Нетрпеливоста меѓу шефовите на Мерцедес и Ред Бул, Тото Волф и Кристијан Хорнер, која започна на последната трка во сезоната 2021, кога на котраверзен начин Макс Ферстапен ја освои првата шампионска титула, доби нова епизода. Во последно време причина за несогласувањата беше Ферстапен, откако Тото Волф неколку пати јавно изјави дека би сакал Холанѓанецот да се пресели во германскиот тим. Но, тоа не беше единствената причина поради која Волф и Хорнер се расправаа во последно време. Имено, Британецот беше единствениот кој не ја поддржа сопругата на Тото Волф, Сузи кога ФИА отвори истрага против неа. Таа беше обвинета дека ја искористила својата позиција и на сопругот му доставила доверливи информации. . Но, истрагата беше брзо завршена бидејќи беше докажана нејзината невиност. На новинарско прашање како го коментира тоа што добил поддршка од сите негови колеги од другите тимови, Тото го истакна следново. „Сите освен Кристијан Хорнер беа подготвени да потпишат документ за поддршка. Како што се сеќавам, тој рече дека ќе даде интервју за „Скај Спортс“ во кое ќе објаснел дека не бил дел од поддршката и дека не сака да потпише. Но подоцна некој очигледно го советувал дека тоа ќе биде лош потег, па тој го потпиша документот. Хорнер покажа дека не ме почитува мене и мојата сопруга, дека не ја почитува нејзината кариера, како и нејзиниот придонес во женскиот спорт Тој сакаше да се занимава со мене преку неа, а тоа е неприфатливо“, изјави Волф. Остануваат уште три трки до крајот на сезоната, тимот на Ред Бул тешко ќе ја одбрани титулата во конкуренција на конструктори, додека Ферстапен е на прагот да ја освои четвртата титула во низа. Следната трка е закажана за в недела (24 ноември) во Лас Вегас....

Шпанецот Родри стана првиот играч од редот за врска по Лука Модриќ во 2018 година кој ја освоил Златната топка. Ѕвездата на Манчестер сити стигна до својата четврта титула во Премиер лигата оваа сезона, а беше и клучен играч на шпанската репрезентација на патот до титулата европски првак во Германија. Во интервју за „Ел Хормигуео“, Родри одговори кој за него е најдобриот играч на сите времиња: „Нема сомнеж. За мене Лео Меси е најдобар на сите времиња. Кога ќе ја прими топката, веднаш знаете дека опасноста е неизбежна. Кога би се соочил со него, би се обидел да му ја одземам топката, но тој би побегнал како да ме нема“. Меси игра за Интер Мајами од јуни 2023 година. Сезонава на 22 натпревари има 21 гол и 11 асистенции. Во кариерата играше и за Барселона и ПСЖ и освои се што можеше да се освои на клупски и репрезентативен план. Осум пати ја освојуваше Златната топка....

Кошаркарите на Кливленд Кавалирс им се вратија на победите, откако пред неполни 48 часа го забележаа првиот пораз во сезоната. Кавалирс против Њу Орлеанс ја забележаа 16. победа во 17. натпревар сезонава. Кливленд Кавалирс славеа над Њу Орлеанс со 128:120. Тај Џером забележа личен рекорд, постигна 29 поени. Џорџ Нианг додаде 20 поени, додека Џерет Ален и Џејлон Тајсон по 16 поени и 11 скока. Њујорк во Феникс го запиша четвртиот последеовен триумф. Никс во Аризона славеа со 138:122. Њујорк го предводеа Џејлен Бренсон со 36 поени и 10 асистенции, односно Карл-Ентони Таунс со 34 поени и 10 скока. Дабл-дабл учинок имаше и Џош Харт со 19 поени и 11 скока. Во тимот на Феникс, кој веќе одигра седум натпревари без Кевин Дурент и пет без Бредли Бил, најефикасен беше Девин Букер со 33 поени, Ројс О’Нил додаде 17 поени, додека Тајус Џонс и Јусуф Нуркиќ запишаа дабл-дабл од15 поени и 10 асистенции, односно 14 поени и 12 скока. Резултати: Кливленд – Њу Орлеанс 128:100 Оклахома – Портланд 109:99 Хјустон – Индијана 130:113 Мемфис – Филаделфија 117:111 Феникс – Њујорк 122:138 Голден Стејт – Атланта 120:97 ЛА Клиперс – Орландо 104:93...

Фудбалскиот клуб Барселона најави дека ќе го одложи своето враќање на стадионот „Камп Ноу“ најрано до средината на февруари, поради „логистички ограничувања“. Култниот стадион се уште е во процес на модернизација и проширување повеќе од една година. „Клубот одлучи да продолжи да игра на Олимпискиот стадион „Монжуик“ до крајот на првата фаза од Лигата на шампионите“, се вели во соопштението на Барселона. „Оваа одлука е донесена поради прописите на УЕФА кои забрануваат каква било промена на стадионот за време на првата фаза од Лигата на шампионите, како и поради дополнителните трошоци за одржување на два објекти со голем капацитет во исто време“, додаваат од клубот. Проширувањето на „Камп Ноу“ треба да заврши до летото 2026 година, а новиот капацитет ќе биде 105.000 гледачи....

Фудбалскиот сојуз на Косово е ја тужи УЕФА пред Судот за спортска арбитража во Лозана, отккао европската куќа на фудбалот со службен резултат 3:0 во полза на Романија, го регистрира прекинатиот меч Романија-Косово во Лигата на нации. Адвокатот Таулант Ходај е уверен дека Судот за спортска арбитража (CAS) на крајот ќе донесе одлука во нивна корист. Фудбалскиот сојуз на Косово исто така е прично казнет со 6.000 евра поради однесувањето на тимот на натпреварот во Букурешт. „Фудбалскиот сојуз на Романија е осуден за расистички, ксенофобични, дискриминаторски повици, политички пораки и друго неприфатливо однесување. УЕФА донесе одлука со која го казни Фудбалскиот сојуз на Романија со парична казна од стотици илјади евра и натпревар без навивачи, поради расистичко, ксенофобично, политичко, дискриминаторско и неприфатливо однесување на нејзините навивачи, тимот и официјални лица за време на натпреварот против Косово, а одлучи резултатот од натпреварот да биде 3:0 во корист на Романија. Но некои прекршоци на Романија сè уште не се земени предвид. Верувам дека конечната одлука ќе биде променета во CAS, во корист на Косово“, напиша Ходај....

Италијанските тенисерки го освоија Били Џин Кинг купот, откако во финалето со 2:0 ја победија Словачка. Во првиот меч Лусија Бронсети ја совлада Викторија Хрунчакова со 6:2, 6:4, а во вториот Јасмин Паолини ја совлада Ребека Шрамкова со 6:2, 6:1. Паолини, четвртата тенисерка во светот, по еден час и шест минути стигна до победата над 43. рангираната Шрамкова. Таа оствари убедлива победа, откако направи брејк во шестиот и осмиот гем од првиот сет и во вториот, четвртиот и шестиот гем од вториот сет. Италијанките стигнаа до петтиот трофеј во Били Џин Кинг купот....

Фото/ EPA Georgi Licovski Ракометарите на Еурофарм Пелистер не успеаја да врзат две победи во Лигата на шампионите. Вечерва во Битола одиграа 29:29 со Фредериција, екипа која во минатото коло ја победија во Данска. По осум кола Еурофарм Пелистер има четири бода на своето конто. На дебито на новиот тренер Раул Алонсо во Лигата на шампионите, Еурофарм Пелистер одигра лош натпревар. Гостите од Данска во погоелмиот дел од натпреварот беа подобри на теренот. Во првиот дел целосно ја контролираа играат, имаа предност и од четири гола, а наполувреме Фредериција водеше со 13:16. „Зелено-белите“ започнаа да се будат во вториот дел, а најдобриот период го имаа во последните 15 минути. Митревски фати неколку топки, Пешевски постигна три гола, Пелистер фати приклучок, а во 48.минута го имаа и првото водство 23:22. До крајот се играше гол за гол, Пелистер имаше два шанси да се одлепи на два гола разлика, во првата ситуација Радивојевиќ не реализираше седмерец, а потоа Хосни во финишот продаде топка. Радивојевиќ со седум гола го предводеше Пелистер, пет постигна Кузмановски....

Европската фудбалска унија (УЕФА) со службрн резултат 3:0 за Романија го регистрираше прекинатиот натпревар меѓу Романија и Косово одигран во Букурешт. Натпреварот се одигра пред пет дена во рамкина Ц дивизијата во Лигата на нации. Репрезентативците на Косово, на три минути до крајот на натпреварот се повлекоа од теренот поради провокациите од трибините, односно извиците: „Србија, Србија“ и „Косово е Србија“. Подоцна го игнорираа повикот на главниот судија да излезат од соблекувалната и да го доиграат натпреварот. УЕФА го казни Фудбалскиот сојуз на Косово и парично со 6.000 евра за непримерно однесување. Breaking | Surreal! Kosovo walk off the pitch in the 93rd minute of their Nations League match in Romania after the local fans chanted Serbia's name. Game interrupted!!! The Kosovo players are inside their locker. pic.twitter.com/CZUp2dvRIN — Emanuel Roşu (@Emishor) November 15, 2024 Европската куќа на фудбалот им изрече бројни казни и на Романците: Фудбалскиот сојуз на Романија е казнет со 30.000 евра поради испраќање провокативни политички пораки кои не се соодветни за спортски настан. Фудбалскиот сојуз на Романија е казнет со 9.000 евра поради фрлање предмети на теренот. Фудбалскиот сојуз на Романија е казнет со 4.500 евра поради употреба на пиротехнички средства. Фудбалскиот сојуз на Романија е казнет со 8.000 евра поради употреба на ласери од страна на навивачите. Фудбалскиот сојуз на Романија е казнет со 12.500 евра поради предизвикување неред при интонирање на националната химна. Фудбалскиот сојуз на Романија е казнет со 14.000 евра поради блокирање на премин/скали на трибините. Фудбалскиот сојуз на Романија е предупреден за недоличното однесување на нацоналниот тим. Романија ја освои Групата 2 со 18 бодови и избори пласман во Б дивизијата, додека Косово со 12 бода ќе игра бараж за пласман во Б дивизијата. Breaking: Romania vs Kosovo decided as a 3-0 win for Romania! pic.twitter.com/PBlLyfXIOc — Emanuel Roşu (@Emishor) November 20, 2024...

Лаутаро Мартинез постигна спектакуларен гол за победа на Аргентина над Перу со 1:0 во јужноамериканските квалификации за Светското првенство во 2026 година. Тоа беше 32. гол за репрезентацијата за капитенот на Интер, со кој на вечната листа се израмни со легендарниот Диего Марадона. Тој ја дели петатат позиција на листата на најдобри стрелци во историјата на аргентинската репрезентација. Листата ја предводи Лионел Меси, кој му асистираше на Мартинез за голот против Перу. Втор е Габриел Батистута со 54 гола, трет Серхио Кун Агуеро со 42, а н четвртото место е Ернан Креспо со 35 гола. LAUTARO MARTÍNEZ, QUÉ ESCÁNDALO. 🤯🇦🇷pic.twitter.com/29UU3VGMsk — Sudanalytics (@sudanalytics_) November 20, 2024...

