КошаркаРепрезентацијаТОП Јончевски ги одбра конечните 12 за Литванија 21.11.2024 9:19 1 Денеска од 18:00 часот, Македонија го игра првиот од двата натпревара против поранешниот европски шампион Литванија. Мечот се игра во Скопје, а македонската репрезентација ќе биде десеткувана бидејќи недостасуваат најдобрите играчи. Ненад Димитријевиќ и Ти Џеј Шортс имаат натпревари во Евролигата, Итан Хап е повреден, а Андреј Јакимовски настапува во НЦАА каде сезоната е во полн ек. По повредите и откажувањата, од конечниот тим отпадна кошаркарот на МЗТ Скопје, Марин Петков, но тој останува во комбинација, евентуално, за реваншот во Клаипеда в недела. Предност доби Страхил Николов од ТФТ, пред се поради недостатокот на високи играчи кои треба да се им се спротивстават на Литванците. Тој, заедно со Бојан Крстевски, Андреј Маслинко и Лејсон Зеќири ќе треба да ја водат битката под кошевите. СПИСОК НА КОШАРКАРИ: Војдан Стојановски Дамјан Стојановски Дамјан Робев Виктор Ефремовски Бојан Крстевски Андреј Маслинко Лејсон Зеќири Страхил Николов Стојан Ѓуроски Бобан Стајиќ Адем Мекиќ Кристијан Николов FacebookTwitterWhatsAppEmailPrint ПретходноСане: Арсенал или Јунајтед? Јас сум сеуште играч на Баерн Минхен Марија Ковачева...

Меѓународен фудбалАнглијаГерманијаТОП Сане: Арсенал или Јунајтед? Јас сум сеуште играч на Баерн Минхен 21.11.2024 9:00 0 Лерој Сане секако дека во периодот кој следува ќе биде главната трансфер мета затоа што се работи за едне од најдобрите играчи во светот, а неговиот договор со Баерн Минхен допрва треба да биде продолжен. Дали ќе дојде до тоа или пак Сане ќе замине на друго место пред се во Премиер лигата останува да видиме, а тој во својата последна изјава дипломатски одговори околу неговата иднина. „Арсенал или Јунајтед? Секако дека ја следам Премиер лигата, но нема да потпишам договор со клуб уште сега во јануари. Среќен сум во Минхен, имам актуелен договор тука, во тек се и преговорите“ – рече Сане. Сане во моментов има 28 години и е во зенитот на својата кариера. Своевремено замина од Шалке во тимот на Манчетсер Сити, одигра стотина мечеви за овој клуб, па потоа се врати во Германија и потпиша за Баерн. FacebookTwitterWhatsAppEmailPrint ПретходноГробарите се бесни, Мијатовиќ станува дел од Фудбалскиот сојуз на Србија Ognen Dojcinovski...

Меѓународен фудбалОстанатоТОП Гробарите се бесни, Мијатовиќ станува дел од Фудбалскиот сојуз на Србија 21.11.2024 8:30 1 Наместо да почне да го врача клубот Партизан на старите патеки, и да го враќа од „мртвите“, за што и пристигна како дел од новата управа на клубот, Предраг Мијатовиќ станува подпретседател на Фудбалскиот сојуз на Србија. По само десетина дена откако се врати на ЈНА и беше најавуван како спасител на клубот, Мијатовиќ направи потег поради кој навивачите на Партизан се бесни. Тој влегува во структурите на Федерацијата, онаа која според навивачите на Партизан е една од највиновните што клубот е во очајна состојба. Мијатовиќ најави вакво нешто со своите изјави пред неколку дена во кои јавно го одбрани претседателот на Србија, Александар Вучиќ инаку докажан навивач на Црвена Звезда, а еве сега излегува на виделина и причината зошто е тоа така. „Гробарите“ се бесни, шокирани од ваквиот развој на настаните, а на социјалните мрежи прават се за да го искажат своето незадоволство. „Или си Видиќ или си Мијатовиќ, трето нема“… гласи еден од коментарите алудирајќи секако на Немања Видиќ, фудбалската икона на Србија кој што јавно е против сегашната номенклатура во Сојузот на Србија. Ќе видиме како Мијатовиќ ќе биде дочекан на следниот домашен меч на Партизан. FacebookTwitterWhatsAppEmailPrint ПретходноКливленд им се врати на победите (ВИДЕО) Ognen Dojcinovski...

КошаркаНБАТОП Кливленд им се врати на победите (ВИДЕО) 21.11.2024 8:00 0 Екипата на Кливленд многу бргу сезонава им се врати на победите откако загуби од Бостон пред некоја вечер. Сега, Кавси супериорно поминаа против слабиот Њу Орлеанс сезонава и обезбедија триумф од 128:100. Тај Џером имаше фантастично прво полувреме во кое погоди 27. од своите вкупно 29. поени на овој дуел. Ова е негов рекорд на кариерата, а погоди седум тројки. НА другата страна пак, дебитантотн на Пеликанси Ентони Ривс погоди за свој рекорд 34 коша. Во Њу Орлеанс е таков проблемот со повредените играчи што потпишан е договор со Елфрид Пејтон некогашниот десетти пик на драфтот кој две години нема играно во НБА лигата. Тимот на Милвоки е на прав пат со четири победи од пет меча. Јанис со 41 поени против тимот на Чикаго, а и Брук Лопез одличен со 21 кош. Демијан Лилард на 20. коша додаде и десет асистенции. Резултати: Кливленд – ЊУ Орлеанс 128:100 Милвоки – Чикаго 122:106 Хјустон – Индијана Мемфис – Филаделфија 117:111 Оклахома – Портланд 108:99 Голден Стејт – Атланта 120:97 Феникс – Њујорк 122:138 ЛА Клиперс – Орландо 105:93 FacebookTwitterWhatsAppEmailPrint ПретходноЧави и Маскерано главни кандидати за клупата на Интер Мајами Ognen Dojcinovski...

Меѓународен фудбалОстанато Чави и Маскерано главни кандидати за клупата на Интер Мајами 20.11.2024 23:00 61 Бившите фудбалери на Барселона, Чави и Хавиер Маскерано се главни кандидати за превземање на клупата на Интер Мајами. Веќе е познато дека раководството на Интер Мајами бара заменик за бившиот тренер Џерардо Мартино, кој пред неколку дена си поднесе оставка од лични причини. Според изворите кои се блиски до клубот, главните кандидати за тренерската позиција на Интер Мајами се Чави и Хавиер Маскерано. Клубот пред се би сакал да ги спои бившите соиграчи со Лионел Меси, Луис Суарез, Џорди Алба и Серхио Бускетс. Претходно Чави беше предводник на Барселона и на Ал Саад каде не се прослави многу. Маскерано пак, беше тренер на младинската репрезентација на Аргентина. Интер Мајами ја заврши регуларниот дел од сезоната во МЛС со 74 бода, но екипата на Лео Меси загуби од Атланта во првата рунда од нокаут фазата. FacebookTwitterWhatsAppEmailPrint ПретходноРадивојевиќ: Штета што не победивмеСледноКливленд им се врати на победите (ВИДЕО) Saso Kuzmanovski...

РакометЛига на шампиони Радивојевиќ: Штета што не победивме 20.11.2024 22:46 66 Ракометарите на Е. Пелистер не успеаја да ја совладаат екипата на Фредериција во натпреварот од осмото коло од Лигата на Шампионите. Битолчани испуштија победа во последните моменти од натпреварот и освоија само бод. По натпреварот ракометарот на Е. Пелистер, Богдан Радивојевиќ го даде своето мислење за мечот. „Мислам дека ова беше одличен меч, многу борба и добра одбрана со многу голови на двете страни. Штета што не победивме, во вториот дел се вративме во натпреварот по негатива. Усепавме да се вратиме во средбата, дури и да поведеме. Имавме шанса да победиме, ама и тие имаа. Поддршката беше одлична од трибините и нè туркаше низ натпреварот. Пак, бод е бод, не го загубивме мечот. Штета е што не победивме, работиме напорно и одиме понатаму. Шансите за пласман во следната фаза постојат, имаме натпревари дома и на гости и сè е на нас. Одиме и во следниот меч максимално“, изјави Радивојевиќ. FacebookTwitterWhatsAppEmailPrint ПретходноЛаутаро се израмни со Марадона во дресот на АргентинаСледноЧави и Маскерано главни кандидати за клупата на Интер Мајами Saso Kuzmanovski...

Меѓународен фудбалЕП/СП Лаутаро се израмни со Марадона во дресот на Аргентина 20.11.2024 22:40 111 Репрезентацијата на Аргентина синоќа извојува тесна победа над Перу (1:0) во квалификациите за СП 2026 година. Автор на единствениот гол беше напаѓачот Лаутаро Мартинез, за ​​кого тоа беше 32. гол за репрезентацијата. Така Мартинез на листата на стрелци на репрезентацијата ги мина Анхел Ди Марија и Гонзало Игуаин и се израмни со легендарниот Диего Марадона. На вечната листа води Лионел Меси со 112 гола, а во првата тројка се и Габриел Батистута (55) и Серхио Агуеро (41). Најблиска цел на Лаутаро е Ернан Креспо кој има 35 гола. FacebookTwitterWhatsAppEmailPrint ПретходноПелистер испушти победа против Фредериција (ФОТО)СледноРадивојевиќ: Штета што не победивме Saso Kuzmanovski...

РакометЛига на шампиониТОП Пелистер испушти победа против Фредериција (ФОТО) 20.11.2024 22:25 188 Пелистер во дебито на Раул Алонсо запиша реми против Фредериција (29-29) во меч од осмото коло во Лигата на шампиони. Македонскиот тим имаше напад за победа, но не го искористи, на крајот треба да биде задоволен и со освоениот бод. Пелистер и покрај ова останува на 6-то место кое носи во следната фаза. Радивојевиќ имаше седум гола, додека два помалку запиша Кузмановски, по четири имаа Хосни и Тајник. Митревски запиша пет гола сите во второто полувреме, иако беше скромен на оваа средба, сепак беше причина за резултатскиот кам-бек на неговиот тим. Фредериција го отвори мечот 0-1, во шестата минута поведе и со 2-4, откако претходно Тајник не реализираше, а Хосни направи техничка грешка. Македонскиот тим брзо се врати и израмни на 4-4, но гостите со мини серија повторно зголемија на плус два (4-6) после нова техничка грешка на Пелистер. По 6-8, Фредериција не успеа да реализира надап за плус три и во период кога битолчани беа со играч помалку на теренот, но тоа го стори две минути подоцна со голот на Табоада зголеми на 7-10. Митревски немаше свој ден, па влезе Илиќ. По 9-12 следеше период на промашувања и грешки на двете страни, Пелистер не искористи да се доближи, па на другата страна гостите успеаја да поведат со четири гола разлика (10-14 и 11-15). На одморот битолчани заминаа со негатива од 13-16. 1 од 8 Пелистер на крилата на капитенот Филип Кузмановски, успеа да ја врати надежта на трибините дека овој меч само што почна, намали на 15-17. Публиката се разбуди, но гостите успеаја да постигнат важен гол за 15-18, а потоа и за 16-19. Се чекаше налет на македонскиот првак, но и добра одбрана. Тоа се случи во 40-та минута, Митревски ја запиша првата интервенција, а Пелистер дојде на минус еден 19-20, па 20-21. По новата одбрана на Митревски, Манасков направи наивна грешка во напад за изедначување. Македонскиот првак целосно се издигна на средината на вториот дел, Радивојевиќ израмни на 22-22. Кузмановски во 47-та минута го донесе првото водство на својот тим 24-23. На стартот на 50-та минута, Радивојевиќ не успеа да реализира од седум метри за плус два, па стигна казната (25-25). Битолчани одржуваа минимална позитива, одеа по тенка линија, но како одминуваше времето нивната самодоверба растеше, тука беа и фановите за поддршка. И повторно наместо плус два, Пелистер направи две грешки во низ и ја врати Фредериција во живот, гостите поведоа со 28-29 на три минути до крајот. Манасков израмни на 29-29 за драма во Битола. Митревски во 59-та минута запиша нова интервенција, Хосни не реализираше, но одбиената топка се врати кај ракометари на Пелистер, Борзаш не успеа да донесе победа, па мечот заврши без победник. FacebookTwitterWhatsAppEmailPrint ПретходноФеникс Санс со нов договор за ДурантСледноЛаутаро се израмни со Марадона во дресот на Аргентина Марија Ковачева...

