Атлетико Мадрид издвојува супер важна победа над Атлетик Билбао од 3-1 во последниот натпревар од денешната програма од најсилниот шпански фудбалски шампионат. Ова за домаќините е огромен триумф и тоа над директниот ривал за последното место кое води во Лигата на шампионите во натпреварувачката 2023/2024. Билбао беше нерешлива енигма за избраниците на Симеоне во актуелнава сезона, загубија на „Сан Мамес“ со 2-0, потоа двапати беа совладани во полуфиналето на Купот со 1-0 и 3-0, но денеска покажаа друго лице и дојдоа до триумф за голема радост на „Ванда Метрополитано“. Де Пол, Кореа и Симон (автогол) беа автори на головите за домаќините, додека Вилијамс стрелаше за Билбао. Атлетико на пет кола до крајот има шест бода повеќе од вечерашниот противник....

Тимот на Челси има проблеми со констатноста во играта низ целата оваа сезона, а така беше и вечерва против Астон Вила каде одигра две различни полувремиња по што на крајот мораше да се задоволи само со реми од 2-2. Домашниот тим се стекна со убедлива предност од 2-0 по првиот дел и тоа благодарение на автоголот на Кукуреља и погодокот на Роџерс. Меѓутоа гостите од Лондон беа далеку подобри по одморот, па преку Мадуеке и атрактивниот гол на Палмер дојдоа до израмнување на резултатот. Избраниците на Покетино тука не застанаа и во 95 минута дадоа нов гол за комплетен пресврт по кој тргнаа да слават за да се јави ВАР по што главниот судија ја прегледа снимката и го потврди прекршокот пред погодокот на Дисаси. „Сините“ имаат 19 бода помалку од Астон Вила која се наоѓа на четвртото место на табелата....

Атлетико Мадрид издвојува супер важна победа над Атлетик Билбао од 3-1 во последниот натпревар од денешната програма од најсилниот шпански фудбалски шампионат. Ова за домаќините е огромен триумф и тоа над директниот ривал за последното место кое води во Лигата на шампионите во натпреварувачката 2023/2024. Билбао беше нерешлива енигма за избраниците на Симеоне во актуелнава сезона, загубија на „Сан Мамес“ со 2-0, потоа двапати беа совладани во полуфиналето на Купот со 1-0 и 3-0, но денеска покажаа друго лице и дојдоа до триумф за голема радост на „Ванда Метрополитано“. Де Пол, Кореа и Симон (автогол) беа автори на головите за домаќините, додека Вилијамс стрелаше за Билбао. Атлетико на пет кола до крајот има шест бода повеќе од вечерашниот противник....

Екипата на Пари Сен Жермен потфрли и одигра само реми против аутсајдерот Ле Авр (3-3) во дуелот во францускиот шампионат. Ова за „светците“ беше последен тест пред соочувањето со Борусија Дортмунд во ЛШ, а на истиот домашниот тим покажа доста слабости и може да биде среќен со освоениот бод со оглед на тоа што губеше со 3-1 до 78 минута. Потоа на сцена стапи нововлезениот Рамош кој прво му асистираше на Хакими за 3-2, а потоа Португалецот и стрелаше во 94 минута за конечни 3-3. Четата на Енрике е на првата позиција на табелата со 70 бода или има предност од 12 во однос на Монако кој утре му гостува на Лион....

Фудбалерите на Лацио влегоа во победничка низа во Серија А, серија на резултати со кои можат да се надеваат на пласман во Лигата на шампионите во наредната сезона. Избраниците на Тудор вечерва слевеа над Верона со 1-0 со погодокот кој во второто полувреме го постигна повремениот италијански репрезентативец Закањи. Ова за него беше петти сезонски гол кој се покажа како доволен за трето славје во низа на „лацијалите“, вкупно 17 во кампањата 2023/2024. Лацио сега има 55 бода само три помалку од градскиот ривал Рома кој го држи последното место кое води во ЛШ....

Милан како што стојат работите ќе го смени Стефано Пиоли по крајот на актуелнава кампања во која за „росонерите“ главна цел ќе биде да се задржи второто место во Серија А. Медиумите веќе и посочуваат кој ќе биде наследникот на Пиоли-тоа е поранешниот шпански селектор и екс тренер на Реал Мадрид, Хулен Лопетеги. Околу овие последни вести свој коментар имаше извршниот директор Џорџо Фурлани кој порача: -Имаме тренер, се вика Стефано Пиоли. Фокусирани сме добро да ја завршиме сезоната. Не одеше онака како што се надевавме, бидејќи ние сме Милан и секогаш сакаме да победуваме. Има многу гласини наоколу, сакаме само да се фокусираме и целиот овој разговор е иритирачки. Тоа го кажаа и играчите, доста е, ние само сакаме да се фокусираме на играње фудбал, победа на натпреварите и останување на второто мест, -рече Фурлани кој не негираше дека разговарал со Лопетеги. -Видете, многу имиња се споменуваат во медиумите. Веќе ја планираме иднината на трансфер пазарот, сакаме да го засилиме составот. Оваа година не триумфиравме, но тоа е целта. Тоа е она на што работиме, -заклучи Фурлани....

Александар Трајковски врза неколку квалитетни партии во низа во дресот на Хајдук, тим за кој во претходните две рунди Осијек и Славен Белупо постигнуваше голови, додека пак вечерва ја имаше улогата на асистент во шоуто на клубот од Сплит против Рудеш. Домаќините го потврдија статусот на апсолутни фаворити и славеше со 5-1 на соочувањето на „Пољуд“. Македонскиот репрезентативец имаше и можност да се запише во листата на стрелци, но противниците имаат реакции во последен момент, меѓутоа Трајковски запиша асистенција во 26 минута при голот на Пукштас. Со 61 бод Хајдук е на третото место на табелата во хрватскиот шампионат. Нашиот Трајковски на 13 средби во ХНЛ има учинок од 3 гола и 2 асистенции....

Составот на Еурофарм Пелистер со ефикасно издание славеше над Пролет со 36:27 во 11. плејоф рунда во Суперлигата. „Зелено-белите“ имаа проблеми да се наметнат во првото полувреме и првиот дел го завршија со предност од само два гола (15-13), но во продолжението избраниците на Ангеловски покажаа зошто се шампиони и први фаворити за трофејот и дојдоа до убедлив триумф, триумф број десет во оваа фаза на шампионатот. Кузмановски се издвои со девет погодоци, Димковски со осум реализации беше прво име кај поразените. Тиквеш претходно беше подобар од Бутел со 28-23. „Експлозија“ на вицешампионот: Алкалоид до врв ја наполни мрежата на Охрид...

Кошаркаркарите на МЗТ Скопје доживеаа пораз од Спартак Суботица од 78:73 во првата полуфинална средба во АБА2 лигата што се одигра во СЦ „Јане Сандански“. Македонскиот шампион имаше доста осцилации во играта, немаше константност во играта од четвртина во четвртина и тоа беше пресудно да се загуби од искусниот и амбициозниот тим од Србија кој реваншот ќе го дочека со предност од пет поени. Избраниците на Атанасов го загубија првиот период со 23-15 за да во вториот избришат нешто од негативата и на пауза замината со 35-31 за противникот. „Металците“ беа најдобри од 20 до 30 минута, четвртина која ја реализираа со 24-17 со што го свртеа резултатот и со плус три влегоа во завршниот период. Тука попушти одбраната, беа примени 26 кошеви што беше премногу за ваков меч. Војдан Стојановски беше прв стрелец со 20 поени на кои придодаде 3 скока, 3 асистенции и 6 украдени топки. Кај победникот Гордиќ беше автор на 16 поени, 2 скока и 6 асистенции....

Рафаел Надал излезе како победник во дуелот со Алекс Де Минор во Мадрид, поточно успеа да му се реваншира на тенисерот од Австралија за поразот од Барселона. Надал ја надмина караницата со судијата и режираше слатка одмазда против Де Минор (Видео) Шпанецот важеше за аутсајдер според обложувалниците, меѓутоа Надал уште еднаш покажа дека не смее никогаш да се отпишува особено кога станува збор за турнири на земјена подлога. Рафа славеше со 7:6, 6:3 и за место во осминафиналето ќе се бори со Педро Качин од Аргентина. -Потребно е време. Играв на добро ниво, но сепак тоа не е доволно. Задоволен сум, многу ми значи оваа победа. Атмосферата беше неверојатна. Немам доволно зборови за благодарност за навивачите, -рече Надал кој воошто не размислува за титула. -Нема да одам предалеку. Имав многу проблеми во последните две години. Среќен сум што играм два турнири по ред. Ќе видиме до каде ќе одам. Одам чекор по чекор и ќе видиме што ќе се случи, -заклучи бикот од Мајорка....

Јувентус и Милан одиграа без победник во дерби средбата од 34. коло во италијанскиот фудбалски шампионат. Иако „старата дама“ беше далеку поконретен тим на теренот, се закануваше кон голот на Спортиело сепак на крајот не успеа ниту една топка да спроведе во мрежата на „росонерите“ кои пак на вечерашното гостување ниту еднаш не го тестираа голманот Шчесни (немаа ниту еден директен удар). Со ова реми нема промена на табелата, Јувентус останува понатаму трет со минус пет во однос на Милан кој делува навистина лошо во последниве натпревари, поточно само како да се чека крајот на актуелнава сезона....