Аргентинскиот тренер Херардо Тата Мартино (61) поднесе оставка на функцијата во Интер Мајами и како причина за заминувањето ги наведе личните причини. Мартино освои најмногу бодови со тимот во кој играат Лионел Меси, Луис Суарез, Џорди Алба и Серхио Бускетс во регуларниот дел од сезоната, но сензационално по три натпревари испадна во првото коло од плеј-офот од Атланта јунајтед. Откако во тимот донесе неколку поранешни ѕвезди на Барселона, МЛС клубот од Мајами ќе се обиде да доведе уште еден поранешен ас на каталонскиот тим и да го стави на тренерската позиција, пренесуваат шпанските медиуми. Станува збор за Чави, кој како играч освои 25 титули со Барселона, а како тренер ги предводеше до титулата шпански шампион во сезоната 2022/2023. Моментално е без работа откако во мај годинава доби отказ од Барса. Тогаш најави дека ќе паузира од фудбалот една година. Шпанските медиуми не се уверени дека Чави ќе биде новиот тренер на Интер Мајани, бидејќи претходно ги одби понудите од Манчестер јунајтед и Рома. Освен Чави, меѓу кандидатите за преземање на МЛС тимот од Мајами се актуелниот селектор на Албанија, Силвињо, Хавиер Маскерано, Јоаким Лев, Френк Лампард, Јирген Клинсман…...

Фото/ facebook.com/FKVardarSkopje Најтрофејниот македонски фудбалски клуб Вардар, пред десет дена официјално го доби новото раководство. Промените во Вардар беа најавени во текот на летото. Мнозински акционер во клубот е Атила Бижен Жалили, 15 отсто од кациите има здружението ,,35 години Вардарци Скопје” кое што раководеше со клубот во минатата сезона, Претставникот на здружението „35 години Вардарци Скопје“, Милорад Миленковски на прес-конференција за јавноста откри кои ќе бидат седните чекори. Откривиајќи ги и имињата на луѓето кои се во Одборот на директорот, Миленковски кажа дека му е „жал што новиот извршен директор на клубот Миленко Неделковски и другите членови на управата не се присутени на прес конференцијата“. „Сакавме да одржиме заедничка прес конференција, но никој не дојде. Мислам дека Миленко Неделковски немаше храброст да дојде. Затоа и се прашуваме дали тој е вистинскиот човек за Вардар? Каква порака остава човек кој само објавува статуси на социјалните мрежи. Ќе беше добро да се појави и сопственикот Жилали, него се уште не сме го сретнале, досега сме имале контакти со негов претставник“, рече Миленковски и потоа откри дека и покрај противењето, здруѓениет морало да се согласи Милено Неделковски да биде назначен за извршен директор. „Имавме средба во Владата на почетокот на летото кога ни кажаа дека имаат решение за Вардар. Тогаш инсистираа да ги предадеме акциите и на чело на клубот да дојде Миленко Неделковски. Првично не го прифативме тоа, но потоа бевме приморани да се спгласиме. Кога разговаравме во Владата ни беше кажано: „или Миленко ќе биде во Вардар, или клубот нема да постои“. Моравме да попуштиме и да се согласиме“, рече Миленковски....

Реал Мадрид и Барселона се борат за потписот на еден од најталентираните Шпанци. Станува збор за Антоњито, 18-годишниот крилен напаѓач на второлигашот Малага и репрезентативец на Шпанија до 19 години. Според „Марка“, трансферот во еден од великаните на шпанскиот фудбал би можел да се случи во зимскиот преоден рок. Антоњито е под договор до следното лето и одби да потпише нов, што значи дека ризикува да го напушти клубот без обештетување на крајот од сезоната. Затоа е реално да се очекува трансфер веќе во зима бидејќи тоа е последна шанса за Малага да заработи трансферот на младиот играч Антоњито е роден во Андалузија и ги направи првите фудбалски чекори во младинскиот центар на Бетис, потоа се пресели во Малага. Минатата сезона дебитираше во сениорскиот фудбал, во Третата лига, а сега е стандарден играч и еден од главните играчи на тимот во Сегунда. На 13 настапи постигна три гола и забележа исто толку асистенции. Неговото целосно име е Антонио Кордеро, но тој е попознат како Антоњито. Неодамна негов менаџер стана Пини Захави. Станува збор за човек кој е многу близок до Барселона и кој ги претставува Ханси Флик и Роберт Левандовски, но тоа не мора да значи дека Барселона има предност. Според „Трансфермаркт“, Антоњито вреди два милиони евра....

Рафаел Надал ја заврши кариерата во која имаше неколку неверојатни достигнувања, кои го прават еден од најдобрите играчи во историјата. Шпанецот освои вкупно 92 АТП титули, од кои 22 се Грен слем трофеи. Два пати беше олимписки шампион, еднаш во синг и еднаш во дубл. Четири пати со Шпанија победи во Дејвис купот. Освои 36 титули на турнирире ид Мастерс серијата. На првото место на АТП листата мина 200 недели. „Кралот на земјената подлога“ одигра 527 натпревари на најбавна подлога, а 479 пати (90,9%) го напушти теренот како победник. Во дуелите во три сета има скор 137-4 (97,9%) Од 2005 до 2007 година има 81 последователна победа на земјена подлога, а во периодот од 2017 до 2018 година нанижа 50 сета. На Ролан Гарос освои 14 титули и има биланс од 112 победи и четири порази. Во финалњата 14:0, иако во шест финалиња беше послабо рангиран од ривалот. Само Новак Ѓоковиќ двапати го победи во Париз (2015, 2021), додека другите два порази ги претрпе од Робин Содерлинг (2009) и Александар Зверев (2024)....

Анхел Ди Марија, полека се ближи кон крајот на кариерата. Легендата на Аргентина, во опширно интервју проговори за трите години во Реал Мадрид. Посебно ја истакна работата со Жозе Мурињо. „Играв како левото крило од детството и тоа беше така се додека не дојдов во Реал Мадрид, потоа се преселив на спротивната страна и морав да најдам ново место за себе. Мурињо не мораше ништо да каже, игравме во систем 4-3-3 и тешко беше да се избориш за позицијата лево крило покрај Гонзало Игуаин. Затоа бев принуден да ја сменам страната, на крајот ми се допадна и до денес останав на десната страна“, рече Ди Марија и потоа откри каков однос имал со Мурињо. „Мурињо е неверојатна личност. Тој 100 отсто стои зад своите играчи, до крај. Ако му враќаш на ист начин, тој и живот ќе го даде за тебе. Да… имавме три извонредни години во Реал“....

Антонио Касано ги критикуваше потезите на сопствениците на Рома, кои решија да го вратат Клаудио Раниери на клупата откако Иван Јуриќ доби отказ. Касано која играше за Рома од 2001 до 2006 година, смета дека враќањето на Раниери на клупата на Рома не е тоа што му треба на клубот. Раниери во својата долга тренерска кариера ги предводеше Каљари, Наполи, Фиорентина, Атлетико Мадрид, Валенсија, Челзи, Парма, Јувентус, Интер, Монако, грчката репрезентација, Лестер, Нант, Фулам, Сампдорија и Ватфорд. Освои осум трофеи, но само еднаш беше национален шампион, кога со аутсајдерот Лестер во 2016 година сензационално ја освои Премиер лигата. Тој се пензионираше минатата година, кога изјави дека само понудите од Рома и Каљари можат да го извлечат од пензија. Го доби тоа што го сакаше и по Жозе Мурињо, Даниеле Де Роси и Иван Јуриќ стана четврти тренер на Рома во оваа календарска година. „Фридкин не разбираат дека луѓето во Рим не се глупави. Направија хаос и кога сфатија дека народот е лут и околината е отруена, решија да ангажираат некој кој ќе ја смири ситуацијата. Многу го почитувам Раниери, тој е вистински господин, но да бидеме искрени и да се потсетиме дека тој самиот рече дека е готов и дека повеќе не сака да биде тренер“, изјави Касано. „Тој носи мир, но на Рома и треба нешто друго , победник со кој таа може да ја планира својата иднина. Раниери веќе зборува како да има некоја друга извршна функција во клубот“, додаде тој....

По завршувањето на овој циклус во Лигата на нации познато се шеширите за ждрепката за квалификациите за Светското првенство во 2026 година. Фудбалската репрезентација на Македонија, како што и претходно беше познато, ждрепката на 13.декември во Цирих ќе ја чека од третиот шешир. Во третиот шешир се и Шкотска, Словенија, Република Ирска, Албанија, Финска, Грузија, Исланд, БиХ, Северна Ирска, Црна Гора, Израел. Макеоднија со овие репрезентации неможе да се сретне во квалификациите. Прв шешир: Франција, Шпанија, Англија, Белгија, Португалија, Холандија, Италија, Германија, Хрватска, Швајцарија, Данска, Австрија. Втор шешир: Украина, Турција, Шведска, Велс, Полска, Србија, Грција, Романија, Словачка, Норвешка, Чешка. Четврти шешир: Бугарија, Луксембург, Белорусија, Ерменија, Косово, Казахстан, Азербејџан, Естонија, Кипар, Латвија, Фарски Острови, Литванија Петти шешир: Молдавија, Малта, Андора, Гибралтар, Лихтенштајн, Сан Марино Патот низ квалификациите нема да биде лесен бидејќи само првото место гарантира пат на Светското првенство во САД, Канада и Мексико....

Тони Надал, вујко на Рафаел Надал и негов поранешен тренер, коментирајќи го пензионирањето на неговиот внук од професионалниот тенис, не издржа а да не го спомне Новак Ѓоковиќ, големиот ривал на шпанската легенда и човекот кој ги помести границите во „белиот спорт“. „Има играчи кои поради нивните спортски заслуги излегуваат од опсегот на нивниот специфичен спорт, како Ѓоковиќ. Но, има и такви кои поради начинот на кој победуваат… Тие го надминуваат спортот, тоа се случува со Федерер и Рафаел, бидејќи животот не е само победување, туку и начинот на кој се победува“, изјави Тони Надал. Инаку, тој вчера не беше во Малага, каде заврши кариерата на Рафаел Надал, откако Холандија во четвртфиналето ја победи Шпанија со 2.1....

Кошаркарите на Лос Анџелес Лејкерс ја победија Јута Џез со 124:118. Блескаше дебитантот Далтон Нект (23), кој натпреварот го заврши со 37 поени. Во исто време, тој стана нов рекордер на НБА, односно „руки“ со најмногу тројки во еден натпревар, погоди девет од 12 тројки против Џезерите. Откако стана член на стартната петорка на Лејкерс пред четири натпревари, бројките на Нект се во најмала рака импресивни, има просек од 23,4 поени по натпревар, а на тие четири натпревари, вклучувајќи го и последниот со Џез, тој реализираше 21 тројка. Нестварно Нект одигра во третата четвртина во која постигна шест тројки и уфрли 21 поен. Лејкерси ја извојуваа десеттата победа сезонава, шеста во низа, на домашен терен имаат скор 7:0. Леброн Џејмс и Ентони Дејвис овојпат беа во втор план, поради брилијантната партија на Нект. Дејвис забележа 26 поени, 14 скока и шест асистенции, додека Џејмс постигна исто толку поени и подели 12 асистенции....

