Антонио Ридигер е познат како бескомпромисен фудбалер кој не поштедува никој на теренот, но истото важи и за неговите соиграчи кога на ред доаѓаат тренинзите. Популарниот Тони е омилен меѓу соиграчите во Реал поради интензитетот и цврсината кои ги прикажува на тренинзите, а такво нешто било забележано и денеска во Валдебабас. Реал Мадрид има слободен викенд поради одложениот натпревар во Валенсија, па избраниците на КАрло Анчелоти веќе се подготвуваат со топки од Лигата на шампиони за дуелот против Милан. Килијан Мбапе како голема ѕвезда го украл шоуто на денешниот тренинг и во неколку наврати имал импресивни соло-продори, а додека навивачите на Реал бараат тоа почесто да го прикажува на теренот, на многумина од нив во фокусот им се најде и стартот на Ридигер. Откако лесно се ослободил од Лукас Васкез, Мбапе налетал на Ридигер кој се обидел да го „собере“ со две нозе, но Французинот покажал умешност и на мал простор и успешно се снашол во акцијата која завршила со гол. Pintus il a dopé Mbappé ou quoi mdrrr ?? Par contre le tacle de Rudiger à la fin.. 😂🤣pic.twitter.com/Ev5Tj8gFb9 — 𝚁𝚒𝚣𝚊𝚛𝚔 🕸️ (@Rizark213) November 1, 2024...

Горан Иванишевиќ направи мала пауза од тенисот откако ја прекина соработката со Новак Ѓоковиќ, но неколку месеци подоцна, сепак реши да почне една нова авантура. Популарниот „Зец“ се претвори во еден од најбараните тренери во светот по извонредните резултати кои ги постигна со Србинот, но сега во иднина доста често ќе го гледаме на ВТА Турот. Легендарниот хрватски тенисер постигна соработка со петтата најдобра тенисерка во светот, Казахстанката Елена Рибакина. Новата соработка ќе почне на крајот на оваа календарска година, па јасно е дека новата двојка ќе започне со тренинзи и подготовки за возбудувањата кои ги носи новата 2025-та година. – Се радувам на новото партнерство со Иванишевиќ. Тој е голем шампион и има огромно искуство. Едвај чекам да почнеме заедно, за мене најважно е да напредувам. – Сакав да работам со него, а верувам дека истото важи и за него. Сакам да научам од него, ова ќе биде нешто ново и интересно за мене. Долго време соработував само со еден тренер, ќе видиме што ќе произлезе од оваа соработка, – изјави Рибакина....

Адријано своевремено важеше за еден од најубиствените напаѓачи во Европа и светот, но за жал, големата семејна трагедија уништи една кариера која ветуваше многу во првата декада во новиот милениум. Смртта на неговиот татко предизвика трајни штети и последици кај големиот фудбалски мајстор, а како што стојат работите, утехата со алкохолот и натаму е негово добро средство за да се справи со депресијата. Во изминатите неколку години, гледавме низа видеа во кои Адријано е прикажан во навистина загрижувачка состојба, па такви се и последните материјали кои пристигнуваат од фавелите во Бразил. Иако во неколку наврати се обиде да си го среди животот и тврдеше дека полека го остава алкохолот, Бразилецот очигледно се уште не ја добил целосно оваа борба, за што доказ се и последните видеа. Адријано поради лошите пороци ја заврши кариерата уште на 34-годишна возраст, а сега осум години подоцна, очигледно е дека се уште има проблеми во приватниот живот. pic.twitter.com/V80JSB1vPc — Videoseefc (@Videoseefc) October 31, 2024...

Гери Невил ретко кога дели комплименти за играчи на Манчестер Сити, но очигледно реши да направи исклучок за фудбалерот кој во понеделникот ја доби „Златната топка“. Како страствен фан на Манчестер Јунајтед, Невил призна дека нависитна многу се израдувал што престижното признание заминало во рацете на Родри, но во своето обраќање не пропушти шанса да испрати „отровна стрела“ до Винисиус и Реал Мадрид. – Можам да сфатам да бидат лути луѓето во Мадрид и Бразил, можам да разберам дека не се среќни што не победи нивното ѕвездено момче. Но да се прикаже такво големо непочитување кон Родри, сметам дека е голема срамота. Тоа што не се појавија е вистински срам за нив, – вели Невил и додава. – Ќе бидам искрен. Јас бев пресреќен кога видов дека Родри е прогласен за најдобар. Јас не сум фан на Манчестер Сити и сите го знаете тоа. Пресреќен сум бидејќи наградата заврши во рацете на играч кој имаше извонредни перформанси од недела во недела. Освои по една голема титула со Сити и Шпанија, не заборавајте дека Шпанија не беше ниту меѓу фаворитите за највисок пласман. – Родри е играч кој сите го сакаат и тој е најдобриот играч за врска во светот. Тој е единствениот играч кој би го извадил од овој тим на Сити како фан на Манчестер Јунајтед. Тој ги држи конците во Сити, кога не играше лани на четири или пет натпревари, тимот веднаш претрпе порази, – потсетува Гери....

Мото ГП караванот се пресели во Малезија каде викендов се вози претпоследната трка од календарот, а бидејќи битката за титулата е навистина интересна, водечките луѓе денеска донесоа официјална одлука за завршното сценарио. Традиционално, Мото ГП сезоните завршуваа со трката во Валенсија, но сега ќе имаме поинаков крај на овој шампионат поради ужасните поплави кои ја погодија Провинцијата Валенсија. Природната катастрофа нанесе огромна штета на надворешениот дел од Мото објектот „Рикардо Тормо“, па по неколку барања на најважните мотоциклисти, Мото ГП денеска соопшти дека за две недели сепак нема да се вози трката во Валенсија. – Трката во Валенсија со која требаше да се затвори Мото ГП календарот на 15, 16 и 17 ноември е откажана поради трагедијата која се случи во провинцијата Валенсија. – Иако од логистичка гледна точка одржувањето на настанот беше остварлив, општата ситуација на цела област не е прикладна за одржување на ваков настан, – се вели во соопштението....

Макс Ферстапен има 47 бода предност пред Ландо Норис пред последните четири трки во сезоната, но веќе некое време е евидентна разликата во перформанси меѓу неговиот Ред Бул и возачите на Мекларен и Ферари. За да се намали штетата, Ред Бул и светскиот шампион одлучија да направат шеста промена со моторот во текот на актуелната сезона, па поради тоа Макс ќе мора да одработи казна на трката во Интерлагос. Ферстапен добива казна од пет позиции за стартот на неделната трка во Бразил, бидејќи по втор пат оваа сезона ги прекршува правилата за користење на моторите во Формула 1. Ова е одлична вест за Ландо Норис и неговиот тим, бидејќи трката во Сао Пауло може да биде нова добра шанса да се намали негативата во генералниот пласман. Норис беше најбрз на денешните тренинзи и тоа е уште подобра вест за него пред неделната трка, но сепак главниот одговор ќе го добиеме утре кога се возат квалификациите во Бразил. BREAKING: Max Verstappen will take a five-place grid penalty for Sunday’s São Paulo Grand Prix after Red Bull elected to change his power unit#F1 #BrazilGP pic.twitter.com/PsKVfYtt7R — Formula 1 (@F1) November 1, 2024...

Габриел Мартинели веќе некое време не е на нивото на кое ги навикна навивачите на Арсенал во последните две сезони, а недостатокот на самодоверба во еден момент направи да не биде стартер во тимот на Микел Артета. Бразилецот во последно време повторно е во почетните 11 и се обидува да се врати во најдобра форма, а бројките велат дека во воведните 9 рунди во Премиер лигата има забележано два гола и две асистенции. Влијанието на Габриел е многу важно за тимот од Северен Лондон и неговите изданија треба да прават разлика на теренот, особено поради тоа што важи за најбрз играч во редовите на Арсенал. Сепак, самиот Мартинели сега откри дека тој всушност е втор најбрз играч во Арсенал, но интересно, на прво место не е Букајо Сака, туку левиот бек Киран Тирни. – Мислам дека Киран Тирни е за нијанса побрз од мене. Мислам дека тој е најбрз во нашиот тим, а јас сум на второто место, – вели Мартинели во интервјуто за клупскиот сајт на Арсенал....

Хјустон Рокетс, Мемфис Гризлис, Сан Антонио Спарс и Феникс Санс се екипите кои оствари победи на мечевитте кои рано утрово се одиграа во НБА лигата. Четирите натпревари донесоа навистина квалитетни акции и топ моменти, па дефинитивно не беше лесно да се изберат мајсториите на денот. Број еден на најновата топ листа е Морант со супер асистенцијата до Алдама, додавање кое го изведе паднат доле на паркетот. Во одбраното друштво се и Адетокумбо, Ирвинг, Вембањама…...

Репрезентативецот на Македонија, Лирим Ќамили е во најтесниот круг за играч на месецот во првата лига на Данска. Офанзивецот имаше квалитетни настапи за Сондерјиске, постигна три погодоци и забележа асистенција на лигашките средби одиграни овој месец и сосема заслужено е номиниран за фудбалер на октомври заедно со членовите на Рандерс, дефанзиевцот Даниел Хоег и напаѓачот Симен Болкан Нордли. Sønderjyskes Lirim Qamili er flankeret af Randers FC forsvarsgeneral Daniel Høegh og kronjydernes topscorer Simen Bolkan Nordli i kampen om titlen som Månedens Spiller i oktober 2024 ⚔️🏆 Hvem tager trofæet med hjem til kaminhylden? 🤔 #sldk | #månedensspiller pic.twitter.com/zRagPFHu5Q — 3F Superliga (@Superligaen) October 31, 2024 Инаку фановите на Сондерјиске веќе го избраа Лирим за најдобар во месец октомври....