КошаркаНБА Феникс Санс со нов договор за Дурант 20.11.2024 22:00 44 Екипата на Феникс Санс планира налето да му понуди нов договор на Кевин Дурант со вредност од 120 милиони долари. Од Феникс се надеваат дека Дурант ќе ја заврши кариерата во тимот од Аризона. Актуелниот договор на Кевин Дурант истекува за една година, односно на почетокот на сезоната 2025/26, па со новиот договор Феникс сака да ја „зацементира“ супер-ѕвездата до крајот на неговата кариера. Според информациите и Дурант не би имал ништо против да ја продолжи соработката со Феникс и да заработи уште доста пари. Во моментов Дурант е повреден и паузира од натпревари во НБА лигата, но пред повредата тој уфрлаше по 27,6 поени на натпревар.. FacebookTwitterWhatsAppEmailPrint ПретходноЕвропски купови: Јошко и Љафтов во осминафинале, Савовски елиминиранСледноПелистер испушти победа против Фредериција (ФОТО) Saso Kuzmanovski...

Други спортовиОдбојка Европски купови: Јошко и Љафтов во осминафинале, Савовски елиминиран 20.11.2024 21:30 33 Најтрофејниот македонски одбојкарски стратег Јошко Миленкоски и нашиот репрезентативец Александар Љафтов успешно ја минаа 1/16-финалната пречка во Челинџ Купот на ЦЕВ. Вечерва во својата сала, ПАОК во Солун со максимални 3:0 го совлада шпански Сан Роке Лас Палмас и ја потврди својата доминација покажана и на првиот меч на гости, кога однесе победа од 3:2. Вечерва тимот предводен од Миленкоски не им даде шанса на гостите да се понадеваат на некаква драма во Солун. Во трите сета ПАОК доминираше и убедливо со (25:17, 25:22, 25:22) дојде до пласман во осминафиналето. Љафтов кој го почна мечот во стартната постава за солунскиот тим на крајот заврши со 4 реализирани поени, од кои два беа по успешни блокади. За жал, Филип Савовски и неговата Војводина не ја искористија предноста на домашниот терен за да му се реваншираат на романски Брашов за поразот од 3:1 на првиот меч од 1/16-финалето на ЦЕВ Купот. Вечерва во Нови Сад, Војводина беше убедливо поразена од 3:0. Савовски кој е стартер за Војводина мечот го заврши со 6 поени, од нив два по успешни блокади. FacebookTwitterWhatsAppEmailPrint ПретходноИталија е нов светски шампион во Били Џин Кинг купотСледноФеникс Санс со нов договор за Дурант Saso Kuzmanovski...

Други спортовиТенис Италија е нов светски шампион во Били Џин Кинг купот 20.11.2024 21:00 33 Италијанските тенисерки Луција Бронзети и Јасмин Паолини и ја донесоа шампионската титула на Италија во Били Џин Кинг купот, откако вечерва во финалето ја совладаа репрезентацијата на Словачка со резултат 2:0. Во првиот натпревар Бронзети ја победи словачката тенисерка Викторија Хрунчакова со 6:2 и 6:4 во сетови, а во вториот меч Паолини славеше против Ребека Срамкова со 6:2 и 6:1. Паолини која е и четврта тенисерка на ВТА листата стигна до победата во меч кој траеше еден час и шест минути. Ова е петти трофеј за Италија во Били Џин Кинг купот и триумф по 11 години без трофеј во натпреварувањето. FacebookTwitterWhatsAppEmailPrint ПретходноКосово ќе се жали до Судот во Лозана за одлуката на УЕФАСледноЕвропски купови: Јошко и Љафтов во осминафинале, Савовски елиминиран Saso Kuzmanovski...

Меѓународен фудбал Косово ќе се жали до Судот во Лозана за одлуката на УЕФА 20.11.2024 20:30 296 Косово најави жалба до Спортскиот суд во Лозана за денешниот пораз на „зелена маса“ од селекцијата на Романија, на мечот во Букурешт од Лигата на нации кои го напуштија пред самиот крај. УЕФА одлучи да го регистрира мечот со 3:0 за Романија и да ја казни Косовската фудбалска федерација со 6000 за однесувањето на играчите. Фудбалската федерација на Романија е казнета со вкупно 128.000 евра поради однесувањето на навивачите, а репрезентацијата на Романија следниот меч на домашен терен ќе го одигра без публика. „За федерацијата и играчите на нашата репрезентација, оваа одлука е потврда за мудроста на нашите постапки против расистичките пароли и провокативните политички изјави за Косово. Оваа одлука целосно ги оправдува нашите постапки и горди сме што нашиот тим правилно ја процени ситуацијата со изборот да го напушти теренот во знак на протест против дискриминаторското однесување. Оваа одлука потврдува дека Косово постави нов стандард за заштита на достоинството и почитта во меѓународниот фудбал. И покрај тоа, не се согласуваме со одлуката на Косово да му се одземат три бода и мечот да се регистрира со 3:0 во корист на Романија. Во врска со оваа одлука, федерацијата ќе поднесе жалба до Судот за спортска арбитража во Лозана“, се вели во соопштението. FacebookTwitterWhatsAppEmailPrint ПретходноХрватот Бура си замина од ОхридСледноИталија е нов светски шампион во Били Џин Кинг купот Saso Kuzmanovski...

РакометДомашно првенство Хрватот Бура си замина од Охрид 20.11.2024 20:15 135 ГРК Охрид денеска потврди дека ја заврши соработката со десниот бек Луцијан Бура. 27-годишниот хрватски ракометар заминува од дресот на охриѓани. Од клубот му се заблагодарија за досегашната соработка и му посакаа успех во натамошната ракометна кариера. FacebookTwitterWhatsAppEmailPrint ПретходноСлот подготвил 50 милиони фунти за само еден зимски трансферСледноКосово ќе се жали до Судот во Лозана за одлуката на УЕФА Saso Kuzmanovski...

Меѓународен фудбалАнглија Слот подготвил 50 милиони фунти за само еден зимски трансфер 20.11.2024 20:00 187 Новиот менаџер на Ливерпул, Арне Слот, подготвува голем трансфер уште оваа зима. Според пишувањат ана англиските весници, Ливерпул е заинтересиран за 25-годишниот напаѓач Брајан Мбеумо од Брентфорд, кој е во импресивна форма, откако веќе постигна осум гола во 11 настапи за „пчелите“ оваа сезона. На Мбеумо му е најудобно да игра како десно крило / напад, што веројатно е прв чекор кон обезбедување на достојна замена за Мохамед Салах. Тимот на Слот може да има силна конкуренција за да го ангажира играчот, бидејќи Њукасл Јунајтед го „гледа“ Мбеумо како приоритет исто така оваа зима. Ливерпул наводно е подготвен да плати до 50 милиони фунти за играчот на Брентфорд. FacebookTwitterWhatsAppEmailPrint ПретходноРистовски и Мукаетов ги посетија ракометарките (ФОТО)СледноХрватот Бура си замина од Охрид Saso Kuzmanovski...

РакометЕвропско првенство 2024ТОП Ристовски и Мукаетов ги посетија ракометарките (ФОТО) 20.11.2024 19:39 94 Во пресрет на Европското ракометно првенство за жени 2024, раководството на Ракометната Федерација на Македонија, Претседателот Живко Мукаетов, генералниот секретар Филип Милошевски заедно со Министерот за спорт Борко Ристовски денеска ги посетија репрезентативките на тренинг. Ристовски и првите луѓе на РФМ им посакаа успешен настап на континенталниот собир. FacebookTwitterWhatsAppEmailPrint ПретходноАморим веќе доби прекар од своите нови играчиСледноСлот подготвил 50 милиони фунти за само еден зимски трансфер Saso Kuzmanovski...

Меѓународен фудбалАнглија Аморим веќе доби прекар од своите нови играчи 20.11.2024 19:30 136 Фудбалерите на Манчестер Јунајтед веќе му најдоа „прекар“ на новиот тренер Рубен Аморим. Аморим (39) пристигна во клупскиот тренинг центар Карингтон во понеделникот и беше пречекан од неколку членови на хиерархијата на „црвените ѓаволи“ – вклучувајќи ги спортскиот директор Ден Ешворт, извршниот директор Омар Берада и техничкиот директор Џејсон Вилкокс. „Сан Спорт“ објави дека играчите се „шокирани“ од самодовербата на Аморим кој во многу нашта наликува на Мурињо. „Дури и пред првата сесија во понеделник, играчите беа многу импресионирани. Тие се воодушевени од неговата енергија, пристап и самодоверба. Играчите мислат дека тој е многу пристапен и дека ќе ги разбере. Некои од нив веќе го нарекуваат Мурињо 2.0.“, вели извор од Карингтон. FacebookTwitterWhatsAppEmailPrint ПретходноЛитванците играат на картата дека се подобро физички подготвени од МакедонијаСледноРистовски и Мукаетов ги посетија ракометарките (ФОТО) Saso Kuzmanovski...

КошаркаРепрезентација Литванците играат на картата дека се подобро физички подготвени од Македонија 20.11.2024 19:00 162 Линас Клеиза, менаџерот на литванската кошаркарска репрезентација, во изјава за локалните медиуми пред доаѓањето во Скопје за утрешниот меч со Македонија, вели дека селекторот Куртинаитис и неговите најблиски соработници за овој двомеч со нашата репрезентација составиле тим кој ќе одговори на перформасите на противникот. „Сакавме да добиеме репрезентација во која ќе имаме добра ротација и добра физичка подготвеност. Противникот има тим во кој има многу ветерани, па сакаме да го искористиме токму тоа со сите наши притисоци. Имаме голема предност во тој сегмент, но дали играчите е успеат да ги имплементираат задачите на теренот е друго прашање. Но, ги имаме сите потребни алатки“, вели Клеиза. Македонија утре во 18 часот во СРЦ „Кале“ ја пречекува Литванија во првиот од двата ноемвриски дуели во квалификациите за Евробаскетот 2025. FacebookTwitterWhatsAppEmailPrint ПретходноМурињо го убедува Ериксен во јануари да дојде во ФенербахчеСледноАморим веќе доби прекар од своите нови играчи Saso Kuzmanovski...

Меѓународен фудбалАнглија Мурињо го убедува Ериксен во јануари да дојде во Фенербахче 20.11.2024 18:30 59 Жозе Мурињо е сериозно заинтересиран во Фенербахче да го донесе играчот од средниот ред на Манчестер Јунајтед, Кристијан Ериксен. Трансферот би се реализирал уште оваа зима. Репрезентативецот на Данска не е задоволен од минутажата на „Олд Трафорд“ и најверојатно ќе си замине на крајот од сезоната кога ќе му истече договорот. Сепак, турските гиганти ќе се обидат да го донесат уште во јануари. Ериксен работеше со Мурињо додека менаџерот беше на чело на Тотенхем. Играчот од средниот ред ќе почека да види колку е искористен под водство на новиот тренер Рубен Аморим, но веројатноста тој да почне да игра многу повеќе е многу мала. FacebookTwitterWhatsAppEmailPrint ПретходноСтаорци повторно прават проблеми на Олд ТрафордСледноЛитванците играат на картата дека се подобро физички подготвени од Македонија Saso Kuzmanovski...

Меѓународен фудбалАнглија Стаорци повторно прават проблеми на Олд Трафорд 20.11.2024 18:00 119 Можеби звучи чудно но е вистина. Во еден од најголемите клубови во светот, Манчестер Јунајтед и на неговиот легендарен стадион, Олд Трафорд, се соочуваат со проблем кој навидум е неверојатен, наезда на стаорци. Проблемот е со години и навистина е зачудувачки како надлежните сеуште не можат да најдат одговор за ваквиот вид на глодари, кои што очигледно Олд Трафорд и околината го сметаат за свој дом. Проблемот повторно се актуелизира откако два локални пабови во близина на стадионот се затворени затоа што стаорците се појавиле и кај нив. Обновата на Олд Трафорд е тема со децении веќе но истата никако да започне. Не случајно веќе подолго време се зборува дека на стадионот му треба сериозно реновирање. Во 2019 г часови пред дербито на Манчестер дел од покривот попушти и огромна маса на вода се истури врз седиштата. Откако Џим Ретклиф стана еден од косопствениците, една од неговите први задачи беше да го реши проблемот со Олд Трафорд и беше формирана работна група, вклучувајќи го и Гери Невил, за да разговара за опциите. Се уште нема конечна одлука дали ќе се реновира сегашниот објект или ќе се изгради нов стадион, но поверојатно е дека на истото место ќе се гради нов. Manchester United themed cafe – just yards from Old Trafford – is given zero-star hygiene rating after RAT infestation and forced to temporarily close down https://t.co/LvciSOHwCJ — Mail Sport (@MailSport) November 20, 2024 FacebookTwitterWhatsAppEmailPrint ПретходноФудбалска Битола повторно на нозе. Од утре билети за мечот Пелистер – ШкендијаСледноМурињо го убедува Ериксен во јануари да дојде во Фенербахче Ognen Dojcinovski...