Јужноамериканците го комплетираа 12.коло во квалификациите за пласман на Светското првенство во 2026 година. Лидерот на табелата, Аргентина со многу трид го скрши отпорот на последнопласираниот Перу, додека во дербито Бразил и Уругвај одиграа 1:1. Во Буенос Аирес, актуелниот јужноамерикански и светски првак, Аргентина, минимално го победи Перу. Отпорот на Перуанците го скрши Лаутаро Мартинез со прекрасен гол во 55. минута. На голот му претходеше соло акцијата на Лео Меси, која ја „измеша“ одбраната на Перу, а потоа испрати центаршут кон Лаутаро. Во својот 191. настап за националниот тим, Меси ја забележа 58. асистенција. Со тоа се израмни со Американецот Лендон Донован на првото место на листата на најдобри асистенти во историјата на репрезентативнот фудбал. Бразил и Уругвај ремизираа 1:1 во Салвадор во бразилската сојузна држава Баија. На овој начин Бразил продолжи со променливите игри и лошите резултати, но со 18 бодови „кариоките“ не треба да се грижат околу пласманот на Мундијалот. Уругвајците први постигнаа гол, во 55. минута погоди играчот на Реал, Феде Валверде. а само седум минути подоцна Герсон од Фламенго израмни за Бразил.  Во останатите натпревари Еквадор победи со 1:0 на гостувањето кај Колумбија и скокна на петтото место, додека Чиле ја победи Венецуела со 4:2....

Бостон Селтикс стави крај на победничката серија на Кливленд Кавалирс. Актуелните шампиони го победија лидерот во НБА лигата со 120:117. Дербиот во „ТД Гарден“ го реши неверојатнот шут за три поени на Селтикс, погодија 22 тројки од 41 обид, од нив 14 постигнаа во првото полувреме.Бостон во еден момент ја достигна највосоката предност 71:50, Кливленд се вратија во мечот во третата четвртина, а на почетокот на последниот период разликата беше само два поени. Бостон успеа да го одбие налетот на Кливленд и на крајот ја забележа 12. победа во сезоната. Кливленд пак прв пат потклекна со што стави крај на најуспешниот старт во историјата на франшизата. Шестмина кај Бостон постигнаа двоцифрен број на поени, најефикасен беше Џејсон Тејтум со 33 поени, 12 скока и седум асистенции. Кливленд го предводеше Донован Мичел со 35 поени. Денвер Нагетс во третиот меч без Никола Јокиќ ја забележаа првата победа. Нагаетс славеа во Мемфис со 122.110. Расел Вестбрук велзе во историјата на лигата, го забележа 200. трипл-дабл во кариерата. Рас натпреварот го заврши со 12 поени, 14 асистенции и 10 скока. Најефикасни кај Нагетс беа Џамал Мареј со 27 и Мајкл Портер јуниор со 24 поени. Шпанецот Санти Алдама го предводеше Мемфис со 28 поени и 11 скокови. Далас ги декласира Њу Орлеанс со 132:91. Лука Дончиќ се врати во тимот откако претходниот натпревар го пропушти поради повреда. Словенецот забележа 26 поени и по пет скока и асистенции, Клеј Томпсон додаде 19, Кајри Ирвинг 18 поени, со седум асистенции, додека Наџи Маршал постигна 15 поени....

Шпанија испадна во четвртфиналето во Дејвис купот. На домашен терен во Малага, Панија загуби од Холандија со 1:2. Овој пораз го означи и крајот на кариерата на рафаел Надал. Во воведниот меч Надал загуби од Ботик ван де Зандсхулп со резултат 6:4, 6:4. Изедначи Карлос Алкараз со победата 7:6, 6:3 над Талон Гриксспор. Победникот беше решен во двојки. На едната страна беа Алкарас и Гранољерс, на другата Кулхоф и Ван де Зандсхулп. На крајот Холанѓаните славеа со 7:6(4), 7:6(3). „Бикот“ на патиките на Рафаел Надал ќе остане запаметен како симбол на неговата борбеност и пожртвуваност на теренот. Со интересно видео неговиот главен спонзор компанијата „Најки“ му се заблагодари на Надал за неговата неверојатна кариера. Очекуваното пензионирање на еден од најуспешните тенисери на сите времиња предизвика многу реакции. Главниот спонзор на Надал, компанијата „Најки“, на многу интересен начин и оддаде почит на кариерата на големиот шпански тенисер. Wow, this Nike tribute to Rafael Nadal in Paris is INSANE 🥹🇪🇸🔥 pic.twitter.com/J8TbztOemo — Olly 🎾🇬🇧 (@Olly_Tennis_) November 19, 2024...

Пеп Гвардиола ќе остане во Манчестер сити уште еден година. Веста дека Шпанецот се договорил со клубот пренесе „Атлетик“, а потоа и останатите британски медиуми. Гвардиола имаше договор со Манчестер сити до крајот на актуелната сезона, а пред еден месец запошнаа шпекулациите дека Гвардиола ќе остане. „Атлетик“, повикувајќи се на свои извори, тврди дека во наредните денови се очекува официјализирање на новиот договор. Она што дополнително ќе ги стопли срцата на навивачите на Сити е фактот што во новиот договор наводно има клаузула за можно продолжување на соработката за дополнителна сезона. Гвардиола пристигна во Манчестер сити летото 2016 година. Оттогаш, тој освои шест титули во Премиер лигата и го предводеше тимот до титулата во Лигата на шампионите....

Заврши фазата по групи во третата сезона во Лигата на нации. Последното коло донесе луда завршница во Б дивизијата. Албанија која во пресрет на последното коло имаше шанси за пласман во А дивизијата, на крајот испадна во Ц дивизијата. Албанците загубија од Украина во Тирана со 1:2, а во исто време Чешка ја победи Грузија со 2:1. Ваквиот расплет ја искачи Чешка на првото место, Украина е втора и ќе игра бараж за пласман во А дивизијата, Грузија ќе игра бараж за опстанок во Б дивизијата, а Албанија испадна во Ц дивизијата. Слично сценарио имаше и во Групата 4. Црна Гора ја изненади Турција, ја забележа првата победа во Лигата на нации и на тој начин му овозможи на Велс да го освои првото место. Никола Крстовиќ, напаѓачот на Лече со три гола ја урна Турција во победата 3.1. Во исто време Велс славеше со 4:1 над Исланд и го освои првото место во групата. Турција ќе игра бараж за пласман во А дивизијата, Исланд баража за опстанок во Б дивизијата, а Црна Гора се сели ранг подолу....

Напаѓачот на Јувентус, Душан Влаховиќ ќе пропушти неколку натпревари на Јувентус. Влаховиќ се повреди вчера настапувајќи за својата репрезентација. Во финишот на натпреварот против Данска (0:0) тој побара измена. Попладнево во медицинскиот центар на Јувентус, Влаховиќ ги обавил прегледите „Газета дело Спорт“ пренесува дека повредата не е сериозна, но не е ниту наивна. Медицинските тестови исклучија посериозни проблеми, но потврдија дека има проблем со задната ложа. Истиот извор наведува дека состојбата на Влаховиќ ќе се следи секојдневно. 24-годишниот напаѓач ќе пропушти неколку натпревари на Јувентус, вклучувајќи и некои многу важни. Јасно е дека Србинот нема да биде во тимот на дербито од 13. коло од Серија А против Милан на „Сан Сиро“, а ќе го пропушти и натпреварот од Лигата на шампионите со Астон Вила на 27 ноември во Бирмингем....

Рафаел Надал, веројатно во својот последен меч во кариерата, загуби од Ботик ван де Зандсхулп. На отворењето на завршниот турнир во Дејвис купот, Холанѓанецот за 113.минути игра го победи Надал со 6:4, 6:4. Големиот Рафа Надал, пушти солзи во моментот кога се интонираше шпанската химна, пред почетокот на двобојот. Rafael Nadal crying during the national anthem. Can be the last time. They hope it’s not. pic.twitter.com/OCkWboW3sm — José Morgado (@josemorgado) November 19, 2024 На теренот осовојувачот на 22 Гренд слем трофеи, не делуваше лошо во првиот сет, во првите седум гема. Потоа попушти од 3:4, Ван де Зандсхулп дојде со 4:6, предност од 1:0 во сетови. Кризата на Надал продолжи и во вториот сет, Холанѓанецот направи два брејка, дојде до 1:4 имаше и сервис, но во тие моменти како да се исплаши од победата. Надал успеа да врати еден брејк дојде до 4:5, но немаше шанси во гемот во кој Ван Зандсхулп сервираше за победа. Холандија во четвртфиналето поведе со 1:0, во вториот меч ќе го одиграат Алкараз и Грикспор....

Македонскиот репрезентативец, Елиф Елмас поради повреда нема да игра фудбал до крајот на годината. Елмас се повреди повреди во средата, во претпоследното коло во Лигата на нации против Латвија во Скопје. Поради повредата беше заменет во првото полувреме. Лекарските прегледи направени во клубот, потврдиле дека повредата е посериозна, Елмас скинал мускулни влакна поради што ќе отсуствува шест недели. Ова значи дека на тренереот Марко Росе ќе му биде достапен по Божиќните празници, односно кога Лајпциг ќе ги започне мини подготовките за вториот дел од сезоната. Вообичаено во Бундес лигата има пауза меѓу есенскиот и пролетниот дел од сезоната. Вториот дел од сезоната во Германија ќе започне на 12.јануари. Прашање е дали Елмас ќе му се стави на располагање на тренееот Росе, од причина што сака да замине бидејќи во Бундес лигата сезоната настапи на само два натпревари и одигра вкушно 44 минути. Нејсно е и доколку Елмас реши да замине дали ќе оди на позајмица или Лапјциг ќе го продаде. Наводно сериозен интерес за него покажале турските великани Фенербахче и Галатасарај....

Фудбалерот на Реал Мадрид, Едер Милитао во вторникот успешно го оперирал повреденото колено. Прогнозите се дека тој на терените ќе се врати за девет месеци. „АС“ објави дека операцијата поминала добро. Милитао, пред 10 дена против Осасуна ги скина предните вкрстени лигаменти на десното колено. Се очекува 26-годишниот бразилски фудбалер да се шојави на подготовките на Реал за следната сезона. Милитао го пропушти поголемиот дел од минатата сезона откако ги скина лигаментите на левото колено. Тој се врати на терените во март и учествуваше во освојувањето на Лигата на шампионите и титулата во Ла Лига. Реал во јануари сигурно ќе излезе на пазарот и ќе бара нов стопер. Според медиумите во комбинација се Лапорт, Та и Лукеба....

Фудбалскиот сојуз на Бразил го обнови интересот за Карло Анчелоти, откако стана јасно дека Италијанецот нема до крај да го одработи договорот со Реал. Анчелоти има договор до јуни 2026 година, но се погласни се шпекулациите дека по завршувањето на сезоната на неговото место ќе дојде Чаби Алонсо. Шпанскиот новинар Едуардо Инда открива како Бразилците се решени да го ангажираат Анчелоти и цврсто веруваат дека ова му е последна сезона во Мадрид. „Фудбалскиот сојуз на Бразил уште еднаш му пристапи на Карло Анчелоти. Тие веруваат дека неговото столче во Мадрид е разнишано и дека на крајот од сезоната неговата одлична епизода во клубот може да заврши. Анчелоти и Гвардиола се опции за Бразил”, изјави Инда. 65-годишниот Италијанец се врати во Реал во 2021 година. Тој имаше огромен успех во изминатите три и пол години и освои се што можеше. Италијанецот својата богата тренерска кариера ја започна во Реџана, а потоа работеше за некои од најголемите тимови во светот на фудбалот. Ги водеше Парма, Јувентус, Милан, Челзи, ПСЖ, Баерн, Наполи, Евертон....