Кошаркарите на Пелистер му одржаа лекција на Работнички во првата средба од полуфиналната серија во Првата лига. Гостите од Битола славеа со 86:63, резултат кој јасно кажува што се случуваше на пресметката во СРЦ „Кале“. „Зелено-белите“ добија три од четирите четвртини со тоа што најголемата разлика ја направија во третиот период кој го реализираа со 26-12. Петмина играчи на Пелистер беа двоцифрени, Планиниќ беше лидер со 16, Маслинко имаше 15, Мијовиќ 14, а резервистите Најт и Стојановски по 13 и 12 кошеви. Најсветла точка кај поразените беше Рикиќ со 16 кошеви. Пласман во финалето ќе обезбеди екипата која прва ќе дојде до три победи....

Екипата на Баер Леверкузен останува непоразена и по денешниот меч против Штутгарт на кој иако губеше со 2-0 на крајот успеа да дојде до реми од 2-2. Ова беше трет меч во низа на кој избраниците на Чаби Алонсо избегнуваат пораз во последните секунди, прво тоа го направија против Вест Хем (1-1) во Лига Европа, потоа со Борусија Дортмунд во Бундеслигата за да вечерва тоа сценарио го повторат против Штутгарт каде со голот на Андрих во 97 минута дојдоа до бод (2-2). Со ова „фармацевтите“ ја продолжија импресивната серија, тие сезонава се непоразени на дури 46 мечеви во сите конкуренции што е навистина неверојатно....

Македонската репрезентативка, Наташа Андонова со два гола донесе победа на Леванте над Севилја во првата шпанска лига. Гостите од Валенсија потврдија дека се подобар тим од Севилја во актуелнава сезона и славеа со 3-1, резултат во кој Андонова учествуваше со два погодоци и тоа во судиското продолжение на првиот дел и во 50 минута која мајсторски погоди со глава. Со ова Наташа дојде до бројката од пет голови во шампионатот и притоа има забележано три асистенции. Леванте со 47 бода е на третото место на табелата....

Актуелниот македонски ракометен вицешампион Алкалоид му одржа лекција на Охрид (41:31) во дерби средбата од 11. плејоф коло во Суперлигата. Охрид го реши Алкалоид во првиот меч од оваа фаза, па токму затоа се очекуваше да биде драматично, возбудливо во Автокоманда, но наместо тоа видовме доминатна, убедлива партија на избраниците на Кирил Лазаров. Домашните ракометари одиграа две ефикасни полувремиња и до врв ја наполнија мрежата на противникот. Стојковиќ и Митев (Марко) беа најефикасни со по седум гола, додека голманот Трајкоски забележа 12 одбрани. Алкалоид кој е трет на табелата во следното коло му гостува на Вардар, додека Охрид ќе го пречека Пролет....

Македонската тенисерка, Магдалена Стоилковска не успеа да обезбеди место во четвртфиналето на фјучерсот во Куршумлијска Бања што се игра на земјена подлога за награден фонд од 15.000 долари. Магдалена имаше соочување со шестата носителка Наталија Шениќ која не дозволи изненадување и со сигурно издание обезбеди место во наредната рунда. Домашната тенисерка славеше со 2-0 во сетови со 6-1 и 6-0 за 55 минути игра на теренот број четири....

Индијана Пејсерс, Далас Маверикс и Минесота Тимбервулвс издвојуваа триумфи на трите плејоф средби кои рано утрово се одиграа во плејофот во НБА лигата. Индијана сега води со 2-1 против Милвоки Бакс, резултат кој Далас го има со Лос Анџелес Клиперс, додека пак Минесота е на еден чекор од следната фаза со оглед на тоа што има предност од 3-0 во соочувањето со Феникс Санс. Ги имаме најдобрите моменти на денот, а сосема очекувано број еден е Халибартон со неговиот победнички кош против „елените“....

Манчестер Јунајтед има се помали шанси за топ четири пласман и во моментов позагрозено изгледа шестото место кое го поседува, особено со резултати како овој денеска против Барнли. Тимот на Ерик Тен Хаг има проблем со серија на добри резултати цела сезона, па така по драматичната победа над Шефилд Јунајтед, денеска „ѓаволите“ не успеаја да го совладаат Барнли. Иако Антони постигна гол кој изгледаше дека ќе биде победнички во 79-та минута, момците на Компани не се откажаа и се изборија за пенал, по кој Амдуни израмни на 1:1. Овој резултат се покажа како конечен на театарот на соништата, па откако Њукасл го победи Шефилд со 5:1, „страчките“ сега имаат само бод помалку од Јунајтед. На останатите два меча од 16:00 часот, Вулверхемптон славеше над Фулам со 2:1, додека најубавиот потег пристигна од натпреварот меѓу Фулам и Кристал Палас кој заврши 1:1. Гостите губеа до 87-та минута, но тогаш Шлуп испорача ремек-дело и испрати проектил во мрежата на Берн Лено за 1:1. Погодокот на Шлуп погледнете го ТУКА...

Беса и Пелистер денеска го одиграа големот дерби во Втората македонска фудбалска лига, дуел по кој и официјално го дознавме првиот патник во елитното друштво. На домашниот тим од Добри Дол потребен му беше само бод за математички да го обезбеди второто место на табелата, кое гарантира пласман во Првата македонска фудбалска лига. Во меч со многу тактичко надмудрување и претпазлива игра, Беса и Пелистер одиграа 0:0, па ако гостиварчани веќе денеска слават пласман во елитата, битолчани многу верорјатно тоа ќе го прават доста брзо. За разлика од ремито во Гостивар, Втората лига понуди фудбалски спектакл во Тетово, каде Тетекс и Арсими одиграа натпревар со десет погодоци 4:6. ВМФЛ резултати: Беса – Пелистер 0:0 Тетекс – Арсими 4:6 Охрид – Каменица Саса 1:1 Беласица – Кожуф 2:0 Башкими – Скопје 0:0 Новаци – Детонит Плачковица 0:1 Осогово – Караорман 2:1 Победа – Вардар Неготино 1:1...

Јирген Клоп имаше што да му порача на Мо Салах и беше евидентно дека двајцата отвораат несекојдневна караница крај аут линијата, ситуација која сосема очекувано прерасна во топ тема по крајот на натпреварот во Лондон. Ливерпул не успеа да го победи Вест Хем (2:2) и практично се отпиша од шампионската трка во Премиер лигата, но многу позагрижувачки за фановите на клубот е тоа што го видоа во 79-та минута. Распад-систем: Клоп и Салах се „зајадоа“ крај аут линијата, Дарвин во улога на миротворец (Видео) Непосредно пред влегувањето во игра на Салах, напаѓачот и менаџерот се „зајадоа“ и си разменија зборови со повисок тон, а додека Египќанецот се одлучи да молчи за да не предизвика „пожар“ во јавноста, Германецот откри дека веќе разговарал со Мо во соблекувалната. – Не можам да ви кажам какви зборови си разменивме со Салах, но разговаравме со него во соблекувалната по мечот и за мене таа приказна е завршена. Од тоа што го видов, стекнав чувство дека истото важи и за него, – кратко изјавил Клоп по мечот. – Што се однесува до мечот, имаше само еден тим кој сака да победи на овој меч. Ние бевме тие кои создадоа далеку повеќе шанси за гол, но повторно не победивме. Примивме гол од ништо, за жал истата приказна ни се повторува последните четири недели. Играчите дадоа се од себе и немам што да им забележам, – додал Јирген....

Рафаел Надал потврди дека е во далеку подобра физичка форма од пред една недела, а прогнозите на неговиот тренер Карлос Моја беа покажани и на дело денеска во втората рунда во Мадрид. Откако минатата седмица загуби од Алекс Де Минор во меч во кој остана без енергија во вториот сет, Рафа денеска изгледаше далеку подобро, па многу брзо му се реваншираше на австралискиот тенисер. „Кралот на земјата“ изгледаше максимално мотивирано и фокусирано од самиот старт и веднаш направи брејк, но потоа се изнервира во третиот гејм кога влезе во расправија со судијата Марфи. Надал загуби поен поради тоа што застана и не побара „челинџ“, па иако топката беше во аут, судијата му го додели поенот на Де Минор поради тоа што Рафа не ги испочитувал правилата. Шпанецот се налути и во еден момент му се закани на Марфи дека нема да продолжи да игра, но потоа се смири и сепак продолжи како ништо да не било. Иако го загуби тој гејм и првиот сет влезе во неизвесна завршница, Надал го доби истиот во тајбрејкот со 8:6, а потоа направи брејк на стартот на вториот сет и си го трасираше патот до победа од 7:6 и 6:3. 🚨 𝗗𝗿𝗮𝗺𝗮 𝗱𝘂𝗿𝗶𝗻𝗴 𝘁𝗵𝗲 @MutuaMadridOpen Sorry (not sorry) but Rafa says absolutely nothing. It's quite clear that players need to come forward quickly for a challenge. Nadal plays the ball and stops. That's the rule, Murphy's right. ✅#MMOPEN pic.twitter.com/iOb1qaj6Vg — Tan 🇫🇷 🇬🇧 (@yesiamtan) April 27, 2024 TIEBREAK. RAFA. 🥶@RafaelNadal #MMOpen pic.twitter.com/kjrVPXIlbm — Tennis TV (@TennisTV) April 27, 2024 R🔥A🔥F🔥A@RafaelNadal #MMOpen pic.twitter.com/KvoVCNiMdd — Tennis TV (@TennisTV) April 27, 2024 37 GOING ON 27 👑@RafaelNadal defies age and ranking to take out de Minaur in Madrid!#MMOpen pic.twitter.com/fy9IHl5lwa — Tennis TV (@TennisTV) April 27, 2024...