ФудбалПрва лигаТОП Фудбалска Битола повторно на нозе. Од утре билети за мечот Пелистер – Шкендија 20.11.2024 17:30 107 Викендов продолжуваат активностите во ПМФЛ шампионатот, а секако дека во рамките на 15. коло во Битола пристигнува лидерот Шкендија. По одличното искуство од дуелот со Вардар кога во Битола се случи вечерен спектакл под рефлектори сега Пелистер повторно се одлучи за ноќен натпревар. Билетите за мечот веќе се пуштаат во продажба, а како што домаќинот известува како и во случајот со Вардар, и за овој дуел во Битола има огромен интерес. FacebookTwitterWhatsAppEmailPrint ПретходноЗаминување од Челзи по цели 18 годиниСледноСтаорци повторно прават проблеми на Олд Трафорд Ognen Dojcinovski...

Меѓународен фудбалАнглија Заминување од Челзи по цели 18 години 20.11.2024 17:00 164 Тренерот на голманите на Челзи, Енрике Хиларио по цели 18 години ќе го напушти Стенфорд Бриџ. Поточно, ќе се приклучи на стручниот штаб на Томас Тухел, кој што од 1 јануари е на чело на репрезентацијата на Англија. Хиларио пристигна во Лондоно сега веќе далечната 2006 како трет голман зад Петер Чех и Карло Кудичини. Во 2014 година ја заврши играчката кариера и се префрли на клупата. Беше во стручниот штаб на Антонио Конте, па на Маурицио Сари, па потоа на Томас Тухел. Германецот инсистираше на соработка со него и во иднина, а Челзи не се согласи да го „дели“ Хиларио со националниот тим на Англија. Па така, ја прекина соработката со него и шпанецот од Нова година ќе има и ново работно место. 🚨 Henrique Hilario ends his 18-year association with Chelsea to join Thomas Tuchel at England. (@Matt_Law_DT) #CFC pic.twitter.com/QSPdrVXUbb — ChelseaReport (@chelsreport_) November 20, 2024 FacebookTwitterWhatsAppEmailPrint ПретходноВо изедначен меч Ѓорческа поразена од првата носителкаСледноФудбалска Битола повторно на нозе. Од утре билети за мечот Пелистер – Шкендија Ognen Dojcinovski...

Други спортовиТенис Во изедначен меч Ѓорческа поразена од првата носителка 20.11.2024 16:30 34 Најдобрата македонска тенисерка Лина Ѓорческа не успеа да ја мине првата пречка (првата носителка) на ИТФ фјучрсот што се игра во W50 Трнава Словачка за награден фонд од 40.000 долари. Таа по голема борба и меч во три сета загуби од Французинката Осеан Додин со 2-1 во сетови (75 06 62) за 108 минути игра. Првиот сет донесе и најмногу неизвесност во текот на мечот. Македонската тенисерка имаше предност до 3:2 во сетови, за потоа противничката да успее да направи брејк во седмиот гем и да поведе со 4:3. Сепак Ѓорческа се врати резултатски со „ри-брејк“ во следниот гем за 4:4. Но, француската тенисерка повторно направи брејк во 11.тиот гем за предност од 6:5, која ја сочува откако го доби и следниот гем за 7:5 во првиот сет. Во вториот сет Лина Ѓорческа одигра буквално без грешка и со 6:0 го доби вториот сет и со тоа изедначи на 1-1 во сетови. Но, во решавачкиот сет Додин стартуваше со два брејка за водство од 4:0 што беше клучно сетот да го добие со 6:2 во гемови. Мала утеха за Ѓорческа е што против Додин (115.место ВТА листа) имаше еден поен повеќе освоено (82:81) при ист број на гемови (13:13). Следната недела Ѓорческа ја очекува настап на W50 ИТФ фјучрсот во Селва Гардена во Италија. FacebookTwitterWhatsAppEmailPrint ПретходноПознати одлуките на УЕФА за мечот Романија – КосовоСледноЗаминување од Челзи по цели 18 години Ognen Dojcinovski...

Меѓународен фудбалОстанато Познати одлуките на УЕФА за мечот Романија – Косово 20.11.2024 15:55 813 Во текот на денешниот ден од УЕФА пристигнаа одлуките по повод прекинатиот меч од Лигата на Нациите помеѓу Романија – Косово. Како што е добро познати, репрезентативците на Косово го напуштија теренов во Букурешт при резулрат 0:0 по што дојде и до немили сцени на теренот. Имаше разни скандирања од публиката, провокации за гостите. Поради тоа Косово го напушти теренот, а УЕФА на крајот одлучи да го регистрира мечот со службени 3:0 за Романија. ОД друга страна, домаќинот е казнет до 50.00 евра и празни трибини на следниот меч. Официјално, поради Расистички и националистички скандирања, стои во соопштението. Плус, 30.000 евра за политички скандирања, кои се исто така недозволиви според УЕФА. Поради фрлање на тврди предмети, плус казна од 10.000 евра, 4500 евра за употреба на пиротехника, и конечно 8000 евра за употреба на ласери. Паричната казна за Косово изнесува 6000 евра поради напуштање на мечот. Breaking: Romania vs Kosovo decided as a 3-0 win for Romania! pic.twitter.com/PBlLyfXIOc — Emanuel Roşu (@Emishor) November 20, 2024 FacebookTwitterWhatsAppEmailPrint ПретходноКузевски и Јанкулоски нови „Кенгури“ достапни на МакедонијаСледноВо изедначен меч Ѓорческа поразена од првата носителка Ognen Dojcinovski...

ФудбалМлади репрезентацииТОП Кузевски и Јанкулоски нови „Кенгури“ достапни на Македонија 20.11.2024 15:28 291 Продолжуваме со серијата на претставување на потенцијалните македонски младински но и сениорски репрезентативци. Спортспорт секогаш е отворен на оваа тема, макотрпно работи нашите селекции да бидат што е можно поквалитетни, и со засилувања како од нашето поднебје но и од дијаспората, поблиска и подалечна. Новитет се двајца младинци кои за прв пат оваа полусезона се појавија во Австралиската најдобра конкуренција. Се работи за 19. годишниот член на тимот на Макартур, Џошуа Дамевски кој веќе имаше деби за неговиот тим во сениорската конкуренција. Се работи за стопер кој во исто време одлично работи со двете нозе, а може да одговори и на десната бековска позиција. Од друга страна пак во тимот на Перт Глори го имаме Даниел Јанкулоски кој сеуште нема сениорски настап за тимот туку е дел од У21 тимот. Таму го имаме и Себастиан Деспотовски кој би требало да е во тесни роднински врски со некогашниот репрезентативец на Австралија со македонско потекло Боби Деспотовски, кој пак е дел од тренинг екипажот на Перт Глори и во моментов го води женскиот огранок. FacebookTwitterWhatsAppEmailPrint ПретходноБарселона официјално го одложи враќањето на Ноу КампСледноПознати одлуките на УЕФА за мечот Романија – Косово Ognen Dojcinovski...

Меѓународен фудбалШпанија Барселона официјално го одложи враќањето на Ноу Камп 20.11.2024 15:00 180 Тимот на Барселона нема да се врати на реновинаниот Ноу Камп во планираниот термин. Истиот е одложен за првиот викенд во месец фебруари во 2025 година. Првичниот план беше Барса да се врати дома до крајот на календарската година, но плановите се сменија. УЕФА има посебно правило во кое се вели дека не смее да се менува стадионот за време на групната фаза од Лигата на Шампионите. А Барса последниот меч од истата го игра на 29 јануари против Аталанта. Имаше опција тимот да се врати на Ноу Камп за домашните мечеви, а само Лигата на Шампионите да ја одигра на „Монжуик“. Сепак, тоа би создало многу компликации на организациски план, па од таа идеја нема да има ништо. #Тим М П Р Х FacebookTwitterWhatsAppEmailPrint ПретходноЏенова го потврди ВиераСледноКузевски и Јанкулоски нови „Кенгури“ достапни на Македонија Ognen Dojcinovski...

Меѓународен фудбалИталија Џенова го потврди Виера 20.11.2024 14:30 53 Тимот на Џенова го потврди новиот тренер во името на Патрик Виеира, некогашниот прославен репрезентативец на Франција. Според неофицијалните информации, Виеира добил договор до 2026 година. Французинот го замени Алберто Џилардино, кој вчера доби отказ поради лошите резултати. Виеира ќе дебитира на чело на Џенова викендов во клучниот натпревар против ривалот за испаѓање Каљари. Патрик Виера беше тренер на Кристал Палас во Премиер лигата, Ница и Стразбур во француската Лига 1. Виеира има искуство во Серија А, играјќи за Милан, Јувентус и Интер. Тој забележа 100 настапи во првата лига на Италија и постигна 11 гола. FacebookTwitterWhatsAppEmailPrint ПретходноТотенхем ќе поднесе жалба за суспензијата на БентанкурСледноБарселона официјално го одложи враќањето на Ноу Камп Ognen Dojcinovski...

Меѓународен фудбалАнглија Тотенхем ќе поднесе жалба за суспензијата на Бентанкур 20.11.2024 14:01 29 Тимот на Тотенхем и официјално ќе поднесе жалба околу суспензијата која што ФА му ја изрече на Родриго Бентакур. Тој нема да има право на настап на седум мечеви поради расистичката изјава на уругвајската телевизија наменета кон неговиот соигрча Сон од Јужна Кореја. Глупоста за која Бентакур сметаше дека е забавна го чини суспензија и парична казна од 100.000 фунти, а клубот истата ќе се обиде да ја намали. Бентакур се извини за потегот, Сон истата ја прифати, и излезе со изјава за да донекаде ја намали штетата. Сепак, сега од страна на Тотенхем ќе биде поднесена жалба не на самата одлука туку на висината на санкцијата. Поточно, од Тотенхем ќе се обидат да спасат што може да се спаси, народски кажано. FacebookTwitterWhatsAppEmailPrint ПретходноХаланд трча со волк, оди по жар…(ВИДЕО)СледноЏенова го потврди Виера Ognen Dojcinovski...

Магазин Халанд трча со волк, оди по жар…(ВИДЕО) 20.11.2024 13:30 94 Ерлинг Халанд сними нова реклама за марка слушалки и звучници, во која под слоганот „Вообичаеното е нормално за сите други“ ги израдува своите фанови со видеа на кои се дружи со волци во норвешката шума, оди на жар, трча на голем труп, сече дрваа, се буди во снег… Халанд оваа сезона за Манчестер Сити постигна 15 гола на 16 натпревари. За англискиот шампион тој постигна 105 гола со 14 асистенции на 114 натпревари. FacebookTwitterWhatsAppEmailPrint ПретходноПознато е колку заработи Надал во својата неверојатна кариера и што ќе прави после тоаСледноТотенхем ќе поднесе жалба за суспензијата на Бентанкур Марија Ковачева...

Други спортовиТенис Познато е колку заработи Надал во својата неверојатна кариера и што ќе прави после тоа 20.11.2024 13:00 284 Неверојатната и тешко повторлива кариера на Рафаел Надал заврши со поразот на Шпанија од Холандија во четвртфиналето на Дејвис купот. Еден од најдобрите тенисери на сите времиња потврди дека со тој пораз доаѓа крајот на неговата професионална тениска кариера. Започна во 2001 година, а заврши 23 години подоцна. Во текот на кариерата, леворакиот шпански ас стана единствениот тенисер во историјата кој три децении беше светски број 1. Тој стана победник на 92 турнири, од кои 22 од грен слем категоријата и 36 од серијата Мастерс 1000. Кралот на земјата, како што го нарекуваа 14-кратниот победник на Ролан Гарос, четири пати го освои УС Опен, по два пати на Вимблдон и на Австралија Опен. Само од настапите на турнирите во кариерата има заработено 134,95 милиони американски долари. Завршувањето на неговата професионална кариера го наметнува прашањето што ќе прави сега Надал, а одговорот на тоа доаѓа од шпанските медиуми. Неговиот нов живот е веќе полн со договори и соработки, меѓу кои се веројатниот спектакл со неговиот голем ривал Роџер Федерер на „Сантијаго Бернабеу“ и обврските што ги има како амбасадор на Саудиска Арабија и тенисот. Тој ќе се посвети на своите тениски академии, а се очекува тој и Федерер да станат селектори во Лејвер купот. Дополнително, актуелниот селектор на шпанската Дејвис куп репрезентација го гледа Надал за свој наследник. Надал сега дополнително внимание ќе насочи кон своите брендови, како и рестораните кои ги има ширум светот. FacebookTwitterWhatsAppEmailPrint ПретходноБенфика остана префектна, „пет од пет“ за ТалескиСледноХаланд трча со волк, оди по жар…(ВИДЕО) Марија Ковачева...