Нова книга, автобиографија на Џанлуиџи Буфон, еден од најдобрите светски голмани на сите времиња, се појави во книжарниците во Италија. Италијанскиот „Кориере дела сера“ објави извадоци од книгата со наслов „Паѓање, станување, паѓање, станување“. „Има нешто мазохистичко во голманите. Терените во мојата младост беа исти како во 70-тите: областа околу шеснаесетникот беше тврда како бетон. Старите голмани лесно можете да ги препознаете по раните на рацете, болните колкови, бидејќи паѓаа додека не крварат. Во кариерата имав само еден менаџер, Силвано Мартина, кој го избрав бидејќи рацете му беа покриени со лузни. Голмански раце“. Буфон се потсети на своето деби. „Нејасно се сеќавам на Веа, Бобан, Костакурта, Барези. И одеднаш почувствував рака на моето рамо, тоа беше Паоло Малдини, кој ме охрабрува. Дебитираше и тој како момче, па знаеше што значи сето тоа. Никогаш не го заборавив тој негов гест. Малдини не само што беше одличен фудбалер, туку имаше уште два квалитети кои многу ги ценам: лојалност и храброст“. Џиџи се сеќава на сцена од нејзините помлади денови… „Се сеќавам на еден напаѓач на Бенфика кој ужасно ме шутна во раката. Намерно го направи тоа, страшно ме повреди. Ме погледна без никаква намера да се извини. Но, се колнам дека не можам да се сетам кој беше. Ако пак го сретнам, ќе му кажам само два збора. На луѓето им простувам лоши работи“. Кои беа неговите најголеми ривали: „Тешко е да се избере, бидејќи играв против три генерации: Зидан, Роналдо, Меси, Кристијано, Иниеста… Да да изберам еден? Нејмар. Каков играч и тип беше, заслужи пет златни топки”. Ги издвојува и тимовите против кои имал можност да брани. „Барселона во 2015 година и Реал Мадрид во 2017 година. Тие беа најдобрите тимови во последните 20 години. И Милан на Шевченко, од кого загубив во финалето во Лигата на шампионите во 2003 година“. Во автобиграфијата открива дека во кариерата имал понуда од Барселона. „Имав понуда од Барселона да бидам втор голман. Ми се допадна идејата да играм со Меси после Кристијано. Еден ден додека возев слушнав песна што многу ја сакав и не ја слушнав десет години: „Убавина“ од Џованити. Ја кренав главата и видов на таблата патоказ за Парма. Го сфатив како знак: да завршам таму каде што почнав“....

Фудбалерот на Астон Вила, Морган Роџерс го продолжи договорот на уште шест години, до летото 2030 година, соопшти клубот од Бирмингем. Роџерс во јануари од Мидлсброу се пресели во Астон Вила за осум милиони фунти и оттогаш е еден од најважните играчи во тимот на Унаи Емери. Тој и помогна на Астон Вила да се квалификува во Лигата на шампионите, која ја започна со три последователни победи. По четири рунди Вила има 10 поени. Минатата недела првпат беше повикан во репрезентацијата на Англија и во Лигата на нации играше против Грција и Ирска. Оваа сезона за Астон Вила постигна три гола и имаше три асистенции....

Мартин Цани, 14-годишниот фудбалер на Динамо од Тирана е убиен во близина на училишниот двор во главниот град на Албанија, јавуваат локалните медиуми. Цани бил избоден шест пати, што било фатално. Динамо излезе со соопштение во кое изразува длабоко сочувство до семејството Цани и ја истакнува поддршката во овие тешки моменти: „Бевме длабоко шокирани од трагичната вест за прераното заминување на нашиот играч Мартин Цани, член на тимот до 15 години. Претседателот Адријан Барди и клубот ФК Динамо Сити изразуваат искрено сочувство до семејството Цани и се со нив во овие многу тешки моменти, почивај во мир, Мартин“, стои во соопштението на клубот од Тирана. Трагичниот исход дошол по тепачка меѓу две групи тинејџери. Според написите, уште еден ученик се здобил со две убодни рани, но неговиот живот не е во животна опасност. Martin Cani, që u vra nga bashkëmoshatari i tij pranë shkollës Fan Noli, ishte një futbollist me të rinjtë e Dinamos. Të gjithë thonë se ai ishte i talentuar dhe e dashuronte futbollin. 14-vjeçari e kishte luajtur dje ndeshjen e fundit me Dinamon.Pamjet tregojnë momentet kur ai… pic.twitter.com/yEfsCuYrTi — JOQ Albania (@JoqAlbania) November 18, 2024...

Алберто Џилардино ја заврши мисијата во Џенова иако на последните два меча освои четири бода. Како што пренесува Фабрицио Романо, а истакнуваат и некои други медиуми во Италија, Џенова постигнала договор со Патрик Виеира. Искусниот Французин минатата сезона раководеше со Стразбур, но на крајот од сезоната реши да го напушти клубот и оттогаш е слободен. Поранешниот француски репрезентативец кариерата ја започна во резервниот тим на Манчестер сити, а потоа како прв тренер работеше во Стразбур, Њујорк сити, Ница и Кристал Палас....

Светската фудбалска федерација (ФИФА) ја исклучи фудбалската репрезентација на Русија од квалификациите за Светското првенство во 2026 година. ФИФА одлучи да му ја продолжи суспензијата Фудбалскиот сојуз на Русија поради војната со Украина. Ова ќе биде петто големо натпреварување кое ќе го пропушти Русија, по СП во Катар во 2020 година, Европското првенство во Германија оваа година и Лигата на нации во 2022 и 2024 година. Ждрепката за квалификациските групи за пласман на СП во 2026 година ќе се одржи на на 13 декември во Цирих....

Кошаркарскиот клуб Монако, во понеделникот објави дека Саша Обрадовиќ повеќе не е тренер. На српскиот тренер му пресуди поразот од Ле Ман во домашното првенство. Медиумите тврдат дека Монако има договор со легендарниот Грк, Василис Спанулис. Спанулис (42) моментално е зафатен со обврските со репрезентацијата и квалификациските натпревари за пласман на Европското првенство. Спанулис тренерската кариера ја започна во Перистери. Како играч три пати го креваше трофејот во Евролигата и во моментот кога замина во пензија беше најдобар стрелец во историјата на елитното европско натпреварување. Минатата сезона неговиот рекорд го подобри Мајк Џејмс, актуелениот МВП и кошаркар со кого Спанулис во иднина ќе има блиска соработка. Како играч во својата професионална кариера, Спанулис играше за Гимнастикос, Маруси, Панатинаикос, Хјустон повторно Панатинаикос, од кој во шокантен трансфер во 2010 година се пресели во најголемиот ривал Олимпијакос. Со зелениот тим на Атина освои една Евролига, а потоа со клубот од Пиреја два пати беше европски првак, во 2021 година ја заврши кариерата. Во морето трофеи и индивидуални награди се издвојуваат европското злато и светското сребро со грчката репрезентација (2005 и 2006 година), како и МВП наградата за сезоната 2012/2013 во Евролигата....

Својот прв АТП меч го одигра на 29. април 2002 година. Поминаа 22 години, шест месеци и 21 ден и дојде време да се стави крај на монументалната тениска кариера на Рафаел Надал. Еден од луѓето кои се огласија по тој повод е Роџер Федерер, на кого Рафа му беше најголем ривал. Сепак, ова тениско ривалство роди и блиско пријателство. За него проговори токму Федерер, кој напиша емотивно писмо по повод збогувањето на Рафа. „Одиме, Рафа! Додека се подготвуваш да дипломираш на тенисот, имам неколку работи да споделам пред да станам емотивен. Да започнам со очигледното. Ме победуваше повеќе отколку што успеав да те победам. Ме предизвика на начин кој никој друг не можеше. На земјана подлога, се чувствував како да влегувам во твојот двор, а ти ме натера да работам понапорно отколку што некогаш мислев дека можам, само за да ја задржам мојата позиција. Ме натера повторно да ја откријам мојата игра, отидов дури и дотаму што ја сменав големината на главата на рекетот, надевајќи се на каква било предност. Не сум многу суеверен, но ти го подигна на повисоко ниво. Целиот твој процес. Сите тие ритуали. Позиционирање на шишиња со вода како да се војници-играчки во формација, местењето на фризурата, поправањето на долна облека… Сето тоа со најголем интензитет. Искрено, некако ми се допадна целата работа. Затоа што беше толку уникатен, тоа беше ти. И знаеш што, Рафа, ме натера да уживам во играта уште повеќе. Во ред, можеби не на почетокот. По Австралија опен во 2004 година, за прв пат го освоив првото место на АТП листата. Мислев дека сум на врвот на светот. И јас бев, но два месеци подоцна, кога излезе на теренот во Мајами во црвена маиичка без ракави, покажувајќи ги тие бицепси, убедливо ме победи. Ми стана јасно дека е вистина она што го слушав за неверојатениот млад играч од Мајорка, генерациски талент, кој веројатно еден ден ќе оствари голем успех. И двајцата бевме на почетокот на нашето патување и на крајот заедно го завршивме. Дваесет години подоцна, Рафа, морам да кажам: Каква неверојатна кариера! Вклучувајќи 14 трофеи на Ролан Гарос – историски! Шпанија е горда поради тебе… Целиот тениски свет е горд поради тебе. Постојано размислувам за спомените што ги споделивме. Како заедно го промовиравме спортот. Како го одигравме тој натпревар на терен кој беше половина земјена, половина трева. Како го срушивме рекордот на посетеност на сите времиња играјќи пред преку 50.000 фанови во Кејп Таун, Јужна Африка. Се уште сум ти благодарен што ме покани во Мајорка на отворањето на твојата академија. Знаев дека си премногу љубезен за да инсистираш да бидам таму, но не сакав да го пропуштам тоа. Отсекогаш си бил пример за децата ширум светот, а мене и на Мирка ни е драго што сите наши деца тренираа во твоите академии. Тие се забавуваа и научија толку многу, како и илјадници други млади играчи. Иако секогаш се грижев дека моите деца ќе се вратат дома играјќи тенис со лева рака. А потоа дојде Лондон, Лејвер куп 2022. Мојот последен натпревар. Многу ми значеше тоа што си покрај мене, не како мој ривал, туку како мој партнер во двојки. Тоа што го делев теренот со тебе таа вечер, а потоа заедно завршивме со солзи во очите засекогаш ќе биде еден од посебните моменти во мојата кариера. Рафа, знам дека си фокусиран на последниот дел од твојата епска кариера. Ќе разговараме кога ќе заврши. Засега сакам само да му честитам на твоето семејство и тимот, на сите оние кои одиграа голема улога во твојот успех. И сакам да знаеш дека твојот стар пријател секогаш навива за тебе и ќе навива исто гласно за што и да правиш следно. Секогаш ти посакувам се најдобро, твојот обожавател, Роџер Федерер“ Во недела од 17 часот во Малага, Шпанија ќе ја пречека холандската репрезентација во Дејвис купот, а се очекува да настапи и Надал....

