Претседателот Доналд Трамп изјави во средата дека ќе воведе царини од 10 отсто на целиот увоз во САД, покрај повисоките царини за некои од најголемите трговски партнери на земјата, интензивирајќи ја трговската војна што започна откако тој се врати во Белата куќа.Американскиот претседател Доналд Трамп најави бран нови царини во средата на настанот во Белата куќа што претходно го нарече „Ден на ослободувањето“.Трамп рече дека тоа ќе го воведе „златното доба“ на Америка и додаде дека е време САД да „просперираат.„Тоа е наша декларација за независност“, рече Трамп на настан во градината на Белата куќа.Го покажа плакат на кој се наведени реципрочните царини, вклучувајќи ги и оние од 34 отсто за Кина и 20 отсто за Европската унија, како одговор на нивните царини за американските стоки.Другите детали се нејасни бидејќи Трамп продолжи да ги повторува претходните критики дека глобалната трговија им штети на американските работници и компании, пишува Reuters.Администрацијата на Трамп најави дека новите тарифи ќе стапат на сила веднаш откако претседателот ќе ги објави, но сè уште нема презентирано официјален документ со кој би започнала нивната примена.Сепак, објави дека посебниот сет царини за увоз на автомобили, што Трамп го објави минатата седмицаа, ќе стапи на сила на 3 април. Трамп веќе воведе царини од 20 отсто за целиот увоз од Кина и 25 отсто за увоз на челик и алуминиум, и ги прошири на производи направени од овие материјали во вредност од речиси 150 милијарди долари.Неговите советници велат дека царините ќе го вратат стратешки важниот производствен капацитет во САД. Други економисти предупредуваат дека царините може да ја забават глобалната економија, да го зголемат ризикот од рецесија и да ги зголемат трошоците за живот на просечното американско семејство за илјадници долари....

Миланските фудбалски великани Милан и Интер ремизираа 1:1 во првото полуфинале од Купот на Италија.По првото полувреме без голови, Милан поведе уште на стартот на вториот дел. Абрахам одлично го заврте својот чувар во 47. минута и погоди во спротивниот агол за 1:0. Потоа следеа нападите на Интер, кои беа крунисани дваесетина минути подоцна. Хакан Чалханоглу од 20 метри упати топовски приземен удар за 1:1.До крајот на натпреварот и двете екипи имаа неколку одлични можности да постигнат втор гол и да осварат предност, но останаа неискористени. Интер беше нешто подобар, но голманот на Милан, Маињан беше инспираран оваа вечер.Реваншот на кој Интер номинално ќе биде домаќин ќе се одигра на 23 април.Во вторникот, Болоња дојде до голема предност во второто полуфинале, откако во првиот натпревар го совлада Емполи на гости со 3:0....

Во последниот натпревар во средата од 30. коло на англиската Премиер лига, во голема градска пресметка, фудбалерите на Ливерпул го совладаа Евертон на Енфилд со минимални 1:0.Водечкиот Ливерпул не одигра особено добар натпревар, но сепак беше за нијанса подобрар противник. Решавачкиот гол го постигна Португалецот Диого Јота во 57. минута кога по неколку дриблинзи се најде на патот до противничката мрежа.Ова беше 246-то дерби на Ливерпул во историјата и 100-та победа на Ливерпул. Сега Ливерпул има 12 бода повеќе од второпласираниот Арсенал и е на чекор до 20. шампионска титула.Манчестер Сити рутински го совлада Лестер на својот стадион „Етихад“ со 2:0 голови во воведните 30 минути од натпреварот. Стрелци беа Грилиш во втората и Мармуш во 29. минута. Клубот од Манчестер настапи без повредениот Халанд, како и без Матео Ковачиќ кој остана на клупата.Астон Вила го надигра Брајтон на гости и победи со 3:0 со головите во вториот дел. Стрелци беа Рашфорд во 51., Марко Асенсио во 78. и Мален во десеттата минута од судиското надополнување, со што клубот од Бирмингем остана во трката за едно од четирите најдобри места на табелата што водат до Лигата на шампионите.Во истата борба е и Њукасл кој во ова коло пред своите гледачи го совлада Брентфорд со 2:1. Исак го доведе Њукасл во водство во судиското надополнување на првото полувреме, но гостите израмнија во 66. минута откако Мбеумо беше прецизен од белата точка. Голот за победа на Њукасл го постигна Тонали во 74. минута.Изненадување е победата на Ипсвич над Борнемаут од 2:1, со што го задржа минималните шанси да се спаси од испаѓање од Премиер лигата. Стрелци за победата на Ипсвич беа Бродхед во 34. минута и Делап во 60. минута. Стрелец на единствениот домашен гол за Борнамут беше Еванилсон во 67. минута.По шест првенствени порази во низа, фудбалерите на Саутемптон избегнаа пораз, играјќи 1:1 против Кристал Палас на домашен терен. Саутемптон може да жали што не ја оствари само третата првенствена победа сезонава, бидејќи водеше до 92. минута. Потоа Матеус Франка погоди за конечни 1:1. Пред тоа стрелец за Саутемптон беше Онуачу во 20. минута.Саутемптон и натаму е убедливо последен на табелата, а од претпоследниот Лестер заостанува седум бода. Кристал Палас имаше серија од пет победи пред ова реми, трипати победи во Премиер лигата и двапати во ФА Купот.Последниот натпревар од колото се игра во четврток, а се среќаваат Челзи – Тотенхем....

Белата куќа во средата објави дека Илон Маск ќе остане на должноста додека не ја заврши задачата на новоформираната агенција Оддел за владина ефикасност(DOGE) за намалување на владината потрошувачка и гаснење на секторите кои се неефикасни и расипнички што значи и намалување на бројот на вработените во сојузните агенции, отфрлајќи ги медиумските извештаи дека наскоро ќе ја напушти таа функција и ќе се врати во приватниот сектор.Порталот на весникот Politikо и телевизиската мрежа ABC News претходно во средата објавија дека американскиот претседател Доналд Трамп им рекол на членовите на својот кабинет дека Маск наскоро ќе замине и ќе се врати во приватниот сектор, иако не е јасно дали тоа значи дека Маск ќе замине пред крајот на неговиот мандат на крајот на мај.„Илон Маск и претседателот Трамп јавно кажаа дека Илон ќе се повлече од јавната служба како специјален вработен во владата штом ќе заврши неговата неверојатна работа во DOGE“, изјави портпаролката на Белата куќа Каролин Левит.Маск, најбогатиот човек на светот, беше назначен од Белата куќа за „специјален вработен во владата“, што го ограничува неговиот мандат на 130 дена, што значи дека неговото раководство во операциите на DOGE би можело да заврши најрано на крајот од мај.Мандатот на Одделот за владина ефикасност (DOGE) предводен од Маск ќе трае до 4 јули 2026 година.Минатиот четврток Маск изјави за телевизиската мрежа Fox News дека верува оти неговиот Оддел за владина ефикасност (DOGE) може да заштеди 1.000 милијарди долари, намалувајќи го сегашното вкупно ниво на сојузната потрошувачка, којашто достигнува приближно 7.000 милијарди долари, на 6.000 милијарди долари.„Мислам дека ќе направиме поголем дел од работата потребна за да го намалиме дефицитот за трилион долари во таа временска рамка. Владата е неефикасна и има многу расипништво и измами, така што уверени сме дека намалувањето од 15 проценти може да се направи без да се влијае на некоја од критичните државни служби“, рече Маск.DOGE проценува дека веќе со остварените кастрења од 24 март им заштедил на американските даночни обврзници 115 милијарди долари, преку мерки кои вклучуваат намалување на вработените, продажба на средства и откажување на договори со државата.Технолошкиот милијардер Илон Маск, чија цел, исто така, беше да ја намали државната администрација, изјави минатиот четвртокот дека најголемиот дел од работата за намалување на сојузната потрошувачка за трилион долари ќе биде завршена до крајот на неговиот мандат, односно за 64 дена.Речиси 200.000 вработени се отпуштени, ќе бидат отпуштени или прифатиле отпремнина. Национален протест против DOGE и агендата на Трамп е планиран за сабота.Улогата на Маск во намалувањето на бројот на вработените во администрацијата и сојузните агенции предизвика политички реакции последниве седмици, при што автомобилите и дилерите на „Tesla“ беа погодени од бран вандализам и со употреба на огнено оружје и со опожарување на возилата, како и протести низ целата земја. Возила на „Tesla“ беа цел на вандализам и палења и во Европа, како продукт на пропагандата против Маск од страна на екстремните неолибертатијански естаблишмент и неговите екстремни левичарски активисти, поради строго конзервативните ставови на претприемачот кој финансиски и медиумски ја помагаша кампањата на Трамп....

Во првиот натпревар од 33. коло на Евролигата, кошаркарите на Барселона го совладаа Фенербахче со 83:75 на гостувањето во Истанбул.На полувремето домашните имаа убави 11 поени предност, 50:39. Но во продолжението започна пресвртот кој натпреварот продолжи со пресвртот кој гостите на крајот го завршија со победа. Во воведните осум минути од последната четвртина, Фенербахче постигна само четири поени.Најдобар играч на Барселона беше Џабари Паркер со 24 поени и осум скока, додека Томаш Саторански постигна 15 поени и имаше седум асистенции. Кај домашниот тим се истакна Најџел Хејс-Дејвис со 20 поени и осум скока.На табелата води Фенербахче со 22 победи и 11 порази. Олимпијакос е втор со скор 22-10, додека Панатинаикос и Монако имаат по 20 победи и 12 порази. Барселона сега има 19 победи и 14 порази, а оваа победа многу му помогна на каталонскиот тим кон потенцијален директен пласман во плејофот....

Водството на НБА лигата отвори нова истрага против ѕвездата на Мемфис Гризлис, Џа Морант, поради наводно имитирање пукање од пиштол, објави ESPN.На самиот крај од натпреварот против Голден Стејт Вориорс, Морант мавташе со рацете кон противничката клупа, а тоа изгледаше како да имитира пукање од пиштол.Морант веќе двапати беше суспендиран од НБА поради мавтање со огнено оружје на социјалните мрежи.Првиот инцидент се случи во март 2023 година кога тој мавташе со огнено оружје во видео во живо на Instagram во ноќен клуб во Денвер, поради што беше суспендиран на осум натпревари.Поради друг ист инцидент во мај истата година, беше суспендиран на 25 натпревари....

Претседателот на Република Српска, Милорад Додик, вечерва на социјалната мрежа Х објави дека претседателот на Србија, Александар Вучиќ, го информирал дека Директоратот на Интерпол ја прифатила жалбата на Србија и дека е одбиено барањето на Судот на Босна и Херцеговина за распишување црвена потерница по него и претседателот на парламентот на српскиот ентитет, Ненад Стевандиќ.„Благодарност до претседателот на Србија, Александар Вучиќ за поддршката и јасната и принципиелна комуникација со Интерпол“, напиша Додик.„Благодарам на премиерот на Унгарија, Виктор Орбан, како и на претседателите на сите други земји кои испратија жалба, разбирајќи ја политичката позадина на судскиот прогон на кој сум изложен“, рече Додик.Претходно Додик ги негираше информациите на сараевскиот портал raport.ba нарегувајќи ги лага наводите дека при посетата на Москва во вторникот и средбата со рускиот претседател Владимир Путин добил руско државјанство. На босанскиот портал, имено е објавена и фалсификуван „скриншот“ од веб-страницата на Sputni. Оригиналната верзија на страницата ја содржи веста „Додик пристигна во Москва“, а лажните слики од екранот го содржи наводот „Додик доби државјанство“....

Унгарија би можела да го објави своето повлекување од Меѓународниот кривичен суд (МКС) за време на посетата на израелскиот премиер Бенјамин Нетанјаху, објави во средата весникот The Times of Israel.Посетата на Унгарија, која започнува во четврток, ќе биде прва посета на Нетанјаху на Европа откако МКС издаде налог за апсење по него и поранешниот министер за одбрана Јоав Галант во ноември минатата година, за воени злосторства во Појасот Газа.Како една од основачките земји-членки на МКС, Унгарија е теоретски обврзана да го уапси и екстрадира секој за кого е издадена судска наредба, но унгарскиот премиер Виктор Орбан, уште кога ја упати поканата до Нетанјаху, јасно стави до знаење дека Унгарија нема намера да ја почитува пресудата.Првата посета на израелскиот премиер во странство по издавањето на налогот за апсење на МКС беше во САД во февруари, каде што се состана со блискиот сојузник, американскиот претседател Доналд Трамп. Ниту Израел, ниту Соединетите Американски Држави не се членки на МКС....

Вардар денеска во Велес ги поплави двете страни од кејот, а под вода се дрвјата покрај реката во Градскиот парк.За опасноста од излевање на Вардар, како што изјави директорот на ЦУК Стојанче Ангелов, веќе има дојава до кон Општина Велес и е побарано веднаш да излезат на терен и да извршат правилно и видливо обележување на опасноста.Како што појасни Ангелов, бидејќи се работи за речен тек во урбана средина, надлежноста и обврската во и околу речното корито е на Општина Велес.Инаку во Градскиот парк во Велес, споредено со вчера, Вардар е драстично пораснат, потврдија за МИА велешките кајакари, кои и денеска забрзано се подготвуваат за претстојното Европско првенство.Кајакарот Благојче Гугинов за МИА изјави дека споредено со вчера Вардар во Градскиот парк во Велес е пораснат за околу метар, видливо е дека се поплавени дрвјата на брегот, а и реката денеска е многу побрза од вчера.Инаку вчера Вардар во Велес кај Стар Мост според мерењата на УХМР бил 160, а утрото бил 170 антиметри. Споредено со изминатата недела кога Вардар во Велес беше 86 сантиметри, вчера и денеска нивото на реката е двојно и повеќе пораснато.Како потврда на тоа дека Вардар споредено со вчера е драстичо пораснат говори и податакот од УХМР дека вчера кај Демир Капија, Вардар бил 191, а денеска е на 249 сантиметри...

Израел во средата најави значително проширување на воените операции во Газа, велејќи дека ќе заземе големи области од палестинската енклава и ќе ги додаде во своите безбедносни зони покрај масовната евакуација на населението.Премиерот Бенјамин Нетанјаху рече дека војниците ја заземале областа што ја нарече „оската Морак“, мислејќи на поранешната израелска населба што некогаш постоела меѓу градовите Рафах и Кан Јунис во јужниот дел на Појасот Газа.„Бидејќи сега го делиме Појасот и постепено го зголемуваме притисокот за да ни ги предадатнашите заложници“, изјави Нетанјаху во видео пораката.Рече дека овој потег, кој ќе го отсече Рафах од Кан Јунис, ќе му даде на Израел контрола на втората оска во јужна Газа долж таканаречениот коридор Филаделфи долж границата со Египет, што Израел го смета за клучно за спречување на криумчареното оружје да влезе во Газа.Министерот за одбрана Израел Кац најави претходно во средата дека војниците ќе ги прошират своите операции во Газа за да ги елиминираат милитантите и нивната инфраструктура „и да заземат големи области кои ќе бидат додадени во безбедносните зони на Државата Израел“.Израелската војска веќе издаде предупредувања за евакуација на жителите на Газа кои живеат во некои јужни области, а палестинското радио објави дека областа околу Рафах е речиси целосно испразнета по наредбите за евакуација.Од изјавите на Кац не беше јасно колкава територија има намера да заземе Израел или дали потегот претставува трајна анексија на територијата, што ќе го зголеми притисокот врз населението кое веќе живее во една од најгусто населените области во светот.Според израелската група за човекови права Гиша, дури и пред операцијата, Израел веќе заземал 62 квадратни километри, или околу 17 отсто од вкупната површина на Појасот Газа, како дел од тампон зоната околу рабовите на енклавата.Весникот The Jerusalem Post, цитирајќи го министерот Кац, наведува дека израелската војска се приближува до контрола на 30 отсто од површината на палестинската енклава....

Германските автомобилски концерни BMW и „Volkswagen“ објавија дека значително ја зголемиле продажбата на американскиот пазар во првиот квартал, укажувајќи на големите улоги во трговските тензии во трансатлантските односи.Американската филијала на „Volkswagen“ објави дека продала 87.915 возила во првиот квартал, што е за 7,1 отсто повеќе од истиот период минатата година. Продажбата на теренци е зголемена за 3,9 отсто, на 67.455 возила. Продажбата на патнички автомобили, пак, скокнала за 19 отсто, поддржана од скокот на испораките на моделот „Jetta Sdn“ од 36,5 отсто, покажа извештајот објавен во вторникот.Подружницата на VW – „Audi“ забележала пад на продажбата за три отсто, со остро закрепнување кон крајот на кварталот, при што бројот на испорачани автомобили во март се зголемил за осум отсто во споредба со истиот месец минатата година.Иствоременно BMW објави дека продале 43.619 автомобили под матичната марка на американскиот пазар од јануари до март, што е за 12,7 отсто повеќе отколку во првиот квартал од минатата година. Кога се вклучени лесните комерцијални возила под брендот BMW, продажбата се зголеми за 3,7 проценти, на 87.615 возила. Продажбата на електрични возила на батерии скокна за 26,4 отсто, со испорачани 13.538 возила, покажуваат податоците.Американскиот претседател Доналд Трамп најави дека ќе воведе дополнителни царини од 25 отсто за увоз на автомобили од ЕУ, кои треба да стапат на сила веднаш по неговиот вечерашен говор. Во моментов, САД наплаќаат царина од 2,5 отсто за увоз на автомобили од ЕУ. Царините за пикапи и тешки возила изнесуваат 25 отсто.САД беа главниот извозен пазар за автомобили од ЕУ минатата година, со испораки во вредност од 38,9 милијарди евра, објави во вторникот европската канцеларија за статистика. Вредноста на увозот на американски автомобили во ЕУ изнесувала само 8,4 милијарди евра, пресметале статистичарите. Така, ЕУ забележала суфицит во трговијата со автомобили од 89,3 милијарди евра во 2024 година, покажа извештајот....