Најновата 31-ва рунда во Бундеслигата донесе директна битка за четвртото место на табелата, а на натпреварот кој се одигра на „Ред Бул арена“ како победници излегоа избраниците на Марко Розе. РБ Лајпциг го почна со негатива дербито против Борусија Дортмунд, но мајсторијата на Џејдон Санчо само ги разбуди соиграчите на Елиф Елмас, кои во продолжение целосно го надиграа ривалот. Опенда брзо израмни на 1:1 и ги запали навивачите на трибините, а потоа пред крајот на првиот дел, Шешко постигна гол во најдобар можен период. Во вториот дел, победата ја потврдија Симакан и Баумгартен, а за жал Елиф Елмас не доби ниту минута на ова дерби. Од другите стадиони, за издвојување е победата која ја оствари Баерн Минхен над Ајнтрахт Франкфурт, натпревар на кој Хари Кејн постави свој личен рекорд со двата погодоци. Англичанецот стигна до бројката од 42 погодоци и тоа е најдобра голгетерска сезона за него во кариерата, а во победата од 2:1 погодокот за гостите го постигна Екитике....

Мо Салах беше видно незадоволен од одлуката на Клоп да го држи на клупа до 79-та минута, посебно во ситуација кога Ливерпул денеска имаше една од последните шанси да се врати во трката за титулата. „Црвените“ заборавија да победуваат и денеска ремизираа само со Вест Хем, а нервозата која ја покажаа Клоп и Салах крај аут линијата најдобро покажува дека атмосфера не е баш најдобра во Ливерпул. Распад-систем: Клоп и Салах се „зајадоа“ крај аут линијата, Дарвин во улога на миротворец (Видео) Тимот доживеа страшен пад во најважен дел од сезоната и елиминациите во ФА Купот и Лига Европа влијаеја негативно врз тимот, кој сега полека се предава и во Премиер лигата. Сосема очекувано, новинарите бараа одговори за неочекуваниот инцидент по крајот на мечот, а се појави и видео на кое се гледа како Мо ги одминува преставниците во микс-зоната со следната порака: – Ќе има пожар ако зборувам денеска……. 🚨🚨🎙️| Mo Salah on his argument with Jurgen Klopp: “There’s going to be fire today if I speak.” 😳 [via @j_castelobranco] pic.twitter.com/PSK47Jsje2 — CentreGoals. (@centregoals) April 27, 2024...

Џирона е убедливо најпријатно изненадување во Шпанија оваа сезона, па иако битката за титулата веќе не е во игра, малиот каталонски клуб се бори за историски пласман во Лигата на шампионите. Тимот на Мичел ги освои симпатиите на Пиринеите и многу неутрални фанови навиваат за Џирона, која денеска направи уште еден исчекор кон обезбедување на топ четири. Џирона победи на гостувањето на Гран Канарија кај Лас Палмас и славеше со 0:2, а покрај стрелците на погодоците, клучен во овој триумф беше и голманот. Аргентинецот Пауло Гаѕанига доби највисока оценка и беше избран за играч на мечот, сето тоа како последица на некоклку врвни одбрани, од кои и пеналот при резутлат 0:0. Голманот на Џирона ја прочита намерата на Сандро, но му го одбрани ударот со глава и се жртвуваше за својот тим да ја одбрани мрежата. Пауло заработи класичен нокаут, но иако доби лекарска помош, можеше да го продолжи мечот, во кој подоцна Лопез и Довбик стрелаа за победа од 0:2. Paulo Gazzaniga saves Sandro Ramirez’s penalty kick 🧤🇦🇷pic.twitter.com/GF3HdVKXbT — LaLigaExtra (@LaLigaExtra) April 27, 2024...

Рубен Аморим беше на потесната листа на Ливерпул за потенцијални наследници на Јирген Клоп, но „црвените“ на крајот се одлучија за Арне Слот и практично веќе го договорија холандскиот стручњак. Тренерот на Феенорд во новата сезона ќе биде менаџер на Ливерпул, а се поизвесно е дека Аморим сепак ќе биде дел од Премиер лигата, но како менаџер на Вест Хем. Дејвид Мојс е пред крај на својот циклус како предводник на „чеканите“ и неговото заминување е веќе најавено, а Аморим веќе јавно преговараше со Вест Хем и првичните импресии се дека веќе ги договорил сите детали на состанокот кој го одржал во Англија. Бидејќи неговата посета на Островот се случи во период кога Спортинг се бори за титулата, голем дел од јавноста во Португалија му забележа на Аморим за непрофесионалниот потег, а сега тој ги прифати критиките и призна дека направил голема грешка. – Прво, сакам да кажам дека клубот знаеше за моето патување, а второ истото требаше да биде тајно. Трето и најважно, тоа беше голема грешка од моја страна. – Патувањето и времето кое го одбрав беше комплетно погрешно. Не мислев така во прв момент, но сега сфаќам дека направив грешка. Јас секогаш барам професионалност и посветеност од моите играчи, сум ги казнувал за многу помали работи и сум ги отстранувал од тимот….. Ова е моја грешка и ќе мора да живеам со неа. Им објаснив на играчите, на стручниот штаб и сега треба да продолжиме понатаму. Сакам да им се извинам на фановите на Спортинг, јавно им се извинувам и на играчите за грешката која ја направив, – изјавил денеска Аморим....

Ливерпул доживеа распад-систем во критичен дел од сезоната и нервозата полека почна да се префрла и на теренот, за што доказ е денешната ситуација која беше видена на стадионот во Лондон. Јирген Клоп реши да импровизира со стартната постава и од почетните 11 ги изостави Салах и Дарвин, но уште повеќе изненади со доцното внесување на двајцата напаѓачи. Ливерпул успеа да направи пресврт и да поведе со 1:2 против Вест Хем, но откако Антонио израмни на 2:2 во 77-та минута, Клоп реши да се одлучи за своите голгетери. Оваа одлука на Клоп очигледно воопшто не му се допадна на Салах, а бидејќи двајцата имаа што да си кажат еден на друг во дадената ситуација, мораше да интервенира и Дарвин. Уругваецот се обидуваше да го смири својот колега од нападот и не дозволи да продолжи расправијата со менаџерот, кој сигурно по ремито од 2:2 ќе мора да дава одговори и на оваа тема. Инаку со новиот кикс, Ливерпул практично се отпиша од битката за титулата во Премиер лигата, бидејќи во моментов има бод помалку од Сити, а актуелниот шампион има одиграно два меча помалку. Видеото погледнете го ТУКА...

Марк Маркез очекувано беше максимално мотивиран на трката за големата награда на Шпанија, а доброто познавање на патеката Херес му овозможи да освои прво место, односно прва пол-позиција како член на Дукати Гресини. Осумкратниот светски првак покажа извонредни перформанси и се избори за подобро време од Бецеки и Хорхе Мартин, па тоа беше гаранција и за супер возбудлива спринт трка која започна во 15:00 часот. Воведот на спринтот му припадна на Биндер кој изненанди во првиот круг, но Мартин успеа да го мине Маркез уште во првиот свиок и така тој беше возачот кој го бркаше членот на КТМ . Мартин брзо дојде до израз и без проблеми го мина Биндер, а истото го направија и Марк и Алекс Маркез, кои сепак во продолжение од трката го допреа асфалтот. Прв излета помладиот брат, но многу полош беше падот за Марк, бидејќи претходно успеа да се врати и да го мине Мартин и да избие на првото место. Марк падна како првопласиран и на крајот му овозможи на Мартин да освои 12 бода на спринт трката, а тој иако се врати откако излета, на крајот заврши само седми. Супер вест за Мартин беше и тоа што падна и Пеко Бањаја по судир со Бецеки и Биндер, додека од фестивалот од падови најмногу профитираа Акоста кој заврши втор, како и Квартараро и Педроса кои завршија на третото и четвртото место. Трката за Големата награда на Шпанија се вози утре, а од првото место ќе стартува Марк Маркез кој сигурно ќе сака да ја поправи грешката која ја направи на денешниот спринт....