Организаторите на Големата награда на Канада се согласија да го сменат терминот на трката од 2026 за да го направат календарот на натпревари поодржлив. Претставниците на Формула 1 објавија дека трката во Монтреал ќе биде преместена во третиот или четвртиот викенд во мај, наместо во јуни. Ова ќе им ги олесни работите на тимовите бидејќи во јуни се одржуваат последовнитрки во Европа, што значи дека нема да мора да патуваат преку океанот само за еден викенд, а потоа повторно да се врата на Стариот континент. Одлуката е донесена по договор меѓу промоторите на трката и канадските власти, но таа ќе треба да биде одобрена од Меѓународната автомобилска федерација (ФИА). Претседателот и извршен директор на Формула 1 Стефано Доминикали им се заблагодари на организаторите и рече дека промената ќе го направи текот на календарот поодржлив и логистички подобар за тимовите и сите вработени. Овогодинешното Гран При на Канада се одржа на 9 јуни, помеѓу трките во Монако и Шпанија. Следната година ќе се одржи на 15 јуни, меѓу трките во Шпанија и Австрија Организаторите на трката во Канада имаат договор со Формула 1 до 2031 година. Како што неодамна беше најавено, трката во Монако е поместена поради рационализација, па од 2026 година ќе се одржува првиот викенд во јуни, а исто така оваа сезона трката во Јапонија е поместена за април и ќе се одржи меѓу трките во Кина. и Австралија....

Рубен Аморим официјално ја започна својата работа во Манчестер јунајтед и започна да ги крои плановите за зимскиот преоден рок. Медиумите во Англија тврдат дека во јануари, Аморим сака да донесе напаѓач, бидејќи во клубот не се задоволни од Џошуа Зиркзе. Изборот на Аморим, не е Виктор Џекереш со кого успешно соработуваше во Спортинг, туку Нигериецот Виктор Осимен. Манчестер јунајтед, според шпекулациите, биле подоготвени да го дадат Зиркзе и да искешираат 67 милиони евра за Осимен. Нигериецот е играч на Наполи, кој во финишот на преодниот рок на позајмица се пресели во Галатасарај. Турскиот клуб изрази желба да го задржи Осимен и по завршувањето на позајмицата, иако тоа е тешко остварливо. Нигериецот истакна дека е задоволен во Истанбул, но сигурно ќе бара поатрактивна дестинација и лига во која ќе сака да ја продолжи кариерата. Рубен Аморим ќе дебитира на клупата на Манчестер јунајтед на 24 ноември против Ипсвич....

Кевин Денки, фудбалер на Серкл Бриж, ќе стане најскапото засилување во историјата на американската МЛС лига. Младиот напаѓач на белгискиот тим ќе го засили Синсинати во трансфер вреден 17 милиони евра. Претходниот рекорд го држеше Тиаго Алмада кога од Велез се пресели во Атланта јунајтед за 14,5 милиони евра во 2022 година. За Денки беа заинтересирани Рома и Лил, но Серкл Бриж ја прифати понудата на клубот од МЛС. Покрај 17 милиони, белгискиот клуб ќе добие и десет проценти од следната продажба на играчот. Денки ќе потпише договор со Синсинати на пет години, по сезона ќе заработува три милиони евра. Денки претходно играше во Ним....

Фото/ ffm.mk Македонската фудбалска репрезентација од третиот шешир ќе ги чека противниците во квалификациите за пласман на Светското првенство во 2026 година во САД, Канада и Мексико. Македонија во квалификациите нема да може да се сретне со: Чешка, Словенија, Република Ирска, Албанија, Грузија, Финска, Исланд, Северна Ирска, Израел, Босна и Херцеговина и Црна Гора. Овие 11 селекции исто така се сместени во третиот шешир. Променет е квалификацискиот систем за СП, ќе има 12 групи со четири или пет репрезентации, а директен пласман на Мундијалот ќе изборат само победниците во групите. Сите второпласирани селекции ќе одат во плеј-офот со четирите најдобропласирани селекции од Лигата на нации кои не избориле место на СП. Носители: Франција, Шпанија, Англија, Португалија, Холандија, Белгија, Италија, Германија, Хрватска, Швајцарија, Данска, Австрија Шешир 2: Украина, Турција, Шведска, Велс, Унгарија, Србија, Полска, Грција, Романија, Норвешка, Словачка, Шкотска Шешир 4: Бугарија, Луксембург, Косово, Белорусија, Ерменија, Казахстан, Азербејџан, Естонија, Кипар, Фарски Острови, Латвија, Литванија Квалификациските групи ќе бидат извлечени на 13.декември во Цирих....

Мајами ја продолжи агонијата на Филаделфија. Предводени од поранешниот играч на Севентисиксерс, Џими Батлер, Хит славеа со 106:89. Мајами се шести на Истокот со шест победи и седум порази, а Филалелфија се наоѓа на претпоследното место со само две победи и 11 порази. Мајами Хит победникот го решија од третата минута во втората до шестата минута во третата четвртина, период во кој рзултатот беше 43:16. Батлер го предводеше Мајами со 30 поени и десет скока, Тајлер Хиро додаде 18, а Данкан Робинсон постигна 13 поени. На спротивната страна се истакна Џеред Мекејн со 20 поени, Пол Џорџ уфрли со 18, а Ембид само 11. Резултати: Детроит – Чикаго 112:122 /Канингем 26 – Вучевиќ 29/ Њујорк – Вашингтон 134:106 /Бренсон 26 – Валанчиунас 18/ Торонто – Индијана 130:119 /Берета 39 – Матурин 28/ Милвоки – Хјустон 101:100 /Лопез 27 – Ванвлит 26/ Феникс – Орландо 99:109 /Букер 17 – Вагнер 32/ Сакраменто – Атланта 108:109 /Елис 33 – Денијелс 24/ ЛА Клиперс – Голден Стејт 102:99 /Пауел 23 – Кари 26/...

Сан Марино ја освои Групата 1 во Д дивизијата во Лигата на нации. Фудбалерите на Сан Сан Марино освоија седум бода во конкуреција на Гибралтар и Лихтенштајн. Токму во Лихтенштајн репрезентативците на оваа земја испипаа историја. Прв пат во официјален натпревар славеа на гостински терен и прв пат постигнаа повеќе од еден гол. Сан Марино победи во Лихтенштајн со 3.1. По завршувањето на натпреварот знаеја како да ја прослават победата. S̶a̶n̶ ̶M̶a̶r̶i̶n̶o̶ San MarinYES! 🇱🇮 Liechtenstein 1-3 San Marino 🇸🇲 For the first time in their history San Marino have won a competitive away game AND scored more than one goal in a competitive match! pic.twitter.com/ReUOAwzojM — Match of the Day (@BBCMOTD) November 18, 2024...

Србија не успеа да се избори за место во четвртфиналето во Лигата на нации. За разлика од Србите, Хрватите успеаја да влезат меѓу осимте најдобри, со тоа и да бидат во првиот шешир кога ќе бидат извлечени квалификациските групи за пласман на Светското првенство. На Србија и беше потребна победа против Данска. Одиграа Србите добар натпревар, упатија 22 удари кон голот на Шмајхел, но пред сите Влаховиќ, Митровиќ и Живковиќ не беа прецизни. Имаа и Данците свои шанси, конкретно три големи, еднаш голманот Петровиќ брилијантно одбрани, потоа Митровиќ од гол линијата ја исфрли топката во поле, а во вториот дел ударот на Ериксен заврши крај голот. Шпанија и со комбиниран тим ја совлада Швајцарија. По ремиот 0:0 во првото коло против Србија, Шпанците нанижаа пет победи. против Швајцарија меч-винер беше играчот на Баерн, на позајмица во Осасуна Брајан Сарагоса кој погоди во 93.минута. На Хрватска против Португалија во Сплит и беше потребен бод за да го обезбеди второто место и во тоа успеа кога Гвардил го совлада Жозе Са во 65.минута. Претходно Португалците поведоа со голот на Жоао Феликс. Шкотланѓаните во Варшава, слично како и Шпанија славеа со гол во 93.минута. Голот за победа го постигна играчот на Ливерпул, Робертсон. Претходно Шкотска дојде до предност преку Мекгин во третата минута, а во 59.минута изедначи Пјатковски....

Денвер Нагетс имале голема желба да создадат тандем Никола Јокиќ – Лука Дончиќ во својот тим. Ова го откри Мајк Сингер, новинар кој го покрива Денвер, на подкастот „The Hoop Collective“, наведувајќи дека планот на Нагетс за драфтот во 2018 година бил да го понудат Гери Харис и избор на драфтот во првиот круг за Лука Дончиќ. „Нагетси знаеја дека Владе Дивац не е особено заинтересиран за Лука Дончиќ. Имаа планови да го спојат Никола Јокиќ со Лука Дончиќ. На драфтот во 2018 година се обидоа. Имаа повик. Имаше понуда и Нагетс се обидоа да го добијат вторит пик за Гери Харис и два избора од првиот круг, тоа се информациите што ги имам“, рече Сингер. „Можете само да преврнете со очите за таа цена, но направете ретроспектива. „Кралевите“ го избраа Марвин Багли како втор пик. Не велам дека трајдот беше неизбежен. Сакам да кажам дека Нагетс знаеје каков е ставот на Дивац за Дончиќ и се обидуваа тоа да го искористат“, додаде поранешниот новинар на Денвер Пост. Дончиќ пристигна во НБА од Реал Мадрид, а во 2018 година беше избран од Атланта како трет пик од првата рунда на НБА драфтот. Потоа беше трејдуван во Далас Маверикс и се уште е дел од ваа франшиза. Дончиќ беше „скокнат“ од Сакраменто на драфтот во 2018 година, откако се одлучи за Марвин Багли, а Атланта го замени правото на третиот пик на драфтот за петти пик. Така Дончиќ заврши во Маверикс, а Тре Јанг во Хокс....

Фиорентина ќе му го продолжи договорот на голманот Дави де Хеа. Како што пренесуваат медиумите од Апенините, клубот од Фиренца ќе ја активира клаузулата според која Де Хеа ќе остане на „Артемио Франки“ до летото 2026 година. Секако со тоа ќе му се зголемат и приходите. Во следната сезона ќе заработи 2,4 милиони евра. Да потсетиме, шпанскиот голман пристигна како слободен играч пред неколку месеци во летниот преоден рок откако една година беше без клуб кога го напушти Манчестер јунајтед. Не требаше да помине долго време за да ги покаже своите квалитеи. Де Хеа е меѓу најдобрите, а ко не и најдобра голман во Серија А во овој момент. Де Хеа кариерата ја започна во Атлетико Мадрид, од каде во 2011 година се пресели во Манчестер јунајтед. Беше дел од тимот на „црвените ѓаволи“ кој ја освои последната титула во Премиер лигата, а со англискиот клуб освои и два ФА купа и по еден рофеј во Лига Купот и Лига Европа....

Саша обрадовиќ повеќе не е тренер на кошаркарскиот клуб Монако. Во претходното двојно коло од Евролигата, Монако претрпе пораз од Црвена звезда на домашен терен, а потоа убедливо победи во Виторија кај Басконија, но во неделата неочекувано потфрли во француското првенство против Ле Ман. Обрадовиќ ја започна сезоната со Монако во Евролигата со 6-4, а се уште не се знае кој ќе го замени српскиот тренер. Ова беше втор мандат на Обрадовиќ на клупата на Монако, бидејќи го водеше тимот од Кнежевството од 2019 до 2020 година. Потоа ја презеде Црвена звезда во сезоната 2020/2021, но беше отпуштен во декември 2020 година, а подоцна се врати во Монако на крајот на 2021 година. Во сезоната 2022/23, Обрадовиќ ги одведе кошаркарите на Монако на завршниот турнир во Евролигата. Таму го освоија третото место, откако ја победија Барселона во „малото финале“. Од почетокот на сезоната Монако имаше проблеми со повредени играчи, пред се Ник Калатес и Фуркан Коркмаз, а се повреди и најдобриот играч Мајк Џејмс, во меѓувреме во клубот се врати Џордан Лојд....