Лука Дончиќ постигна 29 поени со 5 скока и 2 асистенции, но тоа не се покажа како доволно за неговиот Далас Маверикс да оствари позитивен резултат во тексашкото дерби против Хјустон Рокетс (108:102). Ова беше разочарувачки резултат за Далас и сигурно избраниците на Кид со нетрпение ја очекуваат следната наредна можност да го поправат впечатокот. Меѓутоа до соочувањето со Орландо Меџиќ ќе помине некое време, па во меѓувреме вирален хит стана мајсторијата на Дончиќ на загревањето пред пресметката со „ракетите“. Словенецот исто како Стеф Кари е познат по тоа што знае да изведе „трик-шут“, па така погоди од „паркинг“ и тоа од неверојатен агол и ги запрепасти сите во салата. LUKA DONCIC WARMUP SHOT OF THE YEAR! (🎥: @dallasmavs) pic.twitter.com/3Vg6HbGk2u — MFFL NATION (@NationMffl) November 1, 2024 Luka Doncic makes an INSANE shot from the stands 🤯 (via @JoeyMistretta_) pic.twitter.com/12ecJ5Ug8U — ClutchPoints (@ClutchPoints) October 31, 2024...

Англискиот великан Манчестер Јунајтед и официјално има нов менаџер, а тоа е 39-годишниот Рубен Аморим. Тоа што се најавуваше изминативе денови сега е потврдено, па така досегашниот предводникк на Спортинг Лисабон ќе биде замената за Ерик Тен Хаг кој заработи отказ по поразот од Вест Хем од 2-1. Ова за Аморим ќе биде најголем предизвик во досегашната тренерска кариера, прв предизвик надвор од татковината со оглед на тоа што досега ги водеше Каса Пиа, Брага Б, Брага и Спортинг Лисабон каде имаше извонредни резултати, освоени лигашки и куп трофеи со кои го сврте вниманието кон себе и беше мета на повеќе европски клубови. На крајот Јунајтед го обезбеди неговиот потпис и тоа до јуни 2027 година со опција за уште една сезона. Рубен ќе му се приклучи на новиот клуб на 11 ноември што значи дека дебито ќе го има по репрезентативната пауза против Ипсвич во Премиер лигата (24 ноември) Во меѓувреме „црвените ѓаволи“ ќе продолжи да ги тренери и менаџери Руд Ван Нистелрој за соочувањата со Челси, ПАОК и Лестер. Спортинг за овој „трансфер“ ќе заработи 11 милиони евра. It's done. Bem-vindo ao Manchester United, Ruben Amorim 🇵🇹🤝🔴#MUFC — Manchester United (@ManUtd) November 1, 2024...

Шпанија се уште ги брои жртвите по големата елементарна непогода која го зафати источниот дел од земјата. Потврдени се повеќе од 150 смртни случаи во регионот на Валенсија, а меѓу нив е и поранешниот играч на „лилјаците“, 28-годишниот Хосе Кастилјехо. Хосе бил дел од школата на Валенсија за да потоа тргне кон друг пат и биде дел од повеќе помали клубови на Пиринеите за да во 2020 година ја заврши кариерата. Валенсија, Елденсе како и другите тимови ја споделија веста за трагичната смрт на Кастилехо како последица на големата поплава. @valenciacf_en mourn the passing of José Castillejo, casualty of the flash floodings José Castillejo came up through the @Academia_VCF youth system up to U18 level and played for others teams in the region. R.I.P. pic.twitter.com/El8OZRKbUC — Valencia CF (@valenciacf_en) October 31, 2024...

Пеп Гвардиола е икона на Барселона, човек кој потекнува од школата на клубот, ас кој долги години настапуваше за тимот за да потоа се врати уште поиспешен како тренер носејќи го истиот на повисоко ниво, правејќи да биде најдобар на светот. Меѓутоа веќе долго време е надвор од истиот, поточно повеќе од една деценија и иако е легенда во повеќе наврати има посочено дека не планира да се врати иако тоа дефинитивно би било одобрено од сите навивачи на каталонците. Дефинитивни има причини за тој негов став, а за ТВ3 даде подетално објаснување. -Отсекогаш било вака и секогаш ќе биде. На сите ни се има случено. Овде ударите доаѓаат од секаде и секој ден. Но, оние кои најмногу болат се оние кои доаѓаат од внатре. Секој ден има многу мали војни во Барса. На крајот доаѓате до заклучок дека единственото нешто што е важно е да ги убедите вашите играчи во вашата идеја и што мислите дека треба да се направи. Што се однесува до останатото, подобро е да не влегувате и да се грижите за сопственото здравје. -Опасноста од секојдневниот замор што доаѓа со обидот да се управува со средината на Барса. Презирот за она што го правите е константен и ова на крајот зема својот данок врз вас, -вели Пеп кој смета дека шпанскиот великан не треба да го менува моделот. -Од моја гледна точка, Барса не треба да го менува својот модел. Однадвор сите ја гледаат Барса како нешто различно. Овој клуб оддава харизма, посебен мирис. Каква поголема пофалба можете да добиете?, -вели предводникот на Манчестер Сити....

Македонскиот репрезентативец, Ненад Димитиријевиќ доби дополнителна конкуренција на плејмејкерската позиција во Олимпија Милано. Нов член на италијанскиот прволигаш е некогашниот член на Голден Стејт Вориорс, Нико Манион. Италијанецот имаше импресивни партии во дресот на Варезе, клуб кој за овој трансфер ќе добие обештетување од 300.000 евра. Нико по епизодата во „воините“ се врати во Европа прво во Виртус Болоња, потоа беше дел од Басконија за да се врати во татковината и експлодира во Варезе. Договорот е на два плус една година....

Барселона со убедли 4-0 го добии дербито со Реал Мадрид и тоа во меч во кој сите четири погодоци ги постигна во второто полувреме. Ветеранот Левандовски со два брзи гола го шокираше противникот и „Сантијагоо Бернабеу“ за да потооа стрелаат Јамал и Рафиња за огромно славје на каталонците на теренот на противникот и воедно зголемена предност на табелата. На овој дуел Барса доста ризикуваше, стоеше многу високо и го уништи домаќинот со поставените офсајд замки особено Килијан Мбапе. Тренерот Хансии Флик си има свои замисли, идеи кои мора да се почитуваат и најдобар пример за тоа е пораката која Германецот им ја испратил на играчите на полувреме. -Секој кој ќе заостане еден метар назад, ќе гоо заменам, -наводно им порачал Флик на избраниците, вест која ја пренесува „Мундо Депортиво“....

Реал Мадрид не е на посакуваното ниво во досегашниот тек на актуелнава сезона, покажува доста слабости во игратата како во домашниот шампионат така и во Лигата на шампионите. Јасно е дека се уште се наоаѓаме во раната фаза на кампањата, меѓутоа пораз како оној од Барселона од 4-0 говори дека некои работи не функционираат, а кога е така првиот човек на клубот Флорентино Перез знае да преземе конкретни чекори и донесе силни одлуки. Карло Анчелоти е успешен во вториот мандат во Реал, но иако има договор до 30 јуни 2026 година оваа сезона може да биде негова последна на функцијата ако резултатите, играта не се поправи во продолжението. „Релево“ пренесува дека „кралевите“ веќе го меркаат Чаби Алонсо за нов тренер и тоа во 2025 година. Алонсо е поранешен играч на клубот, човек кој имаше импресивни резултати со Баер Леверкузен во натпреварувачката 2023/2024, па на негова адреса пристигнаа атрактивни понуди од Ливерпул, Баерн Минхен кои ги одби, но тешко дека тоа одново ќе го направи ако добие повик од актуелниот европски првак. Истиот овој медиум пренесува дека Перез не планира комплетно да се ослободи од Анчелоти и ќе му понуди алтернативна улога во клубот, амбасадорска или висока советничка позиција....

Јувентус се врати на победнички патеки во Серија А и тоа против Торино кој беше совладан на „Олимпико“ со 1-0 со погодокот на Пауло Дибала во првото полувреме. „Волчицата“ беше под голем притисок изминативе денови по катастрофата на „Артемио Франки“ во Фиренца и поразот од 5-1, пораз кој не беше прифатен од навивачката база, имаше критики, испратени пораки, а играчите беа и исвиркани пред соочувањето со „биковите“. -Важно беше да се вратиме по Фиренца против тежок тим. Момците направија добро. Игравме добро, добро притискавме. Ова беше предизвикувачки момент, но помина добро. Мора да ги израдуваме навивачите. Слушав и по некој аплауз. Мислам дека можеме да ја вратиме нивната доверба со вакви настапи. Ова е голема цел за тимот, -истакна тренерот Иван Јуриќ и додаде: -Разбирливо, имаше тешки моменти по Фиренца, но сега останува да размислуваме само за играње фудбал. Мора да бидеме фокусирани на фудбалот и ништо друго. Денеска видов фокусиран тим. Не му препуштивме многу на Торино и јас сум многу задоволен. -Не можам да бидам премногу задоволен. Можеме да направиме многу повеќе и да ја вратиме довербата на навивачите. Можеме да го направиме тоа со овие претстави со цврстина и идеи, -додаде Хрватот. Standings provided by Sofascore...

Патрик Виера своите најдобри играчки денови ги мина носејќи го дресот на премиерлигашот Арсенал, клуб во кој остави неизбришлива трага во периодот од 1996 до 2005 година, период на златните денови на „топчиите“ кога редовно се освојуваа титули во Премиер лигата, ФА Купот и Комјунити Шилд. Со оглед на минатото и врската со клубот, Виера и денеска сака да го види Арсенал како е успешен, напредува, освојува пехари, па така тој даде еден предлог во управата, менаџерот Микел Артета за ангажман на еден напаѓач, талентираниот Џон Дуран од редовите на Астон Вила. -Ми се допадна неговиот настап против Баерн Минхен. Тој е вистински играч за Арсенал – брз, несебичен, цврст во воздухот, технички вешт и интелигентен во движењето, -вели Патрик кој смета дека „топчиите“ ќе бидат поинаков состав со класична деветка. -Прашањето е дали Арсенал може да ги постигне своите цели со вистински голгетер или со лажна деветка. Хаверц се претстави добро од почетокот на сезоната и има потенцијал да ја исполни таа улога. Но, како што покажа Манчестер Сити, имањето чист напаѓач како Халанд прави полесно да ги добивате натпреварите, -заклучи асот кој е роден во Дакар....