На телевизија Алфа во емисијата „За или против“ гостуваше пратеникот од ВМРО-ДПМНЕ, Тони Јаревски кој дискутираше за законското обновување и системското ресетирање на Македонија, за менувањето на законот за јавен ред и мир, воведувањето на драконски казни за присуството на малолетниците во локалите, како и забраната за пиротехника во затворени простори.„Еден од нив е и измените и дополнувањата на Законот за прекршоците за јавниот ред и мир, каде што има повеќе измени коишто би требало да не осигураат дека вакви работи не би можеле повторно да се случат, првично е забраната за користење на пиротехнички средства во затворени простории, има серија измени на глобите за такви потенцијални ризици коишто можат да се случат, проширен е опсегот на прекршоци кои се основа за постапување по законот исто така зголемени и проширени се надлежностите на полицијата“, објасни Јаревски.Во врска со зголемувањето на казните за присуството на малолетници Јаревски додаде дека измените на овој закон посебно ќе важат за сопствениците на локалите и клубовите како и за службите во склоп на локалите кои се задолжени за спроведување на соодветните проверки.„Ги детектира малолетниците коишто ќе бидат отстранети од објектот, но дефинитивно поголема одговорност имаат сопствениците на објектите и службите во рамките на организацијата на локалите коишто навистина треба доследно да си ја вршат својата работата и да ги направат соодветните проверки“, рече Јаревски.Пратеникот истакна дека законот ќе претрпи измени кои ќе наложат соодветните проверки да се извршуваат на секои шест месеци и објасни дека Министерството за транспорт уредно ја спровело својата работа со тоа што за краток период биле извршени соодветни проверки и биле одземени 480 лиценци.„Фрапантно е тоа дека со интензивна работа за еден викенд на администрацијата на Министерството за транспорт успеа да утврдат нерегуларности и потреба од одземање на дури 480 лиценци, она што беше најавено како закон којшто се изготвува се измени со коишто проверките што претходно не беа лимитирани сега ќе треба да се прават секои 6 месеци“, истакна Јаревски.Јаревски објасни дека пратеничката група на ВМРО-ДПМНЕ изминатиот период будно работела на изнаоѓање на добри и соодветни законски решенија.„Се работи на сите полиња, целокупната регулатива, имаме скрининг каде што се утврдуваат потреби се реагира веднаш, и верувам дека ќе имаме добри законски решенија, речиси сите од колегите од нашата пратеничка група работеа на различни решенија и како што видовте имавме плоден, интензивен, динамичен ден каде што многу решенија беа поминати, образложени и очекувам истата динамика да продолжи со исто темпо“, рече Јаревски....

NATO Secretary General Mark Rutte НАТО е тука да остане и Соединетите држави повеќепати ја потврдија својата посветеност на НАТО и членот 5 за заемна одбрана, изјави во средата генералниот секретар на Алијансата, Марк Руте.„Апсолутно сум убеден дека алијансата е тука за да остане. Нивната посветеност е апсолутно јасна“, рече Руте на прес-конференција во Брисел.Сепак, тој додаде дека САД истовремено очекуваат европските сојузници и Канада да ги зголемат трошоците за одбрана на два процента од БДП и повеќе, што, според Руте, веќе се случува.Генералниот секретар одржа прес-конференција пред дводневниот состанок на министрите за надворешни работи на земјите-членки во четврток и петок во Брисел.Тие ќе разговараат за безбедносните предизвици, зајакнувањето на колективната одбрана и подготовките за самитот на алијансата на 24 и 25 јуни во Хаг.Американскиот државен секретар Марко Рубио првпат присуствува на состанокот. Предвиден е и состанок на Советот НАТО-Украина.Руте рече дека сојузниците ветија повеќе од 20 милијарди долари воена помош за Украина во првите три месеци од оваа година.„Заканата со која се соочуваме од Русија останува и Русија продолжува тесно да соработува со Кина, Иран и Северна Кореја на начин што не само што ѝ штети на Украина, туку претставува ризик за НАТО и за целиот свет“, рече Руте....

Игор Ефремов, адвокат на обвинетот Влатко Кешишев тврди дека неговиот клиент не учествувал во никакво грабнување, а уште помалку во убиства.Згора на тоа Кешишев бил во ситуација на пониженост во однос на останатите обвинети, немал право на мислење или заклучок.-Во периодот помеѓу двете грабнувања посакал да оди во Штип кај семејството, но му било забрането од страна на Палевски а имал понуда да оди во Хрватска на работа, но и тоа Палчо не му го дозволил, објасни адвокатот.Според Ефремов, Кешишев е еден вид на заложник на дел од обвинетите и жртва за искористување на нивните потреби.-Се докажа дека постапувал по волја на друг и на начин како што му било наредувано. Не ги пријавил бидејќи му било страв и бил во шок и не можел да излегува од канцелариите, рече адвокатот....

CREATOR: gd-jpeg v1.0 (using IJG JPEG v62), quality = 82 Претседателката Гордана Сиљановска-Давкова, во име на македонските граѓани и во свое лично име, изразува најискрена благодарност до сите пријателски држави што во моментите на национална трагедија и шок, предизвикани од кочанската апокалипса, пружија и сè уште пружаат навремена и несебична помош, водени од принципите на солидарност и хуманост.-Ангажманот на нивните медицински тимови, подготвеноста на авионите и хеликоптерите за итна интервенција, отворањето на здравствените установи за повредените граѓани, како и активирањето на европскиот механизам за цивилна заштита, испратија недвосмислена и силна порака дека во најтешките моменти не сме сами. Тие ја делеа болката со нас, а нивната грижа стана наш заеднички лек. Ја почувствувавме силата на вистинското пријателство преку нивната присутност и поддршка, којашто ќе остане врежана во колективната меморија на нашиот народ. Тажно е што низ болката и ненадоместливата загуба ја спознавме суштинската поврзаност со светот и длабокото чувство на припадност, нешто што не требаше да биде плод на трагедија, се наведува во писмената благодарност.Од срце сме им благодарни, никогаш нема да ја заборавиме помошта од:Република СрбијаРепублика БугаријаРепублика ТурцијаХеленската РепубликаКралството ШпанијаРепублика АвстријаУнгаријаРепублика ХрватскаКралството БелгијаИталијанската РепубликаРепублика ЛитванијаРепублика СловенијаКралството ШведскаРепублика ПолскаДржавата ИзраелРепублика ЧешкаОбединетото КралствоСојузна Република ГерманијаГолемото Војводство ЛуксембургКралството НорвешкаРоманијаРепублика АлбанијаБосна и ХерцеговинаКралството ХоландијаРепублика ФинскаФранцуската РепубликаЕУ...

Американскиот актер Вал Килмер, кој почина во средата на 65-годишна возраст, често беше потценет и покрај неговата извонредна актерска палета – тој беше одличен во комедии, вестерни, криминални драми, музички биографии и акциони-авантуристички филмови.„Ако имаше награда за најнеопеан водечки актер на генерацијата, таа треба да ја добие Вал Килмер“, напиша познатиот критичар Роџер Еберт.Првично како театарски актер, Килмер зачекори на големото платно како рок-ѕвезда во сатиричната комедија на Студената војна од 1984 година „Строго доверливо“.Две години подоцна, тој беше лансиран во ѕвезда како дрзок и премолчен борбен пилот во „Топ Ган“. Таму ја играше улогата на Том „Ајсмен“ Казански, ривал на „Маверик“ кој го играше Том Круз.Разновиден актер чија кариера траеше неколку децении, Килмер глумеше во големи блокбастер филмови, како и независни филмови со помал буџет. Неговата улога на Џим Морисон во филмот „The Doors“, во режија на Оливер Стоун, за животот на фронтменот на познатата рок група, беше многу пофалена.Килмер се подготвувал со месеци, проучувајќи го ликот и делото на Морисон, а во филмот сам ги испеал сите песни, толку убедливо што критичарите тврделе дека е тешко да се разликува неговиот глас од оригиналот на Морисон, пишува агенцијата dpa. Очигледно, ниту тогашните живи членови на The Doors не можеле да го направат тоа. критичари го нарекоа негова најдобра изведба.Но, многу критичари велат дека неговата улога на болниот алкохоличар, коцкар и стоматолог Док Холидеј во филмот „Томбстоун“ од 1993 година, прераскажување на приказната за пукањето на Вајат Ерп во ОК Корал, што некоиПо камео улогата во филмот „Вистинска романса“, напишан од Квентин Тарантино, Килмер глумеше во „Жештина“ заедно со Ал Пачино и Роберт де Ниро, а потоа, меѓу Мајкл Китон и Џорџ Клуни, го глумеше Бетмен.Во 1996 година, списанието Entertainment Weekly напиша статија за Килмер со наслов „Човекот кого Холивуд сака да мрази“, претставувајќи го како вреден, понекогаш мрзлив актер.Репутацијата на Килмер дека е тежок на снимањето, наводно, експлодирала во отворена војна со режисерот на Бетмен, Џоел Шумахер, кој го нарекол однесувањето на неговиот главен актер „тешко и детско“.Џон Франкенхајмер, кој го режираше „Островот на доктор Моро“ со Килмер, беше уште поискрен.„Не ми се допаѓа Вал Килмер“, рече тој. „Не ми се допаѓа неговата работна етика и не сакам никогаш повеќе да ме поврзуваат со него“.Актерот одговори: „Кога некои луѓе ме критикуваат дека сум тежок, мислам дека тоа е покритие за нешто што тие самите не го направиле добро. Мислам дека се штитат себеси“.Новинар кој го интервјуираше Килмер за The News York Times во 2002 година, го отфрли како тежок, опишувајќи го како „пријателски, жив и толку отворен“ што понекогаш открива детали за неговиот живот, а потоа им се смее.Роден е како Вал Едвард Килмер на новогодишната ноќ 1959 година и почнал да глуми како момче во реклами. Тој стана најмладиот човек што некогаш бил примен на драмскиот оддел на престижната њујоршка школа Џулиард и почнал да глуми на Бродвеј во 1983 година, заедно со Шон Пен и Кевин Бејкон.Во 2014 година му беше дијагностициран рак на грлото.Неговиот подем и пад во Холивуд беше тема на интимниот документарен филм „Вал“, кој беше премиерно прикажан на Канскиот филмски фестивал во 2021 година, прикажувајќи го како се бори за воздух по трахеотомија.Килмер „има аура на човек кој се соочил со својата неволја и ја надминал“, пишува американскиот Variety.Кога се врати во улогата на „Ајсмен“ во многу очекуваното продолжение на „Топ Ган“, здравствените проблеми на Килмер во реалниот живот и засипнатиот глас беа вградени во неговиот лик. Тоа беше неговата последна улога.„Наместо Килмер – и навистина, целата идеја за Топ Ган – да се третира како отфрлена носталгија, тој доби целулоидна лебедова песна што ќе го издржи тестот на времето“, напиша GQ.Килмер на својата официјална веб-страница напиша дека водел „магичен живот“.„Повеќе од половина век, ја усовршувам мојата уметност, без разлика на кој медиум. Без разлика дали е тоа литература, филмови, поезија, сликарство, музика или следење на егзотични и убави диви животни“, напиша тој...

Американскиот претседател Доналд Трамп на членовите од неговиот кабинет и други соработници има рекол дека милијардерот Илон Маск наскоро ќе ја напушти својата илога во владата, објави Politico во средата, цитирајќи три извора блиски на американскиот претседател.Трамп како специјален владин службени му довери на шефот и основачот на технолошките гиганти „Tesla“ и „SpaceX“ да ги предводи напори за кастрење на владината потрошувачка и елиминирање на различни сојузни агенции кои непридонесуваат и се расипнички.Во објавата на Politico се наведува дека Трамп и Маск изминатите денови одлучиле претприемачот наскоро да им се посвети на своите компании. Претставниците од Белата куќа и од Оддел за владина ефикасност (DOGE) предводен од Маск не беа веднаш достапни да го потврдат извештајот.Технолошкиот милијардер Илон Маск, чија цел, исто така, беше да ја намали државната администрација, изјави минатиот четвртокот дека најголемиот дел од работата за намалување на сојузната потрошувачка за трилион долари ќе биде завршена до крајот на неговиот мандат, односно за 64 дена.Маск тогаш изјави за телевизиската мрежа Fox News дека верува дека DOGE може да заштеди 1.000 милијарди долари, намалувајќи го сегашното вкупно ниво на сојузната потрошувачка, којашто достигнува приближно 7.000 милијарди долари, на 6.000 милијарди долари.Маск, најбогатиот човек на светот, беше назначен од Белата куќа за „специјален вработен во владата“, што го ограничува неговиот мандат на 130 дена, што значи дека неговото водство во операциите на DOGE би можело да заврши најрано на крајот од мај.„Мислам дека ќе направиме поголем дел од работата потребна за да го намалиме дефицитот за трилион долари во таа временска рамка. Владата е неефикасна и има многу расипништво и измами, така што уверени сме дека намалувањето од 15 проценти може да се направи без да се влијае на некоја од критичните државни служби“, рече Маск....

Министерот за надворешни работи и надворешна трговија, Тимчо Муцунски, од денеска до петок престојува во работна посета на Брисел, Кралството Белгија.Во рамки на посетата, министерот Муцунски одржа одделни обраќања пред претставници на неколку бриселски тинк-тенкови, како и пред Центарот за европски политики (EPC), каде говореше за стратешката определба на државата – членството во Европската Унија.Министерот изрази искрена благодарност до Европската Унија и земјите членки за покажаната солидарност и брзата реакција по трагичната несреќа во Кочани, оценувајќи ја како автентичен пример за европски вредности на дело.Говорејќи за евроинтегративниот процес на државата, Муцунски ја нагласи целосната усогласеност на земјата со Заедничката надворешна и безбедносна политика на ЕУ, како и посветеноста на Владата на реформската агенда. Тој истакна дека државата е технички подготвена за отворање на првиот кластер од пристапните преговори и очекува јасен, предвидлив и кредибилен пат напред – без нови одлагања и блокади.Министерот подвлече дека членството во ЕУ е стратешка определба на државата, а процесот на проширување не смее да се третира само како техничко прашање, туку како прашање поврзано со економски раст, стабилност и заеднички европски вредности.Муцунски порача дека Европската унија мора да го задржи проширувањето како врвен политички приоритет, со јасна и предвидлива траекторија, предупредувајќи дека евентуално одложување на процесот би имало сериозни последици за кредибилитетот на политиката на проширување во регионот на Западен Балкан....

Претседателката на државата Гордана Сиљановска-Давкова денеска примила родители од Здружението на граѓани за третман на лица со аутизам, АДХД и Аспергерог синдром „Во мојот свет“, по повод 2-ри април – Светскиот ден за подигање на свеста за аутизмот.Како што информира Кабинетот на Сиљановска-Давкова, на средбата родителите истакнале дека сè уште се сами во борбата за подобрување на животот на нивните деца и дека отсуствува системско решавање на проблемите.-Родителот, велат тие, нема никаква поддршка. Има многу малку лични асистенти кои им помагаат, тешкиот товар паѓа на нив и затоа дел од нив не работат. Истовремено, поради отсуство на емпатија, секојдневно се соочуваат со чудни погледи и стигматизација на нивните деца. Најболно и најстрашно за нив, истакнуваат, е кога ќе помислат кој ќе се грижи за детето по нивната смрт, се наведува во соопштението.Слушајќи ги проблемите со кои се соочуваат родителите, претседателката потенцирала дека децата треба да ни се најважни, бидејќи, како што рекла, „убедена сум дека секое дете може да дојде до израз ако му се даде шанса“.-Во волонтерството таа препознава едно од можните решенија на проблемот. По примерот на САД и многу други држави, учениците, средношколци и студентите, како волонтери би добивале поени што ќе се земаат предвид при евалуацијата. „Да дадеш нешто, без да бараш ништо за возврат, тоа е едноставно љубов“, смета таа, наведува Кабинетот.Голем проблем на којшто исто така посочиле родителите, се додава во соопштението, е отсуството на разбирање и прифаќање, „за жал, не се разговара ниту во семејството“. Според родителите, децата уште од градинка треба да учат дека некои нивни врсници се поразлични од нив и да ги прифатат како такви и оти само на тој начин ќе се развие инклузивната свесност.-Во оваа насока, претседателката се заложи за креирање интегрално решение коешто ќе вклучи измени не само во законите за основно и за средно образование, туку и во други закони каде посебен дел ќе им биде посветен на децата со попреченост. „На тие деца им е потребно да учествуваат во социјалниот живот, а не да бидат оставени на маргините на општеството“, заклучи таа. Час поскоро треба да се обезбеди простор за Центарот за аутизам во Тетово, со оглед на веќе пристигнатата бугарска донација, информира Кабинетот на Сиљановска-Давкова.Од здружението „Во мојот свет“ укажале дека забрзано расте бројот на лица со аутизам и од 2000 година до сега пораснал за 317 проценти.-Поради недостиг на национален регистар, според статистиката на ЕУ и на СЗО, се претпоставува дека во земјава има од 15 000 до 20 000 лица со аутистичен спектар на нарушување кои нестрпливо очекуваат разбирање и помош, се наведува во соопштението....

