонстрираше во првата година од своето владеење“. -Сега веќе на јавна сцена ја вклучува и етничката македонска опозиција во својата намера. Јавноста е просто згрозена од овој јавен флерт на Мицкоски и Филипче, за полноќни средби во политички интимна атмосфера на која ништо помалку туку ќе се крои планот за нов општествен договор за регулација на идните политички текови – велат од ДУИ.Според партијата, Република Северна Македонија претставува „препознатлив модел на функционална мултиетничка демократија со јасно изразена евроатлантска ориентација“.Основниот модел на мултиетничкиот карактер на земјата е системски загрозен, а загрозен а и интегративниот процес на земјата во Европската унија. Тоа се две клучни стратешки основи кои што сериозно ја загрозуваат долгорочната стабилност и просперитет на земјата, и тоа се двата приоритети за кои треба да се отвори суштински политички дијалог – додаваат од ДУИ.Азири: Мицкоски ќе се сретне со претседателот на најголемиот огранок на ВМРО-ДПМНЕ, ФилипчеРеакција пристигна и од потпретседалот на Алијанса за Албанците, Елми Азири:„Претседателот на ВМРО-ДПМНЕ Христијан Мицкоски ќе се сретне со претседателот на најголемиот огранок на ВМРО-ДПМНЕ, Венко Филипче! Откако беше избран за претседател на СДСМ, првата средба му беше со претседателката на државата, г-ѓа Силјановска-Давкова! Последниов веќе неколку години од ВМРО го нарекуваат министер за смрт! Оваа моноетничка средба е практична имплементација на платформата Македонија повторно твоја“, вели Азири. прочитај повеќе април 02, 2025 Мицкоски по повикот на Филипче: На располагање сум во секое време за средба Христијан Мицкоски, архивска фотографија Премиерот, Христијан Мицкоски вели дека е подготвен на средба со лидерот на опозициската СДСМ, Венко Филипче доколку, како што изјави денеска, навистина има план и желба да помогне.По денешниот повик од Филипче за политички и општествен дијалог Мицкоски одговарајќи на новинарско прашање рече дека стои на располагање во секое време и ќе го усогласи распоредот за да го слушне планот на Филипче и да се види дали во тој план може нешто да се реши.„За мене е малку непристојно да разговараме преку медиуми, реков доколку има план како што најавија, подготвен сум да го примам на средба пртседателот на СДСМ да го образложи планот, да го слушнеме планот бидејќи се сериозни времиња, јас сум сериозен човек, сериозни работи се во прашање и најмалку што треба да се прави е естрада на јавна сцена“, изјави Мицкоски.Тој додаде дека доколку Филипче навистина има план и желба да помогне, тој стои на располагање во секое време ќе го прераспредели својот распоред. Видете и ова: Филипче предлага нов концепт на општествен и политички дијалог „На полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши. Но, доколку планот опфаќа пристап „Стабри“, како што беше во минатото за време на короната тогаш такви планови не можам да прифатам“, посочи Мицкоски за повикот од Филипче и дали ќе има лидерска средба со останатите претставници на партиите.Прашан дали ќе имаат заеднички став со СДСМ околу изборот на в.д градоначалник на Кочани за да нема криза во градот по трагедијата со пожарот и оставката на градоначалникот Љупчо Папазов, рече не разговарале со советниците за потецијалнот кандидат, но оти апсолутно ќе се избере в.д градоначалник и оти тука нема дилема.Претходно, лидерот на СДСМ Венко Филипче рече дека уште денеска или утре (2 и 3 април) ќе побара состанок со премиерот за да се организира таа средба.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада. прочитај повеќе април 02, 2025 Курти почна разговори со малцинските партии за формирање на новата влада Состанок на Курти и Реџепи, 2 април Вршителот на должноста премиер на Косово, како и претседател на Движењето Самоопределување, партијата која победи на парламентарните избори на 9 февруари во земјата, почна состаноци со малцинските политички партии за да се консултира за формирањето на новата влада.Овој процес отпочна по потврдувањто на изборните резултати и почетокот на уставните рокови за формирање на законодавната власт и новата влада, додека претседателката на Косово, Вјоса Османи го одреди 15 април како датум за одржување на конститутивната седница на Собранието на Косово.Косовскиот премиер, Албин Курти, изјави дека се сретнал со претседателката на Новата демократска партија (НДС) од бошњачката заедница, а воедно и вршител на должноста заменик на премиерот, Емилија Реџепи. Видете и ова: Закажана конститутивна седница на Собранието на Косово Според изјавата од канцеларијата на премиерот, Реџепи „ја потврдила својата целосна подготвеност да продолжи да соработува" со Движењето Самоопределување и да го поддржи Курти во неговите напори да формира нова влада.Курти, исто така, се сретна со претседателот на Партијата за слобода, правда и опстанок од српската заедница, кој е и вршител на должноста министер за заедници и враќање, Ненад Рашиќ.За време на разговорите, министерот Рашиќ ја потврди својата поддршка на премиерот Курти за формирање на нова влада и продолжување на соработката - се вели во соопштението од кабинетот на премиерот.Движењето за самоопределување тврди дека може да обезбеди 61 глас потребен за формирање на нова влада во Косово.Во меѓувреме, двете опозициски партии, Демократската лига на Косово и Алијансата за иднината на Косово, ја отфрлија можноста за заедничко владеење со Движењето Самоопределување, додека Демократската партија на Косово и Социјалдемократската иницијатива не поставија црвени линии за коалиции.Ниту една политичка партија нема доволно гласови за да формира нова влада.Движењето Самоопределување, како и трите други албански политички партии зад него, сметаат дека немнозинските заедници имаат десет гарантирани места во собранието. прочитај повеќе април 02, 2025 ‘Науката (за)стана’: Протести во Белград и Нови Сад Белград, Србија - протести Вработени во научноистражувачката дејност денеска (2 април) организираа протести во Белград и Нови Сад на повик на српскиот Синдикат на науката во знак на поддршка на студентите во блокада.Протестите беа организирани под слоганот „Науката (за)стана“.Претставници на Синдикатот на науката и на Мрежата на академска солидарност заедно со група граѓани и студенти се собраа пред платото кај Филозофскиот факултет во Белград.Луѓето на собирот носеа транспаренти на кои меѓу другото пишуваше „Науката ви мавта со дипломите, нашите се вистински, а какви се вашите“ и „За враќање на академското достоинство“.Претставник на неформалната организација Мрежа на академската солидарност, Оливер Тошковиќ, рече дека владата „живее во свет во кој позицијата е пред аргументот".„Факт е дека оваа влада е подготвена да ја уништи и деформира научната активност во оваа земја само за да ни се одмазди лично и да нѐ понижи", рече Тошковиќ. Видете и ова: Протест пред ТВ Информер во Белград поради известување за студентските протести Собраните со 16-минутно молчење им оддадоа почит на загинатите при падот на настрешницата во Нови Сад. По молкот, тие се движеа низ централните улици на Белград до зградата на Владата на Србија.Во Србија, десетици илјади граѓани со месеци излегуваат на улиците со клучно барање да се утврди кривичната и политичката одговорност за несреќата во Нови Сад, во која 15 лица загинаа при пад на настрешницата на главната железничка станица во градот, додека шеснаесеттата жртва им подлегна на повредите повеќе од два месеци подоцна.Во фокусот на протестите се обвинувањата дека корупцијата довела до паѓање на настрешницата. Претставниците на властите ги отфрлија овие обвинувања. прочитај повеќе април 02, 2025 Тројца пациенти од пожарот во Кочани се враќаат од Шведска и Грција Дискотека Пулс, Кочани / архивска фотографија Тројца пациенти од повредените лица од пожарот во Кочани се враќаат во земјава, од кои двајца беа хоспитализирани во Грција и еден пациент во Шведска – соопшти Министерството за здравство денеска (2 април).Согласно протоколите ќе бидат задржани под 24-часовен надзор.Во Србија остануваат хоспитализирани 23 пациенти, Бугарија 14 паценти, Турција 10 пациенти, Грција 8 пациенти, Словенија 4 пациенти, во Унгарија, Хрватска, Шпанија, Австрија и Литванија се хоспитализирани по 3 пациенти, во Италија и Полска по еден пациент.Во Скопје, на Клиниката за токсикологија вчера беше хоспитализиран пациент по враќање од Полска, истиот денеска се пушта на домашно лекување. Видете и ова: Дома се пуштени 93 пациенти од пожарот во Кочани, уште сто се лекуваат На Клиниката за пластична хирургија остануваат двајца пациенти, а во Хируршката клиника Св.Наум Охридски 6 пациенти. Во ГОБ 8 Септември се хоспитализирани пет пациенти, од кои еден е планирано да биде пуштен на домашно лекување, на Клиниката за пулмологија двајца пациенти, а во приватната болница Систина се хоспитализирани тројца пациенти.Ресорниот министер, Арбен Таравари вчера изјави дека засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. прочитај повеќе април 02, 2025 Филипче предлага нов концепт на општествен и политички дијалог Венко Филипче, лидер на СДСМ Лидерот на СДСМ Венко Филипче предложи нов концепт за општествен и политички дијалог. Како што рече на денешната прес-конференција, трагедијата во Кочани покажала дека системот не функционира како што треба, а за тоа како што посочи, вина имале сите политички партии.Во однос на лидерската средба рече дека уште денеска или утре (2 и 3 април) ќе побара состанок со премиерот Христијан Мицкоски, за да се организира таа средба.Според него областите каде што треба системски пристап се - образование, здравство, правосудство, животна средина, партизација и политизација.„По големата трагедија во Кочани, ја видовме реакцијата на граѓаните, револт, на места и бес. Би рекол сосема оправдано, бидејќи тоа што во изминатите три децении, тоа што се нарекува реформи, тоа што се нарекува транзиција, очигледно не го даде посакуваниот резултат. Системот на многу места очигледно не фукционира како што треба. Јавните сервиси немаат перформанс каков што граѓаните заслужуваат. За тоа вина имаме сите политички партии, СДСМ, ВМРО-ДПМНЕ, ДУИ, другите политички партии“, рече Филипче.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада.Во однос на правосудството, предлага неминовно да се донесат реформската агенда во што пократок рок реформските закони во одреден систем во којшто ќе се постигне широк консензус не само политички, туки и други фактори од делот на правосудството на коишто ова навистина им е експертиза.„Тоа што граѓаните најмногу ги иритира а тоа е партизацијата и политизацијата. Мора да ги ослободиме институциите од канџите на политиката и партијата за да младите луѓе имаат навистина добар, компетитивен мерит систем и на тој начин да се вработуваат и напредуваат поради тоа што само на тој начин можеме експертизата да ја издигнеме на соодветно и заслужено ниво“, истакна Филипче, додавајќи дека добро е на овие теми да седнат лидерите на сите партии. Видете и ова: По трагедијата во Кочани, собраниската говорница остана нема Лидерот на СДСМ истакна дека на премиерот Христијан Мицкоски и подетално би му го образложил овој план на средба во следните денови. Во однос дали очекува неговиот предлог за лидерска средба да биде прифатен, тој рече дека уште денеска или утре (2 и 3 април) ќе побара состанок со премиерот Мицкоски, согласно агендите, за да се организира таа средба.„Оставам простор и се надевам дека сега кога политичките партии ќе го слушнат ова ќе ја прифатат таа лидерска средба. Но добро е прво тоа да го поразговараме со премиерот, имајќи предвид дека тој прв подаде рака и на прва одговори дека средбата е прифатлива. Навистина не знам што би било неприфатливо или некој зошто не би сакал да разговара, кога тоа е констатација на секој еден граѓанин во државата“, рече Филипче.На новинарско прашање дали на средбата ќе ја постави темата за евроинтеграции и уставни измени, рече дека најверојатно ќе се зборува и за таа тема. Премиерот Христијан Мицкоски деновиве изјави дека тој е подготвен да разговара со Филипче, додавајќи дека лидерската средба е пресериозна тема за да се разговара преку медиуми. прочитај повеќе април 02, 2025 Мицкоски: Милошоски и Филков имаа лош ден, Владата е стабилна Христијан Мицкоски, премир на РСМ Премиерот Христијан Мицкоски изјави дека владината коалиција е стабилна, а јавното препукување меѓу пратеникот од ВМРО-ДПМЕ Антонијо Милошоски и министерот за правда Игор Филков од коалицискиот партнер ЗНАМ, според него, ќе застане на, како што вели, на овие два лични става.„Владината коалиција е стабила. Пратеникот Антонијо Милошоски е член на Извршниот комитет на партијата, тој е дел од мојот најблизок периметар. Јас соработката со Антонијо Милошоски ја оценувам на највисоко ниво, тој е додадена вредност и во рамки на пратеничката група и во рамки на партијата. Министерот Игор Филков знам со какви проблеми се соочи, знам каква состојба затекна во Министерството за правда, континуирано на дневна основа соработуваме во делот на реформите, кои се многу важни посебно во секторот правда. Но, она што можев да го заклучам, а убеден сум дека сето ова ќе застане на овие два лични става е дека секој има право на лош ден, па така јас мислам дека тој лош ден и за едниот и за другиот завршува“, рече Мицкоски, по пуштањето на фабриката на „Магна мехатроникс“ во ТИРЗ Штип. Прашан дали има проблеми со коалицијата Вреди во која е министерот за здравство Арбен Тараври кој предвои едно од крилата во Алијанса за Албанците, рече дека нема такво чувство и оти имаат исклучителна соработка. „Не, немам такво чувство. Напротив, имаме исклучителна соработка. Граѓаните да бидат сигурни, Владата е стабилна, повеќе од две третини неофицијално, а официјално 78 пратеници ја поддржуваат оваа Влада. Граѓаните, според она што го гледам од анкетите даваат поддршка, огромно е позитивното мислење дека и Македонија се движи во позитивна насока и тоа претставува за нас инспирација да продолжиме понатаму да се движиме и да работиме“, рече Мицкоски. Видете и ова: Апетитите за локалните избори ја зовреа „Вреди“ Пратеникот на ВМРО-ДПМНЕ и потпретседател на Собранието, Антонијо Милошоски вчера во телевизиско гостување рече дека министерот за правда Игор Филков има слаб придонес во областа со која раководи. Посочи дека очекувал досега барем во нацрт верзија до Собранието да бидат доставени Предлог-законот за судови, Предлог-законот за судски буџет, Предлог законот за јавнообвинителската служба, новиот Кривичен законик...Министерот за правда Филков, пак, во реакција на изнесените наводи на Милошоски рече дека „Кусурот на Груевски, познат под прекарот - Џуџето од Небрегово, а јавноста добро го памети по аферите поврзани со АМСМ и семејните бизниси од Кичево, изгледа дека сè уште нема навика да одговара пред граѓаните кои го избрале“.„Бидејќи очигледно е неинформиран и изолиран од партијата, го упатувам во неговата матична партија или пак во Владата-можеби конечно ќе го известат за постапките, роковите и статусот на законите! И, бидејќи изгледа како некој што работи по туѓи наредби, за кого одработува во моментов? Дали се тоа интересите на граѓаните или некои други агенди? Во минатото е познат по Ванчо Михајловистички ставови, многу лаги и невистини. Ова е лош де-фокус на македонската јавност по двонеделниот „одмор“! Да го потсетам дека во парламентот е од 2011 година, откако се повлече од функцијата министер за надворешни работи и активно учествуваше во креирање на „канцерогениот“ правосуден систем. Сега е добар момент да се потсети јавноста дека токму тој директно учествуваше во процесот на донесувањето на штетните измени на КЗ во 2023 година, со што се спаси од одговорност за кривичното дело ,,Моќник”“, наведе Филков, набројувајќи ги законите на кои работел во изминатиот период. прочитај повеќе април 02, 2025 По еднодневна пауза, Русија ги продолжува масовните напади врз Украина Последици од нападот во градот Харкив, Украина, 2 април 2025 година Русија започна нови воздушни напади врз Украина по еднодневна пазуа од напади со дронови. Во регионот Запорожје, едно лице загинало, а две други се повредени, изјави во среда (2 април) на Телеграм регионалниот гувернер Иван Федоров. Петнаесет беспилотни летала, исто така, го нападнале источниот град Харкив, при што биле повредени најмалку осум лица.Украинските сили за цивилна одбрана соопштија дека биле погодени згради кои припаѓаат на цивилни фирми, а исто така била нанесена штета и на станбени области. Откако Украина во вторникот ја доживеа првата ноќ без беспилотни летала во годината, воздушната одбрана на земјата извести дека Русија распоредила 74 дронови и мамки со беспилотни летала во текот на ноќта до среда наутро.Нападите првенствено ги погодиле регионите Харкив, Доњецк и Одеса. Видете и ова: Зеленски: Партнерите на Украина ќе разговараат за распоредување странски војници Во Москва, руското Министерство за одбрана тврдеше дека соборило 93 украински беспилотни летала во текот на ноќта, главно над пограничниот регион Курск.Војувањето со беспилотни летала стана речиси секојдневна тактика во војната, иако размерите на уништување и жртви предизвикани од руските напади го надминуваат влијанието на украинските напади. Украина се брани од руската инвазија повеќе од три години, потпирајќи се во голема мера на поддршката од Западот. прочитај повеќе април 02, 2025 Дурмиши: Секој има право да излезе на улица и да покаже револт Министерот за економија и труд Бесар Дурмиши Живееме во демократија и секој има право да излезе на улица и да протестира и да го каже својот револт, но на синдикатите веќе им истече мандатот и веќе не се репрезентативни, порача денеска (2 април)министерот за економија и труд Бесар Дурмиши.„Како Влада ја формиравме комисијата која треба да ја утврди репрезентативноста на синдикатите и таа комисија веќе работи. Веднаш кога ќе се определи кој синдикат е репрезентативен ќе ја свикам седницата на Економско социјалниот совет (ЕСС). Токму таму синдикатите треба да ги кажат своите барања, а не на улица“, изјави Дурмиши во одговор на новинарско прашање пред почетокот на конференцијата „Реформа на Законот за работни односи – предизвици и насоки“. Видете и ова: Синдикатите утре на протест, барањето за поголем минималец ги „скара“ со Владата Како Влада, нагласи дека се за социјален дијалог. Одговарајќи на прашање рече дека како Влада постапиле според законот и методологијата за минималната плата, со која се усогласени сите засегнати страни, односно и синдикатите и работодавачите, и го објавиле износот на минималната плата на крајот на март.„Според тој правилник минималната плата изнесува 400 евра и е покачена нето платата за 1800 денари. Како надлежен министер за економија и труд јас ја објавив минималната плата по одлука на Владата, рече Дурмиши.Нагласи дека немале согласност од ЕСС за износот на минималната плата поради тоа што нема репрезентативност од синдикатите.„Јас според законот кој е во сила и кој е потпишан и од синдикатите и од работодавачите и по одлука на Влада обврзан сум пред 31 март да ја објавам минималната плата. Од минималната плата потоа се пресметува и просечната плата и другите плати. Ако не ја објавевме до 31 март ќе се блокираше целата држава и сите институции, а приватниот сектор не ќе можеше да пресмета плати за нивните вработени“, истакна Дурмиши.Сојузот на синдикатите на Македонија (ССМ) денеска одржува јавна седница пред зградата на Работничкиот дом на која ќе ги искаже своите ставови за минималната плата. прочитај повеќе април 02, 2025 Советот на јавни обвинители даде негативно мислење за разрешување на Коцевски Државниот јавен обвинител Љупчо Коцевски Советот на јавни обвинители даде негативно мислење по предлогот на Владата за разрешување на државниот јавен обвинител Љупчо Коцевски. За прифаќање на предлогот гласаа тројца, додека шест члена гласа против. Претседателката на Советот на јавни обвинители Душица Димитриеска, рече дека со оглед дека Советот одлуките ги носи со мнозинство, мнозинството дадоа негативно мислење. За прифаќање на предлогот на Владата за разрешување на Коцевски гласаа Кети Петкова, Ардиан Демири и Марјана Илиевска.Советот на јавни обвинители претходно ја исклучи јавноста од точката за разгледување на предлогот за разрешување на државниот јавен обвинител Љупчо Коцевски. Членовите на Советот едногласно го поддржаа предлогот на членот Зорица Павловиќ, која повикувајќи се на член 10 од Законот за совет на јавни обвинители побара да се исклучи јавноста поради, како што кажа, сензитивноста на процесот и за заштита на угледот и интегритетот на јавниот обвинител.Светлана Стојковиќ, го поддржа предлогот, дополнувајќи дека јавноста треба да биде исклучена и поради тоа што во произнесувањето од Коцевски по предлогот за негово разрешување, се изнесени и информации и докази од дисциплинските постапки што се води против двајца јавни обвинители. Расправата, како што нагласија, ќе биде затворена, а јавноста ќе биде вклучена само за гласањето по мислењето за предлогот на Владата за разрешување на Коцевски.Седницата за разгледување на предлогот претходно на два пати беше одложена. Првично беше закажана за 18 март, но беше одложена поради седумдневната жалост по трагедијата во Кочани, а минатата недела, на 26 март беше одложена поради немање на кворум. Согласно законските рокови за разгледување на предлогот за разрешување на Коцевски, Советот треба да го разгледа најдоцна до крајот на неделава, иако Владата објави дека ќе ја прекине постапката. Видете и ова: Предлогот за разрешување на Коцевски на денешната владина седница Портпаролката на Владата Марија Митева, на 26 март годинава, изјави дека Владата ќе ја прекине постапката за разрешување на државниот јавен обвинител Љупчо Коцевски и доколку добие мислење од страна на Советот на ЈО, истото нема да го проследи до Собранието.Премиерот Христијан Мицкоски по трагедијата во Кочани изјави дека постапката за разрешување на јавниот обвинител Коцевски ќе се запре во моментот до таму каде што се наоѓа.Владата на 11 февруари година донесе одлука да поведе постапка за разрешување на државниот јавен обвинител Коцевски кој беше избран на оваа позиција пред една година, а неговиот мандат трае шест години.Министерството за правда, постапувајќи по заклучокот од 50-та седница на Владата, го изготви Предлог-мислењето за разрешување на државниот јавен обвинител. Коцевски, како што велат од Министерството за правда, постапувал во предмети во кои согласно законските одредби постоеле околности кои предизвикуваат сомневање во неговата непристрасност, како и судир на интереси, а за кои околности тој требало да знае и требало да се изземе. Републичкиот обвинител Коцевски го демантира тврдењето дека незаконски постапил посочувајќи дека го следел законот и роковите во него. прочитај повеќе Вчитај повеќе...

Вести април 02, 2025 Во Србија почнуваат консултации за нова влада Парламентот на Србија Српскиот претседател Александар Вучиќ денеска (2 април)почнува со консултации за формирање нова влада, и за првиот ден се закажани разговори со претставници на четири изборни листи. За днеска се чекуваат разговори со претставниците на листата „Руска партија - Слободан Николиќ“, „Сојуз на Војводински Унгарци (СВМ)“, „Усаме Зукорлиќ - Обединети за правда - Партија на правдата и помирувањето - Босанците од Санџак, како и „Томислав Жигманов – Демократски сојуз на Хрватите во Војводина“ и пратеничката група „Ние – глас од народот“.Вучиќ вчера изјави дека испратил писмо до сите носители на листи и пратенички групи во српското Собрание, а за учество на консултациите се пријавиле пет-шест листи. Според него, консултациите ќе завршат до петок.Дел од парламентарните опозициски партии претходно најавија дека нема да одговорат на повикот на претседателот за консултации за формирање нова влада. На 20 март соопштија дека постигнале консензус дека формирањето преодна влада е неопходно за излез на државата од социјалната и политичката криза. Опозициските партии најавија дека идејата е тоа да биде таканаречена „Влада на народна доверба“ која би била „привремена влада, со максимално времетраење до девет месеци, што би имала конкретни задачи“.На 19 март Собранието на Србија ја констатираше оставката на премиерот Милош Вучевиќ, со што заврши мандатот на актуелната влада. Рокот за формирање на нова влада е 18 април на полноќ. Доколку до тој датум не се формира влада, ќе бидат закажани вонредни парламентарни избори. Вучевиќ на 28 јануари поднесе неотповиклива оставка од таа функција, откако во Нови Сад се случи напад врз студентите во блокада.Српскиот претседател нагласи дека очекува најбројната пратеничка група - СНС да го извести дали сакаат да формираат влада или сакаат нови избори, а она што е сигурно, како што рече, е дека во таа партија нема расположение за каква било преодна влада, со што и тој се согласува.Вучиќ претходно рече дека негова уставна обврска е да им го довери мандатот за состав на влада на оние кои велат дека можат да обезбедат мнозинство, односно најмалку 126 гласа во парламентот. Според член 127 од Уставот на Србија, кандидатите за функцијата премиер на Народното собрание му ги предлага претседателот на Републиката по консултација со претставниците на избраните изборни листи. Видете и ова: Парламентот ја потврди оставката на српската влада Првиот вицепремиер и министер за финансии во техничкиот мандат, Синиша Мали, претходно изјави дека сите опции се на маса кога станува збор за тоа дали ќе се избере нова влада или дали ќе се одржат вонредни избори и посочи дека е важно што поскоро да има нова влада.Социјалистичката партија на Србија потврди дека коалицијата собрана околу таа партија ќе оди на консултации со Вучиќ, и едногласно донеле одлука за продолжување на соработката со Српската напредна станка и Александар Вучиќ. Тие изразиле подготвеност да учествуваат со нивните коалициски партнери во дискусиите за формирање и избор на нова влада.Дел од парламентарните опозициски партии изјавија дека нема да одговорат на поканата на претседателот Александар Вучиќ за консултации за новата Влада на Србија, наведувајќи дека можат да разговараат само за преодна влада.Во заедничката изјава потпишана од Партијата на слободата и правдата, Народното движење на Србија, Новата демократска партија на Србија, ПОКС, Движењето на слободни граѓани, Партијата Србија Центар - СРЦЕ и Зелено-левиот фронт, беше оценето дека „единствениот начин Србија да оди напред е исполнување на студентските барања“ и мирни услови за промена на власта.На поканата за консултации за новата влада нема да одговорат ниту Демократската партија, ниту движењето Еколошко востание, чии претставници изјавија дека не ја добиле поканата. На консултациите со претседателот Вучиќ нема да одат ниту претставниците на пратеничката група „Ние силата на народот“ на Бранимир Несторовиќ, кои сметаат дека „изборите мора да се распишат што е можно поскоро“.Доколку не се избере нова влада до 18 април на полноќ, кога истекува законскиот рок од 30 дена за избор на нов премиер и членови на владата, откако српскиот парламент ја констатира оставката на премиерот Милош Вучевиќ на 19 март, со што го прекинува мандатот на целата влада, претседателот на државата е должен да го распушти Парламентот. прочитај повеќе види ги сите денешни вести април 02, 2025 Мицкоски и Филипче утре на средба во Владата Влада на Република Северна Македонија, архивска фотографија Премиерот, Христијан Мицкоски и лидерот на опозициската СДСМ, Венко Филипче утре во 14 часот ќе имаат средба во Владата. -Согласно јавната комуникација и упатените иницијативи и демонстрираната подготвеност од двете страни, за утре во 14 часот е закажана средба меѓу премиерот Христијан Мицкоски и претседателот на СДСМ, Венко Филипче – соопшти попладнево владината прес служба.Во изјава за медиумите во Штип, Мицкоски искажа подготвеност за средба со Филипче, кој денеска повика на политички и општествен дијалог.Филипче на прес-конференција рече дека по трагедијата во Кочани граѓаните реагираа со револт и бес, системот не функционира како што треба, а за тоа вина, како што посочи, имаат сите политички партии. Видете и ова: Филипче предлага нов концепт на општествен и политички дијалог Областите каде што треба системски пристап, според Филипче се - образование, здравство, правосудство, животна средина, партизација и политизација.По неговата денешна прес конференција, од Движењето ЗНАМ реагира преку писмено соопштение во кое обвинија дека „СДСМ и Филипче немаат политички кредибилитет, ниту легитимитет да нудат какви било концепти за Македонија овој момен.- Оттука, Венко Филипче и СДСМ не можат да бидат решение на проблемите, бидејќи покажаа дека тие се проблем за секое решение, наведуваат од ЗНАМ.-Дали самопрогласениот лидер на опозицијата со ова бара начин да се факторизира како политички фактор во јавноста и да седне на преговарачка маса, имајќи ја в предвид очајната состојба на неговата партија – се наведува во реакцијата на ЗНАМ.Во меѓувреме, прашан за повикот на Филипче за средба, премиерот Мицкоски кажа дека ова е сериозна тема за која се разговара. Видете и ова: Мицкоски по повикот на Филипче: На располагање сум во секое време за средба „Доколку навистина има план и желба да помогне стојам на располагање во секое време ќе го прераспределам мојот распоред, на полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши“, изјави Мицкоски. ДУИ: Јавноста е згрозена од јавниот флерт на Мицкоски и ФилипчеПо најавата за средба, ДУИ во писмено соопштение изрази силна загриженост, поради како што велат од партијата, „сѐ понагласената моноетничка доминација која Власта ја демонстрираше во првата година од своето владеење“. -Сега веќе на јавна сцена ја вклучува и етничката македонска опозиција во својата намера. Јавноста е просто згрозена од овој јавен флерт на Мицкоски и Филипче, за полноќни средби во политички интимна атмосфера на која ништо помалку туку ќе се крои планот за нов општествен договор за регулација на идните политички текови – велат од ДУИ.Според партијата, Република Северна Македонија претставува „препознатлив модел на функционална мултиетничка демократија со јасно изразена евроатлантска ориентација“.Основниот модел на мултиетничкиот карактер на земјата е системски загрозен, а загрозен а и интегративниот процес на земјата во Европската унија. Тоа се две клучни стратешки основи кои што сериозно ја загрозуваат долгорочната стабилност и просперитет на земјата, и тоа се двата приоритети за кои треба да се отвори суштински политички дијалог – додаваат од ДУИ.Азири: Мицкоски ќе се сретне со претседателот на најголемиот огранок на ВМРО-ДПМНЕ, ФилипчеРеакција пристигна и од потпретседалот на Алијанса за Албанците, Елми Азири:„Претседателот на ВМРО-ДПМНЕ Христијан Мицкоски ќе се сретне со претседателот на најголемиот огранок на ВМРО-ДПМНЕ, Венко Филипче! Откако беше избран за претседател на СДСМ, првата средба му беше со претседателката на државата, г-ѓа Силјановска-Давкова! Последниов веќе неколку години од ВМРО го нарекуваат министер за смрт! Оваа моноетничка средба е практична имплементација на платформата Македонија повторно твоја“, вели Азири. прочитај повеќе април 02, 2025 Мицкоски по повикот на Филипче: На располагање сум во секое време за средба Христијан Мицкоски, архивска фотографија Премиерот, Христијан Мицкоски вели дека е подготвен на средба со лидерот на опозициската СДСМ, Венко Филипче доколку, како што изјави денеска, навистина има план и желба да помогне.По денешниот повик од Филипче за политички и општествен дијалог Мицкоски одговарајќи на новинарско прашање рече дека стои на располагање во секое време и ќе го усогласи распоредот за да го слушне планот на Филипче и да се види дали во тој план може нешто да се реши.„За мене е малку непристојно да разговараме преку медиуми, реков доколку има план како што најавија, подготвен сум да го примам на средба пртседателот на СДСМ да го образложи планот, да го слушнеме планот бидејќи се сериозни времиња, јас сум сериозен човек, сериозни работи се во прашање и најмалку што треба да се прави е естрада на јавна сцена“, изјави Мицкоски.Тој додаде дека доколку Филипче навистина има план и желба да помогне, тој стои на располагање во секое време ќе го прераспредели својот распоред. Видете и ова: Филипче предлага нов концепт на општествен и политички дијалог „На полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши. Но, доколку планот опфаќа пристап „Стабри“, како што беше во минатото за време на короната тогаш такви планови не можам да прифатам“, посочи Мицкоски за повикот од Филипче и дали ќе има лидерска средба со останатите претставници на партиите.Прашан дали ќе имаат заеднички став со СДСМ околу изборот на в.д градоначалник на Кочани за да нема криза во градот по трагедијата со пожарот и оставката на градоначалникот Љупчо Папазов, рече не разговарале со советниците за потецијалнот кандидат, но оти апсолутно ќе се избере в.д градоначалник и оти тука нема дилема.Претходно, лидерот на СДСМ Венко Филипче рече дека уште денеска или утре (2 и 3 април) ќе побара состанок со премиерот за да се организира таа средба.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада. прочитај повеќе април 02, 2025 Курти почна разговори со малцинските партии за формирање на новата влада Состанок на Курти и Реџепи, 2 април Вршителот на должноста премиер на Косово, како и претседател на Движењето Самоопределување, партијата која победи на парламентарните избори на 9 февруари во земјата, почна состаноци со малцинските политички партии за да се консултира за формирањето на новата влада.Овој процес отпочна по потврдувањто на изборните резултати и почетокот на уставните рокови за формирање на законодавната власт и новата влада, додека претседателката на Косово, Вјоса Османи го одреди 15 април како датум за одржување на конститутивната седница на Собранието на Косово.Косовскиот премиер, Албин Курти, изјави дека се сретнал со претседателката на Новата демократска партија (НДС) од бошњачката заедница, а воедно и вршител на должноста заменик на премиерот, Емилија Реџепи. Видете и ова: Закажана конститутивна седница на Собранието на Косово Според изјавата од канцеларијата на премиерот, Реџепи „ја потврдила својата целосна подготвеност да продолжи да соработува" со Движењето Самоопределување и да го поддржи Курти во неговите напори да формира нова влада.Курти, исто така, се сретна со претседателот на Партијата за слобода, правда и опстанок од српската заедница, кој е и вршител на должноста министер за заедници и враќање, Ненад Рашиќ.За време на разговорите, министерот Рашиќ ја потврди својата поддршка на премиерот Курти за формирање на нова влада и продолжување на соработката - се вели во соопштението од кабинетот на премиерот.Движењето за самоопределување тврди дека може да обезбеди 61 глас потребен за формирање на нова влада во Косово.Во меѓувреме, двете опозициски партии, Демократската лига на Косово и Алијансата за иднината на Косово, ја отфрлија можноста за заедничко владеење со Движењето Самоопределување, додека Демократската партија на Косово и Социјалдемократската иницијатива не поставија црвени линии за коалиции.Ниту една политичка партија нема доволно гласови за да формира нова влада.Движењето Самоопределување, како и трите други албански политички партии зад него, сметаат дека немнозинските заедници имаат десет гарантирани места во собранието. прочитај повеќе април 02, 2025 ‘Науката (за)стана’: Протести во Белград и Нови Сад Белград, Србија - протести Вработени во научноистражувачката дејност денеска (2 април) организираа протести во Белград и Нови Сад на повик на српскиот Синдикат на науката во знак на поддршка на студентите во блокада.Протестите беа организирани под слоганот „Науката (за)стана“.Претставници на Синдикатот на науката и на Мрежата на академска солидарност заедно со група граѓани и студенти се собраа пред платото кај Филозофскиот факултет во Белград.Луѓето на собирот носеа транспаренти на кои меѓу другото пишуваше „Науката ви мавта со дипломите, нашите се вистински, а какви се вашите“ и „За враќање на академското достоинство“.Претставник на неформалната организација Мрежа на академската солидарност, Оливер Тошковиќ, рече дека владата „живее во свет во кој позицијата е пред аргументот".„Факт е дека оваа влада е подготвена да ја уништи и деформира научната активност во оваа земја само за да ни се одмазди лично и да нѐ понижи", рече Тошковиќ. Видете и ова: Протест пред ТВ Информер во Белград поради известување за студентските протести Собраните со 16-минутно молчење им оддадоа почит на загинатите при падот на настрешницата во Нови Сад. По молкот, тие се движеа низ централните улици на Белград до зградата на Владата на Србија.Во Србија, десетици илјади граѓани со месеци излегуваат на улиците со клучно барање да се утврди кривичната и политичката одговорност за несреќата во Нови Сад, во која 15 лица загинаа при пад на настрешницата на главната железничка станица во градот, додека шеснаесеттата жртва им подлегна на повредите повеќе од два месеци подоцна.Во фокусот на протестите се обвинувањата дека корупцијата довела до паѓање на настрешницата. Претставниците на властите ги отфрлија овие обвинувања. прочитај повеќе април 02, 2025 Тројца пациенти од пожарот во Кочани се враќаат од Шведска и Грција Дискотека Пулс, Кочани / архивска фотографија Тројца пациенти од повредените лица од пожарот во Кочани се враќаат во земјава, од кои двајца беа хоспитализирани во Грција и еден пациент во Шведска – соопшти Министерството за здравство денеска (2 април).Согласно протоколите ќе бидат задржани под 24-часовен надзор.Во Србија остануваат хоспитализирани 23 пациенти, Бугарија 14 паценти, Турција 10 пациенти, Грција 8 пациенти, Словенија 4 пациенти, во Унгарија, Хрватска, Шпанија, Австрија и Литванија се хоспитализирани по 3 пациенти, во Италија и Полска по еден пациент.Во Скопје, на Клиниката за токсикологија вчера беше хоспитализиран пациент по враќање од Полска, истиот денеска се пушта на домашно лекување. Видете и ова: Дома се пуштени 93 пациенти од пожарот во Кочани, уште сто се лекуваат На Клиниката за пластична хирургија остануваат двајца пациенти, а во Хируршката клиника Св.Наум Охридски 6 пациенти. Во ГОБ 8 Септември се хоспитализирани пет пациенти, од кои еден е планирано да биде пуштен на домашно лекување, на Клиниката за пулмологија двајца пациенти, а во приватната болница Систина се хоспитализирани тројца пациенти.Ресорниот министер, Арбен Таравари вчера изјави дека засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. прочитај повеќе април 02, 2025 Филипче предлага нов концепт на општествен и политички дијалог Венко Филипче, лидер на СДСМ Лидерот на СДСМ Венко Филипче предложи нов концепт за општествен и политички дијалог. Како што рече на денешната прес-конференција, трагедијата во Кочани покажала дека системот не функционира како што треба, а за тоа како што посочи, вина имале сите политички партии.Во однос на лидерската средба рече дека уште денеска или утре (2 и 3 април) ќе побара состанок со премиерот Христијан Мицкоски, за да се организира таа средба.Според него областите каде што треба системски пристап се - образование, здравство, правосудство, животна средина, партизација и политизација.„По големата трагедија во Кочани, ја видовме реакцијата на граѓаните, револт, на места и бес. Би рекол сосема оправдано, бидејќи тоа што во изминатите три децении, тоа што се нарекува реформи, тоа што се нарекува транзиција, очигледно не го даде посакуваниот резултат. Системот на многу места очигледно не фукционира како што треба. Јавните сервиси немаат перформанс каков што граѓаните заслужуваат. За тоа вина имаме сите политички партии, СДСМ, ВМРО-ДПМНЕ, ДУИ, другите политички партии“, рече Филипче.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада.Во однос на правосудството, предлага неминовно да се донесат реформската агенда во што пократок рок реформските закони во одреден систем во којшто ќе се постигне широк консензус не само политички, туки и други фактори од делот на правосудството на коишто ова навистина им е експертиза.„Тоа што граѓаните најмногу ги иритира а тоа е партизацијата и политизацијата. Мора да ги ослободиме институциите од канџите на политиката и партијата за да младите луѓе имаат навистина добар, компетитивен мерит систем и на тој начин да се вработуваат и напредуваат поради тоа што само на тој начин можеме експертизата да ја издигнеме на соодветно и заслужено ниво“, истакна Филипче, додавајќи дека добро е на овие теми да седнат лидерите на сите партии. Видете и ова: По трагедијата во Кочани, собраниската говорница остана нема Лидерот на СДСМ истакна дека на премиерот Христијан Мицкоски и подетално би му го образложил овој план на средба во следните денови. Во однос дали очекува неговиот предлог за лидерска средба да биде прифатен, тој рече дека уште денеска или утре (2 и 3 април) ќе побара состанок со премиерот Мицкоски, согласно агендите, за да се организира таа средба.„Оставам простор и се надевам дека сега кога политичките партии ќе го слушнат ова ќе ја прифатат таа лидерска средба. Но добро е прво тоа да го поразговараме со премиерот, имајќи предвид дека тој прв подаде рака и на прва одговори дека средбата е прифатлива. Навистина не знам што би било неприфатливо или некој зошто не би сакал да разговара, кога тоа е констатација на секој еден граѓанин во државата“, рече Филипче.На новинарско прашање дали на средбата ќе ја постави темата за евроинтеграции и уставни измени, рече дека најверојатно ќе се зборува и за таа тема. Премиерот Христијан Мицкоски деновиве изјави дека тој е подготвен да разговара со Филипче, додавајќи дека лидерската средба е пресериозна тема за да се разговара преку медиуми. прочитај повеќе април 02, 2025 Мицкоски: Милошоски и Филков имаа лош ден, Владата е стабилна Христијан Мицкоски, премир на РСМ Премиерот Христијан Мицкоски изјави дека владината коалиција е стабилна, а јавното препукување меѓу пратеникот од ВМРО-ДПМЕ Антонијо Милошоски и министерот за правда Игор Филков од коалицискиот партнер ЗНАМ, според него, ќе застане на, како што вели, на овие два лични става.„Владината коалиција е стабила. Пратеникот Антонијо Милошоски е член на Извршниот комитет на партијата, тој е дел од мојот најблизок периметар. Јас соработката со Антонијо Милошоски ја оценувам на највисоко ниво, тој е додадена вредност и во рамки на пратеничката група и во рамки на партијата. Министерот Игор Филков знам со какви проблеми се соочи, знам каква состојба затекна во Министерството за правда, континуирано на дневна основа соработуваме во делот на реформите, кои се многу важни посебно во секторот правда. Но, она што можев да го заклучам, а убеден сум дека сето ова ќе застане на овие два лични става е дека секој има право на лош ден, па така јас мислам дека тој лош ден и за едниот и за другиот завршува“, рече Мицкоски, по пуштањето на фабриката на „Магна мехатроникс“ во ТИРЗ Штип. Прашан дали има проблеми со коалицијата Вреди во која е министерот за здравство Арбен Тараври кој предвои едно од крилата во Алијанса за Албанците, рече дека нема такво чувство и оти имаат исклучителна соработка. „Не, немам такво чувство. Напротив, имаме исклучителна соработка. Граѓаните да бидат сигурни, Владата е стабилна, повеќе од две третини неофицијално, а официјално 78 пратеници ја поддржуваат оваа Влада. Граѓаните, според она што го гледам од анкетите даваат поддршка, огромно е позитивното мислење дека и Македонија се движи во позитивна насока и тоа претставува за нас инспирација да продолжиме понатаму да се движиме и да работиме“, рече Мицкоски. Видете и ова: Апетитите за локалните избори ја зовреа „Вреди“ Пратеникот на ВМРО-ДПМНЕ и потпретседател на Собранието, Антонијо Милошоски вчера во телевизиско гостување рече дека министерот за правда Игор Филков има слаб придонес во областа со која раководи. Посочи дека очекувал досега барем во нацрт верзија до Собранието да бидат доставени Предлог-законот за судови, Предлог-законот за судски буџет, Предлог законот за јавнообвинителската служба, новиот Кривичен законик...Министерот за правда Филков, пак, во реакција на изнесените наводи на Милошоски рече дека „Кусурот на Груевски, познат под прекарот - Џуџето од Небрегово, а јавноста добро го памети по аферите поврзани со АМСМ и семејните бизниси од Кичево, изгледа дека сè уште нема навика да одговара пред граѓаните кои го избрале“.„Бидејќи очигледно е неинформиран и изолиран од партијата, го упатувам во неговата матична партија или пак во Владата-можеби конечно ќе го известат за постапките, роковите и статусот на законите! И, бидејќи изгледа како некој што работи по туѓи наредби, за кого одработува во моментов? Дали се тоа интересите на граѓаните или некои други агенди? Во минатото е познат по Ванчо Михајловистички ставови, многу лаги и невистини. Ова е лош де-фокус на македонската јавност по двонеделниот „одмор“! Да го потсетам дека во парламентот е од 2011 година, откако се повлече од функцијата министер за надворешни работи и активно учествуваше во креирање на „канцерогениот“ правосуден систем. Сега е добар момент да се потсети јавноста дека токму тој директно учествуваше во процесот на донесувањето на штетните измени на КЗ во 2023 година, со што се спаси од одговорност за кривичното дело ,,Моќник”“, наведе Филков, набројувајќи ги законите на кои работел во изминатиот период. прочитај повеќе април 02, 2025 По еднодневна пауза, Русија ги продолжува масовните напади врз Украина Последици од нападот во градот Харкив, Украина, 2 април 2025 година Русија започна нови воздушни напади врз Украина по еднодневна пазуа од напади со дронови. Во регионот Запорожје, едно лице загинало, а две други се повредени, изјави во среда (2 април) на Телеграм регионалниот гувернер Иван Федоров. Петнаесет беспилотни летала, исто така, го нападнале источниот град Харкив, при што биле повредени најмалку осум лица.Украинските сили за цивилна одбрана соопштија дека биле погодени згради кои припаѓаат на цивилни фирми, а исто така била нанесена штета и на станбени области. Откако Украина во вторникот ја доживеа првата ноќ без беспилотни летала во годината, воздушната одбрана на земјата извести дека Русија распоредила 74 дронови и мамки со беспилотни летала во текот на ноќта до среда наутро.Нападите првенствено ги погодиле регионите Харкив, Доњецк и Одеса. Видете и ова: Зеленски: Партнерите на Украина ќе разговараат за распоредување странски војници Во Москва, руското Министерство за одбрана тврдеше дека соборило 93 украински беспилотни летала во текот на ноќта, главно над пограничниот регион Курск.Војувањето со беспилотни летала стана речиси секојдневна тактика во војната, иако размерите на уништување и жртви предизвикани од руските напади го надминуваат влијанието на украинските напади. Украина се брани од руската инвазија повеќе од три години, потпирајќи се во голема мера на поддршката од Западот. прочитај повеќе април 02, 2025 Дурмиши: Секој има право да излезе на улица и да покаже револт Министерот за економија и труд Бесар Дурмиши Живееме во демократија и секој има право да излезе на улица и да протестира и да го каже својот револт, но на синдикатите веќе им истече мандатот и веќе не се репрезентативни, порача денеска (2 април)министерот за економија и труд Бесар Дурмиши.„Како Влада ја формиравме комисијата која треба да ја утврди репрезентативноста на синдикатите и таа комисија веќе работи. Веднаш кога ќе се определи кој синдикат е репрезентативен ќе ја свикам седницата на Економско социјалниот совет (ЕСС). Токму таму синдикатите треба да ги кажат своите барања, а не на улица“, изјави Дурмиши во одговор на новинарско прашање пред почетокот на конференцијата „Реформа на Законот за работни односи – предизвици и насоки“. Видете и ова: Синдикатите утре на протест, барањето за поголем минималец ги „скара“ со Владата Како Влада, нагласи дека се за социјален дијалог. Одговарајќи на прашање рече дека како Влада постапиле според законот и методологијата за минималната плата, со која се усогласени сите засегнати страни, односно и синдикатите и работодавачите, и го објавиле износот на минималната плата на крајот на март.„Според тој правилник минималната плата изнесува 400 евра и е покачена нето платата за 1800 денари. Како надлежен министер за економија и труд јас ја објавив минималната плата по одлука на Владата, рече Дурмиши.Нагласи дека немале согласност од ЕСС за износот на минималната плата поради тоа што нема репрезентативност од синдикатите.„Јас според законот кој е во сила и кој е потпишан и од синдикатите и од работодавачите и по одлука на Влада обврзан сум пред 31 март да ја објавам минималната плата. Од минималната плата потоа се пресметува и просечната плата и другите плати. Ако не ја објавевме до 31 март ќе се блокираше целата држава и сите институции, а приватниот сектор не ќе можеше да пресмета плати за нивните вработени“, истакна Дурмиши.Сојузот на синдикатите на Македонија (ССМ) денеска одржува јавна седница пред зградата на Работничкиот дом на која ќе ги искаже своите ставови за минималната плата. прочитај повеќе април 02, 2025 Советот на јавни обвинители даде негативно мислење за разрешување на Коцевски Државниот јавен обвинител Љупчо Коцевски Советот на јавни обвинители даде негативно мислење по предлогот на Владата за разрешување на државниот јавен обвинител Љупчо Коцевски. За прифаќање на предлогот гласаа тројца, додека шест члена гласа против. Претседателката на Советот на јавни обвинители Душица Димитриеска, рече дека со оглед дека Советот одлуките ги носи со мнозинство, мнозинството дадоа негативно мислење. За прифаќање на предлогот на Владата за разрешување на Коцевски гласаа Кети Петкова, Ардиан Демири и Марјана Илиевска.Советот на јавни обвинители претходно ја исклучи јавноста од точката за разгледување на предлогот за разрешување на државниот јавен обвинител Љупчо Коцевски. Членовите на Советот едногласно го поддржаа предлогот на членот Зорица Павловиќ, која повикувајќи се на член 10 од Законот за совет на јавни обвинители побара да се исклучи јавноста поради, како што кажа, сензитивноста на процесот и за заштита на угледот и интегритетот на јавниот обвинител.Светлана Стојковиќ, го поддржа предлогот, дополнувајќи дека јавноста треба да биде исклучена и поради тоа што во произнесувањето од Коцевски по предлогот за негово разрешување, се изнесени и информации и докази од дисциплинските постапки што се води против двајца јавни обвинители. Расправата, како што нагласија, ќе биде затворена, а јавноста ќе биде вклучена само за гласањето по мислењето за предлогот на Владата за разрешување на Коцевски.Седницата за разгледување на предлогот претходно на два пати беше одложена. Првично беше закажана за 18 март, но беше одложена поради седумдневната жалост по трагедијата во Кочани, а минатата недела, на 26 март беше одложена поради немање на кворум. Согласно законските рокови за разгледување на предлогот за разрешување на Коцевски, Советот треба да го разгледа најдоцна до крајот на неделава, иако Владата објави дека ќе ја прекине постапката. Видете и ова: Предлогот за разрешување на Коцевски на денешната владина седница Портпаролката на Владата Марија Митева, на 26 март годинава, изјави дека Владата ќе ја прекине постапката за разрешување на државниот јавен обвинител Љупчо Коцевски и доколку добие мислење од страна на Советот на ЈО, истото нема да го проследи до Собранието.Премиерот Христијан Мицкоски по трагедијата во Кочани изјави дека постапката за разрешување на јавниот обвинител Коцевски ќе се запре во моментот до таму каде што се наоѓа.Владата на 11 февруари година донесе одлука да поведе постапка за разрешување на државниот јавен обвинител Коцевски кој беше избран на оваа позиција пред една година, а неговиот мандат трае шест години.Министерството за правда, постапувајќи по заклучокот од 50-та седница на Владата, го изготви Предлог-мислењето за разрешување на државниот јавен обвинител. Коцевски, како што велат од Министерството за правда, постапувал во предмети во кои согласно законските одредби постоеле околности кои предизвикуваат сомневање во неговата непристрасност, како и судир на интереси, а за кои околности тој требало да знае и требало да се изземе. Републичкиот обвинител Коцевски го демантира тврдењето дека незаконски постапил посочувајќи дека го следел законот и роковите во него. прочитај повеќе Вчитај повеќе...

Вести април 01, 2025 Путин започна најголема мобилизација на војници во последниве години Претседателот на Русија, Владимир Путин Претседателот Владимир Путин повика 160.000 мажи на возраст од 18 до 30 години, што е најголем број регрути во Русија од 2011 година, додека земјата се обидува да ја прошири својата војска.Пролетниот повик за едногодишна воена служба дојде неколку месеци откако Путин рече дека Русија треба да ја зголеми вкупната големина на својата војска на речиси 2,39 милиони, а бројот на активни војници на 1,5 милиони.Тоа е зголемување за 180.000 во следните три години.Вицеадмиралот Владимир Цимљански рече дека нови регрути нема да бидат испратени да се борат во Украина како дел од, како што Русија го нарекува својата „специјална воена операција“. Сепак, имаше извештаи за регрути кои загинале борејќи се во пограничните региони на Русија и биле испратени да се борат во Украина во првите месеци од војната во полн обем, пишува Би-Би-Си.Тековниот повик, кој се одржува меѓу април и јули, доаѓа и покрај обидите на САД да постигнат прекин на огнот во војната.Насилството не стивна во вторникот, кога Украина соопшти дека рускиот напад врз електрана во јужниот град Керсон оставил 45.000 луѓе без струја. Видете и ова: Финска се повлекува од договорот за нагазни мини поради Русија Русија, исто така, тврдеше дека заземала уште едно украинско село, Розљив во областа Доњецк.Русија повикува на регрути во пролет и есен, но последниот повик за 160.000 млади мажи е за 10.000 повеќе отколку во истиот период во 2024 година.Покрај поканите доставени по пошта, младите мажи ќе добиваат известувања и на државната веб-страница на Министерството за правда.Покрај двегодишниот нацрт, Русија повика и голем број мажи како војници со договор и регрутира илјадници војници од Северна Кореја.Москва мораше да одговори на големите загуби во Украина, при што повеќе од 100.000 војници потврдија од Би-Би-Си и Медиазон дека загинале во Украина.Вистинската бројка би можела да биде повеќе од двојно поголема.Путин ја зголеми тројно големината на војската откако им нареди на војниците да ја окупираат Украина во февруари 2022 година. Руското Министерство за одбрана го поврза зголемувањето на големината на армијата во декември 2023 година со „растечките закани“ како од војната во Украина, така и од „постојаното проширување на НАТО“.НАТО се прошири за да ги вклучи Финска и Шведска, како директен резултат на руската инвазија на Украина. Видете и ова: Бербок во Киев предупреди на тактиката на Путин за одложување на мировните преговори Финска ја има најдолгата граница на НАТО со Русија од 1.343 километри, а премиерот Петери Орпо во вторникот рече дека неговата земја ќе им се придружи на другите соседи на Русија во повлекувањето од Конвенцијата од Отава, која забранува противпешадиски нагазни мини.Полска и балтичките земји донесоа слични одлуки пред две недели поради воената закана од Русија.Орпо рече дека одлуката за повторна употреба на противпешадиски мини е донесена врз основа на воени совети и дека народот на Финска нема за што да се грижи.Владата во Хелсинки, исто така, рече дека трошоците за одбрана ќе се зголемат на 3 отсто од бруто домашниот производ, во однос на 2,4 отсто минатата година. прочитај повеќе види ги сите денешни вести април 02, 2025 Мицкоски и Филипче утре на средба во Владата Влада на Република Северна Македонија, архивска фотографија Премиерот, Христијан Мицкоски и лидерот на опозициската СДСМ, Венко Филипче утре во 14 часот ќе имаат средба во Владата. -Согласно јавната комуникација и упатените иницијативи и демонстрираната подготвеност од двете страни, за утре во 14 часот е закажана средба меѓу премиерот Христијан Мицкоски и претседателот на СДСМ, Венко Филипче – соопшти попладнево владината прес служба.Во изјава за медиумите во Штип, Мицкоски искажа подготвеност за средба со Филипче, кој денеска повика на политички и општествен дијалог.Филипче на прес-конференција рече дека по трагедијата во Кочани граѓаните реагираа со револт и бес, системот не функционира како што треба, а за тоа вина, како што посочи, имаат сите политички партии. Видете и ова: Филипче предлага нов концепт на општествен и политички дијалог Областите каде што треба системски пристап, според Филипче се - образование, здравство, правосудство, животна средина, партизација и политизација.По неговата денешна прес конференција, од Движењето ЗНАМ реагира преку писмено соопштение во кое обвинија дека „СДСМ и Филипче немаат политички кредибилитет, ниту легитимитет да нудат какви било концепти за Македонија овој момен.- Оттука, Венко Филипче и СДСМ не можат да бидат решение на проблемите, бидејќи покажаа дека тие се проблем за секое решение, наведуваат од ЗНАМ.-Дали самопрогласениот лидер на опозицијата со ова бара начин да се факторизира како политички фактор во јавноста и да седне на преговарачка маса, имајќи ја в предвид очајната состојба на неговата партија – се наведува во реакцијата на ЗНАМ.Во меѓувреме, прашан за повикот на Филипче за средба, премиерот Мицкоски кажа дека ова е сериозна тема за која се разговара. Видете и ова: Мицкоски по повикот на Филипче: На располагање сум во секое време за средба „Доколку навистина има план и желба да помогне стојам на располагање во секое време ќе го прераспределам мојот распоред, на полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши“, изјави Мицкоски. ДУИ: Јавноста е згрозена од јавниот флерт на Мицкоски и ФилипчеПо најавата за средба, ДУИ во писмено соопштение изрази силна загриженост, поради како што велат од партијата, „сѐ понагласената моноетничка доминација која Власта ја демонстрираше во првата година од своето владеење“. -Сега веќе на јавна сцена ја вклучува и етничката македонска опозиција во својата намера. Јавноста е просто згрозена од овој јавен флерт на Мицкоски и Филипче, за полноќни средби во политички интимна атмосфера на која ништо помалку туку ќе се крои планот за нов општествен договор за регулација на идните политички текови – велат од ДУИ.Според партијата, Република Северна Македонија претставува „препознатлив модел на функционална мултиетничка демократија со јасно изразена евроатлантска ориентација“.Основниот модел на мултиетничкиот карактер на земјата е системски загрозен, а загрозен а и интегративниот процес на земјата во Европската унија. Тоа се две клучни стратешки основи кои што сериозно ја загрозуваат долгорочната стабилност и просперитет на земјата, и тоа се двата приоритети за кои треба да се отвори суштински политички дијалог – додаваат од ДУИ.Азири: Мицкоски ќе се сретне со претседателот на најголемиот огранок на ВМРО-ДПМНЕ, ФилипчеРеакција пристигна и од потпретседалот на Алијанса за Албанците, Елми Азири:„Претседателот на ВМРО-ДПМНЕ Христијан Мицкоски ќе се сретне со претседателот на најголемиот огранок на ВМРО-ДПМНЕ, Венко Филипче! Откако беше избран за претседател на СДСМ, првата средба му беше со претседателката на државата, г-ѓа Силјановска-Давкова! Последниов веќе неколку години од ВМРО го нарекуваат министер за смрт! Оваа моноетничка средба е практична имплементација на платформата Македонија повторно твоја“, вели Азири. прочитај повеќе април 02, 2025 Мицкоски по повикот на Филипче: На располагање сум во секое време за средба Христијан Мицкоски, архивска фотографија Премиерот, Христијан Мицкоски вели дека е подготвен на средба со лидерот на опозициската СДСМ, Венко Филипче доколку, како што изјави денеска, навистина има план и желба да помогне.По денешниот повик од Филипче за политички и општествен дијалог Мицкоски одговарајќи на новинарско прашање рече дека стои на располагање во секое време и ќе го усогласи распоредот за да го слушне планот на Филипче и да се види дали во тој план може нешто да се реши.„За мене е малку непристојно да разговараме преку медиуми, реков доколку има план како што најавија, подготвен сум да го примам на средба пртседателот на СДСМ да го образложи планот, да го слушнеме планот бидејќи се сериозни времиња, јас сум сериозен човек, сериозни работи се во прашање и најмалку што треба да се прави е естрада на јавна сцена“, изјави Мицкоски.Тој додаде дека доколку Филипче навистина има план и желба да помогне, тој стои на располагање во секое време ќе го прераспредели својот распоред. Видете и ова: Филипче предлага нов концепт на општествен и политички дијалог „На полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши. Но, доколку планот опфаќа пристап „Стабри“, како што беше во минатото за време на короната тогаш такви планови не можам да прифатам“, посочи Мицкоски за повикот од Филипче и дали ќе има лидерска средба со останатите претставници на партиите.Прашан дали ќе имаат заеднички став со СДСМ околу изборот на в.д градоначалник на Кочани за да нема криза во градот по трагедијата со пожарот и оставката на градоначалникот Љупчо Папазов, рече не разговарале со советниците за потецијалнот кандидат, но оти апсолутно ќе се избере в.д градоначалник и оти тука нема дилема.Претходно, лидерот на СДСМ Венко Филипче рече дека уште денеска или утре (2 и 3 април) ќе побара состанок со премиерот за да се организира таа средба.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада. прочитај повеќе април 02, 2025 Курти почна разговори со малцинските партии за формирање на новата влада Состанок на Курти и Реџепи, 2 април Вршителот на должноста премиер на Косово, како и претседател на Движењето Самоопределување, партијата која победи на парламентарните избори на 9 февруари во земјата, почна состаноци со малцинските политички партии за да се консултира за формирањето на новата влада.Овој процес отпочна по потврдувањто на изборните резултати и почетокот на уставните рокови за формирање на законодавната власт и новата влада, додека претседателката на Косово, Вјоса Османи го одреди 15 април како датум за одржување на конститутивната седница на Собранието на Косово.Косовскиот премиер, Албин Курти, изјави дека се сретнал со претседателката на Новата демократска партија (НДС) од бошњачката заедница, а воедно и вршител на должноста заменик на премиерот, Емилија Реџепи. Видете и ова: Закажана конститутивна седница на Собранието на Косово Според изјавата од канцеларијата на премиерот, Реџепи „ја потврдила својата целосна подготвеност да продолжи да соработува" со Движењето Самоопределување и да го поддржи Курти во неговите напори да формира нова влада.Курти, исто така, се сретна со претседателот на Партијата за слобода, правда и опстанок од српската заедница, кој е и вршител на должноста министер за заедници и враќање, Ненад Рашиќ.За време на разговорите, министерот Рашиќ ја потврди својата поддршка на премиерот Курти за формирање на нова влада и продолжување на соработката - се вели во соопштението од кабинетот на премиерот.Движењето за самоопределување тврди дека може да обезбеди 61 глас потребен за формирање на нова влада во Косово.Во меѓувреме, двете опозициски партии, Демократската лига на Косово и Алијансата за иднината на Косово, ја отфрлија можноста за заедничко владеење со Движењето Самоопределување, додека Демократската партија на Косово и Социјалдемократската иницијатива не поставија црвени линии за коалиции.Ниту една политичка партија нема доволно гласови за да формира нова влада.Движењето Самоопределување, како и трите други албански политички партии зад него, сметаат дека немнозинските заедници имаат десет гарантирани места во собранието. прочитај повеќе април 02, 2025 ‘Науката (за)стана’: Протести во Белград и Нови Сад Белград, Србија - протести Вработени во научноистражувачката дејност денеска (2 април) организираа протести во Белград и Нови Сад на повик на српскиот Синдикат на науката во знак на поддршка на студентите во блокада.Протестите беа организирани под слоганот „Науката (за)стана“.Претставници на Синдикатот на науката и на Мрежата на академска солидарност заедно со група граѓани и студенти се собраа пред платото кај Филозофскиот факултет во Белград.Луѓето на собирот носеа транспаренти на кои меѓу другото пишуваше „Науката ви мавта со дипломите, нашите се вистински, а какви се вашите“ и „За враќање на академското достоинство“.Претставник на неформалната организација Мрежа на академската солидарност, Оливер Тошковиќ, рече дека владата „живее во свет во кој позицијата е пред аргументот".„Факт е дека оваа влада е подготвена да ја уништи и деформира научната активност во оваа земја само за да ни се одмазди лично и да нѐ понижи", рече Тошковиќ. Видете и ова: Протест пред ТВ Информер во Белград поради известување за студентските протести Собраните со 16-минутно молчење им оддадоа почит на загинатите при падот на настрешницата во Нови Сад. По молкот, тие се движеа низ централните улици на Белград до зградата на Владата на Србија.Во Србија, десетици илјади граѓани со месеци излегуваат на улиците со клучно барање да се утврди кривичната и политичката одговорност за несреќата во Нови Сад, во која 15 лица загинаа при пад на настрешницата на главната железничка станица во градот, додека шеснаесеттата жртва им подлегна на повредите повеќе од два месеци подоцна.Во фокусот на протестите се обвинувањата дека корупцијата довела до паѓање на настрешницата. Претставниците на властите ги отфрлија овие обвинувања. прочитај повеќе април 02, 2025 Тројца пациенти од пожарот во Кочани се враќаат од Шведска и Грција Дискотека Пулс, Кочани / архивска фотографија Тројца пациенти од повредените лица од пожарот во Кочани се враќаат во земјава, од кои двајца беа хоспитализирани во Грција и еден пациент во Шведска – соопшти Министерството за здравство денеска (2 април).Согласно протоколите ќе бидат задржани под 24-часовен надзор.Во Србија остануваат хоспитализирани 23 пациенти, Бугарија 14 паценти, Турција 10 пациенти, Грција 8 пациенти, Словенија 4 пациенти, во Унгарија, Хрватска, Шпанија, Австрија и Литванија се хоспитализирани по 3 пациенти, во Италија и Полска по еден пациент.Во Скопје, на Клиниката за токсикологија вчера беше хоспитализиран пациент по враќање од Полска, истиот денеска се пушта на домашно лекување. Видете и ова: Дома се пуштени 93 пациенти од пожарот во Кочани, уште сто се лекуваат На Клиниката за пластична хирургија остануваат двајца пациенти, а во Хируршката клиника Св.Наум Охридски 6 пациенти. Во ГОБ 8 Септември се хоспитализирани пет пациенти, од кои еден е планирано да биде пуштен на домашно лекување, на Клиниката за пулмологија двајца пациенти, а во приватната болница Систина се хоспитализирани тројца пациенти.Ресорниот министер, Арбен Таравари вчера изјави дека засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. прочитај повеќе април 02, 2025 Филипче предлага нов концепт на општествен и политички дијалог Венко Филипче, лидер на СДСМ Лидерот на СДСМ Венко Филипче предложи нов концепт за општествен и политички дијалог. Како што рече на денешната прес-конференција, трагедијата во Кочани покажала дека системот не функционира како што треба, а за тоа како што посочи, вина имале сите политички партии.Во однос на лидерската средба рече дека уште денеска или утре (2 и 3 април) ќе побара состанок со премиерот Христијан Мицкоски, за да се организира таа средба.Според него областите каде што треба системски пристап се - образование, здравство, правосудство, животна средина, партизација и политизација.„По големата трагедија во Кочани, ја видовме реакцијата на граѓаните, револт, на места и бес. Би рекол сосема оправдано, бидејќи тоа што во изминатите три децении, тоа што се нарекува реформи, тоа што се нарекува транзиција, очигледно не го даде посакуваниот резултат. Системот на многу места очигледно не фукционира како што треба. Јавните сервиси немаат перформанс каков што граѓаните заслужуваат. За тоа вина имаме сите политички партии, СДСМ, ВМРО-ДПМНЕ, ДУИ, другите политички партии“, рече Филипче.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада.Во однос на правосудството, предлага неминовно да се донесат реформската агенда во што пократок рок реформските закони во одреден систем во којшто ќе се постигне широк консензус не само политички, туки и други фактори од делот на правосудството на коишто ова навистина им е експертиза.„Тоа што граѓаните најмногу ги иритира а тоа е партизацијата и политизацијата. Мора да ги ослободиме институциите од канџите на политиката и партијата за да младите луѓе имаат навистина добар, компетитивен мерит систем и на тој начин да се вработуваат и напредуваат поради тоа што само на тој начин можеме експертизата да ја издигнеме на соодветно и заслужено ниво“, истакна Филипче, додавајќи дека добро е на овие теми да седнат лидерите на сите партии. Видете и ова: По трагедијата во Кочани, собраниската говорница остана нема Лидерот на СДСМ истакна дека на премиерот Христијан Мицкоски и подетално би му го образложил овој план на средба во следните денови. Во однос дали очекува неговиот предлог за лидерска средба да биде прифатен, тој рече дека уште денеска или утре (2 и 3 април) ќе побара состанок со премиерот Мицкоски, согласно агендите, за да се организира таа средба.„Оставам простор и се надевам дека сега кога политичките партии ќе го слушнат ова ќе ја прифатат таа лидерска средба. Но добро е прво тоа да го поразговараме со премиерот, имајќи предвид дека тој прв подаде рака и на прва одговори дека средбата е прифатлива. Навистина не знам што би било неприфатливо или некој зошто не би сакал да разговара, кога тоа е констатација на секој еден граѓанин во државата“, рече Филипче.На новинарско прашање дали на средбата ќе ја постави темата за евроинтеграции и уставни измени, рече дека најверојатно ќе се зборува и за таа тема. Премиерот Христијан Мицкоски деновиве изјави дека тој е подготвен да разговара со Филипче, додавајќи дека лидерската средба е пресериозна тема за да се разговара преку медиуми. прочитај повеќе април 02, 2025 Мицкоски: Милошоски и Филков имаа лош ден, Владата е стабилна Христијан Мицкоски, премир на РСМ Премиерот Христијан Мицкоски изјави дека владината коалиција е стабилна, а јавното препукување меѓу пратеникот од ВМРО-ДПМЕ Антонијо Милошоски и министерот за правда Игор Филков од коалицискиот партнер ЗНАМ, според него, ќе застане на, како што вели, на овие два лични става.„Владината коалиција е стабила. Пратеникот Антонијо Милошоски е член на Извршниот комитет на партијата, тој е дел од мојот најблизок периметар. Јас соработката со Антонијо Милошоски ја оценувам на највисоко ниво, тој е додадена вредност и во рамки на пратеничката група и во рамки на партијата. Министерот Игор Филков знам со какви проблеми се соочи, знам каква состојба затекна во Министерството за правда, континуирано на дневна основа соработуваме во делот на реформите, кои се многу важни посебно во секторот правда. Но, она што можев да го заклучам, а убеден сум дека сето ова ќе застане на овие два лични става е дека секој има право на лош ден, па така јас мислам дека тој лош ден и за едниот и за другиот завршува“, рече Мицкоски, по пуштањето на фабриката на „Магна мехатроникс“ во ТИРЗ Штип. Прашан дали има проблеми со коалицијата Вреди во која е министерот за здравство Арбен Тараври кој предвои едно од крилата во Алијанса за Албанците, рече дека нема такво чувство и оти имаат исклучителна соработка. „Не, немам такво чувство. Напротив, имаме исклучителна соработка. Граѓаните да бидат сигурни, Владата е стабилна, повеќе од две третини неофицијално, а официјално 78 пратеници ја поддржуваат оваа Влада. Граѓаните, според она што го гледам од анкетите даваат поддршка, огромно е позитивното мислење дека и Македонија се движи во позитивна насока и тоа претставува за нас инспирација да продолжиме понатаму да се движиме и да работиме“, рече Мицкоски. Видете и ова: Апетитите за локалните избори ја зовреа „Вреди“ Пратеникот на ВМРО-ДПМНЕ и потпретседател на Собранието, Антонијо Милошоски вчера во телевизиско гостување рече дека министерот за правда Игор Филков има слаб придонес во областа со која раководи. Посочи дека очекувал досега барем во нацрт верзија до Собранието да бидат доставени Предлог-законот за судови, Предлог-законот за судски буџет, Предлог законот за јавнообвинителската служба, новиот Кривичен законик...Министерот за правда Филков, пак, во реакција на изнесените наводи на Милошоски рече дека „Кусурот на Груевски, познат под прекарот - Џуџето од Небрегово, а јавноста добро го памети по аферите поврзани со АМСМ и семејните бизниси од Кичево, изгледа дека сè уште нема навика да одговара пред граѓаните кои го избрале“.„Бидејќи очигледно е неинформиран и изолиран од партијата, го упатувам во неговата матична партија или пак во Владата-можеби конечно ќе го известат за постапките, роковите и статусот на законите! И, бидејќи изгледа како некој што работи по туѓи наредби, за кого одработува во моментов? Дали се тоа интересите на граѓаните или некои други агенди? Во минатото е познат по Ванчо Михајловистички ставови, многу лаги и невистини. Ова е лош де-фокус на македонската јавност по двонеделниот „одмор“! Да го потсетам дека во парламентот е од 2011 година, откако се повлече од функцијата министер за надворешни работи и активно учествуваше во креирање на „канцерогениот“ правосуден систем. Сега е добар момент да се потсети јавноста дека токму тој директно учествуваше во процесот на донесувањето на штетните измени на КЗ во 2023 година, со што се спаси од одговорност за кривичното дело ,,Моќник”“, наведе Филков, набројувајќи ги законите на кои работел во изминатиот период. прочитај повеќе април 02, 2025 По еднодневна пауза, Русија ги продолжува масовните напади врз Украина Последици од нападот во градот Харкив, Украина, 2 април 2025 година Русија започна нови воздушни напади врз Украина по еднодневна пазуа од напади со дронови. Во регионот Запорожје, едно лице загинало, а две други се повредени, изјави во среда (2 април) на Телеграм регионалниот гувернер Иван Федоров. Петнаесет беспилотни летала, исто така, го нападнале источниот град Харкив, при што биле повредени најмалку осум лица.Украинските сили за цивилна одбрана соопштија дека биле погодени згради кои припаѓаат на цивилни фирми, а исто така била нанесена штета и на станбени области. Откако Украина во вторникот ја доживеа првата ноќ без беспилотни летала во годината, воздушната одбрана на земјата извести дека Русија распоредила 74 дронови и мамки со беспилотни летала во текот на ноќта до среда наутро.Нападите првенствено ги погодиле регионите Харкив, Доњецк и Одеса. Видете и ова: Зеленски: Партнерите на Украина ќе разговараат за распоредување странски војници Во Москва, руското Министерство за одбрана тврдеше дека соборило 93 украински беспилотни летала во текот на ноќта, главно над пограничниот регион Курск.Војувањето со беспилотни летала стана речиси секојдневна тактика во војната, иако размерите на уништување и жртви предизвикани од руските напади го надминуваат влијанието на украинските напади. Украина се брани од руската инвазија повеќе од три години, потпирајќи се во голема мера на поддршката од Западот. прочитај повеќе април 02, 2025 Дурмиши: Секој има право да излезе на улица и да покаже револт Министерот за економија и труд Бесар Дурмиши Живееме во демократија и секој има право да излезе на улица и да протестира и да го каже својот револт, но на синдикатите веќе им истече мандатот и веќе не се репрезентативни, порача денеска (2 април)министерот за економија и труд Бесар Дурмиши.„Како Влада ја формиравме комисијата која треба да ја утврди репрезентативноста на синдикатите и таа комисија веќе работи. Веднаш кога ќе се определи кој синдикат е репрезентативен ќе ја свикам седницата на Економско социјалниот совет (ЕСС). Токму таму синдикатите треба да ги кажат своите барања, а не на улица“, изјави Дурмиши во одговор на новинарско прашање пред почетокот на конференцијата „Реформа на Законот за работни односи – предизвици и насоки“. Видете и ова: Синдикатите утре на протест, барањето за поголем минималец ги „скара“ со Владата Како Влада, нагласи дека се за социјален дијалог. Одговарајќи на прашање рече дека како Влада постапиле според законот и методологијата за минималната плата, со која се усогласени сите засегнати страни, односно и синдикатите и работодавачите, и го објавиле износот на минималната плата на крајот на март.„Според тој правилник минималната плата изнесува 400 евра и е покачена нето платата за 1800 денари. Како надлежен министер за економија и труд јас ја објавив минималната плата по одлука на Владата, рече Дурмиши.Нагласи дека немале согласност од ЕСС за износот на минималната плата поради тоа што нема репрезентативност од синдикатите.„Јас според законот кој е во сила и кој е потпишан и од синдикатите и од работодавачите и по одлука на Влада обврзан сум пред 31 март да ја објавам минималната плата. Од минималната плата потоа се пресметува и просечната плата и другите плати. Ако не ја објавевме до 31 март ќе се блокираше целата држава и сите институции, а приватниот сектор не ќе можеше да пресмета плати за нивните вработени“, истакна Дурмиши.Сојузот на синдикатите на Македонија (ССМ) денеска одржува јавна седница пред зградата на Работничкиот дом на која ќе ги искаже своите ставови за минималната плата. прочитај повеќе април 02, 2025 Советот на јавни обвинители даде негативно мислење за разрешување на Коцевски Државниот јавен обвинител Љупчо Коцевски Советот на јавни обвинители даде негативно мислење по предлогот на Владата за разрешување на државниот јавен обвинител Љупчо Коцевски. За прифаќање на предлогот гласаа тројца, додека шест члена гласа против. Претседателката на Советот на јавни обвинители Душица Димитриеска, рече дека со оглед дека Советот одлуките ги носи со мнозинство, мнозинството дадоа негативно мислење. За прифаќање на предлогот на Владата за разрешување на Коцевски гласаа Кети Петкова, Ардиан Демири и Марјана Илиевска.Советот на јавни обвинители претходно ја исклучи јавноста од точката за разгледување на предлогот за разрешување на државниот јавен обвинител Љупчо Коцевски. Членовите на Советот едногласно го поддржаа предлогот на членот Зорица Павловиќ, која повикувајќи се на член 10 од Законот за совет на јавни обвинители побара да се исклучи јавноста поради, како што кажа, сензитивноста на процесот и за заштита на угледот и интегритетот на јавниот обвинител.Светлана Стојковиќ, го поддржа предлогот, дополнувајќи дека јавноста треба да биде исклучена и поради тоа што во произнесувањето од Коцевски по предлогот за негово разрешување, се изнесени и информации и докази од дисциплинските постапки што се води против двајца јавни обвинители. Расправата, како што нагласија, ќе биде затворена, а јавноста ќе биде вклучена само за гласањето по мислењето за предлогот на Владата за разрешување на Коцевски.Седницата за разгледување на предлогот претходно на два пати беше одложена. Првично беше закажана за 18 март, но беше одложена поради седумдневната жалост по трагедијата во Кочани, а минатата недела, на 26 март беше одложена поради немање на кворум. Согласно законските рокови за разгледување на предлогот за разрешување на Коцевски, Советот треба да го разгледа најдоцна до крајот на неделава, иако Владата објави дека ќе ја прекине постапката. Видете и ова: Предлогот за разрешување на Коцевски на денешната владина седница Портпаролката на Владата Марија Митева, на 26 март годинава, изјави дека Владата ќе ја прекине постапката за разрешување на државниот јавен обвинител Љупчо Коцевски и доколку добие мислење од страна на Советот на ЈО, истото нема да го проследи до Собранието.Премиерот Христијан Мицкоски по трагедијата во Кочани изјави дека постапката за разрешување на јавниот обвинител Коцевски ќе се запре во моментот до таму каде што се наоѓа.Владата на 11 февруари година донесе одлука да поведе постапка за разрешување на државниот јавен обвинител Коцевски кој беше избран на оваа позиција пред една година, а неговиот мандат трае шест години.Министерството за правда, постапувајќи по заклучокот од 50-та седница на Владата, го изготви Предлог-мислењето за разрешување на државниот јавен обвинител. Коцевски, како што велат од Министерството за правда, постапувал во предмети во кои согласно законските одредби постоеле околности кои предизвикуваат сомневање во неговата непристрасност, како и судир на интереси, а за кои околности тој требало да знае и требало да се изземе. Републичкиот обвинител Коцевски го демантира тврдењето дека незаконски постапил посочувајќи дека го следел законот и роковите во него. прочитај повеќе Вчитај повеќе...

Вести април 01, 2025 Универзитетското собрание на УКИМ не е против нови здруженија на студенти Илустрација Универзитетското студентско собрание на Скопскиот универзитет (УСС на УКИМ) не е против нови здруженија и организации на студенти и ќе ги повика на дискусија за сите предизвици со кои се соочуваат студентите, изјави претседателот на УСС на УКИМ Александар Николовски прашан за став во врска со појавата на нови студентски иницијативи по трагедијата во Кочани, како „Студентски сојуз“ и „Студентски пленум“.Нагласувајќи дека УСС на УКИМ „работи секогаш за интересите на студентите“, Николовски на новинарско прашање одговори дека чекаат да видат „какви барања ќе произлезат од страна на тие здруженија и организации“ и дека се отворени за дискусија. „Во моментов размислуваме за отворена трибина на која ќе ги повикаме сите страни за да дискутираме за сите предизвици коишто сметаат дека треба да се поправат и, секако, ние сме тука и кога се добри времиња и кога се случуваат вакви трагедии за заедно да менуваме работи во системот. Дополнително, УСС на УКИМ спроведе анкета до сите студенти преку која ќе се направи еден вид документ, што ќе биде манифест со барање до институциите за одредени промени согласно трагедијата во Кочани. Но ние, во ниту еден случај, не одиме против вакви здруженија затоа што тоа се студенти, а ние како легитимно избрани тела – УСС и факултетски собранија, сме тука за да дискутираме и заедно да ги решаваме проблемите, истакна Николовски. Во врска со политички влијанија во студентските организации, нагласи дека партиски членови не треба да се на раководни функции на студентско организирање затоа што, рече, тогаш доаѓа до конфликт на интереси.„Се трудиме да соработуваме со сите политички партии, сме соработувале и ќе продолжиме да соработуваме, но сметаме дека раководството на студентските организации не треба да биде под надлежност на партиски членови, рече Николовски. Видете и ова: Празен кадар пред УКИМ, без студенти и јавни барања Инаку претходно Независниот студентски сојуз на УКИМ ги повика сите студентски собранија да го следат примерот на Факултетското студентско собрание на Филозофскиот факултет кое изгласа недоверба на делегатите на Универзитетското студентско собрание (УСС на УКИМ).Недовербата беше изгласана ден по собирот кој Универзитетското студентско собрание го организираше на платото на УКИМ за да оддаде почит за трагично згаснатите животи во пожарот во Кочани.Иако не беше најавено, на собирот на УСС на УКИМ се појавија ректорката Биљана Ангелова и министерката за образование и наука, Весна Јаневска кои се обратија од говорницата пред Филозофскиот факултет. Во говорите немаше никакво барање за одговорност туку „емотивни флоскули“ и токму за време на нејзиното обраќање, таа беше исвиркана од дел од студентите.Сепак, од УСС УКИМ ги замолија студентите за тишина и токму ваквиот „потег“ резултираше со револт и поделби меѓу нив. Студентскиот отпор ги обвини Ангелова и Јаневска за „политичка самопромоција“.Независниот студентски сојуз (НСС УКИМ) пак одржаа пленум „зад затворени врати“, каде медиумите не беа добредојдени.Во една од објавите на социјалните мрежи тие наведуваат дека не се формална организација туку група студенти чија цел е да создадат пленум „каде студентските прашања ќе бидат слушнати без политички влијанија или лични интереси.“ прочитај повеќе види ги сите денешни вести април 02, 2025 Мицкоски и Филипче утре на средба во Владата Влада на Република Северна Македонија, архивска фотографија Премиерот, Христијан Мицкоски и лидерот на опозициската СДСМ, Венко Филипче утре во 14 часот ќе имаат средба во Владата. -Согласно јавната комуникација и упатените иницијативи и демонстрираната подготвеност од двете страни, за утре во 14 часот е закажана средба меѓу премиерот Христијан Мицкоски и претседателот на СДСМ, Венко Филипче – соопшти попладнево владината прес служба.Во изјава за медиумите во Штип, Мицкоски искажа подготвеност за средба со Филипче, кој денеска повика на политички и општествен дијалог.Филипче на прес-конференција рече дека по трагедијата во Кочани граѓаните реагираа со револт и бес, системот не функционира како што треба, а за тоа вина, како што посочи, имаат сите политички партии. Видете и ова: Филипче предлага нов концепт на општествен и политички дијалог Областите каде што треба системски пристап, според Филипче се - образование, здравство, правосудство, животна средина, партизација и политизација.По неговата денешна прес конференција, од Движењето ЗНАМ реагира преку писмено соопштение во кое обвинија дека „СДСМ и Филипче немаат политички кредибилитет, ниту легитимитет да нудат какви било концепти за Македонија овој момен.- Оттука, Венко Филипче и СДСМ не можат да бидат решение на проблемите, бидејќи покажаа дека тие се проблем за секое решение, наведуваат од ЗНАМ.-Дали самопрогласениот лидер на опозицијата со ова бара начин да се факторизира како политички фактор во јавноста и да седне на преговарачка маса, имајќи ја в предвид очајната состојба на неговата партија – се наведува во реакцијата на ЗНАМ.Во меѓувреме, прашан за повикот на Филипче за средба, премиерот Мицкоски кажа дека ова е сериозна тема за која се разговара. Видете и ова: Мицкоски по повикот на Филипче: На располагање сум во секое време за средба „Доколку навистина има план и желба да помогне стојам на располагање во секое време ќе го прераспределам мојот распоред, на полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши“, изјави Мицкоски. ДУИ: Јавноста е згрозена од јавниот флерт на Мицкоски и ФилипчеПо најавата за средба, ДУИ во писмено соопштение изрази силна загриженост, поради како што велат од партијата, „сѐ понагласената моноетничка доминација која Власта ја демонстрираше во првата година од своето владеење“. -Сега веќе на јавна сцена ја вклучува и етничката македонска опозиција во својата намера. Јавноста е просто згрозена од овој јавен флерт на Мицкоски и Филипче, за полноќни средби во политички интимна атмосфера на која ништо помалку туку ќе се крои планот за нов општествен договор за регулација на идните политички текови – велат од ДУИ.Според партијата, Република Северна Македонија претставува „препознатлив модел на функционална мултиетничка демократија со јасно изразена евроатлантска ориентација“.Основниот модел на мултиетничкиот карактер на земјата е системски загрозен, а загрозен а и интегративниот процес на земјата во Европската унија. Тоа се две клучни стратешки основи кои што сериозно ја загрозуваат долгорочната стабилност и просперитет на земјата, и тоа се двата приоритети за кои треба да се отвори суштински политички дијалог – додаваат од ДУИ.Азири: Мицкоски ќе се сретне со претседателот на најголемиот огранок на ВМРО-ДПМНЕ, ФилипчеРеакција пристигна и од потпретседалот на Алијанса за Албанците, Елми Азири:„Претседателот на ВМРО-ДПМНЕ Христијан Мицкоски ќе се сретне со претседателот на најголемиот огранок на ВМРО-ДПМНЕ, Венко Филипче! Откако беше избран за претседател на СДСМ, првата средба му беше со претседателката на државата, г-ѓа Силјановска-Давкова! Последниов веќе неколку години од ВМРО го нарекуваат министер за смрт! Оваа моноетничка средба е практична имплементација на платформата Македонија повторно твоја“, вели Азири. прочитај повеќе април 02, 2025 Мицкоски по повикот на Филипче: На располагање сум во секое време за средба Христијан Мицкоски, архивска фотографија Премиерот, Христијан Мицкоски вели дека е подготвен на средба со лидерот на опозициската СДСМ, Венко Филипче доколку, како што изјави денеска, навистина има план и желба да помогне.По денешниот повик од Филипче за политички и општествен дијалог Мицкоски одговарајќи на новинарско прашање рече дека стои на располагање во секое време и ќе го усогласи распоредот за да го слушне планот на Филипче и да се види дали во тој план може нешто да се реши.„За мене е малку непристојно да разговараме преку медиуми, реков доколку има план како што најавија, подготвен сум да го примам на средба пртседателот на СДСМ да го образложи планот, да го слушнеме планот бидејќи се сериозни времиња, јас сум сериозен човек, сериозни работи се во прашање и најмалку што треба да се прави е естрада на јавна сцена“, изјави Мицкоски.Тој додаде дека доколку Филипче навистина има план и желба да помогне, тој стои на располагање во секое време ќе го прераспредели својот распоред. Видете и ова: Филипче предлага нов концепт на општествен и политички дијалог „На полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши. Но, доколку планот опфаќа пристап „Стабри“, како што беше во минатото за време на короната тогаш такви планови не можам да прифатам“, посочи Мицкоски за повикот од Филипче и дали ќе има лидерска средба со останатите претставници на партиите.Прашан дали ќе имаат заеднички став со СДСМ околу изборот на в.д градоначалник на Кочани за да нема криза во градот по трагедијата со пожарот и оставката на градоначалникот Љупчо Папазов, рече не разговарале со советниците за потецијалнот кандидат, но оти апсолутно ќе се избере в.д градоначалник и оти тука нема дилема.Претходно, лидерот на СДСМ Венко Филипче рече дека уште денеска или утре (2 и 3 април) ќе побара состанок со премиерот за да се организира таа средба.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада. прочитај повеќе април 02, 2025 Курти почна разговори со малцинските партии за формирање на новата влада Состанок на Курти и Реџепи, 2 април Вршителот на должноста премиер на Косово, како и претседател на Движењето Самоопределување, партијата која победи на парламентарните избори на 9 февруари во земјата, почна состаноци со малцинските политички партии за да се консултира за формирањето на новата влада.Овој процес отпочна по потврдувањто на изборните резултати и почетокот на уставните рокови за формирање на законодавната власт и новата влада, додека претседателката на Косово, Вјоса Османи го одреди 15 април како датум за одржување на конститутивната седница на Собранието на Косово.Косовскиот премиер, Албин Курти, изјави дека се сретнал со претседателката на Новата демократска партија (НДС) од бошњачката заедница, а воедно и вршител на должноста заменик на премиерот, Емилија Реџепи. Видете и ова: Закажана конститутивна седница на Собранието на Косово Според изјавата од канцеларијата на премиерот, Реџепи „ја потврдила својата целосна подготвеност да продолжи да соработува" со Движењето Самоопределување и да го поддржи Курти во неговите напори да формира нова влада.Курти, исто така, се сретна со претседателот на Партијата за слобода, правда и опстанок од српската заедница, кој е и вршител на должноста министер за заедници и враќање, Ненад Рашиќ.За време на разговорите, министерот Рашиќ ја потврди својата поддршка на премиерот Курти за формирање на нова влада и продолжување на соработката - се вели во соопштението од кабинетот на премиерот.Движењето за самоопределување тврди дека може да обезбеди 61 глас потребен за формирање на нова влада во Косово.Во меѓувреме, двете опозициски партии, Демократската лига на Косово и Алијансата за иднината на Косово, ја отфрлија можноста за заедничко владеење со Движењето Самоопределување, додека Демократската партија на Косово и Социјалдемократската иницијатива не поставија црвени линии за коалиции.Ниту една политичка партија нема доволно гласови за да формира нова влада.Движењето Самоопределување, како и трите други албански политички партии зад него, сметаат дека немнозинските заедници имаат десет гарантирани места во собранието. прочитај повеќе април 02, 2025 ‘Науката (за)стана’: Протести во Белград и Нови Сад Белград, Србија - протести Вработени во научноистражувачката дејност денеска (2 април) организираа протести во Белград и Нови Сад на повик на српскиот Синдикат на науката во знак на поддршка на студентите во блокада.Протестите беа организирани под слоганот „Науката (за)стана“.Претставници на Синдикатот на науката и на Мрежата на академска солидарност заедно со група граѓани и студенти се собраа пред платото кај Филозофскиот факултет во Белград.Луѓето на собирот носеа транспаренти на кои меѓу другото пишуваше „Науката ви мавта со дипломите, нашите се вистински, а какви се вашите“ и „За враќање на академското достоинство“.Претставник на неформалната организација Мрежа на академската солидарност, Оливер Тошковиќ, рече дека владата „живее во свет во кој позицијата е пред аргументот".„Факт е дека оваа влада е подготвена да ја уништи и деформира научната активност во оваа земја само за да ни се одмазди лично и да нѐ понижи", рече Тошковиќ. Видете и ова: Протест пред ТВ Информер во Белград поради известување за студентските протести Собраните со 16-минутно молчење им оддадоа почит на загинатите при падот на настрешницата во Нови Сад. По молкот, тие се движеа низ централните улици на Белград до зградата на Владата на Србија.Во Србија, десетици илјади граѓани со месеци излегуваат на улиците со клучно барање да се утврди кривичната и политичката одговорност за несреќата во Нови Сад, во која 15 лица загинаа при пад на настрешницата на главната железничка станица во градот, додека шеснаесеттата жртва им подлегна на повредите повеќе од два месеци подоцна.Во фокусот на протестите се обвинувањата дека корупцијата довела до паѓање на настрешницата. Претставниците на властите ги отфрлија овие обвинувања. прочитај повеќе април 02, 2025 Тројца пациенти од пожарот во Кочани се враќаат од Шведска и Грција Дискотека Пулс, Кочани / архивска фотографија Тројца пациенти од повредените лица од пожарот во Кочани се враќаат во земјава, од кои двајца беа хоспитализирани во Грција и еден пациент во Шведска – соопшти Министерството за здравство денеска (2 април).Согласно протоколите ќе бидат задржани под 24-часовен надзор.Во Србија остануваат хоспитализирани 23 пациенти, Бугарија 14 паценти, Турција 10 пациенти, Грција 8 пациенти, Словенија 4 пациенти, во Унгарија, Хрватска, Шпанија, Австрија и Литванија се хоспитализирани по 3 пациенти, во Италија и Полска по еден пациент.Во Скопје, на Клиниката за токсикологија вчера беше хоспитализиран пациент по враќање од Полска, истиот денеска се пушта на домашно лекување. Видете и ова: Дома се пуштени 93 пациенти од пожарот во Кочани, уште сто се лекуваат На Клиниката за пластична хирургија остануваат двајца пациенти, а во Хируршката клиника Св.Наум Охридски 6 пациенти. Во ГОБ 8 Септември се хоспитализирани пет пациенти, од кои еден е планирано да биде пуштен на домашно лекување, на Клиниката за пулмологија двајца пациенти, а во приватната болница Систина се хоспитализирани тројца пациенти.Ресорниот министер, Арбен Таравари вчера изјави дека засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. прочитај повеќе април 02, 2025 Филипче предлага нов концепт на општествен и политички дијалог Венко Филипче, лидер на СДСМ Лидерот на СДСМ Венко Филипче предложи нов концепт за општествен и политички дијалог. Како што рече на денешната прес-конференција, трагедијата во Кочани покажала дека системот не функционира како што треба, а за тоа како што посочи, вина имале сите политички партии.Во однос на лидерската средба рече дека уште денеска или утре (2 и 3 април) ќе побара состанок со премиерот Христијан Мицкоски, за да се организира таа средба.Според него областите каде што треба системски пристап се - образование, здравство, правосудство, животна средина, партизација и политизација.„По големата трагедија во Кочани, ја видовме реакцијата на граѓаните, револт, на места и бес. Би рекол сосема оправдано, бидејќи тоа што во изминатите три децении, тоа што се нарекува реформи, тоа што се нарекува транзиција, очигледно не го даде посакуваниот резултат. Системот на многу места очигледно не фукционира како што треба. Јавните сервиси немаат перформанс каков што граѓаните заслужуваат. За тоа вина имаме сите политички партии, СДСМ, ВМРО-ДПМНЕ, ДУИ, другите политички партии“, рече Филипче.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада.Во однос на правосудството, предлага неминовно да се донесат реформската агенда во што пократок рок реформските закони во одреден систем во којшто ќе се постигне широк консензус не само политички, туки и други фактори од делот на правосудството на коишто ова навистина им е експертиза.„Тоа што граѓаните најмногу ги иритира а тоа е партизацијата и политизацијата. Мора да ги ослободиме институциите од канџите на политиката и партијата за да младите луѓе имаат навистина добар, компетитивен мерит систем и на тој начин да се вработуваат и напредуваат поради тоа што само на тој начин можеме експертизата да ја издигнеме на соодветно и заслужено ниво“, истакна Филипче, додавајќи дека добро е на овие теми да седнат лидерите на сите партии. Видете и ова: По трагедијата во Кочани, собраниската говорница остана нема Лидерот на СДСМ истакна дека на премиерот Христијан Мицкоски и подетално би му го образложил овој план на средба во следните денови. Во однос дали очекува неговиот предлог за лидерска средба да биде прифатен, тој рече дека уште денеска или утре (2 и 3 април) ќе побара состанок со премиерот Мицкоски, согласно агендите, за да се организира таа средба.„Оставам простор и се надевам дека сега кога политичките партии ќе го слушнат ова ќе ја прифатат таа лидерска средба. Но добро е прво тоа да го поразговараме со премиерот, имајќи предвид дека тој прв подаде рака и на прва одговори дека средбата е прифатлива. Навистина не знам што би било неприфатливо или некој зошто не би сакал да разговара, кога тоа е констатација на секој еден граѓанин во државата“, рече Филипче.На новинарско прашање дали на средбата ќе ја постави темата за евроинтеграции и уставни измени, рече дека најверојатно ќе се зборува и за таа тема. Премиерот Христијан Мицкоски деновиве изјави дека тој е подготвен да разговара со Филипче, додавајќи дека лидерската средба е пресериозна тема за да се разговара преку медиуми. прочитај повеќе април 02, 2025 Мицкоски: Милошоски и Филков имаа лош ден, Владата е стабилна Христијан Мицкоски, премир на РСМ Премиерот Христијан Мицкоски изјави дека владината коалиција е стабилна, а јавното препукување меѓу пратеникот од ВМРО-ДПМЕ Антонијо Милошоски и министерот за правда Игор Филков од коалицискиот партнер ЗНАМ, според него, ќе застане на, како што вели, на овие два лични става.„Владината коалиција е стабила. Пратеникот Антонијо Милошоски е член на Извршниот комитет на партијата, тој е дел од мојот најблизок периметар. Јас соработката со Антонијо Милошоски ја оценувам на највисоко ниво, тој е додадена вредност и во рамки на пратеничката група и во рамки на партијата. Министерот Игор Филков знам со какви проблеми се соочи, знам каква состојба затекна во Министерството за правда, континуирано на дневна основа соработуваме во делот на реформите, кои се многу важни посебно во секторот правда. Но, она што можев да го заклучам, а убеден сум дека сето ова ќе застане на овие два лични става е дека секој има право на лош ден, па така јас мислам дека тој лош ден и за едниот и за другиот завршува“, рече Мицкоски, по пуштањето на фабриката на „Магна мехатроникс“ во ТИРЗ Штип. Прашан дали има проблеми со коалицијата Вреди во која е министерот за здравство Арбен Тараври кој предвои едно од крилата во Алијанса за Албанците, рече дека нема такво чувство и оти имаат исклучителна соработка. „Не, немам такво чувство. Напротив, имаме исклучителна соработка. Граѓаните да бидат сигурни, Владата е стабилна, повеќе од две третини неофицијално, а официјално 78 пратеници ја поддржуваат оваа Влада. Граѓаните, според она што го гледам од анкетите даваат поддршка, огромно е позитивното мислење дека и Македонија се движи во позитивна насока и тоа претставува за нас инспирација да продолжиме понатаму да се движиме и да работиме“, рече Мицкоски. Видете и ова: Апетитите за локалните избори ја зовреа „Вреди“ Пратеникот на ВМРО-ДПМНЕ и потпретседател на Собранието, Антонијо Милошоски вчера во телевизиско гостување рече дека министерот за правда Игор Филков има слаб придонес во областа со која раководи. Посочи дека очекувал досега барем во нацрт верзија до Собранието да бидат доставени Предлог-законот за судови, Предлог-законот за судски буџет, Предлог законот за јавнообвинителската служба, новиот Кривичен законик...Министерот за правда Филков, пак, во реакција на изнесените наводи на Милошоски рече дека „Кусурот на Груевски, познат под прекарот - Џуџето од Небрегово, а јавноста добро го памети по аферите поврзани со АМСМ и семејните бизниси од Кичево, изгледа дека сè уште нема навика да одговара пред граѓаните кои го избрале“.„Бидејќи очигледно е неинформиран и изолиран од партијата, го упатувам во неговата матична партија или пак во Владата-можеби конечно ќе го известат за постапките, роковите и статусот на законите! И, бидејќи изгледа како некој што работи по туѓи наредби, за кого одработува во моментов? Дали се тоа интересите на граѓаните или некои други агенди? Во минатото е познат по Ванчо Михајловистички ставови, многу лаги и невистини. Ова е лош де-фокус на македонската јавност по двонеделниот „одмор“! Да го потсетам дека во парламентот е од 2011 година, откако се повлече од функцијата министер за надворешни работи и активно учествуваше во креирање на „канцерогениот“ правосуден систем. Сега е добар момент да се потсети јавноста дека токму тој директно учествуваше во процесот на донесувањето на штетните измени на КЗ во 2023 година, со што се спаси од одговорност за кривичното дело ,,Моќник”“, наведе Филков, набројувајќи ги законите на кои работел во изминатиот период. прочитај повеќе април 02, 2025 По еднодневна пауза, Русија ги продолжува масовните напади врз Украина Последици од нападот во градот Харкив, Украина, 2 април 2025 година Русија започна нови воздушни напади врз Украина по еднодневна пазуа од напади со дронови. Во регионот Запорожје, едно лице загинало, а две други се повредени, изјави во среда (2 април) на Телеграм регионалниот гувернер Иван Федоров. Петнаесет беспилотни летала, исто така, го нападнале источниот град Харкив, при што биле повредени најмалку осум лица.Украинските сили за цивилна одбрана соопштија дека биле погодени згради кои припаѓаат на цивилни фирми, а исто така била нанесена штета и на станбени области. Откако Украина во вторникот ја доживеа првата ноќ без беспилотни летала во годината, воздушната одбрана на земјата извести дека Русија распоредила 74 дронови и мамки со беспилотни летала во текот на ноќта до среда наутро.Нападите првенствено ги погодиле регионите Харкив, Доњецк и Одеса. Видете и ова: Зеленски: Партнерите на Украина ќе разговараат за распоредување странски војници Во Москва, руското Министерство за одбрана тврдеше дека соборило 93 украински беспилотни летала во текот на ноќта, главно над пограничниот регион Курск.Војувањето со беспилотни летала стана речиси секојдневна тактика во војната, иако размерите на уништување и жртви предизвикани од руските напади го надминуваат влијанието на украинските напади. Украина се брани од руската инвазија повеќе од три години, потпирајќи се во голема мера на поддршката од Западот. прочитај повеќе април 02, 2025 Дурмиши: Секој има право да излезе на улица и да покаже револт Министерот за економија и труд Бесар Дурмиши Живееме во демократија и секој има право да излезе на улица и да протестира и да го каже својот револт, но на синдикатите веќе им истече мандатот и веќе не се репрезентативни, порача денеска (2 април)министерот за економија и труд Бесар Дурмиши.„Како Влада ја формиравме комисијата која треба да ја утврди репрезентативноста на синдикатите и таа комисија веќе работи. Веднаш кога ќе се определи кој синдикат е репрезентативен ќе ја свикам седницата на Економско социјалниот совет (ЕСС). Токму таму синдикатите треба да ги кажат своите барања, а не на улица“, изјави Дурмиши во одговор на новинарско прашање пред почетокот на конференцијата „Реформа на Законот за работни односи – предизвици и насоки“. Видете и ова: Синдикатите утре на протест, барањето за поголем минималец ги „скара“ со Владата Како Влада, нагласи дека се за социјален дијалог. Одговарајќи на прашање рече дека како Влада постапиле според законот и методологијата за минималната плата, со која се усогласени сите засегнати страни, односно и синдикатите и работодавачите, и го објавиле износот на минималната плата на крајот на март.„Според тој правилник минималната плата изнесува 400 евра и е покачена нето платата за 1800 денари. Како надлежен министер за економија и труд јас ја објавив минималната плата по одлука на Владата, рече Дурмиши.Нагласи дека немале согласност од ЕСС за износот на минималната плата поради тоа што нема репрезентативност од синдикатите.„Јас според законот кој е во сила и кој е потпишан и од синдикатите и од работодавачите и по одлука на Влада обврзан сум пред 31 март да ја објавам минималната плата. Од минималната плата потоа се пресметува и просечната плата и другите плати. Ако не ја објавевме до 31 март ќе се блокираше целата држава и сите институции, а приватниот сектор не ќе можеше да пресмета плати за нивните вработени“, истакна Дурмиши.Сојузот на синдикатите на Македонија (ССМ) денеска одржува јавна седница пред зградата на Работничкиот дом на која ќе ги искаже своите ставови за минималната плата. прочитај повеќе април 02, 2025 Советот на јавни обвинители даде негативно мислење за разрешување на Коцевски Државниот јавен обвинител Љупчо Коцевски Советот на јавни обвинители даде негативно мислење по предлогот на Владата за разрешување на државниот јавен обвинител Љупчо Коцевски. За прифаќање на предлогот гласаа тројца, додека шест члена гласа против. Претседателката на Советот на јавни обвинители Душица Димитриеска, рече дека со оглед дека Советот одлуките ги носи со мнозинство, мнозинството дадоа негативно мислење. За прифаќање на предлогот на Владата за разрешување на Коцевски гласаа Кети Петкова, Ардиан Демири и Марјана Илиевска.Советот на јавни обвинители претходно ја исклучи јавноста од точката за разгледување на предлогот за разрешување на државниот јавен обвинител Љупчо Коцевски. Членовите на Советот едногласно го поддржаа предлогот на членот Зорица Павловиќ, која повикувајќи се на член 10 од Законот за совет на јавни обвинители побара да се исклучи јавноста поради, како што кажа, сензитивноста на процесот и за заштита на угледот и интегритетот на јавниот обвинител.Светлана Стојковиќ, го поддржа предлогот, дополнувајќи дека јавноста треба да биде исклучена и поради тоа што во произнесувањето од Коцевски по предлогот за негово разрешување, се изнесени и информации и докази од дисциплинските постапки што се води против двајца јавни обвинители. Расправата, како што нагласија, ќе биде затворена, а јавноста ќе биде вклучена само за гласањето по мислењето за предлогот на Владата за разрешување на Коцевски.Седницата за разгледување на предлогот претходно на два пати беше одложена. Првично беше закажана за 18 март, но беше одложена поради седумдневната жалост по трагедијата во Кочани, а минатата недела, на 26 март беше одложена поради немање на кворум. Согласно законските рокови за разгледување на предлогот за разрешување на Коцевски, Советот треба да го разгледа најдоцна до крајот на неделава, иако Владата објави дека ќе ја прекине постапката. Видете и ова: Предлогот за разрешување на Коцевски на денешната владина седница Портпаролката на Владата Марија Митева, на 26 март годинава, изјави дека Владата ќе ја прекине постапката за разрешување на државниот јавен обвинител Љупчо Коцевски и доколку добие мислење од страна на Советот на ЈО, истото нема да го проследи до Собранието.Премиерот Христијан Мицкоски по трагедијата во Кочани изјави дека постапката за разрешување на јавниот обвинител Коцевски ќе се запре во моментот до таму каде што се наоѓа.Владата на 11 февруари година донесе одлука да поведе постапка за разрешување на државниот јавен обвинител Коцевски кој беше избран на оваа позиција пред една година, а неговиот мандат трае шест години.Министерството за правда, постапувајќи по заклучокот од 50-та седница на Владата, го изготви Предлог-мислењето за разрешување на државниот јавен обвинител. Коцевски, како што велат од Министерството за правда, постапувал во предмети во кои согласно законските одредби постоеле околности кои предизвикуваат сомневање во неговата непристрасност, како и судир на интереси, а за кои околности тој требало да знае и требало да се изземе. Републичкиот обвинител Коцевски го демантира тврдењето дека незаконски постапил посочувајќи дека го следел законот и роковите во него. прочитај повеќе Вчитај повеќе...

Вести април 01, 2025 Закажана конститутивна седница на Собранието на Косово Претседателката на Косово, Вјоса Османи, за време на свое обраќање во Собранието на Косово. Претседателката на Косово, Вјоса Османи, го одреди 15 април како датум за одржување на конститутивната седница на новиот парламентарен состав произлезен од редовните избори одржани на 9 февруари. Ова е прв конкретен чекор во формирањето на новите државни институции, откако Централната изборна комисија ги потврди изборните резултати на 27 март. Во спротивно, според Деловникот на Собранието на Косово, Парламентот би се состанал на 30-ти ден.Што се случува на конститутивната седница?Конститутивната седница ја подготвува претседателот на претходното свикување, кој пет дена пред седницата мора да свика состанок на претседателите на политичките партии застапени во Собранието, за да го подготви дневниот ред.На дневен ред треба да биде формирање на привремена комисија која ќе го верификува кворумот и мандатот, давање заклетва на нови пратеници, избор на претседател и потпретседател на собранието, гласање за извештајот на споменатата комисија и утврдување на пратеничките места во салата според политичката сила. Видете и ова: Потврдени конечните изборни резултати во Косово Со конститутивната седница претседава најстариот заменик, со помош на најмладиот заменик.Законите не предвидуваат дека не може да има расправа на седницата.На оваа седница пратениците полагаат заклетва - отсутните тоа можат да го сторат на следната седница - а првата партија, во случајов движењето Самоопределување, предлага кандидат за претседател на Собранието.Потпретседателите, пак, се предложени од една од најголемите партии и немнозинските заедници, вклучително и српската заедница.Согласно Деловникот на Собранието, конститутивната седница завршува со избор на претседател и потпретседател.Прекините на конститутивната седница не можат да бидат подолги од 48 часа“, се вели во член 12 точка 5 од Деловникот на Собранието.Според резултатите, во новиот парламентарен состав Движењето Самоопределување ќе има 48 пратеници, Демократската партија на Косово 24, Демократскиот сојуз на Косово 20, Српската листа девет, а коалицијата Алијанса за иднината на Косово и Социјалдемократската иницијатива осум пратенички места.Избор на Влада Распределбата на мандатите во Собранието значи дека ниту една партија не може сама да формира Влада, што е следен чекор по одржувањето на конститутивната седница.Што се однесува до резултатите, Движењето Самоопределување веќе се обрати до Уставниот суд, оспорувајќи ја одлуката на Врховниот суд за поштенските гласови, тврдејќи дека Демократскиот сојуз на Косово манипулирал со нив. Партијата на вршителот на должноста премиер Албин Курти побара од Уставниот суд времена мерка во врска со одлуката на Врховниот суд за тие гласови.Доколку Уставниот суд донесе одлука за ова прашање, тогаш може да дојде до прекин на изборниот процес на Владата. Сепак, додека Уставниот суд не го реши прашањето што го покрена Движењето Самоопределување, претседателката на државата има неколку законски рокови кои мора да ги почитува. Видете и ова: Курти ветува над милијарда евра за Косовските безбедносни сили Според законите, Османи мора да го довери мандатот за формирање нова влада на првата партија на изборите, во случајов на движењето Самоопределување.Во Уставот стои дека мандатарот потоа има рок од 15 дена да го претстави составот на новиот извршен орган до Собранието и да побара 61 глас за негово одобрување.Во случај првата партија да не добие поддршка од најмалку 61 пратеник, претседателот Османи има рок од десет дена да назначи друг претставник.Ги повикува страните на консултации и има дискреционо право да определи кого ќе овласти да ја формира извршната власт.И вториот претставник има рок од 15 дена да го претстави составот на владиниот кабинет пред Собранието.Но, доколку и по вториот обид не се формира Влада, тогаш претседателот Османи, според член 95 од Уставот, мора да распише нови избори, кои мора да се одржат најдоцна за 40 дена.Изборите одржани на 9 февруари беа првите редовни парламентарни избори одржани во Косово по прогласувањето на независноста. прочитај повеќе види ги сите денешни вести април 02, 2025 Мицкоски и Филипче утре на средба во Владата Влада на Република Северна Македонија, архивска фотографија Премиерот, Христијан Мицкоски и лидерот на опозициската СДСМ, Венко Филипче утре во 14 часот ќе имаат средба во Владата. -Согласно јавната комуникација и упатените иницијативи и демонстрираната подготвеност од двете страни, за утре во 14 часот е закажана средба меѓу премиерот Христијан Мицкоски и претседателот на СДСМ, Венко Филипче – соопшти попладнево владината прес служба.Во изјава за медиумите во Штип, Мицкоски искажа подготвеност за средба со Филипче, кој денеска повика на политички и општествен дијалог.Филипче на прес-конференција рече дека по трагедијата во Кочани граѓаните реагираа со револт и бес, системот не функционира како што треба, а за тоа вина, како што посочи, имаат сите политички партии. Видете и ова: Филипче предлага нов концепт на општествен и политички дијалог Областите каде што треба системски пристап, според Филипче се - образование, здравство, правосудство, животна средина, партизација и политизација.По неговата денешна прес конференција, од Движењето ЗНАМ реагира преку писмено соопштение во кое обвинија дека „СДСМ и Филипче немаат политички кредибилитет, ниту легитимитет да нудат какви било концепти за Македонија овој момен.- Оттука, Венко Филипче и СДСМ не можат да бидат решение на проблемите, бидејќи покажаа дека тие се проблем за секое решение, наведуваат од ЗНАМ.-Дали самопрогласениот лидер на опозицијата со ова бара начин да се факторизира како политички фактор во јавноста и да седне на преговарачка маса, имајќи ја в предвид очајната состојба на неговата партија – се наведува во реакцијата на ЗНАМ.Во меѓувреме, прашан за повикот на Филипче за средба, премиерот Мицкоски кажа дека ова е сериозна тема за која се разговара. Видете и ова: Мицкоски по повикот на Филипче: На располагање сум во секое време за средба „Доколку навистина има план и желба да помогне стојам на располагање во секое време ќе го прераспределам мојот распоред, на полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши“, изјави Мицкоски. ДУИ: Јавноста е згрозена од јавниот флерт на Мицкоски и ФилипчеПо најавата за средба, ДУИ во писмено соопштение изрази силна загриженост, поради како што велат од партијата, „сѐ понагласената моноетничка доминација која Власта ја демонстрираше во првата година од своето владеење“. -Сега веќе на јавна сцена ја вклучува и етничката македонска опозиција во својата намера. Јавноста е просто згрозена од овој јавен флерт на Мицкоски и Филипче, за полноќни средби во политички интимна атмосфера на која ништо помалку туку ќе се крои планот за нов општествен договор за регулација на идните политички текови – велат од ДУИ.Според партијата, Република Северна Македонија претставува „препознатлив модел на функционална мултиетничка демократија со јасно изразена евроатлантска ориентација“.Основниот модел на мултиетничкиот карактер на земјата е системски загрозен, а загрозен а и интегративниот процес на земјата во Европската унија. Тоа се две клучни стратешки основи кои што сериозно ја загрозуваат долгорочната стабилност и просперитет на земјата, и тоа се двата приоритети за кои треба да се отвори суштински политички дијалог – додаваат од ДУИ.Азири: Мицкоски ќе се сретне со претседателот на најголемиот огранок на ВМРО-ДПМНЕ, ФилипчеРеакција пристигна и од потпретседалот на Алијанса за Албанците, Елми Азири:„Претседателот на ВМРО-ДПМНЕ Христијан Мицкоски ќе се сретне со претседателот на најголемиот огранок на ВМРО-ДПМНЕ, Венко Филипче! Откако беше избран за претседател на СДСМ, првата средба му беше со претседателката на државата, г-ѓа Силјановска-Давкова! Последниов веќе неколку години од ВМРО го нарекуваат министер за смрт! Оваа моноетничка средба е практична имплементација на платформата Македонија повторно твоја“, вели Азири. прочитај повеќе април 02, 2025 Мицкоски по повикот на Филипче: На располагање сум во секое време за средба Христијан Мицкоски, архивска фотографија Премиерот, Христијан Мицкоски вели дека е подготвен на средба со лидерот на опозициската СДСМ, Венко Филипче доколку, како што изјави денеска, навистина има план и желба да помогне.По денешниот повик од Филипче за политички и општествен дијалог Мицкоски одговарајќи на новинарско прашање рече дека стои на располагање во секое време и ќе го усогласи распоредот за да го слушне планот на Филипче и да се види дали во тој план може нешто да се реши.„За мене е малку непристојно да разговараме преку медиуми, реков доколку има план како што најавија, подготвен сум да го примам на средба пртседателот на СДСМ да го образложи планот, да го слушнеме планот бидејќи се сериозни времиња, јас сум сериозен човек, сериозни работи се во прашање и најмалку што треба да се прави е естрада на јавна сцена“, изјави Мицкоски.Тој додаде дека доколку Филипче навистина има план и желба да помогне, тој стои на располагање во секое време ќе го прераспредели својот распоред. Видете и ова: Филипче предлага нов концепт на општествен и политички дијалог „На полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши. Но, доколку планот опфаќа пристап „Стабри“, како што беше во минатото за време на короната тогаш такви планови не можам да прифатам“, посочи Мицкоски за повикот од Филипче и дали ќе има лидерска средба со останатите претставници на партиите.Прашан дали ќе имаат заеднички став со СДСМ околу изборот на в.д градоначалник на Кочани за да нема криза во градот по трагедијата со пожарот и оставката на градоначалникот Љупчо Папазов, рече не разговарале со советниците за потецијалнот кандидат, но оти апсолутно ќе се избере в.д градоначалник и оти тука нема дилема.Претходно, лидерот на СДСМ Венко Филипче рече дека уште денеска или утре (2 и 3 април) ќе побара состанок со премиерот за да се организира таа средба.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада. прочитај повеќе април 02, 2025 Курти почна разговори со малцинските партии за формирање на новата влада Состанок на Курти и Реџепи, 2 април Вршителот на должноста премиер на Косово, како и претседател на Движењето Самоопределување, партијата која победи на парламентарните избори на 9 февруари во земјата, почна состаноци со малцинските политички партии за да се консултира за формирањето на новата влада.Овој процес отпочна по потврдувањто на изборните резултати и почетокот на уставните рокови за формирање на законодавната власт и новата влада, додека претседателката на Косово, Вјоса Османи го одреди 15 април како датум за одржување на конститутивната седница на Собранието на Косово.Косовскиот премиер, Албин Курти, изјави дека се сретнал со претседателката на Новата демократска партија (НДС) од бошњачката заедница, а воедно и вршител на должноста заменик на премиерот, Емилија Реџепи. Видете и ова: Закажана конститутивна седница на Собранието на Косово Според изјавата од канцеларијата на премиерот, Реџепи „ја потврдила својата целосна подготвеност да продолжи да соработува" со Движењето Самоопределување и да го поддржи Курти во неговите напори да формира нова влада.Курти, исто така, се сретна со претседателот на Партијата за слобода, правда и опстанок од српската заедница, кој е и вршител на должноста министер за заедници и враќање, Ненад Рашиќ.За време на разговорите, министерот Рашиќ ја потврди својата поддршка на премиерот Курти за формирање на нова влада и продолжување на соработката - се вели во соопштението од кабинетот на премиерот.Движењето за самоопределување тврди дека може да обезбеди 61 глас потребен за формирање на нова влада во Косово.Во меѓувреме, двете опозициски партии, Демократската лига на Косово и Алијансата за иднината на Косово, ја отфрлија можноста за заедничко владеење со Движењето Самоопределување, додека Демократската партија на Косово и Социјалдемократската иницијатива не поставија црвени линии за коалиции.Ниту една политичка партија нема доволно гласови за да формира нова влада.Движењето Самоопределување, како и трите други албански политички партии зад него, сметаат дека немнозинските заедници имаат десет гарантирани места во собранието. прочитај повеќе април 02, 2025 ‘Науката (за)стана’: Протести во Белград и Нови Сад Белград, Србија - протести Вработени во научноистражувачката дејност денеска (2 април) организираа протести во Белград и Нови Сад на повик на српскиот Синдикат на науката во знак на поддршка на студентите во блокада.Протестите беа организирани под слоганот „Науката (за)стана“.Претставници на Синдикатот на науката и на Мрежата на академска солидарност заедно со група граѓани и студенти се собраа пред платото кај Филозофскиот факултет во Белград.Луѓето на собирот носеа транспаренти на кои меѓу другото пишуваше „Науката ви мавта со дипломите, нашите се вистински, а какви се вашите“ и „За враќање на академското достоинство“.Претставник на неформалната организација Мрежа на академската солидарност, Оливер Тошковиќ, рече дека владата „живее во свет во кој позицијата е пред аргументот".„Факт е дека оваа влада е подготвена да ја уништи и деформира научната активност во оваа земја само за да ни се одмазди лично и да нѐ понижи", рече Тошковиќ. Видете и ова: Протест пред ТВ Информер во Белград поради известување за студентските протести Собраните со 16-минутно молчење им оддадоа почит на загинатите при падот на настрешницата во Нови Сад. По молкот, тие се движеа низ централните улици на Белград до зградата на Владата на Србија.Во Србија, десетици илјади граѓани со месеци излегуваат на улиците со клучно барање да се утврди кривичната и политичката одговорност за несреќата во Нови Сад, во која 15 лица загинаа при пад на настрешницата на главната железничка станица во градот, додека шеснаесеттата жртва им подлегна на повредите повеќе од два месеци подоцна.Во фокусот на протестите се обвинувањата дека корупцијата довела до паѓање на настрешницата. Претставниците на властите ги отфрлија овие обвинувања. прочитај повеќе април 02, 2025 Тројца пациенти од пожарот во Кочани се враќаат од Шведска и Грција Дискотека Пулс, Кочани / архивска фотографија Тројца пациенти од повредените лица од пожарот во Кочани се враќаат во земјава, од кои двајца беа хоспитализирани во Грција и еден пациент во Шведска – соопшти Министерството за здравство денеска (2 април).Согласно протоколите ќе бидат задржани под 24-часовен надзор.Во Србија остануваат хоспитализирани 23 пациенти, Бугарија 14 паценти, Турција 10 пациенти, Грција 8 пациенти, Словенија 4 пациенти, во Унгарија, Хрватска, Шпанија, Австрија и Литванија се хоспитализирани по 3 пациенти, во Италија и Полска по еден пациент.Во Скопје, на Клиниката за токсикологија вчера беше хоспитализиран пациент по враќање од Полска, истиот денеска се пушта на домашно лекување. Видете и ова: Дома се пуштени 93 пациенти од пожарот во Кочани, уште сто се лекуваат На Клиниката за пластична хирургија остануваат двајца пациенти, а во Хируршката клиника Св.Наум Охридски 6 пациенти. Во ГОБ 8 Септември се хоспитализирани пет пациенти, од кои еден е планирано да биде пуштен на домашно лекување, на Клиниката за пулмологија двајца пациенти, а во приватната болница Систина се хоспитализирани тројца пациенти.Ресорниот министер, Арбен Таравари вчера изјави дека засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. прочитај повеќе април 02, 2025 Филипче предлага нов концепт на општествен и политички дијалог Венко Филипче, лидер на СДСМ Лидерот на СДСМ Венко Филипче предложи нов концепт за општествен и политички дијалог. Како што рече на денешната прес-конференција, трагедијата во Кочани покажала дека системот не функционира како што треба, а за тоа како што посочи, вина имале сите политички партии.Во однос на лидерската средба рече дека уште денеска или утре (2 и 3 април) ќе побара состанок со премиерот Христијан Мицкоски, за да се организира таа средба.Според него областите каде што треба системски пристап се - образование, здравство, правосудство, животна средина, партизација и политизација.„По големата трагедија во Кочани, ја видовме реакцијата на граѓаните, револт, на места и бес. Би рекол сосема оправдано, бидејќи тоа што во изминатите три децении, тоа што се нарекува реформи, тоа што се нарекува транзиција, очигледно не го даде посакуваниот резултат. Системот на многу места очигледно не фукционира како што треба. Јавните сервиси немаат перформанс каков што граѓаните заслужуваат. За тоа вина имаме сите политички партии, СДСМ, ВМРО-ДПМНЕ, ДУИ, другите политички партии“, рече Филипче.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада.Во однос на правосудството, предлага неминовно да се донесат реформската агенда во што пократок рок реформските закони во одреден систем во којшто ќе се постигне широк консензус не само политички, туки и други фактори од делот на правосудството на коишто ова навистина им е експертиза.„Тоа што граѓаните најмногу ги иритира а тоа е партизацијата и политизацијата. Мора да ги ослободиме институциите од канџите на политиката и партијата за да младите луѓе имаат навистина добар, компетитивен мерит систем и на тој начин да се вработуваат и напредуваат поради тоа што само на тој начин можеме експертизата да ја издигнеме на соодветно и заслужено ниво“, истакна Филипче, додавајќи дека добро е на овие теми да седнат лидерите на сите партии. Видете и ова: По трагедијата во Кочани, собраниската говорница остана нема Лидерот на СДСМ истакна дека на премиерот Христијан Мицкоски и подетално би му го образложил овој план на средба во следните денови. Во однос дали очекува неговиот предлог за лидерска средба да биде прифатен, тој рече дека уште денеска или утре (2 и 3 април) ќе побара состанок со премиерот Мицкоски, согласно агендите, за да се организира таа средба.„Оставам простор и се надевам дека сега кога политичките партии ќе го слушнат ова ќе ја прифатат таа лидерска средба. Но добро е прво тоа да го поразговараме со премиерот, имајќи предвид дека тој прв подаде рака и на прва одговори дека средбата е прифатлива. Навистина не знам што би било неприфатливо или некој зошто не би сакал да разговара, кога тоа е констатација на секој еден граѓанин во државата“, рече Филипче.На новинарско прашање дали на средбата ќе ја постави темата за евроинтеграции и уставни измени, рече дека најверојатно ќе се зборува и за таа тема. Премиерот Христијан Мицкоски деновиве изјави дека тој е подготвен да разговара со Филипче, додавајќи дека лидерската средба е пресериозна тема за да се разговара преку медиуми. прочитај повеќе април 02, 2025 Мицкоски: Милошоски и Филков имаа лош ден, Владата е стабилна Христијан Мицкоски, премир на РСМ Премиерот Христијан Мицкоски изјави дека владината коалиција е стабилна, а јавното препукување меѓу пратеникот од ВМРО-ДПМЕ Антонијо Милошоски и министерот за правда Игор Филков од коалицискиот партнер ЗНАМ, според него, ќе застане на, како што вели, на овие два лични става.„Владината коалиција е стабила. Пратеникот Антонијо Милошоски е член на Извршниот комитет на партијата, тој е дел од мојот најблизок периметар. Јас соработката со Антонијо Милошоски ја оценувам на највисоко ниво, тој е додадена вредност и во рамки на пратеничката група и во рамки на партијата. Министерот Игор Филков знам со какви проблеми се соочи, знам каква состојба затекна во Министерството за правда, континуирано на дневна основа соработуваме во делот на реформите, кои се многу важни посебно во секторот правда. Но, она што можев да го заклучам, а убеден сум дека сето ова ќе застане на овие два лични става е дека секој има право на лош ден, па така јас мислам дека тој лош ден и за едниот и за другиот завршува“, рече Мицкоски, по пуштањето на фабриката на „Магна мехатроникс“ во ТИРЗ Штип. Прашан дали има проблеми со коалицијата Вреди во која е министерот за здравство Арбен Тараври кој предвои едно од крилата во Алијанса за Албанците, рече дека нема такво чувство и оти имаат исклучителна соработка. „Не, немам такво чувство. Напротив, имаме исклучителна соработка. Граѓаните да бидат сигурни, Владата е стабилна, повеќе од две третини неофицијално, а официјално 78 пратеници ја поддржуваат оваа Влада. Граѓаните, според она што го гледам од анкетите даваат поддршка, огромно е позитивното мислење дека и Македонија се движи во позитивна насока и тоа претставува за нас инспирација да продолжиме понатаму да се движиме и да работиме“, рече Мицкоски. Видете и ова: Апетитите за локалните избори ја зовреа „Вреди“ Пратеникот на ВМРО-ДПМНЕ и потпретседател на Собранието, Антонијо Милошоски вчера во телевизиско гостување рече дека министерот за правда Игор Филков има слаб придонес во областа со која раководи. Посочи дека очекувал досега барем во нацрт верзија до Собранието да бидат доставени Предлог-законот за судови, Предлог-законот за судски буџет, Предлог законот за јавнообвинителската служба, новиот Кривичен законик...Министерот за правда Филков, пак, во реакција на изнесените наводи на Милошоски рече дека „Кусурот на Груевски, познат под прекарот - Џуџето од Небрегово, а јавноста добро го памети по аферите поврзани со АМСМ и семејните бизниси од Кичево, изгледа дека сè уште нема навика да одговара пред граѓаните кои го избрале“.„Бидејќи очигледно е неинформиран и изолиран од партијата, го упатувам во неговата матична партија или пак во Владата-можеби конечно ќе го известат за постапките, роковите и статусот на законите! И, бидејќи изгледа како некој што работи по туѓи наредби, за кого одработува во моментов? Дали се тоа интересите на граѓаните или некои други агенди? Во минатото е познат по Ванчо Михајловистички ставови, многу лаги и невистини. Ова е лош де-фокус на македонската јавност по двонеделниот „одмор“! Да го потсетам дека во парламентот е од 2011 година, откако се повлече од функцијата министер за надворешни работи и активно учествуваше во креирање на „канцерогениот“ правосуден систем. Сега е добар момент да се потсети јавноста дека токму тој директно учествуваше во процесот на донесувањето на штетните измени на КЗ во 2023 година, со што се спаси од одговорност за кривичното дело ,,Моќник”“, наведе Филков, набројувајќи ги законите на кои работел во изминатиот период. прочитај повеќе април 02, 2025 По еднодневна пауза, Русија ги продолжува масовните напади врз Украина Последици од нападот во градот Харкив, Украина, 2 април 2025 година Русија започна нови воздушни напади врз Украина по еднодневна пазуа од напади со дронови. Во регионот Запорожје, едно лице загинало, а две други се повредени, изјави во среда (2 април) на Телеграм регионалниот гувернер Иван Федоров. Петнаесет беспилотни летала, исто така, го нападнале источниот град Харкив, при што биле повредени најмалку осум лица.Украинските сили за цивилна одбрана соопштија дека биле погодени згради кои припаѓаат на цивилни фирми, а исто така била нанесена штета и на станбени области. Откако Украина во вторникот ја доживеа првата ноќ без беспилотни летала во годината, воздушната одбрана на земјата извести дека Русија распоредила 74 дронови и мамки со беспилотни летала во текот на ноќта до среда наутро.Нападите првенствено ги погодиле регионите Харкив, Доњецк и Одеса. Видете и ова: Зеленски: Партнерите на Украина ќе разговараат за распоредување странски војници Во Москва, руското Министерство за одбрана тврдеше дека соборило 93 украински беспилотни летала во текот на ноќта, главно над пограничниот регион Курск.Војувањето со беспилотни летала стана речиси секојдневна тактика во војната, иако размерите на уништување и жртви предизвикани од руските напади го надминуваат влијанието на украинските напади. Украина се брани од руската инвазија повеќе од три години, потпирајќи се во голема мера на поддршката од Западот. прочитај повеќе април 02, 2025 Дурмиши: Секој има право да излезе на улица и да покаже револт Министерот за економија и труд Бесар Дурмиши Живееме во демократија и секој има право да излезе на улица и да протестира и да го каже својот револт, но на синдикатите веќе им истече мандатот и веќе не се репрезентативни, порача денеска (2 април)министерот за економија и труд Бесар Дурмиши.„Како Влада ја формиравме комисијата која треба да ја утврди репрезентативноста на синдикатите и таа комисија веќе работи. Веднаш кога ќе се определи кој синдикат е репрезентативен ќе ја свикам седницата на Економско социјалниот совет (ЕСС). Токму таму синдикатите треба да ги кажат своите барања, а не на улица“, изјави Дурмиши во одговор на новинарско прашање пред почетокот на конференцијата „Реформа на Законот за работни односи – предизвици и насоки“. Видете и ова: Синдикатите утре на протест, барањето за поголем минималец ги „скара“ со Владата Како Влада, нагласи дека се за социјален дијалог. Одговарајќи на прашање рече дека како Влада постапиле според законот и методологијата за минималната плата, со која се усогласени сите засегнати страни, односно и синдикатите и работодавачите, и го објавиле износот на минималната плата на крајот на март.„Според тој правилник минималната плата изнесува 400 евра и е покачена нето платата за 1800 денари. Како надлежен министер за економија и труд јас ја објавив минималната плата по одлука на Владата, рече Дурмиши.Нагласи дека немале согласност од ЕСС за износот на минималната плата поради тоа што нема репрезентативност од синдикатите.„Јас според законот кој е во сила и кој е потпишан и од синдикатите и од работодавачите и по одлука на Влада обврзан сум пред 31 март да ја објавам минималната плата. Од минималната плата потоа се пресметува и просечната плата и другите плати. Ако не ја објавевме до 31 март ќе се блокираше целата држава и сите институции, а приватниот сектор не ќе можеше да пресмета плати за нивните вработени“, истакна Дурмиши.Сојузот на синдикатите на Македонија (ССМ) денеска одржува јавна седница пред зградата на Работничкиот дом на која ќе ги искаже своите ставови за минималната плата. прочитај повеќе април 02, 2025 Советот на јавни обвинители даде негативно мислење за разрешување на Коцевски Државниот јавен обвинител Љупчо Коцевски Советот на јавни обвинители даде негативно мислење по предлогот на Владата за разрешување на државниот јавен обвинител Љупчо Коцевски. За прифаќање на предлогот гласаа тројца, додека шест члена гласа против. Претседателката на Советот на јавни обвинители Душица Димитриеска, рече дека со оглед дека Советот одлуките ги носи со мнозинство, мнозинството дадоа негативно мислење. За прифаќање на предлогот на Владата за разрешување на Коцевски гласаа Кети Петкова, Ардиан Демири и Марјана Илиевска.Советот на јавни обвинители претходно ја исклучи јавноста од точката за разгледување на предлогот за разрешување на државниот јавен обвинител Љупчо Коцевски. Членовите на Советот едногласно го поддржаа предлогот на членот Зорица Павловиќ, која повикувајќи се на член 10 од Законот за совет на јавни обвинители побара да се исклучи јавноста поради, како што кажа, сензитивноста на процесот и за заштита на угледот и интегритетот на јавниот обвинител.Светлана Стојковиќ, го поддржа предлогот, дополнувајќи дека јавноста треба да биде исклучена и поради тоа што во произнесувањето од Коцевски по предлогот за негово разрешување, се изнесени и информации и докази од дисциплинските постапки што се води против двајца јавни обвинители. Расправата, како што нагласија, ќе биде затворена, а јавноста ќе биде вклучена само за гласањето по мислењето за предлогот на Владата за разрешување на Коцевски.Седницата за разгледување на предлогот претходно на два пати беше одложена. Првично беше закажана за 18 март, но беше одложена поради седумдневната жалост по трагедијата во Кочани, а минатата недела, на 26 март беше одложена поради немање на кворум. Согласно законските рокови за разгледување на предлогот за разрешување на Коцевски, Советот треба да го разгледа најдоцна до крајот на неделава, иако Владата објави дека ќе ја прекине постапката. Видете и ова: Предлогот за разрешување на Коцевски на денешната владина седница Портпаролката на Владата Марија Митева, на 26 март годинава, изјави дека Владата ќе ја прекине постапката за разрешување на државниот јавен обвинител Љупчо Коцевски и доколку добие мислење од страна на Советот на ЈО, истото нема да го проследи до Собранието.Премиерот Христијан Мицкоски по трагедијата во Кочани изјави дека постапката за разрешување на јавниот обвинител Коцевски ќе се запре во моментот до таму каде што се наоѓа.Владата на 11 февруари година донесе одлука да поведе постапка за разрешување на државниот јавен обвинител Коцевски кој беше избран на оваа позиција пред една година, а неговиот мандат трае шест години.Министерството за правда, постапувајќи по заклучокот од 50-та седница на Владата, го изготви Предлог-мислењето за разрешување на државниот јавен обвинител. Коцевски, како што велат од Министерството за правда, постапувал во предмети во кои согласно законските одредби постоеле околности кои предизвикуваат сомневање во неговата непристрасност, како и судир на интереси, а за кои околности тој требало да знае и требало да се изземе. Републичкиот обвинител Коцевски го демантира тврдењето дека незаконски постапил посочувајќи дека го следел законот и роковите во него. прочитај повеќе Вчитај повеќе...

Вести април 01, 2025 Финска се повлекува од договорот за нагазни мини поради Русија Финските граничари и нивното куче Нита патролираат на финско-руската граница, во источна Финска, на 5 јуни 2024 година. Членката на НАТО Финска планира да ја напушти глобалната конвенција за забрана на противпешадиски мини и да ги зголеми трошоците за одбрана на најмалку 3 отсто од бруто домашниот производ до 2029 година како одговор на растечката воена закана од Русија, објави во вторникот нејзината влада.Полска и балтичките земји, Естонија, Летонија и Литванија, минатиот месец објавија дека ќе се повлечат од Конвенцијата од Отава од 1997 година поради заканата што соседна Русија ја претставува за нив и за Европа.Со напуштање на договорот, Финска, која ја чува најдолгата граница на НАТО со Русија, би можела повторно да започне со обезбедување на залихи на нагазни мини за да и бидат достапни доколку се појави потреба. Видете и ова: Советот на ЕУ ја одобри третата исплата за Украина од речиси 3,5 милијарди евра На прес-конференцијата премиерот Петри Орпо рече дека во моментов нема непосредна воена закана за нордиската нација, но дека Русија претставува долгорочна опасност за цела Европа.„Повлекувањето од Конвенцијата од Отава ќе ни овозможи да се подготвиме за промени во сегашната безбедносна средина на посеопфатен и разноврсен начин“, рече тој.Премиерот Орпо додаде дека Финска ќе одвои дополнителни три милијарди евра за одбраната, со што ќе го подигне нивото на воени трошоци од 2,41 отсто во 2024 година на 3 отсто од бруто домашниот производ до 2029 година копно и балтичките држави дека Русија би можела повторно да се вооружи и да ги нападне наместо Украина.Финска се приклучи на воената алијанса НАТО во 2023 година, во промена на политиката по децении на неврзаност предизвикана од руската инвазија на Украина.Финска почна да размислува за повлекување од Договорот од Отава во ноември минатата година, кога нејзиниот воен началник рече дека ова прашање треба да се разговара поради руската употреба на такво оружје во Украина.„Финска ќе ги користи мините на одговорен начин, но тоа е одвраќање што ни треба“, рече министерот за земјоделство и шумарство Сари Есајах за новинарите во вторникот. Видете и ова: И покрај негодувањето на групите за права, САД ќе и дадат на Украина противпешадиски мини Противпешадиските нагазни мини се дизајнирани да бидат скриени во земјата и автоматски да се активираат кога некој ќе стапне или оди во нивна близина.Финска уништи над милион нагазни мини по 2012 година, со што стана последната земја на ЕУ што ја потпиша Конвенцијата од Отава, која ја ратификуваа или пристапија повеќе од 160 земји - но не и Русија.Договорот од 1997 година беше еден од низата меѓународни договори направени по крајот на Студената војна за промовирање на глобалното разоружување. Борците против мини ја добија Нобеловата награда за мир истата година.Нагазни мини убија или осакатија десетици илјади цивили ширум светот, многу од нив долго по завршувањето на војните.За напуштање на договорот ќе биде потребно одобрение од финскиот парламент. прочитај повеќе види ги сите денешни вести април 02, 2025 Мицкоски и Филипче утре на средба во Владата Влада на Република Северна Македонија, архивска фотографија Премиерот, Христијан Мицкоски и лидерот на опозициската СДСМ, Венко Филипче утре во 14 часот ќе имаат средба во Владата. -Согласно јавната комуникација и упатените иницијативи и демонстрираната подготвеност од двете страни, за утре во 14 часот е закажана средба меѓу премиерот Христијан Мицкоски и претседателот на СДСМ, Венко Филипче – соопшти попладнево владината прес служба.Во изјава за медиумите во Штип, Мицкоски искажа подготвеност за средба со Филипче, кој денеска повика на политички и општествен дијалог.Филипче на прес-конференција рече дека по трагедијата во Кочани граѓаните реагираа со револт и бес, системот не функционира како што треба, а за тоа вина, како што посочи, имаат сите политички партии. Видете и ова: Филипче предлага нов концепт на општествен и политички дијалог Областите каде што треба системски пристап, според Филипче се - образование, здравство, правосудство, животна средина, партизација и политизација.По неговата денешна прес конференција, од Движењето ЗНАМ реагира преку писмено соопштение во кое обвинија дека „СДСМ и Филипче немаат политички кредибилитет, ниту легитимитет да нудат какви било концепти за Македонија овој момен.- Оттука, Венко Филипче и СДСМ не можат да бидат решение на проблемите, бидејќи покажаа дека тие се проблем за секое решение, наведуваат од ЗНАМ.-Дали самопрогласениот лидер на опозицијата со ова бара начин да се факторизира како политички фактор во јавноста и да седне на преговарачка маса, имајќи ја в предвид очајната состојба на неговата партија – се наведува во реакцијата на ЗНАМ.Во меѓувреме, прашан за повикот на Филипче за средба, премиерот Мицкоски кажа дека ова е сериозна тема за која се разговара. Видете и ова: Мицкоски по повикот на Филипче: На располагање сум во секое време за средба „Доколку навистина има план и желба да помогне стојам на располагање во секое време ќе го прераспределам мојот распоред, на полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши“, изјави Мицкоски. ДУИ: Јавноста е згрозена од јавниот флерт на Мицкоски и ФилипчеПо најавата за средба, ДУИ во писмено соопштение изрази силна загриженост, поради како што велат од партијата, „сѐ понагласената моноетничка доминација која Власта ја демонстрираше во првата година од своето владеење“. -Сега веќе на јавна сцена ја вклучува и етничката македонска опозиција во својата намера. Јавноста е просто згрозена од овој јавен флерт на Мицкоски и Филипче, за полноќни средби во политички интимна атмосфера на која ништо помалку туку ќе се крои планот за нов општествен договор за регулација на идните политички текови – велат од ДУИ.Според партијата, Република Северна Македонија претставува „препознатлив модел на функционална мултиетничка демократија со јасно изразена евроатлантска ориентација“.Основниот модел на мултиетничкиот карактер на земјата е системски загрозен, а загрозен а и интегративниот процес на земјата во Европската унија. Тоа се две клучни стратешки основи кои што сериозно ја загрозуваат долгорочната стабилност и просперитет на земјата, и тоа се двата приоритети за кои треба да се отвори суштински политички дијалог – додаваат од ДУИ.Азири: Мицкоски ќе се сретне со претседателот на најголемиот огранок на ВМРО-ДПМНЕ, ФилипчеРеакција пристигна и од потпретседалот на Алијанса за Албанците, Елми Азири:„Претседателот на ВМРО-ДПМНЕ Христијан Мицкоски ќе се сретне со претседателот на најголемиот огранок на ВМРО-ДПМНЕ, Венко Филипче! Откако беше избран за претседател на СДСМ, првата средба му беше со претседателката на државата, г-ѓа Силјановска-Давкова! Последниов веќе неколку години од ВМРО го нарекуваат министер за смрт! Оваа моноетничка средба е практична имплементација на платформата Македонија повторно твоја“, вели Азири. прочитај повеќе април 02, 2025 Мицкоски по повикот на Филипче: На располагање сум во секое време за средба Христијан Мицкоски, архивска фотографија Премиерот, Христијан Мицкоски вели дека е подготвен на средба со лидерот на опозициската СДСМ, Венко Филипче доколку, како што изјави денеска, навистина има план и желба да помогне.По денешниот повик од Филипче за политички и општествен дијалог Мицкоски одговарајќи на новинарско прашање рече дека стои на располагање во секое време и ќе го усогласи распоредот за да го слушне планот на Филипче и да се види дали во тој план може нешто да се реши.„За мене е малку непристојно да разговараме преку медиуми, реков доколку има план како што најавија, подготвен сум да го примам на средба пртседателот на СДСМ да го образложи планот, да го слушнеме планот бидејќи се сериозни времиња, јас сум сериозен човек, сериозни работи се во прашање и најмалку што треба да се прави е естрада на јавна сцена“, изјави Мицкоски.Тој додаде дека доколку Филипче навистина има план и желба да помогне, тој стои на располагање во секое време ќе го прераспредели својот распоред. Видете и ова: Филипче предлага нов концепт на општествен и политички дијалог „На полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши. Но, доколку планот опфаќа пристап „Стабри“, како што беше во минатото за време на короната тогаш такви планови не можам да прифатам“, посочи Мицкоски за повикот од Филипче и дали ќе има лидерска средба со останатите претставници на партиите.Прашан дали ќе имаат заеднички став со СДСМ околу изборот на в.д градоначалник на Кочани за да нема криза во градот по трагедијата со пожарот и оставката на градоначалникот Љупчо Папазов, рече не разговарале со советниците за потецијалнот кандидат, но оти апсолутно ќе се избере в.д градоначалник и оти тука нема дилема.Претходно, лидерот на СДСМ Венко Филипче рече дека уште денеска или утре (2 и 3 април) ќе побара состанок со премиерот за да се организира таа средба.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада. прочитај повеќе април 02, 2025 Курти почна разговори со малцинските партии за формирање на новата влада Состанок на Курти и Реџепи, 2 април Вршителот на должноста премиер на Косово, како и претседател на Движењето Самоопределување, партијата која победи на парламентарните избори на 9 февруари во земјата, почна состаноци со малцинските политички партии за да се консултира за формирањето на новата влада.Овој процес отпочна по потврдувањто на изборните резултати и почетокот на уставните рокови за формирање на законодавната власт и новата влада, додека претседателката на Косово, Вјоса Османи го одреди 15 април како датум за одржување на конститутивната седница на Собранието на Косово.Косовскиот премиер, Албин Курти, изјави дека се сретнал со претседателката на Новата демократска партија (НДС) од бошњачката заедница, а воедно и вршител на должноста заменик на премиерот, Емилија Реџепи. Видете и ова: Закажана конститутивна седница на Собранието на Косово Според изјавата од канцеларијата на премиерот, Реџепи „ја потврдила својата целосна подготвеност да продолжи да соработува" со Движењето Самоопределување и да го поддржи Курти во неговите напори да формира нова влада.Курти, исто така, се сретна со претседателот на Партијата за слобода, правда и опстанок од српската заедница, кој е и вршител на должноста министер за заедници и враќање, Ненад Рашиќ.За време на разговорите, министерот Рашиќ ја потврди својата поддршка на премиерот Курти за формирање на нова влада и продолжување на соработката - се вели во соопштението од кабинетот на премиерот.Движењето за самоопределување тврди дека може да обезбеди 61 глас потребен за формирање на нова влада во Косово.Во меѓувреме, двете опозициски партии, Демократската лига на Косово и Алијансата за иднината на Косово, ја отфрлија можноста за заедничко владеење со Движењето Самоопределување, додека Демократската партија на Косово и Социјалдемократската иницијатива не поставија црвени линии за коалиции.Ниту една политичка партија нема доволно гласови за да формира нова влада.Движењето Самоопределување, како и трите други албански политички партии зад него, сметаат дека немнозинските заедници имаат десет гарантирани места во собранието. прочитај повеќе април 02, 2025 ‘Науката (за)стана’: Протести во Белград и Нови Сад Белград, Србија - протести Вработени во научноистражувачката дејност денеска (2 април) организираа протести во Белград и Нови Сад на повик на српскиот Синдикат на науката во знак на поддршка на студентите во блокада.Протестите беа организирани под слоганот „Науката (за)стана“.Претставници на Синдикатот на науката и на Мрежата на академска солидарност заедно со група граѓани и студенти се собраа пред платото кај Филозофскиот факултет во Белград.Луѓето на собирот носеа транспаренти на кои меѓу другото пишуваше „Науката ви мавта со дипломите, нашите се вистински, а какви се вашите“ и „За враќање на академското достоинство“.Претставник на неформалната организација Мрежа на академската солидарност, Оливер Тошковиќ, рече дека владата „живее во свет во кој позицијата е пред аргументот".„Факт е дека оваа влада е подготвена да ја уништи и деформира научната активност во оваа земја само за да ни се одмазди лично и да нѐ понижи", рече Тошковиќ. Видете и ова: Протест пред ТВ Информер во Белград поради известување за студентските протести Собраните со 16-минутно молчење им оддадоа почит на загинатите при падот на настрешницата во Нови Сад. По молкот, тие се движеа низ централните улици на Белград до зградата на Владата на Србија.Во Србија, десетици илјади граѓани со месеци излегуваат на улиците со клучно барање да се утврди кривичната и политичката одговорност за несреќата во Нови Сад, во која 15 лица загинаа при пад на настрешницата на главната железничка станица во градот, додека шеснаесеттата жртва им подлегна на повредите повеќе од два месеци подоцна.Во фокусот на протестите се обвинувањата дека корупцијата довела до паѓање на настрешницата. Претставниците на властите ги отфрлија овие обвинувања. прочитај повеќе април 02, 2025 Тројца пациенти од пожарот во Кочани се враќаат од Шведска и Грција Дискотека Пулс, Кочани / архивска фотографија Тројца пациенти од повредените лица од пожарот во Кочани се враќаат во земјава, од кои двајца беа хоспитализирани во Грција и еден пациент во Шведска – соопшти Министерството за здравство денеска (2 април).Согласно протоколите ќе бидат задржани под 24-часовен надзор.Во Србија остануваат хоспитализирани 23 пациенти, Бугарија 14 паценти, Турција 10 пациенти, Грција 8 пациенти, Словенија 4 пациенти, во Унгарија, Хрватска, Шпанија, Австрија и Литванија се хоспитализирани по 3 пациенти, во Италија и Полска по еден пациент.Во Скопје, на Клиниката за токсикологија вчера беше хоспитализиран пациент по враќање од Полска, истиот денеска се пушта на домашно лекување. Видете и ова: Дома се пуштени 93 пациенти од пожарот во Кочани, уште сто се лекуваат На Клиниката за пластична хирургија остануваат двајца пациенти, а во Хируршката клиника Св.Наум Охридски 6 пациенти. Во ГОБ 8 Септември се хоспитализирани пет пациенти, од кои еден е планирано да биде пуштен на домашно лекување, на Клиниката за пулмологија двајца пациенти, а во приватната болница Систина се хоспитализирани тројца пациенти.Ресорниот министер, Арбен Таравари вчера изјави дека засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. прочитај повеќе април 02, 2025 Филипче предлага нов концепт на општествен и политички дијалог Венко Филипче, лидер на СДСМ Лидерот на СДСМ Венко Филипче предложи нов концепт за општествен и политички дијалог. Како што рече на денешната прес-конференција, трагедијата во Кочани покажала дека системот не функционира како што треба, а за тоа како што посочи, вина имале сите политички партии.Во однос на лидерската средба рече дека уште денеска или утре (2 и 3 април) ќе побара состанок со премиерот Христијан Мицкоски, за да се организира таа средба.Според него областите каде што треба системски пристап се - образование, здравство, правосудство, животна средина, партизација и политизација.„По големата трагедија во Кочани, ја видовме реакцијата на граѓаните, револт, на места и бес. Би рекол сосема оправдано, бидејќи тоа што во изминатите три децении, тоа што се нарекува реформи, тоа што се нарекува транзиција, очигледно не го даде посакуваниот резултат. Системот на многу места очигледно не фукционира како што треба. Јавните сервиси немаат перформанс каков што граѓаните заслужуваат. За тоа вина имаме сите политички партии, СДСМ, ВМРО-ДПМНЕ, ДУИ, другите политички партии“, рече Филипче.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада.Во однос на правосудството, предлага неминовно да се донесат реформската агенда во што пократок рок реформските закони во одреден систем во којшто ќе се постигне широк консензус не само политички, туки и други фактори од делот на правосудството на коишто ова навистина им е експертиза.„Тоа што граѓаните најмногу ги иритира а тоа е партизацијата и политизацијата. Мора да ги ослободиме институциите од канџите на политиката и партијата за да младите луѓе имаат навистина добар, компетитивен мерит систем и на тој начин да се вработуваат и напредуваат поради тоа што само на тој начин можеме експертизата да ја издигнеме на соодветно и заслужено ниво“, истакна Филипче, додавајќи дека добро е на овие теми да седнат лидерите на сите партии. Видете и ова: По трагедијата во Кочани, собраниската говорница остана нема Лидерот на СДСМ истакна дека на премиерот Христијан Мицкоски и подетално би му го образложил овој план на средба во следните денови. Во однос дали очекува неговиот предлог за лидерска средба да биде прифатен, тој рече дека уште денеска или утре (2 и 3 април) ќе побара состанок со премиерот Мицкоски, согласно агендите, за да се организира таа средба.„Оставам простор и се надевам дека сега кога политичките партии ќе го слушнат ова ќе ја прифатат таа лидерска средба. Но добро е прво тоа да го поразговараме со премиерот, имајќи предвид дека тој прв подаде рака и на прва одговори дека средбата е прифатлива. Навистина не знам што би било неприфатливо или некој зошто не би сакал да разговара, кога тоа е констатација на секој еден граѓанин во државата“, рече Филипче.На новинарско прашање дали на средбата ќе ја постави темата за евроинтеграции и уставни измени, рече дека најверојатно ќе се зборува и за таа тема. Премиерот Христијан Мицкоски деновиве изјави дека тој е подготвен да разговара со Филипче, додавајќи дека лидерската средба е пресериозна тема за да се разговара преку медиуми. прочитај повеќе април 02, 2025 Мицкоски: Милошоски и Филков имаа лош ден, Владата е стабилна Христијан Мицкоски, премир на РСМ Премиерот Христијан Мицкоски изјави дека владината коалиција е стабилна, а јавното препукување меѓу пратеникот од ВМРО-ДПМЕ Антонијо Милошоски и министерот за правда Игор Филков од коалицискиот партнер ЗНАМ, според него, ќе застане на, како што вели, на овие два лични става.„Владината коалиција е стабила. Пратеникот Антонијо Милошоски е член на Извршниот комитет на партијата, тој е дел од мојот најблизок периметар. Јас соработката со Антонијо Милошоски ја оценувам на највисоко ниво, тој е додадена вредност и во рамки на пратеничката група и во рамки на партијата. Министерот Игор Филков знам со какви проблеми се соочи, знам каква состојба затекна во Министерството за правда, континуирано на дневна основа соработуваме во делот на реформите, кои се многу важни посебно во секторот правда. Но, она што можев да го заклучам, а убеден сум дека сето ова ќе застане на овие два лични става е дека секој има право на лош ден, па така јас мислам дека тој лош ден и за едниот и за другиот завршува“, рече Мицкоски, по пуштањето на фабриката на „Магна мехатроникс“ во ТИРЗ Штип. Прашан дали има проблеми со коалицијата Вреди во која е министерот за здравство Арбен Тараври кој предвои едно од крилата во Алијанса за Албанците, рече дека нема такво чувство и оти имаат исклучителна соработка. „Не, немам такво чувство. Напротив, имаме исклучителна соработка. Граѓаните да бидат сигурни, Владата е стабилна, повеќе од две третини неофицијално, а официјално 78 пратеници ја поддржуваат оваа Влада. Граѓаните, според она што го гледам од анкетите даваат поддршка, огромно е позитивното мислење дека и Македонија се движи во позитивна насока и тоа претставува за нас инспирација да продолжиме понатаму да се движиме и да работиме“, рече Мицкоски. Видете и ова: Апетитите за локалните избори ја зовреа „Вреди“ Пратеникот на ВМРО-ДПМНЕ и потпретседател на Собранието, Антонијо Милошоски вчера во телевизиско гостување рече дека министерот за правда Игор Филков има слаб придонес во областа со која раководи. Посочи дека очекувал досега барем во нацрт верзија до Собранието да бидат доставени Предлог-законот за судови, Предлог-законот за судски буџет, Предлог законот за јавнообвинителската служба, новиот Кривичен законик...Министерот за правда Филков, пак, во реакција на изнесените наводи на Милошоски рече дека „Кусурот на Груевски, познат под прекарот - Џуџето од Небрегово, а јавноста добро го памети по аферите поврзани со АМСМ и семејните бизниси од Кичево, изгледа дека сè уште нема навика да одговара пред граѓаните кои го избрале“.„Бидејќи очигледно е неинформиран и изолиран од партијата, го упатувам во неговата матична партија или пак во Владата-можеби конечно ќе го известат за постапките, роковите и статусот на законите! И, бидејќи изгледа како некој што работи по туѓи наредби, за кого одработува во моментов? Дали се тоа интересите на граѓаните или некои други агенди? Во минатото е познат по Ванчо Михајловистички ставови, многу лаги и невистини. Ова е лош де-фокус на македонската јавност по двонеделниот „одмор“! Да го потсетам дека во парламентот е од 2011 година, откако се повлече од функцијата министер за надворешни работи и активно учествуваше во креирање на „канцерогениот“ правосуден систем. Сега е добар момент да се потсети јавноста дека токму тој директно учествуваше во процесот на донесувањето на штетните измени на КЗ во 2023 година, со што се спаси од одговорност за кривичното дело ,,Моќник”“, наведе Филков, набројувајќи ги законите на кои работел во изминатиот период. прочитај повеќе април 02, 2025 По еднодневна пауза, Русија ги продолжува масовните напади врз Украина Последици од нападот во градот Харкив, Украина, 2 април 2025 година Русија започна нови воздушни напади врз Украина по еднодневна пазуа од напади со дронови. Во регионот Запорожје, едно лице загинало, а две други се повредени, изјави во среда (2 април) на Телеграм регионалниот гувернер Иван Федоров. Петнаесет беспилотни летала, исто така, го нападнале источниот град Харкив, при што биле повредени најмалку осум лица.Украинските сили за цивилна одбрана соопштија дека биле погодени згради кои припаѓаат на цивилни фирми, а исто така била нанесена штета и на станбени области. Откако Украина во вторникот ја доживеа првата ноќ без беспилотни летала во годината, воздушната одбрана на земјата извести дека Русија распоредила 74 дронови и мамки со беспилотни летала во текот на ноќта до среда наутро.Нападите првенствено ги погодиле регионите Харкив, Доњецк и Одеса. Видете и ова: Зеленски: Партнерите на Украина ќе разговараат за распоредување странски војници Во Москва, руското Министерство за одбрана тврдеше дека соборило 93 украински беспилотни летала во текот на ноќта, главно над пограничниот регион Курск.Војувањето со беспилотни летала стана речиси секојдневна тактика во војната, иако размерите на уништување и жртви предизвикани од руските напади го надминуваат влијанието на украинските напади. Украина се брани од руската инвазија повеќе од три години, потпирајќи се во голема мера на поддршката од Западот. прочитај повеќе април 02, 2025 Дурмиши: Секој има право да излезе на улица и да покаже револт Министерот за економија и труд Бесар Дурмиши Живееме во демократија и секој има право да излезе на улица и да протестира и да го каже својот револт, но на синдикатите веќе им истече мандатот и веќе не се репрезентативни, порача денеска (2 април)министерот за економија и труд Бесар Дурмиши.„Како Влада ја формиравме комисијата која треба да ја утврди репрезентативноста на синдикатите и таа комисија веќе работи. Веднаш кога ќе се определи кој синдикат е репрезентативен ќе ја свикам седницата на Економско социјалниот совет (ЕСС). Токму таму синдикатите треба да ги кажат своите барања, а не на улица“, изјави Дурмиши во одговор на новинарско прашање пред почетокот на конференцијата „Реформа на Законот за работни односи – предизвици и насоки“. Видете и ова: Синдикатите утре на протест, барањето за поголем минималец ги „скара“ со Владата Како Влада, нагласи дека се за социјален дијалог. Одговарајќи на прашање рече дека како Влада постапиле според законот и методологијата за минималната плата, со која се усогласени сите засегнати страни, односно и синдикатите и работодавачите, и го објавиле износот на минималната плата на крајот на март.„Според тој правилник минималната плата изнесува 400 евра и е покачена нето платата за 1800 денари. Како надлежен министер за економија и труд јас ја објавив минималната плата по одлука на Владата, рече Дурмиши.Нагласи дека немале согласност од ЕСС за износот на минималната плата поради тоа што нема репрезентативност од синдикатите.„Јас според законот кој е во сила и кој е потпишан и од синдикатите и од работодавачите и по одлука на Влада обврзан сум пред 31 март да ја објавам минималната плата. Од минималната плата потоа се пресметува и просечната плата и другите плати. Ако не ја објавевме до 31 март ќе се блокираше целата држава и сите институции, а приватниот сектор не ќе можеше да пресмета плати за нивните вработени“, истакна Дурмиши.Сојузот на синдикатите на Македонија (ССМ) денеска одржува јавна седница пред зградата на Работничкиот дом на која ќе ги искаже своите ставови за минималната плата. прочитај повеќе април 02, 2025 Советот на јавни обвинители даде негативно мислење за разрешување на Коцевски Државниот јавен обвинител Љупчо Коцевски Советот на јавни обвинители даде негативно мислење по предлогот на Владата за разрешување на државниот јавен обвинител Љупчо Коцевски. За прифаќање на предлогот гласаа тројца, додека шест члена гласа против. Претседателката на Советот на јавни обвинители Душица Димитриеска, рече дека со оглед дека Советот одлуките ги носи со мнозинство, мнозинството дадоа негативно мислење. За прифаќање на предлогот на Владата за разрешување на Коцевски гласаа Кети Петкова, Ардиан Демири и Марјана Илиевска.Советот на јавни обвинители претходно ја исклучи јавноста од точката за разгледување на предлогот за разрешување на државниот јавен обвинител Љупчо Коцевски. Членовите на Советот едногласно го поддржаа предлогот на членот Зорица Павловиќ, која повикувајќи се на член 10 од Законот за совет на јавни обвинители побара да се исклучи јавноста поради, како што кажа, сензитивноста на процесот и за заштита на угледот и интегритетот на јавниот обвинител.Светлана Стојковиќ, го поддржа предлогот, дополнувајќи дека јавноста треба да биде исклучена и поради тоа што во произнесувањето од Коцевски по предлогот за негово разрешување, се изнесени и информации и докази од дисциплинските постапки што се води против двајца јавни обвинители. Расправата, како што нагласија, ќе биде затворена, а јавноста ќе биде вклучена само за гласањето по мислењето за предлогот на Владата за разрешување на Коцевски.Седницата за разгледување на предлогот претходно на два пати беше одложена. Првично беше закажана за 18 март, но беше одложена поради седумдневната жалост по трагедијата во Кочани, а минатата недела, на 26 март беше одложена поради немање на кворум. Согласно законските рокови за разгледување на предлогот за разрешување на Коцевски, Советот треба да го разгледа најдоцна до крајот на неделава, иако Владата објави дека ќе ја прекине постапката. Видете и ова: Предлогот за разрешување на Коцевски на денешната владина седница Портпаролката на Владата Марија Митева, на 26 март годинава, изјави дека Владата ќе ја прекине постапката за разрешување на државниот јавен обвинител Љупчо Коцевски и доколку добие мислење од страна на Советот на ЈО, истото нема да го проследи до Собранието.Премиерот Христијан Мицкоски по трагедијата во Кочани изјави дека постапката за разрешување на јавниот обвинител Коцевски ќе се запре во моментот до таму каде што се наоѓа.Владата на 11 февруари година донесе одлука да поведе постапка за разрешување на државниот јавен обвинител Коцевски кој беше избран на оваа позиција пред една година, а неговиот мандат трае шест години.Министерството за правда, постапувајќи по заклучокот од 50-та седница на Владата, го изготви Предлог-мислењето за разрешување на државниот јавен обвинител. Коцевски, како што велат од Министерството за правда, постапувал во предмети во кои согласно законските одредби постоеле околности кои предизвикуваат сомневање во неговата непристрасност, како и судир на интереси, а за кои околности тој требало да знае и требало да се изземе. Републичкиот обвинител Коцевски го демантира тврдењето дека незаконски постапил посочувајќи дека го следел законот и роковите во него. прочитај повеќе Вчитај повеќе...