РакометЕвропски купови Бенфика остана префектна, „пет од пет“ за Талески 20.11.2024 12:30 147 📸 FAP. Македонскиот репрезентативец, Филип Талески и неговата Бенфика продолжија во победнички ритам во Европската Лига. Португалскиот тим ја запиша петтата победа, откако на свој терен славеше над Кадетен Шафхаузен со 39:32. Со петтиот триумф во низа Бенфика остана лидер во групата Ц и со тоа го потврди своето место во следната рунда. Македонскиот репрезентативец беше еден од најдобрите во редовите на својот тим. Талески зад своето име запиша пет гола, а истите ќе ги постигна од исто толку обиди. Прв стрелец кај Бенфика беше Марош, кој имаше девет погодоци. FacebookTwitterWhatsAppEmailPrint ПретходноМасар Омерагиќ е вистинскиот избор за ФФМ!СледноПознато е колку заработи Надал во својата неверојатна кариера и што ќе прави после тоа Марија Ковачева...

ТОПФудбал Масар Омерагиќ е вистинскиот избор за ФФМ! 20.11.2024 11:58 1106 Фото: СпортСпорт *На една случајна средба во Скопје, разговаравме и двајцата сфативме дека сме на иста бранова должина за доброто на фудбалот во Македонија. Омерагиќ ја има мојата максимална поддршка. *Ни треба обединување и многу работа, за Македонија сум бил тука и кога сите се откажуваа да играат за националниот тим. *Откако завршив со фудбалската кариера се едуцирав, немам тренерски амбиции, но фудбалот е моето минато и иднина. Не е само Горан Пандев кој ја даде јавната поддршка за Масар Омерагиќ како кандидат за иден претседател на ФФМ, по оставката на Муамед Сејдини и закажаното Вонредно Собрание во „куќата на фудбалот“ за 22 декември. Агим Ибраими е човекот кој веќе неколку месеци е во тимот за промени на ФФМ кој сега ја извршува функцијата, спортски директор на Тирана. Поранешниот капите на националниот тим верува дека деаѓаат уште подобри денови за фудбалот во Македонија. „Го познавам Масар Омерагиќ од порано, но во текот на годинава имавме случајна кафе средба во Скопје по која редовно контактираме и зборуваме околу плановите, идеите и начинот на кој треба да се работи во фудбалот и да се донесат промени во ФФМ. Тој е човек борец, поранешен фудбалер и успешен бизнисмен. Ретки се таквите во Македонија и затоа тој е вистинскиот избор во моментот за претседателската фунција во ФФМ. Фудбалот е тимска работа, спорт во кој треба многу труд и време за да се стигне до посакуваната цел. Макеоднија како земја и капацитет има простор да напредува а тоа го може само преку издржани проекти, вистински луѓе и чесна работа. Јас верувам дека ќе биде многу подобро“, е ставот на Агим Ибраими по веста за најавите за промени во ФФМ. Агим Ибраими се споменува како дел од тимот на Масар Омерагиќ во новата „влада“ на ФФМ!? “Јас сум тука, подготвен и секогаш во функција за Македонија. Јас бев тука и машки издржав и кога многумина се откажуваа, ги убедував да се вратат и така единствени стигнавме до успесите и пласманот на ЕП. По крајот на фудбалската кариера се едуцирав, вложив во сопственото знаење околу фудбалот и сум во постојан контакт со мои пријатели од минатото кои сега се на добри позиции во клубовите, но и во УЕФА. Моето минато и иднина се поврзани со фудбалот и затоа мислам дека со добра визија и чесна работа може да се стигне до успехот. Успехот не е само сениорската репрезентација, успехот е ако и младите селекции одат по правилен пат. Успехот е ако еден тим за кој работиш лесно и со многу труд се бори и вложува за доброто на сите. Успех е кога сите заедно ќе победиме и кога насмевките на публиката се доказ за правилната работа“, коментира Агим Ибраими кој е задоволен од случувањата во Македонија. „Можеме многу подобро и повеќе… Знам некои од плановите на Масар Омерагиќ и свесен сум дека истоте ќе донесат резултати. Покрај националните селекции приоритет ќе биде инфраструктурата и клубскиот фудбал. Потребно е само трпение и стратегија. Јас сум човек кој максимално се фокусирам и кога бев фудбалер и сега кога сум во фудбалот но во некоја друга функција. Убаво е што имиња како Горан Пандев ја даваат поддршката на Масар Омерагиќ. Реков, потребно ни е единство и засукани ракави. Не е се така лесно во водењето на федерација. Секогаш има задоволни и незадоволно но секогаш треба образот да ни биде чист. Тоа е нешто за кое што можам да гарантиран. Промените се случуваат, јас сум со функција во ФК Тирана, но постојано ги следам случувањата во Македонија. Доаѓаат добри денови“. Ибраими го поздрави успехот на македонската репрезентација потенцирајќи дека македонските фанови заслужуваат уште подобри резултати бидејќи навистина знаат да се радуваат на спортските достигнувања. “Репрезентативците заслужуваат секаков респект за последните успеси и сите заедно со новите луѓе во ФФМ да се обидеме да обезбедиме учество на ново големо натпреварување. Оваа наша држава и публика знае да ужива и да се радува на успесите во спортот. Таа радост не се купува со ништо“. FacebookTwitterWhatsAppEmailPrint ПретходноВистински домино ефект – Чаби ќе оди во Реал и ќе предизвика лавина!СледноБенфика остана префектна, „пет од пет“ за Талески Марија Ковачева...

Меѓународен фудбалШпанија Вистински домино ефект – Чаби ќе оди во Реал и ќе предизвика лавина! 20.11.2024 11:45 391 Шпанскиот стратег Чаби Алонсо следното лето ќе го преземе Реал Мадрид, најавите стигнуваат од Германија. Сè уште не е дефинитивно, но како што велат каде што има чад има и оган. Веќе некое време се пишува дека Карло Анчелоти наскоро ќе стане поранешен и дека на Реал Мадрид му треба ново лице на клупата, а тоа беше веќе е јасно ова лето дека Чаби Алонсо ќе најде нов предизвик за сезоната 2025/26. Се чини дека работите се здружуваат за поранешниот играч од средниот ред да се врати на Бернабеу, а тоа ќе предизвика лавина. Зашто, Баер Леверкузен сака да продолжи со слична работа и да продолжи да игра атрактивен фудбал, да биде во борба за трофеи и да пласира играчи од кои подоцна ќе заработува десетици милиони. Неговото место, според најавите, треба да го заземе актуелниот тренер на Штутгарт, Себастијан Хенес, кој исклучително добро соработува со „Швабите“ и минатата сезона ги воведе во Лигата на шампионите, каде досега се многу добар конкурент. Во моментов не им оди толку добро во Бундеслигата, тие се само 11-ти, настапот во Европа си има свој данок. Не целата приказна не завршува тука, Хенес во Штутгарт треба да го замени досегашниот прв помошник на селекторот на Германија, Јулијан Нагелсман, а тоа е Сандро Вагнер. FacebookTwitterWhatsAppEmailPrint ПретходноГолем удар за Македонија: Без Итан Хап и на двата меча против Литванија!СледноМасар Омерагиќ е вистинскиот избор за ФФМ! Марија Ковачева...

КошаркаРепрезентацијаТОП Голем удар за Македонија: Без Итан Хап и на двата меча против Литванија! 20.11.2024 11:13 197 До денеска сите во нашиот табор се надеваа дека Итан Хап ќе успее да се рехабилитира од повредата барем за вториот натпревар со Литванија на гостински терен во рамките на квалификациите за Европското првенство 2025 година. Но, од таборот на македонската кошаркарска репрезентација стигнаа лоши вести. Американецот со македонски пасош нема да може да биде на располагање на селекторот, Александар Јончевски ниту за реваншот. Првата средба со Литванија е закажана за утре во 18 часот во СРЦ „Кале“, додека реваншот се игра во Клаипеда на 24. ноември. За дуелот на гостински терен е најавен Ненад Димитријевиќ. Тој нема да настапи во Скопје бидејќи со неговиот тим Олимпија Милано игра меч од Евролига. FacebookTwitterWhatsAppEmailPrint ПретходноМекиќ пред Литванија: Го респектираме противникот, но мема да се повлечеме!СледноВистински домино ефект – Чаби ќе оди во Реал и ќе предизвика лавина! Марија Ковачева...

КошаркаРепрезентацијаТОП Мекиќ пред Литванија: Го респектираме противникот, но мема да се повлечеме! 20.11.2024 10:55 71 Македонската кошаркарска репрезентација се подготвува за двомечот со Литванија во рамките на квалификациите за ЕП 2025 година. Првиот меч се игра во Скопје во четвртока (18 часот), додека реваншот е закажан за три дена во Клаипеда. На првата средба селекторот, Александар Јончевски нема да смета на Ненад Димитријевиќ, а под голем знак прашалник Итан Хап. Сето ова го комплицира патот кон втората победа. Иако станува збор за добро докажано кошаркарско име во светот, нашите момци немаат намера да се повлечат. „Литванија е една од најсилните репрезентации во светот, а дуелите со неа се од исклучително значење за нас. Имавме успех на гостувањето во Полска, ќе мораме сите да бидеме на висина на задачата, да дадеме 200% од нашите можности и да се обидеме да изненадиме барем на домашен терен. Како репрезентација, мораме да бидеме агресивни, секако дека го респектираме противникот, но не смееме да се повлечеме. Мораме да веруваме во позитивен резултат“, вели 29-годишниот Адем Мекиќ. FacebookTwitterWhatsAppEmailPrint ПретходноВестбрук му „бега“ на Јокиќ, неговиот рекорд засега е недостижен!СледноГолем удар за Македонија: Без Итан Хап и на двата меча против Литванија! Марија Ковачева...

КошаркаНБА Вестбрук му „бега“ на Јокиќ, неговиот рекорд засега е недостижен! 20.11.2024 10:23 140 Кошаркарот на Денвер Нагетс, Расел Вестбрук синоќа во победата против Мемфис Гризлис стигна до 200. трипл-дабл во кариерата. Неверојатно достигнување за Рас и секогаш кога ќе запише трипл-даб го соборува рекордот во НБА. Веднаш зад него, со 136 трипл-дабл во кариерата е соиграчот Никола Јокиќ, кој еден ден би можел да стане најдобар во тој сегмент од статистиката. „Никола е еден од најдобрите во светот. Не еден од најдобрите, туку тој е најдобар во светот“, рече Вестбрук. Натпреварот со Гризлис го заврши со 12 поени, 10 скока и 14 асистенции. FacebookTwitterWhatsAppEmailPrint ПретходноТајник: Цел град очекува да победиме!СледноМекиќ пред Литванија: Го респектираме противникот, но мема да се повлечеме! Марија Ковачева...

РакометЛига на шампиониТОП Тајник: Цел град очекува да победиме! 20.11.2024 9:52 66 Пелистер вечерва (20:45 часот) на домашен терен има шанса да дојде до втората победа во Лигата на шампиони и тоа под водство на новиот стратег, Раул Алонсо. Во Битола гостува Фредериција, последнопласираниот тим во групата на македонскиот првак. По триумфот на гостински терен од 23-25, фановите на Пелистер очекуваат победа, а за тоа се свесни и ракометарите, кои истовремено се претпазливи бидејчи противникот знае да биде доста незгоден. „Јавноста очекува големи работи од нас на овој натпревар. Сепак, ќе биде многу тешко. Фредериција е одличен тим, а имавме и краток период да работиме со новиот тренер. Добро се подготвуваме и до среда ќе бидеме уште поспремни. Цел град очекува победа и ние ќе го дадеме својот максимум за да ја оствариме. Фредериција игра многу брза и специфична одбрана 3-3 и ние се подготвуваме за нив“, изјави Домен Тајник. Пелистер пред осмото коло во ЛШ е шести на табелата, бодовите ќе бидат значајни за пласманот во следната рунда. FacebookTwitterWhatsAppEmailPrint ПретходноЛевандовски нема намера да ја напушти Барса, Шпанците го открија неговиот планСледноВестбрук му „бега“ на Јокиќ, неговиот рекорд засега е недостижен! Марија Ковачева...