Египетската гол-машина Мохамед Салах, чиј договор со Ливерпул истекува на 30-ти јуни, би можел да ја продолжи кариерата во Саудиска Арабија, објавија во средата британските медиуми.Во август 2023 година „Црвените“ ја одбија понудата на саудиски Ал-Итихад, кој понуди 180 милиони евра обештетување, а сега Ал Хилал, според британските медиуми, се подготвува да го направи 32-годишниот Салах најплатен фудбалер во светот.Ал Хилал во своите редови веќе има тројца Бразилци, двајца Срби (Сергеј Милинковиќ-Савиќ и Александар Митровиќ) и двајца Португалци (Рубен Невес и Жоао Кансело). На девет кола пред крајот на саудиското првенство се на второто место со четири бода помалку од водечкиот Ал-Итихад, во кој најголема ѕвезда е францускиот центарфор Карим Бензема.Салах е најплатен играч на Ливерпул со годишна плата од 22 милиони евра, но тој е и најпродуктивниот играч на „Црвените“. Оваа сезона постигна 32 гола и имаше 22 асистенции во сите натпреварувања. Тренерот Арне Слот и навивачите на Ливерпул секако би сакале тој да остане на „Енфилд“, бидејќи ова лето најверојатно ќе останат без двајца стандардни првотимци, десниот бек Трент Александер-Арнолд и централниот бек Вирџил ван Дијк. Сепак, според британските медиуми, Салах е сè повеќе склон кон идејата кариерата да ја продолжи во Саудиска Арабија, каде веќе играат бројни светски фудбалски ѕвезди.Египетскиот напаѓач е едно од најдобрите засилувања на сите времиња донесени од Ливерпул. Тој пристигна на „Енфилд“ во јули 2017 година од Рома во трансфер вреден 42 милиони евра и постигна 182 гола на 279 натпревари за „Црвените“....

Одделот за внатрешна контрола, криминалистички истраги и професионални стандарди при Министерството за внатрешни работи до надлежното Основно јавно обвинителство Охрид поднесе кривична пријава против А.М., полициски службеник во ПСОН Охрид при СВР Охрид, поради постоење основи на сомнение дека сторил кривично дело „неовластено производство и пуштање во промет на наркотични дроги, психотропни супстанции и прекурзори “ по член 215 став 1 од КЗ.Во временскиот период кога полицискиот службеник А.М. бил предвиден за работа и извршувал работни задачи на обезбедување на вила „Бела“ (поранешна вила „Македонија“), сопственост на Министерството за внатрешни работи, од страна на вработени во Одделот за внатрешна контрола, криминалистички истраги и професионални стандарди бил извршен преглед врз А.М. и работната просторија – стражарската куќарка, при што од прегледот во работната просторија, на работната маса била затекната метална лажица во која имало бела прашкаста материја, хартиена салфетка во која имало бела прашкаста материја и мало пластично шише со неозната течност, со импровизирана цевка од банкнота од 10 денари, затворено со алуминиумска фолија на отворот на шишето, на која имало остатоци од засега неутврдена материја.Од страна на вработени од Одделот за внатрешна контрола, криминалистички истраги и професионални стандарди А.М. бил известен за потребата од испитување за присуство на матаболити од наркотични средства во урината во Институтот за судска медицина во Скопје.Од страна на доктор на Итна медицинска помош Охрид било утврдено дека А.М. е во добра општа состојба и може да патува во Скопје, но истиот одбил да соработува со вработените на Одделот и да се подложи на испитување.Против А.М. од страна на Одделот за внатрешна контрола, криминалистички истраги и професионални стандарди веќе е покрената дисциплинска постапка и задолжителна мерка за отстранување од работното место- суспензија од работното место....

Цените на нафтата се стабилизираа над нивото од 74 долари за барел на меѓународните пазари во средата додека трговците го чекаа објавувањето на новите царини во САД, за кои стравуваат дека може да предизвика ескалација на трговската војна и да ја намалат глобалната економија и побарувачката на енергенси.На лондонскиот пазар со барелот нафта попладнето се тргува по 32 центи пониска цена од вчерашното затворање на тргувањето, по 74,17 долари. Речиси за исто толку барелот поевтини и на американскиот пазар каде се тргуваше за 70,95 долари.Организацијата на земјите извознички на нафта (OPEC) засбно објави денеска дека барелот од референтната нафтена кошница на нејзините членки во вторникот поскапел за 54 центи на 77,43 долари.Вниманието на трговците насочено кон Вашингтон. Американскиот претседател Доналд Трамп ќе воведе нови царини во среда навечер, потврди во вторникот Белата куќа, без да даде детали за обемот и нивото на трговските бариери.Со седмици наназад Трамп го најавувапе 2 април како „Ден на ослободувањето“, носејќи нови царини за сите земји коишто имаат царини за американски производи а со кои САД имаат трговски дефиците, што би можеле да го разнишаат глобалниот трговски систем.САД веќе повторно ги воведоа царините за увоз на челик и алуминиум, а во четврток ќе воведат и царини за увоз на автомобили. Давачките на автомобилски делови би требало да стапат на сила најдоцна до почетокот на мај.Канада и Кина веќе возвратија на царините, ЕУ ги одложи најавените царини до средината на април, а Мексико го испрати својот министер за индустрија во Вашингтон на преговори.Пазарите стравуваат дека трговската политика на американскиот претседател може да ја поттикне инфлацијата и трговските конфликти и да го забави економскиот раст, што би значело и послаба побарувачка за енергетски производи.„Цените пораснаа во март и сега се сместија на 75 долари во Лондон, а вниманието од намалената понуда поради американските санкции се префрли на најавите за царини на Трамп и нивното можно негативно влијание врз економскиот раст и побарувачката“, објаснува Оле Хансен од „Saxo Bank“.Трговците сакаат да знаат дали САД, исто така, ќе воведат царини за увоз на нафта, што би можело да ги зголеми цените на рафинираните производи, додава Хансен.Пресметките покажуваат дека нафтата, генерално, би можела да поевтини бидејќи поумерените царини веројатно нема да ги зголемат цените во Лондон, додека позначајните давачки би можеле да предизвикаат бран на продажба, објаснуваат аналитичарите на BMI.Побарувачката во САД е мешана, со пад на залихите на бензин за 1,6 милиони барели минатата седмица, а залихите на сурова нафта се зголемија за шест милиони барели, според изворите кои се повикуваат на податоците на API. Министерството за енергетика во текот на денот ќе објави официјални податоци....

Сенатот на Универзитетот „Св. Кирил и Методиј“ на 19-тата седница ја избрал проф. д-р Гордана Лажетиќ за овластено лице за прием на пријави за корупција.Проф. Лажетиќ е редовен професор на Правниот факултет „Јустинијан Први“ на УКИМ. Нејзината надлежност како овластено лице вклучува прием и обработка на пријави во рамки на Универзитетот, согласно Законот за високо образование и универзитетските правилници.Целта е зајакнување на транспарентноста и етичките стандарди во академската заедница.Со Правилникот за работата и надоместокот на овластено лице за прием на пријави на корупција на Универзитетот „Св. Кирил и Методиј“ во Скопје е утврдено кој може да поднесе пријава за корупција, како се поднесува пријава и постапување и одлучување.Правилникот е достапен на линкот: https://ukim.edu.mk/ovlasteno-lice-za-prijavi-za-korupcija/...

„Преку леб-погача“. На оваа народна поговорка ми текнува кога кога го гледам триото Трендафилов-Дејановски-Пешевски како се обидуваат од петни жили, на грбот на работниците да си ги оправдаат огромните плати кои ги земаат, анализира Коле Чашуле во неговата емисија „СЕДМИЦА“.-Видоа дека новата Влада од првиот ден е посветена на работниците и на покачување на стандардот, па си рекоа „Дајте додека е моментот да искористиме и ние нешто“. Од доаѓањето на власт, првата работа која ја направи Владата беше ребаланс на буџетот за да илјадници луѓе не останат без плати затоа што нивните претходници си правеле математика само до избори, рече тој.Целата емисија на Чашуле за оваа тема, слушнете ја во видеото:...

Премиерот на Македонија и лидер на владејачката ВМРО ДПМНЕ, Христијан Мицкоски, ќе има средба со првиот човек на опозициската СДСМ, утре во Владата.Согласно јавната комуникација и упатените иницијативи и демонстрираната подготвеност од двете страни, за утре во 14 часот е закажана средба меѓу премиерот Христијан Мицкоски и претседателот на СДСМ, Венко Филипче.Во изјава за медиумите во Штип, Мицкоски искажа подготвеност за средба со Филипче, кој денеска повика на политички и општествен дијалог.Филипче на прес-конференција рече дека по трагедијата во Кочани граѓаните реагираа со револт и бес, системот не функционира како што треба, а за тоа вина, како што посочи, имаат сите политички партии. Областите каде што треба системски пристап, според Филипче се – образование, здравство, правосудство, животна средина, партизација и политизација.Премиерот Мицкоски, пак, кажа дека ова е сериозна тема за која се разговара.„Доколку има план како што најавија, подготвен сум да го примам на средба пртседателот на СДСМ да го образложи планот, да го слушнеме планот бидејќи се сериозни времиња, јас сум сериозен човек, сериозни работи се во прашање и најмалку што треба да се прави е естрада на јавна сцена. Доколку навистина има план и желба да помогне стојам на располагање во секое време ќе го прераспределам мојот распоред, на полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши. Но, доколку планот опфаќа пристап „Стабри“, како што беше во минатото за време на короната тогаш такви планови не можам да прифатам“, изјави Мицкоски....

Околу 150 навивачи на Челзи и на Манчестер Сити на кои им беше забранет влез на стадионите нема да можат да патуваат во САД за време на Светското клупско првенство на кое нивните клубови се натпреваруваат летово, објави во средата британската влада.Лондон веќе неколку години ги користи овие мерки за големи фудбалски натпреварувања (Светско првенство, Евро, итн.) против „мало малцинство на попречувачки и насилни навивачи“.Поточно, од овие навивачи „ќе се бара да ги предадат своите пасоши на полицијата меѓу понеделник 9 јуни и недела 13 јули 2025 година“, според британското Министерство за внатрешни работи. Во овој период може да се издаде специјална дозвола за патување во странство, освен во Соединетите држави, додава Министерството.Лицата кои нема да ја почитуваат оваа забрана или ќе се обидат да ја заобиколат се соочуваат со „тешка парична казна“ и затвор до шест месеци, предупредува Министерството.Како што соопштија британските власти, мерката ја почитувале 99 отсто од Англичаните и Велшаните кои биле погодени од забраната за патување за време на Еверопското првенство минатата 2024 година. Според проценката што ја дадоа пред почетокот на првенството во Германија, станува збор за „повеќе од 1.600“ луѓе.Од 1 август 2024 година, во Англија и Велс беа воведени вкупно 2.172 забрани за влез на стадиони. Тие се издаваат против лица кои се прогласени за виновни за насилство или уништување на терен, употреба на пиротехнички средства или дури и ширење на онлајн содржина што поттикнува омраза.Светското клупско првенство ќе се одржи во САД од 14 јуни до 13 јули. Англија таму ќе ја претставуваат Челзи и Манчестер Сити....

Апелираме до синдикатот да не ја злоупотребува ситуацијата во државата и да не се обидува да ја извитопери дебатата со нешто кое е еднакво важно и за нас како влада, а тоа е состојбата на работниците, се наведува во владиното соопштение.„Со обиди за компарации на плати и популистички изливи на агресија само се докажува партиската позадина на дел од раководството на синдикатот. Кога прават компарација на плати, да ги потсетиме дека ние како влада бевме против кога платите на функционерите се зголемуваа, а синдикатот тогаш молчеше за своите партиски миленици од СДСМ и ДУИ. Како што молчеа со години додека СДСМ беше на власт, а државата ја уништуваа, ограбуваа и продаваа. Но тоа е зад нас. Ние на овој проблем гледаме како на проблем на тешката и сложена социоекономска состојба во државата, а не на персоналните политички амбиции на дел од раководството на синдикатот. Нивото на дискусија да ги спуштиме сите платите – за нас не е проблем и да ги спуштиме платите, но на работниците тоа нема да им го реши проблемот. Притоа, да потсетиме дека ова е прва влада која донесе одлука за замрзнување на платите на функционерите“, велат од Владата.Од таму поралуваат: Истовремено, за премиер да има иста плата со претседател на синдикат, треба претседателот на синдикатот да победи на избори на првите наредни парламентарни избори, а пред тоа да има договор да се најде на листите на СДСМ.„Тогаш, ако го изгласа народот, ќе видиме дали така лесно ќе се откажува од платата. Штом е така подготвен коцкарски да се откаже од својата плата, лошо зборува за него и за блеферската природа на неговата личност. Впрочем, само човек што има многу пари со леснотија може да се откаже од пола плата. Апелираме затоа да внимава, затоа што прави очигледна Фројдова грешка со која покажува дека за него парите не се проблем, зашто преку ноќ, во излив на блеф и партиски мотив, кажува дека е подготвен да се откаже од своите примања. Исто така, сметаме дека проблемот на работниците може да се реши системски и со вистински пристап. Сегашниот пристап на овие луѓе е погубен, и тие играат рулет со нешто кое за нив е обид за политичка кариера и злоупотреба, а за нас е прашање на живот, тоа е животот на работниците. Со сила и со ваква очигледна партиска мотивираност и со малициозен и неразумен пристап, ништо нема да постигнат. Зошто молчеа 7 години? Народот тоа го гледа. И прави разлика“, велат од Владата.„Ние се трудиме и ќе се трудиме да наоѓаме решение за работниците, затоа што тоа е проблем наталожен и на државата и на сите нас. Ние сочувствуваме со тешката состојба и со проблемите на нашиот народ, и од таа наша мисија нема да нè оттргнат партиски мотивирани самонаречени синдикалци кои тераат партиска агенда на партиите СДСМ и ДУИ, против кои збор не зуцнаа цели 7 години и соработуваа со нив, уживајќи во благодетите на синдикалниот живот“ – се наведува во владиното соопштение....

Претставници на министерства, агенции и други институции учествуваат на дводневна работилница наменета за целта, функциите и улогата на СиРеРа електронскиот систем за координација на политиката за рамномерен регионален развој, во кој се внесуваат податоци од институции вклучени во нејзиното спроведување.Министерот за локална самоуправа, Златко Перински, денеска на отворањето на дводневната работилница, информираше дека Министерството за локална самоуправа посветено работи на обезбедување навремено и системско пополнување на системот и веќе 20 државни институции внесуваат податоци во него, зголемувајќи ја транспарентноста и подобрувајќи ја координацијата на политиката за регионален развој.„Нашата цел е да изградиме функционална база на податоци, која ќе овозможи подобра анализа и носење на информирани одлуки. Крајната цел на сите нас е еднаков развој на сите региони во државата, а тоа секако се постигнува со креирање на политики на база на сигурни податоци, што ни ги овозможува овој систем“, порача министерот Перински. Тој посочи дека планирано е во 2026 година, СиРеРа системот да се поврзе со ИФМИС системот, што ќе овозможи автоматско повлекување на податоци.Овој систем, поддржан од Владата на Швајцарија, веќе е вклучен во скрининг процесот на Европската унија за напредокот на нашата држава во Поглавје 22. Со тоа, обврската за редовно пополнување на базата дополнително се зацврстува и станува важен сегмент во процесот на европската интеграција на нашата земја....