Вести април 01, 2025 Полицајци осомничени дека незаконски земале патни трошоци Илустрација Одделот за внатрешна контрола при Министерството за внатрешни работи поднесе кривична пријава против 10 полициски службеници од Единицата за брзо распоредување. Службениците се осомничени за злоупотреба на службената положба и овластување, со што го оштетиле буџетот на Министерството за внатрешни работи за 1.098.120 денари. Тие примале парични средства за патни трошоци за денови кога не патувале до работното место во Скопје. Против нив ќе биде поднесен и предлог за дисциплинска постапка.Како што стои во соопштениот од МВР, Одделот за внатрешна контрола, криминалистички истраги и професионални стандарди при Министерството за внатрешни работи, до Основното јавно обвинителство за гонење на организиран криминал и корупција - Специјализирано оддделение за гонење на кривични дела сторени од лица со полициски овластувања и припадници на затворската полиција, поднесе кривична пријава против полициските службеници К.Ѓ., Г.Д., Н.С., И.Г., Д.Д., Д.Д., Н.М., С.С., З.Т. и Д.Т., сите вработени во Единицата за брзо распоредување, поради постоење основи на сомнение дека извршиле кривично дело „злоупотреба на службената положба и овластување“ казниво по член 353 од Кривичниот законик. Видете и ова: Триесетдневен притвор за член на обезбедувањето на премиерот „Пријавените, со намера за себе да прибават противправна имотна корист, искористувајќи го стекнатото право за надомест на патни трошоци, поради тоа што по лична карта се воделе со место на живеење надвор од Скопје, ја злоупотребиле службената положба на начин што примале парични средства од Министерството за внатрешни работи за денови во кои не патувале од своето место на живеење до работното место во Скопје и обратно, со што во периодот 01.12.2023 до 17.09.2024 го оштетиле буџетот на Министерството за внатрешни работи во вкупен износ од 1.098.120 денари, стои во соопштението од МВР. Дополнуваат дека Одделот за внатрешна контрола, криминалистички истраги и професионални стандарди за пријавените полициски службеници ќе поднесе и предлог за поведување на постапка за утврдување на дисциплинска одговорност. прочитај повеќе види ги сите денешни вести април 02, 2025 Мицкоски и Филипче утре на средба во Владата Влада на Република Северна Македонија, архивска фотографија Премиерот, Христијан Мицкоски и лидерот на опозициската СДСМ, Венко Филипче утре во 14 часот ќе имаат средба во Владата. -Согласно јавната комуникација и упатените иницијативи и демонстрираната подготвеност од двете страни, за утре во 14 часот е закажана средба меѓу премиерот Христијан Мицкоски и претседателот на СДСМ, Венко Филипче – соопшти попладнево владината прес служба.Во изјава за медиумите во Штип, Мицкоски искажа подготвеност за средба со Филипче, кој денеска повика на политички и општествен дијалог.Филипче на прес-конференција рече дека по трагедијата во Кочани граѓаните реагираа со револт и бес, системот не функционира како што треба, а за тоа вина, како што посочи, имаат сите политички партии. Видете и ова: Филипче предлага нов концепт на општествен и политички дијалог Областите каде што треба системски пристап, според Филипче се - образование, здравство, правосудство, животна средина, партизација и политизација.По неговата денешна прес конференција, од Движењето ЗНАМ реагира преку писмено соопштение во кое обвинија дека „СДСМ и Филипче немаат политички кредибилитет, ниту легитимитет да нудат какви било концепти за Македонија овој момен.- Оттука, Венко Филипче и СДСМ не можат да бидат решение на проблемите, бидејќи покажаа дека тие се проблем за секое решение, наведуваат од ЗНАМ.-Дали самопрогласениот лидер на опозицијата со ова бара начин да се факторизира како политички фактор во јавноста и да седне на преговарачка маса, имајќи ја в предвид очајната состојба на неговата партија – се наведува во реакцијата на ЗНАМ.Во меѓувреме, прашан за повикот на Филипче за средба, премиерот Мицкоски кажа дека ова е сериозна тема за која се разговара. Видете и ова: Мицкоски по повикот на Филипче: На располагање сум во секое време за средба „Доколку навистина има план и желба да помогне стојам на располагање во секое време ќе го прераспределам мојот распоред, на полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши“, изјави Мицкоски. ДУИ: Јавноста е згрозена од јавниот флерт на Мицкоски и ФилипчеПо најавата за средба, ДУИ во писмено соопштение изрази силна загриженост, поради како што велат од партијата, „сѐ понагласената моноетничка доминација која Власта ја демонстрираше во првата година од своето владеење“. -Сега веќе на јавна сцена ја вклучува и етничката македонска опозиција во својата намера. Јавноста е просто згрозена од овој јавен флерт на Мицкоски и Филипче, за полноќни средби во политички интимна атмосфера на која ништо помалку туку ќе се крои планот за нов општествен договор за регулација на идните политички текови – велат од ДУИ.Според партијата, Република Северна Македонија претставува „препознатлив модел на функционална мултиетничка демократија со јасно изразена евроатлантска ориентација“.Основниот модел на мултиетничкиот карактер на земјата е системски загрозен, а загрозен а и интегративниот процес на земјата во Европската унија. Тоа се две клучни стратешки основи кои што сериозно ја загрозуваат долгорочната стабилност и просперитет на земјата, и тоа се двата приоритети за кои треба да се отвори суштински политички дијалог – додаваат од ДУИ.Азири: Мицкоски ќе се сретне со претседателот на најголемиот огранок на ВМРО-ДПМНЕ, ФилипчеРеакција пристигна и од потпретседалот на Алијанса за Албанците, Елми Азири:„Претседателот на ВМРО-ДПМНЕ Христијан Мицкоски ќе се сретне со претседателот на најголемиот огранок на ВМРО-ДПМНЕ, Венко Филипче! Откако беше избран за претседател на СДСМ, првата средба му беше со претседателката на државата, г-ѓа Силјановска-Давкова! Последниов веќе неколку години од ВМРО го нарекуваат министер за смрт! Оваа моноетничка средба е практична имплементација на платформата Македонија повторно твоја“, вели Азири. прочитај повеќе април 02, 2025 Мицкоски по повикот на Филипче: На располагање сум во секое време за средба Христијан Мицкоски, архивска фотографија Премиерот, Христијан Мицкоски вели дека е подготвен на средба со лидерот на опозициската СДСМ, Венко Филипче доколку, како што изјави денеска, навистина има план и желба да помогне.По денешниот повик од Филипче за политички и општествен дијалог Мицкоски одговарајќи на новинарско прашање рече дека стои на располагање во секое време и ќе го усогласи распоредот за да го слушне планот на Филипче и да се види дали во тој план може нешто да се реши.„За мене е малку непристојно да разговараме преку медиуми, реков доколку има план како што најавија, подготвен сум да го примам на средба пртседателот на СДСМ да го образложи планот, да го слушнеме планот бидејќи се сериозни времиња, јас сум сериозен човек, сериозни работи се во прашање и најмалку што треба да се прави е естрада на јавна сцена“, изјави Мицкоски.Тој додаде дека доколку Филипче навистина има план и желба да помогне, тој стои на располагање во секое време ќе го прераспредели својот распоред. Видете и ова: Филипче предлага нов концепт на општествен и политички дијалог „На полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши. Но, доколку планот опфаќа пристап „Стабри“, како што беше во минатото за време на короната тогаш такви планови не можам да прифатам“, посочи Мицкоски за повикот од Филипче и дали ќе има лидерска средба со останатите претставници на партиите.Прашан дали ќе имаат заеднички став со СДСМ околу изборот на в.д градоначалник на Кочани за да нема криза во градот по трагедијата со пожарот и оставката на градоначалникот Љупчо Папазов, рече не разговарале со советниците за потецијалнот кандидат, но оти апсолутно ќе се избере в.д градоначалник и оти тука нема дилема.Претходно, лидерот на СДСМ Венко Филипче рече дека уште денеска или утре (2 и 3 април) ќе побара состанок со премиерот за да се организира таа средба.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада. прочитај повеќе април 02, 2025 Курти почна разговори со малцинските партии за формирање на новата влада Состанок на Курти и Реџепи, 2 април Вршителот на должноста премиер на Косово, како и претседател на Движењето Самоопределување, партијата која победи на парламентарните избори на 9 февруари во земјата, почна состаноци со малцинските политички партии за да се консултира за формирањето на новата влада.Овој процес отпочна по потврдувањто на изборните резултати и почетокот на уставните рокови за формирање на законодавната власт и новата влада, додека претседателката на Косово, Вјоса Османи го одреди 15 април како датум за одржување на конститутивната седница на Собранието на Косово.Косовскиот премиер, Албин Курти, изјави дека се сретнал со претседателката на Новата демократска партија (НДС) од бошњачката заедница, а воедно и вршител на должноста заменик на премиерот, Емилија Реџепи. Видете и ова: Закажана конститутивна седница на Собранието на Косово Според изјавата од канцеларијата на премиерот, Реџепи „ја потврдила својата целосна подготвеност да продолжи да соработува" со Движењето Самоопределување и да го поддржи Курти во неговите напори да формира нова влада.Курти, исто така, се сретна со претседателот на Партијата за слобода, правда и опстанок од српската заедница, кој е и вршител на должноста министер за заедници и враќање, Ненад Рашиќ.За време на разговорите, министерот Рашиќ ја потврди својата поддршка на премиерот Курти за формирање на нова влада и продолжување на соработката - се вели во соопштението од кабинетот на премиерот.Движењето за самоопределување тврди дека може да обезбеди 61 глас потребен за формирање на нова влада во Косово.Во меѓувреме, двете опозициски партии, Демократската лига на Косово и Алијансата за иднината на Косово, ја отфрлија можноста за заедничко владеење со Движењето Самоопределување, додека Демократската партија на Косово и Социјалдемократската иницијатива не поставија црвени линии за коалиции.Ниту една политичка партија нема доволно гласови за да формира нова влада.Движењето Самоопределување, како и трите други албански политички партии зад него, сметаат дека немнозинските заедници имаат десет гарантирани места во собранието. прочитај повеќе април 02, 2025 ‘Науката (за)стана’: Протести во Белград и Нови Сад Белград, Србија - протести Вработени во научноистражувачката дејност денеска (2 април) организираа протести во Белград и Нови Сад на повик на српскиот Синдикат на науката во знак на поддршка на студентите во блокада.Протестите беа организирани под слоганот „Науката (за)стана“.Претставници на Синдикатот на науката и на Мрежата на академска солидарност заедно со група граѓани и студенти се собраа пред платото кај Филозофскиот факултет во Белград.Луѓето на собирот носеа транспаренти на кои меѓу другото пишуваше „Науката ви мавта со дипломите, нашите се вистински, а какви се вашите“ и „За враќање на академското достоинство“.Претставник на неформалната организација Мрежа на академската солидарност, Оливер Тошковиќ, рече дека владата „живее во свет во кој позицијата е пред аргументот".„Факт е дека оваа влада е подготвена да ја уништи и деформира научната активност во оваа земја само за да ни се одмазди лично и да нѐ понижи", рече Тошковиќ. Видете и ова: Протест пред ТВ Информер во Белград поради известување за студентските протести Собраните со 16-минутно молчење им оддадоа почит на загинатите при падот на настрешницата во Нови Сад. По молкот, тие се движеа низ централните улици на Белград до зградата на Владата на Србија.Во Србија, десетици илјади граѓани со месеци излегуваат на улиците со клучно барање да се утврди кривичната и политичката одговорност за несреќата во Нови Сад, во која 15 лица загинаа при пад на настрешницата на главната железничка станица во градот, додека шеснаесеттата жртва им подлегна на повредите повеќе од два месеци подоцна.Во фокусот на протестите се обвинувањата дека корупцијата довела до паѓање на настрешницата. Претставниците на властите ги отфрлија овие обвинувања. прочитај повеќе април 02, 2025 Тројца пациенти од пожарот во Кочани се враќаат од Шведска и Грција Дискотека Пулс, Кочани / архивска фотографија Тројца пациенти од повредените лица од пожарот во Кочани се враќаат во земјава, од кои двајца беа хоспитализирани во Грција и еден пациент во Шведска – соопшти Министерството за здравство денеска (2 април).Согласно протоколите ќе бидат задржани под 24-часовен надзор.Во Србија остануваат хоспитализирани 23 пациенти, Бугарија 14 паценти, Турција 10 пациенти, Грција 8 пациенти, Словенија 4 пациенти, во Унгарија, Хрватска, Шпанија, Австрија и Литванија се хоспитализирани по 3 пациенти, во Италија и Полска по еден пациент.Во Скопје, на Клиниката за токсикологија вчера беше хоспитализиран пациент по враќање од Полска, истиот денеска се пушта на домашно лекување. Видете и ова: Дома се пуштени 93 пациенти од пожарот во Кочани, уште сто се лекуваат На Клиниката за пластична хирургија остануваат двајца пациенти, а во Хируршката клиника Св.Наум Охридски 6 пациенти. Во ГОБ 8 Септември се хоспитализирани пет пациенти, од кои еден е планирано да биде пуштен на домашно лекување, на Клиниката за пулмологија двајца пациенти, а во приватната болница Систина се хоспитализирани тројца пациенти.Ресорниот министер, Арбен Таравари вчера изјави дека засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. прочитај повеќе април 02, 2025 Филипче предлага нов концепт на општествен и политички дијалог Венко Филипче, лидер на СДСМ Лидерот на СДСМ Венко Филипче предложи нов концепт за општествен и политички дијалог. Како што рече на денешната прес-конференција, трагедијата во Кочани покажала дека системот не функционира како што треба, а за тоа како што посочи, вина имале сите политички партии.Во однос на лидерската средба рече дека уште денеска или утре (2 и 3 април) ќе побара состанок со премиерот Христијан Мицкоски, за да се организира таа средба.Според него областите каде што треба системски пристап се - образование, здравство, правосудство, животна средина, партизација и политизација.„По големата трагедија во Кочани, ја видовме реакцијата на граѓаните, револт, на места и бес. Би рекол сосема оправдано, бидејќи тоа што во изминатите три децении, тоа што се нарекува реформи, тоа што се нарекува транзиција, очигледно не го даде посакуваниот резултат. Системот на многу места очигледно не фукционира како што треба. Јавните сервиси немаат перформанс каков што граѓаните заслужуваат. За тоа вина имаме сите политички партии, СДСМ, ВМРО-ДПМНЕ, ДУИ, другите политички партии“, рече Филипче.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада.Во однос на правосудството, предлага неминовно да се донесат реформската агенда во што пократок рок реформските закони во одреден систем во којшто ќе се постигне широк консензус не само политички, туки и други фактори од делот на правосудството на коишто ова навистина им е експертиза.„Тоа што граѓаните најмногу ги иритира а тоа е партизацијата и политизацијата. Мора да ги ослободиме институциите од канџите на политиката и партијата за да младите луѓе имаат навистина добар, компетитивен мерит систем и на тој начин да се вработуваат и напредуваат поради тоа што само на тој начин можеме експертизата да ја издигнеме на соодветно и заслужено ниво“, истакна Филипче, додавајќи дека добро е на овие теми да седнат лидерите на сите партии. Видете и ова: По трагедијата во Кочани, собраниската говорница остана нема Лидерот на СДСМ истакна дека на премиерот Христијан Мицкоски и подетално би му го образложил овој план на средба во следните денови. Во однос дали очекува неговиот предлог за лидерска средба да биде прифатен, тој рече дека уште денеска или утре (2 и 3 април) ќе побара состанок со премиерот Мицкоски, согласно агендите, за да се организира таа средба.„Оставам простор и се надевам дека сега кога политичките партии ќе го слушнат ова ќе ја прифатат таа лидерска средба. Но добро е прво тоа да го поразговараме со премиерот, имајќи предвид дека тој прв подаде рака и на прва одговори дека средбата е прифатлива. Навистина не знам што би било неприфатливо или некој зошто не би сакал да разговара, кога тоа е констатација на секој еден граѓанин во државата“, рече Филипче.На новинарско прашање дали на средбата ќе ја постави темата за евроинтеграции и уставни измени, рече дека најверојатно ќе се зборува и за таа тема. Премиерот Христијан Мицкоски деновиве изјави дека тој е подготвен да разговара со Филипче, додавајќи дека лидерската средба е пресериозна тема за да се разговара преку медиуми. прочитај повеќе април 02, 2025 Мицкоски: Милошоски и Филков имаа лош ден, Владата е стабилна Христијан Мицкоски, премир на РСМ Премиерот Христијан Мицкоски изјави дека владината коалиција е стабилна, а јавното препукување меѓу пратеникот од ВМРО-ДПМЕ Антонијо Милошоски и министерот за правда Игор Филков од коалицискиот партнер ЗНАМ, според него, ќе застане на, како што вели, на овие два лични става.„Владината коалиција е стабила. Пратеникот Антонијо Милошоски е член на Извршниот комитет на партијата, тој е дел од мојот најблизок периметар. Јас соработката со Антонијо Милошоски ја оценувам на највисоко ниво, тој е додадена вредност и во рамки на пратеничката група и во рамки на партијата. Министерот Игор Филков знам со какви проблеми се соочи, знам каква состојба затекна во Министерството за правда, континуирано на дневна основа соработуваме во делот на реформите, кои се многу важни посебно во секторот правда. Но, она што можев да го заклучам, а убеден сум дека сето ова ќе застане на овие два лични става е дека секој има право на лош ден, па така јас мислам дека тој лош ден и за едниот и за другиот завршува“, рече Мицкоски, по пуштањето на фабриката на „Магна мехатроникс“ во ТИРЗ Штип. Прашан дали има проблеми со коалицијата Вреди во која е министерот за здравство Арбен Тараври кој предвои едно од крилата во Алијанса за Албанците, рече дека нема такво чувство и оти имаат исклучителна соработка. „Не, немам такво чувство. Напротив, имаме исклучителна соработка. Граѓаните да бидат сигурни, Владата е стабилна, повеќе од две третини неофицијално, а официјално 78 пратеници ја поддржуваат оваа Влада. Граѓаните, според она што го гледам од анкетите даваат поддршка, огромно е позитивното мислење дека и Македонија се движи во позитивна насока и тоа претставува за нас инспирација да продолжиме понатаму да се движиме и да работиме“, рече Мицкоски. Видете и ова: Апетитите за локалните избори ја зовреа „Вреди“ Пратеникот на ВМРО-ДПМНЕ и потпретседател на Собранието, Антонијо Милошоски вчера во телевизиско гостување рече дека министерот за правда Игор Филков има слаб придонес во областа со која раководи. Посочи дека очекувал досега барем во нацрт верзија до Собранието да бидат доставени Предлог-законот за судови, Предлог-законот за судски буџет, Предлог законот за јавнообвинителската служба, новиот Кривичен законик...Министерот за правда Филков, пак, во реакција на изнесените наводи на Милошоски рече дека „Кусурот на Груевски, познат под прекарот - Џуџето од Небрегово, а јавноста добро го памети по аферите поврзани со АМСМ и семејните бизниси од Кичево, изгледа дека сè уште нема навика да одговара пред граѓаните кои го избрале“.„Бидејќи очигледно е неинформиран и изолиран од партијата, го упатувам во неговата матична партија или пак во Владата-можеби конечно ќе го известат за постапките, роковите и статусот на законите! И, бидејќи изгледа како некој што работи по туѓи наредби, за кого одработува во моментов? Дали се тоа интересите на граѓаните или некои други агенди? Во минатото е познат по Ванчо Михајловистички ставови, многу лаги и невистини. Ова е лош де-фокус на македонската јавност по двонеделниот „одмор“! Да го потсетам дека во парламентот е од 2011 година, откако се повлече од функцијата министер за надворешни работи и активно учествуваше во креирање на „канцерогениот“ правосуден систем. Сега е добар момент да се потсети јавноста дека токму тој директно учествуваше во процесот на донесувањето на штетните измени на КЗ во 2023 година, со што се спаси од одговорност за кривичното дело ,,Моќник”“, наведе Филков, набројувајќи ги законите на кои работел во изминатиот период. прочитај повеќе април 02, 2025 По еднодневна пауза, Русија ги продолжува масовните напади врз Украина Последици од нападот во градот Харкив, Украина, 2 април 2025 година Русија започна нови воздушни напади врз Украина по еднодневна пазуа од напади со дронови. Во регионот Запорожје, едно лице загинало, а две други се повредени, изјави во среда (2 април) на Телеграм регионалниот гувернер Иван Федоров. Петнаесет беспилотни летала, исто така, го нападнале источниот град Харкив, при што биле повредени најмалку осум лица.Украинските сили за цивилна одбрана соопштија дека биле погодени згради кои припаѓаат на цивилни фирми, а исто така била нанесена штета и на станбени области. Откако Украина во вторникот ја доживеа првата ноќ без беспилотни летала во годината, воздушната одбрана на земјата извести дека Русија распоредила 74 дронови и мамки со беспилотни летала во текот на ноќта до среда наутро.Нападите првенствено ги погодиле регионите Харкив, Доњецк и Одеса. Видете и ова: Зеленски: Партнерите на Украина ќе разговараат за распоредување странски војници Во Москва, руското Министерство за одбрана тврдеше дека соборило 93 украински беспилотни летала во текот на ноќта, главно над пограничниот регион Курск.Војувањето со беспилотни летала стана речиси секојдневна тактика во војната, иако размерите на уништување и жртви предизвикани од руските напади го надминуваат влијанието на украинските напади. Украина се брани од руската инвазија повеќе од три години, потпирајќи се во голема мера на поддршката од Западот. прочитај повеќе април 02, 2025 Дурмиши: Секој има право да излезе на улица и да покаже револт Министерот за економија и труд Бесар Дурмиши Живееме во демократија и секој има право да излезе на улица и да протестира и да го каже својот револт, но на синдикатите веќе им истече мандатот и веќе не се репрезентативни, порача денеска (2 април)министерот за економија и труд Бесар Дурмиши.„Како Влада ја формиравме комисијата која треба да ја утврди репрезентативноста на синдикатите и таа комисија веќе работи. Веднаш кога ќе се определи кој синдикат е репрезентативен ќе ја свикам седницата на Економско социјалниот совет (ЕСС). Токму таму синдикатите треба да ги кажат своите барања, а не на улица“, изјави Дурмиши во одговор на новинарско прашање пред почетокот на конференцијата „Реформа на Законот за работни односи – предизвици и насоки“. Видете и ова: Синдикатите утре на протест, барањето за поголем минималец ги „скара“ со Владата Како Влада, нагласи дека се за социјален дијалог. Одговарајќи на прашање рече дека како Влада постапиле според законот и методологијата за минималната плата, со која се усогласени сите засегнати страни, односно и синдикатите и работодавачите, и го објавиле износот на минималната плата на крајот на март.„Според тој правилник минималната плата изнесува 400 евра и е покачена нето платата за 1800 денари. Како надлежен министер за економија и труд јас ја објавив минималната плата по одлука на Владата, рече Дурмиши.Нагласи дека немале согласност од ЕСС за износот на минималната плата поради тоа што нема репрезентативност од синдикатите.„Јас според законот кој е во сила и кој е потпишан и од синдикатите и од работодавачите и по одлука на Влада обврзан сум пред 31 март да ја објавам минималната плата. Од минималната плата потоа се пресметува и просечната плата и другите плати. Ако не ја објавевме до 31 март ќе се блокираше целата држава и сите институции, а приватниот сектор не ќе можеше да пресмета плати за нивните вработени“, истакна Дурмиши.Сојузот на синдикатите на Македонија (ССМ) денеска одржува јавна седница пред зградата на Работничкиот дом на која ќе ги искаже своите ставови за минималната плата. прочитај повеќе април 02, 2025 Советот на јавни обвинители даде негативно мислење за разрешување на Коцевски Државниот јавен обвинител Љупчо Коцевски Советот на јавни обвинители даде негативно мислење по предлогот на Владата за разрешување на државниот јавен обвинител Љупчо Коцевски. За прифаќање на предлогот гласаа тројца, додека шест члена гласа против. Претседателката на Советот на јавни обвинители Душица Димитриеска, рече дека со оглед дека Советот одлуките ги носи со мнозинство, мнозинството дадоа негативно мислење. За прифаќање на предлогот на Владата за разрешување на Коцевски гласаа Кети Петкова, Ардиан Демири и Марјана Илиевска.Советот на јавни обвинители претходно ја исклучи јавноста од точката за разгледување на предлогот за разрешување на државниот јавен обвинител Љупчо Коцевски. Членовите на Советот едногласно го поддржаа предлогот на членот Зорица Павловиќ, која повикувајќи се на член 10 од Законот за совет на јавни обвинители побара да се исклучи јавноста поради, како што кажа, сензитивноста на процесот и за заштита на угледот и интегритетот на јавниот обвинител.Светлана Стојковиќ, го поддржа предлогот, дополнувајќи дека јавноста треба да биде исклучена и поради тоа што во произнесувањето од Коцевски по предлогот за негово разрешување, се изнесени и информации и докази од дисциплинските постапки што се води против двајца јавни обвинители. Расправата, како што нагласија, ќе биде затворена, а јавноста ќе биде вклучена само за гласањето по мислењето за предлогот на Владата за разрешување на Коцевски.Седницата за разгледување на предлогот претходно на два пати беше одложена. Првично беше закажана за 18 март, но беше одложена поради седумдневната жалост по трагедијата во Кочани, а минатата недела, на 26 март беше одложена поради немање на кворум. Согласно законските рокови за разгледување на предлогот за разрешување на Коцевски, Советот треба да го разгледа најдоцна до крајот на неделава, иако Владата објави дека ќе ја прекине постапката. Видете и ова: Предлогот за разрешување на Коцевски на денешната владина седница Портпаролката на Владата Марија Митева, на 26 март годинава, изјави дека Владата ќе ја прекине постапката за разрешување на државниот јавен обвинител Љупчо Коцевски и доколку добие мислење од страна на Советот на ЈО, истото нема да го проследи до Собранието.Премиерот Христијан Мицкоски по трагедијата во Кочани изјави дека постапката за разрешување на јавниот обвинител Коцевски ќе се запре во моментот до таму каде што се наоѓа.Владата на 11 февруари година донесе одлука да поведе постапка за разрешување на државниот јавен обвинител Коцевски кој беше избран на оваа позиција пред една година, а неговиот мандат трае шест години.Министерството за правда, постапувајќи по заклучокот од 50-та седница на Владата, го изготви Предлог-мислењето за разрешување на државниот јавен обвинител. Коцевски, како што велат од Министерството за правда, постапувал во предмети во кои согласно законските одредби постоеле околности кои предизвикуваат сомневање во неговата непристрасност, како и судир на интереси, а за кои околности тој требало да знае и требало да се изземе. Републичкиот обвинител Коцевски го демантира тврдењето дека незаконски постапил посочувајќи дека го следел законот и роковите во него. прочитај повеќе Вчитај повеќе...

Вести април 01, 2025 Вучиќ верува во создавање воен сојуз меѓу Србија и Унгарија Потпишување на договорот за соработка меѓу Србија и Унгарија во областа на одбраната, Белград, 1 април 2025 година. Претседателот на Србија, Александар Вучиќ изјави дека верува оти новиот договор меѓу Белград и Будимпешта во областа на одбраната, потпишан на 1 април, ќе продолжи во натамошното приближување кон создавање на воен сојуз меѓу Србија и Унгарија.„Тоа го бара унгарската страна, а унгарскиот и српскиот парламент. Нашите односи се повеќе од добри, а премиерот Виктор Орбан и јас изразивме желба да продолжиме со забрзување и натамошно приближување на нашите позиции во одбранбената сфера“, рече Вучиќ по потпишувањето.Вучиќ не даде повеќе детали за идејата за српско-унгарски воен сојуз. Унгарската и српската страна не разговараа за тоа, се додека по потпишувањето на договорот не беа дозволени прашања од новинарите.Во средината на март, Белград остро реагираше на декларацијата што тогаш ја потпишаа Албанија, Хрватска и Косово во Тирана, која учесниците ја опишаа како документ кој ја зајакнува соработката во одговорот на безбедносните предизвици кои можат да ја загрозат регионалната стабилност. Од друга страна, Србија го окарактеризира како провокација и закана за стабилноста. Видете и ова: Србија и Унгарија потпишаа договор за одбранбена соработка Хеликоптерски вежби и обукиКриштоф Салаи-Боровнички и Братислав Гашиќ, министрите за одбрана на Унгарија и Србија, потпишаа документ во вторник во Белград со кој се прецизира договорот за стратешка соработка меѓу Унгарија и Србија во областа на одбраната од 2023 година на посветени индустрии, сајбер безбедност, мировни операции, воено образование и медицина.„Унгарија е секогаш на страната на зачувување на мирот и Србија е секогаш нејзин сојузник во тоа“, изјави унгарскиот министер за одбрана Кристоф Салаи-Боровнички.Вучиќ во оваа прилика рече дека Белград, откако минатата година купи оклопни транспортери БТР-80А од Будимпешта, е заинтересиран за набавка на други системи останати во Унгарија од советскиот период, како и за новите борбени возила Lynx KF-51 што Унгарија ги произведува во соработка со германската компанија Rheinmetall.Тој додаде дека Унгарија купува муниција со калибар 7,62 од Србија и дека е заинтересирана за борбени возила 8х8 од српско производство.На воено поле нè очекува многу заедничка работа. Се што правиме значи поголема безбедност за граѓаните на двете земји“, рече Вучиќ.Тој изјави дека наскоро очекува средба со унгарскиот премиер Виктор Орбан.Беше објавено дека трговската размена меѓу Унгарија и Србија надмина три милијарди евра и дека земјата е петти економски партнер на Србија. Видете и ова: САД ги одложија санкциите за Српската нафтена индустрија Две децении неутралност Србија е членка на програмата на НАТО Партнерство за мир од декември 2006 година. На крајот на 2007 година таа прогласи воена неутралност преку парламентарната резолуција за заштита на суверенитетот, територијалниот интегритет и уставниот поредок.Во последните десет години има одржано десетици воени вежби со земјите од НАТО алијансата, вклучително и Соединетите Американски Држави, како и со Руската Федерација и Белорусија.Од руската инвазија на Украина, Србија не учествуваше во воени вежби ниту со Истокот, ниту со Западот.Исклучок направи во 2023 година, кога на своја територија вежбаше 15 дена со САД и другите земји на НАТО во маневрите наречени „Платинест волк“ одржани во воената база „Југ“. прочитај повеќе види ги сите денешни вести април 02, 2025 Мицкоски по повикот на Филипче: На расолагање сум во секое време за средба Христијан Мицкоски, архивска фотографија Премиерот, Христијан Мицкоски вели дека е подготвен на средба со лидерот на опозициската СДСМ, Венко Филипче доколку, како што изјави денеска, навистина има план и желба да помогне.По денешниот повик од Филипче за политички и општествен дијалог Мицкоски одговарајќи на новинарско прашање рече дека стои на располагање во секое време и ќе го усогласи распоредот за да го слушне планот на Филипче и да се види дали во тој план може нешто да се реши.„За мене е малку непристојно да разговараме преку медиуми, реков доколку има план како што најавија, подготвен сум да го примам на средба пртседателот на СДСМ да го образложи планот, да го слушнеме планот бидејќи се сериозни времиња, јас сум сериозен човек, сериозни работи се во прашање и најмалку што треба да се прави е естрада на јавна сцена“, изјави Мицкоски.Тој додаде дека доколку Филипче навистина има план и желба да помогне, тој стои на располагање во секое време ќе го прераспредели својот распоред. Видете и ова: Филипче предлага нов концепт на општествен и политички дијалог „На полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши. Но, доколку планот опфаќа пристап „Стабри“, како што беше во минатото за време на короната тогаш такви планови не можам да прифатам“, посочи Мицкоски за повикот од Филипче и дали ќе има лидерска средба со останатите претставници на партиите.Прашан дали ќе имаат заеднички став со СДСМ околу изборот на в.д градоначалник на Кочани за да нема криза во градот по трагедијата со пожарот и оставката на градоначалникот Љупчо Папазов, рече не разговарале со советниците за потецијалнот кандидат, но оти апсолутно ќе се избере в.д градоначалник и оти тука нема дилема.Претходно, лидерот на СДСМ Венко Филипче рече дека уште денеска или утре (2 и 3 април) ќе побара состанок со премиерот за да се организира таа средба.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада. прочитај повеќе април 02, 2025 Курти почна разговори со малцинските партии за формирање на новата влада Состанок на Курти и Реџепи, 2 април Вршителот на должноста премиер на Косово, како и претседател на Движењето Самоопределување, партијата која победи на парламентарните избори на 9 февруари во земјата, почна состаноци со малцинските политички партии за да се консултира за формирањето на новата влада.Овој процес отпочна по потврдувањто на изборните резултати и почетокот на уставните рокови за формирање на законодавната власт и новата влада, додека претседателката на Косово, Вјоса Османи го одреди 15 април како датум за одржување на конститутивната седница на Собранието на Косово.Косовскиот премиер, Албин Курти, изјави дека се сретнал со претседателката на Новата демократска партија (НДС) од бошњачката заедница, а воедно и вршител на должноста заменик на премиерот, Емилија Реџепи. Видете и ова: Закажана конститутивна седница на Собранието на Косово Според изјавата од канцеларијата на премиерот, Реџепи „ја потврдила својата целосна подготвеност да продолжи да соработува" со Движењето Самоопределување и да го поддржи Курти во неговите напори да формира нова влада.Курти, исто така, се сретна со претседателот на Партијата за слобода, правда и опстанок од српската заедница, кој е и вршител на должноста министер за заедници и враќање, Ненад Рашиќ.За време на разговорите, министерот Рашиќ ја потврди својата поддршка на премиерот Курти за формирање на нова влада и продолжување на соработката - се вели во соопштението од кабинетот на премиерот.Движењето за самоопределување тврди дека може да обезбеди 61 глас потребен за формирање на нова влада во Косово.Во меѓувреме, двете опозициски партии, Демократската лига на Косово и Алијансата за иднината на Косово, ја отфрлија можноста за заедничко владеење со Движењето Самоопределување, додека Демократската партија на Косово и Социјалдемократската иницијатива не поставија црвени линии за коалиции.Ниту една политичка партија нема доволно гласови за да формира нова влада.Движењето Самоопределување, како и трите други албански политички партии зад него, сметаат дека немнозинските заедници имаат десет гарантирани места во собранието. прочитај повеќе април 02, 2025 ‘Науката (за)стана’: Протести во Белград и Нови Сад Белград, Србија - протести Вработени во научноистражувачката дејност денеска (2 април) организираа протести во Белград и Нови Сад на повик на српскиот Синдикат на науката во знак на поддршка на студентите во блокада.Протестите беа организирани под слоганот „Науката (за)стана“.Претставници на Синдикатот на науката и на Мрежата на академска солидарност заедно со група граѓани и студенти се собраа пред платото кај Филозофскиот факултет во Белград.Луѓето на собирот носеа транспаренти на кои меѓу другото пишуваше „Науката ви мавта со дипломите, нашите се вистински, а какви се вашите“ и „За враќање на академското достоинство“.Претставник на неформалната организација Мрежа на академската солидарност, Оливер Тошковиќ, рече дека владата „живее во свет во кој позицијата е пред аргументот".„Факт е дека оваа влада е подготвена да ја уништи и деформира научната активност во оваа земја само за да ни се одмазди лично и да нѐ понижи", рече Тошковиќ. Видете и ова: Протест пред ТВ Информер во Белград поради известување за студентските протести Собраните со 16-минутно молчење им оддадоа почит на загинатите при падот на настрешницата во Нови Сад. По молкот, тие се движеа низ централните улици на Белград до зградата на Владата на Србија.Во Србија, десетици илјади граѓани со месеци излегуваат на улиците со клучно барање да се утврди кривичната и политичката одговорност за несреќата во Нови Сад, во која 15 лица загинаа при пад на настрешницата на главната железничка станица во градот, додека шеснаесеттата жртва им подлегна на повредите повеќе од два месеци подоцна.Во фокусот на протестите се обвинувањата дека корупцијата довела до паѓање на настрешницата. Претставниците на властите ги отфрлија овие обвинувања. прочитај повеќе април 02, 2025 Тројца пациенти од пожарот во Кочани се враќаат од Шведска и Грција Дискотека Пулс, Кочани / архивска фотографија Тројца пациенти од повредените лица од пожарот во Кочани се враќаат во земјава, од кои двајца беа хоспитализирани во Грција и еден пациент во Шведска – соопшти Министерството за здравство денеска (2 април).Согласно протоколите ќе бидат задржани под 24-часовен надзор.Во Србија остануваат хоспитализирани 23 пациенти, Бугарија 14 паценти, Турција 10 пациенти, Грција 8 пациенти, Словенија 4 пациенти, во Унгарија, Хрватска, Шпанија, Австрија и Литванија се хоспитализирани по 3 пациенти, во Италија и Полска по еден пациент.Во Скопје, на Клиниката за токсикологија вчера беше хоспитализиран пациент по враќање од Полска, истиот денеска се пушта на домашно лекување. Видете и ова: Дома се пуштени 93 пациенти од пожарот во Кочани, уште сто се лекуваат На Клиниката за пластична хирургија остануваат двајца пациенти, а во Хируршката клиника Св.Наум Охридски 6 пациенти. Во ГОБ 8 Септември се хоспитализирани пет пациенти, од кои еден е планирано да биде пуштен на домашно лекување, на Клиниката за пулмологија двајца пациенти, а во приватната болница Систина се хоспитализирани тројца пациенти.Ресорниот министер, Арбен Таравари вчера изјави дека засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. прочитај повеќе април 02, 2025 Филипче предлага нов концепт на општествен и политички дијалог Венко Филипче, лидер на СДСМ Лидерот на СДСМ Венко Филипче предложи нов концепт за општествен и политички дијалог. Како што рече на денешната прес-конференција, трагедијата во Кочани покажала дека системот не функционира како што треба, а за тоа како што посочи, вина имале сите политички партии.Во однос на лидерската средба рече дека уште денеска или утре (2 и 3 април) ќе побара состанок со премиерот Христијан Мицкоски, за да се организира таа средба.Според него областите каде што треба системски пристап се - образование, здравство, правосудство, животна средина, партизација и политизација.„По големата трагедија во Кочани, ја видовме реакцијата на граѓаните, револт, на места и бес. Би рекол сосема оправдано, бидејќи тоа што во изминатите три децении, тоа што се нарекува реформи, тоа што се нарекува транзиција, очигледно не го даде посакуваниот резултат. Системот на многу места очигледно не фукционира како што треба. Јавните сервиси немаат перформанс каков што граѓаните заслужуваат. За тоа вина имаме сите политички партии, СДСМ, ВМРО-ДПМНЕ, ДУИ, другите политички партии“, рече Филипче.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада.Во однос на правосудството, предлага неминовно да се донесат реформската агенда во што пократок рок реформските закони во одреден систем во којшто ќе се постигне широк консензус не само политички, туки и други фактори од делот на правосудството на коишто ова навистина им е експертиза.„Тоа што граѓаните најмногу ги иритира а тоа е партизацијата и политизацијата. Мора да ги ослободиме институциите од канџите на политиката и партијата за да младите луѓе имаат навистина добар, компетитивен мерит систем и на тој начин да се вработуваат и напредуваат поради тоа што само на тој начин можеме експертизата да ја издигнеме на соодветно и заслужено ниво“, истакна Филипче, додавајќи дека добро е на овие теми да седнат лидерите на сите партии. Видете и ова: По трагедијата во Кочани, собраниската говорница остана нема Лидерот на СДСМ истакна дека на премиерот Христијан Мицкоски и подетално би му го образложил овој план на средба во следните денови. Во однос дали очекува неговиот предлог за лидерска средба да биде прифатен, тој рече дека уште денеска или утре (2 и 3 април) ќе побара состанок со премиерот Мицкоски, согласно агендите, за да се организира таа средба.„Оставам простор и се надевам дека сега кога политичките партии ќе го слушнат ова ќе ја прифатат таа лидерска средба. Но добро е прво тоа да го поразговараме со премиерот, имајќи предвид дека тој прв подаде рака и на прва одговори дека средбата е прифатлива. Навистина не знам што би било неприфатливо или некој зошто не би сакал да разговара, кога тоа е констатација на секој еден граѓанин во државата“, рече Филипче.На новинарско прашање дали на средбата ќе ја постави темата за евроинтеграции и уставни измени, рече дека најверојатно ќе се зборува и за таа тема. Премиерот Христијан Мицкоски деновиве изјави дека тој е подготвен да разговара со Филипче, додавајќи дека лидерската средба е пресериозна тема за да се разговара преку медиуми. прочитај повеќе април 02, 2025 Мицкоски: Милошоски и Филков имаа лош ден, Владата е стабилна Христијан Мицкоски, премир на РСМ Премиерот Христијан Мицкоски изјави дека владината коалиција е стабилна, а јавното препукување меѓу пратеникот од ВМРО-ДПМЕ Антонијо Милошоски и министерот за правда Игор Филков од коалицискиот партнер ЗНАМ, според него, ќе застане на, како што вели, на овие два лични става.„Владината коалиција е стабила. Пратеникот Антонијо Милошоски е член на Извршниот комитет на партијата, тој е дел од мојот најблизок периметар. Јас соработката со Антонијо Милошоски ја оценувам на највисоко ниво, тој е додадена вредност и во рамки на пратеничката група и во рамки на партијата. Министерот Игор Филков знам со какви проблеми се соочи, знам каква состојба затекна во Министерството за правда, континуирано на дневна основа соработуваме во делот на реформите, кои се многу важни посебно во секторот правда. Но, она што можев да го заклучам, а убеден сум дека сето ова ќе застане на овие два лични става е дека секој има право на лош ден, па така јас мислам дека тој лош ден и за едниот и за другиот завршува“, рече Мицкоски, по пуштањето на фабриката на „Магна мехатроникс“ во ТИРЗ Штип. Прашан дали има проблеми со коалицијата Вреди во која е министерот за здравство Арбен Тараври кој предвои едно од крилата во Алијанса за Албанците, рече дека нема такво чувство и оти имаат исклучителна соработка. „Не, немам такво чувство. Напротив, имаме исклучителна соработка. Граѓаните да бидат сигурни, Владата е стабилна, повеќе од две третини неофицијално, а официјално 78 пратеници ја поддржуваат оваа Влада. Граѓаните, според она што го гледам од анкетите даваат поддршка, огромно е позитивното мислење дека и Македонија се движи во позитивна насока и тоа претставува за нас инспирација да продолжиме понатаму да се движиме и да работиме“, рече Мицкоски. Видете и ова: Апетитите за локалните избори ја зовреа „Вреди“ Пратеникот на ВМРО-ДПМНЕ и потпретседател на Собранието, Антонијо Милошоски вчера во телевизиско гостување рече дека министерот за правда Игор Филков има слаб придонес во областа со која раководи. Посочи дека очекувал досега барем во нацрт верзија до Собранието да бидат доставени Предлог-законот за судови, Предлог-законот за судски буџет, Предлог законот за јавнообвинителската служба, новиот Кривичен законик...Министерот за правда Филков, пак, во реакција на изнесените наводи на Милошоски рече дека „Кусурот на Груевски, познат под прекарот - Џуџето од Небрегово, а јавноста добро го памети по аферите поврзани со АМСМ и семејните бизниси од Кичево, изгледа дека сè уште нема навика да одговара пред граѓаните кои го избрале“.„Бидејќи очигледно е неинформиран и изолиран од партијата, го упатувам во неговата матична партија или пак во Владата-можеби конечно ќе го известат за постапките, роковите и статусот на законите! И, бидејќи изгледа како некој што работи по туѓи наредби, за кого одработува во моментов? Дали се тоа интересите на граѓаните или некои други агенди? Во минатото е познат по Ванчо Михајловистички ставови, многу лаги и невистини. Ова е лош де-фокус на македонската јавност по двонеделниот „одмор“! Да го потсетам дека во парламентот е од 2011 година, откако се повлече од функцијата министер за надворешни работи и активно учествуваше во креирање на „канцерогениот“ правосуден систем. Сега е добар момент да се потсети јавноста дека токму тој директно учествуваше во процесот на донесувањето на штетните измени на КЗ во 2023 година, со што се спаси од одговорност за кривичното дело ,,Моќник”“, наведе Филков, набројувајќи ги законите на кои работел во изминатиот период. прочитај повеќе април 02, 2025 По еднодневна пауза, Русија ги продолжува масовните напади врз Украина Последици од нападот во градот Харкив, Украина, 2 април 2025 година Русија започна нови воздушни напади врз Украина по еднодневна пазуа од напади со дронови. Во регионот Запорожје, едно лице загинало, а две други се повредени, изјави во среда (2 април) на Телеграм регионалниот гувернер Иван Федоров. Петнаесет беспилотни летала, исто така, го нападнале источниот град Харкив, при што биле повредени најмалку осум лица.Украинските сили за цивилна одбрана соопштија дека биле погодени згради кои припаѓаат на цивилни фирми, а исто така била нанесена штета и на станбени области. Откако Украина во вторникот ја доживеа првата ноќ без беспилотни летала во годината, воздушната одбрана на земјата извести дека Русија распоредила 74 дронови и мамки со беспилотни летала во текот на ноќта до среда наутро.Нападите првенствено ги погодиле регионите Харкив, Доњецк и Одеса. Видете и ова: Зеленски: Партнерите на Украина ќе разговараат за распоредување странски војници Во Москва, руското Министерство за одбрана тврдеше дека соборило 93 украински беспилотни летала во текот на ноќта, главно над пограничниот регион Курск.Војувањето со беспилотни летала стана речиси секојдневна тактика во војната, иако размерите на уништување и жртви предизвикани од руските напади го надминуваат влијанието на украинските напади. Украина се брани од руската инвазија повеќе од три години, потпирајќи се во голема мера на поддршката од Западот. прочитај повеќе април 02, 2025 Дурмиши: Секој има право да излезе на улица и да покаже револт Министерот за економија и труд Бесар Дурмиши Живееме во демократија и секој има право да излезе на улица и да протестира и да го каже својот револт, но на синдикатите веќе им истече мандатот и веќе не се репрезентативни, порача денеска (2 април)министерот за економија и труд Бесар Дурмиши.„Како Влада ја формиравме комисијата која треба да ја утврди репрезентативноста на синдикатите и таа комисија веќе работи. Веднаш кога ќе се определи кој синдикат е репрезентативен ќе ја свикам седницата на Економско социјалниот совет (ЕСС). Токму таму синдикатите треба да ги кажат своите барања, а не на улица“, изјави Дурмиши во одговор на новинарско прашање пред почетокот на конференцијата „Реформа на Законот за работни односи – предизвици и насоки“. Видете и ова: Синдикатите утре на протест, барањето за поголем минималец ги „скара“ со Владата Како Влада, нагласи дека се за социјален дијалог. Одговарајќи на прашање рече дека како Влада постапиле според законот и методологијата за минималната плата, со која се усогласени сите засегнати страни, односно и синдикатите и работодавачите, и го објавиле износот на минималната плата на крајот на март.„Според тој правилник минималната плата изнесува 400 евра и е покачена нето платата за 1800 денари. Како надлежен министер за економија и труд јас ја објавив минималната плата по одлука на Владата, рече Дурмиши.Нагласи дека немале согласност од ЕСС за износот на минималната плата поради тоа што нема репрезентативност од синдикатите.„Јас според законот кој е во сила и кој е потпишан и од синдикатите и од работодавачите и по одлука на Влада обврзан сум пред 31 март да ја објавам минималната плата. Од минималната плата потоа се пресметува и просечната плата и другите плати. Ако не ја објавевме до 31 март ќе се блокираше целата држава и сите институции, а приватниот сектор не ќе можеше да пресмета плати за нивните вработени“, истакна Дурмиши.Сојузот на синдикатите на Македонија (ССМ) денеска одржува јавна седница пред зградата на Работничкиот дом на која ќе ги искаже своите ставови за минималната плата. прочитај повеќе април 02, 2025 Советот на јавни обвинители даде негативно мислење за разрешување на Коцевски Државниот јавен обвинител Љупчо Коцевски Советот на јавни обвинители даде негативно мислење по предлогот на Владата за разрешување на државниот јавен обвинител Љупчо Коцевски. За прифаќање на предлогот гласаа тројца, додека шест члена гласа против. Претседателката на Советот на јавни обвинители Душица Димитриеска, рече дека со оглед дека Советот одлуките ги носи со мнозинство, мнозинството дадоа негативно мислење. За прифаќање на предлогот на Владата за разрешување на Коцевски гласаа Кети Петкова, Ардиан Демири и Марјана Илиевска.Советот на јавни обвинители претходно ја исклучи јавноста од точката за разгледување на предлогот за разрешување на државниот јавен обвинител Љупчо Коцевски. Членовите на Советот едногласно го поддржаа предлогот на членот Зорица Павловиќ, која повикувајќи се на член 10 од Законот за совет на јавни обвинители побара да се исклучи јавноста поради, како што кажа, сензитивноста на процесот и за заштита на угледот и интегритетот на јавниот обвинител.Светлана Стојковиќ, го поддржа предлогот, дополнувајќи дека јавноста треба да биде исклучена и поради тоа што во произнесувањето од Коцевски по предлогот за негово разрешување, се изнесени и информации и докази од дисциплинските постапки што се води против двајца јавни обвинители. Расправата, како што нагласија, ќе биде затворена, а јавноста ќе биде вклучена само за гласањето по мислењето за предлогот на Владата за разрешување на Коцевски.Седницата за разгледување на предлогот претходно на два пати беше одложена. Првично беше закажана за 18 март, но беше одложена поради седумдневната жалост по трагедијата во Кочани, а минатата недела, на 26 март беше одложена поради немање на кворум. Согласно законските рокови за разгледување на предлогот за разрешување на Коцевски, Советот треба да го разгледа најдоцна до крајот на неделава, иако Владата објави дека ќе ја прекине постапката. Видете и ова: Предлогот за разрешување на Коцевски на денешната владина седница Портпаролката на Владата Марија Митева, на 26 март годинава, изјави дека Владата ќе ја прекине постапката за разрешување на државниот јавен обвинител Љупчо Коцевски и доколку добие мислење од страна на Советот на ЈО, истото нема да го проследи до Собранието.Премиерот Христијан Мицкоски по трагедијата во Кочани изјави дека постапката за разрешување на јавниот обвинител Коцевски ќе се запре во моментот до таму каде што се наоѓа.Владата на 11 февруари година донесе одлука да поведе постапка за разрешување на државниот јавен обвинител Коцевски кој беше избран на оваа позиција пред една година, а неговиот мандат трае шест години.Министерството за правда, постапувајќи по заклучокот од 50-та седница на Владата, го изготви Предлог-мислењето за разрешување на државниот јавен обвинител. Коцевски, како што велат од Министерството за правда, постапувал во предмети во кои согласно законските одредби постоеле околности кои предизвикуваат сомневање во неговата непристрасност, како и судир на интереси, а за кои околности тој требало да знае и требало да се изземе. Републичкиот обвинител Коцевски го демантира тврдењето дека незаконски постапил посочувајќи дека го следел законот и роковите во него. прочитај повеќе април 02, 2025 Данската премиерка во посета на Гренланд Данската премиерка Мете Фредериксен Данската премиерка Мете Фредериксен денеска (2 април) ќе отпатува во Гренланд, каде што ќе се сретне со претставници на новата влада на полуавтономниот остров, во време кога американскиот претседател Доналд Трамп продолжува да изразува интерес за анексија на територијата.Фредериксен го започнува своето тридневно патување помалку од една недела по посетата на американскиот потпретседател Џеј Ди Венс, кој беше пречекан со воздржаност од страна на данските и гренландските власти.Идниот премиер на островот, Јенс-Фредерик Нилсен, кој ја предводеше победничката коалиција на неодамнешните избори, истакна дека го поздравува доаѓањето на Фредериксен и нагласи дека Данска останува „најблизок партнер на Гренланд“. Видете и ова: Замрзнати амбиции: Долгото американско настојување за Гренланд Односите меѓу Гренланд и Данска се затегнати поради откритијата за малтретирање на гренландското население за време на колонијалниот период. Меѓутоа, интересот на Трамп за контролирање на островот како дел од геополитичката трка за Арктикот ја поттикна Данска да ги интензивира напорите за подобрување на врските со Гренланд.Во понеделникот, Нилсен изјави дека Гренланд ќе ги зајакне односите со Копенхаген, додека постепено работи на остварување на својата цел – независност.„Разговорите за анексија и непочитување на суверенитетот се знак на непочитување. Ајде да започнеме со взаемна почит и да изградиме подобро партнерство“, порача Нилсен.Фредериксен, пак, оцени дека народот на Гренланд сам треба да ја одреди својата иднина и ги нарече забелешките на Венс за Данска „неправични“. прочитај повеќе Вчитај повеќе...

Вести април 01, 2025 Владата со идеја да купи 120 еколошки автобуси Илустрација Владата денеска на седница усвоила Информација за набавка на 120 еколошки автобуси, од кои 80 се ургентно потребни за обнова на возниот парк на ЈСП- Скопје и подобрување на јавниот превоз, а останатите 40 ќе бидат распределени согласно економската оправданост и реалните потреби на секоја од единиците на локалната самоуправа. „Владата ја разгледа и усвои Информацијата од Министерство за транспорт во врска со доставените писма за интерес од единиците на локалната самоуправа за потребата од набавка на еколошки автобуси за јавен превоз. Имајќи ги предвид финансиските средства обезбедени во рамки на буџетот на Министерството за транспорт за оваа намена, предвидена е набавка на 120 еколошки автобуси, од кои 80 се ургентно потребни за обнова на возниот парк на ЈСП- Скопје и подобрување на јавниот превоз, а останатите 40 ќе бидат распределени согласно економската оправданост и реалните потреби на секоја од единиците на локалната самоуправа, информира владината прес-служба. Видете и ова: Што може да ги изгаси „пожарите” во ЈСП? Набавката на еколошките автобуси за јавен превоз, додаваат од Владата, ќе придонесе за подобрување на квалитетот на услугите за граѓаните, како и намалување на загадувањето на воздухот во општините, одржлив развој и заштита на животната средина. прочитај повеќе види ги сите денешни вести април 02, 2025 Курти почна разговори со малцинските партии за формирање на новата влада Состанок на Курти и Реџепи, 2 април Вршителот на должноста премиер на Косово, како и претседател на Движењето Самоопределување, партијата која победи на парламентарните избори на 9 февруари во земјата, почна состаноци со малцинските политички партии за да се консултира за формирањето на новата влада.Овој процес отпочна по потврдувањто на изборните резултати и почетокот на уставните рокови за формирање на законодавната власт и новата влада, додека претседателката на Косово, Вјоса Османи го одреди 15 април како датум за одржување на конститутивната седница на Собранието на Косово.Косовскиот премиер, Албин Курти, изјави дека се сретнал со претседателката на Новата демократска партија (НДС) од бошњачката заедница, а воедно и вршител на должноста заменик на премиерот, Емилија Реџепи. Видете и ова: Закажана конститутивна седница на Собранието на Косово Според изјавата од канцеларијата на премиерот, Реџепи „ја потврдила својата целосна подготвеност да продолжи да соработува" со Движењето Самоопределување и да го поддржи Курти во неговите напори да формира нова влада.Курти, исто така, се сретна со претседателот на Партијата за слобода, правда и опстанок од српската заедница, кој е и вршител на должноста министер за заедници и враќање, Ненад Рашиќ.За време на разговорите, министерот Рашиќ ја потврди својата поддршка на премиерот Курти за формирање на нова влада и продолжување на соработката - се вели во соопштението од кабинетот на премиерот.Движењето за самоопределување тврди дека може да обезбеди 61 глас потребен за формирање на нова влада во Косово.Во меѓувреме, двете опозициски партии, Демократската лига на Косово и Алијансата за иднината на Косово, ја отфрлија можноста за заедничко владеење со Движењето Самоопределување, додека Демократската партија на Косово и Социјалдемократската иницијатива не поставија црвени линии за коалиции.Ниту една политичка партија нема доволно гласови за да формира нова влада.Движењето Самоопределување, како и трите други албански политички партии зад него, сметаат дека немнозинските заедници имаат десет гарантирани места во собранието. прочитај повеќе април 02, 2025 ‘Науката (за)стана’: Протести во Белград и Нови Сад Белград, Србија - протести Вработени во научноистражувачката дејност денеска (2 април) организираа протести во Белград и Нови Сад на повик на српскиот Синдикат на науката во знак на поддршка на студентите во блокада.Протестите беа организирани под слоганот „Науката (за)стана“.Претставници на Синдикатот на науката и на Мрежата на академска солидарност заедно со група граѓани и студенти се собраа пред платото кај Филозофскиот факултет во Белград.Луѓето на собирот носеа транспаренти на кои меѓу другото пишуваше „Науката ви мавта со дипломите, нашите се вистински, а какви се вашите“ и „За враќање на академското достоинство“.Претставник на неформалната организација Мрежа на академската солидарност, Оливер Тошковиќ, рече дека владата „живее во свет во кој позицијата е пред аргументот".„Факт е дека оваа влада е подготвена да ја уништи и деформира научната активност во оваа земја само за да ни се одмазди лично и да нѐ понижи", рече Тошковиќ. Видете и ова: Протест пред ТВ Информер во Белград поради известување за студентските протести Собраните со 16-минутно молчење им оддадоа почит на загинатите при падот на настрешницата во Нови Сад. По молкот, тие се движеа низ централните улици на Белград до зградата на Владата на Србија.Во Србија, десетици илјади граѓани со месеци излегуваат на улиците со клучно барање да се утврди кривичната и политичката одговорност за несреќата во Нови Сад, во која 15 лица загинаа при пад на настрешницата на главната железничка станица во градот, додека шеснаесеттата жртва им подлегна на повредите повеќе од два месеци подоцна.Во фокусот на протестите се обвинувањата дека корупцијата довела до паѓање на настрешницата. Претставниците на властите ги отфрлија овие обвинувања. прочитај повеќе април 02, 2025 Тројца пациенти од пожарот во Кочани се враќаат од Шведска и Грција Дискотека Пулс, Кочани / архивска фотографија Тројца пациенти од повредените лица од пожарот во Кочани се враќаат во земјава, од кои двајца беа хоспитализирани во Грција и еден пациент во Шведска – соопшти Министерството за здравство денеска (2 април).Согласно протоколите ќе бидат задржани под 24-часовен надзор.Во Србија остануваат хоспитализирани 23 пациенти, Бугарија 14 паценти, Турција 10 пациенти, Грција 8 пациенти, Словенија 4 пациенти, во Унгарија, Хрватска, Шпанија, Австрија и Литванија се хоспитализирани по 3 пациенти, во Италија и Полска по еден пациент.Во Скопје, на Клиниката за токсикологија вчера беше хоспитализиран пациент по враќање од Полска, истиот денеска се пушта на домашно лекување. Видете и ова: Дома се пуштени 93 пациенти од пожарот во Кочани, уште сто се лекуваат На Клиниката за пластична хирургија остануваат двајца пациенти, а во Хируршката клиника Св.Наум Охридски 6 пациенти. Во ГОБ 8 Септември се хоспитализирани пет пациенти, од кои еден е планирано да биде пуштен на домашно лекување, на Клиниката за пулмологија двајца пациенти, а во приватната болница Систина се хоспитализирани тројца пациенти.Ресорниот министер, Арбен Таравари вчера изјави дека засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. прочитај повеќе април 02, 2025 Филипче предлага нов концепт на општествен и политички дијалог Венко Филипче, лидер на СДСМ Лидерот на СДСМ Венко Филипче предложи нов концепт за општествен и политички дијалог. Како што рече на денешната прес-конференција, трагедијата во Кочани покажала дека системот не функционира како што треба, а за тоа како што посочи, вина имале сите политички партии.Во однос на лидерската средба рече дека уште денеска или утре (2 и 3 април) ќе побара состанок со премиерот Христијан Мицкоски, за да се организира таа средба.Според него областите каде што треба системски пристап се - образование, здравство, правосудство, животна средина, партизација и политизација.„По големата трагедија во Кочани, ја видовме реакцијата на граѓаните, револт, на места и бес. Би рекол сосема оправдано, бидејќи тоа што во изминатите три децении, тоа што се нарекува реформи, тоа што се нарекува транзиција, очигледно не го даде посакуваниот резултат. Системот на многу места очигледно не фукционира како што треба. Јавните сервиси немаат перформанс каков што граѓаните заслужуваат. За тоа вина имаме сите политички партии, СДСМ, ВМРО-ДПМНЕ, ДУИ, другите политички партии“, рече Филипче.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада.Во однос на правосудството, предлага неминовно да се донесат реформската агенда во што пократок рок реформските закони во одреден систем во којшто ќе се постигне широк консензус не само политички, туки и други фактори од делот на правосудството на коишто ова навистина им е експертиза.„Тоа што граѓаните најмногу ги иритира а тоа е партизацијата и политизацијата. Мора да ги ослободиме институциите од канџите на политиката и партијата за да младите луѓе имаат навистина добар, компетитивен мерит систем и на тој начин да се вработуваат и напредуваат поради тоа што само на тој начин можеме експертизата да ја издигнеме на соодветно и заслужено ниво“, истакна Филипче, додавајќи дека добро е на овие теми да седнат лидерите на сите партии. Видете и ова: По трагедијата во Кочани, собраниската говорница остана нема Лидерот на СДСМ истакна дека на премиерот Христијан Мицкоски и подетално би му го образложил овој план на средба во следните денови. Во однос дали очекува неговиот предлог за лидерска средба да биде прифатен, тој рече дека уште денеска или утре (2 и 3 април) ќе побара состанок со премиерот Мицкоски, согласно агендите, за да се организира таа средба.„Оставам простор и се надевам дека сега кога политичките партии ќе го слушнат ова ќе ја прифатат таа лидерска средба. Но добро е прво тоа да го поразговараме со премиерот, имајќи предвид дека тој прв подаде рака и на прва одговори дека средбата е прифатлива. Навистина не знам што би било неприфатливо или некој зошто не би сакал да разговара, кога тоа е констатација на секој еден граѓанин во државата“, рече Филипче.На новинарско прашање дали на средбата ќе ја постави темата за евроинтеграции и уставни измени, рече дека најверојатно ќе се зборува и за таа тема. Премиерот Христијан Мицкоски деновиве изјави дека тој е подготвен да разговара со Филипче, додавајќи дека лидерската средба е пресериозна тема за да се разговара преку медиуми. прочитај повеќе април 02, 2025 Мицкоски: Милошоски и Филков имаа лош ден, Владата е стабилна Христијан Мицкоски, премир на РСМ Премиерот Христијан Мицкоски изјави дека владината коалиција е стабилна, а јавното препукување меѓу пратеникот од ВМРО-ДПМЕ Антонијо Милошоски и министерот за правда Игор Филков од коалицискиот партнер ЗНАМ, според него, ќе застане на, како што вели, на овие два лични става.„Владината коалиција е стабила. Пратеникот Антонијо Милошоски е член на Извршниот комитет на партијата, тој е дел од мојот најблизок периметар. Јас соработката со Антонијо Милошоски ја оценувам на највисоко ниво, тој е додадена вредност и во рамки на пратеничката група и во рамки на партијата. Министерот Игор Филков знам со какви проблеми се соочи, знам каква состојба затекна во Министерството за правда, континуирано на дневна основа соработуваме во делот на реформите, кои се многу важни посебно во секторот правда. Но, она што можев да го заклучам, а убеден сум дека сето ова ќе застане на овие два лични става е дека секој има право на лош ден, па така јас мислам дека тој лош ден и за едниот и за другиот завршува“, рече Мицкоски, по пуштањето на фабриката на „Магна мехатроникс“ во ТИРЗ Штип. Прашан дали има проблеми со коалицијата Вреди во која е министерот за здравство Арбен Тараври кој предвои едно од крилата во Алијанса за Албанците, рече дека нема такво чувство и оти имаат исклучителна соработка. „Не, немам такво чувство. Напротив, имаме исклучителна соработка. Граѓаните да бидат сигурни, Владата е стабилна, повеќе од две третини неофицијално, а официјално 78 пратеници ја поддржуваат оваа Влада. Граѓаните, според она што го гледам од анкетите даваат поддршка, огромно е позитивното мислење дека и Македонија се движи во позитивна насока и тоа претставува за нас инспирација да продолжиме понатаму да се движиме и да работиме“, рече Мицкоски. Видете и ова: Апетитите за локалните избори ја зовреа „Вреди“ Пратеникот на ВМРО-ДПМНЕ и потпретседател на Собранието, Антонијо Милошоски вчера во телевизиско гостување рече дека министерот за правда Игор Филков има слаб придонес во областа со која раководи. Посочи дека очекувал досега барем во нацрт верзија до Собранието да бидат доставени Предлог-законот за судови, Предлог-законот за судски буџет, Предлог законот за јавнообвинителската служба, новиот Кривичен законик...Министерот за правда Филков, пак, во реакција на изнесените наводи на Милошоски рече дека „Кусурот на Груевски, познат под прекарот - Џуџето од Небрегово, а јавноста добро го памети по аферите поврзани со АМСМ и семејните бизниси од Кичево, изгледа дека сè уште нема навика да одговара пред граѓаните кои го избрале“.„Бидејќи очигледно е неинформиран и изолиран од партијата, го упатувам во неговата матична партија или пак во Владата-можеби конечно ќе го известат за постапките, роковите и статусот на законите! И, бидејќи изгледа како некој што работи по туѓи наредби, за кого одработува во моментов? Дали се тоа интересите на граѓаните или некои други агенди? Во минатото е познат по Ванчо Михајловистички ставови, многу лаги и невистини. Ова е лош де-фокус на македонската јавност по двонеделниот „одмор“! Да го потсетам дека во парламентот е од 2011 година, откако се повлече од функцијата министер за надворешни работи и активно учествуваше во креирање на „канцерогениот“ правосуден систем. Сега е добар момент да се потсети јавноста дека токму тој директно учествуваше во процесот на донесувањето на штетните измени на КЗ во 2023 година, со што се спаси од одговорност за кривичното дело ,,Моќник”“, наведе Филков, набројувајќи ги законите на кои работел во изминатиот период. прочитај повеќе април 02, 2025 По еднодневна пауза, Русија ги продолжува масовните напади врз Украина Последици од нападот во градот Харкив, Украина, 2 април 2025 година Русија започна нови воздушни напади врз Украина по еднодневна пазуа од напади со дронови. Во регионот Запорожје, едно лице загинало, а две други се повредени, изјави во среда (2 април) на Телеграм регионалниот гувернер Иван Федоров. Петнаесет беспилотни летала, исто така, го нападнале источниот град Харкив, при што биле повредени најмалку осум лица.Украинските сили за цивилна одбрана соопштија дека биле погодени згради кои припаѓаат на цивилни фирми, а исто така била нанесена штета и на станбени области. Откако Украина во вторникот ја доживеа првата ноќ без беспилотни летала во годината, воздушната одбрана на земјата извести дека Русија распоредила 74 дронови и мамки со беспилотни летала во текот на ноќта до среда наутро.Нападите првенствено ги погодиле регионите Харкив, Доњецк и Одеса. Видете и ова: Зеленски: Партнерите на Украина ќе разговараат за распоредување странски војници Во Москва, руското Министерство за одбрана тврдеше дека соборило 93 украински беспилотни летала во текот на ноќта, главно над пограничниот регион Курск.Војувањето со беспилотни летала стана речиси секојдневна тактика во војната, иако размерите на уништување и жртви предизвикани од руските напади го надминуваат влијанието на украинските напади. Украина се брани од руската инвазија повеќе од три години, потпирајќи се во голема мера на поддршката од Западот. прочитај повеќе април 02, 2025 Дурмиши: Секој има право да излезе на улица и да покаже револт Министерот за економија и труд Бесар Дурмиши Живееме во демократија и секој има право да излезе на улица и да протестира и да го каже својот револт, но на синдикатите веќе им истече мандатот и веќе не се репрезентативни, порача денеска (2 април)министерот за економија и труд Бесар Дурмиши.„Како Влада ја формиравме комисијата која треба да ја утврди репрезентативноста на синдикатите и таа комисија веќе работи. Веднаш кога ќе се определи кој синдикат е репрезентативен ќе ја свикам седницата на Економско социјалниот совет (ЕСС). Токму таму синдикатите треба да ги кажат своите барања, а не на улица“, изјави Дурмиши во одговор на новинарско прашање пред почетокот на конференцијата „Реформа на Законот за работни односи – предизвици и насоки“. Видете и ова: Синдикатите утре на протест, барањето за поголем минималец ги „скара“ со Владата Како Влада, нагласи дека се за социјален дијалог. Одговарајќи на прашање рече дека како Влада постапиле според законот и методологијата за минималната плата, со која се усогласени сите засегнати страни, односно и синдикатите и работодавачите, и го објавиле износот на минималната плата на крајот на март.„Според тој правилник минималната плата изнесува 400 евра и е покачена нето платата за 1800 денари. Како надлежен министер за економија и труд јас ја објавив минималната плата по одлука на Владата, рече Дурмиши.Нагласи дека немале согласност од ЕСС за износот на минималната плата поради тоа што нема репрезентативност од синдикатите.„Јас според законот кој е во сила и кој е потпишан и од синдикатите и од работодавачите и по одлука на Влада обврзан сум пред 31 март да ја објавам минималната плата. Од минималната плата потоа се пресметува и просечната плата и другите плати. Ако не ја објавевме до 31 март ќе се блокираше целата држава и сите институции, а приватниот сектор не ќе можеше да пресмета плати за нивните вработени“, истакна Дурмиши.Сојузот на синдикатите на Македонија (ССМ) денеска одржува јавна седница пред зградата на Работничкиот дом на која ќе ги искаже своите ставови за минималната плата. прочитај повеќе април 02, 2025 Советот на јавни обвинители даде негативно мислење за разрешување на Коцевски Државниот јавен обвинител Љупчо Коцевски Советот на јавни обвинители даде негативно мислење по предлогот на Владата за разрешување на државниот јавен обвинител Љупчо Коцевски. За прифаќање на предлогот гласаа тројца, додека шест члена гласа против. Претседателката на Советот на јавни обвинители Душица Димитриеска, рече дека со оглед дека Советот одлуките ги носи со мнозинство, мнозинството дадоа негативно мислење. За прифаќање на предлогот на Владата за разрешување на Коцевски гласаа Кети Петкова, Ардиан Демири и Марјана Илиевска.Советот на јавни обвинители претходно ја исклучи јавноста од точката за разгледување на предлогот за разрешување на државниот јавен обвинител Љупчо Коцевски. Членовите на Советот едногласно го поддржаа предлогот на членот Зорица Павловиќ, која повикувајќи се на член 10 од Законот за совет на јавни обвинители побара да се исклучи јавноста поради, како што кажа, сензитивноста на процесот и за заштита на угледот и интегритетот на јавниот обвинител.Светлана Стојковиќ, го поддржа предлогот, дополнувајќи дека јавноста треба да биде исклучена и поради тоа што во произнесувањето од Коцевски по предлогот за негово разрешување, се изнесени и информации и докази од дисциплинските постапки што се води против двајца јавни обвинители. Расправата, како што нагласија, ќе биде затворена, а јавноста ќе биде вклучена само за гласањето по мислењето за предлогот на Владата за разрешување на Коцевски.Седницата за разгледување на предлогот претходно на два пати беше одложена. Првично беше закажана за 18 март, но беше одложена поради седумдневната жалост по трагедијата во Кочани, а минатата недела, на 26 март беше одложена поради немање на кворум. Согласно законските рокови за разгледување на предлогот за разрешување на Коцевски, Советот треба да го разгледа најдоцна до крајот на неделава, иако Владата објави дека ќе ја прекине постапката. Видете и ова: Предлогот за разрешување на Коцевски на денешната владина седница Портпаролката на Владата Марија Митева, на 26 март годинава, изјави дека Владата ќе ја прекине постапката за разрешување на државниот јавен обвинител Љупчо Коцевски и доколку добие мислење од страна на Советот на ЈО, истото нема да го проследи до Собранието.Премиерот Христијан Мицкоски по трагедијата во Кочани изјави дека постапката за разрешување на јавниот обвинител Коцевски ќе се запре во моментот до таму каде што се наоѓа.Владата на 11 февруари година донесе одлука да поведе постапка за разрешување на државниот јавен обвинител Коцевски кој беше избран на оваа позиција пред една година, а неговиот мандат трае шест години.Министерството за правда, постапувајќи по заклучокот од 50-та седница на Владата, го изготви Предлог-мислењето за разрешување на државниот јавен обвинител. Коцевски, како што велат од Министерството за правда, постапувал во предмети во кои согласно законските одредби постоеле околности кои предизвикуваат сомневање во неговата непристрасност, како и судир на интереси, а за кои околности тој требало да знае и требало да се изземе. Републичкиот обвинител Коцевски го демантира тврдењето дека незаконски постапил посочувајќи дека го следел законот и роковите во него. прочитај повеќе април 02, 2025 Данската премиерка во посета на Гренланд Данската премиерка Мете Фредериксен Данската премиерка Мете Фредериксен денеска (2 април) ќе отпатува во Гренланд, каде што ќе се сретне со претставници на новата влада на полуавтономниот остров, во време кога американскиот претседател Доналд Трамп продолжува да изразува интерес за анексија на територијата.Фредериксен го започнува своето тридневно патување помалку од една недела по посетата на американскиот потпретседател Џеј Ди Венс, кој беше пречекан со воздржаност од страна на данските и гренландските власти.Идниот премиер на островот, Јенс-Фредерик Нилсен, кој ја предводеше победничката коалиција на неодамнешните избори, истакна дека го поздравува доаѓањето на Фредериксен и нагласи дека Данска останува „најблизок партнер на Гренланд“. Видете и ова: Замрзнати амбиции: Долгото американско настојување за Гренланд Односите меѓу Гренланд и Данска се затегнати поради откритијата за малтретирање на гренландското население за време на колонијалниот период. Меѓутоа, интересот на Трамп за контролирање на островот како дел од геополитичката трка за Арктикот ја поттикна Данска да ги интензивира напорите за подобрување на врските со Гренланд.Во понеделникот, Нилсен изјави дека Гренланд ќе ги зајакне односите со Копенхаген, додека постепено работи на остварување на својата цел – независност.„Разговорите за анексија и непочитување на суверенитетот се знак на непочитување. Ајде да започнеме со взаемна почит и да изградиме подобро партнерство“, порача Нилсен.Фредериксен, пак, оцени дека народот на Гренланд сам треба да ја одреди својата иднина и ги нарече забелешките на Венс за Данска „неправични“. прочитај повеќе април 02, 2025 Османи предложи Косово и Британија да склучат договори за одбрана и економија Косовската претседателка Вјоса Османи денеска (2 април) му предложи на британскиот министер за надворешни работи Дејвид Лами да склучи договори за одбрана и економија меѓу двете земји.Лами е во официјална посета на Косово, како дел од турнејата низ Западен Балкан, чија цел, како што соопшти Владата на Обединетото Кралство, има за цел зајакнување на соработката во борбата против нерегуларната имиграција и организираниот криминал.На заедничката прес-конференција со Лами, Османи рече дека со шефот на британската дипломатија разговарала за „стратешкото продлабочување на соработката“ меѓу Косово и Обединетото Кралство, што, според неа, „особено ќе ги опфати областа на одбраната и економијата“.Таа истакна дека имала „долг“ разговор со Лами, кој ја поздравил идејата за зајакнување на соработката. Османи рече дека косовските власти се посветени на соработка со Британците на обликување на договорот, така што тој треба да биде потпишан што е можно поскоро. Османи повика и на поактивно присуство на Обединетото Кралство на Косово.Лами рече дека Балканот е регион кој е важен за Британија денес, како што беше и за време на мандатот на тогашниот премиер Тони Блер. Тој додаде дека Британија „ќе продолжи да ја игра улогата на клучен пријател и партнер“ на Косово.Шефот на британската дипломатија рече дека неговата земја сака „стабилна и мирна нормализација“ меѓу Косово и Србија и ги повика косовските власти да се вклучат со целосна енергија во дијалогот со Србија со посредство на Европската Унија.Османи рече дека „Косово останува конструктивна страна, посветена на мирот и стабилноста и покрај тоа што постојано се соочуваме со опструкции и провокации од Србија, вклучително и повторени напади кои почнаа пред неколку години и продолжуваат сега, за што сакам повторно да нагласам дека е императив да има одговорност и Србија да ги изведе одговорните пред лицето на правдата“. Embed share Од Косово до Украина: Може ли мисија како КФОР да помогне? Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:47 0:00 Директен линк 240p | 7,8MB 360p | 12,5MB 480p | 21,1MB 720p | 41,2MB 1080p | 64,5MB Лами рече дека Британија дава важен придонес во мировната мисија на НАТО на Косово (КФОР), што, според него, е „апсолутно клучно“ за безбедноста на Косово.Британскиот дипломат во вторникот вечерта во Приштина беше примен од вршителот на должноста премиер на Косово, Албин Курти и министрите од неговата влада. Курти со Лами разговарал, меѓу другото, за актуелната состојба во регионот и геополитиката во Европа, како и за безбедносните прашања, соопштија од кабинетот на премиерот.Вршителот на должноста шеф на косовската извршна власт „го истакна фактот дека сè уште нема правда и одговорност за терористичкиот напад во Бањска, додека Милан Радоичиќ оди слободно и заштитен од српскиот државен апарат“, се вели во соопштението на премиерот. Видете и ова: Прават ли Албанија, Хрватска и Косово воен сојуз? Во септември минатата година, Специјалното обвинителство на Косово покрена обвинение против 45 лица, меѓу кои и Милан Радоичиќ, за вооружен напад врз косовската полиција во Бањска на 24 септември 2023 година, кога беше убиен наредникот Африм Буњаку.Властите во Србија одбиваат да го екстрадираат Радоичиќ на Косово и велат дека ќе му судат „српски судови“, додека властите во Косово велат дека му понудиле заштита. Курти додаде дека Радоичиќ „треба да биде екстрадиран на Косово каде што ќе му се суди праведно за неговите постапки“.Обединетото Кралство оваа есен ќе биде домаќин на состанокот на лидерите од Западен Балкан во Лондон во рамки на самитот во Берлинскиот процес, кој, меѓу другото, има за цел да ја поддржи стабилноста, безбедноста и економската соработка меѓу земјите од регионот. прочитај повеќе Вчитај повеќе...

Вести април 01, 2025 Се забранува користење на пиротехника во затворен простор Опожарената дискотека „Пулс“ во Кочани, 17.03.2025 Пиротехнички сретства во затворени простории нема да смее да се користат. Вакви законски измени донесе Собранието денеска кое го изгласаа 87 пратеници, иницирани од трагедијата во Кочани каде загинаа 59 луѓе, а повеќе од 200 беа повредени. Измените на Законот за прекршоците против јавниот ред и мир беа предложени од ВМРО-ДПМНЕ и донесени по скратена постапка. „Констатиравме многу пропусти кои треба да се надминат за да нема импровизации кои ќе резултираат со вакви хаварии и несреќи“, рече пратеникот Тони Јаревски.Со измените на законот, двојно се зголемени казните за непочитувачите на законот. Доколку прекршокот се повтори, се предвидува и затворска казна.Инаку вкупниот број на осомничени за пожарот во Кочани досега е 34 лица. Со истрагата се опфатени 27 физички и три правни лица, а истражни постапки има и против седум полициски службеници од СВР Штип и ПСОН Кочани.Тимот од јавни обвинители кој работи на случајот, како што информира претходно, работи на активности кои вклучуваат распит на повеќе од 300 сведоци, како и други истражни дејствија и соодветни вештачења од повеќе области.Јавните обвинители од тимот кој ја води предистражната постапка за пожарот во дискотеката „Пулс“ во Кочани во кој животот го загубија 59 лица, а речиси 200 се повредени, континуирано преземаат повеќе истражни дејствија за обезбедување докази, а такви дејствија, кои вклучуваат распити, анализи и вештачења од голем обем и во однос на повеќе различни институции се во тек и денеска, информираат од прес-службата на ЈОРСМ.Меѓутоа, за да се зачува тајност на постапката и да се спречи компромитирање на доказите, од Обвинителството посочуваат дека не е во можност во моментов да открива повеќе детали за активностите. Видете и ова: (Не)редовни вежби за евакуација во училишта и градинки Во однос на барањата на опозициската СДСМ да се формира Анкетна комисија за трагдедијата во Кочани, и на барањето на ДУИ во истрагата да се вклучат и странци, премиерот Христијан Мицкоски, завчера рече дека „не бегаат од никаква Анкетна комисија, но би сакале да ја прошират и за останатите случаи освен за Кочани.„Јас апсолутно не бегам од никаква Анкетна комисија, претпоставувам ниту пратеничката група на ВМРО ДПМНЕ и коалицијата нема да бега, но би сакал да ја прошириме со сите овие останати судски случаи кои завршија на начин на кој завршија. Така што, подготвени сме да разговараме, да дебатираме со секој оној којшто може да помогне или да додаде вредност, изјави премиерот Хрстијан Мицкоски во одговор на новинарско прашање по посетата на Ново Село.Според премиерот, СДСМ и ДУИ не биле задоволни од истрагата за Кочани, но како што рече би ги прашал дали биле задоволни од истрагата за модуларната болница во Тетово, дали беа задоволно од истрагата за Ласкарци, дали беа задоволни од истрагата за Беса транс, за Трговскиот центар „Соравија“ во Скопје и уште многу други истраги кои изминатиот период беа познати во јавноста.Пратеничката на СДСМ, Јованка Тренчевска, денеска на прес-конференција во Собранието рече дека би поддржале предлог за таква Анкетна комисија, како и дека „оставаат шанса на институциите за професионална и неселективна истрага за трагегијата во Кочани, потоа ќе излеземе со нашите идни дејствија“. Видете и ова: Навалица на институциите за обезбедување на противпожарна опрема „Оставаме шанса на институциите. Истрагата е во тек и затоа нашиот став е дека треба професионално, неселективно да се заврши целата истрага. Да не опструираме во текот на истрагата. По завршување на истрагата како СДСМ ќе излеземе со став за нашите идни дејствија. Во моментот кога ќе заврши истрагата зависно од резултатите од истрагата, рече Тренчевска одговарајќи на прашањето дали СДСМ ќе ја поддржат идејата на ДУИ за формирање на собраниска Анкетна комисија за неселективна правда за случајот во Кочани.Од ДУИ, денеска повторно побараа независна истрага за „Пулс“, надвор од рацете на оние што, како што велат, ја овозможиле трагедијата.„Јасно е дека на Власта не ѝ е потребна правда, туку алиби. Тоа не смее да се премолчи и затоа јавно бараме: Итна суспензија на целата командна структура по вертикала во МВР и Бирото за јавна безбедност, кои знаеле за проблемите со ПУЛС, а не реагирале“, изјави Арта Билали Зендели од ДУИ. прочитај повеќе види ги сите денешни вести април 02, 2025 ‘Науката (за)стана’: Протести во Белград и Нови Сад Белград, Србија - протести Вработени во научноистражувачката дејност денеска (2 април) организираа протести во Белград и Нови Сад на повик на српскиот Синдикат на науката во знак на поддршка на студентите во блокада.Протестите беа организирани под слоганот „Науката (за)стана“.Претставници на Синдикатот на науката и на Мрежата на академска солидарност заедно со група граѓани и студенти се собраа пред платото кај Филозофскиот факултет во Белград.Луѓето на собирот носеа транспаренти на кои меѓу другото пишуваше „Науката ви мавта со дипломите, нашите се вистински, а какви се вашите“ и „За враќање на академското достоинство“.Претставник на неформалната организација Мрежа на академската солидарност, Оливер Тошковиќ, рече дека владата „живее во свет во кој позицијата е пред аргументот".„Факт е дека оваа влада е подготвена да ја уништи и деформира научната активност во оваа земја само за да ни се одмазди лично и да нѐ понижи", рече Тошковиќ. Видете и ова: Протест пред ТВ Информер во Белград поради известување за студентските протести Собраните со 16-минутно молчење им оддадоа почит на загинатите при падот на настрешницата во Нови Сад. По молкот, тие се движеа низ централните улици на Белград до зградата на Владата на Србија.Во Србија, десетици илјади граѓани со месеци излегуваат на улиците со клучно барање да се утврди кривичната и политичката одговорност за несреќата во Нови Сад, во која 15 лица загинаа при пад на настрешницата на главната железничка станица во градот, додека шеснаесеттата жртва им подлегна на повредите повеќе од два месеци подоцна.Во фокусот на протестите се обвинувањата дека корупцијата довела до паѓање на настрешницата. Претставниците на властите ги отфрлија овие обвинувања. прочитај повеќе април 02, 2025 Тројца пациенти од пожарот во Кочани се враќаат од Шведска и Грција Дискотека Пулс, Кочани / архивска фотографија Тројца пациенти од повредените лица од пожарот во Кочани се враќаат во земјава, од кои двајца беа хоспитализирани во Грција и еден пациент во Шведска – соопшти Министерството за здравство денеска (2 април).Согласно протоколите ќе бидат задржани под 24-часовен надзор.Во Србија остануваат хоспитализирани 23 пациенти, Бугарија 14 паценти, Турција 10 пациенти, Грција 8 пациенти, Словенија 4 пациенти, во Унгарија, Хрватска, Шпанија, Австрија и Литванија се хоспитализирани по 3 пациенти, во Италија и Полска по еден пациент.Во Скопје, на Клиниката за токсикологија вчера беше хоспитализиран пациент по враќање од Полска, истиот денеска се пушта на домашно лекување. Видете и ова: Дома се пуштени 93 пациенти од пожарот во Кочани, уште сто се лекуваат На Клиниката за пластична хирургија остануваат двајца пациенти, а во Хируршката клиника Св.Наум Охридски 6 пациенти. Во ГОБ 8 Септември се хоспитализирани пет пациенти, од кои еден е планирано да биде пуштен на домашно лекување, на Клиниката за пулмологија двајца пациенти, а во приватната болница Систина се хоспитализирани тројца пациенти.Ресорниот министер, Арбен Таравари вчера изјави дека засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. прочитај повеќе април 02, 2025 Филипче предлага нов концепт на општествен и политички дијалог Венко Филипче, лидер на СДСМ Лидерот на СДСМ Венко Филипче предложи нов концепт за општествен и политички дијалог. Како што рече на денешната прес-конференција, трагедијата во Кочани покажала дека системот не функционира како што треба, а за тоа како што посочи, вина имале сите политички партии.Во однос на лидерската средба рече дека уште денеска или утре (2 и 3 април) ќе побара состанок со премиерот Христијан Мицкоски, за да се организира таа средба.Според него областите каде што треба системски пристап се - образование, здравство, правосудство, животна средина, партизација и политизација.„По големата трагедија во Кочани, ја видовме реакцијата на граѓаните, револт, на места и бес. Би рекол сосема оправдано, бидејќи тоа што во изминатите три децении, тоа што се нарекува реформи, тоа што се нарекува транзиција, очигледно не го даде посакуваниот резултат. Системот на многу места очигледно не фукционира како што треба. Јавните сервиси немаат перформанс каков што граѓаните заслужуваат. За тоа вина имаме сите политички партии, СДСМ, ВМРО-ДПМНЕ, ДУИ, другите политички партии“, рече Филипче.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада.Во однос на правосудството, предлага неминовно да се донесат реформската агенда во што пократок рок реформските закони во одреден систем во којшто ќе се постигне широк консензус не само политички, туки и други фактори од делот на правосудството на коишто ова навистина им е експертиза.„Тоа што граѓаните најмногу ги иритира а тоа е партизацијата и политизацијата. Мора да ги ослободиме институциите од канџите на политиката и партијата за да младите луѓе имаат навистина добар, компетитивен мерит систем и на тој начин да се вработуваат и напредуваат поради тоа што само на тој начин можеме експертизата да ја издигнеме на соодветно и заслужено ниво“, истакна Филипче, додавајќи дека добро е на овие теми да седнат лидерите на сите партии. Видете и ова: По трагедијата во Кочани, собраниската говорница остана нема Лидерот на СДСМ истакна дека на премиерот Христијан Мицкоски и подетално би му го образложил овој план на средба во следните денови. Во однос дали очекува неговиот предлог за лидерска средба да биде прифатен, тој рече дека уште денеска или утре (2 и 3 април) ќе побара состанок со премиерот Мицкоски, согласно агендите, за да се организира таа средба.„Оставам простор и се надевам дека сега кога политичките партии ќе го слушнат ова ќе ја прифатат таа лидерска средба. Но добро е прво тоа да го поразговараме со премиерот, имајќи предвид дека тој прв подаде рака и на прва одговори дека средбата е прифатлива. Навистина не знам што би било неприфатливо или некој зошто не би сакал да разговара, кога тоа е констатација на секој еден граѓанин во државата“, рече Филипче.На новинарско прашање дали на средбата ќе ја постави темата за евроинтеграции и уставни измени, рече дека најверојатно ќе се зборува и за таа тема. Премиерот Христијан Мицкоски деновиве изјави дека тој е подготвен да разговара со Филипче, додавајќи дека лидерската средба е пресериозна тема за да се разговара преку медиуми. прочитај повеќе април 02, 2025 Мицкоски: Милошоски и Филков имаа лош ден, Владата е стабилна Христијан Мицкоски, премир на РСМ Премиерот Христијан Мицкоски изјави дека владината коалиција е стабилна, а јавното препукување меѓу пратеникот од ВМРО-ДПМЕ Антонијо Милошоски и министерот за правда Игор Филков од коалицискиот партнер ЗНАМ, според него, ќе застане на, како што вели, на овие два лични става.„Владината коалиција е стабила. Пратеникот Антонијо Милошоски е член на Извршниот комитет на партијата, тој е дел од мојот најблизок периметар. Јас соработката со Антонијо Милошоски ја оценувам на највисоко ниво, тој е додадена вредност и во рамки на пратеничката група и во рамки на партијата. Министерот Игор Филков знам со какви проблеми се соочи, знам каква состојба затекна во Министерството за правда, континуирано на дневна основа соработуваме во делот на реформите, кои се многу важни посебно во секторот правда. Но, она што можев да го заклучам, а убеден сум дека сето ова ќе застане на овие два лични става е дека секој има право на лош ден, па така јас мислам дека тој лош ден и за едниот и за другиот завршува“, рече Мицкоски, по пуштањето на фабриката на „Магна мехатроникс“ во ТИРЗ Штип. Прашан дали има проблеми со коалицијата Вреди во која е министерот за здравство Арбен Тараври кој предвои едно од крилата во Алијанса за Албанците, рече дека нема такво чувство и оти имаат исклучителна соработка. „Не, немам такво чувство. Напротив, имаме исклучителна соработка. Граѓаните да бидат сигурни, Владата е стабилна, повеќе од две третини неофицијално, а официјално 78 пратеници ја поддржуваат оваа Влада. Граѓаните, според она што го гледам од анкетите даваат поддршка, огромно е позитивното мислење дека и Македонија се движи во позитивна насока и тоа претставува за нас инспирација да продолжиме понатаму да се движиме и да работиме“, рече Мицкоски. Видете и ова: Апетитите за локалните избори ја зовреа „Вреди“ Пратеникот на ВМРО-ДПМНЕ и потпретседател на Собранието, Антонијо Милошоски вчера во телевизиско гостување рече дека министерот за правда Игор Филков има слаб придонес во областа со која раководи. Посочи дека очекувал досега барем во нацрт верзија до Собранието да бидат доставени Предлог-законот за судови, Предлог-законот за судски буџет, Предлог законот за јавнообвинителската служба, новиот Кривичен законик...Министерот за правда Филков, пак, во реакција на изнесените наводи на Милошоски рече дека „Кусурот на Груевски, познат под прекарот - Џуџето од Небрегово, а јавноста добро го памети по аферите поврзани со АМСМ и семејните бизниси од Кичево, изгледа дека сè уште нема навика да одговара пред граѓаните кои го избрале“.„Бидејќи очигледно е неинформиран и изолиран од партијата, го упатувам во неговата матична партија или пак во Владата-можеби конечно ќе го известат за постапките, роковите и статусот на законите! И, бидејќи изгледа како некој што работи по туѓи наредби, за кого одработува во моментов? Дали се тоа интересите на граѓаните или некои други агенди? Во минатото е познат по Ванчо Михајловистички ставови, многу лаги и невистини. Ова е лош де-фокус на македонската јавност по двонеделниот „одмор“! Да го потсетам дека во парламентот е од 2011 година, откако се повлече од функцијата министер за надворешни работи и активно учествуваше во креирање на „канцерогениот“ правосуден систем. Сега е добар момент да се потсети јавноста дека токму тој директно учествуваше во процесот на донесувањето на штетните измени на КЗ во 2023 година, со што се спаси од одговорност за кривичното дело ,,Моќник”“, наведе Филков, набројувајќи ги законите на кои работел во изминатиот период. прочитај повеќе април 02, 2025 По еднодневна пауза, Русија ги продолжува масовните напади врз Украина Последици од нападот во градот Харкив, Украина, 2 април 2025 година Русија започна нови воздушни напади врз Украина по еднодневна пазуа од напади со дронови. Во регионот Запорожје, едно лице загинало, а две други се повредени, изјави во среда (2 април) на Телеграм регионалниот гувернер Иван Федоров. Петнаесет беспилотни летала, исто така, го нападнале источниот град Харкив, при што биле повредени најмалку осум лица.Украинските сили за цивилна одбрана соопштија дека биле погодени згради кои припаѓаат на цивилни фирми, а исто така била нанесена штета и на станбени области. Откако Украина во вторникот ја доживеа првата ноќ без беспилотни летала во годината, воздушната одбрана на земјата извести дека Русија распоредила 74 дронови и мамки со беспилотни летала во текот на ноќта до среда наутро.Нападите првенствено ги погодиле регионите Харкив, Доњецк и Одеса. Видете и ова: Зеленски: Партнерите на Украина ќе разговараат за распоредување странски војници Во Москва, руското Министерство за одбрана тврдеше дека соборило 93 украински беспилотни летала во текот на ноќта, главно над пограничниот регион Курск.Војувањето со беспилотни летала стана речиси секојдневна тактика во војната, иако размерите на уништување и жртви предизвикани од руските напади го надминуваат влијанието на украинските напади. Украина се брани од руската инвазија повеќе од три години, потпирајќи се во голема мера на поддршката од Западот. прочитај повеќе април 02, 2025 Дурмиши: Секој има право да излезе на улица и да покаже револт Министерот за економија и труд Бесар Дурмиши Живееме во демократија и секој има право да излезе на улица и да протестира и да го каже својот револт, но на синдикатите веќе им истече мандатот и веќе не се репрезентативни, порача денеска (2 април)министерот за економија и труд Бесар Дурмиши.„Како Влада ја формиравме комисијата која треба да ја утврди репрезентативноста на синдикатите и таа комисија веќе работи. Веднаш кога ќе се определи кој синдикат е репрезентативен ќе ја свикам седницата на Економско социјалниот совет (ЕСС). Токму таму синдикатите треба да ги кажат своите барања, а не на улица“, изјави Дурмиши во одговор на новинарско прашање пред почетокот на конференцијата „Реформа на Законот за работни односи – предизвици и насоки“. Видете и ова: Синдикатите утре на протест, барањето за поголем минималец ги „скара“ со Владата Како Влада, нагласи дека се за социјален дијалог. Одговарајќи на прашање рече дека како Влада постапиле според законот и методологијата за минималната плата, со која се усогласени сите засегнати страни, односно и синдикатите и работодавачите, и го објавиле износот на минималната плата на крајот на март.„Според тој правилник минималната плата изнесува 400 евра и е покачена нето платата за 1800 денари. Како надлежен министер за економија и труд јас ја објавив минималната плата по одлука на Владата, рече Дурмиши.Нагласи дека немале согласност од ЕСС за износот на минималната плата поради тоа што нема репрезентативност од синдикатите.„Јас според законот кој е во сила и кој е потпишан и од синдикатите и од работодавачите и по одлука на Влада обврзан сум пред 31 март да ја објавам минималната плата. Од минималната плата потоа се пресметува и просечната плата и другите плати. Ако не ја објавевме до 31 март ќе се блокираше целата држава и сите институции, а приватниот сектор не ќе можеше да пресмета плати за нивните вработени“, истакна Дурмиши.Сојузот на синдикатите на Македонија (ССМ) денеска одржува јавна седница пред зградата на Работничкиот дом на која ќе ги искаже своите ставови за минималната плата. прочитај повеќе април 02, 2025 Советот на јавни обвинители даде негативно мислење за разрешување на Коцевски Државниот јавен обвинител Љупчо Коцевски Советот на јавни обвинители даде негативно мислење по предлогот на Владата за разрешување на државниот јавен обвинител Љупчо Коцевски. За прифаќање на предлогот гласаа тројца, додека шест члена гласа против. Претседателката на Советот на јавни обвинители Душица Димитриеска, рече дека со оглед дека Советот одлуките ги носи со мнозинство, мнозинството дадоа негативно мислење. За прифаќање на предлогот на Владата за разрешување на Коцевски гласаа Кети Петкова, Ардиан Демири и Марјана Илиевска.Советот на јавни обвинители претходно ја исклучи јавноста од точката за разгледување на предлогот за разрешување на државниот јавен обвинител Љупчо Коцевски. Членовите на Советот едногласно го поддржаа предлогот на членот Зорица Павловиќ, која повикувајќи се на член 10 од Законот за совет на јавни обвинители побара да се исклучи јавноста поради, како што кажа, сензитивноста на процесот и за заштита на угледот и интегритетот на јавниот обвинител.Светлана Стојковиќ, го поддржа предлогот, дополнувајќи дека јавноста треба да биде исклучена и поради тоа што во произнесувањето од Коцевски по предлогот за негово разрешување, се изнесени и информации и докази од дисциплинските постапки што се води против двајца јавни обвинители. Расправата, како што нагласија, ќе биде затворена, а јавноста ќе биде вклучена само за гласањето по мислењето за предлогот на Владата за разрешување на Коцевски.Седницата за разгледување на предлогот претходно на два пати беше одложена. Првично беше закажана за 18 март, но беше одложена поради седумдневната жалост по трагедијата во Кочани, а минатата недела, на 26 март беше одложена поради немање на кворум. Согласно законските рокови за разгледување на предлогот за разрешување на Коцевски, Советот треба да го разгледа најдоцна до крајот на неделава, иако Владата објави дека ќе ја прекине постапката. Видете и ова: Предлогот за разрешување на Коцевски на денешната владина седница Портпаролката на Владата Марија Митева, на 26 март годинава, изјави дека Владата ќе ја прекине постапката за разрешување на државниот јавен обвинител Љупчо Коцевски и доколку добие мислење од страна на Советот на ЈО, истото нема да го проследи до Собранието.Премиерот Христијан Мицкоски по трагедијата во Кочани изјави дека постапката за разрешување на јавниот обвинител Коцевски ќе се запре во моментот до таму каде што се наоѓа.Владата на 11 февруари година донесе одлука да поведе постапка за разрешување на државниот јавен обвинител Коцевски кој беше избран на оваа позиција пред една година, а неговиот мандат трае шест години.Министерството за правда, постапувајќи по заклучокот од 50-та седница на Владата, го изготви Предлог-мислењето за разрешување на државниот јавен обвинител. Коцевски, како што велат од Министерството за правда, постапувал во предмети во кои согласно законските одредби постоеле околности кои предизвикуваат сомневање во неговата непристрасност, како и судир на интереси, а за кои околности тој требало да знае и требало да се изземе. Републичкиот обвинител Коцевски го демантира тврдењето дека незаконски постапил посочувајќи дека го следел законот и роковите во него. прочитај повеќе април 02, 2025 Данската премиерка во посета на Гренланд Данската премиерка Мете Фредериксен Данската премиерка Мете Фредериксен денеска (2 април) ќе отпатува во Гренланд, каде што ќе се сретне со претставници на новата влада на полуавтономниот остров, во време кога американскиот претседател Доналд Трамп продолжува да изразува интерес за анексија на територијата.Фредериксен го започнува своето тридневно патување помалку од една недела по посетата на американскиот потпретседател Џеј Ди Венс, кој беше пречекан со воздржаност од страна на данските и гренландските власти.Идниот премиер на островот, Јенс-Фредерик Нилсен, кој ја предводеше победничката коалиција на неодамнешните избори, истакна дека го поздравува доаѓањето на Фредериксен и нагласи дека Данска останува „најблизок партнер на Гренланд“. Видете и ова: Замрзнати амбиции: Долгото американско настојување за Гренланд Односите меѓу Гренланд и Данска се затегнати поради откритијата за малтретирање на гренландското население за време на колонијалниот период. Меѓутоа, интересот на Трамп за контролирање на островот како дел од геополитичката трка за Арктикот ја поттикна Данска да ги интензивира напорите за подобрување на врските со Гренланд.Во понеделникот, Нилсен изјави дека Гренланд ќе ги зајакне односите со Копенхаген, додека постепено работи на остварување на својата цел – независност.„Разговорите за анексија и непочитување на суверенитетот се знак на непочитување. Ајде да започнеме со взаемна почит и да изградиме подобро партнерство“, порача Нилсен.Фредериксен, пак, оцени дека народот на Гренланд сам треба да ја одреди својата иднина и ги нарече забелешките на Венс за Данска „неправични“. прочитај повеќе април 02, 2025 Османи предложи Косово и Британија да склучат договори за одбрана и економија Косовската претседателка Вјоса Османи денеска (2 април) му предложи на британскиот министер за надворешни работи Дејвид Лами да склучи договори за одбрана и економија меѓу двете земји.Лами е во официјална посета на Косово, како дел од турнејата низ Западен Балкан, чија цел, како што соопшти Владата на Обединетото Кралство, има за цел зајакнување на соработката во борбата против нерегуларната имиграција и организираниот криминал.На заедничката прес-конференција со Лами, Османи рече дека со шефот на британската дипломатија разговарала за „стратешкото продлабочување на соработката“ меѓу Косово и Обединетото Кралство, што, според неа, „особено ќе ги опфати областа на одбраната и економијата“.Таа истакна дека имала „долг“ разговор со Лами, кој ја поздравил идејата за зајакнување на соработката. Османи рече дека косовските власти се посветени на соработка со Британците на обликување на договорот, така што тој треба да биде потпишан што е можно поскоро. Османи повика и на поактивно присуство на Обединетото Кралство на Косово.Лами рече дека Балканот е регион кој е важен за Британија денес, како што беше и за време на мандатот на тогашниот премиер Тони Блер. Тој додаде дека Британија „ќе продолжи да ја игра улогата на клучен пријател и партнер“ на Косово.Шефот на британската дипломатија рече дека неговата земја сака „стабилна и мирна нормализација“ меѓу Косово и Србија и ги повика косовските власти да се вклучат со целосна енергија во дијалогот со Србија со посредство на Европската Унија.Османи рече дека „Косово останува конструктивна страна, посветена на мирот и стабилноста и покрај тоа што постојано се соочуваме со опструкции и провокации од Србија, вклучително и повторени напади кои почнаа пред неколку години и продолжуваат сега, за што сакам повторно да нагласам дека е императив да има одговорност и Србија да ги изведе одговорните пред лицето на правдата“. Embed share Од Косово до Украина: Може ли мисија како КФОР да помогне? Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:47 0:00 Директен линк 240p | 7,8MB 360p | 12,5MB 480p | 21,1MB 720p | 41,2MB 1080p | 64,5MB Лами рече дека Британија дава важен придонес во мировната мисија на НАТО на Косово (КФОР), што, според него, е „апсолутно клучно“ за безбедноста на Косово.Британскиот дипломат во вторникот вечерта во Приштина беше примен од вршителот на должноста премиер на Косово, Албин Курти и министрите од неговата влада. Курти со Лами разговарал, меѓу другото, за актуелната состојба во регионот и геополитиката во Европа, како и за безбедносните прашања, соопштија од кабинетот на премиерот.Вршителот на должноста шеф на косовската извршна власт „го истакна фактот дека сè уште нема правда и одговорност за терористичкиот напад во Бањска, додека Милан Радоичиќ оди слободно и заштитен од српскиот државен апарат“, се вели во соопштението на премиерот. Видете и ова: Прават ли Албанија, Хрватска и Косово воен сојуз? Во септември минатата година, Специјалното обвинителство на Косово покрена обвинение против 45 лица, меѓу кои и Милан Радоичиќ, за вооружен напад врз косовската полиција во Бањска на 24 септември 2023 година, кога беше убиен наредникот Африм Буњаку.Властите во Србија одбиваат да го екстрадираат Радоичиќ на Косово и велат дека ќе му судат „српски судови“, додека властите во Косово велат дека му понудиле заштита. Курти додаде дека Радоичиќ „треба да биде екстрадиран на Косово каде што ќе му се суди праведно за неговите постапки“.Обединетото Кралство оваа есен ќе биде домаќин на состанокот на лидерите од Западен Балкан во Лондон во рамки на самитот во Берлинскиот процес, кој, меѓу другото, има за цел да ја поддржи стабилноста, безбедноста и економската соработка меѓу земјите од регионот. прочитај повеќе април 02, 2025 Израел ги проширува копнените операции во Газа „за да го уништи“ Хамас Појас Газа Израелскиот министер за одбрана Израел Кац најави големо проширување на операциите на војската во Појасот Газа, чија цел е да се „разбие и исчисти областа од терористи и терористичка инфраструктура“.Министерот во средата рече дека операцијата „ќе заземе големи области кои ќе бидат додадени во израелските безбедносни зони“, без да даде дополнителни детали. Војската распореди дополнителна единица за проширување на операциите во јужниот дел на Газа, според извештаите на медиумите. Кац ги повика жителите на крајбрежниот појас „да дејствуваат сега за да го отстранат Хамас и да ги вратат сите заложници“.„Ова е единствениот начин да се стави крај на војната“, рече Кац. Во средината на март, Израел продолжи со масовните воздушни напади откако не беше постигнат договор со Хамас за условите за продолжување на примирјето. Видете и ова: Израел продолжи со напади врз Газа, Египет има нов мировен предлог Оттогаш, Израел, исто така, започна копнени операции против палестинските милитанти во Рафа, а во саботата, наводно, ја проширил офанзивата на второто соседство. „Целта на новата копнена офанзива исто така е да се воспостави тампон зона долж границите на крајбрежната област“, рече Израел. Војната избувна откако Хамас и други екстремистички групи го нападнаа Израел на 7 октомври 2023 година, при што беа убиени околу 1200 луѓе и заробени повеќе од 250 заложници. Според здравствените власти во Газа под контрола на Хамас, досега се убиени повеќе од 50100 луѓе, од кои една третина деца и млади луѓе.Бројките не можат да се потврдат независно. Меѓутоа, меѓународните организации како што се ОН ги сметаат за веродостојни. прочитај повеќе Вчитај повеќе...

Вести април 01, 2025 Синдикатите утре на протест, барањето за поголем минималец ги „скара“ со Владата Генерален штрајк на ССМ, архивска фотографија Нападите кон Сојузот на синдикатите на Македонија нема да го запрат синдикатот во барањата за повисоки плати и подобрување на животниот стандард на работниците - порача денеска (1 април) претседателот на ССМ, Слободан Трендафилов во пресрет на утрешниот протест во Скопје.Тој денеска потсети дека Советот, претседателството и надзорниот одбор на ССМ утре со почеток во 12:05 часот ќе одржат јавна седница пред Собранието, Стопанската Комора и Владата.„Со нечовечкиот однос кон синдикалните претставници не само што е повреден Уставот и законите во Македонија, туку има повреда и на меѓународните конвенции на трудот и за тоа веќе се известени Меѓународната организација на трудот, Европската и Меѓународната конфедерација на синдикати кои даваат целосна поддршка на ССМ“, истакна Трендафилов.Тој ги повика функционерите да ги симнат, како што рече, „розовите наочари со кои гледаат во нивните скапи и луксузни кабинети“.Според првиот човек на Сојузот, синдикалците се загрижени за состојбата во која 250.000 работници примаат плата до 32.000 денари, а 380.000 работници примаат плата под просечната плата во земјата.Синдикална јавна седница против одлуката за поголем минималецПојасни дека јавната седница е против одлуката на Владата да ја зголеми минималната плата за само 1.800 денари, што синдикатот го смета за незаконско и недоволно. Видете и ова: Барањето за поголема плата ќе извади дел од администрацијата на протест ССМ бара минималната плата да изнесува 30.000 денари, наместо предложените 24.300.„На 2 април во 12:05 часот, Сојуз на Синдикати на Македонија (ССМ) излегува на улица, онака како што ветивме пред еден месец, затоа што 12 часот помина тогаш, кога Владата одлучи еднострано да утврдува износ на минимална плата на штета на работниците во Македонија, не прифаќајќи ги нивните предлози за утврдување на висината на износот на минималната плата“, порача Трендафилов.Утрешната Јавна седница од пред ССМ ќе продолжи пред Парламентот, каде што синдикатот ќе порача дека не може да има подобрување на платите за пратениците без подобрување на платите за работниците. Пред Стопанската комора, ССМ ќе истакне дека поддршката на работниците е од суштинско значење за стабилноста на економијата. Завршниот дел од протестот ќе биде пред Владата, каде што синдикатот ќе побара и работниците да се вклучат во одлуките за нивните плати.Манасиевски: Демаскирани се синдикалците на батерииВо меѓувреме, од ВМРО-ДПМНЕ обвинија дека луѓето од раководството на Сојузот на синдикати „дебело профитираат“ и ги нарекоа „синдикалци на батерии“.„Дали Иван Пешевски е гласен синдикалец затоа што зема 80.000 денари плати? Според информациите, кои до нас ги доставија свиркачи од ССМ, на кои им е преку глава од злоупотребите на Трендафилов и Пешевски, овие двајца дебело профитираат. Имено, според информациите кои ги добивме, платата на Пешевски, кој деновиве глуми загрижен синдикалец е трипати поголема од минималната“ , рече на прес-конференција Валентин Манасиевски, член на ЦК на ВМРО-ДПМНЕ.„Тој во 2024 и првите два месеци од 2025 година остварил и приходи по други основи со договори на дело и заедно со плата инкасирал 1.3 милиони денари. Демаскирани се синдикалците на батерии Слободан Трендафилов и Иван Пешевски. Нивните игри се прочитани и никој не им верува“, порача Манасиевски на денешната прес конференција.Првиот човек на ССМ пак, Трендафилов денеска изјави дека битката со поединци од ВМРО-ДПМНЕ е да нема зголемување на платите и како што истакна, да ги држат во заложништво и сиромаштија работниците. Видете и ова: ССМ најави протести на 2 април Тој обвини и за упади во синдикалните организации и за притисоци кон работниците да преминат во друг синдикат.Тренчевска: Животниот стандард на граѓаните е на днотоЗголемување на минималната плата денеска на прес конференција побара и пратеничката Јована Тренчевска од редовите на СДСМ.„На денешната собраниска седница е Законот за ослободување од плаќање придонеси за зголемени плати поднесен од СДСМ. Со оваа мерка платите може да се зголемат од 3.000 до 15.000 денари, Компаниите ќе бидат ослободени од плаќање придонеси за зголемениот дел, 400.000 работници со плата до 65.380 денари ќе добијат повисоки примања“, изјави Тренчевска.Таа реагираше и дека две минимална плати не се доволни за да се покријат основните месечни трошоци на едно семејство потсетувајќи дека потрошувачката кошница во февруари 2025 достигна 63.773 денари, и за 100 евра е зголемена во споредба со лани. прочитај повеќе види ги сите денешни вести април 02, 2025 Тројца пациенти од пожарот во Кочани се враќаат од Шведска и Грција Дискотека Пулс, Кочани / архивска фотографија Тројца пациенти од повредените лица од пожарот во Кочани се враќаат во земјава, од кои двајца беа хоспитализирани во Грција и еден пациент во Шведска – соопшти Министерството за здравство денеска (2 април).Согласно протоколите ќе бидат задржани под 24-часовен надзор.Во Србија остануваат хоспитализирани 23 пациенти, Бугарија 14 паценти, Турција 10 пациенти, Грција 8 пациенти, Словенија 4 пациенти, во Унгарија, Хрватска, Шпанија, Австрија и Литванија се хоспитализирани по 3 пациенти, во Италија и Полска по еден пациент.Во Скопје, на Клиниката за токсикологија вчера беше хоспитализиран пациент по враќање од Полска, истиот денеска се пушта на домашно лекување. Видете и ова: Дома се пуштени 93 пациенти од пожарот во Кочани, уште сто се лекуваат На Клиниката за пластична хирургија остануваат двајца пациенти, а во Хируршката клиника Св.Наум Охридски 6 пациенти. Во ГОБ 8 Септември се хоспитализирани пет пациенти, од кои еден е планирано да биде пуштен на домашно лекување, на Клиниката за пулмологија двајца пациенти, а во приватната болница Систина се хоспитализирани тројца пациенти.Ресорниот министер, Арбен Таравари вчера изјави дека засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. прочитај повеќе април 02, 2025 Филипче предлага нов концепт на општествен и политички дијалог Венко Филипче, лидер на СДСМ Лидерот на СДСМ Венко Филипче предложи нов концепт за општествен и политички дијалог. Како што рече на денешната прес-конференција, трагедијата во Кочани покажала дека системот не функционира како што треба, а за тоа како што посочи, вина имале сите политички партии.Во однос на лидерската средба рече дека уште денеска или утре (2 и 3 април) ќе побара состанок со премиерот Христијан Мицкоски, за да се организира таа средба.Според него областите каде што треба системски пристап се - образование, здравство, правосудство, животна средина, партизација и политизација.„По големата трагедија во Кочани, ја видовме реакцијата на граѓаните, револт, на места и бес. Би рекол сосема оправдано, бидејќи тоа што во изминатите три децении, тоа што се нарекува реформи, тоа што се нарекува транзиција, очигледно не го даде посакуваниот резултат. Системот на многу места очигледно не фукционира како што треба. Јавните сервиси немаат перформанс каков што граѓаните заслужуваат. За тоа вина имаме сите политички партии, СДСМ, ВМРО-ДПМНЕ, ДУИ, другите политички партии“, рече Филипче.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада.Во однос на правосудството, предлага неминовно да се донесат реформската агенда во што пократок рок реформските закони во одреден систем во којшто ќе се постигне широк консензус не само политички, туки и други фактори од делот на правосудството на коишто ова навистина им е експертиза.„Тоа што граѓаните најмногу ги иритира а тоа е партизацијата и политизацијата. Мора да ги ослободиме институциите од канџите на политиката и партијата за да младите луѓе имаат навистина добар, компетитивен мерит систем и на тој начин да се вработуваат и напредуваат поради тоа што само на тој начин можеме експертизата да ја издигнеме на соодветно и заслужено ниво“, истакна Филипче, додавајќи дека добро е на овие теми да седнат лидерите на сите партии. Видете и ова: По трагедијата во Кочани, собраниската говорница остана нема Лидерот на СДСМ истакна дека на премиерот Христијан Мицкоски и подетално би му го образложил овој план на средба во следните денови. Во однос дали очекува неговиот предлог за лидерска средба да биде прифатен, тој рече дека уште денеска или утре (2 и 3 април) ќе побара состанок со премиерот Мицкоски, согласно агендите, за да се организира таа средба.„Оставам простор и се надевам дека сега кога политичките партии ќе го слушнат ова ќе ја прифатат таа лидерска средба. Но добро е прво тоа да го поразговараме со премиерот, имајќи предвид дека тој прв подаде рака и на прва одговори дека средбата е прифатлива. Навистина не знам што би било неприфатливо или некој зошто не би сакал да разговара, кога тоа е констатација на секој еден граѓанин во државата“, рече Филипче.На новинарско прашање дали на средбата ќе ја постави темата за евроинтеграции и уставни измени, рече дека најверојатно ќе се зборува и за таа тема. Премиерот Христијан Мицкоски деновиве изјави дека тој е подготвен да разговара со Филипче, додавајќи дека лидерската средба е пресериозна тема за да се разговара преку медиуми. прочитај повеќе април 02, 2025 Мицкоски: Милошоски и Филков имаа лош ден, Владата е стабилна Христијан Мицкоски, премир на РСМ Премиерот Христијан Мицкоски изјави дека владината коалиција е стабилна, а јавното препукување меѓу пратеникот од ВМРО-ДПМЕ Антонијо Милошоски и министерот за правда Игор Филков од коалицискиот партнер ЗНАМ, според него, ќе застане на, како што вели, на овие два лични става.„Владината коалиција е стабила. Пратеникот Антонијо Милошоски е член на Извршниот комитет на партијата, тој е дел од мојот најблизок периметар. Јас соработката со Антонијо Милошоски ја оценувам на највисоко ниво, тој е додадена вредност и во рамки на пратеничката група и во рамки на партијата. Министерот Игор Филков знам со какви проблеми се соочи, знам каква состојба затекна во Министерството за правда, континуирано на дневна основа соработуваме во делот на реформите, кои се многу важни посебно во секторот правда. Но, она што можев да го заклучам, а убеден сум дека сето ова ќе застане на овие два лични става е дека секој има право на лош ден, па така јас мислам дека тој лош ден и за едниот и за другиот завршува“, рече Мицкоски, по пуштањето на фабриката на „Магна мехатроникс“ во ТИРЗ Штип. Прашан дали има проблеми со коалицијата Вреди во која е министерот за здравство Арбен Тараври кој предвои едно од крилата во Алијанса за Албанците, рече дека нема такво чувство и оти имаат исклучителна соработка. „Не, немам такво чувство. Напротив, имаме исклучителна соработка. Граѓаните да бидат сигурни, Владата е стабилна, повеќе од две третини неофицијално, а официјално 78 пратеници ја поддржуваат оваа Влада. Граѓаните, според она што го гледам од анкетите даваат поддршка, огромно е позитивното мислење дека и Македонија се движи во позитивна насока и тоа претставува за нас инспирација да продолжиме понатаму да се движиме и да работиме“, рече Мицкоски. Видете и ова: Апетитите за локалните избори ја зовреа „Вреди“ Пратеникот на ВМРО-ДПМНЕ и потпретседател на Собранието, Антонијо Милошоски вчера во телевизиско гостување рече дека министерот за правда Игор Филков има слаб придонес во областа со која раководи. Посочи дека очекувал досега барем во нацрт верзија до Собранието да бидат доставени Предлог-законот за судови, Предлог-законот за судски буџет, Предлог законот за јавнообвинителската служба, новиот Кривичен законик...Министерот за правда Филков, пак, во реакција на изнесените наводи на Милошоски рече дека „Кусурот на Груевски, познат под прекарот - Џуџето од Небрегово, а јавноста добро го памети по аферите поврзани со АМСМ и семејните бизниси од Кичево, изгледа дека сè уште нема навика да одговара пред граѓаните кои го избрале“.„Бидејќи очигледно е неинформиран и изолиран од партијата, го упатувам во неговата матична партија или пак во Владата-можеби конечно ќе го известат за постапките, роковите и статусот на законите! И, бидејќи изгледа како некој што работи по туѓи наредби, за кого одработува во моментов? Дали се тоа интересите на граѓаните или некои други агенди? Во минатото е познат по Ванчо Михајловистички ставови, многу лаги и невистини. Ова е лош де-фокус на македонската јавност по двонеделниот „одмор“! Да го потсетам дека во парламентот е од 2011 година, откако се повлече од функцијата министер за надворешни работи и активно учествуваше во креирање на „канцерогениот“ правосуден систем. Сега е добар момент да се потсети јавноста дека токму тој директно учествуваше во процесот на донесувањето на штетните измени на КЗ во 2023 година, со што се спаси од одговорност за кривичното дело ,,Моќник”“, наведе Филков, набројувајќи ги законите на кои работел во изминатиот период. прочитај повеќе април 02, 2025 По еднодневна пауза, Русија ги продолжува масовните напади врз Украина Последици од нападот во градот Харкив, Украина, 2 април 2025 година Русија започна нови воздушни напади врз Украина по еднодневна пазуа од напади со дронови. Во регионот Запорожје, едно лице загинало, а две други се повредени, изјави во среда (2 април) на Телеграм регионалниот гувернер Иван Федоров. Петнаесет беспилотни летала, исто така, го нападнале источниот град Харкив, при што биле повредени најмалку осум лица.Украинските сили за цивилна одбрана соопштија дека биле погодени згради кои припаѓаат на цивилни фирми, а исто така била нанесена штета и на станбени области. Откако Украина во вторникот ја доживеа првата ноќ без беспилотни летала во годината, воздушната одбрана на земјата извести дека Русија распоредила 74 дронови и мамки со беспилотни летала во текот на ноќта до среда наутро.Нападите првенствено ги погодиле регионите Харкив, Доњецк и Одеса. Видете и ова: Зеленски: Партнерите на Украина ќе разговараат за распоредување странски војници Во Москва, руското Министерство за одбрана тврдеше дека соборило 93 украински беспилотни летала во текот на ноќта, главно над пограничниот регион Курск.Војувањето со беспилотни летала стана речиси секојдневна тактика во војната, иако размерите на уништување и жртви предизвикани од руските напади го надминуваат влијанието на украинските напади. Украина се брани од руската инвазија повеќе од три години, потпирајќи се во голема мера на поддршката од Западот. прочитај повеќе април 02, 2025 Дурмиши: Секој има право да излезе на улица и да покаже револт Министерот за економија и труд Бесар Дурмиши Живееме во демократија и секој има право да излезе на улица и да протестира и да го каже својот револт, но на синдикатите веќе им истече мандатот и веќе не се репрезентативни, порача денеска (2 април)министерот за економија и труд Бесар Дурмиши.„Како Влада ја формиравме комисијата која треба да ја утврди репрезентативноста на синдикатите и таа комисија веќе работи. Веднаш кога ќе се определи кој синдикат е репрезентативен ќе ја свикам седницата на Економско социјалниот совет (ЕСС). Токму таму синдикатите треба да ги кажат своите барања, а не на улица“, изјави Дурмиши во одговор на новинарско прашање пред почетокот на конференцијата „Реформа на Законот за работни односи – предизвици и насоки“. Видете и ова: Синдикатите утре на протест, барањето за поголем минималец ги „скара“ со Владата Како Влада, нагласи дека се за социјален дијалог. Одговарајќи на прашање рече дека како Влада постапиле според законот и методологијата за минималната плата, со која се усогласени сите засегнати страни, односно и синдикатите и работодавачите, и го објавиле износот на минималната плата на крајот на март.„Според тој правилник минималната плата изнесува 400 евра и е покачена нето платата за 1800 денари. Како надлежен министер за економија и труд јас ја објавив минималната плата по одлука на Владата, рече Дурмиши.Нагласи дека немале согласност од ЕСС за износот на минималната плата поради тоа што нема репрезентативност од синдикатите.„Јас според законот кој е во сила и кој е потпишан и од синдикатите и од работодавачите и по одлука на Влада обврзан сум пред 31 март да ја објавам минималната плата. Од минималната плата потоа се пресметува и просечната плата и другите плати. Ако не ја објавевме до 31 март ќе се блокираше целата држава и сите институции, а приватниот сектор не ќе можеше да пресмета плати за нивните вработени“, истакна Дурмиши.Сојузот на синдикатите на Македонија (ССМ) денеска одржува јавна седница пред зградата на Работничкиот дом на која ќе ги искаже своите ставови за минималната плата. прочитај повеќе април 02, 2025 Советот на јавни обвинители даде негативно мислење за разрешување на Коцевски Државниот јавен обвинител Љупчо Коцевски Советот на јавни обвинители даде негативно мислење по предлогот на Владата за разрешување на државниот јавен обвинител Љупчо Коцевски. За прифаќање на предлогот гласаа тројца, додека шест члена гласа против. Претседателката на Советот на јавни обвинители Душица Димитриеска, рече дека со оглед дека Советот одлуките ги носи со мнозинство, мнозинството дадоа негативно мислење. За прифаќање на предлогот на Владата за разрешување на Коцевски гласаа Кети Петкова, Ардиан Демири и Марјана Илиевска.Советот на јавни обвинители претходно ја исклучи јавноста од точката за разгледување на предлогот за разрешување на државниот јавен обвинител Љупчо Коцевски. Членовите на Советот едногласно го поддржаа предлогот на членот Зорица Павловиќ, која повикувајќи се на член 10 од Законот за совет на јавни обвинители побара да се исклучи јавноста поради, како што кажа, сензитивноста на процесот и за заштита на угледот и интегритетот на јавниот обвинител.Светлана Стојковиќ, го поддржа предлогот, дополнувајќи дека јавноста треба да биде исклучена и поради тоа што во произнесувањето од Коцевски по предлогот за негово разрешување, се изнесени и информации и докази од дисциплинските постапки што се води против двајца јавни обвинители. Расправата, како што нагласија, ќе биде затворена, а јавноста ќе биде вклучена само за гласањето по мислењето за предлогот на Владата за разрешување на Коцевски.Седницата за разгледување на предлогот претходно на два пати беше одложена. Првично беше закажана за 18 март, но беше одложена поради седумдневната жалост по трагедијата во Кочани, а минатата недела, на 26 март беше одложена поради немање на кворум. Согласно законските рокови за разгледување на предлогот за разрешување на Коцевски, Советот треба да го разгледа најдоцна до крајот на неделава, иако Владата објави дека ќе ја прекине постапката. Видете и ова: Предлогот за разрешување на Коцевски на денешната владина седница Портпаролката на Владата Марија Митева, на 26 март годинава, изјави дека Владата ќе ја прекине постапката за разрешување на државниот јавен обвинител Љупчо Коцевски и доколку добие мислење од страна на Советот на ЈО, истото нема да го проследи до Собранието.Премиерот Христијан Мицкоски по трагедијата во Кочани изјави дека постапката за разрешување на јавниот обвинител Коцевски ќе се запре во моментот до таму каде што се наоѓа.Владата на 11 февруари година донесе одлука да поведе постапка за разрешување на државниот јавен обвинител Коцевски кој беше избран на оваа позиција пред една година, а неговиот мандат трае шест години.Министерството за правда, постапувајќи по заклучокот од 50-та седница на Владата, го изготви Предлог-мислењето за разрешување на државниот јавен обвинител. Коцевски, како што велат од Министерството за правда, постапувал во предмети во кои согласно законските одредби постоеле околности кои предизвикуваат сомневање во неговата непристрасност, како и судир на интереси, а за кои околности тој требало да знае и требало да се изземе. Републичкиот обвинител Коцевски го демантира тврдењето дека незаконски постапил посочувајќи дека го следел законот и роковите во него. прочитај повеќе април 02, 2025 Данската премиерка во посета на Гренланд Данската премиерка Мете Фредериксен Данската премиерка Мете Фредериксен денеска (2 април) ќе отпатува во Гренланд, каде што ќе се сретне со претставници на новата влада на полуавтономниот остров, во време кога американскиот претседател Доналд Трамп продолжува да изразува интерес за анексија на територијата.Фредериксен го започнува своето тридневно патување помалку од една недела по посетата на американскиот потпретседател Џеј Ди Венс, кој беше пречекан со воздржаност од страна на данските и гренландските власти.Идниот премиер на островот, Јенс-Фредерик Нилсен, кој ја предводеше победничката коалиција на неодамнешните избори, истакна дека го поздравува доаѓањето на Фредериксен и нагласи дека Данска останува „најблизок партнер на Гренланд“. Видете и ова: Замрзнати амбиции: Долгото американско настојување за Гренланд Односите меѓу Гренланд и Данска се затегнати поради откритијата за малтретирање на гренландското население за време на колонијалниот период. Меѓутоа, интересот на Трамп за контролирање на островот како дел од геополитичката трка за Арктикот ја поттикна Данска да ги интензивира напорите за подобрување на врските со Гренланд.Во понеделникот, Нилсен изјави дека Гренланд ќе ги зајакне односите со Копенхаген, додека постепено работи на остварување на својата цел – независност.„Разговорите за анексија и непочитување на суверенитетот се знак на непочитување. Ајде да започнеме со взаемна почит и да изградиме подобро партнерство“, порача Нилсен.Фредериксен, пак, оцени дека народот на Гренланд сам треба да ја одреди својата иднина и ги нарече забелешките на Венс за Данска „неправични“. прочитај повеќе април 02, 2025 Османи предложи Косово и Британија да склучат договори за одбрана и економија Косовската претседателка Вјоса Османи денеска (2 април) му предложи на британскиот министер за надворешни работи Дејвид Лами да склучи договори за одбрана и економија меѓу двете земји.Лами е во официјална посета на Косово, како дел од турнејата низ Западен Балкан, чија цел, како што соопшти Владата на Обединетото Кралство, има за цел зајакнување на соработката во борбата против нерегуларната имиграција и организираниот криминал.На заедничката прес-конференција со Лами, Османи рече дека со шефот на британската дипломатија разговарала за „стратешкото продлабочување на соработката“ меѓу Косово и Обединетото Кралство, што, според неа, „особено ќе ги опфати областа на одбраната и економијата“.Таа истакна дека имала „долг“ разговор со Лами, кој ја поздравил идејата за зајакнување на соработката. Османи рече дека косовските власти се посветени на соработка со Британците на обликување на договорот, така што тој треба да биде потпишан што е можно поскоро. Османи повика и на поактивно присуство на Обединетото Кралство на Косово.Лами рече дека Балканот е регион кој е важен за Британија денес, како што беше и за време на мандатот на тогашниот премиер Тони Блер. Тој додаде дека Британија „ќе продолжи да ја игра улогата на клучен пријател и партнер“ на Косово.Шефот на британската дипломатија рече дека неговата земја сака „стабилна и мирна нормализација“ меѓу Косово и Србија и ги повика косовските власти да се вклучат со целосна енергија во дијалогот со Србија со посредство на Европската Унија.Османи рече дека „Косово останува конструктивна страна, посветена на мирот и стабилноста и покрај тоа што постојано се соочуваме со опструкции и провокации од Србија, вклучително и повторени напади кои почнаа пред неколку години и продолжуваат сега, за што сакам повторно да нагласам дека е императив да има одговорност и Србија да ги изведе одговорните пред лицето на правдата“. Embed share Од Косово до Украина: Може ли мисија како КФОР да помогне? Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:47 0:00 Директен линк 240p | 7,8MB 360p | 12,5MB 480p | 21,1MB 720p | 41,2MB 1080p | 64,5MB Лами рече дека Британија дава важен придонес во мировната мисија на НАТО на Косово (КФОР), што, според него, е „апсолутно клучно“ за безбедноста на Косово.Британскиот дипломат во вторникот вечерта во Приштина беше примен од вршителот на должноста премиер на Косово, Албин Курти и министрите од неговата влада. Курти со Лами разговарал, меѓу другото, за актуелната состојба во регионот и геополитиката во Европа, како и за безбедносните прашања, соопштија од кабинетот на премиерот.Вршителот на должноста шеф на косовската извршна власт „го истакна фактот дека сè уште нема правда и одговорност за терористичкиот напад во Бањска, додека Милан Радоичиќ оди слободно и заштитен од српскиот државен апарат“, се вели во соопштението на премиерот. Видете и ова: Прават ли Албанија, Хрватска и Косово воен сојуз? Во септември минатата година, Специјалното обвинителство на Косово покрена обвинение против 45 лица, меѓу кои и Милан Радоичиќ, за вооружен напад врз косовската полиција во Бањска на 24 септември 2023 година, кога беше убиен наредникот Африм Буњаку.Властите во Србија одбиваат да го екстрадираат Радоичиќ на Косово и велат дека ќе му судат „српски судови“, додека властите во Косово велат дека му понудиле заштита. Курти додаде дека Радоичиќ „треба да биде екстрадиран на Косово каде што ќе му се суди праведно за неговите постапки“.Обединетото Кралство оваа есен ќе биде домаќин на состанокот на лидерите од Западен Балкан во Лондон во рамки на самитот во Берлинскиот процес, кој, меѓу другото, има за цел да ја поддржи стабилноста, безбедноста и економската соработка меѓу земјите од регионот. прочитај повеќе април 02, 2025 Израел ги проширува копнените операции во Газа „за да го уништи“ Хамас Појас Газа Израелскиот министер за одбрана Израел Кац најави големо проширување на операциите на војската во Појасот Газа, чија цел е да се „разбие и исчисти областа од терористи и терористичка инфраструктура“.Министерот во средата рече дека операцијата „ќе заземе големи области кои ќе бидат додадени во израелските безбедносни зони“, без да даде дополнителни детали. Војската распореди дополнителна единица за проширување на операциите во јужниот дел на Газа, според извештаите на медиумите. Кац ги повика жителите на крајбрежниот појас „да дејствуваат сега за да го отстранат Хамас и да ги вратат сите заложници“.„Ова е единствениот начин да се стави крај на војната“, рече Кац. Во средината на март, Израел продолжи со масовните воздушни напади откако не беше постигнат договор со Хамас за условите за продолжување на примирјето. Видете и ова: Израел продолжи со напади врз Газа, Египет има нов мировен предлог Оттогаш, Израел, исто така, започна копнени операции против палестинските милитанти во Рафа, а во саботата, наводно, ја проширил офанзивата на второто соседство. „Целта на новата копнена офанзива исто така е да се воспостави тампон зона долж границите на крајбрежната област“, рече Израел. Војната избувна откако Хамас и други екстремистички групи го нападнаа Израел на 7 октомври 2023 година, при што беа убиени околу 1200 луѓе и заробени повеќе од 250 заложници. Според здравствените власти во Газа под контрола на Хамас, досега се убиени повеќе од 50100 луѓе, од кои една третина деца и млади луѓе.Бројките не можат да се потврдат независно. Меѓутоа, меѓународните организации како што се ОН ги сметаат за веродостојни. прочитај повеќе април 02, 2025 Почина холивудскиот актер Вал Килмер Вал Килмер Вал Килмер, холивудскиот актер кој се прослави како Џим Морисон и Бетмен и често играше позначајни споредни улоги, почина во Лос Анџелес на 65-годишна возраст. Причината за смртта е пневмонија, соопшти неговото семејство.Неговата професионална кариера започна во театарот, а своето филмско деби го имаше во 1984 година во пародијата „Top Secret“, каде ја играше рок ѕвездата Ник Риверс.Во 1980-тите, тој стана сè попознат по неговите улоги во филмови како што се Top Gun (1986) и Willow (1988).Својот вистински пробив го постигна во 1991 година со улогата на Џим Морисон во биографскиот филм за Оливер Стоун, „The Doors“. Неговиот настап беше пофален за неговата исклучителна автентичност, бидејќи тој самиот ги испеа сите песни во настапот.Во текот на 1990-тите Килмер имаше голем број значајни улоги, вклучувајќи ги: Док Холидеј во вестерн филмот „Tombstone“ (1993), Бетмен/Брус Вејн во „Бетмен засекогаш“ (1995) и Крис Шихерлис во култниот криминален трилер „Heat“ (1995). прочитај повеќе Вчитај повеќе...

Вести април 01, 2025 Србија и Унгарија потпишаа договор за одбранбена соработка Српскиот претседател Александар Вучиќ Во Палатата Србија во присуство на претседателот на државата, Александар Вучиќ денеска (1 април) беше потпишан документ од областа на одбраната меѓу Србија и Унгарија.Планот за билатерална воена соработка меѓу министерствата за одбрана на Србија и Унгарија за 2025 година - документ за операционализација на стратешката соработка во областа на одбраната меѓу двете земји, го потпишаа министерот за одбрана на Србија, Братислав Гашиќ и министерот за одбрана на Унгарија, Криштоф Салаи-Бобровнички.Клучни елементи на договорот се можноста за заеднички вежби и воено-техничка соработка во набавката на оружје. Видете и ова: Владата на Србија усвои план за изградба на нафтовод од Унгарија до Нови Сад Вучиќ по средбата изјави дека Србија има најразвиена и најинтензивна соработка на полето на одбраната со Унгарија во регионот и изрази уверување дека „договорот за заеднички активности ќе продолжи во натамошното зближување и создавање воена алијанса или воен сојуз меѓу Србија и Унгарија“.„Секако, за тоа се прашува унгарската страна, се прашуваат унгарскиот и српскиот парламент и сите други“, рече Вучиќ на заедничката конференција. Тој додаде дека денеска е потпишан документ со кој се операционализира и конкретизира договорот за стратешка соработка во областа на одбраната постигнат во 2023 година.Со Документот кој беше потпишан денеска се договорени 79 активности за оваа година.Вучиќ најави и претстојна средба со унгарскиот премиер Виктор Орбан, на која ќе продолжат разговорите за стратешка соработка. Лани, трговската размена меѓу двете држави надминала три милијарди евра. прочитај повеќе види ги сите денешни вести април 02, 2025 Мицкоски: Милошоски и Филков имаа лош ден, Владата е стабилна Христијан Мицкоски, премир на РСМ Премиерот Христијан Мицкоски изјави дека владината коалиција е стабилна, а јавното препукување меѓу пратеникот од ВМРО-ДПМЕ Антонијо Милошоски и министерот за правда Игор Филков од коалицискиот партнер ЗНАМ, според него, ќе застане на, како што вели, на овие два лични става.„Владината коалиција е стабила. Пратеникот Антонијо Милошоски е член на Извршниот комитет на партијата, тој е дел од мојот најблизок периметар. Јас соработката со Антонијо Милошоски ја оценувам на највисоко ниво, тој е додадена вредност и во рамки на пратеничката група и во рамки на партијата. Министерот Игор Филков знам со какви проблеми се соочи, знам каква состојба затекна во Министерството за правда, континуирано на дневна основа соработуваме во делот на реформите, кои се многу важни посебно во секторот правда. Но, она што можев да го заклучам, а убеден сум дека сето ова ќе застане на овие два лични става е дека секој има право на лош ден, па така јас мислам дека тој лош ден и за едниот и за другиот завршува“, рече Мицкоски, по пуштањето на фабриката на „Магна мехатроникс“ во ТИРЗ Штип. Прашан дали има проблеми со коалицијата Вреди во која е министерот за здравство Арбен Тараври кој предвои едно од крилата во Алијанса за Албанците, рече дека нема такво чувство и оти имаат исклучителна соработка. „Не, немам такво чувство. Напротив, имаме исклучителна соработка. Граѓаните да бидат сигурни, Владата е стабилна, повеќе од две третини неофицијално, а официјално 78 пратеници ја поддржуваат оваа Влада. Граѓаните, според она што го гледам од анкетите даваат поддршка, огромно е позитивното мислење дека и Македонија се движи во позитивна насока и тоа претставува за нас инспирација да продолжиме понатаму да се движиме и да работиме“, рече Мицкоски. Видете и ова: Апетитите за локалните избори ја зовреа „Вреди“ Пратеникот на ВМРО-ДПМНЕ и потпретседател на Собранието, Антонијо Милошоски вчера во телевизиско гостување рече дека министерот за правда Игор Филков има слаб придонес во областа со која раководи. Посочи дека очекувал досега барем во нацрт верзија до Собранието да бидат доставени Предлог-законот за судови, Предлог-законот за судски буџет, Предлог законот за јавнообвинителската служба, новиот Кривичен законик...Министерот за правда Филков, пак, во реакција на изнесените наводи на Милошоски рече дека „Кусурот на Груевски, познат под прекарот - Џуџето од Небрегово, а јавноста добро го памети по аферите поврзани со АМСМ и семејните бизниси од Кичево, изгледа дека сè уште нема навика да одговара пред граѓаните кои го избрале“.„Бидејќи очигледно е неинформиран и изолиран од партијата, го упатувам во неговата матична партија или пак во Владата-можеби конечно ќе го известат за постапките, роковите и статусот на законите! И, бидејќи изгледа како некој што работи по туѓи наредби, за кого одработува во моментов? Дали се тоа интересите на граѓаните или некои други агенди? Во минатото е познат по Ванчо Михајловистички ставови, многу лаги и невистини. Ова е лош де-фокус на македонската јавност по двонеделниот „одмор“! Да го потсетам дека во парламентот е од 2011 година, откако се повлече од функцијата министер за надворешни работи и активно учествуваше во креирање на „канцерогениот“ правосуден систем. Сега е добар момент да се потсети јавноста дека токму тој директно учествуваше во процесот на донесувањето на штетните измени на КЗ во 2023 година, со што се спаси од одговорност за кривичното дело ,,Моќник”“, наведе Филков, набројувајќи ги законите на кои работел во изминатиот период. прочитај повеќе април 02, 2025 По еднодневна пауза, Русија ги продолжува масовните напади врз Украина Последици од нападот во градот Харкив, Украина, 2 април 2025 година Русија започна нови воздушни напади врз Украина по еднодневна пазуа од напади со дронови. Во регионот Запорожје, едно лице загинало, а две други се повредени, изјави во среда (2 април) на Телеграм регионалниот гувернер Иван Федоров. Петнаесет беспилотни летала, исто така, го нападнале источниот град Харкив, при што биле повредени најмалку осум лица.Украинските сили за цивилна одбрана соопштија дека биле погодени згради кои припаѓаат на цивилни фирми, а исто така била нанесена штета и на станбени области. Откако Украина во вторникот ја доживеа првата ноќ без беспилотни летала во годината, воздушната одбрана на земјата извести дека Русија распоредила 74 дронови и мамки со беспилотни летала во текот на ноќта до среда наутро.Нападите првенствено ги погодиле регионите Харкив, Доњецк и Одеса. Видете и ова: Зеленски: Партнерите на Украина ќе разговараат за распоредување странски војници Во Москва, руското Министерство за одбрана тврдеше дека соборило 93 украински беспилотни летала во текот на ноќта, главно над пограничниот регион Курск.Војувањето со беспилотни летала стана речиси секојдневна тактика во војната, иако размерите на уништување и жртви предизвикани од руските напади го надминуваат влијанието на украинските напади. Украина се брани од руската инвазија повеќе од три години, потпирајќи се во голема мера на поддршката од Западот. прочитај повеќе април 02, 2025 Дурмиши: Секој има право да излезе на улица и да покаже револт Министерот за економија и труд Бесар Дурмиши Живееме во демократија и секој има право да излезе на улица и да протестира и да го каже својот револт, но на синдикатите веќе им истече мандатот и веќе не се репрезентативни, порача денеска (2 април)министерот за економија и труд Бесар Дурмиши.„Како Влада ја формиравме комисијата која треба да ја утврди репрезентативноста на синдикатите и таа комисија веќе работи. Веднаш кога ќе се определи кој синдикат е репрезентативен ќе ја свикам седницата на Економско социјалниот совет (ЕСС). Токму таму синдикатите треба да ги кажат своите барања, а не на улица“, изјави Дурмиши во одговор на новинарско прашање пред почетокот на конференцијата „Реформа на Законот за работни односи – предизвици и насоки“. Видете и ова: Синдикатите утре на протест, барањето за поголем минималец ги „скара“ со Владата Како Влада, нагласи дека се за социјален дијалог. Одговарајќи на прашање рече дека како Влада постапиле според законот и методологијата за минималната плата, со која се усогласени сите засегнати страни, односно и синдикатите и работодавачите, и го објавиле износот на минималната плата на крајот на март.„Според тој правилник минималната плата изнесува 400 евра и е покачена нето платата за 1800 денари. Како надлежен министер за економија и труд јас ја објавив минималната плата по одлука на Владата, рече Дурмиши.Нагласи дека немале согласност од ЕСС за износот на минималната плата поради тоа што нема репрезентативност од синдикатите.„Јас според законот кој е во сила и кој е потпишан и од синдикатите и од работодавачите и по одлука на Влада обврзан сум пред 31 март да ја објавам минималната плата. Од минималната плата потоа се пресметува и просечната плата и другите плати. Ако не ја објавевме до 31 март ќе се блокираше целата држава и сите институции, а приватниот сектор не ќе можеше да пресмета плати за нивните вработени“, истакна Дурмиши.Сојузот на синдикатите на Македонија (ССМ) денеска одржува јавна седница пред зградата на Работничкиот дом на која ќе ги искаже своите ставови за минималната плата. прочитај повеќе април 02, 2025 Советот на јавни обвинители даде негативно мислење за разрешување на Коцевски Државниот јавен обвинител Љупчо Коцевски Советот на јавни обвинители даде негативно мислење по предлогот на Владата за разрешување на државниот јавен обвинител Љупчо Коцевски. За прифаќање на предлогот гласаа тројца, додека шест члена гласа против. Претседателката на Советот на јавни обвинители Душица Димитриеска, рече дека со оглед дека Советот одлуките ги носи со мнозинство, мнозинството дадоа негативно мислење. За прифаќање на предлогот на Владата за разрешување на Коцевски гласаа Кети Петкова, Ардиан Демири и Марјана Илиевска.Советот на јавни обвинители претходно ја исклучи јавноста од точката за разгледување на предлогот за разрешување на државниот јавен обвинител Љупчо Коцевски. Членовите на Советот едногласно го поддржаа предлогот на членот Зорица Павловиќ, која повикувајќи се на член 10 од Законот за совет на јавни обвинители побара да се исклучи јавноста поради, како што кажа, сензитивноста на процесот и за заштита на угледот и интегритетот на јавниот обвинител.Светлана Стојковиќ, го поддржа предлогот, дополнувајќи дека јавноста треба да биде исклучена и поради тоа што во произнесувањето од Коцевски по предлогот за негово разрешување, се изнесени и информации и докази од дисциплинските постапки што се води против двајца јавни обвинители. Расправата, како што нагласија, ќе биде затворена, а јавноста ќе биде вклучена само за гласањето по мислењето за предлогот на Владата за разрешување на Коцевски.Седницата за разгледување на предлогот претходно на два пати беше одложена. Првично беше закажана за 18 март, но беше одложена поради седумдневната жалост по трагедијата во Кочани, а минатата недела, на 26 март беше одложена поради немање на кворум. Согласно законските рокови за разгледување на предлогот за разрешување на Коцевски, Советот треба да го разгледа најдоцна до крајот на неделава, иако Владата објави дека ќе ја прекине постапката. Видете и ова: Предлогот за разрешување на Коцевски на денешната владина седница Портпаролката на Владата Марија Митева, на 26 март годинава, изјави дека Владата ќе ја прекине постапката за разрешување на државниот јавен обвинител Љупчо Коцевски и доколку добие мислење од страна на Советот на ЈО, истото нема да го проследи до Собранието.Премиерот Христијан Мицкоски по трагедијата во Кочани изјави дека постапката за разрешување на јавниот обвинител Коцевски ќе се запре во моментот до таму каде што се наоѓа.Владата на 11 февруари година донесе одлука да поведе постапка за разрешување на државниот јавен обвинител Коцевски кој беше избран на оваа позиција пред една година, а неговиот мандат трае шест години.Министерството за правда, постапувајќи по заклучокот од 50-та седница на Владата, го изготви Предлог-мислењето за разрешување на државниот јавен обвинител. Коцевски, како што велат од Министерството за правда, постапувал во предмети во кои согласно законските одредби постоеле околности кои предизвикуваат сомневање во неговата непристрасност, како и судир на интереси, а за кои околности тој требало да знае и требало да се изземе. Републичкиот обвинител Коцевски го демантира тврдењето дека незаконски постапил посочувајќи дека го следел законот и роковите во него. прочитај повеќе април 02, 2025 Данската премиерка во посета на Гренланд Данската премиерка Мете Фредериксен Данската премиерка Мете Фредериксен денеска (2 април) ќе отпатува во Гренланд, каде што ќе се сретне со претставници на новата влада на полуавтономниот остров, во време кога американскиот претседател Доналд Трамп продолжува да изразува интерес за анексија на територијата.Фредериксен го започнува своето тридневно патување помалку од една недела по посетата на американскиот потпретседател Џеј Ди Венс, кој беше пречекан со воздржаност од страна на данските и гренландските власти.Идниот премиер на островот, Јенс-Фредерик Нилсен, кој ја предводеше победничката коалиција на неодамнешните избори, истакна дека го поздравува доаѓањето на Фредериксен и нагласи дека Данска останува „најблизок партнер на Гренланд“. Видете и ова: Замрзнати амбиции: Долгото американско настојување за Гренланд Односите меѓу Гренланд и Данска се затегнати поради откритијата за малтретирање на гренландското население за време на колонијалниот период. Меѓутоа, интересот на Трамп за контролирање на островот како дел од геополитичката трка за Арктикот ја поттикна Данска да ги интензивира напорите за подобрување на врските со Гренланд.Во понеделникот, Нилсен изјави дека Гренланд ќе ги зајакне односите со Копенхаген, додека постепено работи на остварување на својата цел – независност.„Разговорите за анексија и непочитување на суверенитетот се знак на непочитување. Ајде да започнеме со взаемна почит и да изградиме подобро партнерство“, порача Нилсен.Фредериксен, пак, оцени дека народот на Гренланд сам треба да ја одреди својата иднина и ги нарече забелешките на Венс за Данска „неправични“. прочитај повеќе април 02, 2025 Османи предложи Косово и Британија да склучат договори за одбрана и економија Косовската претседателка Вјоса Османи денеска (2 април) му предложи на британскиот министер за надворешни работи Дејвид Лами да склучи договори за одбрана и економија меѓу двете земји.Лами е во официјална посета на Косово, како дел од турнејата низ Западен Балкан, чија цел, како што соопшти Владата на Обединетото Кралство, има за цел зајакнување на соработката во борбата против нерегуларната имиграција и организираниот криминал.На заедничката прес-конференција со Лами, Османи рече дека со шефот на британската дипломатија разговарала за „стратешкото продлабочување на соработката“ меѓу Косово и Обединетото Кралство, што, според неа, „особено ќе ги опфати областа на одбраната и економијата“.Таа истакна дека имала „долг“ разговор со Лами, кој ја поздравил идејата за зајакнување на соработката. Османи рече дека косовските власти се посветени на соработка со Британците на обликување на договорот, така што тој треба да биде потпишан што е можно поскоро. Османи повика и на поактивно присуство на Обединетото Кралство на Косово.Лами рече дека Балканот е регион кој е важен за Британија денес, како што беше и за време на мандатот на тогашниот премиер Тони Блер. Тој додаде дека Британија „ќе продолжи да ја игра улогата на клучен пријател и партнер“ на Косово.Шефот на британската дипломатија рече дека неговата земја сака „стабилна и мирна нормализација“ меѓу Косово и Србија и ги повика косовските власти да се вклучат со целосна енергија во дијалогот со Србија со посредство на Европската Унија.Османи рече дека „Косово останува конструктивна страна, посветена на мирот и стабилноста и покрај тоа што постојано се соочуваме со опструкции и провокации од Србија, вклучително и повторени напади кои почнаа пред неколку години и продолжуваат сега, за што сакам повторно да нагласам дека е императив да има одговорност и Србија да ги изведе одговорните пред лицето на правдата“. Embed share Од Косово до Украина: Може ли мисија како КФОР да помогне? Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:47 0:00 Директен линк 240p | 7,8MB 360p | 12,5MB 480p | 21,1MB 720p | 41,2MB 1080p | 64,5MB Лами рече дека Британија дава важен придонес во мировната мисија на НАТО на Косово (КФОР), што, според него, е „апсолутно клучно“ за безбедноста на Косово.Британскиот дипломат во вторникот вечерта во Приштина беше примен од вршителот на должноста премиер на Косово, Албин Курти и министрите од неговата влада. Курти со Лами разговарал, меѓу другото, за актуелната состојба во регионот и геополитиката во Европа, како и за безбедносните прашања, соопштија од кабинетот на премиерот.Вршителот на должноста шеф на косовската извршна власт „го истакна фактот дека сè уште нема правда и одговорност за терористичкиот напад во Бањска, додека Милан Радоичиќ оди слободно и заштитен од српскиот државен апарат“, се вели во соопштението на премиерот. Видете и ова: Прават ли Албанија, Хрватска и Косово воен сојуз? Во септември минатата година, Специјалното обвинителство на Косово покрена обвинение против 45 лица, меѓу кои и Милан Радоичиќ, за вооружен напад врз косовската полиција во Бањска на 24 септември 2023 година, кога беше убиен наредникот Африм Буњаку.Властите во Србија одбиваат да го екстрадираат Радоичиќ на Косово и велат дека ќе му судат „српски судови“, додека властите во Косово велат дека му понудиле заштита. Курти додаде дека Радоичиќ „треба да биде екстрадиран на Косово каде што ќе му се суди праведно за неговите постапки“.Обединетото Кралство оваа есен ќе биде домаќин на состанокот на лидерите од Западен Балкан во Лондон во рамки на самитот во Берлинскиот процес, кој, меѓу другото, има за цел да ја поддржи стабилноста, безбедноста и економската соработка меѓу земјите од регионот. прочитај повеќе април 02, 2025 Израел ги проширува копнените операции во Газа „за да го уништи“ Хамас Појас Газа Израелскиот министер за одбрана Израел Кац најави големо проширување на операциите на војската во Појасот Газа, чија цел е да се „разбие и исчисти областа од терористи и терористичка инфраструктура“.Министерот во средата рече дека операцијата „ќе заземе големи области кои ќе бидат додадени во израелските безбедносни зони“, без да даде дополнителни детали. Војската распореди дополнителна единица за проширување на операциите во јужниот дел на Газа, според извештаите на медиумите. Кац ги повика жителите на крајбрежниот појас „да дејствуваат сега за да го отстранат Хамас и да ги вратат сите заложници“.„Ова е единствениот начин да се стави крај на војната“, рече Кац. Во средината на март, Израел продолжи со масовните воздушни напади откако не беше постигнат договор со Хамас за условите за продолжување на примирјето. Видете и ова: Израел продолжи со напади врз Газа, Египет има нов мировен предлог Оттогаш, Израел, исто така, започна копнени операции против палестинските милитанти во Рафа, а во саботата, наводно, ја проширил офанзивата на второто соседство. „Целта на новата копнена офанзива исто така е да се воспостави тампон зона долж границите на крајбрежната област“, рече Израел. Војната избувна откако Хамас и други екстремистички групи го нападнаа Израел на 7 октомври 2023 година, при што беа убиени околу 1200 луѓе и заробени повеќе од 250 заложници. Според здравствените власти во Газа под контрола на Хамас, досега се убиени повеќе од 50100 луѓе, од кои една третина деца и млади луѓе.Бројките не можат да се потврдат независно. Меѓутоа, меѓународните организации како што се ОН ги сметаат за веродостојни. прочитај повеќе април 02, 2025 Почина холивудскиот актер Вал Килмер Вал Килмер Вал Килмер, холивудскиот актер кој се прослави како Џим Морисон и Бетмен и често играше позначајни споредни улоги, почина во Лос Анџелес на 65-годишна возраст. Причината за смртта е пневмонија, соопшти неговото семејство.Неговата професионална кариера започна во театарот, а своето филмско деби го имаше во 1984 година во пародијата „Top Secret“, каде ја играше рок ѕвездата Ник Риверс.Во 1980-тите, тој стана сè попознат по неговите улоги во филмови како што се Top Gun (1986) и Willow (1988).Својот вистински пробив го постигна во 1991 година со улогата на Џим Морисон во биографскиот филм за Оливер Стоун, „The Doors“. Неговиот настап беше пофален за неговата исклучителна автентичност, бидејќи тој самиот ги испеа сите песни во настапот.Во текот на 1990-тите Килмер имаше голем број значајни улоги, вклучувајќи ги: Док Холидеј во вестерн филмот „Tombstone“ (1993), Бетмен/Брус Вејн во „Бетмен засекогаш“ (1995) и Крис Шихерлис во култниот криминален трилер „Heat“ (1995). прочитај повеќе април 02, 2025 Зеленски: Партнерите на Украина ќе разговараат за распоредување странски војници Украинскиот претседател Володомир Зеленски Западните воени лидери ќе разговараат за можното распоредување на војници во Украина кои би го надгледувале потенцијалниот прекин на огнот во конфликтот со Русија и ќе бидат дел од новата безбедносна структура на земјата, изјави украинскиот претседател Володимир Зеленски во своето ноќно видео обраќање (1 апил).„Ова е нашата почетна точка: украинската армија мора да биде доволно силна и на оваа основа е изградена целата безбедносна архитектура. Ќе се одржи состанок за само неколку дена, во петок (4 април) со претставници на нашите земји партнери - тоа ќе бидат воени претставници“, рече Зеленски.Зеленски се состана во Киев на 1 април со германската министерка за надворешни работи во заминување Аналена Бербок, велејќи дека „тесен круг земји“ е подготвен да испрати контингенти.Украинскиот лидер на заедничката прес-конференција со Бербок рече дека чека „поконкретни“ одговори од сојузниците за нивната подготвеност да учествуваат.Франција и Велика Британија изразија подготвеност да испратат војници како дел од таканаречената коалиција на подготвени да го надгледуваат потенцијалниот прекин на огнот. Но, Русија силно се спротивстави на какво било распоредување на странски трупи во Украина.Во своето видео обраќање, Зеленски исто така рече дека Украина сега ги споделила „сите потребни информации во врска со прекршувањата на Русија во енергетскиот сектор“ со своите американски партнери. Тој рече дека имало напади на 1 април во Херсон, вклучително и руско беспилотно летало кое цели на енергетски објект и опрема „целосно намерно и намерно“ и дел од градот останал без електрична енергија.„Ние инсистираме дека секое такво прекршување мора да биде документирано и да добиеме одговор од нашите партнери. Токму овие мали детали придонесуваат за големите одложувања на Русија во дипломатскиот процес“, рече тој. Видете и ова: Што Украина може да научи од мировната мисија на НАТО во Косово? Зеленски се осврна на договорот меѓу Киев и Москва да не напаѓаат едни со други енергетски капацитети. Договорот беше објавен од Белата куќа на 25 март заедно со прекин на огнот за да се овозможи пловидба по Црното Море.Киев рече дека договорот за енергетските капацитети ќе стапи на сила веднаш. Москва, сепак, соопшти дека ќе следи делумно укинување на санкциите кои се однесуваат на руските компании и банки вклучени во меѓународната трговија со храна.Германија објави обврска за дополнителни 130 милиони евра (140 милиони долари) во хуманитарна помош и фондови за стабилизација за време на посетата на Бербок. „Пакетот ќе ја донесе германската помош од почетокот на руската инвазија во Украина до 7 милијарди евра, рече Зеленски. Видете и ова: Зеленски во Минхен повика на создавање „вооружени сили на Европа“ Зеленски и се заблагодари на Германија што се погрижи нејзината поддршка за Украина да остане предвидлива и систематска. Стабилноста на поддршката е еден од клучните фактори во одбраната од руската агресија, рече тој.„Тоа се прекините во снабдувањето, несогласувањата меѓу партнерите и сите знаци на нестабилност на кои рускиот претседател Владимир Путин многу смета“, рече тој.Руските трупи извршија масовен напад со беспилотни летала врз Харкив ноќта на 1 април. Градоначалникот Ихор Терехов рече дека 13 дронови „Шахед“ го погодиле градот, а четири лица се повредени. прочитај повеќе април 02, 2025 Во Србија почнуваат консултации за нова влада Парламентот на Србија Српскиот претседател Александар Вучиќ денеска (2 април)почнува со консултации за формирање нова влада, и за првиот ден се закажани разговори со претставници на четири изборни листи. За днеска се чекуваат разговори со претставниците на листата „Руска партија - Слободан Николиќ“, „Сојуз на Војводински Унгарци (СВМ)“, „Усаме Зукорлиќ - Обединети за правда - Партија на правдата и помирувањето - Босанците од Санџак, како и „Томислав Жигманов – Демократски сојуз на Хрватите во Војводина“ и пратеничката група „Ние – глас од народот“.Вучиќ вчера изјави дека испратил писмо до сите носители на листи и пратенички групи во српското Собрание, а за учество на консултациите се пријавиле пет-шест листи. Според него, консултациите ќе завршат до петок.Дел од парламентарните опозициски партии претходно најавија дека нема да одговорат на повикот на претседателот за консултации за формирање нова влада. На 20 март соопштија дека постигнале консензус дека формирањето преодна влада е неопходно за излез на државата од социјалната и политичката криза. Опозициските партии најавија дека идејата е тоа да биде таканаречена „Влада на народна доверба“ која би била „привремена влада, со максимално времетраење до девет месеци, што би имала конкретни задачи“.На 19 март Собранието на Србија ја констатираше оставката на премиерот Милош Вучевиќ, со што заврши мандатот на актуелната влада. Рокот за формирање на нова влада е 18 април на полноќ. Доколку до тој датум не се формира влада, ќе бидат закажани вонредни парламентарни избори. Вучевиќ на 28 јануари поднесе неотповиклива оставка од таа функција, откако во Нови Сад се случи напад врз студентите во блокада.Српскиот претседател нагласи дека очекува најбројната пратеничка група - СНС да го извести дали сакаат да формираат влада или сакаат нови избори, а она што е сигурно, како што рече, е дека во таа партија нема расположение за каква било преодна влада, со што и тој се согласува.Вучиќ претходно рече дека негова уставна обврска е да им го довери мандатот за состав на влада на оние кои велат дека можат да обезбедат мнозинство, односно најмалку 126 гласа во парламентот. Според член 127 од Уставот на Србија, кандидатите за функцијата премиер на Народното собрание му ги предлага претседателот на Републиката по консултација со претставниците на избраните изборни листи. Видете и ова: Парламентот ја потврди оставката на српската влада Првиот вицепремиер и министер за финансии во техничкиот мандат, Синиша Мали, претходно изјави дека сите опции се на маса кога станува збор за тоа дали ќе се избере нова влада или дали ќе се одржат вонредни избори и посочи дека е важно што поскоро да има нова влада.Социјалистичката партија на Србија потврди дека коалицијата собрана околу таа партија ќе оди на консултации со Вучиќ, и едногласно донеле одлука за продолжување на соработката со Српската напредна станка и Александар Вучиќ. Тие изразиле подготвеност да учествуваат со нивните коалициски партнери во дискусиите за формирање и избор на нова влада.Дел од парламентарните опозициски партии изјавија дека нема да одговорат на поканата на претседателот Александар Вучиќ за консултации за новата Влада на Србија, наведувајќи дека можат да разговараат само за преодна влада.Во заедничката изјава потпишана од Партијата на слободата и правдата, Народното движење на Србија, Новата демократска партија на Србија, ПОКС, Движењето на слободни граѓани, Партијата Србија Центар - СРЦЕ и Зелено-левиот фронт, беше оценето дека „единствениот начин Србија да оди напред е исполнување на студентските барања“ и мирни услови за промена на власта.На поканата за консултации за новата влада нема да одговорат ниту Демократската партија, ниту движењето Еколошко востание, чии претставници изјавија дека не ја добиле поканата. На консултациите со претседателот Вучиќ нема да одат ниту претставниците на пратеничката група „Ние силата на народот“ на Бранимир Несторовиќ, кои сметаат дека „изборите мора да се распишат што е можно поскоро“.Доколку не се избере нова влада до 18 април на полноќ, кога истекува законскиот рок од 30 дена за избор на нов премиер и членови на владата, откако српскиот парламент ја констатира оставката на премиерот Милош Вучевиќ на 19 март, со што го прекинува мандатот на целата влада, претседателот на државата е должен да го распушти Парламентот. прочитај повеќе Вчитај повеќе...