Меѓународен фудбалШпанија Левандовски нема намера да ја напушти Барса, Шпанците го открија неговиот план 20.11.2024 9:24 83 Напаѓачот на Барселона, Роберт Левандовски се чувствува одлично во клубот и сака да потпише нов договор на уште две години. 36-годишниот Полјак повторно ја најде својата најдобра форма од почетокот на сезоната и досега има 19 гола на 17 натпревари во сите натпреварувања. Тој е повеќе од среќен во Барса и нема намера да си замине, па дури е подготвен да се посвети на клубот на подолг период, пишува „Спорт“. Актуелниот договор на Левандовски, кој истекува на лето, има клаузула која автоматски ќе се обнови за уште 12 месеци доколку напаѓачот учествува во 50% од натпреварите на тимот оваа сезона. Сепак, Полјакот планира да им даде предлог на газдите дека неговиот договор не е само до 2026 година, туку на две години до 2027 година. Лева дојде во Барса од Баерн во 2022 година. По почетниот несигурен старт, тој постепено се смести во клубот и го покажа својот голгетерски талент, забележувајќи 112 настапи, 78 гола и 19 асистенции за Каталонците до денес. FacebookTwitterWhatsAppEmailPrint ПретходноБарса и Реал во борба за одличен тинејџерСледноТајник: Цел град очекува да победиме! Марија Ковачева...

Меѓународен фудбалШпанија Барса и Реал во борба за одличен тинејџер 20.11.2024 8:50 72 Фото: https://www.instagram.com/antoniocordero10_ Шпанска „Марка“ пишува за битката помеѓу Реал Мадрид и Барселона за потписот на еден од најталентираните Шпанци. Станува збор за Антонио Кордеро, 18-годишниот крилен напаѓач од второлигашот Малага и репрезентативец на Шпанија до 19 години. Според „Марка“, трансферот во некој од гигантите би можел да се случи веќе во јануари. Антонио е под договор до следното лето и одби да потпише продолжување, што значи дека ризикува да го напушти клубот без обештетување на крајот од сезоната. Затоа е реално да се очекува трансфер веќе во зима бидејќи тоа е последна шанса за Малага да се обиде да заработи на младиот играч. Антонито е роден во Андалузија, а првите фудбалски чекори ги направи во младинската академија на Бетис, од која се пресели во Малага. Минатата сезона ја собра првата сениорска минутажа во третата лига, а сега е стандарден играч и еден од главните играчи на тимот во Сегунда. На 13 настапи постигна три и постави три гола. Неодамна негов агент е Пини Захави. Станува збор за човек кој е многу близок до Барселона и кој ги претставува Ханси Флик и Роберт Левандовски, но тоа не мора да значи дека Барселона има предност. Според Transfermarkt, Антонито вреди два милиони евра. FacebookTwitterWhatsAppEmailPrint ПретходноМајсторска асистенција на Меси и супер-волеј на Мартинез (ВИДЕО)СледноЛевандовски нема намера да ја напушти Барса, Шпанците го открија неговиот план Марија Ковачева...

Меѓународен фудбалОстанато Мајсторска асистенција на Меси и супер-волеј на Мартинез (ВИДЕО) 20.11.2024 8:23 156 Фото: Selección Argentina in English Аргентина им се врати на победите во светските квалификации во зоната „Јужна Америка“. „Гаучосите“ остварија неочекувано тешка победа од 1-0 над последнопласираниот Перу. Херој за домаќините беше Лаутаро Мартинез, кој го постигна единствениот гол на натпреварот во 55. минута. Аргентина имаше иницијатива во текот на целиот натпревар, но тешко се дојде до чисти шанси за гол, и тие што ги имаа не завршија во мрежата на противникот. Во 55. минута Лионел Меси со мајстрорска асистенција нафрли кон Лаутаро Мартинез, кој со волеј удар ја испрати топката во мрежата за 1:0. Сепак, Аргентина си ја заврши работата и додаде уште три бода на својот имот. „Гаучосите“ продолжуваат да водат со предност од 25 бода. Перу, пак, останува на последното 10-то место со само 7 бодови и се повеќе ги губи шансите за пласман во светското финале. WHAT AN ASSIST BY LEO MESSI AND SUPERB FINISH BY LAUTARO 🥶🥶 📹 – @M10GOAT pic.twitter.com/q91cEyMqxK — Leo Messi 🔟 Fan Club (@WeAreMessi) November 20, 2024 FacebookTwitterWhatsAppEmailPrint ПретходноЗаврши бајката: Најдобриот тим во НБА го запиша првиот пораз (ВИДЕО)СледноБарса и Реал во борба за одличен тинејџер Марија Ковачева...

КошаркаНБА Заврши бајката: Најдобриот тим во НБА го запиша првиот пораз (ВИДЕО) 20.11.2024 7:55 108 Кливленд го претрпе првиот пораз во тековната сезона по неверојатниот старт од 15 победи во низа. Во 16. натпревар сезонава, актуелниот НБА шампион Бостон Селтикс успеа да најде решение за Кавси, пред своите навивачи славеше со 120-117. Во третата четвртина од натпреварот Бостон имаше предност од 21 кош (71:50), а потоа Кавалирс со одлична серија стигнаа до негатива од само два поени (84:86), но не можеа да направат ништо повеќе. Бостон до победата го предводеа Џејсон Тејтум (33 поени, 12 скокови, седум асистенции) и Ал Хорфорд (20 поени, седум скокови). Кај Кливленд најмногу покажа Донован Мичел со 35 поени и осум фатени топки. Петнаесет победи за почеток на сезоната е најдобриот почеток на натпреварувачка година за Кавс во нивната историја и четврта таква досега во НБА. Голден Стејт Вориорс (2016), Хјустон Рокетс (1994) и Вашингтон Капитолс (1949) беа тимовите кои го направија тоа пред Кливленд, со тоа што Вориорс стигнаа 24-0 и на крајот завршија со 73-9, но и без титула. Сите тие тимови играа во финалето, а Хјустон беше единствениот кој освои шампионски прстен по толку доминантниот почеток на сезоната. На останатите средби, Бруклин славеше против Шарлот со 116-115, Мемфис на домашен терен беше совладан од Денвер со 110-122. Во составот на Нагетси и натаму не е Никола Јокиќ. Далас беше убедлив против Њу Ореалнс со 132-91, Сан Анотио дома славеше против ОКлахома со 110-104, Лејкерси беа подобри од Јута со 124-118. FacebookTwitterWhatsAppEmailPrint ПретходноИма нов договор: Пеп Гвардиола останува во Манчестер СитиСледноМајсторска асистенција на Меси и супер-волеј на Мартинез (ВИДЕО) Марија Ковачева...

Меѓународен фудбалАнглијаТОП Има нов договор: Пеп Гвардиола останува во Манчестер Сити 19.11.2024 23:11 140 Најтрофејниот менаџер на Манчестер Сити, Пеп Гвардиола, се договорил за нов договор со клубот. Веста ја објави магазинот „Атлетик“. Според информациите, тој е продолжен за една година и содржи опција за продолжување на уште една. Се очекува информацијата да биде и официјално објавена наредните денови. Инаку, актуелниот договор на Пеп истекува на крајот од оваа сезона. FacebookTwitterWhatsAppEmailPrint ПретходноЛН: Холандија и Германија се задоволија со реми, Ѓокерес со „покер“ против Азербејџан (ВИДЕО)СледноЗаврши бајката: Најдобриот тим во НБА го запиша првиот пораз (ВИДЕО) Saso Kuzmanovski...

Меѓународен фудбал ЛН: Холандија и Германија се задоволија со реми, Ѓокерес со „покер“ против Азербејџан (ВИДЕО) 19.11.2024 22:57 199 Во двата последни меча од оваа сезона во Лигата на нации во најсилната А-лига, вечерва фаворитите немаа императив да модат на бодови, но сепак, не дозволија да бидат поразени. Холандија на гостувањето во Зеница одигра 1:1 против Босна и Херцеговина, само неколку дена откако Босанците доживеаја дебакл на гостувањето кај Германија. Германија, пак, на гостувањето во Будимпешта имаше минимално водство од 1:0 до 9-тата минута од судиското продолжение, кога Унгарија доби пенал. Собослаи успеа да погоди и да ги спаси Унгарците од пораз. германија заврши на првото место во групата, пред Холандија, Унгарија и БиХ. Во Б-сегментот, исклучително важни победи за Чешка и Велс. Чесите славеа со 2:1 на домашен терен против Грузија и го потврдија првото место во групата кое ги носи во најсилното друштво во следното издание на Лигата на нации. Истото го сторија и Велшаните, кои славеа со 4:1 дома против репрезентацијата на Исланд. Велс го искористи големиот „кикс“ на Турција која дозволи да биде поразена во Подгорица од Црна Гора со 3:1 и да ја загуби битката за врвот со Велс. Црногорците вечерва и се израдуваа на првата победа по серијата од 7 порази и три меча без постигнат гол. Украина ја победи Албанија со 2:1 на гостиски терен и го освои второто место. Во Ц-сегментот, сосема очекувано, Словачка беше подобра од Естонија со минимални 1:0, додека Шведска ја растури селекцијата на Азербејџан со 6:0 во меч во кој голгетерот на Спортинг (Л), Ѓокереш постигна 4 гола, а преостанатите два беа дело на Дејан Кулушевски. Лига А: Босна и Херцеговина – Холандија 1:1 0:1 Броби 24′, 1:1 Демировиќ 68′ Унгарија – Германија 1:1 0:1 Нмеча 76′, 1:1 Собослаи 90+9 (п.) Лига Б: Албанија – Украина 1:2 0:1 Зинченко 5′ 0:2 Јаремчук 10′, 1:2 Бајрами 76′ (п.) Чешка – Грузија 2:1 1:0 Шулц 3′, 2:0 Кложек 24′, 2:1 Микутаџе 60′ Црна Гора – Турција 3:1 1:0 Крастовиќ 31′, 1:1 Јилдиз 37′, 2:1 Крастовиќ 45′, 3:1 Крастовиќ 74′ Велс – Исланд 4:1 0:1 Гудјонсен 8′, 1:1 Кален 33′, 2:1 Кален 45′, 3:1 Џонсон 65′, 4:1 Вилсон 79′ Лига Ц: Словачка – Естонија 1:0 1:0 Стрелец 70′ Шведска – Азербејџан 6:0 1:0 Кулушевски 10′, 2:0 Ѓокерес 26′, 3:0 Ѓокерес 37′, 4:0 Кулушевски 57′, 5:0 Ѓокерес 58′, 6:0 Ѓокерес 70′ Лига Д: Малта – Андора 0:0 FacebookTwitterWhatsAppEmailPrint ПретходноНов проблем за дефанзивецот на Барса: Кристенсен повторно опериранСледноИма нов договор: Пеп Гвардиола останува во Манчестер Сити Saso Kuzmanovski...

Меѓународен фудбалШпанија Нов проблем за дефанзивецот на Барса: Кристенсен повторно опериран 19.11.2024 22:30 65 28-годишниот одбранбен играч на Барселона, Андреас Кристенсен, бил подложен на уште една операција на двете тетиви и сега ќе мора да остане надвор од теренот уште најмалку два месеци. Овојпат, данскиот дефанзивец се одлучи за „клеточна регенеративна терапија“ и оваа процедура сега најверојатно ќе го остави надвор од теренот до следната година, некаде до крајот на јануари 2025 година. Сепак, ова може да има и други импликации освен само спортските. Прво, поради недостапноста на Кристенсен на негово место беа регистрирани Дани Олмо и Пау Виктор. Сега, со оглед на тоа што за неговото враќање ќе треба уште малку време, останува да се види што ќе се случи со регистрациите што завршуваат во јануари и дали тренерот Флик ќе го врати во тимот. FacebookTwitterWhatsAppEmailPrint ПретходноВардар 1961 со реми се враќа од гостувањето кај ВалурСледноЛН: Холандија и Германија се задоволија со реми, Ѓокерес со „покер“ против Азербејџан (ВИДЕО) Saso Kuzmanovski...