Деновиве на социјалните мрежи стана вирална објавата од еден медиум за катстрофалната состојба во која се наоѓа спортската сала „Нико Нестор“ од Струга. Во неа, како што напишаа „Салата пропаѓа бидејќи не се знае кој е сопственик и кој ја стопанисува“ односно дека правниот субјект Сојуз на спортови кој до сега ја стопанисувал бил под стечај (?). Па, затоа решивме подлабоко да се запознаеме со овој проблем на стружани. Во име на вистината и објективното информирање се обидовме да го контактираме претседателот на Сојузот на спортови од Струга, г-дин Ѓорѓи Чуркоски и директорката на СОУ „Нико Нерстор“- Струга г-ѓа Кети Јанкоска, но за жал ниту еден од нив не ни одговори на повиците, затоа решивме сами да го истражиме случајот собирајќи ги сите информации кои ни стојат на располагање од институциите, клубовите и објавите на социјалните мрежи.Накратко за салата „Нико Нестор“ од Струга. Можеби не е за верување, но истата е спортска арена во која функционираат и се натпреваруваат неколку суперлигашки спортски клубови во ракомет и кошарка. Ако денес влезете во неа ќе ве затекне атмосфера на руина и распад налик на објектите после чернобилската катастрофа. Покрај искршените стакла на страната, честото паѓање на кровните стакла за време на тренинзите и натпреварите, прокиснувањето и дотраената електрична инсталација која колабира на секој половина час. Ќе ве затекне и одвратна миризба која се шири од санитарните јазли од подтрибинскиот простор и мувла на ѕидовите која се таложела долги години. Подлогата на салата, пак, многу стар и дотраен линолеум поставен пред речиси педесет години, на места до толку деформиран што спортските топки не отскокнуваат воопшто.Чија е спортската сала?На документ истата припаѓа на СОУ „Нико Нестор“ и Сојузот на спортови Струга кој е правен наследник на Сојузот за физичка култура – СОФК-а, важна спортска организација која во минатото го организираше целокупниот спортски живот во градот и ја организираше популарната Спортска вечер се до 2014 година. Нејзин претседател е Ѓорѓи Чуркоски, а управниот одбор е сочинет од:Никола Попоски – Пинг понг клуб Струга;Здравко Стефаноски – Шаховски куб Стефо БалтоФијат Шате – ФК ВлазнимиДраган Ќелешоски – КК Црн ДримВладимир Кавај – Едриличарска федерацијаНикола Таштаноски – ФК КараорманЈован Трпеноски – ЖРК СтружанкаАрбен Борова – ОФС СтругаНаумче Мојсоски – РК СтругаИлија Николиќ – Кајакарски клуб Црн ДримГоце Трајаноски – Стрелачки сојузРисто Талевски – Тријатлон клуб ТитаниЗдравко Голабоски – Веслачки клуб Црн ДримЃорѓија Стојанов – Џудо клуб Црн ДримДел од нив се одзваа на нашето барање за подробни информации за функционирањето на Сојузот со одговор дека до сега никој, никогаш не ги повикал на состанок, а камо ли на годишно Собрание и дека не се запознаени за стопанисувањето со спортската сала бидејќи ниту еднаш не биле свикани да им се даде отчет за финансиското работење.Кој е Ѓорѓи Чуркоски?Според документите од централниот регистар на Република Македонија, Ѓорѓи Чуркоски е пензионер, претседател на Спортскиот сојуз – Струга, претседател на Пливачкиот клуб Струга, член на неколку управни одбори на спортски клубови, поранешен претседател на ФК Караорман, поранешен претседател на ОО СДСМ Струга и поранешен директор на Центарот за култура Браќа Миладиновци од Струга. За неговото име се врзани неколку контроверзии, меѓу кои и бесправното тампонирање на струшкото пливалише во време на пандемијата и рестрикциите за движење на населението.Што велат стружани?Еден спортист вели: „Срамота е ова што се случува со салата, но некако сега им текна да се разбудат и да поставуваат прашања и тоа преку медиум каде новинар е новинарот побратим на Наумче Мојсоски, кој пак додека беше претседател на Агенцијата за спорт и млади една шајка не закова во салата, а воедно беше и претседател на клубот и член на управниот одбор на Сојузот кој ја стопанисува салата…“.Еден професор по Физичко образование тврди: Салата ја користиме претпладне и е ужасна, во секој момент може да ни се случи катастрофа со тешки последици. Чувај боже! Вратите се швајцувани со железни мрежи, еден нема да се спаси ако дојде до катастрофа, не дај боже.Еден поранешен спортист и репрезентативец прашува: Кој го штити Ѓоко Чурка пред законот? Долги години зема пари од клубовите кои се уплаќаат на сметката на сојузот, како тоа бил сојузот под стечај? Тоа не е фирма! Кој го спаси од случувањата во Дом на култура од каде што беше избркан? Кој му направи поле да го оштети ФК Караорман преку тужби и да му земе големи отштети? Кој го спаси во дубиозното издавање на шанкот на Пливалиште во кој од струен удар од неправилно инсталирана струја починаа нашите сограѓани докторите Јоско и Кире и младиот Шишко? Како е возможно сега да се разбудат заедно со директорката Кети и управата на РК Струга дека салата не чини кога тие ја стопанисуваат заедно од 2014 година? Аман, доста веќе со тој Ѓоко, гробарот на струшкиот спорт!На кој градоначалник да му се отстапи спортската сала, на оној истиот што дозволи наводна спортска сала на брегот на езерото а испадна салон за свадби и веселби? На оној ли градоначалник што насилно влезе во старата училишна зграда на ОУ Браќа Миладиновци и си ја претвори во општинска зграда за потоа на неа да постави табла со глорификација на фашистичката окупација? На истиот ли градоначалник што катадневно дозволува узурпација на државното земјиште од страна неговите локални шерифи? Уште тоа остана да му се даде на Рамиз Мерко, па да не остане ниту еден македонски коуб во салата!, додава еден поранешен член на Спортски сојуз струга.Поради лична безбедност побараа сите соговорници побараа да останат анонимни....

Извозот на течен природен гас (LNG) од САД нагло се зголеми во март благодарение на новата фабрика на „Venture Global“, покажаа прелиминарните податоци на LSEG, при што повеќето пратки повторно се испорачуваат во Европа.Денес САД се најголемиот извозник на течен гас во светот, а претседателот Доналд Трамп вети уште поголемо производство и извоз со прогласување „вонредна состојба во енергетскиот сектор“.На првиот ден од неговиот нов претседателски мандат, Трамп го откажа мораториумот за издавање дозволи за нови проекти за LNG, а две седмици подоцна Министерството за енергетика одобри изградба на нов објект за компанијата „Commonwealth LNG“ што ќе доставува течен гас во Европа и Азија.Претходно оваа година, „Venture Global“ започна со производство во нов капацитет во Плакеминес, во сојузната држава Луизијана, кој произведе 2,136 милијарди кубни стапки (60,5 милиони кубни метри) гас во вторникот, според податоците на LSEG.Благодарение на новата фабрика, САД во март извезле 9,3 милиони тони течен гас, 11,4 отсто повеќе отколку во февруари, покажуваат податоците на LSEG.Новата фабрика на „Venture Global“ е составен дел од првата фаза на идниот комплекс и веќе го надмина капацитетот за 40 проценти, се вели во забелешката на инвестициската банка „Tudor Pickering Holt & Co“, со учество во вкупниот американски увоз од девет проценти, покажуваат податоците на LSEG.Најголем купувач на американски течен природен гас во март беше Европа, која увезла 6,47 милиони тони или 70 отсто од испораките, покажуваат податоците на LSEG. Увозот сѐ уште е помал од февруари, кога американските производители испорачаа 6,82 милиони тони на купувачите во Европа, а учеството на Европа во американскиот извоз беше 82 отсто.Цените на гасот паднаа во март на месечна основа и во Азија и во Европа, но падот беше поостар на Стариот континент, па Азија беше поатрактивна за американските производители отколку во февруари, покажуваат податоците на LSEG.На референтната европска дигитална берза TTF, гасот чинеше просечно 13,21 долари по британска топлинска единица (mmBtu) во март, што е во просек за 13,6 отсто поевтино отколку во февруари. На референтната азиска берза ЈКМ поевтини за 6,3 отсто, на 13,50 долари.Во такви услови, извозот на американскиот LNG во Азија се зголеми за повеќе од двојно во март во однос на февруари, достигнувајќи 1,64 милиони тони. Нејзиното учество во вкупниот извоз скокна од осум на 17 отсто.Извозот во Латинска Америка беше стабилен, со испорачани 550.000 тони LNG, според податоците на LSEG....

Обезбедуваме 12,7 милиони евра за реконструкција на воената болница во Скопје и модернизација на охридскиот аеродром. Преку предлог Законот за даночно ослободување, со цел склучување анекс на договорот за концесија со компанијата ТАВ Македонија, кој од минатата недела беше поднесен од пратениците, ќе се инвестира во клучна транспортна и здравствена инфраструктура, вели Драгана Бојковска, пратеник на Пратеничката група на ВМРО-ДПМНЕ.-Во главната градска болница во Скопје, повеќе нема да се оперира под покиснати тавани, пациентите и медицинскиот персонал нема да се возат во темни и застарени лифтови. Операционите сали пак, ќе се срушат до нула, а на нивно место ќе се изградат нови, во кои ќе има најсовремена хируршка опрема. Ќе се реконструира и одделението за интензивна нега, како и лабораториите. Скопската воена болница ќе добие целосно нов лик и биде додадена вредност во македонското здравство, рече таа.Охридскиот аеродром пак, ќе биде реконструиран за прв пат по неговата изградба.-Се предвидува нова административна зграда, нов простор за обезбедување, целосна реконструкција и адаптација на постојната терминална зграда. Проект кој ќе придонесе кон подобри услови како за патниците, така и за вработените на аеродромот. Сево ова ќе биде финансирано од компанијата ТАВ Македонија, кои исто така ќе бираат и проектанти и изведувачи, како дел од обврските кои ги имаат спрема државата, вели пратеничката.Таа посочи дека ВМРО-ДПМНЕ создава трајни вредности, за Македонија да стане подобро место за секого.-Па затоа, ги повикувам пратениците од сите политички партии да дадат поддршка за законот кој ќе ги овозможи овие клучни капитални инвестиции, рече Бојковска....

Инспектори од повеќе од 30 земји разбиле огромна педофилска мрежа со речиси два милиони корисници ширум светот и уапсиле 79 лица, соопшти денеска полициската агенција на ЕУ, Европол.Како што пренесе ДПА, 79-те лица не само што се осомничени дека гледале или преземале видеа со сексуална злоупотреба на деца, туку и некои од нив се осомничени дека активно учествувале во злоставување.Платформата, позната како Кидфликс, била отстранета од интернет под раководство на властите во Баварија.Според Европол, ова била една од најголемите светски педофилски мрежи и ја означува најобемната операција против сексуална злоупотреба на деца во Европа досега....

Министерството за здравство информира дека тројца пациенти од повредените лица од пожарот во Кочани се враќаат во земјава, од кои двајца беа хоспитализирани во Грција и еден пациент во Шведска. Согласно протоколите ќе бидат задржани под 24-часовен надзор.Во Србија остануваат хоспитализирани 23 пациенти, Бугарија 14 паценти, Турција 10 пациенти, Грција 8 пациенти, Словенија 4 пациенти, во Унгарија, Хрватска, Шпанија, Австрија и Литванија се хоспитализирани по 3 пациенти, во Италија и Полска по еден пациент.Во Скопје, на Клиниката за токсикологија вчера беше хоспитализиран пациент по враќање од Полска, истиот денеска се пушта на домашно лекување.На Клиниката за пластична хирургија остануваат двајца пациенти, а во Хируршката клиника Св.Наум Охридски 6 пациенти.Во ГОБ 8 Септември се хоспитализирани 5 пациенти, од кои еден е планирано да биде пуштен на домашно лекување, на Клиниката за пулмологија двајца пациенти, а во приватната болница Систина се хоспитализирани тројца пациенти.Министерството за здравство внимателно ја следи состојбата на повредените пациенти и останува во постојана комуникација со медицинските тимови во земјата и странство, посветено на обезбедување најдобра можна нега за повредените од несреќата во Кочани....

Индустриското производство во февруари годинава во однос на февруари минатата година бележи пад од 0,8 проценти, а пораст од 0,2 проценти во првите два месеца од годинава во однос на истиот период од 2025 година, објави денеска Државниот завод за статистика.Гледано по сектори, индустриското производство во секторот Рударство и вадење на камен во февруари 2025 година, во однос на февруари 2024 година, бележи опаѓање од 4,4 проценти, исто така опаѓање од 7,7 проценти во Снабдување со електрична енергија, гас, пареа и климатизација, а пораст од 1,7 проценти во Преработувачка индустрија.Зголемувањето во секторот Преработувачка индустрија е резултат, пред сѐ, на зголеменото производство во одделите: Производство на тутунски производи, Производство на облека, Печатење и продукција на снимени медиуми (записи), Производство на основни фармацевтски производи и фармацевтски препарати, Производство на производи од гума и производи од пластични маси, Производство на други неметални минерални производи, Производство на метали, Производство на електрична опрема и Производство на мебел.Според главните индустриски групи, производството во февруари 2025 година, во однос на февруари 2024 година, бележи пораст кај Интермедијарни производи, освен енергија за 11,7 проценти, Трајни производи за широка потрошувачка за 13,2 проценти и Нетрајни производи за широка потрошувачка за 1,9 проценти, додека опаѓање бележи кај Енергија за 8,3 проценти и Капитални производи за 12,1 процент....

Градоначалникот Орце Ѓорѓиевски по синоќешните случувања, во кои му се приклучи на градоначалникот на општина Студеничани, Азем Садику, со справување со надојдените води на Маркова Река за ситуацијата што побрзо да се стави под контрола, упати силна порака- во моменти на криза, не постојат институционални граници, постојат само човечки животи. Потенцираше дека во критични моменти не треба да се чека, туку да се делува – со срце, со раце, со присуство на терен. Тој упати благодарност до сите што помогнаа, но и остра критика кон оние кои кризата ја користат само за политички поени.-Во ноќите кога државата најмногу треба да биде држава, нема надлежности – има само човечки животи.Кога има несреќа, никој не треба да гледа дали надлежноста е на една или на друга институција, град или општина. Во тие моменти, единствено важно е да се покаже емпатија и солидарност со луѓето. Така постапивме и оваа ноќ. Заедно со моите колеги, Азем и Дејан – градоначалниците на Студеничани и Аеродром – останавме до раните утрински часови.Иако надлежноста е на Градот Скопје, од кој веќе подолго време бараме санација на коритото на Маркова Река (за што уредно имаме доставено документација и известување дека „нема предвидени средства“), решивме да не чекаме уште една трагедија. Презедовме активности веднаш. Како луѓе, како јавни личности, како совесни политичари.Во текот на ноќта, со лична ангажираност, учествувавме во евакуацијата на нашите сограѓани: Енис, Фуркан, Хамза и Али, кои беа заглавени во надојдените води – сега се безбедни.Мустафовски, кој беспомошно се бореше да не стане жртва на разбеснетата река – денес е дома. И уште многу други – денес се живи и со своите семејства благодарение на брзата реакција.Изразувам искрена благодарност до премиерот Христијан Мицкоски, кој веднаш се стави на располагање и со кого бевме во постојана комуникација до доцна во ноќта. Благодарност и до сите колеги, волонтери и граѓани кои не прашаа „чива надлежност е“, туку помогнаа – со срце и со раце.Но, секогаш кога има неволја, додека едни помагаат, други прават статуси од топлината на својата дневна соба. Наместо да излезат на терен, некои чекаат да се случи нешто лошо, за да ја напишат својата следна критика. Тоа не е политика. Тоа е бедна навика што ќе остане зад нас. Засекогаш!Политичар се покажува кога е најтешко. Кога не се штедиш, кога не се криеш, кога не глумиш статуси, туку си таму, со луѓето. Во првите редови.Народот знае! И времето ќе покаже: Кој доаѓа; Кој заминува; А кој ќе се збогува засекогаш од политичката сцена, изјави Градоначалникот, Орце Ѓорѓиевски....

Директорот на Бирото за јавна безбедност при МВР Александар Јанев денеска ја отвори работилницата на Интерпол за сребрена потерница, која се одржува од 2-3 април 2025 година во Скопје, на која учествуваат околу 60 јавни обвинители, полициски службеници и претставници од финансиски институции надлежни за враќање на криминално стекнат имот, од Европските држави и САД.Работилницата е фокусирана на дискусија за имплементација на новата уникатна алатка на ИНТЕРПОЛ, преку која на државите членки им се овозможува поуспешна борба против организираниот и сериозен криминал и зајакната меѓународна полициска соработка, преку упатување на барања и размена на информации за лоцирање, идентификување и добивање податоци за криминално стекнат имот во странство.Како дел од експертската работна група на ИНТЕРПОЛ за сребрена потерница меѓу 32 држави од светот, како и дел од пилот проектот за сребрена потерница меѓу 51 држава од светот, нашата држава е единствената држава од регионот на Западен Балкан, која дава активен придонес во пилот фазата за распишување на сребрени потерници, со воспоставена тесна координација на национално ниво помеѓу сите надлежни служби за спроведување на законот.Процесот за враќање на криминално стекнатиот имот е од особена важност во борбата против криминалот и корупцијата, придонесува кон разбивање на криминалните мрежи и зацврстување на довербата кај граѓаните. Преку враќање на криминално стекнатиот имот, се удира директно во главниот двигател на криминалната активност – стекнувањето профит и значителната економска позадина, која е од суштинско значење за функционирањето на криминалната мрежа, а од друга страна се отвара можност за генерирање на финансиски средства за понатамошен развој и јакнење на правниот систем во државите....