Вести април 01, 2025 Стармер: Царините на Трамп веројатно ќе ја погодат Велика Британија Британскиот премиер Кир Стармер Британскиот премиер Кир Стармер изјави дека е веројатно оти царините на Доналд Трамп ќе ја погодат Велика Британија и вети дека ќе дејствува во националниот интерес како одговор.Стармер посочи дека одмазднички царини се можни, но нагласи дека не сака да види трговска војна.„Обединетото Кралство ќе се обиде да издејствува ослободување“, изјави секретарот Џонатан Рејнолдс, но не можеше да даде временска рамка за тоа кога очекува да се сменат даноците за увозот во Велика Британија.Трамп утре треба да претстави огромни царини за стоки од целиот свет, настан што американскиот претседател го нарече „ден на ослободувањето“. Видете и ова: Трамп најави царини за автомобили, алуминиум и фармацевтски производи Владата на Стармер се обидуваше да преговара за економски договор со Соединетите Држави, за кој се надеваат дека би можел да ги заштити британските бизниси од најлошите влијанија на плановите на Трамп.Премиерот додаде дека „сите опции остануваат на маса“ како одговор. Стармер изјави дека се надева оти договорот за кој се преговара со САД ќе ги ублажи царините.„Нашата одбрана, нашата безбедност, нашето разузнавање се поврзани на начин на кој не се поврзани други две земји. Значи, очигледно е во наш национален интерес да имаме блиски работни односи со САД, кои ги имавме со децении, и сакам да гарантирам дека ќе имаме и во децениите што доаѓаат“, рече Стармер. Видете и ова: Фон дер Лајен: Брисел е подготвен да возврати на американските царини Тој додаде дека „разговорите за економски договор вообичаено ќе траат месеци или години, но „за неколку недели ние добро напреднавме во тие дискусии“.Трамп веќе најави дека ќе биде воведен данок на увоз од 25 отсто за сите автомобили увезени во САД, мерка што ќе биде удар за автомобилската индустрија во Велика Британија. прочитај повеќе види ги сите денешни вести април 02, 2025 Филипче предлага нов концепт на општествен и политички дијалог Венко Филипче, лидер на СДСМ Лидерот на СДСМ Венко Филипче предложи нов концепт за општествен и политички дијалог. Како што рече на денешната прес-конференција, трагедијата во Кочани покажала дека системот не функционира како што треба, а за тоа како што посочи, вина имале сите политички партии.Во однос на лидерската средба рече дека уште денеска или утре (2 и 3 април) ќе побара состанок со премиерот Христијан Мицкоски, за да се организира таа средба.Според него областите каде што треба системски пристап се - образование, здравство, правосудство, животна средина, партизација и политизација.„По големата трагедија во Кочани, ја видовме реакцијата на граѓаните, револт, на места и бес. Би рекол сосема оправдано, бидејќи тоа што во изминатите три децении, тоа што се нарекува реформи, тоа што се нарекува транзиција, очигледно не го даде посакуваниот резултат. Системот на многу места очигледно не фукционира како што треба. Јавните сервиси немаат перформанс каков што граѓаните заслужуваат. За тоа вина имаме сите политички партии, СДСМ, ВМРО-ДПМНЕ, ДУИ, другите политички партии“, рече Филипче.Нагласи дека треба да се изготви стратегија во која ќе се влучат сите, во форма на политички дијалог, врз основа на која државата ќе функционира во следните децении, многу повеќе од мандат на која било влада и која било партија или коалиција да ја води таа влада.Во однос на правосудството, предлага неминовно да се донесат реформската агенда во што пократок рок реформските закони во одреден систем во којшто ќе се постигне широк консензус не само политички, туки и други фактори од делот на правосудството на коишто ова навистина им е експертиза.„Тоа што граѓаните најмногу ги иритира а тоа е партизацијата и политизацијата. Мора да ги ослободиме институциите од канџите на политиката и партијата за да младите луѓе имаат навистина добар, компетитивен мерит систем и на тој начин да се вработуваат и напредуваат поради тоа што само на тој начин можеме експертизата да ја издигнеме на соодветно и заслужено ниво“, истакна Филипче, додавајќи дека добро е на овие теми да седнат лидерите на сите партии. Видете и ова: По трагедијата во Кочани, собраниската говорница остана нема Лидерот на СДСМ истакна дека на премиерот Христијан Мицкоски и подетално би му го образложил овој план на средба во следните денови. Во однос дали очекува неговиот предлог за лидерска средба да биде прифатен, тој рече дека уште денеска или утре (2 и 3 април) ќе побара состанок со премиерот Мицкоски, согласно агендите, за да се организира таа средба.„Оставам простор и се надевам дека сега кога политичките партии ќе го слушнат ова ќе ја прифатат таа лидерска средба. Но добро е прво тоа да го поразговараме со премиерот, имајќи предвид дека тој прв подаде рака и на прва одговори дека средбата е прифатлива. Навистина не знам што би било неприфатливо или некој зошто не би сакал да разговара, кога тоа е констатација на секој еден граѓанин во државата“, рече Филипче.На новинарско прашање дали на средбата ќе ја постави темата за евроинтеграции и уставни измени, рече дека најверојатно ќе се зборува и за таа тема. Премиерот Христијан Мицкоски деновиве изјави дека тој е подготвен да разговара со Филипче, додавајќи дека лидерската средба е пресериозна тема за да се разговара преку медиуми. прочитај повеќе април 02, 2025 Мицкоски: Милошоски и Филков имаа лош ден, Владата е стабилна Христијан Мицкоски, премир на РСМ Премиерот Христијан Мицкоски изјави дека владината коалиција е стабилна, а јавното препукување меѓу пратеникот од ВМРО-ДПМЕ Антонијо Милошоски и министерот за правда Игор Филков од коалицискиот партнер ЗНАМ, според него, ќе застане на, како што вели, на овие два лични става.„Владината коалиција е стабила. Пратеникот Антонијо Милошоски е член на Извршниот комитет на партијата, тој е дел од мојот најблизок периметар. Јас соработката со Антонијо Милошоски ја оценувам на највисоко ниво, тој е додадена вредност и во рамки на пратеничката група и во рамки на партијата. Министерот Игор Филков знам со какви проблеми се соочи, знам каква состојба затекна во Министерството за правда, континуирано на дневна основа соработуваме во делот на реформите, кои се многу важни посебно во секторот правда. Но, она што можев да го заклучам, а убеден сум дека сето ова ќе застане на овие два лични става е дека секој има право на лош ден, па така јас мислам дека тој лош ден и за едниот и за другиот завршува“, рече Мицкоски, по пуштањето на фабриката на „Магна мехатроникс“ во ТИРЗ Штип. Прашан дали има проблеми со коалицијата Вреди во која е министерот за здравство Арбен Тараври кој предвои едно од крилата во Алијанса за Албанците, рече дека нема такво чувство и оти имаат исклучителна соработка. „Не, немам такво чувство. Напротив, имаме исклучителна соработка. Граѓаните да бидат сигурни, Владата е стабилна, повеќе од две третини неофицијално, а официјално 78 пратеници ја поддржуваат оваа Влада. Граѓаните, според она што го гледам од анкетите даваат поддршка, огромно е позитивното мислење дека и Македонија се движи во позитивна насока и тоа претставува за нас инспирација да продолжиме понатаму да се движиме и да работиме“, рече Мицкоски. Видете и ова: Апетитите за локалните избори ја зовреа „Вреди“ Пратеникот на ВМРО-ДПМНЕ и потпретседател на Собранието, Антонијо Милошоски вчера во телевизиско гостување рече дека министерот за правда Игор Филков има слаб придонес во областа со која раководи. Посочи дека очекувал досега барем во нацрт верзија до Собранието да бидат доставени Предлог-законот за судови, Предлог-законот за судски буџет, Предлог законот за јавнообвинителската служба, новиот Кривичен законик...Министерот за правда Филков, пак, во реакција на изнесените наводи на Милошоски рече дека „Кусурот на Груевски, познат под прекарот - Џуџето од Небрегово, а јавноста добро го памети по аферите поврзани со АМСМ и семејните бизниси од Кичево, изгледа дека сè уште нема навика да одговара пред граѓаните кои го избрале“.„Бидејќи очигледно е неинформиран и изолиран од партијата, го упатувам во неговата матична партија или пак во Владата-можеби конечно ќе го известат за постапките, роковите и статусот на законите! И, бидејќи изгледа како некој што работи по туѓи наредби, за кого одработува во моментов? Дали се тоа интересите на граѓаните или некои други агенди? Во минатото е познат по Ванчо Михајловистички ставови, многу лаги и невистини. Ова е лош де-фокус на македонската јавност по двонеделниот „одмор“! Да го потсетам дека во парламентот е од 2011 година, откако се повлече од функцијата министер за надворешни работи и активно учествуваше во креирање на „канцерогениот“ правосуден систем. Сега е добар момент да се потсети јавноста дека токму тој директно учествуваше во процесот на донесувањето на штетните измени на КЗ во 2023 година, со што се спаси од одговорност за кривичното дело ,,Моќник”“, наведе Филков, набројувајќи ги законите на кои работел во изминатиот период. прочитај повеќе април 02, 2025 По еднодневна пауза, Русија ги продолжува масовните напади врз Украина Последици од нападот во градот Харкив, Украина, 2 април 2025 година Русија започна нови воздушни напади врз Украина по еднодневна пазуа од напади со дронови. Во регионот Запорожје, едно лице загинало, а две други се повредени, изјави во среда (2 април) на Телеграм регионалниот гувернер Иван Федоров. Петнаесет беспилотни летала, исто така, го нападнале источниот град Харкив, при што биле повредени најмалку осум лица.Украинските сили за цивилна одбрана соопштија дека биле погодени згради кои припаѓаат на цивилни фирми, а исто така била нанесена штета и на станбени области. Откако Украина во вторникот ја доживеа првата ноќ без беспилотни летала во годината, воздушната одбрана на земјата извести дека Русија распоредила 74 дронови и мамки со беспилотни летала во текот на ноќта до среда наутро.Нападите првенствено ги погодиле регионите Харкив, Доњецк и Одеса. Видете и ова: Зеленски: Партнерите на Украина ќе разговараат за распоредување странски војници Во Москва, руското Министерство за одбрана тврдеше дека соборило 93 украински беспилотни летала во текот на ноќта, главно над пограничниот регион Курск.Војувањето со беспилотни летала стана речиси секојдневна тактика во војната, иако размерите на уништување и жртви предизвикани од руските напади го надминуваат влијанието на украинските напади. Украина се брани од руската инвазија повеќе од три години, потпирајќи се во голема мера на поддршката од Западот. прочитај повеќе април 02, 2025 Дурмиши: Секој има право да излезе на улица и да покаже револт Министерот за економија и труд Бесар Дурмиши Живееме во демократија и секој има право да излезе на улица и да протестира и да го каже својот револт, но на синдикатите веќе им истече мандатот и веќе не се репрезентативни, порача денеска (2 април)министерот за економија и труд Бесар Дурмиши.„Како Влада ја формиравме комисијата која треба да ја утврди репрезентативноста на синдикатите и таа комисија веќе работи. Веднаш кога ќе се определи кој синдикат е репрезентативен ќе ја свикам седницата на Економско социјалниот совет (ЕСС). Токму таму синдикатите треба да ги кажат своите барања, а не на улица“, изјави Дурмиши во одговор на новинарско прашање пред почетокот на конференцијата „Реформа на Законот за работни односи – предизвици и насоки“. Видете и ова: Синдикатите утре на протест, барањето за поголем минималец ги „скара“ со Владата Како Влада, нагласи дека се за социјален дијалог. Одговарајќи на прашање рече дека како Влада постапиле според законот и методологијата за минималната плата, со која се усогласени сите засегнати страни, односно и синдикатите и работодавачите, и го објавиле износот на минималната плата на крајот на март.„Според тој правилник минималната плата изнесува 400 евра и е покачена нето платата за 1800 денари. Како надлежен министер за економија и труд јас ја објавив минималната плата по одлука на Владата, рече Дурмиши.Нагласи дека немале согласност од ЕСС за износот на минималната плата поради тоа што нема репрезентативност од синдикатите.„Јас според законот кој е во сила и кој е потпишан и од синдикатите и од работодавачите и по одлука на Влада обврзан сум пред 31 март да ја објавам минималната плата. Од минималната плата потоа се пресметува и просечната плата и другите плати. Ако не ја објавевме до 31 март ќе се блокираше целата држава и сите институции, а приватниот сектор не ќе можеше да пресмета плати за нивните вработени“, истакна Дурмиши.Сојузот на синдикатите на Македонија (ССМ) денеска одржува јавна седница пред зградата на Работничкиот дом на која ќе ги искаже своите ставови за минималната плата. прочитај повеќе април 02, 2025 Советот на јавни обвинители даде негативно мислење за разрешување на Коцевски Државниот јавен обвинител Љупчо Коцевски Советот на јавни обвинители даде негативно мислење по предлогот на Владата за разрешување на државниот јавен обвинител Љупчо Коцевски. За прифаќање на предлогот гласаа тројца, додека шест члена гласа против. Претседателката на Советот на јавни обвинители Душица Димитриеска, рече дека со оглед дека Советот одлуките ги носи со мнозинство, мнозинството дадоа негативно мислење. За прифаќање на предлогот на Владата за разрешување на Коцевски гласаа Кети Петкова, Ардиан Демири и Марјана Илиевска.Советот на јавни обвинители претходно ја исклучи јавноста од точката за разгледување на предлогот за разрешување на државниот јавен обвинител Љупчо Коцевски. Членовите на Советот едногласно го поддржаа предлогот на членот Зорица Павловиќ, која повикувајќи се на член 10 од Законот за совет на јавни обвинители побара да се исклучи јавноста поради, како што кажа, сензитивноста на процесот и за заштита на угледот и интегритетот на јавниот обвинител.Светлана Стојковиќ, го поддржа предлогот, дополнувајќи дека јавноста треба да биде исклучена и поради тоа што во произнесувањето од Коцевски по предлогот за негово разрешување, се изнесени и информации и докази од дисциплинските постапки што се води против двајца јавни обвинители. Расправата, како што нагласија, ќе биде затворена, а јавноста ќе биде вклучена само за гласањето по мислењето за предлогот на Владата за разрешување на Коцевски.Седницата за разгледување на предлогот претходно на два пати беше одложена. Првично беше закажана за 18 март, но беше одложена поради седумдневната жалост по трагедијата во Кочани, а минатата недела, на 26 март беше одложена поради немање на кворум. Согласно законските рокови за разгледување на предлогот за разрешување на Коцевски, Советот треба да го разгледа најдоцна до крајот на неделава, иако Владата објави дека ќе ја прекине постапката. Видете и ова: Предлогот за разрешување на Коцевски на денешната владина седница Портпаролката на Владата Марија Митева, на 26 март годинава, изјави дека Владата ќе ја прекине постапката за разрешување на државниот јавен обвинител Љупчо Коцевски и доколку добие мислење од страна на Советот на ЈО, истото нема да го проследи до Собранието.Премиерот Христијан Мицкоски по трагедијата во Кочани изјави дека постапката за разрешување на јавниот обвинител Коцевски ќе се запре во моментот до таму каде што се наоѓа.Владата на 11 февруари година донесе одлука да поведе постапка за разрешување на државниот јавен обвинител Коцевски кој беше избран на оваа позиција пред една година, а неговиот мандат трае шест години.Министерството за правда, постапувајќи по заклучокот од 50-та седница на Владата, го изготви Предлог-мислењето за разрешување на државниот јавен обвинител. Коцевски, како што велат од Министерството за правда, постапувал во предмети во кои согласно законските одредби постоеле околности кои предизвикуваат сомневање во неговата непристрасност, како и судир на интереси, а за кои околности тој требало да знае и требало да се изземе. Републичкиот обвинител Коцевски го демантира тврдењето дека незаконски постапил посочувајќи дека го следел законот и роковите во него. прочитај повеќе април 02, 2025 Данската премиерка во посета на Гренланд Данската премиерка Мете Фредериксен Данската премиерка Мете Фредериксен денеска (2 април) ќе отпатува во Гренланд, каде што ќе се сретне со претставници на новата влада на полуавтономниот остров, во време кога американскиот претседател Доналд Трамп продолжува да изразува интерес за анексија на територијата.Фредериксен го започнува своето тридневно патување помалку од една недела по посетата на американскиот потпретседател Џеј Ди Венс, кој беше пречекан со воздржаност од страна на данските и гренландските власти.Идниот премиер на островот, Јенс-Фредерик Нилсен, кој ја предводеше победничката коалиција на неодамнешните избори, истакна дека го поздравува доаѓањето на Фредериксен и нагласи дека Данска останува „најблизок партнер на Гренланд“. Видете и ова: Замрзнати амбиции: Долгото американско настојување за Гренланд Односите меѓу Гренланд и Данска се затегнати поради откритијата за малтретирање на гренландското население за време на колонијалниот период. Меѓутоа, интересот на Трамп за контролирање на островот како дел од геополитичката трка за Арктикот ја поттикна Данска да ги интензивира напорите за подобрување на врските со Гренланд.Во понеделникот, Нилсен изјави дека Гренланд ќе ги зајакне односите со Копенхаген, додека постепено работи на остварување на својата цел – независност.„Разговорите за анексија и непочитување на суверенитетот се знак на непочитување. Ајде да започнеме со взаемна почит и да изградиме подобро партнерство“, порача Нилсен.Фредериксен, пак, оцени дека народот на Гренланд сам треба да ја одреди својата иднина и ги нарече забелешките на Венс за Данска „неправични“. прочитај повеќе април 02, 2025 Османи предложи Косово и Британија да склучат договори за одбрана и економија Косовската претседателка Вјоса Османи денеска (2 април) му предложи на британскиот министер за надворешни работи Дејвид Лами да склучи договори за одбрана и економија меѓу двете земји.Лами е во официјална посета на Косово, како дел од турнејата низ Западен Балкан, чија цел, како што соопшти Владата на Обединетото Кралство, има за цел зајакнување на соработката во борбата против нерегуларната имиграција и организираниот криминал.На заедничката прес-конференција со Лами, Османи рече дека со шефот на британската дипломатија разговарала за „стратешкото продлабочување на соработката“ меѓу Косово и Обединетото Кралство, што, според неа, „особено ќе ги опфати областа на одбраната и економијата“.Таа истакна дека имала „долг“ разговор со Лами, кој ја поздравил идејата за зајакнување на соработката. Османи рече дека косовските власти се посветени на соработка со Британците на обликување на договорот, така што тој треба да биде потпишан што е можно поскоро. Османи повика и на поактивно присуство на Обединетото Кралство на Косово.Лами рече дека Балканот е регион кој е важен за Британија денес, како што беше и за време на мандатот на тогашниот премиер Тони Блер. Тој додаде дека Британија „ќе продолжи да ја игра улогата на клучен пријател и партнер“ на Косово.Шефот на британската дипломатија рече дека неговата земја сака „стабилна и мирна нормализација“ меѓу Косово и Србија и ги повика косовските власти да се вклучат со целосна енергија во дијалогот со Србија со посредство на Европската Унија.Османи рече дека „Косово останува конструктивна страна, посветена на мирот и стабилноста и покрај тоа што постојано се соочуваме со опструкции и провокации од Србија, вклучително и повторени напади кои почнаа пред неколку години и продолжуваат сега, за што сакам повторно да нагласам дека е императив да има одговорност и Србија да ги изведе одговорните пред лицето на правдата“. Embed share Од Косово до Украина: Може ли мисија како КФОР да помогне? Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:47 0:00 Директен линк 240p | 7,8MB 360p | 12,5MB 480p | 21,1MB 720p | 41,2MB 1080p | 64,5MB Лами рече дека Британија дава важен придонес во мировната мисија на НАТО на Косово (КФОР), што, според него, е „апсолутно клучно“ за безбедноста на Косово.Британскиот дипломат во вторникот вечерта во Приштина беше примен од вршителот на должноста премиер на Косово, Албин Курти и министрите од неговата влада. Курти со Лами разговарал, меѓу другото, за актуелната состојба во регионот и геополитиката во Европа, како и за безбедносните прашања, соопштија од кабинетот на премиерот.Вршителот на должноста шеф на косовската извршна власт „го истакна фактот дека сè уште нема правда и одговорност за терористичкиот напад во Бањска, додека Милан Радоичиќ оди слободно и заштитен од српскиот државен апарат“, се вели во соопштението на премиерот. Видете и ова: Прават ли Албанија, Хрватска и Косово воен сојуз? Во септември минатата година, Специјалното обвинителство на Косово покрена обвинение против 45 лица, меѓу кои и Милан Радоичиќ, за вооружен напад врз косовската полиција во Бањска на 24 септември 2023 година, кога беше убиен наредникот Африм Буњаку.Властите во Србија одбиваат да го екстрадираат Радоичиќ на Косово и велат дека ќе му судат „српски судови“, додека властите во Косово велат дека му понудиле заштита. Курти додаде дека Радоичиќ „треба да биде екстрадиран на Косово каде што ќе му се суди праведно за неговите постапки“.Обединетото Кралство оваа есен ќе биде домаќин на состанокот на лидерите од Западен Балкан во Лондон во рамки на самитот во Берлинскиот процес, кој, меѓу другото, има за цел да ја поддржи стабилноста, безбедноста и економската соработка меѓу земјите од регионот. прочитај повеќе април 02, 2025 Израел ги проширува копнените операции во Газа „за да го уништи“ Хамас Појас Газа Израелскиот министер за одбрана Израел Кац најави големо проширување на операциите на војската во Појасот Газа, чија цел е да се „разбие и исчисти областа од терористи и терористичка инфраструктура“.Министерот во средата рече дека операцијата „ќе заземе големи области кои ќе бидат додадени во израелските безбедносни зони“, без да даде дополнителни детали. Војската распореди дополнителна единица за проширување на операциите во јужниот дел на Газа, според извештаите на медиумите. Кац ги повика жителите на крајбрежниот појас „да дејствуваат сега за да го отстранат Хамас и да ги вратат сите заложници“.„Ова е единствениот начин да се стави крај на војната“, рече Кац. Во средината на март, Израел продолжи со масовните воздушни напади откако не беше постигнат договор со Хамас за условите за продолжување на примирјето. Видете и ова: Израел продолжи со напади врз Газа, Египет има нов мировен предлог Оттогаш, Израел, исто така, започна копнени операции против палестинските милитанти во Рафа, а во саботата, наводно, ја проширил офанзивата на второто соседство. „Целта на новата копнена офанзива исто така е да се воспостави тампон зона долж границите на крајбрежната област“, рече Израел. Војната избувна откако Хамас и други екстремистички групи го нападнаа Израел на 7 октомври 2023 година, при што беа убиени околу 1200 луѓе и заробени повеќе од 250 заложници. Според здравствените власти во Газа под контрола на Хамас, досега се убиени повеќе од 50100 луѓе, од кои една третина деца и млади луѓе.Бројките не можат да се потврдат независно. Меѓутоа, меѓународните организации како што се ОН ги сметаат за веродостојни. прочитај повеќе април 02, 2025 Почина холивудскиот актер Вал Килмер Вал Килмер Вал Килмер, холивудскиот актер кој се прослави како Џим Морисон и Бетмен и често играше позначајни споредни улоги, почина во Лос Анџелес на 65-годишна возраст. Причината за смртта е пневмонија, соопшти неговото семејство.Неговата професионална кариера започна во театарот, а своето филмско деби го имаше во 1984 година во пародијата „Top Secret“, каде ја играше рок ѕвездата Ник Риверс.Во 1980-тите, тој стана сè попознат по неговите улоги во филмови како што се Top Gun (1986) и Willow (1988).Својот вистински пробив го постигна во 1991 година со улогата на Џим Морисон во биографскиот филм за Оливер Стоун, „The Doors“. Неговиот настап беше пофален за неговата исклучителна автентичност, бидејќи тој самиот ги испеа сите песни во настапот.Во текот на 1990-тите Килмер имаше голем број значајни улоги, вклучувајќи ги: Док Холидеј во вестерн филмот „Tombstone“ (1993), Бетмен/Брус Вејн во „Бетмен засекогаш“ (1995) и Крис Шихерлис во култниот криминален трилер „Heat“ (1995). прочитај повеќе април 02, 2025 Зеленски: Партнерите на Украина ќе разговараат за распоредување странски војници Украинскиот претседател Володомир Зеленски Западните воени лидери ќе разговараат за можното распоредување на војници во Украина кои би го надгледувале потенцијалниот прекин на огнот во конфликтот со Русија и ќе бидат дел од новата безбедносна структура на земјата, изјави украинскиот претседател Володимир Зеленски во своето ноќно видео обраќање (1 апил).„Ова е нашата почетна точка: украинската армија мора да биде доволно силна и на оваа основа е изградена целата безбедносна архитектура. Ќе се одржи состанок за само неколку дена, во петок (4 април) со претставници на нашите земји партнери - тоа ќе бидат воени претставници“, рече Зеленски.Зеленски се состана во Киев на 1 април со германската министерка за надворешни работи во заминување Аналена Бербок, велејќи дека „тесен круг земји“ е подготвен да испрати контингенти.Украинскиот лидер на заедничката прес-конференција со Бербок рече дека чека „поконкретни“ одговори од сојузниците за нивната подготвеност да учествуваат.Франција и Велика Британија изразија подготвеност да испратат војници како дел од таканаречената коалиција на подготвени да го надгледуваат потенцијалниот прекин на огнот. Но, Русија силно се спротивстави на какво било распоредување на странски трупи во Украина.Во своето видео обраќање, Зеленски исто така рече дека Украина сега ги споделила „сите потребни информации во врска со прекршувањата на Русија во енергетскиот сектор“ со своите американски партнери. Тој рече дека имало напади на 1 април во Херсон, вклучително и руско беспилотно летало кое цели на енергетски објект и опрема „целосно намерно и намерно“ и дел од градот останал без електрична енергија.„Ние инсистираме дека секое такво прекршување мора да биде документирано и да добиеме одговор од нашите партнери. Токму овие мали детали придонесуваат за големите одложувања на Русија во дипломатскиот процес“, рече тој. Видете и ова: Што Украина може да научи од мировната мисија на НАТО во Косово? Зеленски се осврна на договорот меѓу Киев и Москва да не напаѓаат едни со други енергетски капацитети. Договорот беше објавен од Белата куќа на 25 март заедно со прекин на огнот за да се овозможи пловидба по Црното Море.Киев рече дека договорот за енергетските капацитети ќе стапи на сила веднаш. Москва, сепак, соопшти дека ќе следи делумно укинување на санкциите кои се однесуваат на руските компании и банки вклучени во меѓународната трговија со храна.Германија објави обврска за дополнителни 130 милиони евра (140 милиони долари) во хуманитарна помош и фондови за стабилизација за време на посетата на Бербок. „Пакетот ќе ја донесе германската помош од почетокот на руската инвазија во Украина до 7 милијарди евра, рече Зеленски. Видете и ова: Зеленски во Минхен повика на создавање „вооружени сили на Европа“ Зеленски и се заблагодари на Германија што се погрижи нејзината поддршка за Украина да остане предвидлива и систематска. Стабилноста на поддршката е еден од клучните фактори во одбраната од руската агресија, рече тој.„Тоа се прекините во снабдувањето, несогласувањата меѓу партнерите и сите знаци на нестабилност на кои рускиот претседател Владимир Путин многу смета“, рече тој.Руските трупи извршија масовен напад со беспилотни летала врз Харкив ноќта на 1 април. Градоначалникот Ихор Терехов рече дека 13 дронови „Шахед“ го погодиле градот, а четири лица се повредени. прочитај повеќе Вчитај повеќе...

Прашањето како да се настапи на локланите избори ги изнесе на површина несогласувањата во коалицијата Вреди. Додека Таравари отворено критикува, дел од партнерите се оптимисти дека ќе настапат заедно на избори. Засега, никој не го доведува во прашање учеството во Владата. За дел од аналитичарите ова е внатрекоалициско позиционирање за локалните избори. Несогласувањата во коалицијата Вреди (Влен) се очигледни во пресрет на локалните избори во октомври, но засега никој од нив не го доведува во прашање опстојувањето во рамки на Владата каде оваа коалиција е партнер со ВМРО-ДПМНЕ и ЗНАМ.Четирите партии, Беса, Алијанса за Албанците, Демократско движење и Алтернатива, кои се обединија во „Вреди“ за да ја испратат ДУИ во опозиција по дводецениското владеење, уверуваат дека владејачко мнозинство е стабилно, иако признаваат дека има несогласувања. Нив ги изнесоа на јавна сцена кога се доведе во прашање настапот на локалните избори и кој колкав дел од колачот ќе добие во однос на кандидати за градоначалници и советници.„Ние засега не излегуваме и не планираме да излеземе од Влада, продолжуваме. Јас реков дека има одредено незадоволство, тоа е повеќе поради десинхронизацијата внатре со партиите дел од Влен. Тешко е со една партија, а не пак со четири партии. Ни треба подобра синхронизација. Впечатокот кај народот е лош, дека Влен не делува како што треба“, рече министерот за здравство Арбен Таравари на брифинг на 1 април.Својот став го аргументира со анкета што ја правеле, а која, тврди, покажала оти Владата има доверба од 70%, а само 30% од граѓаните се задоволни од Вреди. Видете и ова: Таравари: Влен размислува да биде една партија по локалните избори Таравари, претставник на Алијанса за Албанците, за која водеше и судски спор со Зијадин Села, е единствениот од четворицата лидери во Вреди (Влен) чии ставови не се на иста линија со останатите – Изет Меџити од Демократското движење, Зеќирија Ибрахими од Алтернатива и Билал Касами од Беса.Додека критиките од Таравари може да се толкуваат како предвесник за евентуално негово излегување од коалицијата, несогласувањата во Вреди, засега не го плашат ВМРО-ДПМНЕ. Од владејачката партија за РСЕ само кусо одговорија дека „коалицијата со Вреди е стабилна“.Меџити и Ибрахими уверени дека ќе опстојат додека прозивките продолжуваат„Мнозинството е стабилно“, беше и одговорот што Радио Слободна Европа (РСЕ) го доби од Меџити, кој е и прв вицепремиер во Владата и министер за животна средина.Првиот човек на Алтернатива, пратеникот Зеќирија Ибрахими, за разлика од Таравари смета оти „во рамки на постојните бројки и состојби, коалицијата функционира нормално и беспрекорно“.„Секако има простор за корекција, но далеку сме од квалификацијата ’нефункционално‘. Нормално, тоа е дебата во која можеме да имаме и различни видувања и перцепции, но не мислам дека ќе влијае во нашите севкупни односи и во нашето тежнеење да одиме заедно на локалните избори. Влен е формирана како антипод на нонгратата и корумпирана ДУИ и ваквата обединувачка вредност е посилна од било каквите различни видувања околу деталите на начинот на кој функционира некој сегмент од Владата“, вели за РСЕ Зекирија Ибраими, кој стана лидер на Алтернатива откако Африм Гаши беше избран за претседател на Собранието.Деновиве се очекува лидерите во Вреди да имаат состанок, а дотогаш нивните меѓусебни прозивки продолжуваат. Една од темите е и ДУИ – кој и како комуницирал со интегративците.„Барем пратениците комуницираат едни со други, никој не може да каже дека една партија комуницира само со внатрешните членови. Сите партии комуницираат едни со други“, рече Таравари на брифингот со новинарите откако и синоќа (31 март) во телевизиско интервју за „360 степени“ кажа дека тој има канали за комуникација со ДУИ, исто како и другите партии од Вреди. Видете и ова: „Фуриозни“ сто дена Влада, граѓаните чекаат резултати Беса веднаш го демантираше дека „ниту претседателот Билал Касами ниту некој друг од Движењето Беса има комуникација со ДУИ“.Касами претходно во детали зборуваше каде се судираат со Таравари, потенцирајќи ги разидувањето околу кандидатските листи за советници на локалните избори.„Тој (Таравари) цени дека доколку би отишле посебно секоја партија, би собрале повеќе гласови за да го добиеме тој легитимитет и на локалните избори. Но, кај сите други субјекти во рамките на коалицијата доминира идејата дека вредноста на секој поединечен субјект е поголема како дел од коалицијата отколку ако би било надвор од коалицијата“, рече Касами на 27 март.Позиционирање за локалните избори?За политичките аналитичари, несогласувањата на партнерите во Вреди сè уште не се на ниво кога може дека коалицијата се движи кон „распаѓање“.„Сега, некои од нив со право, некои без право, имаат очекувања или барем перцепција дека нивната реална моќ не се отсликува внатре во власта. Исто така, и притисокот од партиските членови и функционери кои очекуваат многу повеќе да се исполнат предизборните ветувања и малата реализација ги става под притисок одредени политички лидери во коалицијата. Пред сè, мислам дека на Арбен Таравари, кој очекува многу повеќе власт од тоа што го има“, смета политичкиот аналитичар Сефер Селими.Ако не ги надминат несогласувањата, според Селими, можно сценарио во оваа коалиција, е останатите тројца лидери да се обидат да го изолираат Таравари и да продолжат без него. Видете и ова: Владината коалиција конструктивна, ама партнерите се караат Ако дојде до ескалација, единствена што ќе има корист од тоа е ДУИ, смета и аналитичарот Владимир Божиновски. Причината за јавните несогласувања тој ја гледа во апетитите за локалните избори.„Како се приближуваат локалните избори, секоја од тие четири партии си има свои политички апетити. Сепак, со оглед дека се на власт и имаат добра шанса да ѝ се спротивстават на ДУИ, но само заеднички, јас сè уште не гледам дека несогласувања се на тој степен што може да се загрозат внатрешните односи. Ова повеќе го гледам како позиционирање на овие четири партии внатре за локалните избори – која каде ќе има кандидати“, смета Божиновски додавајќи дека грешката на оваа коалиција е што продолжиле да настапуваат како четири одделни партии.Локалните избори во Северна Македонија треба да се одржат во октомври 2025. Коалицијата Вреди (Влен) се формираше во пресрет на парламентарните и претседателските избори во април и мај 2024.Пред јавните несогласувања, најавите беа дека на локалните избори ќе настапат заедно, како и оти ќе се започне со постапка за прераснување на коалицијата во една политичка партија. Artboard 4 Придружете се на Заедницата на Слободна Европа на Вибер Александар Самарџиски Александар Самарџиски ја започнал новинарската кариера во дневниот весник „Нова Македонија“ во 2014 година. Потоа работел како новинар во порталот „Плусинфо“ и во интернет-изданието на „360 степени“. Од септември 2023 година работи како новинар во Радио Слободна Европа. Регистрирај се...

За брз и добар одговор во кризни ситуации - пожар, земјотрес, поплави, децата треба да бидат обучени со што пореални сценарија, препорачуваат експертите. По пожарот во кочанската дискотека „Пулс“ власта најави зајакнување во подготовка на учениците, но нема податоци дали и колку се прават вежби. Симулација на пожар во струмичкото основно училиште „Сандо Масев“. За помалку од шест минути, над 600 ученици и триесет наставници се надвор од трикатниот објект.Пред пет години, за ваква евакуација, потребни им биле околу девет минути.„Се намалува времето и тоа е многу битно за нас бидејќи бројката е голема и ова потврдува дека повторувањето навистина значи, како во секојдневието, за совладувањето на образовните вештини, така и на овие, практичните“, изјави директорката на училиштето Драгица Спасова за Радио Слободна Европа (РСЕ) по последната евакуациска вежба, на 27 март.Вакви вежби се прават најмалку еднаш годишно, но по пожарот во кочанската дискотека, во кој на 16 март починаа 59 лица, а околу 180 беа повредени, Спасова вели, учениците имале многу посериозен пристап кон вежбата.Симулации како оваа, училиштата реализираат со помош на локалните противпожарни единици, но вакви вежби спроведува и Црвен Крст преку тимот за одговор при катастрофи.„Овие вежби се реализираат секоја година по барање на училиштата“, велат од Црвен Крст на Град Скопје за РСЕ, но не одговорија во колку училишта годишно спроведуваат вакви вежби.„Ниту еднаш не сум слушнала дека во училиште моите деца имале ваква вежба“, вели мајка на двајца основци од Скопје.Во општина Кисела Вода на пример, според градоначалникот Орце Ѓорѓиевски, редовно се спроведуваат обуки и вежби за справување со пожари и кризни ситуации. Тука, вежбите ги реализира Дирекцијата за заштита и спасување, во координација со општината и училишните раководства.Но, од разговори со колеги градоначалници, како претседател Заедница на единиците на локална самоуправа - ЗЕЛС, Ѓорѓиевски забележува дека ова е пракса во голем број на општини, но не во сите.„Постојат општини кадешто ова не се случувало. Токму поради тоа, како претседател на ЗЕЛС, упатив препорака до сите општини ова да стане стандардизирана пракса и обврска за сите училишта“, вели Ѓорѓиевски.Тој потсети дека во моментов на државно ниво се спроведуваат инспекциски проверки на хидрантските мрежи, постоењето на планови за евакуација, пристапноста до безбедносни излези и противпожарната опременост на училиштата.Колку всушност учениците се подготвени за соодветна реакција во кризна ситуација?Ланската анализа на Здружението за социјални иновации и одржлив развој РАДАР, спроведено во Кочани, Берово и Кавадарци, покажала недостаток на обуки и свест за заштита од пожари и потреба од итни мерки за едукација на граѓаните, особено во училиштата.Анализата на РАДАР во Кочани укажала на ниско ниво на информираност и учество, недоволна вклученост во противпожарна подготовка, недостиг на обука и вежби, како и слаба информираност за плановите за кризи.„Сценаријата да бидат што пореални“По пожарот во Кочани, на социјалните мрежи граѓаните споделуваа видеа во кои се гледа како некои од странските држави ги подготвуваат децата за реакција во кризна ситуација уште од најрана возраст.„Таму државата одлучила преку систематски приод да ги едуцира како да постапат за да се избегне паника, бидејќи во добар дел од случаите паниката е таа која убива. Ако децата се подготвени уште од мали ќе бидат и посигурни, ќе знаат како да постапат“, смета Зоран Кочоски, чија компанија нуди обуки за противпожарна заштита во сопствен тренинг центар.Обуките за фирми неговата компанија ги наплаќа, но оние за доброволни пожарникари, ученици и студенти не. Сепак, иако бесплатни, интересот за нив е мал, вели Кочоски кој има формирано и доброволно противпожарно друштво во 2014 година.Обуките за ученици задолжително и безусловно треба да станат редовна пракса во македонскиот образовен систем, смета тој. Видете и ова: Аплауз за младиот Јован кој спаси 21 живот во пожарот во Кочани Вежбите во градинките и училиштата се прават на истиот принцип и во ЕУ и кај нас, но во европските примери, условите се подобри, вели инженерката за заштита од пожари, Вера Велинова која ја потенцира важноста на темелната подготовка на наставниците.„На децата им се пуштаат видео материјали што да понесат со себе, како да се движат во колоната, каде е собирното место и што треба таму да прават. Се бара да бидат дисцплинирани, внимателни и фокусирани на активностите и пргави и брзи во постапките. Потемелни подготовки потребни се и за наставниците“, смета Велинова.Оваа експертка за противпожарна заштита во повеќе училишта и градинки подготвувала сценарија и упатства за евакуација и справување со опасности.„Треба да се напушти едноставноста и 'клише' сценаријата. Ќе заsвони школското ѕвонче, ќе тргнеме во евакуација, ќе се собереме во училишниот двор и вежбата заврши. Сценаријата треба да се доближат до максимум на реалноста и да се прават градации, секоја следна вежба да се базира на посложени опасности и ситуации. Дури, согласно проценката на загрозеност, зошто да не биде испробана и евакуација низ прозорец“, додава Велинова. Видете и ова: Навалица на институциите за обезбедување на противпожарна опрема Министерката за образование Весна Јаневска рече дека по средбите со Црвен Крст, Меѓаши и други институции, се договориле да се зајакне делот на образование на учениците за тоа како да постапуваат во кризни ситуации.„Почнуваме да работиме и на тоа иако веќе Црвен Крст работеше и во изминатиот период, за образование на младите за давање на прва помош, но не во кризни ситуации, како што е пожар, земјотрес... Сега, ќе го прошириме тоа и ќе го направиме да биде баш така како што треба. Имаме понуда од германската амбасада, да помогне во тоа, ќе ја прифатиме секако“, изјави Јаневска на 27 март.Таа додаде дека првично се планира да се обучат наставниците, а потоа тие да го пренесат знаењето на учениците, како и дека процесот ќе продолжи сѐ додека не биде завршен на територијата на целата држава.Колку често треба да се вежба?Вежбите е важно да се прават во сите институции и компании на сите нивоа и со различни сценарија, вели експертката за противпожарна заштита Велинова.„Во училиштата особено, пред сѐ заради голема концентрација и масовна присутност по метар квадратен, а во градинките уште повеќе. Ако законодавецот за институциите предвидел вежба на една или две години во зависност од дејноста, во училиштата би требало на почеток на секое полугодие, а во градинките во форма на игра да се применуваат сценарија секој втор, трет месец“, истакна Велинова.Таа потсетува дека карактеристика на човековиот ум е во критични ситуации, под стрес и под силен адреналински притисок, инстиктивно да го одбере патот кој го поминал за време на вежбите. Па целта е во опасни и животно загрозувачки ситуации да се реагира брзо, а најбрзо е кога одговорот е инстиктивен, но правилен. Artboard 4 Придружете се на Заедницата на Слободна Европа на Вибер Емилија Бунтеска Нацоска Новинарската кариера ја почнува во 2007-ма година, во А1 телевизија. За време на своето искуство во телевизија, радио и онлајн медиуми, се фокусира на теми од културата, животниот стил, социјални теми и луѓе-приказни. Во тимот на Радио Слободна Европа се вклучи во јуни 2021 година. Регистрирај се...

Вести април 01, 2025 Мелони: Пресудата на Ле Пен оневозможува претставување на милиони граѓани Италијанската премиерка Џорџа Мелони Италијанската премиерка Џорџа Мелони го изрази своето незадоволство поради привремената забрана за вршење на јавна функција со која се соочува екстремно десничарската француска политичарка Марин Ле Пен која вчера (31 март) беше осудена за проневера.Мелони за италијанскиот весник „Il Messaggero“ изјави дека не знаела ниту за обвинувањата против Ле Пен, ниту за причините за како што вели „толку острата одлука“.„Не верувам дека секој што ја цени демократијата може да биде задоволен од пресудата што влијае на лидерот на голема партија и им оневозможува на милиони граѓани нивно претставување“, изјави Мелони.Националистичката политичарка Ле Пен во понеделникот (31 март) беше прогласена за виновна за проневера на јавни средства. Дел од казната е петгодишна забрана за вршење јавна функција. Видете и ова: Францускиот суд ја осуди Марин Ле Пен и ѝ забрани да се кандидира за јавна функција Пресудата најверојатно ги уништува плановите на Ле Пен да се натпреварува на претседателските избори во 2027 година, бидејќи долгиот правен процес веројатно нема да заврши пред гласањето. Ле Пен ја осуди пресудата, која се фокусира на злоупотребата на средствата од Европската Унија од страна на нејзината партија, како „политичка“ и планира да поднесе жалба.Судијата ја осуди француската политичарка и на четиригодишна затворска казна, од кои две се во домашен притвор, а две се условни и на парична казна од 100.000 евра.Речиси е сигурно дека пресудата ќе биде обжалена, а нема да се изрекуваат ниту затворска ниту парична казна додека не заврши жалбениот процес. Тој процес во Франција може да трае со месеци, па дури и со години. прочитај повеќе види ги сите денешни вести април 02, 2025 Советот на јавни обвинители даде негативно мислење за разрешување на Коцевски Државниот јавен обвинител Љупчо Коцевски Советот на јавни обвинители даде негативно мислење по предлогот на Владата за разрешување на државниот јавен обвинител Љупчо Коцевски. За прифаќање на предлогот гласаа тројца, додека шест члена гласа против. Претседателката на Советот на јавни обвинители Душица Димитриеска, рече дека со оглед дека Советот одлуките ги носи со мнозинство, мнозинството дадоа негативно мислење. За прифаќање на предлогот на Владата за разрешување на Коцевски гласаа Кети Петкова, Ардиан Демири и Марјана Илиевска.Советот на јавни обвинители претходно ја исклучи јавноста од точката за разгледување на предлогот за разрешување на државниот јавен обвинител Љупчо Коцевски. Членовите на Советот едногласно го поддржаа предлогот на членот Зорица Павловиќ, која повикувајќи се на член 10 од Законот за совет на јавни обвинители побара да се исклучи јавноста поради, како што кажа, сензитивноста на процесот и за заштита на угледот и интегритетот на јавниот обвинител.Светлана Стојковиќ, го поддржа предлогот, дополнувајќи дека јавноста треба да биде исклучена и поради тоа што во произнесувањето од Коцевски по предлогот за негово разрешување, се изнесени и информации и докази од дисциплинските постапки што се води против двајца јавни обвинители. Расправата, како што нагласија, ќе биде затворена, а јавноста ќе биде вклучена само за гласањето по мислењето за предлогот на Владата за разрешување на Коцевски.Седницата за разгледување на предлогот претходно на два пати беше одложена. Првично беше закажана за 18 март, но беше одложена поради седумдневната жалост по трагедијата во Кочани, а минатата недела, на 26 март беше одложена поради немање на кворум. Согласно законските рокови за разгледување на предлогот за разрешување на Коцевски, Советот треба да го разгледа најдоцна до крајот на неделава, иако Владата објави дека ќе ја прекине постапката. Видете и ова: Предлогот за разрешување на Коцевски на денешната владина седница Портпаролката на Владата Марија Митева, на 26 март годинава, изјави дека Владата ќе ја прекине постапката за разрешување на државниот јавен обвинител Љупчо Коцевски и доколку добие мислење од страна на Советот на ЈО, истото нема да го проследи до Собранието.Премиерот Христијан Мицкоски по трагедијата во Кочани изјави дека постапката за разрешување на јавниот обвинител Коцевски ќе се запре во моментот до таму каде што се наоѓа.Владата на 11 февруари година донесе одлука да поведе постапка за разрешување на државниот јавен обвинител Коцевски кој беше избран на оваа позиција пред една година, а неговиот мандат трае шест години.Министерството за правда, постапувајќи по заклучокот од 50-та седница на Владата, го изготви Предлог-мислењето за разрешување на државниот јавен обвинител. Коцевски, како што велат од Министерството за правда, постапувал во предмети во кои согласно законските одредби постоеле околности кои предизвикуваат сомневање во неговата непристрасност, како и судир на интереси, а за кои околности тој требало да знае и требало да се изземе. Републичкиот обвинител Коцевски го демантира тврдењето дека незаконски постапил посочувајќи дека го следел законот и роковите во него. прочитај повеќе април 02, 2025 Данската премиерка во посета на Гренланд Данската премиерка Мете Фредериксен Данската премиерка Мете Фредериксен денеска (2 април) ќе отпатува во Гренланд, каде што ќе се сретне со претставници на новата влада на полуавтономниот остров, во време кога американскиот претседател Доналд Трамп продолжува да изразува интерес за анексија на територијата.Фредериксен го започнува своето тридневно патување помалку од една недела по посетата на американскиот потпретседател Џеј Ди Венс, кој беше пречекан со воздржаност од страна на данските и гренландските власти.Идниот премиер на островот, Јенс-Фредерик Нилсен, кој ја предводеше победничката коалиција на неодамнешните избори, истакна дека го поздравува доаѓањето на Фредериксен и нагласи дека Данска останува „најблизок партнер на Гренланд“. Видете и ова: Замрзнати амбиции: Долгото американско настојување за Гренланд Односите меѓу Гренланд и Данска се затегнати поради откритијата за малтретирање на гренландското население за време на колонијалниот период. Меѓутоа, интересот на Трамп за контролирање на островот како дел од геополитичката трка за Арктикот ја поттикна Данска да ги интензивира напорите за подобрување на врските со Гренланд.Во понеделникот, Нилсен изјави дека Гренланд ќе ги зајакне односите со Копенхаген, додека постепено работи на остварување на својата цел – независност.„Разговорите за анексија и непочитување на суверенитетот се знак на непочитување. Ајде да започнеме со взаемна почит и да изградиме подобро партнерство“, порача Нилсен.Фредериксен, пак, оцени дека народот на Гренланд сам треба да ја одреди својата иднина и ги нарече забелешките на Венс за Данска „неправични“. прочитај повеќе април 02, 2025 Османи предложи Косово и Британија да склучат договори за одбрана и економија Косовската претседателка Вјоса Османи денеска (2 април) му предложи на британскиот министер за надворешни работи Дејвид Лами да склучи договори за одбрана и економија меѓу двете земји.Лами е во официјална посета на Косово, како дел од турнејата низ Западен Балкан, чија цел, како што соопшти Владата на Обединетото Кралство, има за цел зајакнување на соработката во борбата против нерегуларната имиграција и организираниот криминал.На заедничката прес-конференција со Лами, Османи рече дека со шефот на британската дипломатија разговарала за „стратешкото продлабочување на соработката“ меѓу Косово и Обединетото Кралство, што, според неа, „особено ќе ги опфати областа на одбраната и економијата“.Таа истакна дека имала „долг“ разговор со Лами, кој ја поздравил идејата за зајакнување на соработката. Османи рече дека косовските власти се посветени на соработка со Британците на обликување на договорот, така што тој треба да биде потпишан што е можно поскоро. Османи повика и на поактивно присуство на Обединетото Кралство на Косово.Лами рече дека Балканот е регион кој е важен за Британија денес, како што беше и за време на мандатот на тогашниот премиер Тони Блер. Тој додаде дека Британија „ќе продолжи да ја игра улогата на клучен пријател и партнер“ на Косово.Шефот на британската дипломатија рече дека неговата земја сака „стабилна и мирна нормализација“ меѓу Косово и Србија и ги повика косовските власти да се вклучат со целосна енергија во дијалогот со Србија со посредство на Европската Унија.Османи рече дека „Косово останува конструктивна страна, посветена на мирот и стабилноста и покрај тоа што постојано се соочуваме со опструкции и провокации од Србија, вклучително и повторени напади кои почнаа пред неколку години и продолжуваат сега, за што сакам повторно да нагласам дека е императив да има одговорност и Србија да ги изведе одговорните пред лицето на правдата“. Embed share Од Косово до Украина: Може ли мисија како КФОР да помогне? Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:47 0:00 Директен линк 240p | 7,8MB 360p | 12,5MB 480p | 21,1MB 720p | 41,2MB 1080p | 64,5MB Лами рече дека Британија дава важен придонес во мировната мисија на НАТО на Косово (КФОР), што, според него, е „апсолутно клучно“ за безбедноста на Косово.Британскиот дипломат во вторникот вечерта во Приштина беше примен од вршителот на должноста премиер на Косово, Албин Курти и министрите од неговата влада. Курти со Лами разговарал, меѓу другото, за актуелната состојба во регионот и геополитиката во Европа, како и за безбедносните прашања, соопштија од кабинетот на премиерот.Вршителот на должноста шеф на косовската извршна власт „го истакна фактот дека сè уште нема правда и одговорност за терористичкиот напад во Бањска, додека Милан Радоичиќ оди слободно и заштитен од српскиот државен апарат“, се вели во соопштението на премиерот. Видете и ова: Прават ли Албанија, Хрватска и Косово воен сојуз? Во септември минатата година, Специјалното обвинителство на Косово покрена обвинение против 45 лица, меѓу кои и Милан Радоичиќ, за вооружен напад врз косовската полиција во Бањска на 24 септември 2023 година, кога беше убиен наредникот Африм Буњаку.Властите во Србија одбиваат да го екстрадираат Радоичиќ на Косово и велат дека ќе му судат „српски судови“, додека властите во Косово велат дека му понудиле заштита. Курти додаде дека Радоичиќ „треба да биде екстрадиран на Косово каде што ќе му се суди праведно за неговите постапки“.Обединетото Кралство оваа есен ќе биде домаќин на состанокот на лидерите од Западен Балкан во Лондон во рамки на самитот во Берлинскиот процес, кој, меѓу другото, има за цел да ја поддржи стабилноста, безбедноста и економската соработка меѓу земјите од регионот. прочитај повеќе април 02, 2025 Израел ги проширува копнените операции во Газа „за да го уништи“ Хамас Појас Газа Израелскиот министер за одбрана Израел Кац најави големо проширување на операциите на војската во Појасот Газа, чија цел е да се „разбие и исчисти областа од терористи и терористичка инфраструктура“.Министерот во средата рече дека операцијата „ќе заземе големи области кои ќе бидат додадени во израелските безбедносни зони“, без да даде дополнителни детали. Војската распореди дополнителна единица за проширување на операциите во јужниот дел на Газа, според извештаите на медиумите. Кац ги повика жителите на крајбрежниот појас „да дејствуваат сега за да го отстранат Хамас и да ги вратат сите заложници“.„Ова е единствениот начин да се стави крај на војната“, рече Кац. Во средината на март, Израел продолжи со масовните воздушни напади откако не беше постигнат договор со Хамас за условите за продолжување на примирјето. Видете и ова: Израел продолжи со напади врз Газа, Египет има нов мировен предлог Оттогаш, Израел, исто така, започна копнени операции против палестинските милитанти во Рафа, а во саботата, наводно, ја проширил офанзивата на второто соседство. „Целта на новата копнена офанзива исто така е да се воспостави тампон зона долж границите на крајбрежната област“, рече Израел. Војната избувна откако Хамас и други екстремистички групи го нападнаа Израел на 7 октомври 2023 година, при што беа убиени околу 1200 луѓе и заробени повеќе од 250 заложници. Според здравствените власти во Газа под контрола на Хамас, досега се убиени повеќе од 50100 луѓе, од кои една третина деца и млади луѓе.Бројките не можат да се потврдат независно. Меѓутоа, меѓународните организации како што се ОН ги сметаат за веродостојни. прочитај повеќе април 02, 2025 Почина холивудскиот актер Вал Килмер Вал Килмер Вал Килмер, холивудскиот актер кој се прослави како Џим Морисон и Бетмен и често играше позначајни споредни улоги, почина во Лос Анџелес на 65-годишна возраст. Причината за смртта е пневмонија, соопшти неговото семејство.Неговата професионална кариера започна во театарот, а своето филмско деби го имаше во 1984 година во пародијата „Top Secret“, каде ја играше рок ѕвездата Ник Риверс.Во 1980-тите, тој стана сè попознат по неговите улоги во филмови како што се Top Gun (1986) и Willow (1988).Својот вистински пробив го постигна во 1991 година со улогата на Џим Морисон во биографскиот филм за Оливер Стоун, „The Doors“. Неговиот настап беше пофален за неговата исклучителна автентичност, бидејќи тој самиот ги испеа сите песни во настапот.Во текот на 1990-тите Килмер имаше голем број значајни улоги, вклучувајќи ги: Док Холидеј во вестерн филмот „Tombstone“ (1993), Бетмен/Брус Вејн во „Бетмен засекогаш“ (1995) и Крис Шихерлис во култниот криминален трилер „Heat“ (1995). прочитај повеќе април 02, 2025 Зеленски: Партнерите на Украина ќе разговараат за распоредување странски војници Украинскиот претседател Володомир Зеленски Западните воени лидери ќе разговараат за можното распоредување на војници во Украина кои би го надгледувале потенцијалниот прекин на огнот во конфликтот со Русија и ќе бидат дел од новата безбедносна структура на земјата, изјави украинскиот претседател Володимир Зеленски во своето ноќно видео обраќање (1 апил).„Ова е нашата почетна точка: украинската армија мора да биде доволно силна и на оваа основа е изградена целата безбедносна архитектура. Ќе се одржи состанок за само неколку дена, во петок (4 април) со претставници на нашите земји партнери - тоа ќе бидат воени претставници“, рече Зеленски.Зеленски се состана во Киев на 1 април со германската министерка за надворешни работи во заминување Аналена Бербок, велејќи дека „тесен круг земји“ е подготвен да испрати контингенти.Украинскиот лидер на заедничката прес-конференција со Бербок рече дека чека „поконкретни“ одговори од сојузниците за нивната подготвеност да учествуваат.Франција и Велика Британија изразија подготвеност да испратат војници како дел од таканаречената коалиција на подготвени да го надгледуваат потенцијалниот прекин на огнот. Но, Русија силно се спротивстави на какво било распоредување на странски трупи во Украина.Во своето видео обраќање, Зеленски исто така рече дека Украина сега ги споделила „сите потребни информации во врска со прекршувањата на Русија во енергетскиот сектор“ со своите американски партнери. Тој рече дека имало напади на 1 април во Херсон, вклучително и руско беспилотно летало кое цели на енергетски објект и опрема „целосно намерно и намерно“ и дел од градот останал без електрична енергија.„Ние инсистираме дека секое такво прекршување мора да биде документирано и да добиеме одговор од нашите партнери. Токму овие мали детали придонесуваат за големите одложувања на Русија во дипломатскиот процес“, рече тој. Видете и ова: Што Украина може да научи од мировната мисија на НАТО во Косово? Зеленски се осврна на договорот меѓу Киев и Москва да не напаѓаат едни со други енергетски капацитети. Договорот беше објавен од Белата куќа на 25 март заедно со прекин на огнот за да се овозможи пловидба по Црното Море.Киев рече дека договорот за енергетските капацитети ќе стапи на сила веднаш. Москва, сепак, соопшти дека ќе следи делумно укинување на санкциите кои се однесуваат на руските компании и банки вклучени во меѓународната трговија со храна.Германија објави обврска за дополнителни 130 милиони евра (140 милиони долари) во хуманитарна помош и фондови за стабилизација за време на посетата на Бербок. „Пакетот ќе ја донесе германската помош од почетокот на руската инвазија во Украина до 7 милијарди евра, рече Зеленски. Видете и ова: Зеленски во Минхен повика на создавање „вооружени сили на Европа“ Зеленски и се заблагодари на Германија што се погрижи нејзината поддршка за Украина да остане предвидлива и систематска. Стабилноста на поддршката е еден од клучните фактори во одбраната од руската агресија, рече тој.„Тоа се прекините во снабдувањето, несогласувањата меѓу партнерите и сите знаци на нестабилност на кои рускиот претседател Владимир Путин многу смета“, рече тој.Руските трупи извршија масовен напад со беспилотни летала врз Харкив ноќта на 1 април. Градоначалникот Ихор Терехов рече дека 13 дронови „Шахед“ го погодиле градот, а четири лица се повредени. прочитај повеќе април 02, 2025 Во Србија почнуваат консултации за нова влада Парламентот на Србија Српскиот претседател Александар Вучиќ денеска (2 април)почнува со консултации за формирање нова влада, и за првиот ден се закажани разговори со претставници на четири изборни листи. За днеска се чекуваат разговори со претставниците на листата „Руска партија - Слободан Николиќ“, „Сојуз на Војводински Унгарци (СВМ)“, „Усаме Зукорлиќ - Обединети за правда - Партија на правдата и помирувањето - Босанците од Санџак, како и „Томислав Жигманов – Демократски сојуз на Хрватите во Војводина“ и пратеничката група „Ние – глас од народот“.Вучиќ вчера изјави дека испратил писмо до сите носители на листи и пратенички групи во српското Собрание, а за учество на консултациите се пријавиле пет-шест листи. Според него, консултациите ќе завршат до петок.Дел од парламентарните опозициски партии претходно најавија дека нема да одговорат на повикот на претседателот за консултации за формирање нова влада. На 20 март соопштија дека постигнале консензус дека формирањето преодна влада е неопходно за излез на државата од социјалната и политичката криза. Опозициските партии најавија дека идејата е тоа да биде таканаречена „Влада на народна доверба“ која би била „привремена влада, со максимално времетраење до девет месеци, што би имала конкретни задачи“.На 19 март Собранието на Србија ја констатираше оставката на премиерот Милош Вучевиќ, со што заврши мандатот на актуелната влада. Рокот за формирање на нова влада е 18 април на полноќ. Доколку до тој датум не се формира влада, ќе бидат закажани вонредни парламентарни избори. Вучевиќ на 28 јануари поднесе неотповиклива оставка од таа функција, откако во Нови Сад се случи напад врз студентите во блокада.Српскиот претседател нагласи дека очекува најбројната пратеничка група - СНС да го извести дали сакаат да формираат влада или сакаат нови избори, а она што е сигурно, како што рече, е дека во таа партија нема расположение за каква било преодна влада, со што и тој се согласува.Вучиќ претходно рече дека негова уставна обврска е да им го довери мандатот за состав на влада на оние кои велат дека можат да обезбедат мнозинство, односно најмалку 126 гласа во парламентот. Според член 127 од Уставот на Србија, кандидатите за функцијата премиер на Народното собрание му ги предлага претседателот на Републиката по консултација со претставниците на избраните изборни листи. Видете и ова: Парламентот ја потврди оставката на српската влада Првиот вицепремиер и министер за финансии во техничкиот мандат, Синиша Мали, претходно изјави дека сите опции се на маса кога станува збор за тоа дали ќе се избере нова влада или дали ќе се одржат вонредни избори и посочи дека е важно што поскоро да има нова влада.Социјалистичката партија на Србија потврди дека коалицијата собрана околу таа партија ќе оди на консултации со Вучиќ, и едногласно донеле одлука за продолжување на соработката со Српската напредна станка и Александар Вучиќ. Тие изразиле подготвеност да учествуваат со нивните коалициски партнери во дискусиите за формирање и избор на нова влада.Дел од парламентарните опозициски партии изјавија дека нема да одговорат на поканата на претседателот Александар Вучиќ за консултации за новата Влада на Србија, наведувајќи дека можат да разговараат само за преодна влада.Во заедничката изјава потпишана од Партијата на слободата и правдата, Народното движење на Србија, Новата демократска партија на Србија, ПОКС, Движењето на слободни граѓани, Партијата Србија Центар - СРЦЕ и Зелено-левиот фронт, беше оценето дека „единствениот начин Србија да оди напред е исполнување на студентските барања“ и мирни услови за промена на власта.На поканата за консултации за новата влада нема да одговорат ниту Демократската партија, ниту движењето Еколошко востание, чии претставници изјавија дека не ја добиле поканата. На консултациите со претседателот Вучиќ нема да одат ниту претставниците на пратеничката група „Ние силата на народот“ на Бранимир Несторовиќ, кои сметаат дека „изборите мора да се распишат што е можно поскоро“.Доколку не се избере нова влада до 18 април на полноќ, кога истекува законскиот рок од 30 дена за избор на нов премиер и членови на владата, откако српскиот парламент ја констатира оставката на премиерот Милош Вучевиќ на 19 март, со што го прекинува мандатот на целата влада, претседателот на државата е должен да го распушти Парламентот. прочитај повеќе април 01, 2025 Путин започна најголема мобилизација на војници во последниве години Претседателот на Русија, Владимир Путин Претседателот Владимир Путин повика 160.000 мажи на возраст од 18 до 30 години, што е најголем број регрути во Русија од 2011 година, додека земјата се обидува да ја прошири својата војска.Пролетниот повик за едногодишна воена служба дојде неколку месеци откако Путин рече дека Русија треба да ја зголеми вкупната големина на својата војска на речиси 2,39 милиони, а бројот на активни војници на 1,5 милиони.Тоа е зголемување за 180.000 во следните три години.Вицеадмиралот Владимир Цимљански рече дека нови регрути нема да бидат испратени да се борат во Украина како дел од, како што Русија го нарекува својата „специјална воена операција“. Сепак, имаше извештаи за регрути кои загинале борејќи се во пограничните региони на Русија и биле испратени да се борат во Украина во првите месеци од војната во полн обем, пишува Би-Би-Си.Тековниот повик, кој се одржува меѓу април и јули, доаѓа и покрај обидите на САД да постигнат прекин на огнот во војната.Насилството не стивна во вторникот, кога Украина соопшти дека рускиот напад врз електрана во јужниот град Керсон оставил 45.000 луѓе без струја. Видете и ова: Финска се повлекува од договорот за нагазни мини поради Русија Русија, исто така, тврдеше дека заземала уште едно украинско село, Розљив во областа Доњецк.Русија повикува на регрути во пролет и есен, но последниот повик за 160.000 млади мажи е за 10.000 повеќе отколку во истиот период во 2024 година.Покрај поканите доставени по пошта, младите мажи ќе добиваат известувања и на државната веб-страница на Министерството за правда.Покрај двегодишниот нацрт, Русија повика и голем број мажи како војници со договор и регрутира илјадници војници од Северна Кореја.Москва мораше да одговори на големите загуби во Украина, при што повеќе од 100.000 војници потврдија од Би-Би-Си и Медиазон дека загинале во Украина.Вистинската бројка би можела да биде повеќе од двојно поголема.Путин ја зголеми тројно големината на војската откако им нареди на војниците да ја окупираат Украина во февруари 2022 година. Руското Министерство за одбрана го поврза зголемувањето на големината на армијата во декември 2023 година со „растечките закани“ како од војната во Украина, така и од „постојаното проширување на НАТО“.НАТО се прошири за да ги вклучи Финска и Шведска, како директен резултат на руската инвазија на Украина. Видете и ова: Бербок во Киев предупреди на тактиката на Путин за одложување на мировните преговори Финска ја има најдолгата граница на НАТО со Русија од 1.343 километри, а премиерот Петери Орпо во вторникот рече дека неговата земја ќе им се придружи на другите соседи на Русија во повлекувањето од Конвенцијата од Отава, која забранува противпешадиски нагазни мини.Полска и балтичките земји донесоа слични одлуки пред две недели поради воената закана од Русија.Орпо рече дека одлуката за повторна употреба на противпешадиски мини е донесена врз основа на воени совети и дека народот на Финска нема за што да се грижи.Владата во Хелсинки, исто така, рече дека трошоците за одбрана ќе се зголемат на 3 отсто од бруто домашниот производ, во однос на 2,4 отсто минатата година. прочитај повеќе април 01, 2025 Универзитетското собрание на УКИМ не е против нови здруженија на студенти Илустрација Универзитетското студентско собрание на Скопскиот универзитет (УСС на УКИМ) не е против нови здруженија и организации на студенти и ќе ги повика на дискусија за сите предизвици со кои се соочуваат студентите, изјави претседателот на УСС на УКИМ Александар Николовски прашан за став во врска со појавата на нови студентски иницијативи по трагедијата во Кочани, како „Студентски сојуз“ и „Студентски пленум“.Нагласувајќи дека УСС на УКИМ „работи секогаш за интересите на студентите“, Николовски на новинарско прашање одговори дека чекаат да видат „какви барања ќе произлезат од страна на тие здруженија и организации“ и дека се отворени за дискусија. „Во моментов размислуваме за отворена трибина на која ќе ги повикаме сите страни за да дискутираме за сите предизвици коишто сметаат дека треба да се поправат и, секако, ние сме тука и кога се добри времиња и кога се случуваат вакви трагедии за заедно да менуваме работи во системот. Дополнително, УСС на УКИМ спроведе анкета до сите студенти преку која ќе се направи еден вид документ, што ќе биде манифест со барање до институциите за одредени промени согласно трагедијата во Кочани. Но ние, во ниту еден случај, не одиме против вакви здруженија затоа што тоа се студенти, а ние како легитимно избрани тела – УСС и факултетски собранија, сме тука за да дискутираме и заедно да ги решаваме проблемите, истакна Николовски. Во врска со политички влијанија во студентските организации, нагласи дека партиски членови не треба да се на раководни функции на студентско организирање затоа што, рече, тогаш доаѓа до конфликт на интереси.„Се трудиме да соработуваме со сите политички партии, сме соработувале и ќе продолжиме да соработуваме, но сметаме дека раководството на студентските организации не треба да биде под надлежност на партиски членови, рече Николовски. Видете и ова: Празен кадар пред УКИМ, без студенти и јавни барања Инаку претходно Независниот студентски сојуз на УКИМ ги повика сите студентски собранија да го следат примерот на Факултетското студентско собрание на Филозофскиот факултет кое изгласа недоверба на делегатите на Универзитетското студентско собрание (УСС на УКИМ).Недовербата беше изгласана ден по собирот кој Универзитетското студентско собрание го организираше на платото на УКИМ за да оддаде почит за трагично згаснатите животи во пожарот во Кочани.Иако не беше најавено, на собирот на УСС на УКИМ се појавија ректорката Биљана Ангелова и министерката за образование и наука, Весна Јаневска кои се обратија од говорницата пред Филозофскиот факултет. Во говорите немаше никакво барање за одговорност туку „емотивни флоскули“ и токму за време на нејзиното обраќање, таа беше исвиркана од дел од студентите.Сепак, од УСС УКИМ ги замолија студентите за тишина и токму ваквиот „потег“ резултираше со револт и поделби меѓу нив. Студентскиот отпор ги обвини Ангелова и Јаневска за „политичка самопромоција“.Независниот студентски сојуз (НСС УКИМ) пак одржаа пленум „зад затворени врати“, каде медиумите не беа добредојдени.Во една од објавите на социјалните мрежи тие наведуваат дека не се формална организација туку група студенти чија цел е да создадат пленум „каде студентските прашања ќе бидат слушнати без политички влијанија или лични интереси.“ прочитај повеќе април 01, 2025 Закажана конститутивна седница на Собранието на Косово Претседателката на Косово, Вјоса Османи, за време на свое обраќање во Собранието на Косово. Претседателката на Косово, Вјоса Османи, го одреди 15 април како датум за одржување на конститутивната седница на новиот парламентарен состав произлезен од редовните избори одржани на 9 февруари. Ова е прв конкретен чекор во формирањето на новите државни институции, откако Централната изборна комисија ги потврди изборните резултати на 27 март. Во спротивно, според Деловникот на Собранието на Косово, Парламентот би се состанал на 30-ти ден.Што се случува на конститутивната седница?Конститутивната седница ја подготвува претседателот на претходното свикување, кој пет дена пред седницата мора да свика состанок на претседателите на политичките партии застапени во Собранието, за да го подготви дневниот ред.На дневен ред треба да биде формирање на привремена комисија која ќе го верификува кворумот и мандатот, давање заклетва на нови пратеници, избор на претседател и потпретседател на собранието, гласање за извештајот на споменатата комисија и утврдување на пратеничките места во салата според политичката сила. Видете и ова: Потврдени конечните изборни резултати во Косово Со конститутивната седница претседава најстариот заменик, со помош на најмладиот заменик.Законите не предвидуваат дека не може да има расправа на седницата.На оваа седница пратениците полагаат заклетва - отсутните тоа можат да го сторат на следната седница - а првата партија, во случајов движењето Самоопределување, предлага кандидат за претседател на Собранието.Потпретседателите, пак, се предложени од една од најголемите партии и немнозинските заедници, вклучително и српската заедница.Согласно Деловникот на Собранието, конститутивната седница завршува со избор на претседател и потпретседател.Прекините на конститутивната седница не можат да бидат подолги од 48 часа“, се вели во член 12 точка 5 од Деловникот на Собранието.Според резултатите, во новиот парламентарен состав Движењето Самоопределување ќе има 48 пратеници, Демократската партија на Косово 24, Демократскиот сојуз на Косово 20, Српската листа девет, а коалицијата Алијанса за иднината на Косово и Социјалдемократската иницијатива осум пратенички места.Избор на Влада Распределбата на мандатите во Собранието значи дека ниту една партија не може сама да формира Влада, што е следен чекор по одржувањето на конститутивната седница.Што се однесува до резултатите, Движењето Самоопределување веќе се обрати до Уставниот суд, оспорувајќи ја одлуката на Врховниот суд за поштенските гласови, тврдејќи дека Демократскиот сојуз на Косово манипулирал со нив. Партијата на вршителот на должноста премиер Албин Курти побара од Уставниот суд времена мерка во врска со одлуката на Врховниот суд за тие гласови.Доколку Уставниот суд донесе одлука за ова прашање, тогаш може да дојде до прекин на изборниот процес на Владата. Сепак, додека Уставниот суд не го реши прашањето што го покрена Движењето Самоопределување, претседателката на државата има неколку законски рокови кои мора да ги почитува. Видете и ова: Курти ветува над милијарда евра за Косовските безбедносни сили Според законите, Османи мора да го довери мандатот за формирање нова влада на првата партија на изборите, во случајов на движењето Самоопределување.Во Уставот стои дека мандатарот потоа има рок од 15 дена да го претстави составот на новиот извршен орган до Собранието и да побара 61 глас за негово одобрување.Во случај првата партија да не добие поддршка од најмалку 61 пратеник, претседателот Османи има рок од десет дена да назначи друг претставник.Ги повикува страните на консултации и има дискреционо право да определи кого ќе овласти да ја формира извршната власт.И вториот претставник има рок од 15 дена да го претстави составот на владиниот кабинет пред Собранието.Но, доколку и по вториот обид не се формира Влада, тогаш претседателот Османи, според член 95 од Уставот, мора да распише нови избори, кои мора да се одржат најдоцна за 40 дена.Изборите одржани на 9 февруари беа првите редовни парламентарни избори одржани во Косово по прогласувањето на независноста. прочитај повеќе Вчитај повеќе...

Вести април 01, 2025 Триесетдневен притвор за член на обезбедувањето на премиерот Затвор Скопје - Шутка Полицаецот од Шестата управа во Министерството за внатрешни работи, кој до вчера беше дел од обезбедувањето на премиерот Христијан Мицкоски се наоѓа во притвор во КУП Затвор Скопје, потврди за МИА, директорот на установата, Бобан Утковски.Скопскиот кривичен суд му одредил 30 дневен притвор на А. С., кој е осомничен за кривично дело „оддавање службена тајна“.МВР вчера соопшти дека на 30 март по претходно добиени сознанија за сторено кривично дело „оддавање службена тајна“ по член 360 од Кривичниот законик, од страна на полициски службеници од Одделот за внатрешна контрола, криминалистички истраги и професионални стандарди во координација со ОЈО ГОКК спроведена е координирана полициска акција и реализирани се истражни дејствија за претрес на дом, возила и лица на подрачјето на СВР Велес.„При спроведувањето на полициската акција и преземените мерки и активности, на паркинг просторот пред хотел во Велес, во возило “бмв” затекнати се А.С., полициски службеник во Одделот за заштита на определени личности и објекти и Б.К., а при извршен претрес во возилото пронајден е ранец со службени материјали од МВР и од лицата се одземени мобилни телефони, по што се лишени од слобода“, наведоа од МВР. Видете и ова: Мицкоски: Нема да дозволам да победи корумпираниот систем Во рамки на акцијата, дополнително биле извршени претреси на повеќе локации, при што биле пронајдени и одземени електронски уреди, службени документи и други предмети релевантни за истрагата. Исто така, од преземените мерки и активности во процесот на проверка, ОВККИПС констатирал дека полицискиот службеник постапувал спротивно на законските и подзаконските акти на Министерството за внатрешни работи, со што истиот неовластено поседувал службени материјали, нивно откривање на трети лица надвор од министерството, а со кои дејствија го извршил кривичното дело по член 360 од КЗ.„Од страна на ОВККИПС до ОЈО ГОКК на 31.03.2025 година ќе биде поднесена кривична пријава против А. С., за кривично дело „оддавање службена тајна“ по член 360 од Кривичниот законик, соопшти вчера МВР.Дел од медиумите објавија дека според првичните информации тајните полициски информации се продавани на припадници на криминалниот клан Грчец. По апсењето, од Владата нагласија дека истрагата треба да утврди што се случило и потенцираа дека безбедноста на премиерот не е загрозена. прочитај повеќе види ги сите денешни вести април 02, 2025 По еднодневна пауза, Русија ги продолжува масовните напади врз Украина Последици од нападот во градот Харкив, Украина, 2 април 2025 година Русија започна нови воздушни напади врз Украина по еднодневна пазуа од напади со дронови. Во регионот Запорожје, едно лице загинало, а две други се повредени, изјави во среда (2 април) на Телеграм регионалниот гувернер Иван Федоров. Петнаесет беспилотни летала, исто така, го нападнале источниот град Харкив, при што биле повредени најмалку осум лица.Украинските сили за цивилна одбрана соопштија дека биле погодени згради кои припаѓаат на цивилни фирми, а исто така била нанесена штета и на станбени области. Откако Украина во вторникот ја доживеа првата ноќ без беспилотни летала во годината, воздушната одбрана на земјата извести дека Русија распоредила 74 дронови и мамки со беспилотни летала во текот на ноќта до среда наутро.Нападите првенствено ги погодиле регионите Харкив, Доњецк и Одеса. Видете и ова: Зеленски: Партнерите на Украина ќе разговараат за распоредување странски војници Во Москва, руското Министерство за одбрана тврдеше дека соборило 93 украински беспилотни летала во текот на ноќта, главно над пограничниот регион Курск.Војувањето со беспилотни летала стана речиси секојдневна тактика во војната, иако размерите на уништување и жртви предизвикани од руските напади го надминуваат влијанието на украинските напади. Украина се брани од руската инвазија повеќе од три години, потпирајќи се во голема мера на поддршката од Западот. прочитај повеќе април 02, 2025 Дурмиши: Секој има право да излезе на улица и да покаже револт Министерот за економија и труд Бесар Дурмиши Живееме во демократија и секој има право да излезе на улица и да протестира и да го каже својот револт, но на синдикатите веќе им истече мандатот и веќе не се репрезентативни, порача денеска (2 април)министерот за економија и труд Бесар Дурмиши.„Како Влада ја формиравме комисијата која треба да ја утврди репрезентативноста на синдикатите и таа комисија веќе работи. Веднаш кога ќе се определи кој синдикат е репрезентативен ќе ја свикам седницата на Економско социјалниот совет (ЕСС). Токму таму синдикатите треба да ги кажат своите барања, а не на улица“, изјави Дурмиши во одговор на новинарско прашање пред почетокот на конференцијата „Реформа на Законот за работни односи – предизвици и насоки“. Видете и ова: Синдикатите утре на протест, барањето за поголем минималец ги „скара“ со Владата Како Влада, нагласи дека се за социјален дијалог. Одговарајќи на прашање рече дека како Влада постапиле според законот и методологијата за минималната плата, со која се усогласени сите засегнати страни, односно и синдикатите и работодавачите, и го објавиле износот на минималната плата на крајот на март.„Според тој правилник минималната плата изнесува 400 евра и е покачена нето платата за 1800 денари. Како надлежен министер за економија и труд јас ја објавив минималната плата по одлука на Владата, рече Дурмиши.Нагласи дека немале согласност од ЕСС за износот на минималната плата поради тоа што нема репрезентативност од синдикатите.„Јас според законот кој е во сила и кој е потпишан и од синдикатите и од работодавачите и по одлука на Влада обврзан сум пред 31 март да ја објавам минималната плата. Од минималната плата потоа се пресметува и просечната плата и другите плати. Ако не ја објавевме до 31 март ќе се блокираше целата држава и сите институции, а приватниот сектор не ќе можеше да пресмета плати за нивните вработени“, истакна Дурмиши.Сојузот на синдикатите на Македонија (ССМ) денеска одржува јавна седница пред зградата на Работничкиот дом на која ќе ги искаже своите ставови за минималната плата. прочитај повеќе април 02, 2025 Советот на јавни обвинители даде негативно мислење за разрешување на Коцевски Државниот јавен обвинител Љупчо Коцевски Советот на јавни обвинители даде негативно мислење по предлогот на Владата за разрешување на државниот јавен обвинител Љупчо Коцевски. За прифаќање на предлогот гласаа тројца, додека шест члена гласа против. Претседателката на Советот на јавни обвинители Душица Димитриеска, рече дека со оглед дека Советот одлуките ги носи со мнозинство, мнозинството дадоа негативно мислење. За прифаќање на предлогот на Владата за разрешување на Коцевски гласаа Кети Петкова, Ардиан Демири и Марјана Илиевска.Советот на јавни обвинители претходно ја исклучи јавноста од точката за разгледување на предлогот за разрешување на државниот јавен обвинител Љупчо Коцевски. Членовите на Советот едногласно го поддржаа предлогот на членот Зорица Павловиќ, која повикувајќи се на член 10 од Законот за совет на јавни обвинители побара да се исклучи јавноста поради, како што кажа, сензитивноста на процесот и за заштита на угледот и интегритетот на јавниот обвинител.Светлана Стојковиќ, го поддржа предлогот, дополнувајќи дека јавноста треба да биде исклучена и поради тоа што во произнесувањето од Коцевски по предлогот за негово разрешување, се изнесени и информации и докази од дисциплинските постапки што се води против двајца јавни обвинители. Расправата, како што нагласија, ќе биде затворена, а јавноста ќе биде вклучена само за гласањето по мислењето за предлогот на Владата за разрешување на Коцевски.Седницата за разгледување на предлогот претходно на два пати беше одложена. Првично беше закажана за 18 март, но беше одложена поради седумдневната жалост по трагедијата во Кочани, а минатата недела, на 26 март беше одложена поради немање на кворум. Согласно законските рокови за разгледување на предлогот за разрешување на Коцевски, Советот треба да го разгледа најдоцна до крајот на неделава, иако Владата објави дека ќе ја прекине постапката. Видете и ова: Предлогот за разрешување на Коцевски на денешната владина седница Портпаролката на Владата Марија Митева, на 26 март годинава, изјави дека Владата ќе ја прекине постапката за разрешување на државниот јавен обвинител Љупчо Коцевски и доколку добие мислење од страна на Советот на ЈО, истото нема да го проследи до Собранието.Премиерот Христијан Мицкоски по трагедијата во Кочани изјави дека постапката за разрешување на јавниот обвинител Коцевски ќе се запре во моментот до таму каде што се наоѓа.Владата на 11 февруари година донесе одлука да поведе постапка за разрешување на државниот јавен обвинител Коцевски кој беше избран на оваа позиција пред една година, а неговиот мандат трае шест години.Министерството за правда, постапувајќи по заклучокот од 50-та седница на Владата, го изготви Предлог-мислењето за разрешување на државниот јавен обвинител. Коцевски, како што велат од Министерството за правда, постапувал во предмети во кои согласно законските одредби постоеле околности кои предизвикуваат сомневање во неговата непристрасност, како и судир на интереси, а за кои околности тој требало да знае и требало да се изземе. Републичкиот обвинител Коцевски го демантира тврдењето дека незаконски постапил посочувајќи дека го следел законот и роковите во него. прочитај повеќе април 02, 2025 Данската премиерка во посета на Гренланд Данската премиерка Мете Фредериксен Данската премиерка Мете Фредериксен денеска (2 април) ќе отпатува во Гренланд, каде што ќе се сретне со претставници на новата влада на полуавтономниот остров, во време кога американскиот претседател Доналд Трамп продолжува да изразува интерес за анексија на територијата.Фредериксен го започнува своето тридневно патување помалку од една недела по посетата на американскиот потпретседател Џеј Ди Венс, кој беше пречекан со воздржаност од страна на данските и гренландските власти.Идниот премиер на островот, Јенс-Фредерик Нилсен, кој ја предводеше победничката коалиција на неодамнешните избори, истакна дека го поздравува доаѓањето на Фредериксен и нагласи дека Данска останува „најблизок партнер на Гренланд“. Видете и ова: Замрзнати амбиции: Долгото американско настојување за Гренланд Односите меѓу Гренланд и Данска се затегнати поради откритијата за малтретирање на гренландското население за време на колонијалниот период. Меѓутоа, интересот на Трамп за контролирање на островот како дел од геополитичката трка за Арктикот ја поттикна Данска да ги интензивира напорите за подобрување на врските со Гренланд.Во понеделникот, Нилсен изјави дека Гренланд ќе ги зајакне односите со Копенхаген, додека постепено работи на остварување на својата цел – независност.„Разговорите за анексија и непочитување на суверенитетот се знак на непочитување. Ајде да започнеме со взаемна почит и да изградиме подобро партнерство“, порача Нилсен.Фредериксен, пак, оцени дека народот на Гренланд сам треба да ја одреди својата иднина и ги нарече забелешките на Венс за Данска „неправични“. прочитај повеќе април 02, 2025 Османи предложи Косово и Британија да склучат договори за одбрана и економија Косовската претседателка Вјоса Османи денеска (2 април) му предложи на британскиот министер за надворешни работи Дејвид Лами да склучи договори за одбрана и економија меѓу двете земји.Лами е во официјална посета на Косово, како дел од турнејата низ Западен Балкан, чија цел, како што соопшти Владата на Обединетото Кралство, има за цел зајакнување на соработката во борбата против нерегуларната имиграција и организираниот криминал.На заедничката прес-конференција со Лами, Османи рече дека со шефот на британската дипломатија разговарала за „стратешкото продлабочување на соработката“ меѓу Косово и Обединетото Кралство, што, според неа, „особено ќе ги опфати областа на одбраната и економијата“.Таа истакна дека имала „долг“ разговор со Лами, кој ја поздравил идејата за зајакнување на соработката. Османи рече дека косовските власти се посветени на соработка со Британците на обликување на договорот, така што тој треба да биде потпишан што е можно поскоро. Османи повика и на поактивно присуство на Обединетото Кралство на Косово.Лами рече дека Балканот е регион кој е важен за Британија денес, како што беше и за време на мандатот на тогашниот премиер Тони Блер. Тој додаде дека Британија „ќе продолжи да ја игра улогата на клучен пријател и партнер“ на Косово.Шефот на британската дипломатија рече дека неговата земја сака „стабилна и мирна нормализација“ меѓу Косово и Србија и ги повика косовските власти да се вклучат со целосна енергија во дијалогот со Србија со посредство на Европската Унија.Османи рече дека „Косово останува конструктивна страна, посветена на мирот и стабилноста и покрај тоа што постојано се соочуваме со опструкции и провокации од Србија, вклучително и повторени напади кои почнаа пред неколку години и продолжуваат сега, за што сакам повторно да нагласам дека е императив да има одговорност и Србија да ги изведе одговорните пред лицето на правдата“. Embed share Од Косово до Украина: Може ли мисија како КФОР да помогне? Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:47 0:00 Директен линк 240p | 7,8MB 360p | 12,5MB 480p | 21,1MB 720p | 41,2MB 1080p | 64,5MB Лами рече дека Британија дава важен придонес во мировната мисија на НАТО на Косово (КФОР), што, според него, е „апсолутно клучно“ за безбедноста на Косово.Британскиот дипломат во вторникот вечерта во Приштина беше примен од вршителот на должноста премиер на Косово, Албин Курти и министрите од неговата влада. Курти со Лами разговарал, меѓу другото, за актуелната состојба во регионот и геополитиката во Европа, како и за безбедносните прашања, соопштија од кабинетот на премиерот.Вршителот на должноста шеф на косовската извршна власт „го истакна фактот дека сè уште нема правда и одговорност за терористичкиот напад во Бањска, додека Милан Радоичиќ оди слободно и заштитен од српскиот државен апарат“, се вели во соопштението на премиерот. Видете и ова: Прават ли Албанија, Хрватска и Косово воен сојуз? Во септември минатата година, Специјалното обвинителство на Косово покрена обвинение против 45 лица, меѓу кои и Милан Радоичиќ, за вооружен напад врз косовската полиција во Бањска на 24 септември 2023 година, кога беше убиен наредникот Африм Буњаку.Властите во Србија одбиваат да го екстрадираат Радоичиќ на Косово и велат дека ќе му судат „српски судови“, додека властите во Косово велат дека му понудиле заштита. Курти додаде дека Радоичиќ „треба да биде екстрадиран на Косово каде што ќе му се суди праведно за неговите постапки“.Обединетото Кралство оваа есен ќе биде домаќин на состанокот на лидерите од Западен Балкан во Лондон во рамки на самитот во Берлинскиот процес, кој, меѓу другото, има за цел да ја поддржи стабилноста, безбедноста и економската соработка меѓу земјите од регионот. прочитај повеќе април 02, 2025 Израел ги проширува копнените операции во Газа „за да го уништи“ Хамас Појас Газа Израелскиот министер за одбрана Израел Кац најави големо проширување на операциите на војската во Појасот Газа, чија цел е да се „разбие и исчисти областа од терористи и терористичка инфраструктура“.Министерот во средата рече дека операцијата „ќе заземе големи области кои ќе бидат додадени во израелските безбедносни зони“, без да даде дополнителни детали. Војската распореди дополнителна единица за проширување на операциите во јужниот дел на Газа, според извештаите на медиумите. Кац ги повика жителите на крајбрежниот појас „да дејствуваат сега за да го отстранат Хамас и да ги вратат сите заложници“.„Ова е единствениот начин да се стави крај на војната“, рече Кац. Во средината на март, Израел продолжи со масовните воздушни напади откако не беше постигнат договор со Хамас за условите за продолжување на примирјето. Видете и ова: Израел продолжи со напади врз Газа, Египет има нов мировен предлог Оттогаш, Израел, исто така, започна копнени операции против палестинските милитанти во Рафа, а во саботата, наводно, ја проширил офанзивата на второто соседство. „Целта на новата копнена офанзива исто така е да се воспостави тампон зона долж границите на крајбрежната област“, рече Израел. Војната избувна откако Хамас и други екстремистички групи го нападнаа Израел на 7 октомври 2023 година, при што беа убиени околу 1200 луѓе и заробени повеќе од 250 заложници. Според здравствените власти во Газа под контрола на Хамас, досега се убиени повеќе од 50100 луѓе, од кои една третина деца и млади луѓе.Бројките не можат да се потврдат независно. Меѓутоа, меѓународните организации како што се ОН ги сметаат за веродостојни. прочитај повеќе април 02, 2025 Почина холивудскиот актер Вал Килмер Вал Килмер Вал Килмер, холивудскиот актер кој се прослави како Џим Морисон и Бетмен и често играше позначајни споредни улоги, почина во Лос Анџелес на 65-годишна возраст. Причината за смртта е пневмонија, соопшти неговото семејство.Неговата професионална кариера започна во театарот, а своето филмско деби го имаше во 1984 година во пародијата „Top Secret“, каде ја играше рок ѕвездата Ник Риверс.Во 1980-тите, тој стана сè попознат по неговите улоги во филмови како што се Top Gun (1986) и Willow (1988).Својот вистински пробив го постигна во 1991 година со улогата на Џим Морисон во биографскиот филм за Оливер Стоун, „The Doors“. Неговиот настап беше пофален за неговата исклучителна автентичност, бидејќи тој самиот ги испеа сите песни во настапот.Во текот на 1990-тите Килмер имаше голем број значајни улоги, вклучувајќи ги: Док Холидеј во вестерн филмот „Tombstone“ (1993), Бетмен/Брус Вејн во „Бетмен засекогаш“ (1995) и Крис Шихерлис во култниот криминален трилер „Heat“ (1995). прочитај повеќе април 02, 2025 Зеленски: Партнерите на Украина ќе разговараат за распоредување странски војници Украинскиот претседател Володомир Зеленски Западните воени лидери ќе разговараат за можното распоредување на војници во Украина кои би го надгледувале потенцијалниот прекин на огнот во конфликтот со Русија и ќе бидат дел од новата безбедносна структура на земјата, изјави украинскиот претседател Володимир Зеленски во своето ноќно видео обраќање (1 апил).„Ова е нашата почетна точка: украинската армија мора да биде доволно силна и на оваа основа е изградена целата безбедносна архитектура. Ќе се одржи состанок за само неколку дена, во петок (4 април) со претставници на нашите земји партнери - тоа ќе бидат воени претставници“, рече Зеленски.Зеленски се состана во Киев на 1 април со германската министерка за надворешни работи во заминување Аналена Бербок, велејќи дека „тесен круг земји“ е подготвен да испрати контингенти.Украинскиот лидер на заедничката прес-конференција со Бербок рече дека чека „поконкретни“ одговори од сојузниците за нивната подготвеност да учествуваат.Франција и Велика Британија изразија подготвеност да испратат војници како дел од таканаречената коалиција на подготвени да го надгледуваат потенцијалниот прекин на огнот. Но, Русија силно се спротивстави на какво било распоредување на странски трупи во Украина.Во своето видео обраќање, Зеленски исто така рече дека Украина сега ги споделила „сите потребни информации во врска со прекршувањата на Русија во енергетскиот сектор“ со своите американски партнери. Тој рече дека имало напади на 1 април во Херсон, вклучително и руско беспилотно летало кое цели на енергетски објект и опрема „целосно намерно и намерно“ и дел од градот останал без електрична енергија.„Ние инсистираме дека секое такво прекршување мора да биде документирано и да добиеме одговор од нашите партнери. Токму овие мали детали придонесуваат за големите одложувања на Русија во дипломатскиот процес“, рече тој. Видете и ова: Што Украина може да научи од мировната мисија на НАТО во Косово? Зеленски се осврна на договорот меѓу Киев и Москва да не напаѓаат едни со други енергетски капацитети. Договорот беше објавен од Белата куќа на 25 март заедно со прекин на огнот за да се овозможи пловидба по Црното Море.Киев рече дека договорот за енергетските капацитети ќе стапи на сила веднаш. Москва, сепак, соопшти дека ќе следи делумно укинување на санкциите кои се однесуваат на руските компании и банки вклучени во меѓународната трговија со храна.Германија објави обврска за дополнителни 130 милиони евра (140 милиони долари) во хуманитарна помош и фондови за стабилизација за време на посетата на Бербок. „Пакетот ќе ја донесе германската помош од почетокот на руската инвазија во Украина до 7 милијарди евра, рече Зеленски. Видете и ова: Зеленски во Минхен повика на создавање „вооружени сили на Европа“ Зеленски и се заблагодари на Германија што се погрижи нејзината поддршка за Украина да остане предвидлива и систематска. Стабилноста на поддршката е еден од клучните фактори во одбраната од руската агресија, рече тој.„Тоа се прекините во снабдувањето, несогласувањата меѓу партнерите и сите знаци на нестабилност на кои рускиот претседател Владимир Путин многу смета“, рече тој.Руските трупи извршија масовен напад со беспилотни летала врз Харкив ноќта на 1 април. Градоначалникот Ихор Терехов рече дека 13 дронови „Шахед“ го погодиле градот, а четири лица се повредени. прочитај повеќе април 02, 2025 Во Србија почнуваат консултации за нова влада Парламентот на Србија Српскиот претседател Александар Вучиќ денеска (2 април)почнува со консултации за формирање нова влада, и за првиот ден се закажани разговори со претставници на четири изборни листи. За днеска се чекуваат разговори со претставниците на листата „Руска партија - Слободан Николиќ“, „Сојуз на Војводински Унгарци (СВМ)“, „Усаме Зукорлиќ - Обединети за правда - Партија на правдата и помирувањето - Босанците од Санџак, како и „Томислав Жигманов – Демократски сојуз на Хрватите во Војводина“ и пратеничката група „Ние – глас од народот“.Вучиќ вчера изјави дека испратил писмо до сите носители на листи и пратенички групи во српското Собрание, а за учество на консултациите се пријавиле пет-шест листи. Според него, консултациите ќе завршат до петок.Дел од парламентарните опозициски партии претходно најавија дека нема да одговорат на повикот на претседателот за консултации за формирање нова влада. На 20 март соопштија дека постигнале консензус дека формирањето преодна влада е неопходно за излез на државата од социјалната и политичката криза. Опозициските партии најавија дека идејата е тоа да биде таканаречена „Влада на народна доверба“ која би била „привремена влада, со максимално времетраење до девет месеци, што би имала конкретни задачи“.На 19 март Собранието на Србија ја констатираше оставката на премиерот Милош Вучевиќ, со што заврши мандатот на актуелната влада. Рокот за формирање на нова влада е 18 април на полноќ. Доколку до тој датум не се формира влада, ќе бидат закажани вонредни парламентарни избори. Вучевиќ на 28 јануари поднесе неотповиклива оставка од таа функција, откако во Нови Сад се случи напад врз студентите во блокада.Српскиот претседател нагласи дека очекува најбројната пратеничка група - СНС да го извести дали сакаат да формираат влада или сакаат нови избори, а она што е сигурно, како што рече, е дека во таа партија нема расположение за каква било преодна влада, со што и тој се согласува.Вучиќ претходно рече дека негова уставна обврска е да им го довери мандатот за состав на влада на оние кои велат дека можат да обезбедат мнозинство, односно најмалку 126 гласа во парламентот. Според член 127 од Уставот на Србија, кандидатите за функцијата премиер на Народното собрание му ги предлага претседателот на Републиката по консултација со претставниците на избраните изборни листи. Видете и ова: Парламентот ја потврди оставката на српската влада Првиот вицепремиер и министер за финансии во техничкиот мандат, Синиша Мали, претходно изјави дека сите опции се на маса кога станува збор за тоа дали ќе се избере нова влада или дали ќе се одржат вонредни избори и посочи дека е важно што поскоро да има нова влада.Социјалистичката партија на Србија потврди дека коалицијата собрана околу таа партија ќе оди на консултации со Вучиќ, и едногласно донеле одлука за продолжување на соработката со Српската напредна станка и Александар Вучиќ. Тие изразиле подготвеност да учествуваат со нивните коалициски партнери во дискусиите за формирање и избор на нова влада.Дел од парламентарните опозициски партии изјавија дека нема да одговорат на поканата на претседателот Александар Вучиќ за консултации за новата Влада на Србија, наведувајќи дека можат да разговараат само за преодна влада.Во заедничката изјава потпишана од Партијата на слободата и правдата, Народното движење на Србија, Новата демократска партија на Србија, ПОКС, Движењето на слободни граѓани, Партијата Србија Центар - СРЦЕ и Зелено-левиот фронт, беше оценето дека „единствениот начин Србија да оди напред е исполнување на студентските барања“ и мирни услови за промена на власта.На поканата за консултации за новата влада нема да одговорат ниту Демократската партија, ниту движењето Еколошко востание, чии претставници изјавија дека не ја добиле поканата. На консултациите со претседателот Вучиќ нема да одат ниту претставниците на пратеничката група „Ние силата на народот“ на Бранимир Несторовиќ, кои сметаат дека „изборите мора да се распишат што е можно поскоро“.Доколку не се избере нова влада до 18 април на полноќ, кога истекува законскиот рок од 30 дена за избор на нов премиер и членови на владата, откако српскиот парламент ја констатира оставката на премиерот Милош Вучевиќ на 19 март, со што го прекинува мандатот на целата влада, претседателот на државата е должен да го распушти Парламентот. прочитај повеќе април 01, 2025 Путин започна најголема мобилизација на војници во последниве години Претседателот на Русија, Владимир Путин Претседателот Владимир Путин повика 160.000 мажи на возраст од 18 до 30 години, што е најголем број регрути во Русија од 2011 година, додека земјата се обидува да ја прошири својата војска.Пролетниот повик за едногодишна воена служба дојде неколку месеци откако Путин рече дека Русија треба да ја зголеми вкупната големина на својата војска на речиси 2,39 милиони, а бројот на активни војници на 1,5 милиони.Тоа е зголемување за 180.000 во следните три години.Вицеадмиралот Владимир Цимљански рече дека нови регрути нема да бидат испратени да се борат во Украина како дел од, како што Русија го нарекува својата „специјална воена операција“. Сепак, имаше извештаи за регрути кои загинале борејќи се во пограничните региони на Русија и биле испратени да се борат во Украина во првите месеци од војната во полн обем, пишува Би-Би-Си.Тековниот повик, кој се одржува меѓу април и јули, доаѓа и покрај обидите на САД да постигнат прекин на огнот во војната.Насилството не стивна во вторникот, кога Украина соопшти дека рускиот напад врз електрана во јужниот град Керсон оставил 45.000 луѓе без струја. Видете и ова: Финска се повлекува од договорот за нагазни мини поради Русија Русија, исто така, тврдеше дека заземала уште едно украинско село, Розљив во областа Доњецк.Русија повикува на регрути во пролет и есен, но последниот повик за 160.000 млади мажи е за 10.000 повеќе отколку во истиот период во 2024 година.Покрај поканите доставени по пошта, младите мажи ќе добиваат известувања и на државната веб-страница на Министерството за правда.Покрај двегодишниот нацрт, Русија повика и голем број мажи како војници со договор и регрутира илјадници војници од Северна Кореја.Москва мораше да одговори на големите загуби во Украина, при што повеќе од 100.000 војници потврдија од Би-Би-Си и Медиазон дека загинале во Украина.Вистинската бројка би можела да биде повеќе од двојно поголема.Путин ја зголеми тројно големината на војската откако им нареди на војниците да ја окупираат Украина во февруари 2022 година. Руското Министерство за одбрана го поврза зголемувањето на големината на армијата во декември 2023 година со „растечките закани“ како од војната во Украина, така и од „постојаното проширување на НАТО“.НАТО се прошири за да ги вклучи Финска и Шведска, како директен резултат на руската инвазија на Украина. Видете и ова: Бербок во Киев предупреди на тактиката на Путин за одложување на мировните преговори Финска ја има најдолгата граница на НАТО со Русија од 1.343 километри, а премиерот Петери Орпо во вторникот рече дека неговата земја ќе им се придружи на другите соседи на Русија во повлекувањето од Конвенцијата од Отава, која забранува противпешадиски нагазни мини.Полска и балтичките земји донесоа слични одлуки пред две недели поради воената закана од Русија.Орпо рече дека одлуката за повторна употреба на противпешадиски мини е донесена врз основа на воени совети и дека народот на Финска нема за што да се грижи.Владата во Хелсинки, исто така, рече дека трошоците за одбрана ќе се зголемат на 3 отсто од бруто домашниот производ, во однос на 2,4 отсто минатата година. прочитај повеќе Вчитај повеќе...

Вести април 01, 2025 Фон дер Лајен: Брисел е подготвен да возврати на американските царини Pретседателката на Европската комисија, Урсула фон дер Лајен. Европската Унија ќе биде подготвена да возврати со контрамерки на американските царини доколку е потребно, изјави претседателката на Европската комисија, Урсула фон дер Лајен.Таа во својот говор во Европскиот парламент во Стразбур истакна дека целта на ЕУ е да се најде решение преку преговори.„Сепак, доколку е потребно, ќе ги заштитиме нашите интереси, луѓе и компании“, рече таа.Според неа, ЕУ не сака да возврати, но Брисел има силен план за тоа и ќе возврати ако треба. Видете и ова: ЕУ би можела да го одложи првиот сет царини против САД до средината на април Пред неколку дена, американскиот претседател Доналд Трамп се закани со повисоки царини за Европската унија и Канада доколку соработуваат „да предизвикаат економска штета на САД“.ЕУ прво ги објави првите контрамерки, а потоа ги одложи до средината на април, вклучувајќи, на пример, царини од 50 отсто за американскиот бурбон.Како одговор, Трамп се закани дека ќе воведе царини од 200 отсто за сите винa и други алкохолни производи од ЕУ, доколку Брисел го стори тоа. прочитај повеќе види ги сите денешни вести април 02, 2025 Советот на јавни обвинители даде негативно мислење за разрешување на Коцевски Државниот јавен обвинител Љупчо Коцевски Советот на јавни обвинители даде негативно мислење по предлогот на Владата за разрешување на државниот јавен обвинител Љупчо Коцевски. За прифаќање на предлогот гласаа тројца, додека шест члена гласа против. Претседателката на Советот на јавни обвинители Душица Димитриеска, рече дека со оглед дека Советот одлуките ги носи со мнозинство, мнозинството дадоа негативно мислење. За прифаќање на предлогот на Владата за разрешување на Коцевски гласаа Кети Петкова, Ардиан Демири и Марјана Илиевска.Советот на јавни обвинители претходно ја исклучи јавноста од точката за разгледување на предлогот за разрешување на државниот јавен обвинител Љупчо Коцевски. Членовите на Советот едногласно го поддржаа предлогот на членот Зорица Павловиќ, која повикувајќи се на член 10 од Законот за совет на јавни обвинители побара да се исклучи јавноста поради, како што кажа, сензитивноста на процесот и за заштита на угледот и интегритетот на јавниот обвинител.Светлана Стојковиќ, го поддржа предлогот, дополнувајќи дека јавноста треба да биде исклучена и поради тоа што во произнесувањето од Коцевски по предлогот за негово разрешување, се изнесени и информации и докази од дисциплинските постапки што се води против двајца јавни обвинители. Расправата, како што нагласија, ќе биде затворена, а јавноста ќе биде вклучена само за гласањето по мислењето за предлогот на Владата за разрешување на Коцевски.Седницата за разгледување на предлогот претходно на два пати беше одложена. Првично беше закажана за 18 март, но беше одложена поради седумдневната жалост по трагедијата во Кочани, а минатата недела, на 26 март беше одложена поради немање на кворум. Согласно законските рокови за разгледување на предлогот за разрешување на Коцевски, Советот треба да го разгледа најдоцна до крајот на неделава, иако Владата објави дека ќе ја прекине постапката. Видете и ова: Предлогот за разрешување на Коцевски на денешната владина седница Портпаролката на Владата Марија Митева, на 26 март годинава, изјави дека Владата ќе ја прекине постапката за разрешување на државниот јавен обвинител Љупчо Коцевски и доколку добие мислење од страна на Советот на ЈО, истото нема да го проследи до Собранието.Премиерот Христијан Мицкоски по трагедијата во Кочани изјави дека постапката за разрешување на јавниот обвинител Коцевски ќе се запре во моментот до таму каде што се наоѓа.Владата на 11 февруари година донесе одлука да поведе постапка за разрешување на државниот јавен обвинител Коцевски кој беше избран на оваа позиција пред една година, а неговиот мандат трае шест години.Министерството за правда, постапувајќи по заклучокот од 50-та седница на Владата, го изготви Предлог-мислењето за разрешување на државниот јавен обвинител. Коцевски, како што велат од Министерството за правда, постапувал во предмети во кои согласно законските одредби постоеле околности кои предизвикуваат сомневање во неговата непристрасност, како и судир на интереси, а за кои околности тој требало да знае и требало да се изземе. Републичкиот обвинител Коцевски го демантира тврдењето дека незаконски постапил посочувајќи дека го следел законот и роковите во него. прочитај повеќе април 02, 2025 Данската премиерка во посета на Гренланд Данската премиерка Мете Фредериксен Данската премиерка Мете Фредериксен денеска (2 април) ќе отпатува во Гренланд, каде што ќе се сретне со претставници на новата влада на полуавтономниот остров, во време кога американскиот претседател Доналд Трамп продолжува да изразува интерес за анексија на територијата.Фредериксен го започнува своето тридневно патување помалку од една недела по посетата на американскиот потпретседател Џеј Ди Венс, кој беше пречекан со воздржаност од страна на данските и гренландските власти.Идниот премиер на островот, Јенс-Фредерик Нилсен, кој ја предводеше победничката коалиција на неодамнешните избори, истакна дека го поздравува доаѓањето на Фредериксен и нагласи дека Данска останува „најблизок партнер на Гренланд“. Видете и ова: Замрзнати амбиции: Долгото американско настојување за Гренланд Односите меѓу Гренланд и Данска се затегнати поради откритијата за малтретирање на гренландското население за време на колонијалниот период. Меѓутоа, интересот на Трамп за контролирање на островот како дел од геополитичката трка за Арктикот ја поттикна Данска да ги интензивира напорите за подобрување на врските со Гренланд.Во понеделникот, Нилсен изјави дека Гренланд ќе ги зајакне односите со Копенхаген, додека постепено работи на остварување на својата цел – независност.„Разговорите за анексија и непочитување на суверенитетот се знак на непочитување. Ајде да започнеме со взаемна почит и да изградиме подобро партнерство“, порача Нилсен.Фредериксен, пак, оцени дека народот на Гренланд сам треба да ја одреди својата иднина и ги нарече забелешките на Венс за Данска „неправични“. прочитај повеќе април 02, 2025 Османи предложи Косово и Британија да склучат договори за одбрана и економија Косовската претседателка Вјоса Османи денеска (2 април) му предложи на британскиот министер за надворешни работи Дејвид Лами да склучи договори за одбрана и економија меѓу двете земји.Лами е во официјална посета на Косово, како дел од турнејата низ Западен Балкан, чија цел, како што соопшти Владата на Обединетото Кралство, има за цел зајакнување на соработката во борбата против нерегуларната имиграција и организираниот криминал.На заедничката прес-конференција со Лами, Османи рече дека со шефот на британската дипломатија разговарала за „стратешкото продлабочување на соработката“ меѓу Косово и Обединетото Кралство, што, според неа, „особено ќе ги опфати областа на одбраната и економијата“.Таа истакна дека имала „долг“ разговор со Лами, кој ја поздравил идејата за зајакнување на соработката. Османи рече дека косовските власти се посветени на соработка со Британците на обликување на договорот, така што тој треба да биде потпишан што е можно поскоро. Османи повика и на поактивно присуство на Обединетото Кралство на Косово.Лами рече дека Балканот е регион кој е важен за Британија денес, како што беше и за време на мандатот на тогашниот премиер Тони Блер. Тој додаде дека Британија „ќе продолжи да ја игра улогата на клучен пријател и партнер“ на Косово.Шефот на британската дипломатија рече дека неговата земја сака „стабилна и мирна нормализација“ меѓу Косово и Србија и ги повика косовските власти да се вклучат со целосна енергија во дијалогот со Србија со посредство на Европската Унија.Османи рече дека „Косово останува конструктивна страна, посветена на мирот и стабилноста и покрај тоа што постојано се соочуваме со опструкции и провокации од Србија, вклучително и повторени напади кои почнаа пред неколку години и продолжуваат сега, за што сакам повторно да нагласам дека е императив да има одговорност и Србија да ги изведе одговорните пред лицето на правдата“. Embed share Од Косово до Украина: Може ли мисија како КФОР да помогне? Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:47 0:00 Директен линк 240p | 7,8MB 360p | 12,5MB 480p | 21,1MB 720p | 41,2MB 1080p | 64,5MB Лами рече дека Британија дава важен придонес во мировната мисија на НАТО на Косово (КФОР), што, според него, е „апсолутно клучно“ за безбедноста на Косово.Британскиот дипломат во вторникот вечерта во Приштина беше примен од вршителот на должноста премиер на Косово, Албин Курти и министрите од неговата влада. Курти со Лами разговарал, меѓу другото, за актуелната состојба во регионот и геополитиката во Европа, како и за безбедносните прашања, соопштија од кабинетот на премиерот.Вршителот на должноста шеф на косовската извршна власт „го истакна фактот дека сè уште нема правда и одговорност за терористичкиот напад во Бањска, додека Милан Радоичиќ оди слободно и заштитен од српскиот државен апарат“, се вели во соопштението на премиерот. Видете и ова: Прават ли Албанија, Хрватска и Косово воен сојуз? Во септември минатата година, Специјалното обвинителство на Косово покрена обвинение против 45 лица, меѓу кои и Милан Радоичиќ, за вооружен напад врз косовската полиција во Бањска на 24 септември 2023 година, кога беше убиен наредникот Африм Буњаку.Властите во Србија одбиваат да го екстрадираат Радоичиќ на Косово и велат дека ќе му судат „српски судови“, додека властите во Косово велат дека му понудиле заштита. Курти додаде дека Радоичиќ „треба да биде екстрадиран на Косово каде што ќе му се суди праведно за неговите постапки“.Обединетото Кралство оваа есен ќе биде домаќин на состанокот на лидерите од Западен Балкан во Лондон во рамки на самитот во Берлинскиот процес, кој, меѓу другото, има за цел да ја поддржи стабилноста, безбедноста и економската соработка меѓу земјите од регионот. прочитај повеќе април 02, 2025 Израел ги проширува копнените операции во Газа „за да го уништи“ Хамас Појас Газа Израелскиот министер за одбрана Израел Кац најави големо проширување на операциите на војската во Појасот Газа, чија цел е да се „разбие и исчисти областа од терористи и терористичка инфраструктура“.Министерот во средата рече дека операцијата „ќе заземе големи области кои ќе бидат додадени во израелските безбедносни зони“, без да даде дополнителни детали. Војската распореди дополнителна единица за проширување на операциите во јужниот дел на Газа, според извештаите на медиумите. Кац ги повика жителите на крајбрежниот појас „да дејствуваат сега за да го отстранат Хамас и да ги вратат сите заложници“.„Ова е единствениот начин да се стави крај на војната“, рече Кац. Во средината на март, Израел продолжи со масовните воздушни напади откако не беше постигнат договор со Хамас за условите за продолжување на примирјето. Видете и ова: Израел продолжи со напади врз Газа, Египет има нов мировен предлог Оттогаш, Израел, исто така, започна копнени операции против палестинските милитанти во Рафа, а во саботата, наводно, ја проширил офанзивата на второто соседство. „Целта на новата копнена офанзива исто така е да се воспостави тампон зона долж границите на крајбрежната област“, рече Израел. Војната избувна откако Хамас и други екстремистички групи го нападнаа Израел на 7 октомври 2023 година, при што беа убиени околу 1200 луѓе и заробени повеќе од 250 заложници. Според здравствените власти во Газа под контрола на Хамас, досега се убиени повеќе од 50100 луѓе, од кои една третина деца и млади луѓе.Бројките не можат да се потврдат независно. Меѓутоа, меѓународните организации како што се ОН ги сметаат за веродостојни. прочитај повеќе април 02, 2025 Почина холивудскиот актер Вал Килмер Вал Килмер Вал Килмер, холивудскиот актер кој се прослави како Џим Морисон и Бетмен и често играше позначајни споредни улоги, почина во Лос Анџелес на 65-годишна возраст. Причината за смртта е пневмонија, соопшти неговото семејство.Неговата професионална кариера започна во театарот, а своето филмско деби го имаше во 1984 година во пародијата „Top Secret“, каде ја играше рок ѕвездата Ник Риверс.Во 1980-тите, тој стана сè попознат по неговите улоги во филмови како што се Top Gun (1986) и Willow (1988).Својот вистински пробив го постигна во 1991 година со улогата на Џим Морисон во биографскиот филм за Оливер Стоун, „The Doors“. Неговиот настап беше пофален за неговата исклучителна автентичност, бидејќи тој самиот ги испеа сите песни во настапот.Во текот на 1990-тите Килмер имаше голем број значајни улоги, вклучувајќи ги: Док Холидеј во вестерн филмот „Tombstone“ (1993), Бетмен/Брус Вејн во „Бетмен засекогаш“ (1995) и Крис Шихерлис во култниот криминален трилер „Heat“ (1995). прочитај повеќе април 02, 2025 Зеленски: Партнерите на Украина ќе разговараат за распоредување странски војници Украинскиот претседател Володомир Зеленски Западните воени лидери ќе разговараат за можното распоредување на војници во Украина кои би го надгледувале потенцијалниот прекин на огнот во конфликтот со Русија и ќе бидат дел од новата безбедносна структура на земјата, изјави украинскиот претседател Володимир Зеленски во своето ноќно видео обраќање (1 апил).„Ова е нашата почетна точка: украинската армија мора да биде доволно силна и на оваа основа е изградена целата безбедносна архитектура. Ќе се одржи состанок за само неколку дена, во петок (4 април) со претставници на нашите земји партнери - тоа ќе бидат воени претставници“, рече Зеленски.Зеленски се состана во Киев на 1 април со германската министерка за надворешни работи во заминување Аналена Бербок, велејќи дека „тесен круг земји“ е подготвен да испрати контингенти.Украинскиот лидер на заедничката прес-конференција со Бербок рече дека чека „поконкретни“ одговори од сојузниците за нивната подготвеност да учествуваат.Франција и Велика Британија изразија подготвеност да испратат војници како дел од таканаречената коалиција на подготвени да го надгледуваат потенцијалниот прекин на огнот. Но, Русија силно се спротивстави на какво било распоредување на странски трупи во Украина.Во своето видео обраќање, Зеленски исто така рече дека Украина сега ги споделила „сите потребни информации во врска со прекршувањата на Русија во енергетскиот сектор“ со своите американски партнери. Тој рече дека имало напади на 1 април во Херсон, вклучително и руско беспилотно летало кое цели на енергетски објект и опрема „целосно намерно и намерно“ и дел од градот останал без електрична енергија.„Ние инсистираме дека секое такво прекршување мора да биде документирано и да добиеме одговор од нашите партнери. Токму овие мали детали придонесуваат за големите одложувања на Русија во дипломатскиот процес“, рече тој. Видете и ова: Што Украина може да научи од мировната мисија на НАТО во Косово? Зеленски се осврна на договорот меѓу Киев и Москва да не напаѓаат едни со други енергетски капацитети. Договорот беше објавен од Белата куќа на 25 март заедно со прекин на огнот за да се овозможи пловидба по Црното Море.Киев рече дека договорот за енергетските капацитети ќе стапи на сила веднаш. Москва, сепак, соопшти дека ќе следи делумно укинување на санкциите кои се однесуваат на руските компании и банки вклучени во меѓународната трговија со храна.Германија објави обврска за дополнителни 130 милиони евра (140 милиони долари) во хуманитарна помош и фондови за стабилизација за време на посетата на Бербок. „Пакетот ќе ја донесе германската помош од почетокот на руската инвазија во Украина до 7 милијарди евра, рече Зеленски. Видете и ова: Зеленски во Минхен повика на создавање „вооружени сили на Европа“ Зеленски и се заблагодари на Германија што се погрижи нејзината поддршка за Украина да остане предвидлива и систематска. Стабилноста на поддршката е еден од клучните фактори во одбраната од руската агресија, рече тој.„Тоа се прекините во снабдувањето, несогласувањата меѓу партнерите и сите знаци на нестабилност на кои рускиот претседател Владимир Путин многу смета“, рече тој.Руските трупи извршија масовен напад со беспилотни летала врз Харкив ноќта на 1 април. Градоначалникот Ихор Терехов рече дека 13 дронови „Шахед“ го погодиле градот, а четири лица се повредени. прочитај повеќе април 02, 2025 Во Србија почнуваат консултации за нова влада Парламентот на Србија Српскиот претседател Александар Вучиќ денеска (2 април)почнува со консултации за формирање нова влада, и за првиот ден се закажани разговори со претставници на четири изборни листи. За днеска се чекуваат разговори со претставниците на листата „Руска партија - Слободан Николиќ“, „Сојуз на Војводински Унгарци (СВМ)“, „Усаме Зукорлиќ - Обединети за правда - Партија на правдата и помирувањето - Босанците од Санџак, како и „Томислав Жигманов – Демократски сојуз на Хрватите во Војводина“ и пратеничката група „Ние – глас од народот“.Вучиќ вчера изјави дека испратил писмо до сите носители на листи и пратенички групи во српското Собрание, а за учество на консултациите се пријавиле пет-шест листи. Според него, консултациите ќе завршат до петок.Дел од парламентарните опозициски партии претходно најавија дека нема да одговорат на повикот на претседателот за консултации за формирање нова влада. На 20 март соопштија дека постигнале консензус дека формирањето преодна влада е неопходно за излез на државата од социјалната и политичката криза. Опозициските партии најавија дека идејата е тоа да биде таканаречена „Влада на народна доверба“ која би била „привремена влада, со максимално времетраење до девет месеци, што би имала конкретни задачи“.На 19 март Собранието на Србија ја констатираше оставката на премиерот Милош Вучевиќ, со што заврши мандатот на актуелната влада. Рокот за формирање на нова влада е 18 април на полноќ. Доколку до тој датум не се формира влада, ќе бидат закажани вонредни парламентарни избори. Вучевиќ на 28 јануари поднесе неотповиклива оставка од таа функција, откако во Нови Сад се случи напад врз студентите во блокада.Српскиот претседател нагласи дека очекува најбројната пратеничка група - СНС да го извести дали сакаат да формираат влада или сакаат нови избори, а она што е сигурно, како што рече, е дека во таа партија нема расположение за каква било преодна влада, со што и тој се согласува.Вучиќ претходно рече дека негова уставна обврска е да им го довери мандатот за состав на влада на оние кои велат дека можат да обезбедат мнозинство, односно најмалку 126 гласа во парламентот. Според член 127 од Уставот на Србија, кандидатите за функцијата премиер на Народното собрание му ги предлага претседателот на Републиката по консултација со претставниците на избраните изборни листи. Видете и ова: Парламентот ја потврди оставката на српската влада Првиот вицепремиер и министер за финансии во техничкиот мандат, Синиша Мали, претходно изјави дека сите опции се на маса кога станува збор за тоа дали ќе се избере нова влада или дали ќе се одржат вонредни избори и посочи дека е важно што поскоро да има нова влада.Социјалистичката партија на Србија потврди дека коалицијата собрана околу таа партија ќе оди на консултации со Вучиќ, и едногласно донеле одлука за продолжување на соработката со Српската напредна станка и Александар Вучиќ. Тие изразиле подготвеност да учествуваат со нивните коалициски партнери во дискусиите за формирање и избор на нова влада.Дел од парламентарните опозициски партии изјавија дека нема да одговорат на поканата на претседателот Александар Вучиќ за консултации за новата Влада на Србија, наведувајќи дека можат да разговараат само за преодна влада.Во заедничката изјава потпишана од Партијата на слободата и правдата, Народното движење на Србија, Новата демократска партија на Србија, ПОКС, Движењето на слободни граѓани, Партијата Србија Центар - СРЦЕ и Зелено-левиот фронт, беше оценето дека „единствениот начин Србија да оди напред е исполнување на студентските барања“ и мирни услови за промена на власта.На поканата за консултации за новата влада нема да одговорат ниту Демократската партија, ниту движењето Еколошко востание, чии претставници изјавија дека не ја добиле поканата. На консултациите со претседателот Вучиќ нема да одат ниту претставниците на пратеничката група „Ние силата на народот“ на Бранимир Несторовиќ, кои сметаат дека „изборите мора да се распишат што е можно поскоро“.Доколку не се избере нова влада до 18 април на полноќ, кога истекува законскиот рок од 30 дена за избор на нов премиер и членови на владата, откако српскиот парламент ја констатира оставката на премиерот Милош Вучевиќ на 19 март, со што го прекинува мандатот на целата влада, претседателот на државата е должен да го распушти Парламентот. прочитај повеќе април 01, 2025 Путин започна најголема мобилизација на војници во последниве години Претседателот на Русија, Владимир Путин Претседателот Владимир Путин повика 160.000 мажи на возраст од 18 до 30 години, што е најголем број регрути во Русија од 2011 година, додека земјата се обидува да ја прошири својата војска.Пролетниот повик за едногодишна воена служба дојде неколку месеци откако Путин рече дека Русија треба да ја зголеми вкупната големина на својата војска на речиси 2,39 милиони, а бројот на активни војници на 1,5 милиони.Тоа е зголемување за 180.000 во следните три години.Вицеадмиралот Владимир Цимљански рече дека нови регрути нема да бидат испратени да се борат во Украина како дел од, како што Русија го нарекува својата „специјална воена операција“. Сепак, имаше извештаи за регрути кои загинале борејќи се во пограничните региони на Русија и биле испратени да се борат во Украина во првите месеци од војната во полн обем, пишува Би-Би-Си.Тековниот повик, кој се одржува меѓу април и јули, доаѓа и покрај обидите на САД да постигнат прекин на огнот во војната.Насилството не стивна во вторникот, кога Украина соопшти дека рускиот напад врз електрана во јужниот град Керсон оставил 45.000 луѓе без струја. Видете и ова: Финска се повлекува од договорот за нагазни мини поради Русија Русија, исто така, тврдеше дека заземала уште едно украинско село, Розљив во областа Доњецк.Русија повикува на регрути во пролет и есен, но последниот повик за 160.000 млади мажи е за 10.000 повеќе отколку во истиот период во 2024 година.Покрај поканите доставени по пошта, младите мажи ќе добиваат известувања и на државната веб-страница на Министерството за правда.Покрај двегодишниот нацрт, Русија повика и голем број мажи како војници со договор и регрутира илјадници војници од Северна Кореја.Москва мораше да одговори на големите загуби во Украина, при што повеќе од 100.000 војници потврдија од Би-Би-Си и Медиазон дека загинале во Украина.Вистинската бројка би можела да биде повеќе од двојно поголема.Путин ја зголеми тројно големината на војската откако им нареди на војниците да ја окупираат Украина во февруари 2022 година. Руското Министерство за одбрана го поврза зголемувањето на големината на армијата во декември 2023 година со „растечките закани“ како од војната во Украина, така и од „постојаното проширување на НАТО“.НАТО се прошири за да ги вклучи Финска и Шведска, како директен резултат на руската инвазија на Украина. Видете и ова: Бербок во Киев предупреди на тактиката на Путин за одложување на мировните преговори Финска ја има најдолгата граница на НАТО со Русија од 1.343 километри, а премиерот Петери Орпо во вторникот рече дека неговата земја ќе им се придружи на другите соседи на Русија во повлекувањето од Конвенцијата од Отава, која забранува противпешадиски нагазни мини.Полска и балтичките земји донесоа слични одлуки пред две недели поради воената закана од Русија.Орпо рече дека одлуката за повторна употреба на противпешадиски мини е донесена врз основа на воени совети и дека народот на Финска нема за што да се грижи.Владата во Хелсинки, исто така, рече дека трошоците за одбрана ќе се зголемат на 3 отсто од бруто домашниот производ, во однос на 2,4 отсто минатата година. прочитај повеќе април 01, 2025 Универзитетското собрание на УКИМ не е против нови здруженија на студенти Илустрација Универзитетското студентско собрание на Скопскиот универзитет (УСС на УКИМ) не е против нови здруженија и организации на студенти и ќе ги повика на дискусија за сите предизвици со кои се соочуваат студентите, изјави претседателот на УСС на УКИМ Александар Николовски прашан за став во врска со појавата на нови студентски иницијативи по трагедијата во Кочани, како „Студентски сојуз“ и „Студентски пленум“.Нагласувајќи дека УСС на УКИМ „работи секогаш за интересите на студентите“, Николовски на новинарско прашање одговори дека чекаат да видат „какви барања ќе произлезат од страна на тие здруженија и организации“ и дека се отворени за дискусија. „Во моментов размислуваме за отворена трибина на која ќе ги повикаме сите страни за да дискутираме за сите предизвици коишто сметаат дека треба да се поправат и, секако, ние сме тука и кога се добри времиња и кога се случуваат вакви трагедии за заедно да менуваме работи во системот. Дополнително, УСС на УКИМ спроведе анкета до сите студенти преку која ќе се направи еден вид документ, што ќе биде манифест со барање до институциите за одредени промени согласно трагедијата во Кочани. Но ние, во ниту еден случај, не одиме против вакви здруженија затоа што тоа се студенти, а ние како легитимно избрани тела – УСС и факултетски собранија, сме тука за да дискутираме и заедно да ги решаваме проблемите, истакна Николовски. Во врска со политички влијанија во студентските организации, нагласи дека партиски членови не треба да се на раководни функции на студентско организирање затоа што, рече, тогаш доаѓа до конфликт на интереси.„Се трудиме да соработуваме со сите политички партии, сме соработувале и ќе продолжиме да соработуваме, но сметаме дека раководството на студентските организации не треба да биде под надлежност на партиски членови, рече Николовски. Видете и ова: Празен кадар пред УКИМ, без студенти и јавни барања Инаку претходно Независниот студентски сојуз на УКИМ ги повика сите студентски собранија да го следат примерот на Факултетското студентско собрание на Филозофскиот факултет кое изгласа недоверба на делегатите на Универзитетското студентско собрание (УСС на УКИМ).Недовербата беше изгласана ден по собирот кој Универзитетското студентско собрание го организираше на платото на УКИМ за да оддаде почит за трагично згаснатите животи во пожарот во Кочани.Иако не беше најавено, на собирот на УСС на УКИМ се појавија ректорката Биљана Ангелова и министерката за образование и наука, Весна Јаневска кои се обратија од говорницата пред Филозофскиот факултет. Во говорите немаше никакво барање за одговорност туку „емотивни флоскули“ и токму за време на нејзиното обраќање, таа беше исвиркана од дел од студентите.Сепак, од УСС УКИМ ги замолија студентите за тишина и токму ваквиот „потег“ резултираше со револт и поделби меѓу нив. Студентскиот отпор ги обвини Ангелова и Јаневска за „политичка самопромоција“.Независниот студентски сојуз (НСС УКИМ) пак одржаа пленум „зад затворени врати“, каде медиумите не беа добредојдени.Во една од објавите на социјалните мрежи тие наведуваат дека не се формална организација туку група студенти чија цел е да создадат пленум „каде студентските прашања ќе бидат слушнати без политички влијанија или лични интереси.“ прочитај повеќе април 01, 2025 Закажана конститутивна седница на Собранието на Косово Претседателката на Косово, Вјоса Османи, за време на свое обраќање во Собранието на Косово. Претседателката на Косово, Вјоса Османи, го одреди 15 април како датум за одржување на конститутивната седница на новиот парламентарен состав произлезен од редовните избори одржани на 9 февруари. Ова е прв конкретен чекор во формирањето на новите државни институции, откако Централната изборна комисија ги потврди изборните резултати на 27 март. Во спротивно, според Деловникот на Собранието на Косово, Парламентот би се состанал на 30-ти ден.Што се случува на конститутивната седница?Конститутивната седница ја подготвува претседателот на претходното свикување, кој пет дена пред седницата мора да свика состанок на претседателите на политичките партии застапени во Собранието, за да го подготви дневниот ред.На дневен ред треба да биде формирање на привремена комисија која ќе го верификува кворумот и мандатот, давање заклетва на нови пратеници, избор на претседател и потпретседател на собранието, гласање за извештајот на споменатата комисија и утврдување на пратеничките места во салата според политичката сила. Видете и ова: Потврдени конечните изборни резултати во Косово Со конститутивната седница претседава најстариот заменик, со помош на најмладиот заменик.Законите не предвидуваат дека не може да има расправа на седницата.На оваа седница пратениците полагаат заклетва - отсутните тоа можат да го сторат на следната седница - а првата партија, во случајов движењето Самоопределување, предлага кандидат за претседател на Собранието.Потпретседателите, пак, се предложени од една од најголемите партии и немнозинските заедници, вклучително и српската заедница.Согласно Деловникот на Собранието, конститутивната седница завршува со избор на претседател и потпретседател.Прекините на конститутивната седница не можат да бидат подолги од 48 часа“, се вели во член 12 точка 5 од Деловникот на Собранието.Според резултатите, во новиот парламентарен состав Движењето Самоопределување ќе има 48 пратеници, Демократската партија на Косово 24, Демократскиот сојуз на Косово 20, Српската листа девет, а коалицијата Алијанса за иднината на Косово и Социјалдемократската иницијатива осум пратенички места.Избор на Влада Распределбата на мандатите во Собранието значи дека ниту една партија не може сама да формира Влада, што е следен чекор по одржувањето на конститутивната седница.Што се однесува до резултатите, Движењето Самоопределување веќе се обрати до Уставниот суд, оспорувајќи ја одлуката на Врховниот суд за поштенските гласови, тврдејќи дека Демократскиот сојуз на Косово манипулирал со нив. Партијата на вршителот на должноста премиер Албин Курти побара од Уставниот суд времена мерка во врска со одлуката на Врховниот суд за тие гласови.Доколку Уставниот суд донесе одлука за ова прашање, тогаш може да дојде до прекин на изборниот процес на Владата. Сепак, додека Уставниот суд не го реши прашањето што го покрена Движењето Самоопределување, претседателката на државата има неколку законски рокови кои мора да ги почитува. Видете и ова: Курти ветува над милијарда евра за Косовските безбедносни сили Според законите, Османи мора да го довери мандатот за формирање нова влада на првата партија на изборите, во случајов на движењето Самоопределување.Во Уставот стои дека мандатарот потоа има рок од 15 дена да го претстави составот на новиот извршен орган до Собранието и да побара 61 глас за негово одобрување.Во случај првата партија да не добие поддршка од најмалку 61 пратеник, претседателот Османи има рок од десет дена да назначи друг претставник.Ги повикува страните на консултации и има дискреционо право да определи кого ќе овласти да ја формира извршната власт.И вториот претставник има рок од 15 дена да го претстави составот на владиниот кабинет пред Собранието.Но, доколку и по вториот обид не се формира Влада, тогаш претседателот Османи, според член 95 од Уставот, мора да распише нови избори, кои мора да се одржат најдоцна за 40 дена.Изборите одржани на 9 февруари беа првите редовни парламентарни избори одржани во Косово по прогласувањето на независноста. прочитај повеќе Вчитај повеќе...