Ливерпул забележа драстичен пад во формата во најлош можен период, па ако за многумина беше мал инцидент поразот од Аталанта на домашен терен, се покажа дека истиот е почеток на една многу лоша серија. Тимот на Јирген Клоп заборави да победува во месец април и самиот си пресуди во Лига Европа, а по се изгледа останува и без минималните шанси за титула во Премиер лигата. Ремито со Манчестер Јунајтед, поразите од Кристал Палас и Евертон беа три непосакувани резултати во низа, но денеска тимот на Клоп повторно не победи и сега постои само теорија за трофеј во домашното првенство. Вест Хем уште еднаш му зема мерка на германскиот стручњак и го разочара во Лондон, бидејќи „чеканите“ најпрво поведоа, а потоа се изборија за реми од кое најнезадоволен ќе биде Клоп. Јирген ги измеша картите и почна без Салах и Дарвин, но и покрај тоа на резултат 0:0, Дијаз ја имаше најдобрата шанса за гол. Колумбиецот ја погоди рамката од голот, па така следеше казна на спротивната страна и Вест Хем поведе преку Боуен за 1:0. Ливерпул реагираше во вториот дел и се избори за пресврт со два гола (Робертсон и автогол на Ареола), но тоа не беше доволно за победа, бидејќи Антонио израмни на 2:2 и го постави конечниот резултат....

Кошаркарите на Партизан сезонава не успеаја да обезбедат место во плејофот на Евролигата, но клубот успеа да постигне договор за продолжување на соработката со тренерот Жељко Обрадовиќ. Улогата на Обрадовиќ во формирање на силен евролигашки тим е круцијална, а најтрофејниот европски тренер и следната сезона ќе се обиде да ја исполни главната амбиција на „црно-белите“, а тоа е пласман на фајнл-фор турнирот. Српските медиуми денеска излегоа со потврда дека Обрадовиќ ги прифатил условите на Партизан и дефинитивно останува во белградскиот состав и наредната сезона. Партизан за денеска закажа прес-конференција и на истата се очекува да биде потврдена важната вест, која ќе ги израдува фановите. „Црно-белите“ ја завршија сезоната на 11. место со 16 победи и 18 порази во Евролигата....

Далас Маверикс на најдобар можен начин го искористи брејкот кој го направи во Лос Анџелес пред неколку дена, такашто рано утрово поведе во плејоф серијата против Клиперси на првиот меч на домашен терен. Лука Дончиќ и компанија поведоа со 2:1 и сега имаат уште еден меч на домашен терен, а триумфот од 101:90 беше проследен од еден вип гостин во „Американ Ерлајн центарот“. Флорентино Перез вчера не беше на гостувањето во Сан Себастијан кај Реал Сосиедад и не го гледаше натпреварот на Реал Мадрид, но неколку часа подоцна стана познато зошто е тоа така. Претседателот на Реал отпатувал во Америка за да го гледа момчето кое израсна во школата на „кралскиот клуб“, па средбата со Лука Дончиќ беше навистина специјална. Двајцата се сретнале пред мечот и срдечно се прегрнале, а Словенецот по крајот на мечот не го криел воодушевувањето од посетата на големиот претседател. – Многу ми значи посетата на Флорентино. Ова ја покажува големината на Реал Мадрид како институција. Флорентино дојде да ме гледа на еден плејоф натпревар во НБА лигата, за мене тоа е неверојатно. Му се заблагодарив лично што патувал толку долго за да ме гледа, – изјавил Дончиќ. Real Madrid president Florentino Perez shows his support to Luka Doncic in Dallas 😊pic.twitter.com/Ws7dLVZKqK — BasketNews (@BasketNews_com) April 27, 2024...

Џон Тери многумина го паметат како симбол за еден клуб бидејќи најголем дел од кариерата ја мина во Челси, но сепак легендарниот стопер своето фудбалско патување го почна на друг крај од Лондон, или поточно во Вест Хем. Тери во младинските категории беше дел од Вест Хем и уште тогаш беше најавен како голем потенцијал, меѓутоа беше јасно дека истиот ќе дојде до израз ако се пресели во поголем премиерлигашки клуб. Џон го избра Челси и направи вистински потег, иако сега открива дека Манчестер Јунајтед и Арсенал биле во подобри стартни позиции на стартот на преговорите. – Бев дел од академијата на Вест Хем и тоа го правев две или три години. Еден ден дознав дека тренерот ќе си оди, а бидејќи бев приврзан за него, му порачав на мојот татко дека не сакам да играм повеќе за тој тим. – Една година бев на проба во Аррсенал и во тој период бирав меѓу Арсенал, Манчестер Јунајтед и Челси. Арсенал и Јунајтед ми постелија црвен тепих, додека Челси не правеше ништо. Сепак, на крајот завршив во Челси, а уште при првиот ден имав чувство како да сум дома. Веднаш знаев дека тоа е клуб во кој можам да минам 20 години. Пред да се одлучам за тоа, Сер Алекс Фергусон ми се јавуваше секоја недела, го проверуваше татко ми дали одам редовно во училиште и на тренинзи, – открива Тери....

Италијанската јавност се погласно зборува за најавениот нов тренер на Милан, кој по се изгледа ќе биде шпанскиот стручњак Хулен Лопетеги кој реши да си замине од Вулверхемптон минатото лето. Поранешниот шпански селектор се издвои како главен кандидат на „росонерите“ во изминатите неколку дена, а како што јавуваат угледните медиумите од „чизмата“, преговорите се во напредна фаза и имаат посакуван тек. Најдалеку во прогнозите оди познатата „Газета“ која вели дека Лопетеги е прв избор на сите важни директори во Милан, вклучувајќи го и Златан Ибрахимовиќ кој од пред неколку месеци се врати во клубот. Познатиот италијански весник побарал одговори и од легендарниот Филипо Гали, поранешниот дефанзивец кој цели 14 години го носеше дресот на миланскиот великан (од 1882 до 1996). – Теренот ќе каже дали Лопетеги е добар избор на клубот. Ако се гледа реално, не му одеше баш најдобро во Порто и во Реал, но како шпански селектор беше одличен, а играше и спектакуларен фудбал како тренер на Севилја. Ако Милан бара трернер со искуство и со квалитети да тренира млади фудбалери, тогаш Хулен е интересен профил за нив. – Сметам дека Милан одлучи да направи чекор напред, циклусот на Пиоли заврши и сите се свесни за тоа. За жал, резултатите не се посакуваните и тоа секогаш го плаќаат тренерите. Како и да е, не очекувам да му биде лесно на Лопетеги, има искуство, но не ја познава Италија. Тука се игра тактички и стратешки фудбал, може да има проблеми на почетокот. – Најважно од се е што ова е избор на сите директори во Милан, а очигледно Ибрахимовиќ е на врвот на пирамидата. Ако е така, немам никаков сомнеж: Ибра ќе биде протекција за Лопетеги и ќе му обезбеди најдобри услови, – вели Гали во интервјуто за „Газета“....

По воведната рунда на Мастерсот во Мадрид во која играше и Рафаел Надал, изминативе 48 часа се играат мечевите од кои дел се и фаворитите, а денеска испадна еден тенисер кој беше програмиран да оди далеку во шпанската престолнина. По двете финалиња во Монте Карло и Барселона, Стефанос Циципас планираше да ја продолжи добрата форма и во Мадрид, но во втората рудна (прва за него) налета на инспириран противник, а истовремено имаше и многу лош ден. Гркот загуби од Бразиилецот Тиаго Монтеиро со 6:4 и 6:4, па така неочекувано рано го заврши своето патување во Мадрид и им го олесни патот на останатите во неговиот дел од ждребот. За разлика од него, Јаник Синер повторно се покажа во фантастично светло и го декласираше Италијанецот Лоренцо Сонего со 2:0 во сетови, со тоа што во првиот го почести и со „компир“. Сонего не освои ниту еден гејм во првиот сет, додека во вториот успеа да освои три за подостојни 6:0 и 6:3....

Таке Кубо ја помина фудбалската школа на Реал Мадрид и прерасна во вистинска ѕвезда откако се пресели во Реал Сосиедад, а поради партиите кои ги нуди во Баскија, Јапонецот е на радарот на фудбалски великани како Ливерпул. Поранешниот играч на Реал вчера постигна гол против својот поранешен клуб и се израдува на погодок за 1:1, но истиот беше поништен од ВАР поради прекршок на Чуамени во зачетокот на акцијата. Оваа акција не изгледаше воопшто спорна на повторените снимки, но Кубо не е убеден дека контатктот бил доволен за да се досуди фаул за Реал. – Баренечеа ќе ја одземеше топката и се што можам да кажам е дека играчот на Реал „заспа“ во оваа акција. Не знам што ќе се случи во Лигата на шампионите, но мислам дека не би суделе ваков фаул во Европа, – изјави Таке Кубо, изјава со која предизвика реакција од Орелијан Чуамени. Интересно, Французинот тоа го направи преку социјалните мрежи, односно испрати емотикон со кој ја имитираше познатата гримаса на Карло Анчелоти, со која јасно алудира на тоа дека не се согласува со гледиштето на Јапонецот. 🤨 — Tchouameni Aurélien (@atchouameni) April 26, 2024...

Поразот на Астон Вила значеше незгоден удар за Арсенал во битката за титулата, па избраниците на Микел Артета не смеат да направат уште една грешка на градското дерби со Тотенхем. „Топчиите“ утре имаат незгодно гостување кај најголемиот градски ривал, во дуел во кој Тотенхем има двојна задача. Првата е да освои бодови во битката за место кое води во Лигата на шампионите, а втората да обезбеди дополнителна радост кај фановите, расипувајќи му ги шампионските сметки на Арсенал. Менаџерот Анге Постекоглу вели дека му е јасно што значи овој натпревар за навивачите. – Сосема ни е јасно што значи да бидеме домаќини на ваков вид натпревар и да не му дозволиме на најголемиот ривал да го добие најголемото дерби за нас. – Ги разбираме последиците од тоа, нема потреба да ви кажам како се чувствуваат фановите и што очекуваат од нас, – рекол менаџерот на Тотенхем....