Откако пет години собираше прашина во магацин, статуата на Хари Кејн конечно беше откриена. Првите оценки се дека е вистински „кошмар“. Капитенот на Англија, некогаш ѕвезда на Тотенхем, а сега ѕвезда на Баерн, доби статуа пред спортскиот центар „Питер Меј“ во Лондон. „Многу сум горд, ова беше момент да се вратам таму каде што започна мојот фудбалски живот. Се надевам дека ова ќе и помогне на новата генерација да најде инспирација да работи напорно и да работи на себе“, изјави Кејн. Можеби фактот дека изработката на статуата чинела 7.200 фунти објаснува некои работи. Нарачката е направена од Велтам Форест, каде што е роден Кејн, во 2019 година додека Кејн играше во Тотенхем. Меѓутоа, градските власти ја оставиле статуата во складиште цели пет години, бидејќи не можеле да најдат соодветно место да ја изложат. Сега и тоа е решено, па Кејн можеше да одвои малку време лично да присуствува на нејзиното поставување за време. A real proud moment for me to go back to where my life in football began and unveil a statue. I hope it helps inspire the next generation to work hard and believe in themselves. 🙌📸 pic.twitter.com/rbAs8RrZgS — Harry Kane (@HKane) November 18, 2024...

Фото/ kfsm.mk Македонската кошаркарска репрезентација ги започна подготвките за двомечот со Литванија, во квалификациите за пласман на Европското првенство. Макеоднија во четврток ќе ја пречека Литванија во Скопје, натпреварот ќе започне во 18 часот, а на 24.ноември ќе гостува во Литванија. Победа и пораз имаат македонските кошаркари по првите две рунди во Х групата. Идентичен учинок имаат и Литванците, а лидер во групата е Естонија со две победи, додека Полска е последна со два порази. Една победа, во двата натпревар, против фаворизираната Литванија ќе ги отвори на Македонија портите за пласман на Европското првенство. „Работите се такви што мораме да победиме да победиме на еден натпревар за да ги задржиме шансите за пласман на следното европско првенство. Литванија е фаворит, тоа е една исклучително добра репрезентација. Натпреварот во Скопје ќе покаже дали сме подготвени за настап на Европско првенство“, рече селекторот Александар Јончевски. Селекторот и стручниот штаб се соочуваат со сериозни кадровски проблеми пред првиот натпревар. Поради обврски кон своите клубови во Евролигата првиот натпревар ќе го порпушти Ненад Димитирјевиќ, исто така и Ти-Џеј Шортс и покрај тоа што изборот за натурализиран кошаркар е Итан Хап. И кошаркарот на Валенсија веројатно ќе го порпушти првиот меч поради здравствени проблеми. Против Литванија во Скопје нема да игра и плејмејкерот на МЗТ, Андреј Магдевски....

Крилниот центар на Барселона, Чимези Мету, доживеа тешка повреда минатата среда против Париз. Кошаркарите на Барселона во средата го победија Партизан во Арената, а потоа во петокот беа поразени од Париз во двојното коло од Евролигата во Блауграна. На натпреварот против Париз крилениот центар, Чимези Мету го повреди коленото и Барса стравуваше од лоши вести, а според официјалното соопштение на клубот, Мету е тешко повреден. „Тестовите потврдија дека нашиот играч Чимези Мету заработил повреда на медијалните лигаменти (МЦЛ) на левото колено и се работи за повреда од втор степен. Се претпоставува дека за шест до осум недели ќе се врати во тимот“, соопшти Барселона. Чимези Мету дојде во Барселона ова лето, тој е поранешен студент на УСЦ кој играше во НБА од 2018 до 2024 година за Сан Антонио Спарс, Сакраменто Кингс, Феникс Санс и Детроит Пистонс. Во Евролигата на 10 одиграни натпревари во дресот на Барселона има просек од 7,9 поени и 4,4 скока. Les proves realitzades han confirmat que el jugador Chimezie Metu ha patit un esquinç de grau 2 del lligament col·lateral intern del genoll esquerre. Seguirà un tractament conservador, amb un temps aproximat de recuperació d’entre 6 i 8 setmanes. pic.twitter.com/1u92E9MBr6 — Barça Basket (@FCBbasket) November 18, 2024...

„Нема да размислувам за пензија, важно ми е само ако можам да и помогнам на Шпанија да уште еднаш да го освои Дејвис куп“, изјави шпанскиот тенисер Рафаел Надал, кој наскоро ќе ја заврши кариерата. Легендарниот тенисер, кој во својата брилијантна кариера освои 22 грен слем титули, од кои неверојатни 14 на Ролан Гарос, претходно најави дека крајот на Дејвис купот оваа година ќе биде крај на неговата кариера. „Доколку сум на теренот во Малага, најважно ќе ми биде да ги контролирам емоциите. Не сум во репрезентацијата за да се пензионирам, тука сум ако треба да помогнам на патот кон новата титула. Ова ќе биде мојата последна недела, но јас сум во служба на тимот и сакам севкупна победа“, изјави 38-годишниот Надал, кој во текот на својата кариера четири пати го освојуваше ова натпреварување со Шпанија, во 2004, 2009, 2011 и 2019 година. Сега првото име на шпанската репрезентација е Карлос Алкараз, а Надал би можел да му помогне на тимот за време на Дејвис купот во двојки. „Се чувствувам добро, а емоциите околу заминувањето ќе испливаат на површина дури на крајот. Работам, тренирам и сакам да бидам целосно подготвен ако дојде моментот кога треба да помогнам. По Дејвис купот ќе се случи голема промена во мојот живот. Најдобро е тоа што ќе можам да се збогувам во мојата земја, пред моите навивачи и во кругот на мојата репрезентација“, рече Надал. Малага ќе биде домаќин на финалето на Дејвис купот од 19. до 24. ноември, а Шпанија во четвртфиналето ќе игра со Холандија. Останатите четвртфинални двојки се Германија – Канада, Италија – Аргентина и САД – Австралија....

Фудбалерот на Тотенхем, Родриго Бентакур е суспендиран на седум натпревари и казнет со 100.000 фунти поради изјавата дека „сите Јужнокорејци изгледаат исто“. Во интервјуто што го даде за уругвајската телевизија во јули, Бентакур рече дека сите луѓе од Јужна Кореја изгледаат исто. За тоа сега стигна казната што му ја изрече Фудбалската асоцијација на Бентакур Водителот на емисијата го праша Бентакур дали може да му го набави дресот на Хјеон Сон Мин, на што стигна одговорот: „На Сони? Може да е братучед на Сони, сите изгледаат исто“. Околу таа изјава започна цела лавина, но Сон по неколку дена на социјалните мрежи напиша дека го прифатил извинувањето на Бентакур и дека е сигурен дека никогаш намерно нема да каже нешто навредливо. Дали имал намера или не, тоа не го интересирало Фудбалскиот сојуз. За прекршување на забраната за навредлив говор, Бентакур е казнет со суспензија од седум натпревари, што Тотенхем сигурно ќе се жали. Жалбата не ја одложува казната, но казната не важи за натпреварите кои ги игра Тотенхем во Европа. Бентакур оваа сезона одигра 15 натпревари за Спарс во сите натпреварувања....

Пини Захави, менаџерот на Нејмар, ги отфрли медиумските шпекулации дека неговиот клиент ќе го напушти Ал Хилал и ќе се врати во Сантос, каде ја започна професионалната кариера. Бројни медиуми објавија дека Нејмар преговара со саудискиот клуб за раскин на договорот за да се врати во Сантос, но Захави изјави дека 32-годишниот бразилски фудбалер е среќен во Ал Хилал и дека нема преговори за раскинување на соработката. . Сепак, бразилскиот новинар специјализиран за трансфери, Цезар Луис Мерло на мрежата „Х“ напиша дека Нејмар и Сантос се блиску до постигнување договор. Нејмар кариерата ја започна во Сантос, за кој од 2009 до 2013 година одигра 225 натпревари, постигна 136 гола и имаше 64 асистенции. Тој го предводеше тимот до трофејот во Купот на Бразил во 2010 година, Купот Либертадорес во 2011 година и една година подоцна до Копа Судамерикана. Најдобрата сезона ја имаше во 2011/2012 година, во која постигна 44 гола и имаше 17 асистенции на 49 натпревари. Тој играше многу успешно за Барселона, од каде во 2017 година се пресели во Пари Сен Жермен за рекордни 222 милиони евра. Тој ги напушти „светците“ во 2023 година и се пресели во Ал Хилал. На 21 октомври Нејмар се врати на терените, по едногодишна пауза поради повреда на лигаментите и менискусот, но ја повреди тетивата и ќе отсуствува до шест недели. Договорот на Нејмар со Ал Хилал истекува во јуни....

Два дена беа потребни, политиката да се вмеша во прекинатиот натпревар меѓу репрезентациите на Романија и Косово, во Ц дивизијата во Лигата на нации. По изјавата на косовскиот премиер, Албин Курти дека Романците први почнале, неговиот колега од Романија, Марсел Чолаку му порача: „не играј жртва кога самите сте виновни за прекинатиот натпревар во Лигата на нации“. Да потсетиме, репрезентативците на Косово го напуштија теренот во Букурешт на три минути до крајот на натпреварот, бидејќи навивачите од трибините извикуваа: Србија, Србија“. Откако замина во соблекувалната, репрезентативците на Косово одбија да се вратата на теренот кога од нив тоа го побара главниот судија Мартен Крог. Амир Рахмани, капетанот на Косово подоцна на на новинарите им рече дека: „Косово не е Србија, туку Косово е Косово или Косово е Албанија“. Овое зборови подоцна ги употреби и премиерот на Косово, Албин Курти, на што одговори неговиот романски колега Чолаку. „Целосно е неприфатливо тоа што го прави премиерот на Косово кога ги меша политиката и спортот, а сето тоа откако играчите на неговата селекција го напуштија теренот на натпреварот против Романија. Сега се обидува да изврши политичко-дипломатски притисок за да бидеме казнети“, рече Чолаку, додавајќи дека се знае кој е одоговорен и дека единствено логично решение е УЕФА да го регистрира натпреварот со официјален резултат 3:0 за Романија. „Залудно се обидува да го претвори виновникот во жртва и што е уште посериозно да изврши политички притисок врз УЕФА, надевајќи се на илузорна одлука. Директно му кажувам дека што и да се обидува да направи, не можеда ја искривува реалноста. Се оди во погрешна насока, затоа што на политиката не и местот во спортот. Што се однесува до се она што се случи во петокот, бидејќи овде виновниците за инцидентот се очигледни, а тоа секако не се романските фудбалери и публиката на стадионот… Можам да признаам дека фудбалерите од Косово одиграа подобро, но тоа не ги амнестира од вината за она што го наравија во финишот на натпреварот, тие мора да ги сносат последиците за тоа. Сигурен сум дека тоа ќе се случи“....