Инспекцијата од Дирекцијата за заштита и спасување ги затвори големата сала во Центарот за култура „Марко Цепенков“ и киното „Мис Стон“ кое е во состав на објектот. Салата и киното се затворени за секаков вид манифестации и приредби сѐ додека не се отстранат сите недостатоци од заштитата.Центарот го доби решението во текот на вчерашниот ден.– Го добивме решението во кое, меѓу другото, се вели дека нема хидрант, односно тој никогаш комплетно не бил доопремен, нема громобран, не е функционален алармниот систем за пожари, резервниот извор – агрегатот за напојување со струја не е во функција, како и електромоторот за подигнување и за спуштање на завесата на сцената во големата сала од „Марко Цепенков“. Освен тоа, инспекторатот констатирал дека некои од излезите од сцената за евакуација се отвораат обратно – изјави директорката на Центарот за култура „Марко Цепенков“, Марија Попова Јованоска.Салите ќе останат затворени додека не се отстранат недостатоците. Инаку Центарот за култура непречено може да одржува изложби, концерти и настапи во ликовната галерија и во фоајето.Неодамна, по инспекциската контрола вон употреба е ставена зградата на Народниот театар „Војдан Чернодрински“, каде се најдени 15 безбедносни недоследности и пропусти. Со години Ансамблот и градот бараат да се изгради нов театар.Центарот за култура „Марко Цепенков“ е ставен во употреба во 1979 година....

Две лица се повредени во сообраќајка на патот Кичево-Гостивар, меѓу селата Колари и Тајмиште.На 01.04.2025 во 15.06 часот во ОВР Кичево, било пријавено дека на магистралниот пат А2, Кичево-Гостивар, меѓу селата Колари и Тајмиште, се случила сообраќајна несреќа помеѓу патничко возило „голф“ со кичевски регистарски ознаки, управувано од Ш.Ш.(33) од Кичево и товарно возило „фолксваген крафтер“ со српски национални ознаки, управувано од В.Т.(32) од Република Србија.-Во несреќата со тешки телесни повреди се здобила сопатничката од патничкото возило „голф“ Ш.Ш.(54), додека со телесни повреди сопатникот од истото возило И.Ш.(58), двајцата од село Колари, кичевско, информира МВР.Извршен бил увид од увидна екипа на ОВР Кичево....

Претседателот на Социјалдемократскиот сојуз на Македонија, Венко Филипче, на денешната прес-конференција, порача дека СДСМ дава поддршка на институциите да ја завршат истрагата за трагедијата во Кочани професионално и транспарентно, но дека целиот процес се води селективно.Филипче потенцираше СДСМ во следниот период ќе следи како се одвива истрагата и ќе реагира доколку продолжи со истата тенденција на селективност.„Најодговорните во МВР коишто имале ингеренции и на денот на случување на трагедијата и на самото место, не преземале одредени дејства кои требало и можело да ги преземат. Вчера на Извршниот одбор на СДСМ донесовме заклучок дека ќе ја следиме истрагата, ќе го пратиме процесот како се води, и доколку оваа тенденција продолжи ќе побараме и Анкетна комисија и сите други механизми кои што ќе бидат на располагање“, рече Филипче.При тоа тој нагласи дека во оваа во оваа фаза кога истрагата се уште не е завршена, СДСМ укажува на одредени работи за кои што смета дека е водење на селективна правда и дека таа верига на настани како што ја нарекува Владата, не може да се запре само со поранешните функционери.Филипче посочи дека токму механизмите како анектената комисија може да бидат инструмент што ќе даде резултат во водењето на транспарентна и професионална истрага.„Истрагата се уште трае и можеби нешто во следниот временски период ќе има некаква интервенција во насока на тоа што ние заедно со правници го констатираме, дека треба да бидат опфатени и други лица со истрагата“, рече Филипче.Одговарајќи на новинарско прашање, во врска со независен кандидат за градоначалник на Кочани, Филипче појасни дека тоа е нешто за што треба да се разговара, но дека во ниту еден момент од трагедијата во Кочани не треба политички да се профитира и затоа предлогот е во таа насока....

Членовите на највисоките тела на Сојузот на синдикати на Македонија пред Владата побараа повлекување на одлуката за зголемување на минималната плата за 1.800 денари и намалување на платите на избраните и именуваните лица на ниво на минимална плата. Од ССМ побараа да запрат и нападите врз синдикатите.Седницата почна пред Собранието каде упати порака до пратениците да донесат одлука за зголемување на минималната плата на 500 евра. Пред Собранието беше донесена одлука пратениците да земаат минимална плата сѐ до наредното зголемување на минималната плата.– Вашите сега 79% зголемени плати не ги заслужувате и затоа дојдовме тука поради фактот што вие не одлучувате за нас, ние ќе одлучиме за вас. Почитувани работници, да донесеме одлука пратениците да бидат на минимална плата до наредното зголемување на минималната плата – рече претседателот на ССМ, Слободан Трендафилов.Тој информира дека органите и телата на ССМ, на градските синдикати и борците за работнички права, едногласно донеле одлука пратениците да ги намалат луксузните плати на минимална плата.-За крај имам лично прашање. Бране на работа е или не – рече Трендафилов, алудирајќи на пратеникот ОД ВМРО-ДПМНЕ Бране Петрушевски кој редовно држи прес-конференции на кои ги обвинува лидерите на синдикатите дека земаат високи плати и работат за политички партии.Седницата продолжи пред Стопанската комора каде што беше побарано работодавачите да ги зголемат платите на работниците, за да не се иселуваат.-Младиот работник не сака да работи за 500 евра затоа зголемете ги платите – рекоа од синдикатите.Јавната седница на претставниците на ССМ заврши пред Владата.-Тргнавме 300 од пред Работничкиот дом. Дојдовме над 1000 пред Влада. Со време повлечете ја незаконската одлука за утврдување на висината на минималната плата. Со време намалете ги вашите плати на минимална плата. Да почувствувате како им е на работниците. Цела Влада на минимална плата – рече Трендафилов.Тој информира дека се на чекор од организирање генерален штрајк, ако не се прифати нивното барање.– Не сме тука да ја рушиме Владата, туку да ги зголемиме платите – рече Трендафилов.На почетокот пред Работничкиот дом во Скопје, работниците со едноминутно молчење им оддадоа почит на трагично загинатите во трагедијата во Кочани....

Москва ќе продолжи да бара задолжително отстранување на основните причини за украинскиот конфликт, кој намерно ги предизвика Западот, изјави министерот за надворешни работи Сергеј Лавров по разговорите со виетнамскиот вицепремиер и министер за надворешни работи Буи Тан Сон.„Ние ѝ дадовме на виетнамската страна релевантни информации за нашите пристапи кон Украина во сегашната ситуација и ќе бараме решавање на конфликтот со задолжително отстранување на основните причини за неговото потекло, поточно, основните причини за неговото намерно создавање од западните куратори на режимот во Киев, кој дојде на власт како резултат на неуставен државен удар“, рече тој на прес-конференција.Лавров рече дека на разговорите Русија ја потврдила својата благодарност до своите виетнамски пријатели „за нивната доследна, избалансирана и објективна позиција за причините за украинската криза и за развојот на настаните околу оваа тема во сегашната фаза“....

Премиерот Христијан Мицкоски вели дека е подготвен на средба со лидерот на опозициската СДСМ, Венко Филипче доколку, како што изјави денеска, навистина има план и желба да помогне.По денешниот повик од Филипче за политички и општествен дијалог Мицкоски во одговор на новинарско прашање рече дека стои на располагање во секое време и ќе го усогласи распоредот за да го слушне планот на Филипче и да се види дали во тој план може нешто да се реши.– Јас во една моја изјава кажав дека ова е сериозна тема и за сериозна тема се седнува и се разговара. За мене е малку непристојно да разговараме преку медиуми, реков доколку има план како што најавија, подготвен сум да го примам на средба пртседателот на СДСМ да го образложи планот, да го слушнеме планот бидејќи се сериозни времиња, јас сум сериозен човек, сериозни работи се во прашање и најмалку што треба да се прави е естрада на јавна сцена. Доколку навистина има план и желба да помогне стојам на располагање во секое време ќе го прераспределам мојот распоред, на полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши. Но, доколку планот опфаќа пристап „Стабри“, како што беше во минатото за време на короната тогаш такви планови не можам да прифатам, изјави Мицкоски за повикот од Филипче и дали ќе има лидерска средба со останатите претставници на партиите.Прашан дали ќе имаат заеднички став со СДСМ околу изборот на в.д градоначалник на Кочани за да нема криза во градот по трагедијата со пожарот и оставката на градоначалникот Љупчо Папазов, рече не разговарале со советниците за потецијалнот кандидат, но оти апсолутно ќе се избере в.д градоначалник и оти тука нема дилема.– Не сме разговарале со советниците кој би можело да биде тој што ќе биде избран и ќе ја добие поддршката од советниците, рече Мицкоски, по присуството на пуштањето на фабриката на „Магна мехатроникс“ во ТИРЗ Штип....

Германската војска го започна своето прво постојано распоредување на војници на странска територија по Втората светска војна. 45-та оклопна бригада се позиционира во Литванија, во близина на рускиот сојузник Белорусија, додека Берлин се подготвува за потенцијален конфликт во наредните години.Во вторникот, се одржа церемонија пред Вилнус, при што бригадниот генерал Кристоф Хубер ја презеде командата на новоформираната единица, како што објавија лоби групата на германската асоцијација Бундесвер (DBwV) и државните медиуми.„Имаме јасна мисија. Мораме да обезбедиме заштита, слобода и безбедност на нашите литвански сојузници овде на источното крило на НАТО“, рече генералот за време на церемонијата.Воениот персонал кој пристигна во Литванија минатата година за да се подготви за распоредувањето е формално интегриран во бригадата. Откако ќе биде целосно екипиран и борбено подготвен до 2027 година, единицата ќе брои приближно 5.000 воен и цивилен персонал, опремен со тешко оружје, според плановите на германската армија.Москва го гледа НАТО како непријателски ентитет, опишувајќи го неговото проширување во Европа како директна закана за руската национална безбедност. Ветувањето на блокот да ја прими Украина како членка беше наведено од руските официјални лица како клучни причини за конфликтот на Москва со Киев. Германскиот министер за одбрана Борис Писториус, цврст застапник за распоредување војници во Литванија, тврди дека Русија би можела да изврши напад врз НАТО до 2029 или 2030 година – тврдење што Москва категорично го отфрла.Во 2023 година, Берлин и Вилнус потпишаа договор за стационирање, првично назначувајќи ја новата германска единица како 42-та бригада. Два од неговите баталјони ќе се состојат исклучиво од германски војници, додека третиот ќе вклучува персонал од други земји на НАТО. Делови од бригадата ќе бидат стационирани на полигонот Руднинкаи во југоисточна Литванија, на само 20 километри од границата со Белорусија, додека дополнителни единици ќе бидат стационирани во близина на селото Рукла меѓу Вилнус и Каунас.Постнацистичка Германија претходно ги ограничи воените распоредувања во странство на привремени задачи, како што е придонесот за силите на НАТО по окупацијата на Авганистан во 2001 година....

Во седиштето на западната воена алијанса во Брисел утре почнува дводневен состанок на министрите за надворешни работи на НАТО, кој ќе се фокусира на зголемување на трошоците за одбрана на сојузниците и продолжување на поддршката за Украина.-Министрите за надворешни работи на 32-те членки на НАТО ќе разговараат и за продолжување на подготовките за самитот на лидерите на НАТО, што ќе се одржи во Хаг на крајот на јуни, изјави неименуван функционер на Северноатлантската алијанса во изјава дадена пред новинарите во Брисел.Се очекува министрите да разговараат за тоа како да се одржи моментумот во зголемувањето на трошоците за одбрана и начините за обнова на индустриското производство во одбранбениот сектор, додаде претставникот на НАТО.Тој наведе дека министрите треба да разменат мислења и за континуираната поддршка на НАТО за Украина и за начините за понатамошно развивање на соработката на сојузниците со партнерите од индо-пацифичкиот регион, вклучувајќи ги Австралија, Јапонија, Нов Зеланд и Јужна Кореја.За време на дводневниот собир во Брисел ќе се одржат три состаноци на Северноатлантскиот совет, клучното тело за одлучување на НАТО.Ќе се одржи и состанок на Советот НАТО-Украина, на кој покрај шефовите на дипломатиите на земјите членки на НАТО, ќе присуствуваат и украинскиот министер за надворешни работи Андриј Сибига и високата претставничка на ЕУ за надворешна политика и безбедност Каја Калас.Министрите за надворешни работи на НАТО, исто така, ќе одржат одделни разговори со Каја Калас и со претставници на индо-пацифичките партнери на алијансата.Генералниот секретар на НАТО, Марк Руте денеска ќе одржи прес-конференција на која ќе разговара за темите на министерскиот состанок.Во изјавата за новинарите во Брисел, неименуван претставник на НАТО посочи дека овонеделниот состанок ќе се одржи неколку недели по важната посета на Руте на Западен Балкан.-Западен Балкан е регион од стратешко значење, како што истакнаа лидерите на алијансата на самитот на НАТО во јули минатата година. Безбедноста на Западен Балкан е клучна за стабилноста на НАТО и алијансата нема да дозволи таа да биде загрозена, рече претставникот на НАТО.Руте го посети Сараево на 10-ти март, каде што рече дека НАТО нема да дозволи создавање безбедносен вакуум и закана за мир во таа земја. Еден ден подоцна, тој ја посети Приштина, каде изјави дека НАТО е посветен на Косово и дека неговата посета е најдобар доказ за тоа....

Претседателот на Владата на Македонија, Христијан Мицкоски, во одговор на новинарско прашање за усвоената информација на вчерашната седница на Владата, која се однесува на потребата од набавка на еколошки автобуси за јавен превоз на ЈСП-Скопје и единиците на локалната самоуправа, појасни дека станува збор за донесена одлука за отпочнување на постапка за набавка на 120 автобуси.„Владата на вчерашната седница донесе одлука за отпочнување на постапка за набавка на 120 автобуси. Од тие, 80 ќе бидат наменети за Јавното сообраќајно претпријатие во Скопје, а 40 ќе бидат во оваа првична фаза распределени на другите сообраќајни претпријатија во општините, во коишто имаме организиран јавен градски превоз. Врз основа на потребите и проценките, електрични, еколошки автобуси.“, рече Мицкоски.Премиерот Мицкоски напомена Владата прави чекор напред во обезбедувањето на чист воздух и пристојна животна средина за граѓаните.„Тоа што е важно е што нема да има загадување, итн. нешто што им е очајно потребно на граѓаните, посебно за време на грејната сезона. Ние цениме како Влада, правиме чекор напред во таа насока.Рековме дека обезбедувањето на пристојна средина за живот на нашите сограѓани, во која што составен дел е и чистиот воздух, за нас претставува императив.Но, тоа е процес којшто побарува многу време. Но, доколку седиме и гледаме дека времето си минува, ние ништо не правиме, не сме проактивни, туку сме реактивни, тогаш нема да дојдеме до решение.Затоа, ние сакаме да бидеме проактивни, да нудиме политики, да креираме политики и да дојдеме до нашата цел, а тоа е пристојна, убава животна средина за нашите сограѓани.“, нагласи Мицкоски....

„ДУИ се претвори во партија чија единствена идеологија е одбрана на своите поранешни функционери. За таа нивна цел се подготвени да ги бојкотираат локалните избори и да се обидат да предизвикаат политичка криза“, велат од партијата ВРЕДИ.„Да бидеме на чисто, ВРЕДИ посакува Крешник Бектеши да ја докаже својата невиност, бидејќи, без разлика што сме лути политички противници, не сакаме ниту еден Албанец да биде одговорен за трагедијата во Кочани. Но, за тоа одлучуваат правосудните органи, а не политичките чинители. Меѓутоа, кога ДУИ зборува за систем, треба да одговори на што точно мисли. На системот кој нивниот режим го создаваше 22 години, додека беа дел од сите Влади на СДСМ и ВМРО-ДПМНЕ? На Јавното Обвинителство на Ислам Абази? На бегалците од правдата Артан Груби и Прпарим Бајрами? На системот на владеење кој од голобради функционерчиња на ДУИ направи милионери на грбот на Албанците? На системот во кој имаше селективна одговорност за трагедиите со модуларната болница во Тетово, Ласкарци, Беса транс?“, посочуваат од ВРЕДИ и додаваат:...