Баерн Минхен денеска ќе се соочи со Ајнтрахт во натпревар од Бундеслигата, а тренерот Томас Тухел очекува добар настап и покрај фактот што екипата е фокусирана на претстојното соочување со Реал Мадрид во Лигата на шампионите. Во меѓувреме, добриот настап во двомечот со Арсенал почна да ги премислува фановите на Баерн околу статусот на Тухел и дел од нив започнаа петиција за останување на актуелниот тренер и наредната сезона. Тухел и Баерн веќе објавија дека ќе се разделат на крајот на сезоната, но фановите посакуваат пресврт во стилот на тој со Чави во Барселона, односно го преферираат Тухел пред главниот фаворит за негов наследник, Ралф Рангник. Фановите за само неколку дена собрале над 14.000 потписи во петицијата и бараат од клубот да го убеди Тухел да остане и да му даде предност во однос на актуелниот австриски селектор. – Иако делува убаво кога фановите сакаат да останеш, за мене ова не е актуелна тема. – Наредните 11 дена сме фокусирани само на фудбал и ништо повеќе, нема да дозволам оваа ситуација да влијае на мене, – рекол Тухел....

Ерик тен Хаг е под голем притисок во завршниот дел од сезоната, а очигледно реши на погрешен начин да се соочи со дел од критиките кои ги добива во периодот кога се решава дали ќе остане на менаџерската функција во Манчестер Јунајтед. Холандскиот стручњак направил невообичаен потег на вчерашната прес-конференција, забранувајќи прашања од новинарите на три медиуми, што секако само ќе ги зголеми критиките на негова адреса. Тен Хаг не забранил присуство, но однапред им било посочено на претставниците на „Мирор“, „Сан“ и „Манчестер ивнинг њуз“ дека нема да смеат да поставуваат прашања. Кулминацијата на незадоволството кај менаџерот на Јунајтед се случи по жестоките критики за случувањата во полуфиналето на ФА купот, во кое неговиот тим испушти три гола предност против Ковентри и се спасуваше преку пеналите. Тен Хаг направи сличен потег и претходно, кога забрани прашања од четири медиуми, затоа што наводно тие не овозможиле одговори за објавените негативни приказни поврзани со клубот....

Поразот на Лидс од Квинс Парк Ренџерс го потврди враќањето на Лестер во англиската Премиер лига, со што поранешниот шампион успеа да ја оствари својата главна амбиција сезонава. Предводени од Енцо Мареска, фудбалерите на Лестер имаат четири бодови повеќе од Лидс кој ќе одигра уште само еден натпревар до крајот на сезоанта во Чемпионшип, со што обезбедија директен пласман во елитата, без разлика на резултатите на Ипсвич кој има натпревар помалку од Лестер во моментов. Со овој успех, Лестер на најдобар начин ја комплетира успешната деценија, откако во сезоната 2013/14 првпат обезбеди место во Премиер лигата со триумф во Чемпионшиш, во 2016 година беше освоена првата титула под водство на Клаудио Раниери, а пет години подоцна „лисиците“ триумфираа и во ФА купот. Она што може да ги загрижува фановите на Лестер е истрагата на независната комисија за финансиските резултати на клубот, па враќањето во Премиер лигата може да биде дополнето со одземање бодови. Straight back up, Leicester City! 🦊 pic.twitter.com/j89S1qiuqB — Leicester City (@LCFC) April 26, 2024...

Реал Мадрид вчера го совлада Реал Сосиедад со голот на Арда Ѓулер, а реализацијата и целосниот настап на турскиот фудбалер беа уште еден доказ за потенцијалот на идната ѕвезда на „кралскиот клуб“. За 19-годишниот фудбалер ова беше деби како стартер во дресот на Реал во Ла Лига и тој одлично ја искористи шансата, а тренерот Карло Анчелоти по натпреварот ги расчистил дилемите околу иднината на Ѓулер. Дел од медиумите шпекулираа дека Реал ќе го испрати на заем во друг клуб за да добие соодветна минутажа, но Италијанецот вели дека иднината на Ѓулер е поврзана само со мадридскиот клуб. – Арда ќе биде многу важен фудбалер за нас во иднина и тој сигурно ќе биде дел од екипата и наредната сезона. – Тој е многу млад и малку по малку, ќе научи која му е улогата во тимот. Постигна доволно голови со оглед на минутажата која ја доби и тоа е подарок за нас, – изјавил Анчелоти....

Аурелио Де Лаурентис одамна се обидуваше да го ангажира Антонио Конте во Наполи, а тоа му успеало по неколку неуспешни преговори и тренерск смени кои беа направени изминатиот период. Веќе поранешниот италијански првак немаше среќа со тренерите по заминувањето на Лучијано Спалети, а токму Конте се наметнал како прв фаворит кај првиот човек, кој досега не успеваше да го убеди поранешниот предводник на Јувентус и Интер. Телевизијата „РАИ“ синоќа излезе со ексклузива дека Конте сега ја прифатил понудата на Наполи, но клубот морал значително да ја подобри финансиската понуда, која беше и еден од проблемите поради кои стручњакот не сакаше да започне соработка со Де Лаурентис. Според информацијата, Конте прифатил тригодишен договор со Наполи и ќе заработува по 6,5 милиони евра по сезона, па сега останува уште двете страни да го дефинираат и потпишат договорот. Конте долго време бараше соодветна опција, а последно беше тренер во Тотенхем во сезоната 2022/23....

Расел Вестбрук ги налути фановите на Далас со неспортски потег, односно дрзок прекршок над Лука Дончиќ, а целата ситуација резултираше со две исклучувања. Темпераментниот играч на Л.А Клиперс лесно можеше да ја повреди првата ѕвезда на Далас во последниот период од третиот меч во серијата, а кога Дончиќ тргна да се објаснува со Вестбрук доби уште еден лакт од противничкиот играч. Во целата ситуација се вмеша Пи-Џеј Вашингтон кој директно го предизвика Вестбрук, за потоа и двајцата да добијат втора техничка грешка и исклучување од натпреварот. Russell Westbrook gets ejected for picking up two technical fouls and first for wrapping up Luka Doncic, then for pushing PJ Washington. Thoughts? 🤔pic.twitter.com/Ui4jsX5CoK — ClutchPoints (@ClutchPoints) April 27, 2024 Далас излезе како победник во третиот натпревар, во кој домаќините посветија сериозно внимание на играта во одбрана, а на Дончиќ му недостасуваше една асистенција за трипл-дабл....

Навивачите на Ливерпул веќе знаат кој ќе го наследи Јирген Клоп од следната сезона, а изборот на раководството е Арне Слот. Актуелниот тренер на Феенорд се наметнал по неколку критериуми, вклучувајќи го офанзивниот стил на игра на неговата актуелна екипа, со која минатата сезона беше и холандски шампион. Слот дефинитивно се сели на „Енфилд“, а добра вест за холандскиот тим е што ќе заработи и сериозна сума од овој „трансфер“, односно дозволата за тренерот да ја промени средината по крајот на сезоната. Ливерпул ќе плати потенцијални 11 милиони евра за да го ангажира својот нов менаџер, отштета која била договорена синоќа и со која завршуваат преговорите и се означува почеток на една нова ера кај „црвените“. Од наведената сума, 9 милиони се фиксни и ќе му припаднат на Феенорд веднаш, додека 2 милиони евра можат да се активираат како бонуси во иднина. Сезонава Слот и Феенорд се на второто место во првенството, но го освоија трофејот во холандскиот Куп....

Лука Дончиќ и неговите соиграчи решија да се концентрираат на играта во одбрана на дуелот со Л.А Клиперс и стигнаа до целосен пресврт во серијата од НБА плејофот, во која тргнаа со негатива, а сега водат со 2:1. Дончиќ заврши со 22 поени и му недостасуваше асистенција за трипл-дабл, а заедно со добрата дефанзивна партија, повторно беше најзаслужен за позитивниот резултат на неговата екипа (101:90). Ирвинг стигнал до 21 поен, а на спротивната страна ист ефект имале Харден и Пауел, додека Зубац уфрлил 19 поени. Многу понеизвесно беше на дуелот меѓу Индијана и Милвоки, двете екипи влегоа во продолжение, а на крајот херој за домашните фанови беше Тајрис Халибартон, кој со флоутер на помалку од две секунди до крајот го реши прашањето на победникот на дуелот кој заврши со резултат 121:118. It’s always Haliburton. pic.twitter.com/8ue6rE6Z7P — Rob Perez (@WorldWideWob) April 27, 2024 Со овој резултат Индијана поведе во серијата против Милвоки (2:1), во чии редови доминираше Мидлтоун, кој постави сопствен плејоф рекорд со 42 поени. Феникс е пред елиминација по уште еден пораз од Минесота (109:126), овојпат на домашен терен, за моментални 3:0 во серијата за „волците“. Едвардс со 36 поени ја предводел победничката екипа, додека Бил со 28 поени бил најдобар поединец во редовите на Феникс....