Милан Шкринијар, како слободен играч во 2023 година го напушти Интер и се пресели во ПСЖ. Словакот во Интер мина шест сезони, се профилираше во еден од најдобрите дефанзивци во Серија А, но неговата кариерата е во пад од моментот кога се пресели во Париз. Од почетокот на сезоната, кај Луис Енрике, Шкринијар речиси и не игра, поради што е подготвен да се врати во Серија А. Според италијанските медиуми, Словакот во зимскиот преоден рок ќе го засили Јувентус. Челниците на Јувентус се во потрага по централен дефанзивец кој ќе го замени Глејсон Бремер за кого оваа сезона заврши уште пред еден месец. Бразилецот, против Лајпциг во Лигата на шампионите ги скина лигаментите во коленото....

Добитникот на овогодинешната Златна топка, фудбалерот на Манчестер сити, Родри откри дека негов пример во животот е сонародникот, Рафаел Надал. Родри открил дека има одредени сличности меѓу двајцата. „Можам да направам јасна споредба меѓу мене и Рафа Надал за едно прашање“, изјави Родри за „Релево“, а потоа продолжи: „Се работи за неговите луѓе од доверба, чичкото Тони, неговото семејство, оние кои стојат зад него. Сето тоа ме потсетува на мене. Го следеа каде и да одеше, тие беа столбовите на неговата кариера. Луѓето со кои е опкружен не секогаш му го кажуваат она што би сакал да го слушне, истото е и со мене“. За Родри, рафа Надал е идеален тип на спортист. „За мене Рафа претставува сè што треба да биде и има еден спортист, да биде конкурентен, да биде пожртвуван, да може да се врати на и надвор од теренот. Никогаш во животот не скршил рекет, секогаш ги почитувал правилата…“, смета Родри....

Фудбалерот на Пари Сен Жермен, Усман Дембеле изјави дека планира да се пензионира за седум години, кога ќе има точно 34 години. „Сакам да се пензионирам на 34 години и да се занимавам со недвижнини и да инвестирам во Африка и Франција“, рече крилниот напаѓач во разговорот со сонародниците Аурелиен Чуамени и Жил Кунде во подкастот „ESN Media – The Bridge“. Дембеле својата професионална кариера ја започна во Рен, за кој одигра 29 натпревари и постигна 12 гола, пред да потпише договор со Борусија Дортмунд за 35 милиони евра во 2016 година. Во клубот од Дортмунд по 50 настапи и десет гола стана фудбалска ѕвезда, за него Барселона во 2017 година плати 140 милиони евра. Трансферот на Дембеле е трет најскап досега, зад Килијан Мбапе (180 милиони евра, од Монако во ПСЖ) и Нејмар (222 милиони евра, од Барселона во ПСЖ)....

Јаник Синер го освои завршниот Мастерс во Торино, а уште претходно ја обезбеди првата позиција на АТП лустат на крајот од годината. Новак Ѓоковиќ пак го бележи најлошиот пласман на листата од 2018 година. Ѓоковиќ, поради повреда не ја бранеше титулата во Торино, поради што назадуваѓе за една позиција. Србинот годината ја заврши на седмото место со 3.910 поени. Убедливо прв на АТП листата е Италијанецот Јаник Синер, кој ја зголеми предноста со освојувањето на титулата во Торино. Синер има 11.830 бодови, 3.915 повеќе од второпласираниот Александар Зверев од Германија. Третото место го задржа Шпанецот Карлос Алкараз, додека финалистот на завршниот мастерс Американецот Тејлор Фриц го презеде четвртото место од Русинот Данил Медведев, што е негов најдобар пласман во кариерата. Норвежанецот Каспер Руд, полуфиналист во Торино напредуваше за едно место, на шестото место. На АТП лустата зад Ѓоковиќ се Андреј Рубљов, Алекс Де Минор и Григор Димитров....

За многумина Зинедин Зидан е еден од најдобрите играчи во историјата. Легендарниот Французин освои се како играч. Беше светски првак, европски првак и освојувач на Лигата на шампионите. Ја освои и Златната топка, а како тренер три пати со Реал беше најдобар во Европа. Професионалната кариера на Зидан траеше од 1990 до 2006 година. Играше за Кан, Бордо, Јувентус и Реал Мадрид. Освои 11 клупски трофеи, додека со Франција беше светски и европски првак. Во 1998 година ја освои Златната топка, односно беше прогласен за најдобар светски фудбалер. Лео Меси, за многумина апсолутен број еден во историјата на фудбалот, откри дека му се восхитува и на легендарниот Зизу. Аргентинецот имаше можност да игра против него на почетокот на својата кариера, а ривали беа подоцна кога Зидан од клупата го предводеше Реал. Зборувајќи за Французинот, Меси рече: „За мене, Зидан е еден од најдобрите играчи во историјата, секогаш му се восхитував. Го следев многу во Реал Мадрид и страдав затоа што беше од Мадрид. Тој секогаш беше вистински играч. Различен, елегантен, висок, магичен, имаше се“. Меси дебитираше за првиот тим на Барса пред 20 години и до 2021 година, кога замина во ПСЖ, стана рекордер на клубот по настапи, голови, асистенции и трофеи. На 778 официјални натпревари, тој постигна 672 гола и забележа 303 асистенции. Освои 35 трофеи, а кога тука ќе се придодадат и трофеите со националниот тим, тој е најтрофеен фудбалер во историјата....

Серијата на Кливленд Кавалирс не запира. Изминатата ноќ ја забележаа 15.победа, се уште се без пораз. Денвер Нагетс покажаа уште еднаш дека без Никола Јокиќ се просечен тим. За разлика од Нагетс, Далас без Лука Дончиќ во дербиот ја победи Оклахома. Кливленд Кавалирс се четвртиот тим кој сезоната ја започнал со 15 победи. Изминатата ноќ им се придружија на Голден стејт Вориорс од 2016 година (рекордери со 24 последователни победи), Хјустон Рокетс од 1994 година со Олаџувон и Дрекслер и Вашингтон Капиталс од доцните 40-ти години на изминатиот век. Кавалирс славеа над Шарлот со 128:114. Гарланд постигна 25 поени, Тај Џером постигна 24, рекорд во кариерата, Мобли и Ален имаа дабл-дабл. Шарлот немаше никакви шанси, а Кавси ќе ја имаат најтешката задача да го одбранат непоразениот старт утре во Бостон против шампионот. Кај Хорнетс Ламело Бол беше најефикасен со 31 поен, дури 29 шута, имаше 12 асистенции. Нагетси паднаа во Мемфис, без Јокиќ е просечен тим, губеа со 24 поени во последната четвртина, се беше готово пред крајот. „Гризлис“ ги предводеше Џерен Џексон Јуниор со 20 поени, ова е четврта последователна победа на Мемфис на домашен терен. Кај Нагетс најефикасен беше Стоутер со 19 поени, Вестбрук постигна 12,, Шариќ забележа по 10 поени и асистенции. Далас победи во Оклахома со 121:119. Без Дончиќ, тимот победи благодарение на Пи Џеј Вашингтон со 27 поени и 17 скокови, Кајри Ирвинг постигна 23 поени. На Тандер не му помогнаа 36 поени од Гилџис-Александер. Резултати: Кливленд – Шарлот 128:114 Мемфис. Денвер 105:90 Портланд – Атланта 114:110 Вашингтон – Детроит 104:124 Чикаго – Хјустон 107:143 Њујорк – Бруклин 114:104 Оклахома – Далас 119:121 ЛА Клиперс – Јута 116:105 Индијана – Мајами 119:110 Минесота – Феникс 120:117...

Фудбалерите на Франција ја победија Италија на „Сан Сиро“ со 3:1 и го обезбедија првото место во Групата 2 во А дивизијата, во Лигата на нации. Во вториот натпревар Израел во Дебрецин ја победи Белгија со 1:0, но и покрај триумфот испадна во Б дивизијата. Овој циклус во Лигата на нации Франција и Италија го завршија со ист број на победи, двата тима во меѓусебните дуели славеа како гости со 3:1, а Французите благодарение на гол-разликата го освоија првото место. Во триумфот на Франција во Милано блескаа левиот бек Лука Дињ и играчот од средниот ред Адриен Рабио. Французите во втората минута поведоа со 1:0, погоди Рабио на асистенција на Дињ. Водството го зголемија во 33. минута, кога Дињ изведе совршен слободен удар, топката од гредата се одби од грбот на голманот Викарио и заврши во голот. Само две минути подоцна Андреа Камбијасо на асистенција на Федерико Димарко ја намали негативата на Италија на 2:1. Стрелецот на првиот гол Адриен Рабиот го постави конечниот резултат, а Лука Дињ повторно беше во улога на асистент во 65.минута. Покрај Франција и Италија, во иста група се и Белгија и Израел, а нивниот натпревар заврши со победа на Израелците од 1:0. Стрелец на единствениот гол на натпреварот беше Жарден Шуа во 86. минута....

Хорхе Мартин ја освои шампионската титула во Мото ГП шампионатот. Третото место на последната трка од сезоната му овозможи да ја задржи предноста пред Пеко Бањаја во генералниот пласман и да стигне до првата титула во кариерата. По завршувањето на трката се беше зво знак на „Мартинаторот“, па во негова чест беше направена посебна „сцена“ со мотиви од филмот „Терминатор“, а се беше пропратено со познатата музичка тема. Погледнете ја и големата прослава на Мартин со тимот и неговите најблиски....

Заврши Лигата на нации во Б дивизијата. Англија ја декласира Ирска, а Норвешка Казахстан, Грција рутински победи во Финска, а Словенија освои бод во Австрија. Англија со комбиниран тим (голем број играчи му откажаа на селекторот Ли Карсли) се мачеше со Ирска се до 51.минута кога Скалс доби црвен картон. Голот од пенал на Кејн во 53.минута ги раздвижи Англичаните, кои до 58 минута постигнаа уште два гола, преку Гордон и Галагер. На 4:0 зголеми Бовен, а точка на натпреварот стави младиот Хорвуд Белис. Фудбалерите на Грција ја победија Финска со 2:0 на гостувањето во Хелсинки. Исто како и во Лондон, во првото полувреме немаше голови, а грчката репрезентација во вториот дел обезбеди победа и полуфинале во Лигата на нации. Победа на Грците од 2:0 им донесоа Бакасетас, кој го постигна првиот гол во 52. минута и Колис во 56. минута. Фудбалерите на Словенија ремизираа со Австрија 1:1, а тоа значи дека немаат шанси за полуфинале од оваа група, наместо тоа ќе се соочат со бараж за опстанок во Б дивизијата против Ирска која загуби од Англија. За да го избегнат плеј-офот мораа да ја победат Австрија, но не успеаја во тоа. Стрелец на водечкиот гол за Австрија беше Шмид во 27. минута од натпреварот и се чинеше дека тој гол ќе им го обезбеди првото место на Австријците. Но, во 81. минута Церин израмни и на тој начин им овозможи на Норвежаните да го освојат првото место и пласман во А дивизијата. Норвешка го демолираше Казахстан со 5-0. Халанд постигна хет-трик, а по еден гол постигнаа Сорлот и Нуса....

Јаник Синер го освои завршниот Мастерс во Торино и на најдобра начин ја заокружи извинредната сезона. Уште од претходно беше познато дека Италијанецот сезоната ќе ја заврши на првото место. Синер во финалето на завршниот Мастерс го победи Американецот Тејлор Фриц со 6:4, 6:4 за 85 минути игра. Италијанецот одлично севираше, го контролираше мечот, направи по еден брејк во двата сета што му беше доволно за победа. Синер стана првиот тенисер по 38 години кој го освоил трофејот на последниот АТП турнир во годината без загубен сет. Претходно, тоа му успеа на Иван Лендл во 1986 година. Италијанецот ја заврши 2024 година со осум титули, со 66 победи и само шест порази. Покрај титулата во Торино, тој славеше и на Ју-ес опен и Австралија опен, ги освои Мастерс турнирите во Шангај, Синсинати и Мајами, и турнирите од серијата 500 во Хале и Ротердам. Вкупно во кариерата има 18 трофеи, а заработи нешто повеќе од 30 милиони долари....