Серхио Рамос со месеци е без ангажман или поточно откако му заврши договорот со шпанскиот прволигаш Севилја. Неговото име се поврзуваше со некои клубови од Европа, но и со оние во САД, Обединетите Арапски Емирати, Саудиска Арабија, но досега ниту едно од тие сценарија, понуди не беше прифатена од искусниот дефанзивец. Сега на Рамос му се отвара нова можност, опција да го напушсти стариот континент и се пресели во великан од Јужна Америка. „Релево“ пренесува дека Бока Јуниорс е заинтересирана за 38-годишниот Шпанец на кого би му бил понуден договор вреден 5 милиони евра. Ако каже „ДА“, Серхио би се преселил во Буенос Аирес во месец декември, поточно би имал можност да се навикне на животот во новата средина пред да започне сезоната во 2025 година. Во досегашната кариера Рамос освен за Севилја настапуваше за Реал Мадрид и ПСЖ....

Сан Антониот Спарс успеа да слави над Јута Џез во Солт Лејк Сити (106:88) во меч во кој централна фигура беше првиот пик на драфтот од 2023 година, Виктор Вембањама. Французинот беше прв стрелец со 25 поени, а зад своето име додаде уште 9 скока, 7 асистенции, 5 украдени топки и 5 блокади. Ова за центарот втор „5×5“ натпревар во досегашната НБА кариера, поточно со конретен учинок во најмалку пет категории. Со ова влезе во одбрано друштво затоа што досега само на двајца играчи им успеало да имаат повеќе натпревари со вакво достигнување и тоа легендарниот Хаким Олајџувон (6) и Андреј Кириленко (3). -Тоа ми кажува дека треба да ги кренам моите стандарди кога немам 5×5, бидејќи можам да му помогнам на мојот тим во сите тие области. Тоа треба да биде конзистентна работа. -Како што кажав и претходно, тоа е нешто што мора да го имаме, нешто што морам да го имам почесто за да му помогнам на мојот тим, -порачал Виктор....

Рома ја забележа третата сезонска победа во Серија А и тоа против Торино кој беше совладан на „Олимпико“ со 1-0. Клучниот момент се случи во 20 минута кога Дибала успеа некако да ја смести топката во мрежата на „биковите“. -Победата беше од суштинско значање за нас. Беше тешка недела за нас. Очигледно, ги разбираме навивачите, но денешниот натпревар беше толку важен на сите фронтови. -Моравме да победиме, да одиграме добро и да дадеме нешто повеќе бидејќи, на крајот на денот, ова е игра. Можете да изгубите, но секогаш мора да давате се од себе. Многу сум разочаран од играта против Фиорентина. Морав да испратам порака, а победата беше клучна, -рече Дибала кој проговори и за погодокот. -Не знаев каде сум. Знаев дека голот е празен бидејќи голманот беше пред мене. Мислев дека голот е таму, па само ја шутнав топката. За среќа, влезе, но не знаев каде сум, -откри Аргентинецот....

Давид Де Хеа од оваа сезона повторно е активен на големата фудбалска сцена и тоа како голман на Фиорентина каде во досегашниот тек покажува дека се уште е на највисоко ниво и е огромно засилување за калчолигашот. Де Хеа е во одлична форма и тоа уште еднаш го потврди на вчерашниот меч против Џенова кој „виолетовите“ го добија со 1-0 со погодокот на Госенс во второто полувреме. Меѓутоа да не беше искусниот голман трите бода немаа да завршат на „Артемио Франки“, имаше неколку добри интервенции од кои најзначајната, најатрактивната беше во судиското продолжение кога успеа чудесно да ја скроти топката по ударот на Васкез. Сосема очекувано Шпанецот беше прогласен за играч на натпреварот. Parate decisive che valgono a De Gea il Panini player of the match di #GenoaFiorentina 🥇 pic.twitter.com/guH4hFiz6J — Lega Serie A (@SerieA) October 31, 2024 All in for the De Gea fine wine era 🍷 Look at the dusty ol’ gem from Spain. Top top class. 1-0 @ACFFiorentinaEN #GGMU pic.twitter.com/xtrUmBmZx3 — \W/ags (@superkeeper33) October 31, 2024...

Кошаркарите на Далас Маверикс претрпеа пораз од Хјустон Рокетс (102:108) во дербито на Тексас во НБА лигата. Избраниците на Кид имаа статус на фаворити во ова соочување, но гостите уште од првата четвртина поставија темпо, игра, се стекнаа со предност која не ја испуштија за трето сезонско славје или поточно сега имаат учинок 3-2 исто како Маверикс. Шестмина играчи на „ракетите“ имаа двоцифрен учинок, се издвои одличниот Грин со дабл-дабл од 23 поени и 12 скокови. Дончиќ и Ирвинг н другата страна немаа соодветна поддршка од соиграчите, Кајри реализираше 28, додека Лука 29 кошеви. Феникс Санс пак на крилјата на расположениот Букер го совлада Лос Анџелес Клиперс со 125:119. „Сонцата“ губеа и со 21 разлика на ова соочување, но во ниту еден момент не се откажаа и предводени од Девин со 40 поени, 5 скока, 8 асистенции и 3 украдени топки се изборија за славје во Калифорнија. Значајна улога одигра и резервистот О’Нил со 21 поен и 7 скока. Харден и Зубац кај поразените забележаа дабл-дабл учиноци. НБА резултати: Гризлис – Бакс 122:99 Маверикс – Рокетс 102:108 Џез – Спарс 88:106 Клиперс – Санс 119:125...

Реал Мадрид не испрати свои претставници на церемонијата на „Франс Футбол“ за доделување на „Златната топка“ иако доби награда во повеќе категории. Оваа одлука за „кралевите“ за бојкот дојде по информацијата која ја добиле за Винисиус Жуниор, поточно дека престижното признание нема да заврши во рацете на Бразилецот по што бил откажан чартер летот за Париз. Ваквиот потег на актуелниот европски и шпански шампион донесе критики, а меѓу оние кои е најгласен е првиот човек на Ла Лига, Хавиер Тебас кој јавно во повеќе наврати се има декларирано како навивач на Реал. Тебас за бојкотот на Реал на „Златната топка“: Клубот го загуби џентлменскиот менталитет -Позицијата е неразбирлива. Тоа беше детски став или наречете го како што сакате. Да се ​​доведува во прашање Франс Фудбал и награда која трае долги години и да се каже дека УЕФА влијаела да не му се даде на Винисиус е недостаток на витештво. Тоа е однесување на доминација, се чини дека сè треба да се врти околу нив, -вели Тебас....

Ерик Тен Хаг долго време ја имаше поддршката од управата на Манчестер Јунајтед иако резултатите не беа на посакуваното ниво, но поразот од Вест Хем ја прели чашата и клубот одлучи да се раздели со холандскиот стручњак. Ова за многумина беше (не)очекувано со оглед на сите претходни изјави, меѓутоа премиерлигашот се реши да преземе конкретен чекор и во исчекување на тоа кој ќе биде новиот тренер, привремено решение е легендата на клубот Руд Ван Нистелрој, ас кој од сезонава беше дел од стручниот штаб на Тен Хаг. Токму Руд обелодени каква била реакција и како неговиот сонародник го прифатил отказот од „Олд Трафорд“. -Да, го видов [Тен Хег] во понеделникот и разговарав со него пред натпреварот. Беше разочаран и трогнат бидејќи навистина се грижеше за клубот. -Првите разговори што ги имавме кога се вратив во клубот, почувствував дека се грижи и го сака клубот и сака да го одведе напред. Затоа е повреден што мораше да замине, но и горд на неговото достигнување овде, освоените двата купа, -вели Ван Нистелрој....

Пеп Гвардиола не можеше да добие полоши вести на гостувањето во Северен Лондон, бидејќи покрај елиминацијата од Лига Купот, се соочи со нов пех кога е во прашање здравствениот билтен. Бразилецот Савињо си нанесе штета на скочниот зглоб и беше изнесен на носилки од теренот во Северен Лондон, а тоа е убедливо најлошата вест која ја доби Гвардиола од натпревар кој за него очигледно немаше голема важност. Пеп веќе години наназад не му дава никакво значење на второто по ранг Куп натпреварување во Англија, но најдобар доказ за тоа добивме на натпреварот кој се одигра во средата. Во самата завршница кога Сити бркаше резултат (2:1), на Гвардиола поинтересно му беше нешто што се случуваше на клупата, нешто што дефинитивно не е карактеристично за него кога станува збор за натпревар во Премиер лигата или Лигата на шампиони. Пеп се смееше „под брк“ во завршните минути од продолжението, а во слично расположение беа и Халанд и Аканџи, на кои по се изгледа воопшто не им падна тешко елиминацијата во Лига Купот. Pep Guardiola looked so proud despite being eliminated from the Carabao Cup.😂pic.twitter.com/JYEVxXrJIu — Ezenwayi Camp Nou 💙♥️ (@Jiji_Byte) October 31, 2024 Видеото погледнете го ТУКА...

КАрлос Алкарас освои два грен слем трофеи оваа сезона и играше финале на Олимписките игри, но сепак Шпанецот во ниту еден момент не дојде блиску до првото место на АТП листата, а тоа е така поради порази како оној синоќа. За разлика од Јаник Синер, светскиот рекет број два е доста понеконстантен и повремено си дозволува лош ден на теренот, меѓутоа во последните две години му се случува своевидно дежа-ви по доброто лето кое го остава зад себе. Алкарас доживеа неочекувана рана елиминација на Ју-Ес Опен, не се прослави и во Шангај пред неколку недели, а вчера загуби од Иго Имбер во осминафиналето на Мастерсот во Париз. – Никогаш не сакате да се простите од турнирот толку рано, но особено е тешко кога ќе загубите тесен меч. Боли тоа што не ги искористив моите шанси во третиот сет, мислам дека можев да направам повеќе, – изјави Алкарас по поразот 6:1, 3:6 и 7:5. – Знаев дека нема да биде лесно против Иго, кога играм против него, секогаш сум подготвен да трчам многу. Тој има силни удари, игра рамно и дава се од себе во секој замав со рекетот. Се обидов да се вратам, успеав во тоа, но сепак не бев на високо ниво до самиот крај, – додаде Карлос, кој смета дека организаторот на турнирот во Париз направил голема грешка со промената на подлогата. – Имав добри настапи во сала во Дејвис Купот, но тој терен беше многу побавен од овој. Ова беше најбрзата подлога на еден Мастерс турнир од серијата 1000. Да бидам искрен, не знам зошто целосно ја променија подлогата во споредба со минатите години. Очигледно требаше да дојдам порано во Париз за да се навикнам на овие услови, – заврши Шпанецот....