Во текот на наредната недела пред членовите на Владата ќе биде претставена Драфт верзијата на измените за Законот за угостителска дејност, најави министерот за економија и труд Бесар Дурмиши во одговор на новинарско прашање пред почетокот на конференцијата „Реформа на Законот за работни односи – предизвици и насоки“.Прашан зошто во овие девет месеци откако е министер не ги ревидирал лиценците и дали освен морална, чувствува и друга одговорност за трагедијата во Кочани, рече дека се што требало да каже, кажал на прес-конференцијата за трагедијата во Кочани.– Сите прашања кои беа поставени од новинарите ги одговорив на таа прес-конференција и ја кажав целата процедура како се стигна до одземање на лиценца. Поради тоа што истрагата е во тек не сакам да дадам било каква друга изјава која може да има влијание на процесот. Органите на прогон кога ќе ја завршат истрагата ќе ја известат јавноста, рече Дурмиши.Нагласи дека измените на законите кои во 2008 година биле направени, очигледно е дека се злоупотребени во делот на исполнување на минималните технички услови.-Нормално е дека ќе имаме измени на законот во кои ќе предвидиме построги услови и контроли и повеќе казни на сите кои не ги исполнуваат минималните технички услови, рече Дурмиши и посочи дека Министерството за економија и труд ниту е надлежно, ниту има механизми да ги направи контролите на угостителските објекти дали ги исполнуваат минималните технички услови...

Унгарската влада сака да воведе можност за привремено одземање на унгарското државјанство на одредени двојни државјани.Соодветниот предлог-закон синоќа до Парламентот го поднесе владејачката партија на Виктор Орбан.Предлог-законот, кој се очекува да биде усвоен, има за цел да им го одземе државјанството на луѓето кои се окарактеризирани како закана за државата.Според нацрт-законот, одземањето на унгарското државјанство може да важи само за двојни државјани чие второ државјанство не е на земја од ЕУ, Швајцарија, Лихтенштајн, Норвешка или Исланд.Одземањето на државјанството треба да биде можно, меѓу другото, доколку некое лице „дејствува во интерес на странска сила или странска организација, ги следи целите на странска сила или странска организација“ и на тој начин претставува „закана за јавниот ред и безбедност“ на земјата.Предвиденото одземање државјанство за најмногу десет години не е вообичаено.Државјанството обично може трајно да се одземе....

Градоначалникот на Општина Гази Баба денеска ја посети Единицата за итна медицинска помош.Имав задоволство да ја посетам единицата за итна медицинска помош. Ја изразив мојата благодарност до целиот медицински персонал за пожртвуваноста при справувањето со последиците од несреќата во Кочани. Овие луѓе заедно со докторите и целиот персонал во болниците се нашите херои – истакна при посетата градоначалникот Бобан Стефковски.При посетата градоначалникот Стефковски донираше инвертер клима уреди за потребите на единицата.За потребите на единицата за итна медицинска помош извршив донација на инвертер клима уреди. Ова се луѓе кои се грижат за нашето здравје во секое време и тие ја заслужуваат нашата поддршка. Хуманоста и солидарноста се одлика за нас и така ќе продолжиме и во иднина. Секогаш и на секого ќе подадам рака за помош и поддршка – заклучи Стефковски.Општина Гази Баба донираше и 1.000.000 денари на солидарната сметка на Црвениот крст на Република Македонија за помош на семејствата на загинатите и повредените во несреќата во Кочани....

Канадската компанија „Магна мехатроникс“ денеска отвори фабрика во Технолошко-индустриската развојна зона во Штип. Инвестицијата во новиот капацитет со површина од 18.200 метри квадратни изнесува 40 милиони евра и треба да отвори над 600 работни места до 2027 година. Новиот капацитет е втора фабрика на Магна во државава.Премиерот Христијан Мицкоски на свеченоста во присуство на Магна Мехатроникс оцени дека инвестицијата ќе биде силен акцелератор на економскиот развој и позитивите промени во државава.– Оваа инвестиција не е само капитален проект, туку вистинска приказна за доверба, партнерство и заедничка визија. Се простира на 18.000 метри квадратни за што ќе бидат инвестирани 40 милиони евра и во пикот на инвестицијата ќе бидат отворени 600 рабитни места. Благодарение на оваа фабрика се отвораат нови работни места, се зголемува индустриското производство и се зајакнува економијата. Нашата земја ја покажува својата подготвеност да биде дом на успешни и конкурентни компании кои не само што произведуваат туку и создаваат вредности што ќе се чувствуваат низ генерациите. Остануваме посветени на создавање поволна бизнис клима, транспернтни услови за инвестиции и поддршка за секој стопанственик кој има визија да вложува тука, рече Мицкоски.Генералниот директор на Магна Мехатроникс Штип, Горан Деспиновски посочи дека ТИРЗ Штип е одбрана за локација за инвестирање по позитивните искуства од нивната фабрика во Струга, каде имаат 1000 вработени и инвестиција од 30 милиони евра, како и добрата инфаструктурата, добрите цени на комуналии, квалификуваната работна сила и поддршката од Владата.– Оваа година ќе ја завршиме со 350 вработени, 2026. со 440, а потоа од 2027 година над 600, рече Деспиновски.Претседателот на Магна Мехатроникс Мирорс и Лајтинг Џеф Хант најави дека фокусот ќе биде на производство на бројни мехатронички производи што овозможуваат иновативен пристап за клиентите и подобро искуство во возењето.– Како лидери на пазарот на мехатрониката возбудени сме што можеме да продолжиме со развојот на овие проиозводи и тоа ќе го правиме на успешниот темел што веќе го поставивме тука во Северна Македонија, рече Хан.Според Уве Гајсингер, претседател на Магна Европа, со инвестицијата го препознаваат огромниот потенцијал на овој регион.– Со обезбедување локации ширум континетот се позиционираме подобро да ги опслужуваме нашите клиенти, да одговориме на барањата на пазарот и да стимулираме иновации во автопмобилската индустрија. Новата фабрика е показател за нашата верба во моќта на соработката, силата на локалчните талентирани луѓе и во важноста на одржливиот развој, изјави Гајсигер....

Советот на јавни обвинители даде негативно мислење по предлогот за разрешување на државниот јавен обвинител Љупчо Коцевски. За прифаќање на предлогот гласаа тројца, додека шест члена гласа против.Претседтелката на Советот на јавни обвинители Душица Димитриеска, рече дека со оглед дека Советот одлуките ги носи со мнозинство, мнозинството дадоа негативно мислење. За прифаќање на предлогот на Владата за разрешување на Коцевски гласаа Кети Петкова, Ардиан Демири и Марјана Илиевска.Советот на јавни обвинители претходно ја исклучи јавноста од точката за разгледување на предлогот за разрешување на државниот јавен обвинител Љупчо Коцевски.Членовите на Советот едногласно го поддржаа предлогот на членот Зорица Павловиќ, која повикувајќи се на член 10 од Законот за совет на јавни обвинители побара да се исклучи јавноста поради, како што кажа, сензитивноста на процесот и за заштита на угледот и интегритетот на јавниот обвинител.Светлана Стојковиќ, го поддржа предлогот, дополнувајќи дека јавноста треба да биде исклучена и поради тоа што во произнесувањето од Коцевски по предлогот за негово разрешување, се изнесени и информации и докази од дисциплинските постапки што се води против двајца јавни обвинители.Расправата, како што нагласија, ќе биде затворена, а јавноста ќе биде вклучена само за гласањето по мислењето за предлогот на Владата за разрешување на Коцевски.Советот на јавни обвинители денеска соопшти дека најостро го осудува поставувањето експлозивна направа во возило на јавен обвинител од Кичево. Оттаму изразуваат силна подршка на јавниот обвинител.Седницата за разгледување на предлогот претходно на два пати беше одложена. Првично беше закажана за 18 март, но беше одложена поради седумдневната жалост по трагедијата во Кочани, а минатата недела, на 26 март беше одложена поради немање на кворум.Согласно законските рокови за разгледување на предлогот за разрешување на Коцевски, Советот треба да го разгледа најдоцна до крајот на неделава, иако Владата објави дека ќе ја прекине постапката.Портпаролката на Владата Марија Митева, на 26 март годинава, изјави дека Владата ќе ја прекине постапката за разрешување на државниот јавен обвинител Љупчо Коцевски и доколку добие мислење од страна на Советот на ЈО, истото нема да го проследи до Собранието.– Да појаснам дека Владата доколку добие мислење од страна на Советот на ЈО ќе ја запре постапката, односно истото нема да го прати до Собранието, а се разбира Советот на ЈО согласно роковите кои што ги има ќе постапува – изјави Митева.Премиерот Христијан Мицкоски по трагедијата во Кочани изјави дека постапката за разрешување на јавниот обвинител Коцевски ќе се запре во моментот до таму каде што се наоѓа.– Во овој момент имајќи ја предвид чувствителната ситуација во општеството планираме таа постапка да ја застанеме таму каде што се наоѓа, затоа што цениме дека обвинителите кои што работат посебно на случајот што се случи во Кочани, треба да работат и да сработат, да им дадеме шанса да сработат. Јас кога кажав дека сме задоволни впрочем можев да видам дека постои една заедничка акција и работа помеѓу МВР и Јавното обвинителство кое што резултираше со 34 обезбедени лица коишто имаат и најмал сомнеж за поврзаност со овој случај – рече Мицкоски.Владата на 11 февруари година донесе одлука да поведе постапка за разрешување на државниот јавен обвинител Коцевски кој беше избран на оваа позиција пред една година, а неговиот мандат трае шест години. Министерството за правда, постапувајќи по заклучокот од 50-та седница на Владата, го изготви Предлог-мислењето за разрешување на државниот јавен обвинител.Коцевски, како што велат од Министерството за правда, постапувал во предмети во кои согласно законските одредби постоеле околности кои предизвикуваат сомневање во неговата непристрасност, како и судир на интереси, а за кои околности тој требало да знае и требало да се изземе. Републичкиот обвинител Коцевски го демантира тврдењето дека незаконски постапил посочувајќи дека го следел законот и роковите во него....

Collage 4 photos - 1 Сведочеше сообвинетиот Влатко Кешишев, кој волонтерски му готвел и чистел на Палевски од 2021 година додека ја формирал партијата „Десна”.На директно прашање на адвокатот, рече дека учествувал во копање дупка во Велес. Тој кажа дека копале во неделите, зашто само тогаш бил слободен сообвинетиот Велибор Манев.„Вељо Копаше, јас фрлав земја. Мислев дека бараме, копаме злато. Молчевме, не разговаравме. Третиот пат кога бевме, Вељо ме предупреди дека за ова може глави да летаат, не смее да се збори. Бидејќи дупката била наменета за киднапирање на лица. Четвртиот пат ја довршивме дупката. Велибор ја поклопи со даски. Се вративме во штабот, му кажавме на Палчо дека се е во ред, дупката има доволна длабочина”, одговараше Кешишев, пишува сакамдакажам.мк„Дали присуствувавте на разговор за теми неповрзани со партијата?”, праша адвокатот.„Да, ги слушав како зборат на тема за грабнување. Гледав поминува време, околу две години и ништо не се случува, мислев тоа било само желба и фантазија”, одговараше Кешишев.Тој му кажал на Палчо дека го бараат да работи, овој му кажал не може, му требал. Го донел и кучето да му го чува. Го послушал, останал.„Кој беше иницијатор за темата грабнување?“, праша адвокатот.„Не знам кој беше иницијатор, но тој муабет го почнуваше Велибор”, рече Кешишев.Потоа кажуваше за ранецот со опремата за киднапирање, сосе радиостаниците, кои се гледаат на снимките од камерите на Велибор Манев и одговори дека тие четворица луѓе се: тој, Палевски, Манев и Боре Видевски, кој минатото рочиште негираше каква било поврзаност со киднапирањата и убиствата на Панче Жежовски и Вања Ѓорчевска.Кешишев опиша што бил планот, дека Панче треба да се грабне заради возилото.Тој ги чекал тројцата во „реното кангу“ за време на првиот, неуспешен обид за грабнување на Панче Жежовски (74).И следниот пат останал во „реното“ додека траело киднапирањето вториот пат. Ги чекал саат време.„Се вратија тројцата со зелена кола ситроен. Се паркираа покрај мене. Запаливме по едно цигаре, тогаш Палчо го фрли мобилниот на Панче во долот, во капините. До мене седна Велибор, во ситроенот беа Палчо и Боре”, раскажуваше сведокот-обвинет.Отишле на местото „Рудник”, кај дупката.„Чекав. Се врати Вељо, пак седна до мене. Ми кажа да возам за Катланово, по стариот пат одевме до првата населба. По токи воки Палчо му кажа на Бељо да се паркираме на поголем паркинг. Дојдоа со ситроенот, Палчо го бришеше воланот од траги”, кажа во продолжение тој.Не го видел киднапираниот човек на паркингот.„Не го видов Панче Жежовски бидејќи рекоа го ставиле во ќебе, во гепек. Од тоа што разговараа, дознав дека Панче е во гепекот. Кога дојдовме во штабот на партијата во Скопје, тогаш сфатив дека Панче всушност е убиен”, тврди Кешишев.Неговото сведочење во кое признава се’, продолжува за грабнувањето и убиството на 14-годишната Вања....

Министерот за економија и труд, Бесар Дурмиши денеска изјави дека ја потпишал владината Одлука за законското усогласување на минималецот, без согласност од синдикатите за да не се предизвикала блокада во исплатата на платите во државата.-Замислете што ќе се случеше ако не ја потпишав Одлуката? Jас според законот кој е во сила и кој е потпишан и од синдикатите и од работодавачите и по одлука на Владата обврзан сум пред 31 март да ја објавам минималната плата. Од минималната плата потоа се пресметува и просечната плата и другите плати. Ако не ја објавевме до 31 март ќе се блокираше целата држава и сите институции, а приватниот сектор не ќе можеше да пресмета плати за нивните вработени. Немаше согласност од синдикатите, бидејќи им е истечена репрезентативноста – рече Дурмиши.Тој рече дека Комисијата за утврдување на репрезентативност работи и наскоро ќе биде објавено кој од синдикатите ги исполнил условите.-Кога ќе се определи нивната репрезентативност, веднаш ќе го свикам Економско-социјалниот совет и тогаш сите ќе ги изнесат своите аргументи за минималната плата – додаде Дурмиши.Тој рече дека синдикатот има право на протест, но и дека на улица не се изнесуваат барања.-Еконономско-социјалниот совет е местото каде синдикатите треба да ги кажат своите барања, а не на улица. Ако синдикатите и работодавачите се договорат за било кој друг основ и било која друга методологија и законско решение за утврдување на минималната плата како Влада сме тука за да им помогнеме и да им излеземе во пресрет – рече Дурмиши....

Живееме во демократија и секој има право да излезе на улица и да протестира и да го каже својот револт, но на синдикатите веќе им истече мандатот и веќе не се репрезентативни, порача денеска министерот за економија и труд Бесар Дурмиши.-Како Влада ја формиравме комисијата која треба да ја утврди репрезентативноста на синдикатите и таа комисија веќе работи. Веднаш кога ќе се определи кој синдикат е репрезентативен ќе ја свикам седницата на Економско социјалниот совет (ЕСС). Токму таму синдикатите треба да ги кажат своите барања, а не на улица, изјави Дурмиши во одговор на новинарско прашање пред почетокот на конференцијата „Реформа на Законот за работни односи – предизвици и насоки“ и додаде дека очекува „час поскоро комисијата да си ја заврши работата“.Како Влада, посочи, уште од почетокот кажавме дека ги почитуваме и дека сме за социјален дијалог.-Ако синдикатите и работодавачите се договорат за било кој друг основ и било која друга методологија и законско решение за утврдување на минималната плата како Влада сме тука за да им помогнеме и да им излеземе во пресрет, посочи Дурмиши.Одговарајќи на прашање рече дека како Влада постапиле според законот и методологијата за минималната плата, со која се усогласени сите засегнати страни, односно и синдикатите и работодавачите, и го објавиле износот на минималната плата на крајот на март.-Според тој правилник минималната плата изнесува 400 евра и е покачена нето платата за 1.800 денари. Како надлежен министер за економија и труд јас ја објавив минималната плата по одлука на Владата, рече Дурмиши.Нагласи дека немале согласност од ЕСС за износот на минималната плата поради тоа што нема репрезентативност од синдикатите.-Јас според законот кој е во сила и кој е потпишан и од синдикатите и од работодавачите и по одлука на Влада обврзан сум пред 31 март да ја објавам минималната плата. Од минималната плата потоа се пресметува и просечната плата и другите плати. Ако не ја објавевме до 31 март ќе се блокираше целата држава и сите институции, а приватниот сектор не ќе можеше да пресмета плати за нивните вработени, истакна Дурмиши.Сојузот на синдикатите на Македонија (ССМ) за денеска во 12:05 часот закажа јавна седница пред зградата на Собранието на која ќе ги искаже своите ставови за минималната плата....