Вести април 01, 2025 Бербок во Киев предупреди на тактиката на Путин за одложување на мировните преговори Германската министерка за надворешни работи Аналена Баербок (десно) и украинската главна обвинителка Ирина Венедиктова во Киев (архивска фотографија) Германската министерка за надворешни работи, Аналена Бербок, која е во ненадејна посета на Киев, предупреди дека не треба да се наседнува на руската тактика за одложување на мировните преговори за ставање крај на војната во Украина.Германската дипломатка во заминување, која е во посета на Украина по деветти пат откако Кремљ ја започна својата инвазија во февруари 2022 година, рече дека верува оти Киев е подготвен да потпише мировен договор по интензивните преговори предводени од Соединетите Држави.„На претстојниот состанок на министрите за надворешни работи на НАТО, јасно ќе и ставиме до знаење на американската страна дека не треба да се занимаваме со тактиката на застој на Путин“, рече таа на 1 април во изјавата по пристигнувањето во Киев.Нејзината изјава доаѓа откако американскиот претседател Доналд Трамп и се закани на Русија со нови царини за нафтените деривати доколку Москва ги блокира неговите иницијативи за прекин на огнот. Трамп, исто така, рече дека украинскиот лидер Володимир Зеленски ќе се соочи со „големи проблеми“ доколку не го потпише клучниот договор за ретки минерали со Вашингтон.„Тој се обидува да се повлече од договорот за ретките минерали, а ако го направи тоа, ќе има проблеми, големи проблеми“, им рече Трамп на новинарите на 30 март во врска со украинскиот претседател. Видете и ова: Што има, а што нема во договорот за минерали меѓу Украина и САД? „Се договоривме за ретките минерали. И сега тој вели, добро, знаете, сакам повторно да преговарам за договорот. Тој сака Украина да биде членка на НАТО, но тоа никогаш нема да се случи. Тој го разбира тоа“, додаде Трамп.Украинската влада на 28 март објави дека сè уште размислува за нацрт-договор со САД за ретки минерали, по извештаите во медиумите дека Вашингтон неколку пати ги менувал условите на договорот. Видете и ова: Трамп му се закани на Путин со царини за нафтата, од Зеленски бара договор за минералите Украинската министерка за економија Јулија Свириденко на владиниот состанок најави дека Киев ќе го формира својот став за договорот, но дека пратениците ќе го кажат својот став дури кога ќе се постигне консензус. Пред тоа, рече таа, јавна дискусија би била штетна.Украина поседува значителни количини на ретки минерали. Овие суровини се високо ценети поради нивната употреба во одбранбената технологија, како и во уреди како што се компјутери, паметни телефони и батерии.Украина и САД претходно овој месец се договорија да склучат сеопфатен договор за развој на ретките минерални ресурси во Украина. Напорите за постигнување договор пропаднаа на 28 февруари, откако Трамп и Зеленски вербално се судрија во Белата куќа. Видете и ова: Четири работи околу клучните американско-украински разговори во Саудиска Арабија Во меѓувреме, Трамп на 30 март рече дека ќе воведе секундарни тарифи меѓу 25 и 50 отсто за целата руска нафта, доколку почувствува дека претседателот Владимир Путин ги блокира неговите напори да стави крај на војната во Украина.Трамп во телефонско интервју за Ен-Би-Си за време на викендот рече дека е „многу лут“ откако Путин повика на преодна влада во Украина што може ефективно да го собори украинскиот претседател Володимир Зеленски.„Ако Русија и јас не можеме да постигнеме договор за запирање на крвопролевањето во Украина, и ако мислам дека за тоа е виновна Русија, а можеби и не е, но ако мислам дека е виновна Русија, ќе воведам секундарни царини за нафтата, целата нафта што доаѓа од Русија“, рече Трамп.„Тоа би значело дека ако купувате нафта од Русија, не можете да работите во САД. Ќе има царини од 25 проценти за целата нафта, од 25 до 50 проценти за целата нафта“, додаде Трамп.Тој истакна дека трговските мерки ќе бидат воведени во рок од еден месец, доколку не се постигне договор за прекин на огнот.Чувствителниот дипломатски момент доаѓа откако Белата куќа на 25 март објави дека и Русија и Украина се согласиле на прекин на огнот и дозволиле пловење во Црното Море, како и дека се договориле да не се напаѓаат енергетските капацитети на другиот. прочитај повеќе види ги сите денешни вести април 02, 2025 Османи предложи Косово и Британија да склучат договори за одбрана и економија Косовската претседателка Вјоса Османи денеска (2 април) му предложи на британскиот министер за надворешни работи Дејвид Лами да склучи договори за одбрана и економија меѓу двете земји.Лами е во официјална посета на Косово, како дел од турнејата низ Западен Балкан, чија цел, како што соопшти Владата на Обединетото Кралство, има за цел зајакнување на соработката во борбата против нерегуларната имиграција и организираниот криминал.На заедничката прес-конференција со Лами, Османи рече дека со шефот на британската дипломатија разговарала за „стратешкото продлабочување на соработката“ меѓу Косово и Обединетото Кралство, што, според неа, „особено ќе ги опфати областа на одбраната и економијата“.Таа истакна дека имала „долг“ разговор со Лами, кој ја поздравил идејата за зајакнување на соработката. Османи рече дека косовските власти се посветени на соработка со Британците на обликување на договорот, така што тој треба да биде потпишан што е можно поскоро. Османи повика и на поактивно присуство на Обединетото Кралство на Косово.Лами рече дека Балканот е регион кој е важен за Британија денес, како што беше и за време на мандатот на тогашниот премиер Тони Блер. Тој додаде дека Британија „ќе продолжи да ја игра улогата на клучен пријател и партнер“ на Косово.Шефот на британската дипломатија рече дека неговата земја сака „стабилна и мирна нормализација“ меѓу Косово и Србија и ги повика косовските власти да се вклучат со целосна енергија во дијалогот со Србија со посредство на Европската Унија.Османи рече дека „Косово останува конструктивна страна, посветена на мирот и стабилноста и покрај тоа што постојано се соочуваме со опструкции и провокации од Србија, вклучително и повторени напади кои почнаа пред неколку години и продолжуваат сега, за што сакам повторно да нагласам дека е императив да има одговорност и Србија да ги изведе одговорните пред лицето на правдата“. Embed share Од Косово до Украина: Може ли мисија како КФОР да помогне? Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:47 0:00 Директен линк 240p | 7,8MB 360p | 12,5MB 480p | 21,1MB 720p | 41,2MB 1080p | 64,5MB Лами рече дека Британија дава важен придонес во мировната мисија на НАТО на Косово (КФОР), што, според него, е „апсолутно клучно“ за безбедноста на Косово.Британскиот дипломат во вторникот вечерта во Приштина беше примен од вршителот на должноста премиер на Косово, Албин Курти и министрите од неговата влада. Курти со Лами разговарал, меѓу другото, за актуелната состојба во регионот и геополитиката во Европа, како и за безбедносните прашања, соопштија од кабинетот на премиерот.Вршителот на должноста шеф на косовската извршна власт „го истакна фактот дека сè уште нема правда и одговорност за терористичкиот напад во Бањска, додека Милан Радоичиќ оди слободно и заштитен од српскиот државен апарат“, се вели во соопштението на премиерот. Видете и ова: Прават ли Албанија, Хрватска и Косово воен сојуз? Во септември минатата година, Специјалното обвинителство на Косово покрена обвинение против 45 лица, меѓу кои и Милан Радоичиќ, за вооружен напад врз косовската полиција во Бањска на 24 септември 2023 година, кога беше убиен наредникот Африм Буњаку.Властите во Србија одбиваат да го екстрадираат Радоичиќ на Косово и велат дека ќе му судат „српски судови“, додека властите во Косово велат дека му понудиле заштита. Курти додаде дека Радоичиќ „треба да биде екстрадиран на Косово каде што ќе му се суди праведно за неговите постапки“.Обединетото Кралство оваа есен ќе биде домаќин на состанокот на лидерите од Западен Балкан во Лондон во рамки на самитот во Берлинскиот процес, кој, меѓу другото, има за цел да ја поддржи стабилноста, безбедноста и економската соработка меѓу земјите од регионот. прочитај повеќе април 02, 2025 Израел ги проширува копнените операции во Газа „за да го уништи“ Хамас Појас Газа Израелскиот министер за одбрана Израел Кац најави големо проширување на операциите на војската во Појасот Газа, чија цел е да се „разбие и исчисти областа од терористи и терористичка инфраструктура“.Министерот во средата рече дека операцијата „ќе заземе големи области кои ќе бидат додадени во израелските безбедносни зони“, без да даде дополнителни детали. Војската распореди дополнителна единица за проширување на операциите во јужниот дел на Газа, според извештаите на медиумите. Кац ги повика жителите на крајбрежниот појас „да дејствуваат сега за да го отстранат Хамас и да ги вратат сите заложници“.„Ова е единствениот начин да се стави крај на војната“, рече Кац. Во средината на март, Израел продолжи со масовните воздушни напади откако не беше постигнат договор со Хамас за условите за продолжување на примирјето. Видете и ова: Израел продолжи со напади врз Газа, Египет има нов мировен предлог Оттогаш, Израел, исто така, започна копнени операции против палестинските милитанти во Рафа, а во саботата, наводно, ја проширил офанзивата на второто соседство. „Целта на новата копнена офанзива исто така е да се воспостави тампон зона долж границите на крајбрежната област“, рече Израел. Војната избувна откако Хамас и други екстремистички групи го нападнаа Израел на 7 октомври 2023 година, при што беа убиени околу 1200 луѓе и заробени повеќе од 250 заложници. Според здравствените власти во Газа под контрола на Хамас, досега се убиени повеќе од 50100 луѓе, од кои една третина деца и млади луѓе.Бројките не можат да се потврдат независно. Меѓутоа, меѓународните организации како што се ОН ги сметаат за веродостојни. прочитај повеќе април 02, 2025 Почина холивудскиот актер Вал Килмер Вал Килмер Вал Килмер, холивудскиот актер кој се прослави како Џим Морисон и Бетмен и често играше позначајни споредни улоги, почина во Лос Анџелес на 65-годишна возраст. Причината за смртта е пневмонија, соопшти неговото семејство.Неговата професионална кариера започна во театарот, а своето филмско деби го имаше во 1984 година во пародијата „Top Secret“, каде ја играше рок ѕвездата Ник Риверс.Во 1980-тите, тој стана сè попознат по неговите улоги во филмови како што се Top Gun (1986) и Willow (1988).Својот вистински пробив го постигна во 1991 година со улогата на Џим Морисон во биографскиот филм за Оливер Стоун, „The Doors“. Неговиот настап беше пофален за неговата исклучителна автентичност, бидејќи тој самиот ги испеа сите песни во настапот.Во текот на 1990-тите Килмер имаше голем број значајни улоги, вклучувајќи ги: Док Холидеј во вестерн филмот „Tombstone“ (1993), Бетмен/Брус Вејн во „Бетмен засекогаш“ (1995) и Крис Шихерлис во култниот криминален трилер „Heat“ (1995). прочитај повеќе април 02, 2025 Зеленски: Партнерите на Украина ќе разговараат за распоредување странски војници Украинскиот претседател Володомир Зеленски Западните воени лидери ќе разговараат за можното распоредување на војници во Украина кои би го надгледувале потенцијалниот прекин на огнот во конфликтот со Русија и ќе бидат дел од новата безбедносна структура на земјата, изјави украинскиот претседател Володимир Зеленски во своето ноќно видео обраќање (1 апил).„Ова е нашата почетна точка: украинската армија мора да биде доволно силна и на оваа основа е изградена целата безбедносна архитектура. Ќе се одржи состанок за само неколку дена, во петок (4 април) со претставници на нашите земји партнери - тоа ќе бидат воени претставници“, рече Зеленски.Зеленски се состана во Киев на 1 април со германската министерка за надворешни работи во заминување Аналена Бербок, велејќи дека „тесен круг земји“ е подготвен да испрати контингенти.Украинскиот лидер на заедничката прес-конференција со Бербок рече дека чека „поконкретни“ одговори од сојузниците за нивната подготвеност да учествуваат.Франција и Велика Британија изразија подготвеност да испратат војници како дел од таканаречената коалиција на подготвени да го надгледуваат потенцијалниот прекин на огнот. Но, Русија силно се спротивстави на какво било распоредување на странски трупи во Украина.Во своето видео обраќање, Зеленски исто така рече дека Украина сега ги споделила „сите потребни информации во врска со прекршувањата на Русија во енергетскиот сектор“ со своите американски партнери. Тој рече дека имало напади на 1 април во Херсон, вклучително и руско беспилотно летало кое цели на енергетски објект и опрема „целосно намерно и намерно“ и дел од градот останал без електрична енергија.„Ние инсистираме дека секое такво прекршување мора да биде документирано и да добиеме одговор од нашите партнери. Токму овие мали детали придонесуваат за големите одложувања на Русија во дипломатскиот процес“, рече тој. Видете и ова: Што Украина може да научи од мировната мисија на НАТО во Косово? Зеленски се осврна на договорот меѓу Киев и Москва да не напаѓаат едни со други енергетски капацитети. Договорот беше објавен од Белата куќа на 25 март заедно со прекин на огнот за да се овозможи пловидба по Црното Море.Киев рече дека договорот за енергетските капацитети ќе стапи на сила веднаш. Москва, сепак, соопшти дека ќе следи делумно укинување на санкциите кои се однесуваат на руските компании и банки вклучени во меѓународната трговија со храна.Германија објави обврска за дополнителни 130 милиони евра (140 милиони долари) во хуманитарна помош и фондови за стабилизација за време на посетата на Бербок. „Пакетот ќе ја донесе германската помош од почетокот на руската инвазија во Украина до 7 милијарди евра, рече Зеленски. Видете и ова: Зеленски во Минхен повика на создавање „вооружени сили на Европа“ Зеленски и се заблагодари на Германија што се погрижи нејзината поддршка за Украина да остане предвидлива и систематска. Стабилноста на поддршката е еден од клучните фактори во одбраната од руската агресија, рече тој.„Тоа се прекините во снабдувањето, несогласувањата меѓу партнерите и сите знаци на нестабилност на кои рускиот претседател Владимир Путин многу смета“, рече тој.Руските трупи извршија масовен напад со беспилотни летала врз Харкив ноќта на 1 април. Градоначалникот Ихор Терехов рече дека 13 дронови „Шахед“ го погодиле градот, а четири лица се повредени. прочитај повеќе април 02, 2025 Во Србија почнуваат консултации за нова влада Парламентот на Србија Српскиот претседател Александар Вучиќ денеска (2 април)почнува со консултации за формирање нова влада, и за првиот ден се закажани разговори со претставници на четири изборни листи. За днеска се чекуваат разговори со претставниците на листата „Руска партија - Слободан Николиќ“, „Сојуз на Војводински Унгарци (СВМ)“, „Усаме Зукорлиќ - Обединети за правда - Партија на правдата и помирувањето - Босанците од Санџак, како и „Томислав Жигманов – Демократски сојуз на Хрватите во Војводина“ и пратеничката група „Ние – глас од народот“.Вучиќ вчера изјави дека испратил писмо до сите носители на листи и пратенички групи во српското Собрание, а за учество на консултациите се пријавиле пет-шест листи. Според него, консултациите ќе завршат до петок.Дел од парламентарните опозициски партии претходно најавија дека нема да одговорат на повикот на претседателот за консултации за формирање нова влада. На 20 март соопштија дека постигнале консензус дека формирањето преодна влада е неопходно за излез на државата од социјалната и политичката криза. Опозициските партии најавија дека идејата е тоа да биде таканаречена „Влада на народна доверба“ која би била „привремена влада, со максимално времетраење до девет месеци, што би имала конкретни задачи“.На 19 март Собранието на Србија ја констатираше оставката на премиерот Милош Вучевиќ, со што заврши мандатот на актуелната влада. Рокот за формирање на нова влада е 18 април на полноќ. Доколку до тој датум не се формира влада, ќе бидат закажани вонредни парламентарни избори. Вучевиќ на 28 јануари поднесе неотповиклива оставка од таа функција, откако во Нови Сад се случи напад врз студентите во блокада.Српскиот претседател нагласи дека очекува најбројната пратеничка група - СНС да го извести дали сакаат да формираат влада или сакаат нови избори, а она што е сигурно, како што рече, е дека во таа партија нема расположение за каква било преодна влада, со што и тој се согласува.Вучиќ претходно рече дека негова уставна обврска е да им го довери мандатот за состав на влада на оние кои велат дека можат да обезбедат мнозинство, односно најмалку 126 гласа во парламентот. Според член 127 од Уставот на Србија, кандидатите за функцијата премиер на Народното собрание му ги предлага претседателот на Републиката по консултација со претставниците на избраните изборни листи. Видете и ова: Парламентот ја потврди оставката на српската влада Првиот вицепремиер и министер за финансии во техничкиот мандат, Синиша Мали, претходно изјави дека сите опции се на маса кога станува збор за тоа дали ќе се избере нова влада или дали ќе се одржат вонредни избори и посочи дека е важно што поскоро да има нова влада.Социјалистичката партија на Србија потврди дека коалицијата собрана околу таа партија ќе оди на консултации со Вучиќ, и едногласно донеле одлука за продолжување на соработката со Српската напредна станка и Александар Вучиќ. Тие изразиле подготвеност да учествуваат со нивните коалициски партнери во дискусиите за формирање и избор на нова влада.Дел од парламентарните опозициски партии изјавија дека нема да одговорат на поканата на претседателот Александар Вучиќ за консултации за новата Влада на Србија, наведувајќи дека можат да разговараат само за преодна влада.Во заедничката изјава потпишана од Партијата на слободата и правдата, Народното движење на Србија, Новата демократска партија на Србија, ПОКС, Движењето на слободни граѓани, Партијата Србија Центар - СРЦЕ и Зелено-левиот фронт, беше оценето дека „единствениот начин Србија да оди напред е исполнување на студентските барања“ и мирни услови за промена на власта.На поканата за консултации за новата влада нема да одговорат ниту Демократската партија, ниту движењето Еколошко востание, чии претставници изјавија дека не ја добиле поканата. На консултациите со претседателот Вучиќ нема да одат ниту претставниците на пратеничката група „Ние силата на народот“ на Бранимир Несторовиќ, кои сметаат дека „изборите мора да се распишат што е можно поскоро“.Доколку не се избере нова влада до 18 април на полноќ, кога истекува законскиот рок од 30 дена за избор на нов премиер и членови на владата, откако српскиот парламент ја констатира оставката на премиерот Милош Вучевиќ на 19 март, со што го прекинува мандатот на целата влада, претседателот на државата е должен да го распушти Парламентот. прочитај повеќе април 01, 2025 Путин започна најголема мобилизација на војници во последниве години Претседателот на Русија, Владимир Путин Претседателот Владимир Путин повика 160.000 мажи на возраст од 18 до 30 години, што е најголем број регрути во Русија од 2011 година, додека земјата се обидува да ја прошири својата војска.Пролетниот повик за едногодишна воена служба дојде неколку месеци откако Путин рече дека Русија треба да ја зголеми вкупната големина на својата војска на речиси 2,39 милиони, а бројот на активни војници на 1,5 милиони.Тоа е зголемување за 180.000 во следните три години.Вицеадмиралот Владимир Цимљански рече дека нови регрути нема да бидат испратени да се борат во Украина како дел од, како што Русија го нарекува својата „специјална воена операција“. Сепак, имаше извештаи за регрути кои загинале борејќи се во пограничните региони на Русија и биле испратени да се борат во Украина во првите месеци од војната во полн обем, пишува Би-Би-Си.Тековниот повик, кој се одржува меѓу април и јули, доаѓа и покрај обидите на САД да постигнат прекин на огнот во војната.Насилството не стивна во вторникот, кога Украина соопшти дека рускиот напад врз електрана во јужниот град Керсон оставил 45.000 луѓе без струја. Видете и ова: Финска се повлекува од договорот за нагазни мини поради Русија Русија, исто така, тврдеше дека заземала уште едно украинско село, Розљив во областа Доњецк.Русија повикува на регрути во пролет и есен, но последниот повик за 160.000 млади мажи е за 10.000 повеќе отколку во истиот период во 2024 година.Покрај поканите доставени по пошта, младите мажи ќе добиваат известувања и на државната веб-страница на Министерството за правда.Покрај двегодишниот нацрт, Русија повика и голем број мажи како војници со договор и регрутира илјадници војници од Северна Кореја.Москва мораше да одговори на големите загуби во Украина, при што повеќе од 100.000 војници потврдија од Би-Би-Си и Медиазон дека загинале во Украина.Вистинската бројка би можела да биде повеќе од двојно поголема.Путин ја зголеми тројно големината на војската откако им нареди на војниците да ја окупираат Украина во февруари 2022 година. Руското Министерство за одбрана го поврза зголемувањето на големината на армијата во декември 2023 година со „растечките закани“ како од војната во Украина, така и од „постојаното проширување на НАТО“.НАТО се прошири за да ги вклучи Финска и Шведска, како директен резултат на руската инвазија на Украина. Видете и ова: Бербок во Киев предупреди на тактиката на Путин за одложување на мировните преговори Финска ја има најдолгата граница на НАТО со Русија од 1.343 километри, а премиерот Петери Орпо во вторникот рече дека неговата земја ќе им се придружи на другите соседи на Русија во повлекувањето од Конвенцијата од Отава, која забранува противпешадиски нагазни мини.Полска и балтичките земји донесоа слични одлуки пред две недели поради воената закана од Русија.Орпо рече дека одлуката за повторна употреба на противпешадиски мини е донесена врз основа на воени совети и дека народот на Финска нема за што да се грижи.Владата во Хелсинки, исто така, рече дека трошоците за одбрана ќе се зголемат на 3 отсто од бруто домашниот производ, во однос на 2,4 отсто минатата година. прочитај повеќе април 01, 2025 Универзитетското собрание на УКИМ не е против нови здруженија на студенти Илустрација Универзитетското студентско собрание на Скопскиот универзитет (УСС на УКИМ) не е против нови здруженија и организации на студенти и ќе ги повика на дискусија за сите предизвици со кои се соочуваат студентите, изјави претседателот на УСС на УКИМ Александар Николовски прашан за став во врска со појавата на нови студентски иницијативи по трагедијата во Кочани, како „Студентски сојуз“ и „Студентски пленум“.Нагласувајќи дека УСС на УКИМ „работи секогаш за интересите на студентите“, Николовски на новинарско прашање одговори дека чекаат да видат „какви барања ќе произлезат од страна на тие здруженија и организации“ и дека се отворени за дискусија. „Во моментов размислуваме за отворена трибина на која ќе ги повикаме сите страни за да дискутираме за сите предизвици коишто сметаат дека треба да се поправат и, секако, ние сме тука и кога се добри времиња и кога се случуваат вакви трагедии за заедно да менуваме работи во системот. Дополнително, УСС на УКИМ спроведе анкета до сите студенти преку која ќе се направи еден вид документ, што ќе биде манифест со барање до институциите за одредени промени согласно трагедијата во Кочани. Но ние, во ниту еден случај, не одиме против вакви здруженија затоа што тоа се студенти, а ние како легитимно избрани тела – УСС и факултетски собранија, сме тука за да дискутираме и заедно да ги решаваме проблемите, истакна Николовски. Во врска со политички влијанија во студентските организации, нагласи дека партиски членови не треба да се на раководни функции на студентско организирање затоа што, рече, тогаш доаѓа до конфликт на интереси.„Се трудиме да соработуваме со сите политички партии, сме соработувале и ќе продолжиме да соработуваме, но сметаме дека раководството на студентските организации не треба да биде под надлежност на партиски членови, рече Николовски. Видете и ова: Празен кадар пред УКИМ, без студенти и јавни барања Инаку претходно Независниот студентски сојуз на УКИМ ги повика сите студентски собранија да го следат примерот на Факултетското студентско собрание на Филозофскиот факултет кое изгласа недоверба на делегатите на Универзитетското студентско собрание (УСС на УКИМ).Недовербата беше изгласана ден по собирот кој Универзитетското студентско собрание го организираше на платото на УКИМ за да оддаде почит за трагично згаснатите животи во пожарот во Кочани.Иако не беше најавено, на собирот на УСС на УКИМ се појавија ректорката Биљана Ангелова и министерката за образование и наука, Весна Јаневска кои се обратија од говорницата пред Филозофскиот факултет. Во говорите немаше никакво барање за одговорност туку „емотивни флоскули“ и токму за време на нејзиното обраќање, таа беше исвиркана од дел од студентите.Сепак, од УСС УКИМ ги замолија студентите за тишина и токму ваквиот „потег“ резултираше со револт и поделби меѓу нив. Студентскиот отпор ги обвини Ангелова и Јаневска за „политичка самопромоција“.Независниот студентски сојуз (НСС УКИМ) пак одржаа пленум „зад затворени врати“, каде медиумите не беа добредојдени.Во една од објавите на социјалните мрежи тие наведуваат дека не се формална организација туку група студенти чија цел е да создадат пленум „каде студентските прашања ќе бидат слушнати без политички влијанија или лични интереси.“ прочитај повеќе април 01, 2025 Закажана конститутивна седница на Собранието на Косово Претседателката на Косово, Вјоса Османи, за време на свое обраќање во Собранието на Косово. Претседателката на Косово, Вјоса Османи, го одреди 15 април како датум за одржување на конститутивната седница на новиот парламентарен состав произлезен од редовните избори одржани на 9 февруари. Ова е прв конкретен чекор во формирањето на новите државни институции, откако Централната изборна комисија ги потврди изборните резултати на 27 март. Во спротивно, според Деловникот на Собранието на Косово, Парламентот би се состанал на 30-ти ден.Што се случува на конститутивната седница?Конститутивната седница ја подготвува претседателот на претходното свикување, кој пет дена пред седницата мора да свика состанок на претседателите на политичките партии застапени во Собранието, за да го подготви дневниот ред.На дневен ред треба да биде формирање на привремена комисија која ќе го верификува кворумот и мандатот, давање заклетва на нови пратеници, избор на претседател и потпретседател на собранието, гласање за извештајот на споменатата комисија и утврдување на пратеничките места во салата според политичката сила. Видете и ова: Потврдени конечните изборни резултати во Косово Со конститутивната седница претседава најстариот заменик, со помош на најмладиот заменик.Законите не предвидуваат дека не може да има расправа на седницата.На оваа седница пратениците полагаат заклетва - отсутните тоа можат да го сторат на следната седница - а првата партија, во случајов движењето Самоопределување, предлага кандидат за претседател на Собранието.Потпретседателите, пак, се предложени од една од најголемите партии и немнозинските заедници, вклучително и српската заедница.Согласно Деловникот на Собранието, конститутивната седница завршува со избор на претседател и потпретседател.Прекините на конститутивната седница не можат да бидат подолги од 48 часа“, се вели во член 12 точка 5 од Деловникот на Собранието.Според резултатите, во новиот парламентарен состав Движењето Самоопределување ќе има 48 пратеници, Демократската партија на Косово 24, Демократскиот сојуз на Косово 20, Српската листа девет, а коалицијата Алијанса за иднината на Косово и Социјалдемократската иницијатива осум пратенички места.Избор на Влада Распределбата на мандатите во Собранието значи дека ниту една партија не може сама да формира Влада, што е следен чекор по одржувањето на конститутивната седница.Што се однесува до резултатите, Движењето Самоопределување веќе се обрати до Уставниот суд, оспорувајќи ја одлуката на Врховниот суд за поштенските гласови, тврдејќи дека Демократскиот сојуз на Косово манипулирал со нив. Партијата на вршителот на должноста премиер Албин Курти побара од Уставниот суд времена мерка во врска со одлуката на Врховниот суд за тие гласови.Доколку Уставниот суд донесе одлука за ова прашање, тогаш може да дојде до прекин на изборниот процес на Владата. Сепак, додека Уставниот суд не го реши прашањето што го покрена Движењето Самоопределување, претседателката на државата има неколку законски рокови кои мора да ги почитува. Видете и ова: Курти ветува над милијарда евра за Косовските безбедносни сили Според законите, Османи мора да го довери мандатот за формирање нова влада на првата партија на изборите, во случајов на движењето Самоопределување.Во Уставот стои дека мандатарот потоа има рок од 15 дена да го претстави составот на новиот извршен орган до Собранието и да побара 61 глас за негово одобрување.Во случај првата партија да не добие поддршка од најмалку 61 пратеник, претседателот Османи има рок од десет дена да назначи друг претставник.Ги повикува страните на консултации и има дискреционо право да определи кого ќе овласти да ја формира извршната власт.И вториот претставник има рок од 15 дена да го претстави составот на владиниот кабинет пред Собранието.Но, доколку и по вториот обид не се формира Влада, тогаш претседателот Османи, според член 95 од Уставот, мора да распише нови избори, кои мора да се одржат најдоцна за 40 дена.Изборите одржани на 9 февруари беа првите редовни парламентарни избори одржани во Косово по прогласувањето на независноста. прочитај повеќе април 01, 2025 Финска се повлекува од договорот за нагазни мини поради Русија Финските граничари и нивното куче Нита патролираат на финско-руската граница, во источна Финска, на 5 јуни 2024 година. Членката на НАТО Финска планира да ја напушти глобалната конвенција за забрана на противпешадиски мини и да ги зголеми трошоците за одбрана на најмалку 3 отсто од бруто домашниот производ до 2029 година како одговор на растечката воена закана од Русија, објави во вторникот нејзината влада.Полска и балтичките земји, Естонија, Летонија и Литванија, минатиот месец објавија дека ќе се повлечат од Конвенцијата од Отава од 1997 година поради заканата што соседна Русија ја претставува за нив и за Европа.Со напуштање на договорот, Финска, која ја чува најдолгата граница на НАТО со Русија, би можела повторно да започне со обезбедување на залихи на нагазни мини за да и бидат достапни доколку се појави потреба. Видете и ова: Советот на ЕУ ја одобри третата исплата за Украина од речиси 3,5 милијарди евра На прес-конференцијата премиерот Петри Орпо рече дека во моментов нема непосредна воена закана за нордиската нација, но дека Русија претставува долгорочна опасност за цела Европа.„Повлекувањето од Конвенцијата од Отава ќе ни овозможи да се подготвиме за промени во сегашната безбедносна средина на посеопфатен и разноврсен начин“, рече тој.Премиерот Орпо додаде дека Финска ќе одвои дополнителни три милијарди евра за одбраната, со што ќе го подигне нивото на воени трошоци од 2,41 отсто во 2024 година на 3 отсто од бруто домашниот производ до 2029 година копно и балтичките држави дека Русија би можела повторно да се вооружи и да ги нападне наместо Украина.Финска се приклучи на воената алијанса НАТО во 2023 година, во промена на политиката по децении на неврзаност предизвикана од руската инвазија на Украина.Финска почна да размислува за повлекување од Договорот од Отава во ноември минатата година, кога нејзиниот воен началник рече дека ова прашање треба да се разговара поради руската употреба на такво оружје во Украина.„Финска ќе ги користи мините на одговорен начин, но тоа е одвраќање што ни треба“, рече министерот за земјоделство и шумарство Сари Есајах за новинарите во вторникот. Видете и ова: И покрај негодувањето на групите за права, САД ќе и дадат на Украина противпешадиски мини Противпешадиските нагазни мини се дизајнирани да бидат скриени во земјата и автоматски да се активираат кога некој ќе стапне или оди во нивна близина.Финска уништи над милион нагазни мини по 2012 година, со што стана последната земја на ЕУ што ја потпиша Конвенцијата од Отава, која ја ратификуваа или пристапија повеќе од 160 земји - но не и Русија.Договорот од 1997 година беше еден од низата меѓународни договори направени по крајот на Студената војна за промовирање на глобалното разоружување. Борците против мини ја добија Нобеловата награда за мир истата година.Нагазни мини убија или осакатија десетици илјади цивили ширум светот, многу од нив долго по завршувањето на војните.За напуштање на договорот ќе биде потребно одобрение од финскиот парламент. прочитај повеќе април 01, 2025 Полицајци осомничени дека незаконски земале патни трошоци Илустрација Одделот за внатрешна контрола при Министерството за внатрешни работи поднесе кривична пријава против 10 полициски службеници од Единицата за брзо распоредување. Службениците се осомничени за злоупотреба на службената положба и овластување, со што го оштетиле буџетот на Министерството за внатрешни работи за 1.098.120 денари. Тие примале парични средства за патни трошоци за денови кога не патувале до работното место во Скопје. Против нив ќе биде поднесен и предлог за дисциплинска постапка.Како што стои во соопштениот од МВР, Одделот за внатрешна контрола, криминалистички истраги и професионални стандарди при Министерството за внатрешни работи, до Основното јавно обвинителство за гонење на организиран криминал и корупција - Специјализирано оддделение за гонење на кривични дела сторени од лица со полициски овластувања и припадници на затворската полиција, поднесе кривична пријава против полициските службеници К.Ѓ., Г.Д., Н.С., И.Г., Д.Д., Д.Д., Н.М., С.С., З.Т. и Д.Т., сите вработени во Единицата за брзо распоредување, поради постоење основи на сомнение дека извршиле кривично дело „злоупотреба на службената положба и овластување“ казниво по член 353 од Кривичниот законик. Видете и ова: Триесетдневен притвор за член на обезбедувањето на премиерот „Пријавените, со намера за себе да прибават противправна имотна корист, искористувајќи го стекнатото право за надомест на патни трошоци, поради тоа што по лична карта се воделе со место на живеење надвор од Скопје, ја злоупотребиле службената положба на начин што примале парични средства од Министерството за внатрешни работи за денови во кои не патувале од своето место на живеење до работното место во Скопје и обратно, со што во периодот 01.12.2023 до 17.09.2024 го оштетиле буџетот на Министерството за внатрешни работи во вкупен износ од 1.098.120 денари, стои во соопштението од МВР. Дополнуваат дека Одделот за внатрешна контрола, криминалистички истраги и професионални стандарди за пријавените полициски службеници ќе поднесе и предлог за поведување на постапка за утврдување на дисциплинска одговорност. прочитај повеќе Вчитај повеќе...

Вести април 01, 2025 Дома се пуштени 93 пациенти од пожарот во Кочани, уште сто се лекуваат Северна Македонија - Арбен Таравари, министер за здравство на Северна Македонија Во болниците се лекуваат уште сто пациенти од пожарот во Кочани од вкупно 193 колку што имаше. Тројца од нив се во критична состојба, рече министерот за здравство, Арбен Таравари, на прес-конференција на 1 април. Пациентите беа повредени во пожар во дискотеката „Пулс“ во Кочани на 16 март, при што загинаа 59 лица, а 193 беа повредени. Повеќе од половина од повредените беа испратени на лекување во странски медицински центри.Од пациентите кои се на лекување, 80 се во болници во странство, а 20 пациенти се распоредени во Клинички центар, во ГОБ „8 септември“, во болницата „Св.Наум Охридски“ и тројца во приватните болници. Денеска во земјава се враќаат уште двајца пациенти, од Полска и од Белгија. Таравари рече дека до крајот на неделава се очекува враќање на уште неколкумина пациенти. Видете и ова: Последно збогум за жртвите од пожарот - најмладите имале 16 години Засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. За нивната рехабилитација се разглаедуваат неколку опции: прилагодување на просторот каде беше сместен ковид центарот во ГОБ „8 Септември“, Центарот за рехабилитација во Козле или да се искористат понудите од други држави за пациентите на кои ќе им биде потребна подолга рехабилитација, за што трошоците ќе бидат покриени од тие држави.Вкупниот број на осомничени за пожарот во Кочани досега е 34 лица. Со истрагата се опфатени 27 физички и три правни лица, а истражни постапки има и против седум полициски службеници од полициските станици во Штип и во Кочани. прочитај повеќе види ги сите денешни вести април 02, 2025 Данската премиерка во посета на Гренланд Данската премиерка Мете Фредериксен Данската премиерка Мете Фредериксен денеска (2 април) ќе отпатува во Гренланд, каде што ќе се сретне со претставници на новата влада на полуавтономниот остров, во време кога американскиот претседател Доналд Трамп продолжува да изразува интерес за анексија на територијата.Фредериксен го започнува своето тридневно патување помалку од една недела по посетата на американскиот потпретседател Џеј Ди Венс, кој беше пречекан со воздржаност од страна на данските и гренландските власти.Идниот премиер на островот, Јенс-Фредерик Нилсен, кој ја предводеше победничката коалиција на неодамнешните избори, истакна дека го поздравува доаѓањето на Фредериксен и нагласи дека Данска останува „најблизок партнер на Гренланд“. Видете и ова: Замрзнати амбиции: Долгото американско настојување за Гренланд Односите меѓу Гренланд и Данска се затегнати поради откритијата за малтретирање на гренландското население за време на колонијалниот период. Меѓутоа, интересот на Трамп за контролирање на островот како дел од геополитичката трка за Арктикот ја поттикна Данска да ги интензивира напорите за подобрување на врските со Гренланд.Во понеделникот, Нилсен изјави дека Гренланд ќе ги зајакне односите со Копенхаген, додека постепено работи на остварување на својата цел – независност.„Разговорите за анексија и непочитување на суверенитетот се знак на непочитување. Ајде да започнеме со взаемна почит и да изградиме подобро партнерство“, порача Нилсен.Фредериксен, пак, оцени дека народот на Гренланд сам треба да ја одреди својата иднина и ги нарече забелешките на Венс за Данска „неправични“. прочитај повеќе април 02, 2025 Османи предложи Косово и Британија да склучат договори за одбрана и економија Косовската претседателка Вјоса Османи денеска (2 април) му предложи на британскиот министер за надворешни работи Дејвид Лами да склучи договори за одбрана и економија меѓу двете земји.Лами е во официјална посета на Косово, како дел од турнејата низ Западен Балкан, чија цел, како што соопшти Владата на Обединетото Кралство, има за цел зајакнување на соработката во борбата против нерегуларната имиграција и организираниот криминал.На заедничката прес-конференција со Лами, Османи рече дека со шефот на британската дипломатија разговарала за „стратешкото продлабочување на соработката“ меѓу Косово и Обединетото Кралство, што, според неа, „особено ќе ги опфати областа на одбраната и економијата“.Таа истакна дека имала „долг“ разговор со Лами, кој ја поздравил идејата за зајакнување на соработката. Османи рече дека косовските власти се посветени на соработка со Британците на обликување на договорот, така што тој треба да биде потпишан што е можно поскоро. Османи повика и на поактивно присуство на Обединетото Кралство на Косово.Лами рече дека Балканот е регион кој е важен за Британија денес, како што беше и за време на мандатот на тогашниот премиер Тони Блер. Тој додаде дека Британија „ќе продолжи да ја игра улогата на клучен пријател и партнер“ на Косово.Шефот на британската дипломатија рече дека неговата земја сака „стабилна и мирна нормализација“ меѓу Косово и Србија и ги повика косовските власти да се вклучат со целосна енергија во дијалогот со Србија со посредство на Европската Унија.Османи рече дека „Косово останува конструктивна страна, посветена на мирот и стабилноста и покрај тоа што постојано се соочуваме со опструкции и провокации од Србија, вклучително и повторени напади кои почнаа пред неколку години и продолжуваат сега, за што сакам повторно да нагласам дека е императив да има одговорност и Србија да ги изведе одговорните пред лицето на правдата“. Embed share Од Косово до Украина: Може ли мисија како КФОР да помогне? Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:47 0:00 Директен линк 240p | 7,8MB 360p | 12,5MB 480p | 21,1MB 720p | 41,2MB 1080p | 64,5MB Лами рече дека Британија дава важен придонес во мировната мисија на НАТО на Косово (КФОР), што, според него, е „апсолутно клучно“ за безбедноста на Косово.Британскиот дипломат во вторникот вечерта во Приштина беше примен од вршителот на должноста премиер на Косово, Албин Курти и министрите од неговата влада. Курти со Лами разговарал, меѓу другото, за актуелната состојба во регионот и геополитиката во Европа, како и за безбедносните прашања, соопштија од кабинетот на премиерот.Вршителот на должноста шеф на косовската извршна власт „го истакна фактот дека сè уште нема правда и одговорност за терористичкиот напад во Бањска, додека Милан Радоичиќ оди слободно и заштитен од српскиот државен апарат“, се вели во соопштението на премиерот. Видете и ова: Прават ли Албанија, Хрватска и Косово воен сојуз? Во септември минатата година, Специјалното обвинителство на Косово покрена обвинение против 45 лица, меѓу кои и Милан Радоичиќ, за вооружен напад врз косовската полиција во Бањска на 24 септември 2023 година, кога беше убиен наредникот Африм Буњаку.Властите во Србија одбиваат да го екстрадираат Радоичиќ на Косово и велат дека ќе му судат „српски судови“, додека властите во Косово велат дека му понудиле заштита. Курти додаде дека Радоичиќ „треба да биде екстрадиран на Косово каде што ќе му се суди праведно за неговите постапки“.Обединетото Кралство оваа есен ќе биде домаќин на состанокот на лидерите од Западен Балкан во Лондон во рамки на самитот во Берлинскиот процес, кој, меѓу другото, има за цел да ја поддржи стабилноста, безбедноста и економската соработка меѓу земјите од регионот. прочитај повеќе април 02, 2025 Израел ги проширува копнените операции во Газа „за да го уништи“ Хамас Појас Газа Израелскиот министер за одбрана Израел Кац најави големо проширување на операциите на војската во Појасот Газа, чија цел е да се „разбие и исчисти областа од терористи и терористичка инфраструктура“.Министерот во средата рече дека операцијата „ќе заземе големи области кои ќе бидат додадени во израелските безбедносни зони“, без да даде дополнителни детали. Војската распореди дополнителна единица за проширување на операциите во јужниот дел на Газа, според извештаите на медиумите. Кац ги повика жителите на крајбрежниот појас „да дејствуваат сега за да го отстранат Хамас и да ги вратат сите заложници“.„Ова е единствениот начин да се стави крај на војната“, рече Кац. Во средината на март, Израел продолжи со масовните воздушни напади откако не беше постигнат договор со Хамас за условите за продолжување на примирјето. Видете и ова: Израел продолжи со напади врз Газа, Египет има нов мировен предлог Оттогаш, Израел, исто така, започна копнени операции против палестинските милитанти во Рафа, а во саботата, наводно, ја проширил офанзивата на второто соседство. „Целта на новата копнена офанзива исто така е да се воспостави тампон зона долж границите на крајбрежната област“, рече Израел. Војната избувна откако Хамас и други екстремистички групи го нападнаа Израел на 7 октомври 2023 година, при што беа убиени околу 1200 луѓе и заробени повеќе од 250 заложници. Според здравствените власти во Газа под контрола на Хамас, досега се убиени повеќе од 50100 луѓе, од кои една третина деца и млади луѓе.Бројките не можат да се потврдат независно. Меѓутоа, меѓународните организации како што се ОН ги сметаат за веродостојни. прочитај повеќе април 02, 2025 Почина холивудскиот актер Вал Килмер Вал Килмер Вал Килмер, холивудскиот актер кој се прослави како Џим Морисон и Бетмен и често играше позначајни споредни улоги, почина во Лос Анџелес на 65-годишна возраст. Причината за смртта е пневмонија, соопшти неговото семејство.Неговата професионална кариера започна во театарот, а своето филмско деби го имаше во 1984 година во пародијата „Top Secret“, каде ја играше рок ѕвездата Ник Риверс.Во 1980-тите, тој стана сè попознат по неговите улоги во филмови како што се Top Gun (1986) и Willow (1988).Својот вистински пробив го постигна во 1991 година со улогата на Џим Морисон во биографскиот филм за Оливер Стоун, „The Doors“. Неговиот настап беше пофален за неговата исклучителна автентичност, бидејќи тој самиот ги испеа сите песни во настапот.Во текот на 1990-тите Килмер имаше голем број значајни улоги, вклучувајќи ги: Док Холидеј во вестерн филмот „Tombstone“ (1993), Бетмен/Брус Вејн во „Бетмен засекогаш“ (1995) и Крис Шихерлис во култниот криминален трилер „Heat“ (1995). прочитај повеќе април 02, 2025 Зеленски: Партнерите на Украина ќе разговараат за распоредување странски војници Украинскиот претседател Володомир Зеленски Западните воени лидери ќе разговараат за можното распоредување на војници во Украина кои би го надгледувале потенцијалниот прекин на огнот во конфликтот со Русија и ќе бидат дел од новата безбедносна структура на земјата, изјави украинскиот претседател Володимир Зеленски во своето ноќно видео обраќање (1 апил).„Ова е нашата почетна точка: украинската армија мора да биде доволно силна и на оваа основа е изградена целата безбедносна архитектура. Ќе се одржи состанок за само неколку дена, во петок (4 април) со претставници на нашите земји партнери - тоа ќе бидат воени претставници“, рече Зеленски.Зеленски се состана во Киев на 1 април со германската министерка за надворешни работи во заминување Аналена Бербок, велејќи дека „тесен круг земји“ е подготвен да испрати контингенти.Украинскиот лидер на заедничката прес-конференција со Бербок рече дека чека „поконкретни“ одговори од сојузниците за нивната подготвеност да учествуваат.Франција и Велика Британија изразија подготвеност да испратат војници како дел од таканаречената коалиција на подготвени да го надгледуваат потенцијалниот прекин на огнот. Но, Русија силно се спротивстави на какво било распоредување на странски трупи во Украина.Во своето видео обраќање, Зеленски исто така рече дека Украина сега ги споделила „сите потребни информации во врска со прекршувањата на Русија во енергетскиот сектор“ со своите американски партнери. Тој рече дека имало напади на 1 април во Херсон, вклучително и руско беспилотно летало кое цели на енергетски објект и опрема „целосно намерно и намерно“ и дел од градот останал без електрична енергија.„Ние инсистираме дека секое такво прекршување мора да биде документирано и да добиеме одговор од нашите партнери. Токму овие мали детали придонесуваат за големите одложувања на Русија во дипломатскиот процес“, рече тој. Видете и ова: Што Украина може да научи од мировната мисија на НАТО во Косово? Зеленски се осврна на договорот меѓу Киев и Москва да не напаѓаат едни со други енергетски капацитети. Договорот беше објавен од Белата куќа на 25 март заедно со прекин на огнот за да се овозможи пловидба по Црното Море.Киев рече дека договорот за енергетските капацитети ќе стапи на сила веднаш. Москва, сепак, соопшти дека ќе следи делумно укинување на санкциите кои се однесуваат на руските компании и банки вклучени во меѓународната трговија со храна.Германија објави обврска за дополнителни 130 милиони евра (140 милиони долари) во хуманитарна помош и фондови за стабилизација за време на посетата на Бербок. „Пакетот ќе ја донесе германската помош од почетокот на руската инвазија во Украина до 7 милијарди евра, рече Зеленски. Видете и ова: Зеленски во Минхен повика на создавање „вооружени сили на Европа“ Зеленски и се заблагодари на Германија што се погрижи нејзината поддршка за Украина да остане предвидлива и систематска. Стабилноста на поддршката е еден од клучните фактори во одбраната од руската агресија, рече тој.„Тоа се прекините во снабдувањето, несогласувањата меѓу партнерите и сите знаци на нестабилност на кои рускиот претседател Владимир Путин многу смета“, рече тој.Руските трупи извршија масовен напад со беспилотни летала врз Харкив ноќта на 1 април. Градоначалникот Ихор Терехов рече дека 13 дронови „Шахед“ го погодиле градот, а четири лица се повредени. прочитај повеќе април 02, 2025 Во Србија почнуваат консултации за нова влада Парламентот на Србија Српскиот претседател Александар Вучиќ денеска (2 април)почнува со консултации за формирање нова влада, и за првиот ден се закажани разговори со претставници на четири изборни листи. За днеска се чекуваат разговори со претставниците на листата „Руска партија - Слободан Николиќ“, „Сојуз на Војводински Унгарци (СВМ)“, „Усаме Зукорлиќ - Обединети за правда - Партија на правдата и помирувањето - Босанците од Санџак, како и „Томислав Жигманов – Демократски сојуз на Хрватите во Војводина“ и пратеничката група „Ние – глас од народот“.Вучиќ вчера изјави дека испратил писмо до сите носители на листи и пратенички групи во српското Собрание, а за учество на консултациите се пријавиле пет-шест листи. Според него, консултациите ќе завршат до петок.Дел од парламентарните опозициски партии претходно најавија дека нема да одговорат на повикот на претседателот за консултации за формирање нова влада. На 20 март соопштија дека постигнале консензус дека формирањето преодна влада е неопходно за излез на државата од социјалната и политичката криза. Опозициските партии најавија дека идејата е тоа да биде таканаречена „Влада на народна доверба“ која би била „привремена влада, со максимално времетраење до девет месеци, што би имала конкретни задачи“.На 19 март Собранието на Србија ја констатираше оставката на премиерот Милош Вучевиќ, со што заврши мандатот на актуелната влада. Рокот за формирање на нова влада е 18 април на полноќ. Доколку до тој датум не се формира влада, ќе бидат закажани вонредни парламентарни избори. Вучевиќ на 28 јануари поднесе неотповиклива оставка од таа функција, откако во Нови Сад се случи напад врз студентите во блокада.Српскиот претседател нагласи дека очекува најбројната пратеничка група - СНС да го извести дали сакаат да формираат влада или сакаат нови избори, а она што е сигурно, како што рече, е дека во таа партија нема расположение за каква било преодна влада, со што и тој се согласува.Вучиќ претходно рече дека негова уставна обврска е да им го довери мандатот за состав на влада на оние кои велат дека можат да обезбедат мнозинство, односно најмалку 126 гласа во парламентот. Според член 127 од Уставот на Србија, кандидатите за функцијата премиер на Народното собрание му ги предлага претседателот на Републиката по консултација со претставниците на избраните изборни листи. Видете и ова: Парламентот ја потврди оставката на српската влада Првиот вицепремиер и министер за финансии во техничкиот мандат, Синиша Мали, претходно изјави дека сите опции се на маса кога станува збор за тоа дали ќе се избере нова влада или дали ќе се одржат вонредни избори и посочи дека е важно што поскоро да има нова влада.Социјалистичката партија на Србија потврди дека коалицијата собрана околу таа партија ќе оди на консултации со Вучиќ, и едногласно донеле одлука за продолжување на соработката со Српската напредна станка и Александар Вучиќ. Тие изразиле подготвеност да учествуваат со нивните коалициски партнери во дискусиите за формирање и избор на нова влада.Дел од парламентарните опозициски партии изјавија дека нема да одговорат на поканата на претседателот Александар Вучиќ за консултации за новата Влада на Србија, наведувајќи дека можат да разговараат само за преодна влада.Во заедничката изјава потпишана од Партијата на слободата и правдата, Народното движење на Србија, Новата демократска партија на Србија, ПОКС, Движењето на слободни граѓани, Партијата Србија Центар - СРЦЕ и Зелено-левиот фронт, беше оценето дека „единствениот начин Србија да оди напред е исполнување на студентските барања“ и мирни услови за промена на власта.На поканата за консултации за новата влада нема да одговорат ниту Демократската партија, ниту движењето Еколошко востание, чии претставници изјавија дека не ја добиле поканата. На консултациите со претседателот Вучиќ нема да одат ниту претставниците на пратеничката група „Ние силата на народот“ на Бранимир Несторовиќ, кои сметаат дека „изборите мора да се распишат што е можно поскоро“.Доколку не се избере нова влада до 18 април на полноќ, кога истекува законскиот рок од 30 дена за избор на нов премиер и членови на владата, откако српскиот парламент ја констатира оставката на премиерот Милош Вучевиќ на 19 март, со што го прекинува мандатот на целата влада, претседателот на државата е должен да го распушти Парламентот. прочитај повеќе април 01, 2025 Путин започна најголема мобилизација на војници во последниве години Претседателот на Русија, Владимир Путин Претседателот Владимир Путин повика 160.000 мажи на возраст од 18 до 30 години, што е најголем број регрути во Русија од 2011 година, додека земјата се обидува да ја прошири својата војска.Пролетниот повик за едногодишна воена служба дојде неколку месеци откако Путин рече дека Русија треба да ја зголеми вкупната големина на својата војска на речиси 2,39 милиони, а бројот на активни војници на 1,5 милиони.Тоа е зголемување за 180.000 во следните три години.Вицеадмиралот Владимир Цимљански рече дека нови регрути нема да бидат испратени да се борат во Украина како дел од, како што Русија го нарекува својата „специјална воена операција“. Сепак, имаше извештаи за регрути кои загинале борејќи се во пограничните региони на Русија и биле испратени да се борат во Украина во првите месеци од војната во полн обем, пишува Би-Би-Си.Тековниот повик, кој се одржува меѓу април и јули, доаѓа и покрај обидите на САД да постигнат прекин на огнот во војната.Насилството не стивна во вторникот, кога Украина соопшти дека рускиот напад врз електрана во јужниот град Керсон оставил 45.000 луѓе без струја. Видете и ова: Финска се повлекува од договорот за нагазни мини поради Русија Русија, исто така, тврдеше дека заземала уште едно украинско село, Розљив во областа Доњецк.Русија повикува на регрути во пролет и есен, но последниот повик за 160.000 млади мажи е за 10.000 повеќе отколку во истиот период во 2024 година.Покрај поканите доставени по пошта, младите мажи ќе добиваат известувања и на државната веб-страница на Министерството за правда.Покрај двегодишниот нацрт, Русија повика и голем број мажи како војници со договор и регрутира илјадници војници од Северна Кореја.Москва мораше да одговори на големите загуби во Украина, при што повеќе од 100.000 војници потврдија од Би-Би-Си и Медиазон дека загинале во Украина.Вистинската бројка би можела да биде повеќе од двојно поголема.Путин ја зголеми тројно големината на војската откако им нареди на војниците да ја окупираат Украина во февруари 2022 година. Руското Министерство за одбрана го поврза зголемувањето на големината на армијата во декември 2023 година со „растечките закани“ како од војната во Украина, така и од „постојаното проширување на НАТО“.НАТО се прошири за да ги вклучи Финска и Шведска, како директен резултат на руската инвазија на Украина. Видете и ова: Бербок во Киев предупреди на тактиката на Путин за одложување на мировните преговори Финска ја има најдолгата граница на НАТО со Русија од 1.343 километри, а премиерот Петери Орпо во вторникот рече дека неговата земја ќе им се придружи на другите соседи на Русија во повлекувањето од Конвенцијата од Отава, која забранува противпешадиски нагазни мини.Полска и балтичките земји донесоа слични одлуки пред две недели поради воената закана од Русија.Орпо рече дека одлуката за повторна употреба на противпешадиски мини е донесена врз основа на воени совети и дека народот на Финска нема за што да се грижи.Владата во Хелсинки, исто така, рече дека трошоците за одбрана ќе се зголемат на 3 отсто од бруто домашниот производ, во однос на 2,4 отсто минатата година. прочитај повеќе април 01, 2025 Универзитетското собрание на УКИМ не е против нови здруженија на студенти Илустрација Универзитетското студентско собрание на Скопскиот универзитет (УСС на УКИМ) не е против нови здруженија и организации на студенти и ќе ги повика на дискусија за сите предизвици со кои се соочуваат студентите, изјави претседателот на УСС на УКИМ Александар Николовски прашан за став во врска со појавата на нови студентски иницијативи по трагедијата во Кочани, како „Студентски сојуз“ и „Студентски пленум“.Нагласувајќи дека УСС на УКИМ „работи секогаш за интересите на студентите“, Николовски на новинарско прашање одговори дека чекаат да видат „какви барања ќе произлезат од страна на тие здруженија и организации“ и дека се отворени за дискусија. „Во моментов размислуваме за отворена трибина на која ќе ги повикаме сите страни за да дискутираме за сите предизвици коишто сметаат дека треба да се поправат и, секако, ние сме тука и кога се добри времиња и кога се случуваат вакви трагедии за заедно да менуваме работи во системот. Дополнително, УСС на УКИМ спроведе анкета до сите студенти преку која ќе се направи еден вид документ, што ќе биде манифест со барање до институциите за одредени промени согласно трагедијата во Кочани. Но ние, во ниту еден случај, не одиме против вакви здруженија затоа што тоа се студенти, а ние како легитимно избрани тела – УСС и факултетски собранија, сме тука за да дискутираме и заедно да ги решаваме проблемите, истакна Николовски. Во врска со политички влијанија во студентските организации, нагласи дека партиски членови не треба да се на раководни функции на студентско организирање затоа што, рече, тогаш доаѓа до конфликт на интереси.„Се трудиме да соработуваме со сите политички партии, сме соработувале и ќе продолжиме да соработуваме, но сметаме дека раководството на студентските организации не треба да биде под надлежност на партиски членови, рече Николовски. Видете и ова: Празен кадар пред УКИМ, без студенти и јавни барања Инаку претходно Независниот студентски сојуз на УКИМ ги повика сите студентски собранија да го следат примерот на Факултетското студентско собрание на Филозофскиот факултет кое изгласа недоверба на делегатите на Универзитетското студентско собрание (УСС на УКИМ).Недовербата беше изгласана ден по собирот кој Универзитетското студентско собрание го организираше на платото на УКИМ за да оддаде почит за трагично згаснатите животи во пожарот во Кочани.Иако не беше најавено, на собирот на УСС на УКИМ се појавија ректорката Биљана Ангелова и министерката за образование и наука, Весна Јаневска кои се обратија од говорницата пред Филозофскиот факултет. Во говорите немаше никакво барање за одговорност туку „емотивни флоскули“ и токму за време на нејзиното обраќање, таа беше исвиркана од дел од студентите.Сепак, од УСС УКИМ ги замолија студентите за тишина и токму ваквиот „потег“ резултираше со револт и поделби меѓу нив. Студентскиот отпор ги обвини Ангелова и Јаневска за „политичка самопромоција“.Независниот студентски сојуз (НСС УКИМ) пак одржаа пленум „зад затворени врати“, каде медиумите не беа добредојдени.Во една од објавите на социјалните мрежи тие наведуваат дека не се формална организација туку група студенти чија цел е да создадат пленум „каде студентските прашања ќе бидат слушнати без политички влијанија или лични интереси.“ прочитај повеќе април 01, 2025 Закажана конститутивна седница на Собранието на Косово Претседателката на Косово, Вјоса Османи, за време на свое обраќање во Собранието на Косово. Претседателката на Косово, Вјоса Османи, го одреди 15 април како датум за одржување на конститутивната седница на новиот парламентарен состав произлезен од редовните избори одржани на 9 февруари. Ова е прв конкретен чекор во формирањето на новите државни институции, откако Централната изборна комисија ги потврди изборните резултати на 27 март. Во спротивно, според Деловникот на Собранието на Косово, Парламентот би се состанал на 30-ти ден.Што се случува на конститутивната седница?Конститутивната седница ја подготвува претседателот на претходното свикување, кој пет дена пред седницата мора да свика состанок на претседателите на политичките партии застапени во Собранието, за да го подготви дневниот ред.На дневен ред треба да биде формирање на привремена комисија која ќе го верификува кворумот и мандатот, давање заклетва на нови пратеници, избор на претседател и потпретседател на собранието, гласање за извештајот на споменатата комисија и утврдување на пратеничките места во салата според политичката сила. Видете и ова: Потврдени конечните изборни резултати во Косово Со конститутивната седница претседава најстариот заменик, со помош на најмладиот заменик.Законите не предвидуваат дека не може да има расправа на седницата.На оваа седница пратениците полагаат заклетва - отсутните тоа можат да го сторат на следната седница - а првата партија, во случајов движењето Самоопределување, предлага кандидат за претседател на Собранието.Потпретседателите, пак, се предложени од една од најголемите партии и немнозинските заедници, вклучително и српската заедница.Согласно Деловникот на Собранието, конститутивната седница завршува со избор на претседател и потпретседател.Прекините на конститутивната седница не можат да бидат подолги од 48 часа“, се вели во член 12 точка 5 од Деловникот на Собранието.Според резултатите, во новиот парламентарен состав Движењето Самоопределување ќе има 48 пратеници, Демократската партија на Косово 24, Демократскиот сојуз на Косово 20, Српската листа девет, а коалицијата Алијанса за иднината на Косово и Социјалдемократската иницијатива осум пратенички места.Избор на Влада Распределбата на мандатите во Собранието значи дека ниту една партија не може сама да формира Влада, што е следен чекор по одржувањето на конститутивната седница.Што се однесува до резултатите, Движењето Самоопределување веќе се обрати до Уставниот суд, оспорувајќи ја одлуката на Врховниот суд за поштенските гласови, тврдејќи дека Демократскиот сојуз на Косово манипулирал со нив. Партијата на вршителот на должноста премиер Албин Курти побара од Уставниот суд времена мерка во врска со одлуката на Врховниот суд за тие гласови.Доколку Уставниот суд донесе одлука за ова прашање, тогаш може да дојде до прекин на изборниот процес на Владата. Сепак, додека Уставниот суд не го реши прашањето што го покрена Движењето Самоопределување, претседателката на државата има неколку законски рокови кои мора да ги почитува. Видете и ова: Курти ветува над милијарда евра за Косовските безбедносни сили Според законите, Османи мора да го довери мандатот за формирање нова влада на првата партија на изборите, во случајов на движењето Самоопределување.Во Уставот стои дека мандатарот потоа има рок од 15 дена да го претстави составот на новиот извршен орган до Собранието и да побара 61 глас за негово одобрување.Во случај првата партија да не добие поддршка од најмалку 61 пратеник, претседателот Османи има рок од десет дена да назначи друг претставник.Ги повикува страните на консултации и има дискреционо право да определи кого ќе овласти да ја формира извршната власт.И вториот претставник има рок од 15 дена да го претстави составот на владиниот кабинет пред Собранието.Но, доколку и по вториот обид не се формира Влада, тогаш претседателот Османи, според член 95 од Уставот, мора да распише нови избори, кои мора да се одржат најдоцна за 40 дена.Изборите одржани на 9 февруари беа првите редовни парламентарни избори одржани во Косово по прогласувањето на независноста. прочитај повеќе април 01, 2025 Финска се повлекува од договорот за нагазни мини поради Русија Финските граничари и нивното куче Нита патролираат на финско-руската граница, во источна Финска, на 5 јуни 2024 година. Членката на НАТО Финска планира да ја напушти глобалната конвенција за забрана на противпешадиски мини и да ги зголеми трошоците за одбрана на најмалку 3 отсто од бруто домашниот производ до 2029 година како одговор на растечката воена закана од Русија, објави во вторникот нејзината влада.Полска и балтичките земји, Естонија, Летонија и Литванија, минатиот месец објавија дека ќе се повлечат од Конвенцијата од Отава од 1997 година поради заканата што соседна Русија ја претставува за нив и за Европа.Со напуштање на договорот, Финска, која ја чува најдолгата граница на НАТО со Русија, би можела повторно да започне со обезбедување на залихи на нагазни мини за да и бидат достапни доколку се појави потреба. Видете и ова: Советот на ЕУ ја одобри третата исплата за Украина од речиси 3,5 милијарди евра На прес-конференцијата премиерот Петри Орпо рече дека во моментов нема непосредна воена закана за нордиската нација, но дека Русија претставува долгорочна опасност за цела Европа.„Повлекувањето од Конвенцијата од Отава ќе ни овозможи да се подготвиме за промени во сегашната безбедносна средина на посеопфатен и разноврсен начин“, рече тој.Премиерот Орпо додаде дека Финска ќе одвои дополнителни три милијарди евра за одбраната, со што ќе го подигне нивото на воени трошоци од 2,41 отсто во 2024 година на 3 отсто од бруто домашниот производ до 2029 година копно и балтичките држави дека Русија би можела повторно да се вооружи и да ги нападне наместо Украина.Финска се приклучи на воената алијанса НАТО во 2023 година, во промена на политиката по децении на неврзаност предизвикана од руската инвазија на Украина.Финска почна да размислува за повлекување од Договорот од Отава во ноември минатата година, кога нејзиниот воен началник рече дека ова прашање треба да се разговара поради руската употреба на такво оружје во Украина.„Финска ќе ги користи мините на одговорен начин, но тоа е одвраќање што ни треба“, рече министерот за земјоделство и шумарство Сари Есајах за новинарите во вторникот. Видете и ова: И покрај негодувањето на групите за права, САД ќе и дадат на Украина противпешадиски мини Противпешадиските нагазни мини се дизајнирани да бидат скриени во земјата и автоматски да се активираат кога некој ќе стапне или оди во нивна близина.Финска уништи над милион нагазни мини по 2012 година, со што стана последната земја на ЕУ што ја потпиша Конвенцијата од Отава, која ја ратификуваа или пристапија повеќе од 160 земји - но не и Русија.Договорот од 1997 година беше еден од низата меѓународни договори направени по крајот на Студената војна за промовирање на глобалното разоружување. Борците против мини ја добија Нобеловата награда за мир истата година.Нагазни мини убија или осакатија десетици илјади цивили ширум светот, многу од нив долго по завршувањето на војните.За напуштање на договорот ќе биде потребно одобрение од финскиот парламент. прочитај повеќе Вчитај повеќе...

Вести април 01, 2025 Кина одржува голема воена вежба околу Тајван илустрација Кинеската војска денеска (1 април) соопшти дека започнала воена вежба во која учествуваат различни родови на војската околу Тајван, „за да послужат како остро предупредување и моќно одвраќање за тајванската независност“ и го нарече тајванскиот претседател Вилијам Лаи „паразит“.Кина, која го смета Тајван за своја провинција, го зголемува политичкиот и воениот притисок врз островот во последниве години.„Фокусот на вежбите е на практикување борбено патролирање на море и во воздух, воспоставување сеопфатна контрола, удар на морски и копнени цели и наметнување блокада на стратешките области и рути“, напиша Источната команда на кинеската армија на својот официјален профил на WeChat.Тајванската војска соопшти дека внимателно ги следи вежбите, во кои учествуваше и кинескиот носач на авиони „Шандун“. Овие вежби се одржуваат само две недели по големите маневри во средината на март кога Пекинг испрати голем број беспилотни летала и бродови на островот. Видете и ова: Кина започна нови вежби во близина на Тајван, за САД потегот е неоправдан Кинеската канцеларија за прашања на Тајван објави дека вежбите биле насочени кон тајванскиот претседател Лаи Чинг-те.„Лаи Чинг-те тврдоглаво инсистира на ставот за „независност на Тајван“, дрско нарекувајќи ја континенталната Кина „непријателска странска сила“ и ја претстави таканаречената „стратегија од 17 точки“ за да го поттикне антикинеското расположение“, соопшти кинеската канцеларија за прашања на Тајван.„Нема да го толерираме или одобриме на кој било начин и мора одлучно да се спротивставиме и строго да ги казниме ваквите постапки“, додаваат од Канцеларијата.Во средината на март, Лаи претстави стратегија од 17 точки чија цел е зајакнување на националната безбедност на Тајван. Видете и ова: Кина ги предупреди САД да ја прекинат воената соработка со Тајван Меѓу точките се дозволувањето случаи на шпионажа да се судат во воени судови, заострување на регулативите за имиграција за кинеските државјани кои бараат постојан престој.Пекинг испраќа воени авиони и морнарички бродови кон Тајван на речиси секојдневна основа во обид да ја намали одбраната и моралот на Тајван, иако повеќето од 23-те милиони жители на Тајван го отфрлаат кинеското барање за суверенитет над островот.Кина го зголеми опсегот на овие вежби во последниве години, од испраќање само борбени авиони до испраќање групи авиони, беспилотни летала и бродови. прочитај повеќе види ги сите денешни вести април 02, 2025 Израел ги проширува копнените операции во Газа „за да го уништи“ Хамас Појас Газа Израелскиот министер за одбрана Израел Кац најави големо проширување на операциите на војската во Појасот Газа, чија цел е да се „разбие и исчисти областа од терористи и терористичка инфраструктура“.Министерот во средата рече дека операцијата „ќе заземе големи области кои ќе бидат додадени во израелските безбедносни зони“, без да даде дополнителни детали. Војската распореди дополнителна единица за проширување на операциите во јужниот дел на Газа, според извештаите на медиумите. Кац ги повика жителите на крајбрежниот појас „да дејствуваат сега за да го отстранат Хамас и да ги вратат сите заложници“.„Ова е единствениот начин да се стави крај на војната“, рече Кац. Во средината на март, Израел продолжи со масовните воздушни напади откако не беше постигнат договор со Хамас за условите за продолжување на примирјето. Видете и ова: Израел продолжи со напади врз Газа, Египет има нов мировен предлог Оттогаш, Израел, исто така, започна копнени операции против палестинските милитанти во Рафа, а во саботата, наводно, ја проширил офанзивата на второто соседство. „Целта на новата копнена офанзива исто така е да се воспостави тампон зона долж границите на крајбрежната област“, рече Израел. Војната избувна откако Хамас и други екстремистички групи го нападнаа Израел на 7 октомври 2023 година, при што беа убиени околу 1200 луѓе и заробени повеќе од 250 заложници. Според здравствените власти во Газа под контрола на Хамас, досега се убиени повеќе од 50100 луѓе, од кои една третина деца и млади луѓе.Бројките не можат да се потврдат независно. Меѓутоа, меѓународните организации како што се ОН ги сметаат за веродостојни. прочитај повеќе април 02, 2025 Почина холивудскиот актер Вал Килмер Вал Килмер Вал Килмер, холивудскиот актер кој се прослави како Џим Морисон и Бетмен и често играше позначајни споредни улоги, почина во Лос Анџелес на 65-годишна возраст. Причината за смртта е пневмонија, соопшти неговото семејство.Неговата професионална кариера започна во театарот, а своето филмско деби го имаше во 1984 година во пародијата „Top Secret“, каде ја играше рок ѕвездата Ник Риверс.Во 1980-тите, тој стана сè попознат по неговите улоги во филмови како што се Top Gun (1986) и Willow (1988).Својот вистински пробив го постигна во 1991 година со улогата на Џим Морисон во биографскиот филм за Оливер Стоун, „The Doors“. Неговиот настап беше пофален за неговата исклучителна автентичност, бидејќи тој самиот ги испеа сите песни во настапот.Во текот на 1990-тите Килмер имаше голем број значајни улоги, вклучувајќи ги: Док Холидеј во вестерн филмот „Tombstone“ (1993), Бетмен/Брус Вејн во „Бетмен засекогаш“ (1995) и Крис Шихерлис во култниот криминален трилер „Heat“ (1995). прочитај повеќе април 02, 2025 Зеленски: Партнерите на Украина ќе разговараат за распоредување странски војници Украинскиот претседател Володомир Зеленски Западните воени лидери ќе разговараат за можното распоредување на војници во Украина кои би го надгледувале потенцијалниот прекин на огнот во конфликтот со Русија и ќе бидат дел од новата безбедносна структура на земјата, изјави украинскиот претседател Володимир Зеленски во своето ноќно видео обраќање (1 апил).„Ова е нашата почетна точка: украинската армија мора да биде доволно силна и на оваа основа е изградена целата безбедносна архитектура. Ќе се одржи состанок за само неколку дена, во петок (4 април) со претставници на нашите земји партнери - тоа ќе бидат воени претставници“, рече Зеленски.Зеленски се состана во Киев на 1 април со германската министерка за надворешни работи во заминување Аналена Бербок, велејќи дека „тесен круг земји“ е подготвен да испрати контингенти.Украинскиот лидер на заедничката прес-конференција со Бербок рече дека чека „поконкретни“ одговори од сојузниците за нивната подготвеност да учествуваат.Франција и Велика Британија изразија подготвеност да испратат војници како дел од таканаречената коалиција на подготвени да го надгледуваат потенцијалниот прекин на огнот. Но, Русија силно се спротивстави на какво било распоредување на странски трупи во Украина.Во своето видео обраќање, Зеленски исто така рече дека Украина сега ги споделила „сите потребни информации во врска со прекршувањата на Русија во енергетскиот сектор“ со своите американски партнери. Тој рече дека имало напади на 1 април во Херсон, вклучително и руско беспилотно летало кое цели на енергетски објект и опрема „целосно намерно и намерно“ и дел од градот останал без електрична енергија.„Ние инсистираме дека секое такво прекршување мора да биде документирано и да добиеме одговор од нашите партнери. Токму овие мали детали придонесуваат за големите одложувања на Русија во дипломатскиот процес“, рече тој. Видете и ова: Што Украина може да научи од мировната мисија на НАТО во Косово? Зеленски се осврна на договорот меѓу Киев и Москва да не напаѓаат едни со други енергетски капацитети. Договорот беше објавен од Белата куќа на 25 март заедно со прекин на огнот за да се овозможи пловидба по Црното Море.Киев рече дека договорот за енергетските капацитети ќе стапи на сила веднаш. Москва, сепак, соопшти дека ќе следи делумно укинување на санкциите кои се однесуваат на руските компании и банки вклучени во меѓународната трговија со храна.Германија објави обврска за дополнителни 130 милиони евра (140 милиони долари) во хуманитарна помош и фондови за стабилизација за време на посетата на Бербок. „Пакетот ќе ја донесе германската помош од почетокот на руската инвазија во Украина до 7 милијарди евра, рече Зеленски. Видете и ова: Зеленски во Минхен повика на создавање „вооружени сили на Европа“ Зеленски и се заблагодари на Германија што се погрижи нејзината поддршка за Украина да остане предвидлива и систематска. Стабилноста на поддршката е еден од клучните фактори во одбраната од руската агресија, рече тој.„Тоа се прекините во снабдувањето, несогласувањата меѓу партнерите и сите знаци на нестабилност на кои рускиот претседател Владимир Путин многу смета“, рече тој.Руските трупи извршија масовен напад со беспилотни летала врз Харкив ноќта на 1 април. Градоначалникот Ихор Терехов рече дека 13 дронови „Шахед“ го погодиле градот, а четири лица се повредени. прочитај повеќе април 02, 2025 Во Србија почнуваат консултации за нова влада Парламентот на Србија Српскиот претседател Александар Вучиќ денеска (2 април)почнува со консултации за формирање нова влада, и за првиот ден се закажани разговори со претставници на четири изборни листи. За днеска се чекуваат разговори со претставниците на листата „Руска партија - Слободан Николиќ“, „Сојуз на Војводински Унгарци (СВМ)“, „Усаме Зукорлиќ - Обединети за правда - Партија на правдата и помирувањето - Босанците од Санџак, како и „Томислав Жигманов – Демократски сојуз на Хрватите во Војводина“ и пратеничката група „Ние – глас од народот“.Вучиќ вчера изјави дека испратил писмо до сите носители на листи и пратенички групи во српското Собрание, а за учество на консултациите се пријавиле пет-шест листи. Според него, консултациите ќе завршат до петок.Дел од парламентарните опозициски партии претходно најавија дека нема да одговорат на повикот на претседателот за консултации за формирање нова влада. На 20 март соопштија дека постигнале консензус дека формирањето преодна влада е неопходно за излез на државата од социјалната и политичката криза. Опозициските партии најавија дека идејата е тоа да биде таканаречена „Влада на народна доверба“ која би била „привремена влада, со максимално времетраење до девет месеци, што би имала конкретни задачи“.На 19 март Собранието на Србија ја констатираше оставката на премиерот Милош Вучевиќ, со што заврши мандатот на актуелната влада. Рокот за формирање на нова влада е 18 април на полноќ. Доколку до тој датум не се формира влада, ќе бидат закажани вонредни парламентарни избори. Вучевиќ на 28 јануари поднесе неотповиклива оставка од таа функција, откако во Нови Сад се случи напад врз студентите во блокада.Српскиот претседател нагласи дека очекува најбројната пратеничка група - СНС да го извести дали сакаат да формираат влада или сакаат нови избори, а она што е сигурно, како што рече, е дека во таа партија нема расположение за каква било преодна влада, со што и тој се согласува.Вучиќ претходно рече дека негова уставна обврска е да им го довери мандатот за состав на влада на оние кои велат дека можат да обезбедат мнозинство, односно најмалку 126 гласа во парламентот. Според член 127 од Уставот на Србија, кандидатите за функцијата премиер на Народното собрание му ги предлага претседателот на Републиката по консултација со претставниците на избраните изборни листи. Видете и ова: Парламентот ја потврди оставката на српската влада Првиот вицепремиер и министер за финансии во техничкиот мандат, Синиша Мали, претходно изјави дека сите опции се на маса кога станува збор за тоа дали ќе се избере нова влада или дали ќе се одржат вонредни избори и посочи дека е важно што поскоро да има нова влада.Социјалистичката партија на Србија потврди дека коалицијата собрана околу таа партија ќе оди на консултации со Вучиќ, и едногласно донеле одлука за продолжување на соработката со Српската напредна станка и Александар Вучиќ. Тие изразиле подготвеност да учествуваат со нивните коалициски партнери во дискусиите за формирање и избор на нова влада.Дел од парламентарните опозициски партии изјавија дека нема да одговорат на поканата на претседателот Александар Вучиќ за консултации за новата Влада на Србија, наведувајќи дека можат да разговараат само за преодна влада.Во заедничката изјава потпишана од Партијата на слободата и правдата, Народното движење на Србија, Новата демократска партија на Србија, ПОКС, Движењето на слободни граѓани, Партијата Србија Центар - СРЦЕ и Зелено-левиот фронт, беше оценето дека „единствениот начин Србија да оди напред е исполнување на студентските барања“ и мирни услови за промена на власта.На поканата за консултации за новата влада нема да одговорат ниту Демократската партија, ниту движењето Еколошко востание, чии претставници изјавија дека не ја добиле поканата. На консултациите со претседателот Вучиќ нема да одат ниту претставниците на пратеничката група „Ние силата на народот“ на Бранимир Несторовиќ, кои сметаат дека „изборите мора да се распишат што е можно поскоро“.Доколку не се избере нова влада до 18 април на полноќ, кога истекува законскиот рок од 30 дена за избор на нов премиер и членови на владата, откако српскиот парламент ја констатира оставката на премиерот Милош Вучевиќ на 19 март, со што го прекинува мандатот на целата влада, претседателот на државата е должен да го распушти Парламентот. прочитај повеќе април 01, 2025 Путин започна најголема мобилизација на војници во последниве години Претседателот на Русија, Владимир Путин Претседателот Владимир Путин повика 160.000 мажи на возраст од 18 до 30 години, што е најголем број регрути во Русија од 2011 година, додека земјата се обидува да ја прошири својата војска.Пролетниот повик за едногодишна воена служба дојде неколку месеци откако Путин рече дека Русија треба да ја зголеми вкупната големина на својата војска на речиси 2,39 милиони, а бројот на активни војници на 1,5 милиони.Тоа е зголемување за 180.000 во следните три години.Вицеадмиралот Владимир Цимљански рече дека нови регрути нема да бидат испратени да се борат во Украина како дел од, како што Русија го нарекува својата „специјална воена операција“. Сепак, имаше извештаи за регрути кои загинале борејќи се во пограничните региони на Русија и биле испратени да се борат во Украина во првите месеци од војната во полн обем, пишува Би-Би-Си.Тековниот повик, кој се одржува меѓу април и јули, доаѓа и покрај обидите на САД да постигнат прекин на огнот во војната.Насилството не стивна во вторникот, кога Украина соопшти дека рускиот напад врз електрана во јужниот град Керсон оставил 45.000 луѓе без струја. Видете и ова: Финска се повлекува од договорот за нагазни мини поради Русија Русија, исто така, тврдеше дека заземала уште едно украинско село, Розљив во областа Доњецк.Русија повикува на регрути во пролет и есен, но последниот повик за 160.000 млади мажи е за 10.000 повеќе отколку во истиот период во 2024 година.Покрај поканите доставени по пошта, младите мажи ќе добиваат известувања и на државната веб-страница на Министерството за правда.Покрај двегодишниот нацрт, Русија повика и голем број мажи како војници со договор и регрутира илјадници војници од Северна Кореја.Москва мораше да одговори на големите загуби во Украина, при што повеќе од 100.000 војници потврдија од Би-Би-Си и Медиазон дека загинале во Украина.Вистинската бројка би можела да биде повеќе од двојно поголема.Путин ја зголеми тројно големината на војската откако им нареди на војниците да ја окупираат Украина во февруари 2022 година. Руското Министерство за одбрана го поврза зголемувањето на големината на армијата во декември 2023 година со „растечките закани“ како од војната во Украина, така и од „постојаното проширување на НАТО“.НАТО се прошири за да ги вклучи Финска и Шведска, како директен резултат на руската инвазија на Украина. Видете и ова: Бербок во Киев предупреди на тактиката на Путин за одложување на мировните преговори Финска ја има најдолгата граница на НАТО со Русија од 1.343 километри, а премиерот Петери Орпо во вторникот рече дека неговата земја ќе им се придружи на другите соседи на Русија во повлекувањето од Конвенцијата од Отава, која забранува противпешадиски нагазни мини.Полска и балтичките земји донесоа слични одлуки пред две недели поради воената закана од Русија.Орпо рече дека одлуката за повторна употреба на противпешадиски мини е донесена врз основа на воени совети и дека народот на Финска нема за што да се грижи.Владата во Хелсинки, исто така, рече дека трошоците за одбрана ќе се зголемат на 3 отсто од бруто домашниот производ, во однос на 2,4 отсто минатата година. прочитај повеќе април 01, 2025 Универзитетското собрание на УКИМ не е против нови здруженија на студенти Илустрација Универзитетското студентско собрание на Скопскиот универзитет (УСС на УКИМ) не е против нови здруженија и организации на студенти и ќе ги повика на дискусија за сите предизвици со кои се соочуваат студентите, изјави претседателот на УСС на УКИМ Александар Николовски прашан за став во врска со појавата на нови студентски иницијативи по трагедијата во Кочани, како „Студентски сојуз“ и „Студентски пленум“.Нагласувајќи дека УСС на УКИМ „работи секогаш за интересите на студентите“, Николовски на новинарско прашање одговори дека чекаат да видат „какви барања ќе произлезат од страна на тие здруженија и организации“ и дека се отворени за дискусија. „Во моментов размислуваме за отворена трибина на која ќе ги повикаме сите страни за да дискутираме за сите предизвици коишто сметаат дека треба да се поправат и, секако, ние сме тука и кога се добри времиња и кога се случуваат вакви трагедии за заедно да менуваме работи во системот. Дополнително, УСС на УКИМ спроведе анкета до сите студенти преку која ќе се направи еден вид документ, што ќе биде манифест со барање до институциите за одредени промени согласно трагедијата во Кочани. Но ние, во ниту еден случај, не одиме против вакви здруженија затоа што тоа се студенти, а ние како легитимно избрани тела – УСС и факултетски собранија, сме тука за да дискутираме и заедно да ги решаваме проблемите, истакна Николовски. Во врска со политички влијанија во студентските организации, нагласи дека партиски членови не треба да се на раководни функции на студентско организирање затоа што, рече, тогаш доаѓа до конфликт на интереси.„Се трудиме да соработуваме со сите политички партии, сме соработувале и ќе продолжиме да соработуваме, но сметаме дека раководството на студентските организации не треба да биде под надлежност на партиски членови, рече Николовски. Видете и ова: Празен кадар пред УКИМ, без студенти и јавни барања Инаку претходно Независниот студентски сојуз на УКИМ ги повика сите студентски собранија да го следат примерот на Факултетското студентско собрание на Филозофскиот факултет кое изгласа недоверба на делегатите на Универзитетското студентско собрание (УСС на УКИМ).Недовербата беше изгласана ден по собирот кој Универзитетското студентско собрание го организираше на платото на УКИМ за да оддаде почит за трагично згаснатите животи во пожарот во Кочани.Иако не беше најавено, на собирот на УСС на УКИМ се појавија ректорката Биљана Ангелова и министерката за образование и наука, Весна Јаневска кои се обратија од говорницата пред Филозофскиот факултет. Во говорите немаше никакво барање за одговорност туку „емотивни флоскули“ и токму за време на нејзиното обраќање, таа беше исвиркана од дел од студентите.Сепак, од УСС УКИМ ги замолија студентите за тишина и токму ваквиот „потег“ резултираше со револт и поделби меѓу нив. Студентскиот отпор ги обвини Ангелова и Јаневска за „политичка самопромоција“.Независниот студентски сојуз (НСС УКИМ) пак одржаа пленум „зад затворени врати“, каде медиумите не беа добредојдени.Во една од објавите на социјалните мрежи тие наведуваат дека не се формална организација туку група студенти чија цел е да создадат пленум „каде студентските прашања ќе бидат слушнати без политички влијанија или лични интереси.“ прочитај повеќе април 01, 2025 Закажана конститутивна седница на Собранието на Косово Претседателката на Косово, Вјоса Османи, за време на свое обраќање во Собранието на Косово. Претседателката на Косово, Вјоса Османи, го одреди 15 април како датум за одржување на конститутивната седница на новиот парламентарен состав произлезен од редовните избори одржани на 9 февруари. Ова е прв конкретен чекор во формирањето на новите државни институции, откако Централната изборна комисија ги потврди изборните резултати на 27 март. Во спротивно, според Деловникот на Собранието на Косово, Парламентот би се состанал на 30-ти ден.Што се случува на конститутивната седница?Конститутивната седница ја подготвува претседателот на претходното свикување, кој пет дена пред седницата мора да свика состанок на претседателите на политичките партии застапени во Собранието, за да го подготви дневниот ред.На дневен ред треба да биде формирање на привремена комисија која ќе го верификува кворумот и мандатот, давање заклетва на нови пратеници, избор на претседател и потпретседател на собранието, гласање за извештајот на споменатата комисија и утврдување на пратеничките места во салата според политичката сила. Видете и ова: Потврдени конечните изборни резултати во Косово Со конститутивната седница претседава најстариот заменик, со помош на најмладиот заменик.Законите не предвидуваат дека не може да има расправа на седницата.На оваа седница пратениците полагаат заклетва - отсутните тоа можат да го сторат на следната седница - а првата партија, во случајов движењето Самоопределување, предлага кандидат за претседател на Собранието.Потпретседателите, пак, се предложени од една од најголемите партии и немнозинските заедници, вклучително и српската заедница.Согласно Деловникот на Собранието, конститутивната седница завршува со избор на претседател и потпретседател.Прекините на конститутивната седница не можат да бидат подолги од 48 часа“, се вели во член 12 точка 5 од Деловникот на Собранието.Според резултатите, во новиот парламентарен состав Движењето Самоопределување ќе има 48 пратеници, Демократската партија на Косово 24, Демократскиот сојуз на Косово 20, Српската листа девет, а коалицијата Алијанса за иднината на Косово и Социјалдемократската иницијатива осум пратенички места.Избор на Влада Распределбата на мандатите во Собранието значи дека ниту една партија не може сама да формира Влада, што е следен чекор по одржувањето на конститутивната седница.Што се однесува до резултатите, Движењето Самоопределување веќе се обрати до Уставниот суд, оспорувајќи ја одлуката на Врховниот суд за поштенските гласови, тврдејќи дека Демократскиот сојуз на Косово манипулирал со нив. Партијата на вршителот на должноста премиер Албин Курти побара од Уставниот суд времена мерка во врска со одлуката на Врховниот суд за тие гласови.Доколку Уставниот суд донесе одлука за ова прашање, тогаш може да дојде до прекин на изборниот процес на Владата. Сепак, додека Уставниот суд не го реши прашањето што го покрена Движењето Самоопределување, претседателката на државата има неколку законски рокови кои мора да ги почитува. Видете и ова: Курти ветува над милијарда евра за Косовските безбедносни сили Според законите, Османи мора да го довери мандатот за формирање нова влада на првата партија на изборите, во случајов на движењето Самоопределување.Во Уставот стои дека мандатарот потоа има рок од 15 дена да го претстави составот на новиот извршен орган до Собранието и да побара 61 глас за негово одобрување.Во случај првата партија да не добие поддршка од најмалку 61 пратеник, претседателот Османи има рок од десет дена да назначи друг претставник.Ги повикува страните на консултации и има дискреционо право да определи кого ќе овласти да ја формира извршната власт.И вториот претставник има рок од 15 дена да го претстави составот на владиниот кабинет пред Собранието.Но, доколку и по вториот обид не се формира Влада, тогаш претседателот Османи, според член 95 од Уставот, мора да распише нови избори, кои мора да се одржат најдоцна за 40 дена.Изборите одржани на 9 февруари беа првите редовни парламентарни избори одржани во Косово по прогласувањето на независноста. прочитај повеќе април 01, 2025 Финска се повлекува од договорот за нагазни мини поради Русија Финските граничари и нивното куче Нита патролираат на финско-руската граница, во источна Финска, на 5 јуни 2024 година. Членката на НАТО Финска планира да ја напушти глобалната конвенција за забрана на противпешадиски мини и да ги зголеми трошоците за одбрана на најмалку 3 отсто од бруто домашниот производ до 2029 година како одговор на растечката воена закана од Русија, објави во вторникот нејзината влада.Полска и балтичките земји, Естонија, Летонија и Литванија, минатиот месец објавија дека ќе се повлечат од Конвенцијата од Отава од 1997 година поради заканата што соседна Русија ја претставува за нив и за Европа.Со напуштање на договорот, Финска, која ја чува најдолгата граница на НАТО со Русија, би можела повторно да започне со обезбедување на залихи на нагазни мини за да и бидат достапни доколку се појави потреба. Видете и ова: Советот на ЕУ ја одобри третата исплата за Украина од речиси 3,5 милијарди евра На прес-конференцијата премиерот Петри Орпо рече дека во моментов нема непосредна воена закана за нордиската нација, но дека Русија претставува долгорочна опасност за цела Европа.„Повлекувањето од Конвенцијата од Отава ќе ни овозможи да се подготвиме за промени во сегашната безбедносна средина на посеопфатен и разноврсен начин“, рече тој.Премиерот Орпо додаде дека Финска ќе одвои дополнителни три милијарди евра за одбраната, со што ќе го подигне нивото на воени трошоци од 2,41 отсто во 2024 година на 3 отсто од бруто домашниот производ до 2029 година копно и балтичките држави дека Русија би можела повторно да се вооружи и да ги нападне наместо Украина.Финска се приклучи на воената алијанса НАТО во 2023 година, во промена на политиката по децении на неврзаност предизвикана од руската инвазија на Украина.Финска почна да размислува за повлекување од Договорот од Отава во ноември минатата година, кога нејзиниот воен началник рече дека ова прашање треба да се разговара поради руската употреба на такво оружје во Украина.„Финска ќе ги користи мините на одговорен начин, но тоа е одвраќање што ни треба“, рече министерот за земјоделство и шумарство Сари Есајах за новинарите во вторникот. Видете и ова: И покрај негодувањето на групите за права, САД ќе и дадат на Украина противпешадиски мини Противпешадиските нагазни мини се дизајнирани да бидат скриени во земјата и автоматски да се активираат кога некој ќе стапне или оди во нивна близина.Финска уништи над милион нагазни мини по 2012 година, со што стана последната земја на ЕУ што ја потпиша Конвенцијата од Отава, која ја ратификуваа или пристапија повеќе од 160 земји - но не и Русија.Договорот од 1997 година беше еден од низата меѓународни договори направени по крајот на Студената војна за промовирање на глобалното разоружување. Борците против мини ја добија Нобеловата награда за мир истата година.Нагазни мини убија или осакатија десетици илјади цивили ширум светот, многу од нив долго по завршувањето на војните.За напуштање на договорот ќе биде потребно одобрение од финскиот парламент. прочитај повеќе април 01, 2025 Полицајци осомничени дека незаконски земале патни трошоци Илустрација Одделот за внатрешна контрола при Министерството за внатрешни работи поднесе кривична пријава против 10 полициски службеници од Единицата за брзо распоредување. Службениците се осомничени за злоупотреба на службената положба и овластување, со што го оштетиле буџетот на Министерството за внатрешни работи за 1.098.120 денари. Тие примале парични средства за патни трошоци за денови кога не патувале до работното место во Скопје. Против нив ќе биде поднесен и предлог за дисциплинска постапка.Како што стои во соопштениот од МВР, Одделот за внатрешна контрола, криминалистички истраги и професионални стандарди при Министерството за внатрешни работи, до Основното јавно обвинителство за гонење на организиран криминал и корупција - Специјализирано оддделение за гонење на кривични дела сторени од лица со полициски овластувања и припадници на затворската полиција, поднесе кривична пријава против полициските службеници К.Ѓ., Г.Д., Н.С., И.Г., Д.Д., Д.Д., Н.М., С.С., З.Т. и Д.Т., сите вработени во Единицата за брзо распоредување, поради постоење основи на сомнение дека извршиле кривично дело „злоупотреба на службената положба и овластување“ казниво по член 353 од Кривичниот законик. Видете и ова: Триесетдневен притвор за член на обезбедувањето на премиерот „Пријавените, со намера за себе да прибават противправна имотна корист, искористувајќи го стекнатото право за надомест на патни трошоци, поради тоа што по лична карта се воделе со место на живеење надвор од Скопје, ја злоупотребиле службената положба на начин што примале парични средства од Министерството за внатрешни работи за денови во кои не патувале од своето место на живеење до работното место во Скопје и обратно, со што во периодот 01.12.2023 до 17.09.2024 го оштетиле буџетот на Министерството за внатрешни работи во вкупен износ од 1.098.120 денари, стои во соопштението од МВР. Дополнуваат дека Одделот за внатрешна контрола, криминалистички истраги и професионални стандарди за пријавените полициски службеници ќе поднесе и предлог за поведување на постапка за утврдување на дисциплинска одговорност. прочитај повеќе април 01, 2025 Вучиќ верува во создавање воен сојуз меѓу Србија и Унгарија Потпишување на договорот за соработка меѓу Србија и Унгарија во областа на одбраната, Белград, 1 април 2025 година. Претседателот на Србија, Александар Вучиќ изјави дека верува оти новиот договор меѓу Белград и Будимпешта во областа на одбраната, потпишан на 1 април, ќе продолжи во натамошното приближување кон создавање на воен сојуз меѓу Србија и Унгарија.„Тоа го бара унгарската страна, а унгарскиот и српскиот парламент. Нашите односи се повеќе од добри, а премиерот Виктор Орбан и јас изразивме желба да продолжиме со забрзување и натамошно приближување на нашите позиции во одбранбената сфера“, рече Вучиќ по потпишувањето.Вучиќ не даде повеќе детали за идејата за српско-унгарски воен сојуз. Унгарската и српската страна не разговараа за тоа, се додека по потпишувањето на договорот не беа дозволени прашања од новинарите.Во средината на март, Белград остро реагираше на декларацијата што тогаш ја потпишаа Албанија, Хрватска и Косово во Тирана, која учесниците ја опишаа како документ кој ја зајакнува соработката во одговорот на безбедносните предизвици кои можат да ја загрозат регионалната стабилност. Од друга страна, Србија го окарактеризира како провокација и закана за стабилноста. Видете и ова: Србија и Унгарија потпишаа договор за одбранбена соработка Хеликоптерски вежби и обукиКриштоф Салаи-Боровнички и Братислав Гашиќ, министрите за одбрана на Унгарија и Србија, потпишаа документ во вторник во Белград со кој се прецизира договорот за стратешка соработка меѓу Унгарија и Србија во областа на одбраната од 2023 година на посветени индустрии, сајбер безбедност, мировни операции, воено образование и медицина.„Унгарија е секогаш на страната на зачувување на мирот и Србија е секогаш нејзин сојузник во тоа“, изјави унгарскиот министер за одбрана Кристоф Салаи-Боровнички.Вучиќ во оваа прилика рече дека Белград, откако минатата година купи оклопни транспортери БТР-80А од Будимпешта, е заинтересиран за набавка на други системи останати во Унгарија од советскиот период, како и за новите борбени возила Lynx KF-51 што Унгарија ги произведува во соработка со германската компанија Rheinmetall.Тој додаде дека Унгарија купува муниција со калибар 7,62 од Србија и дека е заинтересирана за борбени возила 8х8 од српско производство.На воено поле нè очекува многу заедничка работа. Се што правиме значи поголема безбедност за граѓаните на двете земји“, рече Вучиќ.Тој изјави дека наскоро очекува средба со унгарскиот премиер Виктор Орбан.Беше објавено дека трговската размена меѓу Унгарија и Србија надмина три милијарди евра и дека земјата е петти економски партнер на Србија. Видете и ова: САД ги одложија санкциите за Српската нафтена индустрија Две децении неутралност Србија е членка на програмата на НАТО Партнерство за мир од декември 2006 година. На крајот на 2007 година таа прогласи воена неутралност преку парламентарната резолуција за заштита на суверенитетот, територијалниот интегритет и уставниот поредок.Во последните десет години има одржано десетици воени вежби со земјите од НАТО алијансата, вклучително и Соединетите Американски Држави, како и со Руската Федерација и Белорусија.Од руската инвазија на Украина, Србија не учествуваше во воени вежби ниту со Истокот, ниту со Западот.Исклучок направи во 2023 година, кога на своја територија вежбаше 15 дена со САД и другите земји на НАТО во маневрите наречени „Платинест волк“ одржани во воената база „Југ“. прочитај повеќе Вчитај повеќе...

Вести април 01, 2025 Фрлена рачна бомба врз поштата во Звечан Поштата на Косово во Звечан, 27 март 2025 година Косовската полиција соопшти дека во зградата на Косовската пошта во Звечан експлодирала рачна граната, додека друга била активирана.Заменик-директорот на косовската полиција за северниот регион, Ветон Елшани за Радио Слободна Европа изјави дека нема повредени, но дека е причинета материјална штета.Знакот на Поштата на Косово во Звечан на оваа зграда беше поставен минатата недела. Во него до мај 2024 година функционираше банката Поштенска Штедилница, која работеше во српскиот систем. Видете и ова: Страв, несигурност и недостиг на производи на северот на Косово Истиот знак на Пошта на Косово беше поставен и во други општини со српско мнозинство на северот на Косово, во зградите каде што функционираа експозитурите на банката Поштенска штедилница.Косовските власти ја затворија оваа банка, Поштата на Србија и другите институции кои работат во системот на Србија со образложение дека се нелегални, односно немале дозвола за работа. Ова наиде на незадоволство кај локалната српска заедница и критики од Меѓународната заедница.Минатата година неколку експлозивни направи беа фрлени и врз косовските институции во општините на северот на Косово, додека косовските власти оценија дека „криминалните и терористичките напади“ имале за цел заплашување. прочитај повеќе види ги сите денешни вести април 02, 2025 Почина холивудскиот актер Вал Килмер Вал Килмер Вал Килмер, холивудскиот актер кој се прослави како Џим Морисон и Бетмен и често играше позначајни споредни улоги, почина во Лос Анџелес на 65-годишна возраст. Причината за смртта е пневмонија, соопшти неговото семејство.Неговата професионална кариера започна во театарот, а своето филмско деби го имаше во 1984 година во пародијата „Top Secret“, каде ја играше рок ѕвездата Ник Риверс.Во 1980-тите, тој стана сè попознат по неговите улоги во филмови како што се Top Gun (1986) и Willow (1988).Својот вистински пробив го постигна во 1991 година со улогата на Џим Морисон во биографскиот филм за Оливер Стоун, „The Doors“. Неговиот настап беше пофален за неговата исклучителна автентичност, бидејќи тој самиот ги испеа сите песни во настапот.Во текот на 1990-тите Килмер имаше голем број значајни улоги, вклучувајќи ги: Док Холидеј во вестерн филмот „Tombstone“ (1993), Бетмен/Брус Вејн во „Бетмен засекогаш“ (1995) и Крис Шихерлис во култниот криминален трилер „Heat“ (1995). прочитај повеќе април 02, 2025 Зеленски: Партнерите на Украина ќе разговараат за распоредување странски војници Украинскиот претседател Володомир Зеленски Западните воени лидери ќе разговараат за можното распоредување на војници во Украина кои би го надгледувале потенцијалниот прекин на огнот во конфликтот со Русија и ќе бидат дел од новата безбедносна структура на земјата, изјави украинскиот претседател Володимир Зеленски во своето ноќно видео обраќање (1 апил).„Ова е нашата почетна точка: украинската армија мора да биде доволно силна и на оваа основа е изградена целата безбедносна архитектура. Ќе се одржи состанок за само неколку дена, во петок (4 април) со претставници на нашите земји партнери - тоа ќе бидат воени претставници“, рече Зеленски.Зеленски се состана во Киев на 1 април со германската министерка за надворешни работи во заминување Аналена Бербок, велејќи дека „тесен круг земји“ е подготвен да испрати контингенти.Украинскиот лидер на заедничката прес-конференција со Бербок рече дека чека „поконкретни“ одговори од сојузниците за нивната подготвеност да учествуваат.Франција и Велика Британија изразија подготвеност да испратат војници како дел од таканаречената коалиција на подготвени да го надгледуваат потенцијалниот прекин на огнот. Но, Русија силно се спротивстави на какво било распоредување на странски трупи во Украина.Во своето видео обраќање, Зеленски исто така рече дека Украина сега ги споделила „сите потребни информации во врска со прекршувањата на Русија во енергетскиот сектор“ со своите американски партнери. Тој рече дека имало напади на 1 април во Херсон, вклучително и руско беспилотно летало кое цели на енергетски објект и опрема „целосно намерно и намерно“ и дел од градот останал без електрична енергија.„Ние инсистираме дека секое такво прекршување мора да биде документирано и да добиеме одговор од нашите партнери. Токму овие мали детали придонесуваат за големите одложувања на Русија во дипломатскиот процес“, рече тој. Видете и ова: Што Украина може да научи од мировната мисија на НАТО во Косово? Зеленски се осврна на договорот меѓу Киев и Москва да не напаѓаат едни со други енергетски капацитети. Договорот беше објавен од Белата куќа на 25 март заедно со прекин на огнот за да се овозможи пловидба по Црното Море.Киев рече дека договорот за енергетските капацитети ќе стапи на сила веднаш. Москва, сепак, соопшти дека ќе следи делумно укинување на санкциите кои се однесуваат на руските компании и банки вклучени во меѓународната трговија со храна.Германија објави обврска за дополнителни 130 милиони евра (140 милиони долари) во хуманитарна помош и фондови за стабилизација за време на посетата на Бербок. „Пакетот ќе ја донесе германската помош од почетокот на руската инвазија во Украина до 7 милијарди евра, рече Зеленски. Видете и ова: Зеленски во Минхен повика на создавање „вооружени сили на Европа“ Зеленски и се заблагодари на Германија што се погрижи нејзината поддршка за Украина да остане предвидлива и систематска. Стабилноста на поддршката е еден од клучните фактори во одбраната од руската агресија, рече тој.„Тоа се прекините во снабдувањето, несогласувањата меѓу партнерите и сите знаци на нестабилност на кои рускиот претседател Владимир Путин многу смета“, рече тој.Руските трупи извршија масовен напад со беспилотни летала врз Харкив ноќта на 1 април. Градоначалникот Ихор Терехов рече дека 13 дронови „Шахед“ го погодиле градот, а четири лица се повредени. прочитај повеќе април 02, 2025 Во Србија почнуваат консултации за нова влада Парламентот на Србија Српскиот претседател Александар Вучиќ денеска (2 април)почнува со консултации за формирање нова влада, и за првиот ден се закажани разговори со претставници на четири изборни листи. За днеска се чекуваат разговори со претставниците на листата „Руска партија - Слободан Николиќ“, „Сојуз на Војводински Унгарци (СВМ)“, „Усаме Зукорлиќ - Обединети за правда - Партија на правдата и помирувањето - Босанците од Санџак, како и „Томислав Жигманов – Демократски сојуз на Хрватите во Војводина“ и пратеничката група „Ние – глас од народот“.Вучиќ вчера изјави дека испратил писмо до сите носители на листи и пратенички групи во српското Собрание, а за учество на консултациите се пријавиле пет-шест листи. Според него, консултациите ќе завршат до петок.Дел од парламентарните опозициски партии претходно најавија дека нема да одговорат на повикот на претседателот за консултации за формирање нова влада. На 20 март соопштија дека постигнале консензус дека формирањето преодна влада е неопходно за излез на државата од социјалната и политичката криза. Опозициските партии најавија дека идејата е тоа да биде таканаречена „Влада на народна доверба“ која би била „привремена влада, со максимално времетраење до девет месеци, што би имала конкретни задачи“.На 19 март Собранието на Србија ја констатираше оставката на премиерот Милош Вучевиќ, со што заврши мандатот на актуелната влада. Рокот за формирање на нова влада е 18 април на полноќ. Доколку до тој датум не се формира влада, ќе бидат закажани вонредни парламентарни избори. Вучевиќ на 28 јануари поднесе неотповиклива оставка од таа функција, откако во Нови Сад се случи напад врз студентите во блокада.Српскиот претседател нагласи дека очекува најбројната пратеничка група - СНС да го извести дали сакаат да формираат влада или сакаат нови избори, а она што е сигурно, како што рече, е дека во таа партија нема расположение за каква било преодна влада, со што и тој се согласува.Вучиќ претходно рече дека негова уставна обврска е да им го довери мандатот за состав на влада на оние кои велат дека можат да обезбедат мнозинство, односно најмалку 126 гласа во парламентот. Според член 127 од Уставот на Србија, кандидатите за функцијата премиер на Народното собрание му ги предлага претседателот на Републиката по консултација со претставниците на избраните изборни листи. Видете и ова: Парламентот ја потврди оставката на српската влада Првиот вицепремиер и министер за финансии во техничкиот мандат, Синиша Мали, претходно изјави дека сите опции се на маса кога станува збор за тоа дали ќе се избере нова влада или дали ќе се одржат вонредни избори и посочи дека е важно што поскоро да има нова влада.Социјалистичката партија на Србија потврди дека коалицијата собрана околу таа партија ќе оди на консултации со Вучиќ, и едногласно донеле одлука за продолжување на соработката со Српската напредна станка и Александар Вучиќ. Тие изразиле подготвеност да учествуваат со нивните коалициски партнери во дискусиите за формирање и избор на нова влада.Дел од парламентарните опозициски партии изјавија дека нема да одговорат на поканата на претседателот Александар Вучиќ за консултации за новата Влада на Србија, наведувајќи дека можат да разговараат само за преодна влада.Во заедничката изјава потпишана од Партијата на слободата и правдата, Народното движење на Србија, Новата демократска партија на Србија, ПОКС, Движењето на слободни граѓани, Партијата Србија Центар - СРЦЕ и Зелено-левиот фронт, беше оценето дека „единствениот начин Србија да оди напред е исполнување на студентските барања“ и мирни услови за промена на власта.На поканата за консултации за новата влада нема да одговорат ниту Демократската партија, ниту движењето Еколошко востание, чии претставници изјавија дека не ја добиле поканата. На консултациите со претседателот Вучиќ нема да одат ниту претставниците на пратеничката група „Ние силата на народот“ на Бранимир Несторовиќ, кои сметаат дека „изборите мора да се распишат што е можно поскоро“.Доколку не се избере нова влада до 18 април на полноќ, кога истекува законскиот рок од 30 дена за избор на нов премиер и членови на владата, откако српскиот парламент ја констатира оставката на премиерот Милош Вучевиќ на 19 март, со што го прекинува мандатот на целата влада, претседателот на државата е должен да го распушти Парламентот. прочитај повеќе април 01, 2025 Путин започна најголема мобилизација на војници во последниве години Претседателот на Русија, Владимир Путин Претседателот Владимир Путин повика 160.000 мажи на возраст од 18 до 30 години, што е најголем број регрути во Русија од 2011 година, додека земјата се обидува да ја прошири својата војска.Пролетниот повик за едногодишна воена служба дојде неколку месеци откако Путин рече дека Русија треба да ја зголеми вкупната големина на својата војска на речиси 2,39 милиони, а бројот на активни војници на 1,5 милиони.Тоа е зголемување за 180.000 во следните три години.Вицеадмиралот Владимир Цимљански рече дека нови регрути нема да бидат испратени да се борат во Украина како дел од, како што Русија го нарекува својата „специјална воена операција“. Сепак, имаше извештаи за регрути кои загинале борејќи се во пограничните региони на Русија и биле испратени да се борат во Украина во првите месеци од војната во полн обем, пишува Би-Би-Си.Тековниот повик, кој се одржува меѓу април и јули, доаѓа и покрај обидите на САД да постигнат прекин на огнот во војната.Насилството не стивна во вторникот, кога Украина соопшти дека рускиот напад врз електрана во јужниот град Керсон оставил 45.000 луѓе без струја. Видете и ова: Финска се повлекува од договорот за нагазни мини поради Русија Русија, исто така, тврдеше дека заземала уште едно украинско село, Розљив во областа Доњецк.Русија повикува на регрути во пролет и есен, но последниот повик за 160.000 млади мажи е за 10.000 повеќе отколку во истиот период во 2024 година.Покрај поканите доставени по пошта, младите мажи ќе добиваат известувања и на државната веб-страница на Министерството за правда.Покрај двегодишниот нацрт, Русија повика и голем број мажи како војници со договор и регрутира илјадници војници од Северна Кореја.Москва мораше да одговори на големите загуби во Украина, при што повеќе од 100.000 војници потврдија од Би-Би-Си и Медиазон дека загинале во Украина.Вистинската бројка би можела да биде повеќе од двојно поголема.Путин ја зголеми тројно големината на војската откако им нареди на војниците да ја окупираат Украина во февруари 2022 година. Руското Министерство за одбрана го поврза зголемувањето на големината на армијата во декември 2023 година со „растечките закани“ како од војната во Украина, така и од „постојаното проширување на НАТО“.НАТО се прошири за да ги вклучи Финска и Шведска, како директен резултат на руската инвазија на Украина. Видете и ова: Бербок во Киев предупреди на тактиката на Путин за одложување на мировните преговори Финска ја има најдолгата граница на НАТО со Русија од 1.343 километри, а премиерот Петери Орпо во вторникот рече дека неговата земја ќе им се придружи на другите соседи на Русија во повлекувањето од Конвенцијата од Отава, која забранува противпешадиски нагазни мини.Полска и балтичките земји донесоа слични одлуки пред две недели поради воената закана од Русија.Орпо рече дека одлуката за повторна употреба на противпешадиски мини е донесена врз основа на воени совети и дека народот на Финска нема за што да се грижи.Владата во Хелсинки, исто така, рече дека трошоците за одбрана ќе се зголемат на 3 отсто од бруто домашниот производ, во однос на 2,4 отсто минатата година. прочитај повеќе април 01, 2025 Универзитетското собрание на УКИМ не е против нови здруженија на студенти Илустрација Универзитетското студентско собрание на Скопскиот универзитет (УСС на УКИМ) не е против нови здруженија и организации на студенти и ќе ги повика на дискусија за сите предизвици со кои се соочуваат студентите, изјави претседателот на УСС на УКИМ Александар Николовски прашан за став во врска со појавата на нови студентски иницијативи по трагедијата во Кочани, како „Студентски сојуз“ и „Студентски пленум“.Нагласувајќи дека УСС на УКИМ „работи секогаш за интересите на студентите“, Николовски на новинарско прашање одговори дека чекаат да видат „какви барања ќе произлезат од страна на тие здруженија и организации“ и дека се отворени за дискусија. „Во моментов размислуваме за отворена трибина на која ќе ги повикаме сите страни за да дискутираме за сите предизвици коишто сметаат дека треба да се поправат и, секако, ние сме тука и кога се добри времиња и кога се случуваат вакви трагедии за заедно да менуваме работи во системот. Дополнително, УСС на УКИМ спроведе анкета до сите студенти преку која ќе се направи еден вид документ, што ќе биде манифест со барање до институциите за одредени промени согласно трагедијата во Кочани. Но ние, во ниту еден случај, не одиме против вакви здруженија затоа што тоа се студенти, а ние како легитимно избрани тела – УСС и факултетски собранија, сме тука за да дискутираме и заедно да ги решаваме проблемите, истакна Николовски. Во врска со политички влијанија во студентските организации, нагласи дека партиски членови не треба да се на раководни функции на студентско организирање затоа што, рече, тогаш доаѓа до конфликт на интереси.„Се трудиме да соработуваме со сите политички партии, сме соработувале и ќе продолжиме да соработуваме, но сметаме дека раководството на студентските организации не треба да биде под надлежност на партиски членови, рече Николовски. Видете и ова: Празен кадар пред УКИМ, без студенти и јавни барања Инаку претходно Независниот студентски сојуз на УКИМ ги повика сите студентски собранија да го следат примерот на Факултетското студентско собрание на Филозофскиот факултет кое изгласа недоверба на делегатите на Универзитетското студентско собрание (УСС на УКИМ).Недовербата беше изгласана ден по собирот кој Универзитетското студентско собрание го организираше на платото на УКИМ за да оддаде почит за трагично згаснатите животи во пожарот во Кочани.Иако не беше најавено, на собирот на УСС на УКИМ се појавија ректорката Биљана Ангелова и министерката за образование и наука, Весна Јаневска кои се обратија од говорницата пред Филозофскиот факултет. Во говорите немаше никакво барање за одговорност туку „емотивни флоскули“ и токму за време на нејзиното обраќање, таа беше исвиркана од дел од студентите.Сепак, од УСС УКИМ ги замолија студентите за тишина и токму ваквиот „потег“ резултираше со револт и поделби меѓу нив. Студентскиот отпор ги обвини Ангелова и Јаневска за „политичка самопромоција“.Независниот студентски сојуз (НСС УКИМ) пак одржаа пленум „зад затворени врати“, каде медиумите не беа добредојдени.Во една од објавите на социјалните мрежи тие наведуваат дека не се формална организација туку група студенти чија цел е да создадат пленум „каде студентските прашања ќе бидат слушнати без политички влијанија или лични интереси.“ прочитај повеќе април 01, 2025 Закажана конститутивна седница на Собранието на Косово Претседателката на Косово, Вјоса Османи, за време на свое обраќање во Собранието на Косово. Претседателката на Косово, Вјоса Османи, го одреди 15 април како датум за одржување на конститутивната седница на новиот парламентарен состав произлезен од редовните избори одржани на 9 февруари. Ова е прв конкретен чекор во формирањето на новите државни институции, откако Централната изборна комисија ги потврди изборните резултати на 27 март. Во спротивно, според Деловникот на Собранието на Косово, Парламентот би се состанал на 30-ти ден.Што се случува на конститутивната седница?Конститутивната седница ја подготвува претседателот на претходното свикување, кој пет дена пред седницата мора да свика состанок на претседателите на политичките партии застапени во Собранието, за да го подготви дневниот ред.На дневен ред треба да биде формирање на привремена комисија која ќе го верификува кворумот и мандатот, давање заклетва на нови пратеници, избор на претседател и потпретседател на собранието, гласање за извештајот на споменатата комисија и утврдување на пратеничките места во салата според политичката сила. Видете и ова: Потврдени конечните изборни резултати во Косово Со конститутивната седница претседава најстариот заменик, со помош на најмладиот заменик.Законите не предвидуваат дека не може да има расправа на седницата.На оваа седница пратениците полагаат заклетва - отсутните тоа можат да го сторат на следната седница - а првата партија, во случајов движењето Самоопределување, предлага кандидат за претседател на Собранието.Потпретседателите, пак, се предложени од една од најголемите партии и немнозинските заедници, вклучително и српската заедница.Согласно Деловникот на Собранието, конститутивната седница завршува со избор на претседател и потпретседател.Прекините на конститутивната седница не можат да бидат подолги од 48 часа“, се вели во член 12 точка 5 од Деловникот на Собранието.Според резултатите, во новиот парламентарен состав Движењето Самоопределување ќе има 48 пратеници, Демократската партија на Косово 24, Демократскиот сојуз на Косово 20, Српската листа девет, а коалицијата Алијанса за иднината на Косово и Социјалдемократската иницијатива осум пратенички места.Избор на Влада Распределбата на мандатите во Собранието значи дека ниту една партија не може сама да формира Влада, што е следен чекор по одржувањето на конститутивната седница.Што се однесува до резултатите, Движењето Самоопределување веќе се обрати до Уставниот суд, оспорувајќи ја одлуката на Врховниот суд за поштенските гласови, тврдејќи дека Демократскиот сојуз на Косово манипулирал со нив. Партијата на вршителот на должноста премиер Албин Курти побара од Уставниот суд времена мерка во врска со одлуката на Врховниот суд за тие гласови.Доколку Уставниот суд донесе одлука за ова прашање, тогаш може да дојде до прекин на изборниот процес на Владата. Сепак, додека Уставниот суд не го реши прашањето што го покрена Движењето Самоопределување, претседателката на државата има неколку законски рокови кои мора да ги почитува. Видете и ова: Курти ветува над милијарда евра за Косовските безбедносни сили Според законите, Османи мора да го довери мандатот за формирање нова влада на првата партија на изборите, во случајов на движењето Самоопределување.Во Уставот стои дека мандатарот потоа има рок од 15 дена да го претстави составот на новиот извршен орган до Собранието и да побара 61 глас за негово одобрување.Во случај првата партија да не добие поддршка од најмалку 61 пратеник, претседателот Османи има рок од десет дена да назначи друг претставник.Ги повикува страните на консултации и има дискреционо право да определи кого ќе овласти да ја формира извршната власт.И вториот претставник има рок од 15 дена да го претстави составот на владиниот кабинет пред Собранието.Но, доколку и по вториот обид не се формира Влада, тогаш претседателот Османи, според член 95 од Уставот, мора да распише нови избори, кои мора да се одржат најдоцна за 40 дена.Изборите одржани на 9 февруари беа првите редовни парламентарни избори одржани во Косово по прогласувањето на независноста. прочитај повеќе април 01, 2025 Финска се повлекува од договорот за нагазни мини поради Русија Финските граничари и нивното куче Нита патролираат на финско-руската граница, во источна Финска, на 5 јуни 2024 година. Членката на НАТО Финска планира да ја напушти глобалната конвенција за забрана на противпешадиски мини и да ги зголеми трошоците за одбрана на најмалку 3 отсто од бруто домашниот производ до 2029 година како одговор на растечката воена закана од Русија, објави во вторникот нејзината влада.Полска и балтичките земји, Естонија, Летонија и Литванија, минатиот месец објавија дека ќе се повлечат од Конвенцијата од Отава од 1997 година поради заканата што соседна Русија ја претставува за нив и за Европа.Со напуштање на договорот, Финска, која ја чува најдолгата граница на НАТО со Русија, би можела повторно да започне со обезбедување на залихи на нагазни мини за да и бидат достапни доколку се појави потреба. Видете и ова: Советот на ЕУ ја одобри третата исплата за Украина од речиси 3,5 милијарди евра На прес-конференцијата премиерот Петри Орпо рече дека во моментов нема непосредна воена закана за нордиската нација, но дека Русија претставува долгорочна опасност за цела Европа.„Повлекувањето од Конвенцијата од Отава ќе ни овозможи да се подготвиме за промени во сегашната безбедносна средина на посеопфатен и разноврсен начин“, рече тој.Премиерот Орпо додаде дека Финска ќе одвои дополнителни три милијарди евра за одбраната, со што ќе го подигне нивото на воени трошоци од 2,41 отсто во 2024 година на 3 отсто од бруто домашниот производ до 2029 година копно и балтичките држави дека Русија би можела повторно да се вооружи и да ги нападне наместо Украина.Финска се приклучи на воената алијанса НАТО во 2023 година, во промена на политиката по децении на неврзаност предизвикана од руската инвазија на Украина.Финска почна да размислува за повлекување од Договорот од Отава во ноември минатата година, кога нејзиниот воен началник рече дека ова прашање треба да се разговара поради руската употреба на такво оружје во Украина.„Финска ќе ги користи мините на одговорен начин, но тоа е одвраќање што ни треба“, рече министерот за земјоделство и шумарство Сари Есајах за новинарите во вторникот. Видете и ова: И покрај негодувањето на групите за права, САД ќе и дадат на Украина противпешадиски мини Противпешадиските нагазни мини се дизајнирани да бидат скриени во земјата и автоматски да се активираат кога некој ќе стапне или оди во нивна близина.Финска уништи над милион нагазни мини по 2012 година, со што стана последната земја на ЕУ што ја потпиша Конвенцијата од Отава, која ја ратификуваа или пристапија повеќе од 160 земји - но не и Русија.Договорот од 1997 година беше еден од низата меѓународни договори направени по крајот на Студената војна за промовирање на глобалното разоружување. Борците против мини ја добија Нобеловата награда за мир истата година.Нагазни мини убија или осакатија десетици илјади цивили ширум светот, многу од нив долго по завршувањето на војните.За напуштање на договорот ќе биде потребно одобрение од финскиот парламент. прочитај повеќе април 01, 2025 Полицајци осомничени дека незаконски земале патни трошоци Илустрација Одделот за внатрешна контрола при Министерството за внатрешни работи поднесе кривична пријава против 10 полициски службеници од Единицата за брзо распоредување. Службениците се осомничени за злоупотреба на службената положба и овластување, со што го оштетиле буџетот на Министерството за внатрешни работи за 1.098.120 денари. Тие примале парични средства за патни трошоци за денови кога не патувале до работното место во Скопје. Против нив ќе биде поднесен и предлог за дисциплинска постапка.Како што стои во соопштениот од МВР, Одделот за внатрешна контрола, криминалистички истраги и професионални стандарди при Министерството за внатрешни работи, до Основното јавно обвинителство за гонење на организиран криминал и корупција - Специјализирано оддделение за гонење на кривични дела сторени од лица со полициски овластувања и припадници на затворската полиција, поднесе кривична пријава против полициските службеници К.Ѓ., Г.Д., Н.С., И.Г., Д.Д., Д.Д., Н.М., С.С., З.Т. и Д.Т., сите вработени во Единицата за брзо распоредување, поради постоење основи на сомнение дека извршиле кривично дело „злоупотреба на службената положба и овластување“ казниво по член 353 од Кривичниот законик. Видете и ова: Триесетдневен притвор за член на обезбедувањето на премиерот „Пријавените, со намера за себе да прибават противправна имотна корист, искористувајќи го стекнатото право за надомест на патни трошоци, поради тоа што по лична карта се воделе со место на живеење надвор од Скопје, ја злоупотребиле службената положба на начин што примале парични средства од Министерството за внатрешни работи за денови во кои не патувале од своето место на живеење до работното место во Скопје и обратно, со што во периодот 01.12.2023 до 17.09.2024 го оштетиле буџетот на Министерството за внатрешни работи во вкупен износ од 1.098.120 денари, стои во соопштението од МВР. Дополнуваат дека Одделот за внатрешна контрола, криминалистички истраги и професионални стандарди за пријавените полициски службеници ќе поднесе и предлог за поведување на постапка за утврдување на дисциплинска одговорност. прочитај повеќе април 01, 2025 Вучиќ верува во создавање воен сојуз меѓу Србија и Унгарија Потпишување на договорот за соработка меѓу Србија и Унгарија во областа на одбраната, Белград, 1 април 2025 година. Претседателот на Србија, Александар Вучиќ изјави дека верува оти новиот договор меѓу Белград и Будимпешта во областа на одбраната, потпишан на 1 април, ќе продолжи во натамошното приближување кон создавање на воен сојуз меѓу Србија и Унгарија.„Тоа го бара унгарската страна, а унгарскиот и српскиот парламент. Нашите односи се повеќе од добри, а премиерот Виктор Орбан и јас изразивме желба да продолжиме со забрзување и натамошно приближување на нашите позиции во одбранбената сфера“, рече Вучиќ по потпишувањето.Вучиќ не даде повеќе детали за идејата за српско-унгарски воен сојуз. Унгарската и српската страна не разговараа за тоа, се додека по потпишувањето на договорот не беа дозволени прашања од новинарите.Во средината на март, Белград остро реагираше на декларацијата што тогаш ја потпишаа Албанија, Хрватска и Косово во Тирана, која учесниците ја опишаа како документ кој ја зајакнува соработката во одговорот на безбедносните предизвици кои можат да ја загрозат регионалната стабилност. Од друга страна, Србија го окарактеризира како провокација и закана за стабилноста. Видете и ова: Србија и Унгарија потпишаа договор за одбранбена соработка Хеликоптерски вежби и обукиКриштоф Салаи-Боровнички и Братислав Гашиќ, министрите за одбрана на Унгарија и Србија, потпишаа документ во вторник во Белград со кој се прецизира договорот за стратешка соработка меѓу Унгарија и Србија во областа на одбраната од 2023 година на посветени индустрии, сајбер безбедност, мировни операции, воено образование и медицина.„Унгарија е секогаш на страната на зачувување на мирот и Србија е секогаш нејзин сојузник во тоа“, изјави унгарскиот министер за одбрана Кристоф Салаи-Боровнички.Вучиќ во оваа прилика рече дека Белград, откако минатата година купи оклопни транспортери БТР-80А од Будимпешта, е заинтересиран за набавка на други системи останати во Унгарија од советскиот период, како и за новите борбени возила Lynx KF-51 што Унгарија ги произведува во соработка со германската компанија Rheinmetall.Тој додаде дека Унгарија купува муниција со калибар 7,62 од Србија и дека е заинтересирана за борбени возила 8х8 од српско производство.На воено поле нè очекува многу заедничка работа. Се што правиме значи поголема безбедност за граѓаните на двете земји“, рече Вучиќ.Тој изјави дека наскоро очекува средба со унгарскиот премиер Виктор Орбан.Беше објавено дека трговската размена меѓу Унгарија и Србија надмина три милијарди евра и дека земјата е петти економски партнер на Србија. Видете и ова: САД ги одложија санкциите за Српската нафтена индустрија Две децении неутралност Србија е членка на програмата на НАТО Партнерство за мир од декември 2006 година. На крајот на 2007 година таа прогласи воена неутралност преку парламентарната резолуција за заштита на суверенитетот, територијалниот интегритет и уставниот поредок.Во последните десет години има одржано десетици воени вежби со земјите од НАТО алијансата, вклучително и Соединетите Американски Држави, како и со Руската Федерација и Белорусија.Од руската инвазија на Украина, Србија не учествуваше во воени вежби ниту со Истокот, ниту со Западот.Исклучок направи во 2023 година, кога на своја територија вежбаше 15 дена со САД и другите земји на НАТО во маневрите наречени „Платинест волк“ одржани во воената база „Југ“. прочитај повеќе април 01, 2025 Владата со идеја да купи 120 еколошки автобуси Илустрација Владата денеска на седница усвоила Информација за набавка на 120 еколошки автобуси, од кои 80 се ургентно потребни за обнова на возниот парк на ЈСП- Скопје и подобрување на јавниот превоз, а останатите 40 ќе бидат распределени согласно економската оправданост и реалните потреби на секоја од единиците на локалната самоуправа. „Владата ја разгледа и усвои Информацијата од Министерство за транспорт во врска со доставените писма за интерес од единиците на локалната самоуправа за потребата од набавка на еколошки автобуси за јавен превоз. Имајќи ги предвид финансиските средства обезбедени во рамки на буџетот на Министерството за транспорт за оваа намена, предвидена е набавка на 120 еколошки автобуси, од кои 80 се ургентно потребни за обнова на возниот парк на ЈСП- Скопје и подобрување на јавниот превоз, а останатите 40 ќе бидат распределени согласно економската оправданост и реалните потреби на секоја од единиците на локалната самоуправа, информира владината прес-служба. Видете и ова: Што може да ги изгаси „пожарите” во ЈСП? Набавката на еколошките автобуси за јавен превоз, додаваат од Владата, ќе придонесе за подобрување на квалитетот на услугите за граѓаните, како и намалување на загадувањето на воздухот во општините, одржлив развој и заштита на животната средина. прочитај повеќе Вчитај повеќе...

Вести април 01, 2025 ЕУ го поздрави формирањето на нова преодна влада во Сирија Високата претставничка на ЕУ за надворешна политика и безбедност, Каја Калас Европската Унија го поздрави формирањето на новата преодна влада во Сирија и изрази подготвеност за соработка со неа во справувањето со големите предизвици, изјави синоќа високата претставничка на ЕУ за надворешна политика и безбедност, Каја Калас.Како што е наведено на официјалната веб-страница на ЕУ, Калас изјави дека аспирациите на сите Сиријци мора да бидат исполнети и дека Унијата ќе застане покрај сирискиот народ, обезбедувајќи новата влада да ги почитува своите обврски кон мирна и инклузивна транзиција.„ЕУ ја повторува својата непоколеблива поддршка за транзициониот процес што го води и поседува самата Сирија – процес кој е мирен, инклузивен и кој ги опфаќа сите сегменти на сириското општество. Сеопфатната транзициска правда мора да обезбеди одговорност за сите злосторства и значително да придонесе за национално помирување“, изјави Калас. Видете и ова: ЕУ вети повеќе од 5 милијарди евра за Сирија Таа нагласи дека процесот инициран на Конференцијата за национален дијалог, одржана на 25 февруари, ќе има клучна улога во овој контекст.„Клучно е сите надворешни актери целосно да го почитуваат единството, суверенитетот и територијалниот интегритет на Сирија. ЕУ ги осудува сите обиди за поткопување на нејзината стабилност и перспективите за мирна и инклузивна политичка транзиција“, рече Калас.Министрите на новата сириска преодна влада пред два дена положија заклетва во Народната палата во Дамаск. прочитај повеќе види ги сите денешни вести април 02, 2025 Зеленски: Партнерите на Украина ќе разговараат за распоредување странски војници Украинскиот претседател Володомир Зеленски Западните воени лидери ќе разговараат за можното распоредување на војници во Украина кои би го надгледувале потенцијалниот прекин на огнот во конфликтот со Русија и ќе бидат дел од новата безбедносна структура на земјата, изјави украинскиот претседател Володимир Зеленски во своето ноќно видео обраќање (1 апил).„Ова е нашата почетна точка: украинската армија мора да биде доволно силна и на оваа основа е изградена целата безбедносна архитектура. Ќе се одржи состанок за само неколку дена, во петок (4 април) со претставници на нашите земји партнери - тоа ќе бидат воени претставници“, рече Зеленски.Зеленски се состана во Киев на 1 април со германската министерка за надворешни работи во заминување Аналена Бербок, велејќи дека „тесен круг земји“ е подготвен да испрати контингенти.Украинскиот лидер на заедничката прес-конференција со Бербок рече дека чека „поконкретни“ одговори од сојузниците за нивната подготвеност да учествуваат.Франција и Велика Британија изразија подготвеност да испратат војници како дел од таканаречената коалиција на подготвени да го надгледуваат потенцијалниот прекин на огнот. Но, Русија силно се спротивстави на какво било распоредување на странски трупи во Украина.Во своето видео обраќање, Зеленски исто така рече дека Украина сега ги споделила „сите потребни информации во врска со прекршувањата на Русија во енергетскиот сектор“ со своите американски партнери. Тој рече дека имало напади на 1 април во Херсон, вклучително и руско беспилотно летало кое цели на енергетски објект и опрема „целосно намерно и намерно“ и дел од градот останал без електрична енергија.„Ние инсистираме дека секое такво прекршување мора да биде документирано и да добиеме одговор од нашите партнери. Токму овие мали детали придонесуваат за големите одложувања на Русија во дипломатскиот процес“, рече тој. Видете и ова: Што Украина може да научи од мировната мисија на НАТО во Косово? Зеленски се осврна на договорот меѓу Киев и Москва да не напаѓаат едни со други енергетски капацитети. Договорот беше објавен од Белата куќа на 25 март заедно со прекин на огнот за да се овозможи пловидба по Црното Море.Киев рече дека договорот за енергетските капацитети ќе стапи на сила веднаш. Москва, сепак, соопшти дека ќе следи делумно укинување на санкциите кои се однесуваат на руските компании и банки вклучени во меѓународната трговија со храна.Германија објави обврска за дополнителни 130 милиони евра (140 милиони долари) во хуманитарна помош и фондови за стабилизација за време на посетата на Бербок. „Пакетот ќе ја донесе германската помош од почетокот на руската инвазија во Украина до 7 милијарди евра, рече Зеленски. Видете и ова: Зеленски во Минхен повика на создавање „вооружени сили на Европа“ Зеленски и се заблагодари на Германија што се погрижи нејзината поддршка за Украина да остане предвидлива и систематска. Стабилноста на поддршката е еден од клучните фактори во одбраната од руската агресија, рече тој.„Тоа се прекините во снабдувањето, несогласувањата меѓу партнерите и сите знаци на нестабилност на кои рускиот претседател Владимир Путин многу смета“, рече тој.Руските трупи извршија масовен напад со беспилотни летала врз Харкив ноќта на 1 април. Градоначалникот Ихор Терехов рече дека 13 дронови „Шахед“ го погодиле градот, а четири лица се повредени. прочитај повеќе април 02, 2025 Во Србија почнуваат консултации за нова влада Парламентот на Србија Српскиот претседател Александар Вучиќ денеска (2 април)почнува со консултации за формирање нова влада, и за првиот ден се закажани разговори со претставници на четири изборни листи. За днеска се чекуваат разговори со претставниците на листата „Руска партија - Слободан Николиќ“, „Сојуз на Војводински Унгарци (СВМ)“, „Усаме Зукорлиќ - Обединети за правда - Партија на правдата и помирувањето - Босанците од Санџак, како и „Томислав Жигманов – Демократски сојуз на Хрватите во Војводина“ и пратеничката група „Ние – глас од народот“.Вучиќ вчера изјави дека испратил писмо до сите носители на листи и пратенички групи во српското Собрание, а за учество на консултациите се пријавиле пет-шест листи. Според него, консултациите ќе завршат до петок.Дел од парламентарните опозициски партии претходно најавија дека нема да одговорат на повикот на претседателот за консултации за формирање нова влада. На 20 март соопштија дека постигнале консензус дека формирањето преодна влада е неопходно за излез на државата од социјалната и политичката криза. Опозициските партии најавија дека идејата е тоа да биде таканаречена „Влада на народна доверба“ која би била „привремена влада, со максимално времетраење до девет месеци, што би имала конкретни задачи“.На 19 март Собранието на Србија ја констатираше оставката на премиерот Милош Вучевиќ, со што заврши мандатот на актуелната влада. Рокот за формирање на нова влада е 18 април на полноќ. Доколку до тој датум не се формира влада, ќе бидат закажани вонредни парламентарни избори. Вучевиќ на 28 јануари поднесе неотповиклива оставка од таа функција, откако во Нови Сад се случи напад врз студентите во блокада.Српскиот претседател нагласи дека очекува најбројната пратеничка група - СНС да го извести дали сакаат да формираат влада или сакаат нови избори, а она што е сигурно, како што рече, е дека во таа партија нема расположение за каква било преодна влада, со што и тој се согласува.Вучиќ претходно рече дека негова уставна обврска е да им го довери мандатот за состав на влада на оние кои велат дека можат да обезбедат мнозинство, односно најмалку 126 гласа во парламентот. Според член 127 од Уставот на Србија, кандидатите за функцијата премиер на Народното собрание му ги предлага претседателот на Републиката по консултација со претставниците на избраните изборни листи. Видете и ова: Парламентот ја потврди оставката на српската влада Првиот вицепремиер и министер за финансии во техничкиот мандат, Синиша Мали, претходно изјави дека сите опции се на маса кога станува збор за тоа дали ќе се избере нова влада или дали ќе се одржат вонредни избори и посочи дека е важно што поскоро да има нова влада.Социјалистичката партија на Србија потврди дека коалицијата собрана околу таа партија ќе оди на консултации со Вучиќ, и едногласно донеле одлука за продолжување на соработката со Српската напредна станка и Александар Вучиќ. Тие изразиле подготвеност да учествуваат со нивните коалициски партнери во дискусиите за формирање и избор на нова влада.Дел од парламентарните опозициски партии изјавија дека нема да одговорат на поканата на претседателот Александар Вучиќ за консултации за новата Влада на Србија, наведувајќи дека можат да разговараат само за преодна влада.Во заедничката изјава потпишана од Партијата на слободата и правдата, Народното движење на Србија, Новата демократска партија на Србија, ПОКС, Движењето на слободни граѓани, Партијата Србија Центар - СРЦЕ и Зелено-левиот фронт, беше оценето дека „единствениот начин Србија да оди напред е исполнување на студентските барања“ и мирни услови за промена на власта.На поканата за консултации за новата влада нема да одговорат ниту Демократската партија, ниту движењето Еколошко востание, чии претставници изјавија дека не ја добиле поканата. На консултациите со претседателот Вучиќ нема да одат ниту претставниците на пратеничката група „Ние силата на народот“ на Бранимир Несторовиќ, кои сметаат дека „изборите мора да се распишат што е можно поскоро“.Доколку не се избере нова влада до 18 април на полноќ, кога истекува законскиот рок од 30 дена за избор на нов премиер и членови на владата, откако српскиот парламент ја констатира оставката на премиерот Милош Вучевиќ на 19 март, со што го прекинува мандатот на целата влада, претседателот на државата е должен да го распушти Парламентот. прочитај повеќе април 01, 2025 Путин започна најголема мобилизација на војници во последниве години Претседателот на Русија, Владимир Путин Претседателот Владимир Путин повика 160.000 мажи на возраст од 18 до 30 години, што е најголем број регрути во Русија од 2011 година, додека земјата се обидува да ја прошири својата војска.Пролетниот повик за едногодишна воена служба дојде неколку месеци откако Путин рече дека Русија треба да ја зголеми вкупната големина на својата војска на речиси 2,39 милиони, а бројот на активни војници на 1,5 милиони.Тоа е зголемување за 180.000 во следните три години.Вицеадмиралот Владимир Цимљански рече дека нови регрути нема да бидат испратени да се борат во Украина како дел од, како што Русија го нарекува својата „специјална воена операција“. Сепак, имаше извештаи за регрути кои загинале борејќи се во пограничните региони на Русија и биле испратени да се борат во Украина во првите месеци од војната во полн обем, пишува Би-Би-Си.Тековниот повик, кој се одржува меѓу април и јули, доаѓа и покрај обидите на САД да постигнат прекин на огнот во војната.Насилството не стивна во вторникот, кога Украина соопшти дека рускиот напад врз електрана во јужниот град Керсон оставил 45.000 луѓе без струја. Видете и ова: Финска се повлекува од договорот за нагазни мини поради Русија Русија, исто така, тврдеше дека заземала уште едно украинско село, Розљив во областа Доњецк.Русија повикува на регрути во пролет и есен, но последниот повик за 160.000 млади мажи е за 10.000 повеќе отколку во истиот период во 2024 година.Покрај поканите доставени по пошта, младите мажи ќе добиваат известувања и на државната веб-страница на Министерството за правда.Покрај двегодишниот нацрт, Русија повика и голем број мажи како војници со договор и регрутира илјадници војници од Северна Кореја.Москва мораше да одговори на големите загуби во Украина, при што повеќе од 100.000 војници потврдија од Би-Би-Си и Медиазон дека загинале во Украина.Вистинската бројка би можела да биде повеќе од двојно поголема.Путин ја зголеми тројно големината на војската откако им нареди на војниците да ја окупираат Украина во февруари 2022 година. Руското Министерство за одбрана го поврза зголемувањето на големината на армијата во декември 2023 година со „растечките закани“ како од војната во Украина, така и од „постојаното проширување на НАТО“.НАТО се прошири за да ги вклучи Финска и Шведска, како директен резултат на руската инвазија на Украина. Видете и ова: Бербок во Киев предупреди на тактиката на Путин за одложување на мировните преговори Финска ја има најдолгата граница на НАТО со Русија од 1.343 километри, а премиерот Петери Орпо во вторникот рече дека неговата земја ќе им се придружи на другите соседи на Русија во повлекувањето од Конвенцијата од Отава, која забранува противпешадиски нагазни мини.Полска и балтичките земји донесоа слични одлуки пред две недели поради воената закана од Русија.Орпо рече дека одлуката за повторна употреба на противпешадиски мини е донесена врз основа на воени совети и дека народот на Финска нема за што да се грижи.Владата во Хелсинки, исто така, рече дека трошоците за одбрана ќе се зголемат на 3 отсто од бруто домашниот производ, во однос на 2,4 отсто минатата година. прочитај повеќе април 01, 2025 Универзитетското собрание на УКИМ не е против нови здруженија на студенти Илустрација Универзитетското студентско собрание на Скопскиот универзитет (УСС на УКИМ) не е против нови здруженија и организации на студенти и ќе ги повика на дискусија за сите предизвици со кои се соочуваат студентите, изјави претседателот на УСС на УКИМ Александар Николовски прашан за став во врска со појавата на нови студентски иницијативи по трагедијата во Кочани, како „Студентски сојуз“ и „Студентски пленум“.Нагласувајќи дека УСС на УКИМ „работи секогаш за интересите на студентите“, Николовски на новинарско прашање одговори дека чекаат да видат „какви барања ќе произлезат од страна на тие здруженија и организации“ и дека се отворени за дискусија. „Во моментов размислуваме за отворена трибина на која ќе ги повикаме сите страни за да дискутираме за сите предизвици коишто сметаат дека треба да се поправат и, секако, ние сме тука и кога се добри времиња и кога се случуваат вакви трагедии за заедно да менуваме работи во системот. Дополнително, УСС на УКИМ спроведе анкета до сите студенти преку која ќе се направи еден вид документ, што ќе биде манифест со барање до институциите за одредени промени согласно трагедијата во Кочани. Но ние, во ниту еден случај, не одиме против вакви здруженија затоа што тоа се студенти, а ние како легитимно избрани тела – УСС и факултетски собранија, сме тука за да дискутираме и заедно да ги решаваме проблемите, истакна Николовски. Во врска со политички влијанија во студентските организации, нагласи дека партиски членови не треба да се на раководни функции на студентско организирање затоа што, рече, тогаш доаѓа до конфликт на интереси.„Се трудиме да соработуваме со сите политички партии, сме соработувале и ќе продолжиме да соработуваме, но сметаме дека раководството на студентските организации не треба да биде под надлежност на партиски членови, рече Николовски. Видете и ова: Празен кадар пред УКИМ, без студенти и јавни барања Инаку претходно Независниот студентски сојуз на УКИМ ги повика сите студентски собранија да го следат примерот на Факултетското студентско собрание на Филозофскиот факултет кое изгласа недоверба на делегатите на Универзитетското студентско собрание (УСС на УКИМ).Недовербата беше изгласана ден по собирот кој Универзитетското студентско собрание го организираше на платото на УКИМ за да оддаде почит за трагично згаснатите животи во пожарот во Кочани.Иако не беше најавено, на собирот на УСС на УКИМ се појавија ректорката Биљана Ангелова и министерката за образование и наука, Весна Јаневска кои се обратија од говорницата пред Филозофскиот факултет. Во говорите немаше никакво барање за одговорност туку „емотивни флоскули“ и токму за време на нејзиното обраќање, таа беше исвиркана од дел од студентите.Сепак, од УСС УКИМ ги замолија студентите за тишина и токму ваквиот „потег“ резултираше со револт и поделби меѓу нив. Студентскиот отпор ги обвини Ангелова и Јаневска за „политичка самопромоција“.Независниот студентски сојуз (НСС УКИМ) пак одржаа пленум „зад затворени врати“, каде медиумите не беа добредојдени.Во една од објавите на социјалните мрежи тие наведуваат дека не се формална организација туку група студенти чија цел е да создадат пленум „каде студентските прашања ќе бидат слушнати без политички влијанија или лични интереси.“ прочитај повеќе април 01, 2025 Закажана конститутивна седница на Собранието на Косово Претседателката на Косово, Вјоса Османи, за време на свое обраќање во Собранието на Косово. Претседателката на Косово, Вјоса Османи, го одреди 15 април како датум за одржување на конститутивната седница на новиот парламентарен состав произлезен од редовните избори одржани на 9 февруари. Ова е прв конкретен чекор во формирањето на новите државни институции, откако Централната изборна комисија ги потврди изборните резултати на 27 март. Во спротивно, според Деловникот на Собранието на Косово, Парламентот би се состанал на 30-ти ден.Што се случува на конститутивната седница?Конститутивната седница ја подготвува претседателот на претходното свикување, кој пет дена пред седницата мора да свика состанок на претседателите на политичките партии застапени во Собранието, за да го подготви дневниот ред.На дневен ред треба да биде формирање на привремена комисија која ќе го верификува кворумот и мандатот, давање заклетва на нови пратеници, избор на претседател и потпретседател на собранието, гласање за извештајот на споменатата комисија и утврдување на пратеничките места во салата според политичката сила. Видете и ова: Потврдени конечните изборни резултати во Косово Со конститутивната седница претседава најстариот заменик, со помош на најмладиот заменик.Законите не предвидуваат дека не може да има расправа на седницата.На оваа седница пратениците полагаат заклетва - отсутните тоа можат да го сторат на следната седница - а првата партија, во случајов движењето Самоопределување, предлага кандидат за претседател на Собранието.Потпретседателите, пак, се предложени од една од најголемите партии и немнозинските заедници, вклучително и српската заедница.Согласно Деловникот на Собранието, конститутивната седница завршува со избор на претседател и потпретседател.Прекините на конститутивната седница не можат да бидат подолги од 48 часа“, се вели во член 12 точка 5 од Деловникот на Собранието.Според резултатите, во новиот парламентарен состав Движењето Самоопределување ќе има 48 пратеници, Демократската партија на Косово 24, Демократскиот сојуз на Косово 20, Српската листа девет, а коалицијата Алијанса за иднината на Косово и Социјалдемократската иницијатива осум пратенички места.Избор на Влада Распределбата на мандатите во Собранието значи дека ниту една партија не може сама да формира Влада, што е следен чекор по одржувањето на конститутивната седница.Што се однесува до резултатите, Движењето Самоопределување веќе се обрати до Уставниот суд, оспорувајќи ја одлуката на Врховниот суд за поштенските гласови, тврдејќи дека Демократскиот сојуз на Косово манипулирал со нив. Партијата на вршителот на должноста премиер Албин Курти побара од Уставниот суд времена мерка во врска со одлуката на Врховниот суд за тие гласови.Доколку Уставниот суд донесе одлука за ова прашање, тогаш може да дојде до прекин на изборниот процес на Владата. Сепак, додека Уставниот суд не го реши прашањето што го покрена Движењето Самоопределување, претседателката на државата има неколку законски рокови кои мора да ги почитува. Видете и ова: Курти ветува над милијарда евра за Косовските безбедносни сили Според законите, Османи мора да го довери мандатот за формирање нова влада на првата партија на изборите, во случајов на движењето Самоопределување.Во Уставот стои дека мандатарот потоа има рок од 15 дена да го претстави составот на новиот извршен орган до Собранието и да побара 61 глас за негово одобрување.Во случај првата партија да не добие поддршка од најмалку 61 пратеник, претседателот Османи има рок од десет дена да назначи друг претставник.Ги повикува страните на консултации и има дискреционо право да определи кого ќе овласти да ја формира извршната власт.И вториот претставник има рок од 15 дена да го претстави составот на владиниот кабинет пред Собранието.Но, доколку и по вториот обид не се формира Влада, тогаш претседателот Османи, според член 95 од Уставот, мора да распише нови избори, кои мора да се одржат најдоцна за 40 дена.Изборите одржани на 9 февруари беа првите редовни парламентарни избори одржани во Косово по прогласувањето на независноста. прочитај повеќе април 01, 2025 Финска се повлекува од договорот за нагазни мини поради Русија Финските граничари и нивното куче Нита патролираат на финско-руската граница, во источна Финска, на 5 јуни 2024 година. Членката на НАТО Финска планира да ја напушти глобалната конвенција за забрана на противпешадиски мини и да ги зголеми трошоците за одбрана на најмалку 3 отсто од бруто домашниот производ до 2029 година како одговор на растечката воена закана од Русија, објави во вторникот нејзината влада.Полска и балтичките земји, Естонија, Летонија и Литванија, минатиот месец објавија дека ќе се повлечат од Конвенцијата од Отава од 1997 година поради заканата што соседна Русија ја претставува за нив и за Европа.Со напуштање на договорот, Финска, која ја чува најдолгата граница на НАТО со Русија, би можела повторно да започне со обезбедување на залихи на нагазни мини за да и бидат достапни доколку се појави потреба. Видете и ова: Советот на ЕУ ја одобри третата исплата за Украина од речиси 3,5 милијарди евра На прес-конференцијата премиерот Петри Орпо рече дека во моментов нема непосредна воена закана за нордиската нација, но дека Русија претставува долгорочна опасност за цела Европа.„Повлекувањето од Конвенцијата од Отава ќе ни овозможи да се подготвиме за промени во сегашната безбедносна средина на посеопфатен и разноврсен начин“, рече тој.Премиерот Орпо додаде дека Финска ќе одвои дополнителни три милијарди евра за одбраната, со што ќе го подигне нивото на воени трошоци од 2,41 отсто во 2024 година на 3 отсто од бруто домашниот производ до 2029 година копно и балтичките држави дека Русија би можела повторно да се вооружи и да ги нападне наместо Украина.Финска се приклучи на воената алијанса НАТО во 2023 година, во промена на политиката по децении на неврзаност предизвикана од руската инвазија на Украина.Финска почна да размислува за повлекување од Договорот од Отава во ноември минатата година, кога нејзиниот воен началник рече дека ова прашање треба да се разговара поради руската употреба на такво оружје во Украина.„Финска ќе ги користи мините на одговорен начин, но тоа е одвраќање што ни треба“, рече министерот за земјоделство и шумарство Сари Есајах за новинарите во вторникот. Видете и ова: И покрај негодувањето на групите за права, САД ќе и дадат на Украина противпешадиски мини Противпешадиските нагазни мини се дизајнирани да бидат скриени во земјата и автоматски да се активираат кога некој ќе стапне или оди во нивна близина.Финска уништи над милион нагазни мини по 2012 година, со што стана последната земја на ЕУ што ја потпиша Конвенцијата од Отава, која ја ратификуваа или пристапија повеќе од 160 земји - но не и Русија.Договорот од 1997 година беше еден од низата меѓународни договори направени по крајот на Студената војна за промовирање на глобалното разоружување. Борците против мини ја добија Нобеловата награда за мир истата година.Нагазни мини убија или осакатија десетици илјади цивили ширум светот, многу од нив долго по завршувањето на војните.За напуштање на договорот ќе биде потребно одобрение од финскиот парламент. прочитај повеќе април 01, 2025 Полицајци осомничени дека незаконски земале патни трошоци Илустрација Одделот за внатрешна контрола при Министерството за внатрешни работи поднесе кривична пријава против 10 полициски службеници од Единицата за брзо распоредување. Службениците се осомничени за злоупотреба на службената положба и овластување, со што го оштетиле буџетот на Министерството за внатрешни работи за 1.098.120 денари. Тие примале парични средства за патни трошоци за денови кога не патувале до работното место во Скопје. Против нив ќе биде поднесен и предлог за дисциплинска постапка.Како што стои во соопштениот од МВР, Одделот за внатрешна контрола, криминалистички истраги и професионални стандарди при Министерството за внатрешни работи, до Основното јавно обвинителство за гонење на организиран криминал и корупција - Специјализирано оддделение за гонење на кривични дела сторени од лица со полициски овластувања и припадници на затворската полиција, поднесе кривична пријава против полициските службеници К.Ѓ., Г.Д., Н.С., И.Г., Д.Д., Д.Д., Н.М., С.С., З.Т. и Д.Т., сите вработени во Единицата за брзо распоредување, поради постоење основи на сомнение дека извршиле кривично дело „злоупотреба на службената положба и овластување“ казниво по член 353 од Кривичниот законик. Видете и ова: Триесетдневен притвор за член на обезбедувањето на премиерот „Пријавените, со намера за себе да прибават противправна имотна корист, искористувајќи го стекнатото право за надомест на патни трошоци, поради тоа што по лична карта се воделе со место на живеење надвор од Скопје, ја злоупотребиле службената положба на начин што примале парични средства од Министерството за внатрешни работи за денови во кои не патувале од своето место на живеење до работното место во Скопје и обратно, со што во периодот 01.12.2023 до 17.09.2024 го оштетиле буџетот на Министерството за внатрешни работи во вкупен износ од 1.098.120 денари, стои во соопштението од МВР. Дополнуваат дека Одделот за внатрешна контрола, криминалистички истраги и професионални стандарди за пријавените полициски службеници ќе поднесе и предлог за поведување на постапка за утврдување на дисциплинска одговорност. прочитај повеќе април 01, 2025 Вучиќ верува во создавање воен сојуз меѓу Србија и Унгарија Потпишување на договорот за соработка меѓу Србија и Унгарија во областа на одбраната, Белград, 1 април 2025 година. Претседателот на Србија, Александар Вучиќ изјави дека верува оти новиот договор меѓу Белград и Будимпешта во областа на одбраната, потпишан на 1 април, ќе продолжи во натамошното приближување кон создавање на воен сојуз меѓу Србија и Унгарија.„Тоа го бара унгарската страна, а унгарскиот и српскиот парламент. Нашите односи се повеќе од добри, а премиерот Виктор Орбан и јас изразивме желба да продолжиме со забрзување и натамошно приближување на нашите позиции во одбранбената сфера“, рече Вучиќ по потпишувањето.Вучиќ не даде повеќе детали за идејата за српско-унгарски воен сојуз. Унгарската и српската страна не разговараа за тоа, се додека по потпишувањето на договорот не беа дозволени прашања од новинарите.Во средината на март, Белград остро реагираше на декларацијата што тогаш ја потпишаа Албанија, Хрватска и Косово во Тирана, која учесниците ја опишаа како документ кој ја зајакнува соработката во одговорот на безбедносните предизвици кои можат да ја загрозат регионалната стабилност. Од друга страна, Србија го окарактеризира како провокација и закана за стабилноста. Видете и ова: Србија и Унгарија потпишаа договор за одбранбена соработка Хеликоптерски вежби и обукиКриштоф Салаи-Боровнички и Братислав Гашиќ, министрите за одбрана на Унгарија и Србија, потпишаа документ во вторник во Белград со кој се прецизира договорот за стратешка соработка меѓу Унгарија и Србија во областа на одбраната од 2023 година на посветени индустрии, сајбер безбедност, мировни операции, воено образование и медицина.„Унгарија е секогаш на страната на зачувување на мирот и Србија е секогаш нејзин сојузник во тоа“, изјави унгарскиот министер за одбрана Кристоф Салаи-Боровнички.Вучиќ во оваа прилика рече дека Белград, откако минатата година купи оклопни транспортери БТР-80А од Будимпешта, е заинтересиран за набавка на други системи останати во Унгарија од советскиот период, како и за новите борбени возила Lynx KF-51 што Унгарија ги произведува во соработка со германската компанија Rheinmetall.Тој додаде дека Унгарија купува муниција со калибар 7,62 од Србија и дека е заинтересирана за борбени возила 8х8 од српско производство.На воено поле нè очекува многу заедничка работа. Се што правиме значи поголема безбедност за граѓаните на двете земји“, рече Вучиќ.Тој изјави дека наскоро очекува средба со унгарскиот премиер Виктор Орбан.Беше објавено дека трговската размена меѓу Унгарија и Србија надмина три милијарди евра и дека земјата е петти економски партнер на Србија. Видете и ова: САД ги одложија санкциите за Српската нафтена индустрија Две децении неутралност Србија е членка на програмата на НАТО Партнерство за мир од декември 2006 година. На крајот на 2007 година таа прогласи воена неутралност преку парламентарната резолуција за заштита на суверенитетот, територијалниот интегритет и уставниот поредок.Во последните десет години има одржано десетици воени вежби со земјите од НАТО алијансата, вклучително и Соединетите Американски Држави, како и со Руската Федерација и Белорусија.Од руската инвазија на Украина, Србија не учествуваше во воени вежби ниту со Истокот, ниту со Западот.Исклучок направи во 2023 година, кога на своја територија вежбаше 15 дена со САД и другите земји на НАТО во маневрите наречени „Платинест волк“ одржани во воената база „Југ“. прочитај повеќе април 01, 2025 Владата со идеја да купи 120 еколошки автобуси Илустрација Владата денеска на седница усвоила Информација за набавка на 120 еколошки автобуси, од кои 80 се ургентно потребни за обнова на возниот парк на ЈСП- Скопје и подобрување на јавниот превоз, а останатите 40 ќе бидат распределени согласно економската оправданост и реалните потреби на секоја од единиците на локалната самоуправа. „Владата ја разгледа и усвои Информацијата од Министерство за транспорт во врска со доставените писма за интерес од единиците на локалната самоуправа за потребата од набавка на еколошки автобуси за јавен превоз. Имајќи ги предвид финансиските средства обезбедени во рамки на буџетот на Министерството за транспорт за оваа намена, предвидена е набавка на 120 еколошки автобуси, од кои 80 се ургентно потребни за обнова на возниот парк на ЈСП- Скопје и подобрување на јавниот превоз, а останатите 40 ќе бидат распределени согласно економската оправданост и реалните потреби на секоја од единиците на локалната самоуправа, информира владината прес-служба. Видете и ова: Што може да ги изгаси „пожарите” во ЈСП? Набавката на еколошките автобуси за јавен превоз, додаваат од Владата, ќе придонесе за подобрување на квалитетот на услугите за граѓаните, како и намалување на загадувањето на воздухот во општините, одржлив развој и заштита на животната средина. прочитај повеќе април 01, 2025 Се забранува користење на пиротехника во затворен простор Опожарената дискотека „Пулс“ во Кочани, 17.03.2025 Пиротехнички сретства во затворени простории нема да смее да се користат. Вакви законски измени донесе Собранието денеска кое го изгласаа 87 пратеници, иницирани од трагедијата во Кочани каде загинаа 59 луѓе, а повеќе од 200 беа повредени. Измените на Законот за прекршоците против јавниот ред и мир беа предложени од ВМРО-ДПМНЕ и донесени по скратена постапка. „Констатиравме многу пропусти кои треба да се надминат за да нема импровизации кои ќе резултираат со вакви хаварии и несреќи“, рече пратеникот Тони Јаревски.Со измените на законот, двојно се зголемени казните за непочитувачите на законот. Доколку прекршокот се повтори, се предвидува и затворска казна.Инаку вкупниот број на осомничени за пожарот во Кочани досега е 34 лица. Со истрагата се опфатени 27 физички и три правни лица, а истражни постапки има и против седум полициски службеници од СВР Штип и ПСОН Кочани.Тимот од јавни обвинители кој работи на случајот, како што информира претходно, работи на активности кои вклучуваат распит на повеќе од 300 сведоци, како и други истражни дејствија и соодветни вештачења од повеќе области.Јавните обвинители од тимот кој ја води предистражната постапка за пожарот во дискотеката „Пулс“ во Кочани во кој животот го загубија 59 лица, а речиси 200 се повредени, континуирано преземаат повеќе истражни дејствија за обезбедување докази, а такви дејствија, кои вклучуваат распити, анализи и вештачења од голем обем и во однос на повеќе различни институции се во тек и денеска, информираат од прес-службата на ЈОРСМ.Меѓутоа, за да се зачува тајност на постапката и да се спречи компромитирање на доказите, од Обвинителството посочуваат дека не е во можност во моментов да открива повеќе детали за активностите. Видете и ова: (Не)редовни вежби за евакуација во училишта и градинки Во однос на барањата на опозициската СДСМ да се формира Анкетна комисија за трагдедијата во Кочани, и на барањето на ДУИ во истрагата да се вклучат и странци, премиерот Христијан Мицкоски, завчера рече дека „не бегаат од никаква Анкетна комисија, но би сакале да ја прошират и за останатите случаи освен за Кочани.„Јас апсолутно не бегам од никаква Анкетна комисија, претпоставувам ниту пратеничката група на ВМРО ДПМНЕ и коалицијата нема да бега, но би сакал да ја прошириме со сите овие останати судски случаи кои завршија на начин на кој завршија. Така што, подготвени сме да разговараме, да дебатираме со секој оној којшто може да помогне или да додаде вредност, изјави премиерот Хрстијан Мицкоски во одговор на новинарско прашање по посетата на Ново Село.Според премиерот, СДСМ и ДУИ не биле задоволни од истрагата за Кочани, но како што рече би ги прашал дали биле задоволни од истрагата за модуларната болница во Тетово, дали беа задоволно од истрагата за Ласкарци, дали беа задоволни од истрагата за Беса транс, за Трговскиот центар „Соравија“ во Скопје и уште многу други истраги кои изминатиот период беа познати во јавноста.Пратеничката на СДСМ, Јованка Тренчевска, денеска на прес-конференција во Собранието рече дека би поддржале предлог за таква Анкетна комисија, како и дека „оставаат шанса на институциите за професионална и неселективна истрага за трагегијата во Кочани, потоа ќе излеземе со нашите идни дејствија“. Видете и ова: Навалица на институциите за обезбедување на противпожарна опрема „Оставаме шанса на институциите. Истрагата е во тек и затоа нашиот став е дека треба професионално, неселективно да се заврши целата истрага. Да не опструираме во текот на истрагата. По завршување на истрагата како СДСМ ќе излеземе со став за нашите идни дејствија. Во моментот кога ќе заврши истрагата зависно од резултатите од истрагата, рече Тренчевска одговарајќи на прашањето дали СДСМ ќе ја поддржат идејата на ДУИ за формирање на собраниска Анкетна комисија за неселективна правда за случајот во Кочани.Од ДУИ, денеска повторно побараа независна истрага за „Пулс“, надвор од рацете на оние што, како што велат, ја овозможиле трагедијата.„Јасно е дека на Власта не ѝ е потребна правда, туку алиби. Тоа не смее да се премолчи и затоа јавно бараме: Итна суспензија на целата командна структура по вертикала во МВР и Бирото за јавна безбедност, кои знаеле за проблемите со ПУЛС, а не реагирале“, изјави Арта Билали Зендели од ДУИ. прочитај повеќе Вчитај повеќе...

Во последниве недели, Соединетите Држави, Русија и Украина скицираа рамки за прекин на огнот - една која има за цел заштита на енергетската инфраструктура како што се електрани и далноводи, а друга насочена кон намалување на воената активност во Црното Море.Едно од најголемите барања на Москва беше јавно соопштено: олеснување на санкциите. Во соопштението на Кремљ објавено по договорот за прекин на огнот во Црното Море на 25 март, Москва објави дека ќе го почитува договорот само доколку Западот делумно ги укине санкциите воведени по неговата целосна инвазија на Украина пред повеќе од три години.Ова барање вклучува укинување на ограничувањата за извозот на ѓубрива и осигурителните компании што ги покриваат, како и повторно поврзување на неколку руски банки со глобалниот платен систем свифт (SWIFT).Неколку лидери на ЕУ веќе го отфрлија барањето на Москва, особено за време на состанокот на 27 март во Париз, каде што се собраа високи функционери од повеќе од 30 земји за да разговараат за безбедносните гаранции за Украина.Кога разговарав со бројни европски дипломати, сите тие истакнаа дека во соопштението на Белата куќа објавено истиот ден не се споменува олеснување на санкциите.Како што ми рече еден амбасадор на ЕУ, осврнувајќи се на неодамнешните разговори за прекин на огнот во Ријад:„Не беше постигнат договор за ова во Саудиска Арабија, па затоа нема за што да одлучуваме“.Трговските односи на ЕУ со РусијаЕвропејците очигледно не беа присутни на разговорите за прекин на огнот, но тие имаат прилично голем збор за руските санкции. Видете и ова: Од Дејтон до Ријад, „шатл- дипломатијата“ на дело SWIFT е белгиска компанија, за почеток, а ЕУ досега од тој систем отстрани 23 руски банки, вклучувајќи ги и големите како Сбербанк и Банката Откритие.Тие исто така се свесни дека трговските односи на Русија со Европа се подлабоки отколку со САД.Дури и пред целосната инвазија, американскиот извоз во Русија изнесуваше помалку од 0,5 отсто од вкупниот американски извоз во светот. За ЕУ, таа бројка беше 6 отсто, што е еквивалентно на 250 милијарди евра (272 милијарди долари).Кога беа воведени широките санкции на ЕУ, тоа посилно ја погоди Москва. Посредникот за санкции на ЕУ, Дејвид О'Саливан, проценува дека рестриктивните мерки ја лишиле Русија од повеќе од 450 милијарди евра (490 милијарди долари) приход од почетокот на 2022 година.Размислуваат ли Европејците барем за делумно ублажување на санкциите кон Русија?Одговорот што постојано го слушам е едноставно „не“ или „ќе го одбиеме ова“.Официјални лица укажуваат на тековните руски напади со беспилотни летала и ракетни напади врз Украина, како и заклучоците од неодамнешниот собир на ЕУ, кој сигнализираше потенцијално засилување на мерките, наместо намалување на притисокот.Како што се вели во Главните резултати од состанокот на Европскиот совет за Украина на 20 март: „Европската Унија останува подготвена да го засили притисокот врз Русија, вклучително и преку дополнителни санкции и со зајакнување на спроведувањето на постоечките мерки“.Европската комисија сè уште не ги поканила земјите-членки на ЕУ за да разговараат за новиот пакет санкции, кој би бил 17-ти за три години, но разгледуваат некои работи како што се затворање на дупките за заобиколување на санкциите.Укинувањето на санкциите на ЕУ бара едногласностЗаклучоците од состанокот на Европскиот совет на 20 март беа одобрени од 26 од 27 земји-членки на ЕУ. Кој не беше ЗА? Унгарија, која долго време ги критикува санкциите на ЕУ.Ова е значајно поради една причина: укинувањето на секторските санкции на ЕУ бара едногласност - а тоа едноставно не постои во моментов.Како што беше наведено погоре, многу земји-членки бараат повеќе, а не помалку санкции. Но, тука е финтата: на секои шест месеци, во јануари и јули, целиот пакет санкции мора да се продолжува, а тоа исто така бара едногласно одобрување. Видете и ова: Дали Русија стави „отровно апче“ во договорот за прекин на огнот во Црното Море? Токму тука Унгарија, и потенцијално другите, можеби ќе сакаат да се вклучат и да почнат да се намалуваат санкциите. Во јануари Будимпешта речиси целосно го загрози продолжувањето на санкциите и даде зелено светло откако доби писмени уверувања дека руската нафта ќе продолжи да тече во Унгарија.Дипломатите на ЕУ со кои разговарав веќе се плашат како би можело да изгледа продолжувањето на санкциите од јули и какви отстапки можеби ќе треба да направат за да обезбедат нивно продолжување во целост.Редовниот самит на ЕУ на крајот на јуни најверојатно ќе вклучи интензивна „трговија“ со ова, бидејќи Унгарија бара повеќе замрзнати средства од ЕУ за себе и неколку земји-членки кои сакаат да започнат преговори за пристап во ЕУ до летото-потег што Будимпешта досега го блокираше.Прашањето за повторно приклучување во СВИФТ системот некои банки и дозволување на руски ѓубрива повторно во блокот се очигледно лесно достапни во тој поглед. Но, тоа, се разбира, ќе зависи од тоа како изгледа ситуацијата на теренот во Украина во тоа време.Сепак, едно е јасно: и покрај непосредните одбивања од европските дипломати, Москва наметна идеја. Или како што ми рече еден европски дипломат:„Верувам дека тоа е паметен метод што Русите го започнаа овде. Веќе во разговорите за прекин на огнот, тие носат далекусежни барања кои, всушност, повеќе припаѓаат на сеопфатна дискусија за мировен договор. Овојпат би требало да бидеме ние оние кои ќе бидеме „трансакциски“ и ќе ја дадеме оваа моќна алатка само за фер цена“.Но, што тука би можело да биде фер цена? Во извесна смисла, европските претставници ќе бараат одговор од Киев. Но, според оние со кои разговарав, контурите би можеле да вклучуваат ограничено олеснување на санкциите во замена за „замрзнување“ на линиите на фронтот, без признавање на окупираните територии како руски и продолжување на воените испораки на Западот во Украина, со можност за враќање на санкции, доколку се појават прекршувања.Прашањето е дали Брисел и Киев можат да ја натераат Москва да се согласи на таков договор и што ќе мислат САД за тоа? Artboard 4 Придружете се на Заедницата на Слободна Европа на Вибер...