Новак Ѓоковиќ има година која е далеку под неговото ниво, ниту една освоена АТП титула, но „грабна“ злато на Олимписките игри во Париз, нешто за кое сонуваше и се обидуваше да го оствари подолго време. Србинот повеќе не се форсира и прашање е кој ќе биде следниот турнир на кој ќе настапи, па дефинитивно останува дилемата колкава е мотивацијата за во блиска иднина со оглед на тоа што веќе ги нема ниту главните конкуренти од неговата генерација Рафаел Надал, Рожер Федерер, Енди Мари…а и ги има освоено сите можни титули на сцената. -Мислам дека ќе му биде последна година. Ќе биде тешко да се освојат уште неколку слемови. Ако Австралија Oпен започне утре, тој би бил трет фаворит што е солидно. Нема сомнеж дека може да ja освои Австралија Oпен. Тој ја освои oлимпијадата на земјена подлога што е неверојатно. Може да освои уште еден или два слемa. Вимблдон секако. Сè уште нема толку многу врвни играчи на трева, -вели Патрик Мекинро посочувајќи дека бил во право кога кажал дека Ѓоковиќ нема да има успеси во 2024 година. -Ќе игра се додека мисли дека има шанса. Му предвидував дека оваа година нема да има многу успех, луѓето мислеа дека сум луд. Ама триумфираше на ОИ. Многу размислуваше за златниот медал и неверојатно успеа, -порача тенискиот аналитичар....

Екипата на Еурофарм Пелистер конечно дојде до победа во Лигата на шампионите и тоа на гостувањето во Данска кај Фредерија каде славеше со резултат 25:23. „Зелено-белите“ го загубија првиот дел со 12:9, но по паузата покажаа друго лице, одигра далеку поефикасно во нападот, направија пресврт и дојдоа до славје со кое му го препуштија „фенерот“ во групата А токму на противникот. -Честитки до мојот тим за победата. Одигравме одлично, победивме квалитетна екипа. Ова не беше натпревар без грешки, особено ги имавме во првото полувреме, ама во тој период трипати се вративме од негатива од три гола. -Во продолжението одигравме како тим, честитки уште еднаш до момците. Верувам дека овде нема да застанеме. Работевме напорно за да стигнеме до овој резултат. Ова беше важна победа за нас, историска во ЛШ, -истакна тренерот Звонко Шундовски. Клучен играч во триумфот беше голманот Никола Митревски кој имаше дури 15 интервенции. -Честитки за победата. Во првото полувреме не бевме на посакуваното ниво ама покажавме борба и бевме добри во транзиција. Во вториот дел заигравме многу подобро и така остана до самиот крај, -порача искусниот голман....

Македонскиот репрезентативец, Марио Илиевски беше стрелец во убедливото издание на ЦСКА 1948 над Беласица во Купот на Бугарија. Фаворитот се пласираше во осминафиналето на ова натпреварување откако „испука петарда“ во мрежата на противникот на негов терен. Во дебито на тренерот Иван Иванов се функционираше во клубот од Софија и славеше со 5-0. Нашиот Илиевски беше стартер и токму тој со голот во 31 минута ја најави доминацијата на ЦСКА. Сега напаѓачот и колегите можат да се фокусираат на соочувањето со Берое во домашниот шампионат....

Микел Артета и Арсенал и сезонава имаат шампионски амбиции во Премиер лигата, а „топчиите“ уште отсега размислуваат и за одредени засилувања за наредниот период. Според вообичаено добро информираниот „Билд“, Арсенал стапил во контакт со агентите на Лерој Сане, испитувајќи ја ситуацијата и расположението кај германскиот репрезентативец за трансфер во Лондон. Сане има променлива минутажа во редовите на бундеслигашот, но Баерн се обидува да обезбеди продолжување на неговиот договор, со што ќе биде избегнат статусот на слободен агент следното лето. Договорот на Сане истекува во јуни, па тоа е една од поатрактивните детали кои дополнително ги привлекува ривалите на германскиот клуб. Артета има одлично мислење за Сане бидејќи двајцата веќе соработуваа во Манчестер Сити и би сакал да го има во својот тим, па останува фудбалерот да реши дали ќе одлучи за враќање во Премиер лигата....

Армани Милано го победи италијанскиот ривал Виртус Болоња (99:90) и ја прекина серијата без победа во кошаркарската Евролига. Ненад Димитријевиќ и неговите соиграчи имаа двоцифрена предност во првиот дел, но гостите од Болоња се вратија во натпреварот во продолжението и најавија драматичен финиш на дербито. Виртус имаше и предност во завршните десет минути, но Милано навреме се разбуди и во последните минути го контролираше резултатот, користејќи и неколку важни асистенции на македонскиот репрезентативец. Димитријевиќ го заврши дуелот со 6 поени, 2 скока и 9 асистенции, а најефикасен во неговиот тим беше Миротиќ со 21 поен. Кај Виртус, Шенгелија стигна до 25, а Белинели до 21 поен, но составот од Болоња го доживеа шестиот пораз. Армани Милано има ефект 2:5 и е пред италијанскиот ривал на табелата....

Рома и Лацио го комплетираа 10. коло во Серија А со победи над Торино, односно Комо, а поубедливи беа „бјанкочелестите“ на своето гостување на кое постигнаа пет гола. Рома поведе со 1:0 уште во 20. минута, а таа предност ја задржа до крајот на средбата и освои три важни бодови. Гостинската одбрана направи голема грешка, а Пауло Дибала го искористи тоа за да го совлада Милинковиќ-Савиќ и донесе радост за домашните фанови. Лацио беше поубедлив на гостувањето кај Комо и со победата (1:5) се најде на делбата на четвртото место со Фиорентина, истиснувајќи го Јувентус на шестото место на табелата. Кастелјанос и Педро во првиот дел ја најавија победата, Комо намали преку Мацители, а во продолжение Патрик, Кастелјанос и Чаунига ги поставија конечните 1:5. Лоша вест за Лацио е исклучувањето на Тавареш, фудбалер кој игра во одлична форма, но сега ќе го пропушти следното коло. Рома има шест бодови помалку од градскиот ривал и стигна на еден бод негатива зад денешниот противник Торино....

Олимпијакос во неколку дена успеа да ги победи шпанските великани Реал Мадрид и Барселона, а вечерва го доби дуелот со Барса со убедливи 95:74. Лидерот во Евролигата немаше решение за мотивираните домаќини во Пиреја, па Олимпијакос стигна до уште една важна победа пред своите навивачи. Фурние со 19 и Везенков со 18 поени го предводеа грчкиот состав, додека Пантер со 18 поени беше најефикасен во редовите на Барселона, екипа која го доживеа вториот пораз сезонава. Реал Мадрид врза два пораза по ред, денеска од Макаби Тел Авив со резултат 79:78, па сега има негативен ефект 3:4 во Евролигата. Гостите влегоа со плус девет во последниот период, но израелскиот состав не се откажа и во завршницата се избори за голема победа и тоа поените на Ли во последната секунда. SABEN LEE FOR THE WIN 😱@MaccabiTLVBC #MotorolaMagicMoments I @Moto pic.twitter.com/LOPCbZxJYq — Turkish Airlines EuroLeague (@EuroLeague) October 31, 2024...

Жозе Мурињо денеска е актуелен во медиумите поради една бизарна ситуација на тренингот на Фенербахче, каде токму тој настрада од еден од своите фудбалери. Португалецот го следеше надигрувањето меѓу двата поделени тима во тренинг центарот на Фенер, кога еден од играчите на турскиот клуб го оттурна својот тренер, а Мурињо заврши на тревата. Лекарскиот тим нормално реагираше панично, но Португалецот за среќа помина без повреда и можеше да им се врати на своите обврски. Нешто подоцна, самиот Мурињо го објави видеото со порака до помладите колеги. – Порака до младите тренери, никогаш не носите исти бои како играчите. Можат да ви додадат топка или да ве удрат од зад грб, – напишал Мурињо. José Mourinho posted this video in IG, with the caption: “Lesson to young coaches, never wear same colour as players😂… they can pass you the ball… or kick you from behind” And he tagged not only Ismail Yuksek (player who bumped him), but also Fellaini and Kumbulla. 😂😂😂 pic.twitter.com/SIobFe43QM — IM🇵🇹 (@Iconic_Mourinho) October 31, 2024...

Карлос Алкарас беше прв фаворит на Мастерсот во Париз, но не успеа да обезбеди ниту четвртфинале на овој престижен турнир. Вечерва, Шпанецот загуби од домашниот претставник Иго Умбер, во меч кој траеше повеќе од два часа и донесе три сета на задоволство на тениските фанови. Умбер беше убедлив во првиот сет кој го доби со 6:1, но Алкарас избори решавачки сет бидејќи вториот сет го доби со 6:3. Третиот сет донесе најголема неизвесност и кога мечот се ближеше до решавачки тај-брејк, Французинот направи брејк во дванаесеттиот гејм за 7:5 и голема победа во „Берси“. Следен противник на Умбер ќе биде австралискиот тенисер Џордан Томпсон. 🔥 𝗘𝗫𝗖𝗘𝗣𝗧𝗜𝗢𝗡𝗡𝗘𝗟 𝗛𝗨𝗠𝗕𝗘𝗥𝗧 🔥 Ugo Humbert s’offre le n°2 mondial Carlos Alcaraz et se qualifie en 1/4 de finale du #RolexParisMasters 🤯🇫🇷 Le Français égale la plus grande victoire de sa carrière. 👏 pic.twitter.com/azsTQrXsVS — Univers Tennis 🎾 (@UniversTennis) October 31, 2024...