РакометЕвропски куповиТОП Вардар 1961 со реми се враќа од гостувањето кај Валур 19.11.2024 22:22 224 Македонскиот тим на гостувањето кај Валур одигра спротивен натпревар од оној во Скопје. На крајот овој меч заврши без победник 34-34 и тоа благодарение на Срдановиќ кој реализираше од седум метри. Бодот не е доволен за да вардарци обезбедат пласман во следната рунда, математиката не му оди во прилог на нашиот тим. Пред последното коло има два бода помалку од Порто, а ќе игра против Мелсунген на домашен терен, што пак е тешка мисија. Во составот на „црвено-црните“ за оваа средба ги немаше голманот, Еспиња, Лазаревски и Борозан. Најефикасен играч на средбата беше Тордарсон со 11 гола за Исланѓаните, додека кај Вардар со по пет се истакнаа Георгиевски, Хориха, Маргели и Срдановиќ. Македонскиот тим не одигра во првото полувреме според очекувањата. На почетокот на мечот имаше негатива од еден до два гола (2-0, 4-2, 9-7). По последните минус два, противникот со три гола во низа успеаја да поведат со 14-9. На голема среќа вардарци брзо се вратија во дуелот не доволија разликата да расте, на двапати имаа минус четири (14-10 и 15-11), а потоа на одморот намалија на еден гол негатива (18-17). Валур не успеа да искористи шанса за плус три, Гогов запиша важна одбрана, а Георгиевски и Маргели израмнија на 21-21 во 37-та минута. Три минута подоцна Срдановиќ за првпат на овој дуел му донесе водство на својот тим 23-24. Сепак ова кратко траеше бидејќи домаќинот ја врати минималната позитива. Битката на теренот се вжешти бидејќи се играше гол за гол, се до средината на второто полувреме кога Валур ги казни грешките на избраниците на Милано и поведе со плус три (29-26). Милано повика тајм-аут, а Маргели и Танкоски одговорија со два погодоци и ја вратија неизвесноста на стартот на последните десет минути. Нова одбрана на Гогов беше повеќе од доволна причина за да Вардар и израмни на 30-30, а потоа нешто подоцна благодарение на серијата од 3-0 да поведе со 32-33 на три минути до крајот. Македонскиот тим при 33-33 во 58-та минута остана со играч помалку, а Гогов запиша нова феноменална одбрана. По тајм-аутот на Милано, Јагуриноски не успеа да реализира, Пордарсон беше прецизен од седум метри со 34-33, на другата страна Срдановиќ по голем кикс на противникот се најде исто на седум метри, беше прецизен за 34-34. FacebookTwitterWhatsAppEmailPrint ПретходноЏенова го отпушти Џилардино, на негово место доаѓа ВиеираСледноНов проблем за дефанзивецот на Барса: Кристенсен повторно опериран Марија Ковачева...

Меѓународен фудбалИталија Џенова го отпушти Џилардино, на негово место доаѓа Виеира 19.11.2024 22:00 57 Италијанскиот фудбалски клуб Џенова денеска го отпушти тренерот Алберто Џилардино. „Џенова соопштува дека Алберто Џилардино е разрешен од должноста. Клубот му се заблагодарува но за заедничките постигнати цели низ годините и му посакува се најдобро во кариерата“, соопштија од клубот. Тој ја презеде Џенова во октомври 2022 година со краткорочен договор, но по добрите резултати доби повеќегодишен договор. Џенова е на 17. место на табелата во Серија А со 10 бодови, еден повеќе од зоната за испаѓање. Италијанските медиуми објавија дека нов тренер на Џенова ќе биде Патрик Виеира. FacebookTwitterWhatsAppEmailPrint ПретходноЈошко, Љафта и Савовски утре се борат за осминафинале во европските куповиСледноВардар 1961 со реми се враќа од гостувањето кај Валур Saso Kuzmanovski...

Други спортовиОдбојка Јошко, Љафта и Савовски утре се борат за осминафинале во европските купови 19.11.2024 21:30 62 Македонските одбојкарски репрезентативци Филип Савовски и Александар Љафтов утре ќе се борат за место во осминафиналето на европските купови на ЦЕВ. Савовски со неговата Војводина на домашен терен го пречекува романски Брашов во реванш 1/16-финалето од Купот на ЦЕВ, откако во првиот меч загуби на гости со 3:1. Војводина и на таа средба покажа дека има европски квалитет, а Савовски брилјирапше и беше најдобар поентер во составот на новосаѓани. ПАОК на нашиот Александар Љафтов, кој, пак, е предводен од нашиот најдобар и најтрофеен тренер Јошко Миленкоски, утре на домашен терен во Челинџ Купот го очекува шпански Сан Роке Лас Палмас. На првата срфедба во Шпанија минатата недела, Јошко и Љафта славеа со 3:2, па сега на домашен терен само треба да го потврдат местото во осминафиналето. FacebookTwitterWhatsAppEmailPrint ПретходноМартино си замина од Интер Мајами, Бекам мора да бара нов тренерСледноЏенова го отпушти Џилардино, на негово место доаѓа Виеира Saso Kuzmanovski...

Меѓународен фудбал Мартино си замина од Интер Мајами, Бекам мора да бара нов тренер 19.11.2024 21:15 104 Герардо Тата Мартино, наводно, го напуштил Интер Мајами откако не успеа да го освои МЛС Купот во првата целосна сезона со тимот во чии редови е и Лионел Меси. Според некои вести вечерва, одлуката е на Мартино и тој навел лични причини за неговото заминување. Тоа значи дека Дејвид Бекам сега мора да најде нов тренер кој ќе го обнови тимот за следната сезона, каде Меси и неговите соиграчи ќе се натпреваруваат и на Светското клупско првенство. Мајами испадна од МЛС Купот претходно во ноември од Атланта Јунајтед, и покрај тоа што беше голем фаворит за освојување на трофејот. Мајами оваа сезона ја освои Источната конференција со 74 поени од 34 натпревари, што е рекорд во лигата. FacebookTwitterWhatsAppEmailPrint ПретходноСолзи во Малага: Надал го загуби можеби неговиот последен мечСледноЈошко, Љафта и Савовски утре се борат за осминафинале во европските купови Saso Kuzmanovski...

Други спортовиТенисТОП Солзи во Малага: Надал го загуби можеби неговиот последен меч 19.11.2024 20:43 318 Еден од најдобрите тенисери во историјата, Шпанецот Рафаел Надал го одигра можеби последниот натпревар во неговата кариера. Во денешното четврфинале во Дејвис Купот во Малага, Надал загуби од Холанѓанецот Ван де Зандшулп со 6:4, 6:4 по час и 51 минута игра. Холандија на тој начин поведе со 1:0. Од претставувањето до ракувањето по натпреварот, полната сала во Малага, гласно навиваше за Рафаел Надал. Освојувачот на 14 Грен слем турнири на Ролан Гарос во Париз, и вкупно 22 Грен слем титули во кариерата, ја завршува кариерата на 38 години. Можеби овој неговиот прв натпревар во четвртфиналето на Дејвис купот беше и последен. Триесет и осумгодишниот Надал за првпат играше во Малага откако беше елиминиран во второто коло на Олимписките игри во Париз, кога беше поразен од Новак Ѓоковиќ. FacebookTwitterWhatsAppEmailPrint ПретходноРеал се откажа од Александер-Арнолд, барем до летоСледноМартино си замина од Интер Мајами, Бекам мора да бара нов тренер Saso Kuzmanovski...

Меѓународен фудбалШпанија Реал се откажа од Александер-Арнолд, барем до лето 19.11.2024 20:30 108 Реал Мадрид нема да се обиде да го ангажира дефанзивецот на Ливерпул, Трент Александер-Арнолд во зимскиот преоден рок. Веста ја објави „Релево“. Според извор, раководството на мадридскиот клуб одлучило да не ангажира нови играчи оваа зима за да заштеди пари за вонсезоната и летниот преоден рок. Исто така, се нагласува дека „кралевите“ немаат намера да го пуштат играчот за врска Орелиен Чуамени, кој сакаше да замине во Премиер лигата, бидејќи може да ги замени повредените централни дефанзивци на Реал. FacebookTwitterWhatsAppEmailPrint ПретходноДенвер со Јокиќ најдобар, а без него најлош во историјата на НБА лигатаСледноСолзи во Малага: Надал го загуби можеби неговиот последен меч Saso Kuzmanovski...

КошаркаНБА Денвер со Јокиќ најдобар, а без него најлош во историјата на НБА лигата 19.11.2024 20:15 128 Никола Јокиќ е најдобриот кошаркар во НБА лигата и со право ја носи титулата – најважен играч во екипата на Денвер Нагетс. Сепак шампионот на НБА лигата од 2023 година сезонава бележи лоши резултати. Екипата од Колорадо доста се мачи кога Србинот не е на теренот, а за тоа зборува и оваа статистика која ја објавија фановите на Денвер Нагетс. Имено, според офанзивниот рејтинг на екипите односно бројот на постигнати поени на 100 поседи на топката, Денвер оваа сезона истовремено е и најдобра и најлоша екипа. Кога Никола Јокиќ е на теренот Нагетс имаат офанзивен рејтинг од 125,8, кој е убедливо најголем офанзивен рејтинг кој го имала некоја екипа во историјата на НБА лигата, додека пак кога Србинот не е на теренот Денвер има офанзивен рејтинг од 86,3 односно еден од најлошите во историјата на НБА. Оваа статистика покажува колку е важен српскиот репрезентативец за франшизата од Колорадо. FacebookTwitterWhatsAppEmailPrint ПретходноИсак е главната мета на Арсенал во зимскиот преоден рокСледноРеал се откажа од Александер-Арнолд, барем до лето Saso Kuzmanovski...

Меѓународен фудбалАнглија Исак е главната мета на Арсенал во зимскиот преоден рок 19.11.2024 19:45 46 Шведскиот репрезентативец и фудбалер на Њукасл, Александер Исак ќе биде главната мета на Арсенал во зимскиот преоден рок. Информациите кои доаѓаат од Англија велат дека Исак е голема желба на Микел Артета, но досега „страчките“ не ги прифатиле понудите на Арсенал. Сега ситуацијата е поразлична, а Њукасл е подготвен да преговара во случај ако Арсенал испрати конкретна понуда за Швеѓанецот. За трансферот на Исак, Њукасл ќе бара около 100 милиони евра, кои подоцна може да ги искористи за неколку квалитетни засилувања. Англиските медиуми исто така истакнуваат и дека Исак има голема желба да заигра за лондонскиот клуб, па ако двата клуба се договорат тој не би имал ништо против да им се придружи на „топчиите“. Исак пристигна во Њукасл во 2022 година за цена од 70 милиони евра од Реал Сосиедад. FacebookTwitterWhatsAppEmailPrint ПретходноЗинченко: Артета им кажуваше на повредените да патуваат со првиот тим за да го збуни противникотСледноДенвер со Јокиќ најдобар, а без него најлош во историјата на НБА лигата Saso Kuzmanovski...

Меѓународен фудбалАнглија Зинченко: Артета им кажуваше на повредените да патуваат со првиот тим за да го збуни противникот 19.11.2024 19:15 168 Фудбалерот на Арсенал и на украинската репрезентација, Олександр Зинченко раскажа како неговиот тренер Микел Артета ги чува во тајност почетните состави за натпреварите. „Во неколку наврати успеав да видам како фудбалерите кои беа повредени влегуваа во клупскиот автобус и дури влегуваа и во соблекувалната со своите торби. Артета го правеше ова со цел да го збуни тренерот на ривалот за тие да не можат да бидат сигурни кои фудбалери ќе настапат, а кои не. Артета обожува да си поигрува со своите противници“, изјави украинецот. Оваа случка како и многу други Зинченко ја опиша во својата книга со наслов „Верувај“. FacebookTwitterWhatsAppEmailPrint Претходно„Скај Спорт“: Ливерпул е најдобриот англиски клуб во последните 50 години, Јунајтед е втор а Сити дури на 8.место!СледноИсак е главната мета на Арсенал во зимскиот преоден рок Saso Kuzmanovski...

Меѓународен фудбалАнглија „Скај Спорт“: Ливерпул е најдобриот англиски клуб во последните 50 години, Јунајтед е втор а Сити дури на 8.место! 19.11.2024 18:45 107 Ливерпул е најдобриот англиски клуб, односно најдобар во последните 50 години или пола век, според резултатите во елитната лига во Англија која во последните триесетина години се вика Премиер-лига. Ова е според анализата на „Скај Спорт“, која ги постави “Редси“ на врвот на оваа листа со конечен рејтинг од 3,40 просек по сезона. И покрај големите успеси со Алекс Фергусон како менаџер, Манчестер Јунајтед сепак заврши на второто место, додека трет е Арсенал. Иако има 8 титули во последните 13 сезони, сепак Манчестер Сити е на осомото место ако се знае дека долго, долго во изминатите 50 години не играше во елитата. Ова е листата на најдобрите 20 англиски клубови во изминатите 50 години: FacebookTwitterWhatsAppEmailPrint Претходно“Не си ти виновен, вината е кај мене зошто бев будала што те викнав во репрезентација“!СледноЗинченко: Артета им кажуваше на повредените да патуваат со првиот тим за да го збуни противникот Zoran Gjorshoski...