Вести април 01, 2025 Британски, француски и украински генерали на средба за поддршка на Украина илустрација Британски, француски и украински високи воени претставници ќе одржат состанок во наредните денови за да дадат „реален импулс“ на напорите за јакнење на безбедноста на Украина, изјави портпаролот на британскиот премиер Кир Стармер.Средбата, која има цел да ги разгледа следните фази на детално воено планирање, била договорена за време на телефонскиот разговор меѓу Стармер и украинскиот претседател Володимир Зеленски.Состанокот следува по неодамнешната средба во Париз на т.н. „коалиција на подготвените“, која вклучува европски земји што ја поддржуваат Украина. Видете и ова: „Коалицијата на подготвените“ - Доведување на Украина во најдобра позиција за преговори „Лидерите се согласија дека постои реален напредок во долгорочната поддршка за безбедноста на Украина“, изјави портпаролот на британскиот премиер.Во одделно соопштение, Зеленски нагласи дека ја цени позицијата на Велика Британија во вршењето притисок врз Русија.„Потребен е силен притисок за да се одврати Русија од ширење на војната. Ова е уште поважно сега, кога Москва се потсмева на обидите на нашите партнери да го придвижат мировниот процес“, изјави Зеленски.Во исто време, Кремљ соопшти дека Русија и САД ги разгледуваат можните опции за мировно решение на војната во Украина. прочитај повеќе види ги сите денешни вести април 02, 2025 Во Србија почнуваат консултации за нова влада Парламентот на Србија Српскиот претседател Александар Вучиќ денеска (2 април)почнува со консултации за формирање нова влада, и за првиот ден се закажани разговори со претставници на четири изборни листи. За днеска се чекуваат разговори со претставниците на листата „Руска партија - Слободан Николиќ“, „Сојуз на Војводински Унгарци (СВМ)“, „Усаме Зукорлиќ - Обединети за правда - Партија на правдата и помирувањето - Босанците од Санџак, како и „Томислав Жигманов – Демократски сојуз на Хрватите во Војводина“ и пратеничката група „Ние – глас од народот“.Вучиќ вчера изјави дека испратил писмо до сите носители на листи и пратенички групи во српското Собрание, а за учество на консултациите се пријавиле пет-шест листи. Според него, консултациите ќе завршат до петок.Дел од парламентарните опозициски партии претходно најавија дека нема да одговорат на повикот на претседателот за консултации за формирање нова влада. На 20 март соопштија дека постигнале консензус дека формирањето преодна влада е неопходно за излез на државата од социјалната и политичката криза. Опозициските партии најавија дека идејата е тоа да биде таканаречена „Влада на народна доверба“ која би била „привремена влада, со максимално времетраење до девет месеци, што би имала конкретни задачи“.На 19 март Собранието на Србија ја констатираше оставката на премиерот Милош Вучевиќ, со што заврши мандатот на актуелната влада. Рокот за формирање на нова влада е 18 април на полноќ. Доколку до тој датум не се формира влада, ќе бидат закажани вонредни парламентарни избори. Вучевиќ на 28 јануари поднесе неотповиклива оставка од таа функција, откако во Нови Сад се случи напад врз студентите во блокада.Српскиот претседател нагласи дека очекува најбројната пратеничка група - СНС да го извести дали сакаат да формираат влада или сакаат нови избори, а она што е сигурно, како што рече, е дека во таа партија нема расположение за каква било преодна влада, со што и тој се согласува.Вучиќ претходно рече дека негова уставна обврска е да им го довери мандатот за состав на влада на оние кои велат дека можат да обезбедат мнозинство, односно најмалку 126 гласа во парламентот. Според член 127 од Уставот на Србија, кандидатите за функцијата премиер на Народното собрание му ги предлага претседателот на Републиката по консултација со претставниците на избраните изборни листи. Видете и ова: Парламентот ја потврди оставката на српската влада Првиот вицепремиер и министер за финансии во техничкиот мандат, Синиша Мали, претходно изјави дека сите опции се на маса кога станува збор за тоа дали ќе се избере нова влада или дали ќе се одржат вонредни избори и посочи дека е важно што поскоро да има нова влада.Социјалистичката партија на Србија потврди дека коалицијата собрана околу таа партија ќе оди на консултации со Вучиќ, и едногласно донеле одлука за продолжување на соработката со Српската напредна станка и Александар Вучиќ. Тие изразиле подготвеност да учествуваат со нивните коалициски партнери во дискусиите за формирање и избор на нова влада.Дел од парламентарните опозициски партии изјавија дека нема да одговорат на поканата на претседателот Александар Вучиќ за консултации за новата Влада на Србија, наведувајќи дека можат да разговараат само за преодна влада.Во заедничката изјава потпишана од Партијата на слободата и правдата, Народното движење на Србија, Новата демократска партија на Србија, ПОКС, Движењето на слободни граѓани, Партијата Србија Центар - СРЦЕ и Зелено-левиот фронт, беше оценето дека „единствениот начин Србија да оди напред е исполнување на студентските барања“ и мирни услови за промена на власта.На поканата за консултации за новата влада нема да одговорат ниту Демократската партија, ниту движењето Еколошко востание, чии претставници изјавија дека не ја добиле поканата. На консултациите со претседателот Вучиќ нема да одат ниту претставниците на пратеничката група „Ние силата на народот“ на Бранимир Несторовиќ, кои сметаат дека „изборите мора да се распишат што е можно поскоро“.Доколку не се избере нова влада до 18 април на полноќ, кога истекува законскиот рок од 30 дена за избор на нов премиер и членови на владата, откако српскиот парламент ја констатира оставката на премиерот Милош Вучевиќ на 19 март, со што го прекинува мандатот на целата влада, претседателот на државата е должен да го распушти Парламентот. прочитај повеќе април 01, 2025 Путин започна најголема мобилизација на војници во последниве години Претседателот на Русија, Владимир Путин Претседателот Владимир Путин повика 160.000 мажи на возраст од 18 до 30 години, што е најголем број регрути во Русија од 2011 година, додека земјата се обидува да ја прошири својата војска.Пролетниот повик за едногодишна воена служба дојде неколку месеци откако Путин рече дека Русија треба да ја зголеми вкупната големина на својата војска на речиси 2,39 милиони, а бројот на активни војници на 1,5 милиони.Тоа е зголемување за 180.000 во следните три години.Вицеадмиралот Владимир Цимљански рече дека нови регрути нема да бидат испратени да се борат во Украина како дел од, како што Русија го нарекува својата „специјална воена операција“. Сепак, имаше извештаи за регрути кои загинале борејќи се во пограничните региони на Русија и биле испратени да се борат во Украина во првите месеци од војната во полн обем, пишува Би-Би-Си.Тековниот повик, кој се одржува меѓу април и јули, доаѓа и покрај обидите на САД да постигнат прекин на огнот во војната.Насилството не стивна во вторникот, кога Украина соопшти дека рускиот напад врз електрана во јужниот град Керсон оставил 45.000 луѓе без струја. Видете и ова: Финска се повлекува од договорот за нагазни мини поради Русија Русија, исто така, тврдеше дека заземала уште едно украинско село, Розљив во областа Доњецк.Русија повикува на регрути во пролет и есен, но последниот повик за 160.000 млади мажи е за 10.000 повеќе отколку во истиот период во 2024 година.Покрај поканите доставени по пошта, младите мажи ќе добиваат известувања и на државната веб-страница на Министерството за правда.Покрај двегодишниот нацрт, Русија повика и голем број мажи како војници со договор и регрутира илјадници војници од Северна Кореја.Москва мораше да одговори на големите загуби во Украина, при што повеќе од 100.000 војници потврдија од Би-Би-Си и Медиазон дека загинале во Украина.Вистинската бројка би можела да биде повеќе од двојно поголема.Путин ја зголеми тројно големината на војската откако им нареди на војниците да ја окупираат Украина во февруари 2022 година. Руското Министерство за одбрана го поврза зголемувањето на големината на армијата во декември 2023 година со „растечките закани“ како од војната во Украина, така и од „постојаното проширување на НАТО“.НАТО се прошири за да ги вклучи Финска и Шведска, како директен резултат на руската инвазија на Украина. Видете и ова: Бербок во Киев предупреди на тактиката на Путин за одложување на мировните преговори Финска ја има најдолгата граница на НАТО со Русија од 1.343 километри, а премиерот Петери Орпо во вторникот рече дека неговата земја ќе им се придружи на другите соседи на Русија во повлекувањето од Конвенцијата од Отава, која забранува противпешадиски нагазни мини.Полска и балтичките земји донесоа слични одлуки пред две недели поради воената закана од Русија.Орпо рече дека одлуката за повторна употреба на противпешадиски мини е донесена врз основа на воени совети и дека народот на Финска нема за што да се грижи.Владата во Хелсинки, исто така, рече дека трошоците за одбрана ќе се зголемат на 3 отсто од бруто домашниот производ, во однос на 2,4 отсто минатата година. прочитај повеќе април 01, 2025 Универзитетското собрание на УКИМ не е против нови здруженија на студенти Илустрација Универзитетското студентско собрание на Скопскиот универзитет (УСС на УКИМ) не е против нови здруженија и организации на студенти и ќе ги повика на дискусија за сите предизвици со кои се соочуваат студентите, изјави претседателот на УСС на УКИМ Александар Николовски прашан за став во врска со појавата на нови студентски иницијативи по трагедијата во Кочани, како „Студентски сојуз“ и „Студентски пленум“.Нагласувајќи дека УСС на УКИМ „работи секогаш за интересите на студентите“, Николовски на новинарско прашање одговори дека чекаат да видат „какви барања ќе произлезат од страна на тие здруженија и организации“ и дека се отворени за дискусија. „Во моментов размислуваме за отворена трибина на која ќе ги повикаме сите страни за да дискутираме за сите предизвици коишто сметаат дека треба да се поправат и, секако, ние сме тука и кога се добри времиња и кога се случуваат вакви трагедии за заедно да менуваме работи во системот. Дополнително, УСС на УКИМ спроведе анкета до сите студенти преку која ќе се направи еден вид документ, што ќе биде манифест со барање до институциите за одредени промени согласно трагедијата во Кочани. Но ние, во ниту еден случај, не одиме против вакви здруженија затоа што тоа се студенти, а ние како легитимно избрани тела – УСС и факултетски собранија, сме тука за да дискутираме и заедно да ги решаваме проблемите, истакна Николовски. Во врска со политички влијанија во студентските организации, нагласи дека партиски членови не треба да се на раководни функции на студентско организирање затоа што, рече, тогаш доаѓа до конфликт на интереси.„Се трудиме да соработуваме со сите политички партии, сме соработувале и ќе продолжиме да соработуваме, но сметаме дека раководството на студентските организации не треба да биде под надлежност на партиски членови, рече Николовски. Видете и ова: Празен кадар пред УКИМ, без студенти и јавни барања Инаку претходно Независниот студентски сојуз на УКИМ ги повика сите студентски собранија да го следат примерот на Факултетското студентско собрание на Филозофскиот факултет кое изгласа недоверба на делегатите на Универзитетското студентско собрание (УСС на УКИМ).Недовербата беше изгласана ден по собирот кој Универзитетското студентско собрание го организираше на платото на УКИМ за да оддаде почит за трагично згаснатите животи во пожарот во Кочани.Иако не беше најавено, на собирот на УСС на УКИМ се појавија ректорката Биљана Ангелова и министерката за образование и наука, Весна Јаневска кои се обратија од говорницата пред Филозофскиот факултет. Во говорите немаше никакво барање за одговорност туку „емотивни флоскули“ и токму за време на нејзиното обраќање, таа беше исвиркана од дел од студентите.Сепак, од УСС УКИМ ги замолија студентите за тишина и токму ваквиот „потег“ резултираше со револт и поделби меѓу нив. Студентскиот отпор ги обвини Ангелова и Јаневска за „политичка самопромоција“.Независниот студентски сојуз (НСС УКИМ) пак одржаа пленум „зад затворени врати“, каде медиумите не беа добредојдени.Во една од објавите на социјалните мрежи тие наведуваат дека не се формална организација туку група студенти чија цел е да создадат пленум „каде студентските прашања ќе бидат слушнати без политички влијанија или лични интереси.“ прочитај повеќе април 01, 2025 Закажана конститутивна седница на Собранието на Косово Претседателката на Косово, Вјоса Османи, за време на свое обраќање во Собранието на Косово. Претседателката на Косово, Вјоса Османи, го одреди 15 април како датум за одржување на конститутивната седница на новиот парламентарен состав произлезен од редовните избори одржани на 9 февруари. Ова е прв конкретен чекор во формирањето на новите државни институции, откако Централната изборна комисија ги потврди изборните резултати на 27 март. Во спротивно, според Деловникот на Собранието на Косово, Парламентот би се состанал на 30-ти ден.Што се случува на конститутивната седница?Конститутивната седница ја подготвува претседателот на претходното свикување, кој пет дена пред седницата мора да свика состанок на претседателите на политичките партии застапени во Собранието, за да го подготви дневниот ред.На дневен ред треба да биде формирање на привремена комисија која ќе го верификува кворумот и мандатот, давање заклетва на нови пратеници, избор на претседател и потпретседател на собранието, гласање за извештајот на споменатата комисија и утврдување на пратеничките места во салата според политичката сила. Видете и ова: Потврдени конечните изборни резултати во Косово Со конститутивната седница претседава најстариот заменик, со помош на најмладиот заменик.Законите не предвидуваат дека не може да има расправа на седницата.На оваа седница пратениците полагаат заклетва - отсутните тоа можат да го сторат на следната седница - а првата партија, во случајов движењето Самоопределување, предлага кандидат за претседател на Собранието.Потпретседателите, пак, се предложени од една од најголемите партии и немнозинските заедници, вклучително и српската заедница.Согласно Деловникот на Собранието, конститутивната седница завршува со избор на претседател и потпретседател.Прекините на конститутивната седница не можат да бидат подолги од 48 часа“, се вели во член 12 точка 5 од Деловникот на Собранието.Според резултатите, во новиот парламентарен состав Движењето Самоопределување ќе има 48 пратеници, Демократската партија на Косово 24, Демократскиот сојуз на Косово 20, Српската листа девет, а коалицијата Алијанса за иднината на Косово и Социјалдемократската иницијатива осум пратенички места.Избор на Влада Распределбата на мандатите во Собранието значи дека ниту една партија не може сама да формира Влада, што е следен чекор по одржувањето на конститутивната седница.Што се однесува до резултатите, Движењето Самоопределување веќе се обрати до Уставниот суд, оспорувајќи ја одлуката на Врховниот суд за поштенските гласови, тврдејќи дека Демократскиот сојуз на Косово манипулирал со нив. Партијата на вршителот на должноста премиер Албин Курти побара од Уставниот суд времена мерка во врска со одлуката на Врховниот суд за тие гласови.Доколку Уставниот суд донесе одлука за ова прашање, тогаш може да дојде до прекин на изборниот процес на Владата. Сепак, додека Уставниот суд не го реши прашањето што го покрена Движењето Самоопределување, претседателката на државата има неколку законски рокови кои мора да ги почитува. Видете и ова: Курти ветува над милијарда евра за Косовските безбедносни сили Според законите, Османи мора да го довери мандатот за формирање нова влада на првата партија на изборите, во случајов на движењето Самоопределување.Во Уставот стои дека мандатарот потоа има рок од 15 дена да го претстави составот на новиот извршен орган до Собранието и да побара 61 глас за негово одобрување.Во случај првата партија да не добие поддршка од најмалку 61 пратеник, претседателот Османи има рок од десет дена да назначи друг претставник.Ги повикува страните на консултации и има дискреционо право да определи кого ќе овласти да ја формира извршната власт.И вториот претставник има рок од 15 дена да го претстави составот на владиниот кабинет пред Собранието.Но, доколку и по вториот обид не се формира Влада, тогаш претседателот Османи, според член 95 од Уставот, мора да распише нови избори, кои мора да се одржат најдоцна за 40 дена.Изборите одржани на 9 февруари беа првите редовни парламентарни избори одржани во Косово по прогласувањето на независноста. прочитај повеќе април 01, 2025 Финска се повлекува од договорот за нагазни мини поради Русија Финските граничари и нивното куче Нита патролираат на финско-руската граница, во источна Финска, на 5 јуни 2024 година. Членката на НАТО Финска планира да ја напушти глобалната конвенција за забрана на противпешадиски мини и да ги зголеми трошоците за одбрана на најмалку 3 отсто од бруто домашниот производ до 2029 година како одговор на растечката воена закана од Русија, објави во вторникот нејзината влада.Полска и балтичките земји, Естонија, Летонија и Литванија, минатиот месец објавија дека ќе се повлечат од Конвенцијата од Отава од 1997 година поради заканата што соседна Русија ја претставува за нив и за Европа.Со напуштање на договорот, Финска, која ја чува најдолгата граница на НАТО со Русија, би можела повторно да започне со обезбедување на залихи на нагазни мини за да и бидат достапни доколку се појави потреба. Видете и ова: Советот на ЕУ ја одобри третата исплата за Украина од речиси 3,5 милијарди евра На прес-конференцијата премиерот Петри Орпо рече дека во моментов нема непосредна воена закана за нордиската нација, но дека Русија претставува долгорочна опасност за цела Европа.„Повлекувањето од Конвенцијата од Отава ќе ни овозможи да се подготвиме за промени во сегашната безбедносна средина на посеопфатен и разноврсен начин“, рече тој.Премиерот Орпо додаде дека Финска ќе одвои дополнителни три милијарди евра за одбраната, со што ќе го подигне нивото на воени трошоци од 2,41 отсто во 2024 година на 3 отсто од бруто домашниот производ до 2029 година копно и балтичките држави дека Русија би можела повторно да се вооружи и да ги нападне наместо Украина.Финска се приклучи на воената алијанса НАТО во 2023 година, во промена на политиката по децении на неврзаност предизвикана од руската инвазија на Украина.Финска почна да размислува за повлекување од Договорот од Отава во ноември минатата година, кога нејзиниот воен началник рече дека ова прашање треба да се разговара поради руската употреба на такво оружје во Украина.„Финска ќе ги користи мините на одговорен начин, но тоа е одвраќање што ни треба“, рече министерот за земјоделство и шумарство Сари Есајах за новинарите во вторникот. Видете и ова: И покрај негодувањето на групите за права, САД ќе и дадат на Украина противпешадиски мини Противпешадиските нагазни мини се дизајнирани да бидат скриени во земјата и автоматски да се активираат кога некој ќе стапне или оди во нивна близина.Финска уништи над милион нагазни мини по 2012 година, со што стана последната земја на ЕУ што ја потпиша Конвенцијата од Отава, која ја ратификуваа или пристапија повеќе од 160 земји - но не и Русија.Договорот од 1997 година беше еден од низата меѓународни договори направени по крајот на Студената војна за промовирање на глобалното разоружување. Борците против мини ја добија Нобеловата награда за мир истата година.Нагазни мини убија или осакатија десетици илјади цивили ширум светот, многу од нив долго по завршувањето на војните.За напуштање на договорот ќе биде потребно одобрение од финскиот парламент. прочитај повеќе април 01, 2025 Полицајци осомничени дека незаконски земале патни трошоци Илустрација Одделот за внатрешна контрола при Министерството за внатрешни работи поднесе кривична пријава против 10 полициски службеници од Единицата за брзо распоредување. Службениците се осомничени за злоупотреба на службената положба и овластување, со што го оштетиле буџетот на Министерството за внатрешни работи за 1.098.120 денари. Тие примале парични средства за патни трошоци за денови кога не патувале до работното место во Скопје. Против нив ќе биде поднесен и предлог за дисциплинска постапка.Како што стои во соопштениот од МВР, Одделот за внатрешна контрола, криминалистички истраги и професионални стандарди при Министерството за внатрешни работи, до Основното јавно обвинителство за гонење на организиран криминал и корупција - Специјализирано оддделение за гонење на кривични дела сторени од лица со полициски овластувања и припадници на затворската полиција, поднесе кривична пријава против полициските службеници К.Ѓ., Г.Д., Н.С., И.Г., Д.Д., Д.Д., Н.М., С.С., З.Т. и Д.Т., сите вработени во Единицата за брзо распоредување, поради постоење основи на сомнение дека извршиле кривично дело „злоупотреба на службената положба и овластување“ казниво по член 353 од Кривичниот законик. Видете и ова: Триесетдневен притвор за член на обезбедувањето на премиерот „Пријавените, со намера за себе да прибават противправна имотна корист, искористувајќи го стекнатото право за надомест на патни трошоци, поради тоа што по лична карта се воделе со место на живеење надвор од Скопје, ја злоупотребиле службената положба на начин што примале парични средства од Министерството за внатрешни работи за денови во кои не патувале од своето место на живеење до работното место во Скопје и обратно, со што во периодот 01.12.2023 до 17.09.2024 го оштетиле буџетот на Министерството за внатрешни работи во вкупен износ од 1.098.120 денари, стои во соопштението од МВР. Дополнуваат дека Одделот за внатрешна контрола, криминалистички истраги и професионални стандарди за пријавените полициски службеници ќе поднесе и предлог за поведување на постапка за утврдување на дисциплинска одговорност. прочитај повеќе април 01, 2025 Вучиќ верува во создавање воен сојуз меѓу Србија и Унгарија Потпишување на договорот за соработка меѓу Србија и Унгарија во областа на одбраната, Белград, 1 април 2025 година. Претседателот на Србија, Александар Вучиќ изјави дека верува оти новиот договор меѓу Белград и Будимпешта во областа на одбраната, потпишан на 1 април, ќе продолжи во натамошното приближување кон создавање на воен сојуз меѓу Србија и Унгарија.„Тоа го бара унгарската страна, а унгарскиот и српскиот парламент. Нашите односи се повеќе од добри, а премиерот Виктор Орбан и јас изразивме желба да продолжиме со забрзување и натамошно приближување на нашите позиции во одбранбената сфера“, рече Вучиќ по потпишувањето.Вучиќ не даде повеќе детали за идејата за српско-унгарски воен сојуз. Унгарската и српската страна не разговараа за тоа, се додека по потпишувањето на договорот не беа дозволени прашања од новинарите.Во средината на март, Белград остро реагираше на декларацијата што тогаш ја потпишаа Албанија, Хрватска и Косово во Тирана, која учесниците ја опишаа како документ кој ја зајакнува соработката во одговорот на безбедносните предизвици кои можат да ја загрозат регионалната стабилност. Од друга страна, Србија го окарактеризира како провокација и закана за стабилноста. Видете и ова: Србија и Унгарија потпишаа договор за одбранбена соработка Хеликоптерски вежби и обукиКриштоф Салаи-Боровнички и Братислав Гашиќ, министрите за одбрана на Унгарија и Србија, потпишаа документ во вторник во Белград со кој се прецизира договорот за стратешка соработка меѓу Унгарија и Србија во областа на одбраната од 2023 година на посветени индустрии, сајбер безбедност, мировни операции, воено образование и медицина.„Унгарија е секогаш на страната на зачувување на мирот и Србија е секогаш нејзин сојузник во тоа“, изјави унгарскиот министер за одбрана Кристоф Салаи-Боровнички.Вучиќ во оваа прилика рече дека Белград, откако минатата година купи оклопни транспортери БТР-80А од Будимпешта, е заинтересиран за набавка на други системи останати во Унгарија од советскиот период, како и за новите борбени возила Lynx KF-51 што Унгарија ги произведува во соработка со германската компанија Rheinmetall.Тој додаде дека Унгарија купува муниција со калибар 7,62 од Србија и дека е заинтересирана за борбени возила 8х8 од српско производство.На воено поле нè очекува многу заедничка работа. Се што правиме значи поголема безбедност за граѓаните на двете земји“, рече Вучиќ.Тој изјави дека наскоро очекува средба со унгарскиот премиер Виктор Орбан.Беше објавено дека трговската размена меѓу Унгарија и Србија надмина три милијарди евра и дека земјата е петти економски партнер на Србија. Видете и ова: САД ги одложија санкциите за Српската нафтена индустрија Две децении неутралност Србија е членка на програмата на НАТО Партнерство за мир од декември 2006 година. На крајот на 2007 година таа прогласи воена неутралност преку парламентарната резолуција за заштита на суверенитетот, територијалниот интегритет и уставниот поредок.Во последните десет години има одржано десетици воени вежби со земјите од НАТО алијансата, вклучително и Соединетите Американски Држави, како и со Руската Федерација и Белорусија.Од руската инвазија на Украина, Србија не учествуваше во воени вежби ниту со Истокот, ниту со Западот.Исклучок направи во 2023 година, кога на своја територија вежбаше 15 дена со САД и другите земји на НАТО во маневрите наречени „Платинест волк“ одржани во воената база „Југ“. прочитај повеќе април 01, 2025 Владата со идеја да купи 120 еколошки автобуси Илустрација Владата денеска на седница усвоила Информација за набавка на 120 еколошки автобуси, од кои 80 се ургентно потребни за обнова на возниот парк на ЈСП- Скопје и подобрување на јавниот превоз, а останатите 40 ќе бидат распределени согласно економската оправданост и реалните потреби на секоја од единиците на локалната самоуправа. „Владата ја разгледа и усвои Информацијата од Министерство за транспорт во врска со доставените писма за интерес од единиците на локалната самоуправа за потребата од набавка на еколошки автобуси за јавен превоз. Имајќи ги предвид финансиските средства обезбедени во рамки на буџетот на Министерството за транспорт за оваа намена, предвидена е набавка на 120 еколошки автобуси, од кои 80 се ургентно потребни за обнова на возниот парк на ЈСП- Скопје и подобрување на јавниот превоз, а останатите 40 ќе бидат распределени согласно економската оправданост и реалните потреби на секоја од единиците на локалната самоуправа, информира владината прес-служба. Видете и ова: Што може да ги изгаси „пожарите” во ЈСП? Набавката на еколошките автобуси за јавен превоз, додаваат од Владата, ќе придонесе за подобрување на квалитетот на услугите за граѓаните, како и намалување на загадувањето на воздухот во општините, одржлив развој и заштита на животната средина. прочитај повеќе април 01, 2025 Се забранува користење на пиротехника во затворен простор Опожарената дискотека „Пулс“ во Кочани, 17.03.2025 Пиротехнички сретства во затворени простории нема да смее да се користат. Вакви законски измени донесе Собранието денеска кое го изгласаа 87 пратеници, иницирани од трагедијата во Кочани каде загинаа 59 луѓе, а повеќе од 200 беа повредени. Измените на Законот за прекршоците против јавниот ред и мир беа предложени од ВМРО-ДПМНЕ и донесени по скратена постапка. „Констатиравме многу пропусти кои треба да се надминат за да нема импровизации кои ќе резултираат со вакви хаварии и несреќи“, рече пратеникот Тони Јаревски.Со измените на законот, двојно се зголемени казните за непочитувачите на законот. Доколку прекршокот се повтори, се предвидува и затворска казна.Инаку вкупниот број на осомничени за пожарот во Кочани досега е 34 лица. Со истрагата се опфатени 27 физички и три правни лица, а истражни постапки има и против седум полициски службеници од СВР Штип и ПСОН Кочани.Тимот од јавни обвинители кој работи на случајот, како што информира претходно, работи на активности кои вклучуваат распит на повеќе од 300 сведоци, како и други истражни дејствија и соодветни вештачења од повеќе области.Јавните обвинители од тимот кој ја води предистражната постапка за пожарот во дискотеката „Пулс“ во Кочани во кој животот го загубија 59 лица, а речиси 200 се повредени, континуирано преземаат повеќе истражни дејствија за обезбедување докази, а такви дејствија, кои вклучуваат распити, анализи и вештачења од голем обем и во однос на повеќе различни институции се во тек и денеска, информираат од прес-службата на ЈОРСМ.Меѓутоа, за да се зачува тајност на постапката и да се спречи компромитирање на доказите, од Обвинителството посочуваат дека не е во можност во моментов да открива повеќе детали за активностите. Видете и ова: (Не)редовни вежби за евакуација во училишта и градинки Во однос на барањата на опозициската СДСМ да се формира Анкетна комисија за трагдедијата во Кочани, и на барањето на ДУИ во истрагата да се вклучат и странци, премиерот Христијан Мицкоски, завчера рече дека „не бегаат од никаква Анкетна комисија, но би сакале да ја прошират и за останатите случаи освен за Кочани.„Јас апсолутно не бегам од никаква Анкетна комисија, претпоставувам ниту пратеничката група на ВМРО ДПМНЕ и коалицијата нема да бега, но би сакал да ја прошириме со сите овие останати судски случаи кои завршија на начин на кој завршија. Така што, подготвени сме да разговараме, да дебатираме со секој оној којшто може да помогне или да додаде вредност, изјави премиерот Хрстијан Мицкоски во одговор на новинарско прашање по посетата на Ново Село.Според премиерот, СДСМ и ДУИ не биле задоволни од истрагата за Кочани, но како што рече би ги прашал дали биле задоволни од истрагата за модуларната болница во Тетово, дали беа задоволно од истрагата за Ласкарци, дали беа задоволни од истрагата за Беса транс, за Трговскиот центар „Соравија“ во Скопје и уште многу други истраги кои изминатиот период беа познати во јавноста.Пратеничката на СДСМ, Јованка Тренчевска, денеска на прес-конференција во Собранието рече дека би поддржале предлог за таква Анкетна комисија, како и дека „оставаат шанса на институциите за професионална и неселективна истрага за трагегијата во Кочани, потоа ќе излеземе со нашите идни дејствија“. Видете и ова: Навалица на институциите за обезбедување на противпожарна опрема „Оставаме шанса на институциите. Истрагата е во тек и затоа нашиот став е дека треба професионално, неселективно да се заврши целата истрага. Да не опструираме во текот на истрагата. По завршување на истрагата како СДСМ ќе излеземе со став за нашите идни дејствија. Во моментот кога ќе заврши истрагата зависно од резултатите од истрагата, рече Тренчевска одговарајќи на прашањето дали СДСМ ќе ја поддржат идејата на ДУИ за формирање на собраниска Анкетна комисија за неселективна правда за случајот во Кочани.Од ДУИ, денеска повторно побараа независна истрага за „Пулс“, надвор од рацете на оние што, како што велат, ја овозможиле трагедијата.„Јасно е дека на Власта не ѝ е потребна правда, туку алиби. Тоа не смее да се премолчи и затоа јавно бараме: Итна суспензија на целата командна структура по вертикала во МВР и Бирото за јавна безбедност, кои знаеле за проблемите со ПУЛС, а не реагирале“, изјави Арта Билали Зендели од ДУИ. прочитај повеќе април 01, 2025 Синдикатите утре на протест, барањето за поголем минималец ги „скара“ со Владата Генерален штрајк на ССМ, архивска фотографија Нападите кон Сојузот на синдикатите на Македонија нема да го запрат синдикатот во барањата за повисоки плати и подобрување на животниот стандард на работниците - порача денеска (1 април) претседателот на ССМ, Слободан Трендафилов во пресрет на утрешниот протест во Скопје.Тој денеска потсети дека Советот, претседателството и надзорниот одбор на ССМ утре со почеток во 12:05 часот ќе одржат јавна седница пред Собранието, Стопанската Комора и Владата.„Со нечовечкиот однос кон синдикалните претставници не само што е повреден Уставот и законите во Македонија, туку има повреда и на меѓународните конвенции на трудот и за тоа веќе се известени Меѓународната организација на трудот, Европската и Меѓународната конфедерација на синдикати кои даваат целосна поддршка на ССМ“, истакна Трендафилов.Тој ги повика функционерите да ги симнат, како што рече, „розовите наочари со кои гледаат во нивните скапи и луксузни кабинети“.Според првиот човек на Сојузот, синдикалците се загрижени за состојбата во која 250.000 работници примаат плата до 32.000 денари, а 380.000 работници примаат плата под просечната плата во земјата.Синдикална јавна седница против одлуката за поголем минималецПојасни дека јавната седница е против одлуката на Владата да ја зголеми минималната плата за само 1.800 денари, што синдикатот го смета за незаконско и недоволно. Видете и ова: Барањето за поголема плата ќе извади дел од администрацијата на протест ССМ бара минималната плата да изнесува 30.000 денари, наместо предложените 24.300.„На 2 април во 12:05 часот, Сојуз на Синдикати на Македонија (ССМ) излегува на улица, онака како што ветивме пред еден месец, затоа што 12 часот помина тогаш, кога Владата одлучи еднострано да утврдува износ на минимална плата на штета на работниците во Македонија, не прифаќајќи ги нивните предлози за утврдување на висината на износот на минималната плата“, порача Трендафилов.Утрешната Јавна седница од пред ССМ ќе продолжи пред Парламентот, каде што синдикатот ќе порача дека не може да има подобрување на платите за пратениците без подобрување на платите за работниците. Пред Стопанската комора, ССМ ќе истакне дека поддршката на работниците е од суштинско значење за стабилноста на економијата. Завршниот дел од протестот ќе биде пред Владата, каде што синдикатот ќе побара и работниците да се вклучат во одлуките за нивните плати.Манасиевски: Демаскирани се синдикалците на батерииВо меѓувреме, од ВМРО-ДПМНЕ обвинија дека луѓето од раководството на Сојузот на синдикати „дебело профитираат“ и ги нарекоа „синдикалци на батерии“.„Дали Иван Пешевски е гласен синдикалец затоа што зема 80.000 денари плати? Според информациите, кои до нас ги доставија свиркачи од ССМ, на кои им е преку глава од злоупотребите на Трендафилов и Пешевски, овие двајца дебело профитираат. Имено, според информациите кои ги добивме, платата на Пешевски, кој деновиве глуми загрижен синдикалец е трипати поголема од минималната“ , рече на прес-конференција Валентин Манасиевски, член на ЦК на ВМРО-ДПМНЕ.„Тој во 2024 и првите два месеци од 2025 година остварил и приходи по други основи со договори на дело и заедно со плата инкасирал 1.3 милиони денари. Демаскирани се синдикалците на батерии Слободан Трендафилов и Иван Пешевски. Нивните игри се прочитани и никој не им верува“, порача Манасиевски на денешната прес конференција.Првиот човек на ССМ пак, Трендафилов денеска изјави дека битката со поединци од ВМРО-ДПМНЕ е да нема зголемување на платите и како што истакна, да ги држат во заложништво и сиромаштија работниците. Видете и ова: ССМ најави протести на 2 април Тој обвини и за упади во синдикалните организации и за притисоци кон работниците да преминат во друг синдикат.Тренчевска: Животниот стандард на граѓаните е на днотоЗголемување на минималната плата денеска на прес конференција побара и пратеничката Јована Тренчевска од редовите на СДСМ.„На денешната собраниска седница е Законот за ослободување од плаќање придонеси за зголемени плати поднесен од СДСМ. Со оваа мерка платите може да се зголемат од 3.000 до 15.000 денари, Компаниите ќе бидат ослободени од плаќање придонеси за зголемениот дел, 400.000 работници со плата до 65.380 денари ќе добијат повисоки примања“, изјави Тренчевска.Таа реагираше и дека две минимална плати не се доволни за да се покријат основните месечни трошоци на едно семејство потсетувајќи дека потрошувачката кошница во февруари 2025 достигна 63.773 денари, и за 100 евра е зголемена во споредба со лани. прочитај повеќе Вчитај повеќе...

Вести април 01, 2025 Марин Ле Пен: Нема да се кандидирам во 2027, но ќе продолжам со борбата Марин Ле Пен Француската крајнодесничарска лидерка Марин Ле Пен изјави дека судската одлука со која ѝ се забранува да извршува изборни функции практично ја исклучува од трката за претседателските избори во 2027 година. Таа нагласи дека нема големи надежи дека нејзината жалба ќе биде разгледана пред изборите.Според неа, забраната е „политичка одлука“.„Да бидеме искрени, јас бев елиминирана, но вистината е дека елиминирани беа и гласовите на милиони Французи“, изјави Ле Пен за францускиот TF1.Таа додаде дека ќе ги искористи сите правни средства за да ја поништи пресудата, по што би можела да ја разгледа можноста повторно да се кандидира. Видете и ова: Францускиот суд ја осуди Марин Ле Пен и ѝ забрани да се кандидира за јавна функција Доколку не успее, 29-годишниот лидер на Национален собир, Жордан Бардела, може да биде нејзин кандидат за претседател.„Жордан Бардела е голем адут за партијата, и тоа го велам одамна“, нагласи Ле Пен.Таа истакна дека одлуката на судот претставува „практика која сме ја сметале за резервирана за авторитарни режими“ и дека милиони Французи се „восхитени“ од нејзината борба против „неправдата“.Француски суд вчера донесе одлука според која Марин Ле Пен од десничарската француска партија Национален собир е осудена на четири години затвор поради проневера на средства од европски фондови.Според одлуката, две од вкупно четирите години затвор ќе бидат условна казна. Судот пресуди и дека Ле Пен треба да добие петгодишна забрана за вршење јавна функција и треба да плати парична казна од 100.000 евра. прочитај повеќе види ги сите денешни вести април 01, 2025 Универзитетското собрание на УКИМ не е против нови здруженија на студенти Илустрација Универзитетското студентско собрание на Скопскиот универзитет (УСС на УКИМ) не е против нови здруженија и организации на студенти и ќе ги повика на дискусија за сите предизвици со кои се соочуваат студентите, изјави претседателот на УСС на УКИМ Александар Николовски прашан за став во врска со појавата на нови студентски иницијативи по трагедијата во Кочани, како „Студентски сојуз“ и „Студентски пленум“.Нагласувајќи дека УСС на УКИМ „работи секогаш за интересите на студентите“, Николовски на новинарско прашање одговори дека чекаат да видат „какви барања ќе произлезат од страна на тие здруженија и организации“ и дека се отворени за дискусија. „Во моментов размислуваме за отворена трибина на која ќе ги повикаме сите страни за да дискутираме за сите предизвици коишто сметаат дека треба да се поправат и, секако, ние сме тука и кога се добри времиња и кога се случуваат вакви трагедии за заедно да менуваме работи во системот. Дополнително, УСС на УКИМ спроведе анкета до сите студенти преку која ќе се направи еден вид документ, што ќе биде манифест со барање до институциите за одредени промени согласно трагедијата во Кочани. Но ние, во ниту еден случај, не одиме против вакви здруженија затоа што тоа се студенти, а ние како легитимно избрани тела – УСС и факултетски собранија, сме тука за да дискутираме и заедно да ги решаваме проблемите, истакна Николовски. Во врска со политички влијанија во студентските организации, нагласи дека партиски членови не треба да се на раководни функции на студентско организирање затоа што, рече, тогаш доаѓа до конфликт на интереси.„Се трудиме да соработуваме со сите политички партии, сме соработувале и ќе продолжиме да соработуваме, но сметаме дека раководството на студентските организации не треба да биде под надлежност на партиски членови, рече Николовски. Видете и ова: Празен кадар пред УКИМ, без студенти и јавни барања Инаку претходно Независниот студентски сојуз на УКИМ ги повика сите студентски собранија да го следат примерот на Факултетското студентско собрание на Филозофскиот факултет кое изгласа недоверба на делегатите на Универзитетското студентско собрание (УСС на УКИМ).Недовербата беше изгласана ден по собирот кој Универзитетското студентско собрание го организираше на платото на УКИМ за да оддаде почит за трагично згаснатите животи во пожарот во Кочани.Иако не беше најавено, на собирот на УСС на УКИМ се појавија ректорката Биљана Ангелова и министерката за образование и наука, Весна Јаневска кои се обратија од говорницата пред Филозофскиот факултет. Во говорите немаше никакво барање за одговорност туку „емотивни флоскули“ и токму за време на нејзиното обраќање, таа беше исвиркана од дел од студентите.Сепак, од УСС УКИМ ги замолија студентите за тишина и токму ваквиот „потег“ резултираше со револт и поделби меѓу нив. Студентскиот отпор ги обвини Ангелова и Јаневска за „политичка самопромоција“.Независниот студентски сојуз (НСС УКИМ) пак одржаа пленум „зад затворени врати“, каде медиумите не беа добредојдени.Во една од објавите на социјалните мрежи тие наведуваат дека не се формална организација туку група студенти чија цел е да создадат пленум „каде студентските прашања ќе бидат слушнати без политички влијанија или лични интереси.“ прочитај повеќе април 01, 2025 Закажана конститутивна седница на Собранието на Косово Претседателката на Косово, Вјоса Османи, за време на свое обраќање во Собранието на Косово. Претседателката на Косово, Вјоса Османи, го одреди 15 април како датум за одржување на конститутивната седница на новиот парламентарен состав произлезен од редовните избори одржани на 9 февруари. Ова е прв конкретен чекор во формирањето на новите државни институции, откако Централната изборна комисија ги потврди изборните резултати на 27 март. Во спротивно, според Деловникот на Собранието на Косово, Парламентот би се состанал на 30-ти ден.Што се случува на конститутивната седница?Конститутивната седница ја подготвува претседателот на претходното свикување, кој пет дена пред седницата мора да свика состанок на претседателите на политичките партии застапени во Собранието, за да го подготви дневниот ред.На дневен ред треба да биде формирање на привремена комисија која ќе го верификува кворумот и мандатот, давање заклетва на нови пратеници, избор на претседател и потпретседател на собранието, гласање за извештајот на споменатата комисија и утврдување на пратеничките места во салата според политичката сила. Видете и ова: Потврдени конечните изборни резултати во Косово Со конститутивната седница претседава најстариот заменик, со помош на најмладиот заменик.Законите не предвидуваат дека не може да има расправа на седницата.На оваа седница пратениците полагаат заклетва - отсутните тоа можат да го сторат на следната седница - а првата партија, во случајов движењето Самоопределување, предлага кандидат за претседател на Собранието.Потпретседателите, пак, се предложени од една од најголемите партии и немнозинските заедници, вклучително и српската заедница.Согласно Деловникот на Собранието, конститутивната седница завршува со избор на претседател и потпретседател.Прекините на конститутивната седница не можат да бидат подолги од 48 часа“, се вели во член 12 точка 5 од Деловникот на Собранието.Според резултатите, во новиот парламентарен состав Движењето Самоопределување ќе има 48 пратеници, Демократската партија на Косово 24, Демократскиот сојуз на Косово 20, Српската листа девет, а коалицијата Алијанса за иднината на Косово и Социјалдемократската иницијатива осум пратенички места.Избор на Влада Распределбата на мандатите во Собранието значи дека ниту една партија не може сама да формира Влада, што е следен чекор по одржувањето на конститутивната седница.Што се однесува до резултатите, Движењето Самоопределување веќе се обрати до Уставниот суд, оспорувајќи ја одлуката на Врховниот суд за поштенските гласови, тврдејќи дека Демократскиот сојуз на Косово манипулирал со нив. Партијата на вршителот на должноста премиер Албин Курти побара од Уставниот суд времена мерка во врска со одлуката на Врховниот суд за тие гласови.Доколку Уставниот суд донесе одлука за ова прашање, тогаш може да дојде до прекин на изборниот процес на Владата. Сепак, додека Уставниот суд не го реши прашањето што го покрена Движењето Самоопределување, претседателката на државата има неколку законски рокови кои мора да ги почитува. Видете и ова: Курти ветува над милијарда евра за Косовските безбедносни сили Според законите, Османи мора да го довери мандатот за формирање нова влада на првата партија на изборите, во случајов на движењето Самоопределување.Во Уставот стои дека мандатарот потоа има рок од 15 дена да го претстави составот на новиот извршен орган до Собранието и да побара 61 глас за негово одобрување.Во случај првата партија да не добие поддршка од најмалку 61 пратеник, претседателот Османи има рок од десет дена да назначи друг претставник.Ги повикува страните на консултации и има дискреционо право да определи кого ќе овласти да ја формира извршната власт.И вториот претставник има рок од 15 дена да го претстави составот на владиниот кабинет пред Собранието.Но, доколку и по вториот обид не се формира Влада, тогаш претседателот Османи, според член 95 од Уставот, мора да распише нови избори, кои мора да се одржат најдоцна за 40 дена.Изборите одржани на 9 февруари беа првите редовни парламентарни избори одржани во Косово по прогласувањето на независноста. прочитај повеќе април 01, 2025 Финска се повлекува од договорот за нагазни мини поради Русија Финските граничари и нивното куче Нита патролираат на финско-руската граница, во источна Финска, на 5 јуни 2024 година. Членката на НАТО Финска планира да ја напушти глобалната конвенција за забрана на противпешадиски мини и да ги зголеми трошоците за одбрана на најмалку 3 отсто од бруто домашниот производ до 2029 година како одговор на растечката воена закана од Русија, објави во вторникот нејзината влада.Полска и балтичките земји, Естонија, Летонија и Литванија, минатиот месец објавија дека ќе се повлечат од Конвенцијата од Отава од 1997 година поради заканата што соседна Русија ја претставува за нив и за Европа.Со напуштање на договорот, Финска, која ја чува најдолгата граница на НАТО со Русија, би можела повторно да започне со обезбедување на залихи на нагазни мини за да и бидат достапни доколку се појави потреба. Видете и ова: Советот на ЕУ ја одобри третата исплата за Украина од речиси 3,5 милијарди евра На прес-конференцијата премиерот Петри Орпо рече дека во моментов нема непосредна воена закана за нордиската нација, но дека Русија претставува долгорочна опасност за цела Европа.„Повлекувањето од Конвенцијата од Отава ќе ни овозможи да се подготвиме за промени во сегашната безбедносна средина на посеопфатен и разноврсен начин“, рече тој.Премиерот Орпо додаде дека Финска ќе одвои дополнителни три милијарди евра за одбраната, со што ќе го подигне нивото на воени трошоци од 2,41 отсто во 2024 година на 3 отсто од бруто домашниот производ до 2029 година копно и балтичките држави дека Русија би можела повторно да се вооружи и да ги нападне наместо Украина.Финска се приклучи на воената алијанса НАТО во 2023 година, во промена на политиката по децении на неврзаност предизвикана од руската инвазија на Украина.Финска почна да размислува за повлекување од Договорот од Отава во ноември минатата година, кога нејзиниот воен началник рече дека ова прашање треба да се разговара поради руската употреба на такво оружје во Украина.„Финска ќе ги користи мините на одговорен начин, но тоа е одвраќање што ни треба“, рече министерот за земјоделство и шумарство Сари Есајах за новинарите во вторникот. Видете и ова: И покрај негодувањето на групите за права, САД ќе и дадат на Украина противпешадиски мини Противпешадиските нагазни мини се дизајнирани да бидат скриени во земјата и автоматски да се активираат кога некој ќе стапне или оди во нивна близина.Финска уништи над милион нагазни мини по 2012 година, со што стана последната земја на ЕУ што ја потпиша Конвенцијата од Отава, која ја ратификуваа или пристапија повеќе од 160 земји - но не и Русија.Договорот од 1997 година беше еден од низата меѓународни договори направени по крајот на Студената војна за промовирање на глобалното разоружување. Борците против мини ја добија Нобеловата награда за мир истата година.Нагазни мини убија или осакатија десетици илјади цивили ширум светот, многу од нив долго по завршувањето на војните.За напуштање на договорот ќе биде потребно одобрение од финскиот парламент. прочитај повеќе април 01, 2025 Полицајци осомничени дека незаконски земале патни трошоци Илустрација Одделот за внатрешна контрола при Министерството за внатрешни работи поднесе кривична пријава против 10 полициски службеници од Единицата за брзо распоредување. Службениците се осомничени за злоупотреба на службената положба и овластување, со што го оштетиле буџетот на Министерството за внатрешни работи за 1.098.120 денари. Тие примале парични средства за патни трошоци за денови кога не патувале до работното место во Скопје. Против нив ќе биде поднесен и предлог за дисциплинска постапка.Како што стои во соопштениот од МВР, Одделот за внатрешна контрола, криминалистички истраги и професионални стандарди при Министерството за внатрешни работи, до Основното јавно обвинителство за гонење на организиран криминал и корупција - Специјализирано оддделение за гонење на кривични дела сторени од лица со полициски овластувања и припадници на затворската полиција, поднесе кривична пријава против полициските службеници К.Ѓ., Г.Д., Н.С., И.Г., Д.Д., Д.Д., Н.М., С.С., З.Т. и Д.Т., сите вработени во Единицата за брзо распоредување, поради постоење основи на сомнение дека извршиле кривично дело „злоупотреба на службената положба и овластување“ казниво по член 353 од Кривичниот законик. Видете и ова: Триесетдневен притвор за член на обезбедувањето на премиерот „Пријавените, со намера за себе да прибават противправна имотна корист, искористувајќи го стекнатото право за надомест на патни трошоци, поради тоа што по лична карта се воделе со место на живеење надвор од Скопје, ја злоупотребиле службената положба на начин што примале парични средства од Министерството за внатрешни работи за денови во кои не патувале од своето место на живеење до работното место во Скопје и обратно, со што во периодот 01.12.2023 до 17.09.2024 го оштетиле буџетот на Министерството за внатрешни работи во вкупен износ од 1.098.120 денари, стои во соопштението од МВР. Дополнуваат дека Одделот за внатрешна контрола, криминалистички истраги и професионални стандарди за пријавените полициски службеници ќе поднесе и предлог за поведување на постапка за утврдување на дисциплинска одговорност. прочитај повеќе април 01, 2025 Вучиќ верува во создавање воен сојуз меѓу Србија и Унгарија Потпишување на договорот за соработка меѓу Србија и Унгарија во областа на одбраната, Белград, 1 април 2025 година. Претседателот на Србија, Александар Вучиќ изјави дека верува оти новиот договор меѓу Белград и Будимпешта во областа на одбраната, потпишан на 1 април, ќе продолжи во натамошното приближување кон создавање на воен сојуз меѓу Србија и Унгарија.„Тоа го бара унгарската страна, а унгарскиот и српскиот парламент. Нашите односи се повеќе од добри, а премиерот Виктор Орбан и јас изразивме желба да продолжиме со забрзување и натамошно приближување на нашите позиции во одбранбената сфера“, рече Вучиќ по потпишувањето.Вучиќ не даде повеќе детали за идејата за српско-унгарски воен сојуз. Унгарската и српската страна не разговараа за тоа, се додека по потпишувањето на договорот не беа дозволени прашања од новинарите.Во средината на март, Белград остро реагираше на декларацијата што тогаш ја потпишаа Албанија, Хрватска и Косово во Тирана, која учесниците ја опишаа како документ кој ја зајакнува соработката во одговорот на безбедносните предизвици кои можат да ја загрозат регионалната стабилност. Од друга страна, Србија го окарактеризира како провокација и закана за стабилноста. Видете и ова: Србија и Унгарија потпишаа договор за одбранбена соработка Хеликоптерски вежби и обукиКриштоф Салаи-Боровнички и Братислав Гашиќ, министрите за одбрана на Унгарија и Србија, потпишаа документ во вторник во Белград со кој се прецизира договорот за стратешка соработка меѓу Унгарија и Србија во областа на одбраната од 2023 година на посветени индустрии, сајбер безбедност, мировни операции, воено образование и медицина.„Унгарија е секогаш на страната на зачувување на мирот и Србија е секогаш нејзин сојузник во тоа“, изјави унгарскиот министер за одбрана Кристоф Салаи-Боровнички.Вучиќ во оваа прилика рече дека Белград, откако минатата година купи оклопни транспортери БТР-80А од Будимпешта, е заинтересиран за набавка на други системи останати во Унгарија од советскиот период, како и за новите борбени возила Lynx KF-51 што Унгарија ги произведува во соработка со германската компанија Rheinmetall.Тој додаде дека Унгарија купува муниција со калибар 7,62 од Србија и дека е заинтересирана за борбени возила 8х8 од српско производство.На воено поле нè очекува многу заедничка работа. Се што правиме значи поголема безбедност за граѓаните на двете земји“, рече Вучиќ.Тој изјави дека наскоро очекува средба со унгарскиот премиер Виктор Орбан.Беше објавено дека трговската размена меѓу Унгарија и Србија надмина три милијарди евра и дека земјата е петти економски партнер на Србија. Видете и ова: САД ги одложија санкциите за Српската нафтена индустрија Две децении неутралност Србија е членка на програмата на НАТО Партнерство за мир од декември 2006 година. На крајот на 2007 година таа прогласи воена неутралност преку парламентарната резолуција за заштита на суверенитетот, територијалниот интегритет и уставниот поредок.Во последните десет години има одржано десетици воени вежби со земјите од НАТО алијансата, вклучително и Соединетите Американски Држави, како и со Руската Федерација и Белорусија.Од руската инвазија на Украина, Србија не учествуваше во воени вежби ниту со Истокот, ниту со Западот.Исклучок направи во 2023 година, кога на своја територија вежбаше 15 дена со САД и другите земји на НАТО во маневрите наречени „Платинест волк“ одржани во воената база „Југ“. прочитај повеќе април 01, 2025 Владата со идеја да купи 120 еколошки автобуси Илустрација Владата денеска на седница усвоила Информација за набавка на 120 еколошки автобуси, од кои 80 се ургентно потребни за обнова на возниот парк на ЈСП- Скопје и подобрување на јавниот превоз, а останатите 40 ќе бидат распределени согласно економската оправданост и реалните потреби на секоја од единиците на локалната самоуправа. „Владата ја разгледа и усвои Информацијата од Министерство за транспорт во врска со доставените писма за интерес од единиците на локалната самоуправа за потребата од набавка на еколошки автобуси за јавен превоз. Имајќи ги предвид финансиските средства обезбедени во рамки на буџетот на Министерството за транспорт за оваа намена, предвидена е набавка на 120 еколошки автобуси, од кои 80 се ургентно потребни за обнова на возниот парк на ЈСП- Скопје и подобрување на јавниот превоз, а останатите 40 ќе бидат распределени согласно економската оправданост и реалните потреби на секоја од единиците на локалната самоуправа, информира владината прес-служба. Видете и ова: Што може да ги изгаси „пожарите” во ЈСП? Набавката на еколошките автобуси за јавен превоз, додаваат од Владата, ќе придонесе за подобрување на квалитетот на услугите за граѓаните, како и намалување на загадувањето на воздухот во општините, одржлив развој и заштита на животната средина. прочитај повеќе април 01, 2025 Се забранува користење на пиротехника во затворен простор Опожарената дискотека „Пулс“ во Кочани, 17.03.2025 Пиротехнички сретства во затворени простории нема да смее да се користат. Вакви законски измени донесе Собранието денеска кое го изгласаа 87 пратеници, иницирани од трагедијата во Кочани каде загинаа 59 луѓе, а повеќе од 200 беа повредени. Измените на Законот за прекршоците против јавниот ред и мир беа предложени од ВМРО-ДПМНЕ и донесени по скратена постапка. „Констатиравме многу пропусти кои треба да се надминат за да нема импровизации кои ќе резултираат со вакви хаварии и несреќи“, рече пратеникот Тони Јаревски.Со измените на законот, двојно се зголемени казните за непочитувачите на законот. Доколку прекршокот се повтори, се предвидува и затворска казна.Инаку вкупниот број на осомничени за пожарот во Кочани досега е 34 лица. Со истрагата се опфатени 27 физички и три правни лица, а истражни постапки има и против седум полициски службеници од СВР Штип и ПСОН Кочани.Тимот од јавни обвинители кој работи на случајот, како што информира претходно, работи на активности кои вклучуваат распит на повеќе од 300 сведоци, како и други истражни дејствија и соодветни вештачења од повеќе области.Јавните обвинители од тимот кој ја води предистражната постапка за пожарот во дискотеката „Пулс“ во Кочани во кој животот го загубија 59 лица, а речиси 200 се повредени, континуирано преземаат повеќе истражни дејствија за обезбедување докази, а такви дејствија, кои вклучуваат распити, анализи и вештачења од голем обем и во однос на повеќе различни институции се во тек и денеска, информираат од прес-службата на ЈОРСМ.Меѓутоа, за да се зачува тајност на постапката и да се спречи компромитирање на доказите, од Обвинителството посочуваат дека не е во можност во моментов да открива повеќе детали за активностите. Видете и ова: (Не)редовни вежби за евакуација во училишта и градинки Во однос на барањата на опозициската СДСМ да се формира Анкетна комисија за трагдедијата во Кочани, и на барањето на ДУИ во истрагата да се вклучат и странци, премиерот Христијан Мицкоски, завчера рече дека „не бегаат од никаква Анкетна комисија, но би сакале да ја прошират и за останатите случаи освен за Кочани.„Јас апсолутно не бегам од никаква Анкетна комисија, претпоставувам ниту пратеничката група на ВМРО ДПМНЕ и коалицијата нема да бега, но би сакал да ја прошириме со сите овие останати судски случаи кои завршија на начин на кој завршија. Така што, подготвени сме да разговараме, да дебатираме со секој оној којшто може да помогне или да додаде вредност, изјави премиерот Хрстијан Мицкоски во одговор на новинарско прашање по посетата на Ново Село.Според премиерот, СДСМ и ДУИ не биле задоволни од истрагата за Кочани, но како што рече би ги прашал дали биле задоволни од истрагата за модуларната болница во Тетово, дали беа задоволно од истрагата за Ласкарци, дали беа задоволни од истрагата за Беса транс, за Трговскиот центар „Соравија“ во Скопје и уште многу други истраги кои изминатиот период беа познати во јавноста.Пратеничката на СДСМ, Јованка Тренчевска, денеска на прес-конференција во Собранието рече дека би поддржале предлог за таква Анкетна комисија, како и дека „оставаат шанса на институциите за професионална и неселективна истрага за трагегијата во Кочани, потоа ќе излеземе со нашите идни дејствија“. Видете и ова: Навалица на институциите за обезбедување на противпожарна опрема „Оставаме шанса на институциите. Истрагата е во тек и затоа нашиот став е дека треба професионално, неселективно да се заврши целата истрага. Да не опструираме во текот на истрагата. По завршување на истрагата како СДСМ ќе излеземе со став за нашите идни дејствија. Во моментот кога ќе заврши истрагата зависно од резултатите од истрагата, рече Тренчевска одговарајќи на прашањето дали СДСМ ќе ја поддржат идејата на ДУИ за формирање на собраниска Анкетна комисија за неселективна правда за случајот во Кочани.Од ДУИ, денеска повторно побараа независна истрага за „Пулс“, надвор од рацете на оние што, како што велат, ја овозможиле трагедијата.„Јасно е дека на Власта не ѝ е потребна правда, туку алиби. Тоа не смее да се премолчи и затоа јавно бараме: Итна суспензија на целата командна структура по вертикала во МВР и Бирото за јавна безбедност, кои знаеле за проблемите со ПУЛС, а не реагирале“, изјави Арта Билали Зендели од ДУИ. прочитај повеќе април 01, 2025 Синдикатите утре на протест, барањето за поголем минималец ги „скара“ со Владата Генерален штрајк на ССМ, архивска фотографија Нападите кон Сојузот на синдикатите на Македонија нема да го запрат синдикатот во барањата за повисоки плати и подобрување на животниот стандард на работниците - порача денеска (1 април) претседателот на ССМ, Слободан Трендафилов во пресрет на утрешниот протест во Скопје.Тој денеска потсети дека Советот, претседателството и надзорниот одбор на ССМ утре со почеток во 12:05 часот ќе одржат јавна седница пред Собранието, Стопанската Комора и Владата.„Со нечовечкиот однос кон синдикалните претставници не само што е повреден Уставот и законите во Македонија, туку има повреда и на меѓународните конвенции на трудот и за тоа веќе се известени Меѓународната организација на трудот, Европската и Меѓународната конфедерација на синдикати кои даваат целосна поддршка на ССМ“, истакна Трендафилов.Тој ги повика функционерите да ги симнат, како што рече, „розовите наочари со кои гледаат во нивните скапи и луксузни кабинети“.Според првиот човек на Сојузот, синдикалците се загрижени за состојбата во која 250.000 работници примаат плата до 32.000 денари, а 380.000 работници примаат плата под просечната плата во земјата.Синдикална јавна седница против одлуката за поголем минималецПојасни дека јавната седница е против одлуката на Владата да ја зголеми минималната плата за само 1.800 денари, што синдикатот го смета за незаконско и недоволно. Видете и ова: Барањето за поголема плата ќе извади дел од администрацијата на протест ССМ бара минималната плата да изнесува 30.000 денари, наместо предложените 24.300.„На 2 април во 12:05 часот, Сојуз на Синдикати на Македонија (ССМ) излегува на улица, онака како што ветивме пред еден месец, затоа што 12 часот помина тогаш, кога Владата одлучи еднострано да утврдува износ на минимална плата на штета на работниците во Македонија, не прифаќајќи ги нивните предлози за утврдување на висината на износот на минималната плата“, порача Трендафилов.Утрешната Јавна седница од пред ССМ ќе продолжи пред Парламентот, каде што синдикатот ќе порача дека не може да има подобрување на платите за пратениците без подобрување на платите за работниците. Пред Стопанската комора, ССМ ќе истакне дека поддршката на работниците е од суштинско значење за стабилноста на економијата. Завршниот дел од протестот ќе биде пред Владата, каде што синдикатот ќе побара и работниците да се вклучат во одлуките за нивните плати.Манасиевски: Демаскирани се синдикалците на батерииВо меѓувреме, од ВМРО-ДПМНЕ обвинија дека луѓето од раководството на Сојузот на синдикати „дебело профитираат“ и ги нарекоа „синдикалци на батерии“.„Дали Иван Пешевски е гласен синдикалец затоа што зема 80.000 денари плати? Според информациите, кои до нас ги доставија свиркачи од ССМ, на кои им е преку глава од злоупотребите на Трендафилов и Пешевски, овие двајца дебело профитираат. Имено, според информациите кои ги добивме, платата на Пешевски, кој деновиве глуми загрижен синдикалец е трипати поголема од минималната“ , рече на прес-конференција Валентин Манасиевски, член на ЦК на ВМРО-ДПМНЕ.„Тој во 2024 и првите два месеци од 2025 година остварил и приходи по други основи со договори на дело и заедно со плата инкасирал 1.3 милиони денари. Демаскирани се синдикалците на батерии Слободан Трендафилов и Иван Пешевски. Нивните игри се прочитани и никој не им верува“, порача Манасиевски на денешната прес конференција.Првиот човек на ССМ пак, Трендафилов денеска изјави дека битката со поединци од ВМРО-ДПМНЕ е да нема зголемување на платите и како што истакна, да ги држат во заложништво и сиромаштија работниците. Видете и ова: ССМ најави протести на 2 април Тој обвини и за упади во синдикалните организации и за притисоци кон работниците да преминат во друг синдикат.Тренчевска: Животниот стандард на граѓаните е на днотоЗголемување на минималната плата денеска на прес конференција побара и пратеничката Јована Тренчевска од редовите на СДСМ.„На денешната собраниска седница е Законот за ослободување од плаќање придонеси за зголемени плати поднесен од СДСМ. Со оваа мерка платите може да се зголемат од 3.000 до 15.000 денари, Компаниите ќе бидат ослободени од плаќање придонеси за зголемениот дел, 400.000 работници со плата до 65.380 денари ќе добијат повисоки примања“, изјави Тренчевска.Таа реагираше и дека две минимална плати не се доволни за да се покријат основните месечни трошоци на едно семејство потсетувајќи дека потрошувачката кошница во февруари 2025 достигна 63.773 денари, и за 100 евра е зголемена во споредба со лани. прочитај повеќе април 01, 2025 Стармер: Царините на Трамп веројатно ќе ја погодат Велика Британија Британскиот премиер Кир Стармер Британскиот премиер Кир Стармер изјави дека е веројатно оти царините на Доналд Трамп ќе ја погодат Велика Британија и вети дека ќе дејствува во националниот интерес како одговор.Стармер посочи дека одмазднички царини се можни, но нагласи дека не сака да види трговска војна.„Обединетото Кралство ќе се обиде да издејствува ослободување“, изјави секретарот Џонатан Рејнолдс, но не можеше да даде временска рамка за тоа кога очекува да се сменат даноците за увозот во Велика Британија.Трамп утре треба да претстави огромни царини за стоки од целиот свет, настан што американскиот претседател го нарече „ден на ослободувањето“. Видете и ова: Трамп најави царини за автомобили, алуминиум и фармацевтски производи Владата на Стармер се обидуваше да преговара за економски договор со Соединетите Држави, за кој се надеваат дека би можел да ги заштити британските бизниси од најлошите влијанија на плановите на Трамп.Премиерот додаде дека „сите опции остануваат на маса“ како одговор. Стармер изјави дека се надева оти договорот за кој се преговара со САД ќе ги ублажи царините.„Нашата одбрана, нашата безбедност, нашето разузнавање се поврзани на начин на кој не се поврзани други две земји. Значи, очигледно е во наш национален интерес да имаме блиски работни односи со САД, кои ги имавме со децении, и сакам да гарантирам дека ќе имаме и во децениите што доаѓаат“, рече Стармер. Видете и ова: Фон дер Лајен: Брисел е подготвен да возврати на американските царини Тој додаде дека „разговорите за економски договор вообичаено ќе траат месеци или години, но „за неколку недели ние добро напреднавме во тие дискусии“.Трамп веќе најави дека ќе биде воведен данок на увоз од 25 отсто за сите автомобили увезени во САД, мерка што ќе биде удар за автомобилската индустрија во Велика Британија. прочитај повеќе април 01, 2025 Србија и Унгарија потпишаа договор за одбранбена соработка Српскиот претседател Александар Вучиќ Во Палатата Србија во присуство на претседателот на државата, Александар Вучиќ денеска (1 април) беше потпишан документ од областа на одбраната меѓу Србија и Унгарија.Планот за билатерална воена соработка меѓу министерствата за одбрана на Србија и Унгарија за 2025 година - документ за операционализација на стратешката соработка во областа на одбраната меѓу двете земји, го потпишаа министерот за одбрана на Србија, Братислав Гашиќ и министерот за одбрана на Унгарија, Криштоф Салаи-Бобровнички.Клучни елементи на договорот се можноста за заеднички вежби и воено-техничка соработка во набавката на оружје. Видете и ова: Владата на Србија усвои план за изградба на нафтовод од Унгарија до Нови Сад Вучиќ по средбата изјави дека Србија има најразвиена и најинтензивна соработка на полето на одбраната со Унгарија во регионот и изрази уверување дека „договорот за заеднички активности ќе продолжи во натамошното зближување и создавање воена алијанса или воен сојуз меѓу Србија и Унгарија“.„Секако, за тоа се прашува унгарската страна, се прашуваат унгарскиот и српскиот парламент и сите други“, рече Вучиќ на заедничката конференција. Тој додаде дека денеска е потпишан документ со кој се операционализира и конкретизира договорот за стратешка соработка во областа на одбраната постигнат во 2023 година.Со Документот кој беше потпишан денеска се договорени 79 активности за оваа година.Вучиќ најави и претстојна средба со унгарскиот премиер Виктор Орбан, на која ќе продолжат разговорите за стратешка соработка. Лани, трговската размена меѓу двете држави надминала три милијарди евра. прочитај повеќе Вчитај повеќе...

Вести март 31, 2025 Најмалку 2.065 лица загинаа во земјотресот во Мјанмар Земјотрес во Мјанмар, 29 март 2025 година. Бројот на загинати во земјотресот во Мјанмар достигна 2.065 лица. Повеќе од 3.900 лица се повредени, а над 270 се водат како исчезнати, јави Ројтерс повикувајќи се на државниот телевизиски канал на земјата. Земјотресот со јачина од 7,7 степени според Рихтеровата скала, што го погоди Мјанмар во петокот, на 28 март е еден од најсилните во Мјанмар во изминатиот век. Индија, Кина и Тајланд се меѓу соседите на Мјанмар кои испратија помошни материјали и тимови, заедно со помош и персонал од Малезија, Сингапур и Русија. Видете и ова: Земјотрес од 7,7 степени го погоди Мјанмар, се урна висококатница во Бангкок Соединетите Американски Држави ветија помош од 2 милиони долари „преку организациите за хуманитарна помош со седиште во Мјанмар“ и во соопштението наведоа дека тим за одговор при итни случаи од УСАИД, кој е подложен на огромни намалувања под администрацијата на Трамп, се распоредува во Мјанмар.Предвидливото моделирање на Американската геолошка служба процени дека бројот на загинати во Мјанмар би можел да достигне 10.000 лица, а загубите би можеле да го надминат годишното економско производство на земјата. прочитај повеќе види ги сите денешни вести април 01, 2025 Универзитетското собрание на УКИМ не е против нови здруженија на студенти Илустрација Универзитетското студентско собрание на Скопскиот универзитет (УСС на УКИМ) не е против нови здруженија и организации на студенти и ќе ги повика на дискусија за сите предизвици со кои се соочуваат студентите, изјави претседателот на УСС на УКИМ Александар Николовски прашан за став во врска со појавата на нови студентски иницијативи по трагедијата во Кочани, како „Студентски сојуз“ и „Студентски пленум“.Нагласувајќи дека УСС на УКИМ „работи секогаш за интересите на студентите“, Николовски на новинарско прашање одговори дека чекаат да видат „какви барања ќе произлезат од страна на тие здруженија и организации“ и дека се отворени за дискусија. „Во моментов размислуваме за отворена трибина на која ќе ги повикаме сите страни за да дискутираме за сите предизвици коишто сметаат дека треба да се поправат и, секако, ние сме тука и кога се добри времиња и кога се случуваат вакви трагедии за заедно да менуваме работи во системот. Дополнително, УСС на УКИМ спроведе анкета до сите студенти преку која ќе се направи еден вид документ, што ќе биде манифест со барање до институциите за одредени промени согласно трагедијата во Кочани. Но ние, во ниту еден случај, не одиме против вакви здруженија затоа што тоа се студенти, а ние како легитимно избрани тела – УСС и факултетски собранија, сме тука за да дискутираме и заедно да ги решаваме проблемите, истакна Николовски. Во врска со политички влијанија во студентските организации, нагласи дека партиски членови не треба да се на раководни функции на студентско организирање затоа што, рече, тогаш доаѓа до конфликт на интереси.„Се трудиме да соработуваме со сите политички партии, сме соработувале и ќе продолжиме да соработуваме, но сметаме дека раководството на студентските организации не треба да биде под надлежност на партиски членови, рече Николовски. Видете и ова: Празен кадар пред УКИМ, без студенти и јавни барања Инаку претходно Независниот студентски сојуз на УКИМ ги повика сите студентски собранија да го следат примерот на Факултетското студентско собрание на Филозофскиот факултет кое изгласа недоверба на делегатите на Универзитетското студентско собрание (УСС на УКИМ).Недовербата беше изгласана ден по собирот кој Универзитетското студентско собрание го организираше на платото на УКИМ за да оддаде почит за трагично згаснатите животи во пожарот во Кочани.Иако не беше најавено, на собирот на УСС на УКИМ се појавија ректорката Биљана Ангелова и министерката за образование и наука, Весна Јаневска кои се обратија од говорницата пред Филозофскиот факултет. Во говорите немаше никакво барање за одговорност туку „емотивни флоскули“ и токму за време на нејзиното обраќање, таа беше исвиркана од дел од студентите.Сепак, од УСС УКИМ ги замолија студентите за тишина и токму ваквиот „потег“ резултираше со револт и поделби меѓу нив. Студентскиот отпор ги обвини Ангелова и Јаневска за „политичка самопромоција“.Независниот студентски сојуз (НСС УКИМ) пак одржаа пленум „зад затворени врати“, каде медиумите не беа добредојдени.Во една од објавите на социјалните мрежи тие наведуваат дека не се формална организација туку група студенти чија цел е да создадат пленум „каде студентските прашања ќе бидат слушнати без политички влијанија или лични интереси.“ прочитај повеќе април 01, 2025 Закажана конститутивна седница на Собранието на Косово Претседателката на Косово, Вјоса Османи, за време на свое обраќање во Собранието на Косово. Претседателката на Косово, Вјоса Османи, го одреди 15 април како датум за одржување на конститутивната седница на новиот парламентарен состав произлезен од редовните избори одржани на 9 февруари. Ова е прв конкретен чекор во формирањето на новите државни институции, откако Централната изборна комисија ги потврди изборните резултати на 27 март. Во спротивно, според Деловникот на Собранието на Косово, Парламентот би се состанал на 30-ти ден.Што се случува на конститутивната седница?Конститутивната седница ја подготвува претседателот на претходното свикување, кој пет дена пред седницата мора да свика состанок на претседателите на политичките партии застапени во Собранието, за да го подготви дневниот ред.На дневен ред треба да биде формирање на привремена комисија која ќе го верификува кворумот и мандатот, давање заклетва на нови пратеници, избор на претседател и потпретседател на собранието, гласање за извештајот на споменатата комисија и утврдување на пратеничките места во салата според политичката сила. Видете и ова: Потврдени конечните изборни резултати во Косово Со конститутивната седница претседава најстариот заменик, со помош на најмладиот заменик.Законите не предвидуваат дека не може да има расправа на седницата.На оваа седница пратениците полагаат заклетва - отсутните тоа можат да го сторат на следната седница - а првата партија, во случајов движењето Самоопределување, предлага кандидат за претседател на Собранието.Потпретседателите, пак, се предложени од една од најголемите партии и немнозинските заедници, вклучително и српската заедница.Согласно Деловникот на Собранието, конститутивната седница завршува со избор на претседател и потпретседател.Прекините на конститутивната седница не можат да бидат подолги од 48 часа“, се вели во член 12 точка 5 од Деловникот на Собранието.Според резултатите, во новиот парламентарен состав Движењето Самоопределување ќе има 48 пратеници, Демократската партија на Косово 24, Демократскиот сојуз на Косово 20, Српската листа девет, а коалицијата Алијанса за иднината на Косово и Социјалдемократската иницијатива осум пратенички места.Избор на Влада Распределбата на мандатите во Собранието значи дека ниту една партија не може сама да формира Влада, што е следен чекор по одржувањето на конститутивната седница.Што се однесува до резултатите, Движењето Самоопределување веќе се обрати до Уставниот суд, оспорувајќи ја одлуката на Врховниот суд за поштенските гласови, тврдејќи дека Демократскиот сојуз на Косово манипулирал со нив. Партијата на вршителот на должноста премиер Албин Курти побара од Уставниот суд времена мерка во врска со одлуката на Врховниот суд за тие гласови.Доколку Уставниот суд донесе одлука за ова прашање, тогаш може да дојде до прекин на изборниот процес на Владата. Сепак, додека Уставниот суд не го реши прашањето што го покрена Движењето Самоопределување, претседателката на државата има неколку законски рокови кои мора да ги почитува. Видете и ова: Курти ветува над милијарда евра за Косовските безбедносни сили Според законите, Османи мора да го довери мандатот за формирање нова влада на првата партија на изборите, во случајов на движењето Самоопределување.Во Уставот стои дека мандатарот потоа има рок од 15 дена да го претстави составот на новиот извршен орган до Собранието и да побара 61 глас за негово одобрување.Во случај првата партија да не добие поддршка од најмалку 61 пратеник, претседателот Османи има рок од десет дена да назначи друг претставник.Ги повикува страните на консултации и има дискреционо право да определи кого ќе овласти да ја формира извршната власт.И вториот претставник има рок од 15 дена да го претстави составот на владиниот кабинет пред Собранието.Но, доколку и по вториот обид не се формира Влада, тогаш претседателот Османи, според член 95 од Уставот, мора да распише нови избори, кои мора да се одржат најдоцна за 40 дена.Изборите одржани на 9 февруари беа првите редовни парламентарни избори одржани во Косово по прогласувањето на независноста. прочитај повеќе април 01, 2025 Финска се повлекува од договорот за нагазни мини поради Русија Финските граничари и нивното куче Нита патролираат на финско-руската граница, во источна Финска, на 5 јуни 2024 година. Членката на НАТО Финска планира да ја напушти глобалната конвенција за забрана на противпешадиски мини и да ги зголеми трошоците за одбрана на најмалку 3 отсто од бруто домашниот производ до 2029 година како одговор на растечката воена закана од Русија, објави во вторникот нејзината влада.Полска и балтичките земји, Естонија, Летонија и Литванија, минатиот месец објавија дека ќе се повлечат од Конвенцијата од Отава од 1997 година поради заканата што соседна Русија ја претставува за нив и за Европа.Со напуштање на договорот, Финска, која ја чува најдолгата граница на НАТО со Русија, би можела повторно да започне со обезбедување на залихи на нагазни мини за да и бидат достапни доколку се појави потреба. Видете и ова: Советот на ЕУ ја одобри третата исплата за Украина од речиси 3,5 милијарди евра На прес-конференцијата премиерот Петри Орпо рече дека во моментов нема непосредна воена закана за нордиската нација, но дека Русија претставува долгорочна опасност за цела Европа.„Повлекувањето од Конвенцијата од Отава ќе ни овозможи да се подготвиме за промени во сегашната безбедносна средина на посеопфатен и разноврсен начин“, рече тој.Премиерот Орпо додаде дека Финска ќе одвои дополнителни три милијарди евра за одбраната, со што ќе го подигне нивото на воени трошоци од 2,41 отсто во 2024 година на 3 отсто од бруто домашниот производ до 2029 година копно и балтичките држави дека Русија би можела повторно да се вооружи и да ги нападне наместо Украина.Финска се приклучи на воената алијанса НАТО во 2023 година, во промена на политиката по децении на неврзаност предизвикана од руската инвазија на Украина.Финска почна да размислува за повлекување од Договорот од Отава во ноември минатата година, кога нејзиниот воен началник рече дека ова прашање треба да се разговара поради руската употреба на такво оружје во Украина.„Финска ќе ги користи мините на одговорен начин, но тоа е одвраќање што ни треба“, рече министерот за земјоделство и шумарство Сари Есајах за новинарите во вторникот. Видете и ова: И покрај негодувањето на групите за права, САД ќе и дадат на Украина противпешадиски мини Противпешадиските нагазни мини се дизајнирани да бидат скриени во земјата и автоматски да се активираат кога некој ќе стапне или оди во нивна близина.Финска уништи над милион нагазни мини по 2012 година, со што стана последната земја на ЕУ што ја потпиша Конвенцијата од Отава, која ја ратификуваа или пристапија повеќе од 160 земји - но не и Русија.Договорот од 1997 година беше еден од низата меѓународни договори направени по крајот на Студената војна за промовирање на глобалното разоружување. Борците против мини ја добија Нобеловата награда за мир истата година.Нагазни мини убија или осакатија десетици илјади цивили ширум светот, многу од нив долго по завршувањето на војните.За напуштање на договорот ќе биде потребно одобрение од финскиот парламент. прочитај повеќе април 01, 2025 Полицајци осомничени дека незаконски земале патни трошоци Илустрација Одделот за внатрешна контрола при Министерството за внатрешни работи поднесе кривична пријава против 10 полициски службеници од Единицата за брзо распоредување. Службениците се осомничени за злоупотреба на службената положба и овластување, со што го оштетиле буџетот на Министерството за внатрешни работи за 1.098.120 денари. Тие примале парични средства за патни трошоци за денови кога не патувале до работното место во Скопје. Против нив ќе биде поднесен и предлог за дисциплинска постапка.Како што стои во соопштениот од МВР, Одделот за внатрешна контрола, криминалистички истраги и професионални стандарди при Министерството за внатрешни работи, до Основното јавно обвинителство за гонење на организиран криминал и корупција - Специјализирано оддделение за гонење на кривични дела сторени од лица со полициски овластувања и припадници на затворската полиција, поднесе кривична пријава против полициските службеници К.Ѓ., Г.Д., Н.С., И.Г., Д.Д., Д.Д., Н.М., С.С., З.Т. и Д.Т., сите вработени во Единицата за брзо распоредување, поради постоење основи на сомнение дека извршиле кривично дело „злоупотреба на службената положба и овластување“ казниво по член 353 од Кривичниот законик. Видете и ова: Триесетдневен притвор за член на обезбедувањето на премиерот „Пријавените, со намера за себе да прибават противправна имотна корист, искористувајќи го стекнатото право за надомест на патни трошоци, поради тоа што по лична карта се воделе со место на живеење надвор од Скопје, ја злоупотребиле службената положба на начин што примале парични средства од Министерството за внатрешни работи за денови во кои не патувале од своето место на живеење до работното место во Скопје и обратно, со што во периодот 01.12.2023 до 17.09.2024 го оштетиле буџетот на Министерството за внатрешни работи во вкупен износ од 1.098.120 денари, стои во соопштението од МВР. Дополнуваат дека Одделот за внатрешна контрола, криминалистички истраги и професионални стандарди за пријавените полициски службеници ќе поднесе и предлог за поведување на постапка за утврдување на дисциплинска одговорност. прочитај повеќе април 01, 2025 Вучиќ верува во создавање воен сојуз меѓу Србија и Унгарија Потпишување на договорот за соработка меѓу Србија и Унгарија во областа на одбраната, Белград, 1 април 2025 година. Претседателот на Србија, Александар Вучиќ изјави дека верува оти новиот договор меѓу Белград и Будимпешта во областа на одбраната, потпишан на 1 април, ќе продолжи во натамошното приближување кон создавање на воен сојуз меѓу Србија и Унгарија.„Тоа го бара унгарската страна, а унгарскиот и српскиот парламент. Нашите односи се повеќе од добри, а премиерот Виктор Орбан и јас изразивме желба да продолжиме со забрзување и натамошно приближување на нашите позиции во одбранбената сфера“, рече Вучиќ по потпишувањето.Вучиќ не даде повеќе детали за идејата за српско-унгарски воен сојуз. Унгарската и српската страна не разговараа за тоа, се додека по потпишувањето на договорот не беа дозволени прашања од новинарите.Во средината на март, Белград остро реагираше на декларацијата што тогаш ја потпишаа Албанија, Хрватска и Косово во Тирана, која учесниците ја опишаа како документ кој ја зајакнува соработката во одговорот на безбедносните предизвици кои можат да ја загрозат регионалната стабилност. Од друга страна, Србија го окарактеризира како провокација и закана за стабилноста. Видете и ова: Србија и Унгарија потпишаа договор за одбранбена соработка Хеликоптерски вежби и обукиКриштоф Салаи-Боровнички и Братислав Гашиќ, министрите за одбрана на Унгарија и Србија, потпишаа документ во вторник во Белград со кој се прецизира договорот за стратешка соработка меѓу Унгарија и Србија во областа на одбраната од 2023 година на посветени индустрии, сајбер безбедност, мировни операции, воено образование и медицина.„Унгарија е секогаш на страната на зачувување на мирот и Србија е секогаш нејзин сојузник во тоа“, изјави унгарскиот министер за одбрана Кристоф Салаи-Боровнички.Вучиќ во оваа прилика рече дека Белград, откако минатата година купи оклопни транспортери БТР-80А од Будимпешта, е заинтересиран за набавка на други системи останати во Унгарија од советскиот период, како и за новите борбени возила Lynx KF-51 што Унгарија ги произведува во соработка со германската компанија Rheinmetall.Тој додаде дека Унгарија купува муниција со калибар 7,62 од Србија и дека е заинтересирана за борбени возила 8х8 од српско производство.На воено поле нè очекува многу заедничка работа. Се што правиме значи поголема безбедност за граѓаните на двете земји“, рече Вучиќ.Тој изјави дека наскоро очекува средба со унгарскиот премиер Виктор Орбан.Беше објавено дека трговската размена меѓу Унгарија и Србија надмина три милијарди евра и дека земјата е петти економски партнер на Србија. Видете и ова: САД ги одложија санкциите за Српската нафтена индустрија Две децении неутралност Србија е членка на програмата на НАТО Партнерство за мир од декември 2006 година. На крајот на 2007 година таа прогласи воена неутралност преку парламентарната резолуција за заштита на суверенитетот, територијалниот интегритет и уставниот поредок.Во последните десет години има одржано десетици воени вежби со земјите од НАТО алијансата, вклучително и Соединетите Американски Држави, како и со Руската Федерација и Белорусија.Од руската инвазија на Украина, Србија не учествуваше во воени вежби ниту со Истокот, ниту со Западот.Исклучок направи во 2023 година, кога на своја територија вежбаше 15 дена со САД и другите земји на НАТО во маневрите наречени „Платинест волк“ одржани во воената база „Југ“. прочитај повеќе април 01, 2025 Владата со идеја да купи 120 еколошки автобуси Илустрација Владата денеска на седница усвоила Информација за набавка на 120 еколошки автобуси, од кои 80 се ургентно потребни за обнова на возниот парк на ЈСП- Скопје и подобрување на јавниот превоз, а останатите 40 ќе бидат распределени согласно економската оправданост и реалните потреби на секоја од единиците на локалната самоуправа. „Владата ја разгледа и усвои Информацијата од Министерство за транспорт во врска со доставените писма за интерес од единиците на локалната самоуправа за потребата од набавка на еколошки автобуси за јавен превоз. Имајќи ги предвид финансиските средства обезбедени во рамки на буџетот на Министерството за транспорт за оваа намена, предвидена е набавка на 120 еколошки автобуси, од кои 80 се ургентно потребни за обнова на возниот парк на ЈСП- Скопје и подобрување на јавниот превоз, а останатите 40 ќе бидат распределени согласно економската оправданост и реалните потреби на секоја од единиците на локалната самоуправа, информира владината прес-служба. Видете и ова: Што може да ги изгаси „пожарите” во ЈСП? Набавката на еколошките автобуси за јавен превоз, додаваат од Владата, ќе придонесе за подобрување на квалитетот на услугите за граѓаните, како и намалување на загадувањето на воздухот во општините, одржлив развој и заштита на животната средина. прочитај повеќе април 01, 2025 Се забранува користење на пиротехника во затворен простор Опожарената дискотека „Пулс“ во Кочани, 17.03.2025 Пиротехнички сретства во затворени простории нема да смее да се користат. Вакви законски измени донесе Собранието денеска кое го изгласаа 87 пратеници, иницирани од трагедијата во Кочани каде загинаа 59 луѓе, а повеќе од 200 беа повредени. Измените на Законот за прекршоците против јавниот ред и мир беа предложени од ВМРО-ДПМНЕ и донесени по скратена постапка. „Констатиравме многу пропусти кои треба да се надминат за да нема импровизации кои ќе резултираат со вакви хаварии и несреќи“, рече пратеникот Тони Јаревски.Со измените на законот, двојно се зголемени казните за непочитувачите на законот. Доколку прекршокот се повтори, се предвидува и затворска казна.Инаку вкупниот број на осомничени за пожарот во Кочани досега е 34 лица. Со истрагата се опфатени 27 физички и три правни лица, а истражни постапки има и против седум полициски службеници од СВР Штип и ПСОН Кочани.Тимот од јавни обвинители кој работи на случајот, како што информира претходно, работи на активности кои вклучуваат распит на повеќе од 300 сведоци, како и други истражни дејствија и соодветни вештачења од повеќе области.Јавните обвинители од тимот кој ја води предистражната постапка за пожарот во дискотеката „Пулс“ во Кочани во кој животот го загубија 59 лица, а речиси 200 се повредени, континуирано преземаат повеќе истражни дејствија за обезбедување докази, а такви дејствија, кои вклучуваат распити, анализи и вештачења од голем обем и во однос на повеќе различни институции се во тек и денеска, информираат од прес-службата на ЈОРСМ.Меѓутоа, за да се зачува тајност на постапката и да се спречи компромитирање на доказите, од Обвинителството посочуваат дека не е во можност во моментов да открива повеќе детали за активностите. Видете и ова: (Не)редовни вежби за евакуација во училишта и градинки Во однос на барањата на опозициската СДСМ да се формира Анкетна комисија за трагдедијата во Кочани, и на барањето на ДУИ во истрагата да се вклучат и странци, премиерот Христијан Мицкоски, завчера рече дека „не бегаат од никаква Анкетна комисија, но би сакале да ја прошират и за останатите случаи освен за Кочани.„Јас апсолутно не бегам од никаква Анкетна комисија, претпоставувам ниту пратеничката група на ВМРО ДПМНЕ и коалицијата нема да бега, но би сакал да ја прошириме со сите овие останати судски случаи кои завршија на начин на кој завршија. Така што, подготвени сме да разговараме, да дебатираме со секој оној којшто може да помогне или да додаде вредност, изјави премиерот Хрстијан Мицкоски во одговор на новинарско прашање по посетата на Ново Село.Според премиерот, СДСМ и ДУИ не биле задоволни од истрагата за Кочани, но како што рече би ги прашал дали биле задоволни од истрагата за модуларната болница во Тетово, дали беа задоволно од истрагата за Ласкарци, дали беа задоволни од истрагата за Беса транс, за Трговскиот центар „Соравија“ во Скопје и уште многу други истраги кои изминатиот период беа познати во јавноста.Пратеничката на СДСМ, Јованка Тренчевска, денеска на прес-конференција во Собранието рече дека би поддржале предлог за таква Анкетна комисија, како и дека „оставаат шанса на институциите за професионална и неселективна истрага за трагегијата во Кочани, потоа ќе излеземе со нашите идни дејствија“. Видете и ова: Навалица на институциите за обезбедување на противпожарна опрема „Оставаме шанса на институциите. Истрагата е во тек и затоа нашиот став е дека треба професионално, неселективно да се заврши целата истрага. Да не опструираме во текот на истрагата. По завршување на истрагата како СДСМ ќе излеземе со став за нашите идни дејствија. Во моментот кога ќе заврши истрагата зависно од резултатите од истрагата, рече Тренчевска одговарајќи на прашањето дали СДСМ ќе ја поддржат идејата на ДУИ за формирање на собраниска Анкетна комисија за неселективна правда за случајот во Кочани.Од ДУИ, денеска повторно побараа независна истрага за „Пулс“, надвор од рацете на оние што, како што велат, ја овозможиле трагедијата.„Јасно е дека на Власта не ѝ е потребна правда, туку алиби. Тоа не смее да се премолчи и затоа јавно бараме: Итна суспензија на целата командна структура по вертикала во МВР и Бирото за јавна безбедност, кои знаеле за проблемите со ПУЛС, а не реагирале“, изјави Арта Билали Зендели од ДУИ. прочитај повеќе април 01, 2025 Синдикатите утре на протест, барањето за поголем минималец ги „скара“ со Владата Генерален штрајк на ССМ, архивска фотографија Нападите кон Сојузот на синдикатите на Македонија нема да го запрат синдикатот во барањата за повисоки плати и подобрување на животниот стандард на работниците - порача денеска (1 април) претседателот на ССМ, Слободан Трендафилов во пресрет на утрешниот протест во Скопје.Тој денеска потсети дека Советот, претседателството и надзорниот одбор на ССМ утре со почеток во 12:05 часот ќе одржат јавна седница пред Собранието, Стопанската Комора и Владата.„Со нечовечкиот однос кон синдикалните претставници не само што е повреден Уставот и законите во Македонија, туку има повреда и на меѓународните конвенции на трудот и за тоа веќе се известени Меѓународната организација на трудот, Европската и Меѓународната конфедерација на синдикати кои даваат целосна поддршка на ССМ“, истакна Трендафилов.Тој ги повика функционерите да ги симнат, како што рече, „розовите наочари со кои гледаат во нивните скапи и луксузни кабинети“.Според првиот човек на Сојузот, синдикалците се загрижени за состојбата во која 250.000 работници примаат плата до 32.000 денари, а 380.000 работници примаат плата под просечната плата во земјата.Синдикална јавна седница против одлуката за поголем минималецПојасни дека јавната седница е против одлуката на Владата да ја зголеми минималната плата за само 1.800 денари, што синдикатот го смета за незаконско и недоволно. Видете и ова: Барањето за поголема плата ќе извади дел од администрацијата на протест ССМ бара минималната плата да изнесува 30.000 денари, наместо предложените 24.300.„На 2 април во 12:05 часот, Сојуз на Синдикати на Македонија (ССМ) излегува на улица, онака како што ветивме пред еден месец, затоа што 12 часот помина тогаш, кога Владата одлучи еднострано да утврдува износ на минимална плата на штета на работниците во Македонија, не прифаќајќи ги нивните предлози за утврдување на висината на износот на минималната плата“, порача Трендафилов.Утрешната Јавна седница од пред ССМ ќе продолжи пред Парламентот, каде што синдикатот ќе порача дека не може да има подобрување на платите за пратениците без подобрување на платите за работниците. Пред Стопанската комора, ССМ ќе истакне дека поддршката на работниците е од суштинско значење за стабилноста на економијата. Завршниот дел од протестот ќе биде пред Владата, каде што синдикатот ќе побара и работниците да се вклучат во одлуките за нивните плати.Манасиевски: Демаскирани се синдикалците на батерииВо меѓувреме, од ВМРО-ДПМНЕ обвинија дека луѓето од раководството на Сојузот на синдикати „дебело профитираат“ и ги нарекоа „синдикалци на батерии“.„Дали Иван Пешевски е гласен синдикалец затоа што зема 80.000 денари плати? Според информациите, кои до нас ги доставија свиркачи од ССМ, на кои им е преку глава од злоупотребите на Трендафилов и Пешевски, овие двајца дебело профитираат. Имено, според информациите кои ги добивме, платата на Пешевски, кој деновиве глуми загрижен синдикалец е трипати поголема од минималната“ , рече на прес-конференција Валентин Манасиевски, член на ЦК на ВМРО-ДПМНЕ.„Тој во 2024 и првите два месеци од 2025 година остварил и приходи по други основи со договори на дело и заедно со плата инкасирал 1.3 милиони денари. Демаскирани се синдикалците на батерии Слободан Трендафилов и Иван Пешевски. Нивните игри се прочитани и никој не им верува“, порача Манасиевски на денешната прес конференција.Првиот човек на ССМ пак, Трендафилов денеска изјави дека битката со поединци од ВМРО-ДПМНЕ е да нема зголемување на платите и како што истакна, да ги држат во заложништво и сиромаштија работниците. Видете и ова: ССМ најави протести на 2 април Тој обвини и за упади во синдикалните организации и за притисоци кон работниците да преминат во друг синдикат.Тренчевска: Животниот стандард на граѓаните е на днотоЗголемување на минималната плата денеска на прес конференција побара и пратеничката Јована Тренчевска од редовите на СДСМ.„На денешната собраниска седница е Законот за ослободување од плаќање придонеси за зголемени плати поднесен од СДСМ. Со оваа мерка платите може да се зголемат од 3.000 до 15.000 денари, Компаниите ќе бидат ослободени од плаќање придонеси за зголемениот дел, 400.000 работници со плата до 65.380 денари ќе добијат повисоки примања“, изјави Тренчевска.Таа реагираше и дека две минимална плати не се доволни за да се покријат основните месечни трошоци на едно семејство потсетувајќи дека потрошувачката кошница во февруари 2025 достигна 63.773 денари, и за 100 евра е зголемена во споредба со лани. прочитај повеќе април 01, 2025 Стармер: Царините на Трамп веројатно ќе ја погодат Велика Британија Британскиот премиер Кир Стармер Британскиот премиер Кир Стармер изјави дека е веројатно оти царините на Доналд Трамп ќе ја погодат Велика Британија и вети дека ќе дејствува во националниот интерес како одговор.Стармер посочи дека одмазднички царини се можни, но нагласи дека не сака да види трговска војна.„Обединетото Кралство ќе се обиде да издејствува ослободување“, изјави секретарот Џонатан Рејнолдс, но не можеше да даде временска рамка за тоа кога очекува да се сменат даноците за увозот во Велика Британија.Трамп утре треба да претстави огромни царини за стоки од целиот свет, настан што американскиот претседател го нарече „ден на ослободувањето“. Видете и ова: Трамп најави царини за автомобили, алуминиум и фармацевтски производи Владата на Стармер се обидуваше да преговара за економски договор со Соединетите Држави, за кој се надеваат дека би можел да ги заштити британските бизниси од најлошите влијанија на плановите на Трамп.Премиерот додаде дека „сите опции остануваат на маса“ како одговор. Стармер изјави дека се надева оти договорот за кој се преговара со САД ќе ги ублажи царините.„Нашата одбрана, нашата безбедност, нашето разузнавање се поврзани на начин на кој не се поврзани други две земји. Значи, очигледно е во наш национален интерес да имаме блиски работни односи со САД, кои ги имавме со децении, и сакам да гарантирам дека ќе имаме и во децениите што доаѓаат“, рече Стармер. Видете и ова: Фон дер Лајен: Брисел е подготвен да возврати на американските царини Тој додаде дека „разговорите за економски договор вообичаено ќе траат месеци или години, но „за неколку недели ние добро напреднавме во тие дискусии“.Трамп веќе најави дека ќе биде воведен данок на увоз од 25 отсто за сите автомобили увезени во САД, мерка што ќе биде удар за автомобилската индустрија во Велика Британија. прочитај повеќе април 01, 2025 Србија и Унгарија потпишаа договор за одбранбена соработка Српскиот претседател Александар Вучиќ Во Палатата Србија во присуство на претседателот на државата, Александар Вучиќ денеска (1 април) беше потпишан документ од областа на одбраната меѓу Србија и Унгарија.Планот за билатерална воена соработка меѓу министерствата за одбрана на Србија и Унгарија за 2025 година - документ за операционализација на стратешката соработка во областа на одбраната меѓу двете земји, го потпишаа министерот за одбрана на Србија, Братислав Гашиќ и министерот за одбрана на Унгарија, Криштоф Салаи-Бобровнички.Клучни елементи на договорот се можноста за заеднички вежби и воено-техничка соработка во набавката на оружје. Видете и ова: Владата на Србија усвои план за изградба на нафтовод од Унгарија до Нови Сад Вучиќ по средбата изјави дека Србија има најразвиена и најинтензивна соработка на полето на одбраната со Унгарија во регионот и изрази уверување дека „договорот за заеднички активности ќе продолжи во натамошното зближување и создавање воена алијанса или воен сојуз меѓу Србија и Унгарија“.„Секако, за тоа се прашува унгарската страна, се прашуваат унгарскиот и српскиот парламент и сите други“, рече Вучиќ на заедничката конференција. Тој додаде дека денеска е потпишан документ со кој се операционализира и конкретизира договорот за стратешка соработка во областа на одбраната постигнат во 2023 година.Со Документот кој беше потпишан денеска се договорени 79 активности за оваа година.Вучиќ најави и претстојна средба со унгарскиот премиер Виктор Орбан, на која ќе продолжат разговорите за стратешка соработка. Лани, трговската размена меѓу двете држави надминала три милијарди евра. прочитај повеќе Вчитај повеќе...

Вести март 31, 2025 Шест пациенти од пожарот во Кочани се враќаат од странски болници Северна Македонија - запалената дискотека „Пулс“ во Кочани, 17 март 2025 година. Шест пациенти денеска се враќаат од странство, пет од Србија (тројца од КБЦ Ниш и двајца од ВМА Белград) и еден од Италија, соопшти Министерството за здравство. Тие ќе бидат примени во здравствени установи од кои биле испратени и согласно повредите.Во однос на останатите пациенти во странство, кај дел има подобрување, а неколкумина се уште се интубирани и во потешка здравствена состојба.Пациентите беа повредени во пожар во дискотеката „Пулс“ во Кочани на 16 март, при што загинаа 59 лица, а околу 200 беа повредени. Повеќе од половина од повредените беа испратени на лекување во странски медицински центри. Видете и ова: Двајца пациенти се враќаат од Литванија и Шведска, четворица се во критична состојба Во здравствените установи во државава остануваат 16 пациенти во добра општа состојба - по шест во Св.Наум Охридски и ГОБ 8 Септември и четири во приватните болници. „И понатаму внимателно ја следиме состојбата на повредените пациенти и остануваме во постојана комуникација со медицинските тимови во земјата и странство, посветени на обезбедување најдобра можна нега за повредените од несреќата во Кочани“, соопштија од Министерството за здравство. Трагедијата во Кочани предизвика низа протестни собири на граѓаните во Северна Македонија кои бараат правда и одговорност за пожарот во дискотеката. прочитај повеќе види ги сите денешни вести април 01, 2025 Закажана конститутивна седница на Собранието на Косово Претседателката на Косово, Вјоса Османи, за време на свое обраќање во Собранието на Косово. Претседателката на Косово, Вјоса Османи, го одреди 15 април како датум за одржување на конститутивната седница на новиот парламентарен состав произлезен од редовните избори одржани на 9 февруари. Ова е прв конкретен чекор во формирањето на новите државни институции, откако Централната изборна комисија ги потврди изборните резултати на 27 март. Во спротивно, според Деловникот на Собранието на Косово, Парламентот би се состанал на 30-ти ден.Што се случува на конститутивната седница?Конститутивната седница ја подготвува претседателот на претходното свикување, кој пет дена пред седницата мора да свика состанок на претседателите на политичките партии застапени во Собранието, за да го подготви дневниот ред.На дневен ред треба да биде формирање на привремена комисија која ќе го верификува кворумот и мандатот, давање заклетва на нови пратеници, избор на претседател и потпретседател на собранието, гласање за извештајот на споменатата комисија и утврдување на пратеничките места во салата според политичката сила. Видете и ова: Потврдени конечните изборни резултати во Косово Со конститутивната седница претседава најстариот заменик, со помош на најмладиот заменик.Законите не предвидуваат дека не може да има расправа на седницата.На оваа седница пратениците полагаат заклетва - отсутните тоа можат да го сторат на следната седница - а првата партија, во случајов движењето Самоопределување, предлага кандидат за претседател на Собранието.Потпретседателите, пак, се предложени од една од најголемите партии и немнозинските заедници, вклучително и српската заедница.Согласно Деловникот на Собранието, конститутивната седница завршува со избор на претседател и потпретседател.Прекините на конститутивната седница не можат да бидат подолги од 48 часа“, се вели во член 12 точка 5 од Деловникот на Собранието.Според резултатите, во новиот парламентарен состав Движењето Самоопределување ќе има 48 пратеници, Демократската партија на Косово 24, Демократскиот сојуз на Косово 20, Српската листа девет, а коалицијата Алијанса за иднината на Косово и Социјалдемократската иницијатива осум пратенички места.Избор на Влада Распределбата на мандатите во Собранието значи дека ниту една партија не може сама да формира Влада, што е следен чекор по одржувањето на конститутивната седница.Што се однесува до резултатите, Движењето Самоопределување веќе се обрати до Уставниот суд, оспорувајќи ја одлуката на Врховниот суд за поштенските гласови, тврдејќи дека Демократскиот сојуз на Косово манипулирал со нив. Партијата на вршителот на должноста премиер Албин Курти побара од Уставниот суд времена мерка во врска со одлуката на Врховниот суд за тие гласови.Доколку Уставниот суд донесе одлука за ова прашање, тогаш може да дојде до прекин на изборниот процес на Владата. Сепак, додека Уставниот суд не го реши прашањето што го покрена Движењето Самоопределување, претседателката на државата има неколку законски рокови кои мора да ги почитува. Видете и ова: Курти ветува над милијарда евра за Косовските безбедносни сили Според законите, Османи мора да го довери мандатот за формирање нова влада на првата партија на изборите, во случајов на движењето Самоопределување.Во Уставот стои дека мандатарот потоа има рок од 15 дена да го претстави составот на новиот извршен орган до Собранието и да побара 61 глас за негово одобрување.Во случај првата партија да не добие поддршка од најмалку 61 пратеник, претседателот Османи има рок од десет дена да назначи друг претставник.Ги повикува страните на консултации и има дискреционо право да определи кого ќе овласти да ја формира извршната власт.И вториот претставник има рок од 15 дена да го претстави составот на владиниот кабинет пред Собранието.Но, доколку и по вториот обид не се формира Влада, тогаш претседателот Османи, според член 95 од Уставот, мора да распише нови избори, кои мора да се одржат најдоцна за 40 дена.Изборите одржани на 9 февруари беа првите редовни парламентарни избори одржани во Косово по прогласувањето на независноста. прочитај повеќе април 01, 2025 Финска се повлекува од договорот за нагазни мини поради Русија Финските граничари и нивното куче Нита патролираат на финско-руската граница, во источна Финска, на 5 јуни 2024 година. Членката на НАТО Финска планира да ја напушти глобалната конвенција за забрана на противпешадиски мини и да ги зголеми трошоците за одбрана на најмалку 3 отсто од бруто домашниот производ до 2029 година како одговор на растечката воена закана од Русија, објави во вторникот нејзината влада.Полска и балтичките земји, Естонија, Летонија и Литванија, минатиот месец објавија дека ќе се повлечат од Конвенцијата од Отава од 1997 година поради заканата што соседна Русија ја претставува за нив и за Европа.Со напуштање на договорот, Финска, која ја чува најдолгата граница на НАТО со Русија, би можела повторно да започне со обезбедување на залихи на нагазни мини за да и бидат достапни доколку се појави потреба. Видете и ова: Советот на ЕУ ја одобри третата исплата за Украина од речиси 3,5 милијарди евра На прес-конференцијата премиерот Петри Орпо рече дека во моментов нема непосредна воена закана за нордиската нација, но дека Русија претставува долгорочна опасност за цела Европа.„Повлекувањето од Конвенцијата од Отава ќе ни овозможи да се подготвиме за промени во сегашната безбедносна средина на посеопфатен и разноврсен начин“, рече тој.Премиерот Орпо додаде дека Финска ќе одвои дополнителни три милијарди евра за одбраната, со што ќе го подигне нивото на воени трошоци од 2,41 отсто во 2024 година на 3 отсто од бруто домашниот производ до 2029 година копно и балтичките држави дека Русија би можела повторно да се вооружи и да ги нападне наместо Украина.Финска се приклучи на воената алијанса НАТО во 2023 година, во промена на политиката по децении на неврзаност предизвикана од руската инвазија на Украина.Финска почна да размислува за повлекување од Договорот од Отава во ноември минатата година, кога нејзиниот воен началник рече дека ова прашање треба да се разговара поради руската употреба на такво оружје во Украина.„Финска ќе ги користи мините на одговорен начин, но тоа е одвраќање што ни треба“, рече министерот за земјоделство и шумарство Сари Есајах за новинарите во вторникот. Видете и ова: И покрај негодувањето на групите за права, САД ќе и дадат на Украина противпешадиски мини Противпешадиските нагазни мини се дизајнирани да бидат скриени во земјата и автоматски да се активираат кога некој ќе стапне или оди во нивна близина.Финска уништи над милион нагазни мини по 2012 година, со што стана последната земја на ЕУ што ја потпиша Конвенцијата од Отава, која ја ратификуваа или пристапија повеќе од 160 земји - но не и Русија.Договорот од 1997 година беше еден од низата меѓународни договори направени по крајот на Студената војна за промовирање на глобалното разоружување. Борците против мини ја добија Нобеловата награда за мир истата година.Нагазни мини убија или осакатија десетици илјади цивили ширум светот, многу од нив долго по завршувањето на војните.За напуштање на договорот ќе биде потребно одобрение од финскиот парламент. прочитај повеќе април 01, 2025 Полицајци осомничени дека незаконски земале патни трошоци Илустрација Одделот за внатрешна контрола при Министерството за внатрешни работи поднесе кривична пријава против 10 полициски службеници од Единицата за брзо распоредување. Службениците се осомничени за злоупотреба на службената положба и овластување, со што го оштетиле буџетот на Министерството за внатрешни работи за 1.098.120 денари. Тие примале парични средства за патни трошоци за денови кога не патувале до работното место во Скопје. Против нив ќе биде поднесен и предлог за дисциплинска постапка.Како што стои во соопштениот од МВР, Одделот за внатрешна контрола, криминалистички истраги и професионални стандарди при Министерството за внатрешни работи, до Основното јавно обвинителство за гонење на организиран криминал и корупција - Специјализирано оддделение за гонење на кривични дела сторени од лица со полициски овластувања и припадници на затворската полиција, поднесе кривична пријава против полициските службеници К.Ѓ., Г.Д., Н.С., И.Г., Д.Д., Д.Д., Н.М., С.С., З.Т. и Д.Т., сите вработени во Единицата за брзо распоредување, поради постоење основи на сомнение дека извршиле кривично дело „злоупотреба на службената положба и овластување“ казниво по член 353 од Кривичниот законик. Видете и ова: Триесетдневен притвор за член на обезбедувањето на премиерот „Пријавените, со намера за себе да прибават противправна имотна корист, искористувајќи го стекнатото право за надомест на патни трошоци, поради тоа што по лична карта се воделе со место на живеење надвор од Скопје, ја злоупотребиле службената положба на начин што примале парични средства од Министерството за внатрешни работи за денови во кои не патувале од своето место на живеење до работното место во Скопје и обратно, со што во периодот 01.12.2023 до 17.09.2024 го оштетиле буџетот на Министерството за внатрешни работи во вкупен износ од 1.098.120 денари, стои во соопштението од МВР. Дополнуваат дека Одделот за внатрешна контрола, криминалистички истраги и професионални стандарди за пријавените полициски службеници ќе поднесе и предлог за поведување на постапка за утврдување на дисциплинска одговорност. прочитај повеќе април 01, 2025 Вучиќ верува во создавање воен сојуз меѓу Србија и Унгарија Потпишување на договорот за соработка меѓу Србија и Унгарија во областа на одбраната, Белград, 1 април 2025 година. Претседателот на Србија, Александар Вучиќ изјави дека верува оти новиот договор меѓу Белград и Будимпешта во областа на одбраната, потпишан на 1 април, ќе продолжи во натамошното приближување кон создавање на воен сојуз меѓу Србија и Унгарија.„Тоа го бара унгарската страна, а унгарскиот и српскиот парламент. Нашите односи се повеќе од добри, а премиерот Виктор Орбан и јас изразивме желба да продолжиме со забрзување и натамошно приближување на нашите позиции во одбранбената сфера“, рече Вучиќ по потпишувањето.Вучиќ не даде повеќе детали за идејата за српско-унгарски воен сојуз. Унгарската и српската страна не разговараа за тоа, се додека по потпишувањето на договорот не беа дозволени прашања од новинарите.Во средината на март, Белград остро реагираше на декларацијата што тогаш ја потпишаа Албанија, Хрватска и Косово во Тирана, која учесниците ја опишаа како документ кој ја зајакнува соработката во одговорот на безбедносните предизвици кои можат да ја загрозат регионалната стабилност. Од друга страна, Србија го окарактеризира како провокација и закана за стабилноста. Видете и ова: Србија и Унгарија потпишаа договор за одбранбена соработка Хеликоптерски вежби и обукиКриштоф Салаи-Боровнички и Братислав Гашиќ, министрите за одбрана на Унгарија и Србија, потпишаа документ во вторник во Белград со кој се прецизира договорот за стратешка соработка меѓу Унгарија и Србија во областа на одбраната од 2023 година на посветени индустрии, сајбер безбедност, мировни операции, воено образование и медицина.„Унгарија е секогаш на страната на зачувување на мирот и Србија е секогаш нејзин сојузник во тоа“, изјави унгарскиот министер за одбрана Кристоф Салаи-Боровнички.Вучиќ во оваа прилика рече дека Белград, откако минатата година купи оклопни транспортери БТР-80А од Будимпешта, е заинтересиран за набавка на други системи останати во Унгарија од советскиот период, како и за новите борбени возила Lynx KF-51 што Унгарија ги произведува во соработка со германската компанија Rheinmetall.Тој додаде дека Унгарија купува муниција со калибар 7,62 од Србија и дека е заинтересирана за борбени возила 8х8 од српско производство.На воено поле нè очекува многу заедничка работа. Се што правиме значи поголема безбедност за граѓаните на двете земји“, рече Вучиќ.Тој изјави дека наскоро очекува средба со унгарскиот премиер Виктор Орбан.Беше објавено дека трговската размена меѓу Унгарија и Србија надмина три милијарди евра и дека земјата е петти економски партнер на Србија. Видете и ова: САД ги одложија санкциите за Српската нафтена индустрија Две децении неутралност Србија е членка на програмата на НАТО Партнерство за мир од декември 2006 година. На крајот на 2007 година таа прогласи воена неутралност преку парламентарната резолуција за заштита на суверенитетот, територијалниот интегритет и уставниот поредок.Во последните десет години има одржано десетици воени вежби со земјите од НАТО алијансата, вклучително и Соединетите Американски Држави, како и со Руската Федерација и Белорусија.Од руската инвазија на Украина, Србија не учествуваше во воени вежби ниту со Истокот, ниту со Западот.Исклучок направи во 2023 година, кога на своја територија вежбаше 15 дена со САД и другите земји на НАТО во маневрите наречени „Платинест волк“ одржани во воената база „Југ“. прочитај повеќе април 01, 2025 Владата со идеја да купи 120 еколошки автобуси Илустрација Владата денеска на седница усвоила Информација за набавка на 120 еколошки автобуси, од кои 80 се ургентно потребни за обнова на возниот парк на ЈСП- Скопје и подобрување на јавниот превоз, а останатите 40 ќе бидат распределени согласно економската оправданост и реалните потреби на секоја од единиците на локалната самоуправа. „Владата ја разгледа и усвои Информацијата од Министерство за транспорт во врска со доставените писма за интерес од единиците на локалната самоуправа за потребата од набавка на еколошки автобуси за јавен превоз. Имајќи ги предвид финансиските средства обезбедени во рамки на буџетот на Министерството за транспорт за оваа намена, предвидена е набавка на 120 еколошки автобуси, од кои 80 се ургентно потребни за обнова на возниот парк на ЈСП- Скопје и подобрување на јавниот превоз, а останатите 40 ќе бидат распределени согласно економската оправданост и реалните потреби на секоја од единиците на локалната самоуправа, информира владината прес-служба. Видете и ова: Што може да ги изгаси „пожарите” во ЈСП? Набавката на еколошките автобуси за јавен превоз, додаваат од Владата, ќе придонесе за подобрување на квалитетот на услугите за граѓаните, како и намалување на загадувањето на воздухот во општините, одржлив развој и заштита на животната средина. прочитај повеќе април 01, 2025 Се забранува користење на пиротехника во затворен простор Опожарената дискотека „Пулс“ во Кочани, 17.03.2025 Пиротехнички сретства во затворени простории нема да смее да се користат. Вакви законски измени донесе Собранието денеска кое го изгласаа 87 пратеници, иницирани од трагедијата во Кочани каде загинаа 59 луѓе, а повеќе од 200 беа повредени. Измените на Законот за прекршоците против јавниот ред и мир беа предложени од ВМРО-ДПМНЕ и донесени по скратена постапка. „Констатиравме многу пропусти кои треба да се надминат за да нема импровизации кои ќе резултираат со вакви хаварии и несреќи“, рече пратеникот Тони Јаревски.Со измените на законот, двојно се зголемени казните за непочитувачите на законот. Доколку прекршокот се повтори, се предвидува и затворска казна.Инаку вкупниот број на осомничени за пожарот во Кочани досега е 34 лица. Со истрагата се опфатени 27 физички и три правни лица, а истражни постапки има и против седум полициски службеници од СВР Штип и ПСОН Кочани.Тимот од јавни обвинители кој работи на случајот, како што информира претходно, работи на активности кои вклучуваат распит на повеќе од 300 сведоци, како и други истражни дејствија и соодветни вештачења од повеќе области.Јавните обвинители од тимот кој ја води предистражната постапка за пожарот во дискотеката „Пулс“ во Кочани во кој животот го загубија 59 лица, а речиси 200 се повредени, континуирано преземаат повеќе истражни дејствија за обезбедување докази, а такви дејствија, кои вклучуваат распити, анализи и вештачења од голем обем и во однос на повеќе различни институции се во тек и денеска, информираат од прес-службата на ЈОРСМ.Меѓутоа, за да се зачува тајност на постапката и да се спречи компромитирање на доказите, од Обвинителството посочуваат дека не е во можност во моментов да открива повеќе детали за активностите. Видете и ова: (Не)редовни вежби за евакуација во училишта и градинки Во однос на барањата на опозициската СДСМ да се формира Анкетна комисија за трагдедијата во Кочани, и на барањето на ДУИ во истрагата да се вклучат и странци, премиерот Христијан Мицкоски, завчера рече дека „не бегаат од никаква Анкетна комисија, но би сакале да ја прошират и за останатите случаи освен за Кочани.„Јас апсолутно не бегам од никаква Анкетна комисија, претпоставувам ниту пратеничката група на ВМРО ДПМНЕ и коалицијата нема да бега, но би сакал да ја прошириме со сите овие останати судски случаи кои завршија на начин на кој завршија. Така што, подготвени сме да разговараме, да дебатираме со секој оној којшто може да помогне или да додаде вредност, изјави премиерот Хрстијан Мицкоски во одговор на новинарско прашање по посетата на Ново Село.Според премиерот, СДСМ и ДУИ не биле задоволни од истрагата за Кочани, но како што рече би ги прашал дали биле задоволни од истрагата за модуларната болница во Тетово, дали беа задоволно од истрагата за Ласкарци, дали беа задоволни од истрагата за Беса транс, за Трговскиот центар „Соравија“ во Скопје и уште многу други истраги кои изминатиот период беа познати во јавноста.Пратеничката на СДСМ, Јованка Тренчевска, денеска на прес-конференција во Собранието рече дека би поддржале предлог за таква Анкетна комисија, како и дека „оставаат шанса на институциите за професионална и неселективна истрага за трагегијата во Кочани, потоа ќе излеземе со нашите идни дејствија“. Видете и ова: Навалица на институциите за обезбедување на противпожарна опрема „Оставаме шанса на институциите. Истрагата е во тек и затоа нашиот став е дека треба професионално, неселективно да се заврши целата истрага. Да не опструираме во текот на истрагата. По завршување на истрагата како СДСМ ќе излеземе со став за нашите идни дејствија. Во моментот кога ќе заврши истрагата зависно од резултатите од истрагата, рече Тренчевска одговарајќи на прашањето дали СДСМ ќе ја поддржат идејата на ДУИ за формирање на собраниска Анкетна комисија за неселективна правда за случајот во Кочани.Од ДУИ, денеска повторно побараа независна истрага за „Пулс“, надвор од рацете на оние што, како што велат, ја овозможиле трагедијата.„Јасно е дека на Власта не ѝ е потребна правда, туку алиби. Тоа не смее да се премолчи и затоа јавно бараме: Итна суспензија на целата командна структура по вертикала во МВР и Бирото за јавна безбедност, кои знаеле за проблемите со ПУЛС, а не реагирале“, изјави Арта Билали Зендели од ДУИ. прочитај повеќе април 01, 2025 Синдикатите утре на протест, барањето за поголем минималец ги „скара“ со Владата Генерален штрајк на ССМ, архивска фотографија Нападите кон Сојузот на синдикатите на Македонија нема да го запрат синдикатот во барањата за повисоки плати и подобрување на животниот стандард на работниците - порача денеска (1 април) претседателот на ССМ, Слободан Трендафилов во пресрет на утрешниот протест во Скопје.Тој денеска потсети дека Советот, претседателството и надзорниот одбор на ССМ утре со почеток во 12:05 часот ќе одржат јавна седница пред Собранието, Стопанската Комора и Владата.„Со нечовечкиот однос кон синдикалните претставници не само што е повреден Уставот и законите во Македонија, туку има повреда и на меѓународните конвенции на трудот и за тоа веќе се известени Меѓународната организација на трудот, Европската и Меѓународната конфедерација на синдикати кои даваат целосна поддршка на ССМ“, истакна Трендафилов.Тој ги повика функционерите да ги симнат, како што рече, „розовите наочари со кои гледаат во нивните скапи и луксузни кабинети“.Според првиот човек на Сојузот, синдикалците се загрижени за состојбата во која 250.000 работници примаат плата до 32.000 денари, а 380.000 работници примаат плата под просечната плата во земјата.Синдикална јавна седница против одлуката за поголем минималецПојасни дека јавната седница е против одлуката на Владата да ја зголеми минималната плата за само 1.800 денари, што синдикатот го смета за незаконско и недоволно. Видете и ова: Барањето за поголема плата ќе извади дел од администрацијата на протест ССМ бара минималната плата да изнесува 30.000 денари, наместо предложените 24.300.„На 2 април во 12:05 часот, Сојуз на Синдикати на Македонија (ССМ) излегува на улица, онака како што ветивме пред еден месец, затоа што 12 часот помина тогаш, кога Владата одлучи еднострано да утврдува износ на минимална плата на штета на работниците во Македонија, не прифаќајќи ги нивните предлози за утврдување на висината на износот на минималната плата“, порача Трендафилов.Утрешната Јавна седница од пред ССМ ќе продолжи пред Парламентот, каде што синдикатот ќе порача дека не може да има подобрување на платите за пратениците без подобрување на платите за работниците. Пред Стопанската комора, ССМ ќе истакне дека поддршката на работниците е од суштинско значење за стабилноста на економијата. Завршниот дел од протестот ќе биде пред Владата, каде што синдикатот ќе побара и работниците да се вклучат во одлуките за нивните плати.Манасиевски: Демаскирани се синдикалците на батерииВо меѓувреме, од ВМРО-ДПМНЕ обвинија дека луѓето од раководството на Сојузот на синдикати „дебело профитираат“ и ги нарекоа „синдикалци на батерии“.„Дали Иван Пешевски е гласен синдикалец затоа што зема 80.000 денари плати? Според информациите, кои до нас ги доставија свиркачи од ССМ, на кои им е преку глава од злоупотребите на Трендафилов и Пешевски, овие двајца дебело профитираат. Имено, според информациите кои ги добивме, платата на Пешевски, кој деновиве глуми загрижен синдикалец е трипати поголема од минималната“ , рече на прес-конференција Валентин Манасиевски, член на ЦК на ВМРО-ДПМНЕ.„Тој во 2024 и првите два месеци од 2025 година остварил и приходи по други основи со договори на дело и заедно со плата инкасирал 1.3 милиони денари. Демаскирани се синдикалците на батерии Слободан Трендафилов и Иван Пешевски. Нивните игри се прочитани и никој не им верува“, порача Манасиевски на денешната прес конференција.Првиот човек на ССМ пак, Трендафилов денеска изјави дека битката со поединци од ВМРО-ДПМНЕ е да нема зголемување на платите и како што истакна, да ги држат во заложништво и сиромаштија работниците. Видете и ова: ССМ најави протести на 2 април Тој обвини и за упади во синдикалните организации и за притисоци кон работниците да преминат во друг синдикат.Тренчевска: Животниот стандард на граѓаните е на днотоЗголемување на минималната плата денеска на прес конференција побара и пратеничката Јована Тренчевска од редовите на СДСМ.„На денешната собраниска седница е Законот за ослободување од плаќање придонеси за зголемени плати поднесен од СДСМ. Со оваа мерка платите може да се зголемат од 3.000 до 15.000 денари, Компаниите ќе бидат ослободени од плаќање придонеси за зголемениот дел, 400.000 работници со плата до 65.380 денари ќе добијат повисоки примања“, изјави Тренчевска.Таа реагираше и дека две минимална плати не се доволни за да се покријат основните месечни трошоци на едно семејство потсетувајќи дека потрошувачката кошница во февруари 2025 достигна 63.773 денари, и за 100 евра е зголемена во споредба со лани. прочитај повеќе април 01, 2025 Стармер: Царините на Трамп веројатно ќе ја погодат Велика Британија Британскиот премиер Кир Стармер Британскиот премиер Кир Стармер изјави дека е веројатно оти царините на Доналд Трамп ќе ја погодат Велика Британија и вети дека ќе дејствува во националниот интерес како одговор.Стармер посочи дека одмазднички царини се можни, но нагласи дека не сака да види трговска војна.„Обединетото Кралство ќе се обиде да издејствува ослободување“, изјави секретарот Џонатан Рејнолдс, но не можеше да даде временска рамка за тоа кога очекува да се сменат даноците за увозот во Велика Британија.Трамп утре треба да претстави огромни царини за стоки од целиот свет, настан што американскиот претседател го нарече „ден на ослободувањето“. Видете и ова: Трамп најави царини за автомобили, алуминиум и фармацевтски производи Владата на Стармер се обидуваше да преговара за економски договор со Соединетите Држави, за кој се надеваат дека би можел да ги заштити британските бизниси од најлошите влијанија на плановите на Трамп.Премиерот додаде дека „сите опции остануваат на маса“ како одговор. Стармер изјави дека се надева оти договорот за кој се преговара со САД ќе ги ублажи царините.„Нашата одбрана, нашата безбедност, нашето разузнавање се поврзани на начин на кој не се поврзани други две земји. Значи, очигледно е во наш национален интерес да имаме блиски работни односи со САД, кои ги имавме со децении, и сакам да гарантирам дека ќе имаме и во децениите што доаѓаат“, рече Стармер. Видете и ова: Фон дер Лајен: Брисел е подготвен да возврати на американските царини Тој додаде дека „разговорите за економски договор вообичаено ќе траат месеци или години, но „за неколку недели ние добро напреднавме во тие дискусии“.Трамп веќе најави дека ќе биде воведен данок на увоз од 25 отсто за сите автомобили увезени во САД, мерка што ќе биде удар за автомобилската индустрија во Велика Британија. прочитај повеќе април 01, 2025 Србија и Унгарија потпишаа договор за одбранбена соработка Српскиот претседател Александар Вучиќ Во Палатата Србија во присуство на претседателот на државата, Александар Вучиќ денеска (1 април) беше потпишан документ од областа на одбраната меѓу Србија и Унгарија.Планот за билатерална воена соработка меѓу министерствата за одбрана на Србија и Унгарија за 2025 година - документ за операционализација на стратешката соработка во областа на одбраната меѓу двете земји, го потпишаа министерот за одбрана на Србија, Братислав Гашиќ и министерот за одбрана на Унгарија, Криштоф Салаи-Бобровнички.Клучни елементи на договорот се можноста за заеднички вежби и воено-техничка соработка во набавката на оружје. Видете и ова: Владата на Србија усвои план за изградба на нафтовод од Унгарија до Нови Сад Вучиќ по средбата изјави дека Србија има најразвиена и најинтензивна соработка на полето на одбраната со Унгарија во регионот и изрази уверување дека „договорот за заеднички активности ќе продолжи во натамошното зближување и создавање воена алијанса или воен сојуз меѓу Србија и Унгарија“.„Секако, за тоа се прашува унгарската страна, се прашуваат унгарскиот и српскиот парламент и сите други“, рече Вучиќ на заедничката конференција. Тој додаде дека денеска е потпишан документ со кој се операционализира и конкретизира договорот за стратешка соработка во областа на одбраната постигнат во 2023 година.Со Документот кој беше потпишан денеска се договорени 79 активности за оваа година.Вучиќ најави и претстојна средба со унгарскиот премиер Виктор Орбан, на која ќе продолжат разговорите за стратешка соработка. Лани, трговската размена меѓу двете држави надминала три милијарди евра. прочитај повеќе април 01, 2025 Триесетдневен притвор за член на обезбедувањето на премиерот Затвор Скопје - Шутка Полицаецот од Шестата управа во Министерството за внатрешни работи, кој до вчера беше дел од обезбедувањето на премиерот Христијан Мицкоски се наоѓа во притвор во КУП Затвор Скопје, потврди за МИА, директорот на установата, Бобан Утковски.Скопскиот кривичен суд му одредил 30 дневен притвор на А. С., кој е осомничен за кривично дело „оддавање службена тајна“.МВР вчера соопшти дека на 30 март по претходно добиени сознанија за сторено кривично дело „оддавање службена тајна“ по член 360 од Кривичниот законик, од страна на полициски службеници од Одделот за внатрешна контрола, криминалистички истраги и професионални стандарди во координација со ОЈО ГОКК спроведена е координирана полициска акција и реализирани се истражни дејствија за претрес на дом, возила и лица на подрачјето на СВР Велес.„При спроведувањето на полициската акција и преземените мерки и активности, на паркинг просторот пред хотел во Велес, во возило “бмв” затекнати се А.С., полициски службеник во Одделот за заштита на определени личности и објекти и Б.К., а при извршен претрес во возилото пронајден е ранец со службени материјали од МВР и од лицата се одземени мобилни телефони, по што се лишени од слобода“, наведоа од МВР. Видете и ова: Мицкоски: Нема да дозволам да победи корумпираниот систем Во рамки на акцијата, дополнително биле извршени претреси на повеќе локации, при што биле пронајдени и одземени електронски уреди, службени документи и други предмети релевантни за истрагата. Исто така, од преземените мерки и активности во процесот на проверка, ОВККИПС констатирал дека полицискиот службеник постапувал спротивно на законските и подзаконските акти на Министерството за внатрешни работи, со што истиот неовластено поседувал службени материјали, нивно откривање на трети лица надвор од министерството, а со кои дејствија го извршил кривичното дело по член 360 од КЗ.„Од страна на ОВККИПС до ОЈО ГОКК на 31.03.2025 година ќе биде поднесена кривична пријава против А. С., за кривично дело „оддавање службена тајна“ по член 360 од Кривичниот законик, соопшти вчера МВР.Дел од медиумите објавија дека според првичните информации тајните полициски информации се продавани на припадници на криминалниот клан Грчец. По апсењето, од Владата нагласија дека истрагата треба да утврди што се случило и потенцираа дека безбедноста на премиерот не е загрозена. прочитај повеќе Вчитај повеќе...

Вести март 31, 2025 Владата на Србија усвои план за изградба на нафтовод од Унгарија до Нови Сад Унгарија - Српскиот премиер Александар Вучиќ (десно) и унгарскиот премиер Виктор Орбан(лево), Будимпешта, 17 февруари 2025 година. Владата на Србија усвои Уредба за утврдување на Просторен план за инфраструктурен коридор на нафтовод од границата со Унгарија до Нови Сад во должина од 113 километри.Просторниот план е донесен заради енергетската безбедност на Србија, се вели во Уредбата.Гасоводот треба да биде изграден до 2028 година. Проценетата вредност на проектот е 157 милиони евра за српскиот дел од гасоводот.Вкупниот капацитет на нафтоводот кој ќе се поставува под земја по целата должина е околу 5,5 милиони годишно, пишува во документот што го усвои српската Влада. Видете и ова: Вучиќ разговарал со Орбан за енергетската безбедност Според планот, интерконекцијата со Унгарија е лоцирана во близина на граничниот премин Хоргош на северот на Србија, а крајот на трасата на терминалот „Транснафта“ АД Панчево.Во октомври 2022 година, Србија и Унгарија се договорија за изградба на нафтовод, што ќе ѝ овозможи на Србија да се снабдува со поевтина нафта од Урал со поврзување со рускиот нафтовод Дружба (Пријателство).Властите во Белград одлучија да изградат дополнителна линија за снабдување со нафта кога Хрватска го забрани транспортот на руска нафта на крајот на 2022 година во согласност со санкциите на Европската унија против Русија поради нејзината инвазија на Украина.Србија и Унгарија развија соработка во областа на енергетиката. Во јули 2023 година потпишаа договор за основање на заедничка компанија за трговија со гас. Србија поради немање сопствени капацитети изнајмува складиште за гас од Унгарија.Во исто време, овие две земји одржуваат односи со Пекинг и Москва, што наидува на незадоволство во Европската унија. прочитај повеќе види ги сите денешни вести април 01, 2025 Финска се повлекува од договорот за нагазни мини поради Русија Финските граничари и нивното куче Нита патролираат на финско-руската граница, во источна Финска, на 5 јуни 2024 година. Членката на НАТО Финска планира да ја напушти глобалната конвенција за забрана на противпешадиски мини и да ги зголеми трошоците за одбрана на најмалку 3 отсто од бруто домашниот производ до 2029 година како одговор на растечката воена закана од Русија, објави во вторникот нејзината влада.Полска и балтичките земји, Естонија, Летонија и Литванија, минатиот месец објавија дека ќе се повлечат од Конвенцијата од Отава од 1997 година поради заканата што соседна Русија ја претставува за нив и за Европа.Со напуштање на договорот, Финска, која ја чува најдолгата граница на НАТО со Русија, би можела повторно да започне со обезбедување на залихи на нагазни мини за да и бидат достапни доколку се појави потреба. Видете и ова: Советот на ЕУ ја одобри третата исплата за Украина од речиси 3,5 милијарди евра На прес-конференцијата премиерот Петри Орпо рече дека во моментов нема непосредна воена закана за нордиската нација, но дека Русија претставува долгорочна опасност за цела Европа.„Повлекувањето од Конвенцијата од Отава ќе ни овозможи да се подготвиме за промени во сегашната безбедносна средина на посеопфатен и разноврсен начин“, рече тој.Премиерот Орпо додаде дека Финска ќе одвои дополнителни три милијарди евра за одбраната, со што ќе го подигне нивото на воени трошоци од 2,41 отсто во 2024 година на 3 отсто од бруто домашниот производ до 2029 година копно и балтичките држави дека Русија би можела повторно да се вооружи и да ги нападне наместо Украина.Финска се приклучи на воената алијанса НАТО во 2023 година, во промена на политиката по децении на неврзаност предизвикана од руската инвазија на Украина.Финска почна да размислува за повлекување од Договорот од Отава во ноември минатата година, кога нејзиниот воен началник рече дека ова прашање треба да се разговара поради руската употреба на такво оружје во Украина.„Финска ќе ги користи мините на одговорен начин, но тоа е одвраќање што ни треба“, рече министерот за земјоделство и шумарство Сари Есајах за новинарите во вторникот. Видете и ова: И покрај негодувањето на групите за права, САД ќе и дадат на Украина противпешадиски мини Противпешадиските нагазни мини се дизајнирани да бидат скриени во земјата и автоматски да се активираат кога некој ќе стапне или оди во нивна близина.Финска уништи над милион нагазни мини по 2012 година, со што стана последната земја на ЕУ што ја потпиша Конвенцијата од Отава, која ја ратификуваа или пристапија повеќе од 160 земји - но не и Русија.Договорот од 1997 година беше еден од низата меѓународни договори направени по крајот на Студената војна за промовирање на глобалното разоружување. Борците против мини ја добија Нобеловата награда за мир истата година.Нагазни мини убија или осакатија десетици илјади цивили ширум светот, многу од нив долго по завршувањето на војните.За напуштање на договорот ќе биде потребно одобрение од финскиот парламент. прочитај повеќе април 01, 2025 Полицајци осомничени дека незаконски земале патни трошоци Илустрација Одделот за внатрешна контрола при Министерството за внатрешни работи поднесе кривична пријава против 10 полициски службеници од Единицата за брзо распоредување. Службениците се осомничени за злоупотреба на службената положба и овластување, со што го оштетиле буџетот на Министерството за внатрешни работи за 1.098.120 денари. Тие примале парични средства за патни трошоци за денови кога не патувале до работното место во Скопје. Против нив ќе биде поднесен и предлог за дисциплинска постапка.Како што стои во соопштениот од МВР, Одделот за внатрешна контрола, криминалистички истраги и професионални стандарди при Министерството за внатрешни работи, до Основното јавно обвинителство за гонење на организиран криминал и корупција - Специјализирано оддделение за гонење на кривични дела сторени од лица со полициски овластувања и припадници на затворската полиција, поднесе кривична пријава против полициските службеници К.Ѓ., Г.Д., Н.С., И.Г., Д.Д., Д.Д., Н.М., С.С., З.Т. и Д.Т., сите вработени во Единицата за брзо распоредување, поради постоење основи на сомнение дека извршиле кривично дело „злоупотреба на службената положба и овластување“ казниво по член 353 од Кривичниот законик. Видете и ова: Триесетдневен притвор за член на обезбедувањето на премиерот „Пријавените, со намера за себе да прибават противправна имотна корист, искористувајќи го стекнатото право за надомест на патни трошоци, поради тоа што по лична карта се воделе со место на живеење надвор од Скопје, ја злоупотребиле службената положба на начин што примале парични средства од Министерството за внатрешни работи за денови во кои не патувале од своето место на живеење до работното место во Скопје и обратно, со што во периодот 01.12.2023 до 17.09.2024 го оштетиле буџетот на Министерството за внатрешни работи во вкупен износ од 1.098.120 денари, стои во соопштението од МВР. Дополнуваат дека Одделот за внатрешна контрола, криминалистички истраги и професионални стандарди за пријавените полициски службеници ќе поднесе и предлог за поведување на постапка за утврдување на дисциплинска одговорност. прочитај повеќе април 01, 2025 Вучиќ верува во создавање воен сојуз меѓу Србија и Унгарија Потпишување на договорот за соработка меѓу Србија и Унгарија во областа на одбраната, Белград, 1 април 2025 година. Претседателот на Србија, Александар Вучиќ изјави дека верува оти новиот договор меѓу Белград и Будимпешта во областа на одбраната, потпишан на 1 април, ќе продолжи во натамошното приближување кон создавање на воен сојуз меѓу Србија и Унгарија.„Тоа го бара унгарската страна, а унгарскиот и српскиот парламент. Нашите односи се повеќе од добри, а премиерот Виктор Орбан и јас изразивме желба да продолжиме со забрзување и натамошно приближување на нашите позиции во одбранбената сфера“, рече Вучиќ по потпишувањето.Вучиќ не даде повеќе детали за идејата за српско-унгарски воен сојуз. Унгарската и српската страна не разговараа за тоа, се додека по потпишувањето на договорот не беа дозволени прашања од новинарите.Во средината на март, Белград остро реагираше на декларацијата што тогаш ја потпишаа Албанија, Хрватска и Косово во Тирана, која учесниците ја опишаа како документ кој ја зајакнува соработката во одговорот на безбедносните предизвици кои можат да ја загрозат регионалната стабилност. Од друга страна, Србија го окарактеризира како провокација и закана за стабилноста. Видете и ова: Србија и Унгарија потпишаа договор за одбранбена соработка Хеликоптерски вежби и обукиКриштоф Салаи-Боровнички и Братислав Гашиќ, министрите за одбрана на Унгарија и Србија, потпишаа документ во вторник во Белград со кој се прецизира договорот за стратешка соработка меѓу Унгарија и Србија во областа на одбраната од 2023 година на посветени индустрии, сајбер безбедност, мировни операции, воено образование и медицина.„Унгарија е секогаш на страната на зачувување на мирот и Србија е секогаш нејзин сојузник во тоа“, изјави унгарскиот министер за одбрана Кристоф Салаи-Боровнички.Вучиќ во оваа прилика рече дека Белград, откако минатата година купи оклопни транспортери БТР-80А од Будимпешта, е заинтересиран за набавка на други системи останати во Унгарија од советскиот период, како и за новите борбени возила Lynx KF-51 што Унгарија ги произведува во соработка со германската компанија Rheinmetall.Тој додаде дека Унгарија купува муниција со калибар 7,62 од Србија и дека е заинтересирана за борбени возила 8х8 од српско производство.На воено поле нè очекува многу заедничка работа. Се што правиме значи поголема безбедност за граѓаните на двете земји“, рече Вучиќ.Тој изјави дека наскоро очекува средба со унгарскиот премиер Виктор Орбан.Беше објавено дека трговската размена меѓу Унгарија и Србија надмина три милијарди евра и дека земјата е петти економски партнер на Србија. Видете и ова: САД ги одложија санкциите за Српската нафтена индустрија Две децении неутралност Србија е членка на програмата на НАТО Партнерство за мир од декември 2006 година. На крајот на 2007 година таа прогласи воена неутралност преку парламентарната резолуција за заштита на суверенитетот, територијалниот интегритет и уставниот поредок.Во последните десет години има одржано десетици воени вежби со земјите од НАТО алијансата, вклучително и Соединетите Американски Држави, како и со Руската Федерација и Белорусија.Од руската инвазија на Украина, Србија не учествуваше во воени вежби ниту со Истокот, ниту со Западот.Исклучок направи во 2023 година, кога на своја територија вежбаше 15 дена со САД и другите земји на НАТО во маневрите наречени „Платинест волк“ одржани во воената база „Југ“. прочитај повеќе април 01, 2025 Владата со идеја да купи 120 еколошки автобуси Илустрација Владата денеска на седница усвоила Информација за набавка на 120 еколошки автобуси, од кои 80 се ургентно потребни за обнова на возниот парк на ЈСП- Скопје и подобрување на јавниот превоз, а останатите 40 ќе бидат распределени согласно економската оправданост и реалните потреби на секоја од единиците на локалната самоуправа. „Владата ја разгледа и усвои Информацијата од Министерство за транспорт во врска со доставените писма за интерес од единиците на локалната самоуправа за потребата од набавка на еколошки автобуси за јавен превоз. Имајќи ги предвид финансиските средства обезбедени во рамки на буџетот на Министерството за транспорт за оваа намена, предвидена е набавка на 120 еколошки автобуси, од кои 80 се ургентно потребни за обнова на возниот парк на ЈСП- Скопје и подобрување на јавниот превоз, а останатите 40 ќе бидат распределени согласно економската оправданост и реалните потреби на секоја од единиците на локалната самоуправа, информира владината прес-служба. Видете и ова: Што може да ги изгаси „пожарите” во ЈСП? Набавката на еколошките автобуси за јавен превоз, додаваат од Владата, ќе придонесе за подобрување на квалитетот на услугите за граѓаните, како и намалување на загадувањето на воздухот во општините, одржлив развој и заштита на животната средина. прочитај повеќе април 01, 2025 Се забранува користење на пиротехника во затворен простор Опожарената дискотека „Пулс“ во Кочани, 17.03.2025 Пиротехнички сретства во затворени простории нема да смее да се користат. Вакви законски измени донесе Собранието денеска кое го изгласаа 87 пратеници, иницирани од трагедијата во Кочани каде загинаа 59 луѓе, а повеќе од 200 беа повредени. Измените на Законот за прекршоците против јавниот ред и мир беа предложени од ВМРО-ДПМНЕ и донесени по скратена постапка. „Констатиравме многу пропусти кои треба да се надминат за да нема импровизации кои ќе резултираат со вакви хаварии и несреќи“, рече пратеникот Тони Јаревски.Со измените на законот, двојно се зголемени казните за непочитувачите на законот. Доколку прекршокот се повтори, се предвидува и затворска казна.Инаку вкупниот број на осомничени за пожарот во Кочани досега е 34 лица. Со истрагата се опфатени 27 физички и три правни лица, а истражни постапки има и против седум полициски службеници од СВР Штип и ПСОН Кочани.Тимот од јавни обвинители кој работи на случајот, како што информира претходно, работи на активности кои вклучуваат распит на повеќе од 300 сведоци, како и други истражни дејствија и соодветни вештачења од повеќе области.Јавните обвинители од тимот кој ја води предистражната постапка за пожарот во дискотеката „Пулс“ во Кочани во кој животот го загубија 59 лица, а речиси 200 се повредени, континуирано преземаат повеќе истражни дејствија за обезбедување докази, а такви дејствија, кои вклучуваат распити, анализи и вештачења од голем обем и во однос на повеќе различни институции се во тек и денеска, информираат од прес-службата на ЈОРСМ.Меѓутоа, за да се зачува тајност на постапката и да се спречи компромитирање на доказите, од Обвинителството посочуваат дека не е во можност во моментов да открива повеќе детали за активностите. Видете и ова: (Не)редовни вежби за евакуација во училишта и градинки Во однос на барањата на опозициската СДСМ да се формира Анкетна комисија за трагдедијата во Кочани, и на барањето на ДУИ во истрагата да се вклучат и странци, премиерот Христијан Мицкоски, завчера рече дека „не бегаат од никаква Анкетна комисија, но би сакале да ја прошират и за останатите случаи освен за Кочани.„Јас апсолутно не бегам од никаква Анкетна комисија, претпоставувам ниту пратеничката група на ВМРО ДПМНЕ и коалицијата нема да бега, но би сакал да ја прошириме со сите овие останати судски случаи кои завршија на начин на кој завршија. Така што, подготвени сме да разговараме, да дебатираме со секој оној којшто може да помогне или да додаде вредност, изјави премиерот Хрстијан Мицкоски во одговор на новинарско прашање по посетата на Ново Село.Според премиерот, СДСМ и ДУИ не биле задоволни од истрагата за Кочани, но како што рече би ги прашал дали биле задоволни од истрагата за модуларната болница во Тетово, дали беа задоволно од истрагата за Ласкарци, дали беа задоволни од истрагата за Беса транс, за Трговскиот центар „Соравија“ во Скопје и уште многу други истраги кои изминатиот период беа познати во јавноста.Пратеничката на СДСМ, Јованка Тренчевска, денеска на прес-конференција во Собранието рече дека би поддржале предлог за таква Анкетна комисија, како и дека „оставаат шанса на институциите за професионална и неселективна истрага за трагегијата во Кочани, потоа ќе излеземе со нашите идни дејствија“. Видете и ова: Навалица на институциите за обезбедување на противпожарна опрема „Оставаме шанса на институциите. Истрагата е во тек и затоа нашиот став е дека треба професионално, неселективно да се заврши целата истрага. Да не опструираме во текот на истрагата. По завршување на истрагата како СДСМ ќе излеземе со став за нашите идни дејствија. Во моментот кога ќе заврши истрагата зависно од резултатите од истрагата, рече Тренчевска одговарајќи на прашањето дали СДСМ ќе ја поддржат идејата на ДУИ за формирање на собраниска Анкетна комисија за неселективна правда за случајот во Кочани.Од ДУИ, денеска повторно побараа независна истрага за „Пулс“, надвор од рацете на оние што, како што велат, ја овозможиле трагедијата.„Јасно е дека на Власта не ѝ е потребна правда, туку алиби. Тоа не смее да се премолчи и затоа јавно бараме: Итна суспензија на целата командна структура по вертикала во МВР и Бирото за јавна безбедност, кои знаеле за проблемите со ПУЛС, а не реагирале“, изјави Арта Билали Зендели од ДУИ. прочитај повеќе април 01, 2025 Синдикатите утре на протест, барањето за поголем минималец ги „скара“ со Владата Генерален штрајк на ССМ, архивска фотографија Нападите кон Сојузот на синдикатите на Македонија нема да го запрат синдикатот во барањата за повисоки плати и подобрување на животниот стандард на работниците - порача денеска (1 април) претседателот на ССМ, Слободан Трендафилов во пресрет на утрешниот протест во Скопје.Тој денеска потсети дека Советот, претседателството и надзорниот одбор на ССМ утре со почеток во 12:05 часот ќе одржат јавна седница пред Собранието, Стопанската Комора и Владата.„Со нечовечкиот однос кон синдикалните претставници не само што е повреден Уставот и законите во Македонија, туку има повреда и на меѓународните конвенции на трудот и за тоа веќе се известени Меѓународната организација на трудот, Европската и Меѓународната конфедерација на синдикати кои даваат целосна поддршка на ССМ“, истакна Трендафилов.Тој ги повика функционерите да ги симнат, како што рече, „розовите наочари со кои гледаат во нивните скапи и луксузни кабинети“.Според првиот човек на Сојузот, синдикалците се загрижени за состојбата во која 250.000 работници примаат плата до 32.000 денари, а 380.000 работници примаат плата под просечната плата во земјата.Синдикална јавна седница против одлуката за поголем минималецПојасни дека јавната седница е против одлуката на Владата да ја зголеми минималната плата за само 1.800 денари, што синдикатот го смета за незаконско и недоволно. Видете и ова: Барањето за поголема плата ќе извади дел од администрацијата на протест ССМ бара минималната плата да изнесува 30.000 денари, наместо предложените 24.300.„На 2 април во 12:05 часот, Сојуз на Синдикати на Македонија (ССМ) излегува на улица, онака како што ветивме пред еден месец, затоа што 12 часот помина тогаш, кога Владата одлучи еднострано да утврдува износ на минимална плата на штета на работниците во Македонија, не прифаќајќи ги нивните предлози за утврдување на висината на износот на минималната плата“, порача Трендафилов.Утрешната Јавна седница од пред ССМ ќе продолжи пред Парламентот, каде што синдикатот ќе порача дека не може да има подобрување на платите за пратениците без подобрување на платите за работниците. Пред Стопанската комора, ССМ ќе истакне дека поддршката на работниците е од суштинско значење за стабилноста на економијата. Завршниот дел од протестот ќе биде пред Владата, каде што синдикатот ќе побара и работниците да се вклучат во одлуките за нивните плати.Манасиевски: Демаскирани се синдикалците на батерииВо меѓувреме, од ВМРО-ДПМНЕ обвинија дека луѓето од раководството на Сојузот на синдикати „дебело профитираат“ и ги нарекоа „синдикалци на батерии“.„Дали Иван Пешевски е гласен синдикалец затоа што зема 80.000 денари плати? Според информациите, кои до нас ги доставија свиркачи од ССМ, на кои им е преку глава од злоупотребите на Трендафилов и Пешевски, овие двајца дебело профитираат. Имено, според информациите кои ги добивме, платата на Пешевски, кој деновиве глуми загрижен синдикалец е трипати поголема од минималната“ , рече на прес-конференција Валентин Манасиевски, член на ЦК на ВМРО-ДПМНЕ.„Тој во 2024 и првите два месеци од 2025 година остварил и приходи по други основи со договори на дело и заедно со плата инкасирал 1.3 милиони денари. Демаскирани се синдикалците на батерии Слободан Трендафилов и Иван Пешевски. Нивните игри се прочитани и никој не им верува“, порача Манасиевски на денешната прес конференција.Првиот човек на ССМ пак, Трендафилов денеска изјави дека битката со поединци од ВМРО-ДПМНЕ е да нема зголемување на платите и како што истакна, да ги држат во заложништво и сиромаштија работниците. Видете и ова: ССМ најави протести на 2 април Тој обвини и за упади во синдикалните организации и за притисоци кон работниците да преминат во друг синдикат.Тренчевска: Животниот стандард на граѓаните е на днотоЗголемување на минималната плата денеска на прес конференција побара и пратеничката Јована Тренчевска од редовите на СДСМ.„На денешната собраниска седница е Законот за ослободување од плаќање придонеси за зголемени плати поднесен од СДСМ. Со оваа мерка платите може да се зголемат од 3.000 до 15.000 денари, Компаниите ќе бидат ослободени од плаќање придонеси за зголемениот дел, 400.000 работници со плата до 65.380 денари ќе добијат повисоки примања“, изјави Тренчевска.Таа реагираше и дека две минимална плати не се доволни за да се покријат основните месечни трошоци на едно семејство потсетувајќи дека потрошувачката кошница во февруари 2025 достигна 63.773 денари, и за 100 евра е зголемена во споредба со лани. прочитај повеќе април 01, 2025 Стармер: Царините на Трамп веројатно ќе ја погодат Велика Британија Британскиот премиер Кир Стармер Британскиот премиер Кир Стармер изјави дека е веројатно оти царините на Доналд Трамп ќе ја погодат Велика Британија и вети дека ќе дејствува во националниот интерес како одговор.Стармер посочи дека одмазднички царини се можни, но нагласи дека не сака да види трговска војна.„Обединетото Кралство ќе се обиде да издејствува ослободување“, изјави секретарот Џонатан Рејнолдс, но не можеше да даде временска рамка за тоа кога очекува да се сменат даноците за увозот во Велика Британија.Трамп утре треба да претстави огромни царини за стоки од целиот свет, настан што американскиот претседател го нарече „ден на ослободувањето“. Видете и ова: Трамп најави царини за автомобили, алуминиум и фармацевтски производи Владата на Стармер се обидуваше да преговара за економски договор со Соединетите Држави, за кој се надеваат дека би можел да ги заштити британските бизниси од најлошите влијанија на плановите на Трамп.Премиерот додаде дека „сите опции остануваат на маса“ како одговор. Стармер изјави дека се надева оти договорот за кој се преговара со САД ќе ги ублажи царините.„Нашата одбрана, нашата безбедност, нашето разузнавање се поврзани на начин на кој не се поврзани други две земји. Значи, очигледно е во наш национален интерес да имаме блиски работни односи со САД, кои ги имавме со децении, и сакам да гарантирам дека ќе имаме и во децениите што доаѓаат“, рече Стармер. Видете и ова: Фон дер Лајен: Брисел е подготвен да возврати на американските царини Тој додаде дека „разговорите за економски договор вообичаено ќе траат месеци или години, но „за неколку недели ние добро напреднавме во тие дискусии“.Трамп веќе најави дека ќе биде воведен данок на увоз од 25 отсто за сите автомобили увезени во САД, мерка што ќе биде удар за автомобилската индустрија во Велика Британија. прочитај повеќе април 01, 2025 Србија и Унгарија потпишаа договор за одбранбена соработка Српскиот претседател Александар Вучиќ Во Палатата Србија во присуство на претседателот на државата, Александар Вучиќ денеска (1 април) беше потпишан документ од областа на одбраната меѓу Србија и Унгарија.Планот за билатерална воена соработка меѓу министерствата за одбрана на Србија и Унгарија за 2025 година - документ за операционализација на стратешката соработка во областа на одбраната меѓу двете земји, го потпишаа министерот за одбрана на Србија, Братислав Гашиќ и министерот за одбрана на Унгарија, Криштоф Салаи-Бобровнички.Клучни елементи на договорот се можноста за заеднички вежби и воено-техничка соработка во набавката на оружје. Видете и ова: Владата на Србија усвои план за изградба на нафтовод од Унгарија до Нови Сад Вучиќ по средбата изјави дека Србија има најразвиена и најинтензивна соработка на полето на одбраната со Унгарија во регионот и изрази уверување дека „договорот за заеднички активности ќе продолжи во натамошното зближување и создавање воена алијанса или воен сојуз меѓу Србија и Унгарија“.„Секако, за тоа се прашува унгарската страна, се прашуваат унгарскиот и српскиот парламент и сите други“, рече Вучиќ на заедничката конференција. Тој додаде дека денеска е потпишан документ со кој се операционализира и конкретизира договорот за стратешка соработка во областа на одбраната постигнат во 2023 година.Со Документот кој беше потпишан денеска се договорени 79 активности за оваа година.Вучиќ најави и претстојна средба со унгарскиот премиер Виктор Орбан, на која ќе продолжат разговорите за стратешка соработка. Лани, трговската размена меѓу двете држави надминала три милијарди евра. прочитај повеќе април 01, 2025 Триесетдневен притвор за член на обезбедувањето на премиерот Затвор Скопје - Шутка Полицаецот од Шестата управа во Министерството за внатрешни работи, кој до вчера беше дел од обезбедувањето на премиерот Христијан Мицкоски се наоѓа во притвор во КУП Затвор Скопје, потврди за МИА, директорот на установата, Бобан Утковски.Скопскиот кривичен суд му одредил 30 дневен притвор на А. С., кој е осомничен за кривично дело „оддавање службена тајна“.МВР вчера соопшти дека на 30 март по претходно добиени сознанија за сторено кривично дело „оддавање службена тајна“ по член 360 од Кривичниот законик, од страна на полициски службеници од Одделот за внатрешна контрола, криминалистички истраги и професионални стандарди во координација со ОЈО ГОКК спроведена е координирана полициска акција и реализирани се истражни дејствија за претрес на дом, возила и лица на подрачјето на СВР Велес.„При спроведувањето на полициската акција и преземените мерки и активности, на паркинг просторот пред хотел во Велес, во возило “бмв” затекнати се А.С., полициски службеник во Одделот за заштита на определени личности и објекти и Б.К., а при извршен претрес во возилото пронајден е ранец со службени материјали од МВР и од лицата се одземени мобилни телефони, по што се лишени од слобода“, наведоа од МВР. Видете и ова: Мицкоски: Нема да дозволам да победи корумпираниот систем Во рамки на акцијата, дополнително биле извршени претреси на повеќе локации, при што биле пронајдени и одземени електронски уреди, службени документи и други предмети релевантни за истрагата. Исто така, од преземените мерки и активности во процесот на проверка, ОВККИПС констатирал дека полицискиот службеник постапувал спротивно на законските и подзаконските акти на Министерството за внатрешни работи, со што истиот неовластено поседувал службени материјали, нивно откривање на трети лица надвор од министерството, а со кои дејствија го извршил кривичното дело по член 360 од КЗ.„Од страна на ОВККИПС до ОЈО ГОКК на 31.03.2025 година ќе биде поднесена кривична пријава против А. С., за кривично дело „оддавање службена тајна“ по член 360 од Кривичниот законик, соопшти вчера МВР.Дел од медиумите објавија дека според првичните информации тајните полициски информации се продавани на припадници на криминалниот клан Грчец. По апсењето, од Владата нагласија дека истрагата треба да утврди што се случило и потенцираа дека безбедноста на премиерот не е загрозена. прочитај повеќе април 01, 2025 Мелони: Пресудата на Ле Пен оневозможува претставување на милиони граѓани Италијанската премиерка Џорџа Мелони Италијанската премиерка Џорџа Мелони го изрази своето незадоволство поради привремената забрана за вршење на јавна функција со која се соочува екстремно десничарската француска политичарка Марин Ле Пен која вчера (31 март) беше осудена за проневера.Мелони за италијанскиот весник „Il Messaggero“ изјави дека не знаела ниту за обвинувањата против Ле Пен, ниту за причините за како што вели „толку острата одлука“.„Не верувам дека секој што ја цени демократијата може да биде задоволен од пресудата што влијае на лидерот на голема партија и им оневозможува на милиони граѓани нивно претставување“, изјави Мелони.Националистичката политичарка Ле Пен во понеделникот (31 март) беше прогласена за виновна за проневера на јавни средства. Дел од казната е петгодишна забрана за вршење јавна функција. Видете и ова: Францускиот суд ја осуди Марин Ле Пен и ѝ забрани да се кандидира за јавна функција Пресудата најверојатно ги уништува плановите на Ле Пен да се натпреварува на претседателските избори во 2027 година, бидејќи долгиот правен процес веројатно нема да заврши пред гласањето. Ле Пен ја осуди пресудата, која се фокусира на злоупотребата на средствата од Европската Унија од страна на нејзината партија, како „политичка“ и планира да поднесе жалба.Судијата ја осуди француската политичарка и на четиригодишна затворска казна, од кои две се во домашен притвор, а две се условни и на парична казна од 100.000 евра.Речиси е сигурно дека пресудата ќе биде обжалена, а нема да се изрекуваат ниту затворска ниту парична казна додека не заврши жалбениот процес. Тој процес во Франција може да трае со месеци, па дури и со години. прочитај повеќе Вчитај повеќе...