Рафаел Надал денеска ќе го има вториот предизвик во Мадрид и во период од една седмица вторпат ќе ги одмери силите со Алекс Де Минор, откако минатата недела загуби од Австралиецот на турниот во Барселона. Шпанецот не се чувствуваше доволно физички моќно за да се носи со упорниот Де Минор, а новата пресметка со истиот ривал добра шанса да види дали забележал мал напредок на кондиционен план во краток временски интервал. Пред да излезе на теренот, Рафа ја искористи блискоста со шпанските медиуми за да му одговори и на својот далеку помлад колега, кој пред два дена во интервју за „Марка“ откри дека се срами да му постави едно прашање на Надал. Карлос Алкарас откри дека се уште не се осмелил да му го постави на Рафа прашањето за кое одговор чека цела Шпанија, односно дали ќе прифати двајцата да играат заедно во двојки на Олимписките игри во Париз. – Карлос нема потреба да ме прашува такво нешто, ако не се случи ништо чудно, ќе играме заедно во Париз. Тоа е голема желба од моја страна, а ако не грешам, истото го кажа и тој, – гласи одговорот на Рафа, по кој најзадоволни се шпанските тениски фанови....

Арда Ѓулер доби шанса во стартната постава на Карло Анчелоти и максимално ја искористи довербата од италијанскиот стручњак, кој уште пред гостувањето во Баскија најави дека ова ќе биде меч за турскиот фудбалер. Младиот офанзивен фудбалер не може да се пофали со некоја голема минутажа во првата сезона во Реал Мадрид, но секојпат кога излегуваше на теренот, ја покажуваше својата страшна техничка поткованост. Без никаков сомнеж, Арда најголема шанса доби синоќа против Реал Сосиедад, натпревар на кој го постигна голот за победа на Реал (0:1), но воедно го изведе и потегот на мечот. Ѓулер сосема заслужено беше избран за најдобар играч на натпреварот, но по истиот сите зборуваат за еден негов потег на средината на теренот во второто полувреме. По едно додавање од Модриќ, Арда изреагира во стилот на Денис Бергкамп и ја повторни незаборавната техника на Холанѓанецот за да се ослободи од својот чувар, па овој потег дефинитивно е хајлајт на вечерта во која беше отворено новото коло во Ла Лига. Arda Guler had Javi Galan chasing shadows tonight 😮‍💨🇹🇷 pic.twitter.com/6ULZeErgzu — LaLigaExtra (@LaLigaExtra) April 26, 2024...

Македонскиот репрезентативец, Тихомир Костадинов имаше конкретен придонес во триумфот на Пјаст Гливице над Варта Познањ во првата лига на Полска. Домаќините важеа за фаворити пред средбата и тоа го потврдија на теренот со славје од 2-0 во кое нашиот Костадинов забележа асистенција. Се играше 43 минута кога Тихо испрати топка до Вилчек кој имаше уште подобра реакција и стрелаше за отварање на резултатот. Во финишот на средбата Пјаст постигна уште еден гол за потврда на трите бода, поточно за трет триумф во низа, вкупно осми во натпреварувачката 2023/2024....

Македонскиот кикбоксер, Бобан Илиоски ја доби битката со Берк Дузенли и стана светски професионален првак во кикбокс на ВАКО ПРО во дисциплината К1 до 88,6 килограми. Голема борба водеа Илиоски и Дузенли во СЦ „Јане Сандански“ во Скопје, беа разменети многу удари, двајцата имаа успешни акции, но нашиот ас воден и бодрен од публиката и навивачката група „Комити“ сепак го имаше последниот збор и успеа да слави над актуелен светски аматерски првак. Илиоски славеше со 2-1 со одлуката на судиите, па со ова само продолжи да реди успеси на оваа спортска сцена. Да не заборавиме Бобан беше прогласен и за спортист на годината за 2023 година....

Екипите на Барселона и Монако се изборија за важни победи над Олимпијакос, односно Фенербахче во вечерашните соочувања од четвртфиналето во Евролигата. Двете екипи беа поразени на првите натпревари и едноставно денеска беа под притисок, императив да слават и израмнат во сериите затоа што со водство на противниците од 2-0 ќе беше речиси невозможно да се пласираат на завршниот фајналфор турнир со оглед на тоа што следуваат по два меча на теренот на ривалите. Каталонците беа подобри од Олимпијакос со 77:69 и тоа во соочување во кое избраниците на Гримау имаа одлично отварање и првата четвртина ја добија со 27:14. Наредните две им припаднаа на гостите, па во последните десет минути се влезе со само плус три за Барса (60:57) која сепак не се дозволи луксуз и ја одбрани „Палау Блауграна“. Паркер беше во елемент со 24 поени и 5 скока, Ернангомес и Весели додадоа по 11, односно 10 кошеви. Питер на другата страна уфрли 20 кошеви. Монако пак во средба со доста осцилации го доби Фенербхаче со 93:88. Мотејунас со 18 поени беше најефикасен, Лојд беше втор стрелец со 15, Окобо пак застана на 13 кошеви. Дорси и Вилбекин искомбинираа 48 поени за турскиот претставник....

Фудбалерите на Реал Мадрид забележаа победа над Реал Сосиедад од 1-0 во премиерниот натпревар од 33. коло во шпанската Примера. Гостинскиот тренер Карло Анчелоти ги измеша картите, настапи со комбиниран тим, но тоа не беше пречка неговиот тим да дојде до трите бода, односно успешно да го положи последниот испит пред полуфиналното соочување со Баерн Минхен во Лигата на шампионите. Лидерот ја искористи најголемата шанса која дојде во 29 минута кога Карвахал испрати топка која Ѓулер ја смести во мрежата на Ремеро. 🚨🇪🇸 GOAL | Real Sociedad 0-1 Real Madrid | Arda Guler ARDA GULER HAS GIVEN REAL MADRID THE LEAD !!!!!! pic.twitter.com/Yge95QscX6 — DMC Red X (@Bw811822) April 26, 2024 Сега Реал има 14 бода повеќе од второпласираната Барселона која во оваа рунда ќе ја пречека Валенсија....

Македонските интернационалци, Сефер Емини и Иван Николов ја одбележаа вечершната победа на Сондерјиске над Колдинг во втората лига на Данска. Гостите се изборија за сигурен триумф на ова соочување со 3-0, триумф во кој конкретен придонес имаа како Емини така и Николов. Иван беше асистент на вториот гол на Сондерјиске, додека пак Емини стави точка на сите дилеми со погодокот во 78 минута. За младинскиот репрезентативец ова беше трета трета сезонска асистенција, а пак за Сефер седми погодок. Со 59 бода нивната екипа се наоѓа на првото место на табелата....

Англискиот фудбалски прволигаш Ливерпул успеал да постигне договор со Феенорд за тренерот Арне Слот кој го води клубот од Ротердам од 2021 година. Холанѓанецот беше врзан со Феенорд до 2026 година и веднаш стана јасно дека неговиот актуелен тим нема да го пушти без обештетување, па премиерлигашот мораше да седне на маса и да договори обештетување за улсугите. Доста медиуми пренесуваат дека двете страни си подале рака што значи дека нема никаква пречка Слот да слета на „Енфилд Роуд“ како наследник на Јирген Клоп. Според информации Феенорд за оваа зделка ќе добие меѓу 13 и 15 милиони евра. Арне има 45 години и Ливерпул ќе му биде четврти клуб во тренерската кариера, прв надвор од Холандија....

Енис Барди веќе две години е дел од турскиот прволигаш Трабзонспор во кој пристигна од Леванте, клуб во кој имаше успешна етапа во периодот од 2017 до 2022 година. Македонскиот репрезентативец имаше навистина квалитетни партии за клубот од Валенсија, а посебно во еден период се истакнуваше со ударите, головите од слободен удар. Во еден период беше рамо до рамо со Лионел Меси кој е познат како специјалист, но и Барди е мајстор и смета дека своевремено бил подобар и од аргентинскиот ас. -Имаше моменти кога бев подобар од него (се смее). Затоа што јас дадов 7 гола од 25 удари, а тој 8 гола од 52 обиди. Гледајќи го процентот, бев подобар. Да го наречеме виц со малку вистина (се смее). Се чувствувам навистина добро кога прават такви споредби. Секако, убаво е чувството да се споредуваш со еден од најдобрите играчи на сите времиња. Се чувствувам многу добро и горд. Ова ви дава амбиција да работите понапорно и да се приближувате до тоа секој ден, а кога на само 22 години постигнувате 7 голови од слободн удари во една сезона, секако дека има малку со крената глава (се смее). Затоа што си млад и не знаеш како да се однесуваш. Но, во моментов сум во најмирниот и најдобриот период во мојот живот. Кога ќе погледнам наназад, можам да кажам дека сум горд на она што го направив, -рече Барди кој кои мечеви и голови нема да ги заборави. -Натпреварот со Барселона кога играв за Леванте. Победивме со 5-3, а јас постигнав 2 гола. Не можам да го заборавам натпреварот што го одигравме против Џирона кој значеше испаѓање или опстанок. Победивме со 2-1 и јас го постигнав победничкиот гол во 87. минута. Плачев на теренот, -обелодени Енис кој има договор со сегашниот тим до 30 јуни 2025 година....