Атлетико Мадрид вечерва му гостуваше на шестолигашот Вик во натпревар од шпанскиот фудбалски Куп и на крајот стигна до посакуваната цел со победа со резултат 0:2. Сепак, избраниците на Диего Симеоне не се прославија на оваа средба, бидејќи до 80. минута не можеа да го скршат отпорот на нисколигашот и не постигнаа гол со кој можеа да очекуваат помирен финиш. Клучниот момент се случи кога синот на Чоло, Џулијано Симеоне избори пенал, а неговиот сонародник Хулијан Алварез реализираше од белата точка во 80. минута. Десет минути подоцна, Алварез постигна уште еден гол за конечни 0:2 во корист на фаворитот. Ex Manchester City Striker Julian Alvarez 🇦🇷⭐️ puts Atlético Madrid ahead vs 6th Tier UE Vic with 10 Minutes to Gopic.twitter.com/laG8FZKpIk — Every Premier League Club (@EveryPremier) October 31, 2024 Julian Alvarez 🇦🇷⭐️ secures the Win for Atlético Madrid in the Copa del Rey with his Second Goal of the Night ⚽️⚽️pic.twitter.com/C3lpPxnt1M — Every Premier League Club (@EveryPremier) October 31, 2024...

Фиорентина ја продолжи позитивната серија во италијанското првенство и со триумфот над Џенова (0:1) си обезбеди место во Топ 4 друштвото во Серија А. Клучниот момент на натпреварот се случи во 72. минута, кога во шеснаесетникот на Џенова најдобро се снајде Робин Госенс и го постигна голот за победа на „виолетовите“. Фиорентина со 19 бодови сега е на четвртото место на табелата и го истисна Јувентус од Топ 4 во Серија А, а денеска до позитивниот резултат стигна и до многу важните Кеан и Гудмундсон кои се повредени. Џенова останува на дното на табелата со само 6 освоени бодови на 10 одиграни натпревари....

Енцо Фернандез не беше во прв план на менаџерот Енцо Мареска на последните натпревари на Челси, а се чини аргентинскиот репрезентативец имал сериозни приватни проблеми изминатиот период. Англиските таблоиди најавија, а неговата досегашна сопруга потврди дека двојката се разделува и преку Инстаграм објасни дека таа и Енцо не се во лоши односи и ќе се грижат заеднички за двете деца. Енцо и Валентина Сервантес се заедно пет години и имаат две деца, од кои второто има десет месеци, а познатата инфлуенсерка ја потврдила разделбата за да прекине долги шпекулации на ова тема. – Енцо и јас решивме малку да се дистанцираме, но секогаш ќе останеме фамилија и меѓусебно ќе се поддржуваме, – стои во дел од објавената содржина на досегашната сопруга на светскиот шампион со Аргентина. View this post on Instagram A post shared by • 𝐕𝐚𝐥𝐞𝐧𝐭𝐢𝐧𝐚 𝐂𝐞𝐫𝐯𝐚𝐧𝐭𝐞𝐬 • (@valucervantes)...

Македонскиот првак Еурофарм Пелистер победи на гостувањето кај Фредериција (23:25) и го оствари првиот триумф во актуелната сезона во ракометната Лига на шампиони. Данскиот претставник беше подобар тим во првото полувреме, па и покрај расположениот Митревски на голот, Фредериција постојано водеше, за солидна предност од 12:9 на полувреме. Сепак, избраниците на Звонко Шундовски се прикажаа во многу подобро светло во продолжението, успеа да ја преземе предноста на 13:14 и 15:16, а од тој момент до крајот постојано имаше водство и заслужено стигна до двата бода на ова гостување. Покрај одличниот Митревски кој доминираше на голот на Еурофарм Пелистер со 15 одбрани и успешност од 39%, во реализацијата се истакнаа Кузмановски со 5, односно Пешевски и Хосни со по 4 гола. На спротивната страна, Андерсен го заврши натпреварот со 4 погодоци. По седум одиграни рунди и три освоени бодови, Еурофарм Пелистер се искачи на шестото место на табелата во својата група во Лигата на шампионите....

Менаџерската смена во Манчестер Јунајтед подразбира и промени во однос на фудбалерите кои ќе бидат во прв план кај наследникот на Ерик тен Хаг, што истовремено значи предвремено збогување со дел од актуелните ѕвезди. Премиерлигашот ќе треба да се подготвува за следните преодни рокови и да исполни дел од барањата на новиот менаџер, но веќе е јасно дека едно од скапите засилувања на Тен Хаг нема иднина на „Олд Трафорд“. Се работи за Антони, бразилскиот интернационалец кој за голема сума пристигна од Ајакс, но никогаш не ги оправда очекувањата, а ни инвестицијата. Скромните перформанси на Антони беа комбинирани со неговите повреди и проблеми со законот, па навивачите нема премногу да жалат доколку Јунајтед се ослободи од него во некој од двата следни преодни рокови. Трансфер сумата која е платена за овој играч е најава за голема загуба, но „црвените ѓаволи“ сакаат да заштедат барем на ставката плата и поради тоа веќе им порачале на агентите на Антони дека треба да размислуваат за неговата следна дестинација....

Јирген Клоп предизвика бура реакции откако прифати работа во гигантот Ред Бул и ќе биде инволвиран во функционирањето на фудбалските клубови кои се контролирирани од моќниот спонзор, а во последното подкаст гостување зборувал на различни теми. Доскорешниот менаџер на Ливерпул гостувал во подкастот на Феликс Крос, братот на попознатиот Тони Крос и една од темите кои била начната е мислењето на Клоп за Серхио Рамос. Германскиот стручњак не е голем фан на шпанскиот стопер, а причина е неговиот старт над Мохамед Салах во финалето на Лигата на шампионите во 2018 година. Египетската ѕвезда заврши со повреда на рамото и мораше да го напушти теренот, а Рамос на истиот натпревар имаше судир и со голманот Лорис Кариус, кој направи неколку големи грешки. – Дали господинот Рамос е добро момче? Тој дефинитивно не е мојот омилен фудбалер. – Тој негов потег беше брутален, не можеше да знае дека ќе заврши со повреда на рамото, но сите знаеме дека го прифати резултатот со задоволство. – Никогаш не можев да го разберам тој менталитет. Никогаш сум немал такви фудбалери во мој тим, а ако биле веќе таму, се осигурував дека брзо ќе заминат, – рекол Клоп....

Матс Хумелс се приклучи на познатите фудбалски имиња кои го критикуваа бојкотот на Реал Мадрид на церемонијата за доделување на „Златната топка“, а Германецот го споредил шпанскиот клуб со Доналд Трамп. Претседателот Флорентино Перез и неговите соработници решиле да го откажат чартерот со кој делегацијата на Реал требаше да отпатува во Париз, а причина за бојкот е фактот што клубот дознал дека главната награда нема да заврши кај Винисиус. – Потегот на Реал во политичка верзија ме потсетува на однесувањето на Доналд Трамп по последниот пораз на изборите. Тие покажаа непочитување кон останатите присутни и тоа не е добро. – Родри ја освои Премиера лигата, Европското првенство, загуби еден од последните 80 натпревари и постигна многу важни голови. Факт е дека и некој фудбалер на Реал можеше да ја освои наградата, но постојат и други одлични фудбалери, – рекол Хумелс....

Вирџил ван Дајк во својата последна изјава направил споредба со Вилијам Салиба од редовите на Арсенал и искрено признал дека е импресиониран од неговиот помлад колега. Дефанзивецот на Ливерпул зборувал за подкастот на Рио Фердинанд и истакнал дека посебно го почитува Салиба. – Очигледно е дека Салиба се движи во правилна насока. – Тој е прв на кој ми текнува кога треба да издвојам квалитетен колега, посебно ме импресионира кога топката е кај него. – Ако треба да бидем искрен, јас бев далеку од таа форма на негова возраст. Тоа е и една од убавините на фудбалот, сакам да ги гледам другите дефанзивци и да „соберам“ нешто позитивно од нив, – истакнал Ван Дајк....

Јувентус ги фрустрираше своите фанови со уште едно реми и уште еден неуспешен обид да се победи на натпревар во Серија А во обидот да се одржи чекор со клубови со слични амбиции, како што се Наполи и Интер. Ремито со Парма не оствари простор за позитивен впечаток и покрај фактот што Јуве останува единствена екипа без пораз, а гостите не искористија неколку големи шанси со кои можеа да го освојат и целиот плен на „Алијанц“ во Торино. По натпреварот, критики стигнале и од поранешната ѕвезда, Алесио Такинарди, кој не може да пронајде оправдување за дел од потезите на Тиаго Мота, вклучувајќи го и фактот што Кенан Јилдиз повторно почна од клупата. – Не е коректно да оставите млад фудбалер кој неодамна постигнал два гола против Интер на клупата – Посебно на натпревар кој мора да се добие, бидејќи Наполи и Интер полека се оддалечуваат. – Да бидам искрен, на моменти случувањата на теренот беа засрамувачки за Јувентус, – рекол Такинарди, алудирајќи на конфузните потези на одбраната на „бјанконерите“ и шансите на Парма за трет гол....

Раководството на Барселона посебно внимава на договорите со големите таленти кои потекнуваат од сопствената младинска академија, а денеска стана јасно дека дополнително сигурност е постигната околу подолгиот престој во Каталонија на Фермин Лопез. Шпанскиот клуб потврди дека Лопез потпишал петгодишен договор, кој сигурно ќе му донесе и напредок во однос на финанскиот дел, а откупната клаузула ќе биде тешка 500 милиони евра. – За мене ова е остварување на сонот, сон кој е актуелен уште од пристигнувањето во „Ла Масија“. Среќен сум за себе и мојата фамилија, за тоа што ќе бидам дел од клубот за кој сонував да настапувам уште од дете, – изјавил Лопез. Фермин пристигна во Барса во 2016 година и дебитираше уште минатата сезона под водство на поранешниот тренер Чави. Тренерот Ханси Флик потврди дека има сериозни планови со 21-годишниот фудбалер со неговиот настап во дерби победите над Баерн и Реал Мадрид, Фермин Лопез веќе си обезбеди место и во шпанската репрезентација. Летоска беше дел од „фуријата“ која стигна до европско злато, а потоа и еден од најзаслужните што Шпанците триумфираа на Олимписките игри во Париз. Here’s to many more years as a Blaugrana, Fermín 💙❤️ pic.twitter.com/5NWzTlcOJI — FC Barcelona (@FCBarcelona) October 31, 2024...