Вести март 31, 2025 Шведска објави нов пакет воена помош од 1,6 милијарди долари за Украина УКРАИНА - Претседателот на Украина, Володимир Зеленски(лево) и министерот за одбрана на Шведска ,Пал Џонсон(десно),Киев, 24 февруари 2024 година. Шведска објави нов пакет воена помош за Украина во вредност од 16 милијарди круни (околу 1,6 милијарди долари), што е најголемиот пакет досега од оваа нордиска земја, рече Пал Џонсон, министер за одбрана на Шведска, јави Ројтерс. Видете и ова: „Коалицијата на подготвените“ - Доведување на Украина во најдобра позиција за преговори Најголемиот дел од пакетот, 9,2 милијарди круни, ќе се состои од опрема што ќе биде купена во процеси предводени од шведската управа за одбранбен материјал, рече Џонсон на прес-конференција. Владата на Шведска го зголеми буџетот за 2025 година на 40 милијарди круни од 25 милијарди проектирани претходно, за да се помогне во борбата на Киев против руската инвазија. прочитај повеќе види ги сите денешни вести април 01, 2025 Полицајци осомничени дека незаконски земале патни трошоци Илустрација Одделот за внатрешна контрола при Министерството за внатрешни работи поднесе кривична пријава против 10 полициски службеници од Единицата за брзо распоредување. Службениците се осомничени за злоупотреба на службената положба и овластување, со што го оштетиле буџетот на Министерството за внатрешни работи за 1.098.120 денари. Тие примале парични средства за патни трошоци за денови кога не патувале до работното место во Скопје. Против нив ќе биде поднесен и предлог за дисциплинска постапка.Како што стои во соопштениот од МВР, Одделот за внатрешна контрола, криминалистички истраги и професионални стандарди при Министерството за внатрешни работи, до Основното јавно обвинителство за гонење на организиран криминал и корупција - Специјализирано оддделение за гонење на кривични дела сторени од лица со полициски овластувања и припадници на затворската полиција, поднесе кривична пријава против полициските службеници К.Ѓ., Г.Д., Н.С., И.Г., Д.Д., Д.Д., Н.М., С.С., З.Т. и Д.Т., сите вработени во Единицата за брзо распоредување, поради постоење основи на сомнение дека извршиле кривично дело „злоупотреба на службената положба и овластување“ казниво по член 353 од Кривичниот законик. Видете и ова: Триесетдневен притвор за член на обезбедувањето на премиерот „Пријавените, со намера за себе да прибават противправна имотна корист, искористувајќи го стекнатото право за надомест на патни трошоци, поради тоа што по лична карта се воделе со место на живеење надвор од Скопје, ја злоупотребиле службената положба на начин што примале парични средства од Министерството за внатрешни работи за денови во кои не патувале од своето место на живеење до работното место во Скопје и обратно, со што во периодот 01.12.2023 до 17.09.2024 го оштетиле буџетот на Министерството за внатрешни работи во вкупен износ од 1.098.120 денари, стои во соопштението од МВР. Дополнуваат дека Одделот за внатрешна контрола, криминалистички истраги и професионални стандарди за пријавените полициски службеници ќе поднесе и предлог за поведување на постапка за утврдување на дисциплинска одговорност. прочитај повеќе април 01, 2025 Вучиќ верува во создавање воен сојуз меѓу Србија и Унгарија Потпишување на договорот за соработка меѓу Србија и Унгарија во областа на одбраната, Белград, 1 април 2025 година. Претседателот на Србија, Александар Вучиќ изјави дека верува оти новиот договор меѓу Белград и Будимпешта во областа на одбраната, потпишан на 1 април, ќе продолжи во натамошното приближување кон создавање на воен сојуз меѓу Србија и Унгарија.„Тоа го бара унгарската страна, а унгарскиот и српскиот парламент. Нашите односи се повеќе од добри, а премиерот Виктор Орбан и јас изразивме желба да продолжиме со забрзување и натамошно приближување на нашите позиции во одбранбената сфера“, рече Вучиќ по потпишувањето.Вучиќ не даде повеќе детали за идејата за српско-унгарски воен сојуз. Унгарската и српската страна не разговараа за тоа, се додека по потпишувањето на договорот не беа дозволени прашања од новинарите.Во средината на март, Белград остро реагираше на декларацијата што тогаш ја потпишаа Албанија, Хрватска и Косово во Тирана, која учесниците ја опишаа како документ кој ја зајакнува соработката во одговорот на безбедносните предизвици кои можат да ја загрозат регионалната стабилност. Од друга страна, Србија го окарактеризира како провокација и закана за стабилноста. Видете и ова: Србија и Унгарија потпишаа договор за одбранбена соработка Хеликоптерски вежби и обукиКриштоф Салаи-Боровнички и Братислав Гашиќ, министрите за одбрана на Унгарија и Србија, потпишаа документ во вторник во Белград со кој се прецизира договорот за стратешка соработка меѓу Унгарија и Србија во областа на одбраната од 2023 година на посветени индустрии, сајбер безбедност, мировни операции, воено образование и медицина.„Унгарија е секогаш на страната на зачувување на мирот и Србија е секогаш нејзин сојузник во тоа“, изјави унгарскиот министер за одбрана Кристоф Салаи-Боровнички.Вучиќ во оваа прилика рече дека Белград, откако минатата година купи оклопни транспортери БТР-80А од Будимпешта, е заинтересиран за набавка на други системи останати во Унгарија од советскиот период, како и за новите борбени возила Lynx KF-51 што Унгарија ги произведува во соработка со германската компанија Rheinmetall.Тој додаде дека Унгарија купува муниција со калибар 7,62 од Србија и дека е заинтересирана за борбени возила 8х8 од српско производство.На воено поле нè очекува многу заедничка работа. Се што правиме значи поголема безбедност за граѓаните на двете земји“, рече Вучиќ.Тој изјави дека наскоро очекува средба со унгарскиот премиер Виктор Орбан.Беше објавено дека трговската размена меѓу Унгарија и Србија надмина три милијарди евра и дека земјата е петти економски партнер на Србија. Видете и ова: САД ги одложија санкциите за Српската нафтена индустрија Две децении неутралност Србија е членка на програмата на НАТО Партнерство за мир од декември 2006 година. На крајот на 2007 година таа прогласи воена неутралност преку парламентарната резолуција за заштита на суверенитетот, територијалниот интегритет и уставниот поредок.Во последните десет години има одржано десетици воени вежби со земјите од НАТО алијансата, вклучително и Соединетите Американски Држави, како и со Руската Федерација и Белорусија.Од руската инвазија на Украина, Србија не учествуваше во воени вежби ниту со Истокот, ниту со Западот.Исклучок направи во 2023 година, кога на своја територија вежбаше 15 дена со САД и другите земји на НАТО во маневрите наречени „Платинест волк“ одржани во воената база „Југ“. прочитај повеќе април 01, 2025 Владата со идеја да купи 120 еколошки автобуси Илустрација Владата денеска на седница усвоила Информација за набавка на 120 еколошки автобуси, од кои 80 се ургентно потребни за обнова на возниот парк на ЈСП- Скопје и подобрување на јавниот превоз, а останатите 40 ќе бидат распределени согласно економската оправданост и реалните потреби на секоја од единиците на локалната самоуправа. „Владата ја разгледа и усвои Информацијата од Министерство за транспорт во врска со доставените писма за интерес од единиците на локалната самоуправа за потребата од набавка на еколошки автобуси за јавен превоз. Имајќи ги предвид финансиските средства обезбедени во рамки на буџетот на Министерството за транспорт за оваа намена, предвидена е набавка на 120 еколошки автобуси, од кои 80 се ургентно потребни за обнова на возниот парк на ЈСП- Скопје и подобрување на јавниот превоз, а останатите 40 ќе бидат распределени согласно економската оправданост и реалните потреби на секоја од единиците на локалната самоуправа, информира владината прес-служба. Видете и ова: Што може да ги изгаси „пожарите” во ЈСП? Набавката на еколошките автобуси за јавен превоз, додаваат од Владата, ќе придонесе за подобрување на квалитетот на услугите за граѓаните, како и намалување на загадувањето на воздухот во општините, одржлив развој и заштита на животната средина. прочитај повеќе април 01, 2025 Се забранува користење на пиротехника во затворен простор Опожарената дискотека „Пулс“ во Кочани, 17.03.2025 Пиротехнички сретства во затворени простории нема да смее да се користат. Вакви законски измени донесе Собранието денеска кое го изгласаа 87 пратеници, иницирани од трагедијата во Кочани каде загинаа 59 луѓе, а повеќе од 200 беа повредени. Измените на Законот за прекршоците против јавниот ред и мир беа предложени од ВМРО-ДПМНЕ и донесени по скратена постапка. „Констатиравме многу пропусти кои треба да се надминат за да нема импровизации кои ќе резултираат со вакви хаварии и несреќи“, рече пратеникот Тони Јаревски.Со измените на законот, двојно се зголемени казните за непочитувачите на законот. Доколку прекршокот се повтори, се предвидува и затворска казна.Инаку вкупниот број на осомничени за пожарот во Кочани досега е 34 лица. Со истрагата се опфатени 27 физички и три правни лица, а истражни постапки има и против седум полициски службеници од СВР Штип и ПСОН Кочани.Тимот од јавни обвинители кој работи на случајот, како што информира претходно, работи на активности кои вклучуваат распит на повеќе од 300 сведоци, како и други истражни дејствија и соодветни вештачења од повеќе области.Јавните обвинители од тимот кој ја води предистражната постапка за пожарот во дискотеката „Пулс“ во Кочани во кој животот го загубија 59 лица, а речиси 200 се повредени, континуирано преземаат повеќе истражни дејствија за обезбедување докази, а такви дејствија, кои вклучуваат распити, анализи и вештачења од голем обем и во однос на повеќе различни институции се во тек и денеска, информираат од прес-службата на ЈОРСМ.Меѓутоа, за да се зачува тајност на постапката и да се спречи компромитирање на доказите, од Обвинителството посочуваат дека не е во можност во моментов да открива повеќе детали за активностите. Видете и ова: (Не)редовни вежби за евакуација во училишта и градинки Во однос на барањата на опозициската СДСМ да се формира Анкетна комисија за трагдедијата во Кочани, и на барањето на ДУИ во истрагата да се вклучат и странци, премиерот Христијан Мицкоски, завчера рече дека „не бегаат од никаква Анкетна комисија, но би сакале да ја прошират и за останатите случаи освен за Кочани.„Јас апсолутно не бегам од никаква Анкетна комисија, претпоставувам ниту пратеничката група на ВМРО ДПМНЕ и коалицијата нема да бега, но би сакал да ја прошириме со сите овие останати судски случаи кои завршија на начин на кој завршија. Така што, подготвени сме да разговараме, да дебатираме со секој оној којшто може да помогне или да додаде вредност, изјави премиерот Хрстијан Мицкоски во одговор на новинарско прашање по посетата на Ново Село.Според премиерот, СДСМ и ДУИ не биле задоволни од истрагата за Кочани, но како што рече би ги прашал дали биле задоволни од истрагата за модуларната болница во Тетово, дали беа задоволно од истрагата за Ласкарци, дали беа задоволни од истрагата за Беса транс, за Трговскиот центар „Соравија“ во Скопје и уште многу други истраги кои изминатиот период беа познати во јавноста.Пратеничката на СДСМ, Јованка Тренчевска, денеска на прес-конференција во Собранието рече дека би поддржале предлог за таква Анкетна комисија, како и дека „оставаат шанса на институциите за професионална и неселективна истрага за трагегијата во Кочани, потоа ќе излеземе со нашите идни дејствија“. Видете и ова: Навалица на институциите за обезбедување на противпожарна опрема „Оставаме шанса на институциите. Истрагата е во тек и затоа нашиот став е дека треба професионално, неселективно да се заврши целата истрага. Да не опструираме во текот на истрагата. По завршување на истрагата како СДСМ ќе излеземе со став за нашите идни дејствија. Во моментот кога ќе заврши истрагата зависно од резултатите од истрагата, рече Тренчевска одговарајќи на прашањето дали СДСМ ќе ја поддржат идејата на ДУИ за формирање на собраниска Анкетна комисија за неселективна правда за случајот во Кочани.Од ДУИ, денеска повторно побараа независна истрага за „Пулс“, надвор од рацете на оние што, како што велат, ја овозможиле трагедијата.„Јасно е дека на Власта не ѝ е потребна правда, туку алиби. Тоа не смее да се премолчи и затоа јавно бараме: Итна суспензија на целата командна структура по вертикала во МВР и Бирото за јавна безбедност, кои знаеле за проблемите со ПУЛС, а не реагирале“, изјави Арта Билали Зендели од ДУИ. прочитај повеќе април 01, 2025 Синдикатите утре на протест, барањето за поголем минималец ги „скара“ со Владата Генерален штрајк на ССМ, архивска фотографија Нападите кон Сојузот на синдикатите на Македонија нема да го запрат синдикатот во барањата за повисоки плати и подобрување на животниот стандард на работниците - порача денеска (1 април) претседателот на ССМ, Слободан Трендафилов во пресрет на утрешниот протест во Скопје.Тој денеска потсети дека Советот, претседателството и надзорниот одбор на ССМ утре со почеток во 12:05 часот ќе одржат јавна седница пред Собранието, Стопанската Комора и Владата.„Со нечовечкиот однос кон синдикалните претставници не само што е повреден Уставот и законите во Македонија, туку има повреда и на меѓународните конвенции на трудот и за тоа веќе се известени Меѓународната организација на трудот, Европската и Меѓународната конфедерација на синдикати кои даваат целосна поддршка на ССМ“, истакна Трендафилов.Тој ги повика функционерите да ги симнат, како што рече, „розовите наочари со кои гледаат во нивните скапи и луксузни кабинети“.Според првиот човек на Сојузот, синдикалците се загрижени за состојбата во која 250.000 работници примаат плата до 32.000 денари, а 380.000 работници примаат плата под просечната плата во земјата.Синдикална јавна седница против одлуката за поголем минималецПојасни дека јавната седница е против одлуката на Владата да ја зголеми минималната плата за само 1.800 денари, што синдикатот го смета за незаконско и недоволно. Видете и ова: Барањето за поголема плата ќе извади дел од администрацијата на протест ССМ бара минималната плата да изнесува 30.000 денари, наместо предложените 24.300.„На 2 април во 12:05 часот, Сојуз на Синдикати на Македонија (ССМ) излегува на улица, онака како што ветивме пред еден месец, затоа што 12 часот помина тогаш, кога Владата одлучи еднострано да утврдува износ на минимална плата на штета на работниците во Македонија, не прифаќајќи ги нивните предлози за утврдување на висината на износот на минималната плата“, порача Трендафилов.Утрешната Јавна седница од пред ССМ ќе продолжи пред Парламентот, каде што синдикатот ќе порача дека не може да има подобрување на платите за пратениците без подобрување на платите за работниците. Пред Стопанската комора, ССМ ќе истакне дека поддршката на работниците е од суштинско значење за стабилноста на економијата. Завршниот дел од протестот ќе биде пред Владата, каде што синдикатот ќе побара и работниците да се вклучат во одлуките за нивните плати.Манасиевски: Демаскирани се синдикалците на батерииВо меѓувреме, од ВМРО-ДПМНЕ обвинија дека луѓето од раководството на Сојузот на синдикати „дебело профитираат“ и ги нарекоа „синдикалци на батерии“.„Дали Иван Пешевски е гласен синдикалец затоа што зема 80.000 денари плати? Според информациите, кои до нас ги доставија свиркачи од ССМ, на кои им е преку глава од злоупотребите на Трендафилов и Пешевски, овие двајца дебело профитираат. Имено, според информациите кои ги добивме, платата на Пешевски, кој деновиве глуми загрижен синдикалец е трипати поголема од минималната“ , рече на прес-конференција Валентин Манасиевски, член на ЦК на ВМРО-ДПМНЕ.„Тој во 2024 и првите два месеци од 2025 година остварил и приходи по други основи со договори на дело и заедно со плата инкасирал 1.3 милиони денари. Демаскирани се синдикалците на батерии Слободан Трендафилов и Иван Пешевски. Нивните игри се прочитани и никој не им верува“, порача Манасиевски на денешната прес конференција.Првиот човек на ССМ пак, Трендафилов денеска изјави дека битката со поединци од ВМРО-ДПМНЕ е да нема зголемување на платите и како што истакна, да ги држат во заложништво и сиромаштија работниците. Видете и ова: ССМ најави протести на 2 април Тој обвини и за упади во синдикалните организации и за притисоци кон работниците да преминат во друг синдикат.Тренчевска: Животниот стандард на граѓаните е на днотоЗголемување на минималната плата денеска на прес конференција побара и пратеничката Јована Тренчевска од редовите на СДСМ.„На денешната собраниска седница е Законот за ослободување од плаќање придонеси за зголемени плати поднесен од СДСМ. Со оваа мерка платите може да се зголемат од 3.000 до 15.000 денари, Компаниите ќе бидат ослободени од плаќање придонеси за зголемениот дел, 400.000 работници со плата до 65.380 денари ќе добијат повисоки примања“, изјави Тренчевска.Таа реагираше и дека две минимална плати не се доволни за да се покријат основните месечни трошоци на едно семејство потсетувајќи дека потрошувачката кошница во февруари 2025 достигна 63.773 денари, и за 100 евра е зголемена во споредба со лани. прочитај повеќе април 01, 2025 Стармер: Царините на Трамп веројатно ќе ја погодат Велика Британија Британскиот премиер Кир Стармер Британскиот премиер Кир Стармер изјави дека е веројатно оти царините на Доналд Трамп ќе ја погодат Велика Британија и вети дека ќе дејствува во националниот интерес како одговор.Стармер посочи дека одмазднички царини се можни, но нагласи дека не сака да види трговска војна.„Обединетото Кралство ќе се обиде да издејствува ослободување“, изјави секретарот Џонатан Рејнолдс, но не можеше да даде временска рамка за тоа кога очекува да се сменат даноците за увозот во Велика Британија.Трамп утре треба да претстави огромни царини за стоки од целиот свет, настан што американскиот претседател го нарече „ден на ослободувањето“. Видете и ова: Трамп најави царини за автомобили, алуминиум и фармацевтски производи Владата на Стармер се обидуваше да преговара за економски договор со Соединетите Држави, за кој се надеваат дека би можел да ги заштити британските бизниси од најлошите влијанија на плановите на Трамп.Премиерот додаде дека „сите опции остануваат на маса“ како одговор. Стармер изјави дека се надева оти договорот за кој се преговара со САД ќе ги ублажи царините.„Нашата одбрана, нашата безбедност, нашето разузнавање се поврзани на начин на кој не се поврзани други две земји. Значи, очигледно е во наш национален интерес да имаме блиски работни односи со САД, кои ги имавме со децении, и сакам да гарантирам дека ќе имаме и во децениите што доаѓаат“, рече Стармер. Видете и ова: Фон дер Лајен: Брисел е подготвен да возврати на американските царини Тој додаде дека „разговорите за економски договор вообичаено ќе траат месеци или години, но „за неколку недели ние добро напреднавме во тие дискусии“.Трамп веќе најави дека ќе биде воведен данок на увоз од 25 отсто за сите автомобили увезени во САД, мерка што ќе биде удар за автомобилската индустрија во Велика Британија. прочитај повеќе април 01, 2025 Србија и Унгарија потпишаа договор за одбранбена соработка Српскиот претседател Александар Вучиќ Во Палатата Србија во присуство на претседателот на државата, Александар Вучиќ денеска (1 април) беше потпишан документ од областа на одбраната меѓу Србија и Унгарија.Планот за билатерална воена соработка меѓу министерствата за одбрана на Србија и Унгарија за 2025 година - документ за операционализација на стратешката соработка во областа на одбраната меѓу двете земји, го потпишаа министерот за одбрана на Србија, Братислав Гашиќ и министерот за одбрана на Унгарија, Криштоф Салаи-Бобровнички.Клучни елементи на договорот се можноста за заеднички вежби и воено-техничка соработка во набавката на оружје. Видете и ова: Владата на Србија усвои план за изградба на нафтовод од Унгарија до Нови Сад Вучиќ по средбата изјави дека Србија има најразвиена и најинтензивна соработка на полето на одбраната со Унгарија во регионот и изрази уверување дека „договорот за заеднички активности ќе продолжи во натамошното зближување и создавање воена алијанса или воен сојуз меѓу Србија и Унгарија“.„Секако, за тоа се прашува унгарската страна, се прашуваат унгарскиот и српскиот парламент и сите други“, рече Вучиќ на заедничката конференција. Тој додаде дека денеска е потпишан документ со кој се операционализира и конкретизира договорот за стратешка соработка во областа на одбраната постигнат во 2023 година.Со Документот кој беше потпишан денеска се договорени 79 активности за оваа година.Вучиќ најави и претстојна средба со унгарскиот премиер Виктор Орбан, на која ќе продолжат разговорите за стратешка соработка. Лани, трговската размена меѓу двете држави надминала три милијарди евра. прочитај повеќе април 01, 2025 Триесетдневен притвор за член на обезбедувањето на премиерот Затвор Скопје - Шутка Полицаецот од Шестата управа во Министерството за внатрешни работи, кој до вчера беше дел од обезбедувањето на премиерот Христијан Мицкоски се наоѓа во притвор во КУП Затвор Скопје, потврди за МИА, директорот на установата, Бобан Утковски.Скопскиот кривичен суд му одредил 30 дневен притвор на А. С., кој е осомничен за кривично дело „оддавање службена тајна“.МВР вчера соопшти дека на 30 март по претходно добиени сознанија за сторено кривично дело „оддавање службена тајна“ по член 360 од Кривичниот законик, од страна на полициски службеници од Одделот за внатрешна контрола, криминалистички истраги и професионални стандарди во координација со ОЈО ГОКК спроведена е координирана полициска акција и реализирани се истражни дејствија за претрес на дом, возила и лица на подрачјето на СВР Велес.„При спроведувањето на полициската акција и преземените мерки и активности, на паркинг просторот пред хотел во Велес, во возило “бмв” затекнати се А.С., полициски службеник во Одделот за заштита на определени личности и објекти и Б.К., а при извршен претрес во возилото пронајден е ранец со службени материјали од МВР и од лицата се одземени мобилни телефони, по што се лишени од слобода“, наведоа од МВР. Видете и ова: Мицкоски: Нема да дозволам да победи корумпираниот систем Во рамки на акцијата, дополнително биле извршени претреси на повеќе локации, при што биле пронајдени и одземени електронски уреди, службени документи и други предмети релевантни за истрагата. Исто така, од преземените мерки и активности во процесот на проверка, ОВККИПС констатирал дека полицискиот службеник постапувал спротивно на законските и подзаконските акти на Министерството за внатрешни работи, со што истиот неовластено поседувал службени материјали, нивно откривање на трети лица надвор од министерството, а со кои дејствија го извршил кривичното дело по член 360 од КЗ.„Од страна на ОВККИПС до ОЈО ГОКК на 31.03.2025 година ќе биде поднесена кривична пријава против А. С., за кривично дело „оддавање службена тајна“ по член 360 од Кривичниот законик, соопшти вчера МВР.Дел од медиумите објавија дека според првичните информации тајните полициски информации се продавани на припадници на криминалниот клан Грчец. По апсењето, од Владата нагласија дека истрагата треба да утврди што се случило и потенцираа дека безбедноста на премиерот не е загрозена. прочитај повеќе април 01, 2025 Мелони: Пресудата на Ле Пен оневозможува претставување на милиони граѓани Италијанската премиерка Џорџа Мелони Италијанската премиерка Џорџа Мелони го изрази своето незадоволство поради привремената забрана за вршење на јавна функција со која се соочува екстремно десничарската француска политичарка Марин Ле Пен која вчера (31 март) беше осудена за проневера.Мелони за италијанскиот весник „Il Messaggero“ изјави дека не знаела ниту за обвинувањата против Ле Пен, ниту за причините за како што вели „толку острата одлука“.„Не верувам дека секој што ја цени демократијата може да биде задоволен од пресудата што влијае на лидерот на голема партија и им оневозможува на милиони граѓани нивно претставување“, изјави Мелони.Националистичката политичарка Ле Пен во понеделникот (31 март) беше прогласена за виновна за проневера на јавни средства. Дел од казната е петгодишна забрана за вршење јавна функција. Видете и ова: Францускиот суд ја осуди Марин Ле Пен и ѝ забрани да се кандидира за јавна функција Пресудата најверојатно ги уништува плановите на Ле Пен да се натпреварува на претседателските избори во 2027 година, бидејќи долгиот правен процес веројатно нема да заврши пред гласањето. Ле Пен ја осуди пресудата, која се фокусира на злоупотребата на средствата од Европската Унија од страна на нејзината партија, како „политичка“ и планира да поднесе жалба.Судијата ја осуди француската политичарка и на четиригодишна затворска казна, од кои две се во домашен притвор, а две се условни и на парична казна од 100.000 евра.Речиси е сигурно дека пресудата ќе биде обжалена, а нема да се изрекуваат ниту затворска ниту парична казна додека не заврши жалбениот процес. Тој процес во Франција може да трае со месеци, па дури и со години. прочитај повеќе април 01, 2025 Фон дер Лајен: Брисел е подготвен да возврати на американските царини Pретседателката на Европската комисија, Урсула фон дер Лајен. Европската Унија ќе биде подготвена да возврати со контрамерки на американските царини доколку е потребно, изјави претседателката на Европската комисија, Урсула фон дер Лајен.Таа во својот говор во Европскиот парламент во Стразбур истакна дека целта на ЕУ е да се најде решение преку преговори.„Сепак, доколку е потребно, ќе ги заштитиме нашите интереси, луѓе и компании“, рече таа.Според неа, ЕУ не сака да возврати, но Брисел има силен план за тоа и ќе возврати ако треба. Видете и ова: ЕУ би можела да го одложи првиот сет царини против САД до средината на април Пред неколку дена, американскиот претседател Доналд Трамп се закани со повисоки царини за Европската унија и Канада доколку соработуваат „да предизвикаат економска штета на САД“.ЕУ прво ги објави првите контрамерки, а потоа ги одложи до средината на април, вклучувајќи, на пример, царини од 50 отсто за американскиот бурбон.Како одговор, Трамп се закани дека ќе воведе царини од 200 отсто за сите винa и други алкохолни производи од ЕУ, доколку Брисел го стори тоа. прочитај повеќе Вчитај повеќе...

Вести update март 31, 2025 Францускиот суд ја осуди Марин Ле Пен и ѝ забрани да се кандидира за јавна функција Франција - Марин Ле Пен на суд во Париз, 31 март 2025 година. Судот во Париз ја прогласи екстремно десничарската француска политичарка Марин Ле Пен за виновна за злоупотреба на фондови на Европската унија ѝ и забрани пет години да се кандидира за јавна функција, јави Ројтерс.Забраната за кандидирање стапува на сила веднаш, објави судијата на 31 март, откако Ле Пен и осум членови на нејзината партија „Национален собир“ беа прогласени за виновни за проневера на јавни пари.Судијата ја осуди француската политичарка и на четиригодишна затворска казна, од кои две се во домашен притвор, а две се условни и на парична казна од 100.000 евра. Видете и ова: Почнува судењето на Ле Пен и соработниците за проневера на пари од ЕУ Речиси е сигурно дека пресудата ќе биде обжалена, а нема да се изрекуваат ниту затворска ниту парична казна додека не се исцрпи жалбениот процес. Тој процес во Франција може да трае со месеци, па дури и со години.Но, нејзината петгодишна забрана да се кандидира за јавна функција стапува на сила веднаш, преку таканаречената мерка „привремено извршување“ што ја бараат обвинителите, а ќе биде укината само ако жалбата биде усвоена пред изборите, пренесува Ројтерс.Сепак, Ле Пен ќе задржи пратеничкото место до крајот на мандатот.Ле Пен веднаш не ја коментираше одлуката на судот.Нејзината десна рака, Џордан Бардела, претседател на „Национален собир“, рече: „Денес не е само Марин Ле Пен која е неправедно осудена: француската демократија е убиена“.Одлуката на судот е неуспех за Ле Пен, која во моментов, според анкетите на јавното мислење, е фаворит за следните претседателски избори во Франција.Според судот, Ле Пен е виновна за проневера на 474.000 евра, поради фиктивно вработување на четворица помошници од нејзината партија во Европскиот парламент.Ле Пен и 24 членови на нејзината политичка партија „Национален собир“ беа обвинети дека ги пренасочиле парите на Европскиот парламент за да ги платат партиските вработени. Видете и ова: Француското обвинителство бара затворска казна за Марин Ле Пен Како што пренесуваат весниците „Монд“ и „Фигаро“, судот проценил дека вкупната штета изнесува 2,9 милиони евра, бидејќи претставниците на нејзината партија „вработувале во Европскиот парламент луѓе кои реално работеле за Национален собир“.Ле Пен ја напушти судницата пред изрекувањето на пресудата. Се очекува таа да поднесе жалба на пресудата.Ле Пен претходно најави дека 2027 година ќе биде нејзино последно учество на претседателските избори и дека ќе го задржи своето место во парламентот до крајот на мандатот.Пристигнувајќи во судот во понеделникот, на 31 март, таа не сакаше да разговара со новинарите, а претходно ги обвини обвинителите дека бараат нејзина „политичка смрт“.Обвинетите тврдеа дека парите на Европскиот парламент биле користени легитимно, но судијата Бенедикт де Пертуис во пресудата навел дека „сите овие луѓе всушност работеле за партијата и дека законодавецот на ЕУ не им дал никакви задачи“. прочитај повеќе види ги сите денешни вести април 01, 2025 Вучиќ верува во создавање воен сојуз меѓу Србија и Унгарија Потпишување на договорот за соработка меѓу Србија и Унгарија во областа на одбраната, Белград, 1 април 2025 година. Претседателот на Србија, Александар Вучиќ изјави дека верува оти новиот договор меѓу Белград и Будимпешта во областа на одбраната, потпишан на 1 април, ќе продолжи во натамошното приближување кон создавање на воен сојуз меѓу Србија и Унгарија.„Тоа го бара унгарската страна, а унгарскиот и српскиот парламент. Нашите односи се повеќе од добри, а премиерот Виктор Орбан и јас изразивме желба да продолжиме со забрзување и натамошно приближување на нашите позиции во одбранбената сфера“, рече Вучиќ по потпишувањето.Вучиќ не даде повеќе детали за идејата за српско-унгарски воен сојуз. Унгарската и српската страна не разговараа за тоа, се додека по потпишувањето на договорот не беа дозволени прашања од новинарите.Во средината на март, Белград остро реагираше на декларацијата што тогаш ја потпишаа Албанија, Хрватска и Косово во Тирана, која учесниците ја опишаа како документ кој ја зајакнува соработката во одговорот на безбедносните предизвици кои можат да ја загрозат регионалната стабилност. Од друга страна, Србија го окарактеризира како провокација и закана за стабилноста. Видете и ова: Србија и Унгарија потпишаа договор за одбранбена соработка Хеликоптерски вежби и обукиКриштоф Салаи-Боровнички и Братислав Гашиќ, министрите за одбрана на Унгарија и Србија, потпишаа документ во вторник во Белград со кој се прецизира договорот за стратешка соработка меѓу Унгарија и Србија во областа на одбраната од 2023 година на посветени индустрии, сајбер безбедност, мировни операции, воено образование и медицина.„Унгарија е секогаш на страната на зачувување на мирот и Србија е секогаш нејзин сојузник во тоа“, изјави унгарскиот министер за одбрана Кристоф Салаи-Боровнички.Вучиќ во оваа прилика рече дека Белград, откако минатата година купи оклопни транспортери БТР-80А од Будимпешта, е заинтересиран за набавка на други системи останати во Унгарија од советскиот период, како и за новите борбени возила Lynx KF-51 што Унгарија ги произведува во соработка со германската компанија Rheinmetall.Тој додаде дека Унгарија купува муниција со калибар 7,62 од Србија и дека е заинтересирана за борбени возила 8х8 од српско производство.На воено поле нè очекува многу заедничка работа. Се што правиме значи поголема безбедност за граѓаните на двете земји“, рече Вучиќ.Тој изјави дека наскоро очекува средба со унгарскиот премиер Виктор Орбан.Беше објавено дека трговската размена меѓу Унгарија и Србија надмина три милијарди евра и дека земјата е петти економски партнер на Србија. Видете и ова: САД ги одложија санкциите за Српската нафтена индустрија Две децении неутралност Србија е членка на програмата на НАТО Партнерство за мир од декември 2006 година. На крајот на 2007 година таа прогласи воена неутралност преку парламентарната резолуција за заштита на суверенитетот, територијалниот интегритет и уставниот поредок.Во последните десет години има одржано десетици воени вежби со земјите од НАТО алијансата, вклучително и Соединетите Американски Држави, како и со Руската Федерација и Белорусија.Од руската инвазија на Украина, Србија не учествуваше во воени вежби ниту со Истокот, ниту со Западот.Исклучок направи во 2023 година, кога на своја територија вежбаше 15 дена со САД и другите земји на НАТО во маневрите наречени „Платинест волк“ одржани во воената база „Југ“. прочитај повеќе април 01, 2025 Владата со идеја да купи 120 еколошки автобуси Илустрација Владата денеска на седница усвоила Информација за набавка на 120 еколошки автобуси, од кои 80 се ургентно потребни за обнова на возниот парк на ЈСП- Скопје и подобрување на јавниот превоз, а останатите 40 ќе бидат распределени согласно економската оправданост и реалните потреби на секоја од единиците на локалната самоуправа. „Владата ја разгледа и усвои Информацијата од Министерство за транспорт во врска со доставените писма за интерес од единиците на локалната самоуправа за потребата од набавка на еколошки автобуси за јавен превоз. Имајќи ги предвид финансиските средства обезбедени во рамки на буџетот на Министерството за транспорт за оваа намена, предвидена е набавка на 120 еколошки автобуси, од кои 80 се ургентно потребни за обнова на возниот парк на ЈСП- Скопје и подобрување на јавниот превоз, а останатите 40 ќе бидат распределени согласно економската оправданост и реалните потреби на секоја од единиците на локалната самоуправа, информира владината прес-служба. Видете и ова: Што може да ги изгаси „пожарите” во ЈСП? Набавката на еколошките автобуси за јавен превоз, додаваат од Владата, ќе придонесе за подобрување на квалитетот на услугите за граѓаните, како и намалување на загадувањето на воздухот во општините, одржлив развој и заштита на животната средина. прочитај повеќе април 01, 2025 Се забранува користење на пиротехника во затворен простор Опожарената дискотека „Пулс“ во Кочани, 17.03.2025 Пиротехнички сретства во затворени простории нема да смее да се користат. Вакви законски измени донесе Собранието денеска кое го изгласаа 87 пратеници, иницирани од трагедијата во Кочани каде загинаа 59 луѓе, а повеќе од 200 беа повредени. Измените на Законот за прекршоците против јавниот ред и мир беа предложени од ВМРО-ДПМНЕ и донесени по скратена постапка. „Констатиравме многу пропусти кои треба да се надминат за да нема импровизации кои ќе резултираат со вакви хаварии и несреќи“, рече пратеникот Тони Јаревски.Со измените на законот, двојно се зголемени казните за непочитувачите на законот. Доколку прекршокот се повтори, се предвидува и затворска казна.Инаку вкупниот број на осомничени за пожарот во Кочани досега е 34 лица. Со истрагата се опфатени 27 физички и три правни лица, а истражни постапки има и против седум полициски службеници од СВР Штип и ПСОН Кочани.Тимот од јавни обвинители кој работи на случајот, како што информира претходно, работи на активности кои вклучуваат распит на повеќе од 300 сведоци, како и други истражни дејствија и соодветни вештачења од повеќе области.Јавните обвинители од тимот кој ја води предистражната постапка за пожарот во дискотеката „Пулс“ во Кочани во кој животот го загубија 59 лица, а речиси 200 се повредени, континуирано преземаат повеќе истражни дејствија за обезбедување докази, а такви дејствија, кои вклучуваат распити, анализи и вештачења од голем обем и во однос на повеќе различни институции се во тек и денеска, информираат од прес-службата на ЈОРСМ.Меѓутоа, за да се зачува тајност на постапката и да се спречи компромитирање на доказите, од Обвинителството посочуваат дека не е во можност во моментов да открива повеќе детали за активностите. Видете и ова: (Не)редовни вежби за евакуација во училишта и градинки Во однос на барањата на опозициската СДСМ да се формира Анкетна комисија за трагдедијата во Кочани, и на барањето на ДУИ во истрагата да се вклучат и странци, премиерот Христијан Мицкоски, завчера рече дека „не бегаат од никаква Анкетна комисија, но би сакале да ја прошират и за останатите случаи освен за Кочани.„Јас апсолутно не бегам од никаква Анкетна комисија, претпоставувам ниту пратеничката група на ВМРО ДПМНЕ и коалицијата нема да бега, но би сакал да ја прошириме со сите овие останати судски случаи кои завршија на начин на кој завршија. Така што, подготвени сме да разговараме, да дебатираме со секој оној којшто може да помогне или да додаде вредност, изјави премиерот Хрстијан Мицкоски во одговор на новинарско прашање по посетата на Ново Село.Според премиерот, СДСМ и ДУИ не биле задоволни од истрагата за Кочани, но како што рече би ги прашал дали биле задоволни од истрагата за модуларната болница во Тетово, дали беа задоволно од истрагата за Ласкарци, дали беа задоволни од истрагата за Беса транс, за Трговскиот центар „Соравија“ во Скопје и уште многу други истраги кои изминатиот период беа познати во јавноста.Пратеничката на СДСМ, Јованка Тренчевска, денеска на прес-конференција во Собранието рече дека би поддржале предлог за таква Анкетна комисија, како и дека „оставаат шанса на институциите за професионална и неселективна истрага за трагегијата во Кочани, потоа ќе излеземе со нашите идни дејствија“. Видете и ова: Навалица на институциите за обезбедување на противпожарна опрема „Оставаме шанса на институциите. Истрагата е во тек и затоа нашиот став е дека треба професионално, неселективно да се заврши целата истрага. Да не опструираме во текот на истрагата. По завршување на истрагата како СДСМ ќе излеземе со став за нашите идни дејствија. Во моментот кога ќе заврши истрагата зависно од резултатите од истрагата, рече Тренчевска одговарајќи на прашањето дали СДСМ ќе ја поддржат идејата на ДУИ за формирање на собраниска Анкетна комисија за неселективна правда за случајот во Кочани.Од ДУИ, денеска повторно побараа независна истрага за „Пулс“, надвор од рацете на оние што, како што велат, ја овозможиле трагедијата.„Јасно е дека на Власта не ѝ е потребна правда, туку алиби. Тоа не смее да се премолчи и затоа јавно бараме: Итна суспензија на целата командна структура по вертикала во МВР и Бирото за јавна безбедност, кои знаеле за проблемите со ПУЛС, а не реагирале“, изјави Арта Билали Зендели од ДУИ. прочитај повеќе април 01, 2025 Синдикатите утре на протест, барањето за поголем минималец ги „скара“ со Владата Генерален штрајк на ССМ, архивска фотографија Нападите кон Сојузот на синдикатите на Македонија нема да го запрат синдикатот во барањата за повисоки плати и подобрување на животниот стандард на работниците - порача денеска (1 април) претседателот на ССМ, Слободан Трендафилов во пресрет на утрешниот протест во Скопје.Тој денеска потсети дека Советот, претседателството и надзорниот одбор на ССМ утре со почеток во 12:05 часот ќе одржат јавна седница пред Собранието, Стопанската Комора и Владата.„Со нечовечкиот однос кон синдикалните претставници не само што е повреден Уставот и законите во Македонија, туку има повреда и на меѓународните конвенции на трудот и за тоа веќе се известени Меѓународната организација на трудот, Европската и Меѓународната конфедерација на синдикати кои даваат целосна поддршка на ССМ“, истакна Трендафилов.Тој ги повика функционерите да ги симнат, како што рече, „розовите наочари со кои гледаат во нивните скапи и луксузни кабинети“.Според првиот човек на Сојузот, синдикалците се загрижени за состојбата во која 250.000 работници примаат плата до 32.000 денари, а 380.000 работници примаат плата под просечната плата во земјата.Синдикална јавна седница против одлуката за поголем минималецПојасни дека јавната седница е против одлуката на Владата да ја зголеми минималната плата за само 1.800 денари, што синдикатот го смета за незаконско и недоволно. Видете и ова: Барањето за поголема плата ќе извади дел од администрацијата на протест ССМ бара минималната плата да изнесува 30.000 денари, наместо предложените 24.300.„На 2 април во 12:05 часот, Сојуз на Синдикати на Македонија (ССМ) излегува на улица, онака како што ветивме пред еден месец, затоа што 12 часот помина тогаш, кога Владата одлучи еднострано да утврдува износ на минимална плата на штета на работниците во Македонија, не прифаќајќи ги нивните предлози за утврдување на висината на износот на минималната плата“, порача Трендафилов.Утрешната Јавна седница од пред ССМ ќе продолжи пред Парламентот, каде што синдикатот ќе порача дека не може да има подобрување на платите за пратениците без подобрување на платите за работниците. Пред Стопанската комора, ССМ ќе истакне дека поддршката на работниците е од суштинско значење за стабилноста на економијата. Завршниот дел од протестот ќе биде пред Владата, каде што синдикатот ќе побара и работниците да се вклучат во одлуките за нивните плати.Манасиевски: Демаскирани се синдикалците на батерииВо меѓувреме, од ВМРО-ДПМНЕ обвинија дека луѓето од раководството на Сојузот на синдикати „дебело профитираат“ и ги нарекоа „синдикалци на батерии“.„Дали Иван Пешевски е гласен синдикалец затоа што зема 80.000 денари плати? Според информациите, кои до нас ги доставија свиркачи од ССМ, на кои им е преку глава од злоупотребите на Трендафилов и Пешевски, овие двајца дебело профитираат. Имено, според информациите кои ги добивме, платата на Пешевски, кој деновиве глуми загрижен синдикалец е трипати поголема од минималната“ , рече на прес-конференција Валентин Манасиевски, член на ЦК на ВМРО-ДПМНЕ.„Тој во 2024 и првите два месеци од 2025 година остварил и приходи по други основи со договори на дело и заедно со плата инкасирал 1.3 милиони денари. Демаскирани се синдикалците на батерии Слободан Трендафилов и Иван Пешевски. Нивните игри се прочитани и никој не им верува“, порача Манасиевски на денешната прес конференција.Првиот човек на ССМ пак, Трендафилов денеска изјави дека битката со поединци од ВМРО-ДПМНЕ е да нема зголемување на платите и како што истакна, да ги држат во заложништво и сиромаштија работниците. Видете и ова: ССМ најави протести на 2 април Тој обвини и за упади во синдикалните организации и за притисоци кон работниците да преминат во друг синдикат.Тренчевска: Животниот стандард на граѓаните е на днотоЗголемување на минималната плата денеска на прес конференција побара и пратеничката Јована Тренчевска од редовите на СДСМ.„На денешната собраниска седница е Законот за ослободување од плаќање придонеси за зголемени плати поднесен од СДСМ. Со оваа мерка платите може да се зголемат од 3.000 до 15.000 денари, Компаниите ќе бидат ослободени од плаќање придонеси за зголемениот дел, 400.000 работници со плата до 65.380 денари ќе добијат повисоки примања“, изјави Тренчевска.Таа реагираше и дека две минимална плати не се доволни за да се покријат основните месечни трошоци на едно семејство потсетувајќи дека потрошувачката кошница во февруари 2025 достигна 63.773 денари, и за 100 евра е зголемена во споредба со лани. прочитај повеќе април 01, 2025 Стармер: Царините на Трамп веројатно ќе ја погодат Велика Британија Британскиот премиер Кир Стармер Британскиот премиер Кир Стармер изјави дека е веројатно оти царините на Доналд Трамп ќе ја погодат Велика Британија и вети дека ќе дејствува во националниот интерес како одговор.Стармер посочи дека одмазднички царини се можни, но нагласи дека не сака да види трговска војна.„Обединетото Кралство ќе се обиде да издејствува ослободување“, изјави секретарот Џонатан Рејнолдс, но не можеше да даде временска рамка за тоа кога очекува да се сменат даноците за увозот во Велика Британија.Трамп утре треба да претстави огромни царини за стоки од целиот свет, настан што американскиот претседател го нарече „ден на ослободувањето“. Видете и ова: Трамп најави царини за автомобили, алуминиум и фармацевтски производи Владата на Стармер се обидуваше да преговара за економски договор со Соединетите Држави, за кој се надеваат дека би можел да ги заштити британските бизниси од најлошите влијанија на плановите на Трамп.Премиерот додаде дека „сите опции остануваат на маса“ како одговор. Стармер изјави дека се надева оти договорот за кој се преговара со САД ќе ги ублажи царините.„Нашата одбрана, нашата безбедност, нашето разузнавање се поврзани на начин на кој не се поврзани други две земји. Значи, очигледно е во наш национален интерес да имаме блиски работни односи со САД, кои ги имавме со децении, и сакам да гарантирам дека ќе имаме и во децениите што доаѓаат“, рече Стармер. Видете и ова: Фон дер Лајен: Брисел е подготвен да возврати на американските царини Тој додаде дека „разговорите за економски договор вообичаено ќе траат месеци или години, но „за неколку недели ние добро напреднавме во тие дискусии“.Трамп веќе најави дека ќе биде воведен данок на увоз од 25 отсто за сите автомобили увезени во САД, мерка што ќе биде удар за автомобилската индустрија во Велика Британија. прочитај повеќе април 01, 2025 Србија и Унгарија потпишаа договор за одбранбена соработка Српскиот претседател Александар Вучиќ Во Палатата Србија во присуство на претседателот на државата, Александар Вучиќ денеска (1 април) беше потпишан документ од областа на одбраната меѓу Србија и Унгарија.Планот за билатерална воена соработка меѓу министерствата за одбрана на Србија и Унгарија за 2025 година - документ за операционализација на стратешката соработка во областа на одбраната меѓу двете земји, го потпишаа министерот за одбрана на Србија, Братислав Гашиќ и министерот за одбрана на Унгарија, Криштоф Салаи-Бобровнички.Клучни елементи на договорот се можноста за заеднички вежби и воено-техничка соработка во набавката на оружје. Видете и ова: Владата на Србија усвои план за изградба на нафтовод од Унгарија до Нови Сад Вучиќ по средбата изјави дека Србија има најразвиена и најинтензивна соработка на полето на одбраната со Унгарија во регионот и изрази уверување дека „договорот за заеднички активности ќе продолжи во натамошното зближување и создавање воена алијанса или воен сојуз меѓу Србија и Унгарија“.„Секако, за тоа се прашува унгарската страна, се прашуваат унгарскиот и српскиот парламент и сите други“, рече Вучиќ на заедничката конференција. Тој додаде дека денеска е потпишан документ со кој се операционализира и конкретизира договорот за стратешка соработка во областа на одбраната постигнат во 2023 година.Со Документот кој беше потпишан денеска се договорени 79 активности за оваа година.Вучиќ најави и претстојна средба со унгарскиот премиер Виктор Орбан, на која ќе продолжат разговорите за стратешка соработка. Лани, трговската размена меѓу двете држави надминала три милијарди евра. прочитај повеќе април 01, 2025 Триесетдневен притвор за член на обезбедувањето на премиерот Затвор Скопје - Шутка Полицаецот од Шестата управа во Министерството за внатрешни работи, кој до вчера беше дел од обезбедувањето на премиерот Христијан Мицкоски се наоѓа во притвор во КУП Затвор Скопје, потврди за МИА, директорот на установата, Бобан Утковски.Скопскиот кривичен суд му одредил 30 дневен притвор на А. С., кој е осомничен за кривично дело „оддавање службена тајна“.МВР вчера соопшти дека на 30 март по претходно добиени сознанија за сторено кривично дело „оддавање службена тајна“ по член 360 од Кривичниот законик, од страна на полициски службеници од Одделот за внатрешна контрола, криминалистички истраги и професионални стандарди во координација со ОЈО ГОКК спроведена е координирана полициска акција и реализирани се истражни дејствија за претрес на дом, возила и лица на подрачјето на СВР Велес.„При спроведувањето на полициската акција и преземените мерки и активности, на паркинг просторот пред хотел во Велес, во возило “бмв” затекнати се А.С., полициски службеник во Одделот за заштита на определени личности и објекти и Б.К., а при извршен претрес во возилото пронајден е ранец со службени материјали од МВР и од лицата се одземени мобилни телефони, по што се лишени од слобода“, наведоа од МВР. Видете и ова: Мицкоски: Нема да дозволам да победи корумпираниот систем Во рамки на акцијата, дополнително биле извршени претреси на повеќе локации, при што биле пронајдени и одземени електронски уреди, службени документи и други предмети релевантни за истрагата. Исто така, од преземените мерки и активности во процесот на проверка, ОВККИПС констатирал дека полицискиот службеник постапувал спротивно на законските и подзаконските акти на Министерството за внатрешни работи, со што истиот неовластено поседувал службени материјали, нивно откривање на трети лица надвор од министерството, а со кои дејствија го извршил кривичното дело по член 360 од КЗ.„Од страна на ОВККИПС до ОЈО ГОКК на 31.03.2025 година ќе биде поднесена кривична пријава против А. С., за кривично дело „оддавање службена тајна“ по член 360 од Кривичниот законик, соопшти вчера МВР.Дел од медиумите објавија дека според првичните информации тајните полициски информации се продавани на припадници на криминалниот клан Грчец. По апсењето, од Владата нагласија дека истрагата треба да утврди што се случило и потенцираа дека безбедноста на премиерот не е загрозена. прочитај повеќе април 01, 2025 Мелони: Пресудата на Ле Пен оневозможува претставување на милиони граѓани Италијанската премиерка Џорџа Мелони Италијанската премиерка Џорџа Мелони го изрази своето незадоволство поради привремената забрана за вршење на јавна функција со која се соочува екстремно десничарската француска политичарка Марин Ле Пен која вчера (31 март) беше осудена за проневера.Мелони за италијанскиот весник „Il Messaggero“ изјави дека не знаела ниту за обвинувањата против Ле Пен, ниту за причините за како што вели „толку острата одлука“.„Не верувам дека секој што ја цени демократијата може да биде задоволен од пресудата што влијае на лидерот на голема партија и им оневозможува на милиони граѓани нивно претставување“, изјави Мелони.Националистичката политичарка Ле Пен во понеделникот (31 март) беше прогласена за виновна за проневера на јавни средства. Дел од казната е петгодишна забрана за вршење јавна функција. Видете и ова: Францускиот суд ја осуди Марин Ле Пен и ѝ забрани да се кандидира за јавна функција Пресудата најверојатно ги уништува плановите на Ле Пен да се натпреварува на претседателските избори во 2027 година, бидејќи долгиот правен процес веројатно нема да заврши пред гласањето. Ле Пен ја осуди пресудата, која се фокусира на злоупотребата на средствата од Европската Унија од страна на нејзината партија, како „политичка“ и планира да поднесе жалба.Судијата ја осуди француската политичарка и на четиригодишна затворска казна, од кои две се во домашен притвор, а две се условни и на парична казна од 100.000 евра.Речиси е сигурно дека пресудата ќе биде обжалена, а нема да се изрекуваат ниту затворска ниту парична казна додека не заврши жалбениот процес. Тој процес во Франција може да трае со месеци, па дури и со години. прочитај повеќе април 01, 2025 Фон дер Лајен: Брисел е подготвен да возврати на американските царини Pретседателката на Европската комисија, Урсула фон дер Лајен. Европската Унија ќе биде подготвена да возврати со контрамерки на американските царини доколку е потребно, изјави претседателката на Европската комисија, Урсула фон дер Лајен.Таа во својот говор во Европскиот парламент во Стразбур истакна дека целта на ЕУ е да се најде решение преку преговори.„Сепак, доколку е потребно, ќе ги заштитиме нашите интереси, луѓе и компании“, рече таа.Според неа, ЕУ не сака да возврати, но Брисел има силен план за тоа и ќе возврати ако треба. Видете и ова: ЕУ би можела да го одложи првиот сет царини против САД до средината на април Пред неколку дена, американскиот претседател Доналд Трамп се закани со повисоки царини за Европската унија и Канада доколку соработуваат „да предизвикаат економска штета на САД“.ЕУ прво ги објави првите контрамерки, а потоа ги одложи до средината на април, вклучувајќи, на пример, царини од 50 отсто за американскиот бурбон.Како одговор, Трамп се закани дека ќе воведе царини од 200 отсто за сите винa и други алкохолни производи од ЕУ, доколку Брисел го стори тоа. прочитај повеќе април 01, 2025 Дома се пуштени 93 пациенти од пожарот во Кочани, уште сто се лекуваат Северна Македонија - Арбен Таравари, министер за здравство на Северна Македонија Во болниците се лекуваат уште сто пациенти од пожарот во Кочани од вкупно 193 колку што имаше. Тројца од нив се во критична состојба, рече министерот за здравство, Арбен Таравари, на прес-конференција на 1 април. Пациентите беа повредени во пожар во дискотеката „Пулс“ во Кочани на 16 март, при што загинаа 59 лица, а 193 беа повредени. Повеќе од половина од повредените беа испратени на лекување во странски медицински центри.Од пациентите кои се на лекување, 80 се во болници во странство, а 20 пациенти се распоредени во Клинички центар, во ГОБ „8 септември“, во болницата „Св.Наум Охридски“ и тројца во приватните болници. Денеска во земјава се враќаат уште двајца пациенти, од Полска и од Белгија. Таравари рече дека до крајот на неделава се очекува враќање на уште неколкумина пациенти. Видете и ова: Последно збогум за жртвите од пожарот - најмладите имале 16 години Засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. За нивната рехабилитација се разглаедуваат неколку опции: прилагодување на просторот каде беше сместен ковид центарот во ГОБ „8 Септември“, Центарот за рехабилитација во Козле или да се искористат понудите од други држави за пациентите на кои ќе им биде потребна подолга рехабилитација, за што трошоците ќе бидат покриени од тие држави.Вкупниот број на осомничени за пожарот во Кочани досега е 34 лица. Со истрагата се опфатени 27 физички и три правни лица, а истражни постапки има и против седум полициски службеници од полициските станици во Штип и во Кочани. прочитај повеќе Вчитај повеќе...

Вести март 31, 2025 Во Литванија пронајдено возило со четворица исчезнати американски војници Литванија - потрага и извлекување на полигонот во Литванија каде исчезнаа четворица американски војници за време на вежба на НАТО. Спасувачките екипи извлекле потонато воено возило во Литванија, во кое се превезувале четворица американски војници кои се водат како исчезнати, јави редакцијата на Радио Слободна Европа на англиски јазик.Оклопното возило М88 Херкулес беше пронајдено на 31 март, потопено во мочуриште, шест дена откако беше почната спасувачка операција на воениот полигон Пабрада, во близина на границата на Литванија со Белорусија. Видете и ова: Литванскиот претседател „се надева на чудо“ додека потрагата по американски војници продолжува Литванскиот министер за одбрана, Давиле Сакалиен, изјави дека допрва треба да се утврди што се случило со четворицата војници.„Не можеме да зборуваме за тоа во овој момент, бидејќи, прво, сè уште нема информации, а дури и кога ќе добиеме информации, постои строг договор дека Американците први ќе излезат со каква било објава“, изјави Сакалиен за литванското државно радио на 31 март.Литванија, членка на НАТО и на Европската унија (ЕУ), е домаќин на повеќе од 1.000 американски војници стационирани во неа на ротациона основа.Американската армија за Европа и Африка претходно соопшти дека четворицата војници „вршеле планирана тактичка обука“ кога исчезнале на 25 март.Во првите часови од операцијата за спасување, се појавија неколку спротивставени тврдења, вклучително и коментарите на генералниот секретар на НАТО, Марк Руте, дека четворица американски војници се мртви. Портпаролката на НАТО подоцна ги отфрли тие коментари. прочитај повеќе види ги сите денешни вести април 01, 2025 Владата со идеја да купи 120 еколошки автобуси Илустрација Владата денеска на седница усвоила Информација за набавка на 120 еколошки автобуси, од кои 80 се ургентно потребни за обнова на возниот парк на ЈСП- Скопје и подобрување на јавниот превоз, а останатите 40 ќе бидат распределени согласно економската оправданост и реалните потреби на секоја од единиците на локалната самоуправа. „Владата ја разгледа и усвои Информацијата од Министерство за транспорт во врска со доставените писма за интерес од единиците на локалната самоуправа за потребата од набавка на еколошки автобуси за јавен превоз. Имајќи ги предвид финансиските средства обезбедени во рамки на буџетот на Министерството за транспорт за оваа намена, предвидена е набавка на 120 еколошки автобуси, од кои 80 се ургентно потребни за обнова на возниот парк на ЈСП- Скопје и подобрување на јавниот превоз, а останатите 40 ќе бидат распределени согласно економската оправданост и реалните потреби на секоја од единиците на локалната самоуправа, информира владината прес-служба. Видете и ова: Што може да ги изгаси „пожарите” во ЈСП? Набавката на еколошките автобуси за јавен превоз, додаваат од Владата, ќе придонесе за подобрување на квалитетот на услугите за граѓаните, како и намалување на загадувањето на воздухот во општините, одржлив развој и заштита на животната средина. прочитај повеќе април 01, 2025 Се забранува користење на пиротехника во затворен простор Опожарената дискотека „Пулс“ во Кочани, 17.03.2025 Пиротехнички сретства во затворени простории нема да смее да се користат. Вакви законски измени донесе Собранието денеска кое го изгласаа 87 пратеници, иницирани од трагедијата во Кочани каде загинаа 59 луѓе, а повеќе од 200 беа повредени. Измените на Законот за прекршоците против јавниот ред и мир беа предложени од ВМРО-ДПМНЕ и донесени по скратена постапка. „Констатиравме многу пропусти кои треба да се надминат за да нема импровизации кои ќе резултираат со вакви хаварии и несреќи“, рече пратеникот Тони Јаревски.Со измените на законот, двојно се зголемени казните за непочитувачите на законот. Доколку прекршокот се повтори, се предвидува и затворска казна.Инаку вкупниот број на осомничени за пожарот во Кочани досега е 34 лица. Со истрагата се опфатени 27 физички и три правни лица, а истражни постапки има и против седум полициски службеници од СВР Штип и ПСОН Кочани.Тимот од јавни обвинители кој работи на случајот, како што информира претходно, работи на активности кои вклучуваат распит на повеќе од 300 сведоци, како и други истражни дејствија и соодветни вештачења од повеќе области.Јавните обвинители од тимот кој ја води предистражната постапка за пожарот во дискотеката „Пулс“ во Кочани во кој животот го загубија 59 лица, а речиси 200 се повредени, континуирано преземаат повеќе истражни дејствија за обезбедување докази, а такви дејствија, кои вклучуваат распити, анализи и вештачења од голем обем и во однос на повеќе различни институции се во тек и денеска, информираат од прес-службата на ЈОРСМ.Меѓутоа, за да се зачува тајност на постапката и да се спречи компромитирање на доказите, од Обвинителството посочуваат дека не е во можност во моментов да открива повеќе детали за активностите. Видете и ова: (Не)редовни вежби за евакуација во училишта и градинки Во однос на барањата на опозициската СДСМ да се формира Анкетна комисија за трагдедијата во Кочани, и на барањето на ДУИ во истрагата да се вклучат и странци, премиерот Христијан Мицкоски, завчера рече дека „не бегаат од никаква Анкетна комисија, но би сакале да ја прошират и за останатите случаи освен за Кочани.„Јас апсолутно не бегам од никаква Анкетна комисија, претпоставувам ниту пратеничката група на ВМРО ДПМНЕ и коалицијата нема да бега, но би сакал да ја прошириме со сите овие останати судски случаи кои завршија на начин на кој завршија. Така што, подготвени сме да разговараме, да дебатираме со секој оној којшто може да помогне или да додаде вредност, изјави премиерот Хрстијан Мицкоски во одговор на новинарско прашање по посетата на Ново Село.Според премиерот, СДСМ и ДУИ не биле задоволни од истрагата за Кочани, но како што рече би ги прашал дали биле задоволни од истрагата за модуларната болница во Тетово, дали беа задоволно од истрагата за Ласкарци, дали беа задоволни од истрагата за Беса транс, за Трговскиот центар „Соравија“ во Скопје и уште многу други истраги кои изминатиот период беа познати во јавноста.Пратеничката на СДСМ, Јованка Тренчевска, денеска на прес-конференција во Собранието рече дека би поддржале предлог за таква Анкетна комисија, како и дека „оставаат шанса на институциите за професионална и неселективна истрага за трагегијата во Кочани, потоа ќе излеземе со нашите идни дејствија“. Видете и ова: Навалица на институциите за обезбедување на противпожарна опрема „Оставаме шанса на институциите. Истрагата е во тек и затоа нашиот став е дека треба професионално, неселективно да се заврши целата истрага. Да не опструираме во текот на истрагата. По завршување на истрагата како СДСМ ќе излеземе со став за нашите идни дејствија. Во моментот кога ќе заврши истрагата зависно од резултатите од истрагата, рече Тренчевска одговарајќи на прашањето дали СДСМ ќе ја поддржат идејата на ДУИ за формирање на собраниска Анкетна комисија за неселективна правда за случајот во Кочани.Од ДУИ, денеска повторно побараа независна истрага за „Пулс“, надвор од рацете на оние што, како што велат, ја овозможиле трагедијата.„Јасно е дека на Власта не ѝ е потребна правда, туку алиби. Тоа не смее да се премолчи и затоа јавно бараме: Итна суспензија на целата командна структура по вертикала во МВР и Бирото за јавна безбедност, кои знаеле за проблемите со ПУЛС, а не реагирале“, изјави Арта Билали Зендели од ДУИ. прочитај повеќе април 01, 2025 Синдикатите утре на протест, барањето за поголем минималец ги „скара“ со Владата Генерален штрајк на ССМ, архивска фотографија Нападите кон Сојузот на синдикатите на Македонија нема да го запрат синдикатот во барањата за повисоки плати и подобрување на животниот стандард на работниците - порача денеска (1 април) претседателот на ССМ, Слободан Трендафилов во пресрет на утрешниот протест во Скопје.Тој денеска потсети дека Советот, претседателството и надзорниот одбор на ССМ утре со почеток во 12:05 часот ќе одржат јавна седница пред Собранието, Стопанската Комора и Владата.„Со нечовечкиот однос кон синдикалните претставници не само што е повреден Уставот и законите во Македонија, туку има повреда и на меѓународните конвенции на трудот и за тоа веќе се известени Меѓународната организација на трудот, Европската и Меѓународната конфедерација на синдикати кои даваат целосна поддршка на ССМ“, истакна Трендафилов.Тој ги повика функционерите да ги симнат, како што рече, „розовите наочари со кои гледаат во нивните скапи и луксузни кабинети“.Според првиот човек на Сојузот, синдикалците се загрижени за состојбата во која 250.000 работници примаат плата до 32.000 денари, а 380.000 работници примаат плата под просечната плата во земјата.Синдикална јавна седница против одлуката за поголем минималецПојасни дека јавната седница е против одлуката на Владата да ја зголеми минималната плата за само 1.800 денари, што синдикатот го смета за незаконско и недоволно. Видете и ова: Барањето за поголема плата ќе извади дел од администрацијата на протест ССМ бара минималната плата да изнесува 30.000 денари, наместо предложените 24.300.„На 2 април во 12:05 часот, Сојуз на Синдикати на Македонија (ССМ) излегува на улица, онака како што ветивме пред еден месец, затоа што 12 часот помина тогаш, кога Владата одлучи еднострано да утврдува износ на минимална плата на штета на работниците во Македонија, не прифаќајќи ги нивните предлози за утврдување на висината на износот на минималната плата“, порача Трендафилов.Утрешната Јавна седница од пред ССМ ќе продолжи пред Парламентот, каде што синдикатот ќе порача дека не може да има подобрување на платите за пратениците без подобрување на платите за работниците. Пред Стопанската комора, ССМ ќе истакне дека поддршката на работниците е од суштинско значење за стабилноста на економијата. Завршниот дел од протестот ќе биде пред Владата, каде што синдикатот ќе побара и работниците да се вклучат во одлуките за нивните плати.Манасиевски: Демаскирани се синдикалците на батерииВо меѓувреме, од ВМРО-ДПМНЕ обвинија дека луѓето од раководството на Сојузот на синдикати „дебело профитираат“ и ги нарекоа „синдикалци на батерии“.„Дали Иван Пешевски е гласен синдикалец затоа што зема 80.000 денари плати? Според информациите, кои до нас ги доставија свиркачи од ССМ, на кои им е преку глава од злоупотребите на Трендафилов и Пешевски, овие двајца дебело профитираат. Имено, според информациите кои ги добивме, платата на Пешевски, кој деновиве глуми загрижен синдикалец е трипати поголема од минималната“ , рече на прес-конференција Валентин Манасиевски, член на ЦК на ВМРО-ДПМНЕ.„Тој во 2024 и првите два месеци од 2025 година остварил и приходи по други основи со договори на дело и заедно со плата инкасирал 1.3 милиони денари. Демаскирани се синдикалците на батерии Слободан Трендафилов и Иван Пешевски. Нивните игри се прочитани и никој не им верува“, порача Манасиевски на денешната прес конференција.Првиот човек на ССМ пак, Трендафилов денеска изјави дека битката со поединци од ВМРО-ДПМНЕ е да нема зголемување на платите и како што истакна, да ги држат во заложништво и сиромаштија работниците. Видете и ова: ССМ најави протести на 2 април Тој обвини и за упади во синдикалните организации и за притисоци кон работниците да преминат во друг синдикат.Тренчевска: Животниот стандард на граѓаните е на днотоЗголемување на минималната плата денеска на прес конференција побара и пратеничката Јована Тренчевска од редовите на СДСМ.„На денешната собраниска седница е Законот за ослободување од плаќање придонеси за зголемени плати поднесен од СДСМ. Со оваа мерка платите може да се зголемат од 3.000 до 15.000 денари, Компаниите ќе бидат ослободени од плаќање придонеси за зголемениот дел, 400.000 работници со плата до 65.380 денари ќе добијат повисоки примања“, изјави Тренчевска.Таа реагираше и дека две минимална плати не се доволни за да се покријат основните месечни трошоци на едно семејство потсетувајќи дека потрошувачката кошница во февруари 2025 достигна 63.773 денари, и за 100 евра е зголемена во споредба со лани. прочитај повеќе април 01, 2025 Стармер: Царините на Трамп веројатно ќе ја погодат Велика Британија Британскиот премиер Кир Стармер Британскиот премиер Кир Стармер изјави дека е веројатно оти царините на Доналд Трамп ќе ја погодат Велика Британија и вети дека ќе дејствува во националниот интерес како одговор.Стармер посочи дека одмазднички царини се можни, но нагласи дека не сака да види трговска војна.„Обединетото Кралство ќе се обиде да издејствува ослободување“, изјави секретарот Џонатан Рејнолдс, но не можеше да даде временска рамка за тоа кога очекува да се сменат даноците за увозот во Велика Британија.Трамп утре треба да претстави огромни царини за стоки од целиот свет, настан што американскиот претседател го нарече „ден на ослободувањето“. Видете и ова: Трамп најави царини за автомобили, алуминиум и фармацевтски производи Владата на Стармер се обидуваше да преговара за економски договор со Соединетите Држави, за кој се надеваат дека би можел да ги заштити британските бизниси од најлошите влијанија на плановите на Трамп.Премиерот додаде дека „сите опции остануваат на маса“ како одговор. Стармер изјави дека се надева оти договорот за кој се преговара со САД ќе ги ублажи царините.„Нашата одбрана, нашата безбедност, нашето разузнавање се поврзани на начин на кој не се поврзани други две земји. Значи, очигледно е во наш национален интерес да имаме блиски работни односи со САД, кои ги имавме со децении, и сакам да гарантирам дека ќе имаме и во децениите што доаѓаат“, рече Стармер. Видете и ова: Фон дер Лајен: Брисел е подготвен да возврати на американските царини Тој додаде дека „разговорите за економски договор вообичаено ќе траат месеци или години, но „за неколку недели ние добро напреднавме во тие дискусии“.Трамп веќе најави дека ќе биде воведен данок на увоз од 25 отсто за сите автомобили увезени во САД, мерка што ќе биде удар за автомобилската индустрија во Велика Британија. прочитај повеќе април 01, 2025 Србија и Унгарија потпишаа договор за одбранбена соработка Српскиот претседател Александар Вучиќ Во Палатата Србија во присуство на претседателот на државата, Александар Вучиќ денеска (1 април) беше потпишан документ од областа на одбраната меѓу Србија и Унгарија.Планот за билатерална воена соработка меѓу министерствата за одбрана на Србија и Унгарија за 2025 година - документ за операционализација на стратешката соработка во областа на одбраната меѓу двете земји, го потпишаа министерот за одбрана на Србија, Братислав Гашиќ и министерот за одбрана на Унгарија, Криштоф Салаи-Бобровнички.Клучни елементи на договорот се можноста за заеднички вежби и воено-техничка соработка во набавката на оружје. Видете и ова: Владата на Србија усвои план за изградба на нафтовод од Унгарија до Нови Сад Вучиќ по средбата изјави дека Србија има најразвиена и најинтензивна соработка на полето на одбраната со Унгарија во регионот и изрази уверување дека „договорот за заеднички активности ќе продолжи во натамошното зближување и создавање воена алијанса или воен сојуз меѓу Србија и Унгарија“.„Секако, за тоа се прашува унгарската страна, се прашуваат унгарскиот и српскиот парламент и сите други“, рече Вучиќ на заедничката конференција. Тој додаде дека денеска е потпишан документ со кој се операционализира и конкретизира договорот за стратешка соработка во областа на одбраната постигнат во 2023 година.Со Документот кој беше потпишан денеска се договорени 79 активности за оваа година.Вучиќ најави и претстојна средба со унгарскиот премиер Виктор Орбан, на која ќе продолжат разговорите за стратешка соработка. Лани, трговската размена меѓу двете држави надминала три милијарди евра. прочитај повеќе април 01, 2025 Триесетдневен притвор за член на обезбедувањето на премиерот Затвор Скопје - Шутка Полицаецот од Шестата управа во Министерството за внатрешни работи, кој до вчера беше дел од обезбедувањето на премиерот Христијан Мицкоски се наоѓа во притвор во КУП Затвор Скопје, потврди за МИА, директорот на установата, Бобан Утковски.Скопскиот кривичен суд му одредил 30 дневен притвор на А. С., кој е осомничен за кривично дело „оддавање службена тајна“.МВР вчера соопшти дека на 30 март по претходно добиени сознанија за сторено кривично дело „оддавање службена тајна“ по член 360 од Кривичниот законик, од страна на полициски службеници од Одделот за внатрешна контрола, криминалистички истраги и професионални стандарди во координација со ОЈО ГОКК спроведена е координирана полициска акција и реализирани се истражни дејствија за претрес на дом, возила и лица на подрачјето на СВР Велес.„При спроведувањето на полициската акција и преземените мерки и активности, на паркинг просторот пред хотел во Велес, во возило “бмв” затекнати се А.С., полициски службеник во Одделот за заштита на определени личности и објекти и Б.К., а при извршен претрес во возилото пронајден е ранец со службени материјали од МВР и од лицата се одземени мобилни телефони, по што се лишени од слобода“, наведоа од МВР. Видете и ова: Мицкоски: Нема да дозволам да победи корумпираниот систем Во рамки на акцијата, дополнително биле извршени претреси на повеќе локации, при што биле пронајдени и одземени електронски уреди, службени документи и други предмети релевантни за истрагата. Исто така, од преземените мерки и активности во процесот на проверка, ОВККИПС констатирал дека полицискиот службеник постапувал спротивно на законските и подзаконските акти на Министерството за внатрешни работи, со што истиот неовластено поседувал службени материјали, нивно откривање на трети лица надвор од министерството, а со кои дејствија го извршил кривичното дело по член 360 од КЗ.„Од страна на ОВККИПС до ОЈО ГОКК на 31.03.2025 година ќе биде поднесена кривична пријава против А. С., за кривично дело „оддавање службена тајна“ по член 360 од Кривичниот законик, соопшти вчера МВР.Дел од медиумите објавија дека според првичните информации тајните полициски информации се продавани на припадници на криминалниот клан Грчец. По апсењето, од Владата нагласија дека истрагата треба да утврди што се случило и потенцираа дека безбедноста на премиерот не е загрозена. прочитај повеќе април 01, 2025 Мелони: Пресудата на Ле Пен оневозможува претставување на милиони граѓани Италијанската премиерка Џорџа Мелони Италијанската премиерка Џорџа Мелони го изрази своето незадоволство поради привремената забрана за вршење на јавна функција со која се соочува екстремно десничарската француска политичарка Марин Ле Пен која вчера (31 март) беше осудена за проневера.Мелони за италијанскиот весник „Il Messaggero“ изјави дека не знаела ниту за обвинувањата против Ле Пен, ниту за причините за како што вели „толку острата одлука“.„Не верувам дека секој што ја цени демократијата може да биде задоволен од пресудата што влијае на лидерот на голема партија и им оневозможува на милиони граѓани нивно претставување“, изјави Мелони.Националистичката политичарка Ле Пен во понеделникот (31 март) беше прогласена за виновна за проневера на јавни средства. Дел од казната е петгодишна забрана за вршење јавна функција. Видете и ова: Францускиот суд ја осуди Марин Ле Пен и ѝ забрани да се кандидира за јавна функција Пресудата најверојатно ги уништува плановите на Ле Пен да се натпреварува на претседателските избори во 2027 година, бидејќи долгиот правен процес веројатно нема да заврши пред гласањето. Ле Пен ја осуди пресудата, која се фокусира на злоупотребата на средствата од Европската Унија од страна на нејзината партија, како „политичка“ и планира да поднесе жалба.Судијата ја осуди француската политичарка и на четиригодишна затворска казна, од кои две се во домашен притвор, а две се условни и на парична казна од 100.000 евра.Речиси е сигурно дека пресудата ќе биде обжалена, а нема да се изрекуваат ниту затворска ниту парична казна додека не заврши жалбениот процес. Тој процес во Франција може да трае со месеци, па дури и со години. прочитај повеќе април 01, 2025 Фон дер Лајен: Брисел е подготвен да возврати на американските царини Pретседателката на Европската комисија, Урсула фон дер Лајен. Европската Унија ќе биде подготвена да возврати со контрамерки на американските царини доколку е потребно, изјави претседателката на Европската комисија, Урсула фон дер Лајен.Таа во својот говор во Европскиот парламент во Стразбур истакна дека целта на ЕУ е да се најде решение преку преговори.„Сепак, доколку е потребно, ќе ги заштитиме нашите интереси, луѓе и компании“, рече таа.Според неа, ЕУ не сака да возврати, но Брисел има силен план за тоа и ќе возврати ако треба. Видете и ова: ЕУ би можела да го одложи првиот сет царини против САД до средината на април Пред неколку дена, американскиот претседател Доналд Трамп се закани со повисоки царини за Европската унија и Канада доколку соработуваат „да предизвикаат економска штета на САД“.ЕУ прво ги објави првите контрамерки, а потоа ги одложи до средината на април, вклучувајќи, на пример, царини од 50 отсто за американскиот бурбон.Како одговор, Трамп се закани дека ќе воведе царини од 200 отсто за сите винa и други алкохолни производи од ЕУ, доколку Брисел го стори тоа. прочитај повеќе април 01, 2025 Дома се пуштени 93 пациенти од пожарот во Кочани, уште сто се лекуваат Северна Македонија - Арбен Таравари, министер за здравство на Северна Македонија Во болниците се лекуваат уште сто пациенти од пожарот во Кочани од вкупно 193 колку што имаше. Тројца од нив се во критична состојба, рече министерот за здравство, Арбен Таравари, на прес-конференција на 1 април. Пациентите беа повредени во пожар во дискотеката „Пулс“ во Кочани на 16 март, при што загинаа 59 лица, а 193 беа повредени. Повеќе од половина од повредените беа испратени на лекување во странски медицински центри.Од пациентите кои се на лекување, 80 се во болници во странство, а 20 пациенти се распоредени во Клинички центар, во ГОБ „8 септември“, во болницата „Св.Наум Охридски“ и тројца во приватните болници. Денеска во земјава се враќаат уште двајца пациенти, од Полска и од Белгија. Таравари рече дека до крајот на неделава се очекува враќање на уште неколкумина пациенти. Видете и ова: Последно збогум за жртвите од пожарот - најмладите имале 16 години Засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. За нивната рехабилитација се разглаедуваат неколку опции: прилагодување на просторот каде беше сместен ковид центарот во ГОБ „8 Септември“, Центарот за рехабилитација во Козле или да се искористат понудите од други држави за пациентите на кои ќе им биде потребна подолга рехабилитација, за што трошоците ќе бидат покриени од тие држави.Вкупниот број на осомничени за пожарот во Кочани досега е 34 лица. Со истрагата се опфатени 27 физички и три правни лица, а истражни постапки има и против седум полициски службеници од полициските станици во Штип и во Кочани. прочитај повеќе април 01, 2025 Бербок во Киев предупреди на тактиката на Путин за одложување на мировните преговори Германската министерка за надворешни работи Аналена Баербок (десно) и украинската главна обвинителка Ирина Венедиктова во Киев (архивска фотографија) Германската министерка за надворешни работи, Аналена Бербок, која е во ненадејна посета на Киев, предупреди дека не треба да се наседнува на руската тактика за одложување на мировните преговори за ставање крај на војната во Украина.Германската дипломатка во заминување, која е во посета на Украина по деветти пат откако Кремљ ја започна својата инвазија во февруари 2022 година, рече дека верува оти Киев е подготвен да потпише мировен договор по интензивните преговори предводени од Соединетите Држави.„На претстојниот состанок на министрите за надворешни работи на НАТО, јасно ќе и ставиме до знаење на американската страна дека не треба да се занимаваме со тактиката на застој на Путин“, рече таа на 1 април во изјавата по пристигнувањето во Киев.Нејзината изјава доаѓа откако американскиот претседател Доналд Трамп и се закани на Русија со нови царини за нафтените деривати доколку Москва ги блокира неговите иницијативи за прекин на огнот. Трамп, исто така, рече дека украинскиот лидер Володимир Зеленски ќе се соочи со „големи проблеми“ доколку не го потпише клучниот договор за ретки минерали со Вашингтон.„Тој се обидува да се повлече од договорот за ретките минерали, а ако го направи тоа, ќе има проблеми, големи проблеми“, им рече Трамп на новинарите на 30 март во врска со украинскиот претседател. Видете и ова: Што има, а што нема во договорот за минерали меѓу Украина и САД? „Се договоривме за ретките минерали. И сега тој вели, добро, знаете, сакам повторно да преговарам за договорот. Тој сака Украина да биде членка на НАТО, но тоа никогаш нема да се случи. Тој го разбира тоа“, додаде Трамп.Украинската влада на 28 март објави дека сè уште размислува за нацрт-договор со САД за ретки минерали, по извештаите во медиумите дека Вашингтон неколку пати ги менувал условите на договорот. Видете и ова: Трамп му се закани на Путин со царини за нафтата, од Зеленски бара договор за минералите Украинската министерка за економија Јулија Свириденко на владиниот состанок најави дека Киев ќе го формира својот став за договорот, но дека пратениците ќе го кажат својот став дури кога ќе се постигне консензус. Пред тоа, рече таа, јавна дискусија би била штетна.Украина поседува значителни количини на ретки минерали. Овие суровини се високо ценети поради нивната употреба во одбранбената технологија, како и во уреди како што се компјутери, паметни телефони и батерии.Украина и САД претходно овој месец се договорија да склучат сеопфатен договор за развој на ретките минерални ресурси во Украина. Напорите за постигнување договор пропаднаа на 28 февруари, откако Трамп и Зеленски вербално се судрија во Белата куќа. Видете и ова: Четири работи околу клучните американско-украински разговори во Саудиска Арабија Во меѓувреме, Трамп на 30 март рече дека ќе воведе секундарни тарифи меѓу 25 и 50 отсто за целата руска нафта, доколку почувствува дека претседателот Владимир Путин ги блокира неговите напори да стави крај на војната во Украина.Трамп во телефонско интервју за Ен-Би-Си за време на викендот рече дека е „многу лут“ откако Путин повика на преодна влада во Украина што може ефективно да го собори украинскиот претседател Володимир Зеленски.„Ако Русија и јас не можеме да постигнеме договор за запирање на крвопролевањето во Украина, и ако мислам дека за тоа е виновна Русија, а можеби и не е, но ако мислам дека е виновна Русија, ќе воведам секундарни царини за нафтата, целата нафта што доаѓа од Русија“, рече Трамп.„Тоа би значело дека ако купувате нафта од Русија, не можете да работите во САД. Ќе има царини од 25 проценти за целата нафта, од 25 до 50 проценти за целата нафта“, додаде Трамп.Тој истакна дека трговските мерки ќе бидат воведени во рок од еден месец, доколку не се постигне договор за прекин на огнот.Чувствителниот дипломатски момент доаѓа откако Белата куќа на 25 март објави дека и Русија и Украина се согласиле на прекин на огнот и дозволиле пловење во Црното Море, како и дека се договориле да не се напаѓаат енергетските капацитети на другиот. прочитај повеќе Вчитај повеќе...

Вести март 31, 2025 Трамп му се закани на Путин со царини за нафтата, од Зеленски бара договор за минералите Доналд Трамп, претседател на Соединетите Американски Држави (САД), 28 март 2025 година. Американскиот претседател Доналд Трамп ѝ се закани на Русија со нови царини за нафтените деривати доколку ги блокира неговите иницијативи за ставање крај на војната во Украина, посочувајќи и дека украинскиот лидер Володимир Зеленски се соочува со „големи проблеми“ доколку не го потпише клучниот договор за минералите со Вашингтон.„Се договоривме и сега тој вели дека сака повторно да преговара за договорот. Тој сака да биде членка на НАТО, но тоа никогаш нема да се случи. Тој го разбира тоа“, им рече Трамп на новинарите на 30 март, мислејќи на украинскиот претседател Зеленски.Украинската влада на 28 февруари соопшти дека сè уште го разгледува нацрт-договорот за минерални суровини на САД. Украинската министерка за економија Јулија Свириденко тогаш изјави дека Киев го формира својот став, но дека претставниците ќе го изнесат само кога ќе се постигне консензус.Украина има значителни наоѓалишта на минерали, високо ценети поради нивната употреба во одбранбените технологии, како и во компјутери, паметни телефони и батерии. Видете и ова: „Коалицијата на подготвените“ - Доведување на Украина во најдобра позиција за преговори Минатиот месец Украина и САД постигнаа сеопфатен договор за развој на виталните минерални ресурси на Украина.Договорот беше дел од напорите на Трамп да стави крај на војната и да врати некои од десетиците милијарди долари што САД ѝ ги дадоа на Украина во финансиска и воена помош од почетокот на руската инвазија во 2022 година.По средбата меѓу Трамп и Зеленски во Белата куќа на 28 февруари, обидите за финализирање на договорот пропаднаа.Во меѓувреме, Трамп на 30 март рече дека ќе воведе секундарни царини од 25 до 50 отсто за целата руска нафта доколку се чини дека претседателот Владимир Путин ги блокира неговите напори да стави крај на војната во Украина.Трамп во неделата рече дека е „многу лут“ кога Путин повика на формирање на преодна влада во Украина, која би можела да го собори украинскиот претседател Володимир Зеленски.„Ако Русија и јас не успееме да постигнеме договор за прекин на крвопролевањето во Украина, а верувам дека е виновна Русија, да воведеме секундарни царини за целата нафта што излегува од Русија“, рече Трамп во интервју за американската телевизиска мрежа Ен-Би-Си.Тој рече дека трговските мерки ќе бидат воведени во рок од еден месец доколку нема договор за прекин на огнот.„Тоа би значело дека ако купувате нафта од Русија, не можете да работите во САД“, рече Трамп. Видете и ова: Дали Русија стави „отровно апче“ во договорот за прекин на огнот во Црното Море? Овие најави доаѓаат откако Белата куќа на 25 март објави дека и Русија и Украина се согласиле на прекин на огнот и да дозволат пловидба во Црното Море, како и договор да не се таргетираат енергетски објекти.Сè уште има проблеми со спроведувањето на договорот. Киев вели дека ќе стапи на сила веднаш, а Москва дека ќе стапи на сила по делумното укинување на санкциите за руските компании и банки вклучени во меѓународната трговија со храна.Коментарите на Трамп означуваат поместување од мекиот пристап што Белата куќа го зазеде кон Русија откако американскиот претседател го назначи завршувањето на војната во Украина како приоритет на надворешната политика, пишува редакцијата на Радио Слободна Европа на англиски јазик.Во меѓувреме, Зеленски на 30 март рече дека беспилотните летала, бомбите и гранатирањето се одговор на Русија на предлогот на САД за безусловен прекин на огнот.„Путин покажува дека не му е грижа за дипломатијата. Потребни ни се поостри санкции против Русија, повеќе капацитети за воздушна одбрана за Украина и повеќе единство меѓу нашите партнери“, додаде Зеленски.Во услови на дипломатски напори предводени од САД да се постигне прекин на огнот, Киев ја обвини Москва за „воено злосторство“ на 30 март, откако руските беспилотни летала нападнаа воена болница. прочитај повеќе види ги сите денешни вести април 01, 2025 Се забранува користење на пиротехника во затворен простор Опожарената дискотека „Пулс“ во Кочани, 17.03.2025 Пиротехнички сретства во затворени простории нема да смее да се користат. Вакви законски измени донесе Собранието денеска кое го изгласаа 87 пратеници, иницирани од трагедијата во Кочани каде загинаа 59 луѓе, а повеќе од 200 беа повредени. Измените на Законот за прекршоците против јавниот ред и мир беа предложени од ВМРО-ДПМНЕ и донесени по скратена постапка. „Констатиравме многу пропусти кои треба да се надминат за да нема импровизации кои ќе резултираат со вакви хаварии и несреќи“, рече пратеникот Тони Јаревски.Со измените на законот, двојно се зголемени казните за непочитувачите на законот. Доколку прекршокот се повтори, се предвидува и затворска казна.Инаку вкупниот број на осомничени за пожарот во Кочани досега е 34 лица. Со истрагата се опфатени 27 физички и три правни лица, а истражни постапки има и против седум полициски службеници од СВР Штип и ПСОН Кочани.Тимот од јавни обвинители кој работи на случајот, како што информира претходно, работи на активности кои вклучуваат распит на повеќе од 300 сведоци, како и други истражни дејствија и соодветни вештачења од повеќе области.Јавните обвинители од тимот кој ја води предистражната постапка за пожарот во дискотеката „Пулс“ во Кочани во кој животот го загубија 59 лица, а речиси 200 се повредени, континуирано преземаат повеќе истражни дејствија за обезбедување докази, а такви дејствија, кои вклучуваат распити, анализи и вештачења од голем обем и во однос на повеќе различни институции се во тек и денеска, информираат од прес-службата на ЈОРСМ.Меѓутоа, за да се зачува тајност на постапката и да се спречи компромитирање на доказите, од Обвинителството посочуваат дека не е во можност во моментов да открива повеќе детали за активностите. Видете и ова: (Не)редовни вежби за евакуација во училишта и градинки Во однос на барањата на опозициската СДСМ да се формира Анкетна комисија за трагдедијата во Кочани, и на барањето на ДУИ во истрагата да се вклучат и странци, премиерот Христијан Мицкоски, завчера рече дека „не бегаат од никаква Анкетна комисија, но би сакале да ја прошират и за останатите случаи освен за Кочани.„Јас апсолутно не бегам од никаква Анкетна комисија, претпоставувам ниту пратеничката група на ВМРО ДПМНЕ и коалицијата нема да бега, но би сакал да ја прошириме со сите овие останати судски случаи кои завршија на начин на кој завршија. Така што, подготвени сме да разговараме, да дебатираме со секој оној којшто може да помогне или да додаде вредност, изјави премиерот Хрстијан Мицкоски во одговор на новинарско прашање по посетата на Ново Село.Според премиерот, СДСМ и ДУИ не биле задоволни од истрагата за Кочани, но како што рече би ги прашал дали биле задоволни од истрагата за модуларната болница во Тетово, дали беа задоволно од истрагата за Ласкарци, дали беа задоволни од истрагата за Беса транс, за Трговскиот центар „Соравија“ во Скопје и уште многу други истраги кои изминатиот период беа познати во јавноста.Пратеничката на СДСМ, Јованка Тренчевска, денеска на прес-конференција во Собранието рече дека би поддржале предлог за таква Анкетна комисија, како и дека „оставаат шанса на институциите за професионална и неселективна истрага за трагегијата во Кочани, потоа ќе излеземе со нашите идни дејствија“. Видете и ова: Навалица на институциите за обезбедување на противпожарна опрема „Оставаме шанса на институциите. Истрагата е во тек и затоа нашиот став е дека треба професионално, неселективно да се заврши целата истрага. Да не опструираме во текот на истрагата. По завршување на истрагата како СДСМ ќе излеземе со став за нашите идни дејствија. Во моментот кога ќе заврши истрагата зависно од резултатите од истрагата, рече Тренчевска одговарајќи на прашањето дали СДСМ ќе ја поддржат идејата на ДУИ за формирање на собраниска Анкетна комисија за неселективна правда за случајот во Кочани.Од ДУИ, денеска повторно побараа независна истрага за „Пулс“, надвор од рацете на оние што, како што велат, ја овозможиле трагедијата.„Јасно е дека на Власта не ѝ е потребна правда, туку алиби. Тоа не смее да се премолчи и затоа јавно бараме: Итна суспензија на целата командна структура по вертикала во МВР и Бирото за јавна безбедност, кои знаеле за проблемите со ПУЛС, а не реагирале“, изјави Арта Билали Зендели од ДУИ. прочитај повеќе април 01, 2025 Синдикатите утре на протест, барањето за поголем минималец ги „скара“ со Владата Генерален штрајк на ССМ, архивска фотографија Нападите кон Сојузот на синдикатите на Македонија нема да го запрат синдикатот во барањата за повисоки плати и подобрување на животниот стандард на работниците - порача денеска (1 април) претседателот на ССМ, Слободан Трендафилов во пресрет на утрешниот протест во Скопје.Тој денеска потсети дека Советот, претседателството и надзорниот одбор на ССМ утре со почеток во 12:05 часот ќе одржат јавна седница пред Собранието, Стопанската Комора и Владата.„Со нечовечкиот однос кон синдикалните претставници не само што е повреден Уставот и законите во Македонија, туку има повреда и на меѓународните конвенции на трудот и за тоа веќе се известени Меѓународната организација на трудот, Европската и Меѓународната конфедерација на синдикати кои даваат целосна поддршка на ССМ“, истакна Трендафилов.Тој ги повика функционерите да ги симнат, како што рече, „розовите наочари со кои гледаат во нивните скапи и луксузни кабинети“.Според првиот човек на Сојузот, синдикалците се загрижени за состојбата во која 250.000 работници примаат плата до 32.000 денари, а 380.000 работници примаат плата под просечната плата во земјата.Синдикална јавна седница против одлуката за поголем минималецПојасни дека јавната седница е против одлуката на Владата да ја зголеми минималната плата за само 1.800 денари, што синдикатот го смета за незаконско и недоволно. Видете и ова: Барањето за поголема плата ќе извади дел од администрацијата на протест ССМ бара минималната плата да изнесува 30.000 денари, наместо предложените 24.300.„На 2 април во 12:05 часот, Сојуз на Синдикати на Македонија (ССМ) излегува на улица, онака како што ветивме пред еден месец, затоа што 12 часот помина тогаш, кога Владата одлучи еднострано да утврдува износ на минимална плата на штета на работниците во Македонија, не прифаќајќи ги нивните предлози за утврдување на висината на износот на минималната плата“, порача Трендафилов.Утрешната Јавна седница од пред ССМ ќе продолжи пред Парламентот, каде што синдикатот ќе порача дека не може да има подобрување на платите за пратениците без подобрување на платите за работниците. Пред Стопанската комора, ССМ ќе истакне дека поддршката на работниците е од суштинско значење за стабилноста на економијата. Завршниот дел од протестот ќе биде пред Владата, каде што синдикатот ќе побара и работниците да се вклучат во одлуките за нивните плати.Манасиевски: Демаскирани се синдикалците на батерииВо меѓувреме, од ВМРО-ДПМНЕ обвинија дека луѓето од раководството на Сојузот на синдикати „дебело профитираат“ и ги нарекоа „синдикалци на батерии“.„Дали Иван Пешевски е гласен синдикалец затоа што зема 80.000 денари плати? Според информациите, кои до нас ги доставија свиркачи од ССМ, на кои им е преку глава од злоупотребите на Трендафилов и Пешевски, овие двајца дебело профитираат. Имено, според информациите кои ги добивме, платата на Пешевски, кој деновиве глуми загрижен синдикалец е трипати поголема од минималната“ , рече на прес-конференција Валентин Манасиевски, член на ЦК на ВМРО-ДПМНЕ.„Тој во 2024 и првите два месеци од 2025 година остварил и приходи по други основи со договори на дело и заедно со плата инкасирал 1.3 милиони денари. Демаскирани се синдикалците на батерии Слободан Трендафилов и Иван Пешевски. Нивните игри се прочитани и никој не им верува“, порача Манасиевски на денешната прес конференција.Првиот човек на ССМ пак, Трендафилов денеска изјави дека битката со поединци од ВМРО-ДПМНЕ е да нема зголемување на платите и како што истакна, да ги држат во заложништво и сиромаштија работниците. Видете и ова: ССМ најави протести на 2 април Тој обвини и за упади во синдикалните организации и за притисоци кон работниците да преминат во друг синдикат.Тренчевска: Животниот стандард на граѓаните е на днотоЗголемување на минималната плата денеска на прес конференција побара и пратеничката Јована Тренчевска од редовите на СДСМ.„На денешната собраниска седница е Законот за ослободување од плаќање придонеси за зголемени плати поднесен од СДСМ. Со оваа мерка платите може да се зголемат од 3.000 до 15.000 денари, Компаниите ќе бидат ослободени од плаќање придонеси за зголемениот дел, 400.000 работници со плата до 65.380 денари ќе добијат повисоки примања“, изјави Тренчевска.Таа реагираше и дека две минимална плати не се доволни за да се покријат основните месечни трошоци на едно семејство потсетувајќи дека потрошувачката кошница во февруари 2025 достигна 63.773 денари, и за 100 евра е зголемена во споредба со лани. прочитај повеќе април 01, 2025 Стармер: Царините на Трамп веројатно ќе ја погодат Велика Британија Британскиот премиер Кир Стармер Британскиот премиер Кир Стармер изјави дека е веројатно оти царините на Доналд Трамп ќе ја погодат Велика Британија и вети дека ќе дејствува во националниот интерес како одговор.Стармер посочи дека одмазднички царини се можни, но нагласи дека не сака да види трговска војна.„Обединетото Кралство ќе се обиде да издејствува ослободување“, изјави секретарот Џонатан Рејнолдс, но не можеше да даде временска рамка за тоа кога очекува да се сменат даноците за увозот во Велика Британија.Трамп утре треба да претстави огромни царини за стоки од целиот свет, настан што американскиот претседател го нарече „ден на ослободувањето“. Видете и ова: Трамп најави царини за автомобили, алуминиум и фармацевтски производи Владата на Стармер се обидуваше да преговара за економски договор со Соединетите Држави, за кој се надеваат дека би можел да ги заштити британските бизниси од најлошите влијанија на плановите на Трамп.Премиерот додаде дека „сите опции остануваат на маса“ како одговор. Стармер изјави дека се надева оти договорот за кој се преговара со САД ќе ги ублажи царините.„Нашата одбрана, нашата безбедност, нашето разузнавање се поврзани на начин на кој не се поврзани други две земји. Значи, очигледно е во наш национален интерес да имаме блиски работни односи со САД, кои ги имавме со децении, и сакам да гарантирам дека ќе имаме и во децениите што доаѓаат“, рече Стармер. Видете и ова: Фон дер Лајен: Брисел е подготвен да возврати на американските царини Тој додаде дека „разговорите за економски договор вообичаено ќе траат месеци или години, но „за неколку недели ние добро напреднавме во тие дискусии“.Трамп веќе најави дека ќе биде воведен данок на увоз од 25 отсто за сите автомобили увезени во САД, мерка што ќе биде удар за автомобилската индустрија во Велика Британија. прочитај повеќе април 01, 2025 Србија и Унгарија потпишаа договор за одбранбена соработка Српскиот претседател Александар Вучиќ Во Палатата Србија во присуство на претседателот на државата, Александар Вучиќ денеска (1 април) беше потпишан документ од областа на одбраната меѓу Србија и Унгарија.Планот за билатерална воена соработка меѓу министерствата за одбрана на Србија и Унгарија за 2025 година - документ за операционализација на стратешката соработка во областа на одбраната меѓу двете земји, го потпишаа министерот за одбрана на Србија, Братислав Гашиќ и министерот за одбрана на Унгарија, Криштоф Салаи-Бобровнички.Клучни елементи на договорот се можноста за заеднички вежби и воено-техничка соработка во набавката на оружје. Видете и ова: Владата на Србија усвои план за изградба на нафтовод од Унгарија до Нови Сад Вучиќ по средбата изјави дека Србија има најразвиена и најинтензивна соработка на полето на одбраната со Унгарија во регионот и изрази уверување дека „договорот за заеднички активности ќе продолжи во натамошното зближување и создавање воена алијанса или воен сојуз меѓу Србија и Унгарија“.„Секако, за тоа се прашува унгарската страна, се прашуваат унгарскиот и српскиот парламент и сите други“, рече Вучиќ на заедничката конференција. Тој додаде дека денеска е потпишан документ со кој се операционализира и конкретизира договорот за стратешка соработка во областа на одбраната постигнат во 2023 година.Со Документот кој беше потпишан денеска се договорени 79 активности за оваа година.Вучиќ најави и претстојна средба со унгарскиот премиер Виктор Орбан, на која ќе продолжат разговорите за стратешка соработка. Лани, трговската размена меѓу двете држави надминала три милијарди евра. прочитај повеќе април 01, 2025 Триесетдневен притвор за член на обезбедувањето на премиерот Затвор Скопје - Шутка Полицаецот од Шестата управа во Министерството за внатрешни работи, кој до вчера беше дел од обезбедувањето на премиерот Христијан Мицкоски се наоѓа во притвор во КУП Затвор Скопје, потврди за МИА, директорот на установата, Бобан Утковски.Скопскиот кривичен суд му одредил 30 дневен притвор на А. С., кој е осомничен за кривично дело „оддавање службена тајна“.МВР вчера соопшти дека на 30 март по претходно добиени сознанија за сторено кривично дело „оддавање службена тајна“ по член 360 од Кривичниот законик, од страна на полициски службеници од Одделот за внатрешна контрола, криминалистички истраги и професионални стандарди во координација со ОЈО ГОКК спроведена е координирана полициска акција и реализирани се истражни дејствија за претрес на дом, возила и лица на подрачјето на СВР Велес.„При спроведувањето на полициската акција и преземените мерки и активности, на паркинг просторот пред хотел во Велес, во возило “бмв” затекнати се А.С., полициски службеник во Одделот за заштита на определени личности и објекти и Б.К., а при извршен претрес во возилото пронајден е ранец со службени материјали од МВР и од лицата се одземени мобилни телефони, по што се лишени од слобода“, наведоа од МВР. Видете и ова: Мицкоски: Нема да дозволам да победи корумпираниот систем Во рамки на акцијата, дополнително биле извршени претреси на повеќе локации, при што биле пронајдени и одземени електронски уреди, службени документи и други предмети релевантни за истрагата. Исто така, од преземените мерки и активности во процесот на проверка, ОВККИПС констатирал дека полицискиот службеник постапувал спротивно на законските и подзаконските акти на Министерството за внатрешни работи, со што истиот неовластено поседувал службени материјали, нивно откривање на трети лица надвор од министерството, а со кои дејствија го извршил кривичното дело по член 360 од КЗ.„Од страна на ОВККИПС до ОЈО ГОКК на 31.03.2025 година ќе биде поднесена кривична пријава против А. С., за кривично дело „оддавање службена тајна“ по член 360 од Кривичниот законик, соопшти вчера МВР.Дел од медиумите објавија дека според првичните информации тајните полициски информации се продавани на припадници на криминалниот клан Грчец. По апсењето, од Владата нагласија дека истрагата треба да утврди што се случило и потенцираа дека безбедноста на премиерот не е загрозена. прочитај повеќе април 01, 2025 Мелони: Пресудата на Ле Пен оневозможува претставување на милиони граѓани Италијанската премиерка Џорџа Мелони Италијанската премиерка Џорџа Мелони го изрази своето незадоволство поради привремената забрана за вршење на јавна функција со која се соочува екстремно десничарската француска политичарка Марин Ле Пен која вчера (31 март) беше осудена за проневера.Мелони за италијанскиот весник „Il Messaggero“ изјави дека не знаела ниту за обвинувањата против Ле Пен, ниту за причините за како што вели „толку острата одлука“.„Не верувам дека секој што ја цени демократијата може да биде задоволен од пресудата што влијае на лидерот на голема партија и им оневозможува на милиони граѓани нивно претставување“, изјави Мелони.Националистичката политичарка Ле Пен во понеделникот (31 март) беше прогласена за виновна за проневера на јавни средства. Дел од казната е петгодишна забрана за вршење јавна функција. Видете и ова: Францускиот суд ја осуди Марин Ле Пен и ѝ забрани да се кандидира за јавна функција Пресудата најверојатно ги уништува плановите на Ле Пен да се натпреварува на претседателските избори во 2027 година, бидејќи долгиот правен процес веројатно нема да заврши пред гласањето. Ле Пен ја осуди пресудата, која се фокусира на злоупотребата на средствата од Европската Унија од страна на нејзината партија, како „политичка“ и планира да поднесе жалба.Судијата ја осуди француската политичарка и на четиригодишна затворска казна, од кои две се во домашен притвор, а две се условни и на парична казна од 100.000 евра.Речиси е сигурно дека пресудата ќе биде обжалена, а нема да се изрекуваат ниту затворска ниту парична казна додека не заврши жалбениот процес. Тој процес во Франција може да трае со месеци, па дури и со години. прочитај повеќе април 01, 2025 Фон дер Лајен: Брисел е подготвен да возврати на американските царини Pретседателката на Европската комисија, Урсула фон дер Лајен. Европската Унија ќе биде подготвена да возврати со контрамерки на американските царини доколку е потребно, изјави претседателката на Европската комисија, Урсула фон дер Лајен.Таа во својот говор во Европскиот парламент во Стразбур истакна дека целта на ЕУ е да се најде решение преку преговори.„Сепак, доколку е потребно, ќе ги заштитиме нашите интереси, луѓе и компании“, рече таа.Според неа, ЕУ не сака да возврати, но Брисел има силен план за тоа и ќе возврати ако треба. Видете и ова: ЕУ би можела да го одложи првиот сет царини против САД до средината на април Пред неколку дена, американскиот претседател Доналд Трамп се закани со повисоки царини за Европската унија и Канада доколку соработуваат „да предизвикаат економска штета на САД“.ЕУ прво ги објави првите контрамерки, а потоа ги одложи до средината на април, вклучувајќи, на пример, царини од 50 отсто за американскиот бурбон.Како одговор, Трамп се закани дека ќе воведе царини од 200 отсто за сите винa и други алкохолни производи од ЕУ, доколку Брисел го стори тоа. прочитај повеќе април 01, 2025 Дома се пуштени 93 пациенти од пожарот во Кочани, уште сто се лекуваат Северна Македонија - Арбен Таравари, министер за здравство на Северна Македонија Во болниците се лекуваат уште сто пациенти од пожарот во Кочани од вкупно 193 колку што имаше. Тројца од нив се во критична состојба, рече министерот за здравство, Арбен Таравари, на прес-конференција на 1 април. Пациентите беа повредени во пожар во дискотеката „Пулс“ во Кочани на 16 март, при што загинаа 59 лица, а 193 беа повредени. Повеќе од половина од повредените беа испратени на лекување во странски медицински центри.Од пациентите кои се на лекување, 80 се во болници во странство, а 20 пациенти се распоредени во Клинички центар, во ГОБ „8 септември“, во болницата „Св.Наум Охридски“ и тројца во приватните болници. Денеска во земјава се враќаат уште двајца пациенти, од Полска и од Белгија. Таравари рече дека до крајот на неделава се очекува враќање на уште неколкумина пациенти. Видете и ова: Последно збогум за жртвите од пожарот - најмладите имале 16 години Засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. За нивната рехабилитација се разглаедуваат неколку опции: прилагодување на просторот каде беше сместен ковид центарот во ГОБ „8 Септември“, Центарот за рехабилитација во Козле или да се искористат понудите од други држави за пациентите на кои ќе им биде потребна подолга рехабилитација, за што трошоците ќе бидат покриени од тие држави.Вкупниот број на осомничени за пожарот во Кочани досега е 34 лица. Со истрагата се опфатени 27 физички и три правни лица, а истражни постапки има и против седум полициски службеници од полициските станици во Штип и во Кочани. прочитај повеќе април 01, 2025 Бербок во Киев предупреди на тактиката на Путин за одложување на мировните преговори Германската министерка за надворешни работи Аналена Баербок (десно) и украинската главна обвинителка Ирина Венедиктова во Киев (архивска фотографија) Германската министерка за надворешни работи, Аналена Бербок, која е во ненадејна посета на Киев, предупреди дека не треба да се наседнува на руската тактика за одложување на мировните преговори за ставање крај на војната во Украина.Германската дипломатка во заминување, која е во посета на Украина по деветти пат откако Кремљ ја започна својата инвазија во февруари 2022 година, рече дека верува оти Киев е подготвен да потпише мировен договор по интензивните преговори предводени од Соединетите Држави.„На претстојниот состанок на министрите за надворешни работи на НАТО, јасно ќе и ставиме до знаење на американската страна дека не треба да се занимаваме со тактиката на застој на Путин“, рече таа на 1 април во изјавата по пристигнувањето во Киев.Нејзината изјава доаѓа откако американскиот претседател Доналд Трамп и се закани на Русија со нови царини за нафтените деривати доколку Москва ги блокира неговите иницијативи за прекин на огнот. Трамп, исто така, рече дека украинскиот лидер Володимир Зеленски ќе се соочи со „големи проблеми“ доколку не го потпише клучниот договор за ретки минерали со Вашингтон.„Тој се обидува да се повлече од договорот за ретките минерали, а ако го направи тоа, ќе има проблеми, големи проблеми“, им рече Трамп на новинарите на 30 март во врска со украинскиот претседател. Видете и ова: Што има, а што нема во договорот за минерали меѓу Украина и САД? „Се договоривме за ретките минерали. И сега тој вели, добро, знаете, сакам повторно да преговарам за договорот. Тој сака Украина да биде членка на НАТО, но тоа никогаш нема да се случи. Тој го разбира тоа“, додаде Трамп.Украинската влада на 28 март објави дека сè уште размислува за нацрт-договор со САД за ретки минерали, по извештаите во медиумите дека Вашингтон неколку пати ги менувал условите на договорот. Видете и ова: Трамп му се закани на Путин со царини за нафтата, од Зеленски бара договор за минералите Украинската министерка за економија Јулија Свириденко на владиниот состанок најави дека Киев ќе го формира својот став за договорот, но дека пратениците ќе го кажат својот став дури кога ќе се постигне консензус. Пред тоа, рече таа, јавна дискусија би била штетна.Украина поседува значителни количини на ретки минерали. Овие суровини се високо ценети поради нивната употреба во одбранбената технологија, како и во уреди како што се компјутери, паметни телефони и батерии.Украина и САД претходно овој месец се договорија да склучат сеопфатен договор за развој на ретките минерални ресурси во Украина. Напорите за постигнување договор пропаднаа на 28 февруари, откако Трамп и Зеленски вербално се судрија во Белата куќа. Видете и ова: Четири работи околу клучните американско-украински разговори во Саудиска Арабија Во меѓувреме, Трамп на 30 март рече дека ќе воведе секундарни тарифи меѓу 25 и 50 отсто за целата руска нафта, доколку почувствува дека претседателот Владимир Путин ги блокира неговите напори да стави крај на војната во Украина.Трамп во телефонско интервју за Ен-Би-Си за време на викендот рече дека е „многу лут“ откако Путин повика на преодна влада во Украина што може ефективно да го собори украинскиот претседател Володимир Зеленски.„Ако Русија и јас не можеме да постигнеме договор за запирање на крвопролевањето во Украина, и ако мислам дека за тоа е виновна Русија, а можеби и не е, но ако мислам дека е виновна Русија, ќе воведам секундарни царини за нафтата, целата нафта што доаѓа од Русија“, рече Трамп.„Тоа би значело дека ако купувате нафта од Русија, не можете да работите во САД. Ќе има царини од 25 проценти за целата нафта, од 25 до 50 проценти за целата нафта“, додаде Трамп.Тој истакна дека трговските мерки ќе бидат воведени во рок од еден месец, доколку не се постигне договор за прекин на огнот.Чувствителниот дипломатски момент доаѓа откако Белата куќа на 25 март објави дека и Русија и Украина се согласиле на прекин на огнот и дозволиле пловење во Црното Море, како и дека се договориле да не се напаѓаат енергетските капацитети на другиот. прочитај повеќе април 01, 2025 Кина одржува голема воена вежба околу Тајван илустрација Кинеската војска денеска (1 април) соопшти дека започнала воена вежба во која учествуваат различни родови на војската околу Тајван, „за да послужат како остро предупредување и моќно одвраќање за тајванската независност“ и го нарече тајванскиот претседател Вилијам Лаи „паразит“.Кина, која го смета Тајван за своја провинција, го зголемува политичкиот и воениот притисок врз островот во последниве години.„Фокусот на вежбите е на практикување борбено патролирање на море и во воздух, воспоставување сеопфатна контрола, удар на морски и копнени цели и наметнување блокада на стратешките области и рути“, напиша Источната команда на кинеската армија на својот официјален профил на WeChat.Тајванската војска соопшти дека внимателно ги следи вежбите, во кои учествуваше и кинескиот носач на авиони „Шандун“. Овие вежби се одржуваат само две недели по големите маневри во средината на март кога Пекинг испрати голем број беспилотни летала и бродови на островот. Видете и ова: Кина започна нови вежби во близина на Тајван, за САД потегот е неоправдан Кинеската канцеларија за прашања на Тајван објави дека вежбите биле насочени кон тајванскиот претседател Лаи Чинг-те.„Лаи Чинг-те тврдоглаво инсистира на ставот за „независност на Тајван“, дрско нарекувајќи ја континенталната Кина „непријателска странска сила“ и ја претстави таканаречената „стратегија од 17 точки“ за да го поттикне антикинеското расположение“, соопшти кинеската канцеларија за прашања на Тајван.„Нема да го толерираме или одобриме на кој било начин и мора одлучно да се спротивставиме и строго да ги казниме ваквите постапки“, додаваат од Канцеларијата.Во средината на март, Лаи претстави стратегија од 17 точки чија цел е зајакнување на националната безбедност на Тајван. Видете и ова: Кина ги предупреди САД да ја прекинат воената соработка со Тајван Меѓу точките се дозволувањето случаи на шпионажа да се судат во воени судови, заострување на регулативите за имиграција за кинеските државјани кои бараат постојан престој.Пекинг испраќа воени авиони и морнарички бродови кон Тајван на речиси секојдневна основа во обид да ја намали одбраната и моралот на Тајван, иако повеќето од 23-те милиони жители на Тајван го отфрлаат кинеското барање за суверенитет над островот.Кина го зголеми опсегот на овие вежби во последниве години, од испраќање само борбени авиони до испраќање групи авиони, беспилотни летала и бродови. прочитај повеќе Вчитај повеќе...

Вести март 31, 2025 Променливо облачно време, попладне со пороен дожд Илустрација Времето денеска ќе биде променливо облачно со повремени врнежи од дожд. Попладне на одредени места ќе биде нестабилно со пороен дожд, грмежи и засилен ветер, соопшти Управата за хидрометеролошки работи (УХМР). Минималната температура ќе биде во интервал од 4 до 9 целзиусови степени, а максималната ќе достигне од 11 до 17 целзиусови степени. Видете и ова: Времето сончево со умерена облачност Во Скопје ќе биде променливо облачно со повремени врнежи од дожд. Ќе дува слаб до умерен ветер од северен правец. Минималната температура ќе се спушти до 9, а максималната ќе достигне до 15 целзиусови степени.Како што информира УХМР, до четврток ќе се задржи променливо облачно и нестабилно време со повремени врнежи од дожд, особено во попладневните часови. Стабилизирање на времето ќе има од петок. прочитај повеќе види ги сите денешни вести април 01, 2025 Синдикатите утре на протест, барањето за поголем минималец ги „скара“ со Владата Генерален штрајк на ССМ, архивска фотографија Нападите кон Сојузот на синдикатите на Македонија нема да го запрат синдикатот во барањата за повисоки плати и подобрување на животниот стандард на работниците - порача денеска (1 април) претседателот на ССМ, Слободан Трендафилов во пресрет на утрешниот протест во Скопје.Тој денеска потсети дека Советот, претседателството и надзорниот одбор на ССМ утре со почеток во 12:05 часот ќе одржат јавна седница пред Собранието, Стопанската Комора и Владата.„Со нечовечкиот однос кон синдикалните претставници не само што е повреден Уставот и законите во Македонија, туку има повреда и на меѓународните конвенции на трудот и за тоа веќе се известени Меѓународната организација на трудот, Европската и Меѓународната конфедерација на синдикати кои даваат целосна поддршка на ССМ“, истакна Трендафилов.Тој ги повика функционерите да ги симнат, како што рече, „розовите наочари со кои гледаат во нивните скапи и луксузни кабинети“.Според првиот човек на Сојузот, синдикалците се загрижени за состојбата во која 250.000 работници примаат плата до 32.000 денари, а 380.000 работници примаат плата под просечната плата во земјата.Синдикална јавна седница против одлуката за поголем минималецПојасни дека јавната седница е против одлуката на Владата да ја зголеми минималната плата за само 1.800 денари, што синдикатот го смета за незаконско и недоволно. Видете и ова: Барањето за поголема плата ќе извади дел од администрацијата на протест ССМ бара минималната плата да изнесува 30.000 денари, наместо предложените 24.300.„На 2 април во 12:05 часот, Сојуз на Синдикати на Македонија (ССМ) излегува на улица, онака како што ветивме пред еден месец, затоа што 12 часот помина тогаш, кога Владата одлучи еднострано да утврдува износ на минимална плата на штета на работниците во Македонија, не прифаќајќи ги нивните предлози за утврдување на висината на износот на минималната плата“, порача Трендафилов.Утрешната Јавна седница од пред ССМ ќе продолжи пред Парламентот, каде што синдикатот ќе порача дека не може да има подобрување на платите за пратениците без подобрување на платите за работниците. Пред Стопанската комора, ССМ ќе истакне дека поддршката на работниците е од суштинско значење за стабилноста на економијата. Завршниот дел од протестот ќе биде пред Владата, каде што синдикатот ќе побара и работниците да се вклучат во одлуките за нивните плати.Манасиевски: Демаскирани се синдикалците на батерииВо меѓувреме, од ВМРО-ДПМНЕ обвинија дека луѓето од раководството на Сојузот на синдикати „дебело профитираат“ и ги нарекоа „синдикалци на батерии“.„Дали Иван Пешевски е гласен синдикалец затоа што зема 80.000 денари плати? Според информациите, кои до нас ги доставија свиркачи од ССМ, на кои им е преку глава од злоупотребите на Трендафилов и Пешевски, овие двајца дебело профитираат. Имено, според информациите кои ги добивме, платата на Пешевски, кој деновиве глуми загрижен синдикалец е трипати поголема од минималната“ , рече на прес-конференција Валентин Манасиевски, член на ЦК на ВМРО-ДПМНЕ.„Тој во 2024 и првите два месеци од 2025 година остварил и приходи по други основи со договори на дело и заедно со плата инкасирал 1.3 милиони денари. Демаскирани се синдикалците на батерии Слободан Трендафилов и Иван Пешевски. Нивните игри се прочитани и никој не им верува“, порача Манасиевски на денешната прес конференција.Првиот човек на ССМ пак, Трендафилов денеска изјави дека битката со поединци од ВМРО-ДПМНЕ е да нема зголемување на платите и како што истакна, да ги држат во заложништво и сиромаштија работниците. Видете и ова: ССМ најави протести на 2 април Тој обвини и за упади во синдикалните организации и за притисоци кон работниците да преминат во друг синдикат.Тренчевска: Животниот стандард на граѓаните е на днотоЗголемување на минималната плата денеска на прес конференција побара и пратеничката Јована Тренчевска од редовите на СДСМ.„На денешната собраниска седница е Законот за ослободување од плаќање придонеси за зголемени плати поднесен од СДСМ. Со оваа мерка платите може да се зголемат од 3.000 до 15.000 денари, Компаниите ќе бидат ослободени од плаќање придонеси за зголемениот дел, 400.000 работници со плата до 65.380 денари ќе добијат повисоки примања“, изјави Тренчевска.Таа реагираше и дека две минимална плати не се доволни за да се покријат основните месечни трошоци на едно семејство потсетувајќи дека потрошувачката кошница во февруари 2025 достигна 63.773 денари, и за 100 евра е зголемена во споредба со лани. прочитај повеќе април 01, 2025 Стармер: Царините на Трамп веројатно ќе ја погодат Велика Британија Британскиот премиер Кир Стармер Британскиот премиер Кир Стармер изјави дека е веројатно оти царините на Доналд Трамп ќе ја погодат Велика Британија и вети дека ќе дејствува во националниот интерес како одговор.Стармер посочи дека одмазднички царини се можни, но нагласи дека не сака да види трговска војна.„Обединетото Кралство ќе се обиде да издејствува ослободување“, изјави секретарот Џонатан Рејнолдс, но не можеше да даде временска рамка за тоа кога очекува да се сменат даноците за увозот во Велика Британија.Трамп утре треба да претстави огромни царини за стоки од целиот свет, настан што американскиот претседател го нарече „ден на ослободувањето“. Видете и ова: Трамп најави царини за автомобили, алуминиум и фармацевтски производи Владата на Стармер се обидуваше да преговара за економски договор со Соединетите Држави, за кој се надеваат дека би можел да ги заштити британските бизниси од најлошите влијанија на плановите на Трамп.Премиерот додаде дека „сите опции остануваат на маса“ како одговор. Стармер изјави дека се надева оти договорот за кој се преговара со САД ќе ги ублажи царините.„Нашата одбрана, нашата безбедност, нашето разузнавање се поврзани на начин на кој не се поврзани други две земји. Значи, очигледно е во наш национален интерес да имаме блиски работни односи со САД, кои ги имавме со децении, и сакам да гарантирам дека ќе имаме и во децениите што доаѓаат“, рече Стармер. Видете и ова: Фон дер Лајен: Брисел е подготвен да возврати на американските царини Тој додаде дека „разговорите за економски договор вообичаено ќе траат месеци или години, но „за неколку недели ние добро напреднавме во тие дискусии“.Трамп веќе најави дека ќе биде воведен данок на увоз од 25 отсто за сите автомобили увезени во САД, мерка што ќе биде удар за автомобилската индустрија во Велика Британија. прочитај повеќе април 01, 2025 Србија и Унгарија потпишаа договор за одбранбена соработка Српскиот претседател Александар Вучиќ Во Палатата Србија во присуство на претседателот на државата, Александар Вучиќ денеска (1 април) беше потпишан документ од областа на одбраната меѓу Србија и Унгарија.Планот за билатерална воена соработка меѓу министерствата за одбрана на Србија и Унгарија за 2025 година - документ за операционализација на стратешката соработка во областа на одбраната меѓу двете земји, го потпишаа министерот за одбрана на Србија, Братислав Гашиќ и министерот за одбрана на Унгарија, Криштоф Салаи-Бобровнички.Клучни елементи на договорот се можноста за заеднички вежби и воено-техничка соработка во набавката на оружје. Видете и ова: Владата на Србија усвои план за изградба на нафтовод од Унгарија до Нови Сад Вучиќ по средбата изјави дека Србија има најразвиена и најинтензивна соработка на полето на одбраната со Унгарија во регионот и изрази уверување дека „договорот за заеднички активности ќе продолжи во натамошното зближување и создавање воена алијанса или воен сојуз меѓу Србија и Унгарија“.„Секако, за тоа се прашува унгарската страна, се прашуваат унгарскиот и српскиот парламент и сите други“, рече Вучиќ на заедничката конференција. Тој додаде дека денеска е потпишан документ со кој се операционализира и конкретизира договорот за стратешка соработка во областа на одбраната постигнат во 2023 година.Со Документот кој беше потпишан денеска се договорени 79 активности за оваа година.Вучиќ најави и претстојна средба со унгарскиот премиер Виктор Орбан, на која ќе продолжат разговорите за стратешка соработка. Лани, трговската размена меѓу двете држави надминала три милијарди евра. прочитај повеќе април 01, 2025 Триесетдневен притвор за член на обезбедувањето на премиерот Затвор Скопје - Шутка Полицаецот од Шестата управа во Министерството за внатрешни работи, кој до вчера беше дел од обезбедувањето на премиерот Христијан Мицкоски се наоѓа во притвор во КУП Затвор Скопје, потврди за МИА, директорот на установата, Бобан Утковски.Скопскиот кривичен суд му одредил 30 дневен притвор на А. С., кој е осомничен за кривично дело „оддавање службена тајна“.МВР вчера соопшти дека на 30 март по претходно добиени сознанија за сторено кривично дело „оддавање службена тајна“ по член 360 од Кривичниот законик, од страна на полициски службеници од Одделот за внатрешна контрола, криминалистички истраги и професионални стандарди во координација со ОЈО ГОКК спроведена е координирана полициска акција и реализирани се истражни дејствија за претрес на дом, возила и лица на подрачјето на СВР Велес.„При спроведувањето на полициската акција и преземените мерки и активности, на паркинг просторот пред хотел во Велес, во возило “бмв” затекнати се А.С., полициски службеник во Одделот за заштита на определени личности и објекти и Б.К., а при извршен претрес во возилото пронајден е ранец со службени материјали од МВР и од лицата се одземени мобилни телефони, по што се лишени од слобода“, наведоа од МВР. Видете и ова: Мицкоски: Нема да дозволам да победи корумпираниот систем Во рамки на акцијата, дополнително биле извршени претреси на повеќе локации, при што биле пронајдени и одземени електронски уреди, службени документи и други предмети релевантни за истрагата. Исто така, од преземените мерки и активности во процесот на проверка, ОВККИПС констатирал дека полицискиот службеник постапувал спротивно на законските и подзаконските акти на Министерството за внатрешни работи, со што истиот неовластено поседувал службени материјали, нивно откривање на трети лица надвор од министерството, а со кои дејствија го извршил кривичното дело по член 360 од КЗ.„Од страна на ОВККИПС до ОЈО ГОКК на 31.03.2025 година ќе биде поднесена кривична пријава против А. С., за кривично дело „оддавање службена тајна“ по член 360 од Кривичниот законик, соопшти вчера МВР.Дел од медиумите објавија дека според првичните информации тајните полициски информации се продавани на припадници на криминалниот клан Грчец. По апсењето, од Владата нагласија дека истрагата треба да утврди што се случило и потенцираа дека безбедноста на премиерот не е загрозена. прочитај повеќе април 01, 2025 Мелони: Пресудата на Ле Пен оневозможува претставување на милиони граѓани Италијанската премиерка Џорџа Мелони Италијанската премиерка Џорџа Мелони го изрази своето незадоволство поради привремената забрана за вршење на јавна функција со која се соочува екстремно десничарската француска политичарка Марин Ле Пен која вчера (31 март) беше осудена за проневера.Мелони за италијанскиот весник „Il Messaggero“ изјави дека не знаела ниту за обвинувањата против Ле Пен, ниту за причините за како што вели „толку острата одлука“.„Не верувам дека секој што ја цени демократијата може да биде задоволен од пресудата што влијае на лидерот на голема партија и им оневозможува на милиони граѓани нивно претставување“, изјави Мелони.Националистичката политичарка Ле Пен во понеделникот (31 март) беше прогласена за виновна за проневера на јавни средства. Дел од казната е петгодишна забрана за вршење јавна функција. Видете и ова: Францускиот суд ја осуди Марин Ле Пен и ѝ забрани да се кандидира за јавна функција Пресудата најверојатно ги уништува плановите на Ле Пен да се натпреварува на претседателските избори во 2027 година, бидејќи долгиот правен процес веројатно нема да заврши пред гласањето. Ле Пен ја осуди пресудата, која се фокусира на злоупотребата на средствата од Европската Унија од страна на нејзината партија, како „политичка“ и планира да поднесе жалба.Судијата ја осуди француската политичарка и на четиригодишна затворска казна, од кои две се во домашен притвор, а две се условни и на парична казна од 100.000 евра.Речиси е сигурно дека пресудата ќе биде обжалена, а нема да се изрекуваат ниту затворска ниту парична казна додека не заврши жалбениот процес. Тој процес во Франција може да трае со месеци, па дури и со години. прочитај повеќе април 01, 2025 Фон дер Лајен: Брисел е подготвен да возврати на американските царини Pретседателката на Европската комисија, Урсула фон дер Лајен. Европската Унија ќе биде подготвена да возврати со контрамерки на американските царини доколку е потребно, изјави претседателката на Европската комисија, Урсула фон дер Лајен.Таа во својот говор во Европскиот парламент во Стразбур истакна дека целта на ЕУ е да се најде решение преку преговори.„Сепак, доколку е потребно, ќе ги заштитиме нашите интереси, луѓе и компании“, рече таа.Според неа, ЕУ не сака да возврати, но Брисел има силен план за тоа и ќе возврати ако треба. Видете и ова: ЕУ би можела да го одложи првиот сет царини против САД до средината на април Пред неколку дена, американскиот претседател Доналд Трамп се закани со повисоки царини за Европската унија и Канада доколку соработуваат „да предизвикаат економска штета на САД“.ЕУ прво ги објави првите контрамерки, а потоа ги одложи до средината на април, вклучувајќи, на пример, царини од 50 отсто за американскиот бурбон.Како одговор, Трамп се закани дека ќе воведе царини од 200 отсто за сите винa и други алкохолни производи од ЕУ, доколку Брисел го стори тоа. прочитај повеќе април 01, 2025 Дома се пуштени 93 пациенти од пожарот во Кочани, уште сто се лекуваат Северна Македонија - Арбен Таравари, министер за здравство на Северна Македонија Во болниците се лекуваат уште сто пациенти од пожарот во Кочани од вкупно 193 колку што имаше. Тројца од нив се во критична состојба, рече министерот за здравство, Арбен Таравари, на прес-конференција на 1 април. Пациентите беа повредени во пожар во дискотеката „Пулс“ во Кочани на 16 март, при што загинаа 59 лица, а 193 беа повредени. Повеќе од половина од повредените беа испратени на лекување во странски медицински центри.Од пациентите кои се на лекување, 80 се во болници во странство, а 20 пациенти се распоредени во Клинички центар, во ГОБ „8 септември“, во болницата „Св.Наум Охридски“ и тројца во приватните болници. Денеска во земјава се враќаат уште двајца пациенти, од Полска и од Белгија. Таравари рече дека до крајот на неделава се очекува враќање на уште неколкумина пациенти. Видете и ова: Последно збогум за жртвите од пожарот - најмладите имале 16 години Засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. За нивната рехабилитација се разглаедуваат неколку опции: прилагодување на просторот каде беше сместен ковид центарот во ГОБ „8 Септември“, Центарот за рехабилитација во Козле или да се искористат понудите од други држави за пациентите на кои ќе им биде потребна подолга рехабилитација, за што трошоците ќе бидат покриени од тие држави.Вкупниот број на осомничени за пожарот во Кочани досега е 34 лица. Со истрагата се опфатени 27 физички и три правни лица, а истражни постапки има и против седум полициски службеници од полициските станици во Штип и во Кочани. прочитај повеќе април 01, 2025 Бербок во Киев предупреди на тактиката на Путин за одложување на мировните преговори Германската министерка за надворешни работи Аналена Баербок (десно) и украинската главна обвинителка Ирина Венедиктова во Киев (архивска фотографија) Германската министерка за надворешни работи, Аналена Бербок, која е во ненадејна посета на Киев, предупреди дека не треба да се наседнува на руската тактика за одложување на мировните преговори за ставање крај на војната во Украина.Германската дипломатка во заминување, која е во посета на Украина по деветти пат откако Кремљ ја започна својата инвазија во февруари 2022 година, рече дека верува оти Киев е подготвен да потпише мировен договор по интензивните преговори предводени од Соединетите Држави.„На претстојниот состанок на министрите за надворешни работи на НАТО, јасно ќе и ставиме до знаење на американската страна дека не треба да се занимаваме со тактиката на застој на Путин“, рече таа на 1 април во изјавата по пристигнувањето во Киев.Нејзината изјава доаѓа откако американскиот претседател Доналд Трамп и се закани на Русија со нови царини за нафтените деривати доколку Москва ги блокира неговите иницијативи за прекин на огнот. Трамп, исто така, рече дека украинскиот лидер Володимир Зеленски ќе се соочи со „големи проблеми“ доколку не го потпише клучниот договор за ретки минерали со Вашингтон.„Тој се обидува да се повлече од договорот за ретките минерали, а ако го направи тоа, ќе има проблеми, големи проблеми“, им рече Трамп на новинарите на 30 март во врска со украинскиот претседател. Видете и ова: Што има, а што нема во договорот за минерали меѓу Украина и САД? „Се договоривме за ретките минерали. И сега тој вели, добро, знаете, сакам повторно да преговарам за договорот. Тој сака Украина да биде членка на НАТО, но тоа никогаш нема да се случи. Тој го разбира тоа“, додаде Трамп.Украинската влада на 28 март објави дека сè уште размислува за нацрт-договор со САД за ретки минерали, по извештаите во медиумите дека Вашингтон неколку пати ги менувал условите на договорот. Видете и ова: Трамп му се закани на Путин со царини за нафтата, од Зеленски бара договор за минералите Украинската министерка за економија Јулија Свириденко на владиниот состанок најави дека Киев ќе го формира својот став за договорот, но дека пратениците ќе го кажат својот став дури кога ќе се постигне консензус. Пред тоа, рече таа, јавна дискусија би била штетна.Украина поседува значителни количини на ретки минерали. Овие суровини се високо ценети поради нивната употреба во одбранбената технологија, како и во уреди како што се компјутери, паметни телефони и батерии.Украина и САД претходно овој месец се договорија да склучат сеопфатен договор за развој на ретките минерални ресурси во Украина. Напорите за постигнување договор пропаднаа на 28 февруари, откако Трамп и Зеленски вербално се судрија во Белата куќа. Видете и ова: Четири работи околу клучните американско-украински разговори во Саудиска Арабија Во меѓувреме, Трамп на 30 март рече дека ќе воведе секундарни тарифи меѓу 25 и 50 отсто за целата руска нафта, доколку почувствува дека претседателот Владимир Путин ги блокира неговите напори да стави крај на војната во Украина.Трамп во телефонско интервју за Ен-Би-Си за време на викендот рече дека е „многу лут“ откако Путин повика на преодна влада во Украина што може ефективно да го собори украинскиот претседател Володимир Зеленски.„Ако Русија и јас не можеме да постигнеме договор за запирање на крвопролевањето во Украина, и ако мислам дека за тоа е виновна Русија, а можеби и не е, но ако мислам дека е виновна Русија, ќе воведам секундарни царини за нафтата, целата нафта што доаѓа од Русија“, рече Трамп.„Тоа би значело дека ако купувате нафта од Русија, не можете да работите во САД. Ќе има царини од 25 проценти за целата нафта, од 25 до 50 проценти за целата нафта“, додаде Трамп.Тој истакна дека трговските мерки ќе бидат воведени во рок од еден месец, доколку не се постигне договор за прекин на огнот.Чувствителниот дипломатски момент доаѓа откако Белата куќа на 25 март објави дека и Русија и Украина се согласиле на прекин на огнот и дозволиле пловење во Црното Море, како и дека се договориле да не се напаѓаат енергетските капацитети на другиот. прочитај повеќе април 01, 2025 Кина одржува голема воена вежба околу Тајван илустрација Кинеската војска денеска (1 април) соопшти дека започнала воена вежба во која учествуваат различни родови на војската околу Тајван, „за да послужат како остро предупредување и моќно одвраќање за тајванската независност“ и го нарече тајванскиот претседател Вилијам Лаи „паразит“.Кина, која го смета Тајван за своја провинција, го зголемува политичкиот и воениот притисок врз островот во последниве години.„Фокусот на вежбите е на практикување борбено патролирање на море и во воздух, воспоставување сеопфатна контрола, удар на морски и копнени цели и наметнување блокада на стратешките области и рути“, напиша Источната команда на кинеската армија на својот официјален профил на WeChat.Тајванската војска соопшти дека внимателно ги следи вежбите, во кои учествуваше и кинескиот носач на авиони „Шандун“. Овие вежби се одржуваат само две недели по големите маневри во средината на март кога Пекинг испрати голем број беспилотни летала и бродови на островот. Видете и ова: Кина започна нови вежби во близина на Тајван, за САД потегот е неоправдан Кинеската канцеларија за прашања на Тајван објави дека вежбите биле насочени кон тајванскиот претседател Лаи Чинг-те.„Лаи Чинг-те тврдоглаво инсистира на ставот за „независност на Тајван“, дрско нарекувајќи ја континенталната Кина „непријателска странска сила“ и ја претстави таканаречената „стратегија од 17 точки“ за да го поттикне антикинеското расположение“, соопшти кинеската канцеларија за прашања на Тајван.„Нема да го толерираме или одобриме на кој било начин и мора одлучно да се спротивставиме и строго да ги казниме ваквите постапки“, додаваат од Канцеларијата.Во средината на март, Лаи претстави стратегија од 17 точки чија цел е зајакнување на националната безбедност на Тајван. Видете и ова: Кина ги предупреди САД да ја прекинат воената соработка со Тајван Меѓу точките се дозволувањето случаи на шпионажа да се судат во воени судови, заострување на регулативите за имиграција за кинеските државјани кои бараат постојан престој.Пекинг испраќа воени авиони и морнарички бродови кон Тајван на речиси секојдневна основа во обид да ја намали одбраната и моралот на Тајван, иако повеќето од 23-те милиони жители на Тајван го отфрлаат кинеското барање за суверенитет над островот.Кина го зголеми опсегот на овие вежби во последниве години, од испраќање само борбени авиони до испраќање групи авиони, беспилотни летала и бродови. прочитај повеќе април 01, 2025 Фрлена рачна бомба врз поштата во Звечан Поштата на Косово во Звечан, 27 март 2025 година Косовската полиција соопшти дека во зградата на Косовската пошта во Звечан експлодирала рачна граната, додека друга била активирана.Заменик-директорот на косовската полиција за северниот регион, Ветон Елшани за Радио Слободна Европа изјави дека нема повредени, но дека е причинета материјална штета.Знакот на Поштата на Косово во Звечан на оваа зграда беше поставен минатата недела. Во него до мај 2024 година функционираше банката Поштенска Штедилница, која работеше во српскиот систем. Видете и ова: Страв, несигурност и недостиг на производи на северот на Косово Истиот знак на Пошта на Косово беше поставен и во други општини со српско мнозинство на северот на Косово, во зградите каде што функционираа експозитурите на банката Поштенска штедилница.Косовските власти ја затворија оваа банка, Поштата на Србија и другите институции кои работат во системот на Србија со образложение дека се нелегални, односно немале дозвола за работа. Ова наиде на незадоволство кај локалната српска заедница и критики од Меѓународната заедница.Минатата година неколку експлозивни направи беа фрлени и врз косовските институции во општините на северот на Косово, додека косовските власти оценија дека „криминалните и терористичките напади“ имале за цел заплашување. прочитај повеќе Вчитај повеќе...

По пожарот во Кочани, институциите во потрага по противпожарни апарати, а онаму каде имаат, спроведуваат набавки за нивно сервисирање. Ваквиот потег не го доведуваат во корелација со трагедијата во „Пулс“, туку тврдат дека се дел од годишните планови за набавки. Дирекцијата за заштита и спасување е преплавена со барања за инспекциски надзори на згради, клиники и училишта, а имаат само третина инспектори од законски предвидениот број. Трагедијата во Кочани во вклучи алармот кај институциите на локално и државно ниво, кои случајно или не, по пожарот на дискотеката „Пулс“, тргнаа во акција за објавување на огласи за сервисирање на постојани или набавка на нови противпожарни апарати, како и одржување на хидрантска мрежа.Пожарот во дискотеката „Пулс“ во Кочани беше причина да загинат 59 млади луѓе, а околу 200 да бидат повредени.Според истрагата која ја отвори обвинителството, освен што објектот не исполнувал минимални услови за противпожарна заштита, имало само два ПП апарати кои не биле доволни за тој простор. Дел од противпожарните здруженија излегоа со став дека многу е битен и типот на апаратот со кој се гаси пожар.После пожарот започна и масовно купување на противпожарна опрема, а дел од медиумите објавија дека дури и продавниците снемале залихи. Луѓето пак почнаа да споделуваат и фотографии и видеа од институции каде има недостиг на хидранти или апарати.Се бара противпожарен апарат повеќеНа веб страницата на Бирото за јавни набавки, вкупно 18 институции се наоѓаат на листата, меѓу кои и Фондот за пензиско и инвалидско осигурување, Централниот регистар, Агенцијата за стокови резерви, Педагошкиот факултет, Државниот студентски дом – Скопје, МРТ, неколку факултети, болници, детски градинки, комунални претпријатија...Тие распишале тендери во втората половина на март, после огнената стихија која ја зафати дискотеката „Пулс“. Иако во годишните планови за јавни набавки планирале купување или одржување на постојна противпожарна заштита во јуни или октомври, сепак, некои од нив пристапиле кон склучување на договори сега, неколку месеци порано.Генерално, во неколку институции каде што РСЕ праша дали напливот за купување на противпожарни апарати и одржување на мрежата е поврзана со трагедијата со пожарот во дискотеката во Кочани, доби негативен одговор. Видете и ова: Истрагата лоцира „верижни пропусти и незаконитост“ кои довеле до пожарот во Кочани Нивното образложение е дека тендерите ги имаат во годишните планови за јавни набавки, иако актуелните огласи не им се поклопуваат со временскиот период кога планирале да ги спроведат.Од Фондот за пензиско и инвалидско осигурување велат дека „не може да стане збор дека постапката е иницирана од немилиот настан“.„Огласот распишан за е-набавка за Одржување на ПП апарати, ПП опрема и набавка на нови апарати е иницирана согласно предвидените активности и потреби во Планот за јавни набавки за 2025 година кој беше усвоен за оваа година. Самиот оглас кој гласи, прво за одржување кажува дека во Фондот постои систем за противпожарна заштита. Постапката за е-набавка за одржување на ПП апарат, опрема и набавка на нови е објавена во фебруари 2025 година, согласно Планот за јавни набавки за 2025 година“, одговорија од Фондот.Општина Аеродром, пак, на 24 март објави оглас за одржување на ПП апарати и хидрантна мрежа и елаборат за заштита од пожари, експлозии и опасни материи. А во годишниот план за јавни набавки стои дека требало да го отпочнат во февруари.„Оваа набавка нема никаква поврзаност со трагедијата во Кочани, односно станува збор за редовна постапка за одржување на ПП апаратите. Инаку, Општина Аеродром како институција ги поседува сите плански документи за заштита од пожари, како што е Процена на загрозеност, План за заштита и спасување од пожари, како и Правилник за заштита од пожари и експлозии. Општина Аеродром располага и со потребната опрема за заштита од пожари на објектот што редовно се обновува и се сервисира“, рекоа од општината за РСЕ.Истото образложение го добивме и од Педагошкиот факултет, кој спроведе постапка за сервисирање и контрола на постојните ПП апарати и хидранти.„Истата е предвидена во усвоениот План за јавни набавки, објавен на ЕСЈН и е опточната, независно од настанот во Кочани, со одлука на деканот на Факултетот. Во поглед на заштитата од пожари, покрај постојните ПП апарати и хидранти, секоја година се носи и План за заштита и спасување од природни непогоди и други несреќи. Таков план е донесен и за 2024 година, а по претходно добиено позитивно мислење од Дирекцијата за заштита и спасување, подрачно одделение Центар, кон кој е приклучена и Проценката за загрозеност од природни и други непогоди“, рекоа од Педагошкиот факултет.Од факултетот дополнуваат дека проценка на ризици за заштита и спасување од природни непогоди и други несреќи, како и план за заштита и спасување од природни непогоди и други несреќи ќе бидат донесени и за 2025 година. Инфографика - Институции кои набавуваат или бараат одржување на ПП апарати И Јавното претпријатие Комуналец од Кавадарци сега бара компанија за сервисирање и одржување на ПП апарати, хидранти, алармен систем и противпожарни системи, а во годишниот план е предвидено постапката да стартува шест месеци подоцна, односно во септември.„Последниот договор за набавка и сервисирање на ПП апарати е склучен во октомври во 2023 година и е со важност до октомври 2024 година. За овој период двапати се сервисирани нашите ПП апарати. Последно беа сервисирани во аептември-октомври 2024 година. Распишувањето на сегашниот тендер за набавка и сервисирање на ПП апарати не е поврзано со случајот во Кочани, туку е редовна постапка за нашите потреби бидејќи сервисот за ПП апаратите кои се задолжителни за возилата е со рок на 6 месеци и веќе на почеток на април 2025 година треба истите повторно да се сервисираат. А останатите ПП апарати ни се со рок на сервисирање до септември 2025 година“, рекоа од таму.Во случајот со Македонската радио телевизија (МРТ) објавени се два засебни огласи во втората половина на март- едниот за сервисирање и одржување на противпожарните апарати, а другиот за набавка на нови.Според годишниот план, тендер за новите ПП апарати требало да се отпочне во јануари, додека за сервис и одржување на постоечките во октомври.Инспекциски надзори во најава и за институциитеЗачестените тендери кои се однесуваат за опрема на противпожарна заштита, според директорот на Дирекцијата за заштита и спасување, Џеват Селами веројатно се должат поради предвидените и планираните обврски, но смета дека голема е веројатноста дека се зачестени поради вонредната акција за проверка од институциите на терен.„За жал, мора да напоменеме дека ова може да се појави и како резултат на стравот на правните лица од појава на пожари поради немилиот настан кој се случи во Кочани. Несомнено веќе се зголемува свеста и за заштита на правните субјекти и населението“, вели Селами за РСЕ.По несреќата во Кочани, инспектори на Дирекцијата за заштита и спасување, заедно со Државниот пазарен инспекторат и МВР ги тресеа угостителите на терен.Извршени се 73 инспекциски надзори, при што се наложени мерки за констатираните недостатоци. Инспекторите напишале 36 казни за правно лице и 36 казни за одговорно лице во правното лице, како и 24 забрани за користење на објектите. Видете и ова: ДКСК почна проверка на законите за угостителска дејност, заштита и спасување, инспекциски надзор и локална самоуправа Директорот Селами најавува дека откако ќе завршат надзорите кај угостителите, ќе се префрлат со инспекции на терен во образовните и здравствените институции. Иако, до нив стигнуваат и голем број барања за контроли од обични граѓани, проблем претставува недостатокот на инспектори.„Овој период до Дирекцијата имаме претставки и барања од колективни домувања, градинки, основни и средни училишта, државни клиники, органи на државната управа да извршиме контроли. Повеќе од 40 на ден претставки за контроли и барања за инспекциски надзор. Но, имаме мал број на инспектори и се трудиме за сите тие барани места да бидеме присутни. Моментално имаме 14 инспектори, плус 3 раководни кои треба да ја менаџираат целата држава. По систематизација треба да имаме 45 инспектори, во околу 18 градови немаме воопшто инспектори. Сепак, имаме согласност од влада да ги пополниме работните места“, вели Селами.Во последната изјава министерката за образование Весна Јаневска и претседателот на ЗЕЛС и градоначалник на Кисела Вода, Орце Ѓорѓиевски изјавија дека училиштата се обезбедени со потребната опрема. Видете и ова: Ѓорѓиевски: Сите училишта, градинки и јавни установи се безбедни „Анализата е направена и ние како МОН надлежно за државните училишта, сметаме дека во најголем дел постои таа противпожарна опрема. Се разбира некаде ќе треба да се дообнови и досреди и активно се работи на тоа. Кај некои училишта воглавно во внатрешноста на земјата се случува тие апарати - што треба да се проверат еднаш годишно, да не биле проверени во текот на годината“, вели Јаневска.Сепак во проверките голема улога имаат и општините затоа што во процесот на децентрализација училиштата припаѓаат на одговорност на општините, вели Јаневска. Artboard 4 Придружете се на Заедницата на Слободна Европа на Вибер Петар Клинчарски Петар Клинчарски новинарската кариера ја започнува како репортер во медиумот А1он, подоцна продолжувајќи ја во ТВ Телма. Од 2016-та до 2022-ра година беше дел од емисијата „360 степени“. Од јуни 2023-та година работи како новинар во Радио Слободна Европа. klincarskip@rferl.org Регистрирај се Билјана Николовска Билјана Николовска како новинар започнува да работи во локална радио станица, а кариерата ја продолжува во националната ТВ Телма од 2006 – 2023 год. Добитник е на награда за најдобар дописнички прилог, и на повеќе награди за истражувачки стории доделени од домашни новинарски организации како и од Европската Унија. Автор е на документарен филм и серија стории кои откриваат корупција, организиран криминал и нарушување на човековите права. Како истражувачки новинар за Радио Слободна Европа започна да работи во мај 2023 година. nikolovskab@rferl.org Регистрирај се...