Баерн Минхен е една од екипите која е во потрага по нов тренер, замена за Томас Тухел со кого клубот реши да се раздели по крајот на актуелнава сезона. Неколку стратези се поврзуваа со германскиот великан, меѓутоа ниту една од тие опции не се реализираше за да на крајот клубот се одлучи за изненадувачко решение, тренер со кого веќе се започната преговори и тоа го потврди и поранешниот претседател на Баер, Ули Хенес. -Да, во тек се разговори со Ралф Рангник. Мислам дека ќе имаме одлука за една недела, -истакна Хенес. Претходно ова го потврди и селекторот на Австрија што значи дефинитивно постојат големи шанси Рангник да го видиме на „Алијанц Арена“. Баерн преговара со искусно тренерско име: Тие ме контактираа…...

Екипата на МЗТ Скопје утре е домаќин на Спартак Суботица во првиот натпревар од полуфиналната плејоф фаза во АБА2 лигата. Ова е дуел во кој македонскиот првак пред своите гледачи ќе се обиде да дојде до што подобар резултат, победа која им овозможи да бидат што поблиску до посакуваната цел, пласман во елитната јадранска конкуренција. „Штрковите“ ќе имаат тешка мисија затоа што Спартак е многу амбициозен тим предводен од Владимир Јовановиќ, екипа во која играат имиња како Немања Гордиќ, Александар Цветковиќ, Марко Тејиќ и Вил Мозли. Тренерот Васко Атансов е свесен за предизвикот, но верува дека неговите момци заедно со публиката можат да дојдат до победа. -Ова е еден од натпреварите за кои напорно работиме цела сезона, кои се идеален мегдан да покажеме од што сме создадени и на кои мора да ја оставиме буквално последната капка пот. Спартак Суботица е исклучително квалитетен противник, тим со сериозен буџет и амбиции, поради што мора да бидеме на највисокото можно ниво ако сакаме да дојдеме до посакуваниот триумф. Верувам дека ќе имаме огромна поддршка од трибините, бидејќи со помош на навивачите секогаш играме подобро. Секој човек ќе ни биде клучен, затоа ги повикувам сите со плаво-бела крв во вените да дојдат и да ни помогнат заедно да го совладаме силниот ривал, -порача Атанасов. Мечот е закажан за утре од 19 часот во СЦ „Јане Сандански“....

Најквалитетната македонска судијка, Ива Пројковска ја доби довербата од УЕФА и ќе го суди полуфиналето меѓу Пари Сен Жермен и Лион во Лигата на шампионите. Ова е реванш средба, дуел во кој се очекува да биде неизвесно, борбено до самиот крај со оглед на резултатот од првото соочување (3-2 за Лион), а се да биде како што треба на „Паркот на принцовите“ ќе треба да се погрижи нашата Пројковска која веќе судеше на неколку мечеви од елитната конкуренција во актуелнава сезона. На неа ќе и помагаат Вјолца Изеири и Саша Шпур, четврти судија ќе биде Јелена Цветковиќ, додека за ВАР ќе биде задолжени Катрин Рафалски и Кристијан Дингерт. Дуелот се игра во недела од 16 часот....

Денвер Нагетс славеше на уште еден натпревар против Лос Анџелес Лејкерс и е на добар пат да обезбеди пласман во втората плејоф рунда на Западот. Клубот од Колорадо води со 3-0 во серијата и ако слави на следниот меч втора година по ред ќе му даде „метла“ на составот од Лос Анџелес што дефинитивно не е мала работа ако се земе предвид дека таму играат асови како Леброн Џејмс и Ентони Дејвис. Новата лекција на Денвер донесе доста реакции, а една од нив беше од шампионот од 2008 година, Кендрик Перкинс кој испрати јасна порака на социјални мрежи. -Леброн никогаш повеќе нема да освои титула, освен ако Јокиќ предвреме не се пензионира, -напиша Перкинс. Unless Jokic has an early retirement… Lebron will never win another title — Kendrick Perkins (@KendrickPerkins) April 26, 2024...

Ракометната федерација на Македонија денеска ја информираше јавноста дека по барање на клубови учесници во завршниците од КУП натпреварувањето, направена е промена во распоредот. На оваа одлука на РФМ се огласи актуелниот шампион Еурофарм Пелистер кој смета дека на овој начин се се нарушува регуларноста на натпреварувањето и прашуваат дали со ова се навестува нерегуларна завршница или некоја екипа мора да го освои Купот на Македонија? Ова е соопштението на битолчани: -РК Еурофарм Пелистер е изненаден од неочекуваната промена на термините на полуфиналните натпревари од завршницата на Купот на Македонија во ракомет. -За првпат во повеќе од три децении завршница на Купот на Македонија во ракомет се случува промена на веќе регуларно извлечени термини за одигрување на натпревар (извлекувањето беше јавно). Со ваквата одлука се нарушува регуларноста на натпреварувањето и се прави непријатен исклучок каков што не е регистриран никаде во светот кога е овој тип на натпревари во прашање. -Со оваа одлука јавно прашуваме дали се навестува нерегуларна завршница или некоја екипа мора да го освои Купот на Македонија? Нашето незадоволство го објавуваме јавно, бидејќи од претходните искуства научивме дека на писмено доставените прашања до Ракометната Федерација на Македонија (РФМ) не добиваме никаков одговор. Ова е комплетниот распоред за Куп завршниците во машка и женска конкуренција: Машка конкуренција : 16.05.2024 19.30 часот РК АЛКАЛОИД – РК ВАРДАР 1961 17.05.2024 19.30 часот ГРК ТИКВЕШ 2014 – РК ЕУРОФАРМ ПЕЛИСТЕР 19.05.2024 19.00 часот ФИНАЛЕ Женска конкуренција : 16.05.2024 17.00 часот ЖРК КУМАНОВО – ЃОРЧЕ ПЕТРОВ ЖРК 17.05.2024 17.00 часот ЖРК ВАРДАР – ЖРК ЧАИР СКОПЈЕ 19.05.2024 16.00 часот ФИНАЛЕ...

Составот на Вардар 1961 без проблеми го реши гостувањето кај Струга во рамките на 11. коло од плејофот во Суперлигата. Иако „црвено-црните“ настапија со комбиниран состав остварија убедлив триумф од 36-15. Ова за гостите беше само посилен тренинг во кој во првиот дел се стекнаа со позитива од 16-8, а пак во вторите 30 минути беа уште поефикасни и поцврсти во одбраната. За Вардар ова беше 9. сезонско славје во кое најефикански беа Стојановски и Голковиќ со по 5 гола, додека кај домаќините Бошњак беше автор на 7 погодоци....

Јирген Клоп пред неколку месеци објави дека ова ќе биде последна негова сезона на кормилото на премиерлигашот Ливерпул кој по оваа одлука на стратегот се впушти во акција за ангажман на наследник, тренер кој едноставно ќе може да се вклопи во филозофијата и целата приказна на „Енфилд Роуд“. Се споменуваа неколку имиња или поточно беа во игра, некои од нив на крајот одлучија да останат во сегашните средини како што е Чаби Алонсо, па конечниот избор падна врз Арне Слот. Холанѓанецот обелодени дека сака да ја добие работата и дека се надева на позитивен исход на разговорите меѓу Феенорд и Ливерпул. Се очекува ова да биде решено, а во меѓувреме токму Клоп доби можност да проговори за предводникот на составот од Ротердам. -Не знам ништо за тоа. Јас не сум вклучен во процесот. Она што ми се допаѓа е што, ако е тој, ја сака работата. Тој е возбуден. Ми се допаѓа начинот на кој неговиот тим игра фудбал. Сè што слушам за него е дека тој е добар човек. Се радувам на клубот ако тој е решението. Сето тоа звучи навистина добро. -вели Клоп кој смета дека тоа што Ливерпул нема идеална сезона може да биде добро за новиот тренер. -Ова е најдобрата работа на светот. Ќе помогне ако не завршиме на високо ниво, така што има простор за подобрување, заклучи Германецот....

Македонскиот тениски ас, Горазд Србљак не успеа да избори пласман во второто коло на фјучерсот што се игра во Куршумлијска Бања, Србија. Србљак дојде до главниот турнир, фаза преку квалификациите за да денеска излезе на мегдан со Емилиен Демане од Белгија и загуби со 2-0 во сетови на теренот број два. Белгиецот славеше со 6-3 и 6-4 по скоро два часа игра и тоа во дуел во кој подобро ги користеше брејк шансите (6/9 наспроти 4/10). Во Куршумлијска Бања настапува и нашата тенисерка Магдалена Стоилковска која преку Маша Танасовиќ од Србија дојде до второто коло во кое за ривал ќе ја има Наталија Шениќ која ја има улогата на шеста носителка....