Рубен Аморим наскоро ќе го преземе Манчестер Јунајтед, но преговорите со неговиот актуелен клуб Спортинг не се комплетирани и самиот тренер истакнал дека допрва треба да биде донесена конечна одлука. Аморим денеска најавил дека очекува подетална информација за „трансферот“ по утрешниот дуел од португалската лига, во кој Спортинг се среќава со Естрела. – Се работи за преговори меѓу два клуба и тоа никогаш не е едноставно. – Дури и со јасни клаузули преговорите никогаш не се лесни, двете страни треба да преговараат, но очекувам се да биде јасно по утрешниот натпревар. Дотогаш се треба да биде решено, – изјавил Аморим. Интересно е што Спортинг во вторник игра со градскиот ривал на Јунајтед, Манчестер Сити, а пред паузата за натпреварите во Лигата на нации следува и пресметката со Брага. Јунајтед вчера го победи Лестер под водство на Руд ван Нистелрој, а се чини дека Холанѓанецот ќе ја води екипата и на дербито со Челси, против ПАОК во Лига Европа и повторно против Лестер на 10. ноември....

Шпанската фудбалска федерација денеска официјално одложи пет натпревари од првата и втората шпанска лига, вклучувајќи го и соочувањето на Валенсија и Реал Мадрид. Валенсија и околниот регион беа погодени од поплави кои однесоа и многу човечки животи, поради што федерацијата реши да одложи неколку натпревари кои требаше да се играат во овој дел од Шпанија. Покрај дуелот Валенсија и Реал, од првата лига нема да се одигра ниту натпреварот меѓу Вилјареал и Рајо Валјекано. Одложени се и три натпревари од втората лига и тоа соочувањата Кастелјон-Ферол, Елденсе-Уеска и Леванте-Малага. Реал Мадрид уште претходно ја информираше Валенсија дека ќе прифати било какво решение донесено од федерацијата и коректно потврди дека останува на располагање за било каква помош во оваа несакана ситуација....

Дури единаесет натпревари се одиграа во НБА лигата, а богатата понуда донесе и многу квалитетни потези низ арените во Соединетитте Американски Држави. Избрани се најдобрите моменти, а лидер на најновата листа е асоот на Индијана Пејсерс, Паскал Сиакам кој со тројка во продолжението му пресуди на актуелниот шампион Бостон Селтикс. Тука имаме и други мајстории како монструозната блокада на Ален против Лејкерс, атракцијата на Адебајо, забивањето на Леброн…...

Фудбалската федерација на Македонија (ФФМ) ја извести јавноста дека денеска (31. октомври 2024) се пристигнати дописи до првиот човек Муамед Сејдини со кои дел од членовите на Управниот одбор бараат закажување на итна седница. Согласно Статутот на ФФМ, претседателот на ФФМ има обврска да свика седница во рок од 21 ден од денот на приемот на барањето за свикување на седница на Управен одбор. Во спротивно, членовите на Управниот одбор имаат право седницата да ја закажат самостојно. Јавноста ќе биде навремно известена за понатамошните случувања....

Барселона наредната седмица гостува во Белград и тоа на соочување со Црвена Звезда во рамките на 4. коло во Лигата на шампионите. Ова е дуел кој ќе се игра во среда во терминот од 21 часот, натпревар за кој има огромен интерес и веќе нема карти во продажба, поточно до последно место ќе биде исполнета „Маракана“ (Рајко Митиќ). -Одамна не се случило вака стадионот да распродаден. И сигурно да имавме капацитет од 150.000, сигурно се ќе се продадеше. Карти веќе нема со денови. Многу луѓе, особено од регионот, од Словенија, Унгарија, Романија, Бугарија, сакаа да купат и да ја гледаат Барселона. Мислам дека успешно го избегнавме тоа, бидејќи сакавме да имаме добра енергија, добра атмосфера, да имаме навивачи на Црвена звезда на стадионот. -Би сакал да ја искористам оваа прилика да ги поканам сите навивачи на Црвена звезда да влезат што е можно повеќе, да го гледаат натпреварот против Војводина и да им дадат поддршка на нашите играчи, бидејќи тоа е последната проба, тест пред Барселона, -истакна генералниот директор на „црвено-белите“, Звездан Терзиќ за „РТС“....

Баерн Минхен ритински и без никакви проблеми се справи со Мајнц во 1/16 финалето на Купот на Германија. Гостите славеа со 4-0 и тоа со четири погодоци постигнати во првите 45 минути, Мусиала забележа хет-трик, а во листата на стрелци се запиша и Сане. Баварците беа доминантни упатија далеку повеќе удари, ја имаа топката во своите нозе, па затоа е чудно обвинувањето на еден од домашните играчи Доминик Кор дека судијата Саша Штегеман одиграл своја улога во оваа победа на фаворитот. -Судијата денеска носеше дрес на Баерн. Тоа треба јасно да го кажеме. Секој мала одлука беше во корист на Баерн. Вториот гол беше чист офсајд. Тоа е бонусот за Баерн, -порача Кор кој за ова може да заработи казна....

Рома има далеку од посакувани резултати во актуелнава сезона која е турбулентна од самиот старт, сезона во која неочекувано беше сменет Даниеле Де Роси по што пристигна Иван Јуриќ кој исто не се снаоѓа најдобро, па во последното коло беше доживеан и вистински дебакл на гостувањето во Фиренца кај Фиорентина. На ултрасите, најжестоките навивачи веќе им е преку глава и испрати директна порака како до сопствениците така и до тренерот, но и до играчите. -Клуб на кловнови, тим од промашување, спакувајте ги куферите… и одете по ѓаволите (благо кажано), -стоеше на транспарентот поставен пред „Олимпико“. „Волчицата“ вечерва игра со Торино ии останува да се види каква ќе биде атмосферата....

Рафаел Леао е еден од најважните, клучните играчи на Милан, но тој често знае да се изгуби во одредени периоди од сезоната, да не биде на посакуваното ниво, но никогаш не му се случило да остане без првотимски статус, поточно да не биде стартер. Тој веќе на два лигашки натпревари не е во почетната постава на „росонерите“, против Удинезе воопшто не доби ниту шанса, додека пак на дербито со Наполи влезе во второто полувреме. Тоа доволно говори дека има одреден проблем, ситуација иако тренерот Пауло Фонсека ги отфрли овие информации, но дефинитивно е чудно играч од таков калибар да не биде стартер во важен меч како оној со наполитанците кој на крајот им припадна на гостите со 2-0. Мауро Тасоти е легенда на „росонерите“, скоро две децении го носеше дресот на истиот, а потоа долго време работеше како тренер, скаут, привремено решение во таборот на италијанскиот великан, па така според него оваа ситуација е неповолна за сите страни. -Милан не може без него, тој е премногу важен за тимот. Не ја знам ситуацијата внатре, но да го задржам на клупата како казна е една работа, но ако Леао остане надвор поради технички избор, тогаш нешто не е во ред. Ако имате одличен играч во вашиот тим, треба да го ставите во состојба да го изрази најдоброто од себе. Во ред е да се прават ротации на моменти за да се поттикне да биде подобар, но без да дојде до мазохизам. -Да бидам фер, очекував да го видам како стартер против Наполи. Тој сигурно би создал опасности на левата страна, можеби од некој друг би можело да се побара жртва да покрива. Мората веќе трча како очаен. Леао секогаш имаше одлични партии против Наполи, ако се чувствува добро, треба да го држите на теренот што е можно подолго. Ако тој не е фит, тоа е друга работа. Но, тој е најсилниот играч во тимот, ако може, мора да игра. Можеше да ја искористи својата брзина [против Наполи]. Според мене, тој треба да го прави тоа уште повеќе, особено кога ја нема топката. -Премногу често ја сака топката на нозе. Тој лесно може да трча покрај своите противници; треба да трча без топка, а потоа да шутира со еден допир, избегнувајќи ги сите тие дриблинзи. Мора да стане покомплетен: на овој начин уште повеќе би ги исплашил противниците. Менаџерот треба целосно да го опорави. Од тука до крајот на сезоната треба да го поминува времето на теренот, а не на клупата. -Тој има свои карактеристики, никогаш нема да го видиме Леао како се убива правејќи одбранбени зафати. Однесувањето е поинаква работа и правилно е Леао да има соодветен став. Сепак, тој никогаш нема да биде дарежлив играч; тоа е прашање на карактер. Мората отсекогаш бил таков, тој не е. Има играчи кои често ги делат неговите исти карактеристики, имаат сличен став – Касано ми доаѓа на ум, мора да бидеш на негов грб цело време, -вели Тасоти и додава: -Рафа на моменти претерува, многу бавно ја враќа топката со висната глава: тоа е досадно за навивачите. Тоа може да додава побрзо и со поинаков став, но да го убедите да ги прави работите на одреден начин е во рамките на задачите на менаџерот. Соиграчите исто така можат да го туркаат и тој ќе разбере порано или подоцна, бидејќи не е глупав. Очекував поголема хармонија меѓу двајцата [Леао и Фонсека], мислев дека врската ќе биде полесна бидејќи зборуваат на ист јазик, -порача Тасоти за „Газета Дело Спорт“....

Ливерпул успеа да се пласира во четвртфиналето на англискиот Лига Куп и тоа откако го совлада Брајтон на негов терен со 3-2. Клучна улога во овој триумф имаше холандскиот репрезентативец, Коди Гакпо кој постигна два гола во 46 и 63 минута, а по средбата менаџерот Арне Слот јасно порака дека тој сигурно ја има улогата на старер во екипата. -За мене Гакпо е редовен стартер. Тој е нашиот клучен играч. Можеби нема да го започне секој натпревар, но во најголем дел од времето ќе биде стартер, -рече Слот кој на таа позиција го има Луис Дијаз. -Тоа е жестока конкуренција меѓу Гакпо и Луис Дијаз. Ама тоа е нормално во клуб како Ливерпул, -истакна стратегот. Премиерлигашот на другата страна како сигурно решение го има Мохамед Салах, додека некако најотворена е позицијата „девет“ затоа што освен Нуњез, тука е и Жота, а екипата може да игра и без класична деветка како што Арне играше на вчерашниот натпревар....