Советот на јавни обвинители ја исклучи јавноста од точката за разгледување на предлогот за разрешување на државниот јавен обвинител Љупчо Коцевски. Членовите на Советот едногласно го поддржаа предлогот на членот Зорица Павловиќ, која повикувајќи се на член 10 од Законот за совет на јавни обвинители побара да се исклучи јавноста поради, како што кажа, сензитивноста на процесот и за заштита на угледот и интегритетот на јавниот обвинител.Светлана Стојковиќ, го поддржа предлогот, дополнувајќи дека јавноста треба да биде исклучена и поради тоа што во произнесувањето од Коцевски по предлогот за негово разрешување, се изнесени и информации и докази од дисциплинските постапки што се води против двајца јавни обвинители.Расправата ќе биде затворена, а јавноста ќе биде вклучена само за гласањето по мислењето за предлогот на Владата за разрешување на Коцевски.Седницата за разгледување на предлогот претходно на два пати беше одложена. Првично беше закажана за 18 март, но беше одложена поради седумдневната жалост по трагедијата во Кочани, а минатата недела, на 26 март беше одложена поради немање на кворум. Согласно законските рокови за разгледување на предлогот за разрешување на Коцевски, Советот треба да го разгледа најдоцна до крајот на неделава, иако Владата објави дека ќе ја прекине постапката.Портпаролката на Владата Марија Митева, на 26 март годинава, изјави дека Владата ќе ја прекине постапката за разрешување на државниот јавен обвинител Љупчо Коцевски и доколку добие мислење од страна на Советот на ЈО, истото нема да го проследи до Собранието. -Да појаснам дека Владата доколку добие мислење од страна на Советот на ЈО ќе ја запре постапката, односно истото нема да го прати до Собранието, а се разбира Советот на ЈО согласно роковите кои што ги има ќе постапува, изјави Митева.Премиерот Христијан Мицкоски по трагедијата во Кочани изјави дека постапката за разрешување на јавниот обвинител Коцевски ќе се запре во моментот до таму каде што се наоѓа. –Во овој момент имајќи ја предвид чувствителната ситуација во општеството планираме таа постапка да ја застанеме таму каде што се наоѓа, затоа што цениме дека обвинителите кои што работат посебно на случајот што се случи во Кочани, треба да работат и да сработат, да им дадеме шанса да сработат. Јас кога кажав дека сме задоволни впрочем можев да видам дека постои една заедничка акција и работа помеѓу МВР и Јавното обвинителство кое што резултираше со 34 обезбедени лица коишто имаат и најмал сомнеж за поврзаност со овој случај, рече Мицкоски.Владата на 11 февруари година донесе одлука да поведе постапка за разрешување на државниот јавен обвинител Коцевски кој беше избран на оваа позиција пред една година, а неговиот мандат трае шест години. Министерството за правда, постапувајќи по заклучокот од 50-та седница на Владата, го изготви Предлог-мислењето за разрешување на државниот јавен обвинител. Коцевски, како што велат од Министерството за правда, постапувал во предмети во кои согласно законските одредби постоеле околности кои предизвикуваат сомневање во неговата непристрасност, како и судир на интереси, а за кои околности тој требало да знае и требало да се изземе. Републичкиот обвинител Коцевски го демантира тврдењето дека незаконски постапил посочувајќи дека го следел законот и роковите во него....

Во насока на поддршка на малите претприемачи и создавање можности за нивна поголема видливост и пласирање на производите, Дајмонд мол со гордост гo најавува „Цветниот фестивал“, кој ќе ја збогати програмата на пролетни настани во Скопје.Од 3 до 6 април, Дајмонд мол ќе биде домаќин на „Цветен фестивал“, каде ќе се слави убавината на природата преку изложба на разновидни цвеќиња, растенија и градинарска опрема. Овој фестивал е идеална можност за сите љубители на зеленилото и хортикултурата да најдат инспирација, совети од експерти и уникатни растенија за својот дом или градина.Фестивалот посветен на цвеќето Дајмонд мол го организира втора година по ред, а лани предизвика голем интерес кај посетителите, кои се запознаа со вештините за изработка на цветни аранжмани за различни пригоди и добија многу иновативни идеи за декорација и украсување.Настанот е дел од разновидната програма на Дајмонд мол, со која постојано настојуваме да создадеме уникатни искуства за нашите посетители и да ја зајакнеме локалната економија преку поддршка на малите бизниси и занаетчии. Ве покануваме да бидете дел од овој настан и заедно да ја прославиме пролетта!...

Министерството за култура го објави Конкурсот за доделување на државната награда „Мајка Тереза“ за 2025 година.Со државната награда „Мајка Тереза“ се оддава признание за остварувања во областа на хуманоста и човечката солидарност и за поттикнување и унапредување на меѓусебното разбирање и развој на соработката како меѓу народите, така и меѓу припадниците на различните заедници, култури и вери.Државната награда се доделува на поединци, група творци, екипи, установи, трговски друштва и здруженија на граѓани од земјава.Конкурсот трае од 2 до 30 април 2025 година, а е објавен и на веб-страницата на Министерството за култура и туризам....

До 31 март, Хрватската радио-телевизија (ХРТ) ја напуштија 333 вработени кои потпишаа меѓусебен раскин на договорите за вработување врз основа на Одлуката за условите и висината на отпремнината, која во јануари ја донесе генералниот директор Роберт Швеб, а се применуваше до последниот ден од март.Програмската деловна единица ја напуштиле најголемиот број вработени во ХРТ – 123, потоа технолошката, каде 122 вработени го прифатиле понудениот спогодбен раскин на договорите за вработување со финансиска компензација.Со одлуката за условите и висината на отпремнината, што на почетокот на јануари ја донесе генералниот директор Роберт Швеб, се утврдени условите и висината на отпремнината за работниците во ХРТ, во случај на „раскинување на договорите за вработување во периодот до 31 март 2025 година, со цел оптимизирање на работењето на ХРТ“.Како што се нагласува во тој документ, максималниот износ на отпремнина не можел да биде поголем од 90.000 евра бруто II по работник, а работниците кои ги исполнуваат условите за стекнување право на отпремнина ги определил работодавачот.Критериумите за ова беа дека работникот нема потреба да биде заменет со ангажирање на друг работник надвор од ХРТ, минимален стаж во ХРТ од пет години и да нема помалку од 24 месеци до навршени 65 години од животот.Во образложението на одлуката се наведува и дека „со цел рационализација на оперативните трошоци на ХРТ, Владата на Република Хрватска на ХРТ и обезбедила финансиски средства во износ од 28 милиони евра во државниот буџет, а ХРТ одлучила да обезбеди отпремнини за работниците кои ги исполнуваат условите“.На три дена пред истекот на рокот за склучување меѓусебен раскин на договорот за вработување со понудените отпремнини во зградата на ХРТ во Присавље, синдикатите на ХРТ и ограноците на ХНД одржаа состанок на работниците на кои им порачаа дека се против спроведувањето на планот за консолидација и дека се подготвени да го бранат јавниот сервис.-Денес сме тука да се збогуваме со повеќе од 300 луѓе кои заминаа, не затоа што немаат каде да одат или подобра работа, туку затоа што не можат повеќе да ја издржат оваа неизвесност, ова мачење, недостатокот на визија за тоа што треба да биде јавен медиумски сервис, рече Маја Север, новинарка на ХРТ и претседател на Европската федерација на новинари (ЕФНХ) и на Хрватскиот синдикат на новинари (EFNH).Таа се осврна и на Планот за консолидирање на работата и работењето на ХРТ, кој минатиот месец го усвои хрватската Влада и кој меѓу другото предвидува отпуштање од 700 до 800 вработени. Во времето на усвојувањето на планот за консолидација, ХРТ вработуваше околу 2.700 работници, а со прифаќањето на отпремнините, досега хрватскиот јавен медиумски сервис го напуштија 333 работници или околу 12 отсто од вкупната работна сила.-Иако предупредувавме дека планот за консолидација не оди во вистинската насока, собраниската Комисија за медиуми му даде малку повеќе сила на Роберт Швеб да продолжи со консолидација според моделот на автопат. Со почит кон сите што работат на автопатишта, ние не сме автопати, ние сме креативни луѓе и знаеме да направиме програма што ја сака публиката, нагласи Север.Таа, исто така, ги повика работниците да останат заедно и да продолжат да работат конструктивно на барањата што ќе ги постават до раководството на ХРТ, хрватската влада и Парламентот. „Остануваме затоа што веруваме во јавниот медиумски сервис. Не нè кочи ниту платата, ниту обезбедувањето, ниту сме никаквеци, како што често се етикетираат луѓето од ХРТ. Овде има луѓе кои знаат за што служи јавниот медиумски сервис, за разлика од нашето раководство и администрација“, заклучи Север....

Нивото на водата во Охридското Езеро според денешните мерења спроведени од Управата за хидрометеоролошки работи се наоѓа на котата 693,26 метри надморска височина. Водостојот денеска е 31 сантиметар под просекот за април или 16 сантиметри над дозволениот минумум.Деновиве во регионот временските прилики се променливи со врнежни од дожд, што ќе придонесе за подобрување на водостојот во езерото. Дождот изминатите денови придонесе нивото на езерото да се подигне за седум сантиметри, но сепак тоа е далеку пониско од просекот за овој период од годината.На почетокот на декември минатата година нивото на водата во езерото беше два сантиметри под минимално дозволената кота утврдена на 693,10 метри.Промените во водостојот на езерото најмногу се манифестираат во крајбрежниот појас, што според експертите е најважниот дел од езерскиот еко-систем....

Полициски службеници од ПС БПС Штип синоќа околу 20 минути по полноќ, го лишиле од слобода Е.А.(40) од Штип.Е.А. на 01.04.2025 околу 22.40 часот во Штип со патничко возило „сеат“ со штипски регистерски таблички удрил во паркирано возило и го напуштил местото на настанот.-По преземени мерки од страна на полициски службеници, Е.А. е пронајден и лишен од слобода, а било констатирано дека има 1,77 промили алкохол во крвта и дека нема положен возачки испит, информира МВР.По целосно документирање на настанот, против него ќе биде поднесена пријава по член 297-а од Кривичниот законик – „безобѕирно управување со моторно возило“....

Премиерот Христијан Мицкоски на социјалните мрежи објави дека од денеска се отвора нова фабрика во Штип со најмалку 500 нови работни места и дека од денеска 12.000 полицајци добиваат поголеми плати.„Денеска две добри вести! Отвораме нова фабрика во индустриската зона во Штип. Од 500 до 600 нови работни места за нашите граѓани. Од вчера започна исплатата на повисоките плати. Над 12.000 полицајци добиваат зголемени плати за 10%. Промените не се зборови – тие се случуваат. Македонија повторно станува ваша. Заедно за многу повеќе, за секој еден човек”, напиша Мицкоски на Фејсбук....

– Се исправам овде со намера да го нарушам нормалниот тек на работа во Сенатот на САД, и ќе стојам додека сум физички способен. Се исправам вечерва, затоа што искрено верувам дека нашата земја е во криза, изјави тој вчера, на почетокот на својот маратонски говор.Обраќањето на сенаторот од Њу Џерси го урна рекордот од 1957 година, поставен од Стром Тармонд – сенатор од Јужна Каролина, поддржувач на расната сегрегација, кој се спротивставуваше на историски закон за граѓанските права и зборуваше во пленарната сала 24 часа и 18 минути.Симболично, малку пред да го надмине овој рекорд, Кори Букер со емотивен и изморен глас ги потсети на зборовите на еден од неговите ментори – Џон Луис, емблематична фигура на движењето за граѓански права од 60-тите години.Сенаторот го искористи слоганот на поранешниот демократ во Конгресот, кој почина во 2020 година, за да ги повика Американците да предизвикаат „немири, добри немири“ во општеството како одговор на политиките на Доналд Трамп. – Овде не станува збор за лево или десно. Ова е прашање на добро и зло. Америка, ова е морално прашање: дали Уставот живее во твоето срце?, изјави сенаторот малку откако го постави новиот рекорд.Тој конечно го предаде зборот во 20:05 часот по локално време, откако зборуваше 25 часа без прекин.Кори Букер беше на говорницата во американскиот Сенат од претходната вечер во 19:00 часот, за да протестира против политиката на претседателот Трамп, која според него е „неуставна“.Интерниот правилник на Горниот дом на Конгресот му дозволува на секој сенатор да земе збор, сè додека стои исправен и зборува без прекин. Оваа тактика е позната како „филибастер“ – збор што потекнува од францускиот „flibustier“ (пират, дејствувачки крај американските брегови од 16-ти до 18-ти век – бел. ред.), бидејќи сенаторот практично ја „киднапира“ говорницата и на тој начин го спречува затворањето на дебатите.Правилата се строги: не е дозволено седење или пауза, дури ни за физиолошки потреби. Единствената дозволена пауза е онаа за гласање – кога друг сенатор може да земе збор за да постави прашање на говорникот, при што понекогаш и самото прашање е пролонгирано....

Истакнати професори од Универзитетот Оксфорд, денеска ќе одржат предавања на МИТ Универзитетот во Скопје.Овој еднодневен научен собир ќе понуди ексклузивна можност за слушање предавања од водечки светски експерти на теми како вештачка интелигенција, роботика, психологија и други актуелни научни прашања.МИТ Универзитетот ги поканува сите заинтересирани да бидат дел од овој значаен настан и да стекнат вредни знаења од врвни светски експерти.„Бројот на места е ограничен! Осигурај го своето место на време – пријавата е задолжителна! Не чекај до последен момент, бидејќи местата се пополнуваат брзо. Резервирај сега и обезбеди си учество!“...

Venko Filipce collage - 1 Пред денешното рочиште адвокатот на обвинетиот Влатко Кешишев, Игор Ефремов побара за време на сведочењето на неговиот клиент од судницата да биде отстранет Љупчо Палевски. Ефремов истакна дека неговиот клиент се плаши да говори пред Палевски и можно е да не ја говори вистината. Во прилог на тоа нагласи дека Палчо на неговиот клиент му давал некави ливчиња да ги потпише во негово име.На ова се спротистави самиот Палевски.-Ова се лаги, посебно тоа дека сум давал писма и изјави кои треба да се препишат во негово име. Може да биде свртен и со грб но битно ми е да слушам што ќе изјави, рече Палевски.Согласно член 391 став 4, Судот донесе решение обвинетиот Љупчо Палевски – Палчо се оддалечува од судница, рече судијата Ивица Стефановски.На 25.11 Палчо му дал на Кешишев изјава да ја препише и да ја достави до судот додека во комбе се превезувале од затвор кон суд. Со тоа Палчо влијаел врз Кешишев и поради тоа судот одлучи за мерка за оддалечување на Палчо од судницата.Адвокатот на Палчо, Страшевски исто така најави напуштање на судењето.„Јас ќе го напуштам судењето. Ниту е утврден стравот од доктор или вешто лице, но судот да носи вакви одлуки е срамно. Срамот е само на збор кажан, без докази. Ова е само една приказна, која за жал, судот ја прифати. Невозможно е вакво решение да се носи само со зборови од една страна. Во ваква атмосфера јас како бранител на Палевски не можам да учествувам во ваква хајка и драма која непотребно се прави. Барам да повикаме вешто лице да изврши испитување и да видиме дали има страв да говори пред Палевски, а нема страв и понатаму да одговара во постапката на прашања од Палевски“, рече Страшевски.Судија Стефановски: „Судот го предупредува адвокатот дека ќе биде парично казнет доколку го напушти судењето, и ќе биде избран судија по службена должност....

Концертот на „Бијело Дугме“ кој требаше да се одржи на 12 април во салата „Борис Трајковски“ во Скопје се одложува за 31 мај, ни рекоа од продукцијата „Прагма“.„Концертот го одложивме поради трагичниот пожар во Кочани на 16 март. Новиот датум го прилагодивме според обврските на музичарите“, рекоа организаторите.Бендот доаѓа во Скопје во рамките на славеничката турнеја низ регионот и Европа по повод 50 години од основањето. Турнејата се вика „Да се доживее стотата“ (Doživjeti stotu), a лидерот на бендот Горан Бреговиќ претходно најави дека ќе свират 50 концерти во 50 градови. Славеничката турнеја стартуваше во мај 2024 во Домот на млади во Сараево, каде што „Дугме“ го имал еден од првите настапи во 1974.На концертот во Скопје доаѓаат Горан Бреговиќ, Ален Исламовиќ, Младен Војичиќ-Тифа, Ѓиѓи Јанкелиќ, Огњен Радивојевиќ и Зоран Реџиќ. Првиот пејач на бендот Жељко Бебек одбил да настапува на славеничката турнеја....