Вести март 30, 2025 Бројот на загинати во земјотресот во Мјанмар достигна 1.700 лица Земјотрес во Мјанмар, 28 март 2025 година. Бројот на жртвите од земјотресот во Мјанмар продолжи да расте и достигна 1.700 лица во неделата, 30 март, додека странските спасувачки тимови се упатија во сиромашната земја, каде болниците беа преоптоварени, а некои заедници се обидуваа да спроведат спасувачки напори со ограничени ресурси, јави Ројтерс.Во земјотресот од 28 март со јачина од 7,7 степени според Рихтеровата скала, еден од најсилните во Мјанмар во изминатиот век, има и над 3.400 повредени и над 300 исчезнати, соопшти воената влада.Шефот на Воената хунта, високиот генерал Мин Аунг Хлаинг, предупреди дека бројот на жртви може да се зголеми и неговата администрација се соочи со предизвикувачка ситуација, објавија државните медиуми, три дена откако тој упати повик за меѓународна помош. Видете и ова: Повеќе од илјада загинати во земјотресот во Мјанмар Индија, Кина и Тајланд се меѓу соседите на Мјанмар кои испратија помошни материјали и тимови, заедно со помош и персонал од Малезија, Сингапур и Русија.„Уништувањето беше големо, а потребите за хуманитарна помош растат од час во час“, соопшти меѓународната федерација на Црвениот крст и Црвената полумесечина.Соединетите Американски Држави ветија помош од 2 милиони долари „преку организациите за хуманитарна помош со седиште во Мјанмар“ и во соопштението наведоа дека тим за одговор при итни случаи од УСАИД, кој е подложен на огромни намалувања под администрацијата на Трамп, се распоредува во Мјанмар.Предвидливото моделирање на Американската геолошка служба процени дека бројот на загинати во Мјанмар би можел да достигне 10.000 лица, а загубите би можеле да го надминат годишното економско производство на земјата. прочитај повеќе види ги сите денешни вести април 01, 2025 Србија и Унгарија потпишаа договор за одбранбена соработка Српскиот претседател Александар Вучиќ Во Палатата Србија во присуство на претседателот на државата, Александар Вучиќ денеска (1 април) беше потпишан документ од областа на одбраната меѓу Србија и Унгарија.Планот за билатерална воена соработка меѓу министерствата за одбрана на Србија и Унгарија за 2025 година - документ за операционализација на стратешката соработка во областа на одбраната меѓу двете земји, го потпишаа министерот за одбрана на Србија, Братислав Гашиќ и министерот за одбрана на Унгарија, Криштоф Салаи-Бобровнички.Клучни елементи на договорот се можноста за заеднички вежби и воено-техничка соработка во набавката на оружје. Видете и ова: Владата на Србија усвои план за изградба на нафтовод од Унгарија до Нови Сад Вучиќ по средбата изјави дека Србија има најразвиена и најинтензивна соработка на полето на одбраната со Унгарија во регионот и изрази уверување дека „договорот за заеднички активности ќе продолжи во натамошното зближување и создавање воена алијанса или воен сојуз меѓу Србија и Унгарија“.„Секако, за тоа се прашува унгарската страна, се прашуваат унгарскиот и српскиот парламент и сите други“, рече Вучиќ на заедничката конференција. Тој додаде дека денеска е потпишан документ со кој се операционализира и конкретизира договорот за стратешка соработка во областа на одбраната постигнат во 2023 година.Со Документот кој беше потпишан денеска се договорени 79 активности за оваа година.Вучиќ најави и претстојна средба со унгарскиот премиер Виктор Орбан, на која ќе продолжат разговорите за стратешка соработка. Лани, трговската размена меѓу двете држави надминала три милијарди евра. прочитај повеќе април 01, 2025 Триесетдневен притвор за член на обезбедувањето на премиерот Затвор Скопје - Шутка Полицаецот од Шестата управа во Министерството за внатрешни работи, кој до вчера беше дел од обезбедувањето на премиерот Христијан Мицкоски се наоѓа во притвор во КУП Затвор Скопје, потврди за МИА, директорот на установата, Бобан Утковски.Скопскиот кривичен суд му одредил 30 дневен притвор на А. С., кој е осомничен за кривично дело „оддавање службена тајна“.МВР вчера соопшти дека на 30 март по претходно добиени сознанија за сторено кривично дело „оддавање службена тајна“ по член 360 од Кривичниот законик, од страна на полициски службеници од Одделот за внатрешна контрола, криминалистички истраги и професионални стандарди во координација со ОЈО ГОКК спроведена е координирана полициска акција и реализирани се истражни дејствија за претрес на дом, возила и лица на подрачјето на СВР Велес.„При спроведувањето на полициската акција и преземените мерки и активности, на паркинг просторот пред хотел во Велес, во возило “бмв” затекнати се А.С., полициски службеник во Одделот за заштита на определени личности и објекти и Б.К., а при извршен претрес во возилото пронајден е ранец со службени материјали од МВР и од лицата се одземени мобилни телефони, по што се лишени од слобода“, наведоа од МВР. Видете и ова: Мицкоски: Нема да дозволам да победи корумпираниот систем Во рамки на акцијата, дополнително биле извршени претреси на повеќе локации, при што биле пронајдени и одземени електронски уреди, службени документи и други предмети релевантни за истрагата. Исто така, од преземените мерки и активности во процесот на проверка, ОВККИПС констатирал дека полицискиот службеник постапувал спротивно на законските и подзаконските акти на Министерството за внатрешни работи, со што истиот неовластено поседувал службени материјали, нивно откривање на трети лица надвор од министерството, а со кои дејствија го извршил кривичното дело по член 360 од КЗ.„Од страна на ОВККИПС до ОЈО ГОКК на 31.03.2025 година ќе биде поднесена кривична пријава против А. С., за кривично дело „оддавање службена тајна“ по член 360 од Кривичниот законик, соопшти вчера МВР.Дел од медиумите објавија дека според првичните информации тајните полициски информации се продавани на припадници на криминалниот клан Грчец. По апсењето, од Владата нагласија дека истрагата треба да утврди што се случило и потенцираа дека безбедноста на премиерот не е загрозена. прочитај повеќе април 01, 2025 Мелони: Пресудата на Ле Пен оневозможува претставување на милиони граѓани Италијанската премиерка Џорџа Мелони Италијанската премиерка Џорџа Мелони го изрази своето незадоволство поради привремената забрана за вршење на јавна функција со која се соочува екстремно десничарската француска политичарка Марин Ле Пен која вчера (31 март) беше осудена за проневера.Мелони за италијанскиот весник „Il Messaggero“ изјави дека не знаела ниту за обвинувањата против Ле Пен, ниту за причините за како што вели „толку острата одлука“.„Не верувам дека секој што ја цени демократијата може да биде задоволен од пресудата што влијае на лидерот на голема партија и им оневозможува на милиони граѓани нивно претставување“, изјави Мелони.Националистичката политичарка Ле Пен во понеделникот (31 март) беше прогласена за виновна за проневера на јавни средства. Дел од казната е петгодишна забрана за вршење јавна функција. Видете и ова: Францускиот суд ја осуди Марин Ле Пен и ѝ забрани да се кандидира за јавна функција Пресудата најверојатно ги уништува плановите на Ле Пен да се натпреварува на претседателските избори во 2027 година, бидејќи долгиот правен процес веројатно нема да заврши пред гласањето. Ле Пен ја осуди пресудата, која се фокусира на злоупотребата на средствата од Европската Унија од страна на нејзината партија, како „политичка“ и планира да поднесе жалба.Судијата ја осуди француската политичарка и на четиригодишна затворска казна, од кои две се во домашен притвор, а две се условни и на парична казна од 100.000 евра.Речиси е сигурно дека пресудата ќе биде обжалена, а нема да се изрекуваат ниту затворска ниту парична казна додека не заврши жалбениот процес. Тој процес во Франција може да трае со месеци, па дури и со години. прочитај повеќе април 01, 2025 Фон дер Лајен: Брисел е подготвен да возврати на американските царини Pретседателката на Европската комисија, Урсула фон дер Лајен. Европската Унија ќе биде подготвена да возврати со контрамерки на американските царини доколку е потребно, изјави претседателката на Европската комисија, Урсула фон дер Лајен.Таа во својот говор во Европскиот парламент во Стразбур истакна дека целта на ЕУ е да се најде решение преку преговори.„Сепак, доколку е потребно, ќе ги заштитиме нашите интереси, луѓе и компании“, рече таа.Според неа, ЕУ не сака да возврати, но Брисел има силен план за тоа и ќе возврати ако треба. Видете и ова: ЕУ би можела да го одложи првиот сет царини против САД до средината на април Пред неколку дена, американскиот претседател Доналд Трамп се закани со повисоки царини за Европската унија и Канада доколку соработуваат „да предизвикаат економска штета на САД“.ЕУ прво ги објави првите контрамерки, а потоа ги одложи до средината на април, вклучувајќи, на пример, царини од 50 отсто за американскиот бурбон.Како одговор, Трамп се закани дека ќе воведе царини од 200 отсто за сите винa и други алкохолни производи од ЕУ, доколку Брисел го стори тоа. прочитај повеќе април 01, 2025 Дома се пуштени 93 пациенти од пожарот во Кочани, уште сто се лекуваат Северна Македонија - Арбен Таравари, министер за здравство на Северна Македонија Во болниците се лекуваат уште сто пациенти од пожарот во Кочани од вкупно 193 колку што имаше. Тројца од нив се во критична состојба, рече министерот за здравство, Арбен Таравари, на прес-конференција на 1 април. Пациентите беа повредени во пожар во дискотеката „Пулс“ во Кочани на 16 март, при што загинаа 59 лица, а 193 беа повредени. Повеќе од половина од повредените беа испратени на лекување во странски медицински центри.Од пациентите кои се на лекување, 80 се во болници во странство, а 20 пациенти се распоредени во Клинички центар, во ГОБ „8 септември“, во болницата „Св.Наум Охридски“ и тројца во приватните болници. Денеска во земјава се враќаат уште двајца пациенти, од Полска и од Белгија. Таравари рече дека до крајот на неделава се очекува враќање на уште неколкумина пациенти. Видете и ова: Последно збогум за жртвите од пожарот - најмладите имале 16 години Засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. За нивната рехабилитација се разглаедуваат неколку опции: прилагодување на просторот каде беше сместен ковид центарот во ГОБ „8 Септември“, Центарот за рехабилитација во Козле или да се искористат понудите од други држави за пациентите на кои ќе им биде потребна подолга рехабилитација, за што трошоците ќе бидат покриени од тие држави.Вкупниот број на осомничени за пожарот во Кочани досега е 34 лица. Со истрагата се опфатени 27 физички и три правни лица, а истражни постапки има и против седум полициски службеници од полициските станици во Штип и во Кочани. прочитај повеќе април 01, 2025 Бербок во Киев предупреди на тактиката на Путин за одложување на мировните преговори Германската министерка за надворешни работи Аналена Баербок (десно) и украинската главна обвинителка Ирина Венедиктова во Киев (архивска фотографија) Германската министерка за надворешни работи, Аналена Бербок, која е во ненадејна посета на Киев, предупреди дека не треба да се наседнува на руската тактика за одложување на мировните преговори за ставање крај на војната во Украина.Германската дипломатка во заминување, која е во посета на Украина по деветти пат откако Кремљ ја започна својата инвазија во февруари 2022 година, рече дека верува оти Киев е подготвен да потпише мировен договор по интензивните преговори предводени од Соединетите Држави.„На претстојниот состанок на министрите за надворешни работи на НАТО, јасно ќе и ставиме до знаење на американската страна дека не треба да се занимаваме со тактиката на застој на Путин“, рече таа на 1 април во изјавата по пристигнувањето во Киев.Нејзината изјава доаѓа откако американскиот претседател Доналд Трамп и се закани на Русија со нови царини за нафтените деривати доколку Москва ги блокира неговите иницијативи за прекин на огнот. Трамп, исто така, рече дека украинскиот лидер Володимир Зеленски ќе се соочи со „големи проблеми“ доколку не го потпише клучниот договор за ретки минерали со Вашингтон.„Тој се обидува да се повлече од договорот за ретките минерали, а ако го направи тоа, ќе има проблеми, големи проблеми“, им рече Трамп на новинарите на 30 март во врска со украинскиот претседател. Видете и ова: Што има, а што нема во договорот за минерали меѓу Украина и САД? „Се договоривме за ретките минерали. И сега тој вели, добро, знаете, сакам повторно да преговарам за договорот. Тој сака Украина да биде членка на НАТО, но тоа никогаш нема да се случи. Тој го разбира тоа“, додаде Трамп.Украинската влада на 28 март објави дека сè уште размислува за нацрт-договор со САД за ретки минерали, по извештаите во медиумите дека Вашингтон неколку пати ги менувал условите на договорот. Видете и ова: Трамп му се закани на Путин со царини за нафтата, од Зеленски бара договор за минералите Украинската министерка за економија Јулија Свириденко на владиниот состанок најави дека Киев ќе го формира својот став за договорот, но дека пратениците ќе го кажат својот став дури кога ќе се постигне консензус. Пред тоа, рече таа, јавна дискусија би била штетна.Украина поседува значителни количини на ретки минерали. Овие суровини се високо ценети поради нивната употреба во одбранбената технологија, како и во уреди како што се компјутери, паметни телефони и батерии.Украина и САД претходно овој месец се договорија да склучат сеопфатен договор за развој на ретките минерални ресурси во Украина. Напорите за постигнување договор пропаднаа на 28 февруари, откако Трамп и Зеленски вербално се судрија во Белата куќа. Видете и ова: Четири работи околу клучните американско-украински разговори во Саудиска Арабија Во меѓувреме, Трамп на 30 март рече дека ќе воведе секундарни тарифи меѓу 25 и 50 отсто за целата руска нафта, доколку почувствува дека претседателот Владимир Путин ги блокира неговите напори да стави крај на војната во Украина.Трамп во телефонско интервју за Ен-Би-Си за време на викендот рече дека е „многу лут“ откако Путин повика на преодна влада во Украина што може ефективно да го собори украинскиот претседател Володимир Зеленски.„Ако Русија и јас не можеме да постигнеме договор за запирање на крвопролевањето во Украина, и ако мислам дека за тоа е виновна Русија, а можеби и не е, но ако мислам дека е виновна Русија, ќе воведам секундарни царини за нафтата, целата нафта што доаѓа од Русија“, рече Трамп.„Тоа би значело дека ако купувате нафта од Русија, не можете да работите во САД. Ќе има царини од 25 проценти за целата нафта, од 25 до 50 проценти за целата нафта“, додаде Трамп.Тој истакна дека трговските мерки ќе бидат воведени во рок од еден месец, доколку не се постигне договор за прекин на огнот.Чувствителниот дипломатски момент доаѓа откако Белата куќа на 25 март објави дека и Русија и Украина се согласиле на прекин на огнот и дозволиле пловење во Црното Море, како и дека се договориле да не се напаѓаат енергетските капацитети на другиот. прочитај повеќе април 01, 2025 Кина одржува голема воена вежба околу Тајван илустрација Кинеската војска денеска (1 април) соопшти дека започнала воена вежба во која учествуваат различни родови на војската околу Тајван, „за да послужат како остро предупредување и моќно одвраќање за тајванската независност“ и го нарече тајванскиот претседател Вилијам Лаи „паразит“.Кина, која го смета Тајван за своја провинција, го зголемува политичкиот и воениот притисок врз островот во последниве години.„Фокусот на вежбите е на практикување борбено патролирање на море и во воздух, воспоставување сеопфатна контрола, удар на морски и копнени цели и наметнување блокада на стратешките области и рути“, напиша Источната команда на кинеската армија на својот официјален профил на WeChat.Тајванската војска соопшти дека внимателно ги следи вежбите, во кои учествуваше и кинескиот носач на авиони „Шандун“. Овие вежби се одржуваат само две недели по големите маневри во средината на март кога Пекинг испрати голем број беспилотни летала и бродови на островот. Видете и ова: Кина започна нови вежби во близина на Тајван, за САД потегот е неоправдан Кинеската канцеларија за прашања на Тајван објави дека вежбите биле насочени кон тајванскиот претседател Лаи Чинг-те.„Лаи Чинг-те тврдоглаво инсистира на ставот за „независност на Тајван“, дрско нарекувајќи ја континенталната Кина „непријателска странска сила“ и ја претстави таканаречената „стратегија од 17 точки“ за да го поттикне антикинеското расположение“, соопшти кинеската канцеларија за прашања на Тајван.„Нема да го толерираме или одобриме на кој било начин и мора одлучно да се спротивставиме и строго да ги казниме ваквите постапки“, додаваат од Канцеларијата.Во средината на март, Лаи претстави стратегија од 17 точки чија цел е зајакнување на националната безбедност на Тајван. Видете и ова: Кина ги предупреди САД да ја прекинат воената соработка со Тајван Меѓу точките се дозволувањето случаи на шпионажа да се судат во воени судови, заострување на регулативите за имиграција за кинеските државјани кои бараат постојан престој.Пекинг испраќа воени авиони и морнарички бродови кон Тајван на речиси секојдневна основа во обид да ја намали одбраната и моралот на Тајван, иако повеќето од 23-те милиони жители на Тајван го отфрлаат кинеското барање за суверенитет над островот.Кина го зголеми опсегот на овие вежби во последниве години, од испраќање само борбени авиони до испраќање групи авиони, беспилотни летала и бродови. прочитај повеќе април 01, 2025 Фрлена рачна бомба врз поштата во Звечан Поштата на Косово во Звечан, 27 март 2025 година Косовската полиција соопшти дека во зградата на Косовската пошта во Звечан експлодирала рачна граната, додека друга била активирана.Заменик-директорот на косовската полиција за северниот регион, Ветон Елшани за Радио Слободна Европа изјави дека нема повредени, но дека е причинета материјална штета.Знакот на Поштата на Косово во Звечан на оваа зграда беше поставен минатата недела. Во него до мај 2024 година функционираше банката Поштенска Штедилница, која работеше во српскиот систем. Видете и ова: Страв, несигурност и недостиг на производи на северот на Косово Истиот знак на Пошта на Косово беше поставен и во други општини со српско мнозинство на северот на Косово, во зградите каде што функционираа експозитурите на банката Поштенска штедилница.Косовските власти ја затворија оваа банка, Поштата на Србија и другите институции кои работат во системот на Србија со образложение дека се нелегални, односно немале дозвола за работа. Ова наиде на незадоволство кај локалната српска заедница и критики од Меѓународната заедница.Минатата година неколку експлозивни направи беа фрлени и врз косовските институции во општините на северот на Косово, додека косовските власти оценија дека „криминалните и терористичките напади“ имале за цел заплашување. прочитај повеќе април 01, 2025 ЕУ го поздрави формирањето на нова преодна влада во Сирија Високата претставничка на ЕУ за надворешна политика и безбедност, Каја Калас Европската Унија го поздрави формирањето на новата преодна влада во Сирија и изрази подготвеност за соработка со неа во справувањето со големите предизвици, изјави синоќа високата претставничка на ЕУ за надворешна политика и безбедност, Каја Калас.Како што е наведено на официјалната веб-страница на ЕУ, Калас изјави дека аспирациите на сите Сиријци мора да бидат исполнети и дека Унијата ќе застане покрај сирискиот народ, обезбедувајќи новата влада да ги почитува своите обврски кон мирна и инклузивна транзиција.„ЕУ ја повторува својата непоколеблива поддршка за транзициониот процес што го води и поседува самата Сирија – процес кој е мирен, инклузивен и кој ги опфаќа сите сегменти на сириското општество. Сеопфатната транзициска правда мора да обезбеди одговорност за сите злосторства и значително да придонесе за национално помирување“, изјави Калас. Видете и ова: ЕУ вети повеќе од 5 милијарди евра за Сирија Таа нагласи дека процесот инициран на Конференцијата за национален дијалог, одржана на 25 февруари, ќе има клучна улога во овој контекст.„Клучно е сите надворешни актери целосно да го почитуваат единството, суверенитетот и територијалниот интегритет на Сирија. ЕУ ги осудува сите обиди за поткопување на нејзината стабилност и перспективите за мирна и инклузивна политичка транзиција“, рече Калас.Министрите на новата сириска преодна влада пред два дена положија заклетва во Народната палата во Дамаск. прочитај повеќе април 01, 2025 Британски, француски и украински генерали на средба за поддршка на Украина илустрација Британски, француски и украински високи воени претставници ќе одржат состанок во наредните денови за да дадат „реален импулс“ на напорите за јакнење на безбедноста на Украина, изјави портпаролот на британскиот премиер Кир Стармер.Средбата, која има цел да ги разгледа следните фази на детално воено планирање, била договорена за време на телефонскиот разговор меѓу Стармер и украинскиот претседател Володимир Зеленски.Состанокот следува по неодамнешната средба во Париз на т.н. „коалиција на подготвените“, која вклучува европски земји што ја поддржуваат Украина. Видете и ова: „Коалицијата на подготвените“ - Доведување на Украина во најдобра позиција за преговори „Лидерите се согласија дека постои реален напредок во долгорочната поддршка за безбедноста на Украина“, изјави портпаролот на британскиот премиер.Во одделно соопштение, Зеленски нагласи дека ја цени позицијата на Велика Британија во вршењето притисок врз Русија.„Потребен е силен притисок за да се одврати Русија од ширење на војната. Ова е уште поважно сега, кога Москва се потсмева на обидите на нашите партнери да го придвижат мировниот процес“, изјави Зеленски.Во исто време, Кремљ соопшти дека Русија и САД ги разгледуваат можните опции за мировно решение на војната во Украина. прочитај повеќе Вчитај повеќе...

Вести март 30, 2025 Подобрена е состојбата на двајца пациенти од пожарот во Кочани кои се лекуваат во Солун Северна Македонија - дискотеката „Пулс“ во Кочани, 16 март 2025 година. На Клиника за токсикологија во последните 24 часа се примени 4 пациенти од странство и по направените токсиколошки анализи се пуштени на домашно лекување. Сите се во добра општа состојба. За денеска нема најава за враќање други пациенти од странство, соопштија од Министерството за здравство(МЗ). Во текот на вчерашниот ден кај двајца пациенти од Солун има одредено подобрување и се екстубирани, од интензивна нега се преместени на оддел за пластична хирургија. Кај останатите пациенти состојбата од вчера е непроменета. Видете и ова: Двајца пациенти се враќаат од Литванија и Шведска, четворица се во критична состојба Пациентите беа повредени во пожар во дискотеката „Пулс“ во Кочанина 16 март, при што загинаа 59 лица, а околу 200 беа повредени. Повеќе од половина од повредените беа испратени на лекување во странски медицински центри.Министерството за здравство информира дека од вчера нема промени во бројот на хоспитализирани пациенти. Во Скопје вкупно се лекуваат 16 пациенти и се во добра општа состојба. Од нив по шест се во стара градска и ГОБ „8 Септември“, а четири се во приватните болници.Трагедијата во Кочани предизвика низа протестни собири на граѓаните во Северна Македонија кои бараат правда и одговорност за пожарот во дискотеката. прочитај повеќе види ги сите денешни вести април 01, 2025 Србија и Унгарија потпишаа договор за одбранбена соработка Српскиот претседател Александар Вучиќ Во Палатата Србија во присуство на претседателот на државата, Александар Вучиќ денеска (1 април) беше потпишан документ од областа на одбраната меѓу Србија и Унгарија.Планот за билатерална воена соработка меѓу министерствата за одбрана на Србија и Унгарија за 2025 година - документ за операционализација на стратешката соработка во областа на одбраната меѓу двете земји, го потпишаа министерот за одбрана на Србија, Братислав Гашиќ и министерот за одбрана на Унгарија, Криштоф Салаи-Бобровнички.Клучни елементи на договорот се можноста за заеднички вежби и воено-техничка соработка во набавката на оружје. Видете и ова: Владата на Србија усвои план за изградба на нафтовод од Унгарија до Нови Сад Вучиќ по средбата изјави дека Србија има најразвиена и најинтензивна соработка на полето на одбраната со Унгарија во регионот и изрази уверување дека „договорот за заеднички активности ќе продолжи во натамошното зближување и создавање воена алијанса или воен сојуз меѓу Србија и Унгарија“.„Секако, за тоа се прашува унгарската страна, се прашуваат унгарскиот и српскиот парламент и сите други“, рече Вучиќ на заедничката конференција. Тој додаде дека денеска е потпишан документ со кој се операционализира и конкретизира договорот за стратешка соработка во областа на одбраната постигнат во 2023 година.Со Документот кој беше потпишан денеска се договорени 79 активности за оваа година.Вучиќ најави и претстојна средба со унгарскиот премиер Виктор Орбан, на која ќе продолжат разговорите за стратешка соработка. Лани, трговската размена меѓу двете држави надминала три милијарди евра. прочитај повеќе април 01, 2025 Триесетдневен притвор за член на обезбедувањето на премиерот Затвор Скопје - Шутка Полицаецот од Шестата управа во Министерството за внатрешни работи, кој до вчера беше дел од обезбедувањето на премиерот Христијан Мицкоски се наоѓа во притвор во КУП Затвор Скопје, потврди за МИА, директорот на установата, Бобан Утковски.Скопскиот кривичен суд му одредил 30 дневен притвор на А. С., кој е осомничен за кривично дело „оддавање службена тајна“.МВР вчера соопшти дека на 30 март по претходно добиени сознанија за сторено кривично дело „оддавање службена тајна“ по член 360 од Кривичниот законик, од страна на полициски службеници од Одделот за внатрешна контрола, криминалистички истраги и професионални стандарди во координација со ОЈО ГОКК спроведена е координирана полициска акција и реализирани се истражни дејствија за претрес на дом, возила и лица на подрачјето на СВР Велес.„При спроведувањето на полициската акција и преземените мерки и активности, на паркинг просторот пред хотел во Велес, во возило “бмв” затекнати се А.С., полициски службеник во Одделот за заштита на определени личности и објекти и Б.К., а при извршен претрес во возилото пронајден е ранец со службени материјали од МВР и од лицата се одземени мобилни телефони, по што се лишени од слобода“, наведоа од МВР. Видете и ова: Мицкоски: Нема да дозволам да победи корумпираниот систем Во рамки на акцијата, дополнително биле извршени претреси на повеќе локации, при што биле пронајдени и одземени електронски уреди, службени документи и други предмети релевантни за истрагата. Исто така, од преземените мерки и активности во процесот на проверка, ОВККИПС констатирал дека полицискиот службеник постапувал спротивно на законските и подзаконските акти на Министерството за внатрешни работи, со што истиот неовластено поседувал службени материјали, нивно откривање на трети лица надвор од министерството, а со кои дејствија го извршил кривичното дело по член 360 од КЗ.„Од страна на ОВККИПС до ОЈО ГОКК на 31.03.2025 година ќе биде поднесена кривична пријава против А. С., за кривично дело „оддавање службена тајна“ по член 360 од Кривичниот законик, соопшти вчера МВР.Дел од медиумите објавија дека според првичните информации тајните полициски информации се продавани на припадници на криминалниот клан Грчец. По апсењето, од Владата нагласија дека истрагата треба да утврди што се случило и потенцираа дека безбедноста на премиерот не е загрозена. прочитај повеќе април 01, 2025 Мелони: Пресудата на Ле Пен оневозможува претставување на милиони граѓани Италијанската премиерка Џорџа Мелони Италијанската премиерка Џорџа Мелони го изрази своето незадоволство поради привремената забрана за вршење на јавна функција со која се соочува екстремно десничарската француска политичарка Марин Ле Пен која вчера (31 март) беше осудена за проневера.Мелони за италијанскиот весник „Il Messaggero“ изјави дека не знаела ниту за обвинувањата против Ле Пен, ниту за причините за како што вели „толку острата одлука“.„Не верувам дека секој што ја цени демократијата може да биде задоволен од пресудата што влијае на лидерот на голема партија и им оневозможува на милиони граѓани нивно претставување“, изјави Мелони.Националистичката политичарка Ле Пен во понеделникот (31 март) беше прогласена за виновна за проневера на јавни средства. Дел од казната е петгодишна забрана за вршење јавна функција. Видете и ова: Францускиот суд ја осуди Марин Ле Пен и ѝ забрани да се кандидира за јавна функција Пресудата најверојатно ги уништува плановите на Ле Пен да се натпреварува на претседателските избори во 2027 година, бидејќи долгиот правен процес веројатно нема да заврши пред гласањето. Ле Пен ја осуди пресудата, која се фокусира на злоупотребата на средствата од Европската Унија од страна на нејзината партија, како „политичка“ и планира да поднесе жалба.Судијата ја осуди француската политичарка и на четиригодишна затворска казна, од кои две се во домашен притвор, а две се условни и на парична казна од 100.000 евра.Речиси е сигурно дека пресудата ќе биде обжалена, а нема да се изрекуваат ниту затворска ниту парична казна додека не заврши жалбениот процес. Тој процес во Франција може да трае со месеци, па дури и со години. прочитај повеќе април 01, 2025 Фон дер Лајен: Брисел е подготвен да возврати на американските царини Pретседателката на Европската комисија, Урсула фон дер Лајен. Европската Унија ќе биде подготвена да возврати со контрамерки на американските царини доколку е потребно, изјави претседателката на Европската комисија, Урсула фон дер Лајен.Таа во својот говор во Европскиот парламент во Стразбур истакна дека целта на ЕУ е да се најде решение преку преговори.„Сепак, доколку е потребно, ќе ги заштитиме нашите интереси, луѓе и компании“, рече таа.Според неа, ЕУ не сака да возврати, но Брисел има силен план за тоа и ќе возврати ако треба. Видете и ова: ЕУ би можела да го одложи првиот сет царини против САД до средината на април Пред неколку дена, американскиот претседател Доналд Трамп се закани со повисоки царини за Европската унија и Канада доколку соработуваат „да предизвикаат економска штета на САД“.ЕУ прво ги објави првите контрамерки, а потоа ги одложи до средината на април, вклучувајќи, на пример, царини од 50 отсто за американскиот бурбон.Како одговор, Трамп се закани дека ќе воведе царини од 200 отсто за сите винa и други алкохолни производи од ЕУ, доколку Брисел го стори тоа. прочитај повеќе април 01, 2025 Дома се пуштени 93 пациенти од пожарот во Кочани, уште сто се лекуваат Северна Македонија - Арбен Таравари, министер за здравство на Северна Македонија Во болниците се лекуваат уште сто пациенти од пожарот во Кочани од вкупно 193 колку што имаше. Тројца од нив се во критична состојба, рече министерот за здравство, Арбен Таравари, на прес-конференција на 1 април. Пациентите беа повредени во пожар во дискотеката „Пулс“ во Кочани на 16 март, при што загинаа 59 лица, а 193 беа повредени. Повеќе од половина од повредените беа испратени на лекување во странски медицински центри.Од пациентите кои се на лекување, 80 се во болници во странство, а 20 пациенти се распоредени во Клинички центар, во ГОБ „8 септември“, во болницата „Св.Наум Охридски“ и тројца во приватните болници. Денеска во земјава се враќаат уште двајца пациенти, од Полска и од Белгија. Таравари рече дека до крајот на неделава се очекува враќање на уште неколкумина пациенти. Видете и ова: Последно збогум за жртвите од пожарот - најмладите имале 16 години Засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. За нивната рехабилитација се разглаедуваат неколку опции: прилагодување на просторот каде беше сместен ковид центарот во ГОБ „8 Септември“, Центарот за рехабилитација во Козле или да се искористат понудите од други држави за пациентите на кои ќе им биде потребна подолга рехабилитација, за што трошоците ќе бидат покриени од тие држави.Вкупниот број на осомничени за пожарот во Кочани досега е 34 лица. Со истрагата се опфатени 27 физички и три правни лица, а истражни постапки има и против седум полициски службеници од полициските станици во Штип и во Кочани. прочитај повеќе април 01, 2025 Бербок во Киев предупреди на тактиката на Путин за одложување на мировните преговори Германската министерка за надворешни работи Аналена Баербок (десно) и украинската главна обвинителка Ирина Венедиктова во Киев (архивска фотографија) Германската министерка за надворешни работи, Аналена Бербок, која е во ненадејна посета на Киев, предупреди дека не треба да се наседнува на руската тактика за одложување на мировните преговори за ставање крај на војната во Украина.Германската дипломатка во заминување, која е во посета на Украина по деветти пат откако Кремљ ја започна својата инвазија во февруари 2022 година, рече дека верува оти Киев е подготвен да потпише мировен договор по интензивните преговори предводени од Соединетите Држави.„На претстојниот состанок на министрите за надворешни работи на НАТО, јасно ќе и ставиме до знаење на американската страна дека не треба да се занимаваме со тактиката на застој на Путин“, рече таа на 1 април во изјавата по пристигнувањето во Киев.Нејзината изјава доаѓа откако американскиот претседател Доналд Трамп и се закани на Русија со нови царини за нафтените деривати доколку Москва ги блокира неговите иницијативи за прекин на огнот. Трамп, исто така, рече дека украинскиот лидер Володимир Зеленски ќе се соочи со „големи проблеми“ доколку не го потпише клучниот договор за ретки минерали со Вашингтон.„Тој се обидува да се повлече од договорот за ретките минерали, а ако го направи тоа, ќе има проблеми, големи проблеми“, им рече Трамп на новинарите на 30 март во врска со украинскиот претседател. Видете и ова: Што има, а што нема во договорот за минерали меѓу Украина и САД? „Се договоривме за ретките минерали. И сега тој вели, добро, знаете, сакам повторно да преговарам за договорот. Тој сака Украина да биде членка на НАТО, но тоа никогаш нема да се случи. Тој го разбира тоа“, додаде Трамп.Украинската влада на 28 март објави дека сè уште размислува за нацрт-договор со САД за ретки минерали, по извештаите во медиумите дека Вашингтон неколку пати ги менувал условите на договорот. Видете и ова: Трамп му се закани на Путин со царини за нафтата, од Зеленски бара договор за минералите Украинската министерка за економија Јулија Свириденко на владиниот состанок најави дека Киев ќе го формира својот став за договорот, но дека пратениците ќе го кажат својот став дури кога ќе се постигне консензус. Пред тоа, рече таа, јавна дискусија би била штетна.Украина поседува значителни количини на ретки минерали. Овие суровини се високо ценети поради нивната употреба во одбранбената технологија, како и во уреди како што се компјутери, паметни телефони и батерии.Украина и САД претходно овој месец се договорија да склучат сеопфатен договор за развој на ретките минерални ресурси во Украина. Напорите за постигнување договор пропаднаа на 28 февруари, откако Трамп и Зеленски вербално се судрија во Белата куќа. Видете и ова: Четири работи околу клучните американско-украински разговори во Саудиска Арабија Во меѓувреме, Трамп на 30 март рече дека ќе воведе секундарни тарифи меѓу 25 и 50 отсто за целата руска нафта, доколку почувствува дека претседателот Владимир Путин ги блокира неговите напори да стави крај на војната во Украина.Трамп во телефонско интервју за Ен-Би-Си за време на викендот рече дека е „многу лут“ откако Путин повика на преодна влада во Украина што може ефективно да го собори украинскиот претседател Володимир Зеленски.„Ако Русија и јас не можеме да постигнеме договор за запирање на крвопролевањето во Украина, и ако мислам дека за тоа е виновна Русија, а можеби и не е, но ако мислам дека е виновна Русија, ќе воведам секундарни царини за нафтата, целата нафта што доаѓа од Русија“, рече Трамп.„Тоа би значело дека ако купувате нафта од Русија, не можете да работите во САД. Ќе има царини од 25 проценти за целата нафта, од 25 до 50 проценти за целата нафта“, додаде Трамп.Тој истакна дека трговските мерки ќе бидат воведени во рок од еден месец, доколку не се постигне договор за прекин на огнот.Чувствителниот дипломатски момент доаѓа откако Белата куќа на 25 март објави дека и Русија и Украина се согласиле на прекин на огнот и дозволиле пловење во Црното Море, како и дека се договориле да не се напаѓаат енергетските капацитети на другиот. прочитај повеќе април 01, 2025 Кина одржува голема воена вежба околу Тајван илустрација Кинеската војска денеска (1 април) соопшти дека започнала воена вежба во која учествуваат различни родови на војската околу Тајван, „за да послужат како остро предупредување и моќно одвраќање за тајванската независност“ и го нарече тајванскиот претседател Вилијам Лаи „паразит“.Кина, која го смета Тајван за своја провинција, го зголемува политичкиот и воениот притисок врз островот во последниве години.„Фокусот на вежбите е на практикување борбено патролирање на море и во воздух, воспоставување сеопфатна контрола, удар на морски и копнени цели и наметнување блокада на стратешките области и рути“, напиша Источната команда на кинеската армија на својот официјален профил на WeChat.Тајванската војска соопшти дека внимателно ги следи вежбите, во кои учествуваше и кинескиот носач на авиони „Шандун“. Овие вежби се одржуваат само две недели по големите маневри во средината на март кога Пекинг испрати голем број беспилотни летала и бродови на островот. Видете и ова: Кина започна нови вежби во близина на Тајван, за САД потегот е неоправдан Кинеската канцеларија за прашања на Тајван објави дека вежбите биле насочени кон тајванскиот претседател Лаи Чинг-те.„Лаи Чинг-те тврдоглаво инсистира на ставот за „независност на Тајван“, дрско нарекувајќи ја континенталната Кина „непријателска странска сила“ и ја претстави таканаречената „стратегија од 17 точки“ за да го поттикне антикинеското расположение“, соопшти кинеската канцеларија за прашања на Тајван.„Нема да го толерираме или одобриме на кој било начин и мора одлучно да се спротивставиме и строго да ги казниме ваквите постапки“, додаваат од Канцеларијата.Во средината на март, Лаи претстави стратегија од 17 точки чија цел е зајакнување на националната безбедност на Тајван. Видете и ова: Кина ги предупреди САД да ја прекинат воената соработка со Тајван Меѓу точките се дозволувањето случаи на шпионажа да се судат во воени судови, заострување на регулативите за имиграција за кинеските државјани кои бараат постојан престој.Пекинг испраќа воени авиони и морнарички бродови кон Тајван на речиси секојдневна основа во обид да ја намали одбраната и моралот на Тајван, иако повеќето од 23-те милиони жители на Тајван го отфрлаат кинеското барање за суверенитет над островот.Кина го зголеми опсегот на овие вежби во последниве години, од испраќање само борбени авиони до испраќање групи авиони, беспилотни летала и бродови. прочитај повеќе април 01, 2025 Фрлена рачна бомба врз поштата во Звечан Поштата на Косово во Звечан, 27 март 2025 година Косовската полиција соопшти дека во зградата на Косовската пошта во Звечан експлодирала рачна граната, додека друга била активирана.Заменик-директорот на косовската полиција за северниот регион, Ветон Елшани за Радио Слободна Европа изјави дека нема повредени, но дека е причинета материјална штета.Знакот на Поштата на Косово во Звечан на оваа зграда беше поставен минатата недела. Во него до мај 2024 година функционираше банката Поштенска Штедилница, која работеше во српскиот систем. Видете и ова: Страв, несигурност и недостиг на производи на северот на Косово Истиот знак на Пошта на Косово беше поставен и во други општини со српско мнозинство на северот на Косово, во зградите каде што функционираа експозитурите на банката Поштенска штедилница.Косовските власти ја затворија оваа банка, Поштата на Србија и другите институции кои работат во системот на Србија со образложение дека се нелегални, односно немале дозвола за работа. Ова наиде на незадоволство кај локалната српска заедница и критики од Меѓународната заедница.Минатата година неколку експлозивни направи беа фрлени и врз косовските институции во општините на северот на Косово, додека косовските власти оценија дека „криминалните и терористичките напади“ имале за цел заплашување. прочитај повеќе април 01, 2025 ЕУ го поздрави формирањето на нова преодна влада во Сирија Високата претставничка на ЕУ за надворешна политика и безбедност, Каја Калас Европската Унија го поздрави формирањето на новата преодна влада во Сирија и изрази подготвеност за соработка со неа во справувањето со големите предизвици, изјави синоќа високата претставничка на ЕУ за надворешна политика и безбедност, Каја Калас.Како што е наведено на официјалната веб-страница на ЕУ, Калас изјави дека аспирациите на сите Сиријци мора да бидат исполнети и дека Унијата ќе застане покрај сирискиот народ, обезбедувајќи новата влада да ги почитува своите обврски кон мирна и инклузивна транзиција.„ЕУ ја повторува својата непоколеблива поддршка за транзициониот процес што го води и поседува самата Сирија – процес кој е мирен, инклузивен и кој ги опфаќа сите сегменти на сириското општество. Сеопфатната транзициска правда мора да обезбеди одговорност за сите злосторства и значително да придонесе за национално помирување“, изјави Калас. Видете и ова: ЕУ вети повеќе од 5 милијарди евра за Сирија Таа нагласи дека процесот инициран на Конференцијата за национален дијалог, одржана на 25 февруари, ќе има клучна улога во овој контекст.„Клучно е сите надворешни актери целосно да го почитуваат единството, суверенитетот и територијалниот интегритет на Сирија. ЕУ ги осудува сите обиди за поткопување на нејзината стабилност и перспективите за мирна и инклузивна политичка транзиција“, рече Калас.Министрите на новата сириска преодна влада пред два дена положија заклетва во Народната палата во Дамаск. прочитај повеќе април 01, 2025 Британски, француски и украински генерали на средба за поддршка на Украина илустрација Британски, француски и украински високи воени претставници ќе одржат состанок во наредните денови за да дадат „реален импулс“ на напорите за јакнење на безбедноста на Украина, изјави портпаролот на британскиот премиер Кир Стармер.Средбата, која има цел да ги разгледа следните фази на детално воено планирање, била договорена за време на телефонскиот разговор меѓу Стармер и украинскиот претседател Володимир Зеленски.Состанокот следува по неодамнешната средба во Париз на т.н. „коалиција на подготвените“, која вклучува европски земји што ја поддржуваат Украина. Видете и ова: „Коалицијата на подготвените“ - Доведување на Украина во најдобра позиција за преговори „Лидерите се согласија дека постои реален напредок во долгорочната поддршка за безбедноста на Украина“, изјави портпаролот на британскиот премиер.Во одделно соопштение, Зеленски нагласи дека ја цени позицијата на Велика Британија во вршењето притисок врз Русија.„Потребен е силен притисок за да се одврати Русија од ширење на војната. Ова е уште поважно сега, кога Москва се потсмева на обидите на нашите партнери да го придвижат мировниот процес“, изјави Зеленски.Во исто време, Кремљ соопшти дека Русија и САД ги разгледуваат можните опции за мировно решение на војната во Украина. прочитај повеќе Вчитај повеќе...

Вести март 30, 2025 Украина ја обвини Русија за „воено злосторство“ по напад на воена болница Украина - украински пожарникар гасне пожар по напад на руски дрон во Харков, 29 март 2025 година. Украина ја обвини Москва за „воено злосторство“ во неделата, 30 март, откако руски беспилотни летала нападнаа воена болница во Харков, вториот по големина град во Украина, во напади во кои властите соопштија дека загинале две лица.Во нападите во Харков беа погодени и трговски центар, станбен блок и други цели.Генералштабот на украинската армија ја обвини Русија за „прекршување на нормите на меѓународното хуманитарно право“ за време на нападот и го осуди како „намерно, насочено гранатирање“.Во соопштението се наведува дека меѓу жртвите има и војници кои се на лекување во медицинскиот центар, јави украинскиот сервис на Радио Слободна Европа (РСЕ). Видете и ова: Зеленски повика на „силен одговор“ од Западот на руските напади Еден час пред нападот на Харков, украинскиот претседател Володимир Зеленски рече дека Киев очекува силен одговор од западните земји на речиси секојдневните напади од руски беспилотни летала.„Нашите партнери треба јасно да разберат: овие напади не се само напади врз украинските цивили, туку и врз сите меѓународни напори - врз самата дипломатија што се обидуваме да ја искористиме за да ставиме крај на оваа војна“, рече Зеленски во видео обраќање доцна ноќта во саботата.Украинските власти соопштија дека, покрај нападот на Харков, Русија истрелала балистичка ракета и лансирала беспилотни летала кон градовите Дњепар, Криви Рих и Полтава.Најмалку две лица загинаа во нападите во текот на ноќта, а 26 лица се повредени низ целата земја, соопштија украинските власти.Украинскиот претседател рече дека „Русија ги удира позициите на сите што сакаат да ја прекинат оваа војна“, додавајќи дека „невозможно е да се игнорираат стотиците ирански беспилотни летала Шахед што Русија ги лансира секоја вечер.Белата куќа на 25 март објави дека Русија и Украина се согласиле на прекин на огнот и да дозволат пловидба низ Црното Море.Сепак, се уште има проблеми со спроведувањето на договорот. Киев вели дека стапува на сила веднаш, додека Москва рече дека ќе го следи делумното укинување на санкциите за руските компании и банки вклучени во меѓународната трговија со храна. прочитај повеќе види ги сите денешни вести април 01, 2025 Мелони: Пресудата на Ле Пен оневозможува претставување на милиони граѓани Италијанската премиерка Џорџа Мелони Италијанската премиерка Џорџа Мелони го изрази своето незадоволство поради привремената забрана за вршење на јавна функција со која се соочува екстремно десничарската француска политичарка Марин Ле Пен која вчера (31 март) беше осудена за проневера.Мелони за италијанскиот весник „Il Messaggero“ изјави дека не знаела ниту за обвинувањата против Ле Пен, ниту за причините за како што вели „толку острата одлука“.„Не верувам дека секој што ја цени демократијата може да биде задоволен од пресудата што влијае на лидерот на голема партија и им оневозможува на милиони граѓани нивно претставување“, изјави Мелони.Националистичката политичарка Ле Пен во понеделникот (31 март) беше прогласена за виновна за проневера на јавни средства. Дел од казната е петгодишна забрана за вршење јавна функција. Видете и ова: Францускиот суд ја осуди Марин Ле Пен и ѝ забрани да се кандидира за јавна функција Пресудата најверојатно ги уништува плановите на Ле Пен да се натпреварува на претседателските избори во 2027 година, бидејќи долгиот правен процес веројатно нема да заврши пред гласањето. Ле Пен ја осуди пресудата, која се фокусира на злоупотребата на средствата од Европската Унија од страна на нејзината партија, како „политичка“ и планира да поднесе жалба.Судијата ја осуди француската политичарка и на четиригодишна затворска казна, од кои две се во домашен притвор, а две се условни и на парична казна од 100.000 евра.Речиси е сигурно дека пресудата ќе биде обжалена, а нема да се изрекуваат ниту затворска ниту парична казна додека не заврши жалбениот процес. Тој процес во Франција може да трае со месеци, па дури и со години. прочитај повеќе април 01, 2025 Фон дер Лајен: Брисел е подготвен да возврати на американските царини Pретседателката на Европската комисија, Урсула фон дер Лајен. Европската Унија ќе биде подготвена да возврати со контрамерки на американските царини доколку е потребно, изјави претседателката на Европската комисија, Урсула фон дер Лајен.Таа во својот говор во Европскиот парламент во Стразбур истакна дека целта на ЕУ е да се најде решение преку преговори.„Сепак, доколку е потребно, ќе ги заштитиме нашите интереси, луѓе и компании“, рече таа.Според неа, ЕУ не сака да возврати, но Брисел има силен план за тоа и ќе возврати ако треба. Видете и ова: ЕУ би можела да го одложи првиот сет царини против САД до средината на април Пред неколку дена, американскиот претседател Доналд Трамп се закани со повисоки царини за Европската унија и Канада доколку соработуваат „да предизвикаат економска штета на САД“.ЕУ прво ги објави првите контрамерки, а потоа ги одложи до средината на април, вклучувајќи, на пример, царини од 50 отсто за американскиот бурбон.Како одговор, Трамп се закани дека ќе воведе царини од 200 отсто за сите винa и други алкохолни производи од ЕУ, доколку Брисел го стори тоа. прочитај повеќе април 01, 2025 Дома се пуштени 93 пациенти од пожарот во Кочани, уште сто се лекуваат Северна Македонија - Арбен Таравари, министер за здравство на Северна Македонија Во болниците се лекуваат уште сто пациенти од пожарот во Кочани од вкупно 193 колку што имаше. Тројца од нив се во критична состојба, рече министерот за здравство, Арбен Таравари, на прес-конференција на 1 април. Пациентите беа повредени во пожар во дискотеката „Пулс“ во Кочани на 16 март, при што загинаа 59 лица, а 193 беа повредени. Повеќе од половина од повредените беа испратени на лекување во странски медицински центри.Од пациентите кои се на лекување, 80 се во болници во странство, а 20 пациенти се распоредени во Клинички центар, во ГОБ „8 септември“, во болницата „Св.Наум Охридски“ и тројца во приватните болници. Денеска во земјава се враќаат уште двајца пациенти, од Полска и од Белгија. Таравари рече дека до крајот на неделава се очекува враќање на уште неколкумина пациенти. Видете и ова: Последно збогум за жртвите од пожарот - најмладите имале 16 години Засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. За нивната рехабилитација се разглаедуваат неколку опции: прилагодување на просторот каде беше сместен ковид центарот во ГОБ „8 Септември“, Центарот за рехабилитација во Козле или да се искористат понудите од други држави за пациентите на кои ќе им биде потребна подолга рехабилитација, за што трошоците ќе бидат покриени од тие држави.Вкупниот број на осомничени за пожарот во Кочани досега е 34 лица. Со истрагата се опфатени 27 физички и три правни лица, а истражни постапки има и против седум полициски службеници од полициските станици во Штип и во Кочани. прочитај повеќе април 01, 2025 Бербок во Киев предупреди на тактиката на Путин за одложување на мировните преговори Германската министерка за надворешни работи Аналена Баербок (десно) и украинската главна обвинителка Ирина Венедиктова во Киев (архивска фотографија) Германската министерка за надворешни работи, Аналена Бербок, која е во ненадејна посета на Киев, предупреди дека не треба да се наседнува на руската тактика за одложување на мировните преговори за ставање крај на војната во Украина.Германската дипломатка во заминување, која е во посета на Украина по деветти пат откако Кремљ ја започна својата инвазија во февруари 2022 година, рече дека верува оти Киев е подготвен да потпише мировен договор по интензивните преговори предводени од Соединетите Држави.„На претстојниот состанок на министрите за надворешни работи на НАТО, јасно ќе и ставиме до знаење на американската страна дека не треба да се занимаваме со тактиката на застој на Путин“, рече таа на 1 април во изјавата по пристигнувањето во Киев.Нејзината изјава доаѓа откако американскиот претседател Доналд Трамп и се закани на Русија со нови царини за нафтените деривати доколку Москва ги блокира неговите иницијативи за прекин на огнот. Трамп, исто така, рече дека украинскиот лидер Володимир Зеленски ќе се соочи со „големи проблеми“ доколку не го потпише клучниот договор за ретки минерали со Вашингтон.„Тој се обидува да се повлече од договорот за ретките минерали, а ако го направи тоа, ќе има проблеми, големи проблеми“, им рече Трамп на новинарите на 30 март во врска со украинскиот претседател. Видете и ова: Што има, а што нема во договорот за минерали меѓу Украина и САД? „Се договоривме за ретките минерали. И сега тој вели, добро, знаете, сакам повторно да преговарам за договорот. Тој сака Украина да биде членка на НАТО, но тоа никогаш нема да се случи. Тој го разбира тоа“, додаде Трамп.Украинската влада на 28 март објави дека сè уште размислува за нацрт-договор со САД за ретки минерали, по извештаите во медиумите дека Вашингтон неколку пати ги менувал условите на договорот. Видете и ова: Трамп му се закани на Путин со царини за нафтата, од Зеленски бара договор за минералите Украинската министерка за економија Јулија Свириденко на владиниот состанок најави дека Киев ќе го формира својот став за договорот, но дека пратениците ќе го кажат својот став дури кога ќе се постигне консензус. Пред тоа, рече таа, јавна дискусија би била штетна.Украина поседува значителни количини на ретки минерали. Овие суровини се високо ценети поради нивната употреба во одбранбената технологија, како и во уреди како што се компјутери, паметни телефони и батерии.Украина и САД претходно овој месец се договорија да склучат сеопфатен договор за развој на ретките минерални ресурси во Украина. Напорите за постигнување договор пропаднаа на 28 февруари, откако Трамп и Зеленски вербално се судрија во Белата куќа. Видете и ова: Четири работи околу клучните американско-украински разговори во Саудиска Арабија Во меѓувреме, Трамп на 30 март рече дека ќе воведе секундарни тарифи меѓу 25 и 50 отсто за целата руска нафта, доколку почувствува дека претседателот Владимир Путин ги блокира неговите напори да стави крај на војната во Украина.Трамп во телефонско интервју за Ен-Би-Си за време на викендот рече дека е „многу лут“ откако Путин повика на преодна влада во Украина што може ефективно да го собори украинскиот претседател Володимир Зеленски.„Ако Русија и јас не можеме да постигнеме договор за запирање на крвопролевањето во Украина, и ако мислам дека за тоа е виновна Русија, а можеби и не е, но ако мислам дека е виновна Русија, ќе воведам секундарни царини за нафтата, целата нафта што доаѓа од Русија“, рече Трамп.„Тоа би значело дека ако купувате нафта од Русија, не можете да работите во САД. Ќе има царини од 25 проценти за целата нафта, од 25 до 50 проценти за целата нафта“, додаде Трамп.Тој истакна дека трговските мерки ќе бидат воведени во рок од еден месец, доколку не се постигне договор за прекин на огнот.Чувствителниот дипломатски момент доаѓа откако Белата куќа на 25 март објави дека и Русија и Украина се согласиле на прекин на огнот и дозволиле пловење во Црното Море, како и дека се договориле да не се напаѓаат енергетските капацитети на другиот. прочитај повеќе април 01, 2025 Кина одржува голема воена вежба околу Тајван илустрација Кинеската војска денеска (1 април) соопшти дека започнала воена вежба во која учествуваат различни родови на војската околу Тајван, „за да послужат како остро предупредување и моќно одвраќање за тајванската независност“ и го нарече тајванскиот претседател Вилијам Лаи „паразит“.Кина, која го смета Тајван за своја провинција, го зголемува политичкиот и воениот притисок врз островот во последниве години.„Фокусот на вежбите е на практикување борбено патролирање на море и во воздух, воспоставување сеопфатна контрола, удар на морски и копнени цели и наметнување блокада на стратешките области и рути“, напиша Источната команда на кинеската армија на својот официјален профил на WeChat.Тајванската војска соопшти дека внимателно ги следи вежбите, во кои учествуваше и кинескиот носач на авиони „Шандун“. Овие вежби се одржуваат само две недели по големите маневри во средината на март кога Пекинг испрати голем број беспилотни летала и бродови на островот. Видете и ова: Кина започна нови вежби во близина на Тајван, за САД потегот е неоправдан Кинеската канцеларија за прашања на Тајван објави дека вежбите биле насочени кон тајванскиот претседател Лаи Чинг-те.„Лаи Чинг-те тврдоглаво инсистира на ставот за „независност на Тајван“, дрско нарекувајќи ја континенталната Кина „непријателска странска сила“ и ја претстави таканаречената „стратегија од 17 точки“ за да го поттикне антикинеското расположение“, соопшти кинеската канцеларија за прашања на Тајван.„Нема да го толерираме или одобриме на кој било начин и мора одлучно да се спротивставиме и строго да ги казниме ваквите постапки“, додаваат од Канцеларијата.Во средината на март, Лаи претстави стратегија од 17 точки чија цел е зајакнување на националната безбедност на Тајван. Видете и ова: Кина ги предупреди САД да ја прекинат воената соработка со Тајван Меѓу точките се дозволувањето случаи на шпионажа да се судат во воени судови, заострување на регулативите за имиграција за кинеските државјани кои бараат постојан престој.Пекинг испраќа воени авиони и морнарички бродови кон Тајван на речиси секојдневна основа во обид да ја намали одбраната и моралот на Тајван, иако повеќето од 23-те милиони жители на Тајван го отфрлаат кинеското барање за суверенитет над островот.Кина го зголеми опсегот на овие вежби во последниве години, од испраќање само борбени авиони до испраќање групи авиони, беспилотни летала и бродови. прочитај повеќе април 01, 2025 Фрлена рачна бомба врз поштата во Звечан Поштата на Косово во Звечан, 27 март 2025 година Косовската полиција соопшти дека во зградата на Косовската пошта во Звечан експлодирала рачна граната, додека друга била активирана.Заменик-директорот на косовската полиција за северниот регион, Ветон Елшани за Радио Слободна Европа изјави дека нема повредени, но дека е причинета материјална штета.Знакот на Поштата на Косово во Звечан на оваа зграда беше поставен минатата недела. Во него до мај 2024 година функционираше банката Поштенска Штедилница, која работеше во српскиот систем. Видете и ова: Страв, несигурност и недостиг на производи на северот на Косово Истиот знак на Пошта на Косово беше поставен и во други општини со српско мнозинство на северот на Косово, во зградите каде што функционираа експозитурите на банката Поштенска штедилница.Косовските власти ја затворија оваа банка, Поштата на Србија и другите институции кои работат во системот на Србија со образложение дека се нелегални, односно немале дозвола за работа. Ова наиде на незадоволство кај локалната српска заедница и критики од Меѓународната заедница.Минатата година неколку експлозивни направи беа фрлени и врз косовските институции во општините на северот на Косово, додека косовските власти оценија дека „криминалните и терористичките напади“ имале за цел заплашување. прочитај повеќе април 01, 2025 ЕУ го поздрави формирањето на нова преодна влада во Сирија Високата претставничка на ЕУ за надворешна политика и безбедност, Каја Калас Европската Унија го поздрави формирањето на новата преодна влада во Сирија и изрази подготвеност за соработка со неа во справувањето со големите предизвици, изјави синоќа високата претставничка на ЕУ за надворешна политика и безбедност, Каја Калас.Како што е наведено на официјалната веб-страница на ЕУ, Калас изјави дека аспирациите на сите Сиријци мора да бидат исполнети и дека Унијата ќе застане покрај сирискиот народ, обезбедувајќи новата влада да ги почитува своите обврски кон мирна и инклузивна транзиција.„ЕУ ја повторува својата непоколеблива поддршка за транзициониот процес што го води и поседува самата Сирија – процес кој е мирен, инклузивен и кој ги опфаќа сите сегменти на сириското општество. Сеопфатната транзициска правда мора да обезбеди одговорност за сите злосторства и значително да придонесе за национално помирување“, изјави Калас. Видете и ова: ЕУ вети повеќе од 5 милијарди евра за Сирија Таа нагласи дека процесот инициран на Конференцијата за национален дијалог, одржана на 25 февруари, ќе има клучна улога во овој контекст.„Клучно е сите надворешни актери целосно да го почитуваат единството, суверенитетот и територијалниот интегритет на Сирија. ЕУ ги осудува сите обиди за поткопување на нејзината стабилност и перспективите за мирна и инклузивна политичка транзиција“, рече Калас.Министрите на новата сириска преодна влада пред два дена положија заклетва во Народната палата во Дамаск. прочитај повеќе април 01, 2025 Британски, француски и украински генерали на средба за поддршка на Украина илустрација Британски, француски и украински високи воени претставници ќе одржат состанок во наредните денови за да дадат „реален импулс“ на напорите за јакнење на безбедноста на Украина, изјави портпаролот на британскиот премиер Кир Стармер.Средбата, која има цел да ги разгледа следните фази на детално воено планирање, била договорена за време на телефонскиот разговор меѓу Стармер и украинскиот претседател Володимир Зеленски.Состанокот следува по неодамнешната средба во Париз на т.н. „коалиција на подготвените“, која вклучува европски земји што ја поддржуваат Украина. Видете и ова: „Коалицијата на подготвените“ - Доведување на Украина во најдобра позиција за преговори „Лидерите се согласија дека постои реален напредок во долгорочната поддршка за безбедноста на Украина“, изјави портпаролот на британскиот премиер.Во одделно соопштение, Зеленски нагласи дека ја цени позицијата на Велика Британија во вршењето притисок врз Русија.„Потребен е силен притисок за да се одврати Русија од ширење на војната. Ова е уште поважно сега, кога Москва се потсмева на обидите на нашите партнери да го придвижат мировниот процес“, изјави Зеленски.Во исто време, Кремљ соопшти дека Русија и САД ги разгледуваат можните опции за мировно решение на војната во Украина. прочитај повеќе април 01, 2025 Марин Ле Пен: Нема да се кандидирам во 2027, но ќе продолжам со борбата Марин Ле Пен Француската крајнодесничарска лидерка Марин Ле Пен изјави дека судската одлука со која ѝ се забранува да извршува изборни функции практично ја исклучува од трката за претседателските избори во 2027 година. Таа нагласи дека нема големи надежи дека нејзината жалба ќе биде разгледана пред изборите.Според неа, забраната е „политичка одлука“.„Да бидеме искрени, јас бев елиминирана, но вистината е дека елиминирани беа и гласовите на милиони Французи“, изјави Ле Пен за францускиот TF1.Таа додаде дека ќе ги искористи сите правни средства за да ја поништи пресудата, по што би можела да ја разгледа можноста повторно да се кандидира. Видете и ова: Францускиот суд ја осуди Марин Ле Пен и ѝ забрани да се кандидира за јавна функција Доколку не успее, 29-годишниот лидер на Национален собир, Жордан Бардела, може да биде нејзин кандидат за претседател.„Жордан Бардела е голем адут за партијата, и тоа го велам одамна“, нагласи Ле Пен.Таа истакна дека одлуката на судот претставува „практика која сме ја сметале за резервирана за авторитарни режими“ и дека милиони Французи се „восхитени“ од нејзината борба против „неправдата“.Француски суд вчера донесе одлука според која Марин Ле Пен од десничарската француска партија Национален собир е осудена на четири години затвор поради проневера на средства од европски фондови.Според одлуката, две од вкупно четирите години затвор ќе бидат условна казна. Судот пресуди и дека Ле Пен треба да добие петгодишна забрана за вршење јавна функција и треба да плати парична казна од 100.000 евра. прочитај повеќе март 31, 2025 Најмалку 2.065 лица загинаа во земјотресот во Мјанмар Земјотрес во Мјанмар, 29 март 2025 година. Бројот на загинати во земјотресот во Мјанмар достигна 2.065 лица. Повеќе од 3.900 лица се повредени, а над 270 се водат како исчезнати, јави Ројтерс повикувајќи се на државниот телевизиски канал на земјата. Земјотресот со јачина од 7,7 степени според Рихтеровата скала, што го погоди Мјанмар во петокот, на 28 март е еден од најсилните во Мјанмар во изминатиот век. Индија, Кина и Тајланд се меѓу соседите на Мјанмар кои испратија помошни материјали и тимови, заедно со помош и персонал од Малезија, Сингапур и Русија. Видете и ова: Земјотрес од 7,7 степени го погоди Мјанмар, се урна висококатница во Бангкок Соединетите Американски Држави ветија помош од 2 милиони долари „преку организациите за хуманитарна помош со седиште во Мјанмар“ и во соопштението наведоа дека тим за одговор при итни случаи од УСАИД, кој е подложен на огромни намалувања под администрацијата на Трамп, се распоредува во Мјанмар.Предвидливото моделирање на Американската геолошка служба процени дека бројот на загинати во Мјанмар би можел да достигне 10.000 лица, а загубите би можеле да го надминат годишното економско производство на земјата. прочитај повеќе Вчитај повеќе...

Вести март 30, 2025 Нападната деканката на Филозофскиот факултет во Ниш Србија - Наталија Јовановиќ, деканка на Филозофскиот факултет со студенти кои ја почнаа блокадата на факултетот, Ниш, 6 декември 2024 година. Деканката на Филозофскиот факултет на Универзитетот во Ниш, Наталија Јовановиќ, била нападната на 30 март, потврди нишката полиција за Радио Слободна Европа (РСЕ).„Постои сомневање дека со нож била нападната деканката на Филозофскиот факултет на Универзитетот во Ниш. Ѝ се укажува помош во Клиничкиот центар и се работи на расветлување на сите околности за настанот“, велат за РСЕ од полициската управа во Ниш.Деканката Јовановиќ и претходно беше цел на напади и закани, бидејќи ги поддржуваше студентските протести и блокадите на факултетите.Таа била нападната во пресрет на протестот во Ниш, а нејзиниот сопруг за агенцијата Бета изјавил дека до понатамошна наредба ќе биде задржана во Ургентниот центар, не поради повредата, туку поради високиот притисок.Тој исто така изјави дека „зад овој напад стои потписот на (српскиот претседател Александар) Вучиќ, бидејќи тој ја „посочил неа како едно од главните зла во Ниш“. Видете и ова: Ниш под 18-часовна блокада од студенти и граѓани Јовановиќ беше меѓу првите раководители на факултет во Србија што ги поддржа студентските барања, а нејзиниот Филозофски факултет беше првиот во Ниш што ги отвори вратите за студентите од блокадата.Од крајот на ноември, студентите блокираа десетици државни факултети на пет универзитети во Србија.Бараат утврдување политичка и кривична одговорност за падот на бетонската настрешница на Железничката станица во Нови Сад на 1 ноември кога загинаа 16 лица.Бараат и санкционирање на напаѓачите на студентите на протестите по трагедијата и прекин на постапката против уапсените демонстранти.Надлежните тврдат дека се исполнети сите барања на студентите, ги повикуваат да ги отворат факултетите, а академиците велат дека барањата не се исполнети и дека продолжуваат со блокирање на факултетите.Студентските барања ги поддржаа организации на просветни работници, правници, универзитетски професори, земјоделци и други граѓани.Протести предводени од студенти се одржаа во повеќе од 300 градови и населени места во Србија со учество на стотици илјади луѓе. прочитај повеќе види ги сите денешни вести април 01, 2025 Мелони: Пресудата на Ле Пен оневозможува претставување на милиони граѓани Италијанската премиерка Џорџа Мелони Италијанската премиерка Џорџа Мелони го изрази своето незадоволство поради привремената забрана за вршење на јавна функција со која се соочува екстремно десничарската француска политичарка Марин Ле Пен која вчера (31 март) беше осудена за проневера.Мелони за италијанскиот весник „Il Messaggero“ изјави дека не знаела ниту за обвинувањата против Ле Пен, ниту за причините за како што вели „толку острата одлука“.„Не верувам дека секој што ја цени демократијата може да биде задоволен од пресудата што влијае на лидерот на голема партија и им оневозможува на милиони граѓани нивно претставување“, изјави Мелони.Националистичката политичарка Ле Пен во понеделникот (31 март) беше прогласена за виновна за проневера на јавни средства. Дел од казната е петгодишна забрана за вршење јавна функција. Видете и ова: Францускиот суд ја осуди Марин Ле Пен и ѝ забрани да се кандидира за јавна функција Пресудата најверојатно ги уништува плановите на Ле Пен да се натпреварува на претседателските избори во 2027 година, бидејќи долгиот правен процес веројатно нема да заврши пред гласањето. Ле Пен ја осуди пресудата, која се фокусира на злоупотребата на средствата од Европската Унија од страна на нејзината партија, како „политичка“ и планира да поднесе жалба.Судијата ја осуди француската политичарка и на четиригодишна затворска казна, од кои две се во домашен притвор, а две се условни и на парична казна од 100.000 евра.Речиси е сигурно дека пресудата ќе биде обжалена, а нема да се изрекуваат ниту затворска ниту парична казна додека не заврши жалбениот процес. Тој процес во Франција може да трае со месеци, па дури и со години. прочитај повеќе април 01, 2025 Фон дер Лајен: Брисел е подготвен да возврати на американските царини Pретседателката на Европската комисија, Урсула фон дер Лајен. Европската Унија ќе биде подготвена да возврати со контрамерки на американските царини доколку е потребно, изјави претседателката на Европската комисија, Урсула фон дер Лајен.Таа во својот говор во Европскиот парламент во Стразбур истакна дека целта на ЕУ е да се најде решение преку преговори.„Сепак, доколку е потребно, ќе ги заштитиме нашите интереси, луѓе и компании“, рече таа.Според неа, ЕУ не сака да возврати, но Брисел има силен план за тоа и ќе возврати ако треба. Видете и ова: ЕУ би можела да го одложи првиот сет царини против САД до средината на април Пред неколку дена, американскиот претседател Доналд Трамп се закани со повисоки царини за Европската унија и Канада доколку соработуваат „да предизвикаат економска штета на САД“.ЕУ прво ги објави првите контрамерки, а потоа ги одложи до средината на април, вклучувајќи, на пример, царини од 50 отсто за американскиот бурбон.Како одговор, Трамп се закани дека ќе воведе царини од 200 отсто за сите винa и други алкохолни производи од ЕУ, доколку Брисел го стори тоа. прочитај повеќе април 01, 2025 Дома се пуштени 93 пациенти од пожарот во Кочани, уште сто се лекуваат Северна Македонија - Арбен Таравари, министер за здравство на Северна Македонија Во болниците се лекуваат уште сто пациенти од пожарот во Кочани од вкупно 193 колку што имаше. Тројца од нив се во критична состојба, рече министерот за здравство, Арбен Таравари, на прес-конференција на 1 април. Пациентите беа повредени во пожар во дискотеката „Пулс“ во Кочани на 16 март, при што загинаа 59 лица, а 193 беа повредени. Повеќе од половина од повредените беа испратени на лекување во странски медицински центри.Од пациентите кои се на лекување, 80 се во болници во странство, а 20 пациенти се распоредени во Клинички центар, во ГОБ „8 септември“, во болницата „Св.Наум Охридски“ и тројца во приватните болници. Денеска во земјава се враќаат уште двајца пациенти, од Полска и од Белгија. Таравари рече дека до крајот на неделава се очекува враќање на уште неколкумина пациенти. Видете и ова: Последно збогум за жртвите од пожарот - најмладите имале 16 години Засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. За нивната рехабилитација се разглаедуваат неколку опции: прилагодување на просторот каде беше сместен ковид центарот во ГОБ „8 Септември“, Центарот за рехабилитација во Козле или да се искористат понудите од други држави за пациентите на кои ќе им биде потребна подолга рехабилитација, за што трошоците ќе бидат покриени од тие држави.Вкупниот број на осомничени за пожарот во Кочани досега е 34 лица. Со истрагата се опфатени 27 физички и три правни лица, а истражни постапки има и против седум полициски службеници од полициските станици во Штип и во Кочани. прочитај повеќе април 01, 2025 Бербок во Киев предупреди на тактиката на Путин за одложување на мировните преговори Германската министерка за надворешни работи Аналена Баербок (десно) и украинската главна обвинителка Ирина Венедиктова во Киев (архивска фотографија) Германската министерка за надворешни работи, Аналена Бербок, која е во ненадејна посета на Киев, предупреди дека не треба да се наседнува на руската тактика за одложување на мировните преговори за ставање крај на војната во Украина.Германската дипломатка во заминување, која е во посета на Украина по деветти пат откако Кремљ ја започна својата инвазија во февруари 2022 година, рече дека верува оти Киев е подготвен да потпише мировен договор по интензивните преговори предводени од Соединетите Држави.„На претстојниот состанок на министрите за надворешни работи на НАТО, јасно ќе и ставиме до знаење на американската страна дека не треба да се занимаваме со тактиката на застој на Путин“, рече таа на 1 април во изјавата по пристигнувањето во Киев.Нејзината изјава доаѓа откако американскиот претседател Доналд Трамп и се закани на Русија со нови царини за нафтените деривати доколку Москва ги блокира неговите иницијативи за прекин на огнот. Трамп, исто така, рече дека украинскиот лидер Володимир Зеленски ќе се соочи со „големи проблеми“ доколку не го потпише клучниот договор за ретки минерали со Вашингтон.„Тој се обидува да се повлече од договорот за ретките минерали, а ако го направи тоа, ќе има проблеми, големи проблеми“, им рече Трамп на новинарите на 30 март во врска со украинскиот претседател. Видете и ова: Што има, а што нема во договорот за минерали меѓу Украина и САД? „Се договоривме за ретките минерали. И сега тој вели, добро, знаете, сакам повторно да преговарам за договорот. Тој сака Украина да биде членка на НАТО, но тоа никогаш нема да се случи. Тој го разбира тоа“, додаде Трамп.Украинската влада на 28 март објави дека сè уште размислува за нацрт-договор со САД за ретки минерали, по извештаите во медиумите дека Вашингтон неколку пати ги менувал условите на договорот. Видете и ова: Трамп му се закани на Путин со царини за нафтата, од Зеленски бара договор за минералите Украинската министерка за економија Јулија Свириденко на владиниот состанок најави дека Киев ќе го формира својот став за договорот, но дека пратениците ќе го кажат својот став дури кога ќе се постигне консензус. Пред тоа, рече таа, јавна дискусија би била штетна.Украина поседува значителни количини на ретки минерали. Овие суровини се високо ценети поради нивната употреба во одбранбената технологија, како и во уреди како што се компјутери, паметни телефони и батерии.Украина и САД претходно овој месец се договорија да склучат сеопфатен договор за развој на ретките минерални ресурси во Украина. Напорите за постигнување договор пропаднаа на 28 февруари, откако Трамп и Зеленски вербално се судрија во Белата куќа. Видете и ова: Четири работи околу клучните американско-украински разговори во Саудиска Арабија Во меѓувреме, Трамп на 30 март рече дека ќе воведе секундарни тарифи меѓу 25 и 50 отсто за целата руска нафта, доколку почувствува дека претседателот Владимир Путин ги блокира неговите напори да стави крај на војната во Украина.Трамп во телефонско интервју за Ен-Би-Си за време на викендот рече дека е „многу лут“ откако Путин повика на преодна влада во Украина што може ефективно да го собори украинскиот претседател Володимир Зеленски.„Ако Русија и јас не можеме да постигнеме договор за запирање на крвопролевањето во Украина, и ако мислам дека за тоа е виновна Русија, а можеби и не е, но ако мислам дека е виновна Русија, ќе воведам секундарни царини за нафтата, целата нафта што доаѓа од Русија“, рече Трамп.„Тоа би значело дека ако купувате нафта од Русија, не можете да работите во САД. Ќе има царини од 25 проценти за целата нафта, од 25 до 50 проценти за целата нафта“, додаде Трамп.Тој истакна дека трговските мерки ќе бидат воведени во рок од еден месец, доколку не се постигне договор за прекин на огнот.Чувствителниот дипломатски момент доаѓа откако Белата куќа на 25 март објави дека и Русија и Украина се согласиле на прекин на огнот и дозволиле пловење во Црното Море, како и дека се договориле да не се напаѓаат енергетските капацитети на другиот. прочитај повеќе април 01, 2025 Кина одржува голема воена вежба околу Тајван илустрација Кинеската војска денеска (1 април) соопшти дека започнала воена вежба во која учествуваат различни родови на војската околу Тајван, „за да послужат како остро предупредување и моќно одвраќање за тајванската независност“ и го нарече тајванскиот претседател Вилијам Лаи „паразит“.Кина, која го смета Тајван за своја провинција, го зголемува политичкиот и воениот притисок врз островот во последниве години.„Фокусот на вежбите е на практикување борбено патролирање на море и во воздух, воспоставување сеопфатна контрола, удар на морски и копнени цели и наметнување блокада на стратешките области и рути“, напиша Источната команда на кинеската армија на својот официјален профил на WeChat.Тајванската војска соопшти дека внимателно ги следи вежбите, во кои учествуваше и кинескиот носач на авиони „Шандун“. Овие вежби се одржуваат само две недели по големите маневри во средината на март кога Пекинг испрати голем број беспилотни летала и бродови на островот. Видете и ова: Кина започна нови вежби во близина на Тајван, за САД потегот е неоправдан Кинеската канцеларија за прашања на Тајван објави дека вежбите биле насочени кон тајванскиот претседател Лаи Чинг-те.„Лаи Чинг-те тврдоглаво инсистира на ставот за „независност на Тајван“, дрско нарекувајќи ја континенталната Кина „непријателска странска сила“ и ја претстави таканаречената „стратегија од 17 точки“ за да го поттикне антикинеското расположение“, соопшти кинеската канцеларија за прашања на Тајван.„Нема да го толерираме или одобриме на кој било начин и мора одлучно да се спротивставиме и строго да ги казниме ваквите постапки“, додаваат од Канцеларијата.Во средината на март, Лаи претстави стратегија од 17 точки чија цел е зајакнување на националната безбедност на Тајван. Видете и ова: Кина ги предупреди САД да ја прекинат воената соработка со Тајван Меѓу точките се дозволувањето случаи на шпионажа да се судат во воени судови, заострување на регулативите за имиграција за кинеските државјани кои бараат постојан престој.Пекинг испраќа воени авиони и морнарички бродови кон Тајван на речиси секојдневна основа во обид да ја намали одбраната и моралот на Тајван, иако повеќето од 23-те милиони жители на Тајван го отфрлаат кинеското барање за суверенитет над островот.Кина го зголеми опсегот на овие вежби во последниве години, од испраќање само борбени авиони до испраќање групи авиони, беспилотни летала и бродови. прочитај повеќе април 01, 2025 Фрлена рачна бомба врз поштата во Звечан Поштата на Косово во Звечан, 27 март 2025 година Косовската полиција соопшти дека во зградата на Косовската пошта во Звечан експлодирала рачна граната, додека друга била активирана.Заменик-директорот на косовската полиција за северниот регион, Ветон Елшани за Радио Слободна Европа изјави дека нема повредени, но дека е причинета материјална штета.Знакот на Поштата на Косово во Звечан на оваа зграда беше поставен минатата недела. Во него до мај 2024 година функционираше банката Поштенска Штедилница, која работеше во српскиот систем. Видете и ова: Страв, несигурност и недостиг на производи на северот на Косово Истиот знак на Пошта на Косово беше поставен и во други општини со српско мнозинство на северот на Косово, во зградите каде што функционираа експозитурите на банката Поштенска штедилница.Косовските власти ја затворија оваа банка, Поштата на Србија и другите институции кои работат во системот на Србија со образложение дека се нелегални, односно немале дозвола за работа. Ова наиде на незадоволство кај локалната српска заедница и критики од Меѓународната заедница.Минатата година неколку експлозивни направи беа фрлени и врз косовските институции во општините на северот на Косово, додека косовските власти оценија дека „криминалните и терористичките напади“ имале за цел заплашување. прочитај повеќе април 01, 2025 ЕУ го поздрави формирањето на нова преодна влада во Сирија Високата претставничка на ЕУ за надворешна политика и безбедност, Каја Калас Европската Унија го поздрави формирањето на новата преодна влада во Сирија и изрази подготвеност за соработка со неа во справувањето со големите предизвици, изјави синоќа високата претставничка на ЕУ за надворешна политика и безбедност, Каја Калас.Како што е наведено на официјалната веб-страница на ЕУ, Калас изјави дека аспирациите на сите Сиријци мора да бидат исполнети и дека Унијата ќе застане покрај сирискиот народ, обезбедувајќи новата влада да ги почитува своите обврски кон мирна и инклузивна транзиција.„ЕУ ја повторува својата непоколеблива поддршка за транзициониот процес што го води и поседува самата Сирија – процес кој е мирен, инклузивен и кој ги опфаќа сите сегменти на сириското општество. Сеопфатната транзициска правда мора да обезбеди одговорност за сите злосторства и значително да придонесе за национално помирување“, изјави Калас. Видете и ова: ЕУ вети повеќе од 5 милијарди евра за Сирија Таа нагласи дека процесот инициран на Конференцијата за национален дијалог, одржана на 25 февруари, ќе има клучна улога во овој контекст.„Клучно е сите надворешни актери целосно да го почитуваат единството, суверенитетот и територијалниот интегритет на Сирија. ЕУ ги осудува сите обиди за поткопување на нејзината стабилност и перспективите за мирна и инклузивна политичка транзиција“, рече Калас.Министрите на новата сириска преодна влада пред два дена положија заклетва во Народната палата во Дамаск. прочитај повеќе април 01, 2025 Британски, француски и украински генерали на средба за поддршка на Украина илустрација Британски, француски и украински високи воени претставници ќе одржат состанок во наредните денови за да дадат „реален импулс“ на напорите за јакнење на безбедноста на Украина, изјави портпаролот на британскиот премиер Кир Стармер.Средбата, која има цел да ги разгледа следните фази на детално воено планирање, била договорена за време на телефонскиот разговор меѓу Стармер и украинскиот претседател Володимир Зеленски.Состанокот следува по неодамнешната средба во Париз на т.н. „коалиција на подготвените“, која вклучува европски земји што ја поддржуваат Украина. Видете и ова: „Коалицијата на подготвените“ - Доведување на Украина во најдобра позиција за преговори „Лидерите се согласија дека постои реален напредок во долгорочната поддршка за безбедноста на Украина“, изјави портпаролот на британскиот премиер.Во одделно соопштение, Зеленски нагласи дека ја цени позицијата на Велика Британија во вршењето притисок врз Русија.„Потребен е силен притисок за да се одврати Русија од ширење на војната. Ова е уште поважно сега, кога Москва се потсмева на обидите на нашите партнери да го придвижат мировниот процес“, изјави Зеленски.Во исто време, Кремљ соопшти дека Русија и САД ги разгледуваат можните опции за мировно решение на војната во Украина. прочитај повеќе април 01, 2025 Марин Ле Пен: Нема да се кандидирам во 2027, но ќе продолжам со борбата Марин Ле Пен Француската крајнодесничарска лидерка Марин Ле Пен изјави дека судската одлука со која ѝ се забранува да извршува изборни функции практично ја исклучува од трката за претседателските избори во 2027 година. Таа нагласи дека нема големи надежи дека нејзината жалба ќе биде разгледана пред изборите.Според неа, забраната е „политичка одлука“.„Да бидеме искрени, јас бев елиминирана, но вистината е дека елиминирани беа и гласовите на милиони Французи“, изјави Ле Пен за францускиот TF1.Таа додаде дека ќе ги искористи сите правни средства за да ја поништи пресудата, по што би можела да ја разгледа можноста повторно да се кандидира. Видете и ова: Францускиот суд ја осуди Марин Ле Пен и ѝ забрани да се кандидира за јавна функција Доколку не успее, 29-годишниот лидер на Национален собир, Жордан Бардела, може да биде нејзин кандидат за претседател.„Жордан Бардела е голем адут за партијата, и тоа го велам одамна“, нагласи Ле Пен.Таа истакна дека одлуката на судот претставува „практика која сме ја сметале за резервирана за авторитарни режими“ и дека милиони Французи се „восхитени“ од нејзината борба против „неправдата“.Француски суд вчера донесе одлука според која Марин Ле Пен од десничарската француска партија Национален собир е осудена на четири години затвор поради проневера на средства од европски фондови.Според одлуката, две од вкупно четирите години затвор ќе бидат условна казна. Судот пресуди и дека Ле Пен треба да добие петгодишна забрана за вршење јавна функција и треба да плати парична казна од 100.000 евра. прочитај повеќе март 31, 2025 Најмалку 2.065 лица загинаа во земјотресот во Мјанмар Земјотрес во Мјанмар, 29 март 2025 година. Бројот на загинати во земјотресот во Мјанмар достигна 2.065 лица. Повеќе од 3.900 лица се повредени, а над 270 се водат како исчезнати, јави Ројтерс повикувајќи се на државниот телевизиски канал на земјата. Земјотресот со јачина од 7,7 степени според Рихтеровата скала, што го погоди Мјанмар во петокот, на 28 март е еден од најсилните во Мјанмар во изминатиот век. Индија, Кина и Тајланд се меѓу соседите на Мјанмар кои испратија помошни материјали и тимови, заедно со помош и персонал од Малезија, Сингапур и Русија. Видете и ова: Земјотрес од 7,7 степени го погоди Мјанмар, се урна висококатница во Бангкок Соединетите Американски Држави ветија помош од 2 милиони долари „преку организациите за хуманитарна помош со седиште во Мјанмар“ и во соопштението наведоа дека тим за одговор при итни случаи од УСАИД, кој е подложен на огромни намалувања под администрацијата на Трамп, се распоредува во Мјанмар.Предвидливото моделирање на Американската геолошка служба процени дека бројот на загинати во Мјанмар би можел да достигне 10.000 лица, а загубите би можеле да го надминат годишното економско производство на земјата. прочитај повеќе Вчитај повеќе...

Вести март 30, 2025 Турција го поздрави формирањето на преодната влада на Сирија Турција - Зградата на Министерството за надворешни работи на Турција, Анкара, 24 април 2020 година. Турција го поздравува формирањето на преодна влада во Сирија, соопшти турското Министерство за надворешни работи, додавајќи дека овој потег е знак дека новите владетели на Сирија имаат инклузивен пристап кон раководството на земјата, јави Ројтерс.Во соопштението на Министерството се вели дека меѓународната заедница треба да ги зголеми напорите за поддршка на Сирија, вклучително и со целосно укинување на санкциите за да може да започне обнова на земјата. Во соопштението пишува и дека Турција, еден од главните моќници во Сирија по соборувањето на поранешниот претседател Башар ал Асад од бунтовниците, ќе продолжи да го поддржува сеопфатниот и инклузивен период на транзиција“.Сирискиот претседател Ахмед ал Шара формира нова преодна влада, назначувајќи 23 министри во проширениот кабинет, што се смета за клучна пресвртница во транзицијата од децениското владеење на семејството Асад и подобрување на врските на Сирија со Западот. Видете и ова: Иран: Добивме „пораки“ од новата сириска влада Бунтовничките сили во Сирија, предводени од организацијата Хајат Тахрир ал - Шам (ХТС) – прогласена од САД за терористичка организација, ја презедоа власта во земјата во декември минатата година, по соборувањето на сирискиот претседател Башар ал Асад.Новата власт во Сирија предводена од сунитските исламисти беше под притисок од Западот и арапските земји за да формира влада што ќе ги вклучува различните етнички и верски заедници во земјата.Поранешниот сириски претседател Башар Ал Асад ја напушти земјата на 8 декември 2024, откако ХТС ја собори владата. Тој доби политички политички азил во Русија од страна на претседателот Владимир Путин. прочитај повеќе види ги сите денешни вести април 01, 2025 Фон дер Лајен: Брисел е подготвен да возврати на американските царини Pретседателката на Европската комисија, Урсула фон дер Лајен. Европската Унија ќе биде подготвена да возврати со контрамерки на американските царини доколку е потребно, изјави претседателката на Европската комисија, Урсула фон дер Лајен.Таа во својот говор во Европскиот парламент во Стразбур истакна дека целта на ЕУ е да се најде решение преку преговори.„Сепак, доколку е потребно, ќе ги заштитиме нашите интереси, луѓе и компании“, рече таа.Според неа, ЕУ не сака да возврати, но Брисел има силен план за тоа и ќе возврати ако треба. Видете и ова: ЕУ би можела да го одложи првиот сет царини против САД до средината на април Пред неколку дена, американскиот претседател Доналд Трамп се закани со повисоки царини за Европската унија и Канада доколку соработуваат „да предизвикаат економска штета на САД“.ЕУ прво ги објави првите контрамерки, а потоа ги одложи до средината на април, вклучувајќи, на пример, царини од 50 отсто за американскиот бурбон.Како одговор, Трамп се закани дека ќе воведе царини од 200 отсто за сите винa и други алкохолни производи од ЕУ, доколку Брисел го стори тоа. прочитај повеќе април 01, 2025 Дома се пуштени 93 пациенти од пожарот во Кочани, уште сто се лекуваат Северна Македонија - Арбен Таравари, министер за здравство на Северна Македонија Во болниците се лекуваат уште сто пациенти од пожарот во Кочани од вкупно 193 колку што имаше. Тројца од нив се во критична состојба, рече министерот за здравство, Арбен Таравари, на прес-конференција на 1 април. Пациентите беа повредени во пожар во дискотеката „Пулс“ во Кочани на 16 март, при што загинаа 59 лица, а 193 беа повредени. Повеќе од половина од повредените беа испратени на лекување во странски медицински центри.Од пациентите кои се на лекување, 80 се во болници во странство, а 20 пациенти се распоредени во Клинички центар, во ГОБ „8 септември“, во болницата „Св.Наум Охридски“ и тројца во приватните болници. Денеска во земјава се враќаат уште двајца пациенти, од Полска и од Белгија. Таравари рече дека до крајот на неделава се очекува враќање на уште неколкумина пациенти. Видете и ова: Последно збогум за жртвите од пожарот - најмладите имале 16 години Засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. За нивната рехабилитација се разглаедуваат неколку опции: прилагодување на просторот каде беше сместен ковид центарот во ГОБ „8 Септември“, Центарот за рехабилитација во Козле или да се искористат понудите од други држави за пациентите на кои ќе им биде потребна подолга рехабилитација, за што трошоците ќе бидат покриени од тие држави.Вкупниот број на осомничени за пожарот во Кочани досега е 34 лица. Со истрагата се опфатени 27 физички и три правни лица, а истражни постапки има и против седум полициски службеници од полициските станици во Штип и во Кочани. прочитај повеќе април 01, 2025 Бербок во Киев предупреди на тактиката на Путин за одложување на мировните преговори Германската министерка за надворешни работи Аналена Баербок (десно) и украинската главна обвинителка Ирина Венедиктова во Киев (архивска фотографија) Германската министерка за надворешни работи, Аналена Бербок, која е во ненадејна посета на Киев, предупреди дека не треба да се наседнува на руската тактика за одложување на мировните преговори за ставање крај на војната во Украина.Германската дипломатка во заминување, која е во посета на Украина по деветти пат откако Кремљ ја започна својата инвазија во февруари 2022 година, рече дека верува оти Киев е подготвен да потпише мировен договор по интензивните преговори предводени од Соединетите Држави.„На претстојниот состанок на министрите за надворешни работи на НАТО, јасно ќе и ставиме до знаење на американската страна дека не треба да се занимаваме со тактиката на застој на Путин“, рече таа на 1 април во изјавата по пристигнувањето во Киев.Нејзината изјава доаѓа откако американскиот претседател Доналд Трамп и се закани на Русија со нови царини за нафтените деривати доколку Москва ги блокира неговите иницијативи за прекин на огнот. Трамп, исто така, рече дека украинскиот лидер Володимир Зеленски ќе се соочи со „големи проблеми“ доколку не го потпише клучниот договор за ретки минерали со Вашингтон.„Тој се обидува да се повлече од договорот за ретките минерали, а ако го направи тоа, ќе има проблеми, големи проблеми“, им рече Трамп на новинарите на 30 март во врска со украинскиот претседател. Видете и ова: Што има, а што нема во договорот за минерали меѓу Украина и САД? „Се договоривме за ретките минерали. И сега тој вели, добро, знаете, сакам повторно да преговарам за договорот. Тој сака Украина да биде членка на НАТО, но тоа никогаш нема да се случи. Тој го разбира тоа“, додаде Трамп.Украинската влада на 28 март објави дека сè уште размислува за нацрт-договор со САД за ретки минерали, по извештаите во медиумите дека Вашингтон неколку пати ги менувал условите на договорот. Видете и ова: Трамп му се закани на Путин со царини за нафтата, од Зеленски бара договор за минералите Украинската министерка за економија Јулија Свириденко на владиниот состанок најави дека Киев ќе го формира својот став за договорот, но дека пратениците ќе го кажат својот став дури кога ќе се постигне консензус. Пред тоа, рече таа, јавна дискусија би била штетна.Украина поседува значителни количини на ретки минерали. Овие суровини се високо ценети поради нивната употреба во одбранбената технологија, како и во уреди како што се компјутери, паметни телефони и батерии.Украина и САД претходно овој месец се договорија да склучат сеопфатен договор за развој на ретките минерални ресурси во Украина. Напорите за постигнување договор пропаднаа на 28 февруари, откако Трамп и Зеленски вербално се судрија во Белата куќа. Видете и ова: Четири работи околу клучните американско-украински разговори во Саудиска Арабија Во меѓувреме, Трамп на 30 март рече дека ќе воведе секундарни тарифи меѓу 25 и 50 отсто за целата руска нафта, доколку почувствува дека претседателот Владимир Путин ги блокира неговите напори да стави крај на војната во Украина.Трамп во телефонско интервју за Ен-Би-Си за време на викендот рече дека е „многу лут“ откако Путин повика на преодна влада во Украина што може ефективно да го собори украинскиот претседател Володимир Зеленски.„Ако Русија и јас не можеме да постигнеме договор за запирање на крвопролевањето во Украина, и ако мислам дека за тоа е виновна Русија, а можеби и не е, но ако мислам дека е виновна Русија, ќе воведам секундарни царини за нафтата, целата нафта што доаѓа од Русија“, рече Трамп.„Тоа би значело дека ако купувате нафта од Русија, не можете да работите во САД. Ќе има царини од 25 проценти за целата нафта, од 25 до 50 проценти за целата нафта“, додаде Трамп.Тој истакна дека трговските мерки ќе бидат воведени во рок од еден месец, доколку не се постигне договор за прекин на огнот.Чувствителниот дипломатски момент доаѓа откако Белата куќа на 25 март објави дека и Русија и Украина се согласиле на прекин на огнот и дозволиле пловење во Црното Море, како и дека се договориле да не се напаѓаат енергетските капацитети на другиот. прочитај повеќе април 01, 2025 Кина одржува голема воена вежба околу Тајван илустрација Кинеската војска денеска (1 април) соопшти дека започнала воена вежба во која учествуваат различни родови на војската околу Тајван, „за да послужат како остро предупредување и моќно одвраќање за тајванската независност“ и го нарече тајванскиот претседател Вилијам Лаи „паразит“.Кина, која го смета Тајван за своја провинција, го зголемува политичкиот и воениот притисок врз островот во последниве години.„Фокусот на вежбите е на практикување борбено патролирање на море и во воздух, воспоставување сеопфатна контрола, удар на морски и копнени цели и наметнување блокада на стратешките области и рути“, напиша Источната команда на кинеската армија на својот официјален профил на WeChat.Тајванската војска соопшти дека внимателно ги следи вежбите, во кои учествуваше и кинескиот носач на авиони „Шандун“. Овие вежби се одржуваат само две недели по големите маневри во средината на март кога Пекинг испрати голем број беспилотни летала и бродови на островот. Видете и ова: Кина започна нови вежби во близина на Тајван, за САД потегот е неоправдан Кинеската канцеларија за прашања на Тајван објави дека вежбите биле насочени кон тајванскиот претседател Лаи Чинг-те.„Лаи Чинг-те тврдоглаво инсистира на ставот за „независност на Тајван“, дрско нарекувајќи ја континенталната Кина „непријателска странска сила“ и ја претстави таканаречената „стратегија од 17 точки“ за да го поттикне антикинеското расположение“, соопшти кинеската канцеларија за прашања на Тајван.„Нема да го толерираме или одобриме на кој било начин и мора одлучно да се спротивставиме и строго да ги казниме ваквите постапки“, додаваат од Канцеларијата.Во средината на март, Лаи претстави стратегија од 17 точки чија цел е зајакнување на националната безбедност на Тајван. Видете и ова: Кина ги предупреди САД да ја прекинат воената соработка со Тајван Меѓу точките се дозволувањето случаи на шпионажа да се судат во воени судови, заострување на регулативите за имиграција за кинеските државјани кои бараат постојан престој.Пекинг испраќа воени авиони и морнарички бродови кон Тајван на речиси секојдневна основа во обид да ја намали одбраната и моралот на Тајван, иако повеќето од 23-те милиони жители на Тајван го отфрлаат кинеското барање за суверенитет над островот.Кина го зголеми опсегот на овие вежби во последниве години, од испраќање само борбени авиони до испраќање групи авиони, беспилотни летала и бродови. прочитај повеќе април 01, 2025 Фрлена рачна бомба врз поштата во Звечан Поштата на Косово во Звечан, 27 март 2025 година Косовската полиција соопшти дека во зградата на Косовската пошта во Звечан експлодирала рачна граната, додека друга била активирана.Заменик-директорот на косовската полиција за северниот регион, Ветон Елшани за Радио Слободна Европа изјави дека нема повредени, но дека е причинета материјална штета.Знакот на Поштата на Косово во Звечан на оваа зграда беше поставен минатата недела. Во него до мај 2024 година функционираше банката Поштенска Штедилница, која работеше во српскиот систем. Видете и ова: Страв, несигурност и недостиг на производи на северот на Косово Истиот знак на Пошта на Косово беше поставен и во други општини со српско мнозинство на северот на Косово, во зградите каде што функционираа експозитурите на банката Поштенска штедилница.Косовските власти ја затворија оваа банка, Поштата на Србија и другите институции кои работат во системот на Србија со образложение дека се нелегални, односно немале дозвола за работа. Ова наиде на незадоволство кај локалната српска заедница и критики од Меѓународната заедница.Минатата година неколку експлозивни направи беа фрлени и врз косовските институции во општините на северот на Косово, додека косовските власти оценија дека „криминалните и терористичките напади“ имале за цел заплашување. прочитај повеќе април 01, 2025 ЕУ го поздрави формирањето на нова преодна влада во Сирија Високата претставничка на ЕУ за надворешна политика и безбедност, Каја Калас Европската Унија го поздрави формирањето на новата преодна влада во Сирија и изрази подготвеност за соработка со неа во справувањето со големите предизвици, изјави синоќа високата претставничка на ЕУ за надворешна политика и безбедност, Каја Калас.Како што е наведено на официјалната веб-страница на ЕУ, Калас изјави дека аспирациите на сите Сиријци мора да бидат исполнети и дека Унијата ќе застане покрај сирискиот народ, обезбедувајќи новата влада да ги почитува своите обврски кон мирна и инклузивна транзиција.„ЕУ ја повторува својата непоколеблива поддршка за транзициониот процес што го води и поседува самата Сирија – процес кој е мирен, инклузивен и кој ги опфаќа сите сегменти на сириското општество. Сеопфатната транзициска правда мора да обезбеди одговорност за сите злосторства и значително да придонесе за национално помирување“, изјави Калас. Видете и ова: ЕУ вети повеќе од 5 милијарди евра за Сирија Таа нагласи дека процесот инициран на Конференцијата за национален дијалог, одржана на 25 февруари, ќе има клучна улога во овој контекст.„Клучно е сите надворешни актери целосно да го почитуваат единството, суверенитетот и територијалниот интегритет на Сирија. ЕУ ги осудува сите обиди за поткопување на нејзината стабилност и перспективите за мирна и инклузивна политичка транзиција“, рече Калас.Министрите на новата сириска преодна влада пред два дена положија заклетва во Народната палата во Дамаск. прочитај повеќе април 01, 2025 Британски, француски и украински генерали на средба за поддршка на Украина илустрација Британски, француски и украински високи воени претставници ќе одржат состанок во наредните денови за да дадат „реален импулс“ на напорите за јакнење на безбедноста на Украина, изјави портпаролот на британскиот премиер Кир Стармер.Средбата, која има цел да ги разгледа следните фази на детално воено планирање, била договорена за време на телефонскиот разговор меѓу Стармер и украинскиот претседател Володимир Зеленски.Состанокот следува по неодамнешната средба во Париз на т.н. „коалиција на подготвените“, која вклучува европски земји што ја поддржуваат Украина. Видете и ова: „Коалицијата на подготвените“ - Доведување на Украина во најдобра позиција за преговори „Лидерите се согласија дека постои реален напредок во долгорочната поддршка за безбедноста на Украина“, изјави портпаролот на британскиот премиер.Во одделно соопштение, Зеленски нагласи дека ја цени позицијата на Велика Британија во вршењето притисок врз Русија.„Потребен е силен притисок за да се одврати Русија од ширење на војната. Ова е уште поважно сега, кога Москва се потсмева на обидите на нашите партнери да го придвижат мировниот процес“, изјави Зеленски.Во исто време, Кремљ соопшти дека Русија и САД ги разгледуваат можните опции за мировно решение на војната во Украина. прочитај повеќе април 01, 2025 Марин Ле Пен: Нема да се кандидирам во 2027, но ќе продолжам со борбата Марин Ле Пен Француската крајнодесничарска лидерка Марин Ле Пен изјави дека судската одлука со која ѝ се забранува да извршува изборни функции практично ја исклучува од трката за претседателските избори во 2027 година. Таа нагласи дека нема големи надежи дека нејзината жалба ќе биде разгледана пред изборите.Според неа, забраната е „политичка одлука“.„Да бидеме искрени, јас бев елиминирана, но вистината е дека елиминирани беа и гласовите на милиони Французи“, изјави Ле Пен за францускиот TF1.Таа додаде дека ќе ги искористи сите правни средства за да ја поништи пресудата, по што би можела да ја разгледа можноста повторно да се кандидира. Видете и ова: Францускиот суд ја осуди Марин Ле Пен и ѝ забрани да се кандидира за јавна функција Доколку не успее, 29-годишниот лидер на Национален собир, Жордан Бардела, може да биде нејзин кандидат за претседател.„Жордан Бардела е голем адут за партијата, и тоа го велам одамна“, нагласи Ле Пен.Таа истакна дека одлуката на судот претставува „практика која сме ја сметале за резервирана за авторитарни режими“ и дека милиони Французи се „восхитени“ од нејзината борба против „неправдата“.Француски суд вчера донесе одлука според која Марин Ле Пен од десничарската француска партија Национален собир е осудена на четири години затвор поради проневера на средства од европски фондови.Според одлуката, две од вкупно четирите години затвор ќе бидат условна казна. Судот пресуди и дека Ле Пен треба да добие петгодишна забрана за вршење јавна функција и треба да плати парична казна од 100.000 евра. прочитај повеќе март 31, 2025 Најмалку 2.065 лица загинаа во земјотресот во Мјанмар Земјотрес во Мјанмар, 29 март 2025 година. Бројот на загинати во земјотресот во Мјанмар достигна 2.065 лица. Повеќе од 3.900 лица се повредени, а над 270 се водат како исчезнати, јави Ројтерс повикувајќи се на државниот телевизиски канал на земјата. Земјотресот со јачина од 7,7 степени според Рихтеровата скала, што го погоди Мјанмар во петокот, на 28 март е еден од најсилните во Мјанмар во изминатиот век. Индија, Кина и Тајланд се меѓу соседите на Мјанмар кои испратија помошни материјали и тимови, заедно со помош и персонал од Малезија, Сингапур и Русија. Видете и ова: Земјотрес од 7,7 степени го погоди Мјанмар, се урна висококатница во Бангкок Соединетите Американски Држави ветија помош од 2 милиони долари „преку организациите за хуманитарна помош со седиште во Мјанмар“ и во соопштението наведоа дека тим за одговор при итни случаи од УСАИД, кој е подложен на огромни намалувања под администрацијата на Трамп, се распоредува во Мјанмар.Предвидливото моделирање на Американската геолошка служба процени дека бројот на загинати во Мјанмар би можел да достигне 10.000 лица, а загубите би можеле да го надминат годишното економско производство на земјата. прочитај повеќе март 31, 2025 Шест пациенти од пожарот во Кочани се враќаат од странски болници Северна Македонија - запалената дискотека „Пулс“ во Кочани, 17 март 2025 година. Шест пациенти денеска се враќаат од странство, пет од Србија (тројца од КБЦ Ниш и двајца од ВМА Белград) и еден од Италија, соопшти Министерството за здравство. Тие ќе бидат примени во здравствени установи од кои биле испратени и согласно повредите.Во однос на останатите пациенти во странство, кај дел има подобрување, а неколкумина се уште се интубирани и во потешка здравствена состојба.Пациентите беа повредени во пожар во дискотеката „Пулс“ во Кочани на 16 март, при што загинаа 59 лица, а околу 200 беа повредени. Повеќе од половина од повредените беа испратени на лекување во странски медицински центри. Видете и ова: Двајца пациенти се враќаат од Литванија и Шведска, четворица се во критична состојба Во здравствените установи во државава остануваат 16 пациенти во добра општа состојба - по шест во Св.Наум Охридски и ГОБ 8 Септември и четири во приватните болници. „И понатаму внимателно ја следиме состојбата на повредените пациенти и остануваме во постојана комуникација со медицинските тимови во земјата и странство, посветени на обезбедување најдобра можна нега за повредените од несреќата во Кочани“, соопштија од Министерството за здравство. Трагедијата во Кочани предизвика низа протестни собири на граѓаните во Северна Македонија кои бараат правда и одговорност за пожарот во дискотеката. прочитај повеќе Вчитај повеќе...

Вести март 30, 2025 Зеленски повика на „силен одговор“ од Западот на руските напади Украина - Володимир Зеленски, претседател на Украина, Киев, 23 февруари 2025 година. Украинскиот претседател Володимир Зеленски повика на „силен одговор“ од западните партнери на Украина по интензивирањето на смртоносните руски напади, вклучително и воздушните напади врз воената болница во Харков и градовите Дњепар и Криви Рих.„Нашите партнери треба јасно да разберат: овие напади не се само напади врз украинските цивили, туку и врз сите меѓународни напори - врз самата дипломатија што се обидуваме да ја искористиме за да ставиме крај на оваа војна“, рече Зеленски во ноќно видео обраќање меѓу 29 и 30 март. Украинскиот претседател рече дека „Русија ги удира позициите на сите што сакаат да ја прекинат оваа војна“, додавајќи дека „невозможно е да се игнорираат стотиците ирански беспилотни летала „Шахед“ што Русија ги лансира секоја вечер.„Очекуваме сериозен одговор. Работиме на одговор. Итно е потребен силен одговор - пред сè од САД, Европа и сите во светот кои се обложуваат на дипломатијата. Русија мора да биде принудена на мир - само притисокот ќе работи“, рече Зеленски. Тој додаде дека „предолго“ американскиот предлог за безусловен прекин на огнот бил на маса „без соодветен одговор од Русија“. Видете и ова: Четири лица загинаа во руски напад со дрон врз Дњепар На изјавата на Зеленски и претходеше 24-часовен период на интензивирање на смртоносните напади на руските сили, објави украинскиот сервис на Радио Слободна Европа (РСЕ).Украинскиот Генералштаб доцна во саботата објави дека „руски терористи нападнале воена болница во градот Харков“ со беспилотни летала.„Како резултат на нападот со беспилотно летало од типот Шахед, оштетена е зградата на болницата и околните станбени згради. Според прелиминарните податоци, меѓу војниците кои биле згрижени во здравствениот дом има и повредени“, соопшти командата на украинската армија.Градоначалникот на Харков, Ихор Терехов, изјави дека најмалку две лица се убиени.Претходно, регионалниот гувернер изјави дека во напад на руски дрон врз градот Дњпар во југоисточна Украина доцна во петокот загинале четири лица и дека голем пожар избил во хотелско-ресторански комплекс, како и во неколку приватни куќи.Руските сили употребија повеќе од 20 дронови во нападот на Дњепар, при што беа повредени 25 лица. Зеленски рече дека меѓу повредените има и трудница.Руското Министерство за одбрана објави дека нивните сили зазеле села во јужниот регион Запорожје и во источниот регион на Доњецк. Овие тврдења не можат независно да се потврдат. прочитај повеќе види ги сите денешни вести април 01, 2025 Дома се пуштени 93 пациенти од пожарот во Кочани, уште сто се лекуваат Северна Македонија - Арбен Таравари, министер за здравство на Северна Македонија Во болниците се лекуваат уште сто пациенти од пожарот во Кочани од вкупно 193 колку што имаше. Тројца од нив се во критична состојба, рече министерот за здравство, Арбен Таравари, на прес-конференција на 1 април. Пациентите беа повредени во пожар во дискотеката „Пулс“ во Кочани на 16 март, при што загинаа 59 лица, а 193 беа повредени. Повеќе од половина од повредените беа испратени на лекување во странски медицински центри.Од пациентите кои се на лекување, 80 се во болници во странство, а 20 пациенти се распоредени во Клинички центар, во ГОБ „8 септември“, во болницата „Св.Наум Охридски“ и тројца во приватните болници. Денеска во земјава се враќаат уште двајца пациенти, од Полска и од Белгија. Таравари рече дека до крајот на неделава се очекува враќање на уште неколкумина пациенти. Видете и ова: Последно збогум за жртвите од пожарот - најмладите имале 16 години Засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. За нивната рехабилитација се разглаедуваат неколку опции: прилагодување на просторот каде беше сместен ковид центарот во ГОБ „8 Септември“, Центарот за рехабилитација во Козле или да се искористат понудите од други држави за пациентите на кои ќе им биде потребна подолга рехабилитација, за што трошоците ќе бидат покриени од тие држави.Вкупниот број на осомничени за пожарот во Кочани досега е 34 лица. Со истрагата се опфатени 27 физички и три правни лица, а истражни постапки има и против седум полициски службеници од полициските станици во Штип и во Кочани. прочитај повеќе април 01, 2025 Бербок во Киев предупреди на тактиката на Путин за одложување на мировните преговори Германската министерка за надворешни работи Аналена Баербок (десно) и украинската главна обвинителка Ирина Венедиктова во Киев (архивска фотографија) Германската министерка за надворешни работи, Аналена Бербок, која е во ненадејна посета на Киев, предупреди дека не треба да се наседнува на руската тактика за одложување на мировните преговори за ставање крај на војната во Украина.Германската дипломатка во заминување, која е во посета на Украина по деветти пат откако Кремљ ја започна својата инвазија во февруари 2022 година, рече дека верува оти Киев е подготвен да потпише мировен договор по интензивните преговори предводени од Соединетите Држави.„На претстојниот состанок на министрите за надворешни работи на НАТО, јасно ќе и ставиме до знаење на американската страна дека не треба да се занимаваме со тактиката на застој на Путин“, рече таа на 1 април во изјавата по пристигнувањето во Киев.Нејзината изјава доаѓа откако американскиот претседател Доналд Трамп и се закани на Русија со нови царини за нафтените деривати доколку Москва ги блокира неговите иницијативи за прекин на огнот. Трамп, исто така, рече дека украинскиот лидер Володимир Зеленски ќе се соочи со „големи проблеми“ доколку не го потпише клучниот договор за ретки минерали со Вашингтон.„Тој се обидува да се повлече од договорот за ретките минерали, а ако го направи тоа, ќе има проблеми, големи проблеми“, им рече Трамп на новинарите на 30 март во врска со украинскиот претседател. Видете и ова: Што има, а што нема во договорот за минерали меѓу Украина и САД? „Се договоривме за ретките минерали. И сега тој вели, добро, знаете, сакам повторно да преговарам за договорот. Тој сака Украина да биде членка на НАТО, но тоа никогаш нема да се случи. Тој го разбира тоа“, додаде Трамп.Украинската влада на 28 март објави дека сè уште размислува за нацрт-договор со САД за ретки минерали, по извештаите во медиумите дека Вашингтон неколку пати ги менувал условите на договорот. Видете и ова: Трамп му се закани на Путин со царини за нафтата, од Зеленски бара договор за минералите Украинската министерка за економија Јулија Свириденко на владиниот состанок најави дека Киев ќе го формира својот став за договорот, но дека пратениците ќе го кажат својот став дури кога ќе се постигне консензус. Пред тоа, рече таа, јавна дискусија би била штетна.Украина поседува значителни количини на ретки минерали. Овие суровини се високо ценети поради нивната употреба во одбранбената технологија, како и во уреди како што се компјутери, паметни телефони и батерии.Украина и САД претходно овој месец се договорија да склучат сеопфатен договор за развој на ретките минерални ресурси во Украина. Напорите за постигнување договор пропаднаа на 28 февруари, откако Трамп и Зеленски вербално се судрија во Белата куќа. Видете и ова: Четири работи околу клучните американско-украински разговори во Саудиска Арабија Во меѓувреме, Трамп на 30 март рече дека ќе воведе секундарни тарифи меѓу 25 и 50 отсто за целата руска нафта, доколку почувствува дека претседателот Владимир Путин ги блокира неговите напори да стави крај на војната во Украина.Трамп во телефонско интервју за Ен-Би-Си за време на викендот рече дека е „многу лут“ откако Путин повика на преодна влада во Украина што може ефективно да го собори украинскиот претседател Володимир Зеленски.„Ако Русија и јас не можеме да постигнеме договор за запирање на крвопролевањето во Украина, и ако мислам дека за тоа е виновна Русија, а можеби и не е, но ако мислам дека е виновна Русија, ќе воведам секундарни царини за нафтата, целата нафта што доаѓа од Русија“, рече Трамп.„Тоа би значело дека ако купувате нафта од Русија, не можете да работите во САД. Ќе има царини од 25 проценти за целата нафта, од 25 до 50 проценти за целата нафта“, додаде Трамп.Тој истакна дека трговските мерки ќе бидат воведени во рок од еден месец, доколку не се постигне договор за прекин на огнот.Чувствителниот дипломатски момент доаѓа откако Белата куќа на 25 март објави дека и Русија и Украина се согласиле на прекин на огнот и дозволиле пловење во Црното Море, како и дека се договориле да не се напаѓаат енергетските капацитети на другиот. прочитај повеќе април 01, 2025 Кина одржува голема воена вежба околу Тајван илустрација Кинеската војска денеска (1 април) соопшти дека започнала воена вежба во која учествуваат различни родови на војската околу Тајван, „за да послужат како остро предупредување и моќно одвраќање за тајванската независност“ и го нарече тајванскиот претседател Вилијам Лаи „паразит“.Кина, која го смета Тајван за своја провинција, го зголемува политичкиот и воениот притисок врз островот во последниве години.„Фокусот на вежбите е на практикување борбено патролирање на море и во воздух, воспоставување сеопфатна контрола, удар на морски и копнени цели и наметнување блокада на стратешките области и рути“, напиша Источната команда на кинеската армија на својот официјален профил на WeChat.Тајванската војска соопшти дека внимателно ги следи вежбите, во кои учествуваше и кинескиот носач на авиони „Шандун“. Овие вежби се одржуваат само две недели по големите маневри во средината на март кога Пекинг испрати голем број беспилотни летала и бродови на островот. Видете и ова: Кина започна нови вежби во близина на Тајван, за САД потегот е неоправдан Кинеската канцеларија за прашања на Тајван објави дека вежбите биле насочени кон тајванскиот претседател Лаи Чинг-те.„Лаи Чинг-те тврдоглаво инсистира на ставот за „независност на Тајван“, дрско нарекувајќи ја континенталната Кина „непријателска странска сила“ и ја претстави таканаречената „стратегија од 17 точки“ за да го поттикне антикинеското расположение“, соопшти кинеската канцеларија за прашања на Тајван.„Нема да го толерираме или одобриме на кој било начин и мора одлучно да се спротивставиме и строго да ги казниме ваквите постапки“, додаваат од Канцеларијата.Во средината на март, Лаи претстави стратегија од 17 точки чија цел е зајакнување на националната безбедност на Тајван. Видете и ова: Кина ги предупреди САД да ја прекинат воената соработка со Тајван Меѓу точките се дозволувањето случаи на шпионажа да се судат во воени судови, заострување на регулативите за имиграција за кинеските државјани кои бараат постојан престој.Пекинг испраќа воени авиони и морнарички бродови кон Тајван на речиси секојдневна основа во обид да ја намали одбраната и моралот на Тајван, иако повеќето од 23-те милиони жители на Тајван го отфрлаат кинеското барање за суверенитет над островот.Кина го зголеми опсегот на овие вежби во последниве години, од испраќање само борбени авиони до испраќање групи авиони, беспилотни летала и бродови. прочитај повеќе април 01, 2025 Фрлена рачна бомба врз поштата во Звечан Поштата на Косово во Звечан, 27 март 2025 година Косовската полиција соопшти дека во зградата на Косовската пошта во Звечан експлодирала рачна граната, додека друга била активирана.Заменик-директорот на косовската полиција за северниот регион, Ветон Елшани за Радио Слободна Европа изјави дека нема повредени, но дека е причинета материјална штета.Знакот на Поштата на Косово во Звечан на оваа зграда беше поставен минатата недела. Во него до мај 2024 година функционираше банката Поштенска Штедилница, која работеше во српскиот систем. Видете и ова: Страв, несигурност и недостиг на производи на северот на Косово Истиот знак на Пошта на Косово беше поставен и во други општини со српско мнозинство на северот на Косово, во зградите каде што функционираа експозитурите на банката Поштенска штедилница.Косовските власти ја затворија оваа банка, Поштата на Србија и другите институции кои работат во системот на Србија со образложение дека се нелегални, односно немале дозвола за работа. Ова наиде на незадоволство кај локалната српска заедница и критики од Меѓународната заедница.Минатата година неколку експлозивни направи беа фрлени и врз косовските институции во општините на северот на Косово, додека косовските власти оценија дека „криминалните и терористичките напади“ имале за цел заплашување. прочитај повеќе април 01, 2025 ЕУ го поздрави формирањето на нова преодна влада во Сирија Високата претставничка на ЕУ за надворешна политика и безбедност, Каја Калас Европската Унија го поздрави формирањето на новата преодна влада во Сирија и изрази подготвеност за соработка со неа во справувањето со големите предизвици, изјави синоќа високата претставничка на ЕУ за надворешна политика и безбедност, Каја Калас.Како што е наведено на официјалната веб-страница на ЕУ, Калас изјави дека аспирациите на сите Сиријци мора да бидат исполнети и дека Унијата ќе застане покрај сирискиот народ, обезбедувајќи новата влада да ги почитува своите обврски кон мирна и инклузивна транзиција.„ЕУ ја повторува својата непоколеблива поддршка за транзициониот процес што го води и поседува самата Сирија – процес кој е мирен, инклузивен и кој ги опфаќа сите сегменти на сириското општество. Сеопфатната транзициска правда мора да обезбеди одговорност за сите злосторства и значително да придонесе за национално помирување“, изјави Калас. Видете и ова: ЕУ вети повеќе од 5 милијарди евра за Сирија Таа нагласи дека процесот инициран на Конференцијата за национален дијалог, одржана на 25 февруари, ќе има клучна улога во овој контекст.„Клучно е сите надворешни актери целосно да го почитуваат единството, суверенитетот и територијалниот интегритет на Сирија. ЕУ ги осудува сите обиди за поткопување на нејзината стабилност и перспективите за мирна и инклузивна политичка транзиција“, рече Калас.Министрите на новата сириска преодна влада пред два дена положија заклетва во Народната палата во Дамаск. прочитај повеќе април 01, 2025 Британски, француски и украински генерали на средба за поддршка на Украина илустрација Британски, француски и украински високи воени претставници ќе одржат состанок во наредните денови за да дадат „реален импулс“ на напорите за јакнење на безбедноста на Украина, изјави портпаролот на британскиот премиер Кир Стармер.Средбата, која има цел да ги разгледа следните фази на детално воено планирање, била договорена за време на телефонскиот разговор меѓу Стармер и украинскиот претседател Володимир Зеленски.Состанокот следува по неодамнешната средба во Париз на т.н. „коалиција на подготвените“, која вклучува европски земји што ја поддржуваат Украина. Видете и ова: „Коалицијата на подготвените“ - Доведување на Украина во најдобра позиција за преговори „Лидерите се согласија дека постои реален напредок во долгорочната поддршка за безбедноста на Украина“, изјави портпаролот на британскиот премиер.Во одделно соопштение, Зеленски нагласи дека ја цени позицијата на Велика Британија во вршењето притисок врз Русија.„Потребен е силен притисок за да се одврати Русија од ширење на војната. Ова е уште поважно сега, кога Москва се потсмева на обидите на нашите партнери да го придвижат мировниот процес“, изјави Зеленски.Во исто време, Кремљ соопшти дека Русија и САД ги разгледуваат можните опции за мировно решение на војната во Украина. прочитај повеќе април 01, 2025 Марин Ле Пен: Нема да се кандидирам во 2027, но ќе продолжам со борбата Марин Ле Пен Француската крајнодесничарска лидерка Марин Ле Пен изјави дека судската одлука со која ѝ се забранува да извршува изборни функции практично ја исклучува од трката за претседателските избори во 2027 година. Таа нагласи дека нема големи надежи дека нејзината жалба ќе биде разгледана пред изборите.Според неа, забраната е „политичка одлука“.„Да бидеме искрени, јас бев елиминирана, но вистината е дека елиминирани беа и гласовите на милиони Французи“, изјави Ле Пен за францускиот TF1.Таа додаде дека ќе ги искористи сите правни средства за да ја поништи пресудата, по што би можела да ја разгледа можноста повторно да се кандидира. Видете и ова: Францускиот суд ја осуди Марин Ле Пен и ѝ забрани да се кандидира за јавна функција Доколку не успее, 29-годишниот лидер на Национален собир, Жордан Бардела, може да биде нејзин кандидат за претседател.„Жордан Бардела е голем адут за партијата, и тоа го велам одамна“, нагласи Ле Пен.Таа истакна дека одлуката на судот претставува „практика која сме ја сметале за резервирана за авторитарни режими“ и дека милиони Французи се „восхитени“ од нејзината борба против „неправдата“.Француски суд вчера донесе одлука според која Марин Ле Пен од десничарската француска партија Национален собир е осудена на четири години затвор поради проневера на средства од европски фондови.Според одлуката, две од вкупно четирите години затвор ќе бидат условна казна. Судот пресуди и дека Ле Пен треба да добие петгодишна забрана за вршење јавна функција и треба да плати парична казна од 100.000 евра. прочитај повеќе март 31, 2025 Најмалку 2.065 лица загинаа во земјотресот во Мјанмар Земјотрес во Мјанмар, 29 март 2025 година. Бројот на загинати во земјотресот во Мјанмар достигна 2.065 лица. Повеќе од 3.900 лица се повредени, а над 270 се водат како исчезнати, јави Ројтерс повикувајќи се на државниот телевизиски канал на земјата. Земјотресот со јачина од 7,7 степени според Рихтеровата скала, што го погоди Мјанмар во петокот, на 28 март е еден од најсилните во Мјанмар во изминатиот век. Индија, Кина и Тајланд се меѓу соседите на Мјанмар кои испратија помошни материјали и тимови, заедно со помош и персонал од Малезија, Сингапур и Русија. Видете и ова: Земјотрес од 7,7 степени го погоди Мјанмар, се урна висококатница во Бангкок Соединетите Американски Држави ветија помош од 2 милиони долари „преку организациите за хуманитарна помош со седиште во Мјанмар“ и во соопштението наведоа дека тим за одговор при итни случаи од УСАИД, кој е подложен на огромни намалувања под администрацијата на Трамп, се распоредува во Мјанмар.Предвидливото моделирање на Американската геолошка служба процени дека бројот на загинати во Мјанмар би можел да достигне 10.000 лица, а загубите би можеле да го надминат годишното економско производство на земјата. прочитај повеќе март 31, 2025 Шест пациенти од пожарот во Кочани се враќаат од странски болници Северна Македонија - запалената дискотека „Пулс“ во Кочани, 17 март 2025 година. Шест пациенти денеска се враќаат од странство, пет од Србија (тројца од КБЦ Ниш и двајца од ВМА Белград) и еден од Италија, соопшти Министерството за здравство. Тие ќе бидат примени во здравствени установи од кои биле испратени и согласно повредите.Во однос на останатите пациенти во странство, кај дел има подобрување, а неколкумина се уште се интубирани и во потешка здравствена состојба.Пациентите беа повредени во пожар во дискотеката „Пулс“ во Кочани на 16 март, при што загинаа 59 лица, а околу 200 беа повредени. Повеќе од половина од повредените беа испратени на лекување во странски медицински центри. Видете и ова: Двајца пациенти се враќаат од Литванија и Шведска, четворица се во критична состојба Во здравствените установи во државава остануваат 16 пациенти во добра општа состојба - по шест во Св.Наум Охридски и ГОБ 8 Септември и четири во приватните болници. „И понатаму внимателно ја следиме состојбата на повредените пациенти и остануваме во постојана комуникација со медицинските тимови во земјата и странство, посветени на обезбедување најдобра можна нега за повредените од несреќата во Кочани“, соопштија од Министерството за здравство. Трагедијата во Кочани предизвика низа протестни собири на граѓаните во Северна Македонија кои бараат правда и одговорност за пожарот во дискотеката. прочитај повеќе март 31, 2025 Владата на Србија усвои план за изградба на нафтовод од Унгарија до Нови Сад Унгарија - Српскиот премиер Александар Вучиќ (десно) и унгарскиот премиер Виктор Орбан(лево), Будимпешта, 17 февруари 2025 година. Владата на Србија усвои Уредба за утврдување на Просторен план за инфраструктурен коридор на нафтовод од границата со Унгарија до Нови Сад во должина од 113 километри.Просторниот план е донесен заради енергетската безбедност на Србија, се вели во Уредбата.Гасоводот треба да биде изграден до 2028 година. Проценетата вредност на проектот е 157 милиони евра за српскиот дел од гасоводот.Вкупниот капацитет на нафтоводот кој ќе се поставува под земја по целата должина е околу 5,5 милиони годишно, пишува во документот што го усвои српската Влада. Видете и ова: Вучиќ разговарал со Орбан за енергетската безбедност Според планот, интерконекцијата со Унгарија е лоцирана во близина на граничниот премин Хоргош на северот на Србија, а крајот на трасата на терминалот „Транснафта“ АД Панчево.Во октомври 2022 година, Србија и Унгарија се договорија за изградба на нафтовод, што ќе ѝ овозможи на Србија да се снабдува со поевтина нафта од Урал со поврзување со рускиот нафтовод Дружба (Пријателство).Властите во Белград одлучија да изградат дополнителна линија за снабдување со нафта кога Хрватска го забрани транспортот на руска нафта на крајот на 2022 година во согласност со санкциите на Европската унија против Русија поради нејзината инвазија на Украина.Србија и Унгарија развија соработка во областа на енергетиката. Во јули 2023 година потпишаа договор за основање на заедничка компанија за трговија со гас. Србија поради немање сопствени капацитети изнајмува складиште за гас од Унгарија.Во исто време, овие две земји одржуваат односи со Пекинг и Москва, што наидува на незадоволство во Европската унија. прочитај повеќе Вчитај повеќе...

Вести март 30, 2025 Сообраќајот се одвива непречено, по влажни коловози Илустрација Сообраќајот на државните патишта се одвивa непречено, по влажни коловози, соопштија од Авто-мото сојузот на Македонија (АМСМ). Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата. Видете и ова: Фатени превозници со неправилности при превоз на патници Ноќеска од 03:15 часот на регионалниот пат Валандово - село Удово, пред село Јосифово на Калковска Река има нанос од песок и сообраќајот се одвива отежнато. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево. прочитај повеќе види ги сите денешни вести април 01, 2025 Дома се пуштени 93 пациенти од пожарот во Кочани, уште сто се лекуваат Северна Македонија - Арбен Таравари, министер за здравство на Северна Македонија Во болниците се лекуваат уште сто пациенти од пожарот во Кочани од вкупно 193 колку што имаше. Тројца од нив се во критична состојба, рече министерот за здравство, Арбен Таравари, на прес-конференција на 1 април. Пациентите беа повредени во пожар во дискотеката „Пулс“ во Кочани на 16 март, при што загинаа 59 лица, а 193 беа повредени. Повеќе од половина од повредените беа испратени на лекување во странски медицински центри.Од пациентите кои се на лекување, 80 се во болници во странство, а 20 пациенти се распоредени во Клинички центар, во ГОБ „8 септември“, во болницата „Св.Наум Охридски“ и тројца во приватните болници. Денеска во земјава се враќаат уште двајца пациенти, од Полска и од Белгија. Таравари рече дека до крајот на неделава се очекува враќање на уште неколкумина пациенти. Видете и ова: Последно збогум за жртвите од пожарот - најмладите имале 16 години Засега во Северна Македонија се враќаат полесно повредените пациенти, што се рехабилитирани целосно. Од следната недела треба да се разговара за враќање на лицата кои беа потешко повредени во пожарот. За нивната рехабилитација се разглаедуваат неколку опции: прилагодување на просторот каде беше сместен ковид центарот во ГОБ „8 Септември“, Центарот за рехабилитација во Козле или да се искористат понудите од други држави за пациентите на кои ќе им биде потребна подолга рехабилитација, за што трошоците ќе бидат покриени од тие држави.Вкупниот број на осомничени за пожарот во Кочани досега е 34 лица. Со истрагата се опфатени 27 физички и три правни лица, а истражни постапки има и против седум полициски службеници од полициските станици во Штип и во Кочани. прочитај повеќе април 01, 2025 Бербок во Киев предупреди на тактиката на Путин за одложување на мировните преговори Германската министерка за надворешни работи Аналена Баербок (десно) и украинската главна обвинителка Ирина Венедиктова во Киев (архивска фотографија) Германската министерка за надворешни работи, Аналена Бербок, која е во ненадејна посета на Киев, предупреди дека не треба да се наседнува на руската тактика за одложување на мировните преговори за ставање крај на војната во Украина.Германската дипломатка во заминување, која е во посета на Украина по деветти пат откако Кремљ ја започна својата инвазија во февруари 2022 година, рече дека верува оти Киев е подготвен да потпише мировен договор по интензивните преговори предводени од Соединетите Држави.„На претстојниот состанок на министрите за надворешни работи на НАТО, јасно ќе и ставиме до знаење на американската страна дека не треба да се занимаваме со тактиката на застој на Путин“, рече таа на 1 април во изјавата по пристигнувањето во Киев.Нејзината изјава доаѓа откако американскиот претседател Доналд Трамп и се закани на Русија со нови царини за нафтените деривати доколку Москва ги блокира неговите иницијативи за прекин на огнот. Трамп, исто така, рече дека украинскиот лидер Володимир Зеленски ќе се соочи со „големи проблеми“ доколку не го потпише клучниот договор за ретки минерали со Вашингтон.„Тој се обидува да се повлече од договорот за ретките минерали, а ако го направи тоа, ќе има проблеми, големи проблеми“, им рече Трамп на новинарите на 30 март во врска со украинскиот претседател. Видете и ова: Што има, а што нема во договорот за минерали меѓу Украина и САД? „Се договоривме за ретките минерали. И сега тој вели, добро, знаете, сакам повторно да преговарам за договорот. Тој сака Украина да биде членка на НАТО, но тоа никогаш нема да се случи. Тој го разбира тоа“, додаде Трамп.Украинската влада на 28 март објави дека сè уште размислува за нацрт-договор со САД за ретки минерали, по извештаите во медиумите дека Вашингтон неколку пати ги менувал условите на договорот. Видете и ова: Трамп му се закани на Путин со царини за нафтата, од Зеленски бара договор за минералите Украинската министерка за економија Јулија Свириденко на владиниот состанок најави дека Киев ќе го формира својот став за договорот, но дека пратениците ќе го кажат својот став дури кога ќе се постигне консензус. Пред тоа, рече таа, јавна дискусија би била штетна.Украина поседува значителни количини на ретки минерали. Овие суровини се високо ценети поради нивната употреба во одбранбената технологија, како и во уреди како што се компјутери, паметни телефони и батерии.Украина и САД претходно овој месец се договорија да склучат сеопфатен договор за развој на ретките минерални ресурси во Украина. Напорите за постигнување договор пропаднаа на 28 февруари, откако Трамп и Зеленски вербално се судрија во Белата куќа. Видете и ова: Четири работи околу клучните американско-украински разговори во Саудиска Арабија Во меѓувреме, Трамп на 30 март рече дека ќе воведе секундарни тарифи меѓу 25 и 50 отсто за целата руска нафта, доколку почувствува дека претседателот Владимир Путин ги блокира неговите напори да стави крај на војната во Украина.Трамп во телефонско интервју за Ен-Би-Си за време на викендот рече дека е „многу лут“ откако Путин повика на преодна влада во Украина што може ефективно да го собори украинскиот претседател Володимир Зеленски.„Ако Русија и јас не можеме да постигнеме договор за запирање на крвопролевањето во Украина, и ако мислам дека за тоа е виновна Русија, а можеби и не е, но ако мислам дека е виновна Русија, ќе воведам секундарни царини за нафтата, целата нафта што доаѓа од Русија“, рече Трамп.„Тоа би значело дека ако купувате нафта од Русија, не можете да работите во САД. Ќе има царини од 25 проценти за целата нафта, од 25 до 50 проценти за целата нафта“, додаде Трамп.Тој истакна дека трговските мерки ќе бидат воведени во рок од еден месец, доколку не се постигне договор за прекин на огнот.Чувствителниот дипломатски момент доаѓа откако Белата куќа на 25 март објави дека и Русија и Украина се согласиле на прекин на огнот и дозволиле пловење во Црното Море, како и дека се договориле да не се напаѓаат енергетските капацитети на другиот. прочитај повеќе април 01, 2025 Кина одржува голема воена вежба околу Тајван илустрација Кинеската војска денеска (1 април) соопшти дека започнала воена вежба во која учествуваат различни родови на војската околу Тајван, „за да послужат како остро предупредување и моќно одвраќање за тајванската независност“ и го нарече тајванскиот претседател Вилијам Лаи „паразит“.Кина, која го смета Тајван за своја провинција, го зголемува политичкиот и воениот притисок врз островот во последниве години.„Фокусот на вежбите е на практикување борбено патролирање на море и во воздух, воспоставување сеопфатна контрола, удар на морски и копнени цели и наметнување блокада на стратешките области и рути“, напиша Источната команда на кинеската армија на својот официјален профил на WeChat.Тајванската војска соопшти дека внимателно ги следи вежбите, во кои учествуваше и кинескиот носач на авиони „Шандун“. Овие вежби се одржуваат само две недели по големите маневри во средината на март кога Пекинг испрати голем број беспилотни летала и бродови на островот. Видете и ова: Кина започна нови вежби во близина на Тајван, за САД потегот е неоправдан Кинеската канцеларија за прашања на Тајван објави дека вежбите биле насочени кон тајванскиот претседател Лаи Чинг-те.„Лаи Чинг-те тврдоглаво инсистира на ставот за „независност на Тајван“, дрско нарекувајќи ја континенталната Кина „непријателска странска сила“ и ја претстави таканаречената „стратегија од 17 точки“ за да го поттикне антикинеското расположение“, соопшти кинеската канцеларија за прашања на Тајван.„Нема да го толерираме или одобриме на кој било начин и мора одлучно да се спротивставиме и строго да ги казниме ваквите постапки“, додаваат од Канцеларијата.Во средината на март, Лаи претстави стратегија од 17 точки чија цел е зајакнување на националната безбедност на Тајван. Видете и ова: Кина ги предупреди САД да ја прекинат воената соработка со Тајван Меѓу точките се дозволувањето случаи на шпионажа да се судат во воени судови, заострување на регулативите за имиграција за кинеските државјани кои бараат постојан престој.Пекинг испраќа воени авиони и морнарички бродови кон Тајван на речиси секојдневна основа во обид да ја намали одбраната и моралот на Тајван, иако повеќето од 23-те милиони жители на Тајван го отфрлаат кинеското барање за суверенитет над островот.Кина го зголеми опсегот на овие вежби во последниве години, од испраќање само борбени авиони до испраќање групи авиони, беспилотни летала и бродови. прочитај повеќе април 01, 2025 Фрлена рачна бомба врз поштата во Звечан Поштата на Косово во Звечан, 27 март 2025 година Косовската полиција соопшти дека во зградата на Косовската пошта во Звечан експлодирала рачна граната, додека друга била активирана.Заменик-директорот на косовската полиција за северниот регион, Ветон Елшани за Радио Слободна Европа изјави дека нема повредени, но дека е причинета материјална штета.Знакот на Поштата на Косово во Звечан на оваа зграда беше поставен минатата недела. Во него до мај 2024 година функционираше банката Поштенска Штедилница, која работеше во српскиот систем. Видете и ова: Страв, несигурност и недостиг на производи на северот на Косово Истиот знак на Пошта на Косово беше поставен и во други општини со српско мнозинство на северот на Косово, во зградите каде што функционираа експозитурите на банката Поштенска штедилница.Косовските власти ја затворија оваа банка, Поштата на Србија и другите институции кои работат во системот на Србија со образложение дека се нелегални, односно немале дозвола за работа. Ова наиде на незадоволство кај локалната српска заедница и критики од Меѓународната заедница.Минатата година неколку експлозивни направи беа фрлени и врз косовските институции во општините на северот на Косово, додека косовските власти оценија дека „криминалните и терористичките напади“ имале за цел заплашување. прочитај повеќе април 01, 2025 ЕУ го поздрави формирањето на нова преодна влада во Сирија Високата претставничка на ЕУ за надворешна политика и безбедност, Каја Калас Европската Унија го поздрави формирањето на новата преодна влада во Сирија и изрази подготвеност за соработка со неа во справувањето со големите предизвици, изјави синоќа високата претставничка на ЕУ за надворешна политика и безбедност, Каја Калас.Како што е наведено на официјалната веб-страница на ЕУ, Калас изјави дека аспирациите на сите Сиријци мора да бидат исполнети и дека Унијата ќе застане покрај сирискиот народ, обезбедувајќи новата влада да ги почитува своите обврски кон мирна и инклузивна транзиција.„ЕУ ја повторува својата непоколеблива поддршка за транзициониот процес што го води и поседува самата Сирија – процес кој е мирен, инклузивен и кој ги опфаќа сите сегменти на сириското општество. Сеопфатната транзициска правда мора да обезбеди одговорност за сите злосторства и значително да придонесе за национално помирување“, изјави Калас. Видете и ова: ЕУ вети повеќе од 5 милијарди евра за Сирија Таа нагласи дека процесот инициран на Конференцијата за национален дијалог, одржана на 25 февруари, ќе има клучна улога во овој контекст.„Клучно е сите надворешни актери целосно да го почитуваат единството, суверенитетот и територијалниот интегритет на Сирија. ЕУ ги осудува сите обиди за поткопување на нејзината стабилност и перспективите за мирна и инклузивна политичка транзиција“, рече Калас.Министрите на новата сириска преодна влада пред два дена положија заклетва во Народната палата во Дамаск. прочитај повеќе април 01, 2025 Британски, француски и украински генерали на средба за поддршка на Украина илустрација Британски, француски и украински високи воени претставници ќе одржат состанок во наредните денови за да дадат „реален импулс“ на напорите за јакнење на безбедноста на Украина, изјави портпаролот на британскиот премиер Кир Стармер.Средбата, која има цел да ги разгледа следните фази на детално воено планирање, била договорена за време на телефонскиот разговор меѓу Стармер и украинскиот претседател Володимир Зеленски.Состанокот следува по неодамнешната средба во Париз на т.н. „коалиција на подготвените“, која вклучува европски земји што ја поддржуваат Украина. Видете и ова: „Коалицијата на подготвените“ - Доведување на Украина во најдобра позиција за преговори „Лидерите се согласија дека постои реален напредок во долгорочната поддршка за безбедноста на Украина“, изјави портпаролот на британскиот премиер.Во одделно соопштение, Зеленски нагласи дека ја цени позицијата на Велика Британија во вршењето притисок врз Русија.„Потребен е силен притисок за да се одврати Русија од ширење на војната. Ова е уште поважно сега, кога Москва се потсмева на обидите на нашите партнери да го придвижат мировниот процес“, изјави Зеленски.Во исто време, Кремљ соопшти дека Русија и САД ги разгледуваат можните опции за мировно решение на војната во Украина. прочитај повеќе април 01, 2025 Марин Ле Пен: Нема да се кандидирам во 2027, но ќе продолжам со борбата Марин Ле Пен Француската крајнодесничарска лидерка Марин Ле Пен изјави дека судската одлука со која ѝ се забранува да извршува изборни функции практично ја исклучува од трката за претседателските избори во 2027 година. Таа нагласи дека нема големи надежи дека нејзината жалба ќе биде разгледана пред изборите.Според неа, забраната е „политичка одлука“.„Да бидеме искрени, јас бев елиминирана, но вистината е дека елиминирани беа и гласовите на милиони Французи“, изјави Ле Пен за францускиот TF1.Таа додаде дека ќе ги искористи сите правни средства за да ја поништи пресудата, по што би можела да ја разгледа можноста повторно да се кандидира. Видете и ова: Францускиот суд ја осуди Марин Ле Пен и ѝ забрани да се кандидира за јавна функција Доколку не успее, 29-годишниот лидер на Национален собир, Жордан Бардела, може да биде нејзин кандидат за претседател.„Жордан Бардела е голем адут за партијата, и тоа го велам одамна“, нагласи Ле Пен.Таа истакна дека одлуката на судот претставува „практика која сме ја сметале за резервирана за авторитарни режими“ и дека милиони Французи се „восхитени“ од нејзината борба против „неправдата“.Француски суд вчера донесе одлука според која Марин Ле Пен од десничарската француска партија Национален собир е осудена на четири години затвор поради проневера на средства од европски фондови.Според одлуката, две од вкупно четирите години затвор ќе бидат условна казна. Судот пресуди и дека Ле Пен треба да добие петгодишна забрана за вршење јавна функција и треба да плати парична казна од 100.000 евра. прочитај повеќе март 31, 2025 Најмалку 2.065 лица загинаа во земјотресот во Мјанмар Земјотрес во Мјанмар, 29 март 2025 година. Бројот на загинати во земјотресот во Мјанмар достигна 2.065 лица. Повеќе од 3.900 лица се повредени, а над 270 се водат како исчезнати, јави Ројтерс повикувајќи се на државниот телевизиски канал на земјата. Земјотресот со јачина од 7,7 степени според Рихтеровата скала, што го погоди Мјанмар во петокот, на 28 март е еден од најсилните во Мјанмар во изминатиот век. Индија, Кина и Тајланд се меѓу соседите на Мјанмар кои испратија помошни материјали и тимови, заедно со помош и персонал од Малезија, Сингапур и Русија. Видете и ова: Земјотрес од 7,7 степени го погоди Мјанмар, се урна висококатница во Бангкок Соединетите Американски Држави ветија помош од 2 милиони долари „преку организациите за хуманитарна помош со седиште во Мјанмар“ и во соопштението наведоа дека тим за одговор при итни случаи од УСАИД, кој е подложен на огромни намалувања под администрацијата на Трамп, се распоредува во Мјанмар.Предвидливото моделирање на Американската геолошка служба процени дека бројот на загинати во Мјанмар би можел да достигне 10.000 лица, а загубите би можеле да го надминат годишното економско производство на земјата. прочитај повеќе март 31, 2025 Шест пациенти од пожарот во Кочани се враќаат од странски болници Северна Македонија - запалената дискотека „Пулс“ во Кочани, 17 март 2025 година. Шест пациенти денеска се враќаат од странство, пет од Србија (тројца од КБЦ Ниш и двајца од ВМА Белград) и еден од Италија, соопшти Министерството за здравство. Тие ќе бидат примени во здравствени установи од кои биле испратени и согласно повредите.Во однос на останатите пациенти во странство, кај дел има подобрување, а неколкумина се уште се интубирани и во потешка здравствена состојба.Пациентите беа повредени во пожар во дискотеката „Пулс“ во Кочани на 16 март, при што загинаа 59 лица, а околу 200 беа повредени. Повеќе од половина од повредените беа испратени на лекување во странски медицински центри. Видете и ова: Двајца пациенти се враќаат од Литванија и Шведска, четворица се во критична состојба Во здравствените установи во државава остануваат 16 пациенти во добра општа состојба - по шест во Св.Наум Охридски и ГОБ 8 Септември и четири во приватните болници. „И понатаму внимателно ја следиме состојбата на повредените пациенти и остануваме во постојана комуникација со медицинските тимови во земјата и странство, посветени на обезбедување најдобра можна нега за повредените од несреќата во Кочани“, соопштија од Министерството за здравство. Трагедијата во Кочани предизвика низа протестни собири на граѓаните во Северна Македонија кои бараат правда и одговорност за пожарот во дискотеката. прочитај повеќе март 31, 2025 Владата на Србија усвои план за изградба на нафтовод од Унгарија до Нови Сад Унгарија - Српскиот премиер Александар Вучиќ (десно) и унгарскиот премиер Виктор Орбан(лево), Будимпешта, 17 февруари 2025 година. Владата на Србија усвои Уредба за утврдување на Просторен план за инфраструктурен коридор на нафтовод од границата со Унгарија до Нови Сад во должина од 113 километри.Просторниот план е донесен заради енергетската безбедност на Србија, се вели во Уредбата.Гасоводот треба да биде изграден до 2028 година. Проценетата вредност на проектот е 157 милиони евра за српскиот дел од гасоводот.Вкупниот капацитет на нафтоводот кој ќе се поставува под земја по целата должина е околу 5,5 милиони годишно, пишува во документот што го усвои српската Влада. Видете и ова: Вучиќ разговарал со Орбан за енергетската безбедност Според планот, интерконекцијата со Унгарија е лоцирана во близина на граничниот премин Хоргош на северот на Србија, а крајот на трасата на терминалот „Транснафта“ АД Панчево.Во октомври 2022 година, Србија и Унгарија се договорија за изградба на нафтовод, што ќе ѝ овозможи на Србија да се снабдува со поевтина нафта од Урал со поврзување со рускиот нафтовод Дружба (Пријателство).Властите во Белград одлучија да изградат дополнителна линија за снабдување со нафта кога Хрватска го забрани транспортот на руска нафта на крајот на 2022 година во согласност со санкциите на Европската унија против Русија поради нејзината инвазија на Украина.Србија и Унгарија развија соработка во областа на енергетиката. Во јули 2023 година потпишаа договор за основање на заедничка компанија за трговија со гас. Србија поради немање сопствени капацитети изнајмува складиште за гас од Унгарија.Во исто време, овие две земји одржуваат односи со Пекинг и Москва, што наидува на незадоволство во Европската унија. прочитај повеќе Вчитај повеќе...

Вести март 30, 2025 Променливо облачно со повремени врнежи од дожд Илустрација Времето денеска ќе биде променливо облачно со повремени врнежи од дожд. Попладне се очекува нестабилно со пороен дожд, појава на грмежи и засилен ветер, соопшти Управата за хидрометеоролошки работи(УХМР). Видете и ова: Временска прогноза - сончево време и температури до 25 степени Минималната температура ќе биде од 2 до 10 целзиусови степени, а максималната ќе достигне од 12 до 19 целзиусови степени.Во Скопје времето ќе биде променливо облачно со повремен дожд. Попладне во делови од котлината ќе биде нестабилно со пороен дожд, грмежи и засилен ветер. Минималната температура ќе се спушти до 8, а максималната ќе достигне до 17 целзиусови степени. прочитај повеќе види ги сите денешни вести април 01, 2025 Кина одржува голема воена вежба околу Тајван илустрација Кинеската војска денеска (1 април) соопшти дека започнала воена вежба во која учествуваат различни родови на војската околу Тајван, „за да послужат како остро предупредување и моќно одвраќање за тајванската независност“ и го нарече тајванскиот претседател Вилијам Лаи „паразит“.Кина, која го смета Тајван за своја провинција, го зголемува политичкиот и воениот притисок врз островот во последниве години.„Фокусот на вежбите е на практикување борбено патролирање на море и во воздух, воспоставување сеопфатна контрола, удар на морски и копнени цели и наметнување блокада на стратешките области и рути“, напиша Источната команда на кинеската армија на својот официјален профил на WeChat.Тајванската војска соопшти дека внимателно ги следи вежбите, во кои учествуваше и кинескиот носач на авиони „Шандун“. Овие вежби се одржуваат само две недели по големите маневри во средината на март кога Пекинг испрати голем број беспилотни летала и бродови на островот. Видете и ова: Кина започна нови вежби во близина на Тајван, за САД потегот е неоправдан Кинеската канцеларија за прашања на Тајван објави дека вежбите биле насочени кон тајванскиот претседател Лаи Чинг-те.„Лаи Чинг-те тврдоглаво инсистира на ставот за „независност на Тајван“, дрско нарекувајќи ја континенталната Кина „непријателска странска сила“ и ја претстави таканаречената „стратегија од 17 точки“ за да го поттикне антикинеското расположение“, соопшти кинеската канцеларија за прашања на Тајван.„Нема да го толерираме или одобриме на кој било начин и мора одлучно да се спротивставиме и строго да ги казниме ваквите постапки“, додаваат од Канцеларијата.Во средината на март, Лаи претстави стратегија од 17 точки чија цел е зајакнување на националната безбедност на Тајван. Видете и ова: Кина ги предупреди САД да ја прекинат воената соработка со Тајван Меѓу точките се дозволувањето случаи на шпионажа да се судат во воени судови, заострување на регулативите за имиграција за кинеските државјани кои бараат постојан престој.Пекинг испраќа воени авиони и морнарички бродови кон Тајван на речиси секојдневна основа во обид да ја намали одбраната и моралот на Тајван, иако повеќето од 23-те милиони жители на Тајван го отфрлаат кинеското барање за суверенитет над островот.Кина го зголеми опсегот на овие вежби во последниве години, од испраќање само борбени авиони до испраќање групи авиони, беспилотни летала и бродови. прочитај повеќе април 01, 2025 Фрлена рачна бомба врз поштата во Звечан Поштата на Косово во Звечан, 27 март 2025 година Косовската полиција соопшти дека во зградата на Косовската пошта во Звечан експлодирала рачна граната, додека друга била активирана.Заменик-директорот на косовската полиција за северниот регион, Ветон Елшани за Радио Слободна Европа изјави дека нема повредени, но дека е причинета материјална штета.Знакот на Поштата на Косово во Звечан на оваа зграда беше поставен минатата недела. Во него до мај 2024 година функционираше банката Поштенска Штедилница, која работеше во српскиот систем. Видете и ова: Страв, несигурност и недостиг на производи на северот на Косово Истиот знак на Пошта на Косово беше поставен и во други општини со српско мнозинство на северот на Косово, во зградите каде што функционираа експозитурите на банката Поштенска штедилница.Косовските власти ја затворија оваа банка, Поштата на Србија и другите институции кои работат во системот на Србија со образложение дека се нелегални, односно немале дозвола за работа. Ова наиде на незадоволство кај локалната српска заедница и критики од Меѓународната заедница.Минатата година неколку експлозивни направи беа фрлени и врз косовските институции во општините на северот на Косово, додека косовските власти оценија дека „криминалните и терористичките напади“ имале за цел заплашување. прочитај повеќе април 01, 2025 ЕУ го поздрави формирањето на нова преодна влада во Сирија Високата претставничка на ЕУ за надворешна политика и безбедност, Каја Калас Европската Унија го поздрави формирањето на новата преодна влада во Сирија и изрази подготвеност за соработка со неа во справувањето со големите предизвици, изјави синоќа високата претставничка на ЕУ за надворешна политика и безбедност, Каја Калас.Како што е наведено на официјалната веб-страница на ЕУ, Калас изјави дека аспирациите на сите Сиријци мора да бидат исполнети и дека Унијата ќе застане покрај сирискиот народ, обезбедувајќи новата влада да ги почитува своите обврски кон мирна и инклузивна транзиција.„ЕУ ја повторува својата непоколеблива поддршка за транзициониот процес што го води и поседува самата Сирија – процес кој е мирен, инклузивен и кој ги опфаќа сите сегменти на сириското општество. Сеопфатната транзициска правда мора да обезбеди одговорност за сите злосторства и значително да придонесе за национално помирување“, изјави Калас. Видете и ова: ЕУ вети повеќе од 5 милијарди евра за Сирија Таа нагласи дека процесот инициран на Конференцијата за национален дијалог, одржана на 25 февруари, ќе има клучна улога во овој контекст.„Клучно е сите надворешни актери целосно да го почитуваат единството, суверенитетот и територијалниот интегритет на Сирија. ЕУ ги осудува сите обиди за поткопување на нејзината стабилност и перспективите за мирна и инклузивна политичка транзиција“, рече Калас.Министрите на новата сириска преодна влада пред два дена положија заклетва во Народната палата во Дамаск. прочитај повеќе април 01, 2025 Британски, француски и украински генерали на средба за поддршка на Украина илустрација Британски, француски и украински високи воени претставници ќе одржат состанок во наредните денови за да дадат „реален импулс“ на напорите за јакнење на безбедноста на Украина, изјави портпаролот на британскиот премиер Кир Стармер.Средбата, која има цел да ги разгледа следните фази на детално воено планирање, била договорена за време на телефонскиот разговор меѓу Стармер и украинскиот претседател Володимир Зеленски.Состанокот следува по неодамнешната средба во Париз на т.н. „коалиција на подготвените“, која вклучува европски земји што ја поддржуваат Украина. Видете и ова: „Коалицијата на подготвените“ - Доведување на Украина во најдобра позиција за преговори „Лидерите се согласија дека постои реален напредок во долгорочната поддршка за безбедноста на Украина“, изјави портпаролот на британскиот премиер.Во одделно соопштение, Зеленски нагласи дека ја цени позицијата на Велика Британија во вршењето притисок врз Русија.„Потребен е силен притисок за да се одврати Русија од ширење на војната. Ова е уште поважно сега, кога Москва се потсмева на обидите на нашите партнери да го придвижат мировниот процес“, изјави Зеленски.Во исто време, Кремљ соопшти дека Русија и САД ги разгледуваат можните опции за мировно решение на војната во Украина. прочитај повеќе април 01, 2025 Марин Ле Пен: Нема да се кандидирам во 2027, но ќе продолжам со борбата Марин Ле Пен Француската крајнодесничарска лидерка Марин Ле Пен изјави дека судската одлука со која ѝ се забранува да извршува изборни функции практично ја исклучува од трката за претседателските избори во 2027 година. Таа нагласи дека нема големи надежи дека нејзината жалба ќе биде разгледана пред изборите.Според неа, забраната е „политичка одлука“.„Да бидеме искрени, јас бев елиминирана, но вистината е дека елиминирани беа и гласовите на милиони Французи“, изјави Ле Пен за францускиот TF1.Таа додаде дека ќе ги искористи сите правни средства за да ја поништи пресудата, по што би можела да ја разгледа можноста повторно да се кандидира. Видете и ова: Францускиот суд ја осуди Марин Ле Пен и ѝ забрани да се кандидира за јавна функција Доколку не успее, 29-годишниот лидер на Национален собир, Жордан Бардела, може да биде нејзин кандидат за претседател.„Жордан Бардела е голем адут за партијата, и тоа го велам одамна“, нагласи Ле Пен.Таа истакна дека одлуката на судот претставува „практика која сме ја сметале за резервирана за авторитарни режими“ и дека милиони Французи се „восхитени“ од нејзината борба против „неправдата“.Француски суд вчера донесе одлука според која Марин Ле Пен од десничарската француска партија Национален собир е осудена на четири години затвор поради проневера на средства од европски фондови.Според одлуката, две од вкупно четирите години затвор ќе бидат условна казна. Судот пресуди и дека Ле Пен треба да добие петгодишна забрана за вршење јавна функција и треба да плати парична казна од 100.000 евра. прочитај повеќе март 31, 2025 Најмалку 2.065 лица загинаа во земјотресот во Мјанмар Земјотрес во Мјанмар, 29 март 2025 година. Бројот на загинати во земјотресот во Мјанмар достигна 2.065 лица. Повеќе од 3.900 лица се повредени, а над 270 се водат како исчезнати, јави Ројтерс повикувајќи се на државниот телевизиски канал на земјата. Земјотресот со јачина од 7,7 степени според Рихтеровата скала, што го погоди Мјанмар во петокот, на 28 март е еден од најсилните во Мјанмар во изминатиот век. Индија, Кина и Тајланд се меѓу соседите на Мјанмар кои испратија помошни материјали и тимови, заедно со помош и персонал од Малезија, Сингапур и Русија. Видете и ова: Земјотрес од 7,7 степени го погоди Мјанмар, се урна висококатница во Бангкок Соединетите Американски Држави ветија помош од 2 милиони долари „преку организациите за хуманитарна помош со седиште во Мјанмар“ и во соопштението наведоа дека тим за одговор при итни случаи од УСАИД, кој е подложен на огромни намалувања под администрацијата на Трамп, се распоредува во Мјанмар.Предвидливото моделирање на Американската геолошка служба процени дека бројот на загинати во Мјанмар би можел да достигне 10.000 лица, а загубите би можеле да го надминат годишното економско производство на земјата. прочитај повеќе март 31, 2025 Шест пациенти од пожарот во Кочани се враќаат од странски болници Северна Македонија - запалената дискотека „Пулс“ во Кочани, 17 март 2025 година. Шест пациенти денеска се враќаат од странство, пет од Србија (тројца од КБЦ Ниш и двајца од ВМА Белград) и еден од Италија, соопшти Министерството за здравство. Тие ќе бидат примени во здравствени установи од кои биле испратени и согласно повредите.Во однос на останатите пациенти во странство, кај дел има подобрување, а неколкумина се уште се интубирани и во потешка здравствена состојба.Пациентите беа повредени во пожар во дискотеката „Пулс“ во Кочани на 16 март, при што загинаа 59 лица, а околу 200 беа повредени. Повеќе од половина од повредените беа испратени на лекување во странски медицински центри. Видете и ова: Двајца пациенти се враќаат од Литванија и Шведска, четворица се во критична состојба Во здравствените установи во државава остануваат 16 пациенти во добра општа состојба - по шест во Св.Наум Охридски и ГОБ 8 Септември и четири во приватните болници. „И понатаму внимателно ја следиме состојбата на повредените пациенти и остануваме во постојана комуникација со медицинските тимови во земјата и странство, посветени на обезбедување најдобра можна нега за повредените од несреќата во Кочани“, соопштија од Министерството за здравство. Трагедијата во Кочани предизвика низа протестни собири на граѓаните во Северна Македонија кои бараат правда и одговорност за пожарот во дискотеката. прочитај повеќе март 31, 2025 Владата на Србија усвои план за изградба на нафтовод од Унгарија до Нови Сад Унгарија - Српскиот премиер Александар Вучиќ (десно) и унгарскиот премиер Виктор Орбан(лево), Будимпешта, 17 февруари 2025 година. Владата на Србија усвои Уредба за утврдување на Просторен план за инфраструктурен коридор на нафтовод од границата со Унгарија до Нови Сад во должина од 113 километри.Просторниот план е донесен заради енергетската безбедност на Србија, се вели во Уредбата.Гасоводот треба да биде изграден до 2028 година. Проценетата вредност на проектот е 157 милиони евра за српскиот дел од гасоводот.Вкупниот капацитет на нафтоводот кој ќе се поставува под земја по целата должина е околу 5,5 милиони годишно, пишува во документот што го усвои српската Влада. Видете и ова: Вучиќ разговарал со Орбан за енергетската безбедност Според планот, интерконекцијата со Унгарија е лоцирана во близина на граничниот премин Хоргош на северот на Србија, а крајот на трасата на терминалот „Транснафта“ АД Панчево.Во октомври 2022 година, Србија и Унгарија се договорија за изградба на нафтовод, што ќе ѝ овозможи на Србија да се снабдува со поевтина нафта од Урал со поврзување со рускиот нафтовод Дружба (Пријателство).Властите во Белград одлучија да изградат дополнителна линија за снабдување со нафта кога Хрватска го забрани транспортот на руска нафта на крајот на 2022 година во согласност со санкциите на Европската унија против Русија поради нејзината инвазија на Украина.Србија и Унгарија развија соработка во областа на енергетиката. Во јули 2023 година потпишаа договор за основање на заедничка компанија за трговија со гас. Србија поради немање сопствени капацитети изнајмува складиште за гас од Унгарија.Во исто време, овие две земји одржуваат односи со Пекинг и Москва, што наидува на незадоволство во Европската унија. прочитај повеќе март 31, 2025 Шведска објави нов пакет воена помош од 1,6 милијарди долари за Украина УКРАИНА - Претседателот на Украина, Володимир Зеленски(лево) и министерот за одбрана на Шведска ,Пал Џонсон(десно),Киев, 24 февруари 2024 година. Шведска објави нов пакет воена помош за Украина во вредност од 16 милијарди круни (околу 1,6 милијарди долари), што е најголемиот пакет досега од оваа нордиска земја, рече Пал Џонсон, министер за одбрана на Шведска, јави Ројтерс. Видете и ова: „Коалицијата на подготвените“ - Доведување на Украина во најдобра позиција за преговори Најголемиот дел од пакетот, 9,2 милијарди круни, ќе се состои од опрема што ќе биде купена во процеси предводени од шведската управа за одбранбен материјал, рече Џонсон на прес-конференција. Владата на Шведска го зголеми буџетот за 2025 година на 40 милијарди круни од 25 милијарди проектирани претходно, за да се помогне во борбата на Киев против руската инвазија. прочитај повеќе update март 31, 2025 Францускиот суд ја осуди Марин Ле Пен и ѝ забрани да се кандидира за јавна функција Франција - Марин Ле Пен на суд во Париз, 31 март 2025 година. Судот во Париз ја прогласи екстремно десничарската француска политичарка Марин Ле Пен за виновна за злоупотреба на фондови на Европската унија ѝ и забрани пет години да се кандидира за јавна функција, јави Ројтерс.Забраната за кандидирање стапува на сила веднаш, објави судијата на 31 март, откако Ле Пен и осум членови на нејзината партија „Национален собир“ беа прогласени за виновни за проневера на јавни пари.Судијата ја осуди француската политичарка и на четиригодишна затворска казна, од кои две се во домашен притвор, а две се условни и на парична казна од 100.000 евра. Видете и ова: Почнува судењето на Ле Пен и соработниците за проневера на пари од ЕУ Речиси е сигурно дека пресудата ќе биде обжалена, а нема да се изрекуваат ниту затворска ниту парична казна додека не се исцрпи жалбениот процес. Тој процес во Франција може да трае со месеци, па дури и со години.Но, нејзината петгодишна забрана да се кандидира за јавна функција стапува на сила веднаш, преку таканаречената мерка „привремено извршување“ што ја бараат обвинителите, а ќе биде укината само ако жалбата биде усвоена пред изборите, пренесува Ројтерс.Сепак, Ле Пен ќе задржи пратеничкото место до крајот на мандатот.Ле Пен веднаш не ја коментираше одлуката на судот.Нејзината десна рака, Џордан Бардела, претседател на „Национален собир“, рече: „Денес не е само Марин Ле Пен која е неправедно осудена: француската демократија е убиена“.Одлуката на судот е неуспех за Ле Пен, која во моментов, според анкетите на јавното мислење, е фаворит за следните претседателски избори во Франција.Според судот, Ле Пен е виновна за проневера на 474.000 евра, поради фиктивно вработување на четворица помошници од нејзината партија во Европскиот парламент.Ле Пен и 24 членови на нејзината политичка партија „Национален собир“ беа обвинети дека ги пренасочиле парите на Европскиот парламент за да ги платат партиските вработени. Видете и ова: Француското обвинителство бара затворска казна за Марин Ле Пен Како што пренесуваат весниците „Монд“ и „Фигаро“, судот проценил дека вкупната штета изнесува 2,9 милиони евра, бидејќи претставниците на нејзината партија „вработувале во Европскиот парламент луѓе кои реално работеле за Национален собир“.Ле Пен ја напушти судницата пред изрекувањето на пресудата. Се очекува таа да поднесе жалба на пресудата.Ле Пен претходно најави дека 2027 година ќе биде нејзино последно учество на претседателските избори и дека ќе го задржи своето место во парламентот до крајот на мандатот.Пристигнувајќи во судот во понеделникот, на 31 март, таа не сакаше да разговара со новинарите, а претходно ги обвини обвинителите дека бараат нејзина „политичка смрт“.Обвинетите тврдеа дека парите на Европскиот парламент биле користени легитимно, но судијата Бенедикт де Пертуис во пресудата навел дека „сите овие луѓе всушност работеле за партијата и дека законодавецот на ЕУ не им дал никакви задачи“. прочитај повеќе Вчитај повеќе...

Големи количини опасен „мазут“ со лош квалитет влегуваат во земјава, а никој не знае точно колку, вели поранешната директорка на ДИЖС Ана Петровска во интервју за РСЕ. Таа вели дека Царината не ги мери сите параметри, додека фирмите прават голем профит, а загадувањето останува нерешено. На почетокот на месецов имаше апсења за случајот со увоз на мазут со лош квалитет. Како според вас било ова овозможено, кој се замижувал за да се увезе тоа гориво во земјава?Во целиот тој ланец на можно спречување на увоз на штетно гориво, прв на браникот е Царинската управа која има начин да утврди дека влегува опасно гориво, пред се читајќи ги царинските декларации во коишто има спорни царински броеви по коишто и во минатото биле увезувани количини на опасен мазут. Потоа, може да биде индикативно и името на мазутот, на пример шверол - којшто значи тешко масло остаток од производство на гориво или отпадни масла, па тоа значи дека не е мазут, туку е отпад, и на крајот во царинската декларација можно е да се крие и шифра на отпад, согласно листата на отпади од групата 13 што значи отпадни масла и течности. Видете и ова: Мазутот ја „замасти“ истрагата за екоцид Царината овој трет индикатор не знае да го чита, тоа може да го чита Министерството за животна средина или Државниот инспекторат за животна средина, но за жал тие не се вклучени во царинската постапка за увоз. Понатаму, Царината согласно законот за Царинска управа, по Член 78, да нарача мерење на квалитетот, наместо да се задоволи само со разгледување на царинската декларација и при првиот сигнал дека имаме сомнителен тарифен број, сомнително име или сомнителна шифра, да го ангажираат Пазарниот инспекторат. За сметка на тоа тие за задоволуваат со мерење само на содржина на сулфур, бидејќи содржината на сулфур е исто така е важен еколошки параметар.Дали знаме колкава количина на вакво гориво е внесено и колку е изгорено?Можам да ви кажам дека секој што ќе каже колку ќе шпекулира. Во 2019 година излезе информација дека биле пронајдени 10 цистерни, што веројатно не ни еден отсто од тоа што влегло. Сега исто така зборуваме за големи количини – 37 000 тони и така натаму. Во 2021 година, извештаите што ги даваат институциите всушност се фокусираат на тоа кој увозници биле казнети – кои немале лиценци, кои немале доволно стокови резерви и кои што се најдени зголемени параметри на содржина на вода и пепел. Видете и ова: Притвор и за Асмир Јахоски, Кривичен суд ја преиначи одлуката Меѓутоа никој не кажа кои институции го гореле тоа гориво и со колава количина. Никој тогаш не кажа дека болница – физикална терапија горела штетен мазут во среде центар на град, дека РЕК Битола исто така горел опасен мазут, дека тулана во Ресен исто така горела опасен мазут, дека Огражден во Струмица исто така горела опасен мазут. Значи сите се фокусираа на тие фирми коишто биле казнети – увозниците, но и овие се донекаде одговорни, бидејќи ова гориво е многу поевтино затоа што е произведено многу поевтино. Мазутот бидејќи има многу мала содржина на сулфур, тој сега е доста скап и јас се осмелувам да кажам дека многу големи количини на отровен мазут влегуваат токму затоа што неговата цена е висока на пазарот во Западна Европа, а реално се увезуваат големи количини на ова гориво коешто е со лош квалитет и каде што огромни профити прават фирмите коишто со него работат, но тука профитот го прават и формите коишто купуваат, бидејќи го купуваат за малку поевтино?Може ли да се каже дека ова воопшто не е мазут?Тоа е отпад од производство на горива или е отпадно масло. Тоа е тој шверол којшто по дефиниција е тешко масло, дури не го ни викаат мазут, затоа што е интересно дека ние сме изгубени во преводот. Ние не увезуваме мазут, ние увезуваме „heavy oil“ – тешко масло со одреден тарифен број, со одреден комерцијален назив и потенцијално со некоја шифра на отпад, ако ни се протне отпад, а верувам дека многу често тоа ни се случува.Како гледате на тоа што истрагата на Обвинителството актуелниов случај за нафтените компании е насочена само за перење пари и местење тендери, но не и за квалитетот на горивото, односно за загадувањето. Треба ли обвинителството да отвори истрага за делото екоцид, кое стана дел од Кривичниот законик со последните измени?Јас се плашам дека они тука „екоцид“ нема да можат да докажат, бидејќи Кривичниот законик дефинитивно така го опишува ова дело – дека треба да имаме повеќекратно зголемени емисии во воздухот за да може да го казниме делото „екоцид“, а ние тука не сме ги ни мереле емисиите. Тоа е термоцентрала која што работи без еколошка дозвола, едноставно работи под хоризонтот на инспекторите и никој тука не ги врши тие мерења. Видете и ова: Полициска акција против „картел" за набавка на штетно гориво и перење пари Во секој случај, вие сте во право, тоа е дефинитивно е „екоцид“, меѓутоа верувам дека Обвинителството нема да може да го докаже, ниту пак има соодветни стручни служби или вештаци коишто тоа можат да го докажат. Тоа е уште еден проблем. Санкционирањето на вакви дела, каде што тие луѓе свесно влегле во вакви зделки, треба да лежат затвор. Ние немаме начин како држава, немаме механизми да ги осудиме затоа што немаме капацитети да обезбедиме солидни несоборливи докази.Целото интервју со Петровска може да го погледнете во видеото погоре. Artboard 4 Придружете се на Заедницата на Слободна Европа на Вибер Владимир Калински По завршувањето на студиите по новинарство започна да работи во А2 телевизија каде што известуваше за политички, економски и социјални теми. Потоа беше ангажиран во македонската редакција на Радио Дојче Веле во Бон. Во последниве неколку години работи во Радио Слободна Европа. kalinskiv@rferl.org Регистрирај се...