Најдобриот хрватски ракометен тим Загреб во наредниот период ќе добие нов тренер и тоа откако досегашниот предводник Андрија Николиќ одлучи да си поднесе оставка. Загреб претрпе убедлив пораз на гостувањето во Германија кај Магдебург (36:24), пораз кој беше шести во седмиот натпревар во елитното натпреварување, па Николиќ реши да повлече потег и да го напушти кормилото на клубот. Тимот од хрватската престолнина допрва ќе го решава ова прашање, но она што е познато е дека со Николиќ си заминува и Иван Чупиќ кој беше дел од стручниот штаб, поточно асистент. Ова за легендата на Вардар беше прво тренерско искуство и сигурно истото ќе му значи во понатамошната кариера....

Интер ги освои трите бода на гостувањето кај Емполи и одново дојде на минус четири во однос на актуелниот лидер на табелата Наполи. „Нероаѕурите“ во вториот дел го скршија отпорот на противникот со погодоците на Фратези (2) и Мартинез максимално користејќи ја предноста од човек повеќе на теренот. -Во првото полувреме не ја движевме топката доволно брзо, но им реков на момците дека Емполи ќе се измори. Тие имаа играч помалку, а ние моравме да продолжиме да ја движиме топката. Така ќе најдеме решенија, што и се случи, -рече тренерот Симоне Инѕаги кои се уште има измешани емоции кога е во прашање изгубеното водство со Јувентус во дербито од претходнот коло. -Имав измешани чувства. Гледајќи го настапот што го имавме во неделата, нешто не функционираше. Ќе заслужевме повеќе, но ова е фудбал. Веројатно, моравме да направиме уште повеќе. Работевме и се обидовме да се опоравиме во овие два и пол дена. Важно е да управувате со енергијата. -Играме на високо ниво, а неколку клучни играчи се во аут. Ова малку влијае на менаџирањето. Барела и Мхитарјан играа последователни натпревари. Фратеси стартуваше во три натпревари и одигра 30 минути против Јувентус. Во моментов без Аслани во средината на теренот, не можевме многу да ротираме во средниот ред во последните неколку натпревари, -порача Инѕаги....

Црвена Звезда доживеа болен пораз од Жалгирис во Евролигата, пораз од 86:84 со поените на ветеранот Брајант Данстон со звукот на сирената. Данстон ја „смрзна“ Звезда со звукот на сирената (Видео) „Црвено-белите“ имаа многу осцилации во играта, ама фатија ритам во вториот дел и се вратија во игра, беа рамо до рамо со домаќинот и беа блиску до комплетен пресврт. Тоа сценарио не се случи, а според клубот од Белград заслуга за тоа имаат судиите кои не си ја завршиле работатата како што треба. -Навистина болен пораз, особено што се вративме од голема негатива од првото полувреме каде не одигравме како што треба, бевме пасивни. Тоа го променивме во вториот дел, се вративме во игра и имавме шанса да победиме до крајот. Јас сум во фазон да оставам времето да помине, да ми се олади главата, да не збориме за судиите, сепак кога ќе ги видам сите видеа јасно е дека судиите влијаеле на овој резултат денес и навистина не сум бил актер во ваков меч долго време. -Со сите грешки што ги направивме и промашени слободни фрлања, загубени топки, сето тоа го земам предвид, но некои ситуации беа само очигледни. Гледам во клупата на Жалгирис и гледам дека и тие гледаат дека има фаул во напад, веќе ја организираат одбраната, судијата носи тотално спротивна одлука. -Тој мој фаул во нападот, тоа е навистина… Беше минимален контакт, дури и го фатив малку со рака, падна како воз да го удрил. Се обиде да извлече фаул и успеа. Кој мисли дека тоа е офанзивен фаул, не знае ништо за кошарка. Три четвртини судеа што треба да направат, не се мешаа премногу во глупости и во последните пет минути… Скандал, навистина скандал, -истакна Немања Недовиќ за „Спорт Клуб“....

Лос Анџелес Лејкерс беше надигран на соочувањето со Кливленд Кавалирс во Охајо, убедлив пораз од 134:110. Се очекува многу борба на теренот, вистинско дерби, меѓутоа домаќините имаа поинаков план и му одржаа вистисна лекција на противникот, па сосема еден друг момент се најде во фокусот на јавноста. Имено Брони Џејмс доби шанса во завршницата и ги постигна своите први поени во НБА лигата, поени кои донесоа радост и кај домашните фанови кои бараа да влезе во игра, нешто што и се случи. Bronny James scores his first-career bucket! Special moment in Cleveland 💯 pic.twitter.com/pauUZQ14AX — NBA (@NBA) October 31, 2024 -Беше лудо. Многу полудо отколку што очекував, но ова е љубов. Тоа е лудо. Навистина одличен момент. Поддршката од навивачите навистина ме трогна. Се чувствував одлично, осбеноза тоа што доаѓам од овде. Посебен момент за мене, тоа е сигурно, -истакна Брони кој е роден во Акрон. Горд беше и татко му Леброн кој порача: -Тој се справи со тоа подобро отколку јас во таа ситуација – 20.000 фанови му викаа да влезе и да сака тој да биде во играта, а ако улогите беа обратни, не знам дали ќе можев да се носам со тоа. Да се ​​види како ги постигнува своите први НБА поени во оваа арена каде што порасна недалеку од овде, тоа е неверојатен момент. Неверојатен момент за него, пред се. За нашето семејство. Прилично е убаво да се биде дел од него, -рече Џејмс....

Манчестер Јунајтед веќе подолго време има гол играч од светска класа, ас кој ќе знае да донесе многу голови, да има вистинско влијание, да игра играчот на кој ќе се темели играта. Пред неколку години Јунајтед одлучи да го избере Расмус Хојлунд пред Хари Кејн, поточно не сакаше да издвои повеќе пари за анлискиот репрезентативец кој потоа заврши во Баерн Минхен каде прави разлика со постигнатите погодоци. Двајт Јорк беше дел од едно успешно време на „црвените ѓаволи“, па како човек кој знаеше како да ги матири противничките одбрани има едно интересно решение за поранешниот клуб кога е во прашање позицијата „девет“, ангажман на членот на Ливерпул, Дарвин Нуњез. -Доколку можам да потпишам „деветка“ за Манчестер Јунајтед, тогаш би се обидел да го донесам Дарвин Нунез од Ливерпул. Повторно, знам дека луѓето може да се потсмеваат на тој предлог, тој е малку надвор од форма, луѓето му даваат стап, но јас сум убеден дека таму има чудовиште на играч кој чека да излезе. Тој има присуство, има нешто гадно со него и мислам дека е вистински човек. -На Манчестер јунајтед му треба играч кој може да се однесува како фокусна точка и да му го даде тоа присуство на теренот. Ним им треба некој со физичките атрибути на Дарвин Нуњез. Тој е некој што би се обидел да го донесам. Ако барам деветка во моментов, би искористил шанса со овој човек. -Оли Воткинс е одличен напаѓач, но мислам дека на Јунајтед му треба некој со малку повеќе физичко присуство на врвот. Убеден сум дека ако го играте од недела во недела, Дарвин ќе кине во Премиер лигата, -смета Јорк кој долго време играше на островот и многу добри ги знае состојбите....

Интер ја оправда улогата на фавориит и славеше на гостувањето кај Емполи со 3-0 во меч во кој еден од головите беше дело на Лаутаро Мартинез кој со ова стана најдобриот странец стрелец во историјата на клубот од Милано. Капитенот е среќен поради новото достигнување, но пред се поради освоените три бода против тимот кој сезонава знае да биде доста тврд и ретко губи. -Емполи е во форма и тежок проотивник. Имаат физичка подготвеност и играат добро во средниот ред. На најдобар начин го подготвивме натпреварот. Полесно е кога имаш играч плус, но мораш да победиш. Да не се прими гол беше важно. Навистина ни беа потребни овие три бода, -рече Лаутаро кој не е задоволен од седмото место во трката за „Златната топка“. -Овие награди понекогаш се неправедни, но јас сум задоволен од работата што ја работам.Се враќам во форма. Како што знаете, ја започнав претсезоната подоцна по долга кампања. Не се одморив многу и играв многу, па нормално е да сум уморен. Но, сите се трудиме да дадеме се од себе и мора да продолжиме бидејќи сезоната е уште долга, -порача Аргентинецот....

Борусија Дортмунд има навистина лош старт на сезоната во која најновиот удар е елиминацијата во Купот на Германија од Волфзбург. „Милионерите“ во домашниот шампионат се на 7. позиција со 13 бода или 7 помалку од лидерите Баерн Минхен и Лајпциг по осум одиграни кола. Екипата покажува две различнии лица кога игра во својот дом и на страна, пред домашните фанови има перфектнии четири од четири, додека на гости само еден бод на четири лигашкии средби. На последните пет средби во сите натпреварувања клубот има четири порази, но без разлика на овој учинок тренерот Нури Шахин ја има довербата од управата на клубот. -Јасно е дека не сме задоволни од целокупната состојба на нашите резултати. Но, мораме да се држиме заедно и да работиме напорно на работите. Заостануваме во нашите цели. Но, заедно ќе поминеме низ тоа. Ова е ситуација со која Дортмунд успешно се справуваше во минатото, -порача спортскиот директор Себастијан Кел. Следно за Борусија е дербито со РБ Лајпциг....