Македонскиот напаѓач, Бојан Миовски има навистина одлична индивидуална сезона во дресот на Абердин, тим во кој успеа да постигна погодоци во сите натпреварувања во кои клубот настапуваше и тоа првенството, лига и ФА Купот како и на мечевите во Лига Европа и Конференциската лига. Со овие настапи тој си ја зголеми цената на пазарот, го привлече вниманието и на другите клубови, но во исто време дополнително ги освои навивачите на Абердин, стана вистински миленик на поддржувачките на овој славен шкотски тим. Токму нашиот репрезентативец доби една заслужена награда од Абердин и тоа за играч на годината, натпреварувачката 2023/2024. -Благодарност до сите навивачи кои гласаа за мене, ми покажавте колку многу ви значи тоа што го правам кога сум на теренот. Овие две награди ми докажаа дека се што сум направил од моето срце за овој тим е ценето и ќе продолжам се да правам, -порача Миовски кој да не заборавиме претходно се најде и во тимот на сезоната во шкотскиот шампионат. Големо признание за напаѓачот: Миовски доби место во тимот на сезоната во Шкотска...

Карлос Алкарас по скоро еден месец се врати на терените и тоа со успешен почеток на АТП Мастерсот во Мадрид. Шпанецот ја продолжи одличната серија на овој турнир, поточно ја забележа 12 победа во низа и тоа против Александр Алексадрович Шевченко. Фаворитот одигра моќно и му препушти само три гејма на противникот во двата сета кои завршија со резултат 6:2, 6:1. Алкарас ќе се обиде да го собори рекордот на Рафаел Надал кој во периодот од 2013-15 славеше на 14 мечеви во низа, односно за да се надмине овој учинок потребни му се уште три триумфи почнувајќи од соочувањето со Тијаго Сејбот Вајлд. 12 – Only Rafael Nadal (14 wins) between 2013-15 has won more consecutive matches at the Madrid Open than Carlos Alcaraz who registered his 12th consecutive win at this tournament. Streak. #MMOPEN | @MutuaMadridOpen @atptour pic.twitter.com/gl8h3JDVB3 — OptaAce (@OptaAce) April 26, 2024 Make it TWELVE in a row in Madrid 😎@carlosalcaraz takes care of Shevchenko 6-2 6-1!#MMOpen pic.twitter.com/n8oLFSH0LR — Tennis TV (@TennisTV) April 26, 2024...

Селекторот на македонската машка сениорска репрезентација, Кирил Лазаров денеска го објави поширокиот список на играчи за баражот против Фарски Острови за пласман ан Светското првенство во 2025 година. На листата на Лазаров се најдоа 36 играчи од кои најголемиот дел доаѓаат од домашното првенство, поточно интернационалци се дуото од Португалија, Никола Митревски и Филип Талески, како и крилата Димитар Димитриоски од Ваљадолид, Мартин Поповски од Цирих и Никола Костески од Талент Плзен. Нашата селекција воедно добива и едно засилување во стручниот штаб, тоа е легендата Стојанче Стоилов кој ќе ја има улогата на асистент исто како и Билјана Црвенкоска. Инаку да потсетиме бараж дуелите со Фарски Острови се закажани за 8 и 12 мај....

Денвер Нагетс, Филаделфија Севентисиксерс и Орландо Меџик остварија победи на плејоф натпреварите во НБА лигата. Со ова Денвер дојде до водство од 3-0 против Лос Анџелес Лејкерс, Филаделфија намали на 2-1 против Кливленд Кавалирс, додека Орландо се врати во игра во серијата со Кливленд Кавалирс (2-1). Cup tree provided by Sofascore Од трите дуели ги имаме најдобрите моменти, мајстории на денот, листа на која се Дејвис, Дивинченцо, Сугс, Ален…...

Маркус Рашфорд сезонава заработи многу критики за својата форма во дресот на Манчестер Јунајтед, а покрај стручните коментатори и медиумите, многу тешки зборови за неговите настапи може да се прочитаат и од фановите на социјалните мрежи. Англискиот репрезентативец постигна само 4 гола на 40 натпревари, но смета дека критичарите претерале со своите реакции и тоа го напиша како одговор на твит на профил на фан на Манчестер Јунајтед. – Ти благодарам за поддршката. – Ова е злоупотреба и трае со месеци. Што е многу, многу е, – напишал Рашфорд како одговор на фанот кој потенцирал дека односот на мнозинството навивачи кон фудбалерот е одвратно и сурово. I appreciate your support! It is abuse and has been for months. Enough is enough https://t.co/MUfiU0JwEb — Marcus Rashford (@MarcusRashford) April 25, 2024...

Никола Јокиќ повторно беше нерешлива енигма за Лос Анџелес Лејкерс, а настапот на Србинот и неговите одлични соиграчи придонесе за трета победа на Денвер и ситуација од која актуелниот шампион е на само чекор до втората рунда на НБА плејофот. Српскиот центар беше на асистенција до трипл-дабл, а на средбата повторно импресионираше со неколку потези, со кои ги фрустрираше противниците и ги разигруваше соиграчите. Медиумите во САД посебно го одбележуваат моментот кога Јокиќ доби еден тежок дуел со вообичаено доминантниот ЛеБрон Џејмс, а ѕвездата на Лејкерс со изразот на лицето покажа дека е во неверица за она што се случило. Џејмс и Дејвис искомбинираа 62 поени за Лејкерс, но и тоа не беше доволно за прва победа во серијата. Jokić high-fiving immediately after making that is so pure 🐐 Lmao look at brons reaction 🤣😂 pic.twitter.com/msicvHRDC4 — Tatiana (@Tatianaclinares) April 26, 2024...

Нико Хулкенберг денеска потврди дека ова му е последна Формула 1 сезона во тимот на Хас и следната ќе биде член на ривалски тим. Германецот ќе ја заврши тригодишната соработка со Хас за да стане член на Заубер, тимот кој една сезона подоцна ќе го промени името во Ауди и ќе биде освежување во Формула 1 шампионатот. Актуелните возачи на Заубер, Валтери Ботас и Жу Гванју речиси сигурно ќе го напуштат тимот по крајот на сезоната, а шпекулациите се дека главен кандидат за тимски колега на Хулкенберг е Карлос Саинц. Од друга страна, испразнетото место во редовите на Хас би требало да го пополни Оливер Берман, кој имаше одличен Ф1 деби настап како привремена замена за Саинц во болидот на Ферари во Саудиска Арабија. Во актуелната сезона, Хулкенберг веќе собра 4 поени за Хас, додека актуелните возачи на Заубер немаат ниту еден....

Шведската фудбалска федерација пред неколку години најави дека ќе ја прифати ВАР технологијата како реалност, но сега скандинавската земја стана прва која официјално одби да го прифати новитетот кој донесе многу поделени мислења. Мнозинството клубови и неколку регионални асоцијации се изјасниле дека се против воведување ВАР, па затоа и федерацијата решила да го почитува овој став и нема да ја имплементира технологијата во домашните натпреварувања. Тоа индиректно значи дека шведските клубови нема да можат да понудат ВАР технологија и кога ќе бидат домаќини во европските купови, но најавите се дека УЕФА нема да прави притисок за промена на ваквата ситуација. Шведските клубови се со барем 51 процент сопственост на фановите, а ВАР очигледно не ужива голема популарност меѓу нив, па 18 од 32 клуба се изјасниле против воведување на технологијата на фудбалските натпревари. Соседна Норвешка воведе ВАР во најквалитетната лига минатата година и предизвика многу негативни реакции и протести од многу навивачки групи во земјата....

Џуд Белингам вчера не беше вклучен во составот со кој Реал Мадрид го најави патувањето во Сан Себастијан, но денеска се случи промена и англискиот репрезентативец сепак ќе биде со својата екипа. Актуелниот лидер во Ла Лига има тешко гостување кај Реал Сосиедад, а Белингам требаше да одмори поради стомачни проблеми кои го измачувале последните неколку дена. Џуд не се појави на вчерашниот список, но денеска има промена и тој ќе го замени Родриго, кој пак во меѓувреме се разболел и нема да патува за ова гостување. Очекувањата се дека Белингам нема да биде стартер против Сосиедад, бидејќи екипата и тренерот Карло Анчелоти сега се фокусираат на дуелот со Баерн Минхен во Лигата на шампионите. Родриго имал симптоми на грип, па затоа е поштеден од патувањето и веројатно ќе биде подготвен за следниот предизвик на Реал....

Стеф Кари ја заврши НБА сезоната на разочарувачки начин, бидејќи неговиот тим не обезбеди место во плејофот, но барем мала утеха ќе му биде признанието кое го доби од лигата. Ѕвездата на Голден Стејт е добитник на наградата „клач“ играч на сезоната, што значи најдобар играч во решавачките моменти од натпреварите во текот на сезоната. НБА почна да доделува вакво признание од минатата година, а во конкуренција е ефектот во последните пет минути на натпреварите на кои разликата не била поголема од пет поени. Кари постигнал дури 189 поени во ваква ситуација, а Голден Стејт одиграл најмногу вакви натпревари (48) во цела лига. Кари собрал најмногу гласови и го освоил првото место пред ДеМар ДеРозен од Чикаго и Шеј Гилџус-Александер од редовите на Оклахома Сити. Јокиќ го освоил четвртото место, а вкупно 15 играчи добиле барем еден глас во овој избор. Прв добитник минатата сезона беше Ди’Ерон Фокс од редовите на Сакраменто....