Царинската управа се најде на високото петто место во спроведување на политики за интегритет на ранг листата на вкупно 72 институции, или за едно место понапред во однос на 2023 година, покажува најновиот извештај за имплементација на интегритет за 2024 година на Државната комисија за спречување на корупцијата. Во извештајот за 2023 година Царинската управа беше на шестото место во спроведување на политики на интегритет.ДКСК забележува подобрување во делот на идентификувани ризици од корупција и зголемени контроли со цел нивно превенирање, преземени конкретни чекори во делот на спречување на судир на интереси, меѓу кои и изречени дисциплински за царински службеници кои постапувале надвор од овластувањата. Подобрувања се забележани и во делот на транспарентноста.Поголемата професионалност и интегритет при извршување на работните задачи минатата година резултираше со поголема наплата на приходи во Буџетот, при што само во втората половина од годината беа наплатени една милијарда евра, бројот на случаи за заплени беше зголемен за 63 проценти, а бројот на кривични пријави беше зголемен за повеќе од три пати.Во 2024 година беа евидентирани вкупно 410 случаи на заплени при откриени прекршочни и кривични дела при што 305 случаи се евидентирани во втората половина од годината. До Основното јавно обвинителство во 2024 година беа поднесени и вкупно 89 кривични пријави, против 46 правни лица и 122 физички лица, при што во втората половина од годината се поднесени 69 кривични пријави за 37 правни и 101 физичко лице. За споредба во втората половина од 2023 година беа поднесени 20 кривични пријави....

Претседателот на Конфедерација на слободни синдикати на Македонија, Благоја Ралковски, утрово гостуваше во ,,Утринско еспресо“ на Радио Лидер, и ги изнесе своите ставови во однос на денешниот протест од страна на ССМ, притоа додавајќи дека не гледа причина за протестирање од нивна страна. Ралковски подвлече дека во последните 9 месеци, остварен е значителен напредок во јавниот сектор, како во образованието, така и во здравството и јавната администрација, со потпишување на историски договори и значајни зголемувања на платите. Тој додаде дека со оглед на истите тие постигнати резултати, не постои оправдување за протести, бидејќи сите претходни барања се исполнети, а во однос на приватниот сектор, тој посочи да се постигне општ колективен договор и изрази подготвеност за соработка во овој процес.„Работите се тргнати од нула и многу е направено во овие 9 месеци. Јас дадов предлог до претседателот на Сојуз на синдикати на Македонија, тоа што го имаме ние во јавниот сектор, тоа што Владата како најголем работодавач ни го даде низ овие 6 месеци, тргнувајќи образование, здравство, јавна администрација итн. Еве да им помогнеме пред Сојузот на стопански комори или пред стопанските комори да дојдеме да си потпишат и општ колективен договор во приватниот сектор, па нема проблем тие што им ветуваат 500 евра нека им дадат 500 евра, има начин како да се издејствуваат тие 500 евра“, изјави Ралковски.Ралковски истакна дека Општиот колективен договор во приватниот сектор, ако е потпишан со легитимни страни, мора да се почитува од сите приватни компании и според тоа актуелниот договор важи само за јавниот сектор, односно за субјекти финансирани од државниот буџет.„Општиот колективен договор ако се потпише во приватниот сектор, со легитимни страни, легитимни работодавачи, легитимен синдикат, тогаш тој мора да го почитуваат сите приватни компании во државата. Ова што го имаме ние, е општ колективен договор за јавен сектор за оние што се под буџет“, вели Ралковски.Ралковски истакна дека, по доаѓањето на власт на новата владејачка гарнитура, уште во јуни и јули, беа повикувани на состаноци поради наталожените проблеми, при што беше пренесено дека финансиската состојба е изразито тешка, со празна државна каса и сериозни дефицити. Тој изрази неверување во однос на фактот што, и покрај извесното подобрување на ситуацијата, Владата организирала нов состанок во септември за повторно разгледување на барањата во областа на образованието, здравството и јавната администрација, со цел да се утврди што конкретно може да се реализира во контекст на подобрените услови.„При доаѓање на власт на оваа нов владејачка гарнитура, уште од јули месец, ние бевме повикувани на состаноци затоа што баравме затоа што имавме наталожено проблеми. Јас сеуште не можам да верувам она што се случи, дека самата Влада во септември месец не повика повторно на состанок и праша – Кои се вашите барања?“, кажа Ралковски.Ралковски истакна дека, и покрај бројните предизвици и неприлики, остварени се значајни подобрувања. Тој објасни дека во образованието се реализирани зголемувања на платите, додека во здравствениот сектор беше постигнато историско ниво на 10% нивелирање на коефициентите, што доведе до значително покачување на платите на најниско платените, кои сега веќе не се под минимална плата, туку над неа. Ралковски објасни дека дополнително, имаше зголемување на платите и во останатите сектори на јавниот сектор, вклучувајќи ги и полицајците. Тој смета дека, во контекст на финансиските потешкотии на државната каса, имале значителна среќа да оствариме барем дел од нашите барања, приближно 70%-80%.„Во сите тие прилики неприлики ние добивме, зголемување во образованието, добивме историско со маса на пари од 10% нивелирање на коефициентите во здравство, каде што се подигнаа платите на најниско платените и сега веќе нема под минимална плата, туку се над минимална плата. Во целата она претходна година, имавме една голема среќа на таа беспарица што се случуваше во државната каса, да ние го добиеме барем дел од нашиот колач, не кажувам 100% но 70-80%“, истакна Ралковски.Ралковски истакна дека, по потпишувањето на историски договори во образованието и здравството, од 1 април ќе бидат реализирани значајни зголемувања на платите, вклучувајќи и 7% зголемување во образованието и повторно покачување во здравството. Тој појасни дека платите во јавниот сектор, кои во минатото беа под минималната плата, сега се зголемени за 50 евра над минималната, а полицијата добива зголемување од 10-15%, а за други сектори се преговара за дополнителни 5-7%. Ралковски смета дека со оглед на постигнатите резултати, не постои причина за протест, бидејќи сите претходни барања за испочитување на законите и колективните договори се исполнети.„Потпишавме историски договори во образование, образованието од 1 април 7% е зголемена платата, потпишавме историски договори во здравството повторно од 1 април се зголемуваат платите во здравството. Се усогласија во јавниот сектор, полицијата ќе добие 10-15%. Разговараме за оние што не можат да се усогласат, има дополнителни 5-7% покачување, со преговорите заради Кочани. Сега доаѓаме за 50 евра над минималната плата и ние сме синдикат кој што е претежно во 95% во јавниот сектор, не знам за што би протестирале. Ние протестиравме во минатото, да не викнат да разговараме, да се испочитуваат законите, да се испочитуваат колективните договори, еве сега тоа го имаме на маса, сведоци се и колегите од ССМ. Е сега приватниот сектор, тука сме да им помогнеме, нема проблем, нека повикаат сите заедно пред стопанска комора“, заклучи Ралковски....

Група поранешни светски лидери ја повикуваат Европа да ги продолжи своите еколошки политики дури и кога трговските војни и трошоците за одбрана имаат предност пред климатските грижи, изјави поранешната ирска претседателка Мери Робинсон.„Постарите“, група формирана од поранешниот јужноафрикански претседател Нелсон Мандела, се очекува да се сретне со претставници на ЕУ и НАТО кон крајот на овој месец за потезите за ублажување на претстојните правила за откривање на корпоративната клима како одговор на загриженоста за конкурентноста.Робинсон, која беше претседателка на Ирска од 1990 до 1997 година, рече дека е загрижена за плановите. Таа додаде дека ЕУ има можност да стане лидер, а не САД, на брзорастечкиот пазар на чиста технологија и воопшто на полето на климатската политика.„Кризата на повлекувањето на федералната влада во САД од се што е поврзано со климата и науката е можност за Европската унија, Обединетото Кралство и, искрено, за остатокот од светот“, рече таа.„Да се движиме што е можно побрзо во однос на зелената транзиција, тоа е начин да се одговори… навистина е важно Европа да се држи до своите принципи, да се држи до својата зелена индустриска политика и во никој случај да не отстапи“, рече Робинсон.Според Меѓународната агенција за енергија, глобалниот пазар за чисти технологии, како што се соларни фотоволтаици и турбини на ветер, би можел да порасне од 700 милијарди долари (648,8 милијарди евра) во 2023 година до над 2 трилиони долари (1,854 трилиони евра) до 2035 година, што би било еднакво на вредноста на суровата нафта на глобално ниво.Робинсон, заедно со поранешниот норвешки премиер Гро Харлем Брунтланд и меѓународниот активист за човекови права Денис Муквеге, исто така ќе го повикаат Брисел да ја преземе водечката улога во борбата против најголемите светски закани и ќе ја охрабрат ЕУ да создаде и испорача навремен и амбициозен акциски план за климата.Групата „Постарите“, основана во 2007 година, се залага за мир, правда, човекови права и одржлива планета. Во групата се поранешниот генерален секретар на ОН Бан Ки-мун и поранешната премиерка на Нов Зеланд Хелен Клард....

Звонко Јанкуловски за НетПрес ќе напише: Накратко, расправата со глупави луѓе често се претвора во битка на ега, наместо во дискусија заснована на вистина и разум. Кога дискутирате со интелектуални инвалиди кои, за волја на вистината, се накотија во последно време, не очекувате дека се способни да ја раберат вашата поента. Тогаш и самата расправа ја губи својата смисла и цел. Баш ваква е денешната слика на отворените расправи во Македонија. За жал ниедна расправа во Македонија, барем досега, не понудила лек за глупоста – зашто не постои таков.Градоначалниците на Кочани се уапсени, а не се споменуваат советниците. А, Апасиев ги хушка децата дека требало да се сруши режимот итн. Еве јас гласно размислувам. Дали Апасиев имаше кампања „Левица во советите“? Да! Дали има советник во Кочани од 2021 година? Да! Дали има пратеник и тоа втор мандат од изборната единица бр.3, каде е и Кочани? Да! И сега незнаеле дека има дискотека која е сомнителна? Знаеле! Ама си ќутеле. Јас си претпоставувам дека едно од сценаријата за ќутење е дека „Газда Деко“ од дискотека „Пулс“ им финансирал со години канцеларија, па и кампања, а можеби и праќал пликоа на месечно ниво до Скопје кај оној кој има командна одговорност за да се молчи.Како е другар Апасиев сега? А? Мислиш само ти си креативен? Затоа престани да хушкаш деца, ако си маж бори се поштено политички зошто вака си само не џилкуш сељачки, туку курле курлосано.Овој истиов споменат го навреди, нормално сељачки, директорот на Телевизија Канал 5 Иван С. Мирчевски, поточно се потсмева со буквата С помеѓу неговото име и презиме што значи Стеван, името на неговиот одамна починат татко. За разлика од кукавицава Апасиев, кој очигледно има само трулеж во душата и празнина во срцето, во навредите се придружи уште една слична кукавица чие име и презиме е Борјан Јовановски, а кој ја напушти ТВ Телма за да оди да работи во телевизијата на Боки13 (Тредичи) и заслужено да го добие надимакот „Копиљакот на Боки“. Истиов со полуписмени политикантски примери проба да го дисквалификува директорот на Канал 5 телевизија.Почитуван Христијан Мицкоски,Во 2009 година Мирчевски ми одржа лекција како се постапува во случај на траорна ситуација и затоа напоменувам, на барање на родителите на загинатите, така и се понесе во оваа страшна трагедија и заедно со здружението Онлајнмедиа, но и други одговорни радиодифузери или печатени медиуми го заштитија јавниот интерес, достоинството на мајка Македонија и сочуствуваа со ожалостените за нивните огромни загуби. Затоа на сите вакви одговорни медиуми јавно им оддавам почит и им се поклонувам.Но, се поставува прашањето: Зошто нема правилник за траорна ситуација изготвен од АВМУ?Владата само прогласува денови на жалост, а во заштита на државата беше приморана да креира насоки за однесувањето на медиумите, иако одамна ја креирала АВМУ како независно регулаторно тело кое има обврски и одговорности кон медиумите во денови на жалост.Одговорот не е само дека имаме високо преплатена агенција која мора да ја реафирмираме, првенствено меѓу медиумите, но и да ја реформираме од самите вработени.АВМУ е таа која мора на база на правилник да донесе одлука за однесувањето на медиумите во деновите на жалост, а не да препорачува однесување. Одлуката врз база на правилник има да важи за сите медиуми и социјални мрежи, поточно ги дава следниве регулации:Функцијата забавна програма се забранува до завршување на погребната церемонија;Сите реклами се забрануваат во деновите на жалост;Дозволено е на домашни и странски медиуми да информираат, фотографираат и да снимаат аудио и аудивизуелни пораки согласно правилникот, и истите медиуми се акредитираат токму во АВМУ и во случај на прекршување на правилникот или нелегално однесување спротивно на државното уредување се воведува забрана, протерување, одземање на опрема и слични активности во согласност со активното домашно уредување и тоа одма;Во случај на денови на жалост кога е во прашање смрт на актуелен или поранешен висок државник важат други правила и степенот на траорна ситуација (нивото на жал) е различен;Поради оваа трагедија која не’ снајде како општество, и во која загинаа многу убави 59 личности – деца, млади, родители, полицајци итн, но и музичари, го давам следниов предлог кој нормално не е најпаметен, ама сепак е предлог, за да не се најдеме во идентични или слични ситуации.Предлогот е:За жал Христијан, Звонко Јанкуловски во неговата последна колумна за НетПрес ќе каже една голема вистина, а јас ја додавам за неработниците од АВМУ: „Не расправај со глупаци – премногу се глупави за да го знаат тоа“.АВМУ, пред се’ нејзиното раководство, не разбира дека каде има јавни настапи, рекламирање на истите, јавно емитување итн дека се повеќе од заинтересирани, зошто тоа е агенција создадена согласно сите правила на Европската унија и која чежнее за ингеренции, а не да бега од одговорности и да се однесува недоветно.Мора да престанеме да ги негираме нашите уметници. Тие се сликата за нас како држава. Тие не’ водат да бегаме од замката дека сме последна селска паланка во некоја недојдија. Ние како држава и луѓе кои работиме во областа заштита на јавниот интерес, воспитување, образување и достоинствен културен идентитет на граѓаните, мораме да ги штитиме по секоја цена нашите естрадни уметници.Се создава Здружение на музичари под капа на државата и тоа единствено, зошто одма ќе се поделат на десет. Сите музичари членуваат и јавно ги кажуваат нивните ценовници. Нарачателите ги исплаќаат нивните хонорари на соодветна сметка и затоа дополнително си плаќаат 10 проценти кои се делат на следниов начин: на УЈП, на Здружението и на фирмата која ги штити нивните авторски, фонограмски и изведувачки права. Обврска при договорот е да репертоарот кој ќе се изведува да биде потпишан пред настапот.Во исто време се создава Катастер на угостителски објекти. И таму се објавени сите нивни легално извадени документи од државата.На пример: Доколку се ангажира естраден уметник за во објект и прави концерт. Организаторот ги подмирува сите финансиски трошоци и здружението е поврзано со сите институции и му потврдува на уметникот дека се е во ред со објектот. Здружението ги информира МВР, УЈП, Пазарна итн.Во исто време во објектот се наложува да се воспостави инфрацрвена завеса за влез и излез и да има монитор колку гости има внатре итн. Како на паркинг.За да можам да се изедначат сите угостителски објекти пред законот каде има јавно емитување и јавни настапи АВМУ започнува кампања заедно со УЈП за издавање на фискални сметки поради тоа што се прави огромна штета на граѓаните и на државата.Почитуван Христијан Мицкоски, не ми е криво да АВМУ немаат претстава и да не ја разбираат проблематиката, туку што голем дел од нив се однесуваат по логиката „Купи ден продај“. Нормално има исклучоци кои се потиснати, а тоа се советници и вработени.Во следната колумна повеќе за спортските права, рекламниот буџет и развој на медиумите.Да живее Македонија!Автор: Виктор Грозданов за НетПрес...

Форумот за заложници и исчезнати семејства во средата издаде соопштение во кое изрази шокираност откако министерот за одбрана Израел Кац рече дека одобрил проширување на офанзивата на ИДФ врз Газа. „Нејзината цел е да ја уништи и исчисти областа од терористи и терористичка инфраструктура и да заземе широки области кои ќе бидат припоени кон безбедносните зони на Израел“, рече Кац за офанзивата, повикувајќи ги цивилите во тие области да заминат.„Наместо да ги извлече заложниците со договор што ќе стави крај на војната, владата испраќа повеќе војници назад во истите области во кои се бореле“, се вели во соопштението. „Дали Израел одлучи да грабне земја на сметка на заложниците?„Семејствата беа преплашени кога слушнаа дека Кац најавува проширување на офанзивата за заземање земја. Владата е одговорна да ослободи 59 заложници од заробеништво на Хамас. Сметаме дека таа цел е симната од листата на приоритети“, се вели на форумот.„Бараме премиерот, министерот за одбрана и началникот на Генералштабот да ѝ се обратат на пошироката јавност и особено на семејствата на заложниците, и да објаснат како оваа воена офанзива служи на целта за враќање на заложниците и како тие имаат намера да спречат да ги стават животите на заложниците во опасност и да го ризикуваат исчезнувањето, засекогаш, на посмртните останки на оние кои беа договорени.Како одговор, Кац објави втора изјава во која тврди дека целта на проширената офанзива во Газа е да се изврши притисок врз Хамас да ги ослободи сите заложници. Во текот на ноќта беа пријавени тешки воздушни напади во Газа, а движењето на копнените трупи започна под интензивно артилериско покривање....