Составот на Пелистер го претрпе вториот пораз во третиот натпревар во АБА2 лигата. Клубот од Битола загуби од српски Џокер со 81:77 во меч во кој три четвртини беше подобар од противникот, но третиот период го одигра под нивото, прими 25 поени што на крајот дефинитивно се одрази врз конечниот резултат. -Противникот имаше седумнаесет скокови повеќе од нас, тоа се седумнаесет напади повеќе и нормално дека тука лежи причината за поразот. Штета за оваа шанса што не се појави, имавме многу отворени шутеви, промашивме и бевме брзоплети во нашите напади во финишот, -истакна тренерот на „зелено-белите“, Александар Петровиќ. Следната средба за Пелистер во ова натпреварување исто е против Џокер, ама на негов терен во Сомбор....

Манчестер Сити не успеа да дојде до позитивен резултат на соочувањето со Тотенхем и поразот од 2-1 значеше елиминација на екипата од англискиот Лига Куп. „Граѓаните“ настапија со коомбиниран состав на гостувањето во Лондон, а една од причините за тоа се големиот број на повредени играчи, листа која расте и на која нов член е Савињо кој на носилки беше изнесен од теренот. Претходно Мануел Аканџи беше повлечен од стартната постава на загревањето што значи дека тренерот Пеп Гвардиола има големо главоболки затоа што недостапни му се играчи како Де Брујне, Воккер, Грилиш, Доку… -Ние сме 13 играчи, така што е навистина тешко. Мислам дека сме во неволја, бидејќи за девет години никогаш не сме имале ситуација со многу, многу повреди. Во овие ситуации играчите прават чекор напред, тие се повеќе заедно од кога било. Тие ќе се обидат да направат повеќе оваа недела со кратко време за закрепнување, -порача Гвардиола. Сити до репрезентативната пауза има дуели со Борнмут, Спортинг Лисабон ии Брајтон....

Индијана Пејсерс издвојува победа над Бостон Селтикс од 135:132 во највозбудлиот меч кој рано утрово се одигра во НБА лигата. Само на соочувањето во Индијанаполис мораа да се играа дополнителни минути откако региларниот дел заврши со резултат 124:124. Во продолжението домаќините беа на повисоко ниво и со 11:8 дојдоа до триумф со кој ги израдуваа фановите, а во исто време му го нанесоа првиот пораз на актуелниот шампион во натпреварувачката 2024/2025. Матурин и Сиакам со дабл-дабл ефекти беа најдобри кај Пејсерс, првиот имаше 30 поени со 11 скока, вториот 29 кошеви со 11 скокови. Залудни на другата страна беше учинокот на Тејтум од 37 поени, 8 скока, 4 асистенции и 4 украдени топки. Кливленд Кавалирс и Лос Анџелес Лејкерс требаа да одиграа дерби, меѓутоа домашните играчи имаа поинаков план и го разбија противникот со 134:110. Кавси уште во првата четвртина уфрлија 42 поени и стекнаа со огрома предност која потоа без проблеми ја одржуваа. Шестмина играчи кај победникот беа двоцифрени, лидер беше Мобли со 25 кошеви. Џејмс и Дејвис на другата страна искомбинираа 48 поени, а воедно вреди да се спомене дека Брони Џејмс ги постигна првите поени во кариерата во НБА. Резултати: Хорнетс – Репторс 138:133 Кавалирс – Лејкерс 134:110 Пејсерс – Селтик 135:132 прод. Сиксерс – Пистонс 95:105 Визардс – Хокс 133:120 Хит – Никс 107:116 Булс – Меџик 102:99 Гризлис – Нетс 106:119 Тандерс – Спарс 105:103 Вориорс – Пеликанс 104:89 Клиперс – Блејзерс 105:106...

Валенсија е во хаос, а причината за тоа е природната катастрофа која ја погоди овој регион од Шпанија, временска непогода која нанесе огромни штети и однесе голем број на човечки жртви. Нашиот репрезентативец Столе Димитриевски како член на шпанскиот прволигаш е директен сведок на тоа што се случува и ја опиша ситуацијата како критична. -Голема катастрофа! Трагедија за луѓето, за целиот град и држава. Немам прецизни информации, но ситуацијата е дефинитивно критична. Се зголемува бројот на загинати и исчезнати. -За среќа не се најдов во епицентарот на несреќата. Живеам на периферија, малку надвор од градот. Ние сме безбедни. Во нашето подрачје се случи големо невреме. Ветерот и дождот истовремено создаваа проблеми, ама не се заврши трагично како во самиот град. Разговарам со соиграчите кои ме информираат. Велат дека се плива, дека дури и цел мост е урнат. Поројот носи автомобили. Ми кажаа дека вакво нешто со години не се случило во Валенсија, -вели Димитриевски во разговорот за „Меридијан Спорт“....

Јувентус и понатаму е единствениот тим без пораз во Серија А, но во исто време е и состав кој тешко победи и потврда за тоа се само четирите остварени триумфи во десет кола што дефинитивно е скромен учинок за клуб кој секогаш го напаѓа врвот и титулата во шампионатот. „Старата дама“ прави киксово против екипи од кои се очекува да ги добие особено на домашен терен, последен пример е Парма која си замина непоразена од Торино играјќи 2-2. Гостите беа констатна опасност, па дури и можеа да ги освојат и трите бода ако беа подобри во завршницата на акциите. -И дозволивме премногу на Парма, создадовме и многу, но мора да се обидеме да избегнеме да дадеме толку многу можности за гол во контра-напади. На моменти работевме добро, во други не толку, треба да го подобриме односот од добро со лошо. Мораме да го користиме нашиот стил на фудбал на подолги периоди за да го ставиме противникот под постојан притисок, -вели тренерот Тиаго Мота. -Грешките што ги направивме беа технички во последната третина на двете страни. Не смееме да дозволиме да има контра секој пат кога ќе направиме грешка и ќе ја загубиме топката, особено кога Парма имаше крилни играчи кои чекаа само на тие моменти да не повредат. Копмајнерс е важен играч за нас, но не може да биде единствениот. Треба да работиме како тим за да ја одржиме таа рамнотежа и да го направиме тоа како колектив. Понекогаш стануваше малку хаотично и ако не можеме да ги завршиме потезите, тогаш противниците ќе тргнат на контра и ќе ја искористат предноста. Тоа е нешто што треба да го избегнеме. -Треба да бидеме веднаш агресивни за повторно да ја вратиме топката и да не дозволиме да одат во контра. Тоа е затоа што напаѓаме со многу играчи и се обидуваме да го „поплавиме“ нивниот шеснаесетник, треба да ги вратиме противниците назад и да не им дозволиме да спринтуваат 60-70 метри кон нас, -додаде Мота. Нареден ривал на „бјанконерите“ е Удинезе....

Манчестер Сити доби двоен удар во осминафиналето на Лига Купот, бидејќи англискиот шампион од една страна претрпе пораз и елиминацијата од Тотенхем, но најверојатно остана и без еден од најдобрите играчи од стартот на сезоната. Проблемите со повредени фудбалери му носат се поголеми главоболки на Пеп Гвардиола, а од синоќа Шпанецот ќе мора да се моли и за најдоброто летно засилување. Савињо се повреди во второто полувреме од мечот во Северен Лондон, но веднаш стана јасно дека станува збор за посериозна повреда на зглобот, поради која Бразилецот го напушти теренот на носилки и со солзи во очите. Овие сцени не се воопшто добра најава за медицинските тестови кои следат, а стравувањата се дека десното крило може да паузира неколку месеци. Покрај Савињо, Гвардиола поради повреди не може да смета и на Вокер, Аканџи, Родри, Де Брујне, Оскар Боб, Доку и Грилиш. Savinho was in tears as he was stretchered off for Man City vs. Tottenham with an injury. pic.twitter.com/36r0Z4OK0a — ESPN FC (@ESPNFC) October 30, 2024 Wishing you a speedy recovery, Savinho! 🥺💔 pic.twitter.com/gYWgtniqnA — City Xtra (@City_Xtra) October 30, 2024...

Руд Ван Нистелрој доживеа уште една магична ноќ на „Олд Трафорд“, овојпат како менаџер на првиот тим кој даде извонреден одговор на теренот по турбулентната недела во клубот. Манчестер Јунајтед му врачи отказ на Ерик Тен Хаг и реши да стави крај на соработката по поразот од Вест Хем, а тоа како да ги мотивираше играчите од првиот тим да го покажат своето најдобро лице против Лестер. Тимот на Тен Хаг ниту еднаш не постигна пет гола против премиерлигашки тим, но три дена по неговото заминување, Рун Ван Нистелрој од клупата гледаше како Јунајтед ги распарчува „лисиците“ со 5:2. Без оглед на тоа колку ќе остане на клупата, Холанѓанецот сигурно долго ќе се сеќава на оваа ноќ во Лига Купот, а по победата самиот призна дека е подготвен да биде еден од помошниците на најавениот нов менаџер, Рубен Аморим. – Секако дека стојам на располагање за следниот тренер. Дојдов тука да бидам асистент и да му помогнам на клубот со таква улога. Сега помагам во друга улога, но подготвен сум да му помогнам на клубот на било каков начин. Дојдов тука да помогнам и сакам да останам. – Тука сум за да му служам на Јунајтед, сакам да дадам се за овој клуб во било какво својство. Има луѓе во клубот кои добро знаат дека секогаш го сакам најдоброто за Манчестер, – изјави Руд....

Одредени се паровите за четвртфиналната рунда во англискиот Лига Куп или попознат како Карабао Куп. Во осминафиналето беа елиминирани неколку квалитетни тимови од кои најдобриот секако е Манчестер Сити, но исто „паднаа“ и клубови како Астон Вила и Челси. Сите клубови во четвртфиналето се од Премиер лигата, фаза во која најзначајниот меч, дербито ќе се игра во Лондон каде Тотенхем ќе го пречека Манчестер Јунајтед. „Петлите“ го елиминираа Сити и сега ќе имаат можност да му пресудат и на другиот тим од Манчестер. Ливерпул ќе има нов гостински предизвик против Саутемптон, Арсенал ќе биде фаворит со Кристал Палас, додека возбудливо треба да биде и соочувањето на Њукасл со Брентфорд. Овие пресметки ќе се играат на средината на месец декември. The Carabao Cup quarter-finals are set! 🚨 pic.twitter.com/9kvEjBQv25 — Sky Sports Football (@SkyFootball) October 30, 2024...