Фото/ EPA-EFE/GEORGI LICOVSKI Фудбалската репрезентација на Македонија со петтата победа во низа го заклучи ова издание во Лигата на нации. Вечерва во Скопје, Македонија ги победи Фарските Острови со 1:0 (0:0). Македонија со 16 бода ја освои Групата 4, пред Ерменија која победи во Летонија со 2:1 и ќе игра бараж за пласман во Б дивизијата. Натпреварот во Скопје го реши напаѓачот на Бојан Миовски. Во 61.минута напаѓачот на Џирона ја искористи аматерската грешка на Ватхамар и ја испрати топката во голот. Претходно играчите од Фарските Острови, преку Кнудсен не искористија две добри шанси, од кои идеална беше онаа во 58.минута. Македонија циклусот го започна со нерешен резултата на гости кај Фарските Острови, а потоа забележа пет победи. Ова е најдолгада победничка низа во историјата на националниот тим. Рекордер вечерва стана и Столе Димитриевски, во овој циклус во Лигата на нации не прими гол 531 минута. Единствен кој успеа да го совлада е Давидсен од Фарските Острови, кој во натпреварот од првото коло погоди од пенал во деветтата минута. ⚽️GOAL | 🇲🇰 North Macedonia 1-0 Faroe Islands 🇫🇴 | Bojan Miovski pic.twitter.com/AvM99JN8ul — Goals Xtra (@GoalsXtra) November 17, 2024...

Четирикратниот последователен англиски шампион Манчестер Сити се наоѓа на средина на многу турбулентен период. Истовремено се соочува со резултатска криза, но и сериозни обвинувања кои би можеле значително да се одразат на иднината на клубот. Сепак, клубот од „Етихад“ не сака да биде во дефанзива ги започна преговорите со првата ѕвезда на тимот, Ерлинг Халанд. Тој, исто така, се соочува со 115 барања за прекршување на финансискиот фер-плеј. А тука е и прашањето дали Пеп Гвардиола ќе остане тренер и по оваа сезона. Норвежанецот постигна дури 105 гола на 114 натпревари за Сити и не е ни чудо што клубот нема да штеди пари за да го задржи. Наводно, извршниот директор Феран Сориано отишол во Норвешка, каде Халанд е на репрезентацијата. Сориано во име на клубот му понудил тригодишен договор вреден 31 милион евра по сезона, со што би станал најплатен европски фудбалер. Важна ставка е новата откупна клаузула која според новиот договор би изнесувала 200 милиони евра. Актуелниот договор на Ерлинг Холанд истекува во летото 2027 година. Халанд, а потоа и Родри се приоритет за Манчестер сити. Клубот е насочен на обновивање на нивните договор и покрај тоа што на некои играчи истекуваат на краот од сезоната (Илкај Гундоган и Кевин де Бруине), а Кајл Вокер, Бернардо Силва, Џон Стоунс и двајцата голмани Едерсон и Ортега влегуваат во последната година од договорите....

Хорхе Мартин, 26-годишниот возач на Прамак Дукати ја прекина двегодишната доминација на Франческо Бањаја. Шпанецот во Барселона, во последната трка сезонава ја освои титулата во „кралската класа“. На патеката во Барселона, победи Бањаја, пред идниот клупски колега, Марк Маркез (Гресини Дукати) и Мартин. На крајот во вкупниот пласман Мартин заврши со 10 поени повеќе од Бањаја. Трет во генералниот палсман заврши Марк Маркез. Мартин испиша историја во Барселона, стана првиот возач во Мото ГП ерата кој ја освоил титулата како возач на сателистски тим. Историјата испиша и Бањаја, со 11 победи во главните трки не успеа да стане светски првак. Инаку трката во Барселона беше една од најздодевните во сезоната 2024. На стартот Бањаја ја одбрани пол-позицијата, а Мартин од четвртото дојде на второто место. Втората позиција Мартин ја држеше до крајот на првиот круг, кога пред него излезе Маркез. До крајот поредокот не се менуваше. За Мартин ова беше последната трка за Прамак Дукати, светскиот првак во новата сезона ќе вози Априлија. Промени ќе има и во фабричкиот Дукати, на местото на Енеа Бастијанини доаѓа Марк Маркез....

Најтрофејниот холандски клуб и еден од најуспешните европски, Ајакс реши од следната година да има нов грб. Грбот не е целосно нов, туку во клубот најавија дека то ќе биде враќање на корените. Како и досега, на грбот ќе го има античкиот херој Ајакс, чие име го носи клубот. Разликата е во тоа што ќе биде во поинаков формат. Ваков портрет го красеше грбот на Ајакс од 1928 до 1991 година, кога грбот беше сменет во денешната верзија. Според оваа верзија, која ќе влезе во историјата на крајот на годината, Ајакс е претставен со 11 линии, кои го симболизираат бројот на играчи во фудбалскиот тим. Ајакс во богатата историја 36 пати бил шампион на Холандија, 20 пати освојувач на националниот Куп, четири пати бил европски првак, а во витрините има по еден трофеј во Купот на УЕФА (Лига Европа) и Купот на победниците на куповите. Ајакс е еден од шесте европски клубови кои освоиле барем еден од овие три трофеи. New but familiar surroundings. What do you think? pic.twitter.com/Ba9VnEOwhd — AFC Ajax (@AFCAjax) November 17, 2024...

Претседателката на Палмеирас, Лејла Переира, ја демантираше можноста клубот од Сао Паоло да го ангажира Нејмар. Кариерата на Нејмар се движи по надолна линија најмногу поради повредите. Откако се врати на теренот по паузата од една година, повторно се повреди на првиот натпревар за Ал Хилал. Поради повредата на бутниот мускул ќе отсуствува околу три недели. Се шпекулираше дека тој ќе го напушти Ал Хилал и ќе се врати во Сантос, клуб во кој ја започна кариерата. „Медиумите не се нормални! Оваа недела имаше три лажни вести. Само ширење лаги. Тоа го отежнува животот… Срамота е што така ме третираат во Бразил“, остро ги демантираше Нејмар овие наводи, не криејќи колку е разочаран од начинот на кој го третираат во родната земја. Переира ја демантираше поврзаноста на Палмеирас со Нејмар, истакнувајќи дека тој е „одличен играч, но дека ќе оди во Сантос“. „Не знам дали ќе потпие договор со Сантос, треба нив да ги прашате. Ова не е вистинската адреса кога се зборува за враќање на Нејмар во Бразил. Нејмар нема да потпише за Палмеирас, ние не сме болница. Сакаме некој што може веднаш да дојде и да игра веќе следниот ден ако тоа го побара тренерот. Не сакам да потпишам договор со играч кој не е подготвен за игра“, објасни Переира за бразилски „Универзо онлајн“....

Диарон Фокс кошаркарот на Сакраменто Кингс обележа уште една ноќ во НБА лигата. Откако против Минесота постигна 60 поени, Фикс на Јута и уфрли 49. Малку недостигаше да го урне рекордот на покојниот Коби Брајант, кој на два натпревари по ред постигна 110 поени во 2007 година. Сакраменто ја победија јута со 121:117. Покрај Фокс се истакнаа Хертер со 18, како и Лајлс со 17. Во тимот на Јута најдобри беа Лаури Марканен со 25 поени, Кијонте Џорџ постигна 19, а Колин Секстон 17. Лејкерси не застануваат, ја забележаа петтата победа во низа. „Езерџиите“ победија во Њу Орлеанс со 104:99. Ентони Дејвис немаше милост кон својот поранешен клуб, постигна 31 поен, додаде 14 скока. Леброн Џејмс ја прекина серијата од четири трипл-дабл натпревари, заврши со 21 поен, а Далтон Кнехт ја заокружи одлична партија со рекорд во кариерата, постигна 27 поени. Кај Пеликанс, кои имаа само осум играчи во протоколот, Инграм забележа 32 поени. Далас ја прекина серијата од четири порази, а помогна и фактот што Вембањама заработи мала повреда на коленото и го пропушти натпреварот. Во дербито на Тексас, Далас го победија Сан Антонио со 110:93. Кајри Ирвинг постигна 22 поени, исто колку и Гафорд. Клупата на Далас придонесе со 54 поени, па Лука Дончиќ мина само 28 минути. Постигна 16 поени, шест скока и асистенции....

Американскиот ММА борец Џон Џонс ја одбрани титулата шампион во тешка категорија во УФЦ. Џонс во третата рунда со технички нокаут го победи поранешениот шампион на УФЦ, Стипе Миочиќ. Џонс знаеше како да прослави. Во октагонот танцуваше како Доналд Трамп, а потоа откако го прогласија за победник и и се обрати на јавноста, дојде кај американскиот претседател и му го предаде појасот. Стипе Миочиќ за овој меч се врати во октагонот по три и пол години пауза и беше јасно дека не е на нивото на кое беше за време на трилогијата и „војните“ кои ги водеше со Даниел Кормиер. Џонс отсуствуваше долго пред овој дуел, бидејќи последен пат беше во октагонот во март 2023 година, кога го принуди Сирил Ган да се предаде и го освои појасот. Џонс, исклучително контроверзна фигура во светскиот спорт, често се смета за најголем ММА борец на сите времиња. Неговата надмоќ во кафезот, сепак, често беше во сенка на проблемите со законот, но и со допингот, кој го имаше надвор од арената. Со триумфот над Миочиќ дополнително го зацврсти статусот на легенда на ММА, бидејќи пред да го освои и одбрани појасот во тешка категорија, долго време беше неприкосновен владетел во полутешка категорија на УФЦ (до 93 килограми). Jon Jones just won his UFC fight and did the Trump dance. pic.twitter.com/0yXSF20pUU — Clay Travis (@ClayTravis) November 17, 2024...

Избраниците на Роберт Просинечки, фудбалерите на Црна Гора, не успеаја да стигнат до позитивен резултат ниту во петтото коло од Б дивизијата на Лигата на нации. По Исланд, Велс, Турција, и Исланд Црногорците во Никшиќ со 2:0 загубија од Исланд. Јасно е дека Црна Гора во следниот циклус во Лигата на нации ќе игра во Ц дивизијата. Селекторот Просинечки по натпреварот не го криеше разочарувањето во разговор со новинарите. „Катастрофа сигурно, ова е веќе седми пораз во низа. Примивме два евтини гола, но тие се физички добра екипа. Не ги искористивме шансите, тешко беше да се вратиме потоа. Не го направивме тоа што требаше, дури и доминиравме во еден период, но тоа не беше доволно“, изјави селекторот Роберт Просинечки и продолжи: „Ќе разговарам со претседателот Савиќевиќ по мечот со Турција, па ќе видиме што и како понатаму. Што се однесува до пресметката со Турција, прашање е колку ќе можеме да се вратиме и да се мотивираме по поразот од Исланд“. Натпреварот меѓу Црна Гора и Турција е закажан за 19 ноември со почеток во 20:45 часот во Никшиќ....