Меѓународен фудбалИталијаТОП “Не си ти виновен, вината е кај мене зошто бев будала што те викнав во репрезентација“! 19.11.2024 18:15 1136 Џиџи Буфон важи за еден од најдобрите голмани во историјата на фудбалот. Тој е икона на италијанскиот фудбал, некогашен голман на Парма, Јувентус, ПСЖ, во моментов е директор на репрезентацијата на Италија, еден од најблиските соработници на селекторот Лучано Спалети. Деновиве Буфон ја промовираше својата автобиографија наречена “Паѓање, станување, паѓање, станување“. Во неа Џиџи ги раскажува сите негови моменти во животот поврзани со фудбалот, но и тие од приватниот живот, посебно се осврнува на проблемите со обложувањето. Секако дека за фановите најинтересно е што кажува тој за неговите тренери. Капело секогаш барал повеќе од него и кога бил фантастичен, Алегри бил тивок и мирен како ангел. За разлика од него Конте постојано се дерел. Со Липи било мешано, а еве што Марчело му кажал на Џици по дебаклот на СП 2010 во Ј. Африка: “Џиџи, верувај дека не си ти виновен, вината е кај мене зошто бев будала што те повикав во репрезентацијата“. Интересно. FacebookTwitterWhatsAppEmailPrint ПретходноОд Барса со потврда: “Да, имавме понуда од 250 милиони евра за Јамал, но ја одбивме“!Следно„Скај Спорт“: Ливерпул е најдобриот англиски клуб во последните 50 години, Јунајтед е втор а Сити дури на 8.место! Zoran Gjorshoski...

Меѓународен фудбалШпанија Од Барса со потврда: “Да, имавме понуда од 250 милиони евра за Јамал, но ја одбивме“! 19.11.2024 17:45 106 Она што меѓу редови пред неколку месеци го најави првиот човек на Барселона, Хоан Лапорта, тоа деновиве и официјално го потврди неговиот прв соработник, Енрике Масим, кој по функција е потпретседател на каталонската гордост: “Да, имавме понуда вредна 250 милиони евра за Ламине Јамал. Јас нема да го кажам името на клубот, но ќе кажам дека дојде од клуб од Франција, а вие ќе знаете за кого станува збор“ посочи Масим. Секако дека таа понуда дошла од ПСЖ, тој е единствен клуб од Франција кој може да издвои толкава сума. “Секако дека истата ја одвбивме а дојде непосредно пред почетокото на ЕУРО 2024“ дополни вториот човек на Барселона. Во случај да ја прифатиле таа официјална понуда од ПСЖ за Јамал, тогаш Барса ќе го урнеше светскиот рекорд. Да потсетиме дека тој изнесува 222 милиони евра кога клубот од Каталонија за тие пари го продаде Нејмар токму во ПСЖ. FacebookTwitterWhatsAppEmailPrint ПретходноСтефан и Адеми на тренинг: Админот прашува – пронајдете ја разликата? (ФОТО)Следно“Не си ти виновен, вината е кај мене зошто бев будала што те викнав во репрезентација“! Zoran Gjorshoski...

ФудбалИнтернационалциТОП Стефан и Адеми на тренинг: Админот прашува – пронајдете ја разликата? (ФОТО) 19.11.2024 17:16 386 Со оглед на тоа дека не беа во нашата репрезентација за време на ноемврискиот циклус во Лигата на Нации, Стефан Ристовски и Аријан Адеми вредно тренираа(т) во тренинг – центарот на Динамо Загреб во пресрет на следните мечеви во Лигата на Шампионите и ХНЛ. Секако дека како едни од најголемите ѕвезди на “модрите“, нашите интернационалци се во центарот на вниманието и на админот на социјалните мрежи кој постирајќи ја оваа фотографија прашува – пронајдете ја разликата? FacebookTwitterWhatsAppEmailPrint ПретходноТурците најавуваат “бомба“: Митровиќ во јануари доаѓа во Фенербахче?!СледноОд Барса со потврда: “Да, имавме понуда од 250 милиони евра за Јамал, но ја одбивме“! Zoran Gjorshoski...

Меѓународен фудбалОстанатоТОП Турците најавуваат “бомба“: Митровиќ во јануари доаѓа во Фенербахче?! 19.11.2024 16:45 173 Секако дека веројатноста е многу мала, да не кажеме никаква, но сепак како што денеска пренесува турскиот “Фанатик“, еден од највлијателните медиуми во таа земја, во јануари можна е “бомба“ на Босфорот. Имено Фенербахче силно го посакува Србинот Александар Митровиќ, кој е капитен на својата репрезентација кој и тоа како ги тресе мрежите во С. Арабија во дресот на Ал Хилал. Велиме мала е веројатноста ако се знае дека за Митровиќ свој интерес пројавуваат и клубови од Премиер-лигата, но секако дека кога станува збор за Фенер никогаш не треба да се каже никогаш. Сепак, сепак, примањата на Митровиќ во С. Арабија се петпати поголеми од тоа што Али Коч, газдата на Фенербахче, може да му понуди на Србинот. FacebookTwitterWhatsAppEmailPrint ПретходноЗаврши годината за Дијамантот!СледноСтефан и Адеми на тренинг: Админот прашува – пронајдете ја разликата? (ФОТО) Zoran Gjorshoski...

ТОПФудбал Заврши годината за Дијамантот! 19.11.2024 16:15 408 Елиф Елмас ја заврши оваа 2024 година. Имено поради повреда тој предвреме ја заврши годината која ќе му биде за заборав. Дијаманот се повреди на средбата со Летонија уште во раната фаза од мечот, а дополнителните прегледи велат дека повредата не е наивна и дека ќе мора на повеќенеделна пауза. Станува збор за кинење на мускулот на ногата. Ова значи дека Елмас до јануари сигурно нема да го облече дресот на Лајпциг, а како стојат работите можно е веќе и никогаш да не го облече ако се знае дека турските гиганти Фенербахче и Галатасарај го посакуваат уште во јануари, а се шпекулира и за враќање во Италија, наводно Наполи бил заинтересиран да го врати во своите редови. FacebookTwitterWhatsAppEmailPrint ПретходноДефанзивецот на Реал Мадрид успешно е опериран!СледноТурците најавуваат “бомба“: Митровиќ во јануари доаѓа во Фенербахче?! Zoran Gjorshoski...

Меѓународен фудбалШпанија Дефанзивецот на Реал Мадрид успешно е опериран! 19.11.2024 15:45 122 Како што денеска официјалната прес служба на Реал Мадрид објави, Едер Милитао успешно е опериран. Да потсетиме дека Бразилецот неодамна се здоби со тешка повреда, кинење на вкрстените лигаменти по што мораше да оди на операција а сега пред него е долга и мактрпна рехабилитација. Оптимистичките прогнози велат дека тој ќе биде фит некаде околу јуни – јули 2025 година, што значи дека оваа сезона за него е завршена и на него ќе се смета дури за наредната 2025/26. FacebookTwitterWhatsAppEmailPrint ПретходноПроблем во најава: Виеира ќе му биде тренер на Балотели во Џенова!СледноЗаврши годината за Дијамантот! Zoran Gjorshoski...

Меѓународен фудбалИталијаТОП Проблем во најава: Виеира ќе му биде тренер на Балотели во Џенова! 19.11.2024 15:24 212 Легендата на Арсенал, еден од најдобрите фудбалери на Франција во историјата, Патрик Виеира ќе биде нов тренер на Џенова, Ова доаѓа откако некоашниот клуб на нашиот Горан Пандев се раздели со Алберто Џилардињо. Виеира беше голем како играч, но како тренер допрва ќе мора да ги бара височините во таа професија. Инаку секако овој потег на Џенова нема да му се допадне на Марио Балотели, кој неодамна дојде во овој тим, а познато е дека Супер – Марио и Патрик Виеира и тоа како не се “мирисаат“. Играа заедно во Манчестер Сити, имаа своја “епизода“ во Ница како тренер и играч, како ли ќе биде во Џенова останува да се види. Ова е проблем во најава, јасно е дека Виеира ќе биде шефот, но Балотели си е Балотели. FacebookTwitterWhatsAppEmailPrint ПретходноНајубавата приказна во Лигата на Нации – Сан Марино!СледноДефанзивецот на Реал Мадрид успешно е опериран! Zoran Gjorshoski...

Меѓународен фудбалОстанато Најубавата приказна во Лигата на Нации – Сан Марино! 19.11.2024 15:00 115 Најслабата репрезентација на ФИФА ранг листата, ја заврши својата одисеја во Д Лигата на Нации на најубав можен начин, се разбира дека испиша историја. Сан Марино вчера го победи Лихтенштајн на гости со 1:3 и со тоа го освопи првото место во групата Д1, и тоа против споменатиот Лихтенштајн и Гибралтар, а со тоа обезбеди и пласман во Ц Лигата на Нации. Оваа победа беше втора во последните 20 години за оваа селекција, првата беше исто така против Лихтенштајн дома, и таа победа беше прва после 2004 година кога Сан Марино успеа последен пат да победи во еден официјален меч. Вчерашното гостување испиша историја во Сан Марино. По првпат успеа да постигне три гола на еден меч во историјата, првпат победи на гости, за првпат победи после дефицит на полувремето. Ова се златни моменти на една од најмалите земји во светот, на најслабата селекција според ФИФА листата. FacebookTwitterWhatsAppEmailPrint ПретходноВ недела се играат мечевите од 15.коло во ПМФЛ, спектакл во Битола!СледноПроблем во најава: Виеира ќе му биде тренер на Балотели во Џенова! Zoran Gjorshoski...

ФудбалПрва лигаТОП В недела се играат мечевите од 15.коло во ПМФЛ, спектакл во Битола! 19.11.2024 14:30 249 По двонеделна пауза поради настапите на нашата репрезентација, претстојниот викенд, односно во недела (24.11.2024) продолжуваат возбудувањата во нашата елитна лига. На програмата се сите шест средби, а секако дека во Битола одново ќе има спетакл. Играат Пелистер и Шкендија и тоа од 17 часот, значи по дуелот со Вардар кога за првпат “светнаа“ рефлекторите под “Тумбе Кафе“ и во недела ќе се игра во вечерен термин во Битола. На останатите средби од ова 15.коло, се играат од 13 часот, се среќаваат Гостивар – Тиквеш, Воска – Вардар, Шкупи – Силекс, Брера – Струга Трим Лум, Работнички – Беса. Во сабота (23.11.2024) се закажани сите мечеви од 13.коло во ВМФЛ. FacebookTwitterWhatsAppEmailPrint ПретходноФудбалска револуција на Косово, издвоени се средства за четири стадиони, ќе изгледаат прекрасно! (ФОТО)СледноНајубавата приказна во Лигата на Нации – Сан Марино! Zoran Gjorshoski...

Меѓународен фудбалОстанато Фудбалска револуција на Косово, издвоени се средства за четири стадиони, ќе изгледаат прекрасно! (ФОТО) 19.11.2024 14:00 735 Фудбалско Косово во наредните години ќе добие четири стадиони. Два ќе бидат реновирани а два ќе бидат сосема нови. Според плановите и макетите тие ќе изгледаат прекрасно. Секако дека ова ќе биде голем поттик за фудбалот кај нашиот северен сосед да оди напред. Министерот за спорт во владата на Косово, Хајрулах Чеку ја соопшти оваа информација. Како што се планира, за сите овие четири стадиони потребни се 50 милиони евра, но тие средства се веќе обезбедени. Нови стадиони ќе се градат во Пеќ и Феризај (Урошевац), додека постоечките во Призрен и Вуштрију (Вучитрн) ќе бидат целосно реновирани. Како што се планира сите стадиони треба да бидат готови најмногу за пет години. FacebookTwitterWhatsAppEmailPrint ПретходноВардар 1961 на гости кај единствениот тим кого успеа да го победи во Европската лига!СледноВ недела се играат мечевите од 15.коло во ПМФЛ, спектакл во Битола! Zoran Gjorshoski...