Отровен мазут влегува во земјава, истрагите го игнорираат загадувањето Достапни линкови Оди на содржината Оди на главната навигација Премини на пребарување линкот е копиран рубрики Македонија Свет Визуелно Вести Што треба да знаете Пријави се за њузлетер Подкаст Зошто? Нова генерација Следете не РСЕ веб страници Барај Барај Претходно Следно Breaking News Интервју Отровен мазут влегува во земјава, истрагите го игнорираат загадувањето март 30, 2025 Владимир Калински Embed Отровен мазут влегува во земјава, истрагите го игнорираат загадувањето Embed The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:23:07 0:00 Директен линк 240p | 63,2MB 360p | 86,2MB 480p | 123,3MB 720p | 341,5MB 1080p | 402,9MB Истражните органи се фокусираат на перење пари и местење тендери, но не и на квалитетот на горивото што се увезува. Според Ана Петровска, огромни профити се прават од увоз на отровен мазут, а државата нема капацитети да собере докази за загадувањето и да ги санкционира одговорните. Сподели Отровен мазут влегува во земјава, истрагите го игнорираат загадувањето share Категории Македонија Е-дневник и на телефон - како функционира апликацијата? Македонија тагува Беџети: Не знам каде е Груби и немам комуникација со него Повеќе Свет По три години, се зголемуваат доказите за руските воени злосторства во Украина „Зеленски е подготвен за преговори“ - изјави Трамп во Конгресот Пиротехника во српскиот Парламент Повеќе ТВ Тема на неделата Од зима во лето - што ни направија климатските промени? Гранатиран живот: Една година од руската инвазија во Украина Пчелите исчезнуваат, ќе нема што да јадеме? Повеќе ТВ Тема на денот Реакции на Русите и на Украинците на предлогот за 30 дневно примирје По три години, се зголемуваат доказите за руските воени злосторства во Украина „Зеленски е подготвен за преговори“ - изјави Трамп во Конгресот Повеќе Во 90 секунди Ексклузивно: Снимки од дрон за размерите на загинатите во војната во Украина Протести на поддржувачите на забранетиот романски кандидат за претседател, Георгеску Колку се важни информациите на американското разузнавање за воените напори на Украина? Повеќе Радио програми ​ Следете не Инфо страница Пријави се За нас Контакт Линкови Нова генерација Визуелно Што треба да знаете Истражуваме Интервју Моја порака Поткаст Зошто? Радио Слободна Европа / Радио Слобода. Сите права се резервирани XS SM MD LG...

Вести март 29, 2025 Протест пред ТВ Информер во Белград поради известување за студентските протести Србија - Протест пред ТВ Информер, Белград, 29 март 2025 година. Илјадници луѓе се собраа на протест пред зградата на провладината телевизија Информер во Белград и бараат забрана за работа на Информер поради начинот на известување за демонстрациите на студентите во Србија и кршење на новинарскиот кодекс. Репортерите на Радио Слободна Европа (РСЕ) јавија дека полицијата го чува приодот до телевизијата, а пред зградата е подигната и ограда.„Информаторот е директно во служба на власта. Политички билтен маскиран во медиум. Тука сме да покажеме дека вистината не се продава“, рече еден од студентите присутни на протестот и прочита извадоци од новинарскиот кодекс кој пропишува објективни информации. Видете и ова: Масовен протест во Белград - „Ние сме државата“, порака од студентите Директна причина за протестот беше коментарот на Драган Ј. Вучиќевиќ, главен уредник на телевизијата Информер и на истоимениот дневен весник, кој во програмата на тој медиум зборуваше за приватниот живот на студентот Давуд Делимеѓац.„Информер со ова уште еднаш покажа дека не е медиум, туку алатка на пропаганда која работи над законите без никакви последици“, соопшти на 18 март групата „Студенти во блокада“. Студентите од 26 ноември лани блокираат повеќе од 60 факултети на пет универзитети во Србија и бараат кривична и политичка одговорност од властите за смртта на 16 лица при падот на настрешницата на главната железничка станица во Нови Сад на 1 ноември 2024.Оттогаш, на покана на студентите, се одржаа десетици протести во повеќе од 400 градови и населени места низ земјата, на кои учествуваа стотици илјади луѓе. Според извештај на Регулаторното тело за електронски медиуми (РЕМ), против Телевизија Информер во 2025 година биле поднесени 20 претставки за ширење говор на омраза, отворена пропаганда, манипулации и дезинформации.Прописите во Србија регулираат дека медиумот што добива дозвола за емитување е должен да ги почитува законите, да придонесува за плурализмот и да има содржини од јавен интерес за информирање на граѓаните. прочитај повеќе види ги сите денешни вести април 01, 2025 Фрлена рачна бомба врз поштата во Звечан Поштата на Косово во Звечан, 27 март 2025 година Косовската полиција соопшти дека во зградата на Косовската пошта во Звечан експлодирала рачна граната, додека друга била активирана.Заменик-директорот на косовската полиција за северниот регион, Ветон Елшани за Радио Слободна Европа изјави дека нема повредени, но дека е причинета материјална штета.Знакот на Поштата на Косово во Звечан на оваа зграда беше поставен минатата недела. Во него до мај 2024 година функционираше банката Поштенска Штедилница, која работеше во српскиот систем. Видете и ова: Страв, несигурност и недостиг на производи на северот на Косово Истиот знак на Пошта на Косово беше поставен и во други општини со српско мнозинство на северот на Косово, во зградите каде што функционираа експозитурите на банката Поштенска штедилница.Косовските власти ја затворија оваа банка, Поштата на Србија и другите институции кои работат во системот на Србија со образложение дека се нелегални, односно немале дозвола за работа. Ова наиде на незадоволство кај локалната српска заедница и критики од Меѓународната заедница.Минатата година неколку експлозивни направи беа фрлени и врз косовските институции во општините на северот на Косово, додека косовските власти оценија дека „криминалните и терористичките напади“ имале за цел заплашување. прочитај повеќе април 01, 2025 ЕУ го поздрави формирањето на нова преодна влада во Сирија Високата претставничка на ЕУ за надворешна политика и безбедност, Каја Калас Европската Унија го поздрави формирањето на новата преодна влада во Сирија и изрази подготвеност за соработка со неа во справувањето со големите предизвици, изјави синоќа високата претставничка на ЕУ за надворешна политика и безбедност, Каја Калас.Како што е наведено на официјалната веб-страница на ЕУ, Калас изјави дека аспирациите на сите Сиријци мора да бидат исполнети и дека Унијата ќе застане покрај сирискиот народ, обезбедувајќи новата влада да ги почитува своите обврски кон мирна и инклузивна транзиција.„ЕУ ја повторува својата непоколеблива поддршка за транзициониот процес што го води и поседува самата Сирија – процес кој е мирен, инклузивен и кој ги опфаќа сите сегменти на сириското општество. Сеопфатната транзициска правда мора да обезбеди одговорност за сите злосторства и значително да придонесе за национално помирување“, изјави Калас. Видете и ова: ЕУ вети повеќе од 5 милијарди евра за Сирија Таа нагласи дека процесот инициран на Конференцијата за национален дијалог, одржана на 25 февруари, ќе има клучна улога во овој контекст.„Клучно е сите надворешни актери целосно да го почитуваат единството, суверенитетот и територијалниот интегритет на Сирија. ЕУ ги осудува сите обиди за поткопување на нејзината стабилност и перспективите за мирна и инклузивна политичка транзиција“, рече Калас.Министрите на новата сириска преодна влада пред два дена положија заклетва во Народната палата во Дамаск. прочитај повеќе април 01, 2025 Британски, француски и украински генерали на средба за поддршка на Украина илустрација Британски, француски и украински високи воени претставници ќе одржат состанок во наредните денови за да дадат „реален импулс“ на напорите за јакнење на безбедноста на Украина, изјави портпаролот на британскиот премиер Кир Стармер.Средбата, која има цел да ги разгледа следните фази на детално воено планирање, била договорена за време на телефонскиот разговор меѓу Стармер и украинскиот претседател Володимир Зеленски.Состанокот следува по неодамнешната средба во Париз на т.н. „коалиција на подготвените“, која вклучува европски земји што ја поддржуваат Украина. Видете и ова: „Коалицијата на подготвените“ - Доведување на Украина во најдобра позиција за преговори „Лидерите се согласија дека постои реален напредок во долгорочната поддршка за безбедноста на Украина“, изјави портпаролот на британскиот премиер.Во одделно соопштение, Зеленски нагласи дека ја цени позицијата на Велика Британија во вршењето притисок врз Русија.„Потребен е силен притисок за да се одврати Русија од ширење на војната. Ова е уште поважно сега, кога Москва се потсмева на обидите на нашите партнери да го придвижат мировниот процес“, изјави Зеленски.Во исто време, Кремљ соопшти дека Русија и САД ги разгледуваат можните опции за мировно решение на војната во Украина. прочитај повеќе април 01, 2025 Марин Ле Пен: Нема да се кандидирам во 2027, но ќе продолжам со борбата Марин Ле Пен Француската крајнодесничарска лидерка Марин Ле Пен изјави дека судската одлука со која ѝ се забранува да извршува изборни функции практично ја исклучува од трката за претседателските избори во 2027 година. Таа нагласи дека нема големи надежи дека нејзината жалба ќе биде разгледана пред изборите.Според неа, забраната е „политичка одлука“.„Да бидеме искрени, јас бев елиминирана, но вистината е дека елиминирани беа и гласовите на милиони Французи“, изјави Ле Пен за францускиот TF1.Таа додаде дека ќе ги искористи сите правни средства за да ја поништи пресудата, по што би можела да ја разгледа можноста повторно да се кандидира. Видете и ова: Францускиот суд ја осуди Марин Ле Пен и ѝ забрани да се кандидира за јавна функција Доколку не успее, 29-годишниот лидер на Национален собир, Жордан Бардела, може да биде нејзин кандидат за претседател.„Жордан Бардела е голем адут за партијата, и тоа го велам одамна“, нагласи Ле Пен.Таа истакна дека одлуката на судот претставува „практика која сме ја сметале за резервирана за авторитарни режими“ и дека милиони Французи се „восхитени“ од нејзината борба против „неправдата“.Француски суд вчера донесе одлука според која Марин Ле Пен од десничарската француска партија Национален собир е осудена на четири години затвор поради проневера на средства од европски фондови.Според одлуката, две од вкупно четирите години затвор ќе бидат условна казна. Судот пресуди и дека Ле Пен треба да добие петгодишна забрана за вршење јавна функција и треба да плати парична казна од 100.000 евра. прочитај повеќе март 31, 2025 Најмалку 2.065 лица загинаа во земјотресот во Мјанмар Земјотрес во Мјанмар, 29 март 2025 година. Бројот на загинати во земјотресот во Мјанмар достигна 2.065 лица. Повеќе од 3.900 лица се повредени, а над 270 се водат како исчезнати, јави Ројтерс повикувајќи се на државниот телевизиски канал на земјата. Земјотресот со јачина од 7,7 степени според Рихтеровата скала, што го погоди Мјанмар во петокот, на 28 март е еден од најсилните во Мјанмар во изминатиот век. Индија, Кина и Тајланд се меѓу соседите на Мјанмар кои испратија помошни материјали и тимови, заедно со помош и персонал од Малезија, Сингапур и Русија. Видете и ова: Земјотрес од 7,7 степени го погоди Мјанмар, се урна висококатница во Бангкок Соединетите Американски Држави ветија помош од 2 милиони долари „преку организациите за хуманитарна помош со седиште во Мјанмар“ и во соопштението наведоа дека тим за одговор при итни случаи од УСАИД, кој е подложен на огромни намалувања под администрацијата на Трамп, се распоредува во Мјанмар.Предвидливото моделирање на Американската геолошка служба процени дека бројот на загинати во Мјанмар би можел да достигне 10.000 лица, а загубите би можеле да го надминат годишното економско производство на земјата. прочитај повеќе март 31, 2025 Шест пациенти од пожарот во Кочани се враќаат од странски болници Северна Македонија - запалената дискотека „Пулс“ во Кочани, 17 март 2025 година. Шест пациенти денеска се враќаат од странство, пет од Србија (тројца од КБЦ Ниш и двајца од ВМА Белград) и еден од Италија, соопшти Министерството за здравство. Тие ќе бидат примени во здравствени установи од кои биле испратени и согласно повредите.Во однос на останатите пациенти во странство, кај дел има подобрување, а неколкумина се уште се интубирани и во потешка здравствена состојба.Пациентите беа повредени во пожар во дискотеката „Пулс“ во Кочани на 16 март, при што загинаа 59 лица, а околу 200 беа повредени. Повеќе од половина од повредените беа испратени на лекување во странски медицински центри. Видете и ова: Двајца пациенти се враќаат од Литванија и Шведска, четворица се во критична состојба Во здравствените установи во државава остануваат 16 пациенти во добра општа состојба - по шест во Св.Наум Охридски и ГОБ 8 Септември и четири во приватните болници. „И понатаму внимателно ја следиме состојбата на повредените пациенти и остануваме во постојана комуникација со медицинските тимови во земјата и странство, посветени на обезбедување најдобра можна нега за повредените од несреќата во Кочани“, соопштија од Министерството за здравство. Трагедијата во Кочани предизвика низа протестни собири на граѓаните во Северна Македонија кои бараат правда и одговорност за пожарот во дискотеката. прочитај повеќе март 31, 2025 Владата на Србија усвои план за изградба на нафтовод од Унгарија до Нови Сад Унгарија - Српскиот премиер Александар Вучиќ (десно) и унгарскиот премиер Виктор Орбан(лево), Будимпешта, 17 февруари 2025 година. Владата на Србија усвои Уредба за утврдување на Просторен план за инфраструктурен коридор на нафтовод од границата со Унгарија до Нови Сад во должина од 113 километри.Просторниот план е донесен заради енергетската безбедност на Србија, се вели во Уредбата.Гасоводот треба да биде изграден до 2028 година. Проценетата вредност на проектот е 157 милиони евра за српскиот дел од гасоводот.Вкупниот капацитет на нафтоводот кој ќе се поставува под земја по целата должина е околу 5,5 милиони годишно, пишува во документот што го усвои српската Влада. Видете и ова: Вучиќ разговарал со Орбан за енергетската безбедност Според планот, интерконекцијата со Унгарија е лоцирана во близина на граничниот премин Хоргош на северот на Србија, а крајот на трасата на терминалот „Транснафта“ АД Панчево.Во октомври 2022 година, Србија и Унгарија се договорија за изградба на нафтовод, што ќе ѝ овозможи на Србија да се снабдува со поевтина нафта од Урал со поврзување со рускиот нафтовод Дружба (Пријателство).Властите во Белград одлучија да изградат дополнителна линија за снабдување со нафта кога Хрватска го забрани транспортот на руска нафта на крајот на 2022 година во согласност со санкциите на Европската унија против Русија поради нејзината инвазија на Украина.Србија и Унгарија развија соработка во областа на енергетиката. Во јули 2023 година потпишаа договор за основање на заедничка компанија за трговија со гас. Србија поради немање сопствени капацитети изнајмува складиште за гас од Унгарија.Во исто време, овие две земји одржуваат односи со Пекинг и Москва, што наидува на незадоволство во Европската унија. прочитај повеќе март 31, 2025 Шведска објави нов пакет воена помош од 1,6 милијарди долари за Украина УКРАИНА - Претседателот на Украина, Володимир Зеленски(лево) и министерот за одбрана на Шведска ,Пал Џонсон(десно),Киев, 24 февруари 2024 година. Шведска објави нов пакет воена помош за Украина во вредност од 16 милијарди круни (околу 1,6 милијарди долари), што е најголемиот пакет досега од оваа нордиска земја, рече Пал Џонсон, министер за одбрана на Шведска, јави Ројтерс. Видете и ова: „Коалицијата на подготвените“ - Доведување на Украина во најдобра позиција за преговори Најголемиот дел од пакетот, 9,2 милијарди круни, ќе се состои од опрема што ќе биде купена во процеси предводени од шведската управа за одбранбен материјал, рече Џонсон на прес-конференција. Владата на Шведска го зголеми буџетот за 2025 година на 40 милијарди круни од 25 милијарди проектирани претходно, за да се помогне во борбата на Киев против руската инвазија. прочитај повеќе update март 31, 2025 Францускиот суд ја осуди Марин Ле Пен и ѝ забрани да се кандидира за јавна функција Франција - Марин Ле Пен на суд во Париз, 31 март 2025 година. Судот во Париз ја прогласи екстремно десничарската француска политичарка Марин Ле Пен за виновна за злоупотреба на фондови на Европската унија ѝ и забрани пет години да се кандидира за јавна функција, јави Ројтерс.Забраната за кандидирање стапува на сила веднаш, објави судијата на 31 март, откако Ле Пен и осум членови на нејзината партија „Национален собир“ беа прогласени за виновни за проневера на јавни пари.Судијата ја осуди француската политичарка и на четиригодишна затворска казна, од кои две се во домашен притвор, а две се условни и на парична казна од 100.000 евра. Видете и ова: Почнува судењето на Ле Пен и соработниците за проневера на пари од ЕУ Речиси е сигурно дека пресудата ќе биде обжалена, а нема да се изрекуваат ниту затворска ниту парична казна додека не се исцрпи жалбениот процес. Тој процес во Франција може да трае со месеци, па дури и со години.Но, нејзината петгодишна забрана да се кандидира за јавна функција стапува на сила веднаш, преку таканаречената мерка „привремено извршување“ што ја бараат обвинителите, а ќе биде укината само ако жалбата биде усвоена пред изборите, пренесува Ројтерс.Сепак, Ле Пен ќе задржи пратеничкото место до крајот на мандатот.Ле Пен веднаш не ја коментираше одлуката на судот.Нејзината десна рака, Џордан Бардела, претседател на „Национален собир“, рече: „Денес не е само Марин Ле Пен која е неправедно осудена: француската демократија е убиена“.Одлуката на судот е неуспех за Ле Пен, која во моментов, според анкетите на јавното мислење, е фаворит за следните претседателски избори во Франција.Според судот, Ле Пен е виновна за проневера на 474.000 евра, поради фиктивно вработување на четворица помошници од нејзината партија во Европскиот парламент.Ле Пен и 24 членови на нејзината политичка партија „Национален собир“ беа обвинети дека ги пренасочиле парите на Европскиот парламент за да ги платат партиските вработени. Видете и ова: Француското обвинителство бара затворска казна за Марин Ле Пен Како што пренесуваат весниците „Монд“ и „Фигаро“, судот проценил дека вкупната штета изнесува 2,9 милиони евра, бидејќи претставниците на нејзината партија „вработувале во Европскиот парламент луѓе кои реално работеле за Национален собир“.Ле Пен ја напушти судницата пред изрекувањето на пресудата. Се очекува таа да поднесе жалба на пресудата.Ле Пен претходно најави дека 2027 година ќе биде нејзино последно учество на претседателските избори и дека ќе го задржи своето место во парламентот до крајот на мандатот.Пристигнувајќи во судот во понеделникот, на 31 март, таа не сакаше да разговара со новинарите, а претходно ги обвини обвинителите дека бараат нејзина „политичка смрт“.Обвинетите тврдеа дека парите на Европскиот парламент биле користени легитимно, но судијата Бенедикт де Пертуис во пресудата навел дека „сите овие луѓе всушност работеле за партијата и дека законодавецот на ЕУ не им дал никакви задачи“. прочитај повеќе март 31, 2025 Во Литванија пронајдено возило со четворица исчезнати американски војници Литванија - потрага и извлекување на полигонот во Литванија каде исчезнаа четворица американски војници за време на вежба на НАТО. Спасувачките екипи извлекле потонато воено возило во Литванија, во кое се превезувале четворица американски војници кои се водат како исчезнати, јави редакцијата на Радио Слободна Европа на англиски јазик.Оклопното возило М88 Херкулес беше пронајдено на 31 март, потопено во мочуриште, шест дена откако беше почната спасувачка операција на воениот полигон Пабрада, во близина на границата на Литванија со Белорусија. Видете и ова: Литванскиот претседател „се надева на чудо“ додека потрагата по американски војници продолжува Литванскиот министер за одбрана, Давиле Сакалиен, изјави дека допрва треба да се утврди што се случило со четворицата војници.„Не можеме да зборуваме за тоа во овој момент, бидејќи, прво, сè уште нема информации, а дури и кога ќе добиеме информации, постои строг договор дека Американците први ќе излезат со каква било објава“, изјави Сакалиен за литванското државно радио на 31 март.Литванија, членка на НАТО и на Европската унија (ЕУ), е домаќин на повеќе од 1.000 американски војници стационирани во неа на ротациона основа.Американската армија за Европа и Африка претходно соопшти дека четворицата војници „вршеле планирана тактичка обука“ кога исчезнале на 25 март.Во првите часови од операцијата за спасување, се појавија неколку спротивставени тврдења, вклучително и коментарите на генералниот секретар на НАТО, Марк Руте, дека четворица американски војници се мртви. Портпаролката на НАТО подоцна ги отфрли тие коментари. прочитај повеќе Вчитај повеќе...

Вести март 29, 2025 Двајца пациенти се враќаат од Литванија и Шведска, четворица се во критична состојба Северна Македонија - Арбен Таравари, министер за здравство. Од вкупно хоспитализирани 21 пациент во Скопје по несреќата во Кочани, денеска ќе бидат пуштени пет. Четири пациенти од оние кои се лекуваат во странство се критични, кај двајца повторно е влошена состојбатаа, рече министерот за здравство, Арбен Таравари, на прес-конференција на 29 март. Пациентите беа повредени во пожар во дискотеката „Пулс“ во Кочанина 16 март, при што загинаа 59 лица, а околу 200 беа повредени. Повеќе од половина од повредените беа испратени на лекување во странски медицински центри.Се уште има и интубирани пациенти во тешка, но не и животно загрижувачка состојба, рече Таравари.Надвор од државата се 89 пациенти, но двајца се враќаат од Литванија и Шведска. Тие најпрво ќе бидат примени и прегледани во домашните болници од каде биле и испратени, според протоколот ќе бидат задржани 24 часа, а потоа ќе бидат пуштени дома. Видете и ова: Поранешните градоначалници на Кочани, Димитриевски и Илијев одат во куќен притвор За утре нема најава за враќање на други пациенти од странство, но во понеделник, истакна министерот, сигурно ќе се вратат уште петмина.-Од хоспитализираните, шест се во Клинички центар, шест во Градската болница и пет во ГОБ „8 Септември", додека четворица се во приватните клиники. Денеска има пет исписи на пациенти кои се во подобра состојба и одат на домашно лекување по што ќе останат вкупно 16, информира Таравари.Трагедијата во Кочани предизвика низа протестни собири на граѓаните во Северна Македонија кои бараат правда и одговорност. прочитај повеќе види ги сите денешни вести април 01, 2025 ЕУ го поздрави формирањето на нова преодна влада во Сирија Високата претставничка на ЕУ за надворешна политика и безбедност, Каја Калас Европската Унија го поздрави формирањето на новата преодна влада во Сирија и изрази подготвеност за соработка со неа во справувањето со големите предизвици, изјави синоќа високата претставничка на ЕУ за надворешна политика и безбедност, Каја Калас.Како што е наведено на официјалната веб-страница на ЕУ, Калас изјави дека аспирациите на сите Сиријци мора да бидат исполнети и дека Унијата ќе застане покрај сирискиот народ, обезбедувајќи новата влада да ги почитува своите обврски кон мирна и инклузивна транзиција.„ЕУ ја повторува својата непоколеблива поддршка за транзициониот процес што го води и поседува самата Сирија – процес кој е мирен, инклузивен и кој ги опфаќа сите сегменти на сириското општество. Сеопфатната транзициска правда мора да обезбеди одговорност за сите злосторства и значително да придонесе за национално помирување“, изјави Калас. Видете и ова: ЕУ вети повеќе од 5 милијарди евра за Сирија Таа нагласи дека процесот инициран на Конференцијата за национален дијалог, одржана на 25 февруари, ќе има клучна улога во овој контекст.„Клучно е сите надворешни актери целосно да го почитуваат единството, суверенитетот и територијалниот интегритет на Сирија. ЕУ ги осудува сите обиди за поткопување на нејзината стабилност и перспективите за мирна и инклузивна политичка транзиција“, рече Калас.Министрите на новата сириска преодна влада пред два дена положија заклетва во Народната палата во Дамаск. прочитај повеќе април 01, 2025 Британски, француски и украински генерали на средба за поддршка на Украина илустрација Британски, француски и украински високи воени претставници ќе одржат состанок во наредните денови за да дадат „реален импулс“ на напорите за јакнење на безбедноста на Украина, изјави портпаролот на британскиот премиер Кир Стармер.Средбата, која има цел да ги разгледа следните фази на детално воено планирање, била договорена за време на телефонскиот разговор меѓу Стармер и украинскиот претседател Володимир Зеленски.Состанокот следува по неодамнешната средба во Париз на т.н. „коалиција на подготвените“, која вклучува европски земји што ја поддржуваат Украина. Видете и ова: „Коалицијата на подготвените“ - Доведување на Украина во најдобра позиција за преговори „Лидерите се согласија дека постои реален напредок во долгорочната поддршка за безбедноста на Украина“, изјави портпаролот на британскиот премиер.Во одделно соопштение, Зеленски нагласи дека ја цени позицијата на Велика Британија во вршењето притисок врз Русија.„Потребен е силен притисок за да се одврати Русија од ширење на војната. Ова е уште поважно сега, кога Москва се потсмева на обидите на нашите партнери да го придвижат мировниот процес“, изјави Зеленски.Во исто време, Кремљ соопшти дека Русија и САД ги разгледуваат можните опции за мировно решение на војната во Украина. прочитај повеќе април 01, 2025 Марин Ле Пен: Нема да се кандидирам во 2027, но ќе продолжам со борбата Марин Ле Пен Француската крајнодесничарска лидерка Марин Ле Пен изјави дека судската одлука со која ѝ се забранува да извршува изборни функции практично ја исклучува од трката за претседателските избори во 2027 година. Таа нагласи дека нема големи надежи дека нејзината жалба ќе биде разгледана пред изборите.Според неа, забраната е „политичка одлука“.„Да бидеме искрени, јас бев елиминирана, но вистината е дека елиминирани беа и гласовите на милиони Французи“, изјави Ле Пен за францускиот TF1.Таа додаде дека ќе ги искористи сите правни средства за да ја поништи пресудата, по што би можела да ја разгледа можноста повторно да се кандидира. Видете и ова: Францускиот суд ја осуди Марин Ле Пен и ѝ забрани да се кандидира за јавна функција Доколку не успее, 29-годишниот лидер на Национален собир, Жордан Бардела, може да биде нејзин кандидат за претседател.„Жордан Бардела е голем адут за партијата, и тоа го велам одамна“, нагласи Ле Пен.Таа истакна дека одлуката на судот претставува „практика која сме ја сметале за резервирана за авторитарни режими“ и дека милиони Французи се „восхитени“ од нејзината борба против „неправдата“.Француски суд вчера донесе одлука според која Марин Ле Пен од десничарската француска партија Национален собир е осудена на четири години затвор поради проневера на средства од европски фондови.Според одлуката, две од вкупно четирите години затвор ќе бидат условна казна. Судот пресуди и дека Ле Пен треба да добие петгодишна забрана за вршење јавна функција и треба да плати парична казна од 100.000 евра. прочитај повеќе март 31, 2025 Најмалку 2.065 лица загинаа во земјотресот во Мјанмар Земјотрес во Мјанмар, 29 март 2025 година. Бројот на загинати во земјотресот во Мјанмар достигна 2.065 лица. Повеќе од 3.900 лица се повредени, а над 270 се водат како исчезнати, јави Ројтерс повикувајќи се на државниот телевизиски канал на земјата. Земјотресот со јачина од 7,7 степени според Рихтеровата скала, што го погоди Мјанмар во петокот, на 28 март е еден од најсилните во Мјанмар во изминатиот век. Индија, Кина и Тајланд се меѓу соседите на Мјанмар кои испратија помошни материјали и тимови, заедно со помош и персонал од Малезија, Сингапур и Русија. Видете и ова: Земјотрес од 7,7 степени го погоди Мјанмар, се урна висококатница во Бангкок Соединетите Американски Држави ветија помош од 2 милиони долари „преку организациите за хуманитарна помош со седиште во Мјанмар“ и во соопштението наведоа дека тим за одговор при итни случаи од УСАИД, кој е подложен на огромни намалувања под администрацијата на Трамп, се распоредува во Мјанмар.Предвидливото моделирање на Американската геолошка служба процени дека бројот на загинати во Мјанмар би можел да достигне 10.000 лица, а загубите би можеле да го надминат годишното економско производство на земјата. прочитај повеќе март 31, 2025 Шест пациенти од пожарот во Кочани се враќаат од странски болници Северна Македонија - запалената дискотека „Пулс“ во Кочани, 17 март 2025 година. Шест пациенти денеска се враќаат од странство, пет од Србија (тројца од КБЦ Ниш и двајца од ВМА Белград) и еден од Италија, соопшти Министерството за здравство. Тие ќе бидат примени во здравствени установи од кои биле испратени и согласно повредите.Во однос на останатите пациенти во странство, кај дел има подобрување, а неколкумина се уште се интубирани и во потешка здравствена состојба.Пациентите беа повредени во пожар во дискотеката „Пулс“ во Кочани на 16 март, при што загинаа 59 лица, а околу 200 беа повредени. Повеќе од половина од повредените беа испратени на лекување во странски медицински центри. Видете и ова: Двајца пациенти се враќаат од Литванија и Шведска, четворица се во критична состојба Во здравствените установи во државава остануваат 16 пациенти во добра општа состојба - по шест во Св.Наум Охридски и ГОБ 8 Септември и четири во приватните болници. „И понатаму внимателно ја следиме состојбата на повредените пациенти и остануваме во постојана комуникација со медицинските тимови во земјата и странство, посветени на обезбедување најдобра можна нега за повредените од несреќата во Кочани“, соопштија од Министерството за здравство. Трагедијата во Кочани предизвика низа протестни собири на граѓаните во Северна Македонија кои бараат правда и одговорност за пожарот во дискотеката. прочитај повеќе март 31, 2025 Владата на Србија усвои план за изградба на нафтовод од Унгарија до Нови Сад Унгарија - Српскиот премиер Александар Вучиќ (десно) и унгарскиот премиер Виктор Орбан(лево), Будимпешта, 17 февруари 2025 година. Владата на Србија усвои Уредба за утврдување на Просторен план за инфраструктурен коридор на нафтовод од границата со Унгарија до Нови Сад во должина од 113 километри.Просторниот план е донесен заради енергетската безбедност на Србија, се вели во Уредбата.Гасоводот треба да биде изграден до 2028 година. Проценетата вредност на проектот е 157 милиони евра за српскиот дел од гасоводот.Вкупниот капацитет на нафтоводот кој ќе се поставува под земја по целата должина е околу 5,5 милиони годишно, пишува во документот што го усвои српската Влада. Видете и ова: Вучиќ разговарал со Орбан за енергетската безбедност Според планот, интерконекцијата со Унгарија е лоцирана во близина на граничниот премин Хоргош на северот на Србија, а крајот на трасата на терминалот „Транснафта“ АД Панчево.Во октомври 2022 година, Србија и Унгарија се договорија за изградба на нафтовод, што ќе ѝ овозможи на Србија да се снабдува со поевтина нафта од Урал со поврзување со рускиот нафтовод Дружба (Пријателство).Властите во Белград одлучија да изградат дополнителна линија за снабдување со нафта кога Хрватска го забрани транспортот на руска нафта на крајот на 2022 година во согласност со санкциите на Европската унија против Русија поради нејзината инвазија на Украина.Србија и Унгарија развија соработка во областа на енергетиката. Во јули 2023 година потпишаа договор за основање на заедничка компанија за трговија со гас. Србија поради немање сопствени капацитети изнајмува складиште за гас од Унгарија.Во исто време, овие две земји одржуваат односи со Пекинг и Москва, што наидува на незадоволство во Европската унија. прочитај повеќе март 31, 2025 Шведска објави нов пакет воена помош од 1,6 милијарди долари за Украина УКРАИНА - Претседателот на Украина, Володимир Зеленски(лево) и министерот за одбрана на Шведска ,Пал Џонсон(десно),Киев, 24 февруари 2024 година. Шведска објави нов пакет воена помош за Украина во вредност од 16 милијарди круни (околу 1,6 милијарди долари), што е најголемиот пакет досега од оваа нордиска земја, рече Пал Џонсон, министер за одбрана на Шведска, јави Ројтерс. Видете и ова: „Коалицијата на подготвените“ - Доведување на Украина во најдобра позиција за преговори Најголемиот дел од пакетот, 9,2 милијарди круни, ќе се состои од опрема што ќе биде купена во процеси предводени од шведската управа за одбранбен материјал, рече Џонсон на прес-конференција. Владата на Шведска го зголеми буџетот за 2025 година на 40 милијарди круни од 25 милијарди проектирани претходно, за да се помогне во борбата на Киев против руската инвазија. прочитај повеќе update март 31, 2025 Францускиот суд ја осуди Марин Ле Пен и ѝ забрани да се кандидира за јавна функција Франција - Марин Ле Пен на суд во Париз, 31 март 2025 година. Судот во Париз ја прогласи екстремно десничарската француска политичарка Марин Ле Пен за виновна за злоупотреба на фондови на Европската унија ѝ и забрани пет години да се кандидира за јавна функција, јави Ројтерс.Забраната за кандидирање стапува на сила веднаш, објави судијата на 31 март, откако Ле Пен и осум членови на нејзината партија „Национален собир“ беа прогласени за виновни за проневера на јавни пари.Судијата ја осуди француската политичарка и на четиригодишна затворска казна, од кои две се во домашен притвор, а две се условни и на парична казна од 100.000 евра. Видете и ова: Почнува судењето на Ле Пен и соработниците за проневера на пари од ЕУ Речиси е сигурно дека пресудата ќе биде обжалена, а нема да се изрекуваат ниту затворска ниту парична казна додека не се исцрпи жалбениот процес. Тој процес во Франција може да трае со месеци, па дури и со години.Но, нејзината петгодишна забрана да се кандидира за јавна функција стапува на сила веднаш, преку таканаречената мерка „привремено извршување“ што ја бараат обвинителите, а ќе биде укината само ако жалбата биде усвоена пред изборите, пренесува Ројтерс.Сепак, Ле Пен ќе задржи пратеничкото место до крајот на мандатот.Ле Пен веднаш не ја коментираше одлуката на судот.Нејзината десна рака, Џордан Бардела, претседател на „Национален собир“, рече: „Денес не е само Марин Ле Пен која е неправедно осудена: француската демократија е убиена“.Одлуката на судот е неуспех за Ле Пен, која во моментов, според анкетите на јавното мислење, е фаворит за следните претседателски избори во Франција.Според судот, Ле Пен е виновна за проневера на 474.000 евра, поради фиктивно вработување на четворица помошници од нејзината партија во Европскиот парламент.Ле Пен и 24 членови на нејзината политичка партија „Национален собир“ беа обвинети дека ги пренасочиле парите на Европскиот парламент за да ги платат партиските вработени. Видете и ова: Француското обвинителство бара затворска казна за Марин Ле Пен Како што пренесуваат весниците „Монд“ и „Фигаро“, судот проценил дека вкупната штета изнесува 2,9 милиони евра, бидејќи претставниците на нејзината партија „вработувале во Европскиот парламент луѓе кои реално работеле за Национален собир“.Ле Пен ја напушти судницата пред изрекувањето на пресудата. Се очекува таа да поднесе жалба на пресудата.Ле Пен претходно најави дека 2027 година ќе биде нејзино последно учество на претседателските избори и дека ќе го задржи своето место во парламентот до крајот на мандатот.Пристигнувајќи во судот во понеделникот, на 31 март, таа не сакаше да разговара со новинарите, а претходно ги обвини обвинителите дека бараат нејзина „политичка смрт“.Обвинетите тврдеа дека парите на Европскиот парламент биле користени легитимно, но судијата Бенедикт де Пертуис во пресудата навел дека „сите овие луѓе всушност работеле за партијата и дека законодавецот на ЕУ не им дал никакви задачи“. прочитај повеќе март 31, 2025 Во Литванија пронајдено возило со четворица исчезнати американски војници Литванија - потрага и извлекување на полигонот во Литванија каде исчезнаа четворица американски војници за време на вежба на НАТО. Спасувачките екипи извлекле потонато воено возило во Литванија, во кое се превезувале четворица американски војници кои се водат како исчезнати, јави редакцијата на Радио Слободна Европа на англиски јазик.Оклопното возило М88 Херкулес беше пронајдено на 31 март, потопено во мочуриште, шест дена откако беше почната спасувачка операција на воениот полигон Пабрада, во близина на границата на Литванија со Белорусија. Видете и ова: Литванскиот претседател „се надева на чудо“ додека потрагата по американски војници продолжува Литванскиот министер за одбрана, Давиле Сакалиен, изјави дека допрва треба да се утврди што се случило со четворицата војници.„Не можеме да зборуваме за тоа во овој момент, бидејќи, прво, сè уште нема информации, а дури и кога ќе добиеме информации, постои строг договор дека Американците први ќе излезат со каква било објава“, изјави Сакалиен за литванското државно радио на 31 март.Литванија, членка на НАТО и на Европската унија (ЕУ), е домаќин на повеќе од 1.000 американски војници стационирани во неа на ротациона основа.Американската армија за Европа и Африка претходно соопшти дека четворицата војници „вршеле планирана тактичка обука“ кога исчезнале на 25 март.Во првите часови од операцијата за спасување, се појавија неколку спротивставени тврдења, вклучително и коментарите на генералниот секретар на НАТО, Марк Руте, дека четворица американски војници се мртви. Портпаролката на НАТО подоцна ги отфрли тие коментари. прочитај повеќе март 31, 2025 Трамп му се закани на Путин со царини за нафтата, од Зеленски бара договор за минералите Доналд Трамп, претседател на Соединетите Американски Држави (САД), 28 март 2025 година. Американскиот претседател Доналд Трамп ѝ се закани на Русија со нови царини за нафтените деривати доколку ги блокира неговите иницијативи за ставање крај на војната во Украина, посочувајќи и дека украинскиот лидер Володимир Зеленски се соочува со „големи проблеми“ доколку не го потпише клучниот договор за минералите со Вашингтон.„Се договоривме и сега тој вели дека сака повторно да преговара за договорот. Тој сака да биде членка на НАТО, но тоа никогаш нема да се случи. Тој го разбира тоа“, им рече Трамп на новинарите на 30 март, мислејќи на украинскиот претседател Зеленски.Украинската влада на 28 февруари соопшти дека сè уште го разгледува нацрт-договорот за минерални суровини на САД. Украинската министерка за економија Јулија Свириденко тогаш изјави дека Киев го формира својот став, но дека претставниците ќе го изнесат само кога ќе се постигне консензус.Украина има значителни наоѓалишта на минерали, високо ценети поради нивната употреба во одбранбените технологии, како и во компјутери, паметни телефони и батерии. Видете и ова: „Коалицијата на подготвените“ - Доведување на Украина во најдобра позиција за преговори Минатиот месец Украина и САД постигнаа сеопфатен договор за развој на виталните минерални ресурси на Украина.Договорот беше дел од напорите на Трамп да стави крај на војната и да врати некои од десетиците милијарди долари што САД ѝ ги дадоа на Украина во финансиска и воена помош од почетокот на руската инвазија во 2022 година.По средбата меѓу Трамп и Зеленски во Белата куќа на 28 февруари, обидите за финализирање на договорот пропаднаа.Во меѓувреме, Трамп на 30 март рече дека ќе воведе секундарни царини од 25 до 50 отсто за целата руска нафта доколку се чини дека претседателот Владимир Путин ги блокира неговите напори да стави крај на војната во Украина.Трамп во неделата рече дека е „многу лут“ кога Путин повика на формирање на преодна влада во Украина, која би можела да го собори украинскиот претседател Володимир Зеленски.„Ако Русија и јас не успееме да постигнеме договор за прекин на крвопролевањето во Украина, а верувам дека е виновна Русија, да воведеме секундарни царини за целата нафта што излегува од Русија“, рече Трамп во интервју за американската телевизиска мрежа Ен-Би-Си.Тој рече дека трговските мерки ќе бидат воведени во рок од еден месец доколку нема договор за прекин на огнот.„Тоа би значело дека ако купувате нафта од Русија, не можете да работите во САД“, рече Трамп. Видете и ова: Дали Русија стави „отровно апче“ во договорот за прекин на огнот во Црното Море? Овие најави доаѓаат откако Белата куќа на 25 март објави дека и Русија и Украина се согласиле на прекин на огнот и да дозволат пловидба во Црното Море, како и договор да не се таргетираат енергетски објекти.Сè уште има проблеми со спроведувањето на договорот. Киев вели дека ќе стапи на сила веднаш, а Москва дека ќе стапи на сила по делумното укинување на санкциите за руските компании и банки вклучени во меѓународната трговија со храна.Коментарите на Трамп означуваат поместување од мекиот пристап што Белата куќа го зазеде кон Русија откако американскиот претседател го назначи завршувањето на војната во Украина како приоритет на надворешната политика, пишува редакцијата на Радио Слободна Европа на англиски јазик.Во меѓувреме, Зеленски на 30 март рече дека беспилотните летала, бомбите и гранатирањето се одговор на Русија на предлогот на САД за безусловен прекин на огнот.„Путин покажува дека не му е грижа за дипломатијата. Потребни ни се поостри санкции против Русија, повеќе капацитети за воздушна одбрана за Украина и повеќе единство меѓу нашите партнери“, додаде Зеленски.Во услови на дипломатски напори предводени од САД да се постигне прекин на огнот, Киев ја обвини Москва за „воено злосторство“ на 30 март, откако руските беспилотни летала нападнаа воена болница. прочитај повеќе Вчитај повеќе...

Вести март 29, 2025 Светската здравствена организација предлага намалување на буџетот и на бројот на вработени Швајцарија - Логото на Светската здравствена организација (СЗО) пред седиштето во Женева, Швајцарија, 11 јуни 2009 година. Светската здравствена организација (СЗО) предлага да го намали персоналот и обемот на работа, а притоа да го намали својот буџет за нешто повеќе од една петтина поради кратењата на финансирањето од Соединетите Американски Држави (САД), јави Ројтерс, повикувајќи се на интерен меморандум во кој новинската агенција имала увид. По преземањето на функцијата во јануари, администрацијата на американскиот претседател Доналд Трамп ги повлече САД од СЗО, наведувајќи дека глобалната здравствена агенција постапила неправилно за време на пандемијата со Ковид-19 и во други меѓународни здравствени кризи. САД обезбедуваат најголема финансиска поддршка за СЗО, покривајќи околу 18 отсто од вкупното финансирање на организацијата.„Најавата на САД, во комбинација со неодамнешните кратења на официјалната развојна помош за некои земји за финансирање на зголемените трошоци за одбраната, ја направи нашата ситуација многу поакутна“, се вели во меморандумот на СЗО, датиран на 28 март и потпишан од генералниот директор на организацијата, Тедрос Аданом Гебрејесус. Видете и ова: СЗО вели дека ќе ги преиспита приоритетите пред излегувањето на САД од организацијата Повлекувањето на САД од СЗО ја влоши финансиската криза бидејќи членките ги намалија трошоците за развој. Соочена со празнина во приходите од речиси 600 милиони долари оваа година, СЗО предложи помал буџет за 2026-2027 година за 21 отсто -односно од 5,3 милијарди долари на 4,2 милијарди долари. Во февруари, извршниот одбор на СЗО првично го намали предложениот буџет за периодот 2026-2027 година од 5,3 милијарди долари на 4,9 милијарди долари, се вели во документот.„И покрај нашите најдобри напори, сега сме до точка каде немаме друг избор освен да го намалиме опсегот на нашата работа и работна сила“, пишува во меморандумот во кој Ројтерс имал увид. Документите на СЗО покажуваат дека повеќе од една четвртина од 9.473 вработени се во Женева.Според Ројтерс, во внатрешен меморандум од 10 март, исто така, се вели дека СЗО почнала да поставува приоритети и објавила едногодишно ограничување на договорите на вработените.Во меморандумот се вели дека персоналот работи на обезбедување дополнителни средства од земјите, приватните донатори и филантропите. прочитај повеќе види ги сите денешни вести април 01, 2025 Марин Ле Пен: Нема да се кандидирам во 2027, но ќе продолжам со борбата Марин Ле Пен Француската крајнодесничарска лидерка Марин Ле Пен изјави дека судската одлука со која ѝ се забранува да извршува изборни функции практично ја исклучува од трката за претседателските избори во 2027 година. Таа нагласи дека нема големи надежи дека нејзината жалба ќе биде разгледана пред изборите.Според неа, забраната е „политичка одлука“.„Да бидеме искрени, јас бев елиминирана, но вистината е дека елиминирани беа и гласовите на милиони Французи“, изјави Ле Пен за францускиот TF1.Таа додаде дека ќе ги искористи сите правни средства за да ја поништи пресудата, по што би можела да ја разгледа можноста повторно да се кандидира. Видете и ова: Францускиот суд ја осуди Марин Ле Пен и ѝ забрани да се кандидира за јавна функција Доколку не успее, 29-годишниот лидер на Национален собир, Жордан Бардела, може да биде нејзин кандидат за претседател.„Жордан Бардела е голем адут за партијата, и тоа го велам одамна“, нагласи Ле Пен.Таа истакна дека одлуката на судот претставува „практика која сме ја сметале за резервирана за авторитарни режими“ и дека милиони Французи се „восхитени“ од нејзината борба против „неправдата“.Француски суд вчера донесе одлука според која Марин Ле Пен од десничарската француска партија Национален собир е осудена на четири години затвор поради проневера на средства од европски фондови.Според одлуката, две од вкупно четирите години затвор ќе бидат условна казна. Судот пресуди и дека Ле Пен треба да добие петгодишна забрана за вршење јавна функција и треба да плати парична казна од 100.000 евра. прочитај повеќе март 31, 2025 Најмалку 2.065 лица загинаа во земјотресот во Мјанмар Земјотрес во Мјанмар, 29 март 2025 година. Бројот на загинати во земјотресот во Мјанмар достигна 2.065 лица. Повеќе од 3.900 лица се повредени, а над 270 се водат како исчезнати, јави Ројтерс повикувајќи се на државниот телевизиски канал на земјата. Земјотресот со јачина од 7,7 степени според Рихтеровата скала, што го погоди Мјанмар во петокот, на 28 март е еден од најсилните во Мјанмар во изминатиот век. Индија, Кина и Тајланд се меѓу соседите на Мјанмар кои испратија помошни материјали и тимови, заедно со помош и персонал од Малезија, Сингапур и Русија. Видете и ова: Земјотрес од 7,7 степени го погоди Мјанмар, се урна висококатница во Бангкок Соединетите Американски Држави ветија помош од 2 милиони долари „преку организациите за хуманитарна помош со седиште во Мјанмар“ и во соопштението наведоа дека тим за одговор при итни случаи од УСАИД, кој е подложен на огромни намалувања под администрацијата на Трамп, се распоредува во Мјанмар.Предвидливото моделирање на Американската геолошка служба процени дека бројот на загинати во Мјанмар би можел да достигне 10.000 лица, а загубите би можеле да го надминат годишното економско производство на земјата. прочитај повеќе март 31, 2025 Шест пациенти од пожарот во Кочани се враќаат од странски болници Северна Македонија - запалената дискотека „Пулс“ во Кочани, 17 март 2025 година. Шест пациенти денеска се враќаат од странство, пет од Србија (тројца од КБЦ Ниш и двајца од ВМА Белград) и еден од Италија, соопшти Министерството за здравство. Тие ќе бидат примени во здравствени установи од кои биле испратени и согласно повредите.Во однос на останатите пациенти во странство, кај дел има подобрување, а неколкумина се уште се интубирани и во потешка здравствена состојба.Пациентите беа повредени во пожар во дискотеката „Пулс“ во Кочани на 16 март, при што загинаа 59 лица, а околу 200 беа повредени. Повеќе од половина од повредените беа испратени на лекување во странски медицински центри. Видете и ова: Двајца пациенти се враќаат од Литванија и Шведска, четворица се во критична состојба Во здравствените установи во државава остануваат 16 пациенти во добра општа состојба - по шест во Св.Наум Охридски и ГОБ 8 Септември и четири во приватните болници. „И понатаму внимателно ја следиме состојбата на повредените пациенти и остануваме во постојана комуникација со медицинските тимови во земјата и странство, посветени на обезбедување најдобра можна нега за повредените од несреќата во Кочани“, соопштија од Министерството за здравство. Трагедијата во Кочани предизвика низа протестни собири на граѓаните во Северна Македонија кои бараат правда и одговорност за пожарот во дискотеката. прочитај повеќе март 31, 2025 Владата на Србија усвои план за изградба на нафтовод од Унгарија до Нови Сад Унгарија - Српскиот премиер Александар Вучиќ (десно) и унгарскиот премиер Виктор Орбан(лево), Будимпешта, 17 февруари 2025 година. Владата на Србија усвои Уредба за утврдување на Просторен план за инфраструктурен коридор на нафтовод од границата со Унгарија до Нови Сад во должина од 113 километри.Просторниот план е донесен заради енергетската безбедност на Србија, се вели во Уредбата.Гасоводот треба да биде изграден до 2028 година. Проценетата вредност на проектот е 157 милиони евра за српскиот дел од гасоводот.Вкупниот капацитет на нафтоводот кој ќе се поставува под земја по целата должина е околу 5,5 милиони годишно, пишува во документот што го усвои српската Влада. Видете и ова: Вучиќ разговарал со Орбан за енергетската безбедност Според планот, интерконекцијата со Унгарија е лоцирана во близина на граничниот премин Хоргош на северот на Србија, а крајот на трасата на терминалот „Транснафта“ АД Панчево.Во октомври 2022 година, Србија и Унгарија се договорија за изградба на нафтовод, што ќе ѝ овозможи на Србија да се снабдува со поевтина нафта од Урал со поврзување со рускиот нафтовод Дружба (Пријателство).Властите во Белград одлучија да изградат дополнителна линија за снабдување со нафта кога Хрватска го забрани транспортот на руска нафта на крајот на 2022 година во согласност со санкциите на Европската унија против Русија поради нејзината инвазија на Украина.Србија и Унгарија развија соработка во областа на енергетиката. Во јули 2023 година потпишаа договор за основање на заедничка компанија за трговија со гас. Србија поради немање сопствени капацитети изнајмува складиште за гас од Унгарија.Во исто време, овие две земји одржуваат односи со Пекинг и Москва, што наидува на незадоволство во Европската унија. прочитај повеќе март 31, 2025 Шведска објави нов пакет воена помош од 1,6 милијарди долари за Украина УКРАИНА - Претседателот на Украина, Володимир Зеленски(лево) и министерот за одбрана на Шведска ,Пал Џонсон(десно),Киев, 24 февруари 2024 година. Шведска објави нов пакет воена помош за Украина во вредност од 16 милијарди круни (околу 1,6 милијарди долари), што е најголемиот пакет досега од оваа нордиска земја, рече Пал Џонсон, министер за одбрана на Шведска, јави Ројтерс. Видете и ова: „Коалицијата на подготвените“ - Доведување на Украина во најдобра позиција за преговори Најголемиот дел од пакетот, 9,2 милијарди круни, ќе се состои од опрема што ќе биде купена во процеси предводени од шведската управа за одбранбен материјал, рече Џонсон на прес-конференција. Владата на Шведска го зголеми буџетот за 2025 година на 40 милијарди круни од 25 милијарди проектирани претходно, за да се помогне во борбата на Киев против руската инвазија. прочитај повеќе update март 31, 2025 Францускиот суд ја осуди Марин Ле Пен и ѝ забрани да се кандидира за јавна функција Франција - Марин Ле Пен на суд во Париз, 31 март 2025 година. Судот во Париз ја прогласи екстремно десничарската француска политичарка Марин Ле Пен за виновна за злоупотреба на фондови на Европската унија ѝ и забрани пет години да се кандидира за јавна функција, јави Ројтерс.Забраната за кандидирање стапува на сила веднаш, објави судијата на 31 март, откако Ле Пен и осум членови на нејзината партија „Национален собир“ беа прогласени за виновни за проневера на јавни пари.Судијата ја осуди француската политичарка и на четиригодишна затворска казна, од кои две се во домашен притвор, а две се условни и на парична казна од 100.000 евра. Видете и ова: Почнува судењето на Ле Пен и соработниците за проневера на пари од ЕУ Речиси е сигурно дека пресудата ќе биде обжалена, а нема да се изрекуваат ниту затворска ниту парична казна додека не се исцрпи жалбениот процес. Тој процес во Франција може да трае со месеци, па дури и со години.Но, нејзината петгодишна забрана да се кандидира за јавна функција стапува на сила веднаш, преку таканаречената мерка „привремено извршување“ што ја бараат обвинителите, а ќе биде укината само ако жалбата биде усвоена пред изборите, пренесува Ројтерс.Сепак, Ле Пен ќе задржи пратеничкото место до крајот на мандатот.Ле Пен веднаш не ја коментираше одлуката на судот.Нејзината десна рака, Џордан Бардела, претседател на „Национален собир“, рече: „Денес не е само Марин Ле Пен која е неправедно осудена: француската демократија е убиена“.Одлуката на судот е неуспех за Ле Пен, која во моментов, според анкетите на јавното мислење, е фаворит за следните претседателски избори во Франција.Според судот, Ле Пен е виновна за проневера на 474.000 евра, поради фиктивно вработување на четворица помошници од нејзината партија во Европскиот парламент.Ле Пен и 24 членови на нејзината политичка партија „Национален собир“ беа обвинети дека ги пренасочиле парите на Европскиот парламент за да ги платат партиските вработени. Видете и ова: Француското обвинителство бара затворска казна за Марин Ле Пен Како што пренесуваат весниците „Монд“ и „Фигаро“, судот проценил дека вкупната штета изнесува 2,9 милиони евра, бидејќи претставниците на нејзината партија „вработувале во Европскиот парламент луѓе кои реално работеле за Национален собир“.Ле Пен ја напушти судницата пред изрекувањето на пресудата. Се очекува таа да поднесе жалба на пресудата.Ле Пен претходно најави дека 2027 година ќе биде нејзино последно учество на претседателските избори и дека ќе го задржи своето место во парламентот до крајот на мандатот.Пристигнувајќи во судот во понеделникот, на 31 март, таа не сакаше да разговара со новинарите, а претходно ги обвини обвинителите дека бараат нејзина „политичка смрт“.Обвинетите тврдеа дека парите на Европскиот парламент биле користени легитимно, но судијата Бенедикт де Пертуис во пресудата навел дека „сите овие луѓе всушност работеле за партијата и дека законодавецот на ЕУ не им дал никакви задачи“. прочитај повеќе март 31, 2025 Во Литванија пронајдено возило со четворица исчезнати американски војници Литванија - потрага и извлекување на полигонот во Литванија каде исчезнаа четворица американски војници за време на вежба на НАТО. Спасувачките екипи извлекле потонато воено возило во Литванија, во кое се превезувале четворица американски војници кои се водат како исчезнати, јави редакцијата на Радио Слободна Европа на англиски јазик.Оклопното возило М88 Херкулес беше пронајдено на 31 март, потопено во мочуриште, шест дена откако беше почната спасувачка операција на воениот полигон Пабрада, во близина на границата на Литванија со Белорусија. Видете и ова: Литванскиот претседател „се надева на чудо“ додека потрагата по американски војници продолжува Литванскиот министер за одбрана, Давиле Сакалиен, изјави дека допрва треба да се утврди што се случило со четворицата војници.„Не можеме да зборуваме за тоа во овој момент, бидејќи, прво, сè уште нема информации, а дури и кога ќе добиеме информации, постои строг договор дека Американците први ќе излезат со каква било објава“, изјави Сакалиен за литванското државно радио на 31 март.Литванија, членка на НАТО и на Европската унија (ЕУ), е домаќин на повеќе од 1.000 американски војници стационирани во неа на ротациона основа.Американската армија за Европа и Африка претходно соопшти дека четворицата војници „вршеле планирана тактичка обука“ кога исчезнале на 25 март.Во првите часови од операцијата за спасување, се појавија неколку спротивставени тврдења, вклучително и коментарите на генералниот секретар на НАТО, Марк Руте, дека четворица американски војници се мртви. Портпаролката на НАТО подоцна ги отфрли тие коментари. прочитај повеќе март 31, 2025 Трамп му се закани на Путин со царини за нафтата, од Зеленски бара договор за минералите Доналд Трамп, претседател на Соединетите Американски Држави (САД), 28 март 2025 година. Американскиот претседател Доналд Трамп ѝ се закани на Русија со нови царини за нафтените деривати доколку ги блокира неговите иницијативи за ставање крај на војната во Украина, посочувајќи и дека украинскиот лидер Володимир Зеленски се соочува со „големи проблеми“ доколку не го потпише клучниот договор за минералите со Вашингтон.„Се договоривме и сега тој вели дека сака повторно да преговара за договорот. Тој сака да биде членка на НАТО, но тоа никогаш нема да се случи. Тој го разбира тоа“, им рече Трамп на новинарите на 30 март, мислејќи на украинскиот претседател Зеленски.Украинската влада на 28 февруари соопшти дека сè уште го разгледува нацрт-договорот за минерални суровини на САД. Украинската министерка за економија Јулија Свириденко тогаш изјави дека Киев го формира својот став, но дека претставниците ќе го изнесат само кога ќе се постигне консензус.Украина има значителни наоѓалишта на минерали, високо ценети поради нивната употреба во одбранбените технологии, како и во компјутери, паметни телефони и батерии. Видете и ова: „Коалицијата на подготвените“ - Доведување на Украина во најдобра позиција за преговори Минатиот месец Украина и САД постигнаа сеопфатен договор за развој на виталните минерални ресурси на Украина.Договорот беше дел од напорите на Трамп да стави крај на војната и да врати некои од десетиците милијарди долари што САД ѝ ги дадоа на Украина во финансиска и воена помош од почетокот на руската инвазија во 2022 година.По средбата меѓу Трамп и Зеленски во Белата куќа на 28 февруари, обидите за финализирање на договорот пропаднаа.Во меѓувреме, Трамп на 30 март рече дека ќе воведе секундарни царини од 25 до 50 отсто за целата руска нафта доколку се чини дека претседателот Владимир Путин ги блокира неговите напори да стави крај на војната во Украина.Трамп во неделата рече дека е „многу лут“ кога Путин повика на формирање на преодна влада во Украина, која би можела да го собори украинскиот претседател Володимир Зеленски.„Ако Русија и јас не успееме да постигнеме договор за прекин на крвопролевањето во Украина, а верувам дека е виновна Русија, да воведеме секундарни царини за целата нафта што излегува од Русија“, рече Трамп во интервју за американската телевизиска мрежа Ен-Би-Си.Тој рече дека трговските мерки ќе бидат воведени во рок од еден месец доколку нема договор за прекин на огнот.„Тоа би значело дека ако купувате нафта од Русија, не можете да работите во САД“, рече Трамп. Видете и ова: Дали Русија стави „отровно апче“ во договорот за прекин на огнот во Црното Море? Овие најави доаѓаат откако Белата куќа на 25 март објави дека и Русија и Украина се согласиле на прекин на огнот и да дозволат пловидба во Црното Море, како и договор да не се таргетираат енергетски објекти.Сè уште има проблеми со спроведувањето на договорот. Киев вели дека ќе стапи на сила веднаш, а Москва дека ќе стапи на сила по делумното укинување на санкциите за руските компании и банки вклучени во меѓународната трговија со храна.Коментарите на Трамп означуваат поместување од мекиот пристап што Белата куќа го зазеде кон Русија откако американскиот претседател го назначи завршувањето на војната во Украина како приоритет на надворешната политика, пишува редакцијата на Радио Слободна Европа на англиски јазик.Во меѓувреме, Зеленски на 30 март рече дека беспилотните летала, бомбите и гранатирањето се одговор на Русија на предлогот на САД за безусловен прекин на огнот.„Путин покажува дека не му е грижа за дипломатијата. Потребни ни се поостри санкции против Русија, повеќе капацитети за воздушна одбрана за Украина и повеќе единство меѓу нашите партнери“, додаде Зеленски.Во услови на дипломатски напори предводени од САД да се постигне прекин на огнот, Киев ја обвини Москва за „воено злосторство“ на 30 март, откако руските беспилотни летала нападнаа воена болница. прочитај повеќе март 31, 2025 Променливо облачно време, попладне со пороен дожд Илустрација Времето денеска ќе биде променливо облачно со повремени врнежи од дожд. Попладне на одредени места ќе биде нестабилно со пороен дожд, грмежи и засилен ветер, соопшти Управата за хидрометеролошки работи (УХМР). Минималната температура ќе биде во интервал од 4 до 9 целзиусови степени, а максималната ќе достигне од 11 до 17 целзиусови степени. Видете и ова: Времето сончево со умерена облачност Во Скопје ќе биде променливо облачно со повремени врнежи од дожд. Ќе дува слаб до умерен ветер од северен правец. Минималната температура ќе се спушти до 9, а максималната ќе достигне до 15 целзиусови степени.Како што информира УХМР, до четврток ќе се задржи променливо облачно и нестабилно време со повремени врнежи од дожд, особено во попладневните часови. Стабилизирање на времето ќе има од петок. прочитај повеќе март 30, 2025 Бројот на загинати во земјотресот во Мјанмар достигна 1.700 лица Земјотрес во Мјанмар, 28 март 2025 година. Бројот на жртвите од земјотресот во Мјанмар продолжи да расте и достигна 1.700 лица во неделата, 30 март, додека странските спасувачки тимови се упатија во сиромашната земја, каде болниците беа преоптоварени, а некои заедници се обидуваа да спроведат спасувачки напори со ограничени ресурси, јави Ројтерс.Во земјотресот од 28 март со јачина од 7,7 степени според Рихтеровата скала, еден од најсилните во Мјанмар во изминатиот век, има и над 3.400 повредени и над 300 исчезнати, соопшти воената влада.Шефот на Воената хунта, високиот генерал Мин Аунг Хлаинг, предупреди дека бројот на жртви може да се зголеми и неговата администрација се соочи со предизвикувачка ситуација, објавија државните медиуми, три дена откако тој упати повик за меѓународна помош. Видете и ова: Повеќе од илјада загинати во земјотресот во Мјанмар Индија, Кина и Тајланд се меѓу соседите на Мјанмар кои испратија помошни материјали и тимови, заедно со помош и персонал од Малезија, Сингапур и Русија.„Уништувањето беше големо, а потребите за хуманитарна помош растат од час во час“, соопшти меѓународната федерација на Црвениот крст и Црвената полумесечина.Соединетите Американски Држави ветија помош од 2 милиони долари „преку организациите за хуманитарна помош со седиште во Мјанмар“ и во соопштението наведоа дека тим за одговор при итни случаи од УСАИД, кој е подложен на огромни намалувања под администрацијата на Трамп, се распоредува во Мјанмар.Предвидливото моделирање на Американската геолошка служба процени дека бројот на загинати во Мјанмар би можел да достигне 10.000 лица, а загубите би можеле да го надминат годишното економско производство на земјата. прочитај повеќе Вчитај повеќе...

Одговорност за трагедијата во Кочани, но и за случаите со „Беса транс“, „Дурмо турс“, модуларната болница во Тетово, побара граѓанската иницијатива „Кој е следен“. Во пресрет на собирот, оттаму им порачаа и на власта и на опозицијата дека не сакаат политичка, туку институционална поддршка. Граѓанската иницијатива „Кој е следен“ побара јавноста да ја добие на увид целокупната документација за постапувањето на институциите за работата на дискотеката „Пулс“ во изминатите за 13 години, во која животот го загубија 59 лица, а околу 200 беа повредени. Протестот беше организиран пред Собранието во знак на револт кон пратениците кои решија две недели да не работат, да не одржуваат седници, ниту да работат собраниските комисии.Ова барање го искажаа на собирот пред Собранието, кој започна со едноминутно молчење во чест на загинатите во пожарот во дискотеката во Кочани.Сомневајќи се дека правдата за несреќата ќе излезе на виделина, од „Кој е следен“ бараат јавност на документацијата и записниците од сите засегнати институции во случајот - Државниот пазарен инспекторат, Министерството за економија, Државниот градежен инспекторат, МВР, Државниот инспекторат за урбанизам, општина Кочани и локалниот градежен инспекторат, Дирекцијата за заштита и спасување, УЈП и телото за безбедност и превенција при градот.Според Борјан Ефтимов, кој е дел од иницијативата „Кој е следен“, ова барање е во рамки на законите и треба јавно да се објави.„Не сметаме дека администрацијата, државните институциите и правосудните органи треба да останат неми под изговорот дека овие докази се тајна. Нека институциите одговорат и образложат зошто и дали воопшто не смеат да ги објават овие документи, па потоа ние и целата јавност ќе го цениме одговорност. Потребна е и морална одговорност од здруженијата и коморите на угостители. Тие мора да работат и проактивно, да ги информираат членките за одговорностите кои ги имаат согласно законите и заедно да соработуваат. Не е целта тие да се јавуваат само кога имаат потреба од финансиска помош“, рече Ефтимов пред насобраните граѓани. „Кој е следен“ пред Собрание - собир на граѓани со бројни барања за подобар систем, 29.3.2025 Но, не е само дискотеката „Пулс“. Од граѓанската иницијатива побараа одговорност и за други несреќи кои се случија изминатите години.Станува збор за случаите со „Беса транс“, чиј автобус на автопатот „Струма“ во Бугарија во ноември 2021 година загинаа 45 лица, потоа „Дурмо турс“, чиј автобус на компанијата на 13 февруари 2019 излета од патот, при што загинаа 16 луѓе, а над 30 беа повредени, како и модуларната болница во Тетово, каде животот го загубија 14 луѓе, а десетина лица беа повредени при нивното лекување од Ковид - 19.Според граѓанската иницијатива, во овие случаи, правдата не била задоволена.Како што рече Игор Антов од иницијативата, потребно е да се создаде и граѓански сервис на е-инспекторат, сметајќи дека по несреќата во Кочани, „тешко е да се замисли свет во кој инспекторатите ќе продолжат да работат како до сега“.„Поголема транспарентност е клучно за да луѓето повторно имаат верба во нивното работење. Преку е-сервисот ќе можеме да имаме увид каде и во кој објект ние како граѓани сме небeзбедни. Ќе може да се подобри ефикасноста на инспекциските служби и граѓаните да пријавуваат нерегуларности. Ова ќе значи поголема одговорност и подобри решенија. Притоа, неопходно да се зголеми бројот на стручни инспектори“, рече Антов. Обраќање на Игор Антов, дел од иницијативата „Кој е следен“ Барања за урбанизација и похумано живеење во градовитеПокрај барањата за расветлување на пожарот во дискотеката во Кочани, организаторите наведоа и други барања до општинските власти и градот Скопје. Истакнаа дека сообраќајниот хаос, загадувањето и инфраструктура не се во чекор со потребата на граѓаните.Побараа зони без автомобили, поздрава и помирна животна средина, безбедни улици за пешаци, светлосна сигланизација, подигнати пешачки премини, а главниот град да добие и железнички јавен превоз.„Потребно е заедничко тело која ќе ја следи имплементацијата на овие мерки и да биде составено од експерти од академската заедница, активисти. Урбаниот хаос може да биде надминат. Собранието да го стави ова како приоритет. Време е за нов сервис, број за итни случаи налик 112. Каде секох граѓанин може да пријави потенцијална опасност и да бара итен инспекциски надзор. Со ова да се осигурваме дека институциите ќе одговараат навремено“, рече Анастасија Митревска од „Кој е следен“. Видете и ова: Сомнежи за градежен картел, скопските станови по цени како во Аруба „Кој е следен“ контра политичките партииВо пресрет на денешниот собир, од граѓанската иницијатива им порачаа на политичките партии и од власта и од опозицијата да ги тргнат рацете од нив и дека не ја сакаат нивната поддршка, обвинувајќи дека тие се сржта на нефункционалноста на системот и виновници за состојбата во која се наоѓа државата. Апелираат дека не бараат политичка, туку институционална поддршка.Граѓанското движење „Кој е следен?“ настана по прегазувањето на младата Фросина Кулакова на булеварот „Партизански одреди“ во Скопје, на 29 февруари. Неа ја прегази 21-годишниот Васил Јованов кој возел без возачка дозвола, со 0,8 промили алкохол во крвта, поминувајќи на црвено светло на семафорот со брзина двојно поголема од дозволената.Од движењето тогаш рекоа дека реагираат на системското нефункционирање на институциите во државата.На 28 март, еден месец по несреќата, Обвинителството поднесе обвинение против Јованов за „тешки дела против безбедноста на луѓето и имотот во сообраќајот“. Максималната казна е 20 години затвор. Видете и ова: Ќе се менуваат пет закони за да профункционира „Безбеден град“ По смртта на Фросина, „Кој е следен“ организираше неколку протестни маршови во Скопје и во Неготино, родниот град на прегазената девојка, на кои бараше правда за Фросина, но и реформи во правосудството, одговорни институции и „стоп“ за корупцијата.Тодор и Росица, таткото и сестрата на Фросина на 28 март се оградија од движењето „Кој е следен“ и обвинија дека „политички некрофили“ ја злоупотребуваат нивната болка за да остварат профит.„Веќе на вторите протести се почувствува дека нешто не е во ред. Протестот веќе не беше на народот - имаше јасен организатор, агенда, насока. И да бидам искрена, тогаш сè уште верував. Таа поддршка ми значеше. Мислев дека некој вистински се грижи, дека можеби има надеж. Но денес ми е жал што морам да кажам дека видов и доживеав сосема спротивно“, напиша сестрата на Фросина на мрежата Фејсбук. Иницијативата „Кој е следен“ организираше собир пред Собранието и побара јавно да се објави целосната документација поврзана со работата на дискотеката „Пулс“ во Кочани, 29 март 2025 година По ова, движењето „Кој е следен“ објави соопштение во кое тврди дека „нема никаква поврзаност со политички партии ниту собира политички поени“.Исто така, се огради од сите партии, опозициските СДСМ и ДУИ и владејачките ВМРО-ДПМНЕ, Вреди и ЗНАМ и посочи дека сите заедно креирале, развиле и одржувале ваков „трул систем кој со децении ја крои и пеплосува македонската општествена реалност“.„Ние бараме правда, отчетност и темелни промени во системот - нешто што ниту една од политичките партии не успеаа да го испорачаат. Наместо поддршка на хартија и празни зборови, очекуваме конкретни дела и одговорност. „Кој е следен“ не е и нема да биде платформа за партиско поентирање. Ова е автентичен граѓански повик за правда и градење на систем кој ќе служи на сите, а не само на партиите“, соопштија од движењето.Премиерот Христијан Мицкоски на 24 март изјави дека има разбирање за оние кои решиле преку демократската алатка како што е протестот да го изразат својот гнев, но не ги оправда, како што рече, политичките глодари и лешинари кои сакаат да добијат политички поени.Тоа го изјави пред протестниот марш во Скопје истиот ден, во врска со трагедијата во Кочани, но и сите трагедии со човечки жртви низ годините назад.„Апсолутно се придружувам на изразувањето на револт и гнев, затоа што уште многу работи останаа пред нас да се решат. Но, ќе се бориме со последниот атом енергија да исправиме нешто во името на идните генерации. Преку ноќ не може ништо да се направи, иако направивме многу работи изминатиот период. Поразивме неколку мафијашки здруженија кои, за жал, функционираа во државата. Ќе продолжиме и во периодот што следува. Но, од сега па натаму, само би посакал сите да останеме фокусирани и обединети во решавањето на проблемите“, рече Мицкоски. Видете и ова: Мицкоски го поддржува изразувањето револт преку протести, но нема оправдување за „политичките лешинари“ Во пожарот во дискотеката „Пулс“ во Кочани загинаа 59 лица, а околу 200 беа повредени. Повеќе од половина од повредените беа испратени на лекување во странски медицински центри.Во моментов, на клиниките во Скопје од повредите во пожарот се лекуваат уште 14 пациенти, а на лекување во странство останаа уште 91 пациент. Artboard 4 Придружете се на Заедницата на Слободна Европа на Вибер Петар Клинчарски Петар Клинчарски новинарската кариера ја започнува како репортер во медиумот А1он, подоцна продолжувајќи ја во ТВ Телма. Од 2016-та до 2022-ра година беше дел од емисијата „360 степени“. Од јуни 2023-та година работи како новинар во Радио Слободна Европа. klincarskip@rferl.org Регистрирај се...

Вести март 29, 2025 САД ги одложија санкциите за Српската нафтена индустрија Србија - Нафтена индистрија на Србија (НИС) со активности во Војводина, август 2020 година. Нафтената индустрија на Србија (НИС) соопшти дека американското Министерство за финансии издало нова специјална лиценца која до 28 април 2025 годинаго одложи стапувањето во сила на санкциите против таа компанија поради руската сопственост во неа.Таа лиценца ѝ овозможува на компанијата, на која на 10 јануари ѝ беа најавени американски санкции поради уделот во рускиот „Гаспром Нефт“, непречено да ги извршува своите оперативни активности до 28 април или до укинување на санкциите, доколку дојде до такво нешто.Санкциите требаше да стапат на сила на 28 февруари. Видете и ова: Српската нафтена индустрија побара од САД да ги одложат санкциите за најмалку 90 дена НИС, единствената компанија во Србија која се занимава со истражување, производство и преработка на производство на нафта и природен гас, беше санкционирана поради таканаречениот „секундарен ризик“, односно поради поврзаноста со „Гаспром Нефт“, кој е под санкции на Западот поради руската инвазија на Украина.По објавувањето на санкциите против НИС, „Гаспром Нефт“ префрли околу пет отсто од својот удел на Гаспром, руска компанија која не е опфатена со западните санкции. Сега, уделот на Гаспром нефт во НИС изнесува помалку од 50 отсто (44,85). Дури и со променетата сопственичка структура, руските компании сè уште имаат мнозински удел во НИС. прочитај повеќе види ги сите денешни вести април 01, 2025 Марин Ле Пен: Нема да се кандидирам во 2027, но ќе продолжам со борбата Марин Ле Пен Француската крајнодесничарска лидерка Марин Ле Пен изјави дека судската одлука со која ѝ се забранува да извршува изборни функции практично ја исклучува од трката за претседателските избори во 2027 година. Таа нагласи дека нема големи надежи дека нејзината жалба ќе биде разгледана пред изборите.Според неа, забраната е „политичка одлука“.„Да бидеме искрени, јас бев елиминирана, но вистината е дека елиминирани беа и гласовите на милиони Французи“, изјави Ле Пен за францускиот TF1.Таа додаде дека ќе ги искористи сите правни средства за да ја поништи пресудата, по што би можела да ја разгледа можноста повторно да се кандидира. Видете и ова: Францускиот суд ја осуди Марин Ле Пен и ѝ забрани да се кандидира за јавна функција Доколку не успее, 29-годишниот лидер на Национален собир, Жордан Бардела, може да биде нејзин кандидат за претседател.„Жордан Бардела е голем адут за партијата, и тоа го велам одамна“, нагласи Ле Пен.Таа истакна дека одлуката на судот претставува „практика која сме ја сметале за резервирана за авторитарни режими“ и дека милиони Французи се „восхитени“ од нејзината борба против „неправдата“.Француски суд вчера донесе одлука според која Марин Ле Пен од десничарската француска партија Национален собир е осудена на четири години затвор поради проневера на средства од европски фондови.Според одлуката, две од вкупно четирите години затвор ќе бидат условна казна. Судот пресуди и дека Ле Пен треба да добие петгодишна забрана за вршење јавна функција и треба да плати парична казна од 100.000 евра. прочитај повеќе март 31, 2025 Најмалку 2.065 лица загинаа во земјотресот во Мјанмар Земјотрес во Мјанмар, 29 март 2025 година. Бројот на загинати во земјотресот во Мјанмар достигна 2.065 лица. Повеќе од 3.900 лица се повредени, а над 270 се водат како исчезнати, јави Ројтерс повикувајќи се на државниот телевизиски канал на земјата. Земјотресот со јачина од 7,7 степени според Рихтеровата скала, што го погоди Мјанмар во петокот, на 28 март е еден од најсилните во Мјанмар во изминатиот век. Индија, Кина и Тајланд се меѓу соседите на Мјанмар кои испратија помошни материјали и тимови, заедно со помош и персонал од Малезија, Сингапур и Русија. Видете и ова: Земјотрес од 7,7 степени го погоди Мјанмар, се урна висококатница во Бангкок Соединетите Американски Држави ветија помош од 2 милиони долари „преку организациите за хуманитарна помош со седиште во Мјанмар“ и во соопштението наведоа дека тим за одговор при итни случаи од УСАИД, кој е подложен на огромни намалувања под администрацијата на Трамп, се распоредува во Мјанмар.Предвидливото моделирање на Американската геолошка служба процени дека бројот на загинати во Мјанмар би можел да достигне 10.000 лица, а загубите би можеле да го надминат годишното економско производство на земјата. прочитај повеќе март 31, 2025 Шест пациенти од пожарот во Кочани се враќаат од странски болници Северна Македонија - запалената дискотека „Пулс“ во Кочани, 17 март 2025 година. Шест пациенти денеска се враќаат од странство, пет од Србија (тројца од КБЦ Ниш и двајца од ВМА Белград) и еден од Италија, соопшти Министерството за здравство. Тие ќе бидат примени во здравствени установи од кои биле испратени и согласно повредите.Во однос на останатите пациенти во странство, кај дел има подобрување, а неколкумина се уште се интубирани и во потешка здравствена состојба.Пациентите беа повредени во пожар во дискотеката „Пулс“ во Кочани на 16 март, при што загинаа 59 лица, а околу 200 беа повредени. Повеќе од половина од повредените беа испратени на лекување во странски медицински центри. Видете и ова: Двајца пациенти се враќаат од Литванија и Шведска, четворица се во критична состојба Во здравствените установи во државава остануваат 16 пациенти во добра општа состојба - по шест во Св.Наум Охридски и ГОБ 8 Септември и четири во приватните болници. „И понатаму внимателно ја следиме состојбата на повредените пациенти и остануваме во постојана комуникација со медицинските тимови во земјата и странство, посветени на обезбедување најдобра можна нега за повредените од несреќата во Кочани“, соопштија од Министерството за здравство. Трагедијата во Кочани предизвика низа протестни собири на граѓаните во Северна Македонија кои бараат правда и одговорност за пожарот во дискотеката. прочитај повеќе март 31, 2025 Владата на Србија усвои план за изградба на нафтовод од Унгарија до Нови Сад Унгарија - Српскиот премиер Александар Вучиќ (десно) и унгарскиот премиер Виктор Орбан(лево), Будимпешта, 17 февруари 2025 година. Владата на Србија усвои Уредба за утврдување на Просторен план за инфраструктурен коридор на нафтовод од границата со Унгарија до Нови Сад во должина од 113 километри.Просторниот план е донесен заради енергетската безбедност на Србија, се вели во Уредбата.Гасоводот треба да биде изграден до 2028 година. Проценетата вредност на проектот е 157 милиони евра за српскиот дел од гасоводот.Вкупниот капацитет на нафтоводот кој ќе се поставува под земја по целата должина е околу 5,5 милиони годишно, пишува во документот што го усвои српската Влада. Видете и ова: Вучиќ разговарал со Орбан за енергетската безбедност Според планот, интерконекцијата со Унгарија е лоцирана во близина на граничниот премин Хоргош на северот на Србија, а крајот на трасата на терминалот „Транснафта“ АД Панчево.Во октомври 2022 година, Србија и Унгарија се договорија за изградба на нафтовод, што ќе ѝ овозможи на Србија да се снабдува со поевтина нафта од Урал со поврзување со рускиот нафтовод Дружба (Пријателство).Властите во Белград одлучија да изградат дополнителна линија за снабдување со нафта кога Хрватска го забрани транспортот на руска нафта на крајот на 2022 година во согласност со санкциите на Европската унија против Русија поради нејзината инвазија на Украина.Србија и Унгарија развија соработка во областа на енергетиката. Во јули 2023 година потпишаа договор за основање на заедничка компанија за трговија со гас. Србија поради немање сопствени капацитети изнајмува складиште за гас од Унгарија.Во исто време, овие две земји одржуваат односи со Пекинг и Москва, што наидува на незадоволство во Европската унија. прочитај повеќе март 31, 2025 Шведска објави нов пакет воена помош од 1,6 милијарди долари за Украина УКРАИНА - Претседателот на Украина, Володимир Зеленски(лево) и министерот за одбрана на Шведска ,Пал Џонсон(десно),Киев, 24 февруари 2024 година. Шведска објави нов пакет воена помош за Украина во вредност од 16 милијарди круни (околу 1,6 милијарди долари), што е најголемиот пакет досега од оваа нордиска земја, рече Пал Џонсон, министер за одбрана на Шведска, јави Ројтерс. Видете и ова: „Коалицијата на подготвените“ - Доведување на Украина во најдобра позиција за преговори Најголемиот дел од пакетот, 9,2 милијарди круни, ќе се состои од опрема што ќе биде купена во процеси предводени од шведската управа за одбранбен материјал, рече Џонсон на прес-конференција. Владата на Шведска го зголеми буџетот за 2025 година на 40 милијарди круни од 25 милијарди проектирани претходно, за да се помогне во борбата на Киев против руската инвазија. прочитај повеќе update март 31, 2025 Францускиот суд ја осуди Марин Ле Пен и ѝ забрани да се кандидира за јавна функција Франција - Марин Ле Пен на суд во Париз, 31 март 2025 година. Судот во Париз ја прогласи екстремно десничарската француска политичарка Марин Ле Пен за виновна за злоупотреба на фондови на Европската унија ѝ и забрани пет години да се кандидира за јавна функција, јави Ројтерс.Забраната за кандидирање стапува на сила веднаш, објави судијата на 31 март, откако Ле Пен и осум членови на нејзината партија „Национален собир“ беа прогласени за виновни за проневера на јавни пари.Судијата ја осуди француската политичарка и на четиригодишна затворска казна, од кои две се во домашен притвор, а две се условни и на парична казна од 100.000 евра. Видете и ова: Почнува судењето на Ле Пен и соработниците за проневера на пари од ЕУ Речиси е сигурно дека пресудата ќе биде обжалена, а нема да се изрекуваат ниту затворска ниту парична казна додека не се исцрпи жалбениот процес. Тој процес во Франција може да трае со месеци, па дури и со години.Но, нејзината петгодишна забрана да се кандидира за јавна функција стапува на сила веднаш, преку таканаречената мерка „привремено извршување“ што ја бараат обвинителите, а ќе биде укината само ако жалбата биде усвоена пред изборите, пренесува Ројтерс.Сепак, Ле Пен ќе задржи пратеничкото место до крајот на мандатот.Ле Пен веднаш не ја коментираше одлуката на судот.Нејзината десна рака, Џордан Бардела, претседател на „Национален собир“, рече: „Денес не е само Марин Ле Пен која е неправедно осудена: француската демократија е убиена“.Одлуката на судот е неуспех за Ле Пен, која во моментов, според анкетите на јавното мислење, е фаворит за следните претседателски избори во Франција.Според судот, Ле Пен е виновна за проневера на 474.000 евра, поради фиктивно вработување на четворица помошници од нејзината партија во Европскиот парламент.Ле Пен и 24 членови на нејзината политичка партија „Национален собир“ беа обвинети дека ги пренасочиле парите на Европскиот парламент за да ги платат партиските вработени. Видете и ова: Француското обвинителство бара затворска казна за Марин Ле Пен Како што пренесуваат весниците „Монд“ и „Фигаро“, судот проценил дека вкупната штета изнесува 2,9 милиони евра, бидејќи претставниците на нејзината партија „вработувале во Европскиот парламент луѓе кои реално работеле за Национален собир“.Ле Пен ја напушти судницата пред изрекувањето на пресудата. Се очекува таа да поднесе жалба на пресудата.Ле Пен претходно најави дека 2027 година ќе биде нејзино последно учество на претседателските избори и дека ќе го задржи своето место во парламентот до крајот на мандатот.Пристигнувајќи во судот во понеделникот, на 31 март, таа не сакаше да разговара со новинарите, а претходно ги обвини обвинителите дека бараат нејзина „политичка смрт“.Обвинетите тврдеа дека парите на Европскиот парламент биле користени легитимно, но судијата Бенедикт де Пертуис во пресудата навел дека „сите овие луѓе всушност работеле за партијата и дека законодавецот на ЕУ не им дал никакви задачи“. прочитај повеќе март 31, 2025 Во Литванија пронајдено возило со четворица исчезнати американски војници Литванија - потрага и извлекување на полигонот во Литванија каде исчезнаа четворица американски војници за време на вежба на НАТО. Спасувачките екипи извлекле потонато воено возило во Литванија, во кое се превезувале четворица американски војници кои се водат како исчезнати, јави редакцијата на Радио Слободна Европа на англиски јазик.Оклопното возило М88 Херкулес беше пронајдено на 31 март, потопено во мочуриште, шест дена откако беше почната спасувачка операција на воениот полигон Пабрада, во близина на границата на Литванија со Белорусија. Видете и ова: Литванскиот претседател „се надева на чудо“ додека потрагата по американски војници продолжува Литванскиот министер за одбрана, Давиле Сакалиен, изјави дека допрва треба да се утврди што се случило со четворицата војници.„Не можеме да зборуваме за тоа во овој момент, бидејќи, прво, сè уште нема информации, а дури и кога ќе добиеме информации, постои строг договор дека Американците први ќе излезат со каква било објава“, изјави Сакалиен за литванското државно радио на 31 март.Литванија, членка на НАТО и на Европската унија (ЕУ), е домаќин на повеќе од 1.000 американски војници стационирани во неа на ротациона основа.Американската армија за Европа и Африка претходно соопшти дека четворицата војници „вршеле планирана тактичка обука“ кога исчезнале на 25 март.Во првите часови од операцијата за спасување, се појавија неколку спротивставени тврдења, вклучително и коментарите на генералниот секретар на НАТО, Марк Руте, дека четворица американски војници се мртви. Портпаролката на НАТО подоцна ги отфрли тие коментари. прочитај повеќе март 31, 2025 Трамп му се закани на Путин со царини за нафтата, од Зеленски бара договор за минералите Доналд Трамп, претседател на Соединетите Американски Држави (САД), 28 март 2025 година. Американскиот претседател Доналд Трамп ѝ се закани на Русија со нови царини за нафтените деривати доколку ги блокира неговите иницијативи за ставање крај на војната во Украина, посочувајќи и дека украинскиот лидер Володимир Зеленски се соочува со „големи проблеми“ доколку не го потпише клучниот договор за минералите со Вашингтон.„Се договоривме и сега тој вели дека сака повторно да преговара за договорот. Тој сака да биде членка на НАТО, но тоа никогаш нема да се случи. Тој го разбира тоа“, им рече Трамп на новинарите на 30 март, мислејќи на украинскиот претседател Зеленски.Украинската влада на 28 февруари соопшти дека сè уште го разгледува нацрт-договорот за минерални суровини на САД. Украинската министерка за економија Јулија Свириденко тогаш изјави дека Киев го формира својот став, но дека претставниците ќе го изнесат само кога ќе се постигне консензус.Украина има значителни наоѓалишта на минерали, високо ценети поради нивната употреба во одбранбените технологии, како и во компјутери, паметни телефони и батерии. Видете и ова: „Коалицијата на подготвените“ - Доведување на Украина во најдобра позиција за преговори Минатиот месец Украина и САД постигнаа сеопфатен договор за развој на виталните минерални ресурси на Украина.Договорот беше дел од напорите на Трамп да стави крај на војната и да врати некои од десетиците милијарди долари што САД ѝ ги дадоа на Украина во финансиска и воена помош од почетокот на руската инвазија во 2022 година.По средбата меѓу Трамп и Зеленски во Белата куќа на 28 февруари, обидите за финализирање на договорот пропаднаа.Во меѓувреме, Трамп на 30 март рече дека ќе воведе секундарни царини од 25 до 50 отсто за целата руска нафта доколку се чини дека претседателот Владимир Путин ги блокира неговите напори да стави крај на војната во Украина.Трамп во неделата рече дека е „многу лут“ кога Путин повика на формирање на преодна влада во Украина, која би можела да го собори украинскиот претседател Володимир Зеленски.„Ако Русија и јас не успееме да постигнеме договор за прекин на крвопролевањето во Украина, а верувам дека е виновна Русија, да воведеме секундарни царини за целата нафта што излегува од Русија“, рече Трамп во интервју за американската телевизиска мрежа Ен-Би-Си.Тој рече дека трговските мерки ќе бидат воведени во рок од еден месец доколку нема договор за прекин на огнот.„Тоа би значело дека ако купувате нафта од Русија, не можете да работите во САД“, рече Трамп. Видете и ова: Дали Русија стави „отровно апче“ во договорот за прекин на огнот во Црното Море? Овие најави доаѓаат откако Белата куќа на 25 март објави дека и Русија и Украина се согласиле на прекин на огнот и да дозволат пловидба во Црното Море, како и договор да не се таргетираат енергетски објекти.Сè уште има проблеми со спроведувањето на договорот. Киев вели дека ќе стапи на сила веднаш, а Москва дека ќе стапи на сила по делумното укинување на санкциите за руските компании и банки вклучени во меѓународната трговија со храна.Коментарите на Трамп означуваат поместување од мекиот пристап што Белата куќа го зазеде кон Русија откако американскиот претседател го назначи завршувањето на војната во Украина како приоритет на надворешната политика, пишува редакцијата на Радио Слободна Европа на англиски јазик.Во меѓувреме, Зеленски на 30 март рече дека беспилотните летала, бомбите и гранатирањето се одговор на Русија на предлогот на САД за безусловен прекин на огнот.„Путин покажува дека не му е грижа за дипломатијата. Потребни ни се поостри санкции против Русија, повеќе капацитети за воздушна одбрана за Украина и повеќе единство меѓу нашите партнери“, додаде Зеленски.Во услови на дипломатски напори предводени од САД да се постигне прекин на огнот, Киев ја обвини Москва за „воено злосторство“ на 30 март, откако руските беспилотни летала нападнаа воена болница. прочитај повеќе март 31, 2025 Променливо облачно време, попладне со пороен дожд Илустрација Времето денеска ќе биде променливо облачно со повремени врнежи од дожд. Попладне на одредени места ќе биде нестабилно со пороен дожд, грмежи и засилен ветер, соопшти Управата за хидрометеролошки работи (УХМР). Минималната температура ќе биде во интервал од 4 до 9 целзиусови степени, а максималната ќе достигне од 11 до 17 целзиусови степени. Видете и ова: Времето сончево со умерена облачност Во Скопје ќе биде променливо облачно со повремени врнежи од дожд. Ќе дува слаб до умерен ветер од северен правец. Минималната температура ќе се спушти до 9, а максималната ќе достигне до 15 целзиусови степени.Како што информира УХМР, до четврток ќе се задржи променливо облачно и нестабилно време со повремени врнежи од дожд, особено во попладневните часови. Стабилизирање на времето ќе има од петок. прочитај повеќе март 30, 2025 Бројот на загинати во земјотресот во Мјанмар достигна 1.700 лица Земјотрес во Мјанмар, 28 март 2025 година. Бројот на жртвите од земјотресот во Мјанмар продолжи да расте и достигна 1.700 лица во неделата, 30 март, додека странските спасувачки тимови се упатија во сиромашната земја, каде болниците беа преоптоварени, а некои заедници се обидуваа да спроведат спасувачки напори со ограничени ресурси, јави Ројтерс.Во земјотресот од 28 март со јачина од 7,7 степени според Рихтеровата скала, еден од најсилните во Мјанмар во изминатиот век, има и над 3.400 повредени и над 300 исчезнати, соопшти воената влада.Шефот на Воената хунта, високиот генерал Мин Аунг Хлаинг, предупреди дека бројот на жртви може да се зголеми и неговата администрација се соочи со предизвикувачка ситуација, објавија државните медиуми, три дена откако тој упати повик за меѓународна помош. Видете и ова: Повеќе од илјада загинати во земјотресот во Мјанмар Индија, Кина и Тајланд се меѓу соседите на Мјанмар кои испратија помошни материјали и тимови, заедно со помош и персонал од Малезија, Сингапур и Русија.„Уништувањето беше големо, а потребите за хуманитарна помош растат од час во час“, соопшти меѓународната федерација на Црвениот крст и Црвената полумесечина.Соединетите Американски Држави ветија помош од 2 милиони долари „преку организациите за хуманитарна помош со седиште во Мјанмар“ и во соопштението наведоа дека тим за одговор при итни случаи од УСАИД, кој е подложен на огромни намалувања под администрацијата на Трамп, се распоредува во Мјанмар.Предвидливото моделирање на Американската геолошка служба процени дека бројот на загинати во Мјанмар би можел да достигне 10.000 лица, а загубите би можеле да го надминат годишното економско производство на земјата. прочитај повеќе Вчитај повеќе...

Вести март 29, 2025 Повеќе од илјада загинати во земјотресот во Мјанмар Последици од земјотресот во Мјанмар, 29 март 2025 година. Странски спасувачки тимови пристигнуваат во Мјанмар за да помогнат во потрагата по преживеани од земјотресот во кој загинаа повеќе од 1.000 луѓе во сиромашната југоисточна азиска земја, уништувајќи ја критичната инфраструктура во услови на граѓанска војна, јави агенцијата Ројтерс. Бројот на загинати во Мјанмар досега е 1.002 лица, соопшти воената влада на 29 март, што е значително поголем од првичните извештаи на државните медиуми за 144 мртви во петокот, на 28 март.Најмалку девет лица загинаа во соседен Тајланд, каде земјотрес со јачина од 7, 7 степени по Рихтер урна и облакодер во изградба во главниот град Бангкок, при што 30 лица останаа заробени под урнатините, а 49 се водат како исчезнати.Проценките на Американскиот геолошки институт покажуваат дека бројот на загинати во Мјанмар може да надмине 10.000 лица. Видете и ова: Земјотрес од 7,7 степени го погоди Мјанмар, се урна висококатница во Бангкок Земјотресот во Мјанмар оштети патишта, мостови и згради, соопшти Воената хунта. Русија, Индија, Малезија и Сингапур испратија авиони со хуманитарна помош и со персонал во Мјанмар. Јужна Кореја најави дека ќе обезбеди првични два милиони долари хуманитарна помош преку меѓународни организации.САД, кои ги затегнаа односите со војската на Мјанмар и воведоа санкции за нивните официјални лица, вклучително и шефот на хунтата Мин Аунг Хлаинг, соопштија дека ќе обезбедат одредена помош.Земјотресот на 28 март попладне погоди значителни делови од земјата, од централните рамнини околу Мандалеј до ридовите Шана, чии делови не се целосно под контрола на хунтата. прочитај повеќе види ги сите денешни вести март 31, 2025 Најмалку 2.065 лица загинаа во земјотресот во Мјанмар Земјотрес во Мјанмар, 29 март 2025 година. Бројот на загинати во земјотресот во Мјанмар достигна 2.065 лица. Повеќе од 3.900 лица се повредени, а над 270 се водат како исчезнати, јави Ројтерс повикувајќи се на државниот телевизиски канал на земјата. Земјотресот со јачина од 7,7 степени според Рихтеровата скала, што го погоди Мјанмар во петокот, на 28 март е еден од најсилните во Мјанмар во изминатиот век. Индија, Кина и Тајланд се меѓу соседите на Мјанмар кои испратија помошни материјали и тимови, заедно со помош и персонал од Малезија, Сингапур и Русија. Видете и ова: Земјотрес од 7,7 степени го погоди Мјанмар, се урна висококатница во Бангкок Соединетите Американски Држави ветија помош од 2 милиони долари „преку организациите за хуманитарна помош со седиште во Мјанмар“ и во соопштението наведоа дека тим за одговор при итни случаи од УСАИД, кој е подложен на огромни намалувања под администрацијата на Трамп, се распоредува во Мјанмар.Предвидливото моделирање на Американската геолошка служба процени дека бројот на загинати во Мјанмар би можел да достигне 10.000 лица, а загубите би можеле да го надминат годишното економско производство на земјата. прочитај повеќе март 31, 2025 Шест пациенти од пожарот во Кочани се враќаат од странски болници Северна Македонија - запалената дискотека „Пулс“ во Кочани, 17 март 2025 година. Шест пациенти денеска се враќаат од странство, пет од Србија (тројца од КБЦ Ниш и двајца од ВМА Белград) и еден од Италија, соопшти Министерството за здравство. Тие ќе бидат примени во здравствени установи од кои биле испратени и согласно повредите.Во однос на останатите пациенти во странство, кај дел има подобрување, а неколкумина се уште се интубирани и во потешка здравствена состојба.Пациентите беа повредени во пожар во дискотеката „Пулс“ во Кочани на 16 март, при што загинаа 59 лица, а околу 200 беа повредени. Повеќе од половина од повредените беа испратени на лекување во странски медицински центри. Видете и ова: Двајца пациенти се враќаат од Литванија и Шведска, четворица се во критична состојба Во здравствените установи во државава остануваат 16 пациенти во добра општа состојба - по шест во Св.Наум Охридски и ГОБ 8 Септември и четири во приватните болници. „И понатаму внимателно ја следиме состојбата на повредените пациенти и остануваме во постојана комуникација со медицинските тимови во земјата и странство, посветени на обезбедување најдобра можна нега за повредените од несреќата во Кочани“, соопштија од Министерството за здравство. Трагедијата во Кочани предизвика низа протестни собири на граѓаните во Северна Македонија кои бараат правда и одговорност за пожарот во дискотеката. прочитај повеќе март 31, 2025 Владата на Србија усвои план за изградба на нафтовод од Унгарија до Нови Сад Унгарија - Српскиот премиер Александар Вучиќ (десно) и унгарскиот премиер Виктор Орбан(лево), Будимпешта, 17 февруари 2025 година. Владата на Србија усвои Уредба за утврдување на Просторен план за инфраструктурен коридор на нафтовод од границата со Унгарија до Нови Сад во должина од 113 километри.Просторниот план е донесен заради енергетската безбедност на Србија, се вели во Уредбата.Гасоводот треба да биде изграден до 2028 година. Проценетата вредност на проектот е 157 милиони евра за српскиот дел од гасоводот.Вкупниот капацитет на нафтоводот кој ќе се поставува под земја по целата должина е околу 5,5 милиони годишно, пишува во документот што го усвои српската Влада. Видете и ова: Вучиќ разговарал со Орбан за енергетската безбедност Според планот, интерконекцијата со Унгарија е лоцирана во близина на граничниот премин Хоргош на северот на Србија, а крајот на трасата на терминалот „Транснафта“ АД Панчево.Во октомври 2022 година, Србија и Унгарија се договорија за изградба на нафтовод, што ќе ѝ овозможи на Србија да се снабдува со поевтина нафта од Урал со поврзување со рускиот нафтовод Дружба (Пријателство).Властите во Белград одлучија да изградат дополнителна линија за снабдување со нафта кога Хрватска го забрани транспортот на руска нафта на крајот на 2022 година во согласност со санкциите на Европската унија против Русија поради нејзината инвазија на Украина.Србија и Унгарија развија соработка во областа на енергетиката. Во јули 2023 година потпишаа договор за основање на заедничка компанија за трговија со гас. Србија поради немање сопствени капацитети изнајмува складиште за гас од Унгарија.Во исто време, овие две земји одржуваат односи со Пекинг и Москва, што наидува на незадоволство во Европската унија. прочитај повеќе март 31, 2025 Шведска објави нов пакет воена помош од 1,6 милијарди долари за Украина УКРАИНА - Претседателот на Украина, Володимир Зеленски(лево) и министерот за одбрана на Шведска ,Пал Џонсон(десно),Киев, 24 февруари 2024 година. Шведска објави нов пакет воена помош за Украина во вредност од 16 милијарди круни (околу 1,6 милијарди долари), што е најголемиот пакет досега од оваа нордиска земја, рече Пал Џонсон, министер за одбрана на Шведска, јави Ројтерс. Видете и ова: „Коалицијата на подготвените“ - Доведување на Украина во најдобра позиција за преговори Најголемиот дел од пакетот, 9,2 милијарди круни, ќе се состои од опрема што ќе биде купена во процеси предводени од шведската управа за одбранбен материјал, рече Џонсон на прес-конференција. Владата на Шведска го зголеми буџетот за 2025 година на 40 милијарди круни од 25 милијарди проектирани претходно, за да се помогне во борбата на Киев против руската инвазија. прочитај повеќе update март 31, 2025 Францускиот суд ја осуди Марин Ле Пен и ѝ забрани да се кандидира за јавна функција Франција - Марин Ле Пен на суд во Париз, 31 март 2025 година. Судот во Париз ја прогласи екстремно десничарската француска политичарка Марин Ле Пен за виновна за злоупотреба на фондови на Европската унија ѝ и забрани пет години да се кандидира за јавна функција, јави Ројтерс.Забраната за кандидирање стапува на сила веднаш, објави судијата на 31 март, откако Ле Пен и осум членови на нејзината партија „Национален собир“ беа прогласени за виновни за проневера на јавни пари.Судијата ја осуди француската политичарка и на четиригодишна затворска казна, од кои две се во домашен притвор, а две се условни и на парична казна од 100.000 евра. Видете и ова: Почнува судењето на Ле Пен и соработниците за проневера на пари од ЕУ Речиси е сигурно дека пресудата ќе биде обжалена, а нема да се изрекуваат ниту затворска ниту парична казна додека не се исцрпи жалбениот процес. Тој процес во Франција може да трае со месеци, па дури и со години.Но, нејзината петгодишна забрана да се кандидира за јавна функција стапува на сила веднаш, преку таканаречената мерка „привремено извршување“ што ја бараат обвинителите, а ќе биде укината само ако жалбата биде усвоена пред изборите, пренесува Ројтерс.Сепак, Ле Пен ќе задржи пратеничкото место до крајот на мандатот.Ле Пен веднаш не ја коментираше одлуката на судот.Нејзината десна рака, Џордан Бардела, претседател на „Национален собир“, рече: „Денес не е само Марин Ле Пен која е неправедно осудена: француската демократија е убиена“.Одлуката на судот е неуспех за Ле Пен, која во моментов, според анкетите на јавното мислење, е фаворит за следните претседателски избори во Франција.Според судот, Ле Пен е виновна за проневера на 474.000 евра, поради фиктивно вработување на четворица помошници од нејзината партија во Европскиот парламент.Ле Пен и 24 членови на нејзината политичка партија „Национален собир“ беа обвинети дека ги пренасочиле парите на Европскиот парламент за да ги платат партиските вработени. Видете и ова: Француското обвинителство бара затворска казна за Марин Ле Пен Како што пренесуваат весниците „Монд“ и „Фигаро“, судот проценил дека вкупната штета изнесува 2,9 милиони евра, бидејќи претставниците на нејзината партија „вработувале во Европскиот парламент луѓе кои реално работеле за Национален собир“.Ле Пен ја напушти судницата пред изрекувањето на пресудата. Се очекува таа да поднесе жалба на пресудата.Ле Пен претходно најави дека 2027 година ќе биде нејзино последно учество на претседателските избори и дека ќе го задржи своето место во парламентот до крајот на мандатот.Пристигнувајќи во судот во понеделникот, на 31 март, таа не сакаше да разговара со новинарите, а претходно ги обвини обвинителите дека бараат нејзина „политичка смрт“.Обвинетите тврдеа дека парите на Европскиот парламент биле користени легитимно, но судијата Бенедикт де Пертуис во пресудата навел дека „сите овие луѓе всушност работеле за партијата и дека законодавецот на ЕУ не им дал никакви задачи“. прочитај повеќе март 31, 2025 Во Литванија пронајдено возило со четворица исчезнати американски војници Литванија - потрага и извлекување на полигонот во Литванија каде исчезнаа четворица американски војници за време на вежба на НАТО. Спасувачките екипи извлекле потонато воено возило во Литванија, во кое се превезувале четворица американски војници кои се водат како исчезнати, јави редакцијата на Радио Слободна Европа на англиски јазик.Оклопното возило М88 Херкулес беше пронајдено на 31 март, потопено во мочуриште, шест дена откако беше почната спасувачка операција на воениот полигон Пабрада, во близина на границата на Литванија со Белорусија. Видете и ова: Литванскиот претседател „се надева на чудо“ додека потрагата по американски војници продолжува Литванскиот министер за одбрана, Давиле Сакалиен, изјави дека допрва треба да се утврди што се случило со четворицата војници.„Не можеме да зборуваме за тоа во овој момент, бидејќи, прво, сè уште нема информации, а дури и кога ќе добиеме информации, постои строг договор дека Американците први ќе излезат со каква било објава“, изјави Сакалиен за литванското државно радио на 31 март.Литванија, членка на НАТО и на Европската унија (ЕУ), е домаќин на повеќе од 1.000 американски војници стационирани во неа на ротациона основа.Американската армија за Европа и Африка претходно соопшти дека четворицата војници „вршеле планирана тактичка обука“ кога исчезнале на 25 март.Во првите часови од операцијата за спасување, се појавија неколку спротивставени тврдења, вклучително и коментарите на генералниот секретар на НАТО, Марк Руте, дека четворица американски војници се мртви. Портпаролката на НАТО подоцна ги отфрли тие коментари. прочитај повеќе март 31, 2025 Трамп му се закани на Путин со царини за нафтата, од Зеленски бара договор за минералите Доналд Трамп, претседател на Соединетите Американски Држави (САД), 28 март 2025 година. Американскиот претседател Доналд Трамп ѝ се закани на Русија со нови царини за нафтените деривати доколку ги блокира неговите иницијативи за ставање крај на војната во Украина, посочувајќи и дека украинскиот лидер Володимир Зеленски се соочува со „големи проблеми“ доколку не го потпише клучниот договор за минералите со Вашингтон.„Се договоривме и сега тој вели дека сака повторно да преговара за договорот. Тој сака да биде членка на НАТО, но тоа никогаш нема да се случи. Тој го разбира тоа“, им рече Трамп на новинарите на 30 март, мислејќи на украинскиот претседател Зеленски.Украинската влада на 28 февруари соопшти дека сè уште го разгледува нацрт-договорот за минерални суровини на САД. Украинската министерка за економија Јулија Свириденко тогаш изјави дека Киев го формира својот став, но дека претставниците ќе го изнесат само кога ќе се постигне консензус.Украина има значителни наоѓалишта на минерали, високо ценети поради нивната употреба во одбранбените технологии, како и во компјутери, паметни телефони и батерии. Видете и ова: „Коалицијата на подготвените“ - Доведување на Украина во најдобра позиција за преговори Минатиот месец Украина и САД постигнаа сеопфатен договор за развој на виталните минерални ресурси на Украина.Договорот беше дел од напорите на Трамп да стави крај на војната и да врати некои од десетиците милијарди долари што САД ѝ ги дадоа на Украина во финансиска и воена помош од почетокот на руската инвазија во 2022 година.По средбата меѓу Трамп и Зеленски во Белата куќа на 28 февруари, обидите за финализирање на договорот пропаднаа.Во меѓувреме, Трамп на 30 март рече дека ќе воведе секундарни царини од 25 до 50 отсто за целата руска нафта доколку се чини дека претседателот Владимир Путин ги блокира неговите напори да стави крај на војната во Украина.Трамп во неделата рече дека е „многу лут“ кога Путин повика на формирање на преодна влада во Украина, која би можела да го собори украинскиот претседател Володимир Зеленски.„Ако Русија и јас не успееме да постигнеме договор за прекин на крвопролевањето во Украина, а верувам дека е виновна Русија, да воведеме секундарни царини за целата нафта што излегува од Русија“, рече Трамп во интервју за американската телевизиска мрежа Ен-Би-Си.Тој рече дека трговските мерки ќе бидат воведени во рок од еден месец доколку нема договор за прекин на огнот.„Тоа би значело дека ако купувате нафта од Русија, не можете да работите во САД“, рече Трамп. Видете и ова: Дали Русија стави „отровно апче“ во договорот за прекин на огнот во Црното Море? Овие најави доаѓаат откако Белата куќа на 25 март објави дека и Русија и Украина се согласиле на прекин на огнот и да дозволат пловидба во Црното Море, како и договор да не се таргетираат енергетски објекти.Сè уште има проблеми со спроведувањето на договорот. Киев вели дека ќе стапи на сила веднаш, а Москва дека ќе стапи на сила по делумното укинување на санкциите за руските компании и банки вклучени во меѓународната трговија со храна.Коментарите на Трамп означуваат поместување од мекиот пристап што Белата куќа го зазеде кон Русија откако американскиот претседател го назначи завршувањето на војната во Украина како приоритет на надворешната политика, пишува редакцијата на Радио Слободна Европа на англиски јазик.Во меѓувреме, Зеленски на 30 март рече дека беспилотните летала, бомбите и гранатирањето се одговор на Русија на предлогот на САД за безусловен прекин на огнот.„Путин покажува дека не му е грижа за дипломатијата. Потребни ни се поостри санкции против Русија, повеќе капацитети за воздушна одбрана за Украина и повеќе единство меѓу нашите партнери“, додаде Зеленски.Во услови на дипломатски напори предводени од САД да се постигне прекин на огнот, Киев ја обвини Москва за „воено злосторство“ на 30 март, откако руските беспилотни летала нападнаа воена болница. прочитај повеќе март 31, 2025 Променливо облачно време, попладне со пороен дожд Илустрација Времето денеска ќе биде променливо облачно со повремени врнежи од дожд. Попладне на одредени места ќе биде нестабилно со пороен дожд, грмежи и засилен ветер, соопшти Управата за хидрометеролошки работи (УХМР). Минималната температура ќе биде во интервал од 4 до 9 целзиусови степени, а максималната ќе достигне од 11 до 17 целзиусови степени. Видете и ова: Времето сончево со умерена облачност Во Скопје ќе биде променливо облачно со повремени врнежи од дожд. Ќе дува слаб до умерен ветер од северен правец. Минималната температура ќе се спушти до 9, а максималната ќе достигне до 15 целзиусови степени.Како што информира УХМР, до четврток ќе се задржи променливо облачно и нестабилно време со повремени врнежи од дожд, особено во попладневните часови. Стабилизирање на времето ќе има од петок. прочитај повеќе март 30, 2025 Бројот на загинати во земјотресот во Мјанмар достигна 1.700 лица Земјотрес во Мјанмар, 28 март 2025 година. Бројот на жртвите од земјотресот во Мјанмар продолжи да расте и достигна 1.700 лица во неделата, 30 март, додека странските спасувачки тимови се упатија во сиромашната земја, каде болниците беа преоптоварени, а некои заедници се обидуваа да спроведат спасувачки напори со ограничени ресурси, јави Ројтерс.Во земјотресот од 28 март со јачина од 7,7 степени според Рихтеровата скала, еден од најсилните во Мјанмар во изминатиот век, има и над 3.400 повредени и над 300 исчезнати, соопшти воената влада.Шефот на Воената хунта, високиот генерал Мин Аунг Хлаинг, предупреди дека бројот на жртви може да се зголеми и неговата администрација се соочи со предизвикувачка ситуација, објавија државните медиуми, три дена откако тој упати повик за меѓународна помош. Видете и ова: Повеќе од илјада загинати во земјотресот во Мјанмар Индија, Кина и Тајланд се меѓу соседите на Мјанмар кои испратија помошни материјали и тимови, заедно со помош и персонал од Малезија, Сингапур и Русија.„Уништувањето беше големо, а потребите за хуманитарна помош растат од час во час“, соопшти меѓународната федерација на Црвениот крст и Црвената полумесечина.Соединетите Американски Држави ветија помош од 2 милиони долари „преку организациите за хуманитарна помош со седиште во Мјанмар“ и во соопштението наведоа дека тим за одговор при итни случаи од УСАИД, кој е подложен на огромни намалувања под администрацијата на Трамп, се распоредува во Мјанмар.Предвидливото моделирање на Американската геолошка служба процени дека бројот на загинати во Мјанмар би можел да достигне 10.000 лица, а загубите би можеле да го надминат годишното економско производство на земјата. прочитај повеќе март 30, 2025 Подобрена е состојбата на двајца пациенти од пожарот во Кочани кои се лекуваат во Солун Северна Македонија - дискотеката „Пулс“ во Кочани, 16 март 2025 година. На Клиника за токсикологија во последните 24 часа се примени 4 пациенти од странство и по направените токсиколошки анализи се пуштени на домашно лекување. Сите се во добра општа состојба. За денеска нема најава за враќање други пациенти од странство, соопштија од Министерството за здравство(МЗ). Во текот на вчерашниот ден кај двајца пациенти од Солун има одредено подобрување и се екстубирани, од интензивна нега се преместени на оддел за пластична хирургија. Кај останатите пациенти состојбата од вчера е непроменета. Видете и ова: Двајца пациенти се враќаат од Литванија и Шведска, четворица се во критична состојба Пациентите беа повредени во пожар во дискотеката „Пулс“ во Кочанина 16 март, при што загинаа 59 лица, а околу 200 беа повредени. Повеќе од половина од повредените беа испратени на лекување во странски медицински центри.Министерството за здравство информира дека од вчера нема промени во бројот на хоспитализирани пациенти. Во Скопје вкупно се лекуваат 16 пациенти и се во добра општа состојба. Од нив по шест се во стара градска и ГОБ „8 Септември“, а четири се во приватните болници.Трагедијата во Кочани предизвика низа протестни собири на граѓаните во Северна Македонија кои бараат правда и одговорност за пожарот во дискотеката. прочитај повеќе Вчитај повеќе...

Вести март 29, 2025 Четири лица загинаа во руски напад со дрон врз Дњепар Украина - руски напад со дронови врз Дњепар, 29 март 2025 година. Четири лица загинаа, а 19 се ранети во напад со руско беспилотно летало врз украинскиот град Дњепар доцна во петокот (28 март), изјави регионалниот гувернер Серхи Лисак.Нападите со дрон предизвикаа голем пожар во комплекс со хотели и ресторани, како и во неколку приватни куќи. Видете и ова: Четворица мртви во напад на украинските сили на Белгород „Според информациите што ги имаме во моментов, има четири смртни случаи во Дњепар“, објави гувернерот на областа, на мрежата Телеграм.Руските сили употребија повеќе од 20 дронови во нападот на Дњепар.Сликите и видеата објавени на социјалните мрежи покажуваат пламен и големи облаци чад. Други покажуваат срушени згради, тешко оштетени горни катови на високи згради и улици полни со скршено стакло. прочитај повеќе види ги сите денешни вести март 31, 2025 Владата на Србија усвои план за изградба на нафтовод од Унгарија до Нови Сад Унгарија - Српскиот премиер Александар Вучиќ (десно) и унгарскиот премиер Виктор Орбан(лево), Будимпешта, 17 февруари 2025 година. Владата на Србија усвои Уредба за утврдување на Просторен план за инфраструктурен коридор на нафтовод од границата со Унгарија до Нови Сад во должина од 113 километри.Просторниот план е донесен заради енергетската безбедност на Србија, се вели во Уредбата.Гасоводот треба да биде изграден до 2028 година. Проценетата вредност на проектот е 157 милиони евра за српскиот дел од гасоводот.Вкупниот капацитет на нафтоводот кој ќе се поставува под земја по целата должина е околу 5,5 милиони годишно, пишува во документот што го усвои српската Влада. Видете и ова: Вучиќ разговарал со Орбан за енергетската безбедност Според планот, интерконекцијата со Унгарија е лоцирана во близина на граничниот премин Хоргош на северот на Србија, а крајот на трасата на терминалот „Транснафта“ АД Панчево.Во октомври 2022 година, Србија и Унгарија се договорија за изградба на нафтовод, што ќе ѝ овозможи на Србија да се снабдува со поевтина нафта од Урал со поврзување со рускиот нафтовод Дружба (Пријателство).Властите во Белград одлучија да изградат дополнителна линија за снабдување со нафта кога Хрватска го забрани транспортот на руска нафта на крајот на 2022 година во согласност со санкциите на Европската унија против Русија поради нејзината инвазија на Украина.Србија и Унгарија развија соработка во областа на енергетиката. Во јули 2023 година потпишаа договор за основање на заедничка компанија за трговија со гас. Србија поради немање сопствени капацитети изнајмува складиште за гас од Унгарија.Во исто време, овие две земји одржуваат односи со Пекинг и Москва, што наидува на незадоволство во Европската унија. прочитај повеќе март 31, 2025 Шведска објави нов пакет воена помош од 1,6 милијарди долари за Украина УКРАИНА - Претседателот на Украина, Володимир Зеленски(лево) и министерот за одбрана на Шведска ,Пал Џонсон(десно),Киев, 24 февруари 2024 година. Шведска објави нов пакет воена помош за Украина во вредност од 16 милијарди круни (околу 1,6 милијарди долари), што е најголемиот пакет досега од оваа нордиска земја, рече Пал Џонсон, министер за одбрана на Шведска, јави Ројтерс. Видете и ова: „Коалицијата на подготвените“ - Доведување на Украина во најдобра позиција за преговори Најголемиот дел од пакетот, 9,2 милијарди круни, ќе се состои од опрема што ќе биде купена во процеси предводени од шведската управа за одбранбен материјал, рече Џонсон на прес-конференција. Владата на Шведска го зголеми буџетот за 2025 година на 40 милијарди круни од 25 милијарди проектирани претходно, за да се помогне во борбата на Киев против руската инвазија. прочитај повеќе update март 31, 2025 Францускиот суд ја осуди Марин Ле Пен и ѝ забрани да се кандидира за јавна функција Франција - Марин Ле Пен на суд во Париз, 31 март 2025 година. Судот во Париз ја прогласи екстремно десничарската француска политичарка Марин Ле Пен за виновна за злоупотреба на фондови на Европската унија ѝ и забрани пет години да се кандидира за јавна функција, јави Ројтерс.Забраната за кандидирање стапува на сила веднаш, објави судијата на 31 март, откако Ле Пен и осум членови на нејзината партија „Национален собир“ беа прогласени за виновни за проневера на јавни пари.Судијата ја осуди француската политичарка и на четиригодишна затворска казна, од кои две се во домашен притвор, а две се условни и на парична казна од 100.000 евра. Видете и ова: Почнува судењето на Ле Пен и соработниците за проневера на пари од ЕУ Речиси е сигурно дека пресудата ќе биде обжалена, а нема да се изрекуваат ниту затворска ниту парична казна додека не се исцрпи жалбениот процес. Тој процес во Франција може да трае со месеци, па дури и со години.Но, нејзината петгодишна забрана да се кандидира за јавна функција стапува на сила веднаш, преку таканаречената мерка „привремено извршување“ што ја бараат обвинителите, а ќе биде укината само ако жалбата биде усвоена пред изборите, пренесува Ројтерс.Сепак, Ле Пен ќе задржи пратеничкото место до крајот на мандатот.Ле Пен веднаш не ја коментираше одлуката на судот.Нејзината десна рака, Џордан Бардела, претседател на „Национален собир“, рече: „Денес не е само Марин Ле Пен која е неправедно осудена: француската демократија е убиена“.Одлуката на судот е неуспех за Ле Пен, која во моментов, според анкетите на јавното мислење, е фаворит за следните претседателски избори во Франција.Според судот, Ле Пен е виновна за проневера на 474.000 евра, поради фиктивно вработување на четворица помошници од нејзината партија во Европскиот парламент.Ле Пен и 24 членови на нејзината политичка партија „Национален собир“ беа обвинети дека ги пренасочиле парите на Европскиот парламент за да ги платат партиските вработени. Видете и ова: Француското обвинителство бара затворска казна за Марин Ле Пен Како што пренесуваат весниците „Монд“ и „Фигаро“, судот проценил дека вкупната штета изнесува 2,9 милиони евра, бидејќи претставниците на нејзината партија „вработувале во Европскиот парламент луѓе кои реално работеле за Национален собир“.Ле Пен ја напушти судницата пред изрекувањето на пресудата. Се очекува таа да поднесе жалба на пресудата.Ле Пен претходно најави дека 2027 година ќе биде нејзино последно учество на претседателските избори и дека ќе го задржи своето место во парламентот до крајот на мандатот.Пристигнувајќи во судот во понеделникот, на 31 март, таа не сакаше да разговара со новинарите, а претходно ги обвини обвинителите дека бараат нејзина „политичка смрт“.Обвинетите тврдеа дека парите на Европскиот парламент биле користени легитимно, но судијата Бенедикт де Пертуис во пресудата навел дека „сите овие луѓе всушност работеле за партијата и дека законодавецот на ЕУ не им дал никакви задачи“. прочитај повеќе март 31, 2025 Во Литванија пронајдено возило со четворица исчезнати американски војници Литванија - потрага и извлекување на полигонот во Литванија каде исчезнаа четворица американски војници за време на вежба на НАТО. Спасувачките екипи извлекле потонато воено возило во Литванија, во кое се превезувале четворица американски војници кои се водат како исчезнати, јави редакцијата на Радио Слободна Европа на англиски јазик.Оклопното возило М88 Херкулес беше пронајдено на 31 март, потопено во мочуриште, шест дена откако беше почната спасувачка операција на воениот полигон Пабрада, во близина на границата на Литванија со Белорусија. Видете и ова: Литванскиот претседател „се надева на чудо“ додека потрагата по американски војници продолжува Литванскиот министер за одбрана, Давиле Сакалиен, изјави дека допрва треба да се утврди што се случило со четворицата војници.„Не можеме да зборуваме за тоа во овој момент, бидејќи, прво, сè уште нема информации, а дури и кога ќе добиеме информации, постои строг договор дека Американците први ќе излезат со каква било објава“, изјави Сакалиен за литванското државно радио на 31 март.Литванија, членка на НАТО и на Европската унија (ЕУ), е домаќин на повеќе од 1.000 американски војници стационирани во неа на ротациона основа.Американската армија за Европа и Африка претходно соопшти дека четворицата војници „вршеле планирана тактичка обука“ кога исчезнале на 25 март.Во првите часови од операцијата за спасување, се појавија неколку спротивставени тврдења, вклучително и коментарите на генералниот секретар на НАТО, Марк Руте, дека четворица американски војници се мртви. Портпаролката на НАТО подоцна ги отфрли тие коментари. прочитај повеќе март 31, 2025 Трамп му се закани на Путин со царини за нафтата, од Зеленски бара договор за минералите Доналд Трамп, претседател на Соединетите Американски Држави (САД), 28 март 2025 година. Американскиот претседател Доналд Трамп ѝ се закани на Русија со нови царини за нафтените деривати доколку ги блокира неговите иницијативи за ставање крај на војната во Украина, посочувајќи и дека украинскиот лидер Володимир Зеленски се соочува со „големи проблеми“ доколку не го потпише клучниот договор за минералите со Вашингтон.„Се договоривме и сега тој вели дека сака повторно да преговара за договорот. Тој сака да биде членка на НАТО, но тоа никогаш нема да се случи. Тој го разбира тоа“, им рече Трамп на новинарите на 30 март, мислејќи на украинскиот претседател Зеленски.Украинската влада на 28 февруари соопшти дека сè уште го разгледува нацрт-договорот за минерални суровини на САД. Украинската министерка за економија Јулија Свириденко тогаш изјави дека Киев го формира својот став, но дека претставниците ќе го изнесат само кога ќе се постигне консензус.Украина има значителни наоѓалишта на минерали, високо ценети поради нивната употреба во одбранбените технологии, како и во компјутери, паметни телефони и батерии. Видете и ова: „Коалицијата на подготвените“ - Доведување на Украина во најдобра позиција за преговори Минатиот месец Украина и САД постигнаа сеопфатен договор за развој на виталните минерални ресурси на Украина.Договорот беше дел од напорите на Трамп да стави крај на војната и да врати некои од десетиците милијарди долари што САД ѝ ги дадоа на Украина во финансиска и воена помош од почетокот на руската инвазија во 2022 година.По средбата меѓу Трамп и Зеленски во Белата куќа на 28 февруари, обидите за финализирање на договорот пропаднаа.Во меѓувреме, Трамп на 30 март рече дека ќе воведе секундарни царини од 25 до 50 отсто за целата руска нафта доколку се чини дека претседателот Владимир Путин ги блокира неговите напори да стави крај на војната во Украина.Трамп во неделата рече дека е „многу лут“ кога Путин повика на формирање на преодна влада во Украина, која би можела да го собори украинскиот претседател Володимир Зеленски.„Ако Русија и јас не успееме да постигнеме договор за прекин на крвопролевањето во Украина, а верувам дека е виновна Русија, да воведеме секундарни царини за целата нафта што излегува од Русија“, рече Трамп во интервју за американската телевизиска мрежа Ен-Би-Си.Тој рече дека трговските мерки ќе бидат воведени во рок од еден месец доколку нема договор за прекин на огнот.„Тоа би значело дека ако купувате нафта од Русија, не можете да работите во САД“, рече Трамп. Видете и ова: Дали Русија стави „отровно апче“ во договорот за прекин на огнот во Црното Море? Овие најави доаѓаат откако Белата куќа на 25 март објави дека и Русија и Украина се согласиле на прекин на огнот и да дозволат пловидба во Црното Море, како и договор да не се таргетираат енергетски објекти.Сè уште има проблеми со спроведувањето на договорот. Киев вели дека ќе стапи на сила веднаш, а Москва дека ќе стапи на сила по делумното укинување на санкциите за руските компании и банки вклучени во меѓународната трговија со храна.Коментарите на Трамп означуваат поместување од мекиот пристап што Белата куќа го зазеде кон Русија откако американскиот претседател го назначи завршувањето на војната во Украина како приоритет на надворешната политика, пишува редакцијата на Радио Слободна Европа на англиски јазик.Во меѓувреме, Зеленски на 30 март рече дека беспилотните летала, бомбите и гранатирањето се одговор на Русија на предлогот на САД за безусловен прекин на огнот.„Путин покажува дека не му е грижа за дипломатијата. Потребни ни се поостри санкции против Русија, повеќе капацитети за воздушна одбрана за Украина и повеќе единство меѓу нашите партнери“, додаде Зеленски.Во услови на дипломатски напори предводени од САД да се постигне прекин на огнот, Киев ја обвини Москва за „воено злосторство“ на 30 март, откако руските беспилотни летала нападнаа воена болница. прочитај повеќе март 31, 2025 Променливо облачно време, попладне со пороен дожд Илустрација Времето денеска ќе биде променливо облачно со повремени врнежи од дожд. Попладне на одредени места ќе биде нестабилно со пороен дожд, грмежи и засилен ветер, соопшти Управата за хидрометеролошки работи (УХМР). Минималната температура ќе биде во интервал од 4 до 9 целзиусови степени, а максималната ќе достигне од 11 до 17 целзиусови степени. Видете и ова: Времето сончево со умерена облачност Во Скопје ќе биде променливо облачно со повремени врнежи од дожд. Ќе дува слаб до умерен ветер од северен правец. Минималната температура ќе се спушти до 9, а максималната ќе достигне до 15 целзиусови степени.Како што информира УХМР, до четврток ќе се задржи променливо облачно и нестабилно време со повремени врнежи од дожд, особено во попладневните часови. Стабилизирање на времето ќе има од петок. прочитај повеќе март 30, 2025 Бројот на загинати во земјотресот во Мјанмар достигна 1.700 лица Земјотрес во Мјанмар, 28 март 2025 година. Бројот на жртвите од земјотресот во Мјанмар продолжи да расте и достигна 1.700 лица во неделата, 30 март, додека странските спасувачки тимови се упатија во сиромашната земја, каде болниците беа преоптоварени, а некои заедници се обидуваа да спроведат спасувачки напори со ограничени ресурси, јави Ројтерс.Во земјотресот од 28 март со јачина од 7,7 степени според Рихтеровата скала, еден од најсилните во Мјанмар во изминатиот век, има и над 3.400 повредени и над 300 исчезнати, соопшти воената влада.Шефот на Воената хунта, високиот генерал Мин Аунг Хлаинг, предупреди дека бројот на жртви може да се зголеми и неговата администрација се соочи со предизвикувачка ситуација, објавија државните медиуми, три дена откако тој упати повик за меѓународна помош. Видете и ова: Повеќе од илјада загинати во земјотресот во Мјанмар Индија, Кина и Тајланд се меѓу соседите на Мјанмар кои испратија помошни материјали и тимови, заедно со помош и персонал од Малезија, Сингапур и Русија.„Уништувањето беше големо, а потребите за хуманитарна помош растат од час во час“, соопшти меѓународната федерација на Црвениот крст и Црвената полумесечина.Соединетите Американски Држави ветија помош од 2 милиони долари „преку организациите за хуманитарна помош со седиште во Мјанмар“ и во соопштението наведоа дека тим за одговор при итни случаи од УСАИД, кој е подложен на огромни намалувања под администрацијата на Трамп, се распоредува во Мјанмар.Предвидливото моделирање на Американската геолошка служба процени дека бројот на загинати во Мјанмар би можел да достигне 10.000 лица, а загубите би можеле да го надминат годишното економско производство на земјата. прочитај повеќе март 30, 2025 Подобрена е состојбата на двајца пациенти од пожарот во Кочани кои се лекуваат во Солун Северна Македонија - дискотеката „Пулс“ во Кочани, 16 март 2025 година. На Клиника за токсикологија во последните 24 часа се примени 4 пациенти од странство и по направените токсиколошки анализи се пуштени на домашно лекување. Сите се во добра општа состојба. За денеска нема најава за враќање други пациенти од странство, соопштија од Министерството за здравство(МЗ). Во текот на вчерашниот ден кај двајца пациенти од Солун има одредено подобрување и се екстубирани, од интензивна нега се преместени на оддел за пластична хирургија. Кај останатите пациенти состојбата од вчера е непроменета. Видете и ова: Двајца пациенти се враќаат од Литванија и Шведска, четворица се во критична состојба Пациентите беа повредени во пожар во дискотеката „Пулс“ во Кочанина 16 март, при што загинаа 59 лица, а околу 200 беа повредени. Повеќе од половина од повредените беа испратени на лекување во странски медицински центри.Министерството за здравство информира дека од вчера нема промени во бројот на хоспитализирани пациенти. Во Скопје вкупно се лекуваат 16 пациенти и се во добра општа состојба. Од нив по шест се во стара градска и ГОБ „8 Септември“, а четири се во приватните болници.Трагедијата во Кочани предизвика низа протестни собири на граѓаните во Северна Македонија кои бараат правда и одговорност за пожарот во дискотеката. прочитај повеќе март 30, 2025 Украина ја обвини Русија за „воено злосторство“ по напад на воена болница Украина - украински пожарникар гасне пожар по напад на руски дрон во Харков, 29 март 2025 година. Украина ја обвини Москва за „воено злосторство“ во неделата, 30 март, откако руски беспилотни летала нападнаа воена болница во Харков, вториот по големина град во Украина, во напади во кои властите соопштија дека загинале две лица.Во нападите во Харков беа погодени и трговски центар, станбен блок и други цели.Генералштабот на украинската армија ја обвини Русија за „прекршување на нормите на меѓународното хуманитарно право“ за време на нападот и го осуди како „намерно, насочено гранатирање“.Во соопштението се наведува дека меѓу жртвите има и војници кои се на лекување во медицинскиот центар, јави украинскиот сервис на Радио Слободна Европа (РСЕ). Видете и ова: Зеленски повика на „силен одговор“ од Западот на руските напади Еден час пред нападот на Харков, украинскиот претседател Володимир Зеленски рече дека Киев очекува силен одговор од западните земји на речиси секојдневните напади од руски беспилотни летала.„Нашите партнери треба јасно да разберат: овие напади не се само напади врз украинските цивили, туку и врз сите меѓународни напори - врз самата дипломатија што се обидуваме да ја искористиме за да ставиме крај на оваа војна“, рече Зеленски во видео обраќање доцна ноќта во саботата.Украинските власти соопштија дека, покрај нападот на Харков, Русија истрелала балистичка ракета и лансирала беспилотни летала кон градовите Дњепар, Криви Рих и Полтава.Најмалку две лица загинаа во нападите во текот на ноќта, а 26 лица се повредени низ целата земја, соопштија украинските власти.Украинскиот претседател рече дека „Русија ги удира позициите на сите што сакаат да ја прекинат оваа војна“, додавајќи дека „невозможно е да се игнорираат стотиците ирански беспилотни летала Шахед што Русија ги лансира секоја вечер.Белата куќа на 25 март објави дека Русија и Украина се согласиле на прекин на огнот и да дозволат пловидба низ Црното Море.Сепак, се уште има проблеми со спроведувањето на договорот. Киев вели дека стапува на сила веднаш, додека Москва рече дека ќе го следи делумното укинување на санкциите за руските компании и банки вклучени во меѓународната трговија со храна. прочитај повеќе март 30, 2025 Нападната деканката на Филозофскиот факултет во Ниш Србија - Наталија Јовановиќ, деканка на Филозофскиот факултет со студенти кои ја почнаа блокадата на факултетот, Ниш, 6 декември 2024 година. Деканката на Филозофскиот факултет на Универзитетот во Ниш, Наталија Јовановиќ, била нападната на 30 март, потврди нишката полиција за Радио Слободна Европа (РСЕ).„Постои сомневање дека со нож била нападната деканката на Филозофскиот факултет на Универзитетот во Ниш. Ѝ се укажува помош во Клиничкиот центар и се работи на расветлување на сите околности за настанот“, велат за РСЕ од полициската управа во Ниш.Деканката Јовановиќ и претходно беше цел на напади и закани, бидејќи ги поддржуваше студентските протести и блокадите на факултетите.Таа била нападната во пресрет на протестот во Ниш, а нејзиниот сопруг за агенцијата Бета изјавил дека до понатамошна наредба ќе биде задржана во Ургентниот центар, не поради повредата, туку поради високиот притисок.Тој исто така изјави дека „зад овој напад стои потписот на (српскиот претседател Александар) Вучиќ, бидејќи тој ја „посочил неа како едно од главните зла во Ниш“. Видете и ова: Ниш под 18-часовна блокада од студенти и граѓани Јовановиќ беше меѓу првите раководители на факултет во Србија што ги поддржа студентските барања, а нејзиниот Филозофски факултет беше првиот во Ниш што ги отвори вратите за студентите од блокадата.Од крајот на ноември, студентите блокираа десетици државни факултети на пет универзитети во Србија.Бараат утврдување политичка и кривична одговорност за падот на бетонската настрешница на Железничката станица во Нови Сад на 1 ноември кога загинаа 16 лица.Бараат и санкционирање на напаѓачите на студентите на протестите по трагедијата и прекин на постапката против уапсените демонстранти.Надлежните тврдат дека се исполнети сите барања на студентите, ги повикуваат да ги отворат факултетите, а академиците велат дека барањата не се исполнети и дека продолжуваат со блокирање на факултетите.Студентските барања ги поддржаа организации на просветни работници, правници, универзитетски професори, земјоделци и други граѓани.Протести предводени од студенти се одржаа во повеќе од 300 градови и населени места во Србија со учество на стотици илјади луѓе. прочитај повеќе Вчитај повеќе...

Вести март 29, 2025 Патиштата влажни, да се прилагоди брзината на движење Северна Македонија - дожд на улиците во Скопје, 10 септември 2024 година. Сообраќајот на државните патишта се одвивa непречено, по влажни коловози. Интензитетот на патните правци надвор од градските средини е умерен, a на граничните премини од македонска страна нема подолги задржувања за влез и излез од државата, соопштија од Авто-мото сојузот на Македонија(АМСМ). Видете и ова: Возачки дозволи со општински пари – инвестиции во безбедност или повеќе хаос? АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево, каде има можност за појава на одрони. прочитај повеќе види ги сите денешни вести март 31, 2025 Владата на Србија усвои план за изградба на нафтовод од Унгарија до Нови Сад Унгарија - Српскиот премиер Александар Вучиќ (десно) и унгарскиот премиер Виктор Орбан(лево), Будимпешта, 17 февруари 2025 година. Владата на Србија усвои Уредба за утврдување на Просторен план за инфраструктурен коридор на нафтовод од границата со Унгарија до Нови Сад во должина од 113 километри.Просторниот план е донесен заради енергетската безбедност на Србија, се вели во Уредбата.Гасоводот треба да биде изграден до 2028 година. Проценетата вредност на проектот е 157 милиони евра за српскиот дел од гасоводот.Вкупниот капацитет на нафтоводот кој ќе се поставува под земја по целата должина е околу 5,5 милиони годишно, пишува во документот што го усвои српската Влада. Видете и ова: Вучиќ разговарал со Орбан за енергетската безбедност Според планот, интерконекцијата со Унгарија е лоцирана во близина на граничниот премин Хоргош на северот на Србија, а крајот на трасата на терминалот „Транснафта“ АД Панчево.Во октомври 2022 година, Србија и Унгарија се договорија за изградба на нафтовод, што ќе ѝ овозможи на Србија да се снабдува со поевтина нафта од Урал со поврзување со рускиот нафтовод Дружба (Пријателство).Властите во Белград одлучија да изградат дополнителна линија за снабдување со нафта кога Хрватска го забрани транспортот на руска нафта на крајот на 2022 година во согласност со санкциите на Европската унија против Русија поради нејзината инвазија на Украина.Србија и Унгарија развија соработка во областа на енергетиката. Во јули 2023 година потпишаа договор за основање на заедничка компанија за трговија со гас. Србија поради немање сопствени капацитети изнајмува складиште за гас од Унгарија.Во исто време, овие две земји одржуваат односи со Пекинг и Москва, што наидува на незадоволство во Европската унија. прочитај повеќе март 31, 2025 Шведска објави нов пакет воена помош од 1,6 милијарди долари за Украина УКРАИНА - Претседателот на Украина, Володимир Зеленски(лево) и министерот за одбрана на Шведска ,Пал Џонсон(десно),Киев, 24 февруари 2024 година. Шведска објави нов пакет воена помош за Украина во вредност од 16 милијарди круни (околу 1,6 милијарди долари), што е најголемиот пакет досега од оваа нордиска земја, рече Пал Џонсон, министер за одбрана на Шведска, јави Ројтерс. Видете и ова: „Коалицијата на подготвените“ - Доведување на Украина во најдобра позиција за преговори Најголемиот дел од пакетот, 9,2 милијарди круни, ќе се состои од опрема што ќе биде купена во процеси предводени од шведската управа за одбранбен материјал, рече Џонсон на прес-конференција. Владата на Шведска го зголеми буџетот за 2025 година на 40 милијарди круни од 25 милијарди проектирани претходно, за да се помогне во борбата на Киев против руската инвазија. прочитај повеќе март 31, 2025 Марин Ле Пен прогласена за виновна за проневера на средства од ЕУ Марин Ле Пен, идерка на француската екстремна десница Францускиот суд ја прогласи Марин Ле Пен, лидерка на француската екстремна десница, за виновна за злоупотреба на фондови на Европската унија (ЕУ), во судски процес кој потенцијално би можел да ја спречи да учествува во претседателската трка во 2027 година, јави Ројтерс.Пресудата за тоа каква казна ќе се соочи, се очекува подоцна во текот на денот. Видете и ова: Француското обвинителство бара затворска казна за Марин Ле Пен Обвинителите побараа Ле Пен да се соочи со итна петгодишна забрана од јавна функција доколку биде прогласена за виновна, без оглед на евентуална жалбена постапка, користејќи таканаречена мерка „привремено извршување“.Судиите можат да го усвојат, изменат или игнорираат барањето на обвинителите.Ле Пен, лидерка на екстремно десничарскиот Национален собир (РН), е фаворит во анкетите пред гласањето на следните претседателски избори во Франција во 2027 година.Забраната за кандидирање за јавни функции би траела и по 2027 година.Ле Пен, која не зборуваше со новинарите додека пристигна во судот, ги обвини обвинителите дека бараат нејзина „политичка смрт“.Судот ги прогласи за виновни Ле Пен, уште осум други луѓе кои тогаш беа пратеници на ЕУ и 12 парламентарни асистенти за проневера на фондови на ЕУ. Обвинетите не беа обвинети дека ги ставиле во џеб парите, туку дека користеле средства од ЕУ во корист на нивната партија.Обвинетите рекоа дека парите биле искористени легитимно и дека наводите „претесно“ дефинираат што прави пратеничкиот асистент.Француското обвинителство во ноември 2024 година побара Ле Пен да биде прогласена за виновна за проневера, осудена на затвор и забрана да се кандидира за јавна функција, вклучително и за претседател на Франција, во следните пет години. прочитај повеќе март 31, 2025 Во Литванија пронајдено возило со четворица исчезнати американски војници Литванија - потрага и извлекување на полигонот во Литванија каде исчезнаа четворица американски војници за време на вежба на НАТО. Спасувачките екипи извлекле потонато воено возило во Литванија, во кое се превезувале четворица американски војници кои се водат како исчезнати, јави редакцијата на Радио Слободна Европа на англиски јазик.Оклопното возило М88 Херкулес беше пронајдено на 31 март, потопено во мочуриште, шест дена откако беше почната спасувачка операција на воениот полигон Пабрада, во близина на границата на Литванија со Белорусија. Видете и ова: Литванскиот претседател „се надева на чудо“ додека потрагата по американски војници продолжува Литванскиот министер за одбрана, Давиле Сакалиен, изјави дека допрва треба да се утврди што се случило со четворицата војници.„Не можеме да зборуваме за тоа во овој момент, бидејќи, прво, сè уште нема информации, а дури и кога ќе добиеме информации, постои строг договор дека Американците први ќе излезат со каква било објава“, изјави Сакалиен за литванското државно радио на 31 март.Литванија, членка на НАТО и на Европската унија (ЕУ), е домаќин на повеќе од 1.000 американски војници стационирани во неа на ротациона основа.Американската армија за Европа и Африка претходно соопшти дека четворицата војници „вршеле планирана тактичка обука“ кога исчезнале на 25 март.Во првите часови од операцијата за спасување, се појавија неколку спротивставени тврдења, вклучително и коментарите на генералниот секретар на НАТО, Марк Руте, дека четворица американски војници се мртви. Портпаролката на НАТО подоцна ги отфрли тие коментари. прочитај повеќе март 31, 2025 Трамп му се закани на Путин со царини за нафтата, од Зеленски бара договор за минералите Доналд Трамп, претседател на Соединетите Американски Држави (САД), 28 март 2025 година. Американскиот претседател Доналд Трамп ѝ се закани на Русија со нови царини за нафтените деривати доколку ги блокира неговите иницијативи за ставање крај на војната во Украина, посочувајќи и дека украинскиот лидер Володимир Зеленски се соочува со „големи проблеми“ доколку не го потпише клучниот договор за минералите со Вашингтон.„Се договоривме и сега тој вели дека сака повторно да преговара за договорот. Тој сака да биде членка на НАТО, но тоа никогаш нема да се случи. Тој го разбира тоа“, им рече Трамп на новинарите на 30 март, мислејќи на украинскиот претседател Зеленски.Украинската влада на 28 февруари соопшти дека сè уште го разгледува нацрт-договорот за минерални суровини на САД. Украинската министерка за економија Јулија Свириденко тогаш изјави дека Киев го формира својот став, но дека претставниците ќе го изнесат само кога ќе се постигне консензус.Украина има значителни наоѓалишта на минерали, високо ценети поради нивната употреба во одбранбените технологии, како и во компјутери, паметни телефони и батерии. Видете и ова: „Коалицијата на подготвените“ - Доведување на Украина во најдобра позиција за преговори Минатиот месец Украина и САД постигнаа сеопфатен договор за развој на виталните минерални ресурси на Украина.Договорот беше дел од напорите на Трамп да стави крај на војната и да врати некои од десетиците милијарди долари што САД ѝ ги дадоа на Украина во финансиска и воена помош од почетокот на руската инвазија во 2022 година.По средбата меѓу Трамп и Зеленски во Белата куќа на 28 февруари, обидите за финализирање на договорот пропаднаа.Во меѓувреме, Трамп на 30 март рече дека ќе воведе секундарни царини од 25 до 50 отсто за целата руска нафта доколку се чини дека претседателот Владимир Путин ги блокира неговите напори да стави крај на војната во Украина.Трамп во неделата рече дека е „многу лут“ кога Путин повика на формирање на преодна влада во Украина, која би можела да го собори украинскиот претседател Володимир Зеленски.„Ако Русија и јас не успееме да постигнеме договор за прекин на крвопролевањето во Украина, а верувам дека е виновна Русија, да воведеме секундарни царини за целата нафта што излегува од Русија“, рече Трамп во интервју за американската телевизиска мрежа Ен-Би-Си.Тој рече дека трговските мерки ќе бидат воведени во рок од еден месец доколку нема договор за прекин на огнот.„Тоа би значело дека ако купувате нафта од Русија, не можете да работите во САД“, рече Трамп. Видете и ова: Дали Русија стави „отровно апче“ во договорот за прекин на огнот во Црното Море? Овие најави доаѓаат откако Белата куќа на 25 март објави дека и Русија и Украина се согласиле на прекин на огнот и да дозволат пловидба во Црното Море, како и договор да не се таргетираат енергетски објекти.Сè уште има проблеми со спроведувањето на договорот. Киев вели дека ќе стапи на сила веднаш, а Москва дека ќе стапи на сила по делумното укинување на санкциите за руските компании и банки вклучени во меѓународната трговија со храна.Коментарите на Трамп означуваат поместување од мекиот пристап што Белата куќа го зазеде кон Русија откако американскиот претседател го назначи завршувањето на војната во Украина како приоритет на надворешната политика, пишува редакцијата на Радио Слободна Европа на англиски јазик.Во меѓувреме, Зеленски на 30 март рече дека беспилотните летала, бомбите и гранатирањето се одговор на Русија на предлогот на САД за безусловен прекин на огнот.„Путин покажува дека не му е грижа за дипломатијата. Потребни ни се поостри санкции против Русија, повеќе капацитети за воздушна одбрана за Украина и повеќе единство меѓу нашите партнери“, додаде Зеленски.Во услови на дипломатски напори предводени од САД да се постигне прекин на огнот, Киев ја обвини Москва за „воено злосторство“ на 30 март, откако руските беспилотни летала нападнаа воена болница. прочитај повеќе март 31, 2025 Променливо облачно време, попладне со пороен дожд Илустрација Времето денеска ќе биде променливо облачно со повремени врнежи од дожд. Попладне на одредени места ќе биде нестабилно со пороен дожд, грмежи и засилен ветер, соопшти Управата за хидрометеролошки работи (УХМР). Минималната температура ќе биде во интервал од 4 до 9 целзиусови степени, а максималната ќе достигне од 11 до 17 целзиусови степени. Видете и ова: Времето сончево со умерена облачност Во Скопје ќе биде променливо облачно со повремени врнежи од дожд. Ќе дува слаб до умерен ветер од северен правец. Минималната температура ќе се спушти до 9, а максималната ќе достигне до 15 целзиусови степени.Како што информира УХМР, до четврток ќе се задржи променливо облачно и нестабилно време со повремени врнежи од дожд, особено во попладневните часови. Стабилизирање на времето ќе има од петок. прочитај повеќе март 30, 2025 Бројот на загинати во земјотресот во Мјанмар достигна 1.700 лица Земјотрес во Мјанмар, 28 март 2025 година. Бројот на жртвите од земјотресот во Мјанмар продолжи да расте и достигна 1.700 лица во неделата, 30 март, додека странските спасувачки тимови се упатија во сиромашната земја, каде болниците беа преоптоварени, а некои заедници се обидуваа да спроведат спасувачки напори со ограничени ресурси, јави Ројтерс.Во земјотресот од 28 март со јачина од 7,7 степени според Рихтеровата скала, еден од најсилните во Мјанмар во изминатиот век, има и над 3.400 повредени и над 300 исчезнати, соопшти воената влада.Шефот на Воената хунта, високиот генерал Мин Аунг Хлаинг, предупреди дека бројот на жртви може да се зголеми и неговата администрација се соочи со предизвикувачка ситуација, објавија државните медиуми, три дена откако тој упати повик за меѓународна помош. Видете и ова: Повеќе од илјада загинати во земјотресот во Мјанмар Индија, Кина и Тајланд се меѓу соседите на Мјанмар кои испратија помошни материјали и тимови, заедно со помош и персонал од Малезија, Сингапур и Русија.„Уништувањето беше големо, а потребите за хуманитарна помош растат од час во час“, соопшти меѓународната федерација на Црвениот крст и Црвената полумесечина.Соединетите Американски Држави ветија помош од 2 милиони долари „преку организациите за хуманитарна помош со седиште во Мјанмар“ и во соопштението наведоа дека тим за одговор при итни случаи од УСАИД, кој е подложен на огромни намалувања под администрацијата на Трамп, се распоредува во Мјанмар.Предвидливото моделирање на Американската геолошка служба процени дека бројот на загинати во Мјанмар би можел да достигне 10.000 лица, а загубите би можеле да го надминат годишното економско производство на земјата. прочитај повеќе март 30, 2025 Подобрена е состојбата на двајца пациенти од пожарот во Кочани кои се лекуваат во Солун Северна Македонија - дискотеката „Пулс“ во Кочани, 16 март 2025 година. На Клиника за токсикологија во последните 24 часа се примени 4 пациенти од странство и по направените токсиколошки анализи се пуштени на домашно лекување. Сите се во добра општа состојба. За денеска нема најава за враќање други пациенти од странство, соопштија од Министерството за здравство(МЗ). Во текот на вчерашниот ден кај двајца пациенти од Солун има одредено подобрување и се екстубирани, од интензивна нега се преместени на оддел за пластична хирургија. Кај останатите пациенти состојбата од вчера е непроменета. Видете и ова: Двајца пациенти се враќаат од Литванија и Шведска, четворица се во критична состојба Пациентите беа повредени во пожар во дискотеката „Пулс“ во Кочанина 16 март, при што загинаа 59 лица, а околу 200 беа повредени. Повеќе од половина од повредените беа испратени на лекување во странски медицински центри.Министерството за здравство информира дека од вчера нема промени во бројот на хоспитализирани пациенти. Во Скопје вкупно се лекуваат 16 пациенти и се во добра општа состојба. Од нив по шест се во стара градска и ГОБ „8 Септември“, а четири се во приватните болници.Трагедијата во Кочани предизвика низа протестни собири на граѓаните во Северна Македонија кои бараат правда и одговорност за пожарот во дискотеката. прочитај повеќе март 30, 2025 Украина ја обвини Русија за „воено злосторство“ по напад на воена болница Украина - украински пожарникар гасне пожар по напад на руски дрон во Харков, 29 март 2025 година. Украина ја обвини Москва за „воено злосторство“ во неделата, 30 март, откако руски беспилотни летала нападнаа воена болница во Харков, вториот по големина град во Украина, во напади во кои властите соопштија дека загинале две лица.Во нападите во Харков беа погодени и трговски центар, станбен блок и други цели.Генералштабот на украинската армија ја обвини Русија за „прекршување на нормите на меѓународното хуманитарно право“ за време на нападот и го осуди како „намерно, насочено гранатирање“.Во соопштението се наведува дека меѓу жртвите има и војници кои се на лекување во медицинскиот центар, јави украинскиот сервис на Радио Слободна Европа (РСЕ). Видете и ова: Зеленски повика на „силен одговор“ од Западот на руските напади Еден час пред нападот на Харков, украинскиот претседател Володимир Зеленски рече дека Киев очекува силен одговор од западните земји на речиси секојдневните напади од руски беспилотни летала.„Нашите партнери треба јасно да разберат: овие напади не се само напади врз украинските цивили, туку и врз сите меѓународни напори - врз самата дипломатија што се обидуваме да ја искористиме за да ставиме крај на оваа војна“, рече Зеленски во видео обраќање доцна ноќта во саботата.Украинските власти соопштија дека, покрај нападот на Харков, Русија истрелала балистичка ракета и лансирала беспилотни летала кон градовите Дњепар, Криви Рих и Полтава.Најмалку две лица загинаа во нападите во текот на ноќта, а 26 лица се повредени низ целата земја, соопштија украинските власти.Украинскиот претседател рече дека „Русија ги удира позициите на сите што сакаат да ја прекинат оваа војна“, додавајќи дека „невозможно е да се игнорираат стотиците ирански беспилотни летала Шахед што Русија ги лансира секоја вечер.Белата куќа на 25 март објави дека Русија и Украина се согласиле на прекин на огнот и да дозволат пловидба низ Црното Море.Сепак, се уште има проблеми со спроведувањето на договорот. Киев вели дека стапува на сила веднаш, додека Москва рече дека ќе го следи делумното укинување на санкциите за руските компании и банки вклучени во меѓународната трговија со храна. прочитај повеќе март 30, 2025 Нападната деканката на Филозофскиот факултет во Ниш Србија - Наталија Јовановиќ, деканка на Филозофскиот факултет со студенти кои ја почнаа блокадата на факултетот, Ниш, 6 декември 2024 година. Деканката на Филозофскиот факултет на Универзитетот во Ниш, Наталија Јовановиќ, била нападната на 30 март, потврди нишката полиција за Радио Слободна Европа (РСЕ).„Постои сомневање дека со нож била нападната деканката на Филозофскиот факултет на Универзитетот во Ниш. Ѝ се укажува помош во Клиничкиот центар и се работи на расветлување на сите околности за настанот“, велат за РСЕ од полициската управа во Ниш.Деканката Јовановиќ и претходно беше цел на напади и закани, бидејќи ги поддржуваше студентските протести и блокадите на факултетите.Таа била нападната во пресрет на протестот во Ниш, а нејзиниот сопруг за агенцијата Бета изјавил дека до понатамошна наредба ќе биде задржана во Ургентниот центар, не поради повредата, туку поради високиот притисок.Тој исто така изјави дека „зад овој напад стои потписот на (српскиот претседател Александар) Вучиќ, бидејќи тој ја „посочил неа како едно од главните зла во Ниш“. Видете и ова: Ниш под 18-часовна блокада од студенти и граѓани Јовановиќ беше меѓу првите раководители на факултет во Србија што ги поддржа студентските барања, а нејзиниот Филозофски факултет беше првиот во Ниш што ги отвори вратите за студентите од блокадата.Од крајот на ноември, студентите блокираа десетици државни факултети на пет универзитети во Србија.Бараат утврдување политичка и кривична одговорност за падот на бетонската настрешница на Железничката станица во Нови Сад на 1 ноември кога загинаа 16 лица.Бараат и санкционирање на напаѓачите на студентите на протестите по трагедијата и прекин на постапката против уапсените демонстранти.Надлежните тврдат дека се исполнети сите барања на студентите, ги повикуваат да ги отворат факултетите, а академиците велат дека барањата не се исполнети и дека продолжуваат со блокирање на факултетите.Студентските барања ги поддржаа организации на просветни работници, правници, универзитетски професори, земјоделци и други граѓани.Протести предводени од студенти се одржаа во повеќе од 300 градови и населени места во Србија со учество на стотици илјади луѓе. прочитај повеќе Вчитај повеќе...