РакометЕвропски купови Вардар 1961 на гости кај единствениот тим кого успеа да го победи во Европската лига! 19.11.2024 13:30 80 Екипата на Вардар 1961 вечерва (20:45 часот) му гостува на Валур во рамките на петтото коло во Европската лига. „Црвено-црните“ ќе ги одмерат силите со единствениот тим против кого успеаја да запишат победа во групната фаза, и тоа на стартот на домашен терен од 33-26. Од оваа средба дојдоа поразите од Мелсунген и два од Порто, па македонскиот тим е на третото место на табелата без шанси за пласман во следната рунда. Останува „црвено-црните“ до крајот да одиграат на повисоко ниво и достојно да се одајват во Европа. Ова значи и триумф на денешната пресметка. На клупата на Вардар 1961 е Аргентинецот Гиљермо Милано, кој треба да направи покомпактен тим за остварување на целта оваа сезона, а тоа се круните во домашниот шампионат. Милано имаше шанса да се запознае со ракометарите, дури го водеше и тимот против Струга, па веќе добро знае со што располага. FacebookTwitterWhatsAppEmailPrint ПретходноАнчелоти повторно доби понуда што не се пропушта!СледноФудбалска револуција на Косово, издвоени се средства за четири стадиони, ќе изгледаат прекрасно! (ФОТО) Марија Ковачева...

Меѓународен фудбалОстанато Анчелоти повторно доби понуда што не се пропушта! 19.11.2024 13:00 993 Ерата на Карло Анчелоти во Реал Мадрид би можела да заврши на крајот од оваа сезона. Сепак, тоа нема да биде крај на неговата тренерска кариера бидејќи би можел да ја преземе селекторската функција. За неговите услуги долго време е заинтересиран Бразил. Првиот обид да го донесат беше неуспешен, но одлучија повторно да тргнат по него. Шпанскиот новинар Едуардо Инда открива како Бразилците се решени да го ангажираат Анчелоти и цврсто веруваат дека ова е негова последна сезона во Мадрид. “Фудбалскиот сојуз на Бразил уште еднаш му пристапи на Карло Анчелоти. Тие веруваат дека неговото столче во Мадрид е разнишано и дека на крајот од сезоната неговата одлична епизода во клубот може да заврши. Анчелоти и Гвардиола се опции за Бразил”, изјави Инда. 65-годишниот Италијанец ги презеде „Кралевите“ во 2021 година. Тој имаше огромен успех во изминатите три и пол години и освои се што можеше. Сепак, оваа сезона започна исклучително лошо. Реал Мадрид не е на нивото како порано и веднаш почнаа приказните за негово заминување. Сепак, тој има голема поддршка од раководството на клубот. Тој може да биде заменет само со некоја неверојатна серија на порази, а тоа ќе биде многу тешко да се случи. Ачелоти има договор со Реал до летото 2026 година. Сепак, многумина веруваат дека Италијанецот ќе си замине по оваа сезона и ќе го повика Чаби Алонсо на неговата позиција. FacebookTwitterWhatsAppEmailPrint ПретходноАлонсо пред Фредериција: Ова е меч со голем влог, а одбраната ќе биде клучна!СледноВардар 1961 на гости кај единствениот тим кого успеа да го победи во Европската лига! Марија Ковачева...

РакометЛига на шампиониТОП Алонсо пред Фредериција: Ова е меч со голем влог, а одбраната ќе биде клучна! 19.11.2024 12:30 47 Пелистер утре на домашен терен продолжува со предизвиците во Лигата на шампиони. Македонскиот првак е домаќин на Фредериција, тимот против кого ја оствари првата победа во ова натпреварување. Битола очекува нов триумф во дебито на европска сцена на новиот стратег Раул Алонсо. Шпанецот имаше три дена да го подготви мечот, а според него одбраната ќе биде клучна на оваа пресметка. „Секој натпревар е различен посебно кога играте во Лигата на шампионите. Играчите во ова натпреварување брзо се адаптираат на новите ситуации. Фредериција е тим кој порасна во последните две сезони и беше компетитивна во данското првенство. Го имаат Гудмундур Гудмунсон, кој е еден од најдобрите светски тренери и човек кој има големо искуство. Ќе биде тешко да се игра против нив, иако победивме на гостински терен. Ова е нов натпревар и нова ситуација, имаат квалитетни дански ракометари и агресивна одбрана. Што се однесува до подготовката, го немав потребното време, тука сум три дена и одработивме само еден тренинг. Со вкупно три тренинзи ќе влеземе во натпреварот и ќе биде натпревар со голем влог. Ќе го следиме нашиот план и растот од претходниот натпревар. Многу е важно да имаме солидна одбрана и многу интервенции на голманите. Да бидеме организирани во одбраната и тоа да ни биде појдовна точка за добар позиционен напад и транзиција. Тоа е сепак натпревар од Лигата на шампионите и ќе решаваат мали детали“, изјави Шпанецот. FacebookTwitterWhatsAppEmailPrint ПретходноИсториска година за шпанската репрезентацијаСледноАнчелоти повторно доби понуда што не се пропушта! Марија Ковачева...

Меѓународен фудбалШпанија Историска година за шпанската репрезентација 19.11.2024 12:15 49 Европскиот првак Шпанија ја испраќа годината со рекорд кој само го засилува впечатокот дека гледаме на една од најсилните генерации на оваа репрезентација. Со нивниот успех од 3-2 над Швајцарија во понеделникот во Лигата на нации, „фуријата“ сега има 12 победи во официјалните натпревари во календарската 2024 година, што е рекорд. Резултатите од контролите не се вклучени овде. Досега Шпанците имаа постигнато најмногу 10 успеси на официјални натпревари во една календарска година – во 2009 година под водство на Висенте дел Боске, кога тој беше генерација на европскиот шампион од 2008 година. и идните светски шампиони во 2010 година. Шпанија одигра вкупно 17 натпревари – 12 официјални и 5 контролни. Седум од успесите во прашање се на ЕП 2024 – против Хрватска (3:0), Италија (1:0), Албанија (1:0), Грузија (4:1), Германија (2:1 по продолженијата), Франција (2:1) и Англија (2:1). Останатите пет се од групната фаза во Лигата на нации – против Швајцарија (4:1 и 3:2), Данска (1:0 и 2:1) и Србија (3:0). Селекцијата на Луис де ла Фуенте само еднаш не успеа да се справи со Србите – 0:0 на 5 септември во Белград, исто така во Лигата на нации. Во исто време, Шпанците имаа четири контроли, во кои го забележаа единствениот пораз – од Колумбија (0:1). На другите три теста, составот ремизираше 3:3 со Бразил, а потоа ги победи Андора (5:0) и Северна Ирска (5:1). FacebookTwitterWhatsAppEmailPrint ПретходноВИДЕОЛОТАРИЈА КАСИНОС АВСТРИЈА спонзор на одбојкарскиот клуб Македонија Џио СтрумицаСледноАлонсо пред Фредериција: Ова е меч со голем влог, а одбраната ќе биде клучна! Марија Ковачева...

Магазин ВИДЕОЛОТАРИЈА КАСИНОС АВСТРИЈА спонзор на одбојкарскиот клуб Македонија Џио Струмица 19.11.2024 11:45 21 Видеолотарија Касинос Австрија во континуитет ги препознава и поддржува младите таленти за спорт, во рамки на својата визија за модерна и општествено одговорна компанија. Со задоволство споделуваме дека сме спонзор на Одбојкарскиот клуб Македонија Џио Струмица. Уште една спортска приказна, добива поддршка за успех. Видеолотарија Касинос Австрија во рамки на својата визија- верен пријател на спортот, обезбеди спонзорство за одбојкарскиот клуб Македонија Џио Струмица. Со оваа поддршка, сакаме да придонесеме младите одбојкари да тренираат и да ги развиваат своите спортски вештини. Средствата од ова спонзорство ќе им овозможат, да ги реализираат зацртаните цели од клубот, успешно да се претстават на натпреварувањата во првата државна лига, како и во државните лиги за млади категории и конкуренции во пионерска, кадетска и младинска конкуренција. Претседателот на одбојкарскиот клуб Македонија Џио Струмица, Ѓорѓи Ѓоргиев, изрази огромна благодарност до Видеолотарија Касинос Австрија за поддршката со која ќе може да се изградат здрави млади луѓе кои го сакаат и негуваат спортот. Тој додаде дека членовите на клубот се пресреќни и силно мотивирани за успех. Видеолотарија Касинос Австрија како модерна и општествено одговорно компанија, ќе остане посветена на поддршката на спортот и спортските настани, кои се од исклучително значење на правилно развивање на младите луѓе. Под слоганот „Играј со најдобрите“, помагаме млади кадри од спортот, образованието, културата, медицина. Во текот на изминатите 10 години за спонзорства и донации издвоивме буџет од над 205 милиони денари. #ИграјОдговорно FacebookTwitterWhatsAppEmailPrint ПретходноЖРК Чаир го доби противникот во 1/8 финалето во ЕХФ КупотСледноИсториска година за шпанската репрезентација Марија Ковачева...

РакометЕвропски купови ЖРК Чаир го доби противникот во 1/8 финалето во ЕХФ Купот 19.11.2024 11:20 46 Екипата на ЖРК Чаир, единцтвениот македонски тим во женска конкуренција кој игра во Европа го доби противникот во 1/8 финалето на ЕХФ Купот. Ракометарките на Чаир ќе играат против чепка Славија Прага за кого настапува нашата Ангела Јанкуловска. Првиот осминафинален меч ќе се игра на 11. или 12. јанури, додека реваншите се седум дена подоцна. ЖРК Чаир до осминафиналето стигна со два победи, со самиот пласман до оваа фаза испиша историја, останува македонскиот тим да се надева на нов голем резултат на европска сцена. FacebookTwitterWhatsAppEmailPrint ПретходноФИФА потврди – Македонија за првпат е во трет шеширСледноВИДЕОЛОТАРИЈА КАСИНОС АВСТРИЈА спонзор на одбојкарскиот клуб Македонија Џио Струмица Марија Ковачева...

ФудбалРепрезентацијаТОП ФИФА потврди – Македонија за првпат е во трет шешир 19.11.2024 10:53 314 Македонската фудбалска репрезентација и натаму ги собира „плодовите“ од првото место во Ц Дивизијата, групата ја заврши со пет победи и само едно реми. Овој резултат не смести во третиот шешир пред ждрепката за Светското првенство во 2026 година во САД, Канада и Мексико. Ова е првпат фудбалерите да се најдат во трет шешир, „црвено-жолтите“ секогаш биле во претпоследниот или последниот. Променет е квалификацискиот систем за СП, ќе имаме дури 12 групи со четири-пет репрезентации, а ќе напредуваат само победниците од групите. Сите второпласирани селекции ќе одат во плеј-офот со четирите најдобропласирани селекции од Лигата на нации кои веќе не поминале. Таму ќе добиеме уште четворица учесници на Мундијалот. Ова е моментално познатиот состав на „шеширите“ за квалификации. Прв шешир: Франција, Шпанија, Англија, Белгија, Холандија, Португалија, Италија, Германија, Хрватска, Швајцарија, Данска и Австрија. Втор шешир: Србија, Унгарија, Украина, Турција, Шведска, Велс, Полска, Словачка, Романија, Грција, Норвешка и Чешка. Трет шешир: Шкотска, Словенија, Ирска, Финска, Грузија, Албанија, МАКЕДОНИЈА, Исланд, Босна и Херцеговина, Северна Ирска, Црна Гора и Израел. Четврти шешир: Бугарија, Луксембург, Белорусија, Ерменија, Косово, Казахстан, Азербејџан, Естонија, Кипар, Латвија, Фарски Острови и Литванија. Петти шешир: Молдавија, Малта, Андора, Гибралтар, Лихтенштајн и Сан Марино. Нашите репрезентативци ќе ги дознаат сите противници во борбата за место во САД, Канада и Мексико во Цирих на 13 декември. Идеална група ќе биде Хрватска, Велс Македонија, Летонија и Сан Марино. Првите термини на квалификациските натпревари се 21/22. март, 24/25. март, 6/7. Јуни, 9/10. Јуни и во овие денови ќе играат само репрезентациите извлечени во групи од по пет екипи. Од септември заедно со учесниците во Лигата на нации екипите ќе играат на 4/6. Септември, 7/9. Септември, 9/11. Октомври, 14/12. Октомври, 13/15. ноември и 16/18. ноември. Плеј-офот е закажан за 26 и 31 март 2026 година кога ќе биде дефиниран комплетниот список на учесници на Мундијалот од Европа. FacebookTwitterWhatsAppEmailPrint ПретходноНиколов: Штета што ги немаме Нено и Шортс – приказната ќе беше поинаква!СледноЖРК Чаир го доби противникот во 1/8 финалето во ЕХФ Купот Марија Ковачева...